تحميل رواية «ظلمات الغيهب» PDF

رواية ظلمات الغيهب

بقلمي أساور حسين

الحلقة _28_

زهراء تكول..

ليش خليت العشك بعيوني نزوة ؟

ليش خليت الحلم ياخذ مكانك ؟

ليش المعاتب كِلف والشوك سكتاوي ؟

الغيهب يكول ..

ليش وانتَ بعيد اريدك ، ومن جنت وياي ڪُـل ساعة نتعارك ؟

ليش يـ الأرتاح يمك تعبتني .

لا تنسون التصويت وتعليقاتكم الحلوه ؏ فقرات 🦋

------------

زهراء...

غلق التلفون ونزل الكلاص بالكاع عدل ملابسه

وبضحكة باوع الباب بيتنا ودك التحية .

وسعت عيوني وتراجعت للخلف وكعت بالكاع ورجعت للبيت

زحف يا صخام وجهي شافنيييي شاافيييي بالكامرات ...

فتت وطبكت الباب حييل ومن الفشله

بوجهي دخلت للحمام هسة اني شطلعني

يربي ليش طلعت لو شايفه ابو بريص

وخايفة وما وصلت الباب

ضعت والله ضعت يا فشلتي

واني الطم بالحمام اسمع صوت

التلفون يدك طلعت شفت اسمة

ملخت خدودي بقيت افتر بالغرفة

الى ان خلصت وصلت رسالة

فتحتها وياريت ما فتحتها كاتب ( تموتين ؏ ربي مو بيدج )

طاح حظي يوم ما طلعت وبقيت واكفه اباوع

رجع دزلي ( ما تخافين من الله زوجج بالشوارع لازم ترجعين تلميني )

بعدني اقرها دزلي :- (ما تخافين علية انخطف منج وحده تباوعلي نفس

ما جنتي تباوعيلي )

ذبيت التلفون ودخلت سبحت وطلعت بسرعة

لبست دشداشة قصيرة وشتهيت جبن سويت لفة

صبيت كلاص جاي وطلعت للغرفة خليتهن ؏

ميز وأخذت تلفوني اريد افتح حلقة من مسلسلتي

صوت الباب ، اي والنبي الباب انفتح

صوت خطوات تتقدم الباب الغرفة

مشيت واني ارجف مديت راسي صار كبالي

تعداني ودخل للغرفة بيده ماعون وفوك الماعون خبز

اريد اتحرك ثبتت بعد صدمني وسعت عيوني وهو

يتعامل ببرود:- سويتلج مشاوي شنو هم ياكلون ومرتي ما تاكل .

التفتت اباوعلة همست بعدم استيعاب:- انتَ شلون دخلت للبيت

مو البوب مقفلتهن منين جبت المفاتيح .

الغيهب:- ليش مستغربه يعني شلون اعوفج بيت وحدج

وما عندي المفاتيح زين اذا صار بيج شي لا سامح الله

شسوي واني ماعندي مفاتيح .

زهراء:- الغييييهب .

الغيهب:- هااا يا نعمة الرحمٰن .

زهراء:- انطيني المفاتيح ما أقبل تصير عندك نسخة .

الغيهب:- ادللي انطيج هل نسخة واسوي غيرها جدا عادي

تعالي اكلي وعوفي لفة الجبن من ايدج لازم تتغذين .

كعدت ؏ جرباية اهز برجلي سوه لفه وقدم ايده

همس وهو ما يباوع الوجهي يتغاضى عن رد فعلي

ويسوي نفسه مايشوف :- اكلها اني ما اريد وبسرعة

كمل اكلك واطلع .

الغيهب:- تقربي ناكل سوه .

زهراء:- عجييييييب .

الغيهب:- ادري .

زهراء:- شنو ادري .

الغيهب:- اني عجيب غريب ماكو احد يشبهني مميز

حياتي وزواجي كلشي مميز .

خزرته ودرت وجهي شغلت الحلقة

بقيت اباوعلها هو مل مني رجع

ظهره ؏ جرباية وشغل جكارة

سحب التلفون وسحبني بقوة من

ايدي قيد حركتي صرت حتى اخاف

اتحرك لا تنمرد بطني دفن راسه بركبتي

تنفس بغضب صعد الـ أذني وهمس :- لا تجاهليني دمرتيني .

دفعته من صدره ولا تحرك هو بـ كامل ارادته

فر وجهه سحب نفس من الجكارة ورجع طبع

بوسه ونفخ الدخان جوه شعري وهمس :- لا تتحركين ابقي بين ايدي ابقي .

زهراء:- لا تنرفزني غيهب ابتعدت اقرف منك

ومن بوساتك اتذكرك بـ ذاك الـ .......

أثناء كلامي ذب الجكارة دفعني وصار فوكايه

قيد ايدي وهمس:- تقرفين من منو هااا من منو .

زهراء:- منك اقرف منك وعوف ايدي

بطني توجعني عوفنييي لا تضرب .

صك ؏ أسنانه وهو يمد أيده

لزم وجههي وأقترب وهو يرد :- بعد ما أضرب أختلفت طرق العقاب .

قيد شفايفي بين شفايفه لدقايق هو ما مبتعد

ضعت تهت ماكدرت اتحرك اكتفيت

بغلق عيني بـ ڪُـل ما عندي من قوه

الى ان ابتعد شفايفه ترجف ايده ترعش

سند كصته ؏ كصتي وهمس:- من منو تقرفين مني ، شنو التريدي

يا سعادتي مو روُحـي خلصت .

زهراء:- أبتعد ونحجي .

الغيهب:- ما تحجين لج دمرتيني وما تحجين ليش تجاهليني .

زهراء:- احجي بس ابتعد الله يخليك غيهب ابتعد .

مد ايده رفع راسي تقرب باس عيوني

وهمس:- بعدج ترجفين بيدي ، انطيني امل تبقين وياي .

درت وجههي احس ركبتي طكت من شاف حالتي

ابتعد عدل ملابسه اني ما صدكت طلعت من الغرفة

للمغسلة غسلت وجهي مرتين بالصابون

اخر مره ذبيت المي ونشفت وجهي

التفتت واكف ورايه :- صدك تحجين انتِ .

زهراء :- وروح امي ما ابالغ ، ولا تفكر لان اريد اضوجك

بس صدك ما اتحمل قربك اتذكر كلشي انت جنت ويا وحده غيييري

هل ذكرى تحطمني غيهب .

الغيهب:- والحل .

زهراء:- نطلك .

الغيهب:- اني ما اطلك ونبهت لا تعيدين هل كلمة .

زهراء:- لا تعبني اكثر وطلكني .

حاولت اتهرب منه مشيت المشر الملابس اخلي بالممر

أرتب بيهن وهو مستمر يستجوبني.

الغيهب:- حركتج حركت گلبـي .

زهراء:- وخيانتك حطمت گلبـي .

الغيهب:- لازم نلكي حل نكعد ونتفاهم واني مستعد الكلشي .

زهراء:- اني ماخذه قراري اريد اطلك .

الغيهب:- وبعدين ، بعد الطلاك شسوين .

زهراء:- اتزوج شخص يحبني واني اول بنية بحياته بعمره

ما شايف وحاب بنية.

الغيهب:- هذا حديث الولادة منين تجيبي تفصال .

زهراء:- لا كوووومه  موجودين بس شنو لازم هل

مره أختار بـ عقلي قبل گلبـي ، اريد اعيش ويا شخص

يحبني من ڪُـل گلبه ويتغزل بيه صبح وعصر وليل

اريد شخص يستحقني ما اريده غامض

اريد شخص من يخلص يومه وقبل لا ينام

يحجيلي كلشي صار خلال اليوم

ينطيني امان ، اريد استقر

اريد يسمع كلامي ويحترم قراري .

الغيهب:- هذا لمعي اخو فاطمة .

هو كال هيج اني فقدت اريد اسكت ما أكدر

ضحكت ضحك بحيث تشنجت بطني وهو غير يسكت

ماكو من قهر كلبه استمر يدردم .

الغيهب:- ام الحلوين تموتين ؏ حلوين

يا فقير يا صخام بوجهج وبوجهه الواكف

يسمع وساكت ، اختصرتها تريد واحد محبس  تريد

تصير مثل ميسرتكول

اكل يتزقنب تكول نام ينخمد تكول امشي يهرول مثل الجلب .

ذبيت الملابس وكعدت ؏ درج

راسي صدع من الضحك

الغيهب:-تفر بحلكها علية الـ ادبسز ما تستحي كدامي واكفه

وتعدد شلون تريد تزوج ، واني اوكف اباوع عليج شلون

تزوجين وتروحين موووو ، هو غيييير اني خبل اتخبل

عليج وعليه وحق الله اذبكم مصح مجانين .

تقدم علية كمزت للغرفة واني أحذر بي

خايفة يضربني :- هسة من الزمج اشككج اشكك وحق الله

تصير عندج ولادة قبل الموعد ؏ هذا كلامج .

زهراء:- عزززااا شكد ما تستحييي

من شوكت تحجي هيج يا سواد حياتي حدك تصرخ

وتعيط فـ عيب تحجي هيج وياي .

الغيهب:- يا عيب مو زين مني متحمل وصابر

وانتِ واكفه كدامي بـ هذا لبسج .

زهراء:- غيهب أطلع وعوفنييي .

حاوطني بيده وهو يرد ؏ كلامي :- اعوفج وانتِ تختارين

فارس احلامج كدامي ما بقيتي وصف ما خليتي

اني شنو ناقصني هااا شنو ناقصني

تريدين اتغزل بيج من عيوني اشبعج غزل

كالها وطبع بوسه ؏ كصتي .

تريدين أوصف جمالج هو ما ينوصف بس احاول

طبع بوسه ؏ عيني .

تريدين اسولفلج شلون اخذتي عقليي انتِ تأمرين 

طبع بوسة ؏ خدي .

تريدين اسولف شيصير بيه من واحد يذكر اسمج

اضيع والرجفة تحتل جسمي بخوف ، قلق ، ضياع

اخذ شفايفي وهو يدفعني ؏ حايط .

فصلها وهو يتنفس بـ اضطراب :- لج انتِ اخذتي عقلي

تريدين اعوفج ، عجزت واني احاول ابتعد

وبكل مره ارجع هنا الـ حضنج شلون اعوفج لج بابا والله فشلت

اني افشل بكلشي كدامج .

رديت علية واني اتمنى اسمع الكلمة الـ تمنيت اسمعها

من اول يوم شفته بيها لليوم ، حاولت اريد جليد گلبـي

يذوب وهو ينطقها اريد اسمعها منه  .

زهراء:- ليش فشلت ، وليش عجزت

بس لان عقلك يمي لو اكو سبب ثاني ؟

ركز بعيني حسيت بي افتهمني

بس حارب حتى ما ينطقها

اعصابه تلفت بدا يضغط

؏ ايدي بلع ريكه وكأن يواجهه

عاصفة من المشاعر :- بس بس لان اخذتي عقلي

بس لان انتِ سعادتي ، وعندي امل وياج اكدر اكون

أسره واعيش ايامي مرتاح .

لزمت ايده الـ مثبتني بيها ونزلتها مني

ابتعدت واني اهمس ونار گلبـي تجددت :- واني ما اريد اعيش وياك

ما اريدك وما اطيق اشوفك ، وصلت المرحلة بديت اكرهك .

رجع خصلات شعري وهو يركز بعيوني

الغيهب:- انتِ مو صبرتي علية

هسة أنقلب الـ ادوار لازم اصبر عليج

وأرجع اخليج تحبيني ومستعد الكلشي في سبيل ما اخسرج  .

زهراء:- اني قررت ما راح تستفاد شي من صبرك .

الغيهب:- بيوم من الايام اني هم كلتها

ما راح تستفادين ، تالي شوفيني اني واكف

كدامج اترجاج بس انتِ ما تريدين .

اندك الباب وهو يحاول يقترب اكثر

همس بغضب:- هذا يا كوا........ .

وكف عدل ملابسه وهو يباوع ؏ مرايه عدل شعره

وطلع ، باوعت من الشباك هشام :- ها ولك عريس شو اختفيت .

الغيهب:- الله لا يوفقك كول امين .

هشام:- اميين ، بس ليش تأخرت .

الغيهب:- احجي ويا مرتي هسة انتَ لا تنبص امشي منا امشي .

هشام:- ابوية يريدك بسرعة .

رجع للبيت اخذ الغراض وقبل لا يطلع

وبدون ما يباوعلي همس:- محتاجه شي.

زهراء:- اي روح .

الغيهب:- يجرالج .

عافني وطلع قفل البوب حتى نسيت اسأل ليش

مسوين هل عزيمة معقولة اكو مصيبة بعد هل

أجتماع .

مرت الساعات واني في تخبطات مشاعري

كلها هاجمتني ، بين اكرههااا وبين ابتعد

وبين طلاكي حرررت حرت بصورة مو طبيعية

خفت من كلشي ، أخاف أضعف

أخاف أرجع وادمر نفسي .

عدلت نفسي واني خجلانه ما اعرف ليش بس

دائما احس امي موجودة هنا وياي

بعد ما كدرت حتى انطق بحرف واحد

ردت بس اليوم ينتهيي واول ما صار اليل

ختلت بفراشي بجيتتت الى ان تعبت وهلكتتت ونمت .

ومر يوم بعد يوم جنت اقفل البوب

وابقي المفاتيح بالباب حتى ما يدخل

كلشي سويت في سبيل ما يضعف گلبـي

كدام ظلام الغيهب .

وبيوم لا ؏ بال ولا ؏ خاطر

دك تلفوني مثل ڪُـل يوم

هيج وقت تخابرني رجاء بس انصدمت

بيها تبجي رديت بفزع :- رجاء شبيج حبيبتي منو وياج

فهميني ضربوج احجي حبابه والنبي ما نعديهااا .

ومن بين شهكاتها همست:- زهراء جدو انجلط بالسجن

زهراء اخاف يموت محد يحميني من عمامي بس هو وابوية

والله اذا صار بي شي ما يرحمون بحالنا .

زهراء:- اهدي لا يصير بيج شي ، شوكت نجلط .

رجاء:- من البارحة بس اليوم عرفنا وراحوا عمامي

يتراكضون ابو ايهاب صفكني راشدي يكلي كله

من اختج الكحـ .....

زهراء:- اذا ما اخلي الغيهب يذبه سجن هل سافل المنحط

شعباله هذا تايهين يصفك بيج وبيه راشديات.

رجاء:- لج تعبني حتى هو معارض زواجي من

ايهاب لو ما هو من زمان مزوجين .

زهراء:- امسحي دموعج يا حبيبتي وعوفي

الموضوع علية وعد اخلي بابا وجدو يطلعون .

رجاء:- باعي لا ضحين بنفسج حتى يطلعون

خلي يولييي اني هم ما يهموني بس لان يدافعولي  .

زهراء:- اعرف قصدج .

رجاء:- بروح ماما لا ترجعين للغيهب علمود يطلعون .

زهراء:- لا ولج ما ارجع بس لازم ينحل هل موضوع .

رجاء:- ماشي وعود خابريني سولفيلي شنو يصير وياج .

زهراء:- ادللي عيوني .

سديته منها ما ردت استعجل واندفع واتصرف

بـ غباء ، كعدت افكر واخطط احاول اصير مثل هاجر

اتصرف بـ حكمة وهدوء.

سحبت تلفوني دكيت ؏ رقمة بسرعة رد

همست بصوت وحدة تبجي لـ اول

مره بحياتي حاولت أمثل:- بعد ما اريد اشوفك

وهسة راح اطلع من البيت واشرد منك ومن مصايبك .

تحمحم واني اسمع الحركة وگف وصوت خطوات

صار صوت عالم هواي يمه همس :- شصاير لج شسويت بعد

والله العظيم بالدوام .

زهراء:- بعد تحلم تشوف وجهي كافي مليت .

الغيهب:- لا تتحركين اني جيت اذا ما اشوفج بالبيت

صدك اتخبل عليج .

سديت التلفون رجع يتصل

مكالمة بعد مكالمة رديت بدون ما احجي صوته

تعبان صاح بخوف واضح :- أمانة الله لا تصدميني بس انتظري

اني طلعت من الدوام اجيت نتفاهم ما اعرف شسمعتي

بس كله جذب .

بقيت ساكته كمل كلامة بـ ارهاق :- باعي حتى شقه ما عندي سلمتها

والبيت انباع حتى ما افكر عندي مكان فارغ واغلط

داضبط نفسي حتى بيوم ما ترجعيلي متعود من الدوام البيت ومن البيت

للدوام واذا اريد اطلع اخذج وياي .

زهراء تسمعيني انتِ وياي .

اني هنا عبالك كفخني ؏ وجهي انصدمت بكلامه

وحيرني ما اعرف هو شيفكر واني ما بالي هيج

يتصرف عبالي يجي هنا واحجي ويا ؏ ابوبة وعمامي

فاجئني برد فعله ما توقعت ما توقعت ما توقعت

سد التلفون دقايق وندك الباب بقوة

طلعت فتحت الباب بسرعة دخل اني فتت قبله

قفل الباب ودخل ورايه وكفت اول ما شافني

سحبني من ايدي ، سحبتها من أيده وهمست :- لا تلمسني .

مسح دموعي بطرف ايده

وهمس:- منو نزل دموعج ، منو غثج ونزلهن فهميني .

ابتعدت واني ارد ؏ سؤال :- انتَ ومصايبك هسة خابرتني رجاء

جدو انجلط بسببك هسة يموت ويذبوها براسك لان انتَ ...

قاطعني وهو يباوعلي بتعجب:- شنوووو شنووو منوو جدج .

هزيت براسي وهمست :- اي جدي شنووو نسيت انتَ شامر

عالم بالسجن .

ضرب الحايط بوكس وصرخ بعلو صوته

ودمارات ايده بكثر ما ضغط عليهن واضحات :- لججج جدج

شنووووو ابووج شنوووووو طبهمممممم مرض

لج ابوج مو خلاهم يرمون جووووه رجلييييي نسسسسسسيتي

شال المزهرية بيها ورد ركعها بالكاع

والكزاز اطشر بكل مكان ولا اهتم

يمشي فوك الكزاز يريد يوصلني

رفعت ايدي واني ارجف تندمت

؏ الـ لحظة الـ دكيت بيها علية

الغيهب:- نززززليييي ايدج نزززليهااااا لا تسوين نفسج خايفة

اكرررره هل فقرة اكرررهاااااا .

زهراء:- بس خليني افهمك ، والله علمودك اني خايفة

تصيرلك مشاكل ويأذوك .

الغيهب:- لج منوووو يأذيني والله ادفنهم احولهم اعدام .

ابتعد وهو يباوع ؏ ملابسه:- خرررررب  خرررب

انعل ابوج انعل شيب الخلفج ، انعل ابوج لابو ابو ابو ابوج .

شوفييي ملابسي خليتيني حتى ما اشوف

كدامي مشيت ؏ طين ؏ تراب بس اريد اوصلج

حتى السيارة شوية واعوفها بنص الـ ازدحام

مرتين ردت اسوي حادث .

هسة من اكسرج تكسر احد يكول ليشششش ؟

زهراء:- انتَ كلت بعد ما تمد ايدك معناها ما تمدها وضروري تسمعني .

الغيهب:- احاول ما اضربج براشدي افر راسج

وحق الله انومج شهر انسيج اسمج واسم الخلف الخلفج .

بقيت ساكته بس اباوعله هو احتار شلون

يعصر براسه يفتر يفرك ايده

ويرجع يسب ويغلط ومن توصل بي كلش

يريد يهجم ويضربني يطلع بره يشرب جكارة

ويتنفس بضيق الى ان تعب وكعد .

كعدت مقابيله وهمست :- مو كلت تبقه هادئ

وتسمعني ليش بس تصرخ .

رفع راسه شويه باوعلي بعيونه وهمس:- لان تهدديني .

زهراء:- لان خفت .

الغيهب:- لان تهدديني وسكتي يلاااااا لا تسمعيني صوتج .

زهراء:- أطلعهم من السجن مو ؟

الغيهب:- لاااا لان ما انقهررر عليهم ابوج الكوا.....

جابهم يرمون جوه رجلي .

زهراء:- غلطة وبعد ما تتكرر .

الغيهب:- طبعًا ما تتكرر لان اموتهم اخليهم  يعفنون بالسجن .

زهراء:- زين يعني ما طلعهم خوووشش .

الغيهب:- لا تسسسسسسسسسستفزيني أحسن الج لا تسسسستفزيني .

بقيت ساكته هو وكف يرد ؏ تلفونه :- اهلا ، اي والله اعذرني

الـ اهل خابروني ، انتظرني نص ساعة بالزايد يمك

من عيوني حبيبي الغالي ادلل .

سد التلفون والتفتلي:- لازم اسبح ؏ هل طين

لج شلون ورطتيني عفت قضية مهمة واجيت مثل

الزعطوط اركض من اذكر اريد ادفن نفسي .

حاولت ما أبين ابتسامتي ؏ كلامة والخوف الواضح

راد يطلع وهو متردد يروح ويرجع حاير بزمانه

اخر شي طلع ورجع رافع أصبعه:- ممنوع تطلعين .

زهراء:- لازم اروح البيت جدو ما اعوفهم وحدهم .

خنك ركبته ونزل ايده فتح الرباط

وصاح:- ممنوع ممنوع ممنوع ممنوع تطلعين لج ممنوع تطلعين.

زهراء:- اي ما اريد ابقى هنا بعد .

الغيهب:- اي بعد احسن ارجعي البيتنا.

زهراء:- ولا بـ احلامك .

الغيهب:- اكدر اخذج هسة غصب عنج بس عايفج

اكول ما اريد اجبرها بس اذا اضطر اسويها والله .

زهراء:- حتى اموت نفسي بس تجبرني والله

ادري بيك تسويها وما تحجي بـ شغله اذا ما تفكر بيها

هواييي .

الغيهب:- بس هواي حتى فكرت اخدرج واخذج للبيت بدون

ما تدرين ومن تكعدين تلكين نفسج هناك ، بعدها عادي

شسوين سوي ما يهممممم .

رفعت اصبعي ودموعي تجري ؏ خدي

اعرف الغيهب يسويها والله واني من ڪُـل گلبـي وعقلي

ما اريد ارجع هنااك :- والله ما اسامحك اذا تسويها .

الغيهب:- اذا ما تريدين اتصرف هل تصرف  اكعدي عاقلة.

حسيت نقلب السحر علية جنت اهدد بي صار هو يهدد

بيه ، اخخخ هل انسان شكد متعب وملعب .

زهراء:- لعد طلعهم .

الغيهب:- اششششش اششششش ولا حرف .

كمل وطلع راح البيتهم وره نص ساعة

اباوع علية طلع سابح ولابس ملابس غيرهن

ينطبق علية مثل ينكط ورد .

زهراء:- كون يعطل التاير بالطريق وتنزل وتتوصخ يا غيهب .

دخلت اكل بروحي اكل

لميت الكزاز ومسحت الكاع

خايفة ؏ متوترة اريد هل مصيبة

تنحل بكل الطرق ، شلون اذا صار ؏ جدي شي

وينتقمون منه والله هذولي ماعدهم رحمة يقتلون بدم بارد

اووف منك يا غيهب اوووف

راح نتورط وتكبر ما تصغررر .

لليل خابرت رجاء سولفتلها ڪُـل الصار

بقيت احجي وياها الى ان غفيت ما ادري بنفسي

بدون لا اكل ولا شرب من تصير مشكلة تنسد نفسي

الثاني يوم كعدت ؏ صوت

التلفون مشمور بصفي رفعت خط وهمست بتعب:- هلو جوجو .

رجاء:- لج تناززززل تناااااااااازل شسويتي ولج .

همست بعدم تصديق :- شنو ما فتهمت احجي ؏ كيفج .

رجاء:- الحايط ابن الحايط تنازل ولج الصبح

يعني يومين ويطلعووون .

كملت وطكتها ضحكة

ضحكت ؏ ضحكتها وهمست واني ألتفت

للجهه الثانية:- تمت الخطة بنجاح .

هو اني كلت هيج واشوفه واكف بالباب

طابك رجل ؏ رجل وينفخ بدخان الجكاير

وسعت عيوني وشمرت التلفون :- تخططين علية .

هزيت براسي واني اسحب نفسي :- افتهمت غلط وين اكدر اخطط

بعدين شنو انتَ ڪُـل كم يوم تجي تشرب كهوة هنا

ما عدكمممممم كهوة بيتكم .

الغيهب:- لا بت رحيم ما عدنا .

زهراء:- اشتريلكم .

الغيهب:- تكسبين اجر بنت رحيم عندج فلووسسس .

زهراء:- اغركك بالفلوووس عيوني .

تقدم سحبب وجهي من طرف حنجي

بـ ايده ورد بتحذير:- تأكدي من رحت وتنازلت

بـ إرادتي وما جبرتيني بس اني ما اريد اكبرها .

زهراء:- اي اعرف محد يكدر يجبر الغيهب ؏ شي .

رفع حاجبه وذب الجكارة وكوب القهوة

وقبل لا يطلع همس:- اذا اسمع لو اشوفج طالعة من البيت

تصيررر مو زينة لهنا زين .

زهراء:- زين زين .

طلع وسد الباب الثاني يوم العصر

اجتني هاجر من الدوام البيتي وياها

جهالها فرحت بيها واني مليت من الوحدة

صبيت الاكل كعدت امي وياها ناكل ونسولف

حجيتلها ڪُـل الصار ضحكت ضحك علية

وعلى الغيهب الى ان ملت :- والله وخليتي يتنازل يا فصعون

بس بلا تطلعين صدك ساحرته.

زهراء:- لا والقران ما اعرف بـ هل سوالف وما اخطي هيج

خطوة وغضب ربي علمود رجال .

هاجر:- لج اشاقة وياج ، بس اعرفي الغيهب من يحب

يتصرف هيج ، يتنازل ، يخاف ، يرجف ، يتعصب

يتوسل ، ويضحي .

زهراء:- تتوقعين الغيهب يحبني .

هاجر:- حسب كلامج والـ يصير اي والله يحبج .

زهراء:- ليش ما اصدك ، احس مستحيل يحب

وحده من بعد ما حب موج .

هاجر:- لا تذكرين طاري هل حرباية المتلونه

سافرت ولتتتت هِـيِّ وامها .

زهراء:- صددددك يعني موج سافرت .

هاجر:- اي صارلها اسبوع زمان لج حسيت براحة

مو طبيعية من ابوية خابر وكال خاصنا منها وبعد ما نشوفها ابد .

زهراء:- عندي سؤال قبل لا انسى.

هاجر:- اي اسمع .

زهراء:- قبل كم يوم ليش اقاربكم يمكم وذبحتوا .

هاجر:- ابوية كال علمود ماما لان عدت مرضها بالسلامة.

زهراء:- شكد خجلانه من عمتي لان ما اروحلها .

هاجر:- هِـيِّ ما تعتب عليج ، بس ڪُـل يوم تدعي ترجعين

للغيهب ، ودائما اعارضها ترد علية وهي تبجي بس زهراء

تكدر للغيهب وترجعه مثل قبل واحسن .

زهراء:- حاولت وفشلت ويا .

هاجر:- بس هسة كلشي اختلف .

زهراء:- ما اختلف شي بعدنا نفس الوضع الكسيف .

هاجر:- لالا انتِ هنا وكلشي ما تعرفين

كلشي تغير وداعت النونو الـ ابطنج كلشي اختلف .

صار اليل طلعت من شافت جهالها يريدون ينامون

لميت البيت وكعدت وحدي ، ختمت اخر حلقة من مسلسلتي

وكمت سويت كيكة اول ما صارت قطعتها واخذت قطعة

اكلتهاا واني اتذكر ايام قبل شكد جنت اسوي كيك وازينهم وابيع

الله شكددد حلووووو جنت مرتاحة وراسي بارد .

يومين وندك باب بيتنا دكت مخابيل

جمد الدم برجلي ، ذبت وصلت المسح

من ايدي ومشيت بثقل للباب

صحت بصوت خايف :- منووو بالباب .

رحيم:- اني ابوج افتتتتتحي الباب .

سمعت صوت عمي يحاول يهدي بي .

ابو الغيهب:- كول يا الله ابو زهراء وخلي نتفاهم

ماكو مشكلة تنحل بـ هل طريقة لا تكبرررهااا .

هشام:- هاي المرة الغيهب ما يسكت وهو

بالطريق والله ما يعديها استر علينا .

رحيم:- لا تحجووون وياي الـ عندي حجيته وياكم روحووووووا منااا .

فتحت الباب وهجم علية من الهلع

تراجعت للخلف :- شكو شصاير يا ستار .

رحيم:- بددددلييييي فوووورا تبدلين ترجعين وياي الـ بيتي .

زهراء:- كول يا الله يابا شبيك بس فهمني شصار وليش هذا حالك  .

رحيم :- هاي طلعتي من السجن بعدني حتى ما سابح

والله ما تبقين لحظة وحدة هنااااا اليوم اطلكج منه اليووووم

هل كوا..... ما انطي بنتيييييي .

ابو الغيهب:- البنية حامل چفتت عليها هيج شبيك

مو زين طلعكم الخاطرها ولو ما هِـيِّ قنعته والله

ما يفكرررر يطلعكم وتكضي باقي عمرك بالسجن.

رحيم:- لااااااا خلف الله علية زين منه

خووش عمي منطي بنتي ويسجن ببوهاااا خوووشششش .

هشام:- الـ يسمعك يكول انتَ تعبت بتربيتها ههه خلف الله ؏

امها حافظت عليها وكبرتها بتعبها .

رحيم:- لا تدددددخلون بـ امور خاصة .

دفعني وعاط بعلو صوته

حسيت طبلة اذني زرفها :- بدلييييييييييييي لج بسررررعة

كددددامييييي لا اموووتج .

زهراء:- ما اريد اطلع من بيت امي  .

رفعني من دشداشتي بقوة وركعني

بالحايط وهو بحالة هستيريا:- لج والله احرررركج  هنا انتِ والـ ابطنج

لج امشييييي وياي اليوم ما تبقين هناااا ؏ جثتي ابقيج ؏ جثتي .

من الخوف دخلت ارجف ودموعي

ما تخليني اشوف كدامي لبست عيايتي

ويا ما اريد اطلع اندفر الباب ودخل الغيهب

هو شافني لبست عباية وهو تخبل

فر ايده وصاح :- وووووووووين هااااااااا ووووووووين .

ابوية شاف الغيهب بـ هل حالة بهتتتت وعمي تراجع

هشام صار مقابيله :- يمعود كول يا الله غيهب بس

نكعد ونتفاهم لا تغلط اخوي انتَ فدوة الوجهك .

دفع هشام وتقدم ؏ ابوية :- شعنددددك هنااااااا وليششششش تضربها

هاااااا ليشششش ترفع ايدك عليهااااااااااا .

رحيم:- ما عندي كلام ويا شعار مثلك واحد ما متربي

هذولي الـ بالشوارع احسن منك الكاولية اشرف منك .

الغيهب:- لا تهسترني والله بـ بوكس انومك سنة .

دخل ايهاب ولد عمي وعمامي

ابو ايهاب:- ابتعد كوا.......

الغيهب:- لا ياكو.... يا ابن الكو.... ولكمممم شكد هتليه انتوووووا

شكدددددد مستتتتتهترين .

ايهاب:- غيهب هم بـ حالة عصبية وعالم كبار بالعمر

كبررر عقلك واطلع هسة نحلهاااا .

الغيهب:- سدددد حلكك لا افركه فرررك .

امشووووا كلكممممم اطلعووووا بره .

ابو الغيهب:- كااافييييي ندخل جوه نحجي .

رحيم :- ما عندددي حجي اريد اخذ بنتي ونطلع منا

وباجر غصب عنه يطلكهااااا وازوجهااا وازفهااا بيديييي .

الغيهب:- لا تعال شوفه احسن امشششششششيييي لككككككك .

وعمامي عيونهم بكصتهم صارت

اشرلي ابو ايهاب وصاح :- امشي للسيارة خلي نطلع منا .

الغيهب:- ما تطلع .

رحيم:- تطلع وغصب عنك وعن شواربك .

الغيهب:- اليوم لو اني لو انتوا وحق الله .

لحظات بس لحظات سحب

الغيهب المسدس وجهه عليهم تراجعوا

هو التفتت علية يباوعلي بـ ضعف عكس

نظراته بـ تجاهم تحمل غيض وكره :- لا تعيدين كسرت ڪُـل مرة

وتروحين وياهم  .

نزلت راسي وجسمي تحول سعفة

ما احس غير اندفعت ودخلت جوه

قفل الباب وهم شلون يسد الباب

اندك بكل ما عدهم من قوة

لزمهم عمي وهشام وحتى اصدقاء عمي

بالمنطقة أدخلوا بسبب الصراخ .

كعدت ارجف ؏ تخم ودموعي تصب ؏ خدي

ركع بالكاع ومد أيده سحب ايدي

وهمس بـ جنون :- متعوفيني مووو هل مره متروحين

سحب اربع اشرطة حبوب من جيب بنطلونه

وكمل بس حالته صعبه بشكل

مووو طبيعي جسمة وشفايفه ترجف:- والله اشربهن الـ اجل

عيونج لا تخليني ارجع الـ نقطة الصفر

اريدج ابقي يمي اموت زهراء

والقران هل مره اموت .

زهراء:- بس يهدون ارجع اني ما اريد ابقى يمهم .

الغيهب:- لالا يولون ابقي هنا هم ما الهم حق

عليج اني زوجج  موجود اني ابو ابنج ما اخليهم يفتحون حلكهم وياج  .

زهراء:- الله يخليك لا تعارض الطريق سهلها

والله ارجع والله .

هز راسه ومرد عينه مرد بيده :- متروحين والله اموتج

وما اخليج تروحين اطلع هسة اكتلهم وما تروحين

لج لا تررررروحيييييييين لا تعوووفيني .

يتبع .....

حساب الـ انستا اذا تحبون اتابعوني 🙊🤍

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _29_

انا اتمنى اجي يمك

وسولفلك ؏ احوالي

وحط بيدك وجع گلبـي

وكلك هذا چتالي

.........................

زهراء ..

هز راسه ومرد عينه مرد بيده :- متروحين والله اموتج

وما اخليج تروحين اطلع هسة اكتلهم وما تروحين

لج لا تررررروحيييييييين لا تعوووفيني .

جنت خجلانة منه اباوعله بشرود وضياع

صرت بين نارين ، بين أبقى هنا بس أنسى

عندي سند أنسى عندي اهل واشخاص

اهربلهم بوقت ما تقسو ايامي .

وبين أظل هنا بس ما اضمن النفسي الراحة

معناها اخضع واعيش مع الغيهب بدون

ضمان ان هو راح يكون كد كلمته ويحافظ

علية وما يأذيني .

غطيت وجهي بيدي وصرت ابجي

الحيرة سيدة الموقف اني بوسط النار

ومقابيلي الغيهب والظلام .

سحب ايدي من وجهي مسح

ادموعي وهمس :- ما نستاهل تنزل دموعج

اذا تفكرين تروحي روُحـي بس خلي أبالج

دماري بسببج وعلى ايدج خليتيني اتعلق بيج

وشفت بيج دنيا جديدة وتريدين تسلبين كلشي مني

علمود ناس ما صار كم يوم من عرفتيهم .

زهراء:- اني ما شفت منهم زين ولا شفت منك زين

كلكم تحبون مصلحتكم ، همهم  ياخذوني عناد بيك

وانتَ عناد بيهم تريد تبقيني هنا .

تقرب رفع رأسي بيده وهمس بتعب

وأنفاس مضطربه:- لا وغلات الوالدة ، اني اريدج ما اريد

تفاركيني انتِ مثل النور تضوين كلبي وظلماته.

سجلي موقف ما أنسى طول ُ ؏ــمري الج

هل مره لا تكسريني وظلي .

هزيت راسي وهمست :- اذا اكول ما اروح ما يسكتون .

الغيهب:- انتِ عليج الصافي دخلي جوه واني

اعرف اتصرف وياهم .

زهراء:- شبيك غيهب شبيك تسمعني ارفع راسك .

نزل راسه وضغط علية بـ اثنين اديناته

وكفت بسرعة سندت طوله وخليته يكعد

بمكاني جسمه ينفض والعرك يصب

الزم بي صار ثلج :- غيهب أصيح عمو راح توكع .

رد علية بصعوبة :-كلشي ما بيه هسة تروح .

بلعت ريكي وتراجعت للخلف واني

أشوفه يوكف عدل ملابسه وهمس:- ادخلي جوه ولا طلعين ابد .

زهراء:- انطيني المسدس.

الغيهب:- أحتاجه دخلي بسرعة .

زهراء:- غيهب سلمني المسدس اذا تريد أبقى

خلي المسدس بيدي .

الغيهب:- واذا يرمون علينا اوكف اباوع عليهم .

زهراء:- ما عدهم الجرئة يرمون عليك

الله يخليك لا تشلع گلبـي وسلمني المسدس.

باوعلي بتردد مديت ايدي ؏ مسدس

واني اباوع بعيونه اخذته بكل هدوء .

وتركته واني خايفة متردده لأبعد الحدود

دخلت للغرفة بين ما طلع اني رجعت فتحت الباب وطلعت

اياوعلهم من الشباك ، هو تعب ما اعرف شبي بس يحاول

ما يبين الـ احد هو فعلا مريض وكف ؏ حايط

مرجع ايده ومستند مثل الـ ينطي إيعاز للعقل كلشي بخيير

رحيم:- سالمين طلعت وحدك لك بنتي وين .

الغيهب:- بنتك زوجتي واني ما اقبل مرتي تطلع من البيت

ومو من حقك تدخل اطالب بيها هاي فوك ما تشكرني لان

تنازلت وطلعتك من الخيس يا سيادة الواء المحترم .

رحيم:- تستهزئ ولك والله اذا ما اكسر راسك وخشمك .

هشام:- تهديد علني وكل الموجودين شهود ؏ كلامك

احترم شيباتك مثل ما واكفين مقابيلك ومحترميك واطلع .

الغيهب:- بالعامية لم چلابك وبره يلااااا .

هجم علية أثير وهو يصيح:- ولك ماتعرف تحجي منو چلاب

يا كلب والله ادوس بمصارينك هسة .

دخل جارنا وكف كدامهم وهو يعلي صوته

حتى الكل يسمعون كلامة :- مو من الأصول تتهجمون ؏ رجال وطالبون بزوجته وتتجاوزون والله شنو بنتكم عنده ، أكو شي اسمه اكعد بيت

واتفاهم واتناقش بـ لغة الحوار .

رحيم:- حجي انتَ ما تعرف الـ منو أدافع هذا الوراك شيطان

بس مايوسوس ويختفي لا هذا شغله علنًا ولازم ينداس راسه

بالقندرة .

الغيهب:- احترامًا العمي واكف كدامك ما احجي .

التفت علية وهو يطبطب ؏ صدره:- بارك الله بيك وليدي .

اذا ما تريدون تدخلون هنا ولا تقبلون تدخلون بيت ابو هشام

تفضلوا بيتي نضيفكم ونتفاهم بلا ما تكبر القضية.

رحيم:-هِـيِّ جبيرة.

ابو ايهاب:- خليها تكبر بالزايد هذا الحيوان وصل أبونا

للجلطة وما نعديها سلامات اله .

الغيهب:- شلون يعني ما تعديها سلامات

شسوي مثلًا .

ابو ايهاب:- اوكع بيدي وأعلمك شسوي بيك

والله لا بيدي استلمك ما اخلي احد يطخك غيري .

الغيهب:- مقهور والله مقهور شلون رجال راح تخلص

الباقي من عمرك الكسيف بالسجن وتستاهل والله كلش تستاهل .

ابو ايهاب:- خليني اكتلك وانسجن انعدم بعد ما يهم .

رجع جارنا رد عليهم

-ابو سيف انتَ رجل قانون ومحترمك والك اسمك

يا اخي عيب الديصير بنص الشارع صرتوا سالفة

بحلوك الناس اخوي تفضل ويانا .

رحيم :- ما اتحرك اريد بنتي .

الغيهب:- ما تريدكم هذا بيتها وما تطلع من بيتها .

رحيم :- منو يكول مو انتَ حبستها ، ومو بعيدة قتلتها .

الغيهب:- استفزني بعد .

رحيم:- اريد بنتي .

الغيهب:- هشام هذولي ما يفيد وياهم الحجي نستلمهم .

عاط عليهم جارنا وعمي وكف بوجهم

-اياك يابا لا تغلطون بس انطوني صبر ولكم هِـيِ شنو

عدنا حررب ابني استقر .

الغيهب:- عمي شسكت ما تشوفهم عالم ما محترمين ارواحتهم .

- مهما يكن لا تجاوز عليهم ابني هذولي اهل زوجتك .

الغيهب:- يابا اجي وياكم وبعد ما افتح حلكي حلوها وياهم

وطلعوهم ملينا منهم ڪُـل يومين داخلين طبببب علينا

بدل ما تجي تشكرني طلعتك من السجن وتنازلت

شنو نسيت اتهمتني بخطف واني مو يمها وجهولتني

وأخذتها ورحت تالي طلع المجرم منكم وبيكم

نسيت رميكم جوه رجلي كلها نسيتها وكلت ميخالف

اهل زوجتي ، طلعت منا اجيت تتهجم منا .

رحيم:- شكد فقير دخيل الله الـ يسمعك يصدك بيك ملاك واحنه

نتبله عليك ، وانتَ ثعلب مكار .

- بلا هل كلام عزيزي وتفضل شنو تريد .

ابو الغيهب:- احجولي شتريدون وخلصوني .

رحيم:- اطالب ببنتي .

هشام:- ما تسمع حضرتك كلنا ما تريدكم .

رحيم:- اسمع بـ إذني .

توجهه الغيهب فتح الباب صرت مقابيلة

مد ايده لزمتها خلاني وره ضهرة

وصاح :- هاي بنتك يمي تفضل خلصني .

رحيم:- بابا زهراء لا تكسرين كلامي وتعالي وياي .

زهراء:- يابا كافي والله تخزينه اني عايشة هنا بيت

امي وما اريد اطلع منا .

رحيم:- يعني اختاريتي هل مريض

نسيتي من شردتي منا وحميتج

لج والله ما يفيدج خليني ظهر الج

هذا ما يحمج ولا عبالج مخليج وره ظهره

ما ينحزر هل كلب واحتمال نطلع منا يكتلج منا .

زهراء:- لا اختاركم ولا اختارهم .

ابو ايهاب:- تفشلينا كدام العالم .

زهراء:- انتَ تسكت  اخر بشر بالعالم يحجي

؏ فشله ما انسى ضربتك الي بنص

الشارع والحماية و اقاربكم كلها

وأكفه وطرردتني شنو حبيتني هسة .

اني حجيت هيج لو تورطت

ألتفت خزرني عمي وابوية وسعولي عيونهم :- منو منو ضربج

بنص الشارع .

درت وجهي وهمست بتردد :- ماكو احد روحوا بلا مشاكل روحوا.

الغيهب:- لا وحق هو الله ما يطلعون اليوم .

سحبت ايده وهمست بغضب: - اووي ما تقبل احد يضربني

شنو نسيت البوكسات اذا نسيتهن اني ما انسى احترم نفسك

وخلي نسد السالفة حتى يطلعون .

ابوية ألتفت خزر عمي

وهنا عمي ابو الغيهب

أستغل الوضع :- سمعتوها كافي لهنا الخاطر الاسلام .

الغيهب:- روحوا بس ابو ايهاب خليها ابالك هل سالفة

ما تعبر عليك ابد والله ابد .

اندفع ابو ايهاب وطلعوا واحد بعد الثاني

دخلت جوه كعدت أتنفس واحس نفسي مخنوكه

خليت ايدي ؏ راسي هو دخل وكف كدامي

يباوعلي :- شكو شبيك .

الغيهب:- ليش ما سولفتيلي .

زهراء :- عادي عمي وضربني لان خايف علية

طلعت بدون ما انطيهم علم رحت احذر زوجي

تاليييي ما تالي لكيت زوجي ويا وحده عادي

ضربت عمي ولا ضربت خنجرك .

ابو الغيهب:- بلا كلام انتَ روح للبيت

ارتاح ما تحس ؏ روحك ترجف .

الغيهب:- تعالي هناك هنا مو أمان.

زهراء:- ويمك ماكو أمان.

الغيهب:- يابا حرف واحد ما انطق وياج

واذا تريدين حتى البيت اطلع منا بس تعالي .

ابو الغيهب:- اني باقي يمها روح هسة لا تكثر حجي .

الغيهب:- ليش تعاندين .

ابو الغيهب:- اهوووووووو يلحح يلححح امشي مناااا .

عافنا وطلع بسرعة وهشام سد البوب ودخل

كعد عمي وياي وهمس:- بابا ليش ما تجين هناك والله

أمن ؏ اقل كدام عيونه انتِ حامل ونفسيتج تعبانه

وجهج اصفر اذا يصير بيج شي وانتِ وحدج منو يفيدج .

زهراء :- ميصير شي ان شاء الله هسة انام وارتاح .

هشام:- انطيج غرفتي والله حتى لا دخلين غرفتج

ولا تتقيدين بغرفة امي وابوية اكعدي بغرفتي وبعد

لا طلعين واني بيدي اصعدلج اكلج وشربج .

زهراء:- اريدك سالم خوية هشام بس والله ارتاح بيت امي .

هشام:- وجودج غلط وحق الله غلط لا تعاندين بروح امج

ميصير بنية صغيرة وحامل تعيش وحدها وحق القران

عيونه راحت من الكامرات خاف احد يدخلج لو يندك بابج .

ابو الغيهب:- هاج شوفي تلفوناتنا كلها كامرات

ميصير ابوية تعيشونا بالقلق

اسمعي مني وتعالي وياي خلي ايدج بيدي

لا تكسرين كلامي اني مثل ابوج وحق الله حاسبج

احساب بناتي صح اخر فترة ضوجتيني بس معزتج

جبيررررة بكلبي .

نزلت دموعي وهمست :- ضعت يا عمو هسة لو الله

ياخذ ُ ؏ــمري واخلص ولا هل عذاب اريد استقر

الدنيا تشمر بيه كرهت الصبح وليل اخلي راسي ؏ مخدة

اكول ما اعرف باجر ابقى بهل بيت لو بيت ابوية

لو يرجعوني وهسة هم تشوف واكفين

ساعة اهلي يصرخون تجين ويانا

ساعة الغيهب وخليتوني بحيرة .

ابو الغيهب:- زين اسمعيها مني وانتِ بعدها قرري براحتج

اهلج ما دايميلج ولا اني وعمتج دايمين

ولا هشام ولا امير ولا اختج ولا ولد عمج

وانتِ وحيدة محد وياج بنتي

ابني كلب وياج اني بهاي بس وغلات ولدي وبناتي كلهم

وغلاتج ومعزتج بكلبي هو يعالج بنفسه علمودج

وحق ڪُـل حرف بالقران يحبج ويموت عليج هم

بس هو يكابر ويعبر بالصراخ .

انتِ صغيرة باقية لا مصرف لا مدارات

حامل وحيدة صارت ولادة واحنه مو يمج بهل حال شسوين .

سكتت اكتفيت اطكطك اصابيعي

بعد سكوت دام دقايق رجع كمل :- رجعي وخلي شروطج

علية واذا رفض واحد بيهن بيدي ارجعج الـ ابوج وأكسر راسه.

رديت بضياع تام :- موافقة .

ابو الغيهب:- بارك الله بيج بابا ، اني اروح احجي ويا

وانتِ جهزي ملابسج وغراضج ساعتين وأرجع اخذج.

طلعوا واني بقيت اكل بروحي

خابرت رجاء استلمتني غلط لان وافقت أرجع

بس اشوف هذا انسب حل اريد اعرف بعدين

شلون تخلص وياهم .

جهزت ڪُـل اغراضي والبيت نغسل

طفيت ڪُـل الكهربائيات بعدني

اريد أبدل دك عمي الباب طلعت بسرعة

فتحته ولبست عباتي كدامه ويا هشام

اخذ الجنطة من ايدي بس انصدمت الغيهب

مو وياهم ، عديتها وطلعت وصلت الباب بيتهم

نقيض گلبـي ومعدتي لوتني لوي

البيت فارغ مابي حياة مو مثل قبل يخنك صاير

ابوالغيهب:- عمتج منتظرتج بالغرفة عذريها ما تكدر تكوم .

زهراء:- اني اروحلها عمو .

دخلت وهي ضحكتها تارسه وجهه

اخذتني الحضنها وبچت واني ما اصدك

اشوف شخص يبجي وياي كابلتها وكعدت ابجي

محروك گلبـي نمردت مررد الدنيا صعبه

وناسها اصعب ماادري الى متى اقاوم .

هشام:- ؏ شنو تبجين مو رجعت .

كلامها راجع مثل قبل بس تحجي بتعب :- فرحانة بيها .

ابو الغيهب:- دخليها يمج بعد شبعي منها .

ام الغيهب:- اشيلها بعيوني واخليها ؏ راسي .

تقربت بست راسها وهمست :- شكد مشتاقتلج ، اشتاقيت ادافعيلي

احس نفسي ضعيفة.

ام الغيهب:- لا والله يا عمه انتِ مو ضعيفة

الـ يستغل اليتيم ضعيف هذا حالي بسبب حوبتج

لو مانعتج من ابني ما جان تأذيتي هيج .

زهراء:- كلشي قسمة ونصيب وكلنا غلطانين حتى

اني لان هو صريح وياي وكلي احتمال جبير ما اسعدج

وابتعد بفترة الخطبة بس اني ما جنت واعية مثل هسة .

ابو الغيهب:- الصار صار بعد نبدي من جديد والله كريم

اني ردت احجي ويا قبل لا تجين بس نايم وبسابع نومه

ولا يدري بالدنيا .

درنكت راسي وبقيت كاعدة ويا عمتي اسولف وياها

زهراء:- هاجر ماكو ؟

ام الغيهب:- بيت ملاك ، وامير اخذ زوجته وأطفاله وطلع

ياكلون بره شوية ويجون .

هشام كاعد مثل الـ انقهر لا زوجته لا اطفال

طلع للكراج انقهرت علية حيل أحبه وأحترمه

رحت وره اريد اشوف شبي لكيته يشرب جكاير

همست بصوت خافت :- شلونها سجى؟

هشام:- زينة

زهراء:- واطفالك زينين هم تشوفهم .

هشام:- صار اسبوع ما شايفهم احتمال باجر اخذهم .

زهراء:- ما تصالحتو انتَ وسجى .

هشام :- بعد ماكو حل يرضيني ويرضيها .

زهراء:- حل شنو اكدر اعرف .

هشام:- اريدها تبطل من الدوام وتحافظ ؏ اطفالها .

زهراء:- يعني هِـيِ تعبت واخذت شهادتها حتى تزوج وتكعدها .

هشام:- اني خليتها تكمل وآني وضفتها بس

بالتالي اطفالنا ما الهم اهتمام هم محتاجين امهم

يعني نرجع تعبانين بين ما تبدل وتمسح

المكياج هم نايمين بملابسهم ومن يكعدون عود ياكلون

ويبدلون الملابس وهاي الدراسة لا تحجين بيها

لو ما انطي هداية للمعلمات هم يبقون بصفهم

ما اريد اطفالي هذا حالهم .

زهراء:- بس من تبطلها هذا مو حل حقها ما تريد تبطل

لازم اكو حل يرضيك ويرضيها .

هشام:- وهو شنووو هذا الدوووخني ؟

كعدت ؏ مرجوحة وهمست :- يعني ممكن مساعدة .

هشام:- ما فهمت .

زهراء:- مساعدة تشوف بنية عدها خبرة بـ الأطفال

هِـيِّ تكون مسؤولة عنها ترجعهم من المدرسة

توكلهم وتسبحهم وتنومهم  ، وانتوا من ترجعون

تلكوهم تمام التمام ، هنا تكدرون تاكلون وتشربون ؏ راحتكم

ومن يكعدون عليكم بس ادرسوهم انتَ ادرس كذا مادة وهي

هم ما تقصر .

هشام:- يمعودة تروح تأذيهم .

زهراء:- حاليا اني موجودة اتابعها .

هشام:- شلون أمن أدخلها الـ بيتنا .

زهراء:- احنه موجودين نفتحلها الباب

وتنبها ممنوع تطلع خارج اطار غرفتكم

وانتَ وسجى رتبوها للغرفة وحتى لا تبقون

فلوس بيها ولا ذهب مجرد ملابس وحاجات بسيطة.

هشام:- لالا عدنا غرفة فارغة نبقيها بس للأطفال

أثناء تواجدها نبقي بيها بس كنتور ملابسهم

وفراشاتهم .

زهراء:- بعد احسن رجع سجى ونرتبها اني وياها

ودور بنية كون حبابه ومؤدبة وعدها خبره.

هشام:- هسة عرفت ليش الغيهب يحبج وتمسك

بيج انتِ بالذات .

ضحكت بخجل وهمست :- ليش .

هشام:-هدوء اعصاب ، ملامح بريئة ، حلول جذرية

بعقل واعي وفاهم وراكز ، ابتسامة مطمئنة

كتله من الراحة النفسية.

الغيهب:- كتلة من الغزل والمشاعر اني ما متغزل بيها

هلكد يا فاسد ،  خليتها شكدوتها والوجهه احمر

شبيك يا حضي راعي مشاعر اخوك راعي اخوك كول

هذا المسكين ما يعرف يتغزل من مصيبة ؏ راسك .

ضحك هشام بعلو صوته وهمس:- لك صار شكد متبهذل

بدقيقتين شافت حل بسطتلي الدنيا كلها .

فات عمي بيده علاليك وكفت اخذهن منه

صاح الغيهب:- اكلك يابا مبدلين إنارة البيت .

ابو الغيهب:- لا وين نفسهن منو يبدلهن .

اخذت العلاليك اريد ادخل رد الغيهب

؏ عمي :- لعد البيت اليوم يضوي بي

ضوء عالي شنو السالفة.

ضحك عمي وهو يرد علية :- بشيب الخلفك امشي

ورايه وأنت ساكت احسن .

الغيهب:- وين توديني .

ابو الغيهب:- للغرفة عندي حجي وياك كلش مهم .

شو هذا كعد ؏ مرجوحة ويرد علية وهو يطلع

الجكارة من الباكيت :- اعذريني اني انسان

جميل وخلوق هاي الغرف المغلقة ما ادخلها .

باوع عمي ؏ هشام وهمس وهو يأشر

؏ غيهب :- ولك هذا شنو يقصد ما افتهم كلامة .

هشام:- سوالف مزوجين .

فر رأسه وهمس :- اني ليش خلفتكم شنو الفائدة .

الغيهب:- حزام ظهرك ابوي ابوي  .

ابو الغيهب:- تعرفون غضب الله سبحانة.

هشام:- وصلت .

ابو الغيهب:- هو الله غضب علية ودزكم

يا قروده.

الغيهب:- حشاك يابا انتَ اسد تخلف أشبال.

ابو الغيهب:- احلف عليكم قروده .

الغيهب:- يابا اسمعني ركز بكلامي

الأسد يخلف أشبال

القرد يخلف قروده

اني واكف كدامك اكلك انتَ اسد ، تكلي انتوا قروده شبيك

الشمس مأثرة عليك اشربلك ككو كولا تعدل مزاجك .

ابو الغيهب:- اطلع بره اطلععع .

كمز علية عمي بـ الماسحة طفر هو وهشام

بره سد الباب عمي وهو مستمر يحجي

الغيهب:- عالم تغلط ؏ روحها واحنه نبتلي شلون مشكله.

اني بطني نخسفت من الضحك

دخل عمي من الخجل درت وجهي

حتى ما يشوفني همس:- خلي العصاير بـ الثلاجة بعد ابوج .

رديت واني مختنكه:- صار عمو .

ابو الغيهب:- شبيج .

زهراء:- سلامتك عمو .

ابو الغيهب:- منو زوجج الخبل لو غيره .

ضحكت هو هم ضحك ودخل للغرفة .

ساعة ودخلوا هم وهاجر

ورآهم بشويه فات امير وفرح

ابو الغيهب:- وينك غيهب تعال .

بدون كلام راح ويا ، اني وهاجر كاعدين

نسولف سولفتلها ڪُـل الصار همست :- اي بس لا تصالحين غيهب

توبي هيج خلي يحسبلج الف حساب بالثانية .

زهراء:- لا اصلا ما اريد اباوع بوجهه

بس ما عندي حل ثاني .

هاجر:- الصراحة هذا انسب حل والنبي

صح الغيهب عصبي بس هو ما يقبل

احد يأذيج وچايكم طفل لا يتبهذل بالبيوت .

انفتح باب الغرفة وصاح عمي :- زهوره بابا تعالي .

زهراء:- يبووي شكد أكره المواجهات .

هاجر:- تره اضربج راشدي ، صيري قوية

الزلم ما يحبون الفاهية يريدون وحده كون

ادوخهم ، لا تخلي يحزر تصرفاتج هو شنو

يحجي انتِ احجي العكس لا تصيرين بغبغاء.

عفتها ورحت فتحت الباب هو كاعد

وعيونه بكصته التهديد والرزايل

مطلعات روحه والجگارة بيدة ما ذبها .

كعدت بصف عمتي وهمست :- بيوم الـ اشوف لو اسمع

غاثها بحرف مو كلمة والله يا غيهب اغضب عليك ُ ؏ــمري كلة .

ابو الغيهب:- واذا يصير بيناتكم نقاش وتوصل

للغضب تعوفها وتطلع ممنوع صوتكم يطلع

بس تصارخون اخذها وارجعها الـ ابوها يزوجها .

زهراء:- عمو اريد  مثلك شكد حلو

هيج رجال مثقف وفاهم واعي

محترم ومحب .

ام الغيهب:- هههه عمج أسوء من الغيهب جان بعدين

حبني وصار زين وياي بعد ما شوفني نجوم الظهر .

زهراء:- اني ما بقه نجوم صبح ظهر عصر كلها شفتها .

الغيهب:- هو حدنا وياجن تشوفن النجوم

بعدها نصير زينين مثل العسل

انصير لمعي النسخة العراقية.

زهراء:- لمعي اخذته ميسر بالعافية عليها .

الغيهب:- لؤي بـ حب للأيجار ما متزوج چدر وغطاء

يستلمج أوووييي وئفي 

اه أي اه أي ياربي شو بتتوالمون اه أي ومصيبتااااييي .

ابو الغيهب:- انتَ صير لؤي .

الغيهب:- أيي جرحتني

أيي لازم نسيت اني محامي

اوكف كدام القاضي اكله أي نسيت الأوراق

نو وواي ما اصير هيج .

وهنا اني عدلت كعدتي وهمست :- الخاطر عمي وعمتي رجعت

وكدامهم اكولها نهائيا ما اتقبلك ، وعندي شروط اذا توافق عليهن

أبقى هنا .

الغيهب:- جاهز .

زهراء:- اصعد فوك للغرفة انتِ ممنوع تصعد .

أبتسم إبتسامة جانبية شريره وهمس:- صايرين ابوية صايرين .

زهراء:- ممنوع تطلع اذا ما تكول وين طالع وين طاب واني

احدد ساعات الخروج يعني مثال اذا طلعت بـ أربعه

اكلك بـ 6 انتِ بالبيت خلاف هذا مشكلة.

الغيهب:- دسمعون لا اهلي .

ام الغيهب:- ما حجت شي غلط هسة ابوك من يطلع مو يكول

رايح للسوك ساعتين وارجع غير زوجتك من حقها .

زهراء:- وملابسك هم ما اقبل ڪُـل ما تطلع قاط ورباط

والدنيا محتركة شعدنااا عرس .

الغيهب:- اني اعرف النسوان .

زهراء:- طبعًا تعرف النسوان .

الغيهب:- لا اقصد اعرف النسوان المتزوجات .

زهراء:- خبير عالمي .

الغيهب:- لج خليني احجي .

زهراء:- تفضل .

الغيهب:- النسوان المتزوجات يحبون ازواجهم أناقة وكشخه .

زهراء:- بحالتك ما يحتاج ، واني ما اريد زوجي هيج .

الغيهب:- ما أكدر اطلع واني مو انيق عذريني .

زهراء:- ما كلت تطلع مو انيق بس تعوف ملابسك

علية آني مسؤوله اريد احس نفسي متزوجة.

الغيهب:- كولي هيج من زمان تريديها دكيتي على ملابسي .

زهراء:- هذا الموجود ، وبعد ما اريد تصيح علية ابد

ومن يصير شي مو تبقه ساكت اكلك شبيك تحجي كلشي .

الغيهب:- العافية درجات شوية شوية أتعلم.

زهراء:- واهم فقرة بالشروط تنطيني تلفونك وتفتحلي الرمز .

الغيهب:- اني اخوك يا هشششششام لك هشششششام

هششششششششششششام الله يستر عليك استر علية.

فات هشام يركض وكف الغيهب وصاح :- لك اني مو اخوك اوكف وياي .

هشام:- شبيك اغتصبوك .

الغيهب:- شافوني حلو ويستغلوني .

هشام:- انا اخوك يا غيهب عوفوووا ولكمم .

ابو الغيهب:- اني ساكت زوجته تحجي هو مو يريدها يتحمل .

هشام:- شتردين خوية عوفي الزلمة تريدين تقضين علية.

زهراء:- أريد تلفونه والرمز مفتوح .

هشام:- افلت يا بعد اخوك افلت

الغيهب:- يا بعد اخوك

واثنينهم يلحنون ويغنون .

زهراء:- ليش غيهب تلفونك شبي .

الغيهب:- ڪُـل خير اول ما تفتحي دعاء كميل

تفري المعوذات ، ادخليني ؏ برنامج يأذن الجهاز وحده

حتى رادوني اعرضه بالمتحف الوطني ما قبلت اجلتها .

رد عمي وجهه صار احمر من الضحك :- هم يختم قرأن.

الغيهب:- وياخذك حج اذا تريد .

زهراء:- غيهب سلم التلفون.

الغيهب:- استري علية الله يستر عليج .

هشام:- كحب..... وتستر عليك شبيك ولك موت گلبك وسلم .

زهراء:- سلم اكول سلم .

عدل كعدته وباوع بجدية ؏ عمي :- يابا أدخل شنو تريدوها تروح .

ابو الغيهب:- ما اكدر اني انطيتها كلمة ڪُـل شروطها تتنفذ

تريد شي تتخلى عن شي ، تريد زهراء تترك كلشي

الماضي والتلفون وكل غلط ترتكبه.

زهراء:- اني ما اجبرك اذا ما تكدر تعوف الـ بداخل التلفون

وبره التلفون والنسوان التعرفهن والماضي المر

كول من هسة خليني اروح بطريقي لان ڪُـل طاقة بعد ما عندي

انتَ هديت حيلي الله يخليك كون صريح لا تعذبني .

لحظات صمت طويلة استمرت لدقايق

وهو مركز بوجهي اخر شي جر نفس

وطلع التلفون وهو يحجي بطريقة

اول مره أسمع صوته هيج

هادئ بشكل عجيب وكلماته ينطقهن

بكل دقة وكأن يريد يوصلهن بدون

غلط أو تلكك :- هذا التلفون بي هواي امور قديمة الله شاهد

وغلات الوالدة ، من رجعت من السفر لليوم اني من الدوام للبيت ومن

البيت للدوام ڪُـل همي انتِ ترجعيلي

ما مهتم للتلفون بس هسة اذا ينفتح تنفتح وياي

دفاتر قديمة تولد مشاكل جديدة بيناتنا .

زهراء:- والحل .

بتلع ريكة وهمس بـ ارتباك :- ما أريد اخسرج مستعد افرمت

الجهازي، أغير شريحة اتصال وينحذف كلشي

بذاك الوقت انطيج التلفون والرمز وكل ما ارجع

خلي بيدج انتِ شحني فتشي شتريدين تسوين سوي

بس هسة لا .

هشام:- ميصير تغير شريحة الإتصال والعالم الـ تخابر

؏ قضايا عيب تره .

الغيهب:- ما يهم الـ يعرف المحامي الغيهب

وفعلا يريدني يدور علية وما يضيع

وعلى كلام ابوية الـ يريد شي يخسر شي

قابل بـ هل خسارة ولا أخسر خبالو .

زهراء:- منو خبالو .

هشام:- هسة اله عرفتي الغيهب ما يكول زهراء

دائما يكول خبالو .

رفعت حاجبي تقرب هشام وهمس :- عد منو سويتي العمل .

زهراء:- يا عمل .

هشام:- احلف علية مسطور سطر واكع ؏ وجهه چفي .

ابو الغيهب:- انجب بس هو الـ يحب يضحي الحب يراد زلم

يريد تضحيات ووفاء اخلاص وأهتمام

يريد زلم ما يخافون نسوانهم تخونهم

لان ما ينطي مجال الـ هل غلط يصير

يكون هو يملي قلبها وروحها وعيونها

يهتم بـ ادق تفاصيلها حتى ما تباوع ؏ غيره

مو صح كلامي لو غلطان .

الغيهب:- صح يابا صح .

هشام:- هسة خلصت انتَ وياها .

رفع اديناته يأشر علية :- هاي كدامك كللها خلصت شروط .

زهراء :- اي هاي هِـيِّ .

الغيهب:- حقج طبعا بعد شعندج هو انتِ خليتي شي يعتب عليج

بعد بس اخذ أذن منج شوكت اطب للحمام .

زهراء:- اي لعد ضيفها للقائمة.

باوعلي صفح وفر وجهه مني

هشام :- كافي اسكتي اسكت ، يابا يمه انتبهولي اني هم اريد مرتي

شنووو هووو اشتاقيتلها .

ابو الغيهب:- لازمها عليك روح ورجعها .

هشام:- ما تقبل تريد حل ، فـ هاي خبالو اليوم

شافتلي حل منطقي .

أثناء كلامة دخلت هاجر وياها امير وزوجته

والاطفال يلعبون بره الغرفة.

ابو الغيهب:- اي شنو الحل .

هشام:- ليش ما اشوف مربية هِـيِّ تهتم بـ الأطفال .

ابو الغيهب:- تدخل للبيت ؟

هشام:- انتوا ادخلوها واني راح اخصص الغرفة

الفارغة للأطفال حتى ما تدخل غرفتنا.

الغيهب:- ونخلي كامرات ونكللها اكو كامرات حتى تحسب حساب

تحركاتها ، حتى بالحمام نخلي وحدة تحسبًا الـ اي غلط .

ابو الغيهب:- اذا هذا الحل ما يوصلكم للطلاق موافق .

أمير:- اطفالي بنفس مدرسة اطفالك

اذا تشوف وحده احسب حساب اطفالي .

فرح :- ياربت والله دااتعب من الدوام للمدرسة هوسة .

هاجر:- اني هم فدوة بعد هِـيِّ فرد مره.

هشام:- شنو السالفة شو كلها تشكي من جهالها

شبيكم عزيمة كلها رفعت ايدها .

ضحكت وهمست :- بطريقك احسب حساب

ابني هم خاف يتعبني .

فرح :- انتِ بالبيت شعندج قابل احنه بالضيم والله تعبنا.

الغيهب:- منو يكول خبالو بالبيت بس تولد ترجع تكمل دراسة .

الكل صاروا يباوعون علية بصدمة

صدمنا بحيث كوه نطقتها واني اشر

؏ نفسي :- منو يكمل اني .

الغيهب:- اي انتِ شنو ما تريدين .

ابو الغيهب:- لا تريد طبعا كلنا ماخذين شهايد بقت جنتي الصغيرة

تاخذها وترفع راسي حتى تلزم شهادة تفيدها بالمستقبل.

زهراء:- صدمتوني ابد ما مفكره اكمل

وحتى كلشي نسيت .

هاجر :- كلنا موجودين هنا ياويلي

اذا ما نطلع معدل بـ 90 وفوك .

فرح:- شنو الفائدة بس سادس وتكعد لا بيج ولا بتعبج

الغيهب:- اذا إطلع معدل بـ 90 شلون اكعدها بالبيت

تكمل حتى جامعة بقت عليها .

فرح:- والله مطورين عمي وين الغيهب يقبل وحدة

من نسوانه تطلع .

وكف عدل ملابسه ورفع رأسه خزرها

وهمس بتحذير واضح :- اخاف مطلعها الـ ملهى ليلي

وما ادري بنفسي ، بعدين شنو فرقج عنها مو هاي انتَ

اطلعين والشهادة ثالث متوسط اني اكدر

اخلي تشتغل بشهادتها بس اريدلها الـ احسن

مو بعيده اذا اشد حيلي وياها وهي تشد حيلها

اخليها دكتورة وافتحلها عيادة.

اني ڪُـل هذا والدمعه شوية وتطفر من عيوني

مصدومة والله مصدومة معقولة

انوب فتحلي باب خيال

صرت اتخيل نفسي دكتورة وعندي عيادة

والمراجعين يجوني الله حلم ومن اجمل الـ أحلام .

طلع الغيهب هو وهشام بالكراج

وياهم امير بقيت كاعدة اسمع سوالف عمي

حضرت الأكل وهاجر صاحتهم كعدنا كلنا سوه بس

اكلنا لميت الماعين غسلناهن اني وهاجر .

فرح صعدت وهاجر بس خلصت مرتبة غرفة بالطابق الثالث

الها والأطفالها بسرعة صعدت.

ام الغيهب:- زهوره يمه انطيني حبايتي وكلاص مي .

كمت أشرتلي ؏ حب اخذت وحده

شربتها الـ مي من رجعت دخل الغيهب :- ها يمه  .

ام الغيهب:- ها يا نفس وروح امك .

الغيهب:- محتاجة شي .

ام الغيهب:- لا امي راح انام تعبت .

التفتت يباوعلي ركز بيه وهمس:- وانتِ هم تعبتي صعدي

نامي فوك اني كاعد بالصالة .

تجاهلت كلامه وهمست :- تصبحين ؏ خير عمه .

ام الغيهب:- وانتِ بخير يا بعد امج .

عفتهم وصعدت فوك فتحت الباب

لفحني عطر طيب مغير اتجاه الغرفة

وكلشي مرتب بمكانة.

فتحت كنتوري مغير ترتيب الملابس

ابتسمت لا إراديا اخذت دشداشه

لون اسود معزتها خاصة بكلبي

أختيار امي ، دخلت غسلت جسمي وطلعت

كعدت اباوع ؏ تلفزيون مندمجه وما احس

غير اندك الباب ، تأفأفت واني اوكف افتح

واشوفه كدامي خليت ايدي ؏ خصري وهمست :- نعم خير يا طير .

مد أيده وهمس بـ تلاعب:- هذا عصير برتقال طبيعي

اشربي قبل لا تنامين بي فيتامينات سويت واحد الي

وتذكرتج كلت اسويلج واحد بطريقي .

زهراء:- ناوي تجلطني اليوم ما تعديهاا .

الغيهب:- مصدومة مو؟

زهراء:- راح اموت من الصدمة.

الغيهب:- الصراحة اني هم مثلج

هذا عقلي يلعب لعب .

زهراء:- عقلك لو گلبك .

الغيهب:- أندري دخذي ولا تفشليني.

زهراء:- ومنو يكول ما تريد تخدرني .

الغيهب:- شسوي بيج اخدرج .

زهراء:- تنام ويايه.

الغيهب:- مستحيل اسويها وانتِ حامل يكفيني انتِ كدام عيني .

زهراء:- لا ناوي ؏ جلطة.

ستند ؏ حايط وهمس:- اسم الله عليج يا نعمتي يا سعادتي .

اخذت الكلاص من ايده وهمست:- دروح روح دوختني .

الغيهب:- هذا جمالي يدوخ مو اني .

ضحكت ودخلت رجعت المكاني شربت

من العصير بارد يبرد القلب

وفعلا بسرعة نمت واني احس وجع راسي أختفى .

ثاني يوم كعدت لكيتهم كلهم بالدوام

حتى الغيهب مبدل وطالع ردت ارتب البيت عمي

واكف فوك راسي ما يقبل :- ليش عمو والله أقضي وقت .

- لا عمو هسة البنات يرجعون وكلكم تعاونوا انتِ حامل مو زين .

وهو يحجي واني احجي ولا اقتنع

مجرد ما طبخت برياني ودجاج

وجهزت المقبلات والركي

فاتت هاجر من الباب صاحت الله شهل ريحة الطيبة مال اكل

وامير فات يتغزل بالريحة فرح ولا نطقت حرف

تختلت وصعدت عبالك عدوتها مدري شبيهاا

هاجر:- خلي انبدل وناكل كلنا سوه .

صعدت ويا صعدتها فات هشام والغيهب

يسولفون مندمجين كطع السالفة

هشام وراح للطباخ :- لك خبالو اليوم شطابخ

بطني موتتني من اكل المطاعم صار كومه ما ماكل اكل بيت .

اخذ خاشوگة وياكل بالتمن ضحكت وهمست :- الف عافية

بدل وتعال ناكل امير وهاجر هم صعدوا.

سد الجدر وصعد بعده ما مكمل الدرج

انسحبت من ايدي وقيدني بـين أحضانه

الغيهب:- عساني ما انحرم من هل منظر تعالي شوفي

سحب ايدي وفتح دكمة السترة خلاها

؏ گلبه وهمس:- تحسين بي شلون يدك دكاته مو طبيعية

من يشوفج .

تصلبت بين أيده اريد ابتعد ما أكدر

حسيت ڪُـل ذرة احساس بجسمي هدأة

غلقت عينه تقرب أكثر وهو ينزل

طبع بوسه بـ طرف شفايفي وحضني

بقوة وكأن يريدنا نصير جسد واحد

لدقايق استمر ؏ هل حالة همست بـ خجل :- غيهب إبتعد لا يجي احد .

الغيهب:- صار .

نطقها بخدر ابتعد وهو يفرك بوجهه

بقيت اباوعله كرص خدي وهمس :- بروح أمج ارجعي

صفني بوجهي حتى اتأكد بعدج تحبيني .

ابتعدت واني اشوفهم ينزلون

هو صعد كعدنا كلنا ؏ سفره

هو نزل رحت آني أجيب مي ما اعرف اكل اذا

ما اشرب ڪُـل شوية طبطب ؏ كاع:- تعالي هنا يمي .

بقيت اباوع بوجهه ورحت كعدت بصف عمي

الغيهب:- تكسرين كلامي خبالو .

ابو الغيهب:- بكيفها تريد تكعد يمي .

وكف عمتي صاحت:- لا ولك يمه اكعد اكل شبيك .

ابو الغيهب:- ولك لا تخرب علينا الاكل اكعد اكل واسكت .

افتر واجه كعد بصفي واحنه عبالنا يريد يعوف الاكل

مد أيده كرصني كرصه بقيت افرك بيها عبالك عقرب

زهراء:- اذا ما تعتذر اكوم ما اكل .

سكت وهو ياكل واكل الثانية

رجع باوعلي لان اني ما شلت عيني منتظرته

هز راسه بنفاذ صبر وهمس:- اسفة بس اكلي وخلصيني .

زهراء :- بعد لاتعيدها افتهمت.

رفعلي تك حاجب وكمل اكل وخلص قبل الكل

وصعد فوك خلصت ڪُـل المواعين وفرح وياي

وصعدت فتحت الباب وكفت ما دخلت جوه

هو بعده يباوع بجهازه:- مو كلت ما تصعد .

الغيهب:- بالنهار اني انام وبليل انتِ .

زهراء:- لا ممنوع تدخل غرفتي روح جوه .

الغيهب:- الجهال يسون انقلاب عليه واني اليل كله كاعد .

زهراء:- روح الغرفة هشام .

الغيهب:- بعد تمددت مره الثانية يجرالج  .

زهراء:- خوووووششش .

ومن يومها اذا يريد ينام يروح الغرفة هشام

ايامي وياهم هادئه صافية خالية من المشاكل

ڪُـل كم يوم اتصل بـ رجاء اطمئن عليها

جدي صار زين وعمامي وابوية استقر وضعهم

بس بعد ما يريدون يشوفوني .

وبعد مرور اسبوع وقت ظهر الكل تغدو وصعدوا

الغرفهم اندك الباب الخارجي

اني وعمتي كاعدين نسولف بغرفتها وعمي يسبح

كمت اريد افتح الباب خليت شال ؏ راسي وطلعت

اول ما فتحت الباب قابلتني بنية شكد ما أريد أوصف

جمالها أفشل العيون زرك والشعر اشقر النهاية ضهرها بيضه

بشكل مو طبيعي تضوي ضوي بقيت مفهيه

بوجهه صافنه بإبداع الخالق سبحانه

قاطعت صفنتي وهمست:- بلازحمة هذا مو بيت أبو هُشام .

هزيت راسي ورديت :- اي نعم هو تفضلي .

- موجودين هم هنا .

زهراء:- اي نعم موجودين منو اكللهم .

- الغيهب موجود ؟

حسيتها كفختني ؏ وجهي من ذكرته

ولا إراديًا صارت نظراتي حادة:- شتريدين من الغيهب .

- هو موجود لو لا .

صكيت ؏ اسناني واني احس بداخلي اشتعلت نار:- موجود .

ابتسمت بفرح وردت :- اوكي ممكن تنطي خبر  هيام هنا .

رديت بستغراب واني اعيد بذاكرتي :- منو ؟

- هُـــيــام .

يتبع ...

عُشتارات أسفة واعتذر منكم ؏ تأخير بس الوقت ضيق

وعندي ضروف التمس لي الف عذر ولملمني في دعائك 🤍

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _30_

ما تكاتلنه ؏ كيفك يالعزيز

عازتك عن الهواء حدود الشبر

من كون بيه عيوب

فصلني تفصال ، تكسر ضهرنا النوب زعلاتك ثكال .

لا تنسون التصويت / وتعليقاتكم الصاكة بين الفقرات

متابعة الحسابي واتباد وانستا 🤎👑

.........................

زهراء..

رديت بستغراب واني اعيد بذاكرتي :- منو ؟

- هُـــيــام .

ظليت صافنه بوجهه بقيت بحيرة

بين ادخلها وبين اصرفها هِـيِّ

استغربت مني لان ما بادرت برد فعل .

جريت نفس وهمس:- تفضلي انتظري جوه .

دخلت اطك بكعبها العالي ملابسها مرتبات

وعطرها تغلغل بـ أنفاسي ، نزعت الحذاء

وطلع عمي جمد بمكانه وهو يشوفها

لكن سرعان ما أنتبه ؏ نفسه وهمس:- هُيام بابا .

هُيام:- هلو عمو حبيبي .

تقربت علية باست رأسه وأيده وهي تحجي:- شكد مشتاقتلك

بس الدنيا بعدتني عنكم .

ابو الغيهب:- احنه الـ اشوق تفضلي بنتي تفضلي .

ما انقهرت من رد فعل عمي لان اعرف

شكد قلبه طيب ويرحب بالعدو والصديق

انسان نقي ما يعرف يعصب ويغدر .

بس جنت خايفة ومادري من شنو

بس قلبي حاس يصير شي .

دخلت كعدت ؏ تخم بقيت اباوعلهم

وره شوية وهي تحجي كالت العمي:- فدوة اروحلك ضروري

اشوف الغيهب .

التفتت يباوعلي وقبل لا يحجي همست بخنكه:- هسة انطي علم .

صعدت بس نار واشتعلت بنص گلبـي

فتحت الباب ودخلت هو نايم بعمق

صفنت بوجهه ولا إراديا نزلت

ادموعي واني اهمس :- شوكت تصير ملكي بس الي شوكت .

كعدت مقابيله القهر يذبح بروحي ذبح

همست بصوت هادئ:- غيهب .

ردتت اسمة اكثر من خمس مرات

حرك أيده من عيونه رد:- هاا .

بدون ما أكثر كلام رديت:- هُيام هنا .

الغيهب:-شنو ؟

زهراء:- طليقتك الـ أولى مو اسمها هُيام .

هز راسه بـ نعم رديت :- اي هِـيِّ جوه تريد تحجي وياك .

الغيهب :- بس هُيام بالخارج شوكت رجعت.

زهراء:- ما أدري وأضح جنت تتبع اخبارها .

الغيهب:- قبل لا اعرفج ، بس بعد ما تزوجت هِـيِّ وسافرت تركتها .

ردت اوكف سحب ايدي وهو يستغل الفرصة

لان ملامح القهر مرسومة ؏ وجهي :- ليش ضايجة تغارين .

زهراء:- لا بس مليت من كثرة النسوان بحياتك

نخلص من وحدة فجأة تطلع الثانية السؤال هو ألى متى.

الغيهب:- لا تسوين مشكلة أكره الدراما .

تنرفزت فوك ما اني طالعة روُحـي

رفعت ايدي وصحت:- اني مو دراما غيهب اني مليت

موج ليلو انوب هُيام ووووو هاي ماعدا الـ .

سحبني حيل من ايدي وكعت ؏

صدره قيد حركت وهو يقاطع

ڪُـل كلامي وعصبيتي و واجهني بكلامة :- ما اريدهم اريدج

وحدج بس انتِ ابقي هيج قريبه مني وبعد ما اريد شي .

سحبت نفسي من عنده وهمست:- ما اصدك مو بيدي .

أبتسم وكام من الجرباية فرك وجهه وهمس :- ملابس .

زهراء:- انوب اجهزك الها .

ضحك بخشونه ورد :- مو دكيتي صدرج ؏ ملابسي .

زهراء:- تبقه علية هسة كون اخليك تلبس كونية وانزلك .

عض شفايفه وهمس:- تموتين ؏ ربي .

باوعتله صفح ونزلت وكفت بالمطبخ

اباوع ؏ فرح معزبه عبالك عدها عرس

لو اختها اجت هزيت ايدي باوعتلي وهي

تبتسم :- ها ولج شبيج .

زهراء:- احسج راح اطيرين من الفرح شبيج .

فرح:- اريد اخلص بسرعة واكعد وياهم اشوف الـ أكشن

الـ يصير هسة يبووويييي .

زهراء:- يا ستار يمعود أكشن شنو فتحنا قناة أجنبية.

فرح:- ما تعرفين شنو يصير بعد شوية حرب العُشاق .

شالت الصواني تريد تروح نزل الغيهب

شوية وينشك حلكها من الضحكة حتى

هو انصدم باوعلها وهو طابك حاجبه:- شبيج ؟

فرح:- سلامتك عيوني ادخل قبلي .

الغيهب:- وينهم .

فرح :- بغرفة عمتي .

عافها يريد يفوت وهي تكمز وره

متحمسة ما اعرف ؏ شنو بالضبط

عدلت ملابسي ودخلت وياهم بسرعة اريد

اشوف كلشي بعيوني ، صرت بظهر

الغيهب هِـيِّ من شافته وكفت وعلى وجهه

ابتسامة هادئه وهي تباوع بتركيز

همست بصوت ناعم :- الغيهب .

الغيهب:- هُيام .

مدت ايدها تصافح هو وياها

واحس روُحـي وكفت بلعومي

كلها كاعدة امير وهشام وهاجر

يباوعولهم بكل تركيز

كعد ؏ جرباية مقابيلها

مشيت كعدت قريب علية

وعمي بصفي يسولف وياها

من شاف الغيهب صار يحجي ويا :-اكلك جارتكم ام نمير توفت مو ؟

رد ببرود أعصاب خالي من

تعابير الوجهه :- ما ادري لان بعد ما رحت هناك

صديقي باع البيت اني بس بصمت وقعت.

باوعتله بقهر وعيونها

قوستها وكأنها بزون :- بعت ذاك البيت .

ألتفت الـ هشام همس :- جكارة.

ورجع يباوعلها :- اي اكره ذاك البيت تلعب نفسي منه .

بقيت صافنه علية طريقته يتقصد

يجرح المقابيل وحتى يكره نفسه

وكفت فرح اجت يمي وعرفت من

مشيتها عدها سم ناوية توزعه:- عاد انتَ خلصت اجمل ايام حياتك

هناك حتى بعد ما تجي هنا من ازوجت هيمو .

الغيهب:- هيمو امممم هيمو من شوكت .

وكف وطلع وصل للمطبخ صاح علية عمي :- وين رايح .

رجع كعد عدل كعدته وهو يرد :- ذبيت الجكارة.

الكل التزموا السكوت منتظريها تحجي

بس لا صوت ولا نفس نزلت

راسها وكل شوية تباوع عليه

قاطع هل صمت وهو يأشر بيده:- اي هُيام الدنيا زاعتچ اليوم هنا

اخر شي عرفت انتِ تزوجتي وستقريتي بالخارج خير .

ابو الغيهب:- اه غيهب عيب .

الغيهب:- ليش شمسوي وعيب سبيتها.

هُيام:- عادي عمو اني متعودة ؏ غيهب

بعده نفس ما هو ما تغير ولا بدل طبعه .

الغيهب:- واضح متعودة هو الـ هل سبب طلكتج .

هُيام :- ما اريد تتعصب وتتنرفز بس اني عندي

مشكلة جبيرة  واريدلها حل منك .

اشر ؏ روحه وهمس:- مني اني ، شبيدي .

هُيام :- ماكو غيرك يكدر يحلها .

سكت وبعد نضراته عنها

عدلت كعدتها وتقدمت ؏

حواف التخم :- غيهب اجيت اليوم خسرت كلشي

لا وضيفه ولا بيت ولا اهل ولا زواج.

الغيهب:- وزوجج .

هُيام :- حياتي ويا صعبه مو مثل اطباعنا

هو عايش بالخارج منفتح وصاحب علاقات

وكل ما تسأل يكلك اصدقائي

وهواي  سوالف الى ان أنفصلت عنه ورجعت

؏ اساس اعيش ويا اخوية كال البيت قديم لازم ابيع البيت

ونأخذ اكبروتصير الج غرفة نوم خاصة

واني لان ردت اساعده رحت ويا وتنازلت

كلت هذا اخوية احزام ظهري ما عندي غيره

تالي بقيت شهر ويا  ، بس مشاكل انام واكعد ؏ مشاكل

وبيوم عركة شكبرها زوجته ما تريدني وياهم

تخبل عليها وحضني واني ابجي منها

-انتِ تبقين وهي تطلع .

ههه ما جنت اعرف ڪُـل هذا خطه من اخوية

اول ما راحت زوجته اول ايام عادي يروح

للشغل ويرجع ولا كأن زوجته واطفاله ماكو

ايام وصار عصبي ؏ ابو اني خليت زوجته تبتعد

بديت احجي ويا وتوسلت بي نروح نعتذر منها وترجع

نزلت راسها وبچت ما كدرت تكمل

أم الغيهب:- تعالي اني تعالي لا تبجين

كعدي يمي .

كمت اني والغيهب كعدنا بمكانها وهي

كعدت بصف عمتي حضنتها واستمرت

تبجي الى أن بدت تناشغ

الغيهب :-كملي اريد اسمع .

انطاها عمي كلينكس نشفت ادموعها

وسحبت نفس وهي تناشغ بسبب

البجي والضغط:- تقرب علية تلمسني بصورة

غريبة مو مثل ڪُـل مره كذبت نفسي

وهربت الغرفتي وصرت اجنب اكعد ويا

بس هو يتقصد نكعد سوه وبس اني ويا بالبيت

مجبرة أخدم .

بلعت ريكها ورفعت راسها خلت عينها

بعين الغيهب وهمست بتركيز ؏ ڪُـل

حرف تنطق بي :- أخوية حاول يغتصبني .

اباوع علية فتح عيونه ؏ وسعهم

بحيث من يمي خفت :- عيدي .

ابو الغيهب:- أستغفر الله بعد الله سبحانه شلون

يرحم بحالنه ؏ هل كفر هذا ڪُـله قلة ايمان بالله .

هشام والغيهب جكارة وره جكارة بدون توقف

ابو الغيهب:- شراح تسوي .

عدل حاجبه بطرف إصبعه وهمس :- شسويلها قابل مشاكلها

هِـيِّ تحلها اني ؏ يا اساس أدخل بيناتهم .

هُيام :- بس اني وحيده وماعندي احد غيركم

هسة وين انطي وجهي اذا اطلع منا وماكو

حل راح توصل الغير طريق

بجت وهي تكمل :- ما اريد اوصل الـ هل طريق ما اريد .

الغيهب:- شبيدي عليج اني هذا اختيارج انتِ ردتي هذا الطريق .

ضحكت وهي ترد بنرفزة من كلامة :- اني ههه اني غيهب

ڪُـل الصار بسببك انتَ اساس دماري .

رفع ايده بأشر بأصبعه بتحذير :- هووووش هووششش

ولا صوت مو شيصير وياچن تكولن بسببك

هسة انتِ وقبل أشهر سحر هو انتِ وياها عوجان

ما تعرفون تتصرفون .

هُيام :- وينها سحر مو طلكتني حتى تزوجها

هم عافتك .

كمز عليها رفعها من قميصها وعاط بوجهه :- شوفي كحب....

اني اعوف ما انعاف .

هُيام:-  اي صح موج انتَ عفتها .

الغيهب:- زعيمة الكحـ ...... لا تتلفظين بـ اسمها كدامي .

هُيام :- بعدك ضعيف كدامها .

سحبها من ملابسها وشمرها نركعت بالباب

هِـيِّ ضربه وهي وكعه :- امشي اطلعي بره

ما عايز دوخة راس برررره .

هُيام :- اكلك ما عندي مكان أروح بي

بيت صديقتي وزوجها موجود عيونه

مو راحة.

الغيهب:- واني شلي دخل مبتلي بيچن

روُحـي رجعي الطليقج .

هُيام :- انتَ هم طليقي اني رجعتلك اريد حل

حتى شهادتي ما اكدر اشتغل بيها تركت صار هواي .

الغيهب:- اهوووووو دوختنييييي .

دفعها حتى تبتعد عن طريقة

وعبرها ركضت وره هو يريد يصعد

وسعت عيوني ؏ هل ظيم ما كدرت انطق بحرف

واحد :- غيهب والله ما اروح اريد حل انتَ تكدر تحلها

ليش تعااند الله يخليك بس هل مره اوكف وياي وبعد

ما اخليك تشوف وجهي .

الغيهب:- ما أضن تعوفوني بحالي الماضي ملاحگني مثل الكابوس .

عافها وصعد وهي بچت بچي

بخبال راح هشام رفعها من ايدها وهمس:- كومي هُيام .

هُيام :- الله يخليك خلي يساعدني .

ابو الغيهب:- كومي ابوية اكعدي هناك

واني احجي ويا ما اعوفج بـ هل حال وحدج .

خليت ايدي ؏ گلبـي بس لا تصير سالفة

جديدة لأن معروفه صارت ما مكتوب ارتاح .

كعدوها بصف عمتي ، انطتها فرح مي

وكابلتها وكعدت اني اباوعلهم ما بدر مني

رد فعل ، ثكل نفسي وايدي ترجف

عفتهم وصعدت فوك فتحت الباب ودخلت

كاعد ؏ تخم يفرك برأسه ويهز برجله

كعدت مقابيله وهمست:- شنو راح تسوي .

الغيهب:- كلشي ما اسوي ترجع منين ما اجت

شنو اروح اتكفل بيها ؏ يا اساس .

زهراء:- خوفي لا يقنعوك تزوجها .

الغيهب:- برأيج ابوية يكسرج بـ هل طريقة.

زهراء:- لعد اخاف منك .

الغيهب:- خبالو اني أكتفي بيج .

شغل جكارة وهمس:- شعجب ما عرستي علينا جوه.

زهراء:- اني هم انصدمت من نفسي .

الغيهب:- كله بسبب الكلاص .

زهراء:- يا كلاص .

الغيهب:- الـ فشختني بي .

زهراء:- دير بالك بس تغلط هل مره حقك طلقتين .

الغيهب:- يا ظالمة اثنين .

زهراء:- وحده براسك والثانية براسي .

الغيهب:- صدك تحجين بابا .

زهراء:- اي والله .

الغيهب:- حتى من اموت ما تفكين مني

بابا تتعبين هناك من تشوفين وياي حوريات شسوين بعد .

زهراء:- اغركك بالشلالات .

الغيهب:- شهيد الجنة.

زهراء:- هم يفكر يدخل للجنة ههه.

الغيهب:- شمدريج يمكن أدخل.

زهراء:- يمعود شايف ا.....

قاطع كلامي وهو يبتسم ويهمس:- ضحكتي وسعادتي وياج

من اشوفج لا إراديًا تستقر أعصابي.

زهراء:- بعد ما طفيتني اجيت تكلي هل كلام

راحت ضحكتي وفرحتي .

الغيهب:- كلشي يرجع بس انطيني صبر.

جريت نفس واني اشوف الباب ينفتح

دخل عمي وهشام :- وين صعدت مو نحجي وياك .

الغيهب:- يابا روُحـي بخشمي ما أكدر اخذ وانطي هواي بالكلام .

وكف عمي مقابيله ويأشر منفعل :- لك بنية وطلبت

مساعدتك شلون تعوفها وحدها شلون اعتبرها اختك .

صك ؏ أسنانه ورد بغضب :- نسيت من هِـيِّ وغيرها عافوني

واني بعز كسرتي هاي الـ ادافعلها نسيت شسويت علمودها بس ردت

تبقه وياي تالي عافتني .

ابو الغيهب:- انتَ عفتها .

الغيهب:- ما عفتها عبثًا بسبب كلامها وافعالها

خلتني اضربها واعوفها ، بس اني ردتها

وحتى بيت وحدها كعدتها ردت توكف وياي

بس ڪُـل همها تكشخ بيه كدام ناسها

هاي بس شوفوني شنو البس وشلون اطلع

وشوفوا زوجي .

ابو الغيهب:- هسة كلت أتذكر الماضي لو ساعد البنية .

الغيهب:- بشنو اساعدها هِـيِّ متنازلة بعد شنو بيدي .

ابو الغيهب:- امشي بس افتهم منها .

الغيهب:- عجيب .

ابو الغيهب:- لا تشلع گلبـي يمعووود .

تخصر وهو ساكت شوية وأشرلهم ؏ باب :- أنزلوا كدامي .

ابو الغيهب:- واذا ما نزلت .

الغيهب:- شنو نلعب .

نزلوا وهو التفتلي وهمس:- تعاركي وياي حتى ما انزل .

باوعتله ببرود ورجعت كعدت بمكاني

ولا كأن يحجي وياي :- ما تعجبني شخصيتج هاي زهراء

ارجعي مثل قبل .

زهراء:- حتى ترجع تضربني لان اهتم بيك ، وتضربني

لان اغار عليك ، ما يحتاج اكتفيت .

تركني ونزل ما يدري اني

ملعوب بحالي لعب نزلت اركض

هو فات يريد يكعد شافني

ابتسم بس حاول ما يبين شي

كعدت وياهم وبدون مقدمات

اشرلها بيده :- شتريدين بالضبط.

عدلت كعدتها وهمست:- بس أريد يرجعلي حقي ويصير

عندي بيت اكعد بي حتى اكدر ارجع اوكف ؏ رجلي

واشتغل .

الغيهب:- انتِ كم مره استلمتي هيج قضايا

للعالم وتعرفين اذا تنازلتي بدون اجبار يسقط حقج بعد .

هُيام :- والله ما جنت اعرف هيج يصير .

ابو الغيهب:- والحل .

تأفأف بـ انزعاج ونزل رأسه

ضغط علية وهو يرد :- حل واحد لا غير بس صعب .

هُيام :- أني مستعده الـ ڪُـل شي .

رفع راسه خزرها ورجع باوع ؏ عمي

الغيهب:- اني اتعامل بـ أدله ويحتاج دليل قوي

اضغط عليه بي ، القضاء مايسوي شي الها ساقط حقها

بس اذا يصير عندي دليل ان هوه اخذ حقها ، ويحاول يعتدي

عليها هنا اني اهدده بالسجن واخلي يرجعلها حقها في سبيل

نسكت ؏ فعلته السخيفه.

هُيام :- ما عندي دليل جنت وحدي بس اني ويا .

الغيهب:- عادي نسوي دليل .

هُيام :- شلون يعني ما فهمت .

الغيهب:- باجر بـ ٨ بليل جهزي نفسج وبس

عوفي الباقي علية .

هُيام :- ما ادري شنو احجي والله بس شكرًا.

باوعلها بطرف عينه وطلع

هو ويا هشام وهي بقت كاعدة

صار اليل سوينا اني وفرح الـ اكل

كعدت ويانا كلنا بس الغيهب وهشام

يتعشون بره مدري شنو براسهم .

ما كدرت اكل غير شوية ركي وكمت

صاحت عمتي ؏ فرح وهي

صارت شاطر تركض:- دشداشة الـ هُيام اريد منج .

ركضت صعدت فوك

واني بدون صوت صعدت ما اتحمل هل مهزلة

افتر بالغرفة واني اتمنى اعرف شنو الـ براس الغيهب .

ساعة ودك الباب انفتح دخل وهمس بحذر :- اريد احجي وياج .

زهراء:- فوت بس .

الغيهب:- كلشي ما اسوي .

دخل وسد الباب كعد مقابيلي وهمس:- اكيد اليوم انام هنا .

زهراء:- ليش شبيها غرفة هشام .

الغيهب:-ليش تحركين گلبـي .

زهراء:- بس اني ما احرك كلبك كاعدة واحجي وياك .

الغيهب:- تحسسيني تتفضلين علية من تحجين وياي

شبيج زهراء شنو هل برود

من شوكت انتِ ما تغارين والله كلت اليوم توكف

؏ راسي الى ان اصعد صدمتيني .

زهراء:- بعد ما عندي طاقة احافظ ؏ شخص

هو ما يريدني ، وهم لا تنسى الحمل ماخذ حيلي .

الغيهب:- اريد انام هنا .

زهراء :- نام اني انزل جوه .

سحب نفس قوي يحاول يضبط

أعصابه:- تنامين هنا ممنوع تنزلين .

ابتسمت ابتسامة جانبية واني اوكف :- تصبح ؏ خير .

رحت للكنتور اخذت مخدتي التفتت واكف يقفل بالباب

زهراء:- اهوووو غيهب تريد مشكلة.

الغيهب:- لالا باجر عندي كعده من الصبح لا مشاكل

ولا صوت اخذج بـ حضني ونامي واني انام وخلص .

زهراء:- اني ما اريد تجبرني شنو .

الغيهب:- اني حبيبج اشتاقيت تهمسين بـ أذني

وتكليلي أحبك مثل قبل .

زهراء:- ما أتذكر.

ضحك بمكر وتقدم علية صحت بي:- اياك لا تقترب غيهب

والله اصرخ الم العالم عليـ .......

شالني بسرعة سديت حلكي

حتى ما اصرخ من الخوف

نزلني ؏ جرباية اريد اهرب

لزمني من رجلي وسحبني

نام بصفي وطوقني بقوة :- يااا شبيك بطني عوفني .

الغيهب:- استقري حتى ما توجعج بطنج .

بقيت اتحرك اريد يعوفني بس هو متمسك بـ ڪُـل قوته

الى ان صار وجهي مقابيل وجهي حرك أنفه

؏ أنفي وهو يهمس :- اشتاقيت الوجهج خبالو .

زهراء:- لا تكول خبالو يا خبالو .

الغيهب:- انتِ خبالو واني خبالو وراح تولدين خبالو .

زهراء:- لاااا ما حزرت ابني بقمة الهدوء .

أبتسم وهو يقترب طبع بوسه ؏ شفايفي

وابتعد:- غيهب عوفني شبيك لا تصرف هيج .

رجع طبع بوسه ثانية وهو يستغل الفرصة

وبكل مره اهدده راح اصرخ اخر شي

ضرب راسه براسي وهمس:- كافي وكافي ولا تخلي الواحد

ياخذ راحته ويرتاح دنامي وخلصيني .

نزل راسي مقابيل صدره وهو مستمر محكم

حركتي الى ان هو نام واني نمت

فزيت ثاني يوم ؏ صوت المنبه

فتحت عيوني دفعني من حضنه

ولزم راسه وكأن صوت المنبه يضرب

بي همس بوجع :- طفي هذا السسسسم طفييي .

كمزت ؏ تلفون طفيته هو وكف استند ؏ حايط

يضغط بكل ما عنده من قوه براسه

وسرعان ما تحرك وطلع بوجهه للحمام

كعدت بمكاني مصدومة من الصار وعيوني

بعد ما اخذت نوم ، انتظرته الى ان رجع

دخل طبيعي ولا كأن صاير شي

زهراء:- بيك شي ؟

الغيهب:- لا كلش زين .

زهراء:- بس من كعدت جنت متأذي .

الغيهب:- ضربني صداع نصفي وراح من سبحت بـ مي بارد .

هزيت راسي وهمست:- اجهز ملابسك .

الغيهب:- اذا حابه جهزيهم ماكو اشكال.

وكفت فتحت الكنتور اگلب بيهن

رجعت التفتت وهمست:- كلهن حلوات ، اكلك ليش ما تلبس بنطلون لون

وقميص لون والسترة لون .

الغيهب:- تتمنين اصير مهرج .

ضحكت والتفتت طلعت بدلة رسمية

واني اهمس بـ تملل :- ما سويت شي .

لبس الجوارب وهمس:- غيري بالقميص والرباط .

زهراء:- البس البدلة سوده وقميص ابيض والرباط هذا

بي ابيض وخطوط احمر .

الغيهب:- اتقبلها منج يلااا جيبيهن .

خليتهن كدامه لبس بسرعة وطلع الغرفة هشام

اخذ جنطة بيها اوراق ونزل واني ويا همست:- تريد چاي .

الغيهب:- لا ارجعي نامي مو زين تكعدين من الصبح .

وكف يشرب مي انفتح باب غرفة عمتي

وطلعت دخيل الله شكد حلوة تصفن

بحيث بهتت واني اباوعلها وصوتها

ناعم بشكل :- صباح الخير.

سكتت ما رد عليها واني شوية

وطك عندي تعديتها مثل ما تعداها

رجعت همست:- غيهب نروح هسة.

الغيهب:- كلت بـ 8 بليل مو الصبح لو تتغابين .

طلع بدون ما يسمع الرد

صعد سيارة وقفلت البوب وره

اريد اصعد استوقفتني :- انتِ منو .

رديت بتحفظ:- اني زهراء.

نزلت هاجر تصيح بجهالها

وراها جهال امير همست مستعجلة:- صباااح الخييير واكفين هنا شكو .

زهراء:- طلع الغيهب للشغل قفلت البوب وره .

هاجر:- زين تسوين كملي نومتج حُـبـي .

هزيت راسي ورجعت للغرفة اتكلب بفراشي الى ان صارت

بـ 11 نزلت بدون كلام رتبت البيت وحضرت ريوك العمي والعمتي

الـ مكابليها وكاعدين خليته كدامها وطلعت

حيل انقهرت منهم هل احساس صعب مو تكون

انتَ عزيز ويجي شخص يصير علية الـ اهتمام اكثر منك

وانتَ ولا كان مسوي شي وكل تعبك راح نقطة بحر

كملت ڪُـل شغلي ورجعت للغرفة ما طايقه

احد اليوم فرح حتى دوام ما داومت علمودها

مر الوقت والكل رجع حتى يتغدون

بس الغيهب ما رجع الـ ما صارت بـ7 ونص دخل للبيت

نزلت ؏ صوت سيارته الفضول ما يسمحلي ابقى

كاعدة بالغرفة ، اول ما نزلت فرح

ضحكت وهمست:- يا عاش من شافج .

ابتسمت بجمود ورديت ببرود:- كلت اليوم فرح تكفي وتوفي

شعندي انزل أخذ راحه.

فرح:- اي ما احتاجج خطية اليوم هُيام طبخت الغداء

واني نظفت .

باوعتلها بقرف شكد متصنعة

قاطع كلامنا دخول الغيهب

سلم وكعد بصف عمتي:- ها يمه شلونج اليوم .

ام الغيهب:- الف الحمدلله ، بس يمه هاي الـ ابر اذتني .

شاف ايدها زركة صايرة تخبل

عليهم :- هاجر كم مره كلت لا تضربيهاااااا ابرر انتِ ما تعرفين .

هاجر:- غيهب شبيك هذا امير مو دائما موجود .

امير:- يمعود تعرف بس الـ ابر قويات .

الغيهب:- لا مو قويات ضاربتهن غلط انتَ مسؤول اذا صار

شي وحق الله ما ارحم حالك لك بابا انتَ اضربهاا حتى

لو عندك دوام اخد اجازة ساعتين وارجع .

امير:- ما يقبلون يمعودددد .

الغيهب:- خيولون شنو ما يقبلون انعل ابهاتهم والله .

امير:- اني احجي ويا المدير واشوف شيكول .

ابو الغيهب:- شوكت تروحون .

الغيهب:- هسة نروح ما بقه وكت .

وكفت بسرعة وهو وكف وهمس:- يلااا امشي .

هشام:- اجي وياكم .

الغيهب:- ما يحتاج نروح بس اني وياها احسن .

اني هنااا انمردت مرد باوع علية خزرته وصعدت

ما أتحمل أشوفه طالع وياها مليت واني اشوف

كلها تشاركني بي الى متى ...

............................................

الغيهب ...

إنك تعبر من خلال الضوء في عِز الدُجى، كالبصيرة العزيزة لعيني، تنقذُ ظلام روحي، تعبر من خلال صمتي و من بين الكلام الذي تنطق به شفاهي، لطالما قلت لك بأنك لست بعادي أبدًا، لقد كانت لك طريقتك المُدهشة في أسر قلبي حتى إنك صِرتَ تفيضُ من بين أشيائي العزيزة، وتجوب مخيلتي بخفة من على حُلمٍ لضفة حُلمٍ آخر

صعدت بالسيارة تفكيرين مشغول بعيونها

خبالو زعل ، ضغطت ؏ نفسي ما انزل وافتهم منها

وطلعت واني مركز ودايخ بالقضية بي اريد اخلص  قاطعة

حبل افكاري وهي تحاول تفتح حديث :- شلونك غيهب .

الغيهب:- شنو تشوفين .

هُيام :- بعدك نفس الغموض والعصبية.

الغيهب:- عوفج مني واهتمي بنفسج ومشكلتج .

هُيام :- اطلكت بسببك .

التففتت باوعتلها بعدم فهم ورجعت اباوع

؏ طريق :- ما كدرت اتعداك ولا أنسى ايامنا

بكد ما صعبه بس معزتها خاصة بكلبي .

اكتفيت بـ السكوت فاجئتني وهي تهمس:- اني مستعده

ارجع وياك مستحيل احب شخص غيرك .

وكفت مقابيل بابهم وهمست :- اسمعي عدل وطبقي

مثل الـ أوادم ، افتحي تلفونج كاميرا ولزمي خلي يصور

فديو ، وهذا تلفون ثاني افتح بي مكالمة

واسجل الكلام تحسبًا ما تصورين او الصوت مو واضح .

هُيام :- شسوي بالضبط .

الغيهب:- ادخلي احجي ويا ؏ قضية البيت وبلغي ما عندج

مكان غير هل مكان اريد تسحبين السانه وهو المطي

راح يستغل انتوا وحدكم ويقترب يتحارش بيج

هنا اريدددد كلشي تصورين بالتفصيييييل حاربي حتى

تصورين هل جزء بـ هل نقطة راح احاربه واضغط علية .

هُيام :- أخاف غيهب واذا صدك سواها .

الغيهب:- اني وياج ؏ خط بس اتأكد اخذت الدليل الكافي

انتِ راح تبقين الباب الخارجي مفتوح شوية

وادخل الج  بالوقت المناسب لا تخافين .

هزت راسها وفتحت التصوير والمبايل بـ جيبها

نزلت من السيارة طلعت للركن حتى من يفتح الباب

ما يشوفني ، بقيت انتظرها .

دكت الباب ، صوت الحقير ، دخولها

هنا بدت تسحب السانه ؏ بيت

وتتوسل بي تريد حصتها

وهو يرد بكل برود :- ما عندج شي يمي بس .

هُيام :- بس شنو بس فهمني ابقى بالشارع .

رد عليها بكل ثقة:- انطيني وانطيج .

سمعت صوت لطمها ؏ وجهه وهي تصرخ :- شنو انطيك ولك شنو .

رد عليها بتكبر :- نفسج اخليج تعيشين وياي بس حالج حال زوجتي .

يبس ريكي وجسمي كله قشعر من كلامه

صح مقابل نسوان بكثرة بس اختك هااييي

من القهر لزمني صداع حاولت اثبت

وافتهم اكثر سمعته يكلها :- هذا الـ عندي كلت اريد شي منج

اذا ما تنطيني الـ اريده اطلعي صيري كحبـ .... ملاهي .

هُيام :- لك اهلي ما ربونا هيج اني اختك يا حقير

ومحامية شلون اصير بـ الملاهي .

سحبت حب مهدئات اخذت وحدة ونزلت

من السيارة التلفون ؏ اذني استمع الكلامة

انقبض گلبـي واني اسمع صوته صار قريب منها

وهي تصرخ بعلو صوتها :- شيل ايدك ولك ابتعد منيييي

دفعت الباب وسديت المكالمة تأكدت منها تسجلت

وفتحت التصوير وبكل هدوء دخلت من باب المطبخ

صار مقابيلي ابتسمت وهمست:- ها كواـ ...... شنو هااييي .

لزمها من شعرها وصرخ :- لج شنو هذا رجعتي للغيهب

بدون ما تاخذين اذن مني .

الغيهب:- ؏ اساس انتَ شلون مهتمممممممم

هستوك تكلها اشتغلي بالملاهي .

دفعها واشر بخوف:- اني ما حجيت هيج لا جذب .

سحبت التلفون منها ما عندي ثقة

بيها كلشي تسوي أحتمال متفقه

ويا وتصور هل جزء وتكلهم هو دخل علينا

يتعدى ؏ اخوية كلشي اتووووقععع .

فتحت التصوير بالاخير وهمست :- تدري بهاي اكدر شسوي

اويلي يا ويل ويلك العبك ؏ تك رجل

اخليك ما تعرف نهارك من ليلك

ولك اخليك تمشي وتصرخ الحكولي

اخبلك رسمممييي اخبلك .

- دروح بابا روح ما تخوف جلبي بـ هذا تصويرك .

الغيهب:- اوووو هُيام اخوج ما يعرف بالقانون

وما يعرف ان القانون العراقي ينص الى من حاول الاعتداء

عقابه السجن المؤبد اذا كانت ما راضيه فـ ما بالك هاااييي

اختك هاااي شنوووو يا غبيييي اختك ولك اختك .

- تتبلون علية تريدون بيتي .

الغيهب:- لا اريد بيتك ولا اريد اصخام بوجهك

هاذا تصوير وعندي تسجيل واختك تشهد

صدكني القاضي ما يرحم بحالك ولك مؤبد

يعني بعمرك بعد ما تشوف شارع

وبعمرك بعد ما تلمح اطفالك

وبعمرك ما ترتاح اخيك تتمنى المووووت .

- ما يهم شيوي سوي يلااا برررره بيتي برره .

فريت الساني داخل حلكي

ومشيت بكل برود واني متأكد

ما يتحمل وراح يستوقفني

خليتها تمشي وياي بعدني ما طالع الباب

همس:- شنو تريدون وتحذفون كلشي ؟

التفتت ومشيت كعدت مقابيله:- بيع هذا البيت

وتنطيني ٩٠ مليون اشتريلها بيت ، الباقي اشتري بيت الك والأطفال

ولمهم بلا مشاكل وعيونك نعميها .

كعد مصدوم من الرقم :- هواي ٩٠ مليون .

اشرت ؏ بيت :- جبير هذا اقل شي ينباع بـ 200 مليون

انطيها ٩٠ يبقالك ١١٠ اشتري واحد بي .

بلع ريكه وهمس:- اول شي لازم ينعرض وما اعرف شوكت ينباع

الغيهب:- واني منتظرك ولا يهمك .

وكفت وهي وكفت وياي وقبل لا اطلع كتله :- سجل رقمي

ڪُـل يومين تتصل علية تنطيني اخبار

حدي وياك اسبوعين لا غييييير ، بعدها القانون يتصرف .

هز راسه سجل رقمي وطلعت وهي وياي

وبنص الطريق همست اريد اخلص :- وين بيت صديقتج .

باوعتلي بضياع :- غيهب اروح وياك والله ما ارتاح الزوجها .

الغيهب:- بابا كافي ما اريد مشاكل .

هُيام :- ما اخليك تشوفني والله .

جريت نفس بنفاد صبر ورجعت للبيت

دخلت الكل منتظرني سحبت التصوير

من تلفونها ورجعته الها محذوف

حجيت الأهلي امي تخبلت

الى ان وصلت للاتفاق التفتت وهمست :- زهراء وين .

فرح :- اليوم زهوره ما شفناها كله فوك ما ادري شعدها .

ابو الغيهب:- خلوها ؏ راحتها حامل ما تتحمل مشاكل .

هُيام :- شنو هشام مطلك سجى ومزوج زهراء .

فرح:- يااا ولج زهراء زوجة الغيهب .

باوعتلي مصدومة وهي ما واعييه ؏ كلامها :- الغيهب زوجته حامل .

ام الغيهب:- بهاي حقج تنصدمين هو ما راد من ڪُـل

زوجاته طفل بس زهوره راح تخلي يصير اب غصب عنه .

هاجر :- لان زهراء اصيلة بنت اصيلة وتستحق كلشي حلو

وكفاتها ويا الغيهب ما تنسي .

وكفت واني اتجاهل كلامهم :- هِـيِّ تعشت .

هاجر:- كلشي ما خلت بحلكها من الصبح الـ هل ساعة .

هزيت راسي وطلعت اخذت كباب وببسي

وحلويات ورجعت للبيت صعدت منتهي من التعب

فتحت الباب لكيتها وأكفه تعدل بالملابس

اتبعت تحركاتها تتصرف وكأني ما موجود

احسها تقلد تصرفاتي القديمة

الغيهب:- ماكو الله يساعدك .

ردت بكل برود ومكابرة

زهراء:- جنت بحرب وما ادري بيك .

خليت العلاليك وذبيت ملابسي ودخلت سبحت

وطلعت وبدلت وكعدت وهي ولا معبرتني

وحتى الـ اكل ما شافته او جهزته

الغيهب:- زهراء.

مسحت كصتها وهمست :- اسمعك .

الغيهب:- ما نتعشى.

زهراء:- اكل وحدك .

الغيهب:- راح تخليني اتصرف تصرف ما يعجبج .

التفتت علية وانفجرت وكأنها تنتظر هل لحظة

زهراء:- ايييي شسوووي تضربني

لو تحبسني

لو تخون

شسوووي بالضبطططط هااا .

الغيهب:- اكسسسسسسر راسج وراس الخلفج لا عبالج

شفتيني ساكت ومتحمل تره دستي بمصاريني .

زهراء:- همجي ما اتعب نفسي وياك .

كمت من مكاني توجههت عليها

لزمتها بقوة من ايدها ودفعتها ؏ كنتور

خلت ايدها فوك راسها وهمست :- لا تضرب والله .

ضربتها بطرف اصابيعي ؏ راسها

ورديت واني بقمة غضبي وما اعرف شلون مسيطر

؏ اعصابي وما امرردها بيدي مررد :- لا تهدديني

لا تهدديني لا تهددبني لج بابا اصحي ؏ نفسج

مو انددددمج مو اطلعلج گلب ثاني وحق الله

بالشافعات لازم اعصابي ليش تخليني ارجع

مثل قبل وياج احتتترمي نفسسسسج .

بقت مخلية ايده ؏ وجهه واني هل

حركة ادمرررنييي تخليني اضعف

كدامها ما احب اشوفها تخاف منيي

دفعتها واني اتذكر كلام ابوية ( من تصير عصبي عوفها واطلع )

طلعت للكراج فتحت السيارة

اخذت حبابه ثانية ومشيت بالحديقة

شغلت جكارة سحبت نفس بعد نفس

الى ان دك تلفوني رجعلي الـ اضطراب

ضربات گلبي تسارعت

رجفة بكل جسمي

قلة توازن

جفاف بريكي

ضربات بعقلي وكأن شخص يضرب براسي

حاولت اثبت غلقت عيوني واني اشوف الدنيا

كلها تفتر بيه مو اول مره بس هل مره اقوى

مشيت اريد ألزم الحايط عثرت بالفاصل بين

الممر والحديقة ما حسيت غير نركع راسي

وبكل ثكلي بالحايط وكلبي يدك براسيييي

ضاق النفس الى ان وكعت ؏ وجهي فاقد الوعي ..

..............................

زهراء..

تعودت ڪُـل ما يريد يطلع افتح بردت شباك غرفتي

واراقب الحديقة مكانه المفضل يوكف يشرب جكاير

الى ان يمل ويرجع ينام ، راقبت ڪُـل تحركاته

الى ان فجأة هنااا رجعلي نفس موقف وشعوري

بفقدان امي هم ارجع افقد شخص عزيز علية

ما اتحمل هل فكررررة ما اكدر استوعبها

وكع من طوله انصدمت بس من اذيتي ركضت

نزلت ؏ درج حالي حال المخبلة

بلا حجاب ودشداشتي خفيفه قصيرة

عمي واكف يشرب علاجه بالمطبخ

شاف حالتي اجه يركض هو لزمني

واني وكعت ؏ درج عطت بعلووو صوتي

زهراء:- وكع عموووو دم دممم ...

ابو الغيهب:- لج منوووو ؟

ملخت وجهي واني احاول ارفع روُحـي  من الدرج الدرج رجلي

بعد ما تشيلني :- غيهب عمو غيهب رررراح وكع .

؏ صراخي نزل هشام وامير يركضون  هم سمعوا

الصوت طفروا من فوك راسي وطلعوا

اسمع اصراخهم رج البيت رجع

نزلت فرح صحت :- اريد اشوف الغيهب اخذيني .

لزمتني من ايدي وطلعتني وياريت ما شفت هل منظر

رأسه من الضربة عبارة عن دم

وجهه الحلو مختفي ملامحه

وكعت ؏ رجلي ادك والطم

رفعه هشام وامي صعدوا بالسيارة ڪُـل ضنهم

انضرب طلقة بسبب الدم الـ ما يوكف

هو وطوله وهيبته واكع صعبه وما كدرت

اتحمل غلقت عيوني الى ان

صار بالسيارة وطلعوا بملابس النوم فاقدين

ما يعرفون وين وشنو وشوكت

فرح :- لج زهراء انتِ حامل كومي .

هاجر بالباب تبجي وجهه صار احمر دم

اجت بتجاهي وعاطت :- لج شصار فهميني شصار .

حجيتلها كلشي من اول ما جان بالغرفة وياي الى

ان طلع وكع عاطت بوجهي بكل قهر :- لج الله لا يسامحج

الغيهب مررررريض مررريض يا غبيه كلبه مو زين .

عافتني ودخلت جوه العمتي

هُيام تباوعلي احس بعيونها شماته

بقيت بمكاني اباوع ؏ دم الـ مغرك الكاع

وكل شوية تجي فرح تريد بس ادخل رفضت

الى ان طلع الصبح ونفتح الباب

اجتي هاجر شمرت علية شال

تغطيت ونكسرت واني اشوف عمي

دخل وحده نزلت دموعي وحجيت بجنون :- وينه عمو وينه الغيهب .

تقرب ملابسه كلها دم مسح دموعي وهمس :- ساعتين

ويرجع هو والولد اجيت اخذ فلوس .

دخلت ويا جوه دخل للحمام سبح وبدل بسرعة

اخذ فلوس ورجع للمستشفى صعدت فوك

بجيت الى ان انتهيت ، وسمعت صوت السيارة

لبست دشداشة ونزلت باوعلي هشام وهمس:- فات يسبح

روُحـي نزلي ملابس .

هزيت راسي وصعدت بتعب

اخذت ملابس ونزلت دك الباب هشام

اخذهن منه بدل اني فتت للمطبخ اخذت كلاص مي

سمعته طلع وهشام ساعده يريد يصعد فوك ما يبقى

جوه تجادل هو وعمي بس تجاهل الكل وصعد .

اول ما نزل هشام صعدت

واني متردده بس گلبـي ينزف

يطالب يشوف ذاك الغيهب .

فتحت الباب مخلي ايده ؏ عيونه

رفعهن وهمس :- .........

يتبع .

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _31_ (هدية)

بَعد إذن حضرّة جمالج ..

مُمكِن أتأمّل وَجهج لمُدة سّنين عُمري كُلها؟

......................

زهراء...

فتحت الباب مخلي ايده ؏ عيونه

رفعهن وهمس :- تعالي تعالي مقابيلي .

تراجعت بخوف من نظراته رجع كرر كلام

وهو يضغط ؏ مخارج الحروف :- تسمعين تعالي اوكفي هنا .

تقربت منه وكفت واني اطكطك بـ اصابيعي

غلق عيونه وحرك جسمه بصعوبه رفع نفسه

لزم گلبه وهمس بتعب واضح :- احجي كلشي بـ شنو تفكرين .

حاربت حتى ما تنزل ادموعي كدامه

رديت وإني أكابر:- ما أفكر بشي بس خفت عليك .

جر حسرة ورد وهو ياشر

؏ نفسة:- اكثر بشر ممكن يحس بشعورج وقهرج

وبالنار الداخل كلبج اني ، قهرج ، الضياع بين

ابقى او ابتعد ، كلش زين اعرف شنو معنى شعور الغيره

وصعب تنسين اني ظلمتچ وياي هواي

خليتج تعبشين نفس شعوري

خايف لا بيوم توصلين الـ هل حالة الـ اني بيها .

صكيت ؏ اسناني وعبالك ذب نفط ؏ نار

دموعي نزلت وصاحبها وجع گلبـي :- ليش تسويهم اذا تعرف

وتحس وعايش هل شعور شلون تسمح يصير شخص غيرك

بوسط هل دمار اني ادمررررت ما أكدر أعيش اختنك

تعرف شنو يعني اختنك وما اكدر ابتعد عنك

تعرف احساس ما اريد اشوفك بس

ما اكدر أكرهك وأبتعد لك تعبت تعبت ،

صرت اتمنى اموت واخلص من لعنة حبك

فوك ڪُـل هذا مرجعين وحدة من نسوانك مخليها كدام

عيوني وكلها تتلوك إلها وتتملق الها ؏ شنوو هااا

؏ شنو بالضبط ليش هل تصرفات تريدون اتحمل ما اتحمل

اني مو مجبرة بيكم ومثل ما انتوا ما تحسبولي حساب

المشاعري اني ما احسب احسابكم  وما اارضيكم على

احساب صحتي وضحكتي وانتوا عائلة ينطبق عليكم

المثل من كال

(ان لم تستحي فافعل ما شئت ) .

كلكم ما تستحون وما تخافون من الله جذابين متغطين بالدين

وما عدكم اخلاق وين صايرة عائلة محترمة ترجع

طليقة ابنهم ويعيشوها وياهم تره خزززي

لا وبعين صلفه يحجون كدامي ؏ ماضي لعبت

نفسي يا بشررر اني مو جمااادددد تريدون

ابقى ساكته بس ما أكدر اسكت والله ما اكدر

تعبتني غيهب والله تعبتني اني مليت .

الغيهب:- ما اريد اشوفها وحق الله حالي من حالج

اني ما اريد الماضي ما تشوفين شلون اتعذب واسافر

في سبيل اترك الماضي بس كلها تلاحگني مثل ظلي .

زهراء:- شنو مجبر ماكو شي اسمة مجبر

وانتَ اخر شخص ينجبربـ هل عائلة

لو صدك ما تريدها تلعب لعب وطلعها

بس انتَ عاجبك الوضع ومو بعيده ترجعها

واني شننووو هنا ابقى اكل بنفسي الى ان اخلص واموت

وانتوا تعيشون مرتاحين منو المات قابل اصل فصل

اخر أولوياتكم زهراء بيش الكيلووووو .

كعد ؏ حيلة تراجعت للخلف

مرعوبة من رد فعلة :- لج شنو هل كلام

منو بلا اصل وفصل انتِ سعادتي انتِ ام ابني وتاج راسي

لج انتِ تاج راسهن كلهن شنو هل كحا.... وتقارنين

مكانتج بمكانتهن القذرة.

مسحت دموعي بطرف دشداشتي

ورديت واني دمي فاير :- انتَ جذاب ما أكدر اصدگك

انتِ نهيت علية خليتني اصير نسخة عن دمارك

تحب تشوف نفسك بيه مووو .

رد علية وهو متأذي :- لا وحق الله لج لا انتِ شتحجين

ليش هيج تزيديها علية .

زهراء:- انتَ كلت احجي وهاي اني حجيت القليل

بس الـ بكلبي  هووواي هواي يا غيهب ولو احجيهن

أزلزل الكاع تحتكم .

لزم الميز سند ايده علية وكف اجه بتجاهي

رفعت أثنين اديناتي ؏ وجهي وصدر مني

صوت صرخة خارج عن إرادتي.

صار قريب مني حيل صاح بـ ڪُـل ما باقي

بي حيل :- أستغفر الله نزلي ايدج .

بقيتها نفس ما هِـيِّ أحتمي منه

وجسمي كله تشنج فرد مره

بقيت جامدة بمكاني الى

ان تعداني وطلع من الغرفة

كوه يمشي صاح وهو واكف ؏ درج :- هشام  وينكم .

رد هشام بسرعة وهو يصعد ؏ درج :- بيك شي شصاير .

الغيهب:- ساعدني اريد انزل جوه الدنيا تفتر بيه .

هشام:- وين تروح يمعود لازم ترتاح لا يوكف گلبك  .

الغيهب:- بلا كلام زايد نزلني الغرفة امي اريد احجي ويا

الغضب هيام .

هشام:- وين تكدر وبيك حيل تحجي نام وباجر نتفاهم وشنو تريد

يصير بس فوت هسة لا توكع والله خلصت رواحنا.

دفعه بـ ايده ورد بنفاذ صبر:- دولي من وجهي يرادلك خلك .

نزل هشام بسرعة سند ظهره ونزل هو ويا

مشيت للدرج وكفت صارت غرفة عمتي

مقابيلي بس محد يشوفني دخل هو گوه

يمشي تفاجئ عمي  بي

وبسرعة صاح:- لك ليش تنزل وتصعد مايصير .

الغيهب:- هسة اريد حل اني بيتي راح ينهجم بسببكم .

ابو الغيهب:- شمسويلك ولك شعدنا وياك منو وياكم .

اشر ؏ هيام وصاح بعلو صوته

الغيهب:- اول شي انتِ بدلي وتعالي ورايه بره .

طلع هو وعمي وهشام يمشون وره يريدون بس يفتهمون علية .

مشيت للغرفة فتحت باب البلكونة

وبكل خفه تسللت بدون ما يحسون وكفت

اباوعلهم اريد افتهم شنو برأسه.

ابو الغيهب:- غير يحجي ولكم راح يموتني .

الغيهب:- كلش مهتم بيه انتَ يابا كلششششش .

ابو الغيهب:- شعندي وياك بـ شنو مأذيك

رغم كل دكاتك بيه وأنسى وامشي وياك

واحترمك ومخليك بين عيوني .

عاط بعلو صوته وجع گلبـي

وهو يكله :- يابا دخيل الله يا تحبني وشلون تخليني

بين عيونك وانتَ الـ وصلتني الـ هل حال

ڪُـل ما اريد اصخم بوجهي سافرت

واخذت جلسات وعلاج قووي گلبـي

ما يتحمل هل كم من المهدئات في سبيل

اطلع من قوقعة الماضي وانتَ ترجع تلبسني بي .

عمي تخبل حاله حال اي شخص

ينذب الوم علية :- اني لك اني دمرتك ڪُـل عقلك

نسوانك وحدهن يجنك ليش اني وين اندل

هيام واروح اكلها رجعي دمري ابني .

الغيهب:- لو صدك تحبني وتريد مصلحتي

من اول ما شفتها تطردها قبل لا حتى المح

وجهه القذر ، قبل لا حتى ما تورطني بقضيتها

وتلبسني بيهم ، المشكلة انتَ تعرف بيه تعبان اني تعبان

ومجلب بيدي وسنوني حتى اصحح حياتي

وما اخليها تنهدم اني وصلت الـ بداية

جديدة ليش تخلوني ارجع بقاع الظلام ليششش .

ابو الغيهب:- تريد اطرد بنية ما أذتني بيوم بالشارع

وهي دخلت دخيلة البيتي تستنجد من اخوها

يتيمة ولك لا اهل لا عمام ولا خوال گلبـي

ما ينطيني اشمرها بالشارع وانام ؏ مخدتي

واني طارد بنية بعمر بنتي .

الغيهب:- وموج نفس الحالة خليتها كبالي وكلت

هاك هذا ملك الموت خلي يقبض روحك

عيشتني بصراع نفسي والله وصلت للموت بسببك

ورجعت هسة رجعت اتمنى الموت ولا هل مصايب .

هشام:- لك تخبلت هل كلام مو وقته

لا توكع يا خبل نسيت الدكتور شكال

جسمك كله يرجف .

الغيهب:- عوفني هشام اسكت مني .

هشام:- ارتاح هل يوم وباجر نحجي وكلشي

تريده يجرالك .

طلع امير وهاجر شفتهم وفرح يباوعون عليهم

بالباب :- شبيك خوية كول يا الله وهدي اعصابك

هسة دخلنه من المستشفى لا يروح كلبك يوكف .

الغيهب:- لزكوا بكلبي من نعا.... ؏ گلبـي ولكم اريد حل .

هاجر:- اخذ هذا مي يا عيوني ونكعد جوه نتفاهم .

عاط هشام محروك كلبه

وهو يأشر :- والله بيوت الكاولية احسن من عدنا ولكم

لا ليلنا ليل ولا نهارنا نهار تخزينا حتى الجهال

عايشين برعب شصار عليكم .

دك رجله بالكاع وصاح :- وحق الله اليوم لو تشوفون حل

او طلعوني بتابوت منا مليت من المشاكل مليت

هسة كلت يا الله خلصت من موج ترجعون هيام ها سلامات .

سحب هشام الباكيت شغل جكارة سحبها منه الغيهب

واخذ نفس عاط بي عمي :- راح يجلطني هذا دخيلك ربي

ولك ذبها ما يصير .

سحب نفس بعد نفس وهو

يرد عليك :- أحرك جكارة ولا أحرك روُحـي .

ابو الغيهب:- شتريد  من عدنا شو صعدت ونزلت

مدفوع فرد دفعه شكوووو ولك غيهب .

فرح :- اي والله مع احتراماتي الك غيهب

بس شدعوة هيج تاخذ بالكلام اني اعرفك

ما تتأثر .

الغيهب:- سدي حلكج لا ألزمج باب الشارع

صار يومين منتبه عليج تحرگين بالجو

تحركين بذاك وبهاذا مرتاحة بمشاهد المشاكل

تنكطين سممم بس العتب ؏ اخوية ما يصفكج

؏ حلكج وانتِ تحجين هيج ؏ اخو .

امير:- غيهب كافي شنو السالفة.

ابو الغيهب:- تاليييي شتريد هسة هاي وانتَ مريض

باع النفسك بالشافعات واكف ڪُـل عقلك

امشي اصعد الغرفتك امشي .

الغيهب:- لو اني لو هل هيام هنا وانت براحتك اختار.

ابو الغيهب:- معقولة زهراء هيج توصل وياها

تدفع ابني علية امشي صيحيها هاجر امششششي. 

الغيهب:- لا تتحركين كلامكم وياي لا دخلوها

راح تموت بسببنا شايف ڪُـل هذا الـ يصير

ويانا هاي حوبتهااا هذا دماري ومرضي

وعذابي عقاب  من الله ؏ كلشي سويته بيها .

ابو الغيهب:- انتَ عذبتها احنه شلنا دخل بمرضك

اصعد فوك ولا تموتني حتى نوم ما نايم اريد ارتاح ساعة .

الغيهب:- اطلع هيام لو اخذ زهراء واطلع .

كمز عمي علية دفعه بقوة رجع ليوره

وهو منا راسه مشدود وعيونه مورمه

وبالشافعات واكف يريد يسيطر ؏ روحه ما كدر

هو والكاع بعد الشبر لو ما هشام شمر نفسه ولزمه

وهو يصرخ :- امير الحك الحك وكع .

ركضت هاجر ؏ كرسي سحبته

كعد متأذي من راسه :- هاك فدوة الله يخليك اشرب مي .

اخذه منها شرب شويه وذب بيده غسل وجهه

ورجع راسه ليوره عمي خايف علية بس يكابر

يبين اله انقبض گلبـي واني اسمعه يكله:- اذا ترجع وتفاوضني

ادوس راسك بالقندرة كافي بعد ما اتحمل اخبالك وعياطك

حالك حال الكحا......

تركهم ودخل فتت بسرعة وسديت الباب

؏ اقل من مهلي حتى ما يسمعون الصوت

كعدت ؏ جرباية قلقانة من رد فعله

دخل يمشي بصعوبة تمدد ؏ فراش

واضح علية دايخ ما يكدر يستمر يوكف

همس بـ إرهاق:- جهزي ملابسي وملابسج راح نطلع منا .

همست بتردد :- وين نروح غيهب كافي حالتك ما تسمح .

غلق عيونه وغطاها بـ أيده

وهو يهمس:- سوي مثل ما كلت اذا نبقى هنا ڪُـل

الـ بنينا ينهدم .

زهراء:- بس اني ما اريد تترك اهلك ، ما اريد تبتعد

عنهم الـ أجلي اكيد يقاطعوك اذا تتصرف هيج .

الغيهب:- خليهم يصيرون ضدي يقاطعوني ما يهم

اني تعبت منهم كلهم يفضلون نفسهم انتِ

الوحيدة الـ تستحقين أضحي بكلشي الـ أجلها .

توجهت للكنتور مغصتني بطني واني

اطلع الملابس رتبت جنطة وحده

اخذت بيها ڪُـل الـ نحتاجه

وقبل لا أبدل همست :- بس اني ما مرتاحة الـ هل طلعة

همس بوجع :- ليش ؟

زهراء:- منو يكول ما تخليني بعيدة وترجع هنآ بحجت

تحجي وياهم وترجع تزوجها ما ا.......

الغيهب:- ما راح اطلع من البيت حالتي ما تسمح

حالتي حرجة اصلا ڪُـل الصار هسة خطر

والمفروض ما اتحرك ولا احجي واني جنت اصرخ .

زهراء:- ليش هيج صار بيج غيهب ليش وكعت .

حاول ما يرد بس رجعت كملت :- ليش تلزم گلبك

شنو يوجعك احجي اني مو حجيت.

هز راسه وهمس بتعب:- عندي انسداد بصمام القلب .

بقيت اباوعله بضياع وبدون صوت بس دموعي

تصب ؏ خدي گلبـي وروحي أريد أدخله

بنص گلبـي من ُ ؏ــمري ؏ عمرك غيهب

ڪُـل هذا اهمس بي بين وبين نفسي

بس بالواقع حتى ما كتله سهله وتكوم منها

اكتفيت بالسكوت بدلت وهمست :- خلصت .

بصعوبة مد ايده وهمس:- ؏ اقل ساعديني اوكف .

تقربت لزمت ايده حضني من خصري

وگف اخذت الجنطة ومشيت خليتها ؏ درج ورجعت

حضنته حتى يستند علية ونزلت اني ويا

هشام من شافنا نزلنا توجهه علينه وهو يهمس مايريد

احد يسمع :- غيهب زهوره صدك تحجون يمعودين والله امي

تنجلط بس تسمع بيك طلعت اكعد واسكت باجر اخذ هيام بره .

صعدت نزلت الجنطة وكفت انتظر يخلص كلامه

هشام:- بداعت امي لا تطلع شبيك غيهب وضعك مو طبيعي

اذا توكع ومحد يمك يساعدك زهراء ما تكدر وحدها

طلعتك بيها خطر .

ابو الغيهب:- عوف هل ادبسزز خلي يطلع

بس مع الاسف عليج زهراء هيج تحركين ابني

علية نسيتي الزين .

زهراء:- وانتوا نسيتوا زيناتي وكفاتي بعت العشرة

صار كم يوم تجرحون بيه بدون ما تهتمون شنو

تحسون من مخليها بـ حضنكم وكاعدين

تسولفون وتتمضحكون وياها ولا كأن

موجودة وياكم .

ابو الغيهب:- مثل ما احميج واوكفلج انتِ وبناتي

اوكف البنات العالم تحبين احد يساعدج

بس ما تريدين نساعد بنات العالم .

الغيهب:- كافي ما بيه اوكف امشي كدامي زهراء بسرعة .

ابو الغيهب:- ويييين تولي ولك وين بـ هل حال

ولكم هذا يموتني اله يرتاح .

الغيهب:- الجهنم انتَ شعليك بيه .

ابو الغيهب:- بس تطلع بعد لا انتَ ابني ولا اعرفك .

الغيهب:- وصلتوني الـ نقطة بعد ما تهموني كلكم

انغسل گلبـي منكم ، تركصون ؏ جروحي ومستمتعين .

ابو الغيهب:- انتَ ابني ونظر عيوني شلون اركض ؏ جروحك

گلبـي ينزف عليك ، جنت اصلي دعيت ربي من صحتي ؏ صحتك

ومن ُ ؏ــمري ؏ عمرك شلون اركص ؏ جروحك اني ابوك .

بجيت ؏ بجي عمي كعدت ؏ درج

واني اشوف الغيهب يعصر بعيونه

حتى ما تنزل دموعه:- ما اريد ابقى هنا ما اريد الماضي

اني اختاريت الحاضر اريد مرتي وابني اريد اعيش

بعيد عنكم كلكم .

طلعت عمتي هاجر ساندتها كوه تمشي :- وتعوفني تعوف امك

غيهب  ينطيك كلبك تموتني واني اتنفس الهوى بس تطلع اموت

ما اعيش وانتَ بعيد عن عيوني .

الغيهب:- وغلاتچ يا يمه وغلات عيونچ اذا اظل هنا

يصير بيه شي خليني اشوف حياتي واطلع .

ابو الغيهب:- هل اسبوع سفرتك روح انتَ وهشام

ومن ترجع كلشي ينحل وحق الله امحي الك الماضي كله

واكطع أثرهم .

الغيهب:- ما أسافر ما اكدر اعوفها يمكم تاكل بروحها

تموت اني ادري بيها ما تتحمل تهج من عدنا

ما عدها احد غيري ما امن بيكم ولا أمن بـ اهلها .

ام الغيهب:- وحق الله ما اخليها تشوف ولا تحس بشي

تكعد بغرفتها معززة مكرمة الـ يمسها بكلمة أرشه بنار .

الغيهب:- لا تعبون نفسكم كلت إختار اطلع منا

اني وياها ما اريد اخسرها انتوا تفتهموووون

بعد ما اتحمل افقد شخص أحبه ما اكدددر

روُحـي بيهااااا  ما أتحمل أبتعد عنها لا تعذبوونييييي .

رفعت راسي جسمي انصاب بالشلل

وعقلي وكف

بگلبي فراشات

وروحي تتراقص ؏ كلماته

وتتساءل هذا أعتراف من الغيهب

روُحـي تهلهل

بهجة بـ قلبي

ما انطي فرحتي ما انطيها

نطقها مو بس كدامي لالا گدام الكل .

حتى هو ما مصدكين

واگفين وعلامات الذهول مرسومة ؏ ملامح وجهم

صدت عيني بعين هيام الـ وأكفه بالباب ايدها

؏ حلكها ودموعها تصب ؏ خدها مصدومة

بكلامه .

هز راسه عمي وهمس:- صار هواي ما شايفك تبجي ؏ مرأة

الضاهر رجع قلب الغيهب ينبض من جديد نبضات حب .

رفع حاجبه يداري الخجل

والـ أعتراف الطلع خارج عن أرادته:- هشام توصلني .

ابو الغيهب:- ما يوصلك افتهم ما يوصلك

تبقه هنا هل كم يوم انتَ تسافر كمل الجلسات

حتى تخلص من كلشي وزهراء هنا يمي

ما اتركها .

الغيهب:- يابا راح اوكع لا تعترضون طريقي .

ابو الغيهب:- وين تروح بس فهمني وين لا تخليني

افقد اعصابي غيهب .

عافهم وطلع مشيت وره

هشام اخذ الجنطة وطلعنه

من البيت انمرد گلبـي من صوت بچي عمتي

بس بكل مره اريد ارجع اذكر هم ما اهتموا

لا المشاعري ولا حسبولي حساب انقهر ابجي اموت

انطحن طحن ما اهتموا .

صعدت بسيارة هشام طلع بينا

وهو يقنع بالغيهب بس ركب راسه

وبعد لازم ينفذ .

هشام:- زين فهمني وين تروح ؟

الغيهب:- شوف فندق زين ، او شقة ما يهم اي شي

بس كون بمكان مناسب افتهمتني مناسب مووو.

هشام:- افتهمت يمعودة والله عندك سوالف تهستر الواحد .

مد ايده يأشر ؏ شارع وهو يرد

الغيهب:- اسكت وصلني يمعود راح اوكع .

وهشام فر الدنيا كلها ڪُـل شوية ينزل

يسأل ويرجع يصعد اخر شي مليت

همست :- عفية كافي معدتي توجعني من الطريق

خلي نرجع البيت امي ؏ اقل .

هشام:- اي ليش ما تكعدون هناك ؏ اقل كدام عيوني .

الغيهب:- اريد هل ايام ابتعد عن الكل

شوف مكان بعيد عنكم ابقى بي .

هشام:- عينك عينك تحجي هيج كدامي غيهب .

الغيهب:- من تستحون استحي .

هشام:- خوش خوش.

وصلنا مقابيل شقق جديده ومبين نظيفة

كلش ومفروشة اجرها اسبوع

ونزل فتح بوب السيارة وهمس:- يلاا أنزلوا اجرت شقة صغيرة

بالطابق الثاني .

الغيهب:- عاشت ايدك نزل الجنطة.

هشام:- خليني اصعدك وبعدين اصعدها .

اشرلي بيده وهمس:- تعالي أستند عليج

سنديني زين ،انتَ صعد الجنطة.

مشيت بتجاها حضني ومشيت اني ويا

صعدنا بالمصعد غلق عيونه حيل

بسبب الضغط والوجع وكفنا كدام باب الشقة

مفتوح والرجال منتظرنا سلموا علية

اني دخلت قبلهم اباوعلها صح صغيرة بس مرتبة

تفتح النفس واني منا ڪُـل ما أتذكر كلامه

اريد أحلق بالسماء من فرحتي بي .

دخل هو هشام نزل ويا الرجال

بدون كلام حتى ما شاف الشقة

دخل للغرفة نام وهو يرجف

دخلت لزمت وجهه نار وأيده ثلج :- غيهب شبيك رجفتك مو طبيعية.

همس وهو يعصر بعيونه :- وجع الوجع نهشني نهششش .

بلعت ريكي وهمست :- شسوي ويروح .

الغيهب:- اريد مي .

ركضت للمطبخ جبت مي شرب شويه وحضن المخدة

بقوة كعدت بصفة مديت ايدي ترتعش بحيرة

لزمت أيده ألتفت باوعلي وعيونه مغورگه بالدموع :- زهراء تعبت .

زهراء:- حاول تنام عسى ولعل يختفي الوجع .

رفع نفسه صار بنص الجرباية

نزل راسه بحضني وحضني بـ ڪُـل

أستحكام :- لا تبتعدين اعتبريني ابنج وتحملي مشاكلي .

رديت بضعف :- ما اكدر أبتعد والله ما اكدر .

غلق عيونه ورجعت النفس النقطه

النفس عجز أحاول اخلي ينام

ارسم دوائر بـ باطن أيده

واهمس بـ ايات القرآن الكريم.

الى ان نام نزلت رأسه ؏ مخده

ورحت ذبيت عباتي ودخلت الجنطة

طلعت بس ملابسه رتبتهم ودخلت للمطبخ .

بقيت افتر اروح منا وارجع منا

كعدت احجي ويا رجاء فرحت لان طلعت

وبقت تحجي براسي ڪُـل عادة ما تسكت مني

مليت بقيت اكلب بالتلفون الى ان صار اليل

بدلت ملابسي ورشيت عطر خفيف

ورحت للفراش خليت مخدتي بطرف الجرباية

وحاولت اغفى ، تعبت من التفكير ونهد حيلي

وإني صافنه بوجهه عيونه تعبانه مورمات بشكل

وداير مدايرهن زراگ واضح ، درت وجهي منه

تعذبت بما فيه الكفاية بقيت اتكلب الى ان نمت

للفجر حسيت نفسي انسحبت نومني

؏ أيده ورأسه صار بركبني طبع

بوسه رعش ڪُـل جسمي بسببها

والقشعريرة احتلتني  ، حكمت اغلاق عيني الى ان رجعت

غفيت ، كعدت الصبح ؏ صوت الغيهب يكح

كمت مفزوعة من الفراش ركضت ؏ مصدر

شفته واكع بالحمام :- غيهب  عززا

،دخيلك يا ربي شبيك غيهب حاجيني

اشر بيده اهدي :- شصار بس كلي شبيك .

الغيهب:- صار عندي تقيئ  يمكن انفتح الخياط

ودخت  بس لا تخافين ما بيه شي .

زهراء:- انتَ ما شايف نفسك انتِ نهائيًا مو زين غيهب نهائيًا.

الغيهب:- كم يوم وأصير زين بس ساعديني اوكف  اريد اسبح .

مشيت يمه نزعت التيشرت وطلعت من فتح المي

سبح وغسل انطيته ملابس بدل وطلع

بس ما يكدر يغسل شعره كله ملفوف .

ساعة واجه هشام دخل متسوك فوتهن للمطبخ

وراح شاف الغيهب تخبل من منظر الورم

هشام:- غصب عنك نسافر حجزت .

وهو قفل ما اروح

كعد اني وهشام نحجي ونرجع ليوره

الى ان طلعت روُحـي وكلام هشام خوفني ؏ حالته

كعدت ابجي وهو ولا مقتنع وعبالك ما يشوفني

تالي اتجاهل كلشي وفات للغرفة

طلع هشام واني رحت اقنع بي عسى ولعل يقتنع .

ويومين متواصلات لا اكل لا شرب بس احجي واتوسل

بي يسافر من شافني تعبت وبعد كطعت كلشي

استسلم وأفق يسافر من خابرت هشام طار من الفرح

تشكرتي وهو يضحك ، حجزوا وتحدد السفر بسرعة بسرعة  .

بعدها بيوم فات عمي وهاجر وهشام علينا

من شافهم انزعج وراد يدخل الغرفة

بس هاجر وكفت كدامه تمنع طريقة

كعد وياهم ؏ أعصابه:- ما تريد تشوف ابوك .

سكت ما رد رجع كمل :- عكب باجر طيارتك ارجع

حضر ملابسك وخلي زهراء يمي .

الغيهب:- اتمنى اكدر اخليها هنا ولا تتعب هناك .

ابو الغيهب:- انوب احنه صرنا تعب .

الغيهب:- طبعا مخلي كحب... بيتك

وهي ما تريدها وانتِ مصر تبقيها.

ابو الغيهب:- كم يوم وتخلص سالفتها وترجع منين ما اجت

بس زهراء بنتي ام حفيدي اصل وفصل وعز .

الغيهب:- المهم باجر نرجع بس والله اذا اسمع

صاير شي اكطع السفر وارجع .

هاجر :- تبقه يمي منو يفتح حلكه وياها .

هز راسه  وطلع الباكيت شرب جكارة

وهم ظلوا شويه وراحوا

دخلت للغرفة وهاي حالتي احيانا

ارجع للماضي ويصير الموقف براسي

وأبتعد صاح بـ اسمي رحت يمه اشر ؏ رأسه:- غيريلي

شاش الجرح يوجعني .

واني تعلمت ڪُـل يوم أغير رحت جبت الغراض وكفت

افتح بي ذبيت القديم عقمت الخياط تلاثه خيوط برأسه

لفيت شاش جديد اريد امشي ارجع الغراض

سحبني من ايدي لزمها بـ تشدد وقربها ؏ شفايفه

باسها وهمس :- ما اتحمل فكرة ابتعد ما اكدر اسافر واعوفج .

غلقت عيني سحبت نفس

وكعدت مقابيله التفتت صار مقابيلي همست

بصوت ناصي:- انتِ مو كلت تتعالج الخاطري  .

هز راسه كملت :- خلص اريد تروح حتى تكمل ڪُـل الجلسات

اريد اشوف غيهب الطيب الـ كلها تحجي بي .

الغيهب:- وعد يجي يوم واخليچ ملكة

ملكة روُحـي ملكة اطفالي .

همست بخجل واضح :- ان شاء الله .

رجعت ابتعدت الثاني يوم

لملمت الشقة وغسلت كلشي رجعت ملابسنا بالجنطة

هو غلق ڪُـل الاضواء وطلعنا سلم المفاتيح ورجعنا البيتهم

دخلت الغرفة عمتي صارت مقابيلي هيام وفرح كاعدات

عبالك حيايه ينكطن سمممم ، بوست عمتي هو هم دخل

باس راسها وايدها اني عفتهم وصعدت ما اتحمل اشوفهن

ما طول دقايق بعدني ما نازعة الشال صعد يتبع تحركاتي

يدرس رد فعلي من شفتهم قابلته بـ لا مبالاة.

رتبت الغرفة ونزلت جبت وصلت مسح وسطل

وصعدت مسحت الغرفة والأخشاب ودخلت سبحت

وبلا كلام لفيت راسي اريد انام همس :- جهزي

جنطتي الفجر نطلع .

أومأت براسي ورجعت وگفت فتحت الجنطة

حضرت الجنطة ورتبتها بـ ڪُـل ترتيب

سديتها ورجعت لفراشي ادموعي غركت

مخدتي ايدي ؏ شفايفي ما اريد يسمع صوت شهكاتي

غفيت وآني منتهيه ما اعرف شلون نمت

؏ هل عذاب مر الوكت حسيت بـ ادينات دافية

تمسح ؏ وجهي فتحت عيوني صار مقابيلي

مبدل ملابس رسمية ابتسم وهو يرفع خصلة شعري

الغيهب:- تسمحيلي ابوس هل عيون .

