تحميل رواية «ظلمات الغيهب» PDF

#ظلمات_الَغيْهَبُ

اســَاور حــســين

{المقتطف}

ًًهناكَ شَخْـصٌ،

أهلـکنـي،

أتعبـنـي،

تفـكـيري مشغول طوال اليوم،

به وحده..

لم يترك مكانا في مخيلتي

لشخص آخر..

لأحُب غيره..

أثٌَرَ على حياتي،

و غيرني تَماماً..

كٌلُ هذا،

و هذا "الشخص"،

لا يعلم بأنني مهووس بِـهِـ

زهراء..

وگفت مقابيل المرايا امرر عيوني على نفسي

بعدم تصديق ، اليوم زهراء عروس

نزلت بعيني اتفحص بدلتي البيضاء تشبه بياض يومي ، شگد تمنيت

هذهِ الحضات ، لكن ما كنت اتخيل بيوم من الايام ربي راح

يحقق المعجزة وانجمع مع ذاك المغرور ، حبيته امتلك گلبـي

وصرت ما اكدر اتخيل يومي بدون شوفة وجهه .

التفتت ؏ صوت عالي اشبهه بالهلاهل

طلعت من الغرفة صارت مرت خالي

مقابيلي ابتسمت وهمست:- بالله عليج بعد لا تهلهلين مولد وعطلانه .

ضحكت بعلو صوتها وردت علية وهي تقترب تكرص زندي

-مو صوجج ما تستاهلين الهلاهل .

تعلكت عيني ؏ باب خايفة قلقانه رفعت ايدي وفركت وحده بالثانية

بتوتر هائل ، گلبـي دكاته مو طبيعية ، بس بنفس الوقت اريد الوقت يمر

بسرعة الضوء حتى اشوف طلته واتمتع بنظري الطولة والوجهه السرق قلبي بدون استأذان .

تعالت الاصوات ومن بين ڪُـل الاصوات

سمعتهم يصيحون :-اجت الزفة .

زهراء:-يمه تعاي يمي ابقي هنا لا تروحي من كدام عيوني .

-يمج يا ضوه عيوني .

راسي ثكل بقيت منزلته مشاعري مبعثره

رفعت عيني واني اشوفهم يدخلون

بقيت اسلم ؏ المعازيم والابتسامة ما فارقت وجهي

سرعان ما اختفت ابتسامتي

طأطأت رأسي بخجل واني اشوفه يدخل

وعيونه تقابل عيوني ، تقرب بتجاهي وكف

مقابيلي بكل ثبات نزل راسه وهمس:- الف مبروك .

ابتسمت واني ارفع راسي بقيت صافة مثل ڪُـل مره اوكف

مقابيلة وعيوني تشوفه ، وهنا عيني تبدي تطلب بكفايتها من شوفته

ولا إراديا تتجول تتفحصة شكله بكل دقة

وتركز ؏ ابسط تفاصيلة

عيونه الحاده ، ملابسة الانيقة، شكله الرجولي المتزن

جسمة المتناسق ، وحركاته اوف حركاته تملك عقلي

وقلبي ، اتمنى لو يوكف الزمن وبس ابقه انظر الملامح وجهه

أجزم ما راح امل نهائيًا.

فصلت نظراتي عنه مجبورة واني استمع الكلام عمي .

_الف مبروك شايفين الخير وزواجة الدهر

وبصوت رجولي خشن رد علية بكل برود :- ويبارك بيك .

- جاهزة للمغامرة .

زهراء:- يا مغامرة .

-حياتج القادمة لعبة مغامرة يا اما تربحين بيها يا

اما تخسرين وترجعين من وين ما اجيتي .

وقبل لا استوعب الكلام طلعنا للسيارة وكلها فرحانه ورانا

بقيت بحيرة من امري وكلامه يصدر صده بأذني

مغامره يا مغامره هااي ، ومامعنى الخسارة والفوز .

اختصر الطريق وضيع الزفة

واني من كل عقلي كاعده قريب علية حتى ما كلف نفسة يباوع بوجهي رغم هذا كل ما تجي عيني علية ابتسم وضعي كله يتخربط ما مصدكه وجوده وياي هو حلم واصبح حقيقة ، وهل حلم غلق عيني على كم من الامورالهائلة الراح تهدم حياتي .

دك جهازة وسدة واستمر يسوق سريع سرعة جنونية بسببها دقايق وصلنا للفندق نزلنا وحجه وياموضف الخدمة اخذنة المفتاح وصعدنة

السكوت سيد الموقف وهدوء يجلب الرهبه

نظراته تهدم ڪُـل قوتي وتخليني انسانه مهزوزه كدامه

دخلنا للغرفة المخصصة النا بقيت مركزه علية ادرس كل تحركاته الغريبة اريد افتهم وضعة ويمكن غموضه هو وصلني للهوس بحضرته .

شمر جسمه المتعب على تخم مقابيلي وراسه رجعه للخلف وبقه ياخذ شهيق وزفير مثل الشخص مختنك وما يكدر حتى يتنفس بصورة صحيحة

تقربت علية وكفت مقابيلة وهمست بخوف :- بيك شي .

رفع راسه ركز بوجهي عيونه تحولت بالون الاحمر المرعب

بقه يهز براسه وهمس بصوت شبه مسموع :- لالا مو هِـيِّ موو هِـيِّ .

تراجعت للخلف واني اشوفة وكف بتنفس مضطرب غير منتظف

عافني وطلع من الغرفة بأكملها بـ اول يوم النا سوه .

يتبع....

حبايبي التنزيل يومي لان القصة كاملة بس يتعدل عليها

نوروني بتفاعلكم حتى استمر بيها احبكم 🤍

رواية ظلمات الغيهب

بقلمي أساور حسين

الحلقة _1_

كان قلبي يخفق بقوة

لست بخير لكني اقاوم

اسفة لنفسي

لقد افقدتها نوافذها وابوابها 

غدت جدرانا .

زهـراء  ..

بغداد /الساعة 9:00الصبح

بكل هدوء نزلت جدر البرياني الكبير ؏ ميز الطعام المتوسط المتطبخ

وست الحبايب كعدت ؏ كرسي بتعب تنطي الأوامر واني انفذ

بدون اي ملل او كلل ، ابتسمت واني اشيل صواني التقديم الراح

يوصلن سفري الطلبية عرس .

زهراء:-خمسين ماعون كلتي .

ام زهراء:- اي بعد امج وقبلها كطعي اليمون شرائح ارفاع

وحضري صناديك الببسي حتى يترتب وما يطلع منه قصور .

زهراء:- صار يا بعد عيوني الاثنين .

ابتسمت وخدودها صارن حمر دائمًا وابدا امي خجوله وراح تظل نفس

ما هِـيِّ اقل الكلمات تأثر بيها ، او بالأصح هذا طبع جنس حواء

حنان ، عطف ، تركيبتنه غريبه ابسط الامور تفرحنه وهذا اجمل شيء بيننا واقل الكلام والمواقف تحز بدا لنه وتبقي ثقب بقلبنا صعب ننسى .

كعدت بعد ماسويت ڪُـل خطواتها ، وكعدت اصب وارتب

بكل دقه ونظام وترتيب ونظافه .

زهراء:-يمه البرياني مالتج يفوز ، شلون تسوي هيج طيب .

باوعتلي بنظرات وكأنها تتصل بعاطفتها وذكرياتها القديمة

ام زهراء:- امي الله يرحمها جنت اجيها ابجي بسبب اهل ابوج

لان ما اعرف اطبخ وسودة علية امي بكل مرة اروحلها تعلمني طبخه

وانه اكتبها حتى اخاف انسى ارجع عليها .

زهراء:- زين ليش ترحين تبجي يضربوج جانوا .

جرت حسرة شكت گلبـي بيها وهمست بصوت خافت :- يمه زهوره مرات الحجي يأذي المقابل اكثر من الضرب ، خلي انضرب عندي اهون من ما يسمعوني كلمه هل ضلت عمرها كله ادك بكلبي .

زهراء:- أبويه شنو دوره من ڪُـل هذا .

ام زهراء:- ابوج لا بي ينطي بيه ولا يكدر ينطي بأهله

وهم اعذره بس هو ما وكف وياي ، دومًا يفشلني كدامهم حتى يسكتون

وما يكبرون السالفة ، تالي تعلموا عليه وسوني مدمغة حجي وخدامة

وشردوني بيج وانتِ عمرج سنة ونص اووف يايمة بليله ضلمه طلعت بيج وروحي تلوب .

زهراء:- ابويه ما حاول يرجعج ؟

ام زهراء:- ما قبلت وهو بسرعة طلك ، واهلي ما خلوني ابقه

مطلكه فترة سنة وزوجوني العمج ابو نصر ، كالولي مرته ميته

اخذته وربيت ولده وهم امانة الله وانتِ شهدتي ما قصروا ويانا

وخاصه هو اعتبرج بنته ويا ويله اليحجي وياج كلمة يلزمه يكتله كبالج

حتى تسكتين تالي ياخذج يشتريلج وينومج بحضنه .

زهراء:- الله يرحمة عوضني ؏ ابوي الما بيوم كلف نفسه وسأل علية.

فركت ايدها وهمست بتعب واضح ؏ ملامح وجهها

ام زهراء:- بس اخخ ولده ما صانوا التعب ورباتي

بس راح الغالي شفتي شلون تغيروا وما رحموا بحالنا وهل شمرونا

وبطلوا حتى يسألون وهاي احنه عشنا وياهم عمر لا يوم ولا يومين

زهراء:- يمه هم غرب ما نلومهم ، لومي اخوتج البعد كسرتج

وفاة زوجج خلوج خدامه النسوانهم ، والله الهل ساعة يا يمه مصدومة شلون

اقتنعوا وانطونه فلوس دبرنا بيهن حالنا .

ام زهراء:- ربج ما يترك عبدا يمه الشكر لله وحده

واله ابن ادم ما منه فايدة.

شلت الجدر وكمت واني اهمس وفحطانه من الشغل والحجي

الدار بيني وبينها :- ونعم بالله يمة .

غسلت ايدي وسحبت التلفون من رف التلفزيون

ودكيت رقم ابو التوصيل يجي ياخذهن يوصلهم

البيت العالم  .

سلمت علية وكتله :- خلصت عمو تعال اخذ الطلبيات .

-صار يا بعد عمج جيتكم .

سديته منه وطلعتهن بره من دك هورن لفيت راسي بشال

وفتحت الباب انطي اثنين اثنين الى ان انملت السيارة الحمدلله

وراح ، تنفست بثقل مسحت كصتي بردان دشداشتي ودخلت

باوعت الـ امي تتلوه من الوجع بس ما تريد تحجي وتحسسني بألمها

همست واني أبعد نظراتي عنها :-رايحة اسبح وارتاح ساعة

يمه اذا اجه عمو ابو حسن اخذي منه فلوس الطلبيه .

هزت براسها وباوعت ؏ تلفزيون .

دخلت للحمام ملابسي بيدي

حايره القهر ياكل بروحي حسيت بالمسؤولية

وكسران الظهر بعز شبابي

ما اعرف شلون كملت سبح سرحت شعري ورحت

فرشتلي فراش نمت اريد وجع ضهري يختفي

خايفة من المستقبل اني خايفه من الخوف نفسه

مرعوبه من مرض امي ، شلون اذا صار بيها شي شلون

هل فكرة دمرتني ،  اذا صار بيها شي فعلا ادمر بدونها

بقيت احوس بفراشي عسى ولعل تغمضلي عين وانام ساعة

بس بأت محاولاتي بالفشل ، طلعت من الغرفة للمطبخ

فتحت الثلاجه قطعتلي قطعة كيك باقي من طلبيه

كعدت اكل بيها ومحروك گلبـي شلون سويتها

حلوة وذبيت عليها فلوس وتعب وجهد تالي ادك عليهم

يلغون الطلب بكل برود يخلوني اكعد ادك والطم ؏ وجهي

وعلى حضي المصخم .

اكل بيها بحقد هيج مال وحدة مضروبه بوري معدل

غسلت الماعون ورحت كعدت ويا امي ؏ تلفزيون شويه واباوعلها غافيه

غطيتها وطفيت التلفزيون ، اجه ابو حسن سلمني الفلوس

تشكرت منه ودخلت للبيت فرحانه ، لالا فرحانه شنو شويه واطير

اليوم اكدر اخذ امي للدكتور واطمأن ؏ وضعها

بهل فلوس اكدر اشتري علاج امي واخلصها من الألم

ضميتهن ؏ گلبـي ودخلت خليتهن بالجنطه وطلعت

اباوع ؏ ساعة .

ما صدكت صارت بـ اربعة العصر رحت الـ امي واني مبدله وملابسها بيدي

أشرتلها بيدي بكل ثقه هل مره :- يلاا بدون اعتراض تبدلين وكدامي ؏ دكتور .

ام زهراء:- جابهن الفلوس .

زهراء:- اي جنتي نايمه يلا يايمه دكومي مو شلعتي الكلبي

راح نتأخر ؏ دكتور .

ام زهراء :- انتِ تعبانه ومكسور ضهرج بالشغل واجي بساعة وحدة

اخلصهن اني واضيع تعبج .

رفعتلها حاحبي وصحت :- تضيع وكت هل مره دكومي لا اهج .

ضحكت وهي تكرصني من ايدي

كامت بدلت وطلعنا من البيت اي طلعت وكعت بس مو مو عثرت لحضات واكوم منها لا وكعت عمر ما كانت بالحسبان .

اي هنا وكعت ، هنا اسرت نفسي بحبه

هنا امتلك گلبـي وعقلي وكل حواسي

هنا وكعت  وكلبي الأولى مرة احس يخفق بصورةً

جنونيه ما تخيلت بيوم هيج يصير وياي

تثاقلت انفاسي بلحضة ما تلاكت عيوني بعيونه

حسيته بنظرة صوبني بلعنة حبه المجنون

ودخلني بضلماته .

مرر عيونه وحاجبه مرفوع بكل دقه

وايده تحركت ببطء طبكت باب سيارته

وسرعان ما بعد عيونه من عيوني

وانطاني ضهره وكأنه ما شاف احد

للحضات جمدت بمكاني اول مرة اشوفه

واول مره يعجبني شخص ، وشخصية شخص

بس اعرف ما راح أكدر اوصله او امتلكه بيوم

واصير قريبه علية ، لان بنظرة وحده

اميز الفرق الشاسع بيناتنا .

جفلت ؏ صوت امي وهي تصيح بأسمي

باوعتلها بضياع والافكار تضارب بعقلي

وخيالي الحقير وييين راح وين وداني

وجنى ؏ حياتي .

زهراء:- اسفة يمه .

ام زهراء:- شبيج ولج صابج الثول .

زهراء:- اول مره .

ضحكت وهي تفر بيدها وادردم عليه كأي ام عراقية :-يماااي جيل هل وكت

تخوفن عمي ما تنكدرن .

زهراء:-الله وكيلج اكثر جيل مضلوم هو جيل هل وكت بزمنكم

جنتوا لا شال لا ضييم ، اله احنه مخنوكات مسلوبات من اقل

متطلبات حياتنا وساكتات .

ام زهراء:- يمتى ساكتات الساناتجن الدلاله ما تلحكه .

زهراء:- اذا فقيرات واذا امهات السان ما نخلص من حجيكم مضلومات بالحالتين  .

ضليت امشي واسولف وتفكيري ڪُـل شويه يروح

عند ذاك الشخص ، نظراته ما تروح من بالي

عيونه وعمقها طوله وجسمه شخصيته ونظافته

غصب عني افكر بيهن .

رجعت للواقع واني ادخل عيادة الدكتور كعدت امي

ورحت سجلت اسمها ورحت كعدت يمها

نسولف من نتقابل اني وياها ونحجي عبالك اول مره نشاوف

احب حجيها وتحب سوالفي تكلي احسج عجوز ومكابلتني

ما محسستها بضعفي وقلة حيلتي ما خليتها شوف داخلي

شكثر هش ويخاف من فقدانها ومن المستقبل كله .

دخلنا للدكتور جيك وضعها وكتبلها ؏ تحاليل

سويتهن الها ورجعت للدكتور :-عندها ضغط حاد ودهون .

كتبلها العلاج وبقيت اسأل بيه عن اكلها وشنو المفيد الها

حتى ما يرتفع الضغط وأكدلي الراحة النفسية جدا مهمه .

شتريت العلاج وما بقه وياي غير فلوس الرجعه

اشوف امي شلون تباوعلي مقهوره ؏ تعبي

الضاع بنظرها ، واني لو بيدي انطيها روُحـي

بس تصير زينه وما شوفها تتأذه كبالي .

بس بعد ڪُـل ضيق فرج ارددها وأمن بيها

وفعلا من تضيق وياي وتشد الدنيا عداوتها

ربي يفرجها وتجيني طلبيه وهل مره

عيد ميلاد وطالبين خمس وعشرين ماعون سفري مشكل

بديت بالامل والترتيب من الفجر امي كعدت وياي

كملت صلاتها وانطيتها تلف وياي كبه وبورك

للظهر خلصت لف ، انسحنت روُحـي من الجوع اخذت استراحه

وكليت ماعون كبه وبورك وجاي وزلاطة اكلنه شويه

ورجعت كملت شغلي للعصر كملت ورتبتهم بالمواعين

انصلت ؏ ابو حسن ما طول غير مسافة الطريق

ضميت شعري بشالي وطلعت وجهي ما غاسته

يطرد النعمه بكد ما صار اسود من التعب

دك الهورن ويا دكته تعالت الأصوات وصياح

الزلم رج شارعنا رج ، ذبيت المواعين من ايدي

ونزلت الزرف الباب بقيت اباوع وكلبي دكاته تقرأ

الف ، وسعت عيوني وانه اشوفه كدامي

هاي ثاني مره اشوفه  بيها بس هل مره مختلف عن القبلها

اختلاف جذري .

عيونه الغامضه متحوله حمره وموسعهم  وكأنه

روحه راح تطلع منهم .

عروك ايده وركبته واضحات بشكل مخيف

مقابيله شخص يجي بعمره واحد ماسك

الثاني من قميصه والاثنين يتصارخون بس

كل واحد بيهم يحجي كلام مختلف  .

لحضات وكعوا اثنينهم بالكاع واحد يضرب بالثاني بوكسات

متتالية بدون توقف صرخ بي صررخه زرف گلبـي بيها

-لك طعنتني حاسبك اخووي تضربني بضهري ليشششش ..

- خليني افهمك الموضوع غيهب والله مو مثل ما متصور .

-كلشي صار كدام عيني شنو تفهمني بعد .

طلعو اخوته وياهم ابو ورجال يشبه الولد الـ يتعارك  ويا تقريبًا

بقوا يدفعون بيهم ويحاولون يتملصون واحد من الثاني

بس اثنينهم اجسامهم ضخمه واحدهم ما يسكت .

ضليت اكل بروحي اكل وكل ضربه

توكع ؏ وجهه العشكته طلقة وتصوب گلبـي

تمنيت هل ضرب بيه مو بي

لو ما عيب اطلع واسحبه من بينهم

دك الباب ابو حسن والهوسة مستمره

طلعت امي والجوارين كلها ؏ صوتهم

وصاروا فرجًا بين الناس

ابو غيهب:- لك بابا كافي فووتوا جوه نتفاهم .

غيهب :- تريد ادخل واحد قذر البيتي لا والله تحرم دخلته ؏

هل بيت وجهه بعد ما اريد اشوفه خلي يولي منا

- هِـيِّ سوت هيج .

هجم عليه ضربه بوكس وكعه بالكاع

ضل يرافس:- لا تجيب طاريها كدامي والله اموتكم اثنينكم والله بس صبرولي .

دنك عليه شاله الرجال ومشى بي للباب صرخ غيهب بعلو صوته

وبكل حركة قلب :- وصللها كلامي راح ابقه ُ ؏ــمري كله كابوس

بحياتها وموتها ؏ ايدي مثل ما موتتني تموت مثلي واكثر

بس توكع بأيدي ويصييييييير خييير .

التفتت عليه ابتسم نص ابتسامه وصاح :- اذا تلمحها اذا .

رجع هجم بس كلهم اعترضوا طريقه بس اصواتهم علت اكثر واكثر

الى ان دفعهم منه  وطلع بيتنا مقابيل بيتهم اني واكفه بيدي مواعين انطيهم العمو ابو حسن ويا ما طلع صدت عيني بعينه خزرني وصعد سيارتة وطلع بكل سرعته .

كملت ويا عمو ابو حسن ودخلت للبيت روُحـي تلوب

ما اكدر حتى اكعد ، هوواي مصدومة من نفسي

شنو هل تعلق الصار عندي وهو مرتين شفته بيهم

ليش الهل درجه حبيته وجذبني احسه امتلكني فرد مره

حتى التعب نسيته بالعاده بعد ما اخلص

انام ما كدرت عيوني رافضه تغمضلها جفن

اطالب بشوفته .

خليت امي تنام وتسللت للباب حتى اشوف سيارة

عسى ولعل يرجع ، بسس ماكو رجعت فتت

وخيبة الامل تعتلي وجهي

ومر اليوم واليومين والثالث واني

؏ نفس المنهج اطلع ڪُـل ساعة للباب

بس اريد اكحل عيني بشوفته واريح گلبـي

واطمأن علية بس اختفى .

شلون بيه وين اروح ، اريد طريقة توصلني اخبارة

شكو بيها لو تصير كامرات بطن بيتهم وافتحهم

بيتنا واشوف اوضاعهم .

كله احلام وصعب تحقيقها

بكد ما مشوقه اشوفف

زاد غموضه بعيوني وخوفي منا

بس طغى ؏ ڪُـل هذا فضولي

اريد اكتشف شنو هل انسان وبشنو تأذه ومنو غدره .

وبعد مرور شهر احس سنه

كدرت اشوف سيارتة روُحـي طارت

ورفرفت اجناحاتي عليه

شيوديني عليكم .

ماكدرت اشوفه ابد وكل ما اطلع لو سيارته موجوده

لو سيارته طالعه وما لحكت اشوفه من طلع

الى ان بيوم صادف امي تطبخ ڪُـل ما تصير عدها

البابا ابو نصر ثواب ابد ما نستى ولليوم تحبه وتذكره

بالزين لان هو والنعم الزوج الوفي والحنون .

كملت ورتبت كلشي بيدها

واني رحت بدلت وزعتهم ؏

جوارين القريبين علينا ورجلي الصلفه

مو اني لالا رجلي مدري عقلي تسحبن

من شفت سيارته بالباب عدلت نفسي

زين ومشيت دكيت الباب مره ومرتين وتلاثه

الى ان انفتح وصار كبالي بطوله وبهيبته ونظراته يمررها ؏ طولي بكل ثقه بدون ما يحرك راسه  .......

يتبع ....

رواية ظلمات الغيهب

بقلمي أساور حسين

الحلقة _2_

گالو ما يحبك كلت يايابه !

غير الليله اچودر واكعد ابابه

انفتح وصار كبالي بطوله وبهيبته

ونظراته يمررها ؏ طولي بكل ثقه

بدون ما يحرك راسه ، طال الصمت والارتباك واضح وضوح الشمس علية

وايدي رجفتها فاضحتني بلعت ريكي احس بلعومي يبس

وطلع صوتي مشخوط ما مفهوم :- السلام عليكم.

قلص عين من عيونه وباوعلي بنظره ما عرفت

افسرها مثل واحد ما عاجبه الوضع :- وعليج السلام تفضلي .

قدمت ايدي والصينية والماعون ونخبصت

ذيج الخبصه التمام وكأن اول مره بحياتي

اوكف كدام رجال ضاع الكلام كدام حضرته

زهراء:- هذا ثواب ؏ روح ابوية .

رفع حواجبه بعلامة افتهمت

واخذه من الصينية وهمس بصوت

شبه مسموع وهو ينقل نظراته بيني وبين ايده :- الله يرحمة وشكرًا.

ابتسمت بثقل ونزلت راسي امنع اعيوني من

النظر لعيونه بس عيوني ترجع تعاندني

أطالب بشوف محبوبها :- عفوًا .

رجعت خطوتين للخلف واني أتمنى

الزمن هنا يوكف بس لدقايق

اشبع من وجهه واتمتع بالنظر اله

ستوقفني واني اسمع صوته يعزف

بأذني بصوته الرجولي الحاد :- ما عرفت .

رجعت التفتت انظر بـ ضياع :- شنو ؟

غيهب :- اسم والدچ .

زهراء:- رحيم .

غيهب:-رحيم ما رحم بكلوبنا .

رديت بستغراب :- ليش شمسويلك بابا .

الغيهب :- امچ منتظرتچ بالباب ، وشكرا .

كمل كلامه ودخل مشيت بسرعة عبرت الشارع

فتت للبيت واني ورايه :- شحچه وياج .

زهراء:- منو .

بقت ساكته بس تباوعلي

اشرتلها شكو دارت وجهه

مني ، جريت نفس وهمست :- بس راد يعرف اسم ابوية

علمود يقرون الفاتحة مو اكثر وشكرني .

ام زهراء:- ذبي عباتج وكفي المطبخ .

أومأت براسي ومشيت للممر علكت عباتي وبديت انظف البيت

من أكثر الحضات ارهاق للعقل هِـيِّ فترة التنظيف

اني ساكته بس عقلي يشتغل بصورة مؤذيه

الى ان أنتهي وانتبه النفسي واطرد الأفكار من راسي

وترجع بعد دقايق اطالب بحل فوري

كملت لكيت روُحـي بالحمام غسلته اخر شي وسبحت

صبيت اني وآمي وكعدنا ناكل اندمجت اباوع ؏ مسلسلي

المفضل حتى أتجنب التفكير المفرط المتعب

المؤذي نفسيًا بي ، تأخر الوكت انطيت الـ امي ادويتها

وفرشت فراشي بصف فراشها ونمنا سوه

ويا محلاها من نومه وياريت بقيت ُ ؏ــمري كله

؏ هل روتين ولا صار الراح يصير .

الثاني يوم اجت علينا مرت خالي

الما تدخل علينا دخله اذا ما تسممنا

اول ما ستلمتنا تبجي ماعدنا وحالتنا بالضيم

وترجع تكول اشتريت تلفون الابني ويطلب

ومتعبني وامي سوده علية حنينه ما ينطيها

كلبها تتعاطف وياها .

بس اني ما تعبر عليه سوالفها تشبعت منها

واعرفها من نظراتها شوكت تحجي صح وشوكت

تمثل ،سويت صينية الغده ؏ اتم وجهه

وكعدنا تسولف وناكل احسها سممتني

ماكو خبر سلبي ما ذبته بوجهنا

شوية وابجي من وجع راسي بسبب كلامها

الى ان راحت امي اخذت حبوبها وجسمها كله

يرجف ، ضلت تحرك بكلبها ؏ اخوها وحالته

زهراء:- كافي يمة والله جذابه هاي وهم بخير

ما تعودتي ؏ سوالفها .

ام زهراء:-شنو تستفاد اذا اجذب يا يمه

هم صدك قابل شعدهم ، عندي مداليه ذهب صغيره

ليش ما ابيعها وانطيهم خطيه يمه ماعدهم احد .

زهراء:- لا تخبليني يمه شبيج الخاطر الله

مو هوه نفسه انطاج الفلوس وشوفنا درب الشارع

بالجذب ما سأل علينا وكال خويه اني اشوفلكم بيت .

ام زهراء:- اصير احسن منه يمه شلون انصير مثلهم

لو احسن .

زهراء:- لا احسن ولا موزين ولا نعرفهم ولا نتقربلهم عوفينا بعيدين يمه .

ام زهراء:- لازم نتقرب منهم زهورتي باجر عكبه ربج ياخذ امانتي

عدمن تبقين ، شلون تعيشين وحدج صعبه يا امي صعبه .

زهراء:- عمرج طويل يمه لا تحجين هيج .

آم زهراء:- هاي دنيانا يمه ما جبت هل حجي من جيبي .

زهراء :- اذا الله اخذج مني ادفن روُحـي بصفج اني وياج للموت يمه للموت .

حضنتني من ناشغت وبجيت كدامها

ام زهراء:- ولج ما موت يا خبله كافي لا تبجين تروحلج فدوه امج .

زهراء:- لا تعوفيني يمه ما اتخيل حياتي بدونچ .

ام زهراء:- كومي جيبيلي مي ومسحي دموعج لا تصيرين حساسه

وترخصين دموعج ؏ كلشي يمه وراج دنيا صعبه خليچ قوية

وشدي حزام ضهرج واجهي الكون كله .

هزيت راسي وكمت انطيتها مي ورحت للتلفزيون عفتها تنام ؏ راحتها

من تأخر الوكت نمت لان وراي طلبيه باجر لازم اكعدلها من الصبح .

طبيعي جدًا الملم شتات نفسي المرهقه

وأنام حتى الصبح افتح عيوني

بكل نشاط وحب العملي وتأدية كل واجباتي

بدون اي تقصير او إهمال

لكن الـ مو طبيعي اصيح امي وما تكعد

هنا مو بس عيوني تسود الدنيا بكبرها تضيق

؏ ركبتي وتخنكني حد الموت

بعدني ما مصدكه وما مستوعبه ڪُـل الصار

اني ڪُـل يوم من اكوم منها تفتح عينها اليوم

شبيها دخيلك ربي .

اقتربت عليها وبدت نبرة صوتي تعلو اكثر فـ اكثر

تعلن عن ضعفي ورجفت روُحـي عليها

زهراء:- هاا يمه ما تجاوبيني ليش حبيبتي ماما فتحي عينچ ..

نزلت اشوف نفسها ايي والله اكو نفس امي اجر نفس

لزمتها من جتافاتها وهزيتها بقوة :- ادري بيچ ما تعوفيني وحدي

كومي ولا تغدرين بيه ما عندي احد غيرچ .

بس امي نايمه ما فتحت عينها تهسترت

وبديت افقد اعصابي لطمت ؏ وجهي

وايدي تملخ بشعرري .

صررختتتت وصررختتت اطلب المساعدة

بس محاولاتي فاشلة ، رفعت راسي الساعة

بـ7 الصبح كلها نايمة .

ركضت ؏ تلفون اخابر بخوالي ولا واحد يجاوبني

دكيت ؏ ابو حسن رد علية مرعوب صحت

استنجد بي ودموعي غركت وجهي :-امي عمو امي ما تكعد .

ضل يصيح يحاول يفتهم مني :- عمو زهراء خابرتي اقاربكم

زهراء:- اييي ما يجاوبوني عمو تعال انتَ ابوس ايدك امي راحت مني .

ابو حسن :- اني بـعيد يا عمو بالزيارة ساعتين واوصلج بعد عمج

شدي حيلج ولا تضعفين .

زهراء:- ومنا الساعتين ابقه مكابله امي وكاعده اشوفها كدامي هيج

شلون عموو بيها نفسس امي بيهاا .

ابو حسن:/ طلعي ؏ شارع شوفي جوارينكم بوية ..

ذبيت التلفون مثل المخبله لفيت شالي وعباتي

وطلعت بالشارع ادك بالبيبان ، طلع جوارينا

آبو مروان وابو زهره من شافوا حالتي

ركضوا البيتنا هم ونسوانهم

واني وياهم استنجد بكل واحد بس ساعدوا اني

اريد امي ما عندي غيرها .

من صوت صياحي وصوت الزلم

دخلوا علينا هواي جوارين وهنا عرفت

صدك الغريب احسن من القريب

شالوا امي صعدوها بالسياره وصعدت وياها نومت راسها بحضني

فقدت روُحـي تزوهرت واني اشوفها بعد ڪُـل هل هوسه وشالوها

من مكان المكان وهي رافضه تكعد ، مديت ايدي لزمت ايدها

صارت عوجه وحلكه من جوه نعوج لطمت ؏ وجهييي

بكل قوتي حسيت من قوة الضرب خشمي يذب دم

وما هتميت التفتت علية المره كاعده بالصدر

لزمتني من ايدي وصاحت بيه :- كاافيي يمه كولي يا الله راح نوصل

لاتوكعين ويا امج يا عيوني كاافي حرام عليج ما بيها شي لاتفاولين

زهراء:-ايدها نعوجت خاله امي راح تروح مني

رجعت نزلت راسي اباوع بوجهه الحنين الدافي صحت بضعف واني اذكر كلامها البارحة وينعصر گلبـي اكثر من قبل عليها .

زهراء:- يمه بس فتحي عينج شوفيني شلون ترضين بنيتج تتعذب هيج وما تسكتيها ، لا تعوفيني شعندي غيرج ابوس ايدج فتحي عينج يييمه ..

شخطت السيارة وكفت كدام باب المستشفى

رفعت عيوني اباوع منتظرتهم يجيبون سديه

ينقلوها بيها ، جمدت دموعي من شفت

غيهب هو النزل ودخل ،. باوعت على سيارة اي والله هاي سيارته

مااعرف شحجه وياهم ورجع هو وياهم والسديه

شالوا امي بيها واخذوا روحي وياها

نزلت واحس ثكل الدنيا ؏ ضهري

اجر بخطواتي جر والـمره وياي

تمشي لازمه ايدي وايدها الثانية ؏ ضهري

الغيهب:- هذا كلينكس امسحي وجهج ، فوتوها طوارئ دقايق ويطلع الدكتور يطمنكم .

اخذته من ايده مسحت خشمي

وكعدت ؏ كرسي وايدي ؏ راسي

احس بي يريد ينفجر ودموعي ما وكفن لحضه

وحده ، سمعت صوت الباب انفتح كمت

اني وجوارينا ابو مروان ومرته هم جايين

الدكتورة:- حالتها استقرت ضربتها جلطة اثر ارتفاع ضغطها لل22

بس تعدت مرحلة الخطر حاليا ، هذا دواها اريده بأسرع وقت ممكن

من خارج المستشفى.

اخذته من ايده وشكرته

مشيت بسرعه اريد اطلع من المستشفى

وكفت من تذكرت ما شايله ولا ربع دينار

شلون اشتري ، رجعت امشي دايخه ؏ خجلانه

وصلت للمصعد نسحبت من ايدي وجسمي

كله التفتت بلعت ريكي بصعوبه واني اشوفه

كبالي وجهي اشتعل بنار من شفت وجهه

الغيهب:-انطيني الورقة ورجعي .

زهراء:- لا شكرًا اني اروح .

سحبها من ايدي ورد عليه وهو يضغط ؏ مخارج الحروف

الغيهب:- كلت ارجعي .

بقيت واكفه بمكاني صافنه لا اخذ ولا انطي

للحضات ، هز راسه وهمس :- هم صفنت .

رفعت ايدي اشرت ؏ نفسي وهمست:- اني .

الغيهب:- بطلي صفناتچ .

زهراء:- ما صافنه انتَ بقيت واكف منتظرتك تروح .

الغيهب :- صح .

كالها وعبرني وصعد بالمصعد

رجعت المكاني الخجل ماكلني

من صدك ضليت صافنه بوجهه

شكد عيب بعد ولا اباوع بوجهه وما اريد اشوفه

اني بياحال .

من رجع ما حجيت ابد اقترب هو راح للدكتور انطى الدوه

واجه بتجاهي ضليت ارجف والعرك يصب من كصتي

تفاجئت من همس:- يلا يمه نرجع للبيت .

ام غيهب:- لا يمه شلون نعوف البنية وحدها ، نبقى نطمن عليها

وعلى جارتنا ونرجع حبيبي .

الغيهب:- عندي شغل اريد اروح .

ام غيهب:- خلصت عمرك عندك شغل ، عوفه اليوم وابقه يمي .

تأفأف وراح وهو ما عاجبه كلامها وتلفونه بيده يخابر .

رفعت راسي الها :- خاله روحوا ابو مروان وزوجته موجودين

وأمي صارت احسن .

أم غيهب:- حق الجار ؏ جار بنيتي وانتِ بنية وحدج شلون اعوفج

اذا ما اشوف امج فتحت عيونها فلا اتحرك من مكاني . ً

زهراء:- ما راح انسى وكفتكم وياي ُ ؏ــمري كله اشكركم .

طبطبت ؏ جتافي وردت بحنان :- ما سوينا شي بنيتي .

ساعة وفات خالي ويا ابو حسن

اجه خالو مسح ؏ راسي وراح للدكتور

يحجي ويا من رجع اجه يمي :- شلون صار هيج خالو زهراء.

همست بضعف:- ما اعرف كعدت الصبح اريد اخلص طلبيه

اكعدها ما تكعد تهسترت اخابركم ما تجاوبون ، الحمدالله جوارينا ماقصروا

هم جابوها لهنا ولحكنا عليها .

-ما ادري والله يا خالو ما سمعت صوت التلفون.

بقيت ساكته ما رديت علية

شويه وهمس :- كومي ابوية رجعي للبيت جهزي

الغرفة الجوه الـ امج راح ابات يمها وان شاء الله باجر يطلعوها .

زهراء:- لا تكلي اعوفها ما اكدراريد اشوفها تفتح عينها وتباوعلي

اشتاقيتلها خالو اريد امي .

حضني واني انفجرت ابجي بحضنه

وكلها تواسي بيه وطبطب ؏ ضهري

كلامهم كله بأذني بس اني اريد اسمع

صوت امي اشوف امي احجي ويا امي

ما اريد غيرها مااريد .

بقيت كاعده الى ان الدكتور طمني فتحت عينها دخلت

بس اني كعدت يم ايدها ابجي سوده علية ما تكدر تحجي

وجهه لونه شاحب وصاير بـ لون الأصفر

عسى اني بمكانج يا نظر عيني ما تستاهلين يا حبيبتي .

لزمت ايدي بقوه ودموعها نزلت ؏ عينها واخذت مسارها

مسحتها بيدي وتقربت بست راسها ما اريد تبجي

زهراء:- اخر مره اسامحج تسوين هيج بيه ، يلاا بسرعة صيري

زينه هاا وعوضيني اريد اطبخيلي ڪُـل اكلاتي الـ احبها

شعبالج اطلع ثمن دموعي .

ابتسمت وغمضت عينها من اثر الـ ادوية

دخل الدكتور راح يبقوها بالمستشفى الباجر

طلعت ورجع خالي نبه علية ارجع بعد ما شفتها

وما كدرت اكسر كلمته رغم ما اريد اعوفها نهائيا

بس زحمة اعارضه واخاف يفشلني كدامهم

طلعنا كلنا سوه تشكرت منهم

وتوجهت السيارة عمو ابو حسن رحت ويا

وابو مروان رجع بسيارته

اما الغيهب آخذ والدته وراح

تجنبت اباوعله قدر المستطاع بس حتى ما ينتبه

وياخذ نظره مو حلوه علية زحمه .

دخلت للبيت اول مره بحياتي

اخاف منه موحش ياكل بيه

واحس يعاتبني رجعت وامي مو وياي

كعدت باب المدخل ابجي بعلو صوتي

واعاتب بروحي والوم امي

دعيت ربي من ڪُـل گلبـي يرجعها الي

وما يحرمني منها بيوم بدونها اضيع .

دخلت هلكانه لكيت التلفون محترك اتصالات

وهو بيدي دك رقم الناس الطالبين مني

رديت عليهم واجاني صوت رجال

يرعد رعد :- مو عيب عليكم ليش توعدين وتثبتين وتخلينا نعتمد عليج

اذا انتِ مو كفوا يا ثوله با بت الـ اثول انعل ابو اليطلب منكم

فشلتونه ويا العالم الله يفشلكم سفله والله لو ما اكول نسوان

اشتكي عليكم وانعل ابو اليطلعلكم .

ضليت ارجف بمكاني :- بس افهمك استاذ والله امي انجلطت بالمستشفى

تعال واسأل هاي دخلتي منها اني اسفة واعتذر منك .

حاولت ويا يفتهم موقفي بس فشلت :- شنو امج وشنو ابوج

لج فشلتونا ويا العالم شنطيهم معازيمنا وين اوديهم .

من شفت ما منه فائدة سديته بوجهه

رجع يتصل بيه ما رديت من لح

عليه اكثر انجبرت اجاوب :- الج تلاث ساعات بس اذا ما يجيني كلشي

جاهز احرگ شيب الخلفوچ واطلع العربون من خشمج واشوفچ نقيب امير شيسوي بيج .

صرخت بي بحركت قلب :- شسوي سوي اذا انت ما عندك انسانيه هاي مو مشكلتي صار ساعة اوضحلك بس انت ما عندك احترام

وسبيتني وسبيت اهلي اكدر اشتكي عليك هسة بس راح اعديها .

سديته بوجهه لو بتلبت ، هنا دقايق لا غير

بابنا تفلشش وصوته هز بيتنا والمنطقة

قفلت البوب واني اخابر ؏ خالي استنجد بي

ضل يدك اقوه واقوه

جمعت قوتي وفتحته مو من المعقول يضربني

ويمد ايده ؏ مره ، طلعت للطرمه سمعت جوارينا يحجون ويا

ويفهموا حالت امي بس هو مُصر ؏ طلعتي يريد يتعارك وياي

اخذت بكد العربون الصرفتهم ؏ مسواك اخذت من الجنطه بكدهم

وطلعتله واني ساتره روُحـي كلش زين

وصوت بداخلي يصيح وينج يمه .

فتحت الباب لو جنيت ؏ نفسي اندفر بكل فوته

والرجال ضخم غطاني وهو يصرخ بوجهي ويمشي

واني ارجع ليوره مرعوبه من صوته :- لج هل كدوتج بطول قندرتي وتلعبين عليه اني امير دوله وتاج تجي وحده بكدج تفشلني وتطبك التلفون بوجهي .

رديت بأرتباك وصوتي يرجف :- انتَ مو متفهم جبرتني اسده بوجهك

مو قصدي اقلل من احترامك بس ما خليتلي طريق ثاني .

امير :- طرق ثااااني انعل ابو طريقچ كلبه .

هو كال هيج واني انفجرت ابجي ، دفعه ابو مروان

وهو يصرخ بوجهه :- عيب عليك تتقاوه ؏ حرمه هم مو حرمه

شابه صغيرة وحدها بالبيت مو عيب عليك هِـيِّ هاي شيم الزلم .

اندفع الباب دخلوا زلم اثنين وثالثهم الغيهب ووووو ..

يتبع ...

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _3_

تـكـول زهراء...

آني ( فرصة ) وجاي احبك ،

‏استغلني ،

‏من اديرن ظهري عنك

‏لو هوى الله يصير يمك ما يرِدنِي .

يَـــرد الــغــيــهـب ...

إذا أخبرتكِ عن ظُلمتي هل ستظلين تنظرين إليَّ وكأني شمس ؟

هو كال هيج واني انفجرت ابجي ، دفعه ابو مروان

وهو يصرخ بوجهه :- عيب عليك تتقاوه ؏ حرمه هم مو حرمه

شابه صغيرة وحدها بالبيت مو عيب عليك هِـيِّ هاي شيم الزلم .

اندفع الباب دخلوا زلم اثنين وثالثهم الغيهب ضلت عيني

تجول تتفحص تعابير وجهم وتستنجد بـ شخص ينقذها .

تقرب رجال جبير يشبه الغيهب لزمه من ايده وبقهريدفع بي بالشارع

غيث:- عيب عليك زين شواربك ولك تتعارك ويا بنية

وهي واكعه بمشكله وامها بين الحياة والموت .

تقدم علية الغيهب مد ايده خطفه من ابو

وهي صرخه وهي دفعه :-هذا سافل ما يفيد ويا أخد وعطى.

نزل شاب ثاني جاي ويا امير وكف بيناتهم

وصاح ؏ صاحبه :- امير خوية كافي كول يا الله علمود اكل هيج سويت .

امير:- هذولي ما يعرفون امير منوو ولك مايعرفون اني منووو .

الغيهب :- هذا عقله تنك تروح منا لا انسيك منو امير .

ابو غيهب:- مو هيج الكلام بابا اسكتوا حتى نتفاهم .

من سكتوا والكل اخذ وضع الصامت ، لان طريقة كلامه حيل هادئه

وهو مبين علية انسان مثقف واصل ، التفت ؏ امير ورفع ايده ؏ اكتافه

ابو غيهب:- انتَ كلت اني امير يعني تعرف نفسك واصل والك مكانتك

إهداء وراح تفكر وراح تعرف الـ ديصير عيب وموحلوه

بحقك داخل بيت بنية وحدها لا حول ولا قوة واكعه بشدة وانتَ تزيدها

يا ابني يتيمة (وانا اليتيم فلا تقهر ) حرام ابني حرام راجع نفسك الله يرضًا عليك وخليها بمحل اختك .

اباوعله وجهه صار اسود ودنك راسه

ورجع نتر :- هِـيِّ خلتني افقد اعصابي واتصرف هل تصرف .

ابو غيهب:- تجاوزت عليك ؟

امير :- لا بس ما تحترمني وسدت الجهاز بوجهي .

أبو غيهب:- من تجاوزك غلقته ابني ، والـ نفرض صح كلامك

هم انتَ رجل والصار مو من شيم الرجال عزيزي الكريم

المهم انتَ دافع فلوس ؟

امير :- اي دافعلها 50الف مقدمًا ، وفشلتني ويا ضيوفي .

ابو مروان :- مو بيدها هِـيِّ والدتها ما يقصرون وكل الطالبين منهم

يشهدون ؏ اخلاقهم ونظافتهم ونظامهم وانظباطهم بالوقت

اليوم الضروف عكست وياها ليش نصير احنه والزمن ؏ الـ ايتام .

مد ايده ابو غيهب بجيب بنطرونه طلع خمس وعشرين اثنين

انطاها بيده :- روح اطلب من مطعم بلا فضايح توكل .

دار وجهه ؏ بابنا يباوع بغضب وعافهم وصعد وهو مستمر يباوع

الغيهب:- دير وجهك ؏ طريقك احسن الك ...

رجع يريد ينزل :- شنو تتحداني .

الغيهب:- احترامًا الوالدين والناس الكبار ساكت ، لو ما هم ييووو كان انتَ هسة بخبر كان .

لزمه ابو من ايده ومشى بي للبيت واحد يتوعد بالثاني

بقيت جامده بس دموعي تصب والنقس كوه اجره

والله ما ناقصني مصايب .

اندك الباب فتحته بخجل لكيت ابو غيهب وابو مروان

واكفين تشكرت منهم وطلعت الخمسين

زهراء:- هاك عمو تفضل الفلوس ما اعرف شلون

اشكركم وكفتكم ترفع الراس .

ابو غيهب:- انتِ بمثابت بنتي بابا ، دخلي للبيت ولا تفتحين الباب منا

الباجر من ترجع والدتچ بالسلامه ان شاء الله.

تجاهل ايدي البيها الفلوس وخجلتي

هزيت راسي وفعلا سلمت ودخلت للبيت

من البجي خليت راسي ونمت ما كدرت حتى اخلي

لكمه بحلكي ، الثاني يوم كعدت رتبت بيتنا

وخابرت ؏ خالي اريد مره بحياتي

اتصل علية ويرد علية مثل البشر الطبيعي يدك تلفونه

يفتح خط ماكو اذا ما يشبع گلبـي ،ضليت حايرة اروح وارجع

البيت اظلم بلا امي ما بي طعم ياكل بروحي اكل

لو ما عيب اهج اضعف بلاج يمه اضعف

تعاي يا بعد عيوني الاثنين خليني اشوفج كبالي

وترتاح روُحـي المحتركه بنار غيابج .

كعدت بالكاع بنفس مكانها التكعد بي اناشغ

ودموعي تحرك بخدي ايدي مربوطه ، للعصر ندك باب بيتنا

طلعت ملهوفة واني اسمع صوت خالي يحجي وياها

بهتت كلشي بهت لوني انسحبت روُحـي

نشف الدم بعروكي واني اشوف

امي كبالي ؏ عربانه (كرسي متحرك)

الله وحده يعلم شكد حاولت الزم روُحـي

واتماسك ما انزل دموعي كدامها بس فشلت

حضنتها بكل قوتي وبجييت بجي طفله

مو وحده شابة عمرها 22 حاولت تحجي ما كدرت

من وره التعب الماكل من جمال وجهه ، دخلها خالي جوه نامت بفراشها واحسها هسة ارتاحت .

كعد وياي علمني ؏ دواها وشكله حيل تعبان

من خلص كام سلم وطلع راح البيتا يرتاح

رجعت كعدت بصف امي هِـيِّ نامت وايدها حاضنه ايدي

ما تكدر تبقه كاعده هواي .

كابلتها بعد ما تحركت

من مكاني ، شكد مشتاقتلها وما امل شوفتها

كعدتها بليل علمود الدوه وكلتها شوربة خفيفه بدور ملح

اكلت شويه وشربت العلاج شي وره شي ورجعت نامت

قلق تفكير ارهاق اتهرب منه بالنوم .

للظهر وعيت ؏ نفسي البيت هادئ

بس التلفون يدك فتحت خط ؏ خالي

كال :-فتحيلي الباب خالو صار ساعة ادك .

ركضت فتحته ودخلنا اطمئن ؏ امي وكعد وياها

شاف وضعها وطمني:- ما تبقه هيج ان شاء الله نوديها علاج طبيعي وهي بمرور الوقت ترجع بقوة الله .

زهراء:- خايفة عليها ما عندي غيرها .

-كولي يا الله

زهراء:-يا الله.

-هاي هِـيِّ ، اني رايح من تحتاجين شي خابري .

ويا طلعته فاتوا صديقات امي جوارينا

كعدوا وياها يصبرون عليها ، حضرت جايات واجيت

يمهن لليل اجت مرت خالي هم بقوا يمنا لل١١وراحوا

واستمر الوضع اسبوع كامل جوارينا يزورون امي ويطمنون عليها

اضطريت ارجع للشغل لان بعد ما عدنا ولا فلس ومحد بحالنه

نكسر ضهري بالطلبيات ودمروني العالم البطرانه الي ؏ اقل

شي يسون مشكله واضطر اتودد واراضي بيهم حتى لا يلغون الطلب

ويضيع ڪُـل تعبي هباء منثورًا.

الله سبحانه سخر خالي الـ امي وبقه يراجع بيها بعد ما باع المداليا

وصارت علاج الها الحمدلله كدرت تحرك ايدها وحلكه رجع

وتكدر تمشي بس مو مثل قبل .

حبيبتي رجعت تكابلني وتشرف ؏ كلشي

بعد مرور شهر دخلت ام الغيهب الـ ما تركت امي

ابد وصارت صديقتها الروح بالروح يتشاركن

الاخبار ويتبادلن الاكل والشرب وكل وحده تتنغص للثانية

وين ما تروح ام غيهب تاخذ امي ، وامي كذالك وياهم ام مروان

سميتهم الثلاثي المرح ، من يكعدن اصوات ضحكاتهن تجنن

سوالفهن تخليني ارجع ايام زمان وافرح من ڪُـل اعماق گلبـي .

وبيوم اجتنا ام غيهب سلمت عليه  وجهه اصفر

دخلتها الـ امي ورجعت بالمطبخ عندي طلبيت كيك

لزمت الكيكه ازينها بـ كريمة البيضة شلت كاست

الككو الذوبته حتى ازينها بي لفت انتباهي صوت

بجي جفلت ورجعت الككو المكانه وتقربت من الباب

انمرد گلبـي واني اسمع ام غيهب تبجي

رجعت المكاني ارتب واسمعها تكول

ام غيهب:- راح يروح مني احجي  الـ ابو بعد لا تحجي بخبارها

كدامه انتهى هذا القوي راح من تحجون بيها هو يتخبل شلون بيه شلون فهميني .

ام زهراء:- كولي يا الله بالكي لا يصير بيج شي يمعودة  .

ام غيهب:- هسة هِـيِّ سوت عملتها السودة وطفرت ولك يمه استقر

هِـيِّ مو دورت استقرار وفضلت عليك الما يسوه طولك

ولك ازوج وستقر التفت الحياتك  .

ام زهراء:- شنو رد فعله من تحجين هيج ويا .

ام غيهب:- اخ يا ام زهراء ، يكلي اذا ما اشرب من دمها ما يبرد جرحي

اني ميت اريد اموتها وياي .

ويسويها عبالج ما يسويها ، البراسه براسه هذا اذا ما يحرك گلبـي

ويخليني بحسرة شوفته ما يرتاح . وارجع اكول حقه الصار مو سهل

ام زهراء:-عيني ولا مبين علية هادئ چنه الـ ليل ادري دعوف هل سالفة .

ام غيهب:- ضروري اشوف حل بعد ما اسكت عنه بس فهميني

شبيدي اذا ابو مو وياي ، اكله ساعد ابنك يرد علية هو مو زعطوط .

ادري مو زعطوط بس مجروح جروحه تنزف

ڪُـل يومية يكعد عيونه حمررر دم من القهر

اكله يمه شبيك حاجيني

يكلي كلشي بيه كلشي .

اني سمعت هيج لو موتتني ويا ضليت لا اكدر اخذ ولا انطي

ذبيت كلشي وكعدت اتسائل بيني وبين نفسي

يحب؟

وتزوجت؟

ليش تركو بعض؟

يحبها لليوم ؟

يريد ينتقم ليش ينتقم ؟

شخص ما يريدني اني هم ما اريده ليش يدمر حياته لجلها .

تنهدت بنفاذ صبر وكملت بسرعة حسيت نفسيتي انجعصت

بكد ما الخبر صعقني ، خليت الكيكه بالثلاجة تبرد

واني رحت كعدت وياهم وبيدي ضيافة

ام زهراء:- هسة هو وينه .

سويت نفسي عبالك السالفة كلش مو يمي ولا اسمع

ام غيهب:- سافر هج من العراق بكبره .

ام زهراء:- خلي هو بين ما يخلص عرسهم ليش يسوي

غلط ويندم علية ، هو چبير وفاهم يعرف اذا بقه يغلط .

ام غيهب:- ابو نفس الحجي .

ام زهراء:- وهذا الصح عوفي لا تضغطين علية  .

وره مدة كمت طلعت اني والكيكه سلمتها الـ ابو حسن

ابتسم وهو يكول:- كيك وشايل كيك اليوم .

زهراء:- ولا تجوز من كلامك الحلو يا عمو .

ابوحسن:- بنيتي المؤدبه ربي يحرسج .

نزلت راسي واني اتشكر منه

رجعت اريد افوت طلعت ام غيهب سلمت وراحت

وخلتني روُحـي مَنتفضه كعدت ؏ تخم غمضت عيني

وسرحت بخيالي واني اشوف عيونه

اوف شكد مشتاقه اشوفه صار هوايي احارب نفسي ومبتعده عنه

ما اريد ياخذ نضره مو حلوه علية ،دست ؏ گلبـي حتى ما اخون ثقت

امي بيه ، وما اصير سبب بهدم علاقتها ويا ام غيهب .

بس اشتاقيتله ومو بيدي احس حبه امتلك گلبـي

وماكو مكان فارغ اللهجر يسمحلي اعوفه .

انصدم بنفسي هواي شلون حبيته

بهل سرعة واني بطبعي ابد ما انعحب بشخص

ومو ڪُـل واحد يستهويني ويلفت نظري

ما اعرف اني ما مفكره بهل موضوع

وكدست حياتي بمساعدت امي بس .

ايام وشهور عدت وحبه يوم بعد يوم يكبر بكلبي

ويا ڪُـل ذكر اسمه احساس يحتلني مثل المرض ونتشر بيه

بعد ما هربت للنوم

كعدت الصبح اسمع اصوات عاليه بالخارج

مسحت وجهي ورحت للمطبخ الـ امي

زهراء:- صباحك خيير ماما .

آم زهراء:- هلا يمه كعدي يمي نتريك .

زهراء:- ام الزوز يا محلات الاكل وياج .

أم زهراء:- اي صدكت باجر عكبه تزوجين وترحين ويا وتعوفيني .

زهراء:- لا يخسسسي اعوف امي واروح ويا شنو

ازوج كعيدي يعيش ويانا ويصرف علينا .

أم زهراء:- امداج اذا صدك .

زهراء:- شسوي ماكو غير هل حلين لو اعنس لو ازوج كعيدي

لان ماكو جلب يقبل اخذج وياي متأكده .

ضحكت وهي تصب الجاي

أم زهراء:- من هسة مسميته جلب .

غيرت الموضوع واني اسألها :-شو صوت عالي بره .

ام زهراء:- رجع غيهب ومسوين عزيمة .

جني خبله حلكي انفتح من الضحكه

اريد اسيطر ؏ مشاعري بعد ما اكدر

نزلت راسي من شفت امي خزرتني بستغراب

تهربت منها واكلت كم لكمه وكمت

ضليت انظف واريد بس اطلع بره اشوفه

ما صدكت امي راحت للحمام ركضت

الباب الشارع ضليت اباوع منتظره شوفته

كلها بالباب بس هو ماكو اثر اله

خفت امي تطلع وما تلكاني رجعت

وبكلبي خيبه امل جببرة ، بيه

ما بيه كملت الشغل العندي وكعدت

اباع تلفزيون ، من شفت امي كامت تصلي رجع

طلعت باوعت سيارته مشتغله بس ما موجود

صار عندي امل بشوفته

واني مركزه اباوع اندك الباب دكه قوية صارت بوجهي 

رجعت ليوره هِـيِّ وكعه وهي صرخه

اجتي امي تركض تصيح  :- يمه اسم الله ولج كومي  شبيج.

رديت برتباكً:- اريد افتح الباب وزحلكت .

كمت واني متردده من نظرات امي فتحت الباب

صار ابوالزبل كبالي صاح:- بسررعة زبالتكم .

ضليت اباوعله والله اكره هاي الكلمة كول طلعوا الزباله زبالتكم شنو

فاتت امي جوه واني  اخذت الجيس انطيته اله اريد اسد الباب طلع الغيهب وطلع گلبـي ويا وعيوني وراحوا يمه ، ضليت بمكاني ما تحركت غصب عني اعصابي كلها تموت  واصير حالي حال  حال المخدرين

صعد بالسيارة نزع النظارات ونزل راسه بعلامة تره شفتج

طبكت الباب هو رجع لبسها وطلع .

رجع ضحكتي

رجع راحتي

رجع هدوء افكاري

استقر ڪُـل وضعي بشوفته ما امل من وجهه ما امل .

الساعة بـ 8 ليلا اندك باب بيتنا

طلعت لكيت ام غيهب بالباب

همست ببتسامه:- هلا خاله تفضلي .

فاتت بسرعة اريد اسد الباب

دخلت وراها لكيتها لازمه

ايد امي وتحجي والضحكه

تارسه وجهه :/ غيهب يريد زهراء .

هل كلمة سطرتني ؏ وجهي

امي ما كدرت تفتح حلكها بكلمه

بس عيونها ركزت بعيوني

رجعت كررتها :- الغيهب بريد زهراء والله رادها .

ام زهراء:- كولي يا الله ؏ كيفج شنو يعني يريد زهراء ، بنتي صغيرة

ما انطيها ،وهم نسيتي غيهب طالع من علاقة فاشلة وكارهه حتى نفسة

ام غيهب:- صح بس هو هسة صحه ؏ نفسة ويريد يعيش حياته ويستقر.

آم زهراء:-ما نساها شلون يستقر هو قبل كم يوم يهدد ودمه محروك  .

تغيرت ام غيهب وغابت ضحكتها من معالم وجهه

-شفتهم منج ما تنطيني زهراء.

ضلت امي ما تعرف شتكللها من جهه اني بتها وعزيزتها وحيدتها

ومن جهه ثانية صديقتها كبالها ما تريد تزعلها .

بعد تفكير عميق همست :- خلينا نفكر يومين تلاثه ونردلكم خبر

ايدتها ام غيهب وكعدت وياها تحلفلها :/ وروح امي وابوية احسبها حساب

بنتي اخليها كبال عيوني اذا صارت مرت الغالي ، وهم كبالج مو بعيده ڪُـل يوم الصبح تمر عليج العصر تكعد يمج ، انتِ تجين يمها .

أم زهراء:- يصير خير ان شا الله.

بعد مده راحت امي ابد ما حجت وياي

صاحت عليه فرشتلها وضلت تتكلب بفراشهه

من جهه هم امورهم زينه تدري راح ارتاح من هل ناحية

وهم كلهم عائلة مثقفين ويخافون ربهم

بس لان تعرف غيهب عنده كسره

وبعدة جرحة ما طاب خافت وترددت حييل

والثاني موم هم ما فتحت الموضوع

بيوم الثالث اجت ام غيهب وبتها ملاك

اول مره اشوفها جميلة بجمال الغيهب ، سلمت وكعدت تسولف وياي سوالف

عامه ، ورجعت ام غيهب فتحت الموضوع

وصدمتها امي برفضها ، بس ما ستسلمت وبقت مصره تقنع امي

اخذتني امي ؏ صفحة ما كدرت انطق بكلمة غير

(التشوفي صح وزين الي سوي يمه )

وبنظرها الصح والزين الرفض رفضتهم

وطلعوا مكسور خاطرهم ووجوهم ثكيله .

ام زهراء:-يمه الحب الاول ما ينسي لو بعد سنين

وهو نغدر ونخان ونترك ونجرح

وتعقد  واني جبيرة مو صغيره عندي خبرة بهل حياة واشوف صعبه العيشه تصير ويا انسان مجروح وما يثق بـ احد

رديت بغصه :- صح يمه .

أم زهراء:-هو خوش ولد واصل بس ما راح تعيشين سعيدة

وانتِ بنيتي الوحيدة ما عندي غيرج ما اريد اشوف دموعج الغالية

تنزل بيوم ما اتحمل يا بعد امج .

عارضت قلبي ورديت بعقل :- كلامج هو اليمشي ومابي عيب

وانا كتلج الـ شوفي زين الي سوي وياج اني .

نظرتلي برضا وكامت

گلبـي انتفض وحارب عقلي

واثنينهم اشتغلوا عكس بعض

العقل رافض الغيهب

والقلب يحارب الـ اجل الغيهب .

وبقيت اني بوسط نارهم

رجعت الحياتي وحاولت اتناسى

وحتى الباب لغيت روحتي يمه

اخاف اضعف واشوفه

واعرف امي ما راح توافق علية

واخاف من المجهول ويا ..

هنا الغيهب هو اشتغل نيابتًا عنا كلنا

ومن هنا بدا العب ..

جنت كاعده ادلك رجل امي

بعصارة موف من اندك الباب

امي بسرعة كامت من مكانها تدري

بيه ما اريد اطلع بعد .

فتحت الباب وبعد غياب دخلت صديقتها

ام الغيهب سلمت عليها واني رحت خدرت جاي

بس بالي كله يمهن

هنا سمعت امي تنتفض

ترفض

تقاوم

تستسلم ..

ام غيهب:- الباب يبقه مفتوح وهي شغلت خمس دقايق

بس يحجي وياها .

ام زهراء:-شدكول علية الناس خية كولي غيرها بنيتي ما اقبل تحجي

ويا الغريب  وتبقه ويا وحيدها زهراء خجوله.

ام غيهب:- يا دادا شكو بيها راح ياكلها هنا كلمتين وزهوره واعيه وفاهمه

شنو يبوك نصها ، ما ادري بيج انسانه متفهمه وهو عنده كلمتين بس  .

حد الحوار وشتد اكثر واكثر الى ان اقتنعت امي

واجتني ، ضليت ما اكدر ابلع ريكي نخبصت  خبص

رحت ؏ قوري اريد اخلي جاي خليت شكر بالقوري

وامشي واركع بالغراض .

فاتتلي متردده متحيره همست :- راح يجي غيهب بريد يحجي وياج

وحدكم بس باب الـ استقبال يبقه مفتوح ،ولان عندي ثقه بيج راح اقبل

تدخلين يمه ويحجي العنده ويروح .

رفضت اعترضت اعرف نفسي ضعيفه كدامه

وما راح اكدر انطق حرف

تأثيرة كبير علية وما اعرف اواجهه صعبه حيييل .

بعد حوار طويل كدرت ادوس ؏ نفسي واوافق هل مره

ونشوف شنو المطلوب ؟

بين ما ابدل راحت ام غيهب صاحته

سمعت صوته وتخربطت احوالي

من الخوف ما اعرف اكمز اضحك ابجي

وكعت بالكاع اريد اقوي نفسي ما اكدر والله

مو بيدي احسها صعبه الوكفه مقابيله .

خطوات امي تقترب لازم اكوم وما اخليها تحس عليه

عدلت شالي رشيت اخر ما تبقه من العطر

واخذت شهيق زفيرر وطلعت

امي سبقتني للمطبخ هِـيِّ وام غيهب

واني عصرت ايدي عصر ودخلت

صار كبالي كاعد وهالة الهدوء محاوطته

رفع عيونه التعبانه عليه

رمقني بنظرات ما اعرف خزرات

ضيعني بيها ، تصنمت بمكاني وعظام ايدي احس

تكسرت ما هلكد ضغطت عليها .

طبك حاجبه وحجه بصوته الحاد :-ممكن اعرف سبب رفضج ؟

يتبع ...

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _4_

الغيهب ..

وأنا لا شيء أملكه ، سؤى روُحـي ..

هل تقبلين الأروح المتورمة؟

زهراء..

ارقد بسلام والقلب ساهر العينان

لك روُحـي وعيني والفؤاد يا من

ملكت قلبي والروح لروحك الفداء...

طبك حاجبه وحجه بصوته الحاد :-ممكن اعرف سبب رفضج ؟

بعدت نظراتي منه بضياع

تخالط خوفي مع ارتباكي

ورهبة حُـبـي من شخصه

خفت يسمع دكات گلبـي

جمعت قوتي ورديت بصوت واضح وموزون :- ماكو سبب معين ، وسبب

رفضي مو شخصي يعني انتَ ما بيك غلط .

الغيهب:- وضحي.

زهراء:- ماضيك ..

الغيهب:- انتهى..

زهراء:- وجرحك .

الغيهب:- عالجي .

زهراء:- شلون .

الغيهب:- كلشي بيدج ، القرار بيدج ، نسياني بيدج ، علاج جرحي بيدج

انتَ حواء أذان تكدرين .

زهراء:- ليش اختاريتني؟

رد وبكل ثقه وعينه بعيني :- لإن تحبيني ..

ضليت اتلعثم سحبت نفس وكملت كلامنا :- منو يكون .

صك ؏ اسنانه مثل اتذكر كلمة ورجع يباوعلي :- انتَ أحجيها .

زهراء:- شنو .

الغيهب:- تحبيني ..

اكتفيت بالسكوت وما نطقت بحرف وكف وهو

يكمل كلامه :- تدرين قررت امشي ؏ مبدأ جديد

بحياتي بعمري ما فكرت راح اعتمده .

زهراء:- وهو ..

نظراته تحجي قبل لا ينطق :- أختار الـ يحبني ، ابتعد عن الـ احبه .

زهراء:- ليش ..

كلتها وكعدت لان رجلي بعد ما تشيلني .

الغيهب:-الـ يحبني راح يوفر ڪُـل سبل راحتي وسعادتي

اما الـ احبة راح يستنزفني ويتركني بعد ما تخلص مصلحته

مني ، لان هو ما حبني بس حب عطاياك.

ما كدرت ما ابتسم بوجع واني انطق بكلماتي :-واني وانتَ راح انكون الجزء

الثاني من كلامك ، راح اكون المحب الي يوفر ڪُـل سبل الراحه

الى ان تستنزف ڪُـل قوتي وتاكلني لحم وتذبني عظم مو هيج .

الغيهب:- بس ڪُـل هذا يكدر يتغير من تغيريني وتخليني احبج واسلمج

قلب الغيهب ، أني انسان ما اعرف أجامل ومن دخلت هسة انطيتچ

ڪُـل البكلبي مقدما حتى بعدين ما تلوميني .

وكفت وحاولت أكون ثابتًا أمامه:- بعد هل حوار قررت أثبت ؏ رفضي

وأشكرك لإن جنت صريح وياية وما لفت ودرت .

الغيهب:- كتلج ما اجامل ولا اجمل صورتي ، إنسان مستنزف كدامج

مجرد من الإحساس گلبـي صخر ، رجل مو مثالي ، وكتلج القرار بيدج رغم أعرف تحبيني بس ما أجبرچ .

كمل كلامه وتوجهه بالباب رجع التفتلي وهمس :- تشرفت بالكلام وياج زهراء .

طلع طلعت روُحـي ويا گلبـي نزف

وصرت حالي من حاله انسانه مجروحة

اريده والله اريده حبيته مو بيدي الحب

خارج إرادتي وما أعرف شلون انحكم بمشاعري أتجاه

هل شخص الي ما حاول أصلًا يجمل صورته كدامي حتى

أوافق علية واكون اله .

ضليت بمكاني ما تحركت

حاولت اجمع افكاري والتشتت

وأكون ؏ طبيعتي ، ؏ صوت الباب

الخارجي دخلت امي وام غيهب

يباوعولي مستغربين من الدايصير

ام غيهب:- ها ماما زهوره حجيتي

انتِ والغيهب سوه .

زهراء:- اي خاله حجينا ، ماكو قسمة بيناتنا عن إذنكم .

طلعت من يمهن رحت للغرفه ذبيت العبايه والشال بكل ما عندي

من قوه ومشيت للمطبخ ، سمعت امي تحجي ويا امه بره الى ان طلعت

دخلت ادور عليه لكتني واكفه اجلف بالماعين بس أريد التهي بشغله

وما اكعد كبالها واحجي .

ام زهراء:- شصار وياكم يمه .

زهراء:- ما صار شي حجي عادي وكتله ماكو قسمة وطلع

عفيه يمه سدي الموضوع ولا تفتحي وياي بعد الخاطري .

احجي واني مطيتها ظهري بس نبرة صوتي فاضحتني

أم زهراء:- شبي وضعج تحبي .

زهراء:- لا شنو السالفة يمه حبيش هو اني أعرفه حتى أحبه.

أم زهراء:- أعرف بنتي اني ربيتج واعرفج شوكت تحجين صدك وشوكت تحذبين علية وهسة دتكذبين .

شو بالله ذبي الـ بيدج وتعاي كعدي كبالي .

زهراء:-يمه هاي عود كتلج سدي الموضوع ، وخلي نشوف شغلنا .

سحبتتي من أيدي وسدت ألمي، كعدتني ؏ كرسي وبقت تباوعلي

تهربت منها لان أستحي مو علمود شي ثاني

ام زهراء:- شكلج وهيج زعلج حاجيني .

بديت احجيلها ڪُـل كلامنه وهي تستمع بهدوء وأحيانا تقاطعني

تتساءل ، وتخليني أرجع أكمل الى إن ختمتها بطلعته من البيت

أم زهراء:- شوفي يمه هو بذات نفسه ما ضامن روحه

شلج بهل معمعه باجر عكبه يجي الشاريج وما عنده ماضي

وتكونين حاضره وماضي كله انتِ .

يا يمه عين الله تحرسج ما ناقصج شي كامله جمال واخلاق

مو لإن بنتي بس وين ما أروح يحمدولي بيج جمالج نظافتج

حبيبت امج طلعي من عقلج ومن كلچ المصلحتچ احجيها بعد روح امج.

زهراء:- هاي هي يمه الحمدالله ؏ ڪُـل حال اكيد بيها صالح .

رجعت كملت بس دموعي ما فاركت خدي

جنت ابجي عسى ولعل أرتاح من حرك

قلبي الله يعلم شلون تمسكت بأطراف قلبه

وهو ما حاول يربط بيناتهم .

بس (ڪُـل شيء نصيب )

وأضح من كلامه راح يعوفني يوم من الايام

ويتركني بعد ما احبه اكثر واتعلق بي اكثر واكثر

ويصير إبعاده أشبه بـ أعدام .

قللت طلعاتي شكد ما اكدر حتى امي

من تروح للدكتور اتحجج حتى ما اطلع

واخليها تخابر مرت خالي ومرات خالي أحيانا

ام مروان يروحون وياها .

حتى من اسلم الطلبيات الـ ابو حسن التهي بشغله

واخلي امي اطلعهم للباب ، بس الصدفة تلعب

دور كبير بالحياة وتخلق حب وتجدد عشق

صار الي اسم وسويت حساب ؏ فيس اروج

الشغلي بي وصاروا عندي متابعين احبهم

ويحبوني يدعموني بكل خطوه ويطلبون مني

بكل مناسبه لان واثقين بشغلي ونظافته

التهيييت بس ما يغيب من افكاري

بكلشي حلو اشوفه هو وتالي اليل

ماكو شي يشغل بالي غير وجهه

ونظراته المجروحة .

والـ اصعب كوابيسي من اغلق عيوني

بكل مره اشوفه يمد ايده متلوثه بالدم

ويردد كلمتين (ساعديني )(انقذيني )

اكعد من النوم ابجي ايام طويله ويتكرر نفس الحلم

أنتبهت عليه امي وبدت تكعد وياي تاخذني الحضنها

ودفيني بحنانها ، حبه اصبح لعنه .

كعدت الصبح سويت فطائر جبن اخذت اثنين

ورحت اقلب بتلفوني وارد ؏ متابعين

اندك باب بيتنا ، امي كاعده كبالي تحجي ويا صديقتها

سدت التلفون وطلعت ، رجعت ارد ؏ تعليق سمعت صوت

ملاك اخت الغيهب وكفت سلمت عليها وهمست :- تفضلي .

كعدت قدمت الضيافة وكعدنا وياها بعد ما سولفوا

باوعت الـ امي وكالتلها :- خاله عدنا عزيمة باجر وما صار عدنا مجال

نحضر الدولمة والبرياني ، وما عدنا ثقه بـ أكل البره اذا ممكن

تستلمين هل مهمه وطبخون فدوه اروحلكم .

أم زهراء:- اكلج زهوره عدنا باجر طلبيه .

زهراء:- عكب باجر عندي .

ام زهراء:- هاي هيه يمه باجر يمكم ب١٢ من عيوني .

ملاك:- يا قلبي يا خاله اشكرج ، صار كلشي فجأة احنه كلنا عدنا

شغل وبس امي وحدها بالبيت ما تكدر .

ام زهراء:- ولا تشيلون هم عيوني خاله كلشي يكمل باجر .

سلمت الـ امي افلوس وطلعت

للعصر راحت امي تسوكت

حضرت كلشي من اليل

الثاني يوم كعدت اني وياها من الصبح

طبخنا ، لـ ١٢خلصنا كلشي خابرت

امي ؏ ام غيهب ردت عليها بعد السلام كالتلها :- تعالوا اخذوا الـ جدوره .

ام غيهب:- اجتكم ملاك عيوني بس طلعوهن للباب .

ما اعرف شلون اشكرج يا بعد اختج نقذتيني انتِ وزهوره .

ام زهراء:- ما سوينا شي عيوني تدللون وان شاء يعجبكم الـ اكل .

ام غيهب:- شلون ما يعجبنا والغاليه مسويته .

سدته منها اني كعدت من التعب

بطبعي الف الشال مثل الشماغ ؏

شعري حتى ما يوكع ويصير شعر

بـ اكل ، وهم لان شعري قصير ما ينشد ،  شلت الـ جدر خليته بالطرمه

عفت الباب مفتوح ؏ نص ، ورحت أجيب الجدر الثاني

طلعت واني اضحك ويا امي وسكتت واني اكلها :- عليج الـ اماعين انكسر

ضه.......

لكيته واكف بالباب والجدر ماكو

بس شفته قررت ابحر في عالمه

لو افوز بحبه ، لو اموت غرق

بحبه يا اما ويا اولا اكون .

الغيهب:- تعبناكم .

تحمحمت واني اتقدم بتجاهه :- تعبكم راحة .

مديت ايدي انطي الجدر بقه مركز بوجهي

اقترب اكثر وهمس :-لحظة .

دار وجهه ؏ شارع ورجع اخذه من ايدي

ودار وجهه انطى الشاب ورجع التفتلي

الغيهب:- شكرًا.

بلعت ربكي بصعوبه واني اجر الشال الف ركبتي

زهراء:- عفوًا .

طلعت امي بسرعة تراجعت للخلف

وهيه وكفت تحجي ويا تركتهم ودخلت

فتحت البرده شويه اباوع الوجهه

مستغربه من نفسي شلون اتحملت

ڪُـل هل فتره بعيد عن شوفته

بعد ما عندي طاقة للنفور منه

دخلت امي ما نطقت بحرف واحد

بعد وقت طويل كدرت اسبح

واكعد اني وامي ناكل

وبـ اثناء الأكل وبدون سابق إنذار صعقتني امي :- الغيهب طلبچ مني .

شركت بـ لكمه اخذت كلاص المي

بقمة فشلتي من امي شربته وعيني

تتهرب من عينها يا كاع نشكي وبلعيني

ام زهراء:- الـ هل درجة تحبي .

زهراء :-لا تحجين هيج يمه بس شركت لان استغربت

بس الصار ليش رجع خطبني .

ام زهراء:- يكول زهراء الزوجة المثالية الي .

طلب مني ما اوكف بوجهه زواجكم ، وبكل ثقة يطلب مني انتبه

؏ عيونج من تشوفه ، يضن اني ما اعرف بنيتي وشنو بكلبها

كلشي اعرف بس ما اكدر ارخصج واوافق علية انتَ وحيدتي

اريد انطيچ لليستاهلج .

زهراء:- بس اذا طلع صدك يريد يبدي صفحة جديدة

وينسى الماضي بس ينراد شخص يلزم ايده ويطلعه

من حفرة الماضي .

أم زهراء:- وتظنين لزمت ايده وطلعته من الحفرة سهل ، لج يمها

بيها تعب ، ودموع ، وهم ، وقهر، وحرك اعصاب

انتِ كد ڪُـل هاي المسؤولية .

نزلت ادموعي بقلة حيلة واني اهمس :- ما أعرف يمه ما أعرف.

أم زهراء:- بحاله وحدة راح تكدرين ، لازم تحبي من كلبج متأكده تحبي .

بقيت ساكته من المستحيل انطق هل كلام كدامها

حست ؏ خجلي كملت :-اذا جنتِ تحبي وافقي علية ، لان راح تكدرين

تبردين نار قلبه .

زهراء:- اخاف يمه خايفه اخطي هل خطوه واطلع من هل علاقة

اني المجروحة وجروحي كلها تنزف وماكو الـ يلمهن ويداويهن

ام زهراء:- هو كالها واني هم هسة اكلج القرار بيدج فكري

وعد ما راح اعراض ؏ اي قرار تتخذي .

زهراء:- مو سهله يمه يرادلها تفكير اريد افكر وبعدين اردلكم خبر .

ام زهراء:- هاي هِـيِّ گلبـي وياج بكلشي تريدي .

زهراء:- اتمنى ڪُـل امهات الدنيا مثلج بعد عيوني الـ اثنين .

بقيت لدقايق بحضنها ، راحت تكمل المكالمه واني ذبيت حركتي

بالماعين ، شكد فرحت بتمسكه بيه بكل رفض يصر ويرجع يخطبني

بس من اذكر كلامه اتراجع واخاف حييييل اخاف ما اريد اندم

يوم وبعده يوم واني افكر عقلي ما وكف لحضه

بحيث من كثر التفكير اكعد ابجي ، وبعد اسبوع من الصار

كملت ڪُـل مهامي ونمت بفراشي وبيدي تلفوني

اجتي امي كبالي ابتسمت براحة وهمست :- شقررتي .

ذبيت التلفون وعدلت كعدتي كبالها بقيت مركزه

بكل حركاتها همست بعد مده واني اني راسي

واتوسللها بدموعي :- عادي اوافق .

ضحكت بـ حزن اي احلف شفت حزن الدنيا كله

بعيونها بس ما كدرت تكون هِـيِّ سبب الرفض

وتوكف بطريقي :- بعد ڪُـل الـ سمعتي عنه والكلام الصار بينكم

وانتِ موافقة ؏ زواجج منه ، فـ يا يمه هاي هيه بيها الخير

وان شاء الله يكون زلمه ويصونج ويحافظ عليج .

زهراء:- اعرف انتِ ما راضيه عليه بس والله يمه حاولت

وفشلت ، شكد ابتعدت بس ما اكدر اتخيل نفسي مع شخص غيره .

خلت بوسه براسي وهمست :- القلب وما يفعل ، قلبج معتقل يمه .

فد شوية اخابر ام غيهب انطيها الموافقه عيب صار هواي منتظرين

اومأت براسي ورجعت العب بتلفوني

بس اسمعها تحجي وياها وتضحك احيانا

بليل أجت ردتلها خبر ام غيهب يريد

يلتقي بيه .

هل مره مو مثل القبله امي ما عارضت

بالعكس هِـيِّ ايدت هل مقابله وكأنها تلتمس الغلط

منه حتى اتراجع عن قراري .

الثاني يوم هو اجه فتحتلهم الباب بنفسي

دخلت امه جوه واني مشيت كدامه

للاستقبال .

زهراء:- تفضل .

كعد بكل هدوء كدامي واشرلي اكعد

مشيت للتخم الكدامه كعدت وراسي

منزلته .

الغيهب:- بعد هل مده الطويله وصلتني موافقتج ليش وافقتي هسة .

زهراء:- انطيتك فرصه .

ابتسم ابتسامه وملامحه تغيرن ما عرفت لليوم افسر سر ملامحه وضحكته

لكن سرعان ما انتبه النفسه ورد بتحفظ:- واني هنا راح اكلج

ما راح اقصر وياج اطلبي ڪُـل النفسج بي من الـ ابره للسيارة والبيت جاهز

بس ما احب الزن ورن والمشاكل ومن احجي الكلمه اشتغلي عليها ولاتعاندين صايرين  .

هزيت براسي والمصيبه ما اعرف شنو قصده بهل

كلام حالي حال ڪُـل المخطوبات الي من ينحجي وياهن ما نعرف

انفرزن الصح من الغلط وكعت بفخ غبائي ...

الغيهب:- اذا صايرين صيحي امج وامي .

طلعت من الاستقبال كدرت اجر نفس الـ جنت حابسته من اول دخولي

ومشيت للمطبخ همست بتوتر وكلامي مبعثر :-الغيهب يريدكم .

حضنتني امه ورجعنا كعدنا كلنا سوه

ام غيهب:- ها يمه بشر اتفقتوا هل مره خير شر .

غيهب:- ان شاء الله خير .

التفتت الـ امي وزع نظراته بيني وبينها :- تكدرون تجهزون نفسكم

خلال يومين الـ خطبه ، لان راح يبدي رمضان بعد رمضان العرس .

أم زهراء:- خليها اربع ايام يمه بين ما تخلص تحضيراتها وتحضيرات المهر والبيت انجهزه .

الغيهب:- صايرين امي صايرين .

وكف ؏ طوله مد ايده بجيب بنطرونه طلع منه ضرف وتقدم

وكف كدامي وهمس :- هذا مبلغ بسيط خلصي بي ڪُـل احتياجات

الخطبه واذا احتاجيتي اي شي بعد انطي خبر للوالده .

من شافني ما اخذته ذبه بصفي وترخص وطلع .

تصرفاته غامضه ، حركاته محسوبه

واكف كدامي بس الف حسبه براسه

وبداخله كلام اذا يكوله متأكده يخرب كلشي

بعد كلام وتفاقات بلشت بتنظيف البيت لان ما عندي وقت

والثاني يوم جبت ڪُـل مواد الكيك وبيدي سويت كيكات مهري

بلون أبيض وزينتهم بالذهبي  والـ جملها اكثر إسمي وأسمه وحتى الميز ابيض وذهبي كلشي صار بهل لون ، ثالث يوم رحت اني ومرت خالي وامي

شتريت فستان ابيض والتاجرذهبي والحذاء ذهبي

نسقت كلشي ورجعت .

بيوم العقد كعدت من الصبح رتبت كلشي وحدي

ركضت ركض  حلمي تحقق لازم كلشي

اتعب عليه واسوي بكل دقه .

سبحت وشعري بقيته مفتوح ؏ طوله بمستوه ركبتي بس سويته برم

ما احب الشعر الطويل يوجع راسي وخليت تاج الورد الناعم

مثل الطوك بلون الذهبي ومكياجي بيدي سويته

رسمت ملامح وجهي بكل هدوء.

كملت قبل لا يجون الهوسه بساعه

وطلعت الـ امي الكاعده هِـيِّ وام مروان

هِـيِّ شافتني اريد اسكتها ما اكدر

احس انصدمت بشوفتي وما كانت متوقعه تشوفني

بيوم بفستان خطوبه .

الى ان سكتت خلتني ارجع اضبط مكياجي

كعدت تالي اطكطك صور وياها حتى افرحها

وما اشوف الحزن بعيونها .

بأخر صوره انفتح الباب فاتوا نسوان خوالي اثنين

وبناتهم ، وصديقاتي اثنين ، وصديقات امي وبناتهم

ما عزمنا هواي لان هم منريد هوسه وهم كلشي صار بسرعة .

وقبل لا يجون بدقايق معدوده دكت ام الغيهب

؏ امي انطتها علم بوصولهم ، وأمي راحت فتحت البوب

واني اخذت موضعي ؏ كوشه ، دخلن خواته عماته وخالته وبناتهم

هواي عازمين نفس عكسنا تماما .

الكل كان ينظرولي وبعيونعم ألاف الـ اسئله

تقربت عليه اخته الثانية اسمها هاجر بوستني

وهي وملاك يباوعن ؏ نسوان

ومن بين كلامهن سوه سمعت هاجر تكول الملاك

-باعي عمتج شلون تباوع عبالها الـ اختارها الغيهب مو بجمال السافله .

ترد عليها بصوت اخف من صوتها :- اكيد كاعده تقارن ، همزين هو عارف

شلون يختار ويحرك كلبهم زين بيها .

هاجر:- صح زهراء حلوه بس مو بجمالها.

ملاك :- انتبهي الزهراء شكد تنطيها شبه وخاصه كصت الشعر .

لزمت شعري وضليت اباوع ؏ كلامها 

هِـيِّ حست سمعتهن وجهه صار احمر من الخجل

رجعت نزلت راسي واني حايرة شلون اغير تسريحة شعري

وما ابقي مثلها ، الدنيا اسودت بوجهي والرجفه لزمتني .

فزيت ؏ ام غيهب تلبسني الـ ابيض

ام غيهب:- يلا يمه راح يعقدولج .

مشيت وياها مكسور خاطري حيييل نقهرت

وخربت ڪُـل فرحتي حتى شعري كرهته

دخلت رفعت راسي قليل شفت خوالي الـ اثنين كاعدين

واخوتي موجودين بعد ما اتصلت بيهم امي ما اعرف شعجب قبلوا يجون

صارت عيني بعينه كاعد الوحيد بيهم ما اعرف احتمال بس بعيوني

هيج اشوفه بس شكله طلته هيبته تجذب النظر

بحيث وجهه احس بي لمعه

عيونه بيهن لون ونظرت الحزن ظايفه جمالية خاصه

ترتيب ملابسه واختياره للألوان القميص الـ اسود

ويا بنطرون رصاصي والستره السوده زايده جماله جمال .

كعدت ورجلي وحده اطكطك بالثانية

وسناني من الخوف والقهره صكن 

بدا السيد يحجي واحنه نستمع

لحضات وسألني رديت علية (قبلت وانتَ وكيلي ) تلاث مرات

الرابعه هو رد عليه ختمها (الف مبروك وبالرفاه والبنين)

تعالت صوت الهلاهل والجكليت مثل مطر الخير ويتساقط

علينا الكل تقدم باركلي وباركوله

جنت واكفه مقابيله وبكل حماس منتظره يتقرب يباركلي ويبوس راسي

بس الصار الكل فرحان ومهتم اله هو جمد بمكانه وكل شويه

يمد ايده يلزم صدره ناحية قلبه ، كنت مركزه ويا تركيز فضيع

بحيث فصلت عن ڪُـل الداير مدايرنا .

ابو غيهب:- الف مبروك بنيتي .

هنا اني وعيت اباوع الرجال كرر الكلمه اكثر من تلاث مرات

رديت عليه وصوتي مو راضي يطلع احس فرحتي بدت تموت

بس مصره ابقه اكابر الـ اخر لحضة واتمسك بـ اخر امل .

تقرب باس راسي وبقه يحجي وياي بكل حنان ختمها

-يلا نطلع نعوفهم وحدهم خليهم ياخذون راحتهم واحد يبارك للثاني .

وفعلا بدًا الكل يطلع وفرغ المكان من اصوات العالم ، واخر وحده بقت

والدته سحبت المغطيني وبقيت بفستاني كدامه ، جنت متحمسه يشوف

اختياراتي للـ الوان متناسيه ڪُـل الكلام الصار بره

الهدوء سيد المكان وكل المسموع صوت انفاسه وانفاسي

كام من مكانه اني واكفه ، أقترب عليه اعيونه تركت

كلشي بيه واجاهل ڪُـل تحضيراتي وركز ؏ شعري

عيونه نكلبن حمر وشرايين ركبته واضحات

كان يصك ؏ اسنانه ويتقدم اكثر واكثر الى ان صار

ما يفصل عني غير خطوه ، مد ايده لزم اطراف شعري

وهمس بقهر واضح ؏ معالم وجهه :- ليش مو طويل ؟

بلعت الغصه واني اتخيل بعقله يتخيل بنيه

غيري وهمست :- ما أحب الشعر الطويل .

الغيهب:- حُـبـي الخاطري .

هزيت براسي واني ابعد وجهي للجهه الثانيه

؏ اثر اقترابه مني ، سحب شعري ونزل

المستوى جر نفس بقوه وبتعدد

اي ابتعد عافني وراح وهو يضغط ؏ ايده بكل

ما عنده من قوه ، اسمع خواته يحجن ويا ويقنعن

بي حتى يبقه بعد شويه ويلبسني الذهب

رفض وما كدر يحجي نهائيًا راوغهم وطلع

عدلت نفسي ما اريد امي تشوفني وتحس اكو شي

وطلعت كلها تهلهل وتركص فرحانين واني بردة

ڪُـل ذره فرح بداخلي .

جفلت من صفنتي ؏ صوت ام الغيهب:- ماما زهوره حبيبتي ليش ما تضحين امي بيج شي ضجتي من شي .

باوعت بعيونها وعيوني تلالي بالدموع

رجفت شفايفي صاحبتها رجفت ايدي

خوفي انهياري كله واضح واني اباوع

بعيونها همست محروك گلبـي

ودموعي تتساقط على خدي :- ما اريده ، ما اريد الغيهب ....

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _5_

أيهاب المالكي يكول .

حتى من اريد اقبل عذر ما شوف ترضى جروحي

ساعتها راح ادخل حرب مابين روُحـي وروحي ...

باوعت بعيونها وعيوني تلالي بالدموع

رجفت شفايفي صاحبتها رجفت ايدي

خوفي انهياري كله واضح واني اباوع

بعيونها همست محروك گلبـي

ودموعي تتساقط على خدي :- ما اريده ، ما اريد الغيهب ....

ضلت تباوع بعيوني ما مستوعبه كلامي

شالت  طفله كانت كاعده يمي وهي كعدت بدالها

لزمت أيدي بقوه وكأنها متمسكه بحبل النجاة

ام غيهب:- لا تكوليها زهراء الصار يتصلح

متأكده راح تنسي كلشي انتِ .

زهراء:- لا ما راح اكدر ما اتحمل واني ما مجبوره

اشمر نفسي بـ هل مصيبه الكبيررره

خاله انتِ مستوعبه الديصير اني واكفه واخطي خطواتي

نحو الجحيم راح اودي نفسي للتهلكه علمود شنو .

ام غيهب:كومي وياي ابوس راسج كومي وياي

بالغرفة خليني احجي وياج ونتفاهم لا تهدمين

كلشي بنيته يمه اترجاج احسبيني امج .

زهراء:- خاله انتِ ؏ عيني وعلى راسي بس الما تقبلي الـ بنتج لا تقبلي ؏ بنات العالم ابنج ما تصورته واصل الـ هل مرحله من الـ ....

حتى ما ادري هو شي منو خانته شكو وشصاير مستحيل

اقبل مستحيل اني متراجعه عن قراري ..

التفتت ؏ ضيوف ما تريد تبين الهم  واخذتني من ايدي

وقبل لا نطلع التفتت الملاك :- طلعي الغيهب هسة

فورا يجي ويدخل الغرفة .

دخلت للغرفة كعدت ؏ كرسي اجر النفس

كوه موقف يخنك ، بس ما راح اتحمل اقوى منه

ام الغيهب:- زهوره باوعيلي خاله والله العظيم هو

الرايدج ويحارب حتى ينسى الماضي

خلي ايدج بيده وطلعي منه يا خاله والله تعب

ونصدمت من رادج لان هو رافض هل فكره كلها

بس انتِ كسرتيها وخليتي يعيد حساباته .

زهراء:- لا اني ولا عشره مثلي يكدرون ينسوه لو يطيبون جروحه ، خاله غيهب مدمر انتِ امه ما معقولة ما تشوفين الحزن شلون واضح بعيونه .

حتى من عقدنا ما فرح ، طول الوكت لازم كلبه

ويباوع بالوجوه عبالك يدورها .

ام غيهب:- شيدور ليش هِـيِّ تكدر توكف كدامه عمرها

كله بعد الـ سوته ، وفوك ڪُـل هذا ازوجت طريقهم

ما ينجمع لو شما راح يصير اخذيها مني وعد راح

تكونين الكل بالكل .

كملت كلامها ونفتح الباب دخل الغيهب

عيونه تتفحصني درت وجهي منه بقهر

تقرب اكثر وهمس :- شبيكم شصاير .

صدر مني صوت شهكه خليت ايدي ؏

شفايفي امنع نفسي سد الباب ودخل

اقترب مني رفع راسي بيده صارت عيني

بعينه :- شبيج ؟

زهراء:- ما اريد اكمل .

الغيهب:- شتكملين .

زهراء:- الصار والراح يصير خلينا نفسخ .

الغيهب:- يمه عوفينا وحدنا .

زهراء:- لا ماكو داعي .

ركز بعيني تركيز فضيع

ورجع اشر الـ امه تطلع

وهي بسرعة عافتنا وطلعت

الغيهب:-متأكده من قرارج .

مسحت ادموعي وهمست :- أي متأكده .

الغيهب:- وهذا القرار صدر بناءً على شنو .

زهراء:- موافقتي سريع وخايفه من المستقبل احس

اكو غلط بكل الصار .

سحب كرسي كعد مقابيلي طبك رجل ؏ ثانية

ورد بصوت حاد لكن هادئ:- كاعدين نلعب ، العالم كلها بره الخاطري والخاطرج عايفين ڪُـل اعمالهم وكاعدين فرحانين النا  .

زهراء:- ما راح يفيدوني بعدين من اكلها بملعقه من فضه .

الغيهب:- سامعه شي ، منو حجه وياج .

رديت بستغراب :شسمع مثلًا ، احجي وياي حتى ما انصدم بعدين .

الغيهب:- شتريدين تعرفين .

زهراء:- كلشييي ليش عيونك بيها حزن ليش .

ضحك وكف مسح وجهه بكل قوته

وهمس وهو صاك ؏ اسنانه :- تشوفين الوقت مناسب .

زهراء:- لعد شوكت الوقت المناسب من يوكع الفاس براسي .

رفع اصبعه بكل غضب وشراين ركبته شويه وينفجرن

تقرب عليه سحبني من ايدي انظربت بكل قوتي بصده

الغيهب:- ما جابرج افتهمتي تريدين ننهي كلشي هسه انهي

بسسس بعد ما تشوفين وجهي عمرج كله

ولا تفكرين ابقه متمسك بيج لا والله .

شلت ايده من ايدي وتراجعت للخلف

زهراء:- تهددني .

هز راسه ورد عليه بنفس مستوى صوتي

الغيهب:- هو شنو الـ اهددچ وين كاعدين

واكف كدامچ احذرج بس احذرج والقرار

الـ هل ساعة بيدج  ، ركزززي بيدج لا بيدي ولا بيد اي بشر .

ابتعدت أكثر عنه وهمست :- من عقدنا ليش لزمت كلبك .

الغيهب:- أذاني .

زهراء:- شبي شعري .

الغيهب:- ما احب الشعر القصير .

زهراء:- تذكرتها مو ؟

وسع عيونه بصوره مخيفه تراجعت اكثر واكثر وهو يتقدم عليه

من الخوف ردت اصرخ ، مديت ايدي سحبها بكل خفه

الغيهب:- لا تذكريها كبالي ديررررييي بالج اياااج احذرج

تريدين ننهي كلشي ننهي بس لا تبقين تركصين ؏ جروحي .

خليت ايدي ؏ شفايفي امنع صوت شهكاتي من الخروج

زهراء:- اني ما اكدر اشوفك مقهور فـ شلون اركص ؏ جراحك .

الغيهب:- الأخر مره احجيها زهراء تريديني لو اطلع أرجع السيد

وننهي كلشي .

نزلت راسي صار طبل جريت نفس وهمست :-انتَ تريدني .

عاف ايدي وعدل وكفته وانطاني مساحتي

اوكف كدامه ، سحبت فستاني عدلته رفعت ايدي بكل

عفويه وسحبت شعري من ظهري الـ ركبتي

دار وجهه مني ورجع بعد ما كملت وشافني انتظر جوابه

طلع باكيت الجكاير من جيبه شغل وحده اخذ نفس وذبه

بكل حركت قلب :- لو ما اريدج ما اوكف هسه واقنع بيج

اني ما اخطي خطوه اذا ما اتأكد منها .

لدقايق عم السكوت بيناتنا ، لكن قاطعه وهو يهمس

الغيهب:- رفعي راسج خلي عينج بعيني وكولي ما اريدك

واوعدچ هسه اطلع بدون صوت ارجع ڪُـل الـ معازيم

؏ بيت واجيب الشيخ العقدلنا يفصخ .

يلاا باوعي بعيوني وكوليها .

ما شاف مني اي مبادره تقدم هو رفع راسي

وهمس :- كوليها كولي ما اريدك .

زهراء:-اااني بس م..

لزمني من ايدي وكفني كبال المرايه وحجه بحزم :- عدلي مكياجج بسررعة ..

زهراء:-ليش .

الغيهب:- ما احب الـ اسئله .

عدلت وجهي بسرعه ورجل اخذ ايدي بيده وطلعنا

كدام الكل وهو عكس تصرفاته قبل ساعات ضايج

هسه طلع وهو يضحك امه من شافته ضحكت

ورجع الدم الوجهه .

الغيهب:- كيكاتكم  ذهبكم يلااا اخوان استعجلوا .

وكفت اني ويا قطعنه الكيك اخذ قطعه وكلنياها واني نفس الـ شي

شربت عصير بعدها هو التفتت اخذ علبة الذهب

واجه مقابيلي نزل نفسه شويه لبسني الـ كلاده والـ اسوار والساعة

ومحابس اثنين واخر شي الحلقه

اخذت العلبه الـ اصغيره شلت الحلقه ولبسته

الكل يهلهل وفرحان وهو ڪُـل شويه ملتفت الملاك يضحك وياها

والصدمني صفك ، ربع ساعه وتقرب عليه همس :- هاي هِـيِّ

ست زهراء تسمحيلي اطلع .

ضحكت والفرحه تارسه وجهي :- اسمحلك ليش ما اسمحلك .

الغيهب:- عبالي ما تسمحين .

زهراء:- كفيت وفيت .

الغيهب :- لا بعيوني ، تريدين اركصلج ركص كاوليه اذا تحبين .

تعالت صوت ضحكتي وهو يحجي بكل جديه :- كون ردح الخشابه .

رفعلي حاجبه وشبه ابتسامه تزين وجهه

الغيهب:- طرريق .

طلع وهم وحده وره الثانية يسلمون علينا وطلعون

الى ان ڪُـل المعازيم راحوا وبقيت بس اني وامي

الـ بعد ما تكدر توكف لفت راسها بالغرفة ونامت

واني بقيت وحدي ارتب بالبيت الى ان خلصت

خليت راسي ؏ مخده وسرحت بخيالي اني ويا .

الثاني يوم كعدت مشيت بروتين يشبه روتين قبل الخطوبه

ويوم بعد يوم  ودخلنا رمضان ونفس الحاله لو ما الحلقة اكول حنت احلم

وما خطبني .

ابد ما حاول يحجي وياي او سلم

او يشوفني ، وبكل مره اطلع اشوف سيارته

ماكو بالباب خبلني ، والمصيبه حتى استحي اسئل

عليه وشلون اجرئ واكول وينه خطيبي خززي

اكتفيت بالسكوت واحاول اضحك وامشي الوضع

حتى امي ما تحس ؏ شي وتتخذ اجراءات ثانية

بخصوص موضوعنا بكبره .

جنت رغم ڪُـل الصار بس

خليت العالم بـ اكمله بكفه

والغيهب بكفه اني بس احبه

اريده ما اتخيل نفسي بعيده

عنه واعترف حُـبـي مبالغ بي

بس الصار خارج عن ارادتي

ما اعرف ليش هيج صار

يمكن قدر مكتوب ونصيب محفور

رغم اشوف الغلط بعيوني

بس رافضه رفض قطعي اتركه

واتراجع عن اختياري اله .

أجواء رمضاني بيني وبين امي مميزه الى درجه

هِـيِّ مو بس امي صديقتي واختي

دائما تكلي انتِ مو بس بنتي انتِ أمي

ما خلت بيناتنا حواجز لا بالعكس

تقصر ؏ نفسها في سبيل ما تقصر عليه

وقبل لا ينتهي رمضان بـ  أسبوعين

اجتي ام الغيهب وياها ملاك

وبأيدهم ضرف فلوس ، كعدنا نسولف ؏ خطبه

وملاك كعدت بصفي تشوفني صورنا حبيت لقطه

من دون الـ لقطات جنت مدنكه اخذ كلاص العصير

والغيهب ملتفتت يباوع عليه .

اخذتها منها وتبادلنا الحسابات

وقبل لا يطلعون تناقشنا .

ام غيهب :- اخر يوم العيد ان شاء الله مثل ما تفقنا زواجكم .

ام زهراء:- ان شاء الله مثل ما متفقين بس غيهب ماكو ما شفنا .

ملاك :- ملتهي شويه ويا هاجر ابنها فرد نوب .

ام زهراء:- ما بي غير العافية .

ملاك :- الله يعافيج ويطول بعمرج خالتي ، هذا مبلغ ان شاء الله يكفي

اجهاز زهوره ، وهم اذا تحتاج تكول وما راح يقصر الغيهب وياها

وهو واعدها لو تطلب بيت ما يغلى عليها .

ام زهراء:- لا يمه لا بيت ولا سيارة احنه نريد الستر اريده يخاف

الله بيها ويحافظ عليها بسس هذا ڪُـل الـ اريده .

ام غيهب:- قبل لا هو يخليها بعينه اني مخليتها بكلبي حالها حال ملاك وهاجر الله يشهد عليه .

ام زهراء:- ادري بيج خيه ادري .

ان شاء الله من باجر اشوف احد يفتر وياها وتبدي تجهز .

ملاك :- اذا ما تكدربن خاله اني بنفسي اروح وياها

ونفتر نشتري ڪُـل التريده وما عوفها اله لمن تخلص كلشي .

زهراء:- بس ما اريد اتعبج وياي .

ملاك :- شلون اتعب واني افتر اجهز العروسة اخوية .

اكتفيت بـ ابتسامه بسيطة ، كمت حضرت عشه لان السوالف اخذتنه

واجت وياي ملاك سوت زلاطه واني كملت كلشي خلينه الاكل وكعدنا

سوه ، من خلصوا بسرعه غسلوا وطلعوا لان اجاهم اتصال .

يومين وبديت اني وملاك بعد الفطور نطلع انجهز وجبه الملابس

ويوم المكياج ،  احذيه وجنط ما بقه شي ما اشتريت منه

اخر اسبوع حجزت البدلات ورحت المركز

وكل هذا الغيهب ولا لمحته .

جنت اريد اسئل واتردد وهم مثل الـ يتهربون من السؤال

واجه يوم الحنه اختاريت لون بدله ماروني

والتسريحه  عاديه بس تاج  ، ركصت اني وصديقاتي

وملاك بيدها حنتني ، جنت طايره من الفرح والدنيا بكبرها ما واسعتني

ما مصدكه صرت الحبيبي وللشخص الـ اختاره گلبـي وصمم عليه .

خلصت الحنه الوقت متأخر وجانت خاصه بس بنات

بقوا صديقاتي وبنات خوالي بليلتها سهرانات يمي للصبح

فرحتي ما انطيها الـ احد نمت والضحكه ؏ وجهي

حالي حال اي بنية اخذت حبيبها ،بس ما جنت اعرف الظلمات المنتظرتني .

اليوم زهراء عروس

نزلت بعيني اتفحص بدلتي البيضاء تشبه بياض يومي ، كم تمنيت

ان اعيش هذهِ الحضات ، لكن ما كنت اتخيل بيوم من الايام ربي راح

يحدث المعجزة وانجمع مع ذاك المغرور ، حبيته امتلك گلبـي

وصرت ما اكدر اتخيل يومي بدون شوفة وجهه .

التفتت ؏ صوت عالي اشبهه بالهلاهل

طلعت من الغرفة صارت مرت خالي

مقابيلي ابتسمت وهمست:- بالله عليج بعد لا تهلهلين مولد وعطلانه .

ضحكت بعلو صوتها وردت علية وهي تقترب تكرص زندي

-مو صوجج ما تستاهلين الهلاهل .

تعلكت عيني ؏ باب خايفة قلقانه رفعت ايدي وفركت وحده بالثانية

بتوتر هائل ، گلبـي دكاته مو طبيعية ، بس بنفس الوقت اريد الوقت يمر

بسرعة الضوء حتى اشوف طلته واتمتع بنظري الطولة والوجهه السرق قلبي بدون استأذان .

تعالت الاصوات ومن بين ڪُـل الاصوات

سمعتهم يصيحون :-اجت الزفة .

زهراء:-يمه تعاي يمي ابقي هنا لا تروحي من كدام عيوني .

-يمج يا ضوه عيوني .

راسي ثكل بقيت منزلته مشاعري مبعثره

رفعت عيني  واني اشوفهم يدخلون

بقيت اسلم ؏ المعازيم والابتسامه ما فارقت وجهي

سرعان ما اختفت  ابتسامتي

طأطأت رأسي بخجل واني اشوفه يدخل

وعيونه تقابل عيوني ، تقرب بتجاهي وكف

مقابيلي بكل ثبات نزل راسه وهمس:- الف مبروك .

ابتسمت واني ارفع راسي بقيت صافة مثل ڪُـل مره اوكف

مقابيلة وعيوني تشوفه ، وهنا عيني تبدي تطلب بكفايتها من شوفته

ولا إراديا تتجول تتفحصة شكله بكل دقة

وتركز ؏ ابسط تفاصيلة

عيونه الحاده ، ملابسة الانيقة، شكله الرجولي المتزن

جسمة المتناسق ، وحركاته اوف حركاته تملك عقلي

وقلبي ، اتمنى لو يوكف الزمن وبس ابقه انظر الملامح وجهه

أجزم ما راح امل نهائيًا.

فصلت نظراتي عنه مجبورة واني استمع الكلام عمي .

_الف مبروك شايفين الخير وزواجة الدهر

وبصوت رجولي خشن رد علية بكل برود :- ويبارك بيك .

- جاهزة للمغامرة .

زهراء:-  يا مغامرة .

-حياتج القادمة لعبة مغامرة يا اما تربحين بيها يا

اما تخسرين وترجعين من وين ما اجيتي .

وقبل لا استوعب الكلام طلعنا للسيارة وكلها فرحانه ورانا

بقيت بحيرة من امري وكلامه يصدر صده بأذني

مغامره يا مغامره هااي ، ومامعنى  الخسارة والفوز .

اختصر الطريق وضيع الزفة

واني من كل عقلي كاعده قريب علية حتى ما كلف نفسة يباوع بوجهي رغم هذا كل ما تجي عيني علية ابتسم وضعي كله يتخربط ما مصدكه وجوده وياي هو حلم واصبح حقيقة ، وهل حلم غلق عيني على كم من الامورالهائلة  الراح تهدم حياتي .

دك جهازة وسدة واستمر يسوق سريع سرعة جنونيه بسببها دقايق وصلنا للفندق نزلنا وحجه وياموضف الخدمة اخذنة المفتاح وصعدنة بس كان

السكوت سيد الموقف وهدوء يجلب الرهبه

نظراته تهدم ڪُـل قوتي وتخليني انسانه مهزوزه كدامه

دخلنا للغرفة المخصصة النا بقيت مركزه علية ادرس كل تحركاته الغريبة اريد افتهم وضعة ويمكن غموضه هو وصلني للهوس بحضرته .

شمر جسمه المتعب  على تخم مقابيلي وراسه رجعه للخلف وبقه ياخذ شهيق وزفير مثل الشخص مختنك وما يكدر حتى يتنفس بصورة صحيحة

تقربت علية وكفت مقابيلة وهمست بخوف :- بيك شي .

رفع راسه ركز بوجهي عيونه تحولت بالون الاحمر المرعب

بقه يهز براسه وهمس بصوت شبه مسموع :- لالا مو هِـيِّ موو هِـيِّ .

تراجعت للخلف واني اشوفة وكف بتنفس مضطرب غير منتظف

عافني وطلع من الغرفة بأكملها بـ اول يوم النا سوه .

انتفضت ضليت ارجف ما اعرف شسوي وشحجي

مو من ڪُـل عقله شنو مو هِـيِّ يعني شنو مو هييي

مشيت بتجاه الـمرايه اباع بوجهي معقوله تشبهني

شلون اذا صدك واختارني بس لان اشبهه

لزمتت راسييي وضليت افرر بي ما مستوعبه

اموت نفسيييي اذا صددك دخيلك ربي ساعدني .

كعدت جسمي اتشنج كله احترك دمي

حسيت نفسي رخيصه مذلوله

ستصعبتها ؏ نفسي يعوفني بدون إي اهتمام 

ويطلع وبدون حتى ما يراعي احساسي

يحجيها بوجهي مو هِـيِّ هل كلمه زرفت گلبـي

مرت الساعة والبعدها اختفى

فتحت جنطتي ادور بيها ؏ تلفوني

ما مخلي الي ، اوف يمه اوف

والله اذا الزم التلفون هسة اخابر خوالي

يجون ياخذوني وخلي يصير حجي عليه

اني الراح ينوكل وجهي وتخرب سمعتي

بس استاهل لا والله ما استاهل شنو ذنبي

حبيت اي حبيت والـ هل  ساعه احب

وكلبي مو راضي يكرها اتمنى اكرهك غيهب

اتـٰــمـــنـــى ....

ذبيت البدله عن جسمي خنكتني خنك كوه اتنفس منها

ومشي للحمام واني اعدل شعري همزين ما تعبني 

فتحت الدش دخلت جوه المي غسلت ڪُـل المكياج

نشفت وختلت جوه البطانيه بملابس خفيفه فضفاضه

ودموعي ما كدرت اسيطر عليهم اكثر

من التعب والإرهاق بديت اغفي والنعاس غلبني

غلقت عيني وستسلمت للنوم .

مر وقت طويل فتحتهم ؏ صوت الباب

ما تحركت من مكاني بس باوعت ؏ مرايه

تعكس الساعة صايره بضهري

اربعه الفجر ، الله شلون عرس الله

خطواته تقترب اكثر واكثر مني

الى ان وكف كدامي وستند ؏ ميز مقابيلي

فتحت عيوني بثقل التقت عيونه سوه

رجعت غلقتهم بنزعاج ما اريد اشوفه بعد الصار

رجعت تهربت من واقعي بالنوم للصبح .

فتحت عيوني واخترعت واني اشوفه مقابيلي ساحب

كرسي وكاعد وبيده جكارته مركز عليه ونظراته

ما اعرف افسرهم غير انهم مخيفات

صوت انفاسه مضطرب وصدره يعلو ويهبط

بخنكه حسيته كوه يجر النفس .

من شافني كعدت نزل راسه

وابتسم وهو يهمس :- صباح الخير عروستي .

ما بدر مني اي رد فعل بقيت بس اباوع بوجهه

وعيوني التحجي بدل عني لان احس الكلام

ما راح يفيد بهل وقت ..

كمت من مكاني للحمام تحمحم وكمل :- زهراء بدلي راح نرجع .

هزيت براسي واخذت ملابس ودخلت للحمام بدلت ؏ سريع وطلعت بدون

اي صوت لميت كلشي ولفيت شالي وكفت بصف الباب .

نزلنا سلم المفاتيح وهمس :- نروح نتريك .

رديت برسميه :- لا شكرا ما اريد رجعني للبيت .

نظرلي واشر بيده نطلع ، مشيت للسياره

الجنط هو شالهم ، رجعنا للبيت لكيت العالم عدهم بعدهم

موجودين وهاوستهم ء للشارع واصله

اخوته وابو واكفين هم وعمامه بالباب

وبيدهم خروف ، بس نزلنا ذبحوه جوه رجلنه

اتقززت من الموقف عبرت بسرعة ودخلت ويا ملاك للبيت

تلكتني عمتي تبوس براسي وبوجهي

وتحيرر شتحجي وياي بكلام الحلو .

كعدت ويا بناتهم بس لا اراديا الخجل اتغلب عليه

وفوكها اول مره ادخل بيتهم الجو كله غريب

كملوا الذبع وشولنا المعلاك ومشاوي كامله

كعدنا كلنا سوه نسوان وزلم ياكلون ويسولفون

بنص الأكل دك تلفونه رفع راسه يباوع

؏ اهله حسيت اكو شي بس ما اعرف شنو.

عاف كلشي من ايده وطلع بره يحجي

دقايق ودخل من الباب صاح :- اني طالع ما اطول .

وقبل لا يسمع كلامهم عافهم وطلع من البيت

ڪُـل الانظار توجهت علية احتمال يريدون يعرفون

رد فعلي ، هه اي رد فعل اني كاعده وايدي مربوطه

لا حول ولا قوه .

كملوا اكل آني بالأصل مسدوده نفسي

وكملها بطلعته هم هسة ما كفى اليل

ملاك:- گلبـي زهوره ترتاحين فوك .

هزيت براسي ردت ابدالي ام الغيهب :- اي بمه خليها ترتاح وتاخذ راحتها

بغرفتها سوده عليه اكيد بعدها تعبانه .

ابتسمت بوجهه وصعدت فوك لكيتهم مصعدين الجنط

ذبيت ملابسي وكعدت ؏ جربايه اتفقد المكان

غرفتنه تركيه هادئه بس حلوه حيييل .

رجعت من التعب اغفي فزيت ؏ صوت الباب مسحت وجهي

وكلت خليتي اكسر الشر وما اكشر بوجهه واعذره ؏ صار

لان جربت الحب واعرف احساسه شلون متعب

وفعلا كمت وببتسامه تقربت منه وهمست :- الله يساعدك .

التفت يباوع بوجههي ورد بعد وقت :- ويساعدج ، فايت اسبح .

زهراء:- احضر ملابسك تريد اساعدك .

الغيهب:- اسبح ، داخل جبهه شنو شلون اساعديني تسبحين ابدالي .

زهراء :- اعصابك شكلت قابل اسم الله .

الغيهب :- ما تسكتين مني تره روُحـي بخشمي .

زهراء:- ممكن اعرف ليش روحك بخشمك وانت البارحة عرسك .

ضحك بستهزاء وعافني بكل برود ودخل للحمام .

بهل اثناء اندك بابنا فتحته لميت عمتي بيدها

سله وراها ملاك شايله كيكه ضحكت بوجهه

خلتهم وهي تهمس :- وين الغيهب .

اشرت ؏ حمام اقتربت مني وهمست :- شبيج ضايجه امي ضوجج بشي

زهراء:- ماكو شي وما مضوجني بس بعدنا ما متعودين ؏ بعض .

ام الغيهب:- والله كلبه طيب بس مجروح ساعدي بنيتي املي جبير بيج .

زهراء:- صار بعيوني الـ اكدر عليه راح اسوي .

سديت الباب وراهم وبدلت ملابسي

وخليت عطر طلع بعد وفت شافني

واكفه ضل يباوعلي خنزر بعيونه

ما افتهمته ابد ما افتهمته بس خفت منه

بلع ريكه بصعوبه ورجعت انفاسه

مضطربه كوه يجر نفس :- ذبي هذا الون .

همست بعدم فهم :- شنو ما فهمت .

عله صوته شويه :- ذبييييي هل لون ذبيييي .

خليت ايدي ؏ صدري مستغربه رد فعله :- ليش شبي مو حلو عليه .

اني حجيت هيج لو ابتليت ؏ ُ ؏ــمري لحضات

صار مثل العاصفه الي تهجم وتفلش كلشي كبالها

هجم عليه مثل العدو وبدون سابق انذار ووووو ........

يتبع ......

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _6_

زهراء تكول ..

مـو صـوچ الـدَرب

چـان الـخَلل بـيه

عـفت عـقـلي ومِـشـيت بـشور رِجـليه ..

أصـدلك مـن أفـوت ، أكـبر أحِـلامك چـان

وگـت گُـمت الـسلام تـرده مِـنيـه ..

الغيهب يرد ..

انه حاير بين أنسىٰ وبين أحِنّ .

اني حجيت هيج لو ابتليت ؏ ُ ؏ــمري لحضات

صار مثل العاصفه الي تهجم وتفلش كلشي كبالها

هجم عليه مثل العدو وبدون سابق انذار لزمني

من ملابسي وبـ أثنين اديناته جره من جسمي  صار وصلتين بين ايده

واستمر يسحب بي من جسمي الى ان تمزق

وكع وإستقر بقبضة ايده .

سحبت جرجف الجربايه

واني بقمة صدمتي ما كدرت استوعب الموقف

صوته أصبح بعيد بأذني رغم ما يبعد عني

غير خطوه وحده ، وبقه الصؤت يعلى ويخفت

إلى إن ابتعدت ذبيت روُحـي ؏ جرباية

وكدرت اركز :- من اول مره كتلج ذبي اسمعي الكلام ونفذي

ليش تصعبين الأمور وهي صعبه ، ليش تخليني أذيج

كمت من مكاني مجاهله كلامه

فتحت الكنتور وهو مستمر يحجي

وضاغط ؏ ايده احس ؏ اعصابه واكف ويحجي وياي

الغيهب:/ اذا بيوم شفتچ لو لمحتچ تلبسين لون أسود ما اضمن رد فعلي

اتجاهج بذاك الوقت ماكو احد يخلصج من ايدي  .

لبست دشداشه شلون ما كان

ودموعي تنزل ؏ خدي

من شاف سكوتي بعد ما طلع صوته

مسحت ادموعي بكف ايدي وصلت للباب

اعترض طريقي وهو يدفعني للخلف

الغيهب:- مو واكف واحجي وياج شنو توكفين ممنوع تَجاهليني .

دنكت رأسي ما اكدرت أنطق بحرف

تراجعت للخلف سحبت كلنكس

من الميز وصدر مني صوت شهكه

الغيهب :- الصار تحذير ألج حتى مره الثانية من احجي كلمه

تتنفذ بدون نقاشات تافهه ما الها داعي .

زهراء:- تحذير وشككت ملابسي عليه ، هو هذا اسلوب واحد مثقف

ابن عالم ، وين اكو رجال يسوي بعروسته هيج .

مسح وجهه وتعداني وراح للجربايه

كعد هناك ايده ؏ راسه :- أذيتي راسي أكثر من ما هو متأذي هو اني ناقصني ضيييم وقهر الـ بيه كافي كــــافي .

انتفضت من طريقة كلامه التفتت ونترت

بقهر :- هم حقك كاتل واحد والشرطة منتظريك بالباب

وابو الـ ايجار دازلك امر اخلاء اعذرك بعد .

التفتت عليه وهو رافع حاجبه ورد بستنكار :- حضرتج تستهزئين .

عضيت شفايفي وتنهدت بنفاذ صبر

عفت الغرفة كلها وطلعت ما كدرت ابقه

واكفه كدامه ونترادد بالكلام مثل الحاقدين .

كعدت بالصاله الفوك مسدت ؏ راسي احس

يريد ينفجر ، أساعده شلون اساعده

وهو من لون ملابس كلبها عليه

شلون راح تخلص ، دخلت بطريق صعب

ومثل ما كال لعبه يا إما خساره يا اما فوز

بالحالتين راح أدمر .

إني عالقه بزحمة الحب

مرت الساعة والبعدها واني بنفس

مكاني وهو ما كلف نفسه يجي

يتفقدني عايشه ميته هو بالأصل

نهائيًا ما مهتم الوجودي ، عبالك ثقلت حياته

يحسسني اني شي نكر دخلت .

كمت من مكاني واني احس بتعب

فضيع ، فتحت الباب بدون ما اطلع صوت

وسديته بكل هدوء ، اباوعله نايم وايده ؏

راسه ، شويه ودار ؏ جهه الثانيه

بقيت بنفس ملابسي ورحت نمت

بس خليت راسي نزلت دموعي

محتاجه حضن امي اريد اكلها يمه بنتچ ورطت نفسها .

انطيته ضهري وغفيت ، مر وقت ما اعرف شكد بس فزيت

؏ صوت خشن بعدني ما منعوده ؏ وجوده بصفي

ضليت جامده بمكاني لدقايق استوعبت

كلامه :- موج يا دكات گلبـي تعالي اريد اشتاقيت لعطرج

لا ترحين هنا تعالي هنآ بحضني .

بقه ينفض عرك وجهه احتقن بالون الاحمر

حبس انفاسه صوت شهكات تصدر منه شكت صدره

صك ؏ اسنانه بوجع .

كمت من الجربايه افتر بكل الغرفه اختتتتتنكتتتتت

شنو هل اختبار الصعب ربي دخيلك .

بعدني بقمة توتري وقلقي رجع كمل برمي طلقات جروحه

؏ مسامعي :- الغيهب ما يأذيج اني عايش عليج انتِ ما تهونين ؏ گلبـي .

ما تحملت اسمع أكثر اتوجهت بتجاهه

وصحت :- غيهب اكعد كااافييييي .

بمجرد ما حجيت فز من نومه

موسع عيونه يباوعلي مصدوم

دار وجهه بـ أنحاء الغرفه مثل يدور

؏ شخص ، لحضات أدارك الوضع وسرعان

ما نهض من مكانه فتح الباب وطلع .

فتحت باب البالكون دورت علية

ماكو بس ضوه خافت بالسيارة

عرفته كاعد بيها .

رجعت ؏ جربايه حاولت الصمود

تجمعت مشاعر مخربطه مأذيه

متعبه ، أفكار هبت مثل العاصفة

فكرة تركه صارت مثل المصارعة

بيني وبين نفسي ، خليت شال ؏ راسي

وتوجهت جوه فتحت البوب وقدر المستطاع

حاولت ما اصدر صوت .

وأخر شي وأني افتح باب المطبخ

رفع رأسه وهو بعده نفس مكانه

عيونه ذبلانه والسواد محاوطهم

حتى وجهه الـ حبيته والسحر قلبي

من اول ما أجت عيوني علية

تعبان  .

فتح الشباك وحرك ايده بعلامة شكو .

توجهت للسيارة وصعدت بصفه

خفيت ڪُـل الكلام الحارق وقررت اتحمل 

حرارته حتى بس ما اخلي يتألم مثلي

كاعده كباله والنار تاكل بكلبي

اكل ، وشهكاتي شكد صعبه اخفيهن

بس الخاطر عيونه اضمهن بداخلي

حتى ملامحي حاربت حتى ما اخلي

يحس عليه اني سمعت كلشي .

السكوت بس السكوت كان يأسر المكان

وطاغي ؏ كلشي ، المسموع صوت

أنفاسه يسحبهم وكأنه مجبر .

زهراء:- شلون صرت .

الغيهب:- شنو سمعتي من جنت نايم .

بلعت ريكي ويا حسرة گلبـي وهمست ببتسامه :- كلشي ما سمعت .

الغيهب:- ما سمعتي ، أذن ليش بجيتي ليش صحتي كافي .

زهراء:- وضعك وتنفسك تخربطوا وجنت خايفه عليك

كعدتك خفت لا يصير بيك شي .

رجع راسه للخلف غلق عينه بقوه

وهمس :- روُحـي نامي زهراء الوقت تأخر .

اريد ارد استوقفني وهو يهمس بتعب :- اسمعي الكلام وروحي .

نزلت من السيارة والدمعه معلكه بعيوني

دخلت الغرفتي بعز انكساراتي

بقيت صامدة احاول الثبات ، لكن ضعفي بكل مره يتغلب ؏ اوردت گلبـي

وينهكني بكل يوم راح اكررها حب الغيهب لعنه وما اعرف شلون افك

تعويذتها حتى اتخلص منها .

فزيت من مكاني من سمعت صوت سيارته تعلن عن رحيله

رفعت راسي الساعة سبعه الصبح ، كمت اخذت حمام لملمت الغرفه

ونزلت لكيت الكل كاعد ؏ ريوك

أبو الغيهب:- عروستنا نورتنا ، تعاي ابويه انتِ هنا بصفي تكعدين .

ابتسمت بوجهه والخجل واضح ؏ وجهي

كعدت بصفه صبتلي عمتي كلاص جاي حار

مهيل ، وعمي شال صمونتين حارات

وقرب ماعونه عليه .

ابو الغيهب:- لا تستحين بابا مدي ايدج واكلي زين .

زهراء:- شكرا عمو هسه راح اكل .

ام الغيهب:- شكرا عمو ولج زهراء مو صبيتلج جاي .

مديت ايدي لزمت ايدها وهمست :- انتِ الخير والبركه عمه .

ردت فرح مرت اخو الغيهب الثاني هشام:- يايا غرت شنو السالفة

تغزلوا بيه هم .

سجى:- واني هم بطريقكم .

هشام :- ما يغزر غزلنا .

سجى:- الغزل من عمي وعمتي غير طعم .

ابو الغيهب:-لا تتعاركون كلكم  بناتي بحسبة ملاك وهاجر

ما ناقص ولا زايد عن محبتهم .

كامت سجى باست رأسه ورأس عمتي وردت :- لعد اترخص هم يلا الحك

؏ دوام .

طلعت وراها راحت ملاك وفرح الدواماتهم

خلصنا وعمتي شالت الصينية والكل طلع

الشغله بقيت بس اني وياها كاعدين

هِـيِّ تغسل مواعين واني ارتب يمها

وهي ڪُـل شويه عايطه بيه اذب كلشي من ايدي

لان عروس ، ونهائيًا ما احس نفسي عروس

وخاصًا بعد المصايب .

مر الوقت بين كلام عمتي وبين

مكالمتي ويا امي وصديقاتي

حاولت الهي نفسي شكد ما اكدر

الى ان رجعوا الكل من دواماتهم

بس هو الوحيد ما رجع

وهم يحرجوني ما يجتمعون اذا ما يصيحوني

واني اتأذه اكثر من اشوف عيونهم بيها

حجي ، قهر ، استعطاف ، شفقة

اتجاهي احاول قدر المستطاع اتملص نفسي

منهم واكوم الغرفتي .

الثاني يوم الساعة خمسه الفجر

جنت نايمه بعد إرهاق تفكير مفرط

دخل بدون ما يباوعلي توجهه للحمام سبح

وطلع لف راسه ونام قريب مني بس كان حذر ان

يلامس جسمه ويقترب من جسمي .

حاولت ارجع اغمض عيني وانام

ما كدرت اكتفيت انطي ضهري

وابقي عيوني مفتوحه وعقلي ياخذ مساحته بالتفكير

ما اعرف شلون مر الوقت بس استنزفت ڪُـل طاقتي

وصلت المرحلة بعد ما اتحمل نفسي

كمت بدلت ملابسي بالحمام وطلعت من الغرفة

لكيت الكل طالع الشغله بس فرح وعمي موجودات

وعمي بـ استقبال .

صبحت عليهم وتوسلت بعمتي اساعدهم

بس اريد التهي وما افكر بي

وبديت اجلف اني وفرح ونظف بالتدريج

واني انزل الجدوره اجه صوته :- فرح ريوك .

بقت عمتي بس تباوع بوجهه هو اشرلها شكو وعافها

وراح كعد ويا عمي ، تجاهلت كلشي وكملت شغلي وعمتي بيدها حضرت الصينية وصاحت :- زهوره تعاي أخذيها من أيدي وديها الغيهب خليني اخابر ملاك اشوفها شلونها .

هزيت براسي وغسلت ايدي اخذتها منها

ورحت وكغت كدامه ونزلت خليت الصينيه

عدل كعدته وهمس :-خوشكي الجاي وروحي منا .

سويت مثل ما راد وعفته ورجعت كملت كلشي وصلت للكراج

دخلت ملاك وضحكتها ؏ وجهه :- الله يساعدج زهره ، ليش تشتغلين گلبـي

غير أنتي عروس .

زهراء:- احب اشتغل فوتي عمتي خابرت عليج وما حصلتچ .

ملاك:- هو جيتها خلصي وتعاي جوه .

رجعت اجلف بالمكان وصار صوته وراي وعطره ترس

المكان ، التفتت اباوعله نفس جمال اول مره ولا عبالك

ذاك الـ نزلت دموعه وجهه انطعن اسود بيوم حلمه بيها .

تعداني ولا كأن شافني وكفت ؏ طولي

وبكل هدوء همست :- غيهب وين رايح .

التفتلي انطاني نظره ما حسبتها مجرد نظره عابره

لا جانت مثل السجين وغرزها بنص گلبـي

باوعلي بكل استصغار ورد بكل برود:- وانتِ شنو وتدخلين وين

طالع وين فايت هاي السالفة ما تخصج واذا عدتيها امرد راسج

واشوف منو الـ يطلعلج .

زهراء:- شهل كلام انتَ شلون تحجي هيج وياي ، وكفت احجي

وياك بكل احترام ليش ما تعرف تحجي .

طفر من الصونده ولزمني من ايدي صاح بوجهي

بعلو صوته :- منو المايعرف يحجي لــٰج تجاوزين علية .

قوه لزمت ايده صحت بصوت متألم:- ايدي غيهب عووف ايدي راح تكسر عظم منها شيل ايدك .

؏ صوتنا طلعت عمتي وملاك يتراكضون

اجت عمتي تحاول تدفعه مني هو بقه مثبت عينه بعيني

وصوته يعله :- باعي بعيوووني شووفي واسمعي هاي كدام الكل

زهراء اذا رجعتي وفتحتي حلكچ وكلتي وين رايح ومنين جاي

عندي تصرف بذاك الوقت مو حلو ابد مو حلو .

ام الغيهب :- شيل ايدك منها لا بارك الله بيك عوف البنية عروس

غيهب :- كعدي وياها وعلميها لا تدخل بيه .

لطمت ؏ وجهه وعاطت بي :- شلون ما تدخل بيك ولك شلون

غير زوجها انتَ اذا هي ما تسأل منو اله حق .

الغيهب:- ماكو شخص بهل كون اله حق يمي وحذرتكم إنتوا وياها

لا تدخلون لا بيه ولا بيها ومره الثانيه اذا تشوفونه نتكاتل بنص البيت وكبالكم هم ما اريد احد يفتح حلكه .

ملاك:- غيهب شبيك شلون تحجي هيج ويا امي .

دفعني ؏ حايط وطلع دارتلي عمتي حضنتني وتمسح بدموعي

ام الغيهب :- مسحيها بوجهي فدوه اروح الوجهج يا يمه

نفسيته تعبانه وما يعرف بنفسه شيهذرم ، بس يجي عمج عدنا حجي

ويا ومو بس حجي لا هذا من العيار الثقيل وما يكون خاطرج اله طيب .

زهراء:- ما اريد اسببلكم مشاكل وتتخاربون بسببي ، خلي هيج اولها

وتاليها اني ما راح اطول ويا .

اريد امشي منها لزمتني من ايدي ورجعتني :- شنو هذا اتفاق بيناتكم .

زهراء:- شنو يا تفاق .

ام الغيهب:- انتِ ويا متفقين ؏ انفصال ، هو بكلي شهرين اذا ما تفاهمت وياها اطلك ، وهسه انتِ عدتيها .

هزيت براسي ورديت بحزن:- لا بس طريقنا واضح وضوح الشمس .

مشيت للمطبخ صعدت الغرفتي وبسرعة سبحت وبدلت ملابسي وكعدت

اكل بنفسي اكل ، ليش هل مصايب اني شسويت غير افهم شسويت .

مر الوقت شغلت تلفزيون التهي بي

وبين مسلسل يبتدي ومسلسل ينتهي

اني روح تخلص وصبر ينفذ وهو ما شرف

ولا عبالك عرسان جدد هو اصلا مو بعالمي

يعاملني معامله كريهه ما اكدر اتحملها .

الساعة الـ 1:00 ليلًا الجو ملبد بالغيوم السوداء

كسواد ايامي التي تأكل احلامي بدون سابق

انذار ، واني نايمه ؏ سريري سمعت صوت

المفاتيح تعلن ؏ فتح الباب

عدلت نومتي الضوء خافت مجرد ضوء التلفزيون

شفت عيونه تنظرلي ، بمجرد ما دخل الغرفة

تغلغلت لـ انفاسي رائحة نسائية قوية

بديت بسبب الضغط المتراكم اصك ؏ اسناني

ما كدرت اسيطر ؏ انفعالتي ، هذهِ المره تركتها

تأخذ راحتها بالتعبير عن غضبها .

زهراء:- تجاوز علية اكول ميخالف اعبرها بعدنا اول مواقف

تصير بين ڪُـل المتزوجين ، ترجع الساعة بـ وحده هم ميخالف

يجوز عندك شغل وملتهي ، بس عطرك عطر نسائي فواح

تره واكفه وعيب عليك .

اجاهلني ولا عبالك احجي ويا ، حرك گلبـي اكثر من ما هو محروك

كمت من مكاني صرت مقابيله وصحت :- تريد أحترمك تحترمني غيهب

ومن احجي وياك تحجي وياي ، هاي مو معامله تره بزعت روُحـي من تصرفاتك وحركاتك وسوالفك التعبانه .

اقترب عليه لـ اول مره بكل هدوء مد ايده وره شعري لكن سرعان ما تبدلت

حركته الى قسوه وسحب راسي قريب وجهه وصاح

الغيهب:- ليششششششششششش ادوسين ابطني ، زهراء ليش تريدين

اجرحج .

نزلن دموعي وصحت :- انتَ ليش هيج تسوي وياي فهمني احجي وياي

والله تعبت تعبت وبعد ما اكدر اتحمل .

قوه لزمته اكثر وهمس :- اكثر شي اكرها بيجن يا جنس حواء

تتمسكنن الى ان تتمكنن بدموعجن الكذابه ، امسحي دموعج واذا

اشوفج تبجين اعميهن .

دفعت ايده مني وانتفضت واني اسمع كلامه الـ ما ينطاق

زهراء:- شيل ايدك مني وبعد ممنوع تلمستي  ، ومن باجر نروح ننفصل

انتَ مو طبيعي غيهب اتندمت عليك تندددددمتتتتت ..

اقترب عليه واستمريت ابتعد من كدامه

انضربت بالحايط ما حسيت غير مد ايده ؏ خصري وسحبني

بقوه :-ما المسچ ، ما اجي يمج ، ما اقتربلج كل هل امور بيدي وبكيفي

مو انتِ الـ تحددين اتقربلج او لا .

قرب وجهه ناحية وجهي تخالطت انفاسنه

بعدت وجهي منه وصحت :-غيهب شيل ايدك شيلهااا

جنت ويا وحده غيري وعطرك عطرها وتريد تقتربلي

همس بأذني :- بس حتى اخليج تعرفين ڪُـل القرارات بيدي

وحدي ، واني المسؤول اهنا واني الـ كلمتي تمشي عليج وعلى اكبر منج

نطق بـ اخر كلمه اله حسيت نفسي نرفعت عن الأرض

وشمرني ؏ سرير ، ذب سترته والقميص كطع ڪُـل ازراره وهو مثبتني برجله دفعته من صدره بس ثكيل ما كدرتله

زهراء:- غيهب ابتعد مني لا تكسرني ، انتَ مو ناوي ننفصل بعد شهرين ليش تريد تتركني متحطمه تمامًا .

دفن وجهه بركبتي والاول مره نكون بهذا القرب

رد ؏ سؤالي بعد ما فصل بوسته :- غيرت رائيي زهراء أريدچ

ما كتلج احب المتمرده تخليني اتعذب واحرب حتى اضوكها

قويت دفعاتي ، وبحركه سريعه ربط ايدي بأيد وحده من اديناته وصعدها

ليفوك من الخوف والتوتر ضليت اتحرك مثل الـ مخبله جسمي كله

يرجف :- اثبتي لا تخليني أذيج .

صرخت بعلو صوتي :- غيهببببب عوووفنيييي ما اريدددك

شيل ايدك منييي شيلهااااااااااا ، خلي نحجي ونتفاهم غيهب الله يخليك مو هييج  خايفه كلبي راح يوكف شيييل ايدك .

هو من سمع صوتي تخبل مزق ڪُـل ملابسي ومع

ڪُـل ثانية تمر يقوي بوساته ؏ جسمي

ضليت اصرخ وابجي بعلو صوتي

بس ماكو احد نقذني من بين ايده

اخذ حاجته وخلص وقبل لا يكوم عني همس :- عجبني طعمچ زهراء.

كورت نفسي وضليت اشهك جر الجرجف غطااني

وراح للحمام ، من الوجع ما اكدر حتى ابقه بمكاني

ضليت الوب ودموعي ما نشفت بخدي ، لميت ڪُـل الجراجف ذبيتهم بالغساله بحمام الصاله الخارجي ورجعت للغرفة اجر بخطواتي .

مر وكت طلع لكاني متمدده اون من شفته كمت للحمام

ما اريد اشوفه خنكني وجههه وتعبت منه ومن نفسي

ما اعرف شلون سبحت بس ألم بطني اكلني اكل

بدلت وطلعت بالشافعات خليت راسي ؏

مخده صرت مقابيله ، وبمجرد ما التقت عيوني بعيونه

همس بثقه :- شستفاديتي من خليتيني انفجر عليج ، ڪُـل الصار من وره

ايدج ، واذا كررتي السويتي صدكي اسوي اكثر من الـ سويته واضح .

غلقت عيوني بكل ما عندي من قوه رافضه المح وجهه

تراجعت للخلف واني اسمعه يصرخ :- جاااااااوبي من اسأل واضححححح .

اريد احجي بس صوتي منبوح وما راضي يطلع

تحمحمت ورديت :- واضح .

من خلال صوتي عرفني ما اكدر احجي

عافني وكام اخذ غراضه وطلع

ما اعرف اذا نمت او انغمه عليه

بس نمت نومه طويله .

الثاني يوم الساعة اربعة العصر كدرت افتح

عيوني ؏  صوت اخته هاجر وهي تهز بيه :- زهراء تسمعيني وياي انتِ .

هذا الـ سمعته بعدها رجع السواد ؏ عيوني وغابت الرؤيه

مر وقت رجعت اسمع أصوات حوالي وتحديدًا عمتي وسجى

وهاجر :-البنية صايرة قطعة جمر ولج خابري خلي يجي ياخذها .

هاجر :- يا يمه والله خابرته كال راجع بالطريق شويه ويوصل .

ام الغيهب :- هسة من أدعي عليه هم أحد يلومني

ولج الصبح نزل اكله مرتك وينها ، يكلي فوك نايمه ما بيها شي

ولج اخوج يريد يموتني غير بحاجيني ويكلي .

هربت من عيني دمعه حاره هربت بسبب حرارة گلبـي

نمت وما اعرف شكد مر وقت فزيت ؏ ضربات خفيفه

؏ وجهي وصوته تغلغل مسامع أذني:- زهراء تسمعيني وياي انتِ .

مجرد ما سمعته رجعت ابجي ومنهاره من شفاف حالي أبتعد عني

أقتربت هاجر مني :- لازم تاخذها حرارتها قويه .

الغيهب:- بدليلها بسرعة .

أقتربت علية اكثر رفعت الجرجف وأسمع صوتها المفزوع

هاجر:- عزًا يمه الحكي البنيه نازفه كومه .

اسمع صوت عمتي وصياحها ولطمها وهي تحجي ويا

ام الغيهب:- ولك حاجيني شمسوي بـ البنيه .

رد بكل هدوء:- اقتربتلها  .

آم الغيهب:- شتريد مني تريد تموتني حاجيني ، ولك البنية شمسويتلك

تريد تنتقم روح انتقم من الـ الوصلوك الـ هل مرحله  عوف هل يتيمه بحالها .

عاط بعلو صوته :- هاجر خلصينااا بدليلها .

ام الغيهب:- بعد ما ابقيها يمك بس اتصير زينة طلكها وخلصها منك .

فتحت عيوني بثقل شفته كبالي صار مقابيل امه وهمس :- ليش وصلتها

الـ هل حاله حزري .

ام الغيهب:- لا طكن كلشش وصرت مخبل يا يمه .

الغيهب:- لا غلطانه لان كالت طلكني واني ما امشي بمزاجهه .

شالني من شاف هاجر كملت وصعدني بسيارته

ورفض رفض قطعي أحد يجي ويانه

رجعت نمت واون من الوجع نهشني

ساعة مرت حجز عند دكتوره ولأن حالة طارئة

دخلتني بسرعة ، فحصتني وسرعان ما حجت بفزع :-شنو حالة اغتصاب .

رديت بخجل :- لا دكتوره بس عروس وصارت بالغلط .

هزت ايدها وكتبت علاج وحذرتني ما يقترب مني هل فتره

اخذت الورقه وطلعت هو بس شافني طلعت وما اكدر

أمشي مادري من الدوخة مادري من وجع جسمي

تقدم سحبني من خصري وصلني للسيارة

الغيهب:- ارتاحي هنا رايح اجيب العلاج .

درت وجهي منه ما طايقه لاصوته ولا شكله

عافني وراح بسرعة أشتره العلاج ورجع

صعد بالسيارة الجكاره بحلكه شغلها والتفتلي

الغيهب:- شكالت الدكتورة ؟

درت وجهي ؏ شارع بدون ما ارد علية

سحبني بكل قوته من ايدي وصاح :- زهررررررراء من احجي

وياج تحاوبينييي لا ارجعج للبيت اعيد الـ سويته وياج .

جريت ايدي بكل ما بقت عندي من قوه وصرخت

من حركت گلبـي بكل ما عندي من صوت :- عووفنييي بحالي يااا مرريض .

يتبع ........

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رمضان كريم عليكم عيوني الـ اثنين انتوا يارب رمضان خير وصحة وبركة

اسفة واعتذر عن الـ انقطاع بس تعرفون دخلنا رمضان وركض ركض اريد

الحك ما اكدر وفوكاها عزايم وخبصه ، اليوم كلت ما ازعل حبايبي ولازم

انزللكم بارت فـ اتمنى يعجبكم عيوني انتوا

احبكم ❤️

رواية ظلمات الغيهب

بقلمي أساور حسين

الحلقة _7_

زهراء تكول ..

كسرت قلبي مره ، اهتزة ثقتي بك مرتين

خذلتني تلاثاً ، ابكيتني الفاً ، ولا زلت اصنع الثقة

والأمل بك بـ ربك هل هناك مثل حُـبـي لك .

الغيهب ...

لاشيء يدمر روح الإنسان مث الخيبة

وأنا انسان مليئ بالخيبات ، اكاد اتقيئ قلبي من الألم

لكني بخيت ولكيتج ...

جريت ايدي بكل ما بقت عندي من قوه وصرخت

من حركت گلبـي بكل ما عندي من صوت :- عووفنييي بحالي يااا مرريض .

أكاد أجزم لو يلزمني بهل دقيقة اموت بـ ايده

التفتت علية اعروق ايده واضحه ، وبدت

؏ ثغره ابتسامة متشنجه بالغل والوعد بالجحيم .

درت وجهي وجسمي كله يرجف واني اسمع صوته بكل معاني الهدوء

الغيهب:- زهراء منو مريض ؟

بلعت ريكي واكتفيت بالسكوت

واني ادري لو ما شارع عام وزدحامات

كان تصرف تصرف نهائيًا مو حلو وياي .

الغيهب:- يكون احسن تبقين ساكته وجهزين نفسج  .

رديت بدون ما التفت :- ما تايهتلك عندي اهل اني مو فصلية .

بوكس واحد فلش مسجل السيارة وهو

يضغط ؏ اسنانه :- لا تجااااوبين لا ترادددين زهراء .

تغلغل الهدوء انحاء المكان

صوت انفاسه الغاضبه واضحه

يعتليه صوت سحب نفس الجكارة

غلق عيني ورجعت راسي ؏ كرسي

حاولت اتهرب من كلشي وبـ هل ساعة

تمنيت الموت ولا انصدم بي اكثر من صدمتي .

شخط السيارة وكفها ، صارت عيني ؏ بيتنا

نزلت دموعي واني اهمس:- يمه فتحي الباب شوفي حالي تبهذلت يمه والله تبهذلت ، اخذيني يمج وبحضنج ما اريد تتركين أيدي ، تندمت عفتج لو باقيه

تحت حمايتج ولا هل عذاب .

صدر صوت شهكه مني سحبت كلينكس واني اشوفه يصعد

يدخل السيارة للكراج بعد ما فتح الباب الخارجي .

اول ما دخلها وقبل لا يطفيها نزلت اجر بـ مشيتي بصعوبه

فتحت الباب عمتي اول ما شافتني اجت لزمتني من ايدي

رفعت راسي والدمعة واكفه بعيوني اباوعلهم كلهم هنا ابو واخوته ونسوانهم

وحتى خواته ، الكل مستقر وضعه ، اله هو لا يضبط نفسة ورافض

يضبط حياته بهذلني والله بهذلني .

ام الغيهب:- ها يمه شكالت الدكتورة بيج شي .

نزلت راسي بخجل تحمحمت اريد ارد عليها

وبدون سابق انذار خطفني من ايد امه بكل قوته

وسحبني ، اعترض عمي طريقة وصاح بي

ابو الغيهب:- لك غيهب ما عندم إحترام انتِ مو تشوفنا نحجي وياها .

الغيهب:- يابا مو هسة عندي حجي وياها .

ابو الغيهب:- مقتنع بنفسك ، راضي بالسويته بنت الناس .

عافه وكمل طريقة وصعد ؏ درج وايده

ضاغطه ؏ ايدي :- سبق ونبهتكم ما اريد احد يدخل بيناتنا فـ لا تدخلون

تره تصيرر مو زينة اخر مره احجي .

دفر الباب دخلني وشمرني ؏ جربايه

تحركت بوجع اريد اعدل نفسي حتى

افتهم هذا الـ يصير وافعاله من ڪُـل عقله .

الغيهب:- السانج طويل ، تجاوزين ، ومخليه راسج براسي

كلامج كلام وحدة مستهتره ما عدها خوف .

باوعت بعيونه وهمست :- اخاف ليش اخاف بحرب عايشين

انتِ زوجي ليش اخاف منك .

الغيهب:- تريدين تموتين انتِ .

زهراء:- بشنو أذيتك ليش الـ هل درجة حاقد علية شتريد مني غيهب شتريد .

الغيهب:- لا تـــتـــمسكنين ديرررييي بالج احذرج .

اقترب عليه سحب شعري بيده وصاح بعلو صوته :- بـ شنو وصفتيني بالسياره ؟

بلعت ريكي واني ارفع ايدي احاول اتملص من ايده

بس مثبتني من ڪُـل كلبه بحيث كوه اكدر احجي

منظره مخيف يخليني أحسب احساب الـ كل كلمة اكولها

زهراء:- ما جنت قاصده الـ اهانه ، ما اعرف بشنو مريت بمشاكل

وضغوطات وخذلان ب.....

بعدني ما مكمله كلامي فر وجهي براشدي وشعري بعده بيده

بعدني ما صارخه رجع راسي بتجاهه وعله صوته اكثر

الغيهب:- اييي كملليييي أسمع.

صرخت بكل علو صوته بوجهه :- عوووفنييي ، ساااااااعدددونيييييي .

عله صوت صراخي وهو يضربني للمره الثانية

الغيهب:- كمليييي بسررعة كملييي وسولفي ودخلي نفسج بـ امور ما تخصج .

زهراء:- يخصني لان عايشة وياك واتأذه بسبب هل سوالف

وصلت المرحلة الكره والحقد والـ انفعال الزايد عن الزومً

مو عيب اذا الشخص وصل المرحلتك يتعالج لان حالتك

تكول انتَ اليوم بسبب الصدمات مريض .

جرني من ملابسي ولفهن ؏ ايده وسحب راسي للخلف

وهو يسحب بشعري اكثر واكثر

بحيث بس راسي صار جوه حسيت ضهري بـ اي لحضه

يطك :- شنو رأيج تروحي تتعالجين وياي ، لان راح اخليج تمشين وتتلفتين

وراج ما تعرفين عقلج المريض وين .

ضليت اناشغ وارافس برجلي من الوجع واخلط بالخوف

زهراء:- سااااااعدونييي ابوووس ايدكم سااااااعدونييييييي .

تكررت الضربات ؏ وجهي وجسمي والمؤذي توسلاتي

وصوتي المتأذي الصدر مني بكل وجع بس محد حاول

يساعدني ويخلصني من ايده .

أنتهى بي المطاف فاقدة الوعي متروكه

؏ فراش جثه لا اكدر اشيل ايد ولا راس

غلقت عيوني واني احس بشي حار ينزل ؏ رجلي .

مر وقت طويل فتحت عيوني بثقل

احس كوه ينفتحن وجع قوي بكل وجهي

كدرت بعد محاولات عده افتح وأركز أكثر

نزلت دموعي واني اشوفه نايم وبكل هدوء وبدون تأنيب ضمير

بصفي بجيت وناشغت بعلو صوتي ؏ حالتي المزرية

فز من نومه مفزوع يتفحصني واول ما وكف

شال الجرجف خاف لا بعدني انزف

الغيهب:- باعي بوجهي شبيج شنو يوجعج بالضبط .

