رواية هذا أنا بقلم أحمد سمير حسن | كاملة

"من أخبرك بأن هذه هي حياتك الأولى؟" نظر لي الطبيب باستخفاف وقال: - تفتكر ذكريات مش بتاعتك إزاي يعني يا أستاذ أحمد؟ = صدقني زي ما بقول لحضرتك، أنا بفتكر ناس تانية وبحس بحنين ليهم، وأنا صغير كان ممكن أتخيل مكان مروحتوش قبل كده، لكن مع الوقت بقيت أفتكر مواقف وأحداث كاملة. - طيب ممكن تديني مثال؟ صمت للحظات وقلت بحزن: - يعني أنا مثلاً مش بخلف، لكن في بنت معينة أنا فاكرها، وفاكر تفاصيلها، البنت دي بنتي، اسمها سما، أنا بفتكر كمان يوم ولادتها! لكن كلها ذكريات مشوشة. = يا أستاذ أحمد، إللي حضرتك بتقوله مالوش أي تفسير علمي، لكن في نظرية اسمها تناسخ الأرواح بتقول إن روح الإنسان لما بتموت بتسكن جسد تاني، لكن برضه لو افترضنا أن ده حقيقي رغم إن مفيش أي إثبات علمي، مفيش أي حد حصله كده غير حضرتك! صمت للحظات أتابع نظرات الشك في كلامي، أعلم أنه قد يظن إنني أتيت إليه بغرض...