تحميل رواية «ظلمات الغيهب» PDF

رواية ظلمات الغيهب

بقلمي أساور حسين

الحلقة _19_

ولو اتيتني هارباً من دنياك

لأصبحت انا دنياك ومافيها .

...............................

زهراء...

حجاها واخذ شفايفي بين شفايفه بوسة عبر الزمن .

ابتعد بـ انفاس ثقيلة سند راسه ؏ راسي وهمس:- لا تعوفين لو شيصير

بيناتنا احتويني اتحمليني اني انسان سيئ اريد اصير طيب مثلج .

رفعت أيدي تلمست وجهه

البارد وهمست:- بس انتَ مو سيئ ، انتَ مثل الأسد مجروح

وتتحرك بخوف ما تريد احد يقترب ويأذيك آكثر.

الغيهب:- ما اريد بس تنطيني أمل تبقين ،من نغلط تعالي حتى او اني الغلطان احجي وياي سولفيلي اغلاطي واذكرلج اغلاطي ونعالج المشكلة .

زهراء:- انتَ تدري اني احبك ؟

الغيهب:- بعد ڪُـل الصار أخاف قل حبج .

زهراء:- حُـبـي الك حب ام الـ ابنها بكل مرة يغلط تنطي إعذار .

ضم وجهه بركبتي وهمس:- ڪُـل جروي تبرد هنا أنسى الدنيا

وأتمنى الوقت يوكف من أصير يمج  .

زهراء:- أثبت كلامك ولا تمنعني اساعدك ، لا تبتعد ، لا تضرب

لا تجاهلني ، اسمع مني خليني مرايتك .

الغيهب:- مو بيدي من أصير عصبي افقد عقلي بالكامل .

زهراء:- من زمان هيج لو ..

الغيهب:- لا ما جنت هيج نهائيًا ما جنت احب العصبية

ولا احب الصوت العالي ، أشتاق النفسي القديمه الضحكتي

الحقيقية حركاتي تهوري مغامراتي اووف زهراء شكد تعبت .

زهراء:- نرجع والله خلي أيدك بيدي ونعود احسن وأقوى من قبل .

الغيهب:- تظنين نكدر .

خليت عيني بعيونه وهمست بتأكيد :- ما اظن بس واثقة من كلامي .

الغيهب:- اذا تبقين وياي وعد أغير نفسي الخاطرج بس الخاطرج

انتِ اليوم أحلى هدية بحياتي انتِ نور ظلماتي ملجئي بأوقاتي

الصعبه مااريد اخسرج .

ابتسمت بخجل ونزلت راسي اتهرب من نظرة عيونه

مد ايدة رفع راسي وهمس:- تسمحين بوحدة ثانيةً.

حجاها وهو يأشر ؏ شفايفي غطيت وجهه بأيدي

وصحت :- كافي غيهب امشي روح الغرفتك .

الغيهب:- نوميني .

زهراء:- لا تصير طماع ڪُـل يوم تريد اني انومك .

الغيهب:- شكو بيها تكسبين آجر  .

ضحكت وبصعوبة رجعت نفسي عدلت المخدة

نام عليها سحب ايدي وحضنها على صدره بقوة بقيت

نفسي ؏ ظهر الجرباية اباوع ؏ ملاح وجهه

الحادة الى ان نام وانتظمت أنفاسه.

ما أعرف شكد مر من الوقت واني ؏ نفس الـ أتجاه

ولو ابقه ُ ؏ــمري كلة ما اتعب ولا أمل

يكولون الحامل لازم دائما تشوف صور حلوة

ناس جميله ، فـ اني استغليت الفرصة وبقيت

اباوع ؏  الأب لان يكفي جماله .

فزيت من صفنتي ؏ صوت فتحة الباب

دخلت عمتي نزعت عبايتها ولان ماكو ضوء

ما شافت الغيهب صحت بهمس:- سدي عمه الغيهب نايم .

خطية هِـيِّ جمدت تباوعلنا بعدم تصديق

رفعت ايدها تأشر :- هذا الغيهب صدك.

ابتسمت وهمست:- اي صدك واذا ما تستعجلين وطفين الضوء

يكعد يعرس علينا ويسويلنا زفه محترمة .

غلقته بسرعة وضحكت :- الف الحمدلله ربي ، خلي مستقر كون دوم

اشوفكم هيج شلون ما احجي ما أوصف فرحتي.

زهراء:- حبيبتي ام قلب الطيب .

طلعت وسدت الباب رجعت الوضعيتي الى آن أخذني النعاس

ونمت ويا ، كعدت الصبح وهو ما زال نايم ويا فرحتي

واني اشوف حبيبي وحلم حياتي نايم بصفي

إقتربت بدون صوت  تقدمت طبعة بوسة

سريعة بطن عيونه ، وسرعان ما عدلت نفسي وكمت

من السرير ، استوقفني صوته وهو غالق عيونه

همس:- زهراء .

غلقت عيوني حيل من الفشله وهمست:- هممممم .

الغيهب:- تعاي .

رجعت وكفت كدام الجرباية ورديت بارتباك:- أجيت .

الغيهب:- عيدي الصار .

زهراء:- شصار .

الغيهب:- عيدي زهراء عيدي .

بلعت ريكي وهمست :- بعدين ، واسفة كعدتك .

الغيهب:- اقتربي .

زهراء:- أقتربت.

الغيهب:- عيدي .

عضيت شفايفي بخجل ونزلت طبعة بوسة بعينه الثانية

بعدني ما متحركة خشن صوته ودار وجهه

ورد بحزم :- اطلعي  ...

ظليت بمكاني من هول الموقف ما اكدر اتحرك

حرفيا فتحت حلكي وكفت .

صكيت ؏ اسناني وحاربت ما ارد علية

تجاهلته وطلعت من الغرفة لكيت عمي

مقابيلي كاعد هو وعمتي ، ايدة ؏ راسة

واضح علية مغثوث حيل .

ام الغيهب:- هلا زهوره.

زهراء:- صباح الخير عليكم .

ابو الغيهب:- منين يجي الخير واني مخلف شياطين .

كمل كلام وعافنا وطلع بره .

زهراء:- ياستار شبي عمو اليوم .

ام الغيهب:- ماكو شي حبيبه لا دوخين نفسج

خدري الجاي وتعاي كعدي اكلي ما دام الصمون حار .

زهراء:- هاجر والبنات وين .

ام الغيهب:- بدواماتهم يمه .

زهراء:- وانتِ وعمو تريگتو  .

ام الغيهب:- بس جاي شرب عمج رأسه يوجعه.

عفت كلشي وكعدت مقابيلها همست بصوت

خافت يوصل المسامعها :- خوفتيني لا تخلين بالي مشغول

كولي صاير شي .

ام الغيهب:- عمج يحلها ، انتِ همج كافي عليج .

طلع الغيهب من الغرفة يمسح بوجهه

تجاهل الوضع وبدون ما يلتفت صعد

صاحت علية عمتي بصوت غاضب:- استحي من تشوف امك

كاعدة كول صباح الخير لو زعطوط ما تعرف .

كمل طريقه وصعد ، مر الوقت وهو ما نزل

كمت خدرت الچاي  بـ ايد وحدة الثانية مجبريها

وخليت اجبان بالصينية ورحت العمي بره

زهراء:- عمو .

التفتلي بوجهه تعبان همس:- ها يابا .

زهراء:- حضرت ريوك ناكل سوه .

ابو الغيهب:- الف عافية ؏ كلبج اكلو اني اريد اطلع .

زهراء:- قبل لا تطلع اكل كم لكمة فدوة .

ابو الغيهب:- ما اريد اكسر بخاطرج بس صدكي ما الي نفس .

زهراء:-تصدك اني هم ما الي نفس بس لازم اخذ علاج

وانتَ المفروض تشرب علاج ، فـ ناكل لكمة وهاي هِـيِّ

ضحك وتقدم حضني من كتافي وهمس:- جبر خاطر انتِ يا عمو .

دخلت ويا ابتسمت عمتي وكعدنا ماكو نفس بس اكلنا

وهو فعلا طلع بسرعة واني رتبت الصينية بدون ما اغسل

ما اكدر ابد وحتى الدوخة رجعت .

دخلت للغرفة اخذت علاجي وتمددت

جريت نفس وخليت الافكار تاخذني

بـعالم اخر عالمي متعب .

مر الوقت وصار الضهر رجعت هاجر

وياها اطفالها ، غسلتلهم وبدلت حضرتلهم

اكل كعدت توكل وتسولف وياي ويا عمتي .

سمعنا صوت هشام هو وزوجته صعدوا فوك

بدون كلام ، كمت اريد مي شفت الغيهب

طلع صار خلف عمي الرجع وحتى ما ندري

التلفون ما وكع من ايده من الصبح الـ هل ساعة .

كمل مكالمة وألتفت شاف الغيهب

صاح بي :- شتريد وأكف ورأيه.

الغيهب:- شبيك مخبوص اباوع عليك من الكامرات

من الصبح تفتر بالكراج وحاير صاير شي أساعدك.

عاط بصوت واحد نفذ صبرًا:- ما اريد منكم شي

بس كفوني شركم تعبت منكم ولكم ابتليت خلفتكم

الغيهب:- خيرر سلامات .

آبو الغيهب:- اشوف الخير وانتو ولدين شلون صايرة هاي .

فات عمي وغيهب ويا :- هسة شمسويلك جنت فوك كلشي ما مسوي .

ابو الغيهب:- هو ارتاح منك يوم يطلعلي صخام ذاك

واني بعدني دايخ بذاك وادور علية يطلعلي اخوكم

الجبير الغبير بسالفة ما تخطر ؏ بال لا بيها ولا عليهاااا .

الغيهب:- هشام .

ابو الغيهب:- اي صخمان هشام اخوكم .

الغيهب:- شبي مو فوك نايم .

ابو الغيهب:- لا هاي هِـيِّ نايم والكم انتو ما تنجرعون

لو الله ياخذ عمري ويخلصني منكم ومن شركم اريد ارتاح  .

طلعت عمتي وهاجر من الغرفة وهشام نزل

هاجر:- عمرك طويل يابا كول يا الله .

ابو الغيهب:- يا الله ولج بابا تعبت من ذولي غير كلت اخلف

حتى يشيلوني بكبرتي ولكم شلعوووو گلبـي تعبت خلصت روُحـي منهم .

جلال الكلب اخابر علية ما يرد والدنيا محتركة عليه .

هذا ما ينحزر ساعة زين وبدقيقة يكلب واكع البنت العالم

دك كتل وتهديدات ورزايل ما يعرف شنو احترم .

وهسة طلعلي بالجديد العار الجبير يريد يطلك شايفه هيج ضيييم .

وسع الغيهب عيونه وبعدم تصديق همس:- هشام يريد يطلك مستحيل .

ابو الغيهب:- ليش مستحيل غير كلكم عارات غير كلكم چلاب

غيررر كلكم اتفقتوا تريدون تجلطووونيييي .

هشام:- الموضوع ما مستاهل يكبر يابا اني وياها

كعدنا وصار إتفاق بيناتنا والطلاك الحل المناسب .

ابو الغيهب:- المناسب بشنوو ولك بشنو عدكم اطفال منو يربيهم

تريدون تبهذلوهم ، تشتتون الاطفال ولكم حرررامممم والله حررام .

زوجة هشام جانت وأكفه بس فوك همست:- يبقون بيناتنا ما يتشتتون .

ابو الغيهب:- يا بيناتكم ولج يا بيناتكم ، منو يتحمل اطفالكم

يومين تلاثه اهلج يملون لح يابا مو ترحين كم يوم تجين روحج

طالعة منهم ، ما اريد احجي وتكولين يعيرني بس ما اريد اضوجج

اني مثل ابوج واريد مصلحتكم اطفالكم ماكو احد يتحملكم غيركم

بيناتكم تنوموهم شيلوهم بعيونكم ، كبروهم اضغطوا ؏ نفسكم

الخاطر عيونهم حلو مشاكلكم ولا تمرضوهم ولكم بوية والله

يتبهذلون .

هشام:- واذا يبقون عايشين بيناتنا ؏ مشاكل هم يتبهذلون

وهم يتمرضون .

ابو الغيهب: تفااهمو ما معقولة مشاكلكم ما الها حل

ولكك ياابا لا تتشدد رخي  حياتك ويا مرتك اخذ وانطي بيها

ساعدها وتساعدك عينها وتعينك حبها وتحبك

اضحك بوجهه تضحك بوجهك

سمعها كلام حلو تشبعك غزل

ولكم انتو ليششش صعبين ولدي ليش صعبين

بهذلتو بنات العالم الله يبهذلكم .

ام الغيهب:- عوفهم تعبونا نارهم تاكل حطبهم اذا عبالهم

من يطلكون يشمرون الجهال هنا وهناك وكل واحد يربيهم

شوية غلطانين .

ابو الغيهب:- من هسة اكول انتَ اذا مفكر تربي الجهال هنا

خليها بالك امك مرة جبيرة بـ احلامك تربي طفل

هاجر حايرة بجهالها وبالدوام

امير وزوجتة دوامات جهالهم بالشافعات يشوفوهم

اما الغيهب وزهراء انتَ اعرف بحالتهم

اخوك اخبل منك لو هو يفلش مرته

لو تشرد منا وتتفلش وهذا حالها هِـيِّ تحتاج مدارات

فـ أيسسسسس من عدنا اغسل ايدك بمي وصابون وقاصر

هشام:- لا دوخ نفسك احنه حاسبيها من ڪُـل النواحي .

ابو الغيهب:-فعلتكم تغضب ربكم .

عاط هشام محروك كلبه :- شنو اول واحد يطلق

غير ما متفاهمين .

ابو الغيهب:- لا تعلي صوتك مو عبالك جبير وما اضربك

هنا انومك وادوس راسك بقندرتي ، اني ما موافق على طلاق

اريد تكعد انتَ ومرتك كدامي وكدام امك وحدنا بغرفة وباب تنسد

علينا تنطيني خمس اسباب منطقية توصل فعلا للطلاق

واني اذا اشوف كلامكم صح ويستاهل توصل للطلاق

بيدي اخذكم وتنفصلون بعدددد عايل اني .

هشام:- مواضيع خاصة ما نحب نذكرها كدام احد .

ابو الغيهب:- بس اني وامك مو احد وغصبًا عنك تحجي

وتفهمني كلشي لا وحق الله اتبره منك حالك حال ذاك العار .

الكل سكت التفت عمي ؏ الغيهب

وعاط بعلو صوته :- وانتَ لعنة حياتي .

الغيهب:- عوفني اني ما بيه حيل مشاكل

مو بكل مشكلة تخلوني بالنص .

صفك عمي بيده وصاح:- الفقير الزين ابن الزين

ولك ولك غويهب انتَ حالك حال الكح.... الكحب... تنستر

ومشاكلك ما تنستر .

أمير :- يابا هاي مالتي لا تبوكها .

ابو الغيهب:- اكل تبن .

هو هسه راجع من الدوام اكل غلط عافهم وصعد يركض .

الغيهب:- هاي اني كح.... وما انستر .

عمي يرد عليه بكل حركت قلب :- ولك اكلك الكح....

استر منك انتَ مشهووووررررر .

هسة غير يسكت الغيهب زاد النار حطب

وصاح:- هذا بالله شبي اليوم ولج يمة شنو ما انطيتي حقه الشرعي .

شال عمي الكلاص وشمره علية وعاط:- خليت بيها حقوق ولكم

لعبتوا بينه لعب الله لا يرضى عليكم .

رفع ايده الغيهب ويأشر بأصبعه:- اخذلك هاي الحبوب

يبيعوها بالصيدلية .

هو كال هيج لو هشام وامير كعدوا ؏ درج يضحكون بعلو صوتهم

هم ونسوانهم وهاجر فاتت للغرفة :- تضحكون علية كواويد

والله اليوم ما اخليكم بيتي امشوووا اطلعووو بره

تره والله اني اطلع .

الغيهب:- بس كول يا الله هو انتَ وحدك تصرخ

كلشي ماكو وتعظم الأمور ، هشام يريد يطلع خلي

شتريد منا هِـيِّ حواء تنحمل تنجرع تنوكل تنبلع .

ابو الغيهب:- وانتوا شنو تنحملون ولكم هذا موتني حواء

وحواء ولك انتَ بدون حواء وين تنطي وجهك ابن السطل

ولكم انطوني اشرب من دمه هل چلب .

طفر عمي يريد يلزم الغيهب هو طلع وسد الباب صار بالكراج وعمي

جوه وعمتي تركض تريد تهدئة وهو قفل ؏ غيهب

ابو الغيهب:- هو من ذاك اليوم اربع ايام واكف هشام وياك

بالسيارة اجـيت صحت بيكم شعدكم ضحكت ضحكتك الشريرة

هِـاي الشيطانية وكلت ماكو شي من ساعتها راح بيها هشام

اي والله وفتت الـ امكم هم كلتلها احجي يا مره مو كتلج

ام الغيهب:- كتلي يا عيوني والله كلت بس كافي مو زين عليك

خليهم يولون شيسون يسون امشي نعوفلهم البيت ونطلع .

ابو الغيهب:- هو هم هيج كافي اريد اهج تعبت لعبت نفسي .

دخلت عمتي وياها عمي للغرفة ومستمرين يحجون ويغلطون عليهم

عمي تهستر اني نبلعت بلع وكفت بزاوية الصالة

وكلهم كاعدين البنات ؏ درج هنا وهشام وامير

الغيهب دخل وكف بالباب واحد يباع ؏ ثاني

وهاجر جوه تحجي وياهم .

هاجر:- الله يخليك يابا لا تسون هيج والله عيب

صرت استحي اطلع بالشارع الوحيدين بالمنطقة

اصواتنا دوم طالعة.

ابو الغيهب:- بسبب اخوتج العاريه.

هاجر:- ما تطلعون والله رجلي ؏ رجلكم وين عايفين البيت

فدوة الطولك يابا كافي .

عمي ما تأثر وفعلا اخذو الجنط وطلعو من الغرفة

دفع الغيهب وطلع من الباب وعمي ويا

ركض هشام وامير يريدون بوكفوهم

ولا قبلوا وصدك راحوا ، دخلت للغرفة بس ارجف

والحرارة رجعتلي راسي صار فرد مره

فاتت هاجر تبجي وتناشغ عليهم وهم حقها

فوك مصايبها نجي كلنا انزيدها عليها

بس هِـيِّ قوية تعجبني قوة شخصيتها

واصرارها وطريقة تعاملها مع أطفالها

احتوتهم وصارت ام واب ما ضعفت

ورجعت بحجة مسؤولية اطفالي صعبة

لا بالعكس حاربت زوجها وكفت بوجهه

وحتى جهاله نحرم من شوفتهم وصار

يتمنى كلمة منها لو حرف بس تعطف علية

بي وتنطي امل ، أخذت حقها كامل منه

وعاشت براتبه اما راتبها كلة تجمع بي

حتى تشري بيت وتخلي وطن الاطفالها ..

البيت صار هادئ الكل التزم الصمت

تالي ڪُـل واحد دخل للغرفة ظل البيت فارغ

ما بي صوت عمي ولا حنان عمتي

افتقدتهم من اول ساعة الى ان صار

اليل تكابلنا اني وهاجر وكعدنا نبجي

والمصيبة من نخابرهم  ولا واحد يرد

صارت ب١٠ نزل هشام وامير

وياهم غيهب يحجون بالكراج

أمير:- كله منك ابو البلاوي .

هشام:- انجب اني شمسوي حجيت الـ امي هِـيِّ حجت

شنو كفر اريد اطلك .

بين كل هذا الغيهب عازل نفسه عنهم وما نطق بحرف

صاح علية امير ما رد بس مستمر يشرب جكارة بعد جكارة

هشام:- مو نحجي وياك .

الغيهب:- ابالك وحده هشام .

هشام:- لا بس تقصير مني ومنها .

الغيهب:- اذا ابالك وحده ما انصحك عندك اطفال

لا تهدم بيتك علمود نزوة.

أمير:- باع منو يحجي .

الغيهب:- اولآ ما عندي اطفال ، ثاني شي ما مدخل الحياتي وحدة

وما اهدم حياتي علمود وحدة .

امير:- وال .....

الغيهب:- ما عندي علاقة بيهن مجرد أخلص حاجتي عدهن

واطلع وبعد ما اشوف وحدة من عدهن ، وللعلم صار هواي ما

رايح ولا بالي اروح .

وهسة كافي تره دخت اصعدو فوك واسكتوا.

هشام:- وين نصعد يمعود كوم ويانا نشوف ابوية وامي وين .

الغيهب:- روحوا انتو اهلي ما يرجعون هسة اذا ما نحل مشاكلنا .

هشام:- اني ما انام اذا ما يرجعون امشي امير .

اني وهاجر بالمطبخ كلشي نسمع

طلع امير واخذ هشام ، وقبل لا يطلعون صاحت

هاجر عليهم ياخذوها وياهم .

طلعت للكراج كعدت مقابيله ركزت بي

هو شافني بس ساكت صافن ، دايخ حاير

ما ينعرف ولا ينحزر .

زهراء:- بيك شي غير موضوع عمتي وعمي.

رفع عيونه رمش ببطئ ورد بأرهاق:- كلشي بيه اني كلشي .

زهراء:- اسمعك .

الغيهب:- اني بوضع ما اكدر احجي بي تعبت من الكلام .

زهراء:- بس انتَ البارحة ما جنت هيج حتى بوقت العركة

مابيك شي ليش تخربط وضعك هسة .

الغيهب:- سمعت خبر ومنتظر يأكدون علية .

زهراء:- يخص منو ؟

الغيهب:- نفس الموضوع الشاغل ابوية وصل الـ هل مرحلة

يطلع من البيت ويهج مو بس من عدنا لا الموضوع اكبر من هيج .

زهراء:- خوفتني والله شصاير .

الغيهب:- بعدين خلي نحل موضوع ابوية وامي ونشوف الباقي .

باجر عندي دعوة بالمحكمة ولازم اروح حتى ما اكدر أجل .

زهراء:- بالكي يرجعونهم .

الغيهب:- ان شاء الله ، لو سمحتي اريد كلاص مي .

زهراء:- صار .

كمت والوجع مستمر بيه اخذت كلاص مي بارد وطلعت

انطيته شرب الكلاص كلة مبين يابس ريكة عرفت

الصاير شي جبير مو هين وسهل اكو سالفة صايرة

وكلها مخصوصة بيها بس شنو هِـيِّ ما اعرف .

تأخر الوقت واني بين اروح ارتاح

بالغرفة وبين اوكف شوية بره

هو ساكت ولا تحرك .

الى ان سمعت صوتهم رجعو طلعت

لكيت الغيهب هستوه طلع من الباب

وهم كعدوا بالكراج هاجر فاتت

بس هشام لزم راسه يوجعه.

دخلت الهاجر اباوعلها حيل عصبية:-شصار ليش ما رجعوا.

هاجر:- حضي ما رجعهم ما يقبلون ميبسين راسهم

راح هسة الغيهب بس لا تعلك .

زهراء:- تعلك ويا منو .

باوعتله ودارت وجهه ما تريد ترد

بدلت وراحت ويا اخوتها بره

هم ساعة 12 صعدوا فوك هِـيِّ رجعت للغرفة

الى ان صارت الساعة 2 بليل رجع الغيهب وردت روُحـي من

سمعت صوت عمي وعمتي ويا طلعت بسرعة دمعتي بطرف

عيني ضحكت عمتي من شافتني وصاحت:-والله ما انقهر عليكم

كلكم انقهر ؏ هل يتيمة تكسر باب گلبـي وهذا يعرف نقطة

ضعفي هددني بيها ورجعت .

وكف غيهب ؏ درج صاح عليهم بـ أسمائهم

هم ونسوانهم لازم وضروري ينزلون اوامر من عمي

وغصب عنهم كلشي يتنفذ بدون نقاش .

وفعلا الكل نزل واجتمعوا بينا بالاستقبال

الجهال كلهم نايمين وبس احنه كاعدين

الجو هادئ الـ هل دقيقة والصمت سيد الموقف

لكن هل سكوت ما طول ونقطع من

الغيهب عدل كعدته ورفع صوته

يجذب انتباه الكل:-رجع ابوية وامي وياي لكن عدهم

شروط وغصب عنكم تنفذوها .

ابو الغيهب:-وقبلها تسمعون كلامي ونحل المصيبة

الأولى وبعدين مشاكلكم التافهه .

ركزنا ويا عمي وهو يتحمحم

ويضغط ؏ ڪُـل كلمة ينطق بيها

ابو الغيهب:- اخوكم جلال .

هشام:- شبي .

ابو الغيهب:- الشرطة تبحث عنه عمتكم ام موج بلغت عنه .

امير:- ليش تبلغ عنه .

ابو الغيهب:- قاتل موج .

هشام:- شنوووو قاتلها خلاص .

ابو الغيهب:- هو ليش دايخ اريد اعرف وين راح أختفى

زين جثتها وين البيت من دخلت علية عبارة عن دم

بس ماكو احد دفنها غير نعرف اريد يرد ماكو حرك گلبـي .

هشام:-شنسوي بـ هل حالة شلون نحلها .

أمير:- ما اعرف والله انتَ شدكول يابا .

ابو الغيهب:- غيهب ويانا .

الغيهب :- وياك بس اني  ما ادخل بموضوعهم .

ابو الغيهب:- ما عندك معلومات عنهم .

الغيهب:- لا طلعوني منها .

عافهم وكف صوته بالشافعات يطلع

اختنك وجهه صار احمر رجله ما

وكفت من الحركة ما اعرف مقهور او متوتر

قلقني وقلق الكل .

من راد يطلع عمي صاح بي:- اوكف ما خلصنا

بعد عندي موضوع هشام .

هشام:- يابا لا دوخ نفسك بيه .

ابو الغيهب:-اريد ادوخ عندك أعتراض.

هشام:- لا يابا ما عندي كول اسمعك .

ابو الغيهب :- انتَ وزوجتك تسمعوني كلش زين

اولا باجر الصبح توصل زوجتك البيت اهلها اريد

تبقيها أسبوع كامل وبعد هل اسبوع جهالك

تخليهم هنا يمي وتسافر انتَ وياها ؏ مكان من اختباركم

وحدكم ؏ حسابي تكعدون بعد ما تفكرون زين بهل فترة

تتفاهمون وتقررون اخر قرار بذاك الوقت اذا بقيت

انتَ وياها مصرين ؏ طلاك براحتك ما ادخل .

سجى :-ليش نطولها وهي قصيرة هو بايع العشرة من زمان .

هشام:- لا يا ملاك ؏ اساس انتِ ما بايعتها .

سجى:- بسببك .

هشام:- بسببج دستي بطني وساكت .

ابوالغيهب:-اي عفية من الروس هنا خليكم بالنص صير سالفة انت وياها .

هشام:- اوووف گلبـي ورم منها ما اريد اطول من باجر نخلص .

ابو الغيهب:- غصبًا ما عليك وعليها تنفذون افتهمتتتتت .

الغيهب:- كافي سوي مثل ما كال واسكت هو اسبوع .

هشام سكت ، وامير حجه:- ما اتعارك ويا مرتي وتسفرني

اسبوع ؏ حسابك .

ابو الغيهب:- انجب .

الغيهب:- اكثر واحد ياكل انجب امير.

امير:- هاي هِـيِّ خلصتوا نروح انام ورانا دوامات .

ابو الغيهب:- امشوا نامووو خلصووني .

كام الغيهب صعد اني رحت للغرفة نمت عيوني

بعد ما اكدر افتحها ، مر يوم ويومين

وجروها اسبوع كامل محد يعرف خبر ؏

جلال عمتي قطعت الاكل وعمي شوية ويتخبل

من الخوف والقلق ، اما الغيهب ما يبدر منا رد فعل

هادئ وهذا الزاد خوف عمي ،الكل مستغربين

منه ليش ما كلف نفسه بالجذب يجيب خبر عنهم .

چان مهتم بس شنو اكل وشنو اشرب وين انام

وما يكدر يصعد ينام اذا ما  نسولف

سوه الى ان بعد ما يكدر يفتح عيونة يصعد ينام .

هشام اخذ مرته وصار الأسبوع اسبوعين

وما رجعها وكل ما يحجي عمي يطلع

عذر او حجه ، الى ان بيوم رحت فتحت ايدي

وجيكت وضعي عند دكتورتي وبشرتني الطفل

بخير وكلشي طبيعي انطتني فيتامينات

وعلاج خفيف ، رجعت هلكانه انصدمت بروحي

مو مثل قبل القهر والصدمات أكلت حيلي وما بقه

بيه امشي وهاي اني بعدني بداية عمري

شلت هم شلون احدر اولد هل طفل بعد

ما راح حيلي ، وارجع اعوفها ؏ ربي هو يسهلها .

وصلنا للبيت الوقت متأخر هاجر بيت ملاك

وفرح متغديه والمواعين حتى ما مغسولات وصاعده فوك

صاحت عمتي عليها ولاول مره اشوف عمتي بـ هل حالة

ام الغيهب:- فررح وييينج .

طلعت من غرفتها اني واكفه اشرب مي

فرح:- ها عمه .

ام الغيهب:- مو وحدج بالبيت ليش ما حضرتي غده .

فرح:- المن احضر هو بس اليوم راحتي ما رحت للشغل

نوب اجي اخدم هنااا .

ام الغيهب:- شتخدمين كتلج نظفي هو غده الله واكبر غير ساعة

ب5 العصرشنو ما ناكل اليوم ناس كبار احنه ، بالله التنظيف

كله علية والطبخ هم بس اليوم طلعت شتخسرين من تسوين .

فرح:- اخسر وقت كاعدة ارتب جداول اطفالي ودفاترهم ؏ كتبهم

بدل هل هوسة جيبي من بره وفضوها اني وجهالي اكلت

وسجى وجهالها ماكو وهاجر عند اختها بقت بس النبي زهراء

وكلوهااا بلا هوسة.

ام الغيهب:- طلع السم بسم الله شبييج هاااا شو محروك دمج .

فرح:- لا محروك ولا منتول ، هذا الوقع مو عميان نشوف

بعيونه ، ست زهراء ماكله الجو عايشة دور الضحية

وكلها تبوس بذيالها .

ام الغيهب:- زهراء يبوسون بذيالها منو يبوس ولج

شو البنية متكسرة واليوم فتحت ايدها وطفلها

بخطر وتساعدني لان اصيلة.

فرح:- واحنه كح... زهراء اصيلة واحنه كح... خوش والله .

زهراء:- شبيج فرح صدك تحجين لو تشاقين .

نزلت الدرج فرح وجرتني من ايدي ودتني للطباخ

وصاحت:- لا ليش اشاقه يا عيوني احجي صدك وبكامل

قواي العقلية ، عندج ايد عندج رجل اخدمي نفسج

لا تضلين تطلبين واكلج وشربج يوصلن الحضنج

مو خدم احنه افتهمتي .

ام الغيهب:- صدك ما تستهين وطايحة حظ امشي ولي صعدي

فوك يجون زلمجن واحاجيهم ما اظل هيج زوجتهم

حتى يعينوني مو اصير خدامة الهم والنسوانهم .

زهراء:- فدوة عمه لا تكبروها هسة ابدل واجي اطبخ نمونه .

فرح:-عشتي استمري بـ هل لواكة والذل حتى لا توصل الغيهب

ويرجع يطحن اعظامج ونرجع نسمع صوت التعذيب

تره لعبتي نفسي .

كملت طعناتها بكلبي وصعدت عمتي جمدت عن الكلام

والدموع تحجرت بعيوني ، من الخجل عفت عمتي

ودخلت للغرفة اخذت ملابسي وصعدت فوك

ساعة وحدة بس وحدة مرت سمعت صوت تلفون عمتي

يدك ، صاحبه صوتها المرعوب وهي تصيح

ام الغيهب:- شكو شصاير فهمني .

ما اعرف منو يحجي وياها بس دخلت عمتي إنذار

طلعت من الغرفة مرعوبة من صوتها حتى فرح

وياي ، بعدها ما غلقت الجهاز

دخلت هاجر ترجف صاحت بعلو صوتها :- ووووين زهراء.

جمد الدم بعروكي تراجعت للخلف

ولا إراديًا خليت ايدي ؏ گلبـي

رجع صوت عمتي المفزوع يرن بالبيت :- شبي شمسوي

بس حاجيني بشنو تورط هل مره .

سكتت لكن سرعان ما عاطت:- ما اخلي ياخذها بس ....

اندفر الباب الخارجي ودخل الغيهب

بـ عجلة عاط وصوته دوي إرجاء البيت

بالكامل :- وووين زهراء .

شمرت عمتي التلفون وكفت ؏ درج تعترض

طريقة:- ما تاخذها ابوك ما يقبل ، شمسوي 

ولك شمسوي وكلها تريدك .

الغيهب:- يمه مو وقت كلام شيلي ايدج اريد

احجي وياها بالله وووخرررييييييي .

هاجر:- ابوية على وصول ويريدك لا تروح ما يقبل .

الغيهب:- لازم اروح زهراء تعالي كددداممممييي .

تقدمت مرعوبة بس بنفي الوقت ما اكدر ما ارد علية

زهراء:- شكو شصاير گلبـي راح يوكف شسويت غيهب .

الغيهب:-يريدون ياخذوج مني زهراء  .

زهراء:- اني يمك منو يكدر ياخذني شصاير بس فهمني .

الغيهب:-تحبيني .

زهراء:- طبعا .

الغيهب:- خلي ايدج بيدي وتعالي وياي .

زهراء:- وين نروح .

ام الغيهب :- ما تطلع وياك خطوة وحدة بره البيت روح منا

غيهب احمي نفسك اطلع بره .

الغيهب:-زهراء اذا عندج ثقة بيه وصدك تحبيني تعالي وياي .

ام الغيهب:- لا تسمعين من عنده زهراء عمج حذرني ما اخليج

ترحين ويا ، ما اعرف شصخممم الغيهب ولك حاجيني

شسويت من مصيبة جديدة .

الغيهب:- هل مره صدك ما سويت شي  هم اتهموني باطل

وأولهم ابووية غدرني وطعني بظهري .

ام الغيهب:- أبوك ما يسويهاا انتِ الغلطان غيهب انتَ .

الغيهب:- ما منتظر تصدكوني ، واخر مره اعيد كلامي زهراء اذا تريديني

تجين وياي حالًا.

همست بتردد:- بس عمو ما يقبل  اروح وياك .

الغيهب:- حالج من حالهم من اكولها لا تلوميني

ابقي بس بعد ما ينحل كلشي ما تبقين ؏ ذمتي

ترجعين لان خسرتيني .

عافنا يريد يطلع صحت بصوت

خائف:- لحظة الغيهب لحظة اجي وياك انتظر

البس عباتي .

وفعلا ركضت خليت عباتي اجتي هاجر تصرخ

وتحاول ما اروح بس ما كدرت اعوف الغيهب

وهو بـ هل حالة اني انطيت وعد ولازم اكون

كدها ويا بالزين والموزين .

نزلت والحيرة والضياع محاوطاتني

خايفة وخطواتي ثقيلة ، طلعت من البيت

وعمتي ادك وتلطم واضح كلش واضح

المشكلة جبيرة هل مرة .

اول ما تحركت السيارة طبك عمي ونزل

ويا زلم مسلحين ، عمتي أشرت ؏ سيارة

الغيهب هو وكف وعاط بعلو صوته

- لك غــيــهــب .

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

هلو حبايبي شلونكم ، أتمنى بنهاية البارت عجبكم

اذا اشوف تفاعل حلو ونار وفووول نار وشرار ؏

هذا البارت انزل بارت اضافي ويا متفقين  😉

رواية ظلمات الغيهب

بقلمي أساور حسين

الحلقة _20_

‏في الحُب | يَقـع إثنانْ | ،

أحدَّهُما لا ينهض .

................................

زهراء...

اول ما تحركت السيارة طبك عمي ونزل

ويا زلم مسلحين ، عمتي أشرت ؏ سيارة

الغيهب هو وكف وعاط بعلو صوته

- لك غــيــهــب .

هو شافهم والسيارة تحركت بسرعة مجنونه

تهسرت بالزايد فوك ما شفت موقف عمي

والزلم الـ ويا ، زادها علية بسرعته.

هزيت راسي ومديت ايدي لزمت

سكف السيارة ومن الخوف حتى

رجلي رفعتها الصدري :- غيهب اوكف لا تسوي بينا حادث

كتلك اوكف غيهب اوووكفففف .

ما سمع ولا حاول يخفف السرعة

بالعكس طلع تلفونة ويبحث بي

وهو يسوق حياتي وحياته بخطر

بس بسبب الأستهتار فقد

دقايق وصاح بعلو صوته :- متوجهه للشقة ما يعرف مكاني تكدر تراقب  .

ما اعرف ويا منو يحجي بس صوت رجل

ما اعرف شيحجي ويا بس ما طول

بالسكتوت رد علية بتأكد الكلام الرجل:- افتهمك هو بعيد عن مكان

الشقة أخلي السيارة التلفون ابقي بيها أخذ احتياطي من ڪُـل الجهات

لالا ولك اشتري تلفون وشريحة جديدة اتواصل وياك .

سد التلفون ونغلق عاف كلشي ونزل فتحلي الباب

ونزلني وأني أتساءل:- لا تخبلني احجي شصاير

شنو وين عايشين بابا .

الغيهب:- اششش مو وقتج خليني أرتب وضعنا وبعدين احجي .

زهراء:- هسة احجي غيهب فورا ، ليش عمي ويا مسلحين

شمسوي من طركاعة.

الغيهب:- عمج موو عمج بسيطة اني اعرف انتقم منه

مثل ما غدرني اغدر بي وبكل واحد يوكف ويا .

وصلنا العمارة ورجعتلي ذكرياتي المهلكة

نفس المكان الـ حبسني بي ، جريت ايدي منه

وصحت:- ما اريد ادخل هنا .

الغيهب:- تدخلين بين ما اشوف حل الـ هل مصيبة .

جرني من ايدي شمرني بالشقة قفلها علية وطلع

التفتت اباوع بكل مكان تراب ، بكل مكان هوسة

من الدرجة الأولى ، كعدت ايدي ؏ خدي

شسوي وشلون تنحل وشنو الـ بيدي

ياربي ليش اطلع من مشكلة ادخل بمصيبة

بعد ما عندي طاقة تحمل تستوعبه ڪُـل هذا الدمار

النفسي والجسدي بعدني ما مكملة فرحتي كدرت

اوكف ؏ رجلي وايدي فتحتها دخلت بسالفة ثانية

اختنكت من الشقة متروكة وكلها بوخه

كمت فتحت الشبابيك  وبقيت احوص

منا ومنا الى ان سمعت صوت قفل الباب

دخل الغيهب بيده تلفون كعد ؏ تخم ورجع

يتصل ؏ نفس الشخص السولف ويا

- هذا رقمي .

وكل شوية يسكت ويرجع يرد بـ ...

-كلت مالي شغل بكل هل سوالف ، ولك اني شلي دخل بي

ملتهي بالشغل صار فترة عندي قضايا مهمة وما اكدر

التفت الـ هذا والذاك .

وكف ؏ طوله يفتر أعصابه متشنجة

وكل شوية يصرخ ؏ ولد :- يعني شنو فهمتي ابوية يريد يشوه

سمعتي ، تره هاااي مو حاله ، ولك حجيت ويااا ردت يسمع مني

ويفهم ماكو راكب راسه ومتأكد اني سويتها .

فتح الصوت وعاف الجهاز ؏ ميز وكف ينزع

بالسترة سمعت الرجال الـ يحجي ويا يكول

- اووف منك غيهب الوضع مو تمام ابوك حتى بالدوام سأل عنك.

الغيهب:- خرب والله شوها السمعتي ولك ابوية تعرف

شنو ابوية ما يصدك بيه ويشهر بيه لا وراجع للبيت

ويا مسلحين شنو تريد تقتلني غير افهم .

رد علية وكال:- هذولي اهله وتعرفهم كلهم واصلين وما يسكتون

وتلكيهم هم ديضغطون ؏ ابوك حتى يسلمك الهم

واكيد بس يلزموك يعذبوك الى ان تعترف ؏ نفسك .

الغيهب:- لا هاي هِـيِّ ربحنا ، وهذولي شلون اثبتلهم اني

ما ألي أيد بالصار .

- أبقى بمكانك بين ما اشوف مكان ثاني ضم نفسك بي .

الغيهب:- الى متى اكلك عندي شغل والله عندي شغل

سلام اني اريد حل ما اريد ابقى هيييج .

- الحل يا خوية تظم نفسك الى ان يطلع او يتصلون العصابة

ويكشفون انتَ ما الك أيد بالقضية كلها غيرها ماكو حل

لان اهلك اول الناس واقفين ضدك .

أسمع غيهب المصلحتك اكولها اخر مره رجع زوجتك للبيت

لا تعرضها للخطر اذا انكشف مكانك وهجموا عليك بذاك الوقت

اكيد راح تتأذى.

الغيهب:- ياخذوها مني بابا بس ارجعها يهددوني بيها

واني أكثر فقرة اكرها يهددوني بشي اريده .

سلام:- المصلحتك حجيت وبراحتك ، اني رايح ابحث عن مكان

ثاني انتظر مني اتصال .

الغيهب:- وبطريقك راقب الوضع .

سلام:- والكامرات مو عندك .

الغيهب:- لا تصير غبي الكامرات بجهازي الأساسي

بس هم لازم اروح للسيارة افتح الكامرات بجهازي

احسن ما أبقى أعمى .

سلم علية وغلق التلفون ، وكفت كدامه تخصرت

وضليت اهز برجلي كدامه صحت بس بصوت

هادئ:- اسمع غيهب اريد اسمع بشنو مورط نفسك .

الغيهب:- ما اعرف وما بيه حيل احجي .

زهراء:- اووويييي خطية ما يعرف ، غييييهب اكره

من تعرف كلشي وتسوي نفسك السالفة بكبرها مو يمك

وانتَ الملاك ابو جنحات الما تفهم شي بس كلها

ضدك ويريدون يوكعوك .

الغيهب:- هاي انتِ ما تعرفين الموضوع وستلمتيني

اكس ومربع من تعرفين شسوين تبلغين علية .

زهراء:- شلون ابلغ بس فهمني شلون ، اني ما اريد شي

بس اريد اعرف شنو المصيبة الكبيرة الوصلتك مرحلة تهرب

منهم لا والكل يريدوك تره سالفة واكفه واضح كلش

كبيرة وما ينسكت عنها ، فـ احجيلي ولا تبقيني مثل الثوله.

الغيهب:- ما عندي حجي وانتِ لا ثوله ولا غبية

اريد ترتاحين وتحسبين هذا بيتج الجديد

وعيشي بي بدون مشاكل راسي يريد ينفجر .

زهراء:- بيتي شنو بيتي غيهب نسيت ذكرياتي

بـ هل مكان توترني تقلقني تخليني ارجع

الرجفة ايدي ما اريد هل مكان طلعني منااا

رجعني للبيت .

الغيهب:- لا تزيديها علية زهراء وعوفيني افكر دخيل الله .

اريد افتح حلكي واكمل حجي

عاط بيه بعلو صوته:- كلت سددددييي حلكج لا اجي افركه فررك

خوووششششش ولا حررررف بزعتيني .