حركت وجهي بس حتى ابتعد عن ايده الدمرتني

زهراء:- اريد امي أخذني الها ما اريدك انت ظالم انتَ شيطان

ماكو بكلبك رحمة .

بكل هدوء حط ايده ؏ شفايفي يمنعني من الكلام

الغيهب:- جسمج بعد ما يتحمل كتل ، حافظي ؏ روحج والتزمي الهدوء .

زهراء:- والله اندمك ، مو تكره جنس حواء راح اخليك تكرهنا أضعاف

واشوفك شلون تنتقم حواء والله راح أبچيك ، مو تريد تخبلني وتخليني

افتر داير ما داير نفسي ، اني اشوفك شلون اخليك

واكف ودور داير ما داير نفسك .

الغيهب:- ههه ادور عليج ليش شنو انتِ منو زهراء انتِ ولأ شيءٍ بالنسبة الي ، وقريبًا ارجعج منين ما اجيتي ، حالج حال القبلج .

زهراء:- القبلي .

الغيهب:- اي متدرين اكو قبلج وانتِ الثالثة .

ضليت اهز براسي ما مستوعبه كلامه

أبتسم بـ أنتصار واخذ مفاتيح سيارتة وتلفون وطلع .

بين النايمه والكاعدة سمعت صوت عمتي وياها بناتها

فتحت عيني ونفجرت بيهم :- ڪُـل الـ يصير وياي بذمتكم واحد واحد

راح تتحاسبون ؏ كسرتي وتحطيمي .

تقربت ملاك رجعت شعري للخلف ودموعها

؏ خدها تنزل :- حقج بـ ڪُـل التكولي ، بس ما بيدنا شيءٍ عليج .

عطت بيها :- شلون ما بيدكم ، لو تخافون الله كم مره حجيت وياج

ليش ما نصحتيني .

باوعت العمتي كاعده كبالي وايدها ؏ راسها :- من اجيتي خطبتيني

وبيوم الخطبة من كلت ما أريد ليش ما خفتي الله بيه وكلتي ابني

مريض ، ليش ما كلتيلي اكو قبل ضحايه .

رفعت راسها مصدومة :- اي اي احنه ضحايه الـ ابنج وانتِ بـ ڪُـل مره تروحين تخطبين اله وتورطين بنات العالم حسبي الله ونعم الوكيل عليكم .

هاجر:- زهوره كلنا وياج احنه التريدي يجرالج .

ضحكت بوجع مهول :- اوووييي خطيه وياي انتوا ولكم انتوا عالم بكلبكم ماكو رحمة تسمعوني استغيث وانضرب وما ساعدتوني

هاجر:- صدكي لو مدخلين يزيد عليج ما يعوفج .

زهراء:- ليش منو هو وحش اني تايهتله وما ادري ذبوني علية فصلية

ما عندي اهل منووو هو ، لو واكف ابوج واخوتج بوجهه شنو ما يكدرون

يحموني ويخلصوني من ايده معقولة اخوج الـ هل درجه مسيطر عليكم

ملاك :- مو شغلة سيطرة بس غيهب متأذي و...

قاطعتها واني اكمل بدل عنها :- اي كوليها مريض اخوج مريض

ورطتوني بي واني مثل الغبيه وبكل ثول وافقت بي ودخلت للجحيم برجلي

بس ما اسكتله والله ما أسكت اريد أمي خلوها تجي تشوف حال بتها الوحيده

وتخابر خوالي واخوتي اروح اشتكي علية بالعنف الأسري واذبه بالحبوس

هناك هم يحولوا المستشفى امراض نفسية ويتعالج براحته بعد .

سمعت ضحكته اجت من خارج الغرفة

يبس دمي بعروكي بكثر ما دمي فاير منه

بي اخاف اضعاف ، وكفت عمتي مقابيله

هو دخل شمر كلشي بالكاع وستعد للهجمه

ام غيهب:- اكتلني وروح موتها ، ما اخليك تمد ايدك عليها ما دام واكفه

واشم الهوه ، والله يا غيهب اتبره منك ولا اني امك ولا اعرفك .

صرت بنهاية الجرباية وكل ذره بجسمي خايفه

اعرف بس يطخني أنتهي لان ما عندي عظم صاحي

الغيهب:- تريدين تشتكين مو ، كومي بدلي اخليج تشتكين زين

والله لا اكلهم مختله عقلين وبدال ما يشمروني يشمروج

وبيدي أشرف ؏ حالتج يا حييييوانه .

ملاك :- عوفها حقها هيج تحجي شوف حالها خاف الله غيهب مو عندك خوات والدنيا دواره كافي لا تخليني أخد موقف منك .

دفعته عمتي وضلت تضرب بي تهسترت من تصرفاته

وهو يحاول بس يرجع ويدخل عليه ، واول ما طلع

ونزلت وره ملاك باوعتلي عمتي وهمست بخجل وندم

ام الغيهب :- سامحبني يمه ، لو شما يسوي بعد اني ابقه وياج

ساعديني خليني انزلج اني وهاجر واخليج بغرفتي

واذا يقترب منج اكسر رجله واكتله واكتل روُحـي .

زهراء:-تريدين تساعديني من صدك ، رجعيني الـ امي وبعد ما اريد منكم

شي اني اعرف احمي نفسي .

هاجر :- صيري زينة ومن عيوني اني بيدي ارجعج ، بس هسة ساعديني

وساعدي امي وامشي ويانا جوه .

كمت وياها جسمي من الوجع بي رعشه

نزلت بس بمعجزه خلتني بغرفتها وسدت الباب علية

بقيت اكل بروحي اكل وبس امي ابالي اريدها روُحـي

مفرفحه ؏ شوفتها ،شلون اوصلج يا يمه شلون حتى تلفوني

ماكو ، وهم كلهم بالبيت والكراج كله كامرات .

ساعات مرت وسمعته يتعارك ويا عمتي

وعمي يهدد بي :- ابقه ؏ تصرفاتك والي تصرف واجراءات راح امشي بيها وياك وأنسى انت ابني .

عافهم وسمعت صوت خطواته يصعد فوك

هنا لحضات وصوته ترس البيت

نزل يركض ؏ درج وصاح بيهم :- وووووينهااااااا .

ابو غيهب:- منو ؟

الغيهب:- لا تخبلونيي ولكم زهراء وييييين .

ابو غيهب:- ضميتها بمكان ما تكدر توصله خلي البنية تخلص

منك مو خلصت روحهااا انت ما تنحمل .

الغيهب:- ووووين وديتها يابا الخاطر الله لا تحرك هو دمي محروك مو حمل مصايب .

ابو غيهب:- انتَ مصيبه روح من وجهي يلااا .

الغيهب:- اروح من وجهك بس كلي وينها شلون اطلعوها بدون

ما تاخذون أذن مني .

أبو غيهب:- ؏ اساس منو انتَ اني قراراتي التمشي ما دام اشتم الهوه .

الغيهب:- دزيتها الـ امها اكيد .

يريد يطلع ستوقفه عمي وصاح :- وروح ابوية مو عد امها ، وديتها مكان

بعيد ما اريدها تتأذه منك اكثر ، الى ان تصير زينة غصبا ما عليك اطلكها

وتكفي شرك من بنت العالم حالها حال القبلها .

الغيهب:- القبلها شييييييي وهييييييي غييييررر ليششش تدخل

رجعهااا احسن ما يصير شي .

سمعت صوت صراخ عمتي والبنات وصوت ضرب

ردت افتح الكنتور وأضم نفسي هناك بس ستصعبتها

لفيت نفسي وكتمت حتى انفاسي من الخروج

دقايق وعم الهدوء مجرد اصوات كلام

لا يسمع ، مرت الساعات اخذتني النومه

جسمي مرهق احتاج للراحة وبس

اريد استعيد نفسي حتى اكدر اوكف ؏ طولي

واتخذ قرار سليم .

لكن بعد ما حل الظلام وغابت الشمس واخذ القمر مكانها

رجع صوت الغيهب يأسر گلبـي بالظلمات

فزيت ؏ صوته وهو يصيح :- وين وديتها رحت البيتنا الثاني وهم ماكو

يم امها ماكوو وييين خفيتوهااا لا تخبلوووني ، شوف يابا اذا طلعت ضامها يم احد من كرايبنا احرك روُحـي اكررهم كلهمممممممممم .

هشام :- غيهب كافي شوف حالتك شصار بيك خوية .

الغيهب:- لك هم بقوا عقل براسييييي تعبووونيي

اريد كح......... تجر عدل وياي ماكو كلهن يدوسن ابطني .

ابو الغيهب :- غلط انتِ غلط تزوج ، لك الف مرة كلتها وارجع اكولها

انسان كلبك صار بقساوة الحجر ، ما تكدر تتحكم بانفعالاتك

ايدك والضرب ، اكعد ويا نفسك عالج اغلاطك ، اعرف مو ڪُـل اصابيعك

هذيج غدرتك مو كلهن نفسها شهل حقد .

الغيهب:- اكرررهنننن اريد الزم ڪُـل جنس حواء واشرب من دمهن .

ابو غيهب :- هسشششام امير كولوله يررروح من وجهي لا قسمًا عظمًا

اكوم هسة صدك اهينه .

الغيهب:- اريييييد مررتي ويييينهااا ، والله اذا ما ادليني مكانها اسوي ما اسوي ، لا تخلوني صدك اتخبل ، زهرررررررراء ووووويييين .

ابو الغيهب :- شتسوي سوي طبك مرض زهراء بعد ماكو انساهااا ..

هو حجه ويا هيج وهذا تخبل صوت التكسير والصياح

انكلب البيت النار ومشتعله بينهم يتكاتلون ، وبعد مده من الوقت

انفتح الباب گلبـي دكاته تقرا مليون الى ان شفت عمتي وياها عمي استقر وضعي دخلوا وقفلوا الباب

ابو الغيهب :- ها بابا زهراء ، سلامات بنيتي اني مثل ابوج شنو تحتاجين يمج ، وهذا الغيهب الي تصرف اخر ويا ، اريد تصيرين قوية وتتحملين هل شهرين واطلكج منه لان ابني مو أدمي ، واني رجال اخاف الله ما اريد اورطج اكثر .

من الخجل ضليت ساكته تشكرت منه من يريد يطلع ، هو شافني ما مرتاحه عافنا وطلع .

ام الغيهب :- ها يمه شلون صرتي .

بيدها صينيه خلتها بحضنها وكعدت كبالي :- جسمي يون علية وعلاجي

ما لحكت اشرب منه ، واريد اسبح وابدل ملابسي .

مسحت ؏ راسي وردت بحنان :- هسة هاجر تنزل الدوه ، بس السبح خليها

؏ باجر لان الغيهب بـ أسوء حالاته واخاف يشوفج نريد نسويله درس .

هزيت براسي وسكتت شبيدي واحجي

آم الغيهب:- اكلي لكمه حتى تشربين علاج وتبقين بفراشج ما اريد تتحركين زين ، ڪُـل ما ادخلج انطيني احتياجاتج وراح ابقي يمج كلشي ، وبوقت ما يطلع من البيت فوتي الحمام .

زهراء:- ليش هيج سويتوا بيه عمه ، كم مره اجيتي ليش ما انقهرتي علية

ونصحتيني منه ، كم مره رادت تخرب ليش ساعدتي وخليتي كلشي يتم .

ام الغيهب :- والله يا يمه القبلج اني خطبتله بموافقته ، بس لان انتِ غير

انتِ هو رادج ، هو اصر عليج وبكل مره يكلي قنعيهم ، كلت هل مره

صدك يريد يبدي من جديد ويستقر ؏ هل اساس يا يمه ردت تكونين جنتي

وبنيتي والله محروك گلبـي عليج وداعت ولدي .

زهراء:- الفاس وكع بالراس والكلام ما يفيد اني وكعت ضحية الـ مرض ابنج .

ام الغيهب:- وحق الله يا يمه غيهب طيب وقلبه نقي نضيف ويحب يضحك

يحب الونسه والحياة والسفر والطلعة ، بس الله لا يوفقها ذيج لعبت بحاله وصدمته صدمت عمره ، جانت وياه كاعده اخر مره وبكل صلافه عافته وراحت الحضن الـ ... تريد تكمل سمعت صوت ضربتين ؏ باب

أم الغيهب:- اجه اني اروح لا طلعين صوت وهذا الضوه راح اطفي

ابقي ؏ ضوه الممر .

عافتني وطلعت الاكل مقابيل بس ما اتقبل اكل لكمه وحده

شلته ؏ ميز ورجعت راسي ؏ مخدتي ، شكد جنت راسمه احلام

ورديه اني ويا نعيشها بعد ما يصير حبيبي وزوجي تالي انصدم بي

حتى لو اريد اتوقع هو قاسي بس ما يجي ابالي هو بـ هل قساوة المهولة.

الثاني يوم والثالث وعدت الـ ايام وصار خمس ايام اني

بـ هل غرفة والغيهب ما مل ولا تعب وهو يبحث عني .

بـ هل ايام كدرت استرجع صحتي وخف الورم من جسمي

وبعد معانات كدرت اوكف ؏ طولي بدون ما تجيني دوخه

او وجع ، لكن خوفي مستمر والقلق مسيطر ؏ ڪُـل ايامي

شلون راح اكدر اشوف وجهه ما طايقه شوفته نهائيًا

ومثل ڪُـل يوم بعد ما الكل يروح الدواماتهم

تفتحلي عمتي الباب حتى اكدر اروح للحمام اسبح واغسل

واتريك وياها واليوم بالذات طكت روُحـي وفاض بيه الشوق

الـ أمي:- اكلج عمه امي شعجب ما تسأل عليه .

ام الغيهب:- شلون ما تسأل خطية ڪُـل يوميه تخابرني

بس اخاف انطيج التلفون وتدرين ما ادخل هواي عليج

وهي تخابر الضهر .

زهراء:- شنو حجيتولها الصار .

ام الغيهب :- مو كلشي بس الغيهب رايحلها سأل عليج وهي بقت بقلق

كاللها جانت بيناته مشكله وطالب يفتش البيت ، هِـيِّ الحمدلله خابرتني قبل

لا تخابر خوالج وعمج حجه وياها وطمنها انتِ بحمايته والصار يلوي أذن الغيهب وهي سكتت وطمئنت .

زهراء:- شوكت اكدر اروحلها والله اشتاقيتلها .

جمدت بمكاني وعمتي لونها بهت من سمعنا

صوت الباب الخارجي انفتح ، بالكوه عمتي كامت

من مكانها تشوف منو :- راح اكوم وانتِ اركضي للغرفة .

هزيت براسي وكفت بـ استعداد

ويا ما راحت مني ركضت للغرفة وقفلت الباب

بس بقيت استمع للأصوات ، بعد مده سمعت

صوت امير وهشام والبنات وتذكرت اليوم خميس معناها

يجون من وقت .

ام الغيهب:- جنت اتريك اني وزهراء طلعتوا الأكل من اخشومنا .

رد عليها هشام بضحكه :- شلون نخابر قبل لا نفتح الباب ، مو غيهب

كارثة خلاكم تتراجفون .

ام الغيهب:- اي وحلو هيج ، شنو معناها مره خاتله من زوجها

وما تريد تشوفه مو عيب هاي تالي تربيتنا امدها البطني الـ حملته .

دكت باب اي دكت باب بس قوية بشكل مو طبيعي

وكأن الخلفها عدو مو زائر ضليت واكفه بمكاني استمع للأصوات

متردده اطلع واشوف الصاير بره .

صياح ، وتكسير ، اصوات عالية تجلب القلق

حاربت نفسي حتى افتح الباب وكدرت افتح

جزء بسيط منه ، باوعت بـ ارجاء المكان ماكو احد

عدلت شالي وطلعت البنات كلهم واكفين

؏ شباج همست :- شكو بنات شصار .

هاجر:- زوج **** هناااا ما اعرف شيريد .

تقدمت واني اسئلها بعدم فهم :- يا ***

هاجر :- زوج موج .

وكفت وياها اباوع فتحت عمتي الباب

واصلنا صوته وهو بقمة غضبه :- ارريد الغيهب خابروه كله اذا هو زلمه

يجي ويوكف كبالي .

طلعت عمتي وصحت بوجهه :- ولك هم الك عين وجاي تتوعد

بعد ما طعنته بظهره وخليتوه سالفة بحلوك اليسوه والمايسوه

خدعته وانت اخوووو وفوكاها هم جاي متحلف .

- اكلج شايفه اذا الزمه والله اشرب من دمه هل ****

هجم علية امير ركعه بوكس نومه بالكاع

امير :- لا تغلط والله اموتك وادفنك بالحديقة و*** ابو الـ يطلعلك

ماكو غيرك **** نسيت شسويت لو اذكرك .

وكف وهو يعدل ملابسه ويرد علية وبعده متهستر :- خليني علاقتي طيبة

بيك واطلع منها امير .

هشام :- انتَ اطلع منا جلال قبل لا يجي الغيهب وينومك بوادي السلام.

جلال :- يخسسسسسسي هل ..

دفعه ؏ باب وعاط بوجهه :- لك تطلع مناااا لو شلوون .

دفعه منه والتلفون يدك عليه رفعه وصاح :- منتظرك ، رجال وغصبًا ما عليك ، هو اليوم اشوفك منو المو زلمة ، لا تبيعهن علية غيهب .

سده منا وضل يفتر ، فاتت عمتي وهي تلطم :- شايفه بالكامرات

وراح يجي يا يمه دخيلك ربي استرهااا ..

خابرت ؏ عمي عاط بيها :- نارهم تاكل حطبهم تعبووني والكم ارحموا بحالنا .

فزينا كلنا ؏ صوت السيارة وقلوبنا صارت بيدنا

ناس تباوع من الكامرات وناس ؏ شباج .

من زمان ما شايفته نعصر گلبـي بألم واني اشوفه

يعوف السيارة مفتوحه ونزل وبدون سبق انذار مدده بالكاع

اثر بوكس ؏ وجهه ، هذاك بسرعة كام رجلعه البوكس اثنين

وهذا تخبل شلون تضربني واحدهم شكبره ويتكاتلون منظرهب مرعب

ضلوا واحد يضرب بالثاني بدون توقف

امير وهشام والمنطقه كلها التمت ؏ اصواتهم

يحاولون يوكفوهم وهم فقدوا

عمتي وكعت وهي تصرخ :- لحكولي تذابحوا علمود مره .

؏ منظر الـ اشوفه كدامي صار عندي فضول اشوفها

معقول موج تستحق هل قتل ، والمرض ، والوجع ، وحركت القلب

زلم تتكاتل عليها والهم مكانتهم مو حي الله زلم .

دخل عمي صفكهم اثنينهم ڪُـل واحد راشدي

ولزم جلال ، وهشام وامير ثبتوه الغيهب

جلال :- ولك والله ما ابقيك عايش لو اني لو انت .

الغيهب :- امشي **** انتَ تموتني ، اذا الزمك هسه غير

ارجع اربيك من جديد يا ****  .

جلال:- هششش وتعال كبالييييييي تعااال لا بس حجي .

حاول يوصله الغيهب وما كدر

وكفهم عمي وصاح بعلو صوته :- ولكم الله واكبرررر الله يفضحكم

ياا سفله ، شتررييددون ولكم .

جلال :- اني ابتعدت هو ما عافنا بحالنا .

الغيهب :- ****منو واصلك منو ما عايفك .

جلال :- شلون ما واصل ومرجع علاقتك بـ موج ، ما تستحي ما تعضت عافتك مثل القندرة وختارتني .

الغيهب :- قندرة بحلكك ، بس انت وياها زبايل راهمين

اني هووواييي عليهااااا .

جلال :- ليش رجعتها اذا تعرف هيج .

الغيهب :- لا تخليني امردك مثل الحيوان بـ قندرتي اكلك ما ألي أي دخل بيكم وصار هواي شايل ايدي منكم وما اريد اعرف اخباركم .

جلال :- جذذذاب انتَ كلت اندمك .

الغيهب:- والـ هل يوم اكلك اندمك وانعل و******

والله اخليكم تبوسون حذائي بس اصبر .

جلال :- من سويت علاقة وياها ما جانت مرتك وهي من ذات نفسها

اختارتني ، بس اليوم هِـيِّ مرتي تعرف شنو مرتي موووج مرتي

عيب عليك تقترب عليها وتخونوني .

ضل الغيهب يشمر بيده ويصيح بعلو صوته :- يا كلب يا ****

اني ما الفي ازبايل مثل **** مالتك ، روح شوفها ويا منو خانتك

مو جديدة جانت بحضني وراحت شمرت نفسها بحضنك

وهسة ملت دورتلها حضن جديد .

جلال :- غييييهبببب خررررربببب ......... ولكككككك والله امووتككك واللهً

عووفنااا بحالنه لا والله وحق ڪُـل حرف بالقران ازوعك دم .

الغيهب :- تخسسسي انتَ وياها ويلااا ولييي منااا ودور عرضك

وشوفه وين نايم بـ يا حضن وبـ يا ملهى بـ يا شقه .

كمل كلامه وغمزله تهستر جلال وعروك

ايده واضحات خشمة طك دم وعيونه نكلبت حمره

جلال :- ماكو غيرك موج عندك غيهب عندك

انتَ تخوني ويا مرتي ، تقبل اسوي مثل ما تسوي تقبلها أخونك ويا مرتك

وتعرفها مو صعبه عندي .

هو منا غيهب متخبل ويدور علية وما يلكاني واجه هذا

كمل علية نكلب وضعه وضل يشمر بـ أخوته

الى ان حررو قيده وبحركه سريعة سحب المسدس

من خصره وثارت طلقة منا .....

يتبع ....

موعد التنزيل بين يوم ويوم وهذا الـ اكدر علية حبايبي والله لان رمضان وناوية أختم القران الكريم عذروني .

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _8_

-ماذا بك ؟

-لا شيء.

-ماذا تريدين ان افعل من أجلك.

-اريد ان تغدو عجوزا .

ان يزيد عمرك عشر سنوات عشرين سنه

*كانت تقصد ان تقول بذالك ، أريد ان تكون ضعيفا ، ان تكون بمثل ضعفي .

هو من جهه غيهب متخبل ويدور علية وما يلكاني واجه هذا

كمل علية نكلب وضعه وضل يشمر بـ أخوته

الى ان حررو قيده وبحركه سريعة سحب المسدس

من خصره وثارت طلقة منا .

الكل نخبص والصياح من ڪُـل جهه

من الصوت العالي واني حالتي النفسية

تعبانه بحيث اي ضجه راسي يضل يطن

بوجع رهيب ، خليت ايدي ؏ اذني

وكعدت بالكاع مَوجوعة

بس الكل طلع ، بين الهوسة ودوي الأصوات

اميز صوته بعد حرب بين نفسي وجسدي

المنهك كدرت ارفع راسي صار كدامي

طابك جلال ؏ باب وهتف بي :- شوف يا ***** اذا شفت وجهك

لو وجهه مره الثانية هل طلقه الثارت بالهوه اخليها بنص كلبك

والثاني ، راح تخليني ابحث ؏ ***** واخلي الطلقة براسها

وبذاك الوكت اخلص منكم اثنينكم واكون انتقمت الذاتي المتهدم بسببكم .

سحبه عمي من ايده وشمره بالشارع

وطبك الباب بـ انفعال ، تقدم ؏ غيهب

الـ واكف وبيده المسدس وايده الثاني

يمسد ؏ بداية راسة بكل قوة يعصر

وكأنه يريد ينفجر وبنفسة يحاول

يسيطر ؏ وضعة المتخربط .

أبو الغيهب:- انطيني المسدس .

شال ايده يباوع الـ ابو وهو رافع حاجبه :- شتريد .

صاح بعلو صوته :- المسدس هسة تسلمه ألي لا والله يا غيهب

اندمك لان تعبت من حالتك صار سنتين ؏ هل حال تعبببتني

الغيهب:- تعبت انتوا تعبتوا من شنو تعبتوا ، اني المدمر اني الما تغفه

عيني اليل ، اني كاره الدنيا بكبرهاا ، انت تعرف حجم الـ الألم

انيي تعبت من روُحـي مو انتوا تعبتووواااا .

وكفت عمتي كدامه لطمت ؏ وجهه وصاحت :-ليش ولك يمه ليش

منو الـ يستاهل هل عذاب، ليش دمرت نفسك ودمرتنا وياك .

ضحك بس ضحكته بيها ألف معنى ومعنى بيها كمية رضوض

وتمزق روُحـي عنيف :- ليش يمه ما تعرفين ليش ، المريت بي ما اعتقد بشر قبلي مرررر بي يمممهههه ، اخوية وحبيبتي تتخيلين

تخيلووو وياااي .

ابو الغيهب:- ما نتخيل كلنا وياك ومقدرين وضعك ، حتى جلال ابني

بس مو بمعزتك وتبريت منه وطردته الخاطر عيونك وكسرتك

لان غلط بحقك ودمرنا

ام الغيهب :- وبيوم اريد اشوفه احسب احساب المشاعرك والغي الفكرة اخاف تعرف وتحز بخاطرك وتفكر سامحته

يمه لا تموتني لا تحرك گلبـي عليك .

شكد ما كلبهم صاير جمره علية بس هو مايشوف

كان واكف بس مو ثابت ، قوي بس قلبة بضعف

هز راسه بستنكار وحاول يفتح الباب اعترض عمي طريقة

وصاح بي :- ماكو طلعة اذا ما تسلمني المسدس .

الغيهب:- عوفني يابا صدكني ما انطي خليني اطلع بعد ما اكدر احجي

وقبل لا اروح من ارجع اريد زهراء بالبيت لا تخلوني اتصرف من راسي

وحتى بيت امها اطلعها منه .

ابو الغيهب:- حتى تصب غضبك بنت الناس .

الغيهب:-ما اكدر امد ايدي عليها بس اريد اطمئن واشوفها كبالي .

رجع يحاول يطلع وعمي واكف بوجهه بعد مراوغات

عديدة كدر يتملص والمسدس بعده عنده ، عفتهم ودخلت جوه

اصواتهم ادك براسي .

اجتمع عمي وياها واعصابه منهاره بشكل :- هشام وامير انتوا

الـ اثنين مسؤولين ضروري تاخذون المسدس من الغيهب ضروري .

هشام:- يابا ما تعرفه البراسه يسوي لو مكلنا نوكف بوجهه ما يقتنع صدكني .

امير :- قبل كم يوم هم كعدت ويا حجيت ردت بس هو ما يقتنع .

ابو الغيهب :- يعني صح كلام جلال ، الغيهب راجع ويا موج .

امير :- استبعد هل احتمال ، ما اعتقد يسويها هو كارهه وطالعه روحه منها

اصلا ما يقبل نذكر اسمها ، وهو دايخ هل فترة يدور ؏ زهراء.

ابو الغيهب:- وشيريد من مرته .

أمير:- يابا غير مرته شنو شيريد تره غيهب عنده مشاعر اتجاها

بس يكابر وما يحجي .

ابو الغيهب:- لا تخليني اهينك ، يا مشاعر هاي وهو يعنف بيها .

أمير:- الصار ويا أثرٍ علية ڪُـلش زين نعرف الغيهب مو هيج

بس مجروح ، واذا تجي تقارن بين زواجاته قبل زهراء

راح تلاحظ هو عندة مشاعر اتجاهه وعندة زهراء غير عنهن .

ابو الغيهب:- تخربط انتَ وحدك ذنيج تعنفن منه وهسة هل يتيمة

نفس الحاله .

أمير:- بس من يعوفهن او يتركهمن ما يهتم مو مثل زهراء هسة

كطع الـ الأكل وعينة ما تاخذ النوم ومستمر يبحث عنها .

ابو الغبهب:- لو اخوك بعقله كان عرف زوجته بالبيت ما طلعت

وتحديدا غرفة امه ، بس هو مو بعقله واذا ما صحه ؏ زمانه اني

اصحي قبل لا يضيع من ايدي .

هشام:- وجلال شلون راح تبقي هيج .

ابو الغيهب:- هذا عندي كعده ويا واذا ما فاد بيهم اسجنهم

واخليهم يعرفون الله حق بالسجن .

ام الغيهب:- صدك تحجي تشاقه هاي نكته تسجن ولدددي شنو .

ابو الغيهب:- شلون ولد ؏ اساس ينحلف براسهم ، اشمرهم تأديبيًا

ولا يدخلون بجريمة قتل .

اسمع صوت بجي عمتي وتصبيرات البنات عليها

ما اريد اسمع شي بعد تعبببت ، الـ سمعته ما اكدر

أستوعبه معقولة جلال اخو الغيهب

يعني جلال خانه ويا حبيبتي

اخوو وحبيبته !!!

إستمروا بالكلام والـ اتفاقات والبنات شاركن بالحديث

اخر شي اندك باب الغرفة ودخل عمي

رغم اعرف هو مكسور بس ابتسم بوجهي وكأن يريد يطمئني .

ابو الغيهب:-اكدرادخل بنيتي .

وكفت ؏ طولي وهمست واني افرك اصابع ايدي

من التوتر والقلق المهول :- تفضل عمو تفضل .

كعد ؏ جربايه وطبطب ؏ مكان مقابيلة كعدت بصفه

تحمحم قبل لا يحجي وياي :- شلونج بابا .

هل كلمة عصرت گلبـي هدمتني هدم

نزلت دموعي بغزارة وكأنه اخترق

مواجعي بيها وهيج المستور :- عايشة واشم الهوه .

ابو الغيهب:- ليش تبجين مسحي دموعج .

زهراء:- صدك محتاجه اهلي ابوية وامي .

ابو الغيهب:- اكدر ادخل الكل بالمشكلة بس صدكين يا بنتي

راح تكبر وتنهجم حياتج ما تصلح ، اعتبريني ابوج

وعمتج امج ، اني وياها وياج ضد ابني بعد ، لان اعرفج انتِ الصح

وابني خطأ ، بس اريد تخلين ايدج بيدي حتى نطلع الغيهب من مصيبته .

هزيت رأسي بـ عدم قبول :- ما اكدر اعذرني مؤهله الـ هل مشكلة

اني تأذيت مثلة وهو الدمرني مثل ما هو مدمر سكتت ؏ سوالف

مستحيل زوجه غيري تتقبلها في سبيل احافظ ؏ حبه بكلبي

بس هو حارب على هدم كلشي بنيته .

ابو الغيهب:- لا بنيتي بعدكم بالبداية ومتأكد انتِ ماكو غيرج راح

ترجعين الغيهب مثل قبل واحسن .

زهراء:- وعدتني شهرين وننفصل كلت ونطيتني كلمة ، علمود حجي العالم

لان ما صار هواي متزوجين ليش اختلفت هسة .

ابو الغيهب:- لان أكتشفت الغيهب فعلا انتِ غير عن الكل عندة

والج تأثير علية ، واني وامه واثقين بيج بنتي الخاطري والخاطر شيباتي

اعتبريني ابوج وساعدينا .

زهراء:- واذا فشلت ، معناها اطلع مخبله من هل بيت .

ابو الغيهب:- ما عاش الـ يخبلج واني عايش وياج بكل خطوة

الى ان ننجح ونضحك ؏ هل ايام ، وخليج على علم يا بنتي اي اثنين مزوجين تصير وياهم إشكالات ويتعدوها وانتوا بعدكم بـ اول طريقكم .

بقيت ساكته ما اعرف شنو قراري

بس ما كان ابالي افاركه ، هو كان مسيطر

؏ افكاري وكلبي وصعب التخلي بـ هل وقت .

زهراء:- هسة شنو المطلوب مني ؟

ابو الغيهب:-هسة الغيهب تهدد بيج ، يتخبل رسمي اذا ما طلعتي

كبال عيونه ، اضهري نفسج ونشوف بعدها شيصر .

زهراء:- بس اني ما مستعده وخايفة من رد فعلة راح يموتني عمو .

ابو الغيهب:- حاولي تسيطرين ؏ امور واذا احتاجيتي مساعدة كلنا يمج .

بقيت أفكر بكلامه واسئل نفسي اكدر ادخل هل اختبار

استصعب الفكرة بس ما عندي حل أخر لازم أواجهه

هل مصايب واكافح حتى اتخلص من الماضي .

ما مجبورة ، لا مجبورة اني دخلت نفسي

بـ هل مصايب واني اطلعها يا اما ربح

أو خسارة .

بين دقايق تعدي وساعة تمر

غيهب اختفى وما اله اثر

كانت عمتي وهي شبه منهارين علية

اما اخوته كانوا متأكدين الغيهب اختفى

حتى يلملم شتات نفسه المتحطمه ويكدر يكمل

المشوار ، كان امير يطمئن عمي بكلامه :- حتى إذًا بحثنا ما نلكي

هو من يقرر يرجع راح يرجي هنا عوفه براحته .

وعمي ياخذ كلامه بس يبقى قلق علية

وبعد غياب يومين ، عمتي ادمرت

ڪُـل شوية متخربطه وكلنا اندوخ

بيها ضغطها يعلك بـ١٩ وهي مره جبيرة

نقلوها الـدكتور وحذرنا اذا ما استقر الضغط خلال هل كم اسبوع فـ خطر ؏ حياتها وكلنا نعرف الضغط كتال صاحبه

الـ اهتمام زاد بعمتي بس هِـيِّ تهلوس بأسم الغيهب وجلال

وعيونها تصب دموع ما وكفت .

بعد اتصالات هواي بـ الغيهب حصلته

ملاك وبلغته بوضع عمتي ، هنا رجع

وكله قلق عليها ، كابلها وكعد الباب ما وصله

هو صار مسؤول ؏ اكلها وشربها دواها

تكفل بـ كلشي يخصها

يوم والثاني والوضع صار غريب علية

والكل ارتبك بوقت ما سألهم :- ليش امي تنام هنا مو بغرفتها ؟

الكل سكت اله عمتي ردت بخوف واضح :- غرفتي خنكه هنا بنص البيت الهوه يلعب من ڪُـل مكان .

الكل عبرت علية هو صدك لكن محال تعبر ؏ غيهب

وبدا يشك بالموضوع ويربط الاحداث مع بعض حتى

زال النهار وحل المساء والغيهب في ترقب تام الكل الحركات

الـ افعال ، واني كاعدة بالغرفة صوتي ما طلع ، ومن الملل

اشغل التلفزيون في سبيل يقضي الوكت .

الساعة 12:54دقيقة ليلًا

بعد تعب وارهاق يوم كامل

دخلوا هاجر وملاك للغرفة حتى

ينامون هم واطفالهم .

فرشت بالكاع اني وهاجر واطفالها

اما ملاك هِـيِّ واطفالها ؏ جرباية

زهراء:- شلون صارت عمه بالي يمها .

هاجر:- نزل ضغطها وصل 15 بالكي الباجر يرجع طبيعي .

زهراء:- ما اكلت شو....

قاطع كلامي فتحت الباب وترأس الغيهب

المكان ، ستند ؏ باب وكتف ايده ؏ صدرة

وهو يدقق النظر بعيوني وهو يهمس :- اووو ست زهراء منورتنا اليوم .

حشرت روُحـي بـ هاجر وهي بدورها لزمت ايده

وملاك كامت من افراشها بسرعة وكفت كدامة

تحجب اي رد فعل تبدر منه .

ملاك :- غيهب والنبي مو وقت مشاكل عوفها امي مو زينة لا يصير بيها

شي ونخسرها ابوس ايدك ، روح هسه روح حباب .

دام النظر بتجاهي وهمس :- ملاك امج مو زينة واني مو زين .

تركها وجهه الكلام الي بصورة مباشرة :- زهراء وين جنتي ؟

بلعت ريكي وجسمي يرتعد من الموقف

قويت لزمتي ؏ ايد هاجر خطيه هِـيِّ بسرعه وكفت كدامي

هاجر :- بغلاتي عندك عوفها شوفها جسمها من الخوف منك يهتز

لا تخلي الـ بنية تكرهك غيهب حرام هاي يتيمه .

كان فاصل عنهم وكأنهم بعالم وهو بعالم ثاني :- زهراء مو احجي وياج

سمعيني صوتج وين جنتي .

من شاف سكوتي دفع ملاك ودخل الغرفة

صدر مني صوت خائف تكورت واني كاعدة

ملاك :- غيهب مو نحجي وياك عوفها لا يكعد ابوية .

الغيهب:- شو روحوا من وجهيييي ، بحركه سريعة

عبرهم وصل مقابيلي مد ايده لزمني من ايده وثبتها بيده

سحبتها منه بس هو كان اقوه مني ومن البنات

جرني حيل وكفني مقابيله وبسرعة طلع بره الغرفة

والبنات وره اجه عمي وعمتي رغم مريضة

كامت من فراشه وبصوت رج البيت رج

عاط علية عمي :- غيهب اوكف مكانك .

وفعلا وكف وهمس:- صار كم يوم ضامها شتريد بعددد .

ابو الغيهب:- قابل بلا سيب ضميتها انتَ لو أدمي ومحافظ عليها

مو كان هِـيِّ تريدك هسة ، مو لازمها وترعش منك ما تستحي من تشوف

مرتك نافرة منك .

التفتت علية ركز بيدي الصارت قطعة من الثلج

ورجفتي واضحه كدامه ، لكن هو كان عنده رأي ثاني

الغيهب:- لا تدخلون اني وياها نحلها .

صعد ؏ درج واني يجر بيه لو ما عيب اصرخ

من الخوف شلون ارجع وحدي ويا احس راح يموتني

بـ كد ما عاصر ايدي .

وصل للباب داهم الغرفة ودخلني بحركة سريعة

ارتديت للخلف بـ حذر من تحركاته ، قفل الباب ويا ڪُـل طكة

مفتاح روُحـي تموت ، التفتت علية وبعيونه آلاف الكلمات

رفعت ايدي ؏ راسي برعب من صار مقابيلي

وبـ لحضة دهشه فزع رهبه صار الغيهب ؏

ركبه كدامي من هول الموقف جمدت بمكاني

تمسك بدشداشتي بقوه وصوته اخ صوته

سمعته وكلبي نزف بذيج الساعة تمنيت

اكتل نفسي ؏ فراكي منه .

الغيهب :- مشتاقلج زهراء اني محتاجج اريدج يمي

ڪُـل يوم احتاجج ڪُـل يوم ادخل الغرفة اتمنى اشوفج

بيها ، لا تعوفيني اني اسف اعتذر اني غلطان بس

لا تعوفيني .

نزلت دموعي خليت وجهي بين جفوف ايدي

والشهكه شكت صدري ما اتحملت اكابر وابقه

صامده كدام دموعة نزلت المستوه

وعيوني بعيونه مسحت دمعته وهمست :- لا تبجي يا حبيبي گلبـي ينزف

ويا ڪُـل دمعة توكع من عينك ، أُحـبُـكَ وفراكك صعب علية بس انجبرت .

مد ايده حاوط وجهي أقترب مني اكثر :- ما اسامح نفسي ؏ صار ڪُـل يوم

اخلي راسي ؏ مخدة ياكلني الندم وضميري ما يرتاح .

غمض عيونه بقوه وكمل :- احتاجيتج هواي دورت بكل مكان بس ما لكيتج .

هنا حسيت الغيهب بدا ما يقصدني صح بالبداية كلامه موجه الي بس

بعدين اختلف الوضع ، صح هو يريدني بس ...

زهراء:- ابتعدت شوية اريد يرجع وياي :- الـ هل درجة مشتاقلها .

فتح عينه رمقني بنظرات هادئه كملت واني اباوع بوجه

ودموعي اخذ طريقهم بالنزول :- تشوفها بيه ، معقوله الـ هل درجة تشبهني .

هز براسه بالنفي :- لالا لترحين بعيد خليج هنا ، ما راح اخذ وحدة تشبها

لإن اني ما اطيق وجهه .

زهراء:- بس ما اكدر اصدكك .

الغيهب :-مو مهم تصدكين المهم تبقين وياي وماتبتعدين مني .

زهراء:- احترمني .

الغيهب:- يجرالج .

زهراء:- ممنوع تضربني .

الغيهب:- لا تعصبيني .

زهراء:- تخليني اروح الـ امي ڪُـل يوم .

الغيهب :- ما ارفض طلبج .

زهراء:- بيوم عصبيتك تكعد وياي وتحجيلي كلشي لا تصير غامض .

الغيهب:- حتى لو موضوع يضوجج .

زهراء:- حتى لو احجي لا تخليني بس افكر .

الغيهب:-تكدرين تتحملين نوبات غضبي .

زهراء:- احاول .

نطقت بـ اخر جمله واصبحت شفايفي اسيرة تحت أمر حضرته

سرق شفافي بوسه عميقه تشرح ڪُـل فترة غيابي عنه

كان حذر وياي عكس الـ قبلها ، عاملني وكأني كزازه خفيفه يخاف ؏ كسرها

وبعد جولة خاصه بعالم الغيهب وفعلًا كان عالم غيهب خالي من النور

أخذني الـ حضنه ركزت بوجهه لـ اول مره اكون ويا بـ هل قرب

ايده تسللت تلاعب شعري بكل لطف

الغيهب:- زهراء لا تعيديها ، لا تبتعدين خليتيني مثل الـ مخبل ادور بالشوارع والبيوت .

بـ بتسامة لعوبه همست :- ناقصك خبال .

ضحك وضهرت اسنانه :- صدك ما ناقص خبال خليتي رسمي .

عدلت كعدتي هو بعده ؏ نومته خليت عيني

بعينه وهمست :- غيهب سولفلي قصتك .

عدل كعدته اول ما سمع طلبي سحب باكيت الجكاير

شغل وحده وهمس:- تريدين احجيلج .

أومأت برأسي بالتأكيد ، زفر أنفاسه ورد :- تدرين أكثر فعل متندم عليه شنو؟

زهراء:- شنو هل فعل .

الغيهب :-خليتها تكشفني كلي اسراري شغلي شنو احب وشنو اكره وهنا

ماتت اللهفة ، اساس العلاقة اللهفه اذا انتهت اختفى الحب ويتبخر ولا كأن بيوم صار ، خليت حياتي مجرد تعويد عدها

عكسها غامضه ما اعرف شنو تحب او تكره رغم حاربت لـ كتشافها

حتى اذا بيوم اكتشفتها تحب شي معين وتعرفني اني اكتشفت

هل شغله تكرها وبعد ما تهتمله .

موج كانت مثل القصيدة حبها نقش بكلبي

خلتني اقضي حياتي وياها الهث من التعب

احاول ارضيها بكل الطرق ، حبيتها تنازلت

؏ ڪُـل افكاري والتزاماتي الخاطرها

حتى بيوم اكتشفت خيانتها وكفت ... وجهه انصبغ بـ الوان الأحمر

بيوم اجت كالت غيهب اريد ...

هنا وكف ، اختنك ، ذب الجكارة وكام من مكانه

افتر بـ أنحاء الغرفة مشى بتجاهه كنتوره دائمًا مقفول وممنوع ينفتح

طلع صورة واجه بصفي هاي اني وياها

هنا جانت ضايجه ما قبلت تحجيلي ليش

بدون سابق انذار حجيت ويا امها وسفرتها للشمال

جانت بارده بس جنت احس بـ دفىء حُـبـنا

ابتسم بوجع وهمس :- مو حبنا انخدعت بس حُـبـي اني الوحيد

جنت احرك نفسي بـ هل علاقة استنزفت ڪُـل طاقتي وصبري

وقدرات تحملي .

حاولت اشوف الصورة سحبتها من ايده

بس نص وجهه طالع هو حاضنها ولابسين ملابس تزلج هو اسود

وهي لون بنفسجي دافن وجهه بركبتها وهي رافعة اديناتها بعلامة النصر .

اختنكت صار تضارب بـ أنفاسي

حاولت ما اخلي يحس بيه بس

هو كان أسوء من حالتي المبعثرة

عافني وكام بدل ملابسه يريد يطلع

لفيت نفسي وكفت اعترض طريقة

زهراء:- كافي سد الموضوع خلي انام لا تطلع .

الغيهب:- اشرب جكارة بالكراج وارجع .

انطيته مساحته طلع واني دخلت سبحت وبدلت

وكعدت انتظره بالساعات هو ماكو ، خجلت إنزل أشوفه وين بقيت بمكاني ماتحركت وسرعان ما اخذتني النوم الثاني يوم .

كعدت شبه مرتاحه احسن من باقي الـ أيام

جنت متشنجه وما اعرف اتصرف وخايفه وحذره من كلشي اسوي

نزلت لكيت عمتي وملاك كاعدات يتريكون كعدت وياهم

ترددت عمتي تحجي بس جانت عيونها تسولف :- شلونج يمه زهوره.

زهراء:- اني زينة حبيبتي لا يضل بالج ، حتى اني والغيهب علاقتنا احسن

من قبل بفضلج وفضل عمو ربي لا يحرمني منكم .

ضحكت بعدم تصديق ومن فرحتها كامت من مكانها

باست راسي :- شحجي يا يمه هيج وتستقرون وافرح بيكم والله يوم عيد

شحجي يا زهراء وشوصفج يا يمه .

ضحكت وياها ورجعت بست ايدها

واني أنهض من مكاني شلت المواعين

اريد اغسلهم واندك الباب طلعت عمتي

ما خلت ملاك سمعنا صوتها بي نبرة عاليه

طلعنا نشوف شبيها ، صارت مقابيلي

بنية تقريبا بعمري سافرة شعرها قصير

وياها وحده بكد عمتي توقعت امها .

لفت انتباهي كلام عمتي وهي تصرخ بيهم :- شعدچن جايات شرايدات منا

ولجن نهجم بيتي ، ولدي صاروا اعداء بيسسچ وسبب بنتج .

موج:- عمه فوتيني ضروري احجي ويا عمي والغيهب راح يقتلني

جلال راح يموتني .

بـ هل لحضة عرفت الـ واكفة مقابيلي موج بذات نفسهاً

كانت فتاة جميلة بيضاء ذات شعر اسود تزين بخصلات بـ لون الأحمر

راحت ملاك عاطت ببها بعلو صوتها :- ارجعي موج ارجعي منين ما اجيتي لا تخلين اخوتي يتذابحون ؏ وحدة رخصت نفسها بنفسها .

لزمتها من ايدها وهزتها وهي تصرخ :- ملاك اكلج جلال يريد يقتلني .

دفعتها وابتعدت وهي تكلها :- اذا مو جلال يقتلج فـ غيهب لا محال يدخل

بيج اعدام لج بابا روُحـي منا قبل لا يشوفج بالكامرات ويجي يطين عيشتكم .

موج:- اني جاهزة الكل شي ، صار سنين مبتعدة وضميت نفسي في سبيل

ما يشوفني بس رجعت بكامل قواتي العقلية ، وما راح اتحرك منا

اذا ما اشوف الغيهب واحجي ويا .

ام الغيهب:- اني افوتج ما عندي مشكلة ، بس اخاف ؏ ابني

لان صدكي ما راح ينطيج فرصه تسمعي صوتج .

موج:- اعرف شلون احجي ويا ، لو نسيتي عمة ، اكدر اوكف كدامه واخلي يسمعني بدون ملل .

ضحكت عمتي بوجهه والتفتت الملاك :- عبالها غيهب نفسة قبل الـ تكدر

من كلمة وحدة تأثر علية ويكلها كن فيكون .

موج:- عمة انتِ بس فوتيني ابووس ايدج .

اجه صوت عمي من خلفي :- دخليها ام الغيهب دخليها .

هِـيِّ بس شافت عمي ركضت شمرت نفسها بحضنه

ضلت تناشغ :- عمو ساعدني اني دخيلة عندك لا تعتبرني

بنت اختك ، احسبني وحدة غريبة من الشارع ودخلت دخيلة

ابو الغيهب :- لو ما اخاف الله فلا اسمحلج تعتبين باب بيتي

الـ علينا اندخلج للبيت بس ما نظمن رد فعله .

موج:- اكدر اواجهه اني اعرف الغيهب كلبه طيب وما راح يتركني .

ابو الغيهب :- مثل ڪُـل مرة توكعين نفسج بمصيبه وهو اول ما يسمع

منج وبدون ما يتعبج يروح يحل مصايبج ، هاي قبل اصحيبي

غيهب ماتت من يوم الـ شافج ويا اخوج وموت روحه وذل نفسة

وكلج ، تتذكرين شكال مووووووو !!!

ضلت ترعش من البجي وصاحت :- والله متندمه اني ما جنت اعرف اتصرف ، جلال أثرٍ علية بكلامة .

ابو الغيهب :- أثرٍ شلون يأثر وبشنو، يا غدارة الغيهب كلشي نوفر ليشش

بعتي ابني ليش وكعتي ولدي ليش خليتيهم من اخوه قلب ؏ قلب

الى اعدام شياطين واحدهم منتظرة الزله ؏ ثاني .

موج:- شتحجي وتكول علبكً علية استاهل ضميري يقتل بية بكل مرة اذكر ذاك اليوم

كلام الغيهب دمرني عمو .

ابو الغيهب:- لان هو الضحية بينكم لان جنتي ڪُـل حياته

واخووو الـ جان جوه ايده وصله كانوا روحين ما يطلع غيهب اذا مو جلال

ويا وما يطلع جلال اذا مو ويا غيهب ، اكلهم شربهم نومهم سوه

انتِ دمرتي ولدددديييييي .

لج ابني توسلج وهو يعرف بيج غدرتي

كلامه اليوم يرن بأذني كال :- ادري بكلشي وشفت كلشي بعيوني

بس اني اعشقج موج مستعد انسى كلشي ونبدا اني وياج من جديد

بس ارجعيلي اررريدددج ما اكدر اعيش بدونج

بكل صلافة رديتي :- لا اني احب جلال .

تحبين جلال شلون تحبين جلال يا سا..... لج مو الكل يعرف انتِ الغيهب

شتبدددل .

عافها ودخل وهي دخلت تتوسله

بس عمي قافل عليها من ملت

كعدت وهي واثقه من نفسها :- انتظر الغيهب ونشوف شنو يقرر

ام الغيهب :- يقرر موتج .

موج :- اتفائل بالخير غيهب يحبني ما يعوفني .

ام الغيهب :- بطل يحبج يا غبيه ، غيهب استقر وعاش حياته

لازم ما سمعتي بي تزوج .

ردت بغرور :- سمعت بس مو مهم .

ام الغيهب:- مهم وغصبًا ما عليج ، اخذ وحده يحبها ومرتاح وياها

لا تضلين تزرعين سم .

ملاك :- عوفيها يمه الغيهب ؏ وصول وراح يتصرف وياها .

ردت بخوف :- شدراج .

ملاك :- خابرته وبلغته بوصولج عيني ست .

موج :- شكرا ملاك .

جنت واكفه بالباب اباوع بعيوني بدون مشاركة

بعد ما كملت التفتت علية خزرتني من فوك ليجوه

رفعت ايدها وأشرت علية وهي تحجي بستهزاء وكأنها

تأكدت راح تفوز لان اعتبرت اني لا شيء كدام جمالها ڪُـل ضنها الجمال مهم :- هِـيِّ هاي زوجته مو .

ابو الغيهب :- اتقني كلماتج ممنوع تكولين هاي ، هذهِ زهراء زوجة الغيهب

وام اطفاله ان شاء الله ، اما انتِ ماضي لا يرجع لو اشوف نخله براسج مزروعة ومتأكد رد فعل الغيهب ما راح ترضيج .

موج:- مو اقصد اقلل من احترامها بس تعجبت حسيتها مو ستايل الغيهب.

ولأول مره اردها لان بعد ما اتحمل وجودها :-صح كلامها عمو وحقها تنصدم ، لان بـ هل مره بالذات اختارني ؏ قناعته اختارني بحب

والأهم اختار وحدة شــريــفـة .

ركزت ؏ اخر كلمه وعفتها وتوجهت للداخل لكن

صوت ركعة الباب وصوت الغيهب زمجر بغضب

مثل الاسد ومنتظر بجوع ان ينقض ؏ فريسته .

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _9_

ماذا لو عاد معتذرًا ؟

گلبي العايش لهاللحظة بأوهامه

يگدر بـ اعتذاره يقلل آلامه ؟

يرجع بـ اعتذر من عنده كل الصار

گوه تعايشت و انسيتها ايامه

ابيض گلبي چان ومن فعلته وياي

صار اسود من الشامه

الخلاني گمت ما اثق بعد بالناس

و بـ نيتي وبياضي يلوث ابهامه

ما اردله لون مو يعتذر ويعود

و خل يحسب رجعتي من اكبر احلامه

ما اسامح، ولا افكر اعيد الراح

- لو چنت اليطلبه بلحظة اعدامه ..

ركزت ؏ اخر كلمه وعفتها وتوجهت للداخل لكن

صوت ركعة الباب وصوت الغيهب زمجر بغضب

مثل الاسد ومنتظر بجوع ان ينقض ؏ فريسته .

لحضات ترقب تفصل بين بناء قلبي

آو تحطيمهُ ، ثواني يرتعش لها جسدي

وكأن سوف ترن ساعة الصفر .

ثقتها بنفسها ، وثقتها ان الغيهب يسامها

كسرة اضلوعي ، شكد يحبها شكدد .

الغيهب :- كحا.... يا وطن بيتي .

ابو الغيهب :- كول يا الله بابا واكعد اسمع منها .

الغيهب :- ليش لا اكعد واسمعها وها لا تضيفوها

جاي ، جيبولها شي بارد تبرد كلبها **** .

ردت وهي تناشغ وتمسع بدموعها :- لا غيهب لا اني موج كلبك اني حبيبتك .

استوقفها وهو يصرخ ويحجي ويا ابو :- ها مو اكلك ****

زوجة اخوية وتكلي حبيبتك انعل ****** .

جر نفس وجهه احتفن ايده ترجف بصورة رهيبة يعتصر لها القلب

كلامة بي رعشة مو موزون وكأنه واقف ؏ حواف الموت .

تقرب عليها بخطوات محسوبة صاك ؏ أسنانه

ويفرك أيد بـ أيد:- شكد بحثت عليج حتى اتمتع بـ هل لحضة

وامزقج مثل ما مزقتي گلبـي ، تالي برجلج القذرة اجيتي وكفتي كبالي

ما تخافين اموتج .

موج:- العالم بـ كبرى يخوفني ، بس انتَ الأمان الوحيد الـ من اوكف

مقابيلك ينمحي العالم وتبقى انتَ.

ضحك ضحك هستيريًا

لدقايق هو مستمر يقهقه وكلنا ننظر خلسة

من شفت حالتة ابتعدت عن المكان

وصرت باب المطبخ كلشي مقابيلي

بس تأذيت واني اشوفة بـ هل حالة

استمر يضحك ويضحك ويضحك

مع العلم كلامها ما بي شي يضحك

مشى ببطء وخطفها بوكس نومها

بالكاع نزل رفعها من شعرها وكلها تصارخ

و بصوت عالي :- عينج لج عينج شـ هل صلافة كررهتيني بالناس والعالم شنو من بشر انتِ هااا شنوووو ، لعبة نفسيي منج لج وجهج وجهج

اريد اشوهه وما يبرد نار گلبـي .

موج:- لو ما بعدك تحبني ما تضوج ويحترك كلبك مني الـ هل درجة

لا تكابر غيهب لا تأذيني أكثر اني اجيت عندك دخيلة جلال يريد يموتني

بس اطلع من هل باب امووووت .

سحبه عمي منها وهو بصرخ :- ڪُـل يوم اعظ اصابيعي ندم لإن صدكتج

ومشيت وراج حبيتج ونطيتج روُحـي وكلبي وشلون جازيتيني انتِ موج هاا

رحتي خنتيني ويا اخووووية لا مو بس اخوية عزيزي

لعبتي بعقله و.

قاطعتة وهي تشمر روحها جوه رجله:- هو والله هو لعب بعقلي ، قنعني انتَ تحبني بس الجمالي وبس يزول راح تبدلني لان تحب بس نفسك

هو كال غيهب يخونج وشوفني صورة الك وتحملت وابتعدت منه حتى ما اخلي يسمم عقلي بس نجح بكل مرة يشوفني يملئ راسي.

هز رأسه وصاح:- لج اششش كافي جذب كافي نفرتي منا شلون

وانتِ بوقت ما تكونين وياي تخلقين اعذار حتى تروحين تلتقين بي

بيت وحدكم .

عبالك الموقف رجعله وتذكر كلشي

ركعها راشدي فر وجهه فر دخلت المطبخ

بعد خلص صبري .

كعدت ؏ كرسي أصواتهم تنسمع بكل البيت

الغيهب:- طولتتتتت بالكلام وياج وانتِ ما تسوين فورًا تطلعين منا وجهج

بعد ما اشوفة ما اريد الطخ أيدي بـ دمج القذر ، روُحـي منا وما محلله ولا موهوبة لا ؏ كسر گلبـي ولا ؏ دموعي النزلة ، روُحـي وما محلله ولا موهوبة ؏ ڪُـل بشر ظلمته بسببج ، روُحـي وجروح گلبـي بركبتج ما اسامحج للموووتتتتت .

دفعها للباب بس عمي اخ عمي وكفة وهو يشوف أخته

تبجي كدامهم وملاك هنا أدخلت وصدمتني آكثر من اخوها

ملاك:- بغلاتي عندك امشي فوت وياي غيهب خليني احجي وياك .

الغيهب:- تطلع ونحجي ملاك روُحـي من وجهي شياطين الدنيا تتكامز كدام عيوني من وره عيون **** الصلفة .

لزمت ايده وبـ توسل :- بداعت عزاز كلبك خليني احجي وياك

كلمتين بس كلمتين .

ابو الغيهب :- عيب غيهب تكلك دخيلة اعتبرها من الشارع واجت علينا .

الغيهب:- لا تروح فدوة البنات الشوارع هاي تعدت مراحل ماكو احد يلحكها

ابو الغيهب :- عيب ؏ الزلم تدخل عليهم دخيلة ويطلعوها .

الغيهب :- عيب ؏ الزلم يلفون **** وهم يدرون بيهن ****

واذا تريدها من الـ أخيرآ ، عمي اعتبرني مو زلمة بس هل ***

بيتي ما تبقى اليوم .

بين شد بالكلام وتوسلات كدرت ملاك تقنع الغيهب يدخل وياها

بس تحجي ويا مثل ما تكول ، تركهم وفات وياها اول ما دخل المطبخ

شافني كاعدة جر نفسسس بقوة مثل الـ يريد يسيطر ؏ أعصابه

وكف كدامي بثبات :- زهراء.

سكتت ضاع الكلام مني وما أعرف شحجي وشكول

الغيهب:- رفعي راسج لا تنزلي ، شبيج حاجيني شنو التريدي .

زهراء:- كلشي مااريد منتظرة ينتهي كلشي ؏ خير .

هز براسة وعافني وراح ويا ملاك بـ النص ساعة هم جوة ما اعرف شيحجون ، وهل سافلة تحجي براس عمي ، بعد فترة طلع وهو يهمس

الغيهب :- يوم واحد بس وبعدها نارهم تاكل حطبهم .

ملاك :- اي والله اني اصرف بعدين .

اني سمعت هيج لو عبالك حركوني بتيزاب

فررت وكفت ؏ حيلي يريد يدخل استوقفته :- وين وين غيهب ما تفوت اذا ما احجي وياك .

ملاك :-زهراء مو وكتها ما تشوفين حالنا .

زهراء:- وانتِ ما تشوفين حالي ، تعبت اكثر منكم موقفي ماكو بنية بالعالم تنحمله خليني ساكته ، وكفوووو شري وخلوني احجيييي .

سحبني من ايدي من رفعت صوتي دخلني للغرفة

وسد الباب وبصوته المبحوح اثر الصياح عاط:- شنو هل تصرفات

ليش تنترين ولج اهشم اعظامج لا تشوفيني صرت زين وياج تتفرعنين .

زهراء:- اتفرعن بـ شنو ماتشوفني انتَ كبالك ساعة ساعة ولحضة

لحضة اموت بسببك وبسبب حبك كافي انهي هل معزله بعد ما تحملها .

الغيهب:- مو وكت هل كلام ، ما فارغ لسوالفج الطايح حظها مثلج .

زهراء:- سوالفي مو سهلة اذا هيج .

هجم علية لزمني من ايدي بقوة وثبت وجهي بين أيده

ورد بحذر وتأكيد ؏ ڪُـل كلمة :- اسمعيني زين اني الغيهب ما اتهدد

مو تجين تالي وكتت تصيرين براسي فد شي احترمي نفسج واستقري

لا تعرفين شيصير.

شمرني بعيد عنه ويريد يطلع وقبل لا يفتح

الباب صحت :- راح تبقيهاا مو.

الفيهب:- بس اليوم وباجر تاخذها ملاك .

زهراء:- لعد انتَ هم اسمع وروح ابوية اذا تبقيها بالبيت هسة اطلع واروح الـ امي ، لو اني لو هِـيِّ بالبيت ما اكعد وياهااا لو ؏ موتي .

بعدني ما مكملة كلامي وجهي افتر بسبب الراشدي النزلة

؏ وجهي صدر مني صوت شهكه بعدني ما مستوعبه

ثبتني من خصري بين ايدة وهمس:- حذرتج لاتهدديني ، اني ما امشي ؏

رأيج البراسي يصير وانتِ تسدين حلكج .

نزلت دموعي واني ارد محروك گلبـي من كلامه

واحاول اتملص من قبضة أيده:- شيل ايدك بعد ما اتحمل شيلهااا كاافي مليت تعبت ، سكتت عنك هوواي وأنتَ ترجع تالي اليل وعطرك نسائي واضح ، وضربك اهانتك الما ترضاها ؏ أختك ، حارمني من امي وما تخليني اشوفها ، بس كافي لهناا وبس تريد بكل بساطة ترجعها الحياتك وهي زوجة اخوك ، وتكعدون تتمعشكون وتتذكرون ايامكم موووو هذا الـ تريدها حتى .

تغيرملامح وجهه رقق ايده من ايدي

ثبت وجهي بقيت ادفع بي بس

اريد يبتعد مني بس كان اقوى مني

الغيهب:- كافي اثبتي خليني احجي وياج ، اه زهراء مو احجي اششش

ولا صوت

ضربتة ؏ صدرة بقوة وصحت:- ما اريد اسمعك عوفني غيهب

وصلت حدها وياك اهانتك والسب ابد ما تحترمني ليشش ها ليش .

سد حلكي بجف أيده وهمس :- خلص مَسحي دموعج هِـيِّ حتى ما تستاهل

تنزلين دموعج بسببها ، ما تريديها تبقه ما راح تبقه وعيونج .

عافني بعد ما كمل كلامه كعدت بمكاني

امسح بدموعي بس ما مصدكه كلامه

صار عندي نفور منه بسببه هو .

تعجبت واني اسمع صوت الصراخ

وكفت بالباب واني اعصر بيدي

صار مقابيلي سحلها سحل من ايدها

ملاك تمنع بي وجرها من ايدها وتصيح :- مو انطيتني كلمة مو كلت بس اليوم تبقيها واني من الصبح اتكفل بيها واخذها منكم .

الغيهب:- بيتي يتعذرها ، ما الها مكان هنا وحده خاينة

وتساهل الـ يجرالها ، جلال مو مخبل ولا يتهمها لو ما شايف شي عليها

هل ام الزلم ما تثبتلها ؏ واحد ما تكدر .

موج:- ما شاف شي وما غلطت هل مرة بس هو ما يثق بية .

الغيهب:- الـ تخون اخ ويا اخوو منو يثق بيها الخاطر الله انتِ قرررف

وليييي مناااا لا انعل والدي والديج .

فتح الباب وصوتنا يوصل الـ أخر الشارع

شمرها بالشارع وركعة بكل قوتة

الباب بكبره نهز .

ام موج:- حرام عليكم ولكم هل وحيدة عندي لا تحركون گلبـي بيها

انتَ وأخوك عليها حرررامممم الله واكبر .

الغيهب:- تكبير سوي بره بالشارع ، وجلال لو زلمة صدك يسويها ويغسل عارها ، واذا سواها صدك بيدي اطلعة عادي زوجتة وكتلها غسل عار .

ضلت تلطم ؏ وجهه هو تعداها وراح للمغسلة يغسل بيدة

ومستمر يحجي وياها أبرود :- القذرة لزمتها بيدي الله واعلم وين جانت دايحة وبيا حضن نايمة متعلمة خبرة.

ويا ما فتح المي صوت طلقة قريب من بيتنا الكل جمد بمكانه

ندفر باب البيت ودخل هشام وامير صاحوا ؏ عمي

وهم مفزوعين :- يابا جلال كتل موج .

شكد كابر الغيهب ما يبين هو لليوم مهتم بيها

بس من سمع هل كلمات وكع بالكاع وهو يأشر للباب

ودموعة ؏ خده نزلت تحرك بروحي :- موج يابا موج م م ماتت .

الكل ركض للشارع حتى ملاك وعمتي

لحضات وشفت هشام شايلها ونومها بالسيارة

وعمي صعد ويا وامها ، امير رجع ؏ غيهب سخبه من ايده وما اعرف شنو حجه بأذنه وطلعو هو ويا سوه بسيارة غيهب بس أمير يسوقها .

من بين الهوسة شفت نظر عيني أمي

عفت كلشي ونسيت الدنيا وما بيها وركضت سحبت

عباية عمتي وطلعتلها ركض ، صاحت عمتي وراي ما اهتميت الـ اي بشر بالعالم وما اشوف احد غيرها هِـيِّ شافتني وروحها

تفرفحت علية لمتني بـ حظنها ولو يوكف الزمن ويرجع هل حضن ما اعوفها

اوووفف يا عطرج يا يمة التعب نايم بي عفت ديرة محنتج وختارين الغرب

زهراء:- اخ يا يمة يا حبيبتي شكد مشتاقتلج افيييشششش يا حبيبتي .

سحبتني تباوع الوجهي وتمسح بي وهي تبجي :- يمي زهورتي حبيبتي

ردت روُحـي بشوفتج يا بعد ڪُـل هلي .

ام الغيهب:- ام زهورة خاف غيهب يشوفها بالكامرات .

زهراء:- عمة هاي امي ترة ما حاضنة وحدة غريبه.

جرت نفس وهمست :- حقج يمة حقج فوتي جوة وشوفيها شكد ما تردين المغرب رجعي فدوة الطولج ما بينا حيل مشاكل .

هزيت راسي وعفتها ودخلت جوه ملهوفة ؏ بيتنا وكل زاوية بي

لكيت امي فاتحة المخاديد تندف بيهم كعدت وياها اسولفلها ڪُـل الصار وياي من يوم زواجي لليوم انتفضت وعاندت ما ارجعلهم بس

كدرت اقنعها حاليا مسيطرة ؏ وضع واكدر اساعد نفسي

وهي بدورها الحنون كامت من مكانها حضنتني تصبر بية

؏ يصير وياي ، الى ان صار اليل حضرتلي عشة بيدها

اكلت يمها واول ما كملت همست :- كومي يمة عبرت المغرب لا تصير مشكلة ويأذيج ، وكل ما تكدرين تعاي اني كبالج وروحي يمج

وبكل صلاة ادعيلج يا يمة كون ربنا يهدي عليج يا نظر عيني .

بست راسها وسلمت وطلعت منها ، عرفت منها تاركة الشغل وباقية بس ؏ راتب الرعاية ارتاحيت لان ادري بيها ما تكدر تشتغل ، والراتب اذا وحدها كافي عليها حتى لو اخر الشهر تخلص .

عبرت الشارع بسرعة وهي واكفتلي بالباب

لكيت عمي كاعد بـ استقبال ايده ؏ رأسه

وام موج مقابيلة وعمتي وفرح وسجى موجودات

من شافوني همست فرح :- زهراء غيهب فوك كال اول ما تجين

تصعدين يريدج .

هزيت براسي ومشيت واني أهمس بيني وبين نفسي ، اجاك الموت يا تارك الصلاة ، شيخلصها ما بية حيل مشاكل ، وصلت يم الباب اخذت شهيق وزفير وتحلفت بي بس يمد ايده ما اسكت هل مرة وشيصير خلي يصير

مستعدة اموته واقتل نفسي .

خليت ايدي ؏ الباب وفتحتها بهدوء

دخلت لكيته كاعد ؏ جرباية والجكارة بيدة

من شافني طفاها والتفتت يباوعلي بغرابه

بلعت ريكي ودخلت وسديت الباب

وكفت ؏ ميز وضليت ساكتة منتظرته هو الـ

يبادر ويحجي ، اريد اعرف بشنو يفكر .

بعد دقائق صمت طويلة نطق الغيهب بكلمتين فقط :- تعاي كبالي .

عصرت دشداشتي بقوة وبعد حرب كدرت

انطق بـ اربع كلمات :- اذا تأذيني اموت نفسي.

الغيهب:- تعالي .

زهراء:- والله صارت كبالي صار هواي مشايفتها مشتاقتلها .

الغيهب:- تعاي .

مشيت بخطوات ثقيلة بحيث امشي واتعثر وكلشي ماكو كبالي

الى ان وصلت مقابيله احس الساني انشل وهو يسحبني

من ايدي وشمرني بحضنه:- كلت راحت بعد ما ترجع ، كلت زهراء عافتك

غيهب حالها حال القبلها ، بس رجعتي هاي انتِ بحضني .

زهراء:- رحت اشوف امي وارجع .

الغيهب:- بدون علمي .

زهراء:- صارت كدام عيني وقت الحادث .

الغيهب:- تعبان .

زهراء:- نام .

الغيهب :- وعقلي .

سحبت شالي وصعدت ؏ جرباية

تمددت واني احجي ويا :- تعال بحضني إقرأ ايات الى آن تغفى.

الغيهب:- خايف انام ويكعدوني ؏ خبر مو زين .

زهراء:- تقصد خبر موت موج .

كلتها والغصه ماتت بداخلي احسها وكفت ابلعومي

بعد ما اكدر احجي لان صوتي تغير للبجي

بالشافعات صبرت ؏ نفسي وحاولت اتمالكها

ورجعت اشرت ؏ ايدي واني اهمس :- توكل ؏ الله غيهب ما راح يصير شي صدك بس كول يا الله.

تقرب حط رأسه ؏ ايدي ودخل ايده حضن خصري بقوة

ثبتني بقيت ألعب بشعرة واهمس بـ ايات القران الكريم

دعيت ربي يهدي ويريح قلبك .

الى ان ثكل رأسه ونفسه أنتظم سحبت نفسي

ونزلت جوة لكيت عمتي كاعدة بالمطبخ

تحجي ويا هاجر بالتلفون بغضب .

وكفت ؏ سنك لميت الهوسة من الصبح ؏ نفس

المواعين ما بيهم وحدة تلمهم يشوفون الهوسة

ويعوفوها ويصعدون اكو من ينظف بمكانهم

ام الغيهب:- وين غيهب .

زهراء:- نايم .

أم الغيهب:- بس لا ضربج .

زهراء:- ما سويت غلط حتى يجاوز وتوصل ضرب

وما اعتقد هو الـ هل درجة واصل مرحلة حتى يضربني بس

لان رحت شفت امي .

ام الغيهب:-ما تدرين بي هل فترة صاير نار ؏ كلشي ورافع ايده .

زهراء:- اصار وياها .

ام الغيهب :- ضربتها بالكتف نوموها مستشفى باجر يطلعوها بقت يمها

ملاك امها رجعت وياهم من الخوف ارتفع ضغطها .

زهراء:- ومن تطلع تجي هنا .

ام الغيهب :- اي ما عدهم مكان كم يوم بين ما تصير زينة يشوف عمج بيت الهم .

زهراء:- وجلال .

ام الغيهب :- بالسجن ، منتظربها تصير زينة وتتنازل .

زهراء:- ملاك شنو علاقتها بيها اشوفها ادافعلها وخايفة عليها وهسة تركت بيتها وباتت يمها .

ام الغيهب :- صديقتها من أيام الطفولة سوة ، بعد الصار تركتها ملاك

بس ما انطاها كلبها تتركها بهيج موقف الخاطر العشرة .

زهراء :- ؏ اساس هِـيِّ شلون تصون العشرة.

ام الغيهب:- نصير احسن منها يمة .

عفتها ونضفت البيت كلة وصعدت سبحت وكعدت

اباوع ؏ تلفزيون النوم حاربني وبعد ما يجي بعيوني

طلع الضوء وحسيت بروحي اكدر انام صليت الفجر

ولفيت راسي ونمت ، الثاني يوم فزيت ؏ صوت

المجرات عدلت كعدتي وإني أشوفه يبدل كدامي

زهراء:- صباح الخير .

التفتت الناحيتي وبيده ساعة

اجه بتجاهي وهمس :- صباح النور .

اخذتها من ايده كعد بصفي لبستها اله بسرعة باس راسي وكام

ابتسمت واني احس بـ هل شعور لـ اول مرة احس نفسي مزوجة

وزوجي يحبني .

غيهب:- اذا تحبين تروحين الـ امج اليوم روُحـي ، بس قبلها تنطيني خبر خابري من تلفون امي ، او امي توكفلج بالباب .

هزيت براسي هو عافني وطلع ، ما اعرف ليش گلبـي لعب

بس عفتها ؏ وبي هو يدبر امري .

نزلت شفت الاوضاع الكل بالشغل حتى عمي طالع ويا الغيهب للمستشفى

الحنين ما يكدر يعوفها وحدها شلون يتحمل .

بيومها حتى ما كدرت اروح الـ امي لان اعرف نفسي ابقه بقلق وما ارتاح

واخلي امي تخاف وياي ، صار اليل ومشى اليوم والغيهب مختفي

عمي وره الصلاة المغرب رجع ، خليت العشاء

مقابيلة وهمست بخجل :- لعد غيهب وين .

ابو الغيهب:- راح يوصل موج وامها للشقة .

زهراء:- شقة منو ؟

ابو الغيهب :- شقة غيهب .

رديت بنفعال :- وليش يوديها .

ابو الغيهب :- كال انتِ ما تقبلين تدخل البيت فـ افضل شي يوديها هناك

الى أن تشافى وترجع منين ما اجت .

ضليت ساكته الى ان عفته وطلعت صعدت فوك اكل بروحي والزاد الطين بله اختفى بعد ما رجع للبيت ، انتظرته الساعة عشرة مرت والـ ثاني عشر

وهو ماكو الى ان دكت الـ تلاثه الفجر انفتح الباب ودخل بكل ثقة

وضعه مو تمام وحالة حال بحيث مو هو نفسة غيهب الطلع

وكفت اشرت علية وصحت :- شنو هااييي وين جنت .

رد علية وياريت ما رد صوتة صوت واحد سكران اي

شارب لطمت ؏ خدي وهو مستمر يحجي :- جنت بمكان حلوووووو .

صرخت بوجهه :-يا مكان يا صخام وشنو هل عطر النسائي

الواضح عليك حااجينييي .

الغيهب:- اهووو راح اطير الشرب من راسي البومه 

روحي من وجهي بـ هل ساعة .

زهراء:- حسبي الله عليك يا مريض جنت

عند موج عند زوجة اخوج وجاي تسب بـ الميتين .

الغيهب :- اسب بيهم من الجبير للصغير واحد واحد لا تحجين يا ***

وخليني اجاوبچ، جنت ويا وحدة صح بس مو الـ **** موج

بس وحدة تشبهه قشطة .

دفعته بكل قوتي ؏ حايط وعفته ونزلت

دكيت الباب بكل قوتي ؏ عمتي طلعت مخروعة هِـيِّ وعمي

تلكوني واني اناشغ والطم ؏ وجهي :- ما اريده رجعوني الـ امي هذا مريض

ما اكدر اعيش ويا والله ما اكدر .

سحبني عمي من ايدي كعدني ؏ جرباية وهمس :- شبي ضربج .

زهراء:- لو ضاربني ولا هذا الكلام ، هم شارب وهم ، استغفرالله

ابو الغيهب :- اشربي مي بنيتي وباجر اطيحلج حظ حضه .

زهراء:- ما يفيد ، اني بعد ماريدة مليت وطكت روُحـي من سوالفة

الغيهب مريض عمو والله مريض ما اكدر بعد كافي هنا حدها ويا .

عافني وطلع للصالة وكف جوة الدرج وصاح بعلو صوتة :- هشام امير وينكمممم ، مو اصيح اصخاام البين الله بلاني بيكم وينكم .

هذولي نزلوا يركضون اثنيناتهم

هشام :- ها يابا نايمين شصار منو مات .

ابو الغيهب:- مفاول علينا بالموت من عمه العماك .

هشام:- لا يابا اسم الله عليكم ما اقصد انتوا ، اووو يابا والله بعدني بالحلم

وما مصحصح شتريد اكلك وانتِ هيج مكعدنا .

ابو الغيهب:- وانتَ المسموم تباوع بعيونك ما تفتح حلكك .

أمير:- حتى ترزلني .

ابو غيهب :راح انجلط منكم ، امشو كدامي شوفوا الغيهب المصيبة هذا

راح يموتني ويكعد ؏ كبري وما يتوب .

هشام :- شبي نوب هذا ما ناوي يجيبها سلامات .

ابو الغيهب:- والله ما ادري روحوا وشوفوا ما ناوي يجيبها سلامات

منزل مرتة مثل الحمامة المذبوحة بنص اليالي ما يستحي هذا .

عافوا وراحوا واني اصريت اروح الـ اهلي بعد دقايق

دخلوا علينا :- يابا هذا كلش منتهي ما يعرف رأسه من رجله.

باوع علية امير وهمس:- شكد شارب هذا .

هشام:- واني شمدريني جنت ويا قابل سؤالك فاشل مثل وجهك يا عار .

أمير:- شبيك انتَ وأبوية علية غير اسئلكم.

هشام:- اسكت احسن اسكت .

ابو غيهب:- عفية تعاركوا كدام زوجة اخوكم .

زهراء:- يلا عمو وصلني الله يخليك .

ابو الغيهب :- الصبح التريدي يجرالج ، بس لا تروحين هسة بس تشوفج

امح جايتها وجهه الصبح يصير بيها شي ابقي هنا ويا عمتج حتى لا تصعدين .

ضلت عمتي تحجي ويا ومن جهه هشام وامير استحيت منهم وسكتت

وفعلا نومتني عمتي بحضنها للصبح ، كعدت لكيت الغيهب

كدامي كاعد منتظرني اكعد .

الغيهب:- صباح الخير.

كمت ودمي محروك منه صحت بدون تردد :- لا صباح ولا فلاح

صير خوش ادمي وطلكني بعد ما أريدك غيهب كرهتك .

رد بكل برود وجفاف :- اي مو تدللين صار ، بس احترمي المقابيلج

ممنوع تعلين صوتج بوجهي واني ارجعج الـ امج بس .

كام من مكانه واجة ناحيتي واني كاعدة ؏ جرباية ثبت ايد يمنى وايد يسرا

بحيث بعد ما اكدر اكوم وجهه صار قريب من وجهي الى درجة

كمل كلامة بطريقة استفزازية وهمس:-بس بذاك الوقت امج ما يكون لها

بيت صدكيني اسحب البساط منكم واخليج بحسرة الـ اكل والشرب

حتى دواء امج كم يوم ويخلص وبعد ما عدكم فلس تشترون

وهنا راح ترجعيلي وانتِ الممنونة بدون سوالف دراما المسلسلات

زهراء:- ددديررر بالك غيهب تحملت ڪُـل سوالفككككك بس

امي يا غيهب امي خط احمر اذا تعديت هل خط ادمررك لان بعد ما عندي شي أخسره بعدها امي ثم امي وهاي اني حذرتك وبراحتك يااا غيهب .

الغيهب :- إذن اكعدي عاقلة وتصرفات الزعاطيط بطليها حتى ما اندمج واخليج ما تعرفين وين تنطين وجهج ، وهذا وجهج الحلو يتعب افتهمتيييي .

انتفضت وكمت من مكاني واني اتوعد :- اروح اكول العمي اشوف

راضي ؏ كلام ابنة المحترم .

أريد أفتح ألباب نسحبت بقوة من أيدي وشمرني ؏ حافة الجرباية

صرخت بوجع لكن سرعان ما كتم صوتي بايده ويضغط بكل قوتة

؏ وجهي :- كم مرة كلت لا تهددين ، كم مرة كلت ممنوع ادخلين كائن

من يكون بمشاكلنا ، كم مرة كلت غصبًا ما عليج وعلى **** تحترمين

وتختارين كلماتج القذرة بعناية وانتِ تحجين وياي

باوعي بوجهييي حيوووانة باوعيلي والله اتعبچ ، حذرتج وحلفت

وهل مرة مجرد تحذير مرة الثانية يا ويلج ويا سواد ليلج

وحق محمد اخليج تفقدين النطق حاولي تتسترين ؏ نفسج .

ويا اخر كلمة كور ايدة ورفعها وبكل ما عندة من قوه ضربني

؏ بطني ؏ اثره ضليت ارافس برجلي وهو منا خانكني

اختنكت والحرارة صعدت الراسي ودموعي بس تشرح حال

الوجع والمر .

حاولت اتملص من ايده بس هو كان رافض ما تركني غير

لما وكفت عن حركتي وكدرت اسيطر ؏ دمرعي

شمرني وطلع وهو يهمس :- هذا درس بسيط والقادم أفضل.

طلع واحس روُحـي طلعت كورت

جسمي من الوجع الصار ابطني

بس اريد يخف الضربة قوية ولا وفوكاها من الصبح

دخلت عمتي بعد ما طلع من البيت شافت حالتي

وهي تهسترت وكفت ومن حركة گلبـي صرخت :- عليمن مقهورة الصار بيا بسبب غبائي وبسببكم ما فكرتي ترحمين بحالي وتنصحيني

هسة هل كتل اكول الله سبحانة ينتقم منه ، بس امي وهاي كدامج اكولها

والله اذا يأذي امي امووووتة وادخل بي اعدام .

حاولت تحجي وياي ماكدرت حتى أبقى اوكف كدامها

تركتها وصعدت ، وهو من ذاك اليوم ما شوفني وجهه

ويوم بعد يوم ونفس الروتين الفرق صرت اروح الـ امي ڪُـل

يوم اشوفها واطمئن ؏ حالها ، وبيوم رحتلها لكيتها مبدلة

همست بضحكة :- اليوم الحلو يريد يطلع وين مقرر .

ام زهراء:- اشوف اخوية وارجع باجر .

زهراء:- يعني تباتين .

ام زهراء:- اي بس ليلة وباجر الصبح ارجع مشتاقتلهم .

زهراء:- وشدعوا هو ما يسأل ؏ حال أخته.

ام زهراء:- يمه الدنيا تلهي اكيد ما عنده وكت ، بس اني عندي أروح واسئل

عنهم ما دام بيا الحيل .

زهراء:- اوف من كلبج وحنانح هذا لو تبطلين منه تصيرين بخير .

أم زهراء:- الحمد لله يمه اني بخير ونعمه ومن اسئل ما ينقص مني .

وفعلا بقيت ساعتين يمها ورجعت للبيت امي الوحيدة الـ تكدر

تغير مزاجي مية وثمانين درجة بحيث رحتلها واني طاكة

روُحـي سحبت ڪُـل الطاقة السلبية ورجعتني انسانة ايجابية

وهذا احد وضائف امهاتنا .

رجعت لكيت عمتي تطبخ وكفت وياها شوية

اساعدها بين ما رجعوا حمويني ونسوانهم

حضرت الغداء وكعدنا كلنا ناكل ؏ سفرة وحدة

وصار الظهر عفتهم يغسلون المواعين وعمتي

طلعت البيت هاجر ، وراحت وياها سجى وزوجها

اما فرح خلصت و طلعت ويا زوجها واطفالها

صعدت وحدي فوك بعد ما قفلت البوب

ضليت اغسل بالحمام وادندن بيني وبين نفسي

بـ اغنية جديدة كلماتها بعقلي ادور

بعدني ادندن اندفر باب الحمام

نركع بالحايط ، صرخت بعلو صوتي

واني بمكاني لكيت نفسي بزاوية الحمام

زهراء:- غ غي غيهب .

تقدم علية جرني من شعري وركع راسي بالحايط

و هو يصرخ :- وياااا منووو تحجييين هااا ويا منووووو .

زهراء :- والله ما احجي ويا احددد غيهب عووف راسيييي .

الغيهب :- لج تحجين لو اموووتج ويا منوو تحجين وين التلفون هااا وين ..

شمرني بالكاع وضل يفتر ويدور بالحمام مثل المخابيل

وكل ما يوكف يمي يركعني بوكس يطلع روُحـي بي

رجع وكف فوك راسي ما اعرف الضرب منين يجي

واحتريت وين اخلي ايدي حتى احتمي بيها

حاولت إدفعه بس اريد ينفتحلي مكان حتى اشرد

منا بس ما انطاني فرصة انتهيت بين أيده

وما رحمني ولا شوية كان انسان لا كان وحش

كاسر يتلذذ بعذابي ، وكأن ينتقم من علاقاته مني

كان يتقصد يخلي ضرباته ؏ أماكن الضربة تصير

بيها ضعف الألم ، ما كان بقلبهُ ذرة شفقة

كان اسوء الوحوش تعذيبًا كلامًا وجسديًا.

تركني كلت تعب وخلص مني اصبحت كالجثة

أرقد ؏ الأرض أكتسح الألم أنحاء جسدي الهزيل

ما اعرف شكد مر وقت بس رجع فتح باب الحمام

ورفعني بكل قوتة من شعري احس نص شعري صار بيده

صرخت وناديت وستنجدت لكن بلا فائدة.

الغيهب:- أخر مره أفكر استجوبج احجي وياي

لا تخليني ادمرج دمار شامل .

زهراء:- الله لا يوفقك ڪُـل هذا واكو دمار شامل الله ياخذ عمرك

والله بس اطلع منا ما اسكت راح اشمرك بالحبوس يا مريض

ركع راسي بقوة بالحايط وصاح بغضب

والشرار يطاير من عيونه صايرة حمره مخيفه

الى درجة الموت :- ويا منو جنتي تحجين ، كلشي ولا الخيانة عندي

ادمرر لا انهييييي ڪُـل شخص يفكر يخووونيييي بعدددددد .

زهراء :- اني اشرف منك واشرف من الـ وصلوك الـ هل مرض يا ***

تربية الف مرة قبل لا اشوف خلقتك .

الغيهب:- يعني مستمرة بالجذب ، تريدين تموتين زهراء مو

تلعبين وياي زهراء ، نلعب لعبة راح تعجبج بس ، مع الأسف انتِ

وشطارتج واستيعابج لـ تلقي الصدمات يا اما تفقدين النطق هاي سهلة نكدر نسترجعها ، يا اما تنجلطين ، يا اما تتخبلين ، يا اما طب تموتين

وادفنج بدون تعب وبدون حساب ،يا اما اصيرين هسة حبابة وتعترفين .

زهراء:- اعترف بمرضك ، لو بشنووو بالضبططط اخخ لو يرجع الزمن

حتى المنطقة هاي ما اكعد بيها حتى ما اشوف وجهك القذر المريض .

ضهر شبه إبتسامه صفراء وهو يمسد ؏ شعري

مثل الصياد وفريسة ، عافني وكف توجهه

للباب وهمس:- ما تعاونتي وياي واختاريتي الخيار الصعب أتمنالج حياة

جديدة وما تموتين هل موته الصعبة.

بلعت ريكي بخوف بسبب كلامة وطريقته

الغامضة ، ما اعرف شنو يقصد بس بمجرد

ما أسمع كلامة انصاب بهلع .

لكن بعد دقايق كدرت اعرف هو شنو يقصد

بس ما افتهمت شنو الـ براسة .

انفتح الباب كانت بيده كارتونتين

فتح الـ أولى طلعت من داخلها بزونه

بالون الـ اسود والابيض ، بلعت ريكي

وصرخت بعلووو صوتي :- غيهب اخاف من البزازين

احترم نفسك ولا تسوي هيج ما خنتك وداعت امي ما خنتك .

الغيهب:- سلميني التلفون العندج وهسة اطلعج منا ، يلاا سلمي قبل لا تحل عليج المصيبه الكبيرة وتنهييييييج .

زهراء:- يعني شلون منين اجيب تلفون والله ما عندييي حلفتلك شتريد بعد مني الله يخليك كافييي تعبت والله گلبـي راح يوكف ، شيلها غيهب الله يخليك شيلها باوع شوف شلون تباوعلي .

ضحك ضحكة مخيفة وشال الكارتونة الثانية وهو يشرحلي

الغيهب:- بس افتح هل كارتونة راح يبدي عقابج واحتمال

بعد ما تشوفين النور ارحمي نفسج واعترفي .

من الرعب ضليت اكمز واصيح بوجهه :- مااا خنتك خرب ليش ما تفهم اكلك ماااخنتتتتك شبيييييك غيهب والله حرام عليك تعذبني هيج

يمعووودين وينكم ماكو احد يسمعنيييي ساااااعدوني .

مد الكارتونه وهمس وهو يفتحها :- مع السلامة زهراء.

اخ ونفتحت الكارتون وهنا تمنين الموت هنا كان اصعب

اوقات حياتي هنا ماتت روُحـي ، هنا ادمرت واصبحت

شتات ، فارة اي فارة وياها بزون وبـ حمام وانسد علينا الباب

الفارة من شافت البزون تخبلت ، والبزون نفخت نفسها

والاثنين جوه رجلي يتعاركن ، احس بـ احبالي الصوتية تمزقت

المصيبة بعدني ما مستوعبه المنظر وطفى الضوء

ظلام ، وحيوانات ، وروح متعذبة

ما اسمع بس صوت البزون وضربات الفارة وهي تحاول

تهرب من مصيرها ، وصوت صراخي يزيد من خوفهن

ادمرت وصلت حد الموت .

ومن بين ڪُـل الصراخ ما طلع مني غير كلمتين

زهراء:-غيهببببب لااااااااااا .....

يتبع ...

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .