تحميل رواية «ظلمات الغيهب» PDF

رواية ظلمات الغيهب

بقلمي أساور حسين

الحلقة _38_

انــه

أنـه المايدري شيسوي

أنـه الضايع مثل تعبي

أنـه الحاير بروحه شلون

أنـه المحروك بيه الدم

أنـه ؏ العشرة متندم

أنـه الماينفكد لو غاب

أنـه الطاريه ما ينجلب

أنـه الشدت الدنيا ويا

أنـه الناقش اثر مبجاه

أنـه الشوغاته ما تصفن

أنـه الماله عزيز يحن

أنـه الخلك خلك مسجون

أنـه الكلشي بيه يون .

..........................

زهراء..

نزل بنت هاجر وهجم وهو موسع عيونه

يوزع نظراته بيني وبين جلال :- هذا القذر شيسوي هنـــا .

ابو الغيهب:- اجه يشوفني امك دائما توصيني اذا صار بيها

شي جلال برجع بنصنه ما اريد اكسر بخاطر امك

خلي روحها ترتاح .

جلال:- غيهب بروح امي كافي تعبت وتندمت

شوف رأسي انترس شيب الله يخليك سامحني والله

بعد ما اغلط .

تقدم سحبه من قميصه وصاح :- أطلع بره جلال ما اريد أشوه وجهك .

لزمت ايده وهمست بترجي:- غيهب لا تستعجل بس أريد احجي وياك

دقايق والله .

دفعني وصاح :- ولا صوت وانتَ هم تطلعين بسرعة .

زهراء:- لا تتهور بس نحجي هاي شبيك .

نزل هشام كلمة مني وكلمة منه صعدنا فوك

طلبت من هشام اني أتفاهم وياه اول ما دخلنا

الغرفة شمرني ؏ حايط وكف بعيد عني :- ليش توكفين بصف جلال

من سمحلج تطلعين وليش تدخلين .

زهراء:- وانتَ ليش عصبي وبس تنتر الى متى تبقه

ما تعرف تتفاهم وبس تعلي صوتك تره احنه هم نعرف نصرخ .

سد حلگي بقوة وهمس بتحذير :- لا تختبرين صبري

عليج والله الزمج دك ما ارحم حالج .

بقيت صافنه واني اتذكر الخطه التكتيكية

وهي الحل الأمثل تفيدني  مع الغيهب .

بست كف ايده المخليها ؏ حلگي

هو طابك حاجبه ويباع بغضب جسمه كله

يرتعد من الأعصاب رفعت أيدي طوقت

ركبته نزل ايده اقتربت طبعت بوسه

خفيفه ؏ خده وهمست :- ما عاش الـ يعلي صوته بوجهك

بس انقهرنا علية وهذا اخوك عمتي موصية عمي علية

وخطيه عمو احتار بينه وبينك .

الغيهب:- لا تدخلين بالموضوع لا أكسر راسج .

زهراء:- هاي اني گدامك كسر راسي بس تره گلبك

ما ينطيك اني زهرتك تالي اليل تنام بحضن منو اذا تكسر راسي . 

رخت ملامح وجهه وهمس :- اششش ولا صوت

ما أريد اسمع صوتج وللمرة الآخيرة انطيج إنذار

لا تدخلين أعيدها بعد .

هزيت راسي وهمست واني اطبع بوسهً

ثانية بطرف شفايفه :- لا تعب نفسك وتعيدها بس أسمعني

أخر مره اذا تشوف كلامي غلط أنزل شسوي بي سوي .

صك ؏ اسنانه ورجع شعره للخلف وهو يهمس :- طربيني .

- حبيبي صار الوقت تثبت للكل انتَ تعالجت من الماضي

ونسيت كلشي وبديت ويايه حياة جديدة

بدينا من جديد وتخطيت جلال

اثبت للكل موج بعد ما تهمك

لا تكسر بخاطر ابوك ما بقالكم غيره

صير أحسن منهم وتعامل بالأحسن  .

الغيهب:- من اباوع بوجهه أذكر ذاك اليوم

من غدرني وضربني بكل حقد علمودها

واخذها واني بالكاع انزف وشرد هو وياها

اتذكر ....... استغفر الله ما أريده زهراء لا تضغطون علية .

- هذا ماضي ومهما صار انتَ تعرف موج شكد

ادبسز هِـيِّ لعبتها صح مثل هيام ، لا تسمحون

الـ أمثالهن يهدمون صلة الرحم بينكم .

ابتعد وهو ينزع ملابسه اتجاهلني ودخل

للحمام سبح وطلع بدل وهمس :- حضري الأكل.

زهراء:- توعدني ما تسوي مشاكل .

الغيهب:- أحاول .

زهراء:- تنزل هيج .

حجيتها واني أحرك اصبعي ؏ طوله

نزل راسه يباوع ؏ نفسه وهو يرد بتعجب

فاتح أيده ويفر برأسه:- شبيهن ليش ما إنزل بيهن.

زهراء:- تلبس فانيله وبرمودة كدام البنات .

الغيهب:- لا ألبس عباية الدنيا تسمط من الحر بابا

لعد شلبس هي فانيله سوده عبالك نازل مصلخ .

زهراء:- ما تسكت والله بطران البس مثل

العالم والناس وأنزل .

الغيهب:- مو اشتغلج غلط والله احجي عدل لا تعرفين شسوي .

زهراء:- شمسويتلك .

الغيهب:- ما تحترمين .

زهراء:- هو شنو ما احترام دروح شوف النسوان

ضحك وتحسيش ويا زلمهن بس انتَ معقد

حقنه غدي اوووع .

صفك ايده ورفع أصبعه عضه وهو يحجي دمه

محروك حرك :- يابويه اتمناج مو حامل

بوياااايييي اذا ما اسويج طوبة والعب بيج .

دفعني وهو يطلع من الغرفة يدردم :- خلك خبالو أتعب

نفسي وياج ليش .

عدلت نفسي ونزلت ركض وياه

وكفت بالمطبخ الكل نازلين

رتبنا الأكل وكعدنا سوه هشام

يسولف ويا جلال ويسأله عن شغله

والغيهب ڪُـل خزره ينطيها الهشام

وجلال تخليهم يسكتون بس هشام

سرعان ما يرجع يحجي وما يهتم .

الغيهب:- الأكل اليوم مو طيب شنو السالفة .

عمي بسرعة لكفها ورد علية:- طيب اكل وأسكت.

الغيهب:- أجذب عليك شنو أكلك مو طيب التمن ما مستوي زين .

رفع تمن بيده ومرده :- شبي رايح مستوي ومتهدر

تريده عجين .

زهراء:- أكل وكول الحمدلله ، هاي اني طبخت يعني طيب .

الغيهب:- وشنو يعني انتِ طبختي منال العالم طابخه

حسني من الطبخ مو طيب .

صكيت ؏ أسناني ورفع ايدي طبطبت

؏ ظهره وهمست:- اذا ما عاجبك لا تاكل

روح اخذ جبن من الثلاجة مو خلصت الماعون

وتصيح مو طيب .

هشام:- أقرا الفاتحة ؏ روح امي وكوم وانتَ ساكت

لا تعرس عليك خبالو شيخلصك بعد .

باوعلنا صفح وكام وهو يهز بيده ما عاجبه

الوضع ، غسل ورجع كعد بصف جلال :- شعندك اليوم هنا

فاتحين دار للعاريه وين ماكو عار يلفي عدنا .

جلال مجرد ما يباوع علية ما نطق

بحرف هشام رد بدل عنه :- عوف الولد تعبان ومريض

وأصعد بغرفتك نام .

زهراء اخذي وصعدي هذا دوخني .

الغيهب:- للعلم ماعندك غرفة تنام بيها

أرجع منين ما اجيت أحسن.

جلال:- نطلع نتفاهم بره اني وياك وحدنا .

الغيهب:- ما احجي ويا عار مثلك حتى

ما أنزل المستواك القذز ، اني صاعد أنام من اكعد

ما اريد اشوفك افتهمت .

ابو الغيهب:- أصعد هسة ومن تكعد يصير خير

لا تشهرنا كاعدين ناكل عديها وخلي الكح.... البداخلك نايمة .

عافهم وصعد بقيت كلشي عليهم وصعدت

أشوفه ثكلت وجهي ودخلت تحمحم وهمس :- الأكل طيب ما جنت

اقصدج بس حلكي مر بسبب هذا .

زهراء :- شمسويلك هو كاعد وساكت انتَ تتحارش

وتجاوز الرجال باقي ساكت .

الغيهب:- اي اني مو أدمي.

زهراء :- تعرف كلش زين هذا مو قصدي

لا دور حجج تتعارك بيهن ويايه .

الغيهب:- يعني اني ابو مشاكل .

وسعت عيوني اباوعله بصدمة :- شبيك غيهب شبيك .

الغيهب:- أتقي شري اليوم روحـي بخشمي .

فتحت الباب واني ارد علية :- أعطسها .

الغيهب:- ولج تعالي هناا بعدني ما خلصت كلامي .

طفرت فوك الغرفة هاجر حتى ما نزلت

جوه دكيت الباب وصلني صوتها

فتحت الباب لكيتها مسبحه جهالها

وأكفه تبدللهم ابتسمت وهي تهمس

بصوتها الدافي:- هاا تتنفسين سريع

تركضين شنو ، بس لا تعاركوا.

زهراء:- مو عركة بس هو يدور مشاكل

كلت أخلي يهدأ وبعدين احجي وأخذ ثاري.

هاجر:- زين تسوين بي يستاهل

تعالي فوتي شفتج ما اكلتي زين طلعي عصير خلينا نبرد قلوبنا .

اخذت عصير وجهالها شغلوا التلفزيون يباوعون

كعدنا انسولف اني وياها تحجيلي عن الدوام

وعن حياتها واستقرارها رغم ضروف اهلها

بس هي مرتاحة ماكو ذل واهانة بحياتها مثل قبل .

للعصر نزلنا اني وياها لكيت عمي بعده كاعد

هو وجلال وأضح ؏ عمي شكد فرحان وهو يشوف

أبنه كدامه العرفته من خلال كلامهم وتصرفاتهم

جلال المدلل عدهم كان ما يرفضون اله طلب نهائيًا.

هشام عبالي نايم دخل من بره متسوك

وأمير وياه ، نزل الغيهب كعد بدون ما ينطق بحرف

ابو الغيهب:- هاي المشموره فوك ما تفتح الباب ننطيها اكل .

- لازم هم راح تدخل وتنقهر وتنزلها وتحجي وياها

وعيني واغاتي وتبقيها يمي وانتِ بحمايتي هل سوالف حفظناها.

ابو الغيهب:- صدك ما تستحي هو سؤال ما يحتاج هل كلام

بس اني غلطان خايف عليك .

- هههههه خليني ساكت گال يخاف علية .

عافه وصعد فوك اقل ساعة وصوت الصراخ يهلهل فوك

راسنا صعدوا الولد بسرعة بس جلال جمد بمكانه يباوع بالوجوه

ما مستوعب ولا يعرف الديصير شنو ومنو وشكو .

انوب من يمي خجلت منه شلون صافن

احسه غريب بيناتنا ، أريد امشي رجلي يبست

كوه وكفت ورحت للدرج تراجعت للخلف

وأني أشوفه نزل هيام سحل من شعرها

شمرها بالمطبخ وصرخ :- من اليوم هذا مكانج هنا

تنامين حالج حال البنكلادش تنظيف البيت عليج والحمامات

تغسليهن بوجهج ، وممنوع تنامين اله تالي اليل ؏ مخدة

بدون فراش  افتهمتي .

هشام:- أرفع ايدك مو هيج الحجي يمعود حلها بالتفاهم .

الغيهب :- مع أمثالها ما ينفع غير هل أسلوب

هي وشهادتها تغسل حمامات وتنام بالمطبخ

هذا مستواها.

هشام:- هيام لا ترخصين نفسج هيج لج بابا عيب

أنتِ محامية شهادة ومركز ليش هيج تذلين نفسج

وقعي وخلصي نفسج .

هيام:- بعد ڪُـل هل ذل والإهانة والضرب تريد

أتنازل لا وروح امي وابوية خلي يموتني بس

عناد بيه ما اتنازل خلي شيسوي يسوي .

كمز أمير طوق أيده هو من العصبية

صار يرجف :-  انعل امج وابوج على هيج تربية يا كلبه

واني هن ما اقبل اطلكج اخليج خدامة النا

وين ما اشوفج أدك عليج اشبعج كتل والله .

ابو الغيهب:- سمعي مني وطلعي منا بابا

لا تأذين نفسج أكثر .

هيام:- اريد اطلع عمو طلعني بس ما أتنازل

عن البيت واريد ابقى زوجته .

الغيهب:- وبرأيج  شنو نوع الكرون الـ أشدها.

هاجر:- غيهب عوفها فوك ما نريد انشوف وجهه

ما اكول غير حرامات التعب بيج مع الاسف الشهادة العندج

ما تستحقيها والله لو اندل وين يبيعون كرامة اشتريلج .

كعدت بكل ثقة ؏ كرسي

ايدها ؏ راسها هو صعد اخذ سويج السيارة

وطلع رجعنا ؏ كعدتنا عمي شوية وعافنا

وراح يمها انطاها اكل وكعد يقنع بيها

ويحجي وينصح وهي ولا عبالك

ما تقبل تتنازل عن الـ براسها .

رجع بليل هادئ عكس من طلع 

كعد ويانا يحجي ويضحك ويسولف

بس عبالك جلال ماكو هيج يتصرف بعدم مبالاة .

وقبل لا يصعد همس :- هاجر رتبي الغرفة الفوك جلال ينام بيها .

وقبل لا نستوعب صعد فوك من الفرحة

الدنيا ما وسعتهم صعدنا بسرعة اني وياها

غسلناها للنص وعفتها ودخلت للحمام

اختنكت وبعد ما أكدر أسحب نفس

دخلت للغرفة وجهي أصفر بس بدلت

ودخلت بفراشي نمت ؏ ضهري يوجعني

غفيت من التعب وأني خايفه.

باليل حسيت بي رفعني وهو يهمس :- تسمعيني شبيج زهراء .

فتحت عيوني بصعوبة ورديت بتعب

واضح ؏ صوتي :- ما أدري بس جسمي يوجعني

صار فترة تجيني هل حالة وتروح وحدها.

رجعت غفيت واني احجي واعرف بنفسي

أهذي واخربط بالكلام ، دقايق وحسيت بمي بارد

وهاجر واكفه يمي تبدلي ، فتحت عيوني احسها نار

وتطلع منها .

الغيهب يفتر يبدل وتوجه للكنتور طلع فلوس

وصلني روحه مفرفحه :- ساعديني نروح للمستشفى.

هاجر :- يااخي والله ما يحتاج تعودنا عليها

ڪُـل فترة ترتفع حرارتها بعدين تنزل .

الغيهب:- مخبله انتِ هاي حرارة مو لعبة

وخابرت صديقي يكول بيها خطورة ؏ حياتها

وحياة الطفل .

سحبني من خصري وكفني سندت نفسي علية

ونزلنا عمي قلقان ويحاول يهدي بي هو حتى ما يسمعهم

جلال:- أسوق السيارة وانتَ تكعد يمها .

الغيهب:- لا تدخل بشي ما يعنيك خليك بنفسك .

صعدني وصعد هو وما قبل ينتظر واحد بيهم

ونسيت الوجع ؏ سياقته المعوقه حسيت بطلوكه

من الخوف الى ان وصلنا هلكني هلاك

نزلت حولوني طوارئ فحوصات وكشف

والدكتورة تحجي معلك ما افتهم منها شي

عفتهم وطلعت عود هاي مستشفى أهلي

زهراء:- فدوة نطلع وباجر اروح الدكتورتي

اني ما اعرف اتفاهم بس وياها هي تفهمني .

الغيهب:- ؏ اقل إبره تنزل الحرارة.

زهراء:- عندي علاج غيهب طلعني منا .

اخذني من ايدي ورجعنا الطريق

كله يحجي أرد علية بكلمة لو كلمتين

أول ما دخلت صعدت ولفيت راسي

ونمت خلصتها نوم الثاني يوم العصر

كعدني الحرارة تزيد ما تنقص فجأة تجي

وتطحن عظامي طحن .

بقيت أون ودموعي تنزل ؏ خدي من الوجع

ذب ملابسي ودخلني للحمام سبحني بيده الترجف

رجف كعدني ؏ كرسي نشف شعري وبدلت

هو يفهمني :- حجزت من الصبح عند دكتورتج

ثاني اسم انتـ استعجلي حتى نوصل بسرعه.

طلعنا حتى الشارع ما أشوفه حتى السكرتيره

عرفتني بسرعة دخلت شافتني الدكتورة

وضحكت :- ها زهراء هم صعدت حرارتج مو كلت

خليج بعيدة عن القلق والتوتر والمشاكل بصورة عامة .

التفتت الغيهب وهمست :- شلون أفهمها حياتنا دك أكشن

شلون افهمها زوجي يتعاطى مشاكل

يتنفس مشاكل

يشتري مشاكل

ياكل مشاكل

يموت بدون مشاكل .

تقرب مني اكثر وهمس:- لازم اتعارك وياها حتى

تاخذ فكرة عن حياتنا.

زهراء:- استرها علينا يمعود بعدني حامل .

الغيهب:- اعديها بعد الولادة أستلمها.

زهراء:- ما تسكت مني عبالك تايهين العالم.

الدكتورة:- بيا شهر زهراء.

زهراء:- اليوم رابع يوم بالتاسع .

الدكتورة:- بدأنا بالعد التنازلي.

الغيهب:- يا عد تنازلي دكتورة النسوان

الصار عدهن حمل وياها صارت عدهن ولادة

وجهالهم كبروا وتزوجوا وخلفوا وهي بعدها

هسة فاتت بالعد التنازلي .

الدكتورة:- هههه خطية هي اول حمل صعب وثكيل

الله يساعدها ويكومها بالسلامة .

الغيهب:- تسلمين بس شوكت تولد بلازحمة تره

طلعت روحـي أطول حمل بالعالم صار عدها .

الدكتورة:- أريد افحصها تكدر تنتظرها بصالة

الانتظار دقايق وتطلع .

تشكر منها وطلع كشفت علية

سجلتلي علاج يخفض الحرارة وطلعت

كعدني وكف يستفسر مني :- بشري .

زهراء:- كالت بعد مو هسة بعدني بـ أول ايامي

لازم ما نستعجل .

الغيهب:- يلا بقت ؏ هل كم يوم .

زهراء:- تكول لازم أمشي ڪُـل يوم

اقل شي ساعة .

الغيهب:- ادللي .

طلعنا اخذ العلاج ضربت أبره

واخذني المطعم اكلنا سوه

وما قبل نرجع بقينا نمشي بالمنصور

دخلني ؏ محل ملابس أطفال

اشتريت آو بالأصح هو يشتري

بس يجي يكلي :- ها هذا حلو ، اي اي حلو اخذه كعدي انتِ

بس باعي.

اخر شي طكت روحـي عبالك اني مو امه

عطت بي :- هو شنو غير اني امه أختار

الـ أبني ؏ ذوقي .

الغيهب:- لازمج ما تروحين تختارين .

زهراء:- لازم نروح اني وياك نتناقش ونختار.

الغيهب:- تعالي أخذي راشدي .

انوب صدك فشلت عليت صوتي

علية فقدت مدري من الحرارة

لو التعب :- مو قصدي أسفة.

الغيهب:- لا والله تعالي أخذي راشدي حتى ترتاحين .

زهراء:- مو كلت اسفة والنبي تعبانه.

جر نفس وتقدم رفعني وهمس :- نروح ؏ محل ثاني .

ابتسمت اضيع السالفة وهمست :- اي ونختار كاروك هزاز .

الغيهب:- صار يلا بدون ما تعلين صوتج .

حكيت خشمي هو راح تحاسب

ورجعنا نفتر دخلت اخذت كاروك هزاز

لون ابيض حتى يكعد ؏ لون الغرفة

اخذت بوكس كامل صابون شامبو

وحتى حفاظات كلنكس قطن

ما خلينا شي ناقص كملنا ڪُـل الـ احتياجات

بيوم ، رجعني للسيارة ذب الغراض وراح

يشتري عصير برتقال طبيعي شربت

منه ردت روحـي .

رجعت تعبانة بالزايد

هاجر  اخذت الملابس ورغم حزنهم يفتحون بيهن وخربانين

ضحك :- شنو هذا وين يصير ؏ طفل

وبعدين من هسة تريد الولد يلبس بناطير وقمصان

ورباط غير يختنك .

زهراء:- حجيت وما فاد بقيت ساكته .

سحب منها تراك وهمس :- دشوفي صغير يمعودة

اصغر من جف أيدي قابل راح تولد زرزور.

هشام:- ؏ مصايب الله وكيلك اذا يطلع نص

كيلو أصلي صلاة شكر .

باوعلي وهو يرمش همس :- زهرتي يحجون ؏ زوجج

يا مصايب هاا اني مسوي بيج مصايب .

نزلت راسي ورفعت ايدي صحت :- لاااااا يتهموك

باطل وين اكو منك نسمة هوه باردة من شفتك لليوم

باوعت ؏ هشام وهمست :- بيوم من الأيام شفت الغيهب

يعلي صوته عليه .

هشام:- أبد .

زهراء:- بيوم من الايام شفتوا الغيهب مسوي عرس .

هشام:- ابد .

زهراء:- خاني .

هشام:- ابد .

زهراء:- بعد ليش تحجي علية هل وردة.

اباوع علية يخزر بينه بقرف وكف وهو يدردم :- سفله .

عافنه ودخل الغرفة عمي وهشام راح ويا

هاجر اخذت الغراض رتبتهن بالكنتور

واني ذبيت ملابسي وكعدت اسولف

؏ غيهب :- ما توقعت بيوم يهتم بـ هل موضوع

هو رافض فكرة الطفل لو تشوفين لهفته

وهو يختار الملابس حتى أختفى الوجع .

هاجر:- أتغير كلشي زهراء هو عرف انتِ تختلفين

انتِ المميزة بينهن كلهن واذا هو لليوم ما معترف

بحبه بس تصرفاته تفضحه وروح الغالية يحبج

بس ما يريد ينطقها الى ان يعنيها اخوية وأعرف تفكيره .

زهراء:- بقت أمنية عندي اسمعها منه .

هاجر:- تسمعيها وداعت هل عيون المريضة

كومي نامي وارتاحي وكلشي يهون .

هزيت راسي عافتني وطلعت

حلكي مر الساني خشبة اخذت عصير

وكعدت اشرب واحجي إني ورجاء.

رجاء:- زهراء أعرف وضعج ما يسمح وعدكم وفاة

بس والله خجلانة منج .

زهراء:- شكو حبيبتي شصاير .

رجاء:- أتفقنا أسبوع الجاي عقد السيد .

رديت والضحكة انرسمت ؏ وجهي :- حلفي .

رجاء:- والله حاولت نأجل الخاطرج اريدج

موجودة وياي بس الكل رفض وكالوا ما نريد تأخير .

زهراء:- أبد لا تأجليها عقدوا وبالعرس اني وياج

بس هسة تعذريني احترامًا للغيهب ولعيالي ما أكدر.

رجاء:- عاذرتج اريد تسامحيني وروح ماما ردت

نأجل بس ما قبلوا.

زهراء:- بيها الخير ياروحي اتمنالج ڪُـل السعادة

وخلي ببالج راح تزوجين ونعم الرجل رفعي راسج بي .

رجاء:- ماعندي غيره أرفع راسي بي هو ڪُـل حياتي .

زهراء:- ما راح انساج بكل صلاة اذكرج

ربي يبعد عنج ڪُـل شخص ما يحب الخير الج ويكمل كلشي ؏ خير .

رجاء:- امين ، اني اروح وكل يومية اخابرج اشوف وضعج

واذا تحتاجيني اتصال واحد تلكيني يمج .

زهراء :- ماتقصرين يا حبيبتي مع السلامة .

سديته وياها دخل الغيهب ابتسم وهمس:- بشري شلونج .

رجعت شعري وره أذني ورديت برتباك:- زينة أحسن من البارحة .

كعد بصفي يتلمس بشرتي

بـ أطراف اصابيعه :- عندي موضوع وياج بس .

نزل رأسه وأخذ أيدي يلاعب اصابيعي :- مضطر أسافر باجر .

زهراء:- تسافر وين وليش .

تقدم طبع بوسه سريعة ؏ طرف

شفايفي وكمل :- خابرني دكتور ابوية لازم يسوي عملية

لعيونه وعكب باجر حددها الدكتور اخوتي دوام عدهم

اني مخلص ڪُـل القضايا العندي بس انتِ شلون .

زهراء:- الدكتورة كالت بعد وقت روح وان شاء الله

بعد ما ترجع تصير ولادة لا يظل بالك علية .

الغيهب:- يعني ما ضجتي مني .

زهراء:- لا بالعكس أحبك من تهتم بالكل وتحسب أحسابهم.

نزل راسه باس ركبتي لفحتني حرارة أنفاسه

غلقت عيني واني اسمع وأركز بكل حرف

ينطق بي :- انتوا ڪُـل حياتي ، انتِ خليتيني أرجع

احب اهلي بعد ما كرهتهم ، أتمنى أرجع ربع

وكفاتج ويايه .

زهراء:- وجودك واهتمامك بيه يسوه الدنيا ومابيها عندي .

بأس راسي وكف يتهرب واني مثله

صرنا واحد يمنع نفسه من الثاني

هو رافض يتقربلي يخاف يأذيني

وإني أخاف منه لا يفقد السيطرة ؏ نفسة

مثل ڪُـل مره يحاول يتقربلي ويفشل

وتنتهي بكارثة وزعل وعركة

لهذا صار يجنبني ويكتفي

يبوسني او ينام بحضني .

سحب الجنطة رتب ملابسه

وهو مندمج يسولف عن الدوام

وشوية عن السفر والعملية

كمل وذبها ؏ جهه اخذ علاجي

شربني وحده وحده وسحبني

الـ حضنه نمت براحه

وما حسيت ؏ نفسي الى ان صار الصبح

باس راسي وفزيت :- اني رايح زهرتي ديري بالج

؏ نفسج وحاولي ما تتحركين ابد الى أن ارجع .

زهراء:- بس توصلون طمنوني عليكم .

الغيهب :- نتخابر كاميرا.

هزيت برأسي وابتسمت:- مثل ايام تركيا.

كرص خدي وهمس:- تدللين يا نعمة الرحمن.

عدلت شعره وهمست :- أحبك يا لعنة حياتي.

ضحك وأخذ الجنطة وطلع

رجعت نمت كعدت العصر

؏ صوت هاجر عدلت نفسي ونزلت :- شكو هاجر .

اباوعلها اعصابها متشنجة:- ماكو شي بس احجي ويا هل

اثنين بلا تربية والله .

فرح:- مو والله هسة اخليج هنا وافرك مصارينج المطلقة.

لطمت ؏ وجهي وصحت بيها :- عزا العزاج شنو هل كلام .

فرح:- انجبي ولا تسوين نفسج محامي الدفاع

وخليها ابالج شوية هل مطلقه احسن منج من تزوج

عليها لان يعرف بيها نقص طلبت طلاق

انتِ كلششش زايحتها سحلج خانج شفتي بفراش وحده

وتزوج وكعدها مقابيلج وبعدج وياه لان لا اصل لا فصل

لا شرف لا نعايل عتك  .

زهراء:- وانتِ احسن مني اني اذا حمايه يوكف ويغلط

علية ادفن نفسي ، لازم نسيتي أمير شلون سحلج سحل

ومسح بكرامتج الكاع ولو ما اني وهشام سحبناچ جنازة

من ايده راد يموتج ، وما مر غير كم يوم وكلتي اريدكم ورجعوني

وحتى ما احترمج راح عمي رجعج الخاطر الجهال

او تبقه ؏ امير ما يباوع بوجهج بس حكم القوي

وامير جهاله جابري عليج والدليل اسبوع هو نايم جوه

لو ما وفاة عمتي رجعته يحجي وياج وهسسسة

وين كرامتج .

طفرت ؏ مجرات سحبت

هاون بوجهي اريد أمشي جمدت أطرافي

دفعتها هاجر وهي ضربتها ؏ ايدها :- زهراء ركضي بره .

احتاريت بين هاجر وبين أطلع

رجعت هاجر عاطت علية شردت للكراج

لكيت جلال كاعد بالحديقه ومخلي سماعات

أندفع الباب تريد تطلع سحب السماعة وصاح:- شكووووو .

هي ولا تهتم كمزت تريد تضربني

سحبني من أيدي شمرني وره ظهره

دفعها بكل قوته وسحب الهاون من ايدها:- هاي ڪُـل عقلها

انطيني .

شو هاي انفتحت ؏ جلال :- باع منو يحجي الخاين

؏ كولت الغيهب القذر شعندك دمك حار عشتوو

لو ما انتَ نفسك نمت وتزوجت عرض اخوك

الظاهر هل مره الدور ؏ زهيرة .

جلال:- مو طبعي امد أيدي ؏ نسوان اخوتي

ابقى ساكت من يرجع اخوية يشوف حل وياج .

رفع التلفون خابر ؏ أمير وعلى هشام

ماكو دقايق ودخلوا هي شردت الغرفتها

حجينا كلشي هشام ترك الكل وركض للكاميرا

جلال:- شسوي هشام .

هشام:- أحذف التسجيل لا الغيهب يشوف كلشي

ويرجع يموتها .

وفعلًا حذف كلشي أمير عافنا وصعد فوك

بلا صياح ولا ضرب نزلها بعبايه ذب

الجهال بحضن هاجر وسحب فرح من ايدها وشمرها

بالسيارة .

هشام:- أمير اوكف .

أمير:- لا تحجي وياي عوفوني ما أريد أرتكب جريمة.

شغل السيارة وطلع ، التفتت هاجر ماكو

زهراء:- وينها .

جلال:- صعدت .

عفته وصعدت لكيتها دموعها

تجري ؏ خدها وصورة عمتي ؏ كلبها

حضنتها وهمست :- كلش زين تعرفين المطلقه

مو عار انتَ فخر اني اخذ القوة منج  انتِ قدوتي

مرات احسد قوتج انتِ مطلقه حافظتي ؏ نفسج

وصحتج وكرامتج واطفالج المفروض ترفعين راسج .

هاجر:- ما انقهر من كلمتها بكثر ما انقهر ؏ أمير.

زهراء:- يجي يوم ويخلص منها .

صاح علينا هشام نزلت اني هاجر ما تقبل

لكيت هيام كاعدة بالمطبخ مأخذه دور اني ما إلي شغل .

تجاهلتها وكعدت احجي ويا هشام

رتبت البيت وعفت كلشي وصعدت .

صرنا نجنب نكعد سوه ؏ كد الاكل

بس نخلص ڪُـل واحد ياخذ عائلته

ويدخل غرفته.

ويوم بعد يوم وبعد مرور 12 يوم

؏ غياب عمي والغيهب

جنت نايمة بفراشي الساعة سبعة الصبح

كعدت ؏ وجعع ابطني بس أول مره أحس بهيج

وجع ما ينطاق رفعت نفسي ملابسي مبلله

صرت ارعش مو بس من الوجع لا من الخوف

والزاد الطين بلة غيهب مو ويايه

هزيت رأسي بـ رفض وكمت

من فراشي ودموعي تصب ؏ خدي

اول ما وكفت نزلت حرارة قوية ؏ رجلي صرخت

بخوف ؏ فزع وطلعت من غرفتي

صحت ؏ هاجر ماكو رد

نزلت بخطوات ثقيلة احس بطني نزلت

بشكل مخيف هيام نايمة بالمطبخ صحت

بـ أسمها وإني متألمة:- هييييام لحكيلي هيام .

فزت من مكانها تباوعلي ببرود :- شكووو من الصبح .

عطت بصوت :- صعدي الهاجر كوليلها زهراء عدها ولادة.

رجعت لفراشها وهي ترد بلامبالاة:- خابريها وطلعي منا لا دوخيني .

؏ صوتي نزل جلال وأضح مبدل يريد يطلع للدوام :- شبيج .

زهراء:- بطني توجعني عفية اريد هاجر .

جلال:- يعني شنو ولادة.

زهراء:- اي لعد شنو .

جلال:- لازم شنسوي .

زهراء:- عزا ما ادري روح الهاجر.

جلال :- هاجر وين .

زهراء:-  خرب حضي فوك فوك بسرررعة .

ركض وهو مخبوص لحظات ونزل هو وياها

هي شافتني وتخبلت بسرعة بدلت وصاحت

هشام بين ما بدل هشام هي حضرت الجنطة .

هيام:- لا تونين فوك راسي روحـي هناك .

زهراء:- ما أنساها بس أخلص من هل شده احجي للغيهب اذا

ما اخلي يدوس راسج بالقندرة.

نزل هشام وسجى تصبر بيه

وتقرأ ايات ؏ بطني وتفرك بظهري

الى أن طلعنا صارت أقوى من قبل

صرت أصرخ بلا وعي ملخت نفسي

الى ان وصلت المستشفى أهليه

اخذوني منهم فحصوا ضغطي

وسكري وآني منتهيه يقيسون وزني

دخل بـ 80 دخلوني الغرفة خاصة

نزعت ملابسي شكللي مغذي

بيدي واني تهسترت ملخت وجهي

كطعت ملابسي هاجر يمي أصرخ

عليها حتى تصيح ؏ دكتورة وتخلصني 

وصلت حدها حسيت راح اموت

وطلكات تروح وترجع

اول ما قلت همست بتعب :- أريد غيهب خابري .

بعدني احجيها ورجعتلي خلتني ادك راسي بالحايط

هاجر:- زهراء بس يسمع صوتج هيج يتخبل .

زهراء:- اريد أسمع صوته هاجر .

خابرته  وآني أصرخ بعلو صوتي

بس راحت مني اخذت التلفون وهمست واني اناشغ:- غيهب .

الغيهب:- صوووتج رايح زهرتي أسف.

زهراء:- أريدك غيهب .

الغيهب:- وداعت عيونج بس مسافة الطريق من أربيل

البغداد واني يمج تكوميلي بالسلامة شدي حيلج

اني اريدج زهراء لا تعوفيني .

شمرت التلفون ورجعت أصرخ

فقدت الى ان اجتي الدكتورة

وياها جده وممرضات اثنين

دخلوني الصالة الولادة

لحظات بعمري ما انساها

ألم ، خوف ، رهبة ، لحظات رعب

تخيلات موت فقدان اشتياق

أختفت وكلشي أنزال وتبخر

واني أشوف (ملاكي )گدامي

بجيت واني اسمع  صوته

اجمل احساس وأعظم شعور

فرح ، سعادة واني أخلي بحضني

زهراء:- يا بعد ڪُـل تعبي أجيت يا حبيب امك .

أخذوا مني يسبحوا واني كملت ويايه الدكتورة

انتهيت بعد ما كدرت أفتح عيوني ولزمتني رجفة

غطوني وطلعوني للغرفة اخر شي حسيت

بي وسمعته صوت هاجر :- الف الحمدلله ؏ سلامة زهوره.

بعدها نمت بعمق ما حسيت غير ؏ بوسات

تتوزع بـ أنحاء وجهي فتحت عيوني

صار مقابيلي دموعه بعيونه تلالي :- الحمدلله ؏ سلامتج .

زهراء:- الله يسلمك حبيبي .

دخلت هاجر بيدها الطفل

وياها هشام :- لك ام الزوز صارت ام يا ويلي

الف الف مبروك يتربى بعزكم.

زهراء:- تسلم هشام.

صارت عيني ؏ طفل

قدمته هاجر للغيهب أيده ترجف:- ما اعرف هاجر أخاف يوكع مني .

هاجر:- لالا ما يوكع خلي بحضنك وكبر بـ أذنه

وها شنو راح يكون أسمة.

باوعلي وهمس وهو يمسح دموعه:- تسمحيلي آني أسمي.

زهراء:- إي طبعًا.

صار قريب ؏ أذنه وهمس :- الله أكبر الله اكبر

لا إله إلّا الله ،  لا إله إلّا الله اسميتك (نور )

نور الغيهب

نور الظلمات.

سديت حلكي بيدي واني اشهك ؏ منظرهم

هاجر وهشام عافونا وطلعوا إقترب مني

باس راسي وهو مستمر يمسح بدموعه:- اصريتي تهديلي نور

ورغم اذيتكم هاي انتوا بين ايدي نور وزهراء

انتِ حواء كدرتي تكونين عائلة لشخص عاش بقاع الظلام

اليوم اني بنص النور كم انتِ عظيمة يا حواء .

وآحده تستطيع تغير الكثير والكثير نعم انها حواء.

حضني بقوة وسرعان ما أبتعد

رفع راسي بطرف أصبعه :- أنحني احترامًا وتقديرا الج

انتِ انسانه عظيمة زهرتي سعادتي ونعمة الرحمن.

سحب نفس بقوة ورجع كمل كلامة :- انطقها وأني اعنيها

حروفًا ،  إحساسًا ، عقليًا وقلبي اليوم ينبض الج وحدج .

مسحت وجهي بـ أيد ترجف وشفايفي ترتعش

منتظره تتويج حبنا :- يعنييييييييييي.

طبع بوسه ؏ عيوني وهمس :- احـــبــج  زهرة روحـي .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _38_

الغيهب

أنت زهرتي

نت زمزم روحي وزاد حياتي

أنت زحمة أفكاري

أنت زمردتي وزعفرانتي

أنت زيتونتي الصامدة

أنت زادي. وانتي نعمة الرحمٰن .

زهراء..

أنت غُروري وغيمتي

غنوتي وغايتي

غرقي وغُربتي

غموضي وغضبي وغُفراني

وانت لعنة حياتي ..

..........

زهراء...

طبع بوسه ؏ عيوني وهمس :- احـــبــج  زهرة روحـي .

الغيهب:- اني من احب حُـبي بخبال لازم تتحمليني

أصير اناني بيج ، أخاف من الهوه الـ يمر منج

واحتمال أصير مدمن عليج بزيادة.

زهراء:-وياك للموت بـ خبالك ، بـ مصايبك 

بـ خوفك ، بـ انانيتك ، بالزين والموزين وياك .

أنفتح الباب قبل لا يرد علية دخلت رجاء وبيبي وياها

وگف وبيده نور وهو منا ما يعرف يشيله

صاح ؏ هاجر من صوته يريدون يسلمون

جمدوا بمكانهم :- لا يوكع مني اخذي بسرعة.

هاجر:- يا شنو شايل جلي .

الغيهب:- خطيه ينمرد بيدي بقي عندج .

أخذته منه عدل ملابسه وهمس

وهو يباوع على باب :- تفضلوا .

دخل ابوية باس راسي وهمس :- أبوية انتِ الف

مبروك يتربى بعزج ودلالج .

سيف يخجل مني من بعيد يسلم

ضحك ايهاب يريد يغطي ؏ كلام ابوية :- الحمدلله ؏ سلامتك

يتربى بعز أبو ودلال امه .

زهراء:- يوم الك .

ايهاب:- تسلمين بنت العم

طلع علبة من جيب البنطلون وهمس:- اشتريناها باستعجال

فـ عذريني اذا ما تعجبج .

رجاء:- تعجبها بعد هذا ذوقي يعيني .

فتحت العلبة كلادة المدالية قل جبيرة زرگه

زهراء:- تجننن والنبي عاشت ايدكم ليش كلفت ؏ نفسك .

ايهاب:- لا ولو ما تغلى ؏ اخت الغالية.

رجاء:- هم صدك كلامه .

زهراء:- وراك قط بالجملة.

ايهاب :- لو هيج القط لو ما ينراد .

بيبيتي تبوس براسي

ورجاء كعدت يمي ما عافتني لحظة

دخل عمي ابو الغيهب

شكله تعبان حيل باس وهمس:- بنتي الغالية الف

الحمدلله ؏ سلامتج .

بست أيده وهمست:- الله يسلمك حبيبي عمو .

فتح علبة صغيرة طلع منها محبس بي شذره

زرگه تخطف القلب من جمالها رفع أيدي

ولبسني وهو يهمس :- الغالي للغالية زوجة الغالي .

تقرب غيهب باس راس عمي

وهمس:- مشكور يابا هاي دخلتك علينا وانتَ تعبان كافي .

ابو الغيهب:- اذا ما اتعنى للأصلية منو يستاهل اتعنى اله.

زهراء:- يحفظك الرحمٰن عمو ويخليك خيمة ؏ راسنا.

عافنا وراح أخذ نور من هاجر

كعد بدون ما ينطق حرف يباوع

بوجهه الى ان وكعت دمعته ؏ ملابس

نور هشام وهاجر والغيهب وجلال

دخلوا كعدوا قريب علية :- يابا مايصير تبجي الدكتور نبهك .

ابو الغيهب:- الله يرحمها شكد تمنيت تشوف ابن الغيهب

راحت وهو نور حياتنا .

زهراء:- حملت بي بعد وفاة امي

كلت هذا هدية منها ، ولدته بعد وفاة عمتي

الله يرحم وجوه نشتاق الهم بكل وقت وبكل فرح وحزن .

هشام:- لا أعتراض ؏ حكمة ربنا .

كعدوا يسولفون مواضيع عامة

طلع الولد كلهم بقه بس ابوية وعمي

ويانا ساعة ورجعوا

باوعلي الغيهب وهمس :- عيوني الدكتورة راح

تجي تشوفج ونطلع .

بقيت صافنه اول مره يكول عيوني لا انوب

كدام الكل عدلت شالي وهمس :- اي ماشي .

دخلت الدكتورة طلعت الكل بره

سألتني كم سؤال وطلعت دخلت هاجر ورجاء بدلت

تقدم الغيهب حضني من خصري ولزم ايدي

استندت علية وطلعنا نور بحضن هاجر

زهراء:- شبيك ضايج صاير شي

أخاف صار المبلغ هواي عليك .

الغيهب:- أحرك الفلوس جوه رجلج

واصلًا هشام دافع كلشي وما يقبل

اطلع ربع يكول تكاليف ولادة نور علية.

زهراء:- ياا شكد عيب غيهب رجعهن .

الغيهب:- مو مهم هل موضوع محروك گلبي وراح أنفجر.

زهراء:- يا ستار يا ربي شبيك حبيبي احجي .

واحنه نمشي همس بـ أذني :- ابوج تعارك وياي .

باوعتله بصدمة وهمست:- عزا ليش .

الغيهب:- عزا العزه ابوج ؏ سوالفه العوجة.

زهراء:- اه غيهب كم مره كلت لا تغلط ؏ ابوية .

الغيهب:- اسف بس حرك گلبي ، يكول النسوان من

تولد يروحون يرتاحون بـ بيوت اهاليهم.

زهراء:- حسب علمي صح كلامة .

الغيهب:- علمج بطيبة أستغفر الله

يا علم وحق الله اعرس عليكم

هنا اخليكم فرجه الأمة لا اله الا الله .

زهراء:- تسويها انتَ .

الغيهب:- اي كلشي اسوي ما تروحون بابا شنو

بـ بيتنا تشتغلين عماله .

زهراء:- لا حبيبي بس .

الغيهب:- بلا بس بلا بطيخ ترجعين ويايه جهزنا غرفتج

واني لحظة وحده ما اعوفكم .

زهراء:- ادري بيك ما تقصر بس .

الغيهب:- لا تبسبسين دخيل ربج خليني فرحان

اذا ياخذكم تعلعلين گلبي وحق محمد تسمميني .

ضحكت وكملت مشيتي صعدت بالسيارة

اجه ابوية وبابتسامة هادئه همس بتأكيد:- طالعين قبلكم نفتح

بوب بيتي تنوريني هناك .

اباوع ؏ غيهب يطحن بروحه بالشافعات

مسيطر ما ينفجر و يهجم :- أريدك سالم بس إني مجهزه

أموري وغرفتي ما اريد اتعبكم .

رحيم:- عيب بابا تعب شنو هذا بيتج وبيت

ابوج وكلنا نخدمج وداعت عيونج .

زهراء:- ما تقصرون ادري بيكم ، بس باجر عقد

رجاء واني مو زين علية هوسة لازم ارتاح هل أيام

ان شاء الله بعد ما تخلص الهوسة عدكم أجي كم يوم .

كعد ياخذ وينطي ويايه يحاول بكل

الطرق اروح تالي أستسلم من شاف كلامي صح

باسني ودعني وراح السيارتهم

وهذا ضحكته شكت حلگه بكثر ما ضحك

زهراء:- ارتاحيت أستاذ غيهب .

الغيهب:- بقمة التفخفخ والتبختر والتمتع وداعت رحيم .

هاجر:- دحرك السيارة مو زين نبقى هواي بالشارع

لا يلكفون فايروس بعدهم تعبانين .

حرك السيارة وهو يرد عليها :- اشكك الفايروس اذا يفكر

يقترب منهم .

زهراء:- حتى الفايروسات ما تسلم من شگ وتهلهل الغيهب .

التفت يباوعلي كاعدة بصفه

وهاجر هي والطفل وره :- يا ويل اليفكر يلعب وياي .

رجعنا للبيت ومادام اني بالسيارة النعاس

متمكن مني اريد افتح عيوني عدل ما أكدر

ومن التعب اخربط بالكلام ، اول ما نزلنا

عمي توسل بيه ابقى بغرفة عمتي غيهب رفض

وصعدني الغرفتنا البرودة بيها معتدلة

نزلت هاجر نور بفراشة واخذتني غسلت وبدلت

دشداشتي السودة بدشداشة سودة بس قصيرة وباردة

ودخلت بفراشي شربت عصير وعلاج ونمت .

فزيت ؏ صوت بجي نور

فتحت عيوني بتعب وهمست:- شبي نور .

صار الغيهب وهاجر مقابيلي :- ما بي شي بس جوعان يريد ماما.

اخذته منها والغيهب عدل مخداتي

رفعت نفسي ولأول مره حاولت أرضع نور طبيعي

شعور ما ينوصف نزلت دموعي واني اباوع بوجهه

شفايفه وعيونه تفاصيل الغيهب بشكل صغير مقابيلي

جنت بواحد صرت بثنين.

هاجر:- صار يغفي مسحي دموعج

وانتَ غيهب بس ينام نومه بفراشه

اروح انام ساعة ماشي عيوني .

زهراء:- حبيبتي تعبتج وياي .

هاجر:- لا يمعودة قابل فلشت السده هذا واجبي إتجاه

أختي زهو ، بس تحتاجون شي خابروني وأنزل قلبي .

الغيهب:- ما قصرتي .

ابتسمت وطلعت كملت رضاعة نور والغيهب

مگابلني وكاعد صافن بوجهي

محتار يعدل نومتنا لو يشربني عصير

وكل شوية رافع شعري من عيوني .

راح للميز أخذ علبة فتحها وطلع سوار

سحب ايدي باسها ولبسني ورجع باسها

وهو مبتسم:- مو من مقامج بس هديتج

الحقيقة بعد ما تكومين كلش بالسلامة.

زهراء:- وجودك وضحكتك وفرحتك أكبر واجمل هدية عندي .

باسني و أول ما نام اخذه من حضني

نزله للسرير بحذر ، طلع من الغرفة

ثواني ورجع دخل بيده الأكل:- لازم تاكلين معلاك

حتى تكدرين ترضعين طبيعي يكولون زين الج .

زهراء:- صدك متت من الجوع بس منو الـ يكول ما فهمت .

هز جسمه وهو يرد :- ابوج رحيم خابرني يكلي وكلها

معلاك ولحوم وسمج ودجاج زين عليها يعلمني خطية

رضيع اني ما اعرف .

رديت واني أضحك ؏ حركته:- يايا شبيك غيهب تهز

صاير كلش خفيف تهز وتحشش .

- اكلي وانتِ ساكته يلاا اكلييي .

- انوب عصبي .

- شال قطعة معلاك ودفعها بحلكي

ضربته ؏ رجله وصحت:- مو هيج لا اختنك هاي شبيك

شنو انتَ ضايج مني غيهب  .

هدئت ملامح وجهه وقربني منه

وهو يهمس بصوت خافت عكس قبل ثواني :- لا حبيبتي اسف

يا ُ عمري مو عليج عصبي ؏ ابوج يغثثث ما ينحمل .

- وابوية هنا لو اني كدامك .

- أعتذر ما تتكرر وعد .

- وكلني .

- اكلي وحدج شنو هل دلال ولج .

بدون ما ارد عدلت نفسي وكعدت اكل

سحب مني الصينية:- هاي ليش .

خلاها بحضنه وهمس :- اني اوكلج أحسن لا تعرسين

رفعت حاجبي وبابتسامة عريضة رديت :- من البداية انتَ وكلني .

