رواية سلطانة الفصل السادس 6 - بقلم اماني سيد

فجر ومراد هيكتبوا كتابهم الأسبوع الجاي. إيه ده بالسرعة دي؟ ليه كده؟ بحس إن الموضوع ده وراه حاجة ومش الهدف منه الجواز. طيب وهى هتلحق تجهز نفسها؟ قال إنه هيجيب كل حاجة، حتى شنطة هدومها هيبعتلها فيزا فيها مبلغ كبير. حاولت أوقفهم وامنعهم، ماسمعوش كلامي.

بص يا حمادة، مهما قولت هينفذوا اللي في دماغهم، وفجر ماشية ورا سراب لحد ما تفوق على قلم يعدلها. سيبها ماشية بدماغها، وهرجع أقولك يمكن إحنا غلطانين وهو كويس وبيحبها. أنا هاجي أحضر كتب الكتاب زي المعازيم وأعمل الواجب لحد ما هي بنفسها تحتاجنا وتلجألنا، وقتها نقف جنبها. صعبان عليا تتأذى وأنا بتفرج عليها. إحنا مش هنتدخل غير لما فعلاً الوضع يستدعي إننا نتدخل. ***

في شركة مراد تاني يوم، دخل المكتب ووجد سوزان تباشر عملها، فقرر مجاراتها إلى أن ينتهي من زواجه من فجر. اقترب منها وضمها إليه وقبلها من رأسها. التفتت إليه سوزان مسرعة. مراد عيب، إحنا في الشركة، افرض حد دخل. هقولهم مراتي اللي ماليش غيرها. ومن امتى ده؟ من زمان أوي. يعني معدش حد هيجيلك هنا تاني؟ لا، محدش هيجي هنا تاني ويضايقك خلاص. عملت إيه؟

هحكيلك كل حاجة بعدين، المهم الفترة دي عايزين نعوض اللي فات. إيه رأيك آخد إجازة 3 أيام ونسافر نغير جو ومانجبش سيرة أي حاجة تضايقنا؟ انت بتتكلم جد؟ آه، وقريب هعملك كل اللي انتي عايزاه. خلاص أنا موافقة، هروح النهارده أجهز شنطتي. وأنا هعدي عليكي بليل آخدك ونسافر يومين. وبالفعل حجز مراد في فندق وقرر خلال تلك الفترة أن يتقرب من سوزان ويقربها منه ويحاول أن يعيدها إليه مرة أخرى كالسابق.

اتصل بفجر وطلب أن يقابلها، ووافقت فجر على طلبه وتقابلوا في إحدى الكافيهات. إزيك يا فجر، عاملة إيه؟ بخير الحمد لله، قولتلي عايزني في موضوع مهم؟ آه، بصي يا ستي، خدي الفيزا دي، فيها 100.000 جنيه. تقدري تجيبي كل اللي ناقصك عشان أنا مسافر وهرجع كمان يومين تلاته كده، وغالب الوقت هيكون تليفوني مقفول. عشان كده لو حاجة مهمة ابعتيلي رسالة، ولو وقفتي في مكان فيه شبكة أنا هكلمك. إيه ده، السفر ده جه فجأة كده؟

منا كنت قايلكم أنا عندي سفر وأنا بكلم باباكِ، وغير كده كل فترة الشغل بيحتاج مني سفر. وعايزك تكوني مقدرة الظروف دي وتتأقلمي عليها، إحنا خلاص قربنا نتجوز. لا يا حبيبي، ماتقلقش، أنا متفهمة جداً ظروف شغلك، وأكيد طبعاً هبقى عايزة أساعدك في إنك تنجح وتكبر شركتك. ده اللي أنا متوقعه منك برضه. يلا بقى أوصلك عشان ألحق أجهز نفسي للسفر. تمام، يلا بينا.

وبالفعل قام بإيصالها وذهب بعد ذلك لمنزل سوزان ووجدها قد قامت بتجهيز اللازم، وأخذها وسافروا لإحدى الفنادق بالعين السخنة. خلال تلك الفترة استطاع مراد أن يقترب من سوزان ويقربها منه مرة أخرى، وأغلق كلاهما الهاتف حتى لا يزعجهم أحد. إيه رأيك في الفسحة دي؟ بصراحة اتبسطت أوي، حسيت إنك رجعت مراد بتاع زمان. ومراد بتاع دلوقتي وحش؟ لا، مراد القديم كان حنين وبيوفي بوعوده، إنما مراد دلوقتي أناني ومش بيفكر غير في نفسه.

بس مراد ده أو القديم بيحبك. طيب مراد هيوفي بوعده امتى ويعلن جوازنا؟ كمان شهرين بالظبط. ماتجرحنيش يا مراد تاني لو سمحت. أجرحك؟ أو أنا فعلاً بطلت أحبك وحبيت غيرك. غير كده أي حاجة بعملها بتكون تبادل مصالح. لم تفهم سوزان ما وراء حديث مراد، لكنها لم تريد أن تفسد اللحظة. ********&&&********&***

بعد مرور يومين عاد مراد وسوزان من السفر، وطلب من سوزان أن تأخذ إجازة لترتاح من السفر وتتفرغ له، وبالفعل وافقت سوزان. وخلال ذلك الوقت كان مراد يجهز لزواجه من فجر وقرر أن لا يبلغ سوزان. عند فريدة، حاولت أكتر من مرة التواصل مع فؤاد أو سلطانة، لكن جميع محاولاتها باءت بالفشل. زاد التوتر لدى فريدة وشعرت بتعب شديد في بطنها وقررت الذهاب لوليد داخل المستشفى.

استقبلها وليد وقام بالحجز لها مع إحدى الطبيبات زميلاته بالمشفى، وبدأ التعب يظهر على ملامح فريدة، وبدأ بعد ذلك بظهور بقع الد*ماء على ملابسها. لم يستطع وليد الانتظار أكثر من ذلك وأدخلها إلى قسم الطوارئ واستدعى إحدى الدكاترة لتتابع معها. وبدأت الدكتورة بالكشف عليها وسؤالها عدة أسئلة. بقولك الطفل ده جه طبيعي ولا عن طريق عمليات؟ لا، عملت حقن مجهري. للأسف الجنين نزل ولازم ننضف الرحم. هجهز غرفة العمليات وتدخلي حالاً.

تدخل وليد في الحديث. مافيش حل تاني يا دكتورة نثبت بيه الحمل ده؟ للأسف هو نزل خلاص، وأنت عارف الإجراءات يا دكتور. ثم تركتهم وذهبت لتجهيز غرفة العمليات. نظر وليد لفريدة بغ*ضب. أنا قولتلك تضغطي عليه مش على نفسك. عجبك اللي حصل ده؟ اهو الطفل نزل منك. أعمل إيه؟ غصب عني. أنا كل يوم بموت من القلق إن بطني تكبر وفؤاد يفضل مصمم على رأيه. ارتاحتي كده دلوقتي؟ اهو راح خالص. طيب إيه العمل دلوقتي؟

أنتِ هتطلعي بث مباشر دلوقتي من المستشفى وإنتي في الوضع ده عشان الناس تتعاطف معاكي. الصور موجودة معاكي ومقطع الصوت اللي بيقولك فيه هرميلك كام قرشين وابعدي عني معاكي، صح؟ آه معايا. ابعتوهملي على الموبايل. وبعدها قولي إن البيبي سقط بسبب الزعل وإني محجوزة في المستشفى. واعرضي كل الحاجات دي وقولي إنك كنتي متجوزاه جواز مدني، لكن هو قدر يلغي كل الأدلة ورافض يعترف بابنه. طيب بعد كده أنا وأنتِ هنسجل جوازنا رسمي عند مأذون.

أول ما تاخدي الفلوس منه هنعلن جوازنا. وغير كده، إنتي ضامنة حقك وواخدة النسخة بتاعتك من عقد الجواز من المحامي، يعني لو خلي بيكي تقدري تاخدي حقك بسهولة. تمام، هدخل غرفة العمليات وأعمل العملية، وبعدها هطلع بث مباشر. وبالفعل دلفت فريدة لغرفة العمليات وخرجت منها وقامت بعمل بث مباشر من خلال أحد مواقع وسائل التواصل الاجتماعي.

وعند ذكر اسم فؤاد بدأت المشاهدات تزداد، منهم من تفاعل معها وبدأ في سب فؤاد، ومنهم من لم يصدقها، ومنهم من شمت بها لأنها أرادت الزواج من رجل متزوج. وبين مؤيد ومعارض وصل البث لفؤاد وسلطانة. أنا مش فاهمة، فين عقلها إنها تطلع تلوث سمعتها كده. الفلوس تخليها تعمل أي حاجة. أنا مش عارف إزاي فكرت في يوم في واحدة زي دي. للأسف دلوقتي بدفع تمن غلطتي وبدفعك معايا. أنا آسف يا سلطانة. الغلطة مشتركة بيني أنا وأنت، وادينا بنتعلم.

وبالفعل استطاعت فريدة إثارة الرأي العام وانتظرت فؤاد أن يتصل بها، لكنه صار متجاهلاً، مما جعل القلق يزداد داخلها هي ووليد من صمت فؤاد. بينما فؤاد وسلطانة قرروا الرد عليها بشكل قوي. *****&******&******** نفذ فؤاد برنامج تلفزيوني على إحدى القنوات الفضائية الشهيرة للرد على جميع الإشاعات التي انتشرت حوله في الفترة الأخيرة. في ذلك الوقت قرر مراد أن يستغل الوضع ويقترب أكثر من فؤاد ويوطد العلاقة معه.

في تلك الفترة أيضاً ازداد التقارب بين سوزان وساجد وعائلته، فساجد يكون ابن عم سوزان. وقررت سوزان أن تقص لهم عن علاقتها بمراد وما مرت به في الفترة السابقة. ساجد: يعني مراد اللي قابلناه في الكافيه ده جوزك؟ آه. طيب هو عرف أنا مين؟ وعرف علاقتك بينا؟ لا، لسه بصراحة. طيب ليه ماقولتلوش حاجة؟ هو وعدني إن كمان شهرين هيعلن جوازنا ويعملنا فرح، وأنا حابة أعمله مفاجأة يوم الفرح. إنتي واثقة في مراد ده؟ يعني قصص وروايات أماني سيد.

مراد طيب وحنين، بس طموحه كبير أوي، وأنا هفضل معاه لحد ما أشوف آخره إيه، ووقتها هاخد قراري. تحدث عمها بطيبة.

على عيني يا سوزان إنك تتربي في دار الأيتام وأنا عايش. عمك منير رفض يقولي مكانك ووداكِ ملجأ في القاهرة عشان معرفش أوصلك، وأنا سافرت بعدها ورجعت تاني فضلت أدور عليكي لحد ما قدرت أجيبك، والحمد لله إن لقيتك. وأي حاجة حصلت في الماضي أنا عمري ما هلومك عليها، ونصيبك من ورث أبوكي أنا ملزم أرجعه ليكي حتى لو من مالي الخاص. وبتمنى إنك ترجعي تعيشي معايا، وساجد مش غريب عنك، إنتوا إخوات بالرضاعة وياما كنتوا بتلعبوا مع بعض وإنتوا صغيرين. أنا نفسي ألمكم تاني حواليا.

قريب أوي يا عمي بإذن الله، بس خلي الشهرين اللي مراد وعدني بيهم يعدوا. زي ما تحبي، وأنا بيتي مفتوح لكِ في أي وقت. ****&*****&*****&*****&** في اللقاء التلفزيوني بدأت المذيعة بتقديم فؤاد وبدأت في الحديث معه عن الشائعات الدائرة حوله. أستاذ فؤاد، حضرتك بتقول إن كل الكلام اللي اتقال ده مجرد إشاعة، صح؟ أيوه فعلاً. طيب والصور اللي مدام فريدة عرضتهم والتسجيل اللي اتسرب؟

أولاً، أنا فعلاً ارتبطت بفريدة وكنت فعلاً هتجوزها، بس مكملتش في الزواج ده. والتسجيل ده جزء من حوار كان داير بيني وبينها. ليه مكملتش في زواجك؟ كل راجل فينا بيجي عليه وقت بيكون تايه أو انجذب لشيء ما، أياً كان بقى الشيء ده. وأنا للأسف اتقربت من فريدة وبصراحة فقت لنفسي بعدها. لكن بما إني اديت كلمة قولت خليني مكمل لحد ما في يوم. وبدأ يقص ما حدث داخل المستشفى.

ووقتها اتأكدت إنها إنسانة طماعة، وخاصة بعد الحادثة، لما هي افتكرت إني فلست هي قررت تنسحب. ولما عرفت إنها إشاعات حبت ترجع تاني، بس أنا رفضت. وفي فيديو دلوقتي هيتعرض بالحقيقة والكلام ده جه في سياق إيه. وتم عرض فيديو لحوار فريدة وفؤاد في مكتبه. نظر الجميع بدهشة من بجاحة تلك الفتاة. ولم يتوقف فؤاد عن الحديث، بل أكمل حديثه.

ومش بس كده، دي جتلي الفيلا مرة واتنين عشان تساومني على فلوس، بس أنا رفضت. عشان كده طلعت وقالت اللي قالته. طيب هل هي فعلاً حامل؟ هي حامل وحامل من الدكتور اللي ساعدها في المستشفى في التمثيلية اللي عملتها عن باباها. وحضرتك عرفت الكلام ده إزاي؟ عن طريق علاقاتي قدرت أوصل للملف الخاص بالعملية. ومش بس كده، هي كمان متجوزة من الدكتور ده عند محامي. وده كل الورق اللي يثبت صحة كلامي.