رواية زواج بالغصب الفصل السابع 7 - بقلم الكاتبة الصغيرة نور

نور لمحمد: هي سهيلة دي بتبصلك كده ليه؟ محمد: احم، بصراحة سهيلة دي بتحبني من سنة أولى وأنا مش بعبرها. وهي زي ما انتي شايفة كده. نور بغيرة: بس يعني أنا شايفه إن فيها كل المواصفات اللي تثير أي راجل، يعني حلوة ويعتبر مش لابسة حاجة. محمد: أنا مش شايفها قدامي عشان بحب واحدة أجمل بكتير، واحدة صاينه نفسها، مش دي اللي عارضة نفسها للجميع. صدقيني مش كل الرجالة زي بعض. نور: أنا كل يوم بكتشف فيك حاجة جديدة حلوة.

وحضنته ونامت على كتفه. محمد وهو يطبطب عليها: بحبك. نور سمعت بس عملت نفسها نايمة، ومحمد نام وهو حاضنها. بعد ساعة وصلوا. عمر: اصحى يا عم، وصلنا. محمد: يبني أنت علطول طالعلي في البخت كده. طب روح وأنا جاي وراك. محمد: نور حبيبتي، اصحي يلا وصلنا. نور بنوم: سيبني شوية. محمد بضحك: إحنا في الباص، قومي يلا. نور فاقت: صباح الخير. محمد بحب: صباح الورد والياسمين. يلا ننزل بقى، لا الواد عمر يجي تاني. نور بضحك: والله عمر ده عسل.

محمد بغيرة: هو مين ده اللي عسل؟ يا ختي. نور: أنت بتغير يا كوكو؟ محمد: انتي عارفة يا نور لو لقيتك بتتكلمي مع أي حد جوه من الشباب، انتي حرة ع اللي هيجرالك. نور وحاوطت رقبته بيدها: وأنت عارف لو شوفتك بتكلم سهيلة الملزقة دي ولا حد غيرها، هعمل فيك إيه. محمد بضحك: انتي بتغيري يا كوكي؟ نور: محمد بقى، متهزرش. البت الملزقة دي أنا مش طايقاها أصلاً. محمد بخبث: حاضر، بس أنا كنت عاوز. وشاور على شفايفها.

نور بحرج: أنت بقيت قليل الأدب قوي اليومين دول. محمد وحاوط رقبتها: مش هننزل غير لما آخد اللي أنا عاوزه. عمر وإيمان وهم عند الباب بضحك: أيوه، وإيه اللي انت عاوزه؟ نور اتكسفت وبعدت عنه. محمد: أنا نفسي أعرف أنت بتطلعلي منين. عمر بضحك: أنا مالي، آنسة إيمان قلقت على نور وسألتني عليكم، جبتها. محمد: طب غور يلا. عمر لـ إيمان: طب يلا إحنا يا آنسة إيمان، الظاهر إننا جينا في وقت غير مناسب. ومشوا. نور بتوتر: عجبك كده؟

يلا ننزل بقى. محمد: يلا يا أختي، فرحانة أنت دلوقتي. نور بضحك: أيوه. ونزلو. محمد: خليكي جمبي، متروحيش بعيد. نور: هو أنت واخد بنت أختك معاكم؟ محمد: طب روحي عند صحابك، بس متبعديش. نور: حاضر. ومشيت. عمر: أيوه يا عم، يبختكم. محمد وقد مسكه من قفاه: هو أنت سايبني لحظة واحدة يا ابني. عمر بضحك: وأنا مالي يا خويا، آنسة إيمان هي اللي كانت عاوزة تشوفهم. محمد بغمزة: آنسة إيمان، ماشي يا بتاع آنسة إيمان. عمر لـ

محمد: احفظ الجمايل دي، أنا اللي قولتله يجيب علوم معانا عشان خاطركم. محمد: آه طبعاً، وعشان آنسة إيمان. عمر: والنبي اتوكس، أنا عارف أكلمها كلمتين على بعض. محمد بضحك: أحسن، عشان تبقى تنطلي كل شوية. اللي بيجي عليا مبيكسبش. يلا عشان نروح نعمل الخيم. إيمان: أيوه يا ست نور، انتي هتقوليله امتى إنك بتحبيه؟ نور: خايفة يا إيمان، أوي. خايفة يطلع زيهم.

إيمان: نور، متبقيش عبيطة بقى. كل المواقف اللي مرت عليكم أكدتلك إنه مش زيهم. مستنية إيه؟ ولا انتي محبتهوش ولا إيه؟ نور: أنا بحبه أوي يا إيمي، بس خوفي ده اللي عاملالي المشكلة. سارة بخبث: خليكي بقى خايفة لحد ما هو يفتكر إنك مبتحبيهوش ويسيبك. نور: إيه؟ هو ممكن يسيبني؟ إيمان وغمزت لـ

سارة: أيوه، الراجل حتى لو بيعشق اللي قدامه وحس إنها مش عاوزاه، هيسيبها. وكمان أنا شايفه البنات عليه إيه، ألا إيه رأيك في اللي اسمها سهيلة دي؟ نور: دا أنا كنت اقتله لو عملها. سارة: متقتلهوش ولا حاجة، شيلي الأفكار اللي في مخك دي وروحي قوليله محمد، أنا بحبك وعاوزة نكمل جوازنا. نور: بس أنا حاسة إنه مش وقتها. إيمان لـ

سارة: خلاص يا سارة، إحنا عملنا اللي علينا. خلي سهيلة بقى تاخده منها، وهي شوفتيها عاملة إزاي وفي طب، شكله يعني توافق من كله. سارة: اه، وخلي نور بقى تدور ع الوقت المناسب، عمّا يكونوا اتجوزوا. دا أنا حتى لسه شايفهم مع بعض. نور طلعت تجري و.