كرص خدي وكعد يسولفلي

؏ رجوعهم وفترة العلاج

الى ان كملت كمت غسلت

ورجعت لفراشي الثاني يوم

كعدت شبعانة نوم بس وجع

عندي رهيب اخذت مسكنات

وكلاص حليب حتى رضاعة ما أكدر

اكعد وارضع نور ڪُـل ما اضطر

تجي هاجر تكعد وياي وارضعه مجبورة

الى ان اتعب من الوجع وانام وأني أون

يبقى نور اذا هاجر موجودة عدها

واذا بالدوام الغيهب ما يتركه لحظة وحده

ڪُـل مره افز من نومتي اشوفه

كدامي يهز بي ويغني بصوت خافت

أطمئن عليهم وأرجع انام بسبب المهدئات

صار الغيهب ما ينام بليل بسبب نور والبجي

ولا يكدر ينام الصبح بسبب حالتي

وجهه ذبل ومرات حتى ينسى ياكل

الى ان يصير عنده دوخة ياكل شوية

وهو مگابلني وكاعد .

صار مسؤول ؏ كلشي يخصني

علاج

سبح

عناية

اكل شرب كلشي هو يقوم بي بلا ملل

وبعد مرور أسبوع ؏ هل حال

خف الوجع وصرت أكدر اوكف

امشي احجي مثل العالم والناس

صار العصر كمت بدلت النور

ودخلت سبحت وطلعت بسرعة

لان غيهب ما موجود ڪُـل مره

؏ اقل من مهلي لان هو موجود

بس اليوم صادف عنده شغل بالمحكمة.

اول ما طلعت انصدمت بملاك

واكفه وبيدها نور :- الحمدلله ؏ سلامتكم .

- الله يسلمج .

كلتها وگلبي مقبوض استندت

؏ ميز وبقيت بس اباوعلها :- عذريني ما أجيت من وقت

بس عندي ضروف .

- معذورة سولفتلي هاجر كالت مريضة.

- امي جانت تتمنى تشوف ابن الغيهب.

- الله يرحمها ويصبركم ؏ فراكها .

نزلته بفراشه وطلعت أربع ليرات ذهب

خلتهن بملابسه واقتربت منه باسته :- ليش تكلفين نفسج .

فرح:- هذا ابن اخوية واني متعودة اي طفل

ينور هل عائلة تكون الهدية مميزة.

دخلت هاجر وأضح جانت مستعجلة:- ها ولج طلعتي .

- إي خلصت وطلعت شبيج .

طلعت جنطة متوسطة الحجم خلتها

؏ جرباية وهمست:- هاي ملابس الج .

- ألوان الي هاجر إني ألبس أسود .

ملاك:- ما يصلح فال مو حلو انتِ هسة ولدتي

لازم تذبي الحزن بالگلب مو بالملابس والأسود.

زهراء:- امي بعدها السنة مالتها ما طلعت وعمتي ذاك

اليوم توفت شلون اذب الأسود صعبه.

ملاك:- من تزوجتي لليوم ما لبستي ألوان غير شهرين تلاثه

ومن يومها الغيهب ما شافج بألوان وحتى ما تهتمين بنفسج

لازم وبعد ما حبج الغيهب تعتنين بنفسج غلط تبقين هيج .

هاجر:- هو يحبها بكل حالاتها مو هذا السبب

الرئيسي ، اني اريد تنزع السواد الخاطر نور

والخاطر نفسها هي بعدها انفاس ما يصلح الأسود.

بقيت ؏ رأيي ما غيرته وهاجر زعلت

نزلت العمي صاحته صعد رزلني ويحجي ويحاول

يقنعني الاسود مو رمز للحزن واذا ذبيت الاسود

ما ينقص من حزن گلبي .

اخر شي هددني اذا يشوفني بي بعد

بعمره ما يحجي ويايه وهاجر صاحت بيه :- وآني اشيل ايدي

منها ومن نور بعد ولا أدخل بيكم اخليج وحدج تحيرين بي .

استسلمت من شفتهم يطلعون صحت عليها :- أختار

لون مو فاقع .

هاجر:- اكو لون وردي فاتح لبسي يطلع يجنن عليج .

دورت علية من رفعته وصاحت:- هذا يلا كدامي بدلي .

اخذته منها ودخلت عمي نزل وعافنا

لبستها تخصر ؏ جسمي

وأني لابسه كورسي حتى ينضب جسمي بعد الولادة

طلعت ضحكت هي وملاك

متعجبات وكفتني كدام المرايا وصاحت :- اويلي اويلي طيرين

العقل فوكاها ضرب ؏  وجهج وصرتي وردية .

ملاك:- كعدي ارتب وجهج شوية.

من ارد عليها بتحفظ عكس هاجر :- لا شكرًا ما يحتاج .

كعدتني هاجر وصاحت:- دكعدي بابا شنو ما يحتاج

اذا يجون خطار يشوف وجهج مو مرتب عيب شيكولون .

زهراء:- ماكو احد يهمني العالم كلها تحجي بدون توقف

اذا أهتم هذا شكال وهذا شنو حجه اموت وهم يعيشون حياتهم

ولا عبالك .

ملاك:- رتبي نفسج الـ نفسج مو علمود الناس

بس انتِ شنو فهمتي من زواجج

هسة صار الوقت تلتفتين للمستقبل

الزوجج وابنج وروحج الها حق عليج

وامج وامي صدكي من يشوفوج يرتاحون

تعرفين انتِ شكد عزيزة عليهم ويتمنون

يشوفون ضحكتج ؏ وجهج ما تغيب .

وكفت حفت وجهي كله وعدلت حواجبي

بقتهم ثخينات بس بيهم رسمه حلوه

أخذت حمرة لون وردي شالت كحل تريد

تخلي ما قبلت :- كافي اكتفي هيج فدوة لا تزيدون شي .

هاجر:- هاي هي طلعتي توب اصلا بلا شي أنتِ تخبلين.

زهراء:- شكرًا الكم والله ما اعرف شلون أعبر .

هاجر:- اني يمج دائمًا انتِ اختي مو زوجة أخوية وبس

المه المهم هسة دكافي من هل كلام اخذي راحتج راح يرجع الغيهب .

ملاك:- هههه انخابر الإسعاف من هسة تحسبًا للجلطة.

ضحكت وأني أهمس:- لا تخافين علية اخوج ما ينصدم

شايف أشكال وألوان.

هاجر:- عاف الأشكال والألوان وأختارچ انتِ ام نور .

قلصت عيوني بخجل عافوني وطلعوا

باوعت ؏ نفسي بالمرايا التغير فضيع

اشتاقيت النفسي بشكل من تزوجت لليوم

نسيت شنو ترتيب نفسي ، التهيت

بالمشاكل وضاعت سنة كاملة من عمري .

طكيت صور بجهازي ودزيتهم الرجاء

خابرتني بسرعة تتغزل بيه وتضحك

بقيت اني وياها ساعة نسولف

الى ان سمعت صوت سيارته

سديته منها وركضت النور لو ما

أخاف يبجي أخلي يكعد

گلبي يدك طبول عبالك تونا مزوجين

اسمع صوته يحجي وياهم جوه

ما طول وصعد لزمت گلبي وكعدت

؏ جرباية افرك بيدي من التوتر طككت اصابيعي

اول ما دخلت اتصرفت عود طبيعي ابتسمت

مثل ڪُـل يوم وهمست وصوتي فضحني:- الله يساعدك حبيبي .

ثبت عيونه علية وبعد صمت طويل همس :-  يابويه.

حكيت عيني وهمست واني اخفي ضحكتي :- شكو .

نزع السترة وهمس:- لا يبوي شكو قابل ڪُـل خير .

زهراء:- اي مو هم اكول .

إقترب علية آكثر سحبني من

خصري وهمس :- كلشي صار أسود بعيوني

تلاشت الدنيا صرت اشوفج وحدج .

رفعت ايدي حاوطت وجهه واني العب

بـ لحيته:- وهل احساس حلو .

طبع بوسه ؏ خدي ونزل ؏ ركبتي

وهو يهمس بخدر :- لا مو حلو بس يسلب عقلي

يخليني طفل بين أيدج يعجبني هل شعور حالي حال السكران .

رفعت نفسي ؏ أطراف اصابيعي

طبعت بوسة ؏ شفايفه وبتعدت

بعدني ما مستوعبه سحبني وهو

يضغط ؏ وجهي بكل قوته اخذ شفايفي

بس ما جان يبوسني حسيت بطعم الدم

صرت أضرب بي بكل قوتي أريد يبتعد

وهو ولا كأنه رفعني وهو مستمر يبوس بيه

بدون توقف شمرني ؏ جرباية دفعته

أحاول اتملص من بين اديناته

سحبني من رجلي وثبتني وهو يذب ملابسه

صحت بصوت متأذي:- غيهب بعدني ما طبت

غيهب عوفني ابوس ايدك شبيك غيهب أبتعد.

صعد فوكي طوق ركبتي بيده حسيت النفس بدآ يتلاشى

قلصت جسمي وبكل ماعندي من قوه رفعت ايدي وضربته

راشدي ، حاولت بس يرجع الوعي ويصحى ؏ نفسه

بس صار العكس ضربني راشدي حسيت وجهي أنشل

صرت اشهك وما زلت ما سلمت نفسي بقيت جسمي جامد

وهو ڪُـل ما يشوفني اعانده يزيد .

إلى آن سمع صوت نور يريد يبجي

التفتت باوع ؏ نور ورجع يباوعلي مصدوم

صك ؏ أسنانه وهو يدرسني ، صار جسمه

يرجف وهو يصحى من الحالة البائسة الكان بيها .

وكف بسرعة تحرك ودخل للحمام كورت نفسي

وصرت اشهك والله كلت هاي هي بعد بعمره ما يأذيني

لو مو تصير عنده حاله حسب الـ أشوفه إهتمام وخوف وقلق

بس اكول اخخ يتخبل بس يشوفني تعبانه يسوي كلشي

حتى أرتاح شلون يسوي هيج بيه وعلمود شنو ينكلب

مثل الحيوان بلا رحمة يتحرك ، يضرب ، ويخنكني .

زحفت ؏ جرباية اخذت نور من الفراش

خليته بحضني واني أعدل بنفسي الفرحة

ما دوم إلي ، طلع من الحمام حتى ما باوع بوجهي

ولا التفت علينا اخذ ملابس مجرد ما بدل

بدون ما يعدل شعره وياخذ محفظته طلع ، دقايق وسمعت صوت

سيارته ، رجعت نور وباوعت من الشباك

صعد هو وهشام وطلعوا من البيت .

عدلت ملابسي ودخلت غسلت وجهي

جريت نفس ونزلت جوه صارت

هيام مقابيلي تباوعلي من فوك ليجوه

عفتها ودخلت للاستقبال البنات كاعدات وياهم سجى

يسولفون بدون تردد همست:- الغيهب وين طلع .

هاجر:- والله ما أعرف كعدوا بالحديقة يسولفون هو وهشام

تالي طلعوا بدون ما يحجون او ينطون علم إلنا.

هزيت راسي وصعدت فوك ما اريد

يبقى نور وحده ، شويه ونفتح الباب

دخلت هاجر تباوعلي بغرابة:- صاير شي مو ؟

لزمت راسي واني ارد عليها بحيرة:- شوكت نستقر.

كعدت بصفي وهمست بقلق:- شصار عين ما صلت ؏ نبي .

- سالفة ما تنحجي أصلًا عيب احجي بيها .

هاجر:- لا تكولين بعدها حالته.

- بعدها خفت اموت بيده بكثر ما كطع النفس .

لطمت ؏ رجلها وعضت اصبعها :- عزا شنو هاي ركبتج

عبارة عن زراك ، الله لا يوفقج موج .

باوعتلها بقرف وعدم اقتناع:- موج شكووو اخوج همجي

بــ العلاقة الزوجية .

هاجر:- لا والله العظيم وداعت أطفالي

هي بالسانها كالت إني اذا مو سادي

ما أبقى ويا هذا ستايلي وما احب ولا استمتع مع غيره

الى ان صار مثل ما تريد شكد تعاركوا ؏ هل موضوع

تالي تعود .

زهراء:- مو مشكلتي ، فوكاها بعدني ما طبت .

هاجر:- عزا بس لا أقترب منج .

زهراء:- لا راسي يريد ينفجر والله

صار مثل ما اتمنى يحبني ويخاف علية

ليش يرجع ليش والله راح اتخبل .

هاجر:- هو يخاف عليج من كلشي حتى من الهوه مستحيل

يفكر يأذيج اكيد عنده تبرير ؏ صار.

- بالله لو ميته يفيدني تبرير من المحامي اخوج .

- لا اسم الله عليج امي انتِ نامي وارتاحي وجهج مخطوف

نور نايم واذا يبجي إني أخذه يمي .

- اخذت حبايه  ودخت شوية.

- لعد أخذي راحتج ولا تنقهرين تره مو زين عليج .

هزيت راسي ودخلت بفراشي عدلت شعري

وطلعت من الغرفة ، بجيت الى ان نشفت دموعي واني

أتخيل المنظر كدامي غفيت من وجع راسي وضيم گلبي .

مرت الدقايق حسيت ؏ هاجر تدخل وتاخذ نور

وهي تناغي وتضحك وتسولف وياه ، رجعت غفيت

ورآها بشوية صارت أيده تتلاعب بخصلات شعري

فتحت عيوني هو فز وكام من مكانه توجهه للكنتور

مالته أخذ أوراق وطلع .

سحبت تلفوني راسلت هاجر نزلت

نور رضعته وهي ما عافتني

واني أخلي بفراشه سمعت صوت صراخ

جوه ، خليت شالي ونزلنا صايرين خبصه

سحبت ملاك وهمست:- شصاير .

ملاك:- فرح ماخذه الجهال من المدرسة وأمير تخبل

وسولف كلشي البابا وللغيهب .

تراجعت من صرخت أمير:- غيهب كلت الجهال يرجعون يمي

بـ أسرع وقت لا وحق إلحق ارتكب جريمة قتل بيها .

الغيهب:- من باجر أستلمها وداعتك بدون محاكم أرجع

جهالك بس لا تحرك دمك لان موضوعها سهل .

أمير:- الحضانة الها شلون ترجعهم.

الغيهب:- أريد تاريخ وقت الحادث بيوم الحاولت

تقتل زهراء اريد التصوير كامل .

صرنا واحد يباوع بوجهه الثاني عاط بيهم :- شكووووو .

هشام :- حذفت كلشي حتى ميصير مشاكل ما حسبت

هيج يصير ويكبر الموضوع وتحتاجه.

ضرب ؏ رجله وراح للشاشة

صار يبحوش بيها ويعدل ويدخل منا ويروح هناك

وما أشوف غير التصوير رجع ونفتح كدامه

شاف التسجيل لو تخبل عليها صور كلشي

واخذ هشام وامير وجلال وطلعوا

بقه بس عمي موجود بالبيت .

.................................

الغيهب...

وصلت مقابيل بيت اخوها نزلت اني

والولد دك ألباب أمير طلع اخوها ينتر بوجهنا

حاول أمير يتهجم علية استوقفته واني اهمس بـ أذنه:- لا تخسر حقك

بعصبيتك إياك تتهجم أحتمال هو متعمد حتى يصورك .

أمير:- بابا هذولي ثولان ما يعرفون بهل سوالف تصوير ما تصوير .

الغيهب:- أسمع كلامي وأستمتع وشوف بعينك شراح يصير .

تراجع للخلف وكفت مقابيله وحجيت بحذر :- أريد احجي وياها .

- منوو .

- اختك عزيزي اختك .

- ما تريد تحجي وياكم وروحوا منا وشسون ما يهم ولا يهز

شعره من راسي وراس اختي .

الغيهب:- اذا اتصرف تصرفي ثكيل انطيك قنابل

بوجهك القذر وجهه أختك فـ يا .......  خليني

أتعامل وياكم بـ أخلاقي الزينة وأفتح الباب

سوي مجال بيدي دليل أخلي اختك وره الشمس وانزل راسكم

للكاع أوصلك المرحلة تستحي تطلع للباب .

طلعت فرح الكوبرا وصاحت

بعلو صوتها :- ماعدكم شي يمي لا أطفال

ولا كلام ومنين ما تجون تروحون اذا ما اخليكم تبوسون

بيدي ورجلي حتى بس تلمحون الجهال ما أطلع بنت امي وابوية .

فتحت تلفوني وأني أبتسم واهز راسي

خليته بوجهه أخوها واني احجي بطريقه

هادئه مستفزة مستهزئة:- شفت بعينك أختك بهل فديو

اشمرها سجن اقل شي خمس سنوات حاولت تقتل زوجتي

يعنييييييييييي اذا ما تصيرون حبابين ودخلونا نتفاهم جوه

تنفضحون كدام المنطقة والمحكمة .

فتح الباب وجهه تحول أصفر

اول ما دخلنا بدون ما نكعد وأخذ وانطي

كملت كلامي :- شرطين عندي حتى ما تروحون بالرجلين.

فرح:- شتريددددد .

الغيهب:- ڪُـل خير اول شي باجر تروحين

ويايه تتنازلين عن الأطفال وبـ أحلامج بعد ما تشوفيهم

واخليج تبوسين رجل وايد بس علمود تلمحين ظلهم .

فرح:- ؏ جثتي ما أتنازل وحتى لو تسجنوني موافقة

اذا امير يقبل عرضه ينسجن معناها مو رجال .

كمز عليها امير سحلها سحل

من شعرها لزمت اخوها وخليت الجو

اله لعب بحالها لعب وعافها تشهك .

الغيهب:- الشرط الثاني تتنازلين عن كافة حقوقج

وتصفين لا جهال ولا حقوق هذا مستواج

ترجعين البيت اهلج مثل الجلب وعود خلي اخوج

يتحملج شهر شهرين وتنشمرين مثل الحيوانات بالشارع .

دفعنا أخوها وهو يصرخ بعلو صوته :- إطلعوا بره

عصابة مجرمين طلعووووا بررره بيتي طلعوووا .

غمزتله وآني إضغط عليه:- ديربالك لا تبول ؏ روحك .

طلعت واخر شي نطقت بي :- باجر بـ ثمانية الصبح

بالباب إني نسوي الـ أتفقنا علية بدون مشاكل وسجون

يحلووووووين  ، في حال ما طلعتوا العصر يوصل بلاغ إلقاء القبض

على اختك العزيزة . 

رجعنا للبيت حجيت كلشي الـ ابوية

وانتظرت  ، بقيت كاعد جوه

ما صعدت بيومها لا اني ولا امير ولا جلال

الثاني يوم بـ السبعة الصبح صعدت

اول ما فتحت ألباب سمعت صوت حبيبي كاعد

تقدمت علية اخذته بين أيدي واني استنشق عطره

يرد روحـي وجهه ويسكن وجع گلبي بقيت اهز بي

وبحركات دائرية احرك اصبعي ؏ راسه

الى ان أستسلم ونام رجعته المكانه ودخلت سبحت وبدلت وطلعت .

أخذت أمير وياي وكفت بابا بيتهم للساعة

بـ ثمانية ونص طلعت هي واخوها

وبيدها الجهال أخذهم أمير ورجعناهم

البيتنا أمنهم عند هاجر وطلعنا

للمحكمة قدمنا القضايا همه كعدتهم وأني مشيت

بيها روحه ورجعه انطيت لهذا والذاك

دخلتها وقعت وتنازلت عن كلشي

بدون روح وتعال  ختمناها ورحنه للشيخ طلكها

وهي دموع التماسيح ما وكفت بعيونها وبدل ما احنة

نتوسل هي صارت تبوس بيد امير .

بقيناهم بالشارع ورجعنا للبيت بعد يوم متعب  ...

...........................

زهراء...

مر أيام ؏ قضية فرح هو باقي جوه

ما صعد أبد غير بس من أنزل يصعد هو

يلاعب نور ويكعد شوية ويا وقبل لا أصعد

هو ينزل .

وقبل أربعين عمتي الكل اجه ونخبص

البيت طلبات غراض ذبابح وهوسه

خابرني أبوية وأقترح عليه:- يابا هوسة ومو زين

لا عليج ولا ؏ ابنج ليش ما آجي اخذكم يمنى كم يوم وترجعين .

زهراء:- لا بابا ما يحتاج اني احجي وياه الغيهب ونتفق

وهو يجيبني عليكم .

رحيم:- براحتج بعد بس اهم شي تجين .

زهراء:- ان شاء الله عيوني .

سلمت علية وسديته انتظرت يرجع

من الدوام تغدى ونام وبعد ما كعد

نزلت لكيت جلال كاعد بالكراج

بيده كتاب وبصفة كهوة من شافني

رفع راسه وأبتسم بوجهي :- محتاجة شي .

زهراء:- اي والله اريد الغيهب ؟

جلال:- طلع يشتري جكاير هسة يرجع  تريدين شي  .

زهراء:- لا سلامتك بس عادي من يجي تنطي خبر

أني اريد احجي وياه بموضوع مهم .

جلال:- ادللي .

اريد اروح رجع صاح:- ام نور شوية من وقتج .

- تفضل.

- هديتج انتِ ونور مجهزها بالغرفة

بس ما لكيت الوقت المناسب انطيها الكم

تعرفين اذا غيهب شافني شيصير .

ابتسمت بخجل منه :- وينها تحمست أشوفها.

سد الكتاب وأشر بيده:- لازم نصعد .

ارتبكت من الموضوع بس اضطريت

أكمل طريقي وياه وصعدنا دخل للغرفة

وبقيت أنتظر بره طلع بيده باكيت

متوسط الحجم بي طفل وام وشكل تلفون .

أخذته من ايده وهمست بستغراب:- شنو هذا .

صار قريب مني حيل يشرحلي ؏ باكيت

جلال:- صار خمس ايام وصلني طلبته من الخارج

هذا تخلي مقابيل نور اذا نزلتي وربطي ؏ تلفونج

بس يبجي ينطي تلفونج إنذار وتكدرين تشوفي هم .

زهراء:- شكد حلوووو هاي أجمل هدية وصلتني .

جلال:- كلت أخلي الهدية مميزة وهم تستفادين منها .

زهراء:- شكرًا الك جلال .

- ادللي ام نور .

سمعت صوت خطوات ؏ درج عفته ودخلت

وهو هم افتهم الموضوع ودخل الغرفته

خليت الباكيت بسرعة بالغرفة ورجعت طلعت

صحت بصوت مسموع:- غيهب اريد احجي وياك .

باوعلي بتردد وتقدم دخلت وهو فات ورايه

سديت الباب وبقيت وأكفه شاف الباكيت

تقدم يباوع ويتفحص :- شنو هذا ومنين حصلتي علية .

- جلال دزه بيد هاجر المهم عندي موضوع أهم

لازم نحجي بي .

بلع ريكه وهمس:- اذا تقصدين الموقف الصار

قبل فترة فـ هل موضوع حساس بالنسبة الي وما أحب أطرق

اله لا اريد تجرحيني ولا اجرحج .

- وبعدين الى متى نبقى ساكتين عنه .

- للأبد ما اريد الموضوع ينفتح .

- هل موضوع مهم عندي  لان بي خطورة على حياتي .

- من هل ناحية لا تخافين نهائيًا ما اقترب منج بعد .

- ليش شايف وحده تمارس ساديتك عليها .

- اياج تستفزيني صدكي مو من صالحج .

- تهددني شنو غيهب والقران طفح الكيل منك ومن تصرفاتك .

اقترب مني تراجعت اكثر صاح بيه :- شسويت ابتعدت منج

حتى تنسين ونرجع مثل قبل اني ما اريد منج شي بعد

غير تكونين ويايه وبسسسس .

زهراء:- وساديتك شلون تريد تمارسها علية وتموتني انتَ .

سحبني من ايدي وقيد وجهي بيده وهو يرجف:- كلت ما أقترب

منج بعد ليش ما تستوعبين احجي هندي وياج .

زهراء:- ما تقترب ألى متى ما تقترب انتَ رجال

؏ ما أعتقد وما تكدر تكمل بلا هل سالفة

أله بحاله وحده تروح تخوني وترجع للكحـ .... موو .

الغيهب:- كلتتتتت لالالا كافييي لا تجرحيني آكثر.

نزلت دموعي واني اصرخ بعلو صوتي:- لا تكلي لا

أريد جواب منطقي يكون رد ؏ ڪُـل سؤال مدوخني.

لزمني من ايدي وشمرني ؏ جرباية

وهو متخبل وبالشافعات مسيطر على أعصابه:- كعدي واحجي

اسأليني واجاوبج بس لا تكعدين تبجي وتسوين هل سوالف .

- اني أخاف منك .

- كلت من هل ناحية بس اني ما ضابط نفسي

واني هيج واحجي وياج أخاف عليج من نفسي

مستحيل أفكر أذيچ انتِ حبيبتي ام ابني .

مسحت دموعي ورديت علية واني اشهك :- حبيبتك وخنكتني وصلتني للموت اني ما أمن ؏ نفسي وياك ولا أمن ؏ نور .

وسع عيونه مصدوم من كلامي

ما يكدر يستوعب :- شنو هل خرابيط الـ تتفوهين بيها ولج

تخافين ؏ ابني مني شسويه قابل لج ڪُـل عقلج .

زهراء:- شلون اذا فقدت مثل ذاك اليوم وصرت

عصبي وضربته بهل حالة شلون اتصرف وياك .

حط ايده ؏ راسه وصار يفتر بالغرفة

مصدوم من كلامي :- انتوا ڪُـل حياتي

اني أذي ابني شلون اني عايش لعيونج

ولعيونه وكلت ما اقترب منج حتى ما أذيج

انتِ بدل ما ساعديني تصعبين علية الأمور اكثر

وتتهميني أذي ابني ليش اني بيا يوم عليت صوتي عليج من يوم

ما ولدتي لليوم خليتكم بعيوني .

زهراء:- انتَ خليتني اضطر احجي هيج بسبب كلامك

تكلي بعد ما اقترب معناها تخوني تريد وما ناوي تعالج

هل حالة الخطوره .

الغيهب:- ليش تفتهمين كلامج هيج

المقصد اريدج مو جسد اريدج بحب اني

محتاجج بحياتي مو بس ؏ نوم والتفريغ

اني معتبرج اكبر واكثر واغلى من هيج

وجودج كافي عليه وما أحتاج غير شي

بس شوفتج وشوفت نور تساوي الدنيا عندي

هل أمور ما تهمني بعد اني مو مثل قبل جنت

ڪُـل اهتماماتي تتركز بهل شغله

لآن انكسرت جنت اريد اثبت رجولتي بس

تغيرت علمودج وأبتعدت عن كلشي الخاطرج

والخاطر نور ومستعد اسوي أكثر من هيج في سبيل

ما اخسركم لج انتِ ڪُـل حياتي انتِ نبض گلبي

ونور عيوني ، ما معتبرج بس زوجه

انتِ ام

صديقة

انتِ الحياة اشوف بيج كلشي

اقتربت منج أذيتج تعرفين كلش

زين مو بيدي وروح امي مو بيدي

اني احارب وامنع نفسي منج ومن متطلباتي

كرجل وانتِ تدرين فترة حملج ما طخيتج

وابقى أحارب حتى ما أقترب ويصير بيج هيج

تصرف يخليج تخافين مني ، انعل ابو حاجتي

مو مهم والله شكد ما ارغب بيج أبتعد

أعرف الموضوع يقهرج وأحيانا عبالج اني ما اريدج

بس الصح ما احب أذيج ، بذاك اليوم ما تحملت أشوف

جمالج واقتربت بالغلطط

تحسنت بكلشي بس هل فقرة فشلت أسيطر عليها.

ضميت وجهي بيدي عجزت عن الكلام عافني وطلع

دخلت للحمام غسلت وجهي ونور كعد

رضعته ورجعته ، عفت كلشي ونزلت اريد احجي

ويا اول ما نزلت الدرج صار مقابيلي مستند ؏ كاونتر

وبيده كرزات وهيام واكفه بصفة ، وهو مركز

وياها والدمرني يضحك ولا عبالك هو نفسه

يحجي ومنهار قبل شوية .

بيدي أغراضي حليب نور

دخلت للمطبخ بقه ؏ نفس

الوگفه ما تحرك فورت

الغراض ؏ نار هم سكتوا

وقبل لا أصعد أقتربت منه وهمست:- هسة شكلت .

تنفست وسحبت نفس بكل قوتي

محروك گلبي لو ما أخاف أشمر عليهم مي حار

الغيهب:- الغراض يمعودة شفطتي المطبخ .

باوعتله بقرف وصعدت

شمرت الغراض وما أشوف

غير ألباب اندفر دخل صاك ؏

أسنانه وبيده تلفون بس مو تلفونه :- أترك أيدي غيهب

وأرجع الـ هيام خليها تفيدك واني فورًا طالعة من البيت

وراح اروح الـ أهلي نزلت فرد مره من عيني .

حط التسجيل بوجهي وصاح :- مو قبل ما تفهميني شسوين

انتِ وجلال هناااااااا فوك وحدكم .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _40_

كـون يمَك ..

انه اخاف من الأمان الماهو مِنك ❤️

.....................................

زهراء..

حط التسجيل بوجهي وصاح :- مو قبل ما تفهميني شسوين

انتِ وجلال هناااااااا فوك وحدكم .

سحبت التلفون شمرته ؏ حايط بكل حيلي

تناثر بكل مكان فقدت واني اصرخ بعلو صوتي:- شكد وقح دخيل

الله عبالك إني رخيصه مثلكم وأروح اغضب ربي بهل

سوالف الطايح حظها مثلكم .

تقدم بتجاهي وهو صاك ؏ أسنانه :- سؤالي وأضح شعندج

انتِ وجلال وحدكم فوووووك .

باوعت بعيونه أريد اجر النفس حتى

بس أكدر ارد علية ما كدرت اسيطر

الساني ثكل صار خشبة ودمار ضربني

من راسي الركبتي ، شمرت جسمي ؏ جرباية

صرت أنفض من القهر جبرت نفسي

وبالسان ثكيل همست :- تماديت هل مره هواي غيهب هواي

وما اعديها وروح امي ما اعديها.

إقترب مني أكثر رفع راسي وصاح:- اخر مره احجي بتفاهم

وياج كررت سؤالي بدون تصرفات خارجية ومحترمج واكف

أسمع منج وبعد ما أكررها شعنده جلال واكف قريب منج

الـ هل درجة شهمس بـ أذنج .

-  اذا ما عندك ثقة بيه ليش تبقيني يمك .

رفعني من ملابسي رفع أيده خليت ايدي

مقابيل وجهي أتصدى ضرباته ، شمرتي

بعيد عنه وأبتعد وكف بزاوية الغرفة

ورد بصوت مخنوك :- ما أريد أستعمل الأسلوب القديم

عندي ثقة بيج بس ما عندي ثقة بـ جلال احجي قبل

لا ارجعج النقطة الصفر .

زهراء:- اذا عندك ثقة بيه اكيد تعرف اني لو

؏ موتي احافظ ؏ اسمك وبعمري ما أنزل راسك

وبعمري ما اسمح يصير غلط لو ؏ جثتي .

الغيهب:- واعرف انتِ تخافين أغلط

وحتى لو بدر فعل غلط من جلال اتجاهج

كان سمعج كلمة او تجاوز حدودا ما تحجين

حتى ما تصير مشاكل وتتصرفين من نفسج .

زهراء:- ولازم تعرف هل موضوع حساس اذا اخاف

عليك وما ابلغك هم ما اسكت وأخلي أيدي ؏ خدي وانتظر

منه يتمادى وياي اكثر  ، وكلت أتصرف مني

اروح ؏ عمي أو هشام وهم يتصرفون وياه .

أبتعدت عنه سحبت بطل المي شربت نص البطل

ريكي يبس بعد ما أكدر انطق بكلمة بس

أرجع واضغط ؏ نفسي في سبيل أخلي النقاط

؏ حروف :- الوصلك الفديو يريد خراب المصيبة

جلال شلون اذا يسمع لك عيب الرجال حتى يستحي

يحجي وياي واذا يريد يصيحني ما تنزل من السانه ام نور .

الغيهب:- ليش اقترب منج ليشششش .

زهراء:- هو حتى عيونه ما يخليها بعيوني وبوقت ما انطاني الهدية

ما رادك تنقهر منه سلمها الي وفهمني عليها وصار بهل

قرب واول ما سمع خطواتك دخل للغرفة يخاف منك

لان يعرفك أنسان همجي متخلف ماتعرف شنو يعني تفاهم

وبعمرك كله ما تعرف أبقى بقوقعتك المتخلفة الى ان ترجع

وحدك بلا سند ولا ولد لا زوجة ولا اهل .

تقدمت بتجاهه دفعته من صدره وصحت

منو صور هاا منو دفعك وانتَ مثل العربانة اندفعت علية

هيام جاوبني هيام دفعتك لان مو جديدة سبق وسوتها

وطعنة شرفي اني وامير وهل مره اني وجلال

بكل الطرق تريدوني أوصل القذارتكم بس اني ابقى تاج

؏ راسك وراسهن .

عافني وكعد ؏ تخم نزل راسه

ضغط علية بقوة واني بدون

توقف القهر البكلبي يمعني أسكت عنهم

دفعت الباب ونزلت وجسمي عبارة عن سعفة

ينفض نفض مو من وجع من هضم وقهر

من تعب وملل خلص صبري الى متى ..

نزلت ودموعي شلال ؏ خدي

دخلت للمطبخ صارت مقابيلي

اطكطك بـ أصابعها اخذت سجين

جنت فاقدة العقل بس صارت عندي قوة

ما تنوصف هجمت عليها سحبت شعرها

هي سحبت شعري أقوى خليت السجين

؏ ركبتها وصرخت :- انتِ صورتي موووو ؟

هيام:- خلي يشوف بعيونه شلون شريفة انتِ .

طلعت هاجر من غرفة عمتي

هجمت عليها شالت ايدها من شعري

كدرت إضغط عليها اكثر عطت

واني اشهك :- لو تموتين ما توصلين للبالج

لج أعرف تريدين توصلين فكرة أني أشبه

موج هاي بـ احلامج قبلها اتهمتيني اني وأمير

واليوم اني وجلال همج تكولين شوفهاااا

بس تخسين انتِ وياه تشوهون سمعتي اني

أصيلة وربتني مرأة أصيلة كسرت ظهرها علية

يا سافلة علمتني شرفي ثم شرفي ثم شرفي حتى مماتي

تريدين تقارنين نفسج بيه كعدتي بحضن اخو وراح ازوجج

وكعدج بنصنه وكدام اخوو هو ما يستحي وانتِ ما تستحين

ليششششششش تنزلوني المستواكم ليشششششششش .

صب الدم من ركبتها كمز هشام من الدرج سحبني

وصاح :- شصااااير ذبي السجين ذبيهاااا

رديت وأني بحالة هستريا:- خليني اموتها وأخاف قبل

صار عندج دليل وسجنتني هل مره بيدي اموتج واحرك

جثتج اخليها رماد وانتِ بلا اصل ولا فصل حتى محد يسأل

عليج لان عاااااااار واذا صار شي ابوية يستلم القضية

وايهاب استاذ غيهب ما يدخل لان اهم شي مصلحتكم عنده .

وانتوا سمعتوا الصار لا تغشون

نفسكم اخوك صار عربانة الهيام تصور بمرته

وهو يتهجم عليها بدل ما يركعها ؏ حلكها .

عود أكتفى بنص هل هوسة

صوت جلال والغيهب رج بيتنا رج

يريدون يصعدولهم نزله دفع من فوك ليجوه

جلال:- عيب عليك هل كلام لك هاي أختي

مستحيل افكر بيها ، بيوم غلطت اني وموج لان هي رخيصه

وانتَ تعرف كلششش زين اني شنو أقصد.

الغيهب:- اني ما أقارن اعرفها شريفة وتسواك وتسواهن

بس اني ما عندي ثقة بيك واخاف ؏ زوجاتنا منك لانك قذر .

هجم هشام ؏ الغيهب ضربة

بوكس ما شفت الغيهب غير واكع

بالكاع :- لا تجمع لا أشوه وجهك زوجاتنا شنو

يعني سجى وزهراء بمستوى موج وهيام الكحـ ...... ولك .

زهراء:- الظاهر هيج بس سهلة ما دام هيام

طلعت شريفة وهو شريف واني طلعت المو شريفة

ما أظل لحظة عندك وحق الله .

عفتهم يتصايحون بعد ما هجم ؏

هيام الصراخ صار بفلس لكيت نور

يبجي أريد أخلي بيدي ما كدرت اسيطر

سحبت الجنطة خليت ملابس دفع الباب

ودخل بقمة غضبه :- ووووين تروحين .

عاف كلشي من سمع نور يبجي :- الولد مو يبجي ليش ما تشيلي .

زهراء:- جسمي يرجف ما أكدر.

سحب بطل مي بارد من الثلاجة غسل وجهه

بسرعة وغسل شعره الكاع صارت عبارة

عن مي نشف وجهه وشعره وصار ياخذ شهيق

وزفير الى ان وكف وشاله ضحك بوجهه وهمس:- دنيتي يبجي

حبيبي اشششش بابا يمك حبيبي بابا يمك  .

حضنه وهو يهز بي نزل يستنشق عطره

وهو يهمس:- افيشششش شكد طيب عطرك نوري .

هو سكت وبس يباوع بوجه ابو

ويفر براسه يطلع صوت من شفايفه

وهو يطك اصبع بالهوه حتى يجذب إنتباهه.

عفتهم ونزلت الـ هشام بعده يصيح

عليهم من شافني سكت مسحت دموعي

وحجيت بقهر :- الزلمة من ينطي كلمة لازم يكون

كدها وانتَ انطيتني كلمة بس تصير مشكلة

بيدك تاخذني البيت ابوية صح لو غلطانة.

هشام:- إطلع ناقص شرف اذا رضيت ؏ صار

بيج ومو زلمة اذا ما أخذج هسة بيدي البيت ابوج .

زهراء:- لبست عبايتي وجهزت جنطتي وأغراض

نور فوك ما اريد اشوف وجهه اخوك لو سمحت

تنزلهن وتاخذ نور من عنده حتى نروح بدون مشاكل

لان راح اوكع بعد ما بيه ابقى وأكفه.

أمير :- اكعدي هنا واحنة نكمل كلشي وننزل

لا يصير بيج شي منو يفيدج .

هاجر كاعدة مقابيلي تشك

ما نطقت بحرف واحد

جلال كاعد مقابيلي رفعت راسي وهمست:- خجلانة منك

لا بيها ولا عليها وكعت ؏ راسك مصيبة.

جلال:- اني اعتذر منج أختي وحسبي الله ونعم الوكيل ؏

كان السبب ، اني فرحان لان شفت الغيهب تخطى ڪُـل الماضي

وفرحان وياج وفرحان بـ أبنه طلعت هل رخيصه صفح .

نزل امير صعد الجنط وأشرلي :- صعدي بالسيارة زهراء.

زهراء:- ونور .

أمير:- ما يقبل تطلعون بس هشام يحجي وياه

هسة دقايق وينزلون أمشي يلااا .

اخر شي صار كدامي هاجر كامت الـ هيام

تكتل بيها وكلامها نبت سچين بنص گلبي :- حسبي الله ونعم الوكيل

عليج لج رجعتي النقطة الصفرررر

خسررر ابنة وحبيبته بسببج اليوم اموووتج والقران اموتج .

صعدت بالسيارة روحـي تطلع مني

بقيت منتظرتهم هواي الى ان طلع نور

هشام صعد :- وين نور .

هشام:- قافل ما يقبل تروحون

كتله رايح اخذ زهراء وبقي الولد يمك .

زهراء :- هو شنو يبقي يمه غير يرضع مني .

بعدنا نحجي طلع بيده نور فتح الباب نزله بحضني

وهو يهمس :- نزلي نتفاهم جوه واني اخذ حقج .

زهراء:- حقي من منو اني ما مقهورة من زوجتك

العزيزة هيام بكثر ما مقهورة منك انتَ

تهجمك ما أنسى افتهمت ما أنسى .

الغيهب:- بس اني ما ضربتج اجيت افتهم منج

ردت جواب وكلت اني عندي ثقة بيج بس ما عندي

ثقة بجلال وهذا حقي .

زهراء:- لا مو من حقج وهذا مو مبرر باجر

عكبه تكتلني بدفعة من دفعات الساق.........

انتَ مو أمان انتَ ما تستاهلني غيهب وآني أستحق

الـ أحسن منك .

حضنت نور والتفتت الهشام :- يلااا عفيييييييية خلي نروح منا

بعد اختنكت منهم ومليييييت .

فتح أمير الباب طلعت السيارة

هو طلع وصعد بالصدر عاط بي هشام:- وين صاعد أنزل غيهب

لا ارتكب بيك جريمة لا تخلي صوتي ينسمع بالشارع.

الغيهب:- سوق وانتَ ساكت روحـي بخشمي واني اذا تصير

روحـي بخشمي تعرف افقد بعد استرها علينا واطلع.

هشام:- تريد تكبرها اكثر وتتعارك ويا أبوها.

زهراء:- أبوية مو طفل ويتعارك وياه

هل مره اذا رفعت صوتك علية وداعت أبني

ما أسكت وتفرج ؏ الـ استهتار .

طلع هشام جكارة يريد يشرب

أول ما شغلها صاح بي :- ذبها مو زين ؏ نور نسيت شكالت الدكتورة .

هشام:- ليش يبقى عقل براسي من سوالفك مو زين نمشي بالشارع .

بقه هو وياه بس يتعاركون الطريق كلة

راسي صار طبل اول ما وكفت السيارة مقابيل

بيت ابوية فتحت الباب :- اوكفففييي اني انزلج .

زهراء:- لا تنزل ولا تدخل أبتعد من حياتي ولا تشوفني

وجهك مرة الثانية لا تخليني اسمعك كلام ما يسر لا عدو

ولا صديق واخليك عبره لكل شخص مثلك

وراح أبقى ُ عمري كلة أتحسب عليك هجمت حياتي

وكسرتني الله يك.... .

ما كدرت اكمل الكلمة سديت حلكي ونزلت

واني امسح بدموعي دك هشام الباب هسة

غير يبقى بالسيارة نزل وكف هو بالبداية

طلع ابوية سلم واخذ نور من أيدي :- يابا هلااا بنور وزهراء .

زهراء:- هلا بيك بابا .

اني بعدني وأكفه باوعلي بستغراب وهمس:- شبيج بابا ترجفين

احد وياج صاير شي .

هزيت راسي وإني أبلع عبرتي :- لا ما بيه شي بس بعدني

ما طبت زين ويجيني مغص بطني مرات .

باوع الغيهب ما مقتنع بكلامي :- شوف باوعلي اذا اشتم

انتِ نزلت دموعها وقاهرها ومخليها ترجف .

الغيهب:- اي شسوي .

لواء:- وحق من إنزل القران الكريم

شغلت أسبوع واحتمال أقل وبدون ما تحس

اخليها تخلعك بـ اقرب محكمة وادفع حالي ومالي واخلصها

منك تجي تسأل عليها اصدمك بالطلاق وبـزواجها من الـ يستحقها.

انبلع الغيهب وكوه يسحب بريكه

ضحك يضيع الفشله والصدمة

والخوف الـ ينقري الف بوجهه :- مو من الأصول ما تعزمني

اهلهل بالعرس هاي ام نور لازم انسوي الواجب وياها .

رحيم:- يعني صح كلامي انتَ مأذيها .

زهراء:- يابا ماكو هيج حجي فدوة كافي .

رحيم:- ما إطلع رحيم اذا ما اسويها بس تضوجها وتنزل ادموعها.

تقرب من ابوية وهو يغمز:- بذاك الوقت يطلع أسمك نجف تعرف النجف .

رحيم:- ادفنك بيها .

الغيهب:- اخ منك رحيم ما رحمة بحالي

سحبه هشام وهمس:- سنة الوالدة بعد يومين الـ هل سبب اجت

ام نور ترتاح يمكم مو زين عليها الهوسة .

رحيم:- اذا هيج خوش تفضلوا.

هشام:- لا تعذرنا مستعجلين غير مره ان شاء الله .

رحيم:- اروح أصيح ؏ حارس يدخل الجنط .

اخذت نور منه هو طلع بره استغليت الفرصة

وحجيت بسرعة :- ما اريد أكبر الموضوع وسديت السالفة

بس الك ايام قليلة اذا ما وصلتني ورقة طلاكي اخلي ابوبة

يدخل ويسوي الـ براسه وهاي اني حذرتك كدام اخوك .

الغيهب:- تزوجين غيري يعني تتقبليها .

زهراء:- كلشي أسوي وعيونك .

دخلت اني ونور هو بقه صافن موسع عيونه

التفتت يباوع الهشام :- سمعتها شتحجي وياي  .

هشام:- تستاهل يا طايح الحظ كون صدك تسويها

اذا ما اركص بعرسها بعنادك .

دخلت للبيت فارغ ما بي صوت

لحظات وفات الحارس

باوعلي وهمس:- وين تحبين أخلي الجنط .

زهراء:- خليهم هنا ما قصرت .

أبتسم بوجهي وهو يرد :- لا ولو تدللين .

نزلت راسي وهو طلع سمعته يحجي هو وابوية

الى ان دخل يضحك :- شلونج بابا زهوره.

زهراء:- الحمدلله زينة وانتوا .

رحيم:- بخير الحمدلله ، خليني أصيح عليهم ينزلون .

راح للدرج يصيح بـ أسمائهم طاير بينا

ومن نبرة صوته تبين الفرحة :- تعالوا ولكم اختكم هنا .

نزل سيف يطك أصبع:- هلاهل هلاهل الـ ام نور .

اقترب سلم وكعد يضحك

ويشاقيني الى ان نزلوا التوأم يكمزون

متفاجئين بنور شلون صغير .

أضحك وسولف بس راسي طبلة

ولو ما عيب اكلهم يسكتون ويخلوني وحدي :- لعد رجاء وين .

رحيم:- والله بابا بعد الدوام تطلع هي وايهاب يجهزون بيتهم شوية

شوية بين ما يكمل يزوجون ما يريدون يطولوها .

زهراء:- اي هم متعودين ؏ بعض ، وهم خطوه حلوة يستقرون

بيت وحدهم بعيد عن القال والقيل .

رحيم:- هو يعرف بيها ما تتحمل أحد يتأمر عليها

لو يسمعها كلمة لان ما تسكت أختصر الموضوع

واخذ بيت قريب ؏ كدهم حتى يبقى رأسه بارد .

زهراء:- زين ما يسون ربي يسهلها عليهم

ويبعد عنهم ڪُـل شر .

سيف:- تعالي صعدي ارتاحي فوك بين ما ترجع رجاء.

زهراء:- اي والله علوه أريد انوم نور.

صعدت گدامه هو صعد الجنط ورايه

سد الباب خليت نور ؏ جرباية وذبيت

ملابسي طلعت ملابس ثانية اله بدلت القديمات

رضعته شوية ونام بقيت أفتر بالغرفة راسي يريد

ينفجر الى ان دخلت رجاء اول ما شافتني

عرفتني جنت ابجي سدت الباب وهمست بخوف :- شبيج .

انفجرت ابجي بحضنها الى ان خلص حيلي

واني اسولف الها الصار كله من البداية للنهاية

تخبلت وبدل ما هي تهديني صرت اني اهدي بيها

حتى لا تطلع وتحجي الـ أبوية والمصيبة

صوت ايهاب جوه .

رجاء:- لج هذا للمره الثانيه يسويها ليش تسكتين ليششش .

زهراء:- ما اريد تكبر ابوس ايدج انوب تصير

عشائرية لو سجون ومحاكم كافي تعبت ومليت.

ضربت أيد بيد وصاحت :- والحل فهميني والحل .

زهراء:- اني هددته اذا ما يطلك بسرعة

انطي خبر الـ ابوية هو يتصرف وياه

وهو ابوية ما قصر بدون ما يعرف خوفه

حتى بعد ما عرف يحجي كدامة .

رجاء :- اذا ما طلك افجر بيتهم ؏ راسه .

زهراء:- شنو انعديتي من د١عش .

رجاء:- اصير اسوء من د١عش اذا ما ينعدل .

كعدت فحطانه بالشافعات اجر النفس

انطتني مي وهمست :- الله لا يوفقة اذا ما اطلع ڪُـل دمعه

وكعت من عينج دم تنزل من عينه هل ما يخاف الله

أنسى هل ايام وارتاحي تونسي ويانه شوية ولا تفكرين

الى ان انشوف شنو تاليتها.

زهراء:- هو هذا الراح يصير اريد ارتاح تعبت .

رجاء:- سهله عوفيها علية. 

حضنتني وكعدت عند نور تباوعله

عفتها ودخلت للحمام سبحت وبدلت

ملابسي وطلعت كعدنا سوه نسولف ؏

حفلتهم وبيتهم والأثاث ، فرحتها وطريقة

كلامها تنطيني طاقة امل بالحياة

تخليني اعرف الدنيا بعدها بخير

واكو فرح رغم ما حياتنا مو سعيدة

ورغم ما نعاني بعد الضيق فرج بقوة الله .

رجاء:- أمشي ننزل سوه ايهاب يريد يسلم عليج .

زهراء:- بس أخلي شال ؏ راسي .

لفيت شالي  ونزلت وياها

استقبلني بضحكة :- السلام عليكم ام نور .

زهراء :- وعليكم السلام ايهاب شلونك شخبارك .

ايهاب:- الحمدلله زين نور شلونه .

زهراء:- بخير ربي يسلمك .

ايهاب:- والغيهب .

ابتسمت بتصنع واني ارد :- يسلم عليك هواي .

ضحك ودار وجهه يكمل سالفته هو وابوية

رحت الرجاء بالمطبخ لكيتها تسوي جاي

صبت بسرعة ورحنه كعدنا يمهم .

دخل علينا اثير من الباب يصيح :- يكولون التؤام هناااا

لك عيني العبب .

اول ما دخل ابوية عاط بي :- شبيك تصيح طرشان .

اثير :- مقبولة منك عمي بكل الأحوال ما ترضى

علية احجي صوت ناصي عالي هي حظوظ منين

اجيب حظ ايهاب .

ايهاب:- من شيب الخلفوك يمتى عندي حظ وخطيبتي رجاء.

رجاء:- جنت بالمطبخ وتذكرت اليوم خميس .

ايهاب:- لا اليوم جمعة .

رجاء:- كلت خميس يعني خميس يابا طلكني .

ضحك ابوية وعافنا وطلع بره

اثير :- اسكت انتَ وياها خلوني اسلم ؏ زهوره

شلونج بنت العم شخبارج شنو هل جمال بعد الولادة.

ايهاب:- كون الغيهب يسمع يخليك قرد تزاكط ؏ بيوت .

رجاء:- لا تذكر أسمة هل ......

ايهاب:- يا ستار ليش شصاير .

زهراء:- ما صاير بس رجاء ما تحب الغيهب .

ايهاب:- اثير اريد جكاير وتعبان ما اريد اطلع روح جيبلي.

أثير:- كول اطلع لا تبقه تلف ودور صير صريح لو تخاف من رجاء.

ايهاب:- اي اخااااف كوووووم.

اثير:- حسبي الله عليج يا رجاء يا بنت رحيم لعبتي

لعب بالولد خليتي ما يعرف يتنفس بدون خوف .

كمل كلامه وطلع يمشي سريع :- وهسة شصاير .

زهراء:- صدك ما صاير شي .

رجاء:- ما بيني وبين ايهاب أسرار لا تخافين

ما يسوي شي انتِ ما تريدي ، ولازم يكون

عنده علم حتى اذا شخص فتح حلگه يفرك حلگه .

اكتفيت بالسكوت وهي تحجي بالسالفة كلها

ايهاب:- اني ما أدخل اذا ما تنطيني الكارت الأخضر.

زهراء:- ما أريد مشاكل .

ايهاب:- ومنو يكول أسوي مشاكل آني اريد

انطي درس بعمره ما ينسى واخلي يعرف

عرضنا طاهر مو مثل القذارة الـيعرفهن

اخلي يعرف الأصيلة شنو والرخيصة شنو .

زهراء:- ما أريد أبوية يسمع

أخاف ينفذ كلامة وصدك يجبرني ؏ زواج

مثل ما قبل راد يسويها .

ايهاب:- أخلي يجبرج ؏ زواج واني عايش

ازين شاربي اذا بيوم واحد يجبر بنت عمي

؏ شي يمعودة هي لعبة عايشين بغابة وما أدري.

زهراء:- يعني .

ايهاب:- اعتمدي علية وارتاحي بيت ابوج

ولا تفكرين ولا تعبين والباقي علية اني اخوج

بس تحتاجين شي يجيج لا تترددين ولا دوخين

كلشي يوصل الج وانتِ كاعدة.

زهراء:- كلتها زلمة معدل انتَ أشكرك من ڪُـل گلبي .

ايهاب:- ما سويت شي بعدني .

رجاء:- هسة شنو .

ايهاب:- هسة اروح انام.

رجاء:- ويين اليوم خميس .

ايهاب:- يوم الخميس استراحة الزلم .

رجاء:- وين أبوية يابا طلكني .

ايهاب:- ام حلك ام السان رشاشة

امري لله استسلم.

رجاء:- مجهزة الفلم عليك انتَ واثير وسيف الحبشكلات

مو بس انتَ تصرف هم  يصرفون تره ما خليهم ياكلون .

هز براسه وطلع اني صافنه عليهم

ونيتي ابد مو صافية :- أطرش بالزفة شكو ولج .

رجاء:- يا عيوني هاي يسموها سهرة يوم الخميس

أسيطر بيها ؏ النقيب ايهاب حتى لا يروح منا ولا مناك .

زهراء:- ولج ايهاب فقير يا منا ومناك .

رجاء:- وروح امي ماكو فقير غيرج

تره خير الزلم بي غلط ما يجي واحد كامل مكمل .

زهراء:- ايهاب شبي بالله .

رجاء:- شحجي ومنين أبدي شوفي أول ما ايهاب

اعترفلي بحبه اني رفضت ليش لان صاحب ونسى

هم الضباط اغلبيتهم هيج يوم الخميس يوم الملاهي

اول ما عرفت بي يروح تخبلت علية وما سكتت

لج بوقتها خطبوني وافقت هو شوية وينتحر

هددني وهدد ابوية وعمي اجه كتلني شلون توافقين

وابني راح يموت بسببج .

زهراء:- مو كلتي ابو ايهاب ما يحبج .

ايهاب:- من زمان ما يحبني بس من عرف ايهاب يحبني

رادني عوود عشتوو المهم من وافقت كال لو تبقين

أخر بنية بالعالم ما اخذج الـ ايهاب

راحت أيام استسلم ايهاب وكل التهديدات تبخرت

اجه يتوسل وحلف بغلاتي بعد ما يعيدها ويدخل ملهى .

ضحكت ؏ حركاتها وهي تطبك رجل ؏ رجل

وتعدل بحاجبها :- تالي يا عيوني آني أصلًا خطيبي

ما شفت وجهه غير مرتين وبهل مرتين اكعد مجبورة

ويا والتوأم انومهم بحضني ومن يسأل اكله شنو اطردهم

اخوتي هذولي ، الى آن فسخت الخطوبة

هي فكرة الزواج بكاملها رافضتها لليوم .

قوست حاجبي وهمست بستغراب:- لليوم شنو قصدج يعني

انتِ ما تحبين ايهاب.

جرت حسرة وهمست :- اذا اكلج ما احبه معناها أكذب

عليج اني أرفض الزواج والـ يصير بالزواج يعني

ما أتقبل رجال يلزمني تفتهميني .

زهراء:- عززا صدك تحجين وشلون اذا تزوجتي .

رجاء:- هو يعرف بهل حالة وكاعد يحاول يخليني أتخلص

منها اخذ جلسات عند دكتورة وهو هم يساعدني.

زهراء:- يساعدج ؟

رجاء:- مو البالج ولج ؏ طول فترة حبنا

هو ما بايسني غير مره وحده بس

وبهل مره صرت اذب من راسي

ومن يومها ما عادها ومحترم حالتي وصابر

بس ما اعرف الى متى يبقى صابر علية

وشلون تنحل بعد الزواج .

زهراء:- أكيد ما يكعد بس يباوع عليج مثل العندي

يكلي اني شبعت بعد ما أفكر بهل سوالف

لعد اني زمال انتَ شبعت اني شنو .

ضحكت بعلو صوته وهي ترد علية :- امداج ما تعرفين

تردين علية كليله ؏ شنو ماخذتك صورة جرجوبه

بس حلو واباوع عليك ما تشتغل

ولكم اشك اهدومي شنو ولك مو مرأة يمك حجر ماعندي

احساس مشاعر صخام انوب المصيبة تحبي .

زهراء:- اناني يفكر بس بنفسه وعلى اساس حلها

من ما يقترب وعود هو هذا حل مثالي بالنسبة اله .

رجاء:- اكلج هو اذا يريد يشوف حل السالفة سالفتين

والنبي حياتكم كلها مصايب وغلط من اساسها .

زهراء:- عوفج مني وفهميني انتَ شلون .

رجاء:- اني اذا يحبني يصبر علية

واني أتوكل ؏ ربي هو يساعدني .

زهراء:- ونعم من الله انمرد گلبي مرد

ليش ما مكتوبة النا الراحة.

رجاء:- أختبار من ربنا كولي الحمد لله ؏ ڪُـل حال

عسى ولعل بعد الضيق فرج .

زهراء:- الحمدلله.

رجاء:- كومي نجهز للسهرة اليوم صباحي ماكو نوم .

زهراء:- ولج اني تعبانة.

رجاء:- وداعتج من تشوفين السهرة

وجمعتنا بعد ما تعرفين معنى النوم

خليج ورايه ومعليج .

زهراء:- نشوف تاليتها وياج الخبله.

رجاء:- هههه اني وياج مميزين بس بهل

حاجتين ، انتِ قمة الهدوء ، واني قمة الخبال .

زهراء:- رحم الله امرئ عرف قدر نفسه .

دخلنا جهزنا انواع المقبلات

بقيت مصدومة:- ولج بس لا تشربون هاي سوالف سكارى.

رجاء:- كلشي يصير كملنا تعالي ويايه .

صعدت فوك شفت نور جوعان شبعان محتاج

شي لكيته بسابع نومه حبيب امه مثل الملاك

اتمنى أرجعه البطني حتى ما يتأذى ابد ، التفتت اباوع الرجاء

تسوي تنظيف البشرتها هجمت علية تريد تسويلي

ما قبلت كملت وسبحت لبست تراك جديد

وشعرها رفعته كعكة ليفوك لان كلش طويل

عكس شعري كد ما جنت أخلي قصير صرت

اكره هل كصه صرت اخلي يصير طويل

وصل بمستوى أكتافي .

خلت مكياج خفيف طلعت تجنن :- تدري اباوع

عليج وأشوف نفس وبداخلي صوت يكول

اذا تبدلين هيج تصيرين لان من تزوجت

بس اول كم يوم رتبت نفسي

وصارت المشاكل ما تعوفني نسيت

نفسي ومن ذاك اليوم الـ هذا اليوم

ما رتبت نفسي غير كم مره وجنت مجبورة .

رجاء:- يعني ڪُـل ذيج الفترة ما تعدلين نفسج بليل .

زهراء:- ليش اني اعرف نهاري من ليلي

لج حتى ما أتذكر لبست سيت نوم اله

لان ما جنت احز تحركاته ابقى بدشداشتي

في سبيل ما افشل نفسي اني دفنت نفسي وسنة

كاملة من شبابي ؏ شنو .

رجاء:- ويريدج تستمرين تدفنين نفسج

لا تبدلين لا تهتمين بنفسج ، لان هو وأصل

مرحلة من دشداشة فقد اذا تلبسين سيت نوم

لاااااااا أحسب نفسك ميت .

زهراء:- بالفتحة الخامسة.

رجاء:- امشي هذولي اجوي وبعد تسدين

موضوعه ما اريد تفكرين بي .

هزيت راسي ونزلت وياها

لكيت ميز الطعام عبارة عن علاليك

طبطبت ؏ ظهره وصاحت:- كفو من ابو بيتي هاي إبدال

ما تشمر فلوسك ؏ منكر هنا ذبهن ؏ كرش مرتك .

باوعلها بمكر وهمس:- ابد ما تفضحين .

رجاء:- اعيش واشهرك وافضحك حبيبي ايهابو الوردة.

ايهاب:- رايح للبيت اسبح وابدل

واجي جهزي فلم رعب اذا اطلعين

دراما ورومانسي بالكرك ؏ راسج وراس الخلفوني .

رجاء:- هو شنو هذا الرومانسي ابن عم ابن خال

دروح بابا روح سوالفك تبع كفار .

عافنا وطلع طلعنا اكل عشيرة

دجاجة وبيتزا وكباب وكنتاكي :- ولج شنو مجاعة خوما مجاعة

منو ياكل ڪُـل هذا .

رجاء:- لج بابا نسهر للصبح نحتاج أكل

لآن انشوف فلمين مو فلم واحد نسلس بيهن ذني .

فتحت باب غرفه بيها تلفزيون بلازما

بعرض الحايط وداير ما داير الغرفة

ديوان ومخاديد كبار :- زهوره هنا نرتب الاكل

مقابيل التلفزيون حتى ناكل ونباوع .

هزيت براسي وبديت اساعدها خلينه الاكل

كله وطلعت صار بوجهي سيف واثير

بيد اثير باكيت جبير :-هذا كيك بمناسبة ولادة بنت العم .

زهراء:- عذبت نفسك .

اثير:- تدللين.

اخذتها منه فتحتها بالمطبخ

مكتوب عليها ام نور الغالية عدلنا

كلشي ورجاء استلمت الكعده صور

ما بقت شي ما صورته

وصارت بزاوية المطبخ مدري شسوي .

رجع ايهاب شغلنا فلم أكشن مغامرة

وكعدنا كلنا انباوع وناكل مندمجين

وكل شوية أصعد فوك أشوف

نور وأرجع أنزل أثير واخو ليث

سوالفهم ما تنمل ، وسيف الهاديء

يشبه شخصيتي ڪُـل شويه شايل

اكل ومخلي كبالي :- اكلي زين ضعفانه وجهج أصفر.

زهراء:- انتَ هم ضعفان .

سيف:- من الامتحانات فترة ونرجع للقاعة.

زهراء:- عسى ربي يسهلها عليكم وما يضيع تعبكم .

ما خلصنا غير من صارت الساعة

أربعه الصبح اباوع ؏ اكل كله خلص

ضحكت وأني اسمع صوت نور :- اني لهنا وخلص شحني

كعدتكم ما تنمل بس لازم أنام تصبحون ؏ خير .

رجاء:- ارتاحي حبيبتي اني ارتب المكان وهم أصعد انام

وانتوا يلاا كلمن يرجع البيت اهله نريد انام خلصت فلوسكم

عزلنااااا .

ايهاب:- بكيفكم تعزلون وتفتحون.

اثير:- صوج الزلم صايرين وصل بيد نسوانهم .

ليث:- عود سد حلكك .

ايهاب:- عوفه يريدني أمسح بي الشارع قبل لا انام. 

اثير:- أمي ما تسمحلك عزيزي

أكوم اروح احسن ابقى كاعد انتِ

وهاي السحارة.

كمز من مكانه للشارع

عفتهم وصعدت خليت راسي بصف

راس نور ونمت بعد يوم صعب مرهق بكل ما تعني الكلمة

رجعت اخلي راسي ؏ مخدة وحياتي مبهذله.

مرت يومين وبيوم اربعين عمتي

ابوية بدل وقرر يروح الخاطر

عمي لان هو حيل يحبه ويحترمة

اخذ ايهاب ورجاء وبيبيتي وطلعوا

بقيت وحدي بالبيت شوية اصعد

وشوية انزل العب بتلفوني

لو ارتب اغراض نور ما تأخروا

اقل الساعتين ورجعوا رجاء تضحك

كعدت وياها اريد اعرف شبيها

كوه افتهم منها :- لج شافني عباله انتِ جيتي

وكف كدامي تالي عرفني من الخزره

امداج زهراء ما معلمته ؏ خزر .

زهراء:- وتالي .

رجاء:- طلعوا للنجف كلهم .

زهراء:- وهيام.

رجاء:- ماكو ما شفتها بس ملاك سألت عليج

كتلها بخير ، وهاجر هم تسلم عليج هي وسجى .

زهراء:- الله يسلمهم .

رجاء:- صاعدة ابدل سوي جاي البابا فدوة .

- من عيوني .

صعدت واني وديت جاي الـ ابوية

كعدت وياه سولف عن عمي وحالته

وذب الصدمة:- من كلام عمج عرفت بيناتكم مشكلة وتأكدت شكوكي

زهراء:- متوهم صدكني .

رحيم:- ايهاب ليش هدد الغيهب اذا ماكو مشكلة.

زهراء:- شنو منو .

رحيم:- ايهاب طلع هو والغيهب يهدد بي بره

من شافوني سكتوا شوية ويصيرون قنبله وينفجرون.

بلعت ريكي برتباك وهمست:- ما أعرف أحتمال

بينهم مشكلة بس ما تخصني .

رحيم :- متأكد بينكم مشكلة بس منتظر انتِ تجين وتحجيلي كلشي .

غيرت الموضوع وكفت بسرعة :- اروح اشوف نور .

هز راسه عفته وصعدت فوك احجي الرجاء :- خابري ايهاب

شوفي شصار بيناتهم .

رجاء:- والله سألته كال انتِ وزهراء أبقوا بعيدين عن الموضوع .

زهراء:- يمه الفضول اموت اذا ما اعرف.

رجاء:- شغلي نفسج حتى تنسين لا تبقين تفكرين بي بابا .

زهراء:- غصب عني أفكر مو بيدي .

رجاء:- بمرور الوقت كلشي يتغير .

ومن هل يوم صار يوم يجر يوم ومرات الأيام

بهل فترة مصروفي ومصروف نور اسبوعي

يوصلني عن طريق هشام من يسأل ابوية

يجاوبه هشام :- الغيهب مسافر علمود عملية ابوية .

هل عذر يسكت ابوية بس مو دائمًا

وبعد غياب فترة طويلة اندك

باب بيتنا راح ابوية فتح الباب

دخل هو وهاجر وأطفالها

حضنتني بكل قوتها تبوس بوجهي :- شكد مشتاقتلج يا حقيره

هاي عود اني اعتبرج اختي شيصير لو تخابرين .

همست بصوت خافت ما اريد ابوية يسمع :- من اجيت غلقت

الجهاز ما اريد اسمع ولا اشوف شي من عنده .

هاجر:- حقج والله حقج .

اخذتها يمي فوك خلت نور بحضنها وكعدت اطك

صورة اله من ڪُـل الجهات وبعد ما خلصت

منه رفعت التلفون علية تاخذلي صور

وهمست :- من ذاتي اطكلج أصلًا

الغيهب ما حلفني اطكلج صورة وهو ابد ما مشتاقلج

وابد ما يذكرج اصلا مرتاح بغيابج  وابد ما مهتم لفراقج 

وعبالج ينام بالسيارة لا عيني ينام فوك

وما يفز يوميه يبجي ؏ نور والعكس صحيح .

زهراء:- اي صح والدليل ڪُـل يوم يسأل ؏ ابنة .

ذبت التلفون وهي ترد علية :- يريد تستقر اعصابج حتى يحجي

وياج ، الغيهب يحبج زهراء والقران يحبج .

زهراء:- بس اني أدركت الحب مو كلشي

ومو هو اساس العلاقات أمور هواي اهم منه

لازم تنبني عليها الحياة وكل هل امور اني والغيهب نفتقدها .

هاجر:- يعني شنو افتهم من كلامج زهراء.

زهراء:- كلش وأضح جوابي طريقنا خلص

وما مصلح البعض .

هاجر:- بعد ما حبج وصار بيناتكم طفل

تريدين تموتي انتِ.

زهراء:- لعد يموتني أحسن .

هاجر:- چان لازم تفكرين هيج من البداية

قبل ما تخلي بحبج ويصير بينكم نور

خليتي يتمسك بحبل وتريدين تكطعين حبل النجاة

ويرجع يوكع ؏ راسه حرام عليج والقران حرام.

زهراء:- وشبيدي انتِ مو انفصلتي عن زوجج لان خانج

هو خاني وزوج علية وتالي ما تالي يصدكها

ويطعنوني يتهموني بشرفي .

هاجر:- وانتِ عندج علم بيهن كلهن وبقيتي

وياه ولزمتي ايده الى ان ولدتي

وخليتي يتعلق بنور لج ليل مع نهار بحضنه

هسة صارت عادي تعوفي

معناها هذا انتقام منج .

زهراء:- شبيج هاجر .

هاجر:- احجي الحقيقية لو صارت مكروها

وما تنرغب تريدون بس نمشي ؏ نمطكم .

سحبت أطفالها وطلعت بقمة غضبها

امشي وراها اريدها بس توكف

حتى احجي وياها قفلت ابوية انصدم منها

ولا اهتمت ركبت سيارتها وراحت .

الثاني يوم توني طلعت من الحمام

اجاني سيف :- اجه الغيهب يشوفج وطلب

يحجي وياج وحدج صعدته فوك .

توني أريد استوعب كلامه وما أشوف

غير الغيهب صعد ؏ درج متوجهه

للغرفة عافنا  سيف ونزل تراجعت للخلف

دخل هو وسد الباب رفع حاجبه

ورجع أيده خلف ظهره:- وأضح مرتاحة بدوني

سهر ليالي ، وأفلام ، وكيك وام نور الغالية

غيهب بيش الكيلو ...

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _41_

و تريد مني الصدك؟

ما اضم عَليك الحجي

نوبات احبك صدُك

و نوبات أكرهك صدُك

صدكني المشكله

بأثنينهم أبجـي

و تريد كلمة بخت

محَد يعوض غيبتك

لا هلي و لا ربعي .

...........................

زهراء...

سد الباب رفع حاجبه

ورجع أيده خلف ظهره:- وأضح مرتاحة بدوني

سهر ليالي ، وأفلام ، وكيك وام نور الغالية

غيهب بيش الكيلو ...

تجاهلت وجوده واني أمشي للميز

كعدت ؏ مجرات صغيرة تصير

بصف الجرباية رفعت رجلي عن

الكاع وهمست :- فعلا منو الغيهب.

- أعتقد أبو ابنج ، حبيب گلبج .

- سابقًا.

- حاليًا ؟

- لاشيء ، أكيد نورتنا وعندك ورقة طلاقي .

- ماكو طلاق يصير بـ هل سهولة لازم تروحين محاكم

وتوكلين محامي شاطر ؏ كمية دوخة الراس الـ راح

تشوفيها مني .

- تهددني شكد عينك صلفه غيهب .

تقدم صار مقابيلي رجعت

جسمي ؏ حايط خليت أيدي

؏ صدره أمنعه يقترب :- ليش تعتبري تهديد ؟

زهراء:- بسبب طريقة كلامك المستفزة

طبعًا أعتبره تهديد .

الغيهب:- يمكن وأگف أحاول أحافظ عليج .

زهراء:- ليش نسوانك قليلات هيام بشنو مقصرة وياك .

رفع أصبعه يضرب ؏ رأسي

بحركة مستمرة:- كم مره أعيد الكلام اني ما اريد وحده غيرج .

طلعت من جوه أيده وهمست:- وكم مره المطلوب أعيد

اني ما أريدك نهائيًا ما اريدك بعد .

الغيهب:- انتِ جذابة أدري بيج تحبيني ، الـ يحب بعمره ما ينسى .

رفعت أيدي أشرت علية وإني أهمس:- هههه حسب كلامك

انتَ حبيت موج حب جنوني ، ورجعت كلت كرهتها كره جنوني

يعني أكدر اصير مثلك اكرهك مثل ما كرهتها .

الغيهب:- كرهتها لآنها أسوء امرأة بالكون.

زهراء:- وانتَ نسخة عنها

أناني ، ، متلون ، خاين ، أستفزازي ، سادي .

علامات الدهشة أحتلت ملامح وجهه

لأول مره أشوف الغيهب بـ هل حالة

للحظة كرهت نفسي لان نطقت بهل

مفردات ، بس من أتذكر كلامه والشك

أرجع اشتعل نار .

كعدت ؏ جرباية وكملت :- او يمكن هي وصلتك

الـ هل مرحلة والـ هل قوقعة تكون نسخة عنها

سمعت هي علمتك ؏ سادية .

ذب حسرة وهمس وهو يفرك بيده:- تدرين ليش طلكت نسواني

الـ تلاثه القبلج .

بقيت بس اباوع بوجهه مستغربة من السؤال

مشى ايده ؏ شواربه ولحيته وهو يهمس:- لان ما حسيت بالأمان

وياهن ،عيرني بمرضي مثل ما انتِ سويتي ، ويذكرني بالماضي

مثل ما انتِ تسوين ، وكرهت الكل لان ما يهتمون ولا يحترمون

شعور الألم الـ بداخلي وهم يذكروني بهل امور

مع العلم كلكم تعرفون هل موضوع شكد حساس بالنسبة الي

ما ادري اني صعب لو انتوا .

زهراء:- لا ترجع تحس نفسك انتَ المظلوم

واحنه المذنبين ، اذا بينا غلط واحد بيك أضعافه .

تقدم بتجاهي سحب أيدي

بكل قوته وكفت وآني أصرخ بفزع

كعد بمكاني وجر أيدي كعدني ؏ رجلي

صرت أحارب حتى اتملص من أيده

ثبتني وهو يضغط ؏ خصري

دار وجهي علية وصار يرسم

ملامحي بـ أصبعه :- لا تصيرين مثلهم أبوس ايدج

خليني ألتمس الأمان يمج ، ما أريد يرجع گلبي يوجعني

أريده يبقى ڪُـل ما يشوفج يدك هيج .

سحب أيدي ضغط عليها بناحية گلبه :- أريد ابلغج اذا تعوفيني

هل مره ما أعذب نفسي ولا أعاقب أشخاص هم ما الهم علاقة

بعذابي ، وداعت عيونج وداعت ڪُـل دكه دك بـ أسمج

أكتفي اوگف هل قلبي وأنهي كلشي

هم أرتاح ، وانتوا ترتاحون.

وكفت كدامه وإني اضغط ؏ ڪُـل حرف

يطلع مني :- هذا حل الضعفاء.

الغيهب:- واني بقمة الضعف منو گال اني قوي

اني بشر الدنيا هدت حيله.

زهراء:- عوفني غيهب الله يخليك تعوفني

لا تعذبني انَ ستنزفت ڪُـل طاقتي وصبري

شتريد مني بعد شتريد .

الغيهب :- اريدج أكثر من زمان ، وأني متأكد انتِ تريديني

احييني الله يخليج لا تموتيني .

زهراء:- أريدك وبعدني أحبك بس ما أرجع

المشاكل الـ بحياتك والمصايب أكبر من حُـبي

مستحيل نرجع أحباب.

الغيهب:- يا مشاكل يا مصايب امحيها كلها

وما أسمح البشر يبعدنا حتى لو أهلي .

زهراء:-هه  شتحجي انتَ ما محيتها قبل

لتوصلني الـ هل نقطة كرهت حُـبي

وكرهت قلبي وكرهت ڪُـل لحظة ضيعتها وياك .

كام من مكانه ومشى

بتجاهي تراجعت للخلف واني ارجف

بعد أيدي من كدامه ورفع وجهي

وهو يرد بكل أسف :- زهرتي انتِ وعدتيني تبقين ويايه

اني مستعد الكلشي تريدي وروح الغالية الـ تريدي يصير

بس لا تعوفيني لا تبعدين نور عني .

زهراء:- أفهم غيهب اذا يبقى نور بنصنه يدمر الطفل .

ضحك وضحك وضحك بعلو صوته

ضحكه هستريا مجنونه بكل ما تعني الكلمة :- تشاقين لج لعد بالبداية

شكلت وشسويت وشنو حجيت وانتِ عاندتي تولدي

وتخلي يتربى بيناتنا كلت نفس الكلام لا تبهذلين طفل

بيني وبينج اني وياج ما مستقرين أوضاعنا مدهوره .

عافني وتوجه النور لزم أيده وكمل كلامه

بدم محروك وجسم يرجف

وشفايف ترتعش :- كلتي وانتَ معليك وآني

اريده وما راح يصير هيج

وعلمتيني أهتم بي ومن اشوفه  تنسى الدنيا

تقربت منج ومن نور صرتي ملاذي من الدنيا وهمومها

انتَ ونور ڪُـل حياتي بعد هذا كله تكليلي ما نصلح

ونور يتبهذل ويايه هذا انتقام كولي أريد أنتقم منك

خليتك تتعلق بينا وراح أسحب نفسي حتى اموتك

هذا موت علني موووووت .

مسحت دموعي واني اشهك :- عندك حل ثاني .

الغيهب:- اني ما مرتاح مثلج كلشي نَفرض عليه

مثل ما نفرض عليج ، أتمنى اعيش مرتاح

انام ورأسي بارد بغرفة إنارتها هادئه

ابني نايم بـ جربايته وانتِ نايمة ؏ صدري

حاضنتني وحاضنج كون اخليج بكلبي وأنام .

زهراء:- اني تعبت جرب غيري وعوفتي

ليش عاندت ويايه ليششش .

خزرني وهو يأشر بيده

ويحجي  بصوت متشنج:- يا حقيرة لآن احبج

ما تفهميني احبج وداعت نور ما اكدر اعيش بعيد عنج .

ضميت وجهي بيدي واني واكفه ابجي ؏

حضي الـ أغبر:- اذا أرجع أموت والله.

الغيهب:- ارجعي بشروطج .

زهراء:- شروطي صعبه.

الغيهب:- تسهل الخاطرج انتَ بس أمريني انطيني

واني مو زلمة اذا ما يتنفذ كلشي تطلبي .

زهراء:- طلك هيام الـ صدمتني بيوم صدكت كلامها

وانتَ تعرفها رخيصة تذب سمم وتكرهني وتتمنى اوكع

لو أغلط حتى تبقه الها .

الغيهب:- إني اجيت سألتج ما ضربتج ولا غلطت عليج

مجرد وجهت الج سؤال .

زهراء:- خليت المبايل بوجهي وكلت شسوين

انتَ وجلال شسوي يعني ازرع وردة

ليش اني من اوكف احجي ويايه هشام لو اني وامير

أصلًا احجي وياهم اكثر من ما احجي وياك .

الغيهب:- وبعمري ما عارضت او سألت ليش توكفين

وياهم لان اعرف هشام شنو وامير شنو

بس جلال مستحيل أثق بي .

زهراء:- المفروض ما تجي الي تروح الـ أخوك

وتحجي ويا وتفتهم منه مو كدامها تحجي وتصيح

وصلتها المبتغاتها خليتها تشمت بيه .

الغيهب:- هي منتهيه مو بحال تتشمت

ردت اموتها لو ما أبوية أدخل.

زهراء:- ما يهم اذا ما تعالج وضعك

وبعد ما تفكر نهائيًا اني اخونك وحتى لو يشوفوك

شنو يشوفوك حتى لو انتَ بعينك تشوفني

ما تتصرف قبل ما تتحكم بـ أعصابك وبكل هدوء تكعدني وتسألني

وآني أرد عليك بكل صراحة بدون لف ودوران .

الغيهب:- حقج أعتذر .

زهراء:- اعتذارك مرفوض ، وكلت اذا ما تسيطر

؏ وضعك أولآ ، وطلك هيام ثانيًا ، وتسيطر ؏ مشاكل بيتكم

لان مليت من مشاكلكم وسوالفكم

عمي مسوي البيت ملجأ

امير مشاكل

انتَ صراخ وقلة إحترام

ألى متى يعني يكبر نور وينصدم بيكم زحمة

حجيت العندي تكدر .

الغيهب:- أكذب عليج اذا اكلج يهموني

صدكي كلها ما تهمني انتِ ونور اهم شي بحياتي

بدون تفكير طبعًا أكدر اني دائمًا اكولها الحب مو مجرد كلمة

الحب بالأفعال لازم اثبتلج حُـبي وانتِ تعرفين

الغيهب من ينطي كلمة يوفي بيها

يومين بس يومين ورقة طلاك هيام تصير بيدج .

زهراء:- نتقابل بعد يومين .

تقرب علية وهمس :- ما غبتي عن بالي ولا لحظة

ولا جزء من الثانية ، سلبتي عقلي وكلبي لا تعوفيني

بعد هل مرحلة أني اشتريج بروحي .

زهراء:- أثبت.

توجهه النور حضنه وصار يتنفس

عطره ويهمس بـ أذنه عفته هو وياه

وطلعت ما تحملت أشوف ضعف الغيهب

وحالته التكسر باب القلب

مجبورة أقسي علية والله مجبورة

واني ؏ أمل انعيش بسلام بعد ڪُـل

هل معانات الـ مرينا بيها .

ما بقه هواي ونزل جنت واكفه

اشرب مي من البراد صاير جوه

الدرج من شافني إقترب سحب الكلاص

شرب منه وعافني وطلع

بقيت وأكفه أتابع خطواته

الى ان اختفى .

الى ان رجعت رجاء سولفت الها

بالبداية رفضت وصارت عصبية

هزيت راسي واني تعبانة من كلامها

دموعي غصب عني نزلت :- إني احبه اذا اترك الغيهب

اموت من عذاب فراگه.

رجاء:- واذا تبقين تموتين من عذاب القهر .

زهراء:- وعدني يصلح كلشي .

رجاء:- المصلحتج احجي بس منو يكول ما يزور أوراق

الطلاك ويقشمر عليج يعيشها بغير بيت .

زهراء:- ما أعتقد يتصرف هيج ويهدم ڪُـل الثقة .

رجاء:- عندي حل حتى نضمن الطلاق.

زهراء:- أسمع منج .

كعدت تشرحلي وحده اثنين تلاثه

خلت الفكرة براسي فتحت تلفوني

بعد غياب طويل الـ شعارات تتراكع علية

هاجر ، عمي ، هشام ، والغيهب اخ الغيهب

خابرته من اول ما رن رد علية

وهمس بصوت خشن مرهق:- زهرة .

زهراء:- غيهب عندي كلام وياك عندك شي .

الغيهب:- ڪُـل وقتي فداء الج كولي .

زهراء:- هاي كلت شسمه من تروح اطلك هيام .

الغيهب:- اي .

زهراء:- كلت تاخذ وياك ايهاب وسيف .

رد بسرعة وصوته تغير :- ليش ما فهمت .

بلعت ريكي ورجاء صفكتني ؏ راسي

كرصتها وهمست :- يعني حتى اتأكد ماكو لعبة جديدة .

الغيهب:- ما عندج ثقة بيه .

زهراء:- مو هيج بس اني ما أريد لعبة

بسبب المشاكل بعد ما اثق بواحد .

دفعت رجاء من التلفون هو

عود تعبر علية :- بواحد اني واحد منو يعلمج هل سوالف .

زهراء:- يا سوالف .

شاورتني رجاء بـ اذني اني بسرعة نترت :- قابل ما عندي شخصية

ويعلمونيييي .

الغيهب:- ههه ميخالف موافق أني أتصل بـ ايهاب ونتفق .

زهراء:- ماشي اذا هيج  باي .

الغيهب:- سلامي الج ست رجاء المعلمة الأصيلة

وتصبحين ؏ خير ست زهراء ام نور الغالية .

كامت تكمز وتصيح:- لج شكد مستفز ما تعبر علية

راح اموووت بسببه بس الغلط منج .

زهراء:- اني شكو انتِ تبسبسين بـ اذني.

رجاء:- لج ما معلمته ؏ هل سوالف تلگفيها وهي طايرة

مو لهلوبه امداج زهيرة.

زهراء:- مو مهم هسة منتظره أشوف إثبات حبه .

رجاء:- يا إما ورقة طلاكها يا إما ورقة طلاكج .

زهراء:- بالضبط .

وشرف طقس الانتظار ، الموت البطيء

هوس رصد الاحتمالات قلق تعب ارهاق

عيوني ما تاخذ النوم ؏ طول فترة الـ يومين

أعصابي بقمة التصلب اذا واحد همس

انفجر بوجهه ، بكلبي نبضات تخاف

ما تشوف وجهه بعد وتفقده للأبد .

إنتهى الوقت صرت أنتظر كدام

الشباب حالي حال ام منتظره رجوع

ابنها بعد غياب ، اوفف الساعات شكد ثكيلة

صار اليل فقدت الأمل بكلشي ما وفيت غيهب .

هيام اخخ هيام ما ناوية تعوفني

رجاء:- لج خبلة لا تتخربطين لا نوم ولا اكل

؏ شنو منو يستاهل تعالي أكلي وخليها ؏ ربج

هو يحلها لا تبقين هيج تخسرين نفسج والله تخسرين

وابنج شيرضع وانتِ راح تخلصين .

فزيت ؏ صوت ايهاب جوه يصيح بـ اسمي

خليت شالي ومشيت بسرعة لمحت الغيهب كاعد

يسولف وياه ابوية بس منطيني ظهره

نزلت بكل هدوء عكس العاصفة البداخلي

زهراء:- شكو شصاير .

ايهاب:- تعالي فوتي لازم ينتهي كلشي ونخلي النقط ؏ حروف .

خليت گلبي بيدي من كلامة رجلي اطكطك

ريكي يبس مشيت وره اول ما دخلت

التفتت يباوعلي ، هو هذا غيهب محترك

وجهه من الابيض متحول أسود

هالات جوه عيونه نخفي ڪُـل جمال عيونه

لحيته هاملها صايرة مخربطة حتى ملابسة

أول مره أشوفه لابس تشيرت أبيض عادي

وبنطلون اسود قاطعني ابوية وهو

عاقد حاجبه ويحجي بنتر :- سمعت كلامك ومع ڪُـل الأسف

القرار مو بيدي بيد بنتي لو تبقه بيدي اطلكها اليوم قبل باجر

ما اشوفك تستحقها .

نظرلي بترجي وكمل

وهو يخزر بالغيهب :- لو تمشين وره كلامي هل مره

بس هل مره يا بابا وتخليني اخلصج من ڪُـل الماضي ما تخسرين

لا تبقين معلعله لج ابوية اتعبين هيج وتموتين زهرة شبابج وياه .

الغيهب:- المفروض تساعدني حتى ما ينهجم بيت بنتك

ونحافظ ؏ أبنه اني وياها سوه،  تكون الك عبره بالصار وياك

طلكت وبناتك عانوا بسببك  ، يا لواء رحيم اذا

الطلاك سهل بنسبة الك بوجود

أطفال خليها ابالك بالنسبة الي صعب ما مستعده أعذب أبني.

ايهاب:- اوكف بعد هل كلام والتفكير كبرت بعيني .

أدخلت رجاء وكفت بصف

إيهاب وهمست:- وكبرت بعيني كلامك صح الصح

اني وزهراء نعرف شنو معنى كلمة بهذله وظلم

وضياع بانفصال الأب والأم مع العلم اني ضد رجوعها الك .

طلع أبوية ضايج من البيت

سحب نفس وكمل :- بس هل مره ما اريد أبني حياتنا اني

وياج وأبنه ؏ خراب لازم أنظف ڪُـل انقاذ الماضي ونبدي

نبني البيت طابوكة طابوكة .

رجاء:- ولا يستقر العمالة الخلفه غيهب.

ضحك بتعب وصاح بـ ايهاب:- سيطر ؏ مرتك سيطر .

رد ايهاب وهو يضحك :- راح أخذها ونروح سولفوا براحتكم .

الغيهب:- قبل كلشي أريد أشوف نور .

خفت من كالها حسيت بي يريد يستعجل ويشوفه

لان بعد ما ينطق الصار بهل يومين ما يبقى.

ايهاب:- ليش ما تصعدون تتفاهمون فوك

هنا ڪُـل شوية احد يدخل عليكم وما تاخذون راحتكم

وبطريقك شوف ابنك .

صعدت قبله فتحت الباب لكيت نور كاعد

تقربت فتحت اديناته صار يتمطط

هيج كون ينوكل بصمون .

الغيهب:- خلي بحضني ما أسيطر وهو ما ملفوف.

اخذته ونزلته بيده صرت قريبه علية

أريد إبتعد فزيت ؏ إثر بوسه باسني

بطرف شفايفي من الخرعه انضربت بالمجرات

لو ما مسيطرة ؏ نفسي اوكع واتفشل مو بوسه

كهرباء وسرت بكل جسمي .

هي البوسه بعد فراق الها نكهة خاصة

وشعور مميز ما ينوصف

كعدت بعيد عنه صار يلعب وياه

ويدندن بكلمات غزل ما عافه

الى ما هو يبوس بي خرمش

ركبته من الطول اخذته من ايده

هو راح للمرايا يباوع ؏ مكان الجرح

ويمسح بي بالكلينكس:- شيكولون علية زهراء كتلته .

بقيت ساكته التفتت علية مستغرب كعد قريب

مني وهمس :- شبيج زهراء.

زهراء:- من وجهة نظرك شدكول .

الغيهب:- تعبتي ، واني تعبت بس

وعدتج وفيت .

وكف سحب ورقة من جيبه وهمس :- تفضلي يا دنيتي وسعادتي .

أخذت الورقة فتحتها طلاك رسمي بينهم

قانونًا وشرعيًا هيام طليقة الغيهب .

زهراء:- شلون قنعتها.

الغيهب:- إني اكلج.

طلعت من عندج والأفكار تتضارب براسي

بين اروح اخلص عليها لان اعرف راسها يابس

وبين اضرب بيها الى ان تمل بس المصيبة

ما عندي وقت يومين لازم يكمل كلشي .

دخلت للبيت صارت مقابيلي

صحت عليها بالاستقبال كعدت

وخليتها مقابيلي سألتها:- شنو التريدي وتبتعدين .

هيام:- اريدك اهل

الغيهب:- صدكي ما أصير أهل اني واگف

؏ طرف الهاوية اذا وكعت توكعين ويايه.

هيام:- اني أحبك مستعده اسوي كلشي حتى ما توكع .

الغيهب:- اذا تحبيني ثبتني كلامج

تمني الي الخير لا تهجمين بيتي

الحاربت حتى ينبني اذا تبقين

اني وزهراء ننتهي ويضيع ڪُـل تعبنا.

هيام:- الله شاهد ما أريد تتأذون

بس اني ما عندي سند غيرك .

الغيهب:- صدكي اني نفسي ما أكدر اسندها

ما افيدج بعد وما أصير الج ؏ حساب ابني وحبيبتي .

هيام:- ليش حبيتها

ما عدها جمالي مو تصغير منها بس هذا واقع

ولا ذكاء موج

ولا حب زوجاتك الثانيات.

الغيهب:- عدها حنان ، خوف ، احتواء

عدها طريقة خاصة بيها تخليني أصير بحضنها

طفل وأمه واني هذا الـ أحتاجه

شفت بيها جمال نساء العالم بس بحنانها

وشفت بيها ذكاء بس بالوقت الصح

وبالخير ما تستخدم عقلها للشر

شفت بيها حب اعظم من حبكم كلكم

فضلتني ؏ حياتها وسعادتها وصحتها

صارت جسر بس حتى تساعدني .

هيام:- وساعدتك .

الغيهب:- فازت بكلبي .

ونور هدية حبنا لا تهدمين كلشي وطلعي مثل ما دخلتي

أبقي بعيده خليني اذكر الج موقف يوكف بعيني .

هيام:- شلون أعيش بدونك صعبه.

الغيهب:- اذا فعلا تحبيني طلعي من حياتي ما اريدج

وعد ابني الج حياة جديدة ما تندمين صدكي ما تندمين .

هيام:- اصير رماد اذا ابتعد.

الغيهب:- لا اخذ حقج بالكامل من اخوج

واشتريلج بيت بمحافظة جديدة

وأسعى حتى ترجعين الوظيفتج 

أبدي من جديد عندج اسلاح

بيدج شهادة انتَ محامية وحلوة

الف واحد يريدج غيررري .

هيام:- أحتاج أفكر.

الغيهب:- ما عندي وقت قدمت ألج حياة جديده

لا تخسرين العرض لا بعد هل عرض دمار .

طال التفكير التزمت الصمت الى ان وافقت

بس بعد ما تأمن تشوف الفلوس من اخوها

والبيت بغير محافظة .

زهراء:- بيومين .

الغيهب:- بيومين .

طلعت بوجهي الاخوها تهدد ونسحل

ونفضح بالمنطقة انطاني 75 مليون حقها

طلعت الها واخذت فلوس من هشام خليتهن فوك فلوسها

وطلعت الصديقي عايش بغير محافظة بعيده عن بغداد

يوم كامل نفتر ؏ اهل العقار شفت بيت 85 متر ؏ كدها

وبسرعة تعاقدنا رجعت اني وياها ولا فلس بجيبي امشي

وادفع حتى نخلص بسرعة ، حولتلي البيت الـ أخذته

مني وحاليًا عرضته للبيع لان محتاج فلوس الديون

أكلت راسي أبوية وهشام طالبيني وصديقي طالبني

سيارة ما عندي دمار رسمي .

وثاني يوم من الصبح طلعنا للمحكمة طلكتها

تخربطت وحولناها اني وايهاب واخوتي

للمستشفى عفت هشام يمها واجيت انطيج

الورقة قبل لا تخلص المدة .

زهراء:- طلكتها بس بعدها ما طلعت من حياتك .

الغيهب:- الورقة عندج وأحتاج وقت أرتب

حياتي حتى ترجعين انتِ ونور بيئة مستقرة.

زهراء:- أخذ وقتك.

الغيهب:- أريد مي .

اخذت من الثلاجة قدمته مد أيده ترجف

زهراء:- رجفت أيدك راجعه.

الغيهب:- بكل جسمي .

زهراء:- راجع تاخذ حبوب مهدئات مو ؟

الغيهب:- اذا ما أخذ اسويها مذابح.

زهراء :- وگلبك شلون .

الغيهب:- بس نستقر نرجع التركيا اني وياج ونور .

زهراء:- شعدنا .

الغيهب:- ناخذ جلسات عند الدكتورة

نتخلص من ڪُـل السلبية والضغوطات الصارت عدنا

وهم أروح علمود گلبي .

زهراء:- يوجعك .

الغيهب:- تعبان يريدج .

نطق هل كلمتين وشال ايده ؏ وجهه

نزلت دموعه شهك وروحي سقطت كدامه

سحبت ايده مسحت دموعه وهمست ودموعي

تمنعني اشوف وجهه :- لا غيهب الله يخليك لا تبجي لا تضعف .

الغيهب:- لا تكلولي لا تضعف لا تبجي اني انسان

أضعف ، روحـي انهدمت يجي ابالي انهي كلشي

واخلص من حياتي بس نور يصير بين عيوني

باجر يقهرون بي أبوك أنتحر .

زهراء:- لا تحجي هيج خلي إيمانك قوي برب العالمين

هذا إختبار الك او عقاب ؏ صار بحياتك بس رب العالمين

ينطيك فرص تصحح كلشي استغل ڪُـل فرصة عندك

وصحح مسار حياتك واني ونور منتظريك .

الغيهب:- انتِ ونور فرصتي الـ ما أريد أخسرها .

زهراء :- الكاتبة ربنا يصير بس كول يا الله .

الغيهب:- يا الله  ، يلا لازم أروح.

زهراء:- وين رايح .

مسح وجهه ورد بـ ارهاق

الغيهب:- أريد أنام ساعة صار هواي ما نايم.

زهراء:- نام هنا بصف نور .

باوعلي بصدمة ما مصدك كلامي :- واهلج .

زهراء:- عادي ما يحجون شي نام لا تطلع بهل حاله.

تحرك من مكانه التفتت ونام بصف نور

بقه يباوع بوجهه الى أن ستسلمت عيونه ونام .

طفيت ڪُـل الإنارة غطيته وطلعت

لكيت ايهاب ورجاء يسولفون ؏ بيت :- ها بنت العم بشري .

زهراء:- اذا ما تصير زحمة هو نام هنا .

ايهاب:- تره البيت بيتج يعني لا تتقيدين

وزين سويتي وخليتي ينام اني من شفت حالته

كتله روح ارتاح اني أوصل الها الورقة بس رفض

هو راد يحجي وياج .

رجاء:- من أيده ما يكعد راحة

خلي ياخذ درس حتى ما يكررها .

ايهاب:- مو گلب حجارة الله يساعدني

هاي شلون اذا اغلط بالمستقبل تسممين عيشتي وعيشة الخلفوني .

رجاء:- ليش ناوي تغلط بالمستقبل مفكر تغلط

احجي من هسة الله سبحانه كشفك من هسة.

ايهاب:- كلت اذا اذا يمعودة شربي مي بللي ريكج كولي يا الله.

رجاء:- من هسة كدام زهراء اذا تغلط

أحسب نفسك ميت .

زهراء:-اكلتي الرجال شبيج .

رجاء:- من هسة نتفق لعد شنو يريد يغدرني بعدين .

ايهاب:- هو اني أكدر خانكتني خنك

تخيلي تعرف رمز تلفوني أكلها خصوصية

تكلي ما بيناتنا زين انطيني رمز تلفونج .

رجاء:- صخام وخصوصياتي شلون .

ايهاب:- اروح اهج أحسن.

رجاء:- اليوم عشاك هنا عيوني ماكو طلعة

ادللك جبت خبر حلو الـ اوختي حبيبتي .

ايهاب:- حضروا كلشي بين ما اشوف عمي وين .

طلع واني وياها كعدنا انسولف ڪُـل الحديث الدار بيني

وبينا ونطبخ دخل ابوية وصاحني

حاول يفتهم مني:- بس احجيلي شكو لج بابا لا تخليني

أكشف الموضوع بطريقتي واتصرف.

رديت :- أريده يطلك هيام وطلكها هذا ڪُـل الموضوع.

رحيم:- وبعد .

زهراء:- منتظره يستقر الوضع وأرجع.

رحيم:- يعني ما ضاربج غلط عليج .

زهراء:- لا بابا لا ضارب ولا غلط بالعكس الغيهب يحبني .

رحيم:- بس اذا أسمع غير شي تشوفين مني تصرف غير شكل .

هزيت براسي وكفت :- جوعان أكيد حضرت الأكل اني ورجاء

تعال اكل ويانا .

رحيم:- سُبقيني  .

وصلت للباب رجع صاح علية:- زهراء بابا رجعي  .

رحت وكفت قريب علية سحب أيدي

وهمس :- ڪُـل كلامي مبني ؏ خوفي عليج

احاول اعوضج عن ڪُـل الحرمان

أريد تعرفين ابوج وياج واذا شخص حاول يتعب

بنتي انسف أحواله.

زهراء:- ادري واني فخورة انتَ وياي

وهاي قوتي اخذتها منك فتحت بيتك الي

وكفت وياي ومنتظر كلمة مني حتى تتصرف

رغم تعرف أكو مشكلة بس مخليني أعتمد

؏ نفسي بس بنفس الوقت انتَ ويايه.

رحيم:- وللموت .

بست راسه وهمست:- عسى ربي ما يحرمني منك .

رحيم:- ولا منج باباتي ، اخذي عشاكم وصعدي اكلي انتِ وزوجج

لا تتقيدين ويانا .

زهراء:- خلي نايم من يكعد ياكل .

رحيم:- براحتج يلاا امشينا.

كعدت اني وياهم ناكل ونسولف

عن زواج رجاء والنقوصات العدهم

رحيم:- سبالت لا تشترون علية البيت كله .

ايهاب:- ما يحتاج عمي لا تكلف نفسك .

رحيم:- لك انتَ تعرف غلاتك عندي

واني مشتري البيت بنتي يعني مو خسارة.

رجاء:- فدوة الوجهك بابا .

سيف:- بيوم زواجي الـ أثاث عليك فلس احمر ما إدفع.

رحيم:-  اريدك عسكري مثلي وبس أشر من عيوني .

سيف:- الله كريم .

عفتهم وغسلت شربت جاي بالمطبخ وصعدت فوك

بعدهم بسابع نومه ، وتلفون الغيهب يهتز

تقربت عمي فتحت خط انصدم من صوتي :- بابا زهراء هاي انتِ .

زهراء:- اي عمو حبيبي اني .

- الغيهب عندج .

زهراء:- الغيهب نايم بس يكعد يرجع للبيت لا يضل بالك علية.

- الف الحمدلله عندج خفت لا صار بي شي

لان حالته ما طمن .

زهراء:- هو الهل سبب خليته ينام هنا لا يسوي حادث .

- ربي يهديكم بابا ديري بالج ؏ نفسج وعليهم .

زهراء:- وانتَ هم .

فرشت يمهم بالكاع اقلب بالتلفون الى ان غفيت

فزيت ؏ حركة قريبة مني التفتت صار الغيهب

مقابيلي :- كعدت .

طبع بوسه ؏ شفايفي وهمس:- اي وجع راسي أختفى.

بعدت نفسي عنه وكفت باوعت الساعة

بـ سبعة الصبح :- اسويلك ريوك .

الغيهب:- ما اكول لا لان كلشي ما مأكل صار أيام.

زهراء:- اروح اسويلك أكل ، اذا تريد روح

غسل بالحمام هاي منشفة الحمام مقابيل الغرفة بين ما اجي .

عفته وطلعت سويت اومليت واجبان وجاي حار

وصعدت فوك لكيته سابح معدل شعره

وكاعد يباوع النور ويطك وياه صور .

ابتسمت وخليت الاكل ؏ ميز كعد

وهمس:- كعدي مقابيلي .

هزيت راسي وكعدت هو ياكل

واضح علية جوعان :- عمو خابرك سأل عليك .

الغيهب:- حجيتي وياه خطيه عفته بقلق .

زهراء:- اي وكال ديري بالج علية

واني درت بالي عليك لان هو وصاني .

أبتسم وهمس:- تريدين تطلكين لازم شايفتلج واحد حليو .

زهراء:- الصراحة بعدني ما شفت بس همه موجودين .

عض أصبعه وصاح :- ااااخخخخخ ام الحلوين.

زهراء:- اكل وروح خلص متطلبات حياتك لا تروح بيها .

وكف وراح غسل ورجع باس نور

طلع محفظته حط فلوس ؏ ميز

وتقدم باس راسي :- كم يوم واصفي ڪُـل اموري وأرجع اخذكم .

زهراء:- الذاك الوقت الله كريم .

راح واني رجعت غسلت نور رضعته ورجعنا نمنا اني وياه

بداخلي فرحة بس خايفة ما تكمل .

ويوم بعد يوم أتعلق بنور اكثر وروحي

تصير بي شكله حركاته صوته

اعشقهم هو قوتي هذا هديتي .

وايامي تمر والغيهب ما يبين يخابرني

ڪُـل يوم بليل وما أرد يبقى التلفون

بيدي أشوف أسمة أبتسم وافرح لان يفكر بيه

واختنك لان هذا وضعنا.

رفضت حتى أشوفه من يجي ياخذ ايهاب نور

يبقى ويا ساعة ويروح ما اريد انطي

مجال ويتساهل بموضوعنا ضغطت ؏ گلبي

وقسيت علية حتى يسوي حل  .

دخل نور بعمر أربع شهور وبعدنا

نفس وضعنا عمي يتصل هاجر تتصل

وهشام وأمير ما مقصرين

بس هو أرفض كلشي يخص الغيهب

الى ان دخل نور خمس اشهر

الغيهب إنتهى يوم بعد يوم يضعف

وجهه ينسحب لونه يجي يشوفه ينتهي ويطلع

عمي تخبل وإخوته حاروا يحجون ويايه

قفلت ارجع اذا ما ينحل كلشي

اريد حل نهائي  من المشاكل والجرجره

برودي ونفوري دمروا وبيوم خابرني

هشام مفزوع :- الغيهب بالمستشفى زهراء لا تسوين بي هيج .

زهراء:- الصار علمودنا اريد حل هشام .

هشام:- صار حل والله العظيم صار .

زهراء:- وينه لا تخبلوني بس طلكها وخلص وين باقي الحل .

هشام:- اني جاي اخذج وهو يحجي الج كلشي

راح تسمعين اخبار جديدة وداعت اطفالي .

زهراء:- اذا هيج تعال.

وفعلا بدلت بكلبي نار عاقبت

نفسي وتركت الاكل وحتى المي حرمت نفسي

منه ؏ قساوة قلبي الصارت عندي انصدمت بروحي

وأحاول امنع نفسي بس عقلي رافض الخضوع القلبي .

اخذني هشام حالته مو احسن من حالتي

دخلت للمستشفى بالممر كلهم موجودين

سلمت عليهم وآني خجلانه عفتهم

ودخلت للغرفة نايم وجهه تعبان بشكل فضيع

بقيت واكفه همست بتعب:- الحمدلله ؏ سلامتك غيهب .

الغيهب:- انتِ سلامتي زهراء.

خفت حتى احجي وياه اكتفين بـ اربع جُمل :- كوم بالسلامة وكلشي ينحل .

الغيهب:- تعالي أريد اشم عطرج

انطيني ايدج .

تقدمت اخذ ايدي باسها وحضنها غمض عيونه

وانتظمت أنفاسه

بقيت ساعتين ورجعوني ما حجيت وياه بس توسلت بيهم

ما ينفتح موضوع اله بعد ما يطلع ويصير زين

خليت أسبوع يمر وخابرني رديت بسرعة

وهمست :- اذا تحب تجي تعال .

اقل النص ساعة وصل دخل وكل عادة صعدنا فوك

حتى ناخذ مساحتنا بالكلام

وأول ما نطق همس :- اني قررت نـ ......

يتبع ....

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _42_

تراجع عن قرارك خل نرد طيور

ويرد ساعي البريد يجيب ويودي

فراكك مو سهل حتى أكدر أنـه انساك

ولا أزمه وكولن تگضي وتعدي

أنـه شايب من التعب  ، بس بالاسم شاب

ولا اشبه أقراني  ، ولاني البگدي 

واجيب انتَ ، ورجعت وياك يم صباي

يما جنك بشر ، جنك حلم وردي ...

.......................

زهراء...

اقل النص ساعة وصل دخل وكل عادة صعدنا فوك

حتى ناخذ مساحتنا بالكلام

وأول ما نطق همس :- اني قررت

نـتفق ؏ نقطة اثنين تلاثه .

زهراء:- أسمع.

الغيهب:-بهل فترة هواي أمور صارت بطلب مني

انطيتج وعد ما ترجعين ؏ خراب اجهزلج

مملكة خاصة بيج وحدج .

شلت نور بحضني وهمست بستغراب:- ما فهمت.

الغيهب:- البيت الـ اشتريته الهيام انباع .

قبل لا انام مستشفى بكم يوم كعدنا كلنا

نريد حل الكل مشاكلنا أبوية قرر ..

ابو الغيهب:- ما أريد احجي اخاف تكولون أبونا طردنا

بس المصلحتكم احجيها الله شاهد علية

بابا إنتوا كبرتوا جهالكم صاروا إكبار لازم تكونون نفسكم

الى متى عايشين بغرفة وحدة انتوا وياهم .

هشام:- گلبي ما ينطيني اعوفكم واطلع .

ابو الغيهب:- اني اليوم احجيها يابا طلعوا شوفوا

حياتكم الله مكنكم وعدكم رواتب وفلوس

اعتمدوا ؏ نفسكم .

اسمعوني واحد واحد بابا هشام انطيك حقك بالبيت

وعندك فلوس فلس ؏ فلس اشتري بيت

انتَ وعائلتك وارتاح.

وانتِ بابا هاجر قبل فترة مو اجيتي وكلتي

أريد اعيش بيت قريب من بيتكم وحدي اني

وأطفالي اني موافق عندج فلوس بـ حسابج

وانطيج حقج وعيشي بسلام وراحة حتى

من اموت ما تكولين ابوية وكف بوجهه راحتي

واني ما اريد تعيشين وياج مرت اخ باجر عكبه

تتعارك وياه اخوج ليش اختك يمي خلي الج وطن .

هاجر :- عمرك طويل يابا يومي قبل يومك يا نظر عيني.

ابو الغيهب:- كلنا ؏ هل طريق ابوية اريد اذا بيوم

عيوني غمضت مأمن عليكم كلكم واحد واحد .

وانتَ بابا أمير مثل ما أتفقنا قبل يومين

اريد تلم جهالك تره تعبوا اكثر منك ومن امهم

وحتى لو مرتك مو زينة بس ماكو مثل الام

خوف وحنان واحتواء رجعها بشروطك .

امير:- اجتني البارحة للدوام اضطريت

اطلع وياها وسولفت بالسيارة

كلتلها رغم اعرف باطنج قذر ومو نظيف

بس الخاطر اطفالي ارجعج بس تبطل من الدوام

وبيت أخوها تنسى وبيتكم ما توصل اله

واذا بدر منها حرف غلط تطلك بنفس الثانية.

الغيهب:- لو ما ترجعها وتزوج وحده احسن منها .

ابو الغيهب:- ومنو يكول الـ ياخذها ما يتعذب

وياها اضعاف عذابه هو وفرح

وتروح تأذي الجهال يرجع آم جهاله ويسوي عليها

انضباط الى ان تنعدل يبطل فهاوه وتسهيل امور

غير نفسك وشد روحك افرض كلمتك بابا

هذا هشام نرجس ما تعرف ترفع صوتها كدامه

والغيهب انتَ اعلم بي بعد ماكو داعي احجي .

امير:- هل مره غير عن كل مره وداعتك

عرفت شلون اتصرف وياها واطلع مصايبها

من عيونها وروح الغالية لو ما اطفالي ما اشوفها

بعيوني كارها وكاره اسمها وجههه ..

هشام :- ميخالف أمير كول يا الله

لتسهيل امرك الخاطر عصافيرك كلشي سوي

لا تعذبهم خطيه واني يمك كلشي تحتاجه ما اعوفك بس اشر بيدك .

اي يابا والغيهب ما حجيت بي نسيته ؟

ابو الغيهب:- ههه وهل من المعقول الغيهب ينسي

هذا البيت يبقى للغيهب لان اعرف ما يطلع منه

وهو يستحق بيت العائلة اكثر واحد تعذب بيكم

وصار الوقت يستقر بعد ما ثبت ؏ شريكة

حياته وحبها وصار عنده نور حياته

لازم يحارب حتى يحافظ عليهم قبل لا

يضيعون من ايده ويكعد يعض اصابعه ندم

امير:- ومن وين تجيب ڪُـل هل مبالغ حقي وحق هاجر وهشام .

ابو الغيهب:- امكم الله يرحمها أصيلة حتى لا تلوموني

ليش احبها وابجي عليها ڪُـل ما أستلم راتب تضم 100

الف من توفت قبل فترة فتحت الخزنة ونصدمت بمبلغ

كلشششش مو قليل ، اخذت ربع منه ، انطيكم

حقكم واحد واحد واخلص اشتري راحة بالي

اما غيهب هذا البيت حقك ومن باجر يتسجل بـ اسمك

وفلوس البيت وفي ديونك وأخذ سيارة تفيدك ما تكدر بدونها ادري بيك

والباقي اخذ زوجتك وسافر بي ابدي خطوة جديدة قبل لا تخسر كلشي

تلاحك الروحك ابوية اريدك الخير بعد هل عذاب

بس عندي طلب واحد منك .

الغيهب:- كول يابا اذا أكدر يتنفذ اليوم قبل باجر .

ابو الغيهب:- تسمحلي اعيش يمك هنا بيت العائلة

الى ان الله يآخذ أمانته .

هشام:- عمرك طويل شبيك اليوم تحجي بالموت

البيت بيتك احطك بعيوني وتاج ؏ راسي .

هشام :- إني الجبير ليش ما تعيش يمي

ما اقصر وياك لا اني ولا سجى .

ابو الغيهب :- السبب اختياري الغيهب لان

اني احب بنتي زهراء هي تفهمني عدها

طيبة وحنان متربية صح تخاف الله

ولا صغرًا بنسوانكم بس انتوا تعرفون زوجة

أخوكم وتعرفون قصدي وزوجتك عدها دوام بابا هنا

أبقى بيتي احسن ما اكدر اطلع من ذكرياتي الحلوة .

هاجر:- وهم تبقه قريب علية وكل يوم اجي اشوفك .

الغيهب:- يابا البيت بيتك انتِ تبقه وأني إطلع

بس عندي ملاحظة بعد ما تكعد اذا يطلبون منك

مساعدة عوف دور الملاك ابو جناحات وخليني اطردهم

بطريقتي الخاصة ما اريد يرجع البيت ملجأ.

ابو الغيهب:- اني اكعد بغرفتي صوتي ما ينسمع

أختي اذا أجت ما استقبلها اني بعد تعبت وجال صحتي

؏ كدي ما بيه حيل مشاكل  ، الساحة الك كعد الكحبـ ..... البداخلك ابوية .

هاجر:- بابا وجلال ؟

ابو الغيهب:- جلال تنازل عن حقه للغيهب

لان عنده بيت بـ أسمة ما يحتاج معتمد

؏ نفسة ومستقر من زمان بيت وسيارة وظيفة راتب المهندس مو شوية .

هاجر:- بقت ملاك ومن زمان تنازلت وهي مو بحاجة

بس انشوف بيوت ونستقر كلمن بيت ونخلص .

الغيهب:- بعد ما تكملون أرتب البيت

وأغير كلشي حتى ارجع زوجتي وابني .

ابو الغيهب:- التسهيل من الله ربي يفتحها

بوجهكم وينور طريقكم يابا تعبتوا كلكم

وان شاء الله بعد هل تعب راحة وإستقرار لا يزول  .

.........

زهراء:- يعني كلهم راح يشيلون وتفترقون.

الغيهب:- هاجر أشترت بيت بصف بيتنا 100 متر

وبدت تأثث بي ؏ ذوقها وبراحتها .

هشام شاف مشتمل والبارحة كمل عقد البيت وصار بـ أسمه

هل كم يوم يبدي يأثث هو وزوجته.

وأمير رجعت فرح ؏ ذمته قبل كم يوم

شرعًا وقانونًا بلا حاضر وغايب .

زهراء:- ووافقت تبطل من شغلها ؟

الغيهب:- اي وافقت وبعدهم يدورون ؏ بيت

هل كم يوم ان شاء الله يشوفون ويستقرون.

رفعت شعري وهمست :- لعد ليش تخربطت ؟

الغيهب:- مو مهم المهم هسة بقيت بس اني وياج ما مستقرين

طلاق طلكت وبعدتها هسة هي بغير محافظة لا اشوفها

ولا تشوفني ، طلبتي تخلصين من هوسة اهلي وكلت

تم وهاي البيت صار بـ أسمي ، بعد شنو التريدي مني

اني جاهز بس رجعي لان تعبت ومليت وما املك ذرة صبر

أقاوم بيها .

زهراء:- وحالتك عصبيتك المفاجئة غضب ؏ كلشي .

الغيهب:- اني رجال أصير عصبي من يصير

غلط ، من أشرف تصرف ما يعجبني

وانتِ تعرفين شلون تتحكمين بغضبي

ماعندي شي وياج اذا جنت قبل اعصب

لان ما اطيقج اليوم اني أشتريج بروحي

وكل شوية اكول التريدي يتم بدون تفكير .

بخصوص حالتي كزوج وزوجه اني وياج نسافر التركيا

نكعد اني وياج ونحجي للدكتورة وهي عدها الكل مشكلة

حل ماكو شي صعب اذا أنتِ ويايه .

بعد طلبي كولي اني جاهز

بخصوص دراستج اني انطيتج وعد

وخططت بس يصير نور عمره سنة

اقدم الج ؏ ثالث وأكون وياج لحظة بـ لحظة

الى ان توصلين وتحققين حلمج .

وداعت نور اكون الج سند اهل ام اب صديق

واريد منج تكونين زوجتي حبيبتي صديقتي

وام بحنانج لا تعوفيني بعد ما حبيتج

حاولت أعيش بعيد عنج الفترة الفاتت

عاندت حاربت قلبي ونهاية العناد

إنتهى بالمستشفى جنت بين الحياة والموت

بسبب حبج شكد جنت اكول غيهب لا تعترف

غيهب اسكت لا تنطقها بس انطقها تبتعدين

وتذليني وفعلا هذا الصار .

زهراء:- ابد ما ابتعدت حتى انتقم او اخليك تنذل

ابتعدت حتى أطالب بحقي المسلوب من اول زواجنا

طالبت بالاستقرار ، طالبت بيك بزوجي يكون ألي وحدي

وتحقق بيومين بدل ما انتظر سنة احرك بنفسي

جنت اعرف انتَ تكدر تحلها بس متساهل عمدًا

طالبت بحالتك لان اريد اعيش طبيعي مع زوج طبيعي

يحبني ، يحترمني ، يشاركني احداث حياته

ما طالب غير بحقي غيهب لا تكلي انذليت

لان اني ذليت نفسي إضعاف

ولا تكلي إنتقام حضرتك انتقمت مني ؏ اغلاط غيري

ما اريد أفتح دفاتر قديمة ومن حُـبي الك وحتى

احافظ ؏ حُـبي وعلى ابني ارجع وياك بس

وداعت عيون امي وداعت ابني يا غيهب غلط

واحد منك بعد اهدم كلشي واهدمك وفعلا

هنا استغل حبك واخليك حطام مثل ما سويتني

حطام وبعمري ما أتساهل وياك بعد .

الغيهب:- وعد وداعت عيونج وغلاتج وغلات

نور الصار بحياتي دروس خلتني أصحى

وأحسب حساب مو خطواتي لا أحسب

حساب الحرف الـ انطق بي وياج

ما اخليج تندمين ؏ هل فرصة وهل مره اعوضج

عم ڪُـل ادموعج النزلت بسببي بيوم .

اقترب مني سحبني من ايدي طوق وجهي بيده

وهمس :- اخليج تاج ؏ راسي ولج ڪُـل الحب والاحترام والتقدير

انتِ مرتي وام بيتي وام ابني نور عيني وحبيبتي .

زهراء:- وانتَ ابو بيتي وابو ابني ما اخليك

تندم بيوم ؏ حُـبي وبعمري ما اهز ثقتك بيه

اكون زوجتك وسندك اليوم وكل يوم . 

الغيهب:- ونعم ما اختاريت متأكدة

منج أصيلة يا عزيزة قلبي سعادتي يمج

من اليوم انتِ بلادي وموطني .

نزل اخذ شفايفي بين شفايفه

فصلنا عن العالم لدقايق طويلة

طفرنا ؏ صوت نور وهو يبجي

أبتعد بسرعة مسح وجهه بيده

وهمس :- شوكت نسافر.

غطيت نفسي بشال ورضعت نور

وأني أرد علية :- هل اسبوعين ما أكدر أسافر أبد.

الغيهب:- ليش والقرآن بعد ما أتحمل فراكم تعبت

لا اكل با شرب با نوم اشتاقيت ادخل الغرفتي

واستنشق عطر النظافة شكد شفت عالم تنظف

بس ما يعجبني غير نظافتج وعطرج الـ يترس غرفتي

وملابسي .

زهراء:- كلها سهلة بس ارجع ما يمر يوم اذا مو كلشي

تحبه عندك وغلات عيونك عندي

بس باجر السنة مال امي واتفقنا اني ورجاء نسويها

بيتها من الصبح نروح هناك جهزنا كلشي بس انظف

ونطبخ من أخلص هم ما أكدر ارجع كول ليش .

صفك بيده وصاح :- حتى تشلعين گلبي .

ضحكت بصوت عالي ؏ وجهه

وملامحه نعقجت :- لا مو وراها بـ سبع ايام عرس رجاء

تريد اعوف اختي وحدها بهل يوم .

الغيهب:- لا شلون بووووويياااي عوفي رجلج

ميصير تعوفين اختج .

زهراء:- زوجي موجود قابل راح يطير

بس اختي يوم من العمر هذا عدها لازم أكون حاضرة.

الغيهب:- يلااا بقت ؏ هاي نتحمل والله يساعدني

بس تخلصين بوجهنا التركيا .

زهراء:- ان شاء الله بس أخلص نسافر .

الغيهب:- أمشي اريد مي يبستي حلكي .

اخذت عصير من الثلاجة شرب منه

وجر نفس همست بفضول وإني أشوف

ملامح وجهه شلون تعبانه:- ليش تخربطت هم كلبك وجعك .

الغيهب:- لالا هل مره مو گلبي .

زهراء:- يا عبالي بسبب كلبك .

الغيهب:- أرتفع الضغط وإني أصلًا لا اكل ولا شرب

جنت مقابيل القاضي عندي قضية احجي وياه والدنيا

تفتر بيه مثل الدولاب قبل لا اخلص غوشت عيني وكعدت ؏

تخم وبعد ما حسيت جايبين إسعاف نقلوني للمستشفى

وما صحيت بس الحمدلله عدت ، هااا انتبهي دايخ وتخربطت

ووصلت للموت بس نجحت بالقضية .

زهراء:- شاطر بهل سوالف ، ماتشوف شر هذا

بسبب التعب والإرهاق اليومي .

الغيهب:- بسببج انتِ عايفتني وأني بعز حاجتج .

زهراء:- من ايدك ومن مصايبك لو تصير زين

ويايه هم اعوفك لا والله بعيوني اخليك بس انتَ ما تنجرع

توكف بالبلعوم وشايله هم شلون أرجع.

وكف ؏ حيله وصاح :- أروح احسن ومن تكملين

السنة وعرس اختج اخليج تشوفين وجهي ونحجي

بهل سوالف عند الدكتورة ما اريد تتعاركين ويايه

هسة وتكبر الأمور.

زهراء:- منين أبدي للدكتورة وشكول هواي لا وحده ولا اثنين .

الغيهب:- هاي بالذات عوفيها للدكتورة تسحب الطاقة

الـ بداخلج بالكامل ترجعج وكأن هسة مولودة.

زهراء:- نروح ونشوف .

الغيهب:- باجر الصبح اجي اخذكم البيت امج .

زهراء:- ما يحتاج إيهاب يوصلنا انتَ لا تطلع

من البيت أرتاح حتى من نسافر تكون صحتك مستقرة.

الغيهب:- وصلت تريديني بصحة جيدة حتى تستفادين مني .

فتحت الباب واني افتهم معنى كلامة عطت :- دروح غيهب

خلصني من السانك السان دلالة .

الغيهب:- كشفتج بعد ام الحلوين ناقص بعد تكولين

لان من نسافر اطالب بحقي الشرعي .

زهراء:- ما اكولها عيوني عجبتني حالة الأخوان العشتها وياك

وبهاي حالتك بعد انتهت كلش روحك كوه شايلها.

تغيرت ملامحه صك ؏ اسنانه

ولزم ايدي دفعني للغرفة طبكني

؏ حايط وطبك الباب بقوة ومن الضحكة

تحولت الرجفة:- اخ غيهب أيدي مو قصدي والله جنت اشاقة وياك .

لزم وجهي بكل قوة حسيت انمرد بيده

صارت عيني بعينه اباوعله وعظامي

ترجف من اشوفه يضغط ؏

مخارج الحروف بكل قسوة :- الأخوة الـ تحجين عنها اني سويتها

بـ إرادتي في سبيل ما تتأذين بيدي وأله أكدر اخذج هسة بس ما أضمن

حالتج بعدها واحتمال تموتين جوة أيدي لان ما متعودة عليه

ولإن احبج وأخاف عليج محارب نفسي واحتياجاتي كرجل

وما أتقرب تجين حضرت جنابج تستهبلين براسي .

نزلت أيده من وجهي وآني أهمس:- ما أقصد بس ....

إبتعد عني وهو يعدل الملابس :- ما صار شي

هذا الكلام يطلع نتحاسب علية بعدين .

طلع بدون ما يسمع كلمة ثانية مني

نزلت ركض وره ما وكف أبد سديت

الباب ورجعت للبيت أغسل النور وابدل

واني تفكيري مشغول ما قصدت اضوجه

المصيبة هو حسبها تقليل منه ومن دوره

كرجل يا مصيبتي شكد عيب .

بقيت أكل بروحي الى ان رجعت رجاء

شافتني أفتر داير ما داير نفسي واكل بـ اظافري

كعدت ؏ جرباية وهي تباوعي بغرابة :- ها شصخمتي الفاهية .

كعدت كبالها حجيتلها ڪُـل كلامنه

طكتها ضحكه بعلو صوتها:- يا ولج صوتج نور نايم

شنو هاي الضحكة تبع مشبوهات .

رجاء:- بردتي گلبي بي حل خلي يحس

حتى يصحح نفسه لا يستغل الوضع بحجة هاا

مو افقد وهل سوالف الطايح حظها عدل نفسك

هل حاجة لازم تكون بين ڪُـل اثنين متزوجين

هي مكمل للحياة الزوجية يجي هو يخرب

لحظاتها ليششش .

زهراء:- رجاء والنبي كلامه صح

هو مو بيده الموضوع خارج عن أرادته لان اني شفت بعيوني.

رجاء:- اي من تروحون للدكتورة افتهمي منها

متأكدة اكو حل للموضوع خوما تعيشون هيج طول حياتكم

بعدين هو يكول احتياجاتي كرجل صخام كليلة واني

ما عندي احتياجاتي كزوجة ، انتَ مانع نفسك

وعلى أساس مسوي معجزة براسي ما مفكر بيج .

زهراء:- ادري بي يفكر بالموضوع من ڪُـل جوانبه

بس هو متردد يخطي خطوه وحده يخاف من عواقبه

اووووو شكد اكره هل موضوع صرت سدي هل

سالفة الغبيه الى ان أروح للدكتورة وأشوف حل

ابقي هنا عند نور رايحة احجي البابا .

هزت براسها عفتها ونزلت جوه

دورت بالبيت ماكو طلعت بالحديقة

لكيته يخابر وكاعد ؏ كرسي مقابيلة

كلاص جاي من شافني غلق المكالمة وهمس:- هلو بابا .

ارتبكت وإني اتذكر الموقف:- صار شكد كاعد هنا .

رحيم:- قبل لا يطل غيهب عصبي

ردت أوجه سؤال الج عن السبب

بس شفت انتِ مبعدتني عن الموضوع وما حاسبتلي حساب .

زهراء:- لا والله بس اني ما احب يكبر الموضوع

انتَ تضررت هواي مني ومن الغيهب ما احب تتأذه

اكثر من قبل وكتفيت أبقى بيت ابوية ويكفيني كونك موجود

واحتمي بـ أسمك وارفع راسي بيك .

رحيم:- ليش غيهب طلع عصبي

يمشي ويكفخ بالحياطين حتى ما يشوف كدامه.

بلعت ريكي بخجل حرت

شلون أشرح الموضوع :- دك التلفون واحد محامي وياه

مسوي حادث ، المهم هسة هو اجاني حتى يفهمني

اخر ما توصل اله .

كعدت احجي عن ڪُـل الاحداث بترتيب

ومثل ما شرحها الغيهب اقتنع نوعًا ما

وختمها:- مهما يكون قرارج ما اوكف بطريقج

تريدين تبقين او تنفصلين ما أعارض اهم شي عندي

يصونج ويحافظ عليج لان اذا بيوم بدر منه تصرف

مو حلو أعدم وجههه بدون رحمة.

زهراء:- ان شاء الله هاي أخر مشكلة عندي أحساس بداخلي

يكلي بعد ما نسافر نستقر .

رحيم:- اني رجال وهو رجال كبر بعيني لان

حارب وطشر أهلة في سبيل يحافظ ؏ زوجته وأبنه

سوه الماكدرت اسوي بيوم واحافظ عليكم

انتِ وامج واختج ، بعد هاي تصرفاته ثبت حبه

مو بس كلام طلع گول وفعل .

زهراء:- ڪُـل مكتوب يصير برضانا او غصب

عنه ولازم نعرف مو ڪُـل شي نتمناه يصير

أحيانًا ننجبر ؏ واقع ما نرغبه وما تخيلنا

الـ هل درجة صعب بس رغم احنه مجبورين

لازم نخلي ببالنا نكدر نغير الواقع بـ إصرارنا

وقوتنا وثقتنا بنفسنا وبالله سبحانه وتعالى.

أبتسم ابوية وسحبني الحضنه وهو يهمس:- بارك الله

بيج انا اشهد انج قوية كدرتي تغيرين هواي بـ انسان

مثل الغيهب صعب وعصبي تذكريني بوعي امج ونفس كلامهم

ونعم التربية الله يرحمها وأضح تعبت عليج

ربي يكتبلج الـ بي خير الج بابا .

زهراء:- أمين يارب .

رحيم:- جهزتوا كلشي .

زهراء:- اي كلشي كامل .

رحيم:- اليوم واني راجع من الدوام عزموني

؏ مطعم اني ولواء ثاني من دخلت شفت

اخت الغيهب هاجر اسمها مو ؟

زهراء:- اي صح هاجر شبيها .

رحيم:- لا مابيها شي بس شفتها هي وصديقتها كاعدات

ومن كمت صارت مقابيلي وكفت سلمت عليها .

زهراء:- اي وهي ردت السلام .

رحيم:- اي إي وكفت وردت السلام وتصافحت اني وياها

وأضح عليها أمرأة قوية الشخصية وعقلها كبير واعية

انتِ سبق وكلتي هي منفصلة عن زوجها أتذكر مو؟

نزلت راسي وفريت حلكي وسرعان

ما رفعته ورديت :- انفصلت صح .

رحيم:- وما أرتبطت بعد .

زهراء:- لا وما أعتقد تفكر بـ هل أحتمال

وشالت فكرة الارتباط من راسها بعد الصار بيها .

رحيم:- تقنعيني وحدة بجمالها وشخصيتها

وبعدها بعمر صغير تبقى بلا زواج ڪُـل عمرها .

سويت علامة ما أدري وهمست :- والله ما اعرف

حسب علمي هذا راح يصير وبعد هي وقدرها

بس ليش تسأل عنها .

رد برتباك وأضح:- حبيت أعرف عنها أكثر

ثارت فضولي اتجاها .

زهراء:- ليش أحس عجبتك ؟

رحيم:- تعجب اي رجل مو بس اني

إنسانه مثقفة محترمة جدا فارضا وجودها وقوة شخصيتها

اضافة جميلة ومرتبة بشكل كامل مكمل .

رفعت حاجبي وسعت عيوني

مع ضحكة متعجبه:- ناقص تكول خطبيها حبيتها .

رد بضحكة:- ما نوصل الـ هل مرحلة

فكرة الزواج لغيتها من قاموس حياتي .

هزيت راسي واني اوكف

وبابتسامة شك همست :- واضح واضح بدون ما تحلف .

دخلت للبيت واني اسمع صوت ضحكته

الرجوليه ، صعدت للغرفة لكيت رجاء

نايمة بقيت الهي نفسي الى ان نمت باجر ورانا تعب .

من الـسبعة الصبح كعدت ؏ صوت رجاء وايهاب يتناكرون

زهراء:- سالمين رجاء من الصبح .

اشرتلي بيدها وعاطت :- اسكتي مني أريد افهم

ليش ما كعدني البارحة بليل وين خلص اليل

هاااا وين جنت وييييين .

لطمت ؏ وجهه وشمرت التلفون عاطت :- باعي شلون

سد التلفون بوجهي عنده شي هذا اليوم لو اني او ايهااابوووو .

زهراء:- اعصابج بابا افتهمي قبل لا تحكمين ؏ مقابل

بعدين ايهاب ما يسوي غلط والنبي تصرفج خطأ

دائمًا تظنين ظن سوء .

بدلت بسرعة ونزلت

كمت ؏ راحتي سبحت وبدلت اني ونور

لميت ملابس النا ونزلت لكيتها كاعدة تحجي الـ ابوية

وهو خربان ضحك عليها .

اخذ بابا نور يلعب وياه

ومشيت شربت مي ورجعت أريد اكعد وفات

إيهاب بملابسه العسكرية :- شبيج بابا أنتِ مخبله.

رجاء:- بهل سوالف اي مخبله وما اقبل

خطيبي يبات بره البيت .

ايهاب:- هو منو بايت بره البيت

وصلتج للبيت هنا ورجعت بس اكلت وسبحت ونمت

وأول ما فتحت عيوني خابرتج اصبح عليج صدمتيني

بالمشاكل اطلعيها من جوة الكاع  .

رجاء:- اي دير بالك اني ام مشاكل لا تتورط أنهي

كلشي وخلص وبرد راسك وين ما تريد تروح روح

بعد ماكو الـ يحاسبك .

ايهاب:- أحلف عليج مخبله مو بعقلج

لج وصلتج ونمت انتِ مو نايمة للصبح

اني هم نمت للصبح حلال عليج حرام علية .

رحيم:- دعوفها بابا سد السالفة تأخروا هم يلا

ينظفون ويحظرون كلشي وصلهم ومن تخلص السنة

تفاهموا.

عافنا وطلع وهو يرد ؏ عمي :- منتظرهم بره .

رجاء:- ما أروح وياك منو كال أروح وياك .

ما رد عليها  عافها وطلع وهي صعدت فوك

بين ما سويت ريوك البابا

أريد أصعد احجي وياها رجع فات

رحيم:- لك ايهاب عوفها هسة وروح للواجب

اني أوصلهم.

نزل راسه وكمل طريقه

يصعد فوك وهو يدردم :- ما ينطيني گلبي أعرفها

ضايجة وأطلع للدوام هاي مخبله تحرك الأول والتالي .

ابتسمت واني احس بـ أحساس

غريب من اسمع كلامة وحبه

بحيث ما يكدر يروح للدوام

ورجاء زعلانة يستصعب الموضوع .

كعدت ؏ درج ألبس حذائي

واسمع كلامهم صوتهم عالي :- تعالي وياي للبيت وكعدي

بيبي بعدها نايمة وحلفيها اني وياها اكلنا وصعدت نمت

بعد ما كعدت للصبح لج ليش تشلعين گلبي

مو نفتر اني وياج تعبانين من محل المحل وسوك سوك

حقي اتعب وانام مثل ما انتِ تعبتي ونمتي .

رجاء:- ادري بيك ما تحب النوم ومستحيل تنام

ڪُـل هل وقت الطريل عكسي تمامًا.

ايهاب:- لج هذا التلفون شوفي

شكد متصلين علية وما ادري بيهم من التعب

فقدت مو بس نمت ما تشوفين شكد كاعدين نتعب

في سبيل انخلص ويطلع بيتنا مثل ما نتمنى.

رجاء:- ما اصدك گلبي يلعب والله گلبي يلعب

اروح البيت امي ومن ارجع اتأكد بطريقتي .

ايهاب:- شنو هل طريقة عقلي شطح يمعودة

والقران كلشي ما مسوي وما مفكر اغلط وما اريد مكتفي بيج

ومقتنع اطلع مو رجال اذا اباوع ؏ غيرج بعدددد .

سمعت صوتها طلعت من الغرفة

وهي ترد علية :- الـ ذاك الوقت تعرفها أستاذ.

نزلت ؏ درج وطلعت برة البيت

نزل يفر بيده ابوية بس يضحك عليهم

مأمن ؏ رجاء لان يعرف ايهاب ما يرخص بيها .

سلمت ؏ ابوية وطلعت لكيتها كاعدة ليوره

فتح ايهاب الباب وصاح :- تعالي كعدي هنا

بكل طريقة تريد تسويني سايق ست رجاء .

صعدت واني أشرلهم بيدي ونور

بـ أيدي الثانية:- كافي ولكم صغار انتوا

عيب من الحرس بالباب شيكولون عليكم .

رجاء:- خلي يسوق واني اكلج بعدين الحرس

شيكولون من يشوفون المسؤول عنهم راجع وجهه الصبح .

عاط بيها بعلو صوته

لزكت روحـي بالباب من الخوف :- لج راجع مطوطح

ما اعرف أمشي بيه أثر ولج ليش تطلعينها من ماعونها

جنت مططططططططمممممممموووووورررر

كعدت وخابرتج اصبح عليج ياريت ما صبحت

فزيتي من نومج يا صباح وشلون تنام وين خلصت اليل

بالله هذا حجي تتهمين بيه باطل وتريدددين اسككككتتتت .

رجاء:- لا عيوني لا تسكت تعال اكتلني .

ايهاب :- ما امد أيدي ؏ مره بس اذا ما تحترمين

نفسج تخسرين الاول والتالي هاي وصلتج

بهل حالة اعتذرت واني ما غلطان وبررت

واني لا بيها ولا عليها واحترمتج وطولت وياج بال

بس الظاهر انتِ ما تريدين تستوعبين

واضح تعرفين جنت نايم بس لان قرب العرس

تريدين تسوين مشكلة بس ما تنولين البالج

شوفي باعي زين وصلتج بـ هل حالة

ارجع بليل اخذج اريد اشوف غير تصرفات افتهمتتتييي .

عافتنه ونزلت :- اعصابك اني احجي وياها .

ايهاب:- عينج عليها هاي مو بعقلها تروح

ترفع قضية طلاك بدون تفكير.

ضحكت من ڪُـل كلبي ؏ تفكيرهم

وشلون يخاف منها ، فزيت ؏ دكت الشباك السيارة

التفتت وسعت عيوني من شفت الغيهب

فتح الباب وهمس :- شنو هل مزاج العالي

والتكركر من الصبح بربك شحجيت وهيج

ضحكت ما تعلمني .

هذا ايهاب طالعة روحه من تصرفات

رجاء صاح بقهر :- ما تعوفني بحالي غيهب

يا  نكت يا تحشيش ياضحك وهاي النزلت لعبت علية.

الغيهب:- لا تفر الموضوع ؏ شنو تضحكون .

ايهاب:- يعني شفتني اضحك .

الغيهب:- لا هنا ام نور البلع القط السانها تضحك .

نترت واني متوترة:- الله واكبر ما أضحك بعد انوب حلوة

هاي جنت اضحك ؏ سوالفهم حرام .

اخذ نور مني وهمس :- نزلي عيني ام الحرام والحلال .

نزلت وهو نزل رأسه يحاجي ايهاب:- والله انكم

بلوة واولكم رحيم .

ايهاب:- ما تروح مني انتَ جنك رجاء اثنيناتكم

الاستفزاز عالي عدكم .

نزل الجدورة والغراض الـ حضرناها البارحة

وصعد شخط السيارة وطلع معصب بشكل عجيب

مشيت للباب همست :- هو طالعة روحه وانتَ تزيدها علية.

الغيهب :- ما تحجين وياها حواء جوة ما تكعد راحة

تلعب ؏ ولد مو عيب مو حرام وين القيم وين الاخلاق .

زهراء:- بقتهم الك عزيزي أعمل عليهن

وين رايح كاعد من الصبح .

الغيهب:- الأصح ما نايم ابد ما عندي مره

احضنها وانام مع ڪُـل الأسف .

باوعتله بقهر وإني ارمش بعيوني :- اوووييي خطية شكد مسكين

تزوج اذا تريد واحضنها ونام .

الغيهب:- زوج الـ يزوج .

زهراء:- اي لعد زين ربي أطفال وتعلم عليهم

عيش دور الاب بكل ما تعني الكلمة وأحتفظ

بـ أبنك عندي شغل اني وما فارغة من أخلص رجعة .

الغيهب:- شعرفني يمعودة .

زهراء:- تعلم ڪُـل رقم مي واحده حليب

دير بالك علية زين .

وكفت وره الباب أريد أسده

صاح :- عود خابريني من تخلصين

أرجعه الج .

هزيت براسي ودخلت قبل لا اسد الباب صاح :- مسيطرات

بنات لواء رحيم .

دخلت أضحك علية لكيت

رجاء تجلف بالبيت ما تقبل تحجي

ذبيت ملابسي ورفعت بجامتي

وبديت اجلف وياها غسلنا البيت

من فوك ليجوه وطلعت الجدورة

أطبخ بيهم سلكت الحم كلة قبل وقت

وكعدت أحضر بحشوة التمن

تكفلت بكل الطبخ لان اني ضابطتها

ومو أول مره اطبخ كميات كبيرة

جهزت تمن برياني بس تمن وحد وحشوة

وحد وطبخت المرك ورجاء ؏ طباخ

تكلي بالكبب والبورك ، اخر شي خليت

جدر الدولمة ؏ نار .

للعصر طلعت اذب الزبالة

وعفت رجاء جوه تباوع بـتلفونها

الما سكت لحظة وحده وهو يدك .

باوعت من الباب لمحت الغيهب

كاعد بالسيارة ويضحك ويضم

وجهه بيده ويفتحها عرفت

يلعب هو ونور بس

ولا مبين يااااا وين ابني .

اخذت تلفوني ودكيت علية بسرعة رفع خط :- وين مخلي نور

ما اشوف شي منه .

رفع كرسي أطفال يستعملونه للسيارات

وهو صغيروني بي يحرك بيده سريع

ابتسمت وهمست:- دير بالك علية.

الغيهب:- يريد ينام نعس اكل ولعب هواي

هسة شوية ويغفي ابوية يكول .

زهراء :- لا تحركه سريع .

الغيهب:- ماشي .

سديت التلفون ورجع يضم وجهه

عود يخوفه مايدري بوجهه مثل الملاك

ومن المستحيل يخوف ؏ هل جمال

ضحكت ؏ تفكيريالشاطح .

دخلت واقل الساعة اندك باب بيتنا

دخلت زوجت خالي وبعدها بشوية

اجت صديقة امي جوارينا وياها بنتها

كعدنا نسولف سوه الى ان دخلت

هاجر وسجى وملاك ، ومن بعدهم

صاروا الناس تجي شي بعد شي

الى ان صار المغرب دخلت الملاية

وبدت تقرأ بجيت دموع عيوني كلها

ورجاء مو احسن من حالي

هاجر وملاك من الطم ؏ ام فقدن

صرخت هاجر بعلو صوتها

شكت گلبي :- ؏ بختتتتتتج يممممممممه كوووومييي وحاجيني .

كمت من مكاني حضنتها وحضنتني

مسحت دموعها وهمست :- ما يرجعن بعد بس ويانا

يشوفونا دائمًا عيونهن علينا لا امي تعوفني ولا امج تعوفكم .

هاجر :- هي جانت لامتنا راحت امي وراح

كلشي حلو وياها وصرنا كلنا بعاددددددددد

ابعد من ما تتصورين .

زهراء:- لا تحركين كلبها حبيبتي وقريلها الفاتحة.

من القهر ؏ حالنا حتى الملاية سكتت

ما كدرت تكمل شوية وخلتنا نلطم

انهد حيلي وكعت ابجي ما بيه الطم بعد يايمه

من بدت الى ان خلصت انتهينا.

حتى ما كدرت أصب وحدي

اجت سجى والبنات وياي ورجاء

كلنا نصب ونعدل غرفة الاستقبال للزلم صارت

ابوية وعمامي وخوالي وعمي ابو الغيهب والغيهب والولد .

والغرفة للنسوان صبينا اكل

وزاد رتبنا كلشي بمواعين سفري

واخذهن ايهاب هو واثير يوزعوها ؏ محتاجين

وبداخل ڪُـل ماعون ورقة مكتوب بيها

بخطي وخط رجاء:- الفاتحة ؏ روح امي

(ثناء بنت وسام ) الاسم حقيقي ...

بدت العالم تسلم علينا وترجع لبيوتها

إجت سيارة ابوية مأجرها :- نروح انزور امكم .

باوعت ؏ الغيهب باقي صافن

من شافني اباوعله همس :- اجي وياكم يلااا .

رحيم:- وابو الغيهب هم يروح يريد يشوف ام الغيهب .

هاجر:- وإذا أكو مكان أريد آجي وياكم .

رحيم :- السيارة جبيرة وبيها مكان للكل ، تفضلوا.

دخلت بدلت بعد ما غسلت جسمي

اخذت نور بدلت اله ملابس خفيفة

وطلعت اخذه الغيهب مني وصعدني بالسيارة وكعد هو بصفي

رجاء صعدت هي وايهاب ولا عبالك الصبح متعاركين

وهاجر وملاك راحوا ويانا وعمي وابوية وبيبيتي ام ابوية .

وصلنا بـ 12 زرنا وصلينا كلنا سوه

قريت قرأن والغيهب كاعد مقابيلي

رفعت راسي بعد ما همست :- صدق الله العظيم ، اكلك غيهب

قطعت الصلاة مو .

الغيهب:- لا والله ڪُـل يوم أصلي بس ماقريت قران صار هواي. 

زهراء:- وهسة صليت ؟

الغيهب:- اي صليت جوة ليش. 

زهراء:- عبالي تركتها كلت حرامات.

الغيهب:- أرتاح من اصلي مستحيل اعوفها.

ذبيت حسرة وهمست :- الله يهديك ويبرد قلبك .

الغيهب:- وكلبج يا گلبي .

الكل إجتمع بشكل دائري نسولف

مواضيع عامة وكل شوية غيهب وايهاب

متناكرين تالي ما تالي واحد كعد بصف الاخ

ويباوعون علينا ويضحكون عيالك كاعدين قروده

كدامهم .

الى ان صار الفجر وطلعت خيوط النور

طلعنا للمقبرة اول ما صرنا بنص

القبور فزيت ؏ صوت الغيهب:- لواء رحييييم .

رد علية ابوية من وره خشمه جان يمشي بس هو وعمي

قبل الكل  ويسولفون :- همممممممممممم .

الغيهب:- هذا النجف عيوني شووف زين .

التفتت ابوية يباوع علية وعمي كوه لازم الضحكة

رحيم:- هنا تاليته البشر يندفن بحفرة .

الغيهب:- ديربالك حفرة فارغة وراك لا توكع

لواء رحييييييم .

رحيم:- وينها دليني عليها اخلي راسك بيها .

التفتت علية وهو يحجي بتلاعب

وصوت مسموع :- سمعي ابوج يريد يدفن

ابو ابنج وبعد ما عندج رجال .

زهراء :- هو منو بدآ غيهب اسكت وامشي خلي نخلصها

؏ خير لا طلع صوتنا .

اقترب مني وهمس:- بس شوفي شوفي شلون صار أحمر

بس إني أكدر علية افتهم علية ويفتهم علية اكول ليش من تصيرين

عصبية تنگلبين حمرة ثاري طالعة ؏ رحيم .

باوعتله صفح وهمست :- بيك عضه وحق الله.

الغيهب:- تموتين ؏ ربي .

شفت قبر امي من بعيد مطبوع براسي

مميز من بينهم كلهم بعيوني ، تقدمت

انطيت نور للغيهب ومشيت الها

حضنت قبر أمي وصرخت فصلت عن العالم

الى ان انسحبت بقوة شميت عطره

وحسيت وجههي صار ؏ صدرة

حضني بقوة

الغيهب :- اششششش لا تتخربطين كافي مو زين عليج .

بقيت اناشغ ببين ايده كامت رجاء

غسلت القبر هي وايهاب ابتعدت كعدت كدامها

قريت قرأن الى ان كملت وعفناها وحدها سودة علية

لو بيدي ما اعرفها لحظة وحدة وأبقى يمها العمر كلة .

وصنا القبر عمتي ابوية شال نور وأخذنا بالربع ساعة

نبجي بس اهل ابوية ما اقتربوا حتى بيت الغيهب ياخذون

مساحة من الخصوصية ، مثل ما هم أبتعدوا من كعدنا عند أمي .

