رواية هي الاولى والأخيرة الفصل الرابع 4 - بقلم زهرة عصام

حسن دخل بلهفة يشوف رغد بس وقف واتصدم لما شاف صورة سجي مكسورة على الأرض. بصلها بغضب وقال: أنا عارف إنك كسرتيها عن قصد. مسكها من دراعها جامد وقال: أنا هكسرك زي ما كسرتيها. أيسل بصدمة: أنت بتقول إيه؟ دي صورة سجي. خلاص راحت فوق بقي. حسن هزها جامد وهو بيقول: راحت أه، بس لسة في قلبي. أوعي تفتكري إنك هتاخدي مكانها، نجوم السما أقربلك يا أيسل. أنتي فاهمة؟ زقها جامد، وقعت على الإزاز جرحت إيديها.

حسن ميل جنبها، أخد الصورة وخرج بره. أيسل بوجع: تصدق يا ض إنك متخلف. آه يا إيدي، يا رب يجيلك إسهال في مناخيرك يا شيخ. بعد شوية الباب خبط. حسن فتح الباب. حسن باحترام: اتفضل يا عم. سلطان: فين أيسل؟ عاوز أشوفها. حسن: دقيقة وهتجيلك. اتفضل جوه. سلطان دخل والقلق مالي قلبه من ساعة ما كلمته وهي بتعيط. حسن دخل لأيسل، لقاها بتحاول تلف إيديها ونقط الدم على الأرض. غمض عينه جامد وشد على شعره وقال بهدوء: والدك قاعد بره.

وطبعاً مش محتاج أقولك هتعملي إيه. وسابها وخرج يقعد مع سلطان. أيسل خرجت والدموع على خدها من اللي شافته. المفروض إن الليلة دي كانت تبقى أجمل أيام حياتها. على الرغم من إنها اتنازلت عن الفرح، إلا إنها حاسة بكسرة. أيسل خرجت وسلطان وقف. أيسل وقفت قدامه وعنيها بتقول كتير من غير ولا كلمة. حضنته وعيطت. صوت عياطها ارتفع وحسن واقف مستغرب. أيسل: مش قادرة يا بابا. وهمست في ودنه: خليه يطلقني. سلطان بفرغ: إيه؟ ليه؟ إيه اللي حصل؟

حسن استغرب بس حب ينسحب ويسيب مساحة ليهم. أيسل: أنا مش عاوزة أقعد هنا. خدني معاك يا بابا، متسبنيش. سلطان: إنتي عاوزة الناس تطلع عليكي كلام؟ استهدي بالله واقعدي في بيت جوزك وعيشي يا أيسل. أيسل بسخرية: طبعاً مراتك ما صدقت تخلص مني. وبصت له وقالت: إنت عمرك ما هتفهمني. كل حاجة كلام الناس، كلام الناس يا أخي. ينعل أبو الناس كلها. حسن طلع على صوت الزعيق بس بقي يتفرج من بعيد.

أيسل حطت إيديها على بوقها وبصت للكنبة وكانت هتنام عليها. سلطان واقف مصدوم منها وبص عليها لقاها بتنام. جرى عليها وقال: أيسل! إنتي سمعاني؟ أوعي تنامي. أيسل أبوس إيدك أوعي تغمضي عينيك. حسن مش فاهم حاجة بس جري عليها قعد قدامها وأبوها بيحاول ميخليهاش تنام. هند دخلت البيت وهي حاسة بالفخر. قابلت جوزها بيبصلها بلوم وقال: ارتاحتي لما ولعتيها يا هند؟ هتعملي إيه تاني؟ البنت عملت فيكي إيه عشان تعمليلها كدا ها؟ هند بعناد وقهر: