رواية لست مذنبة بقلم امل صالح | كاملة
قيّم الرواية:
لا توجد تقييمات بعد
من أحداث الرواية
ينفع تطلع تقولهم إنك مش موافق عشان أنا ماشية على حَل شعري، وإنك شوفتني مع واحد قبل كدا.؟ اتفاجئ من كلامها وبص ليهم من الباب اللي كان متوارب ورجع بصلها وقال وهو بيضحك بعدم تصديق: - أنتِ بتقولي اي بس يا آنسة مريم؟ محدش جاب سيرتك بوحش خالص! إزاي بتقولي كدا. شاف الدموع في عينها من ورا نقابها وهي بترد عليه: - أرجوك.. كملت وهي بتبص لإيدها اللي جرحتها من كُتر الفرك فيهم وقالت وكأنها مش في وعيها: - أنت لو قولتلهم كِدا هيقتلوني. كان بيبصلها بصدمة بتزداد مع كل كلمة بتقولها خصوصًا لما قالت وهي بتبصله: - ودا اللي أنا عيزاه. - لا حول ولا قوة إلا بالله! أنتِ كويسة يا مريم؟ هم مهددينك بحاجة؟ أنا أرفض لو هما غاصبينك. شافها بتهز راسها بسرعة بِ "لأ" وهي بتقول بصوت مبحوح: - كدا هَ يؤذوني أكتر، أنا الموت عندي أهون والله. بص ناحية الباب وشاف عمها اللي عينه ثابتة عليهم...
