رواية منتقبة اثرت قلبي الفصل الثامن 8 - بقلم اسماء السيد

مامت أحلام راحت تتكلم مع باباها. وحكت له على اللي أحلام قالتهولها. وهو وافق جداً، خصوصاً إنه شاف شادي أكتر من مرة وعارفه. وحدد معاد كمان يومين. مامت أحلام راحت تقولها. فتحت الباب. أحلام كانت على أعصابها. مامتها رسمت على وشها الحزن. أحلام افتكرت إن باباها رفض. دموعها نزلت. "أنا يا بت بتعيطي ليه؟ "عشان بابا رفض، مش عارفة هو رفض ليه." "ومين اللي قالك إنه رفض؟ "مانتي باين عليكي إنك زعلانة، يبقى رفض."

مامتها ضحكت جامد وقالت: "لا يا هبلة، ما رفضش. دا وافق وفرح جداً كمان." أحلام فرحت وفضلت تنطط مكانها وتصرخ. وبعدين كلمت أسماء وقلتلها على كل حاجة. عند أسماء، خلصت مع أحلام. فادي رن عليها وردت عليه. "السلام عليكم ورحمه الله." "وعليكم السلام ورحمه الله وبركاته." "عاملة إيه النهارده وبابا وماما ومحمود عاملين إيه؟ "الحمد لله، كلنا في نعمة. وأنت وماما عاملين إيه؟ "الحمد لله، ماما بخير." "وأنت؟ "أنا بخير طول ما إنتي بخير."

"يارب دايمًا بخير." "يارب. إيه، أحلام قالتلك حاجة؟ الواد قرفني على فكرة." "أيوا، قالت لأهلها ووافقوا، والمعاد كمان يومين." "ابن المحظوظ." "ربنا يسعدهم." "يارب، وعقبال فرحنا." "يارب." "هتنامي ولا إيه؟ "لا، هصلي الأول." "طيب، ادعيلي معاكي بقى." "من غير ما أقول." "اممم، ماشي. أنا هنام عشان الشغل بقى." "ماشي، تصبح على خير." "وإنتي من أهلي." أسماء قفلت. وعدى الليل وكل واحد بيفكر في حياته الجاية. وعدى كام يوم.

وجه اليوم اللي شادي هيطلب إيد أحلام فيه. شادي فرحان أوي وأحلام كمان. وراح بدري مع باباه ومامته وفادي وعامر وعدي. وأحلام وأسماء كانوا في الكلية وميعرفوش إنهم وصلوا. شادي طلب إيد أحلام من باباها ووافق. "عمي، ممكن طلب لو سمحت؟ "أكيد يابني، اتفضل." "عايز أعمل خطوبة وكتب كتاب سوا." "بس مش كدا، متسرع شوية ولازم فترة خطوبة." "معاك حق، بس أنا صدقني بحب بنت حضرتك وعايز أكون زوجها وأتعامل معاها من غير ضوابط، فاهمني يا عمي؟

"آه يابني فاهمك. وهقول لأحلام ونشوف." أحلام وأسماء رجعوا كل واحدة على بيتها. أحلام داخلة البيت بتقول: "يا أهل البيت، أين أنتم؟ ياااااامي، أنا جععااانة، يا نبع الحنان، هموت." كلهم هيموتوا من الضحك. وهي مش شافتهم. "شادى يابني، راجع نفسك. إنتى هتتجوز هبلة." "أمري لله بقى." أحلام لسه هتتكلم، انصدمت لما شافتهم قاعدين. صوتت وطلعت تجري. وكلهم هيموتوا ضحك عليها. دخلت أوضتها ورنت على أسماء. "إيه يا بنتي، أنا لسه سايباكي."

"اصل حصل... وحكتلها كل حاجة. أسماء هتموت من الضحك، مش قادرة. "خلاص يا مو فادي، تعالي. هو هنا." "ماشي يا مو. شادي جااااية أهو." وقفت. ماما أحلام دخلتلها هي وماما شادي. أحلام انكسفت جداً أمامه. "إزيك يا قمرى، عاملة إيه؟ "الحمد لله، بخير يا طنط. حضرتك عاملة إيه؟ "إيه طنط دي؟ أنا مامتك، ولا ناوية ترفضي ابني؟ أحلام بسرعة: "لألألألأ، موافقة." ماما أحلام ومامتها هيموتوا من الضحك. الباب بيخبط. فادي قام يفتح. لقاها أسماء.

أسماء لما شافتُه ابتسمت. فادي فرح إنها جت. "أيوا يا قمر، عايزة مينة؟ "عايزة عريس، ممكن؟ فادي بتكشيرة: "إيه دا ياماما، والدبلة اللي في إيدك دي؟ "خطوبة، لسه ما جوزتكش." "وحياة أمك لهجوزك وهتشوفي." "ماشفت." "رخمتها." "طلعت لك يا فيدوف." "يااايه، لالا، أكيد بحلم، منا مجنون بيك؟ شادي من وراه: "إيه يا عم الحبيب، مالك؟ اهدا شوية، الآنسة لسه على الباب." "عيل معندكش ذرة إحساس. ادخلي يلا لأحلام." أسماء دخلت.

والشباب راحوا قعدوا مكانهم. "يلا يا حبيبتي، تعالي، دخلي القهوة." "مبلاش يا ماما." "يلا يا بت، امشي." أحلام دخلت بالقهوة ومتوترة جداً. وسلمت على الكل ماعدا شادي. وقعدت جنب باباه. بابا شادي: يلا نسيبهم سوا شوية وو...