هزيت راسي بـ قبول أقترب طبع بوسه

؏ عيني ونزل طبع بوسه ؏ خدي :- راح اشتاقلج .

رفعت جسمي حاوطته بـ اديناتي

وهمست :- تروح وترجع بالسلامة.

وگف وسحبني كعدني بـ حضنه وهمس:- انتِ سلامتي

خبالو ما اريد اشوف ادموعج أتمنى اخذج وياي

حتى تتخلصين من كلشي صار بس حالتج ما تسمح .

نزلت راسي اندك الباب سمعت صوت هشام :- يلاا غيهب تأخرنا.

التفتت اباوعله بعده صافن بوجهي

تقرب اكثر اخذ شفايفي بين شفايفه

وهو يحضني من خصري بقوة

رجع شعري ونزل الركبتي

يستنشق بعطري :- زهراء تنتظريني .

هزيت براسي وهمست:- انتظرك .

حبس النفس وهمس بخوف :- اخاف اروح ويصير شي

يضوجج وترجعين تشردين مني وهل مره بعد ما اشوفج .

سكتتت هو زاد الخوف عنده لزم وجهي

وهمس:- اني اناني بيج بس اذا راحتج ببعدي

ادوس ؏ نفسي واتركج ، اني ادري ما راح تنسين الماضي .

زهراء:- اجذب عليك اذا أكلك أنسى وارجع مثل قبل .

الغيهب:- اذا تضنين من تبتعدين تنسين فـ تصعب وما تتعديها .

زهراء:- بس اني روُحـي تنوكل احس نفسي اريد اموت  غيهب .

طبع بوسه بطرف شفايفي وهمس :- انعل ابو راحتي اذا

جانت ؏ احساب تعبج ومرضج اني اروح هسة

ومن ارجع ارجعلج حريتج واخلصج من ظلامي .

نزلت دموعي مسحهن وهمس :- لا تنزليهن ما تسوه

نفسج اهم والله نفسج اهم ، احتمال بمرور الوكت تتعدين الصار .

وگف واني وگفت طبع بوسه اخيرا

؏ راسي وهمس :- تبريني الذمة.

زهراء:- أبريك الذمة الغيهب .

الغيهب:- يا سعاتي انتِ ...

طلع الغيهب وطلعت روُحـي ويا نزلت

ويا ودعهم كلهم وعيونه ما شالها مني

وكل شوية يوصي احد علية .

ابو الغيهب:- روح بـ أمانتي لا يضل بالك عليها .

هشام ويا طلع يسافر مرافق لان يسوي

عملية انسداد صمام القلب هناك .

راح واخذ روُحـي لو بيدي ما اخلي يروح

دخلت الدنيا سوده بوجهي اختنكت بصورة رهيبة ما اكدر اوصفها

بالكلام انقبض كلبي .

صعدت فوك الدنيا افترت بيه خليت راسي

وهل نومه نومه ، وبعد مرور ساعات طويلة

اصوت قريبه مني صارت ولمسات تحولت

الى ضربات خفيفة.

اصوات خوف ، قلق ، ترقب ، حيرة

هاجر:- حرارتها عالية مو زين يروح يموت الطفل ببطنها.

وفعلا جنت احس بنار ومشتعلة

وألم بكل انحاء جسمي

تشنج ابطني

تصلب بـ اطرافي

روُحـي تنسحب مني جانت حرفيًا تنسحب .....

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _32_

ذات يوم قال الغيهب ...

يا شاغل العينين كيف سلبتني ؟

ووقعت في محظور ما اتحذرُ

يا سارق الأنفاس كيف عبثت بي ؟

وآنا الكتوم الحاذق المتحذرُ

جد لي جواب للسؤال لكي ترى ..

اني أُحـبُـكَ فوق ما تتصورُ

آمنت ان الحب فيك نبؤتي

وهواك شبه الموت لا يتكررُ

منفاي انت ومن سواك يعيد لي روُحـي

ومن ذاع جفاك يصبرُ .....

..................................

وفعلا جنت احس بنار ومشتعلة

وألم بكل انحاء جسمي

تشنج ابطني

تصلب بـ اطرافي

روُحـي تنسحب مني جانت حرفيًا تنسحب .

أسمي يتردد بـ إستمرارية

الى ان انرفعت من السرير :- عمو زهراء تسمعيني

ولكم هاي نار ضروري مستشفى.

هاجر:- أروح أصيح امير ياخذها .

ابو الغيهب :- اركضي شتنتظرين.

اسمع ركضها الى ان دقايق ودخل

امير و صوت فرح ويا وبدون كلام

شالني مثل الطفل بين اديناته

وركض للكراج فتح عمي الباب وصعدوني بالسيارة

رجعت فقدت الوعي الى ان صار ضوة بعيوني

من شافتني فتحت عيوني ابتسمت والتفتت

للممرضة:- اضربيها الـ ابرتين وخليها تحت المراقبة

هسة الساعة 9 بليل باجر ب9 الصبح اذا صارت زينة

ونزلت حرارتها وضعها وضع الطفل يستقر طلعوها .

الدكتورة:- الحمدلله ؏ سلامتج ، تشكين من شي .

رديت بتعب:- جسمي يوجعني .

الدكتورة:- بس تنزل حرارتج يستقر وضعج يخف الـ وجع .

أومأت براسي عافتني وطلعت

ودخلت هاجر وعمي :- سلامتج بابا خوفتيني عليج .

هاجر :- لج زهراء ليش هيج تسوين احسن

يعني يضيع تعبج ويروح ابنج بـسبب حرارة.

زهراء:- قابل بيدي ما ادري شلون صار هيج .

ابو الغيهب:- من القهر تحركين بدمج ؏ لا شيء.

فضلت اسكت وما اخذ وانطي

وصلت المرحلة الملل من المناقشة ؏ فاضي .

بدلت ملابسي وهاجر خلتلي لاصقات حرارة

شربت مي بكثرة حسب ما نبهت الدكتورة

امير راجع للبيت لان ماكو احد هناك

الثاني يوم الصبح نزلت حرارتي شوية

بس الوجع نفسه ، طلعت من المستشفى

دخلت للبيت لكيت هيام تغسل بالكراج

ودشداشتها مخليتها بالداخليات

نزلت راسي ودخلتني هاجر سلمت ؏ عمتي

وهي فاتت ورانا:- عمه اكولج غسلت الكراج ونظفت البيت وطبخت

بعد تأمرين بشي .

ام الغيهب:- والله يا يمه ماكو الزوم اتعبين نفسج

انتِ خطار وعيب علينا انشغلج .

هيام:- شسويت قابل انتوا مثل اهلي

واني اضوج ابقى كاعدة لازم اتحرك .

هاجر:- شكرا حبيبتي تعبناج خلص اني رجعت

انتِ اسبحي وكعدي هنا بغرفة امي احسن .

كملت كلامها واخذتني للحمام فاتت

وياي سبحتني بيدها ونشفت شعري بدلت وطلعت

اريد اصعد فوك عمي ما يقبل اضطريت انام ؏ جرباية عمتي .

هاجر أخذت اطفالها وصعدت

وعمي صعد ينام بغرفة هشام

امير وزوجته بالدوام .

وهاي كابلتني وكعدت تجاهلتها

واني اتغطى غمضت عيوني وحاولت

انام بس طارت النومة حتى النوم يحاربني .

الوقت واكف وما يمشي مليت

ونهد حيلي الى ان غفت عيوني

وما كعدت غير ؏ صوت هاجر

تهز بيه والتلفون بيدها .

اول ما فتحت عيني عضت شفتها

وهمست:- هذا الغيهب .

حركت راسي بصعوبة جسمي ينفض :- ما اكدر احجي شلون هاجر .

هاجر:- حاولت اقنعة انتِ بالحمام كال نزلي وانتظريها

الى ان تكمل احجي وياها واغلق المكالمة .

أنيت بوجع وسحبت نفسي من الفراش

بصعوبة لزمتني هاجر وهي مستغربة:- وين تروحين .

زهراء:-اريد أغسل وجهي وكوميني

اعدل نفسي واحجي وبعدين احجي .

بقت المبايل ؏ ميز و كعدتني حاولت ألملم شتات نفسي

تحمحمت غسلت وبدلت وكعدت انطتني التلفون

وكلبي دك اطبول الـ اشتياق:- الو .

سمعت صوته مو احسن من صوتي

التعب واضح وضوح الشمس :- هلا بـ سعادتي .

زهراء:- شلونك غيهب .

الغيهب:- سولفي انتِ شلونج ؟

زهراء:- نفس الروتين ما تغير شي .

الغيهب:- ما تغير شي يعني فراگي عادي عندج .

زهراء:- موهذا قصدي المهم هسة انتَ شلونك .

الغيهب:- مرتين ردت أرجع الدنيا ظلام بعيوني

ماكو طعم وانتِ مو كبالي .

جريت نفس بوجع ضغطت ؏

دوشك الجرباية اصبر نفسي

هاجر كعدت بصفي أدلك بظهري

الغيهب:- زهراء وياي .

زهراء:- اي اي وياك .

الغيهب:- ضايجة من شي احد سمعج كلمة .

زهراء:- ما شايفه احد حدي انزل اكل واصعد فوك .

الغيهب:- زين تسوين ، صوتج تعبان وعقلي يكول انتِ تعبانه.

زهراء:- عقلك ؟

سكت ورد وصوته مخنوك :- مشتاقتلچ .

خليت ايدي ؏ شفايفي أمنع صوتي يطلع

الخنكه ببلعومي صارت بالشافعات

بلعتها وهمست :- شسويت ؏ علاجك .

الغيهب:- انطيت للدكتورة علم بوجودي

اربع أيام ونباشر الجلسات .

زهراء:-هشام وين .

الغيهب:- نايم نومنا متخربط .

زهراء:- راسك شلون صار .

الغيهب:- صوتج سَكَن الوجع وصرت زين .

سكت وبعد لحظات همس:- زهراء.

زهراء:- ها غيهب  .

الغيهب:- اني  .... سكت وكأن يريد يحجي بس تذكر

موضوع تحمحم ورجع كمل ، ديري بالج ؏ نفسج .

زهراء:- وانتَ هم غيهب وانتَ هم .

الغيهب:- مع السلامة.

زهراء:- الله ومحمد وعلي وياك .

سد المكالمة رجعت لفراشي الرجفة بيه

ودموعي توكع بدون توقف

حاولت اضبط نفسي وأسكت بس فقدت السيطرة ؏ دموعي

الى ان هلكت اجت عمتي اخذتني الـ حضنها

وهمست:- ممكن تطلعون أريد احجي وياها .

خلت راسي بحضنها وهمست :- شبيج امي ؟

زهراء:- مخنوكه احس شي كاتم ؏ نفسي.

ام الغيهب:- تصالحتي انتِ ويا .

- لا ما تصالحنا وما ما نكدر وصلنا الطريق مسدود .

- وصلتوا لو وصلتي ، الغيهب هسة رادج ومن رادج بعد ما تردي .

- ما اكدر انسى الموقف مو سهل رغم ڪُـل الصار وياي

والدمار الـ عشت بي ويا نقطة ببحر ؏ منظر

عمه شفتها بلا ملابس انتِ متخيلة

وهو واضح هسة لابس ملابسة

ومتمرس ؏ هل سوالف لان عنده اوراق اتفاقيات

ما يخلي ؏ نفسه مستمسك انو يعنف لازم الضحية

تجي توقع وهي الممنونه.

بقت تباوعلي بصدمة هزيت راسي وهمست:- هاا وهسة

تلوميني اذا ما أسامحه ، هو خاني من زمان وبدون

خوف او تفكير بـ مشاعري يوكف مقابيلي يگلي

جنت ويا غيرج بس لان احبه اجذب نفسي واجذب

كلامة واكول هو يريد يقهرني وهيج يحجي

او هو يتقصد هيج يحجي حتى يضوجني وينتقم الذاته

جنت موافقة ينتقم من الدنيا كلها بيه بكثر ما احبه

ومتعلقة بي ، بس كلشي إختلف بذاك اليوم

وكأن گلبـي عمارة سكنية كبيرة تحملت

بما فيه الكفاية وصلت لحد الانهيار

گلبـي انهار وصار اجزاء صغير

صرت أشبه الغيهب بلا احساس

وبدل القلب صار حجر گلبـي تحول حجر .

- وبعدين تبقون هيج واحد يصير زين والثاني

ينفر تاليتكم وين توصلون .

- أتفقنا بس يرجع نطلك .

- الغيهب راح يتعالج الخاطرج وتريدي يطلكج

ما أعتقد والله يا يمه .

- هو انطاني كلمة بس يرجع يرجعلي حريتي

مثل ما انطيته فرحتي وضحكتي ورجعت الحياة

اله بس يرجع ينطيني الحريه أريد أعيش بعيد عنه .

- أندري بعد انتِ ويا بس بـ هل خطوه

ادمرين نفسج وابنج والغيهب يرجع أسوء من قبل .

بقيت ساكته مسحت ؏ راسي

وهي تقرأ ايات متواصلة

الى أن هدئت اعصابي ونمت .

مرت ايام ڪُـل يوم يخابر بس كلهم موجودين

وهشام الـ يحجي هو بس يلمح يمشي من وره

أحيانًا اذا هشام ماكو يتصل يسأل ويسولف وياي

شوية ويسد المكالمة.

وبيوم الـ جلسة نهار كامل عمي يخابر عليهم

لا هشام يرد ولا هو يرد ، تهسترنا فقدت

واني لساني ما سكت عن الدعاء

ومن القلق اطكطك بيدي

وعمي يروح ويرجع ما توكع

من حلكة كلمة لازم اروحلهم .

للـساعة 12 بليل أتصلوا

وقبل لا يفتح عمي عاط علينا

بلهفة:- خابررونااا خابروناااا .

مشيت بسرعة رغم الوجع الـ بروحي

كلنا موجودين بس هيام وفرح فوك

اول ما فتح عمي مكالمة الفديو

نقبض گلبـي ورجلي صارت خيوط

واني أشوف هشام كاعد مقابيل الكامرة

وايده ؏ راسه ، مو هذا الدمرني

سبب دماري صوت صياح الغيهب .

وجهه عمي السؤال الـ هشام وهو

مرعوب مذهول من قوة الصوت :- هشام شبي اخوووك .

رد علية ولونه صاير اصفر من التعب :- من الصبح الـ هل ساعة

هو هيج ؏ نفس الصراخ نهد ، تعب ، هلك وما يقبل يرتاح .

امير:- بلا سببب احجيي لا تعل گلبـي .

هشام:- اليوم الجلسة هو بعد الجلسة

وصل الـ هل حالة المزريه.

رد عمي بقلق وهو يوگف يفتر ويحجي ويا :-معقولة هو راح يتعالج

لو يتخبل بالزايد .

رد علية هشام بحيرة:- خابرتها تكول آني تعمدت اخلي بـ هل حالة

اذا ما يتواجهه ويا الماضي وانطي عيوبه حتى يصرخ ويستنزف

ڪُـل الكتم الكاتمة بداخله في سبيل يرجع بدون ثقل .

صدر صوت ضرب بسرعة

تحرك هشام وصاح :- راح اغلق المكالمة لا يضل بالكم .

صرخ علية عمي بعلو صوته:- إياك تغلق المكالمة خليني ؏ تواصل

وياكم بس ينغلق يوگف گلبـي عليكم .

تركه وهو ما زال يحجي فتح باب الغرفة

لمحت الغيهب أيده ؏ رأسه ويفتر بصورة هستيريا

ومجنونه بشكل مو طبيعي :- غيهب اوگف لك غيهب

لا يوكف گلبك .

وسع عيونه وهو يباوع علية

ورجع بفتر بس بتعب ڪُـل شوية

ينحني مثل حركة الركوع ويتنفس

بـعدم أنتظام :- لك اني ليش هيج سويت ليش .

هشام:- انتَ ما سويت شي غيهب لك يا اخي بس اكعد نتفاهم .

تجاهل ڪُـل الكلام ورجع يفتر وهو يصيح

بوجع خلصت روُحـي وآني اشوفه بـ هل

حالة كعدت بالكاع ابجي ؏ حالته الـ تصعب ؏ عدو

وفجأة دفع هشام بره الغرفة وظل وحده

عمي تخبل :- بعد لا يروحلها هاي ڪُـل عقلها

شسوت بي ولك هو گلبه تعبان يا ابني گلبه مو زين

لا يروح يوگف وين تنطون وجهكم .

هشام:- شبيدي يابا هو اختارها وراح الها .

ابو الغيهب:- أرجع خابرها لا اتخبل هسة عليك

ومن باجر احجز وأجي عليكم .

رفع هشام التلفون اتصل ؏ دكتورة

بسرعة ردت صح هم بـ تركيا بس

الدكتورة اجنبية ، بقه يحجي وياها

ما افتهم كلامة وكل شوية يروح

الباب الغرفة حتى تسمع صوت الغيهب

اخر شي غلق المكالمة ورجع يفهم

بـ عمي :- يابا تكول اهم خطوة بـ علاج الغيهب

هو اخراج ڪُـل المكتوم بداخله ؏ شكل

انفجارات من الـ صياح وما شابه

اهم شي يطلع ڪُـل البداخله

حتى تبدي بالخطوة الثانية من العلاج .

ابو الغيهب:- وشوكت الجلسة الثانية.

هشام :- بعد أربع ايام ان شاء الله.

ابو الغيهب:- تخلي عينك ؏ اخوك لا يوگف گلبه افتهمت .

هشام:- بدون ما توصيني راح اغلق المكالمة .

ابو الغيهب:- ساعة وترجع تتصل اطمني تره بعد ما اكدر

لا اكل ولا اشرب واني سامع وشايف الغيهب بـ هل حالة.

غلق المكالمة لو موتني واني بالگوه اجر النفس 

روُحـي تلوب ، وعقلي نهلك من التفكير

وبـ گلبي نار تحرك بقايا روُحـي .

من الخوف والـ أنتظار كعدت اكل بـ اضافر

ايدي ومن الحرارة الـ بجسمي ڪُـل شوية

اكوم اغسل وجهي بمي بارد وارجع اهمس

بخوف :- عمو ما خابر عليك هشام  .

- لا والله بنتي عدت الساعة وهو ما إتصل

والله ايدي ؏ گلبـي اخاف صار شي عليهم .

عمتي صارت صفرة من الخوف

تدعي بدون توقف و الدموع ما نشفت .

وصلت مكالمة من هشام

فتح عمي الخط وصاح:- ها ابوية بشرني .

مشى للغرفة فتح الباب

وجهه المكالمة ؏ غيهب :- هذا الغيهب نام تعب ونهد حيله

بعد ما يكدر  يرفع لا راس ولا رجل هلك .

بقيت ڪُـل تركيزي علية

الى ان طمئن الكل وراد يروح :. تعبان حيل لازم أنام من الصبح

افتر تعبت حيل اليوم .

همست بخجل بس قلبي

تغلب ؏ ڪُـلشي وبترجي حجيت :- فدوة عادي تبقي

المكالمة مفتوحة وتخليها كدامه وهو نايم حتى اشوفه

ويشوفني الصبح من يكعد .

هشام:-من عيوني ادللي .

رجع ثبت الكاميرا مقابيل الغيهب

وهو نايم ملامح وجهه هادئه

ولا عبالك هو نفسه الـ رج الشقة بصوته .

مكور ؏ نفسه وداخل بنوم عميق .

اخذت الجهاز من عمي وصعدت فوك

بدون صوت فتحت السبلت

وغيرت ملابسي بـ ملابس خفيفة

وتوجهت لفراشي خليت راسي ؏ مخدة

ومقابيلي صورته بقيت اباوعله الى ان

نغلقت عيوني وغفيت.

فزيت الصبح ؏ صوت طكطكه

فتحت عيوني الغيهب مقابيلي

يلبس ملابس تحمحمت بحماس

مكتوم بدون ما يحس وهمست :- صباح الخير .

ألتفت بسرعة يتأمل ببتسامة خفيفة:- صباحي انتِ .

بلعت ريكي بتوتر وكعدت اتبع تحركاته:- من شوكت فاتحة

المكالمة ؟

- البارحة خابر هشام يطمني عليك واقترحت ما يغلق المكالمة

ويبقيني ؏ خط ، ليكون تضايقت.

هز براسه وهو يعدل شعره:- بالعكس .

ترددت اسئلة شنو يحس بعد الصار

كمل وتقدم وهو يهمس :- شلونكم .

- زينين وانتَ شلونك ؟

- اني زين لا يضل بالكم.

- وشلون چانت اول جلسة الك .

نزل راسه وهمس:- عدت ؏ خير .

- صوتك كلش تعبان ؟

رفع ايده ؏ ركبته وهمس:- اي صح .

- ليش .

جنت احاول اخلي يحجيلي بدون ما اطلب

او أخلي يعرف اني شفت

حالته  :- رحت حجيت كلشي ويا الدكتورة اذتني بكلامها

أثرت علية وعلى مشاعري وتصرفاتي

انقهرت حيل منها الى ان وصلت حد الـ أنفجار

رجعت للبيت بـ حال لا يوصف بالكلام

بديت أصيح الى ان أنتهى صوتي ونهد حيلي نمت .

- اشرب اي شي دافي بالكي يرجع الصوت .

رد بتعب :- بس يكعد هشام نتريك سوه واشرب چاي.

هزيت براسي وسكتت

قاطع الصمت بـكلامة :- تكدرين تاخذين راحتج رايح

اكمل الفحوصات بالمستشفى.

زهراء:- غيهب ليش ما ترجع هنا تسوي العملية

حتى تكون قريب علينا.

الغيهب:- هنا اضبط وهي مو خطرة.

زهراء:- شنو مو خطرة ،  خطرة ونص

واقل غلط تروح بيها آسم الله عليك.

ابتسم وهمس بجدية:- عوفج من هذا وكولي

تخافين علية.

تهربت من السؤال وكمت بسرعة همست :- يصيحون علية

اكيد عمو يريد الجهاز مع السلامة .

بعد نظراته عني ورد :- مع السلامة ديري بالج ؏ نفسج .

سديت المكالمة وگمت بدلت

ونزلت الجهاز العمي ورجعت فوك

حسيت نوعًا ما حرارتي احسن من قبل

اباوع ؏ وجهي بالمرايه عبارة عن حب حرارة

رتبت الغرفة وسبحت ورجعت لفراشي

للظهر صعدت هاجر  دكت الباب وفتحته

شفت بيدها صينية اكل وياها جهالها  :- زهوره كاعدة .

عدلت كعدتي وهمست :- اي قلبي دخلي .

هاجر:- ناكل سوه .

ابتسمت وهمست:- ليش تعبتي نفسج لو مخابرتني انزلچ .

خلت الصينية مقابيلي وهمست:- اووو شدعوة متريدين ناكل

بـ غرفتج .

رديت واني اضحك ؏ طريقة كلامها:-وين رحتي ولج علمودج .

هاجر:- تقصدت اصعد ما اريد اگابل وجهه فرح وهل  الـ لاصق هيام .

زهراء:- تعالوا آكلوا يا حلوين .

كعدوا اثنينهم شكد احبهم وأحب هدوئهم

ياكلون بدون صوت ولا حركة .

كملت اكل وشربت علاجي وكعدنا نسولف

؏ غيهب الى ان مليت ونمت الثاني يوم

نومي صاير الحل الوحيد حتى اقضي الوقت بي .

مر يوم ويومين وتلاثه واني اتهرب من الكلام

ويا شكد يتصل ويحاول يحجي وياي وبـ ڪُـل مره

انطي عذر الهاجر وهي تتوسل حتى بس احجي

بس جنت احارب گلبـي وعقلي واخليهم يتأقلمون

؏ فراق ذاك الغيهب . 

وبيوم الجلسة الثانية نزلت جوه اترقب

الوضع عسى ولعل نسمع خبر حلو

وكل عادة بيوم الجلسة هشام يخليني

اطلگ اله يتصل .

هشام:- الله يساعدكم .

الكل حرفيا الكل كاعد يستمع ويانا

رد عمي بـ نفاد صبر:- يا ابني وين جنت والله

خلص صبرنا .

هشام:- رجعنا من الجلسة متأخرين

وطلعنا ؏ مطعم تعشينا ورجعنا بين ما سبحت وهو سبح

شربت جاي وراح نام خابرتكم .

ام الغيهب:- يا نام .

- اي والله يمه نام الغيهب لان تعبان .

ابو الغيهب:- شعجب .

- الصراحة اني هم متفاجئ بس هل جلسة تختلف عن القبلها

طلع منها مرتاح وهادئ بشكل عجيب بحيث شنو

احجي ويا يكلي اي ، وصح ، ومسموع ، وصار .

ابو الغيهب:- هاي الدكتورة تخوف ما ادري گلبـي ما مرتاح .

هشام:- هو حيل مرتاح عليها وضروري

ومن اهم خطوات العلاج النفسي للغيهب

ما نعارض راحته بكلشي يريده.

ابو الغيهب:- اذا تكدر باجر بعد ما تكعدون اتصل

علينا نحجي وياكم.

هشام:- باجر نكمل التحاليل من نرجع اتصل عليك

وما يكون خاطركم اله طيب .

ام الغيهب:- بارك الله بيك امي انتَ .

غلق المكالمة وكل واحد بينا راح المكان

واني بقيت مقابله عمي وعمتي وكاعدة

دخلت علينا ملاكً فرحانة والضحكة

تارسه وجهه سلمت ؏ ڪُـل اله اني

وكأن كاتلتها وما ادري بنفسي

تباوعلي بكل حقد وحقارة

عبالك ضرتها مو مرته الـ اخوها .

اتجاهلتها ڪُـل عادة هِـيِّ راحت العمتي

وهمست بصوت شبه مسموع :- باركيلي ماما طلعت حامل .

عمتي طارت من الفرح عكس عمي

الـ همس بخوف :- بابا عندج اطفال صغار هِـيِّ مو بس خلف

غير تكبريهم وتهتمين بيهم .

ملاك :- يابا اريد ولد يسند اخو .

- المصلحتج احجي بنتي المهم بعد ما يفيد الكلام

الف مبروك بابا .

كمت سويت كيك اني وهاجر چنت مشتهيتها

دخلت علينا هيام وفرح صايرات توم

ما يتفارقون ولا لحظة تجاهلت وجودهن

وكعدت اخبط بيها وهاجر تدهن بالقالب

فرح:- الريحة اجنن بعد زهراء خبره بـ هل مواضيع .

ضحكت هاجر وردت عني :- معدله.

فرح:- ومتمرسة هواي جانت تسوي للعالم وتبيع .

هيام:- يااا ليش زهراء شنو جانت تشتغل .

فرح:- تطبخ للعالم وتنطيهم حتى يعيشون .

ڪُـل همها تقهرني صدمتها واني ارد :- من اجمل ايام ُ ؏ــمري

الـ اتمنى تعود علية.

هيام:- يبووويي ما اتخيل الموقف زوجة الغيهب تطبخ لعالم .

زهراء:- اطبخ للعالم في سبيل ما أدخل دخيله ؏ عالم غرب

واكون ضيف غير مرحب بي وانطرد وابيع كرامتي

وابقى رغم الـ اهانة.

هيام:- شنو قصدج .

زهراء:- قصدي وأضح كوضوح الشمس يعيوني .

صبيت الخليط بالقالب واني اسمع

محامي الدفاع فرح :- عيب شلچ بهل كلام ما تستحين انتِ .

التفتت واني اضحك :- الـ استحوا ماتوا ترحميلهم .

فرح :- شوفي زهراء والله العظيم اروح اخليچ

بحلك عمي اخلي يـ لزمج الشارع .

رديت ببرود:- تريدين اوصلچ آني جاهزه

بس ادخل الكيكة بالفرن.

هاجر:- فرح اخذي هيام وبلا مشاكل صعدي فوك .

دخلت ملاك تباوعلنا كلنا بعدن رضا :- ها خييييييير .

همست واني اباوع الـ هاجر :- كملت السبحة.

غمزتلي وهمست :- ماكو شي قلبي دنسوي كيك .

فرح :- هاجر تسكتين عن الحق .

ملاك :- يا حق ؟

فرح :- هاجر مع الاسف عليج هاي بدل ما ترزليها

وأكفه زهراء رافعة خشمها وتهين بيه وبـ ضيفتكم تره عيب .

ملاك:- طالت وشمخت عشتووووووا زهراء تهين ؏ يا اساس .

عيد عد فرح من صارت ملاك وياها

التفتت تسولفلها ڪُـل الصار اني خليت الكيكة

وهمست :- هاجر قلبي عيونج ؏ كيك اريد اصعد انام .

ملاك :- تنام عليج طابوكة انتِ كلش زحتي الخجل

ورفعتي خشمج ولج لا تخليني اذكرج بالماضي .

زهراء:- يا ماضي جنت اشتغل بـ ملهى وما ادري بنفسي

ما تعرفين تحجين وتريدين احترمج وانتِ ما تحترمين نفسج

واذا عبالكم مثل قبل اني تحجون واسكت غلطانين .

فرح :- شسوي تموتينه لو تكولين للغيهب مثل ڪُـل مره

وتخبلي علينا وعلى ابو وامه اخذتي بلا خجل وخليتي عمتي تتخربط

وتفرفح بسببج بدون مخافة الله .

ملاك:- عساج تفرفحين مثل ما امي فرفحت ؏ ابنها

وتردلج أضعاف.

عاطت هاجر بعلو صوتها:- الله واكبر شنو هل دعااوي لج

ملاك ترجع الدعوة ؏ داعي اضعاف حرام عليج والله

تندفعين من هل همج .

كملت كلامها وهي تأشر ؏ فرح وهاي تخبلت

شلون هاجر تكول عليه همج كدام هيام وتفشلها

صعدت اطكطك بنعالها وتصرخ :- امير وينك

والله اليوم ما ابقى هنااا وهاجر تجاسر علية.

هيام:- كله بسببج واله انتِ ولا تستحين

فوكاها عينج صلفه وبعدج واگفه .

زهراء:- باع منو يحجي ام الصلافه

ام الكرامة ولج دخلي جوه وانچبي وخليني ساكته انتِ خززي .

ملاك :- هِـيِ خزي وانتِ شنو .

زهراء:- انتِ ما أتعب نفسي وتجادل وياج

لان اعرفج شنو مستواچ.

ملاك :- تاج ؏ راسج .

قاطع كلامنا نزلت امير صاح :- هاجر شنو هل كلام .

طلع عمي وعاط :- ها سالمين .

امير :- يابا هاجر تحاوز ؏ فرح كدام الكل

وتدفع زهراء عليها وعلى هيام وملاك .

ابو الغيهب:- عفية عليك ابني اندفع من النسوان

وصير حرمه مثلهن وبطريقك أتجاوز ؏ اختك اكتلها

اطردها اذا تحب انتِ وزوجتك براحتكم تصرفوا .

امير:- لا يابا والله نزلت افتهم منهم مو هذا القصد .

- لعد شنو قصدك هااا من نازل هل نزله شنو تقصد بيها

باع لك خوتكم حلوة لا تخلون النسوان تخرب عليكم

مثل ما تسمع من زوجتك تسمع من اختك افتهمت لو لا .

امير :- ماكو داعي يابا واعتبر الموضوع منتهي.

فرح :- شنو منتهي ڪُـل عقلك أكلك تجاوزت علية

تكول همج .

هاجر :- ما اسكت عن الحق لو ؏ كص رگبتي

البنية تسوي كيك انتِ وهيام تستهزئون بيها

لان شريفة عاشت عزيزة نفس ما مدت ايدها

ولا انطت نفسها ولا فرضت نفسها ؏ احد .

هيام:- تقصديني .

هاجر :- الـ بعبه صخل يمعمع .

ابو الغيهب:- هاجر اخذي اطفالج وصعدي فوك .

هاجر :- حاضر بابا .

صاحت ؏ اطفالها صعدتهم وصعدت

التفتت ؏ كيكة شغلتها من فوك وبقيت

واگفه :- ملاك انتِ هم بابا ادخلي الغرفة امج .

ملاك :- اني اروح يابا شبعت مغثه من هل صرصور .

تحجي وتأشر علية عاط بيها عمي

وعيونه صارت بكصته :- لج ماكو احترام شلون تجرئين وتوصفين

زوجة اخوج صرصور تدرين لو يسمعچ هيج تحجين عليها

يفصل عليج خلي محترمج لا والله أوصلها للغيهب اخلي هو يتصرف وياج.

تركت عمي ولبست عبايتها وطلعت

من البيت وهي زعلانة .

ابو الغيهب:- وانت اخذ زوجتك واصعد فوك واذا

ينعاد هل موقف الي تصرف مو حلو وياكم .

امير:- امسحها بوجهي يابا .

ابو الغيهب:- مره الثانية ازين شاربك .

امير تخبل التفتت ؏ فرح

لزمها من زندها وصعدها سحل

وهل صلفه واكفه تتفرج علينا

ابو الغيهب:- اسمعي بابا هيام اني ضغطت ؏ نفسي وعلى عائلتي

وابني وطلع من البيت الخاطرج 

لا تخليني اتندم بيوم فضلتج ؏ ابني وزوجته

لا تخليني اتندم دخلتج البيتي

لا تخليني اتندم واطلعج مثل ما دخلتج

هاي الكدامچ أم حفيدي ما اقبل دخيل ببيتي يتجاوز

حدوده وياها ، هاي أمانة عندي بين ما يرجع زوجها

ما اسمح الولدي ولا بناتي ولا الجنايني ولا اسمحلج تتجاوزون عليها .

طفيت الفرن وبقيت الكيكة واريد أصعد عمي

صاح بـ اسمي :- لحظة بابا زهوره الغيهب كعد

وخابرني  يريد يحجي وياج .

هِـيِّ سمعت هيج نحولت اله شوية عناد بيها مشيت بسرعة

اخذت الجهاز وهمست العمو:- راح أصعد فوك عمو لو سمحت .

ابو الغيهب:- اي بابا أخذي راحتج .

صعدت بسرعة اني دخلت الغرفة وماتت رجلي

خليت الجهاز ؏ ميز وبقيت افتر مثل التايهة

ما أريد احجي ويا يربي من اباوعله جسمي

كلة يقشعر واطرافي تثلج .

واني أفتر دايخة بزماني رجع دك الجهاز

مشيت غصب عني للمرايا عدلت نفسي

ورجعت كعدت ولا عبالك جنت ارجف

ومرتبكة فتحت خط بقمة الهدوء صار

وجهه الـ أسر گلبـي مقابيلي

دقايق من الصمت مجرد هو يباوعلي

واني انظر اله بـ ضياع وتلاشي

كسر حاجز الصمت وهو يهمس بـ سكون:- خليتيني احب حياتي

من جديد وتريدين تبعديني، خليتيني لگيت روُحـي وضيعيني .

جريت نفس ونزلت عيوني منه مسحت

دموعي الـ هربت من عيني تعلن ضعفي

كدام ذاك الغيهب الـ مستند ؏ ضهر التخم

يدرس تفاصيل ملامحي بـ ڪُـل تركيز

عدل كعدته وتقرب أكثر من الكاميرا

ضربها بـ أصبعه اكثر من مره

وهمس :- كثري من عنادچ تاليتچ ترجعي تعيشين بين اضلوعي.

تهربت منه بنظراتي هز راسة

وعض شفته متحسف :- هم يجي يوم وتسامحيني .

سمعت كلامة قلبي انتفض :- شگد ما اكول الـ أيام

كفيلة تنسيني وفعلًا ابتدي انسى ، ومن اشوفك ارجع

الـ صدمتي ، اعصابي ، غضبي وانفعالي

منظركم يرجع گبالي .

الغيهب:- بعد جلسة اليوم صار عندي أمل

بيوم من الأيام اكدر اخليج ترجعين تحبيني مثل

قبل واحتمال اكثر .

حبست انفاسي وهمست:- انتَ ضيعتني .

غمض عيونه ورجع فتحها وهو يهمس

وتثاقلت أنفاسه بتعب  واضح :- محتاجج اكثر من ما تتصورين .

نزلت دمعتي :- وآني أحتاجك بس ما اريدك

كارهتك بس ...

ضميت وجهي بيدي وبچيت

من جهه تعبانه من فراگه

ومن جهه مشاكل هيام وملاك وفرح الـ ما تخلص .

صك ؏ أسنانه وهمس :- لا تبچين بـ روح امج

اسمعي زهراء رفعي راسج باوعيلي

والله جاهز الكلشي تريدي اطلبي ويتنفذ .

زهراء:- مو وعدتني تحررني من ترجع .

الغيهب:- ترغبين بـ البعد.

هزيت راسي بتأكيد واني امسح

بـ دموعي الـ غرگت خدي :- اي اريد حريتي وتنطيني الـ امان .

الغيهب:- يـچرالج بس روُحـي بـ ذمتچ

اعوفچ معناها اموت وداعت امي انتهي

انتِ خليتيني اتمسك بالحياة

حتى العراق ما احبه بس  انتِ خليتيني احبه

صرت احسب الساعات حتى ارجع للعراق

واشوفج انتِ سعادتي

حاسبچ نعمة من الرحمن

تعوفيني الـ منو ما تكليلي الـ منو .

زهراء:- تعبت اني والله تعبت .

الغيهب:- وغلاتچ عندي كلشي يتغير

صوتي ما يعلى كدامچ

وبعد ما اتعارك اتفاهم

احجيلج يومي بالتفصيل

وملابسي ؏ ذوقچ

نسوان اني اكتفي بيج

غموض ماكو بـ اخر اليوم

انومج ؏ صدري واحجي كلشي

صار وياي بالتفاصيل

الـ يفتح حلگه وياج اشك حلگه

بعد شنو الـ ابالچ أنـه جاهز .

سحب نفس وزفرة بنفاذ صبر :- ليش ما تردين ليش تعلعلين كلبي .

لزمت راسي بيدي وهمست :- شكول غيهب انتَ كلت فكري

بين ما أرجع وبعدني افكاري ملخبطه بقيني ؏ راحتي .

طك اصبع مثل الـ تذكر فكرة

ويريد يوصلها حتى يحل الموضوع :- زهراء نبدي من جديد

حاليًا اني بعيد عنج وانتِ بعيده عني ، نرجع مثل المخطوبين

او مثل اي اثنين شافوا بعض ويريدون يتعرفون

؏ بعض ، تعرفي علية وأتعرف عليج تره اني هم ما اعرف

عنج هواي أشياء نخليها فرصة تعارف هاا شدكولين .

رفعت حاجبي وبضحكة هادئه همست:- اريد او ما اريد

فـ لازم أمشي ؏ كلامك لان اني بنص بيتك .

ضحك بـ أنتصار وهمس:- يا بعد بيتي والله لك ابوس هل عيون .

زهراء:- انتَ هم تعرف تتغزل .

الغيهب:- تحبين الغزل .

زهراء:- اكثر من الرزايل وداعتك .

الغيهب:- چنچ ؏ غزل اغرگچ غزل وحق ربچ الخلقچ .

زهراء:- انشوف .

الغيهب:- شسويتي اليوم ؟

زهراء:- سويت كيك اني وهاجر وانتَ .

الغيهب:- كعدت متأخر سبحت وأكلت شوية

وطلعنا شربت گهوة وبوجهي للدكتورة وأخذت الها

گهوة وياي حتى أكون صريح وياج .

زهراء:- كمل ليش سكتت منتظر اتعارك وياك .

الغيهب:- ردت اشوف رد فعلج حتى اذا يضوجج

الموضوع ما يتكرر .

زهراء:- هِـيِّ دكتورتك بسسس مو ؟

الغيهب:- أكيد قابل شنو .

زهراء:- لعد كمل .

سحب باكيت الجكاير شغل وحده

وهو مركز بعيوني :- وبدات الجلسة خلصتها متأخر لان ڪُـل

شوية اخذ استراحة بسبب وجع رأسي من خلصت

هشام مشتول بره وجوعان كعدنا بمطعم اكلنا ورحت

اشتريت ملابس ورجع سبحت وغفيت.

بلع ريكة وهمس بصوت سلس :- حلمت بيج .

زهراء:- انتَ ما تفارك أحلامي .

الغيهب:- عادي تسولفيلي عن الغيهب الـ عايش بـ احلامج .

اومأت براسي ورديت بـ لين :- يختلف عنك تمامًا مثل ما جنت

اتمناك اول ما أحتضنت عيوني نظرات عيونك

صاحب ضحكة حنونة

صاحب حنان واهتمام

صاحب كلمات جميلة

صاحب حب واحتواء

تدري شكد اسمع كلمة احبج من الغيهب الـ عايش بـ أحلامي

هووواي اسمعها اكثر كلمة ينطق بيها احبج .

الغيهب:- ما أملك غير الكلام بـ هذا وضعي اوعدچ

بس أرجع اكون احسن و أفضل من غيهب احلامج .

خليت ايدي ؏ خدي وهمس :- اذا بقينا سوه.

الغيهب:- أدعي الرحمن ما يزيل النعمة عني

وأعيش فرصه سعيدة أخيرآ وياج

انتِ الوحيدة أريد أكمل باقي سنين عمري وياها بدون ملل ولا كلل .

زهراء:- ليش هسة ليش بعد ما طفيت گلبـي

ودكاته الـ من تشوفك احس يريد يطلع من مكانه

ويحضن غيهبه وما يكتفي .

الغيهب:- ادركت انتِ أشرف وأحسن أمرآة قابلتها بـ ڪُـل

حياتي ومن المستحيل الـ تقي بـ الأحسن منج

مو انانية بس محال أترك جوهرة مثلج .

زهراء:- بس صار دورك تتعب .

الغيهب :- أقبل أغوص معارك روحج

وأرجع اعيش بـ نص گلبچ .

دخلت هاجر فجأة وصاحت بقهر :- شفتي هل ادبسزيات شسون .

وكفت بسرعة عضيت شفتي وهمست:- اشششش غيهب ؏ خط .

خلت ايدها ؏ حلگها وطلعت ابتسمت بوجهه

وسديت الباب رجعت كعدت مرجع ضهرة ؏ تخم

باوعلي بشك وهمس بخشونه :- شصاير ؟

زهراء:- هاجر وفرح صار بينهن مشادات بـ الكلام

وعمي حلها بدون مشاكل .

قلص عيونه وهمس:- وانتِ .

زهراء:-اني ما ألي دخل كلت چنت اسوي كيك .

الغيهب:- ما حجوا وياج .

زهراء:- لا عمي موجود .

الغيهب:- زهراء اذا وحده حجت وياج

لا تسگتين عنها رديها واذا فتحت حلگها

وياج بس كولي افرگلج حلكها فرك .

زهراء:- ما يهموني.

رجعت هاجر بيدها الكيك درت الكاميرا

ضحكت وصاحت:- هلا بالمحامي غيهب شلونك عيني شخبارك .

الغيهب:- هلا بـ هجر اني تمام انتوا شلونكم .

هاجر:- الف الحمدلله بخير ناقصنا انتِ وتكمل .

ضحكت والتفتت عليها همست بصوت يوصل

مسامعها بس هِـيِّ :- ويكمل العرس ؏ حسب الأصول.

نغزتني وابتسمت قطعة الكيك وهمست :- اكلي بس احنه

نستحق ناكل من هل كيكة.

الغيهب:- كيكات ياكلن كيك الف عافية.

كام هو ورجع بيده كيك وببسي

ضحك وهمس:- شهيتوني بس انتوا تاكلون اني هم اكل .

هاجر :- الف عافية .

الغيهب:- هاي الـ يمج ام خشم العالي الـ يرفرف بالعلالي

كرصيها بالجذب ما تكول بالعافية .

اشرت بيدي ورديت بضحكة :- اكُل وانتَ ساكت أستاذ.

بقيت اني وهاجر نحجي ويا للفجر هِـيِّ صعدت

واني اجيت كتله :- يلا روح نام باجر وراك تعب .

الغيهب:- عوفي الكاميرا مفتوحة مثل ذاك اليوم

لازم نتعود ؏ بعض مو .

ابتسمت وكلبي يرفرف عكس وجهي

چني بومة كاعدة كدامه مشيت بدلت ملابسي

تحت انظاره والتفتت لكيت عيونه ذبلانه

بخدر وهو يباوعلي سويت روُحـي اشغل الشحن ؏

جهاز وطكيتها ضحكة بدون ما يشوفني

توجهت لفراشي نمت وغطيت نفسي

وهو بعده صافن :- شبيك .

الغيهب:- بنفسي حجي اذا ابدي ما أخلص اله

وأني حاجز طيارة للعراق صيري عاقلة

ها يا حلوة تره گوه لازمني هشام ما أرجع .

زهراء:- تره مو قصدي بس ردت ابدل ملابسي

وما اريد أغلق المكالمة في سبيل ما تكول متريدني .

هز راسه وكام اخذ الجهاز

ويا ودخل للغرفة بدل ملابسة

ضحكت هو ضحك وطلع السانه

نام ؏ جرباية وصار هو مقابيلي

واني مقابيله:- تصبحين ؏ خير سعادتي.

زهراء:- تصبح ؏ خير يا لعنة حياتي .

نمت بيومها بدون تفكير

بدون تكلفة كعدت ؏ صوت هشام

يكعد بي غطيت روُحـي بالچرچف

الغيهب:- شبيك هشام ما تشوفني نايم .

هشام :- ما تشوفني متورط بيك وعايف

نومتي حتى نكمل التحاليل ونخلص ونرجع .

الغيهب:- عايش حتى تعايرني.

هشام:- دگوم كوم بسرعة اسبح وبدل

حتى نطلع .

طلع واني بعدني مغطية راسي:- اطلعي راح .

عبالك ضام وحده :- لا تحجي هيج وياي .

ضحك وهو يوكف :- انتِ مغطية نفسج شسويلج .

زهراء:- اي غير ما لابسه شال .

الغيهب:- صباحي مناكر ويا أجمل نساء ألعالم.

زهراء:- ما متعودة ؏ كيفك وحده وحده.

الغيهب:- حاضر .

كالها وراح للكنتور طلع ملابس وهمس :- البس هذا

الون الـ بيجي لو الـ اسود .

زهراء:- قميص بيجي وبنطرون اسود يجنن يصير .

الغيهب:- صح الصح ، داخل اسبح لا تروحين .

زهراء:- واني اريد اسبح .

الغيهب:- يلا تعالي نسبح سوه .

خزرته ورحت طلعت ملابس ودخلت سبحت

طلعت لكيته يلبس بالقميص:- طولتي هوواي ظل بالي يمج.

زهراء:- غسلت الحمام قبل ما أسبح حلوات عليك الملابس .

الغيهب:- گدامج الملابس وصاحبها .

سرحت شعري كدامه وهمست :- راح انزل اتريك .

الغيهب:- نزليني وياج .

رديت بضحكة:- شطلعت هاي انوب حتى من انزل .

هز راسه ورمش بعيونه:- بس اني استحي احجي وياك

جوه ما متعودة وحتى اخاف ينصابون بجلطة مثل

ما اني ڪُـل شوية انضرب صداع نصفي من الصدامات والتغيرات .

الغيهب:- لا تحجين بس خليني اباوع عليج ، وبنفس الوقت

احجي وياهم شصار عليج اريد أشوف أهلي.

زهراء:- يابا انزلك شبيدي عليك .

اخذت الجهاز ونزلت عمتي وعمي كاعدين

يتريگون خليتهم مقابيله عمتي شافت الغيهب

لو طارت من الفرح كعدت تسولف ويا وهو منطلق يحجي وياهم

ويضحك ويسولفلهم ؏ أجواء هناك شلون حلوة .

طلع يتريك هشام منتظر واثنينهم ياكلون ويسولفون

كعدت ويا عمتي وعمي اكل طلعت هيام

همست بصوت خافت :- صباح الخير .

ردوا عليها وراحت غسلت وكعدت ويانا

كام الغيهب غسل وصاح ؏ هشام :- لك تأخرنا ساعة

عن الموعد أستعجل.

هشام:- يلاا راح اغلق المكالمة ادعولنا.

ام الغيهب:- ربي يسهل طريقكم يا يمه وعسى ما تشوفن

غير الخير وتسهيل الـ امر بكل خطوة سلامة امي انتوا

نظر عيوني .

سلم الغيهب ورجع همس :- خبالو اكل زين اريد بيك لحم .

خليت ايدي ؏ وجهي وخربت ضحك غمز الـ ابو وسد المكالمة

طلع واني اكلت شوية وكمت ارتب بالمطبخ صاير هوسة

من البارحة وست هيام يوم كامل رافعه خشمها وما تحجي ويا

احد كاعدة بغرفة عمتي تلعب بتلفونها .

للظهر رجعت فرح اني اطبخ دخلت بسرعة

خزرتني وبدون لا سلام ولا كلام صعدت

دخل امير وراها همس :- السلام عليكم .

زهراء:- وعليكم السلام عيوني ، بدلوا وتعالوا راح اصب غدا.

أبتسم بلطف وهمس :- عاشت ايدج زهوره.

صعد واني صبيت الاكل خابرت ؏ هاجر

كالت مسافة الطريق بين ما كملت هِـيِّ وجهالها دخلت

اخذتهم منها بدلتلهم وهي صعدت تبدل

كعدنا كلنا ناكل بس هيام صعدت الفرح

فوك يخوفن ما اعرف شنو خطط الـ براسهن .

بس جنت مخلية بالي وياهن وحذره

من سمهن ما غفلت عنهن ولا دقيقة

وغرفتي ڪُـل ما انزل اقفلها

ملابسي الخاصة اشرهم بغرفتي

واكمل ڪُـل واجباتي اتجاه عيالي

حتى ما يصير مني تقصير بيوم .

بنهاية يومي يكمل بمكالمة الغيهب

نسولف كلشي بالتفصيل وكأن اول مره اتعرف

علية وهو يتعرف علية من جديد

نضحك سوه ونزعل سوه

واذا اغيب ينقهر وما يبقي

واحد بيهم ما يتصل علية

يكلهم اريد زهراء .

تعلم يحجيلي كلشي

وبالمقابل علقني بـ  صوته

جنت أحبه صرت مدمنة علية

من كلت ؏ غيهب لعنة حياتي

قصدتها بالمعنى الحرفي

وهل لعنة بدت تزول واصبحت

قصة عشق اتمنى تتوج بالأخير بخير .

