رواية قلبي الذي احبها الفصل الثاني 2 - بقلم الكاتبة الصغيرة

بيجري رعد وبيوصل البيت بيلاقي الدكتور خارج من أوضة جده (حكيم) رعد: خير يادكتور، في إيه؟ الدكتور: خير، هو بس السكر كان عالي ولازم حد ياخد باله منه بعد كده. رعد: تمام يادكتور. مشي الدكتور ورعد دخل عند جده. رعد: قوم ياحكيم، إنت كويس أهو وبتسم. الجد: طبعًا ياواد، ده أنا لسه شباب وبيضَحك. نروح عند حور واللي بتكون نامت من كتر التفكير. وسليم روح بعد لما رن على رعد كتير ومعرفش إيه حصل. ***

وبنبدأ يوم جديد، تشرق الشمس على أبطالنا. حور: صحيت على خبط على الباب وخافت، راحت تشوف مين، لقت سليم، فتحت الباب. سليم: إيه يا بت، إنتِ كل ده نوم؟ حور: معلش. سليم: ولا يهمك، أنا جبت لك أكل. حور: لا شكرًا، مش جعانة وبتتكسف. سليم: متتكسفيش كده بس، ويلا نفطر. بيفطروا فعلًا، وبينزل سليم، وحور بتفضل تفكر لحد ما بتشوف وظائف وتفكر تقدم. ***

بيصحي رعد وبيقوم ياخد شاور، وبيلبس بدلة أسود في كامل الأناقة، وبيحط البرفان الخاص بيه، وبينزل رعد يروح الشركة. بيدخل الشركة بكل هيبة، وكل عادة كل الموظفين بينبهروا بيه. سليم: صباح الخير يا صاحبي، كان فيه إيه امبارح كده؟ رعد: بدأ يحكيله كل اللي حصل. سليم: لا، ألف سلامة، ومكلمتنيش أجي ليه؟ رعد: عدت على خير بقى. وبيبدأوا الشغل. بيجي الليل ورعد بيمشي يروح على البار. سيليا: إيه يا بيبي، كل ده مش بتيجي، بقالك يومين.

رعد: كنت مشغول يا قلبي، وفضيت لك أهو. سيليا: يعني هنسهر النهارده؟ رعد: طبعًا. سيليا: قولت لجدك إننا مخطوبين ولا لأ؟ رعد: لسه، بس هعرفه. سيليا: امتى بس يا بيبي؟ رعد: قريب، وبس بقى، متقلبيش دماغي. *** حور بتكون جابت شركات تقدم فيها، وعملت الغدا ومستنية سليم. بيخبط سليم وبتفتحله. سليم: أنا شامم ريحة أكل، صح؟ ده. حور: هههه، آه، أنا عملت أكل. ويقعدوا ياكلوا.

حور: ممكن أعمل مكالمة لصاحبتي من تليفونك، لأني مش معايا التليفون. سليم: طبعًا يا سلام، امسكي. حور بترن على صاحبتها، وبيفضلوا يتكلموا. سليم بينزل لما بيلقاها اندمجت في الكلام وفرحانة. حور: إيه ده، نزل وساب الفون. الفون بيقوم رانن، بتسيبه حور وبرضو بيفضل يرن. حور: ألو. رعد: بيسمع الصوت وبيسكت، وبيحس بضربات قلبه علت، وبـ يقفل السكة. بتستغرب حور، بس بتعدي الموضوع، وبـ تدخل تنام.