تحميل رواية «ظلمات الغيهب» PDF

رواية ظلمات الغيهب

بقلمي أساور حسين

الحلقة _10_

أحببتكَ بكُل حُب في قلبي

ملكتني و سكنت قلبي

لكن ماذا فعلت؟

سلبت كُل ما هو عزيز على قلبي

سلبت ابتسامتي المُشرقة و أحلامي التي بنيتها

لكن لم استسلم واجهتك بأملي ..

كنتَ تتركني ابكي وحدي في سجن مُحكم بالخيبات المتتالية ..

كنتَ تعطيني الفرح قليلا و تسلبهُ

كنتَ متقين أن ما تفعله يؤلمني

و تعلم أني لا استطيع مواجهتك.

لم تشفق عليه ...

لم تنظر للهالات السوداء التي سكنت عيني

و لا للدموع الغارقة في وجهي

كُل يوم انطفى بخيبة تقدمها لي ( يا غيهب)

الى ان اصبحتُ فتاة مُهشمة لا ابالي بحُبك و لا خياناتك و لا امراضك التي تعذبني بها ...

ها أنا يا غيهب لقد تغيرت ... تغيرت زهرتك لم تعد مثل قبل و هذا كُله من صنعُ يداك ...

﮼بقلم،زهراء،حسين ...

ومن بين ڪُـل الصراخ ما طلع مني غير كلمتين

زهراء:-غيهببببب لااااااااااا .....

يمااااااا لحكووليييييي غيهببببببب ابوس رجلك افتح الباب

راح اعترف والله اعترف بس افتح غيييييهببببب .

صوت الفار التقط اخر انفاسه وهو يبحث عن مخرج مثل حالي

طفر ؏ وجهي سائل حار ، أكتشفت هذا دم الفار

والبزونة مستمرة بصوتها الغاضب .

الدنيا اصبحت بـ الون الأسود مو لان انطفاء الضوء

بس بعد ما احس بكلشي حولي بسبب الخوف ، وكعت من طولي

واخر شيءٍ سمعته تردد صوت سقوطي .

غلقت عيوني بـ استسلام ، تركت كلشي واختاريت النهاية

أختار الموت ، بقيت ؏ حالتي فترة طويلة فاقدة الوعي .

بعد مرور أيام مثل ما عرفت فتحت عيوني

حاولت اتحرك بس حركتي متقيدة بقوة

والمكان اظلم بارد ، وبس رائحة الترب

والـ اغراض القديمة اكدر استنشقها

غلقت عيوني واني استرجع ذاكرتي

تهسترت ضليت اشهك بخوف ، خايفة

يعلو صوتي وترجع البزونة تكعد

بلعت ريكي الـ يابس وبلاعيمي متجرحه

احس بوجع رهيب بركبتي ، ورجلي اتشنجت

بسبب انعدام الحركة .

ساعات مرت واني ؏ وضعي

واخر خيوط الضوء اختفت واصبحت في الظلمات

وحدي ، ناشغت ودخوعي نزلت غصب عني واني اتذكرها امي يا امي

اريد اعرف امي تحسين بيا ، يمه تعاي ساعديني محتاجه حضنج يا يمة ساعديني تعاي ابوس ايدكم ساعدوني بس خلصوني ، حاولت اصرخ بس اخ الخوف ، اتلمتست المكان مو الحمام واضح نايمة ؏ جرباية بس مو جرباية غرفتي ، ڪُـل هذا والكلام بداخلي ما عندي الجرئة اطلع نفس ، بعد تعب وجع وعطش رجعت غصب عني

اغمض عيوني وادخل في سبات .

ما اعرف شكد مر وقت بس أجزم ما كان بـ الطويل

فزيت بسبب الضوء ، جبرت عيوني تنفتح اريد اشوف

الـ يصير وياي شنو .

ناشغت وبجيت وصرخت بخبال واني اشوف وجهه

وهو خالي من المشاعر بارد الملامح متجلد القلب

واقف بكل ثقة كدامي مكتف الـ يدين وينظر الحالي

وكأن يرتوي من عذابي ، جنت اصرخ بس ما أكدر أحجي

ومع ڪُـل نبرة صوت تخرج مني أتألم اكثر واكثر .

تحرك بخطوات ثابته الناحية الباب ورجع غلق ڪُـل الأضواء

وكأن مستمر بعذابي وما كتفه مني .

حاولت اصبر نفسي بس عقلي ما مستوعب ڪُـل الأحداث

الصارت وما زالت ، جنت شبه مخبلة مو بعقلي نهائيًا ما افكر

بس خوف سيطر علية كليًا .

رجع بعد فترة ساعات فتح الباب گلبـي دكاته تقرأ الف

فتح الضوء ، وتقدم وبيده بطل المي ، فتح وحدة من اديناتي

احس ايدي صارت ثلج ، عدل كعدتي وهو يسحبني

شربت المي ما اكدر حتى أرفض ما هلكد عطشت

وبدون ما ينطق حرف واحد ، وتركني وراح استمر ؏ هل حال تقريبًا تلاث ايام ، ؏ كد شرب المي ويرجعني مقيدة اليدين مسلوبة الـ إرادة وكأني ملك من املاكة وهو الوحيد قادر ؏ تحكم بيه .

كرهت نفسي وضعفي ، كرهت حياتي وكرهته

بـكل ساعة اكعد بيها انهار واستنزاف ڪُـل قوتي

العقلية والجسدية الى ان انتهي من الخوف وأرجع

انام ، وبعد هل حروب النفسية كعدت من نومي وبعد نوبة هستيريا

هل مرة وبـكل ثقه كاعد مقابيلي ينظرلي بدون اي ملامح تذكر

خالي ومجرد من الـ أحساس ، قابلته بنظرات حاقدة تحمل غل

ولو كانت تقتل فـ سوف تسقطه قتيلًا، ولو اشوفه ميت ما انقهر علية .

من شافني كعدت وكف كف اردانات القميص وتقدم الناحيتي

فك اديناتي ورجلي وهمس بستفزاز:- ريحة دم الجريذي لليوم بيج

لازم تسبحين مو زهراء .

سرت رعشة خوف بجسمي وأني اذكر الموقف

انتفضت حاولت اتحرك واضربه وقبل لا اخطي

هل خطوة فر أيدي وره ضهري وبأيده الثانية

رفع وجهي وثبت مقابيل وجهه :- أي تصرف يبدر منج ما يعجبني

يا ويل ويلج ، لا تخليتي اعيد الصار وأكدلج هل مرة ما تطلعين منها .

من الخوف صكت اسناني سحبني من ايدي

كلها متشنجه ما اكدر اوكف عدل ؏ رجلي

سندني وطلعنا من الغرفة ، رفعت راسي

مستغربة وين احنه ، ما عرفت هذا بيت او شقة

وكفني كدام الحمام والصار مثل الفلم ونعاد علية

صررخت ضليت ارافس بيدي ورجلي وصوتي

ما راضي يطلع احبالي الصوتية تمزقت

وجع رهيب بس من الرهبة والفزع ضليت اهز براسي

بعلامة لالا ، خفت يعيدها وياي ، شلون اذا صدك حبسني

للمرة الثانية ، ما خايفة اموت بس ما تحمل ينعاد الصار

يكتلني بطلقة ويفرغ شاجور ولا الفار والبزون .

ما أعرف ولا واعية ؏ تحركاتي بس جنت اضرب بي

ومن أذيته وفتهمني اني خايفة ادخل ، ثبتني بـ استحكام

وصاح :- كافييي ما يصير الـبالج بعد اهدي بس ردت تسبحين

استمريت بحركتي وأصلًا ما أعرف شنو يحجي الهلع والخوف والقلق

مسيطرات علية :- لج كافي مو احجي وياج كافي راح اموتج .

جسمي بدأ يهتز بصورة جنونية دكات گلبـي

احس صارت برأسي، ودموعي تسيل كنت

أتوسل بعيوني رغم حقدي .

شفت ازمة اضطراب المشاعر بعيونة

كان فوضى توتر تحيط هالات شخصية الغريبة

حاولت اتمالك نفسي بس قبل لا أدارك وضعي

فقدت الوعي ، ما اسمع ولا أشوف كعدت من نومي

بعد فترة حسيت مي ؏ جسمي وجسمي يتحرك من مكان المكان

بس ما اكدر افتح عيني رفضت الواقع بـ كامله ، بعد ما هدئة اعصابي حسيت شعري مبلل ، وملابسي مغيرهم وراجع مربط ايدي .

بس وحده منهم بسلسلة وبيها قفل ، كدرت اكعد واسند ضرب

بظهر الجرباية ، باوعت النفسي ادمرت ، كنت ضعيفة ودموعي

بس دموعي رد فعلي .

انفتح الباب بعد فترة دخل وبدون تكلفة حجه:- كومي وياي بدون كلام .

بلعت ريكي وهزيت راسي بعلامة لا ، وبأيدي تمسكت بالجرباية

دفر الباب بكل قوته وصرخ بغضب عارم :- شوفييي حضرت الأكل

اسممي ودخليييي هناااا .

الغيهب:- لا ترجفين ديررررررري بالج اشششش ولا صووتتتت

كوميي يلااااا كووومي .

فتح ايدي وأشرلي ؏ باب كمزت من مكاني بس بصعوبة

بس حتى ما ابقة بالقرب منه ، مشيت واني اتلفت اخاف مسويلي فخ

كعدت بدون كلام ؏ ميز ، بقيت اباوع ؏ أكل ما عندي ثقة بي

ترددت حتى امد أيدي رفعت كلاص ألمي شربت شوية

وكمت وهو هسة كعد من شافني وكفت فز من مكانة وصاح:- وييين .

هزيت براسي ما اريد عاط:- لا تريدين اكعدي اكلي .

سحبت نفسي واني اشوف الباب ، ركضت بتجاههه

بكل ما عندي من قوة وسرعتي ، ضليت افتح بيدة الباب

ما ينفتح ، ضربت الباب بكل قوتي اريد احد يسمعني

بس لا حياة لمن تنادي ، التفتت اباوعله راجع ؏ نفس كعدته ما تحرك

من مكانة ولا انزاح .

الغيهب:- ارجعي كعدي ولا تعيديها .

عفت المكان ودخلت للغرفة وجهه ما اريد أشوفه

كرهت الظلام والغيهب ، دخل بسرعة شمرني

؏ جرباية ورجع ربط أيدي ، وراح دقايق ورجع

بيده كلاص مي وكبسول :- اخذي اشربيها ونامي .

باوعتله بطرف عيني وابتعدت منه :- اخذيها يلة .

ضليت اهز براسي ضغط ؏ اسنانة بنفاذ صبر وطبك راسي

بالتاج الجرباية وعاط:- شنو هل اعناد هااا تريدين تتخبلين

حاجيني تريدين تموتين .

ضربته بكل قوتي واني ارافس بيدي ورجلي

حالي حال المخابيل بس صرت منهم اي صرت

مخبلة بسببه ، حاول يسيطر ؏ حركتي ويخليني اوكف

بس ڪُـل محاولاته فشلت

فقد اعصابه وبدل ما يستمر يحاول وياي

لان ڪُـل الصار وياي بسببه ، بس هو عكس

البشر أنقض علية ونزل وطبع عدت راشديات ؏ وجهي

الى ان فقدت توازني وجسمي تشنج وكعت بعد ما عندي قوة

فتح حلكي وشمر الكبسول وشال راسي وشربني مي .

سحبني بكل هدوء عدل نومتي وطلع

مرت الايام واسمتمر ينطيني بالعلاج وبيوم فتح ايدي بس ربط رجلي

وحط كبالي صينية اكل ، ماكدرت اكل غير القليل

ومجبورة بسبب قوة العلاجات الـ أشربها .

رجع علية اخذها وكومني غسلت ورجعني يريد

يقيدني هنا ما تحملت صرخت بعلو صوتي

بس بصوت مبحوح :- اني مو حيوانة عندك الله لا يوفقك يا مريض

لك عوفني تخبلت بعمري ما سمعت لو شفت مثلك ولك كافي .

الغيهب:- بعد عندج صوت .

رديت بتحدي وبكل ثقة رغم خوفي منه :- عبالك راح يختفي صوتي وبعد ما اكدر افضح حقيقتك ، لو يبقى اخر يوم بعمري وتجيني فرصة

هل مرة اشتكي حتى ما توكع بنت ناس ضحية بيدك يا مريض .

الغيهب:- افتهم منج هسة انتِ بنت ناس ومحترمة .

زهراء:- ما اتعب نفسي واتناقش وياك .

الغيهب :- بس اني اتعب نفسي وياج

وما دامج رجعتي تحجين وسمعتيني صوتج نرجع الموضوعنا الـ أساسي

وسولفيلي زهراء ورحمي نفسج من عذاب الغيهب .

تجاهلته هو وكلامة بس نظراته اتجاهي مخيفة

ضليت بحالة ترقب الـ أي هجوم مفاجئة .

أبتسم إبتسامه صفراء وطلع من الغرفة

كدرت ألتقط انفاسي بس من المستحيل يتركني بحالي

سرعان ما رجع فتح ألباب وأضحه نوايا السوء

صحت بي واني احاول اوكف واصير عالية

بعد ما شفت كارتونة بـ أيده وبكل هدوء

حطها ؏ ميز كدام عيني .

زهراء:-موتني ولا تعذبني خلي طلقة بكلبي لان حبيتك ولا هل انتقام

حرام عليك تاخذني بخطأ غيري ، مو معناها انتِ كاضيها من حضن الحضن ومن رخيصة القذرة ومريت بتجربة زوجتك تخونك ويا اخوك معناها الكل يشبهكم .

عاط بعلو صوتة :- مو زوجتييييي جانت وحدة ***

افتر وياها من دولة الدولة هِـيِّ تونس نفسها واني استفاد منها .

زهراء:- جذاب تحبها ولو رجعت تريدك وتطلب ترجعها الحياتك عندك استعداد رغم هِـيِّ اليووم حرمة عليك ليوم الدين لان زوجة اخووك

الغيهب:- اثبتيلي انتِ مو مثلهاا واحجيلي ويا منو خنتيني

وصلولي كلام وصلتلي رسالة عندج تواصل ويا جلال

وبيوم حادثة موج شخص من بيتنا متصل بجلال حتى

يجي ويقتلها مقابيل بابنا .

زهراء:- وتتهمني اني الـ خابرته.

الغيهب:- ما اتهم متأكد انتـي لان ماكو شخص عندة مصلحة بموت

موج غيرج ، وبيومها اثناء الكلام جنتي ماكو .

زهراء:- بقت ؏ هاي اتهمني بعد ما انقهر گلبـي هم صار حجر مثل كلبك

وراح انتقم منك مثل ما سويت بيه لان كرررهتكك .

سحبني من ايدي وكعني بالكاع وفر وجهي براشدي

الغيهب:- المانعني من موتج حبج الي ، واكف بعيني اذا تكرهيني

ما اتردد انهيج واشمرج واني كتلج قبل حياتج وياي لعبة مغامرة

يا اما تربحين يا اما ترجعين من وين ما اجيتي .

زهراء:- خسرت اني خسرت رجعني بزعت منك وصلتني المرحلة

الكرة والحقد ، اني ما الي ذنب انتَ تعرضت الخيانة وصدمة من

اقرب ناسك حبيبتك واخوك مو شغلي حاولت وياك بس انتَ واصل مرحلة

الغيهب:- بشنو واصل مرحلة .

زهراء:- بالصدمات والمرض .

الغيهب:- ويا منو خنتيني جلال .

زهراء:- ادري شطلع جلال .

الغيهب:- سدي حلكج ، والكمممم اكتلوني ولا تخونوني لا طعنوني

بضهري ، جلال الكلب علمته وخليته ايدي اليمين واني ويا واحد

وخاني ، والك... حبيتها وانطيتها گلبـي وروحي ما رديتلها طلب

اسمعها اجمل الكلام وخانتني ويا اخوية بوكت جنت اتوسل بيها بس

نزوج وكل يوم تأجل وتأجل تالييييييييي عافتني طعنتني بكلبي

واخوية طعني بظهري وانتِ ايييي انتي اليوم تريدين تسوين مثلهم

تخونيني زهراء موووو اجذبين علية وتكليلي أحبك وانتِ حالج من حالها

هِـيِّ هم كالت أُحـبُـكَ ليششش هاا ليششش تسون هيج بيه

ليش من گلبـي يدك الوحدة بيجن تخونني .

زهراء:- مو مشكلتي ما عندك ثقة بـ شخص ، والعندي كلته ما خنتك

وبقت يمك تريد تصدك او لا مشكلتك اني تعبت وبسببك أتمنى الموت .

الغيهب:- ويا منو حجيتي بس جاوبيني مستعد اسامحج واعتبرة غلط ما يتكرر وافتح دفتر جديدة وياج .

زهراء:دفترك حركه بنارك وياك ما افتح ورقة وما اريدك ، بس خليها ابالك

الصار ما يعدي بالسهل وحقي اخذه وما اسكت ، وهم ازيدك اني ماخنتك بس جنت اغني ولو ادري هيج حتى بكلبي ما اغني .

الغيهب:- الظاهر مطولين هنا ، والواضح فعلا ما راح يعدي بالساهل

بس مو علية عليج زهراء عليج حذرتج لا تعددين وعينج صلفة .

زهراء:- ما اصير خرسه كبالك راح احجي بس مو مثل قبل

اتوسلك وانزل نفسي الحظرتك بس حتى ترضى علية كلشي اختلف

وما راح يرجع كلشي المكانه وزهراء ما راح ترجع مثل قبل وياك .

الغيهب:- زهراح ترجع احسن من قبل وياي ، زهراء ما راح تعوفني وتبقى تحب الغيهب الأخير يوم بعمرها ، زهراء تنسى كلشي

برضاتها او غصب عنها .

زهراء:- بحلامك .

الغيهب:- تتحديني .

كالها وتقدم تراجعت للخلف مفزوعة

ما حسيت غير ؏ بوكس صار بنص بطني ضليت ارافس واصرخ

جرني من ايدي و يصرخ بوجهي :- اموتج امووووتج ما ارحمج

لا تسمعيني صووتج .

كمل ضرب طلع روُحـي الى ان وصلت

اتوسل بي يعوفني هو من شاف تعبت بعد

وكف وصاح :- تعانديني .

هزيت راسي بـ لا .

الغيهب:- اذا كلت شي شنو ردج .

زهراء: التريده بس عوفني ابوس ايدك .

الغيهب:- ما اريد اسمع منج كلام غير الصار والحاضر غيير شنووو .

رديت بألم :- صار وحاضر والنبي صار وحاضر .

شمرني جثه شال الكارتونة وصاح :- باجر من الصبح

نرجع للبيت كلهم قلقانين عليج بس كلتلهم طالعين اسبوع عسل اني وزهرتي .

اذا تفتحين حلكج بكلمة زايدة او ناقصة تدرين شيصير بيج

اطلكج وارجعج الـ امج بس ما اتركج الغيهب يدمرج

اطلعكم من المنطقة بكبرها وتصفون بالشارع ، واذا فكرتي انتِ وامج بمشروع اتهمكم بقضية والطخ سمعتكم ، وما اتركم لهنا اخذ امج منج

وهنا تصيرين طعم الـ اهل لملاهي .

اذا ما تعرفين الغيهب منو احب اكلج

اني اليوم مسؤول عن ضحكتج دموعج ، اكلچ وشربج نومچ وكعدتچ خليج حذرة مني وصيريييي حبابة يا حبابة .

طبطب ؏ خدي وطلع كعدت بالكاع

بعد ما حاولت افتح رجلي من قيودها أنيت بوجه

واني استند ؏ حايط ، صداع صار براسي

اقرب بالانفجار نمت ؏ برودة الأرض

الثاني يوم حسيت بي يشيلني من الكاع

ونومني ؏ سرير وقبل لا يبتعد قرب

شفايقه طبع بوسة ؏ راسي ، نزولن الخدي واخر شي

شفايفي بس صارت مثل الجدحه عبالك كهرب شفايفي

درت وجهي وبقيت بالفراش .

طلع بس اول مرة ما قفل الباب تركه مفتوح

كمت بعد ما سمعت أذان الظهر ، غسلت وجهي بالمطبخ

من الخوف ما اكدر ادخل الحمام ،وطلعت نشفت لكيت محضر ملابس

؏ جرباية سديت الباب وبدلت بصعوبة ، لفيت شالي إقتربت من المرأة

نصدمت بركبتي علامات اصابعة مطبوعة بالون الازرق

نزلت اكتاف الفستان جسمي مو احسن من ركبتي

كعدت ؏ جرباية مرعوبة من هل بشرر دمرررني شلون اخلص

اريد افتهم شلون ابقى هيج معنفة ، بديت اخاف اخطي اي خطوة وأذي امي

واني اعرف هو يقصد ڪُـل كلمة يكولها وكلامة ما بي لعب

والبراسه يسوي لو شنو يصير .

انفتح الباب شافني منزله الفستان ولمح اثار التعذيب

اقترب بكل هدوء حاولت ابتعد نبهني :- ممنوع تتحركين خطوة اثبتي .

بلعت ريكي وبقيت بنفس مكاني ، مد ايده يتلمس الزراك

وسرعان ما نزل بكل بطئ طبع بوسة ؏ اكتافي

وهمس بنبرة مخيفة:- لون يختفي بس الجرح يبقي أثر وتعمدت ما ابقي

جروح ، بس مجرد زراك درس بسيط الزهو حتى تستعيد عقلها

وما توكف بوجه حب حياتها .

درت وجهي بكل حقد وكراهية الكون كله للجهه الثانية

من شاف تصرفي كعد وسحبني بكل قوته كعدني ؏ رجله

وبكل اشتداد وصرامة ضغط ؏ خصري يقربني اكثر منه

نزلت دموعي وهو يقترب بعدت راسي جديه ومن ڪُـل عقلة

طبع بوسة ؏ طرف شفايفي :- زهراء الصار ما اريد يتكرر

لا تأذيني حتى ما أذيج ، اسمعي الكلام لان اي تصرف غلط

تودين نفسج بالهاوية سمعتي زهرتي .

سديت عيوني بكل استحكام وهزيت راسي بخضوع واضح

وكفنا ابتسم ولزم ايدي بتمكن وطلعنا من الشقة

نزلنا طوابق اول ما وصلنا للبوابة الشمس ضربت وجهي

جريت نفس وطلعت صعدت بالسيارة .

الطريق كلة ما حجه بس استمر جكارة بعد جكارة

الى ان وصلنا حتى ما سمحلي اشوف بيت امي

دخلنا للبيت وقبل لا انزل همس :- تسلمين وتصعدين فوك ممنوع منعًا باتا

تختلطين مع كائن من يكون .

وفعلا ما عندي طاقة وحالتي ما تسمح وبكل اطاعة

نزلت وهم شافوني وعيونهم بدت تتفحص

دخل سحبني من خصري كدامهم وصاح وهو يوجهه الكلام الـ ابو :- كتلك زهراء يمي ومطلعها ايام عسل ، بس ما تصدكني دشوفوها مو احسن منك ومني .

عافه يحجي وكف عمي كدامي :- زهراء عمو وين جنتي هذا

أذاج حاجيني عموو .

ضغط ؏ خصري بكل وحشيه حسيت بكليتي راح توكف

هزيت راسي بالنفي وبصوت تعبان

خشن صعب السمع رديت :- مثل ما كال غيهب ماكو شي عمو لا تخاف .

يبس ريكي هو بسرعة مسح ؏ ضهري وهمس:- يلا حبيبتي بوجهج للغرفة .

ام الغيهب:- لا عوفها مشتاقتلها اريد احجي وياها .

الغيهب:- مو وكتها اريد مرتي .

لزمني من ايدي وبكل غرابة صعدت

والمصيبة ولا واحد استوقفه الكل كانوا مصدكي

فتح باب الغرفة وزاد وجع راسي واني اتذكر شهكت

بقهر وستحقار جفلت ؏ صوته وهو ينبهني :- اوووو زهراء

لا تبجين مسحي دموعج بعد ما اريد اشوف ادموع وحزن وخوف

نبدي من جديد ، تعاي شوفي غيرت الديكور كلة علمودج

حتى ما تتعبين وما تذكرين ، بدلت الغرفة مو ما يعجبج لونها

تغيرت تركني وبكل حماس راح للحمام :- حتى الحمام شوفي

غيرته كله وصار جديد .

ضليت بمكاني وبس اباوع بعيوني ؏ تحركاته

يحجي بكل اندفاع ولا عبالك نفسة الدمرني وصلني للجنون .

بقيت لا حول ولا قوة كدامة منتظرة الـ لحضه المناسبة

حتى انتقم منة واشفي غليل گلبـي ، انطيت النفسي وعد ادمر هل بشر لان

يستاهل الدمار ومثل ما حبيته وحول حبه بكلبي حقد اضعاف حُـبـي

صار گلبـي حجر راح انتقم وما اترك حقيي لو ؏ موتي .

اقترب بكل هدوء اخذني الحضنه ونزل راسة يستنشق عطري

ابتعدت هو بقه واكف يباوعلي بس ما انطاني رد فعل قاسية

بالعكس كان هادئ بصورة كبيرة.

الغيهب:- اخذي راحتج ارتاحي شوية شوفي غرفتج الجديدة واني دقايق وارجع .

تركني وطلع كعدت ؏ سرير امسد براسي

حاولت اسيطر ؏ انفعالي ، دخت وتعبت

الطرق مسدود بوجهي وهو ما يتركني حتى أفكر

دخل بيدة علاليك طالب اكل من المطعم رتب كلشي

بـ أيده واجه سحب الميز كبالي .

الغيهب :- ليش ما بدلتي ملابسج .

توجهه للكنتور جابلي دشداشة وهمس:- يلا بدلي حتى تاكلين وتنامين

ساعة ارتاحي ما اريد اتعبين نفسج والتريدي يجي يمج .

زهراء:- كافي ليش هيج تسوي بتصرفاتك ادمرني ما اكدر افهمك غيهب

اترجاك كافييي ..

الغيهب:- بسببج انتِ خليتيني اتصرف هيج وياج .

وديت بضعف:- شسويت والله ما سويت شي .

الغيهب :- سويتي زهراء خليتيني اتعلق بيج واني رافض هل مبدأ.

زهراء:- انتَ مو تكول اني الغيهب وتكدر ؏ كلشي تحكم بنفسك

وابعدني منك تكدر بس عوفني .

الغيهب:- غيهب رافض تبتعدين منه انتِ كدرتي تتمكنين علية و...

سكت وكف سحبني نزع الفستان ستوقفته واني كملت

لم شعري بيدة وكعد بصفي يباوعلي بكل دقة وتركيز شلون أكل

ما كدرت حتى ابلع لكمتي شربت مي وكمت اريد اتهرب من الواقع

المر لفيت راسي ونمت وهو اخذ وضع الصامت .

مر يوم وبعده يوم ما انزل بس

للضرورة ولازم هو موجود، وممنوع احجي ويا احد

وحدي ، وين ما يكعد لازم اني ويا ، والبيت حتى البيت رفض

اشيل العود بي ،الى ان صار أسبوع اختفت الـ اثار وصارت بالون الـ اصفر

ونزلت الهي نفسي بالشغل تعبت بس من التفكير والحبس بالغرفة

اريد اتنفس وما اتقيد بي هلكد من تصرفاته نظراته ومراقبته.

عمتي حاولت هواي تحجي وياي وهو يصدمها يطلع كبالها فجأة

تالي ياخذها ويتعارك وياها بالغرفة ويحذرهم ما يدخلون بيني وبينا

عمي كان شاك بالموضوع بس منتظر الفرصة ، واني منتظرة

اهدم شي اسمة الغيهب .

بس ما توقعت اني الراح انهدم من اسمع الخبر المميت .

بعد ما مرت ايامي السودة تحت رحمة الغيهب كملت شغلي وصعدت فوك

اعدل الغرفة ڪُـل عادة ابقيها اخر وحدة اصلا ما الي نفس بيها

ولو بيدي اخلي بيها واحركه .

اندمجت امسح اخشاب وامسح الأرضيات

دخلت علية فرح وجهه لونه مخطوف

وبعيونها حجي هوايييي .

فرح:- زهراء غيهب وعمو يريدوج جوه .

زهراء :- كشف عمي كلشي مو .

فرح:- انزلي جوة وتفتهمين كلشي .

زهراء:- هو غيهب اعترف .

اشرتلي انزل خليت شالي ونزلت قبلها واول ما دخلت للاستقبال

انصدمت بيهم كلهم واكفين بس الغيهب كاعد من شافني تقرب

علية حضن وجهي بـ اثنين اديناته وظل يلف ويدور بالكلام .

الغيهب:- زهراء اني ادري بيج قوية ، وتصلين وقارية قرأن

وتعرفين معنى ( ان لله وانا أليه راجعون) .

ضليت اباوع بوجهه ما مستوعبه الصار بس سرعان

ما بديت استوعب بس رفضت الفكرة بكبرها

زهراء:- لا لا مااااااااا اعرف معناها لاااا .

دفعته من صدرة وركضت للشارع حافية القدمين

صار مقابيلي خوالي واخواني عبرت الشارع مثل المخبلة

ودخلت البيت صحت بعلو صوتي :- يمممممه وينج

باوعت ؏ خوالي وصحت :- امي اسويلكم جاي جوة مو .

فتت لكيت تابوت امي بالكاع ومغطيها ذبيت نفسي

وفتحته ايدي صكت درت وجهي لكيت الغيهب

ورايه صحت:- شوفوها امي نايمة شوفوها شكد حلوة

تعبان وجهه امي ماما كومي شربي علاجج هذا علاجج

اجيبه الج حبيبتي كومي .

سحبني الغيهب وهمس :- لا تعذبيها زهراء عوفيها .

زهراء:- لالا ما اعذبها هاي شمعة حياتي بس غيهب حباب اطردهم ليش واكفين فوك راسها خلوها تنام خطية امي تعبانة .

رفع راسي وباوع بنص عيني وهمس بتأكيد :- زهراء امج ماتت ...

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ مُحمـد .

رواية ظلمات الغيهب

بقلمي أساور حسين

الحلقة _11_

-هل جربت ان تجري عملية جراحية من دون بنج ؟

- لم افهم قصدك .

-اقصد ان تحب من طرف واحد .

زهراء....

رفع رأسي وباوع بنص عيني وهمس بتأكيد :- زهراء امج ماتت ...

رفعت أصبعي ؏ شفايفي وهمست:- اشششش اششش ماتموت أمي

بس نامت تعبت ، جانت مشتاقتلي متأكدة إذا تشوفني تفرح بيه وتصير

زينة .

صاح خالي:- يالله شيلو لا تتخبل بتها .

زهراء:- لا وين تاخذوها متعاجزين من امي شنو ، اطلعو كلكم وخلوني

بس إني وياها أريد أنام بحضنها مشتاقتلها طاك گلبـي عليها

رد خالي:- ما يصلح بويه .

زهراء:- أطلعوا كلتلكم أريد أنام بحضنهاااا لا تحرموني منها .

التفتت الغيهب همست بصوت مبحوح بس بكل حركت گلبـي

زهراء:- احجي وياهم اريدها اليوم أريد ابات يمها

انتَ مو حرمتني منها صار هواي ما شايفه امي

خلوني بس اخر ليلة وياها .

بقوا واحد يباوع بوجهه الثاني غيهب حالته حالة

وعمي كابلني ويبجي ؏ بجيتي

عمتي فقدت وياي واني فصلت عن الدنيا واصريت امي ما يشيلوها

تقدم علية خالي من شاف غيهب ما حركني

قيد حركتي وصاح :-يلاااا اخذو .

زهراء:- لااااا والكم لا اريد امي بقوني وياها بس اشوف وجهه

ابوس رجلكم انتظروا.

الغيهب:- بقوها ساعة وحدها وياها ونطلعها .

رفض خالي والشيوخ الموجودين واخذو امي بدون وداع

روُحـي صارت مثل الحمامه المذبوحة تعلكت بالغالية الراحت وعافتني

طلعت وراهم صرخت بعلو صوتي :- يممممه واين عايفتني وحدييي .

ام الغيهب:- صعدوها وياكم ؏ اقل لا تخلوها بنفسها هاي امها .

رد خالي:- بس زلم رايحين وين اخليها .

الغيهب شالها وياهم من كمل اجه سمعه هيج

كال رد علية :- توكلوا انتوا .

زهراء:-لا والله ما يتحركون اذا ما اروح ويا أمي اشمر نفسي جوه السيارة وما اخليكم تتحركون خطوه وحدددده .

اجه الغيهب بتجاهي باس راسي وهمس:- اخذكم بسيارتي هنا بس الزلم .

ابتعدت عنه ومشيت للسيارة صعدت بس جسم يمشي

كلي متت اني متت ويا امي

زهراء :-حسبي الله عليك غيهب عسى دوم اشوفك مشلوع القلب .

التفتت يباوعلي بس ما نطق بحرف لإن حالتي ما تصعب بس علية

حتى اذا عدو شافني يكابلني ويبجي وياي ، راحت شمعة حياتي

الطريق كلة دموعي ما نشفت تهسترت لا بقيت شعر

لا ملابس ما كطعتهن وجهي كله تملخ ، من التعب افقد وأرجع اكعد أكمل

؏ نفسي ، وصلنه طريق النجف صار قصير سودة علية امي مستعجله

دخلناها مغيسل غسلتها بيدي وبدموعي بست راسها وخدها

بست شفايفها اخذتها الحضني نومتها ؏ صدري وصررخت الحد ما اختفى

صوتي .

جفنوها واخذوها ، لكيانهم حافرين قبرها بسرعه سحبوها وحطوها

من حركت قلبي ما كدرت اثبت بمكاني ردت أشمر نفسي وياها

وبأخر لحضه سحبني وجتفني قيد حركتي بقوة

من كملوا عافني كعدت ؏ قبل وصرخت بضعف

گوميلي ييمه بگلبي تسعر نار

محتاجه لحنانچ فدوه ضميني

گوميلي ييمه عيوني اجت خطار

تشكيلچ عذابي وغربة سنيني

اسمعيني اسمعيني

اريد بگبرج اغفه ،، وياچ خليني

انام ؏ صدرج يمه اسمحيلي .

الكل يبجي كبار صغار ؏ حالي

وغصب عني اخذوني ورجعت للسيارة

منتهية ما اكدر ارفع أيد ولا اشيل راس

الى ان وصلنا تلكوني صديقاتها اخذني من عمتي

دخلت جوه ملاك وهاجر فوتوني للغرفة

نمت بملابسي وتمنيت ڪُـل الصار حلم مو حقيقة

واكعد أشوف امي كدام عيوني ، لو ما مزوجة الغيهب

وبقيت يمها احتمال ما صار الصار بس اني كلة مني .

أيام الفاتحة شي أتذكره والباقي جنت فاقدة

اكعد الطم املخ بروحي الى ان اهلك وارجع

انام ، ما اعرف شي اسمة اكل وشرب

كان النوم ملاذي من الواقع .

بعد ما خلصت الفاتحة وخفت الهوسة

بقت عمتي وصديقات امي يمي

الغيهب ما اله عين يشوفني بيها

واتمنى ما اشوف وجههه بعد .

عشت ؏ مغذي انام يحطونه يخلص ويشيلوا مني

وهكذا استمر الوضع ، وصارت السبعة وايامي

تشبهه بعضها رفضت اواجهه الواقع وكان عندي أمل

اموت واروح بصف امي ما اريد اعوفها وحدها هل مرة .

وفعلا بعد السبعة وخاصة بعد ما حضرت الملاية

حالتي ادهورت اخر شي حسيت علية جنت اصرخ

بـ أسم امي وكعت ، صارت خنكه ، اصوت عالية ، مي بارد ،

أصوات إغاثة ، صوت الغيهب ، نرفعت عن الكاع ،

صار بوجهي ضوء عالي ، غلقت عيني بقوة فقدت تمامًا .

كعدت لكيت نفسي بالمستشفى وصوت الغيهب هو الـ كعدني

الغيهب:- مو اكلج شلونها تكلي تأخذ مغذيات ونجبرها تآكل .

ام الغيهب:- والله العظيم ما تاركيها وياها كلنه ونحجي ونتوسل

بس هِـيِّ ما تقبل شبيدي عليها اكتلها شلون .

الغيهب:- خرب شنوسبع ايام ما تاكل ڪُـل عقلج يممممه تريدون تخبلوني .

ام الغيهب:- ديلا بالله هسة شيسكتك .

همست بتعب ردًا ؏ كلام عمتي :- عوفي عايش الدور ؏ اساس هو زين

ومو نفسه الحرمني من امي وشوفتها صارت مثل الـ أقساط.

التفت علية بلع ريكة وهمس:- واني شعرفني راح تموت .

زهراء:- أمي ماتت بحسرتي ماتت وهي محروك كلبها ؏ وحيدتها

بعد ما غبت تدري كلش زين انتَ مو زينة وكلبها علمها بتها تتعنف .

ام الغيهب:- يمه صخام بوجهي تتعنف شنو .

زهراء:- كلش زين تعرفون التاخذ غيهب تتعنف ، قابل تشبع دلال .

الغيهب:- كافي .

زهراء:- هو كافي لهنا ، طلعني من المستشفى ورجعني البيت امي .

الغيهب:- ترجعين البيتي .

زهراء:- ما بيه حيل احجي تعبت كلت البيت امي ، بس ادخلوني البيتكم اقتل نفسي ما طايقة الدنيااا كلها وعايشة ؏ ريحة امي .

ام الغيهب:- اسكت منها هسة والـ تريده سوي الها مكسورة ويتيمة لا تصير انتَ والدنيا عليها .

عافها وطلع كمل اجراءات ورجع همس:- يلا نطلع .

اشترينا العلاج ورجعني البيت امي ، بقيت هناك ڪُـل ليلة احس

الباب ينفتح وعطره يتغلغل بـ انفاسي ، أحكم غلق عيني بـ ستحكام

واكمل نومتي رافضه التكلم معه .

لكن بعد ايام وخاصة من عرف بعدني تاركه الأكل

سمعت صوته اجه دخل بيده صينية كعد بصفي عدل المخدة وكومني

غصب عني بدون حتى ما ينطق بحرف .

زهراء:- هو هيج جسمي يوجعني ودايخة ميصير..

أستوقفني وهو يرد :- شنو ما يصير تخبلتي عبالج بـ هاي تصرفاتج

ترجعين أمج ، لج فكري عدل بسوالفج تعذبين امج حرام عليج .

زهراء:- مرتاحة اني هيج عوفوني لا تضغطون علية .

الغيهب:- أعقلي زهراء شوفي شكلج شصاير بيج ولج مابقه شي و تموتين خلصتي .

زهراء:- أتمنى الموت ولو ما أخاف الله سبحانه من زمان أنتحر.

تقرب علية رفع ايده ضم وجهي وهمس بضعف:- وتعوفيني .