اليوم يوم الـ عملية عيوني ما كدرت تاخذ نوم

مگابلته وصافنه بوجهه ما ردت اضيع لحظة

وحدة بعيد عن وجهه هو نايم بكل راحة

الى ان دك المنبه عدلت نفسي ومسحت دموعي

وهمس :- حبيبي .

فتح عيونه وهمس :- راح انام نص ساعة بعد ورجعي كعديني .

ابتسمت وكلبي يخفق خايفة بشكل رهيب

بس ابد ما اخلي يحس عليه :- دمشي وراك سبح يلا  .

گام بتملل وهمس :-  امري .

راح يسبح اني كمت بدلت بسرعة

وعدلت الغرفة رجع بدل على

سريع وهمس :- زهراء اريد احجي ويا أمي وأبوية.

اخذت الجهاز وأني أرد مستعجلة:- نازلة.

نزلت ؏ درج سريع الكل كاعدين

يتريكون رفعوا راسهم يباوعون علية :- هذا الغيهب .

ابو الغيهب:- راح يروحون .

زهراء:- اي لازم هسة يطلع .

غص عمي بـ لكمته وعمتي ابتعدت ؏ الميز

ودموعها نزلت ؏ خدها خليته مقابيلهم

هو مبدل ومكمل :- سوده بوجهي يا يمه تسوي عملية

ومحد يمك كون هسة روُحـي أطير وتجي عندك .

ابتسم بطمأنينة وهمس:- دعائچ كافي يا غالية .

أمير:- ولكم هذا وحش عملية شنو بالنسبة اله اخوي ذيب .

عمي كلمة وحدة ما نطق

قابض ايده وكاعد يباوع بوجهه :-ها يابا .

غرگت عيون عمي بالدموع

همس وصوت العبرة الـ حارب حتى ما تنسمع

طلعت وصارت واضحه :-ها روح أبوك تطلع بالسلامة يابا تطلع بالسلامة.

الغيهب:- بابا لا تخافون بس ، اذا صار علية شي

والله اخذ أمانته خبالو لا تزوج خليها بعيونك

ودير بالك ؏ ابني امانة الله ورسوله .

عطت ودموعي تحجب نظر عيني:- شنو هذا الحجي

غيهب مو أتفقنا ترجع وتعوضني.

الغيهب:- فدوة الـ هل دموع ، مو بس اعوضج وعد وهاي

كدام الكل اخليج حالج حال الملكات .

مسحت دموعي ورديت بزعل:- لعد ارجع بلا حجي زايد

ودللني لا تتهرب خووشششششش .

ضحك وهمس بـ سلاسة:- يچرالج ، ما تخلون واحد

يمثل مصيبة كبرى انتواااا اروح للعمليات احسن .

اجه هشام يحجي وياهم هو راح يلبس

حذاء:- بابا هشام دير بالك ؏ اخوك

وبداعت اطفالك لا طول علية وأتصل تره راح ننتظر بالضيم

وامك مريضة ما تتحمل هل ضغط .

هشام:-بس يطلع من صالة العمليات اخابركم .

ام الغيهب:- أعتمد عليك اني يمه شيل اخوك بين عيونك .

هشام:- بدون ما توصين يمه انتوا ادعوا اله تعدي سلامات.

سلم وراحوا غيهب بعد ما طلع سد عمي الجهاز اني

وكفت وهمست :- عمو راح أصعد أصلي وأقرا قرأن

فدوة من يخابر هشام انطوني خبر .

ردت علية عمتي وهي تبچي :- اي أنتِ يتيمة صلي

يا يمه تسهل هل عملية ويرجع بالسلامة.

هزيت براسي وبعد ما أكدر احجي

صعدت فوك وحاولت لا بـالاصح حاربت

حتى ما ابچي بس دموعي تعاندني وتنزل

صليت ودعيت ربي بكل حرگت قلب

وصليت صلاة قضاء حاجة

وصلاة هديتها الـ ام البنين

لزمت القرآن الكريم وكعدت أقرأها

سورة البقره بالكامل خلصتها

وهم ماكو ڪُـل  شوية اصيح

؏ عمي ما خابروك

يرد بعدهم وارجع اكمل قراءة القران

الى ان خلصت روُحـي وصار اليل

حسيت نفسي بعد خلص صبري

سديت القران وكعدت ابجي

روُحـي تحطمت وجع بـ بطني

بسبب الـ أنتظار.

والساعة ثمانية بليل أتصل هشام

صوت وصورة اول ما صاحوني

نزلت أركض شفت هشام وجهه صاير

اسووودددد من القهر والتعب

عاط علية عمي :- ولك مو كلت خاابرناا ليش هيج يوم كامل ولك

يوووم كامل امك مرتين تخربطت عليكم .

هشام:- يابا هم أخذوا من عندي من الصبح 

وبعد ما رجع من اخابرك شكول راح الغيهب وما رجع .

ام الغيهب:- وهسة اخوك وين .

هشام:-نزل الدكتور احجي ويا وين أخوية

يكلي حرارته عالية وضع الغيهب غير مستقر

زين أكدر أشوفه يرد عليه ما نكدر بالوقت الحالي

بعده بالبنج بعد ما لحيت شوفني من وره الشباك

الغيهب ينفض من البرودة يرجف رجف بصورة جنونية

ومخلي رجله زرگه ومستمرين يضربون أبر عفت كلشي ونزلت .

أبو الغيهب:- لا تخبلنييي والله هسة احجز طيارة

؏ اعصابي كاعد اخوك وين .

هشام:- مو بيدي وحق الله مو بيدي بعدهم بالعمليات

خابرتكم حتى تدعون تعدي ؏ خير ويطلع بالسلامة .

واحنه نحجي صاحت ممرضة بـ اسم هشام

راح حجه وياها تركي ورجع يحجي ويانا :- رايح الصالة

العمليات يريدوني الله يستر من الصاير گلبـي راح يوكف يابا .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _33_

أنسى نفسك بين اديه

خلي عطرك يبقى بيه

ماريد الوكت يخلص

وعينك بعيده عليه .

...............................

زهراء...

واحنه نحجي صاحت ممرضة بـ اسم هشام

راح حجه وياها تركي ورجع يحجي ويانا :- رايح الصالة

العمليات يريدوني الله يستر من الصاير گلبـي راح يوكف يابا .

عطت بفزع وايدي ترجف اخذت التلفون

من عمي وصوتي بالشافعات ينفهم :- لا عفية لا تسد المكالمة

يوگف گلبـي هسة ، بداعت اطفالك نزل التلفون

وبقينا وياك الله يخليك .

اشر بيده بعلامة أهدي:- كولي يا الله زهراء ابقي والله

ما ينغلق بس لا تبجين هيج .

هزيت براسي وهمست:- روح شوف شبي استعجل فدوة .

هز براسه وصعد فوك شاف الدكتور وكلشي

ما افتهم شنو يحجي ويا الى ان خلصت روُحـي كعدت والتلفون

بيدي يرجف رجف لحظات ترقب مميتة

جنت احس روُحـي تطلع الى ان كمل

باوع علينا ببتسامة وهو يمشي بسرعة :- منزلين الغيهب للغرفة

ركض للمصعد يريد ينفتح ما صبر نزلت دموعه مسحهن

بطرف ايده وركض ؏ درج فتح الباب وضحك

وهو يتقدم :- لك ابو الشباب شنو تسرسحت .

رد بصوت مو واضح ابد :- هشام غطيني بردان.

راح هشام تلمس راسه ذب التلفون وهمس :- لك صاير نار

حرارتك عالية.

رجع همس بصوت مرهق:- غطيني بسرعة.

ابو الغيهب:- بابا غيهب تسمعني الحمد لله ؏ سلامتك حبيبي .

- الله يسلمك .

عدل هشام التلفون مغطي بطانيات اثنين

ويرعش طلع رجله صايرات زرك من

البرد مخلي ؏ مخدة بس التخدير بعده

ما رايح حتى ما يكدر يثبت رأسه

جسمه راخي .

الغيهب:- اريد انام هشام تعبان حيل تعبان .

- أروح اجيب العلاج الدكتور وصاني لازم

ينطي آلك حتى تنزل حرارتك

رجع هشام اخذ التلفون وطلع

اخذه عمي ورجع يستفسر منه :- ها بشرني .

- ما ادري يابا هسة طلع من العملية

انتظر كم ساعة بين ما يصير زين

ان شاء الله وأبشرك.

ام الغيهب:- هشام بسرعة اخذ العلاج واكعد يمه

اخاف يحتاج شي وماكو مساعد ويا سودة علية .

هشام:- اي هو حتى ما امشي اركض في سبيل

اخلص بسرعة وأرجع اكعد ويا .

انتوا روحوا من يصحصح ويكدر يحجي اخابركم

لا يضل بالكم علينا هنا الدكاتره كلش زينين .

كعد عمي يحجي ويوصي بي ويستفسر

؏ فلوس  العملية وشگد كلفتهم

اني عفتهم وطلعت للمطبخ شربت

مي حلكي يبس من الصبح الـ هل ساعة

؏ لحم بطني ، واني بقمة حركان گلبـي

وقهري وكسرتي ودماري وحالي الـ مبهذل

؏ الغيهب اسمع صوت هل ما تسوه فرح

تعوج حلكها علية :- الـ يشوف الطم والبجي

وصخام وجهج قبل شوية صايرة نبي

قرأن وصلاة ، ما يكول هاي يمشي ويخون بيها

يمشي ويسحل بيها ، لج صوت صراخج جان يفزز الميت

ههههه سحل بيج الدنيا سحل .

اباوعلها وروحي صارت بخشمي

كلامها حفر گلبـي حفر فتح ڪُـل

جروحي النايمة انتفضت

وشفايفي ترعش بقهر مضموم

حاولت اسكت لان الوقت مو مناسب بس

ما تحملت وفقدت اعصابي واني

أتقدم عليها همست بتحذير :- شايفه هذا النعال هسة أخذه

من الكاع ودك ؏ وجهج يا طايحة الحظ يا تربية سزززز .

وسعت عيونها مصدومة من ردي

وعبالها اخاف منها عاطت بعلو صوتها :- انتِ تضربيني

بالنعال لج اني شكبرني تجي زعطوطه

مثلج لا فهم ولا علم تضربني بالنعال .

طلعوا كلهم من الغرفة وبعيونهم

علامات الصدمة رديت عليها

وما اكتفيت بـ الرد القديم :- اي وروح امي بالنعال وعلى

راسج جبيرتيش تريدين احترمج وانتِ نفسج ما محترمتها .

امير واكف يباوع علينا متردد يدخل

لان لمحت عمي التفت علية خنزر علية

يحذره ما يفتح حلگه .

كملت وروحي فرفحت:- تعايريني هاي بدل ما توكفين وياي

وتنصحيني لان انتِ اكبر مني وعندج خبره بالحياة

اكثر مني  تجين وبعين صلفه تشمتين بيه ليش بشنو أذيتج

شنو الـ بدر مني وصلج المرحلة تحقدين علية

وتشيلين ڪُـل هل حقد ما قصرت وياج انتِ بالدوام وجهالج

عندي تخليهم ترجعين ماكلين وسابحين ونايمين

بعد ليششش هل حقد عييييب علبج والله عيب .

دفعتها هاجر وصارت مقابيلي

لان حالتي صارت يرثى لها:- بس حقد بس غل ، وغيره ، وسمم

هل نماذج حتى ؏ ضرب يحسدون ويغارون ينقهرون لان ما ينضربون .

زهراء:- هي ما تشوف حالتي حالة

هلكت والله هلكت من الصبح الـ هل لحظة

؏ لحم بطني واني حامل تبهذلت يا حسد هذا

تكليلي سحل بيج الكاع تستهزئين لان سحلني .

فرح:- لا تاكلني وتشربني افتهمتن لو لا اكلج

شفتي منه زين وتبجين .

زهراء:- اني هنا اعذرج لان لو مجربة تحبين شخص

من ڪُـل قلبج وتنطي ڪُـل طاقة حبج وحنانج وتعتبري

ڪُـل اهلج وناسج ما تسوين هيج وما توكفين مقابيلي

وتنطقين بتفاهاتج يا تافهه .

كملت هاجر بكل حرقة قلب

تحجي وتأشر بيدها ؏ غرفة عمتي:- ما تشوفين معلعلين ولج

معلعلين من الصبح الـ هل ساعة وابنه بالغرب وحده

بين الحياة والموت بدل ما تكومين تسوين لكمة الـ امة والـ ابو

والـ اخو ياكلوها تسممين بيهمممم انتي تزيدها بمشاكلج

ندري عندج حقد وسم لازم تفجري هسة

بيج خير خلي يرجع الغيهب وتحجين كدامه يتصرف وياج

تصررررررررف مو خوووششششش تعرفين يعني شنوو

تصررررررررررررف مو خووووش .

فرح :- ما تعرفين تحجين لج شنو تهدديني بالغيهب

ما عندي رجال وتريدي هو يتصرف وياي .

تقربت هاجر منها وهمست بصوت يوصل مسامعها

وبس بالكوه سمعتها شنو تحجي وياها :- هههههه عبالج ما مفتهمتج

ڪُـل هذا السم عود شوفوني وصلوها للغيهب  تريدين

تسوين بلبله بين الأخوان اصلا أمنية حياتج الغيهب

يتصرف وياج بس هو ما شايفج بمزاجه

اذا اخليج برأسه يطفرج بـ ليلة ظلمة.

هجمت تريد تضربها فزت هاجر ورجعت

ليورة مردت رجلي طفرت وما احس

غير طرف الشباك دخل بنص ظهري عطت بوجع

ومن الصدمة الـ اشوفها بهتت واني اباوعلهم

هجم امير سحبها من ايدها

وشمرها ؏ حايط وهو يصرخ بوجهه :- صدمتيني شنو

هل حقد الـ بعيونج .

ضربها ؏ عينها وكمل كلامة متفاجئ :- لعبتي نفسيييي

بهذا حاجبج رافعته وبس انتِ وبس وتعايرين بهاي

وتغلطين ؏ هاي عايفج مووو تعايريها بالضرب

وسحل بيج الكاع نسيتي اني اخووو وهنااا

وحق الله منا ابدي بيج اسحلج سحل للشارع

اشمرج بطرك ملابسج هاي .

فرح:- انتَ هم وياهن ما تشوف يتفقون علية

زهراء تبدي وهاجر تولعهااا انتَ زوجي

المفروض توكف وياي مو ضددي امير .

امير:- عسى امير يشيع جنازتج يا طايحة الحظ

هسة تولين فوك تلمين ملابسج واشمرج

؏ بيت اخوج عووودددد خلي يتحملج ساعة

وحدة .

صعدت ؏ درج وهي تبجي وتصرخ :- تعايرني بـ أخوية

غصبًا ما علية يتحملني اني واطفالي لعد شعبالك

اني بلا اصل وفصل مثل الكح... زهيرررررة

هجمتتت بيووتناااااااا من دخلت لليوم .

انوب خجلت من يمي ؏ كلامها استصعبت الموقف

فوك ما هم مشلوع گلبهم نجي احنه نتعارك

حتى عمي منا هو تعبان ومنا مصدوم من عدنا بقه ساكت .

وعمتي حتى ما طلعت من الغرفة

وهيام ختلت بلا صوت ولا نفس

عفتهم وصعدت فوك هم رجعوا المكاناتهم

تقابلت وياها صعدت بسرعة

انوب لا تشمرني من الدرج

نزلت وهي تبجي وتتحسب

وصوتها يلعلع بلا خجل ولا حياء.

فتت للغرفة وسديت الباب

نزعت دشداشتي لكيت

ضهري مزروف والدم

يجري اخذت ملابس

ودخلت للحمام سبحت وكفت جوه مي دافي

حسيت الوجع قل احسن من قبل

نشفت ولفيت نفسي وطلعت

والحمد لله عندي لاصق جروح

شلون ما كان خليته وبدلت

تعبت وخلصت طاقتي

ما صدكت خليت راسي ؏ مخدة

اريد بس انام وجع راسي يختفي

من وره البجي والهبوط

نمت وما كعدت اله واني احس الحرارة تاكل

بجسمي اكل رحت بسرعة غسلت وجهي

ورجعت اخذت مسكنات عند الحاجة

وكعدت اشرب مي بارد اريد

گلبـي يبرد نار ومشتعلة بي

اباوع ؏ ساعة دنيا فجر

والجامع يقرأ قرأن خليت شال ؏ راسي

ونزلت لكيت عمتي كاعدة بالمطبخ

- ها زهوره شكو شصاير ليش كاعدة بيج شي .

- رجعت حرارتي ارتفعت وما اكدر انام

اكلج عمة هشام هم خابر عليكم .

- اي خابر ب2 بليل الغيهب حجه ويانا

وسأل عليج عمج گله نايمة .

- عمة اخاف يفكر نمت لان ما أهتم

بـي شلون صار ونوب يتنحس .

- لا امي غير عمج ما قصر

كال البنية تعذبت من الصبح

قران وصلاة وبجي وهشام

يحجي هم لا تفكرين هيج

هو بذات نفسة كال عــوفوهــا

خلوها ترتاح لا تتخربط .

تنفست براحة وهمست بخوف

واحتراس:- عمة اريد اكمل نومتي بس مرعوبة

أخاف انام وهم ما أكدر اكعد نفس ذاك اليوم .

- اخذتي علاج .

- إي اخذت.

- باجر اخلي هاجر تاخذج للدكتورة هم تطمنين

؏ طفل وهم تعرفين شنو ببطنج ولد بنية

حتى نعرف اندلع من هسة 

الأميرة لو الأمير.

ابتسمت واني احك راسي

بتوتر :- لا ما اريد اعرف من أولد عود شنو يجي هلا بي .

- براحتج ، أخذي مخدة من الغرفة

وتعالي نامي هنا يمي راح اصلي

وأقرا قرأن شوية ابقي كدام عيوني .

- بس فدوة اقري بصوت عالي .

أومأت بهدوء عفتها ورحت بسرعة

اخذت مخدة من الغرفة لكيت هيام

نايمة لابسه عود دشداشة خفيفة

مال نوم بس هيج بيضة الـ گلوبات

طافية بس هِـيِّ بيها ضوة

وشعرها اصفر مفروش ؏ مخدة

تشبه الممثلات الـ أجنبيات.

طلعت بسرعة قبل لا تحس

علية خليت المخدة بالصالة

وغطيت نفسي زين

بس سمعت صوت عمتي تقرأ قران

نمت براحة حسيت بالأمان

وما كعدت غير الساعة 10 الصبح

غسلت وشفت عمو يگلب بجهازة

وكفت فوك راسة وهمست ببتسامة ذابلة:- صباح الخير عمو .

باوعلي ورجع يباوع ؏ جهاز :- صباح الخير بنتي .

- عمو شوكت احجي ويا الغيهب .

- هسة اخابرهم اذا حصلت هشام يخليج تحجين .

اشرت بيدي يستعجل ضحك وهمس:- من توصل للغيهب تفقد

من الحماس تشمر بيدها علية .

ابتسمت بخجل واني اطكطك بصابيعي

أتصل عليهم شوية ونكطع بقيت

كاعدة يمه بالربع ساعة اسولف ويا

رجع اتصل هشام فتح خط وسلم علية

وبعد السلام همس :- الغيهب كاعد .

- اي يغسل بوجهه بالحمام .

طلعت راسي وهمست :- صباح الخير .

ضحك ورد وهو يعلي صوته :- هلا بخبالووو اكو جماعة

حلموا بيج البارحة .

الغيهب:- هشاااااااااام اريد منشفه .

اخذها وراح صار قريب من عنده همس:- خبالو تريدك .

- عوف التلفون هناك واطلع نريد ناكل جيب ريوك

وخليني احجي وحدي يلاااااا .

طلع هشام وهو راح للتلفون سحبه

شاف عمي سلم علية :- شلون صرت بابا .

رد بـ ضعف وإرهاق:- والله يابا بعدني أيدي

مأذيتني ، وصارت زركة ، وحرارة عالية بيه

الدكتور يكول لان دخل شي غريب ؏ جسمي .

- كم شبكة.

كعد ؏ جرباية وهمس :- أثنين صمامات واثنين شبكات

بس زرفوها الـ ايدي زرف اريد احركها ما أكدر.

- يرادلها صبر بابا البارحة سويت العملية

قابل تريد اطيب بسرعة .

- اريد ارجع طكت روُحـي .

- خلص جلساتك وتلحگ ؏ رجوع .

- الله كريم

تحمحم وهمس بدون تفكير:- خبالو وين .

فر عمي الكاميرا وهمس:- هاي خبالو هاج التلفون

اخذي وصعدي فوك لا دوخيني انتِ ويا .

واني ما صدكت بسرعة سحبته وصعدت

للغرفة سديت الباب ورغم بيه الم ما ينحمل

نسيت كلشي وكعدت اباوعله:- الحمدلله ؏ سلامتك غيهوب .

رمش بكل هدوء بعيونة وعدل

كعدته وهو يثبت التلفون مقابيلة همس :- خبالو الله يسلمج

احجي بعد اريد أسمع صوتج .

غلقت عيوني بخجل وهمست :- بالي يمك من التعب نمت

ما عبالي تكعد بليل .

احط ايده ؏ خدك وهمس وهو يأشر ؏ عيونه

بـ اصبعه:- عيونچ  .

زهراء:- تعبانات ومورمه ما ادري من الحمل

من قلة النوم والخوف صايرة فلم .

الغيهب:- عيونچ رب الـحٰسن سعادتي تريدين تموتيني ؟

زهراء:- اسم الله ؏ گلبك غيهب ما اريد أشوفك

تعبان وضعيف شوكت أرجع اشوفك بكامل

قوتك وصلابتك.

الغيهب:- بس ارجعلچ رجعيني

مثل ما تحبين أكون فصليني  .

- أريدك سالم .

ضحك بمكر يريد يغير الموضوع:- تموتن ؏ سالم الكامل

القوي والصلب .

ضحكت بعلو صوتي وهمست :- شكد ما تستحي .

مسح ؏ وجهه بقوة وهو يهمس :- راح اموت أريد

أرجع اعرس عليج بوووياااي اذا الزمج زهراء

نبقى سنة اني وياج بالغرفة.

زهراء:- اوووووو اروح أحسن اليوم ماكو

كنترول ؏ السانك .

دخل هشام تحولت ملامحه للجدية وهمس:- اخذي راحتج

وديري بالج ؏ نفسج .

- ماشي وانتَ هم دير بالك ؏ هشام

لا تعاند وتشلع گلبه .

هشام:- يبوووو زهراء خاب فدوة الكلبچ ، هذا مو بس شالع گلبي

مهسترني بالعناد  .

الغيهب:- انچب لك لا تروح زايد فدوة الكلبچ شنو

وانتِ روُحـي الـ سويچ  بس تتمضحك .

سديت المكالمة ونزلت واني أضحك

شافتني عمتي ضحكت ؏ ضحكتي وهمست :- ها ولج .

رجعت الجهاز العمي وگعدت ويا عمتي

وهاي الصفرة هيام مقابيلي تخوزر بيه :- تعارك الغيهب وهشام

وضحكت عليهم ولا يكعدون راحة .

- يا ليش تعاركوا .

كعدت اسولف الها وهي تضحك احب

ضحكتها حلوة تحسسني الدنيا بعدها بخير

كملت سالفتي وكمت نظفت البيت وطبخت

وعمي ڪُـل شوية يجي يطمئن علية :- ها عمو محتاجة شي

اذا تعبتي كعدي وارتاحي.

- لا تخاف ما اتعب نفسي أساسًا كملت وصاعدة ارتاح

بين ما يرجعون الجماعة من دوامهم .

واول ما كملت صعدت بسرعة سبحت

وتمددت اباوع بتلفوني واسمع اخر اخبار

رجاء:- لج أحتمال راح يخطبني رسمي اصير زوجته .

زهراء:- احلفييييي أيهاب كال .

رجاء:- من زمان متفقين ؏ خطبة بس تعرفين

بسبب المشاكل الصارت أجلنا الموضوع كله بس

هسة صار الوقت المناسب أكون الـ ايهاب .

زهراء:- عاد والله مو مجاملة إيهاب ونعمة منه

زلمة معدل وصاحب نخوه ويحبج هواي

من طلعنا للنجف والنبي رجاء يباوعلج ويرجف

عليج لو ما عيب يشيلج ويمشي حتى ما تعبين .

رجاء:- ڪُـل هذا قليل ، لو تعرفين ايهاب شصار الي

زهراء هو ام واب وصديق وحبيب ايهاب كلشي

معزته جبيررررة بكلبي شگد ما احجي قليل بحق

هل انسان .

زهراء:- بكل وقت وكل ساعة أدعي ربي يجمعكم سوه

وما يفرقكم وكون ڪُـل العقبات تنزاح عن طريقكم

ويتم كلشي بخير وسعادة .

رجاء:- اذا صارت خطبة ما تعوفيني وحدي زهراء مو ؟

زهراء:- اني اعوفج امداني اي والله

وعد اكون ام واخت واوكفلج وگفه ينرفع بيها راسج بالعالي .

ردت علية وصوتها بي عبرة بچي :- ما انحرم منج .

زهراء:- ولا منج يا شمعة حياتي.

هل كلمة قبل جنت احجيها الـ امي وماكو شخص

يستحقها غيرج بهل وقت يا حبيبتي .

يلا عطلتج اخذي راحتج .

رجاء:- زهووو احبج .

زهراء:- واني بعد يا حبيبتي .

سديت المكالمة ورجعت اتصفح

انفتح الباب وصارت ضحكت هجورة كدامي :- بزونتي بالغرفة .

شمرت التلفون وآني أكوم بصعوبه

اشرلها بيدي :- دخيلج أكره البزازين وطاريهن .

- رجعت تعاي كعدي وياي ما اريد أبقى وحدي

والحيايه مقابيلي .

رديت بستغراب :- مو بقت بس حيه.

هاجر:- لا وين رجعت فرح تكول والله اهلي مو كفيلين

بـ اطفالكم انطوني مليون اصرف ؏ اطفالي هناك وعود اروح .

هزيت براسي وهمست :- وتريدين تنزلين تغثين نفسج

وتغثيني وياج عايزين .

جرتني من ايدي وهي تمشي

تحجي وتتوعد:- اشك حلگها التحجي هو أريد

يفتحن حلگهن اطلع ضيم گلبـي بيهن .

زهراء:- أشم ريحة مشكلة صايرة ، منو وياج .

هاجر:- هسة نكعد ونسولف .

نزلنا جوه صبيت اني وياها فرشنا سفره

وكعدنا كلنا سوه بس فرح ما نزلت

اني ما مهتم كاعد يسولف ويحشش

ويا عمي واحد يضحك ؏ سوالف الثاني

عمتي من تاكل ما تحب تحجي

واني وهاجر ماخذين زاوية نسولف

تحت أنظار هيام زايده ماكو واحد معبرها

زهراء:- سولفي شصاير .

- اليوم اجه ابو الجهال .

- شيريد منج بعد .

- آجر البيت مني بس .

- بس شنو احجي شبيج .

- اجر البيت حتى لا تحس علية زوجته هو راد يرجعني

وسجل البيت بـ أسمي يخاف يكول الها وتزعل .

- لا تأجري اله وخلي يتلوع مثل لوعة گلبج .

- ؏ اساس هيج بس هو توسلني وحالته حاله

يكول خسرت كلشي حتى اهلي بقت بس هِـيِّ

تقوم بواجباتي حتى حاضر وغايب ما عندي

ادفع .

- لا تضوجين يروحي هاي هِـيِّ الفات مات

أنسي وأبدي من جديد .

- وهذا الصار وراح يصير .

كملنا سوالف واكل كمت لملمت المطبخ

وياها الى ان كملنا ڪُـل واحد راح الغرفته

بس امير حط مخدة ونام جوه ؏  تخم .

بين يوم ويوم نتصل ؏ غيهب

بعده متأذي من ايده ويشكي منها

واول ما طلع من المستشفى انصاب

بـ فلاونزا وكع بالفراش وهشام

ڪُـل كم ساعة يطمني علية

تبهذلت ونشل حالي الى ان حددت الدكتورة

النفسانية جلسة ، بيومها ظل يحجي وياي الى ان

راح وهل مره وحدة هشام طالع يفتر .

اول ما راح رتبت غرفتي ونفسي

ونزلت مثل ڪُـل يوم اكعد اني وعمي

بالحديقة يحجيلي ؏ ايام قبل وبطولاته

هو وعمتي شوية يضحكني وشوية يبجيني

الى دك تلفون عمي وهمس :- هذا الغيهب .

فتح خط سلم علية وهمس :- يابا اريد زهراء ضروري .

اخذت التلفون وهمست :- ها غيهب .

- روُحـي بـ الغرفة الدكتورة تريدج .

هزيت براسي وصعدت فوك عدلت التلفون

وهمست بخجل:- وينها .

اشرلي بيده وهمس:- هسة تجي .

- شصاير قلقتني .

- لا يحلو لا تقلق لا يصير بيك شي .

ابتسمت واني اشوفها وره الغيهب باوعتلي

وحجت ويا هو التفتت وضحك بوجهه ورجع

يباوعلي وهو مستمر يضحك :- تكول شنو هل ملامح العراقية

الحادة ، جاي ابالي اكلها عين الحاسود بيها عود .

ضحكت واني اخلي ايدي ؏ شفايفي :- هي تفتهم عراقي .

الغيهب:- لا ويييين ما تعرف .

رجعت تحجي ويا هو يهز راسه ويبتسم :- زهراء الدكتورة

تكول بعد جلسة ويرجع الغيهب الج بس انتِ راح تكونين

دكتورتي .

زهراء:- يعني بعد عندك جلسة .

اشرلي بـ اصبعه:- اي اي بس وحدة هو راح يصير

شهرين ضبط مسافرين .

ابتسمت وهمست واني مو بس خجلانه

وأصلت مراحل من الخجل :- كولها بعيوني بس اذا بقيت وياك .

التفت وهمس بـ انزعاج يحجي وياها

باوعتلي بشك وهي تحجي ويا وتأشر بصبعها

وهو مثل الحباب يترجملي كلامها :- تكول الـ يحب يسوي

المستحيل حتى يثبت حبه للطرف الأخر وبعد انتِ وشطارتج .

- هاي هِـيِّ هيج تكول .

- اي والله بس هي تحجي بـ ادب اني انقلها

بـ لهجتنا العراقية حتى توصل الفكرة وتعجبج .

بقت تاخذ وتنطي وياي وتشرحلي حالته

شلون كانت والـ وين وصلت وسحبت كرسي

كعدت بصف الغيهب طبك لزكت لزك

وهي تحجي قاطعت كلامها واني مطمئنة ما تفتهم

؏ كلامي خزرته وهمست واني اضغط ؏ مخارج

الحروف :- لزكت لزككككك ابتعد شوية لا تصير مو زينه

واتخيل عليك وبعد ما احجي وياك .

ضحك وهي تباوع منتظره ينقل كلامها

باوعلها بتلاعب وحجن وياها عطت بي

اريد اعرف شنو يحجي وياها كال :- كلت الها تغزلتي بيه

وبجمالي تموتين ؏ ربي .

زهراء:- امششششي منا .

ضحك وهي تضحك ويا سلمت عليها

وفعلًا نهيت المكالمة وياهم واني بقمة فرحتي .

بقيت كاعدة بمكاني الى ان دك تلفون عمي نزلته اله

ورحت انطيت العمتي علاجها كعدت تسولفلي ؏

ملاك وعلى اساس حملها متعب

ما حبيت احجي او اسمع شي عنها

وما بادرت ولا حجيت من شافتني

ما مهتمة سكتت .

يومين وفرح صاحت علية من جوه

وكفت احجي وياها بعدتها هاجر وهمست :- اذا تريديها

علمود التنظيف فـ اليوم دورج اريد زهراء وياي

نرتب كناتير ابوية وامي مخربطات .

خليت شالي ونزلت واني ارد عليهن :- اكمل ويا هاجر واجي اساعدج .

فرت ايدها ما عاجبها راحت واني دخلت العمتي

نزعت هاجر البردات بدلتهن والـ كناتير كلها طلعناها

نرتب وهيام لازم وضروري تعزم نفسها

تجاهلت وجودها وكملت الـ علية

ورحت ويا فرح رتبت المواعين هِـيِّ غاسلتهم

اباوع ؏ عمي يرتب بالحديقة

اليوم يوم سبت وكلهم كاعدين معناها يوم الترتيب والتنظيف

التفتت شفت عمتي طلعت بيدها مخاديد اثنين

- شسوين عمة .

- اشرهم ؏ حايط علمود الشمس .

أومأت براسي ورجعت اكمل شغلي

صدت عيني ؏ كراج وما أشوف

غير امير دخل وبعده هشام والغيهب

رايح يجيبهم من المطار وما حاجي الـ احد بينا

جمدت بمكاني بعدم تصديق

رجع يعني رجع الغيهب رجع

ضحكت وإني أصيح بهاجر:- هاااااجر الغيهب رجع .

طلعت تركض واني وراها صرت گوه اسحل

برجلي احس نفسي انشليت وكفت بصف باب المطبخ

سلم عليهم واحد واحد من شافني  جان لابس جنطة ضهر

ذب الجنطة  بالكاع وبضحكة سعادة

دك تحية وصاح وهو مثبت أيده

بحركة التحية:- يابا تحية تقدير ، واحترام ،وامتنان

ومحبة ، ومودة ، ومعزة الـ اجمل سـت الـحـسن بالكون

كله لج تعالي بحضني .

من الخجل وعدم التصديق

تشنجد بمكاني ودموعي تحجي الـ بيه

فتح ايده وصاح:- لك اووووووويييي خبالوووو يبجي .

سحبني الـ حضنه ورفع راسي باسني

بخدي وهمس:- مضعفين مرتي الله يضعفكم .

سحب أيده وصاح بعلو صوته:- هشام انتِ دخل الجنط اني عندي شغل .

ضحك عمي وعاط بي :- هل ولد بكلشي مشهور الله يشهرك كون .

هو ولا اهتم ولا خجل أستمر لازم ايدي ويمشي

بكل ثقة وصلنا للغرفة دفع الباب ودخل

سحبني من ايدي وتبدل عكس ما كان

قبل شوية يضحك ويحشش اخذني بحضانة

سحب الشال من راسي ونزل الركبتي

جر نفس وهو يبلع ريگه ، رجف جسمي

بين أيده همست بخجل:- ما كلت راح تجي .

أبتعد رفع خصلات شعري وثبتهم وره اذني

وهو يباوع لعيوني :- ردتها مفاجأة .

كمل كلامة وتقدم أكثر قيد شفايفي بين شفايفه

وأيده تلاعب خصلات شعري ما فصلها الى ما

بعد أنقطعت أنفاسنا سند راسه ؏ راسي وهمس

بـ خدر :- اريد اظمج بنص روُحـي اريد أحافظ عليج هل مره

اريد احافظ عليج .

ابتعدت بتوتر واني ابتسم :- أرتاح هسة وبعدين نسولف.

رمقني بنظرات ضايعة وگف

وهو يسحب نفس زفرة بنفاذ صبر

دخل للحمام يسبح التوتر يقرأ مليون

اصلا ما اعرف أتصرف ؏ طول فترة

زواجي من عنده بس لحظات تقربنا

معدودة وقليلة الخجل وعدم التقبل

بعدهم بيه ما متعديتها .

حضرت المنشفة هو بطبيعته يبدل بالحمام

وحتى ينشف شعره بالشسوار قبل لا يطلع

طلع بس رش عطر والتفتت يباوعلي ويبتسم

؏ تشنج الصار عندي .

تبادلت ويا الـ إبتسامة وهمست :- رايحة اجهزلك اكل أكيد جوعان .

توجهت للباب بس اريد أهرب

قاطع حركتي وقيد أيدي وهمس:- ما أريد ڪُـل الـ أريده

هسة اخذج بحضني وأنام.

- غيهب بس ...

سد حلگي بيده وهمس بترجي:- بروح امج لا تمنعيني

ما اسوي شي بس أنام ؏ دفو احضانچ .

هزيت راسي بقبول قابلني بالرضى

نمت اني ويا ؏ جرباية وجهه مقابل وجهي

يرسم ملامح وجهي بـ اصابيعة :- ڪُـل جزء مني يريدج بس .

بدون ما احجي رفعت حاجبي بعلامة بس شنو

كمل كلامة بتردد :- بس ما اريد تمنعيني منج .

تقدم وقبل لا ينتهي

سحب شفايفي وصار فوكي وهمس بخدر :- شكد ما بيج من

حيل احضنيني .

دفن وجهه  يبوس برگبتي همست باشتياق:- اسمحلك تبوگني

من الدنيا وتضمني بين جفوف أيدك .

- اي مو تدللين اليوم احتلچ يا دنيتي وسعادتي .

نسيت الدنيا والماضي واني بحضانة

بس بدون سابق انذار أنسحبت أيدي

ثبتها فوك راسي وتحولت البوسه عض

بعدت وجهه عنه وصحت بـ ألم :- غيهب أفتح عينك .

باوعلي برتباك همست بخوف:- اياك تعيدها غيهب اياك .

- أعتذر مو قصدي بـ .....

- لا تخبلني مو تعالجت.

- نفسيًا ، والدكتورة نبهتج القسم الثاني عليج

يعني انتِ تعالجيني من هل جانب .

دفعته من صدره واني بقمة غضبي :- يا علاج غيهب اني حامل

غلط واحد منك اروح بيها .

ثبتني بيده حاولت اتملص منه

صارت لزمته اقوه رجع راسه بركبتي

وهمس بخوف :- اسف ما تتكرر لا تروحين بعد ما اقترب منج .

- من منو تقترب لعد ترجع الـ نسوانك .

- من المستحيلات ارجع اريدج وحدج .

- وتأذيني شلون تريدني وتأذيني .

- هاي اخر خطوة بعلاجي لازم انتِ تساعديني بيها .

دفعته من صدرة ثبتني وهمس :- لا تذليني زهراء كلت محتاجج

صبرتي ؏ كلشي هاي ما تصبرين عليها الى ان تنتهي .

- غيهب ما اقبل تأذيني اني مو حيوانه اله هل سالفة انقرف منها .

- وغلاتچ عندي ما اريد وما احب أذيچ واخر وحدة أفكر

بـ أذيتها انتِ بس صار سنين ؏ هل حالة فـ صارت

لا إراديًا تدريجيًا تنتهي لـ اجلچ كلشي مستعد أسوي .

رفعت أصبعي وأشرت بتحذير :- غيهب خلي ابالك

هاي اخر مساعدة لان هلكتني بكل مره اكول خلص

بعد ما بي شي تطلع سالفة صفح مليت وبزعت

اذا اشوف غلط واحد بعد ما أبقى مليت بالمعنى الحرفي مليت .

تقرب باس اصبعي وهمس :- اعتذر ما تتكرر واذا

بدر مني رد فعل ثانية بس نبهيني مثل ما صار هسة

وخلصص مره مرتين وتنتهي طولي بالج وياي

اذا تحبيني لا تحرجيني انتِ وحدج مخليتني اتمسك بالحياة .

- ولان اعرف انتَ تعالجت في سبين تحسن مسار حياتك الـ أجلي

وصححت ڪُـل عيوبك حتى ما ابتعد عنك باقية وياك

ومتقبلتك وبين ايدك بسس غيهب خلي ابالك

بعد ڪُـل غلط منك وخاصتا بـ هل موضوع

امنعك مني .

قلص عيونه وهمس بعدم فهم :- شلون يعني ما فهمت .

- يعني ابتعد يلاااااا .

ضحك وهو ينزل يبوس شفايفي ويهمس:- اعتذرت لا تسوين

كلبج قاسي وياي تره اني محترك عليج .

دفعته من صدره وهمست :- انتَ معاقب حتى

تخليها ابالك مره الثانية ومن تقترب مني تحسب

احساب التحركاتك وما تأذيني مثل ....

عض شفايفي واني ادفع بي من صدره

وفعلا منعته مني سحبني الـ حضنه

باس طرف چتفي وهمس :- كولي أحبك.

- كول احبج .

- كولي أحبك.

- احبك اني أحبك.

رجعني بحضنه بكل ما عنده من قوة ونام

مرتاح واني غفيت ؏ صفنتي بملامح وجهه

اخخخخ غيهب انتَ ڪُـل دنياي كلها .

فزيت العصر تريد تصير دنيا مغرب

دخلت سبحت واخذت بطل مي قريت

علية سورة البقرة كملت ورجعته بالثلاجة

فتح عيونه أبتسم ومد أيده رحت عدلت حاجبه

بطرف أصبعي واني لابسه جادر الصلاة

همس :- انتِ بلادي حالي وياج حال طفل وبيده حمامة

يخاف تتأذه ويا فـ يضطر يعوفها ويكتفي بالنظر الها

حتى ما يشوفها تعبانة بسببه .

تلمست وجهه وهمست بطمأنينة قلب:- أحبك والله .

سحبني بحضنه وهمس:- اريد اسبح وجوعان .

- اي يلاا كمل سبح وننزل .

اخذ ملابس ودخل بين ما عدلت نفسي والغرفة

طلع اني مجهزة بطل المي خليت بالكلاص

وهمست :- هذا مي قريت علية سورة البقرة اريد

تبقي بيدك وكل شوية تشرب منه ممكن .

اخذه مني وهمس :- طبعا ممكن اذا منج .

شرب شوية ونزلنا المي بارد والكلاص كزاز شفاف

يشهي ؏ شرب نزل يضحك هشام كاعد قبل لا هو يكعد

رمقه بنظرات استفزازية عاط الغيهب علية:- أكسر

عليك ماسحة الحمام اذا تباوع هيج عيونك علية

حتى كلشي ما حصلت .

هو سمع هيج فرش ايده براحة على تخم

وهمس :- شنو قابل ناس وناس .

هز ايده وراح الغرفة عمتي

وقبل لا يدخل صاح :- يمه كاعدة .

- فوت يمه كاعدة حبيبي .

عمي موجود جوه حميت الاكل

اجه هشام همس :- ام الزهوو اني هم بعدني ما ماكل

هو هذا الـ ماعنده مره ينوكل حقه.

زهراء:- اي والله صير حباب ورجع زوجتك.

هشام:- زوج الـ ينام اليوم بليل وزوجته مو عنده

جنت منتظر زوجج ينزل ونتفق نروح كلنا اليوم

ابوية وامير مو كافي محتاجين واحد يلبك بالكلام .

عليت صوتي واني ارد علية :- تقصد الغيهب يقشمر بالعالم

ويلبگهم بالكلام .

- امشيييي بابا لعد انتِ شنو مبقيج هنا غير لاعب لعب

بيج بكلامة فار راسج فر .

اخذت الصبنية عمي كاعد وامير وفرح

وهيام مخليها گبالي جبرت نفسي وكعدت

واني اشوف عدم اهتمامه بالكل

وعيونه مثبتها عليه اذا يلتفت على كد يباوع

على عمتي ويرجع ينظرلي.

اكل شوية ومن بين ڪُـل الكلام همس بتسأل:- هجر وين .

رد علية عمي :- فوك هِـيِ وجهالها .

قلص عيونه بشك وهمس :- فوك هِـيِّ وجهالها بـ هل وقت

ليش هِـيِّ تحب نلتم صاير شي .

التفتت امير خزر فرح ما اعرف شلون لمحه

هز راسه وذب الكلاص ضرب ؏ رجله بـ اثنين اديناته والنيه

واضحة ترك الكل وصعد فوك الها .

شلت الصينية غسلت المواعين

اجت فرح لازمة قلبها بيدها :- اذا صار شي  حوبة اطفالي

والـ بهذله برگبتج لان هل مره أطلع من هل بيت ما اخذهم

يتبهذلون بسببج .

- شبيج فرح هااا شبيج نقلب السحر ؏ ساحر مووو .

- تشمتين بيه .

- بابا هسة اني فتحت حلگي انتِ جيتي علية ترجفين

وتكولين خطيتهم وهل سوالف التعبانه مالتج الـ لعبت

نفسي منهاااا ، وتأكدي اذا طلع الحجي مو من عندي من

هاجر لان انتِ طوختيها وياها خليتيها تكره بيت اهلها .

بعدها ما مجاوبتني وصوت خطوات ؏ درج

صارت سريعة وصوت الغيهب رج البيت رج

وهو يصرخ بـ أسمائهن :-  لــــج هـــيام فــرح .

يتبع ....

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

أحبكم بالبورتوقالي  يا عيووونيييي 🧡

رواية ظلمات الغيهب

بقلمي أساور حسين

الحلقة _34_

منذ أول نضرة وأنا ( متعلگ كليبي بي ) .

.........................

زهراء...

بعدها ما مجاوبتني وصوت خطوات ؏ درج

صارت سريعة وصوت الغيهب رج البيت رج

وهو يصرخ بـ أسمائهن :-  لــــج هـــيام فــرح .

عافتني وراحت تركض الغرفة عمتي

طلع هشام بسرعة وامير مفزوعين من صوته

اني من خوفي منه ختلت بالمطبخ لزكت

روُحـي بالزاوية .

صار قريب الغرفة طلع هشام

لزمه من صدره وعاط:- غيهب سالمين العملية صار اسبوع

من سويتها يمعود اكعد راحة .

هشام بكل طيب يحجي ويا وعباله

الغيهب يسكت دفع أيده وعاط:- لا توكف كدامي اليوم

عيونهن اشلعهن تشلع .

أمير:- غـيهـب سالمين.

الغيهب:- طممممم روحك طمههاااااا ، لك تخلي مرتك تجاوز ؏

اختك وتنزللها والعباس اليوم اني وياهن مگاصب .

لطمت عمتي ؏ خدها وصاحت:- باع باع يريد يموتني

ولك غير مسووووي عملية .

باوع ؏ عمي ويأشر على هيام

وصاح بصوت حاد :- هــيام الكـحـ ..... اليوم

اخليج عبرة لمن لا يعتبر لفيتج من الشوارع اليوم اكسر

فچوچچ بنت الكلب انعل ابوج لابو الـ يلفيج

اطلع كوا..... اذا تبقين هنا اليوم بنت النغوله .

ابو الغيهب:- يابويه نشهرنااااااا

ارتاحيت شهرين من صوتك يا مشهور .

الغيهب:- اي اي اي عاشت ايدكككك اني مشهور

شعار مشتهرررررر اني مشتهررر اني نـــار

الـ يندك بيه ازوعه العافية ارجعه الـ بطن امه.

هشام:- شنو هل حجي شمسويات يمعود احجي

فهمني ليش بس تصيح دخيل الله بطل .

رفع اديناته يأشر وحدة ؏ عمي

والثانية يأشر ؏ امير :- هم يحچولك غير عايفيهم بالبيت .

امير:- نسوان يتعاركن شنو نتعارك وياهن .

رفع اصبعه ؏ حلكه وصاح:- ههههههشششششششش

هههشششششششششش مو نزلت ؏ هاجر لو ما ابوية لازمك .

هشام:- نزل ؏ هاجر شنو يريد يضربها ؟

أمير:- سالمين من شوكت نضرب خواتنا

نزلت اريد افتهم  وهم صارت مشكلة

طردت فرح البيت اخوها وهي رجعت

وحق الله ما احجي وياها صار هووواييي .

الغيهب:- فرح طلاكها ؏ ايدي اذا ما اخليها

تفر بـ اذاناتها هل سسسسسسسسس

انعل ابو الـ يخليجن بالبيت .

عبرهم بالدفع بس كلهم بوجهه

ومن الدفع نزل ايده ؏ ركباته

بحركة الرگع وصاح:- لا دفعون بيه سفله گلبـي يوجعنييييييي.

هشام:- لا تغلط يمعود فرح زوجة اخوك .

الغيهب:- ما يعرف يربيهااا هذذذذا مخلي كوبرا

بنص بيت اهله عاجبه الوضعععععع .

ابو الغيهب:- هشام خلي يطلع منا راح يخبلني وحق محمد يخبلني  .

فات الهن للغرفة و صارن مثل المخابيل

اثنينهن يحجن بنفس الوقت .

الغيهب:- فرررح شتريدين هااا شتريدين عبالج

ما أدري بيج سممم بس ساكت الخاطر أمير

واعرف هجمان بيت هشام بسبب السمم

تتذكرين من دخلت وسمعتج بـ أذني

تذبين بـ اذنها سممممم وغلست بمزاجي

كلت اشوف وين تاليها وياها هل صلفه .

فرح :-اني شعليه غيهب والله هِـيِّ جانت تحجي

؏ هشام .

وسع عيونه وهو يباوعلها بكل غضب

وحقد :- والج عين تراددين وتكملين جذب

انتِ طالعة ؏ حقيقتج من زمان وما مكتفين من

السممم كملها ابوية ودخل هل حرباية المتلونه.

دار وجهه ؏ هيام وكمل بكل غضب

يحجي وينتر ودمار بركبته طلع من الطول

للطول وجهه نگلب احمر دم :- ملكة البرابيك

الـمسحوله كرامتها ، عليمن ما اتوقع زوجة الغيهب تبيع

للعالم كحبـ .... منو داسسس ؏ راسج وطلع سمچ

ولج هاي لو ما صار شهرين بيت عالم غرب

بين الزلم كاعدة ومحد سأل عليج تبيعيهن براسي .

هيام:- والله مو قصد استهزاء بيها بس انصدمت

اسفة ابوس ايدك سامحني .

رد بضحكة مستهزئة:- علمين تنصدمين كحبـ......

قابل هِـيِّ مثلج تفتر بين الزلم ، ؏ اقل محافظة

؏ نفسها لج تعلمي منها كعدي وياها تعلمج ؏ كرامة

تعلمج ؏ عزة النفس اخذي يمها دورات شلون تصيرين شريفة .

هيام:- عيب عليك غيهب شنو هل حجي .

هو تخبل شلون تكولين عيب :- عيب عيبيش هذذذا يالمتبربگه

اليوم اني اشيل العيب وانعل ابو الخجل اليوم اخبلج

وهو يحجي كمل كلامه ضربها براشدي

وهي ضربه وهي وكعه ضلت تصرخ

بعلو صوتها هشام وگف كدامه

وعمي راح صار سد كدام هيام

هِـيِّ وكفت ختلت بظهر عمي

وتبجي بعلو صوتها :- أمشي حافظي ؏ نفسج

ووليييييي ما تبقين هنا اليوم بس تبقين ادخل بيج سجن .