شمرت الكوشة بالكاع

ورحت للمطبخ وكفت هناك اكل بروحي

خايفة منه وعليه ، وما اعرف غلطت من أمنت بي وأجيت ويا

لو هو هذا الصح ، بس اعرف عمي مستحيل يأذي واحد

من ولده مهما كان السبب ، واعرف اكو مصيبة كبيررة

وصلته الـ هل مرحلة من الغضب العارم بحيث

جابهم واجه يريد يسلمهم ابنة ،والمصيبة رغم كلشي

بس الغيهب عزيز عدهم مو بـ هل سهولة يتخلون عنه .

ساعات تمر واني بين اكعد بالكاع وبين اوكف افتر

الغيهب طلع مرتين ، بالثالثة رجع فاتح الكامرات بالجهاز

ورجع يتصل بسلام ويسولف اذا صارت حركة .

اخر شي ما اعرف شنو شاف بس اتصل بي

وهو منهار ويصرخ بعلو صوته ومن الخوف

حبست نفسي بزاوية المطبخ وهو مستمر

بصياحه:- لك يتفقون علية بدون ما يسمعون مني

حتى اخوتي كلهم ويا ليشش غير افهم معقولة اني الـ هل درجة

سيئ بحيث يخلوني بهل موقف السخيف مثلهم

سلام:- الشكوك كلها موجهه عليك حاليا اني من الناس

بالبداية ما صدكت كلامك .

الغيهب:- بس بعدين صدكتني وكفت وياي ، لك سلام اني نفس

الكلام حجيت بي ويا ابوية كتلة يابا ما الي ايد بالموضوع ما صدك

حتى هشام وامير حجيت وياهم ماااصدددددكووونييييي لك تفهم

يعني شنو اهلي ما يصدكون .

سلام:- زوجتك حجيتلها .

قلل صوته وهمس:-شلون احجي متأكد راح تتخلى عني حالها من حالهم

واني ما اريد انصدم مرتاح وهي وياي احس

ماكو شي يهددني ابقيها يمي وخلص اريدهاا .

سلام:- ابوك اتصل مرتين ما رديت علية .

الغيهب:- لا رد علية وصير ويا وكأنك ما تعرف

شي وانطي عنوان البيت الـ أجرته قبل

وروح وياهم اعرف تحركاتهم وبشنو يفكرون

حتى تصير عين يمهم .

سلام:- ماشي اذا أتصل مره الثالثه ارد علية واشوف الوضع .

انتَ بعد ممنوع تطلع راح ادزلك اكل من مطعم ماشي .

الغيهب:- صايرين  .

مر الوقت تعبت وبعد ما اقاوم افتح

عيوني جبرت نفسي وطلعت من المطبخ

للغرفة تحت أنظار الغيهب شلت الجراجف

شمرتها ؏ ميز ، خليت راسي ؏ مخدة

احس اذا ما انام انفجر منا كلام فرح وكملها الغيهب

رسميًا تعبت ونهد حيلي .

تأخر الوقت ونمت ما حسيت بنفسي

بس ما اعرف شكد فات فزيت بدون ما افتح

عيوني سمعت صوته يحجي ومستمر 

بنص الكلام كعدت اسمع  شهكت صوته

وهو يهمس :- يهددوني بيج اوفف شكد حاربت حتى

ما ادخلج الكلبي قاومت ما اريد أرجع احب وأثق بأحد وبيوم

اكعد وما يكون يمي ، ربطوني بيج ضعفت بيج لو ما انتِ

والله ما ارحمهم بس ما أريد أخلي نقطة

علية اكدر انهيهم واورطهم مثل ما ورطوني

كله بسببه متأكد ڪُـل اليصير خطط يريد يوكعني

يريد ياخذج مني ايهاب القذر .

كمل كلمته الأخيرة وعافني وكام

ركع الحايط بوكس وسد الباب

بقيت فاتحة حلكي مصدومه

بكلامة خطط  شنو ايهاب

بالنص ليششش شصاير خرب .

كمت بسرعة من مكاني لازم افتهم

فتحت بابا الغرفة وطلعت صار مقابيلي

زهراء:- سمعت اخر كلامك احجي ايهاب

شنو منو يريد ياخذني شصاير ابوية بي شي .

الغيهب:- هذا الأكل وصل ولكيتج نايمة اكلي

وأرجعي نامي .

زهراء:- شنو هل برود احجي شصاير گلبـي راح يوكف

بسببك تره انتَ مو معقولة تصرفاتك .

الغيهب:- شبيهه تصرفاتي ما عاجبتج .

تقدم بتجاهي صار قريب علية

نزل المستوى طولي وهمس:- تشوفين الهوسة الـ عايش بيها

زهراء:- اشوف وخايفة .

الغيهب:- تعرفين شلون يبحثون عني بصورة عجيبة وما تنوصف

تخيلي حتى داعش ما يبحثون عنهم مثل بحثهم علية .

زهراء:- صخام بوجهي غير يحجي شك گلبـي .

سحبني من خصري وشبك اديناته

علية وهمس:- بس هم خسرانيني .

نزلت دموعي صحت بي واني اتحرك

اريد يعوفني ويحررني من قيود أيده

حتى احجي ويا عدل :- بي احجي وياي عدل .

صارت قبضة أيده أقوى من قبل

الى حد الوجع وبأيده الثانية

ثبت وجهي بيده طبع بوسة

بطرف شفايفي وسرعان ما ابتعد وهو يحجي

بصوت خافت :- انتِ انتصاري اي انتِ ڪُـل وأفضل انتصاراتي .

نزل يطبع بوسات متفرقة ؏ ركبتي

وبعد ڪُـل بوسة يفصلها يهمس

- اذا فكرتي تعوفيني

طبع بوسة ورجع يكمل

- بس مجرد تفكرين انهيج اموتج .

رفع رأسي باس شفايفي وكمل :- وين ما تروحي وين ما يخليج

أوصل وأدميج أيي اخليج أخر لون تشوفي بحياتج هو الـ أحمر .

زهراء:- وينطيك كلبك تأذيني .

غمض عيونه بلع ريكة وتفاحة ادم تحركت حتى تحرقني بنارها .

الغيهب:- لا بس ادوس علية مثل ما دوسين علية .

زهراء:- ومنو كال ادوس عليك ، انتَ غيهبي مستحيل اعيش بدونك .

الغيهب:- أنتِ ألي وحدي .

زهراء:- أني ملك الغيهب .

طبع بوسة جوه اذني وهمس :- ملكي أنتِ ملكي واليقترب منج أدمره

خليهم كلهم يجون ويرحون بس انتِ تبقين وغصب عنج وياي للأخير .

زهراء:- تدري من جنت صغيرة واصعد سيارة عبالي القمر يمشي

ويانا وأستمر اباوع علية وفعلا عبالك يمشي ويانا .

عقد حاجبه بستغراب وهمس:-الربط وين .

ابتسمت بتلاعب وهمست:-تغير قبل جنت اباوع علية

هسة اسولف ويا وهيج يعني تطورات وكذا .

من بين القهر والتشنج والضغط المر علية بس من

كملت كلامي تركني وخرب ضحك وبكل علو صوته

كعد ؏ تخم مقابيلي وجهه صار بالون الاحمر

مد ايده يريد اروحله تقدمت كعدني ؏ حضنه وحضني

بقوة وسرعان ما تحولت ضحكته شهكات حزن وهم وقهر

حاولت ابعد وجهه اريد اخذ وجهه اريد أشوف

حبيب روُحـي الرغم ڪُـل الصار ماكدرت احقد علية

القوي الغامض يبجي جنت أرفض اصدك هل موقف

زهراء:- غيهب لا تموتني ابوس راسك خليني احجي وياك.

الغيهب:- بقيني هناا تعبت حاربت وابتعدت عن الماضي يشمروني

بمشكلة ويعيشوني هل دمار النفسي هو اني محطم كاافي مليت .

زهراء:- احجي شصاير يمكن اكدر اساعدك .

الغيهب:- متكدرين اذا تعرفين تتركيني اني بس هل شي يهدمني .

زهراء:- ما اعوفك وغلاتك بكلبي ما اعوفك .

الغيهب:- طلعت للسيارة اتصلت بـ ابوية هددني ارجع

وهو يساعدني ، بشنو يساعد بس يلزموني يدخلوني تحقيق

دك كتل يخلصون علية واني ما ألي أيد بكل الموضوع

شنو استفاد بعدين من يعرفون اني ما ألي ذنب .

زهراء:- يا موضوع ،ورطة شنو ، تحقيق بتهمة شنو .

الغيهب:- خطف ،أحتمال هسة صار قتل .

لطمت ؏ وجهي أبتعد عن حضني اخذ جكارة ورثها

وهمس:- كلهم واول الناس اهلي ما مصدكين بيه ؏ أساس عدهم

أدله علية اني القاتل هههه .. 

زهراء:- قتل منو ؟

الغيهب:- اريد انام راسي شوية وينفجر بعد حتى ما اكدر أفكر

وعلاج الضغط ما عندي ضروري تنقذيني وتنوميني شلون ماكان

حاولييي لان حاولت وفشلت .

وكفت أخذت ايده ومشيت اني ويا للغرفة هل مرة هو فتح

أيده ولأول مرة انام بين أحضان الغيهب .

زقزقة عصافير ، نسمات هواء بارد ، هدوء فضيع

كعدت مزاجي متحسن وأخيرًا ذكره حلوة بهل مكان

طلعت من الغرفة بوجهي للمطبخ من شافني

أبتسم رغم التعب واضح علية :- شلونك .

الغيهب:-انتِ شلونج .

زهراء:- اليوم اني زينة وما اعرف ليش فرحانة .

الغيهب:- عندي فرحتج تسوه الدنيا ومابيها ، اذا هيج اني هم فرحان .

قاطع كلامنا صوت التلفون بالصالة

طلع من المطبخ بسرعة باوعت ؏ طباخ

الجاي خدر طفيت العين وطلعت وره

فتح خط وصاح:- غدرتني .

-شلون تريد ارجع تريدون تعذبوني .

ضحك بعلو صوته وصاح:- حتى لو جنت ابوية بس

فكرت ادمرني ادمرررك وين ما تكون أتصرف وياك .

سكت ومسح وجهه بقوة وصاح بعلو صوته :- أستغفر الله ، شترريد مني .

- ما أرجع أعرف بس أخطي هل خطوة أندم مع الاسف ما عندي سند

ولا عندي أحزام ضهر اني وحدي دومي وحدي أحارب بدنيتي.

- ههه وتريد اصدكك وأمن بيك وانتَ قبل يوم  تكلي ارجع للبيت اريد

احجي وياك وتالي ما تالي جايبلي مسلحين تريدهم يكتلون .

من التوتر يفتر بالصالة مثل التائهه وكل شوية

يسكت ويرجع يرد ؏ شخص اليحجي ويا  وتوصح هو عمي ابو الغيهب .

الغيهب:- ما اصدك بشخص ما أمن لا بيك ولا بكلامك .

سكتت يستمع ورجع النفس حالته وجسمه كله

يرجف من القهر والخذلان  :- واذا رجعت طعنتني وسلمتني

بذاك الوقت شلون .

عض شفايفة وهو يفكر همس:- لا ماعندي حل ثاني واثق من نفسي

ما غلطت ، ارجع بس والله اذا  مسوين إتفاق علية لا تلومني

؏ يصير بيكم بعدين اخليكم كلكم تمشون وتتلفتون وراكم مني

افتهمت يا ابوية .

استمع العمي ورجع يأكد:- ماشي ساعة زمان وارجع .

- اي زهراء وياي موجودة  ، طبعًا اجيبها وياي .

سد التلفون رجع خابر صديقة سلام يسولف ؏ صار ويا

- اعرف ما عندي حل ثاني وما اكدر أبقى كاعد وشارد هيج

اني ما غلطت ، هاي هِـيِّ ارجع وشيصير خلي يصير .

باوعلي وسد التلفون أبتسم وهمس:- راح نرجع زهراء ما أريد

انغدر زيييين لو مو زين .

زهراء:- اطمئن من ناحيتي اني وياك .

تقدم باس راسي وهمس:- أذن بدلي انتظرج .

دخلت صدك بدلت ؏ سريع أريد اطلع

وفات الغيهب يباوعلي بنظرات غريبة

وصعب علية تفسيرها :- شنو .

سد الباب وسحبني بقوة من خصري

وسرعان ما أخذ شفايفي بين شفايفه

فصل البوسه بعد ما نقطعة أنفاسنا

بعدني ما مستوعبه سحب الشال

من راسي وبدأت لمساته تصير جريئة اكثر

واكثر ، مرر أيده بكل خفه ؏ انحناءات

جسمي وهو يهمس :- أعشق عطرج أحب الصدفه الجمعتني بيج

أحب أحساسي واني اشوف الدنيا بعيونج ، أحب تباوعيلي وتصفنين

بوجهيي أحب طعمج ، أريدج اليوم ولأول مرة الغيهب يريد زهراء

غلقت عيوني وأحس جسمي تشنج بين أيده

بلعت ريكي بصعوبة ، حضني وبلا تركيز

طبعة بوسة ؏ ركبته جوة أذنه ، هناا ما اتذكر

غير زاد الغيهب بقوة لزمته وماحسيت نفسي

غير ارتفعت عن الأرض للجرباية

كان يوزع قبلاته بشكل سريع حركاته هستيرية

-وقت مناسب اسيطر بي وأضمج بين ايدي وشفايفي

اخخخ مو شمه شوغتي گلبـي والحسرة وصلت للسما .

وسواها الغيهب وصرت بين ايده

فزيت من نومتي ؏ صوته وهو يحجي بالتلفون

كمزت من الفراش للحمام سبحت وطلعت بدلت حضرت

نفسي ورحت مكمل كلشي ، سحبني من ايدي وهناا

صدك خفت وكلماته زادتني قلق :- هل يوم ما راح أنسى

مميز ونحفر بتواريخ حياتي المميزة .

ابتسمت ورفعت نفسي ؏ اطراف اصابيعي

طبعة بوسة ؏ خده وهمست:- تشرفت بيك أستاذ غيهب .

ضحك ولزم ايدي وطلعنا أتمنى ما طلعنا

لو بس باقين هناا ، لو وكف الوقت بـ هل ثانية

وعافني بين أحضان الغيهب ليش تحركت وليش طلعت

ليش ما فكرت اخخخ كم ليش ولو تنحجي بس بوقت

متأخر وما الها داعي .

طلعت ويا للسيارة صعدنا خابر ؏ سلام

ينطي علم الى ان وصلنا الباب البيت

نزلنا بس ما دخل السيارة فتحت

الباب ودخلت هو ورايه يمشي

الكل موجود عمتي حالها حال

وعمي أيده ؏ رأسه جانت عمتي

تسوي حركات بعيونها وحاجبها بس

ما فتهمتها الغيهب لكفها بس ما طلععع

يا نار گلبـي وأني اشوفهم داخلين علينا

والأسلحة بيدهم هم أثنين وياهم أثنين بس ما مسلحين

ودخل ابوية ويا جدي .

السلاح نرفع ؏ غيهب الدمرني ما بدر منه رد

فعل الصدمة وصلته المرحلة ما يكدر حتى ينطق

حرف واحد ، عيونه تعلكت بعمي .

تقدم ابوية وعاط بعلو صوته :- دقايق معدودة اذا ما نطقت

وكلت ايهاب وين أخذك وياي ومثل ما تسوي بي نسوي بيك .

عدل وكفته وهمس بهدوء عكس النار الصارت

بداخله:- سبق وكلت مو عندي تريد تصدك فـ احسن

الك تريد ما تصدك مشكلتك انتَ تحلها .

ابو علي:- كتلك ابنه ما تقترب منا ، لا تلعب بالنار ليشش لعبة بيها

وتخليها تحركك .

الغيهب:- أنـي الـنار ، لا أنت ولا أنت تهزون شعره من راسي .

ويا ما حجه واحد بيهم سحب اقسام وثارت طلقة من سلاحه

بالكاع قريبه ؏ رجل الغيهب

رجلي صارت خيوط الصراخ صار بكل مكان

حتى المنطقة كلها طلعت ؏ اصوات الطلق والصراخ

بين ڪُـل هذا التفت الغيهب العمي وعاط:- غدرتني بس مردودها عليك

يابا انطيتني كلمة تالي كلمتك ما ينطلع بيها الباب الشارع .

ما كدرت اسكت روُحـي تفرفح علية

مثل الحمامة صحت بعلو صوتي او ما تبقه منه :- لا تأذي

يابا والله اذا صار بي شي ما اسامحكم .

رحيم:- هذا مجرم لا يغرج كلامة وحركاته

لا تخلي يغسل عقلج حتى تصيرين ضدنا

زهراء:- أني مو زعطوطة ويغسل دماغي عقلي براسي

اعرف خلاصي عوفونااا بحالنا .

رحيم:- لج سدي حلكج هذا لازم يتحاسب ومثل ما يسوي

بـ أيهاب نسوي بي هذا عزيزي وما اقبل تتأذه شعره من راسه .

الغيهب:-ايباه وبيوم الخطفني وفلش ضلوعي

وايام وليالي اتعذب من أجيتوني ما كان كلامكم هيج

شنو ايهاب من الماس .

رفع ابوية أيده وصرخ:- شووفوووااا والله عندك واذا ما يطلع

اموووتك وحق من انزل القران ما اخليك عايش وتشم الهوى

الغيهب:- مو عنددددييييي ويلاااا اطلع برررره .

تقدم يريد يضربه عطت بعلو صوتي

بالشافعات وكف ابوية وطلع تلفون من

بنطلونه وتقدم :- شوفييي باعي حالة ابن عمج

زوججج المجرم شمسوي وصله الـ هل حالة

ويمكن هسة موته حتى ما يعترف علية .

اخذت التلفون وشفت ايهاب بصورة ما تنوصف

كان عبارة عن قطعة زركة ماكو مكان بجسمة

ما متحطم تمامًا ، وجهه ينزف ويون ويصرخ

من الوجع .

تهسترت واني اشوف المنظر صرت اناشغ من

هول الموقف ايهاب طيب ما يستاهل بس

بعدني أدافع للغيهب حالي حال الأم من ادافع

الـ أبنها :- ومنو كال الغيهب وره هل شي

ما عدكم دليل .

ضحك ابوية بتعب وصاح :- قبل لا ينخطف ايهاب بيوم

الغيهب مخابره شنو معناتها ، وراجع ايهاب متصل علية

وملتقين وراها بيوم يوووم واحد بس ايهاب نخطف .

الغيهب:- بوقتها هم مهدد وأنت تدري مو تفلشت سيارته

وتهديد ورقي أنترك بيها ، اجه رادني اكشف منو يهدد

ومن دزلي رسالة رجعت اتصلت بي ورجع هو اتصل

حتى نلتقي هذا الصار .

رحيم:- أنت عليمن تضحك سجلت كامرات المراقبة

بيوم  التقيت بـ أيهاب تعاركت انتَ ويا .

الغيهب:- بيومها من عنده كلمة مني كلمة وتعاركنا صح بس .

رحيم :- وخطفته وعدت يوم خطفتك وأكثر هذا الصار .

التفتت علية وهمست:- أنتَ وعدتني ما تأذي وتبدي صفحة

جديدة ليش هيج سويت غيهب ليششش .

وسع عيونة مصدوم يباوع علية وكأنه

يكول لا تصدكيهم :- شبيج بابا خبلة اني ما ألي أيد بالموضوع

عقلكم شنو جينكووووو .

ابو الغيهب:-طلع الولد ورجعه ونحلها بيناتنا لا تكبرها اكثر ابني

الغيهب:- مووو عندددييييييي ليش ما تفهمووون .

رحيم:- نقتل ايهاب مو قتلته حاجيني كوول حتى اتصرف .

الغيهب:- عجيييب اكلكم مو يمي .

تقدم هشام سحبني من أيدي ودخلني

جوه حرفيًا العالم كلها طلعت من بيوتها

والمنظر خززييي ، دخلت جوه أيدي ؏ راسي وأصرخ

ما مستوعبه عيوني سودت عود كلت الحمدالله صار زين

ثاريها هدوء قبل العاصفة يا غيهب رجعت وطعنتني

شلون بيه وين انطي وجهييي .

دخل عمي هم كلهم بره كعد كبالي

وهمس:- عمو زهراء ايهاب عند غيهب اني متأكد

ابني واعرف هو شنو وشنو تفكيرة حتى من يجذب

معروف بعيوني .

لطمت ؏ وجهي وصرخت:- ليششش هو مو وعدني كدامك ليش

يكسر ضهري ليشششش .

ابو الغيهب:- اني خايف بس لا نقتل ايهاب ، اهلج عدهم أدله اكثر

علية والـ شفتي  نقطة بورقة بيضة جبيررره فارغة عدهم بعد وبعد

وشفت كلشي بعيوني وتأكدت أكثر.

زهراء:- اخ يا نار گلبـي يا عمو شوكت ارتاح والله تعبت .

ابو الغيهب:- ما تستاهلين يا عيون عمج الله بلاني بي

واني عذبتج بي وهو ما يستاهلج .

زهراء:- شسوي هسة عمو بس فهمني راح اموت گلبـي يدك

بصورة مخيفة بعد ما اكدر أفكر.

ابو الغيهب:- هو حل واحد ماكو غيرة حتى يعترف .

زهراء:- شنو هو اكدر أسوي .

ابو الغيهب:- أي الغيهب هسة تعلق بيج ، كشفته بوقت ما انخطف

ورجع كان مستعد يسوي كلشي حتى ترجعين ، وهو ؏ هل أساس

تتركي وتروحين ويا ابوج هسة وكدام الغيهب.

زهراء:- اذا اطلع وفعلا يطلع ايهاب عنده وهو الوصلة

الـ هل مرحلة يحلم بيوم يشوف وجهي .

ابو الغيهب:- واني شاهد ؏ كلامج وكلامة

ونطيتج وعد اذا غلط تطلكين فـ يا بوية روُحـي

ويا اهلج ابني چلب ما ينعدل عوفي ابوية

ولا تهتمين الكلامة هو أنتهى ورط نفسه

وبعد ما يطلع منها لو يأذن.

دخل ابوية صاح بصوت غاضب

مقهور :- كومي وياي خلص لهنااا وكافي هل مجرم

ما عنده شي يمي ومن اليوم اني ويا وما اعوفه

اذا ما يطل ايهاب سالم ويرجع .

عدلت نفسي وكمت ؏ حيلي همست بأرهاق

ممزوج بالخذلان المميت :- هاي هِـيِّ أجي وياك كلشي أنتهى.

صوت بجي عمتي فطر گلبـي هاجر حاضنتها واكفات

عفتهم وطلعت حرفيا ما يكدر يتحرك صايرين مقابيلة  التقت

عيونه واول ما نطق بضياع:- وين زهراء.

كمز من بيناتهم مد أيده يحاول يلزمني وعيونه

صارت تخوف وهي مصبوغه بالأحمر

تراجعت للخلف والرجفة سرت بجسمي

مسحت دموعي بعباتي ورديت بتردد:- انتهينا انتَ ما حافظة

؏ وعد ولا ثبتت ؏ كلامك .

عاط بجنون متهستر من كلامي:- تتندمين زهراء ازوعج دم وحق الله

انجبي ورجعي للبيت ارجعييييييي ..

لزمني ابوية من أيدي وطلع:- زهراء كلت لا تسوويهااا اني قابل

ابوية يغدرني اخوتي ما بوكفون وياي والكل ما يصدكني

بي أنتِ لا تصدكيهم ثقي بالله اني ما ألي شغل

ارجعي كلت والله اندمكم  .

ززززهراء نسيتي كلامي حذرتج لا تلعبين وياااي لج زهراء.

طلعت من البيت بدون ما التفت وقبل لا اصعد السيارة

رن كلامة بأذني :- سويتيهااا مرتين كدام عيوني وتروحيين

القبلها سامحتج هل مرة الغيهب يددددمرج ....

صعدت بالسيارة وعقلي يسترجع كلامة .

-اذا تعرفين شنو الموضوع تتركيني اني بس هل شي يهدمني .

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أتمنى البارت عجبكم لا تنسون التصويت وكلامكم الحلو

تنبيه مهم النشر ثلاث بارتات بالأسبوع متفقين 🤝

السبت ، الثلاثاء ، الخميس ، واذا يصير عندي وقت ما اقصر وانزل

بين هل ايام ، تدرون من اشوف تفاعلكم يصير عندي دافع

اكتب أكثر واكثر ماتتخيلون شلون افرح بتفاعلكم فـ شنو نحرك الجووو

كلنا 🔥🔥🔥🔥🔥🔥🔥 🔥

رواية ظلمات الغيهب

بقلمي أساور حسين

الحلقة _21_

يظنون ان خدش الأرواح كخدش الزجاج فتمادوا...

............................

زهراء....

صعدت بالسيارة وعقلي يسترجع كلامة .

-اذا تعرفين شنو الموضوع تتركيني اني بس هل شي يهدمني .

ظميت وجهي بيدي وشهكت نار تاكل بكلبي

سمعت صوت ابوية يصيح :- سعد رجع بنتي للبيت .

تحركت السيارة وابوية ظل بيتهم وكلها وأكفه

المنطقة كلها تباوع علينا الخجل الحسيت بي ما ينوصف

بكلمة حرك السيارة وأبتعدت بس روُحـي وكلبي بقت

يمهم شلون أتخطى الصار شلون .

وصلت للبيت همست بتردد:- بلا زحمة تعرف رجاء وين .

سعد:- الكل بيت العائلة بيت لواء رحيم فارغ .

زهراء:- تكدر تفتحلي الباب اريد اروح هناك .

سعد:- أعتذر بس لازم تدخلين بيت العائلة .

زهراء:- خابر ابوية انطي علم ما اريد أشوف شخص .

سعد:- ممنوع أتصل وهو بمواجهه .

درت وجهي اباوع ؏ بيت نزلت بخطوات ثقيلة

اتعثر بخيبات حياتي الصعبة ، دفعت الباب ودخلت

متردده بس ما باليد حيله لازم اواجهه الكل .

دخلت للمطبخ صارت ام ايهاب كدام

وجهه ازرك ودموعها تصب وحقها

هذا ابنها الوحيد الله يساعد كلبها

أعذرها بس ما تصورت تتصرف وياي بـ هل طريقة

الهمجيه:- أجت غضب أجت الهجمة بيتي الضيعة

ابني الووووحييددد وراح تكعد بمكانة .

فاتت ام أثير لزمتها من ايدها وصاحت بيها

-عيب عيوني البنية ما تشوفين حالها شنو ذنبها

وشنو البيدها رجعت حتى بس تبعد الخطر منه

بس رجلها مو خوش أدمي.

ام ايهاب:- ما تنلام رجاء بيج من كالتها من يوم دخلتي

حياتنا صخمتيها يا مصخمه والله اذا صار بـ ايهاب

شي .

رفعت ايدها وصاحت:- امووتج اقتلج بهاااييي ايدي

اشرب من دمج وما يبرد گلبـي يااااعارررر .

اثناء ما تحجي جدتي اجت ؏ صوتها وبقت تستمع

الكلامها الى ان كملت عاطت بيها وانتفضت

- ولج من شوكت أحفادي يتهددون وبنص بيت جدهم

يا خايبه لو توصل كلامج للحجي يلزمج ويملص راسج

عن ركبتج وما يبرد دمه هو مو انتِ ما يبرد دمج .

ام ايهاب:- هاي فكر واذا تبقى هناا يرجعون ابني جنازة

وحق محمد بذاك الوكت تشوفون مني شي ما شايفي .

ضربت جدتي ؏ ميز وعاطت :- آني امك يا علي تهدديني وبنص

بيتي ، عود شني غايتج من تحجين ويا حفيدتي هيج تردين اسكتلج .

زهراء:- بيبي الله يخليج عوفيها تحجي من حركت كلبها

اني عاذرتها هذا ابنها وحيدها.

رجاء:- هذا صوت الملكة عينيييي شرفت بعد ما نهت ؏ ايهاب

هِـيِّ وزوجها الساقـ..... شنو تريدين تبقين هنا ولا بأحلامج .

عافتنه وكمزت ؏ مجر سحبت سچين ورفعتها

وهي تتقدم بتجاهي :- اموتج وأموت نفسي ونخلص من هل لعنة .

سديت باب المطبخ وجدتي وام أثير يلزمون بيها

هِـيِّ فقدت والقوة الصارت بيها مو بنية لا كأن

ركبها جن دفعتهم وضلت تسحب بـيدة الباب

تريد تفتحها ، لحظات رعب خلتني افقد من

الخوف واني اباوع بعيونها الموت

عفت الباب وركضت ؏ باب الشارع

من الخوف والارتباك بعد ما اعرف افتح زين

نملت رجلي ويبس حلكي ضليت من حلاوة روُحـي

ادك بكل ما عندي من قوة بالباب واصرخ بعلو صوتي .

نجر الباب بالخيط ونفتح دخل سعد ويا شاب حماية

ثاني لابسين لبس عسكري من شافوا حالة رجاء

بدون تفكير دفعها والعسكري الثاني نزل

للكاع سحب أيدي وطلعني من البيت .

اخر ما شفته سعيد يسحب السچين من ايدها وهي تضرب وتصرخ

علية تريده يعوفها بس هو ثبتها بكل قوتة  .

صعدت بالسيارة جسمي كلة يرجف

وبعد ما عندي حيل حتى اتنفس

بالشافعات اجر النفس عدلت كعدتي

طلع سعد من البيت وكف بالباب

وهمس:- بس لا تأذيتي .

هزيت راسي ورديت:- لا بس من البداية كلت ما اريد اروح

هناك اعرف هذا الراح يصير .

سعد:- ولا خطر ؏ بالي اعتذر ، وينك المفاتيح عندك .

- لا جوه عند الحجية .

دخل سعد اخذ المفاتيح وفتحلي الباب

طلعت جدتي صاحت:- مو أمان تبقه وحدها هناك .

سعد:- واكفين هنا ما نتحرك .

لبست عبايها وهي فوتتني للييت

شربتني مي وهي مو احسن من حالتي

- مسحيها بوجهي بيبي هاي من تشوفج تتخيل .

زهراء:- هو هذا هم حضي وين ماكو مخبل يلفي علية .

- هذا اختبار من ربج بيبي شدي حيلج لا تصيرين رچيچه .

زهراء:- يا حيل ظل حيل .

ام علي:- كومي غسلي ونامي بين ما يجي ابوج .

زهراء:- بيبي صحيح ايهاب مخطوف لو هاي لعبة .

ام علي:- لعبة من منو ؟

زهراء:- من ابوية وايهاب.

ضحكت بقهر وهمست:- لا بيبي لعبة شنو ما شفتي حال امه

تريد تتخبل علية وهاي ما مشوفيها الفديو الوصل منهم .

زهراء:- منو دزه .

ام علي:- حساب بهل مواقع ونغلق .

زهراء:- ليش وجهوا اتهاماتهم ؏ غيهب بالذات .

ام علي:- ماكو غيره مسويها كلنا متأكدين .

حسرة الـ بقلبي ما تبرد بيوم اي ما تبرد راح

حُـبـي تعبي ايامي ويا كلشي تبخر .

عفتها وكمت غسلت ؏ سريع وبوجهي صعدت فوك

كعدت من القلق أكل بـ أظافيري ( شصار ) هذا ڪُـل البالي .

......................................

الغيهب...

‏" وعندما أتيتُكِ هاربًا من الأذي، أذيتيني  . "

ابعدوكِ عني بذنب لم ارتكب تمسكت

بيدكِ توسلتكِ بعيناي وبحبكِ ان لا ترحلي

خبئتك سرا بقلبي خوفا وحبا بقيتي أمل نور

وسط ظلامي فـ لماذا أفلتي يدي وأخترتي الرحيل ؟

صمت مخيف احيانا الشخص يخاف من نفسة

الغيهب اني من الناس اكون موجود مع

ڪُـل شخص يريدني ويحتاجني .

الصراحة اول عناوين الغيهب

لو اعرف بعد هل صراحة اموت أفضل

الصراحة وأختار الموت فـ ما بالك بأتهام

واكفين كدامي الأسلحة بوجهي ومنتظرين

ياخذوني هههه ياخذوني معناها يخطفوني

معناها تعذيب ولازم اسكت .

بس ليش لازم ما احجي ماعندي ضهر

انطعنت آو بالأحرى نبعت خذلوني

وسلموني بكل سهولة مو اول مره تعودت .

بس لازم يعرفون مو الغيهب الـ يسكت

ويخلون ابالهم بعد صمت الغيهب انفجار

مو انفجار عادي لا اصدمهم مثل ڪُـل مره

اوكع وماكو بشر بيهم يكون طوق نجاة

أضطر اتعلم السباحة بطعنات الحياة

حتى اغوصها ولا بُد من تشنجات بسيطة

بس اتعداها وادوس عليها وعليهم اني دواهم .

درت عيوني اباوعلهم بستحقار

مااكدر اخفي وجع گلبـي وصدماتي

بيهم كلهم بس حاربت نفسي وعاندتها ما اضعف

وعدت نفسي انتقم منهم واحد تلو الاخر لـكن بالوقت

ألي اني اشوفة مناسب .

خليت ضهري مستقيم رجعت عدت خطوات للخلف

وخليت ايدي بجيب بنطروني ومن بين الخيبات

رديت :- المطلوب شنو ؟

رحيم:- أبنه ايهاب.

الغيهب:- انتَ لوائيش عزيزي اكلك مو عندي عقلك شبي تنك .

ثارت طلقة وللمرة الثانية فريت الساني

داخل حلكي وهمست بتحذير وتعمدت

أركز ؏ ڪُـل كلمة انطقها :- عدتها مصرين ؏ دماركم  زين

زين كلشي واضح ، اعيد كلامي للمرة الاخيرة ابنكم مو عندي .

رحيم:- هذا يريد يتعبني جيبووووو ورايه.

الغيهب:- حتى العبك مصلخ كال يجيبوني

؏ أي اساس اروح وياك عندك امر القاء قبض

صدر من القاضي رسميًا .

رحيم:- قريبا يطلع ، ويكون بعلمك اني الدولة .

الغيهب:- وانا القانون ، كدامك محامي ما اتحرك اذا مو أوامر

رسميًا روح طلعلي وتعال اتفاهم وياك .

خلاف هذا الكلام تعتبر خاطف يا سيادة الواء الغير محترم

والصراحة ما احسدك ؏ موقفك البايخ الكامرات سجلت

تعديك علية بنص بيتي انتَ واسلحتك وكلابك .

رفعت ايدي وبعلامة بالضبط ركزت ؏ نطقي للحكم .

الغيهب :- لا وترمون علية هو انتَ اكيد تعرف العقوبة بس

هم اطربك بيها ، نصت المادة 410 من قانون العقوبات انه من اعتدى عمدا على شخص بالضرب أو الجرح أو بالعنف مخالف للقانون، يعاقب بالسجن مدة لا تزيد على 15 عاما.

بالعافية عليكم واتمنى اتذكركم واجيكم ازوركم ڪُـل فترة.

- شيحجي هذا سيدي .

-ليش ما تدري يلا هسة صرت ؏ علم امك ما داعيتلك وكعت بيد الغيهب

وحق ربكم هل مرة ما أسكت مثل القبلها .

رحيم:- عندي ڪُـل الأدلة تحذفك وره الشمس حتى

ما تلحك تشتكي علينة.

الغيهب:- أشتغلي بالقانون وسولف وياي

اسحلك واسحل بنتك بس صبر .

دخل سلام صاح بصوت :- شنو هااي شلون توكفون هيج

نزل اسلاحك والله أتصل بالنجدة.

ويا ما دخل سلام فات جلال درت وجهي

وهمست مختنك كلها التمت علية اليوم :- سالمين شكو .

رحيم:- هِـيِّ صايرة وخربانة سحلوا للسيارة .

جلال:- يسحلون منوو ولك .

رحيم:- انتَ منو ؟

جلال:- وأنت شكووو ليش تدخل وليش انتَ هنا من الأساس .

الغيهب:- وانت شعليك امشووو كلكم اطلعووو برره .

ما حسيت غير نسحبت من أيدي

اباوع هذا الحرس والسلاح يضغط

بي ؏ كلياتي كمز جلال دفعهم وعاط :- شيلهااا حييييوان .

تقدم هشام وأمير صاروا بصف جلال واني وراهم

هشام:- كافي لهنا وكافي سكتت هواي كال مو عندي

واني اعرف الغيهب ما يجذب .

الغيهب:- بعد وكت چان عفتها بعد ما ياخذوني .

هشام:- جنت منتظر الكامرات تسجلهم .

جلال:- اطلعوا لا تخلونا نخلي فظيحتكم بگلاگل .

أمير:- اخر تحذير لم چلابكم وطلعوووو مناااا .

رحيم:- كلامي مو وياكم ، ابو الغيهب راضي ؏ ولدك .

ابو الغيهب:- اني وياكم وكلت ابني غلطان وأصريت علية يرجع

ورجع وهذا هو كبالكم يكول مو أني واعرف ابني كبحي

ما يخاف ينطيها  بالكصه وشيصير يصير ما يهتم .

رحيم:- وشلوووون مااا يسلم ابنه نريد يرجع .

الغيهب:- هذا احلف علية مبدلين عقله ومخلين فصم تمر .

واحد من المسلحين عاط بعلو صوته:- احترررم سيدي الواء لك .

الغيهب:- سيدك اني ما اطلع بي الراس الشارع

ورتبته هِـيِّ والماكو سوه لان هو ما يحترمها .

وانتَ نزل سلاحك لا أخلي بطيبة كلبك .

كمز يريد يوصلني وما شوف غير نصفك بوكس

من جلال رجع ليورة هم شافوهم هيج شو ذول صاروا

مخابيل كلها تصرخ وكلها تتضارك

واني گلبـي نااار وتشتغل بي

كمزت ؏ الرماني طلق دفرته ؏ بطنه

بيها إنتقام وخذلان وقهررر الدنيا بكبرها

أصوات صراخ ، ثارات نفسيه

وجوه متعددة ، منها معروفة وأخرى منبوذه

أهات ألم ومر تصدر ، خوف ، قلق ، رعب

لكمات متتالية ، خربطة هوسة عارمة

انتهت بينا بالشارع المنطقة كلها

موجودة يفاككون بهذا ويسحبون ذاك

وكلها تصرخ وتتوعد

الى ان هددوهم المنطقة اضطروا يصعدون سياراتهم

ويرجعون بس بعد تهديدي بالخفطف ب العلنية.

وما يهزون شعره مني اني انسان ڪُـل ما

أحيي أحساس گلبـي وأخلي يرجع ينبض

للحياة ، يطعنوني طعنات ثگال وما تنحمل

بس لازم ما أبين الهم حتى ما ينقهرون من كلامي

وضروري أتناسى وارجع احجي وياهم

حاربت ورجعت نفسي بعد خيبة كبييييرة

دمرت روُحـي  انسانة ، بس رجع النور بحياتي

بيوم شفت عيونها التلالي بالحب

جذبتني خلتني ارجع احب يومي لان اكو انسان

اخر يحبني يريدني واني محور كونه

عيشتني بأوهام ، لالا ما اريد أكذب مو اوهام هِـيِّ

فعلا تحبني بس مو كدهااا ، ما ضغطت ؏ نفسها

حتى تعالجني وتوكف بضهري

طلبت منها وعدتني ولا كأن وعدتني

بأول محاولة الهم تركتني وفرت هاربًا

فضلتهم وصدكتهم وكذبتني هو هذا هم يتسمى حب ؟

تحركت بضياع تحت انظار العالم وابوية وأخوتي

ما كدرت احجي وأواجهه بشر أبتعدت جبان

لا بسسس الصدمة حطمتني بعد ما اتحمل

شلون اباوع بوجههم شلون اكددددر ...

تائه  بدروب ضيقة ، ضيق تنفس ، ذكريات مميتة

سحبت باكيت الجكاير اخذت وحده اشرب بيها واني أجزم

جمرة گلبـي تحرك أكثر منها حتى الجكارة حاربتني وما طفي

ناري .

سرعة غير معقولة ، ضعفت تمنيت الموت

او هروب من الواقع ، أكتفي بغيبوبة طويلة

بس ارتاح اريد أنسى الصار ، عيونها اخ عيونها

بكل مرة تخليهن بعيوني وتعوفني وتروح

شنو متعجب ههه هذا جنس حواء غدار

يغدرك وطعناته من العيار الثقيل .

ضربات متتالية ؏ ستيرن

ازدحامات طريق وأفكار

أنتصر الدمار علية تمامًا

ما جنت واعي شلون وصلت للشقة

صعدت واني افتح دكم قميصي

ضاك النفس ، والدنيا ضاعت

فتحت الباب صارت كبالي

ضحكتها عيونها التصفن بيه

أيدها الـ بكل مرة أتقابل وياها

ترفع بيها شعرها وكأنها

تنوي ؏ قتلي بجمالها

ونقتلت وصلت الغايتها ودمرتني

مشيت للثلاجة والتخيلات والتوقعات

بعقلي دمرتني ، معقولة تنتقم مني

معقولة زهراء ابالها تخلينها احبها

وتحاربني تريد تعذبني مثل ما تعذبت وياي

بداياتنا شسوي اذا طلعت صدك .

رجعت للسيارة شغلتها وطلعت

وبنص الطريق تذكرت باب الشقة

ما سديته ، تجاهلت كلشي وكفت كدام

سوبر ماركت بس مو مواد منزلية

لا مشروبات كحولية نزلت بخطوات ثقيلة

اخذت شكد ما اكدر ذبيت ڪُـل فلس موجود

بمحفظتي ورجعت للشقة ، اول ما دخلت

فتحت بطل وبدون كلشي شربته اريد

بس نار گلبـي تطفىء ، عقلي يخدر وبعد

ما يتذكر الصار ، بقيت اشرب واشرب

ماكو فايدة الندم أكلني ليش اخذتها ورحت

ليشش ما بقيت هناا وأخليهم يحتركون مثل ما

كاعد هنا واحترك وحددي .

تلفوني دمرني ترن ترن ترن ما وكف لحظة

باوعت ؏ اسم سلام ، ورجع ابوية يتصل

وهشام وامير كلها ما وقفت إتصالات

رفضت ڪُـلشي وما عندي نفس بكلشي

اخ شكد غبي شلون رجعت كسرت نفسي

هو هذا بني ادم يغلط وما يتعلم من غلطة

ورجعت كررت نفس الحب نفس الامان

ونفس الثقة الى آن نضربت وهل مرة

الضربة توجع ؏ راسي خلتني ما أندل دربي .

اريد ادمرهم هذا ڪُـل الشاغل بالي

اضربهم واحد تلو الأخر بس  ...

وكفت امسح ؏ وجهييي ريكيي يبسس

عقلي صفر ما اكدرافكر بشي عدل 

اشششش لازم أستقر شلون استقر

اريد شخص اطلع ضيم گلبـي بي

فتحت الثلاجة اخذت ثلج وكلاص

من الميز وطلعت شربت مرات

متواصلة وعبالك اشرب مي

رفعت تلفوني دك رقم هشام

انطيته رفض وطلعت قائمة الأسماء

بحثت ؏ رقم ودكيت ، ومره ومرتين وتلاثه

وصل مسامع صوت ناعم أنثوي

- محال منو منور تلفوني اليوم .

الغيهب:- أنتِ وين ؟

-بنص بغدادك .

الغيهب:- تعاي .

- اووو اووو الغيهب ما يكدر يحجي الظاهر ما راح تنوريني

تريد تغلق نوري .

الغيهب:- بلا كلام زايد تعاي .

- انتَ وين ؟

الغيهب:- بشقة الكرادة .

- قريب أجهز نفسي وأجيك ، اصلا ذابحني الشوك يا كاطع  .

سديته بوجهه وكمت فتحت الشباك اريد أتنفس

فتحت باب الغرفة ضربني دمار براسي

كعدت ؏ جرباية قاومت ما انتفض ما اصرخ

بس محاولاتي بأت بالفشل ،صرخت وبكل

ما عندي من صووت صرخت بصرخة هدت حيلي

وصلت المرحلة جسمي كله يرعش من الغضب

واثق اذا ما افرغ هل غضب ارتكب جريمة

مثل ما صار بيه قبل .

بعد نزاعات وحروب اندك الباب

مشيت بخطوات مهزوم ، عاجز

فكيت الباب صارت مقابيلي ضحكت

بغرور ، قابلتها بـ الـتجاهل ودخلت مشيت

للميز هِـيِّ سدت الباب ودخلت

واني منطيها ضهري همست .

- يوو يوو شكد مشتاقتلك .

رفعت أيدي بعدم مبالات وصحت بصوت واضح وأني

أشر ؏ جسمها الغيهب:- ملابسج .

اخذت الكلاص وشربت هِـيِّ نفذت وجردت

نفسها ، فتحت ملف ؏ ميز وهمست :- وقعي .

ليلو:- وإذا متت بيدك .

الغيهب:- حجي زايد ما أريد، انتِ مخيرا مو مجبرة تكدرين

ما توقعين وطلعين منا وتنسين الصار .

تقربت علية مررت أيدها ؏ ظهري باحترافية

غلقت عيني وأني أحس بلمساتها

ليلو:- ليش متعوفها علية اليله وأني اولعلك الجو

واسحب ڪُـل غضبك بطريقتي .

رفعت راسي بلعت ريكي بصعوبة

طبعت قبلات متفرقة ؏ ركبتي تحاول تسيطر وتنسيني العقد

زفرة نفسي ودفعتها بخفة

بـ أطراف اصابيعي:- يا اما توقعين وتتبعيني ؏ غرفة

يا اما ترجعين منين ما أجيتي بسررعة .

تركتها وهي تباوع ؏ ورقة التعهد

هل ورقة وياي ويا مكثرها بشقتي

ما اقترب من جنس حواء اذا ما توقع

تعهد هِـيِّ موافقة ؏ ڪُـل اليصير بيناتنا

ما أكد أمن بوحدة بيهن ، من كثر الخيبات

وبوقت تفريغ غضبي أجن وما اعرف شلون

ينتهي بيهن المطاف (وليلو) وحده منهن بس

هِـيِّ الوحيدة تفهمني وتتحمل نوبات غضبي .

سرعان ما شفتها مقابيلي ذبت شعرها الأحمر

خلف ضهرها وقفت تباوعلي :- جاهزة للغيهب وقعت وجردت ملابسي .

مديت ايدي تقدمت خلت ايدها بيدي

كعدتها ؏ جرباية وسحبت ايدها ربطتها

ضحكت وهي تهمس:- هاي شنو ابو الغياهب ما ناوي ؏ خير

اعصابك وياي بس خفهمك .

الغيهب:- أني خليني افهمج .

كلتها وفريت وجهه واعترف مو واعي ومو بعقلي اريد

شخص بس افرغ بي غضبي وهي وكعت بيدي .

ربطة شفايفها من شفتها تصرخ

لحظات فقدان اعصاب

استحوذت مشاعر السلبية والغضب

مهاجمة روح متعبه

بكل ما تعني الكلمة جنت فاقد أضرب الى ان اتعب

اوكف اشرب وارجع الى ان خدر جسمي والشرب

اخذ مفعول اخذت ألي أريده وفقدت

ما كدرت بعدها لا ارفع أيد ولا أحرك رجل

مر وقت طويل كدرت اصحصح

فتحت عيني انصدمت بيها

كمت بسرعة للحمام فتحت المي

ورجعت للغرفة فتحت ايدها

وأخذتها :- ليلو تسمعيني .

ردت بوجع :- همممم .

خليتها جوه المي من شفتها كدرت تكعد

عفتها وطلعت ، لزمت تلفوني  94

مكالمة من اهلي وسلام .

شمرته من طلعت دخلت سبحت

وطلعت بدلت وكعدت بالصالة

وهي بعدها جوة .

طلعت تباعلي بنظرات غريبة

ليلو:- شصاير وياك .

الغيهب:- الفلوس هناك اخذي التريدي وخابرت السايق

يجي ياخذج .

ليلو:- منو زهراء.

عقدت حاجبي ورديت بغضب:- شعرفج بيهااا .

ليلو:- اعصابك انتَ طول ما تضرب بيه تصرخ بأسمها

خلصنا من موج أجت زهراء.

أخذت الكلاص شربت منه وهمست:- لا تدخلين بأمور

ما ألج حق تفتحين حلكج بيهن ، أخذي التريدي وروحي .

ليلو:- بعدك تشرب الظاهر نارك ما طفت .

الغيهب:- ناري ما تطفى .

ليلو:- اذا تريد اسهر اليوم وياك ما عندي شي .

باوعتلها من فوك ليجوه هِـيِّ

مشت للميز وصاحت:- اوو اووو لا تحجي اعرف

راح تغثني اروح أحسن .

الغيهب:- شاطرة .

ليلو:- حافظتك اكيد تكول شوفي نفسج صرتي

بحالة صعبة وبعد ما تفيدين حالج حال الزبالة .

الغيهب:- جيد حافظتني .

اخذت 250 وتقدمت رفعتها وهمست بتعب :- أستاهل .

تقربتلها طبعة بوسة خاطفة بخدها

وهمست:- اخذي بعد تستاهلين أكثر ليلو .

-ليلو بخدمتك بكل وقت ابو الغياهب .

الغيهب:- دطلعي .

ضحكت بوجع وطلعت ، خابرت سلام يجيني

بعد ما كدرت أفرغ غضبي اكدر أفكر وأشتغلهم

واحد واحد هسة وقت الانتقام.

...................

زهراء....

فزيت من النوم مخنوكة عبالك احد خانكني

وكاتم نفسي ، كمت لكيت نفسي عركانه

فتت للحمام غسلت سمعت صوت ابوية جوه

سبحت وبدلت ؏ سريع نزلت من شافني

باوعلي بقلق:- ها بابا بيج شي كون تأذيتي .

زهراء:- لا الحمد لله ما تأذيت ، بس بعد ما اريد اروح هناك .

رحيم:- لا بابا هذا بيتج ورجاء اخذت جزاتها هِـيِّ وام ايهاب .

زهراء:- وايهاب ما سمعت عنه خبر ما رجع .

رحيم:- مع الأسف لا بس ما اعوفه هذا ابني ايهاب

احزام ضهري ايدي اليمين ما اكدر اتحمل فراق ابني .

زهراء:- شسويت ويا الغيهب .

رحيم:- هذا والله ما اسكت ؏ عمايله جني يضن ما نكدر نلوي ذراعه

بس سهلة اذا ما ابجي دم انزع الرتب .

زهراء:- بابا الغيهب اذا يكول ما مسويها معناها ما مسويها

هو ما يجذب صدكني ما يجذب ، لا تأذي اذا ما تتأكد ايهاب

عنده مو عند غيره .

رحيم:- هذا الـ موقفني ما اتحرك ، بس اريد اتأكد بالمضبوط

وبذاك الوكت ما ارحم حاله .

زهراء:- هسة اخر شي شصار .

كعد ابوية يسولفلي الى ان دخلو عمامي

ابو ايهاب حالته تبجي العدو ، وكلهم يصبرون علية .

استقريت بيت ابوية رجاء ما شفتها والحرس بالباب

احتياط الكل شي ، جدتي تروح وترجع علية

بس اني بكل ما تعني الكلمة انتهيت نسيت

شنو اكل شنو شرب وكأني صايمة ادوخ

واوكع بدون ما ادري بروحي .

ايام قلق والصبر اخ الصبر نفذ وبعد

هلكت واني انتظر خبر ، الخوف

تمكن مني حتى عمتي وعمي ما

رفعوا اتصال يطمئنون علية بي

الى ان مرت تسع ايام اصعب ايام تمر بحياتي

الكل بحالة ترقب خوف وفزع من القادم

كلنا أيدنا ؏ كلوبنا خاف نسمع خبر ايهاب

دعوات من كل مكان، و حراسة مشددة ؏ بيوتنا

بس لا ابوية تحرك ؏ غيهب

ولا الغيهب تحرك عليهم

هدوئهم مخيف وما معلوم منو متوعد للثاني اكثر .

الساعة الرابعة صباحًا

الكل نايم بعد تعب وهنا

لحظات البيت تزرف علينا

اخوتي كلها تصرخ وابوية يصيح باسمائهم

صوت شخطة السيارة تعلن عن مغادرتهم

طلع ابوية يركض وعمامي طلعو

والمصيبة رامين ؏ بيت ابوية وبيت جدي

بحيث صوت الطلق عبالك كاعدين جبهه

انفتحت الأضواء والمنطقة

طلعت وهنا الكل تشنج

وصوت صرختهم صار

واحد :- ايهاااااب .

من الفزع طلعت اركض اشوف

وياريت ما شفت ايهاب جثة شامريها

بالشارع ، كلها تتراجف وتتصارخ

بس جدي عاط بيهم و بالكوه  صعدوا

بالسيارة وبوجهم للمستشفى.

ضليت بحيره وخوف لا اكدر اروح البيبيتي خاف

تشوفني رجاء الغضب وتأذيني ، وهنا تلفت اعصابي

ما اعرف شلون مر الوقت وساعة تجر ساعة الى ان

صار اليل رجع ابوية هلكان ركضت واني اتساءل:- ها يابا ايهاب شبي .

رحيم:- حالته مو مستقرة كسور منفرقة بالجسم بس

بمرور الوقت يكدر يوكف ويرجع ايهاب القوي ابو ضحكة الحلوة .

كعد ابوية يناشغ ويبجي هنا عرفت ايهاب عزيز حيل

علية وفعلا ادمر الخاطر عيونه :- كول يا الله وإلف الحمد لله

رجع للبيت هل رضوض والكسور الهم علاج بس لو رايح شلون .

رحيم:- لا الف الحمدالله ربي نجاة من التهلكة.

زهراء:- الف الحمدالله .

ما حجه وياكم ما عرفتو منه منو وره الخطف .

رحيم:- باجر الصبح يتحقق بالموضوع

وكل المتهمين ينالون عقابهم بالمضبوط .

همست بخوف :- ان شاء الله ، اني اترخص اروح أنام لان بعد

ما عندي حيل اشيل روُحـي من الصبح افتر .

رحيم:- اخذي راحتج بنتي .

صعدت فوك دكيت ؏ عمي بسرعة رد بس

صوته شكد ما اكول تعبان أقصر ، بعد السلام والسؤال

همست بتردد :- اليوم الفجر رجع ايهاب شبه جثة

وحاليا بالمستشفى باجر التحقيق اذا تحب تتواجد .

ابو الغيهب:- بارك الله بيج والف الحمد لله ؏ سلامته ابوج خابرني .

زهراء:- تسلم عمو ، تحمحمت ورديت بتوتر ، شلون اذا طلع

الغيهب خاطف .

ابو الغيهب:- ما اعرف يا بنتي والله ما اعرف شلون .

نسحب التلفون من عمي وصلني صوت عمتي

صوتها رايح كوه تحجي :- هايمه زهوره .

نزلت دموعي وهمست:- يا حلاوة كلمة الـ يمه من حلكج عمه .

ام الغيهب:- أملي وأمله جبير جان بيج ، عرفت وحدج اتصحين

ابني ؏ زمانة ، ليش كسرتي وخليتي يشرد ولج يمه ليش .

زهراء:- غصب عني اني حلفت اذا خلف بوعده اعوفه وعمي

شاهد وهو ما صان الوعد ورجع العاداته القديمة .

ام الغيهب:- ولج يمه واذا طلع مو هو شلون بيج بذاك

الوكت الغيهب ما يرحم حالج وحق محمد .

حسيتها كفختني ؏ وجهي بكلامها

ضليت ابلعم بالكلام والسوالف والتبريرات ضاعت مني

زهراء:- اني ضايعة وحالتي حال والله حالتي تصعب ؏ كافر

روُحـي صارت بي خايفة منا وعلية .

ام الغيهب:- بس الله يستر من باجر .

همست بخجل واضح وارتباك فضيع :- الغيهب وين عمه.

ام الغيهب:- ما اعرف يا عمه من يوم العركة لليوم اختفى

نخابر علية مايرد ، خلف الله ؏ صديقة سلام خابر

وكال الغيهب بخير لا يضل بالكم وشنو وره هل اختفاء ما اعرف .

ابو الغيهب:- اذا يتصرف تصرف غلط ما ارحم حاله .

ام الغيهب:- ؏ اساس انت رحمة حالة يمعود ما راح ينساها

وتبقى دكتك ادك بكلبه طول عمرة .

وهنا بدت المشاحنات والعرك بين عمي وعمتي

وصراعات اخر شي انسد التلفون وهم بفوضى

اليل كلة عيوني ما اخذت نوم

ومن السبعة سمعت صوت طكطكه

نزلت لكيت ابوية مبدل يريد يطلع

وفعلا صبح علية وطلع واصريت علية

يكلي شصار بالتحقيق ما يخليني انتظر .

وراح ومرت ساعاتي هلاكي

ياربي شكد صعبات مرت

للعصر كدرت أحصل ابوية

وصدمني صدمة حياتي

نكفخت ؏ وجهي وكل عظام

جسمي اصبحت حطام

رحيم:- مصيبة يا بوية طلع الحارس مالتي السابق

بطلته بسبب ايهاب وخطفوا حتى ينتقم منه

وكعت بالكاع وهمست من بين دموع عيوني

الغركت خدي :- لا بابا لا يعني الغيهب بريئ .

رحيم :- شحجي وشكول احنه بمصيبة وبس الله اليستر منها .

شمرت التلفون وكمت ملخت نفسي تملخ

اخخخخ شكد اكره روحييي اخخخخ

شسووويت اني دمرت نفسي  وحق الله دمرت نفسي

شلون هاي مصيبة هاي دمااار معناها الغيهب

كررهني والله كرهني بعد فعلتي .

تهسترت ضليت اصعد وانزل حايرة شسوي

وين انطي وجهي اجتني بيبيتي شافت حالتي

ضليت الطم ؏ وجهي كدامها واصرخ

بعلو صوتي :- انتهيت بيبي هسه هو أمن بيه وانطاني

الثقة حلفني وعدته ما اخون الوعد بس غدرت بي

الغيهب بعد ما يساامحني قضية ؏ حياتي بيدي .

حاولت تلزمني ما اكدر اوكف واثبت بمكان روُحـي

تلوب فرفحت بعد دموعي تحرك بيه

كلامة ونظراته تموت أجزاء مني .

- ولج بيبي ما متقصده غير هو ما يكعد راحة ومخلي الدنيا كلها

تشك بي هم اهلها ما صدكوا بي شلون انتِ تأمنين وتمشين وره

وهو مشبعج دكات ما تسولف ولا تنعقل .

زهراء:- لا تبرريلي بيبي اني اعرف هو ما يجذب

وهو يدري اني اعرف هذا الطبع منه بس هم

وبكل بساطة جذبته الغيهب ومشيت وره كلامهم

بسبب أدله تافههه تاااافهههه مثلييييي .

بيبي من شافتني انتهيت اتصلت ؏ ابوية

هو عاف المستشفى ورجع للبيت

من شاف حالتي تخبل ضل يصرخ علية

يريد بس اوكف حتى بحجي وياي

بس وجع گلبـي اكبر مني بعد ما استوعب

حتى كلامهم .

لحظات وانصدمت بعمي ابو الغيهب يدخل علينا

بدون مقدمات تقدم سحبني من أيدي وحضني

صرخت بحضنه صراخ وحده فاقدة الامل

بكل حياتهااا :- اخخخ يا عممووو خسرته والله خسرته

حلفني قبل لا نرجع ما اغدر بي كال خليهم كلهم يغدوني

بس أنتِ ابقي يمي اريد شخص مميزز يبقى وياي

اني مااا بقيت عمووو ما بقيييت .

ابتعدت الطم ؏ خدي وعمي ؏ البجي مالتي يبجي وياي

طبك ايدي واني واكعه بالكاع :- كلنا غدرنا والطعنه

قووية حيييل قوية يا بوية ومو بس انتِ خسرتي كلنا خسرنا الغيهب

وبعد ما اعتقد يسامح واحد بينا .

كمت من الكاع انتهيت رسميا انتهيييت

وكفت بالباب ورجعت ؏ عمي هو يباوع علية

وابوية جمد بمكانة ، لزمت ايد عمي وبتوسل

صحت ومن ڪُـل عقلي:- أخذني اله ابوووس ايدك عمو اخذني

لازم احجي ويا ضروري ابرر غلطي .

اخذ راسي باسني وصاح:- انسي ابد اني افكر شلون احميج

منه ، وانتِ تريدين اشمرج بيدي الغيهب ما يرحم حالج يابويه

شيلي الفكرة من راسج ولا تخطئين.

التفتت ؏ ابوية نبه علية ما يسمحلي

وطلع تلفونه اتصل ؏ هشام وراح

عمي راح واخذ روحيي ، منعني

من اخر أمل شلون يريدني ابقى

هيج اموت وحق الله اموت ما اتحمل

اني أظلم بشر وهل بشر مو عادي

هذا حبيب روُحـي ونفسي ونظر عيني

هذا حلم حياتي وابو طفلي .

ياربي شكددد غبية اني شكدددد

استحقررر نفسي والله استحقرها ؏ صار .

عفت الكل وصعدت فوك دكيت مره ومرتين ؏ امير

حجيت ويا توسلت بس يجي ياخذني

رد علية :- وداعت جهالي هاي افتر ادور علية بس الكي

اخذج بيدي اله بعددد .

تشكرت منه واني ما مقتنعة اروح يعني اروح

ما اكعد ولا يستقر البال اذا ما اشوف الغيهب اليوم .

دكيت ؏ هشام وساعة كاملة احجي واقنع تالي

بالشافعات اقنع يخابر ؏ سلام وكتله ؏ شقة

بس اني ما اعرف عنوانها مشكلتي ما احفظ

لا شوارع ولا مناطق شلون بيه بهل حال .

هو من شاف حالتي وأصراري دك علية

وتوسل بسلام بالمقابل رفض وحذر هشام

يوصلني للغيهب لان ما ناوي ؏ خير .

بس ما صرفلي الكلام بقيت ؏ أصراري وحلفت

هشام بـ أطفاله وبعمتي هنا هو أستسلم

وهمس بتردد :- حضري نفسج مسافة الطريق وأجي اخذج .

بدلت ركض ما بوعيي شخليت ؏ راسي

نزلت منتهيه بقيت حلقة أخيرة

أحس بنفسي براشدي واحد أودع

بس ما خفت بالعكس زدت وحاربت

هِـيِّ روح وحده لو اثنين

اذا ابقى هنا خطر علية وبأي وقت

تطلع روُحـي .

واذا رحت للغيهب نفس الخطر بس بروحتي ارحم

مواجهتي احسن من الانتظار .

شافني ابوية دفعني وعاط بيه

وحذرني اروح بس كعدت

أشرح ضيق صدري

وتعب روُحـي هو أدمر ؏ حالتي

عفته وطلعت بدون كلام

صعدت بسيارة هشام شافني

نمرد مرد انطاني مي وهمس:- اشربي مي شصاير بحالج دخيل

الله وعبادة.

زهراء:- آني احتضر ، والله داموت شلون سوينا هيج

بالغيهب شلووون والله أنتهى بسببنا.

هشام:- اني وأخوتي وكفنا ويا بأاخر لحظات

بس هم ما وكفت بعيونه وعافنه وهو بحالة صعبة

ومن يومها دورت وخابرت هواي ما لكيته

بس اليوم من حجيت السلام وتوسلت بي وشوفته رسائلج

وافق بس حلفني ما اكول هو انطاني العنوان

يعني اذا سألج كولي اني أتذكر ماشي .

هزيت راسي وكفنا مقابيل العمارة

مسحت دموعي وعدلت شالي ونزلت

اجر بروحي جر گلبـي بكل مره

يتذكر ينتفض ويصرخ من غبائي

وكفت بصف المصعد فتح هشام

الباب وهمس:- ما اصعد وياج هو طابق الرابع اخليكم

تتفاهمون وحدكم تلفونج بيدج ربع ساعة واتصل بيج

اذا ما تريدن افلش باب الشقة عليكم .

هزيت راسي وصعدت فوك الدوخة

انوب زيدها ضغط المصعد كمت كوه

اشوف كعدت مقابيل الباب للحظات بس اريد استعيد

نفسي والم شتاتها المبعثرة.

ضغطت ؏ راسي بـ اثنين اديناتي

وقفت واني ارجف جسمي صار سعفة

ويتحرك بصورة مخيفة ما ادري من الضعف

الصار عندي وتنازل صحتي لو من الخوف

من الراح يصير بيه بعد ما ينفتح هل باب .

عدلت ملابس وسحبت أردانات العباية

وضميت شعري زين بالشال

وكفت دكيت الباب عدت دكات متتالية

ويا ڪُـل دكه يموت حيل من حيلي

وافقد توازني أكثر وأكثر.

سمعت صوت قفل الباب ينفتح

أنسحب الباب ونسحبت روُحـي ويا

تقابلنا ونظراتنا تسولف الحجي المظموم

لوم بعيونه ، التأنيب بعيوني ، العتب سيد الموقف

صك ؏ أسنانه وهو يشوفني مقابيله

وجهه صار دم احمر من العصبيه وحواجبة معكودات

عيونه تجدح نار ، تقدم وكل ما يتقدم خطوه گلبـي دكاته تزيد

عن المعقول حتى تتضارب مع أنفاسي المتسارعه ووو ....

يتبع ...

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

هلو حبايبي هذا البارت 4240 كلمة ، البارت القادم ان شاء الله

يوم السبت او الاحد 😘

اساور تحبكم هواي 🙈🤍

لا تنسون التصويت يا بعد عيوني 🥺🫶🏻

رواية ظلمات الغيهب

بقلمي أساور حسين

الحلقة _22_

لاتتلاعبي بناري ستحرقكِ نيرانها اتيتي الي

هل ستتوقعين أنني ساعفِ عنكِ

هل تعتقدين سوف انسى خذلانكِ

واجهيني ولاتصمتِ فتزيدي ناري

اشتعلت بقلبي جمرة حُبكِ

ولكن انتقامي تمردَ على كُل شيء ف أعذريني .

..................

زهراء...

أرتعد گلبـي بسبب حالته ، اضطربات مشاعر الحب

هاجمتني لتتخالط مع غضب ذاك الغيهب

سواد عيونة التعبانه جمدت اطراف رجلي

مد راسه يريد يشوف منو وياي ، صدمتني حركته

عاف الباب وتوجهه للداخل من شافني وحدي

ارتعدت وأني اشوف هل كم من عدم الاكتراث

لا مبالاة ، وقلة اهتمام تخشى لها النفس .

دخلت بخطوات مترددة خائفة

سديت الباب وأيدي ترتعش

رهبة الموقف طغت ؏ ڪُـل

ذرة حيل تخليني اقاوم وأصمد أمامه

ستندت ؏ حايط منتظرة الغيهب

يهجم ينهيني بين أيده مثل ڪُـل مرة .

بس سكون ، هدوء ، صمت

جمود ، أنحناء ظهر ، اصوات

سحب نفس من جكارته توضح

لون الجمر يشبه جمرة قلبه .

يصاحبه سبات عن الحركة ، تصلب أوردت أيده

تعلن ؏ تجمهر مشاعر الغضب .

بلعت ريكي بقمة الصعوبة نطقت اصعب

كلمات نطقتها بـ هذا الوقت :- أيهاب رجع .

قبض أيده ، صك ؏ أسنانه

وهو ما زال يستمع :- حققوا ويا وأعترف ؏ حماية ابوية هو خطفه.

شهكت بوجع وهمست بخجل :- يعني أنتَ كلامك صح و.

قاطع كلامي وهو يرد بصوت واضح

لكن جدي يحمل ڪُـل انواع الخذلان:- ليش أجيتي ؟

حاولت امنع شهكاتي فشلت رديت واني

يصعب علية جر النفس بصورة اعتيادية:- أني أسفة اني خذلتك غيهب

هاي اني كدامك عاقبني ما أعترض ؏ أي تصرف يطلع منك .

غلق عينه وعافني وتوجهه للميز كعد  على تخم كدامه بثبات

صار غواش بعيوني اريد استوعب الصار كدامي

تقدمت اكثر وهمست:- شرب غيهب رجعت تشرب .

سحب كلاص وشربه دفعه وحده بدون ما ينطق

كلمة وحدة تشافي نار گلبـي

بقيت اباوعله ودموعي شلال ؏ خدي

لكن ماتحملت اشوف الغيهب بـ هل حالة

مظهره نهائيًا غير مرتب

شعره مبعثر ، تحت عيونه هالات سودة

مغلفة بسواد عيناه ، القميص مفتوح

والردان مرفوعة بخربطة.

توجهت الناحيته وكفت كدامه ردت بس يرفع

راسه يباوعلي ، او حتى يعاقبني بس

ڪُـل هذا ما صار ، جلست ؏ كاع كدام رجله

وايدي خليتها ؏ رجله هزيت راسي واني امنع صوت شهقاتي

من الخروج وسرعان ما بتلعب ريكي بصعوبة

وهمست :- غيهب احجي لا تبقه ساكت أنتَ تخوفني .

دحرج نظراته بتجاهي رمقني بنظرات

حاده بملامح جامدة ، سكوت مخيف

لا إراديًا نزلت دموعي ورجعت

همست بصوت يرجف من الخوف :- آني اعتذر ، لا تبقه

هيج اوكف اصرخ كسر ، حتى اذا يبرد نارك كوم اضربني

اني استاهل .

استند ؏ ظهر التخم وهمس:- نار گلبـي اذا تلوحچ تنهيج .

زهراء:- ڪُـل الصار بساعة غضب ، جذبتك بساعة

ضغط الكل ضغط علية والكل ما مصد....

قاطع كلامي وهو ينحني يسحب الشال

من ركبتي وهو مركز بعيوني يلف

الشال ؏ أيده:- هم كلهم ما يوصلون المرحلة تدميرج الكلبي .

صكت أسنانه وهو يكمل ضاغط

؏ أيده يعاند نفسه حتى ما يضربني:- ليش أجيتي ؟

زهراء:- اريد اشوفك اني غلطانة اجيت اعتذر منك سامحني .

هز راسه ونهض يفتر بأنحاء الصالة

وكفت اتبع خطواته ، دمر اعصابي بسبب هدوءا، لحظات وضميت

وجهي بأيدي وإني أشوفه يتوجهه

بتجاهي وصاح بعلو صوته :- جذابة انتِ وحدة جذابة وغدارة

أجيتي هنا وانتِ تدرين بيه ما اكدر اتحكم بـ أعصابي

تريدين اضربج هااا تريدين أذيج ،اخليج هنااا جثة

وابنج يموت حتى تعيشين دور الضحية ويكولون موتها وموت ابنها

هذا مخبل ، هذا مريض ، هذا مجرم .

انتِ هذا التريدي يا خاينه .

تقربت ضميت وجهه بين أيدي الترجف بصورة مرعبة

واني اهز براسي بسرعة وهمست :- اني مو خاينه اني زهراء الـ

تحبك روُحـي بأسمك غيهب .

غلق عيونه بقوة مال راسه ؏ أيدي متأذي

اقترب اكثر حرك أنفه ؏ ركبتي سحب نفس

بقوة وهو ينزل أيدي منه ضغط ؏ أصابيعي بقوة

وهمس:- اطلعي ما أريد أذيج واصير مثلج حقير .

زهراء:-ما أكدر اعوفك وانتِ بـ هل حالة .

وبصوت ذابل خدران رد :- حالتي بسببج انتِ سبب دماري

كسرتي گلبـي ، هدمتي حيلي ، عيونج زهراء عيونج ناويات

؏ موتي .

شهكت واني ارفع ايدي امسح دموعي

بطرف ردن العباية:- الله يهد حيلي يا حيلي ، الله يعمي عيني

ولا اشوفك بـ هل حالة ، الله يـ......

سد حلكي بيده بقوة راسي نركع بالحايط

أنيت بوجع بقه ضاغط علية وهو يحجي

بصوت خافت :- اششش اشش أكره التمثيل تعبت من تمثيلج

بس ، بس اني ارفعلج القبعة انتِ اعظم ممثلة شفتها من بعد موج

الكحـ ...... ، لا شنو اثنينكم نفس الشي هو انتو النسوان كلكم

نفس الشي انتو سبب دمار العالم

دفعني بقوة وصاح بعلو صوته:- النبي يوسف أنسجن وتعذب

وشاف الضييم بسبب إمرأة ، النبي سليمان حرك جيش كامل

من الجن بسبب أمرأة ، روميو أنتحر بسبب إمرأة

الحروب صارت بسبب إمرأة انتووو دماااااااااررر ..

زهراء:- لا تحجي هيج الله يخليك خلي نكعد ونحجي

ونتفاهم وآني مستعده الكلشي تريده .

اكو تخم يفصل بين الصالة وممر المطبخ

هو وكف وره التخم بس حتى يحافظ ؏ مسافة بعيدة

بيناتنا هناك شاهدت أنهيار الغيهب ، وضعف الغيهب

حرب عقله وقلبه كنت شاهدة ؏ ڪُـل الـ اضطرابات .

الغيهب:- ما اريد منج شي بس عوفيني وروحي

وجهج ما اريد اشوفه بعد ابدددد ابدددد

هل مره ما اسمحلكم أدمروني احاربكم بس

مو مثل ڪُـل مره .

فرك وجهه بكل قوته وكمل كلامه

بصورة متقطعة ما يكدر يحجي

صوته فحطان :- اني مليت منكم لازم أتخلص من طعناتكم

وعدت نفسي أتخلص واذا احجي كلمة أنفذها

والله لا ارجعكم المقاماتكم .

زهراء:- ابوس أيدك كافي راح توكع بس أكعد ون.....

رفع أصبعه ؏ شفايفه وعاط بهيجان:- اششششش ولا صوت

مو أجيتي تسمعين ومو تريدين تشوفيني وتعرفين شنو قراري

هذا قراري اسمعي لج سكط فتحي أذاناتج وياي كلامي

احجي مره وحدة ما أعيدددد .

غلقت عيوني بكل قوتي الدوخة سطرتني سطر

بعد ما اركز عدل وهو بكلامه دمرني أكثر

ويا ڪُـل كلمة وقرار ينطق بي روُحـي تطلع .

هو يحجي وما وكف يمشي كدام ويرجع

نفس الخطوات وكل شوية يرفع أيده

يضغط ؏ رأسه:- هل مره غير عن ڪُـل مره

ما أهدد ، ما أصيرعصبي ، ما اضرب

هل مره فراك ابتعدددددد وما ارجع بعد

انتو ما رحمتو بحالي وما بيكم واحد بي خير الي

يمد أيده وطلعني من القاع غرقتوني

بظلماتي اكثر من قبل .

زهراء:- أني أسفة غيهب سامحني .

الغيهب:- كلت ولا صووت ما أريد اسمع صوتج

اليوم بس أني احجي كلكم عليكم أكسسس

وأنتي أول الناس زهراء ، تدرين شنو عقابج

أرجعج لا شيء مثل قبل وما اكتفي بيها قررت

وما اتراجع  بعد ما تولدين فورا ننفصل فووورا

ما اريد وحده مثلج زوجتي وشريكة حياتي لان الزواج

مشاركة بكلشي حتى لو زوجج ؏ غلط المفروض انتِ لو شريفه

ما تعووفي المفرررررروض شنوووو يا ساقـ...... ما تعوووفيييي .

علت صوت شهكاتي وأصبحت صرخات

ولا أهتم كمل كلامة ودمرني :- ست ايام بعد الموعد طيارتي

راح اسافر واعوفلكم العراق الكم هنا ضيعت نفسي ودمرتها

لا أهل بيهم خير لا حبيبة ولا زوجة ولا أخ ليش أعيش هنا

وأنتو تحملوني ذنب مو ذنبييي المصيبة مو ذنبي .

لج اني اهدد ما انفذ ،ارعب بس اساعد

گلبـي انظف من كلوبكم الوصخه

أذيت منو اني هااااا هددت هواي بس

أذيييت منو جلال ههه جلال الله سبحانة

ضربه مثل ما خان أخو خانته بيتهم وعلى فراشه

وشافهاا بعيونه منووو انتقملي مناااا ربيييييييي

وهي ادمرت هل حيوانة انتهت لان دمرتنييي

وابن عمج العار هددت بس تنازلت عن ڪُـل

انتقامي الخاطر بس تبقين وياي ردت تسندين

گلبـي بس أنتِ شسووويتييي يا بووووية شسويتي

بية اهلي طعنوني بضهري بس أنتي طعنتج بنص گلبـي

انساها الج لا وحق الله ما أنسى .

زهراء:- لا تروح وأبنه غيهب .

تشنج فكه بضحكة جانبية وهمس:- مصلحة حياتكم كلها مصالح

بس لا تشيلين هم اني رتبت كلشي ، تبقين ؏ ذمتي

لان حامل ما اكدر اطلكج بس ترجعين بيت

اهلج تريدين تعيشين بيت أمج هل قرار راجعلج

وبس تولدين اني ارجع أسجل الطفل بأسمي ونفقة شهرية

تمشي الج واله ما اخليكم تحتاجون أحد اطمئني

هنا نكدر نطلك مستحيل أخليج ؏ ذمتي يوم واحد

بعد هل يوم ما اريدج روُحـي قرفانه منج .

زهراء:- عمو ما يسمحلك تخطي هل خطوة وتروح .

الغيهب:- قصدج أبوية ههه اني متبري منه ابوية مات

اخوتي ماتو زوجتي بايعهااااا زييين لو مو زين اطلعووو

من حياتيي اريد اعيش لهنا وحدكم دمرتوني اكثر من ما دمرتكم .

زهراء:- ما تعوفني .

الغيهب:- اششش اشششش منو وصلج هنااا .

زهراء:- ما اروووح مااارروح .

الغيهب:- منووو لججج .

زهراء:- كلت ما ارووح ليش ما تفهم ما ارووح لازم نحجي .

دفر التخم مقابيله صدر منه صوت عالي

وصاحبه صرخت الغيهب:- كلت صخااااام منووو وصللللج .

زهراء:- هشام جابني .

بقه يفتر بأنحاء المكان ويشمر بالغراض يدور ؏ تلفون

بصورة هستيريا من شافه اخذه وتصل علية

كعد بالكاع مد رجله وهمس بصوت واضح :- تعال أخذها .

سد التلفون ونشمر التلفون ،  صدرة يعلو ويهبط بتعب

أنفاس تتصاعد بجنون دورت ؏ بطل مي

شفت بطل ؏ ميز اخذته ورحت بتجاهه

تجاهلت خوفي ورجفت أيدي كعدت ذبيت

بيدي وغسلت وجهه أخذه مني وهو ثلج

شمره ؏ وجهه ومن خلص ركعني بي

ذبيته بعيد ومديت أيدي رجعت شعره

للخلف نزلت نزعت قميصه وهمست :- انت مو متحب احد يشوفك

ضعيف شلون راح يوصل هشام ويشوفك بـ هل حالة غيهب كوم وياي

رد بـ إرهاق كوه يجر الكلمة :- شيلي ايدج لا تلزميني .

زهراء:- ما الزمك ولا اضوجك اروح بس كوم وياي

ما اكدر اسحبك انت ثكيل واني تعبانه فدوة كوم لا تعبتي أكثر.

سحبني من مقدمة العباية شمرني ؏  صدره

وهو تحت تأثير الشرب حركاته مو شخص واعي

؏ تصرفاته متناقض الى حد كبير :- أشتاقيت الطعم شفايفج .

مديت ايدي عدلت حاجبه وهمست :- مو كدامك اخذهن .

باوعلي بنظرات سوده ورد مُناقض نفسه:- لا يولن باقي عليهن اني .

زهراء:- لو تفتر الدنيا بكبرها مرجوعك الزهراء

وما تلكي احد يحبك مثلي افتهمت .

الغيهب:- كلها تحبني انتِ بس ولي .

زهراء:- اولي بس كوم وياي للحمام .

الغيهب:- بس اصحصح افلش معالم وجهج خلي جسمي خدران

صار خمس ايام ما نايم بسببج .

زهراء :- يولي الشرب بس فوت صحصح

اخذك بحضني ألاعب خصلات شعرك

ورموشك وأهمس بذنك مثل ڪُـل مره .

بلع ريكه وتقرب سحبني من خصري

وهمس:- بـ شنو تهمسين ؟

أقتربت ؏ أذنه وهمست :- أحبك ، أحبك ، أحبك ، أحبك ، أحبك ،

أحبك ، أحبك ، أحبك ، أحبك، أحبك ، أحبك ، أحبك .

الغيهب:- تريد تموتني بنت رحيم .

زهراء:- اسم الله عليك كوم حباب الله يخليك .

سند جسمه بالكاع لزمت ايده

كام وياي دخل للحمام عادل

المي صار دافي ذب ملابسه

طلعت اني حضرت الملابس والمنشفة

عاط هو ركضت خليتها بيده نشف

وطلع للغرفة شاف الملابس رفعهن

وصاح ما البس ذوقج الطايح حظ مثلج

فتح الكنتور سحب فالينه سوده وبنطرون

اسود شلون رهمها ما اعرف بقيت

ساكته هو عدل شعره ورش عطر

اندك الباب لا مو اندك تفلش

خليت ايدي ؏ قلبي بس لا يصير شي

اكثر من الصار .

باوعلي بعدم رضا وتوجهه للباب

فتح وندفع دخل عمي وعاط بعلو صوته :- ولك جلب مو اخابر

ليش ما ترد .

رد برود :- ما عاجبني .

ابو الغيهب:- شنو الما عاجبك .

الغيهب:- انتَ ما عاجبني كلكم ما عاجبيني .

ابو الغيهب:- ولك تحترم لو العب الطلق براسك .

الغيهب:- صير كدها وسويها وخلصنا .

ابو الغيهب:- عار ماتموت كلنا نموت بس العار يبقى.

فاتت عمتي وعاطت بعمي:- عوفه كاافي حجي راح تضيع

الولد ما ادري بيك هيج وحق الله ليش هيج ويا .

ابو الغيهب:- اريد يصحصح ؏ زمانه كافي لعب زعاطيط كافي .

الغيهب:- ههه ما انصحك تخليني أصحى على زماني .

ابو الغيهب:- ايباه .

تركهم وكعد ؏ كرسي عمتي دموعها عشرة عشرة

تباوع علية وترجف شكل الغيهب تعبان بالمعنى الحرفي

تعبان .

ابو الغيهب:- افتحو الشبابيج ولك مو بطلت ليش رجعت تشرب .

الغيهب:- من الخير والراحة النفسية.

تقدم عمي رفعه من ملابسه

وعاط بي :- من يحجي وياك ابوك توكف عدل وتسولف

مثل الزلم لا اخليك هنا وادوس راسك مو تالي ُ ؏ــمري

وشيباتي اوكف كدام ابني سكران يطوطح بطوله وبكلامه.

ركز الغيهب عيون ابو شوية و عمي قلص عيونه

وسرعان ما وسعهن وهمس بـ تسأل:- ولك اشوف اعصابك تآلفه

بس لا البالي صحيح ولك بس .

صك الغيهب ؏ اسنانه ودحرج عينه بعيد

عن نظرات عمي أبتعد عمي وصاح :-  هشام امير تعالوووو .

هشام:- ها يابا .

ابو الغيهب:- فتش الشقة بسرعة .

هم كالو هيج لو الغيهب تهستر عافهم وقبل لا يخطون خطوه

وحده توجهه بسرعة للغرفة آني وأكفه بالباب دفعني

ودخل التفتت اباوع شريط حبوب بسرعة أنظم بالجيب

عمي فات وهشام لزمه عمي وهزه هزز وهو يصرخ

محروك كلبه :- انطيني الحبوووب جيبهن .

الغيهب:- روح وعوفني لا تدخلون بيه تره مليت .

ضربه عمي ؏ صدره وعاط:- ولك يا مليت هاي أدمر حياتك .

الغيهب:- شبقه بحياتي يا دمار تحجي علية ليش انتَ تشوف شي

زين بحياتي اني بقاع ظلماتي ومرتاح هنا لان بعد ما أوكع

وصلت الاخر خيبات ومصايب حياتي .

شهك عمي مثل الطفل ودموعه الغالية نزلت

وكف كدام الغيهب ويصرخ بخوف هائل

ابو الغيهب:- كبرتك وصلتك ولك انكسر ظهري عليك

وخليتك محامي الك اسمك وكلها تحلف براسك

تالي ما تالي تريد تنهي حياتك بـ هل بساطة ليشششش

ولك ليششش وعلمود شنو منو يستاهل حاجيني منو يستاهل .

الغيهب:- عوفني محلفك بالله تعوفني حاولت وفشلت

مو كلت بس تزوج تنسى كلشي تزوجت اثنين ولعنتهن حركت

كلبهن حوبتهن ما تخليني اتوفق ، ختمتها بزهراء اريد اطلكها كلكم وكفتو

بوجهي الى ان صار بيناتنا طفل ، شنو مصيره ما اعرف

راح يتبهذل والله يتبهذل ، وهم انتَ كلت بس عوفه تتعلق بي

وتخلي بين أيدك تنسى الدنيا ومابيها ، وبقيتها وياي هاي كدامك

خذلتني تعلقت بيها وعافتني .

ابو الغيهب:- ما عافتك هاي خاطرة بحياتها وصارت

وجتي يمك لا تاكل ولا تشرب وكل شوية منهارة حالها مو احسن

من حالك الفرق بينكم ايمانها قوي بالله ، انتَ ايمانك ضعيف .

الغيهب:- أكتفي مصايب لهنا وكـــــافـــي .

ابو الغيهب:- مو بكيفك انطيني الحبوب ولا تصير ضعيف

كم وحده تاخذ باليوم .

الغيهب:- وحده.

ابو الغيهب:- جذاب جيبها صار كم يوم ما نايم .

الغيهب:- خمس ايام .

هشام:- كم وحده ماخذ باليوم .

جر حسرة وهمس:- تلاثه.

رد عمي بدهشة:- تلاثه وما نايم .

ما شوف غير الغيهب افتر وجهه

براشدي من عمي هو ضغط ؏

ايده وسكتت ما كدر يحجي بوجهه

أحتراما اله .

التفتت عمي ؏ عمتي الـ واكفه بس تباوع بعيونها

وتحرك بروحها بدون ما تنطق حرف :- وتريدين اعوفه

هااا احجي خرسيتي يشرب تلاثه باليوم اذا مو اكثر

اسبوع زمان يوكف كلبه ،  يوووكف كلبك يا حيــوان

والله حيوان لان ما تفهم هم لو احجي ويا جلب بالشارع يستوعب

اكثر منك ولك لعنة حياتي دمرتنييييييي .

أمده الزلم الـ يوصلون المراحل غبائك بسبب  شنو

نسوان خززي ولك خززي اني أدمر نفسي ومستقبلي

شهادتي والله مطعون امداك يا اثول  .

الغيهب:- امداني وطيح الله حضي وشتريد تحجي عادي ما بهمني

اني مرتاح هيج عوفوني .

طول الوقت انتظرت افتهم موضوع الحبوب

وكل تفكيري هل حبوب مخدرات

وكفت احسب الثواني حتى الغيهب يسولف عن السفر

وخفت اني احجي لا هم ياخذ موقف ويشيل بكلبه علية اكثر

سديت حلكي وسكتت شسوي بعد ما باليد حيلة.

ادافع عمي ويا الغيهب حاول ياخذ الحبوب

ما كدر تالي هشام أستوقفهم :- يابا هذا وكتهن خلي ياخذ

بس بالمعقول وحده باليوم وهو أصلًا شارب تلاثه وما نام

ابو الغيهب:- ليش ما يستفاد منهن لان شارب كميات بعد

ما تفيد ويا طيح الله صبغك .

أمير:- كلنا نحجي المصلحتك ولا تضن ما نخاف عليك انتَ

عزيز وتدري شكد نحبك بس تصرفاتك غلط .

الغيهب:- عمي اني غلط بس عوفوني بحالي اطلعوا وخلصوني

اريد ابقى وحدي ما اريد اسمع جذب ولا اوكع بفخ كلامكم .

ابو الغيهب:- شوكت ناوي تعقل وترجع .

الغيهب:- لا أعقل ولا ارجع قررت اسافر .

ام الغيهب:- لا شوف كلشي اتحمل واسكت

بس ولدي يبتعدون عني اموت ما اتحمل فراك واحد

بيكم اني جلال غلط كلكم تبريتو منه بس اني ما تركت ابني

وانتَ اذا تروح اموت وراك .

ابو الغيهب:- وين تسافر منو خلاها براسك اهلك وزوجتك وابنك شلون .

الغيهب:- انتو اذا ابقه وياكم اتعبكم اني ما اريد واحد بيكم

ما انسى شلون قنعتني وخليتني افوت للبيت ودخلوا علية بـ أسلحتهم

وكفتك كدامي واخوتي شلون يباوعون عبالك مو اخوهم يرمون

جوه رجله .

ابو الغيهب:- ڪُـل ضني ايهاب عندك اعرفك ما تنسى

بس جنت متأكد ما يأذوك ولك شلون اخليهم يأذون ابني

ولك انتَ الغالي اموتهم بس يطخون شعره من راسك .

الغيهب:- ما يفيد كلامك بعد خلص قررت .

رفع أيده أشر علية وهمس :- حجيت وياها تروح تعيش عند ابوها

واذا تريد تروح البيت امها مشكلتها

اني ما اكدر اطلكها لان حامل بس تولد ارجع اسجل

الطفل بـ أسمي واخصص نفقة شهريا الها واله

ونطلك بعد ما اريدها بحياتي .

ابو الغيهب:- اي خوش طلكها هم بنت العالم تعبت وملت

من شخصيتك متعب بكل حالاتك وما شافت الخير وياك

حصلت الدموع ذل ، واهانة ، وتكفخ ، رادتك تعدل ما نعدلت

طلكها  بس يصير عمر ابنها سنة تزوج ولد عمها يريدوها

تريد غريب بعد بكيفها البنية صغيرة وحلوة الف من يتمناها .

عض شفايفه السفلية وضل يهز رجله بتوتر

وقهر ، دار وجهه وبعد ما حجه وعمي

طلع من الغرفة صاح :- كافي تذب الوم بالعالم

صحح نفسك لانها سبب دمارك لا تبقه عايش

بدور الضحية .

ارجع الأيام جلال وموج وفكر منو الغلطان جلال

لو موج لو انتَ ، حل لغز نفسك وبعدين احجي 

اعتقد اذا تفكر تفتهم كلامي لان واضح وياك  !!

يلااا امشو مو يريد يبقى وحده ظل

وسافر وأنكر تعب ابوك وامك وياك

وانسى اخوتك وزوجتك ما نريد شي منك بعد .

لبس عمو الحذاء ويريد ينزل

طلعت وره ولزمت ايده :- ابوس ايدك لا تروح لا تعوفوا بـهل

حالة يدمر ميصير الكل يتخلى عنه غلط هو بـ أمس حاجتكم

شلون ينطيك كلبك تعوف ابنك بـ هل حال وهاي انتَ ابو قلب ابيض .

آبو الغيهب:- ابني واعرفه ياخذ فترة ويرجع يوكف

؏ رجله بس أسوء من قبل ، تعاي ويانا كم يوم ويرجع

لا تبقين ويا ويطلع القهر كلة بيج  لا يروح يأذيج شيخلصني

طلعت روحي من مصايبكم ما بيه اتحمل مصايب جديدة .

ضحكت بوجع وهمست بحزن :- وتريد هم أرجع

اتخلى عنه وهو بحاجتي خلي يطلع الكتم الـ بداخله

احسن ما يبقيهن بكلبه ويصير اسوء مثل ما تكول .

ابو الغيهب:- يعني .

زهراء:- يعني اني باقية ويا ومستعده الكل حالات غضبه

ايدي بيدة ما اتركة نهائيًا ما اكرر غلطتي مرتين .

ابو الغيهب:- بالاخير ما تستفادين غير التعب واحتمال ينهي

؏ حياتج لان ابني ..... سكت ومسح ؏ وجهه  وهو يستغفر ونزل  .

عليت صوتي وصحت:- ما اريد منكم غير بس من احتاجكم تتواجدون .

ابو الغيهب:- يمج بـ أتصال واحد كلنا نجي .

جريت نفس ودخلت طلعت عمتي لزمتني من ايدي

وهمست :- راح تبقين ؟

هزيت راسي وهمست:- اي طبعا .

من حزن وحركت كلبها لزمت

راسي وتبوس بيه :- ابوس ايدج لا تعوفي .

زهراء:- استغفر الله عمة لا تحجي هيج انتِ بمثابة امي

واني هذا واجبي ما اعوف زوجي وهو محتاجلي .

ام الغيهب:- شوفي اسمعيني زين اخذي ابالج شتكولين

اله يكلج لا هل لا ما يتركها ، انتِ سوي كلشي تريدي

وقنعي بي بس ابد لا تعلين صوتج افتهمي منا ضغطي ؏ نفسج

هل كم يوم  الله يهدي ويرجع عقله براسه .

زهراء:- احاول ويا شكد ما اكدر ونشوف شنو تاليها .

ام الغيهب:- انتِ هم تعبانه فوتي اسبحي واكلي لكمة

ونامي ساعة اذا تكدرين ويعوفج بحالج ، حتى تصيرين زينة

وتشوفين دربج .

باستني ونزلت فتت جوه هشام وامير بعدهم

يحجون ويا وهو ما اعرف شنو يحجي

بس ما دخلت عليهم خجلت منهم

الى ان دك عمي عليهم شفت هشام

اقترب من الغيهب باس رأسه واخذه الحضنه

امير طلع وبسرعة هشام ابتعد وطلع ويا .

رحت سديت الباب هشام بعده

يلبس حذاء:- أي شي يصير خابريني واذا تحتاجون شي هم خابري

بسرعة اجي مو تستحين وهاي السوالف .

زهراء:- ما تقصر .

سديت الباب وفتت بخطوات هادئة

جنت احسب احساب الكل خطوة اخطيها

توجهت للغرفة هو شافني لو تخبل

كام من مكانه وتوجهه بتجاهي  فر وجهي براشدي

أذني صار بيها صوت قوي ضرب دمار

؏ راسي  ترجعت للخلف احمي نفسي ، وما أكتفى رفعت ايدي ؏

راسي ضربني ؏ ضهري وعاط:- ليشششش بقيتي تريدي تشمتين بيه

اطلعييييييي بره اطلعيييييييي  .

ما حسيت نفسي غير صرت بزاوية

الغرفة همست بصوت خافت قدر المستطاع :- ما اريد اعوفك .

تقدم يريد يضربني نزلت بالكاع وكورة نفسي

قبض أيده وعافني وتوجهه للثلاجة اخذ بطل

شراب كحولي مكتوب علية (فودكا) فتحه

وشرب نص البطل عبالك مي مو شرب

بقيت جامدة بمكاني لا اكدر انطي ولا اخذ .

وكفت وجع صار بطني ما ادري من الضرب

من القهر خبطة علية ، اريد اطلع من الغرفة

اغسل وجهي ما حسيت غير سحبني من شعري

وركعني  بالحايط صحت بصوت متأذي:- كافي غيهب بطني تأذيني .

الغيهب:- كافي شنو كافي ما اعرف شنو معناهااا

مثل ما انتو ماتعرفون معناااهاااا .

زهراء:- شتريد بس فهمني شتريد .

الغيهب:- ما اريد اشوفج اطلعي ولييي رجعي الـ ابوج .

زهراء:- اني ما عندي احد غيرك ، وين ما اروح يأذوني

أخاف وأضعف واتمناك وياي توكف بوجه ڪُـل شخص يأذيني

بس انتَ ماكو ، ومن اجي يمك هم تأذيني وين اروح .

تقصدت احجي ويا بـ هل طريقة حسيت رخت أيده من شعري

وتراجع للخلف يسويلي مكان اطلع :- وفعلا بسرعة طلعت

توازني أختل وبصعوبة بقيت وأكفه ؏ طولي .

دخلت للحمام ذبيت ملابسي ودخلت جوه المي البارد

لحظات وطلعت نشفت شعري بالحمام وبدلت

طلعت هو بعده بالغرفة لازم راسه

دخلت للمطبخ صاير وصخ بشكل كارثي

ذبيت كلشي المواعين المستخدمها والكلاصات

كلها بعلاكة وحدة جلفت سطح الكاونتر ومسحته

بوصلة وبخاخ ديتول ، صار عطر المكان طيب ومقبول

طلعت ؏ صالة ما اكدر ارتب كلشي وهو عيونه علية

احس بـ اي لحظة يهجم علية يفلشني تفلش .

رجعت بالمطبخ لكيت الثلاجة فارغة

دخت بي بالله هذا هل ايام كلها هم ماكل حتى

ماكو شي يدل ؏ ان هو اكل لو لا .

رحت للغرفة عبالك متعارك بيها

كلها مخربطة وهو كاعد ما مهتم

بالفوضى ، اباوع ؏ ايده ترجف

مثل السعف اعصابه تآلفه .

سحبت التلفون بدون ما اسبب ازعاج

ورجعت للمطبخ خابرت ؏ هشام بسرعة

جاوبني وهو مفزوع :- هااا زهراء ضربج شبيج .

زهراء:- لا ماكو شي لا تخاف بس عندي طلب .

هشام:- احجي لا تشلعين گلبـي .

زهراء:-تكدر تسوك النا البيت ما بي شي واضح الغيهب

كلشي مماكل الايام الفاتت .

هشام:- صار من عيوني هسة انزل اهلي للبيت

ويجي أحلى مسواك.

زهراء:- واذا سمحت يعني انطيني عمتي .

بسرعة عمه ردت:- ها يمه زهوره.

زهراء:- فدوة دزي ملابسي وملابس الغيهب بيد هشام .

ام الغيهب:- من عيوني صار .

اريد ارد عليها وما اشوف الغيهب غير فوك

راسي صفكني راشدي فر راسي

صرخت لا اراديا من الخوف والوجع

صدمني فات بلا صوت وعاط:- لج ويا منو تحجين .

فتح الصوت وعاط:- منوووووو .

شاف الاسم هشام ، واجه صوت عمتي تعيط بي :- ولك غيهب

لا تضربها عوف البنية لا تخبلنيييي .

سد التلفون وركعة بالكاع روُحـي صارت بتلفوني

حتركت حرك علية سحبني من ايدي وصاح:- ممنوع تتختلين

وتخابرين تريدين تحجين ويا احد كدام عيوني لا والله اعيد بيج

الصار قبل بس مع التحديثات .

زهراء:- اذا هل شي يبرد كلبك سويها وموتني ما اكول لا .

رجني رج بيده وصاح وهو يضغط على ايدي:- لج لا تستفزيني.

خليت ايدي الثانية ؏ شفايفي وهمست :- ما عاش الـ يستفزك .

الغيهب:- لا تحجين .

زهراء:- سكتت صار .

ضغطت بقوة ؏ شفايفي ركز بيه وهمس:- اكرهج .

تبادلت النظرات ويا بس ما حجيت

دفعني ؏ كاونتر وسحب ايدي من شفايفي

وصدمني وهو يبدل موقفه ويهمس بخدر :- لا تغطيهن اريد اشوفهن .

اريد اصيح واصرخ شبييييك خوفتني بس

حاولت اسيطر ؏ صدمتي كدامة وما أخلي

يحس بيه :- كدامك .

الغيهب:- اشششش ولا صوت .

نزل الركبتي سحب نفس طووويل

صكيت بمكاني خايفة وحذره من اي

رد فعل مفاجأة.

ما حس غير صار ؏ جتفي طبع بوسة

وهل بوسة تحولت عض شاغت روُحـي

ضليت ارافس بيده واصرخ بس اريد يعوفني

دفعني بعد لحظات وطلع من المطبخ

كعدت بالكاع من الوجع أختفت دموعي

بقيت افرك بـ المكان  ، سحبت التلفون

الشاشة مفطورة من الطول للطول .

هسة من احرك روُحـي واخلص هم احد يكلي

ليششش تعب بتعب خلصت العمر وما اعتقد

يجي يوم وارتاح بـ هل دنيا الظالمة.

ساعة مرت اندك الباب راح هو

دخل امير وهشام محملين علاليك

هو ما تحرك ثبت بمكانه مصدوم

الغيهب:- منو كال فاتحين مشروع جديد .

هشام:- هذا اكل الكم ، وملابسكم .

الغيهب:- ملابسنه ليش .

هشام:- ما تبدلون هذني الكم زهراء وصتني عليهن .

طلع امير وهشام هو رجع علية:- ؏ يا اساس تطلبين .

زهراء:-البيت فارغ اريد اطبخلك .

الغيهب:- منو طلب منج منوووووو ، منو كال اريد ازوهر .

زهراء:- اني وياك عايشة هم اريد اكل نسيت اني حامل .

الغيهب:- انعل ابوج لابو ابنج زين  .

اتجاهلت كلامة ورحت ذبيت المسواك بالسنك

بعد ما جلفت كلشي غسلتهن وعدلتهم بالثلاجة

هو عافني وراح من شافني ما اتجاوب ويا

سلكت لحم سويت سوب اصفر وتمن

والريحة صارت ما تنوصف حتى اشتاقيت للطبخ

اخ يا ايام امي الحلوة لو ادفع ُ ؏ــمري كلة وتعود

ايامي وياج حتى لو بس ارجع يوم واحد اخ يا يمه

شكد محتاجتج ، رحتي وعفتي غصه بكلبي .

طلعت من المطبخ هو داخل للغرفة وساد الباب

استغليت الوضع وغسلت الصالة كلها

حتى الميز انجلف والكاع

سحبت التخم اريد انظف من وره

واشوف كلادة نسائية  بيها قالب ازرك مكتوب علية

(ليلو)، (ليلى) ومواليد (1988) وشعر لون احمر زنجاري

نعصر گلبـي سحبت التخم الثاني نفس الشي ركزت

بالكاع كلها شعر بس اماكن متفرقة.

كعدت ؏ تخم الشعر بيدي

والكلاده بـ ايدي الثانية

رفعت راسي وهمست والنار

تلهب بنص صدري :- لا ياربي كلشي ولا رجع للنسوان

وللسوالف التعبانه ، حتى الشرب أكدر اخلي ينمنع عنه

بس الخيانة جروحها ما تلتئم وتبقى جروحها تنزف .

هو من سمع صوت هوسة استقر بالغرفة

ما طلع بس من أختفى صوت الطكطكه

فتح الباب صرت مقابيله شاف وجهي

ونزلت بنظراته الـ أيدي اقترب اكثر

الغيهب:- شدسوين شـ صخمين ولج ، شنو هاي بيدج  رفعيهاااا .

وكفت وبعيوني حركه ، حسرة ، ألم الكون كلة

رفعت كلشي كدام وجهه وهمست

واني لازمة گلبـي بيدي واحس

بي يدك بـ بلعومي  :- انتَ كول شنو هذا .

الغيهب:- ششوفين يا غبية .

زهراء:- يعني .

الغيهب:- كلادة وكعت بالغلط وشعر بنية .

عليت صوتي وصرخت :- وووويعنيييييييييي .

صفكني راشدي وكعت وكلشي وكع من ايدي

نزل سحبني من شعري وعاط :- صووووتج لا تعلي كدامي حـيوانه .

مديت ايدي اريد ينزل أيده من راسي سحبني وكفني عطت

متأذية شعري تكطع بيده :- شيل ايدك وكول شنوو هذا .

الغيهب:- واكول شنو خايف منج لو احسب حساب فراكج

خاف تكطعين علية المي والنفس ، هذا شعر بنية والكلادة

بيهااا اسمها وعمرها واذا تريدين عنوانها ما عندي أعتراض  .

يتبع....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

هلو حبايبي شلونهم الحلوين يلااا نولع البارت 🤭🔥

حسابي الـ انستا اليوم بـ 1 انزل تغشوشة صغيرة 🙈🫶🏻

رواية ظلمات الغيهب

بقلمي أساور حسين

الحلقة _23_

كُلّ مااريد هُو احضانك دَفُؤ يَدَك تعاقني تقبلني بِشَغَف وَأَمَانٌ وَلَكِنْ كُلُّ هَذَا لَمْ يُحْدِثْ حَتَّى فِي الْأَحْلَام كُلّ ماارى فِيك هُو الْخِيَانَة هُو خِذْلَانِي انكساري اهااا . . . . . . . . . كَم تمنيتُ لَوْ لَمْ أُحِبُّك بِهَذَا الْحَبُّ الَّذِي وَصَلَ إلَى مَرْحَلَةٍ الْهُيَام لِمَاذَا يَا حَبِيبِي لِمَاذَا لاتستطيع الْوُقُوفِ عَلَى قَدَمَيْك مِنْ جَدِيدٍ أَرْجُوك قِفْ عَلَى قَدَمَيْك وَأَنْسَى الْمَاضِي لنعيش حَياة طَبيعِيَّة كُلّ بَاقِي

تبارك 0.tabb

..........................

زهراء...

الغيهب:- واكول شنو خايف منج لو احسب حساب فراكج

خاف تكطعين علية المي والنفس ، هذا شعر بنية والكلادة

بيهااا اسمها وعمرها واذا تريدين عنوانها ما عندي أعتراض  .

اريد اتحرك ما اكدر ، حتى عيوني وصلت المرحلة

ما اكدر ارمش بيها ، تجمعت الدموع صرت اشوف مغوش

همست من بين شهقاتي :- انتَ وقح ، وقاحتك تفوق المعقول .

الغيهب:- هاي اني هيج وبعمري ما اتغير .

زهراء:- واثق من كلامك .

ضربني بـ اطراف اصابيعه ؏ راسي ورد

بصوت خشن:- شنو العب وياج .

تركته ومشيت للمطبخ اخذت

عباتي واني البس بيها احجي

بس گلبـي شب نار :- هم زين أعترفت بالسانك سكتت

وتغاضيت ؏ كلشي ضرب ، اهانة ، سحلت كرامتي الخاطرك

بس للخيانه ونوكف وكل واحد يشوف طريقه

خوف، كتمان ، وسكوت مليت منك

شسوي ما يوكف بعينك وللعلم اني ما غلطت

بس سبب الضغط رحت .

الغيهب:- المفروض تخجلين وانتِ تكوليها .

زهراء :- ليش خليتك بحمام وقفلت الباب عليك

وياك حيوانات  ، لو خنتك مثل ما تخوني .

الغيهب:- اششش اششش بلا صوت .

خليت شالي وصحت بصوت:- لا اكوو صوت وغصب عنك تفتهم .

الغيهب:- غصب عن منو زهراء.

تراجعت للخلف بس من شفته بعده واكف

مشيت للباب اريد اطلع بعد دقيقة وحده ما أبقى

؏ شنو متعبه نفسي ونهد حيلي وهو ما طايقني

ويذب الوم بيه وهو خاين .

فتحت قفل الباب اريد اطلع

وما احس غير انسحبت من ايدي

انضربت بصدره أنيت بصوت متأذية

وما حسيت غير نشمرت ؏ حايط وهو

لزك بيه ادفع اصرخ ولا مهتم

قفل الباب والمفاتيح ضمها بجيب البنطرون

وهمس بصوت وأضح:- دنيا ليل باجر روُحـي يلاا .

زهراء:- بعد وكت دنيا عصر افتحلي الباب بس عندك العصر ليل

افتح يلاا افتح كلت اريدد اروح بعد ما ابقى يمك مليت لهنا وخلصنا .

الغيهب:- مو انتِ تقررين خلصنا لو بعدنا .

زهراء:- شيل ايدك مني أبتعد ما اريد أكثر كلام

وياك واتعب نفسي بلافائده.

الغيهب:- لا طولين السانج واحجي عدل لا تنترين

بوجهي لا اخبزج .

زهراء:- لا تخبزني ولا اخبزك ا.......

قاطع كلامي وهو يرفع راسي بيده

وهو يحجي موسع عيونه بتحذير:- وتريدين تخبزيني ، وابقيج عايشة .

زهراء:- شـ يخبزك انتَ الخاطر الله .

سحبني من أيدي وشمرني بنص الصالة

وهو يضغط ؏ ڪُـل كلمة ينطقها :-فوتي جوه بلا كلام والصبح تولين

روُحـي الـ ابوج ، تريدين تهجين بالشوارع مايهمني .

سرت رعشة قهر بجسمي

انتفضت واني امسح ادموع عيني

بكل قوة :- كلت ما اريد أبقى لحظة وحدة وياك .

الغيهب :- امشي انخمدي بالمطبخ والنفس ما اريده اسمعه

منج ، لااااا انومج نومه أبدية بالحمام .

وهو مستمر يحجي نظرات عيوني

بيها كم من الخذلان والقهر وكفت

انظر بوجهه وروحي نمردت، بعد

ما مكمل كلامة دخلت للمطبخ وسديت

الباب ، لحظات وسمعت صوت

باب الغرفة ، كعدت بالكاع سحبت

تلفوني كوه اشوف دكيت ؏ رقم

عمتي اريد احجي راح انفجر

وهي صارت بـ مكان امي

اجذب ؏ نفسي بس اريد احد يوكف

يميي ويحجي وياي ويصبرني ؏

مصيبتي .

هِـيِّ مثل الـ منتظرتني بسرعة ردت

شهكت وهمست بصوت شبه مسموع :- تعالو اخذوني حبابه .

ام الغيهب:- اسم الله عليج يمه زهوره ضربج ؟

زهراء:-هو بس ضربني بس اهانة بس ذل شنو

اني دوشك رزايل ما عندي اهل حتى هو هيج يسوي بيه

فوكاها بعين صلفة يكلي خاينج ، عمة لو تشوفين

البيت عبارة عن شعرها وكلادة نسائية بـ اسمها

ويعترف لا مهتم ولا صخام بوجهي يكولها

حتى يكول اذا تريدين انطيج عنوانهاا .

ام الغيهب:- هذا تخبل رسمي ، وين هو هسة كومي انطيني

احجي وياا هل طايح الحظ .

زهراء:- ما اريدد انوب يضربني بعد ما بيه حيل

تعالو اخذوني بعد ما أريده .

ام الغيهب:- اصبري هل ليلة وباجر من الصبح

أجي اني وعمج وهشام ناخذج .

زهراء:- ما اريدد تعالو هسة .

ام الغيهب:- الخاطري هسة بس نجي تصير عركة

وعمج ما يرحم حاله .

زهراء:- عمه لعد هو رحم بحالي موتني

كلامة يذبح والله ضغطت ؏ نفسي وعلى كرامتي

يغلط واكول ميخالف اسكتي يضرب واضحك

بوجهه حتى بس يستقر ويوكف يحجي مثل الأوادم

ماكو اذا ابقى يختل عقلي .

بقت عمتي تاخذ وتنطي بالكلام شوية

تحجي علية وشوية تصبر علية

واذا ابجي تبجي ؏ بجيتي الى ان

شفتها انهارت كلش ضغطت ؏ نفسي

وهمست:- لا تجون أبقى اليوم وانتظركم باجر .

سديته منها خليت التلفون ؏ كاونتر

وبقيت كاعدة اكلني وسواس التفكير

حتى أظافري أكلتهن اكل .

الى ان عقلي أعلن أستسلم وغفيت

واني كاعدة اخر شي شفت الساعة

كدامي بـ 8:43 .

فزيت ؏ صوت الباب

وخطوات تقترب بقيت

؏ نومتي دخل هو ما اعرف

شصار بس طول هوواي طول الى

ان حسيت يقترب نزل نفسه

وشالني ونرفعت من الارض

فتحت عيوني واني خايفة ومرعوبة

منه كلشي اتوقع بس لا يشمرني بالحمام

همست بصوت تعبان أثر الضغط

والإرهاق النفسي :- نزلني غيهب وين توديني .

غير الاتجاه للغرفة دفع الباب

ونزلني ؏ جرباية وهو يرد ؏ سؤالي :- نامي ولا تحجين زايد .

رفع الغطوة ؏ جسمي وقلل الإنارة وطلع

من الغرفة ، اباوع عليها جانت مخربطة

بشكل مو طبيعي بس كلها مرتبة هسة

حتى شراشف الجرباية مبدلها .

احترك گلبـي وطار من عيني النوم

واني اتخيل هو وحده هنا نامو

كعدت لزمت راسي وشهكت

گلبـي ينزف رغم ڪُـل المصايب بس

گلبـي يحبه شلون أتخلى وأبتعد

ليش هيج يسوي بيه تعبت بالمعنى

الحرررفي تعبت وروحي نزفت

ڪُـل طاقتها ولازم ابتعد بس

گلبـي يرفض ، روُحـي ما تتحمل

أفعاله الغيهب مو بس تعبني

اخر ذرة آمل أنتهت بسبب ضغوطاته

ما ناوي يرحم بحالي ولا يستقر .

ضربتني دوخة من البجي والصداع

الصار احس عيوني أنتفخت وحرارة

تحرك بيهن ، خليت راسي ؏ مخدة

اريد اهرب من الواقع وأتغلف بأحلامي .

ساعات مرت حسيت نفسي تحركت

شُبه فتحت عيوني جمدت بعد ما كدرت

اتحرك صارت عيونه بعيوني نايم بصفي

؏ نفس المخدة راسه قريب مني يباوعلي بضياع

فزيت من مكاني أريد اكوم ما أضل

قريبه علية اختنك من اشوف وجهه

كلامة ما يخليني أعطف علية بعد .

سحبني بقوة من ايدي

وربط رجلي بين رجله بكل احكام

زهراء:- عوف ايدي .

الغيهب:- اشششش .

زهراء:- شنو اششش عوف ايدي .

الغيهب:- اشششش ..

تحركت حيل بس اريد افلت منه

ما اكدر قوته تفوق قوتي بـ اضعاف.

زهراء:- ليش تعاند ما اريد انام قريب منك وجودك يموتني .

الغيهب:- وجودج يخليني أعيش .

زهراء:- لا تحجي هيج لهنا وكافي صار عندي انفصام بسببك

شنو من بشر انتَ ليش ترتاح من تشوفني متعذبة

ليش تستغل حُـبـي الك مو صرت اكرهك .

الغيهب:- الدنيا بكبرها تكرهني وانتِ ما تكرهين ولا تكرهيني .

زهراء:- ليش هيج تسوي عاجبك وضعك

يعني وضعي اني واهلك والبهدلة العايشيها

تعجبك كلبك ما يوجعك من تشوف عذابي .

الغيهب:- حـاس بيكم الهل سبب أريد أبتعد

واسافر ما اريد اتعبكم اكثر .

زهراء:- برأيك هذا حل منطقي

يعني من تسافر ينحل كلشي ما افتهمك شلون تفكر .

الغيهب:-مو مهم تفهمين .

نرفزني هيج اعصابي دفعته من صدره

وصحت بصوت :- اكره برودك لا ترد هيج

مو ماتريد اكوم ، لعد احجي فهمني .

الغيهب:- اني ضعيف ما أكدر اواجهه مشاكلي .

زهراء:- انتَ اذا تريد صدك تحل مشاكلك

ما چان شربت ولا تفتر بين النسوان

لو كاعد ومفكر بعقلك ما نوصل لهنا

ولا تضعف وتهرب وتخلي امك محروك كلبها

؏ واحد وهسة انتِ تزيدها وتفارقكم انتو الاثنين .

رد بتحذير :- لا تربطين مشاكلي بـ جلال افتهمتي .

زهراء:- اووييي شعلية اني هم ماادري شلون افكر

ليش ادوخ نفسي شو بالله عوف ايدي اريد اكوم .

الغيهب :- وين تولين دنيا ليل خلي انام .

زهراء:- ما اريد انام يمك شبيك دعوفنييي .

الغيهب:- صار هواي منايم كلت اششش خلي انام .

زهراء:- ما الي شغل بيك نمت لا ، لا دخلني بيك بعد .

الغيهب:- دنامي .

زهراء:- لا تتأمر علية .

الغيهب:- شلون تخليني اسطرها راشدي انومها شهر .

زهراء:- بطل همجيه انتَ رجال مثقف ومحامي

عيب والنبي عيب خليك متحضر .

الغيهب:- تجاوزتي هواي وسكتت كلت نامي .

زهراء:- راح انام وانتظر الصبح لحظة لحظة حتى اروح منا .

غمض عيونه وما نطق بحرف

بقيت ادردم بصوت ما مسموع الى ان

تعبت ورجعت نمت بسبب دفو جسمه

حتى لو طار النوم يرجع ، بس النار بعدها

شابه بنص گلبـي .

مضى الوقت وسارت الساعات

شيء بعد شيء الى ان فزيت من

نومتي الـ ما اعرف شكد نمت بيها

بس من كعدت حسيت بنفسي صرت

احسن من البارحة بالرغم بعدني كلشي

ما ماكله بس اكدر اوكف ؏ طولي عدل

وامشي بتوازن ، بقه بس النحول والغثيان .

الغرفة باردة وضلمة ، غطوه خفيفة تغطي جسمي

المكان هادئ يخليني غصب عني ارجع انام

وتكررت الحالة وياي مرتين اني ڪُـل شوية

اكعد وارجع انام ، وبنص نومتي تذكرت عمي وعمتي .

كمت بسرعة من مكاني فتحت الباب

عبالي اشوف الغيهب بالصالة ماكو

بس مرتب المكان ومرجع كلشي المكانة

باب الحمام مفتوح والكاع مبللة

واضح سابح والمي بعده ما ناشف

معناها ما صار هواي من طلع .

دخلت للمطبخ لكيت تلفوني

عمتي وعمي متصلين علية

رجعت خابرت عمتي ردت بسرعة :- هلا يمه .

زهراء:- هلا بيج عمه جنت نايمة ما ادري من مخابريني .

ام الغيهب:- شلونج انتِ ويا .

زهراء:- نفس الحالة منتظرتكم تجون تاخذوني .

ام الغيهب:- رايحين البيت زوجة هشام نشوف شنو وضعهم

ومناك نمر عليج ناخذج .

زهراء:- منتظرتكم مو ما تجون تعوفوني وحدي ويا .

ام الغيهب:- شلون اعوفج يمه هسة نجي والله العظيم.

سديته منها باوعت داير ما دايري

جدورة طبخ البارحة ماكو

فتحت الثلاجة لكيتهن مرتبات

شلتهن ورحت للطباخ احمي الأكل

هو تأخر للـ ١ الضهر رجع

تعبان ، صبيت الاكل ؏ ميز

وسويت زلاطة هو فات سبح

من طلع همست بصوت شبه مسموع :- حضرت الاكل .

وكف يباوعلي شوية ورد :- أكلي انتِ اني ما اريد .

رديت واني اركز ؏ ڪُـل كلمة انطقها

مقابيله وادرس رد فعله :- هم يلا تاكل لان اريد اغسل

المواعين قبل لا اروح .

رمش بعيونه يحاول مايخليني احس

علية بس عيونه فضحته تحمل

تأسف ، ندم ، حسرة ڪُـل هل

تخبطات صارت بلحظات سريعة

رد وهو يحاول يتستر ؏ مشاعره:- وين تروحين ؟

زهراء:- عمو وعمه شوية ويوصلون حتى ياخذوني .

الغيهب:- ياخذوج وين ؟

زهراء:- ارجع البيت ابوية .

الغيهب:- بيت ابوج گلتي خووش الله يحفظلج ابوج خوش رجال .

نرعد گلبـي من كلمته بقيت واكفه اباوعله

الى ان دخل للغرفة هل مره كعدت اكلت

صح قليل بس اهم شي يدخل شي البطني

اني مشاكلي شي فوك شي الطفل شنو ذنبه .

ساعة مرت وضوه الغرفة لا زال يشتغل

معناها بعده كاعد . يعني ما يكدر ينام

شلت المواعين غسلت كلشي ورتبت الوضعيه.

وگفت انشف ايدي صار مقابيلي

همس بتحفظ:- بعد خمس ايام ؏ سفرتي ليش ما تبقين هنا

ومن اروح تروحين الـ ابوج .

انطيته ضهري وهمست:- ما اكدر .

الغيهب:- ايباه ليش .

زهراء:- الظاهر نسيت خيانتك متعود حقك

اما اني ما راح انسى لا خيانتك ولا عدم اكتراثك

المشاعري ، والكرامتي ، بعمرك ما حسبتلي حساب

؏ شنو اعيشلك واتحملك .

الغيهب:- واجب عليج تتحمليني اني زوجج

وهذا الزواج يوم حلو يوم مو حلو شتردين انتِ.

زهراء:- ههههه زواج ويوم حلو ويوم مو حلو

هذا الحجي المفروض تحجي من انت مفلس وماعندك

من آبو الإيجار واكف يريد الفلوس

من انت مريض ويرادلك مدارات

موووووو من انتَ خــــاين لاحظ اكوو فرق .

الغيهب:- شوفي لج اسمعيني زين لا تبيعيهن براسي

ولييي وين ما تولين انتِ ما تهميني بس خليها

حلقة بـ اذنج بس تطلعين منا اتصرف تصرفات ما راح تعجبج

واندمج ؏ يوم الـ نولدتي بي صـــايــريـن  لو لا .

زهراء:- بعد ما اخاف من تهديداتك يمكن گلبـي مات

شسوي سوي بعد نفذ صبري منك وگطعت الامل بيك .

الغيهب:- ڪُـل قوتج ، اوكف وياك ، اتحملك ، اساعدك

تاليها من اول موقف تتركيني وتريدين ما اتخبل عليج

لو اشرب من دمج ما يبرد گلبـي شكد متنددددم دخلتج الحياتي .

زهراء:- الندم هذا لا تحجي علية اكثر بشر بالعالم

يحس بالندم هو اني ما اعرف شلون نعمت عيني وما شفت

تحطيمك ، روحك الـ سوده وگعت نفسي مع الاسف .

الغيهب:- من الزمج هنا وانهي حياتج كوا.... يكلي ليش

شنو هل قلة الادب والجسارة توكفين كدامي وتكولين متندمة.

زهراء:- اعتبرتها قلة ادب وجسارة مني اكول متندمة

بس من توكف كدامي وتسولف عن خيانتك اقصد الزنه

ما تكول قلة ادب ما تعتبرها وقاحة .

ضغط ؏ أيده إقترب مني لو مات جسمي

شوية والزك روُحـي بالحايط

رفعت أصبعي مقابيلة وهمست بتحذير :- لا ترفع ايدك

لا تضربني غيهب اني مريضة .

الغيهب:- مريضة وتستفزيني تريدين اضربج وانتِ مريضة  .

زهراء:- يعني صراحتي تضوجك ، شيل ايدك غيهب .

قبض ؏ ايدي بكل قوته حسيت زندي يريد ينشلع

عطت متأذية :- ايدك غيهب حباب بعد ما احجي اخخخ يمه .

الغيهب:- أعتذري .

زهراء:- ما غلطت .

الغيهب: كولي أُحـبُـكَ .

زهراء:- غيهب عوفني ايدددي شبيك .

الغيهب:. كوووووليييييييييي أحـبـكَ .

صارت عينه بعيني أنفاسي تخالطت مع انفاسى

اضطرابات بـ دكات گلبـي النفس ثقل

واني اسمع كلامة :- كولي احبك ممنوع تتندمين علية

ممنوع ما تتحمليني غصب عنج تتحملين وتبقين يمي

اني اكرهج وما احبج بس عناد بيج تبقين هناااااا .

زهراء:- شبيك ترجف اذا تكرهني ليشششش ترجف .

الغيهب:- اكرهج وكلامج يخنكنيييييي .

زهراء:- اي خلص هنا دقايق وتخلص مني .

دفعني بقسوة وهو يطلع من المطبخ صاح :- درب السلامة

روحييي ولا ترجعين بعد طول الحياة .

بسرعة رحت ؏ تلفون رجعت اتصلت سمعت

صوت رن التلفون بره مشيت اريد افتح الباب

اندك ، طلع  يمشي  بصعوبة فتح الباب

ودخل عمي وعمتي :- شبيكم .

الغيهب:- ما بينا .

زهراء:- يلا نروح عفية .

حجيتها وفتت للمطبخ البس عباتي

آبو الغيهب:- انت وتالي وياك .

كعد مقابيلهم ما يحجي بس يستمع

نزل علية عمي نزله ونص غلط رزايل

اخر شي عافهم وطلع اني هم بدلت ودمعتي بطرف عيني

كوه امشي اذا واحد يبزني اصرخ .

نزلنا بالمصعد وطلعنا من العمارة هو صار مقابيلي

داخل المحل يشتري جكاير، صعدت بالسيارة واستمريت

اتابع تحركاته عيونه ركزت بينا وما شالها الى ان اختفى

وصار بعيد .

ابو الغيهب:- كون أذاج .

زهراء:- الضرب ينسي ويا ما يختفي الألم

بس جروح الروح تبقه وما يختفي اثرها

تأثير كلامة وهو يعترف بخيانته ما انسى طول حياتي .

ابو الغيهب:- حدها وياكم لهنا اوصلج البيت ابوج

وخلي ابوج يطلكج منه وانعل ابو لابو الخلفوووو

لعب بينا هذا الكلب ابن الكلب شاف نفسه علينه

وكلة منه مو يشوفنه نحسب حساب اله ونحترمه

وناس تخاف منه رفع خشمه وطغى ابن الچلاب  .

بقيت ساكته بعد عمي نفعل والطريق كلة يسب بي

الى ان وصلني البيت اهلي رجعت مكسورة الجناح

مسلوبة الإرادة كارهة نفسي وضعفي وحبي اله .

نزلو وياي عمي وعمتي سلموا ؏ ابوية

وهو استقبلهم كعدنا سوه عمي

بعد السلام حذر ابوية:- هاي كدامك وكدامها ابني ما أضمنه

واني اشيل ايدي منه ، رادت تروح بيوم واحد لعب بيها لعب

ورجعت شاردة منه ، ممنوع ترجع زهراء للغيهب من اليوم .

رحيم:- لا تزعل مني اني ابنك ما اطيقه موخوس ابد مو خوش

من اول يوم يعني ماكو هيج والله مع احتراماتي الك

بس هذا لو ابني اطك ضهرة

شنو هل طغيان مو حلو هيج والله انتو ناس مثقفة ومعروفين

ما اعرف شلون الغيهب ابنكم .

عمتي دنكت راسها كلبها ما ينطيها تسمع احد يحجي ؏ ابنها

بس عمي استمر يحجي :- اني اعرف شلون اتصرف ويا

بس بعد ممنوع زهراء ترجعله ما اقبل ابدددددد

مو بعدين يصير بيها وتكول ما حذرتني .

رحيم:- لا كفيت وفيت خليها بعد يمي زهراء اذا بيوم

ذكرت اسم الغيهب عندي تصرف مو حلو وياها .

وكف عمي وهمس:- هاي هِـيِّ لعد نتوكل احنه .

ودعتهم وابوية وصلهم البره ، ويا ما طلعو نزلت

رجاء من فوك بيدها جنطة فات ابوية شافها

اشرلها بيده:- وين ترحين .

رجاء:- البيت جدو ما اريد ابقه هنا وارتكب بيها جريمة

وتكعدون تكلولي ليش وانتو تعرفون ليششش .

رحيم:- هل مره ماكو روحه اكعدو مقابيلي

لازم احجيلكم سر انتو ما تعرفو ونخلي حد الـ هل موضوع .

رجاء:- ما اكعد وياها استحقرها اكرهااا امووت منهااا .

رحيم:- تكسرين كلامي ، السانج طولات تريدين  ......... .

جرت نفس وشمرت الجنطة وراحت كعدت

بقيت اني ؏ نفس كعدتي ، ابوية توتر

طكطك اصابيعة وأردف برتباك :- اريد ابدي بقصتي

اني وامكم ، انتبهوا الكل كلمة اكولها رجاءًا .

هزيت راسي واني استمع وعندي فضول

اعرف القصة من بدايتها النهايتها .

رجع شعره وهمس:- عشت قصة حب عظيمة اني وامكم

بنفس الوقت عانيت من الطائفية هِـيِّ سنية واني شيعي

اهلي رفضوها واهلها رفضوني بس اني وياها ما استسلمنا

بالعكس هل مشاكل قوة علاقتنه حاربت اهلي علمودها

مع العلم ابوية مرتين خطبلي وهي تتخربط ويخابروني

بالمستشفى واروح اكابل باب المستشفى وابجيييي بجي

عليها بحيث ابوها يدخلني اشوفها ، من شافونا اهلها هيج

وافقو علية ، بس اهلي مطب يفصل بيني وبينها .

هنا بديت اتعب من القهر تركت حتى شغلي

جنت هستوني متعين وصرت ملازم

رجع ابوية يريد يزوجني رفضت وتعاركت

وخليت المسدس براسي وفعلا اختاريت الموت

استسلم ابوية ورجع خطبها وصارت مرتي

بيوم عرسي وانتو بناتي اني ما كدرت اتقرب من امكم

ومرت الايام والأشهر حياتنا نقلبت والكل يصيح

هذا سحر يابا سحر منين ما نعرف بس حالتكم سحر

ما خليت امام سيد ما رحت تحسنت حالتي

ورجعت اني وامكم نفس الحب نفس التضحية والاهتمام

امكم مثال المرأة المثالية بكل مشاكل كلمة تهون ما توكع من السانها

تسهل الصعب وكل ما اجيها نار تحولني ثلج بقوة ايمانها بالله سبحانه

اتذكر اليوم الـ أجت وفرحتي وهي تبشرني بيكم

دموعها ما وكفت تمطر ما تبجي ، اخذتها الحظني

ضميتها بنص گلبـي الكل چان يحسد علاقتنا

عيونهم دمرتني ودمرتها ، ورجعو لعمالهم سحرهم وحقدهم

لو ابدي بعذاب اهلي وياها ما انتهي

ابوية ما رحمها

امي ما حتوتها

اخوتي سممو ايامها

ونسوانهم يشربوها السم ويضحكون عليها

اذكر مره جانت صايمة ما اريد اذكر يا عم من عمومتكم

شافها فطرة قبلنا لزمها وضربها وصرت اني وياهم دم

وطلعت بيها بيت وحدنا هذا بيتنا اني وياها هِـيِّ اختارت كلشي

چانت فرحانه اني جنت ڪُـل اهلها بعد ما توفوا ابوها وامها

واخوتها ابد مو حنينين عليها .

ليلة ويوم اني بعد ما طقتها

ولادتها ما كدرت أحضرها

اهلي راحو وياها ، واني انعميت

؏ وجهي ونفرت ما اكدر اشوفها بعيوني

تحول حُـبـي الكره وصرت اضوجها بكلشي

انتِ مو حلوة

اكرهج

اكلج يلعب النفس

ذوقج يخزي

ريحتج مو طيبة

ملابسج قذرة مثلج

والله أتزوج عليج

الى ان صدك حبيت وحده وهي عرفت هناا

بكثر ما كانت هادئه وتحملتني واني بحالتي

الما اعرف شلون اوصفها ، تخبلت اضعاف

كسرت البيت كلة جانت تصرخ وكلبها ينزف

حتى صوتها تغير واني فترة ما متحمل منها

اي كلمة واي حركة لزمتها فلشتها لليوم

اتذكر مستوى التحطيم .

انتفضت وما سكتت بالعكس حاربت حتى تنفصل بس حبستها

قاطعت كلامة واني اناشغ من القهر :- سوده علية يا يمه .

مسح دموعة وكمل :- هربت مني اشتكت علية

هددتها اذا اطلكها اخذكم ، انتحرت اييي انتحرت

ما تحملت تبتعد عنكم ، ولا تحملت فكرة فضلت

وحدة غيرها .

بعد ما صحت بالمستشفى اتفقت اني وياها

تاخذ وحدة منكم والثانية يمي ، الاختيار

صار عشوائي خليتكم بغرفة

وصحت بـ أسمائكم التطلع اول وحدة تروح ويا امها

وزهراء طلعت من الغرفة

هنا امكم انتهت سحلوها سحل البيت اخوها

اسابيع هِـيِّ ڪُـل يوم تجي تتوسل بيه انطيها

رجاء واني ارفض ، اخر يوم اجت بيوم عرسي

لزمها اخوية وكتلها ، بعد من ذاك اليوم ما شفتها

ولا هِـيِّ سمحتلي اعرف عنوانكم او بـ أصح

اني التهيت بشغلي وزوجتي واطفالها .

جانت رجاء حالتها اصعب من حالتي

وكفت بوجهه وصاحت :- اطفالك يا اطفال يــــا اطفال الخاطر الله

يـــا اطفال ، جنت ملتهي بزوجتك وبسسسسسسس

ما جنت تعرف شنو اكلت رجاء وشلون عايشة

ما جنت تعرف من تروح خفر شلون تحركني ، شلون تضربني

وتجيب اخوها يتحارش بيه

جنت احمي نفسي بالحماااام تعرف شنو طفله تحمي نفسها للصبح

تعرف شنو انام جوعانة لو من اغلط بكلمة

شسوي بيه اني اكلك شسوي جانت تخليني ربع ساعة بالمجمدة

اجمد وكلبيييييي جمددددد من ذاك الوقت صرت ما احسسس

كررررهتككككك بسببها وللعلم مرتين ردت اقتلك

واقتلها واقتل نفسي دمرتونييييي  والله دمرتونييييييي .

تهسترت وهي تلطم ودك ؏ راسها وتصرخ

ليشششش هسة حجيت ليششش ما سولفتلي قبل

ليش ما خليتني ادورها وانام بحضنها

بقت حسرة بكلبي اميييي بقيتها بنفسسسسي

شلون تنام بليل شلون اريـــد امـــي .

ليش زهراء طلعت ليششش ما طلعت اني

واخذتني اني وما بقيت يمك اكررررهككككككك

جانت بحالة هستيريا نزل سيف يركض

يحاول يسيطر عليها هِـيِّ انتهت

كسرت الغراض والكاع صارت عبارة

عن كزاز سحبت وحده من الكاع

شكت وحدة من اديناتها صرخت بفزع

اريد الزمها ابوية سحبني وراح هو وسيف

صوتها رج البيت رج هنا تأكدت رجاء فعلا

مريضة ، اثنينهم عليها بس ما كدرولها

يخافون تقتلهم بقت هِـيِّ تكسر الكزاز

براسها وجهه اختفت ملامحة

طلع سيف بالشارع يصرخ

ما كدر يشوف منظرها

اندفر الباب دخلو عمامي

وجدي الصراخ من ڪُـل مكان

وكعت بالكاع ايدي ؏ أذني واصرخ

؏ صراخهااا منظر بعمري ما راح انسى

لو أتخطى انحفر أبالي للأبد.

هجموا عليها عمامي عصروها عصر بزاوية

بالحايط حسيت ظلوعها تكسرت

رفعت رجلها ترافس بيهم وتصرخ :- اريد أموووتكككككككك

عوووفووونيييييييييي .

ابو اثير:- أركض الابره ســيـف اركض .

بـ أخر لحظة دخل ايهاب حالته تبجي

التشيرت ملبوس بالمگلوب

وشعر راسة مخربط ، صرخ مفزوع وجسمه يرجف

ايهاب:- عــوفوهــا يابا مردتها كلت عــوفهااااا .

هجم عليهم اخذها من ايدهم وحضنها

وصاح :- راح تمووووت انتو مخابيل ليش هيج وياها .

ابو ايهاب:- هِـيِّ تخبلت تريد تقتل ابوها .

حاولت تتملص من ايد ايهاب

ثبتها وكعت بالكاع ركع وياها

رفع خصلات شعرها وهمس ودموعة نزلت :- اني هنا ريري اهدي

ابوس راسج كافي .

ستندت ؏ حايط مهدود حيلها :- كرهتها بسببه وهسة يكلي الغلط منه .

رجع سيف بيده أبره وهمس بخوف :- اضربها .

اخذها من ايده وشمرها ؏ حايط وعاط بي :- والله راح تموتوها

بـ هل ابررو عوفوها تعبر عن صدمتها خرب خبلتووونييييي .

ابو ايهاب:- شتعبر هِـيِّ اثول تريدها تذبحنا.

ايهاب:- ما تسويها عوفوها بحالها .

امشي سيف بطل مي بارد اريد .

ركض للمطبخ ورجع ويا بطل المي

فتح وترس ايده غسل وجهه هِـيِّ انتهت

بعد ما طلع صوتها ، فاتت جدتي وياها ام ايهاب واثير

اخذوها من ايد ايهاب شالها أثير نوموها بالغرفة

دخلت وياهن بدلنا ملابسها وحاولت اعقم جروحها

زهراء:- بيبي لازم تروح للمستشفى.

ام علي:- ليش ؟

زهراء:- جرح أيدها عميق فدوة صيحيهم لا تموت .

فتحت الباب وعاطت بيهم :- كافييي تتعاركون مو وكتها

تعالو اخذوها مستشفى جروحها تنزف لا تضيع

خبلتوها والله خبلتوها خطيتها بركبتكم .

اخذها اثير وسيف وابوية عمامي اثنيناتهم

ام ايهاب هِـيِّ وبيبي يلمون الكزاز

واني وياهم بس بيبي ما تقبل اتعب نفسي

جسمي مثل السعفة الخوف تملكني

طلعت اريد اذب الكزاز لكيت ايهاب بالكراج

تقدمت علية وهمست :- حمدلله ؏ سلامتك .

ايهاب:- الله يسلمج الغالية .

دنك راسة ورجع همس:- شلونج الغيهب شلونه .

زهراء:- الحمدلله ؏ ڪُـل حال ما اريد اكول مو زينة بس

واضح من حالي ، اما الغيهب ما اعرف شحجي وشلون

أوصف حالته.

ايهاب:- ربي يصلح حالكم .

هزيت راسي ودخلت جوه

لليل رجعت رجاء تعبانه حيل

عافوها جوه واني فوك ما ردتها تشوفني

وتتأثر بسببي بقيت فوك .

مر يوم والثاني ايهاب ما عافها لحظة

الى ان رجعت تبتسم وتاكل اطمئن

وصار يروح البيتهم يرتاح هناك ويجي العصر .

نزلتي بس للضرورة ومرات اطلب من سيف

يصعدلي مي او عصاير او اكلي هو ما يكول

شي بالعكس يتوسل بيه بس اطلب منه .

ثالث يوم الساعة بـ 12 الظهر الدنيا حارة

والجو مترب اندك باب بيتنا

وإني وأكفه بالمطبخ اسوي لفة اكلها .

ابوية بـالغرفة ما يطلع منها

من سمع الباب طلع فتحت الشباج

شفت رجال شايل ورقة الحماية

واكفين وعمامي طلعوا

سحبها ابوية وقع عليها وراح

كملت لفتي وصعدت

بعندي اكل بيها ؏ نص واباوع

حلقة من مسلسل باب الحارة

وسمعت اثير يصيح بـ اسمي .

ذبيت لفتي وطلعت واني انظف ايدي

بـ كلنكس همست :- نعم .

اثير:- انزلي يريدوج .

نزلت ايدي ؏ گلبـي الله يستر يا ربي

وكفت كدامهم وعليت صوتي :- السلام عليكم .

ردو السلام وجوهم مخطوف لونها

همست:- تريدوني .

رفع ابوية ورقة وهمس:- اقريها .

اخذتها ورجعت المكاني اقرها بيها

ويا ڪُـل كلمة اقراها علامات الدهشة

تعلوا ملامحي اكثر .

لطمت ؏ خدي وصحت:- شنو هل مصيبة .

ابو ايهاب:- هذا وتالي ويا ما ناوي يعديها سلامات .

رحيم :- واضح ناوي ؏ شر هذا شيطان

يعرف شلون وشوكت يضرب الشخص .

اثير:- وحق محمد يخوف .

همست:- هسة شلون شنسوي .

رحيم:- هو رفع علية دعوة وطلبني اني وابوية

والزلم الـ ويانا الحماية  وانتِ يعني اكيد وره هل روحة مصيبة

ابو ايهاب:- مصيبة الـ تصيبه.

خابر المحامي وكعد يحجي ويا وبعد

مناقشات طويلة قررنا نروح ونخليها ؏ الله .

وفعلا بعد اربع ايام من تسليم البلاغ

حسيت وكأنهم اربع سنوات مرت

علية بدلت من الساعة التاسعة

الصبح نزلت لكيتهم محضرين نفسهم

طلعنا ويانا حمايات وبسبب الـ ازدحامات

وصلنا 10 ونص دخلنا بدون تفتيش

؏ باج ورتبت ابوية

عمامي ما عافونا بالعكس دخلنا بفخر

وراسنا مرفوع وابوية ڪُـل شوية

وصايح :- اذا ما اطيح حظك يا غيهب يا كو......

وكفنا مقابيل غرفة مكتوب بيها المحامين

ومن بينهم كلهم كدرت أميزه

كاعد ؏ تخم جلد لون اسود ، لابس بدلة رسمية لون نيلي

الحذاء تلمع من بعيد وجهه بي نور ويلمع يبرج

ليش ما اعرف عود هو ظالم بس شكلة ابد ما يوحي

الـ هل صفات السيئة.

داير ما دايرة محامين ومحاميات

مندمج يسولف وياهم ويأشر بيده

دخل عليهم ابو الچاي هو صارت عيونه

؏ باب ورجع يباوعلهم وسرعان ما التفت وهو

مصدوم بشوفتي .

بسرعة وكف عدل ملابسه سد الدكمة

وطلع ، صعد فوك صعدنا وره

دخل غرفة انتظار القاضي بقه يسولف

ويا السكرتير بس طلعو العالم الموجودين

دخلنا بدون ما ننتظر .

صاحوا اسمائنا واحد واحد

الكل دخل اني وكفت بالأخير

صرت وره ظهر ابوية

سلم القاضي عليهم وهم يسلمون

عدل وكفته وتقدم وهو يتحمحم :- سيادة القاضي

قبل لا اندوخك اسمحلي اقدملك كلشي حتى تشوف بعيونك

ويكلك ابو المثل لا تصدك بالكلام اذا ما تشوف بعينك

واني اليوم اطبقها الك ما اريد اتعبك .

اخذها من أيده وهمس :- دومك تقدمها سهلة .

غمز وهمس:- واجبي .

اخذ فلاش من ايده ركبه ؏ لابتوب

وطلع فديو ومن الـ لابتوب  نعرض بشاشة

مقابيل الكل ..

الفديو كان يوم العركة شلون اني والغيهب

دخلنا ، وفجأة دخل ابوية والحماية وبسرعة

رفعوها الـ اسلحة بوجهه الغيهب

شهدو ؏ كلشي وهو ما چان يسكت يشرح ويصفن بينا

بحيث من طريقة كلامة حتى احنه نصدك ونتهم نفسنه.

الغيهب :- واني بنص بيتي اتهدد بقضية ما الي ايد بيها

الخاطف من معارفهم ، ما ردت مشاكل أخذت زوجتي

زهراء رحيم وانتظرت الوضع يستقر ، يومين ورجعت

لاحظ سيادة القاضي وين وصل الـ ستهتار

وترخيص حياة الناس عدهم

رجل برتبة لواء يتعرض ؏ محامي

بنص بيته  وابو  ويا ومسلحين

رميهم جوه رجلي غصب عني لازم

اكول اني خطفت احجي احلف ماكو مصرين

هددوني بزوجتي وفعلا دخلولها جوه شوف

شلون دخل هددها يا اما تطلع ويا يا اما يقتلني

واني زوجتي احبها واخاف عليها حامل

ابني ابطنها ساوموني ؏ زوجتي سيدي

وأخذوها كدام عيني وراحو

ما حسبوا احساب حرمة البيت مع الاسف

تعدو علية وعلى اخواني كدام المنطقة

ومثل ما تشوف منطقتنا كلها شهود عليهم

بعد ما المنطقة أدخلت اخذ عصابته وراح

هل من المعقول هذا تصرف رجل دولة !!

هل من المعقول يوصل الـ استهتار لهذه ِ الدرجة !!

القاضي صارت عيونه بكصته

وكف يضرب ؏ ميز ونزل يرزل بيهم

انوب المحامي الموكل من ابوية نخرس يريد يحجي

ما يعرف كلها تلزك وكلها تصرخ

ومن بين الكلام همست :- اني رحت بـ إرادتي ماكو احد جبرني .

رمقني بنظرات غريبة شفت الموت بعيونه

بحيث نبلع صوتي بعد ما اكدر احجي

رعشة سرت بجسمي ختلت وره ابوية ما اريد يشوفني

سكتهم القاضي وعاط:- كلشي واضح كدامي ؏ هل استهتار

بـ ارواح العالم الكل ينذب سجن الكل بدون أستثناء.

انتفض ابوية والمحامي يريدون يقنعون القاضي

قفل عليهم لان واضح كلشي واضح

والحق معروف ويا منو ، احنه مجموعة وهو وحده

فرهم بـ تك اصبع .

القاضي:- أستاذ غيهب تكدر تروح .

الغيهب:- اشكرك سيادة القاضي .

طلع منه وكف كدام ابوية وهمس :- بالعافية سيادة الواء

هسة صار دور بنتك .

همست بيني وبين نفسي ولزكت روُحـي بالحايط

وعيوني موسعتهم من الصدمة :- اصخام بوجهج يا زهراء.

ابوية صارت الإتصالات تتراكع

علية ، اني طلعوني نزلت اني ولد عمي

ويانا عمو ابو اثير طلعت من المحكمة

صدت عيني بعيونه صعد سيارته وهو مبتسم بانتصار.

الطريق كلة دموعي ما نشفت ليشش هيج

تسوي بيه هو رغم مصيبة ابوية والصدمة وعذاب

امي وسكتت كلت ما عندي احد غير ابوية أحتمي تحت حمايتهم

رجعت منهارة خابرت ؏ عمي اشهك وابجي سولفت كلشي

صرخ صراخ الى ان صوته أختفى

اخذ عمي مني التلفون وظل يتصايح ويا عمي

نغلق التلفون والكل دخل إنذار

عمي ابو الغيهب يتوعد للغيهب

وعمامي ما ناوين ؏ خير ، فتت للحمام بعد ما اكدر اجر النفس

غسلت وجهي واني اغسل املخ بروحي

شسويت بينه شتريد غير افتهم شيريد مو گال اسافر

بعد شنو غايته من ڪُـل هذا شنو يستفاد ليش هل سمم ليش

تخزيني وتفضحني حتى استحي اخلي عيوني بعين واحد بيهم

شوكت ناوي يعوفني بحالي

اريد بس يعتقني لوجه الله

مليت منه وفاض صبري علية .

ضربت ؏ صدري واني اسمع

عمي ابو ايهاب يكول:- جهزوا الأسلحة اليوم لو احنه لو هل غيهب .

فتحت الباب وصحت بتوسل :- لا كلشي ولا الأسلحة والدم

عمو الخاطر ابو وأمه والله اذا يصير بي شي يموتون ويا .

ابو ايهاب:- هو طلع روحنه ڪُـل يوم شامر الرجال بالسجن واليوم

حتى ابوية ولج ابوية شيخ العالم تحلف براسه الغيهب يذب ابوية

سجن يا حسافة.

وجهي يذب الوان لا اكدر احجي ولا اكدر أدافع عنهم

الغلط راكبه يا سواد وجهي شلون بيه وين انطي وجهيييي .

هوسة ، ضجيج ، صياح

خبصه كلها ناوية ؏ شر

عمتي تخابر تبجي وتصرخ راح ابني

وأصوات يمهم تهز الدنيا

وهو اخخخ الغيهب

أختفت اخباره ، وضاع عنوانه عليهم

هل مره عمي رفض ينطيهم العنوان

الهذا السبب ثاروا ويدورون علية

صارت الساعة 8 بليل اني ؏ نفس

الدوخة افتر منا واروح هنا مثل

الشخص الضايع .

هستوني اريد اشرب مي دك تلفوني

باوعت اسم عمتي رديت بتعب واضح :- ها عمه .

ام الغيهب:- روُحـي للغيهب .

زهراء:- شنو .

ام الغيهب:- روُحـي للغيهب زهراء احجي ويا كوليله يريدوك

وكلها تريد تقتلك ، لازم يعرف ويسافر .

زهراء:- عمه تريديهم يموتوني شلون ذب ابوية سجن

واروح احجي ويا خزززي شنو ما عندي كرامة .

ام الغيهب:- لازم يعرف وضروري تحجين انتِ ويا

وتعرفين ليش هيج يسوي ولكم عقلي وكف من المصايب .

رديت بخجل:- عمه عذريني ما اروح اني ما اريد

اشوف وجههه .

ام الغيهب:- ضروري تروحين ضروري لا تخليها تكبر

فدوة اروحلج لا تخليها تعرض وتطول .

زهراء:- اخاف منه انوب يموتني .

ام الغيهب:- صدكي هو تصرف هيج لان طلعتي منه

هو يريدج بس يكابر .

زهراء:- ما أكدر اطلع كلها بالباب .

ام الغيهب:- هشام يوكف بالركن، من تشوفين فرصة

اطلعي هو منتظرج .

زهراء:- ما اعرف افكر .

ردت وهي تحرجني :- اكلها منتظرج بالركن تكلي افكر

اسمعي كلامي وروحي  زهراء لا تشلعين گلبـي .

زهراء:- اذا اكدراروح صار .

سديته منا ومشيت بالبيت اتأكد واتفحص المكان

هم هووسة بالباب من المستحيل اطلع

لكن بقيت بمكاني انتظر الفرصة المناسبة

الى ان صارت ب9 ونص صاحوهم ؏ اكل

هم واكفين من الصبح عافو كلشي من ايدهم

وراحو ياكلون .

ركضت لبست العباية وطلعت للشارع امشي

بسرعة وأحيانًا تتحول الركض

بقيت اتلفت اخاف واحد بيهم يلحكني شيخلصني منهم .

الى ان وصلت للركن شفت هشام كدرت اتنفس

صعد ويا كوه اجر النفس هو بسرعة سحب مي

اخذته شربت منه ورجعت راسي

نزلت دموعي ما كدرت اسيطر عليهن

هشام:- احد شافج شبيج زهراء .

زهراء:- تعبت والله العظيم تعبت .

هشام:- وحق الله يا خوية حقج وانتِ اصيلة ومتحمله ڪُـل هذا

غيرج تهج وتشرد ، الله يساعدج ويقويج ويفتحلج دروب الخير .

زهراء:- امين .

نزلت مقابيل الشقة صعدت وحدي

وكف المصعد مقابيل باب الشقة

دكيت الباب بكل قوتي لحظات

ونفتح صار مقابيلي لابس بنطرون بس

بدون قميص وجهه احمر عيونه تجدح

وسع عيونه من شافني بهت لونه

وما يكدر ينطق بحرف

دخلت للبيت ريحة الشرب تسطر

بس شكله مو واحد سكران ابد

عادي واكف وبكل ثبات يرمقني

بنضرات حادة .

زهراء:- ليش هيج سويت تدري كلها تريد تقتلك .

بلع ريكة مرتبك وهمس :- اخر همي .

زهراء:- ابوك وامك حـ يموتون بسببك .

بعدني اريد اكمل كلامي تصلبت وتجمدت اطراف رجلي

وانفاسي اضطربت رفعت ايدي وهمست

مستغربة اريد اكذب أذني:- شنو هذا الصوت .

وجهه نظراته ؏ باب الغرفة

التفتت اريد اشوف ؏ شنو يباوع

متت بدمي واني الغبيه كنت ناوية

اقتل نفسي من فكرت اخطي

الباب الغرفة .

تحركت بخطوات سريعة

داخلي يجذب كلشي ما اريد اصدك

رجع الصوت تكرر الى ان نقطع

وصلت للباب قاطع طريقي ودفعني

بهدوء ايده ترتعش :- لا تفتحي روُحـي هسة زهراء لا .

زهراء:- لا شنووو غيهب لا شنووو ابتعد عن طريقي

خليني اموتك بكلبييييي للأبد.

الغيهب:- ما انصحج زهراء روُحـي اترچاج تروحين .

دفعته بكل قوتي صرت ادافع ويا آلى ان

انفتح الباب صارت كبالي جثة بنية شعرها

بالون الأحمر وجهه من الضرب مصبوغ

احمررررر قاتم نرعب گلبـي تراجعت

للخلف واني اصرخ بعلو صوتي ، وبعدم تصديق

بقيت اهز براسي ما اصدك الصار كدامي

ما اعرف شلون صارت عندي قوة توجهت الها

اريد امد ايدي اعصابي كلها تشنجت

وكعت بالكاع رجلي بعد ما تشيلني

صرخت مستنزفة ڪُـل طاقتي :- مــــــاتت مــا تتنفس مــاتت .

سحبني من ايدي طبكني ؏ حايط وسد حلكي

عاط بيه وهو يحاول يخليني أهدي

حتى يفهمني :- ما بيها شي عايشة والله عايشة .

توالت الضربات فقدت واني اركع بي راشديات

؏ وجهه وصدره العاري ، حاول يوقفني ما كدر

ضاع عقلي وكل ما اشوفها يزيد جنوني

الى ان ........

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

رواية ظلمات الغيهب

بقلمي أساور حسين

الحلقة _24_

لم أكن انا الاولى في حياتك دائما انا أكون في مكان مظلم لا استطيع الوصول اليك كلما اصل تبتعد عني الالف الااميال وها هنا اراك بعيدا من جديد  اه على قلبي كم سيتحمل من الالم الفراق وغيابك عني من جديد ..... كل ما اريد ان تبقى معي الى الابد .......!

بقلم تبارك

@o.tabb

.......................

زهراء....

توالت الضربات فقدت واني اركع بي راشديات

؏ وجهه وصدره العاري ، حاول يوقفني ما كدر

ضاع عقلي وكل ما اشوفها يزيد جنوني

الى ان دفعته بقوة تراجع للخلف

روُحـي تلوب اخذني العرك

هزيتها من أيدها وصحت واني اناشغ:- تسمعيني فتحي عيونج

تحركي بادري بحركة .

ما منها غير النفس ، بعدني أريد أحاول مره

ثانية وما احس غير كلاص مي نشمر ؏ وجهه

فزت مرعوبة تباوع بوجهي وترجع تباوع الغيهب تراجعت

بصعوبة وهي حطام ، توجهت بتجاهه فتحت ايدها

ونزلت ؏ وجلها والتفتت واني امسح بكل قوة دموعي

الغيهب:- ما بيها شي هِـيِّ ....

زهراء:- هي شنوووو فهمني هِـيِّ شـنـو

انتَ هم بشر حتى عيب نقارنك بالحيوانات

بابا انتَ مخبل .

الغيهب:- لا تجاوزين وعوفيها هسة تكوم

وحدها اطلعي منااا نحجي بره .

زهراء :- نَحچي هههههه وتريد احچي وياك

يا بلا عقل ،بس اطلع منا اشتكي عليك

ما اعرف شلون تقشمرت بيك بيوم .

انتَ شــيـطان لا شنو ؏ سوالفك الشَيطان

ياخذ زاوية ويغم بكصته انتَ لعنة والله لعنة .

التفتت عليها وهمست:- هسة أخلصج من هل مجرم ونشتكي

علية حالتچ أكبر دليل هل كائن مو بشر ومريض

خطططططططر ؏ مجتمع.

تراجعت للخلف وإني أشوفها تضحك

وبستغراب همست :- شبيج .

ردت بثقل وهي تتألم :- برأيج الغيهب ينطي مجال

شخص يشتكي علية .

زهراء:- حالتج دليل چبير ينشمر مؤبد والنبي .

سحبت ورقة على ميز بصفها

أدوات ما معروفة شنو ما شنو

قدمت ايدها وهمست :- اقريها .

درت وجهي باوعت هل خبل وين

وأكف ؏  حايط ما مهتم بالموضوع

رجعت إقرأ بالورقة

خليت ايدي واني بقمة صدمتي .

أنا السيدة ليل الـ ... وبكامل قواي العقلية أوافق ؏ ڪُـل

ما يحدث بيني وبين السيد الغيهب الـ .......

في تاريخ الـ ..... ساعة 8:00 ليلًا.

چان اكو هواي كلام بس ما ركزت غير بـ هل كلمات

بالأخير توقيعها وتوقيع الغيهب

وسعت عيوني واني اباوعلها

بعدم تصديق :- انتِ موافقة ؏ صار بيج معقولة.

هزت راسها وهمست:- طبعًا.

زهراء:- وسممممممم  انتِ هم مخبله واني مقهورة وعبالي

يعذب بيج لج اكو عقل براسج شلون تقبليها على نفسج شلون .

الغيهب:- زهراء اطلعي منها أمشي.

باوعلها وصاح بتحذير:- وانتِ بدلي وطلعي بسرعة .

زهراء:- اطلعي واطلعي والله اليوم ما افوتها الك شفتك

بعيييييووونييييييييي .

سحبني من ايدي وطلعني للصالة شمرني وهو يتحرك ببطء شديد

الغيهب:- شتريدين ؟

زهراء :- اني غيهب ولك انتَ واعي ؏

نفسك انتَ مجرررم والله العظيم مجرررم .

الغيهب :- اني مجرم ، وحقير ، وشيطان وبعد  .

صكيت ؏ اسناني واني بقمة غضبي فقدت

وطار اخر خيط عقل براسي توجهت

للكلاص ؏ ميز سحبته والتفتت

صرخت :- امششششييييي لك ..

هذهِ اخر كلمة كلتها وشمرت الكلاص بوجهه

واني اشوفه لازم وجهه والدم غلف ملامح وجهه

وما برد گلبـي صرخت :- كحب.... الما تشوووه وجهك وتخلص منك .

رفع رأسه مسح الدم وصرخ :- لج كح............ اليوم اموتج .

طلعت هو يريد يلزمني فلتت نفسي

من أيده ونزلت بالمصعد وكفت جوه خابرت

عمي واني اناشغ والدنيا بكبرها تفتربيه

احس ؏ اي لحظة اتخربط .

زهراء:- عمو اني جوه بالشقة اذا ما تجي هسة

اشمر روُحـي جوه سيارة واخلص منكم ومن ابنكم .

ابو الغيهب:- شصار بعد شوداج للعار .

زهراء:- عمتي كالت اروح امدددداني رحت امداااانييي

ابو الغيهب :- ابقي بمكانج جيت .

زهراء:- انتظرك .

دخلت منهارة كعدت جوه الدرج

مرت نص ساعة وخابرني عمي :- وينج هسة .

زهراء:- انتَ وين .

ابو الغيهب:- بالباب .

طلعت شاف حالتي عمتي وهشام ويا

اجه بتجاهي مفزوع :- شصار بابا شنو هذا حالج هذا الدم شنو .

هشام فتح باب المصعد وهمس:- اصعدو نحجي فوك العالم

تباوع علينا.

عمتي ما نطقت بحرف واني حتى ما اباوعلهم

جنت حالتي يرثى لها ، صعدت وعمي لازمني

باب الشقة بعده مفتوح دخلنا الدم بكل مكان

وصوتها تحجي ويا .

ليلو:- خليني اعقملك جروحك الدم ما يوكف هيج .

الغيهب :- لج بابا اطلعي لا تخليني اكوم اكمل عليج .

ليلو :- شتكمل دخيل ربك غير فلشت وجهك .

فزيت من صرخت عمي وهو يصرخ :- لـٰـــك غـــيهـب .

طلع الغيهب من الغرفة وهو يلبس تيشيرت لون ابيض

الدم مأخذه ونزل ؏ ركبته يمسح ويرجع ليوره

هو شافني وتخبل :- لج ساق...... تضربينـيييي .

صرخت بعلو صوتي :- وأكسر راسك واحد حقير زاني .

هجم علية سحبني هشام من ايدي شمرني ؏ باب وكف كدامي

وفوك شك وجهه والدم لحظات وشفت الغيهب متكوم بالكاع

أثر ضربة بوكس من عمي صرخت :- وابووو زايددددد الله ياخذك .

هز رأسه وكف ؏ طوله مبتعد

ابو الغيهب:- لك انتَ من يا صنف ولك دمرتنا شتريددد

لو ميت ولا مخلف واحد لعنة مثلك غضب انتَ .

الغيهب:- منو واصلكم أبتعدت انتو تلاحكوني

اطلعو من حياتي اطلعووو ما اريدكم اعتبرتكم ميتين

اني اعتبررتكم ميتين اطلعووو بره واخذو الكح.... وياكم .

زهراء:- تاج راسك اني يا سافل يا رخيص يازاني .

التفتت هشام عاط بوجهي:- لج زهراء سكتييي شبيج تخبلتي .

الغيهب:- خرب اهلج شنوما الزمج اذا ما اشرب دمج

انطينياااهااااا .

صار عمي مقابيله وصاح :- ابتعد لك عار .

الغيهب:- انتَ أبتعد من وجهي لك هشام جيبها هل صلفه

خليتوووهااا تستقوووييي علييييه ولكممم زهراء بعد ما تخاف

منييييييييي لج تعاايييي اليوم اموووتج .

ابو الغيهب:- شتريد تاخذك بـالاحضان

غير شافتك بعيونها وياك وحده .

الغيهب:- سهلة اني اعرف شلون أبچيج يا ساق...

ولا تظنين أنسى شوكت ما الزمج اطلع روحج .

اندفع ؏ تخم كعد متأذي لزم رأسه يوجعه

كعد عمي مقابيله :- صيح الساق..... الـ بالغرفة خليها تطلع نريد نحجي .

الغيهب:- لا تدخلون بيها .

ابو الغيهب:- مو أكوم اهينك صيحها كلت .

سكتت بس سحب كلنكس مسح بي الدم

بـ هل أثناء انفتح الباب طلعت هِـيِّ لابسه فستان

وكعب عالي وبدون ما تنطق حرف طلعت

ابو الغيهب:- تعالي كعدي يمي لا يصير بيج شي .

زهراء:- ما أريد اكعد اريد اروح ما اريد اشوف وجهه ابنك العار .

عض أيده وصرخ:-  أااااخخخخخخخ لج شايفه اذا الزمج .

قاطعة كلامه واني استهزاء:- شسوي تعنفني مثل الحيوانه

الجانت بالغرفة ، هههه لو بيك خير ما تربط مرأة لا حول ولا قوة

تعنف بيها علمود تنطيها فلوس يا استغلالي يا مريض

صوج ابوك ما يشمرك مستشفى مخابيل .

كلها تباوع علية مصدومة احس الصدمة طلعت

الحجي البكلبي كله :-ولكم هاي عاقلة.

هزيت راسي وصرخت:- لا مخبله مثلك المريض ، لو صدك رجال

روح تعارك اضرب وعنف زلم واجههه نفسك يااا فاشل 

كدرتك بس على نسوان غددديييييي .

رجع نفسه ؏ تخم وبتعب ودوخة همس :- تسكتوها لو ارتكب

جريمة بيها وبـ الواكف يدافعلها .

ام الغيهب:- زهراء يمه شبيج تخبلتي كافي سكتي لا طلعين

صوت لا يتخبل علينا.

ضحكت بهستيريا وصرخت:- انتِ سبب دمارنا ، انتِ قنعتيني

اجي الـ ابنج الزاني المريض لان تخافين علية لو وحدة من بناتج

ما چان خليتيهن بوجهه هل خبل

انتِ سبب دمار ابنج الفاشل تحجين بي ؏ اساس بس هو وبس

وحق الله ما يسوووووه ، واحد رخيص قذر .

حسبي الله عليكم كلكم لان تعرفون بي مررريضضض

قذر سافل زاني مجنون وما نصحتوني ولا واحد بيكم

صار زين وكال خطية ليش اورط الثالثة ويا

لان هو سبق تزوج اثنين ونفس صخام وجههه

واحد مغرور شايف نفسك وانتِ كلك خلك واحد دنس فاسد .

وكف وهو هائجا منفعل دخل الغرفة عمي طلع

عرف ما ناوي الغيهب ؏ خير ركض بتجاهي

فتح الباب ودفعني اني وهشام قبل لا ينسد الباب

هو طلع من الغرفة بيده المسدس .

تراجعت وهشام سحبني وهو يصرخ :- هشاااااام لك هششام

انطوووونياها اليووووم  اذا ما اخلص الشاچور براسها .

هشام:- امشي ننزل بسرعة.

زهراء:- شنو نخاف منه والله ما يهز شعره وحده

من راسي بعد مليتتتت منه هل قذر الرخيصصصص .

هشام :- اعرف محروك كلبج لان خانج وحقج

وكلش زين اعرف غلطانين بحقج بس الخاطر

عشرتنا وخوتنا نزلي وياي .

زهراء:- اطلع اروح اشتكي علية ينام حبوس خطر هذا

يدمر ويقتل ويعنف ما يصير يبقى يفتر براحته .

هشام:- من تشتكين شدكولين ماعندج دليل علية بالعكس

إحتمال يتخبل بالزايد ويفرها عليج ويكول ضربتني .

زهراء:- يسويها لان ناقص رجولة.

صعدت بالمصعد ونزلت ويا وصلني البيت ابوية

قريب الباب وأشوف الهوسة وكلها تصرخ مخبوصين

تكهربت وبعد ما اكدر اخطي خطوه كدام

هشام:- يا ستار شصاير ؟

زهراء:- اندري بس لا واحد بيهم متأذي .

هشام:- لج لا اخاف لان طلعتي من البيت .

زهراء:- عزا العزاني شلون بيه .

هشام:- امشي ويا خلي نفتهم شنو السالفة. 

صرت قريبه عليهم گلبـي يدك دمام

اريد اسيطر ؏ نفسي ما اكدر

لمحني عمي ابو ايهاب وعاط بدون مقدمات:- لج ووووين جنتي .

زهراء :- عمو رحت الـ .....

ما احس غير كمز علية ضربني راشدي

فر ركبتي فر والحرارة صارت بخدي تموت

اريد احجي هجم هشام وشمر عمي ودفعه مني

ضليت جامدة حتى دموعي ما نزلت

بس اباوع عليهم شلون يدافعون

وهشام يصرخ علية بعلو صوته :- انتَ شلون تمد ايدك عليهااا .

تذكرت كلام ابوية من كال :- امج اجت واحد من عمامج

كتلها وطردها ، شنو رجع الزمن تكررت الاحداث

ابو ايهاب :- اطلع منها لا اموتك ويا اخوك .

رفع هشام إصبعه بوجهه عمي

ورد بتحذير :- تخسون تشلع شعره وحده من اخوية والله

بذاك الوكت اخليكم تكرهون تتنفسون .

ابو ايهاب:- تهددني بنص منطقتنا.

هشام:- هددتك لان اجاوزت عليها .

ابوايهاب:- اني عمها وبكيفي انتَ لا تدخل

بهل بومه من يوم دخلت حياتنا هي وامها

الفكر بنت الفكر لليوم تبهذلنا لا ليلنا ليل ولا نهارنا نهار

من الله لا يوفقج بنت الزمالة.

دفعني هشام وسحبني بقوة من أيدي صعدني

بالسيارة قفل الباب ورجعلها صاير نار

الشرار يطاير من عيونه ما اسمع

شنو يحجي بس شوية يحجي شوية يصيرعصبي  وينتر ويدفع بـ عمي

الى ان عافهم وصعد وهو يسب ويغلط عليهم

ڪُـل هذا اني حرف ما نطقت حسيت الدنيا صارت سوده

بعيوني خسرت كلشي لا اهل ولا عيال

ولا ام ولا اب ولا اخت ولا اخ اليوم اني وطفل بطني نحارب

وما نعرف شنو مصيرنا .

خابر هشام ؏ عمي يسولف ويا ويشرح حالتهم وحالتي

اني فصلت بعد هاي هِـيِّ ما عندي طاقة

الكل ضدي حتى روُحـي تشتغل ضدي

عقلي ضدي وقلبي ضدي

مشاعري ضدي عواطفي ضدي

الدنيا ضدي والزمن ما رحم بحالي

اليوم صدك حسيت نفسي يتيمة

اليوم صدك نكسر ظهري .

وصلنا مقابيل البيت يحجي هشام وياي مو بوعييي

تركته هشام  لان وجهي صار اصفر كدامه

؏ كمية الخجل والخذلان الصارمقابيلة

ما ردت يشوفني بـ هل حالة استحيت من

تصرفاتهم لو مفوتني ويحجي علية جوه ولا هل

قهرر ، ليش حضي هيج ياربي شوكت ارتاح

نهد جدار گلبـي وسبل النجاة خلصت .

دخلت البيت عيالي وبوجهي للغرفة الفوك

فتحت الباب داهمتني الذكريات

صاحبها الضعف وقلة الحيلة

هنا ضربني هنا أعتذر

هنا دفرني هنا باسني

هنا صرخ بوجهي هنا ضحك بوجهي

فتحت كنتوري سحبت الجنطة

وفتحت بكل قوتي السحابة

أخذت مفتاح بيت امي

ورجعت الجنطة المكانها

مديت ايدي الدشداشة امي وعطرها

لفيتهن بالعلاگة كلش زين

اريد اطلع صار مقابيلي صورته

مخليها ؏ رف التلفزيون

سحبتها اباوعلها بحقد

وغل وقهر وكل انواع الالم والكره بكلبييي

بسببك انتَ بسببك تعذبت وتحطمت

انتَ دمرتني اكره نفسي لان حبيتك يا غيهب

رگعتها بالكاع تناثر الكزاز بكل مكان

طلعت من الغرفة لكيت هاجر تريد تصعدلي

نزلت راسي وكملت طريقي استوقفتني

وهي تمسكني من أيدي :- زهوره حبيبتي شبيج امي .

رديت بكل برود :- مابيه شي أريد أرتاح.

عفتها وهي تحجي ورايه طلعت وصلت

للكراج التفتت هشام يباوعلي بيده التلفون

يخابرمنفعل وبالثانية يشرب جكارة .

عارض طريقي وهو يهمس:- لحظات واخابركم .

سد التلفون وأشر بيده :- ها خير يا طير وين .

نزلت راسي واحس طابوكة ؏ صدري تكتم نفسي

تمنعني من التنفس:- اريد اروح البيت امي ارتاح .

هشام:- وحدج .

زهراء:- اي وحدي .

هشام:- وأنتِ حامل وحالتج هاي تريدين اخليج تروحي

وحدج تكعدين بيت متروك فارغ مترب .

زهراء:- روح امي هناك اريدها عفية عوفني .

هشام:- فوتي ارتاحي شوية جوه اكلي لكمة نامي ساعة

والفجر اخذچ الـ أمج للنجف .

زهراء:- هشام بداعت جهالك تعوفني ما بيه حيل

احجي والقران ما بيه حيل .

هشام:- ابوية ما يقبل اذا يسمع يتخبل .

زهراء:- اذا ما تخليني اروح هسة اني الراح اتخبل

هشام شبيك لا تعاند وياي تره روُحـي مفرفحه.

سحبت نفسي وطلعت هو يمشي وياي

ويكلي:- لج بابا البيت مليان تراب وين تكعدين .

زهراء:- ارتاح شوية وأعدل البيت قابل صعبة .

هشام:- صعبة بحالتج هاي اكيد فقدتي عقلج .

بقيت ساكته ما اريد اكثر حجي

اخذ مني المفاتيح فتح البيت

وكفت بالباب أمنعه يدخل

هو بقه مصدوم مني ،ههه حقكم متعودين

؏ زهراء التخجل الـ تحسب حسابكم قبل

لا تحسب حساب الـ نفسها بس لهنا وخلصص

من اليوم ما راح اسمح الشخص يدخل بحياتي

وما راح اسمح الشخص يحميني

وما اريد سند

وما اريد ظهر

وما اريد قوة

ومااريد شخص يعطف علية

وما اريد شخص يكول خطية

وما اريد شخص يشوفني ضعيفه

وما اسمح الشخص يعنفني

وما اسمح الشخص يرفع صوته علية

وما اسمح الشخص يهين كرامتي

وما اسمح الشخص يعيرني

وما اسمح الشخص يذلني

زهراء الفقيرة لازم تموت

الخاطر ابني لازم انتقم

الخاطر ابني احاربهم

الخاطر ابني لازم اوكفهم عند حدهم

لهنااااا وخلص اقوي گلبـي بنفسي

وافضل نفسي عليهم

واعاند

وأعصب

وأصرخ

بوجهه ڪُـل شخص يحاول يستغلني .

دخلت للبيت اخذت تعلاگه من الكنتور علكت بيهاا

دشداشة امي أخ يا أمي أخ

أبتعدت واني اباوعلهاا حاولت اضبط نفسي واحارب

ما تنزل دموعي وفشلت واني اصرخ :- أنتِ وووين عفتيني

ووووووويـــــين عفتينييييييي .

شووووفييييييي حالييييي هذا كله بسببببج

ليششش ما كتلتيني وما خليتيني اختار هل مجرم

جنتي تدري بي هذا حبي وحلم حياتي بس غلط

الغيهب غلطططط لو ميته وما مخليتني أخذه

شوفي حاااليييي انيييي بقايا حطام الدنيااا

ما تكتفي من دموعي وعذابي .