زهراء:- انتَ بعيييد عني غيهب عندك عالم الخاص ونسوان خير من الله

بحياتك زهراء مجرد جسد لتفريغ غضبك من...

سند كصته ؏ كصتي ورد بصوت مضطرب:- ماريدهم كلهم اختارج انتِ

اني اريدج بس انتِ ارتاح بس يمج أنسى كلشي واكدر أغفى بحضنج واني احس بـ الأمان .

زهراء:- لازم نسيت الصار اذا نسيت اني ما انسى.

الغيهب:- مستعد الـكل العقوبات عذبيني عاقبيني استاهل

زهراء متندم اسوي كلشي تريدي بس نبدي صفحة جديدة

اني غلطت والله غلطت واريد اصحح غلطي .

زهراء:- تصححه من اطلكني ، گلبـي مات من ناحيتك .

الغيهب:-مستحيل حبج الي ما يختفي بـ هل سهوله.

زهراء:- رغم تعرف شكد أُحـبُـكَ بس اتهمتني بالخيانة

واصريت وعذبتني وعنفتني وما رحمة حالي وهسة راجعلي بكل بساطة

تريد انسى.

الغيهب:- يا بساطة زهراء عاقبيني خليني بنفس الموقف

سوي التريدي بيه بس ساعديني .

زهراء :- تريدني غيهب تريد أبقى وياك .

لزم ايدي وهمس:- وايدج بيدي طلعيني من الماضي .

زهراء:- بشرط .

الغيهب:- وهو .

زهراء:- تروح الدكتور نفساني يعالجك واروح وياك ما اعوفك .

أبتعد مني ورد بتنبيه:- اخر مرة اسمعها من حلكج ، شنو ولج اني مريض

مو عيب تتهميني بالجنون .

زهراء:- السويته انتَ مو جنون من حبستني ويا حيوانات وبالضلام موو جنون برأيك .

الغيهب:-حالة عصبية وغلطة ما تتكرر واوعدج أحاول أضبط اعصابي

بس لا تتركيني أبقي وياي محتاجج اطلب مساعدتچ .

زهراء:- اني انتهيت من يوم الـ وافقت عليك وتزوجنا ادمرت حياتي

دمرت نفسي وموتت امي قهر الى ان ماتت بحسرتي بسببك

ما اكدر اساعدك غيهب عوفني بحالي إني نفسي ما أعرف اساعدها .

ظل يباوع بوجهي ما تحرك ساكن

بقه حاير شنو يحجي وياي وشلون يقنعني

من سديت البوب بوجهه همس :- صايرين عيوني صايرين بس اكلي

هسة ورجعي اوكفي ؏ حيلچ واعوفج بعد ما اخليج تشوفين وجهي .

رديت علية والغصة أجتمعت بلعومي:-يكون أفضل تعطف علية وتتركني .

الغيهب:- اخذي هل لفه من ايدي اكليها حتى اطلع منا مطمئن .

وفعلا بعد انقطاع مستمر اخذتها منه واكلت منها

بس ما كدرت اكملها قريت الفاتحة الـ أمي وخليت رأسي ؏ مخدة

تقرب شال الغطوه غطاني بيها وكعد بصف راسي مد أيده ترجف

مسح ؏ شعري وهمس :- سامحيني .

زهراء:- الله يسامحك .

أقترب أكثر نزل المستوى رأسي طبع بوسة وبقه بيها لدقايق

؏ نفس الوضع بعد ما رفع رأسه قليل جر نفس وبصوت خافت كمل

؏ كلامي :- النوم يحاربني ڪُـل ما أتعب واجي أريد أنام

صورتچ بذاك اليوم تجب كبالي ، عيونج تحركني ، وانصدم من اتذكر شلون انسيچ .

كان ردي جاف عمس كلامة تمامًا.

زهراء:- تصبح ؏ خير .

انطيته ظهري ونمت بعد ما استقرت حالتي من اكلت شوية

أصعب مرحلة بعد الفقدان من اخلي راسي ؏ مخدة بتالي اليل

ذكرياتي وكل كلمة دارت بيني وبينها تتردد بأذني

افراكها مثل جمرة النار وتحرك بقلبي

دموعي تجري عليها ضعت أني ضعت بعدها .

من يومها ما شفت الغيهب بعد ، مر تسع ايام واني بيت امي

لحضة وحدة ما تركتني عمتي ، وام مروان وام جواد وياها

حتى هاجر وملاك ڪُـل ما يجون ما يروحون ؏ بيت اهلهم

يفوتون البيتنا يكعدن وياي ويصبرني.

وبعد يوم متعب مهلك نفسيًا وجسديًا أنتهى بصدمة ُ ؏ــمري

صار الـ بحياتي ما توقع يصير ، كان اشبه بالخيال حدث

قلب حياتي رأسه ؏ عقب

اندك باب بيتنا مثل ڪُـل يوم ما يهمني منو خلف هل باب

الغالية ما ترجع بعد ، دخلت ام جواد اني هستوني خلصت

سبح وداسرح بشعري ، همست بضياع:- زهراء يمه اليوم نفذت وصية

امج خلتها امانة عندي وكلبي ما ينطيني اعوفج وحيدتج بهل دنيا وادري امج

ما مرتاحة اذا ما تطمئن عليج .

زهراء:- يا ستار خالة شصاير .

ام جواد :- تعاي وياي خالة كومي .

شمرت شال ؏ راسي وطلعت ، بخطوات ثقيلة متردده

وقفت امام الماضي ، تحجرت عيناي ، اضطراب مشاعر

ارتباك واضح همست:- منو حضرتك .

- انتِ زهراء رحيم احمد .

- اي نعم اني زهراء رحيم احمد .

- اني رحيم ، ابوج .

فتحت حلكي من الصدمة وما صدكت نهائيًا

الصدمة الكبيرة من ظهرت نسختي من وره

رفعت ايدي ترجف وصحت :- هاي منو .

رحيم:- اختج رجاء التوأم .

هزيت راسي بعدم تصديق وصحت:شلون مستحيل وين جنت ڪُـل هل سنوات.

دخل عمي ابو الغيهب وكان مو اقل مني بالصدمة

خاصة بعد ما شاف رجاء ، رحب بيهم ودخلهم جوه

كانت رجاء هادئه بصورة مخيفة بس عيونها تحمل انواع العتاب والحقد

اول ما دخلنة صورتي اني وامي معلكيها بالزيارة

جنت حاضنه امي واضحك ، فصلت عنه وهي تباوع بكل تركيز

؏ صورة وايدها سرعان ما انقبضت بكل قوتها .

زهراء:- شرجعك هسة امي وراحت .

رحيم:- بحثت عنكم هواي انتِ وامج فص ملح وذاب ، خوالج رفضو

ينطوني عنوانكم وتعاركوا وياي دكيتهم وتعاركت ضربت وما فاد بيهم

امج ما تريدنا وفعلا الى ان توفت الله يرحمها .

ام جواد :-امج موصيتني اذا بيوم الله اخذ امانته انطتني عنوان

ابوج واروح انطي علم بوجودج ومكانج ، وهسة اني بريت ذمتي

اترخص منكم .

طلعت بعد ما كملت رجعت اباوعلهم همست:- والمطلوب .

رحيم:- اطالب بيج يا بوية مشتاقلج وكلبي مفجوع عليج ڪُـل لكمة تدخل

حلكي اغص بيها عليج يا بعد ابوج .

قاطع كلامنا صوت رجاء القاسي:- هاي هِـيِّ مو .

رديت عليها بدون تفكير :-اي هذهِ امي شمعة حياتي راحت وبعد ما ترجع .

ردت علية برد هزتني هز :- حسبي الله عليها ما راح ابريها الذمه بعمري كله وكل يوم ادعي تحترك بكبرها قبل لا تحترك بنار جهنم هل ظالمه .

رحيم :- رجااااااء .

ابو الغيهب:- عيب عليج احترمي مصاب بتها شلكم بهل كلام

بدون مطرود اطلعوا بدون مطرود البنية ما تتحمل مصايب .

رحيم:- زهراء بابا انتَ جبيرة واعية اسمعيني ابوية انتِ مشتاقلج يا غالية تعاي بنيتي اخذج بحضني ، انتِ عندج سند بدنياج مو وحدج والجوارين تستعطف عليج .

دخل الغيهب وبصوته الخشن صاح :- ما محتاجتك لا سند ولا حزام ضهر

انا هنا ظلها سندها وملجئها ، ارجع منين ما اجيت مو جيت بعد السنين

تكلها سند وهل خريط ما يمشي ويانا .

رجاء:- احترم نفسك من تحجي ويا ابوية لا اشوفك انجوم الظهر

لا تستسبع وتعرض عظلاتك عينييييي ، أصلا وجودنا غلط يلا يابا .

رحيم :- منو حضرتك .

الغيهب :- زوجها .

رحيم :- زهرتي بابا تزوجتي .

نزلت دموعي واكتفيت بالسكوت :- انتَ زوجها واني والدها ، قبل عدها ام

واليوم عدها اب ، بابا زهراء اني بظهرج من اليوم .

الغيهب:- اي مو عايزين ، ما تروح رجاء بدون مطرود اطلع .

ابو الغيهب:- اذا جايين عدكم طمع بيها فـ الله وكيلك ما عدها غير هل بيت

من امها يعني ما راح تستفاد منها .

ابتسم وهو يرد علية :- وتشوفني محتاج البيت ، اني الواء رحيم تاج وباج

ما أحتاج لا البيت ولا عماير ، املاكي تغطي عيونكم .

الغيهب:- بالعافية عليك يلا شوفني ظهرك .

رجاء:- شلون نرفزني هذا لك احترام لا ..

صرخ بوجهه بغضب وكأن منتظر الفرصة تصير هوسة

الغيهب:- لااااااا شنوووووو هاااا لاااا شنووووووو .

جرها ابوها من ايدها وهمس هو يباوعلي :- بابا زهراء اني ما اريد مشاكل

اجيت اشوفج واطمأن عليج لا أكثر ، اريد تعرفين ابوج وياج وما يعوفج

واذا بيوم اعتازيتي شي اني قريب عليج .

جر كارت وبكل خفه اقترب من الميز وهناك عافه

رحيم:- هذا الكارت بي عناويني وأرقامي من تريديني

بس إتصال منج تلكيني وين ما كنتي .

طلع أبوية وبقت رجاء رفعت اصبعها بتحذير

رجاء:- والله اذا بيوم شفت وجهج اموتج بدون تفكير وانعل ابو الـ يطلعلج .

وكف بوجهه الغيهب وصاح:- حتى ازحلكج من دنياج بس تفكرين تقتربين منها وتأذيها اموتج والله اموتج .

رجاء:- شوف هذا لا انتَ ولا عشره من امثالك يخوفوني بابا گلبـي ميت .

الغيهب:- ؏ روحج كلبج ميت يلااا مناا يلااا دوختيني .

رجاء:- حذرتج وبكيفج أبتعدي عن حياتنا لا ترجعين ما اريدج .

طلعت والغيهب وراها التفتت وهي الباب نظراتها تحمل حقد الكون كله

هم طلعوا واني سحبت الكارت ما اعرف ليش بس حسيت راح احتاجه بيوم

شمرته جوه التلفزيون ورحت كعدت ؏ تخم راسي صدع

؏ هل مصيبه ، دخل الغيهب يحجي ويا أهله وكلب الميز

نزل يدور بالكاع من ما شافه وكف يباوعلي بغرابه :- وين الكارت .

رفعت اكتافي وهمست :- ما أعرف.

رفع تك حاجبه بعدم تصديق ورد بمراوغة:- همممم ما تعرفين وين

اي زين لا تعرررفي .

الغيهب:- يلا كومي حضري نفسج الوضع مو أمان وتوأمج ما ناوية

؏ خير ما اكدر أشتغل وأمن عليج وانتِ هنا .

زهراء:- كلشي ماكو لا تكبر الموضوع من بيت امي ما اطلع .

هز براسه واجاهل ڪُـل كلامي سحب عبايتي وصاح :- طفي كلشي

يمه وقفلي البيت ولحكيني بسرعة .

سحبني وهو مثبتني من اكتافي وطلعنا صرخت حجيت ما يفيد ويا

اول ما دخلت البيت تركتهم وصعدت الغرفتي ، هو ما صعد تركني براحتي

الثاني يوم صعدت فرح كعدت وياي حاولت انزل رفضت التقي بـ احد

ويوم بعد يوم حالتي رجعت تدهور ، الغيهب هنا ما صبر يسكت أكثر

صعد شافني نايمة بفراشي كعد بصفي هز أيده وهو يأشر

الغيهب:- شايفه نفسج عاجبج حالج شتردين تسوين وين تريدين توصلين

زهراء .

زهراء:- الماتت امي تريد اهز وركص مثلًا شو سهلة عليكم .

الغيهب:- كلنا وياج وحاسين بيج ومقدرين كسرتج بس تصرفج غلط

نايمة وتبجين النهار كله واليل كلة ، عوفي سوالفج وكومي صلي الها

اقري إلها قرأن كومي سويلها ثواب .

زهراء:- ما أكدر من اكول مااكدر صدك اعني هل كلمة صعب اوكف

واتحرك ما مستوعبه موتها احسها وياي راح تدخل علية وتاخذني

الـ حضنها ، اريدها محتاجتها .

الغيهب:- كومي صلي واحجي وياها مو تحسيها وياج كومي لو بس حجي .

أخذني للحمام بصعوبة توضئت ورجعت للغرفة

صليت واني كاعدة ؏ جرباية ومقابيلي الميز

من كملت رفعت راسي اله وهمست:- ممكن تعوفني وحدي .

هز رأسه وطلع ، بعد ساعة ونص تحديدًا

دخل لكاني منتهيه شالني ؏ جرباية جسد مجرد من الروح

انتهيت واني اعاتبها واتوسلها ترجعلي ، لو تاخذني وياها .

ما اعرف شكد مر وقت فزيت علية هو موجود من شافني كعدت تركني

وطلع من الغرفة وعمتي اجت بدل عنه ، واستمر حالي الى ان تهددت

منه :- اسبوع الجاي أربعين امج اذا كلتي اروح اكسر رجلج ؏ هل حال .

رديت بستهزاء:- ما استغرب تسويها مو نفسك منعتني من شوفتها الى ان طكت روحها وماتت بسببك وبسببي .

الغيهب:- سدي حلكج لا والله اكوم تعرفين شيصير بيج .

ابو الغيهب:- اه هذا هم حجي ، يعني وكتتتها تحجي هيج ويا البنية .

الغيهب:- ما تسمع ادوس بطني وتكلولي اسكتلها ، يعني شلون تروح للنجف وهذا حالها شبه ميته هيكل عظمي واكف كدامنا هِـيِّ للحمام ما تكدر تفوت .

ام الغيهب:- صح كلامة زهوره لازم تهتمين بنفسج اليوم الـ أربعين

مو زين تروحين هيج .

الغيهب:- تروح هيج ما ترجع بعد تندفن هناك منتهيه شوفوهاا .

جريت نفس وسكتت عفتهم وصعدت ما بيه اسمع صوت

وياربت ما صعدت ، لحكني عيونه بكصته تقرب وبتحذير نبهني

الغيهب:- اذا ما تهتمين بنفسج اشمرج بالشارع كافي عاد راح تموتين .

زهراء:- ليش صاير انتَ الحباب الطيب براسي ، عوفني بحالي

وارجع لحبيباتك ونبهم بعد مره الثانية زحمة يخلون أثر بركبتك

مو مني عيب لا من اهلك .

نخطف لونه وراح ؏ مرايا تلمس المكان

تركته وطلعت للحمام كعدت حرت ؏ منو تنزل دموعي

؏ روحت امي او ؏ خياناته زوجي الـ علنيًا ، ربع ساعة وهو منتظر

فزيت ؏ صوت تلفونه طلعت من الغرفة واني اسمع أصرخه .

الغيهب:- أهدي وفهميني شصاير .

سكت ما اعرف منو المتكلم بس صوت بنية

رجع عاط :- انتِ وين راح اجي اششش كاافييي .

طلع من الغرفة مثل الطلقة ، طلعت وره اسمع عمي يصيح عليه

يريد يستوقفه هو عافهم صعد السيارة وحركها متجاهل الكل .

نزلت يمهم الكل دخل بـ أنذار خايفين من المصيبة الـتوكع ؏ راسهم

عمي التلفون ما وكع من أيده .

وهشام نايم فوك نزل طلع للكراج بره ويخابر .

أمير طالع خابرة عمي ورجع يلهث لان راكض .

خابر عمي ؏ ملاك ردت علية تأكد ما بيها شي .

دك مره ومرتين ؏ هاجر ماكو ، بالثالثة دخلت

سيارة الغيهب نزل هاجر منتهيه عيونها حمر دم

كوه تمشي ركضتلها عمتي وصرخت بـ فزع :- يمه بنيتي دخيلك ألهي.

الغيهب:- خلونا نفوت لازم ترتاح .

فوتها ؏ تخم كعدت تبجي وتصرخ عاط بيهم عمو بعد نفاذ صبرا

ابو الغيهب:- ولكم احجو يبستولي گلبـي .

الغيهب:- هذا الكلب ابن الكلب يريد يتزوج عليها .

لطمت عمتي ؏ وجهه صاح الغيهب:- ؏ شنو تلطمين يطبه مرض وسرطان

خلي يتزوج موت الـ ياخذه .

ابو الغيهب:- هو شنو طبه مرض ؏ يا أساس يتزوج بنتي تايهتله .

هشام:- ما النا حق نحجي يابا شتريد نكتله قابل .

ابو الغيهب:- ما كلت نكتله بس شلون يتزوج عليها ليش هاجر شناقصها .

أمير:- والله اروح اخلي راسه بطن المجاري .

الغيهب:- ما يحتاج سويت الواجب ويا واشك بعد ما يكدر يتزوج المسكين .

وكف أمير يريد يبوس راس الغيهب وهذا يدفع بي ويصيح :- وخرر مني شيل ايدك .

امير:- ابووسس راسك تبررد الكلب انتَ .

الغيهب:- ما اريد بوستك روح مني اكلك .

ابو الغيهب:- كافي بابا لا تبجين يروحلج فدوة .

الغيهب:- كله منها هِـيِّ سمحتله يتماده وياها ما اجت من البداية وكالت حتى أستلم الموضوع واخلي يعرف الله حق .

عاط بي أبو :- استلم موضوعك وأبدي بنفسك ، هذهِ كلة حوبة هل يتيمة

بيمن تطلع غير بخواتك حتى الله يحرك كلبك مثل ما تحرك بكلبها .

وكف الغيهب انتفض من كلام أبو:- شمسوي اني الـ يسمعك يكول

متزوج عليها أثنين.

أبو الغيهب:- بسوالفك الزواج اهون ، ولك انتَ اعوج مسربت

ڪُـل يوم ويا وحدة خزيتني وفضحتني الخيانة ضلت تمشي بدمك .

عفتهم ومشيت الهاجر واني ارد ؏ عمي:- لا تعب نفسك عمو الغيهب ما يهمني وين ما وين يروح ، الديصير لا حوبتي ولا هم يحزنون .

زهراء:- كومي ارتاحي جوه لا يصير بيج شي .

فرح اجت وياي اخذناها للغرفة بعدني

توني طلعت الباب انسحبت من أيدي

وسحبني فوك حاولت افك ايدي منه بس هو اقوه مني بـ أضعاف .

شمرني ؏ جرباية واقترب بكل رفق وعتدال وهمس:- شكلتي قبل شوية .

رفعت ايدي وهمست بضياع :- عيب تمد ايدك علية والله اذا تضربني ما ابقه

وياك لحضة وحدة بعد كافي لهنا وحدهاا سكتت هواي والتهددني بيها ماتت .

بحركة سريعة وبمرونة مد ايده وره شعري وثبتني

بقوه وصرخ بوجهييي :- وتوصل بيج تتحديني وتهينيني كدام الكل .

زهراء:- ما هنتك بس انتَ صدك ما تهمن......

فر وجهي براشدي فقدت توازني بي :- منو ما يهمج ولج هااا منو ما يهمج .

زهراء:- انتَ بتصرفاتك وصلتنا هنااا خليتني ما اهتملك موتت گلبـي مثل ما موتوا كلبك ، كرهتك مثل ما كرهتم ليش انتَ ليش كرهتهم مو بسبب الخيانة

انتَ نسخه عنهم واسوووووء بعد بـ أضعاف يا أستاذ غيهب .

الغيهب:- زهراء انتِ ليش تخليني اموتج لج هذا حلكج سددي ارجع احبسج شلوووون هاا شلون أرجع اشمررج بيت وحدج واحبسج بي .

زهراء:- عوفني واطلع منا ، شدعوة من احجي تحترك وتضوج من كلامي

وتهتم ، بس من تروح للكح.... ما تحس وتنقهر علية وتكول خطية مرتي .

الغيهب:- طبعًا اروح للكح... انتِ شايفة وجهج شايفة نفسج بالمرايا

سحبني بكل قوته من أيدي وكفني كبالها عطت بعلو صوتي مغص صار بطني لان فارغة حسيت شوية واتقيئ :- افتحي عينج شوفيييي عدل

صايرة زبالة مو زين مني ملفيج بالبيت بـ هذا الشكل اذا اشمرج

بالشارع محد يكلبج ، ارحمي حالج لا تخليني امردج بين أيدي .

شمرني بكل قوته بالكاع انضربت بالجرباية صرخت بوجع

حاولت اكتم صوت شهكاتي زحفت للحمام فتحت المي وكعدت جوه

اريد اصحصح ما اريده لازم اكوم ؏ حيلي وأتركه هذا مررريضضض

وراح يمرضني ويااا .

كمت اخذت المرايا اباوع ؏ نفسي عيوني فايتة بنكره سوده

وشعري بكد ما هلسته شعراتي واكفات ، وجهه لونه اخضر

مو مجرد صفار عادي ، شمرت المرايا وكمت للغرفة لفيت

رأسي وهربت ، الثاني يوم سمعت اجه ابوية

طلعت بالباب بعدني ما أمن بي ما اعرف شنو هو ومنو وشنو غايته من بعيد همست :- نعم تفضل .

رحيم:- بابا بالي يمج انتِ مرتاحة شكلج تعبان ابوية تريدين تجين وياي كم يوم ترتاحين وارجعج .

زهراء:- أشكرك ما أريد ورجاءا لا ترجع ما اريدكم بحياتي .

عفته ودخلت للبيت ، سألني عمي كتله ما راد شي

استمر ڪُـل يومين تلاثه يجي واخر يوم بـ اربعين امي

جهزت نفسي وسويت اني وعمتي ثواب بيه ما بيه

ولليل طلعنا للنجف الكل اجه بس هو كال :- عندي شغل ما اكدر .

وفعلا رحت ويانا صديقات امي وخوالي ونسوانهم وهم هاجر وملاك ما عافوني زرنا الأمام هنا شكد حاولت ابجي بس احس دموعي نشفت

لزمت الشباك واكتفيت بالسكوت ، بعد تعب ابتعدت ورحت العمتي

لزمت ايدي ورحت صليت اني وياها والنسوان ، بعد ما خلصوا

رحنه للمطعم كلهم جوعانين ، ردت اكل بس بطني ما تتقبل

بقيت اباوعلهم الى ان نريد نخلص دك تلفون عمتي

ام الغيهب:. هلا يمه اي زرنا وهسة بالمطعم .

سكتت ورجعت صاحت:- يا مو كلت عندك شغل وما تجي .

دقايق وهمست :- اي خوش زين سويت ، اي زهوره كبالي تريدها .

برطمت وصاحت :-راح نجي شبيك ، اكل لكمه بين ما نوصل .

سمعت كلامه وصاحت:- ولك كفرت هسة كتلك اكل عمي لا تاكل روحك بخشمك الله اكبر هاي هية اي اجيبها قابل اخليها بالمطعم درووح

اهووو يا غيهب شيسكتك بعد ولك كافي لا تاكل عمي .

سدته منه وصاحت:- اجه غضب امشن لا يشهرنا بين الزوار .

طلعنا اله دورنا علية بنفس المكان الـ حدده ، لمحته من بعيد مستند ؏ حايط

وبيده كلاص جاي وجكارته لابس ملابس سوداء وكل عادةً لازم يرتب نفسه ، من شافنه اجه علينه ذب الكلاص

وهمس:- ها زيارة مقبولة.

ام الغيهب:- زرنا ودعينالك .

باوعلي وهمس:- دعيتيلي .

زهراء:- دعيت عليك .

مشيت ويا خالي بعد ما أجه حتى يوصلنا

سحبني من ايدي وبقه لازمها بقوة ، وكفني كدام كشك

يبيع جرك وجاي اشتره وما عنده شي اسمه تفاهم بسرعة هدد :- اكليها بين ما نوصل ، واذا تكولين لا هسه اخذج ونرجع للبيت .

سحبتها من ايده ادري بي خبل يسويها ، اكلت منها وهو لازم كلاص الجاي

ڪُـل ما اكل شويه يشربني ، من وصلنا شمرتها ورحت للمكان الواكف خالي علية قريت اسمها وروحي تفرفحت

رجعت النفس الـ لحضة النفس الكسرة

من يوم الدفنتچ يمه مامرتاحه

شلت الهم ييمه منهد عشريني

وطلگت الفرح ثلث ايام

وربطت الحزن شديته بيميني

لان ماأگدر انسه وداعتچ معذوره

اسمچ هو دمي وكل شراييني

گوميلي ييمه وداعتچ تعبانه

بس بشوفتچ ابره وتبتسم عيني

بس انتي الوحيده القادره بهالكون

بتراب الچفن يحبيبه تشريني

اسمعيني ييمه وگومي اترجاچ

مامرجيه منچ هيچي تاذيني

گوميلي آنه جيتچ ماأريد اعذار

طشرني الوكت يايمه لميني .

اخر شي اذكره هو العتاب

صداع بـ الرأس

انهيار بـ الروح

سكون بالقلب

نبضات باهته

الم رهيب بالجسد

فقدت رسمي بعد ما اعرف شلون طلعوني من المقبرة حرفيا

لازم الواحد يدوس ؏ قبور حتى يطلع وهم ماكو مكان كله حصره

كعدت لكيت نفسي بالمستشفى .

زهراء:- اخخ يمه راسي .

قابلتني عيون الغيهب رفع رأسي بقوه صحت بوجع

وأبغض وكمية نقم مميتة صاح :- من شوكت تدرين بنفسج حامل

يا ****

ام الغيهب:- انتَ مخبل جاوبني اخابر ابوك يشوفلك مستشفى.

أبتسم بـ مقت :- هل طفل ما يبقى ما أريده .

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

رواية ظلمات الغيهب

بقلمي أساور حسين

الحلقة _12_

-انتَ الوحيـد الما عرفـت شلـون اعبـرك .

زهراء....

أبتسم بـ مقت :- هل طفل ما يبقى ما أريده .

رفعت أيدي أشرت علية وباوعت ؏ عمتي :- هذا شبي معقولة عمة ما صدك .

قبض ؏ وجهي بأيدة حييل وصاح:- أحجي هناا وياي ، تدرين بنفسج مو هو صدك ليش احجي واتعب جذابات جنس حواء جذابات تموتن وما تحجين الحقيقة .

كومي يلاا كومي فورًا نرجع وهناك بوجهنا للمستشفى

تسقطيي هذا اليوم ما يبات ابطنچ .

تقربت علية عمتي وهمست:- عوفي اني أتصرف.

زهراء:- طفح ألكيل ماعندي صبر يتحمله ، طغيانه فاق التخيل كافي اني مو فصلية ولا جارية ولا سويت الغلط حتى يحجي هيج وياي ، هذا أبني وابنك اذا انتَ مو كدها ليش تزوج وتنام وياي هاا ليش نمت وياي .

وسع عيونه مصدوم ما توقعها مني ، عمتي تراجعت للخلف

عبالهم مثل ڪُـل مره اسكت ؏ غلط :- تفرغ شهواتك مو انتَ اربع وعشرين ساعة ويا ****ما شبعتت ليشش ورطتني هااا ليشششش هذا ابني وما أنزله وشسوي سوي ما يهمني بعد تريد تهدد ما عندي عزيز هِـيِّ عزيزتي وماتت ، ماكو شي أخسره ، أنتَ كلبك حجر ، أني گلبـي مات

الغيهب:- ما أهدد بس تعرفين وأكيد ما نسيتي شنو أكدر اسوي بيج .

زهراء:- لاااا شلون أنسى بعمري ما أتخطى الصار وما اسامحك وانتَ تدري ،وللعلم منتظره اوكف ؏ رجلي واتصرف وياك لليوم مصدومة ؏ أمي الراحت محرومه مني ونحرمت منها .

رفع حاجبه وعلى محياه إبتسامه مستهزئة:- هه شتسوين شنو ما سمعت .

زهراء:- سمعت كلشي وبكل وضوح .

الغيهب:- أدفنچ .

زهراء:- سويها لا بس تحجي .

الغيهب:-استمري تستفزيني أكثر حتى اتذكرهن وما أرحم بحالج.

زهراء :- من شوكت حضرتك رحمت حالي دومك شالع كلبي

وما شفت وياك راحة بيوم .

تخبل من شافني احجي وأراد عافنه وطلع ما اعرف ويا

منو حجه رجع بيده ورقه وأول ما دخل صاح بينا

الغيهب:- يلاا نرجع بسررعة كوومي.

طلع ينتظر بره اجت عمتي لزمت أيدي وهمست :- يمه زهوره اروحلج فدوة احلفچ بالغالية عوفي لا تتراددين ويا لا يسوي

شي هذا من يصير عصبي ما يشوف كدامه.

زهراء :- شلون تريدين اسكت وما احجي وهو يريد يقتل

نفس ، شلون اسكت وما أحجي وانتو ساكتين على غلط

فهميني شلون ومن عيوني صوتي بعد ما تسمعي .

دنكت راسها خجلانة أبتسمت بقهر وهمست :- ما عندچ جواب

وإني بعد ما اكدر اسكت شيسوي يموتني خلي يموتني

يضرب مو اصلاً ما عنده احترام وبكل الأحوال يتجاسر

فـ خليني احجي أحسن ما ابقه أكل بروحي .

تركتها وطلعت أسير بخطوات منهكه

ثقيله كـثقل أيامي من دون أمي

شعووي بالعجز مميت احارب حتى

اقتل هل شعور مثل ما قتلت نفسي

بـ هذهِ العلاقه .

من شافني أجيت كمل طريقة وسار أمامي

هبت علية ذكرياتي حيث أول مره شفته بيها

كان مثل الغز وما زال الغيهب كل ما اقترب منا

كل ما يزيد غموض ، حاولت أتعرف علية وافك

شفرات شخصيته لكن وبكل مرة يكتشفني عرفت شي

عنه يرجعني الـ نقطة الصفر وأرجع ما افتهمه ويتعقد

الموضوع ويتشابك مع بعض أكثر فـ أكثر .

صعدت بدون كلام بالسيارة وعمتي ويانا

رجعها للأمام علي حتى ترجع هي وصديقاتها والبنات

حاولت اتملص وما اتصادم ويا ردت انزل منعني

واضح ناوي على شر .

ساق السيارة بـ كل سرعته وماكو حفره ما فات بيها

هزني هز الى ان بعد ما اتحملت أشرت يوكف واول ما وكفها

نزلت اتقيئ كل ما يوجد داخل معدتي

التفتت عليه واني طالعه روحي :- هسه زين هيج ارتاحيت

من وصلتني الـ حاله ، اكوانسان عاقل هيج يسوق راح تخبلني

وكفت عقلي انتَ كافيي مليت.

الغيهب:- بعد وبعد صوتج خلي يعلى حتى من يجي وقت

الحساب ما تكليلي شسويتلك وتكعدين تتمسكنين براسي .

زهراء :-مجبورة اصعد وياك كون ارجع مشي ولا هل مصيبه

شوكت نوصل تعبت بعد ما اتحمل سولفك .

الغيهب :- لو تعرفين العقاب الـ منتظرج كان ما تمنيتي نوصل

بسرعة وفضلتي تبقين بالشارع ولا البيت .

أتجاهلت كلامة وتصرفت أبرود عكس

رجفت كلبي وخوفي من كلامة الـ بث

الرعب بقلبي وروحي المتعبة .

رجعت للسيارة بدون كلام

سندت راسي على جام السيارة

وغفيت او تظاهرت بالنوم

الَى ان وصلنا سمعت صوت فتحت الباب نزلت

بسرعة قبل لا يستلمني ، لكيت عمي كاعد

من شافني لوني مخطوف واضح علية الخوف

همس بـ تسائل :- خيرچ ابوبة ليش ترجفين منو وياج .

زهراء :- عمو اني حامل.

ضحك بعدم تصديق وفرحته واضحه

على وجهه تخليني تلقائياً من اشوفه

بـ هذهِ الفرحة اسكت، بس خوفي من الغيهب منعني

وخلاني اكمل كلامي :- بس الغيهب يريد يموته

يكول مااريد اطفال وعصبي غلط وتوعد بالمستشفى

بس نوصل ياخذ فلوس ونروح نوكعه.

أثناء ما مستمرة احجي هو دخل وصاح:- اي ما أريده وتسقطي يعني تسقطي كلامي هو الـ يمشي هنا .

سحبني عمي وره ظهره وعاط بي :- لا يا نذل تريد تقتل ابنك

لك هذا روح هدية من ربك غيرك يتحسرون على أطفال .

الغيهب :- يوكع ويروح للعالم اليريدو هل هدية مرفوضة .

على صوته دخلوا الكل وعمتي والبنات رجعوا تعبانين كوه

يمشون، كعدت عمتي على تخم وصاحت :- بعدك ويا البنية ولك حرام عليك باجر تتحاسب على أفعالك بيها ياظالم شوف حالها هسة اجت من قبر امها وكوه واكفة ولك ولييي اطلع

لكح..... وبعدين تعال.

الغيهب :- عاجبج الوضع ست زهراء .

ابو الغيهب:- بعد ما عندك حجي وياها كلامك وياي عوف البنية كافيي وصلت حدها وياك .

الغيهب :- زهراء كدامي تصعدين يلااا .

ابو الغيهب:- وعله من الله ما تصعددد وياك روح كتلك.

الغيهب:- كدامي زهراء .

بقيت بمكاني وعمي كل شوية يرجع ليورة بحيث صرت على

حايط حسيت شوية بـ الأمان وخاصة بعد ما وكف هشام وأمير مقابله معترضين على تصرفاته .

هشام :-زودتهااا هواي لا تحترم اب ولا تحترم أخ

وهسة تريد تغضب الله سبحانة وتموت روح

وبكل صلافة تكفر وتكول الهديه مرفوضة.

أمير :- الهدية مو الك الزهراء البنية يتيمه وحدها الله سبحانه

زرع بيها روح تعويض وحتى تتمسك بالحياة عوفهاا بحالها

غييييهب حدك لهنا .

عيونه صارت بكصته وشراين ايده مرعبه الى درجة

قبض روحي وحسيت الدنيا تفتر بيه من الخوف والقلق

ضليت مركزه بعيونه الغيهب كنت أقرأ العذاب بيهم

بعدت وجهي عنه من صرخ:- كلت كدامي فوك .

هشام :- ما تصعد وياك كافي ، شنوتجبرها .

ام الغيهب :- ما خجلت من شفت مرتك تخاف منك وتحتمي

بالكل عيب والله عيب وخزززي .

باوعلي يتوعد وهو يهز راسه

ويأشر بـ أصبعه :- تكسرين كلامي ، تعانديني ، سهله كلش سهله .

حجاها والتفتت حتى يطلع باوع العمتي

وهمس:- نروح لكح.... على كولت امي .

طلع وعمي كعد ايده على راسه تقدم هشام

يدلك بخفه :- يريد يخبلني هل ولد ماكو هيج طغيان

احنه اهله ما فاهمي شلون ورطه امتحانك صعب ياربي

أهدي مو هد حيلي هو وذاك اخو العار .

هاجر :- زهوره امشي حبيبتي اسبحي ونامي شوية

لا تتخربطين عيوني .

زهراء :- واذا أجه وانتو نايمين شلون يموتني .

كامت عمتي جرتني من ايدي ومشت وهي

تحجي :- ملاك صعدي جيبيلها ملابس خليها تسبح هنا

وتنام ويانا بالغرفة .

فتت للحمام سبحت وملاك جابتلي ملابسي بدلت

وطلعت لكيت هاجر محضره الفراشات الي والها والملاك

وعمتي تنام على جربايتها ، غمضت عيوني ومن التعب

بعد ما كدرت حتى افكر غركت بنومه عميقه كعمق مصيبتي .

الثاني يوم اني ما احس على نفسي أجت سجى كعدتني

وهي مبتسمه :- زهراء ما شبعتي نوم كومي راح ناكل كلبي .

مسحت وجهي وكعدت همست :- بيش الساعه؟

سجى :-بـ 2 الظهر يلا انطيني أيدج .

انطيتها ايدي كومتني وطلعت للحمام غسلت ولكيتهم الكل كاعد منتظريني اشرلي عمي اكعد بصفه اكلت وياهم

عدل لـ اول مره من وفاة امي لليوم .

هاجر :- رجعلج الأمل والتفاؤل بعد الحمل الحمدلله.

ابو الغيهب :- اي اريد من اليوم ترجع تهتم بـ نفسها

وبحفيدي لا يطلع مريض وتتندمين يا عمو هذا الـ ابطنچ

مشروع حياة جديدة ابوي انتِ .

همست بتردد:- والغيهب .

هشام :- عوفي علينا احنه نعرف نتصرف ويا عليج الصافي .

ابتسمت بخجل :- شكرا الكم ما راح انسى وكفتكم وياي .

ابو الغيهب :- والله يا عمو لو ما احنه ما صار بيج الصار بس الفاس وكع بالراس وغلط عظيم مع الأسف وكعتي بأيد الـ ما يستاهلچ .

زهراء :- الحمدلله على كل حال هذا نصيبي وقدري وأختبار من ربي ولا إعتراض عليه .

عمتي جانت هادئة بس واضح عليه التعب والمرض

كانت كل ما تلتقي عينها بعيني الكاها تباوعلي وبعيونها

دموع، دائما تحس بالذنب بس ما اكدر اذب ألوم عليهم

اني الغلطت واني العاندت واصريت علية.

صح نمنا بس بعد تعب النجف بينا

اخذني الكسل وجسمي كله خمول

اكعد شوية وغصب عني ارجع اغفي

وعمتي تحجي علية ارجع للغرفة انام

مر يوم واليومين اني جوه، حسيت

بالثقل خاصةً عمي ينام بـ إستقبال

ثالث يوم صعدت رتبت غرفتي وكعدت بيها

البنات وعمتي رفضوا اشتغل اي شغل بالبيت

ملاك رجعت البيتها، وهاجر واطفالها ما الهم صوت

هي هادئة واطفالها مثلها ، بعد مرور ايام قليله

أندمج اتابع مسلسلتي اندك باب غرفتي

همست بصوت خافت :- منو تفضل.