هيام:- وين اروح والله ما عندي مكان .

الغيهب:- والـ ماعنده بيت والعالم ملفي من الشوارع

بينا ما بينا محافضين عليج حتى ما تصيرين كحبـ... ملاهي

مع العلم بيج مشروع كحا....... ليش ما تحترمين نفسج .

عاط علية عمي بكل علووو صوته :- كاااافيييييي عييييب عليك

تهين البنية بنص بيتي وكدام اخوتك .

- هسة غير تحسسس ؏ نفسها وتطلع .

آبو الغيهب:- لك ماعدها بيت وين تروح .

- مو مشكلتي هِـيِّ ما سَدت حلگها تتحمل نتائج

حقدها وسوالفها التعبانة.

هيام:- عمو الله يخليك لا تتخلى عني .

طفر عليها أثناء ما بعدها تحجي

سحلها من شعرها ويمشي صاح علية

عمي ويلزمون بي هو يهدد بيهم يرگع

راسها بالحايط اذا ما يبتعدون من طريقة

الى ان وصل بيها الباب الشارع :- تولين منا وجهج بعد

ما أريد أشوفه خلصني منچن شنو ما ناويات تخلصنا.

هيام:- لالا ابوس رجلك غيهب وين اروح

؏ أقل بس أغير ملابسي .

فتح الباب وشمرها عمي تخبل

من شافها فقدت عبالك مخبله

وبالشارع بملابس البيت وحافيه

همزين مو محجبة ، دفعه عمي

وطلع سحبها من ايدها ودخلها

الغيهب:- وبعدددين هاا وبعدين شتريد انتَ .

ابو الغيهب:- ما اتحمل بابا والله ما اتحمل

هاي بنية عيب ولك عيب اشوف بيها خواتك

شلون اذا دار الوگت وصار بيهن هيج .

هشام:- يابا خليها تبدل ونرجعها الـ اخوها كافي تره نهد حيلنا من

المشاكل والقيل والقال ادري الواحد شوكت يرتاح

وشلون نرتاح منهن و حيايه بنص بيته يهجمن بحياته .

ابو الغيهب:- خابر أخوها شسوه ؏ بيت بس اطمئن عليها

وخلي تروح شعندي وياها .

الغيهب:- ما اخابر زين ما اخابر هِـيِّ أدبر نفسها.

ابو الغيهب:- لا بابا الخاطري بغلاتي عندك لا تخليني

انام بليل وضميري ما مرتاح اخاف انام وما اكعد .

لزم  الغيهب قلبه هشام تخبل :- دبااااععععع ارتاحيييت لك مو زين والله

مو زين عليك استر علينا وين نوديك للمستشفيات الـ خايسة هناااا .

-  تعبني تعبوني ولكم تعبوني ما اريدددد اشوف احد  .

أمير:- تعال ادخل هنا يمعود والله الـ تريده يصير انتَ احجي احنه

جاهزين وبالخدمة بعددددد بس ادخل يمعود .

الغيهب:- لا تلفون ودورون وياي ما تنفع هل سوالف

شبعان منها طلباتي كلش سهلة.

بالبداية اخلص من هيام بعدين أستلم مرتك العگربه .

نزلت هاجر تباوع عليهم من بعيد

باوعتلي واجت يمي وعلى وجهه

ابتسامة جانبية بيها شماته :- جنت منتظرة هل لحظة

يرجع صگار الحيايه واني اوگف اباوع

عليهن شلون ينعصر سمهن بكلاص

ويشربه الهن .

قاطعنا عمي وهو يحجي بـ انفعال

أعصابه هاجت :- تعبني راح اتخربط خاطني خوط ابن الكلب

انعل ابوك لابو الخلفك زين لو لا انطيني عطوه ابن النعال .

الغيهب:- ما احب سوالفكم العشائرية لا وقت ولا عطوه

هسة تطلع من البيت هل قذرة.

أبو الغيهب:-خابر اخوها خلي ينطيك فلوس واني

اروح اشتريلها بيت واطمئن عليها ما اطلعها هيج .

الغيهب:- انتَ اخذها وروح افتر ؏ اخوها

اني لا دخلني بهل حقيرة اليوم رجعت من السفر  .

ابو الغيهب :- لا تخليني انسى انتَ مسوي عملية

وهسة اوكع عليك بوكسات شعار صوتك يلعلع .

هشام:- يابا والله حقه تهستر من هل مصايب

خليها تروح وخلصنا تره اذا تبقه هنا اخذ هاجر

والغيهب وزهراء ونطلع ملينا من هل سممممممم

هجمنا هجم هل بلا تربية.

سحبها غفل من ايد عمي وهم

يحجون عمي تخبل هو يصيح

والغيهب يصيح الى ان عمتي

وكعت استسلم وكال:- راح اخذها للعار اخوها مجبور لو بيدي

اشمرها ملهى كحبـ ... مكانها هناك .

ومن ارجع عندي كلام ثاني ويا فرح سهلة.

صعد أخذ مبايله وفلوس وسويج السيارة وطلع هو وهشام

وعمي ، اول ما طلعوا كمز امير للغرفة واضح

شنو براسه ، ركضت عمتي وره تصيح هِـيِّ

وهاجر يريدون ماكو قفل سحبها من شعرها سحل

وهو يرفس بيها وصراخها رج البيت رج :- شمسوية

ولج شمسسسسوييييية طلعتي انتِ وره خراب بيت هشام

اليوم اصلخج صلخ وحق الله .

ڪُـل هذا وهو يسحل بيها ؏ درج

وكعت عمتي وبس اني وهاجر

حرنا وين نروح الـ عمتي الوكعت لا ايد

ولا رجل فرد مره فقدت

لو الـ امير وصراخ فرح الرج البيت رج

صراخ من صراخ وصوت ضرب الـ احزام حسيت

صار بجسمي ورجعتلي ذكريات ذكريات

الـ ايام السوده من جنت أصرخ ومحد يصعد يخلصني

عفت عمتي بيد هاجر واخذت

تلفوني دكيت ؏ الغيهب بسرعة

رد علية عطت بفزع :- غيهب ارجع بسرعة الله يخليك .

- شكوووو شصاير .

- عمتي تخربطت ، وأمير راح يخلص ؏ فرح .

- هشام فر السيارة وأرجع بسرعة .

كمل وسد المكالمة ماكو دقيقتين اندفع الباب

ودخل هشام يركض والغيهب وره

عمي والغيهب ركض ؏ عمتي دفعت باب

غرفتهم ما ينفتح مقفول وصوتها

وهي تصرخ :- لاااااااا لتحرررركنيييي الله يخليك ابوس ايدك .

ضليت الطم ؏ وجهيي صعد هشام يركض

صحت:- مقفول هشام مقفول.

لزمني من ايدي وشمرني ليوره

بقه يدفر بالباب ويستوقف بي :- اميرررررر لك اميرررررر

كااااااااااااافي .

وامير فاقد منا لمن كسر الباب

صوت فرح أختفى دخلت هِـيِّ

فاقدة وبعده يضرب بيها هجم

علية هشام طوق مشيته من ظهره

طبك اديناته وشاله وشمره بعيد عنها .

أمير:- شيل ايدك اطلع لا تدخل اريد امووووتهاااااااااا

خزتنيييي فضحتني بين اخوتي بنت الساقط .

هشام:- لك موتتتهااا امي تخربطت جوه خرب .

من هشام كلمة ومن امير كلمة

شلتها خليتها بحضني وجهه من البوكسات مشوه

وشعرها مكطع بالكاع تهسترت لا فقدددت واني اصرخ

عليهم وهم صاروا مذابح.

واحد يضرب بالثاني ، بعد ما تعبوا دفعه هشام

وراح الفرح شالها ونزل بسرعة وهذا تهستر

يريد يضرب هشام ويصيح علية تعاااندددني

اليوم اموتك انتَ وياااهاااا .

وكفت بالباب واني اناشغ وجهي

احتقن وصار نار :- امير هاي انتَ العاقل بيهم هيج تسوي

الله يخليك كافي عمتي تخربطت الله يخليك اوكف .

رفع ايده وجلجل صوته وهو يهدد :- لج اذا ما تبتعدين

من وجهي اصفگج براشدي اعدل معاني وجهج .

دفعته بكل ما عندي من قوة داخل بالغرفه وطبكت الباب بكل قوتي

ونزلت الدرج هو بسرعة لحكني افتر بالبيت ولا واحد

موجود كلهم ماكو بس الجهال تصارخ وتتراجف من المناظر

الـ شافوها كدامهم .

اخذت جهال هاجر وكعدتهم ويا جهال امير

وهو متخبل عليهم يخابر ويصرخ بعلو

صوته ويسب ويكسرر حبست نفسي اني والجهال بالغرفة

انوب حتى التلفون مو عندي .

ساعات واني بالغرفة الى ان سمعت

بعد ماكو صوته فتحت الباب وصيت

الجهال ما يطلعون ، مشيت ؏ اطراف

اصابيعي وصعدت فوك اخذت التلفون

ونزلت بسرعة اخذت بطل مي للجهال

وقبل لا ادخل كلت اشوف شنو الوضع

خفت لا واكع من العصبية لو صار بي

شي لا سامح الله وياريت ما خفت

وما خطيت هل خطوات

ياريت وياريت وكم ياريت تگال

وگع البطل من ايدي ودموعي

تتسابق وآني اشوفه كدامي

خليت ايدي ؏ شفايفي

والرچفه لازمتني بقيت اهز براسي

بسرعة جنونية ما مستوعبه ولا وراح

أكدر أستوعب.

- أمير مستحيل امير وهيام ليششش

امير ليش والغيهب امير والغيهب .

اشرت عليها وايدي ترعش

كاعده بحضنه وراسها برگبته

تطبع بوسات وتلعب بـ لحيته .

تراجعت للخلف ويا فتحت

الباب وكعت بالكاع وهيام هجمت عليه

رفعتني من شعري كدام امير الـ تصلب من عرفني

كشفتهم ، ورجفته وهو يشوف الغيهب دخل للبيت .

عطت بوجع خنكتني وصاحت :- والله اذا تنطقين بحرف

موتچ انتِ والـ ابطنچ ؏ ايدي وافرها عليج اكله شفتها ويا أمير .

تحجر النفس بلعومي ودموعي تمنعني

اشوفها ، سحبتني بـ ڪُـل قوتها وكفتني

دفعتني للغرفة ودخلت ويانا.

اسمع صوت الغيهب يغلط ويسب بـ امير

وهو ما بدر منا رد فعل .

- مو كلت لا تتصرف بكيفك اني من ارجع

نخوفها ليش تضربها احسن هسة تشتكي عليك

غبي وراح تبقه طول عمرك غبي .

كعدت بمكاني اجتني نونه بنت هاجر

رفعت ايدها تتلمس وجهي وتمسح

ادموعي وهي تهمس:- شبيج عمه ليش تبچين تريدين عمو غيهب .

هزيت راسي بـ علامة لا وغطيت

وجهي فقدت واني ابجي مصيبة

اذا يعرف غيهب مصيبة والله

ينتكس ويرجع أسوء من قبل بـ أضعاف .

فتح الباب ودخل علينا بقيت راسي

نازل ما الي عين اباوع بوجهه

شاف ابن امير يبجي كعد ويا

يحجي ويقنعه ماكو شي

وگف وقبل لا يطلع همس :- زهراء اريدج تعالي .

طلع من الغرفة أنفجرت ابجي

حايره مااكدر اوكف كدامه والله مااكدر

اريد اطلع سحبتني من ايدي وهمست بتحذير

ملامحها كأنها ملاك بس داخلها اسود مظلم

ما تملك ذرة تربيه او اخلاق :- اذا اسمع تفتحين حلگج

انتِ اول الناس تتأذين راح يرجع يفلش بيج

وما يثق بيج ويشك بـ اخوته مو بعيده باخذج

يشوف هذا ابنه لو ابن واحد من اخوته .

صفگتها راشدي ؏ وجههه وصرخت بيها

وإني فاقد ڪُـل أعصابي:- اشررررف منج اني يا

رخيصة ما ينلام بيج الغيهب من يكول كحبـ.... فعلا انتِ كحبـ.

ولچن شنو انتن والله تتعدن امهات الشوارع قررررففف

والله قرف .

اندفع الباب ويا ما انفتح

اخذت الـ مزهرية كزاز

جبيرة وشمرتها بوجههه

بلا وعييي ما صحيت ؏ نفسي الـ واني اشوف الدم ماخذها

والغيهب صرخ :- لاااااااااااااااااا لااااااااااااااا .

حط ايده ؏ راسه وسحبني من ايدي

طوق وجهي بيده وصاح :- شسووويتي لج شسويتي .

حسيت بوجع صار بجسمي ومي ينزل

عليه لزمت ملابس الغيهب وكعت

واني اصرخ بعلو صوتي .

دخل امير يباوع علية وعليها ويلطم

من الصدمة جنت اباوعله بحقد وكره

ولو بيدي اكوم اگطعه تگطع :- شسويتي زهراء.

ضميت راسي بصدره الغيهب ما اريد اشوف

احد بيهم ما اريدهم كلهم والوجع ملخ

بطني تملخ شالني ؏ جربايه وهمس بخوف :- عندج ولادة.

هزيت راسي وصحت:- ما اعرف والله ما ادري بطنيييييييييي .

التفتت الـ امير وصاح :- لك شنسوي دخت ، راح اغيب

عن الوعي گلبـي هاج علية.

انمردت مرد وأني اشوفه يحجي ويا

أمير بالشافعات ثابت واگف كدامه

وامير يباوعلي بتوسل

امير:- اخذ زهراء وروح اني اخذ هاي .

الغيهب:- لالا ميصير تطلع هيام الـ مستشفى

هاي خبيثة تشتكي ؏ زهراء وتذبها سجن .

امير:- نعوفها تنزف هنا .

- ما كلت نعوفها تنزف بس نشوف شخص

ثقة ندفع وهو يعقم الجرح ويخيط خليها

تحت سيطرتي  .

- بس لازم بسرعة لا تروح تموت بـ بيتنا .

رفعت راسي واني ارجف عطت بي :- لا تخاف العاريه

ميصير بيهم شي تعيششش .

من عصبيتي ونبرة صوتي

انصدم الغيهب وصفن بوجهي

متعجب اول مره يرتفع صوتي ؏

واحد من اهله .

مسح وجهه بقوة ورفع التلفون

خابر ؏ هشام واول ما رد  :- دزلي هاجر للبيت

بسرعة زهراء عدها ولادة.

هشام:- تشاقه مو وگتهاااااا كلششششششش .

الغيهب:- شنو مو وقتها انتَ خبل .

هشام:- اني مو خبل بي حتى طفلك

بي رجفه مستعجل مثلك .

الغيهب:- شنو رأيك نكعد نسولف للصبح.

هشام:- يوووووو هسة راجعين اني وياها .

الغيهب:- وأمي.

هشام:- صارت أحسن وابوية يمها ساعتين ويرجعون للبيت .

الغيهب:- غير يستعجل .

سد التلفون وهمس :- هشام وهاجر راجعين بالطريق

اني اخذ زهراء للمستشفى هاي شيلهااا ؏ جرباية

بين ما يرجع هشام ونبحث ؏ حل .

صعد جابلي عبايه لبستها وطلعنا

الطريق كله لحظة ما نشفت دموعي

منظرهم ياكل بكلبي ويهدم بروحي

رجعوني الخيانة الغيهب ويوم الـ

شفت ليلو.

التفتلي متخبل ؏ وضعي

تخبلت اله شوية:- زهراء هيج الوجع قوي يمعودة

بس كولي يا الله هسة راح نوصل .

درت وجهي منه مد ايده حضن ايدي

وباسها :- لا تخافين اني وياج يمج ما اسمح الـ كائن من يكون يأذيج .

باوعتله مهضومه والنار تحرك بروحي :- ما متندمة من ضربت

هل قذرة الرخيصة.

ملامحه أحتلتها علامات الذهول والحيره

من حالتي التفتت ؏ شارع سحب باكيت

الجكاير وهمس :- زهراء شصاير .

درت وجهي اتهرب من نظرات الشك الـ أحتلت

عيونه وهو يرمقني بنضرات الشك :- منتظر جوابج

احجي متأكدة وره هل عصبية مصيبة ومو صغيره

جبيرة .

اكتفيت بالبجي دموعي بس ملاذي الوحيد

كدام هل طامة الكبرى ، الـ ما يلبس عليها

ثوب بلوى ياربي والله بلوى وگعت ؏ راسي .

والحمد لله هو عباله البجي والصراخ

والطم من وجع بطني استغليت الوضع

وطلعت ڪُـل ألم روُحـي وقهري وكتماني

هنااا .

بس المصيبة هو تخبل من شافني بـ هل حالةً

ساق السيارة بكل سرعته مابقت اشاره ما فاتها

الى ان وصلنا هو نص حيله مهدود

وروحه تلوب عليه ڪُـل شويه يشيل ايدي يبوسها .

نزل واجه بتجاهي سندني ونزلني

ضميت نفسي بحضنه صعدت

بسرعة حولوني ؏ دكتورة

دخلت اني ويا بعد ما سلمت شرحلها حالتي

- ممكن تساعدها تصعد ؏ سديه أخذ الها سونار

نطمئن ؏ وضع الجنين .

وگفني وصلني للجرباية لزم ايدي صعدت

نمت وجسمي كله يرتعش بوجع تقربت

اخذت سونار وهمست :- دخلتي بشهرج مو ؟

زهراء:- بعد واحد وعشرين يوم وأدخل .

الدكتورة:- اذا تولدين هسة كلش خطر

ونعرض حياة الطفل للخطر أفضل اكتبلچ ؏ علاج

وتبقين نايمة الى ان ادخلين شهرج وتضربين أبر الشهر الـ ثامن .

زهراء:- دكتورة عندي وجع شگد ما اوصفلج قليل.

ردت عليه وهي تضحك:- أبنكم وكيح من هسة.

غلقت عيوني ورديت ببتسامة :- ولد .

هزت راسها بـ ايجابيه وهي مستمرة

تضحك ردت بستفسار :- ليش ما تعرفين .

زهراء:- لا ما ردت أعرف هسة كلت بعد الولادة احسن .

- حرگتها عليكم عذروني .

اباوع ؏ غيهب يضحك وأضح عليه ناسي ڪُـل مصائبنا

اقترب بعد ما ابتعدت الدكتورة باس راسي وعدل ملابسي

لبسني حذائي بيده ونزلني بكل هدوء.

كتبتلي ؏ علاج وصتني أنتظم

عليهم الى ان ادخل التاسع .

رجعت للبيت لكيت عمتي مرجعيها

تعبانه وجهه صاير قطعة سوده من التعب

هشام كاعد بصف راسها ، وهاجر منومة

الجهال كلهم وكاعدة تفرك برجل عمتي .

من شافوني كامت هاجر اخذتني من ايده

وكعدتني ؏ جرباية باوعت ؏ مكان هيام

ماكو ولا حتى الدم ولا كزاز .

أم الغيهب:- يايا شصاير بيها هاي ولج شبيج ؟

زهراء:- الـ بيه بيج عمه محروك گلبـي مثل ما

انحرك كلبج ؏ ولدج .

هاجر:- ارتاحي حبيبتي كلنا وياج .

الغيهب:- ديري بالج عليها ضروري اروح هسة .

هاجر:- روح بس طمني عنك ڪُـل شوية

فدوة مو اخابرك وما ترد ابقى بقلق عليكم .

الغيهب:- اني مو كتله لا تاخذها للمستشفى.

بلعت ريكي والغصة بلعومي تذبح ذبح

نار ومشتعلة بداخلي شعور مميت

يخليني ضعيفة هووواي ضعيفة .

هشام:- اروح وياك خاف هل خبيثة

تشتكي ؏ زهراء ونصير علح بحلك العالم .

الغيهب:- شحدهاااااااااااااااا اخبلها اخليها تلطم بالهندي .

هشام:- بالهندي ؟

الغيهب:- امشي نروح لا تكثر كلام .

طلعوا بسرعة اني عفتهم ودخلت اسبح

عسى ولعل الوجع يخف وارتاح ساعة

وحدة ما اطلب اكثر من هذا .

ذبيت دموعي كلها وطلعت مثل الجماد بس اباوع

بالوجوه تركتهم وصعدت رغم محاولات هاجر

ابقه كاعده وياهم بس طاقتي نفذت وصلت حدهاااا .

نمت ؏ فراشي بس اتگلب عيوني ما تاخذ نوم

نهائيا ما تاخذ ، تأخر الوقت وللساعة تلاثه

بليل انفتح الباب ودخل عمي والغيهب

حتى ما رفعت راسي من فراشي بقيت ؏ وضعيتي

دخل هو ما يكدر حتى يحجي من التعب

بس سبح لف نفسه بالغطوه وغطس بالنوم .

من اول يوم رجوع الهم بعدهم حتى ما مرتاحين

من السفر قابلتهم المشاكل من ڪُـل حدب وصوب

التفتت بـ خفه مررت عيوني ؏ ملامح وجهه

التعبانه ذبلان حبيبي ذبلان حتى لحيته

شكد يهتم بيها بس كلشي بي مخربط

بـ هل وقت حتى شعره ما مرتبه منثور ببعثرة

ظلماته بعيوني نور

والغيهب بعيني ملاك

وروحي اسيرة حبه الملعون

والعنه صعب تنفتح بسهولة .

منا ومنا حاربت نفسي ونمت

فزيت ؏ صوت تلفون الغيهب

فز مرعوب اخذه ورد بسرعة :- ها هشام .

- يمعود هشام مو كلت لا تخلي احد بحجي ويااااهاا .

فتح الصوت وكف بسرعة

سحب أوراق وهو يحجي :- غيهب مو بيده هو الدكتور

شاد حيله وياها يكول واضح البنية مضروبه لا تتسترون

عن الموضوع .

- انعل ابو لابو ابو البنية والله أدور علية مصيبة

وادفع فلوس واشمره وره الشمس .

دخل غسل بسرعة واخذ سويج السيارة

وسحب التلفون يريد يطلع همست بصوت

عليل مرهق :- غيهب .

نظر بتجاهي وابتسم يدعي الطمأنينة :- هشام مسافة الطريق

وأوصل لا توافق وتسمح الـ احد يحجي وياها حرف

تره اموتهااااا والله واخلص من شرها .

سد التلفون وتوجهه الناحيتي ، عدلت نفسي

ورفعتها شوية كعد بصفي رجع خصلات

شعري المتمردة وره اذني وهمس :- نور گلبي أمريني

بشريني شلون صرتي بعدج متأذيه .

- أحِس كُل حيل ما بيه مهدود حيلي والله .

الغيهب:- انطيج حيلي بس لا تضعفين انتِ قوتي

اني ساند نفسي عليج اذا توگعين اوگع .

زهراء:- اخخخخخ غيهب الدنيا حطمتني ، هلكتني ، خايفة

وتعبانة من كلشي اريد أمي.

سحبني الـ أحضانه وهمس وهو

يرفع راسي :- ليش يا الـبعدهن كلهن .

تخافين واني يمج تخافين واني زوجج

بضهرج اني وما اتخلى عنج مثل

ما انتِ ما تخليتي عني بيوم .

اكتفيت بالسكوت تقرب مني اكثر وكمل

كلامه يحاول يهدئني:- بس لا تبجين وكلشي ينحل

رجعي نامي وعد بس تگعدين تلگين ريحة أمج عندج .

هزيت براسي مد ايده مسح ادموعي

وتقرب طبع بوسه ؏ خدي وهمس :- كلشي يهون الله ميعوفنا .

رجعت غفيت بسبب وجع راسي

اتهرب من ألم جروحي ما ادري

شكد مر وقت فزيت ؏ ضوه

دخل من البردة وصوت مو غريب علية

يستهزئ:- شوف شوف شلون مخبله نفسهااا يبووو عليج .

التفتت ؏ مصدر الصوت وسعت عيوني

مصدومة منها:- ياااا رجاء شلون اجيتي هنااا .

تقربت بضحكة باستني وكرصت خدي

وهي تهمس :- مو تريدين امي اعتبريني امي .

اختنكت بعبرة الكلمة ونزلت دموعها وهي تحضني

فقدت اعصابي وروحي تصرخ

قبل صوتي :- حضنيني حيل رجاء اني تعبانه .

- منو وياج بس انطيني أسمه .

حجيتلها ڪُـل الصار بقت صافنه بوجهي

لا تاخذ ولا تنطي ، ودخلت بدوامة الحيرة

- كون صخام بوجهه وبوجهه ؏ هل عمله

بس يعرف الغيهب يتخبل عليهم يييييمه

قشعرت بسببهم جسمي كله كزبر .

- لعد اني شكول لج راح اتخبل من اباوع بوجهه الغيهب

روُحـي تنسحب مني اريد احجي كلشي واتراجع

وبنفس الوقت ما أريد يستغفلونه.

- خلي تمر هل مشكلة والغيهب يسيطر ؏ هل

هيام والباقي سهل كلشي سهل وداعتج .

هسة كومي وياي اخذي حمام وارتاحي

شوية حتى تتريكين .

- منو وصلج ومنو كال ردت امي .

- أستاذ غيهب ابو خشم العالي ، خابرني من الصبح

حتى بدون مايسلم كال اختج مريضة والبارحة

بالمستشفى واليوم كعدت تعبانة تريد امها

تكدرين تعوضيها ، رديت علية بثكل مثل ما هو

يحجي بثكل ، وصلها الـ بيتنا ، وهو تنرفز وما اكدر

وأمان ماكو واذا تريديها تعالي ، كتله انتَ وين

رد وصوته واضح علية التعب ، عندي شغله بالمستشفى

كتله اشوف ايهاب اذا قبل اروح .

وما اسمع غير جرها اممممممممممممممم ايهاااااااب

رديت علية وبالشافعات مسيطرة ؏ ضحكه :- اي ايهاب عندك

أعتراض.

- لا أعتراض شنو ؏ يا أساس.

- هم صدك ديلااا اروح .

سد التلفون بدون ما يسلممممممم بلعتها ورحت

حجيت الـ ايهاب هو وصلني خطيه تلكتني

هاجر يمكن كايللها وصعدتني هنا كالت أخذي راحتج ونزلت .

كمت سبحت ونظفت جسمي رغم هو نظيف

ما أبقي نفسي بيه وصخ وشعر اقرف وهم

ڪُـل شوية متخربطة فـ لازم جسمي دائمًا نظيف

طلعت لكيت هاجر ورجاء بالغرفة يسولفون

ومقابيلهم صينية الريوك :- خوفتيني عليج حبيبي .

رديت عليها واني افتح شعري :- عمتي شلون صارت .

هاجر:- احسن من البارحة.

زهراء:- وفرح .

هاجر:- قنعوها ڪُـل الصار من ايدها وسكتت .

زهراء:- وين هِـيِّ هسة.

هاجر:- بيت اخوها ما قبلت ترجع هنا خلينا مخلصين

من سمها يمعودة .

نزلت راسي ورحت سرحت شعري وكعدت وياهن

بس ما الي اي نفس اخلي اي لكمه بحلگي ..

.........................

مستشفى المدينة الساعة 9:00 صباحًا.

دخلت بخطوات ثابتة متوجهه للغرفة

أريد اخلي حل الـ هل مهزلة الـ ماناويه تخلص

وكل الحق ؏ ابوية بكل الصار .

تقابلت ويا هشام حايره اشرتله شكو من بعيد

هشام:- هاي الساقط........ تريد تشتكي .

ابتسمت بستحقار وفتت للغرفة

شافتني وبجت وهي ما تباوعلي

الغيهب:- الحمدلله ؏ سلامتج .

- هاي يا سلامة راسي مفتوح وياكل بيه الوجع

بسبب وحدة بلا اصل ولا فصل .

صكيت ؏ اسناني واني اهمس بتحذير:- واذا ما تلزمين السانج

وتعرفين الـ تقللين منها وحلگج القذر يسب بيها هاي زوجتي

ام ابني اكمل فتح راسچ وهل مره امحي اثرج من الوجود .

هشام:- غيهب لا تنزل الـ مستواها .

الغيهب:- ولك هم كحبـ..... وشامريها بين الزلم صار

شهرين بالجذب ما سألوا عليها وهم تحجي بالأصل .

هيام:- صرت كحبـ..... مووو سهله يا غيهب

هل كحبـ... اليوم تشوفك شسوي بيكم .

عوجت ايدها وكف هشام يمنهني

طبكت اصابعها كسرتهن بيدي

واني اضغط ؏ مخارج الحروف همست :- نسيتي منو كدامج

انا الغيهب ما اتهددد اهددد العب وياج تك اصبع

اخليج تتمنين لو ما غلطانه وياي احتررررررميييي لا

اشتغلچ .

عفت اصابيعيها بعد ما طلعت روحها من الوجع

تراجعت للخلف سحبت كرسي ودخل علينا ابوية

- هااا جيت .

- اي جيت .

هيام:- وين الدكتور أريد أشتكي.

ابو الغيهب:- بابا شنو تشتكين يعني

كلت الخاطري ما عندي خاطر يمچ .

هيام:- انتَ ؏ عيني وعلى راسي

بس زهراء ما اسكتلها ؏ فعلتها .

الغيهب:- اي وبرأيج اقبل زوجتي تنسجن.

هيام:- وبرأيك اني محامية شنو تكدرلي

الظاهر نسيت اني اقوى منك بـ هل قضايا

فما بالك القضية قضيتي .

زفرت انفاسي بتثاقل وهمست واني

أعرف بيها تقصد كلامها :- مقابل سكوتج .

رفعت حاجبها ابتسمت متأذيه :- تفتهمني .

رفعتلها حاجبي وأكدت كلامها :- نفهم ؏ بعض .

ابو الغيهب:- لج بابا هيام هاي جزات وكفتنا وياج

وفتحتلج بيتي تتفاوضين ويا ابني تريدين تسجنين زوجته .

هيام:- هو جبرني عمو اذا ما اثبت نفسي

غيهب يشمرني بالشارع .

الغيهب:- خلصيني بسرررعة اختصري.

وبدون مقدمات باوعت بعيوني وهمست:- ترجعني ؏ ذمتك

اريد ارجع مرتك .

ضحكت بعلو صوتي واني ارد عليها بكل

ما تعني الكلمة من استهزاء:- وبعرس لو بدون عرس .

هيام:- الظاهر ما عجبك الموضوع خلص نرجع

نريد نشتكي ونخلص من العثرة الـ بطريقي .

الغيهب:- هـــــيــــــام راح اموووووتج وحق محمددددد .

هيام:- رجعني زوجتك وحق الله ما تسمع صوتي .

الغيهب:- تعذريني مصفي الكحا...... من حياتي

ما اكدر اخليج بمقام زهراء وتصيرين ضرتها ما تسوين .

هزيت نفسي بقرف وصحتت:- مجرد ما اتخيل اريد اتقيئ .

ضحكت بـ سخرية:- هههههه لو تعرف ليش هيج سوت

مرتك ام ابنك المصون ما تحجي هِـيِج وحق ربك ما تحجي هيج .

قلصت حاجبي متعجب من طريقة كلامها وثقتها

بنفسها وكأنها لازمة مستمسك يهد زهراء هد

اذا نطقت بي :- لج شنو قصدج .

لزمني ابوية وعاط :- خلي نرجع للبيت نتفاهم هناك .

الغيهب:- ممنوع تدخل بيتي .

ابو الغيهب:- انتَ كلت ما تبات هل يوم بالبيت

وما باتت فـ هسة نرجع نتفاهم بالبيت قبل لا يجونا

الشرطة وتكبر .

اشرلي بعيونه عفتهم وطلعت انتظر بالسيارة

ما طول ونزل هو وياها وهشام يمشي بعيد

عنهم يشرب جكارة.

صعدوا هشام أفتر علية وهمس:- انزل إني أسوق السيارة

المفروض هسة انتَ نايم بالفراش .

نزلت واني ارد علية ودمي شايط :- هل كحبـ... لزكت بعد

وين تخليني ارتاح .

صعدت وطلعنا للبيت اول ما دخلنا

بدون كلام زايد ومد وجر وعر صحت:- يلاااا بسرعة طربوني

اريد ارتاح جسمي منهك ..

دخل أمير وجهه صاير اسود مطعون

طعن وما يباوع بوجهي استغربت

من الوضع كله ، دخلت هاجر باوعت

؏ هيام بستحقار وهمست:- هم رجعت لازم تريدين زهراء تكمل عليج .

هيام:- راح يصير أنقلاب ادوار بهل وقت اذا ما وافق

الغيهب ؏ طلبي .

الغيهب:- غسلي ايدج مني بقاصر .

ردت بتحدي :- هاجر صيحي زوجة الغيهب الشريفة

العفيفة المستورة خلي نكشف المستور والـ شفته

بعيوني .

الغيهب:- ما تجي وتشوف وجهج مريضة وما اقبل

توكف كدام رخيصه مثلج الغالي ما ينزل للرخيص .

ضحكت والتفتت الـ ابوية وهمست:- ما يعرف بالغالي شسوت

وشلون رخصتك ومستغلتك .

تنرفزت من كلامها كمت بلا وعي

كفختها براشدي خليتها ترافس عطت بعلو صوتي :- الحاصل

لج الحـــاصل لا اموووووتج هناااا واموت الـ يدافعلج .

نزلت رجاء وزهراء من فوك

زهراء لزمتها رچفه وصاحت :- هاييي ليش رجعت ليش رجعت

غيهب طلعها بره والله اهجججججج اذا تبقه.

هيام :- تخافين افضحج مووووو .

ملخت نفسها وهي ترد عليها

بقمة غضبها وانهيارها :- انتِ تفضحيني اني تاج راسج

شلون تفضحيني اني اذا احجي الـ شفته اخلي يدوس

راسج بالقندرة .

بقيت مصدوم بيهن وحده تهدد بالثانيه

وكف عمي بنص الاستقبال وعاط:- شعدكم ولكمممممممممم .

هيام:- اني العندي زوجة الغيهب الـ يدافع عنها

ويأذي الـ يلفظ اسمهاا وصايرة هِـيِّ الغالية

الشريفة الـ ماكو مثلها بوقت ما انتوا بالمستشفى

وهشام اخذ فرح هم للمستشفى البيت فرغ

اني جنت محبوسة بالحمام من طلع هو الغيهب

راد يضربني بقيت بره بعد ما تعبت ودخت من الحر

دخلت اريد اشرب مي وياريت ما فتت

شفت زهراء كاعدة بحضن امير بوضع كسيف

ما أكدر حتى انطق واكمل بعد بس جانت تبوسه

وهو يبوسها ووووووو ......

يتبع ..

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _35_

هل يمكنني احتضانك للأبد ؟

.................................

زهراء...

هيام:- اني العندي زوجة الغيهب الـ يدافع عنها

ويأذي الـ يلفظ اسمهاا وصايرة هِـيِّ الغالية

الشريفة الـ ماكو مثلها بوقت ما انتوا بالمستشفى

وهشام اخذ فرح هم للمستشفى البيت فرغ

اني جنت محبوسة بالحمام من طلع هو الغيهب

راد يضربني بقيت بره بعد ما تعبت ودخت من الحر

دخلت اريد اشرب مي وياريت ما فتت

شفت زهراء كاعدة بحضن امير بوضع كسيف

ما أكدر حتى انطق واكمل بعد بس جانت تبوسه

وهو يبوسها وهاي اني بلغتكم .

؏ طول ما هِـيِّ تحجي عيوني تعلگت ؏ غيهب

أنتظر أشوف رد فعله اتجاه كلامها شنو

معقولة يصدكها ، يصدك هيام بـ لحظتها

معناها خسرني للأبد.

حط أيده ؏ رأسه وهالة الهدوء

محاوطته ، الكل ساكت حرفيا

النفس ما ينسمع تحركت

واني أرتعد جسمي عبارة عن سعفة

متشنج بصورة رهيبة ، لا يمكن اوصفها

بالكلمات وگفت كدامه وصحت بكل ما تبقه

عندي من قوة :- ساكت غيهب ما اسمع صوووتك

ونزلت راسك  .

مديت ايدي رفعت رأسه صارت عيني

بعينه صايرة قطعة من الدم الأحمر

صاك ؏ أسنانه ، طال النظر بعيوني

رفعت حاجبي ورجعت كملت :- ليششششش سكتتتتت احجي

هاي الصفرة اتهمتنيييي بشرفي طعنتني بشرفي غيهب

لا ويا منوووو ويا اخوووك .

التفتت اباوع الـ امير واني

احس بعقلي باقي بي شوية ويختل

صرت مخبله رسمي وآني أصرخ

بعلو صوتي :- احجي امير لا تبجي احجي

كلشي ،  كوللهم زهراء شافتني ويا هيام وهي

شمرتها براسها لا تبقه ساكت أبداعت اطفالك لا تسكت .

ابو الغيهب:- افتح حلكك لك راح اموتك احجي .

لحظات هِـيِّ بس لحظات

أنسحب امير ونركع راسه بالكاع

وهشام صعد علية قيد حركته وصارت

البوكسات تنزل ؏ وجهه وجسمه

وصوت هشام زلزل البيت :- تعيدوهااااااااااا علية

لك تعيد غلطططططط جلال وانتَ شهدت ؏ ڪُـل

مراحل هدم اخوك هاي لو ما اني وياك جنه نبجي

دم ؏ حالته دم .

استمر بكل هستريا يضرب بي

ولا واحد منهم ادخل ورفعه منه :- لك عفت بيتي وزوجتي

واطفالي شهرين في سبيل يرجع اخونا مثل قبل

وانتَ باقي هنااااا تحضر كمين حتى من يرجع من السفر

يرجع أسوء من قبل هذا التريده .

أمير ما نطق بحرف ولا حاول حتى يدافع

عن نفسه مستسلم استسلام تام ، وهشام فاقد

وهو يضرب بي الى ان رفعه وركع رأسه

بالحايط ؏  اثرها فقد امير الوعي .

الكل بحالة صدمة مركزين عليهم

غافلين ؏ غيهب اباوع ؏ مكانه فارغ

وسعت عيوني وصحت:- الغيهب وين .

تركنا امير وتوجهت الأنظار ؏

غيهب الـ أختفى بدون ما يحس واحد بينه .

رجاء :- الغيهب صعد فوك .

بعدها تحجي ونزل مررت عيني

علية وستوقفني المسدس بلعت

ريكي وتصلبت بمكاني .

ابو الغيهب:- ذب المسدس غيهب لا تتصرف بغباء .

وكف هشام بوجهه وسحبني من ايدي شمرني

وره ظهره:- غيهب مستحيل تسويها زهراء تحبك

شنو تحبلك لك تموووت عليك لا تغلط وياها

باعت الدنيا علمودك ابوس ايدك لا تستعجل .

رفع المسدس وجهه ؏ هيام

اباوع شرايين أيده بارزات بكل

وضوح وجهه انطعن احمر

مشى بخطوات ثقيلة بتجاه

هيام وصاح:- الـ يقترب خطوة بس خطوة أطشر راسها .

هيام:- عموووو سوي شي يريد يموتني الله يخليكم ساعدوني .

هشام :- استغفر الله يريد يخبلنيييييي

غيهب نزل المسدس كلشي ينحل بس لا تسويها دم .

الغيهب:- وتريد الصار بيه قبل ينعاد هسة وما أخذ حقي

هِـيِ وأمير اليوم اخر يوم بعمرهم .

وكفت كدامه وصرخت

بجنون واحس بروحي تنسحب مني :- لا تهجم بيتنا أبوس ايدك

عوف التهور وذب التلفون وشتريد تسوي سوي بس هل مسدس لا .

نزل ايده سحبني وشمرني وهو يرد:- طلعي منا بسرعة .

حجاها وسحب اقسام هِـيِّ لطمت لطم ؏ وجهه

بحيث وجهه صار دممم ما ينشاف من الزراك

ولان هِـيِّ بيضة بسرعة يبين عليها شكلها

صار مخيف :- بابا غيهب ذب المسدس دخيلك لا تورطني

لا تهدم حياتك الـ سعيت تبنيها ڪُـل هل اشهر .

ام الغيهب:- يمه غيهب مرتك حامل وين تعوف ابنك

فهمني وين تعوفه والـ منو الخاطرري اذا عندي خاطر

عندك يا يمه ذب المسدس.

هشام:- اعرف شنو شعورك ادري رجعولك نفس

ضربت جلال وموج وبعد ما عندك ثقة بينا

بس لا تهدم حياتك لا هيام تستحق ولا أمير .

ضحك مستهزئ بس واضح

الألم بصوته المبحوح :- هههههههه مفتهمين غلط هسة

لو متزوجها امير هم ما يهمني اي ولا يهمني ، اصلا عادي اخواني

ما تعجبهم غير بس النسوان الـ جنت وياهن

هم إرخاص وهنه ارخص منهم وبالخصوص هاي

الحربايه المتلونه وذيج ملكة الكحا........ .

دفع هشام وصار مقابلها وعاط :- تدرين شنو سبب موتج

لازم تعرفي قبل لا تفارقين الحياة هذا حقج .

هيام:- لا تنسى اذا تضربني تروح اعدام.

الغيهب:- الكدامج مو غبي اعرف ثمن اغلاطي

انتِ غبيه ما فكرتي بعد كلامج هذا الثمن روحج القذره.

هيام:- هاي جزاتي لان ما خليتهم يستغلونك

ويمشي المي من جوه رجلك وما تع......

بعدها ما مكملة ضربها ؏ مكان الخياط

بشاجور المسدس والدم صار بطولها

وكعت بالكاع ترافس برجلها من الوجع :- انفتحت الـ خياطات

لحكوووولي انفتح راسي .

نزل رفعها من شعرها خلاها تزيد

بالصراخ وهمس:- بعدج مصره تطعنين بعرضي

بعدج مصره تشوهين بـ تاج راسج .

ضربها بوكس ؏ وجهه وكمل كلامه

وهو يهز بيها :- من سافرت جنت ؏ علم اني تارك

زوجه شريفة ووفائها يسواج انتِ وعشيرتج

وادري لو اخليها بوسط جيوش من الزلم

تطلع منهم طاهرة وشريفة محافظة ؏

سمعت زوجها ابو ابنها .

تجين انتِ القذرة تتهميها بشرفها وتريدين اصدك

لا والله بـ احلامج ما تصيييييييير يا كحبـ.....

رجاء:- انطينياها هل كلبه اليوم اشرب من دمهااااا

لج حقيرة اختي تاج ؏ راسج فاشلة امهات الشوارع

عبالچن ڪُـل بنات العالم مثلچن رخيصات يبيعن نفسهم

الـ هذا والذاك قذرات حقيرات دمرتنها  .

لزمتها هاجر وصاحت:- عوفيها رجاء لا تقذرين ايدج بيها .

رفسها ؏  بطنها ورجع رفع المسدس

من تأكدت هو ما شك بيه ، بكل ما عندي

من قوة حاولت امنع المصيبة الـ راح اتصير اذا

ما أدخلنا .

وكفت كدامه لزمت المسدس ودموعي تصب

مديت ايدي نزلت راسه خايت عيني بعينه

وهمست بضياع :- لا تعوفني وحدي غيهب اني ما عندي

احد غيرك اذا تروح انتهي وكلها اتعبني اني ما اكدر اعيش

من دونك اذا تسويها اموت نفسي وراها لان ما اتحمل

فكرة انتَ تنسجن وتنعدم .

نزلت ايده وكملت واني بقمة انهياري

وروحي تنزف قبل دموعي :- كلشي يتصلح بس

القتل لا والف لا ، لا تيتم أبنه من هسة

ما عدنا غيرك والقران ما عدنا غيرك انتَ ڪُـل اهلي .

أثناء ما احجي ويا هيام راحت زحوف للباب

وطلعت تركض ودمها بطولها وقبل لا تطلع

بـ هل منظر ركض الها هشام ذب عليها عباية راس

سحبها من ايدها بقوة ودفعها بره البيت بكل غضب

وبدون رحمة .

ما احس بي غير دفعني وطلع من البيت

رجاء بسرعة اجت سحبتني من ايدي

وصاحت بوجهي:- لج زهراء تعالي وياي انتِ وين عايشه

شنو هل سوالف وشلون تبقون طليقة الغيهب بنص بيتكم

وين صايرة عمي عيب عليكم مخليها گدم مرته وبين اخوته

الغلط منكم ابو وامه ، اي ووالله لا غلط ابنكم ولا غلط ذيج

الرخيصة لان أمثالها مستعده كلشي تسوي حتى تحصل الـبراسها .

كعد عمي أيده ؏ راسه

وأمير كدامنا فاقد الـ هل دقيقة

بعدنا ما مستوعبين الصار ورجع دخل

هشام ذب مي ؏ امير بس فتح عينه سحبه

واخذه فوك شمره بالغرفة وقفل الباب علية :- هنا مكانك الى ان

يرجع الغيهب ويتصرف وياك والـ يداخل هل مره مثل القبلها

اتبره منكم كلكم واطلع من البيت وحق الله بعد ما تشوفوني .

نزل يرجف ويحجي ويا عمي محروك گلبه ؏ غيهب

لان هو شاهد مراحل العلاج كلها ويعرف شگد تعب

حتى رجع يضحك .

عمتي رجعت الغرفتها وهاجر حارت بين عمي وعمتي

اما رجاء سحبتني من ايدي وصعدتني اني حالي حال الجثه

تحرك بيه مثل الخرخاشه ، گعدتني ؏ جرباية

وبقت تفتر بالغرفة وتلطم ؏ راسها .

رجاء:- شنو جابرج تتحملين ماكو شي يجبرج

عندج اهل وشگد ما يسون ما يوصلون المصايب هل

عائلة الفاسدة لج عيني ماكو هيج بعمري

ما مرعلينا مثلهم .

زهراء:- الغيهب جابرني ابقى ما أكدر اعيش بلا

الدنيا تخنكني واحس نفسي ضعيفة اني احتاج

الغيهب مثل ما هو يحتاجني .

رجاء:- اسمعي مني وتعالي وياي لج

هذولي يموتوچ والله يموتوچ.

زهراء:- ابوج ما يريدني ولا عمامج انتِ شتحجين رجاء.

رجاء:- بس حجي بابا قلبه طيب وما يقبل

؏ أذيتي ولا أذيتچ .

زهراء:- ڪُـل عقلج اعوف الغيهب بنص الطريق

اني گاعدة احجي وياج واحس بنار

تاكل بكلبي وين راح ليش طلع بـ هاي حالته

اخاف بسوي حادث لو يغلط ، رجاء شلون اذا يرجع

للصفر وهم يرجع يروح شقق وبنات ما اتحمل بعد .

غطيت وجهي وبچيت الى ان انهد حيلي

رجاء حاضنتني وتبجي وياي :- انعل ابو الحب دمرتي نفسج

وضيعتي شبابج علمود الغيهب .

لزمتني دوخة صرت ما أكدر

حتى اوكف وأنطق بحرف

خليت راسي ؏ مخدة وجسمي ينفض

وبين الكاعدة والنايمة حسيت برجاء ترفع خصلات

شعري وبيدها قرأن كعدت بصفي وتقرأ وتبجي

دموعها زرفت گلبـي ، رجعت غفيت وفزيت واني

اسمع صوته فتحت عيوني صار مقابيلي

سدت رجاء القرآن الكريم وهمست :- زهراء حرارتها عالية

ضروري ننتبه لا تصير عدها مضاعفات لا سامح الله .

رد بصوت رخيم :- تحتاج مستشفى أخذها.

رجاء:- لا بس اريد أخذها وياي للبيت ادير بالي عليها

هنا كلكم مشغولين انتَ عندك مشاكل واخوتك هوسة

وهاجر حايرة بين امك وابوك والجهال كلهم عدها .

غلق عينه عصرها بـ اصابيعه وهمس:- گعديها خليني أوصلكم.

عدلت نفسي ستندت ؏ ضهرالجرباية

وهمست بصوت ناصي :- رجاء جيبيلي مي

من جوه وكون بارد .

هِـيِّ بسرعة افتهمتني وطلعت بقيت ؏ كعدتي

هو نفس ما هو ما تحرك الحسرات تحجي بالنظرات

قبل لا ننطق بحرف :- تعال غيهب .

أستند ؏ ميز وهمس :- حضري نفسج .

بيه ما بيه گمت من مكاني وتوجهت اله

وكفت مقابيله رفعت نفسي ؏ أطراف

اصابيعي وسحبته من مقدمة قميصه طوقت

رأسه بـ اثنين اديناتي وقيدت شفايفه بين شفايفي

فصلت البوسه سند مقدمت راسه ؏ راسي

تعانقت نظراتنا بضياع همس :- رجعت اختنك زهراء.

اخذني الحضنه بلمح البصر

ضم وجهه بركبتي وستسلم

كدامي وهو يبچي بعجز :- دموعك غالية لا ترخصها .

الغيهب:- ليش اخوتي هيج اريد افهم همه ليش هيج .

زهراء:- يولون كلهم بس اثبت ولا تسمح الـ احد

يشوفك ضعيف ما اكدر اشوفك بـ هل ضعف

خسارتهم اهون من ما يبقون يستغلونك .

الغيهب:- خسارتهم منو هم واخسرهم شبيج زهراء

حالهم حال اخر الجگارة وگعت من ايدي

ما اهتم وداعتج ما أهتم عندي الغالية ما تهمني رخيصه.

بس اني مخنووووك جنت طالع النسوووان خيير من الله

بالشارع هووواي نمل نمل ، يعوفون الدنيا كلها تدنى نفسهم

؏ طليقة اخوهم لو خطيبته ماكو هيج قذارة.

زهراء:- لا تسمع من طرف وأحد غلط حبيبي

أكو لغز بالموضوع أمير مو هيج اعرف هل انسان

شكد طيب وگلبه نقي ، لا تنسى امير صايم مصلي

مستحيل يغضب ربه الخاطر وحدة مثل هيام .

الغيهب:- راسي شوية وينفجر ولا بيه ولا بـ عمليتي 

ولا بالعلاج تتطاير علية المشاكل من كل مكان

وين ما اروح مشاكل مليت .

