رواية هي الاولى والأخيرة الفصل السابع 7 - بقلم زهرة عصام

هند بشماتة: هتنزلي تخدمي عليا أنا وأصحابي؟ قولتلهم إني جايبة خدامة جديدة هتريحنا أوي. أيسل بصدمة: أنزل أخدم عليكي انتي وصحابك؟ اممم تمام اتفضلي حضرتك وأنا نازلة وراكي. هند: بس بسرعة لأني مش هستحملك كتير. أيسل: بقي كدا يا ولية يا حرباية؟ عاوزاني أنزل أخدمكم؟ عنيا حاضر. وبصت لرغد وشالتها وقالت: أما أوريكِ، مبقاش أنا اسمي أيسل. أيسل نزلت ليها ودخلت قعدت على أول كرسي قابلها وهي شايلة رغد بتلاعب فيها.

هند وأصحابها متجمعين وأيسل مش مدية اهتمام لحد منهم وبتلاعب رغد بس. هند: انتي هاتي البنت وشوفي لنا حاجة نشربها. أيسل: كملت لعب مع رغد اللي بدأت تلاعبها وتبتسم على خفيف. هند وقفت قدامها: انتي يا خدامة انتي، أنا مش بكلمك. أيسل ببرود: الخدامة ترد عليكي بقى؟ هند بصت لأصحابها اللي بدأوا يتكلموا عليها وعلى معاملتها ليها. هند أخدت رغد غصب عن أيسل ووقفت قدامها ضربتها تلات أقلام على خد واحد. أيسل مفيش دمعة من

عينيها نزلت وقالت ببرود: اعتذري دلوقتي بدل ما أخليكي تعتذري قدام الشارع كله. هند: أنا أعتذر لواحدة زيك؟ إيه؟ مفيش غير الخدامة اللي هتتكلم كمان. إبراهيم شاف الموقف كله وزعل جداً على أيسل، بس مرضيش يدخل عشان الضيوف اللي في البيت. أيسل هزت كتفها وقالت: انتي اللي اخترتي يا حماتي العزيزة. أخدت رغد وطلعت على شقتها، مسكت الفون واتصلت بحد وقالت حاجة وقبلت.

حطت رغد على السرير وقالت: عنيا حاضر يا حماتي العزيزة، يظهر سكوتي عليكي انتي وابنك افتكرتوا إني ضعيفة. بصت لنفسها في المرايا وقالت: أنا فعلاً ضعيفة، لكن عمري ما هبين ضعفي دا لحد تاني، على جثتي. *** حسن راجع من بره، أمه مسكته على السلم وبخت سمها في ودنه كالعادة. هند بمسكنة: يرضيك أقولها تعملي حاجة ليا وأصحابي تقولي الخدامة بتاعتك تعملك؟ يظهر إنك سكتلها كتير يا حسن، هزقتني يا حسن وكسفتني قدام صحابي.

حسن طلع جري على فوق، وهند ابتسمت بخبث وهي بتقول: استلقي وعدك بقى يا قطة. لفت لقت إبراهيم في وشها، تفل عليه وقال: حسابك لما ضيوفك يمشوا. حسن دخل الأوضة متعصب، لقي أيسل دموعها بتنزل وخدها أحمر وشايلة رغد بتسكتها. حسن لسه هيتكلم سمع صوت عربية الشرطة، نزل وأيسل نزلت وراه، ورشا نزلت جري تتفرج. -دا منزل إبراهيم عامر. إبراهيم: أيوه حضرتك، في إيه؟ -معانا أمر بالقبض على مراتك المدام هند، يا ريت تتفضل معانا بدون شوشرة.

حسن اتصدم وهند ضربت على صدرها وقالت: يا لهوي، انت بتقول إيه؟