فرح:- زهراء اختج رجاء جوة .

رديت بتعجب:- رجاء شتسوي جوه وشتريد مني .

رفعت اكتافها بعلامة ما ادري :- لج عيني شفتها وجمدت

انوب اكلها زهراء ليش لابسه هيج وين جنتي

ردت عليه بتعجرف :- اني رجاء توأم زهراء.

فرح:- هنا ركزت عليها الـ اختلاف الوحيد بينكم هو تاتو الحاجب وهي ما تعبانه وتعتني بنفسها.

يا اخذتنا السوالف عيب منها نزلي بساع

عدلت نفسي شلون ما كان ونزلت

بتردد شفتها كاعدة من شافتني وكفت

عمتي من اجيت كامت :- استأذن اعوف الصبايا وحدهم.

ابتسمت بوجهه وطلعت، كعدت اباع عليها ما اعرف شنو احجي وشكول الها :- تفصلي رجاء.

رجاء :- ميحتاج اجيت عليج عندي كلمتين حلقه بـ أذنچ تخليهم اسمعيني عدل ، كل هل سنوات لا اعرفچ ولا تعرفوني وما اريد اعرفچ ولا اشوفچ وحياتي تتعذرچ لا ترجعين ولا توصليلها ما اريد اخت وما احب حلقة وصل بيناتنا .

زهراء :- هو منو يعرفكم واصللكم مثل ما انتو متريدوني

اني هم ما اريدكم ولا تبقين تحجين هيج وياي عيب .

رجاء :- اممم بت هبه تعرف العيب الظاهر امج معلمتج .

زهراء :- شنو هل حقد نعرفج تعرفينا ليش هل كره .

رجاء :- وتسألين ليش الچ عين تسألين ، عندي سؤال دمرني

ليش اخذتچ انتِ مو اني، زين ليش ما اخذتنا احنه الـ اثنين

ليش امج الحقيرة دمرتني .

زهراء :- لاااا تجاوزين على امي كاااافي بعد ما اكدر اتحملج

شنو هل سواد البكلبج .

ضحكت بصوت عالي، بكثر ما تبين هي انسانه

قوية بس كانت تفشل ودموعها تفضحها وتنزل

رجاء :- تريدين اترحم الـ امج لو اخذج بالاحضان

واني عشت طفولتي معنفه بالصيف احترك من الحر

والشتا تجمد اضلوعي من البرد وادور دفو حنان امي

بسبب امج اني كل ليله انام جوعانه

بسبب امج حاولوا يعتدون علية

بسبب امج تشوهه جسمي بحروق متفرقة

بسبب امج اثار التعذيب مشوهه جسمي

بسبب امج تحولت كتله باردة ما اتأثر

بسبب امج اخجل اكل كدام احد

بسبب امج كرهت حياتي

بسبب امج ما عندي شخصية

بسبب امج ما عندي تفاهم

بسبب امج انام كل ليله خفارة ابوية بالحمام

بسبب امج الكل يكرهني

بسبب امج اختاريت قسمي

بسبب امج اليوم واكفه كدامج واحذرج ما ترجعين

الحياتنا لان راح انتقم منج أبدل امج

عفت كل كلامها وهمست واني ارجف :- منو حاول يعتدي عليج ،. منو عنفچ ، ليش تنامين جوعانه، ليش يكرهوج

رجاء :- انتِ معليج لا تدخلين بابا عوفينا بحالنا امج اختارتج وتربيتي تحت اجناحها مرتاحه ومتونسين بدونييي .

زهراء :- لا صدكي اني وامي هواي تعبنا اكثر من ما تصورين لاتحكمين حكم سريع علينا امي مو مثل ما تتخيلين واكيد كان اكو سبب منعها تاخذج ، رجاء امج طيبه والكل يحبها قلبها ابيض نقي وما بيوم شالت حقد على احد اني متأكده امي عانت ومن تركتج كانت مجبورة

صدكي نمت اني وياها ايام بلا اكل في سبيل الم ايجار

او الم فلوس علاج، شوفي نفسج احسن من حالي كملتي دراسة اني بسبب الفقر ما كدرت، ملابسج ماركة وابوج سندج يمج.

كعدت وهي تمسح بدموعها وترد على كلامي.

رجاء :- اقبل اعيش بجوع وفقر وانام جوعانة بس كون يوم واحد بس يوم احس بحنان الـ ام، يوم واحد امي تنصحني وتحتويني وتاخذني بحضنها، يوم واحد من اتمرض تسهر على راسي وتكلي يمه بيه ولا بيج، يوم واحد تسويلي اكل وتتوسل بيه اكعد اكل واني اعترض وادلل، يوم واحد اكعد ويا امي وابوية واخواني على سفرة وحدة بدون ما انخزر او انكرص او انكتل ، يوم واحد ما اخاف بليل وانام بحضنها ومن يروح ابوية خفر ما ارجف واخاف يدخلولي بـ اي لحضه يعتدون علية واضطر انام بالحمام ، يوم واحد امي توكف بوجهه الكل ودافع علية من يكولون رجاء حقيرة رجاء مريضه رجاء جذابة اني مو جذابه اني تعبانة .

نزلت ادموعي على حالها اقتربت اريد اخذها الـ حضني

دفعتني بكل قوتها رجعت على حايط ونركعت

صرخت بوجع وصحت :- اخخ انتبهي لا تمدين ايدج.

رجاء :- سمعت بيج حامل اذا حاولتي تقتربيلي ههه انتِ والبطنج بح اخليكم في خبر كان .

فات غيهب مستعجل واضح علية شايفها فايته بالكامرات

ويا ما كالت كلمتها دخل ، من شفته تراجعت بخوف

هو عاط بيها :- حتى ازحلكج من دنياج وازوعج عافيتج

اذا حاولتي تقتربين يا ويل ويلج اطلعي برره يلاااا ..

رجاء:- ما اجيت عليك جايه اتفاهم وياها بس ما دام ادخلت

فـ خليها ابالك انتَ هم لا تقتربون من حياتي والـ ...

الغيهب:- انتِ متابعتها ، وانتِ اجيتي الها هِـيِّ ما تعرفكم ولا تريد

يلااا هسة كافي ما بيه حيل احجي ويا امثالج يلااا ..

هزت ايدها وطلعت وهي ادردم :- خبصني يلا ويلا عود يعرف يحجي ابو

راس عبالك كاتله نفسي عليهم ..

تراجعت للخلف ما اريد اتقابل ويا تحركت بسرعة اريد

اطلع من المكان وصلت للباب ولزمني من أيدي بقوة

وثبتني ، فتح الباب عمتي شافته وجفلت تركها بدون

كلام وصعدني فوك :- عمه تعااي فددوة لا تعوفوني وحدي ..

اخذت هاجر التلفون بسرعة خابرت ؏ عمي والولد ، وصلت الـ اصعب حالتي رجفه اخذتني وبديت اتعرق رغم برودة جسمي

دفعني للغرفة وسد الباب ابتعدت عنه وصرت بزاوية الغرفة

وكف بعيد عني شغل جكارته وهمس بصوت شبه مسموع

الغيهب:- اوو اوو زهراء خايفة مني ليشش مو اني غيهب حبيبچ ابو بيتج

الـ تحبي وردتي وجبتي يا حواء يا حيه يا غداره .

زهراء:- هه اني غداره بعمري ما غدرتك حبيتك وانتَ بشنو جازيتني .

الغيهب:- انجبي صمي حلكج لا افركه فرك ، تمسكن ما اريد وما احبه

لعباتكم مو علية وانعل ابوجن لابو الخلفوجن صمي حلكج واذا اسمع نفس

اكطعه خلاص .

بقيت جامدة ما بدر مني اي رد فعل غير لزكت نفسي بالحايط

وكون ينشك ويبلعني ولا اظل واكفه كدامة .

الغيهب:- شقررتي يا حلوه .

رديت واني اتظاهر بـ الغباء:- بـ شنو ما فهمت .

ضحك وهو يعض بشفايفة ، ذب الجكارة وتقرب مني بخطوات ثابته

ثقيله :- شنو وما فهمتي امممم خطية ما افتهمت المسكينة لازم افهمج بطريقتي يعني .

صار قريب مني صرخت بي :- اياك احذرك غيهب لا تقترب لا مني ولا من ابني واذا حاولت وأذيتنه والله والنبي وروحها للغالية اموتك بـ هاي ايدي

الغيهب:- وينطيج كلبچ .

زهراء:- لعد انتَ شلون ينطيك كلبك تفكر مجرد تفكير تسقط ابنك .

الغيهب:- هذا مو ابني هذا وحش .

تنرفزت من جوابه وانتفضت احارب مثل البوه ؏ ابنها

صرخت بدون وعي :- انتِ الوحششش غيهب انتَ الدماار .

صفكني راشدي  فر وجهي فر اختل توازني

وكعت ؏ سرير تراجعت للخلف ، بس كان هو أسرع

مني سحبني من رجلي رفعت تك رجل أحمي بيها بطني أقترب

اكثر عليه وصار فوكايه ضليت اصرخ وادفر بي

احاول اتملص من تحكم أيده وقوتها ، وكلبي يدك طبول

خوف ؏ ابني :- اني دمار والدمار يولد وحش

لج يا غبية وين تريدين تولدين طفل بريئ بعائلة مفككه

تريدي يشوف امة وابو ڪُـل يوم يتعاركون

تريدي يشوف ابو شلون يكتل امه ويهينها

تريدين يشوفج تبجين

تريدين يشوف ابو ضعيف وما يعرف ينتقم

تريدين يشوفني بعدني بالماضي

تريدي يرجف ويحصر نفسه منه بذيج الزاوية يكتم صوته وانفاسة

ليش تريدين تعذبين طفل ليششش

اني ما اكدر أصير مسؤول ؏ طفل ، وانتِ ما راح تكدرين يا غبية

زهراء:- ابني مو وحش 

الغيهب:- وحش اي وحش لج اصحي شلون كلبج ينطيج تولدين طفل بيناتنا اني وياج دمار

زهراء:- انت الدمار اني ..

الغيهب:- صح اني دمار ما اصلح اكون اب يا ناس مااكدر

لج حياتنا مشاكل عرك وخراب ، شلون يجي ويتعذب ويانا

ويشوف صياحنا عركنا حررام عليج  .

زهراء:- حرام عليك أنتَ ورطتني وياك ، ليش من البداية ما فكرت بـ هل طريقة ، ليش ما نبهتني ما حجيت ، ليش من نزرعت الروح بداخلي تريد أتخلى عنها .

اندفر الباب فات عمي وهشام وياهم امير

ضربه عمي راشدي فر وجهه بي وصرخ :- اطلع من بيتي بره ما اريد اشوف وجهك بعد اطلععع .. 

الغيهب:- ما اطلع اذا ما اخلي النقط ؏ حروف يابا افهمني انت واصل ومتعلم لازم تفهم كلامي

ابو الغيهب :- كلامك يا كلام تريد اتفق وياك ونقتل نفس

وامه تريده وتبجي وتصرخ علية .

الغيهب:- غلطط يابا انتَ تشجعها ؏ غلط .

ابو الغيهب:- انتَ ولك انتَ الغلط اطلع بره اطلع .

الغيهب:- اذا تحبها ساعدها وخلصها مني .

وسع عمي عيونه مصدوم من كلامه

وعاط بي :- اخلصها منك مو توسلت بيك وشردتها منك واجيت تبجي وكعدت جوه رجلي كلت زهراء علاجي رجعها نسيت لو اذكرك بالمكتب .

الغيهب:- جنت غلطان حاولت بس ..

ابو الغيهب :- لك بابا لك غيهب اسمعني هذا الطفل

حياة جديدة الك والمرتك ، هذا راح ينسيك الماضي بس تشيله بيدك تنسى موج واهل موج وجلال تنسى انتقامك

لك بابا دمرت نفسك انتَ مو هيج حاول....

فر راسه وهنا نزلت دموعه وصاح :- حاااولتتتت والله حاولت بس اني انسان فاشل وكفت هناك بذاك اليوم

ما اكدر أتخطى يابا ، تلطخت ايدي وضميري دمرني

ظلمت هواييي مثل ما انظلمت ولهنا وكافي

اريد اصحح اخطائي وانهي كلشي .

عمي نكلب وجهه اصفر وعلى بجي الغيهب كلنا

ادمرنا ونزلت دموعنا :- وشلون اصحح ومنين تبدي .

رد بهلاك رد بقايا روح منهكه توصلت بالهلاك الى اخر المطاف :- عذبتها وياي شوفها ما جانت هيج من اخذتها جانت مثل الزهرة شوف شلون صارت اني دمار واذا يجي الطفل يدمر مثلها نفسيًا ، يابا اسمعني لازم العائق ينتهي اني جنت ناوي اخليها تروح بحالها وترجع الهدوء حياتها

وياخذها الـ يستاهلها اني ما استاهل زهراء.

ابو الغيهب :- صار بينكم طفل بعد ما ممكن يصير الـ ابالك غيهب كافييي .

وكف يفهم ابو ومركز بكل كلمة ينطقها :- لا يابا لا تعذب طفل بعده هو ما بي حتى نبض خليها تتخلص منه و ..

بلع ريكه بصعوبه وهمس بضعف :- واطلكها ما اريدها .

ضاك بيه النفس والدنيا بكبرها

استصعبت الكلمة واكلني القهر

؏ نفسي الـ هانت علية بعد ڪُـل هل

تعب والعذاب .

تغلب عليه التعب كعدت ؏ جرياية

رجلي صارت خيوط ما تشيلني

لزمت بطني يعني راح اخسرك ما مقسوملي

يا حبيب امك ما أكدر احافظ عليك

انتَ الـ امل الصار بعد وفات امي تنتهي

بـ هل بساطة بسبب اب اناني .

هو الغيهب اناني او ....

حرت ما اعرف انقهر علية او انقهر ؏ نفسي الـ مهانة

ما أعرف اخضع القراراته او اخذ رأيي قلبي واحافظ

؏ ابني وهذا حقي  .

ابو الغيهب:- اتركه الها انتَ اطلع من السالفة اني اصرف عليهم واني اربي .

عاط بعلو صوته وبحركة قلب :- لا خال ولا العم والا الجد يوصلون للوالد

اذا مو ابو ينحرف اذا مو ام واب متفهمين الطفل يدمر عدم وجودة افضل يابا والله افضل ما اريد ادمر طفل ويكبر يصير وحش ويدمر

ما اريد يعنف ويكولون لان جان يشوف ابو وامة ما متفاهمين

ما اريد يصير حقير ، اناني وقاسي ، ويكولون لان عاش طفولة قاسية

ليششش ما تفتهمووني انتو ليشششش .

ابو الغيهب:- أضن وصلتوا مرحلة لازم تكعدون وتتناقشون بيها بهدوء وتحددون مصير ڪُـل واحد بيكم بدون عصبية، وبدون عنف ، اتركم وحدكم وقررو .

تركنا وطلعو كلهم بقيت ؏ كعدتي

لحضات وحسيت بي كعد ؏ جهه

الثانية للسرير جر حسرة وهمس :- ما مليتي مني .

زهراء:- تعبت منك .

الغيهب:- خلصي مني زهراء اني انسان محطم راح احطمج وياي وتنتهين .

زهراء:- بعديش تحجي هل كلام ، تره اني ادمرت

وهسه تريد ادمرني بزيادة ما كتفيت تريد تموت امل روُحـي .

الغيهب:- هذا مو امل راح تدمرين بسببه وبسببي .

زهراء:- خليها ابالك ما أتخلى عن ابني ، تريد اطلكني

طلك واني اعيش بعيد عنك وما اريد منك شي .

الغيهب:- ههه منين تجيبين فلوس بالضبط هم ترجعين تخدمين العالم وتبقين معتازه للفلس ، تريدين تولدين الطفل تحت ظل عائلة مفككة ، تريدين يسجل مدرسة ويشوف الكل عدهم عوائل اله هو ما عنده غير ام .

لا تعاندين زهراء ما بي نبض ذبي لا تعبيني .

زهراء:-  أبدي وياك حياة جديدة وانسى ڪُـل الصار

وما اتصادم وياك نهائيًا ، بس لا تخليني اذبه وكون اب

حاول غيهب هذا امل جديد بحياتك هو علاجك

من الماضي .

الغيهب:- مستحيل أنسى الماضي ليش ما تفهمون

ذاك اليوم ما راح أتخطى بكل ُ ؏ــمري

بذاك اليوم مات الغيهب ماتت روُحـي

الكل موجود اهلي واهلها كانت عزيمة

خطوبتنا بعد معانات طويلة وتوسلات

عديدة ، قنعتها وكدرت اخذ موافقتها

بالزواج ، بعد ما أكلنا والكل لازم بيده

استكان جاي وكاعدين نخطط شلون أسوي

خطوبتها ، تحديدًا كعدتها ؏ أيد التخم فوك رجلي

بشوية ، وبـ الكلمة والثانية ارفع راسي اشوف راضية

علية او لا ، لان اعرفها من تعابير وجهه اذا فرحانه

او ما مقتنعه حتى اغير مخططاتي وانفذ التريده

قاطع كلامنا دكت تلفونها ، انخبصت وطلعت بره ما عرفت منو

بس رجعت وضعها كله تخربط ، جانت ترجف لزمت ايدها خايف

عليها بستها وهمست:- شبيج حبيبتي منو يخابر .

ردت بـ ارتباك والتلفون ما زال يدك دكات متواصلة

موج:- صديقتي تريد تجيني عدها مشكلة

حبيبي كوم رجعني للبيت .

الغيهب:- كلت نطلع نتونس بعد شوية ، وكلها كاعدة موج گلبـي

عبست بوجهي ودكت رجل :- لا والله هسة توديني لا تخليني ازعل عليك

واني مثل الغبي گلبـي ما ينطيني ازعلها

كمت رجعتها للبيت بس گلبـي ممرود مخنوك

والجكارة ما وكعت من أيدي جن قلقان وحسيت اكو شي

نزلتها للبيت عافتني ونست حتى تسلم علية

بقيت بقلق طلعت فريت السيارة ورجعتها بعيد عن بيتهم

بشوية ، اريد اشوف يا صديقه منهم ..

هه واني مثل الـ اثول مصدك ، هنا انكفخت ؏ وجهي

وكأن الدنيا صاحت افتح عيونك ألمي تمشي من جواك وما تحس

وكفت سيارة جلال الـ هل لحضة ما فكرت بيهم بسوء

الـ اجه ابالي موج مسويه غلط وخافت تكلي

لو تريد تسويلي مفاجأة ويساعدها جلال

بس اول ما فتحت الباب دفعها وباسها

جمدت بالسيارة ڪُـل ذره بجسمي ماتت

معقولة اخوية اقرب واحد بين اخواني

يغدرني ويا حب حياتي ، المصيبة هو يعرف اني اعشق موج

والمصيبة الـ اكبر من اسئلة تحب يرد علية : اي احب  وحبيبتي

أجمل نساء الكون ويكعد يتغزل بيها كدامي اريد اعرف

ما انقهر علية ، ما جنت استاهل هل موقف منهم ابد .

جنت ساكته بصورة مو طبيعية بحيث حتى نفسي ما اتنفس

زين ما اريد يصحى ويسكت اريد اسمع قصة ذاك اليوم

الغيهب :- نزلت من السيارة اجر بخطواتي

سحبت المسدس شمرته بالسيارة ما ردت اغلط واتسرع

هه جنت أفكر ما جنت متهور بس لو مسويها وناهي حياتهم

ولا هل عذاب ، دكيت الباب أجت موج حالها مو مثل ما عفتها

شافتني كوه وكفت على رجلها وبصوت عالي صاحت حتى تسمع الجوه

موج:- غيييهب حبيبي شو رجعتت . ً

ضحكت بصدمة باوعت بوجهه وهمست :- شديصير موج منو جوه .

ردت وصوتها ما انهز جانت صلفة الى درجة

ما اكدر اوصلها بـ وصف :- ماكو احد حبيبي داحضر البيت عيب صديقتي

راح تجي روح بسرعة .

دخلت للبيت أمشي بخطوات بطيئة

رافض افكاري ، فتحت ابواب البيت

ماكو وبنص كلامي سمعت صوت باب السطح

لطمت ؏ وجهه ولزمتني حيل  من ايدي

موج:- تعالي حبيبي هذا الهوه  تعال مشتاقتلك .

دفعتها ؏ حايط وصعدت الدرج بـ ڪُـل ما بقت عندي من حيل

باب السطح مفتوح بس ماكو احد مشيت ؏ سطوح الناس

جلال صارت عينه بعيني هزيت راسي ودمعتي غصب عني نزلت

التفتت عليها بعد ما شفته طفر، بحركته وهروبه اكدوا هم يخونوني

لو شايفه كاعد  وكالو نحضر مفاجأة لا والله جان عبرت علية لان اثول

التفتت عليها خلصت عليها فقدت ضربت بوكسات مو راشديات

جنت ارفس اركع براسها بالحايط دمرتها نزفت من ڪُـل مكان حرفيا ما برد گلبـي والنار بقت تاكل بروحي .

سحلتها من السطح للغرفة قفلت الباب عليها

ومنعت احد يدخللها اما امها رجعت هددتها وحجيتلهم الصار

اهلي تبروا من جلال بعد ما خابره ابوية وبعين صلفة يكله :- هِـيِّ تحبني وما تريد الغيهب بس هو لزك .

هنا بحثت عنه وما لكيته ، بعد اسبوع من البحث المتواصل

هِـيِّ مثل الحيوانه اشمرلها نص صمونه ڪُـل يومين

ويومية اخلص عليها كتل ، وبيوم جنت اريد افوت البيتهم

توني  افتح الباب انضربت ؏ راسي وكعت بالكاع

بسبب الضربه جانت قوية ، صعد جلال يضرب بيه بوكسات

بس مو بوكسات عادية لا العدو ما يضرب مثله

جنت اشوف حقد الكون بيعيون اخوية

من هول المنظر بقيت فاتح ابدي وبس اباع بعيونه

الى ان انتهيت ، اخذ المفاتيح ودخل اخذها وشرد هو وياها مني

ههه مني شردوا منييي ، طعنوني حبيبتي الفديتها بروحي واخوية حزام ضهري طعنوني بنص گلبـي  وتريدون أنسى ڪُـل عقلكم .

زهراء:- انتَ رافض تتخطاهم صدك هل طفل بس تخلي بحضنك تنسى الكون راح يعوضك ويرمم اجروحك .

الغيهب:- واذا صار العكس راح يدمر .

شهكت بالبجي ونفجرت بعد ما كدرت اتحمل صرخت

بعلو صوتي:- ما اعرف ابني ما اكدر هل فكرة تأذي گلبـي .

وكف ؏ طوله يريد يطلع وقبل لا يروح همس :- انطيتج فرصه تخلصين مني وخسرتيها ، بقي ابطنچ وولدي ؏ هل دنيا بس اني غير مسؤول عنه

الـ علية انطي اسمي واصرف علية غيرها اشيل ايدي من المسؤولية

واذا بيوم صار بي  شي احملج كآفة المسؤولية موافقة .

زهراء:- موافقة.

الغيهب:- تمام .

تركني وطلع بقيت اكل بروحي وخايفة من المستقبل

بس ما كدرت افكر اخطي خطوة قتل حسيته صار جزء مني

وصعب التخلي عنه .

لكن للغيهب رأيي اخر ، او خطة تكتيكية مدروسة وبكل دقة.

أختفى الغيهب يوم وخمسه واسبوع

الى ان رجع يصترف ويا الكل طبيعي

يكعد وياهم يسولف ويتناقش بس

هل مره الحرب صارت من ناحيتي

عاملته ابرود وكل ما يتواجد ويانا

لازم اكوم اصعد بغرفتي حتى ما اتصادم ويا

واتجاهله مثل ما يتجاهلني .

وبيوم حالتي صارت بالنازل مستحيل

تدخل لكمة بحلكي اذا ما اتقيئ

خلصت روُحـي وزني وصل 55

شوية وانكسر ، من شاف حالتي طلع بسيارته

ساعتين ورجع وكف فوك واسي :- كومي نروح للدكتورة حالتج ما تخوف.

هزيت راسي وهمست بتعب واني نايمة ؏ رجل عمتي :- لا ما اريد هسة انام واصير زينة .

الغيهب:- يمة احجي وياها لازم نروح لا يصير بيها شي .

ام الغيهب:- كومي يمة هم تنطيج علاج يخفف لعبان النفس

واطمئني ؏ ابنج كومي حبيبتي .

ما كدرت اكسر كلام عمتي رحت بدلت ونزلت لكيته طالع بره

زهراء:- عمة والله ما اريد اروح ويا .

ام الغيهب:- ولج يمة ما دام كسر كلمته وادخل بيج وراح ياخذج

يجي يوم وما يستحمل يشوف ابنة يبجي كدامة ويحتويكم غصبا ما علية

خلي يشوفة ويتعلق بيكم ابوس راسج .

هزيت براسي وطلعت صعدت بالسيارة هو فاصل بغير عالم بحيث حتى ما حس علية من صعدت .

زهراء:احممممم .

باوع علية وشغل السيارة طلعنا الطريق كلة

الجكارة ما عافها وايدة ترجف ،وكل شوية ملتفت يباوعلي

و يدير وجهه ويبلع ريكه نظراته بيهم حجي ما يكدر

ينطق بي .

وصلنا للمستشفى اهلية همست بستغراب:- ليش مو دكتورتي .

الغيهب:- ما تفتح هسة هنا مستشفى أهلية اهتمامهم احسن .

سكتت منه ما ردت ازيد كلام ، صعدنا فوك خابر ؏ دكتورة اجت

صعدتنا فوك ، نومتني ؏ سرير وهمست :- راح اخذلج سونار ونشوف

هزيت راسي واني متشوقه اشوفه مثل أي ام تاخذ سونار

اول مرة تلتقي بـ ابنها ، الغيهب كان داخل وأكف قريب الشاشة

السونار ودقايق وسمعت صوت دكات كلبه

نزلت دموعي احساس صعب ينوصف گلبـي كان يركص فرح

رغم حزني بس طرت من الفرح

باوعت الغيهب مصدوم ضحكت بوجهه وهمست واني ابجي :- اووييي غيهب تسمع كلبه شلون يدك فدوة لله حبيبي .

بلع ريكه ولونه انخطف دارت الدكتورة تباوعله

هز راسه هِـيِّ بسرعة وكفت  راحت للمكتب وهمست:- لا تتحركين من مكانج حبيبتي .

رجعت بيدها أبرة أستغربت:شنو هاي الـ ابرة دكتورة .

الدكتورة:- توقف لعبان النفس عيوني .

هزيت راسي هِـيِّ ضربتني حسيت بدوخة وعيوني بعد ما اكدر افتحهم

الغيهب من شافني رفع أيده ؏ شايفه بعدني ما مستوعبه

الصار همست بدون وعي :- أبني غيهب ..

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

البارت 4244 كلمة هدية مني الكم 💋

رواية ظلمات الغيهب

بقلمي أساور حسين

الحلقة _13_

غيرك جانت امنيته ،

أحــبه ، وافتهم قصته ،

كامل چــآن مابي عيب ،

بَــس مشكلته مو أنتَ .

طلب من متابعة.....

زهراء....

هزيت راسي هِـيِّ ضربتني حسيت بدوخة وعيوني بعد ما اكدر افتحهم

الغيهب من شافني رفع أيده ؏ شايفه بعدني ما مستوعبه

الصار همست بدون وعي :- أبني غيهب ..

غلقت عيوني وروحي تفرفحت ، ما اعرف شكد مر وقت

بس بلعت ريكي بصعوبة حاولت افتح عيوني احسها ثكلت

عصرت دوشك الجرباية بقوة وحاولت اعدل نفسي

التفتت ؏ مصدر صوت حركه ، شفته واكف والقلق وأضح بعيونة

وسعت عيوني أثناء ما استرجع ذاكرتي المهشمة:- لا تكول ابني مات

قتلت ابني مووو ، سوويتهاا غيهب ارتاااحييييت .

الغيهب:- صوتج زهراء أهدي حتى نعرف نحجي ونتفاهم .

حركت نفسي حسيت بوجع ابطني خليت ايدي ؏ مكان الوجع

ورديت علية بغضب :- نتفاهم ؏ شنووو تتفاهم تقنعني شلون موتت ابني

لك مو سمعت نبضات قلبة شلون انطاك كلبك شلوون فهمني ما تخاف الله

ما انقهرت علية .

تقدم علية سد حلكي بـ ايده ورد علية :- ما سقط تراجعت بـ آخر لحضه

گلبـي ما انطاني اخلي يموت نبضات كلبة شوفوني نور جديد بحياتي

كورت ايدي وضربته عدت ضربات ؏ صدره :- شيل ايدك مني انتَ مجرم غيهب مجرم وما  اعبرها الك بس اطلع منا اشتكي عليك وعلى دكتورة الـ اتفقت وياها .

الغيهب:- كافي كلت كافي ما سقط .

زهراء:- والوجع .

الغيهب:- تقلصات بسبب الضغوطات.

زهراء:- ما اصدك بيك انتَ انسان مريض جذاب ، طلعني مناااا اليوم ما ابقى وياك ابدد بعد ما اكدر اتحمل مرضك .

جابلي حذائي لبستها وطلعت أمشي كدامة

اتقدم لزمني من زندي ورجعني :- لج خبلة اذا سقطتي شلون تمشين

هيج وبـ هل سرعة .

صعدني بالسيارة الدنيا صارت ضيقة بعيوني :- اني شسويت بحياتي

وربي عاقبني بيك ، ليش هيج اتعذبت ، وليش اسكت ؏ مصايبك وياي

انسان مريض يحتاجلك علاج انتَ خطر ؏ مجتمع .

الغيهب:- اي اني انسان مريض ارتاحيتي .

زهراء:- ارتاح لان زوجي انسان مريض .

الغيهب:- كافي لا دوسين ابطني كلت غلطت وتراجعت وابنج ابطنچ

لا تجاوزين حتى لا ...

وكف كدام البيت تركته ونزلت ما اتحمل ابقه لحضة وحدة بعد ويا

مليت منه ومن نفسي ولازم اسوي حل .

دخلت منهارة جسمي كله يرجف ودموعي توكع مني

مثل أيامي ، الطفل عزيز حتى لو ما شايفته بس احس

بي بداخلي ، هو أملي بعد فقدان امي حسيته هدية منها

صارت عمتي كدامي وكعت يمها وصحت:- غيهب موت ابني .

وكعت عمتي ؏ تخم وايدها ؏  كلبها تباوع ؏ غيهب وتفر براسها

اجه عمي صاح بي :- بس لا صدك سويتها يا الغيهب .

يريد يحجي عمتي لطمت ؏ وجهه ورفعت راسها

وصرخت بعلو صوتها :- ربي أخذ عمره هيج ولد اني ما أريده

يموت ولا يشلع گلبـي ويعذب بـ بنات العالم .

جمدت ملامحة وهو يباوع ؏ عمتي بكسرة

صاحت هاجر بصوت:- اسم الله يمة صدك جذب .

سكتت عمتي ودنكت راسها حتى عمي من الصدمة ما كدر

يحجي رغم الديصير بس هو حيييل متعلق بـ الغيهب

ويعرف كلش زين هو مجروح .

بلع ريكه بصعوبة ورد ؏ كلامهم .

الغيهب:- اخذتها حتى تسقط صح كلامها ، بس من سمعت نبضات كلبه

وفرحتها تركت الفكرة وتراجعت عنها ، بعد ما ضربتها الدكتورة إبرة

تخدير حتى يجهزوها ستوقفتهم .

ابو الغيهب:- كومي بابا نروح نتأكد واذا طلعت مسقط الطفل يا غيهب

تلحك اخوك واتبره منك مثل ما تبريت منه .

كانت نظرات الضعف والخذلان بعيون الغيهب

تركنا كلنا وكل شوية يباوع ؏ عمتي دعائها أثر

علية وحرك كلبة ، ما كدر يحجي بعد صوته اختنك

طلع بره وهو بالباب همس:- انتظركم بره اني اوصلكم .

طلعنا اني وهاجر وعمي ، الطريق كلة ما كدر واحد بينا

يتنفس ، حالة الغيهب يرثى لها ، جكارة وره جكارة بدون توقف

وكأنه ينتقم من نفسة ، عمي حييل انقهر من كلام عمتي اما هاجر

دارت وجهه ؏ شارع وقريب ما نوصل دلته ؏ دكتورة

وصلنا وهو رفض ينزل :- انتظركم بالسيارة .

نزلت امشي بخطوات مرهقة اجر بيها جر

وايدي ؏ گلبـي ، حجزت وانتظرت نص ساعة

ودخلتني ، اخذت سونار وكأن ماكو شي ما كلتلها شاكه وكع

حركت جهاز السونار ؏ بطني وهمست وهي تأشرعلى شاشة

الدكتورة:- هذا الطفل شوفي بعده صغير ، اسمعج دكات كلبه .

فتحت الصوت ضحكت ورجعتلي فرحتي بـ اول مره سمعته بيها

وهاجر فتحت تلفونها تصور الـ عمتي، كتبتلي ؏ مثبتات

وأدوية العبان النفس والتقلصات وطلعت العمي بشرته هاجر وسمعته الصوت ضحك بفرح واجاني حضني من جتفي وهمس:- اموته لو صاير

شي بحفيدي ابوية لا تنزلين دموعج شدي حيلج ولا تصيرين ضعيفة.

زهراء:- خفت يا عمو لو شايف المنظر والله تنصدم ، اخذني بكل برود ؏ أساس اشوف ابني وسمعت دكات كلبه تالي يخدروني عمو والله رعب

متفق ويا دكتورة تقتل ابنه .

ابو الغيهب:- هو دايخ تايهه ما يعرف شنو التصرف الصحيح .

وصلنا للسيارة صعدنا حتى ما حجه ولا فتح موضوع

بقه صامت وهالة الهدوء تحيط بي ، وصلنا للبيت اول ما نزلنا

هو حرك سيارته وطلع ، فاتت هاجر كعدنا ويا عمتي

شوفناها الـ فديو هزت راسها وعافتنه وراحت بدون ما تحجي كلمة

راح عمي وراها شوية وتعالت اصواتهم :- شلون تدعين هيج علية وكدامه شلوووون وانتِ تعرفين غيهب شبي .

ام الغيهب:- فقدت ما حسيت ؏ روُحـي شحجي وما اعرف بعد طلعت من حلكي .

ابو الغيهب:- بس جرحتي .

ام الغيهب :- خلي بالكي يحس ؏ نفسه وينتبه ؏ زمانه.

ابو الغيهب:- غلط احنه لازم نحتوي نسيتي الدكتورشكال .

عفتهم وصعدت فوك راسي راح يطك ، سبحت لعبت نفسي من السونار

خليت راسي ونمت بـ بتعب وأضح ، كعدت ثاني يوم الصبح بدلت ونزلت

لكيت عمتي كاعدة بس ما تحجي ويا احد ، الكل راح الشغلة ومر اليوم

وهي ؏ نفس سكوتها وبـ ڪُـل دفعت باب تفز من مكانها

عرفتها محروك كلبها ؏ غيهب بس ما تكدر تحجي

مر اليوم كله وغيهب ما رجع خابر علية هشام ما رد عليهم

من رجع امير خابر غلق الجهاز ، ساعة ورجع اني من شفته

نعاد علية نفس الموقف نمردت مرد عفتهم وصعدت

ما اتحمل أشوف وجهه ما راح أسكت وغيهب  لازم ينتهي

من حياتي راح أنتقم منه مثل ما انتقم مني بالضبط

هو مو مو صار ممثل علية ، اني هم اخذ دور الممثلة الى ان انجح

واهرب من البيت ، لان صعب اطلع بسهولة والبيت كلة كامرات

مفتوحة بـ تلفونه.

قفلت باب غرفتي جنت اظن يصعد

بي ما التفت وما سمعت اصواتهم

للعصر سمعت صوت عياط وهاجر تصرخ

نزلت ركض لكيت الكل بغرفة عمتي كلهم مخبوصين

شالها هشام وركض بالسيارة وللمستشفى ، الكل راح وياها بقيت

بس اني وفرح وسجى انخبصت ضليت افتر

عمتي صارتلي ام حنينه وما اتحمل يصير بيها شي

دكت عليهم فرح محد يجاوب ، خمس ساعات أكلت من حيلنا

رجعوها ما تكدر تحجي ورافضة تشوف احد  .

كعدت هاجر تمسح براسها وتبجي :- مو كافي مصيبتي انوب امي .

فرح:- هو من اجه غيهب ما سلم عليها ،وتصرف عبالك ما يشوفها

أكلت روحها اكل .

سجى:- وزادت من عرفت زوجج ازوج ، خطية حيل انقهرت من رحتي ويا غيهب تسويلة وكالة حتى يمشي بالطلاق .

ابو الغيهب:- يعني ما يحتاج نوكل محامي ثاني .

هاجر:- ميحتاج يابا هو غيهب أستلم الدعوة.

هشام :- والله لا يكعده ؏ حديد ويخلي ما يعرف يا ايد يبوس هو اشتراها النفسه .

هاجر :- حسبي الله ونعم الوكيل بهذل اطفالي علمود النسوان .

هشام :- كومي عيوني ارتاحي بغرفة امي ولا تفكرين

كلنا وياج وبضهرج وجهالج احنه اهلهم .

هاجر:- ما تقصر حبيبي فدوة الوجهك .

راحت للغرفة والبنات اخذو جهالهم وصعدو حتى لا تصير هوسة

عمتي يحتاجلها راحة ، صار المغرب وجهال هاجر كاعدين بدون اكل

كمت فتت للغرفة اخذتلهم ملابس الهم  خليتهم يغسلون ويبدلون

واني رحت للمطبخ كليتلهم كبة وفنكر وانطيتهم ڪُـل واحدٍ منهم ماعون

وكعدت يمهم ما اكدر اعوفهم وحدهم .

زهراء:- بدون صوت يا حلوين ڪُـل واحد ياخذ ماعونه ويكعد

حتى جدو فد شوية يشتريلكم .

اثناء ما احجي وياهم انفتح الباب الخارجي ودخل الغيهب

كان تحيط به هالة من السكون

الغيهب:- خالو وين امك .

- بغرفة بيبي .

الغيهب:- روح كوللها خالو غيهب يريدج يلااا يا بطل بسرعة .

ركض فات جوه هو اجه ؏ بت هاجر وهمس :- انطيني شوية .

- جوعان .

- اي حيييل جوعان  .

- عمة زهراء كومي سوي اكل الخالو يلا .

أبتسم بطمأنينة:- لا اريد من ماعونچ .