مسحت وجهه بيدي وهمست :- اذا انتَ ما تكشف الحقيقة

ماكو احد يكشفها شد حيلك وأسمع اخوك امير الـ هل

ساعة ما نطق بحرف .

الغيهب:- انتَ شفتيهم ؟

هزيت راسي وهمست :- اي شفتهم بعيوني وهم امير

جمد وما تحرك نهائيًا.

تركني وطلع صاح ؏ هشام بسرعة

صعد اشر ؏ باب وهو يحجي :- افتح الباب بسرعة خليني

احجي ويا واسمع منه .

هشام :- خلي يولي لا يصير بيك شي بسببه .

الغيهب:- لازم نسمع منه .

هشام:- غيهب كلت عوف امير والله توكع

حالتك حرجة الدكتور كال ارتاح شهر بالفراش

انتَ كاعد تگتل نفسك يمعووود .

الغيهب:- افتح الباب هشام بعد ما أعيد كلامي

لا تخليني أكسر الباب والدنيا .

استسلم ونفتح الباب امير كاعد ؏ جرباية

رفع راسه باوعلهم وورجع نزل راسه .

الغيهب:- اجيت اسمع منك اذا طلعت انتَ

الغلطان حالك حال القبلك اعتبرك ميت

تموت نفسسسسس جلال امير نفس جلال بالضبط فـ احجي .

صعد عمي ركض عاط بيهم :- غيهب عوف اخوك تخبلت .

الغيهب:- يابا والله ما انصحك تحجي وياي روُحـي

خلصت بسببك كم مرة كلت يابا استرها علينا وطلع

هل متبربگه ولا أخذت كلمة مني تعاندني دائمًا تعاندني .

انتَ احجي لا أشوه وجهك لا تبقهمثل النسوان ساكت .

أمير:- اول شي رجع الكاميرات ؏ ساعة الـ رجعت

بيها من المستشفى وزهراء ضربتها .

الغيهب:- ما أتذكر الساعة .

أمير:- ولا اني بس زهراء أحتمال تتذكر.

ما طلعت الى ان صاح علية هشام

انطيتهم الوقت وكعد الغيهب يرجع

بتوقيت الكاميرا .

تقربت منه امير وأكف بالكراج وهي طلعت

من الحمامات الخارجية ، تقربت تحجي

وامير مبعد وجهه ما باوعلها ابد ولا عبرها

تالي رفعلها حاجبه وعافها ودخل .

أختفوا من عيونه كمل أمير الصار.

امير:- دخلت بعدي فورًا وبدون

مقدمات كعدت بحضني ومجرد

ما أقتربت باستني دخلت زهراء

جمدت من حركة هيام وتصلب جسمي

من شافتني زهراء ، وبنفس الوقت انتَ

دخلت ويمكن هِـيِّ سامعه صوت سيارتك

وهيج سوت واحتمال تريد تضحك ؏ واحد بينا

او تشمر مصيبة علينا حتى ناخذها .

فعلًا كلشي صار بالدقايق وبكل تكتيك

عبالك حاسبتها :- ڪُـل الصار بسببك يابا .

امير:- كم مره اجيت أشتكي عليها كدام امي

كلت يمه بس ادخل للبيت الكاها فاتحة المي

ومطلعة رجلها بالكراج عود شوفني .

واذا افوت منها تضحك ضحكة الـ .... استغفر الله

واني اصلي طلعوهاا ، بكل مره تكول هل كم يوم

هل يومين تالي هذا حالي وگعت بيها واني مو صغير

صاحب جهال بدون ما تسمعون مني تضربوني هل ضرب .

هشام:- تستاهل حتى مره الثانية لا تصفن

وتحجي بسرعة ولا تلزك بـ حلگك .

الغيهب:- وين وديتها هشام .

هشام:- بس طلعتها منطقتنا ونزلتها هل چلبه .

هز براسه وطلع من الغرفة مشيت ويا

دخل للحمام غسل وجهه ودخل للغرفة

اشرلي ؏ صدره وهمس

الغيهب:- رجعت تعبان ، رجعت اختنك

زهراء:- صلي .

ابتسم وهو يباوعلي بستغراب:- اني اصلي .

زهراء:- اي انتَ صلي اوكف وصلي

صير قريب ؏ رب العالمين .

الغيهب:- بس الله سبحانة ..

زهراء:-  قال :- { لا تقربوا الصلاة وأنتم سكارى حتى تعلموا ما تقولون }

وانتَ بوعيك واعي ؏ تصرفاتك

كافي ظلام اذا تريد النور تقرب من الله سبحانه وتعالى

خليك بين أيده ادعي الله سبحانه يسهل علينا حياتنا.

الغيهب:- ما ادري أحسها صعبه.

زهراء:- براحتك ، اني هم تعبانه و..

الغيهب:- رجاء منتظرتج جوه بدلي وخليني اوصلكم.

زهراء:- لالا اني تعبانة واريد اروح المكان

أرتاح بي تكدر تاخذني.

الغيهب:- اي طبعا.

زهراء:- خلينا نسبح ونبدل ونطلع .

كمت رحت للحمام تحت نظرات الـ استغراب

سبحت بسرعة وهو ورايه بدلت ،  دخل

بسرعة لبس ملابس ونزلنا الكل يباوعون علينا عفته

واكف ويا عمي وهشام ودخلت الـ رجاء:- يلااا نروح .

عمتي كامت مفزوعة :- وين تروحين يمه لا تعوفي وحده

هو كل هل عصبية علمودج انتَ وحدج تهمي من بيناتنا .

أقتربت منها مسحت ادموعها وهمست:- تحملت الغيهب

بـ أسوء حالات الظلام وبقيت ، وهسة بعد ما صار

زين اترك أيده مستحيل شيلي هل أفكار من راسج

اني والغيهب روح وحدة .

لزمت ايده وهمست بتعب:- لعد وين رايحين يمه .

زهراء:- اذا يبقى گاعد هنا يرجع مثل قبل

اني حفظته ؏ غيب فـ عندي حل عوفي عليه .

مدت ايدها سحبت راسي وباسته وهمست :- الف رحمة ونور

؏ قبر امج الطاهرة ؏ هل تربية.

بستها وطلعت صارت هاجر مقابيلي كرصت خدي

وهمست بفرح :- روح يحلو روح .

زهراء:- أحبك يحلووو .

هاجر:- اموت عليج بزونتي .

طلعت بسرعة لكيته كاعد ما يحجي وياهم

بس جگارة وره جگارة يشرب بدون انقطاع

سلمت وطلعت وصلنا رجاء بعد ما فهمتها

؏ ڪُـل الـ بالي وطلعنا بنص الطريق همس :- وين تروحين .

زهراء:- الكربلاء .

التفتت مصدوم ورد مستغرب:- الطريق طويل .

زهراء:- اني وياك بنفس المكان ماكو احد موجود

هذا حلم حياتي واتمنى الوقت يوگف بينا الطريق مو مهم .

ابتسم ورجع يشرب جكاير بس مخنوك بشكل

ڪُـل شوية يا فاتح الشباك يا فاتح التبريد

ومن يجر النفس ينسحب بصعوبة

وعصر عيونه هاي ولا وكف منها

وأحيانًا توصل عنده يخربط بشعره

بعشوائية ، حاولت بكل الطرق أهدي أعصابه

بس جنت أفشل ، الى ان وصلنا عاف السيارة

بالكراج وخلصناها مشي .

صار الأمام العباس مقابيلي

نزلت دموعي وبداخلي صرخة

همست بصوت خافت يحمل ڪُـل

أنواع الألم:- أجيتگ يا أبو فاضل

أحتمي يمك اني بحاجتك لا تردني يا مولاي .

دخلت ؏ تفتيش وتفارقنا اني والغيهب

جوه صرت وحدي وهاذا مطلبي اريد اطلع

قهر گلبـي كله ، كعدت مقابيل قبر الـ امام

العباس حجيت ڪُـل حجي الـ مضموم

بچيت الى ان خلصت دموعي

ونزاح الم صدري حسيت ثقل صدري كله راح

بس ما كدرت ألزم الشباك سلمت من بعيد وطلعت

واني احلفه بـ أمه .

لكيت الغيهب واكف بالباب يباوع

بالوجوه اول ما شافني تقرب علية

مفزوع :- بيج شي تأخرتي كلت تخربطتي جوه .

ابتسمت بوجهه وهمست:- لا حبيبي بس زرت وطلعت

نروح نكعد هناك بعدني ما صليت.

هز راسه ومشيت اني ويا :- زرت انتَ ؟

الغيهب:- اي بس ما لزمت الشباك احس نفسي ما أستحق.

زهراء:- ليش هيج تحجي غيهب حرام عليك قابل

انتَ قاتل روح ، لو كافر بيهم .

الغيهب:- عوفيني اني من أشوف نفسي استحق

أجي هنا والزم الشباك.

مشيت اخذت تربتين خليت وحده

كدامه والثانية كدامي:- زهراء ما ....

زهراء:- انتَ اطيب قلب بالدنيا لا تخاف اني وياك

بحماية أبو فاضل العباس (علية السلام )

خلينا نبدي بداية جديده من هنا ، نلتزم بالصلاة

ونقرأ القران ،حتى نتوفق بحياتنا .

ظل صافني بوجهي إقتربت لزمت ايده

وملت براسي رمشت بعيوني وهمست :- أسمع مني .

أبتسم وهمس وهو يقترب اكثر :- تستاهلين امسح

ڪُـل حياتي القبلج عشتها وأبدي من جديد بكلشي ، يلااا

يا نعمة الرحمن يلاااا نصلي .

وگف مقابيلي واني وره صلينا سوه

بحضرة ابو فاضل من خلص كعدنا بصف الحايط

هو كعد بصفي اني اخذت القران أقرا شوية

بقه يباوعلي الى ان تمدد ورأسه ؏ رجلي

همس:- اقري بصوت عالي شوية .

عليت صوتي وكعدت اقرا خلصت

وهمست :- صدق الله العظيم.

اباوع ؏ غيهب رايح بـ سابع نومه

صرت العب بخصلات شعره بكل هدوء

نايم بعيوني كأنه ملاك

مرت الساعات ورجلي بعد ما احس بيها

بس ما تحركت ، بقيت اباوع ؏ عالم

والاطفال شلون تركض وتلعب

ضحكهم وزقزقت العصافير فوك راسي ترد الروح

مقابلنا عائلة بيهم 15 نفر نسوان وزلم وبنات

ما دامنا كاعدين عيونهم ما رفعوها من عدنا

وأضح عليهم مستغربين شلون رجال نايم بحضن

مره لان هم مخلين نسوانهم ؏ صفحة وهم بصفحة ثانية

بدت خيوط الصباح تتسلل والشمس تظهر

تعلن عن يوم جديد ، أستقبلت هل يوم ببتسامة

خفيفه ازعج الضوء عيونه غلقها بقوة وفز يباوع

علية :- طلع الصبح .

زهراء:- اي حبيبي .

الغيهب:- واني بعدني نايم ؏ رجلج كسرتها .

زهراء:- عساها نوم العافية دائما جنت احلم

تنام بحضني وابقى اصفن بوجهك براحتي .

الغيهب:- تهدأ روُحـي وتستقر بحضنج للأبد ابقى احب حضنج

وحنانج علية لا تتخلين عني ابد .

زهراء:- ابيع الدنيا وأبقى يمك حبيبي  .

الغيهب:- حركي رجلج لا توكف .

زهراء :- لا هِـيِّ اصلا واكفه ما تتحرك .

اقترب يدلك بيها بخفة حتى ما اتأذه وعلى وجهه ابتسامة

وگف بعد دقايق وسند ظهري كمت بصعوبة

نزل هو بيده لبسني حذائي ولبس حذائه

وطلعنا تريكنا لان من البارحة لگمه ما مخلين بحلگنه

من خلصنا اكل زرنا الامام الحسين (علية السلام)

وبقينا هناك ساعة وطلعنا للبيت .

رجعنا الـ ابتسامة ما فاركت وجهي ولا وجهه

عبالك انولدنا من جديد ، وصلنا بـ ثمانية الصبح

خابر ؏ هشام فتح الباب ودخلنا بسرعة

بس سبحت وهو سبح اخذني الـ حضنه ونمنا .

كعدت؏ اذان المغرب نزلت سلمت ؏

الكل وحجيتلهم مقتطفات عن الزيارة

رحت أجهز الأكل سمعت خطوات

؏ درج رفعت رأسي هشام يريد ينزل :- جوعان زهوره.

زهراء:- عفية بس گعد الغيهب ياكل ويانا .

رجع صعد طول اله نزل صافن :-  ها هشام كعد .

هز راسه وهمس:- اي كاعد .

أبو الغيهب:- لعد شبيك صافن عبالك مكتول.

هشام:- انضربت ؏ وجهي .

ابو الغيهب:- منو ضربك غيهب .

هشام:- اي الغيهب ضربني .

ابو الغيهب:- هذا خبل والله مو بعقله .

هشام:- ضربني من فتحت الباب

تتخيل وتصدك اذا اكلك الغيهب يصلي .

ضحك عمي وهمس:- بـ احلامك هم ما تشوف الغيهب يصلي .

هشام:- كوم بداعت امي كوم وياي .

سحب عمي بالتواسيل والصراخ

صعد فوك ونزل هشام فتح التلفون وعاط:- اني عبالي اتخيل

شوفي يمه الغيهب يصلي وحق الله يصلي .

عمتي اخذت التلفون وبقت تباوع

رفعت راسها وهمست :- اخاف اتفقت ويا .

هشام:- لا يمه والله لا اني انصدمت مثلج

وما صدكت حتى ابوية فوك ما يقبل ينزل .

ضحكت ؏ كلامهم وهمست :- تحسسني الغيهب ملحد .

هشام:- هو مو ملحد بس ما تخيلت بيوم اشوف الغيهب

يرجع مثل ما چان صغير ويصلي تتذكرين يمه برمضان

هو قبلنا يروح يصلي .

ام الغيهب:- الله ايام لو تنعاد ما اخلي الصار كله يتكرر .

هشام:- هذا القدر يمه ما نكدر نغير قدرنا .

نزل عمي والغيهب ينزل وره متنرفز :- شنو جنت صاحب ملهى.

ابو الغيهب:- دولي بابا اني لو ما شايفك بعيوني ما اصدك .

كعد ؏ ميز ويرد ؏ عمو

بكل ثقة:- اني خوش رجال بس گحا..... الوطن لعبن لعب بيه .

ابو الغيهب:- الـ اثول مو هسة صليت .

الغيهب:- قابل كفرت هذا واقع حالي .

هز بيده عمي وكعدنا ناكل ونسولف

ماكو ساعتين وعمي وعمتي وهشام وياهم الغيهب

كلهم بدلوا نزل استاذ غيهب كاشخ اني سكتتت

كلت اصير حبابه اشوف بالله شيسوي .

راحلهم للغرفة وهمس:- ها هشام .

هشام:- اتبرى منك اذا مرتي ما ترجعلي .

الغيهب:- دمشي امشي بـ اول دقيقة ارجعها الك .

ضربه عمي وهو يمشي من يمه يريد

يطلع :- شاطر بـ هل سوالف .

الغيهب:- الحمدلله أحب أصلح بين اثنين

وما ادخل شياطين بيناتهم .

طلع عمي وعمتي وهشام

وهاجر واكفه يمي

وصل للباب وطلع ولا عبالك وأكفه واني شبت بيه النار

زهراء:- مو اتفقنا من يطلع ينطيني خبر .

ضحكت وهمست:- انخبص خطية وبعده ما متعود .

زهراء:- اجي وياج ، زين مو اتفقنا اني أختار الملابس

شكو هيج مبدل معرس وما ادري حتى هشام

ما لابس هيج اوووفر اخوج وحق الله .

قاطع كلامي واني اسمع صوت الباب الخارجي

انفتح باوعت من الشباك الغيهب يمشي سريع

هاجر:- يمكن ناسي شي من اغراضه .

درت نفسي اكمل غسل المواعين

دخل علينا وهمس :- نسيت اكلج زهراء.

- همممممممم شكو .

- احمممممم وياي .

التفتت علية يباوع ؏ هاجر خجلان :- طالع اني نرجع سجى .

- بعد وكت .

- نسيت .

- روح عيني روح العريس .

- لا والله عاديات وقديمات .

- ممممم واضح .

صار مقابيلي وفتح أيده:- باوعيلي والله قديمات .

غسلت أيدي ومسحتها زين وتقدمت

علية هاجر عافتنه وطلعت الجهالها بالكراج :- أنزع السترة

وهذا الرباط ما أريده وشعرك خربطة شوية .

احجي وأنفذ نزعت كلشي وخربطت شعره

بقه لابس قميص اسود وبنطلون رصاصي وبس .

الغيهب:- ناقص تكولين امسح المكياج .

زهراء:- مكياجك ابلادي ما يروح شسويله تورطت بي .

طلعت روحه وجهه احتقن احمررر

رفع حاجبه وقبل لا يطلع عاط بوجهي :- خبالووو والله تغارين مني

مو صوجج اني غلطان رجعت بعد تنذكر وما تنعاد .

اشرتله بيدي ودفعته :- اطلع وخلصني منك اطلع .

ضحكت هاجر وصاحت:- ياااا شمسوية بـ اخوية زهيرة.

الغيهب:- خبالووو مو بعقلها .

طلع وركع الباب كعدت اضحك علية اني

وهاجر دخلت حضرت الاكل وسويت كيك

هاجر سوت گهوة كعدنا ناكل كيك ونشرب كهوة

الى ان دخلوا وجهال هشام يتكامزون قبلهم .

اخر شي دخل الغيهب يفر بسبحة عمي

ماخذها منه ويحشش علية وعمي

يدردم :- السان دلالة وينك وين المحاماة .

الغيهب:- ضاغطكم.

هشام وسجى دخلوا اخر شي

طلعت اني وهاجر سلمنا عليها ودخلناها جوه .

بعدنا ما مستوعبين الوضع اجه هشام وبيده

جهاله:- هاجر وزهرة الجهال يمكم ينامون اليوم .

حجاها وبدون ما يسمع الجواب سحب سجى

من ايدها وصعدوا فوك .

ابو الغيهب:- عائلة مستهتره ما عدهم تربية من جبيرهم

لـ صغيرهم .

الغيهب:- انموت ونعشق نسوانه .

بقيت صافنه شو هذا بس يم عمي

يحجي ومن يوكف كدامي اسحب الكلمة سحب

يماااايييي غيهب كون هيج دككككك .

تعشينا كلنا وكل واحد راح لغرفته

هاجر اخذت الجهال يمها

الثاني يوم ڪُـل واحد بيهم راح الدواماتهم

وهيج مر اسبوع كامل

يروحون لدواماتهم يرجع الغيهب بس يسبح

ويصلي وينزل ياكل وما يعرف ينام اذا مو بحضني

وبعد هل اسبوع المكالمة تتراكع ؏ عمي وعلى هشام

يابا منو هذا الـ هرانا هري:- هاي فرح وتريد ترجع .

امير:- واني ما ارجعها هسة لو تطلع نخلة براسها .

ابوالغيهب:- تكول اذا ما ترجعوني اكتل روُحـي والجهال .

امير تخبل شلون تهدد بيهم :- غيهب ارفع قضية باجر

واخذ جهالي منها .

ابو الغيهب:- لا تبقه تصرخ لا تنعدي من الغيهب

ما صدكت ينعدل اخوك اسمع مني بعد الكتل

والصار بيها راح تمشي عدل ما اعتقد ترجع تخبث .

الغيهب:- وهاي احنه نمشي وره معتقداتك .

ابو الغيهب:- غصبًا ما عليك افتهمت .

عافهم وصعد فوك بعد ما عمتي تتوسل

وهشام ينصح وعمي يحاول وافق امير

بس ما قبل يرجعها هو راح عمي

بليل رجعها صعدت اني فوك ما اريد اباوع

بوجهه وهاجر اخذت جهالها وصعدت وياي

هشام منبه ؏ سجى ما تفتح حلگها وياها

وهي هم عافت البيت وصعدت

اسمع صوتها تبجي وتشكي العمي لان ما نريد نحجي

وياها سديت بابي وكعدت ما بيه حيل أغث روُحـي .

امير نزل نام جوه والجهال يتكامزون ويلعبون ويا

الى ان نام صعدوا فوك الـ امهم .

  ثاني يوم صادف جمعة عمي كاعد قبل الكل

اني واكفه اعدل بنفسي واسمع الغيهب يتفق

ويا هشام :- خمس سمچات علية وانتَ جيب كباب .

أتفقوا وسد تلتلفون وكالعادة لازم يتحارش بيه

بوس ؏ حضن واطفر من ايده .

سحبني بقوة انظربت بصدرة

تقدم باس خدي وهمس :- اخخخخ يالجمالك سومري

ونظرات عينك بابلية اخذتي عقلي.

طبعت بوسة ؏ خدة وهمست:- وشوكت ان شاء الله اخذ گلبك .

رجع شعره ونزل باس ركبتي وهمس :- منو يكول ما

هنا عصافير وتركص ببطني وجهي ورد

ولو ما عيب اكمز ، بس طببب ما كملت الفرحة وكمل كلامة .

- يصيحوج جوه امشي انزل يحلووو امشي .

رفعت حاجبي معاجبني الوضع وعفته ونزلت

ماكو دقايق ونزل طلع هو وهشام ساعة ورجع

حضرنا كلشي فرح نزلت سلمت ولا واحد رد السلام بس

عمي واخ ياعمي ، غيهب ڪُـل خزره يخزرها بيها تساوي

عمرها كله ، وهاجر تتصرف وكأنها ما تشوفها .

كام غيهب يريد يغسل صاح علية عمي:- كعد امك بابا

تأخر الوقت البارحة اخذت علاجها هذا يثكل راسها .

بقه يحجي ويا هشام الغيهب غسل ودخل

فتح الباب وصاح :- ماعدنا نسوان ينامن هيج وكت

جناينچ كاعدات وانتِ نايمة تره عيب .

ضحكت والتفتت الهاجر همست :- اخذي العصير هجر .

سحبتها مني واحنه ڪُـل وحده

شايلة شغله كلشي تزحلك من أيدنا

واحنه نسمع صوت الغيهب زلزل البيت

وهو يصررررخ :- لااااااااااااااااا يممممممممممممهههه

لا تمووووتين يمه لا تعوفيني .

ركض هشام ركضت ويا وهاجر قبلي

سحبها من حضن الغيهب فحصها

وتخبل عاط بعلو صوووته :- يمه لا امي ماااااااااااتت

امي ماتت هاجر أمي ماتت .

يتبع ....

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

رواية ظلمات الغيهب

بقلمي أساور حسين

الحلقة _36_

الغيهب يكول ....

أي متعوب ...

وأضحك وأبتسم ڪُـل ما يجيني غروب

واطير ويه الهوه ، واصحى ؏ ذاگ الصوب

ولا اتاني بمحطة شوك ، وادم ڪُـل حجيها ذنوب

يلتم التعب بيه ، واكول ايام وتعدي ، اكابر والجرح يكبر

جبيره جروحي مو گدي اي والله مو گدي ...

........................

زهراء......

ركض هشام ركضت ويا وهاجر قبلي

سحبها من حضن الغيهب فحصها

وتخبل عاط بعلو صوووته :- يمه لا امي ماااااااااااتت

امي ماتت هاجر أمي ماتت .

جرها الغيهب من بين ايد هشام

وهو يصيح بوجهه :- اشششش ولك اشششش

لا تكول امي ماتت امي ما تعوفني كومي يمه ادير ُ ؏ــمري

؏ عمرج بس كومي .

شالها مثل الطفل وركض للسيارة

وگعت بالكاع ادك والطم راحت ام ثانية

وبنفس السنة عافني وراحن .

هاجر مثل المخبلة راسها تركع بي بالحايط

ملابسهاا شككتها وجهه عبارة عن دم

كلهم طلعوا وياه الغيهب وبوجهم للمستشفى

بقينا ؏ امل اتصال منهم يطمئن گلوبنه بي

بس خابت ڪُـل أمالنا بدخول گرايبهم

يعني مخابريهم واصل خبر وفاتها

أجتمع الكل يحاولون ولو بـ كلمة يواسون

هاجر الـ ما وكفت لحظة عن الطم والصرخ

لحظات تحبس الأنفاس ومو بس هيج

اصعب شعور هو الفقدان ومو فقدان سهل

لا فقدان الام بعمره ما ينسي .

بعد ساعات دخلوا الزلم ماكو عمتي بتابوت مخليها

ولدها شايليها ؏  چتافاتهم ، نزلوها بالكاع ويا حالنا

لوعة گلوبنا تنسمع ، بين ڪُـل الصراخ والبجي

سمعت صوت زرف طبلة اذني زرف  رفعت راسي واشوف

ڪُـل الموجودين اندفعوا ودخل جلال اخخ يا جلال الله يساعد گلبك 

القميص مشكك والوجع مزورك شمر باب التابوت

وكعد يصرخ بعلو صوته :- كعدي يمه وين رايحة

اريد اسمعها منج امسامحتك يمه

اخخخ يا حلو كلمة الـ يمه من حلگج يا يمه

ابريني الذمة يا حبيبتي  ابريني الذمة

تروحين واني لا شايفج ولا شام عطرج تروحين وانتِ

متبريه مني واني مو ابنج كلتي انتَ مو ابني

تعبتج يا نظر عيني تعبتج عساني اني ميت يا يمه عساني

اني بمكانج هنااااا .

رفع ايده ودك ؏ راسه بكل ما عنده من قوه

مقابيله كعدت جارتنا مره جبيرة كلش

اول مره اشوفها صاحت علية :- اي يمه الطم هاي

امك تستاهل الطم ( ولا يمه لا مالي حيل افراگج )

جلال:- اي والله يمه تعبت من فراگج

منو  يخابرني بعد  يمممممه منو يسأل علية

ام گلب الحنين ارجعيلي  .

شالها بكل ما تبقه من قوته

حضنها شم عطرها باس خدها باس راسها

فتح الغطوة طلع ايدها باسها نزلها

وراح الرجلها رفعها وباسها ويصرخ

وهاجر تصرخ ويا ودخلت ملاك

هِـيِّ واكفه لطمت الى ان نزفت

عاط شيخ من الشيوخ بعلو صوته :- ولكم الله واكبر

الله واكبر شيلوا التابوت منهم لا تعذبوها وتعذبوهم .

رفعت راسي عيوني أدور علية أريد أشوفه

الوحيد ما سمعت صوته ابد ما سمعت صوته

صار عمي مقابيلي كاعد ودموعه تجري ؏ خده

ويحجي بس بصوت خافت ما ينسمع .

رجعت أبحث عنه الغيهب اختفى

هشام حضن هاجر واثنينهم يبجون سوه

وامير وجلال واحد بصف الثاني

تقدموا أخوان عمتي سحبوهم بالقوه

والعالم الغرب شالوها ، صعدوهم بالسيارة

الزلم كلها راحت وخوات عمتي اثنين وهاجر

راحت ، ملاك نقلوها للمستشفى ،  يريدون يصعدون بالسيارة

لمحت الغيهب وأكف يشرب جكاير ذبها وصعد وياهم

لاف وجهه بغتره سوده.

رفعت ايدي وشهكت وأني اعلي صوتي :- مَبريه الذمه عمه

تعبتي ويانا سودة علية يا حبيبتي .

دخلت وكون اكعد وأحزن ؏ عمتي ابجي

واصرخ عليها تستاهل وتستحق ڪُـل دمعه

تنزل ما جرحتني بكلمة بيوم ولا أذتني بساعة

وكفاتها ما تنسي لا هسة ولا بعدين .

بس تلگتني الطلبات من الباب

واستلموني ،التنظيف ، چاي

والمي بقيت اركض منا واروح اهناك

انطي الـ هذا واخذ من ذاك .

انهد حيلي من شافني بنات عمامهم

ساعدوني ولو ما مبادرين ويايه

اتخربط واروح بيها فوك الحر.

فرح:- وگفتي شنو بسرررعة الچايات ركضييي .

گامت الها زوجة عمهم وصاحت بيها :- شو ما تستحين عمه

البنية حامل ما تشوفين بطنها ، صيري معدله وتعالي

ساعديها ليش تعوفيها وحدها بعدها صغيرة .

فرح:- شصار يمعوده اكلتيني وشربتيني هو چاي

اني ما اكدر اعوف النسوان وحدهن كاعدات عيب .

دكت صدرها وردت عليها بغضب:- اني عمتهم واگعد

وياهم انتِ خلي ايدج وياهن صايرتلي معزبه شنو منو انتِ .

بكل صلافة ، وبلا خجل رفعتلها حاجبها

وردت بتكبر :- اني ما اخلي ايدي بالمطبخ وراح اروح اكعد

رجاءً لا تدخلين أكره الشخص الـ حشري .

- هاي شگد ما تستحي وبلا تربية

والقران ورخ امي وابوية ما تستحقين هل وردة امير .

وصدك رجعت كعدت واحنه نخدم

الى ان صار اليل كلهم رجعوا دخلت هاجر

فاتت علينا روحها طالعة فوتوها

النسوان هِـيِّ اتباوع بالوجهه وتصرخ :- مابيكم وجهه امي

ولا ألتمس حنانها بيكم راحت امي دفنوها گدام عيني .

فاتوا الولد هم مو زلم شفناهم أطفال بكل ما تعني الكلمة اطفال

واخذوا امهم منهم ، امير شمر نفسه بالكراج يدك

؏ راسه وهشام فقد ويصرخ:- احرك البيت الـ ما بي صوت امي

امده البيت يا يمه وانتِ ما بي .

تجدد موت امي الـي بعدها السنة ما طالعة مالتها

كابلتهم وابجي ؏ مصيبتنا، عمي بالشارع

وجلال بره لازمي اثنين من جماعته

وهو فاقد بلا قميص روحهم خلصت

واحدهم فتح ايده من التعب وگع

فتح عمهم الصونده غسل وجوهم

كلهم ، عفت كلشي بعد ما عجزت اشوفه

دخلت اباوع بـ شاشة الكامرات بحثت

عنه ودخت ؏ كثر ما اكو عالم موجودة

بعد ما فقدت الامل وبـ أخر لحظة لمحته

كاعد بعيد عن البيت يشرب جكاير.

ثابت مثل ما عرفته اول مره

اتمنى الغيهب طبيعي يصرخ ويلطم مثل اخوته

ويطلع ڪُـل القهر ، والحزن ، والوجع الـ بگلبه

وما يكتم ليش يكتم ويأذي نفسة راح اتخبل منه

طلعت واني  ادعي ربي يبرد گلبه وينطي الصبر .

صاحتني زوجة عمهم رحتلها بسرعة وهمست:- ها عيوني .

- عفية جهزوا الحمامات والمناشف والصابون

وجبه من البنات  عليها الأكل خطية ياكلون لگمة تلكيهم ؏ لحم بطنهم .

هزيت براسي وهمست :- خلي البنات يجهزون الاكل بين

ما احضر الأغراض واجي وياهم .

عفتها وحت جهزت كلشي ورحت الهاجر

حضنتها واخذتها للحمام سبحتها بيدي وبدلت ملابسها

خليتها تكعد ودخل هشام وامير بوجهم صعدوا فوك بدون

ما يحجون او يباعون ، وياهم نسوانهم .

وحتى عمي دخل  سبح ، سبحوا وطلعوا اني والبنات جهزنا الاكل وصاحوا

؏ ولدهم اخذوا آلهم ، مرت الساعات ترتب كلشي شربوا الجاي

واتفقوا ؏ كلشي بس من التعب بعد ما يگدرون يفتحون عيونهم

ويحجون كلمة وحدة فات عمي للغرفة وراح ويا امير هاجر

أصلًا ما تقبل تطلع مناك ، بقيت الوب علية أريد اعرف وضعه

ليش هل سكوت حتى ؏ اكل ما دخل كاعد بالشارع ما تحرك من

مكانه ابدددد .

بعد ما صارت بـ2 بليل دخل هشام

يحجي ويأشر ؏ بره واني

بالمطبخ يحجي بصعوبه :- زهراء هذا الغيهب بالكراج

طلعي احجي ويا عجزت من الكلام قافل ما يدخل البيت .

روُحـي طلعت قبل جسمي تلهفت تشوف محبوبي

وكفت كدامه اباوع علية مكسور ظهره منحني

ايده ؏ راسه منزله للكاع ، لو بيدي اخذ وجع گلبك وروحك

واخليهم بيه ما اريد اشوف الغيهب بـ هل كسره اموت والله .

مشيت بخطوات ثقيلة كعدت مقابيله بالكاع

مديت ايدي رفعت شعره  النازل على عيونه

وبيدي الثانية رفعت راسه ،  نظرات عيونه سلبت قوتي

حضنت وجهه بيدي وهمست :- حبيبي ابچي لا تبقه ساكت

علي صوتك اصرخ عبر عن الـبداخلك ابوس ايدك .

جر حسرة وهمس:- ما أريد اشوف احد عوفوني .

نزلت ادموعي ؏ صوته يابويه شكد

شايل وجع وقهر :- اني اعرف شنو شعورك وادري

شكد محروك كلبك وراح تبقه امك غصه بكل فرحة

تتذكرها لان ما موجودة اني وياك بعد ما نكدر انشوفهن

بس همه ويانا بكلبنه وبروحنه شايليهم .

هز راسه بقوة وصرخ :- اششششششش اسشششششش

شنو بعد ما اشوفها امي اريدها اذا ما تجي اروحلها .

مال براسه وكمل كلامه ودموعه خانته:- اني حتى ما كعدت

وياها وطلبت منها تسامحني اني تعبت امي زهراء امي

راحت وهي تعبانة مني اريييييد امي اريدددددهاااا .

رفع راسه للسما وصرخ بعلو صوته :- ييييمممممممه

سامحييييييني يييييمههههههههههه هدددديتي حيــــلي يا يمه

اخخخخخخخخخ يا ربي ليش عاقبتني بـ امي .

سحبني علية وحضني بكل قوته وهو يصرخ بكل

لوعة گلب ويدك بالحايط من وجع الـ بروحه

صرخت ؏ صراخه حاولت بس اخفف عنه

لزمت راسه طلع هشام وامير يركضون ؏ صوت

والباب الخارجي انفتح ودخل جلال من هشام تقدم

حضن الغيهب يبجي ويا ابتعدت

هو تركهم وحضن هاجر :- امي عافتني غيهب امي كسرت ظهورنا .

الغيهب:- اني يمج احزام ظهرج وسندج انتِ حبيبة

امي بعيوني اخليج .

عافهم ودخل جوه بقت عمتهم تحجي وياي

شوية ودخلت اباوع من ألباب لمحته نايم

بحضن عمي ويبجي وعمي يبجي وياهم

كلهم كاعدين داير مداير عمي

صرخوا ودموعهم ما وكفت الى ان تعبوا

وناموا كلهم مديت فراشات لكل واحد منهم

توزعوا وناموا وحتى جلال وياهم .

بتالي اليل اني وسجى فرشنا للعالم

خلصت طاقتي اسمع عمتهم تحجي ؏ فرح

ليش ما تساعد وليش ما تستحي

تركتها وصعدت بعد ما بيه اخذ وانطي.

مرت ايام الفاتحة كلها علية بإجهاد

وعبء ؏ گلبي العالم ما تنحمل

وفوك التعب الغيهب تعبني

اكثر منهم ، عاش بلا أكل

خلصها بس ؏ مي بارد

والبيت ما يدخل غير بليل

بس يسبح ينام وبسبب الطلبات

روُحـي وتعالي ووووووووو

ما الحك احجي كلمة وياه .

كعدت رابع يوم لكيت الكنتور مفتوح

والمستمسكات ماكو ، انتظرت يرجع حتى

اعرف الـ صاير ويا شنو ليش نرجع للغموض

وانتظر وساعات تعدي وتخلص

وهو ماكو الى ان طلع الفجر ؏ كد الـ سبح

ورجع طلع بدون ما ينطق بحرف واحد

ومن خوفي اتردد انطق بكلمة وياه

وخاصة اني بهل حالة بطني جبيرة ونزلت جوة .

ومر الأسبوع كامل ؏ نفس الحال

وبس خلص السابع الكل يعرفون بي

مختفي وبالهم يمه بس من التعب اتفقوا

من باجر يكشفون الوضع .

من القلق والتوتر اكعد الصبح جسمي يوجعني

عبالك احد كاتلني ، وبيه ما بيه اسحب نفسي

من الفراش بدلت بسرعة

ونزلت جوه البيت شبه فارغ

فتحت باب الاستقبال صاروا مقابيلي

كلهم كاعدين عمي والولد :- بيكم شي .

ابو الغيهب:- اني أوجهه السؤال الج انتِ والغيهب بيكم شي ؟

رديت بستغراب :- لا عمو أصلًا ما حاجيه ويا ابدا صار كم يوم .

هشام:- وخابرني هسة كال اريدكم كلكم

موجودين عندي موضوع مهم وياكم .

نغزني گلبـي وعرفت صاير شي

ودعيت ربي لا ندخل بمصيبة

جديدة لان انهارت روُحـي بس

من وره المشاكل والأخبار الموزينة .

وزاد خوفي واني اشوف الغيهب

يدخل والصدمة ابوية وياه وايهاب

ولد عمي اثير واخو .

باوعت ؏ ساعة بـ 11 الظهر

هاجر طلعت من الغرفة همست

وصوتها مختفي من كثر الصراخ :- يا ستار شكو .

زهراء:- ما ادري بس الله يسترها الظاهر صاير

شي جبير هل مره .

فات ابوية صار مقابيلي

هاجر دخلت بسرعة جوه

صرت اباوع علية وعلى غيهب

انتظر أحد يفسرلي.

قاطع حبل أفكاري ابوية وهو يتقدم :- تعالي ولج تعالي .

نزلت ادموعي وحرت بين اروح وبين اثبت بمكاني

من شاف ترددي وصل يمي وسحبني الـ حضنه

وهو يهمس بعجز :- آني أعتذر منج بابا ؏ ڪُـل الصار

وعد ما يتكرر ، رفعي راسچ وسامحيني بويه .

مسحت ادموعي وهمست بضعف :- ما أحمل بكلبي عليك

يابه ونسيت كلشي لا يضل ببالك .

قاطع كلامنه الغيهب وهو يتحمحم :- لازم نحجي بسرعة رجاءً .

رحيم:- هسة نحجي ليش مستعجل .

الغيهب:- من تعرف ليش مستعجل تعذرني بس

هسة اريد الكل يركز ويايه اترجاك .

كعد هو وأشر ألهم يكعدون  واني وياهم

كعدت بس ما استقر وضعي :- متأكدة صاير شي شبيك .

الغيهب:- قبل لا احجي اريد تعرفين اني كلشي سويت

حتى ما نوصل الـ هل نقطة المسدودة

طلع الموضوع من ايدي ولازم تدخلون .

رحيم:- ممكن بلا لف ودوران وتبدي تحجي .

عدل كعدته وما كدر يحجي وگف يعدل بملابسه

وبيده أوراق اثنين تنهد بضياعوهمس :- بيدي بلاغ قاضي

وامر القاء قبض بـ اسم زهراء رحيم الـ .......... .

حسيت كفخني ؏ وجهي وهو ينطقها

كام ابوية سحبها من ايده ودفعه من صدرة :- اموووتك اذا صدك .

وهو يقرا داخ لزمه ايهاب وكعده

وهو يدك ؏ راسه :- لك يا محاولة قتل يا شروع بالقتل شنو هذا

منو هيام الله لا يوفقك ولا يوفق هيام .

ايهاب:- وهاي هيام نفسها الزهراء ضربتها .

رحيم:- وين شافتها وضربتها ولكم .

تحمحم عمي وكعد يشرح الوضع وشلون صار

هيج ، ابوية تخبل بالزايد عليهم كلها تصارخ

وتحجي بس اني جسمي أنشل والساني خشب

صرت اعض بالساني اريد احس بي ماكو احساس .

هشام:- ما اعرف بـ هل قضايا بس هيام عايشه بعد شيريدون منها

وعلى ما اعتقد حتى الحكم قليل

فرك وجهه وباوعلي بضعف همس :- اني اسف زهراء

حاولت اوقف ڪُـل الصار والله افتريت وضربتها

وصلت بيه اريد اقتلها في سبيل تتنازل بس هِـيِّ رافضة .

تنهد وهو يكعد ولازم جهة گلبه :- بالقانون العراقي عقوبة

الشروع بالقتل ، محاولة قتل يتحاسب ؏ مده لا تقل عن 15 سنة

بس لان هيام عايشة يحولوها عقاب مؤقت المدة من خمس سنوات

فما فوق .

رحيم:- الله لا يوفقك ضاعت البنية .

الغيهب:- مستحيل اقبل زوجتي تتعاقب وتعيش

بالسجن ڪُـل هل مده احرك الدنيا وما اخليها

اكثر من يومين أطول شي ثلاثه ايام .

رحيم:- تروح من وجهي لا طلقة وازرف بيها رأسك

واخلص منك شنو ولك انتَ غضب من يوم الـ شفتك ما شفت خير

مصايبك شي اكبر من شي شتريد من عدنا موتتنا الله يموتك .

الغيهب:- هل كلام مو وقته لازم نتفاهم لان ساعة زمان ويوصلون .

ايهاب:- منو يوصل .

الغيهب:- الدورية.

ضحك بعلو صوته وصاح :- عرضنا يصعد بيهااا

انتَ عاقل بابا سمعتنا صارت بالارض بسببك .

الغيهب:- تحجون وانتوا ما تعرفون اني شسويت

بس حتى أمنع الراح يصير واعترف فشلت

ولان طلع الموضوع من أيدي اجيت عليكم

اتوسلت بيك حتى تجي هنا احجي وياك

وبطبعي لو اغلط بحق ابوية هم ما أعتذر منه .

ابو الغيهب:- جاوبني هسة شنو الحل .

الغيهب:- ماكو عقلي ما مستوعب الصار والراح يصير

بس الـ اعرفه راح يجون ياخذوها لازم أمن عليها

ايهاب تگدر تدخل وتحميها .

ايهاب:- ؏ يا مركز ياخذوها .

الغيهب:- مركز بالكرادة .

ايهاب:- أحولها يمنا وتبقى بـمكتبي .

الغيهب:- بس يرادلها وقت شلون الـ ...

ايهاب :- سهلة عوفها يمي بس انتَ حل

الموضوع بـ اسرع وقت ممكن .

الغيهب:- اكيد بس دير بالك عليها .

زهراء:- ما اروح وياهم ليش تتفقون وحدكم

اني ما ادخل سجن ؏ موتي ما ادخل .

الغيهب:- زهرتي هنا يومين وعد اطلعج اني مو زلمة اذا ما

تطلعين بـ أقرب وقت .

رحيم:- باع هذا شلون يهذي وحده لك بابا هذا اخر قاضي

اذا مو تنازل وفلوس ما نحصل زهراء بعد .

تهستر وعاط بعلو صوته

فقد اعصابه من كلام ولهجة

وطريقة كلام ابوية :- ليش برأيك ما دفعت فلوس

وصلني البلاغ ثاني يوم فاتحة امي بعز انكساري

عفت كلشي ودورت عليها لكيتها بعد تعذيب

دام ايام كالت بس تشتريلي بيت اتنازل وابتعد عنكم

ومن كثر ما خايف رحت الصديقي اخذت منه فلوس

بيتي الـ بعته قبل فترة وحتى سيارتي بعتها واشتريت الها

بعد ما تسجل بسمها تكلي هذا عربون الضربة

شرط ثاني عدها بعد ما يتنفذ تتنازل .

رحيم :- عمي اني شتريد انطيها بس اريدها تتنازل .

الغيهب:- ما تريد فلوس ، تريد أتزوجها.

انتفضت بعز مصيبتي ودموعي نزلت

؏ خدي همست بصوت عالي :- وانتَ ڪُـل شوية تطلعين

وما تبقين واني وياج واني واني تالي تحول زواج يعني

ابالك تزوجهاااا .

أرتعد وصاح بوجهي :- عندج حل ثاني انطيني واكون ممنون منج

طول ُ ؏ــمري اني جاهز الكلشي يمكن صرت

غبي وما اعرف افكر انتوا احسن مني .

باوع عليهم واحد واحد كلهم صافنين

دگيت رجلي بالكاع وعطت بوجههه :- لو ربي اموتني

قبل لا اشوفك انعل ابو ذاك اليوم الأسود العرفني بيك .

تركت كلشي وصعدت فوك جسمي يرعش

ايدي ترجف كوه سديت الباب اندفع الباب

قبل لا ينسد سحبني من أيدي ولزمني

بقوة من وجهي :- ليش تحجين هيج وياي قابل اني متفق وياها

شنو الـ بيدي وما سويته .

دفعته من صدره وصحت

واحس بكلبي راح يطلع من مكانه :- غيهب اني أقبل انسجن

بس لا تزوج علية ما اتحمل هل فكرة اني حاربت حتى

تتعالج وتبقالي تالي ترجع هيام تاخذك كافي

تعبت اني والله تعبت .

رجعني الـ حضنه وهمس وهو يمسح

ادموعي :- اني اكتفي بيج انتِ ڪُـل حياتي

مستعد اسوي كلشي وتطلعين من ذاك المكان القذر

هسة لو بملهى ويكولون طلعها مناك تتزوجها

وتطلع زهراء هم أقبل .

اقترب اكثر قيد شفايفي بين شفايفه

وهو يرفع خصلات شعري من عيوني :- اني اموت ڪُـل لحظة

ما اشوفج بيها انتِ  بمكان امي الله عوضني بحنانچ .

اندك الباب اريد ابتعد

ثبتني بين اديناته:- منوو ؟

دخلت هاجر عيونها حمر دم من البجي :- ابو زهراء خابر

؏ جماعته وكال خلي تنزل هو ياخذها احسن ما تجي

دورية كدام المنطقة.

هز راسه وهو يتنهد ويرد عليها :- هسة ننزل .

سدت الباب وراحت نزل طبع بوسه

؏ طرف شفايفي وهمس :- صيري قوية هل فترة

اني اعرف انتِ گدها و گلبي يمج تروحين وتاخذي وياج .

زهراء:- شلون اذا صار عندي ولادة غيهب .

الغيهب:- حتى اموتها والله اموتها .

زهراء:- اوعدني ما تتقبلها ولا تقترب الها لو مهما يصير .

الغيهب:- وروح الغالية الـ ما نشف أترابها اني ألج وحدج .

حسيت شوية بالأمان بدلت عباية خليجية عريضة

وجواريب وياها شال اسود وكب جوه الشال

ما طلع مني غير بس وجهي :- كملت .

التفتت صار مقابيلي عيونه مدمعه يحاول بكابر

وما تنزل كدامي تقربت علية  وهمست:- أعتمد عليك غيهب .

الغيهب :- يصعب علية اشوفج بسجن انعل ابو الشهادة

الـ ما طلعج ، سامحيني اني خجلان منج .

زهراء:- ما اعرف شنو ارد غيهب ضايع الكلام مني

وخايفة من كلشي خلي اروح وأشوف بالله شلون تخلص .

اخذ ايدي باسها ونزلنا اني ويا استلمني ابوية

وايهاب صعدت بالسيارة الدنيا تفتر بيه

اجه هو وياي وعمي والولد صعدوا بسياراتهم

وصلنا كدام المركز استقبلونا اثنين حجه وياهم

أمير وأخذوا نظره ؏ بلاغ وبسرعة استلموا القضية.

اني بقيت كاعدة بالسيارة وهم يحجون من كمل

اجه ايهاب فتح ألباب واشرلي:- انزلي زهراء لازم تدخلين جوه .

زهراء:- تبقه وياي ايهاب الله يخليك شو المكان يخوف .

ايهاب:- لا تخافين خوية اني وياك رجلي ؏ رجلج

ثانية ما اعرفج وحدج انزلي وانتِ مرتاحة .

هزيت راسي ونزلت ويا مريت من الغيهب

واكف يحجي ويا الضباط دخلت اني وايهاب

ويانا منتسب فتح باب مكتب كعدت ؏ كرسي

بصف الميز سحب المفتاح ايهاب وهمس:- زهراء راح اقفل

الباب اشوف الوضع وارجع اطمني محد يدخل عليج .

زهراء:- اي ماشي روح .

عافني وطلع بقيت بمكاني

ما تحركت بس الخوف تمكن مني

والمغص لازمني من اول ما دخلت

ساعة ورجع ايهاب كعد وياي

ما عافني :- شصار ما عرفت شوكت .

ايهاب:- ما بيدنا شي الحل بيد الغيهب ڪُـل ما يستعجل

ڪُـل ما نخلص مو هل شدة .

رجع فتح اجروحي هو الغيهب ما عنده حل

غير الزواج صرت اتمنى ابقه هنا ولا اسمع خبر زواجه.

..............................

الغيهب...

هي الدواء لكل داء .

يا ضيق دنيتي واني سلمت ام أبني وأمشي

اصعب شعور ممكن يمر بي الآنسان هو تقيد

ايده بعزيز ، اخذت تكسي من الشارع واني بقمة

غضبي خابرت عليها اكثر من مره ما جاوبني

دزيت رسالة كتبت ( موافق نتزوج)

لحظات ورجعت اتصلت تضحك الصلفه تضحك

الغيهب:- انتي وين اريد اشوفج .

فرح:- بالبيت الجديد .

الغيهب:- قريب عليج افتحي الباب. 

دقايق وصلت دفعت الباب ودخلت

صارت مقابيلي هِـيِّ وراسها الملفوف

تتمضحك واني روُحـي تكمز گدامي

صكيت ؏ اسناني وهمست :- تعرفين وين جنت .

هيام:- لا وين .

سحبت شعرها بقوة وبدون تفكير

ضربتها بوكس هلى بطنها خليتها ترافس :- سلمت مرتي

زهراء بالسجن بين الضباط بسببيج وهي حامل ؏ وجهه ولاده

هيام:- عوف شعري غيهب لا تضرب

ما تفكر تبين اثار الضرب بيه

شلون اروح اتمازل هم يكولون هاي مهددة.

شمرتها ؏ حايط وصحت بعلو صوتي :- شوكت نخلص .