ضليت أفتر داير ما داير الغرفة وجع بكلبي

صرت مقابيل المراية شفت نفسيييي

اخ شصاير بيه شلون يباوعون بوجهي واني

هيج عيوني سوده وجهه شاحب جسمي

عبالك عودة ودموعي تجري

؏ شنووو تبچيييييين لاااا تبجين والله ما يستاهل

اخخخخ شكثر كسرتني يا غيهب

بكثر حُـبـي الك دمرتني

اتمنى لو ما حبيتك الـ هل درجة

أتمنى لو ما حبيتك بكلبي وعقلي وهربت

منك ومن ظلماتك .

صررررخخخختتت واستمريت اصرخ

الى ان نهد حيلي اخذت عطر أمي رشيت

؏ ملابسها وحضنتها واني اهمس بتعب:- تعبت يمه حضنيني .

أكثر وقت أحتاجج بي هسة لو تاخذيني يمج لو تحضنيني .

خلص حيلي سحبت الدشداشة وكعت بالكاع

خليتها ونمت فاقدة الأمل بالدنيا كلها

نمت واني اتمنى ما اكعد

لو اكعد واني فاقدة الذاكرة

نمت وآني شايلة جبل من الهموم

بس خيط الأمل الـ مخليني اتمسك

بـ هل حياة أبني.

ما أعرف شكد مر وقت بس وقت طويل

بين اسمع وبين نايمة صوت صراخ بره

رفسات متكررة ؏ باب الى ان اندفع

ودخل امير وهشام وراهم عمي

وعمتي أريد اكعد ما اكدر فاتحة

عيوني بس جسمي ما اكدر اتحرك

احس نفسي ثقيله.

رفعت عمي راسي نومتني بحضنها

أنيت بوجع صاحت ؏ عمي :- شبيهاا زهراء شبيهااا .

عمي من شاف حالتي كعد ؏ تراب

چانت ملابسي عبارة عن تراب

بس دشداشة امي موجودة بحضني

شالني هشام وامير ركض فتح باب السيارة

اريد احجي اكلهم اني اسمعكم

وأشوفكم بس من

فزعهم يصيحون:- فاتحة عينهاا شبييهاا ما تتحرك انجلطت.

عمتي تبجي بعلو صوته وتركض وراهم

صعدت نومتني بحضنها جسمي خشبة

بكل ما تعني الكلمة ما أحس بي نهائيًا

الى ان وصلنا عمتي ختمت القران علية

دخلنا للمستشفى أهليه استقبلونا الدكاترة

واحد منهم صرخ :- طوارئ بسرررررعة طوارئ .

غمضت عيوني نزلت دموعي نار بكلبي

بس هذا الألم بعد ما أحس بشي ثاني

أجت دكتورة وياها دكاترة اثنين وممرضين

أنسحبت أبرة انضربت وبعد ما حسيت بشي

بعد مرور وقت صحيت ؏ ضربات خفيفة

شفت دكتورة ودكتور أبتسمت بوجهي وهمست :- الحمدلله ؏ سلامتج .

هزيت راسي واني استرجع ذاكرتي

وحاولت احجي خفت لا هم ما يسمعوني :- تسلمين دكتورة ، أبني شلونه .

الدكتورة:- تمام التمام ابنج ولا يضل بالج حالته عال العال

بس ماما مو زينه ويرادلها راحة .

الدكتور :- وعناية خاصة بعيد عن الضغوطات النفسية

الصار وياج ما يصير يتكرر تشنج اعصاب وانتِ حامل

غلط بنتي بـ هل حالة تخسرين نفسي

تدرين ضربات گلبـج صفنتني والله كلت هل بنية ما تعيش .

زهراء:- الحمد لله على كل حال ان شاء الله ما تنعاد .

صاحت ؏ عمتي أجت تعلمها ؏ أدوية

من طلعت باست راسي تتحمدلي بالسلامة

اتجاهلت الوضع وأخذت وضع الصامت .

تأخر الوقت اباوعلها بـ 9 بليل صارت

اجت نفسها الدكتورة وانطوني أذن أطلع .

غيرتلي عمتي الملابس وسندتني طلعت

وياها بس نزلت من المصعد تلكوني

هشام وعمي اخذني عمي من ايد عمتي

مشينا للسيارة صعدت واني ما حجيت ويا واحد

بيهم بس أريد أوصل للبيت

الى ان وكفوني مقابيل بيتهم همست وإني مصره:-لا ما أدخل

هنا اريد ارجع البيت أمي .

ابو الغيهب :- ولا يمكن نقبل بنيتي انتِ زوجة ابني مهما يكن حتى لو مو

أدمي ، وصغيرة شلون تبقين وحدج وفوكاها مريضة .

زهراء:- اني هل بيت بعد ما اريد ادخل بي

وهاي زوجة أبني خلصنا منها بعد اني وابنكم

من المستحيل نجتمع بيوم .

ابو الغيهب:- لا ابني شنو انعل ابو هو حتى

مو هنا ولا بالعراق سافر البارحة ابوي انتِ  بعد

ما نشوف وجههه الله وكيلج ، اني اريدج تبقين

يمي بيتي .

ام الغيهب:- صخام بوجهيي شوكت راح .

ابو الغيهب :- البارحة باليل طار .

ام الغيهب:- يدري بزهراء بالمستشفى.

هشام:- اني وصلت الغيهب للمطار قبل لا تتخربط زهراء.

ام الغيهب:- يعني ما يدرييي .

ايو الغيهب :- عسى لا يدري ززززين .

يبس ريكي وهو يحجي احس دچني بسچبن حادة

نفضت ڪُـل مشاعري وهمست بيني وبين نفسي:- العافية درجات

يجي يوم من اسمع عنك شي ما تهز شعره من شعراتي.

زهراء:- ما تقصر بس لو سمحت اريد اروح البيت أمي .

عفتهم ونزلت من السيارة

اتبعني عمي وصاح ؏ هشام

بوب البيت بعدها مخلوعة

راح للبيت اخذ الغراض ورجع يضب بيهم

اني دخلت كعدت ؏ تخم البيت كله تراب

واني كوه احرك جسمي

صبرت ؏ نفسي الباجر أرتب شوية شوية

ما اضغط ؏ نفسي .

ابو الغيهب:- عمو متأكدة تريدين تكعدين وحدج هنا

لا ترجع حالتج تنتكس وجودج هنا غلط بنتي والله غلط .

زهراء:- الله يخليكم لا تضغطون علية اني ارتاح هيج .

ابو الغيهب:- انتِ هم صار راسج يابس .

نزلت راسي هو تعبان حيل عافني وراح

بعد ما تأكد قفلت البوب زين .

دخلت ورجعت المكاني الى ان غفت عيوني

ودموعي ؏ خدي ما فاركتني

بس اني اريد يوكعن حتى ڪُـل خيباتي وخذلاني

توكع وياهن الى ان ينغسل گلبـي وتخلص دموعي .

غفيت مهضومه مهمومه

انتظر هل الأيام تمشي

وهل شعور المقرف ينتهي .

الثاني يم من الصبح دخلت هاجر وياها فرح

تفاجأت منهم سلمن وبدون كلام دخلن

بيدهن سطل مسح وصل ومنظفات

كعدت اباوعلهن وهن ينظفن ما وكفن لحظة

غسلن البيت كلة من فوك ليجوة

وصلن للكراج وعبالك متفقات ويا عمتي بس تشوف

مي بالشارع جابت جدورة الغداء واجت صبت

اكل ڪُـل هذا واني حرف واحد ما بدر مني وهم محترمين

ان اني ما اريد اختلط ويا شخص بيهم

من شفت الصينية بالكاع دخلت للغرفة

لحكتني هاجر فاتت وسدت الباب وراها

كعدت بصفي ؏ جرباية مدت ايدها

حكمت لزمتها ؏ ايدي وهمست :- أني اكثر وحده بيهم تحس بيج .

نزلت دموعها أثناء ما تحجي مردت گلبـي وبكلماتها

هزتني هز انفجرت ابجي وهي تبجي

كملت كلامها وهمست :- عبالكم أمشي وأشتغل واطلع واضحك

مرتاحة لا والله اني تعبانه بس ما اريد احد يحس بيه

دست ؏ گلبـي حتى ما أبين ضعفي كدام احد ويكعدون

يشفقون علية ، زهراء اريدج مثلي الداس ؏ كلبج دوسي علية

الخانج بيعي ولا تهتمين الكلبج موووتيييي كلبج هذا موتيييييي

كرامتج أهم حريتج اهم لا تخلي يذلج

مسحت دمعتها وهمست :- الله يعلم شكد جنت احب ابو اطفالي

بس هسة تحول حُـبـي كره وكع ويا ڪُـل دمعت تغرگ فراشي باليل

انتِ موقفج اكبر من موقفي انتِ شفتي بعيونج

الله يلوم الـ يلومج ويوكع ڪُـل شخص يچيب اسمج

بنفس الوقف ، انتِ عظيمة والله عظيمة .

هزيت براسي واني اشهك :- اني ضعيفه خايفة من كلشي

اني حتى ما اريدكم ما اتحمل اشوفكم كلكم ما نصحتوني

ليششش اني اكثر وحدة دمرني اخوج

هو لا عاقب جلال ولا موج هو عاقبني ؏ غلطهم

اني ادمرت باعي حالي عبالك ميته

والله متت كوه أجر النفس .

هاجر:- أعرف شنو قصدج والله أعرف

وادري اذا تثبتين ؏ موقفج وتبتعدين راح ترتاحين .

زهراء:- هذا راح يصير صدكي هو هذا راح يصير .

مسحت دموعي وهمست :- مو كلت عظيمة كومي غسلي

وأكلي ويانا من نروح نامي وارتاحي سويتلج البيت زبد .

هزيت براسي وطلعت اكلت كم لكمة بدون نفس

من خلصت اخذو غراضهم وراحوا

كعدت وحدي بين انام ومرات استرجع ذكرياتي

ومن اريد انسى اطلع تلفوني اباوعلي مسلسل .

مرت الايام صعبه بس جرعتها

جافة بس مريتها بدموعي وحركت گلبـي

ڪُـل هل ايام ما اخذت فلس من عيالي

يجي عمي يتوسلني ارفض رفض قطعي يمل ويروح

الى ان بيوم احتاجيت مصرف

خابرة جارتي صديقة أمي أنطيتها الحلقة راحت للسوكت

بساعة وحدة باعتها وجابتها سلمتني 350 الف

تشكرت منها وهمست :- ولو اعرف ثقلت عليج ڪُـل يوم طلب

بس عادي باجر تاخذين للسوك اريد مسواك .

- اذا ما بيج حيل اني اتسوك .

زهراء:- فدوة لعيونج خالة ما تقصرين بس اني اريد اروح .

أشرتلي ؏ عيونها وهمست :- من عيوني باجر بـ 9 أجي اخذج .

تشكرت منها وراحت وره دقايق اندك الباب رجعت

بيدها صينية دولمة وطرشي وخبز حار خلتهم بيدي

وراحت ثواب الـ ابوها .

وصدك الثاني يوم رحت تسوكت للبيت مسواك كامل

وملابس لون اسود وعطور ومنظفات ورجعت وياها

شفت سيارة وأكفه باب البيت تقدمت اكثر اريد افتح

الباب نفتح باب السيارة وطلعت رجاء.

باوعتلها بستغرب باوعتلي بترجي :- ممكن أدخل .

فتحت الباب وهمست :- تفضلي .

خليت المسواك بالمطبخ ورجعت لكيتها تباوع

بالبيت ودموعها نازلة ؏ خدها :- بيج شي رجاء.

رجاء:- عندج تذكار من امي اريد أشم عطرها .

صكيت ؏ اسناني دموعي تتسابق

وهي تنزل فتحت ايدي وهمست :- عندي حنانها .

شهكت وهي تركض تشمر روحها بحضني وكعت اني وياها

بالكاع امسح بدموعها وتمسح بدموعي

احضنها وتحضني لـ أول مره بحياتي اخذ اختي بحضني

لحظات دمرتني بس رجعتلي أمل

بعد ڪُـل الصار بيني وبينها بس ادري

هم تحملت ونكسرت وما حست بحنان أمي

أعذرها ؏ كلشييي .

رجاء :- سامحيني والله ما افتهمت بالبداية هم

والله هم مفهمين غير قصة ، كالو امج اخذت

زهراء لان هِـيِّ المفضلة عدها

وكالو هِـيِّ شردت ويا واحد وتزوجته

مريت بوقت عصيب شكد ما احجي اقصر .

تدرين زهراء بكثر ما جنت احب ابوية كرهته وفرحة

من الغيهب هيج انتقم منه يستاهل يحب نفسه وزوجته

الله لا يرحمها ، بس اني ما كرهت اخوتي صرت أحسن منها

وربيتهم تعبت وياهم وهسة هم يحبوني ويصيحولي ماما .

زهراء:- لاحظت هل شي وفرحتلج ، اني احبج وما عندي شي

وياج انتِ اختي واخر ما تبقه من أمي .

رجاء:- عمامي أستغلوني بعد ما راح ابوية ضرب ؏

أهانة من ابوية موجود ما يندكون بينا .

زهراء :- ابو ايهاب طردني .

رجاء:- اعرف استغل الفرصة لا ابوية ولا جدي .

زهراء:- تعالي عيشي هنا يمي .

رجاء:- زوجج وين ؟

زهراء:- مسافر ، وبطريقج أحسبني منفصلة

بعد ما أولد ابني نطلك .

لطمت ؏ وجهه وصاحت :- عززا ليشش .

زهراء:- هن هواي اخاف احجي بيهن وينتهي ُ ؏ــمري .

رجاء:- هيج ثكال .

رفعت راسي وصحت :- اوووووو حيل ثكال كسرني .

رجاء :- بعد ڪُـل ضيق فرج .

كمت اني وياها طبخة الغدا وحضرت هِـيِّ لبن خبط

اول مره بعد هل ايام الصعبه أكل براحه

جنت محتاجة سند يسندني الوحدة صعبه.

من خلصت كمت اني وياها نظفت كلشي

ورجعنا كلشي المكانة ورحت الغرفة

امي طلعت البوم صور صغير شوفتها الصور

وهمست :- امانة لا تضوجين .

رجاء:- ما اضوج بس أبجي .

زهراء:- نموت ؏ نكد أبجي وأبجي وياج .

فتحت البوم الصور صورة بعد صورة احجي قصتها

احيانا نضحك واحيانا نبجي بس بالخير ختمناها نضحك .

- صدمتيني من شفتج أول مره تشبهيني بصورة فضيعة .

زهراء:- اي كلها كالت نفس الكلام .

رجاء:- تدرين ايهاب من انتِ موجودة لازم يتأكد

اني زهراء لو رجاء بعدين يحجي .

زهراء:- ايهاب احسن واحد بيهم .

رجاء:- هو مصبرني ؏ليهم .

كمزت من مكانها ؏ جنطه وهي تصرخ :- لج زهراء هسة

ايهاب حارك التلفون والدنيااا .

زهراء:- يااا تلفونج صامت .

رجاء:- اي والله صامت .

فتحت التلفون 115 مكالمة

و16 رسالة تقرا بيهن وتلطم .

-رجاء ابوس راسج لا تسوين شي غلط .

- رجاء مو وعدتيني تتغيرين ليش تروحين .

- رجاء:- والله بچيتهم دم اخذت حقج مثل ڪُـل مرة

ارجعي احلفج بغلاتي ترجعين.

- ريري أختنكت صار بيج شي .

- ريري دموعج تنزل موو .

- ايهاب ضعيف بدونج لا تغلطين

- لا تموتيني .

وبعد وبعد انصدمت من كمية المشاعر

همستلها بستغراب :- ايهاب وانتِ .

رجاء :- تعلمت ما احب بس ايهاب سندي أماني وملاذي .

خجلت اكثر اسئلة هِـيِّ بسرعة لبست شالها وباستني

وهي تركض وتحجي :- لازم ارجع للبيت خطية لا يصير بي شي .

ختمتها بضحكة وصعدت بالسيارة

اريد أدخل صارت بوجهي

وحده چبيرة بالعمر همستلي والتجاعيد

تحجي تعب عمر :- خالة ما عندج الف وكلاص مي .

زهراء:- من عيوني بس لحظة .

عفتها ودخلت أركض للغرفة طلعت

جنطتي اخذت خمس الف وطلعت وبيدي بطل مي بارد

انطيتها تشكرت مني وراحت .

دخلت للبيت بعد ما قفلت البوب

اخخخ يا راحتي النفسية بعد ما

صارت أختي وياي ومتأكدة مو

أخر مره تجيني تونسنا سوه .

بعدني فكرة تاخذني وفكرة

تجيبني دخلت للبيت وجمدت

وآني وأكفه باب الاستقبال

ارتعد گلبـي ودكاته تعدت الطبيعي

همست وصوتي ما راضي يطلع :- م م مـــوج .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم 🧡🧡🧡🧡

رواية ظلمات الغيهب

بقلمي أساور حسين

الحلقة _25_

لماذا دائما الشخص الي تحبه تحسه :

قاصد يروح الغيرك .

قاصد يجرحك .

قاصد يعذبك .

قاصد يدمرك .

قاصد يبهذلك .

لماذا هل السبب حُـبـي لك مــن قلبيييي.

لطفًا لا تنسون التصويت ومشاركاتكم بين الفقرات

  +متابعة الحساب الواتباد حتى توصل الكم الشعارات 🦋

.............................

زهراء...

ارتعد گلبـي ودكاته تعدت الطبيعي

همست وصوتي ما راضي يطلع :- م م مـــوج .

رنت ضحكتها بـ إرجاء البيت

وردت بستهزاء:- اي اي موج بـ لحمها وشحمها .

بلعت ريكي واني استرجع نفسي

وأحاول اثبث وما أبين الها خوفي

ما خايفة ؏ نفسي بس ؏ ابني

هاي شيطانه حالها حال ذاك

ماتوقع تحركاتهم وافكارهم .

عدلت نفسي وصحت بيها :- شعندج هنا وشلون تدخلين بيتي

من دون أذن مني منووو سمحلچ .

موج:- واني انتظر احد يسمحلي اني ادفر بوب وگلوب وادخل .

زهراء:- وهاي انتِ ما بقيتي قلب ولا باب ما دفرتيهن ودخلتي

وتالي تنسحلين شبيج يحضي الغبر .

موج:- صدكي بـمزاجي اطلع .

زهراء:- صدكت لا تحلفين متشوفين المنطقة من الطول

للطول يضربون بيج مثل بـ السقوط والفشل والانحطاط.

موج:- وداعتج جذابين كلها تتمناني.

زهراء:- طبعا يتمنوج غير كح........ واسهل منج ماكو

واحدهم يدفع بيج 10الف تروحين ويا .

موج:- مثل زوجج .

زهراء:- لا هذا شبع منج .

موج:- وشبع منج انتقل البنات التراك .

حاولت والله حاولت اضبط انفعالي

بس نفسيتي ما تتحمل كلام :- اختصري شنو تريدين و ولييي مناااا .

تفاجئت واني اشوف دموعها والعبرة

ترست صوتها :- اجيت اشوف ابن الغيهب ، هو وعدني ما يريد

طفل من غيري انتِ اخذتي مكاني  اني موج گلبه ما يتخلى عني .

زهراء:- انتِ تخليتي عن مكانج .

ضحكت بوجع ودموعها تتساقط ؏

خدها بدون تحكم :- وعبالج انتِ والقبلج والبعدج تملون مكاني

بـ قلب الغيهب .

مشيت كعدت ؏ تخم مقابيلها

وهمست ابرود:- وعسى ما ينملي بابا لا دخلوني بيكم

اني ابتعدت وتاركتلج الغيهب مالتج الج والـ امثالج

الغيهب مو من مستوايا.

موج:- والـ ابطنچ هذا يربط الغيهب بيج انتِ الوحيدة

بيهن حملتي منه متقصده يبقى وياج .

انتِ الوحيدة طول وياها ، انتِ الوحيدة ما سمعت مأذيج

انتِ الوحيدة أهل الغيهب يحبوچ .

زهراء:- اهوووو لا دوخيني أختصري شنو تريدين .

موج:- لو ما انتِ وابنج بحياة الغيهب متأكدة يرجعني

هو ما يكدر يستغني عني روحه متعلگه بيه .

زهراء:- تقنعيني بكلامج انتِ تحبي لو شنو وضعج بابا .

موج:- احبه .

زهراء:- تحبي وتخوني ويا أخو يا ظالمة اخوووو .

موج:- هو السبب ، يلتهي بالشغل ، يسافر ، ويعوفني وياي

جلال ، جلال طلعها ، جلال وصلها ، جلال اشتريلها

جلال جلال جلال الى ان حبني .

زهراء:- حبچ ؟

موج:- طبعا هو حبني قابل اني أحبه .

زهراء:- والغيهب ؟

موج:- هو حبني .

زهراء:- وانتِ تحبين منو ؟

موج:- أحب نفسي ، نفسي وبس .

زهراء:- شكد نذلة ومتناقضة صار ساعة وماكو شخص يملي مكاني

واخذتي مكاني وصخام بوجهج وبوجهه تالي تكولين ما احب .

موج:- تريدين أحب واستنزف ڪُـل مشاعر قلبي وروحي

وانطيهم من صحتي بلافائده.

زهراء:- فائده شنو يا حيــوانه .

موج:- ماكو غيرچ هنا حيوانه وغبية لان تنطين ڪُـل

ماعندج تالي ما تالي يبدلج بوحده ثانية ويعوفج ويروح

مثل ما صار وياج يا زمالة.

شوفي اني فريتهم فر هم واخوو هم تعبوني بس اني رديتها

أضعاف جلال والغيهب مصلحة وياي كلهم يريدون

اني انطيتهم بس اخذت منهم أضعاف الـ أخذوا مني

خليها ابالج يا زهراء بـ هل زمن الحب مجرد كذبة

وموت على قيد الحياة والرجال شكد ما تنطي تاليتها يشيل

نقطة الجيم ويصير الرحال يرحل ويعوفج فتات قطعة

قماش مستعملة  ، فـ لازم اصير احسن منهم اخليهم ياخذون

واني اخذذ منهمممممم .

هزيت راسي وحلكي يبس منها :- اي صح أخذوا

شرفچ أخذوا حريتج تخافين تطلعين بالشارع

نوموج مستشفيات ومراكز.

موج:- هذا لان جرحتهم ، لان ما يكدرون يتخطوني

وما راح يكدرون ، اخذت قلبهم وروحهم ، اخذت منهم

سفرات وفلوووس اكثر من ما تتصورين .

قاطعتها واني اهمس:- مضحكة ثولان مجانين وما ؏ مجنون حرج .

رمقتني بنظرات حاقدة وكفت تمشي

عفتها وكفت همست:- خليني اضيفچ الظاهر مطولين .

عفتها ورحت للمطبخ خابرت ؏ عمي

اول ما رد علية دخلت للمطبخ دفعت التلفون

والتفتت:- مــوج ارجعي هناك ما مسموحلچ تفترين بالبيت .

ردت علية وهي تسحب كلاص من الكاونتر :- اريد اشرب مي

اتعب من احجي وياج الثولان يدمروني .

التفتت باوعت ؏ تلفون عمي ؏ خط شوية ونسد

دعيت ربي يسهلها علية واتخلص منها واضح ما ناوية

؏ خير ، دمرت أعصابي وأني اشوفها تتوجهه للمجرات

سحبت سچين وتقدمت بتجاهي بصعوبة

طلع صوتي وصرخت:- مخبله انتِ شتريدين مني .

موج:- اتصلي بالغيهب اريد احجي ويا .

تقربت أكثر ونزلت السچين ؏ بطني

مشتها بهدوء اني رجلي ماتت :- ما اعرف الرقم وما عندي تواصل

ويا وما اريده روُحـي العمي يخابرون عليه ويحجي وياج .

دفعتها بكل ما تبقه عندي من قوه

وطلعت من المطبخ اركض ؏

شارع بس اني عندي ثقل ما

كدرت اوصل بسرعة

وهي أسرع مني بـ هواي

سحبتني من ظهر دشداشتي

صرخت بعلو صوتي :- عووووفينيييي .

موج:- وين تولين هِـيِّ روُحـي وخلصت

وحياتي دمرتيها .

زهراء :- لج اني دمرت حياتج شلون

انتِ  بسببج عنفني اني عاقبني بدل عنج

تعاقبت ؏ خياناتج شوفييي حالي خسرت

كلشيي ، خسرت نفسي وصحتي وگلبي .

دفعتني للكاع وكعت بكل قوتي

؏ مقعدي تراجعت للخلف

وهي كمزت علية خنكتني

بـ أثنين اديناتها :- بــس الــغــيـهب يــحـبج .

هزيت رأسي وأسحب بيدها

واني مخنوكة صرت كوه

آجر النفس :- مـا يح ما يحبني والله ما يحبني .

ضغطت أقوى من قبل وصرخت

وبعيونها حقد الكون كله

خلتني أرتعش بين أيدها:- يحبج يا ساقطة اخذتي

الغيهب ، لج ما يبتعد عن وحدة الـ اذا ما يريد يأذيها

هو ما يريد يأذيج ابتعد حتى يحميج من نفسه.

غلقت عيني وشنجت جسمي

قويت نفسي لان اذا استمر دقيقة وحدة

؏ هل حالة افقد ابني وافقد نفسي

رجلها شالتها وضغطت بيها ؏ بطني

أنيت بوجع من الصدمة جسمي مات

بس ما اعرف شلون وبأخر لحظة

رفعت رجلي ودفرتها ؏ بطنها

وسرعان ما كورت ايدي وضربتها ؏ گلبها

وكعت بالكاع وهي تسب وتغلط

حاولت اكوم ما كدرت اختنكت

ظليت اكح وايدي ؏ ركبتي

وهي مثل الزمال تعودت ؏ ضرب

ما اهتمت وگامت بسرعة ؏

ميز صغير مخليته بالكراج رفعته

ما اعرف شلون عدها قوة

ويا ما تريد تضربني اندك

الباب بصورة جنونية شمرت

الميز وكعدت بالكاع ، من شافوا ماكو

رد رفعت راسي شفت جلال كمز من فوك

الباب رفعت نفسي ستندت ؏ حايط

هو تصوفر وجهه وبهت لونه

وسع عيونه وتقدم عليها وهو يباوعلي

بتركيز :- شسوين هنا لج كح.....

لزمت گلبها وأشرتلي :- هاي خابرتني گالت

أريد احجي وياج ، أمنتها واجيت اشوفها

تالي تغدرني وترفع علية سچين تريد تقتلني

ترضاها هيج تسوي بيه

استمرت بالكلام بدون توقف :- تكلي ليش الغيهب

يحبج ومايحبني ، گولتلها اني اختاريت جلال

غيهب تركته وما يعنيلي شي .

تحجي ودموعها تنزل عشرة عشرة

بحيث اني صدكتها مبين كلامها

وحدة ما تعرف تجذب وعبالك

هي المخنوكه مو اني .

اباوع ؏ نفسي صرت قطعة تراب

وكفت واني الزم بالحايط خجلت

من جلال يباوعلي ورجليه طالعة

شال ماكو ؏ راسي حسبي الله

خفت ورتعد گلبـي بس لا يصدكها

بـ هل أثناء اندفر الباب ودخل عمي

وعمتي الظاهر چانوا طالعين

جلال حصرها ؏ حايط

عمي صاح:- شصاير هنا .

كمزت وهي تحجي نفس القصة

اني احس الـ أحبال الصوتية مزقتها

التفتلي عمي وكف بصفي وهو

يتفحصني همس بخوف:- عمو زهراء هذا الكلام صحيح .

اني من النوع بسرعة جسمي يزورگ ويبين احمر

واذا كلش قوي تتحول قطعة زرگه

اكتفيت ارفع ركبتي وهمست :- شوف ركبتي واعرف منو كلامها

صح ،وخاصة انتوا تعرفون بعد الدنيا بكبرها

متهمني والغيهب ما يهمني حتى اضربها

واني حتى ما اريد احد بيكم

وهل مره ما اسكت راح اشتكي عليكم

شفتوني ماعندي ظهر وتستغلوني .

بعدني ما مكملة وجلال هجم عليها

فلش راسها تفلش بالحايط هسسه

غير تسكت تسب وتغلط والسانها اطول

من راسها بحيث عبالك ما يضربها يدغدغها

رفس دفر ولا تهتم تصرخ بس ما تفقد

إني بدفعه وحده من هل عذاب اروح بيها

يعني جلال عبالك وحش ويدمر بيها

من الخوف من المنظر كلنا نصرخ

بعد ما انتهت عافها والتفت العمي

وصاح بي :-مو كلت اسفرهاااا ليش ما سفرتهااا

ليش مخليها تفتر تريدني ارتكب جريمة

اخلص ُ ؏ــمري بالحبس علمود أم شوارع.

موج:- صرت ام الشوارع وكح....

بس من تقربت مني وغدرت اخوك ما

جنت هيج عبدتني أله شوية .

هو تخبل ، تهستر ، فقد السيطرة

شال الميز وركعها اخر ركعة

عمتي ركضت نامت عليها

وتصرخ :- لا تموتها يمة ابوس ايدك لا تضيع .

شمر الميز وهو تفسش بيده

والتفت ؏ صفحة الثانية سحبها جسمها كله طلع

سحلها من شعرها وكعلها دك بوكسات

رحت اركض اني وعمي نسحب بي

ام الغيهب:- ولك عووووفهااااا راح تموووووتت عووفههههها .

جلال:- مليت تعبت منها تعبتتتتتتتتتت خلصووونيييييييييييييييي .

وكف لزم راسه ويصرخ :- موتيييي ولج موتيييي كافييي موتييي .

ابو الغيهب:- ولك من تموووووت شنو هذا حـــل .

وكف يضرب بيده ؏ گلبه :- شــنو الحل خلصنيييييي

يــابـا خلص صبري لهنااااا وهــيهات اتغاضى عنها .

ام الغيهب:- وحــق الله بس اطلع  انتَ اخــر مره والله أخر مره

يسفرها ابوك هل يومين ما نبقيها بعد .

التفتت يأشر علية ويحجي وياهم

وهو بركان:- شوفي شمسوي بالبنية.

تقدم عمي دفعة وصاح:- اطلع معليكم بالبنية .

عافنه وطلع عمي خابر هشام وهو عصبي:- صار شكد من انطيتك

خبر تجي البيت زهراء.

سكت ورجع يرد:- منتظرك لا تتأخر .

وبس انسد دقايق وصل

شالوها ؏ بيت ، جلال ركب سيارته وراح

رجع عمي علية كعد مقابيلي وهمس:- بوية زهوره والله

هل اسبوع اسفرها لا تشتكين ابوس راسج لا تكسرين كلامي .

رديت بـ انفعال :-كلامك ؏ عيني وراسي بس

تعذرني اني ما اكدر اتصرف وكأن ما صار شي

ولا عشت لحظات محاولة قتل

عدلت كعدتي وأشرت ؏ بطني :- اذا ناسي اذكركم اني حامل

بـ بطني  طفل مايصير اني حامل اعيش هل تخبطات والمصايب

انتَ وعمتي ؏ راسي بس وجود عائلتكم صار لعنة حياتي.

ابو الغيهب:- بابا زهورة مو صايرة اطولين السانج بوجهي

واني ما متعود ؏ بنتي هيج تصرف وياي

بعمري ما قصرت وياج ودائما اني واكف وياج

عيب تكولين وبوجهي وجودكم لعنة .

زهراء:- أعتذر بس الضغوطات دمرتني عمو اني بخطر

من جهه ابنك الغيهب ، ومن جهه ثانية موج شلون اخلص

أبتعدت فاتت علية موج بنص بيتي المصيبة ما اعرف شلون

دخلت .

وكف ؏ طوله وهمس:- لا تخالطين الأمور الصار وياج شي

واحترامج العمج واجب عليج لا تخليني اشيل ايدي منج .

كمل كلامه وعافني وطلع

تركني اكل بنفسي شلون نطقت

بهل كلام عمي ونعم العم ليش

جرحته شيكول علية هسة طلعت

؏ حقيقتها .

بس اكيد عمو متفهم وراح يعذرني

ويتفهم سبب تصرفاتي الصارت

كلها بسبب الضغوطات النفسية.

لملمت نفسي والقهرني اكثر

هو ضاج مني بس دزلي

هاجر غسلت وجهي حضرتلي

ملابس بدلت ونمت بالغرفة

وهي بقت بره رتبت البيت كله

وعطرته وحتى اكل حضرتلي وراحت .

ايام تمر والخوف تربع بقلبي

ڪُـل شوية افز مرعوبة

اي صوت بالبيت يجمد اعصابي

ڪُـل شوية انهار وأبقى اتلفت

اخاف هم تدخل فجأة .

حاربت خوفي ولملمت شتات نفسي

يوم الـ اندك باب بيتي وشفت رجاء

هل مره أجتني وايهاب وياها

ابتسمت بطمأنينة وهمست:- يا اهلا وسهلا .

ابتسم ايهاب ورد بثقل:- بيج بنت عمي .

فتحت الباب دخلت رجاء حضنتني

وفاتت جوه ، سويت جاي وكيك

كعدت وياهم نتبادل الأخبار :- ابوية ما طلع .

ايهاب:- بعد بس وكلنا محامين عسى ولعل

لازم نحصل تنازل .

زهراء:- وين تكدر هو اشتكى عليهم وسافر .

ايهاب:- بس لا ما يرجع والله يتبهذلون .

رجاء:- طززز خليهم .

ايهاب:- ميصير هيج بابا هذا ابوج .

رجاء:- ايهاب عوفني .

ايهاب:- ام راس المحجر شمسويلج .

رجاء:- إذا أطول السانك نخبلك اني وزهراء.

ايهاب:- خبالج كافي وزايد .

ضحكت عليهم وكمت اريد أحضر الأكل

ستوقفني وهو يكول:- لالا عازمكم اني ؏ مطعم .

وگفت مرتبكة افرك بـ اصابع ايدي

من الخجل:- لا ما احب اطلع اكل بالبيت احسن .

رجاء :- ما مليتي من البيت فدوة خلي نخلص فلوس ايهاب .

ضحكت عليها وهمست:- صار هواي ما طالعة

احس ما عندي قابلية اطلع واقابل العالم .

ايهاب:- وتبقين ؏ حالج غلط تحبسين نفسج داخل قوقعة

مو بعدين تتأزم حالتج .

هزيت براسي وهمس:- صح كلامك بس مو بيدي .

رجاء:- هو صدك مو بيدج اليوم تكومين تبدلين لو ازعل عليج .

ايهاب:- ماكو لغة حوار كله عندج تهديد .

رجاء:- هذا انا هيج انا ابوس انا .

اقترب وهمس بصوت هٰادئ:- تبوسين منو ؟

عدلت شالها ورجعت ظهرها ؏ كرسي وهمست :- ابوس نفسي .

عفتهم وطلعت سمعت ايهاب يكلها :- ميصير اني ابوسها .

ردت علية بصوت طفولي:- الزم شفايفك اكطعهم واشمرهم للچلاب .

ايهاب:- خليني ابوس وعود شلعيهن اكليهن تغدي تعشي بيهن

براحتج انعلچ والدي والديهن .

دخلت للغرفة بدلت ملابسي ولبست

فستان اسود هادئ ونسقت ويا باقي الأغراض

وطلعت ابتسمت وقفلت البوب اني وايهاب

وصعدنا بالسيارة الطريق كله واحد يصنف

؏ ثاني الى ان وصلنا مطعم جديد مرتب

كعدنا وطلبنا اكل دقايق ونزل حار

اكلت بنفس مفتوحة احس بعد ما شميت

الهوى الطيب وشفت عالم ارتاحيت

وكدرت اتمالك نفسي .

وايهاب ما قصر خلصنا اكل منا نزل

حلو وعصاير الى ان بعد ما اكدر اخلي

شي بحلكي طلعنا نتمشى ؏ محلات

وإيهاب يمشي ويشرح ؏ منطقة

الى ان تأخر الوقت رجعوني للبيت

ودعتهم وتشكرت منهم ؏ كلشي

كانوا مثل طيور الحب يريحون النفسية

وأطمئن عليهم اكثر من شفت الحب بعيون ايهاب اتجاه رجاء .

وهي ما تقصر اذا تشوفه رفع رأسه

ومقابيله بنية حلوة تخزره وتكمل طريقها هو

يروح يبرالها من دون لا ملل ولا كلل .

مرت الايام وصار شهر كلشي

مستقر وضعي وحالتي

اختي يمي بس اخابرها  وعيالي مقابيلي

ڪُـل يوم حرفيا يوميه يجي عمي لو عمتي يتوسلوني اخذ من فلوسهم

يخافون ما عندي بس اني ما اطلب وارجع اعيدها الهم.

زهراء:- عندي والله وما محتاجة مساعدة شخص

مرتاحة هِـيِّج لا مشاكل ولا صراعات ، ما اريد ذاك يصرف علية .

بس ما يطول الهدوء وبين ليلًا وضحاها

كاعدة دنيا ظهر والحرارة عالية

الى درجة اباوع مسلسل ومقابيلي كاست

اكل ، فزيت من مكاني واني اسمع صوت عالي

بالشارع خليت شال ؏ راسي وطلعت مفزوعة

انصدمت واني اشوف هشام شايل

عمتي مثل الاطفال ، عمي يصرخ مفزوع

وهاجر تلطم ركضت لبست عباتي

وطلعت ؏ بيتهم لكيت هاجر بالكاع

تملخ بنفسها نرعبت من منظرها وصحت:- شبيها عمه هاجر

البارحة تغسل بالشارع وما بيها شي .

ردت علية وهي تناشغ:- امي راحت اميييييي راحتتتتت

ايدها نعوجت وحلكها نعوج لج امييييي راحت .

لطمت ؏ وجهي وحضنتها :- جهالج يباوعون عليج خطية

كومي جوة عمتي ما بيها شي شوية وترجعلنا .

هزت راسها وصرخت :- لالا اميييي راحت وكعت بين ايدي .

فات أمير يركض ويصيح ؏ هاجر

دخل هو وياها ؏ غرفة اخذ فلوس

وطلع للمستشفى ، حسيت بالخطر

عمتي ما تستاهل ابد ما تستاهل

نزلت دموعي واني اتذكر حنيتها

وعطفها علية ، همست بصوت يرجف:- ليش صار وياها هيج .

هاجر:- امي تريد تموت بسبب ولدها دمروها كلهم ما بيهم خير

لا هشام يحن عليها ويرجع زوجته ويلمون اطفالهم

ولا جلال مستقر وكاعد وياها

والغيهب هج ، هسة هِـيِّ حالتها انتكست بسبب الغبهب

تريده وهو معاند بعد ما يرجع شلون بيهم دمروها الـ امي .

أجت فرح انطتها كلاص مي بارد

شربته وهي ريكها يابس بقيت

وياها ساعة اصبرها وساعة ابجي وياها

وليل كله كاعدين ما غمضت عيوني

المصيبه هذا البيت أكرها يخنكني

هنا ذكرياتي القاسيه كلها هنااا

گمت باليل صليت الفجر ، وكعدت بالمطبخ

عيوني ما تاخذ نوم ، فرح اجت كعدت

يمي همست:- شلونج هل فترة اشتاقيتلج .

ظهرت ابتسامة جانبيه ؏ شفايفي

وهمست:- ليش تشتاقيلي مو چنتي ضايجة من وجودي

عفتلج البيت وطلعت ما اعرف شلون جنت عايشة

هنا عذاب وضرب وفوكاها انحسد ؏ شنو ما اعرف .

فرح:- الله شاهد چنت عصبية ما اعرف شلون طلعت مني

انتِ طيبه وشلتي البيت عنه وما قصرتي ولا يوم اشتكيتي

بس اني مو خوش سامحيني عليج النبي .

طبطبت ؏ كتفها وهمست:- اصدق كلمات ممكن نسمعها من المقابل

بفترة عصبيته ، وانتِ طلعتي ڪُـل الـ بگلبج المهم اني ما احقد

ولا اضوج من احد ونسيت الله يسامحج گلبـي اني مسامحتج .

عفتها وكمت للفراش ضليت اتگلب

الى ان نمت ساعة وحدة وسمعت صوت هشام

خليت شالي وطلعت كاعد ؏ كرسي يشرح حال عمتي

هشام:- انضربت جلطة بسبب الضغط ، اخخخخ مني هِـيِّ رادتني

اخابر الغيهب وما قبلت بقت تاكل بنفسها

اعرفها هِـيِّ لو نغيب عنها اهون ما يغيب عليها الغيهب .

هاجر:- خابرته هسة حجيتله عن وضع ماما .

هشام:- خابرت وما حصلته.

هاجر:- ابقى خابر لازم تنطي علم .

هز رأسه وصعد فوك للغرفة

اني رجعت لميت الفراشات وكعدت

هو شوية وسبح غير الملابس وطلع

وبعد ما رجع واحد بيهم

بقينا وحدنا ڪُـل ساعتين نخابرهم نطمئن عليها

ويوم بعد يوم عمتي بعدها بخطر

نهد حيلي بس من الترقب والقلق

ختمت القران بس أريدها تصحى

وبيوم كاعدة بعد ايام ما ماكلين

خابرونا وبشرونا بيها كعدت

والدكاتره يمها .

بين ساعة تمر وساعة تعدي

خلص صبري ، وهاجر انتهت

وما استقر وضعنا غير من

دك علينا عمي وهمس بفرح:- امچ تعدتها امج ما تعوفني .

كالها ظل يناشغ ويبجي مثل الجهال

بجيت ؏ بجيتهم وفرح ويانا دموعها ما نشفت

؏ طول الأيام الـ بيها عمتي بالمستشفى عمي ما فاركها

كاعد يمها ، هو المفروض اكول علية ونعم الزوج .

بقوها يومين وبيوم طلعتها نظفنا البيت كله

والغدة جهزنا بجدورة كبار للمغرب

وندك الباب فاتوا بيت عمهم

شوية ودخلوا بيت خالهم هم وعوائلهم

شلت الجدوره وطبخت اكثر ونسوانهم فوك راسي

يتخوزرن ويتغامزن .

صارت الساعة ب7 ضبط دخلت عمتي وعمي

يا بوية شكد احبهم وكلبي فرفح عليهم

ما وكفوها عاط هشام:- تدخل بغرفتها تنام

وسلموا عليها لا تنتكس .

دخلها نزلها ؏ جربايتها

وفاتوا يتحمدولها بالسلامة

دخلت اني وفرح بالاخير بست راسها

سحبتني من ايدي تريدني يمها

نزلت دموعي وضلت تناشغ وعمي تخبل

ابو الغيهب:- تخبلتي مو زين لا تموتين استري علية والله راح اموت .

هِـيِّ ما تكدر تحجي بس تهذي وتكول :- غيهب غيهب غيهب .

غلقت عيوني وكمت منها

سويتلها شوربة ورحت

كعدت يمها تاكل ودموعها ؏

خدها تنزل ما وگفت لحظة وحده

بقيت كاعده يمها وهم يسولفون ويصبرون

بيها واخوها يكلها :- افتر الدنيا كلها بيج وارجعج خوية .

بقت بس تهز براسها الى ان صارت الساعة

بـ9:43 دقيقة كاعدة ومقابيلي مرايا اشوف

ولحظات خاطفة سمعت صوته اي والله صوته صاح :- يـــمــه .

عمتي نخبصت دخل ونخبصت وياها اريد أركز

واسيطر ؏ نفسي ما كدرت انتفضت وكفت ؏

طولي نسيت بحضني ماعون الشوربة

ويا ما وكفت وكع مني وتفلش

هو وكف بمكانه يباوعلي واني باوعت

؏ الكل وهو الوحيد تجاهلت وجوده

عفت الكزاز وكلشي  هو حضن عمتي 

هِـيِّ ما تكدر تحجي ولا تعاتب بس تبجي وتناشغ مثل الأطفال

وتتلمس بوجهه ، عفتهم وطلعت للحمام وكفت ودگات گلبـي

تقرا الف ، بلعت ريكي وفتحت المي غسلت وجهي

اباوع ؏ مرايا اتذكرته شلون دخل ضعفان بس واضح لاعب حديد

لابس قميص ردن بارز عضلات جسمه وبنطلون اسود

ما ابقى هنا لازم اطلع ، طلعت من المطبخ

شفت فرح شمرت الكزاز بالزبالة

غسلت ايدها وهمست :- عفية طلعي المواعين لازم انصب ونعشيهم .

زهراء:- بس اني اريد ارجع للبيت .

فرح:- عليج الله ساعديني ورجعي .

زهراء:- فرح ما اريد ابقى هنا .

فرح:- كاعد يم عمتي شبيج والله ما يطلع

بسرعة نخلي الاكل ونخلص وروحي .

هزيت براسي بسرعة طلعت المواعين

صبيت اني وياها وعدلت كلشي حتى الزلاطة

رتبتها بالكوس وهمست وأني وأكفه ؏ اعصابي:- خلصت راح اروح .

هزت براسها وهمست:- فدوة اروحلج روُحـي گلبـي .

لبست عباتي وطلعت صاروا ولد خالهم بوجهي

خجلت اطلع رجعت المكاني انوب لا تصير مشكلة

صاحت فرح ؏ امير علمود ينقل الأكل

همست بخجل:- امير عادي توديني للبيت قبل لا تشيلهن .

امير:- يا بيت .

زهراء:- بيتنا .

امير:- وتعوفين امي .

زهراء:- اجي اشوفها باجر .

امير:- ابقي هنا احسن هِـيِّ تطمئن من تشوف الكل حواليها .

زهراء:- ما اريد اطلع بدون علمكم عفية بس اوكفلي بالباب .

امير:- شبيج تعاندين اكلها ابقي .

اجت هاجر تباوع بستغراب:- شكو شصاير.

أمير:- تريد ترجع البيتهم .

هاجر:- ليش ما تريدين تبقين .

باوعت بعيونها وهمست:- ما اريد ابقى فدوة .

اومأت برأسها متفهمه كلامي التفتت ؏ امير

هاجر:- وصلها خطية لا تعاند وياها باجر تجي .

فر أيده وهمس :- امشي كدامي .

طلعت من البيت هو وكف بالباب عبرت

الشارع فتحت الباب ودخلت قفلت البوب

وبوجهي سبحت ونمت بفراشي

اوضاعي كلها تخربطت كارهته

ما احب وجودة ، من اشوف الغيهب

احس بالخطر عكس باقي الزوجات من تشوف

زوجهه تحس هِـيِّ بـ أمان وياها سند وياها ظهر

اني وياي شيطان هذا احسن وصف ممكن اوصف

الغيهب بي .

لـ 12 خابرت ؏ هاجر ردت علية وهمست :- زهوره حبيبتي .

زهراء:- شلونها عمه .

هاجر:- احسن من قبل سألتني عليج

هِـيِّ وذاك الواحد كلتلهم رجعت البيتها

كال ذاك الواحد شنو ما عاجبها وجودي

كتله لا والله ما تعجب رفع حاجبه وعافنا

وصعد فوك يرتاح من السفر .

زهراء:- مو مهم اكلج عمو أكل خطية حالته حاله.

هاجر:- اكل وحضن ماما ونام .

زهراء:- اووي فدوة ربي يحفظكم ويطول بعمرهم .

هاجر:- امين گلبـي تعشيتي .

زهراء:- ما اشتهي راح انام .

هاجر :- ديري بالج ؏ نفسج گلبـي .

زهراء:- وانتِ هم ُ ؏ــمري .

غلقت التلفون ورحت لفراشي

عيوني ؏ عقارب الساعة

اتحرك وياها ، حايره

گلبـي مقبوض ما ادري

شكو بس ما مرتاحة

حاولت انام بس صوت طرقات

الباب طيرتلي ڪُـل النعاس

الساعة 2:31 بليل منو يچي هيج وقت

سحبت شال ؏ راسي ومشيت للباب

وكفت ب الاستقبال بدون ما افتح

الباب مجرد ما فتحت الشباك

وصحت:- منو ؟

أرتديت للخلف بـ رهبة خوف

من صوته:- اني الغيهب .

حبست انفاسي ورديت بتردد :- شتريد .

الغيهب:- شنو شتريد احجي بالشارع ، افتحي الباب بسرعة .

رديت بـ احتراس:- تروح منا لا والله اشتكي عليك .

رد بصوت دب الرعب بقلبي :- تشتكين ؏ منو .

زهراء:- ما اتردد واتصل هسة اخليهم يتصرفون وياك .

حجيت هيج لو بتليت طفر الباب ونزل نكت

ملابسه وتوجهه للباب تأكدت منه مقفول

وركضت للمطبخ اخذت تلفوني وتصلت

؏ ايهاب المصيبة تأخر بعدين جاوبني

واضح نايم:- زهراء بيج شي .

زهراء:- الغيهب رجع وطفر ؏ بيت والله

اخاف منه اعرف اذا يلزمني ما يرحم بحالي

واني احجي اسمع صوت الضرب ؏ باب

ايهاب :- قفلي باب الغرفة هسة اخابر ؏

جماعتي ياخذوا.

سديته منه وطلعت صحت بصوت يرتعش :- شتريد غيهب

روح منا احسن الك .

الغيهب:- لازم نحجي تفتهمين شنو يعني لازم نحجي .

زهراء:- ماعندي كلام وياك اذا عندك شي احجي الـ ابوك

وهو يحجيلي ، اما اني وياك ما عدنا كلام .

الغيهب:- شنو هل دوخة هو كلام يخصني اني وياج

ليش احجي للدنيا كلها اريد اني وياج نكعد ونتفاهم .

زهراء:- أكره صوتك أكره اشوف وجهك

گلبـي ينزف منك جروحي ما تلتئم روح .

صوته تغير وهو يخلي رأسه ؏ باب

ويهمس بتعب :- اريد اشوف وجهج زهراء اني اسف .

غصيت بالعبرة وأني أرد:- وجهي تعب منك

وروحي نهشتها ما راح أنسى افعالك

وما أنسى گلبـي شلون تحول أجزاء

اليوم اني خايفة اخاف أبقى طول ُ ؏ــمري

گلبـي مكسور بسبب واحد مثلك .

كعد بالكاع ضهرة ؏ باب

رد بصوت مخنوك :- زهراء اني تعبان .

زهراء:- اتعب انتَ تستاهل التعب

ڪُـل يوم ادعي ربي يعيشك نفس الشعور

خليتني إنسانه محطمة لك شلون راح اربي طفل

وآني مدمره .

الغيهب:- هههه وانتِ هم تحسبين الغيهب عايش

اني قبل لا اشوفج تعبان ولليوم تعبان .

زهراء:- لا تعيش دور الضحية انتَ شيطان

والشيطان بعمره ما صار ضحية

روح منا ولا تشوفني وجهك بعد خليني اعيش .

الغيهب:- واني اريد اعيش خليني أعيش

بحضنچ ماعندي غيرج انتِ حبل نجاة الغيهب .

زهراء:- وانتِ حبل اعدامي .

صوت سيارة ودكت باب

همست وإني اشوفه يوكف:- كلت روح ما اخذت كلامي .

نظرلي بحزن وفتح الباب شاف

كدامه شرطة اثنين وسيارتهم

الغيهب:- تفضل .

الشرطي:- انتَ الغيهب ؟

الغيهب:- اي نعم .

الشرطي:- تفضل ويانا ؏ مركز .

الغيهب:- السبب لو سمحت ؟

الشرطي:- دخلت بيت بدون ما تستأذن ، وتحاول تقتل الموجودين .

صار صوت شخطة سيارة نزل ايهاب

وكف كدامه وصاح:- شتريد منها .

الغيهب:- ادخل احجي وياك جوه .

دخل وكف بعيد عن الشرطة

وتخصر :- احجي والقران اذا تأذيها ما ارحم بحالك .

الغيهب:-اولآ لا تعلي صوتك ثانيًا الباب مقفول

عبرت الباب حتى احجي وياها اليوم رجعت

من السفر وبس ردت اشوفها .

اجاني ايهاب دك الباب فتحت نص

الباب ودخل اندفع الباب ودخل الغيهب

يخوزر بينا :- انتِ خابرتي .

رديت بثقه:- اي نعم اني واذا تحاول مره الثانية تجي

هم ارجع اشتكي عليك .

الغيهب:- زهراء لا دوسين بمصاريني .

ايهاب :- لا تعلي صوتك واعرف

حالتها هاي ورجفتها كلها بسببك

ياظالم البشر من يتأذى يصير جامد

خالي من المشاعر حاله حال الخنجر

يجرح بالمقابل ويأذي حتى يطلع من الكبد

البداخله ، زهراء تريد تصير نسخة من الشخص

الـ جرح روحها ، تريد تصير مثلك ، لك حرام عليك شوف حالها .

أبتعدت منهم وهمست:- ما اريد اجرح شخص

ولا يتأذى مثلي اني بس ما اريد اشوف هل انسان

اريد يطلع من حياتي .

ايهاب:- يجرالج هسة يروح وياي للمركز ويكتب

تعهد بعدم التعرض الج .

هو طلع قبل ايهاب دخل البيتهم

ينطي علم الـ عمي طلع عمي ما مصدك

يباوع عليهم مصدوم صعد الغيهب وياهم وراح

وعمي دخلي وهو بالباب عاط بعلو صوته :- زهررررراء .

طلعت متردده خجلانه منه :- تفضل عمو .

آبو الغيهب:- تفضل عمووووو عموووو شنوووو ولج

تريدين تسجنين زوجج شلون أجت عندج الجرأه تخابرين

علية .

زهراء:- هو اجاني اني ما أريده.

ابو الغيهب:-ضربج ، تجاوز عليج .

زهراء:- طفر البيت واني حذرته اذا ما يروح اتصل .

ابو الغيهب:- دائمًا اني وياج وادافعلج ودايس ؏ ابني بالقندرة

بس سالفتج هايي ما اوكف بيها احتركي نفسج

ولا تخليني اشيل ايدي منج  هاي ثاني مره احذرج .

زهراء:- عمو ليش تحجي علية روح ؏ ابنك .

ابو الغيهب:- ابني ما غلط بكل احترام راد يحجي

وياج انتِ زوجته وهو مسافر

اليوم رجع تشمرين ابني حبوس ما اسمحلج وهو ما غلطان وياج .

زهراء:- اني كلتها قبل بعد ما اسكت عن حقي

لان استنزفت ڪُـل طاقتي ولهنا حدنا .

ابو الغيهب:- حدنا شنووو معناها وضحيلي .

زهراء:- يعنيي يكون عدكم وعند ابنك علم اني ما اريدكم

تعبتوني تأذيت منكم هووواي مثل ما دخلتوا حياتي اطلعوا منها

اعتقوني وعوفوني أعيش حياتي .

ابو الغيهب:- مع الاسف بابا زهراء انتِ يطلع منج هيج

كلام والله لو سامع هل سم من بناتي ولا منج .

بعدت نظراتي منه عافني وقبل لا يطلع

وكف بالباب ورد وهو يركز ؏ ڪُـل كلمة :- حتى لو بعد الغيهب

يريدج اني ما استقبلج زوجة ابن ، بس نخلص من هل مشكلة

ما تبقين ؏ ذمته .

زهراء:- يكون افضل.

هز راسه وطلع وطبك الباب

بقيت للصبح افتر بالبيت رجلي

وگفت صار الصبح خابرت ؏ ايهاب

بسرعة جاوبني :- صباح الخير .

همست بتعب :- يا خير والله عيوني ما اخذت نوم .

ايهاب:- اني رجعت من المركز ونمت من التعب راسي صدع .

زهراء:- والغيهب .

ايهاب:- وصلنا هناك وشوية وفات ابو واخوته

تعهد بعد ما يتعرضلج وطلعنا ما اريد اضغط ويا

الخاطر عمي وجدي بالكي يتنازل.

زهراء:- ما اعتقد بس مو صعبه ، اخد راحتك تعبتك اني

اروح انام راسي راح ينفجر .

ايهاب:- اي شي تحتاجي اني موجود زين .

زهراء:- زين وما قصرت مع السلامة .

ايهاب:- مع السلامة بت عمي .

بعد ما سمعت الأخبار كدرت

اروح اخلي راسي ؏ مخدة وانام

من التعب والصداع نمت النهار كله

صار النوم ملاذي من عذاب العالم

اهرب بي العالم الأحلام  .

كعدت بليل ؏ صوت التلفون باوعت الساعة

بـ وحده بليل رقم غريب ما عرفت منو

من انغلق كمت غسلت وجهي وشربت

مي فزيت ؏ صوت الباب يدك بقوة

وتتابعت الدكات شي اقوه من شي

فزيت ؏ صوت دكت التلفون وياها

الباب رجفت وشلت التلفون وگفت بالشباك

صحت بصوت مرعوب :- منو بالباب .

ماكو رد نسد التلفون ورجع الباب يدك

اكيد ما يسمعون مو اكول منووو

رجعت عدت كلامي ماكو رد

وگف صوت الدك .

دخلت جوه التلفون رجع

يرن ويرن بدون توقف

رديت بضياع :- نعم منو وياي .

- هدية بـ الباب الداخلي .

شمرت التلفون ورحت للشباك اباوع

ماكو أحد بس ضرف ابيض باب الاستقبال

فتحته بكل هدوء ونزلت اخذت الضرف

صارت حركة فوك راسي كمزت بهلع

اريد اتحرك صار مقابيلي سحبني من ايدي

ودفني بـ حضنه  تخالطت أنفاسي وأنفاسه حسيت اضلوعي

تكسرت ،  انضربت بالتخم عطت بوجع دفعني حيل

ورفع أيده ووووو ....

يتبع ...

حسابي الـ انستا اذا تحبون اتابعوني

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم حُب البورتوقالي  😂🙈🧡🧡🧡🧡

السلام عليكم عُشتارات عيوني التعليقات عبارة عن نريد رابط قناة

التلي الـ نشرت بيها صورة الغيهب الحقيقية عيوني

هنا ما يفتح الرابط بس هنا موجود اضغطوا ؏ رابط تدخلون الرابط

ينقلكم القناة (عُشتارات أساور )

نوروني هنا نسولف مواقف عن الغيهب وزهراء ما ذكرناها بالقصة

وهم نسولف وأتعرف عليك ...

ملاحظة مهمة القناة بس بــنات اي شاب يدخل بــلوك عذروني .

موعد البارت القادم هو موعدنا الثلاثاء بس اذا اشوف

تفاعل قوي ؏ بارت 24 انزل باجر متفقين حبايبي🙊🧡

أحبكُم بـ البورتوقالي عيووونيي 🙈🧡🧡🧡🧡

رواية ظلمات الغيهب

بقلمي أساور حسين

الحلقة _25_

لماذا دائما الشخص الي تحبه تحسه :

قاصد يروح الغيرك .

قاصد يجرحك .

قاصد يعذبك .

قاصد يدمرك .

قاصد يبهذلك .

لماذا هل السبب حُـبـي لك مــن قلبيييي.

لطفًا لا تنسون التصويت ومشاركاتكم بين الفقرات

  +متابعة الحساب الواتباد حتى توصل الكم الشعارات 🦋

.............................

زهراء...

ارتعد گلبـي ودكاته تعدت الطبيعي

همست وصوتي ما راضي يطلع :- م م مـــوج .

رنت ضحكتها بـ إرجاء البيت

وردت بستهزاء:- اي اي موج بـ لحمها وشحمها .

بلعت ريكي واني استرجع نفسي

وأحاول اثبث وما أبين الها خوفي

ما خايفة ؏ نفسي بس ؏ ابني

هاي شيطانه حالها حال ذاك

ماتوقع تحركاتهم وافكارهم .

عدلت نفسي وصحت بيها :- شعندج هنا وشلون تدخلين بيتي

من دون أذن مني منووو سمحلچ .

موج:- واني انتظر احد يسمحلي اني ادفر بوب وگلوب وادخل .

زهراء:- وهاي انتِ ما بقيتي قلب ولا باب ما دفرتيهن ودخلتي

وتالي تنسحلين شبيج يحضي الغبر .

موج:- صدكي بـمزاجي اطلع .

زهراء:- صدكت لا تحلفين متشوفين المنطقة من الطول

للطول يضربون بيج مثل بـ السقوط والفشل والانحطاط.

موج:- وداعتج جذابين كلها تتمناني.

زهراء:- طبعا يتمنوج غير كح........ واسهل منج ماكو

واحدهم يدفع بيج 10الف تروحين ويا .

موج:- مثل زوجج .

زهراء:- لا هذا شبع منج .

موج:- وشبع منج انتقل البنات التراك .

حاولت والله حاولت اضبط انفعالي

بس نفسيتي ما تتحمل كلام :- اختصري شنو تريدين و ولييي مناااا .

تفاجئت واني اشوف دموعها والعبرة

ترست صوتها :- اجيت اشوف ابن الغيهب ، هو وعدني ما يريد

طفل من غيري انتِ اخذتي مكاني  اني موج گلبه ما يتخلى عني .

زهراء:- انتِ تخليتي عن مكانج .

ضحكت بوجع ودموعها تتساقط ؏

خدها بدون تحكم :- وعبالج انتِ والقبلج والبعدج تملون مكاني

بـ قلب الغيهب .

مشيت كعدت ؏ تخم مقابيلها

وهمست ابرود:- وعسى ما ينملي بابا لا دخلوني بيكم

اني ابتعدت وتاركتلج الغيهب مالتج الج والـ امثالج

الغيهب مو من مستوايا.

موج:- والـ ابطنچ هذا يربط الغيهب بيج انتِ الوحيدة

بيهن حملتي منه متقصده يبقى وياج .

انتِ الوحيدة طول وياها ، انتِ الوحيدة ما سمعت مأذيج

انتِ الوحيدة أهل الغيهب يحبوچ .

زهراء:- اهوووو لا دوخيني أختصري شنو تريدين .

موج:- لو ما انتِ وابنج بحياة الغيهب متأكدة يرجعني

هو ما يكدر يستغني عني روحه متعلگه بيه .

زهراء:- تقنعيني بكلامج انتِ تحبي لو شنو وضعج بابا .

موج:- احبه .

زهراء:- تحبي وتخوني ويا أخو يا ظالمة اخوووو .

موج:- هو السبب ، يلتهي بالشغل ، يسافر ، ويعوفني وياي

جلال ، جلال طلعها ، جلال وصلها ، جلال اشتريلها

جلال جلال جلال الى ان حبني .

زهراء:- حبچ ؟

موج:- طبعا هو حبني قابل اني أحبه .

زهراء:- والغيهب ؟

موج:- هو حبني .

زهراء:- وانتِ تحبين منو ؟

موج:- أحب نفسي ، نفسي وبس .

زهراء:- شكد نذلة ومتناقضة صار ساعة وماكو شخص يملي مكاني

واخذتي مكاني وصخام بوجهج وبوجهه تالي تكولين ما احب .

موج:- تريدين أحب واستنزف ڪُـل مشاعر قلبي وروحي

وانطيهم من صحتي بلافائده.

زهراء:- فائده شنو يا حيــوانه .

موج:- ماكو غيرچ هنا حيوانه وغبية لان تنطين ڪُـل

ماعندج تالي ما تالي يبدلج بوحده ثانية ويعوفج ويروح

مثل ما صار وياج يا زمالة.

شوفي اني فريتهم فر هم واخوو هم تعبوني بس اني رديتها

أضعاف جلال والغيهب مصلحة وياي كلهم يريدون

اني انطيتهم بس اخذت منهم أضعاف الـ أخذوا مني

خليها ابالج يا زهراء بـ هل زمن الحب مجرد كذبة

وموت على قيد الحياة والرجال شكد ما تنطي تاليتها يشيل

نقطة الجيم ويصير الرحال يرحل ويعوفج فتات قطعة

قماش مستعملة  ، فـ لازم اصير احسن منهم اخليهم ياخذون

واني اخذذ منهمممممم .

هزيت راسي وحلكي يبس منها :- اي صح أخذوا

شرفچ أخذوا حريتج تخافين تطلعين بالشارع

نوموج مستشفيات ومراكز.

موج:- هذا لان جرحتهم ، لان ما يكدرون يتخطوني

وما راح يكدرون ، اخذت قلبهم وروحهم ، اخذت منهم

سفرات وفلوووس اكثر من ما تتصورين .

قاطعتها واني اهمس:- مضحكة ثولان مجانين وما ؏ مجنون حرج .

رمقتني بنظرات حاقدة وكفت تمشي

عفتها وكفت همست:- خليني اضيفچ الظاهر مطولين .

عفتها ورحت للمطبخ خابرت ؏ عمي

اول ما رد علية دخلت للمطبخ دفعت التلفون

والتفتت:- مــوج ارجعي هناك ما مسموحلچ تفترين بالبيت .

ردت علية وهي تسحب كلاص من الكاونتر :- اريد اشرب مي

اتعب من احجي وياج الثولان يدمروني .

التفتت باوعت ؏ تلفون عمي ؏ خط شوية ونسد

دعيت ربي يسهلها علية واتخلص منها واضح ما ناوية

؏ خير ، دمرت أعصابي وأني اشوفها تتوجهه للمجرات

سحبت سچين وتقدمت بتجاهي بصعوبة

طلع صوتي وصرخت:- مخبله انتِ شتريدين مني .

موج:- اتصلي بالغيهب اريد احجي ويا .

تقربت أكثر ونزلت السچين ؏ بطني

مشتها بهدوء اني رجلي ماتت :- ما اعرف الرقم وما عندي تواصل

ويا وما اريده روُحـي العمي يخابرون عليه ويحجي وياج .

دفعتها بكل ما تبقه عندي من قوه

وطلعت من المطبخ اركض ؏

شارع بس اني عندي ثقل ما

كدرت اوصل بسرعة

وهي أسرع مني بـ هواي

سحبتني من ظهر دشداشتي

صرخت بعلو صوتي :- عووووفينيييي .

موج:- وين تولين هِـيِّ روُحـي وخلصت

وحياتي دمرتيها .

زهراء :- لج اني دمرت حياتج شلون

انتِ  بسببج عنفني اني عاقبني بدل عنج

تعاقبت ؏ خياناتج شوفييي حالي خسرت

كلشيي ، خسرت نفسي وصحتي وگلبي .

دفعتني للكاع وكعت بكل قوتي

؏ مقعدي تراجعت للخلف

وهي كمزت علية خنكتني

بـ أثنين اديناتها :- بــس الــغــيـهب يــحـبج .

هزيت رأسي وأسحب بيدها

واني مخنوكة صرت كوه

آجر النفس :- مـا يح ما يحبني والله ما يحبني .

ضغطت أقوى من قبل وصرخت

وبعيونها حقد الكون كله

خلتني أرتعش بين أيدها:- يحبج يا ساقطة اخذتي

الغيهب ، لج ما يبتعد عن وحدة الـ اذا ما يريد يأذيها

هو ما يريد يأذيج ابتعد حتى يحميج من نفسه.

غلقت عيني وشنجت جسمي

قويت نفسي لان اذا استمر دقيقة وحدة

؏ هل حالة افقد ابني وافقد نفسي

رجلها شالتها وضغطت بيها ؏ بطني

أنيت بوجع من الصدمة جسمي مات

بس ما اعرف شلون وبأخر لحظة

رفعت رجلي ودفرتها ؏ بطنها

وسرعان ما كورت ايدي وضربتها ؏ گلبها

وكعت بالكاع وهي تسب وتغلط

حاولت اكوم ما كدرت اختنكت

ظليت اكح وايدي ؏ ركبتي

وهي مثل الزمال تعودت ؏ ضرب

ما اهتمت وگامت بسرعة ؏

ميز صغير مخليته بالكراج رفعته

ما اعرف شلون عدها قوة

ويا ما تريد تضربني اندك

الباب بصورة جنونية شمرت

الميز وكعدت بالكاع ، من شافوا ماكو

رد رفعت راسي شفت جلال كمز من فوك

الباب رفعت نفسي ستندت ؏ حايط

هو تصوفر وجهه وبهت لونه

وسع عيونه وتقدم عليها وهو يباوعلي

بتركيز :- شسوين هنا لج كح.....

لزمت گلبها وأشرتلي :- هاي خابرتني گالت

أريد احجي وياج ، أمنتها واجيت اشوفها

تالي تغدرني وترفع علية سچين تريد تقتلني

ترضاها هيج تسوي بيه

استمرت بالكلام بدون توقف :- تكلي ليش الغيهب

يحبج ومايحبني ، گولتلها اني اختاريت جلال

غيهب تركته وما يعنيلي شي .

تحجي ودموعها تنزل عشرة عشرة

بحيث اني صدكتها مبين كلامها

وحدة ما تعرف تجذب وعبالك

هي المخنوكه مو اني .

اباوع ؏ نفسي صرت قطعة تراب

وكفت واني الزم بالحايط خجلت

من جلال يباوعلي ورجليه طالعة

شال ماكو ؏ راسي حسبي الله

خفت ورتعد گلبـي بس لا يصدكها

بـ هل أثناء اندفر الباب ودخل عمي

وعمتي الظاهر چانوا طالعين

جلال حصرها ؏ حايط

عمي صاح:- شصاير هنا .

كمزت وهي تحجي نفس القصة

اني احس الـ أحبال الصوتية مزقتها

التفتلي عمي وكف بصفي وهو

يتفحصني همس بخوف:- عمو زهراء هذا الكلام صحيح .

اني من النوع بسرعة جسمي يزورگ ويبين احمر

واذا كلش قوي تتحول قطعة زرگه

اكتفيت ارفع ركبتي وهمست :- شوف ركبتي واعرف منو كلامها

صح ،وخاصة انتوا تعرفون بعد الدنيا بكبرها

متهمني والغيهب ما يهمني حتى اضربها

واني حتى ما اريد احد بيكم

وهل مره ما اسكت راح اشتكي عليكم

شفتوني ماعندي ظهر وتستغلوني .

بعدني ما مكملة وجلال هجم عليها

فلش راسها تفلش بالحايط هسسه

غير تسكت تسب وتغلط والسانها اطول

من راسها بحيث عبالك ما يضربها يدغدغها

رفس دفر ولا تهتم تصرخ بس ما تفقد

إني بدفعه وحده من هل عذاب اروح بيها

يعني جلال عبالك وحش ويدمر بيها

من الخوف من المنظر كلنا نصرخ

بعد ما انتهت عافها والتفت العمي

وصاح بي :-مو كلت اسفرهاااا ليش ما سفرتهااا

ليش مخليها تفتر تريدني ارتكب جريمة

اخلص ُ ؏ــمري بالحبس علمود أم شوارع.

موج:- صرت ام الشوارع وكح....

بس من تقربت مني وغدرت اخوك ما

جنت هيج عبدتني أله شوية .

هو تخبل ، تهستر ، فقد السيطرة

شال الميز وركعها اخر ركعة

عمتي ركضت نامت عليها

وتصرخ :- لا تموتها يمة ابوس ايدك لا تضيع .

شمر الميز وهو تفسش بيده

والتفت ؏ صفحة الثانية سحبها جسمها كله طلع

سحلها من شعرها وكعلها دك بوكسات

رحت اركض اني وعمي نسحب بي

ام الغيهب:- ولك عووووفهااااا راح تموووووتت عووفههههها .

جلال:- مليت تعبت منها تعبتتتتتتتتتت خلصووونيييييييييييييييي .

وكف لزم راسه ويصرخ :- موتيييي ولج موتيييي كافييي موتييي .

ابو الغيهب:- ولك من تموووووت شنو هذا حـــل .

وكف يضرب بيده ؏ گلبه :- شــنو الحل خلصنيييييي

يــابـا خلص صبري لهنااااا وهــيهات اتغاضى عنها .

ام الغيهب:- وحــق الله بس اطلع  انتَ اخــر مره والله أخر مره

يسفرها ابوك هل يومين ما نبقيها بعد .

التفتت يأشر علية ويحجي وياهم

وهو بركان:- شوفي شمسوي بالبنية.

تقدم عمي دفعة وصاح:- اطلع معليكم بالبنية .

عافنه وطلع عمي خابر هشام وهو عصبي:- صار شكد من انطيتك

خبر تجي البيت زهراء.

سكت ورجع يرد:- منتظرك لا تتأخر .

وبس انسد دقايق وصل

شالوها ؏ بيت ، جلال ركب سيارته وراح

رجع عمي علية كعد مقابيلي وهمس:- بوية زهوره والله

هل اسبوع اسفرها لا تشتكين ابوس راسج لا تكسرين كلامي .

رديت بـ انفعال :-كلامك ؏ عيني وراسي بس

تعذرني اني ما اكدر اتصرف وكأن ما صار شي

ولا عشت لحظات محاولة قتل

عدلت كعدتي وأشرت ؏ بطني :- اذا ناسي اذكركم اني حامل

بـ بطني  طفل مايصير اني حامل اعيش هل تخبطات والمصايب

انتَ وعمتي ؏ راسي بس وجود عائلتكم صار لعنة حياتي.

ابو الغيهب:- بابا زهورة مو صايرة اطولين السانج بوجهي

واني ما متعود ؏ بنتي هيج تصرف وياي

بعمري ما قصرت وياج ودائما اني واكف وياج

عيب تكولين وبوجهي وجودكم لعنة .

زهراء:- أعتذر بس الضغوطات دمرتني عمو اني بخطر

من جهه ابنك الغيهب ، ومن جهه ثانية موج شلون اخلص

أبتعدت فاتت علية موج بنص بيتي المصيبة ما اعرف شلون

دخلت .

وكف ؏ طوله وهمس:- لا تخالطين الأمور الصار وياج شي

واحترامج العمج واجب عليج لا تخليني اشيل ايدي منج .

كمل كلامه وعافني وطلع

تركني اكل بنفسي شلون نطقت

بهل كلام عمي ونعم العم ليش

جرحته شيكول علية هسة طلعت

؏ حقيقتها .

بس اكيد عمو متفهم وراح يعذرني

ويتفهم سبب تصرفاتي الصارت

كلها بسبب الضغوطات النفسية.

لملمت نفسي والقهرني اكثر

هو ضاج مني بس دزلي

هاجر غسلت وجهي حضرتلي

ملابس بدلت ونمت بالغرفة

وهي بقت بره رتبت البيت كله

وعطرته وحتى اكل حضرتلي وراحت .

ايام تمر والخوف تربع بقلبي

ڪُـل شوية افز مرعوبة

اي صوت بالبيت يجمد اعصابي

ڪُـل شوية انهار وأبقى اتلفت

اخاف هم تدخل فجأة .

حاربت خوفي ولملمت شتات نفسي

يوم الـ اندك باب بيتي وشفت رجاء

هل مره أجتني وايهاب وياها

ابتسمت بطمأنينة وهمست:- يا اهلا وسهلا .

ابتسم ايهاب ورد بثقل:- بيج بنت عمي .

فتحت الباب دخلت رجاء حضنتني

وفاتت جوه ، سويت جاي وكيك

كعدت وياهم نتبادل الأخبار :- ابوية ما طلع .

ايهاب:- بعد بس وكلنا محامين عسى ولعل

لازم نحصل تنازل .

زهراء:- وين تكدر هو اشتكى عليهم وسافر .

ايهاب:- بس لا ما يرجع والله يتبهذلون .

رجاء:- طززز خليهم .

ايهاب:- ميصير هيج بابا هذا ابوج .

رجاء:- ايهاب عوفني .

ايهاب:- ام راس المحجر شمسويلج .

رجاء:- إذا أطول السانك نخبلك اني وزهراء.

ايهاب:- خبالج كافي وزايد .

ضحكت عليهم وكمت اريد أحضر الأكل

ستوقفني وهو يكول:- لالا عازمكم اني ؏ مطعم .

وگفت مرتبكة افرك بـ اصابع ايدي

من الخجل:- لا ما احب اطلع اكل بالبيت احسن .

رجاء :- ما مليتي من البيت فدوة خلي نخلص فلوس ايهاب .

ضحكت عليها وهمست:- صار هواي ما طالعة

احس ما عندي قابلية اطلع واقابل العالم .

ايهاب:- وتبقين ؏ حالج غلط تحبسين نفسج داخل قوقعة

مو بعدين تتأزم حالتج .

هزيت براسي وهمس:- صح كلامك بس مو بيدي .

رجاء:- هو صدك مو بيدج اليوم تكومين تبدلين لو ازعل عليج .

ايهاب:- ماكو لغة حوار كله عندج تهديد .

رجاء:- هذا انا هيج انا ابوس انا .

اقترب وهمس بصوت هٰادئ:- تبوسين منو ؟

عدلت شالها ورجعت ظهرها ؏ كرسي وهمست :- ابوس نفسي .

عفتهم وطلعت سمعت ايهاب يكلها :- ميصير اني ابوسها .

ردت علية بصوت طفولي:- الزم شفايفك اكطعهم واشمرهم للچلاب .

ايهاب:- خليني ابوس وعود شلعيهن اكليهن تغدي تعشي بيهن

براحتج انعلچ والدي والديهن .

دخلت للغرفة بدلت ملابسي ولبست

فستان اسود هادئ ونسقت ويا باقي الأغراض

وطلعت ابتسمت وقفلت البوب اني وايهاب

وصعدنا بالسيارة الطريق كله واحد يصنف

؏ ثاني الى ان وصلنا مطعم جديد مرتب

كعدنا وطلبنا اكل دقايق ونزل حار

اكلت بنفس مفتوحة احس بعد ما شميت

الهوى الطيب وشفت عالم ارتاحيت

وكدرت اتمالك نفسي .

وايهاب ما قصر خلصنا اكل منا نزل

حلو وعصاير الى ان بعد ما اكدر اخلي

شي بحلكي طلعنا نتمشى ؏ محلات

وإيهاب يمشي ويشرح ؏ منطقة

الى ان تأخر الوقت رجعوني للبيت

ودعتهم وتشكرت منهم ؏ كلشي

كانوا مثل طيور الحب يريحون النفسية

وأطمئن عليهم اكثر من شفت الحب بعيون ايهاب اتجاه رجاء .

وهي ما تقصر اذا تشوفه رفع رأسه

ومقابيله بنية حلوة تخزره وتكمل طريقها هو

يروح يبرالها من دون لا ملل ولا كلل .

مرت الايام وصار شهر كلشي

مستقر وضعي وحالتي

اختي يمي بس اخابرها  وعيالي مقابيلي

ڪُـل يوم حرفيا يوميه يجي عمي لو عمتي يتوسلوني اخذ من فلوسهم

يخافون ما عندي بس اني ما اطلب وارجع اعيدها الهم.

زهراء:- عندي والله وما محتاجة مساعدة شخص

مرتاحة هِـيِّج لا مشاكل ولا صراعات ، ما اريد ذاك يصرف علية .

بس ما يطول الهدوء وبين ليلًا وضحاها

كاعدة دنيا ظهر والحرارة عالية

الى درجة اباوع مسلسل ومقابيلي كاست

اكل ، فزيت من مكاني واني اسمع صوت عالي

بالشارع خليت شال ؏ راسي وطلعت مفزوعة

انصدمت واني اشوف هشام شايل

عمتي مثل الاطفال ، عمي يصرخ مفزوع

وهاجر تلطم ركضت لبست عباتي

وطلعت ؏ بيتهم لكيت هاجر بالكاع

تملخ بنفسها نرعبت من منظرها وصحت:- شبيها عمه هاجر

البارحة تغسل بالشارع وما بيها شي .

ردت علية وهي تناشغ:- امي راحت اميييييي راحتتتتت

ايدها نعوجت وحلكها نعوج لج امييييي راحت .

لطمت ؏ وجهي وحضنتها :- جهالج يباوعون عليج خطية

كومي جوة عمتي ما بيها شي شوية وترجعلنا .

هزت راسها وصرخت :- لالا اميييي راحت وكعت بين ايدي .

فات أمير يركض ويصيح ؏ هاجر

دخل هو وياها ؏ غرفة اخذ فلوس

وطلع للمستشفى ، حسيت بالخطر

عمتي ما تستاهل ابد ما تستاهل

نزلت دموعي واني اتذكر حنيتها

وعطفها علية ، همست بصوت يرجف:- ليش صار وياها هيج .

هاجر:- امي تريد تموت بسبب ولدها دمروها كلهم ما بيهم خير

لا هشام يحن عليها ويرجع زوجته ويلمون اطفالهم

ولا جلال مستقر وكاعد وياها

والغيهب هج ، هسة هِـيِّ حالتها انتكست بسبب الغبهب

تريده وهو معاند بعد ما يرجع شلون بيهم دمروها الـ امي .

أجت فرح انطتها كلاص مي بارد

شربته وهي ريكها يابس بقيت

وياها ساعة اصبرها وساعة ابجي وياها

وليل كله كاعدين ما غمضت عيوني

المصيبه هذا البيت أكرها يخنكني

هنا ذكرياتي القاسيه كلها هنااا

گمت باليل صليت الفجر ، وكعدت بالمطبخ

عيوني ما تاخذ نوم ، فرح اجت كعدت

يمي همست:- شلونج هل فترة اشتاقيتلج .

ظهرت ابتسامة جانبيه ؏ شفايفي

وهمست:- ليش تشتاقيلي مو چنتي ضايجة من وجودي

عفتلج البيت وطلعت ما اعرف شلون جنت عايشة

هنا عذاب وضرب وفوكاها انحسد ؏ شنو ما اعرف .

فرح:- الله شاهد چنت عصبية ما اعرف شلون طلعت مني

انتِ طيبه وشلتي البيت عنه وما قصرتي ولا يوم اشتكيتي

بس اني مو خوش سامحيني عليج النبي .

طبطبت ؏ كتفها وهمست:- اصدق كلمات ممكن نسمعها من المقابل

بفترة عصبيته ، وانتِ طلعتي ڪُـل الـ بگلبج المهم اني ما احقد

ولا اضوج من احد ونسيت الله يسامحج گلبـي اني مسامحتج .

عفتها وكمت للفراش ضليت اتگلب

الى ان نمت ساعة وحدة وسمعت صوت هشام

خليت شالي وطلعت كاعد ؏ كرسي يشرح حال عمتي

هشام:- انضربت جلطة بسبب الضغط ، اخخخخ مني هِـيِّ رادتني

اخابر الغيهب وما قبلت بقت تاكل بنفسها

اعرفها هِـيِّ لو نغيب عنها اهون ما يغيب عليها الغيهب .

هاجر:- خابرته هسة حجيتله عن وضع ماما .

هشام:- خابرت وما حصلته.

هاجر:- ابقى خابر لازم تنطي علم .

هز رأسه وصعد فوك للغرفة

اني رجعت لميت الفراشات وكعدت

هو شوية وسبح غير الملابس وطلع

وبعد ما رجع واحد بيهم

بقينا وحدنا ڪُـل ساعتين نخابرهم نطمئن عليها

ويوم بعد يوم عمتي بعدها بخطر

نهد حيلي بس من الترقب والقلق

ختمت القران بس أريدها تصحى

وبيوم كاعدة بعد ايام ما ماكلين

خابرونا وبشرونا بيها كعدت

والدكاتره يمها .

بين ساعة تمر وساعة تعدي

خلص صبري ، وهاجر انتهت

وما استقر وضعنا غير من

دك علينا عمي وهمس بفرح:- امچ تعدتها امج ما تعوفني .

كالها ظل يناشغ ويبجي مثل الجهال

بجيت ؏ بجيتهم وفرح ويانا دموعها ما نشفت

؏ طول الأيام الـ بيها عمتي بالمستشفى عمي ما فاركها

كاعد يمها ، هو المفروض اكول علية ونعم الزوج .

بقوها يومين وبيوم طلعتها نظفنا البيت كله

والغدة جهزنا بجدورة كبار للمغرب

وندك الباب فاتوا بيت عمهم

شوية ودخلوا بيت خالهم هم وعوائلهم

شلت الجدوره وطبخت اكثر ونسوانهم فوك راسي

يتخوزرن ويتغامزن .

صارت الساعة ب7 ضبط دخلت عمتي وعمي

يا بوية شكد احبهم وكلبي فرفح عليهم

ما وكفوها عاط هشام:- تدخل بغرفتها تنام

وسلموا عليها لا تنتكس .

دخلها نزلها ؏ جربايتها

وفاتوا يتحمدولها بالسلامة

دخلت اني وفرح بالاخير بست راسها

سحبتني من ايدي تريدني يمها

نزلت دموعي وضلت تناشغ وعمي تخبل

ابو الغيهب:- تخبلتي مو زين لا تموتين استري علية والله راح اموت .

هِـيِّ ما تكدر تحجي بس تهذي وتكول :- غيهب غيهب غيهب .

غلقت عيوني وكمت منها

سويتلها شوربة ورحت

كعدت يمها تاكل ودموعها ؏

خدها تنزل ما وگفت لحظة وحده

بقيت كاعده يمها وهم يسولفون ويصبرون

بيها واخوها يكلها :- افتر الدنيا كلها بيج وارجعج خوية .

بقت بس تهز براسها الى ان صارت الساعة

بـ9:43 دقيقة كاعدة ومقابيلي مرايا اشوف

ولحظات خاطفة سمعت صوته اي والله صوته صاح :- يـــمــه .

عمتي نخبصت دخل ونخبصت وياها اريد أركز

واسيطر ؏ نفسي ما كدرت انتفضت وكفت ؏

طولي نسيت بحضني ماعون الشوربة

ويا ما وكفت وكع مني وتفلش

هو وكف بمكانه يباوعلي واني باوعت

؏ الكل وهو الوحيد تجاهلت وجوده

عفت الكزاز وكلشي  هو حضن عمتي 

هِـيِّ ما تكدر تحجي ولا تعاتب بس تبجي وتناشغ مثل الأطفال

وتتلمس بوجهه ، عفتهم وطلعت للحمام وكفت ودگات گلبـي

تقرا الف ، بلعت ريكي وفتحت المي غسلت وجهي

اباوع ؏ مرايا اتذكرته شلون دخل ضعفان بس واضح لاعب حديد

لابس قميص ردن بارز عضلات جسمه وبنطلون اسود

ما ابقى هنا لازم اطلع ، طلعت من المطبخ

شفت فرح شمرت الكزاز بالزبالة

غسلت ايدها وهمست :- عفية طلعي المواعين لازم انصب ونعشيهم .

زهراء:- بس اني اريد ارجع للبيت .

فرح:- عليج الله ساعديني ورجعي .

زهراء:- فرح ما اريد ابقى هنا .

فرح:- كاعد يم عمتي شبيج والله ما يطلع

بسرعة نخلي الاكل ونخلص وروحي .

هزيت براسي بسرعة طلعت المواعين

صبيت اني وياها وعدلت كلشي حتى الزلاطة

رتبتها بالكوس وهمست وأني وأكفه ؏ اعصابي:- خلصت راح اروح .

هزت براسها وهمست:- فدوة اروحلج روُحـي گلبـي .

لبست عباتي وطلعت صاروا ولد خالهم بوجهي

خجلت اطلع رجعت المكاني انوب لا تصير مشكلة

صاحت فرح ؏ امير علمود ينقل الأكل

همست بخجل:- امير عادي توديني للبيت قبل لا تشيلهن .

امير:- يا بيت .

زهراء:- بيتنا .

امير:- وتعوفين امي .

زهراء:- اجي اشوفها باجر .

امير:- ابقي هنا احسن هِـيِّ تطمئن من تشوف الكل حواليها .

زهراء:- ما اريد اطلع بدون علمكم عفية بس اوكفلي بالباب .

امير:- شبيج تعاندين اكلها ابقي .

اجت هاجر تباوع بستغراب:- شكو شصاير.

أمير:- تريد ترجع البيتهم .

هاجر:- ليش ما تريدين تبقين .

باوعت بعيونها وهمست:- ما اريد ابقى فدوة .

اومأت برأسها متفهمه كلامي التفتت ؏ امير

هاجر:- وصلها خطية لا تعاند وياها باجر تجي .

فر أيده وهمس :- امشي كدامي .

طلعت من البيت هو وكف بالباب عبرت

الشارع فتحت الباب ودخلت قفلت البوب

وبوجهي سبحت ونمت بفراشي

اوضاعي كلها تخربطت كارهته

ما احب وجودة ، من اشوف الغيهب

احس بالخطر عكس باقي الزوجات من تشوف

زوجهه تحس هِـيِّ بـ أمان وياها سند وياها ظهر

اني وياي شيطان هذا احسن وصف ممكن اوصف

الغيهب بي .

لـ 12 خابرت ؏ هاجر ردت علية وهمست :- زهوره حبيبتي .

زهراء:- شلونها عمه .

هاجر:- احسن من قبل سألتني عليج

هِـيِّ وذاك الواحد كلتلهم رجعت البيتها

كال ذاك الواحد شنو ما عاجبها وجودي

كتله لا والله ما تعجب رفع حاجبه وعافنا

وصعد فوك يرتاح من السفر .

زهراء:- مو مهم اكلج عمو أكل خطية حالته حاله.

هاجر:- اكل وحضن ماما ونام .

زهراء:- اووي فدوة ربي يحفظكم ويطول بعمرهم .

هاجر:- امين گلبـي تعشيتي .

زهراء:- ما اشتهي راح انام .

هاجر :- ديري بالج ؏ نفسج گلبـي .

زهراء:- وانتِ هم ُ ؏ــمري .

غلقت التلفون ورحت لفراشي

عيوني ؏ عقارب الساعة

اتحرك وياها ، حايره

گلبـي مقبوض ما ادري

شكو بس ما مرتاحة

حاولت انام بس صوت طرقات

الباب طيرتلي ڪُـل النعاس

الساعة 2:31 بليل منو يچي هيج وقت

سحبت شال ؏ راسي ومشيت للباب

وكفت ب الاستقبال بدون ما افتح

الباب مجرد ما فتحت الشباك

وصحت:- منو ؟

أرتديت للخلف بـ رهبة خوف

من صوته:- اني الغيهب .

حبست انفاسي ورديت بتردد :- شتريد .

الغيهب:- شنو شتريد احجي بالشارع ، افتحي الباب بسرعة .

رديت بـ احتراس:- تروح منا لا والله اشتكي عليك .

رد بصوت دب الرعب بقلبي :- تشتكين ؏ منو .

زهراء:- ما اتردد واتصل هسة اخليهم يتصرفون وياك .

حجيت هيج لو بتليت طفر الباب ونزل نكت

ملابسه وتوجهه للباب تأكدت منه مقفول

وركضت للمطبخ اخذت تلفوني وتصلت

؏ ايهاب المصيبة تأخر بعدين جاوبني

واضح نايم:- زهراء بيج شي .

زهراء:- الغيهب رجع وطفر ؏ بيت والله

اخاف منه اعرف اذا يلزمني ما يرحم بحالي

واني احجي اسمع صوت الضرب ؏ باب

ايهاب :- قفلي باب الغرفة هسة اخابر ؏

جماعتي ياخذوا.

سديته منه وطلعت صحت بصوت يرتعش :- شتريد غيهب

روح منا احسن الك .

الغيهب:- لازم نحجي تفتهمين شنو يعني لازم نحجي .

زهراء:- ماعندي كلام وياك اذا عندك شي احجي الـ ابوك

وهو يحجيلي ، اما اني وياك ما عدنا كلام .

الغيهب:- شنو هل دوخة هو كلام يخصني اني وياج

ليش احجي للدنيا كلها اريد اني وياج نكعد ونتفاهم .

زهراء:- أكره صوتك أكره اشوف وجهك

گلبـي ينزف منك جروحي ما تلتئم روح .

صوته تغير وهو يخلي رأسه ؏ باب

ويهمس بتعب :- اريد اشوف وجهج زهراء اني اسف .

غصيت بالعبرة وأني أرد:- وجهي تعب منك

وروحي نهشتها ما راح أنسى افعالك

وما أنسى گلبـي شلون تحول أجزاء

اليوم اني خايفة اخاف أبقى طول ُ ؏ــمري

گلبـي مكسور بسبب واحد مثلك .

كعد بالكاع ضهرة ؏ باب

رد بصوت مخنوك :- زهراء اني تعبان .

زهراء:- اتعب انتَ تستاهل التعب

ڪُـل يوم ادعي ربي يعيشك نفس الشعور

خليتني إنسانه محطمة لك شلون راح اربي طفل

وآني مدمره .

الغيهب:- هههه وانتِ هم تحسبين الغيهب عايش

اني قبل لا اشوفج تعبان ولليوم تعبان .

زهراء:- لا تعيش دور الضحية انتَ شيطان

والشيطان بعمره ما صار ضحية

روح منا ولا تشوفني وجهك بعد خليني اعيش .

الغيهب:- واني اريد اعيش خليني أعيش

بحضنچ ماعندي غيرج انتِ حبل نجاة الغيهب .

زهراء:- وانتِ حبل اعدامي .

صوت سيارة ودكت باب

همست وإني اشوفه يوكف:- كلت روح ما اخذت كلامي .

نظرلي بحزن وفتح الباب شاف

كدامه شرطة اثنين وسيارتهم

الغيهب:- تفضل .

الشرطي:- انتَ الغيهب ؟

الغيهب:- اي نعم .

الشرطي:- تفضل ويانا ؏ مركز .

الغيهب:- السبب لو سمحت ؟

الشرطي:- دخلت بيت بدون ما تستأذن ، وتحاول تقتل الموجودين .

صار صوت شخطة سيارة نزل ايهاب

وكف كدامه وصاح:- شتريد منها .

الغيهب:- ادخل احجي وياك جوه .

دخل وكف بعيد عن الشرطة

وتخصر :- احجي والقران اذا تأذيها ما ارحم بحالك .

الغيهب:-اولآ لا تعلي صوتك ثانيًا الباب مقفول

عبرت الباب حتى احجي وياها اليوم رجعت

من السفر وبس ردت اشوفها .

اجاني ايهاب دك الباب فتحت نص

الباب ودخل اندفع الباب ودخل الغيهب

يخوزر بينا :- انتِ خابرتي .

رديت بثقه:- اي نعم اني واذا تحاول مره الثانية تجي

هم ارجع اشتكي عليك .

الغيهب:- زهراء لا دوسين بمصاريني .

ايهاب :- لا تعلي صوتك واعرف

حالتها هاي ورجفتها كلها بسببك

ياظالم البشر من يتأذى يصير جامد

خالي من المشاعر حاله حال الخنجر

يجرح بالمقابل ويأذي حتى يطلع من الكبد

البداخله ، زهراء تريد تصير نسخة من الشخص

الـ جرح روحها ، تريد تصير مثلك ، لك حرام عليك شوف حالها .

أبتعدت منهم وهمست:- ما اريد اجرح شخص

ولا يتأذى مثلي اني بس ما اريد اشوف هل انسان

اريد يطلع من حياتي .

ايهاب:- يجرالج هسة يروح وياي للمركز ويكتب

تعهد بعدم التعرض الج .

هو طلع قبل ايهاب دخل البيتهم

ينطي علم الـ عمي طلع عمي ما مصدك

يباوع عليهم مصدوم صعد الغيهب وياهم وراح

وعمي دخلي وهو بالباب عاط بعلو صوته :- زهررررراء .

طلعت متردده خجلانه منه :- تفضل عمو .

آبو الغيهب:- تفضل عمووووو عموووو شنوووو ولج

تريدين تسجنين زوجج شلون أجت عندج الجرأه تخابرين

علية .

زهراء:- هو اجاني اني ما أريده.

ابو الغيهب:-ضربج ، تجاوز عليج .

زهراء:- طفر البيت واني حذرته اذا ما يروح اتصل .

ابو الغيهب:- دائمًا اني وياج وادافعلج ودايس ؏ ابني بالقندرة

بس سالفتج هايي ما اوكف بيها احتركي نفسج

ولا تخليني اشيل ايدي منج  هاي ثاني مره احذرج .

زهراء:- عمو ليش تحجي علية روح ؏ ابنك .

ابو الغيهب:- ابني ما غلط بكل احترام راد يحجي

وياج انتِ زوجته وهو مسافر

اليوم رجع تشمرين ابني حبوس ما اسمحلج وهو ما غلطان وياج .

زهراء:- اني كلتها قبل بعد ما اسكت عن حقي

لان استنزفت ڪُـل طاقتي ولهنا حدنا .

ابو الغيهب:- حدنا شنووو معناها وضحيلي .

زهراء:- يعنيي يكون عدكم وعند ابنك علم اني ما اريدكم

تعبتوني تأذيت منكم هووواي مثل ما دخلتوا حياتي اطلعوا منها

اعتقوني وعوفوني أعيش حياتي .

ابو الغيهب:- مع الاسف بابا زهراء انتِ يطلع منج هيج

كلام والله لو سامع هل سم من بناتي ولا منج .

بعدت نظراتي منه عافني وقبل لا يطلع

وكف بالباب ورد وهو يركز ؏ ڪُـل كلمة :- حتى لو بعد الغيهب

يريدج اني ما استقبلج زوجة ابن ، بس نخلص من هل مشكلة

ما تبقين ؏ ذمته .

زهراء:- يكون افضل.

هز راسه وطلع وطبك الباب

بقيت للصبح افتر بالبيت رجلي

وگفت صار الصبح خابرت ؏ ايهاب

بسرعة جاوبني :- صباح الخير .

همست بتعب :- يا خير والله عيوني ما اخذت نوم .

ايهاب:- اني رجعت من المركز ونمت من التعب راسي صدع .

زهراء:- والغيهب .

ايهاب:- وصلنا هناك وشوية وفات ابو واخوته

تعهد بعد ما يتعرضلج وطلعنا ما اريد اضغط ويا

الخاطر عمي وجدي بالكي يتنازل.

زهراء:- ما اعتقد بس مو صعبه ، اخد راحتك تعبتك اني

اروح انام راسي راح ينفجر .

ايهاب:- اي شي تحتاجي اني موجود زين .

زهراء:- زين وما قصرت مع السلامة .

ايهاب:- مع السلامة بت عمي .

بعد ما سمعت الأخبار كدرت

اروح اخلي راسي ؏ مخدة وانام

من التعب والصداع نمت النهار كله

صار النوم ملاذي من عذاب العالم

اهرب بي العالم الأحلام  .

كعدت بليل ؏ صوت التلفون باوعت الساعة

بـ وحده بليل رقم غريب ما عرفت منو

من انغلق كمت غسلت وجهي وشربت

مي فزيت ؏ صوت الباب يدك بقوة

وتتابعت الدكات شي اقوه من شي

فزيت ؏ صوت دكت التلفون وياها

الباب رجفت وشلت التلفون وگفت بالشباك

صحت بصوت مرعوب :- منو بالباب .

ماكو رد نسد التلفون ورجع الباب يدك

اكيد ما يسمعون مو اكول منووو

رجعت عدت كلامي ماكو رد

وگف صوت الدك .

دخلت جوه التلفون رجع

يرن ويرن بدون توقف

رديت بضياع :- نعم منو وياي .

- هدية بـ الباب الداخلي .

شمرت التلفون ورحت للشباك اباوع

ماكو أحد بس ضرف ابيض باب الاستقبال

فتحته بكل هدوء ونزلت اخذت الضرف

صارت حركة فوك راسي كمزت بهلع

اريد اتحرك صار مقابيلي سحبني من ايدي

ودفني بـ حضنه  تخالطت أنفاسي وأنفاسه حسيت اضلوعي

تكسرت ،  انضربت بالتخم عطت بوجع دفعني حيل

ورفع أيده ووووو ....

يتبع ...

حسابي الـ انستا اذا تحبون اتابعوني

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم حُب البورتوقالي  😂🙈🧡🧡🧡🧡

رواية ظلمات الغيهب

بقلمي أساور حسين

الحلقة _26_

تــنـهد ثـم قــال معاتباً :

الا تؤمنين بشخص رغبته توقفت تجاه ڪُـل شيء ، عداكِ

زهراء..

ساعتها تعرف صدك من أيدك شضيعت

بس وين تندلة !

المثلي ما ينسي ولا تكدر تبدله .

لطفًا لا تنسون التصويت ومشاركاتكم بين الفقرات

  +متابعة الحساب الواتباد حتى توصل الكم الشعارات 🦋

.......................

زهراء..

شمرت التلفون ورحت للشباك اباوع

ماكو أحد بس ضرف ابيض باب الاستقبال

فتحته بكل هدوء ونزلت اخذت الضرف

صارت حركة فوك راسي كمزت بهلع

اريد اتحرك صار مقابيلي سحبني من ايدي

ودفني بـ حضنه  تخالطت أنفاسي وأنفاسه حسيت اضلوعي

تكسرت ،  انضربت بالتخم عطت بوجع دفعني حيل

ورفع أيده ؏ شفايفه وهمس :- اششششششششششش هاي اني الغيهب .

رجعت للخلف رفعت ايدي وصرخت بخوف

وأني أشوفه كدامي :- لا تقترب اياك تقترب والله مـ ...

الغيهب:- لا تخافين مني أجيت اشوفج .

زهراء:-بس اني ما اريد اشوفك أطلع بره لا تخليني

اتصل ؏ ايهاب ويجي يسجنوك .

تقدم بتجاهي بخطوات بطيئة:- لا تذكرين آسم رجال كدامي

ونزلي ايدج عندي حجي وياج نحجي سوه واروح .

استمريت أمشي وكل شوية انضرب

بشي:- كلت لا تقترب تبقه بعييد عني

بابا انتَ شتريد مني مو والله راح تخبلني وياك .

سرع مشيته صرخت وإني أشوفه قريب مني

سحبني من ايدي ورجعني بـ أحضانه

ضربت ؏ صدرع بكل ما عندي من قوة

عقلي رافض قربه روُحـي ما تريده

استمريت اضرب وهو يتنفس

بـ اضطراب صدره يعلو ويهبط

وجسمه صار حار بصورة غريبة

من شفت نفسي ما اكدر علية

تهسترت گطعت نفسي بين ايده

ملخت شعري بس اريد يبتعد مني

من شاف حالتي وصلت للجنون ابتعد

مني وحالته مو احس مني

ايده ترتعش ،  شفايفه ترتجف

شعره تخربط ، عيونه تعبانه

شكله شاحب بصورة مخيفة

اول مره اشوف الغيهب بـ هل حالة

بس نهائيًا ما نقهرت ولا عطفت علية .

لحظة وحدة ما كدرت اوكف كدامه

أشرت ؏ باب وصرخت :- اطلع لا ألم العالم عليك

اطلع ما اريددددددك اشمئز منككككك انتَ قذر .

مسح وجهه بكل قوته وتوجهه للباب

طلع بره كعدت ؏ تخم روُحـي خلصت

كوه اجر النفسي ودموعي تخوني

وتنزل ؏ ما يستاهلهن ؏ ضيع

تعبهن ، وسهرهن .

سمعت صوت الباب انسد

عدلت نفسي وما اشوف غير رجع

دخل وقفل باب الاستقبال والمفاتيح

خلاهم بـ جيب بنطلونه واني ڪُـل

ضني راح بقيت مصدومة اباوعله

بعدم فهم ؏ شنو ناوي  وشيريد مني ؟

وبكل برود گعد كدامي يرمقني بنظراته

الغامضة الـ بعمري ما اعرف شنو تفسيرها

وكفت دفرت الباب واني اصرخ :- والله اليوم افضحك يا مريض

وأكلهم تريد تموتني تريد توكف گلبـي بخبالك .

سحب نفس طوووويل وهمس

بخفوت :- ما اريد اموتج ولا اوگف كلبج .

عطت بنهيار :- لعد شتريد هاا شتريددد اتخبل وياك .

رفع حاجبه ونزل راسه

وهو يرد :- لا اريد نحجي ونتفاهم مو صعبه.

زهراء:- ما اكدر احجي والله شنو تجبرني

اصلا روُحـي لعبانه نفسها منك فـ اطلع لا تصير مو زينه.

الغيهب:- ما اطلع اذا ما نحجي لا تعبين نفسج .

هزيت براسي واني اشر بيدي واحجي

بحركة قلب :- خوش خوش ابقى كاعد اذا ما اندمك .

رحت للمطبخ سحبت التلفون

ودورت بالأرقام اريد رقم

ايهاب اذا ....

بلحظات نسحب مني وطلع من المطبخ

يلعب بي مشيت وره اريد اخذ التلفون

غلقه ونظم ويا المفاتيح .

زهراء:- عجيب شبيك بابا شبيك روح من وجهي .

الغيهب:- اكعدي هنا واسمعي لا تجبريني استخدم القوة وياج

انتِ اذا مو العين الحمره ما تتفاهمين .

زهراء:- شسوي يعني تضربني ،لو تحبسني بعد ما يهم ما يهم .

قاطع كلامي وهو يصرخ :- خضعت الرحلة علاج نفسي

شهر كامل حتى اسيطر ؏ اعصابي وانتِ راح تخليني افقد

كلشي بسبب صراخج كعدي خلي نتفاهم .

زهراء:- تعالجت او ما تعالجت بعد ما يهمني ستنزفت

ڪُـل طاقات وتحملي وياك وصلنا الطريق مغلق اسود

مظلم يشبه سواد گلبك .

ما اهتم الكلامي رجع شعره وكعد ؏

تخم شغل جكارة واخذ نفس بلامبالاة :- أثناء كلامي واعترافي

بـ ڪُـل أخطائي والصح الصار بحياتي

اكتشفت نفسي كلي غلط انتِ الصح الوحيد بحياتي .

زهراء:- لا عليك الله شنو هل معلومات متدري بنفسك

غلط ما تعرف بنفسك مريض تتلذذ بعذاب المقابل .

الغيهب:- وبعد هل رحلة ختمتها اني ما بيه شي

اني بس لازم اتمسك بالصح الموجود بين ايدي

انتِ تكدرين ترجعيني انتِ علاجي .

رفعت ايدي وهمست:- اني مو امك ولا ابوك خليهم هم يتكفلون بعلاجك

اني مو مجبرة اتحملك وليش اقتل نفسي واطفي نور حياتي

حتى أضيء حياتك الـ دمرتها بيدك الخاطر وحدة ما تسوى .

ضربت ايدي بالحايط احس اصابيعي تكسرت بس

وجع گلبـي اكبرررر من ڪُـل وجع يمر بيه .

كملت كلامي ودموعي اخخ دموعي

لو بس تنشف :- الخاطرر موووج الخانتك ويا اخووك

ولليوم ما تكدر تتعداها لا انتَ والا اخوك ، وهي هههه

هِـيِّ انتوا بالأصل ما تهموها ولا راح تهموها .

مشيت ضربته على ايده وصحت :- اطلع من حياتي

وروح لملمها هِـيِّ تريدك تقبل ترجعلها واثنينكم متشابهين

نفس الـسقوط والانحراف .

ضربتني دوخة براسي نزلت لزمت اركباتي بيدي

حاول يرجع يقرب مني صحت بي :- اياك تقترب اياك

والله العظيم احرك نفسي بس تحاول تلمسني .

الغيهب:- اكعدي واحجي اني راضي بـ ڪُـل كلامج

واسمعج بكل رحابة صدر اني غلطان بحقج وتحت امرج  .

زهراء:- ما اريد تسمعني ولا اريد اسمعك

ليش تعذبني ليش اتعبني روح مني روح .

الغيهب:- زهراء بس اسمعيني بس افتهمي لج بابا

انتِ تصلحين بمكان كلشي ضاع مني انتِ نوري  .

زهراء:- قبلت بيها قبل وافقت اصير بديل وندمتني

هلكتني خسرت نفسي وصحتي خسرت كلشي بسببك .

جنت احب حياتي ، ڪُـل همي شلون اكعد اخلص الـطلبيات

همي اعتني بـ اغلفة شغلي وأطلع الطلب من بيتي بـ افضل حال

همي اكمل شغلي وبعد تعب يوم كامل بس داخلي مرتاح

اكعد انتظر الفلوس حتى اشتري علاج امي

همي شلون اكعد بليل ارد ؏ المتابعين واتونس واني اشوف

شغلي يكبر يوم عن يووووم انيييييي دمرررت نفسسسسسسي

لك تركتتتتتت كلشيييي الخاطرك والخاطر حبك

بعت احلامي ،  لو بقيت بيها كان اني هسة الي اسمي

واحتمال افتح مطعم خاص بيه 

تركتتتتتت امي وناسي وشغلي لعيونك

ماتت امي بحسررتي بسبببك وبسبب لعنة حبك يا الغيهب .

تعنفني ، تعذبني ، تذلني ، تهيني ، وسحكت ؏ گلبـي

علمووود شنووووو وحده سافلة تبيع بيك وتشتري بيك

تبيع بـ اخوك وتشتري بي .

بسببك رادت تگتلني اجتني هنا رفعت علية سچين

هنا وكفت هنااا اختنكت والنفس وكف بعد ما اكدر اسحبه

بلعت ريكي وكعدت لازمة راسي واهز بجسمي

تركني وراح للمطبخ شوية ورجع بيده كلاص مي

كعد مقابيلي وهمس:- اشربي مي اني ما استاهل توصلين

الـ هل حالة بسببي ، انتِ غالية المفروض ما تنزل دموعج  .

صكيت ؏ اسناني وضربته بكل قوتي

؏ صدره وصحت محروك گلبـي:- ما ابجي عليك تنعمي عيوني

اذا بعد ابجي عليك ، هاي حالتي ودموعي التنزل ؏ روُحـي الدمرتها

بيدي الـ أجل شخص ما يستحق انتَ ما تستحق وحق الله .

اني ڪُـل يوم اخلي راسي هل مخدة من كثر الوجع

الـ بروحي وقوتي المستنزفة اخاف انام وما اكعد

اني انتهيت وحملت طفل من يجي للدنيا ينتهي وياي

انتَ دمرتناااااااااا ولازم اخلص منك قبل لا ينولد ابني .

الغيهب:- وتعوفيني وحدي .

زهراء:- ابتعد كوم عني لا تقترب مو كلت لا تقترب

كال ابتعد بس من هو يخون ويحاول يقتلني ويسافر

ما يكول وحدها من تسجن ابوية وتخلي الكل ضدي

ما تكول وحدها ، من بقيت وحيدة بسببك ما كلت وحدها

ومن دخلت علية الساق..... تريد تكتلني وتكتل ابني

حتى حضرتك ترجعلها ما كلت وحدها

ومن انفضحت وانضربت ما كلت وحدهاااا هااا ما كلتتتت .

قوس حاجبه ورد باستفسار:- موج حاولت تقتلج وتقتل الطفل .

ولان وعدت نفسي ادافع عنها واقويها وابدي

بروحي واغير ڪُـل اطباعي الطيبة الـ تخليهم

يستغلوني وبدون تفكير ولا خوف ولا تردد

أكدت كلامي :- اي اي موج اجت هنااا اتفقت

ويا وحدة ؏ اساس محتاجة رحت اجيب فلوس

لكيتها كاعدة هناااا ، وابوك وجلال يعرفون

هم خلصوني من ايدها وشافوا بعينهم

أثار ايدها شلون خنكتني من ركبتي

كالت ؏ اساس انتَ سافرت حتى ما تأذيني

وعلى اساس الطفل الـ ابطني هو السبب

الوحيد مخليك تبقه وياي

وعلى اساس تريدك ترجع وياها وتحبك

تالي من شافت جلال كالت اني الـ خابرتها

حتى تجي لان انتَ تحبها اكثر مني

وحاولت اقتلها ، وكالت الجلال

؏ اساس هِـيِّ كايلتلي اني اختاريت جلال

ما اريد الغيهب بكل بساطة هي تضحك

عليك وعلى اخوك لأنكم زواج قشامر .

عض شفايفه وهو يوكف هز راسه

وراح للباب طلع المفاتيح بس فتحة

طلع وقفله من بره ، وكفت بتعب

فتحت الشباك وصحت:- وين رايح شنو تحبسني افتح

الباب غيهب تعال هنااا ، رايحلهااا تمارس همجيتك مثل ڪُـل مره

يا مررريييييض .

طلع بدون ما يلتفتت دخلت غسلت وجهي

ورجعت كعدت ؏ تخم الدنيا تفتر بيه

بعد ما اتحمل ضغط روُحـي خلصت

فوك ثقل الحمل يزيدوها علية بـ مشاكلهم .

يا ويل ويلي لو رجعت اكتل نفسي

ومثل ما كسرني اكسره اضعاف

ما راح اكون طعم سهل لهنا وخلص .

الوقت ڪله كاعدة وايدي ؏ خدي

افكر بحل يخلصني من هل لعنة

لا تلفون عندي ولا باب مفتوح

يكلي تعالجت وهو مستمر يحبسني

ولازم اكون تحت رحمته.

...............................................

الغيهب....

اسف سيدتي

انا اتمسك بكي لانكِ الوحيدة التي احبتني

في اشد حالات انطفائي .

بقلمي اساور حسين..

خسارة ، ضياع ، فقدات يصاحبه تشتت افكار

فكرة أشوف إنسانه كانت ڪُـل همها توصل الگلبي

تعالج روُحـي وتوصلني للنور بنظرات عيونها الدافية

واني بكل بساطة نقلت ظلماتي الگلبها ، طفيت عيونها

وصرت اشوف بيهن حقد ، غل ، انتقام ، هلاك .

حسيت نفسي انذل بشر بالكون واني اشوفها مدمرة كدامي

حاولت اطلع ڪُـل البداخلها بس شكد ما چانت تحجي متأكد

اكو هواييييي بداخلها .

صعدت سيارتي وطلعت الطريق فارغ

صارت عيوني ؏ ساعة بـ 3 منتصف اليل

دروب ضلمة اخذت تلفوني دكيت رقمه

دقايق وصلني صوته واضح نايم :- انتَ وين ؟

جلال:- بالبيت نايم .

الغيهب:- موج وين .

عدل صوته وصاح بغضب:- عند ابوك شتريد منها .

الغيهب:- اريدها انتَ شلك دخل .

جلال:- شنو شلي دخل شتريد منها غيههههههههب .

الغيهب:- عندي حساب لازم نصفي وياها حتى اخلص .

جلال:- زهراء سولفتلك .

الغيهب:- لا تذكر اسمها ؏ السانك ، وختصررر وينها موج .

جلال:- بيت فلسطين .

الغيهب:- ما تعرف موووووو .

جلال:- ذاك اليوم ابوية كال اروح اخذ منها الجنسية .

المهم راح تروحلها .

سديت التلفون بوجهه وطلعت بسرعة والشارع فارغ

بسرعة وصلت ، اخذت من الحب مخلي بسيارتي

وشغلت جكارة ونزلت .

وكفت كدام الباب ودكيت اكثر من مره

اجاني صوت امها عليت صوتي وصحت:- افتحي الباب .

ترددت ورادت تدخل تقفل الباب

يعرفن نفسهن غلطانات شمرت

الجكارة وسحبت بلوك بالشارع

خليت وحده فوك الثاني وطفرت الباب

ويا ما اريد ادخل وكفت سيارة جلال

عفته وفتت دفرت الباب عمتي عاطت

بعلو صوتها :- غيهب والله اخابر ابوك .

دفعتها وبقيت افتح باب بعد باب

الى ان شفتها نايمة بغرفة

دخلت وامها ورايه تصرخ دخل جلال

رحتلها هِـيِّ نايمة ولا يمها رفعت ايدي وصفكتها براشدي

بحيث كعدتها وزن شافتني ورجعت للخلف

الى ان وكعت من الجرباية :- يمه لحكيلي يمههههه .

طكيت ركبتي وهمست :- لالا لتخافين هل مره ما اضرب

الضاهر ميفيد وياج حالج حال الزمال

اني اريد تبدلين وتجين وياي بدون نقاش .

موج:- تريدون تموتوني والله تريدون تموتوني

ما اروح وياكم يا مجرمين .

ضحكت وكعدت ؏ ميز طلعت باكيت الجكاير

شغلتها اخذت نفس وهمست واني اطلع الدخان :- لا شلون نأذيج

مو كلت هل مره مو مثل ڪُـل مره .

امشي غسلي وجهج لا تأخريني  وتخليني اصير عصبي .

جلال:- لا توصخ ايدك بيها هل يومين تسافر .

رفعت ايدي كدامه بعلامة اسكت ورجعت أشرتلها

مدت ايدها سحبت عباية جتف وجرت الشال تريد تلبس

الغيهب:- عليمن تلبسي هو غير كحب........

وكفت كدامي شمرت الجكارة وطلعت

ركضت عمتي ورانا وصاحت :- والله اذا يصير بيها شي

اكلك بسنوني وحق محمد اشرب من دمك .

الغيهب:- هم حقج مشبعتج فلوس ، هو انتِ السبب خليتينا

نصير كواو....... نركبهن ستيل احسن .

شمرها جلال بالسيارة وصعدت :- شعندك انتَ .

جلال:- اجي وياك .

باوعتله بطرف عيني ودرت وجهي

واني اهمس:- الله لا يوفقك ولا يوفقها يا كوا......  دمرتوا حياتي .

وكفت مقابيل البيت وقبل لا انزل

كتله :- جيبها هل كحب... وتعال ورايه .

فتحت البوب ودخلت اول ما شافتني

وكفت تأشرلي بيدها وتصيح :- المفاتيح والتلفون جيبهن واطلع بره .

الغيهب:- البسي شال .

زهراء:- شنو .

الغيهب:- البسي شال غطي شعرج جلال وياي .

زهراء:- سالمين جلال شيسوي وياك .

قاطع كلامها صوته وهو يهمس:- ها غيهب ندخل .

ركضت للباب سحبت الشال لفة نفسها

وكعدت بكل هدوء تباوع بعيونها

الغيهب:- تعال .

دخل هو وموج تمشي وره اشرتلهم يدخلون

وسديت الباب لان المنطقة كلها نايمة بس احنه معرسين

زهراء:- شكو سالمين عدنا مسرحية  .

الغيهب:-تصفية حسابات.

زهراء:- صفي حساباتك بره بيتي انتِ والباقين

اني لا دخلوني بـ قذارتكم .

كعدت مقابيلها واني اباوعلهم واحد واحد

اراقب تحركاتهم واني احجي بهدوء:- بعد الصار تزوجت (هيام )

بنية محامية هِـيِّ حبتني مثلج بس ست موج ما تحب

تشوف شخص مدمر يرمم نفسة ، راحت حاكتلها

لعبة قذرة مثلها وصلتني للطلاق وفعلا طلگتها

لان ما متمسك وما عندي مشاعر اتجاها

بعد فترة هم تزوجت ونفس السم زرعته الست موج

بس بـ لعبة مختلفة وصلتني المرحلة اكسر ايد البنية

وطلكتها .

ورجعت تزوجت هل مره حتى مو عراقية

ونفس الحالة تكررت بس هنا هِـيِ تنازلت ورجعت الدولتها

بدون ما نطول سوه .

بعد مده كشفت كلشي وبحثت ؏ موج بس

اخوية الزلمة الزين ضامها لان يحبها ههههه .

وتزوجتج وعشت وياج ڪُـل هل فترة وانتِ الوحيدة

طولت وياها كل هل فترة وحاولت هل سممممم

هووواي حتى نبتعد وننفصل بس اني الچنت رافض

وتمسكت بيج مو لان انتِ حامل  بس اني اريدج

انتِ اجمل وأنقى وحده تعرفت عليها .

موج:- وليش هِـيِّ الثبتت وياها هيام جانت اجمل

والبعدها اخجل اباوع عليها ،والثالثة حبتك اكثر منها

شبيها زايد علينا.

ضحكت بعلو صوتي واني أشر عليها :- علينا تقصدين نفسج .

رفعت حاجبهه وانتفضت :- وشبيه انيييي عيب عليك اني بنت عمتك .

الغيهب:- لا يا ظالمة تقارين نفسج بيهااااااااا ..

لج انتِ وين وهي وين

هِـيِ شرف ، ستر ، مخافة الله ، صاينه نفسها

ومحافظة عليها قابل مثلج ماخليتي واحد بنفسج

ولو ما ابوية واكف بعيني من زمان اخلي طلقة براسج

وبراس الواكف بصفج هسسسسسة .

دفعت الباب تريد تطلع هجمت عليها جريتها

من راسها ورجعتها المكانهاا :- لحظة بعدني ما خلصت

ورانا حسسسساب طويل .

زهراء:- ما بيه حيل اشوف هل مناظر اني مريضة

ما اتحمل اخذها وطلع انتَ واخوك بالكي تضحك عليكم  .

رفعت ايدي ؏ شفايفي ورديت:- اشششش ولا حرررف .

اسمعي لج كلتها قبل وما اخذتي بكلامي

حذرتج تقتربين منها اقتربتي ومحاولة تقتليها

بعين صلفه بعد ڪُـل الصار انتِ ام الحق .

موج:- اخخخخخ شعرريي والله هِـيِّ خابرتني

اجيت عبالي شوف شعدها تالي تكلي الغيهب يحبج

ما يحبني وكتلتني انصدمت حتى اسئل جلال شافني بالكاع

وهم هو كتلني فوكاها .

جلال:- لج ساقطة كملي قصتج طلعي جذبج .

موج :- والله ما اجذب ليش مصدكوني .

زهراء:- اي بيومها مو كلتلي الجلال  احبك

وقبلها بدقايق جنتي تكليلي ؏ مغامراتج

وكلتي احب نفسي ، واحب الفلوس

ولان شفتيهم ؏ كد ايدج استغليتهم .

ملخت روحها تملخ شلون تنكشف كدامنا

سحلتها سحل وشمرتها جوه رجل زهراء

طلعت المسدس من خصري وصحت:- اسمعي زين ڪُـل

هل كلام ما يهم لعبتي علينا لعبنا عليج ، اخذتي فلوس حالج

حال الكحا..... مو مهم بس تتعدين ؏ زوجة الغيهب ؏ ام

ابني وتريدين تموتين ابني طلقة والله حقج طلقة ادفنج

للأبد .

رفعت ايدها وصرخت :- جلال ابوس ايدك الحكلي جلال

خلصوني الله يخليج زهراء لا تخلي يموتني .

زهراء:- ؏ شنو ناوي تريد تموتون زبالتكم بـيتي .

الغيهب:- اطمني ما اسويها كدامج بس موووووج

عدها خيارين يا امااا تموت يا اما توكع تبوس رجلج

وتعتذر ؏ سوته .

موج:-اني ابوس رجلها والله ما ابووووسهااااا .

سحبت أقسام وهمست :- يعني تريدين تموتين .

عاطت بفزع :- لالا ابوس رجلك عووفنييييي .

الغيهب:- بوسي رجلها و اعتذري .

موج:- ابوس رجلك انتَ واعتذر منك مو منها .

تقربت خليت المسدس براسها

وصحت :- اعد الرقم ٣ اذا ما نزلتي وبستي رجلها افجر راسج .

  موج:- هييييييييي شنووووو ماااا والله فجر راسي وما اسويها

اندفعت من صدري وخبالو وكف كدامي

صاحت بوجهي وچنها بزون:- ابعد اسلاحك طار عقلك

ما اريد تعتذر ولا تبوس ايدي ولا راسي بس اريدها تبتعد عني

وانتووووا كلكمممم وياهاااا .

دفعتها بطرف ايدي وصحت بصوت :- مووووجججججججج

بسررررععععععة .

1

2

اريد انطق رقم تلاثه وبحكم هِـيِّ تعرف من احجي أنفذ

نزلت باست ايدها وصاحت بعلو صوتها وهي تناشغ

ودموعها ؏ خدها توكع :- اني غلطت اعتذر واسفة

وبعد اختفي وما اخليج تشوفيني طول حياتج لا انتِ ولا هو .

رفعت حاجبي ما عجبني أعتذرها

همست:- لالا ما عجبتيني كلت رجلها مو ايدها .

زهراء:- عجييييب لك كااافييي راح اموت بسببك شيل

سلاحك لا تسويلنا قدر ما بيه حيل احجي بعد خلصت روُحـي .

التفتت الجلال الواكف بس يباوع من بعيد

وصاحت:- انتَ ليش واكف تتفرج اخذهااا

رجعها لا يموتها ويبلينا ولكم شنو وضعكم خلصتوا حيلي .

تقدم جلال سحبها شمرت روُحـي ؏ تخم من هول الموقف

ما كدرت بعد تسند نفسها خلصت ڪُـل طاقتها

طلع جلال وياها  وصلها مشي ما أمن بي وانطي سيارتي

قفلت البوب  ورجعت اباوعلها انتهت لا تكدر ترفع راس

ولا تشيل ايد سندت راسها ؏ تخم بسبب الدوخة بس شافتني

همست بتعب:- اريد مي حلكي يبس مي .

صبيت مي بسرعة وتقدمت رفعتها

جسمها يرجف بين ايدي سحبت الشال

من راسها وجريت القراصة تناثر

وهو يحضن ركبتها رجعتلي الكلاص

وكفت وهي تردد :- الكلام وياك ضايع واذا اكلك اطلع

ما راح تطلع الأفضل اروح انام واخلص من شوفت وجهك .

صح ما متعود عليها تحجي هيج وياي

ودائمًا ورغم كلشي اسوي وياها تتحملني

بس هل مره حقها واحاول اتحمل ڪُـل تصرفاتها

مثل ما تحملت تصرفاتي وظلماتي .

رغم البعد الـ بيني وبينها

لكن ماكو اقرب منها القلبي .

......................................

زهراء...

سكون ، هدوء ، صمت

بعد ليلة صعبة تعديتها واني مصدومة من نفسي

ومن قوتي ، بكل مره اكول خلص هاي اخر مصيبة

واروح بيها ، بس اتعداها بقوة ربي وايماني

كعدت ألم راسي مختفي بس عيوني ثگيلة

اخذت ملابس وفتحت الباب أضواء البيت كلها

طافية وبارررد ، دخلت للحمام سبحت ونشفت

شعري لميته وطلعت للمطبخ فتحت الضوء

صار مقابيلي لازم كلاص وريحة الكهوة قوية

تصرفت وكأنه ما موجود اخذت كلاص

صبيت بي مي شربت ورجعت للغرفة

وسديت الباب علية ، عدت ساعة فتح

الباب علية وبيده صينية كعد مقابيلي وهمس :- نتريك سوه .

باوعتله بغضب ورديت بهدوء:- صدوووك عليك الله

متريد اوكلك فرد مره.

الغيهب:- تريكت بشوفتج .

زهراء:-اذا تحجي هيج هسة احرك روُحـي والبيت

اكرررره نفسي من كلامك .

الغيهب:- اسف بعد ما احجي هيج .

زهراء:- لا تعتذر وروح منا .

الغيهب:- صدك تريديني اروح زهراء متأكدة.

زهراء:- طبعا متأكدة .

الغيهب:- بس اني مرتاح يمج انتِ سعادتي .

زهراء:- يا تعاستي واني اشوفك يا تعاااستي .

الغيهب:- لا تصيرين مثل الغيهب خليج احسن مني .

زهراء :- لالا راح اكون اخبث منك ، واحقر منك يا احقر

رجل شفته بحياتي ، اني تعلمت القسوة منك ليش تذكرررني

لييششششش امشي من وجهيييي .

ذب الصينية ؏ ميز ومد ايده يتلمس وجهي دفعته

بقوه ابتعدت حاولت اتملص منه ثبتني بقوة

وهو ينظرلي بعمق :-الـ هل درجة جرحتج صرتي

حجر معقولة وصلتي الموت القلب .

زهراء:- بيوم الـ شفتها ؏ جربايتك مجردة من الملابس

مربوطة الايدي والرجلين  ، وتحيط بيها ادوات تعذيب قذرة

وأنت عاري الصدر واضح شنو جنت اسوي وشلون تتلذذ

بعذابها وهي معنفه وجهه قطعة زركة كرهتتك

وبذاك الوكت لو بيدي مسدس اموتك بدون تفكير

صح شكيتلك حاجبك والـ أثر واضح

بس ما برد گلبـي منك ولا راح يبرد

وبعمري ما انسى ذاك اليوم

اني هناك متتتتت ومات حُـبـي وياي

ولو باقي ذرة منا ادموعي وجروحي

وعذابي ينهنا ، من صدك ومن ڪُـل گلبـي

اتوسلك تعوفني الخاطر ڪُـل لحظة وكفت بيها وياك

وساعدتك وبداعت ڪُـل ضحكة صارت بيناتنا تعوفني

بحالي اني تعبت ودمرت وما بقالي احد بسببك

بقالي بس هل بيت وابني خليني اكمل باقي حياتي

براحة الصار بيه كاااافييييييي اني ما استاهل ڪُـل هذا

لان ما غلطت بيوم غير بس غلط واحد وهو حبك .

رد علية والعبرة بصوته تحول خشن :- اريد ارجع اكسبج

ما أريد اخسرج انتِ ربح حياتي انتِ أملي الوحيد .

درت وجهي منه عافني وراح

للمطبخ ورجع بيده مفاتيح البيت ومبايلي

نزلهن بحضني وهمس :- اني رايح اريد تسترجعين نفسج بدون

ما اضغط عليج لان مو من حقي بس ما اكدر اعوفج .

زهراء:- ليش ما تكدر تعوفني هااا ليششششش .

الغيهب:- لان انتِ الوحيدة اضبط اعصابي كدامها

الوحيدة اخاف أذيها وصرت احسب احساب

الكل كلمة تطلع مني كدامج حتى احارب واقلل كلامي

اكول اخاف اغلط بحرف واضوجها .

والله العظيم اني ارتاح بس يمج والهوسة البراسي

تختفي من اكعد مقابيلج .

لزم ايدي وتكلم بصوت خافت :- فرصة أخيرة اعوضج

بيها عن ڪُـل الصار خليني ارجع اعيش واحب حياتي

وياج .

زهراء:- لا تخليني اجرحك كلت عوفني بحالي وروح منا .

عاف ايدي ووگف مقهور من كلامي 

ولا عبالك هو نفسه قبل شهر خاني وبعيوني

شفت الصار وفوكاها يطردني ويريد يضربني

بمسدس ؏  صخام وجههه .

وصل للباب صحت بصوت واضح :الغيهب .

التفتت ورد وبعيونه أمل :-ها يا سعادة گلبـي .

زهراء:- طلكني .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي وبمناسبة خلصتوا من الامتحانات

اليوم القفلة باردة اخليكم بفرحتكم عيوني انتوا 🧡