أصوات صراخ

اصوات عتب

أصوات اشتياق

أصوات ألم شوق

اهات وحسرات

فضفضة ولوم

بجيهم كلامهم مرد گلبي

دموع غيهب عموني عن كلشي

غسلوا قبرها بعد ما انتهوا من التعب

رجعنا للسيارة منتهين ما نكدر نحجي كلمة

نزلنا بيت الغيهب ورجعنا البيت اهلي

قبل لا نوصل ترجاني انزل وياهم ما قبلت

اجلتها بعدين .

رجعت للبيت بس سبحت وسبحت نور نمت

بقيت يومين ؏ هل حال اكعد ابجي ابجي

وارجع انام لا اكل ولا شرب

نهد حيلي ولو ما نور يجبرني اكوم ؏ حيلي

ما اكوم هو ينام واني انام هو يكعد اني اكعد حتى تلفوني

نسيت وين هو يجي غيهب يشوفني نايمة احس

بوجودة بس أمثل النوم وأفضله عن الكلام .

وبعد ما مر اربع ايام فزيت ؏ صوت

شهكات رجاء كمت مفزوعة صحت :- عزا العزاني شبيج .

رجاء:- لج ليش تعوفيني وحدي بعد خمس ايام عرسي

خايفة حيل خايفة كومي الله يخليج ساعديني

اليوم اذا ما تصيرين زينة يجي غيهب يبقيج يمهم

يكول هنا كلها تلتهي محد يدير باله عليها .

زهراء:- الحرارة بجسمي والله مو بيدي اسفة.

رجاء:- كومي سبحي واكلي وشربي علاج

والله تصيرين زينة هل ايام حيل محتاجتج .

هزيت راسي وسويت مثل ما كالت

صرت احسن بس الحرارة بعدها بجسمي

اجه الغيهب اطمئن ؏ وضعي وأمنت نور عنده

ورحت اني وياها اجرنا بدلت عرسها ما تريد حنه

بس عرس بالقاعة.

وحجزنا عند احسن مركز بالمنصور

اشتريت النفسي فستان وحجزت وياها بالمركز

وباليوم الثاني اخذت ملابسها البيتها

عدلتهم كلهم بالترتيب ويايه ام ايهاب

واليوم الثالث راحت للمركز نظفت ڪُـل جسمها .

وباليوم الرابع بدلنا خفيف وسهرنا للصبح بحفلة توديع العزوبية.

واجه اليوم الخامس يوم عرس اختي وحيدتي

بنت امي وابوية حسيت نفسي مو بس اختها

لا جنت امها حسيتها بنتي تلتمس مني الامان

بكل خطوة تخطيها .

طلعت وياها للمركز من الصبح ويايه

نور من صارت بـ 12 خابرت الغيهب

اجه اخذه مني واني مكيجت وبدلت

لبست فستاني هناك بعد ما حجزت حمام

عرايس اني ورجاء.

مكيجوها وطلبت ينفتح شعرها ؏ طوله

وصل النهاية ظهرها وتاج زين راسها

طلعت مثل الباربي حاولت ما ابجي كدامها

ركصت وأغني الها حتى اقلل من خوفها وتوترها.

صار العصر وخابرني ايهاب طلعت

وبقيت باهت لوني اباوع ؏ ذاك الكاعد بالسيارة

ويبتسم بنصر .

تقدم ايهاب باس رجاء

من راسها وهمس :- شطالعة بنت گلبي .

رجاء ما ترجف ترعش بين اديناته

كلش انيق ومرتب يشبه محمود التركي بدون غمازات

مشينا للسيارة صعدوا ليورة واني صعدت

بصف الغيهب يباوعلي ويضحك :- صخام هو شنو انتَ

مو مريض معرس لابس هيج .

الغيهب:- المرض ما يمنع جمالي اي والله ما يمنع جمالي

الحلو حلو لو تنكعي بطين هم يطلع حلو .

زهراء:- خربت كشختي من الصبح

مكياج وحمام وتالي تجي هيج  .

ايهاب:- وحق ربي عبالك هو العريس كسر علية.

الغيهب:- يحركها علية لج

غير طالعة اجمل من وردة فيكتور هوجو .

زهراء:- شنو هل وردة .

ايهاب:- سمعت من الغيهب .

الغيهب:- ضابط جامد ما تعرف بهل سوالف

هاي اجمل وردة بالعالم لونها داكن يستخدموها

بهداية بوكيهات وباقات الورد مرتي طالعة أحلى منها

سلبت عقلي شلون راح أسوق يمكن اعرس وياك اليوم .

ضحك ايهاب وهو يرد علية :- هو اليوم اظن بس انتَ تعرس .

هذا لكفهااا وضحك وهو يواسي بي :- يوووووو لكفتهااا

الله يساعدك يلااا ميخالف هسة اني بيوم عرس ما عرست .

عطت بي واني اتذكر وايدي خليتها

؏ راسي :- ايييييععععع اييييع لا تذكرني بيوم عرسي

ينقص عمرررييييييي غدددي لالا عيني اختي احلى

وشووف مو رجاء ام السان انبلع السانج .

رجاء:- اسكتوا من رجاء اليوم ماكو رجاء ماكو .. 

الغيهب:- ايهاب اخذها مني أغسل ايدك بقاصر.

رجاء:- هذا ابو هلهوله ليش اجه وياك .

التفتت عليها وصاح :- شنو ابو هلهوله

ترررره اعررررف شنو محورها الثااني

لا تعيديها .

رجاء:- لعد حرك ولا تهلهل .

الغيهب:- هم كالت يهلهل لا تكولين يهلهل

ادعي عليج بالهندي لج الكووبرااااااااا .

ضحكت بعلوو صوتي وهمست :- لا تحجي ؏ صددديقتييييي

وحرك السيارة تأخرنا .

طلع وهو يدردم علينا صفنت بتفاصيله

صار هواي ما شفته بهل جمال والفخامة

جان شكله يسلب العقل ويسرق قلبي

بدون أستأذن.

رافع شعره ليفوك مزين لحيته

محددها بكل دقة ، لابس قاط اسود بقميص ابيض

ورباط سمائي يلمع من فوك ليجوه حتى حذائه تلمع

مثل ما شفته اول مره واجمل بعد .

التفتت علية درت وجهي بسرعة

نظرته جانت عبارة عن كاشفج

ذبتي بيه واني متقصد .

وصلنا للقاعة كعدت اني والغيهب

؏ طاولة انصدمت من اجت

هاجر شايلة نور مبدل نفس قاط

الغيهب طبق الأصل:- عزززاااا مخنوك الولد بالرباط وين لكيت قياس

نور بالسوك ماكو هييييج .

ضحك وهمس:- خياط خيطنا عيوني عوفي كشختنا اهتمي

بـ اختج دخلت .

التفتت اباوع ؏ ملكتي جانت مثل الملكة تمشي

وايهاب لازمها بكل تملك ؏ أغنية حسين الجسمي (حصنوها باية الكرسي )

ضحكتها خلت عصافير ببطني .

الغيهب:- أستغفر الله مو خوش سالفة هاي مال توأم

شنو أشوف مرتي تفوت عبالك كاعد بحلم يغث

واشوف مرتي تزوج عليه.

ضحكنا كلنا ؏ كلامه نريده يسكت ماكو انفتح

ركصت هي وياه ؏ أغنية

يارا (ما بعرف )

دقايق وكف الغيهب مد أيده حتى

نروح نركص خليت نور عد هاجر

وكفت وضحكتي ما فاركت وجهي

ركصت وهي تكول :- عم حس بلون الدنيا أحلى صار

عم عيش انهار بألف انهار .

اقترب غيهب من اذني وهمس :- احبج احبج احبج احبج .

جسمي صار جلي وذاب بين اديناته

ما اعرف شلون سيطرت وهربت منه

وبدت الحفلة ركص جوبي

وسيوف ولد عمي ذبو لحم

وعمامي يشمرون فلوس ؏ ايهاب

عماتي يركصون هم ورجاء وهي انطلقت متناسية ڪُـل الخوف

الى ان صار ابوية قريب منهم ودعهم وهو يبوس راس

رجاء وصاح ؏ ايهاب:- ما اوصيك لآن أعرف الـ منو انطيت بنتي .

باس ايهاب راس ابوية وطلع هو ورجاء.

واني والغيهب ونور طلعنا نفتر بالشارع

وضحكنا ما غاب لحظة.

الى ان صارت بـ 1 بليل قررنا نرجع

دك تلفوني اباوع اسم رجاء انكمش گلبي

وغابت ضحكتي فتحت خط سمعت 

شهكتها :- الحكيلي زهراء ابوس ايدج تعالي .

يتبع .....

حسابي الـ انستا ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _43_

بماذا تَرغب الآن؟

- وطَن صِغّير

- ومِا هَو؟

- جَاي مَهيل واغِنية عراقيةُ وسُوالف هَواي تَّشبه جَمال عيونچ البَغداديّ.

...................

زهراء...

الى ان صارت بـ 1 بليل قررنا نرجع

دك تلفوني اباوع اسم رجاء انكمش گلبي

وغابت ضحكتي فتحت خط سمعت 

شهكتها :- الحكيلي زهراء ابوس ايدج تعالي .

بلعت ريكي والتفتت اباوع ؏ غيهب

صافن عليه منتظر احجي شصاير

بـ لحظتها تذكرت موقف صار كدامي

بوقتها عندي طلبية وامي كاعدة يمي

تسولف هي وجارتنا عدهم مشكلة

بينها وبين زوجها .

مشكلتها تسولف الزوجها عن

أهلها ومرت الايام وعيرها بيهم

بعد اخذ وعطاء دام ساعة ردت

عليها امي :- الرجال مهما يكون محب وآدمي غلط تنطي

سر اهلج غلط ينحجي كلشي اله لان تكثر المشاكل

وغلط نحجي الهم مواقف كالتها اخت او ام او صديقة

لان تنعكس ضدج بيوم .

احجي بس لا تنطين بـ احد كدامه سولفي الزين

والموزين موتي ببطنج .

بلعت ريكي وهمست بضياع

وأطراف رجلي ترجف :- رجاء متخربطه لان ما أكلت اليوم

وايهاب حار بيها وهي من الخوف تعاند وما تاكل فدوة اروحلك

فر السيارة وخلينا نرجع ما تغفالي عين واختي تريدني .

شغل جكارة سحب نفس وهمس

وهو يذب الدخان:- اليوم عرسها ورجلها موجود

لازم تكون بينهم خصوصية هل امور تصير همه

يحلوها وحدهم .

باوعتله بتوسل وهمست بقلق :- غيهب مو وقت كلام

اذا ما بيك حيل توصلني رجعني للبيت أخلي واحد

من ولد عمي يوصلني الهم.

الغيهب:- باع الصلافه عينك عينك تحجيها مقابيلي

اضوج تطلعين وياهم اني اوصلج بس لا تغثني.

زهراء:- اي يا عيني من البداية أخذني لا تشلع گلبي .

فر السيارة ورجعني للفندق نزلت اني وياه

خابرت ايهاب يدك وما يرد الخوف والشكوك

صارت تلعب براسي لعب بس لا ضاربة ايهاب

والله تسويها رجاء اذا تفقد كلشي تسوي .

حجه غيهب هو وابو الفندق وكلمة منا

وسالفة منا وأفق يخليني أصعد أشوفهم

خليت گلبي بيدي وصعدت بالمصعد

الغيهب ونور ينتظرون جوه

وكف المصعد مقابيل ممر مليان غرف

صرت ادور رقم غرفتهم وكفت كدامها

سمعت صوت رجاء تبجي وتناشغ

دكيت الباب بقوة وصحت :- إيهاب أفتح الباب اني زهراء.

انفتح الباب بسرعة باوعت ؏ ايهاب

وجهه لونه مخطوف فتحلي الطريق

دخلت ومن قوة المنظر لزمت گلبي

مردني مرد واني اشوفها كدامي :- حبيبتي رجاء شصاير بحالج

امي انتِ سودة بوجهي منو سوه بيج هيج حبيبتي .

كاعدة بالكاع شعرها مهوس بطريقة فضيعة

شعرها مكطع مكياجها خربان

صاير خريطة بوجهه البدلة

صدرها مشكك حالها حال يصعب ؏ عدو

عطت مفزوعة واني اوجهه

كلامي لـ ايهاب:- شبيهاا رجاء احجي  انطق لا تسكت ضربتهااااا .

وكفت لزمتني من ملابسي وصاحت :- لا تخلي يلزمني

ما أريد احد يطخني احميني منه .

زهراء:- من منو ايهاب ضربج !!!

هزت راسها بجنون

وملخت شعرها كمز ايهاب قيد أيدها

عاطت بصوت عالي:- جمال لج جمال يريد يغتصبني .

صكيت ؏ اسناني بفزع :- منو جمال ؟

لطمت ؏ وجهه والتفتت ؏ ايهاب:- انتَ احميني هاي زهراء غبية .

غلق عيونه بقوة وحضنها

مثل الاب ويريد يخليها بنص كلبه :- اني يمج ما يلزمج والله

بس كعدي ارتاحي جري نفس لا تأذين روحج وتأذيني .

رجاء:- لا ميصير هم يقفل الباب طلعني منا .

رجعت تملخ بوجهه وتلطم بكل قوتها

اني وايهاب نريد نسيطر عليها ما نكدر

المصيبة صوتها عالي اذا يشتكون علينا

عبالهم نعنف بيها .

عافنا ايهاب وراح فتح جنطة صغيرة

طلع منها إبره اباوع علية يخبط بيها

رجاء:- لا تضرب اموتك  والله عوفني كاعدة تريدون

تموتوني ادري بيكم ما تريدوني ما تحبوني كلكم

خليتوها تستغلني وتخلي اخوها ..

بعدها ما مكملة تقدم بتجاها وهمس :- ابتعدي زهراء.

كمت منها وكفت بعيد عنهم

عاطت بعلو صوتها دفعها

حيل وكعت ؏ جرباية صعد فوكاها

قيد حركتها برجله وداس ؏ ايدها

حطها جوه رجله ، ضربها غصب

عنها وكف بجت وصارت تضرب براسها

وهي تهمس :- لا تعوفني أبقى يمي ايهاب لا تعوفني اني خايفة.

حضنها وصار يمسح

؏ ظهرها وهو يهمس :- يمج بنت گلبي يمج كافي جمال

مات بعد ماكو جمال .

غفت بين اديناته آول ما غفت

نزلها ؏ مخدة باسها بخدها

وابتعد وهو يهمس :- بدليلها زهراء الله يخليج .

تقدمت وآني أرتعش من الموقف

نزعتها البدلة وهو ساعدني

لبستها شي خفيف ورحت للحمام

اخذت علبة المكياج فتحتها

طلعت مزيل مكياج وقطن مسحت ڪُـل وجهه

وشعرها لميته عافني إيهاب وكف بصف الحمام

همس بالتلفون وهو مخنوك بالعبرة :- عمي رجعت حالتها أسوء

مثل ما تصورت كلت خلصنا بس ...

طلع يحجي بره دقايق ودخل لكاني مخلصه

كعد أيده ؏ رأسه وأضح التعب علية:- ادري وضعك

ما يسمح تحجي بس ما أكدر انام بعد ما شفت حالتها .

رجع راسه ؏ ظهر التخم بلع ريكه

وهو يباوع الـ رجاء:- أخو زوجة ابوج حاول يعتدي عليها

بيومها عمي بالواجب جنت بعدني صغير مو جبير

أستغربت من الوضع ليش أخوها بس من يروح عمي خفر

يجيها ، دخلت البيتهم تخربط وضعها بس رجاء واخوها ماكو .

عصر رأسه ونزلها قبض أيده

بقوة وكمل وهو يتذكر:- صعدت واني اسمع صرخات

رجاء جانت طفلة عمرها 9سنوات دفرت الباب مقفول

صرت أضرب بي بكل قوتي الى ان فتح الباب هو من شفته

و ....

وگف مخنوك سحب بطل المي شرب

كعدت بالكاع أيدي ؏ راسي :- شصار بس لا .....

هز راسه سريع ينفي شكوكي :- تلاحگتها بـ أخر لحظة

فقدت بوكتها هجمت علية صرت اضرب بكل حيلي

وشنو يجي بيدي أضربه براسه ما عفته الى ان شفت

دمه غرك ملابسي وأيدي عبارة عن لون أحمر

الكاع انترست دم قذر ، ڪُـل هذا وعيوني تعلكت

؏ رجاء تباوعلي  وعيونها مفتوحة ؏ حيلها

خايفة منهم ومن رد فعلي مترددة وضايعة ما تعرفني

واكف وياها لو ضدها مفتهم الموضوع لو ما مفتهم

لان هو مهددها اذا تحجي يكلهم برضاتها ويقتلوها ويقتلوا.

بقت ساكته ڪُـل هل وقت من عمر الـ 7 سنوات العمر 9 سنوات

هي خضعت  لتحرش انتهت طفولتها تحطمت وما تذكر غير

هل مواقف منها .

زهراء:- شصار بعدين رجاء شصار بيها .

ايهاب:- اخذتها بحضني مثل ما اخذتها هسة

وعدتها احميها وما أخلي احد يطخها ما دامني

عايش وأتنفس الهوه ، تخبلت زوجة ابوج الحقيره وحاولت تقتلني

اني وياها حتى تقنع ابوج اخوها شافني اني ورجاء

ومن منعني قتلنا اني ورجاء.

الصار دافعت عنها وطلعتها متخربطه

وجدي وكف ويانا دافع عني وعنها

وابوج من عرف تخبل كتلها

شردت بس الجهال عند ابوج .

سجنوني بس لا اهلي عافوني

ولا ابوج وطلعت بشهر واحد

بعد ما نعرف سبب قتلي الـ هل حقير

وندفع فلوس بشكل مجنون حتى ينلغي الموضوع وما تكبر

ومن صرت بالجيش انحذف كلشي .

وهذا الصار طلعت ومن يومها رجاء ما تكدر تفاركني

ولا أني أكدر افاركها احسها صارت جزء مني ومن مسؤوليتي

احافظ عليها واشلع عيون الـ يغلط وياها بحرف .

مسحت دموعي وترجع تنزل

صرت احجي بطريقة ما مفهومه:- بس حال رجاء.

ايهاب:- ما تتقبل الأماكن الضيقة مثل الغرفة

وياها رجل  ، وما تتقبل الرجال تكره

كلشي يخص العلاقة الزوجية.

زهراء:- اذا تعرف ما تحب الغرف

ليش جبتها هنا مو تعذبت.

ايهاب:- عالجتها وحق الله عالجتها سنين أفتر

بيها اريد تتعالج وكل الدكاترة بشروني بالخير

وفعلا هي تغيرت وصارت احسن من قبل

بقت انشوف هل علاقة بس طلعت ما متعافية منها .

زهراء:- شنو راح تسوي ؟

ايهاب:- ما ادري الله شاهد ، اريد تكعد ونرجع للبيت ونشوف

بعدها شنو الحل ، همه الدكاترة كالولي اذا تشوف حالتها

تتأزم تبقى بالوقت تتعالج بالمحاولة الاحتواء والصبر والحب

لازم تحس بالامان هسة هي تعبانة انتظرها ترتاح وتصير زينة

وهذا المهم بالوقت الحالي وبعد ما يهمني شي ..

جر نفس وكف نزع الساعة وهمس:- روحـي انتِ ولا يبقى

بالج عليها آني اعرف هسة بس تكعد ينتهي كل الصار

وتهدأ متعود عليها .

زهراء:- گلبي ما ينطيني اعوفها ، تدري تذكرت الغيهب

هو هم الدكتورة كالتله حالتك ينراد الها وقت

بس ما صدكت بي الى ان شفت وسمعت حالة رجاء.

ايهاب:- ليش غيهب شبي .

زهراء:عصبي ما يتحكم بـ أعصابه .

ايهاب:- النصائح والوقت يغيرون كلشي .

زهراء:- لازم انزل الغيهب جوه دير بالك عليها .

ايهاب:- ولا يهمج بس تكعد اخليها تاكل ونرجع الـ بيتنا .

زهراء:- ربي يسهلها عليكم وما تشوفون الشر فدوة

تفهمها ولا تصير عصبي الى ان تتأقلم وتعرف بيك أمانها.

ايهاب:- تعرفني امانها كلش زين تدري من سابع المستحيلات

تتأذه بسببي هاي بنت گلبي لاتوصيني عليها .

ابتسمت وطلعت وآني أهمس:- بدون ما تكول أعرف

بيك زلمة معدل ما تغلط .

طبطب ؏ ظهري وطلع ويايا نزلني وصلني جوه

الغيهب:- ها ولك شبيكم مايعين ومعرسين من اول

يوم تخربطت وتخربط .

ايهاب:- غيهب أسكت مني وآخذ بنت عمي

وشكرًا لان جبتها تعبتكم ويايه.

الغيهب:- شنو الجديد دومكم مصدر تعبي

من عرفتكم لليوم ما شفت الراحه كول جذب .

ضحك رغم التعب ورد علية

وهو يفر براسه:- الله وكيلك من عرفتك ما شفت

الخير ما تنجرع ولا تنبلع بس شكلك يشفعلك.

الغيهب:- تعترف إني احلى من بنت عمك .

ايهاب:- فايخ شحجي وياك أسكت أحسن

عندك استعداد ؏ كولت رجاء تهلهل للصبح

اروح انام .

الغيهب:- تنام بيوم عرسك امده الزلم .

زهراء:- اسكت لا اشهرك هنا وحق الله

لا يسمعون ويصدكون بيوم عرسك سهرت للصبح .

غمزلي وهمس:- تعالي نأجر غرفة ونسهر للصبح .

ضحكت بعلو صوتي وهمس :- صخام الصبح اصير تمثال

الفندق معلكني بالبلكونه كلها تباوع مصدومين تمثال الحرية

شلون وصل هنا .

رفع حاجبة كاتم الضحكة طلع قبلي

اباوع ؏ جسمه يهتز عرفته يضحك

ركضت وصرت كدامه شفته

صاير أحمر من الضحك ضحكت

وياه وطلعنا وهو لازم ايدي .

رجعني للبيت نور صار يبجي اختنك

من البدلة الرسمية باس نور وسحبني باس خدي

نزلت بسرعة فتحلي سيف الباب

دخلت ركض للبيت سبحت نور واني بملابسي

اول ما بدل نام من التعب

دخلت بسرعة سبحت غسلت راسي

وجهي من المكياج طلعت هلكانه

بس الغرفة فارغة علية جانت رجاء

تمليها بضحكها وسوالفها .

خليت نور بصفي ونمت

كعدت الصبح ؏ دكت الباب كمت ركض

مسحت وجهي لكيت ابوية كدامي:- ها بابا .

رحيم:- عذريني بابا بس بالي عند رجاء ما خابرت .

زهراء:- ما خابرت ؏ ايهاب ؟

رحيم:- أفضل انتِ تخابرين .

دخلت للغرفة سحبت تلفوني وخابرت

؏ ايهاب مره وبـ الثانية وصلني صوت

رجاء تضحك :- هلا بـ ام الزوز ليش تخابرين

؏ زوجي الجميل من الصبح .

بلعت ريكي واني مصدومة

ورديت برتباك واضح  :- لج تلفونج مغلق كلت اشوفكم وين .

رجاء:- رجعنا للبيت من الفجر طلعنا من الفندق

وهسة ايهاب نايم بالغرفة اني اتابع مسلسل.

زهراء:- شلونج مرتاحة.

ردت وصوتها تغير حسيتها بلعت شهكتها :- اي مرتاحة

يلا تعالوا منتظرين صينية ريوك العرسان لو مغلسين .

باوع ؏ ساعة وهمست:- الساعة بـ ثمانية بـ التسعة يمج .

رجاء:- متفقين .

سديت التلفون ونزلت اني وبابا سجلت ڪُـل الريوكات

انطاها للحارس راح يشتري بين ما سلكت بيض

جهزت مواعين صغار بيها زخرفة واضح عليها تبع عرسان

اول ما انطاني العلاليك اخذتها فتحت ڪُـل الـ اجبان

رتبتهم وكيمر عرب وكاهي حار غلقت الصينية

وهي تشهي بشكل ، صعدت بدلت بسرعة لكيت نور

كاعد شلته ونزلنا لمحت الحارس طلع الصينية

حطها بجنطة السيارة صعدت بصف بابا وطلعنا

نزل دك الباب طلع ايهاب يضحك  سلم ؏ أبوية

وأول ما نزلت صاح:- هلا بـ ام نور العلم .

زهراء:- هلا بيك عيوني .

اخذ الصينية ابوية دخل قبلي

لكيت رجاء بحضن ابوية :- الغالية البيت فارغ بدون صوتج .

ايهاب:- شنو عمي لحكت بسم الله .

رحيم:- متعود اكعد وياها من الـ 6 الصبح نسولف

مو تدري بس اليوم ماكو .

رجاء:- يمك حبيبي وين اروح بس العب

؏ ابن اخوك كم يوم أظل هنا وأرجع اعيش وياك .

ايهاب:- ربحنا.

رحيم:- لا لج هذا الغالي ديري بالج علية والله

اذا اسمع تضوجين بي ولا احجي وياج بعد .

ايهاب:- اطمئن حتى نكدها أحبه.

رحيم:- ادري واكع ؏ وجهك .

ايهاب:- ويا محلاها من وكعه .

زهراء:- نعوفكم تاخذون راحتكم .

باوعتلي رجاء بعيونها حسيت عدها حجي

زهراء:- فدوة رجاء مي النور خطية ما شربته .

طفرت للمطبخ رحت وياها

التفتت تباوعلي بضياع:- اشششش لا تبجين ياروح اختج .

رجاء:- خايفة اتمنى ارجع وياكم ، بس ما اريد أظلم ايهاب

تعب ويايه ورخص نفسة هواي .

رجعت شعرها وره اذنها وهمست :- ليش تزوجتي اذا ما مستعده.

رجاء:- صار سنين اتعالج كلت خلص راحت مني الرهبة

بس هم نصحت ايهاب وتعبت واني احجيها اله انتَ تستاهل وحده

احسن مني اني صعب أكون زوجه الك والغيرك.

زهراء:- لا تحجين هيج مستحيل يلكي ويحب غيرج

لج لو تشوفين رجفته ولمعت عيونه ودموعه عليج

يحبج اكثر من ما تتصورين لاتجرحي بهذا الكلام .

رجاء:- الى متى يصبر علية يوم يومين شهر شهرين سنة

بس بعدين يمل واحتمال يأذيني هذا حقه صبر علية هواي

وعنده امل بالعرس يحصل علية أنوب صديته اكثر من قبل .

رفعت حاجبي واني اباوعلها :- هاي انتِ تحجيها هيج

لج اني كدامج تحملت الـ ما ينحمل من الغيهب

لان احبه الـ يحب يضحي ويصبر أكثر من ما تتصورين

انتِ بس لا تقسين بالكلام وخليج حبابة وياه لا تسوين جفاف

كلام وفراش .

رحيم:- يلااا بابا زهراء.

لزمت ايدها وكملت بتوسل

زهراء:- بعد ما اوصيج قلبي فدوة اروحلج صيري قوية

ولا تهجمين بيتج وتخسرين ايهاب تره ما يتعوض .

رجاء:- ادري والله أحاول وانتِ ادعيلي.

زهراء:- ادعيلج ادللي ويمج بس تحتاجيني خابري .

بستها وطلعت اني وابوية

رجعت للبيت ومن هل يوم صارت مسؤولياتهم كلها علية

سيف والتوأم وابوية ، المصيبة الغيهب يوم بعد يوم يضغط

علية اكثر حتى نسافر ونرجع وصرنا توم وجيري

ڪُـل ما نتخابر ننهي المكالمة بعركة .

الى ان صار يوم سبعة رجاء

ملالي وحجوزات وفساتي ومكياج

كله جهزناها بيومين صارت أحلى من العرس

بيومها دخل إيهاب فجأة تگابل يهز هو ورجاء

يهوس وهي تهوس حبهم عاش بكلبي

وضحكتهم غصب من اشوفها ادعي أدوم وما تزول للأبد.

صار اليل تعبنا كعدت شوية لزمت تلفوني لكيت 35 مكالمة

من الغيهب ، اريد اخابر بعد ما أكدر

جبرت نفسي وخابرت ما يرد ينطيني رفض

ارجع اخابر وهم يرجع ينطي رفض

رجعت كعدت اسولف وياهم بس بالي مو ويايه

ساعة ودخل سيف صاح :- زهراء تعالي الغيهب بره .

زهراء:- يا وين بره ؟

سيف:- صار ساعة هو وابوية الحرب العالمية

الثالثة الله لا يجذبني حتى جدي راد ينجلط من الضحك .

خليت شال ؏ راسي وغطيت ؏ الفستان

طلعت وياه دخلت للاستقبال صفك

بيده وصاح :- سالمين لواء رحيم بس لا زوجتها  .

رفع ابوية أيده عضها وصاح:- اخخخخخ اتمنى توافق

حتى العريس موجود بساعة ازوجهم.

الغيهب:- خليها تشوفه اذا حلو توافق اخذها مني .

زهراء:- غيهب شنووووو سالمييييين يااااا أسكت .

ايهاب:- هذا اذا من تكولين اله اسكت يفهمها غلط

يصير يغرد بالزايد ماكو بقاموس الغيهب أسكت .

جدو:- ولكم شبيكم استلمتوا البنية من الباب

تعالي جدو كعدي بصفي معليج بيهم .

رحت كعدت قريب علية

اباوع للغيهب جكارة وره جكارة

ما يتحمل يشوفني كاعدة بنصهم

ما وكف عن التدخين لحظة يحجي بضحكة

بس الداخل شي ثاني :- الغيهب يتعارك ويانه

يكول ليش لازمين زوجتي أريدها وحاجز التركيا .

زهراء:- أعرف بس بهل وقت ما مستعده

شلون اعوف ابوية واخوتي ما مرتبين وضعهم

بس يتأقلمون ورجاء تكدر تروح وترجع عليهم

اكدر أسافر.

عض شفايفه ورد بنتر

بس يحاول ما يبين الهم هو عصبي

اني افتهم تحركاته وانفعاله:- همه متبهذلين اني اضعافهم

أبني كبر وصار عمره ست اشهر واني ما أشوفه غير ساعة

ساعتين ، اخواني كلهم طلعوا البيت فارغ

همه منو يقوم بواجباتهم واني شنو مو زوجج

ماكو احد يقوم بواجبي حالي من حالهم .

رحيم:- من ايدك  يا ابو رجفة ما تشوف ابنك سوالفك ما تسولف

احجي لوووو هم انومها ببطني .

الغيهب :- وسوالفك يرادلها سڤن وهم ما تنجرع .

رد علية جدي وهو يضحك  :- حقك أبني انتوا تـ .

زهراء:- أعرف حقك بس اصبر هل شهر

بين ما يرتبون وضعهم.

كام متنرفز أعصابه متشنجه يعصر بيده

الغيهب:- وصلت وصلت ماكو داعي بعد

توضحين اكثر وتعبين نفسج ، واني اترخص منكم كعدتكم حلوة .

عافهم وكان سلم ؏ جدي ورفع ايده الأبوية

وطلع هو وايهاب ، بقيت جامدة اباوع علية

شنو احجي حرت وصرت بين نارين .

رحيم:- ما ردت احجي كدامه بس صح كلامه

ولازم ترجعين وياه وترتبون حياتكم مثل ما هو يضحي

انتِ بادري بخطوة إصلاح .

زهراء:- گلبي ما ينطيني اعوفكم خليها هل اسبوع اشوف رجاء.

دخل ابن عمتي صغير صاح :- ابنج يبجي زهراء.

ترخصت منهم ورحت النور

اخذته وكعد اسولف الرجاء:- رجعي ولا تعاندين انتِ

انطيتي كلمة بعد زواجي ترجعين .

زهراء:- وابوية واخوتي .

رجاء:- اني يمهم ڪُـل يوم اجي عليهم ساعتين

وارجع البيتي شبيج وبيبي هنا ونسوان عمامي

ميعوفوهم أصلًا التوأم متعلقين بـ بيبي .

زهراء:- ما ادري اشوف  الوضع

اخخخ رجاء گلبي راح وياه

شكله راجع تعبان حيل .

رجاء:- اسمعي مني وسافروا.

بقينا ملتهين الى ان تأخر الوقت رجعنا للبيت

ورجاء راحت هي وايهاب البيتهم

بدلت للتوأم كعدت وياهن إلى ان ناموا

دخلت الغرفتي نومت نور وبقيت افتر

حايرة حاولت انام ما كدرت رفعت التلفون

دزيت ( غيهب بالي يمك )

شافها وماكو رد خابرت ما يجاوب

بقيت اخابر وحده وره الثانية الى ان استسلم

وفتح خط :- ليش ما ترد علية غيهب .

تنهد وهو يسحب نفس من الجكارة:-أريد اصير حقير مثلج .

تذكرت مكالماته رديت بقهر :- والله ما متقصده تلفوني مو يمي

وما سمعته ورجعت خابرت ما رديت علية .

الغيهب:- لان اجيت مثل المخبل خفت لا صاير وياج شي

سكت لحظات وصاح بغضب مكتوم ، خفت لا قررتي تعوفيني

انتِ كرهتيني زهراء جنتي ما تكدرين تبقين ساعة بدوني

صار اشهر بعيد عنج وما يهمج ، صار يومين ما سامعه صوتي

ولا عبالك صرت اشتاقلج بس انتِ العكس .

زهراء:- لا غيهب والله اني هم اشتاقلك بس

هنا اهلي معتمدين علية بكلشي .

الغيهب:- يا اهلج عفت اهلي علمودج

اني ضايع بلاج النفس صعب اتنفسه بلاج

رجعيلي رجعي حبيني لا تتخلين عني.

زهراء:- اني أحبك غيهب والله أحبك.

الغيهب:- رجعيلي اذا تحبيني ترجعين

تعذبت ما اتحمل اشوفج بيت اهلج ولد

عمج يباوعون عليج اليوم حتركت مثل الجكارة .

زهراء:- شوكت موعد السفر.

الغيهب:- كملت ڪُـل الإجراءات

والطيارة خليتها بعد خمس أيام اذا

ما تجين اطير بدونج .

زهراء:- اذا تكدر تروح وحدك ومره الثانية اجي وياك .

الغيهب:- بس اني محتاجج سويت كلشي علمود حياتنا تستقر

وانتِ مقابلتي بـ هل برود زهراء بعد ما اسافر ما اريد اشوف

وجهج معناها تخليتي عني لا تجبريني إبتعد عنج .

زهراء:- أسافر وياك خلص راح أبدي اجهز نفسي

واجهز نور ويانه .

الغيهب:- بس ما أريد تسافرين ويايه وانتِ مجبورة.

زهراء:- اني اريدك أحبك ومااكدر اعيش بدونك

ادفع ُ عمري في سبيل نستقر بس رفضت علمود اهلي .

الغيهب:- ما اخليج تبتعدين عنهم بس نرجع ارجعج الهم

بس هسة محتاجج حياتنا الها حق علينا .

زهراء:- هاي هي بعد خمس ايام نلتقي.

الغيهب:- احسبها لحظة لحظة يا دنيتي .

سد التلفون نزلت حجيت الأبوية نهائيا ما عارضني

بالعكس أيدني والثاني يوم اخذني للسوك

جهزت ملابسي وملابس نور ابوية صبور حيل

بحيث ما مل ولا حسسني هو تعبان مني

وبعد ما مرت الايام بسرعة

صار موعد طيارتنا من الصبح

اجه الغيهب ودعتهم وصعدت وياه

الطريق كله ايده بيدي ما عافها

رغم هشام ويانا هو يسوق السيارة

نزلت الأول مره بالمطار

انتظرنا ساعتين ضبط الى ان

صعدنا طيارتنا اخذ مني نور

وحضن ايدي رهبة صعود الطيارة

خلتني شعره وتخربط من الخوف

الى ان استقرت بالجو اذني بعد ما اسمع بيها

انطاني علج وصار يسولف ويايه ويشرحلي

عن الوضع هناك ، طلبنا وجبة ريوك

أكلت شوية وغفيت وسرعان ما كعدني وهو يهمس

وصلنا ، انصدمت ببالي انطول هواي بعدين نوصل

نزلنا بالمطار وبوجهنا للشقة حجزها

قبل لا نسافر، اخذ الحارس الجنط وصعد ويانا

فتح البوب ودخلهم وطلع .

غسلت النور ودخلت اني غسلت ورحت للفراش

بين ما غيهب سبح اجه بتجاهي بدون تفكير وكلام

سحبني الـ حضنه بعد فراك طوووويل

اخذ شفايفي بين شفايفه اندمجت وياه بس جسمي كله يرجف

خايفة لا يفقد السيطرة ؏ نفسه ويأذيني

تعمق بـ لمساته ويايه تقرب من أذني وهمس بـ اسمي

ورجع اخذ شفايفي همس احبج

أبتعد باوع بوجهي وكمل كلامه :- انتِ نعمة لازم ابوسج وجهه وكفه

باوعيلي سمعيني صوتج اريد ابقى وياج .

قيدت وجهه بين اديناتي وبست شفايفه

اقترب مني هل مره غير عن ڪُـل مره

كان حذر بشكل فضيع ڪُـل ما يقسي

ويلزم ايدي بقوة ارفع راسه مني

اخلي يباوع بعيوني واهمس بكلمة :- أحبك حبيبي .

بعد مرور وقت كمت من فراشي سبحت

واني خجلانه منه مااعرف أفسر شعوري

بس ابد ما متعودة علية دائما بعد ما يقترب

مني احس احساس العروس يمكن لان نبعد

عن بعض فترة طويلة ، سبح هو الثاني واقترب

اخذني نومني ؏ صدره ، تمسك بيه بكل حيله احس

مثل الطفل وحاضن لعبته يخاف تضيع منه .

فزيت الصبح ؏ صوت نور كمت

بسرعة اول ما شافني رفع ايده شلته

بست خذه ومسحت دموعه ، مشيت للمطبخ

شربته مي وكعدت العب وياه الى ان كعد

الغيهب:- شنو هل صباح .

عضيت شفايفي وهمست:- حلو مو؟

الغيهب:- يخطف القلب .

اخذ مني نور صار يلعب وياه

عفتهم ودخلت للحمام غسلت وبدلت

صاح علية:- جوعانين.

زهراء:- اي يعني.

الغيهب:- نبدل ناكل جوه.

زهراء:- خليها العصر نطلع هسة ما أريد .

طلع من المطبخ شايل نور

رد علية بهدوء:- براحتج نازل أطلب آكل.

هزيت راسي وعدلت شعري اخذت نور هو بدل وطلع

بين غيرت النور ورتبت ملابسنا رجع

عدل الآكل سويت جاي بس وكعدنا ناكل ونور

بحضن الغيهب ما يتركه ولا ثانيه

للعصر بدلنا وطلعنا نفتر بشوارع الاسطنبول تحديدا

شارع الاستقلال الجو بارد ؏ حار معتدل بشكل جميل

ايدي بيده وهذا ڪُـل ما تمنيت محلات كلها أنوار

ناس تمشي بيهم الـ يضحك بيهم الـ مستعجل

بيهم الـ يلاعب ابنة وبيهم الـ يتغزل بحبيبته.

ختمناها بـ حي كراكوي شارع الشماسي

من اجمل ما شافت عيوني اول ما شفت

المنظر ضحكت لا إراديا سحبني من ايدي وكعدنا

؏ ميز قرب الكرسي يمي وطلع التلفون حضني

واخذنا صورة جمعتنا اني ويا ونور لأول مره

طلبنا الأكل ونزل خلال دقائق صرنا ناكل ونسولف

الى ان دك تلفونه صار يحجي

بالانكليزية ما فهمت علية من

كمل همس :- باجر موعدنا عند الدكتورة .

هزيت راسي واخذت نور العب وياه هو

راح غسل ورجعنا للشقة نور بس بدل

ورضع نام ، دخلت للغرفة عدلت نفسي

لبست ملابس نوم الأول مره من تزوجت

لليوم ما لابستها خليت شعري مفتوح

ومكياج هادئ رشيت عطري وطلعت

لكيته مختار فلم من انتبه علية بقه صافن

للحظات أدارك نفسه سحبني من ايدي

كعدت قريب علية نمت ؏ صدره

وصرنا نتابع الفلم وناكل الى ان كمل

والوقت تأخر كمت لملمت المكان ودخلت

للغرفة اشرلي بيده وعيونه ذبلانه :- تعالي زهرتي تعالي .

رفعت حاجبي وهمست :- صير حباب باجر ورانا

دكتورة لا تجفص بيها گلبي يلعب منك .

تقدم حضن خصري ونزل باس

ركبتي وهو يهمس:- اشششش سلميلي نفسج.

جردني من ملابسي بلحظه صار هو

المسيطر أخذني بغير عالم صرت

تحت تأثير لمساته همساته ونظرات

عيونه الـ سيطرة ؏ دكات قلبي بكل

أحترافية وتمكين.

بعد مرور وقت مو قليل جنت نايمة

؏ صدره رفعت راسي طبعت بوسة

؏ طرف شفايفه وهمست:- عادي أسألك سؤال .

الغيهب:- اجاوب قبل السؤال ، لأن مشتاقلج ، وطول فترة

غيابج جنت أزرع فكرة انتِ تختلفين عن الكل بكلشي

والـتصرفات الصارت قبل ما تصير وياج

زرعت فكرة أرجع مثل قبل بكلشي

من الأخير اني بكثر ما مشتاقلج اوف ما اكدر انطق بيها كدامج .

كلبت نفسي ورديت بتلاعب:- هم زين ڪُـل ما تعذبني

إبتعد عنك اخليك تشتاق إلي .

دفعني بلمح البصر صار فوكي

يوزع بوسات متفرقة ؏ انحاء

وجهي وجسمي :- منو يعذبج ما عاش ادفن نفسي

اذا تنزل دموعج بسببي بعد .

عضني من ركبتي وكمل :- وانتِ لا تصيرين حقيرة

وتهدديني بيج اني ضعيف كدام فراگج .

ضميت وجهي بصدره نام بصفي

وحضني الثاني يوم كعدت لكيت

نور بنصنه يلعب بـ أيده وكل شوية

يجر شعري .

زهراء:- حبيب امك انتَ ولك وين بابا .

دخل الغيهب بس شورت بدون تيشيرت

رفع حليب نور وهمس :- هنا بابا .

اخذه بحضنه يشربه واني أضحك ؏ شكله

عفتهم دخلت سبحت وبدلت وهمه بدلوا

طلعنا بس تريكنا وبوجهنا للدكتورة

عيادتها حلوة وانيقة بقينا انتظرنا ساعة

كاملة ودخلنا عليها ما افتهمت منها غير الـ هاي

كعدنا صار الغيهب يحجي وياها

وهي بمجرد ما تهز راسها وتركز

بحركاتنا وكأنها تدرسنا بكل أحترافية

بعد فترة طويلة من الكلام بينها وبين الغيهب

وكف الغيهب اخذ نور وهمس:- تريدج وحدج منتظريج

اني ونور بره .

زهراء:- بس لا اني افتهم عليها ولا هي تفتهم .

دخلت بنية تقريبًا بعمري كعدت بدل الغيهب

أبتسم وعافني وطلع ، جانت جلسة خاصة

حجيتلها كلشي صار بحياتي والغيهب

حاجي الها عن حياتنا صارت تجمع

بكل هدوء ، وصدمتني وهي تعدل كعدتها

واجهتني بكل اغلاطي بدون ما تراعي

مشاعري ، ما ذكرت ولا صح بحياتي

مجرد ذكر السلبيات ، تحجي بطريقة

خلتني أحس وكأن الماضي فلم يمشي

امام عيوني .

ولإن جلسة خاصة يصعب علية ذكر التفاصيل

طلعت منها واني امر بـ حروب بين

عقلي وقلبي ذاتي وتأنيب الضمير

كرهت نفسي وحياتي كرهت افعالي

وتصرفاتي ، كرهت ضعفي وكل

كلمة طلعع مني بـ اوقات مو مناسبة

ما اعرف شلون وصلت للبيت

اول ما أنفتح باب الشقة دخلت للغرفة

وقفلت الباب ، شمرت شالي وملابسي

بالكاع بقيت بـ ملابس خفيفة بس احس

بنار مشتعلة بجسمي وداخلي مثل

الزجاج وينفطر شوية شوية

موافقتي من البداية

تنازلاتي الـ ما تنعد

تضحياتي الـ سقطتني

هروبي منه ورجوعي

ولادتي الغلط النور

وطلعتي الأخير

أمامي ومقابيلهم حلو ليش  سويت هيج جان المفروض أبتعد

واتصرف بهذا الحل اسوي واخلي هيج افكار تتضارب كدامي

حرب الذات دمرتني وصلتني للجنون

صرت أصرخ بعلو صوتي

الألم صار يطلع ؏ شكل صرخات متتالية

لطمت ؏ وجهي شلعت شعري

شككت ملابسي

كلامها يرن بـ إذني

ليش هيج سويت وليش ما تراجعت

أسمع نور يبجي حسيت شكد ولادتي غلط

صرت اشوف الحياة من جانب ثاني

صرخت وصرخت نهد حيلي وكعت راسي صار طبلة

وجهي من الحرارة حسيت راح ينفجر

انفتح الباب لزمني الغيهب وثبتني حضني بدون ما ينطق

بحرف صرت اضرب بي بكل ما تبقى من قوتي

واصرخ بعلو صوتي انتَ غلطتي ما اريدددددك بعد

اكرهك وما اطيق اشوف وجهك

صرت انطق بكلام الأول مره انطق بي

جرحته بالكلام بصورة ما تنوصف

بس كان صامت صامد امامي

يحاول ك يستخرج ڪُـل الطاقة السلبية الـ بداخلي

مر وكت طويل واني مستمرة بـ هل حالة المجنونة

الى ان تعبت واختفى صوتي

وكعت بالكاع ما أكدر ارفع راسي

ولا اشيل ايدي ادمرت بكل ما تعني الكلمة .

يتبع ...

عيد سعيد عليكم قلبي وكل سنة وانتوا سالمين 🤍

حساب زهراء بطلتنا ؏ انستا

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _44_

لاتقلقي لقد خبئتُكِ بين

عروق دمي والوريد لامفر

لكِ مني ولاهرب  .

..............................

زهراء...

مر وكت طويل واني مستمرة بـ هل حالة المجنونة

الى ان تعبت واختفى صوتي

وكعت بالكاع ما أكدر ارفع راسي

ولا اشيل ايدي ادمرت بكل ما تعني الكلمة .

من التعب يومين نايمة ما أدرك شنو

الصار ويايه وضعي تخربط تمامًا

وجع بطني ما ينوصف  لزمتها وكمت بصعوبة

اتبع صوت نور الـ يناشغ بالبجي

أول ما شافني الغيهب وجهلي نظرات

أستفسار وحيرة تقدم بتجاهي وهو

يتساءل :- شلونج حبيبتي تعالي هنا

كعدي لا توكعين وضعج ما مستقر .

مشيت كعدت ؏ تخم قريب ؏  نور تلمست وجهه  ورجعت

اباوع للغيهب بضياع ، قابلتني نضراته

نزل راسه غلقت عيني وهمست بتعب :- جوعانة.

حجيتها واني متأذيه صوتي ما يطلع

ونهائيًا ما مفهوم شلت نور صرت ارضعه

هو عافني ودخل للمطبخ اسمع اصوات

مواعين نزلت راسي ؏ نور نام وهو يشهك

سودة علية يا روح امك ، من البجي صدره يخرخش

سحبت نفس وكلبي نمرد مرد علية تعذبت وانتَ صغير يا حبيبي .

طلع من المطبخ سحب الطبلة ونزل الصينية

بيها اكل كدامي واخذ نور ينومه بالغرفة

سحبت الاكل والاول مره اكل بهل طريقة

من التعب والصياح صرفت ڪُـل طاقتي

اكلت وهوه طلع كعد كدامي ما نطق بحرف

مجرد ما يباوعلي ، من أتذكر كلامي استحي

حتى ارفع راسي واباوع بوجهه

من كملت اخذ الصينية من كدامي وتقدم وكفني

دخلني للحمام جردني من ملابسي وصار يسبحني

بكل هدوء ، نشف شعري بالحمام وطلعت وحدي

بدلت وكعدت بالغرفة الـ بيها نور

وهوه بدل ملابسه وطلع بدون ما يكثر كلام ويايه .

خليت راسي قريب ؏ نور ودموعي اخذت

طريقها صارت تشرح وضعي بدون ما أنطق

بحرف واحد، ضياع ، ؏ خوف ، ؏ ارتباك

التفكير المفرط متعب الى درجة الجنون .

ساعة ورجع هو بغرفة واني بغرفة

مثل ما أريد ، بس ڪُـل شوية يفتح

الباب يطمئن علية وعلى نور ويرجع يطلع .

اربع أيام ؏ هل حالة الى ان صار موعد الدكتورة

جانت الجلسة مختلفة عن القبلها ، صارت تذكرني

بكل ايجابيات حياتي حُـبي للغيهب وشلون نجحت

وخليته يحب نفسه بعد ما كان شبه ميت فاقد

الأمل بحياته انسان تحول مثل الوحش

يأذي ڪُـل شخص يوكف مقابلة

وبيدي ساعدته حتى يرجع الغيهب الـحنون .

