رواية منتقبة اثرت قلبي الفصل الثاني 2 - بقلم اسماء السيد

بعد يومين متكلمتش معاها خالص بس كنت برقبها من بعيد. كنت ف محاضره وخلصت وطلعت، لقيتها ف وشي. فادي: السلام عليكم ورحمة الله. أسماء: وعليكم السلام ورحمة الله وبركاته. فادي: عاملة إيه يا آنسة أسماء؟ أسماء: الحمد لله بخير وحضرتك. فادي: الحمد لله بخير. أسماء: يارب دايماً. وقالت بعد إذنك. فادي بسرعة: إيه رايحة فين؟ أسماء: همشي. فادي: هقول لحضرتك حاجة.

أسماء: لو سمحت بعد كدا لما تشوفني متوقفنيش ولا تتكلم معايا عشان محدش يفهم اللي بينا غلط. فادي في سره: ياريت يفهموا غلط وأصلح غلطتي. ("البت هبلتني😂") فادي: حاضر يا أسماء زي ما تحبي. ☹️💔 مش هكلمك تاني ولا هتشوفيني تاني. أسماء زعلت بس مبينتش. أسماء: تمام بعد إذنك. ومشيت.

ورحت أنا البيت وفضلت أسبوع مبروحش الكلية، كنت مفكر إن هي ف حياتها حد تاني ومش عايزها تشوفني معاها. فزعلت لتاني مرة قلبي يتكسر. قررت أبعد خالص وأروح الكلية بس هتجنبها ومش هشوفها ولا هخليها تشوفني. روحت حضرت المحاضرات وقابلت واحد صاحبي قال لي إنها سألت واحدة من دفعتنا عليا. وكل يوم تسأل أنا جيت ولا لأ وكان باين إنها زعلانة. 😳 أنا انصدمت، طب إزاي؟

روحت الكافتريا، هي كانت مع صحابها. خوفت أروح لها أحرجها قدامهم. فعديت من قدامها تلقائي. لقيتها بصت لي وعيونها مليانة فرح. أنا وقتها حسيت إني طاير من الفرح. روحت مكان بحب أقعد فيه. شوية وسمعت صوتها. أيوه هو صوتها. لفيت لقيتها هي قدامي بالـ أدناء الأسود، جميلة هي أوووي بكل تفاصيلها. أسماء: السلام عليكم، إزيك حضرتك عامل إيه وليه مكنتش بتيجي؟ فادي: وعليكم السلام، الحمد لله بخير وإنتي، إيه ده إنتي إيه عرفك إني مش باجي؟

أسماء: أنا الحمد لله بخير، أصل أنا أنا... وبعدين اتكسفت وسكتت. فادي: مكنتش باجي عشان كنت تعبان. أسماء بخضة: إيه تعبان مالك فيك إيه؟ فادي: الحمد لله بقيت كويس. أسماء: أدام الله حمدك يارب. فادي: يارب. أسماء: بعد إذنك. فادي: اتفضلي. أسماء روحت. وكمان أنا روحت. روحت وفضلت أفكر فيها، بجد حبيتها أوووي ونفسي أقولها بس خايف. حاسس إنها بتبادلني بس أوقات مش بحس بكده. طب أعمل إيه؟ وفضلت طِول الليل أفكر هعمل إيه معاها.

عند أسماء. قاعدة مع صحبتها أحلام في الأوضة وسرحانة. أحلام: في إيه يا أسماء مالك؟ أسماء: مفيش. أحلام: احكي ياماما مالك. أسماء: حكت لها كل حاجة حصلت معاها وقالت لها إنها بتحب فادي بس خايفة يكون عايز يتسلى بيها وأنها مش عايزة تقول له أي كلمة غير في الحلال. أحلام: بصي يا سمكتي، كل كلامك صح وصح إنك متقوليش حاجة. هو لو بيحبك هيكلم باباكي على طول مش هيحور عليكي، ماشي؟ أسماء: معاكي حق.

وفضلت أسماء تفكر طول الليل بمصيرها وف فادي وهل بيحبها ولا لأ وخايفة يكون بيتسلى. ونامت بعد تفكير طوييل. الصبح في الكلية. أسماء في المحاضرة. وبتبص على أحلام اللي اتأخرت وقالت: منك لله يابطيخة دايماً متأخرة. أحلام من وراها: أنا برضو يانخلتي. ("العيال دول هبل✌😂") بعدين الدكتور دخل. أسماء بتعدل كتبها. بتبص لقت فادي في المدرج اللي على قصدها. هي مش مصدقة وبتبص. الدكتور شافها. الدكتور: إنتي يا أخت يا منتقبة اتفضلي اقفي. 😒

أسماء: نعم يادكتور. الدكتور: أنعم الله عليكي. حضرتك يا آنسة بتبصي على إيه هناك؟ أسماء: مش ببص، كنت بعدل كتابي بس. الدكتور: امممم الكتاب. طب اتفضلي اعدليه بره. ("تستاهل😂") طلعت أسماء وهي محرجة أوووي وعيطت كمان. وراحت الكافتريا. المحاضرة خلصت وأحلام راحت قعدت معاها شوية. وفادي راح عندها وقال لها: السلام عليكم، كنتي بتبصي فينا. أسماء: وعليكم السلام ورحمة الله، هو مش حضرتك ف تالتة كنت ف المحاضرة ليه؟

فادي بضحكة: كنت عايز أفتكر الحاجات القديمة. أسماء: ماشي يله يا أحلام. ومشت من غير ولا كلمة. فادي هيموت من الضحك. وعارف هي عايزة تقول إيه بس عاهد نفسه ميقولهاش حاجة غير قدام أهلها. ومشى هو كمان. وخلص اليوم. وعدى أسبوع من غير أي حاجة. وجه اليوم اللي أسماء هترجع فيه بيتها بعد غياب شهر. فادي ما يعرفش إنها هتفضل أسبوعين ف بيتها وميعرفش إنها هتمشي أصلاً.

أسماء واقفة على باب الكلية نفسها تشوفه قبل ما تمشي بس أحلام بتستعجلها. ("أحلام دي رخمة😒") ومشيو ورجعوا بيتهم. أسماء مبسوطة وسط أهلها وأحلام كمان. بس أسماء بالها مشغول بفادي. عند فادي. دخل الكلية بعد أسماء ما مشيت. وبيدور عليها بعينه مش لقيها. راح المكان اللي بتقعد فيه مع صحابها. واحدة صحبتها قالت له إنها مشيت. فادي الحزن بان على وشه وزعل أوووي، حتى مشافهاش قبل ما تمشي. روح بيته ومن كتر حزنه نام.

ميمتو مستغربة حالته أوووي بس كل متسأله بيقولها إرهاق من الشغل والمذاكرة. ملحوظة: فادي معندوش خوات وباباه متوفي، فيه ميمتو بس هو بيشتغل ويدرس وهو المسؤول عن البيت. عدا أول أسبوع وفادي مش بيسيب السرير وزعلان خالص. وأسماء رغم وجودها بين أهلها بس ناقصها حاجة وبتفكر في فادي. عند فادي. نزل آخر يوم في الأسبوع المحاضرات وحضر وروح على طول. مسك فونو وفتح الفيسبوك وحاول يجيب الأكونت بتاعها. فضل يومين يدور عليه. والآخر لقاه.

بعتلها اد بس هي مقبلتش. بعتلها مسج. عند أسماء. كانت زهقانة وزعلانة وكان باين عليها خالص. بس لما حد يسألها تقولهم إرهاق بسبب. بعدين مسكت فونها وبتكلم صحابه. لفت انتباهها مسج في طلبات المراسلة. فتحت المسج وقلبها بيدق بسرعة ومبسوطة خالص إنه سأل عليها. ومش ناسيها، يبقى كدا بيحبها و...