شالت كبة انطتها اله وفاتت هاجر هو من شافها

ذب الأكل وراحلها وبدون سابق انذار كاللها

الغيهب:- كملت الإجراءات وكلفت المبلغ باجر يطلع .

هاجر :- زهراء قيسي ضغط امي فدوة .

عفتهم وطلعت الغرفة عمتي سمعت هاجر تكله :- عوف هل كلام وروح

الـ امي اليوم تخربطت وديناها مستشفى.

دخلت العمتي لكيتها نايمة همست:- عمة .

ماكو رد وصعبة علبة اكعدها

اريد اطلع دخل الغيهب مرعوب كعد ؏ جربايه بصفها

ومد أيده لزم وجهه بخوف واضح وهمس:- يمه حبيبتي ، تسمعيني .

فتحت عينها عمتي وبجت صاح:- لا لا يا حبيبتي لا تنزلين دموعج يا نظر عيني لا يصير بيج شي منو يتحملني غيرج .

اخذها الـصدره حضنها بقوة وهمس:- كافي الخاطري كافي ما اريد اشوفج تعبانة گلبـي ينمرد .

ام الغيهب:- عساني ميته وما دعيت عليك يا يمة والله ما أدري شلون طلعت مني مو بقصدي وداعت غلاتك عندي ، انتَ مو تعرف معزتك بكلبي

انتَ اعز واحد بولدي وكلهم يعرفون  .

فر وجهه همس وصوته اختنك بالبجي بس هو مكابر ما تنزل ادموعه كدام احد :- اني كلها تدعي علية يمه بقت عليج .

ام الغيهب:- باوع بعيوني غيهب ، كافي يا بعد امك ارجع مثل قبل

اضحك وسولف ، ارجع ابو قلب الطيب الـ اذا شاف شخص محتاج

ينزع اهدوم الـ عليه ،ارجع الـ ذاك الشخص اذا شاف واحد يعلي

صوته ؏ مرته يشمره بالسجون ، كافي يمة هذا غيهب الجديد

دمرني اريد ابني .

ذب حسرة طووويلة ورفع راسه جر نفس وهمس :- أتمنى...

فات عمي وضربه ؏ جتافاته:- ها ولك عذبت امك ، مو تكول بس اني احبها وما اكدرعلى زعلها صاير بس حجي .

الغيهب:- غير طكتني بدعوة يوم كامل طريح الفراش ما اكدر أرفع رأسي

استفرغ وارجع ليورة .

ام الغيهب:- يمه اصخام بوجهي .

ضحك وهمس:- ما تدعيلي الله يبرد گلبـي ويهديني  شو دعوتج منها الباب السماء .

ام الغيهب:- ولك احجي صدك تمرضت .

الغيهب:- تسمم صار عندي .

ابو الغيهب:- خابر كول .

الغيهب:- منير صاحبي نومني مستشفى ورجعت نمت بالمكتب .

ابو الغيهب:- ما ناوي تبطل سوالفك .

الغيهب:- ادعولي .

ام الغيهب:- ماكل .

الغيهب:- لا وما اكدر معدتي بعدها تعبانه.

ابو الغيهب:- لازم تاكل شوية .

الغيهب:- أريد شي خفيف وبارد ؏ بالي فاكهه موز قطع وتفاع هم قطع صغار .

كامت بسرعة هاجر سوتله وجابتهم ، واني رحت اقيس ضغط عمتي بدون ما اصدر اي صوت او نفس .

صرت وره ضهره من شغلت الجهاز التفتت يباوع ؏ ارقام

ضحكت عمتي بصوت عالي صاح:- هاااا هاا ما باوعت .

ام الغيهب:- جذاب شفتك بعيوني .

الغيهب:- عمي مو زهراء تخافون عليها اكثر من ابنكم .

اني بس شفت يحجي بيه عفتهم وكمت بكل هدوء مو عباله نسيت مصيبته وكاعدة هسة لو مو يتسممم ، قليل التسمم النفسي الصارلي بسببه

رغم گلبـي لليوم يحبه بس ما يستاهلني وبمرور الوقت اكرهه

وبعد ما اتقبل وجوده ، الغيهب دمار واذا ابقه ويا يلوحني السواد وأنتهي

كمل اكل وطلع من الغرفة يحجي ويا عمي:- لا والله قضية تعال وياي اذا ما صدكني ، انطيتهم موعد يزوروني  للمكتب بـ السبعة اخلص منهم وارجع

ابات هنا اليوم .

طلع وعمي سد الباب وره ، كمت اني والبنات حضرنا الاكل وكل شوية تجيني لعبان نفس الى ان بعد انتهيت ما اكدر عفتهم وصعدت غسلت من ريحة الطبخ ونمت ؏ جرباية أرتاح ساعة  .

صعدتلي هاجر بيدها لفه كباب عروك وطماطة بالماعون  وفنكر

وكبه وعصير ميزو .

هاجر :- امي دزتهم اكلي شكد ما تكدرين .

هزيت براسي وهمست:- شكرا هجوره تعبتك .

هاجر :- شسويت قابل لو ما انتي اتبهذل ويا الجهال

وما هلكد طيبه يموتون عليج لان الوحيدة اداريهم من ڪُـل كلبج

زهراء:- بعيوني ذول جهال اختي .

ضحكت وطلعت اكلت كلشي بدون صمون وكمت غسلت ونمت

كعدت ثاني يوم هاجر والغيهب طالعين للمحكمة ما اعرف شعدهم

بحكم الغيهب محامي شاطر بـ هذهِ القضايا استلم زوج هاجر

بلاغات ما وكف منه شي وره شي بدون استراحة .

بحيث رابع يوم زواجة اجه باب البيت يصيح ولكم شنو هل بلاغات الله واكبرر شررايدددين منييي ولكم عوووفوونيييي .

هنا هاجر حالها حال الزوجات الـ انكسرو وانغدرو جانت تشفي غليلها منه من تشوفه وصل الـ هل حالة .

يبقه يصرخ يتعب ويروح ماكو واحد بيهم يطلع يحجي ويا كلمة وحده .

مرت الايام عمتي استقرت حالتها ، الغيهب نهائيًا ما يلتقي او يحجي وياي

وصار ينام جوه حتى ما تصير مشاكل بيناتنا .

صبرت وخططت حتى اكدر أعتمد ؏ نفسي وما احتاج الـ احد

درست فكرة هروبي من ڪُـل الجهات ، وحدة منهم احتاج مبلغ من المال

اكدر استفاد منه ، وبيوم لكيت بس عمي كاعد وعمتي ويا

والباقين كلهم بالدوام كعدت ويا وكتله :- عمو اريد تشوف مأجر يأجر بيت امي .

ابو الغيهب:- ليش عمو حرامات اخاف يخربوا الج .

زهراء:- لا عمو قابل ياكلون حياطين ، احسن ما باقي مسدود أستفيد منه .

ابو الغيهب :- براحتج زهوره اروح الصديقي ابو عقارات وانشوف  .

زهراء:- هاي هِـيِّ اعتمد عليك .

ابو الغيهب:- صار بنيتي صار .

وفعلا عمي ما قصر اسبوع زمان آجر البيت العائلة صغيرة

وقبل لا يكعدون بي دخلت اخذت كارت من جوه التلفزيون الـ يحمل ڪُـل ارقام لواء رحيم وعنوان البيت ودعت ذكرياتي هنا وطلعت .

وكدرت استلم اول دفعه وعندي ذهب ، اكدر اطلع وأصرف ؏ نفسي

بدون ما أخاف، احافظ ؏ كرامتي وما ابقه عايشة ويا بالذل

وبعد مرور فترة طويلة بدون تلفون رجع الغيهب اشترالي واحد

حتى خاف يصير شي ما ابقى بدون جهاز .

بديت ازيد اصرار خاصة بعد ما لاحظت كثرة اتصالاته الغيهب

وبيوم كاعده أرتب بالبيت هو صعد فوك وبيده تلفونه يدك

وما يكدر يحجي مقابيل احد ، بس من يدكون علية شباب يجاوب ومرات يفتح الصوت والكل يسمع ، لهذا السبب شكيت بي اكثر واكثر

صعدت بعد ساعة لكيته كاعد يشرب جكاير

من شافني اخذ الغراض ويريد ينزل ورجع دك التلفون

بقيت وأكفه هو راح بالصالة الفوك وصوته واضح يحجي بعصبيه

الغيهب:- انتِ تعانديني شنو مثل ما سمعتي تسوين ، اكره الحجي الزايد

اخذ نفس ورد :- ما تمشي هل سوالف علية العندي حجيته

لج بابا لا تدخلين خليج بالبيت  وانجبي ، تشترين غلط انتِ

بقه ساكت والطرف ثاني يحجي وهو ڪُـل شوية يهمس :- اممم اممممم

اي اسمع بالله كملي .

الغيهب:- اي بعدها حامل  .

اي تريده ، شنو اجبرها ، لا تدخلين بـ هل موضوع ، ابقي بمكانج كتلج ، بابا عقلج جينكووو اكلج اكعدي واسكتي تكليلي صخام .

طول سكوته تالي ختمها :- ما اجي وما أريد ملحه تعرفين شسوي بيج

فـ سدي حلكج وصوتج بعد ما اريد ينسمع .

وكفت بالباب هو يمشي ويحجي ، من التفتت شافني أرتبك

وظل صافن يعيد أفكاره ويتأكد ما ذكر اسم حتى ما أعرف ويا منو يحجي .

سد التلفون وكف كدامي:- صرت تتفق علية انتِ ونسوانك .

الغيهب:- لا تحجين وحدج افتهمتي لو لا .

زهراء:- هههه افتهمت وكلش زين وانتَ هم راح تفتهم وراح تندم غيهب

والله راح تندم ودورني وما تلكاني بس صبر .

الغيهب:- وين تروحين لازم راح تموتين .

فتت وسديت الباب هو نزل جوه ، واني جهزت الجنطة خليت ڪُـل فلوسي وذهبي وجنسيتي ، وضميتها راح يجي وقتها قريبًا..

الثاني يوم الظهر بقيت نايمة وفزيت ؏ صوت التلفون

اباوع الرقم غريب ، فتحت خط سمعت صوات انثوي

- ليش ما تحترمين نفسج وتسقطين الطفل لج بابا افتهمي

الغيهب ما يحبج ولا بعمره راح يكدر يحب بنية غيييييري .

زهراء:- عيب بابا انتِ زوجة اخوو استحي شوية عيب خزيتيهم كدام

العالم ڪُـل المنطقة يعرفون منو موج الكح.... سيرتچ ؏ ڪُـل السان

موج:- كحب.... ولا بلا كرامة يا لزكه يا اميري  ، تدرين البارحة شكال لعبة نفسه منج ،  وكال هو يحبني وراح يبقى طول عمره يحبني ، وكال تدرين شنو السبب ما يتقبل ابنچ ، اني اكلج ليش لان وأعدني

ما يريد أطفال اذا مو مني ، ابنچ علية علامة أكس حمرررره .

بقيت احجي وياها وأنزل جوه أدور ؏ مصيبه الغيهب

زهراء:- وهسه شتريدين ليش محروك دمج من الصبح لازم متعارك وياج .

وصلت للمطبخ صار مقابيلي يسوي النفسه لفة جبن

فتحت الصوت وصله صوتها :- لا محروك  دمي ولا سواد وجهج

بس انطيج تحذير واكلج بكل صريح العبارة يا ثولة ذبي الـ طفل

وطفري منا ، ولا تفكرين بيوم يحبج او يحب غيرج الغيهب أسير حُـبـي .

اني بنص الكلام عفت التلفون كدامه وصعدت

هو بـ آخر شي عاط وصوته رج البيت :- اذا ما اسقط ورقتج من الحياة

حضري نفسج مو اني ضامچ من جلال هسة اخابرة وأجي اني ويا

نوديج الوادي السلام هناك نخلص من السسسسممممم ..

هِـيِّ بسرعة غلقت الجهاز هو صعد

فتح الباب وهمس:- زهراء .

زهراء:- ما اريد اسمع شي .

الغيهب:- لا تهتمين الكلامها تروحلج فدوة انتَ شريفة وهي كحب....

ما تجيب خصلة من شعرج .

زهراء :- لو ما انتَ تحجي علية كدامها ما جانت عرفت ڪُـل هل سوالف .

الغيهب:- والله ما حاجي شي كدامها كل يوم تتوسل اروحلها واني ما متقبلها لج هِـيِّ حرمة علية بعدها حتى زوجة أخوية شلون انقبلها قابل اني جلال .

زهراء:- لعد منين تعرف كلشي عناا هاا منين .

الغيهب:- اكيد هاي ملاك هِـيِّ صديقتها .

صرخت محروك گلبـي:- وهسه اني اتحملك او اتحملهاا

شنو من بشر انتو هو هذا اليتيم عدكم ينذل ، وعبالك واح اسكت .

تقرب عليه حضني دفعته رجع سحبني الحضنه ملخت روُحـي

في سبيل يعوفني ويشيل ايده :- كتلك شيل ايدك ما أريد تلززمني ما اريد

بززعت روُحـي منك غيهب الى متى أتحمل.

سحب وجهي بكل قوته وباسني بشفايفي

فصل البوسه وهمس:- موج ما تعنيلي شي ورقتها محروكة ويايا

انتِ اليوم ڪُـل حياتي انتِ الأصل زوجتي وام بيتي وام ...

سكت ما كدر يكملها دفعته ورحت ؏ باب :- اطلع عفية اطلع بعد مليت من هل كلام تالي انخبز خبز ، أريد أرتاح روُحـي هلكتها بسببك .

اخذ ملابس ونزل بعد ما حجه وياي

بس العصر سمعت ماخذ عمتي وهناك كاتل موج كوه عمتي مخلصتها منه

والمصيبة اسمع عمتي تحجي الهاجر وتكلها :- هو مأجرلها بيت وفوك ما خانته ضامها من اخو بالله هذا هم تصرف واحد عاقل .

هاجر :- وجلال شلون .

ام الغيهب :- جلال ڪُـل ما يغير مكانها يندلها ويبدي يهدد بيها ويحاول يدخل البيت بس يخاف من اخوج  يدري بي ما يبقي مكان اذا مو كامرات حتى من يرفع دعوة يعرف شلون يربحها لان ڪُـل الـ أدله ويااا ..

هاجر :- هذولي الـ تلاثه ناوين ؏ شر والله يستر شنو نهايتهم .

وهل فعلا نهايتهم شر ما يصيرون خير ...

البيت صار أسود بعيني واذا ابقى بي اكثر اتخبل

صح الكل زينين وياي ، بس اني والفيهب ما نصلح نكون سوه

ورغم ما موج كلامها يغث وداس ابطني بس صح اذا اظل

مع الغيهب معناها انهي حياتي ك وأجني ؏ نفسي بالهلاك .

بس يومين سكتت عنهم بين ما ينسى الموضوع

ومن شفت رجع طبيعي ، بديت بـ تنفيذ الخطة

هنا لازم يعرف اني حواء وكيدي عظيم مع الـ يأذيني وما يحترمني وما يصوني وما يحترم الـ فرص الـ قدمتهم اله ، ڪُـل غلطة أصعب من  القبلها

واجبر نفسي أسكت عن اغلاطه بس لــهــنــا وخلص صبر حـــواء

بيومها رجع من الدوام صعد بدل ملابسه

استوقفت عمتي لان ڪُـل يوم هِـيِّ تحضر اكل الغيهب وتودي بيدها

هل مره همست:- عمه أريد اني اقوم بواجبه .

ضحكت بفرح عبالها سامحته واريد أبدي من جديد

اخذت الـ اكل ورحت نزلته كدامه من شافني تفاجئ

وأبتسم:- اليوم دلال زهراء نقهرت ؏ زوجهاا .

ابتسمت وهمست :- قصرت وياك بس جنت مريضة اسفة

هسة صحيت ؏ نفسي ولازم اقوم بالواجب .

الغيهب:- تعاي كعدي كبالي اذا تحبين .

زهراء:- مو ما تحب اكعد كبالك .

الغيهب:- صرت أحب ونص .

كعدت مقابيلة وبعد ما جريت نفس كتله :- اكلك غيهب عادي تاخذني للسوك

تره ما عندي ملابس ومحتاجة بشكل .

رد بستغراب:- شعجب ما طلبتي من امي مثل ڪُـل مره .

وكفت بسرعة ورديت بعدم رضًا:- ماكو داعي عبالي اطلع اني وياك من ازوجنا لليوم ما مطلعني .

لزمني من أيدي ورجعني وهو يأشر بيده ويريد يبلع لكمته :- اعصابج

ولج ابتليت سألتج عمي اخذج واني الممنون بس لا تصيرين عصبية

هستوني كلت يا الله .

زهراء:- يعني ..

الغيهب:- روُحـي بدلي بين ما اكمل اكلي ونطلع .

ضحكت بوجهه وصعدت بسرعة طلعت الجنطة الجهزتها

الـ هل يوم بس ما كدرت اخذ ملابس خفت لا يحس ويبطل ام الطلعه وتخرب ڪُـل الخطه والتعب والتفكير المستمررر .

ربع ساعة وصعد لكاني مبدله وهو بدل ؏ سريع ونزلنا

بحجت اكول العمتي فتت بست راسها ودعتها

ما أريد أرجع بعد بس راح اشتاقلها هوواي

جانت ونعم الـ عمه وياي حبتني وحتوتني ونصحتني هوواي

طلعت ويا ودخلني طريق كله محلات ملابس وجنط احذيه

اخذت ملابس بيت وصايه وشالات اثنين

ومشيت للسيارة هو دفع ولحكني صعد  التفتلي :- وبعد محتاجة شي نسيتي تشترين ما دام بعدنا واكفين تذكري ؏ راحتج .

زهراء:- لا ميحتاج آخذت كلشي أريده خلينا نرجع .

الغيهب:- اي نرجع البيتنا واذا تكدرين يعني نوميني بحضنج

غيهب مشتاقلج .

ضحكت بمكر وهمست:- اي تستاهل مو تدلل من عيوني بس .

الغيهب:- بس شنوو ، لا تضوجين ما اقترب منج بس أريد اغفى

بحضنج راسي يوجعني اقري علية مثل قبل الى آن أنام.

بلعت ريكي وهمست :- مو هذا قصدي .

الغيهب :- زين شنو تريد زهرتي .

زهراء:- شفت ذاك ابو الكباب من اجينا من طريقة

ريحة الكباب وصلت الراسي وحييل اشتهيته روح جيبيلي منه

الغيهب:- مو تدللين هسة افر السيارة واشتريلج المحل مو بس الكباب .

زهراء:- لالا غيهب لا تحرك السيارة مو اخاف اشتم ريحة الكباب

بكثرة وتلعب نفسي ما اتحمل ريحة الدخان ، عوفني هنا اعدل الغراض

بين ما تعبر تشتريلي وتجي فدوة بس لا تتأخر .

الغيهب:- صار راح ابقي السيارة مفتوحة حتى لا تختنكين

وهسه بسرعة أرجع .

عافني ونزل ، عدلت العلاليك ولبست الجنطة زين

من تأكدت صار عبور سايدين وبعيد عني

ومستحيل يعير الشارع بسهولة لان السيارات سريعة

وهل طريق عام اكدر اوكف تكسي بـ ڪُـل بساطة

نزلت بسرعة وكلبي تحول الـ طبل رجلي ترجف

ايدي كوه تشيل الأغراض ، وكفت تكسي بسرعة وكفلي وصعدت

تحرك التكسي باوعت ؏ جهة الغيهب لمحته واكف وموسع عيونه

مصدوم من الديصير مقابيل عيونه .

أشرب من نفس كأس المر

مثل ما دمرتني وصدمتني بـعدم الاكتراث المشاعري الـ املي الوحيد

صار وقت انتقامي منك ، ولازم أدفعك الثمن غالي ، ثمن سقيم گلبـي ، وفقدان روُحـي يا غيهب...

رفع أيده وصرخ بعلوووو صوته :- لااااااااااااا اوووكفييييييي ....

- عمي ويا اخذج .

دليته بيت خالي وصلت عنده من شافني استغرب ورد بجفاف:- هلو خالو زهراء تفضلي .

زهراء:- خالو اني اجيتك شاردة من زوجي تكدر تحميني .

هو سمع هيج وعيونه صارت بكصته لزمني من ايدي

وخضني :- شارده شنو تريدين تنزلين روسنا.

سحبتها منه وصحت:- خالو اني معنفه ولا وآحد بيكم اجه وسأل

علية تزوجت انسان مريض اذا أموت بـ ايده انتو تفيدوني .

- لج هو اني امج من جابتچ  ما تحملتها تريدين اتحملج .

زهراء:- خالو اني حامل وراد يموت ابني اذا انتَ ما تتحملني وين اروح .

- اني ارجعج بيدي واخلي يسامحج .

ضحكت بوجهه وهمست:- حسبي الله ونعم الوكيل ، شكد كلت الـ امي

انتَ مو خوش انسان ما صدكت تشتغل وتتعب وتجمعلك حتى ما تعتاز بس ما وكفت بعينك  .

طلعت من بيتا بسرعة لازم أكون سريعة قبل لا يلكاني

مشيت بالشارع الى ان وكف تكسي أجرته ومديت الكارت

كتله :- وصلني الـ هذا العنوان بلا زحمة عليك .

ساعة زمان وكفت مقابيل بيت كبيرررر

فخم واضح من سيارة الحرس امورهم تمام

بس خفت يرفض يساعدني ويطلع مثل خالي

دكيت الباب اجاني الحارس مستغرب:- تفضلي منو ، مو انتِ التوأم 

بلعت ريكي وهمست:- اي نعم أني ، بلا زحمة ممكن تصيحلي رحيم .

بقه صافن متفاجئ دخل وطلع هو وشاب عمره تقريبا ١٩ سنة

سيف :- تفضلي أختي جوه .

دخلت ويا بعدني بالكراج طلع ابوية يركض ويلبس بالتيشيرت

رحيم:- زهراء بابا .

ركض راد يحضني خجلت ودنكت راسي أبتعد وحجه بلهفة

رحيم:- نورتي بيتج باباتي أدخلي يا عيوني .

زهراء:- قبل لا ادخل تكدر تحميني .

رحيم:- من منو ؟

زهراء:- زوجي ، شردت منه هسة تنطيني الـ امان وتحميني

لو اروح ادور ؏ ناس ترحمني بره .

رحيم:- هذا بيتج واجه الوقت الـ اثبت بي اني ابوج سندج وبظهرج

وما عاش الـ يقترب منج ويأذيج يا بوية اكله بسنونييي .

اخذ الغراض من ايدي ودخلني

بعدني هسه كلت يا الله وما اشوف غير رجاء

هجمت علية ضليت جامدة بمكاني :- اطلعييي بررره طلعوووهاااااااا

ما اريدددددهااا ولكممممممم ما اريدددهاااااااا .

لزمها ابوية ودفعها وعاط:- لج شنو هل استهتار البيت بيتي

ومثل ما الج حق بي هِـيِّ مثلج كاافييي دلال لا اكسر راسج .

ملخت شعرها وصررخت بهستريا :- اكتلهاااا واكتل نفسيييي

عوفوني عليها ولج جلبه مو حذرتج ما اشوووف وجهج ليشششش

تعاانددديني هااا ليششششش .

بعدها تصرخ وندفر الباب الخارجي

لزكت روُحـي بالحايط واني اشوف

الداخل ؏ بيت خزرني بعيونه

وفات وهو نار مشتعلة

إيهاب:- ..........

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

البارت 3700 كلمة اذا اشوف التفاعل حاو انزل باجر بارت ❤️‍🔥

رواية ظلمات الغيهب

بقلمي أساور حسين

الحلقة _14_

زهراء تكول ....

لقد هدموا كُل شيء فيني ضحكتي

هدوئي وروحي التي كانت تَحوم حول امي لـ ارضاها فقط

لقد هدموا جَسدي

لقد قتلوني

وقعتُ في حبهُ ونسيت أنهُ  غيهبٍ مَجروح

ولكن خُذلانهُ لا يُعني القضاء علي

استقيضتُ وكُلي رغبةً في الإنتقام

وباتت في مُخيلتي الافكار

لقد قتلني!

عذبني!

ونهش جسدي!

ولكنِ الآن

وضعتُ كُل شيء على رِفوف النسيان

حبهُ الذي دَمر روحي،

َ وذهاب اُمي الذي كُلما حاولت وصفهُ لا أستطيع!

وكأن هذهِ البيت الشعري وصفًا ليّ:《يَتيم وفززوا مَن حِلم بي أهله》

وقررتُ الإنتقام

خلعتُ التعب

كنتُ ناويةً ؏ ألانتقام من قتلي ثلاث مرات

تارةً عند تعذيبي ثلاث ايام واربع ليالي

وتارةً عند موت امي

وتارةً عند قتل طفلي!

فما الذي سوف يصيبك ايهاُ المغرور "الغيهب"؟

-آمنه مُحمد

إيهاب:-صوووووتج ...

رجاء:- بابا .

تحرك اتجاها لزم ايدها وصاح بوجهه :- بابا شنووووو كم مره كلنا هل رعونه نبطلها وصوتج عيب يطلع الحرس بره ، مووو رجاء.

رجاء :- طلعهاا منا وبعد ما تسمع صوتي طووول حياتك .

مال رأسه بـ تجاهي مرر عينه من فوك ليجوه

ورجع عيونه ؏ عمي همس يستفسر:- زهراء.

رحيم:- اي زهراء .

رفع حاجبه بعلامة (شسوي هنا)

رحيم:-هربت من زوجها وأجت عندي .

زهراء:- اذا وجودي يسبب مشاكل اطلع فورًا.

رجاء:- ولي دعمج لوري يا حيييوانه ، هربت كآل طبعًا اذا امج

حتى ما تعرف تركز الـ ياخذ بتها زين مو زين اهم شي شمرتج

نار تحركهاا بحق لا اله الا الله .

زهراء:- ما اسمحلج تدعين عليها ، عيب عليج هذهِ امج مهما يكون.

رجاء:- اسمعووهاا شلون تحرك بكلبي لج اطلعي ماا اريد اشوفج

بررره بيتنا بره .

سيف:- رجاء تخبلتي خطية البنية حامل حرام عليج .

رجاء:- صم حلكك صوت ما اريد اسمع ، ويلاا طلعوها لا طولون حجي .

ايهاب:- اخذها البيبيتي احسن لا نوب تصير قاتل ومقتول .

لبسها عباية وطلع ، كعدت ؏ تخم جسمي ينفض

اخذت كلاص المي من سيف وشربت منه ريكي يبس

بديت احجي وأرد ؏ اسئلة الى ان رجع ايهاب كعد مقابيلي

وهو بدآ يستجوبني :- وين كان من طلعتي .

زهراء:- طالعين اني ويا ومن أبتعد استغليت الفرصة وهربت .

إيهاب:- آثار تعذيب موجوده ؏ جسمج .

زهراء:- آثر نفسية ارهاق جسدي بس اثار واضحة ما عندي .

إيهاب:- تعرفين اسم الدكتورة الـ اتفقت ويا ؟

زهراء:- لا بس اعرف المستشفى ، واكيد اذا اشوف شكلها اعرفها .

إيهاب:- جيد ، أذن عمو أتركه اني اتصرف ويا .

رحيم:- ماكو غيرك كفو أعتمد عليك عمو .

وكف وهو يعدل ملابسه همس:- تشلع عيوني ، هسة اني طالع عندي واجب

انتبه من جدتي ورجاء ما ناويات خير.

رحيم:- وجدك .

إيهاب :- طالع بفصل .

ترخض وطلع ، راح ويا سد الباب بقيت مركزه ويا إيهاب

كان ضخم لكن بتناسق واضح مهتم بنفسه  واضح عنده شعر بس خفيف

فزيت ؏ صوت ابوية همس:- بابا روُحـي فوك بغرفة رجاء ارتاحي هسة

وتركي الموضوع علية وتأكدي ما دامج بـ هل بيت انتِ بـ امان .

سيف:- كومي اوصلج للغرفة .

أبتسمت اجه اخذ أغراضي وصعد كدامي

مشيت وره همست:- انتَ م..

سيف:- اني اخوج سيف ُ ؏ــمري 19 وعدنا اخوان توأم ولد

بس بيت جدي عمرهم تسع سنوات .

ارتاحي ولا تتقيدين البيت بيتج مثل ما هو بيتنا

ورجاء لاتخافين منا هِـيِّ بس صوت كلبها طيب

دائمًا تضربنا وتصيح وره شوية تجي تعتذر وتسوي

الـ نريده فـ لا تهتميلها .

هزيت راسي وكعدت ؏ جرباية

هو عافني وطلع ذبيت عباتي وخليت راسي ؏ مخده

عيون الغيهب ما تفاركني صدمته وهو يوسع عيونه

ما كدرت اتخطاها ڪُـل ما اذكر شلون جمد بمكانه يريد بس

يتحرك ويوصل السيارته انمرد مرد ، بسس يستاهل هو وصلني

الـ هل مره هو علمني اصير ممثلة واتقن الدور الى ان أوصل الغايتي .

تخالطت الأفكار بداخلي ، وتصارعت الحجج والتعب

حتى غلقت عيني وهربت الى عالم الأحلام راجيًا

يكون أجمل من واقع حياتي المظلم والمر ....

..........................

الغيهب ....

لم ينتبه احد لغرقي ، كنت ارتدي ثيابًا جافة دومًا

أخوض حروبًا مع قلبي، كنت امنع نفسي مما اريد

حتى أعيش الندم عليه ، فـ اتضاهر أنني أقوى من ڪُـل شيء

حتى كثرة الخيبات ، قد رأيت الجميع يتجنبون التورط بي

استلقي ؏ الفراش متعبًا ، أتساءل هل فعلا اريد ان اؤذي نفسي

او سعادتها ، اشعر ان داخلي تحطم كليًا، خذلانهم أهلكني

خياناتهم قتلتني ،فـ  هل من ملاك يمد لي يديه للنجاة !

بقلمي اساور حسين

لحضات  اشبه بالموت البطيء ، الناس والسيارات

كل شيء يتحرك توقف في عيني ويبدأ بالتلاشي

كانت هِـيِّ الوحيدة تتحرك بعيناي ، أطرافي تجمدت

اود الحركة الركض الوصول لها لاحتضانها

لـ اهمس لها انني اراها المقص الذي يقص حبل المشنقة

من عنقي ، ارها مرهم لوجع  محروق يود إن يهمد حروق

الخيبات والخذلان ، لكنني ضعيف امام مواجهة طعناتهم

بـ هذهِ الحضات أصبحت زهرتي منهم قد فعلت بي ما فعلوه

استغفلتني كما استغفلوني ، أتقنت دور التمثيل كما فعلو

حبال النجاة تمزقة امام نظراتنا ، حتى أصبت برمي السهام للمرة الألف

ما اتذكر شلون عبرت الشارع وصلت للسيارة صعدت بيها

منهار كليًا عقلي رافض فكرة هربت مني ، عندي أمل هِـيِّ

شافت شيء غلط مني احتمال اكو شي بالسيارة وصلها

الـ مرحلة تنزل وترجع للبيت تشكيني الـ ابوية مثل ڪُـل مره

وصلت للبيت بس جسد أمشي وعيوني أحس بيها نار تاكل بيه

دفعت الباب وفتت دورت ؏ ابوية حتى يقابلني يتعارك وياي

لان ضوجتها ونزلت دموعها ، بس ابوية ماكووو

دخلت اتلفت اباوع بالغرف ، دكيت باب غرفة امي وابوية

ورجلي بعد ما يشيلني هذا اخر مكان أحتمال اشوفها بي

انفتح الباب طلع ابوية باوعت ؏ غرفة هو يباوع

؏ بره  من شاف حالتي عكد حاجبه ونتر :- وين زهراء.

غلقت عيني بـ أحباط ، حسيت بالعجز والفشل

هنا رجعت النقطة الصفر رديت بعجز:- أسند ظهري يابا .

هاي جانت اخر كلمة وكعت بالكاع ابوية لزمني وثبتني ؏ حايط

هزني من جتفي وصاح:- ولك وين زهراء وييين .

رجعت رأسي ؏ حايط ما حاولت اسيط ؏ انفعالي

ولا ثابرة بـ إخفاء تحطيم قلبي الى أجزاء

كافي تعبت من المكابرة:- رجعتني النفس الموقف النفس الوجع

عافتني مثلهم ، مو كلتلكم زهراء تشبهم ، كلت راح تعوفني

بس بس يابا گلبـي ينزف بـعد ما اكدر أتحمل .

ام الغيهب:- غيهب شتحجي انتِ ولك زهراء وين .

صرخت بعلووو صووتييي :- زهراء كعدت كدامي ضحكت وياي

باوعت بنص عيني وراحتتتتت زهراء راحت شردت مني

ليششش كولو ليشش معقولة اني ما انحمل الـ هل درجة

ڪُـل مااا اقرر ابدي حياة جديدة يهزموني ، وكأنهم اتفقوا علية

ويدزولي الناس ومن يشوفوني بديت أتأقلم يسحبون مني كلشش

هشام:- غيهب شبيك .

ابو الغيهب:- استعجلوا ؏ اخوكم راح يروح من أيدنا.

الغيهب:- شسون تحذفون ذاكرتي ، وبطريقكم ترميم الكلبي

لآن هلكت والله هلكت ، بس حقها أني اذيتها هوواي تحملتني هِـيِّ تحملتي

وجنت اشوف الحب بعيونها رغم اذيتي الهاا

بس كدرت تخليني احب قربها ما حبيتها بس ارتاح بوجودها

اكدر اسيطر ؏ افكاري وياها واضبط نفسي حتى لا تحس بيه وتسوي مشكلة

يمه مو مو كتلج اريد ابدي وياها صفحة جديدة

أريد اعوضها ؏ ڪُـل جروحها ، اني ما استاهل هل صدمة

لو تحبني ما تصدمني بس

اختنكت النفس وكف بعد ما اكدر أسحب

واتنفس طبيعي ، رجعتلي نوبات الخفقان

التشنج يمشي بناحية ايدي اليسرى

لزمتها بوجع وغلقت عيوني ريكي نشف بعد ما اكدر انطق

أحتاج انام اريد انام ابوس ايدك يابا اريد انام  .

نزلت دموع ابوية امي نهارت بس ما جنت اهتم الـ احد اريد بس

انام هذا ڪُـل الـ براسي ، كام ابوية اخذ المفاتيح وفتح باب الكنتور طلع علبة صغيرة اخذ منها كبسولة واجه بيده كلاص مي مد ايده اخذتها منه

شربتها وهمست:- هشام اخذني الغرفتي .

سندني هشام وكمت ويا وصلت للغرفة سديت الباب منعت

احد يدخلها طفيت ڪُـل الأضواء ، ذبيت نفسي ؏ جرباية

تغطيت وغلقت عيني اعرف اذا ابقى كاعد أنتهى وبـ هل حالة ما اكدر أفكر

استسلمت للنوم هارب من المر .

كدرت أسيطر ؏ جسمي ونمت اربع ساعات متواصلة

كعدت نص ساعة احاول أسترجع نفسي واكدر افكر

سمعت صوت تلفوني يدك بس رجاج ، كمت اخذته

ورديت :- الو جميل.

جميل:- انتَ وين .

الغيهب:- صاير شي .

جميل:- أتصل علية هشام.

الغيهب:- مااريد احجي .

جميل:- لازم تحجي وتتفاهم لا تبقه تسوي بس البراسك وبعدين تتندم .

الغيهب:- بعدين مو هسة أريد اصحح.

جميل:- سكران .

الغيهب:- لا شربت الحب .

جميل:- غــيــهــب .

الغيهب:- وسم ابوية انطاني جنت محتاج ارتاح .

جميل:- اجيك لو تجيني .

الغيهب:- لا اجيك ولا تجيني طالع ادور عليها .

جميل :- انتَ مو ما تريدها وما تريد الـ ابطنها خلص عوفها بحالها .

الغيهب:- جنت ما اريدها .

جميل:- وهسة شتغير .

الغيهب:- هواي امور تغيرت .

جميل:- لازم نكعد سوه ونحجي الظاهر متندم بس بعد فوات الاوان.

الغيهب:- انجب ما فات روح هسة.

سديته وبدلت ؏ سريع ونزلت الغرفة مالتها تاكل بيه

ما أكدر ابقه بيها ، لكيت اهلي كلهم موجودين

ابو الغيهب:- شلونك .

الغيهب:- زين .

اريد اطلع صاح :- اوكف وين رايح .

الغيهب:- اشوفها وين راحت ، يابا اذا تعرفوها وين بس طمني وعد اعوفها بحالها بس اريد أشوف هِـيِّ بأمان ومستقر وضعها .

ابو الغيهب:- الله شاهد وروح ابوية ما ادري بيها وين

بس ، يا ابني عوفها هِـيِّ الظاهر من زمان تخطط تعوفك

رجعت دخلت وعلامات الـ استغراب تعتلي وجهي:- ما فهمت  .

هشام:- زهراء قبل اسبوع اجت الفرح ووصتها تبيعلها كلادتها الذهب

وفرح من تروح للدوام بايعتها .

ابو الغيهب:- وبعد ايجار البيت يمها يعني مرتبه امورها

حتى المستمسكات ماخذتهن .

عضيت شفايفي السفلية واني اهز براسي :- مخططه وتضحك علينا

ونفذت مأجره البيت وبايعة الذهب واني اخر من يعلم .

ابو الغيهب:- طبعا كلشي ما تعلم لان مو بحال الـبنية مخليها وحدها فوك

تفكر وياكل راسها التفكير ، عانت ، اهانة ، اهمال ، قلة احترام ، ضرب

محاولات قتل ، وسكتت الى ان انفجرت وخططت ونفذت وانتِ ما تدري

ام الغيهب:- ملتهي بالكح.... يأجرلهن بيوت ، ومحتار عد منو يبات

ومخلي بنت الناس تطحل بروحها ، تخابر ترجع سكران ملابسك

تعط عطور نسائية حقهاا ونص والله يلوم الـ يلومها .

كعدت ايدي ؏ راسي همست بضعف :- كلامكم كله صح واريد اصحح اغلاطي اريد حلول ما اكد افكر اني .

أمير:- بعديش يا خوية من شردت البنية .

ابو الغيهب:-متأكد زهراء حاسبتها صح وهسة هِـيِّ بأمان عوف البنية بحالها صح انتَ ابني بس ما تستاهلها.

الغيهب:- وابني .

ابو الغيهب :- هههههههههاااايييييي ابنه اضحككوو وياي ولكم اضحكووو

يكول وابني ولك بطل سوالفك بطلهاااا يا ابن هذذذا نفسه الردت تقتله لو غيره شنو نسيت اذكرك لو لا .

ام الغيهب:- لا تكول ابني كول اريدها .

الغيهب:- ما اريدها باعتني تشبه القبلها فضلت نفسها

وهي تعرف بحالتي وتركتني بدم بارد وراحت  منيييي .

