رواية منتقبة اثرت قلبي الفصل السابع 7 - بقلم اسماء السيد

فادي وصل أسماء وأحلام وكان ماشي. بابا أسماء شافه وقال: "رايح فين يابني؟ فادي: "هروح ياعمي." بابا أسماء: "لا يابني الوقت متأخر، مينفعش." فادي: "ياعمي مينفعش." بابا أسماء: "والله ما ماشي، ريح نفسك." فادي بيأس وتعب باين عليه: "اللي تشوفوه يابابا." أحمد أخد فادي وشادي معاه الأوضة. أحلام راحت بيتها. أسماء دخلت أوضتها. الشباب من كتر التعب ناموا. وأسماء صلت ونامت. الصبح أحمد صحي وبيصحي فادي. بس فادي تعبان وحرارته مرتفعة.

المشكلة إن شادي زيه برضو. أحمد قال لباباه. بابا أسماء جبلهم الدكتور. كشف عليهم واداهم دوا. وأسماء كانت هتموت عشان فادي وعايزة تشوفه. بس شادي جوا. استنت أحمد يطلع وقالها إن شادي هيروح المستشفى بس فادي لأ. بابا أسماء وأحمد أخدوا شادي المستشفى. أسماء ومامتها عند فادي. فادي حرارته مرتفعة. أسماء عايزة تعمله كمادات بس مينفعش. مامتها بتعمله وحرارته نزلت بس كان نايم. مامتها طلعت تجيب ميه.

أسماء بتعيط: "ربنا يشفيك ويعافيك يارب، ياريت كنت أنا بدالك." وبعدين فادي فتح عيونه وقال: "بعيد الشر عنك، أنا أفديكي بروحي." أسماء بتعيط وخايفة عليه. بس مامتها جت وأسماء طلعت بره. راحت اتوضت وفضلت تصلي وتدعي ربنا يشفيهم. في المستشفى. شادي كان عنده سخونية شديدة. الدكتور اداله علاج وعلقله محلول. بابا أسماء وأحمد معاه. أحلام كانت في المستشفى عند واحدة صحبتها. وبالصدفة

شافتهم وراحت عندهم: "إزيك يا عمي، في إيه مالكم بتعملوا إيه هنا؟ بابا أسماء: "شادي تعبان وجبناه هنا، وكمان فادي بس في البيت." أحلام بقلق: "مالهم يا عمي، عندهم إيه؟ بابا أسماء: "فادي سخونية وشادي حمى." أحلام: "ربنا يشفيهم ويعافيهم يارب." أحلام استاذنت ومشيت. الدكتور طلع من عند شادي وقال: "الحمد لله، هو بقى كويس دلوقتي، ممكن يطلع النهارده." كلهم دخلوا يطمنوا عليه. في البيت. فادي اتحسن وبقى كويس الحمد لله.

أسماء ومامتها اهتموا بيه. وبابا أسماء وأحمد رجعوا شادي البيت. فادي وشادي كانوا نايمين. فضلوا نايمين فترة وبعدين فادي صحا وسألهم في إيه وهما قالوا له. اطمن على شادي ونام تاني. بعد كام ساعة فاقوا الاتنين وبقوا كويسين. شويه وجهزوا وكله. وقرروا يرجعوا بيوتهم. وهما ماشيين أسماء بتبص لفادي وعايزة تكلمه بس محرجة. وفادي عايز يكلمها بس مش عارف. وأحلام وصلت هي كمان. وشادي هيموت ويكلمها وهي اطمنت لما شافتوه كويس.

رجعوا الاتنين بيوتهم. عند أسماء مستنية فادي يكلمها بس مكلمهاش. صلت القيام ونامت. فادي لما روح نام من كتر التعب. عند شادي روح ودخل عند مامته. شادي: "ماما عايزك في موضوع." مامته: "قول يا حبيبي." شادي: "ماما أنا عايز أتـجوز." مامته بستغراب: "يسلام، ومين بقا اللي خلتك تغير رأيك بالسرعة دي؟ شادي حكلها كل حاجة. مامته: "ألف مبروك يا حبيب ماما، ربنا يتمم بخير. هكلم أخوك ونشوف هنروح إمتى، وخلي فادي يقول لأسماء تاخد معاد."