صارت تحجي وتوصف حياتنا مستقبلًا

وخلتني اشاركها الحديث مخططاتي واحلامي

وهي ساعدتني وتشرحلي شلون اكدر اخلي الحلم

براسي وأحقق .

أخذت وقتها وهي توصف نور وتأثيره ؏ حياتنا

اخر شي حجتلي عن الغيهب وحبه الي

والخطط الـ هو شاركها بيهم

سألتها عن علاقتنا قبل لا اطلع

ردت عليه والمترجمة فهمتني :- ساعدتكم بكلشي

اله هل موضوع انتِ وزوجج مسؤولين عنه

بيدج كلشي مثل ما بالتعويد اكتشف هل تصرفات

وصار يتلذذ بيها ، بيدج تخلي يبطل منها بمرور الزمن

بالاحتواء والتذكير انتِ غير عن الكل  يرجت احسن وأفضل من قبل .

تشكرت منها وطلعنا بس صدمني الغيهب

من كال :- بعد عدنا جلسات بس مو هسة.

زهراء:- شوكت يعني ؟

باوعلي بقهر وهمس:- مو هسة كالت هي تخابر وتحدد .

طلعنا بس احس احساس الطفل

ما اكدر حتى افكر راسي مرتاح بشكل

ابتسامتي ما تغيب من وجهي صرت العب واضحك

اني ونور الى ان دخلني مطعم اكلت واني احس بسعادة

وهوه عكسي تمامًا فاقد الضحكة والفرحة

اكتفى بالسكوت وما نطق بحرف واحد

رجعنا للبيت اخذت نور انومه هو سبح

ونام بالغرفة الثانية ، عدلت نفسي بدلت ملابس قصيرة تعطرت

ومشيت للغرفة فتحت الباب ودخلت

كعدت مقابيلة وهمست:- عادي نحجي حبيبي .

همس بتعب :- بعدين .

زهراء:- اني اسفة مو قصدي اجرحك وأذكرك بالماضي.

الغيهب:- ما حجيتي شي غلط ڪُـل كلامج صح .

زهراء:- غيهب الله يخليك لا تحجي هيج الخاطري

كوم نتفاهم باوع بوجهي خليني اشوف عيونك .

فتح عيونه يباوعلي بزعل اقتربت

همست بـ إذنه:- اسفة حبيبي والله أحبك الخاطري لا تزعل

اني مستعده اسوي كلشي في سبيل ترجع تضحك .

كعد وجرني من خصري وهمس

بصوت رجولي خشن :- كلت ما زعلان منج

اني مقهر لان تعذبتي وابني تعذب واني تعذبت

بسبب ناس ما تسوه.

زهراء :- الحياة دروس حبيبي نوكع بمشاكل ونتعب منها

بس المهم نتعلم وما نكرر اخطائنا ، خلص نبدي من جديد

ونرجع سوه احسن من قبل ، حبيبي ايدي بيدك للأبد

ما اعوفك .

الغيهب:- ولا آني اعوفج انتِ ڪُـل اهلي وناسي وعالمي وعائلتي

اصيرلج كلشي صيريلي كلشي .

زهراء:- يدلل الحلو مالتي .

كرص خدي وصاح:- ولج شنو الحلو مالتي .

زهراء:- مكذبه قابل دشوف وجهك يبرق برق

نور الكون بي هيج بي لمعة.

ضحك بعلو صوته ورد وهو

يعض ايدي :- نور من الضيم والتعب ولج ولا تكعدين ام الحلوين .

زهراء:- جمالك وكف بعيوني وبقيت

والله لو انتِ مو حلو وسوالفك العوجة

السويتها بيها فلا ابقى بس الحمدلله حلو .

رجع رأسه ليوره ويضحك وهو حاضني

اقتربت من ركبته عضيتها وهمس واني

اطلع الساني:- اممممم لذيذ .

الغيهب:- اذا جوعانة كدامج ما اكول لا .

صرت اعض بي وهو يضحك

ويرجع بعضني الى ان اقترب مني

واخذني بحضنه ونمنا.

بقينا أسبوع كامل هناك ما بقه مكان

حلو ما رحت بي تركيا عبالك جنه

خضار جبال ما مليت منها بس أضطرينا نرجع

استقبلنا هشام وامير من المطار

سلمت عليهم وصعدنا وبعد ما شفت نور

صار من واحد الواحد طاروا وبي

وهو صاير جبير ينافي ويبوس بيهم

وصلنا واول ما فتحت

الباب استقبلتني هاجر بضحكتها الحلوة

بوستني واخذت نور من هشام

صارت مقابيلي وملاك حضنتني وإني بوستها

دخلنا جوه جلال كاعد يسولف هو وعمي

حضني عمي بست راس وايده

وجلال وكف سلم وكعد

الـ تمينا انسولف

عن السفر وشلون جانت حلوة والدكتورة

وتأثيرها على تغير الصار بينا .

عافونا هاجر وملاك وراحوا للمطبخ

ما مقصرات بالأكل

كعدنا ناكل والشباب ما سكتوا لحظة

واني وهاجر وملاك نسولف سوه

بس خلصنا صعدت فوك صار هوواي

كلش هواي ما شفت غرفتي سبحت وبدلت

ونمت اني ونور من كعدت لكيت الغيهب

نايم ويانا ، عفتهم ونزلت جوه لكيت بس عمي كاعد

- هلا والله هسة نور البيت.

- منور بوجودك عمو حبيبي شلونك .

- وغلاتج يا بابا من شفتكم صرت زين

وردت روحـي اتمنى اشوفكم دائمًا سعيدين بحياتكم .

- حبيبي عمو ان شاء الله اسويلك شي تشرب .

- لا عيوني ما اريد اتعبج .

- ماكو تعب اكيد مشتاق الـكهوتي .

- نشرب من ايدج ليش لا.

كمت حضرتها وكعدنا نسولف حجتله عن

الدكتورة ورحلت العلاج وموعدنا الـ ما تحدد

- والغيهب راح للدكتور علمود گلبه .

- لا والله عمو من كتله كال صرت زين .

ضحك عمي ورد علية وهو يشرب كهوته :- اي والله صاير

زين والدم راجع يمشي بوجهه يضحك ويسولف منطلق.

الغيهب:- اخذو ذنوبي بس تحجون علية.

زهراء:- بالخير .

الغيهب:- عيوني ادري انتِ ما تذكريني بس بالخير

بس أبوية يحجي علية.

ابو الغيهب:- ما تصيرلك حل تبقى اعوج ادبسز طول حياتك ما تنعدل .

الغيهب:- شبيه اعوج وما انعدل تتحارشون بيه .

ابو الغيهب:- ما تخاف ولا تحترم .

الغيهب:- لا والله احترمك ؏ راسي انتَ ،بس الصراحة

ما اخاف بس من الله سبحانة وزهراء.

ابو الغيهب:- كفو ذيبة سحلت راسك اليابس .

زهراء:- اجيبك للدرب كتلك اجيبك متراهن عليك أصبح

حبيبك ، كملها عيوني كملها. 

رفعلي حاجبه ما عاجبه كملت واني

اروح للمطبخ وبيدي الصينية :- لا تتعاند وياي ما تكدرلي يا هواي .

عمي يضحك علينا مرتاح وهو يشوفنا نضحك

من رجعت كال:- بابا غيهب مو كلت تصبغ البيت

وتغير الأثاث الكم .

الغيهب:- اي ان شاء الله بس نرتاح لان تعبان من السفر .

ابو الغيهب:- الأثاث يصير بيد الـزوجة أحلى بابا

روح وياها بس كون هي تختار .

الغيهب:- اسبوع الجاي نغير كلشي .

ابو الغيهب:-بس من تصبغ وديها البيت اهلها احسن

مو زين ؏ نور يشم ريحة الصبغ .

الغيهب:- بطلنا لا صبغ ولا صخام ما تروح الواء رحيم.

زهراء:- لا اروح شلون هو هل يومين اروح اشوفهم .

صار ياخذ وينطي وهم تروحين وهم تعوفيني

الى ان اقتنع وسكت من وحده .

بهل يومين ڪُـل الغراض الـ قديمة انباعت

بس عمي رفض يبيع غرفة نومه غلفناها

وعفناها ملابسنا حولناها بيت هاجر

من خلصنا وصلني البيت أهلي مجبور

خشمه مرفوع وما يسولف ولا يضحك

سلمت علية ونزلت طلع ابوية

من بيت جدي عبر الشارع هو وايهاب

وهو نزل سلم عليهم اني عفتهم ودخلت جوه

لكيت رجاء تنظف .

رجاء:- لككككككك هلااااا بذاتتتتتتت حقيرررررر

لك تعال تعال اليوم اموتك .

سحبت مني نور ودفعتني وكعتله بوس

وكرص وعض وتصرخ :- لك اريد اشفطك .

دخل ابوية وايهاب صاحت بصوت :- عليك الله بابا مو ينوكل.

رحيم:- اي والله اله وحشه حبيب جده .

باوعت ؏ ايهاب وهمست وايدي

؏ خدي :- شوف مرتك الـ ادبسز بالجذب ما باستني .

ضحكت بعلو صوتها وهمست:- لج والله نور اخذ عقلنا

بعد ما نريدج بس نريد نور .

ايهاب:- بعد ما تريدج خلص سمعي الكلام .

دخلت جوه سحبتني وحضنتني

كرصت خدها وكعدنا كلنا

رجاء راحت جابت المي وعصاير

وهمه يسألوني ؏ سفر وآني أجاوب

الى ان راحت تكمل المطبخ ركضت

وراها كرصتها من ايدها وعطت بيها :- شنو هل نظرات

والتغمز والحركات بينج وبين ايهاب ولج احجي .

غطت وجهه بـ اثنين اديناتها وهمست :- اخاف احجيلج

وتضحكين علية .

رديت بضحكة قبل حتى ما تحجي :- لا ولج ما اضحك فجريها  .

رجاء:- كبسلني وصار الصار .

زهراء:- ما فهمت لج احجي عدل .

رجاء:- لج والله اشترالي منوم

اني احسني نعست وسكرت وهو يحجي حلو

ويتلمس ويبوس اختج راحت بيها وما اعرف شلون صارت

بس من يومها بعد ما خفت ونسيت كلشي ويقترب مني عادي

بدون لا خوف ولا رهبة ، وهو جبرني ما اخاف منه لان

حيل حباب ويايه واذا اكله ابتعد يبتعد

ذكرتيني بـ اول يوم ڪُـل شوية اكله روح مني

وابتعد ابتعد وهو يبتعد اخر شي صاح :- نومتيش يا نومة الكشره.

زهراء:- يعني هسة وضعكم تمام زوجته وهاي وتم كلشي .

رجاء:- الف الحمدلله اي تم كلشي اني زوجة النقيب

ايهاب بعد تاج وباج عيوني لا تكلميني.

حضنتها بكل قوتي وهمست :- اخخخ شكد جنت خايفة

عليج بس الف الحمدلله عدت سلامات حتى ردت اكول

الـ ايهاب يسفرج ؏ نفس الدكتورة الـ تعالجت عدها .

رجاء:- ليش ايهاب مقصر بالدكاترة ومن احسن ما يكون

بس بعد هي تعتمد علينا الدكاترة ما يفيدوني بـ هل مواضيع .

زهراء:- ما دام كلشي تم بعد هاي هي

ديري بالج علية وحافظي ؏ بيتج بطلي خبال

وعقلي لا تخلي يمل منج ومن سوالفج .

عافتني وطلعت صاحت بصوت مسموع

وهي تقترب منه:- ايهاب هم عود تمل مني .

باوعلها وهو مقلص عيونه

ما مفتهم الموضوع طلعت

اضحك ؏ خبالها رد عليها

وهي وكفت ؏ راسه :- تفاح انتِ وآمل منج رجاء انتِ مو ياهو الچان. 

كعدت وهي تحضن أيده:- كفووو زلمتي كفووو .

بقيت يوم واحد والغيهب بعد ما تحمل يعوفني

يطلعني من الصبح بحجة الأثاث نفتر ؏ محلات

ما يعجبه شي يمشي ويعيب ؏ غراض

وما يريد لون خشبي لازم كلشي ابيض وذهبي

وبي ما يشتري مرايات خبلني بيهم.

الصباغين بالبيت وعمي وهشام وياهم

واني ويا ؏ اثاث ، بـ أسبوع كامل كمل

كلشي ؏ اتم وجهه واني وسجى وهاجر

نظفنا البيت كله من فوك ليجوه

مسوي تصميم ملكي الجدار كله نقش

والأثاث ابيض فخم هشام وامير يعدلون

وهو يتأمر منا نخلي ومنا نحط وهنا يستقر

صعب حيل صعب ذوقه جان بالتنظيف يلح

؏ شي حتى يتم بـ افضل وجهه ، واذا ؏

ترتيب الأثاث الى ان خلصنا يومين نهد حيلنا

كلنه بحيث اسبوع الثاني ولا واحد وصل بيتنا

يخافون يصخرهم ؏ شي وما يكدرون يكولون لا .

ما استقرينا غير كم شهر دخل علينا

وآني كاعدة اسولف العصر اني وعمي

؏ مرجوحة يأشرلي ؏ ورد ذبلان

دخل الغيهب وصاح :- فوتي جوه بسرعة.

بدون نقاش دخلت فوت اثنين زلم

ياخذون قياسات بالاستقبال

اول ما راحوا رحت ركض صحت :- خير شصاير .

تقرب علية حضني وهو يعض خدي :- اكو ام ما تتذكر

عيد ميلاد أبنها.

وسعت عيوني وعضيت شفايفي:- نسيت من الهوسة.

سحبني من ايدي كعدنا سوه فتحلي كتلوك

وهمس اختاري دزاين يشتغلون عليه باجر .

اختاريت كلشي سمائي وابيض

وشكل النفاخ السنافر وللعصر

وداني الـ ابو الكيك حتى نحجز

عزمنا ڪُـل أخوان الغيهب وهاجر وملاك واهلي كلهم .

الغيهب:- بطريقنا نختار ملابس

لازم عائلتي ندرج بيها لون السمائي والابيض.

زهراء:- من هسة أني سمائي.

الغيهب:- متفقين واني ونور أبيض .

دخلنا ؏ محل اخذت فستان لون سمائي

ملابسهم ابيض وخطوط رفيعة سمائي

رجعت عدلت البيت والثاني يوم رتبوا

الميز والترتيبات كامله ، واني كعدت من

الصبح ما خليت لحم بعجبن دولمة وبورك

وكيكة شغل أيدي ورسمت عليها اسم نور

دخلت هاجر مبدلة بقيتها هي تكمل وصعدت

سبحت وبدلت فستاني ومكياج رسمت عيوني

ركزت عليها اكثر شي ، تعطرت ونزلت

حسيت نفسي صرت عال العال مشيت بكل ثقة

لكيت هشام وزوجته وأطفاله عدنا وامير وأطفاله

بس فرح ممنوع تدخل بيتنا ، ملاك وزوجها

وأطفالها ، أهلي أخر شي دخلوا ابوية وايهاب

ورجاء وسيف والتوأم .

كعدنا انسولف ونضحك بس ماكو أغاني نهائيًا

اخذت تلفوني وكمت إتصلت ؏ غيهب اخذ

نور وطلع بعد ما شفتهم :- حبيبي وينك .

الغيهب:- قريبين من البيت فتحوا الباب.

ركضت الـ هشام كاعد يسولف ويشرب ببسي

اشرت بيدي على شارع وهمست:- هشام غيهب يكول فتحوا الباب .

هشام:- ما ينزل هو يفتح الباب ويفوت .

زهراء:- عود صدك شنو نفتح الباب انزل افتح الباب وحدك .

هلهل علينا بعدنا ما مخلصين:- هو شنووووو غير مبدل

ويايه نور ما أكدر إنزل ويبقى وحده طلعوووا انتوا شنو

تموتون .

هشام:- اعصابك يالمشهور.

الغيهب:- كووووم أفتحوا الباب وصلت كوووووم

تحركون الگلب شلون جنت فرحان .

ابو الغيهب:- فتحوا البوب ؏ حيلها

لا يفلش الدنيا بالسيارة ويشهرنا بالمنطقة.

ركض أمير وشوية وراح وره هشام

ثواني ودخل الغيهب شايل نور وصاح :- السلام عليكم .

سلم ؏ أهلي بقيت صافنه عليهم وبكلبي اقرا المعوذات

جالفين روحهم والحلاقة وهوه مسوي تنظيف بشره

لان وجهه يلمع لمع بهتت وما نطقت بحرف بعد

هو ڪُـل شوية يسرق النظر بتجاهي يشوف رد فعلي

اخر شي إقترب مني وهمس:- شلونها سَمائي الجميلة.

ابتسمت واني اباوع علية من فوك ليجوه:- زينة ومن شفتك

صرت بعد عال العال .

غلق عيونه وضحك من ڪُـل گلبه :- ها ام الحلوين عجبتج .

هزيت ايدي واني أدير عيني منه :- بس عجبتني هو غير

غير جنك كريم شانتي بالفانيليا تنوكل وحق الله .

الغيهب:- يمه ام الحلوين وأصله مرحلة صايرة تزحف

احسج عندج جفاف .

زهراء:- هو انتَ تنطي مجال وتخليني عندي جفاف .

ابو الغيهب:- ولكم زهراء غيهب مو احجي وياكم .

الغيهب:- يابه بنت لواء رحيم تزحف علية.

رحيم:- ولك يا تزحف عليك انتَ وهذا قميصك

جنك واحد يحلب بقر .

الغيهب:- وانتَ وهذا قميصك الأخضر مسوي كمين للطلي .

رحيم :- لا يا طلي مو اكوم اخذ بنتي وأطلع.

الغيهب:- عمي الغالي بنتك تموت بدوني .

دار وجهه ابوية وهو يدردم :- لو ما اخاف زهراء تزعل

هم اباوع بوجهه هل مستهتر الدلالة ما تلحك لسانه.

عفتهم ورحت خليت الكيك اني وهاجر رتبت الميز بالكامل

وكفنه اني ونور والغيهب وره الميز نغني ؏ صوت واحد

ونور يرافس يريد يطفي الشموع ، اول ما خلصنا نزل

نفخ عليهن وطفاها ، الكل قدم هداية سيارة ؏ شحن ودراجة

شحن ، ملابس والعاب ثانية بس عمي وابوية هديتهم فلوس .

اخر شي اندك الباب طلع غيهب دخل جلال بيده ظرف

اخذه الغيهب وفات هوه وياه بقه يحجي ويسولف ويضحك وياهم

كعدنا ناكل كيك التهيت احجي اني والبنات واندمجت

بالسوالف وما اشوف غير غيهب وأكف فوك راسي

باوعتله بستغراب تصاحبه تساءل:- شبيك حُـبي .

مد ايده خليت ايدي بيده وكفت باس ايدي

وهمس بصوت خافت .

الغيهب:- دخت واني أفكر شنو أهدي النور

وهو كلشي متوفر عنده شفت ام نور تستاهل

الهدية مثل ما هديتيلي حياة جديدة تستحقين

الدعم الكامل حتى توصلين الـ حلمج وأكثر .

اخذت الظرف وهمست :- كلشي ما فهمت شنو هذا غيهب .

الغيهب:- افتحي وشوفي .

الظرف كبير بيي شريد أحمر معقود

؏ شكل فيونكه سحبتها وفتحت الأوراق

الكل يباوع بفضول يريدون يعرفون

شنو الـ بيدي بديت اقرأ واندمجت بيها

لدقايق رفعت راسي مصدومة هزيت راسي وهمست :- غيهب شنو هذا .

الغيهب:- لازم يتنفذ وعدي الج هذا تقديم امتحان خارجي

سادس لازم اكون كد كلمتي وتوصلين كلت بس يصير نور

سنة تباشرين بالدراسة.

ابو الغيهب:- كفوو هسة عجبتني .

رحيم:- طلعت خوش تفكر .

زهراء:- بس اني ما مستعده أصلًا ناسيه كلشي .

هاجر:- هو نمونه كلنا مكملين وندرسج لج والنبي

اذا مو معدل بـ 90 كلشي ما افتهم .

زهراء:- بس نور صغير ويريد إهتمام ما أريد أقصر وياه .

هشام:- باجر عكبه من يكبر هم يسأل ليش ما كملتي

خلي يفتح عيونه ؏ دنيا وامه شهادتها ينحجي بيها .

الغيهب:- لا تفكرين وتشيلين هم اني رتبت كلشي

ومخطط للمستقبل انتِ بس شدي حيلج ورفعيلي راسي .

زهراء:- واذا فشلت شلون .

الغيهب:- ما الومها لان عاشرتني تعلمت تفكر

بالسلبي وتعوف الإيجابية ،لج بابا عوفيها علية

وكلشي سهل لا تصعبين الموضوع.

أبتسمت واني حايرة فرحانه بس متردده

سحبني الـ حضنه وهمس :- لا تخافين بداية معرفتي بيج

هم خفت منج هم اتعبيني فكرة بالسلبي بس بعدين صرتي

ڪُـل حياتي وحققتيلي ڪُـل أحلامي وصار وقت احقق ڪُـل احلامج .

زهراء:- جنت انتَ أكبر أحلامي وحققتك

وخليتك تحبني غصب عنك بـ إصراري

وأكدر أصر اكثر وانجح بهل امتحانات واحقق

باقي أحلامي.

قهقه بصوته الخشن وهمس :- واني وياج بكل خطوة

تخطيها وعد أرسم الج حياة وردية وبعمري ما اوكف بوجهه

احلامج ، دائمًا اكون المساند والمشجع بكل امور سعادتج .

الكل شجعني الغيهب كعد بصفي ما تحرك بعد

ايده بيدي يضحك ؏ ضحكتي ونور يلعب

ويانه ، من صار اليل اني والبنات حضرنا الاكل

وكعدنا نتعشى ، اول ما خلصنا شربوا جاي

وقبل لا يطلعون ضحك ايهاب وهمس:- نختمها بخبر

حلو يخصني اني ورجاء.

الغيهب:- أطربنا .

رفع إيهاب صدره ورد بثقه:- راح أصير اب .

زهراء:- أحلف يعني رجاء حامل ؟

رجاء:- زهرتي تصير خالة عيني .

نزلت دموعي عبالك كالولي بنتج حامل

حضنتها بكل قوتي وهمست :- الف الف الف مبروك

يا روح وقلب اختج انتِ .

رجاء:- ربي يبارك بيج امي ام قلب الحنين .

صاروا الكل يبارك الهم وهمه خجلانين

بحيث وخدودهم صارت حمرة

طلعوا من عدنا والكل فرحان

اخر شي هشام آخذ إخوته وطلعوا ڪُـل واحد وعائلته.

رتبت ڪُـل البيت وغسلته اول ما كملت

رحت الحضن محبوبي نعيش بعالمنا الخاص .

يومين والغيهب دخل والكتب بيده

باشرت أدرس امتحانات التمهيدي

تحت جدول نظمه الغيهب حتى

ما يضيع وقتي ، صرت ڪُـل يوم

اكعد بـ 8 الصبح اتريك وأبدي

تنظيف البيت من فوك ليجوه بساعة وحده

اوقت بيها التلفون وأتحدى نفسي اخلص قبل الوقت

بس اخلص اطبخ وأسبح يكعد نور يتريك ويسبح

واخلي يلعب كدام عيوني واني افتح كتبي

وأدرس بس تصير بـ 12 يكعد عمي

أصب الآكل ؏ اتم وجهه اخلي ياكل واني مقابيله

اكمل قرائتي ، الى ان يرجع الغيهب بـ 2 الظهر

بس يسبح وياكل يستلمني امتحانات ركز ؏ كلشي

ما تركني الى آن ضبطت ڪُـل المواد

وبيوم الامتحان صرت أمتحن واني

اكل بروحي اكل شلون ، واخاف

القلق دمرني والتفكير تعبني بشكل فضيع.

الى ان خلصت روحـي خلصت

وكعدت أنتظر القبول منهم

بيومها دخل الغيهب ملامحه

توحي للانزعاج فقدت الأمل

وجنت اعرف ما انجح من اول مره

المواد صعبه علية كلش .

بس انصدمت من اخذت الشهادة

ومن اول ما اجت عيوني ؏ ورقة

اقراها ودموعي تصب ؏ خدي

رفع راسي بيده ونزل خطف شفايفي

وهو يحكم أيده يعصر بيها خصري

بكل تملك همس بخدر :- نجحتي حبيبي نجحتي كلت انتِ كدها .

زهراء:- الدنيا ما واسعتني ما تخيلت بهل سهوله.

الغيهب:- لا حُـبي متوهمة بعد هذا تمهيدي

وراج المهم عندج أربع او خمس أشهر

لازم تضبطين المواد كلها بـ هل امتحانات

تحددين مصيرج وحلمج اريد منج معدل

ترفعين راسي بي ما أريد أقل من 90 .

زهراء:- اذا تبقى ويايه كلشي أكدر أسوي

بس ظل بظهري لا تعوفني ابد .

الغيهب:- وين اعوفج خبله انتِ النفس الـ يصعد وينزل .

زهراء:- كافي غيهب ايدك .

الغيهب:- لازم اخذ هدية النجاح

قابل اقري واتعب بلاش .

رفعني من الكاع وصعد

الدرج وهو يطبع بوساته

؏ ڪُـل ملامح وجهي

نزلني ؏ سرير وصار يتفنن بحركاته الجريئة

صرت غصب عني اتفاعل وياه

الى ان صرت مثل الريشة بين أيده .

مر وقت واني بين أحضان الغيهب

كمت من عنده هو نايم سبحت

ونزلت فرحت عمي لكيته

منوم نور عنده ، خابرت اهلي وهاجر

والكل فرح ؏ فرحتي .

ومن يومها ما تركت شي اسمة كتاب

الغيهب أول أربع اشهر كل ما يرجع

من الدوام بدون راحه يكعد يدرس بيه

الى ان نهلك يعوفني ويروح ينام

من اقترب الامتحانات وظل بس شهرين

ترك ڪُـل القضايا وبعد ما استلم

في سبيل يبقى بالبيت ويخليني اضبطها

نور هاجر تكفلت بي ما اشوفه بس

من يريد ينام ، تعلق بجهالها ويضوج

اذا يبقى وحده بالبيت ، عمي يحب يروح عدها

العصر ياخذه حتى البيت يفرغ ويدرسني الغيهب

ومن تصير بـ 12 يرجع عمي ونور

يعوفني الغيهب بـ وقت الاستراحة

احضر الهم كيك والعصائر والفواكه

ونكعد نباع تلفزيون وناكل و نسولف

واختمها انام والثاني يوم يتكرر الروتين .

وبس دخلنا العد التنازلي

الغيهب صار يرعد :- كاعد اطلگ خايف منج تصدميني .

زهراء:- قصدك اني مو كدها .

الغيهب:- خبالو ادورين مشاكل ويايه .

زهراء:- ما ادور بس تعبت انطيني

استراحة ساعة وحدة هي شنوووو تعذيب .

الغيهب:- مو الصبح اخذتي استراحة

نخلص الوقت ؏ استراحاتج .

باوعتله صفح ونزلت آخذت الاوراق

بيها اسئلة وكعدت أجاوب عليها

جمع اسئلة خمس سنوات شرحها بالتفصيل

وبعدين امتحنت بيها بحيث المادة مو بس تنفهم

لا تنحفظ وتنطبع براسي مثل الرسم .

وبيوم الـ يصادف عنده شغل مهم

جنت اتمنى يعوفني ارتاح بي

بس هيهات ، يخليني ابدل وياخذني

البيت هشام ، هنا المصيبة الكبرى

اسئلة هشام اصعب من الصعب

يخليني اكمز مدري منين يجيبها

ابقى صافنه بس يوم بعد يوم افتهم

ومن خلال هل اسئلة يسهل حتى الكتاب علية

بحيث حتى اذا تجي خارجي اكون جاهزة.

ليلة آول أمتحان اريد بس انام ما اكدر

سحبني الغيهب نومني ؏ رجله

وهوه يلعب بشعري ويهمس بـ أذني

كدرت استسلم وانام ، نمت أربع

ساعات وفزيت ؏ صوت الغيهب

اشرلي ؏ ميز مقابيلي بي ڪُـل الأوراق

وعلية كلاص كهوة ، كمت غسلت وشربت

كهوتي صحصحت وصار يراجعلي

المهمات ، حسيت نفسي خلص ضبطت كلشي

كمت سبحت وصليت وبدلت وطلعنا للامتحان

نور نايم عند عمي ما يفرك عمو لحظة

خلصت الطريق كله أراجع ، قبل لا انزل

لزم ايدي باسها وهمس:- لا تخافين ولا ترتبكين

كلشي سهل صدكي بس اهم شي تركزين

ولا تستعجلين ابد لا تستعجلين ومهما يصير

لا تنفهرين ولا تضوجين زين يا حلوة.

زهراء:- بس ادعيلي.

الغيهب:- شلون لعد توكلي ؏ الله يا نعمة الرحمن.

نزلت وهو نزل ويايه دخلت القاعات الامتحان

وصرت أنتظر وزعوا الدفاتر واخر شي الاسئله

المراقبين متشددين بشكل فضيع بحيث

راسي ممنوع ينرفع .

قريت ايات ودعاء بنية تسهيل أمر

اخذت شهيق وزفير وكعدت احل بكل

راحة ، وقبل لا يخلص الوقت بـ خمس

دخايق نقلت الحل ؏ ورقة الاسئلة

وسلمنا الدفاتر الامتحانية وطلعت.

صار الغيهب كدامي أيده ؏ راسه

خطف الورقة مني وهمس:- يكولون الاسئلة صعبة

نار بس لا تضخمنا.

رديت والرجفة بصوتي خايفة من رد فعله :- ما ادري والله

حليت الـ أكدر علية وطلعت بس ما عفت شي حتى

السؤال الترك .

وكف يباوع ويحسب ويخلي ويجيب منا ووو

بين ما خلص رجلي صارت خيوط :- صدك هيج حليتي

لو هسة من طلعتي كتبتي من الطلاب .

زهراء :- لا حبيبي والله من الدفتر نقلته هنا .

الغيهب:- يارب يطلع كلامج صح لان تقريبًا

كله صح ما عندج غلط .

زهراء:- ان شاء الله صح .

رجعت للبيت من الهبطة بس

نظفت وشفت عمي شنو يحتاج ما يحتاج

من اكل شرب ملابس وكلشي

ونور سبحته واكل وطلع هو وعمي البيت هشام

صعدت فوك لكيت الغيهب سابح ورايح السابع

نومه ، فتحت ايده ونمت عليها سحبني بقوة

وحضني وما يكدر اذا ما يتجرأ صار يبوس

بوجهي وهو يهمس:- خليني اسحب تعب طاقة الامتحان .

نمت بعدها الى ان صار ثاني يوم دراسة

يومين والثالث امتحان ونفس شد الأعصاب

المرينا بي أول أمتحان مريت بي باقي الامتحانات

الى ان ختمت اخر امتحان من التعب وكعت بالفراش

الحرارة لازمتني وهدتني هد رجعت ما اكدر ارفع راسي

من الخوف ، إرهاق الأيام الفاتت كله طلع علية .

أسبوع إني بالفراش غيهب جان والنعم الزوج

منعني أكوم من الفراش ، هو تكفل بالبيت و بنور

وهاجر ورجاء ما تركوني وحدي نهائيًا رغم

رجاء بـ اخر ايام شهر الثامن .

بكل مره يصير الغيهب مقابيلي

اهمس بتعب:- انتِ شدكول انجح اكدر اطلع معدل .

الغيهب:- اذا نفس ما تحلين تنقلين بالورقة

اكيد اطلعين معدل ومو قليل .

زهراء:- زين شوكت يعلنون ؏ معدل مو والله راح اموت .

الغيهب:- هل يومين صيري زينة حتى اسوي الج حفله.

زهراء:- بالبداية خليني انجح .

الغيهب:- بكل الأحوال نعزم الكل بيوم الـ إعلان .

ومر يوم بعد يوم واول ما سمعوا

صار الوقت بدون ما نعزم الكل

اجه البيتي ، ابوية ورجاء

وهشام وامير وهاجر وحتى جلال

الغيهب الضغط عنده علك بالعالي

بحيث يفتر ما يكدر يكعد صارت الدنيا تفتر بي .

جلال وهشام والغيهب بيدهم التلفون

منتظرين يطلع المعدل ، كعدت

واني عبارة عن سعفة ويضرب بيها

الهوه العالي ، رجاء لزمت بطنها من التوتر

وهاجر اكلت اظافرها وتعبت بكد ما تصبر بيه

شلت نور بـ حضني وما اسمع غير صرخت

هشام عاط بعلو صوته:-  زهراء هاييييي شنوووووو ....

يتبع ....

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _45_والأخيـــــرة

"لنكُـنْ أنـا وأنْـت أبديـّانْ ، لا يهـزمُنا الخِصـَـامْ ولا الوَقْـتْ ، ولا البُـعدْ"

.............................

شلت نور بـ حضني وما اسمع غير صرخت

هشام عاط بعلو صوته:- 97.9  الله اكبرررررررررر .

الغيهب:- ربييييييييييييييي .

سحبني بكل قوته

جنت اصرخ وابجي بنفس الوقت

وهو  من الفرح يبجي ويايه

اصوات الهلاهل والتصفيق

ملت البيت ما وكفت لحظة واني اكمز

والغيهب فرحان اكثر مني بألف مرة

الكل باركولي بس هشام أختفى

جلال يرش علية بخاخ الأعراس

صرت امسح بي رفعت ايدي حتى ما يصير

؏ وجهي صاح بي الغيهب:- ولك كافي لا تخليها

ترفع ايدهااا وتخاااف مو أكسر راسك

رش علية وركض وره عمي يتهرب منه .

دقايق وصوت المزيقة بالشارع رجت

المنطقة رج طلعنا كلنا بالكراج نركص

الغيهب ردح ردح بعرسه ما ردح هيج

وعمي يصفك وياهم وايهاب ذب لحم

دخلت علينا صديقة امي جانت منتظره مني مكالمة

بس انخبصت من سمعت المزيقه

اجت هي وزوجها وبنتها ذبت علية جكليت وتهلهل

فرحانة لان تعرف حلم أمي أكمل دراستي .

من اجمل وأحلى لحظات حياتي

وبعمري ما راح أنساها وكل ما أتعب

اطلع تسجيلها الـ بدون ما ادري جلال مصورنا

أشوفه وترد روحـي .

طبكت سيارة ونزل منها ذبيحة ذبحوها جوه رجلي

هدية من ابوية وتوزعت ؏ منطقة والباقي

الغيهب وايهاب جهزوا مشاوي النا بيهن .

واسبوع كامل الهدايا ما وكفت

وفرحتي ما اختفت ابوية من يومها

تغير بمعاملته للغيهب صار يحبه بس

بدون ما يبين اله يتناكر وياه بس

ما يقبل شخص يحجي علية ابد .

ايام معدودة مرت جنت كاعدة اني وعمي

وحدنا بالبيت الغيهب طالع

ونور يبجي ضايج اشرلي عمي بيده وهمس

بحنانه الـ متعودة عليه :- كومي بدلي ناكل موطه

من هذا المحل ؏ شارع ونروح البيت هشام هذا الغيهب

يتأخر بالمكتب .

اني ما صدكت بدلت وخابرت الغيهب

ادري بي ما يعارض اذا عمي ويايه بس

ما ارتاح اذا ما انطي خبر ، طلعنا بالطريق

نسولف ونضحك ؏ نور شلون يكمز مثل القرد

يسمي غيهب الثاني ، كعدنا ؏ ميز وراح جابلي

واجه ناكل اندمجت اسولف ؏ قضية الـمستلمها ويسسولفلي

عليها الغيهب ، من كملنا طلعنا البيت هشام

دفعت الباب وفتت تلكتني سجى من الباب

هشام ماكو بس سمع بينا ماصدك رجع

يضحك وبيده الكباب الشوي .

ما اكلنا الى ان دخل الغيهب يرعد من الباب :- ولك هشام

بابكم خايسسسسسسس يكلك منين تعرف اهل البيت نظيفين

من عتبة الباب وعتبتكم كاتلها الضيممممممم .

عاط بيه عمي لان فز من دخلته:- مود الكحا...... صاعد اليوم .

طلع هشام وهو يضحك فتح الغيهب المي

يرش وهشام يدفع بالوصخ الى ان صار

الرصيف يلمع لمع ارتاح واستقر دخل غسل

وكعد ياكل بعدني ما شبعت ودك تلفوني .

زهراء :- الو هلو ايهاب .

ايهاب:- زهراء اني مقابيل بيتكم ادك بالباب ماكو انتوا .

زهراء:- يا ستار شبيك ايهاب شصاير اني بيت هشام .

ايهاب:- رجاء عدها ولادة وتريدج وياها

وين صاير بيت هشام .

شمرت التلفون ؏ الغيهب وصحت بفزع :- ضيعت شلون أوصف

الطريق رجاء عدها ولادة دلي ؏ بيت هشام فدوة

رجاء تريدني وياها .

اخذ التلفون ورد بسرعة:- ايهاب إطلع للمستشفى

آني اجيبلكم زهراء أختصر الوقت والطريق بسرعة .

سكت واشرلي أمشي رفعت نور صاح عمي بيه :- وين تاخذي

عوفي هنا بيت عمه لا دخلي مستشفيات.

زهراء:- اي والله مو زين فدوة راح اتعبكم.

هشام:- دروحي لا اخلي العالم تضحك عليج .

ابتسمت بس گلبي يدك بسرعة عفتهم وطلعت

بوجهنا للمستشفى اول ما وصلنا نزلت

لكيت اثير وعمي ابو ايهاب بره واكفين

عفت الغيهب وياهم ودخلت ركض

اول ما شافتني بيبي أجت بتجاهي ترجف

زهراء:- دخلوهااا ؟

ردت عليه خايفة:- اي سودة علية شكد رادت تشوفج .

صدت عيوني ؏ ايهاب كاعد بالكاع وبس شفايفه

تتحرك وأضح يقرا القران ، رحت كعدت

قريب علية وصرت ادعيلها ، صوتها وكف گلبي

من القهر عليها ، تصرخ بعلو صوتها

دخل ابوية مبين جان بالدوام

بقه يفتر بالممر يروح منا ويجي منا الى ان طلعت

الدكتورة وبيدها الطفل ، كمز ايهاب اخذه من ايدها

وهو يبجي ودموعه ما وكفت لحظة

صار يكبر بـ اذنه وهمس بالأخير:- اسميتك (كيان ) كيان ايهاب .

اخذه بابا صار يباوع علية بفخر

همس بصوت مخنوك :- ابن الغالي والغالية .

دخل عمي اجت الدكتورة اخذت الطفل

وطلعوا رجاء نايمة وجهه اصفر

التعب وأضح عليها بشكل بقت ساعة

كاملة وصحت شوية شوية ولادتها طبيعي

بس من التعب نامت ، صرت قريبه عليها

حضنتها وهمست :- الف الحمدلله ؏ سلامتج حبيبتي ام كيان .

لزمت ايدي بقوة والتفتت

نزلت دموعها وهمست:- إيهاب.

اقترب منها باس راسها وايدها وهمس:- يا روح ايهاب

رجعتيلي باباتي .

رجاء:- سميته كيان .

ايهاب:- مثل ما طلبتي عيوني انتِ .

باركلها ابوية وعمي وبيبيتي ما عافتها

اخذتها للحمام غسلتلها وبدلت ملابسها

راح ايهاب جابلها الطفل هي شافته

وصارت تبجي من الفرح وايدها ترعش

الكل طلع وهي حاولت ترضعه ما عرفت بالبداية

والخوف تغلب عليها بس بعدين سيطرة ؏ وضع .

خابرتي الغيهب طلعت بره ورديت :- حبيبي .

الغيهب:- يلااا كلبي نرجع تعبت هواي .

زهراء :- بس أريد ابقه يمها حبيبي ارجع انتَ فدوة اروحلك

ادري تعبتك بس ما اريد اعوف اختي وحدها .

الغيهب:- هاي هي عيوني براحتج اذا تريدين تبقين

أبقي ما عندي شي وحتى نور اعرف اخلي ينام

باجر الصبح أوصله الج .

زهراء:- أحبك غيهب .

الغيهب:- احبج زهرتي .

عافني وراح التهيت برجاء

طلعونا ثاني يوم من المستشفى

الساعة 10 الصبح رجعت بيت ابوية

للظهر اجه الغيهب هو ونور

كعد ساعة وعاف نور وراح .

بقيت يمها اسبوع ما شفت الغيهب نهائيًا

يوم الثامن الساعة بـ 10بليل دزلي رسالة

مكتوب بيها (اخاف باجر الله ما كاتبلي اعيش

چنت بأخر ليلة فد مشتاگلك

خبر موتي من تسمعه لاتضوج

ابقه أذكرني حبيبي أبداخلك)

إتصلت بسرعة واني مصدومة من كلامه

اول ما فتحت خط وصلني صوته وهو يدندن

بصوته الخشن ويغني ( انا أحب غيرك صعب لا تظن محال

أترك الدنيا وإلك أبقالك

يا ضوه عيوني وبدونك ما أشوف

إشكد أحبك انت فد هنيالك  اخاف باجر الله ما كاتبلي اعيش

جنت بأخر ليلة فد مشتاقلك . )

زهراء:- تعال اخذني عمي قبل لا تموت تعال

شيكولون علينا العالم .

ضحك بعلو صوته وهمس بفرحه :- فاهمج اني فاهمج اجيت

حضري نفسج قبل لا اموت واضيع من اديناتج .

انطيت خبر الـ رجاء بوستني وبقت تدعيلي

ضربتها على ايدها وهمست :- اني اختج غبية ما بيناتنه

هل سوالف اليوم اوكفلج باجر توكفيلي ما عندي غيرج

ولا عندج غيري .

عفتها وشلت كيان بوسته وسلمت عليها وطلعت

نزلت سلمت ؏ ابوية وصلني للباب

سلم ؏ غيهب ورجع دخل  صعدت وياه لزم ايدي باسها

وشغل تكملة الأغنية (الهوى المابي اشمك مو هوى

واصعب إحساس احنه مانبقه سوى

ياللي بيك إتعلقت دونك أموت

فدوة بقيني حبيبي ابالك )

يغني وياه وفرحان بينا اول ما وصلت

نام نور واول ما خليته بفراشة

ما شفت النوم بعد للصبح شردت منه

سبحت اباوع ؏ جسمي ما مخلي

مكان ما طابع علامات الملكية علية

دخلت الغرفة نور نمت كم ساعة

وكعدت انظف البيت واطبخ

عمي من شافني أرتاح انطلق

يرش بالحديقة ويرتب الورد

حتى المرجوحة غسلها .

يومين وطلعت القبولات

ولان معدلي عالي أكدر اقدم بـ اي قسم يعجبني

وبعد نقاشات وتفكير طويل اختاريت

اني والغيهب أكون ( تحليلات مرضيه 'مختبر')

الغيهب:- تصيرين المحلله زهراء رحيم .

زهراء:- نثبت .

الغيهب:- انثبت محللتي حللتي قلبي قبل لا تصيرين محلله .

زهراء:- بس كون الدراسة سهله.

الغيهب:- اهم مرحلة السادس والمعدل

ونجحتي بي وحصلتي ؏ معدل يرفع الراس

بجهودي طبعًا وتعبي وجلطاتي لا تنسيهن انوب تصيرين

محلله وترفعين خشمج علية .

زهراء:- انتًَ حلمي الأول الباقي تكملة احلام بسيطة

ما ادري شلون أعبر عن فرحتي خليتني

بكثر ما تندمت لان اختاريتك هسة فرحانة

لان دخلت حياتك وصبرت ، جنت اعرف بيوم من الايام

نوصل الـ هل درجة من الحب

جنت متأكدة تحقق احلامي وتكون ألي سند .

الغيهب:- اريد تعتمدين ؏ نفسج عندي ثقة بيج

واسمحلج تداومين جامعة بس اريد تشدين حيلج

وتكملين هل مراحل بسرعة قبل لا يدخل نور مدرسة.

زهراء:- وعد بعمري ما اخون ثقتك بيه

وأبقى دوم ام نور زوجة المحامي الغيهب

الـ خطف قلبي وعلگني بي ڪُـل هل سنين

ما شفت رجال بعدك ولا راح اشوف .

الغيهب:- أدري بيج أصيلة رافع راسي

بيج تدرين اذا واحد من جماعتي يجي يحجي يمي اريد

اتزوج بس ماكو شريفة ، اتذكرج وارد عليهم

اكووو بس اختاروا صح ، وادعوا ربكم يرزقكم بنعمة

لان الزوجة الـ مثلج نعمة ، شوفي زهرتي

اذا بيوم تجين ما مجاوبة

اعتبرها تقصير منج وتنسحب فرصتج بالدراسة.

هزيت راسي وهمست بخجل :- متفقين حبيبي. 

قدمت ؏ جامعة وبدي اجهز ڪُـل الملابس

والمستلزمات الـ احتاجها خلال السنة

وبديت رحلت الدراسة ؏ أصولها

اول مرحلة واجهت صعوبة من حيث

الجامعة عالم ثاني مو مثل ما تصورتها

المشاكل بيها ما تخلص والذكية ما تكثر

صداقات بيها حتى لا يكثر النفاق والاشاعات

عليها ، ؏ طول الدوام الصديق الوحيد

الـ انتظر الدوام يخلص حتى اشوفه حبيبي

الغيهب يوصلني للدوام وهو يروح للمحكمة

بين ما اخلص محاضرات اخابره اول ما اطلع

يصير مقابيلي بضحكته الحلوة

شكد شباب ويانه بالدوام بس أمانة الله ما شافت

عيوني بجمال الغيهب واناقته وثقل شخصيته.

نطلع اني وياه للمطعم نتغدى ونرجع للبيت

نور بهل وقت نايم يكعد قبل لا اجي بساعتين

عمي وياه ومرات هاجر تاخذه الكل ساعدني

بمشواري الدراسي ايدهم بيدي .

جنت مرتبة جدول نظام يومي

ما قصرت لا ببيتي ولا بدراستي

ولا قصرت ؏ عمي وابني ولا ؏ الغيهب .

عدت السنة الأولى بكل سهولة من دون مشاكل

والعطلة استغليتها بالشكل علاقتي بالكل حلوة

احبهم ويحبوني يجوني واروح الهم ما عده بيت فرح زوجة أمير

لا انشوفها ولا تشوفنا .

بدت مرحلتي الثانية سيطرة اكثر

بس اصعب من الأولى ، جنت أستغل

أبسط الأوقات اقرا بيها حتى التلفون بـ وقت الدراسة

ينترك يبقى ؏ كد المكالمات .

مرحلة بعد مرحلة اعرف الغيهب يراقبني

من بعيد البعيد مو قلة ثقة بيه وانما قلة ثقة

بالناس ، ما يحب يحسسني بغيرته وأحيانًا

توصل للقهر والعصبية والانزعاج

يحاول يتعارك ويايه ويتراجع

يحول العركة موضوع :- اي شلونها دراستج شسويتي اليوم .

رديت بعدم اهتمام :- والله نفس ڪُـل يوم بس تحولنا كروبات

نتساعد سوه ومن هل سوالف تعرفها اكيد .

سحب نفس وهو يصك ؏ أسنانه

يحارب ما يبين كدامي هو يغار :- بس بنات لو وياكم شباب .

رديت بكل صراحة ما ردت اكذب علية

ويعرف بطريقته وتصير مشكلة :- ويانه اثنين شباب .

هز راسه وسكت كام شال نور وهمس :- اروح اشتري النور تريدين شي .

زهراء:- سلامتك حبيبي .

عافني وطلع دمه شايط ، صار ڪُـل يوم يراقب تحركاتي

بس ما خليت ؏ نفسي غلط جنت ارفع اسمه واتباهه بي كدام الكل

وهوه بدوره يبرز نفسه كدامهم يدخل علينا

بدون ما ينطي خبر لو يعزمني كدامهم

المكالمات هاي ما تخلص بس رغم هل موضوع

مقلق بس جنت فرحانة صرت محور تفكيره

محور ڪُـل حياته بحيث يترك ڪُـل الشغل علمود

بس يجي للجامعة يشوفني .

بعد تعب سنه كملتها وصرت مرحلة ثالثة رسميًا.

كبر نوري هنا وصار وأعي متفهم

بس حرك وعصبي مثل الغيهب بالضبط

مرات من أريد اضوج الغيهب

اكله كافي تتصرف مثل نور

ومن نور يتعبني اكله كافي تتصرف مثل بابا

نسخة الغيهب بكلشي وصلت بي يصيحلي :- خبالووو اريد حليب .

شلت روحـي وركعتها :- غيهبببب ليش تحجي كدامه

وتصيحلي خبالووو ارتاحيت تعال اسمع شيكول .

شلته وصعدت للغرفة لكيته مخنوك من الضحك

وصاير أحمر:- شبيج تصيحين اني شكو هو ابنج السان .