ابو الغيهب:- بعد براسها عقل يريد يخبلها اكثر ويشمرها هذهِ غايته.

الغيهب:- دخيل ربكم بلا هل كلام الـ بيه كافي طالعة روُحـي من الدنيا

تريدون تروحون وياي نشوفها وين لو اروح وحدي .

ابو الغيهب :- لنفترض لكيتها برأيك توافق ترجع وياك .

الغيهب:- طبعًا تجي شنو بكيفها مرتي مكانها بيتي مو غير مكان .

ابو الغيهب:- ما اعتقد راح توافق هِـيِّ من تصرفت بـ هل تصرف واثقة

ما ترجعلك بعد لو مو تغصبها .

الغيهب:- وين تريد توصل.

ابو الغيهب :- عووفها .

الغيهب:- هم راح نرجع والله ما اعوفها وارجعها يعني ارجعهاا .

ابو الغيهب:- لك بابا تعبت البنية حرام عليك .

الغيهب:- من البداية كلت الها اني دمار وهي وافقت وعلقتني بيها

لازم تتحمل ما دام دخلت الحياتي مستحيل اطلعها بسهولة اذا مو برضاتي .

عفتهم وطلعت لحكوني اخوتي ، واخر شي اجه ابوية ويانا

يباوعلي صفح ما راضي ، بقيت امشي بالسيارة تايهه ما اعرف

وين اروح ومنين ابدي تالي صاح بيه ابوية:- دخت هل فرع

خمس مرات دخلت بي نعلعله شيب الخلفك كون .

الغيهب:-يابا روُحـي بخشمي عوفوني .

هشام:- عفية روح من نولدت لليوم عاشت بخشمك .

طلعت باكيت الجكاير ورثة وحده جريت نفس وهمست:- وين ادورها

هِـيِّ حتى ما عدها آحد تروحله.

أمير:- بيت خالها اكيد بيت خالها .

الغيهب:- تندلهم .

امير :- لا وين اندلهم ، هشام تندل .

هشام:- هو زوجها ما يندل بيت خالها تريد اني اندلهم .

ابو الغيهب:- هو لو خوش زلمة وعينة ؏ مرته چان عرف بيت خالها وين

البنية وييين بس هو موخوش كوه قابل .

الغيهب:- كافي يابا كافيييي راح اشمر روُحـي من السيارة راسي

بـ أي دقيقة ينفجر ، اعرف اني غلطط واعرف تعبتها وأذيتها ودمرتها

والف مرة كلت اني دمااار عووفني هو لو اعرف اصحح نفسي

ما اصححها ، اني واكع بنص حفرة ظلمة وما اعرف وين المخرج .

والكل يريد مصلحته ولا بشر مد حبل النجاة.

ابو الغيهب:- بوية انتَ ما تتعاشر هِـيِّ كوه تريد اجذب عليك لو احجي الصدك ما تنبلع احنه اهلك ما نتحملك ، صعب ماخذنا بعصبيتك

هوسة تفوت للبيت انتَ والعاصفة الترابية تتحاربون

ياهو يسبب خسائر اكثر من الثاني ، توكف بالبلعوم مو زين يتحملنك

الأولى اسبوع وشردت ، الثانية شهرين وفلتت ، وغيرها وغيرهم

ختمتها زهراء طولت وياك اشهر هم مو سنة وشردت .

هشام :- ابوية ما يعرف شي اسمة مجاملة.

ابو الغيهب:- أمشي فوت هل فرع وعلى ايدك اليسرى رابع بيت

هو هذا بيت خالها .

فريت السيارة ورحتلهم نزلنا دكيت الباب طلع خالها

من شافنه انخطف لونه عرفت يعرف عنها شي

الغيهب:- زهراء عندك .

- اجت الظهر وكالت شردت ومن كلتلها ارجعج عافتني وشردت

يا ابني ما رضيت ؏ تصرفها هذا خراب هجمان بيووت .

الغيهب:- وما عرفت تبقيها يمك من اجيك نتفاهم شلون كدرت تخلي عرضك

الظهر وبالشارع ماكو أحساس انعددم هاي هيه فردنوب .

دفعني ابوية من شافني فار دمي علية رجعت للسيارة

بقه  بحجي ويا بالعشر دقايق ، واول ما صعد

كال:- عرفت وينها ، راح نروح يا غيهب اذا تسوي مشاكل

اعوفك وحدك تتعارك وأرجع للبيت مشي .

الغيهب:- يابا كافي نفذ صبري كول وينها مو شليت حالي وحق الله.

ابو الغيهب:- بيت ابوها .

ضليت صافن بوجهه ما مستوعب كلامه

دقايق وكدرت اكله:- يا ابوها يابا هِـيِّ حتى العنوان ما تعرفه

شوكت اندلت البيت وشلون تأمن ؏ نفسها وياها ناس غرب

بعدين هاي اختها تكرها .

ابو الغيهب:- هو نروح ونتأكد واذا ما طلعت عدهم مصيبة.

الغيهب:- العنوان .

المنصور شارع الـ .... بالبدايه .

رجعت من بيت خالها للمنصور ، مو بعيد هواي عن بيتنا بس الطريق

ازدحامات وقافل ڪُـل عشر دقايق نمشي شوية ، حتى باكيت الجكاير خلص ، ما صدكت طلعت من الـهوسه وكفت كدام محل اخذت

باكيتين ورجعت كملت الطريق ، الى ان وصلت للعنوان المحدد

اغلب البيوت عليها حراسة ، والواضح اغلبهم بالدولة

أمير:- هذولي هم يهجمون علينا لو حراسهم ، شلون

راح تصير كتلتنا عمل شعبي .

الغيهب:- أكسر أيده الـ يفكر يرفع صوته بوجهي مو يضرب

انيمهم حبوس وما ارحم بحالهم اذا هم مو شوية ،فـ أني الغيهب يعني الظلمة اعيشهم بـ ظلمات الغيهب وما يبرد دميي .

نزل ابوية سأل عرف يا بيت منهم يعود الرحيم

عدلت سيارتي ونزلت .

الغيهب:- السلام عليكم ، عزيزي اريد الواء رحيم .

- منو حضرتك .

-الغيهب .

واحد باوع ؏ الأخر وكفو بوجهي :- ممنوع تتواجد هنا الواء رحيم ميريد يشوف وجهك ارجع منين ما اجيت .

مديت راسي وصحت:- عفوا ما سمعت.

- سمعت امشي منا .

ضحكت بوجهه وبعده ما مستوعب ركعته بوكس

خليته يراجع حساباته ، اجه الثاني يفزع الصاحبه عفته ورحت للباب

دكيته بكل قوتي وصرخت :رحيم اذا انتَ زلمة واجهني اطلع كبالي .

استمريت ادك بالباب بكل ماعندي من قوه ابوية يلزمني

فقدت عليهم دفرت الباب انفتح استاذ رحيم مستند ؏ حايط واكف منتظر افتح الباب .

رحيم:- نعم .

الغيهب:-اريد مرتي .

رحيم:- ما عندك مره يمي .

الغيهب:- هِـيِّ يمك مو جوه .

هز براسه وأبتسم دخلت للكراج وصحت:- زهراء تسمعيني اطلعي كبالي وراح انسى الصار ،  لا تخليني احقد عليج واخليج تندمين .

دخل علينا واحد بعمري تقريبًا صاح بصوت :- تهدد وبين بيوتنا .

الغيهب:- اطلع منها ولا تدخل .

ايهاب:- انتَ اطلع بره البيت ولا تعتب الباب مرة ثانية.

الغيهب:- لا تخليني اهينك سد حلكك ، كلامي وياك رحيم زهراء تطلع يعني تطلع لا تخلوني اتصرف وياكم .

إيهاب:- أعلى ما بخيلك أركبه ، وشنو يجي بيدك سوي جلابي ما تخوفهن

هجمت علية لزمته من قميصة هو قلد حركتي

الغيهب:- هِـيِّ زعطوط ليش أدخل خشمك .

ابوية ورحيم واخوتي واجوي من بيت الكبالهم

عالم كبار ومن ضمنهم رجال جبير كلش

يصيحوا ابونا وأسمه ابو علي .

ابو علي:- خير يا طير شصاير هنا .

إيهاب:- جدي داس بيتنا ويهدد بينًا علني .

الغيهب:- تريد اهددك بالسر .

ابو علي:- كاافي انتو ال اثنين ، منو انتو وشتودون .

ابو الغيهب:- أولآ السلام عليكم .

الكل رد السلام وابوية كمل:- احنه اهل ان شاء الله ، اني والد غيهب

والغيهب زوج بنت رحيم زهراء.

هز براسه وهمس :- تفضلو جوه نسولف عيب يطلع صوتنا.

ردت احجي رجعني ابوية وهو دخلني جوه ، كعدت بالشافعات صبرت نفسي اخذت جكارة اشرب بيها ومتحمل كلامهم ، بعد أخذ وعطى

بين ابوية وبينهم انفتح الموضوع .

رحيم :- ڪُـل ما في الموضوع والصار  ، بنتي زهراء ما مرتاحة وياك

وصلني منها شخصيًا انتَ خاينها ، معنف ، ومحاول تقتل ابنكم

صح كلامي .

الغيهب:- صح ما أنكر الصار بس  كلة سوء فهم وناوي اعدل كلشي

وهي صدمتني بهروبها ، هاي نقطة عليها ، كدام عيني تباوعلي وصعدت بالسيارة وراحت لا خافت ولا حسبتلي احساب .

ايهاب:- لو ما دايس بطنها ما تسويها .

وكمل ابن عمها الثاني اثير :- انتَ شلون اتصلح وجاي تهدد وتركع

وصوتك واصل اخر الشارع .

عطت بي :- مرتي وماكو شتريد اخذ منكم موعد وانتو مشردين  مرتي ومنطين اسمي للحارس حتى يطردني .

آبو علي:- التريده هسة شنو يا ابني .

الغيهب:- اريد زوجتي .

رحيم:- و بنتي ما تريدك ، مثل ما دخلتوا بالمعروف طلكها بدون مشاكل

لا تجبرني اسويلها خلع .

الغيهب:- الكدامكم المحامي غيهب الـ .... ڪُـل قاضي بالمحكمة اعرفهم

واحد واحد بدعوة وحدة اكدر اجيبها بيت طاعة غصبن عنكم كلكم .

ابو علي:- لا محاكم ولا مشاكل ، اني اكعد ويا زوجتك الي هِـيِّ بنيتي

واشوف شنو السالفة لان اني الـ هل يوم ما شايفها وما ادري بيها هنا

وداخله ؏ بيتنا دخيلة احنه بنات العالم يدخلن علينا ما ننطيهن

انوب بتنا تريدون بكل سهولة تاخذوها تعذرونا ، اذا ما نشوف شنو السالفة

ما نخطي خطوه وحده ليكدام .

الغيهب:- شتحجون اكلكم زوجتي يا نقط يا حروف يا كدام .

ابو الغيهب:- كافي غيهب ، كوم هشام امير اخذو اخوكم واطلعوا انتظروني بالسيارة اسلم واجي وراكم .

الغيهب:- ما اطلع اريد اشوفها واحجي وياها بنفسي .

رحيم :- انتَ مسوي بيها خوفة شلون تكدر تواجهك وتحجي وياك طبيعي .

ابو الغيهب:- حقكم وحقها ، نعوفكم تحجون وياها وتردولنا خبر .

الغيهب:- ما اطلع اذا مو هِـيِّ وياي ، لا توصلوني الطريق

مسدود واتصرف وياكم تصرف مو حلو .

ايهاب:- شسوووي يعننييي انتَ ما تحترم جدي مو كاعد كبالك .

الغيهب:- جدك مو جدي افتهمت ، مو من حقكم تضمونها  زوجتي يمكم

لا والمصيبة تريدون كلهم تحجون وياها واني شنو هنا اشدهن استيل .

إيهاب:- شوف هذا مثل ما هِـيِّ عرضك فـ هِـيِّ عرضنا

روح بابا روح شو ما تعرف تحجي .

رديت بصوت خشن :- بعد ما اكدر اجرعك ، اني طالع اذا تعدي

الساعة 12  بليل وزهراء ما ترجع البيتي لا تلوموني ؏ الراح يصير .

ايهاب:- صير كدها ولا بس تهدد صير زلمة كول وفعل .

الغيهب:- لا اعجبك من احجي شي يصير .

عفتهم وطلعت وبراسي مخطط اذا ما تنفذ كلامي تاكلهم ناري .

...............

زهراء...

جنت نايمة كمت مرعوبة ؏ صوت الصراخ الصار خليت شالي ؏

راسي ونزلت أركض اشوف الصار ، بمجرد ما سمعت صوته نسحبت روُحـي مني ضليت ارجف لا إراديًا

زهراء:- الله يخليك لا تسلمني اله .

رحيم :- شلون بنتي انطيج اله لا تخافين ابد لا تخافين وياج اني .

بقيت اكل بروحي الى ان دخلو وصار حجي بيناتهم

وصواتهم شويه تعلو وبعدين يسكتون اله ان سمعت تهديد الغيهب

وطلع وعمي والولد طلعوا وره بشوية.

ما أعرف شصار بعدها فتت للحمام غسلت

وكعدت هناك ، مرعوبة من المجهول شايلة هم الباجر

طلعت لكيت ابوية منتطرني همس:- بابا زهراء تعاي وياي جدج

يريد يشوفج ويسلم عليج .

هزيت براسي وعدلت شالي وذبيت الصايه ؏ ملابسي

ورحت وكفت بالباب وصوتي كوه يطلع مني:- السلام عليكم.

الكل  رد السلام سحبني ابوية من ايدي وكفني مقابيل جدي

رحيم:- هذا جدج .

سلمت علية وابتعدت عرفني ؏ عمي علي الكبير يصير ابو ايهاب

وعمي الثاني ابو اثير وسمير ، ولدهم كلهم متواجدين .

ابو علي:- انتِ من اليوم بحمايتنا ، ما تعرفينه وما نعرفچ بس ما نرد الدخيل

وانتِ بنت ابني مهما يكن ومهما صار تبقين من نفس الدم .

علي:- احجي بابا كلشي احجي بالتفصيل .

بديت اسولف لكن بـ اختصار واجر بالسالفة جر وصوتي

الرجفه واضحة علية ، من سمعوا قصة الغيهب بيهم كالو .

اثير :- الله يساعد كلبة شلون تحمل تره الصار ويا مو سهل وصعبة

وانتِ هم عندج اغلاط يعني لازم تعذري وتكسرين وتجبرين .

سمير:- وخاصة انتِ تعرفين حالته المفروض تساعدي مو تغدري .

ايهاب:- اني اكول انجبو وسدو حلوكم، شنو هو نغدر يجي يطلعها بنات

العالم وعايف المذنبين عايشين حياتهم ، هو لو صدك كلامة وصادق

ما رجع ضم زوجة اخو بيت وحدها الله يعلم شيصير مايصير بي .

ابو علي:- عوفكم من هل كلام هاي خصوصيات العالم ما ندخل بيها

الـ عليكم تعرفون هو ، جدو تريدين زوجج لو لا حتى نعرف نتصرف .

زهراء:- فكرة هواي وحاولت ويا بس ينسى الماضي

بس هو بـ ڪُـل مره يأذيني اكثر من القبلها بعد ما اكدر اتحمل .

علي:- يعني .

زهراء:- اتمنى ينتهي كلشي وتساعدوني حتى اطلك منه والله ما اثكل

عليكم وما بيوم تسمعون صوتي او تجيكم كلمة عني .

رحيم:- بابا التريدي يصير ، وما دام تريدين طلاك اطلكج وهذا بيتج هنا تعبشين مادام ابوج عايش واشم الهوه اخليج دوم مرفوعة الراس .

ابو علي:- لا تنسى أبنه ابطنها وراح يستخدم هل كارت ضغط عليها الى ان ترجع وهي الممنونه .

رحيم:- اطلكها منه والباقي كلة سهل .

الكل وكف وقبل لا يطلع ابو علي كال:- البيوت هنا كلها بيوتنا وكلها مفتوحة الج ، ارتاحي وأمني مستحيل يكدر يدخل البيت واحنه هنا حواليج

افتهمتي جدو .

هزيت براسي هم طلعو بقه ايهاب ضحك وصاح :- اجت جدتي وما ناويه

؏ خير الحك عمي .

وكف ابوية بالباب سمعت صوت :- ولكم ياهي هاي التنزل ادموع الغالية رجاء تايهتلكم ولكم وتبجوها اليوم اسويها دم .

فاتت شافتني وصاحت :- يا يا شوف الفلك رجاء هناك وهنا .

صدمتني وهي تاخذني الحضنها :- يا حبيبة جده يا الحنينه شكد شتاقيتلج بس ما كدرنا نشوفج اله بعد هل سنين الله يرحمها صعبتها كلش .

اكتفيت بالسكوت ولان ما اعرفها اخجل منها

بقت تسألني شلون وين عشت وشلون جانت حياتي

بي ما ذكرت سبب الطلاك وليش امي ما اخدت رجاء وياها

بقه هل اسئلة لغز عندي .

بيومها بقت ويانا ما راحت وهي بيدها حضرت الأكل

اكلت شوية وكمت غسلت المواعين اجت سلمت علية وراحت

زهراء :- محتاج شي راح اروح انام تعبت حيل .

رحيم:- ارتاحي بابا اني هم راح انام .

زهراء:/ اسفة لان سببتلكم مشاكل .

رحيم:- اني اسف لان تركتج ڪُـل هل سنين بس بابا الصار مو بيدي .

زهراء:- ما اريد احجي  بـ هل موضوع هسة منتظره رجاء شوية

يستقر وضعها وتتقبلني وكلنا نكعد ونسولف .

رحيم:- هاي هيه روُحـي ارتاحي عيوني .

تركته ورحت وكلبي عاصرني خايفة وعيني ما اخذت نوم اله بعد

ما مرت الساعة 12 كدرت انام الثاني يوم كعدت ما مرتاحة بالنومه

نزلت جوه لكيت ابوية يخدر جاي :- صباح الخير .

رحيم:- صباح النور باباتي تعاي كعدي تريكي هسة اطك بيض .

زهراء:- أستريح اني اسوي الك جرب اكلي .

أبتسم وكعد ، واني رحت حضرت الـبيض وقطعت الجبن

بعدني ارتب بالمواعين ودخل ايهاب مخطوف لونه 

صاح بعلو صوته :- عمووو الحك سيارات الشرطة بره

يكولون عليك بلاغات بقضايا جبيره....

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

البارت 3500 هدية تفاعلكم الحلو ؏ بارت البارحة اشكركم حبيباتي  ❤️‍🔥

رواية ظلمات الغيهب

بقلمي أساور حسين

الحلقة _15_

زهراء تكول ...

‏كان يجب أن أغادر مُنذ انقباضة صدري الأولى، ولم أفعل .

الغيهب يرد ..

أكتشفت آني فرطت بـ أكثر الحضات سعادة

متمسكًا بشيء ظننت انه يستحق.

أبتسم وكعد ، واني رحت حضرت الـبيض وقطعت الجبن

بعدني ارتب بالمواعين ودخل ايهاب مخطوف لونه 

صاح بعلو صوته :- عمووو الحك سيارات الشرطة بره

يكولون عليك بلاغات بقضايا جبيره ....

رحيم :-يا قضايا تخبلت شديصير ايهاب .

ايهاب:- والله ما اعرف نروح وهناك انشوف شصار  .

طلعوا أثنينهم بسرعة ، ولأن ابوية رتبه ما أخذوا بسياراتهم

صعد بسيارتة ويا حماية وراح ، كعدت ؏ امل اسمع خبر

صعدت فوك انتظر الفرج ، مر الوقت وهم ماكو صار اليل

وأني لكمة ما اكدر أدخل الـبطني بسبب الرعب  .

بين فترة وفترة يصير صوت هوسة بالشارع

ومرات اسمع  الباب الخارجي يندفر

الى ان سمعت صوت حركة بالبيت جمدت أطراف رجلي

طلعت من الغرفة الفوك وصوت مشيت حذاء واضحة

جوه ، عصرت أيدي وتقدمت ؏ درج اريد اشوف منو

الدخل البيت وكلبي احس ظل يدك برأسي

تراجعت للخلف مفزوعة من شفت إيهاب طلع من المطبخ

رجعت بسرعة للغرفة أخاف منه مهما يكن ما اعرف شي عنهم

والزاد خوفي كلام رجاء (بكل مرة ابوية يروح بيها خفر يحاولون يعتدون علية واخاف وابات بالحمام حتى احافظ ؏ نفسي منهم ) منو المتهم هنا

أجهل الهوية مجهول معناها كلهم خطر .

قفلت باب الغرفة نص ساعة سمعت باب المدخل ينفتح

يعلن عن رحيله ، كمت من مكاني ونزلت جوه بدون ما أصدر صوت

واتلفت أخاف اكو احد غيري بالبيت  .

توجهت للمطبخ لكيت أكياس ، تقدمت فتحتهم كلهم أكل

وكيس ثاني حلويات وعصاير ، سحبت عصير أريد افتحه

وصلني صوته تراجعت للخلف ونضرب راسي بالكاونتر بقوة .

ايهاب :- السلام عليكم.

من انضربت انصدم وسحبني من ايدي وهمس:- أسم الله اعصابج أغاتي

كولي يا الله .

عطت بي من الخجل :- شنو حرامي وداخل للبيت بدون صوت .

إيهاب:- أعتذر منج بس متعود هيج أدخل ڪُـل مرة .

خزرته ومشيت واني اهمس وافرك براسي:- ماكو احد بالبيت بس اني

ممكن تروح مو حلو وعيب وجودك هنا .

إيهاب:- ما بيناتنا عيب ، البيوت هنا نكدر ندخل بيهم بدون ما نستأذن

المهم حزرت ما تاكلين وجنت بمطعم اكلت وكلت اجيبلج وياي .

ظليت اباوع بوجهه مستغربه أول مرة شخص غير أمي يحسب حسابي

ويفكر بيه اكلت لو ما اكلت ، ويحسب حسابي ويتنغصلي من يآكل.

صحيت ؏ نفسي من التفت يريد يطلع وكال:- أخذي راحتج اني طالع

بره كاعد أي شي تحتاجين دكي الباب .

زهراء:- بس لحضه .

ما تحرك اضطريت اني التفت اله واحجي  :- ابوية وين ليش ما رجع وياك .

إيهاب:- بعد مو هسة يجي هو بالمركز يخلص تحقيق ونتأكد من القضايا

ونشوف حل .

زهراء:- هو صح متورط .

إيهاب:- متورط بغسل أموال عمي وين يعرف بـ هل سوالف ، رشاوي

وابتزازات عمره ما أخذ فلوس من شخص  .

زهراء:- عزا شنو هل مصيبة ، يعني شلون هو ما مسويها وأخذوه.

إيهاب:- لفقوها .

زهراء:- بس لا تكلي الغيهب سواها.

ايهاب:- أكيد هو مو احد ثاني ، بس نشوف وضع عمي الباجر

ونرجع الصاع صاعين .

زهراء:- ما انصحك أبتعد عنه حتى ما يأذيك ، وخليها ابالك الغيهب اذا هدد

ينفذ مثل ما صار البارحة مستعد كلشي يسوي بس ينفذ التهديد .

ايهاب:- انتِ أكلي ونامي ولا تفكرين هواي تمر علية مثل اشكال الغيهب

وأعرف شنو دواهم .

طلع من البيت ، شناوي يا غيهب ، حيرني ليش ما يعوفني بحالي

دخت من التفكير بوقت ما أكون بالبيت وبالغرفة حتى ما يجي يحجي وياي

كلمة بيها حظ ، اذا الـتقينا معناها حرب تصير بيناتنا

هسة من ابتعدت يبحث عني ويخلق المشاكل علمود شنو ارجعله

ليش ارجع أريد افهم ليش أرجع وهو ما يحبني ولايهتم الوجودي

معقولة يريد ينتقم لان هربت منه ، اذا يريد ينتقم معناها مصيبة ، يعني ما راح يرحم بحالي ويسوي  نوائب بيه .

جبرت نفسي وأكلت شوية ، رتبت ڪُـل الأغراض وصعدت للغرفة

ألم راسي فضيع فوك المصايب خليت العالم تحين وياي

كنت وحدي بـ لعنة الغيهب أما هسة الكل بخطر بسببي

جنت غبية واختاريت الشهص الغلط بدون تفكير بس

لان هو يتمتع بنظهر رجولي ووسامة جذابه ، وكعت بفخ الجمال

وما انطيت مجال العقلي يدرس هل شخص حتى اشوف نفسي اكدر

اعيش ويا اولا .

أكتشفت ان الجمال مو كلشي ، ولازم إختار الشخص اني اول حب بـ حياتة ويكون ما مجروح بالماضي ويخليني أدفع الثمن ، أختار شخص يكون مهتم الشخصي يحبني ويكون الحترام متبادل بيناتنا .

يومين حياتي  متخربطه ما اعرف شديصير

تعبت من الانتظار والقلق المستمر وكأن الغيهب متقصد يعيشني هل شعور المميت ، اخاف جنت بيتهم عايشته هنا أضعاف ، والمصيبة وحدي

ما اعرف وفجأة انفتح الباب علية دخلت جدتي ، وصاحت هِـيِّ بالكراج

- زهراء يمه وينج .

طلعت اباوع عليها ضحكت وصاحت:- يخايبه ما مليتي وحيدج

كومي وياي تعاي البيت العائلة.

ابتسمت وهمست بتعب:- هلا بيبي ، ما يحتاج مرتاحة هنا .

- أضن تخجلين تجين ، كلها تريد تشوفج ويتعرفون عليج واليوم جمعة

كلنا نلتم دمشي وياي لا تعاندين .

بقيت اخذ وانطي وياها بالكلام الى ان استسلمت وفعلا طلعت

وياها عدلت نفسي ودخلت البيتهم كلي ؏ بعضي ارجف خجلانة بشكل مو طبيعي ، بللت شفايفي وهم من الباب استقبلوني نسوان اثنين

اجت مره جبيرة بوستني وهمست:- هلا بيج عيوني اني أم إيهاب مرت عمج الجبير .

زهراء:- هلا بيج عمة .

- واني زوجة عمج الثاني ام اثير تفضلي يا گلبـي تفضلي .

الكل خلفتهم شباب ما لكيت بيناتهم بنية صغيرة او بعمري

دخلت بيبيتي جوه لكيت جدي وعمامي كاعدين

ولا كأن ابوية بالسجن ، سلمت عليهم وكعدت

الكل زينين وياي وما ازعجوني بكلمة بالعكس هواي  فرحانين بية .

ابو علي:- يلا ام علي صبولنا  الأكل ورانا شغل .

ام ايهاب:- كلشي كامل عمي بس نفرش .

صارت هوسة الكل يحضر واني التهيت احجي ويا عمي ابو أثير

حيل طيب ويهتم بـ ابسط التفاصيل :- بوية اذا تردين اوديج دكتورة شي بس اطلبي لا تخجلين .

زهراء:- اشكرك بس ما بحتاج اني زينة .

فات سيف وصاح :- هلا بـ أختي التوأم ، عذريني ما اجي هناك رجاء

مسويه حضر ؏ ذاك البيت .

ابو إيهاب:- سد حلكك .

كعد بصف جدي وهو يكول:- شنو جدي تره جوعان اني .

ابو علي:- يخسي الجوع هسة كمل الآكل.

نزلوا التوأم كانوا نسخ عن بعض مثل حالي ويا رجاء

بقوا صافنين بوجهي مصدومين بيه

- شنو رجاء اثنين عدنا مثلي اني واحمد ومحمد .

سيف:- عفية بالضبط نفسك انت ويا ، تعالو كعدو لان رجاء راح تنزل وتعلك .

كملو الاكل كمنا كلنا كعدنا ؏ سفره .

ابو اثير:- زهراء من يمج خبز .

أخذت منا انطيته وسمعت صوت مقابيلي يكول :- الله يساعدهم .

التفتت صار إيهاب مقابيلي بالبدلة العسكرية من شافني أبتسم

ابو ايهاب:- ويساعدك ابوية .

ام ايهاب:- أصعد بدل وتعال اكل ، ما دام الاكل بعده حار .

هز برأسه وقبل لا يصعد كال:- شلونج زهراء .

زهراء:- الحمد لله بخير وانتَ .

رد بضحكة:- صرت زين .

عافنا وصعد فوك يبدل .

اكلت شويه وفزيت على صوتها:- جدوو هاي شسوي هنا يعني وين ما أروح تلحكنيي مو حاله هااي يا ناس ما اريد اشوفهاا .

ابو علي:- جدو ما يصير هاي اختج وعانت مثل ما عانيتي واكثر

شرفي حالها يا حبيبتي تعاي كعدي ولا يصير كلبج اسود .

رجاء:- يحرم علية اكابلها واكعد اني ما اتحمل صوتها و شكلها مو نوب اكابلها واكعد أكل حتى اسممها .

بعدها تريد تكمل كلام ونسحبت من ايدها

ومشت للسفرة رغم عنها جرها بقوة وكعدها

بالكاع وهمس بتحذير

ايهاب:- لا دوخيني اكلي وأسكتي .

انصدمت بيها بعد ما طلعت صوت والتزموا الهدوء بس ما خلت لكمه بحلكها جانت كاعده وجسمها كلة مشنج وكأنها خايفة .

دققت بيها اضطريت أذكر كلامها ، خفت بس لا يطلع ايهاب هو الحاول

يعتدي عليها وهو نفسه عيشها بالرعب .

أفكاري تشتت ، كمت قبل الكل غسلت ورحت ويا ام اثير بالمطبخ ما كدرت اكعد وياهم واظل بس قلقانه ، الى ان خلصوا اكل صبتلهم الجاي ورحت

كعدت لان  كلها كاعدة زحمة ابقى بالمطبخ.

رجاء:- ابويه شوكت يرجع طول هواي .

ابو ايهاب:- منتظرين تكمل اجراءات التحقيق وكشف الأوراق المزورة

ويرجع هو مرتاح لا تخافين علية .

رجاء:- كله بسببها وبسبب زوجها واختيار امها الفاشل .

وكفت بسرعة ما اريد أجادل وياها كدام احد استصعب الموضوع بكبره بس هِـيِّ شالت الخجل :- عادي ترجعوني البيت .

ابو أثير:- اكعدي بابا لا تهتمين الكلامها رجاء بس صوت

هسة تتعاقب وظل تصيح الحكولي وساعدوني مووو عموو رجاء.

رفعت عينها تباوع ؏ ايهاب رمقها بنظرات غاضبة ورجع نزل عيونة

يشرب بالجاي بكل هدوء.

زهراء:- لا عمو عوفوها براحتها مو هِـيِّ السبب بس أريد ارجع .

ايهاب:- اكعدي .

ردت علية بيبيتي :- سوالف بنات بيناتهن .

دار وجهه ؏ جدهم وكال:- تواصلت ويا الضباط المسؤولين لازم وضروري

نخليهم يعترفون كلشي مزور وملفق .

ابو علي: وشلون نكدر نثبت هل تهم باطل.

ايهاب:- اتركوها علية اني اعرف اقلب السحر ؏ ساحر .

ابو ايهاب:- بس بدون دم .

غمز بعينه وهو يطك ركبته:- رضوض بسيطه ، بس الها مفعول .

الكل أبتسم بس اني انقبض گلبـي من كلامهم عبالك عصابات مو

ضباط ، تالي دخلوا بيت عمي الثالث وعدهم بنات اثنين تقريبا بعمري

كعدت اسولف وياهم حيل حبابات ويدخلن القلب بسرعة

مرحات الى درجة كبيرة ما تصورتها ، وهم يحضرون العشاء

كمت وياهم وحدة من البنات كالت .

- رجاء وين .

ام ايهاب:-وصلها ايهاب البيتهم تريد تجيب غراضها ما دام زهراء هنا

هسه طلعوا ، ذكرتيها هاي رجعت .

فاتت علينا عاصفة مو رجاء تركت الكل وصعدت فوك

صار وقت الاكل واني رجعتلي لعبان لنفس وطلبت يرجعوني

هنا ما كدرو يعارضون صاح عمي ؏ سيف:- كوم أخذ أختك وبات اليوم هناك لا تبقوها وحدها الى ان يرجع ابوكم .

ايهاب:- ليش ما تبقين هنا احسن بيناتنا يصير بيج شي توكعين وماكو احد يمج غلط وانتِ حامل .

زهراء:- ما يصير شي ان شاء الله ، اترخص وشكرا ؏ حسن الضيافة.

رجعت للبيت وصعدت للغرفة بحثت ؏ جهازي لكيتة مشمور بالكاع

أخذته مفطورة الجامة كلها احترك گلبـي علية بعده جديد

رغم مفطورة بس مشتغل الجهاز واني خليته مغلق اكيد رجاء ماكو غيرها تريد تخلي يشوفني فتحت جهازي .

رجعت غلقته وذبيته ؏ ميز ، نمت ؏ جرباية بسبب الألم بضهري

تأخر الوقت لل11 بليل اندك باب الغرفة كمت فتحتها بتردد

فتحت الباب لكيته سيف :- اسف اذا نايمة .

زهراء:- لا كاعدة كول تريد شي جوعان .

سيف:- لا بس كلت عادي نسولف ونتابع فلم .

زهراء:- ياريت .

طلعت ويا لكيت محضر الميز كلة حلويات وعصاير وببسي

وحب وكرزات كعدنا انتابع فلم ومندمجين واحيانا نسولف

حتى نتعرف ؏ بعض ، كان طيب القلب محبوب الى ابعد الحدود

خلص الفلم وتأخر الوقت وكفت كتله :شكرا سيوفي ، اروح انام تصبح ؏ خير .

سيف:- وانتِ بالف هير ، اني اروح اشوف رجاء شتريد مني ڪُـل شوية ادزلي رسالة.

زهراء:- براحتك .

رحت للغرفة بدلت ملابسي وبدئت اغفى ، الى ان نمت فزيت

؏ صوت باب المدخل ، كمت من مكاني باوعت الساعة الثانية عشرة

ليلًا ، معقولة سيف هسة رجع ، أخاف واحد من ولدهم سترك ربي

لبست شالي وفتحت الباب ؏ اقل من مهلي

أريد اطلع تصلبت من شفته وكذبت عيوني

الصارمحال تصديقه ، تراجعت للخلف

ورديت بدهشة :- الغيهب .

رد ببتسامة ماكرة:- جاء وحضر ، يا خطر .

تراجعت للخلف ولطمت ؏ وجهي وصرخت بعلو صوتي واني احس بالرهبة والخوف جسمي صار مثل السعف يرتجف من كل جهه.

زهراء:-  لا تمد ايدك غيهب ، شتريددد مني انتَ شتريد عوفني بحالي تعبت منك خلي بكلبك رحمه والله مليت و اتمنى الموت بسبـ.....

بعدني ما أنتهيت من كلمتي جرني بكل قوتة وحضني

بـ إثنين اديناته ، وقفت عن الكلام والحركة ما استوعبت الصار

دفعته من صدره حيل أبتعد بس ما انطاني مجال

حتى اتحرك اخذ شفايفي بين شفايفه وما فصلها الى ان بعد انقطعت انفاسي

بـ هل أثناء واني بعدني بين أحضان الغيهب

اندفر الباب ودخل أثير وبدون سابق انذار سحب

الغيهب مني وضربه بوكس ، لكن سرعان ما رد اله الضربة

الى ان دخل إيهاب وصار هو واثير ؏ غيهب

من الخوف كمزت من الجرباية رحت ؏ جهه الثانية

أصرخ ، كان منظرهم مخيف يتضاربون بكل وحشية ، دخلو عمامي وابوهم يدفعون بيهم بس يريدون يفاككوهم وهم مستمرين .

وكع الغيهب بالكاع وإيهاب كعد ؏ صدره

وأثير مثبتة بقوة ، جدي من شاف المنظر

وكعلهم بوكسات وصرخ بصوت:- ولكم عوووفو وليت غمان حيوووانات

دفعوهم بره و ابو اثير ساعد الغيهب

كعد ؏ جرباية ولزم وجهه متألم

ابوعلي:- شلون دخلت هنا  .

ظل ساكت لدقايق هو مدنك رأسه ، وهدم حيلي وهو يوكف كدامي

وركز بعيوني وهمس بضعف:- شفتي بعينج  ، حتى ما تلوميني من اكلج أكره النسوان ، شوفي حالي نفس الموقف رجع ، رجعت انضرب علمود حواء رجعت ضعيف بسببج ، انتو أذية ما وراكم بس العذاب والهلاك

واليوم وبـ هل لحضة ثبتيلي انتِ حالج من حالهن

القبلج أذني لان يحبن بس نفسهم وانتِ صرتي وحده منهن .

تركني وطلع الكل وكفوا يباوعون علينا وما بدر منهم رد فعل

طلع من البيت ، تقرب ابو ايهاب اخذني البيتهم واني بقمة صدمتي

دموعي تجري بدون توقف ، الكل كاعدين منتظرين نجي

اخذتني بيبي الحضنها اول ما دخلت ، والباقي تحمدولي بالسلامة

رجاء جانت وأكفه ؏ درج ، هنا لحضات ودخل اثير بركان

كمز عليها سحلها من شعرها وركعها بالكاع

تركتني بيبيتي وركضت هِـيِّ وام اثير يسحبن بي ويصرخن

وهو يصرخ :- لج شنو من بشر انتَ ولج شيطان ، لا والله يتعلم منج

كامت بيبي فتحت الشباج وصرخت:- ابهاب الحكلييي راح يموتها .

دخل يركض سحبه من ظهر وعاط:- أثير مو هيج مو ضرب شيل ايدك عوف شعرهاا شيلهااا ولككك كااافي خرب بليسك عوفهاااااا .

دفعه حيل بالكاع وهو وكف كدامها وصرخ:- شوكت تبطلين من سوالفج

كم مره تعاقبتي ليش ما توبين شنو هل أفكار الطايح حظها شلون تخابري وتخلي يدخللها البيت لو موتها وطالع مو كان صار براسنا واتهموا واحد منا ما تفكرين انتِ .

رجاء:- كلتلكم ما اريدها رجعوها لا اتصرف تصرف ما يعجبكم وانتو ما اهتميتولي وهاي النتيجة شفت .

هجم عليها أثير فاير دمه بس إيهاب واكف بوجهه

وفوك اثير دخلولها عمامي بس يريدون يلزموها

ايهاب:- ميصير هيج تتصرفون هِـيِّ زمالة وما تفهم تنزلون عقلكم ويا عقلها غلط يابا والله غلط ، عوفها علية.

ابوإيهاب :- لك هاي ماتاخذ حجي وينطبع براسها اذا ما تنكتل راح تنزل روسنا الله لا يرضى عليج .

ابو علي:- يطلع ابوج واني اعرف شلون أتصرف وياج يا طايحة الحظ

هذا التهور وخيط الخراب وهجمان البيوت اتوبج منه بس صبر .

توسل بيهم ايهاب وكوه طلعهم بره ، وعبالي بعد هل مشاكل

تكعد وتسكت لا المصيبة زادت وكفت من ڪُـل عقلها

تسب :- الساقط...... العاه....... ارتاحيتي هسة من الزلم تتكاتل علمودج

ويضربوني بسببج ، كافي ذكريات امج وما عانيت بسببهاا

وانتِ اخذتج وعشتي وياها مرتاحة وهسة هم كلها ادافعلج لج اكرررهج .

زهراء:- انتَ معقولة عاقلة ، مستحيل عقلج براسج ، يعني خليتيني بنص الخطر وخابرتي ودخلتي للبيت وخليتي الكل يتعارك لان داخل بيت من بيوتهم وتكليلي تعاركوا علية خبلة انتِ شبيج .

وكفت كدامها وأشرت بيدي محروك گلبـي من سوالفها

بعد ما يفيد الخجل وياها :- بعدين يا راحة ويا حنان التحجين عليهن

وتحسديني بيهن ، عانيت ما عانيته من جوع وفقر وحاجة وخوف وقلق

وحر وبرد ويا امي عشناها ايام صعبة ونصعب ؏ عدو وماكو احد ساعدنا

وانتِ كملتي دراستج وصلتي وحتى لو جنتي تنضربين من احد فـ المصلحتج اني هم امي ضربتني لعد شنو ڪُـل العالم تنضرب شنو ؏ راسج ريشة

وتالي ما تالي ازوجت كلت هل انسان حبيتة  واني اختاريته مو امي اني اريده وفكرة راح يعوضني ؏ حرمان والتعب والهم ، وطلع اسوء من ما تتخيلين ، تعنفت تعنيف من المستحيل بعمرج كلة وصلتي ، اوكفي كدامي وباوعي بعيوني وكليلي

هم بيوم نحبستي بحمام مع حيوانات وبـظلام هااااا ، ومن تكعدين ايدج مربوطة ، وفاقدة الكلام ، وما تعرفين انتِ وين ، انتِ مجربة شعور الخيانة

مجربة شخص تحبي وتفدي بروحج هو ما يحبج وما يهتملج وانتَ اخر

اهتماماته ، اكيد لا بس تحجين بس ترجعين تعرضيني للخطر وترجعييي

يوكف كدامي ، انتَ تعرفين شكد اخاف مناا هااا تعرفي جاوبييي احجي .

إيهاب:- أنتِ احجي ، هو حبسج بالحمام ، وقيد ايدج هو سوه ڪُـل هل امور

بيج وساكته عنه .

كان يحجي وياي وعيونه وسعهم وكل شوية يتقرب اكثر

الى ان صار مقابيلي :- وانتِ شلون ما تحجين شنو مو بعينج .

زهراء:- ما اعرفكم ، وما صار كم يوم من التقيت بيكم منين اجيبكم واكول .

صفك اديناته وصاح:- والله دنعل ابو لابو **** ابن ****

عافنه وطلع ركض عمي وابو يصيحون بي :- إيهاب مو احجي وياك

اوكف لا تروح ولك ايهاب .

هو بعد ما أهتم ولا شاف كدامه عاف الكل وطلع بسيارتة

همست بخوف واضح ؏ ملامح وجهي :- هذا شيريد يسوي .

واحد باع ؏ ثاني الى ان اثير كال :- هو مجهز المكان ، والزلم جاهزين

ويريد ينفذ ؏ اساس باجر بس الواضح هسة راح تبلش لعبة إيهاب.

زهراء:- لعبة شنو ومكان شيسوي بي وشيريد ينفذ حاجوني .

ابو ايهاب:- الغيهب اتهم اخونا ولازم يعترف ؏ نفسه حتى نتخلص من ڪُـل القضية .

زهراء:- وتريدون الغيهب يحجيلكم عن خططه مستحيل لا شنو مستحيل وحدة الف مستحيل .

ابو ايهاب:- ايهاب ضابط تحقيق وهذا شغله يعرف كلش زين شلون يخلي يعترف ، وهسة من سمع بي أصر اكثر ؏ موضوعه والله لا يطلع قلب ثاني اله وينسي حليب امه .

ابو علي :- اتصل علية وكله مثل ما اتفقنا ما نريد دم مو يموته .

أدركت صعوبة الموقف گلبـي شوية ويوكف سرت رعشة خوف بـ أنحاء

جسمي واني اصرخ :- من كل عقلكم يا موت يا كتل يا اعترافات  يا دم شتريدون تسون عوووفووو بحالة غيهب ما يستاهل .

ابو اثير:- واخونا شلون يبقى بالحبوس .

فقدت لطمت ؏ وجهي وصحت:- لا والله ما يبقى اني السبب وصلتكم الـ مشاكل واتراجع عنها اطلع من حياتكم وارجع منين ما اجيت ولا تأذوا

بسببي ويصير بي شي والله ما اسامح نفسي .

ابو علي:- كولي يا الله جدو ما يصير بي شي هو بس ياخذه المكان يريد يخلي يعترف ؏ نفسة وويكول ابوج ما اله دخل بكل الصار ، حتى هم يطلع ابوج وبنفس الوقت الغيهب ينسجن وتخلصين منه .

زهراء:- بعد الكلام الصار ايهاب راح يأذي الغيهب ، اني لازم احجي ويا ايهاب ضروري ، اريد تلفون خابر علية امانة .

ابو علي:تخابرين منو ؟

زهراء:- ايهاب اريد اخابر ايهاب .

الكل إتصل علية وهو ما يرد عافني اكل بروحي ، وتندمت لان فتحت حلكي وحجيت بـ هل مصايب ، راح يتأذه الغيهب بسببي وما اكدر اسمح بـ هل شي وابقى ساكته.

أثير:- عوفو يمعودين ما ياكله بس يربي .

زهراء:- يكتله يعني يضرب بي .

ابو ايهاب:هذا شغله يعرف شلون يضغط وين يضرب

الى ان يتم الـ أعتراف.

هزيت راسي وصحت:- لالا الله يخليكم لا ، اني احجي ويا الغيهب ويطلع ابوية ، وايهاب خلي يتوقف عن الراح يسوي .

رجع يتصل بي وما يرد ، كعدت وأيدي مربوطة ما اكدر اسوي شي

غير انتظر هنا عسى ولعل يخابر علينا او يرجع لان ما كدر للغيهب .

................................

الغيهب ...

إقتل مشاعرك في الداخل لا شهود عيان هناك .

دخلت للبيت خشمي ينزف دم ، والضغط إجتاح راسي بالوجع

نزلت رأسي وتسللت ما اريد احد يشوفني بس امي اذا ما تصرخ

بـ عيطتها المشهورة وتفضحني ما ترتاح  :- ياااااااا يمه غيهب شبي وجهك .

وهم صاروا فوك راسيغ ، تقرب ابوية لزم وجهي يباوع ؏ ضربات

ابو الغيهب:- شنو هاي ولك وجهج كله كدمات مو عيب تتعارك شلون تروح للمحكمة وانتِ مزورك ولك عيب والله عيب .

بعدت وجهي ومشيت أريد أصعد صاح بيه :- مكانك غيهب الزم مكانك لاتخليني اني هم أكمل عليك ويا منو متعارك احجي .

الغيهب:- رحت اشوف زهراء ولد عمامها تضاربت وياهم بس

اذا ما أرجعها آلهم واشوفهم شلون يطولون ايدهم علية .

ابو الغيهب:- هم رايح المنطقتهم وفوكاها متعارك وياهم وتحجي وتريد تنتقم لك بابا اسلوب ما عندك عقلك والضرب ما تتعب انتَ ما تمل .

الغيهب:- يابا الناس بعد ما يحبون الفقير ينوكل  اذا ما دوس ؏ راس المقابل تتعب وهم يربحون مثل حالي هسة يعني ازوجتها ومن تعلقت بيها عافتني وراحت تالي ما تالي صارت حالها حال الباقي ونضربت بسببها .

عفتهم وصعدت كافي تعبت من الكلام وبعد لهنا و بس ألم وقهر وذل

صعدت اخذت حباية الضغط وذبيت ملابسي

اريد اخلي راسي ؏ مخده واسمع صوت عالي

ودكت باب اقوى  ، نزلت ركض كلها البنات يباوعون وابوية واخوتي بره

شفت جماعات مسلحين ملثمين وبيدهم اسلحة

طلعت وصاح واحد بيهم :- الغيهب عليك آمر قبض.

الغيهب:- قبض ليش شنو التهمة.

دفر الباب ودخلولي أربعه جتفوني وصعدوني بالسيارة

وابوية يصيح عليهم ، كعدت بصف واحد ملثم من تحركت السيارة

كشف وجهه وضحك ايهاب:- نورتني أغاتي .

هاي اخر كلمة اذكرها بعد ما ضربني ؏ رأسي

ما ميزة شكد مر وقت صحيت مصدع وعيوني

مشدودة اريد أتحرك ما اكدر أيدي ورجلي

محكمين شدهم بالكرسي وبـ حبل .

الغيهب:- منو هناا وين اني .

انفتح الباب بديت أسمع خطوات تتقدم بتجاهي

بطيء ، فتح عيوني وطكها بضحكة

ايهاب:- يا هلا بضيفي شلونك يا غيهب .

الغيهب:- انجب وافتح ايدي لا ادوسك بالقندرة وانعل والدي والديك .

ايهاب:- اه اه تنعل والدي والدين منو ولك اليوم انعل شيب الخلفك بس صبر .

عافني وراح شغل كامرة مثبتيها كدامي

وتقرب :- قبل لا يحصل التشوهات الوجهك أعترف بكلشي صار

قضايا عمي انتَ لفقتها مو ؟

ابتسمت شبه إبتسامه بطرف شفايفي وهمست :- شنو تتبلون عليه زور

إجباري تريدون أخلي قضية عمك بركبتي .

رجع للكاميرا طفاها وعاد بكل سرعته ضربني بوكس ؏ وجهي

ولو ما الكرسي مستند بحايط كان  وكعت بالكاع .

صار كبالي بقيت اني أعدل بنفسي حتى أرجع اكعد عدل .

الغيهب:- صاير رجال براسي وعود تكدر تضرب ههه ولك انتَ زلمة

صدك فك ايدي اكلك بسنوني وحق الله ، لا تشوف روحك وتروح تكول للعالم كتلته وانتَ مربطني لان جبان وخايف لا اموتك هنااا .

دفرني برجله ؏ بطني وصاح:- لا تستفزني تره امووتك استعجل و لا تكثر حجي واعترف ، انتَ لفقتها العمي مووو .

الغيهب:- خرب لك أفتح أيدي  يا كلب يا عار ولك والله اشكك نصين

واخلي رتبتك ب.......... وانعل ابو الشدها الك يا كوا......

ايهاب:- متأذي مو أذيتك مقهور لان أيدك مربطها مثل الحيوانات

وسجنتك بمكان مظلم مهجور بس اني وياك بي واذا اموتك هسة وادفنك من سابع المستحيلات احد يلكاك  تموت ويضيع اثرك ونخلص الناس من شرك لان انتَ ما تستحق الحياة .

الغيهب:- اي مو ما عندي هل الظاهر متعرف اني شنو وابن منو  ، لك تدري انتَ وجماعتك هسة بخطر اسئلني ليش يا غبي يا اثول يا ابن الـ اثول حتى اجاوبك .

وكف وصار يضربني بـ اماكن متفرقة بـ انحاء جسمي

حاولت اكتم صوتي وافك ايدي او رجلي بسبب الوجع

الصار بصدري بس ما كدرت وبديت احس بالتعب

وكلامي صار صعب يطلع .

تحرك بعيد عني وهمس:- هل مواقف ما تذكرك بشي .

رفع ايده وفتحها مثل الـ اجناحات وصاح:- اووو خطية انتَ

بعد من الوجع ماتكدر تذكر او تفكر او حتى تحجي اني اذكرك ادلل لا تتوسل بيه .

تقرب رفع رأسي من شعري بقوة وصرخ:- تذكر شلون تقويت ؏ بنية

بلا اهل ولا سند وربطتها وكعتلها دك كتل ، لا وفوك هذا تحبسها بحمام ويا بزونه وفأر ، ردت تموتها لو تنهي عليها بصدمة.

صفكني براشدي وعاط بعلو صوته:- كووووو..... ما عدنا بنات ينضربن ساق...... انتَ تبيع القوة ؏ بنية من بنات الـ ........ والله لا ازوعك دم .

الغيهب:- ما أنصحك بعد الصار هسة اطلعني عايش ، موتني والله ولا طلعني هاي اني نصحتك لان راح اشوفك ايام سوده ، والله لا اكطع جفوف ايدك واخليك تاكلهن .

رجع ضربني الى ان هو ذات نفسة تعب من الضرب :- راح افتح الكامرة

أريدك تحجي كلشي لان انتهيت ؏ اقل نلحك ؏ كم كلمة قبل لا تموت مثل ما طلبت .

ابدي من تعذيب وتعنيف زهراء ، الى قضية ابوها يلا.

غلقت عيني اتجاهل كلامة بس هو ما مررها ؏ خير

رفع المسدس سحب أقسام ، فتحت عيني ما مستوعب

وجهه بتجاهي وصاح :- اليوم سقطت ورقتك يا الغيهب .

يتبع ...

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

رواية ظلمات الغيهب

بقلمي أساور حسين

الحلقة _16_

ادورك وين ؟ واحنه اثنينه متيهين مامش يفگد بـ مامش !

غلقت عيني اتجاهل كلامة بس هو ما مررها ؏ خير

رفع المسدس سحب أقسام ، فتحت عيني ما مستوعب

وجهه بتجاهي وصاح :- اليوم سقطت ورقتك يا الغيهب .

الغيهب:-  المادة 421 من قانون العقوبات العراقي ؏ من أختطف شخص

بالإكراه وتعذيبه والشروع في القتل أنتبه عدل يا أعوج ، وكان حامل للسلاح

ويرتدي الزي العسكري لا وفوكاهه وياك عصابة وتستخدمون اغراض الدولة لـ أفعال غير قانونية يعاقب بالسجن المؤبد او الاعدام .

راح أحرص ان يكون إعدام ، بس اذا وكلت محامي شاطر تكدر تنزل الحكم

الى 15 سنة ، واذا سلمت نفسك ورجعتني أحتمال ينزل اكثر

بس للعلم هو بالحالتين انتَ راح ينعلون والدي والديك

اولآ الكامرات سجلتكم ، ثانية صورة السيارة الـ تم الخطف بيها موجودة

ثالثًا وبكل بساطة تنعرفون اذا ميعرفوك يلزمون جماعتك وصاحب السيارة الموجودة بذمته من استلمها من الدولة

وهنا هم خوما يحبوك الـ هل درجة يوكعون نفسهم بالتهلكة

وينشمرون سجن اكيد لا ، بكل بساطة يعترفون عليك

ويدلوهم مكانك ويجون يسحلوك مثل الجلب المبلل

وهنا يجي دوري اسحلك وانعل والديك .

لهذا انصحك اتموتني حتى بالحالتين ما تندم ؏ اقل موتت شخص

مو بس سويت خطط فاشلة مثلك ومجرد ما ضربته تنحكم اعدام ومؤبد .

ايهاب:- لازم نسيت وانتَ هم متورط بقضية تزوير وعقوبتها لا تقل

عن 15 سنة بالقانون العراقي .

الغيهب:- وين دليلك احجيلي بأدله لا بس خريط .

ايهاب:- اخليك تحجي صوت وصورة .

الغيهب :- الخاطف يا خاطف اذا هددتني او اجبرتني ؏ فعل تزيد مدة

الحبس اذا كان مجرد حبس ، بس اذا اعدام الله يرحمك .

هذا كله بحالة اني متوفي ، بس اذا جنت ما ميت لا اخبلك انتَ وعشيرتك

الدولة أهون انصحك بيهم ، هواي نصحتك كافي بعد ما بيه حيل .

نظرات الحيرة أحتلت ملامح وجهه ، يباوعلي بضياع ابتسمت بانتصار

دخل علينا واحد ويا ملثم من شافني صاح بي

- هاي شنو شمسوي انتَ ما كلت هيييج .

ايهاب:-ما مسويله شي هل شخص حقير يستاهل ڪُـل الضرب

ويستحق الموت مو بس رضوض .

- موت ايهاب يا موت تخبلت تريد تورطنا وياك

هسة يرجع وما تبقي هنا ممنوع خلص الوقت المحدد .

رفعت راسي بثقل ورديت بضحكة:- تتورطون ليش بنظرك بعدكم ما متورطين  يا غبي ، بابا انتو حاليًا بخبر كإن إقرأ عليكم السلام

لان وبكل بساطة كلشي تسجل كامرات واهلي اكيد اشتغلوا على موضوعكم

وبـ اي لحظة يتصلون عليكم طن طن طن الو الحك لزمتني الشرطة وصلولكم ، وتنداسون برجلين علمود ايهاب تخيل ايهاب خرب حظك .

بـ حركة سريعة شفت ايهاب تقدم رفع المسدس وضربة صارت براسي .

........................

زهراء....

اضطربات ، وهواس دمر روُحـي سلب راحتي

عصرات بكلبي وخوف من ان اسمع خبر ينهي 

روُحـي وما تبقى منها .

كعدت أندب حظي العاثر ؏ هموم حياتي الماتخلص

بكل مره اكول بيها خلص هانت وبديت استقر اوكع

بـ الأكبر منها ، شلون اخلص من هل مصايب وشنو الحل

هذا الما عرف جوابه.

وصعب وضعي وخارت قوايا لدخلت أثير

كان وجهه اصفر مخطوف لونه ضايع

متردد عن قول شيء.

زهراء:- ها لكيتوهم .

اثير:- لا بس بعدنا ندور .

زهراء:- شنو ادورون  يعني وين كاعدين احنه فلم  يومين تعرف شنو يومين اكل بروحي ، عيب عليكم وين راح امة تحبه تموت اذا صار بي شي ،عنده اهل وظهر قابل مكطوع من شجرة وينشمر هل شمره

ابو علي:- الله لا يرضى عليك يا ايهاب ؏ هل دكات الناقصة

ولكم كلت لا تسوها هذا متهور بس يصير عصبي يكتل الولد بدون ما يحس

؏ نفسة ليش ادمرونا عايزين مصايب .

زهراء:- صخام بوجهي مات غيهب موو .

ابو ايهاب:- لا ايهاب ما يقتل بس .

زهراء:- لعد وييينهم فهموني صار يومين وين راح ، ليش أنقطعت

أخبارهم ، اني كله بسببي ورطة الدنيا بكبرهاا هسة لو كاعدة وساكته

ولا هل صخااام .

ابو علي:- كولي يا الله جدو وان شاء الله اليوم نعرف خبر .

زهراء:- يا الله دائمًا وأبدآ جدو بس تره مو حاله تشنجت والله تعبت

من الانتظار مهما يكن ورغم ڪُـل الصار بس ما توصل للقتل

الغيهب ما يستاهل توصل ويا الـ هل مواصيل .

ابو علي:- ولا إلنا حق نوصلها للموت جدو حبيبتي بعده شاب

بس هذا ايهاب اخ منك ايهاب اذا يوكع بيدي أشرب من دمه .

عفتهم وكمت اختنكت بعد ما اتحمل ڪُـل الضغط فوك

تعب الحمل هل مصايب الما تخلص ، اخ عمه هسة شنو حالج

؏ الغيهب الما تكدرين تفاركي ولو غاب تبقى تتصل الى ان يرد عليها

شحال كلبج وهو يومين ما تعرفين خبر عنه .

للمغرب وبعد ما غاب الغيهب فترة

وحتى لا توصل االتصوير والبلاغات للدولة

أجتمع جدي وعمامي وياهم شيوخ وراحوا ؏ بيت عمي

ابو الغيهب ، التوتر ما رحم بحالي ، ضليت انتظرهم

وجدتي تصبر عليه ما عافتني وحدي ابد

ام ايهاب وضعها مو أحسن من وضعي

ليل مع نهار تبجي وعيونها راحت

وهي تصرخ راح ابني ضاع .

اما ام اثير هِـيِّ شالت البيت .

ست رجاء ضمة راسها وبعد ما شفتها مو لان

تندمة لا بس هِـيِّ ارتاحت من شغلة

النار وبدت تاكلنا واحد تلو الأخر.

ابوية لا زال بالتحقيق والمحامي ويا

وعمي ابو اثير تابع الموضوع .

سيف مثل الفراشة ينشر الطمأنينة

وين ما يروح ، يكعد يمي يطبطب ؏

ضهري ويهمسلي ( اني يمج لا تخافين فترة وتعدي )

رغم عني أبتسم بوجهه ؏ روح الحلوة الشايلها

اليوم السادس ؏ غيابهم لا خبر عن الغيهب ولا عن ايهاب

لكن اليوم يختلف عن ڪُـل يوم اليوم يوم فقدان التوازن

بـ أتصال واحد قلب الموازين عن الكل

اتصال واحد منتظر لكن دب الرعب في قلوبهم اجمعين

اتصال كان بمثابة تحطيم الي

الكل انخبص وما اعرف شنو الصار الكل يصرخ بعلو صوته

لكن متكتمين ؏ صار مو خوفًا علينا وانما خوفا من الفضيحة

بالمنطقة ، الوحيد لفت إنتباهي بكلامه هو

اثير:- لازم يشرد وما يبقى .

ابو ايهاب:- وين يروح يا مصيبتي السودة.

ابو علي:- اني اتكفل بالموضوع امشونا نحضر حتى لا يكتلونا .

التفتت البيبيتي ولطمت ؏ خدي :- يكتلوهم ليش يكتلوهم مات الغيهب

معقولة ينطي قلبة يموت روح بـ هل بساطة.

ام علي:- لا بيبي فدوه اروح الطولج ايهاب ما يكدر يأذي نملة

مو يكتل بشر لا يعرفة ولا شايفه اكعدي ارتاحي وتوصل الاخبار

انتِ حامل مايصير يا حبيبتي يا عيوني .

زهراء:- بس روُحـي تأكدي منهم ، الغيهب عايش لو .....

خطية ما كدرت تكسر بخاطري بدلت تريد تطلع لكن هم سبقوها

من صعدوا سياراتهم وراحوا ، وعافوني امرد بروحي وأكلني ألوم.

ندمت وصلوني المرحلة الندم ؏ طلعتي وخطوتي بتدخلهم كبر الموضوع

وبعد طلع من ايدي وما اعرف شلون احل المصيبة ، والكارثة الكبرى

هم حتى ما يسمحولي أدخل واشوف شنو الوضح ، اني ما اعرف شي أصلًا كاعدة انتظر رحمة ربي علية عسى ولعل اسمع خبر يطفي نار گلبـي

اريد واحد بيهم يجي ويحجي عدل وياي حتى افتهم ماكو خبلوني

ما بقه عقل براسي رسمي طار .

مر النهار وحل اليل رجع الكل وبدأ العد التنازلي لسماع الحقيقة

كنت خايفة منها بس مجبرة ؏ سماعها ، بس هنا اني انتهيت

لا اكل لا شرب فوكاها ڪُـل شوية اذب من راسي

وزادت حالتي سوء بسبب الصغط النفسي .

دخل الكل تعبانين بشكل مو طبيعي ، وخوفهم واضح كوضوح الشمس

بس الكل متمالك أعصابه ومسيطرين ؏ انفعالاتهم .

كعد جدي وعمامي وكعدت كبالهم وهمست:- وينهم الغيهب وايهاب وين ؟

ابو علي:- إيهاب شردنا بالوقت الحالي .

زاد خوفي بسبب طريقة كلامة نزلت دموعي

وهمست ورجفة أحتلت جسمي بـ أكمله :- مات الغيهب مو نقتل .

ابو اثير:- لا بابا لا ما مات بس بالمستشفى ومنتظرين توصلنا اخر الاحداث.

زهراء:- يا احداث صدك تحجون انتو ليشش هيج يسوي بي شنو ماكو رحمة شكد ضاربة ومتأذي حتى واصل المرحلة ينام مستشفى.

ابو علي:- متأذي هواي أهل غيهب ما ناوين ؏ خير وما اعتقد يعدوها

سلامات بعد ما شافوا ابنهم بهل حالة.

زهراء:-الله لا ينطيني العافية كلة مني بسببي اني أذيتهم لو ما مدخلتكم ما كان صارت هل مصايب .

ابو علي:- بنتي هذهِ المشاكل تصير واكو اقوى منها بأضعاف

تعدي لا تكبرين الموضوع احنه نعرف شلون نلملم السالفة

وما تكبر.

زهراء:- اهل الغيهب كلهم موجودين .

ابو اثير :- اي والله كلهم ام الغيهب تكسر باب القلب من شافت حالته 

وكعت ما تحملت ، بس أخوته متفهمين شكد ما ضابجين وشادين حزاماتهم

علينا بس نهائيا ما تجاوز واحد منهم .

أبو أثير:- انتبهت محترمين وجود ابوهم وهو اليحجي بس هم واكفين وساندين ظهره .

اكتفيت بالسكوت أستحي اتجاوز لو أعلي صوتي كدام واحد بيهم

رغم حيل ضجت منهم وما اتحمل وجودهم بس ما كدرت احجي

بقيت يمهم يوم بالثاني جنت نايمة سمعت صوت صريخ

فتحت الباب شفت ايهاب كدامي ، صدت عينه بعيني

عاف الكل وتوجهه الناحيتي:- أخذت حقج يا بنت عمي ، وحق عمي يرجع .

زهراء:- وكفتك ترفع الراس واني فخورة عندي اهل مثلكم انتو رفعتو راسي وضحتولهم  عندي اهل وناس لو تأذيت ما يسكتون .

بس الصار غلط انتَ دمرتني ودمرت الكل تصرفك مو منطقي

تاخذه ست ايام تعرف شنو ست أيام مختفي وانت تختفي ويا

دمار نفسي انتَ سويت بينا ، شصار بـ هل  ايام شسويت  فهمني عقلي وكف .

عاط عمي بعلو صوته:- اييي اريد افهم اني هم ست ايام وين جنت

وشستفاديت منهن ولك .

نظرلي بندم ودنك راسه وهو يكول :- جنت احاول ويا يحجي كلشي

من قضية زهراء الى قضية عمي وخليت الكاميرا مقابيلة

ڪُـل مره يكعد يستفزني ألى ان افقد واضرب بي

ويعيدها بعد كل مره يصحى بيها ما يمل ولا ينطي بروحه

صدمني يموت بس ما يريد احد يلزم علية دليل .

ابو ايهاب:- بس لا تكلي بعد هذا كله ماكو اعترافات .

ايهاب:- ما كدرت ست ايام وجماعتي من شافوا حالته بعد ما تسمح انسحبوا

اضطريت أرجعه حتى ما يموت بأيدي.

ابو ايهاب:- الله لا يوفقك يا كلب يا ابن الكلب حالك حال تهمة القتل

خطف ابتزاز تهديد اجبار لو اعدام لو مؤبد .

كعد عمي بالكاع ضرب ؏ رجله وصاح :- ضاع وضيعني ويا ولك لا بيك ولا بتعب السنين والرتب ليش هيج سوويت بية ولك ليششش  .

ايهاب:- هو جبرني .

ابو علي :- عوفكم من هل كلام بعد لا تبقون واحد يلوم الثاني

فكروا شلون نطلع منها بـ أقل الخسائر.

ايهاب:- ما نكدر نطلع الغيهب بس يصحى راح يحرص ؏ قتلي وبأيده

لان هو حذرني بعد الصار يموت ولا أتركه يطلع .

وكال القانون اهون من الراح يسوي بيه .

زهراء:- الغيهب ما يهدد بالموت إلى اذا مؤذي لدرجة كبيرة

المهم لازم تحمي نفسك ولا تطلع اكيد عرفت ان الغيهب اذا

يحجي كلمة ينفذها حتى لو الثمن كان حياته.

ركز بوجهه ابتعدت عنه ورجعت للغرفة

هم بس اكلولهم لكمة وطلعوا للمستشفى

طلعت غسلت وأخذت أدويتي عند بيبي

أريد ارجع للغرفة نزل ايهاب وبـ سرعة

مشيتي من شفته اجه بتجاهي

لكن هو صار اسرع مني وكف كبال الباب يعترض

طريقي حتى ما أدخل:- ليش تتهربين مني .

عقدت حاجبي ورديت بصوت هادئ:- أتهرب ليش اني شايفتك حتى اتهرب

رفع أيده يأشر بيها:- هسة من نزلت بسرعة تريدين تدخلين

حتى صبح الخير ماكو .

زهراء:- اولآ لان تعبانه ، ثانيا ما اكدر اكول صباح الخير

واصلا بعيدين ڪُـل البعد عن الخير اني اكول الله يستر .

ايهاب:- لا تخافين من كائن من يكن ما دام موجودين وياج وكلنا

بظهرج وداير مدايرج .

زهراء:- اني ما خايفة ، اني متوترة قلقانة بالي مشغول بالغيهب .

ايهاب :- والتهديد والضرب وقلة الاحترام والخيانة ما تفكرين تنتقمين الذاتج

زهراء:- أنتقم من شخص مريض ، خلي نفسك بمكانه تحب بنية وتفديها

بروحك وتنتظرها 10 سنوات تالي توافق عليك بس هِـيِّ تواعد اخوك

من لحمك ودمك عزيز كلبك ايدك اليمين وتتركك ومن تحجي وياها

تكلك احب اخوك ما أُحـبُـكَ ، تتخيل صعوبتها .

انتَ دمرت شخص هو أصلًا مدمر كليًا

بدل ما يتعالج زدناها علية اكثر واكثر .

ايهاب:- اذا تعرفي مريض والـ هل درجة واصل ليش ما تحملتي .

زهراء:- ههه تحملت هوووايييييي تحملت اكثر من ما تصور بس هو ما

سمحلي اساعده بالرغم طلب مني امد ايدي واخليها بيده وما اعوفه

بس ما سمحلي بكل مره اقترب يصدني اكثر من القبلها .

رجاء:- هذا التريدي تفترين بين الزلم وتحجين ويا هذا ويضحك وياج ذاك ويتعارك وياج هذا ويدافعلج ذاك ام زلم حالج حال امج .

زهراء:- بلا اخلاق ما انزل نفسي المستواج وارد عليج

عفتها ودخلت وسديت الباب

رجاء:- ايهاب عوفني ولا تحجي وياي حرف روُحـي تريد تطلع ، شوف الفرق حياتنا جانت هادئه من يوم الرجعة سممت ايامي لا ظل اب

لا اهل لا استقرار حتى شغلي ودراستي تركتهم بعد ما الي نفس بشي

ايهاب:- وهي هم تعذبت ولو ما ضاقت بيها الدنيا ما تجي

خلي كلبج طيب صيري حنونه ؏ أختج وصيري انتِ وياها قلب واحد

خليها هِـيِّ تعوضج عن حنان أمج.

رجاء:- ما اريدها لا هِـيِّ ولا امها ولا ذكرياتهم خلوها تروح الله

يخليك تعبت منها تعبت حتى الكوابيس رجعتلي بسبب وجودها .

ما اعرف كانت تقصد يا نوع من الكوابيس بس انتبهت

؏ إيهاب تغيرت نبرة صوته ورد:- تحجين صدك لو بس .

قاطعة كلامة وهي تحجي وتأكد :- وداعت بابا ما اكدر انام وتغمض

عيني بسبب الكوابيس رجعت النقطة البداية وجودها يأذيني .

ايهاب:- انتِ تاخذين علاج لو وقفتي .

رجاء:- صار هواي تركت بس هسة أريد أرجع.

ايهاب:- بس قبلها نرجع للدكتور ونشوف الوضع شنو وهو يحدد علاج

احتمال يكتب شي جديد غير عن القديم .

رجاء:- اني محتاجة  اروح ما تتصور شكد تعبت هل فترة

اليوم رابع يوم ما نايمة ومستمرة كاعدة.

ايهاب:- ضروري تنامين قبل لا ينغمي عليج نفس قبل .

رجاء:- اريد ابوية أحتاج وجودة هو يعرف شلون يخليني انام

أريد أحس بالأمان ويا .

ايهاب:- إني موجود ، نرجع نفس قبل اخليج كدامي الى ان تتعب

عينج وهي تباوعلي وتنامين .

رجاء:- وابوية .

ايهاب:- يرجع وداعتج يرجع .

رجاء:- وهاي .

ايهاب:- اذا مضايقج وجودها نشوف حل .

رجاء:- هاي هِـيِّ رضيت اقبل أنام هسة .

ايهاب:- أذن تعاي بيبي كاعدة بالغرفة الأخيرة وصوت القرآن نزلني

نكعد يمها .

رجاء:- اي بس اجيب مخدتي .

ايهاب:- منتظرج هنا .

سمعت ڪُـل كلامهم بكل حروفه ، كعدت ؏ فراشي

ولا إراديًا ضليت افكر بكل كلمة كالوها ، وثار فضولي

علاقتهم شنو نوعها ، ساعة ورجع جدي ويا عمامي

تسمعت عليهم وعرفت :- الغيهب طالع من المستشفى رايحين للبيت

ما موافق يطلع يشوفهم ، بس عمي مدخلهم وحاجي وياهم

ومحددين كعده ولازم يحولون عدهم بـ اسرع وقت .

الثاني يوم جدي دز ؏ ڪُـل كبارية العشيرة

وأتفق وياهم بعد اسبوع يحولون ؏ بيت اهل الغيهب

لان حاليا ابنهم موزين يريدون يفتهمون شنو يقررون بعد ما يصحصح .

تركزت امنيتي ؏ شوفته اريد اعرف شصار بي ما تشمتت

لا بالعكس گلبـي يتكطع علية ، تعنفت ونقهرت وكلبي نمرد وهو السبب

بس اخاف علية وألتمس اله العذر لليوم گلبـي بس بشوفة وجهه يخفق

بحالة جنونية ، گلبـي ناغزني واحس اكو مصيبة بالطريق

بس حاربت ابعد هل افكار من بالي واتجنب التفكير بيها حتى ما يتحقق .

وبعد ما اخذنا موعد كدر الكل يتنفس براحة

ويجهزون نفسهم تحذر الـ اي مشكلة كانت .

لكن رجاء يوم بعد يوم تزيد مشاكلها وياي ومضايقاتها وصلت بيها

اول ايام نجتمع  ڪُـل ما تشوفني كاعدة تقطع الآكل وتبقى جوعانه في سبيل ما تقابلني .

سحبت نفسي وصرت اكل وحدي بالمطبخ

وهم ما عافتني بحالي ،ڪُـل ما تشوفني كاعدة اكل تشيل الأكل من كدامي وتذبه بالزبالة ،واذا افوت اسبح تسد المي علية لو تفتح بس الحار

ملابسي اشرهم ارجع الكيها كلها مشككات ، ادويتي تفتح ڪُـل الحبوب والكاها بسلة الزبل ،  اضطريت اتوسل بجدي يوافق ارجع اكعد بيت ابوية

رفض لكن من شاف وضع رجاء ونهائيًا ما ناوية ؏ خير وكل يوم تزيد عن القبله وافق لكن سيف يعيش وياي بين ما يطلع ابوية ،وافقت واصلا اني ارتاح السيف .

بيوم الكعدة جنت موجوده كلت تخلص وافتهم الصار وبليل اروح هناك

تحملت رجاء شلون ماكان بيومها الضغط الصار علية ما ينحمل

ترحمة الأيام بيت الغيهب ، جنت كاعدة بغرفتي وهو يختفي

وعمتي ڪُـل شوية تسأل علية وعمي ما يخليني محتاجة

البنات بدواماتهم واذا رجعو ياكلون يرتبون ويصعدون حتى هوسة ماكو

والغيهب لو رجع يخبصني ،بس أكدر اسيطر وتجاهل وجودة

اله رجاء كلشي ما فاد وياها ظلمتها من ڪُـل النواحي .

راحو والكل رجع ما يتحاجون وايهاب منين ما يدير وجهه

يترزل :- ليش كبرتهوها ليش طاوعتهم ورحت خطفت ابنهم

وتعرف بيهم مو شوية ، ولو تبوسون تراب بيوتهم وتأذن ما يسكتون .

والثاني يكله :- هو هيج يصير باليسمع حجي النسوان وينفعل بكلامهن .

الثالث يكلة:- وانتَ ما الك حق تحاسب الرجال بالصار ويا مرتة وكل شوية تكلة اسمها ، لا وتضرب بي وتصرخ شلون ضربت مرتك شعللليك  ولك.

ايهاب:- شلون اني رجال رجل كرسي ، هاي بت عمي اذا ما اوكف بظهرها واخذ حقها من بطن عينه  تريدون يشوف نفسه عليها ويكلها ما عندج ظهر مو كافي الايام الفاتت ما عدها اهل كعد يعذب بيها وين صايرة هاي .

هو هسة رادها صارت عزيزة عندة من شاف ظهرها قوي ويكسر راسه

ورأس ڪُـل واحد  يطاول ؏ بنات العالم .

أبو علي:- هذا ينتر وذاك ما ناوي ؏ خير .

صرخ واحد بيهم :- ما ناوي كلش وكالها بس اكدر اوكف ؏ رجلي

ايهاب ما يبقى عايش ، وكال اني نصحته موتني ولا طلعني بعد الصار بس

هو ما اخذ بكلمتي ، وازيدك كال اذا اريد انهي علية مو بسهولة ولا مجرد طلقة اعذب بي الى ان ينتهي بيدي بعد ويودع حياته.

ابو اثير:- شنو الغيهب وايهاب عصابات بوية مشتغلين تعذيب بخلق الله

ماكو رداد ما تخافون ولكم شرايدين .

ايهاب:- الصار كلة الخاطر عمي واذا هو ناوي شر اشمر ؏  نار نفط

واحركه ما اسكت اني مثل ما هو ما يسكت واطلعوا انتو منها اني ويا

نصفي حساباتنا.

ابو ايهاب:- تصفييييي شنوووو ما سمعت ، شتريد بعد انت بديت ويا .

ايهاب:- اني ما اعرفه ولا يعرفني زوجتة شردت من ظلمة وظلماته

عيشها بجحيم ، وين اكو رجال يحبس زوجتة بحمام وياها حيوانات مخبل

مو عاقل ، هو هدد ونفذ وسجن عمي بتهم بريئ منها وهو رجال جبير

وابو زوجتة وين صايرة واحد يسجن ابو زوجتة خززي وحق محمد عار

علينا إذا سكتنا.

عاط بي واحد من الشيوخ :-انت ما سكتت ردت تكحلها عميتها

خطف ولك خطف وانتَ ضابط المفروض تحارب هل سوالف

مو تشتغل بيهن ، القضية كبرت اكثر وعمك صعب يطلع

وهو يكول يشتغلك تعذيب تالي يشمرك اعدام .

ابو ايهاب:- والحل انتظر شوكت ابني يموت ويضيع

حاجوني فهموني فدوة اغديلكم .

ابو علي:- لا ننتبه القضية ونروحلهم ونحجي ويا ونعتذر وشكد يردون

جاهزين ندفع وما  انقصر بشي ونبقى كدام عيونهم ما أنظم نفسنا.

رد علية واحد من الشيوخ:- وهم ما يردون منكم فلوس ومن حجيناها

عاط بينا اخو وكال ما محتاجين للفلوس قضيتنا وياكم غير شكل .

ايهاب:- يعني شنو قضيتهم غير شكل شيريدون يموتوني طززززز .

ابو ايهاب:- مو بس هيج يمكن هو يريد يشرط علينا ننطي زوجتة ون.....

قاطع كلامة ايهاب وكف انتفض وعاط:- بـ احلام أحلام أحلام احلامة ما تصير يريد ياخذها مكفخه ينتقم بيها منه ما اقبل لا وداعت ابوية

اني اروح يموتني وما اخلي بنت عمي رحيم تتأذه شعراية من راسها .

- والحل شنوووو راسك يابس وهو ما يتنازل .

ايهاب:- انتو كلكم ؏ راسي وكفتكم ينشد بيها الظهر وكثر الله من امثالكم

بس هذا الغيهب عوفوني اني ويا يريد يرشني بـالمي أرشه بـ مَي

يرشني بنار أرشه بنار يحاربني بالقانون اني القانون وخلصت السالفة .

- هو مو بس حجي.

ايهاب:- يصير خير اترخص اني هسة عندي شغل .

عاف الكل وطلع صرت مقابيله واكفين كلنا

تقدم الناحيتي وحجه بصوت هادئ عكس صوته ويا الزلم جوة

ايهاب:- انتبهي كلش زين زهراء ، هذولي كلهم لا تحجين وياهم ولا تسمعين منهم لان كلهم ما راح يعيشون وياج يريدون يسدون السالفة وياكلون ويرجعون لبيوتهم انتِ وحدج تشبعين ضيم وكفخ وذل ومهانة

لا ترضين بالقليل انتِ اليوم بنت الواء رحيم سلمان الـ ......

مو تشوفين ابوج ماكو عبالج ما يكدر يسوي شي صدكي

كم يوم ويطلع وينعل والدي والدي اليتقرب البنيه من بناته

شدي حيلج واوكفي بوجه الكل واني يمج الى ان يطلع عمي

صدكيني بعد الصار الغيهب راح يدمرج وما يبرد كلبه

هو هسة حالة حال النار واذا ما تدرين اكلج ، الصار بي مو قليل

وتعرفين بي هو اول ما يريد يجي يلوم فـ يذبها براس جنس حواء

ام ايهاب:- ليش تخوفها هو زوجها وتعرف شلون تكسب عطفه

هم الزلم مثل الجهال وهي اذا خوش زوجة تخلي يلين .

ايهاب:- يلين شنو يلين بعد ما يملخهاا ، يمة لا تحجين وانتِ ما تعرفين هِـيِّ ويا منو تتعامل ، انتِ مو كلتي غيهب صعب ما صدكت وكتلج هواي

يمرون علية مثل الغيهب ، بس طلعت غلطان اني عجزت كدامه

ما تفتهمي مستعد ينهي كلشي ويبقى ثابت ما يهزه الريح .

يموت وما ينطي ينفسها ، ينتقم لو مهما يكون الثمن ، وهو يريدج

اني متأكد يريدج حتى ينتقم من عدنا بيج لان انتِ دخلتينا الحياته

من الخوف وكعت بالكاع اني بمجرد اسمع اسمة يدب الخوف بكلبي

وارجف لحظة اشوف شكله ، شلون ارجع أتحمل اشوفة وهو عصبي

انتهي هل مرة وبطني طفل عاش الضيم وهو بعده ما شاف النور .

نزلت ادموعي بغزارة والكل لاحظ حالتي شلون نقلبت

عفتهم اريد ادخل للغرفة اخذ اغراضي وارجع للبيت اهون من هل عذاب

ما ك اكدر اخلي الكل يخوف بيه كلامهم صعب والكل شخص بيهم وجهة نظر تختلف عن الثانية ، اعترض طريقي وهمس:- لا تتأثرين بكلام احد واخذي كلامي بعين الـ أعتبار والله العظيم اريد مصلحتج وما عندي ربح بهل سوالف غير احافظ عليج الى ان يطلع عمي .

هزيت براسي وهمست:- شكرا .

اخذت جنطة وطلعت سلمت ؏ بيبي وطلعت اخذ سيف الجنطة

وطلعني من البيت ، عفت كلشي وفتت للغرفة ذبيت ادموع الدنيا كلها

شكد محتاجة امي بـ هل لحظات الصعبة ، متأكدة لو هِـيِّ موجودة

تهون علية صعوبات مشاكلي ، وتسهل اله حل .

راسي ثكل وما اكدر اكل خليت راسي بالكاع

ونمت جفي ، الثاني يوم فزيت ؏ صوت الباب

كمت جسمي مكسر تكسير ، لكيت سيف كبالي

القلق واضح ؏ وجهه همس :- شبيج زهراء.

هزيت راسي بالنفي:- ما بيه يا حبيبي ، بس دخت ونمت .

سيف:- الساعة بـ 2  الظهر ما ناوية تكعدين .

زهراء:- كعدت بعد ، هسة اغسل واسوي اكل اكيد جوعان .

سيف:- بيبي دزت اكل ، غسلي وتعاي ناكل .

زهراء:- صار .

غسلت ؏ سريع وبدلت ونزلت احس حرارتي صاعدة اليوم

ما ادري وضعي كله متخربط ، وكلبي عاصرني احس راح يصير

شي مو زين ، ودائما تصير وياي من گلبـي يعصرني يصير شي .

كذبت احساسي وتوكلت ؏ ربي وصبيت اكل كعدت انقش ما اشتهي

سيف كمل وصعد ينام تعبان وراجع من الدوام ، واني رتبت

البيت لان صاير هوسة من ساعة ما صارت المشكلة وطلعوني .

بعدني اغسل سمعت صوت التلفون ، باوعت هذا تلفون سيف ناسي هنا

اخذته لكيت اسم ايهاب فتحت خط وهمست:- هلو ايهاب .

ايهاب:- زهراء.

زهراء:- اي هذا سيف صعد ونس...

ايهاب:- زهراء انتبهي زهرررراء وين ما تكونين قفلي الباب عليج

اني اجيت هسة بالطريق قريب عليكم .

اريد اتحرك صارت رجلي خيوط همست وصوتي يرجف س:- ليش شصاير غيهب اجه مو .

تحركت اسرع صعدت الدرج واسمع يكول :- لا رجاء اجت جنت احجي وياها عاطت اليوم اموتها ادججها هِـيِّ والـ ابطنها وارتاح منها ما طول ما

تنهوها وطلعوها من حياتي .

وكفت بداية باب الغرفة لكيتها ادور علية بيها ، داخلة للبيت بدون صوت

واضحه النية ، بلعت ريكي صار يابس تراجعت ؏ اطراف اصابيعي

اريد اركض الغرفة سيف حتى يحميني منها .

بعدني بنص الطريق وفزيت ؏ صرختها :- مكاااانج لج .

التلفون بعده ؏ اذني سمعت صوت ايهاب:- لا تنطيها مجال اذا تضربج ادفعيها ، اذا تشوفج تخافين منها تتقوى عليج ادفعيها افتهمتي زهراء.

رجاء:- ليش ما تاخذين الكلام مو حذرتج مو كلت ولييييييييييي من حياتي

لا تشوفيني وجهجج بعد ، ولج  مو كافي حرمتيني من حنان الـ ام

واخذتيها الج الوحدج ، تالي هسة حرمتيني حتى من ابووية

بسببج وبسبب زوجج الحقيييير انحرمت من ابوية ڪُـل هل اياااام

واني ما اكدر انام لان احلم بكوابيس الماضي يا حيوانة

بس من ابوية يمي اطمئن اغمض عيوني وانتِ رجعتي حرمتيني حتى من هاي شترريدين هاا تريدين اموتج اني جاااهزة اني مخبلة محد كلج علية

زهراء:- رجاء اني اختج اعتبريني امج تعاي نامي بحضني

خلي نصير ايد وحدة وقلب واحد لج احنه توأم ، اني محتاجتج وانتي محتاجتني ليش تريدين نبقى هيج حقد وغل ، ليش تحمليني ذنب اني ما الي ايد بي ، رجاء اني هم انحرمت من ابوية بس ما اتصرف مثلج

بالعكس فرحت بيكم وارتاح بوجودكم .

رجاء:- مااا اريدج لج ما اريدددددج وجودج يموووتتي

مااااا اريدددددج .

هاي جانت اخر كلمة اسمعها ، وياها فتحت باب غرفة سيف طلع

شافها وسع عيونه بس ما سيطرت ولا ستوعبت ركضتها لزمتني بكل

قوتها من ملابسي وسحبتني الحافة الدرج ودفعتني حيييل من أول بايات

صوت الصراخ وصراخ سيف وحتى صراخها ترس البيت كلة

ادحرج جسمي ونضرب بكل بايات الدرج وبالنص اريد الزم المحجر

ايدي صارت بين الحديدات انلوت وطك العظم وكعت بالكاع

غمضت عيوني والدم أخذني وما أعرف المصدر رأسي خشمي

جسمي التشخط ، وقبل لا أفقد حسيت بحرارة ؏ رجلي  صاحبه وجع

شديد بطني .

يتبع .....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

هلو حبايبي البارت 3800 كلمة اذا شفت تفاعلكم الحلو ويسويلي حماس

اكتبلكم شلون بارت لوووزززز بس شنو اريد تفاعل نريد نولع القصة

بكل مكان فيس وات باد انستا وينهم حبيبات اساور الصاكات  🫂❤️‍🔥  .

هلو حبايبي شلونكم ، شكرا على كل كلامكم الحلو ، شكرًا على دعمكم ومحبتكم ما تتخيلون اني شلون سعيدة بتواجدكم ، وعلى هل تفاعل اليوم ما أعرفكم بدون شي

انزل صور واعرفكم ؏ اشكالهم  ولو ردت ڪُـل وحدة تبقه

ترسمهم بخيالها أحسن بس شنسويي ميخالف نحرك الخيال

بالبداية بطل قصتنا زهرتي زهراء زازا الجميلة

تكول زهراء...

صوچي من قَررت اتقرب عليك

وصوچي من گتلك غلاتك يا حَجم

بَس أرجعك للمكان الچنت بي

والاا اخلي شوفتي بعينك حِلـم....

كلش تشبه هل بنية خاصةً العيون والشفايف

وراح أنشر صورة موج راح تلاحظون الشبه بيناتهم حتى هنا اني انصدم

دزتهم زهراء بعد بحث وتعب كالت لازم يشوفون الشبه بيناتنا .

هذهِ صورة موج شوفوها ..

ڪُـل ما اشوفها انصهر 😂😂😂😂 زهراء تلطم بالزاوية

خطية عينك عينك اتغزل بموج ...

اما هسة نجي  لـ أستاذ الغيهب يكول ...

لو ابي غيرك تره حولي كثير

بس قلبي مايفز لكُل عابر .

نسبة الشبه كبيييييررررره اكثر من ما تتخيلون والأهم ما نختار عشوائيًا

هواي نتعب اني وزهراء حتى نلكي الشبه بحيث ما قبلت اله شخص يشبهه

واهم شي ال لمعة كصته هِـيِّ تكول يبرچ برچ

واني اكلها كيك ويلتم علية الذبان 😩

اما ستايل الغيهب ولان هو محامي يختار دائمًا وابدا الملابس الرسمية

اكيد تعرفون ميحتاج اكول فـ هذا كلش نفس الستايل .

ايهاب يا ايهاب تريدون الشبه 😉

يكول ..

"قانونييي بالحياة "

من اعتاد أن يوزع الورد ؛ فسيبقي شيء من العطر بيده ، ما دُمت تفعل الخير ؛ سيصِلك آثره."

كجسم ملامح سمار الفرق ايهاب ما يربي لحية تعرفون العسكري ممنوع

واضخم من هذا بـ شويه..

رجاء نسخة زهراء...

اتمنى ما نسيت احد والأبطال نفس ما وصفتهم

البارت اسهر علية ان شاء الله واكيد باجر ينزل بارت بس شنو اريد نفس الحماس والتفاعل والدعم ، وشكرًا مره ثانية احبكُم 🫂💛

رواية ظلمات الغيهب

بقلمي أساور حسين

الحلقة _17_

_ما بك ؟

_قلبي يؤلمني

_لماذا ؟

_خيبة ورآ اخرى، وموت ؏ قيد الحياة .

_ ومنو اليهتم واذا الليلة بجيت دم ، ومنو اليهتم واذا الليلة كرهت أسمي

وصار بقايا هم .

...........................

زهراء.........

صوت الصراخ وصراخ سيف وحتى صراخها ترس البيت كلة

ادحرج جسمي ونضرب بكل بايات الدرج وبالنص اريد الزم المحجر

ايدي صارت بين الحديدات انلوت وطك العظم وكعت بالكاع

غمضت عيوني والدم أخذني وما أعرف المصدر رأسي خشمي

جسمي التشخط ، وقبل لا أفقد حسيت بحرارة ؏ رجلي  صاحبه وجع

شديد بطني .

غلقت عيني استسلمت لا استطيع المقاومة أكثر ، نحل جسدي ، الألم ينهش

روُحـي الهزيل ، بدون رحمة او شفقة .

لا اعلم كم مر من الوقت لكن بدئت استشعر الوجع

فتحت عيوني بتعب واضح ، وثقل مبالغ ، حسيت وجهي وجسمي كله منفوخ

وارم بشكل ، الألم بكل مكان  ، بين ڪُـل هذا سمعت صوت

جذب انتباهي وما صدكت اني فعلا رجعت اسمعها.

ام الغيهب:- يمه زهوره عيوني تسمعيني افتحي عيونج  .

قاومت ڪُـل ما يدور من تخالط أفكار وأوجاع وفتحت عيوني

اباوع بوجههه اريد اصدك شكد مشتاقتلها هل انسانة .

ام الغيهب:- الحك ولك يمه الدكتور خلي يجي بسااع .

سمعت صوت امير يكلها:- يمه رحت كال روح هسة اجي وراك .

رجعتلي بلهفة صاحت بصوت:- زهراء يمه تسمعيني حاجيني گلبـي مشتعل بنارعليج حاجيني .

همست بـ أرهاق :أريد مي عمه عطشانة.

رفعتني بيها ما بيها شربتني مي ، بـ هل اثناء دخل الدكتور

عاط بعلو صوته:- لا ترفعووهاا موو زين ليش تتصرفون بكيفكم عجيييب .

هشام:- رادت مي عيوني اعصابك ، وبشر شلونها .

الدكتور:- صار يومين هنا اليوم شوية احسن وضعها أستقر تكدرون طلعوها باجر  .

امير:- شكرا دكتور احمد ماقصرت أخوية .

طلع هو والدكتور اريد ارفع ايدي حسيتها ثكيلة ماكدرت

ستوقفتني عمتي وهي تكلي:- لا تحركيها شتريدين تسوين اني هنا .

زهراء:- شبيها ايدي ليش ما تتحكرك .

ام الغيهب:- مجبريها مكسورة ، توجعج .

زهراء:- جسمي وراسي كلشي يوجعني الألم بكل مكان .

ام الغيهب:- حسبي الله ونعم الوكيل وين جانتلج هل مصايب .

رفعت ايدي الثاني تلمست بطني وهمست بتردد ممزوج بخوف

رهيب :- ابني راح مو وكع .

ام الغيهب:- هل طفل معجزة كلها ما تريده وهو متمسك بالدنيا

يريدج يمكن عرف أمه محتاجته.

نزلت دموعي والغواش صار بعيوني بسرعة صاحت :- موزين تبجين ولج عيني كافي بجي كافي .

دخلت بيبيتي وراها ايهاب وام ايهاب ، انصدمت بيهم الكل موجود

والمشكلة معقولة نحلت مستحيل اصدك اخاف اني بحلم .

باستني بيبيتي براسي وهمست:- الحمد لله ؏ سلامتج بيبي زهوره.

رديت بضياع:- الله يسلمج بيبي .

التفتت ؏ ايهاب وكف قريب وبابتسامة همس:- شلون صرتي بنت عمي .

هشام:- اني اكول من تطلع انتَ تصير عال العال .

رجعت النقطة الصفر غلقت عيوني بخيبة امل جديدة تصعق احلامي

ماراح تنحل ياربي ما راح تنحل .

ايهاب:- انتَ اذا تحب اطلع اني خطوه وحدة ما اتحرك من المستشفى

اذا مو بت عمي تصير زينة وتكدر توكف ؏ رجلها وتطلع وياي البيت

ابوها .

امير:- واضح ما تريد تجيبها ؏ بر كلنا اطلع منا الغيهب ؏ وصول .

ايهاب:- لا تبالغ عبالك ما ادري منا راح يجي هو الغيهب وجوده وعدمًا نفس الشي ماكو اختلاف بس مغثه.

هشام :- احترامًا للنسوان ويانا ما أتجاوز وياك وهسة ارسلك الشعبة الكسور

وسرعان ما التفتلي وحجه وياي بعتب ونبرة صوته مؤذية

للقلب والروح:- اخ منج زهراء اخ يا خوية لو بقيتي وطلبتيها منه

والله نجبر الغيهب يطلكج ولا هل مصايب الوكعت ؏ رأسنا .

زهراء:- وبرأيك الغيهب نكدر نجبره ؏ طلاك ، اني ادمرت وانتِ كلش زين تعرفون ، عمي هواي حاول ويا والكل ضد تصرفاته الكل يحجي

علية بس هو ما يقتنع لا بكلام صغير ولا جبير هو جبرني .

أمير واكف بالباب بسرعة عدل نفسه وهمس وهو يمسح

؏ شاربه:- أغلقوا الموضوع الغيهب وصل .

هنا وقفت الساعة ، ودكات قلبي تجمدت ، رعشة ايدي وجسمي الـ بدآ وكانه

سعفة شجر باهتة ، غلقت عيوني وبلعت ريكي بصعوبة تامة

دخل بكل جبروت وما توقف بالمشي ، كان يمشي بتجاهي

بس عيونه متركزة ؏ ايهاب ، كان يرمقه بنظرات صارمة

طغى عليها الحقد الدفين ، لفحني عطرة وهو يرتكز ؏ حافة

السرير انحنى وبكل بساطة طبع بوسة سريعة ؏ جبهتي

وبـ رد فعل تعجلي درت وجهي للناحية الثانية ابعد نفسي

منه ومن قربه المبالغ به .

أبتعد وبصوت رخيم همس:- حمد لله ؏ سلامتج .

أضطرابات قلبي يصاحبها صعود صدري بتنفس مخربط

ما كدرت اسيطر ؏ انفعالي او حتى اخفي خوفي منه

رغم الكل موجود ومتأكدة ما راح يكدر يسوي شي بس اخاف منه مو بأيدي.

وبضحكة مستهزئ رد علية ايهاب:- وسلامتك ابو الغياب وسلامتك .

فر السانه داخل حلكه ورد علية بضحكة:- الله يسلمك حبيبي الغالي .

بـ هل اثناء دخل عمي ابو الغيهب وعمامي وجدي ، صارت الغرفة هوسة

تقدم عمي من شاف الغيهب وايهاب يتلاغون فوك راسي

دفع غيهب وباس راسي تحمدلي بالسلامة لكن قاطع كلامة الغيهب

وهو يكول :- زهراء خوش ابن عم عدها مو يابا .

وكف عمي وسحب أيده:- متشوف حالة البنية مو وقت سوالفكم

اطلعوا منا اثنينكم تعاركوا بره .

ايهاب:- لا شعدنا نتعارك بالنسبة الي گلبـي بـــاااااااارد .

الغيهب :- هم صدك ليش نتعارك ، بس ردت اكلها الزهراء ابن عمج خوش

رجال بس الله يرحمه عمره قصير ...

رفع ايهاب ايده ليفوك طك اعظام ظهره وهمس وهو متوجهه للباب

حتى يطلع:- نقدم ؏ تمديد عمر من ابو الغياهب .

الغيهب:- ايهاب لحظة .

طلع الغيهب المبايل من جيب البنطرون وتوجهه

اله وكف مقابيله ورفع التلفون ، تغيرت تعابير وجهه ايهاب من شخص

واثق اله شخص مهزوز ما يكدر حتى يكمل الفديو

حاول يسحب التلفون صاح بي الغيهب:- فكر اطخ مجرد اطخ

اصبعي حتى اخليك عبره لمن لا يعتبر .

بلع ريكة وصاح:- شلون وصلت للـ

الغيهب:- اخ يا ايهاب شكد مقهور عليك ، ليش صرت جنتل مان

وضليت تهوبز وتكمز جنك قرد تهدد وتخطف شوفوني خوش زلمة

خوش نعال ،

بربك احسلك هل مصيبة الوكعت ؏ راسك ، شفت شلون اليفكر

بعقله  يضرب اقوى من الشايف روحه برتبته لا ويستخدمها

بأمور تخالف القانون .

ايهاب:- شتريد .

ابو علي:- شبيكم ، انطيني التلفون اشوف شنو السالفة .

الغيهب:- اطلع منها اني وايهاب نحلها مو حبيبي الغالي.

عاط إيهاب وأعصابه تشنجت :- شتريددددددددد غيهب .

الغيهب:- تنتظر مني مكالمة اكلك شريد بيها ، وهسة اريد تفر وجهك

وتطلع من المستشفى بكبرها وتروح تلف راسك وتنام من يوصل اتصال

اكعد واذا خالفت كلامي تعرف شنو اكدر اسوي وهاا اريد اخليك ؏ علم

انتَ مراقب من ڪُـل الجهات وين ما تروح وين ما تمشي الغيهب وياك

انييي وياك ايهاب والزمن طووووويل .

ايهاب:- واذا اكلك عادي تفضحني بس ما اخليك تحقق مرادك.

الغيهب:- سبع ابن سبع أستمر.

توجهه الي وهمس:- يلا يمه وقعت ورقة خروجهه بدليلها ونزلوا جوة

منتظركم بالسيارة .

ابو علي:- البنبة ترجع ويانا اني وابوك أتفقنا.

الغيهب:- واني كلت زوجتي ترجع وياي انتوا مو امان حتى تبقه وياكم

وحسابكم ما خلص بعد وبعد ورانا تحقيق عميق بالموضوع .

ابو الغيهب:- مو وحدك تقرر البنية موجودة نأخذ منها .

الغيهب:- ما بيه حيل احجي مثل ما كلت هسة نطلع منتظر جوه.

تركهم ونزل همست بصوت يرجف:- ما اريد اروح الله يخليكم ما اريد

راح يموتني الغيهب ما يرحم بحالي بعد الصار .

ام الغيهب:- كلنا يمج ويفكر يأذيج شحده والله اوكف عظم بالزردوم .

هزيت راسي وصحت:- ما أريد شفتوا عيونه شلون يباوع والله يخوف اخاف الله يخليكم ما اريد اروح رجعوني .

ابو ايهاب:- ما نبقيها يابا ما تريد نجبرها شنو .

ابو علي:- خلي يشتكي علينا بس ما نجبر بنيتنا امشي ناخذها .

ام الغيهب:- منو يشتكي .

ابو الغيهب:- يريد يشتكي عليهم هم ونسوانهم حتى يعرف منو دافعها

بس اذا ترجع ويا يعوفهم وهو يعرف بطريقته.

زهراء:- صخام بوجهي ما اريد والله ما اروح .

ابو علي:- بدلي جدو بدلي ترجعين ويانا .

أجت بيبي هِـيِّ وعمتي لبسوني ملابسي وكفت اريد انزل من الجرباية

الدوخة سطرتني ، تقدم ايهاب بس شنو وجهه نكلب اصفر كركم

والمصيبة ما اعرف شصاير جدي خلصها يخوزر بي ، الجو كلة مشحون

بحيث اندفع ايهاب وهشام لزمني وهو ما كدر يحجي حرف .

من شافوني فعلًا ما اكدر أمشي راح امير ورجع ويا عربانه صعدت نزلون بالمصعد ، شفت الغيهب من بعيد مستند ؏ سيارة ويشرب جكارة

وصلنا وعمي همس الـ امير :- وصلها السيارة جدها معليك بي .

التفت امير ورد :- سالمين غير يفضحنا ويشهرنا هنا .

ابو الغيهب:- ما تريد ترجع البنبة شلون بالله نجبرها .

امير:- بكيفك يابا عليمن تصير عصبي علية اني شدخلني بيكم .

وفعلا عبر لكن الغيهب وقف امير واخذني تقرب بحذر

الناحيتي وهمس بتهديد :-صوت ما اسمع كدامي للسيارة بعد ما اتحمل مماطلة.

لزمني من ايدي صعدت بالسيارة نزلت دموعي وصحت:- ما اريد ارجع اريد اروح البيت ابوية غيهب ما اريدك .

طبك الباب بوجهي وصعد بالصدر وعمتي بصفي هشام ساق السيارة

وعمي واميربالسيارة الثانية ، اما بيت جدي بس يباوعلي ما تحركوا

مشت السيارة للبيت وكفنا مقابيل الباب ، نزل عمي قبلنا استقبل بيت جدي

ودخلوا عمامي وبيبيتي وحتى ايهاب ، من شفتهم نزلت دخلت جوه

هم رجعت الـ هل لعنة يعني ما راح اكدر اخلص من ظلمات الغيهب

شنو الحل ما اعرف اني تايهة .

عمتي ما خلتني كاعدة اخذتني منها هاجر باستني ودخلتني جوة الغرفة عمتي

وببيبيتي ويانا ، وفرح وسجى موجودات ، راح عمي ذبح ذبيحة

وطبخ الغداء وما قبل واحد بيهم يطلع من البيت وشرط عليهم يكملون حتى يتفاهمون ، وفعلا هذا الصار .

بعد ما شفتهم خلصوا يريدون يطلعون ضليت اشهك وابجي بعلو صوتي

خايفة مرعوبة وين راح يعوفون بعد الصار ، شلون يأمنون بالغيهب

يمررها سلامات ، بس يطلعون متأكدة راح يسحلني سحل واني روُحـي خلصانه ما عندي القوة للمواجهة.

دخل جدي وعمي ابو اثير بس بقيت ثابتة اريد اروح وياهم

اقتنع عمي اروح بس انتهى كلشي بدخول الغيهب وحجه

بصوت واضح يوصل المسامعهم :- عوفونا وحدنا اني وياها لازم نحجي .

رفض جدي وعمي وكف كداما يقنع بي

والغيهب رأسه يابس اكثر منهم وأصر

ضروري يحجي وياي ؏ انفراد .

ابو الغيهب:- نعوفهم وحدهم اتعهدلك ما يتجرأ ويفكر يأذيها لان والله وحق ڪُـل حرف بالقرآن الكريم بعدها لا هو ابني ولأ أعرفه.

جدي اطمئن بعد ما سمع كلام عمي عافونا وطلعوا

باوعت بطرف عيني ومن الخوف عصرت ملابسي عصر

راسي بالكاع ورجلي ما اسيطرعليهم من الرجفة .

تحمحم وتدرج الناحيتي وهمس:- هواي ستفزيتيني زهراء هووواي .

تساقط دمع عيني يستنكر ما ينطق به صكيت ؏ اسناني وهمست

زهراء:- ما اريدك ليش ما تعوفني تعبت منك تعبت .

مد أيده حكم امساك وجهي من الحنك :- باوعيلي هنااا بعيوني ركزي وكولي ما اريدك .

رفعييي عييينج لج هنااا تكولين ما اريدك يلااااا كوليها .

إرتفعت صوت شهقاتي المتواصلة ، شجعت نفسي حتى ارد

لكن هو سبقتي واقترب من أذني

وهمس بتخويف :- حتى ادمرچ ، انهيچ ، افنيچ ، اهدمچ انتِ وياهم زهراء

خليني اتحمل اكثر ولا تستفزيني لان ما اخليج تطلعين صاحية منا .

صرخت بعلو صوتي :- ادمرني غيهب ليش اني ما دمرت لو ما انتهيتتتت

شووف حالتييييي ڪُـل الصار بيه بسبببك انتِ دمرتني كأنك لعنة

تقربت علية وبدت تاكل بكلشي احبة ، راحت فرحتي، وضحكتي، ونستي

راحتتتتتت امي غيهب بسببك حتى ما شفتهااا ، تريد تهدمني انهدمت بدخلاتك علية الفجر وعطرك نسائي ، اني انتهيت بسببك

شووف حالي فوك ڪُـل الصار تريد ادمرني

شبقيت بيه عوفنيييي مليت منك معقولة ما عندك قلب الـ هل درجة

ما ترحم بحالي ، دائمًا تعيش دور المظلوم ، انتِ مو مظلوم انتَ ظالم

طاغي ماعندك إنسانيه وما تخاف الله زين .

دخل عمي عاط بصوت:- غيهب .

كنت منهارة كليًا احجي وارتعش ما اعرف من كلامة ، لو من الوجع

الـ بيه حرت وين انطي وجهي صرت مثل الحمامه المذبوحة

الوب من حركت گلبـي.

حضنتني عمتي تريد اسكت ما اكدر هذا حدي

تعبت اصير الفقيره الـ لازم اسكت وما افك حلكي

حتى ينقهرون علية و يرفقون بحالي .

زهراء:- لهنا وحدك غيهب بعد ما اسمحلك تهين كرامتي اذا كلهم

مو بعيني اني ادافع عن نفسي لان بقيتني وحدي وما اعرف شنو غايتك

تخليني  بلا سند ولا ظهر أحتمي بي منك ومن ظلماتك وطغيانك .

وبعدها شسوي تموتني خليني اموت واروح الـ امي ارتاح من هل

حياة الما ترحم بحالي ، هو اني اريدددد امي محتاجتها

تاخذني الـ حضنها وتحميني منك بعد ما اريدك مــا اريددددده يا ناس .

عمي ابو الغيهب كابلني وكعد يبجي وياي هل انسان يخليني

أغير ڪُـل تحركاتي انصدمت شكد ما هو شخصية بس

طيبة قلبه ما توصفها الكلمات هو بمثابة بلسم للجروح والنزف الروح

اخذني شبكني بقوة صرخت بنفاذ صبر:- اخ يا عمو اريد امي والله تعبت

شتحمل وعلى شنو اسكت نهد حيلي وحق الله نهد حيلي .

ابو الغيهب:- الله يهد حيل كلمن يهد حيلج بنيتي تاج راسي كومي وياي

انطيني ايدج تعاي وياي تعاااي .

بدون تفكير وكفت بتعب سند جسمي علية وطلعني من البيت كلة

الكل كان ساكت اما جدي وعمامي كعدوا وايدهم فوك راسهم

الغيهب دار وجهه ؏ شباج ما عرفت شنو كانت رد الفعل .

طلعت من البيت وعبرني الشارع وكفني مقابيل باب بيت امي

وطلع مفاتيح همست بستغراب:- والمستأجرين ؟

ابو الغيهب:- طلعوا ابوية انتِ والحمدلله من راحوا اكعدي بيت امج

شمي ريحتها استرجعي ذكرياتچ انتِ وياها بنتي .

دخلني للبيت حسيت قلبي نقبض تذكرت ڪُـل دخلاتي للبيت

صحت بعلو صوتي وبـ انهيار :- يمه يا شمعة حياتي يا حبيبتي

اطلعي استقبليني وين الهلا يا بعد الهلا يا يمه .

كعدت بالكاع وهمست بصوت ضعيف :- محتاجتج اريدج يمي حبيبتي

ادري تسمعيني يمه والله محتاجه وجودج بس اريد انام بحضنج

الله يمه ادفع ُ ؏ــمري كله وارجع بس ساعة وحدة بين ايدج

لو يرجع الزمن والله ما اعوفج لحظه وحدة اني ضعيفه بدونج

جنتي انتِ ڪُـل قوتي انتهيت ، دشوفين حالي ، دموعج الغالية تنزل

من تشوفين عذابي ، زين يمه ادعيلي ارتاح لو تاخذيني يمج هلكت .

فزيت وتراجعت للخلف واني اشوف ظل فوك راسي

رفعت نفسي شفت الغيهب فتحت حلكي اريد اصرخ

انقض ؏ شفايفي وسد حلكي :- اششش لا تخافين بس احجي وياج ما اسوي

شي وداعت عيونج ما اسوي شي .

بقيت اتحرك بين ايده اريد يعوفني بس

صدمني وهو يهمس:- بس اريد احضنج ويهدن جروحي .

شال ايده من شفايفي صحت:- إبتعد غيهب ما اريدك .

الغيهب:- تريديني گلبچ بيتي زهراء.

زهراء:- قبل بس هسة بردة نار حبك وصرت اتمنى لو بقيت مجرد

حلم يا غيهب ياريتني ما اقتربت منك ولا سمحت تقترب مني ودمرني

لو باقي بعيوني ذاك الـ أتمناه بحلامي .

الغيهب:- بس اني احتاجج انتِ دوآ گلبـي ، ما تصورت اشتاقلچ

بس غيابچ غير ڪُـل تفكيري انصدمت بنفسي زهرتي اريدج .

زهراء:- جذاب انتِ ممثل تريد تخدعني حتى أرضخ وتضحك

علية بعدين ترجع للتعنيف هاي غايتك مووو ، كلبك صلب غيهب انتِ ما ينعاش وياك .

الغيهب:- أني صَعب الـطبع بس يمج ألين ، كلت اني دمار وساعديني وما سمحتلج بس هل مره وعد اخليج وياي اريد تساعديني محتاجج وحق

الله محتاججج لا تعوفيني اخر مره سامحيني بس هل چانص .

زهراء:-انتِ دمرت كلشي غيهب دمرتني ودمرت حتى اهلي .

الغيهب:- مستعد أصلح كلشي الخاطر عيونج ،انتِ جنتي حالج حال القبلج

بس صررتيييي غير عنهم ما اكدر بعد أجازف وأتخلى عنج .

زهراء:- اني ابتعد احارب حتى اهاجر تحكمك واستغلالك .

نزلت دموعة ونزل جسمه الـ ايدي وحضنها بين أيده

وباسها ، بقيت جامدة بمكاني ما بدر مني رد فعل

غير علامات الذهول :- لا تروحين نورچ غلب ظلمتي ، مستعد نبدي

صفحة جديدة وراح نبعد الكل عن حياتنا .

زهراء:- انتَ حاولت وفشلت ما تكدر لان تحبها وما تنساها.

هز راسه بسرعة وحضن وجهي بين أيده:- ما أحبها هي سبب كرهي

الحياتي بس رجعت احب اكعد الصبح واستكشف شنو الجديد

بسببج صرتي كلهم انتِ المهمه عندي والباقي امحيهم

انتقامي ما اريد بعد انتقم ولواشوفهم كدامي ما يهمني

گلبـي برد وبس انتِ ناري وسبب قلقي وخوفي وتفكيري .

زهراء:- وأبوية ؟

الغيهب:- باجر يطلع اني حاضر .

زهراء:- وايهاب .

الغيهب:- ايهاب أذاني  .

زهراء:- من ايدك انتَ غلطت وهذا استحقاقك.

الغيهب:- صح اني أذيتج وأخذت جزأه عذابج بسببي

ورجعت غلطت ويا ابوج اني اسف

حتى ايهاب انتهى موضوعه وما ينفتح .

زهراء:- والتسجيل ما اعرف شنو شوفته.

الغيهب:- ينحذف .

زهراء:- اني احدف بيدي .

الغيهب:- بي شغلات مو حلوه ما احب تشوفيها وعد كلشي ينحذف .

زهراء:- متأكدة راح ترجع تأذيني .

الغيهب:- اني انسان ما أضمن نفسي ، بس انتِ احتويني بكل حالاتي

واوعدج ما امد ايدي عليج بس ساعديني واريد منج تعرفين شلون

تهدأ اعصابي ممكن .

زهراء:- اخاف افشل للمرة الثاني ، إني محطمة كليًا وما اتحمل خذلان

اكثر بعد ، اخاف منك غيهب اخاف .

الغيهب:- لا تحرميني  منج ، هل مره غير راح اسمحلج تكونين اقوى مني

حتى تكدرين تساعديني ، كوني مسؤولة عن كلشي حتى مواعيد طلعاتي ودخلتي ، تلفوني شغلي فلوسي وكل ما املك تحت امرج .

زهراء:- واذا خلفت ننفصل فورا .

الغيهب:- صار .

زهراء:- اريد شهود ؏ كلامك .

الغيهب:- منو .

زهراء:- عمي ، ابوك .

وكف وهو يستند ؏ حايط شكله متأذي حيييل من ناحية صدره

طلع صاح عمي واجه وكف مستغرب:- يابا اسمعني اريدك تكون شاهد

؏ كلامي واذا بيوم خلفت نطلك اني وياها بدون نقاش .

ابو الغيهب:- وشنو هو كلامك اطربني .

بدآ يسولف العمي واني بين فترة وفترة اشارك بالحوار الى ان انتهى

برضاتي ورضاء عمي طلعنا من البيت تعبانين والوجع آخذ حيز

من حيلي ، رجعت ضهري منحني دخلت جوه وسولفت البيبي ما عارضتني

وعمتي طارت من الفرح بس بكلبي غصه ملجوم  بقيت حايرة

وما اعرف تصرفي صح لو استعجلت بموافقتي .

بس ردت ڪُـل المشاكل الصارت تنحل

من جهه ابوية الـ انشمر بالسجن ظلم

ومن جهه ثانية ايهاب حياته كلها بخطر .

اخذت ادويتي ونمت واني اون من الوجع

بيت جدي من اطمئنوا علية راجعين لبيوتهم

كعدت ثاني يوم ؏ صوت مو غريب علية

فتحت عيوني انصدمت من شفت ابوية كدامي

بچه بحزن وهمس:- سوده علية يا بوية تأذيتي وانتِ بيت ابوج .

الكل طلع بقيت بس اني ويا اقترب علية وهمس:- منو سوه هيج بيج بابا

حاجيني اريد اعرف حتى اتصرف لا تخليني احاسب الكل .

همست وكلبي محروك منها :- رجاء المريضة ، تره مو بعقلها مريضة

نفسيا وما اعرف شنو السبب ، هِـيِّ انحرمت من امها واني انحرمت من اب

بس ما تصرفت مثلها شنو هل تصرفات الهمجيه.

هو من عرف عيونه صار بكصته باسني وهمس:- حقج آخذه بيدي من عيونها ، والله ما تعدي .

عافني وطلع صحت علية ما وكف ، دخل الغيهب يستفسر :- شبي ابوج طلع عصبي .

زهراء :- مابي شي بس صار عنده شغل مستعجل .

الغيهب:- عليمن تضحكين بكلامج ، تريدين اصدك .

زهراء:- راسي يوجعني .

الغيهب:- غيرتي الموضوع بس ميخالف نعديها الخاطر هل عيون

التعبانه ، لازم تاكلين حتى تشربين علاج .

طلع من الغرفة سمعت يحجي ويا عمتي وهاجر

رجع بعد دقايق بيده الصينية كعد مقابيلي وهمس:- الف عافية وكليني واوكلج ما عايشين هل اجواء.

زهراء:- خليني ساكته ما عشت غير الصخام وياك .

الغيهب:- هاي عود سكتت لو تحجين شلون .

زهراء:- احير منين احجي وشلون ابدي وشلون انتهيي هوواييي هنااا هوووايييييي .

اخذ ايدي باسها واقترب باس خدي وهمس:- اعوضج بيوم من الأيام.

زهراء:- بس كف ايدك عني وكلشي ما اريد .

أبتسم ويا ما يريد يحجي دخل هشام صاح:- ها ولك عوف زوجة اخوي

ختلت بيها ما شايف .

الغيهب:- لا وين شايف قابل اني هشام اربع وعشرين ساعة خاتل بالغرفة .

هشام:- شلون يجبرني افضح المستور ، اخ يا زهراء لو تشوفين الطفرة

الصارت القرد ما يلحك الغيهب من خابر ايهاب وكال زهراء بالمستشفى

صار خبل طلع بالتراك يصيح ودونييي ، لان تعوق ما يكدر يسوق .

الغيهب:- ما اريد اتجاوز خليني محترمك .

هشام:- يعني ما احجي .

الغيهب:- اطلع يلااااا ..

هشام:- رايح اجيب بطل سڤن .

الغيهب:- شسوي بي .

هشام:- الزهراء لان انت  من تحجي يراد بطل سڤن حتى تنبلع .

وكف الغيهب يريد يلزم هشام وهذا طفر وسد الباب

خربني من الضحك ولا يستقر ، رجع الغيهب تريكت اني ويا

من كملت شربني أدويتي  وهو هم شرب ، دك تلفونه وهو يشرب

يريد يطلع ما بحجي كدامي صحت :- اوكف بـ مكانك غيهب .

التفتت وهمس:- بيج شي .

اشرت بيدي :- تعال

رجع مستغرب من كلامي همست:- افتح خط وارفع الصوت .

الغيهب:- ليش .

زهراء:- الغيهب .

الغيهب:- اعصابج يمعودة هاااج افتحي بيدج .

فتح خط واجه صوت رجل سلم وبعد السلام كال:- خوية اسبوع الجاي

اول جلسة شلون كلشي ما متفقين .

الغيهب:- ولوعندي ضروف بس اجبر نفسي باجر الساعة 5 تعال للمكتب

بدا الرجال يحجي بالقضية وغيهب يستجوب بي أول مره اشوف

شلون يحجي وبكل طلاقة ، شوية واشر يريد يطلع ، ابتسمت وهزيت

راسي فر ايده وطلع من الغرفة .

مر وكت طوويل بعد ما رجع ، احتاجيت اروح للحمام

بيه ما بيه طلعت من غرفة عمتي للحمام ، من خلصت

غسلت وطلعت لفت إنتباهي حركه خارج الكراج

توجهت بخطوات ثقيلة للباب فتحت الباب بدون صوت

ردت أتفقد الغيهب ..

خرجت روُحـي ، وقف الزمن هنا ، انهدم ڪُـل ذرة امل حملتها بداخلي

بـ اصلاح الغيهب هنا رجعت لازم ينهدم كلشي ونسترجع الحرب

حرب الغيهب وزهراء ما تنتهي ولا راح تنتهي ما دام الشيطان بالنص

والغيهب مو راضي ينهي .

جمدت اطراف رجلي واني اشوف موج والمصيبه الكبرى

متقربين ؏ بعض وموج بكل ثقة تطبع بوستها ؏ شفايف الغيهب ...

يتبع ....

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

رواية ظلمات الغيهب

بقلمي أساور حسين

الحلقة _18_

أنا وأنتَ

و الأمور التي تجري بيّننا

والكثير مِن التناقضات

خوفي و إيمانك

رحيلي وبقائُك

مُحاولة التمسُك والنفور في ذات الوَقت !

كِلانا مُعقد

كُل الأمور التي تجري بيّننا مُعقدة أيضاً

..................

زهراء ...

جمدت اطراف رجلي واني اشوف موج والمصيبه الكبرى

متقربين ؏ بعض وموج بكل ثقة تطبع بوستها ؏ شفايف الغيهب ...

أدركت بلحظتها دروبي نغلقت ، والدنيا رغم نورها طفت

العبرة خنكتني ودموعي تتسابق بالنزول ، اريد اصرخ الم العالم

بس اثنينهم ما يستاهلون تعبي ، هنا لحظات بس روُحـي راحت بيهن

التفتت اريد ادخل انضربت بعمي يريد يحجي

بس تراجعت للخلف من سمعنا صرخت الغيهب :- خرب اهلج كح......

لا تقتربيلييييييي لج لا توكفين كبالي .

كالها وساحب شعرها بحث راسها صار باخر ضهرها

كمل كلامه وهو يضربها بوكس ؏ ركبتها

عاطت بصوت متأذي هو عدل وكفتهاا

وسحلها ؏ حايط ركع راسها وصرخ:- لج اييييييعععع اتقززز منج

يا بنت الشوارع شلون تقتربيلي منو سمحلج تبوسيني هيييج منوو .

عياطها رج البيت رج بحيث الكل طلع من البيت شمرها بالكاع

وتوجهه للسيارة اخذ مسدس الكل  انتفض وبعلو صوتهم

صاروا يصايحون ويا .

ابو الغيهب:- ذب المسدس ولك اخذذذوووو منااا هذا تخبل .

وفعلا الغيهب كان مثل المخبل فقد وهو يضربها بصورة

وحشيه ويسب بيها بألفاظ بذيئ ، امها نامت فوكاها تظن

يتركها سحب المسدس وصاح:- اذا ما تكومين منها ازرف راسها والله

كووووومييييي .

ام الغيهب:- ابوس أيدك ولك يمه بس انطيني المسدس ولك غيهب خسرت واحد ما اريد اخسر اثنين بسببها لا تحرك گلبـي .

تقدم عمي شال اخته وهشام وأمير فوك راس الغيهب يحجون ويا

امير :- انطيني المسدس والله هسة اطلعها من البيت وبعد ما تشوف

وجهه بس انطيني غيهب لا تحرك كلوبنا عليك .

هشام:- ما تستاهل تخسر حياتك هِـيِّ رخيصة غيهب اسمع مني .

الغيهب:- دمررتنييي ما تطلع من حياتي ولكم اريد اخلص منهااااااا

تجيبوها كدامي  ، واكف اخابر صدمتني شلون بكل عين كح،،، تتقدم وتبوسني واكم هي مو زوجة اخوكم العارررر ، لك هاي كح..... بنات الملاهي يستحون اكثر منها .

هسة مو رايح وياهن وشايفهن ومسولف وياهن ماكو وحدة توصل السقوط

هل ساق..... تعبت منها ما اخلص اذا ما اقتلها بيدي .

ابو الغيهب:- راح اسفرها اني جبتها اريد اسفرها وتخلص منها انت

وجلال ، ذاك اليوم بالشافعات خلصتها من ايده وهم يريد يكتلها

اريد تخاف بنت الكلب ما تابت .

امها تلطم ؏ وجهه نكلب قطعة زركة:- شسوتلك عوفووهاا الله اكبر الله  واكبر عليكم تروح الذاك يكتلها تجي هنا انتِ تنهي عليها .

الغيهب:- اي امهات الشوارع الك.... تمسككنننن عبالجن مثل قبل تضحكن عليه .

ابوالغيهب:- غيهبببب عمتك .

الغيهب:- كله من اختك هِـيِّ تشجع ؏ ك......

هِـيِّ ساس البلاء ولكم شنو منو بشر هااي .

وهو يصرخ بآخر كلماته رفس موج ؏ بطنها

هِـيِّ ضربة وهي رفعت نفسها تتقيئ دم .

سحبها من راسها وعاط:- ايي ايي زوعي دم مثل ما خليتيني ابجي دم

بنت الكلب ، صلفة زوجته اخوية وتبوسين بيه وانتِ خنتيني ويا

ولكم ماكو هيج كحا... بعد حصريا عدنا ملفيها بيتنا ..

ابوالغيهب:- انطيني السلاح راح انعل والديك .

الغيهب :-ابتعد منا ابتعدوا لا والله اكتلها واكتل نفسي ابتعددددددد . 

هاجر:- صخام بوجهي كول يالله غيهب خوية انتِ متأذي مايصير تتحرك هلكد ابوس ايدك صلي ؏ نبي وانطيها الـ ابوية هو يطلعها منا بعد ما نشوفها

الغيهب:- ولا صووت فوتوا جوه يلاا بسااع .

كالها وطلع التلفون والمسدس بيده مسحوب أقسام

لحظات وعاط بعلو صوته:- ها كوا... شنو دايح وعايف عرضك يوزع

بوس للزلم .

سكتت بس واضح صوت جلال يصرخ

رد علية بغضب ودفرها صرخت بصوت

عالي وهو يحجي:- انجب يا نعال تعال اخذ قذارتك من بيتي

مو مخليها فوك راسي ، اي اي باستني ؏ اساس جديده عليها

الغلطت وياك وهي تحضر الخطوبتها من اخوك ما تغلط وياي وهي زوجتك

لك جلال الدنييييا دوارة.

سد التلفون منا واصر يوكف فوك راسها

بس ڪُـل شوية يريد يتقيئ اخر شي ما اتحمل وكف ؏ مغاسل

غسل وجهه بالصابون وصاح:- اقرف منج يا قذرة انتِ لعبان نفسي

شكد رخيصة لج اكره الرخيصة اكره الرخيصة مثلج .

وكعت امها تبوس بيد عمي وتستنجد بي:- خوية ابوس رجلج لا تخلي يسلمها

اله ذاك اليوم شفت شلون خلص عليها اله حبه ، مو انطيتني كلمة وكلت اسفرج انتِ وياها ليش خذلتنا ساعدها هِـيِّ هل وحيدة ولدك اثنين عليها .

هاجر:- ؏ كيفج عمه لو ما هِـيِّ لعبتهم مصلخ حالها حال كح.. الملاهي

من واحد الواحد خلينا ساكتين عيوني غير تخزينا بسببها بس الخاطر ابوية ما نحجي ونبلع مصايب وحجي  .

ام موج:- حتى انتِ يا عمه عليها المفروض تقنعين اخوج .

هاجر:- عليمن وشلون وعار بنتج و سوالفها واضحه بسببها خسرنا اخوية جلال وصارت امي تتحسر ؏ شوفته وبعد اخو روحه من لحمه ودمه ما يشوفه بعيونه وفوك ڪُـل هذا ما تتعض واكعه دك سقط ورخص بالزلم

وبسببها اليوم لو باجر اخسر واحد من اخوتي رسمي

شوفي حالهم شوفينا ڪُـل هل بهذله بسببها بنتج شيطان .

لزمتها عمتي ام الغيهب وعاطت:- كافي عيب تجاوزين ؏ عمتج .

عاطت هاجر بغضب:- طلعوها من ماعونها وجبرني احجي المضموم بالقلب صار سنين احترمنا ودخلناهم البيتنا وضغطنا ؏ جروح كلوبنا

في سبيل ما يزعل بابا بس لهنا وبسسسس ..

اندفر باب البيت دخل جلال وكان متخبل أضعاف الغيهب

بحيث هو هنا لزمها ملخها تملخ عبالك ورقة وتنمرد بيده مرد

وشعرها بكد ما نسحب يتشلع بيدهم من العرك .

الغيهب أبتعد وكف ؏ حايط ويباوع عليه وعليها

ما اعرف شنو كان يفكر بس حتى منع نفسه من التنفس .

نزل المسدس وقبل لا يطلع وهو ساحلها بيده

عاط بي الغيهب :- عندك مسدس لوانطيك .

جلال:- أشتريت خصيصًا الها .

الغيهب:- اغسل عارك وعارها وبطريقك اكتل نفسك لآنك رخيص مثلها واكثر .

عمتي من شافت جلال ضلت تشهك بعلو صوتها

هو التفتت يباوعلها وبعيونه كلام يبجي الصخر

نزلت ادموعه وبلع الحسرة ذب موج بالكاع

وتوجهه العمتي وبحركة سريعة اندفع من صدرة

وصاح عمي بي:- اطلع بره بيتي جلال .

جلال:- بس أحضن امي .

ام الغيهب:- ماتت امك ياجلال ، ومتت بعيوني من يوم الطعنة اخوك

وراح للمستشفى الدم بطوله وحشر الكلام بلعومي شلون اكول أخو طعنه

وضربة وصلنا هناا ، نزلت راسي انتِ ما أرضى عليك اليوم الدين .

جلال:- حوبتكم طلعت وما راح اتوفق بكل حياتي اني دمرت نفسي .

الغيهب:- صم حلكك واطلع لا تبجي يمنا ما نستقبل حثالتك كافي

شبعنا من صوتك وصوت الكح... مالتك ، مو بس تعرف تطعن وتضرب

وتصرخ وتهوبز ، لم عرضك لمه يا ديوث ..

صفن بوجهه الغيهب لثواني وطلع ساحلها بيده

شمرها بالسيارة هِـيِّ لا ايد ولا رجل تشيل

فاقدة تمامًا ، وبس طلعوا تخربطت علينا امها

باوعت عليهم وعلى مصايب التتراكع فوك راسنا

اجتني دوخه عفتهم وفتت لا الحكهن واتخربط وياهن

ونروح جماعيه للمستشفى.

دخلت الغرفة عمتي الهبطة بيه

والخوف لعب بحالي لعب

خليت راسي ؏ مخده بس

اشوفها كبالي وهي تتقرب وتبوسه

شلون ارتاح منها والله مليت

هو هذا اكبر غلط بحياتي دخلت الحياة شخص

كانت وحدة بحياته غيري ، جانت حبيبته زوجته

السابقة هو يبقى غلط الدخول الحياتهم.

هل فآت مجروحين ، متعلقين بالماضي، او يربطهم بالطرف الثاني

طفل ، شكد ما يبتعدون يرجعون النفس نقطة البداية .

لو يرجع الزمن إبتعد الآلف الأميال عنه وحتى بيتنا ما ابقى بي

بس هل لو بعد الحطام ما تفيد وكعت وغلطتي ما تصلح .

غلقت عيوني الحرارة بعد تمنعني افتحها بصورة صحيحة

والدوخة رافقتني ما اختفت ، حسيت روُحـي تنسحب وترجع

والغراض تتحرك ، سمعت صوت هشام يحجي وبا الغيهب

ويكله :- اصعد نام بغرفتك وضعك مو تمام ومو زين عليك الحركة

لا يسكط ضهرك رضوضك ما طابت .

الغيهب:- رايح أصعد دير بالك ؏ بيت وافتح الكامرات بجهازك

اذا صعدت فوك ، اخاف اغفى وما ادري بنفسي .

هشام:- أصعد ولا يضل بالك كاعد بالحديقة ، وراح اغسل الكراج

من الدم اني وسجى .

صعد الغيهب والبيت صار هادئ عمي وعمتي وأمير اخذو

ام موج والجهال كلهم فوك ، جريت نفس اريد استعيد نفسي

بمنو ومنو ينشغل بالي بعد ، ابوية الطلع منا وما اعرف شنو راح يسوي

لو بغيهب ، لو بنفسي والروح البداخلي تعبت والحمل صعب .

حاولت انام عسى ولعل اهرب من الواقع للأحلام وتكون افضل

واهون من الحقيقة ، مرت ساعة كاملة واني اتقلب بفراشي

الى ان انفتح باب الغرفة بكل هدوء تقابلت عيونه الحزينة

مع عيوني المرهقة ، رمش بعيونه بذبول ودخل

وكف بصف الباب وهمس الغيهب:- تسمحين تضميني بحضنج من العالم .

اتجمع الدمع بعيوني كمل الكلام بثقل:- تعبت حيل عقلي منهك من التفكير .

فتحت أيدي وعدلت كعدتي رغم الدوخة والوجع ما اكدر

اكسر خاطر واني خاطري، و تعبي ، وكسرتي كله منه

بس شلون اكرها وشلون اصد عطف گلبـي عليه .

زهراء:- تعال بعيني اخليك مو بس بحضني.

أبتسم بألم فتح دكم القميص وتمدد ؏ جرباية

راسه بحضني كور جسمه وثبت ، خليت ايدي ؏ راسه وقرأت سورة الشرح 15 مره الى ان غفيت ما ادري بنفسي .

وجع راس ، ألام متفرقة بجسمي ، حرارة مرتفعة

عرق يصب ، دكات قلب متسرعة ، اصوات عالية

تحمل ،خوف مفرط، ارتباك واضح، ضربات خفيفه

بجهات متفرقة من وجهي، ترددات كلمات غير مفهومة

- حرارتها عالية انشمررت لك انشمرت ..

- بدلولها بسااع .

- شيل الغطوه.

-لا يا الله تنزف .

- بس لا وكع الطفل .

ابني بعد ڪُـل هل ضروف يتركني هنا ، بس ما زلت اريدك واشتريك

بروحي ، ما اريد يعوفني اريد اصرخ واكلهم كلشي ولا هدية ربي من بعد امي هذا قطعة من روُحـي اريدة  .

عجزت افتح عيناي ، اخفقت عن النطق ، فشلت عن الحركة

تردد الصوت أختفى ، وفقدت الإحساس بالوجع ، أدرك وقتها فقدت تمامًا

ساعات مرت حتى كدرت أستجيب المحاولات الدكتور

واكدر اكعد من نومتي ، بلعت ريكي وهمست:- غيهب .

الدكتورة:- الف الحمدلله ؏ سلامتج حبيبتي .

زفرت أنفاسي بثقل ورجعت همست:- الغيهب.

الدكتورة:- منو الغيهب.

عجزت عن الرد ورجعت غلقت عيوني .

مر وقت عاودت سماع صوتها تكول:- قبل لا ترجع تنام همست بأسم

الغيهب منو الغيهب؟

الغيهب:- اني زوجها .

الدكتورة:- تمام ، سويت الواجب انتظروها تكعد واذا صار شي بلغنا.

طلعت الدكتورة جبرت نفسي ما ارجع الحالة الاغماء

وتدريجيًا فتحت عيوني كمز ابوية من الكرسي

كان يحجي ويا عمي :- بابا زهوره عيوني تسمعيني .

هزيت براسي ودرت عيوني بتجاه صوته واني اسمع ترددت :- شلونج .

زهراء:- غيهب ابني .

تقدم حضن ايدي وهمس:- نايم بطن امه ما يقبل يعوفها يلزك مثل ابو .

تخالطت دموعي وضحكتي :- سمعت صوتكم من كلتوها وكع الطفل

بس ما كدرت احجي .

رحيم:- لا تعبين نفسج بابا إلف الحمدالله انتِ وابنج بخير.

زهراء:- شكرًا لانك يمي .

رحيم:- مااعوفج اني يمج بكل وقت قريب بنتي.

الغيهب يباوع صفح اخر شي ما اتحمل

- شو بالله شيل ايدك انطيني مرتي اكعد هناك.

رحيم:- ولك مو بكيفك تره اخذها منك ابو المصايب ابو التهم ابو الدعاوي

ما تنكدر تتكامز مثل المصرع.

الغيهب :- الخاطر مرتي ما ارد .

ضحكت ؏ سوالفهم عمي رد عليهم:- لا ناقص بعد تتراددون فوك راس البنية حتى تعوفكم وتشرد .

كعد الغيهب بصفي وايدي ما زالت بأيده همس:- لا يابا زازا ما تعوفني .

اكتفيت اباوع بوجهه وأبتسم مد ايده كرص خدي

وهمس بتلاعب:- كوليها لا تخجلين .

وديت بضحكة:- شكول .

الغيهب:- كولي اكو شخص عاقل يترك روحه .

رحيم:- واثق من نفسه.

الغيهب:- كلششش واثق بنتك تمووت علية .

هشام:- امممممم تموت علية تستنشقه غيهب اوكسجين

غيهب اكل ، ولا يستقر هذا الزلمة .

الغيهب:- ولا يسكت هل غثيث .

هشام:- سڤن ببسي بعد هل حوار الما ينبلع .

سحب شالي عدله وكف :-اني هسه اجي ما أتأخر.

طلع وهو يعدل الملابس ، كعد ابوية يمي أبتسم

بحنان وهمس:- شلون صرتي بابا شتحسين .

زهراء:- وجع بجسمي ، من كثر الآلم ما اعرف المصدر .

رحيم:- كون اشيل الوجع منج وأخلي بيه من سوده علية بنيتي.

زهراء:- لا اسم الله عليك ماكو شي تعدي وتصير سوالف .

رحيم:- سبحان الله نفس كلام امج ، جانت شما يصير تكولها

تعدي وتصير سوالف .

زهراء:- الغالية ما عدها صعب دائما تكول كلشي يهون إذًا توكلنا ؏ الله سبحانة .

دخل الغيهب بيده علاكة كباب وعصير برتقال

كعد يمي فتح كلشي وتقدم رفعني بهدوء

ڪُـل هذا وعمتي ام الغيهب غافية

زهراء:- عمه هنا .

ابوالغيهب:- ما عافتج من البارحة.

رحيم:- الله يرضى عليها شكد قلبها طيب للصبح كاعدة .

زهراء:- فدوة العمرها ماكو بـ حنانها.

الغيهب:- من البارحة ما اكلتي لازم تتغذين زين ، الطفل حالته حرجة

ويراد راحة ميصير توكفين تبقين نايمة ؏ ظهرج صار معلوم .

زهراء:- عزا العزاني صدك تحجي .

الغيهب:- لا تخافين كلشي تمام بس انتبهي ؏ نفسج .

رجعت راسي ورددت:- كله خطر خطر خطر مليت .

رحيم:- ها مو قبل شوية حلوين .

زهراء:- صدك تهووون .

الغيهب:- اني يمج لاتخافين من شي بعد .

ايتسمت بخجل ، اخذ كباب اكلت شوية واجت الممرضة انطتني علاج

وطلعني ، ما كدرت أظل كاعدة استسلمت للنوم الثاني يوم

كعدت عى صوت عمتي والغيهب .

ام الغيهب:- ليش ما ترجع للبيت وانير هنا  يرجعنا.

ضغط ؏ راسه وهمس:- لا ما اكدر خليني اطمئن عليها واطلعها وياي

اخاف يصير عدها مضاعفات واني ماكو .

زهراء:- صباح الخير.

الغيهب:- كعدت زهراء ، صباح النور شلونج .

زهراء:- احسن من البارحة .

ام الغيهب:- الحمدلله يمه ما بيج غير العافية يا عيوني .

زهراء :- عمه ما يصير العمات هيج يحجن بلطف.

ام الغيهب:- شعندي وياج بعد امج ، وحده من بنات مو زين متحملة ابني

وخبالاته، هو هذا ما ينحمل عناد ، راس يابس ومغثه .

الغيهب:- كدامي عينك عينك تحجين علية كدام مرتي .

ام الغيهب:- صار كم يوم خبصني مرتي ومرتي ، كومي بدلي

ونطلع باعي عيونه حمرا ماكو نوم مو زين علية .

زهراء:- علوه لعبت نفسي من المستشفى.

كمت بدلت وعدلت نفسي والغيهب تقدم مد ايده

حضن خصري ومشينا ويا السيارة امير

صعدنا خليت راسي ؏ كتف عمتي الى ان وصلنا

فتت بوجهي للحمام سبحت ونمت بغرفة عمتي ممنوع علية الدرج

غيهب اطمئن علية وصعد سبح ونام .

واني أكلت ونمت ، هاجر بيومها ما عافتني عمي كل شوية يدخل

محتاجة شي تريدين شي اني موجود هنا .

للعصر اجه ابوية طلعت كعدت بالاستقبال وياهم

عمي كلش حب ابوية نفس العمر ونفس التفكير .

شوية وبقيت بس اني وابوية تقرب علية

لزم ايدي وهمس:- عذريني بابا ؏ كلشي .

زهراء:- بطبعي ما اشيل بكلبي ويمكن الـ هل سبب الكل ما يحسبلي حساب .

رحيم:- منو المايحسب حسابج والله انعل شيب الخلفوهم .

زهراء:- اني ما اريد مشاكل ، اريد اشتري راحة البال والاستقرار

وهاي هِـيِّ افتقدهم .

رحيم:- رجاء أخذت استحقاقها ولليوم محبوسة بين اربع حياطين

لو ما ايهاب يتوسل بيه فلا اطلعها .

زهراء:- هِـيِّ صدك مريضة.

رحيم:- نفسية صح ، ايهاب مستلم حالتها ويفتر بيها دكتور .

زهراء:- شنو الوصلها الـ هل حالة .

رحيم:- اسباب هواي .

زهراء :- إعتداء.

رحيم:- تكول .

زهراء:- منو واحد من ولد عمها .

رحيم:- لا بابا شتحجين يا ولد عمها هم شالوها بعيونهم .

زهراء:- لعد منو عادي اعرف .

رحيم:- بيوم من الايام هِـيِّ تسولفلج ما اكدر اصرح حتى لا تكتشف

احد يعرف وتضربها صدمة ثانية .

زهراء :- براحتك .

رحيم:- محتاجة شي ابوية .

زهراء :-سلامتك عيالي ما مخليني بحاجة شي .

رحيم:- رقمي عدكم بس تحتاجين شي لاتترددين .

هزيت براسي تقدم باس راسي يريد يطلع

نزل الغيهب صاح:- ابو مرتي هنا .

رحيم:- هذا زوجج بعده ؏ مرتي .

الغيهب:- نغير لعيونك  زوجتي العزيزة .

رحيم:- والحمام والفار والبزون ، عبالك ناسيها .

نسحب لون الغيهب وظل مركز بوجهه رفع حاجبه ابوية وطلع

هو طلع ويا وربع ساعة هم يحجون بره

كلت العمي يكلي عوفيها ، رحت للمطبخ بس اجبر نفسي امشي

لكيت الكاونتر كله علاليك لحم .

ام الغيهب:- اشوي كم شيش الج والغيهب .

زهراء:- سوي الغيهب اني ما اريد .

دخل الغيهب يباوعلي يدرس تحركاتي يريد يعرف ضجت

لو عديتها ، كسرة الجو المتكهرب عنده وهمست :- تريد .

الغيهب:- شنو ذابحين .

ام الغيهب:- لا والله ابو زهراء ذابح يمكن .

زهراء:- يا صدك هذني ابوية جابهن .

ام الغيهب:- اي خطية واجه ويا إيهاب ذبهن بالكراج ويسلم عليج هواي .

الغيهب بسرعة نكلب وجهه وصعد فوك ، دخلت ارتاح بالغرفة

لحكتني هاجر تريد تعدل الملابس بالكنتور وعمتي اجت بيدها

كلاص حليب :- اشربي حتى ايدج تصير زينة .

زهراء:- بعدني تلعب نفسي .

ام الغيهب:- اجبري نفسج .

اخذته منها واني اسولف ويا هاجر واشرب

ماكو نص ساعة ونفتح الباب دخل الغيهب

سابح مبدل قميص وبنطرون ينكط ورد

بحيث اباع علية اخجل من نفسي والحالة البيها اني .

الغيهب:- شصاير هنا .

هاجر :- نمشي وقت .

الغيهب:- ميصير هوسة هاجر زهراء يرادلها هدوء وراحة.

هاجر:- هسة خلصت والله .

زهراء:- راحة ميصير اتحرك مو صوت قابل هِـيِّ تشتغل فوك راسي .

الغيهب:- اسكتي انتِ .

ضليت اباوع علية بعدم رضا ، ضحك وكرص خدي

الغيهب:- اشاقه وياج ولج لا تضوجين .

زهراء:- وين رايح .

الغيهب:- مو سؤال عبالك تسب بيه.

زهراء:- شوفي عمه هاي كدامج ما ينفذ كلامة.

الغيهب:- غلطانة الغيهب من يحجي ينفذ .

زهراء:- يعني .

الغيهب:- انطيت موعد من ذاك اليوم بالمكتب ، مو كدامج حجيت ويا الرجال .

زهراء:- اي صدك تذكرت .

ام الغيهب:- شدعوة لعد كاشخ ؏ اخر حباية حالك حال العريس.

الغيهب:- انوب حتى ملابسي تدخلن بيها .

زهراء:- اني ويا عمتي شدعوة جالف نفسك طالع تلمع .

هاجر:- هو بي لمعة جلف ما جلف سبح ما سبح موجودة .

زهراء:- ما تبحثين وتكليلي شلون نتخلص منها .

الغيهب:- شوف هاي ام دميعة تغار مني .

زهراء:- مو منك عليك  .

الغيهب:- تحبيني مو بيدج .

زهراء:- شمصبرني عليك غير گلبـي .

الغيهب:- كلبج دافي ينباس .

ام الغيهب:- حتى ما ينطيني گلبـي أسكتهم اول تالي الغيهب هيج يحجي .

هاجر:- يحبها بس ما يعترف .

الغيهب:- تصحيح ارتاح بوجودها .

غير الموضوع وهمس:- طالع محتاجين شي .

ام الغيهب:- سلامتك يمه لا تسوق سريع .

الغيهب:-وانتِ زهراء .

زهراء:- شكرا ما محتاجة .

هاجر:- عشه بطريقك .

الغيهب:- شنو شغلجن ليش الله سبحانة خلقجن بس تغثن اشتغلن ايدج تعبيها حتى لا تغلطن مو بالمصارين تجفصن .

طلع من الغرفة وعمي صاح:- ولك غير مزورك وصدرك رضوض

وين رايح حتى عيب .

الغيهب:- عيب من الرجال لازم احجي ويا هسة عبالهم اتهرب.

نزل امير من الدرج يكله :- اخفيهن بهذا خافي العيوب هاجر عدها ومرتي

هسة اكعد حتى كونستر هاي ليت لينر اصبغك صبغ .

الغيهب:- كونستر شنو ، اسمة كونسيلر ، هاي ليت اسمة هايلايت

لينر خلي مرتك تخليلك يلوك لعيونك عود يعرف يحجي .

طلع الغيهب نزلت فرح تضحك كالت:- اسمع بيهم وخربت من الضحك .

ام الغيهب:- ما يكعدون راحة .

فرح:- هو امير ما يعرف بهل سوالف قابل جايبلي قبل .

ردت هاجر وهي ملتهيه تعدل :- قابل غيهب مشتري بس معروفات .

فرح:- شلون غيهب ما يعرف نسيتو شكد اشترالها الموج يجيب ويخلي

بواكيت ماركات علاليك .

ام الغيهب:- دكافي اليوم شنو ماكو عشه .

فرح:- هسة تنزل سجى ونسوي اني وياها .

مر الوقت بالسوالف ساعتين ورجع هشام وعمي وياهم الغيهب

غسلوا وكعدنا كلنا ؏ عشه ناكل ونسولف ، ولاول مره اشوف

الغيهب مرتاح ومنطلق ياكل ويضحك ويسولف .

وكل شوية يسوي لفات صغار لو يشمرلي لحم ويهمس اكلي زين .

اخر شي كمل بعد ما يكدر ياكل الكل يباوع علية وهو انتبه بس يغلس

يعرفهم يريدون يصنفون وهو ما يتحمل ، سحب ماعون الركي

وياكل ياكل من ڪُـل كلبه كمل ماعون عمتي صاحت

؏ هاجر :- كومي سوي الأخوج بعد ماعون واخيرا رجع ياكل الأكل الـ يحبه .

وهشام ما صدك واحد يحجي اليكول اندفع

ستند ؏ حايط وصاح:- هو بس رجع ياكل ويضحك ونطلق مثل الغيهب

قبل الف رحمة ؏ تربية ذاك الواحد .

امير:- اي والله كون ابوس راسه .

هشام:- تبوس رأسه بسسس تبوس راسه يا اثول اني اذا الزمه

امعطه معط بوس هيج اكله اكل .

فر ايده الغيهب وصاح:- انتو ؏ منو تحجون .

عمي منزل راسه ويضحك مختنك وجهه صار احمر دم

من شاف الغيهب حجه صاح بيهم:- كافي ولكم امشوا صعدوا.

أمير:- شبيك مخنوك يابا عليك الله كلامنا مو صح

ذاك الواحد سوه الما كدرنا كلنا نسوي .

الغيهب:- شبيكم تضحكون والله ولا افتهم عليكم .

ابو الغيهب:- هسة اله تفهم دروح نام واسكت وخلينا ندعي الذاك الواحد .

الغيهب:- والله ما تستحون زين لولا .

هشام:- يلزمها وهي طايرة السبع ، ويمثل هو ما مفتهم  .

ابو الغيهب:- خلي يلزمها كدامه اكولها الف رحمة ؏ اهل ايهاب

بكتلته رجع عقله براسه ، صار هواي نحجي وننصح ونصرخ

تمرضنا وهو مصر ؏ تحطيم والدمار ، بعد الخطف رجع تمام

رجع ابني غيهب .

الكل يضحك من عمي يحجي وهو بس صافن ؏ كلام ابو

ضحكت وياهم وتعالت صوت ضحكاتنا لكن فجأة

ننصدم برد فعل الغيهب الغير متوقعه

صاح بعلو صوته بحيث كلنا أختفت ضحكاتنا وعتلت

ملامحنا الصدمة:- تضحكون ؏ أذيتي تريدون تشكرون واحد

كتل اخوكم والله عفية خوش حزام ضهر بس انتو منو اخوووكم

جلال يعني كلشي اتوقع منكم .

هشام:- شبيك نضحك وياك مو..

الغيهب:- اششش اشش ولا حرف تضحك وياي شنو ضاحك وياك قبل

انت تعرف شكد اتأذيت وكل دقيقة اريد اروح احطم

اعظام وجهه بس ما اريد هاي تزعل

تالي هِـيِّ تضحك وياكم علية وهي المفروض تخجل

ابن عمها وصلني الـ هل حالة.

ابو الغيهب:- كول يا الله بابا شبيك والله مو قصدنا .

الغيهب:- شنو مو قصدكم اعظامي كلها رضوض جسمي ازرك وتضحكون

علية مو صوجكم صوج الكعد وياكم .

عافهم وصعد فوك كلها سكتت

بس هشام حجه بصوت شبه مسموع :- أستغفر الله والله مو قصدنا .

ابو الغيهب:- اتركوا هو ما يتحمل كلام .

كمت من مكاني غسلت وكعدت بالمطبخ هم يغسلون مواعين

اسولف وياهم بس بالي مشغول وهو صعد بعد ما نزل .

تالي عمتي اخذت هاجر وراحوا البيت ملاك وعمي يوصلهم

البنات صعدوا فوك دخلت الغرفتي والافكار زرفت راسي

ليش تأخر هلكد فوك وماكو صوت ، اكيد شافهم طلعوا بالكامرات ما كال وحدها معقولة رجع يخابر .

توقعات ، تخيلات متعبه ، حاولت اصبر ما كدرت اخذت التلفون

وخابرت علية اريد اشوف مشغول حتى اصخم عيشته

بس شو دك مره ومرتين وتلاثه رد بصوت ناعس

واضح جان نايم :- الو .

سكتت وما كدرت انطق بحرف سديت التلفون وشمرته

غميت نفسي من فشلتي شلون خليتي نفسي بموقف بايخ

قبل شوية رزلني كدامهم تالي اروح اخابر .

يا بوية يا كاع انشكي وبلعيني

بعدني الوب واضرب صفنات

اندفع الباب وكف كدامي يمسح بعيونه:- بيج شي .

زهراء:- لا ما بيه شي .

الغيهب:- ليش خابرتي .

زهراء:- بالغلط ردت اتصل ؏ عمتي .

الغيهب:- وين عمتج .

زهراء:- طلعت هِـيِّ وهاجر البيت ملاك .

الغيهب:- يعني ما متقصده من خابرتي .

زهراء:- اني اتقصد ليش قابل شريد منك .

الغيهب:- ها يعني ما چنتي تريدين تتأكدين مشغول ديخابر .

زهراء:- ومن شوكت اهتم تخابر ما تخابر تطلع اطب ويا منو  ما يهمني .

دخل وسد الباب همس بصوت يخدر القلب :- ما شنو .

بلعت ريكي بارتباك والحرارة صعدت الراسي :- ما يهمني شسوي روح سوي .

الغيهب:- واثقة تحجي وتشمر بيدها ، يعني ما تضوجين اذا اطلع اروح

ويا بنات .

زهراء:- ليش تطلع شنو مو بعينك .

ضحك بصوت عالي اول مره اشوفه هيج يضحك

خطف گلبـي اريد مي يبس ريكي من جماله

الغيهب:- ليش هل لف والدوران كولي اريدك .

زهراء:-لا روح ويا البنات روح .

الغيهب:- عندي معلومة مهمة.

همست بصوت شبه مسموع بسبب قربه :- وهي .

اقترب اكثر مد ايده خلف ركبتي ورجع صعدها حضن

وجهي وهو يسحبني من خصري يقربني اكثر

الغيهب:- المعلومة تكول من قلب وعقل الغيهب يقفلون ؏ وحدة

بعد ما يكدر يبدلها بـ ثانية ، واني گلبـي وعقلي تعبني وهنا يريدنج

واني اريدج لج الغيهب يريدج .

حجاها واخذ شفايفي بين شفايفه بوسة عبر الزمن .

يتبع ..

- البَـاقيـات الصـالحـات🖤:-..

‏- سُبحـان الله .

‏- الحَمـد لله .

‏- لا إلـه إلا الله .

‏- الله أڪبـر .

‏- أستغفِـرُ الله .

‏- لا حَـول و لا قـوة إلا بالله .

‏- سُبحـان الله و بِحمـده .

‏- سُبحـان الله العَظيـم .

‏- اللهُـمَ صَل عَـلى مُحمـد وآلِ محمد .

بارت خفيف لطيف عيديه الحبايب قلبي ، كل عام وانتم بخير عشتاراتي

ختم الله شهرکم بالرحمة والغفران

وتقبل صيامكم وقيامكم وصالح أعمالكم  وجعل ختام صومكم عبادة والعيد  فرحة وسعادة كل عام وانتو بخير وربنا يجعله عيد سعيد عليكم أن شاء الله

نكدر نسمي هل بارت هدوء قبل العاصفة الخطيرة

بارتات القادمة فترة علاج الغيهب ، فهل يا ترى تستطيع زهراء

مساعدة الغيب او سوف تغوص بـ اعماق ظلمات الغيهب

الى ان تنتهي وينتهون!؟

نلتقي بالبارتات القادمة ان شاء الله بعد العيد

                              احبكُم 🤍