شادي: "حبيبتي ياماما." وطلع يكلم فادي. رن عليه بس فادي مردش. قرر يكلمه الصبح. عدى الليل. الصبح فادي صحا الساعة 7. صلى ولبس عشان شغله. والساعة 8 طلع على شغله. وهو في السكة رن على أسماء وردت. فادي: "السلام عليكم." أسماء: "وعليكم السلام." فادي: "عاملة إيه، معلش معرفتش أكلمك امبارح، روحت تعبان ونمت على طول، ويدوبك صحيت لبست عشان الشغل." أسماء: "ألف سلامة عليك، ربنا يشفيك يارب ويعافيك، ربنا يقويك يا رب."

فادي: "يارب، خدي بالك من نفسك." أسماء: "حاضر، وانت كمان، وطمني عليك." فادي: "حاضر ياماما." أسماء: "يلا في أمان الله." وحفظه وقفت. لما أسماء قفلت فادي فونو رن وكان شادي. فادي: "عايز إيه يا أخويا؟ شادي: "بقولك يااض كلم أسماء وقولها تقول لأحلام إني عايز أتقدملها وتحدد ميعاد." فادي: "الله الله يا عريس." شادي: "اخلص يابارد، مستنيك." فادي: "حاضر يا أخويا." قفل ورن على أسماء تاني وأسماء استغربت.

أسماء: "السلام عليكم، إيه فيه حاجة؟ فادي بضحك: "وعليكم السلام، إيه زهقتي؟ أسماء: "بالعكس والله." فادي: "ماشي ياستي، بقولك بقا شادي عايز يخطب أحلام وبيقولك قوليلها وخليها تاخد معاد من أهلها." أسماء بفرحة لصاحبة عمرها: "عاااا بجد، الله أنا مبسوطة جداً جداً، حاضر هكلمها." فادي: "بس ياهبلة 😹" أسماء: "ماشي، هكلمها، سلام بقا." وقفت. ورنت على أحلام. أسماء: "السلام عليكم يابطختي." أحلام بغيظ: "وعليكم السلام يانخلتي."

أسماء: "إيه ياعروسة مالك 😹" أحلام: "عروسة أما تاكلكي يابتت." أسماء: "بقولك هتيجي معايا." أحلام: "فين؟ أسماء: "خطوبة شادي صاحب فادي." أحلام سكتت ومتكلمتش. أسماء بتكتم ضحكتها ومش قادرة: "إيه يابت مالك؟ أحلام: "مفيش، معلش يأسماء مش هقدر أروح." أسماء: "إزاي بس مينفعش." أحلام: "ليه يعني مش لازم أروح." أسماء: "عادي عشان نشوف البنات." أحلام: "لا مش عايزة." أسماء: "طب أقوله ييجي امتى؟ أحلام: "هو مين وييجي فين؟

أسماء بضحك: "شادي يامجنونة عايز ييجي يخطبك." أحلام: "ها، يخطب مين، ها، انتي بتتكلمي على مين؟ أسماء: "اصحي ياماما انتي في إيه." أحلام: "ونبي جد ولا بتهزري؟ أسماء: "بت والله مش بهزر، حددي معاد عشان أقوله ييجي." أحلام بفرحة: "هقول لماما تكلم بابا، حاضر." وقفت وفضلت تطنطط مكانها. دخلت عليها مامتها: "في إيه ياهبلة مالك؟ أحلام: "ماما في عريس جاي وعايز معاد." وحكتلها اللي حصل.

مامتها: "أخير البطيخة بتاعتِنا هتتجوز على رأي أسماء." أحلام بغيظ: "تاني ياماما تاني." مامتها: "اه تاني وتالت ياهبلة 😹" أحلام: "ماشي ياماما، بس هتكلمي بابا امتى؟ مامتها: "هروح أكلمه حاضر." ومشيت و...