هيام:- بيدك شوكت تريد نروح ونتزوج.

الغيهب:- نروح هسة وباجر من الصبح نروح وتتنازلين .

هيام:- اي والله من الصبح اروح وياك.

الغيهب:- واذا جذبتي هل مره اموووتج بيدي كدام العالم .

هيام:- ليش اجذب الغيهب ورجع سندي شريد بعد .

الغيهب:- تاليتج ترجعين مطلقه اني ما استر كحا...... الوطن .

هِـيِام:- هسة رجعني ؏ ذمتك وارجع مرتك وبيتك

واخذها كلمة مني يومين اخلي كلبك يرجع الي

ملكي وحدي انسيك الدنيا ومابيها وداعت عيونك .

الغيهب:- امشي كحب......

حجيتها وطلعت خابرت ؏ ابوية وهشام

انطيتهم علم يجوني نروح نعقد سيد ومناك نروح ؏ محكمة

بقيت وأكف بره اشرب جكارة وره جكارة اريد احرك روُحـي

؏ هل مصايب .

خابرت ؏ ايهاب شوية ورد :- هلا غيهب .

- زهراء شلونها .

- زينة هاي كاعدة مقابيلي حتى باب الغرفة

سديته حتى ميفوت احد علينا.

هو نيته صافية وعلى اساس يطمني

بس اني گلبي صار بي حريق

قبضت ايدي حاولت أهدي اعصابي

بس فشلت سديت التلفون ودخلت ؏

سافله تبدل وتكشخ بكل برود

والنار تحرك بيه كدامها وما تهتم ما تحس

اليوم اخلي وجع گلبي بيها وما ابرد .

سحبت الحزام من خصري

لفيته ؏ ايدي وحجيت بصوت رخيم

واني اتقدم عليها بكل هدوء :- تعرفين  احساس انسان

كاعد بس يموت ؏ بطيء ، اكيد ما تعرفين بس هسة

اعلمج شنو اقصد .

رفعت ايدها وصارت بزاوية الغرفة

همست :- لا غيهب مو رايحة اتنازل الخاطرك

ليش تضرب اني ما اريد شي بس اريدك

والله العظيم ما تخسر الله يخليك لا تضرب

ما عندي احد غيرك اريد احتمي بيك من الدنياا .

رفعت الحزام وسحبت ايدها فريتها ؏ ضهرها

ونزلت الحزام صارت تتخبط بالحايط بس تريد تخلص

نفسها :- اضرب بعد حتى ازورك وما اروح وابقيها بالسجن .

جريت شعرها خليت وجهه قريب وجهي

وصرخت :- لج حتى لو جنازة هم اخذج

وللعلم خاف نسيتي اذكرج كلش زين اعرف

وين اضرب حتى ما يبين عليج بس هاي اله اذا

حبيتي تتصلخين كدام احد فـ عادي تبين وبكل وضوح .

ضربتها ضربه ثانية وثالثة وما وكفت الى آن اندك

الباب الخارجي عرفت ابوية وصل

شمرتها بالكاع بس تأن حتى صراخ ما تكدر تصرخ

من التعب ، رحت فتحت الباب دخل وحجيت كلشي

حتى نمشي ؏ اتفاق ، دقايق وطلعت مثل الچلب

حشى الچلب تمشي واضح عليها متأذيه

سلمت ؏ ابوية ما تحمل يسكت عليها :- عمج يا عمج

خليتيني اندم يوم دخلتج ابيتي هجمتي بيتي انتِ

وبعدنا مكسورين ؏ زوجته ادورين شكاوي وزواج .

هيام:- عمو ماعندي حل ثاني اني اريدكم

انتوا طردتوني

الغيهب:- عوفها لا اموتها والله ، هاي بلا كرامة تحجي

وياها بدون احساس ما تفهم كلامك هل دايحه

هشام يلاا نروح يلاا .

طلعنا كلنا بعد ما قفلنا البوب كلهن

تزوجنه سيد وما تأخرنا بوجهنا

للمحكمة واسطات وعرف وفلوس

كدرت وبنفس اليوم ادخل للقاضي

وياريت ما دخلت .

هيام :- قبل لا نعقد شرط عندي ولازم يتنفذ .

صكيت ؏ اسناني وايدي قابضها

بالشافعات لازمة نفسي في ما اهجم عليها

وانعل ابو ابوها .

الغيهب:- مو كلت بلا شروط اضافية.

مالت راسها وهمست بدلع

كدام الكل :- استاهل اني حبيبي .

عضيت شفايفي وبلا سيطرة صرخت :- احجي بسرررعة اختصري  .

هيام:- بالشروط الجوه اريد تكتب وتتعهد

مايصير طلاق لومهما يصير

الى ان تمر سنة كاملة ؏ زواجنه لضمان الاستمرار.

القاضي:- هو اذا يحبج ما يحتاج هل قرار .

هِـيِام:- اني احب هل شرط يكون موجود .

الغيهب:- ماكو هيج حجي شنو هل سوالف التعبانة وقعي وسكتي .

جتفت ايدها ورفعت راسها :- خلص ما اريد اتزوج زعلت .

رفعت حاجبي ولو ما زهراء واكفه بعيني

اضربها بوكس امحي معالم وجهه :- ماشي ماشي نكتب

ونوقع بس هم نكتب في حال انتِ طلبتي الطلاك

قبل ما تكمل السنة عادي يصير طلاك .

القاضي:- شنوسالفتكم تتفقون هلى طلاك مقدمًا.

ضحكت بالكذب وهمست :- ههههه بعد محامين وعندك الحساب .

كعدت اكتب بالشرط الى ان عقدنا

فاض الصبر بيه اخذنا الورقة

تشكرت منه وطلعنا بوجنه البيت اهلي وهي وياي

ما اثق بيها واعوفها وحدها بيت وحدها .

..........................

زهراء..

تعب ، ارق ، قلق ، حياة مبهمة

تصعد ناس وتنزل ناس

تكسر وتجبر ، تسلب وتنطي

ماكو تساوي أمنت بمقولة ( الـ يريد شي يخسر شي )

اريد حريتي ، الثمن الغيهب بعمره ما صار بس

وما أظن بيوم يصير النا.

كعدت بعد ما هستوني غفيت

؏ صوت الضباط بره اصواتهم عالية

ناس تشتغل وناس تاكل ، ايهاب نايم ؏ مكتب

كمت اريد اعدل نفسي فز مرعوب :- بيج شي .

زهراء:- لا كلشي ما بيه ، الغيهب ما خابرك .

ايهاب:- من البارحة خابر وبعد ما خابرني ليش .

زهراء:- هيج سؤال .

ايهاب:- جوعانه .

هزيت راسي بـ لا عافني وطلع قفل الباب

وتأخر بالربع ساعة فات بيدة مخلمة بيض ولحم

وگلاصات چااي اكلت اني ويا شوية بس حتى ما اتخربط

واصير مسرحية بالمركز .

الساعات ثقيلة كثقل البشر الغير مرغوب بي

سودة مثل قلوبهم

صعبه مثل مرضهم ، يفضلون يكسرون بشر ؏

حساب يسعدون نفسهم ويوصلون الـ غايتهم

وما يهمهم كسر القلب يحسبوها هينه

للمغرب دخل علية ابوية بيده ملابس

وعشه حضنته وبيجت واني منهارة

بس من التفكبر :- بابا شسوي بالملابس معقولة تبقوني هنا اكثر

من يومين وتلاثه .

رحيم:- لا لج بابا هاي خاف تحتاجين شي كلشي يمج

ما اعوفج ، اليوم من الصبح نفتر اني وزوجج

وهل ملعونه ويانا مريد نسدها ويا القاضي بـ اقرب وقت

ودفعنا فلوس يابو فلوس في سبيل اطلعين اليوم قبل باجر .

غصه صارت ابلعومي وهو يحجي

عفت ڪُـل الكلام وهمست بخوف :- اتزوجها.

غمض عيونه وهمس:- والله بابا الخاطرج اني

اكرها ما احبه بس ما يطيق يباوع عليها .

نزلت ادموعي وهمست :- بس كول تزوجها .

ايهاب:- من البارحة لعد شلون قبلت تروح ويا .

ضميت وجهي بين ايدي وبقيت

ارد :- حسبي الله ونعم الوكيل.

الساني ما وكف واني ارددها

ودموعي ما نشفت ؏ حضي وقسمتي

طبطب ابوية ؏ گتفي وعافني وطلع

مر اليوم واني كلمة ما طلعت

مني كطعت حتى الأكل ويوم جر يوم

صارت أربعه تهسترت وصحت :- مو كدها هو مو كدها

فالح بس يكسر بيه ويتزوج ويخون

باع وين وصلت بسببه اذا اشوفه اكله بسنوني

تلكي متونس واني هنا شابعه قهر وضيم محبوسه

بسببها وهو يتونس وياها .

ايهاب:- يمعودة قابل هِـيِّ سهله غير امر قاضي

ودنيا مگلوبه يا يتونس انتِ الثانية ما تسكتين .

زهراء:- هو انطاني كلمة كال تلاث ايام وهاي احنه

يوم الرابع هنا كلشي ماكو حتى بالجذب ميخاير علية .

ايهاب:- بابا يخابر بس ممنوع تحجين ويا .

اشرت بيدي بعدم إهتمام ورجعت المكاني

اكل بـ اظافيري ، مرت الساعات وصار العصر

دك تلفون ايهاب عافني وطلع بره ساعة ورجع

يضحك :- لج سووواهااا سوواهاااا الغيهب اجه يطلعج .

بقيت باهته لا ضحكة ولا صوت

طلعت ويا اجر بخطواتي الثقيلة

دخلني الغرفة المدير تعانقت نظراتنا

بعدت وجهي منه ومشيت هو وكف واجه بتجاهي همس :- كعدي هنا .

كعدت قرب طبلة والختم والقلم وهمس

وهو يأشر ؏ ورقة:- هنا بصمي ، اي عفية وهنا وقعي ، هاي هم .

وقعت وختمت اللجنة من الاه وبكثر ما دافع فلوس

حتى ما تواجهت ويا القاضي من المركز ونغلقت القضية.

طلعني ايهاب قبل لا يطلعون همه

كلهم موجودين ابوية وعمي ابو اثير

وعمي ابو الغيهب واخوته .

هشام:- الحمدلله ؏ سلامة الغالية .

زهراء:- الله يسلمك .

الكل سلم وره بس روُحـي طافية صعدت

بالسيارة اباوع ؏ شوارع فارغة

طول بالساعة وطلع من المركز عيونه ؏ سيارة ويعدل اوراق

ويحجي وياهم ويأشر .

حضنه ابو وابوية تصافح ويا هو وعمي

وايهاب طبطب ؏ ظهره ، صعد هشام يسوق

وعمي بالصدر وهو واكف ويا ابوية .

رحيم:- الحمدلله ؏ سلامتج بابا .

زهراء:- تسلم .

رحيم:- رقمي يمج من تريديني اتصلي علية ماشي .

هزيت براسي تقرب باسمي

وعمي سلم وراحوا ، قبل لا نحرك

فتحت الباب وصحت بصوت خافت :- ايهاب .

التفت باوعلي وابتسم ، بادلته

الـ ابتسامة وهمست :- انتَ زلمة بكل ما تعني الكلمة

أفتخر لان انتَ ابن عمي كلش اشكرك .

ايهاب:- بنت عمي الطيبة بخدمتج اني بكل وقت وزمان .

سديت الباب ورجعت صعدت

الغيهب:- حرك حرك بويه حرك .

درت وجهي ؏ شارع الى ان وصلنا نزل فتحلي الباب

وهو يحجي ويا عمي ، دخلت للبيت استقبلتني هاجر

حضنتني بكل ما عدها من قوة وياها سجى تبوس بيه

هاجر:- صعدي ارتاحي اكيد تعبانة .

زهراء :- اي والله واريد اسبح .

عفتهم وصعدت بس اخذت حمام

وبدلت دخلت بفراشي ونمت نومه عميقة الثاني يوم العصر

كعدت خليت شالي ؏ راسي ونزلت

الكل نايمين بعدهم من الظهر تعبانين بس هاجر بالمطبخ

شافتني وحسيت بيها ارتبكت بس خفتها بضحكة

هاجر:- يابا هلا هسة نور بيتنا .

زهراء:- اشتاقيتلج هواي .

هاجر:- اني اكثر والله كبار وصغار مشتاقيلج

والغيهب ضاع بدونج حتى ما نشوفه.

زهراء:- صدك هو الغيهب وين ؟

هاجر:- سويت اكل وبعدني ما اكلت ناكل سوه .

قلصت عيني بشك واصريت ؏ سؤال :- شبيج هاجر

ليش غيرتي الموضوع اكلج الغيهب وين .

هاجر:- ما اعرف يمكن طلع .

باوعتلها بقهر وصحت :- بروح امج الغيهب وين هاجر .

نزلت راسها ودموعها تتساقط بـ حزن 

بقهر وهي طنطق كلماتها الـ أكتسح ألمها قلبي

و هدم روحي :- فوك بغرفة هيام .....

يتبع

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍

⠀⠀

رواية ظلمات الغيهب

بقلمي أساور حسين

الحلقة _37_

يكول طالعني ..

اشتهيت انشاف بعيونك

مليت الوجوه المو مثل لونك

أنـه لو بيك لو يمك

هناك ارتاح يا عافيتي اربعينك ما يشبهونك .

.................

زهراء...

نزلت راسها ودموعها تتساقط بـ حزن 

بقهر وهي طنطق كلماتها الـ أكتسح ألمها قلبي

و هدم روحي :- فوك بغرفة هيام .....

زهراء:- تشاقين شسوي هيام هنا .

هاجر:- الله لا يوفقها حتى ما خلتنا نحزن ؏ امي

من تنازلت جابها هنا ، رجعت اخوية الـ نفس

عصبيته والضرب .

عفتها وصعدت ومنا اني حملي ثقل علية

هِـيِّ غرفة وحدة فارغة ماكو غيرها

جريت نفس وگفت مقابيل ألباب وفتحته

بدون ما أدكه .

صار مقابيلي بيده جكارة كاعد ؏ كرسي

ساند ضهره ؏ كرسي ، دورت بنظراتي عليها

هيام بزاوية الغرفة وجهه ما ينشاف خشمها ينزف

ولازمة ايدها تصب دم ، هو من شافني كمز

من مكانه ودفعني رفعت أيدي خليتها مقابيل وجهي

واني أرتعش من المنظر الـ مرعب بكل ما تعني الكلمة

رعب رعب .

الغيهب:- ليش تدخلين هيج ، نزلي ايدج .

شهكت  النفس وكف بلعومي بعد ما أكدر اتنفس بصورة صحيحة

نزلت ايدي شوية شوية بعد ما رجع يحذرني :- نزلي ايدج

ما اضربج لج نزليهاااااااا .

زهراء:- شنو هذا غيهب والعلاج والـشهرين ليش

بعدك سادي شلون فهمني ما تتغير طول حياتك .

الغيهب:- افعالهم وتصرفاتهم وطعناتهم خناجر بگلبي

يجبروني ارجع اسوء من قبل وخاصة هاي الچلبه جوه .

دفعت الباب اريد ارجع ادخل

سحبني وگف كدامي :- لا تدخلين ابقي بعيده حتى ما تلوحچ ناري .

زهراء:- اريد اشوفها أبتعد غيهب ليش تمنعني

ليش تريد تهد حياتنا وتهجمها .

الغيهب :- انتِ حامل ميصير تشوفين مو زين عليج روُحـي الغرفتج

وكعدي وسكتي بلا كلام زايد عن الزوم ما الي خلك مشاكل وياج .

زهراء:- غيهب تبتعد لو شلون  تره وصلتني للجنون بـ تصرفاتك .

وهو يريد يجاوب غافلته ودخلت

لكيتها واكعه بالكاع هلكانه من الضرب

أقتربت رفعت شعرها من عينها وكع بيدي

كمزت واني اشوف أصبعها محروك

عطت واني بلشت افقد عقلي :- الله اكبر هاي ليش .

شهكت وهمست بضعف:- ساعديني .

الغيهب :- حتى تبقه طول عمرها ڪُـل ما تبارع ؏ اصبعها

تكول هذا نفس الـ اصبع البصمة بي ؏ زوجة الغيهب

ودخلتها سجن بكل صلافة ، ونفس الـ اصبع بصمة

من أخذت البيت وغلست وكملت شروطي ؏ غيهب .

زهراء:- وهسة انتقمت أرتاحيت من سويت هيج .

رجع كعد وشغل جكارة ثانية

ورد بكل برود:- ليش اني بعدني شسويت

هيام بعالم الغيهب بوسط الظلام والله اخليها تتمنى الموت وما تنوله.

صكيت ؏ اسناني وقبل لا أطلع صرخت

واني تهسترت منه :- مجرم أحلف عليك انتَ مجرم

ما عندك ذرة رحمة .

طبكت الباب ورحت للغرفةً تشنجت اعصابي

شنو هذا اريد افهم شلون ينطي كلبه هيج يسوي

گلبه فعلا صخر عبالك فاقد الاحساس.

فزيت على دفرت الباب توجهلي بسرعة لا إراديًا من اشوفه

عصبي أرفع أيدي ادافع ؏ نفسي

سحبها بقوة وعاط:- اذا ترفعيها هيج مره الثانية

صدك اكسرهن الج يا ثوله  اكلها تلعب نفسي من نفسي

من تسوين هيج ما تفهم عقلها مزنجر.

زهراء:- عوف ايدي ولا تقترب لعبت نفسي منك

صرت أكرهك .

وجهلي نظره جسمي أرتعد منها

تراجعت للخلف صار قريب مني

رفع وجهي بقوة صار مقابيل وجهه

همس بتحذير:- عيدي بالله عيدي .

زهراء:- انعل ابو الخوف اي والله اني صرت اكرهك

وكل الصاير ويانا بسببك وسبب  تخلفك وهمجيتك والكح....

الـ دخلتهن بحياتك حتى تتونس بيهن هذا عقاب من رب العالمين

؏ كمية الزنه .

فتح جف ايده ؏ اكبر شي وسد وجهي

فره ؏ جهه وتقرب من وجهي

وهو يهمس بتخويف :- صيري حبابه لا تخليني أكسر راسج

وخاطرج وگلبج بطلي غباء لا اشتغلج أكس ومربع .

سحبت ايده من وجهي والتفتت

باوعتله ورديت بـ إنذار:- سويها وحق الله حتى من احلامك

اسحب نفسي اخليك تفتر داير ما داير نفسك وأرجع الـ ابوية

وتعرف ابوية شيسوي وتعرف ابوية شكد يحبك .

أبتسم وجهه عكس داخله أجزم سمعت صوت

اصطكاك أسنانه بغضب واضح ؏ نظرات عيونه :- تهدديني بيج .

زهراء:- انتَ جبرتني .

الغيهب:- جبرتج بشنو اني خليتج تضربيها لو اني رحتلها

حتى تشتكي عليج بشنو جبرتج حتى تهدديني بيج تذليني شنو .

زهراء:- ما ذليتك بس انتَ وعدتني تبطل وما تعنف

ورجعت الـ نقطة الصفر ما أمن ؏ نفسي وياك وانتَ

هاي حالتك سادي الى أبعد حد تتلذذ من شوف المقابل يتأذى.

سحبني من ايدي وشمرني بعيده عنه

وهو يحوم بالغرفة:- ليش ما اريد أضعف گدامج

وأبين اني محتاجج اعرف بيوم تذليني

بس خليها ابالج ادوس ؏ گلبـي بالقندرة وما اسمحلج

تتكبرين وتشوفين نفسج علية .

لمي ملابسج وهسة اشمرج ؏ بيت ابوج

واشوف يا غبي يرجعج بعد اذا ما اكسره الراسج

حتى هذا الـ ابطنج ما أسجله بـ أسمي وأخليج

تبوسين بيدي ورجلي حتى تلمحيني .

هزيت راسي وتجاهلته ومشيت للكنتور سحبت

الجنطة وصرت اخلي بملابسي بعشوائية ، هو عافني وطلع

سديت الجنطة وسحبت مستمسكاتي اليوم وصلت

حدها بعد لهنا وخلصصص هلكت منه هلكت

من سوالفه ومشاكله همه عائلة متخلص مشاكلهم ليش

أوصل نفسي للهلاك علمود شنو ومنو يستاهل

اتحمل مشاكل عمامي ولا هل ضيم .

لفيت شالي وفتحت الباب وطلعت

هو وأكف ؏  درج من شافني صدك

بدلت والجنطة بيدي عيونه صارت بكصته

سحبها مني ولزمني من أيدي ورجعني

شمرها ؏ كنتور طر المراية وفطرها

من الطول للطول وسرعان ما صاح

بعلو صوته :- لان دخلت الغرفتها انقهرتي

عمي بعد ما افوت ابد بعد .

زهراء:- اريد أروح ماعندي خلك احجي وياك

بعد وصلني وعود حتى ابنك لا تسجله بـ اسمك

وبـ احلام احلامك هم ما ابوس ايدك وما انزل نفسي الـ حضرتك

اني زهراء مو كحاب... الـ من يحتاجنك يجن يرخصن نفسهم

علمود تحن عليهن .

الغيهب:- جنت ضايج من حجيتها .

زهراء:- واني أخذ الكلام من الشخص العصبي والضايج

عوفني بحالي اني بعد ما اريدك يا ابن الناس اني اكرهك

ما اطيقك مليت منك طفح الكيل .

وگف يصرخ عود هو عصبي

كلامه غير أفعاله:-هسة مو كلت بعد ما أدخل الغرفتها

شتريدين بعد كولي احجي .

زهراء:- هواي شحجي انتَ تعالج الغلط بالغلط

يعني ماكو علية دليل ليش ما نكرت كلامها بالمحكمة

ليش ما سويت حل مو ؏ اساس بس انتَ وبس ومحامي

شاطر ورحت سجنت ابوية ودفعت فلوس

ولعبتهم على تك حبل واني واني والـ يندك بيه العب بي

تالي هيام ما تكدر عليها .

الغيهب:- اول شي ولازم تخلين أبالج القاضي ما يصدر

امر القاء قبض ؏ شخص اذا ماكو دليل وشهود

زهراء:- ماعدها دليل عليه بيتكم ماكو كامرات ولا شهود

وين الدليل وينه مو راح اتخبل منك .

الغيهب:- شلون ما عدها دليل لا تصيرين غبية هاج سمعي

زين فتحي عقلج هذا عقلج فتحي وياي .

فتح التلفون طلع  بالتسجيل مكالمة بين هيام وعمي

هو يترجاها ما تشتكي علية ويكلها بعدها صغيرة

وصارت بحاله عصبيه وضربتج واذا تشتكين الغيهب

ما يسكت ويأذيج .

ومكالمة ثانية هِـيِّ وهشام يهدد بيها اذا تشتكي علية

يدفنها هو والغيهب ويمحون اثرها.

هاي المكالمات الشهود هم الدكتور الـ مشرف ؏ حالتها بالمستشفى

وآلي سمع كلامنه وياها ونفسه الـ انطيته فلوس حتى يسكت

والممرضة وياه كلهم ساعدوها ، وماكو آكثر واكبر من هيج

أدله تثبت التهمه عليج ، هي مو لعبة ولازم تفتهمين

هيام محامية ذكية تكدر كلشي تسوي

الـ يعرف بالقانون مو مثل الـ ما يعرف زهراء.

وبكل الأحوال انتِ لازم تنسجنين وطولين الى ان تصير المحاكمة

ولازم اني ابقى اباوع ؏ مرتي وهي بالسجن

اچتف اديناتي وانتظر شوكت تصيرالمحاكمة

اخليج وانتِ حامل بين الضباط

يمكن انتِ متعرفين وما عرفتي

شنو المرأة تنشمر سجن .

أقذر شي ممكن تشوف هناك هو السجون العراقية

اغتصاب ، تعنيف ، موت ، قذارة ، جوع

ما مستعد أتحمل اشوفج هناك لو بنت من ملهى

هم أتزوجها في سبيل تطلعين .

زهراء:- وهسة اني طلعت ، وانتَ انتقمت كافي أريد

نستقر طلكها وهي بعد هل كتل ما ترجع تدخل حياتنا .

سحب ورقة وصاح بغضب:- شكد سهلة عندج اكلها

الغضب محامية محاااااااامية تفرها ومو بالسهل نخلص

اقريها وخلصيني اقريهااا.

سحبتها منه وبديت اقراها

مثل الصاعقة ونزلت ؏ راسي هذا حالي وكعت ؏ تخم

ادك ؏ راسي ورجعلي انهاريت والدنيا شكد صارت

ضيقة بعيوني بعد شنو تشوفيني يا دنيا .

شمرتها بوجهه وكمت منهارة ضربته بكل

حيلي ؏ صدره لزم ايدي فقدت بعد :- ليش قبلت على

هل شرط ليششششششش انتَ واحد مريض

ردتها هااا ردت تتزوجها  شلون تقبل ؏ هل شرط .

الغيهب:- استفزيتيني هواي لا تخليني اسطرج براشدي

خليج تصحين ؏ زمانج لج بابا علمودج اني ما فرحان

ما تحملت اباوع بوجهه عفته وفتحت الباب نزلت بعدني ؏ درج

سحبني من ايدي :- لا تصيرين زعطوطه اني ما فرحان

؏ هل صخام هيام ذاك اليوم جانت تبوس بـ امير

بـ اخوية يا غبيه لج ما اريدها بس ابالي خطه ....

سحبت ايدي ونزلت طلع عمي لزمني من ايدي

وصاح بي :- شبيك وياها البنية تعبانة .

الغيهب:- سلمها يابا سويت هل مصايب واخذت ركن .

ابو الغيهب:- استغفر الله الواحد ما يرتاح بهل

بيت ولكم حتى صلاة ما مصلين الـ امكم .

نزل هشام من فوك فتح ايده وعاط:- يمه رحتي

وخلصتي من القهر والمصايب بيت الكاوليه

بس بليل عياطهم احنه ليل مع نهار .

الغيهب:- عوفك من هل سوالف واحجي وياها راح تخبلني .

هشام:- هو انتَ وياها مخابيل واثنينكم ما تعرفون تتصرفون .

نزل امير وفرح وره وكفت ؏ درج

وصاحت :- شنو هل صوت يمعودين

ما نخلص من مشاكل زهراء الجهال نايمين .

التفتلها الغيهب وصفك بيده وعاط

من شاف نظرات الشماته بعيونها :- تتعارك وياي لان تزوجت

هيام وهي ذاك اليوم شافتها بحضن امير تبوس بـ اخوية .

كمل كلامه ورفع حاجبه وسعت عيونها مصدومة

فرح:- منو تبوس بـ امير هيام .

الغيهب:- اي هيام الدخلتيها غرفتج وتتفقين

وياها علينا وبكل صلافة تباوعين بشماته

عبالج انتصرتي وصلتي للتريدي سوالف الكوبرا حافظها.

ملشت شعرها وصاحت بقهر عافتنه وركضت

الغرفة هيام والصراخ بفلس صار ، طفر امير وهشام

يريدون يصعدون هو عاف ايدي وگف ؏ درج :- ممنوع تصعدون

حيايه يتكاتلن وحدهن لا ينشمر عليكم سم وتموتون .

هشام:- تبتعد لو انومك چفي ؏ وجهك .

الغيهب:- وحق ربك ما أبتعد أطلع منها

احنه زلم ما ندخل بعركات النسوان .

امير:- غيهب صدك تحجي يمعود فضحتونا.

ابو الغيهب:- هشام احلف الغيهب تعالج .

هشام:- المفروض..

تبتعد لو اشيلك هسة اشمرك .

الغيهب:- تشمر منو هشام اطلع منها لا نتخارب وتصير مو زينة .

هشام:- لك راح تموتها .

الغيهب:- اذا تدخلون يابا وحق محمد اخلي طلقة براسها .

عافنه أمير صعد ؏ بايات الدرج بالمكلوبي

وطفر من المحجر صعد ركض أبتعد الغيهب

صعد هشام وهاجر، من الدوخة كعدت ؏ كرسي ايدي ؏ راسي

الصراخ زرف طبلة اذني . 

سجى:- عموالحك تذابحو تذابحو .

رفع راسه عمي باوعلها هز ايده وعافهم ودخل للغرفة

وسد الباب ماكو دقايق ونزلت هاجر :- غيهب فدوة تعال .

طلع عمي مبدل ملابسه وبيده جنطة صغيرة

هاجر:- يابا وين رايح .

ابو الغيهب:- اكعد بصف امكم منا لمن الله ياخذ امانتي

وأضح اني ما عرفت اربي مع ڪُـل الاسف الغلط مني .

هاجر :- لا يابا ابوس ايدك لا تعوفني كلشي ينحل بس اكعد .

عافها يريد يطلع وكعت جوه رجله :-اخذني وياك لا تروح وحدك

يابه الصارلي هواي بعد ما تحمل منا امي راحت وعافتني

وهسة انتَ تريد تروح واخوتي ونسوانهم مذابح

واني حياتي حطام واختي خسرت ابنها وتالي شتحمل بعد .

هاجر:- شوفي بيت صغير أجري انتِ وجهالج لا تبقين

يمهم هذولي بلا تربيه يلعبون بحال الواحد  .

نزل هشام وامير اديناتهم ملطخة دم

هشام:- يابا وين رايح .

الغيهب:- بس اوكف نحجي وياك هاي راح نسكت والله

بس لا تروح .

دفعهم وفتح الباب طبك الغيهب الباب

وهو يقنع بي :- هاي سكتنا بعد ما يطلع صوتنا بس أدخل.

دفعه وهو يرد علية بس صوته مخنوك :- اعوفلكم البيت واكعد

بين قبر امكم واروح اصلي بالأمام علي (علية السلام)

وادعيلكم بالهداية.

هشام:- الخاطري أدخل للبيت الخاطري

فوت غرفتك وراح انهي كلشي خلال ساعة .

زهراء:- عمو الله يخليك لا تروح والله بعد ما تسمع صوت واحد

بينا نعتذر منك بس لا تروح حباب .

ويسحبون بي ويتوسلون وهشام يبوس بيده

وأمير براسه وهاجر لازمته وافق يدخل

للغرفة  بس اذا يسمع نفس يطلع وما يبالي بيهم بعد ولا يعترف .

طلعوا وهشام اجه بصفي :- امشوا كلنا نصعد فوك نحجي .

صعدنا كلنا هو التفتت الـ سجى وهمس:- ابقي هنا اخاف ابوية

يطلع بدون ما ندري .

بقت كاعدة بالمطبخ واني صعدت قبلهم

دخلوا الغرفة هيام عاط هشام ؏ الغيهب:- ليش حاركها .

الغيهب:- ما حركتها بس حركت اصبعها وكل يوميه

أحرك اصبع حتى بعد بعمرها لا تكدر توقع ولا تبصم .

هشام:- والفلوس والشهرين نفس القرف نفس الهمجيه.

زهراء:- الهل سبب كلت ما اريده اريد اهلي .

الغيهب:- شوف شلون تنرفزني وتريدوني ابقى ساكت .

هشام:- لا اضربها حتى تعوفك وتروح .

الغيهب:- خلي تروح منو هِـيِ وتهددوني بيها .

دكيت رجلي ودموعي ؏ خدي تصب:- خوش خليني اروح .

هشام:- روُحـي احسن امير وصلها .

بلع ريكه وهمس :- لا هِـيِّ تروح وحدها تأجر تكسي وتروح .

زهراء:- بعد أحسن.

عفتهم وصلت للباب سحبني من ايدي وصاح :- لا نخلص

كلامنا واني اوصلج قابل صعبه.

هشام :- لا مو صعبه ارجع احجي وياي إلى متى وين تريد توصل .

الغيهب:- خليت اوراق يمها شوفهن ؏ ميز احجي وياها

توقع عليهن وتروح تولي .

راح هشام شاف الأوراق رفع راسه مستغرب :- تريدها تحول

البيت بـ أسم زهراء.

الغيهب:- هدية أعتذر من هيام الزهراء .

هيام:- هذا حقي ؏ عذاب الصار بيه بهل ايام .

الغيهب:- لج شو طلع السانج .

سدت حلكها وزحفت حالتها حال

جهه كامله من شعرها ماكو مكطعي الها

وهي شعرها اصفر سرح وطويل تلف 

وجهه مزورك ولا عبالك نفسها الـ دكت

الباب ونصدمت بجمالها .

هشام:- وهاي الورقة الثانية .

الغيهب:-  تتنازل عن كلشي ونطلك

لان مثل ما تعرف الطلاك بيدها .

راح يمها هشام وبيده قلم :- وقعي بسرعة وخلصي .

هيام:- كلت للغيهب ما أوقع ما أريد اتازل هذا حقي .

هشام:- لج والله يموتج اذا تبقين عنده بعد كم يوم

خلصي نفسج وقعي وروحي منا .

هيام:- عادي اصبر زهراء مو هم موتها تموت وصبرت علية

الى ان حبها وصار زين وياها اني عندي استعداد اصبر .

هشام:- غلط لج بابا غلط صح ضربها بس بعمره

ما حركها ولا وصل وجهه الهل حاله وحتى

من يضربها ما يقبل واحد بينا يدخل انتِ هسة

هو ما طايقج لج ولا راح يطيقج ذاك اليوم

جنتي ويا امير شلون يتقبلج .

فزيت ؏ صوت فرح حابسيها بالغرفة :- تفتحون الباب لو شلون

امير افتح الباب تره احرك روُحـي اورطكم والله .

هشام:- وتالي يمعودة هيام خلصينا نريد نرتاح .

هيام :- والله ما اوقع ؏ ورقة.

الغيهب:- خوش ابقي هنا ودواج يمي اذا ما اخليج

تتوسلين بيه بس طلگني واني ارفض والله اشبعج قهررر

وما اطلك بسيطة اخليج خدامة اغسل بوجهج الحمامات .

عافها وطلع لزمني هشام

وطلعني وصلني للغرفة وهمس :- عندي خاطر يمج .

هزيت راسي وهمست:- اي طبعا انتَ اخوية .

هشام:- ممكن ادخل احجي وياج .

فتحت الباب وهمست:- اي طبعا ممكن ادخل .

فات وسد الباب كعدت وهو مقابيلي :- الله شاهد أنتِ عزيزة

علية وما أرضى عليج ، بس هل مره الغيهب ما غلط

بـ ڪُـل الصار هو حاله حال الشخص مربوطة ايده

تعلعل وروح امي الغالية الما نشف اترابها اربع ايام

يبات مقابيل السجن روحه تلوب عليج

وبوقتها دخل اصدقاء اثنين كال اخاف اني

ما افكر عدل لان خايف ومتوتر هم بدل عني

وهم نفس الموقف كلشي بالدلائل ماشي

والتهمة مثبتة عليج ماكو غير حل وداعت اطفالي .

زهراء:- والحل هشام نبقى ؏ هل حالة مو هلكت

ومليت واني اصبر علية حتى يصير زين

تالي ما تالي انكسر بوحدة .

هشام:- لج بابا شنو تنكسرين بوحدة قابل هو يريدها

وحق ڪُـل حرف بالقران ما طايقها ولو ما واكفين

بعيونه يقتلها خلص ويدفنها بالحديقة .

زهراء:- ميهمني ڪُـل هذا اني اريد حل .

هشام:- انتظري وعوفيها علية هو يحلها

؏ هل تعذيب ما تبقى هيام تتنازل اني اعرفها

روحها عزيزة وما تريد تموت هو راح يشتغلها حرب نفسي .

زهراء:- هم انتظر يبووووو .

هشام:- صيري ذكيه ولا تخسرين كلشي بعد ما عديتي هل

طريق الطويل وصلتي الـ قلب الغيهب انتِ ؏ بر الأمان.

زهراء:- يعني .

هشام:- يعني اشك اهدومي لج بابا يعني كعدي وسكتي

بعد لا تتعاركين ولا تتصارعين هو يحلها

الغيهب مو غبي اخوية واعرفه حاسبها صح الصح .

زهراء:- هاي اخر فرصه.

هشام:- اذا يصير شي بيدي اخذج الـ اهلج بعد .

زهراء:- ماشي هو اذا ما يعتذر مني اروح لهلي .

ضحك وكام وهو يرد علية :- انتِ خبالو وهو هم خبالو .

طلع واني كمت ذبيت ملابسي وسحبت الجنطة

أعدل بالغراض البيت صار هدوء بشكل فضيع

اذا تنشمر الـ إبره تنسمع .

جريت نفس ورجعت نمت بفراشي

بطني ثكيله حيل ونزلت جوه

للساعة 9 دخلت هاجر كعدت بصفي وهمست :- عفية تعالي نتعشى

سوه ونقرأ الفاتحة الماما .

زهراء:- اي گلبـي ماشي حتى نقرأ قران الها .

هاجر:- علوه حتى كلت ڪُـل خميس أوزع ثواب بـ أسمها .

زهراء:- هاي هِـيِّ قلبي واني وياج اساعدج بكلشي .

ابتسمت وگامت احسها مكسوره طفت من صدك طفت

نزلنا اني وياها بيه ما بيه جهزت الاكل سوه

وهي تفتر عليها واحد واحد وهم كلهم دخلوا

يتوسلون بعمي الى ان اقتنع وكعد وياهم

كلنا كعدنا بس هيام قافل الباب عليها الغيهب

وامير كذالك .

أكلوا اكل عبالك صارهم ايام ما ماكلين

وفعلا همه من الفاتحة لليوم ما ياكلون عدل .

رتبت المطبخ وكفت اسولف ويا هاجر

فات من يمي وصعد فوك صرت

احوس أريد اعرف وين راح بس استحي

من هاجر ما صدكت خلصت وصعدت ركض

فتحت الباب لكيته سابح واكف يبدل

من الفشله حكيت راسي ودخلت :- عدها مداهمة.

باوعتله بطرف عيني وسويت روُحـي اخذ التلفون

ورجعت نزلت جوه كعدت ويا هاجر صليت

وقريت قرأن وصعدت لكيته فارش السجادة

وكاعد بالكاع يقرا القران.

اخذت ملابس بدلت وغسلت  ودخلت بفراشي

هو طول الى ان غلق القرآن ورفعه

باسه ورجعه المكانه وكف ؏ المراية

عدل شعره وتحمحم وهو يقترب من الجرباية

نام بكل هدوء وسحبني اول ما صار قريب مني :- انتِ ما مشتاقتلي .

بقيت ساكته ما نطقت بحرف واحد:- عادي تخليني انام

واني اباوع الوجهك صيري قريبه .

زهراء:- مو تكول منو انتِ بعد منو اني وتنام وانتَ تباوع بوجهي .

الغيهب:- انتِ بيتي وطني بس يمج اعرف نفسي ويستقر وجع

روُحـي تبهذلت بلاج والله تبهذلت  .

سحبني اكثر طبع بوسه ؏ ركبتي وهمس:- لا تلوميني لان

صار ڪُـل هذا في سبيل أرجع بـ امان حضنج بـ اسرع

وقت اني ما أكدر بلاج .

التفتت صار وجهيي قريب وجهه

همست بتعب :- ما أتحمل فكرة وحده تشاركني بيك انتَ ملكي .

الغيهب:- اني ملكج وانتِ ملكي الباقي شوائب كم يوم ويتنظفون

وانطيج كلمة زلمة اعوضج عن كلشي صار بس لا تعوفيني

هواي طلبتها هواي كلت لا تعوفيني لان اريدج من كد گلبي

وعقلي وكل جزء بيه يريدچ وحدچ.

زهراء:- دكافي ؏ كولت هشام تلبك لبك بالحجي محد يلحكك

وتضحك ؏ اكبر عقل بالعالم بهاي سوالفك .

أبتسم بقهر وهمس :- فوكاها حلو ومرتي حلوه.

حجاها ودفن وجهه بركبتي :- اشتاقيت الـ أمي .

حضنته بقوة وهمست :- اني هم اشتاقيتلهن هواي .

دقايق وهدأت انفاسه وثقل جسمه

عدلت نفسي وبقيت اباوع ؏ وجهه

ادرس ملامحه الـ ما اتخيل بيوم

امل منها ، غفيت واني اشوفه

وبحلمي هو سيد الحلم ما يفاركني

لا بالواقع ولا بالأحلام.

فزيت الصبح ؏ وجع بشفايفي  فتحت عيوني

مرعوبة ابتعدت بسرعة وصحت :- غيهب هو هيج الـ يبوس .

لزمني من ايدي ورجعني صعد

قبد حركتي وهو يقترب لـ شفايفي باسها

بقوة الى ان تأذيت حيل بقيت ارفس برجلي

أبتعد وهو يهمس قريب اذني :- جمال الـ بوسه يبقى ألمها

بعد ما أبتعد ويا لذتها من تنطبع ؏ رگبتج وتعلن ملكيتي عليج .

نزل گبتي صرت ارجف بين ايده

وما أبتعد اله من حس صدك تأذيت

وهو بعده قريب رفعت راسي وعضيته بقوة

جوه ركبته رفع نفسه يباوعلي ومبتسم :- قابل بس اني اتوجع .

كرصني من خدي وهمس :- ملكچ اني ملكچ شسوي سوي .

توجهه للكنتور طلع ملابس كله اسود

بدل وهويباوعلي :- ما تكولين وين رايح .

زهراء:- احجي وحدك .

الغيهب:- عندي قضية قديمة اسلمها للمحامي وارجع

محتاجة شي من ارجع اشتري.

زهراء:- سلامتك لا تتأخر .

تقرب باس خدي وهمس :- اذا تحبين ابقي بالغرفة.

رفعت شعره عدلت خصلاته وهمست:- ليش راح اطلعها .

الغيهب:- لا طبعًا بس علمودج اريد ترتاحين فاتت ايام صعبه عليج .

زهراء:- اريد أنزل الهاجر خطية .

الغيهب:- براحتج بعد هذا بيتج يا بعد بيتي الـ يتنفس وياج اشك حلگه .

زهراء:- اممممم شكد لطيف .

الغيهب:- طبعًا لطيف قابل بايگ گلبج و ما ادري .

سويته حركة بعلامة ما ادري

عافني وطلع بقيت بفراشي

تقريبًا ساعة ونزلت اسمع

صوت بالحمام الجوه شخص متأذي

ما طولت وعرفت هذا صوت هيام

طلعت هاجر وهمست :- هاي الحرك مالتها ملتهب

اخاف يصير عدها تسمم وتموت ويتورط الغيهب .

فرح:- يطبها مرض الكحب......

التفتت اباوعلها بغرابة:- انتِ وياها نفس الصنف

يا سبحان مغير الـ احوال ذاك اليوم جنتي حبي وحياتي وعيني واغاتي .

فرح:- الدنيا طالعة من عيني عوفيني بحالي لا اسحلج هنا.

هاجر:- واخابر الغيهب يرجع يلزمج الباب .

فرح:- يرجع أستاذ امير ويشوف حل بهل مهزلة

مو بس يعرف يبوس بنسوان أخو.

هاجر:- تره زودتيها كافي احترامي نفسج

واحترمي البيت بي حالة وفاة مصختيها يا بلا تربية.

عافتنه وصعدت فوك من شافت عمي فتح الباب

زهراء:- هلو عمو .

- تعالي بابا خلي قطرات لعيوني .

دخلت للغرفة شكد تخنك بلا عمتي

متعودة ڪُـل ما ادخل اشوفها مقابيلي

كاعدة وتحجي وياي وعبالك موجودة

بنفس مكانها ونفس ضحكتها الحلوة تباع علية

نام عمي خليت القطرة بقه غالق عينه:- شبيها توجعك .

ابو الغيهب:- والله يا عمر من الـ بچي بعد ما اشوف بيها .

زهراء:- كلش ما تشوف .

ابو الغيهب:- اليوم كعدت لكيتها ظلام يا عمو حتى

خفت وبنفس الوقت فرحت عبالي متت وراحت

بصف محبوبتي .

خنكت صوتي بيدي حاولت ابلع الشهكه

لحظات وهمست:- اسم الله عليك حبيبي عسى عمرك طويل

من عمرنا ؏ عمرك انتَ خيمة بيتنا .

-أموت أحسن ولدي تعبوني

كبروا وكبر همهم ومشاكلهم عشت ارگع بهاي

وتنفتح سالفة أعظم منها

صرت أمن بمقولة (خير لا تسوي شر ما يجيك ).

- عمو المفروض نتعلم من اغلاطنا ونصححها مو نتمنى

الموت كلنا بحاجتك انتَ الوحيد توكف الكل عند حده

هم يخافون منك ويحسبولك احساب والله .

- ما اشوف بس اسمع اذا يبقون هيج اعوفهم واهج .

- ان شاء الله ايام وتعدي بس انتَ لا تضعف .

- يصير خير بنيتي هاي هاجر خلصت .

- كاعدة تنشف بشعرها .

- كليلها تستعجل وترجعها للغرفة

قبل لا يوجع الغيهب .

- ليش ما يدري بيها طالعة.

- لا بابا وين يدري غير يخزينا بس يعرف

بس البنية محروكة اخاف تموت ويتورط بيها

بس تعقم الجرح وترجعها .

- هاا عبالي هو طلعها ، اروح اشوفها .

عفته وطلعت لكيتها مرجعتها وقافله الباب .

للظهر رجع الغيهب أيده محمله مسواك

وحتى غده من بره كعدنا بالمطبخ ناكل

سوه وكلها توزعت ؏ غرفها .

مرت أيام هادئه أخذنا هدنة

من المشاكل الـ تهلهل ؏ راسنا

وتفرغنا الذكر عمتي ما نسيناها

لا من صلاة لا من قرآن ولا من ثواب .

ملاك ڪُـل كم يوم تجي تشوف عمي

وهاجر وما طول وتروح ابد ما تسمعني

كلمة بس لا هِـيِّ تسلم علية ولا اني أسلم .

وبعد فترة أستقرار كعدت الصبح لكيت كلها بالدوام

بس عمي يرتب بالحديقة اندك

الباب الخارجي راح عمي

يفتح الباب تفاجئت بجلال عمي بسرعة راد يسده

بوجهه دفعه وهو يتوسل بي :- يابه ابوس ايدك لا تسوي

ببنك هيج راحت أمي واني ما شايفها لا تمنعني منك

والله عيوني ما تاخذ النوم لا اكل مثل البشر ولا اشرب

مثل البشر اني تندمت واخذت درس بحياتي ما انسى

سامحني يابه بروح الغالية تسامحني .

- روح منا ما عايزين مشاكل لا تورطني بالغيهب  .

- اوكع أبوس أيده بس تسامحوني رجعوني

وياكم يابه احتويني بديت أفكر أنتحر من الوهواس والضغط .

- اذا آني أسامحك الغيهب ما يسامحك واحتمال يقتلك .

- انتَ بس سامحني والباقي سهل عندي

خليني ابوس ايدك وراسك طبطب

؏ چتافي وكلي انتَ ابني اني يمك

انتَ بحمايتي اني ضعيف

اني تعبت الدنيا تعبتني الدنيا صعبه بدون اهلي

غلطت وكلنا نغلط المهم ناخذ درس من اغلاطنا

حتى ما تتكرر ، يابه انتِ تعرف اني مو هيج

واني صاحب عزة نفس بس الغلط منها هِـيِ

شيطان وكعتني .

صفن عمي بوجهه ويبجي ويا

حاير بين يدخله وبين يطرده

وخايف من رد فعلهم :- عمو خلي يفوت للبيت وتفاهموا

جوه لا تكسر بخاطرة وانتَ تعرف كلش زين شلون

عمتي تعلعلت ؏ فراكه وتتمرض لان ما تشوف ابنها  .

التفتلي يمسح بدموعه:- اذا يدخل ما يمر اليوم ؏ خير

الغيهب صار كم يوم ما متعارك يدفع فلوس حتى تصير عركة.

تقدمت قريب علية وهمست :- عوف الغيهب علية اني

اتفاهم وياه صدك ما يحجي شي هو تعداهم.

فتح الباب وهو يهمس :- يعني يدخل ؏ مسؤوليتج .

أومأت براسي بالقبول بسرعة دخل حضنه

وكع هو وياه بالكاع يبجون جلال يبوس

برجل عمي وعمي يحاول يوگفه

الى ان تعب من البجي رفعه من ايدي يدخله

جوه فتت قبلهم خليت مي بارد بالكلاص وديته

اله شرب منه وغسل وجهه وأول مره

اشوف جلال بوضوع وأنتبه علية

لا يقل جماله عن جمال الغيهب طبق الأصل

يشبه عمي ملامحه حاده بشكل كبير

ويقارب جماله مع هشام ، بيني وبين نفسي اهمس

بس امير والبنات جمالهم متوسط يشبهون عمتي الله يرحمها .

جلال:- اشكرج بادرتي وأدخلتي وقنعتي أبوية .

رديت ببتسامة هادئه:- عفوًا ما سويت شي ،  محتاج شي بعد .

جلال:- اذا اطلب منج اكل تسوين .

زهراء:- الأكل جاهز هسة اصبلك لحظات بس .

جلال:- اسفة اذا اتعبج .

زهراء:- تعبك راحة أدلل.

دخلت للمطبخ حضرت صينية بيها

ڪُـل الاكل سمعت صوت هشام وامير

ونسوانهم رجعوا من الدوام اصوات الصدمة

وصلت يمي من شافوا عمي  كاعد ويسولف ويا

سلموا علية وكل واحد بيهم كعد شوية وصعدوا

يبدلون :- سجاوي احسب احسابكم ؏ غده .

سجى:- اي فدوة الـ أيدج والله راح اموت من التعب والجوع .

زهراء:- لعد روحوا بسرعة بدلوا وتعالوا .

صعدت تركض بسرعة شلت الصينية

ودخلت خليتها مقابيل جلال وما أشوف

غير دخلت هاجر وراها الغيهب شايل نونه بنتها

هو شاف جلال وبهت لونه صفن وعلامات الصدمة

تعتلي وجهه ونظرات عيونه تسولف .

نزل بنت هاجر وهجم وهو موسع عيونه

يوزع نظراته بيني وبين جلال :- هذا القذر شيسوي هنـــا .

يتبع ...

البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد

بنص اعماق قلبي 🥺🫂🤍