ذبيته ؏ جرباية وصحت :- اكعد واحجي وياه

اذا بعد يعيدها اعاقبه ممنوع يكول خبالووو

ما اقبل غير بـ ماما افتهمت انتَ وياه .

الغيهب:- حاضر ماما خبالو  .

نور:- حاضر عيني خبالو خبلتي علينا.

دكيت رجلي بالكاع وصحت:- لك والله اخليك

ترفع رجلك وتوكف ؏ رجل وحده احترم لا اخبلك من صدك .

الغيهب:- عمي بعد ما نحجي اعصابج كولي يا الله

بللي ريكج .

عفتهم ونزلت الـ عمي شكيتله عليهم

صاح عليهم مثل ڪُـل مره يضوجوني

يكعدهم مقابيله ويرزل بيهم وهم يتملصون

من الكلام ويعيدوها أضعاف.

صرت أصيح النور ابو هلهوله الصغير

والغيهب ابو هلهوله الجبير .

وهم يزيدون ويصيحولي الـ إبره خبالو

لآن دائمًا أهدد نور بـ إبره ومرات يشوف

صوري وآني بالمختبر.

داومت المرحلة الثالثة وجنت حيل تعبانة

بس أريد اخلص من الدراسة وأستقر

ذبيت نفسي ؏ دراسة ورجعت اقلل

من التجمعات واكتفيت بصديقة

نكعد سوه وناكل سوه ونمشي سوه

ندرس سوه بكلشي اني وياها .

بس تعبت نفسيتي من وصلت للامتحانات

النهائية أختفت سألت عنها ورحت العنوان

بيتهم انصدمت من كالولي:- ابن عمها تزوجها بيوم وليلة وسافر هو وياها .

بقيت بقلق ونوعًا ما ما صدكت بيهم

تمرضت وما كدرت أمتحن انجبرت

؏ كلشي وهددني الغيهب اذا ما اعديها

اكعد بالبيت ، ما يريد أضيع تعب سنة

كاملة وعدني هو يبحث عنها ويعرف أخبارهم.

اعتمدت علية وصرت أمتحن

الى ان خلصت سألته عليها

همس :- صار هواي من لكيت أخبارها

بس ردت تعدين المرحلة واكلج .

زهراء:- احجي فدوة احجي شبيها .

الغيهب:- ابن عمها خاطبها وهي رفضت

مغتصبها وقاتلها ودافنها .

لطمت وفقدت طفت فرحتي حتى

بنجاحي ورفضت اداوم بعد مرت ايام العطلة

واني بحداد ما أكدر لا اضحك ولا حتى

اجامل ضحكتها وسوالفها تتراوالي .

بصعوبة وبعد ما الكل رزلني داومت المرحلة الرابعة

بس بلا نفس ، حرفيًا اعتزلت عن ڪُـل الصداقات

خفت لا انصدم بـ صديقة ثانية

؏ كد المحاضرات واطلع بره اكعد

وحدي ادرس بحيث ارجع للبيت

مسيطرة ؏ مواد .

وقبل الامتحانات سوينا حفلة التخرج

لبست رسمي والغيهب ونور رسمي

دخلنا للجامعة واني رافعه راسي

أخذنا صورة جماعيه ركصت اني وياه ونور سوه

ايهاب ورجاء ما عافوني

ولا هشام وسجى وهاجر اخر شي وصلوا

بقينا شوية وطلعنا المطعم كعدنا ناكل ونسولف

ونضحك ؏ ايام قبل ومواقفهم .

اخر شي نريد نطلع صاح هشام:- يلااا غيهب ورق فلوسك .

الغيهب:- هاي سوالفكم الطايح حظها بطلوا منها

ڪُـل واحد بيكم يدفع فلوس عائلته.

هشام :- وحق ربك ربع ما ادفع انتَ تدفع .

ايهاب:- ولا اني ادفع حفلة تخرج زوجتك

لازم تخسر لو زهراء ما تستاهل .

صفك بيده وصاح :- لااااااااااا تستاهل شلون ما تستاااااااهل .

وكفت رجاء وصاحت :- بويه هلهل علينا.

هشام:- اشرد ولكم صار يرعد .

طلع الفلوس تحاسب هو واهل المطعم

وطلعنا ، اول ما صعدنا بالسيارة

صاح :- نرجع تنظمين وقتج ودرسين

صرفت هواي ولج لا تضيعيها .

رديت بضحكة :- ان شاء الله سهله حبيبي بس نومها .

الغيهب:- منو ؟

زهراء:- الـ هاي شسمها الـ بداخلك همي يكول عليها .

خزرني خزره درت وجهي واني مخنوكه بضحكتي .

باشرت بالامتحانات يوم بعد يوم

كملتها ؏ خير وبيوم أستلام النتيجة

جانت أكو مفاجئه ثانية تنتظر الغيهب

اخذت الشهادة وبيومها اجت هاجر اخذتني

مثل ما اتفقت وياها .

من وصلت عدلت البيت وسويت ميز

بسيط ، رتبت الكيك

والبقلاوة ؏ حلويات وعصاير

وانتظرت دخول الغيهب .

هاجر:- اني اروح ما دام وصل

انتِ بشري .

هزيت راسي طلعت وهو دخل

نزلت راسي وهمست :- شهادتي .

اقترب مني وهو يباوعلي من فوك

ليجوه اكلني بنظراته الجريئة

سحب الشهادة باوعلها وهمس :- رسميًا تحقق الحلم

وصرتي المحلله زهرء .

زهراء:- وعدتني وجنت كد الوعد

خليتني اوكف ؏ رجلي بعد ما جنت

بـ احلامي ما اتخيل اصير محلله

انتَ بيدك بنيت الي حياة اجمل

من ما اتخيل ، اليوم اني زوجة

الغيهب الـ حلمت بي سنين ، وام الـ ابن الغيهب ومحلله

شكرا ؏ كلشي حبيبي ؏ كلشي .

باس شفايفي وهو يهمس:- اني اشكرج ؏ كلشي

صرتي حياتي عائلتي جنت مدمر ما تخيلت بيوم

تكون عندي زوجة وطفل احبهم ويحبوني

نضحك و نحزن سوه نلعب ونتفق سوه

لج انتِ أعظم نعمة هداها ربي الي .

رفعت نفسي ؏ أطراف اصابيعي

وهمست واني أسحب الظرف

من الميز :- هو عادي تزيد عائلتنا نفر صغيروني بعد .

بقه موسع عيونه ما مستوعب كلامي :- يعني شنو زهراء.

زهراء:- افتح الظرف حبيبي .

اخذه من ايدي وشاف صور السونار كدامه

فتح حلكه مندهش وصرخ :- جذب جذب جذب حامل

صدك زهرتي حامل .

لزمت بطني وهمست :- اي اي حامل ربنا رزقنا

بنعمة جديدة ُ عمري  .

حضني بكل قوته وصار جسمه يهتز

وايده ترتعش:- حبيبي .

الغيهب:- يا روح حبيبج .

زهراء:- لا تبجي ابوس عيونك .

الغيهب:- شسوي واوفيج حقج

ڪُـل يوم تكبرين بعيوني اكثر من القبلة.

زهراء:- أبقى بظهري سندي وحبيبي

وهذا ڪُـل الـ أريده.

الغيهب:- انتِ هذا النفس الـ يصعد وينزل

اذا ابتعد عنج لو تبتعدين اموت سعادتي

وراحتي كلها يمج زهرتي .

حبيبي ونعم الزوج

ونعم الأب

ونعم المحب

ونعم السند

ونعم الداعم الاول

ونعم ما اختاريت

ولو يرجع بيه الزمن ارجع اختارك بكل فخر وحب وبدون تفكير .

الكل فرح ؏ فرحتنا خلصت

وقتي ببيتي بين ابني وبين زوجي

وعمي الـ كأنه نسمة هواء باردة

يجمل بيتنا فعلًا خيمة وعلى راسنا

ما احسب هو بس ابو زوجي

هو بتصرفاته وحبه وكلامه يخليني

اخجل اكول عمي وصرت أنادي بابا

هو اب بكل ما تعني الكلمة واذا يعوفني ويطلع

يوم ما تحمل اكعد اتصل علية الى ان يرجع .

حياتنا بكثر ما كانت مخربطة

وهوسه وعبارة عن مشاكل

صارت هادئه مليانه حب

اقدس ڪُـل أوقاتنا

صلاتنا الجماعيه

لمتنا ؏ ميز الطعام

مشاركتنا تالي اليل وسوالف يومنا .

اول ما دخلت السادس اخذت سونار

عند دكتورتي وبشرتني بـ بنوته

ضحكت وفرحت الغيهب ما تنسي

بعدها بفترة داومت بمستشفى

بـ دوام يومي نور صار عمره ست سنوات

دخلنا مدرسة اهلية صباحي اول ما يخلص دوامي

يمر علية الغيهب ياخذني ونروح نرجعه

من المدرسة ، ومرات ما نلحك جلال يروح

النور يرجعه ، جلال صارت روحه بنور ونور يعشق جلال

الـ هل سبب رجعت علاقة الغيهب بجلال احسن وأقوى من قبل .

رجعت متأخر اني والغيهب لكيناهم نايمين

بين ما بدلت ونزلت طبخت كعد جلال غسل وجهه

وراح يكعد نور ، طلع عمي ونور راح يركض فوك

صاح ؏ الغيهب نزلوا وهم يسولفون عن يومهم

اثناء ما ناكل ذب جلال الخاشوكه وهمس:- عندي موضوع وياك

يابه يخصني ولازم افاتحك بي .

ابو الغيهب:- خير صاير شي .

عدل كعدته وهمس:- اني حجيت الغيهب

قبل يومين وكال فاتح ابوية ، شوف يابا اني كبرت

وناوي استقر بحياتي ، حبيت بنية مؤدبة بنت عالم مثقفة

صار سنتين وياها هي مهندسة ويايه حبيتها وحبتني

وقررت أتزوجها.

سكت عمي للحظات معدوده

لكن سرعان ما رفع راسه وهمس :- اذا تحبها ما أعارض طريقك

اني انطي خبر الـ باقي أخوانك ونروح نخطبها .

الغيهب:- أني سألت عنهم مثل ما طلبت وسمعتهم حلوة .

ابو الغيهب:- خلص أذن نتوكل عكب باجر نروح .

وفعلا يومين والكل جهز نفسه وطلعوا الزلم

البيت البنية السيارات ملت الشارع من الطول للطول

عمي فرحان بجلال بشكل لان هذا اخر العنقود .

خطبوها ولان همه عائلة منفتحة البنية معرفة

جلال ؏ اهلها بسرعة صارت الموافقة

وخطبها تم كلشي ؏ خير وصار جلال يجهز

هو وخطيبته بيت احلامهم .

وبيوم مطر ورعد والدنيا باردة

كاعدة بالمختبر أسحب دم من بنية

بعمر الـ تسع سنوات ، حسيت بتقلصات

صارت ببطني ، تصرفت طبيعي وخليتهم يطلعون

ينتظرون بره ، خلصت ورقتها وطلعت النتيجة

سلمتها وكعدت ؏ كرسي الوجع اخذ حيلي .

دخل علية زميلي شاف وضعي انصدم:- خيرج ام نور بيج شي ؟

همست بتعب واضح وجع بصوتي

صرت أون بدون ما اسيطر ؏ نفسي :- اريد جنطتي عفية

عندي ولادة ضروري اتصل ؏ زوجي .

خطية هو نرعب وراح يركض 

سحب الجنطة طلعت تلفوني

وتصلت علية وزاد الوجع صرت

ابجي وبالكوه احجي:- غيهب عندي ولادة عفية تعال بسرعة

الله يخليك خايفة وحدي.

بدون ما اسمع رد انسد التلفون واقل الربع ساعة

الغيهب عندي الدكتورات فوك راسي

شافوا وضعي حاولت الدكتورة تقنع الغيهب يعوفني

اصر يطلعني مستشفى اهلي .

طلعت وياه بالسيارة ويايه دكتوراه صديقتي

خابر الغيهب ؏ رجاء وهاجر اني بعد من الوجع

فقدت وما اعرف احد صرت املخ بروحي واصرخ

بصوت قوي الى درجة مرعبة.

دخلوني صالة الولادة واني منتهية

روحـي جانت تطلع مني بكل صرخة

تطلع مني دموع الغيهب تصير كدامي

وبـ معجزة كدرت اطلع منها وتنور بنتوتي حياتي

اول ما طلعونا من الغرفة وكدام عيني اخذها الغيهب

كبر بـ اذنها وهو يهمس اسمج(زينة الغيهب )

زينة حياتي وهدية ربي .

عندي نور الغيهب

وصارت هسة زينة الغيهب الحمدلله يارب .

بقيت يوم كامل بسبب حرارتي الـ ما ترضى تنزل

سويت كافة التحاليل ومشيت وبعدها ما نزلت

ادخلت الدكتورة وضربوني ابر ومغذي نزلت

شوية وكدرت اطلع البيت اهلي ، ومثل ما ساعدت

رجاء اول ما ولدت ساعدتني أكثر شكد ما جانت تكرهني

حبتني ونسيت اسمي يمها نهائيًا ما تصيحني بـ اسمي

كله ماما من تكولها تجمع الدموع بعيوني

صارت قوتي واني قوتها ، اني امها وهي امي

اني وياها توأم بالشكل وبالروح .

هديتي جانت اخر حلم بحياتي

سيارة وتحقق بوجود غيهب حياتي

وروحي كل هدية ينطيني ياها

يكبر بعيني أكثر واعرف اختياري

وتعبي وعذابي ما ضاع بي

كدرت اخلي يوصل للنور وهو وصلني للقمة .

اول ما فتح ايدي وسلمني المفتاح همس :- سبق وكلت أريد

تعتمدين ؏ نفسج ، الشهادة وصارت بيدج وأحسن من شهادتي

وهسة السيارة ليش توكفين وتنتظرين بين ما اجي ومرات تضطرين

ترجعين تكسي ، سيارتج خليها عندج تحت تصرفج .

زهراء:- عزا صدك تحجي غيهب والقران ما اصدك سيارة .

الغيهب:- تستاهلين يا نظر عيني .

اول ما بديت أستعيد قوتي

ابوية سجلني بـ دورة سياقة تعلمت شلون

اسوقها بكل سهولة والغيهب ما تركني الى ان ضبطتها .

زينة نسخة مني بالشكل

هادئه كأنها بحر وعيونها

بلون الؤلؤ الأخضر نسخة

عن سحبت عيني ولونها .

بعد ما تحسنت رجعت للبيت تركت الدوام

واخذت اجازة أمومة ، ‏صرت أهتم بنور

أكثر أخذت اله كتب صف ثاني وصرت

أدرس بي ، كبر حبيبي وصار متفهم بشكل

هو المسؤول عن أخته بس يشوفني اغسل الها

ارجع للغرفة يصدمني من أشوفه مجهز

الحفاظات والملابس والمنشفة ، وبيده ياخذ

الملابس القديمة يخليها بالغسالة .

والغيهب علمه يعتمد ؏ نفسه من خلال النصايح

صار وحده يسبح ويبدل ويعدل شعره

واخذ مكان كبير بقلب عمي ، تعلم اوقات

علاج عمي ڪُـل ما تصير بـ 12 يروح

يكله :- يلاا حبيبي جدو اشرب علاجك .

يرد علية عمي وهو يكرص خدوده :- هذا الوجهه من أشوفه

اطيب ولك انتَ علاج .

نجاحاتي لا تقل عن نجاحات الغيهب

أسمة كبر وصار من المحامين المعروفين

بشطارتهم بـ انحاء العراق

ومن الأسماء الـ تنذكر بالقضايا الصعبة

بكل مكان أطلع اله واسمعهم يحجون بـ اسمة

وهمه ما يدون بي زوجي احس بفراشات

وأرجع اسولف اله وهو يفرح ومرات

يفتخر بنفسه كدامي :- حتى تعرفين زوجج مو شوية .

دعواتي ترافقه بكل زمان ومكان

صار كل حياتي ، واني ڪُـل حياته .

مرت الايام والأشهر زينة صار عمرها

خمس أشهر وبدينا نجهز عرس

جلال ، الغيهب ما تركه بطلب من جلال

وين ما يروح جلال وياه الغيهب

اختاروا القاعة والملابس سوه

وزوجته اخواتها موجودات

تتصل بيه ڪُـل فترة تسلم علية وعلى عمي

بس ابد ما احب اطوخ علاقتي بـشخص

؏ كد السلام حتى أكون بعيدة عن المشاكل.

وقبل لا ندوخ أكثر ونتضايق بالوقت

طلعت للسوك اني وهاجر ورجاء وسجى

اختاريت فستان لون ماروني

ورجاء ازرق ، وهاجر أخذت لون ذهبي

وسجى اصفر ، حجزنا عند مركز حتى

ما ندوخ بيوم العرس .

اول ما رجعت للبيت نمت

كعدت أشوف تلفوني وانصدمت

لدقايق بقيت جامدة ما مستوعبه

واني اقرا كلام الناس عني

بحثت وما صدكت وأني أشوف

اساوري نشرت حسابي

والبنات صاروا قريبات مني .

نشرت الهم حبيباتي قريت الرسائل وهمه يردون

علية ايدي ترجف ما مستوعبه

أكدر أتواصل وياهم .

دخل علية الغيهب شافني مخبوصه

عقد حاجبه وهمس:- خير شصاير وياج

ترجفين وضعج مخربط صاير شي بس لا مصيبة ثانية .

خليت ايدي ؏ شفايفي وهمست

واني اضحك :- اساور نشرت حسابي .

صفك بيده وعض إصبعه

وهو يصيح:- لا يا كوبرا لا يا سسسسسسسس

عود كلتلها لا تنشرين حسابها.

زهراء:- هاي انتَ منبهااا واكول هاي البنية شبيها

ڪُـل ما اكللها تكلي اكعدي وسكتي ما بيه حيل مشاكل .

الغيهب:- شسوين بالحساب مو كافي شهرتيني ونشرتي القصة .

زهراء:- أريد اصير قريبه من البنات

والله ما أتخيل تخلص القصة وبعد ما اقرا كلامهم الحلو .

الغيهب:- ما تعديها ؏ خير انتِ والكوبرا ادري بيجن

والله يا زهيرة اني اتابع الحساب اذا تنشرين شي غلط

لو تجاوبين خاص تتعاقبين واتصرف تصرف مو حلو وياج .

زهراء:- هذا شنو الكلام حبيبي تهددني

والله ضيعت فرحتي .

الغيهب:- ما اقصد تضيع فرحتج بس اخاف عليج

وبنفس الوقت ما أريد امنعج من شي انتِ تحبي

وتكولين بعدين حرمني ، تواصلي وياهم بس

بدون مشاكل ولا تذكرين عناوين او تنشرين أشكالنا.

زهراء:- صار حبيبي وعد هذا الـ راح يصير .

وبديت أتواصل اني والبنات وصاروا جزء من يومي

الصبح احجي وياهم ومرات بليل قبل لا انام اختم يومي وياهم .

ضاق وقتنا وبدا العد التنازلي

كعدت بـ اول يوم صباح العيد

نزلت لكيت غيهب طالع هو ونور

دخلت ؏ عمي وهمست:- ڪُـل عام وانت بخير يابه  .

بست راسه وهو عايدني دخل الغيهب بيده

علاليك الكاهي والكيمر باس راسي

وهمس:- ڪُـل عام وانتِ بخير سعادتي .

زهراء:- وانتَ بالف خير حبيبي ، أجهز الريوك.

الغيهب:- يلاااا اني وياج .

عفت الجهال عند عمي

ودخلنا للمطبخ جهزنا الاكل ؏ ميز

طلع عمي شايل زينة ونور يركض كدامه

تريكنا واخذت الجهال سبحتها وسبحت

بدلت الهم وبدلت ملابس العيد

دخل الغيهب صاح علية نور :- عيدية نريد .

طلع محفظته وهمس:- ولك لا تتعلم هاك .

اخذ منه 25 وزينة هم 25 اخذهم نور وضمها

بـ قاصته ، وكفت كدامه رمشت بعيوني وهمست:- واني هم أريد.

الغيهب:- لا انتِ عيديتج خاصة .

رفعت حاجبي وهمست:- ورق هسة من هذني الـ حمر

وبعدين عود انطيني العيدية الخاصة .

ضحك بخشونه وحسب 100 الف

أخذت منه ورحت الكنتوري ضميتهن

ونزلت عمي انطاني عيدية

صارت بـ 11 دخل هشام وعائلته

وهاجر واطفالها ، وامير واطفاله

وجلال اخر واحد اجه عايدتهم وعايدوني

اخذت من ڪُـل واحد منهم عيدية

والغيهب يضحك عليهم وهو هم

فتح المحفظة ونقط من هاجر وسجى.

الثاني يوم رحت ؏ بيت أهلي

دخلنا ايهاب واكف بالباب

شفت ابوية كاعد بالكراج لابس

دشداشة بيضه هستوني كلت :- ڪُـل عام وانتِ بالف خير بابا

ربي يخليك خيمة ؏ راسنا.

عاط الغيهب وصاح :- شدعوة لواء رحيم

الـ يشوفك يكول نفاخه ومنفوخه نفخ لا طك .

ضحك أبوية ورد علية مستهزئ:- ولك أسكت لا اكوم

اخرب العيد علية وازوج بنتي .

الغيهب:- راحت عليها أبنها بطولها.

رحيم:- لا وحق ربك الف واحد يتمناها .

الغيهب:- وهي ما تتمنى من هل الف بس اني

مكفيها للعلم وما تشوف غيري هيج تموت ؏ ربي .

رحيم:- أنسان مشهور مفضوح تلبك لبك وين الحك عليك .

اقترب تباوس وياه وكعد شوية وطلع

للظهر اجت رجاء سلمت عليها وكعدنا سوه

للعصر ابوية طلعنا نفتر بالسيارة وهم

مريت اشتريت عطور .

صورت تصوير بسيط بالسيارة ونشرته للبنات

وشاركت كلامهم الغيهب رد ؏ ستوري :- بالعافيه عليج وعلى ابوج .

صرنا نضحك اني والبنات ؏ كلامه ونتناقش بس

ما اخدر اشاركهم كلشي انتظرت تكمل القصة وأبدي وياهم .

الثاني يوم اجه الغيهب وطلع متفق

هو وايهاب نطلع للوزراء ، بدلنا ؏ سريع

وطلعنا اني ورجاء والغيهب وايهاب

والجهال ويانا .

كعدنا ضحكنا سولفنا ولعبنه لعبة

اونو ايهاب والغيهب ضدي اني ورجاء

فازوا علينا اكثر من اربع مرات

تالي استلمناهم وفزنا عليهم احنه .

قبل لا نطلع اخذ الغيهب نور صعد العاب

ورجعوا نور تعبان بسرعة طلعنا اني رجعت

البيتي وهم البيتهم .

الى ان اجه يوم الأربعاء يوم العرس

كعدنا من الـ 9 الصبح مجرد ما تريكنا

اخذنا الغيهب اني والبنات المركز التجميل وقبل

لا نروح راح ؏ ابو القاعة حتى ينطي

ورقة الأغاني ، صار يسمعنى اغاني ومن ضمنها اغنية

حسام الرسام الف مبروك بس بـ ريمكس ردح منهم

وأثناء الاغنية فتحت تلفوني وصورت وبدون

ما أنتبه ؏ صوت الغيهب يدندن وياه ويغني بصوته .

شاركت الفديو بحسابي الانستا

والبنات نبهوني صوت الغيهب وأضح

نشرته بدون ما أنتبه صرت اضحك

؏ كلامهم وحبهم وتحشيشهم ؏ صوت .

طلعنا من القاعة للمركز سويت تنظيف بشرة

وباشرت مكياج بسيط ونبهت على رسم العين

اهم شي عندي لان عيوني تبرز وجهي

من خلص اباوع علية صار هادئ مثل الـبالي

سرحت شعر وخليته مفتوح ؏ طوله النهاية ظهري

كملت اول وحده والبنات ورايه

طلبنه غده كعدنا ناكل قبل لا نطلع

ساعة واجه الغيهب أخذنا بدلنا سوه

وسبحت الجهال وبدلتلهم

والغيهب لبس وطلع مثل ڪُـل يوم شيخ الشباب بعيوني .

طلعنا سيارة للقاعة ، ڪُـل واحد وعائلته

قبل لا نطلع عمي نبه ؏ امير ما تجي فرح

وفعلا منعها تحضر كعقاب الها .

دخلنا للقاعة وصارت المعازين شي

وره شي يدخلون من أقارب واصدقاء

جلال والموظفين وياه عازم هواي منهم

ومبين هو محبوب عدهم .

اشتغلت الأغاني والحفلة صارت نار

دخلوا اهل العروس بين أصوات الهلاهل

والهوسة ميزة صديقتي واختي من الدنيا

اساور دخلت هي وأهلها عفت الكل ومشيت

بتجاهم وما احس غير انسحبت من ايدي

همست بنزعاج:- ايدي شبيك اريد اروحلها .

الغيهب:- عليمن تركضين هاي لو ما كوبرا ودخلت للقاعة.

زهراء:- تغار وداعت نور دباع باع الأناقة هيبة هيبة.

ضحك وراح يسلم ؏ اهلها وآني استلمتها بوس

مثل ڪُـل مره اشوفها بيها أحس بالأمان

من اشوف ضحكتها .

وكفت أساور بعد ما خلص

الغيهب سلام همست :- الف مبروك عليكم ابو نور .

الغيهب:- الله يبارك بيج يوم شعجب هل ايام ماكو مشاكل .

اساور:- اسم الله يا مشاكل ناس فقراء احنة .

الغيهب:- قريته بالستوري مالتج كاتبة الغيهب

ياكل مشاكل يشرب مشاكل يتنفس مشاكل .

كرصتني وهي ترد علية :- نضحك اني والبنات قابل صدك

تشتري مشاكل وتتنفس مشاكل .

الغيهب:- ليش اكذب عليج مرات اي اشتريها مثلًا

هسة قريت مره كاتبين ؏ هل رجال المحترم

العاقل مسعد وانتِ ما دافعتي عنه وكلتي ليش يكولون مسعد.

والمسعد سمع سالفة يحجي

بيها ويتفقون هو والغيهب علينا رد

بصوت خشن وهو يباوع الـ اساور :- ؏ منو يكولون مسعد علية ؟

تكهرب الجو باوعتلي اساور

وهي ادردم :- ولج هذا الدلالة ابو البورتوقالي ما يسكت .

باوعت عليهم منتظرين الجواب

ردت بصوت خافت :- المسعد يعني انسان سعيد محظوظ

شكو بيها من يكولون المسعد عادي .

ضحك بوجهه والتفت غمز للغيهب

الغيهب:- ادري ادري بس كلت أنبه المسعد

هو المسعد واني ابو البورتوقالي.

اساور:- بـ هاي كول كذب نشرت صورتك لابس روباط

بورتوقالي لا فبركة ولا سحر.

الكل صار يضحك دخلنا كعدنا سوه دقايق

وكمت اركص اني والغيهب

تبدلت الأغاني للردح وصار الركص

بفلس كبار وصغار نركص ونصيح

شغلوا اغنية ما بعرف والكل صار يغني

بصوت واحد صورته ونشرته ؏ حسابي

بعد ما تعبت رجعت كعدت بصف أساور اسولف

أخر الأخبار ،­ رغم الترتيب وجانت تمثل القوة بس

وأضح التعب عليها أكثر من مره

سألتها شبيج ترد :- مابيه شي بس تعبانة ونعسانة ­ .

زهراء :- طبعًا تتعبين كم مره كلت لا تضغطين على نفسج

وتعبين هم تكتبين وهم دوام وووو كومه مسؤولية

اختمي القصة بسرعة وارتاحي كافيييي .

اساور:- هو بعد بارتين كاتبتهم بس اصحح

وأنشر وآخذ أستراحة ادعيلي .

­ ­وكف عمي ابو اساور وصاح :- يلاا بابا نرجع للبيت فارغ .

هزت راسها وكامت بوستني وراحوا سلموا على عمي

وأخوان الغيهب وطلعوا كلهم سوه .

بقيت افتر بين المعازيم اسولف وياهم اني وهاجر

وملاك ، وقبل لا يطلعون العرسان الكل اجتمع

وكفنا جماعيه ناخذ صورة حضني الغيهب من خصري

وهو شايل زينة ونور واكف جوه رجلي مسوي علامة الانتصار .

طلعنا من القاعة وعفناهم يوزعون العشاء

الغيهب يزفهم بسيارته ، أخذنا الجهال

وطول الطريق شغلت اغنية (ملك الفبركة)

الغيهب:- غيريهااااا أكره هل اغنية اموووت منهااااااا .

ضحكت بعلو صوتي واني ارد علية :- اغنية الشهرة.

الغيهب:- الشهيرة والمصايب للصبح ما نمت بيومها

وخسرت فلوس حتى تنحذف وكل شوية تنعاد كدامي

لطمت بالهنديييي بوقتهاا لا تذكريني .

غنيت اني والفنان سوه واني اركص

وارفع حاجبي واعض شفايفي

واطك اصبع :- ­بذمتك ودينك مش كنا مدلعينك

من غيرى لصت وإدي بوست ، وشوفت العز بعينك

أهو بكى واشتكى ملك الفبركة ، كان في الفزلكه أستاذ تكتكه

وقت الرحرحة عينه مفتحة ، وإحنا على قديمه .

سحب التلفون مني وغير الأغنية

ولازم يطلع الاغنية طلع روحـي

بيها من يوم نزلت لليوم يكلي عبالك

المغني غيث صباح غناها الي (جانت حياتي عدم

لحد ما شفت عينك ، ايامي لو تنهدي أهديها لسنينك

ادمنتك وخلصت بعد ، قربتك وكلشي إبتعد

تصور وصلت المرحلة يمي وكلت وينك

صير بحياتي گمر ڪُـل يوم اشوفنك

اصلا حياتي بدت من گتلي احبنك  )

اول ما خلصت الأغنية نزلنا من السيارة

ايدي بيده وجهالي ويايه ، دخلنا جلال وزوجته

وطلعنا ؏ فندق بصف الفندق مالتهم يصير صديق

الغيهب حاجزين عنده ، صعدنا بالمصعد

ونور يكمز اني ادوي الدكمه اني اوصلكم

دخلنا الممر الغرفة فتح الغيهب الباب

ودخلنا كلنا ، نزعت أحذية الجهال

الغيهب طلب آكل وكف ينزع بالسترة

زهراء:- اوكف اوكف صورة أخيرة.

عدل نفسه وراح شال زينة ، ونور وكف بصفي

نباوع ؏ لمراية الطويلة واخذنا الصورة

وضحكتنا ؏ وجهنا .

التفتت أريد أدخل للحمام

سحبني وبيده ورقة:- تعالي قبل لا تروحين .

طبع بوسه ؏ شفايفي ونور يضحك

همس :- أريد بصمة العائلة وبيها تعاهديني

للموت ما تعوفيني ، ما أريد اصحى من هذا الحلم .

حضنت وجهه بيدي وهمست:- هذا مو حلم هذا

الواقع رجعت غيهب ابو قلب طيب وصاحب

شخصية قوية بس ؏ خبيث ، عندك عائلة زوجة

تحبك وتموت عليك ، وعندك أطفال ينادوك بابا

وينتظرون شوفتك اذا تغيب، اليوم اني وانتَ واطفالنا

نجحنا وتغلبنا ؏ كلشي سوه

وثبتنا ماكو قوة بالعالم تكدر تفرقنا

ثبتنا وره الشخص الظالم حكاية

قابله للتغير والتصحيح

بس اذا كان هل شخص طالب المساعدة

مثل ما صار وياك وياية .

الغيهب:- بفضل الله وجودج كدرنا.

سحب ورقة وطلع حمرتي من الجنطة

صبغ أصبعه الـ يبصم بي وطبعه ؏ ورقة

كررها اكثر من مره حتى تصير واضحه

ورسم ؏ أصبعي ولزمه وطبعه بصف أصبعه

نور صار يكمز يريد يبصم ويانه لون أصبعه

وطبعه ؏ ورقة وختمها وهو يروح الـزينة

لون اصبعها الـ صغير وطبعه مثل ما طبع

بصماتنا ، ختمها وهو يكتب يساوي وبصف

اليساوي طبعات اصابعنه الأربعة ؏ شكل

قلب الحب اخذ شفايفي وهمس :- احبج أكثر من ما تتصورين

اني ملكج وحدج وانتِ ملكي وحدي ما انحرم منج

للأبد يا نعمة الرحمن يا سعادتي وراحتي احبج .

زهراء:- حبك كان لعنة بحياتي أصبحت نعمة حياتي

أحبك حبيبي ابو بيتي ونور عيوني وحلمي الأبدي .

تاريخ زواجهم كان

مختصر أخير ..

نور صف ثاني ابتدائي

زينة خمس أشهر

هاجر مستقرة هي واطفالها ببيتها الخاص

هشام مستقر هوه وعائلته بيتهم الخاص

امير مستقر هو وعائلته بعيد عن عائلته الغيهب

ايهاب ورجاء قصة حب أبدية جميلة لا تنتهي وعدهم طفل واحد

سيف يحب بنية منتظرها تتخرج ويتزوجون

وحاليًا هو ملازم اول مع أبو

رحيم مستقر بحياته وبيته بناته قريبات علية

ما مقصر وياهم نهائيًا

ابو الغيهب مستقر مع عائلته الغيهب لليوم

ادعوله بطول العمر لان رجال محترم وطيب وامثاله قليل .

.................................النهاية................................

أنتهت أجمل واقرب قصة لقلبي

قصة صديقتي وحبيبتي الـ شهدت ؏ ڪُـل مواقفها

فرحها وبجيها حزنها وضحكاتها

أتمنى وصلت الكم فائدة القصة مثل ما ردت

وعرفتوا بعد ڪُـل ضعف قوة

وبعد ڪُـل حزن فرح

وكل ما تضيق تفرج

وبالمساعدة نكدر ننقذ بشر بحاجتنا مهما كان سيئ

وبالإصرار نجاح ، وبعد التعب عوض الإلهي

غير متوقع مثل ما صار بزهراء

فتاة اختارتها ولادتها مجبورة

عاشت حياة صعبة عانت من الفقر

عشقت شخص دمرها بـ ظلماته

عانت ما عانت وكنتم شاهدين

لكن بعد الصبر والتضحيات

والتمسك بقوة الله سبحانه

كانت مؤمنة ربها يعوضها

حاليًا زهراء زوجة فارس احلامها وام اطفاله ومحلله

ادعولها بالسعادة وشكرًا ؏ وقتكم وأعتذر عن التقصير

اتركم بحفظ الرحمن والتقي بكم بقصة تجبر احفاد الـ دليم .

إنتهت بتاريخ 17/7/2022

بنص أعماق قلبي دائمًا وأبدًا عُشتارات 🥺😍🧡

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

صباح الخير عُشتارات روح روحـي 

بارت 25 الكل يطالب بحساب زهراء ما اكدر

ارد ؏ وحده وحده كلت انشرها الكم هنا عيوني انتوا

وان شاء الله ما فاتكم شي من منشورات زهوره

ومواقفها ويومياتها هيه والغيهب البارحة موقفهم

يخرب ضحك 😂

حسابها زهراء الـ انستا يوزرها z0to_

وهذا حسابي الـ انستا

بحفظ الرحمن انتوا

وبنص اعماق قلبي يا نعمة الرحمن 🫂💙

رواية ظلمات الغيهب

بقلمي أساور حسين

بارت اضافي ✨

انتِ قضية رابحة تستحقين أن أحارب لأجلكِ .

.......................

يوم الخميس الساعة 8:45 صباحًا..

زهراء:- ضاع الوقت بسببك والله عندك سوالف .

حجيتها وإني أنزل الدرج ركض .

ابو الغيهب:- لج بابا كم مره نبهت لا تنزلين سريع

لا تزلج رجلج وتتكسرين .

الغيهب:- عوفها عوفها خليها تتكسر حتى أتزوج

وبالسنة حسنة انطيها آكل تبقه وحدها بغرفة.

عضيت اصبعي وصحت :- يغث يغث يماااااايييييي

هسة غير يسكت من الصبح دروح نام من يجون كلهم

اكعدك .

نزل كعد ؏ كرسي مقابيلي يضرب ؏ ميز ويغني

كاتب اسمك بالقلب لا تضن يروح وراسمك احلى بشر بعيوني

اني من دونك صعب لا تظن اعيش اريد اسألك هم تعيش بدوني .

صفك عمي بيده وهوه يدخل للغرفة :- الله يساعدج يا زهراء

يا عمو كعد مقابيلج شيخلصج منه اليوم .

باوعت بوجهه ضحك وغمزلي :- عليك الله غيهب عوفني اشتغل

واصعد العب انتَ ونور فدوة .

الغيهب:- لج خبالوووو بوسي ايدج ؏ النعمة مو زين

زوجج مگابلج وكاعد من حُـبي .

التفتت للسمج طلعته من الثلاجة وخليت الصوص علية

واشرت بيدي بـ استعجال:- يلااا غيهوب اخذ السمج وروح يلاا

كون ب1 كامل .

سحبني من خصري وعض خدي :- يلااا شنو يلاا اشتغل عند رحيم

عيديها مره الثانية وتتحول العضه من خدج لـ شفايفج .

رفعت أيدي وأشرت بسرعة:- ديلااااااااا يلااااااا روح .

ضحك بعلو صوته وما شوف غير ثبت وجهي

ونزل عض شفايفي خلاني اكمز بين ايده

اله شوية ابجي سحب السمج وهو يضحك :- تتحارش حتى تتعاقب

واني اعيش حتى اعاقبج .

طلع واني بديت أطبخ البرياني

حضرت المقبلات الباردة بكل انواعها

وخليت الدجاج بالفرن .

جلفت البيت بالكامل غسل للكراج

طلع عمي غسل الشارع لان الغيهب

يتخبل اذا يشوف باب البيت وصخ

خليت شالي اني ارش وعمي يمسح

وگفت سيارة الغيهب نزل اخذ الماسحة

من عمي ويأشرلي وين ارش وهو يمسح

لمع الشارع وحتى معطر ارضيات يرش بالكاع ويمسح

بحيث اي شخص يمر من بيتنا من الباب يشم عطر النظافة

تركته يلف بالصوندة وفتت خليت جدر الدولمة ؏ نار

وصعدت كعدت الجهال سبحتهم وبدلت الهم

نزلتهم جوة شغلت التلفزيون وعمي ينسى الدنيا وياهم

صعدت سبحت وطلعت

دخل الغيهب للغرفة وهمس:- اجت هاجر وهشام وعائلته .

زهراء:- صدك لعد بسرعة اسبح وبدل وانزل

اني اعدل نفسي وانزل عيب وحدهم .

جر ايدي انضربت بصدره ضرب

راسي بطرف أصابعه وهو يهمس:- ولج دلعي زوجج

المفروض انتِ تسبحني تلحكين عليهم .

زهراء:- هوة شنو صغير انتَ .

الغيهب:- مو كلت عامليني مثل ما تعاملين جهالج

دلعيني مثلهم خافي علية مثلهم وكليني شربيني

تنوميني تسبحيني ابنج اني ابوي ابوي .

زهراء:- باجر باجر مو اليوم هوسة ومخبوصين .

دفعني بهدوء وهوه يدردم ويروح للحمام :- اني اتزوج أحسن

احسني عايش بجفاف ما مدلعتني بطلت تحبني هل بنية .

زهراء:- ضمنت حبك عيوني ابوي ابوي .

حجيتها واني ألبس توربان بدل الشال حتى ما اتبهذل

خليت مكياج كلش خفيف ونزلت لكيت بالاستقبال يسولفون

زهراء:- يابه هلااااا نور البيت .

بوستهم وكعدت نتناقل الأخبار

نزل الغيهب مبدل بقه يسولف

هوه وهشام ؏ شغل :- شعجب ما مرتب لحيتك .

حجاها هشام وما اشوف غير الغيهب باوعلي

وهوه موسع عيونه:- مو كلتي مرتبة.

عضيت شفايفي وهمست :- شيسمونه اي شنو طبعًا فول ترتيب .

ضحك هشام من افتهم السالفة :- دروح عدلها

واني اجيب السمج .

زهراء:- قابل وقتها عود بليل يعدلها ؏ راحته .

هاجر:- زهوره الدولمة كملت اطفيها.

كمت واني ارد عليها :- اي عيوني اذا استوت طفيها .

لحكتني سجى وكفنا نجهز باقي التحضيرات

حتى الحلويات سمبوسة والكنافة وحلاوة جكليتية

رتبتهم بمواعين صغار وهاجر عدلتهم بالثلاجة .

طلع هشام والغيهب وگف ؏ المراية يعدل بلحيته

وهيه والله كلشي ما بيها بس هيج سوالف وآحد

لا شغل ولا عمل .

من خلصت كلشي فتحت الثلاجة حتى اتأكد

من المي بارد لو حار وتذكرت نسيت أخلي

الغيهب يجيب لبن .

ركضت العمي وهمست :- عمو نسيت اكتب للغيهب ؏ لبن

حتى اخاف اطلب منا لا يروح يصير عصبي علية .

صاح علية عمي وهوه كاعد :- لك غيهب كمل وروح جيب لبن .

الغيهب:- الدنيا حارة ولا أطلع والله.

زهراء:- لا حباب غيهب فدوة بس لبن .

الغيهب :- وترتيني خليني اكمل روحـي مني

مو شرط لبن اكتفوا بالمي وبس .

زهراء:- غيهب عيب شنو بس مي لازم عصاير ببسي هم .

الغيهب:- مشكلتج ليش ما كتبتي بالقائمة السويتيها

طول بعرض وما خليتي لبن .

ابو الغيهب:- ولك دروح .

الغيهب:- حلفت الله ما اروح زين لو لا .

دخل هشام تعبان من الحر نزل السمج ؏ كاونتر ودخل

كعد ؏ سبلت حتى استحيت اطلب منه .

بقه عمي يجادل هوه والغيهب

وكل شوية مستفز عمي :- هسة قابل منو اجه هوه جلال .

ابو الغيهب:- شكد متعب ولك بدل هل كلام روح اشتري لبن وتعال .

خلص وكعد ملينا من الحجي وهوه معاند ما يروح

تالي اخذ التلفون دك رقم وصاح:- انتَ وين .

الغيهب:- يعني قريبين علينا.

باوعلي وصاح بصيغة آمر :- خوش وانتِ داخل اشتري لبن

جيب صندوك بس بارد واذا ماكو بارد اشتري ثلج دبر نفسك .

سد التلفون والتفتت يباوع علينا :- فضيتها من يوصل جلال يجيب البن .

زهراء:- شكد عيب غيهب صدك تحجي .

رفع ايده يفر بيها ويصيح:- هووووه شنو العيب ماكو بقاموسي

شگلت قابل هوه لبن .

هشام:- لا تصرخ ولك احجي بصوت ناصي شهرتنا.

الغيهب:- ادوس بطني هل خبالوووو عبالك خابرته

يجيب ملابس ماعدنا.

طلع هوه وهشام بره بالكراج ينتظرون

فتحت باب الشباك صاروا مقابيلي

هاجر تباوعلهم وتضحك ؏ نور الـ نخبص

النور:- هلااا لك هلااا لك العب عمو جلال اجاني.

الغيهب صافن بس يباوع علية

تالي انفجر بي :- صير ثگيل ولك لا اجه اطيح حظك .

رد علية بضحكة:- عوفني اليوم بابا هواي فرحان.

الغيهب:- ولك جلال مو بابا نويل .

هشام:- يا اخي عوف الولد فرحان شعليك

تعال بابا علي افتح الباب الـ عمك  وصلوا العرسان .

تراجع غيهب أستند ؏ حايط

طلعت أيدي بخفه بدون ما يحس

خليتها ؏ رگبته وبقيت أدلك بيها

التفتت غلق عيونه ولزم ايدي باسها

واخذ نفس قبل لا يتحرك همست:- الخاطري غيهب عاملة زين

ولا توكف ؏ كلمة بداعتي .

هز راسه وتوجهه الجلال

الـ واكف يفتح باب السيارة الزوجته اسيل

الغيهب:- جلولي وجهك مورد منعنش .

ابو الغيهب:- ولكم سوالف هل زلمة عوج حتى كلمة مثل العالم

الشريفة مايعرف يحجي هسة غير يسكت ولك هاي الـ كحبـ .. نومها اليوم .

الغيهب:- والله اشتهيت بسكت ام نور بسكت اريد يا بسكت .

هاجر:- دخيلك يابه انتِ لا تحجي كلمتك المعروفة البنية

ما متعودة بعدها .

جلال :- هههه اكو احلى من سوالف ابو النور .

أبتسم بوجهه ابتسامة استهزاء اخذ صندوك البن  وفتح الباب

دخلهم استقبلتهم من باب الاستقبال:- هلا بالعرسان توه ما نور البيت .

جلال:- ام النور البيت منور بيكم وبـ هل لمة الحلوة.

اسيل:- فدوة لعيونج حياتي منور بوجودكم .

الكل كعد قدمنا مجرد المي

ودخلت للمطبخ رتبت الأكل

؏ ميز الطعام وهاجر ترتب بالمواعين

وسجى رتبت البن والمي .

هاجر:- يلا عيوني الآكل جاهز تفضلوا.

خليت الخبز والكل دخل ڪُـل واحد بيهم كعد بصف

زوجته مشيت كعدت بصف الغيهب خليت كدامه الأكل

وبدينا نسولف وناكل بكل هدوء.

مر الوقت واحد بعد الثاني صاروا يغسلون ويرجعون

للاستقبال وگفت بسرعة حضرت الجاي والصينية

بديت اخلي الشكر واول ما خلصوا الكل صبيت الجاي

وزعته هشام يشاقي اسيل وجلال يلاعب نور

عمي يسولف هوه وسجى وهاجر تسولف الغيهب عن الدوام

عفتهم ورحت شلت المواعين شي بعد شي

فزيت ؏ صوت زينة تبجي سمعت صوت

الغيهب صاح:- نور بابا اختك تبجي .

رجعت امسح الميز حتى أبدي اغسل المواعين

وما اسمع غير صوت الغيهب رج البيت رج

رجف جسمي مسحت ايدي وركضت

اريد اشوف شصار لكيت غيهب واكف مقابيل

جلال وساحب القميص :- تريد نور يصير مثل

خوتك الفيط....... ويطبع بـ اطباعك القذرة.

اباوع ؏ جلال موسع عيونه:- صدك تحجي قابل شحجيت

يمعود غيهب شبيج .

هشام:- ما يستوجب منك هل غضب ابو نور

منا العروس اول مره تدخل بيتكم.

الغيهب:- ڪُـل ما اكول صار أدمي أحترمه

يخليني أرجع أهين بي وما اطيق وجهه .

عاط جلال بعلو صوته:- غيهههههههههب تخبلت .

رفع الغيهب أيده ودفعه من صدره

وطلع بالكراج ، جلال عاف ايد نور

وطلع هو وهشام وره من الخجل رجعت

للمطبخ الشباك مفتوح بعدني هستوني

اريد اسمع وما اشوف غير الغيهب

هجم ؏ جلال وفر وجهه براشدي

شهكت بفزع ودخلت للاستقبال ايدي ترجف :- اسيل حبيبتي

هاي اول مره تدخلين بيتنا اذا تحبين تعالي ويايه اشوفج

الفوك .

هزت راسها وگفت وعلى وجهه ابتسامة جميلة

تخفي قلقها ، صعدتها في سبيل ما تسمع صوت وقبل لا

اروح همست الهاجر :- غيهب وجلال يتعاركون شوفيهم فدوة .

صعدتها للممر وهمست:- هنا جانت غرفة جلال

ومقابلها غرفة امير وهاي المقابيلج غرفتنا

والطابق الاخير بي غرفتين هشام كاعد بيهم

اسيل:- حلو بس ليش الكل طلعوا

حتى هاجر طالعة عدنا البنية المطلقة

تكعد بيت ابوها ؟ زين حتى امير ماكو وياكم اليوم .

زهراء:- صح لمتهم حلوة بس الاستقرار

هم حلوة شخص عنده وطن خاص بي بعيد عن الهوسة

ليش انعيش كلنا بيت واحد وينفرض ؏ ڪُـل شي همه ما يريدونه

الانسان من يطلع ينام ويكعد بكيفه ياكل الـ يعجبه

ويطلع شوكت ما يريد هذا استقرار وضروري ينعاش .

هل عائلة ما عدهم تقيد واذا يحبوج يحترموج وتكونين

جزء لا يتجزأ منهم كلش حنونين وطيبين

فـ لا تخافين او تخجلين من احد منه .

فزيت ؏ صوت جلال جوة:- اسيل وينج .

ركضت نزلت بسرعة وهيه ترد علية : هنا حبيبي شفت البيت

تريدني بيك شي .

جلال:- لا ما بيه بس خابروني بالشغل يريدون

شغل بالحاسبة مالتي لازم نرجع بسرعة .

اسيل:- يلاا ما عندي شي .

عافتني ونزلت بس عيون جلال تباوعلي

بقهر وخذلان وحسرة طلع ينتظرها بالكراج

وگفت گدام الشباج اسمع صوت جلال

يعاتب الغيهب :- مو وگفت ويايه وگلت سامحتك

واعتذرت منك هوواي غيهب .

هشام:- اتركه هاي سوالفك تثبت بعدك ؏ ماضي .

الغيهب:- هشام تسكت لا تلوحك ناري .

وكف هشام مقابيل الغيهب ورد علية بغضب:- غيهب تحترم نفسك

لوووووو شلووووون مو راح ادوس ابطنك والله .

ابو الغيهب:- تستحون وتسكتون تلاثتكم لو اتصرف وياكم .

هشام:- احنه شكو تعال شوف هذا تخبل علينا.

ابو الغيهب:- وشنو الغريب ليش مصدوم

كحبـ..... وكعدت فجأة ينومها شنو .

طلعت اسيل همه سكتوا اخذها جلال وطلعوا

القهر واضح ؏ وجهه دخل الغيهب

وره هشام عصبي بشكل :- عيب عليك احنه بيتك هيج

اطلعها سم علينا كول بعد لا توصلوني  .

الغيهب:- لا تظل تحجي شيطي بيطي اكرمنا بسكوتك .

هشام:- غيههههههههب احترم والله راح اضربك .

هاجر:- كافي فدوة شبيكم اسم الله عين ما صلت على نبي .

الغيهب:- هذولي شياطين تفيد وياهم .

هشام:- منوووو شياطين غيهب .

الغيهب:- انتوا شياطين ما دام واكف ادافع الجلال العار .

زهراء:- عيب غيهب هذا اخوك ، فدوة ابو علي كافي

كول يا الله ولا تكبروها اكثر مو عيب فضحنا الغيهب

مقابيل البنية .

الغيهب:- ولج شو ما تعرفين تحجين منو فضح منو .

زهراء:- انتَ فضحتنا دومك تفشلنا اكو واحد يعزم اخو

العريس ويضربه كدام زوجته تره خززززيييي .

وسع عيونه وتقدم بتجاهي لزم ايدي

وهمس بتحذير :- كم مره نبهت لا تدخلين امشي

جوه لا ابتلي بيج وحق الله .

هشام:- ولكم شبي هذا ارفع ايدك غيهب وعوفها تره زودتها .

من الخوف الساني انبلع واني اباوع بعيونه

تجدح نار وهوه يباوعلي بكل غضب

عافني وطلع صاح هشام علية رد

وهو يطلع :- اطلع قبل لا اتصرف تصرف مو حلو وياكم

واصير مو آدمي وما افتهم بس انتوا تفتهمون .

صدت عيوني ؏ نور كاعد وجهه

صاير احمر مخنوك خنك اول ما

شافني باوعت علية انفجر :- شبيك ماما .

نور:- اريد عمووو جلال اريد جلال ما شفته.

هشام:- كافي حبيبي عمو من اطلع اخذك ويايه تروح تشوف عمو .

نور:- لا هسة اريد أروح أشوفه .

هشام:-  البس حذائك اخذك لا تبجي عمو حبيبي انتَ زلمة.

وگف نور يريد يلبس الحذاء

حجه عمي ينبه بيهم:- تطلع بدون ما تنطي علم البابا .

نور:- بابا عصبي هسة .

ابو الغيهب :- تدري بي عصبي وتريد تطلع ما تخاف يعاقبك

ويحرمك من كلشي تحبه .

نور:- اني احب عمو جلال اريد أروح اشوفه

يريد يشتريلي لعبة جديدة .

أبو الغيهب:- شوية ويجي ابوك احجي وياه هوه ياخذك

وانتَ هشام اكعد وسكت لا تخلي يتخبل علينا بالزايد

تره ما بينا حيل هوه صار عصبي بسبب نور .

هشام:- انتَ يابه ابقى خاف من الغيهب

حتى لو غلط اوكف وياه عاشت ايدك .

باوع الزوجته وصاح بيها :- منتظرج بالسيارة.

بقيت جامدة بمكاني عزا شصار قبل شوية نضحك

ليش صار هيج ليش ، طلعت سجى رجعت للمطبخ

وهاجر ويايه غسلت المواعين ونظفت كلشي

صار اليل اخذت أولادها وسلمت وهيه توصي:- فدوة زهراء

ما اوصيج بعد احجي وياه يعتذر من جلال كدام زوجته تفشل

والله عيب البنية شنو تحجي علينا .

زهراء:- والله بس يرجع احجي وياه لا يظل بالج عيوني

صدك  لحظة من الهوسة الصارت نسيت  .

دخلت للمطبخ فتحت الثلاجة اخذت حصتها

وهمست :- هاي حصتج من الحم الغيهب گال اعزل الج منه .

اخذته وبوستني وطلعت رجعت اخذت

زينة بحضن عمو تلعب بدلت ملابسها

وبدلت ملابسي ونزلت أتفقد نور ضاع صوته

دورت علية لكيته ؏ نفس كعدته ما متحرك

وعمي داخل للغرفة.

زهراء:- لك نور ليش ما مبدل ملابسك .

رد علية وصوته متروس عبره يريد يبجي

بس يحاول يسيطر ؏ نفسه:- لا رجع بابا ولا رجع جلال

عافوني هنا شنو عافوني هنا بلا كلام .

زهراء:- وانتَ شعليك بيهم ولك امي لا تخبلني

بسرعة كدامي بدل لا يرجع ابوك ويشوفك

هيج يتخبل عليك والله .

انفتح الباب الخارجي اباوع ؏ ساعة 9 ونص

رجعت شعري استندت ؏ حايط

وهمست بتحذير :- اركض فوك بدل بين ما احجي وياه.

اول ما وصل الدرج دخل الغيهب

هوه شاف نور وصاح :- اوكف نور اوكف .

التفتت نور يباوع بعيوني وهمس:- بابا وين رحت

انتظرتك انتَ وعمو جـ ......

قاطع كلامه وهو يرد بتحذير :- ابقى بملابسك لا تبدل .

زهراء:- روح ماما روح بين ما احجي اني وبابا .

وجهه نظراته بتجاهي وصك

؏ اسنانه:- وانتِ بدلي اوصلج البيت اهلج .

نور بسرعة صعد توجهه للتخم كعد

وطلع من جيب البنطلون جكاير شغل

وحده وهمس:- بسرعة .

زهراء:- جكاير غيهب مو تركتها صار هواي رجعت عليها ليش .

طبك رجل ؏ رجل ورجع ظهره ؏ التخم

بكل اريحية وايده مستنده وبكل هدوء يسحب النفس

ولا كأن وأكفه احجي وياه اتجاهل وجودي بشكل .

هزيت رأسي بـ عصبيه مخلوطة بقهر من هالة البرود

الـ صارت عنده .

صعدت فوك بسرعة خليت ملابسي بالجنطة

ونزلت اني والجهال صعدنا بالسيارة وبس صوت

انفاسنا تنسمع ، اول ما وصلنا وقبل لا انزل

همست بتعب:- الف مره كلت من تصير عصبي

وتمر بمشاكل لا تبعدني وانتَ مصر ؏ غلط

وبسوالفك هاي تخسرني غيهب والله تخسرني .

نزلت وهوه نزل الجنطة اول ما انفتح

الباب سلمت ؏ ابوية ودخلت

وهو ظل يسلم خليت زينة على

تخم واني احترك گلبي صاير نار .

فتحت الشباك اباوع علية يضحك

هه اني اعرف غيهب يمثل التعب

والرجفة بيده تحجي قهر كون كامل

صعبت علية روحـي شلون بعدني عنه

وهوه صعب علية  اكثر ، دموعي صارت تتساقط

بدون سيطرة خفت لا يدخل ابوية يشوفني

غسلت وجهي وصعدت فوك دكيت باب سيف

وصحت:- سيف انتَ موجود .

فتح الباب صار مقابيلي جسمة صاير ضخم

ابتسمت تقدم باسني وكرص خذي:- لك هلا بالزين

هلا بسورها ونورهاا .

زهراء:- عبالي طالع .

سيف:- لا وين اليوم جنت بالدوام من رجعت نمت وهاي كعدتي .

زهراء:- يا زين كون تتعب بالدوام .

سيف:- انا الملازم سيف رحم ابن الواء منو يتنفس ويايه

وشلون اتعب اذا كاعد بغرفة الوالد .

زهراء:- شغلوني وياكم وكعدوني وسكتوني .

سيف:- مو حلو اني اريد مداهمات

وبيكيسي كلاشنيكوف وطب طك .

سمعت صوت ناعم يحجي بالغرفة

طبكت حاجبي بستغراب:- شنو هاي صوت منو .

ضحك بتلاعب وهمس:- النفس مال اني .

زهراء:- وينها .

راح للتلفون ودار الكامرة علية :- هذا الحلو مالي ممنوع المس .

زهراء:- لج هلوووو سمسوم شلونج .

سمر:- هلا بـ زهوره هلا بحماتي الحلوة .

زهراء:- ضامنتها كلشش .

سمر :- بجيبي وداعتج .

زهراء:- ليش مقصرة شعرج كلش .

سيف:- ناوية تموتني بجمال الرقبة .

ضربته راشدي بطرف اصابيعي

وهمست:- ولك صاير مو خوش شو سرسري عيب .

سمر :- عادي عادي عوفي تعودنا.

اباوعلها تتلمس رقبتها بكل هدوء وهوه

مركز بيها وعلى وجهه ابتسامة تسحر

زهراء:- اثنينكم منحرفين.

سمر:- الـ يگابل اخوج شتتوقعي يصير .

رد عليها وهوه يغمز إلها :- يصير حباب وحلو .

التفتت علية وصاح:- نور وزينة وين ؟

زهراء:- جوة اجيت انزلك امشي .

اخذ التلفون لبس سماعة بلوتوث

ونزلنا ركض نور من شاف سيف

رفعه وشمره ؏ تخم يدغدغ ويبوس بي :- ولك مشتاقلك

حقير ليش ما تخابرني وما تسأل علية بس من تحتاجني

خالو سيف تعال ابو حلك .

ضحك نور وصاح:- والله بابا ما ينزل برنامج

اتصال عايفيني بس العب اباوع يوتيوب .

سيف:- سودة علية يا خالو حياتك معاناة.

رحيم:- اذا يعذبون نور هنا يجي وبعد ما اقبل يرجع الهم .

نور:- حتى بابا يعرس علينا .

خربنا من الضحك علية :- هسة خالو اريد حلويات

وعصير وكيكة.

سيف:- راتب ابوك عندي .

نور:- تريد ازعل عليك وما أحبك بعد .

سيف :- امشي يلاا امشي .

يريدون يطلعون أبوية صاح بـ سيف :- كلشي يريد وكلشي

يحب تشتري اله خطية اخاف يسهر اليوم ؏ فلم .

زهراء:- لا وين يسهر كاعد من الصبح وتعبان .

سيف:- يابوية اليووم لا تدخلين بكيفنا نشغل فلم ناكل

ونباوع الى ان انام موو صحيح خالو .

ركض كدامه وصاح:- صح صح .

طلعو وبقيت بس اني وابوية انسولف

ما حسسته بشي لان اعرف ابوية كلش

زين بس يسمع صاير شي يلعب لعب بغيهب

وبسابع احلامي يرجعني اذا ما يكبرها .

خابرنا ؏ رجاء من شافتني صارت تغلط:- لا يا حيوانة

تجين وما تبلغيني اجي ويااااج .

زهراء:- لج ؏ اساس باجر بس الغيهب مايكدر عنده شغل .

رجاء:- باجر من الصبح يمج .

ايهاب:- ماكو رجال تسألي هنا يمكن ما موافق .

رديت بضحكة:- والله حقك ولج غير تاخذين موافقة.

ايهاب :- مستهتره صوج عمي ما رزلج .

رحيم:- ما اوكع بينكم لان تتصالحون واني اطلع

بوجهه الأسود مثل ذاك اليوم تعاركوا  أدافع الـ هذا وحاجز الها

تالي تصالحوا وزعلوا مني .

رجاء:- حبيبي عادي لو سمحت ممكن اروح باجر الصبح .

ايهاب:- نرد الجواب بكتاب رسمي غدًا ان شاء الله .

سلمت علينا وراحت ونور وسيف رجعوا شغلوا

فلم على تلفزيون وعدل التلفون حتى تباوع سمر ويانا اشوفها

تاكل نفس حلوياتنا اني عرفت الموضوع

بس سألت:- نور وين رحتوا .

نور:- رحت اني وسيف ؏ وحده حلوة اسمها سمر باستني

وباست عمو سيف وعضت ايده حيل وهوه كرصها

قاطعت كلامة واني اباوع السيف اختنك من الضحك

صحت بي :- ولك سيف شلون هيج تسوي كدام الولد

وشلون تروح البيتهم بالله شافوك اهلها عزا .

سيف :- ولج امها عدها علم وخواتها هم بس ابوها

واخوانها ما يدرون قابل شسوي  اني اخلي هل حلويات الطيبة بحلكي

واخليها تباوعلي امداني .

زهراء:- اثنينكم مخابيل واحلف عليكم

بس دير بالكم ؏ نفسكم لا تصير مشكلة فدوة اروحلك .

سيف:- والله حذر بس لازم اشوفها .

زهراء:- ليش ما تتزوجون وتخلصونا.

سيف:- بعد إلها أخر سنة وتتخرج ونتزوج.

زهراء:- تزوجوا وخليها تكمل يمك ليش

هل شلعان القلب .

سيف:- اني اعرف نفسي غيور وعصبي انوب

تصير بيناتنا مشكلة وابطلها يمعودة تكمل احسن.

زهراء:- من هسة تصير ويانا مشاكل .

سيف:- الحياة بلا مشاكل ما الها طعم

الله من كعدت الـ هل ساعة سبع مرات

متعاركين اساس نجاح العلاقة.

زهراء:- اروح انام قبل لا اتخبل، وانتَ نور كمل

اكل وأصعد مو تسهر للصبح .

نور:- حاضر امي .

صعدت وايدي ؏ صدري امشي بثقل

حسيت هموم الدنيا تجمعت وصارت ؏

شكل طابوكة وعلى صدري تمنعني اجر

النفس عدل ، خليت زينة تنام وظميت

وجهي بيدي انفجرت ابجي بدون توقف

بمجرد ما اتذكر موقفنا ضحكتنا

وشلون يغنيلي ويتحارش بيه الصبح

اتعب اكثر وكلبي ينقبض اكثر واكثر

خليت راسي ؏ مخدة  راسي

ثكل والحرارة ادك بعيوني

غفيت واحتمال فقدت من الوجع

اريد الوقت يمشي اتهرب من الواقع

ومن كلشي صار ويايه .

فزيت وجهه الصبح عيوني ما تنفتح

خليت ايدي ؏ صدري من الهبطة:- ولكمممم كعدوا رجاء اجت .

فركت عيوني حتى اشوف الساعة

وسعت عيوني وصحت:- صخام الساعة 7 الصبح .

رجاء:- صخام بوجهج الفاهية ايهاب طلع

للشغل وكعدت هددته اذا ما ياخذني ولا اخلي

يروح للدوام فـ اضطر يعني شسوي بعد  .

تقدمت كرصتني من أيدي وصاحت

بيه:- ولج خبالو ليش تجين وما تنطيني خبر ؟

بعدني اريد ارد عليها وسعت عيونها

وصاحت بفزع:- عزا شبيج صايرة جمرة حارة.

لزمت راسي ورجعت ؏ مخدة:- راسي يريد ينفجر .

كعدت بصفي وقلصت عيونها بشك :- بس من تنقهرين

تصير عندج هل حالة شبيج زهراء الغيهب حاجي وياج .

انفجرت احجي الموقف وابجي

مصدومة ؏ مستغربة من الصار

انفعلت وصارت تحجي علية وتغلط

وتريد تخابر ؏ غيهب وتهدده بـ ابوية .

زهراء:- الخاطري ما اريد ابوية يعرف

فدوة لا تصير مشاكل اني صدك مابيه حيل

مشكلة وتنحل حالها حال القبلها.

رجاء:- منا الباجر اذا ما يخابرج ويعتذر

ويفهمج ؏ كلشي والله ثم والله اخلي بحلك

بابا وايهاب وقد اعذر من أنذر.

زهراء:- جيبيلي مي يبس حلكي هسة اموت ويرتاح

استاذ الغيهب خلي بعد يتخبل يطرد يتعارك يضرب

الرايح والراجع .

رجاء:- صدك خبالو وعقلج صغير ليش هالتعظيم

غلط ولج غلط عوفي وتعاملي بمثل ما يتعامل بالضبط وراح

تشوفين شلون يرجع يتوسل .

درت وجهي باوعت النور فارش دوشك

بالكاع ونايم بكل عمق  ، كمت غسلت وجهي

اباوع ؏ ايدي رجعت ترجف

رجعت اخذت تلفوني ؏ امل اشوف مكالمة

او حتى رسالة بس خاب املي بي وتعبت .

رجاء:- كافي لا يصير بيج وتموتين كافي بابا

تعالي ويايه اريد اسوي دولمة وبلا غيهب

وسوالفه الـ ما تنبلع ابد. 

همست بـ إرهاق واضح :- بابه مايحب الدولمة.

رجاء:- تعلميني بـ بابا ادري بي

وصيت ايهاب من يرجع من الدوام

يشتري سمج .

كمت بدلت الزينة ورحت للمطبخ لكيت

رجاء أجهزة بالمواد :- اكلج شنو أخلي بعد مواد جهزت

بصل وكرفس وتمن هاي هيه .

زهراء:-هاي هيه بحلگج .

رجاء:- هاا سالمين .

زهراء:- لحم مثروم ولحم قطعي قطع صغيرة

دبس الرمان ومعجون وزيت وثوم اثنين ملح

وكركم بملعقة جاي ، ولامندوزي ، وطماطة

وحدة لو اثنين براحتج بعد .

رجاء:- وبهارات دولمة .

زهراء:- اذا عدنا بهارات فرش وطيبة خلي .

لزمتني وسحبتني من أيدي:- تعاي يا معدله سويها

وأني أحفر الخضروات .

بيه ما بيه سويتها واني اسولف الها ؏ عزيمة

خلصت قبلها ولزمت تلفوني فتحت الانستا

ومن التعب والخنكه اندفعت وحجيت

الـ حبيباتي كلشي وماقصروا ويايه

احس هونوا علية وعبالك كلهم يمي

انقهروا ويايه نصحوني وانتظروا الـ راح يصير ويايه

وصرت اناقشهم وانشر الهم كلشي يصير ويايه

ورجاء ترزل بيه كافي ذبي التلفون

كافي تعالي ويايه كعدي يمي اريد اشوفج .

وصل الرد من اساور

على ستوري المشكلة :- دخيل الله شبيكممممممممممممممم

ولكممممممممم كااافيييييي ولكممممم كافيييييي اشك هدوووممييييييييييييي

مو ختمممممتتتتتتت والدنيااا ربيع والجووو بديعععععععع كااافيييييييييي كون راشدي هيج ؏ وجوهكممممممممممممممم تعبت فحطططططططتتتتتتتتتتتتتتتتتتتتتتتتتتتت

وبعدددددد شصااارر انتِ وهاي اكتابتج عبالك واحد يركض فحطان .

زهراء:- شبيج ويايه اني حبابة والله هذا ابو البورتوقالي .

اساور:- يا ابو البورتوقالي يبس ريكييي ومحمدددددددد ولكممممممممم استقروا تعبتتتتتتتت .

تالي رددت ؏ ستوري ذكرت بي

وقت ما دخل وگال لمي ملابسج

اوصلج الـ اهلج :- ابوي ما يكدر بس ؏ امي بس علية اطلعين السانج بالله ليششش هيج يسوي بالولد اوكفييي فحطت اقرا ركضض تحجين بسرعة اشرب مي يبس ريكي والله ، هسة عزيمة شلونها والأكل يفتح النفس والترتيب يخبل ليشششش تخرب الدنيا ما يعرف يسكت

يلوموني من اكول ابو هلهوله.

سكتت شوية وكملت احس

هل بنية مهددة اساور:- ماادري احس مايريد يضوجج بكلمة كم مره كلت من تصير عركة بين جلال وابو البورتوقالي لا تدخلين هو يضوج من ادافعين الجلال والف مره كال لا دافعين الجلال كدامي .

زهراء:- انتي لو تشوفين جلال شلون يباوعلي يريدني ادخل حتى يسكت وهو ولا عبالك لج ميشوف كدامه مو عيب يضرب رجال شكبره شكده وعريس والنبي عيب خزي .

اساور:- لا تدخلييييييين بنتي لا تدخليييين مشكلة هو وجلال تورررررطين نفسج بيهااااا ليشششششش زهراء بطلي هل تصرفات تره تعبتيني واني احجي تدرين كلشششش زين الغيهب كلشششش ينزعج من تدخلين وتخلي بموقف ضعيف كدامج وكددامهممم اوووفف منج اوووف .

للظهر كمل كلشي دخل بابا وايهاب

دخل سيف وصاح:- شنو هل ريحة الاكل الطيبة

ولكم انصهار اريد اذب روحـي انتحاري ؏ اكل .

ايهاب:- ريري وينج هاي السمج .

دخل للمطبخ شافني وصاح:- يابه هلا هلا هلا بـ ام نور العلم .

زهراء:- هلا بيك ابو كيان شلونك .

ايهاب:- بشوفتكم صرنا احسن عيوني

شلونه ابو نور ان شاء الله ما متعبج .

زهراء:- لا الحمد لله بخير ويسلم عليك .

رجاء:- امممم بخير عشتوا.

ايهاب:- وصلت خير شصاير.

زهراء:- انتِ ما عندج كونترول ؏ السانج .

ايهاب:- مع الاسف عطلان من زمان

شصاير ام نور لا تكولين ضاربج لو

معلي صوته بوجهج .

زهراء:- لا والله بس صار سوء تفاهم وگال

يعني حتى لا تكبر المشكلة روحي الـ اهلج

تعودت علية لا يضل بالك هوه بس يفكر وتستقر أعصابه يرجع .

ايهاب:- اذا هيج فـ يا ام نور تصرف ابو نور صحيح

ليش يغلط بكلمة لو بتصرف وتكبر بينكم

واني بس يجي عندي تصرف ثاني وياه .

رجاء:- غلط شنو الصح رجال ومرته كلشي يصير بينهم

شو هذا ڪُـل ما صار بينهم شي يتبزبز ويبعدها.

ايهاب:- من وجهة نظرج بس من وجهة نظري صح .

رجاء :- وان شاء الله تريد تسوي مثله والقران

اتخبل واهج وبعد ما اخليك تندل طريقي

يابه والله العب ما العب حالك حال المخبل ادور علية

ما تلكيني وبراحتك بعد .

باس أيده وهوه يباوع ليفوك

وعافها وطلع بدون ما ينطق بحرف

زهراء:- اخبال الـخبلچ ان شاء الله خبلتي الرجال

اروح اصب احسن .

أبوية بطبعه من يدخل البيت بوجهه

للغرفة يسبح ويبدل ويطلع يشوف

شكو ماكو ، فـ بين ما كمل

فرش سيف السفره ونقلنا الاكل

او ما كعدنا طلع وصاح:- اليوم حبايبي مجتمعين يمي .

زهراء:- الله يساعدك بابا .

رحيم:- ويساعدج بنيتي .

راحت رجاء باست راس ابوية

ايهاب يلاعب كيان صار عمره

خمس سنوات يعشق أبو

وايهاب يسمي النفس الـ يصعد وينزل .

صرنا ناكل ونسولف بس بگلبي

نار محتركة اكل شكد الأكل طعمة

طيب بس بكلشي ما احس ، صرت اكل حتى

محد ينتبه علية ، نزل نور سلم ؏ ڪُـل

وكعد بحضن بابا يوكل بي .

سيف بغير عالم ڪُـل شوية يهمس ويبتسم

السماعات بـ اذنه ، كملت قبلهم حضرت

الجاي كعدنا نشرب ايهاب وبابا يتفقون ؏ شغل

واني ورجاء نسولف ؏ بيت جدي

للعصر دخلت علينا بيبيتي وام ايهاب

قدمت الضيافة وكعدت وياهم

شوية وفتحت التلفون بقيت مصدومة

مامصدكة ومستحيل اصدك

اساور صارت محامي دفاع للغيهب

يممممممااييي نازله علية هيه غلطانة

وهو منبهها بقناتها التلي والبنات

حالهم من حالي مصدومات

كلنا مصدومين كلنا .

اول ما طلعت بيبي وام ايهاب

خابرتها ماترد تعرف تعلمت اهلهل

واذا تجاوبني اهلهل عليها والله

دزيت رسالة كتبت:- اذا الزمج اگطعج بسنوني

يا كوبرا فعلا كوبرا.

ردت عليه تقهرني بالزايد:- هو شنو غير انتِ غلطانة .

سديت التلفون واني اشوف

ابوية دخل نام وسيف صعد

وايهاب راح بيت جدي

فتحت مكالمة اني ورجاء واساور

انخطط والحقيرات هاي تضحك

وهذيج تحشش وكل شوية اهدد بيهن

يعوفني بحالي ، الى ان صار اليل

رجاء ام بطن شالت التلفون طلبت

حلا الكيك والكنافة والكريب

وهذا نور نسخة رجاء يموت ؏ بطنه

وقتتها هوه دخل ايهاب وابو التوصيل اجه

دفع وكعدنا ناكل وايهاب يشكي منها

بالضحك يكبس بعدين يرفع يخاف تعرس علية .

فزيت ؏ صوت التلفون باوعت الاسم

وجسمي صار يرعش مثل السعفة

وبداخلي شعرور غريب

بين فرحانة اتصل

وبين مقهورة وضايجة منه

وما اطيق اسمع صوته .

صار يتصل مكالمة بعد الثانية بدون توقف

سويت التلفون صامت وذبيته بعيد عني

حتى ما أضعف وارد علية وهذا استاذ بغسل

الدماغ ، نزل سيف يضحكون بيها

بس وجهي انخطف لونه ..

الساعة بـ 12:18 دقيقة اندك باب البيت

طلع ايهاب وستند ؏ حايط يحجي بكل هدوء

شوية ونفجر يحجي بـ انفعال ، طلع ابوية

تراجع ايهاب شفت ابوية ضحك ودخل علينا

الغيهب وبيده علاليك صرت مقابيلة

تقدم باسني بخدي وهو يضحك ولا مهتم

ولا عبالك صاير شي يتصرف بكل اريحية

انقهرت بالزايد صرت قريبه علية

همست بـ غضب مكتوم :- شعندك هنااا ليش اجيت

غيهب منو كال اريد اشوفك .

الغيهب:- اجيت اشوفج وحتى ما اتعبج أشتريت عشه

نتعشى كلنا وبعدين نتفاهم تره جوعان كلشي مماكل .

زهراء:- يعني ما تعرف تاكل بالبيت جيت هنا شكو .

يباوعلي بس عيونه تضحك يخليني

صافنه وكأن ايدي مربوطة:- اريد اتعشى اني وعمي

وسيف وايهاب موجود مو عيب تطردين زوجج ابو جهالج .

زهراء:- عيب عليك إطلع زوجتك ام اطفالك بليل

والله شنو تعاركت انتَ واهلك اني واطفالي شنو ذنبنا.

قاطع كلامنا دخول ابوية :- شلونك ابو نور .

الغيهب:- احجيلي انتَ شلونك لواء رحيم .

رحيم:- ششوف حضرتك اني بـ أفضل حال .

الغيهب:- واضح صاير اصغر مني ماتكبر يا ...

رحيم:- ياا شنو والقران هنا اخليك وادكك اسكتتتتت .

الغيهب:- افركم فر بـ ايد وحدة وداعتك .

رحيم:- داخل بيتي ويشمر علية بس ساكت

الخاطر ابنك الـ كاعد بحضني .

الغيهب:- اضحك عليك عفوًا اضحك وياكم

لا تاخذها بجدية شبيك .

رحيم:- شسويت ؏ قضية الـ كلفتك بيها .

الغيهب:- ڪُـل خير كم يوم وتخلص وسويتها

احسن من ما تريد .

رحيم:- يعني برأيك كم سنه تنزل الحكم .

الغيهب:- ما انزل حكم اخلي يطلع إفراج .

ايهاب :- شلون تره تزوير .

الغيهب:- بس ما عدهم دليل او تصوير هو

يزور مجرد كلام وشهود هل سوالف

ما تمشي ويايه اربع ايام بالمضبوط يطلع .

رحيم:- لوتي بهل سوالف تعجبني .

الغيهب:- مرات اني نفسي تعجبني وداعت عيون بنتك لواء رحيم .

جهزت الأكل ورتبت كلشي كعدوا ياكلون

اني دخلت المطبخ ما اريد أشوفه من خلص

راح يغسل صاحني انتبه ؏ حالتي

خجل حتى ينطقها ويكول تعالي ويايه

عرف بنفسه غلط بحقي بدون ما احجي

حرف واحد .

الغيهب:- وغلاتج وغلات نور وزينة

ما متقصد اتعبج واقهرج ردت تبتعدين

حتى لا تكبر بيناتنا اني ادري واعرف غلطان

بحقج ، ولكش زين  وادري ما تسكتين وتحجين

وتصيحين واني عصبي يبدر مني تصرف

بساعة عصبية وتلوميني ما اتحمل .

زهراء:- انتَ مو بس تعرف بنفسك غلط

لا وضعيف هم ما واجهتني ولا فهمتني

ليش غلطت بحق اخوك .

الغيهب:- أتجاوز حدوده يستاهل الصار بي

رغم هذا اني مستعد باجر اعزمهم ؏ مطعم

وتروحين ويايه حتى نحل الخلاف الخاطرج

والخاطر نور لان يحب جلال .

زهراء:- انتِ مو بعدتني حتى ما ادخل

خلص ما ادخل وخليني بعيدة عن حياتك

ومشاكلك تحلها وحدك لان الواضح ماتحتاج زهراء.

بحركة تمرد حسيت ولحظات

سريعة حسيت نفسي صرت

؏ صدره حاضني بكل قوتةوهمسز:- ما احتاجج شنو زهراء لج

انتِ نور حياتي البارحة رجعت للبيت احس الدنيا ظلام بعيوني

اليوم رجعت من الدوام والله ما اكدر ادخل البيت

رحت البيت هاجر مختنك والنفس ما ينسحب

اني اضيع بدونج انتِ قوتي ونعمتي وسعادتي.

زهراء:- بعد ما اتأثر بكلامك لان مجرد كلام

افعالك غيرر .

الغيهب:- رجعي نتفاهم بالبيت الخاطري .

درت وجهي واني امشي همست :- تعذرني ما اكدر والله .

عفته وصعدت فوك هوه يباوعلي مصدوم

دقايق بس وسمعتهم يسلمون علية وطلع .

انفجرت ابجي وراسي يريد ينفجر

رجاء ترزل بيه صرت ما اسمع من احد

حضنت مخدتي ونمت ما اريد احجي حرف واحد

قبل لا انام باوعت ؏ ساعة ب2:34 دقيقة راح .

الثاني يوم كعدت راسي مصدع بالزايد

اخذت التلفون الدنيا مگلوبة اتصالات

من الغيهب واساور وهاجر وعمي

والبنات بالانستا كلهم بقلق ومنتظرين

يسمعون خبر جديد .

حجيتلهم مقتطفات عن الصار

ونشرت الإتصالات

ماكو ساعة واخذت الجهال

ابدلهم رجعت مكالمات لم يرد

عليها 43 من اساور خليت

گلبي بيدي اخاف صاير شي

رديت عليها كالت :- لحكييلي ولج اني شكوو شسويت

والغيهب يخابر تره وگفت وياه هل مره.

زهراء:- تره ما ينلام من يكول كوبرا هسة عرفت

شنو شعور الغيهب من دائما ادافعيلي وتحجين علية

شدعي عليج هيه هاي هم صداقة.

اساور:- استغفر الله لج احجي احجيييي ليش يخابر

انوب هذا المسعد اتصل علية يكلي جاوبي الغيهب

هييييييه شنييي اني شكوو بيكم .

زهراء:- دجاوبي شوفي شيريد وتعالي كوليلي .

سدته مني وراحت ماكو مرت ربع ساعة

وصارت نص ساعة اجتني اساور تهلهل .

اساور:- زهراء اذا تحبيني راح يجي ياخذج

ارجعي وتفاهموا الموضوع مايستاهل

لج همه اخوان يتعاركون ويتصالحون العصر

وانتِ تدرين جلال يموت ؏ غيهب لو مو يضربه راشدي

عادي يسامحه وأصلًا هو ما زعلان منه

يعني تدرين بنفسج غلطانة ليش تكابرين ؟؟

عدلت التلفون بيدي ورديت

بتكبر وقهر :- والله ماكو غلط مني مجرد وگفت

مع الحق هو غلط بحق جلال .

اساور:- عجيب لا تدخلين لج بابا شعليج

بيهم هسة سجى هم أدخلت زوجته

الجلال ادخلت ليش بس انتِ ادخلين نفسج

بسوالفهم ومشاكلهم ما توبين.

زهراء:- تره العركة صارت ببيتي شبيج اساور .

اساور:- بيتج وكدام عمج يعني همه بيناتهم

المفروض تتعودين عليهم .

سكتت واني مارديت ادري بنفسي

مو غلط بالعكس تصرفي صح

لحظات وكملت :- ارجعي هو يكول عندي سبب بس يريد ترجعين وتتفاهمون سوه مثل كل مره بعيد عن الكل .

زهراء:- كلت ما ارجع زين او لا .

اساور:- وتره شايف الستوريات مالتج

يكول هل سوالف اعديها بمزاجي

حتى خجلت واحتاريت شنو احجي .

زهراء:- آني خفيت ستورياتي منه شلون شافها .

اساور:- انتِ مو مثبتة هايلايت

من خفيتي الـ ستوري يطلع حتى الهايلايت

فـ هو عرف انتِ مفعلة الإخفاء مسوي

حساب بـ اسم بنية وداخل .

سحبت نفس وكملت :- زهراء الخاطري ترجعين

اذا عندي خاطر يمج لا تقهري خذية صوته تعبان.

زهراء:- خلص ارجع الخاطرج بس هوه

أذاني وشافني شكد تعبانه حتى خجل مني

كم مره اتوسل بي لا تبعدني من تضوج من

يصير شي احجي وهو ماشي وصار وشعندي غيرج ويصدمني .

مت

اساور:- بنفس الوقت تعرفين هو يحبج والله يحبج

وبعدج حتى لا تكبر بينكم وبالأصل انتِ متفقه وياه

تروحين ثاني يوم الـ اهلج يعني مصار شي

كبري عقلج ورجعي حبيبتي اروحلج فدوة الوجهج

حتى اليوم اجي اشوفج مشتاقتلج .

زهراء:- قشمري علية اروح ابدل واربد اشوف

شنو تاليتها وياه هل ابو البورتوقالي.

كمت اني ابدل اسولف الرجاء

وهيه تهز ايدها ما عاجبها الوضع

ختمتها واني اطلع خابرت اساور

ترزل بيها لان قنعتني ارجع

لبست حذاء نور ولبست حذائي

سلمت ؏ بابا وطلعت اول ما فتحت

الباب صار مقابيلي باس نور واخذ

زينة مني وهوه يباوع لعيوني

وقبل لا يبتعد همس :- طالعة حلوة تاخذين العقل يا ست الحسن .

رفعت حاجبي بعدم رضا

ومشيت للسيارة صعدنا كلنا

طول الطريق الكل ساكت

وصلنا للمطعم دخلنا

كعدنا ؏ كراسي رفع التلفون

وأتصل:- ها الحبيب وينكم .

شوية وكمل :- ماشي احنه طاولة رقم 5 .

دقايق ودخل جلال واسيل ببتسامة

حلوة وگفت بست اسيل وسلمت

؏ جلال وكعدنا ، اخذت زينة

من الغيهب ، وهوه يحجي ويانا

يريد يعرف شنو نريد ناكل .

جلال مغلس ؏ وضع ويسولف هوه ونور

واسيل تسولف ويايه من اجه الولد اخذ الطلبات

كلنا طلبنا مشاوي ، نزلوا الاكل حار يجنن

اكلت شوية والتفتت اوكل نور من خلصنا

طلبنا عصاير وبقلاوة وكريب

نريد نطلع اشرتله وسعت عيوني

اقترب مني همست:- يلاا اعتذر شنو راح نطلع .

الغيهب:- مو عزمتهم وخسرت 250 الف

هذا مو بس اعتذار سحل وزحف كافي طمع .

صكيت هلى اسناني ورديت بتحذير :- غيهب اعتذر لا تخبلني .

عدل ملابسه وتحمحم حتى يجذب أنتباه

الكل وفعلا صاروا يباعون علية

ركز ؏ جلال وهمس:- أعتذر ؏ موقف ذاك اليوم بيتي

عندي مشكلة بالشغل وصارت بوجهكم .

جلال:- ولا يهمك ما صار شي .

اسيل:- لا تعتذر ابو نور أصلًا نسينا الصار

سوالفكم وضحكم نسونا كلشي .

زهراء:- حبيبتي والله بـ ڪُـل وقت يعجبج

تعالي البيت بيتكم نتونس سوه .

اسيل:- ان شا الله اكون سعيدة بشوفتج حبيبتي انتِ .

الغيهب:- الجهال نعسانين يلا نطلع شدكولون .

جلال:- يلا تأخر الوقت .

صعدنا السيارات ودعناهم ورجعنا

للبيت ورجعت الحالة الصمت

وكفنا بالباب وطبكت سيارة ضرتي

نزل الغيهب وصاح :- هاا ملاعين وين جنتو طالعين

لا تعزمون لا تحجون انتَ وهاي الكوبرا .

نزل المسعد وصاح علية:- يول مو جنت طالع انتَ والفاهية

شتريد بعد بعدين ناقصين نكد ونعزمكم مو زين رجعت

الفاهية بفضل هل ملاك الصاعد بالسيارة.

اباوع الأساور بقت ترمش بعيونها

الغيهب:- سهلة صاير السانك السان رشاشة

من اذكر الكوبرا، امشي عليكم الله تعالوا نسولف جوه.

انحنى وهمس وهو يباوع الأساور:- ها اساور نروح يمهم

عندج وقت لو لا .

اساور:- اي ما عندي شي .

المسعد:- سالفة بيها زهراء يصير بيها وقت وحيل

سالفة بيها اني تتمرض وتصير مشغولة.

نزلت بسرعة وهيه ترد :- ؏ اساس انتِ ما تفرح تروح الـ استاذ

غيهب وتكعد وياه وطن سوالف وما تملون .

اقتربت مني باستني وصاحت:- فتحولي الباب يلاا عيوني .

دخلنا كلنا اول ما كعدت صاحت :- ها يول وجوهكم

مقلوبة احسكم بعدكم ما متصالحين.

الغيهب:- هسة عوفكم من الصلح انتوا شبيكم

مستلمينا يول ويولي.

ضحكت اساور واني ركزت

وخربت من الضحك ؏ رد المسعد :- يول غير خلصت قصتكم

البغدادية وحاليًا تركت ڪُـل المحافظات طفرت ؏ رمادي

وهاي اخوك صار يفهم كلمة الثانية عقلي يوجعني عود افهمها

مستلمتني اكس مربع ما تگول شوف تكلي ادحك

متكول تعال لا لا حدر مو هنا هين وهاي اني صرت  يولي

وهيه يول بقت يم ربنا شوكت تختم ونخلص

قبل فترة عاشت بدور الغيهب والـ خبال

وصارت فاهية مثل الاخت

هسة كلهم ضباط هاي بعد ڪُـل ما أشوفها

تستلمني تحقيق ؏ دك رمي ادعولنا .

اساور:- ليش احس الوضع ما عاجبك .

رد عليها وهوه يورث جكارة:- عاجبني وعاجب الخلفوني .

زهراء:- كومي أساور نحضر الضيافة.

عفناهم ودخلنا المطبخ فتحت الثلاجة

وهمست:- وين جنتي ؟

سحبت ماعون حلاوة جكليتية  من الثلاجة

وگفت ؏ كاونتر :-تعشينا ورجعنا وانتوا شصار وياكم

الغيهب اعتذر من جلال .

سولفت الها كلشي الى ان كملت اخذت الضيافة

ورجعنا دخلنا ما طولوا شوية وطلعوا

اخذت الجهال للغرفة خليتهم ينامون

ونزلت فتحت الباب سمعت صوته :- ابوية من البارحة بيت هاجر .

زهراء:- ليش تعاركت وياه ؟

الغيهب:- لا بس من سمع وديتج البيت اهلج

گال اني هم ما أظل يمك وطلع .

باوعتله بعدم رضا وصعدت فوك

ذبيت ملابسي وفتت سبحت وطلعت

بدلت وكعدت بفراشي لزمت تلفوني

انفتح الباب ودخل اقترب مني

رفعت رأسي باوعت بعيونه

سحب التلفون وكعد بصفي

جر نفس وهمس:- اسف .

زهراء:- هاي الـ اسف وين اصرفها غيهب

تجرحني وتقهرني وتگول اسف والمفروض

اني اتحمل واسكت مثل قبل يعني برأيك اني

مثل قبل عندي صبر .

الغيهب:- ادري مليتي والله واني ما اريد تنقهرين وتتمرضين

بسببي ليش تبقين ونتعارك بس فكري بيها .

زهراء:- غيهب افهمني اني تعبت غلط واحد منك بعد

احرك الأخضر واليابس واتخلى عن كلشي واعيش حياتي

بين شغلي واطفالي وانتَ تطلع خارج قوس

كلشي تغير غيهب كلشي جنت ضعيفه حاليًا

اني اقوى من ما تتصور أتقي شري.

غمض عيونه بتعب ورد

وهوه يضغط ؏ ايده بكل قوته :- جلال بالكراج بعين وكحه

گال ليش تصرفاتك تصرفات شخص يغار لان اني ما تأثرت

بالماضي ولان ما تزوجت تلاث مرات وعنفتهم وعذبتهم

ولا طلبت من وحده منهم تسقط ابني وانما عالجت نفسي

بنفسي واختاريت شريكة حياتي وحدة لا غييييير .

فرك وجهه وكمل :- انفعلت وضربته ورغم هوه غلطان

رحت واعتذرت الخاطرج والخاطر هشام وابوية

اني من البداية ما أريد اشوف جلال .

زهراء:- صح جلال غلط بهذا التصرف بس يبقى

اخوك يحبك ويحترمك بس انقهر لان غلطت

علية گدام زوجته.

الغيهب:- الـ هل لحظة اكول يستاهل

كم مره نبهت ؏ نور من عدنا خطار بس اصيح

نور اشوفك كدامي ، كم مره نبهت نور اذا اختك تبجي

انتَ المسؤول يمكن صار الغطوة ؏ وجهه اركض

شوفها يمكن ذبانة مضوجتها نور مو صغير لازم

يكون مسؤول ، بوقتها اربع مرات اصيح بي

نور بابا اختك وهوه يضحك من صحت

بي جلال يرد عليك بكل برود:- هسة امها تروح تشوفها

قابل نور خدام عند زينة .

انفعلت وصرخت علية صح وكلت لا تخلي يتعلم خوتك

الفيط.... وارجع واعيدها ما اريد يتعلم نور ما يهتم بـ اخته

هاي اخته لازم يحميها بروحه ومن ذاته ما يتحمل يشوفها تبجي

هذا شلون يصير بالتعويد لازم اخلي يتعلم ؏ هل تربية.

عض شفايفه ورفع حاجبه وهمس :- وهسة شنو نتصالح

راضيه علية لو بعدج .

ابتعدت واني ارد علية:- لا نتصالح ولا نحجي

روح نام جوه اريد بعدك مثل ما بعدتني وخليتني

تمرضت وتعبت ونقهرت .

الغيهب:- ولو باقيه يمكن يصير اكثر ليش نتعارك

ما اريد خليتج تبتعدين وانتِ قبلها بيوم كلتي اريد

اروح البيت اهلي وخليتج تروحين بين ما استقرت

اعصابي ورجعنا لا تكبريها الخاطري .

زهراء :- كلت ما اتصالح شنووو بعد .

الغيهب:- بروح رحيم نتصالح .

زهراء:- رحيمم شكوووو بالنص استغفر الله.

الغيهب:- رأس المشاكل جالطني موتني .

زهراء:- تغار منه هسة اخلي يتزوج .

الغيهب:- زوجي ليش اغار قابل يتزوج علية .

ضربته ؏ صدره وصحت :- تغث تغث يبوووي .

سحب علية من الميز وهمس :- وهاي هدية

البارحة اشتريتها من اجيتكم ردت انطيها الج

بس عفتيني وصعدتي ، بعد هاي الهدية

ماكو صلح منا منا .

اخذتها منه ولبستها وهزيت راسي :- ابد ماكو صلح ابد .

ما احس غير سحبني من خصري وصار فوكي

يوزع بوسات بكل انحاء وجهي وهوه يهمس

بصوت عالي:- لج تتعززين علية ادبسززز .

زهراء:- غيهب روح مني اهوووو لك غيهب

عوفتي وروح يبووي .

الغيهب:- احبج يا حقيرة احبج واموت عليج .

زهراء:- اكرهك اني انتَ لعنة حياتي .

الغيهب:- قبل كلتيلي لعنة حياتج بس أحبك

وانتِ نعمة الرحمن وسعادة الغيهب .

بعد خصلات شعري

وهمس بصوت خدران :- يا ام صوت الدافي والكذله الحرير

و رصعه الخد عودتيني عليج والمحروم مومثل المعود

عودتيني عليج شيصبر ابن ادم لو تعود .

طبع بوسه ؏ ركبتي وكمل

بصوت ذبلان  :- آخ لو فرة ركبتج تشتهيني

إلا أخلي الشمه قِبله ودورة الزِنجيل ديني .

بيومها صارت السهرة للصبح وتم الصلح....

الصبح بشرت البنات وانتظرنا اساور تسرد الاحداث

بالتفصيل وهذا الصار ، قبل كم يوم خابر هشام ؏

الغيهب وگال :- كراج بيتي صغير اريد اطبخ بيتك

تستقبلني .

بدون ما يرد علية بدل  وراح جابهم كلهم

وگفت اني وسجى وياهم نثرم ونغسل

ونطبخ وهمه يهرسون بالقيمة وعمي فوك راسهم

تعبت حيل خابرت اساور تساعدني شوية و دخلت هيه

والمسعد راح يهرس بالقيمة

الى ان كملوا صرنا نوزع الطبخ بالمواعين

السفري والغيهب وهشام والمسعد وزعوها ؏

منطقتنا وما خلصت لليل ، راحت اساوري

ودخل امير وجلال وزوجته وهاجر وسهرنا للصبح

ضحك وسولف ما تخلص .

بيتنا بيت العائلة حمويني ما يرتاحون

بس بيتي وهاجر اختي كلشي تشاركني

واني كلشي اشاركها ، علاقاتنا طيبة

ومستقرين الحمدلله .

ماكو حياة خالية من المشاكل

بس حبنا وقوة التمسك العدنا

نحارب بيها اصعب الضروف

وبعد ڪُـل مشكلة ترجع

علاقتنا أحسن وأحلى من قبل .

اسئلة متكررة دائمًا تسألوني  زهراء بيها

وحتى لا تتكرر وتصير مشاكل

بالحساب ونفسيتها تتعب واني اكثر

فقرة اكرها من أنكون ؏ حق وشخص

يكذبنا وما عندي الوقت الكافي ارد ؏

ڪُـل وابرر يفضل ارد هنا ...

أسمائكم حقيقية

الغيهب مو حقيقي

اطفالهم حقيقي

زهراء أسمها الحقيقي

هاجر حقيقي

سجى حقيقي

رجاء حقيقي

ملاك هيام وفرح مو حقيقي

جلال حقيقي

هشام وأمير مو حقيقي

رحيم حقيقي

ايهاب مو حقيقي

سيف مو حقيقي

اعمارهم

الغيهب 33

زهراء 25

نور 7 هل سنة صف الثاني ابتدائي

زينة 6 اشهر عمرها

زهراء برج الجوزاء

الغيهب برج الأسد..

تسلسل عائلة الغيهب

هشام ، الغيهب ، ملاك ، امير ، هاجر وجلال .

حاليًا زهراء عدها إجازة أمومة تكملها وترجع اداوم.

وين اداوم ما تحب تذكر المكان وهذا حقها ..

ليش نطلق لقب ابو البورتوقالي

سبق ونشرت صورته برباط بورتوقالي والعُشتارات

طلقوا هل لقب الغيهب ابو البورتوقالي.

ذكروهم بالخير دائمًا ولا تسمحوا

للسسسسس يسقطون بيهم او يسقطون بتعبي

كُلكم شاهدين شكد تعبت بهل قصة

ودائما اهدي نجاحها لكل متابعاتي وعُشتاراتي

وملكاتي الـ بنص گلبي .

دائمًا وأبدًا متربعين بنص أعماق قلبي

اترك ملكاتي بـ حفظ الرحمن أحبكم 🫂🫶🏻

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد