تحميل رواية «ابي والغزلان للكاتبة ريام هادي (REEM)» PDF

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_السابع_عشر

شَنهي گلبك ؟

حتى عَ العافوك حّن

وشَنهي صبرك ؟

گاعد اتاني المَواعيد الجِزّن

روح عِيش

المَنتظرهم عايشين

وذني العِيون انسّن

ناس مَلتهيه بِـ فرحها

وناس مَلتهيه بِـ حزنها

وكُل الگلوب التهّن

روح ..

بَس تَنسه جرحهم

احسب جروحك گَـضّن

يا غريب ارضه بِـ قَسمتك

عِيش وحدك لا تَدورلك وطّن.

رشا : بس گتله منهم يشعلان موافقه وكف

شعلان : لا بربج

رشا : قابل اكذب

شعلان : يعني اتوكل لابوج

رشا : بكيفك تريد تإجلها عادي

شعلان : من كل عقلج أجلها يله طبي لمحاظراتج واني رايح

رشا : وين

شعلان : لابوج هسه بوجهي

رشا : بس اكو شغله قبل متروح

شعلان : ياستار ياربي مو اني اكول مستحيل تريحيني

رشا : منتزوج اله اتخرج

شعلان : شنو لا كعد تتشاقين

رشا : والله مااشاقه

شعلان : بابا اني اريد اتزوج على روحي اليوم اريد اخذج وانهزم وهاي جاي تإجلني سنتين

رشا : مو سنتين هاي السنه مبقى شى وتنتهي

شعلان : رشا احنا هسه شهر ١٢ بعد ٦ اشهر يله تكمل هاي السنه وانتظر سنه يله عود اتزوجج يعني سنه ونص من كل عقلج

رشا : مااتزوج واني بعدني طالبه

شعلان : ليش هواي بنات تزوجو وكملو دراستهم وحتى بيهن امهات ويدرسن

رشا : هذا شرطي الوحيد اذا تحب ننخطب وبس اتخرج اي يوم تريد نتزوج

شعلان : واني مموافق وهسه نتزوج

رشا : لعد اعتبر موافقتي انلغت ومن رخصتك عفته وكمت مشيت وحتى منداريت عليه جنت مقهوره اني وافقت عليه لان عندي مشاعر بگلبي تجاهه بس دراستي اهم رغم انطاني وعد اكملها بس خفت لا وره الزواج يخلف هواي سامعه حالات بلبدايه بس هو وبس وراها من تصير بيته يحط رجل على رجل ويلغي كولشي وعد بيه مكدرت اجازف بمستقبلي تفكيره وضعه تخليني دوم متخوفه منه گلت اذا اريد اضمن شهادتي لازم احط هذا الشرط

طبيت للقاعه واخذت المحاظره جنت ابد ممركزه بس مجبوره احظرها ومن طلعت ملكيته اكيد راح انقهرت حيل بس هذا الحل الوحيد الي بنظري حتى اضمن شهادتي يريدني ينتظرني

رجعت للبيت ومحجيت اي شى كلت شغله وانتهت ليش افتح مناقشات بيها

سليل : شبيج رشا ليش ساكته وصافنه مو من عوايدج

رشا : ماكو شى ليضل بالج

سليل : اكيد

رشا : مكدرت اسكت وحجيت كلشي الها

سليل : انتي مقتنعه بتصرفج وشرطج

رشا : اي حيل مقتنعه

سليل : هذا هو لتضوجين الي يريد يضحي وهو بكيفه بعد سكتت شوي وكلت رشاوي طلعتي تحبي مو كتلج

رشا : هااااا لا مو احبه بس

سليل : انجبي بله مااحبه لتخليني اصيحلج ريم تستلمج

رشا : لا دخيلج كله ولا ريم شيخلصني هسه

سليل : اذا قسمتج ميصير لغيرج واذا مو قسمتج ربج يدزلج الاحسن منه

رشا : احلى شى بيج تنصحين الكل ومتنصحين نفسج

سليل : سامعه باب النجار مخلع هاي اني

ريم : اني اجيت

رشا : لا هله شكوو

ريم : هاي شبيج فوك متكوفين وتهلهلين وتصفكين لان اني اجيت مع الاسف عليج

رشا : شكو رئيس الوزراء اجه

ريم : يااا يروحلي فدووه هو بشنو احسن مني اقلها اني عندي شعر هو ماعنده

سليل : هههههه والله وكت جان منو يكدر يحجي هيج على الريس اذا ميجرون اهله لسابع جد وهسه ريم بكيفها تكمز وتحجي

ريم : همزين مجنت جبيره بذاك الوكت جان من ورايه كلكم انسحلتو واولكم رشا اكولهم المساعد الاول الي

رشا : اريد انام عوفوني مااريد اتغدا

ريم : لعد ضايجه لان ماشاء الله وراثه بهاي العائله الي يضوج يحط راسه وينام الناس اطير النومه من يختنكون من يضوجون الا احنا انام الك بيها حكمه ربي عائله شاخطه من گلشي

رشا : فدووه سليل اخذي هاي الجريدي وطلعيها بره مابيه حيلها

ريم : احد گلج عندي ذيل لو ماكله اكلج

رشا : ريم ابوس ايدج اعتقيني اليوم

ريم : حاضر يارشا ابنت ابي شفلحه

سليل : هذا منو

ريم : مو تكول عتقيني رجعتي لزمن الجاهليه وتذكرت عادل امام

رشا : شلون وين انخمد بلشارع

ريم : انخمدي رايحه اروح لعمتو اشوف شمسوين اكل احط راسي بلجدريه احسن مااحط راسي وياج يارشا بنت حويزق

شمرت المخده وطلعت اركض

رشا : مر يومين هدوء گلت هذا هو ليش اتأمل بعد معناها مراح لبابا ونهى الموضوع بس ليش احس بكسره وقهر حيل مخنوكه واريد ابجي و متنزل دمعتي

صليت المغرب وبعدني على السجاده وهستوني اريد اسبح جان اطب ريم تركض وكعت فوكايه

رشا : استغفر الله استغفر الله ولج ثوله غير تنتبهين

ريم : كومي مو كملتي

رشا : بعدني اريد اسبح

ريم : عوفي التسبيح لا اخنكج بلسبحه

رشا : شكوو شصار

ريم : خبر يسوه كيكه بلكاكاو والجوز وباكيتين نستله وصندوك ببسي مجرش ولفتين كص

رشا : هذا مو خبر مطعم

ريم : لا ذني حفظيهن لان راح تجيبيهن اليه وره مااكول الخبر الج

رشا : لو تموتين ماعندي باقيه بس فلوس الملازم

ريم : غصب عنج تجيبيهن وفوكاها تبوسيني

رشا : فضينا شكوو ورجعت اسبح جان تجر السبحه

ريم : خيه مشعول الصفحه اجه حجه ويه بابا ورجع خطبج

رشا : طفرت من مكاني صدك

ريم : هااااا شوف الفرحه شون تنط من عينها

رشا : الله عليج بداعتي الحجي صحيح لو ناصبيه عليه

ريم : مبين نصبه حضرتج اكلها مشعول جااي لبابا للمطعم وكاعد ويااه وطلبج مره ثانيه ومبين هلمره حيل متمسك لان يكول بابا حسيته ذابح روحه

رشا : وشمدريج انتي

ريم : سي ان ان ريم متعرف مو بلحيف والله عيب كعد تشوهين سمعتي من شفت بابا وعمه كاعدين وحدهم معناها اكو كارثه لو اكو شغله ياخذ رأيها اجيت بكل احترافيه وسمعت كلشي واجيتج ركض

رشا : وهسه

ريم : طسه شمدريني اكيد بابا راح يصيحج موافقه مو

رشا : هااا لا افكر

ريم : تفكرين خوش لعد خلي اروح لسليل ولعمه واكول الهم رشا مموافقه

رشا : منو كال مموافقه بكيفج تحجين

ريم : باوعت وغمزت الها بتحبي يابت بتحبي كلوووش

رشا : اشششش عزه فضحتينا

ريم : عرس رشا هيل وطش بلولايه اوكفي خلي ادبج

سليل : شكوو شصار

ريم : اختج راح تتزوج

سليل : اجه خطبج

ريم : هاااا خيانه لزمتج معناها گلج شلون متكوليلي

رشا : موو

ريم : لا مو ولا مي ولا السلم الموسيقي مالتج جان نسمع بابا صاحها لرشا

روحي صحبتكي السلامه

سليل : هههههه راح تجاهد

ريم : هي اختج من الاول تحبه بس تبيع ثگل براسنا يوميه تحجي بيه عبالها ممنتبهه عليها بس عايفتها على ميها امشي

سليل : طلعتي مو هينه يريمو

ريم : شعبالكم غير انتم متحترمون مواهبي الدفينه

سليل : امشي ام المواهب ننزل وراها

رشا : سألني بابا وعمه

حجي طه : بنتي شعلان اجه مره ثانيه وطلبج واني گلت يجوز مغيره رأيج ليش احجي واظلمج گلت اجي اسألج احسن بعدج على رأيح القديم لو تغير

رشا : انت شتكول بابا شنو رأيك

نهر : ماطول كالت هيج بنتك موافقه طه

رشا : اوكفي عمه شگلت اني

نهر : تربات اديه ومااعرفج طه اخذها مني رشا موافقه

حجي طه : هاا بنتي اسمعها منج حتى احجي واني مرتاح

رشا : بكيفك بابا

ريم : كلللللوش زفيناه واخلصنا منه وبعد شهر الاصغر منه

حجي طه : هااا ريمو تردين تتزوجين

ريم : والله بابا احلامك حلووه حطها بالك كاعده على گلبك وگلب عمه مااتزوج ابد

نهر : ليش اسم الله

ريم : ماكو ارجل مني من الكه عود اتزوج

رشا : بهاي صدگتي انتي رجال حوك

ريم : خوش اضربين بسامير بعدج منخطبتي

حجي طه : ههههه بلخير بنتي باجر انطي الخبر لان مبين حيل مستعجل

رشا : عفيه بابا بس اشرط عليه منتزوج اله وره التخرج

ريم : حيييل تحمضون والله

رشا : مالج دخل

سليل : اي احسن حتى متلتهين وتعوفين شهادتج

حجي طه : الله كريم بنتي ابلغهم

رشا : صعدنا وهاي ريم بس تهوس وكوه نسكتها وغزل كاعده تصفك الها وتضحك

وبعد ٣ ايام البيت انگلب زلم وانقرت فاتحتي على شعلان وجاب سيد ويااه

سليل : اباوع وجهه ام شعلان ممرتاح واخته كاعده على اعصابها رشا جانت ممنتبهه اباوع على رشاوي الفستان الاحمر يخبل عليها وهي بشرتها حنطي وطويله وجسمها رشيق والشعر اسود طويل بس فاتحته كلشي ممسويه بس شسورت كذلتها ومكياج محاطه بس گحل ومسكاره وحمره خفيفه كالت بلنيشان اخلي  طالعه تخبل متوقعتها هيج نازكه تطلع

بس رازقيه فرحانه وام سيف متباوع عليه من وره سالفه ابنها مهتميت لان عاذرتها

اخت شعلان هند (زوجة طالب ) : ردنا نخطبله من بيت خالي بس هو الله يسلمه مجلب هنا مدري شبيهم ولدنا تكول ذابين صرتهم هنا كل شويه واحد رايد منعدكم

رشا : مجان خطبتوله

سليل : خزرت رشا حتى تسكت ميصير تجاوب هي نفخت بقله صبر ودارت وجهه وسكتت

هند : والله ياعيني ماقبل لو قابل زينه البنات عدنا

ريم : وينهن مو شفتهن وحدتهن جنه خليل ابو المولده مالتنه وملبسي دشداشه كدري حتى مو كشمير

نهر : ريم روحي ساعدي غزل بلمطبخ

ريم : اي عمه صار تعالي رازقيه ويايه

لان اخاف اجيب الشربت واوكعه بحضن وحده وماادري

سليل : خواتي يفورن ومبين هند معاجبها شعلان يخطب رشا وكل شويه ذابه حجايه واجه عمو صاح ولجن هلهلن كطيعه كثره بلا نفع وعلت الهلاهل خالاته ورازقيه حركن الجو بلهلاهل وصاحوها وره الباب وكطعو سيد الها شويه وكالو العريس يلبسها حلقات ودخل شعلان جان لابس دشداشه وبشت وعكال طالع تكول شيخ عشيره واباوع رشا تباوع عليه بأعجاب وحب دمعت عيني واني اشوف اختي كبرت وصارت عروس واقرا ايات بگلبي

رشا : احس گلبي شگبره من گعد يمي الخجل سيطر عليه رغم مو اول مره اكعد يمه مديت ايدي ولبسني الحلقه وتفاجأت ويااه محبس جان يتقرب مني وهمس

شعلان : هذا اشتريته العام بنجاحج هديه خفت اقدمه الج وتنهدين بيه كلت بس اخطبها البسها ويه الحلقه

رشا : ضحكت ودنجت وريم تأشر من بعيد هاا شيكول

مدري اضحك على حركات ريم لو سوالف شعلان لبسته حلقته والفرحه طالعه من عيونه

وبدن يدبجن ويهلهلن حتى هند الجانت مبوزه طول ما هي كاعده كامت وياهن وريم وياهن تكمز على الهوسه

طلعو واجو البنات وعمه يباركون اليه شويه واندكت الباب وطب شعلان وبيده علاكه

ولو ازعجتكم هاي نسيت انطيها الج

رشا : شنو هاي

شعلان : افتحيها

رشا : فتحتها لكيتها موبايل

شعلان : استأذنت من ابوج واشتريته الج حتى اطمن عليج

ريم : اي عيني بعد شتردين

رشا : اشش انتي الثانيه مااريده شعلان شسوي بيه ومبين غالي

تقرب مني وكاال لتنسين اني رجلج هسه متكدرين ترفضين مني اي شى انطي الج وهذا الموبايل حتى اسمع صوتج براحتي ورقمي ورقم ابوج بيه وشوي شوي اعلمج عليه

رشا : شكراً

شعلان : ماكو شكر بين الرجال ومرته

رشا : نبض گلبي من كلامه وانتبهت عمه والبنات راحو وعافونا وحدنا

شعلان : شلون بيج لو قابله نتزوج مجان هذا الاسبوع منومج بحضني

رشا : عفيه لتفتح الموضوع

شعلان : ااخ يانار گلبي اتحمل امري لله تحملت ٣ سنوات وهسه سنه ونص بس لو اعرف ليش زاركتني دعوه معدله وخلتني ينشلع گلبي بيج

رشا : ههههه لتضوج اطب الاشهر بسرعه وتطلع

شعلان : المهم انتي اليه مالتي الي وحدي

رشا : اي الك وحدك جان يجرني حيل بسني من حلكي بقووه وطلع حتى منطاني مجال ارفض احجي اسوي اي شى حرگه سريعه وقويه طبيت وجهي نار اول مره رجال يلمسني وفوكاها يبوسني

ريم : شصار شو دايخه

رشا : هااا لا مصار اروح ابدل

ريم : اكص ايدي اذا مسوالها شى البنيه تكول سكرانه

سليل : حشريه مالج دخل بيها غير رجلها

ريم : واني اختها لازم اعرف

سليل : هههههه الله يكملج بعقلج

مرت الشهر بسرعه وعلى اساس نيشان رشا بلعيد الجبير راحو اهله اشترو الذهب حتى بدون ميكولون الها وشعلان من سمع تخبل وراد يرجعه بس رشا مدارت بال كالت عادي ميهمني المهم الحلقه والمحبس ذوقك الباقي شگلي وميهمني الذهب اصلاً وهو حيل حب موقفها وعدها يجيب الها أًاٌلاًحـلى احنا طبعنا منهتم لهاي الامور من الي شفناه ابسط شى عدنا حلوو عدنا قناعه والحمدلله

وبيوم مصباح العيد ٢٠٠٦/١٢/٣١ تم اعدام صدام بحيث صارت صدمه للكل بدون مقدمات ولا اي شى الناس من خوفها صار مثل ممنوع التجوال بس طوعي يعني كل واحد سد بابه وكعد من وحده لان توقعنا راح تصير مذابح بلشارع وكافي الطائفيه الي احنا بيها الكل حط ايده على گلبه لهذا انلغى نيشان رشا واكتفينا عزمناهم على غدا يمنا وانطوها النيشان وراحو وبيومها همزين اخته مأجت جنت خايفه لتجي وتسوي مشاكل لان مبينه حاقده ليش منعرف

سهرنا وضحك وسوالف شفت بعيون رشاوي فرحه غريبه واني فرحانه على فرحها وحتى بابا حسيته فرحان لان واخيراً شاف بناته كبرن وبدن يتزوجن

رجعنا للدوام وريمو ويانا اول كليه جانت تروح وتجي وبس تحجي فلان هيج سوه وصار هيج بلدوام ومن احاول اسألها صارو عندج صديقات تبتسم وتكول الي مثلي ينخاف منه مو يتصادق جنت احاول افهمها تره حالتج جداً طبيعيه واصلاً البهاق مو حيل عدها بس هي قافله تكول ابقى اتفرج عليهم وبس تعبت من كثر مااحاول وياها بس ميفيد

وبمرور الايام الاوضاع ساءت وبدخول ٢٠٠٧ زادت الطائفيه والقتل صار ماكو اسهل منه الجثث مطشره بكل مكان تهجير عنف قتل بكل بشاعه سيطرات وهميه الي يطلع لو يرجع لو لا عدا التفجيرات الي يوميه هازه بغداد مستمره تاكل بينا

رشا : جبتلكم خبر يخبل

ريم : والله ياست رشا ماجبتي يوم خبر بيه حظ بس هم نسمع

رشا : جنات حاامل

سليل : اووي ياعيني راح تصير ام والله خبر يجنن

ريم : اريده ولد بنيه اريده

رشا : ولج هو نستله وتردي

ريم : اريد العب بيه احب الجاهل من هو صغير يصير برئ تبوس تحظن تعض ماعنده غير بس يبجي حتى يدافع عن نفسه

رشا : مجرمه الاجرام يمشي بدمج

سمعنا صوت بجي اندارينا جانت عمه تبجي ركضنا عليها

سليل : شبيج ماما صار شى

نهر : فرحت لجنات گلت بس لا تصير مثل عمتها ماعدها حظ بلخلفه وتبقى بليه جهال

سليل : حبيبتي ماما لتحجين هيج  الْحٍمَدٍ للـّہ الله رزقها ليش البجي بعد

نهر : والله جنت خايفه حيل لا تصير مثلي يوميه بلصلاه ادعيلها

ريم : لعد احنا مو بناتج شو خلصتيها ويانه يمه ما يمه طلعت گلها كلاوات

نهر : سكتوها لهاي لا اشبعها گتل

ريم : عمه انتي اخرج لو كفخه على الراس لو على الجتف ماخذه كأس العالم بلكفخات لو نعال طاير دوم يجي بصفي لا بيوم كطعتي ولا ملختي بعد عليمن تهددين

نهر : غير احبج ومااحب أذيج

ريم : ليش تحبيني

نهر : يااا هاي شحجي وياها بله غير بنيتي واحبها

ريم : لعد هسه مو تكولين ماعندي جهال ارسي على بر عمه احنه ناس جامعيين عدنا التزامات لا كل شويه لاعبه علينا مره عندج ومره لا

نهر : وخروها من يمي حتى الواحد يريد ينزله جم دمعه من وره هاي الزعبله ميبجي

ريم : حلوه هاي الزعبله جديده مسامعتها بأي لغه عمه الاغريقي وشنو معناها

نهر : والله طلعت مني شمدريني شنو معناها شو وخري اكوم اكمل الغدا احسن من سوالفج الغمه

ريم : والبجيه ما كملتيها بعد عيونج بيهم دمعتين

سليل : هههههه ولج جوزي من ماما

ريم : شمسويه اني

سليل : ابد ممسويه

ريم : صدك عمتو حبيبتي وكمت ابوس بخدها

نهر : ياستار شكو

ريم : هاي شبيج عمتي الغاليه

نهر : دلعج وراه مصيبه تعلميني بيج

ريم : اني ريمو الورده ريم الفله

رشا : البله قصدج

ريم : اسكتي ام مشعول

رشا : شوفي عمه شتكول

نهر : ولج بله صخام شلون بيج

ريم : عفيه بيت محد يكدر يمارس حريته بيه هسه خلني اكمل كلامي كل شويه وحده طافره

سليل : يله نسمعج اكيد وراج شى

ريم : يمه من فدوه للعاقله مالتنا

عمتو اريد موبايل

نهر : شسوين بيه عيني

ريم : انگلبت والله شوفن عيونها راح تاكلني وحضنتها وابوس بيها عمه والله كل البنات عدهن واني ماعندي مابيها شى اخذ واحد قابل شسوي بيه

نهر : مو خواتج ماعدهن هاي رشا خطيبها جابلها لو ما مخطوبه تحلم تشوفه

ريم : قابل هو قنبله ذريه ياعمه هو جهاز اصيح بيه الو وهذا هو

نهر : شسوين بيه مو عدنا واحد بلبيت

ريم : اريد واحد اتلوك بيه بلكليه لعد الشايلته احسن مني

سليل : اول تالي تباوعين على غيرج وتردين الي عدهم

ريم : والله مو قصه اباوع بس حبيت هيج ادكون عليه وين صرتي واجاوبكم اي شويه واجي عود فد شخصيه مهمه وتنتظروني

رشا : الف  الْحٍمَدٍ للـّہ والشكر على نعمه العقل

ريم : هاي منو التحجي على العقل هاي شافت نفسها انخطبت عود كبرت اكص ايدي اذا متسوين مصايب بمشعول مااتسمى ريم

رشا : هم كالت مشعول عيب بابا اكبر منج وزوج اختج

ريم : عشتوو زوج اختي ومن حركتي مجان اكبر مني ومن لسانج شطوله وياه وكلمة بكلمة مافكرتي بعمره وعود من تصيرين بيته عود افكر اعدل الاسم يجوز اسمي شعولتي شعيلان شعشع شعشيعو

بس والله مشعول احلى  ذني مابيهن حس موسيقي ونغمات وتريه مشعول تحسي يكمز على الگلب وحيل راهمه لجهرته

رشا : شبيهه يمه جهرته تخبل تغارين منه لان احلى منج

ريم : اوووع احلى مني من خشمه الي يوكف عليه الصگر

رشا : عمه شوفيها

نهر : ولج والله خشمه حلوو

رشا : اصلاً هو كله يخبل

ريم : عادي القرد بعين امه غزال

رشا : شو تعالي ياقرده اني الج واركض وراها لزمتها عضيتها وكطعت شعرها وهي تعيط من اشتعلت يامشعول ولج بعدج ما دخلتي لبيته وبعتي اختج من ادخلين شسوين تغيرين اسمج بلجنسيه

سليل : ههههههه رشاوي كافي متكدرين للسانها عوفيها

رشا : اليوم انعل يومها شوفيها شلون تحجي على شعلان

سليل : والله وكت تتذكرين من تكعدين انتي وياها وتستلمنه المكرود

ريم : يمه من فدوه لحلكج ذكريها نست عمي نست هاي التنخطب حتى اسمها تنساه تكول مو حط الحلقه بيدها لومسحت ذاكرتها شصار هو رجال لو مشتريه سياره شسووين

نهر : هم يجي يوم وتصيرين مثلها وادافعين عن خطيبج

ريم : اووع ياخطيب هذا خاف خطيب الجمعه بله متسكتين عمتوو ونرجع لموضوعنا الاصلي شوكت تشترولي موبايل

نهر : من تنخطبين

ريم : هاي هيه ضليت العمر كله بليه موبايل ااخ ياريم دومج مظلومه بهاي العائله وما ماخذه منهم لا حق ولا باطل ولا موبايل ربي كون حواسم ثاني حتى ابوك شكو محل موبايلات واترس البيت ترس عود خلي اشوف وحده بيجن تريد تلفون اله ابلغ عنها الامريكان واكو علاسه

سليل : ههههه تردين حواسم علمود الموبايل مو حرام يصير يرعنه

ريم : لا بلحرام راضين ولا بلحلال وهو منو يدخل النار اني لو انتم اطلعو منها عود بذاك الوكت عندي حسنات تشفعلي

رشا : انطيني حسنه وحده تشفع

ريم : باوع منو تحجي الي تقطر حسنات خليني ساكته ريه لو نسيتي مو سوالفج كلها يمي

نهر : اروح اكمل شغلي شكد تلغين

ريم : اريد موبايل لا اشهركم بلمنطقه واخزيكم

نهر : نشتري لاختج اولى الجبيره مو انتي

سليل : شسوي بيه ماما المن اخابر قابل ومن احتاج شى اخذ مال البيت

ريم : شفتي هي مرادت سليل عمه غسلت ايدي منها انتي اقنعي بابا

سليل : اني اكول اله ادللي

نهر : خلي تولي ماكو

ريم : حبابه عمه حبابه ان شاء الله يوم مترحين لبيت الله

نهر : اوي ولج گلبي انخمش يوم عيد واروح

ريم : هسه ادعيلج صبح وظهر وليل والسجاده افرشها بلسطح واصلي حتى يستجيب بس اشترولي موبايل

رشا : هاي هي عمه بعد متشوفين بيت الله بعمرج ماطول ريم تدعيلج

نهر : هي دعوه وربكم المسهل وخرن بله مو دمعه صارت عليه لعبتن بحالي

سليل : اباوع عليها خطيه اول مره تطلب شى من بابا رحت اله من اجت وكعدت يمه وطلبت منه الها بلبدايه رفض وقنعته

حجي طه : وانتي بنتي متردين واحد

سليل : لا بابا شسوي بيه

حجي طه : سليل

سليل : نعم بابا

حجي طه : بيش شى

سليل : استغربت سؤاله شبيه

حجي طه : عيونج طافيات مو بنتي الي عيونها تجدح وكلهن لمعه دومج ساكته ونادراً صايره متشاركين ومرات هوايه اشوفج صافنه وحتى من نلتم كلنا تكعدين ساعه واتصعدين ليش هيج بنيتي

سليل : ماكو شى والله بس ملتهيه دراسه وسنه اخيره

حجي طه : دومج صادقه ويايه وعمرج ماضميتي شى لتنسين اني طه الي لو تفترين الدنيا كلها متلكين مثله يحبج

سليل : حضنته لبابا وبسته اي والله ماكو مثلك ليضل بالك حبيبي مابيه شى

حجي طه : الله يحفظج بنيتي ويريح بالج

سليل : امين

حجي طه : باجر اجيب الها تلفون متعرفين شنو الموديلات الجديده

سليل : لا والله مااعرف

حجي طه : اسأل محسن هو يعرف

سليل : بسته وطلعت

ومثل كل مره من ماعنده شغل ولا قرايه اصعد للسطح اتنفس شويه ومرات اتقصد اعوف الغرفه لرشا حتى تحجي ويه خطيبها براحتها

سليل : جنت بلدوام وسمعت ضجه الكل يكول اطلعو ويتراكضون اجيت سألت بنات واكفات كالو

يكولون صار انفجار بلمستنصريه سيارات مفخخه وطابين عليهم احزمه ناسفه وحيل متأذايين الطلاب ويخافون ليدخلون علينا احنه هم

سليل : بادت ايدي وكامت شفتي ترجف من الخوف ريم اختي طلعت اركض اريد تكسي يوكفلي اروح الها المصيبه ماعندي تلفون واخابرها كمت اعض بأصبعي كال بابا اشتري الها ونسى تكول عبالك گلبها علم

لكيت تكسي وصعدت وطول الطريق ابجي

طلبت تلفون من ابو التكسي جنت حافظه رقم رشا والبيت دكيت على رشا

شالته تبجي اني سليل

رشا : سمعتي بلصار

سليل : اي ورايحه الها

رشا : اني منتظره شعلان خابرته هسه جااي

سليل : اني اقرب منج عليها

رشا : ياربي دخيلك

سليل : بقي التلفون بيدج اذا كدرت احصل تلفون هم اخابرج

رشا : مااشي فدوه طمنيني

سليل : سديته ورجعته للسايق وبوقتها مقبل ياخذ زياده مال رصيد خلف الله عليه

وصلنا قريب شارع فلسطين جانت الطرق مسدده

ابو التكسي : اختي كدامج سادين الطريق من وره التفجير

سليل : خلف الله عليك هنا انزل

نزلت اركض وبيدي جنطتي وابجي ومهامني الناس لان اكو الي مثلي اجه يركض على اخوه او اخته او ابنه او بنته مسافه جانت مو قليله واركض بيها مرتين الوت رجلي وكملت مشي وامسح بدموعي الي متوكف واتذكر ضحكتها سوالفها تكميزها واعيط بلشارع بلا وعي ريم جايتج ريم مااعوفج حسيت روحي الطفله الصغيره الي طبت بنص النار وطلعت خواتي تمنيت بذيج اللحظه بعدنا صغار واكدر اخذها بحضني وصلت قريب المكان والناس مگلوبه والشرطه والجيش تحاول توخر الناس يخافون لا اكو بعد مفخخات منظر الدم والجثث المتفحمه خلاني اتهستر كلت اختي راحت انمردت حالها حال الراحو

ريم : مثل كل يوم دوام كملت المحاضره باوعت الساعه مبقى شى ونطلع اكثر الطلاب بدو يطلعون والي ينتظر الخط والي يسولفون بره هوسه ودوام جان يوم ٢٠٠٧/١/١٦ الجو بارد شتا باوعت المن باقيه خلي اطلع شويه وتذكرت نسيت الملزمه بلقاعه طبيت ركض ورجعت طلعت وبطلعتي صار انفجار هز الجامعه كلها عياط الطالبات وهلعهم الكل يتراكض محد يعرف شكو بس كلها تصيح دير بالكم ركضت حالي حال الكل وخايفه ومرعوبه اباوع ناس تعيط وتكول لترحون منا هناك صار الانفجار وبركضتنا على الباب الثانيه وجان اطك سياره حسيت اذني انسدت اريد ابلع ريگي ماكو العصف شمرني بقوه وشغلات تطاير كمت اعيط وابجي واصيح بابا الحكلي جنت قريبه من الباب اباوع الطلاب ممروده والدم بكل مكان والنار الگابه مباشره كعدت بلكاع واعيط وابجي بهستريا ذكرت حرگتنا تذكرت النار من طبت سليل وتوقعت اكلتها هي وغزل الطلاب يركضون فصلت من الدنيا الهبطه جنت عايشتها واني وصغيره انعادت بس بصوره اقوى جثث الطالبات والطلاب اختلطت متعرف البنيه من الولد بكل مكان مطايره لحم وريحه حركهم تعط بلجو وسيارات تشتعل لان المفخخه طكت واكلت وياها السيارات الواكفه اباوع جثث متفحمه بكل مكان  شنو ذنبهم طلاب بعمر الورد فرحانين كاعدين الصبح حتى يرحون للجامعه وياهم اساتذه ناس طلبه علم شنو الي سووه حتى يستحقون هيج موته بشعه حسيت شى يقطر على هدومي اباوع دم من راسي وجهت عيني على مكان يحرگني جتفي كله دم الطلاب الولد يتصارخون ويساعدون بلي وكعو اجو ولد يركضون ويحجون ويايه بس مااسمع شيكولون لحد موكعت ومحسيت بشئ

سليل : ركضت بين الناس اريد بس اوصل مكدرت بقيت واكفه ابجي اريد بس اوصل محد يقبل والناس تتصارخ مثلي جان اكو شاب طلبت التلفون منه وخابرت رشا وهم جايين مشي كتلهم بيا اتجاه واكفه واتشكرت من الولد

وركضت على رشا وشعلان وجانت رشا مو اقل مني متهستره ومن شافت من بعيد حجم الكارثه كعدت بلكاع وتلطم على وجهه ولج راحت اختنا راحت ريم

شعلان : على كيفكم كولو ياالله يجوز مابيه شى

رشا : شوف كدامك الطلاب مكطمه شلون النار شلون الكارثه اختي راحت وكمت املخ بوجهي ولان اضافيري طوال مباشره تجرح لزم ايدي شعلان حيل وعاط بيه

شعلان : كاافي تخبلتي خلي اندور عليها ليش تفاولون بلموزين

سليل : فدوه شعلان ابوس ايدك روح شوفها حتى لو اعرف اني اتوصل بلشرطه بس خلي اندور عليها

شعلان : على كيفج سليل هسه شوفي الناس شلون مخبوصه هسه راح اشوف بلكت اكدر اطب

سليل : حااول شعلان وحتى تعارك وياهم بس ميفيد لان مئات الناس مثلنا متعرف بناتهم واولادهم وين جانت كارثه بشريه لدرجه من شفنا وحده من سيارات الشرطه مليانه جثث أيسنا ورشا وكعت من طولها وسندها شعلان شكد منكون قويات والزمن علمنا نتحمل بس الصار بيومها يخلي الجبال ينهار اباوع وابجي ليش مكتوب عليه شكو كارثه تصير لو بيه لو بخواتي ولازم اصير بيها لازم اشوفها وتاخد حيل مني وصحه وعاافيه بقينا ٣ ساعات ما بيدنا شى لا احد يكدر يطب ولا نعرف شنو الديصير لحد ما دك التلفون مال رشا ماما عياطها هي وبابا مجانو يعرفون اني خفت على بابا ليصير بيه شى لان اسمع صوت عياطه والبجي

رشا : ابجي ويه عمه ودك مكالمه ثانيه رقم

جاوبت واسمع صوتها على كيفها تحجي بيه صوتها بحه ومطبك ومخنوك

ريم : فتحت عيوني اكو طبيب فوك راسي وسألني عن اسمي وانطيته جنا بطوارئ الكندي وطلبت تلفون وهمزين حافظه رقم رشا حفظته النا ذيج المره بلكوه بس نسيت اخر رقم لهذا دكيت مرتين مره غلط والمره الثانيه طلعت رشا

سليل : ركضنا للمستشفى مثل المخابيل وكوه وصلنا لان الطرق مسدده مصدكنا من طبينا ولكيناها حضناها ونبجي

ريم : هاا ي شبيكم تره مميته متخلصون مني

سليل : من عمري على عمرج

رشا : يومي گبل يومج

ريم : خوش والله ماطول هيج توزعن اعمار سون فضل من ارجع اريد دولمه

سليل : بيدي اسويها والله شنو الي مأذيج

ريم : ماادري راسي يوجعني مجروحه وايدي خيطوها

رشا : متأذايه شويه

شعلان :  الْحٍمَدٍ للـّہ على سلامتج يمعوده والله خفنا عليج

ريم : لتخاف انت بلذات متخلص مني بعد هواي اشواط وعركات

شعلان : هههههه تعاركي بس المهم بخير راضي والله

ريم : همزين الاصابه بيدي اقلها شهر مااشر اهدوم

رشا : اضحك والدموع بعيني والله اني بعد اشرهن

ريم : سمعتي سليل كدامج مو بعدين اطيب وترجع بكلامها هاي وحده جذابه توعدني وتخلف

شويه وطب بابا وعمه يبجون شفت بعيونهم شلون الكل مرعوب عليه وبابا وعمه يبوسون بيدي حمدت الله عايشه حتى اشوف هاي المحبه الي بعيونهم

طلعوني بنفس اليوم لان حالتي مو خطره بس كل مااتذكر الصار الدنيا تفتر بيه وگلبي يأذيني رجعت للبيت وغزوله من البااب تحضن وتبوس بيه وتبجي نمت بلهول مردت اصعد ردت بينهم خفت ابقى بلغرفه الصار حيل أذاني كل مااتذكر منظر الطلاب شلون مطشرين افقد توازني وابجي وانت مغمضه حسيت واحد وكف فوك راسي جان يكول ولج قفاصه ريم عبالي متي وخلصت من سوالفج واخلي فلوسي على گلبي فتحت عيني لكيته عمو محسن ابتسمت بهدوء جنت تعبانه ونحلانه من تأثير العلاج وكتله لو ميته تنقهر عمو عليه مباشره غابت ابتسامته وعيونه دمعت ونزل باس راسي وكاال يمكن لو صاير بيج شى انجلط انتي مو بس بنت طه انتي بنتي الماخلفتها

مديت ايدي ومسحت دموعي الي اول مره اشوفهن وكتله لتخاف مااموت اله اخلص فلوسك كلها

محسن : فدوه الج كل فلوسي

ريم : انداريت على بابا سمعت بابا هو كال بعد مو تحجون

محسن : غير انقشمرج ياعيني حتى تكومين

ريم : هههه مابيه اضحك شلونك عموو

محسن : شلونج ياعمو واني بس سمعت الخبر من وراج كل شويه طاب للحمام

ريم : هههههه ليش

محسن : يمكن سكري صعد ااخ لو ميته اله اشبعج كتل بيه حيل انجلط واصير ماسحه اني ادور على مره اجدد شبابي بيها وتالي من وراج اخلصها بلفراش

ريم : هههههه شلون تشبعني كتل غير متت بعد

محسن : شمدريني المهم مااعوفج اله اخذ حقي منج

ريم : شجبتلي غير زياره المريض لازم شى وياها

محسن : جبتلج عوده اكسرها على راسج من الهبطه الاكلتها

ريم : لعد روح عمو زيارتك مرفوضه ماطول مجايب شى

محسن : اعرف بيج جوعيه وام بطن جبت الج اشكال النساتل حتى تكومين بسرعه مااحب اشوفج مريضة

ريم : اذا هيج مستعده اكوم اركصلك ومو بس اطيب

رشا : ههههه ام شى بطنها

سليل : اباوع على لمتنا واحمدالله مصار شى ويكسرنا الكل تعب من الهبطه خوفنا على ريم خلانا منندل دربنا والحمدلله عدت سلامات بس اكيد غيرنا ناس بهذا التوقيت تصرخ على فقدان اولادهم الله يعطيهم الصبر

مرت الايام والحياه رجعت طبيعيه تعلمنا احنا العراقيين يصير تفجير وكارثه منا نغسل الشارع منا وره كم ساعه تفوت السيارات والناس ولا كأن صار انفجار هيج خلصنا اشهرنا يوميه انفجار بلمكان الفلانيه راح ضحيته كذا عدد بحيث نسمع الاخبار الاسبوع  المابيه انفجار نتعجب اما القتل والطائفيه صارت بأوجها للحد بغداد هواي ناس هاجرت من وره القتل والتصفيه الطائفيه نباوع مناطق كامله صارت فارغه بسبب التهجير ومحد يعرف ليش هيج ديصير بينا

طول هاي المده اخذتنا الحياه رشا ملتهيه ويه شعلان وبابا  الْحٍمَدٍ للـّہ شغله احسن وريم وهوستها على حطتها وغزل وهدوئها مرات تبقى بلساعات بلغرفه تقرا ومنسمع صوت الها

صار التخرج مالتي محضرت اي حفله فقط صوره التخرج لان بابا وعمه توسلو بيه حتى اخذها ولخاطرهم بدلت قاط التخرج ورحت اخذت صوره ورجعت وعلكت الصوره بلهول وبابا يطب ويطلع يباوع عليها ويبتسم اعرف وهو وماما نهر فرحانين اكثر مني ولو جان سجاد موجود هم جان فرح اعرف اكيد جان فرح

بهاي الفتره ريم صار عدها تلفون ومكيفه بيه من وره الحادث بابا اشتره لكل وحده بينا جهاز خاف ليصير شى اقلها نتصل جنت ادوم اصفن عليه واكول شيصير هسه لو اسمع صوته اسمع انفاسه والله اشتاقيت اله

ريم تعرفت على صديقه بلكليه واخيراً صار عدها صديقه وره شهر كالت الها

زينه : ريمو تعرفين اخويه طبيب جلديه والله اكو حالات مشابهه خفف منها البهاق

ريم : خفف بس مراحت

زينه : هم تخفيف شبي امشي الله عليج خلي نروح اله متخسرين شى

ريم : تعرفين اضوج من هذا الموضوع بلذات

زينه : والله متندمين شوفي شكد حلوو شكلج ومرتبه وسمارج يخبل وهاي النقاط بسيطه

ريم : بس اكو بجسمي اكبر

زينه : المهم الي ظاهر منها هسه يم عيونج واذنج والي بخدج الايمن يله احجزلج

ريم : لا

سليل : حجت الي ريم على الي صار وكوه قنعناها بعد ما بابا توسل بيها وانطاها فلوس وراحت للطبيب واثناء الفحص سوالها حتى تحاليل مال هرمونات وكلشي وانطاها عصارات وخبطات وجنا اني ورشا نشرف على علاجها لان نعرف بيها تتهرب بدت البقع الصغار تختفي اول بقعه راحت مال الخد ومن شافتها ريم راحت كامت تكمز من الفرحه اول عامل كال الها الطبيب لنجاح العلاج هو النفسيه لهذا كمنا نحافظ على نفسيتها بس البقع الكبير مجاب العلاج نتيجه وبعد بالايام الجايه يحاول الطبيب بعد وياها

نجحنا والحمدلله كلنا واني تخرجت ورشا راحت مرحله رابعه وريم مرحله ثانيه وغزل ثالث متوسط

حياتنا والحمدلله زينه وهادئه

اني كعدت بلبيت بعد التخرج وصيت عمو محسن من معارفه على تعيين لان مع الاسف مهندسه بس تعيين ماكو سمعه وبس

جنات جابت ولد وحيل فرحنا الها وطول هاي المده بابا يلم بفلوسها وكال ماارتاح اله اكملهم كلهم

وبيوم لا على البال والخاطر حدود شهر التاسع اجه بابا وجهه مكلوب كاعدين وطب

نهر : شبيك طه

حجي طه : مابيه

نهر : لا بيك ومتأكده تعرفني بيك

حجي طه : امج رجعت

نهر : هاااا رجعت وين وشمدريك

حجي طه : اليوم شفت علي بلسوك يدور محل يشتري واجو جماعه كالو عندك اخ اسمه علي من سألتهم كالو اجه يشتري محل وبيه شبهه منك ومن الاسم الثلاثي عرفنا لان مشتري المحل منهم

نهر : لزمني گلبي مهما كان هي امي واكيد اتمنى اشوفها بس اعرف بيها مترحمني

حجي طه : كون تجوز من المشاكل متوقعت يرجعون

نهر : وعائلته ويااه

حجي طه : مااعرف اكيد وياه وين يرحون

ريم : حسيت روحي طلعت ورجعت من سمعت معقوله بعد هاي السنين اشوفه

بقيت اروح واجي اكول هم يجي ويدك الباب ويسأل وانتظرت يوم والثاني والثالث لحد ماكلت اكيد نساني

والعصر طلعت اغسل الكراج لازمه الصونده وادندن وارش ماكو احد هدوء وكف گبالي شاب حليوو طويل وشكله مرتب معاني رجوليه ولحيته مرتبه وملابسه راقيه حيل صفن عليه احس شايفته عيونه مو غريبه عليه

هو كال شلونج ريمتي لو جفلت

اريد اركض احضنه اريد ابجي من اشتياقي اله تقرب مني وشمرت الصونده

حسين : مستحيل معرفتيني

ريم : سحليه

حسين : هههههه اي سحليه بعدج تصيحيلي بهذا الاسم

ريم : تقربت ردت احضنه من شوقي الي اتذكرت احنا كبرنا وعيب بعد احضنه ميصير ورجعت لمكاني حس عليه اتقرب وجر راسي وباسه وكاال اشتاقيتلج كولش

ريم : ابتسمت بفرحه وكتله متغير معرفتك

وكبران

حسين : وانتي متغيرتي بعدج حلوه ودلوعه ولسان

ريم : تعاال طب اكيد البنات راح يفرحون بجيتك

دخل واني ممصدكه شفته شلون رزن وهادئ ويمشي بثكل بلحظه ردت اضربه جلاق واكوله والله اشتاقيت لسوالفك وادنج واضحك على تفكيري

زين هو وين جان وشلون عافنا كل هاي السنين

طب والكل استقبله بحب لان هو جان اخ النا وعمه طكت بجي من شافته ممصدكه

وكعدنا سوالف ويحجي تالي سألته

وبيبيتك شخبارها

حسين : زينه بخير

ريم : شعجب رجعتو

حسين : ليش متردين نرجع

ريم : لا بلعكس طولت الغيبه

رشا : والله شكد شايفه ناس تتغير من تكبر بس مثلك ماشفت صاير شاب وجنتل معرفتك والله

حسين : ريم معرفتني وانتي هم وسليل عرفتيني لو لا

سليل : شبهت عليك من صوتك لان مو حيل متغير الصوت

حسين : همزين احد عرفني

واحنا نسولف جان نسمع دكت الباب ركضت غزل تفتح الباب شوي ورجعت كالت

اكو وحده بره تريد ماما نهر

نهر : طلعت اشوف منو وجان اتفاجأ امي انعام بقيت باهته مهما سوت تبقى امي وجنت حيل مشتاقه الها ركضت فتحت الباب وشمرت نفسي بحضنها جان تدفعني وتدخل انصدمت من سوايتها وطبت لداخل البيت تعيط وينه الحرامي وينه

سليل : طبت واني شفتها وتذكرت شكو شغه غمه بحياتنا صارت

انعام : وينه ابن رازقيه الحرامي

نهر : شبيج يوم شجاج

انعام : ولج ماخذ فلوس جعفر وفاتح مطعم ويلعب بفلوس اخوه لعب فوك ماكتل ابني يريد ياخذ فلوس ابني الثاني والله اليوم اسويها دم

حسين : بيبي شجابج

انعام : انت شجابك هنا تخبلت اجيت تركض عليهن ذني الكح.. ذني بنات الحرامي والكاتل امشي ارجع للبيت لابوك عوف ذني امهات الوصخ تلكه هسه سمعتهن انكس من سمعت امهن

رشا : لهنا وبس مال اطعنين بشرفنا مااسمحلج ولو هم مااسمح الج تجيبين طاري ابويه

انعام : انتي ياهو منهن ياساقطه

رشا : مره جبيره اخاف امد ايدي وهسه اخنكج هنا واموتج بيدي واني ورايه عرس واريد اتزوج ليش اضيع عمري بيج

ريم : اني لا مخطوبه ولا اريد اعرس اني اخلصج منها رشاوي وجيتت عليها ولزمني حسين

حسين : شبيج اوكفي موعيب اكبر منج

ريم : انت تعلمني العيب شوف شلون لسانها تكول رشاش من طبت لهسه تعد وتصف حتى محترمت المكان الطابه بيه وتطعن بشرفنا

انعام : والله وكبرتن وطلعت الجن لسان هاي انتي البكعه مو عرفتج من بكعتج

ريم : تغارين لان احلى منج

نهر : يمه شتردين هسه

انعام : اريد فلوس جعفر الي اخذهن

نهر : طه مماخذ شى وانتي منو گلج ماخذهن

انعام : رحت لهاي الزماله جنات عرفت بيها متزوجه ابارك الها الله لايبارك بيها الادبسسز  وسألتها عن حصتها بلمنحه لان اني اول ماوصلت اخذتها ردت اشوف وين ولت بلملايين الاخذتهم بعدني ممكمله جان يكول  رجلها مو عمها طلع اله نصيب وهي اخذت ١٥ والباقي اله واني ياكاع انشكي وابلعيني ما ارتاحيت اله خليت رجلها يهطرها (يضربها) لان انطت لطه فلوس جعفر

سليل : يابه شگد مأذيه كبرت وبعدج تأذين الناس مو حرام البنيه بيتها وممسويه شى الج وادمرين حياتها

انعام : وبعد وبعد على سوايتها اذا مرجعت الفلوس واخذتهم من طه وروح ولدي النحرمت منهم اله اخليها تطلك عقاب الها شلون تساعد طه شلووون

ريم : عادي وتطلك تجي يمنا هنا بيتنا مفتوح الها

نهر : يمه لتدخلين حرام عليج ادمرين حياه البنيه

انعام : اسمعي لج اني گلبي غضبان عليج ليوم الدين ومااريد اشوف جهرتج بس كولي لاخوج السكط اذا مرجع الفلوس لا اندمه على الساعه الفكر يأخذ من جنات

رشا: لزمت التلفون وخابرت جنات

وكتلها على السريع بعدين نتخابر رجلج إذاج

جنات : ضربني وانقهر مني وكعدت واعتذرت منه وفهمته كلشي مضميت شى عليه وعدته الكاع من تطلع شكد يطلع الي منها اله

رشا : ولج هذا طمعان بيج

جنات : ميخالف المهم هسه امتص غضبه

رشا : هاي بيبيتج هنا گالبه الدنيا

جنات : افتحي المايك وصيري قريبه منها

فتحت وتقربت منها

بيبي لو شمسوين مااخذ الفلوس من عمي وحتى اذا طلكني عدي خلي يطلك ارجع بيت عمي جايه وتعيطين وتهوسين بيا عين مكافي شمرتيني بيت اهل امي ورحتي وعفتيني احسن مداعين بفلوس ابويه اكعدي ويه نفسج وحاسبيها وفكري شراح تكولين لابويه يوم متشوفي بالاخره ويسألج عليه وشلون شمرتي بنته اليتيمه بليه ام ولا اب بليله ظلمه ودرت وجهج ورحتي وصرت خدامه الهم وانذليت وعناد بيج مااخذ فلس من عمي

ريم : عااشو حيييل هيج احسلج

يتبع ....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثامن_عشر

اشكد مشتاك اضمك للكلب ساعات

واشم عطر الأمان بروحك الترفه

حتى أكعد عمر بعيونك الحلوات

ومن لمست حنانك عمر ثاني اغفه

يل حتى من اشوفك هم أرد اشتاك

ولوأشوفك عمر ماتبرد اللهفه.

ريم : عااشو حيييل هيج احسلج

سليل : اششش اسكتي

جنات : بيبي اطلعي من حياتي بروح ابنج جعفر مااكولج بس بروحه عوفيني ابتليت صرت بت ابنج وخالتي هم ام حسين لتخابر ولا توصل طيحتو حظي وشمرتوني وهسه ادورون ورايه وتردون تهجمون بيتي

انعام : خفت والله قليله اصل وتربايه طلعتي

هاي تاليها ياجنه هيج تسوين بلي ربوج

جنات : ربيتوني وطيحتو حظي وشمرتوني على بيت جدي وتعرفين جم مره خابرتج وكتلج كعد تضربني مرت خالي ومره خالي جواني وجم مره كتلج على ابنه يريد يتحارش بيه وانهزم واسد الباب تعالو اخذوني خلوني خدامه يمكم بس لتعوفوني يمهم تكولين البسي عريض واسمعي الكلام محد يتعرضلج واني راح ادز فلوس لخالج حتى ميأذيج انعل ابو الفلوس الي تخليني ماانام الليل لان خايفه

انعام : لو حاركتهن ولا منطتهن اله مالكيتي غير هذا المهجوم الكاتل عمج تنطي فلوسج

جنات : بكيفي انطي احركهن ماعندج شى يمي ورجاءً لتوصلين بعد لبيتي كافي اليوم من وراج جان اطلكت وجهي هسه مورم لان ضربني

انعام : يطبج طوب عساج بأبو زايد لو رجلج بيه خير جان سگطج

نهر : اي ليش خطيه يعني بس اريد افهم لشوكت تحبين اذيتنا متعبتي ما مليتي

انعام : انتي بلذات تسكتين لو اشرب من دمج مايفوخ گلبي من سوالفج خلصتي عمرج ثوله وتبقين ثوله وتاليها صفيتي خدامه لطه وبناته

سليل : ماما نهر امنا وعمرها مجانت خدامه

انعام : ههه ماما نهر خوش مقشمريها وذاك الاغم ابوج تاليها قشمر جنات واخذ فلوسها

جنات : اروح اني عدي يصيحني

رشا : الله وياج

انعام : الله ياخذج حرگتي گلبي

حسين : كاافي حجيه امشي تره ميصير هيج

ريم : ههههههه حجيه هههههه والله ضحكتني هو بقى بيت الله لهيج نماذج تعبانه ويصيرون حجاج

جان يعيط بقوه حسين

حسين : ريم احترمي نفسج مو عيب

ريم : تقدمت عليه ورفعت اصبعي بوجهه واحجي بقووه بس داخلي نار وكتله

اياك مره ثانيه ترفع صوتك بوجهي واذا معاجبك نحجي على بيبيتك اخذها واطلع بره ولتخلينا نشوف وجهك مره ثانيه اخاف هلمره راح اسكت الك تقديراً لعشرتنا القديمه مره ثانيه مااسكت

نهر : جريت ريم تعالي ماما وطببتها بغرفه طه

سليل : هسه اجيتي وسويتي مشكله هذا هو

رحمه لاهلك حسين اخذها

حسين : امشي بيبي

انعام : اوكف خلي يجي طه ماشفته اريد اليوم اطلع القضى والمضى على راسه وراس الخلفته

حسين : كتلج امشي وجرها من ايدها وطلعو

نهر : كعدت بلكاع ابجي رجعت بلاويها ومصايبها يعني الله اكبر لا گبل كعدت راحه ولا من گبرت

رشا : على كيفج عمه ليصير بيج شى

نهر : شلون ميصير متكوليلي هاج حتى اليتيمه لاحكتها بعربانه والله اعلم شراح يسوي رجلها بيها

سليل : اني بالي يم بابا هاي مراح تجوز منه زين بس اريد افتهم مو عمو علي بعثي شرجعه

رشا : والله مال واحد يبلغ عنا وخلي يطكوه

نهر :اني گلي طه سائل وتدرن شمسوي المزيون

رشا : شسوه

نهر : مو دخل السجن اختلاس مدري بوكه المعزه مسجل نفسه باعث سياسي عود لان جعفر اخذوه وعدنا معدوم هو عود من وره جعفر دخلوه السجن وتبلو عليه

رشا : هااا شنو شلون يصير هيج

نهر : يمه بلد خربان ضلت للعاريه شتحجين انتي الحرامي والكاتل والمرتشي والزاني كلها صارت سياسيين وضاع الصدك الضحى وجاهد من الي خلصوها سجون من سوالفهم التعبانه كلها كالت جنت احارب صدام وعلي منهم وخاصه سالفه جعفر فادته من السما للكاع ورجع بزودها

رشا : مثل اخو سندس رجع ورجعها وياه على طاريها بهاي العركه بس هي ناقصتنا جان كملت

نهر : الله لايريحها دنيا واخره اخذت هلواحد وطفرت وعافت اخويه يضرب اخماس بأسداس لا عبالجن ابوجن ناسي الله يعلم بحاله وحال گلبه

رشا : اكولكم ريم وين

نهر : دخلتها بغرفه طه شو صنطه مطلعت

سليل : اكوم اشوفها

رشا : اخذيني وياج

طبينا بلغرفه لكيتها فاتحه الشباك مال الغرفه وتفرح بلبرده وتباوع على وره البيت

ريموً بيج شى

ريم : لا

رشا : مبين من هيج راح اطكين احجي

ريم : شفتو جاي وره خمس سنوات ويدافع عن بيبيته

سليل : اكيد يدافع غير بيبيته وخاصه هاي السنوات اكيد دوم هي وياه وتعلق بيها

ريم : يطبه طوب هو وياها بس ميعيط عليه اشتغل عنده لو عند انعام

رشا : لتنسين انتي هم مكعدتي راحه ويجوز ردت فعل عاديه منه

ريم : هو خلص طفولته ويانه شنو نسه شسوت بينا لو السفر والخارج غيره

سليل : هسه انتي ليش محروك گلبج

ريم : انقهرت منه لان عيط عليه

سليل : ميخالف على كيفج لتضوجين كلشي يتصلح ولو ماطول انعام رجعت اكص رجلي وايدي اذا تصلح شى

رشا : امشي اطلعي من الغرفه ليجي بابا وهم تعالي غسلي وجهج وراح علاج تحطي

ريم : مااحط تعبت لعبت روحي

سليل : ريم بله دلع وامشي واسمعي الكلام

ريم : اهوووو رحت غسلت واذب مي على وجهي من حراره جسمي احس المي يتبخر جنت حيل مقهوره منه لان عاط عليه جنت مشتاقه اله لدرجه متوقعتها بس وضعه وكفته ويه انعام صدمتني وخلتني اعيد حساباتي كلها بطبعي من اضوج ماابجي اله نادراً من احس الالم يكطع بيه يله تنزل دموعي وبسبب هذا الشى اتأذه لان اكتم بگلبي

اجه بابا وحجوله كلشي وهو تعصب اني دخلت للغرفه وكعدت العب بلتلفون اقضي وكت اذا انزل انهد على انعال واضل اخربط بلحجي من حركت گلبي

حجي طه : بعد من تجي لتفتحون الباب الها

سليل : متوقعناها تجي وفوكاها تتعارك

حجي طه : الله يهديها اني بكل الاحوال الم شوي شوي بفلوس جنات والحمدلله شغل المحل خير من الله بس خايف

نهر : من شنو

حجي طه : سمعت علي راح يفتح مطعم بلجهه المقابيلي ونفس مطعمي نفس الاكلات وهذا الشى راح يخفف الرجل عليه

رشا : يعني خلصت الاماكن اله يمك

حجي طه : شسوي اتعارك وياه هم يكولون الناس انت شعليك بيه هو الرزق على الله

سليل : هذا حسد عيشه ميصير هيج

حجي طه : والله يابنتي من سمعت اجو انقبض گلبي

نهر : وين نولي منهم صار سنين خلصانين وهاي تاليها يرجعون وفوكاها يحاربوك برزقك

حجي طه : خلي نشوف الايام الجايه شيصير ومحسن كال لازم بعد نهتم بالاكل حتى ميكدر يكسرنا

رشا : عيشتيش هاي ياربي يعني هذا اخ لو عدو

حجي طه : يابنتي مع الاسف ابن ابويه عدو الي هذا هو  الْحٍمَدٍ للـّہ على كل حال الاريده منكم مالكم دخل بيهم تجي انعام تهوس بلباب لحد يفتح الها وجنات بلكت اروح باجر لرجلها وافهمه الموضوع

نهر : لتروح ولا توصل بس تروح يگبر راسه ويتشمخر عليها ويجوز يإذيها منعرف شنو الي كالته لرجلها وسكتته منريد يصير التباس بين حجيها وحجي مالتك هي اذا اكو شى او سوالها شى راح تجي تبلغنا

حجي طه : والله بالي يمها هلبنيه مالها ذنب وانداست بلرجلين

نهر : ان شاء الله انت موجود وماعليها شى لتخاف بس خلي هي تتصرف

حجي طه : الله كريم ريم وغزل وين

رشا : فوك بلغرفه

حجي طه : اطب ارتاح مااريد عشا راح اصلي وانام

نهر : ليش ياعيني اكل ويانه شويه

حجي طه : مجوعان اكلو انتم بلعافيه

سليل : بيومها محد تعشى الكل مخنوك رجعه انعام المزعجه عكرت حياتنا

وريم الي تاكل بأضافيرها ٢٤ ساعه ومتوتره ورشا دوم ويه شعلان ومره عسل ومره بصل متمالخين ودوم هو الي يسكت ويعدي الوضع

ريم : بقيت متوتره لثاني يوم كعدت الصبح وطلعت بلحديقه الم الورق مال الاشجار واكطع بلحشيش

رشا : شسوين

ريم : طلي ويكطع بلحشيش شسوي مو كدامج داانظفها وشبيج هيج عصبيه ومن البارحه لليوم صوتج ماسمعناه

ريم : مابيه روحي لشعشوعي مالتج وجوزي مني

رشا : ههههه هسه جنت احجي وياه وتعاركت وسديته

ريم : مخابيل شلون راح تتزوجون مااعرف شبيج وياه

رشا : هاي هند اخته فد حقيره حاطه كورها وكوري واني ولا يمها

ريم : اكرصيها كرصه زينه حتى اتوب وشبيهه رجلج يسمع الها بعدنا بسم الله

رشا : لا هو بلعكس كعد يكول اخاف تحجي شى لتجاوبيها اسكتي واني اخذلج حقج واني مقبلت شنو ناقصه لسان

ريم : ميدري متزوج ام اربع واربعين لسان

رشا : وانتي خطيه فقيره

اوكفي هاي منو اجه تقربت من الباب شفته حسين

هلوو حسوني

حسين : صباح الخير

رشا : صباح النور تعال تفضل

ريم : شكوو مبين نسيت تعيط بعد اجيت تكمل عيطتك وتروح درت وجهي منه واكطع بلورق مال شجره الرارنج

رشا : اني عمه تريدني شويه واجي طفرت وعفتهم مبين جاي على ريم

ريم : حسيته ورايه وجان يكول

حسين : شسوين

ريم : الم الورق

حسين : تره الورق بلكاع انتي كطعتي  الشجره 

ريم : انداريت عليه واريد اكطعه شتريد

حسين : هاااج

ريم : باوعت علاكه مال هدايه احجي ومتعصبه هاي شنو

حسين : هديتج جبتها ويايه من اجيت من السفر

ريم : شكراً خليها الك

حسين : اول مره تردين ايدي

ريم : لان انت مو سحليه القديم

حسين : ليش شنو التغير

ريم : سحليه القديم جان ميقبل احد يرفع صوته عليه ولا يضوجني ولا يسمعني شى موزين

حسين : انتي تجاوزتي ولتنسين كبرتي مو ريم الصغيره المتعرف تحجي او العصبيه حتى الواحد يسكت على سوالفها المفروض انتي طالبه جامعيه وتكونين اهدأ واعقل وكلامج موزون ريم انتي كبرتي

ريم : متكول هذا الشى لبيبيتك لو الكبر والصغر بس من يم ريم

حسين : مهما كان تبقى مره جبيره وعيب تجاوزين عليها

ريم : مو انت الي تعرفني العيب اسمع حسين اخاف شفت نفسك تغيرت وكبرت وكمت تحبها وتتقرب منها ومتقبل احد يتجاوز عليها لان هي ام ابوك احنا وبلذات اني ابقى اكرهه واموت منها لاخر يوم بعمري وهي متقربلي بشى واهم نقطه انت تغاضيت عنها تره مو احنا الدكينا بابها واتعدينا عليها بيتها هي الاجت وتجاوزت وحتى طعنتنا بشرفنا وانت شسويت ساكت عود كل شويه تكول الها اسكتي بيبي ومن حجيت اني عطت بيه

حسين : شسوي يعني مره جبيره ومريضة ومااكدر أذيها لازم الواحد يتحملها وكدامج اخر شى اخذتها من ايدها وطلعتها مجبورين نتحملها

ريم : انت مجبور تتحمل مو احنا هي لا تقرب النا ولا تقرب لبابا غير مرت ابوه وانت اكثر واحد عاش ويانه معاناة القهر من انعام وحتى من انهزمنا من بغداد لان انت بنفسك اجيت وگلت لبابا اخذهن وروح لتأذيكم شنو نسيت اذا نسيت اذكرك

حسين : متوقعت بعد هاي السنين تبقين هيج حاقده

ريم : واكثر والله الي بگلبي على هاي المره جبال من الحقد والكرهه واذا فكرت بيوم تصير بيني وبينها راح اكرهك وياها

صفن بوجهي شبيك صفنت سكت مجاوب عدتها عليه شبيك صفنت اكو شى

حسين : اشتاقيت لعصبيتج

ريم : شنو

حسين : اشتاقيت لنبره التهديد بكلامج اشتاقيت لايدج من تحجين وانتي عصبيه تهتز وتأشرين بيها

ريم : هنا مثل مي بارد وذب عليه مباشره اختفى صوتي وسكتت

حسين : اني حسين ريم لتنسين هذا الشى

ريم : دمعت عيني وكتله انت نسيت ورحت حتى مسألت شصار مصار ميته عايشه

حسين : الله يعلم بحالي شلون جنت واني اتمنى خبر ولو صغير عنكم وماعندي احد ادزه حتى يسأل ومكدرت انزل لبغداد ابويه جان مانعني اتصوري حتى الجواز اخذه لان اكثر من مره ردت اجي

ريم : وشعجب هسه اجيتو

حسين : رتب اموره وكدرنا نرجع

وطول الطريق واني بس افكر من اشوفج شراح اسوي

ريم : خوش سويت عيطت عليه وبرطمت

حسين : ولا تكبرين بعدج نفس السوالف والهوسه ونفس من تزعلين الشفايف تبرطم والعين تدمع ومتنزل دموع هاااج ريمتي اخذي

ريم : اخذت من ايده وفتحت العلاكه لكيتها لوحه من قماش طلعتها جانت صورتي حياكه جانت بمنتهى البداعه والجمال

بس الصوره واني وصغيره

هاي صورتي من صغيره

حسين : تمنيت يكون عندي صوره وانتي جبيره بس تعرفين شى محلوه

ريم : لا بالله

حسين : ولو انتي من الاول حلووه

ريم : ابتسمت وباوعت على الصوره وكتله بيها خلل

حسين : شنو

ريم : البكع مالتي ماكو

حسين : اني من طلبت يشتغلون بيها يشوفج بعيوني مو بصوره

ريم : يعني شلون

حسين : يعني اني اشوف ماكو بكع وكتلهم تسوها مثل مااني اشوفج

ريم : بس اني كعد اتعالج

حسين : حتى لو متعالجتي تبقين حلووه

ريم : باوعت عليه هدوئه وركازه كلامه واناقته تخليني اهدأ واسمع اله و اشوف نظرته الي نفس نظرته القديمه اني من جنت صغيره اعتبره صديقي الصدوق وابن عمي بس هسه شراح اعتبره يبقى داخلي هم بس صديقي

حسين : اتريكتي

ريم : لا

حسين : يله جوعان امشي نتريك سوه

ريم : يله مشينا شويه وكال

حسين : لتزعلين ريمتي مني تره ميهون عليه زعلج

ريم : ماازعل بس بعد لتعيط

حسين : وانتي هم لتهددين

ريم : امممم اشوف

حسين : يله ناكل جعت تره

ريم : والله مو بكدي

طبيت مكيفه وطايره من الفرح بكم كلمة منه كدر يغير حالي كله وكعد ويانه وعمه كيفت لان اجه ومذكرنا ابد شصار ولا جبنا طاري انعام

وره اسبوع جان موعد طبيبي وهو موجود يمنا وكال اني اوديج وبوكتها رشا كيفت لان تريد تطلع ويه شعلان

نهر : عينك على بنت عمك حسوني

حسين : شنو جاهل كدامج ياعمه

نهر : يمه رجال والنعم منك بس تشوف الوضع والمفخخات يخوف الشارع من الطبيب وتجيبها لتتأخرون

حسين : مااشي

ريم : نزلت لابسه بنطرون جينز وقميص طويل سمائي وربطه وجنطه صفح وترانشوز اني مااحط مكياج بس كحل ومسكارا واصلاً ممنوع احط اي شى على وجهي علمود العلاج بس احط ذني لان بدونهن عيوني تصير ميت طالع من الكبر بگفاله كملت ونزلت

طبيعتي من انزل الدرج اكمز

نزلت صار بوجهي

حسين : لتوكعين يمعوده ليش تكمزين

ريم : احب اكمز يله كملت

طلعت وياه وكفت بلباب

حسين : يله اصعدي

ريم : هاي سياره منو

حسين : سيارتي قبل يومين اشتريتها

ريم : طكوك ومنيلك فلوسها بله من بابا السياسي

حسين : ريم لسانج شويه

ريم : سكتنا يله خلي اجربها شعليه اني ماعسى فلوسها من انعام المهم توصلني للطبيب

صعدت وياه وجانت السياره موديل ٢٠٠٧ حديثه ومبينه غاليه بجيسها بعدها

ريم : شغل اغنيه شى وين رايحين للمكبره

حسين : صار ست ريم

شغل وطلعت اغنيه

لتسولف علينة من يسألون

عيون الناس لاتحسد عشكنة

واذا طلعت شمس فوت انة للبيت

لان شمسين معناها احتركنا

من احضنك احضن الدنيا بدية

حبيبي وغالية عيونك علية

بسرعة الوكت صاير يخلص وياك

الهوا انتة واذا رحت اختنكنة

واذا طلعت شمس فوت انة للبيت

لان شمسين معناها احتركنا احتركنا

ريم : حلووه هاي الاغنيه مال منو

حسين : محمد عبد الجبار

ريم : حبيتها بقيت اسمع ويااه بس حسين جان يغني بهدوء وياها ومره يباوع عليه ومره على الشارع عطت بيه يمعود لتدعمنا

حسين : فززتيني ابد متسوين واهس لواحد يسمع اغنيه

ريم : عود من نندعم وينقلونا للمستشفى اغنيلك سلامتك من الااااااه وخوش اسويلك جوو استعجل ليروح علينا الطبيب

حسين : صار

ريم : وصلنا لعياده الطبيب وكعدنا بالانتظار شويه وصل السره النه

هااا راح تدخل ويايه

حسين : لعد ادخلج وحدج

ريم : اوك تعال ادخل شبيك گلبت وجهك

دخلنا للعياده واستقبلنا الطبيب

دكتور سامر : هلو بست ريم

ريم : اهلاً دكتور

سامر : تفضلو اخوج الاخ

حسين : لا ابن عمها

سامر : هااا اهلاً وسهلاً

طمنيني شلونه العلاج وياج

ريم : دكتور مرات يحرگني والمناطق الجبيره ماكو اي تغيير

سامر : ميخالف من الاول كتلج مرحله العلاج ويايه راح تصير طويله تفضلي خلي اشوفهن

كعدني مثل كل مره وجهه الضوه وبده يتلمس منطق العلاج طبعاً بس بوجهي وافتح الربطه اكو كم وحده برقبتي يشوفهن والي بجسمي اوصفهن اله شفت حسين طفر وانزعج وبقى يلوب حس عليه الطبيب

سامر : اخذ راحتك اخي بين مااكمل الفحص

حسين : ميحتاج باقي وياها

سامر : مو شفتك كمت كلت اذا تريد اخذ راحتك شوي ونكمل

حسين : ميحتاج باقي

ريم : منداريت على حسين لان مبين من نبره صوته صاير نار كمل الفحص وكتب على عصاره جديده

شكراً دكتور تعبتك سلملي على زينه

سامر : هذا واجبي عود تعالي زورينا زينه اكيد راح تفرح بجيتج

ريم : ان شاء الله شكراً مره ثانيه

سامر : لتنسين موعدج تره انتظرج منريد نغلط بلعلاج

ريم : ان شاء الله ما اتأخر

طلعنا وحسين يمشي كدامي وعصبي حيل من اجه اول مره اشوفه هيج

صعدنا بلسياره ركع الباب حيل وصعدت وشخط السياره من السرعه گلت والله ولانوصل للبيت گبل لشعبه الكسور بقيت ساكته وصلنا لنص الطريق جان احجي بهدوء

شبيك ليش احسك ضايج

محجه شى وبس عيوونه على الطريق

شبيك سحليه

جان يعيط اسمي حسين مو سحليه افتهمتي واحنا كبرنا ومااحب هيج ادلعيني جانت عيطه قويه لدرجه انخمش گلبي ورجفت منه مدري خوف مدري ممتعلمه عليه هيج يتصرف ويايه

اني مااكدر اسكت مباشره كتله ماشي بعد مااكول سحليه وانت هم متكول ريمتي اني مو ريمتك اني ريم وبس

جان يطبك ويوكف السياره واندار عليه

حسين : شكو بينج وبين الطبيب

ريم : هاااا

حسين : وجعا شكو بينكم

ريم : ههههههه هههههه

حسين : مو احجي وياج شنو السفاهه الي انتي بيها

ريم :هههههه والله شكلك يضحك ياطبيب بابا الدكتور سامر

حسين : لتنطقين اسمه لهذا الطايح الحظ بعد شويه وافلش وجهه

ريم : غابت ضحكتي واستغربت تصرفه ليش شكوو حتى هيج تسوي شنو البدر منه

حسين : جان عيونه عليك ويدقق بجسمج ويتلمس بشرتج

ريم : تره اني لطبيب جلديه تعرف شنو جلديه يعني وظيفته الجلد مالتي بشرتي يلمسها ويفحصها

حسين : وتفتحين الربطه اله ويتلمس رگبتج

ريم : انت صدك تحجي غير دكتور واني مريضه ولازم يشرف على حالتي ويشوف لوين وصل علاجه شتريد يلزم عوده الماسحه ويطخ الجلد مالتي حتى لتتضايق حضرتك وثانياً لا حياء بلعلم والطب وممسويه شى غلط

حسين : كل مره منو يجي وياج وادخلين وحدج اله

ريم : كل مره لو سليل لو رشا وتعال كولي انت بيا حق تحاسبني

حسين : ليش نسيتي اني ابن عمج

ريم : انت النسيت صارلك ٥ سنوات عايفني ومتعرف شى عني طبيت طلعت سويت شى مسويت لا عبالك مفهمت حركاتك تره مو ريم الي تقبل على الغلط ولو حاسه لمسته بيها تجاوز انزع الي برجلي واحطه براسه بس ادري بيه من صميم عمله والرجال ثكيل ومحترم لاتبقى تتعصب وتعيط وتسوي نفسك المحافظ عليه تره خلصت مراهقتي وحدي وماسويت العيبه وهسه صار سنتين بلكليه وحدي لا احد تعرضلي ولا اسمح احد يتعرض بدون ماارده

جر نفس وطلع من السياره وبقى يتمشى يروح ويجي واني اباوع عليه والله شكله حلوو من يتعصب هم بيه بله توقعته هادئ

نزلت الجامه وكتله استاذ حسين المحترم ممكن ترجعني لان تأخرنا

اجه صعد وشغل السياره وكام يمشي على كيفه باوعت كتله اوكف

حسين : شكوو

ريم : كتلك اوكف وهو طبك السياره

حسين : شبيج

ريم : انزل جيب لفات جعت غير ابن عم كرميده

حسين : كرميده شنوو

ريم : يعني بخيل

حسين : اني بخيل

ريم : اي انت هسه طلعنا وراح نرجع وانت مموكلني شنو معناها

حسين : صار شتاكلين

ريم : لفه كص ولفه همبركر وقوطيتين ببسي الحجم الجبير لتصفن بوجهي اي وحدي اكلهم

حسين : وين يروحن وانتي رشيقه

ريم : يرحن لمصرف الدم شلك دخل وين يرحن المهم اكل جعت يله

نزل وراح جابهم وجاب اله همبركر وكعدنا ناكل هو كمل قبلي

ريم : جوعان بعدك

حسين : لا شبعت

ريم : تره ماانطيك مني اني قصدت اجيب لفه وتاكل ويايه احسن ماتحط عينك على لفتي واغص بيها

باوع عليه وابتسم

ريم : واخيراً بينت سنونه والله حلوات ليش مطلعهم

حسين : اكلي وامشي ارجعج وبعد مترحين لهذا الطبيب اله رجلي فوك رجلج

ريم : معناها اوكع على وجهي امشي بصفي احسن

حسين : رييييم

ريم : ينعم

حسين : لتستفزيني كولي اي وانتهى

ريم : اي وانتهى

حسين : وتالي وياج

ريم : حاضر يفندم ارتاحيت

جر نفس وكال اي

يله رجعني واللفه بعدين اكلها لوحدي اخاف تريد عضه منها واتسمم بيها

حسين : ام بطن ااخ منج

رجعنا وصلني للبيت ودخلت جان اكو احساس غريب بس اغالط نفسي اكول شنو معنى تصرفه لحسين واعصابه معقوله يحبني وارجع انفض راسي لا لا اني اخته وبنت عمه مااتوقع وارجع اكول ليش مااتوقع وتصرفه وجنونه اليوم جان دعمنا من الاعصاب خلي اراقب تحركاته والله كريم

سليل : مرت الايام واليوم مجتمعين كلنا ويانا حسين وعمو محسن والكل يعيط جانت لعبه السعوديه والعراق نهائي كأس اسيا والكل مشدوده اعصابه وريم رافعه البجامه وشاده شعرها بعصابه وتكمز وكل شويه تكفش شعر حسين من ميكولون

ومن اجه الهدف على السعوديه اشتغل العياط والهلاهل حتى ماما نهر نذرت خبز العباس المستعجل بس يفوزون رغم احنا اكثرنا منحب الطوبه بس هذا اليوم وهاي اللعبه بلذات اجت بوقت العراق كله ينزف دم ومحتاج ولو فرحه بسيطه وبس فازو اشتغلت الطلقات والهلاهل واجه مباشره شعلان استأذن من بابا اخذها وطلعو وريم تكمز حسين اخذهم هي وغزل وعمو محسن الي يهز جتف كل شويه وفرحان

بقيت اني وماما نسوي الخبز ونوزع شكد الشعب امنياته بسيطه يريد بس يفرح مطالب شى جبير

رغم بوقتها جانت الطائفيه بأوجها لكن الناس كلها طلعت تهوس وتوزع جكليت محد يكول للثاني انت سني لو انت شيعي لو مسيحي لو صابئي بس عراقي وبس

يمكن هاي اللعبه البسيطه بينت للناس شكد الشعب عراقي گلب على گلب بس الميخافون من الله هم الي زرعو الطائفيه وخلو الگلوب تتلون دم

مرت ايام واشهر اني كاعده بلبيت تعلمت ورشا سنه اخيره تخرج وريم مرحله ثانيه اداوم وغزوله بكلوريا حياتنا عاديه بس بابا حبيبي يعاني من علي فتح مطعمه وكام ينافس بابا برزقه بس الناس اكثرها تحب اكل مطعم بابا وتعامله الطيب ويه الناس والعمال وهذا الشى خله عنده معاميل دوم يترددون عليه

وبدايه السنه شهر الواحد تحديداً اندك التلفون على عمه شالته وسمعت عيطتها وتصيح سوده بوجهي ولج يمه تعزيتي وتصخمتي ركضت شكوو ماما

نهر : عدي رجل جنات گتلوه

سليل : عطت شنووو

نهر : ولج بايكين سيارته وذابحي وشامري بلشارع وجنات تلطم تعزت وتصخمت يبوو على حظج يمكروده

سليل : خابرت رشا وريم وبابا لازم كنا نروح الها الله يعينها ومباشره لبست اني وماما ومرينا على غزل للمدرسه اخذناها وبتكسي گبل لبيت جنات ورانا اجوي الباقين

وصلنا للمنطقه بابهم هوسه طبينا ركض ونشوفها تملخ بشعرها وتعيط ركضت ماما حضنتها واني وياها وابجي على حالها

جنات : عمه ذبحوه عمه ضليت بليه سند ابني تيتم مثلي

نهر : سوده عليه يمه على كيفج راح تموتين

جنات : عمه راح راعي بيتي انهديت وراه منو اليه طلع من الصبح يبوس براسي جنا متعاركين صالحني وراح تكول گلبه حااس

سليل : جان حاال جنات يكطع الگلب وكل شويه تملخ بروحها وشعرها متهستره وابنها يبجي اخذته غزل تسكت بيه واجوي اهله وجابوه جان يوم مأساوي اباوع عليها شلون فاقده الله يعينها شراح يصير بيها

اخذتها رشا بحضنها ونومتها بعد منطتها مسكنات ومنوم خفنا حيل عليها حالها وحال اهله يكطع الروح اباوع عليها المسكينه وهي نايمه تنزل دمعتها ماتهنت ويه رجلها شافت منه وهذا ابنها العمره سنه منو اله شنو ذنبه يتيتم اخذو سيارته المن گتلتوه

وثاني يوم الفاتحه طبت انعام وام حسين ونورس اخت حسين الي هسه يله شفناها واصلاً معرفناها اله من اجت سلمت على جنات متغيره وصايره شابه وحلووه بس شايله خشمها سبحان الله ولا تغيرت نفس الطبع النكس مغروره وعبالك كل الناس اقل منها احنا ولا وحده سلمت عليها بقينا كاعدات يم جنات وبعدين اني وريم نشتغل وغزل حايره بلطفل

شويه وتقربت انعام منها

انعام : شفتي يمه حركت الگلب العزيز حتى لا تلوميني من احجي عليج من انطيتي الفلوس لطه

نهر : كعد تشوفين احنا وين احنا بفاتحه يوم تعرفين شنو فاتحه

رشا : والله گويه حتى الموت متخافين منه

انعام : انجبي بنت طه مسمومه على امج

رشا : مااجاوبج احتراماً للعزه وللميت

جنات : كوميني رشا وديني للغرفه مااريد اشوف احد

رشا : كومي حبيبتي حقج ناس متخاف الله تتشمت بلميت واهله شيسوي الله بعد بيج وتتعضين والله مااعرف شيسوي

نهر : كومي رشا اخذي جنات وطبي

انداريت على امي تره والله حرام عليج متشوفين كسرتها يعني فوك متاخذيها بحضنج هاي بت جعفر بنته نسيتي لجعفر توقعت اجيتي توكفين وياها مو تأذيها

انعام : شحجيت بت الگلب استلمتيني حاصل فاصل غير ردت احسسها شنو الصار بيه من عرفت سوايتها

نهر : انتي ما ميته عليها ميته على الفلوس هو من زمان هيج انتي هو منو وقع ابويه وهو على فراش الموت مو انتي

انعام : نهر اسكتي تره اگلب العزه هسه على راسج

نهر : اكوم اشوف البنات احسلي

سليل : كملنا الفاتحه وجانت جنات فاصله من القهر واخر يوم بليل وره ماراحت الناس وبقو بس اهله وامه الي مكسوره وكاعده طب بابا بعد مستأذن منهم حتى يشوفها اول مدخل ركضت بحضنه تبجي

جنات : مات عمو عافني وراح وابني تيتم مثلي شفت حضي مامكتوبلي افرح

حجي طه : اشش بنتي قل لن يصيبنا الا ماكتب الله لنا

جنات : شراح اسوي عمو ضليت وحدي

حجي طه : واني وين اروح بنتي تره بعدني ما متت وبيتي هو بيتج من رخصت ام عدي بنتي جنات بس يخلص السابع اخذها ويايه

ام عدي : اخذها المن ضاله بعد ابني ومات

نهر : هي اصلاً مجانت تحب جنات بس هذا حفيدها ناس والله عجيبه لا موت يهزها لا مصاب

حجي طه : بنتي خلصي السابع جيبي غراضج وتعالي يمنا وابنج بعيوني لتخافين

نزلت باست ايد طه

جنات : الله لايحرمني منك عمو

حجي طه : طول ما اني عايش مااخلي بشر يلمس شعره منج وحالج من حال البنات وابنج اربي الج احسن تربيه والتردي يجرالج كله قسمه بنتي وارضي بنصيبج

سليل : حسيتها ارتاحت وخاصه ام عدي كوه تباوع بوجهه يعني غير وحده اقلها ايام الفاتحه تحن على مرته على ابنه هاي ولا يمها وكمنا نروح ونجي وثامن يوم جبنه كل غراضها للبيت الكبار بقيناها وبس الملابس والفلوس وذهبها وكالت ابيع الاثاث ونهايه الشهر نسلم البيت لابو الملك لان ايجار

رجعت جنات النا بعد منزفت من هذا البيت وهلمره رجعت وياه طفل جانت مكسوره وحزينه نحاول نخفف عنها بس هي جانت من الكسره اكل متاكل

ولزمت عده بلبيت وطول مده العده معفناها نحاول نخفف عنها وصارت صديقه رشا حييل ودوم سوه وريم تكمز بينهم

اما غزوله هي صارت الراعي للطفل روحها بيه حتى تنومه يمها وتتونس عليه

وبمرور الاشهر گبت العيطه بين رشا وشعلان

شعلان : اني شنو ذنبي انتظر بعد معودت تتخرجين

رشا : غير زوج بنت عمي يعني شلون انزف وهي حزينه والسنه بعدها مطالعه

شعلان : قابل مسوين حفله وقاعه هي زفه عاديه

رشا : مااكدر شعلان اذا متعبر السنه منتزوج

شعلان : گلتي سنه ونص علمود شهادتي وافتهمت هسه مال انتظر اكثر من ٦ اشهر ثانيه اعذريني

رشا : واني مااتزوج

شعلان : مو بكيفج انتي مرتي والله اكدر هسه اخذج كوه

نهر : شبيكم ياستار صوتكم لوين واصل

شعلان : تعالي يعمتها واحكمي تريد الخاتون انتظر للسنه الجايه بشهر الثاني يله نتزوج علمود والله شنو زوج بنت عمها مات هسه هو صار ٥ اشهر من مات الله يرحمه اني شنو ذنبي انتظر للسنه الجايه واني خاطب صار سنه ونص

نهر : انت حقك والله بس انت هم قدر موقفها

شعلان : لا اقدر ولا شى عندج منا لشهر اذا مصار الزواج

رشا : اي شسوي بله

شعلان : اخذج غصب وبهدوم البيت والله

رشا : عمه كعد تسمعين كلامه

نهر : تهدو بلرحمن وخلي يجي طه ونشوف

شعلان : العندي كلته ودزولي خبر حتى ابدي احظر كلشي

رشا : كتلج مااتزوج هسه

شعلان : ماامشي بكيفج يجي ابوج ونشوف

سليل : اجه بابا وكلنا كاعدين وناس تجر طول وناس عرض جان تنزل جنات

جنات : رشا اتزوجي ميصير تأجلين عرسج شنو ذنبه ينتظر خطيه

رشا : والله هذا الموجود ميصير

جنات : اذا عليه اني اهلهل الج مو بس افرح قابل تإجيلج للعرس راح يرجع الراح توكلي بالله وخلي عمو والبنات يفرحون كافي ذيج الايام انكسرتو وحزنتو ويايه

بداعتي بغلاتي اذا عندي معزه عندج توكلي بالله عمه فدووه اريد رشا تطلع احلى عروس

نهر : يمه الله يكملج بعقلج

ريم : كلللللووووش زوجناها واخلصنا منها

رشا : هااا خلصتي مني

ريم : اي خلصت سبع حجارات وراج

سليل : وصلنا الخبر لشعلان واجه طاير ممصدك واخيراً انحلت رشا راح تكعد بمشتمل ايجار بعد بيتين عنا ونروح ونجي نحظر المشتمل وقبل العرس بكم يوم تتفاجأ رشا بخبر هزها وخرب فرحتها

رشا : شنو نعيش بلكوت

شعلان : مااكدر بعد ابقى بغداد وضع كاعنا ادهور والعمال تشربت بلشغل وكومه خساير

رشا : اني مااعيش بلكوت

شعلان : تره اني مراح اعيشج بقفص مال دجاج بيتي شكبره ومقفول تجين على مزاجج تأثثي اسوي قصر الج

رشا : مو شغله صغير او جبير اني مااكدر ابتعد عن بابا وعمه والبنات

شعلان : ماعندي غير حل لازم رشا نروح نعيش هناك لو اخسر كل حلالي

رشا : انت مكتلي هيج وكمت ابجي فكرة اتخيل اروح بعيد عنهم تموتني زين مو الامريكان يدورون عليك

شعلان : هاي شغله قديمه وانسدت وهسه وضعي امان وماكو اي خطر عليه رشاوي بداعتي لتبجين والله اعيشج احسن عيشه هناك ومااقصر عليج واهلج كل شهر اجيبج يمهم ساعديني بقائي هنا يدمر كل حلالي وفلوسي

رشا : مااروح للكوت لو اموت واذا متكدر الغي كل شى

صعدت اركض للغرفه ابجي

سليل : شبيج الرحمن

رشا : يريد ياخذني للكوت

سليل : ليش

رشا : نعيش هناك

سليل : بس هذا مو اتفاقكم

رشا : مااروح ومااتزوج وخلي يجي بابا ننهي

سليل : اوكفي واصبري

رشا : لا اصبر ولا شى مااروح يعني مااروح

سليل : نزلت على عمه الجانت تحجي ويه شعلان وهو طلع اباوع عليه مقهور كلش خطيه فرحتهم مكملت وبعد اسبوع للعرس

نهر : تعالي بنتي شبيج

رشا : شفتي شلون قشمر عليه كال نتزوج هنا بغداد وتالي ياخذني للكوت

نهر : وشبيهه الكوت مو ناس عايشه بيها وحلوة واشكال المناطق المرتبه بيها

رشا : مو على المنطقه ولا البيت عمه اني مااكدر بدونكم اني بعد بيتين متخبله مو عاد للكوت

نهر : شوفي بنتي البنيه من تجي للدنيا تبقى بحضن ابوها وامها وبين خواتها ومن تكبر وتتزوج تودع هذا الحضن وتروح لحضن رجلها لازم المره المعدله تتبع رجلها وين ميكون وتساعده وتكون عون اله شعلان محتاج مساعدتج الي يحب يضحي ومهما هسه بقيتي بينا مرجعج لحضن شعلان وشفتي شلون يحبج ويتمنى الرضا منج لتكسرين فرحتج وفرحته يابنتي واذا علينا شو تلفونات وموجوده يوميه نسمع صوتج وتسمعين صوتنا وهو وعدنا شوكت متردين يجيبج النا بنتي المره مالها مكان غير بيتها ورجلها كولي ياالله وكومي غسلي وجهج عروس وتبجين فال محلوو

رشا : بس اني مااريد اعوفكم

نهر : انتي عفتينا يايمه يوم مراح اطلعين بدلت العرس راح تودعين حياتج يمنا وترحين تبنين حياة ثانيه لا تبنيها من اولها على زعل ومشاكل وعناد خليج عاقله شعلان خوش شعلان ويموت عليج كسبتي محبته لا تخسريها حبيبتي وكافي بيتج وحدج ومحد يأذيج لا عيال ولا فلان ولا علان وهو كال حتى مدرسه هناك اعينها واخليها اداوم كومي حبيبتي ورانا عرس نريد نفرح بيج

طبت ريم تبجي

ريم : راح ياخذج للكوت وحضنتها ليش مترحين

نهر : اشش انتي الثانيه معودت قنعتها

ريم : راح تعوفنا عمنا اموت اذا راحت وبعد مااشوفها

نهر : اسم الله عليج بنتي غير تتزوج وتروح وره رجلها

ريم : لا متروح لو اني لو شعلان

رشا : حضنت ريم الجانت تشهك انتي اكيد هذا هو عفته

ريم : وخرت من حضنها يعني راح تعوفي

رشا : لخاطرج اعوف الدنيا مو بس شعلان

ريم : مسحت دموعي وكلت لا خطيه هو يحبج مشعول هم انقهر عليه

رشا : مااروح ولا اتزوج اله انتي توافقين

ريم : موافقه بس يوميه تخابريني

رشا : وعد والله يومياً وحضنتها وابجي جنت حاسه روحي راح تطلع شلون اعوف خواتي واروح بس هاي سنه الحياه واجت سليل لازمه الصينيه هي وغزل ويدكن ويهلهلن وجنات واكفه تبتسم وتصفك لخاطري

عروستنا چكليته وحامض حلوو باكيته كللللووووش

واجه يوم العرس

ولبست البدله اول غزلان حجي طه

جانت رشا طالعه تجنن بدلتها نازكه وتسريحه بسيطه وتاج وطلب شعلان تلبس كبوس فوك راسها مقبل شعرايه تطلع منها رغم عناد رشا بس بالاخير قبلت بعد محلف يلغي صور الاستديو اذا طلعت شعره منها وهي خافت لينفذ كلامه

ولبست الكبسور

قبل ليجون نزلت بدله العرس واحنا وراها مندري نفرح الها لو نبجي تنزل بايه بايه وبابا واكف منتظرها اول موصلت ليمه نزلت باست ايده

اشوف بابا دموعه تارسه وجهه جان يفتح علبه ولبسها كلاده جبيره قران وزنجيل و٦ بتوت (سوارات) وعمه محبس وترجيه صارت سيت كامل

حجي طه : الله يجعل ايامج كلها فرح

وباس راسها بابا مااوصيج على نفسج ورجلج اريدج ترفعين راسي

رشا : ان شاء الله بابا

حجي طه : اعرفج سباعيه وام بيت الله يحفظج بنتي ولتنسين اني يمج شوكت مترديني على كد الطريق تلكيني گبالج

رشا : الله يحفظك النا ورجعت حضنته

وحضنت عمه وبستها وكتلها انتي امي والله امي حتى لو بيوم ما نطقتها انتي امي وبست ايدها شكراً على كلشي والله يحفظج الي يااحلى واحن ام بلدنيا

نهر : كمت اشهك وابوس بيها اليوم ازوجت اول بناتي احس قطعه من گلبي انشلعت

رشا : اشرت لريم توأمي ونصي الثاني بكل شى بلخباثه بلخطط بلمصايب هاي سكينه مالتي حضنتها وهي تشهك وابوس بيها

امانتج البيت وخواتج تره ذني فقيرات وفاهيات عايفتج حمايه الهن

ريم : ابجي واشهك واكول الها من عيووني بس ديري بالج على نفسج واذا سوالج شى موزين بس خابري اخلي سحليه يجيبني هلمره احرك اهله مو بس هو

رشا : هههههه لتخافين اختج سباعيه

رحت تمشيت مسافه واني اشوف اختي الجبيره الي مابيوم حسيتها اخت بكثر ما حسيتها ام حضنتها وبست ايدها رغم مو هواي فرق بأعمارنا بس سليل منبع الحنان اخت وام وصديقه النا

سليل : راح اشتاقلج

رشا : متخلصين مني يوميه اخابركم

سليل : ديري بالج على نفسج وبيتج ولتسوين مشاكل رشاوي وديري بالج على شعلان

رشا : هو يدير باله لو اني

سليل : لا والله انتي لان اعرف سوالفج والله يساعده عليج

رشا : هههههه ويساعدني على خباله تعاالي غزوله وهم حضنتها جان البيت كله يبجي وجنات مقبلت تنزل لان حزينه بس بستها قبل ماانزل

شوي وسمعنا صوت الهورنات مال السيارات همه گبالنا بس جابو سيارات لان راح يزفوني للكوت طلعت زفتنا ساعه ١٢ الظهر بسبب الاوضاع والفنادق تخوف واكثرها مسدوده

قررنا مباشره نروح لبيتنا الي خلال اسبوع جهزه شعلان

وطب بهيبته وزيه العربي دشداشه وبشت وعگال وعطره التارس المكان واهله يهلهلون ويدبجون وكولات گلبو الدنيا

شعلان : صرتي الي

رشا : اي الك

شعلان : البسي الكبوس

رشا : صار

شعلان : اروح فدوه للصار مالتج

رشا : دنجت خجلانه واخذني بيده وصعدني للسياره بعد مبوست الكل ورحت لبيتي بلكوت وبديت حياتي ويه شعلان

يتبع ...

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_التاسع_عشر

بلسان حال سليل :

شلونكم يا اهل الگلوب الدافية

شلون حال گلوبكم ماغافية

ماتنام جروحكم

وبالفراگ شلونكم

هم تنام عيونكم؟؟

وهم تظل حسبات عدكم صافية

بالله جينا ببالكم؟؟

ومن ذكرتو شحالكم

هم بعدنه احنه لجرحكم عافية؟؟

ادري وشصبر هَواكم

والوجع يخدش هِواكم

الشوگ يزرف بالگلب

آخ يا شوگ اليحب

وشيحننلك گلوب الجافية

چن گبل ينشد علينه

وشجرى وسكت انينه

شگد يمر بيكم حنين

شگد تمر بيكم سنين

وعالدرب ماتغفه عين

عدها امل يمكن يرد للعاشگينه

جروح ماتبقى بنظرته الشافيه..

هم صدگ ترجع مثل ضحكة طفل

ومثل نجم وليل يلتم الشمل

بساگ الحديثة لون مال الحجل

هيچ مال گليبكم... ذب الحمل

وهسه گلي جوابكم لو تنسأل

شلونكم يااهل الگلوب الدافيه؟؟؟ (هديه من احدى المتابعات)

وصلنا للكوت واستقبلونا ولد عمام ابوه وخواله بلطلقات تكول جبهه مو عرس طبيو السياره بلكراج نزلت بعتبت باب المطبخ

وجوه رجلنه ذبحو اثنين طليان رفعت البدله خفت تدمر سحب ايدي ونزل البدله

باوعت عليه وهلمره كوه اشوفه اريد اوكع على وجهي من وره الكبوس

رشا : لتدمر

شعلان : يطبها طوب انتي مو اشتريتها

رشا : اي بس حرامات

شعلان : اياج تصعديها وتطلع رجلج

رشا : لابسه ليجوه ستريج والله

شعلان : كتلج متنرفع

رشا : سكتت وذبحو والدم طفر متت قهر بس سكتت شسوي خفت احجي ويعيط رغم ماكو رياجيل كلهم بره بس الكصاب وابن عم ابوه وابنه

دخلنا للبيت دخلتني امه وهند وكعدت بلهول مجنت اندل اي شى وخايفه وحدي تمنيت سليل او عمه ويايه بس مكدرو لان بلكوت

هند : مااوصيج على اخويه مو تشلعين گلبه

رشا : جنت اسمع توصياتهم بس بالي مو يمهم وخايفه وگلبي احس راح يطلع من حلكي من الخوف وحجن شكد دوخني واني بس ساكته لحد مطب شعلان بوسنه وراحن مباشره فتحت الكبوس وذبيته صرت مي من وراه لان شهر السادس وموت حر

شعلان : هله بسورها ونورها

رشا : تعبت حيل وحاره

شعلان : البيت بارد كتلهم يشغلون التبريد وميطفوه

رشا : زينه الكهرباء هنا بحيث كم تبريد مفتوح

شعلان : وين اكو كهرباء زينه بس عدنا مولدات گبار علمود البستان وهم عدنا وحده لبيتنا ربط عليها هذا البيت شغلي شكد متردين

رشا : ذكرتني هناك جنا ساحبين ٥ امبيرات ونتعارك هاي تصيح طفي البنكه والثانيه طفي الضوا حتى لتطفر الجوزه

شعلان : هنا ماكو شغلي الي تردي

رشا : شعلان هاي الغراض مال مرتك الاولى

شعلان : اني صار مطلك ٧ سنوات اكو اثاث يضل لهسه وشوفي بربج كله جديد

رشا : اي ليش سألت

شعلان : من طلكت انطيتها كل اثاث البيت وفوكاها المؤخر ردت بس افلت بجلدي

رشا : لهاي الدرجه ضايج منها

شعلان : مو ضايج بس لا اني تحملت اعيش وياها ولا هي فهمتني

رشا : اخاف اني هم هيج اعاني مثلها

جرني من ايدي وكعدني بصفه

ومد ايده وحاوطني

شعلان : شوفي حبيبي اني طبعي تعرفي عصبي ومااتحمل ومرات اختنك بس وياج يختلف

رشا : ليش

شعلان : لان احبج وروحي تعلكت بيج بس لتستغلين هاي النقطه صيري على ميي التردي يجرالج تعاندين وتكسرين كلامي تشوفين مني الوجهه التكرهي

رشا : احاول افهمك

شعلان : يله كومي اشوفج البيت نورتي بيتج

طبيت افتر البيت جان حلوو وجبير ونظيف ومرتب وغرفه النوم بلطابق الثاني اول مطبينا سد الباب وتقرب

كمت امتمت شعلان تعبانه خليها باجر

شعلان : شنو هيه

رشا : سكتت خجلت شكول جان يطكها بضحكه

شعلان : والله وشفتج خايفه وخجلانه اليوم يوم حظي

رشا : لتنصب عليه فدووه ميته رعب

شعلان : شنو السالفه قابل راح اكلج اني بس راح اكشر كشورج

وبعدين اكلج

رشا : هااي عود كاعد اطمني لو تخوفني

شعلان : تعالي يامهره گلبي وجلاويه

رشا : ههههه صرت جلاوي

شعلان : ومعلاك وبنكرياس وكلشي

رشا : بدا شوي شوي يضحك ويسولف ومحسيت غير بحضنه والبدله بلكااع تقرب مني بهدوء جنت مرعوبه حييل حسيت نبضات گلبي مو طبيعيه ساعه قويه وساعه تخفت وكمت اعرك اكثر رغم الغرفه ثلاجه

شعلان : بيج شى حبيبي

رشا : بلعت ريك لا حبيبي مابيه

شعلان : اكمل

رشا : اي

شعلان : رشاوي باوعي عليه لتغمضين

رشا : فتحت عيووني

شعلان : تحبيني

رشا : امممم

شعلان : علي صوتج

رشا : اي احبك

شعلان : واني روحي بيج

وبدا يثيرني ويبوس بيه بهدوء حاولت اهدي نفسي مردت اخرب كولشي علينا ويه

همساته  بأذني ولمساته بديت اهدأ وانسجم ويااه رغم خوفي لحد متم گلشي وصرت مرته

غمضت وردت استجمع قووتي كمت دخت حييل ردت اوكع لزمني

شعلان : بيج شى حبيبي لتخوفيني

رشا : لا بس شويه دوخه

شعلان : گلبج يأذيج

رشا : لا لتخاف

شعلان : كتلج گبل العرس خلي نروح نجيك مقبلتي شكد عنوديه لخاطر الحسين

رشا : مابيه شى عفيه هسه اجر النفس واكووم

شعلان : تردين تغسلين

رشا : هسه بس ارتاح ومحسيت غير شالني مثل الطفله جنت دايخه لدرجه موطبيعيه وخايفه لا يغمى عليه واخرب فرحته لهذا كمت اجر نفس واغمض اخذني للحمام وغسلي جان حنين لدرجه متوقعتها ولا هذا شعلان الي يعيط ويصيح ويهدد

مثل الطفله بيده حتى متت بدمي ومستحيه لان اول مره احد  ومباشره ويايه بلحمام كلشي صار سريع سريع بس بسبب الحاله البيها اني مكدرت ارفض ولا اجادل ولا افكر بأي شى غير اغسل وابدل ملابسي اخاف يصير شى اقلها يكدر ياخذني للمستشفى وضعي مابيه اي احراج اليه واله

طلعني ونشفني ولابسه البرنص وكاعده

على الكرسي مال ميز تواليت شفته شال الجرجف وفرش واحد ثاني حيل استحيت المفروض اني اسوي

شعلان : يله حبيبي تعالي ارتاحي

رشا : وين رايح

شعلان : نازل لاهلي

رشا : خير اكو شى

شعلان : هاي عادات وتقاليد لازم النيشان حبيبي

رشا : مااشي

شعلان : مااتأخر عليج دقايق وجاي

رشا : على راحتك شفته لبس الدشداشه البيضا وتعطر وطلع وحاولت ارتاح وسمعت طلقات شكد عيب بله هاي السالفه شوكت تندثر

غمضت وبسبب الحمام البارد كدرت ارتاح تاخر عليه اكيد معافوه

كمت بدلت ومشطت حسيت نفسي ارتاحيت وكدرت اتوازن وكمت افكر هاي كل مره من يتقرب مني هيج يصير بدا الخوف يسيطر عليه لازم اروح طبيب صوجي لو رايحه قبل الزواج بس خفت اكو شى يمنعني ومنتزوج

شويه وطلب ولكاني لابسه دشداشه ستن بيضا قصيره والشعر طويل مفتوح لنصف ظهري  وامشط بيه

شعلان : يابنت الناس استري على نفسج

رشا : شبيك حبيبي

شعلان : كل هذا الاغراء كدامي وتكول شبيه شبيهه بس مشتعل شيب الخلفوني

رشا : هههههه ننزل ناكل

شعلان : جااع حبيبي لو تنهزمين

رشا : والله الصراحه اثنينهم

شعلان : اكلي وبعدين نشوف منو ينهزم مني

رشا : نزلنا سوه وجانو اهله محضرين كلشي وره متعشينا متقرب مني بس صاحني ونمت بحضنه رغم اعرف بيه ميت شوق عليه ويرجف مبين من حضنه بس متقرب عرفت خايف عليه واني بحضنه وبدينا نغفى

حبيبي

شعلان : عيونه

رشا : خلي نروح طبيب علمود گلبي

جان يطفر بيج شى

شعلان : لا مابيه والله بس حتى نطمن

شعلان : شحجينا قبل متسمعين الكلام

رشا : نروح واسمع الكلام

شعلان : نامي حبيبي باجر نروح

رشا : من باجر ليش

شعلان : حتى ترتاحين وارتاح والله اعذريني اذا اليوم مقدر وضعج باجر اذا الطبيب كال مابيج شى قطعه ماابقي بيج

رشا : هههههه بس كون مابيه شى واكل براحتك جان يحضني حييل شويه وخفت حضنته وبدا الشخير يعلى ابتسمت على صوت شخيره وين ريم عنك جان سوتك مزق والنصبه بفلس واختفت بسمتي واتذكرت خواتي كمت على كيفي واخذت التلفون واتصلت مباشره شالته سليل

هااا حبيبتي شلوونج

الْحٍمَدٍ للـّہ ليضل بالكم كمت اسولف وياهم وعمه كالت هاا بنتي

رشا : كلشي تمام عمه ليضل بالج مردت اخوفهم وريم تشهك وتحجي ويايه واطمنت عليهم وسديته ورجعت نمت

ثاني يوم رحنا للطبيب وفحوصات وايكو كال الطبيب ماكو شى وضعج مستقر وشرحله الحاله شعلان

وكال بسبب هي مماكله من الصبح ومتوتره وطريق طويل اي وحده بمكانها راح تتعب وتتأذه انطيكم مهله هاي عشره ايام مارسو حياتكم طبيعي واي شى يصير اني موجود

رجعنا فرحانين ومن باب البيت شالني وركض ليفوك واني اضحك اريد بس ينزلني ماكو وبيومها لان ارتاحيت نفسياً تقرب مني والحمدلله اي اعارض موزينه مظهرت عندي ومن يومها والعينتين شعلان ميفك مني ياخه

سليل : ٢٠٠٩ نهايتها صار سنه ونص على زواج رشا وضعها ممتاز وحياتها ماشية وشعلان كلش يحبها وهي هم تحبه ومداريته بس اطفال مديصير وهذا الشى بس المتعبها

وجنات ابنها گبر اموري (امير ) ويمشي حبيبي مالي علينا البيت ضحكه وسوالفه هي الي مخليه للبيت طعم وضحكه وخاصه بعد ما راحت رشا

بابا متكفل بكلشي يخصها وطلب منها ترجع تكمل دراستها بس هي مقبلت وبقت ويانه

اني تعينت والتعيين اجاني عن طريق عمو محسن واسطه ولان عمي شهيد كدر يستغل هاي الفرصه ويعيني تعينت بوزاره الماليه جانت قنبله بلنسبه للكل شلون اتعين على هيج وزاره صعب واحد يتعين بيها وخاصه مو اختصاصي  على كوله عمو دومج ماعندج حظ ولو مره خلي يصير عندج

وصار تعيني بيومها فرحت فرحه مو طبيعيه لان التعيين حلم بلنسبه لكل واحد وخاصه بهاي الظروف التعبانه وبهيج وزاره وشرط عمو محسن اول راتب لمده ٣ ايام غدا وعشا عليه كتله انطيك اول راتب احسن

مقبل اله ٣ ايام غدا وعشا عليه وريم الجوعيه طبكت ويااه وصدك لمده ٣ ايام ادز غدا وعشا من عندي الهم للكل لان مااكدر ادز لناس وابقي ناس اول يوم للكل وراها بابا وعمه وغزل وجنات مقبلو ثاني يوم اله عمو محسن وريم متابو مني اله كملت ٣ ايام اكل سفري تكول فاتحه واله يختموها

حياتي هادئه اروح للدوام واتعرفت على موظفات اكبر مني بلعمر بلقسم حبابات اني طبعي مااحجي وعلى كد الشغل مالي دخل بفلان وعلان ومن ارجع احجي كلشي يصير ويايه لماما نهر ودوم نصيحتها لتدخلين بأحد اشطبي يومج واطلعي

حياتنا هادئه جداً هاي السنه الاخير لريم كعد اداوم وغزوله خامس علمي كبرت حبيبتي بس متغير طبعها الهدوء دوم يصدر منها

وبابا شغله ماشي ويااه عمو محسن الي ممفاركه ابد

اما علتنا الوحيده جانت رشا

رشا : سنه ونص مرت على زواجي وضعي تمام ويه شعلان يوم نتجادل وراها نصير عسل حياتنا هادئه لولا اخته هند الي معكره كل حيااتي تعبتني ودوم تدخل بكلشي واكثر من مره تسمعني حجي تخليني اكمز بس لخاطر شعلان اسكت ودائماً من اشكيله يكولي

شعلان : شسويلها خليج بمكاني اطردها شلون وهي اختي الوحيده وماعدها والي غيري تحمليها لخاطري

رشا : واني اسكت وكامت بسبب سكوتي تتمادى واني اطحن بروحي من وراها

وبيوم كاعده يمنا وهم اول مطبت كالت عفيه بيت ٢٤ ساعه يصوصي لا بيه جاهل يضحك لا بيه جاهل يوصخ اويلي عليك ياخويه وعلى حظك

مجاوبتها وطبيت للمطبخ شربت مي واتنفس اريد اكطعها شتريد مني مو تدري هي الف مره مابيه شى رحت وسويت تحاليل مثل الورد طلعت الها وصلت قريب الصاله سمعت شعلان يحجي وياها

شعلان : جوزي منها هند

هند : وانه شمسويه 

شعلان : عبالج مااعرف بسوالفج وياها يوميه مسمعتها حجايه وغاثتها

هند : تره هي مرتك متستحي تكذب وتنقل حجي

شعلان : لا نقلت ولا كالت  ليش مااشوف سوالفج وياها مرات الحجايه تجي ترس الاذن عدا بساميرج يوميه داكه بسمار براسها هسه بس لو افهم شرايده منها هي لايمج ولا كرباج

هند : خويه اريد اشوف خلفتك

شعلان : انتي مو عندج جهال شلج بيه بعد

هند : ياااااا صدك تحجي كبرت والي بعمرك جهالهم بطولهم

شعلان : من جنت متزوج ذيج مافتحتي حلكج شمعنه ويه رشا وثاني شى اني مشاگلي الج مرتاح والحمدلله والبنيه شايلتني بلصلوات ومرتاح وياها ليش تدخلين اني راضي

هند : لا عيني انت مراضي بس مسكتك بلسحوره مالتها

شعلان : هههههه بربج مقتنعه بكلامج هي رشا مال سحوره تعرفين كلش زين هي مو من هذا النوع اعرف بيج كل هاي سوالفج لا علمودي ولا بطيخ انتي تنتقمين من سالفه طالب الله يرحمه من خطب عمتها

هند : هسه شجاب هاي لهاي

شعلان : بروح ابوج حجي مو صحيح  محد يعرفج بكدي  تره رشا مالها ذنب وحتى عمتها رجلج الله يرحمه كتل نفسه عليها وهي مقابلت المفروض تشكريها مااخذت رجلج منج

هند : رجلي ماتقرب منها لو ما انطته عين وغوته هذني ملعبات اعرفهن يتمسكنن ويتمكنن

شعلان : الرجال وتوفى الف رحمه على روحه بهذا اليوم والشغله صارلها سنين مرتي شعليها

هند : والله موتتنا يامرتي ويامرتي تكول بس هي مره وبس هو متزوج

شعلان : هند ارجع واعيد عليج عوفي رشا بحالها ولا كل متجين ترجفيها واطلعين

هند : هيج صارت هاي مگان متكول خلف الله عليج خيتي نصحيها وعيها

شعلان : على شنو ليش هيج شمسويه

هند : مترهايه كاعده وحاطه رجل على رجل غير وحده صارلها سنه ماعدها خلفه لا تبقي طبيب لا سيد لا امام لا نذوره هي المسعده كاعده وساكته

شعلان : هيه سنه لو عشر شسوي تحرك روحي اذكري الله اكو اوادم عشر وعشرين سنه يضلون وشحلاتهم

هند : صخام بوجهي هاي العايزه غير وعلي سنه التجي اذا ماخلفت ازوجك ياخويه بزره الشيبه يتيم وانت ضال تنتظر بلهوا شوكت يصيرون من سنونك توكع وماتلحك تشوفهم يمشون خصم الحجي

هاي عاگر على عمتهم مو ضلت بليه طفل وتالي تزوج عليها وذبها

رشا : صرت نار ادخل اكطعها تكطع واتفل بوجهه واطردها بس شعلان واكف بوجهي ااخ الله وين اولي اذا ابقى اسمع هسه اطب واحرك الاخضر واليابس

شعلان : شمايكون هاي رزق الله واني راضي بقسمتي

هند : القسمه السوده المصخمه هاي تاليها نسلمك الها تصول وتجول بكيفها بنت سندس

شعلان : يعني صاير راسج راس الثور توهشه يمنه يروح يسره

هند : والله مااجوز منها اله تحبل لو اخطبلك غيرها وهاي عوفها هنا وذاك بيت ابوك الفوك كله فارغ اخذه وخلي مريتك بيه وهاي خلفت ماخلفت يطبها طوب المهم تتزوج عليها

شعلان : اني اكول رجال وعيب ادخل بين النسوان اذا شلت ايدي وگلت لرشا منج الها تدرين شسوي

هند : يافدوه شسوي يمه

شعلان : والله مرتي مو فقيره ولسانها مدفع رشاش بس مؤدبه بس ياويله الي يدوس على طرفه بذاك اليوم امه داعيه عليه ليش تخليني اعوفها تنهد بيج وتسكتج بعدني

لهسه ضابها ومااخليها تسمعج گلمة تكسر خاطرج

هند :  هاي هيج صارت يبن امي وابوي تاليها تبيعني علمود مره

شعلان : الله اكبر قابل المره من الشارع غير مرتي ولو هي متعديه عليج اكسر ظهرها بس انتي يوميه جايه هنا وهازتها ورايحه وهي تبلعها زين اني رجل كرسي يوميه اشوف مريتي امي واختي لاعبات بيها طوبه واسكت مو حتى عيب بحگي

هند : شتريد هسه ماادخلك البيت بعد حتى ترتاح ست الحسن

شعلان : البيت بيتي واطبي معززه ومكرمه بس حجي زايد مااريد اذا سمعت غاثتها وحاجيه شى يكسر خاطرها لساني ميطخ لسانج ليوم الدين

هند : خوش والله من اكول ملعبات تضوج هاك استلم الزلمه الحوك الجان من يدخل مكان يهزه هز ويسكت اگبر زلمه ويكسر راسه وخشمه مايطخا الهوا  صار بيد مريته كماشه

شعلان : وروح ابويه حجايه ثانيه ياهند تشوفين مني الماشفتي

رشا : رجعت للمطبخ امشي على كيفي ومااعرف شصار بعد بس حسيت بقهره كلش جبيره رغم هو دافع عني وحبيت كلامه بس كلامها خوفني وأذاني يعني اني حتى مااروح الهم ومن اروح ساعه واكوم ومااحجي ولا ادخل هي ليش تدخل بحياتي

اختنكت اكثر صعدت للغرفه متحملت ولزمت التلفون ودكيت على ريم

ريم : ياهلا منج من الشيطان صار يومين غايبه هسه اتذكرتي عندج اخت

رشا : هلوو ريمو

ريم : شبيه صوتج صار شى

سليل : شبيهه رشا

رشا : مابيه شبيكم هاي فاتحه حاگيه

ريم : اي اني وسليل وغزل كاعدين نكرز حب مكانج فارغ

رشا : بلعافيه

سليل : صوتج معاجبني شصار

رشا : هاي هند مكعد تجوز مني ولجن تكول لشعلان اتزوج وخلي وحده بيتهم بلطابق الفوك لان والله شنو اني مااخلف

ريم : ياحقيره وسكتي الها

رشا : جنت اسمعهم ميدرون بيه

سليل : وهو شكال

رشا : الشهاده لله دافعلي بس هي متسكت مثل كل مره تهز بدني وتطلع

ريم : والله شعلان سواج فاره وين جانت رشا ام لسان الي ترادد وتهد لو على قبل جان هسه هند مدفونه بلفتحه الثالثه

رشا : والله لخاطر شعلان كل مااحجي يكول لخاطري اسكتي

سليل : زين تسوين مالج دخل بيها اهم شى رجلج على گلبج

ريم : ياگلب سليل مو حتى گلبها ورم من هاي الحيه هند ولج الدغيها اذا هي حيه انتي صيري عگرب

رشا : شلون يعني

سليل : مالج دخل بهاي الرعنه تحجي بكيفها

ريم : اوكفي سليل لو تبقى على نصايحج رشا لو بلشماعيه لو متزوج عليها شعلان

سليل : يعني من اكول الها راعي الله برجلج ومن تجي اخته استقبليها استقبال حلو ولتجاوبين ولتتجاوزين غلط والله الدنيا انگلب

ريم : ياعيني مو غلط بس هذا الحجي لو ويه حمات حبابه مسالمه مالها دخل تجي بأحترام وتروح بأحترام على الاقل محترمه نفسها مو من اطب لحد متطلع تذب سم وترجع ليوره

رشا : اوووف اي والله تسممني وتروح

ريم : اسمعي اول شى ارجعي ريه دور الاميره النائمه تره ميناسبج

سليل : هاي هيه قبضنا راح بيها شعلان

ريم : ميروح عود هي تعرف شلون تقشمره بوسه منا حضنه منا ويصير طلي بيدها

سليل : ولج رعنه عيب وغزل كاعده

ريم : قابل شگلت مو صحيح احجي انتي الفقيره تالي وكت وغزل من صغيره ولو احب خدودها من تورد خجل

غزل : اكوم واعوفكم براحتكم

ريم : اكعدي انتي الثانيه واتعلمي خو انتي اذا تتزوجين رجلج يزوج عشره فوكاج وانتي اطبخين العشا بيدج الهم

سليل : جوزي من غزوله  خلي نشوف انتي من تتزوجين شسوين

ريم : اكعده بكفخه وانومه بجلاق خلي اتزوج وشوفي قسم الكسور احجزه بأسمه

غزل : هههههه خطيه والله من هسه انقهرت عليه

رشا : يمعوده جاكي شان فضيني

ريم : هي مو تذب حجي وتغثج اكثر المرات مو كدام شعلان

رشا : اي ومن يجي شعلان ولا كأن حجت شى

ريم : انتي هم سوي مثلها كل متشوفيها رديها وغثيها بسبب وبدون حتى اتوب منج وبينج وبينها ومن يجي شعلان تصرفي طبيعي ولج اشك هدومي تالي عمري اعلم سكينه خرب بلزواج اذا يسوي الاسد صخل

رشا : لتعيطين افتهمت

سليل : لتسمعين كلامها وتخربين بيتج

ريم : اصلاً اذا متسمع والله راح يخرب وتاليها تجي هنا وتگابلنا تنوح مكافي وحده مخلصتها بلسطوح هسه الثانيه وين اخليها فوك البيتونه على التانكي

جان تكفخني حييل سليل

اااخ والله تأذي

سليل : سمعي رامبو اعقلي وكافي تدخلين بشى ميخصج

ريم : والله اني ممدخله منو خابر وراد استشاره مستعجله هاج والدليل هي داكه وعلى تلفوني مو تلفونج يعني تريد خطه صهيونيه مو زياره شعبانيه جان خابرتج

رشا : اي والله سليل طك گلبي منها متعرفين شسوي ومن تجي تفتح مجرات البيت كله اخاف اكو هوسه شى حتى تعيب ذاك اليوم لكيتها طابه بلغرفه صاعد للطابق الثاني وتريد تفتح الكنتور لو ما اني طبيت وخلت وطلعت

ريم : هاي دواها تريد رجال زوجها وهسه تنجب وتكعد

رشا : شلون جان متحملها طالب الله يرحمه

ريم : متشوفي مات راد يخلص الله يحبه لو لهسه عايش جان جلطه وقلب وسكر

سليل : الله يرحمه جان خوش انسان

رشا : اروح ليجي وشكراً على النصيحه

سليل : باع الثانيه تتشكر منها روحي أكليها

ريم : روحي سكينه والهوا بظهرج عليه وعلى اعدائي اريدج منتصره على القوم الكافرين

رشا : صار سكينه بااي

رشا : نزلت لكيت هند ماكو وشعلان كاعد يسمع اخبار طبيت للمطبخ وكملت الاكل واجيت عليه

يله حبيبي صبيت

شعلان : جيبي هنا مااحب اكل المطابخ

رشا : صاار ورحت حطيته بلصينيه وكعدنا ناكل عجبك

شعلان :  كلش طيب عاشت ايدج

رشا : حبيبي اريد اروح لبغداد

شعلان : هااا ليش شصار

رشا : مشتاقه للبنات هوايه

شعلان : مو يوميه تتخابرون

رشا : التلفون شكل والكعده وياهم وبنصهم شكل

شعلان : نروح الصبح ونرجع ثاني يوم

رشا : ليش ياعيني منبقى كم يوم

شعلان : مااكدر عندي شغل

رشا : ابقى وتعالي بعدين تقرب مني ويحجي ويباوع على رگبتي وصدري وبهمس يكول

تكدرين تنامين بليه حظني ينطيج گلبج

رشا : باوعت عليه وابتسمت لا مااكدر

شعلان : خلص نروح ونرجع ثاني يوم ليله اعوفج تسهرين ويه خواتج اتحملها بس ايام مااكدر

رشا : هذا هو حبيبي شوكت ميصير مجال عندك نروح

شعلان : اخااف منج من تحجين بهدوء وعقل

رشا : هههههه مو تخاف تحب اصير نار ونتجادل متعتك

شعلان : شايفه من تتعصبين وتصيرين نار وبعدها اجيت عليج وادفعين بيه عود ضايجه وزعلانه واقشمرج اويلي الله متعتي

رشا : هااا هيج صارت بعد مااتعصب لعد

شعلان : اتحداج بس ابزج تعيطين اعرف دماراتج كلها

رشا : ابو دمارات اذا شبعت خلي اشيل واسويلك جااي

شعلان : مااريد جااي اريد حلوو احلي وماكو احلى منج احلي بيه شوو تعالي

جان يشيلني عفيه شعلان نزلني واعيط شعلان حباب نزلني

شعلان : انتي مره ونزلي

رشا : هههههه نزلني الله عليك وصعدني للغرفه ومثل كل مره يحير شلون يدلعني

حنيته ويايه تجبرني اكون هادئه واتغاضى عن شغلات مااحبها لعيونه

وره يومين اندكت الباب بالاحرى مندكت اندفعت هند من اطب تدفع الباب وتدخل بس اني من يطلع شعلان اقفل الباب الداخلي بس باب الشارع يبقى مفتوح هي ادفعه برجلها واطب

دكت عليه باب المطبخ جنت الف گبه وهستوني غسلت ايدي وشلت الطاوه والغراض ذبيتهم بلسنك

اهووو لا هله فتحت الباب وطبت تهف بعبايتها

هند : هااا شلونج

رشا :  الْحٍمَدٍ للـّہ

هند : شسوين

رشا : مو كدامج گبه

هند : اووع هاي شون تلفين هيج عوجه

رشا : اول شى حرام تكولين عوووع نعمه الله وثاني شى شعلان هيج يحبها

هند : واني اكول اخويه ضعفان من اكل النواشف والكبب  اكلج عيني تره اخويه متعلم على اكل الدسم كله هبيط وباجات ومعاليك هاي الكرزات مال بغداد خليها الج

رشا : اني ممقصره شيريد اسويله لو يطلب مي عيووني انطي

هند : عود صدك تحجين هو مايريد مي عيونج خلي الج حبيبة هو يريد جاهل يحمل اسمه يصيحله بويه بابا مثل ماتلوين حلكج وتكوليها يريد من صلبه يحمل اسمه مو حايرتلي بلكبب

رشا : ليش تحسسيني اني متقصده مااخلف اكو وحده متريد طفل بس هذا امر الله انت تصلين

هند : يااا ليش مااصلي  الْحٍمَدٍ للـّہ

رشا : اذا تعرفين الله ليش تدخلين بأرادته ليش هي الخلفه مو رزق من الله وهو يوزع الارزاق

هند : ونعم بالله بس هم كال اسعه ياعبدي واني اسعه وياك

رشا : واني ممقصره كل ميصير مجال اروح لطبيبه ودوم يكولون ماكو شى

هند : ذني مايفتهمن تعالي اني اوديج لمره لو سيد تقرا عليج باجر تحبلين

رشا :وشعلان يقبل

هند : لا تگليله

رشا : اذا انت ماعندج رجال يحكمج اني عندي ومايقبل اطلع لباب البيت

هند : شنو قصدج تعيريني

رشا : ليش من اكول ماعندج رجال كعد اعيرج اول مره ادري جان يطب شعلان وهي ترجف كامت

هلووو حبيبي وبست من خده عناد بيها

شعلان : هاا يابه الله يساعدهم

هند : تعال شوف مريتك شتگلي

رشا : شكلت ياعيني انت احكم حبيبي تريدني اطلع بليه علمك

شعلان : شنو ياوكت عدنا مره تطلع بكيفها

هند : هااا اني قصدت تقنعك بس هي مافهمتني

رشا : والله ياام علاوي اني الي سمعته منج تردين اروح لزلم ساده ويقرون عليه بدون علم رجلي

شعلان : حتى اكسر رجلج ورجلها

رشا : لتخاف حبيبي مااسويها وتباوع هند تريد تشرب من دمي

هند : واني اخويه لتشوفني اطلع واطب لبيتج هو كم بيت عنا

شعلان : محذرج اكثر من مره ماكو طلعه لحدج لبيتي وبس حتى السوك المسواك ديجي الج لباب البيت

هند : اي اعرف ياخويه بس مريتك تگلب الحجي

رشا : يجوز مفهمتج المهم حبيبي سويتلك گبة اگلي لو اسويلك هبيط على كولت اختك

شعلان : كتلج مشتهي الكبه مال عمتج وانتي مثلها تسويها ياهبيط

رشا : اي والله عمتي فدوة لعمرها معدله متشوف شكد رادوها حتى على نسوانهم اكيد نسوانهم مابيهن خير ولا حظ لهذا رادو يتزوجون عليهن بس هي مرادت تأذي غيرها طيبه مو بيدها

هند: اروح ضلت يمكم العافيه

رشا : اخذيها حبيبتي وياج عدنا خير من الله من عدها

خلت وطلعت تركض حتى الباب بقته مفتوح سده شعلان واجه حضني من وره وحط وجهه برگبتي

شعلان : مبين مهرتي اليوم شايشه واعلنت الحرب شصاير

رشا : احجي بهدوء وابتسامه ليش حبي شسويت

شعلان : لا يابوي مامسويه شى بس طلعتيها تركض

رشا : اختك حبيبتي خوات احنا لتحط بالك يمنا

شعلان : علنت الحرب وعلي ماطول گلتي خوات انلاصت

رشا : ههههههه انداريت عليه وحضنته جووعان

شعلان : لتتموعين تره روحي خضره

رشا : اروح فدووه للروحه خضره وبنفسجي وزركه

شعلان : يوميه راح ادزلج هند حتى تتناقشون واني الصافي الي

رشا : بهند وبدونها اني اموت عليك

شعلان : اشتعلت عشيرتي شوو تعاي

رشا : والكبه

شعلان : ناكلها غير وكت طايرين خلي اكلج هسه والباقي سهل

رشا : مرت الايام وعادي تجي هند حجايه مني وحجايه منها تنلط على حلكها وتروح لحد مكامت تجي غير كل اسبوع او ١٠ مره كم ساعه وتروح وبديت افتك منها يعني مو جنت محترمتها ومااتجاوز واسكت اكلتني اكل بس كمت اعيرها وافشلها جرت عدل اااخ اكو ناس بس بالاهانات يله تمشي

قررنا نزل لبغداد وجان بالي اروح لطبيبه وصفوها اليه

فدوه شعلان خلي نروح

شعلان : بابا لتلعبين بروحج ليصير بيه شى يفيدني طفل بذاك الوكت انعل ابو الطفل

رشا : بداعتي اذا تحبني وديني

شعلان : شكد اكرهه هاي الكلمة اذا تحبني سوي هيج اذا تحبني اريد هيج لو مااحبج المن ذبحت روحي واخذتج

رشا : لعد يله اخذني

شعلان : نروح وهاي اخر طبيبه نروح الها

رشا : اي اخر وحده

وصلنا وانتظرنا جيه الطبيبه لان واصلين من وكت وبعد سره وصلني ومثل كل مره ماكو شى يمنع الحمل بس انطتني مقويات وعلمتني على سلوكيات تساعد طلعت منها ساكته وتوجهنا لبيت اهلي واول مدخلنا ‏أول ما دخلنا استقبلت عمتي كيفت بجيتنا كلش طارت وريم كالمعتاد اتهوس ما مصدگة إني جايه

نهر : شبيج صافنه يمه مو من عوايدج

رشا : خايفه عمه

نهر : ليش بيج شى اسم الله

رشا : طفل مديصير وماكو شى يمنع

نهر : الله كريم يمه كله رزق

رشا : ونعم بالله بس اهله مكعد يرحموني يوميه هذا الموضوع اني حطيت حد لهند وسوالفها بس لشوكت هم بعد مده تجي وتدخل وتحجي

نهر : وشعلان يكول شى

رشا : ساكت بس مااعرف سكوته لشوكت خايفة حيل عمه

حضنتني حيل وكالت لتخافين يمه الزمي صلاتج وتسبيحاتج وادعي من الله يبرد گلبج ويرزقج امشي اليوم اخذج لباب الحوائج (الامام موسى ابن جعفر ) ماطول سبت نزوره ونرجع

رشا : اخاف ميقبل

نهر : هو شكوو بعد وكت لممنوع التجوال وهو خلي يجي ويانه

يله كوومي

كلت لشعلان ومكال شى كال بلعكس صار هواي مرايح زياره

نهر : تجون بنات

ريم : اني مااكدر وغزل هم اخذي سليل يجوز تروح

سليل : اي اجي

نهر : وانتي يمه جنات تجين

جنات : نروح غير وكت اني وياج عمه ماضل وكت وامير بعده منايم يشلع گلبي بلطلعه

شعلان : اني اشيله اذا تردين

جنات : رحمه الله والديك غير مره ان شاء الله

رشا : والله ردتج ويايه

جنات : على الجايات گلبي روحو توكلو بالله

رحنا للامام وصلنا لحضرته لزمت شباكه وابجي من گل گلبي اتوسل برب العالمين بجاه الامام عنده يرزقني

واني ادعي واشكي همي رغم هوسه وادفع وكل شويه اگلي دفره بطني  دخيلك ياسيدي ومولاي الناس تتشمت بيه اتعاير بشى مو ذنبي بشى من ارده الله محد يكعد يعوفني بحالي صرت شماته لليسوه والمايسوه يحسسوني اني ناقصه وبيه خلل كامو يخافون على جهالهم مني يعني بعدني سنه وهذا حالي من تمشي السنين شلون دخيلك ياموسى ابن جعفر ياباب الحوائج ياطبيب بغداد اذا بيه عله شافيها بأذن الله واذا مابيه يارب ارزقني وانت الرزاق بجاه باب الحوائج وحضنت الشباك وبجيت من كل گلبي

انداريت واشوف سليل واكفه على الحايط گبال الامام ولازم دعاء الزياره وتبجي بهدوء المشكله اعرفها تعبانه ومقهوره بس هاي سليل متتغير طبعها هذا رجعت لحياتها بس گلبها وروحها وياه سليل من الناس الحبهم يكون نادر مينسون لو شكد متمر السنين

سليل : واكفه گبال الامام وادعيله اي ادعيله بلصحه والسلامه صار سنين مااعرف اي خبر عنه بيه شى متأذي عايش وين ما وين وهذا الشى يتعبني اكثر رغم كل الصار بينا بعده يملك گلبي ليش اغالط روحي مجرد مينذكر اسمه گلبي يكمز من مكانه مااطلب بس يكون بخير وعافيه لان اختفائه حيل طول

كطعت كل اخباره حتى عن اهلي ميسأل زين گلبه ما حن ماكال وينها شلونها لهاي الدرجه مااجي باله ونساني

نهر : هاا يمه گملتي

سليل : اي بس اصلي صلاه الزياره ونطلع

رشا : كمنا الزياره ولكيت شعلان مكمل واكف عند باب القبله احد بوابات الخارجيه للصحن الشريف

شعلان : هااا شبعتن زياره

نهر : هو ينشبع منه ياشعلان لو اضل العمر كله يله امشو نرجع مضل وكت

مشينا ورشا وشعلان ورانا

شعلان : هاا حبيبي ارتاحيتي

رشا : اي  الْحٍمَدٍ للـّہ

شعلان : ينطيج مرادج

رشا : ومرادك

شعلان : مرادي واخذته انتي جنتي مرادي وهسه بحضني شريد بعد

رشا : هههههه اوف منك دومك تكدر تسكتني

شعلان : والله انتي اذا انفكيتي شيسكتج لو اعيط لو ابوسج بس بهاي الطريقتين

رشا : هههه كافي عفيه ليسمعون

شعلان : بعيدين ميسمعون

رشا : اخذنا لفات ورجعنا مكدرنا نبقى كاعدين ناكل لان مبقى شى على ممنوع التجوال

ورجعنا للبيت وبابا حبيبي جان جاي حضنته اوووف شكد مشتاقه اله واليل كله سوالف وضحك ويه البنات سهرنا للفجر وشعلان جوه نايم بلهول

وثاني اليوم الصبح تريكنا ورجعنا للكوت تمنيت ابقى بعد مااريد ارجع بس شسوي مجبوره ارجع لبيتي واترك اهلي

وره شهرين كاعده اطبخ واحس نار بجسمي شبيهه ماادري

اجه شعلان وكتله بلبدايه مهتمينا بس زادت الحاله والنفس يضيق عندي والاكل ريحته تضوجني خفت اكول اخااف حامل لان من كثر مسويت اختبارات كمت استحي حتى اطلب اختبار حمل ومدري شلون اجت هند وطلبت منها كلت حتى لو تحجي افشل يمها ولا أمل شعلان وهي مجذبت خبر ركض جابت الاختبار ودخلت كل ثانيه تمر والله اسمع دكات گلبي وجان يطلع خطين من الفرحه طلعت ابجي واحضن بهند الي دوم مكافش اني وياها واكول الها حاامل والله حاامل

هند : كلللللووووش لا لا مااصدك امشينا للمختبر

رشا : وشعلان

هند : ولج امشي هسه نخابره

وخابرناه واجه يركض واخذني وطول الطريق ساكت احس بيه خايف يطلع حمل كاذب واخذو الدم مني اشوفه شلون يمرد بلسبحه لحد ماصاحو اسمي وكالو حاامل طلعنا كاال مبروك بكل هدوء وحتى هند سكتت هذا شبيهه وصلناها لبيتهم خافت تنزل ويانا بس دخلنا للبيتنا  جان يحضني ويبجي

شعلان : ممصدك راح اصير اب رشا راح اصير اب مو

رشا : حضنته حييل ياروح رشا اي والله اي والله حاامل واعيط بأعلى صوتي رحمتك ياارب حااامل ياناس اني حااااامل

ريم : ريم : هاي السنه الاخيره الي مبقى شى واخلص سحليه مو مثل قبل ويايه لان ويه ابوه بس بالاسبوع مره يمر عليه يشوف شكوو ماكو ويروح بس سالفه الطبيب دوم ويايه

وبيوم كاعده العب بلتلفون اشتريت جديد بابا بدله اليه جان سامسونك اس 2 وفرحانه بيه ودك تلفوني رقم غريب ومبين مو من العراق ترددت اشيله وانكطع بقيت الوب

غزل : شبيج ترحين وتجين اريد اقرا

ريم : رقم دولي

غزل : جاوبي وشوفي منو اول تالي تخافين

ريم : باع هاي يااخاف يكولون الارقام الدوليه يبوكون رصيد

غزل : هاي شبيج ريمو شيلي على اساس تلفونج مليان رصيد

ريم : هم صدك هو مابيه وجان يرجع يدك فتحته وصحت الو واسمع صوته نبرته ولا تغيرت عرفته بسرعه من كال شلونج زيبك 

مباشره دمعت عيني وكلت عموو سجاد

طفرت من مكانها غزل

غزل : عمووو صدك

سجاد : شلونج

ريم :  الْحٍمَدٍ للـّہ انت شلونك وينك ضل بالنا لا تخابر لا تسأل منين حصلت رقمي

سجاد : من محسن خابرته همزين رقمه القديم

ريم : اي ممبدله

سجاد : خابرته وكتله اريد ارقامكم انطاني رقم طة وسألته اذا رشا او انتي عدكم ارقام كال رشا تزوجت لهذا كلت اخاف اخابرها زحمه ورجلها ميقبل

ريم : خلي يطير شنو ميقبل غير انت عمنا واخونا الجبير

سجاد : اعرف والله وانتم بعزيه روحي بس هم زحمه

ريم : مبين من هيج طفرت وعفتنا اذا بعزيه روحك

سجاد : طمنيني عنكم

ريم : خابرت بابا

سجاد : لا بعدني كلت اسمع الاخبار منج اعرفج الجزيره مو مثلج

ريم : ههههه والله مشتاقين كولش الك ليش ياعمو هاي تاليها انتم بينكم احنا شنو ذنبنا كلشي منعرف عنك والله خفنا لصار بيك شى

سجاد : مابيه لتخافين

غزل : خلي اسلم عليه الله عليج

ريم : هااج

غزل : هلوو عموو

سجاد : منو

غزل : معرفتني اني غزل

سجاد : ولج كبرانه معرفت صوتج مال وحده شابه

غزل : ههههه غير كبرت ياعمو صرت خامس اعدادي

سجاد : ماشاء الله والله العمر يمشي ومنحس بيه

شلونج انتي باباتي صحتج وضعج بلدراسه

غزل : كلش زينة والحمدلله انت شلونك

ريم : انطيني يمعوده مو وكت سوالف اريد افهم وجريت التلفون

سجاد : ماعقلتي

ريم : وربك تخبلت بلزايد والحمدلله

سجاد : الله يعينهم عليج سمعت تكج اتزوجت

ريم : وانت تزوجت

سجاد : شتتوقعين

ريم : جم حاهل صار عندك بربك

سجاد : ماعندي ولا تزوجت الي مثلي ميتزوج يضل بطرك روحه احسن

ريم : ابتسمت بدون مااحسسه واجه بالي فكررة

سجاد : شلونهم اهلج

ريم : اووو اذا احجيلك اخبارنا والي صار مااخلص الحجي ب٣ ايام بس بلمختصر عمه زينه كما هي ودوم تدعيلك والله وتفكر بيك وحيل خايفه لا بيك شى بيبي انعال رجعت عسااها لا شافت يوم زين

سجاد : شرجعها

ريم : حظنا

سجاد : خوما مسويه مشاكل

ريم : كاعده وساكته بيتها مخلصتها اطباء وادويه ضغط وسكر بيها هي غير تموت

يااا نسيت هي عمتك

سجاد : بعد وكت كملي

والباقين

ريم : اني اعرف هو شنو يقصد وبقيت اماطل بلحجي وحجيت شويه عن بابا وحسام والخطف وخساره بابا وجنات وسالفتها وزواجها اوووو موعت اذنه اكثر من ٤٠ دقيقه طبعاً قبلها اشرت لغزل تسد الباب مااريد سليل تدخل وتعرف احجي ويااه لحد مطك متحمل وكاال

وسليل شخبارها

ريم :  الْحٍمَدٍ للـّہ فدوه لله ابنها يخبل باوعت غزل فتحت عينها

سكت عمو حسيته اختنك كووه طلع الكلمة وكال

ابنها ليش تزوجت

ريم : اووو من زمان وابنها عمره سنتين يخبل عموو ينكرط يشبهه خالته الي هي اني

اباوع غزل تلطم وتعض بأصابيعها اوخرها تريد تجر التلفون وتكل جذب ضربتها على رجلها وكعتها بلكااع

عموو تسمعني

سجاد : من خابرت محسن مكال تزوجت

ريم : يجوز نسه لان هي عايشه بعد بيتين عنا لهذا ميحس بفراغ دوم يجي يلكاها يمنا سمعت صوت طكت الجداحه ابتسمت والله اشتاقيت لصوتها من يدخن جر نفس قووي وكاال

سجاد : تزوجت سيف مو

ريم : لا ياسيف ذاك راح الله يرحمه

سجاد : ماات

ريم : لا قصدي راح لحال سبيله واخر مره سمعنا بيه خطب

سجاد : المن تزوجت

ريم : واحد لا خيره عليك ذهب صافي ويموت عليها والحمدلله مرتاحه وتعينت وضعها كلش زين سكت شويه وكاال

سجاد : اروح اني عود بعدين نتخابر

ريم : هذا رقمك موو متغيره

سجاد : اي رقمي ولتكولين لاحد خابرت

ريم : صاار عموو مو تكطع مع السلامه

غزل : صخام بوجهج ياريم اذا عرفت سليل والله تذبحج

ريم : يمعوده خلي يضوك الي عايشته

غزل : ليش مو خطيه متحبي لعمو

ريم : كلش احبه وتعرفين بيه بس من اشوفها شلون تالي الليل من تختنك وتصعد بلسطح حتى بس تتنفس اموت قهر عليها هلي يعيش الي تعيشه شويه

غزل : وشمدريج هو معايشه

ريم : حتى لو عاش اكيد مو مثلها هو تحمل بحدود   ٤ سنوات بدونها شلون ميشتاق يعني هي لو عدها رقمه تتوقعين متخاير متسأل متطمن عاشت ايام سم بدونه

اريده يعيش وكأنه هذا الشى صار يعني لو نفرض اختج الفطيره ناسيته مجان هسه متزوجه وعدها جهال

غزل : بس كذبتج قويه حيل

ريم : خلي يومين واخابره خلي شويه يضوك الضاكته يمعوده لو مستفادين من صعدت السطوح مالتها ومربين دجاج وطيور جان هسه انافس ايران وتركيا بلدواجن غير يوميه صاعده للسطح اقلها تربيهن وتكثر الانتاج

غزل :والله لو تعرف سليل واخاف يطفر وبعد يضل العمر كله عباله تزوجت

ريم : لتخافين عمج راجع وبأقرب وكت مخابرته حتى يعرف الوضع شصار عمج حن واشتاق ومالكه غيري يسأل عنها لان يعرف كلشي ادري بهذا البيت وراد يعرف حبت غيره لو لا

غزل : الله وكعه بيد المترحم الله يعينك ياعمي شراح يخلص هليومين

ريم : يخلصن ذيج اختج خلصت ٤ سنين تلوب وتصيح خاف بيه شى واعرف بيها تفكر اخاف اتزوج ونسانها اله اخذ حقها مربع منه بس الله عليج مو تحجين

غزل : شحجي غير تسحل البيت بيج هسه

ريم : عفيه واني اذا سحلت البيت بيه اسحل الشارع بيج

غزل : سكتت مااحجي

بقيت اليوم كله فرحانه تكول لكيت كنز هم رقم عمو عندي وهم حرگت گلبه

وعفته ٤ ايام ومتصلت خامس يوم دكيت شاله وجان صوته كلش تعبان

هااا عموو شبيك

سجاد : مابيه شويه خربطه بلضغط

ريم : اوي ياعيني عليك عمو حبيبي متستاهل سلامتك

سجاد : الله يسلمج زين حفضتي رقمي

ريم : ههههه غير رقم الهارب من عدنا

سجاد : افضل الي والكم

ريم : يعني مترجع بعد للعراق

سجاد : لا مكاني هنا وحياتي هنا اني كلت اصير زين واخابر نهر انطيني رقمها حتى اطمن عليها

ريم : صار تدلل ودزيت رقم سليل اله

هااك وهسه هي تنتظرك

يله عموو هاااا نسيت شى

سجاد : شنوو

ريم : تره سليل ممتزوجه

سجاد : هاااا شبيج ريم

ريم : عمو سليل اختي الجييره زوجتك سابقاً ممتزوجه

جان يعيط حيل وكاام يغلط بأعصاب ادبسسز طايحه الحظ شوكت تكبرين رغم شكد جان عصبي ومنهار وغلط عليه بس فرحت معناه مرضه وتعبه لان عرف هي متزوجه ولك ياعمو بعدك تحبها وجان يعيط ولي خلي اخابر نهر واتأكد منها وسده بوجهي ركضت طلعت من الغرفه جانت سليل تثرم تسوي كباب عروك وكفت يمها وين تلفونج

سليل : فوك بلغرفه

ريم : صعدت ركض ولكيته يدك اااخ الله وركض تكول عدائه وانطيته الها هاااج

سليل : يمعوده جاوبي متشوفيني اشتغل

ريم : انتي جاوبي

فتحته وحطيه على اذنها

سجاد : الووو

سليل : مو كال الووو لا كال هااج روحج ردت الج

يتبع .....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_العشرون

نويـت إنســـاه 💔

بــس حيـره  #‏شينسينـي  ؟؟؟؟

وهــو  بكـــل جفــن نعسـان

طــيــف مچـودر  بعينـــي...

سجاد : الووو

سليل : مو كال الووو لا كال هااج روحج ردت الج

مباشره وكعت السجينه من ايدي باوعت على ريم وتأشر براسها جاوبي

سجاد : الوو نهر تسمعيني

نزلت دموعي مباشره اااااااه ياسجاد شكد مشتاقه لصوتك اااااااه ياروحي الرجفت من سمعت انفاسك وخرت ودفعت التلفون من اذني وريم بعدها لازمته وجان اطب ماما نهر

نهر : هاااي بعدج ممكمله يمه اسم الله شبيج تبجين

ريم : هاكم اني معليه وشمرت التلفون لعمه وطفرت ركض فوك

نهر : الوو

سجاد : مو داصيح مسمعيني

نهر : منو سجاد

سجاد : لا ابوه المرحوم

نهر : مداصدك هاي انت ولك ليش هيج هانت عليك العشره يبن خالي هاي تاليها ادير وجهك وتروح لاتكول ماتو احتركو صار عليهم شى ولك ماغز الدم الي بينا ابقى بنت عمتك ودوم تكول انتي اختي خوش اخت عفتها ولا بيوم فكرت تسأل عنها عوف الدم ماغزرت الخبزه الجمعتنا الضيم القهره ماتتذكرنا بضحكه بسالفه بكعده لهاي الدرجه ميغزر كلشي بيك

سجاد : كملتي عتاب

نهر : شكمل لو اضل الباجر مااخلص اعتاب لك كاتلين امك ابوك ادير وجهك وتسافر تلفون متشيل وتكول خلي اشوفهم عدلين لا وشفت الاوضاع بلعراق من خرب غيرتك اذا عندك غيره

سليل : ابجي بهدوء واكفه وظهري على الكاونتر كوه رجليه حاملتني والله حيل مابيه اجر النفس كووه ودكات گلبي سريعه لدرجه اني واكفه بس احس روحي عبالك اركض

نهر : اباوع على سليل كل شويه تمسح وجهه وعيونها بردن ملابسها

سجاد : هسه اني خابرت اريد اسألج شى وبعدين نتخابر واكعدي عاتبي تره كلش صحتي تعبانه

نهر : ليش اسم الله شصار

سجاد : شويه ضغطي صاعد

نهر : ماكو احد يمك تقصدت اسأل ردت اشوف اتزوج شى اباوع على سليل عيوونها تكولي ماما  سألي بس متكدر تنطقها بنتي واعرفها

يعني متزوجت ولو اكيد تزوجت حضره جنابك واله منو ياخذك هاي السنين منه ويجوز جهالك بطولك

سجاد : اي عندي ١٥ واحد اكبرهم لطول مني بمتر هاي شبيج نهر هو اني مال زواج بربج

نهر : هاااي يعني متزوجت بعدك الاعزب الكبير

سليل : ااااخ ياگلبي فوك نبضاته المتخربطه اجت هاي الكلمة خربطته بلزايد ممتزوج بعده دنجت ابجي بلزايد واكتم صوت شهكاتي

سجاد : ارجع لسؤالي دكيت عليج علمود

نهر : انت ليش خابرت على تلفون سليل ماعندك رقمي

سجاد : هااا هذا تلفون سليل

نهر : اي

سجاد : مااعرف اخذته من ريم وهي يمج

نهر : اي سكت شويه وكال

سجاد : وخري منها اطلعي بره روحي لمكان مابيه احد اريد اسألج شى

نهر : مااشي سويت نفسي طلعت ورجعت مردت اعوفها اباوع عليها سوده بوجهك سجاد شمسوي بيها تشهك من البجي مردت اطلع واعوفها بنارها

احجي خير فوك ماعايفنا سنين جاي يسأل ويروح

سجاد : نتخابر غير وقت وسولفي الي تردي

مااحلفج بأحد بس اذا عندي معزه ولو شويه احجي الصدك

نهر : من شوكت اني كاذبه احجي خير والله انلوت بطني من وراك شبيك

سجاد : سليل اتزوجت انخطبت

نهر : بله هسه انت وره ٤ سنوات تسألني سليل انخطبت لو تزوجت انت صاحي بربك صاحي جان يعيط

سجاد : دخيل ربج التحلفين بيه احجي ولتشلعين گلبي

نهر : لتعيط شجاك تخبلت

نفخر بضوجه وحجه بهدوء سليل تزوجت

سكتت وباوعت عليها

سجاد : احجي نهر

نهر : مثل معفتها ترجع تلكاها لا والله مو مثل معفتها جانت ورده مفتحه كدامي هسه ذابله لتخاف يبن خالي سليل لا تزوجت ولا انخطبت ولا حبت ولا احد دخل حياتها مثل ماهيه تخرجت وكعدت بلبيت وبعدين محسن الله ينطي العافيه لكه تعيين الها وهسه تروح تروح وتجي بدربها مالها دخل بأحد انت تعرفها من هي وصغيره حتى صديقات ماعدها يمكن هسه بلدوام تعرفت على كم وحده بس من باب الشغل ونسوان كبار وتعرف سليل واخلاقها دومها ثكيله ومؤدبه

سجاد : وسيف محاول يرجع الها

نهر : فدوه اروحلك سجاد بطل هذا الهوس تره لو تريده مجان عافته وحسب مسمعنا من رشا الولد خطب والله يسهل اله لاتضل كل شويه تسأل اسألة مابيها معنى

اذا مخابر حتى تستفر من هذا الشى جاوبتك وروح ابويه واخويه ماكذبت بحرف

جر نفس قووي وسكت

نهر : متكولي شبيك الله مسودنك من دون خلك الله تشك بأصابيعك اني كلت وره هاي السنين راح تعقل وتتغير ثاري ابو طبع مايغير طبعه غير الجفن اسم الله عليك

سجاد : هي ضلت اسم الله تردين اموت

نهر : هو هاي انت تفتهم الموضوع من ذيله عاف كلشي وجلب بلجفن

سجاد : اروح ونتخابر غير وكت

نهر : لا بالله وين فالت

سجاد : تعبااان اريد انام صار ٥ ايام بس الله يعرف شصار بيه

نهر : خير ياستار

سجاد : روحي لبنت اخوج الرعنه الي بس اشوفها مااتسمى سجاد اذا مااشرب من دمها على دكتها الدونيه

نهر : من هيه

سجاد : ريم كليلها ولج تربات ايديه وتلعبين عليه اني الها

نهر : مبين مسويه دكه بيك

سجاد : دكه الناقص ميسويها بعيني وين اطير اذا مااطلع الخمس ايام الشفت الموت بيها من عيوونها

نهر : هسه غير يفهمني شسوت

سجاد : بعدين نهر خلي ارتاح واخابرج اخذي الرقم من هذا التلفون ودكي عود عليه حتى احجز رقمج

نهر : مااشي الله وياك

سليل : سده وكعدت بلكاع وايدي على وجهي اشهك حتى مكال سلميلي عليها انطيني احجي وياها

نهر : كومي يمه فدووه اروحلج

سليل : شيريد هاااا ليش يسأل اتصخمت ولا تعزيت هو بشنو هامه هذا الموضوع مو صار ٤ سنين بعيد شذكره

نهر : والله يابنتي الخبر يم ريم البله لان هو متحلف الها وصاير نار مدري شمسويه كومي شوفي شصار وشمسويه المخبله واني اكمل ثرم العروك لان ابوج جوعان ومن اكمل العشا ماالته اصعدلجن كومي يروح فدووه هو وعشيرته لكل دمعه نزلتيها عليه المصخم صار ٤ سنين غايب وتالي يعيط

والله مو صاحي هلرجال

سليل : كمت غسلت وجهي وصعدت بس احس حيلي مهدود مدري من اشتياقي اله مدري لان سمعت صوته ومكدرت احجي

دفعت الباب وطبيت وينها اباوع غزل تأشر

ورن البرده خاتله

رحت وخرت البرده جان تطفر

ريم : والله ممسويه شى جنت اتشاقه

سليل : هسه ليش تكمزين مثل القرد غير افتهم شنو الشقه الي يخلي سجاد يعيط على عمه شسويتي

ريم : ماسويت شى بس هو ميتحمل شقه

سليل : شوو تعالي اكعدي خلي افهم صاعده فوك الجربايه وشطولج مو حتى عيب شكبرج تصيرين

ريم : عيني ابقى هنا منطقه الامان يصير شى كرندايزر انطلق وافلت ولج خوثه كومي افتحي الباب حتى افلت

غزل : هااا وين لسانج هسه خايفه

سليل : انداريت على غزل غزوله احجي انتي

ريم : بنت ابوها التحجي شايفه الشوايه مال السمج البره احطج بيه واشويج بلتنور

غزل : شفتي ماما تهددني

سليل : مالج دخل بيها هاي بوخه بس تهدد احجي

ريم : اكطعج بعرضي بس تحجين

غزل : كتله وفايته

ريم : هاج ساكته كل الوكت وصارت لسان براسي ام نص لسان اذا حجيتي شارع ابو مهدي ابو الحصه كله نگر ابلط الشارع براسج

غزل : شوفي والله اخاف منها انتي لو شايفه شسوت لعمو

سليل : غير تحجن حتى افتهم مو گلبي ورمتو

غزل : كالت لعمو انت متزوجه ومخلفه وابنج يشبها وعايشه بعد بيتين عنه ورجلج يحبج ومرتاحه وياه

ريم : اصخام بوجهج خلي الزمج اله اسويج نعال بابا المكطوع يم الحمام 

غزل : ماطول هيج واله احجي بعد وهااا بقته ٥ ايام يله بلغته بلجذبه 

سليل : باوعت عليها كتلها ليش هيج

ريم : اشاقه

سليل : عطت ليش هيج سويتي جان تكعد على طرف الجربايه وتحجي بهدوء

ريم : ردت اخذ حقج منه ليش يأذيج ليش يبجيج ليش عافج كل هاي السنين اني كل يوم من اشوفج ذبلانه والضحكه من وره گلبج اموت قهر مرات اتقصد اسوي شى ينرفزج او يضحكج حتى بس تكعدين ويانه وتسولفين وتعيطين وتضحكين ردت اعيشه ولو كم يوم احساس الواحد يخسر الي يحبه ويعيش بدونه ويكمل حياته ردت اكسر الثقه والغرور الي هو بيها لان جان متأكد ممتزوجه بس خابر حتى يستفسر ومن كتله تزوجت حسيت كلشي جان يحسه انكسر وعيشته ولو ايام الفقد الي انتي عايشته من سنين ودوم تفكرين تزوج خلف صار عليه شى ردت اشربه من نفس الكاس الصار ٤ سنوات يشربج منه

سليل : تقربت منها وهي غطت وجهه عبالها راح اضربها

ريم : العباس عليج لتضربين وغطيت وجهي كلت راح تكطعني

سليل : جان احضنها وابجي وهي بهتت

ريم : شبيج سليل فدووه لتبجين العفو والله مو قصدي اقهرج ردت بس يحس بلي سوااه

سليل : ماابجي على السويتي ابجي على حنيتج لان متقبلين احد يأذي خواتج حتى لو هذا الواحد تعتبري اخوج الجبير وعمج

ريم : انتي روحي وامي شحده الي يقهرج ماافوت حقج والله بس لو باقيه شهر جان خليت بيه شلل رباعي جان اقلها الواحد ماخذ حق ٤ سنوات

سليل : كفختها واني حاضنتها وهي ضحكه وهي بجيه

ريم : هاي شبيج جان كتله تحب رجلها وتموت عليه واسمعه صوت اموري ابن جنات على اساس هو ابنج جان شبعت ضحك بشرفي وتونست ضايجين وين انولي

سليل : هههههه والله متحلف الج

ريم : يمعوده هو خلي يجي وراها سهله ادكله اليتيمه وابجيلي جم دمعه واسوي نفسي خربت وكعت من طولي يسامحني مالج دخل هاي الافلام عندي

سليل : والله وحيات عينج الشيطان يحط رجل على رجل ويتعلم منج

غزل : اي والله عقلها يخوف

ريم : انتي دعسوقه ام نص لسان حسابج بعدين لا عبالج فلتي

سليل : عوفيها بداعتي هسه اني مو عفتج

ريم : يله هاي لخاطرج

غزل : هههههه همزين فلتت منها

ريم :تعرفين بيه اطلعها بغير شغله

غزل : لا ريمو الله عليج العفو

ريم : الله والله حلو قبل شويه اني اتوسل وهسه يتوسلون بيه شلون شعور حلوو

سليل : خلي انزل لماما عفتها وحدها

ريم : هسه وره هذا الفلم كله والطحن وناس نامت بلفراش والامن القوي تهدد والامريكان راح يجددون الاشتباك شصار شكلج

سليل : كلشي ماكو حتى سلام مسلم

ريم : ضربت كصتي امده حظي اي والله هذا عمو من ياطينه مصنوع اااخ

سليل : هذا عمج تعرفي بعد

ريم : اذا رجع للعراق نفرض طبعاً راح ترجعين اله

سليل : شلون يعني

ريم : يعني راح تحاولين تصلحين الصار

سليل : خلي يجي وسهله

ريم : بس لو مره هذا گلبج تقسي جان احنا بخير عفيه گلب شكد حنين وفطير

سليل : بس كثر الضربات تقسي

ريم : هلا هلا شناوي الله عليج

سليل : ناويه اروح اكمل العشا ويه ماما

ريم : والله مايصيرلج جاره لو يحضر الحمزه

سليل : يله امشي ساعديني وكعدي جنات خلي تنزل تتعشى نامت من المغرب

ريم : اريد لفتين اترسوهمً كباب وطماطه وخضره وطرشي وكلاص جاي بداعت ابوج ميته جوع

سليل : شفتج وشفتيني جوعانه

ريم : ااخ يلاكل اكو اطيب منه ياحب يابطيخ

سليل : يله لتتأخرون

نزلت وكملت كلشي ويه ماما بعد محجيت الها وهم استلمت ريم رزلتها بس ريم ردت فعلها الوحيد مدنجه على اللفه وتاكل ولا شالت راسها لحد مكالت فدووه عمه شويه ملح الكباب فاهي من شافتها هيج سكتت اصفن على تصرف ريم الي خلاني ابجي من حنيه اختي عليه وبنفس الوقت انصدم من تصرف سجاد لان مبين اتمرض من عرف بيه متزوجه اذا هيج يحبني ليش هيج يتصرف ويايه ليش دار وجهه ورجع وره سنين

بس كملت شغلي ردت اكعد وافكر صعدت لمكاني المعتاد وبعز شهر ١٢ وبارده حييل ادور على الهوا ردت استجمع قوتي وخاصه صوته لهسه يرن بأذني

بيدي التلفون واباوع على رقمه يعني هسه اذا ادك هو يطلع جريت نفس ااااااه ياسجاد الروح مشتاقه الك لدرجه تبجي عليك حتى بدون ماانزل دمعه أذيتني حييل حيل ظلمتني ومااعرف شنو تاليها وياك

بقيت للفجر صليت ونمت

وثاني يوم سبت كملت شغلي وبالي كله يمه اااخ شسويه بيه اتصاله هسه هو شيريد عرف ممتزوجه زين وبعدين

ريم : لتفكرين يرجع

سليل : هااا

ريم : خمس مرات كنستي الهول لحد ما الزوليه تصيح ابوس ايدج والله نظفت

سليل : منتبهت

ريم : لان بالج يم عمو الوحش

سليل : حييل بعدج تتذكرين

ريم : ليش هو ينسي هذا اللقب جنت من اشوفه واضحك وياه واشوفه حباب اكول بس لو اعرف ليش سليل تصيحه عمو الوحش

سليل : ملاحظة كمتي تكوليل سليل مو ثلل

ريم : غير كبرنا عيب بعد

سليل : والله ولا كبرتي وبعدج مخبله ونص عقل ودكاتج ماتتسولف

ريم : اممم اظلموني بعد الله يسامحكم خلي اخابر ريه اشوفها شلونها يوميه كاعده الصبح  تلعب نفسها تكول حامل بعشره مو واحد

سليل : خطيه متتحمل تعبت

ريم : بعدنا بسم الله ماكلنا حلال يمعوده بالاشهر الاولى الها يارب تطلع بنيه عليه تخبل ونازكه واموره وفقيره ومؤدبه

سليل : اوكفي هاي على منو تحجين

ريم : عليه شنو عندج شك

سليل : لا يابوي وبعد اكثر انتي

ريم : اي عفيه جري عدل تره ادك وياج مثل عمو واخليج شهر متنامين

سليل : قابل شتكولين غير عايشة وياج

ريم : اشوفلي لعبه لحظة هذا سحليه يدك عليه

سليل : جم مره رزلج على كلمة سحليه

ريم : هلوو سحولي

حسين : وتالي وياج متوبين

ريم : لا مااتوب لان احب اصيحلك هيج يله شتريد

حسين : اني جايكم محتاجه شى

ريم : الله عليك هذا سؤال تسأله اكيد محتاجه جيب بيتزا الحجم العائلي وياه لفه همبركر

حسين : لو ممخابر احسن

ريم : هاي مشكلتك ويله لتتأخر ورانا مراجعه للطبيب

حسين : بس لو افهم شوكت نخلص منه مو راح يصير سنتين تعالجين يمه

ريم : لتتأخر سحولي يله باي وسديته

سليل : مو مسويين غدا المن مخسره الولد

ريم : منو كله يخابر ويسأل

سليل : غير من باب الادب واللباقه

ريم : هلوو لباقه حلووه حبيتها ومن باب اللباقه يااختي الجبيره ميجي وايده فارغه

سليل : شكد جوعيه ياربي

ريم : تغارون مني لان اكل ومااسمن اكوم البس الشال اخاف يجي ابو عضلات

سليل : ديتمرن بلقاعه صاير جسمه رياضي

ريم : خلي يطير ضربه مني ارجعه بحضن بيبيته

سليل : صدك شخبارها

ريم : مريضة كل شويه يم طبيب والمصيبه مدتموت يمكن راح تعيش بكد فرعون

سليل : اكول هدوء ومالها حس

ريم : خليها راسنا بارد منها

صعدت كملت شغلاتي وسمعت الهورن ونزلت اركض

وطلعت فتحت باب السياره وكعدت

وين الاكل مالتي

حسين : ليوره تاكلين هسه

ريم : لا من نرجع من الطبيب يصير بيه ريحه اكل

حسين : واذا صار شكوو بيها ماكله عادي لو اله يشتم ريحتج وتعالي شصار هلكد حاطه عطر

ريم : لعد اطلع جايفه غير اسبح واتعطر واطلع

حسين : المن للطبيب

ريم : الي الي لنفسي سمعتني يعني اله اتعطر لاحد شنو هذا العقل وتعال كولي استاذ حسين اخاف اكول سحليه وتعيط

حسين : حتى اركع راسج بلستيرن

ريم : مااجاوبك واتجاوز هاي النقطه واكمل كلامي انت مو غاسل روحك بلعطر

حسين : اني وحد رجال

ريم : اي والمره لازم تطلع بريحه جايفه يله تعجب موو

حسين : اعرف مااحصل منج لا حق ولا باطل

ريم : عفيه لهذا استعجل لا وداعت بابا انزل هسه للبيت اسبح بلعطر واطلع

حسين : كاافي يله وشخط السياره وصلنا للطبيب ومثل كل مره يتنرفز من نروح اله

حسين : دكتور متلاحظ علاجك طول

سامر : اخ حسين البهاق من الحالات الي يصعب علاجها اصلاً بلسنين السابقه كانت مستحيله وهسه بتطور العلم نحاول نلكي حل جذري الها والعلاج ماشي على خطوات ثابته

حسين : وتبقى العمر كله تتعالج

سامر : اكيد لا بس لاحظت تقدم بلعلاج

حسين : انريد مده زمنيه تكول انتهى بعد ميحتاج تجين

سامر : حالياً مااكولها لان شفت بعينك بعد بيها

ريم : عادي دكتور اكو هواي صغار اختفو وهذا الشى شجعني بس اكو كبار على حطتهم

سامر : ان شاء الله نحاول مره ومرتين لحد متكونين راضية عن النتائج

ريم : ان شاء الله شكراً دكتور تعبتك

سامر : تعبج راحه وهاي عصاره خبط استخدميها

ريم : ان شاء الله شكراً

طلعنا وحسين انكلبت خلقته تعبتي شكوو جان يسويلج عمليه

ريم : تره كلمة وتنكال من باب الامتنان

حسين : بطلي هاي الخفيه ويااه

ريم : هاي اكثر من مره تكولها اليه تره والقران مره ثانيه اذا انعادت يا حسين مااجي وياج للطبيب افهمت

حسين : شبيج هيج ترجفين حسره اجيب طاري

ريم : استغفر الله هاي شبيك انت صدك تحجي اكله هو طبيب واني مريضة عنده ليش عقلك هيج قافل

حسين : اي كوليلها مخبل

ريم : والله اني مخبله اذا جيت وياك بعد كل منطلع منه نتعارك

يله رجعني للبيت ومن اليوم مالك دخل بروحه الطبيب شكراً تعبناك هااا لا مااكولها طلعت هاي الحجايه عيب تنكال

وصلنا وطول الطريق هدوء بس هو ينفخ وكل شويه فاتح الجامه يتنفس هوا بارد ويسدها على النص

لحد موصلنا وركعت الباب ونزلت سريع وهو راح

سليل : هااا شبيج عصبيه

ريم : هذا ابن عمج حاط عقله ويه الطبيب موتني

سليل : ليش شبيهه

ريم : وبديت احجي كلشي لسليل

سليل : عرفت من كلام ريم وتصرفات حسين مبين يحبها ويغار عليها بس هي مفاهمه عليه شويه واندكت الباب وطلعت هي

ريم : رحت افتح الباب وشفته واكف وبيده الاكل

حسين : نسيتيهم

ريم : مااريد خليهم الك

حسين : شوفي شلون مسويها البيتزا تارسها جبن وكص

ريم : اباوع واحس عصافير بطن كامن يسبن بيه

ماريد

حسين : بكيفج واني جبت الج ويه لفات الهمبركر فنكر والصلصه مالته الخصوص المطعم الي تحبي

ريم : جريت الاكل منه يله شكراً روح مااحجي وياك

حسين : صدك لو كالو عند البطون تعمى العيون

ريم : روح مااحجي وياك زاعلتك

فتح الباب وطب وكعد على المرجوحه الصغيره الموجوده بلحديقه

تعاالي اكعدي بصفي

ريم : رحت دخلت للمطبخ حطيت الاكل على الكاونتر وفتحت الثلاجه طلعت قوطيه ببسي بارده

هااك

حسين : هيج بدون كلاص

ريم : لتسوي نفسك خطار كل وكت تجينا

حسين : شكراً بس لتتعصبين تعالي اكعدي

كعدت بصفه وهو يشرب وكملها بسرعه وشمرها على السطل مال الزبل اجت بنصه

ورجع راسه ليوره

انتي ليش تزعلين بسرعه مني

ريم : لان تضوجني بكلامك عبالك اتقصد اتحارش بلطبيب رغم والله ماعندي شى بس انت متغير صاير بس تتأمر وتتعارك وتعرف بيه اتخبل اذا واحد سوه هيج ويااي

حسين : ريم 

ريم : هااااا

حسين : اني احبج

ريم : اني هم احبك والله وتعرف و جان يقاطعني

حسين : افهمتي شنو اقصد

ريم : هنا انتبهت هااا

حسين : اني احبج مو حب الي بالج اني اعشقج روحي بيك انام واكعد واروح واجي وانتي بالي

ريم : جمدت واباوع بوجهه بس ارمش من الصدمه

حسين : من انتي وصغيره واصيحلج ريمتي

لان دوم جنت اشوفج مالتي الي وبس لهذا اكثر الاوقات اصيحلج ريمتي

لان انتي مالتي صغير وراهقت وكبرت وبس انتي بگلبي حتى من سافرت واشكال البنات بحياه المراهقه من جنت اصفن روحي تلوب عليج ريم اني احبج لدرجه مااشوف بنيه غيرج واغار عليج وبلذات من ترحين للطبيب ويلمس بشرتي والله احس مو يلمس بشرتج يكطع من روحي اصير نار مرات اتخيل روحي مابقى شى واضربه اخرب وجهه وانعل ابوه لا ابو اليطلع وراه

ريم : بلعت ريك واريد استوعب الي يحجي حسين هذا شديكول يحبني واني

حسين : ليش ساكته اني حاولت جم مره المح الج اريد اعالج حايره بالاكل والتكمز والكليه والدوام والضحك والمقالب ردت بس مره تصفنين بينج وبين نفسج وتحسين بيه ماكو اليوم بعد مابيها مجال من كلتي ترحين للطبيب ويه غيري تخبلت وجم مره كتلج خلي نغيره ومتقبلين وجارعه على اعصابي وهسه تردين ترحين اله بدون غير ارتكب جريمه بيج وبيه

ريم : انت بيك شى شارب شى

حسين : شفتي هاي سوالفج الي تخليني اتردد كل مره اعترف الج حطي بالج اني احبج واريدج مرتي حبيبتي ام جهالي ولو شلون راح يطلعون وانتي امهم شياطين والكعبه بس يله اتحمل لعيونج

ريم :حسيت بألم بصدري وخوف من شى جنت دوم اخاف منه واتجاهله دنجت واغمض وافتح بعيوني

حسين : بيج شى ريمتي

ريم : ليش اني

حسين : شنو ليش انتي

ريم : ليش اني حبيتني

حسين : اني مو هسه حبيتج من احنا وصغار احبج

ريم : بس هذا غلط واني معتبرتك

حسين : اياج تكولين اخويه لان مااقبلها منج انتي مو اختي ولا راح تصيرين بيوم اختي انتي بنت عمي وحبيبتي وصديقتي ودلوعتي وريمتي الي انام واكعد احلم بليوم التصير مرتي بيها

ريم : مد ايده يلزم ايدي جريتها

لتلزم ايدي شتلزم شووف وطلعت ايدي مديتها شحبيت هااا شووف البكع الي بيدي ومثلها برجلي وبطني وبركبتي انت شايفها شلون راح تتزوج وحده مبكعه

حسين : اشش شنو هذا الحجي

ريم : انت تتوقع امك تقبل لو بيبتك لو ابوك

حسين : محد يهمني

ريم : لا يهموك وفوكاها بنت طه يعني من سابع المستحيلات يقبلون

حسين : اني اقنعهم بس اصبريلي فتره اكمل اموري واجي اخطبج

ريم : نزلت من المرجوحه وكفت گباله صرت اعصاب واحجي بصوت عالي ياخطوبه من كل عقلك اني وياك منتراهم

حسين : ليش متحبيني

ريم : نبض گلبي حييل وسكتت اني شنو احس اتجاهه معقوله احبه

حسين : لتسكتين ريم احجي عيطي خلي اسمعج تحبيني لو لا

ريم : كمت اروح واجي بلحديقه مااعرف شحجي بس مرتبكه واعصاب

انت تعرف اذا اهلك عرفو شواح يصير تعرف اني مااناسبك بكلشي شوفي شوف حالي انت وين واني وين

كام من المرجوحه واجه گبالي

شبيج تخبلين احلى البنات انتي

ريم : منين احلى البنات من البكع الي بيه شوفني صار سنتين اتعالج وهسه يله كم وحده راحت والباقي موجود حتى متغير لونه متلعب روحك مني هاي البنات اشكال والوان احلى مني شفت مني وحبيتني

حسين : انتي بعيني احلى البنات وتره انتي حيل مكبره الموضوع والله انتي تخبلين وهذا الشى ممأثر عليج بلعكس زايدج جمال بعيني

ريم : لعد انت اعمى وارجع البس مناظر عفته وجان يجرني حييل

حسين : وين متفلتين سمعي يابت طه يابت عمي ياريمتي انتي اليه بهوستج بخبالج بوكاحتج بكعج على كولتج اليه بس الاريده منج هلفتره اتصبرين واجي اخطبج

ريم : متحملت كلامه اول مره احس احد يشوفني احلى البنات واحد يحبني ومنو حسين عفته ودخلت صعدت بسرعه حتى سليل صاحتني مجاوبت واول مدخلت شمرت نفسي على الجربايه وابجي

غزل : شبيج ريموو

ريم : مابيه عوفيني

غزل : اذا تردين شى صيحيني رايحه يم جنات العب ويه اموري

سليل : طبيت للغرفه وشفت ريم حاطه المخده فوك راسها وخرتها

هااا شبيج

ريم : كمت على حيلي سليل هذا الخبل يحبني

سليل : ههههههه مبين ليش مستغربه

ريم : شلون يحبني

سليل : مثل الناس واحد وحب وحده شنو الغريب

ريم : مو اني

سليل : ليش شبيج شنو ناقصج حلووه وبت عائله ومتعلمه صّـْْ(☑)ـْْحّ لسان وكحه بس دمج عسل والكل يحبج

ريم : بس حسين

سليل : شبيه

ريم : اني اعتبره اخويه

سليل : متأكده ريم سألتج متأكده

ريم : ماادري والله ماادري

سليل : زين احجيلي وخلي افهم اني شفتج تعيطين همزين ماما نايمه مسمعت شى ومطلعت كلت خلي اشوف شخبلج

وبدت تحجي بحركة گلب واني مبتسمه

ريم : شبيج تضحكين تكول واحد يعرض الها مسرحيه مال عادل امام

سليل : والله وريم راح توكع بلحب

ريم : مااريد لا احب ولا ابجي ولا اصير مثلج

غابت ضحكتها لسليل وتقربت منها ولزمت ايدها

تره والله مو قصدي اني قصدي مااريد اتعذب مثلج

سليل : مو كل الناس سجاد هذا يختلف وضع حسين غير وضع سجاد

وانتي مو سليل كلمن وطبعه وحياته وشفتي رشا  الْحٍمَدٍ للـّہ اخذت عن حب وشعلان يحبها ومراعي الله بيها وحتى هي شلون مداريته وحياتهم حلووه

ريم : هذا يريد يتزوجني

سليل : لعد يفلسج على الباگلا اكيد يتزوجج

ريم : وشكلي وضعي

سليل : عوفح من البهاق انتي شايفه حالج شو تخبلين طول وجسم ورشاقه والشعر يجنن ومعانيج نازكه

ريم : بس مبكعه

سليل : كل حلوو بيه لوله

ريم : اني اللوله نفسها

سليل : لتكبرين الموضوع القاضي راضي حسين وقابل وحابج كما انت المن بعد شايله هم ريمو حبيبتي متلكين واحد يحبج مثل حسين ويتحمل هوستج غيره كافي متربين سوه

ريم : واهله

سليل : هو رجال ويحير بوضعه

ريم : اختنكت

سليل : هههههه اصعدي بلسطح بلخير عليج

ريم : والله مااسوي سوايتج ابد صدك نسيت البيتزا

سليل : والله انتي مو مال حب هذا الولد انظلم لان حب وحده بس تفكر بطنها

ريم : اروح اكل وبعدين افكر

رغم خوف سليل ونصايحها بس اني مرعوبه بشى اسمه ارتباط وحب لان اني احس بيه نقص بيه خلل اختلف عن اقراني شكد مااحاول اتلافه هذا الشى يبقى داخلي يصرخ ويكول لتخدعين نفسج انتي مشوهه

افكر اذا تزوجته شلون يشوف جسمي شلون يتلمسه اذا اني من اشوفه اموت قهر اكيد هو تلعب نفسه الي مثلي محد يحس بيهم وميعرف حجم المعاناه الي يحسوها وكميه الالم الي يعيشوها من ينظرون الناس شلون تشمأز منهم مااريد اشوفها بعين حسين مااتحمل والله

بقى ايام ميجي للبيت وراها بأسبوع اشتاقيت اله متعلمه عليه من يوم مكال احبج واني تفكيري زاد بيه حتى تصرفاته الجنت انتقده بيهم كمت افكر بيهم

وبعدها اجه ونزلت لكيته كاعد ويه عمه بلحديقه

حسين : شلونج ريمتي متسلمين

نهر : شبيج ماما

ريم : مابيه عمه سلامتج

نهر : اروح اجيب طماطه من راس الشارع خلصنا مااتأخر ومااكلج شتردين هسه اتكتبين ورقه اشكال بيها

ريم : لا مااريد

نهر : ياااا لازم الدنيا انگلبت ريم متريد

حسين : اني جايب الها عمه ليضل بالج

نهر : خوش يمه ما اتأخر

ريم : كعدت على حافه الحديقه ومديت ايدي وجبت عوده من زرعه صغيره والعب بلطين وهو بلمرجوحه يباوع عليه

حسين : شبيهه ريمتي

ريم : مجاوبت بقيت ساكته كاام واجه كعد بصفي وطخني برجليه

حسين : الهدوء ميلوك الج والله وين هوستج

ريم : ليش صار اسبوع ماكو

حسين : اشتاقيتيلي

ريم : لا

حسين : ههههه والله اشتاقيتي

ريم : حتى متصلت

حسين : ردت اعوفج تفكرين

ريم : بشنو

حسين : بأسعار الذهب والدولار والبورصه

ريم : ههه متضحك

حسين : لتعبين نفسج وتجيبيها منا وتحطيها منها جان يجر العوده الصغيره من ايده وكتب

ريم لحسين وحسين لريم

ريم : باوعت عليه واهلك

حسين : اني اقنعهم انتي بس فكج من سالفه اخويه وابن عمي

ريم : لعد شنو انت ابني

حسين : حبيبك وزوجج بلقريب العاجل

ريم : لا بالله ضربني حيل برجلي

حسين : ولج مو بعينج

ريم : لا بخشمي

حسين : ريييم

ريم : نعمت صوتي وكتله ينعم

حسين : اموت عليج

ريم : هو كال هيج لو روحي ساحت وجان اكمز هلمره كالها وتقرب مني خرب والله كلت شويه ويبوسني

حسين : وين رايحه

ريم : اجيبلك شى تشربه

حسين : تعالي جبانه ماابوسج من نتزوج عود اشبعج بوس

ريم : والله متستحي

حسين : هااي منو تخجل لا لا ماعرفتج خوش لعد اذا مااطلع القضى والمضى عليج ياريم

ريم : شسوي

حسين : بس الزمج اشبعج بوس

ريم : والله اذا حجيت هيج اله اكول لابويه عليك

حسين : ههههههههه عرفت نقطه ضعفج اليوم وغداً ياريم

ريم : خلي يولن ياحمزه

حسين : اااااخ اموت عليج  لج ريمتتتي اعشقج والله

ريم : فضحتنا امشي جوه

ومن يومها بدت علاقتي بيه وكمت مااشوفه لا اخويه ولا من هاي السوالف التعبانه يمكن عندي مشاعر اتجاهه ومكنت ادري بيها كمنا نسهر الليل كله سوالف وضحك بس انهزم للسطح وخطيه سليل من تشوفني اسولف تنزل

وبإيام الدوام كام يوديني ويجيبني

رغم شك زينه اكو علاقه بيني وبين حسين بس اني طبعي ما أمن بصديقه لهذا سكتت وكل متسألني اكول الها ابن عمي وبس

مرت الاشهر والتهيت بين دراسه وحسين وبلنسبه لرشاوي زينه والطبيب مراقب وضعها رغم تعبها بلحمل وهذا شعلان يحير شيجيب الها وهند نوعاً ما كفت منها شتريد بعد ماكو حجه

وسليل ااااخ هاي وحدها قصه بقت تنتظر على امل يتصل او يصير تغيير كل الي صار يتخابر ويه بابا ويسلم لو ويه عمو ويروح ولا مره اتصل عليها وهي أيست منه وحتى اني أيست اني يصير شى بينهم او على الاقل يرجع للعراق وخلصت ايامها مثل الفاتت دوام وبيت وجنات حايره بأمير واكثر الاوقات بلغرفه

اليوم استلمت النتيجه سنه ٢٠١٠ شهر السادس تخرجت واخيراً وسليل جابت كيكه وكالت نحتفل اول مره نحتفل بتخرج وحده من عدنا رغم سليل قبلي تخرجت ورشا بس من الضوجه كلنا نغير جو

وعمو محسن جاب الدنبك ويدك ويركص طبعاً عمو محسن خلص اغلب وقته ويه بابا بلمطعم وزوجته تروح وتجي بين العراق والسويد لان ابنها هناك ومشفناها بس مرتين او ثلاثه يعني مرات معدوده على الاصابع حبابه ومجامله بس اكيد مو مثل عمو محسن الي صار واحد من افراد البيت

محسن : واخيراً العوبه نجحت وتخرجت خرب مستقبل العراق اذا انتي من الخريجين مالته

ريم : تغار مني لان اعرف كلشي بلحاسبه وانت متعرف ذاك اليوم كتله دوس كوبي داس دليت

محسن : شمدريني اذا انتي تعوجين حلكج بالانكليزي كولي حذف بلعربي الا تعوجين حلكج

ريم : غير لازم انكليزي ياعمو

محسن : انهجم بيت الباميه شكد تنفخ انكليزي ام الوعث انتي اصلاً ناصبه عليه وعلى القصد تسووين هيج

حجي طه : حيل بيك هو انت مال حاسبه هي عيونك وينها

محسن : انت بس اطلع منها وحير بلفلافل والكص مالتك وعوفني اطور نفسي ويه هاي الفاشله بتك

حسين : ليش فاشله احس وحده تصمم برامج بلحاسبه

محسن : لدافع عنها هاي فوك متطبك ويايه يول عليها هاي وحده قفاصه تموت على البلاش تلكه شكد ساحبه منك حتى تسوي تصاميم

محسن : بلاش وداعتك عمي

محسن : هااااا ليش بله ويغمز لريم

ريم : جنت اشرب ببسي غصيت وطلع من خشمي واكح

نهر : اسم الله الرحمن على كيفك محسن ويااها

محسن : شسويت شام ريحه حرك بلموضوع

ريم : اعض شفتي لعمو محسن لان بابا كاعد وهو ولا يمه

محسن : نكول بلخير

ريم : شكراً عمو على النجاح موو

سليل : يله نقطع الكيكه

ريم : ابوس ايدج يله وطفرت يم سليل اذا يبقى بعد عمو يحجي كلشي

جنات : هااي المواعين اموري تعال حبيبي

غزل : الله عليج عوفي العب ويااه

حجي طه : تعالي بابا اكلي انتي ويااه

بيومها كعدنا نضحك ونتشاقى جان بابا يلبسني كلاده ناعمه بيها حرفي R كلش حبيتها

حجي طه : هاي هديتج بابا يوم مااجيبلج مثل رشا هديه عرسج

ريم : شكراً بابا ولو مقهوره منها لان ما اجت

سليل : شفتي بطنها لوين واصله خطيه بلثامن وخطيه كوه تجر النفس ومتكدر طريق طويل يتعبها

نهر : كتله لشعلان جيبها هنا خلي تبقى بينا اخاف تولد هناك وحدها

سليل :  كون يجيبها ميعاند

ريم : والله اگلب الدنيا عليه صار شكد مشايفيها

نهر : الله يكومها بلسلامه بجاه الحبيب المصطفى

سليل : امين

هااج عيني ريمو هديتي الكيكه وهاي فلوس اشتري الي تحبي

ريم : هلا بلغالي فديته بلدولار لو عراقي

سليل : احد كال الج اداوم بلبرلمان

ريم : على كيفج عيني هم رواتبكم خير من الله

سليل : شتردين اخذي واجملج تدللين

ريم : فدوه لگلبها لاختي الجبيره الحنينه الحبوبه

سليل : بله صبغ ميحتاج

ريم : صدك يعني منا منا حتى اسيطر والصرف يكثر

سليل : ميحتاج التردي اشتري

ريم : اي والله مابيه حيل اصبغ

محسن : هاج هاي هديتي

ريم : هله بأبو فيصل

محسن : بله لواكه وصبغ على كوله سليل ذني ماازيد فلس

ريم : يله شيطلع منك ينعم الله

نهر : واني هاي ماعندي الميتهن

ريم : تقربت وبست ايدها انتي بلذات انطيج روحي قليل بحقج لوما انتي ولا اشوف هاي الشهاده بعمري كلشي مااريد المفروض اني اجيبلج مو انتي

نهر : ولج بجيتيني

ريم : اروح فدووة لكل دمعه بعينج يااحن الناس كلها

حجي طه : ليش واني مو حنين

ريم : انت الكبد مالتي انت باباتي ابو الحنيه كلها

رشا : زين واني

ركضنا من شفناها فتحت الباب وطبت وبطنها كدامها ولازمها شعلان

شعلان : گلبت الدنيا اله تجي

ريم : حضنتها حيييل اشتاقيتلج مووت اووي شنو هاي بطينج تجنن ولك فصعون اطلع عااد

رشا : ابشرج فصعونه

ريم : اجت ريم الثانيه والله اني اربيها من هسه

شعلان : راحت بنتي وعلي ضاع مستقبلها

رشا : شلونك بابا بوستهم كلهم جان گلبي طاك عليهم يومياً اخابرهم بس مشايفتهم من يوم ماحبلت جنت اخاف من الطريق لان اتعب

سليل : فدووه تخبلين صدك لو كالو ام البنيه تحلوو

رشا : منيلي العب النفس

نهر : تخبلين تعالي بحضني من هسه شعلان مترجع وياك

شعلان : هو جبتها حتى تبقى لان ليل نهار تبجي

جنات: انشيلها بعيونه

رشا : اشتاقيتلج جنووو وين اموري تعال حبيب خالتك راح اجيبلك عروس

جنات : بنتج من هسه محجوزه لابني

رشا : اكيد ماازوجها للغرب

ريم : واني وين غير خالتها والي حكم عليها

حجي طه : تعالي بابا اكعدي ذني راح يتعبنج

سليل : كعدنا البنات وحدنا وبابا وعمو وشعلان وحسين بلاستقبال وبيومها جانت لمتنا تخبل

شويه وصاح حسين لريم

حسين : تعالي هديتي ماااخذتيها

ريم : انت هديتي من الدنيا

حسين : لتحجين هيج والله كوه مصبر روحي ما حاضنج وبايسج الله يقبلها الكل يحضن ويبوس اله اني

ريم : ههههه عود من نتزوج حضن بكيفك

حسين : على اساس انتظر الاوامر منج

غير اكلج

ريم : احد كلك اني لفه

حسين : انتي كيك واني روحي بلكيك

ريم : خجلت وردت ادخل جان يصيح تعالي والله مااسوي شبيج هااج

فتحت هديته جانت سوار ذهب كلش ثكيل وراقي

هااي شنو

حسين : هديتي

ريم : اعرف بس ليش هلكد ثكيل

حسين : والله ردت اثكل واحلى

ريم : رجعته وحطيته بيده مااريده

حسين : تردين هديتي ليش

ريم : لو جان شى بسيط اخذه بس هيج هديه مااخذها

حسين : ليش ريم

ريم : شنو موقفي هسه اذا البسها كدام بايا او كدام عمه وخاصه اغلى من هديه بابا راح اقهره وراح يحس هو مقصر بحقي واني مااخلي بابا يحس بهيج شى لو اموت

حسين : بس اني مو قصدي احسس احد اني ردت شى حلوو وغالي يبقى بيدج وبأسمي من محبتي بيج

ريم : تره اذا على الغلا والمحبه اذا يردون اهلي يجبون هديه لازم يجيبون الدنيا كلها لان يحبوني بكد الدنيا حسين هديتك تخبل وراقيه بس مو بوقتها لا اكو رابط رسمي يربطنا حتى كدام اهلي مااخجل ولا اكدر البسه واقلل من قيمه هدية بابا اللابستها هسه بصدري

حسين : والحل

ريم : رجعها او بيعها بكيفك واذا تحب جيب شى بسيط بسعر هديه بابا او اقل ومن عيووني البسها والله ماانزعها

حسين : زين ضميها يمج

ريم : مااكدر لتزعل مني عفيه والله نستله منك تسوه هذا السوار والذهب كله

اخذ الهديه وطلع اعرف كسرت بخاطره بس مااكدر صعب اخذها منه

ورجعت بين خواتي ضحك وشقى وسوالف بس بالي يمه مااريده يزعل وراح وره ساعه اجه دزلي رساله اطلعي بره طلعت

هااا بيك شى

مدي ايدج مديتها وجان جايب سوار ناعم وبيه حرفي يشبهه كلاده بابا ابتسمت

حسين : هااااا هسه

ريم : يخبل جان احضنه من الفرحه وهو حضني وحسيت على نفسي وخرت وهو ابتسم

حسين : لو ادري هيج جان من زمان جبته اقلها احصلي حضنه مخلصها تمن وفاصوليا ناشفه ليش وخرتي

ريم : دنجت خجلانه ميصير

حسين : مبقى شى واني احضنج كدام الناس كلها

يله ندخل جعت مجعتي ام بطن

ريم : ههههه اي جعت

رجعنا ليجوه وجانت سهره تخبل محسينا بلوكت صار شكد مكاعدين هيج كعده

وثاني يوم كعدت ورشاوي يمنا والله احس البيت رجعت الحياه بيه من هي موجوده وخطيه عمه تنام يم راسها تخاف عليها

وره ٥ ايام بلضبط من نجاحي دك تلفون على عمه جنت اكشر تفاح لرشا واوكلها وسليل تكرز حب وجنات توكل اموري وغزل تمشط بشعرها فتحت الخط وكامت تبلعم

سليل : شبيج ماما

نهر : سجاد بلباب

سليل : قطره دم مضلت بيه اجه لا اني فهمت غلط

ريم : عمو متأكده

اندارت وطلعت تركض طلعو البنات وراها حتى رشا الي بطنها كدامها طلعت وياهم اله اني مكدرت اكوم من الصدمه من اللوعه من القهره من الشوق الف مشاعر صارت عندي واسمع صوته شلون يسلم ويبوسوه وفرحانين بجيته حتى جنات

كمت وكفت واسمع عمه تكوله ادخل والله ممصدكين شفناك

اي هو سجاد رجع لوعه الگلب رجع عذاب الروح رجع الي اتملك حتى النفس اليصعد وينزل

دخل وصرت بوجهه حسيت عيونه ارتبكت اي هذا حبيبي اعرفه واعرف كل حركه منه حافظته اكثر ماحافظه نفسي وجان يكول بصوت حنين

سجاد : شلونج سليل

سليل : داخلي والله يبجي دم يريد تريد روحي تطلع وتستقر بحضنه تشكيله على كل يوم عشته بدونه على كل دمعه نزلت شوق اله على كل لحظه تأذيت وهو مو يمي جاوبت واتصنعت القوه الي مااعرف منين اجت وكدام حبيب الروح

هلو سجاد  الْحٍمَدٍ للـّہ على سلامتك

سجاد : الله يسلمج

سليل : كعد والبنات داير مدايره كعدت مقابيله على القنفه واباوع الكل يضحك ويسولف وطاير ويااه اله اني هادئه لهسه مستغربه شلون مابجيت شوق اله عيووني اثنينهن يتعاركن ويتسابقن حتى يحفظن شكله مثل ماهو بس شويه شيب بسيط بجانب شعره زادته وسامه ورزانه

وريحته مغيرها بس طيبه كلش واناقته الي استغربت عليها مبين وضعه احسن من قبل

نهر : والله لهسه ممصدكه شوكت اجيت

سجاد : قبل كم يوم

نهر : وين كاعد

سجاد : ويه ولد صاحبي

نهر : انت من كل عقلك والله لو يدري طه يلعب بيك طوبه شلون تبات عند الغرب

سجاد : صديقي حيل وكلها كم يوم

ريم : بس لا ترجع تسافر

سجاد : لا ادور على شقه واستقر

جان يدنج على ريم

ريم : دنج وشاورني وكاال

الي احركج حرك على دكتج الناقصه ياريم اله اتوبج تسوين مقالب بواحد

ريم : بلعت ريك وكتله عموو گلبك ابيض تكبر وتنسى حبيبي انت عموو

سجاد : كبرانات ولجن نسوان صايرات وانتي دعبله شصاير بيج

رشا : شفت عمو هاي تاليها توكعني بلكاع ادعبل

سجاد : الله يكومج بلسلامه وين رجلج

رشا : رجع للكوت يومين ويجي

سجاد : مرتاحه ويااه

رشا : نعمه من الله كولش زين ويايه

سجاد : الله يحميكم

وانتي جنات ان شاء الله مرتاحه

جنات : بخير والحمدلله

بدا يسأل كل وحده حتى غزل واني ساكته وره ثلث ساعه رفع راسه وصارت عيوونه بعيوني

سجاد : وانتي سليل شلونج

سليل : حسيت بقهره منه شكد صارت مواقف والم وكسر بس غيابه عني كسرني طول ذيج الايام انوح والله عليه بس اريد اسمع صوته لو كلمة منه بس من اجه وسوه نفسه مداير بال وحالي حال خواتي اذا مو اقل حسيت لازم اتعامل ويااه بلمثل گلبي يحبك اي روحي معلگه بيك اي انفاسي تصعد وتنزل واتنادي بأسمك هم اي بس لدوس على كرامتي كاافي الصار دفعت ضريبه غلطي بما فيه الكفايه

باوعت بهدوء عليه وكتله  الْحٍمَدٍ للـّہ سجاد بخير وضعي تمام واداوم ومستقره بحياتي

باوع صفح نظرته هاي اعرفها حسيته يكول متأكده رفعت تك حاجب وارد عليه اي يسجاد متأكده ومثل مابجيتني دم اله ابجيك اجيت والله جابك الي كلشي العاشقه تتحمل اله ان ادير ظهرك الها وتروح وترجع وكت متحب وتريدها تستقبلك بالاحضان غلطان ياحبيب روح وگلب سليل

سجاد : متزوجتي

سليل : ممحتاجه رجال حتى اتزوج عايشة احسن عيشه شسوي بوجع الگلب خليت الزواج والحب لاهله مو الي

ريم : هاااي منو تحجي اصعقت

يتبع ......

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الواحد_والعشرون

اتجاهلني بعد وياي ثكل الدم

لا تنطي مجال اصعب وكابر هم

ضبط سوي روحك عود ما مهتم

والله تحبني حب بس الله بي يعلم

تراقب عن بعد كلبك عليه ايلوب

جرأة الـ بالكلب لو تنتقل للفم

جا كلمة احبك جزت ذاك الصوب

والاطرش سمعها واجه كلك تم

من اكعد اكبالك تلتفت ليغاد

مو يم القضيه وانته رب اليم

اسولف ويه غيرك احس بيك اتموت

فص عينك طلع ما اعرف اشدردم !

احجي ابصوت عالي شدردمت لتخاف

من المنضغط متوقع اشبع ذم

دايخ بيه دايخ هسه شموازيك

فضها وكول احبك شلك بهـالـهم

يعجبك شكلي صوتي ووكفتي وممشاي

وحافظني حفظ تندلني وين انشم

تره الدنيه كصيره والسنين اخفاف

من تتبده منك بعد ما تلتم

سجاد : متزوجتي

سليل : ممحتاجه رجال حتى اتزوج عايشة احسن عيشه شسوي بوجع الگلب خليت الزواج والحب لاهله مو الي

ريم : هاااي منو تحجي اصعقت

اباوع على سليل هاي اختي لو بدلوها

سجاد : هااا هيج صارت ليش لعد انخطبتي اذا وجع گلب

سليل : بلعت ريك وكتله جنت صغيره واكو امور فايتتني بلحياه مو عيب الواحد يغلط ويتعلم العيب الي يغلط ويسوي نفسه مظلوم او يغلط ويكرر الغلط واني مامستعده اكرر الغلط

سجاد : يعني راح تبقين بدون زواج

سليل : منو كال غير المن الكه الي يستاهلني يله اتزوج

ريم : گلت راح تعلك وعلي مباشره طفرت وكلت شسويلك عمو عندنا كلشي ببسي عصير وكيكه مسويتها جنات يباوع على سليل بنظره غريبه ودار وجهه عليه

سجاد : مااريد شى جاي اسلم واروح

نهر : خوش والله هم عايفنا صار سنين وهم تريد تفلت ماكو اليوم تتعشى عدنا

سجاد : اجي غير يوم

نهر : ماكو انتظر طه وشوفه شيكول

والله اذا رحت ازعل منك تره متحمله سوالفك هوايه لتزيدها اكثر

غزل : مشتاقيلك عمو ابقى شويه حباب

سجاد : انتي بلذات معرفتج ولج فصعونه صايره مره

غزل : لعد ابقى طفله ياعمو

سجاد : والله شكد متكبرين اشوفج طفله انتي وذني الشيطانات ريه وسكينة وفوكاها وحده حامل بيهن وراح تصير ام والله وكت

متكولين رجلج شلون قبل بيج

رشا : وداعتك عمو توسل بيه حتى اقبل

سجاد : متأكدة

رشا : والله وسألهم شعبالك عمو احنا وبس والباقي خس هو وين يلكه مثلي

سجاد : زينه انتي ويااه لو شاد راسه ٢٤ ساعه من سوالفج والدكايك مالتج

ريم : لا عمو صارت دجاجه مهلسه ريشها مو ريه الاوليه

سجاد : انتي بلذات اسكتي

ريم : هااي شبيك عموو ليصير گلبك اسود والله اني احبك واحب اشاقه وياك بس انت متحب الشقه

سجاد : اني هم بيوم راح اشاقه وياج شقه اله اخليج متنامين من الفرحه

ريم : التوبه عمو مااعيدها

سليل : من رخصتكم

كمت صعدت اختنكت حييل كوه حاصره دمعتي اااخ منها يلام من يسميني ام دميعه

نهر : يله بنات كومو على العشا وخلي عمجن يرتاح

سجاد : هذا الحلو ابنج جنات

جنات : اي ابني عمو

سجاد : الله يحفظة الج

جنات : رحمة الله والديك يله ماما اموري كوم

سجاد : عوفي تعال عمو وشاله وحطه بحضنه

جنات : اروح اساعد البنات

نهر : روحي يمه

بقيت اني وسجاد وحدنا بله لو متزوج مجان عندك مثله واكبر منه

سجاد : هوو شنو

نهر : تعرف كلش زين شنو قصدي لتغير الموضوع ليش متزوجت يعني انت لا رضيت تتزوج سليل ولا تزوجت غيرها وشبيك هيج داخل وشايل خشمك عليها وكوه تحجي وياها

سجاد : هسه اني ابقى يمكم حتى اشوفكم لو حتى تغثيني

نهر : ايباااه صرنا مغثه مو متكولي من ياطينه انت مخلوق

سجاد : لتغالطين نفسج نهر لا عبالج نسيت دكتها

نهر : اذا منسيت ليش ردت تموت من سمعت متزوجه

سجاد : ماكو هيج شى

نهر : والله جذاب مبين من وضعك وصوتك تره الكدامك تعرفك كلش زين عشرتنا طويله سوه واعرف سوالفك زين

سجاد : المطلوب هسه شنو

نهر : ليش رجعت

سجاد : متردين ارجع

نهر : اريدك اكيد واريد تستقر ومتسافر بس هم اريد السبب

سجاد : بدون سبب تعبت من الغربه

نهر : سجاد

سجاد : يمعوده شتردين

نهر : انت شتريد

سجاد : اووووووف ماادري

جر الباكيت ورث الجكاره

نهر : بعدك ادخن

سجاد : هاي صديقتي مااعوفها للموت

لو ما هي جان من زمان ميت لو متخبل اقلها تتحملني من احرك بيها ومتكول ااااخ

نهر : والله من ايدك والمن ايده الله يزيده

سجاد : بدينا اولي احسن

نهر : لا لا الله عليك سكتت

هااا اجه طه

حجي طه : هااا منو ولك ممصدك

وتحاضنو شكد مشتاقلك هاي تاليها تسافر وتكول حسبولي ليش هيج

سجاد : شسوي صارت بعد

نهر : الله يساعدك

حجي طه : ويساعدج

نهر : شفت بله كاعد يم صديقه

حجي طه : ليش شوكت اجه

سجاد : صار كم يوم وطلعت ادور على شقه لان شقتي القديمه من زمان بعتها

حجي طه : تبقى هنا يمنى لحد متلكه

سجاد : لا باقي يمه هنه كم يوم بس الكه انتقل

حجي طه : هنه الكم يوم تكول عليهن تبقى هنا بيهن ومتروح

سجاد : يمعود لتلح كتلك كم يوم والكه شقه

حجي طه : وروح ابويه متروح يعني تبقى يم الغريب وتزاحم الناس ويمنا متبقى

سجاد : عوفني براحتي طه

حجي طه : ماكو براحتك هسه نروح انجيب غراضك

سجاد : لا اله الا الله شكد تلح

حجي طه :وانت كافي عناد ويله

نهر : والله دواك اي عفيه موتني

حجي طه : كملو العشا بين منروح ونجي

نهر : صاار

سليل : صعدت فوك الوب احس واحد نايم على صدري من الخنكه هسه هي الدمعه بطرف العين غير تنزل وتخلصني

حسيت هدوء صار

نهر : سليل سليل ماما تعالي انزلي

سليل : مديت راسي وجان تكول

نهر : راح هو وابوج يجيبون غراضه راح يبقى هلكم يوم هنا

سليل : اووويلي الله وشلون اتحمل هنا ويمي بلبيت جان تطلع ريم من المطبخ وتهز جتف

ريم : وحلوت وحلوت العب يمعلم راح نشهد حروب طاحنه ونزاعات عافطيه هنا

سليل : عافطيه منوو اسمعي ريم هاي كدام ماما اذا سويتي شى والله ازعل منج

جان تصعد الدرج وتشاورني

ريم : انتي بس ابقي هيج مسيطره وداعتج صوتي متسمعتي

سليل : لتدخلين

ريم : صاار بس ابوس ايدج لتبجين

سليل : والله اريد ابجي

ريم : مااخليج وكمت ادغدغ بيها وهي متتحمل وبقت تضحك

نهر : ولجن انزلن كملن العشا وكت شقه هسه

ريم : يله لتطردنا عمتج بره

سليل : نزلت وصدك من حركت الريم الدمعه اختفت وهدأت بس كل مااتذكر هو راح يبات عدنا معدتي تگلب واقلق شلون اصير ويااه بنفس المكان بدون مااضعف الصبر منك ياارب

كعدنا كل وحده تسوي شى بس رشا كاعده على الكرسي وتتطلب متكدر توكف من الحمل

رشا : ولجن ستون الكبه زين وانتي سكينه سويلي جاجيك

ريم : ليش راح تشربين هاي تاليها شعلان فسدج

رشا : امشي لج هو خيار وثوم ولبن قابل شكوو

ريم : خوش بلكت اطلكين هسه وريحه الثوم تكتل بيج وخلي ولا دكتوره تجيبج من ريحت الجايفه واكيد بنتج تطلع ريحتها عليج

رشا : هااي وخروها من يمي لا اذبحها

نهر : شتردين امي اني اسويلج

نهر : يمه فدووة للحنينه على اعنادج تغارين

ريم : روحي شوفي حالج جنج نعامه حامل وطامسه راسها بلطين

سليل : خزيتينا النعام يبيض مو يولد شلون راح تخرجتي ماادري

ريم :ليش الحاسبه مرتبطه بعالم الحيوان اني اخذت شهاده حتى اعلكها بلحايط مو حتى اعرف كلشي

يله دعبله كومي روحي هناك وانتظري العشا واذا مابيج حيل اني هسه ادعبلج مثل قنينه الغاز واوصلج للهول

رشا : شوكت اجيب وارجع رشيقه

ريم : ههههه كالوها گبلج كومي كعبول انتي وخشمج هذا

رشا : ابقي احجي عليه

جنات : والله صايره حلووه جوزي منها ريم خطيه متشوفيها كوه اتجر النفس

رشا : اي والله حيل تعبانه متوقعت الحمل هيج يتعب

ريم : عياره الله وكيلج منو كال الها تتزوج وتخلف هذا الموجود يتزوجن ويكولن لو ممتزوجين

رشا : هسه اني جبت طاري الزواج كلت الحمل تعبني

ريم : لتحبلين بعد حتى لدوخينا

سليل : عمه كملنا كلشي

نهر : خلي يجون ونصب

سليل : اني راح اسوي لفه واصعد مااريد اكل

نهر : ليش ياامي

سليل : هيج احسن

نهر : براحتج

اخذت لفه وقوطيه ببسي وصعدت وسمعت صوت سياره فتحت الشباك وكف تكسي بابنا ونزلو ااخ من طب احس كل حركه منه تهزني

نهر : صبينا العشا والكل كعد

حجي طه : لعد سليل وين

نهر : تعشت وصعدت نامت

سجاد : هيج وكت تنام

ريم : مو بلحيف هيج وكت تنام اذا متحسب النجوم كلها متغفى عيونها

اباوع على عمو ياكل ومدنج وكاال بعدها تسهر بلسطح

ريم : يومياً حتى قررنا نفتح الها معمل للدواجن عسى ولعل نستفاد تبقى تسهر الليل كله عليهم تولد الدجاج من يصير عنده عسر بلولاده

جنات : هههههه اليوم النعامه عندج تولد وهسه الدجاجه

ريم : اي ورشا وانتي تبيضن بكيفي اني الي احدد منو يبيض ومنو يولد

رشا : الله لا يسلطج على عبد مسلم

ريم : لعد مو سلطج على مشعول

رشا : والله ازعل بعد اذا كلتي مشعول

حجي طه : كدامكم الاكل حرام الحجي كاافي

ريم : اي نسيت خلي اكل اهم من مشعول وربعه

ورشا تأشر لريم عود اصطبري اني الج

كملنا العشا والجاي وكعدنا سوالف وضحك ويه عمو

سليل : اسمع ضحكهم وسهرهم واتكرضم كل مااسمع صوته اتأذه اكثر وساعه بعد ساعه لحد مصار الليل وكلمن صعد لغرفته

واجت جنات ورشا دخلو الغرفه

رشا : ليش منزلتي

سليل : مالي واهس

جنات : ولشوكت تنهزمين منه

سليل : صفنت عليه

جنات : مبين تره بعدج تحبي كلنا نعرف هذا الشى واولنا هو

سليل : شسوي يعني احرك روحي يله احسسه مااحبه

رشا : ليش عصبيه انتي هسه

سليل : مجرد وجوده هنا اختنك

رشا : مو جنتي تبجين لان مشتاقه اله

سليل : وبعدني مشتاقه بس شفتي شلون يتصرف ويايه

جنات : والله انتم قصتهم تشلع الگلب مثل توم وجيري لا توم يكدر بليه جيري ولا جيري يتوب يسوي مقالب بتوم وهم متعلق بيه

رشا : ترى راح يبقى على الاقل اسبوع تبقين خاتله اسبوع بغرفتج

جنات : غير عدها دوام نسيتي

سليل : مالي دخل بيه هو بحاله واني بحالي

رشا : بس والله متغير عمو وحليان وكله لبسه فيكه وعلى الموديل

جنات : اي والله انتبهت عليه وهلمره الشيب زايده حلاه

سليل : اي احركن شيب الخلفوني ناقصه قهر اني

رشا : ههههه اذا انتي مو كدها المن خاتله بلغرفه

سليل : غلطانه والله كدها بس گلبي مقسوم اثنين واحده ميته عليه والثاني مقهور منه وميسامحه

جنات : تعال ماما اموري نام

سليل : نامو انتو واني شويه وانام

رشا : قصدج للفجر وتنامين بس لو افهم شلون اداومين بس ٣ ساعات تنامين

سليل : عاادي تعلمت

طلعت للسطح جان هوا ماكو والجو بوخه يخنك بس السما صافيه حيييل وكلمعتاد خلصت كم ساعه فوك ونزلت صليت ونمت ودك المنبه وكمت بدلت باوعت هيج اني ليش مااهتم شويه بلبسي وارتب اكثر من كل يوم ماطول هو هنا لازم اثبت اله وللكل اني قويه اشوف خواتي مستهينات بيه لان يعرفني شكد احبه وضعيفه كدامه لازم اراويهم شكدر اسوي

طلعت ملابسي جنت دوم البس بنطرون وقميص طويل فوكاه وشال رتبته زين كل مره احط مكياج كلش قليل هلمره دخلت لغرفه ريم وعمه ريم وغزل نايمين بس ماما نهر دوم تكعد من وكت وحبيبتي متقبل اطلع بدون ريوك شكد اكول الها ابقي نايمه تكول متعلمه اكعد من الصبح تسوي الي ولبابا الي يطلع من ٦ الصبح للمطعم لان يفتح من وكت فتح غراض ريم واخذت حمر الوانهم بارزه وحطيت  بس مو هوايه وسط برزت معالي وجهي وحتى شفايفي صفنت والله طلعت حلووه

ونزلت صباح الخير يوم

نهر : صباح العافيه هااي شنو ماما

سليل : شنوو

نهر : اكو شى متغير بوجهج

سليل : حبيت شوي اغير

نهر : طالعه تخبلين فدووه لعيونج

سليل : اني حلووه بس بعيونج انتي

نهر : بس مو طوخ يمه

سليل : تعالي شوفي البنات شخالات ياماما اصغر مني بهوايه واشكال يحطن

نهر : براحتج يمه هاج حبيبتي

سليل : تعبتج اخذت الحافظه الي تحطلي بيها الاكل لفه وزلاطه حطيتها بلجنطه انداريت جان يصير سجاد بوجهي يفرك بعيونه اوويلي الله اصبح بوجهك ممصدكه سويت نفسي عادي بس داخلي لو بيدي اشمر نفسي بحضنه واشمه وابقى بس ابوس بيه من كثر ممشتاقه اله

جان يفتح عينه وعكد حاجبه

سجاد : وين رايحه

سليل : صباح النور

سجاد : مجاوبتي

سليل : اعتقد تعرف بيه موظفه

سجاد : يعني راح ترحين هيج للدائره

سليل : اي ليش بيها شى

سجاد : وهاي يوميه هيج اطلعين

سليل : من رخصتكم اجاني الخط عفته وطلعت حتى مجاوبته

هاي يوميه هيج ضاربه المكياج وطالعه

نهر : هااا لا هي تحط خفيف

سجاد : وين الخفيف بلموضوع شفتي حمرتها مال راقصه

نهر : هههههه ليش تعرف حمر الراقصات انت

سجاد : تره مكعداشاقه

نهر : يابه والله حمرتها زينه شوف البنات شيحطنً

سجاد : وشعلينه بلناس شيسون لازم احنا نسوي

نهر : تعال اتريك ميفيد الحجي البنيه وراحت لدوامها

سجاد : مااريد زقنبوت اسبح واطلع ادورلي مكان اذا ابقى هنا اسويلي جريمه

نهر : عافني وراح يسبح والله ابن خالي مو طبيعي ولك يلغم اذا هيج تغار عليها المن عفتها بس شحجي شكول وذيج مبين متقصده تحرك اعصابي الله يستر من سوالفهم اثنينهم

سليل : رحت الدوام وبالي كله يمه وياهو الي تشوفني من الدوام تكولي والله يلوك الج هذا اللون بله اني وين وهنه وين يمكن زودتها وارجع اكول لا يستاهل قابل شمسويه هي حمره خلي يشوف اني عايشه بعده ومابيه شى

رجعت للدوام والكل موجود عداه وبيومها مرجع على الغدا ومثل البارحه من صار وكت العشا محضرت ويوم ويوم والثالث واليوم قبط ٥ ايام مشايفته اسمع بس صوته حتى الصبح من اطلع مااشوفه ومن رجعت من الدوام واليوم خميس صار بوجهي جان راجع ويه رجعتي ودخلنا سوه

سجاد : الله يساعدج

سليل : ويساعدك شكراً

سجاد : مرتاحه بدوامج

سليل : كلش ليش

سجاد : مجرد سؤال

سليل : وجاوبت من رخصتك جان يدك تلفوني موضفه ويايه

هله ام احمد حبيبتي لا انطيت الفايل لخالد بلحسابات ليضل بالج انتبهت سجاد مدخل ويسمع كلامي

سديته منها ودخلت حسيته مو طبيعي

رجعت جوعانه مااكدر مااكل اخذت ماعون تمن وحطيت المركه عليه وزلاطه بكاسه صغيره وصعدت اكل وخلص اليوم مشفته وبس البنات اتجمعن بلغرفه عفتهن وطلعت للسطح وكعدت بهاي الفتره من كثر صعداتي سويت كعده بسيطه بساط بلكاع ومخاد على الظهر احطهم على الحايط اكعد وانتجي وابقى لو صافنه على السما لو افتر بلسطح ومرات اكعد اكلب بلتلفون والصور ومرات اشخبط بدفتر عندي المهم ابقى ماانزل لحد مااتعب واني كاعده سمعت طكطكه باوعت بأتجاه باب السطح واشوف سجاد

طلع للسطح  ومباوع بوجهي توجهه للسياج مال السطح ويدخن  اباوع عليه حتى التدخين مالته اشتاقيتله

اعرف بيه يعرف كاعده بقيت على كعدتي متحركت وظهره عليه ويدخن ويرفع راسه للسما ويذب دخانه

سجاد : ليش هيج تسووين

سليل : جفلت من حجه بس محسسته

حجيت بهدوء شمسويه

سجاد : متاكلين ويانه طول مااني بلبيت متنزلين هيج غاثتج جيتي

سليل :لا ليش تره عادي احب اكل قبلكم مرات ولان يتأخر الغدا

سجاد : سألت غزل وكالت دوم تاكل ويانه بس هاي الكم يوم متاكل

سجاد : تحملي وجودي كم يوم واروح ولوما ابوج ولا ابقى

سليل : جريت نفس ورجعت راسي على الحايط وكتله متحمله

سجاد : يابه لهاي الدرجه مخنوكه مني شنو هاي حسرتج

سليل : شتريد هسه سجاد

سجاد : مااريد شى بس ارجعي اكلي ويه البنات وماله داعي تتختلين مني وتعاالي بله شنو هاي سالفه السطح انتي متوبين منها بابا كبرتي وصرتي مره كعدتج بلسطوح اجيبلج الشبهه الناس بس تريد شى تحجي عليه

سليل : طز  بليحجي محد يهمني اني ممسويه شى غلط

سجاد : الناس عليها الظاهر وانتي كبرتي هسه عبالهم عندج شى ويه واحد وكاعده بلسطح ميصير تتصرفين هيج بقله فهم

سليل : لتخاف الناس تعرف منو سليل بت طه وسمعتي ليره ذهب ومحد يكدر يحجي كلمة عليه وكل واحد يشوف الناس بعين طبعه ممجبوره اتحمل الناس المرضه الي يتخيلون شى مموجود ماطول مغاضبه الله وابويه وممسويه العيب شلي بعد بكلام الناس شو من تحجي تحسسني كعدت السطح من الكبائر تعصب وبدا يتقرب مني ويحجي بنبره عصبيه

سجاد : تلاحظين كلامج صاير بنتر وبخشم احجي عدل وصوتج نصي ليل والناس كلها نايمه ومكلت شى حتى هيج تكمزين اني علمودج حتى لحد يحجي شى عليج وشايفه نفسج بلدوام ومكياج وكشخه المن بله للشارع لو للموظفين وياج شويه ثكل سليل

كمت على حيلي وتمشيت وصلت گباله

وكفت بوجهه وكتله بنبره قهر والم متلاحظ جاي متأخر وتريد تنصح وتفهم لتنسى انت جاي قبل ٥ ايام وعايفني صار ٤ سنوات لتجي لتحاسبني على شى مو من حقك اسوي الي اريده وانت مامسموح الك تدخل

جان حيل يلزم ايدي من زندي  وشمر الجكاره وبقووه يحجي ويعت بيه

سجاد : لج لتشوفين نفسج كبرانه وطولان لسانج وتراددين نسيتي اني منو

سليل : سحبت ايدي حيل لا مبين انت النسيت اذكرك لو تحب تتذكر انت بس فهمني  انت منو  انت شنو زوجي خطيبي اخويه ابن عمي اي صله ماعندي بيك

انصح يجوز اتقبلها بحكم العشره البينا بس بهاي الصيغه مااتقبلها منك نهائياً

واياك بعد لتدخل

سجاد : والله وطلعلج لسان وتوكفين بوجهي وتهددين لج اني سجاد لتنسين نفسج وعبالج تصيرين قويه كدامي محد يعرفج بكدي هاي ايدي ومد ايده بيها خابزج وعاجنج هنا بيدي كبرتي واعرف كل شريان وريد بيج وحتى النفس مالتج اعرفه

سليل : دمعت عيني متحملت وكتله لو تعرفني زين مدير وجهك وتروح لو تعرفني زين متكسرني هيج كسره

سجاد : لج هو منو الكسر منو اني الخطبت ٤ اشهر وكسرتج وفوكاها اسمع من عنده مو منج

سليل : اي غلطت صحيح بس مو هيج تعاقبني تعال افتهم مني اضربني حاسبني مو اطلكني وتسافر ٤ سنوات بلجذب متشيل تلفون وتسأل وتعرف شكد متعلقه بيك مكلت بينك وبين نفسك اخاف تسوي شى بنفسها شوف هذا السطح لو عنده عيون جان بجى دم عليه من كثر مابجيت هنا واتوسل رب العالمين على حرف منك وانت شنو السويته درت وجهك ورحت ٤ سنوات يوميه بليل اصعد ادور الهوا اكول ربي ليش زرعت حبه هيج بگلبي اتوسل واكول لو تاخذني لو تاخذ حبه من گلبي تعبت وتعبت خواتي وماما ويايه هاي عيوني تشوفها خلص الدمع بيهن من كثر ماابجي عليك اجت ايام ماانام من كثر مااقلق اكول لعد صار بيه شى لان مستحيل سجاد يسمع كل هاي الاخبار بلعراق والاوضاع وميخاف علينا ولو مره ويتصل ويستفسر مره مرف گلبك عليه مره وحده مو هوايه من جنت تنام وتغمض عينك محلمت بيه مكلت اخاف بيها شى بس لو افهم القساوه الي انت بيها منين جايبها

سجاد : خلصتي كلامج

سليل : لا ماخلصت سجاد ماخلصت لو احجي العمر كله ميعوضني لحظه تأذيت بيها منك

سجاد : لتخبليني وتسوين نفسج مظلومه واني الي ظالم اجيتج واخذتج بحضني وكلت ننزوج ونعيش هنا اني مطلكتج حتى لترحين مني تحملت عقلي الجايف وتفكيره وكلت هاي تربيه ايدي ومراح تكسرني ولا بيوم راح تبيعني اكعد واعاند نفسي واكول هاي غير البنات سليل مو بس حبيتها هاي بنيتي هاي زرعي الزرعته ولازم احصده ودرت وجهي مأمن كلت اعوفها تكمل على راحتها حتى ما أذيها اجي الكاج مخطوبه ٤ اشهر لج اني الهوا اذا لمس شعرج اتخبل تردين اعرف واحد ٤ اشهر يكعد يمج ويشوفج ويحجي وياج ويشتم عطرج والله اعلم شصاير بينكم واسكت وعادي ولا كأن اكو شى موزين بوكتها ماذبحتج

سليل : حلفت الك والقران مالمس شعره مني وكل وميجي وحده من خواتي مموجودات

سجاد : المفروض هذا كله ميصير المفروض لا يخطب ولا يتقرب منج ولا يلمح ظلج

سليل : انت كتلي شوفي حياتج

سجاد : اي كلت هيج بسهوله ترحين تنخطبين لعد وين حبج وين كلامج اتحملك واتحملك واوكف وياك على الحلووه والمره وبس كتلج روحي ركضتي انخطبتي

سليل : وانت عاقبتني وعيشتني الموت شتريد هسه شتريد رجعت من وره كلام ريم وكمت اعيط

سجاد : غلطانه اني من زمان ردت ارجع مراجع علمود احد ومرايد شى منج بس لتسوين نفسج مظلومه

سليل : مسحت دموعي حيل من عيوني وكتله صار هذا هو اني الظالمه واني الخاينه واني البعت حبك واني الي قصرت بحقك

اكو شى ثاني جر نفس وكاال

سجاد : لا ماكو ارجعي لعقلج وماله داعي تثيرين اعصابي وتسوين مشاكل ويايه لان هذا الشى راح يجيب نتيجه عكسيه المكياج وسوالف الخفيفات ميلوك الج بهيج راح تنزلين من نظري مو تثيرين اعصابي وغيرتي

سليل : غمضت عيني حييل وابتعدت عنه اجر الهوا باوعت للسما ياالله ساعدني

رجعت وبوجهه كتله

اي صحيح اتصرفت هيج حتى استفزك بس من هاي الحظه وصفكت ايد بأيد انتهى انت مني انتهيت واي كلام بينا بعد ماكو والتزم حدك انت شخص غريب عني واحتراماً للعشره البينا اسلم عليك واتصرف طبيعي وياك غيرها مااسمحلك ولا اسمح لنفسي انزلها بعد انت راجع تأسس حياتك رجاءً ابتعد عن حياتي حدودك ويايه السلام وبس غيرها راح تسمع كلام مني ميعجبك لهذا مثل مكلت كبرت ولازم اتصرف حسب عمري ومن هاي اللحظه كلمن يلزم حده

تصبح على خير ونزلت حتى منداريت ورايه

دخلت للغرفه حطيت راسي على المخده اريد اصرخ وابجي مااعرف الم على قهر على حسره حطيت وجهي بلمخده وحيل عصرت وجهي واحجي بداخلي انجبي وكافي بعد احترمي نفسج تحبي بس هو ممقدر حبج وشمسوين راح يطلع هو الصح وانتي الغلط نقطة ضعفي سجاد ولازم اذا ماامسح هاي النقطه على الاقل مااخليها أدمرني

يمكن هاي اول ليله انام قبل الاذان لان من كميه الالم الاحسه مكدرت حتى اسهر

ثاني يوم الجمعه كعدت غسلت وجهي واكفه على المغسله باوعت العيون مورمه

جان ريم توكف بصفي

ريم : هاي شنو عيون الباندا

سليل : جوزي مني روحي بخشمي

ريم : ديري بالج تعطسين وتطلع

سليل : باوعت عليه هااا مبينه مرتاحه وجايه تنصبين عليه

ريم : هو اكو راحه بهذا الزلك وحده تطلك وكل شويه وصاحت مخنوكه وگلبي يوجعني والثانيه تبجي على الاطلال وعايشه حب بزمن الجاهليه والصغيره خرسه ماتحجي واذا الله قدرها وحجت تحرك عليه  وين اولي بهاي العائله الي تجيب الضغط والسكر

سليل : هسه سحليه يتزوجج وتخلصين من عدنا

ريم : خو هذا يسوي قلب

سليل : شبيهه بله

ريم : يمعوده يغار موتني تكول يحب انجلينا جولي وصار يومين يريدني اغير الطبيب موتني

سليل : ليش شبيهه ويه الدكتور

ريم : يكول ماكو نتيجه المن لازكه بيه

سليل : لا ليش اكو شى بسيط بس المهم اكو

ريم : العليه كتله لتتأمر ذاك ابويه وروح كله غير طبيب ريم ذبيتها براس بابا

سليل : على كيفج ويااه غير يحبج

ريم : اني هم احبه والله بس مرات يطك گلبي ومعدتي واني كله ولا معدتي بس نتعارك اجوع شفتي الحظ شايفتلج وحده تتعارك ويه حبيبها تجوع سلول فدووه اخاف بيه مرض تره ماصايره هيج اريد من اتعارك نفسيتي تنسد اكطع روحي ابجي كلشي ماكو ليش هيج اني ماعندي احساس

سليل : واخيراً عرفتي

ريم : احاسيسي سكط كلش يكلي مشتاقلج اكول اله شنو هذا الجذب مو هسه جنت يمنا غير اسكت واكول اني هم اقلها اجامل

الطف الجو

سليل : ههههههه خرب لو من حسين اله اسد التلفون بوجهج

ريم : ذاك اليوم سواها والله وزعلت ٣ ايام عليه

سليل : لتكولين من جاب علاكه النساتل الكومه

ريم : اي جان يصالحني

سليل : بله ليش سد التلفون

ريم : كال من نتزوج اطب واطلع ابوس بيج

كتله شنو هاي اللزكه انطي مفكه اشتاقلك

كال ليش هسه متشتاقين اليه كتله لا اذا انت يوميه يمنا وحتى اذا متجي تخابرني ٢٦ ساعه بس بلحمام مطب ويايه شوكت بعد اشتاق

سليل : ههههه وتالي ولج

ريم : كال اله اخليج تشتاقين وسد التلفون بوجهي و٣ ايام لا وصل ولا خابر

سليل : وانتي مخابرتي

ريم : ابد شنو يسد التلفون بوجهي فريتها عليه صرت اني ام الراهي وزوعته دم گلبه نساتل وحلويات يله رضيت حتى يتوب يعيدها

سليل : ههههههه زين مشتاقيتي اله الله عليج

ريم : الصراحه طك گلبي عليه صدك حسيت بشوق اله بس مكتله خفت اخسر الصلح لان اعرف راح يصالحني بشغله دسمه تحملت لحد مجابلي حبشكلاتي وراها كتله اشتااقيت

سليل : صدك احاسيسج سكط

نضحك وجان يصير بصفنا سجاد

سجاد : صباح الخير

سليل : صباح النور وخرت منه ودرت وجهي ورحت للمطبخ

ريم : هله بعمي شلونك وضربته على جتفه

سجاد : شكوو

ريم : هااي شبيك عمو غير ارحب بيك

سجاد : ولي لج مني تره الدنيا طالعه من عيني

ريم : من الحب اي لتباوع هيج هذا الحب لاعب بيك لعب اسألني اني مبقى شى وتنجلط وخلي يفيدك عنادك

جان يشمر المي عليه بأيدي امشي وخري الله يشيلج بس المغثه وراج

ريم : هههههه ابأى يگميل بكرا تندم يگميل

وركضت للمطبخ لان راد يشمر الصابونه عليه

سليل : بيومها قررت اتعامل طبيعي ولا اسوي شى يثير عصبيته اليوم جمعه وكلها بلبيت وكعدت على الريوك وياهم والغدا واليوم كله مجتمعين واضحك واسولف ويه جنات والبنات واموري بحضني ولا كأن سجاد موجود

حتى منداريت عليه ولا باوعت لحظه كأن سجاد مأجه من السفر ماانكر گلبي يدك ويه كل گلمة يكولها بس ردت فعلي بارده ثلج وهذا الشى مو متقصدته بس يمكن من القهره الي حسيتها البارحه هيج صرت

وطلعو العصر يدورون على مكان وكاعدين بلحديقه واموري لازم بطن رشا ويبوس بيها

ريم : وين مشعول عنج جان شعلج خلي اخابره اكوله مرتك خانتك

رشا : هذا اموري الحلوو حلال الخيانه ويااه اووي فدووه اروح لحبيب خالته

جنات : سولته بطنج كل شويه يكول داده راح تجي يريد يلعب بيها

رشا : العب حبيبي بس تطلع من اول يوم اعلن خطوبتك انت وياها والمهر علينا عيني احنا نشتري رجال

ريم : والاكل عليه

رشا : هاااا شعجب

ريم : غير اجي اكل شنو الغريب

رشا : وجع عبالي ادفعين فلوس وانتي اجيبين الاكل

ريم : عود من اصير على فراش اموت ادفع فلوس الاكل

سليل : تردون موطا اندز الجو نار

ريم : اريد اربعه

جنات : موزين وبلاعيمج

ريم : كلتي بلاعيمي بعد شعليج تدخلين بيها هسه اني مدخله بلاعيمج بلبنكرياس مالتج بلطحال كل واحد يحير بالاعضاء مالته رجاءاً وبدون تدخل

سليل : كل وحده واسكتي

رشا : ااااخ

ريم : هاي رشا تتأذه متريد اكل مالتها

رشا : ولكم الحكولي

سليل : اسم الله شبيج

رشا : اختنكت والالام مو طبيعيه

سليل : يمعوده الطبيبه كالت تاكلين هذا الاسبوع كله وجان تعيط رشا

طلعت ماما تركض

نهر : يمه الرحمن شبيج يمه

رشا : الحكيلي عمه داجيب

سليل : كمنا نروح ونجي منا مثل المخابيل ورشا عياطها اخذ الدنيا وريم اخرست خافت وغزل تبجي وجنات تحضر الجنطه واني دكيت على شعلان وبابا يجون بسرعه

لان شعلان جان جاي بغداد قبل بيوم بيت كرايبهم وكال بليل يجي يبات يمنا استعجلته لان وضع رشا صعب

شويه واشوف بابا وسجاد اجوي

حجي طه : هااا بابا شبيهه

نهر : الحك فدووه طه البنيه كوه تجر النفس

حجي طه : مو وديتوها طبيبه قبل كم يوم

نهر : اي كالت متجيب هسه بس على فجأه علطت

حجي طه : بابا رشاوي تسمعيني

رشا : جنت مخنوكه والطفله صاعده على گلبي رغم عندي ولاده بس احس گلبي على ساعه ويوكف

ازركيت وثلجت ردت اكوم مكدرت وكعدت وعاطو

سليل : كمنا نتصارخ لان حاله رشا تخوف ومن وكعت محسينا غير سجاد شالها رغم ثكلها وبابا ركض موكف التكسي اصلاً بلباب الي اجوي بيه حطها سجاد ليوره واني وعمه وياها وبابا ليكدام

سجاد : روحو هسه جاي بتكسي ثاني وراكم

ريم : اجي وياك عمو

سجاد : ابقي هنا وبلغي رجلها اخاف يجي وان شاء الله خير

سليل : وصلنا للمستشفى بعد ماختمنا القران من كثر خوفنا ورشا ساعه تعيط وساعه تختنك وگبل لمستشفى اهلي للولاده جانت دكتورتها اداوم بيها استقبلونا ودخلناها واتصلو بلطبيبه مالتها

اخذوها بلسديه ولزمت ايد بابا

رشا : اذا صارلي شى بنتي امانتك يابه جنت خايفه واكول هذا هو لهنا حياتي انتهت

لزمت ايده لبابا وبستها فدوه راضي عني

حجي طه : نزلت دمعتي وبست راسها راضي دنيا واخره بنيتي عنج روحي تكومين بالف سلامه الله ونبيه واهل البيت يوكفولج

سليل : بابا كعد على الكرسي بالانتظار ويمسح بدموعه

نهر : كعدت بصف طه شكد خايفه على رشا بس هم خايفه على طه اعرفه شكد يحب البنات

وحد الله طه هي ولاده

حجي طه : قبل جم سنه هم اخذوها مني ودخلوها عمليات جانت تموت بيدي وباوعت على رب العالمين وكلت هاي امانتك وماعندي اعتراض عليها بس محتاجها لتاخذها مني وهسه هم اكول ربي هاي امانتك وانت بكيفك تريد ترحم بحال عبدك الفقير رجعها اليه لا تفجع گلبي بناتي هنه ذني الطلعت بيهن من الدنيا كون عمري گبل عمرهن

نهر : حضنته لطه سوده عليه على كيفك يابه هواي نسوان مثلها وجابن وطلعن والحمدلله

حجي طه : اني ماعندي حظ نهر وخايف انفجع بيهن بگلشي راضي وابقى راضي والف  الْحٍمَدٍ للـّہ بس كون ماتتأذه وحده منهن المفروض اني ابوها اضل بلبيت لحد ماتجيب وتبلغوني  بس والله مااكدر حسيتها بعدها بت السنتين وادخلها عمليات وابقى على بابها انتظر طلعتها

نهر : تطلع وتشوفها وتشوف اول حفيداتك

حجي طه : رحمتك ياارب رجعها سالمه اليه ارحمني واشملني بعطفك وكرمك وكومها هي وبتها بلسلامه

سليل : جنت اسمع كلام بابا وابجي ويااها وجان يجي شعلان يركض

شعلان : وينها

سليل : دخلوها العمليات

شعلان : اريد اشوفها

نهر : ميصير كالو انتظرو هنا

شعلان : شنو ميصير اطب لو احرك المستشفى عليهم

سليل : حاول شعلان يدخل ومكدر كعد على صفحه واشوفه شلون يلوب عليها وخايفه حتى عيونه مدمعه عليها حسيت بيه شكد يحبها وشكد متعلق بيها بحيث على لحظه حسيت راح يطب للعمليات عليها

ودخل سجاد وكعد يم بابا واني حتى مباوعت عليه اني بيا حال

مر وكت طويل  وماكو لا حس ولا نفس ولا احد طمنا وريم كل شويه ادك واكول الها بعد وزاد خوفنا وقلقنا وشعلان تهسترت اعصابي ويعيط يريد بس يعرف شى عنها لدرجه لزم ممرضه يكول الها بس شوفي مرتي جابت لو لا تكوله ان شاء الله تجيب ولد وتفرحنا يعني تريد بقشيش عاط بيها كلها مااريد لا ولد ولا بنيه اريدها هيه وجره سجاد وكعده

شويه وطلعت وحده من الممرضات وصاحت منو ويه رشا طه ياسين طفرنا كلنا

بلخير ماجاكم بنوته تخبل

شعلان : وامها عفيه رشا بيها شى

لا  الْحٍمَدٍ للـّہ بس عمليتها صعبه بس دكتورتها شاطره والحمدلله طلعت سلامات شويه وانوديها لغرفتها وتشوفوها

سليل : بابا رفع ايده ويصيح الف  الْحٍمَدٍ للـّہ والشكر الف  الْحٍمَدٍ للـّہ وماما واني نبجي من الفرحه اما شعلان هذا غرك العاملين بلفلوس ياهو الي يشوفه ينطي حتى عمال النظافه مبقى واحد منطاه من كثر مفرحان بطلعتها

رشا : فتحت عيني واون من الالم واصيح اريد موطا

سليل : اجيبلج والله

رشا : ريم تاكلين سم اربع موطات ياظالمه النفس

سليل : كون تسمعج وينها والله اله اخابرها دكيت عليها وشالته تبجي

ريم : بيها شى

سليل : تغلط عليج والله وتكول تاكلين سم اربع موطات ياظالمه النفس

ريم : اي اكل سم بس خلي ترجع النا

سليل : ههههه لتبجين كلشي مابيها وراح تاكل راسج ولدت النعامه

ريم : كللللووووش جابت بنيه اكيد تشبهني

سليل : حطيت السماعه على اذن رشا

رشا : اخنكها والله اذا تشبهج

ريم : هم بيج بله طالعه من البنج وتخنك وتهدد بيش زود تعالي هسه كعبول

رشا : غضب جوزي مني ااااااخ يمه اتأذه ويه شعلان

نهر : يدفع فلوس دخوليتج

سليل : ريمو حضري كلشي باجر نطلع

ريم : منو يبات يمها

نهر : اني ابات

سليل : لا عمه اني ابقى انت اتعبين

نهر : لا بنتي شلون اعوفها

سليل : واني هم مااكدر انتي عليج من ترجع للبيت وراج كومه تعب كوه قنعت عمه بابا باسها لرشا وطلع حسيته تعب من كثر مابجى وخاف عليها كال انتظركم بره

وطلعنا بلباب بابا وسجاد ينتظرون

حجي طه : هاا بنتي

سليل : اني باقيه وياها جان سجاد يكول

سجاد : المن باقيه خلي نهر تبقى

سليل : مباوعت بوجهه اصلاً  وبست بابا بلخير حبيبي على سلامه رشاوي روح ارتاح وباجر راجعين

سجاد : مو احجي وياج

سليل : باقيه ويه اختي عندك اعتراض بابا

حجي طه : لا يابه ابقي هي اختج عينج عليها

سليل : ان شاء الله وطبيت وحتى مهمني شكال ورايه بس حسيته گب نار

رشا : فتحت عيووني واشوف شعلان فوك راسي يبوس بيه ودمعته نزلت على كصتي

شبيك حبيبي

شعلان : متت خوف عليج انعل ابو الطفل الي يخوفني هيج عليج وياخذج مني

رشا : لتنعل بتنا وهاي اني وياها بخير شنسميها

شعلان : الي تحبي

رشا : اريد اسميها فرح

شعلان : شمعنه

رشا : فرحتنا هاي اني وياك بجيتها للدنيا

شعلان : يجرالج ولو ما كو احلى منج فرحه دخلت حياتي

رشا : وينها اريد اشوفها

شعلان : هسه يجيبوها

رشا : بيومها كل شويه يبوس بيدي وراسي وممصدك گمت بلسلامه واجت فرح نورت حياتي وزينتها بأحلى معاني الفرح

سليل : بقيت بيومها بلمستشفى وشعلان لليل وراح لان ممنوع يبقى وبقيت اعتني بيها وثاني يوم بلسبعه الصبح اجاني سجاد جفلت هااا صار شى

سجاد : هااا لا بس جنت كاعد كلت اخاف تحتاجون شى وجبت ريوك ويايه

سليل : حصرتني الضحكه والله اكص ايدي اذا مو الغيره كتلتك  لان بقيت بلمستشفى

سجاد : رشا نايمه

سليل : لا انطوها علاجها ومنتظرين الدكتوره تجي ساعه ٩ وتكتب خروجيتها

سجاد : وشعلان شوكت راح

سليل : بليل

سجاد : وانتي وين بقيتي

سليل : يمها ومطلعت تره اني مطالعه سفره اني بمستشفى ولاده

سجاد : شكلت وهبيتي نصي صوتج تره صاير عالي

سليل : سكتت بعد ومحجيت شى واكلت اللفات الجايبهم واجه شعلان استغرب وجود سجاد بس معلق وهم جايب اكل ويااه وساعه ٩ اجت الدكتوره وفحصت رشا وطمنتنا على وضعها وطلبت منها تراجعها بأستمرار

اخذناها وطلعنا وباب البيت الذبايح بابا جاب واحد وشعلان هم جاب وذبحوها جوه رجلها

وجنات وريم وغزل الهلاهل سمعت المنطقه كلها جنا موت خايفين عليها والحمدلله رحمنا ورجعت نوورت حياتنا

والعصر اجه حسين وبارك لرشا وكلنا كاعدين جان يكول

حسين : عمو ماطول كلكم كاعدين وملمومين بلخير اني جااي اطلب ايد ريم منك

سليل : ريم جفلت متوقعت والكل صفن حتى بابا استغرب سكت شويه وكاال

حجي طه : گبع واخذ بت عمك وانت اولى بيها بس وين ابوك اهلك وين

حسين : جاي بطرك روحي واتمنى متردني عمي

حجي طه : شلون تقبلها ازوج بتي لواحد اهله مرايديها

حسين : بس اني رايدها

حجي طه : تعرف شنو يعني انطيك ريم بدون موافقتهم يعني اشيلها واشمرها بلنار واني اذب روحي بلنار ومااخلي وحده منهن تتأذه

حسين : عمو والله اني شاريها واحطها بعيوني ومااخلي اهلي يطخوها ولا يوصلون يمها

حجي طه : هذا مو منطق ابني اني احبك والله شاهد اعتبرك ابني وغالي عليه وكتلك بت عمك هي وانت اولى بيها بس مو بهاي الطريقه لو تجيب اهلك وتجي حسب الاصول لو مالك مره عندي

يتبع ....

#ادمن_مدونة_نور_قلبي

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثاني_والعشرون

انه العمره گضاها مسابك الميل

انه المن راد يغفه تخوصر الليل

انه المن طاح محد صار عكازه

انه الفرهدوا روحه وباگو اعزازه

حجي طه : هذا مو منطق ابني اني احبك والله شاهد اعتبرك ابني وغالي عليه وكتلك بت عمك هي وانت اولى بيها بس مو بهاي الطريقه لو تجيب اهلك وتجي حسب الاصول لو مالك مره عندي

حسين : عمو والقران حاولت وياهم وماقبلو صار اشهر حرت شسويت وقافلين

حجي طه : ماطول هيج ابقى وره اهلك ابني ولتفتح هذا الموضوع بعد لو تجي انت واهلك وتخطب لو اعذرني

ريم : طفرت من مكاني والحسره بگلبي شلون ياربي

طلع حسين مقهور وثاني يوم هم اجه وجاب سجاد وسيط ونفس الشى بابا قافل لو اهله لو ماكو ارتباط ساعات يسولفون وميفيد

حسيت بحسره وخنكه من كل جهه خابرني ميت قهر والدمعه بعينه

حسين : ريمتي شلون حرت شلون اقنع اهلي ومافاد ورجعت اقنع ابوج وهم ما فاد اني اذا مصرتي اليه والله ابوكج

ريم : بطل هاي الافلام وخلينا نفكر شنسوي

حسين : عبالج مااسويها

ريم : اووف حسين مو وكتها امك مكدرت تقنعها حتى تأثر على ابوك

حسين : هاي قافله من الرئيسي وتعيط بس اجيب طاري الموضوع

ريم : بس انت فاجأتني مكتلي راح تخطب

حسين : من قهرتي انطيت كل هاي المده بس حتى اقنعهم ومافاد والله شيريد مني ابويه اسوي في سبيل يجي ويايه واخطبج واخر شى تعاركت وعفت البيت واجيت شايط عليكم من شفت كعدتكم مكدرت اسكت كلت لو بلهدف لو بلنجف

ريم : عااشت ايدك اجت بلفتحه الثالثه

حسين : شلون هسه اريدج تعرفين شنو اريدج

ريم : لتعيط اعرف والله

روح هسه وبعدين نتخابر

حسين : وين رايحه

ريم : بعدين حبيبي نتخابر كتلك ليضل بالك

نزلت لغرفه بابا لكيته يقرا قران اول مشافني صدق واشرلي تعالي كعدت بصفه ومدنجه

حجي طه : اول مره اشوفج هيج هادئه ومتردده وينها ام لسان وتعيط وترادد وتاخذ حقها

ريم : اجيتك وخايفه تردني

حجي طه : مو طه الي يرد غزالته كولي اسمعج

ريم : اعرف بيك كل الي تسوي لمصلحتي

حجي طه : همزين تعرفين بابا اني اريد ارفع شانج بينهم مااريد يقللون من قيمتج الشغله التجي بسهوله تروح بسهوله وانتي مو قليله بت ناس ومتعلمه وتعبانه على نفسج مو اقل من غيرج تجي الناس هنا تتوسل حتى انطيهم غزالتي

ريم : بس تعرف ظروفه والله صار اشهر يحاول

حجي طه : يحاول بعد وبعد

ريم : لزمت ايده لبابا تدري بابا اني مفرحانه بحياتي لتشوفني اضحك واكمز واشاقه هاي كلها حتى مااكعد وحدي  ويكتلني القهر  من اني وصغيره وگلبي بس الحزن مخيم عليه ولا مره جنت دوم اكول مراح بيوم اضوك الفرحه ولا راح احب ولا انحب ويوم مصار هذا الشى الف حايط صد صار

حجي طه : يعني جايه تكولين لابوج اريده واحبه موو

ريم : خجلت اكولها ودنجت وكتله لا اجيت اكول الك اريد افرح ولو مره بعمري

سحبت ايده وكاال

حجي طه : خايف عليج بنيتي رايحه برجلج للنار

ريم : اني بت طه لتخاف عليه الف نار اطفيها طول ما انت بظهري واكف ويايه

حجي طه : واذا ندمتي بيوم شلون اسلمج هيج بسهوله الهم اخاف يقللون من قدرج وقيمتج ويكولون ابوها شمرها

ريم : ينكص لسانه اليكول هيج واني اعرف اوكف كل واحد عند حده لتخاف غزالتك قويه بيك جر نفس وكاال

حجي طه : كوم بابا نامي وربج يحلها

ريم : بست راسه وهمست فرحتنا بيدي لاتكسر خاطرنا

وطلعت وسديت الباب جنت حيل مخنوكه واريد ابجي وخايفه لا اخسر حسين حيل كمت احبه وتعلقت بيه صار كلشي بحياتي وردت مثل ماهو دافع عن حبنا اني هم ادافع

ثاني يوم بقيت حابسه روحي بغرفتي وللعصر هدوء وماادري شكوو جوه

رشا : شبيك حبيبي

شعلان : مابيه

رشا : عليه على رشاوي شبيك گلبي احجي وجهك مدلغم وضايج تعال اكعد بصفي واحجي

شعلان : ضجت من موقف صار هسه

رشا : وهو

شعلان : ابوج صاح سجاد علمود شغله ريم وحتى ما اخذ رأي ليش بشنو سجاد احسن مني وهم هو غريب واني ابن خاله ورجل بته يعني المفروض اني يسألني مو سجاد

رشا : بسته من خده وكتله شوف حبيبي يجوز الموقف حقك تنقهر منه لان مهما كان تبقى زوج بنته وقريبه مثل مكلت بس مال تكول سجاد غريب هنا كلمتك مترهم

شعلان : شنو قصدج

رشا : اكثر من مره كتلك سجاد النا اخ جبير وطبيعي بابا يسأله وياخذ رأيه  بحكم هو مربينا وسنين ويانه وهم يعرف حسين وفوك كل هذا كرايب عمه نهر ويعرف هاي العائله كلش زين وبابا يمون حيل عليه

شعلان : والله موتيني كل حجايه وعمو سجاد ربه عمو سجاد تعب عمو سجاد مشتاقتله

رشا : هههههه تغار منه

شعلان : هااي شنو اني اغار منه تخبلتي

رشا : لعد شنو معنى كلامك

شعلان : خلي اكوم اني صوجي اجيت حجيتلج المضوجني اكيد متنطين لا بأبوج ولا بعمج الشفيه

رشا : شعلان ميصير هيج هسه هو شمسويلك وهيج تضوج منه

شعلان : شايفه نفسكم شلون تفقدون ضحك وسوالف ويااه

رشا : ارجع واكول الك هذا ابونا الثاني اياك بيوم تحطه بالك وتقارن نفسك انت حبيبي وزوجي وروحي من الدنيا وبلنسبه لخواتي انت زوج اختهن بس سجاد بلنسبه النا ابونا الثاني

شعلان : وليش هيج دمج احترك

رشا : لان حقك معشت الي عشناه عفيه لا كل مره نفس الاسطوانه انعيدها

شعلان : اكوم احسن

رشا : حضنته لا متكوم

شعلان : شتردين هنا ابوس راس ابوج الثاني حتى ترتاحين

رشا : لا بوسني اني

شعلان : استغفر الله

رشا : ههههه يمه اروح فدووه للعصبي

وبقيت ابوس بيه

شعلان : هاااا مبين ادورين حرشه كووه

رشا : ههههه رجلي واتحارش بيه غير حلالي

شعلان : مو هستوج جايبه لو تردين تحبلين بعد

رشا : ههههههه لا لا بطلت

حضني ويبوس بيه والله اشتاقيتلج غير نرحع لبيتنا عاد والله مليت

رشا : مبقى شى حبيبي حتى نروح براحتنا

شعلان : خابرت امي وهند يسلمون عليج

رشا : توقعت يجون

شعلان : لازم اني اجيبهم يمعوده يدوخوج

رشا : ليش احسهم مفرحانين

شعلان : غير طايرين من الفرح

رشا : ماادري احساس وبس

شعلان : بطلي هاي سوالف الاحاسيس وان شاء الله من نرجع للكوت راح تشوفين شلون طايرين من الفرح

رشا : الله كريم

شويه وبابا صاح شعلان وسأله عن رأيه كلش ارتاحيت وحسيت شعلان هم ارتاح اعرف بابا يمون على سجاد اكثر بس هذا شعلان سولته بسجاد لان يحس حيل علاقتنا قويه بيه

ريم : جنت كاعده بلغرفه وحاطه ايدي على خدي وضايجه وغزل تگلب بلملازم لان وراها بكلوريا سادس علمي وبلعطله تدرس

غزل : والله هدوء شكد حلوو لو تبقين هيج حتى ادرس

ريم :تسكتين لو اسويج خليه بدائية النواه

غزل : هسه شكلت وتعصبتي لو بس عليه كادره

ريم : دعسوقه اسكتي

غزل : سكتت

جان يدخل بابا

كمت وكفت

حجي طه : حبيبتي غزوله باباتي اريد احجي شويه ويه اختج

غزل : صار بابا

ريم : كعد بصفي وهو نادراً مايصعد فوك يمنا كعد بصفي واني مدنجه مدري خجلانه مدري خايفه من قراره حتى معدتي وجعتني

حجي طه : شوفي بنتي اني لمصلحتج مقبلت بسالفه حسين لان اعرف هاي الناس شتكدر تسوي وشلون اذا تحط براسها احد ادمره واني ماردتج ترحين بلرجلين بس طول ماانتي رايدته وتكولين بعمري مافرحت وفرحتج بيدي مستحيل ابخل عليج بيها

ريم : يعني شنو

حجي طه : موافق بنتي بس بشرط

ريم : كمزت مكيفه وتالي كلت عيب استحي غير شويه ثكل وكعدت ودنجت كوول بابا

حجي طه : مااريد بيوم اندم وافقت ارجع واكرر مقتنعه تتزوجين حسين بدون رضات اهله يعني تتحملين كلشي يصير بعدين

ريم : اي اتحمل

حجي طه : مو ترجعين بعدين تلوميني وتكولين لو رافض وممنطيني

ريم : مستحيل اكولها

حجي طه : هذا هو توكلو بالله اخابره وخلي يجي يخطب بلخير عليج بنيتي

ريم : حضنته لبابا وبسته وبس طلع كمت اكمز على الجربايه واجت سليل وجنات وغزل

سليل : هااا بشري

ريم : وافق وافق كللوووووش راح اعرس

واشتغلت الهوسه والتصفيك والهلاهل حضنت خواتي جنت طايره من الفرحه

وخابر بابا حسين وماكذب خبر ساعه وهو يمنا وكعدنا كلنا

حجي طه : شوف ابني انت ابن عمها وكتلك اولى بيها واني لخاطر عيونها كسرت العادات والتقاليد ودست على كلشي وراح انطيك بنتي بدون موافقه اهلك وهاي عيبه بحقي بس اتجاوزها لاجل عينها وهم لاجل عينك لان انت غالي عندي بس هاي كدامهم كلهم بنتي صار عليها شى أذوها انت تصير كدامي وبذاك الوكت انسى انت ابن اخويه وانسى كل صله دم بينا وأذيك اني انطيتك قطعه من روحي وريمه هاي فرحه هذا البيت وانت اخذت فرحته وضحكته اياك بيوم اطفي ضحكتها

حسين : على راسي عمو اخليها وعد مني متشوف بس ضحكتها

رشا : وحلكها الميوكف من الاكل

ريم : حجت عود البقره الحلوب

سليل : اششش عيب غير اتسكتن وانت غير عروس شويه ثكل

ريم : ثكلت والله موتوني اثكلي واثكلي جيبن طابوك واربطن رجلي وفضني

حجي طه : اكو شى بنات

سليل : هااا لا بابا ماكو

حسين : نقرا الفاتحه عمي

حجي طه : اليوم

حسين : اي بروح ابوك كمل فرحتنا وحتى الحلقات جبتها

نهر : هاي شنو يمه غير نجهزكم ونسويلكم كعده شنو هاي ركض ركض

حسين : اقرا الفاتحه والبسها والتردوه بعدين نسوي

حجي طه : هذا هو ابني وانتم سجاد وشعلان بما ان انتم اخوتها الكبار عدكم راي ثاني

شعلان : لا ابو حسام توكل بالله

سجاد : بلخير عليك حسين

حسين : يوم الالك ونفرح بيك

مباشره رفع عينه على سليل

سليل : سويت نفسي مسمعت ودرت وجهي ولا يمي بس اني معت من گالها

ريم : قرينا الفاتحه جانت فرحه بگلبي ماكو مثلها معقوله اخذت الاحبه وهيج عاند اهله واخذني مثل الافلام والمسلسلات الي نشوفها ممصدكه

شعلان : شنو رأيكم باجر نسوي كعده

ونجيب سيد ونعقد الهم

حسين : الف رحمه على ابوك احسن شى

حجي طه : والله ياابني اكول انتظرو شويه

حسين : شنو الي ننتظره عمي والله ماكو شى لتخاف

باوع بابا عليه وشافني شلون طايره من الفرح

حجي طه : مااشي باجر جهزو كلشي والحلقات باجر لبسها

حسين : هذا هو باجر ان شاء الله

ريم : ثاني يوم الركص والهلاهل ترست البيت حتى رشاوي كامت ويانه

تتحرك على كيفها وتهلهل جنت طايره ممصدكه حتى نوم منمت اخاف حلم واصحى منه

نهر : شتلبسين يمه

ريم : والله ماادري ممشتريه شى ومبقى وكت

سليل : اطلع اني وعمه بسرعه نشتري ونجي

طبت جنات

ميحتاج العريس عيني دزه هااج

وفتحته جان فستان رصاصي على فضي لونه يجنن ردن وطويل بيه فتحه من الرجل بس مو حيل طويله ومقسم على جسمي دمعت عيني مو لان اشترااه وجابه وذكرني لان مثل محبيت فستان ميظهر البكع مالتي ايدي مغطيه وصدري مغطى بتول خفيف وشي بسيط وبنفس الوقت حييل راقي ومبين غالي

سبحت وفتحت شعري وجنات كعدت ساعه وربع تشسور بشعري

ريم : والله ايدج ذهب شلون تشسورين يخبل

جنات : مرت خالي علمتني

وهسه احطلج شويه مكياج

ريم : لا ميحتاج اني اعرف امكيج

جنات : اي شايفتج حلوو ترسمين العين وترتيبه كلش حلوو عبالك ام صالون منين تعلمتي

ريم : خلصتها اتعلم على وجهي شلون اخفي البكع البي لحد مااخذت ايدي واشوف البنات بلكليه وشويه اخذت ايدي

جنات : كملت مااشاء الله شعرج يجنن

ريم : غير عمه خلصته ويانه تحط بلزيوت وترجع ليوره المعشب مال راس الشارع اشتره بيت من وراها يوميه راح مشتريه خبطه شكل ولازكتها براسنا

جنات : هسه اخلي عمه تعلمني

نهر : ليش اعلمج يمه اني اخليلج حالج من حالهن

جنات : فدوة لعمرج

خليت المكياج ولبست الفستان طلع فت على قياسي همزين انسدت السحابه

سليل : طالعه ملكان اللهم صل على محمد وآل محمد كللوووش

حضنت سليل يوم الالج سلول

سليل : من منو

ريم : اكيد من عمي المخبل ولو اذا تضلين عليه هاي ضلتج ولا تتزوجين

سليل : هههههه الله كريم

يله امشينا ننزل

ونزلنا والهلاهل معزمنا احد بس جوارين اثنين حيل يعرفونا صديقات عمه واجه السيد وعقد وطب حسين فدوه لطوله طالع يخبل

لبسني الحلقه وجان يحط السوار بيدي مال نجاحي الي المفروض رجعه

حسين : هسه عادي تلبسي موو

ريم : ابتسمت اي عادي

حسين : ريمتي صرتي الي حلالي مالتي وحدي وشنو هذا الحسن وين جنتي ضامته عني طالعه كيك شوكت اكلج اااخ شوكت

ريم : خجلت من كلامه ولكم اول مره ادري بروحي اخجل

واشتغل الركص لان ماكو احد اخذنا راحتنا

سليل : حضرت الكيك والببسي كل ماافوت يباوع عليه سجاد جنت اتعامل برود قاتل حتى اني تعلمت اشوفه بدون مااتقرب منه ومن احسه يريد يحجي شى اتجاهله

ماادري ليش حسيت الوضع انسب الي واله لان بس نحجي تكب عركه

وخلصت الحفله واحنا بقمه سعادتنا واني وسجاد مد وجزر ومن نلتقي بمسافه قريبه اتجنبه

ريم : بيومها اسعد يوم بحياتي كلشي متكامل اهلي كلهم موجودين حبيبي وصرت اله حتى شكلي طالع حلوو واتخبلو عليه وفستان الي احبه مظاهر شى يخليني اخجل او يكسر فرحتي

لدرجه منمت من الفرحه اي اول مره بعمري ماانام من الفرحه بس يمكن اني الفرحه محسوبه عليه حساب اذا افرح انكسر وراها

متصل بيه حسين توقعت لان راجع تعبان لان سهرنا وهم مكعدنا وحدنا كال باجر نطلع سوه ونغير جو

انتظرت ادك وميشيله ادك وماكو

هسه مااعرف ابدل لو لا لان صارت بال ٢ الظهر وهو من البارحه ماكو

لحد مدك على عمه نهر

نهر : هاا يمه حسوني

حسين : عمه بيبي بلمستشفى انجلطت بين الحياه والموت كلت اكلج اخاف يصير عليها شى وتلوميني مكتلج

عاطت عمه وطفرنا وتصيح امي تموت

ريم : اني صفنت ياام هاي وتذكرت عزه غير هي امها انعام هاي شنو الجلطها ليش هاي هم مثلنا تنجلط وتموت

اتصلت عمه لبابا وكالت اله وتبجي

حجي طه : فدووه طه اروح اشوفها اخاف تموت وماشفتها

حجي طه : اخاف يسمعوج حجايه تنغثين منها

نهر : ميخالف بس اشوفها

حجي طه : اجي وياج

نهر : لا فدووه هناك علي ومااريد تصير مشاكل

حجي طه : جايج بلطريق

اجه بابا واخذ عمه وراحو وساعه تجر ساعه واجو كلنا كاعدين ننتظر واني ادز بهلرسائل وادك على حسين وميجاوب

اجه بابا طب للغرفه وحسينا ضايج

كعدت عمه يمنا

سليل : شصار ماما

نهر : اوووف بنيتي شفت اليوم اخوه مثل الاعداء شفت اخ يريد يشرب من دمه اخوه

رشا : شصار ياستار

نهر : احجيلجن اول مدخنا المستشفى نتراكض اني وطه سوده عليه لخاطري اجه هو شافنا علي تهجم عليه

علي : لك عار شجابك تريد تتشمت بأمي

حجي طه : هاي شبيك تخبلت اني اتشمت بمريض

علي : عبالك تفلت منها تريد تاخذ ابني وتزوجه لبتك المريضة

حجي طه : دفعته حيل بتي مو مريضة وكلشي مابيها

واحسن من اي بنيه واياك تحجي عليها

نهر : فدووه كافي عيب منا الناس

علي : شوف طه اذا بقت خطوبه حسين على بتك اسويها دم

حجي طه : شسوي سوي ذاك حايط واركع راسك بيه

علي : لك كواد تزوج بتك بدون موافقتنا اكيد عايبه مو بنيه وتريد تلزكها براس هذا الفقير

نهر : جان طه يلزم علي ولزكه بلحايط وضربه وعلي رد الضربه واجو حرس المستشفى طلعونا وبلباب اجه حسين مدري وين جان

وحاول يلزم ابوه وعلي يعيط اذا انت رجال اسحب بتك من ابني ولك امي بس سمعت الخبر انجلطت راح تموتها ما موتتها بكتلك لجعفر تريد تموتها بخطوبه حسين

حجي طه : اني مااتشمت بمريض بس اذا هذا جزاء كلشي سوته بلجهنم متهمني

نهر : وجيت علي يريد يضرب ابوج ولزمه حسين وتوسل بينا نرجع

رشا : يعني ماشفتي امج

نهر : هو وين اشوفها بس وصلنا ناس تمالخت ويه ناس

سليل : وبابا

نهر : سوده عليه الطريق كله ساكت ويستغفر بلسبحه انكسر حيل خاطره

ريم : طبيت لغرفه بابا لكيته كاعد وبيده السبحه وصافن يسبح بس من وجهه مبينه القهره دنجت وبست راسه باوع عليه وابتسم وعيونه تقرا الف قهره وقهره

حجي طه : هاا بنتي محتاجه شى

كعدت بصفه على الجربايه

بابا حجتلي عمه كلشي الصار بلمستشفى

حجي طه : اي

ريم : اذا تريد افصخ ماعندي مانع التريده وياك اني

حجي طه : ليش يابنتي وعلى شنو تفصخين ياستار

ريم : كله ولا كرامتك عندي انت تسوه الدنيا ومابيها

حجي طه : وانتي عندي تسوين حتى نفسي

ريم : حضنته حيل ودمعت وخرني من حضنه ومسح عيووني

حجي طه : شوفي بنتي هاي دنيا كلشي نشوف بيها ميصير كلشي نتعصب عليه ونسوي ردت فعل بسرعه لان وراها نندم اي شى او قرار نتخذه بلحظه عصبيه راح يضيع الاول والتالي

ريم : بس حيل اذوك بسببي وتجاوز عليك وقلل من قيمتك واني مااقبل بشر يمسك بكلمة

حجي طه : يبقى اخويه الجبير مو واحد غريب وهم مو انتي السبب

ريم : شلون مو اني السبب والعركات هاي كلها والمصايب

حجي طه : بنتي من يوم مافتحت عيني هاي انعام ومصايبها وهذا علي اخويه وطبعه وهاي كلها تراكمات انتي مجرد سبب بسيط من ضمن مواقف هواي صارت بحياتنا لاتضلين على كلشي تركزين وتقهرين روحج وتخربين فرحتج

ريم : والله من كالت عمه كاعده على نار حتى النار نزلت بمعدتي

حجي طه : يعني بعد متاكلين

ريم : هاااا لا اكل بس شوي جان يسحبني ويضحك وحضني

حجي طه : هههههه فدووه لبنتي الجوعيه هيج اريدج ليهمج احد اريدج دوم قويه وسباعيه ياغزال البراري

ريم : يعني مزعلان مني

حجي طه : انتي شعليج يابنتي

ريم : مااعرف احس السبب مني لو ما خطوبتي اني وحسين مجان صار كل هذا

حجي طه : كتلج مالج دخل شو من قال وبله هاي اني وانعام وعلي منكعد بمكان اله تگب عركه ليش بالاول مردت انطيج حتى لتعبين وياهم اني عشت وياهم واعرفهم وخايف عليج بس اريدج قويه ميهزج ريح جبل والصار يوم انسي اريدج مرتاحه وسعيده وهاي الضحكه متفاركجج ابد وشيصير بعد بيني وبينهم متدخلين ابد بيه

ريم : حتى اذا تجاوزو بعد عليك

حجي طه : حتى لو اتجاوزو لتدخلين انتي ابد عليج بخطيبج وبس هاي الامور عوفيها عليه يابنتي هذا الشعر شاب من شويه غير شاف اشكال والوان منهم استغفر الله مااريد اختنك واتذكر ولا اخنكج ويايه كوم يابه ارتاحي ولتفكرين بشى عليج بنفسج وبحسين وبس وعوفي الكبار ومشاكلهم المتخلص حسين شاريج بنتي ويحبج وهذا الي مطمني عليج

ريم : بسته من ايده الله يحفظك النا ياتاج راسي انت

حجي طه : ويحفظج اليه هاي ضحكتج وفرحتج احارب الدنيا لاجلها يله كومي روحي يم خواتج ولتفتحين اي موضوع ويه حسين هو هم واكع بين نارين الله يعينه

ريم : ان شاء الله بابا بسته وطلعت والله گلب ابويه مشايفه منه شويه ارتاحيت رغم جنت مصره شيقرر بابا وياه حتى لو افصخ لعيونه ولا يمسون كرامته ويأذوه بس مثل كل مره يفضلنا على نفسه

طلعت يم رشا كعدت وسليل وجنات واموري يكمز يمهم

سليل : هااا بشري

ريم : ماكو شى الوضع زين

رشا : الله يستر وتعدي الامور على خير ولو اني ممرتاحه لامه

ريم : امه ليش

رشا : يمعوده لتنسين هي عمتج مو انعامو

ريم : ادري بس حسب مكالت عمه نهر زينه هيه مو راعيه مشاكل

رشا : الي يعاشر انعام ينجلب اكثر منها بله متسكتين

سليل : اششش لتسمعكم ماما نهر

جنات : تره خاله نوريه(زوجة علي ام حسين ) مو فقيره لا عبالج

رشا : هاااج استلمي احنا ليش نروح بعيد هاي بت اختها وعاشت وياها خلصت عمرها بذاك المهجوم

جنات : اي والله مهجوم تدرين شنو طبيعه خالتي نوريه  سكوتيه بس اذا حطت واحد بعقلها تكرهه بلساعه الي انولد بيها مثل الحيه تلدغ وتضم راسها شكت سوتلي مشاكل من وره بتها نورس

رشا : صدك هي شخبارها

جنات : يمعوده وحده خشم يابس تشوف الناس من طرف خشمها وحقيره وارثه الحقاره بأمتياز جانت حسره تشوفني كاعده تروح لامها وتخبث عليه لحد ماخلتني خاله خدامه الها ولبتها

ريم : بس هي اخت امج ليش مو حنينه عليج

جنات : هي امي شمرتني واتزوجت ودارت وجهه وعاشت وخلفت وماسألت عليه ولا حنت تردين خالتي تحن من كل عقلج اصلاً مرات احس خالتي مخنوكه مني لو ما بيبي دوم تكلها هاي بت الغاالي

رشا : خوش بت الغالي وساكمتج

جنات : الشهاده لله هي مجانت تأذيني بس دكتها الموزينه بحقي من شمرتني بيت جدي واني متأكده من وره نوريه وبتها

سليل : هم شايف الضيم بذاك البيت

جنات : يمعوده خلصتها قهر بقهر بس جان اهون من بيت جدي الثاني وخوالي ذولاك اكبر ساقطين على الاقل جانت بيبي انعام هم مرات تسكتهم ادافع عني اما ذولاك اووو ماخلو على حالي حال بس انعام تموت على حسين والله مرات احسها تحبه اكثر حتى من عمو علي وراه وراه اكل شرب نام لبس

ريم : الله يبشرج بلخير

جنات : ههههه ليش هو مكايلج

ريم : لا والله لان يعرف مااطيقها ولا اطيق اسمها

جنات : كتلج مرات احسها تحبه اكثر من ابوه ودوم تكول لامه ديري بالج تضوجي حتى جانت تدري بيه يجي هنا بس تسكت حتى ليزعل بلبدايه تتعارك ويااه بس من كلها اروح اعيش يمهم واعوفكم تخبلت وبدت تغلس على جياته هنا

ريم : اااخ سحليه ولا يحجيلي صدك من السكوتي موتي

جنات : لتحجين عفيه كدامه هسه يكول تنقل حجي ويعاتبني

ريم : شحده غير اگلب الدنيا

جنات : ميخالف عفيه اني هم مااريده يزعل مني احبه لحسين مثل اخويه طيب وحنين ومشايفه شى موزين بس ردت اوصلج الصوره خصم الموضوع انتي اخذتي عزيز گلبها لانعام

ريم : همزين گلتي حتى احرك گلبها وكل متفوت اطك اصبعتين واغني اخذته منج على عنادج

رشا : ههههههه والله مخبله وتسويها

جنات : يمعوده عوفيها بيبي تحب المشاكل وتحب واحد يعاندها حتى تذب حركتها بيه عشت وياهم ايام سم

سليل : الله لايرجع ذيج الايام

جنات : ربج رحمني بعمي واله ماادري جان شصار بحالي

رشا : لتكولين هيج احنا وياج

جنات : الله شاهد انتم خواتي واعز

سليل : شبيج ريموو شو صفنتي

ريم : الي يسمع هذا الحجي شيسوي يشد وصله ويركص مثلاً

جنات : مالج دخل بكل احد اهم شى حسوني يحبج وشاريج وحارب الدنيا علمودج

ريم : بس من البارحه ادك عليه وماكو حتى ميجاوب

سليل : لتنسين همه هسه بلمستشفى والله اعلم شنو حالهم واكيد مخبوص

ريم : اكيد مخبوص بس حتى ميكلف يدز رساله ويكول ليضل بالج او مشغول

جنات : الغايب عذره ويااه والله اعلم هسه نوريه وعلي شمسووين بيه علمود بيبي اكيد محملي الذنب

ريم : گلبي يلعب وقلقه

رشا : ان شاء الله ماكو شى اكلجن جعت تره

ريم : هااا صايره كل شويه تاكلين مو كلتي بس اجيب اصير رشيقه

رشا : الله اكبر مصار كم يوم من جبت ورايه رضاعه

ريم : خوش درب رضاعه وكل شويه ضاربه ماعون تمن وراها تشريب وراها لفات والله ارضع

سليل : ههههه خلي تاكل عاافيات شرايده منها

ريم : خلي تاكل بس لتحط عينها على اكلي

رشا : صاار مااحجي بعد بس الله عليج كومي سويلي نواشف اريد هيج صينيه الي يحبها گلبج شكوو بلثلاجه گلي (تقلاه)

ريم : فلسنا والله گلنا جايبه انفجعتي على الاكل

سليل : اكعدي انتي اني اسويلها راح تگلين وادردمين اعرف بيج

ريم : ياادردم يااهوس اطلع الاكل سم عليها

جنات : لج خطيه المفروض هسه كله لحوم تاكل حتى تقوي جسمها

ريم : شوكت اتزوج واحبل واجيب بس علمود تسون اكل الي وتجيبو ليمي بدون مااسمع كلمتكم المعتاده شكد تاكلين شوكت ياربي

رشا : ههههههه هانت وبيدي اسويلج الاكل

ريم : انتي بلذات راح ياخذج مشعول واطيرين للكوت بعد زين اذا شفناج كل ٣ اشهر  مره

رشا : لا والله اجي ما اتأخر هلكد بعد

ريم : عوفي فروحه يمي حبابه

رشا : شسووين بيها

ريم : اربيها تربيه صالحه تطلع عاقله وفقيره ومؤدبه مثلي وصوتها مينسمع

رشا : مو عليه ريمو دحنا دافنينو سوه يااختي منو هاي الفقيره والعاقله

ريم : عندج شك اكيد اني

رشا : شكات مو شك واحد

ريم : الله يسامحج معذوره يااختي مشعول غيرج

رشا : انشغلتي بنار وبانزين بطلي تكولين مشعول

ريم : ابو فرخه

رشا : شنوو

ريم : فرخه احلى من فروحه وفرحه وفيفو وهاي الاسماء التقليديه  دلع بنتج فرخه

مميز ويناسب رجلج راح ابطل من مشعول واسمي ابو فرخه اسم ممطروق وحلوو ومميز

رشا : كومي مني لا اسويج دجاجه واهلس ريشج واشويج

ريم : قاسيه مو بيدج وركعتني بلممه مال فرخه والله حلوو ومحد مدلع هيج بس هي متحب مواكبه التطور

جنات : هههههه انتي سوالفج متبطليها الله يعين حسين عليج اكوم انوم اموري

سليل : واني اكوم اسوي عشا

ريم : بربج كثري وحش الطاوه (البيتنجان ) وگلي زين

سليل : صاار خاتون

كمت اسوي اكل وعشيتهم اباوع لحد هسه ماكو سجاد وين صار ضميت عشا اله من كلشي شويه وغطيته

ريم : تم ملئ البطن بنجاح محتاجين شى اروح انام

غزل : مواعين العشا عليج ريم

ريم : صغير القوم خادمهم يله اغسلي المواعين وصيري حبابه

غزل : هااي شنوو ماما سليل شووفيها لريم

سليل : اصعدن اني اغسلها

غزل : لا اني لعد اغسلها

سليل : لا حبيبتي اني اغسل واصعد بكل الاحوال منعسانه ومتعبانه

ريم : امممم يعني مو تنتظرين احد

سليل : اصعدي نامي لا والله اخليج حتى البيت هسه تمسحي

ريم : لا لا صاعده ركض

صعدو البنات وبديت انظف المطبخ بس بالي حييل يمه هذا وين صار شويه وانفتحت الباب مد ايده فتحت بردت المطبخ شفته هوه  الْحٍمَدٍ للـّہ ضل بالي عليه سمعت شلون يقفل الباب بلزنجيل وفتح باب المطبخ وشافني واكفه على السنك اكمل غسل مواعين

اول مطب كتله الله يساعدك

سجاد : ويساعدج شو البيت فارغ وهدوء

سليل : احجي واغسل بدون مااباوع بوجهه

الكل صعد لغرفهم ورشا تنوم بتها تعشيت

سجاد : لا بس مجوعان

سليل : تره عشاك موجود

سجاد : شمسوين

سليل : نواشف

سجاد : اكو طماطه تكلاه

سليل : اسويلك

سجاد : اخاف اتعبج

سليل : لا ماكو تعب مسحت ايدي وسديت المي وبديت اثرم هو كعد كبالي بلمطبخ

واني اگلي وظهري عليه تذكرت من جنت ويااه بلشقه سرحت بخيالي

سجاد : ليش صافنه

سليل : هااا لا ماكو شى

سجاد : ليش هلكد هادئه صايره

سليل : انداريت عليه وحجيت بهدوء انت شعليك

سجاد : هااا شعليه

سليل : اي شعليك هادئه مخبله على نفسي ممأذيه احد

شرب مي وشغل جكاره

سليل : شوكت تبطل جكاير شكد ادخن لخاطر لله

سجاد : انت شعليج

سليل : فتحت عيني شنو

سجاد : ادخن ماادخن ممأذي احد

سليل : ابتسمت على كلامه عرفت ردها اليه انداريت اكمل وحضرت كلشي جنت من اتحرك رغم مااباوع عليه بس اعرف كعد يباوع على كل حركة مني

تفضل اكل

سجاد : وين رايحه

سليل : صاعده فوك رايد شى

سجاد : اي من اكمل اريد جاي

سليل : اكل وشويه واجي اسويلك

سجاد : اكعدي ما اتأخر هسه اكل وسوي

سليل : مااشي جريت كرسي وكعدت بعيد عنه

سجاد : ليش كاعده بعيد

سليل : بكيفي معلق وبقى ياكل بهدوء واثناء مياكل غص بس جانت الغصه كلش قوويه ويكح قووي طفرت من مكاني واضرب على ظهره مدري شصار بيه خرب بگلبي الحنين المتعلق بيك رجفت رجفه وركض انطيته مي واضرب على ظهره واكول اسم الله اسم الله شرب المي وجر نفس ورجع راسي ليوره جنت واكفه بعدني رفع راسه وشافني شلون قلقه عليه

سجاد : شكد اشتاقيت لهاي عيونج الي تخاف عليه

سليل : مباشره وخرت منه وجريت نفس

حاولت اكون هادئه بس الگلب شيهدأه وسجاد يمه

خلي اسويلك جاي بين متكمل

وكفت على الطباخ وبگلبي اكول اششش على گيفج قابل شگال وهيج رجفتي كمت اتجنب اباوع عليه وهو عيونه ماتركتني لحظه صبيت الجاي حتى بدون ماانتبهه كمل اكله لو لا

سجاد : تره بعدني مكملت

سليل : منتبهت عادي ارجعه واصبلك فد شوي

سجاد : لا جيبي اشربه

اخذه من ايدي وحطه بصفه

صاعده محتاج شى

سجاد : حتى لو محتاج راح تسوين الاريده

سليل : وكفت محتاج شى

سجاد : من اطلعين شويه انتبهي على ملابسج

سليل : ياملابس

سجاد : تره مااحجي هندي كتلج من اطلعين ماكو داعي البنطرون اكو جبب حًلوة هسه بلسوك وراقيه وحتى غاليه تكدرين تلبسين منها استر واحلى

سليل : جريت نفس وتقربت منه

ليش تريدين اغير لبسي

سجاد : هيج عاجبني

سليل : ماكو شى اسمه عاجبني كولي ليش تريد اغير ملابسي

سجاد : معاجبني هيج تلبسين واكيد بدوامج الرايح والجاي يباوع عليج

سليل : احد گلك اني امشي بدون ملابس لو ملابسيي لزك او بيها اغراء حتى الرايح والجاي يباوع عليه ملابسي مستوره ومحتشمه لتتخيل شى مصاير

سجاد : مااتخايل بس هيج احسن بدلي ملابسج ومستعد اني اشتريلج جبب شكد متردين

سليل : مااريد

سجاد : مو بكيفج

سليل : تقربت حيل منه لدرجه اشم ريحته وكتله بكيف منو لعد هااا بكيف منو جان يكول بنبره هادئه

سجاد : لخاطري بدليهم وريحيني

سليل : همست وكتله مااريحك لان انت مافكرت بيوم براحتي لتطلب مني شى راح وكته ومضى اذا اريد اغير مني نفسي او لبسي كون اني اريد مو حتى اريح احد

سجاد : مااشي براحتج

سليل : اكيد براحتي عفته وصعدت اني هذا الغبي گلبي بس لو ميدك قوي منو هو موجود ويخربط نبضاتي جان بخير اني

بس همزين كدرت اجاوب بدون ماارجف واضعف

شويه ونزلت نمت يم رشا بالاستقبال لان ماما نهر تعبانه رجعت وعرفت بيها مغثوثه ومقهوره ومردت تتأذه وتسهر ويه رشا

رشا : اكوو شى

سليل : لا ماكو گلبي نامي وارتاحي

رشا : اذا كعدت الصغيره كعديني

سليل : لتخافين تدرين بيه اسهر ماانام بسهوله

بقيت للفجر لحد مصاح الله اكبر كمت توضيت باوعت من بعيد شلون نايم على ظهره وحاط ايده على وجهه لان هو ينام بلهول

كملت وضوء وخر ايده وباوع عليه

وهمس بصوت ناعس

ابقي عاندي وخلي نشوف اني لو انتي

سليل : باوعت عليه والله مو صاحي عفته ودخلت صليت ونمت

وثاني يوم كعدتني ريم

ريم : اكعدي سلول

سليل : هااا حبيبتي

ريم : خابرني حسين كال جايج اريد احجي وياج وحدنا راح نفتر شويه بلسياره ونرجع ما اتاخر

سليل : من الصبح هيج

ريم : شسوي صوته مال واحد تعبان حيل واني هم ضل بالي حييل عليه معودت خابر حتى افهم منه شصاير

مااتأخر والله من تكعد عمه بلغيها

سليل : بابا طلع للمطعم مو

ريم : اي دخلت لغرفته ماكو هو غير من الصبح يطلع تره هسه ساعه ٨ ونص

سليل : مااشي روحي حبيبتي ولتتأخرين

ريم : بست سليل وطلعت بلكراج دقيقه واندك الهورن

صعدت ويااه وجنت حيل مشتاقه اله

صباح الخير حبيبي

حسين : صباح النور

ريم : حرك السياره وهو هادئ

بيك شى حسين احجي ويااه ميجاوب

احجي شصار

وليش هيج حالك

حسين : صار يومين بس مشاكل وعياط وصياح

ريم : وكف السياره وفهمني

حسين : هسه اطبك بمكان ونسولف نروح لبيت اهلي مابيه احد

ريم : لا مااريد نحجي هنا وهم مااريد اتأخر

طبك السياره بمكان هادئ وهم صبح وماكو احد وجمعه الكل نايمه

حسين : بالاول راح احجي وفهميني بدون مشاكل تره روحي واصله لخشمي

ريم : اي غير افهم بالاول احجي بله

حسين : احنا لازم نفصخ

ريم : شنفصخ

حسين : خطوبتنا

ريم : احس جبل وكع على راسي اريد استوعب كلامه حتى عيووني غوشت

ياخطوبه تفصخها انت شتحجي كعد تعرف شحجيت

حسين : بس افهمج واكيد راح تساعديني

من ورانا انجلطت بيبي

ريم : وجلطتهم متهمني

حسين : بس اني تهمني وعلاقتي طيبه بيها واذا انتي متحبيها هاي شى راجعلج ولا بيوم ادخلت وكلت لتحبيها او لتحجين عليها اشكال تسوين واني ساكت بس تبقى بيبيتي واحبها

ريم : زين وشدخل خطوبتنا بحبك الها

حسين : افهميني ريم البارحه وره مراح ابوج لزمني ابويه وامي

علي : شوف حسين الصار بأمي من وراك ومن وره قهرتها واذا ماتت خطيتها برگبتك

نوريه : من كل عقلك ريم تصير مرتك وتصير جنتي اذا صار هذا الشى اني انجلط مو بس بيبيتك

علي : اسمع انت ابني الوحيد ومال اعوفك لطه على جثتي والله اكتلك اذا تتزوجها

حسين : يابه طفل كدامك وتحاجيني هيج اجيت وكتلكم زوجها اليه ومقبلتو وتوسلت وجبتكم بكل الطرق ومافاد وكتلكم هاي البنيه اريدها واحبها ومااتزوج غيرها

علي : وتروح تخطبها من ورانا واحنا نركع راسنا بلحايط ولك اذا اذبحك حلال بيك يعني مغزر بيك الربى شنو اعدائك احنا

حسين : اني مردت شى منك بس اتزوجها وكم مره كلت غير ريم مااتزوج

نوريه : عساك متزوجت ضل هيج ولا تاخذ هاي البكعه شلون الك نفس تتقرب منها

حسين : يوم مااسمح الج لتنسين هي خطيبتي

علي : انجب وفوكاها ترادد امك على مود بت طه

يعني اريد افهم شلون تحط ايدك بأيده مفكرت بينا انت تعرف كلش زين كاتل اخوه واحد عاق وخايس ومجرم تجي تتزوج بته البگعه

حسين : ماشفت من عمي بس كل خير وبناته احسن البنات وريم بلذات مربيها على ايدي وخلصت طفولتي كلها وياها وماشفت شى موزين منها

نوريه : راح تشوف هاي بت سندس راح تشوف يمصخم العرق دساس ويمد لسابع جد وهاي امها وحده كح.. شمرتها بناتها علمود نفسها وابوها خلص عمره بلسجون شتكول بله لجهالك على هذا النسب الحلوو

حسين : كتلج ريم ربيتها على ايدي واشرف بنيه ومابيها قصور وكافي اني احبها ومتمسك بيها واجهت الدنيا حتى ننخطب حتى بأبوها توسلت حتى يقبل

نوريه : هم عايزه امهات الفگر ميقبلون بيك اكيد تتوسل وين تلكه زوج مثلك تكوده وتكفخ بيه

علي : اسمع حسين من الاخير اني رجال تعبان ومالي خلك يوميه اتعارك واهوس الك الاختيار لو احنا لو بت طه

حسين : يابه هذا مو حجي انتم اهلي وهي خطيبتي مااكدر اختار بينكم

نوريه : لا تكدر وراحت جابت القران وحطت ايدها عليه

وهذا كلام الله يا حسين مافصخت خطوبتك من هاي البكعه بت الفكر  ريم لا انت ابني ولا اعرفك وغضبانه عليك دنيا واخره

علي : وتعوف البيت واياك تشوفني وجهك مالك مكان عدنا اختار لو احنا لو طه وبته

حسين : يابه والله حرام عليكم يعني ماردت شى منكم جبير بس ردت اعيش ويه الانسانه الاحبها

علي : واحنا ادرى بمصلحتك ومامستعد بعد تعب السنين وكسرت الظهر انطي ابني لطه مكافي گتل اخويه  واخذت اختي وزوجها لواحد ساقط وتالي شمرها شمرت الجلب ولك هذا سوه الهوايل وفوكاها يسوي نفسه فقير وبناته انكس منه كافي امهن سندس لعبت لعب ايام الحزب والمصايب الي عليها لك ناس زباله اخذ بتهم واحطها مرت ابني اله اني بلكبر يله تاخذها حتى طه احرك محله وادمره وادمر بناته لتخليني احطك بعقلي وادمرك انت وحيدي جر عدل لا ورب الكعبه متعرف شسوي بيك وبيهم وهاااا امي  اذا صار بيها شى خطيتها برگبتك

ريم : وانت اجيت تبلغني انت اختاريتهم

حسين : حجيتلج كلشي اريدج توكفين ويايه

ريم : شلون بله اوكف

حسين : نفصخ هاي الفتره وراها اذا النه نصيب نرجع

ريم : كوه لازمه نفسي لا اخنكه احس روحي بركان وهااج اذا النه نصيب يعني لهاي الدرجه بايعني

حسين : مو بايعج بس اني هسه ظروفي صعبه واهلي ضدي لازم ارتب وضعي يله اكدر ابدي حياتي وياج

ريم : هنا بديت اعيط وافقد اعصابي لك ياحياه تحجي عليها انت تعرف هسه شراح تسوي بيه راح تكسرني راح تخزيني كدام الناس مصار كم يوم ورفعت ايدي شووف مصار كم يوم لبستها حتى بعدني مالحكت افرح بيها وكعت دخيل دم لبابا حتى بس يقبل على خطوبتنا وتالي هيج تجازيني

حسين : ريم مو كلشي بلعياط والصياح اني اجيتج حتى نحلها مو نعقدها

ريم : ههه جايني من الصبح وتكولي نفصخ لان والله بيبيتي انجلطت عسااها بلموت وامي تحلف وابويه يهدد واني لازم مثل الطفل الوديع اسمع كلامهم زين وانت من هاي الهوسه كلها وينك مباشره كتلهم حاظر بابا حاظر ماما العفو مااسويها بعد راح اسمع كلامكم

حسين : انتي عصبيه ومكعد اكدر اتفاهم وياج افهميني بابا اني مرايد بس تتحمليني هاي الفتره نفصخ والوضع يهدأ وعسى ولعل اقنعهم

ريم : نزلت دمعتي ومسحتها زين ومكدرت تقنعهم شلون احجي لتسكت مكدرت تقنعهم شلووووووون

حسين : احاول مره ومرتين ماعسى اضل العمر كله

ريم : متأكد

حسين : عندج شك بحبي

ريم : تدري البارحه ابوك لعب طوبه بأبويه رحت حتى افهم منه كلت اخاف يريد نفصخ ومتردد يكلي تدري شكال حسين شاريج بنتي ويحبج وهذا الي مطمني عليج

داس على كرامته البارحه لخاطر ابقى وياكً

حط ايده بأيدك وكسر كل العادات والتقاليد لان شافك رجال وامنك على بنته

حسين : واني كد الامانه

ريم : جان اعيط وابجي متحملت كميه الالم الديصير حسيت داخلي جبل وبدل يتهدم ويتحول تراب والهوا يعصف بيه بلا رحمه

ياامانه وانت هسه جاي تكول نفصخ لخاطر اهلك اذا انت مو كدها من الاول ليش دكيت صدرك ونفخت نفسك وكلت اريدها وخليتني اعيش فرحه انسان يحبني واحبه واصير اله

حسين : وانتي الي بس على كيفج لتعيطين والله احبج  وروحي بيج بس ظرفي حكمني والدنيا ضاكت بعيني ومااعرف شصرف منا ذوله المتخبلين وكل شويه واحد مهدد والثانيه تحلف ويبقون اهلي مااكدر اكون عاق الوالدين

ريم : بس تكدر تكون عاق گلبي تكدر تسحبني من ايدي وتعيشني بأحلام ورديه وتصعدني على اعلى قمه من السعاده وتدفعني للهاويه تخليني احبك واتقاتل علمود اصير الك وتالي تكلي اعذريني والله ضرفي هسه ميسمح

جان يحضني ويبجي ريم فددوه بس ساعديني والله فتره ونرجع دفعته من حضني حيل وكتله

ريم : ايااك  تكمشني مو اني الي يبيعني اشتري بعدك مشايف ريم شوف حسين مستعده هسه انسى كل الخريط والحجي المابيه معنى وابدي وياك صفحه بيضا هسه بهاي اللحظه شرط تختار لو اني لو همه يعني لو نبقى مخطوبين ونتزوج ونأسس حياتنا بعيدين عنهم وعن مشاكلهم لو تروح الهم واياك بيوم اشوفك

حسين : ريم لتصعبيها عليه وكاام يضرب على راسه ولكم حسوو بيه كل واحد يجر بيه من جهه

ريم : واني مراح اجر حسين انطيني موقفك وهسه وننهي هاي المهزله كلها سكت وبدا يمسح دموعه

حسين : ريمتي ابوس ايدج ساعديني والله وضعي صعب توقعتج تقدرين وضعي وتوكفين ويايه

ريم : الرجال الميحارب علمود الي يحبها ويعادي الدنيا وياخذها مااسمي رجال واني يوم مااتزوج اريد رجال مو ابن امه وابوه وكلمه تودي وكلمه تجيبه وبلحظه ياخذني بحضنه وبلحظه يشمرني مو بعيد من تزوج هم تكلك امك طلكها هاي متفيدك اطلكني

لو تصير كدها وتاخذني هسه وكدام الكل وتكول ريم مااعوفها للموت لو لتشوفني وجهك ابد

سكت وحط راسه على ستيرن السياره بقينا هو ساكت  واني ابجي

ريم : سوق رجعني للبيت

حسين : بعدنا مكملنا كلامنا

ريم : رجعني وبدا يسوق واني دموعي عشره عشره بحياتي مبجيت هيج فتحت الجامه اريد اشتم هوا الله بلكت ياخذ روحي وارتاح احس لحمي يتكطع وروحي تموت شوي شوي احبه لدرجه احس بكميه وجع مو طبيعيه كلشي اتوقع بس مال حسين يكون هلكد ضعيف ومهزوز ومكان ميحارب لخاطري يتنازل عني حتى يرضيهم وعود وراها يرجع اليه وصلنا لبيتنا انداريت عليه وعيوني تصب

ريم : مو تريد تخلص مني حتى تنحل كل مشاكلك سحبت الحلقه وشمرتها بوجهه

هااك هاي اول مشكله خلصتك منها

نزلت وركعت الباب ورايه شخط السياره وراح حتى منزل ورايه من قهرتي اول موصلت للكراج وكعت على رگبي وعطت

الله ياخذكم دمرتو حياتي

يتبع ....

هذا الفيديو ريم وحسين 💔

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الثالث_والعشرون

ما ريدك بعد لو صرت العيون

قابل انعمي والبس مناظر

وما ريدك بعد لو بيدك الرووح

اموتن راضي وينصبولي چادر

وما ريد العمر لو بسمك يصير

اخلص عمري الك من عين باجر

وبعد ما ريد اسمع كلمة اهواك

ثگيل وما اگلك بيها طاير

بية اجروح منك كلش اهواي

اداوي ابيا كتر ضليت حاير

همزين انتهينا وخلص الشوگ

وهمزين الجرح سواني شاعر

ريم : مو تريد تخلص مني حتى تنحل كل مشاكلك سحبت الحلقه وشمرتها بوجهه

هااك هاي اول مشكله خلصتك منها

نزلت وركعت الباب ورايه شخط السياره وراح حتى منزل ورايه من قهرتي اول موصلت للكراج وكعت على رگبي وعطت

الله ياخذكم دمرتو حياتي

سليل : جنت نايمه بس مو نومه عميقه سمعت الباب الخارجي انفتح وعيطت ريم طفرت من مكاني ركض وبركضتي فز سجاد

فتحت الباب مال الهول ولكيت ريم بلكراج تشهك واكعده على ركبها فاقده

حضنتها حييل شبيج ريم شصار تحجي وفاقده

ريم : دمروني سليل كسرو فرحتي

سليل : فهميني عفيه شصار طلعتي ويه حسين بسرعه رجعتو شصار

ريم : هذا واحد جبان اهله كالوله لو احنا لو ريم وعافني سليل عافني

حضنتها حيل على كيفج حبيبتي هسه اندز على حسين ونفهم منه

ريم : شدزون مااريده ولا اريد اشوف وجهه اكلها اهله متعاركين ويااه وحالفين عليه ميتزوجني وهو حتى ليخسرهم طلب مني نتعاوف وعود فتره اذا ست انعام رضت عود يجي مرضت اركع راسي بلحايط

سليل : اباوع كامت اطك سن بسن ركضت اجيب مي الها

سجاد : ريمو حبيبتي على كيفج خلي نفهم الموضوع

ريم : فقدت وكمت الطم على وجهي واعيط شتفهمون اكلهم عافني وراح وره يومين يكلي نفصخ لخاطر اهله

كمت اضرب حييل على وجهي محسيت غير عمو سجاد يلزم ايدي وجرني لحضنه

سجاد : كاافي انعل ابوه لاابوامه اشعله الج والله بس لتسوين بنفسج هيج

ريم : على جتف عمو واشهك عمو انعام كسرتني مكافي واني صغيره شوهتني وخلتني العمر كله انوح على حالي واخاف حتى تطلع ايدي اخاف اسمع حجايه تأذيني خلصت طفولتي كلها الجهال تتهزم مني ومن كبرت الكل تباوعلي بشفقه وهسه حسين كملها وكسر الشى البسيط العايشه بسببه ومن وره منو من وره انعام

سجاد : كافي ريم انتي اقوه من هيج شى وبعدنا خلي نفهم شصار وبعدين شتردين احنا وياج

ريم : اريد اموت عمو والله تعبت

سليل : حضنها حييل سجاد وايده على راسها وهي تشهك بحضنه ورشا واني واكفين على صفحه دموعنا تنزل وياها

سجاد : شنو تعبتي سكينه متتعب ابد هاي تربيه سجاد قويه لسان ميكسرها الهوا كومي عمو مااحب اشوفج هيج منهاره وضعيفه وتتمنين الموت كومي تعالو بنات اخذوها غسلو وجهه واخذوها لغرفتها خلي ترتاح

سليل : اجينه اني ورشا واخذناها كومي فدووه رشاوي عوفيها اني اصعدها انتي رجعي لبتج لتبجي وموزين عليج صعدت الدرج

رشا : عفيه مااكدر اعوفها يابنتي يادنيا

سليل : ماعليها شى لتخافين اني وياها

اخذتها وصعدتها ليفوك كوه تمشي اول مره اشوف ريم بهذا الوضع خفت حييل عليها

نزعتها ملابسها وهي بس تنزل دموع وساكته ولبستها التراكسود مالتها وهي مثل اللعابه بيدي

باوعت عليه

ريم : سليل ليش احنا ماعدنا حظ بكلشي شنو السويناه حتى نعيش هيج تعيسات ولا وحده بينا مرتاحه

سليل : كولي  الْحٍمَدٍ للـّہ غيرنا اكو اتعس كلمن وقسمته

ريم : واكو غيرنا احسن ليش احنا مو من الناس الاحسن ليش ناخذ الشى الموزين والتعبان ويوميه مصيبه وكسره جديده ليش حظ ابونا وحظنا دوم اتعس الحظوظ

سليل : كاافي حبيبتي شوو تمددي وارتاحي

حطيت راسها بحضني وكمت العب بشعرها

طبت عمه نهر

نهر : شصار هسه كعدتني رشا شاربه فاليوم من وره الصار البارحه راسي يطك ومحسيت 

هسه رشا كالت على الصار

سليل : تعالي عمه شوفي ابن اخوج شسوه الدك صدره وكال اني واني وره يومين يفصخ

نهر : صخام بوجهه شصار

سليل : ريمو حبٌيــبتي سولفينا شصار

وبدت  تحجي بهدوء الصار

نهر : الله لا ينطيك علي على هاي الدكه

وين حسين وين هسه

ريم : بجهنم ماادري ولا اريد اعرف شى عنه

سليل : على كيفج گلبي راح تموتين

ريم : الله ياخذهم مكافي السوه قبل بابا وعيشونا الضيم ذوله شنو ميعرفون الله ميخافون منه ليش بس احنا نتعاقب على شى ممسوي وهمه عايشين احسن عيشة

نهر : ولج يمه كافي باع زردومج مو طك من العياط

ريم : يطبني طوب كله مني اني مو وجهه حب ولا زواج شجاني وحبيت اني والسعاده دوم بلعكس شجاني واريد اركض وراها اني من يوم ماخلفتني امي للدنيا كتبت على كصتي متعيشين طول عمرج مرتاحه

نهر : خلي اخابر طه يشوف شنو السالفه

صعدت رشا وكالت

عمو سجاد يمكن راح لحسين سمعته خابره كله انت وين جاييك

سليل : الله يستر

ريم : عوفوني وحدي

سليل : شلون نعوفج من كل عقلج

ريم : ابوس ايدكم عوفوني تره والله هسه اشمر روحي من السطح واخلص

رشا : امشو ننزل عوفوها براحتها

سليل : طلعنا مكدرنا نضغط عليها اول مره نشوفها هيج وترجف وحالها يبجي الصخر هاي ريم ام مضحكه الحلووه هيج كعدت جنات وغزل ونزلن جوه كلنا منعرف شنتصرف ونخاف نحجي شى وياها وتعيط

واجه سجاد وره جم ساعه هو وبابا والوجوه مطمن بخير

نهر : شصار

سجاد : حجينا وياه كال بس هاي الفتره خلي تعدي وحلف يحاول يقنع اهله

نهر : بله هاي سالفه واذا مكدر يقنع

سجاد : يطبه طوب هو من ايده

حجي طه : سويلي جاي نهر وحبايه براسيتول وياج راسي حيل يوجعني

سليل : عرفت بابا حيل تعبان مبين من حالته دخلت عمه نهر وياه وجنات ورشا وغزل راحو يم الطفله وبقيت اني وسجاد وحدنا تقربت منه وكتله

شصار عفيه جنت حيل خايفه على ريم

سجاد : وضعهم صعب وبلذات هو علي حالف يمين عليه وحتى امه يعني مطوقي من كل جهه

سليل : بس الي يحب يجاهد مو يدك الصدر ومن تصير صدك يفلت

سجاد : كلمن وظروفه ولتنسين هو وحيدهم هو يشوف من باب شلون اصير عاق الوالدين

سليل : يا والدين بله ليش هو مو يدري ميقبلون مو يدري انعام تموت من عدنا وعلي يشوف دم سنونه ولا يشوف طه شلون الي تغير

سجاد : عباله بس يزعلون ومن يعرفون يرضون بالامر الواقع

سليل : واحنا نضل بالافتراضات مو

سجاد : والله ردت افلش وجهه من شفت حاله ريم وركعته بلحايط بس انقهرت عليه من حجالي وضعه

سليل : يطبه طوب كسر اختي مصار يومين من حط الحلقه بيدها روح شوف حالها هاي ريم هاي التضحك للهوا

سجاد : زين ليش تعيطين عليه قابل اني حسين

سليل : كلكم نفس الشى توعدون ومتوفون كلها ادك الصدر وتاليها من اول اختبار اديرون وجهكم وترحون كلكم عندكم اهم شى نفسكم والي تحبكم طز بيها مو مهم

هي تنجازه ويه نفسها تنهار تبجي تحرك روحها يطبها وجع المهم انتم مرتاحين وعايشين حياتكم

انتبهت على نفسي وشفته صافن عليه

كمت وعفته وصعدت لريم الي من الصبح لهسه لا حس ولا نفس

بصعدتي صاح بابا صيحولي ريم

دخلت للغرفه لكيتها حاطه راسها بين رجلها ريموو حبيبتي بابا يريدج تكدرين تنزلين

ريم : اي اكدر

نزلت ودخلت يم بابا

ريم : جنت منهاره لدرجه يحجون ويايه وانفذ الي يكولوه بس بدون تركيز لهسه اكول احلم وراح افز والكه الحلقه بيدي وهذا كله من التعب اجاني كابوس

كعدت يم بابا

حجي طه : بنتي اعرف بيج مكسوره وتعبانه بس الصار صار جاي افهمج حسب كلامه هو يكول احاول اقنع اهلي واجيبهم لان حطوه بحايط سد ومنطوه مجال حتى يتنفس متوقع هيج ردت فعلهم وهم يخاف عليج من المشاكل

ريم : رفعت عيووني وكتله يعني ترضى هيج انهان يتنازل عني بكل سهوله

حجي طه : انتي هم بلحظه من اللحظات ردتي تتنازلين عنه بسهوله من كلتي اذا يحجون عليك ويقللون من قيمتك وبوكتها كتلج بابا مالج دخل بمشاكلنا

ريم : الوضع يختلف بابا انت متجاوزت عليهم ولا اكلت حقهم بيوم ولا حركت جهالهم وهمه نايمين ولا سديت بابك بوجهم وكت العازه ولا حتى فكرت بيوم تغدر بيهم لهذا مامسموح الهم يتجاوزون عليك فوك غلطهم الراكبهم والحرام الي سووه بحقك تريد يقللون من قيمتك اكيد مااسمح بس اني شنو الي مسويته الهم لا بيوم أذيتهم وحتى حسين من اجه خطب كتله حاول وياهم مطلبت منه يتجاوزهم

بس هو كال قافلين وماعندي غير طريقه

حجي طه : بنتي اني البارحه كتلج لتقررين شى واني عصبيه ينهدم الاول والتالي

ريم : كلشي اتحمل بلدنيا اله الخذلان اني مو مرتاحه وهاي اول صدمه بحياتي بابا اني جبتها واني جايه بس كلها اكول تهون لان انتم موجودين بس توصل لدرجه ينكسر اخر امل اليه بلدنيا حتى اعيش هذا الماقبله ولا اسامح عليه

حجي طه : زين لو انتي مكانه شسوين

ريم : لو اني مكانه اهدأ الوضع واخلي الايام تمر لحد ما يملون من الكلام عسى ولعل يجيب نتيجه وانعام اشوفها تموت تعيش واحاول اقنعها وحسب معرفت هي تحبه واكيد اذا ضغط عليها راح تساعده مو يتعارك ويه اهله ثاني اليوم الصبح يجيني مقرر يتركني حتى مفكر بغير حل غير طريق شاف اسهل طريقه يعوفني ليش يدوخ نفسه ويطب بدوامه جبيره وكال زيد وحجه عبيد من الاخير اعوفها وابرد راسي وعود الله كريم بعدها

حجي طه : بنتي اني من الاول مقبلت بهاي الطريقه تنخطبون وماقبلت اصلاً بخطوبتج منه بس انتي كلتي اريد افرح

ريم : اي ردت افرح وبما ان اني من الناس الي انكتب عليهم ممنوع الفرح المفروض انجب واكعد وماافكر اغير حياتي

حجي طه : روحي ارتاحي باباتي وربج البيه خير يصير

ريم : كمت ردت اطلع ورجعت بس سؤال بابا وبروح جدو تجاوب طلكني عند السيد لو لا

دنج بابا مخنوك وكال اي بابا طلك هو رجعنا مناك

ريم : مو كتلك اختار اقصر طريق حتى يريح باله حسبي الله ونعم الوكيل

وطلعت

صعدت لغرفتي ولزمت تلفوني دزيت رساله اله كتبت كلمة وحده شكراً

وطفيته

سليل : من يومها وحال ريم تغير تماماً من حركه دمها ثاني يوم اكو بكع صغار اختفن قبل وهسه رجعن توسلت اخذها للطبيب مقبلت

رشا : ريموو حبيبي تعالي تعشي

ريم : مجوعانه

رشا : هااا ولج اول تالي ام بطن متجوعين

ريم : عفيه رشا عوفيني براحتي

رشا : ويانه على الواهس الله عليج

ريم : مااريد عوفوني

سليل : صارت حياه ريم عباره عن نوم هوايه والاكل نتوسل بيها تواسيل يله تاكل لكمه وتشرب مي وتصعد وردة وذبلت لا ضحكه لا شقه لا اكل حتى بيتنا اختفت الضحكه منه

ويوم بعد يوم وصار ٣ اسابيع على هذا الحال لو عدنا ميت هم مجان حالنا هيج

شعلان : شوكت ترجعين عاد للبيت مو صرتي زينه

رشا : وريم شلون اعوفها

شعلان : ميصير ياعيني عايفتني وعايفه بيتج وريم قسمه ومصارت والله يعوضها بالاحسن منه الحياه تمشي رشا متوكف على احد

رشا : گلبي مينطيني اعوفها عفيه

شعلان : نروح ونرجع عود بس خلي نرجع لبيتنا مو والله تبهذلت يابغداد ياكوت سويتها العلاوي من الروحه والرجعه يومين هنا وكم يوم هناك محتاجج رشاوي يمي والله ميت شوق عليج ومن اجي هنا استحي حتى ابوسج اخاف احد يطب وزحمه

رشا : اووووف مااشي نروح باجر

شعلان : فدوه لام فرح الغااليه

اروح اكمل كم شغله حتى انروح باجر

رشا : روح الله وياك

سليل : هاي الفتره كلها سجاد مدور على شقه لان التهه ويه بابا بلمطعم يطلع ويااه من الصبح لان عمو محسن مسافر لابنه بلسويد صارله اكثر من شهر بعد حفله نجاح ريم سافر لهذا بابا احتاج سجاد وياه على العمال جان يطلعون الصبح ويرجعون بليل

على كد العشا يتعشى وينام حتى مااشوفه ولا يشوفني ومرات اتقصد ماانزل عده ايام من اسمع صوته وباقيه يم الريم الي لهسه مجتازت صدمتها

كعدت يمها مثل كل يوم

ريموو حبيبتي اكلي شويه والله عمه سوت خير من الله وسجاد جابلج كص ورشا سوت بسبوسه الي تحبيها

ريم : مااريد

سليل : مو ريم الي تكول للاكل مااريد

ريم : ريم منو

سليل : هااي شبيج ريمو

ريم : ذيج ماتت موتها واحد صورلها الدنيا حب وجنه وحياه سعيده مثل الافلام والمسلسلات التركيه طيرها للسما وتالي برجله دفعها للكاع لحد موكعت على راسها وماتت

سليل : ولا توقعتج هيج ضعيفه

ريم : جنت الومج من تبجين وتنهارين واكول شصار واذا عافها قابل شكوو هسه حسيت بأحساسج سليل هسه والله ودمعت عيووني

سليل : حضنتها الله لايوفقهم بحق النبي ويكسر گلبهم مثل مكسرو گلبج

يله كومي ويانه العشا ميحله بلياج

ريم : مااريد اترجاج سليل عوفوني اريد ابقى وحدي

سليل : والله بابا يكوم ويكعد منهار وتعبان وميعرف شيسوي يحس بذنب

ريم : حبيبي بابا هو شعليه فوك زينيته عباله ابن اخوه رجال ورادني انسعد

سليل : كومي من يشوفج كاعده بنصنا شويه يرتاح

ريم : كمت لخاطر بابا نزلت اكلت مكدرت حتى اكمل ربع صمونه الكل هادئ يترقب الكلمة مني بس اني ساكته ترخصت وصعدت مكدرت لدرجه نمت واني منعسانه غصبت نفسي مااريد احجي ويه اي احد

وثاني يوم حتى الوكت مااعرفه فقدت احساسي بلوكت اجت عمه يم راسي

نهر : يمه ريم حسين جوه يريد يحجي وياج

ريم : نبض گلبي بقوه والم كمت من فراشي شيريد

نهر : والله ماادري كال بس احجي وياها

ريم : مااريد اشوف وجهه

نهر : يمه شوفي سمعي هسه صار ٣ اسابيع شويه ماهديتي يجوز هسه من تكعدين وياه راح تفهمي

ريم : مااشي

شويه وجايه وراج

كمت على المرايه عدلت نفسي وباوعت عيووني المورمه حطيت كحل الهن ورتبت شعري ولبست تراكسود جديد عندي تقصدت انزل مرتبه مو حتى اعجبه لا حتى ليكول كسرتها

نزلت واباوع البنات استغربن الترتيب البي اني

سليل : من رخصتكم يله بنات ورانه شغل

جنات : تعالي غزوله نشوف اموري كعد لو لا

ريم : عافونه الكل وحدنا واجه بوكت لا بابا ولا سجاد لان بلمطعم

باوعت عليه شلون لحيته عاليه وجهه ضعفان ومبين تعبان

اول مبقينا وحدنا تقرب مني راد يلزم ايدي سحبتها

اياااك لتنسى اني محرمه عليك هسه

حسين : ليش هيج تعذبيني

ريم : نعم اعذبك شو احسك مفتهم الموضوع بلمكلوبي هو منو العاف منو

حسين : مو كتلج فتره ونرجع

ريم : وشنو مجبوريتي اتحمل وارضخ

حسين : ريم بليه عناد كتلج فتره احاول اقنعهم صار ايام ادك عليج ومغلق تلفونج وكل مااخابر عمه تكول لو نايمه لو تبجي او متاكل ليش هيج ياعيني

ريم : لا عبالك ابجي ومااكل علمودك لا غلطان اني ابجي على عقلي الصغير الصدكك ابجي على غبائي من توقعت تحارب الدنيا لخاطري وتوكف بوجهه الكل

حسين : يعني شتردين تصير بحر دم يله ترتاحين

ريم : ليش هو وينه بحر العسل الي متوقعه يصير بعد متعوفني يعني استاذ حسين تره بحر الدم التحجي عليه موجود من قبل ماانولد اني وياك موجود يوم ماسجلت بيبيتك ابويه بأسمها ولعبت بحاله لعب وزوجته وحده متستاهله موجود يوم ماطردوه من بيت ابوه ويشوفوه حسره عليه الفلس وهمه يلعبون بلفلوس لعب

موجود يوم ما بابا كتل سلام الي لحد هسه منعرف السبب وموجود بحر الدم ويمشي جوانا يوم ما بيبيتك الي تحبها والي تنازلت عني لخاطرها من حركت البيت واحنا نايمين وهاي نتيجتها اني بهاق وذيج حرك

بعد كل هاي المصايب والبلاوي تحسسني خطوبتنا هي الي راح تسوي هذا البحر

بله متسكت رحمه لجدك مااكول لبيبيتك لان متستاهل حتى الرحمه

حسين : اعرف كل الكلتي بس راح يزداد والله اعلم شراح يسوي ابويه

ريم : تقربت منه وضربت حيل على صدره وبأعصاب وكتله لعد من دكيت هذا الصدر وابوكج واذبح واصلخ لعيونج وين جان ابوك هسه يله عرفت ابوك مؤذي مو انت نفسك الي حذرت بابا قبل سنين اخاف يأذونه وطلعنا بليله ظلمه للكوت مو سمعت ابوك وبيبيتك شلون يخططون على اذيتنا ليش تمثل دور المصدوم بأهلك وهسه عرفت بيهم همه مأذيين

حسين : ريم اني احبج والقران احبج بس

ريم : لتكول بس ميهمني تحبني او تعشقني المهم تثبتلي هذا الحب شسوي بلكلام يمكثل الكلام حتى بلجرايد والتلفزيون وبكل مكان الكلام ماكو اسهل منه حسين اني بيوم صدكتك وامنت بيك ومشيت عمياوي وياك وانت بلنتيجه شسويت طيحت حظي وكسرتني حتى ملحكت افرح بخطوبتي منك حتى منطيت مجال بنفس اليوم فصخت وطلكت لهاي الدرجه سهله عليك ركضت ركض حتى ترضيهم زين واني مفكرت بيه مكلت من تشوفني اركض حتى بس اعوفها اخاف تتأذه يصير بيها شى خلي تمر كم يوم ونطلك مكدرت كله حار بحار حتى نوريه وانعام ميزعلن

حسين : مراح تفهميني والله سويت هيج حتى اهدأ الوضع واكدر ارتب اموري تعرفين بيه روحي بيج ومااكدر بلياج بس اذا ماطلت راح تزداد المشاكل

ريم : اوك هم وياك طلكت ومشت الايام

وهسه جاي وتكول احبج على عيني وراسي سويت شى صار ٣ اسابيع انعام وطلعت والوضع اكيد عندك بلبيت استقر كدرت تعدل الحال كدرت تقنعهم كدرت توكف موقف رجولي واحد وتثبتلي حبك احجي صار شى تغير شى جره حسره وكاال

حسين : لا

ريم : شفت انت لكيت اسهل حل تفصخ الخطوبه وترضي اهلك وعود اقنع هاي الفطيره ريم بلفه بحلويات متعلمه تزعل وهيج اراضيها نسيت هاي ريم كبرت وعقلت وانكسرت والي ينكسر ميتصلح

حسين : ريمتي حبيبتي بس اصبري كم شهر والله احلها مااكدر بدونج والله ظرفي هيج حكم وان شاء الله احاول احله

ريم : لا ريمتك ولا ريمه احد روح حسين الله وياك واياك بيوم تشوفني وجهك مو ريم الي يخذلها تبقى تحبه تشوفني اضحك واشاقه تكول زوج واكدر اقشمرها بلحبيات وهاي الامور تره بعدك مشايف وجهي الثاني

وهااا نصيحه مني الشى التشوفه جبير عليك لتنفخ نفسك حتى تصير بكده لان تاليتك من تشيله يوكع على راسك

حسين : ريم لتعوفيني والله اني بين نارين ومااعرف شصرف

ريم : ناري طفت حسين حير بنار اهلك الي راح تاكلك بيوم ومتدري بروحك

وهاااا ماامنعك من بيت عمك بس رجاءً اذا اجيت لتكول الهم صيحولي ريم لان انت انتهيت بلنسبه اليه

من رخصتك ابن عمي

حسين : ريم خلي نتفاهم نسيتي اني منو اني سحليه

ريم : كبرنا حسين وماكو بعد لا ساسوكي ولا سحليه متشوف جنت دوم اكول مااريد اكبر وهاي تاليهاا الله يوفقك

عفته وصعدت احس نار تاكل بيه اريد اعيط اصيح املخ روحي بس بنفس الوقت مااريد كدام احد

سليل : سمعنا سده الباب ركضنا على ريم

ريم : هااا شبيكم

نهر : بيج شى يمه

ريم : اي بيه

رشا : شبيج ريمو

ريم : مكسوره رشاوي

رشا : حضنتها وابجي وياها

سليل : عساها بحضهم وبختهم الميخافون من الله

نهر : اذا مااروح والعب بيهم طوبه مكافي الصار قبل يردون انتم هم تدمرون

ريم : اياج عمه راح تنزلين من قدري الي يريدني يجيني مو اني الاتوسل بلناس حتى تقبل بيه هاي قبل من جنت اكتل الجهال حتى يلعبون ويايه هسه لا ولت ذيج الايام كبرت ومااقبل احد يمس كرامتي ولا يقلل من قيمتي ابن اخوج اختار والي يجدي من ايده الله يزيده

رشا : فدووة بلسباعيه هيج اريدج

غزل : رشاوي اجه شعلان كال كملت

رشا : شلوون عفيه مااريد اروح

ريم : روحي لتخافين مابيه شى بس قبل لترحين جيبيلي فرح ابوسها

رشا : مو كلتي فرخه سميها التردي والله قابله فرخه دجاجه ديج بس ارجعي ضحكي

ريم : الله كريم روحي انزلي لزوجج ليصير عصبي

سليل : ودعنا رشا وطفلتها وراحت للكوت ورجع بيتنا خالي منها بس قبل هوسه ريم شويه مصبرتنا هسه كملت ورجعت ريم تقوقعت لا اكل ولا طلعه عجزنا وياها حتى بابا يحجي وياها تكول اي وتبتسم وتكعد تاكل لكمه وتكول وهاي مر شهر ونص على هذا الضيم هي متبجي بس احسها منهاره ياريت تبجي حتى ترتاح ماكو طلبت من ماما نهر  ريم تنتقل لغرفتي وجنات خطيه كالت اروح هناك لان لا اني ولا هي انام اقلها نبقى سوه مرات نبقى كاعدين ساكتين ومرات نسولف وبهاي الفتره حسيتها كبرت عشر سنين فوك عمرها ودوم هادئه هسه حسينا بقيمتها وبقيمة هوستها هسه عرفنا قصد بابا من يكول ريم ضحكة هذا البيت وفعلاً هي ضحكة البيت وسعادته وهسه راحت

وبعدها بكم يوم واندكت الباب وطب عمو محسن جان طاير فرحان لان اجانه

محسن : هااا ولجن شلعبتن بغيابي ورشا وينها كالو صارت ام الفصعونه والله وكبرتنا

نهر : راحت رجعت لبيتها

محسن : خرب مالحكت عليها هسه اخابرها

اكلكم ريم وينها

سليل : اووف ياعمو لو تدري

محسن : شبيهه استشهدت

غزل : تكدر تكول هيج

محسن : شنو السالفه الوجوه تتلاطم

نهر : اني اسولفلك ياخويه وكعدت تسولف كلشي لعمو وجهه ضاج وحيل ورث تكول نار صار اول مره اشوفه هيج

محسن : وينها هسه هي

سليل : فوك بغرفتها

محسن : بس شوفيها كاعده اريد احجي وياها

سليل : صار عمو وصعدت كتلها اكو واحد يريد يحجي وياج كعدت وعدلت كعدتها وملابسها

منو مد راسه عمو

محسن : اني الحلو الاخبل دنجوان العراق

ريم : عمو محسن وحضنته وكمت ابجي

محسن : هاااي شنو ولج ريم تبجي لا لا من باجر اروح للعمره راح تقوم القيامه

ريم : أذوني عمو وخرني من حضنه وكعد يمي

محسن : هاي الدموع تنمسح مااقبل بنتي هيج تسوي

ريم : شفته عمو شسوه بيه

محسن : واذا قابل متي هاج مثل الشاذي كاعده وحابسه روحج بلغرفه

ريم : كارهه كلشي حتى نفسي كارهتها

محسن : شوفي ريم بنتي عشت سنين اشكال المصايب والبلاوي جنت كل مااوكع بضيق اكول هاي اكبر شى بلدنيا وبعد مااكوم منها ومن اكوم اكول هاي شكد جانت البلوه صغيره ليش هيج انطيتها اكبر من حجمها الله سبحانه وتعالى انطانه نعمه النسيان حتى تكدرين تنسين الالم النتي بيه لازم تكومين توكفين على حيلج لا انتي اول ولا اخر وحده متزوجت الي تحبه ومن الاول اثنينكم تدرون علي وطه مابيوم يحطون ايدهم سوه ليش تلعبون بلنار هذا اليلعب بلنار يابنتي وحسين مع الاسف مكدر عليها وحرك گلبج وهم هم احترك اعذري بنتي يبقون اهله يجوز احنا نكرهم لان أذوج واذوه طه وخواته بس هو بجاه اهله مدلل ومايوم قصرو عليه وحتى هسه ارقى سياره راكب ويشتغل ويه ابوه وراح يفتح محل بأسمه يعني ممقصر على ابنه لهذا حسين يحبهم ويحبج وكع بضيق ومعرف يتصرف

ريم : واني مااريده بعد نزل من نظري

محسن : هذا هو لتردي يطبه صخل اعور بس لتضوجين

ريم : هههه والله اشتاقيتلك

محسن : واني لو ادري هيج حالج ولا اجي

ريم : ليش

محسن : شوفي نفسج خنفسانه واكعه على ظهرها ومتكدر تكوم شنو هاي كفشتج

ريم : هههههه اشكرك عمو ماقصرت صرت خنفسانه

محسن : واذا ماكمتي وغسلتي ونزلتي ويايه الله اعلم شسويج

ريم : مااريد اكوم جان يجر المخده ويضربني بيها الزميها

هاااا

محسن : الزميها

ريم : لزمتها

محسن : حطيها بوجهج حيييل

ريم : هااا راح تموتني

محسن : حطيها

ريم : حطيتها

محسين : عيطي

ريم : شنو

محسن : عيطي حييييل اريد من وره المخده واسمع عياطج شكوو بيج طلعي

ريم : هنا حسيت واحد وكال خلي افتح جرحج وانظفه وبديت اعيط حيييل

محسن : اقوى

ريم : وكمت اعيط اقوى واقوى واشهك وابجي صار شهر ونص كاتمته طلعت واعيط بكل قوتي الله ياخذكم حسبي الله ونعم الوكيل بيكم عساكم بقهرتي وأذيتي جنت منهاره بس حاطه المخده على وجهي حييل لدرجه حسيت الهوا خلص بس محاسه من كثر ممنهاره لك حسين ليش هيج مو اني ريمتك ليش تأذيني جنت دوم اشكيلك وهسه لمنو اشكي جنت مرايتي وكسرتها بيدك ليش خليتني احبك واتعلق بيك وتالي هيج تجازيني ليشش عساها بحظكم وبختكم اشوف يوم بيكم تتأذون وتنكسرون مثل ماأذيتوني وابجي لحد مراح صوتي وخر المخده مني عمووو لكيت الكل موجود ويبجي ويايه حتى عمو محسن مدمعه عيوونه

محسن : ارتاحيتي

ريم : اشرت براسي مو بس ارتاحيت وتعبت حييل

محسن : جيبولها مي واكل خلي تاكل ومن باجر ترجعين للطبيب مالتج هذا البوجهج رجع

ريم : مااريد عمو اروح

محسن : مو بكيفج واذا على الزواج ازوجج لفيصل الخبل وانتي خبله وشهر العسل بلشماعيه وامري لله

ريم : هههههه مااتزوج بعد

محسن : مو بكيفج وفيصل جاي نهايه السنه كوه قنعته يجي للعراق

نهر: يجي بلسلامه

محسن : يله خبالو كومي نشنشي البيت كأيب بدونج شوفي وجوهن جنهن صخول سارحات بلجول ضالات لامي ولا اكل

نهر : خلف الله عليك تالي عمري صرت صخله

محسن : لا انتي الراعي لا تضوجين ولابسه دشداشه وبيدج عوده مكسوره وتلعبين بخشمج

نهر : ههههههه لعبتها لروحي اروح اسوي اكل

محسن : غسلي ايدج مو تنسين

وانتي يله وسحب ريم من ياختها وكومها من الفراش

سليل : كدر عمو محسن بضحكته يسحب ريم من جو العزله الجانت بيها صّـْْ(☑)ـْْحّ مرجعت مثل قبل بس على الاقل متكعد وحدها وكت طويل وتاكل شى بسيط وتكوم

اخذتها للطبيب اني وعمه ودخلت اله

سامر : ليش راجع بوجهج هذا شصار ريم

ريم : ماكو شى دكتور

سامر : مستحيل اله محروك دمج حركه زينه يله تعلمين دكتور جلديه

ريم : اي قهره بسيطه وراحت

سامر : تدرين بسوايتج هاي ضيعتي علاج اكثر من سنتين ونص ليش ريم

ريم : اذا اني ضعت بقت على هاي

سامر : اول مره اشوفج هيج متعلم عليج تضحكين وتنصبين شنو المطفيج

ريم : ماكو شى دكتور لتهتم

سامر : اكيد مالي حق ادخل بخصوصياتج بس شفت وضعج مو تمام وهذا الشى غلط على سير العلاج

ريم : دكتور والله مليت من العلاجات ويمكن مااستمر بعد

سامر : لتضيعين تعبي وتعبج

ريم : الله كريم

سامر : راح انطيج علاج جديد جابوه من المانيا وضفنا عليه شغلات وسوينا خبطه جابت خوش نتيجه

ريم : شكراً دكتور تعبتك وسلملي على زينه

طلعت منه واني مطايقه الهوا ورجعت للعلاج

سليل : مرت الايام وسجاد انتقل من عدنا بس بلشارع المقابيلنه مو بعيد وفتح محل فيتر للسيارات الحديثه واثنين عمال جوه ايده وحسب كلام ماما نهر شغله زين واني اروح واجي لدوامي اي شى مصار تغيير

وبيوم اجتني ماما كالت خطابه اجوج جوارين ورفضت

نهر : ليش ياامي متوبين خلصتي عمرج مترضين بهذا وذاك ولج يمه كبرتي واذا اليوم اجاج ولد بعد جم يوم يجيج المطلق والارمل

شتنتظرين لخاطر ربج

سليل : انت عبالج انتظر سجاد

نهر : لا تنتظرين ابويه مبينه ذيج تصيح للسما

سليل : ماما اني أيست منه تره وما منتظرته ولا منتظره غيره

نهر : لعد ليش متقبلين بله

سليل : يوم اني حياتي عباره عن فلم هندي البطل حب البطله وبنهايه الفلم طلع اخوها

نهر : هااي شنو ناصبه عليه

سليل : ههههه لا حبيبتي الي اقصده شلون انخطب

نهر : مثل الوادم شلون يعني

سليل : اجه خطب وسألني ليش فصختي شكول اله جنت متزوجه وخطيبي عرف بيه متزوجه وعافني واجه زوجي وعرف بيه مخطوبه وعافني وبطتنا بطت بطن بطتكم

وانت هسه راح تخطبني وراح تعرف بيه مخطوبه ومتزوجه وراح تعوفني

نهر : ولج دخلت وعلي

سليل : شفتي يوم هذا القصدته حياتي معقده ومااريد ادخل بمتاهات اني بغنى عنها وادري كلش زين اي واحد راح يخطبني مراح يتقبل الوضع الجنت بيه ليش بعد اجازف وادخل بتجربه فاشله خليني هيج وحيده وسعيده

نهر : الى متى اريد اشوف خلفتج

سليل : الله كريم اروح اسبح راجعه هسه من الدوام وتعبانه

نهر : راحت سليل لزمت التلفون ودكيت على سجاد

سجاد : هااا شعجب دكيتي

نهر : اسمع ابن خالي اني گلبي ورم منك ومنها

سجاد : شكوو شصار

نهر : هاي سليل اجوها خطابه ومتقبل

سجاد : واني شعليه

نهر : هااا خوش شعليك يعني متريدها موو حتى اكول لطه نجبرها توافق

سجاد : هسه هي رفضت عوفيها براحتها

نهر : خو انت مكيف مووو

سجاد : نهر عوفي سليل مالج دخل بيها

نهر : لك انت شنو من ياطينه مصنوع لا انت ماخذها وفاض هاي اللغوه ولا عايفها تتزوج

سجاد : عندي شغل خلي اروح

نهر : سجاد

سجاد : شكوو

نهر : بطلت تحبها سكت وكال اكو واحد يبطل يشتم الهوا

صخم الله وجهك اذا متتزوجها واذا مااحرك ابوها واخليها تنخطب وعود خلي انفاسك تنكطع حيل بيك وابو زايد

وجان اسد الخط بوجهه

طكو گلبي اذا مو هيج سنونهم توكع وذوله مامتزوجين

سليل : دخلنا سنه ٢٠١١ وماكو اي جديد حياتنا هادئه ورشا تعاني من هند تريدها تحبل بولد شلون خلفت بنيه تريد ولد ويوميه عركه خلصتها مالخ وريم كاعده بلبيت هادئه اما غزوله سادس وتقرا عيونها راحت واجه فيصل ابن محسن شفناه على السريع سلم وراح جان شاب حلوو وطويل وانيق حييل بس مغرور عكس ابوه مبين

ولو منكدر نحكم عليه لان كل الوقت الي كعدنه بيها متجاوزت الربع ساعه

وبعدها مشفناه

ايامنا تمشي بينا بهدوء ودوم الهدوء يسبق العاصفه هيج تعودنا شهر بعد شهر اني دوام اروح واجي بدربي ريم بلبيت ومرات تجي زينه يمها الي قوت علاقتها اخر فتره بيها اما جنات ويه ماما نهر دوم وحايره بأموري الگبر وصارت هوسته تارسه البيت بس روحنا بيه لان دوم ويانه

وبابا بلمطعم ورزقه  الْحٍمَدٍ للـّہ حيل تحسن وكمل فلوس جنات حطها الها بلمصرف حتى اخاف تحتاج يبقى ذخر الها ولابنها الي من يوم ما اجت بلبيت وبابا متكفل بكل مصاريفها ومصاريف ابنها

اني راتبي اضمه ميقبل بابا اصرف منه فلس وماما اقترحت عليه اشتري ذهب واضمه واني هم مكذبت خبر لميت مبلغ ورحت للصايغ وجبت لكل وحده بينا سوار ذهب اليه ولماما وغزل وريم وحتى جنات ورشا صّـْْ(☑)ـْْحّ مو ثكال بس حلووات وكل وحده موديل شكل

ماانسى منظر ريم من نزعت سوار حسين وحطت السوار الي جبته وحطته بلكنتور

سليل : ليش نزعتي

ريم : راح ويه الي راحو هديتج عندي اغلى

سليل : محبيت اشتري لروحي وخواتي ماعدهن وخاصه راتبي زين ومااصرف منه ودزيت سوار رشا بيد شعلان من اجه لبغداد مره زياره سريعه حبيت اني وخواتي نلبس نفس الشى وعود وراها اجمع ذهب واضم

نجحت غزل وطلعت معدل زين بس قبولها طلع اداره واقتصاد قسم احصاء بجت بجي بوكتها عيونها ورمت وبابا قرر يدخلها مسائي رغم امكانيتنا مو مال مسائي بس مراد يكسر بخاطرها وقررت اني ادفع نص القسط وهو نص في سبيل تدخل وقدمنا الها تحليلات مرضية جامعه المستنصريه وانقبلت بعد ملكه عمو محسن واسطه خطيه مخبوص دوم بينا ياهو التتعين بجاهه ياهو التريد واسطه يركض بيها هو مجامل ولسان لهذا معارف هواي عنده

واشترينا الصدريه لحضرت المحلله غزل جانت فرحتنا مو طبيعيه واخيراً اخر غزاله من غزالات الحجي طه دخلت للكليه

كاعدين فرحانين واجت ريم كالت

ريم : اليوم خابرتني زينه

نهر : اي خير شبيهه

ريم : تريد تجي هي وامها واخوها

نهر : هله بيهم بس ليش

ريم : تكول يريد اخويه يخطبج

سليل : جنت اشرب شاني غصيت وطلع من خشمي عزه ياخطوبه

ريم : ليش ميصير انخطب

نهر : وحسين

ريم : وينه ابن اخوج صار سنه كامله وينه سمعتي حسه اجه ودك الباب وكال جايب اهلي وجاي

سليل : ريم لتستعجلين وتغلطين غلطتي

ريم : راح اكول هذا الشى بس لتزعلين مني انتي اختي الجبيره وبمقام امي بس الحق حق

اني مو مثلج سليل اني متصل حسين بيه وتعاركت وياه وبس سديته منه رحت انخطبت اني حاربت وتعاركت وقبلت ادخل بلنار لخاطره وره يومين فصخ الخطوبه وهم كلت يجوز يسوي شى انتظر وشهر جر شهر وجر شهر وصار ١٣ شهر انتظر صار سنه وشهر ياسليل انتظر ولو اعرف اكو امل انتظر العمر كله ولو اعرف حسين كدها ويكدر يحارب هم انتظر بس كدامكم وينه هااا وينه عود ضل مده يتصل ومااجاوب وبعدها دار وجهه وراح خابري عمج وسألي وين حسين راح يكلج بتركيا ويه ابوه وقبلها بماليزيا لا عبالكم مااعرف شئ عنه بس حسين عاش حياته بلطول والعرض ونسى اكو وحده دمرها ودار وجهه وراح

اني مو مثلج سليل انتي منتظرتي عمو وانتقمتي منه بخطوبتج بس اني مجاي انتقم من احد اني جاي اعيش جاي اثبت للكل واولهم نوريه وانعام اكدر اتزوج اغات حسين دكتور وابن عائله راد البكعه راد بت طه

نهر : وثبتي وبعدين تعيشين ويه واحد متحبي

ريم : كالها عمو قبل واني هسه اعيدها اني مو اول ولا اخر وحده تحب ومتاخذ الي تحبه الالاف البنات تزوجن مو عن حب وعايشات احسن عيشه واني مامستعده اضيع عمري لخاطر واحد يتونس ويخلصها كالت امي وكال ابويه وهذا زعل وهذ رضا وانعام تحط رجل على رجل وتكول طلكها

وهو يركض يطلك اريد رجاال افتهمتو شنو يعني رجال واريد اهل يقبلوني بينهم مو منبوذه العمر كله خلصت عمري كله منبوذه من الكل كاافي تعبت

سليل : فدووه ريم فكري زين

ريم : ماعندي شى تره اني مقبلت الناس حسب الاصول راح يجون وبابا وعمو يسألون عنه اني طول فتره العلاج مشفت شى موزين عنه بلعكس اخلاق ومؤدب وزينه كدامكم حبابه وهادئه وتحبني اذا اكو شى موزين اكيد مااقبل والرأي الاول والاخير لبابا اذا شافه مناسب اليه اني موافقه

سليل : بقينا نتصفن شنسوي

نهر : اخابر على حسين

سليل : خابري وشوفي وبيومها اندك ومغلق اندك ومغلق

سمعتي كالت بتركيا شلون نوصل اله

غزل : والله اني اكول احسن تتزوج الدكتور شحصلت من حسين هاكم شفتو حالها هاي ريمو الي تتعارك على المصاصه والجبس هاي ريمو الي توكف براس الدرج وتعيط جوعانه وتجر اللفه من ايدي شوفو حالها شكد تعبانه هي متبجي ولا تحسسنا مقهوره بس مرجعت مثل قبل ابد رغم صار سنه على سالفه الخطوبه مالتها عفيه خلوها تختار براحتها وحسين هو الخسرها سنه وينه عنها

سليل : جريت نفس تأخرت يا حسين عن ريمتك وراح تروح منك

اجوي اهل الولد وفعلاً ناس بسيطين والام كلش حبابه وشافت ريم تخبلت عليها وجانت طالعه حلووه بساطه مكياجها الي صارت محترفه بيه ولابسه وستره وبنطرون وهي طويله وصاحبه جسم رشيق طالعه مو ريم فعلاً راقية

سجاد وبابا سألو عنه وجانت سمعته طيبه والكل تحمد باخلاقه واجه بابا عليها وبلغها

جان رد ريم الوحيد

اذا انتم موافقين عليه اني موافقه

حجي طه : وحسين

ريم : ابن عمي وبس

حجي طه : بنتي فكري زين هذا زواج كافي الصار

ريم : اي والله بابا كافي الصار كلشي قسمه بلحياه واني راضيه بقسمتي بس ادعيلي يطلع ابن حلال ويراعي الله بيه

سليل : وبعد شهر قرو فاتحة الدكتور سامر على ريم وقطع حقها وبعد شهر الزواج

وعم الخبر للكل لكن مع الاسف الوحيد المجان يعرف هو حسين

يتبع .....

#ادمن_مدونة_نور_قلبي

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الرابع_والعشرون

اسألك يـاگمر وبگلب مجروح

هـم تشوف ولفي وتعرف أخباره

أحترگ گلبي احس بنـار الاشواگ

وراح إلي يطفي من الگلب نــاره

وراح ومــاسئل لايـدري بـالحـال

وعلى حالي بقت الناس محتاره

ومثل حال اليتيم العـاشر النوح

حزين ويبجي وحـده وگـاعد بداره

ومثل أعمـى صـرت غدرتـه دنيــاه

المـايعـرف الليـل وضيع انهــاره

هيج اني صـرت هجـرتني الافـراح

وبقـت بس الدمــوع بخـدي تتجـاره

ريم : قروا اليوم الفاتحه وكطعو حقي ثاني مره تصير بس وين الاولى وين الثانيه بالاولى جنت فراشه طايره بين الورود مالكه الورد كله الها واليوم طيره مذبوحه بس يحاولون يداون جرحهه كاعده بصف رجال غير حسين غير الي تمنيته غير الحلمت بيه انسان مااعرفه ولا اكو مشاعر تربطني بيه ولا حتى لغه حوار بس مجرد قسمه وصارت

لبسني الحلقه كل حركه تصير ينعاد عليه يوم المهر مالتي ويه حسين بس الفرق هناك الضحكه تشك وجهي والفرحه اطير من گلبي وهنا هادئه وبس ابتسامه مجامله جنت دوم اكول شلون الوحده تتزوج المتحبه شلون تكعد يم رجال غريب متعرف شى عنه ويلزمها ويحجي وياها وتتسمى على اسمه شلون تكدر تنام وتكعد وتاكل وتشرب ويااه وهي متعرفه قبل وعادي حياتها ماشية وساكته ومتقبله الوضع سؤال شكد جنت اسأله واليوم  داعيش مثلهن

سامر : مبروك

ريم : الله يبارك بيك

زينه : صرتي مرت اخويه وحضنتني وتبوس بيه

ام سامر : بلخير بنيتي مهنايه ان شاء الله

ريم : شكراً خاله

اباوع على خواتي الي مفضوحه عيونهن القهر كاتلهن عليه ولا وحده منهن تجاملني كلهن مقهورات صحتهن تعالو اريد صوره وياكم

انطيت الموبايل لزينه اخذيلنا عفيه

كعدو يمنا سليل ورشا وغزل واخذنا صوره واشرت لجنات تصيح عمه وتجي وهم نفس الكعده كلنا بس ويانه جنات وعمه باركولي بس الدمعه بعينهن

ام سامر : بنتي تردين مهر حفله جبيره ونجيب النيشان

سامر : اني اشوف ماله داعي منا لشهر نتزوج شتكولين

ريم : براحتكم

سليل : مو بسرعه

سامر : اني كلشي كامل عندي بس غرفه النوم تختارها ليش بعد نأجل العرس

نهر : شتكولين بنتي

ريم : براحتكم

هاي الكلمة الوحيده الي جنا نسمعها من ريم بكيفكم وبراحتكم وعلى هذا الاساس مشت الايام

نركض ونجهز للعرس وهي ويانه بس جسد بلا روح هادئه بشكل عجيب

واجت رشا من الكوت حاولنا نفرحها بس هي مثل كل مره تبتسم بسمه عاديه وتسكت نريدها بيوم تفرح ماكو

باجر  زواجها واليوم الحنه بيناتنا سويناها

رحنا للصالون كلنا ردنا نشجعها واجرنا بدلات حتى جنات نزعناها الاسود كافي صار سنين لابسته واستلمتنا ام الصالون وحده وحده من خلصنا نباوع الوجوه انگلبت وحده احلى من الثانيه بس جان التركيز على ريمو كلنا تسريحات اله غزل مقبلت تنزع الحجاب رغم بس نسوان لحد مقنعتها ام الصالون تسوي بلربطه جانت ستن على شكل عنق يغطي الحرق وفتحت شعر غزل الجان اطول شعر بينا نازل جوه ظهرها

ام صالون مباشره كالت والله شعر يخبل ومباشره عاطت رشا بيها صلي على محمد

ام الصالون : اللهم صلِ على محمد شكلت عيني

رشا : ماكلتي بس شهكتي

ام الصالون : هههه لا عيني ماشهكت

رشا : ذكرني من نرجع انطكطك حرمل اكو ناس عينها مالحه تحسد

سليل : ااخ منج رشا ولا تسكت

وبدت تشتغل بشعر غزل الي طلبت تسريحه على طول شعرها وتضفر هنديه براسها جانت تسريحه تخبل وغريبه

رشا : اجه شعلان وسجاد ياخذونا يله ولجن عمه وحدها

سليل : جنت لابسه بدله كيمونه اول مره البس هيج كصيفه ولحد الرگبه لان اعرف بس نسوان سوده ومكياج هادئ لان اصلاً المكياج الطوخ يلعب النفس

طلعنا لابسات جبب وربطات اشرلي سجاد تعالي يمي وصعدت ليكدام وريم ليوره وغزل وجنات ورشا ويه شعلان

يسوق وبدون ميندار عليه

سجاد : نزلي الشال على راسج زين

سليل : نزلت المرايه الي كبالي كتله ماكو شعري مطالع

سجاد : وهذا القرقوز الي بوجهج مليان وجهج مكياج مشايفه مكياج وتارسته

سليل : ضجت منه حيل كسر واهسي كتله بهدوء عاجبني وبكيفي جر نفس قوي وساق سريع الصالون قريب من عدنا بسرعه وصلنا

بس نزلت ركض للبيت صعدت للغرفه وعلى المرايه  مسحت الباودر تارستني ترس كوه تسويني بيضه رتبته ومسحته اكثره طلع وجهي حلوو ومرتب

هااا ولجن هسه شلوني

غزل : اي ماما هسه يخبل طالع همزين مقبلت تحطلي

رشا : اني والله حطيت اريد اشعل شعلان اليوم واخلي يكمز

جنات : ههههه هسه يبوكج من العرس

رشا : وهو المطلوب

سليل : نضحك ومكيفات اله هي صافنه على المرايه تقربت وبستها

شبيهه العروس صافنه

ريم : ماكو شى يله ننزل

سليل : يله بنات ونزلنا كلنا عمه عزمت الجيران واهل سامر هم اجو امه واخته وخالاته وعماته واشتغل الركص والغنا والكيك والببسي وبابا جهز عشا لفات كص مقصر بشى خطيه وعمه مقبلت وحده من عدنا اطب المطبخ حتى منتبهذل بس نوزع ونبقى ويه ريم

ريم : الكل يركص واني اكول يعني شصار لو هسه عرسي اني وحسين هاا شصار جان انگلبتي الدنيا وارجع انفض افكاري واكول كلشي قسمه عيب بعد تفكرين بيه بس هو بيدي وحنوني طلبت من عمه تحنيني وشاورتني وكالت

نهر : يمه گلشي گصص وعتاب واني اخاف گصتي موزينه عليج لان مطلكه وماعندي خلفه خلي امه تحنيج يمه بختها زين

ريم : بس اني اريدج انتي وكصتج عندي كل الخير والبركه

نهر : ميصير يمه اسمع الكلام حبيبة وخلي امه تحنيج

وخرت عمه على صفحه وحنتني امه وبس كملت تشكرت منها وركضت لحضن عمه اشهك وابوس بيدها وبراسها

نهر : لتبجين يمه كون دموعج ماتنزل لا على عزيز ولا على غالي بس بلفرح بلخير حبيبتي

كملت الحفله ودخلت للمطبخ وبيدي القواطي الفارغه ومواعين الكيك الملم حاطه الشال على جتفي واحد على راسي واندفعت باب المطبخ سجاد بيده صندوكين ببسي باقيات

حطهم وبقى يباوع عليه

سجاد : روحي بدلي لتبقين هيج اخاف يجي شعلان او محسن

سليل : حاطه الشال متشوفه

سجاد : وهاي رجلج الطالعه شنو نعامه راسها بلطين و

سليل : كافي افتهمت رايحه ابدل اني اتحرك انتبهت صدك البدله قصيره

انداريت ولكيته يباوع عليه شكووو

سجاد : اني شعليه انتي تكولين تعال باوع روحي البسي شى مستور حتى مااباوع

سليل : مو قرقوز المن تباوع مو العب النفس تقرب مني وكاال بعيوني حلووه لو شمتحطين

سليل : يعني هسه حلووه واباوع صفح عليه همس بهدوء وكاال

سجاد : اصعدي بدلي وامسحي المكياج كله احب وجهج بدونه

عفته وصعدت ليفوك وابتسامه بوجهي

دخلت لكيت ريم صافنه على ايدها لان بيها لون مال الحنه

شبيج ريمو

ريم : مابيه

نهر : بنات وينكم

سليل : طلعت من الغرفه هااا ماما

نهر : يمه صيحي ريم ابوج يريدها

سليل : مااشي رحت صحتها ونزلت بدلتها

متبدلين

ريم : لا اريد يشوفني بابا هيج

نزلت على بابا دكيت الباب ودخلت اول مشافني وكف ودمعت عيوونه وباسني من راسي بلخير عليج بنيتي

ريم : شكراً حبيبي

حجي طه : تعالي بابا عندي حجي وياج

كعدت بصفه مثل كل مره بس اتوقع هاي اخر مره اكعد يمه بيها جنت ادلل وانزل يمه هسه رايحه لغير بيت

حجي طه : شوفي بنتي باجر انت بيت رجلج وان شاء الله كل الخير انتي عليه وهو كل الخير عليج وصيتي بنيتي ترفعين راسي اني ذيج المره وصيت اختج وهسه اوصيج

ريم : ان شاء الله بابا ليضل بالك

لزم ايدي وكال

حجي طه : اعرف گلبج مجروح واعرفج تعبانه الدنيا تنسي بنيتي وهسه انتي على ذمه رجال حتى بلفكر ميصير تفكرين بغيره

ريم : شنو قصدك مفهمت

حجي طه : الگلب مرات يخدعنا ويلعب بحالنا ويخلي عقلنا مايفكر وننحرف عن الطريق الصحيح الصار گبل تنسي و اريدج تبنين عليه حياتج الجديده اتذكري انت مرت سامر وام اطفاله ان شاء الله وكله سلف ودين يابنتي  اذا خنتي رجلج بفكرج رجلج راح يخونج

ريم : ليش تكول هيج بابا

حجي طه : لان اعرف شتفكرين الصار صار وكلشي قسمه اريدج باجر من اطلعين من هذا البيت تذبين كلشي يخص الصار كلشي وترحين مثل الطفله الطالعه للدنيا هستوها اريد تفكرين بشى واحد وبس سامر هو الي لازم تحبي وهو لازم تريحي وهو لازم تسندي اريد يجي سامر ويطب ويكول رحمه الله والديك عمي على التربيه لاتكسرين وجهي تالي عمري يابنيتي

ريم : بجيت ونزلت على ايده والله مااسوي شى يخجلك والله

حجي طه : اعرف غير انتي غزالتي بس اني انصحج حتى لا تكولين بيوم ابويه ما كال اني وياج بكل وكت حتى من وافقتي على سامر كتلج هاي حياتج وماطول اختاريتيها اريدج تنسين ذيج الحياه الجنتي متأمله تصيرلج

ريم : راحت بابا ليضل بالك

حجي طه : الله يسعدج بنيتي كومي ارتاحي وراج يوم طويل

طلعت منه امسح دموعي وطلبت من خواتي ينامن ويايه حتى فروحه بنصنا

اجه يوم الزواج هاي اني ريم غزاله طه لابسه البدله البيضه واكفه كدام المرايه اشوف شكلي النهائي اشوف البدله الحلمت بيها واني صغيره البسها للي احبه وتالي لبستها وتحقق الحلم بس حلم ناقص مابيه الاحبه جريت نفس وكلت  الْحٍمَدٍ للـّہ على كل حاال طبو البنات هلاهل وهوسات مردت اكسر فرحتهم ونزلت وياهم ولكيت بابا حبيبي مثل رشا واكفلي ويلبسني الذهب جان ميطلع وحدنا بينا اله يلبسها حتى وهو ماعنده اتذكر بجنات اداين ومطلعها بدوم ذهب

لبسني تخم كامل وعمه سوار ابو الليرات  وسليل محبس ورشا اسمي بالانكليزي ترسوني ذهب حتى تخم النيشان ملبسته حتى يبقى ذهب اهلي بلوجهه

وطب عمو محسن يركع بلهلاهل ودمعته بعينه طلع من جيبه سوار كارتير ولبسه اليه

محسن : هااج واخيراً خلصت من القط مالتج هاي اخر مره ولج ولي لرجلج يجيبلج

ريم : حضنته حيل الله لايحرمني منك

محسن : ديري بالج على الدكتور

ريم : غير هو يدير باله عليه

محسن : خايف عليه للرجال ميعرف شزوج يعينه الله

ريم : هههههه اتزوج سكينه والاجر على الله

محسن : الله يعينك على مابلاك ياسامر ياابن ام سامر 

وطب الي طول عمري اشوفه سندي وجوده بحياتي جان سبب قوتي واني صغيره عمو سجاد جنت حاسه كوه لازم نفسه لان بعرس رشا جان مسافر بس بعرسي ماكو مفر لازم يكون موجود

تقرب مني وباس راسي

سجاد : بنتي اي دوم جنت اشوفج بنتي الوكحه ام لسان الطويل زيبك التركض ومحد يكدر الها جنت دوم اكول هاي كويه وماينكسر راسها وجنت مراهن لهذا الشى وربحت الرهان واليوم بنتي كبرت وراح تتزوج

ريم : انت احسن اخ واب بعد بابا بلدنيا  حضنته حييل ومد ايده ولبسني محبس بصف محبس سليل شاورته شوف حتى المحابس سوه متفضها عاد

ابتسم ومسح طرف عينه وكال

سجاد : يله لج خلصينا امشي روحي لرجلج

ريم : اكلكم هاي كومه ذهب بربكم خلي مااتزوج اخذهن واسافر وين جنتو ولبسوني من الاول زوج الي يتزوج وكاامو يضحكون والدموع بعينهم ونسمع الهورنات والمزيقه

غمضت وجريت نفس وبديت اقرا ايات وطب سامر رفع البركع وباس راسي جانت البدله مالتي ردن مستوره لهذا ملبست كبوس

سليل : جانت ريم طالعه كلش حلووه طولها وجسمها وهيئتها بدله العرس صدك طالعه ملكانه

ريم : لزمت ايده واخذني من اهلي ومديت رجلي وطلعت من بيت طه لبيت زوجي ومثل مكال بابا ويه حركت رجلي اول مطلعتها شمرت كلشي صار داخل هذا البيت ورحت ويااه مااكول نسيته جذب الحب الاول ماينسي والجرح الاول مايندمل

بس تناسيته وهذا الصحيح هسه اني زوجه الدكتور سامر

سليل : رحنا بلزفه وياها وسجاد مقبل نروح وحدنا وتكفل هو يوصلنا وجان مثل البودي كارد علينا لبسنا مستور لان زفه مختلطه رحنا للمصور وراها زفيناها للفندق ورجعنا جان حسره عليه اتحرك اذا مو هو ورايه عفته براحته المهم ميعيط ويگلب اليوم علينا وعدى كلشي على خير وسلامه

ورجعنا وريم مو ويانه واباوع بابا وماما نهر بس يبجون عليها حسيت البيت طفه وجودها من اول يوم بين بيه الفرق

ريم : دخلنا للفندق جان عندي رعب من هاي الليله هم لان بسرعه تزوجنا وهم بسبب جسمي استحي والف حاجز موجود بس الصار جان سامر جداً هادئ وكعدني بصفه ويحجي بكل رقي مثل مجنت اعرفه من جنت بلعياده

سامر : انتي هسه مرتي اريدج دوم ويايه اذا تضوجين من شى تعالي كولي لتضمين بگلبج اريد امي تصير امج وزينه ميحتاج اوصيج عليها لان اصلاً علاقتكم حلووه سوه

ريم اريد اعيش وياج حياه هادئه طيبه بدون مشاكل

ريم : ان شاء الله وبدا يتقرب مني ويتلمسني اصعب شعور بلكون عند البنت من يتلمسها رجال ماكو اي مشاعر تربطها بيه بس اني اتذكر كلام بابا انتي مرته وانتي اختاريت هاي الحياه اي اختاريت وبقووه تمسكت بيها ولازم اثبت للكل مو ريم الي تنكسر

وسلمت نفسي اله بدون اي مقاومه وصرت زوجته

سليل : تزوجت ريم وثاني يوم اخذها زوجها وسافرت لتركيا من خابرتها مااحسها فرحانه بس بنفس الوقت طبيعيه مو ضايجه جانت ماما تلزم السبحه وتدعي عسى الله يهدي سرها ويفرحها رشاوي رجعت للكوت وفرغ البيت علينا

وبعد ٣ ايام اندكت الباب لا مندكت شبهه انكسرت اله شويه جانت الدنيا عصر وكاعدين نشرب جاي وناكل كعك اني وغزل وجنات واموري يلعب بلكراج ركضت على الباب وجان يطب حسين يبجي وعيونه دم ويرجف جفلت من شفته ويعيط بعلوو حسه

حسين : وينها هااا وينها

سليل : شبيك حسين دفعني حيل انركعت بلحايط وطب للبيت مثل المخبل غزل مباشره من خوفها دكت على سجاد لان اقرب واحد النا

نهر : شبيك يمه شجاك

حسين : وينها عمه صدك تزوجت

نهر : راحت لقسمتها يمه انساها والله يجبر بخاطرك

حسين : لتخبلوني مامتزوجه تكذبون عليه والله هي فوك موو فوك

سليل : طفر مثل المخبل وصعد فوك يدور بلغرف ويركع بلبيبان وجنات حضنت ابنها الي گلب الدنيا بلبجي من الخوف اشرت الها تدخل بغرفه بابا لان اموري حيل خااف جان حسين هايج واعصاب لدرجه مخيفه

طب سجاد يركض شبيك تخبلت

حسين : متزوجت موو يجذبون عليه اعرف بيها متسويها

سجاد : امشي بابا نطلع ونسولف برا

حسين : مااطلع وكام يضرب على راسه مااطلع اله تصيحولي ريم

نهر : يمه تزوجت البنيه وراحت لدربها

حسين : ليش عمه ليش قبلتو هاي ريمتي شلون انطاها گلبها تعوفني

نهر : حاولنا نوصلك مكدرنا يبجي ويحجي

حسين : والله جنت ويه ابويه يسوي عينه عمليه بتركيا كلت بس ارجع اجيبه واجي والله قبل بالاخير كال اخطبها الك

ليش هيج ريم هاي تاليها متعرفين شسويت بس حتى اتزوجج حتى الرجل بستها لخاطر يقبلون هيج تبيعيني وكام يضرب راسي بلباب وكوه سجاد لازمه ويعيط ولج ليييش هيج كتلج بس اصبريلي بس انتظري تبيعين حبي لج ربيتج على ايدي يوم يوم انتظرج تكبرين حتى تصيرين الي هاي تاليها تعوفيني وانتم شلون قبلتو الها وعمي شلون انطاه گلبه وسلمها لغيري

سليل : متحملت وعطت بيه شنو تعوفك لتسوي نفسك فقير انتظرتك سنه كامله وين جنت عنها

حسين : والله جنت احاول اقنعهم والله

سليل : واكيد قبل كم يوم كالو الك موافقين مووً لان عرفو انخطبت اهلك اكيد عرفو وخاصه اكو جيران مشتركين بينا وبينكم واكيد وصل الخبر لامك وصارت براسك الحنينيه وافقت تره صار شهر وعشره ايام من انخطبت مكدرت ترجع ليش مرجعت زين والسنه كلها تعال طيب خاطرها اكسر عينها وحاول توصل الها

حسين : خفت افتح جروحها وتتأذه كلت بس اقنعهم واجيبهم واجي

سليل : انت مشكلتك تاخذ الامور على كيف وجنت متوقع محد يخطبها لان تعرف وضعها كلت اعوفها سنه سنتين هو منو يتزوجها لهذا عفتها سنه بكاملها تطحن بروحها

حسين : والقران ونظر عيني حرت شسويت وياهم بس حتى يقبلون

سليل : وياها جربت تجي اطيب خاطرها جربت تتقرب منها وتاخذها بحضنك حرت شلون تقنع اهلك ونسيت ريم المكسوره كلت خليها شوكت ماتكمل اموري احن عليه لا عيني حسين غلطان هاي مو سليل الي تبقى وتنتظر سنين وتبجي وتنوح هاي مو سليل الي تعاقب روحها سنين علمود غلطه هاي ريم الي يكسرها تكسره المفروض انت تعرفها اكثر واحد وتكول ريمتي وتعرف ريم تاخذ حقها من اكبر واحد ومتنام اله متكسر الي كسرها بعدها طولها شبر وكفت كبال بيبيتك وتلاسنها بعدها الجنطه مال المدرسه بطولها واجهت ابوك وفشت تايراته حتى بس متنام ومتحس روحها مغبونه ومأكول حقها جان لازم تعرف ريمتك مو قليله حيله وتبقى العمر كله تحط ايد على ايد وتنتظر شوكت انعام تنطيك الاذن بلزواج لو اهلك شوكت يكولون هااا يله نقبل تجيبها وعااشت ايدها وزين سوت اول مره احس روحي فاشله لان مصرت مثل اختي واتخذت موقف حقيقي اذا جان تتهم اختي بلتقصير والخذلان فأنت الخذلت مو هيه

واذا جاي تبيع براسنا محبه مخليها الك لان هي تزوجت بعد وهسه هي ويه رجلها ومكان مجان تعيط وتحاسبنا شلون وافقنا على زواجها روح حاسب اهلك الحرموك من حبيبتك ابويه حط ايده بأيدك رغم كل المصايب الي يمكن تصير فوك راسه واعتبرك ابنه وانت شسويت خوش جازيته وريمتك الي خليتها تحبك وتتعلق بيك شسويت خذلتها حتى ماكلفت نفسك اداوي جرحها بين مطيب الامور ويه اهلك

كامت يكسر الغراض ولزمه سجاد حيييل وكعد بلكااع يبجي واجت ماما نهر حضنته وتبجي ويااه

حسين : راحت عمه مني راحت حب حياتي راحت الجنت ازكيها واكول يجي يوم وتصير الي والله احبها والله روحي بيها والله مااكدر اعيش بدونها والله مااتحمل واحد يلمسها غيري ابوس ايدج عمه رجعوها اليه والله مااعوفها والله اخذها غصب عن الكل

سجاد : كووم حسين هذا الحجي ميفيد بعد

حسين : سجاد فدوه ارحم بحالي ورجعها اليه والله خلي تعيط تزعل شسوي تسوي بس لتروح لغيري

سجاد : كووم امشي نطلع

حسين : لج ريييييييييم ارجعيلي والله مااعوفج

عاط عيطه هزت البيت حتى اني شكد جنت قاسيه ويااه تالي بجيت عليه متحملت منظره مثل المره بلكاااع ويبجي عليها كووه طلعه سجاد من البيت وبيومها كلنا تعبنا بسبب الصار ومن عرف بابا كلشي مكال بس كاال ينسى الوكت ينسي اكبر واحد وطب حبيبي حسيته تعبان ومابيده شى يغيره

مرت الايام والي عرفناه عن حسين علاقته موزينه بأهله وبعد مشفنااه حتى عمه طلبت من سجاد اذا بيوم شاف ريم ايااه يفتح الموضوع كدامها مبين الجماعه تقصدو يرجعوه بعد العرس حتى ليفركش كلشي دومهم هيج الشيطان ميلحكهم بخططهم

جنات اجت رشا واخذتها وياها للكوت حتى تغير جو كم يوم وهم رشا علاقتها قوت بيها وكالت فتره وترجع وبقينا اني وغزل وماما وحدنا نحس البيت صار يقبض الروح

سامر : بيج شى ريم ليش صافنه

ريم : هااا لا اباوع على الجو والناس والله حرامات احنا بلعراق ماعدنا هيج شى

سامر : اذا على العراق فكلشي ماعدنا

ريم : صدك سامر اخوتك مو بلخارج ليش مسافرت وعشت وياهم

سامر : مااحب اعيش خارج العراق وهم هنا شغلي وحياتي مااكدر ارجع ابني هناك من جديد

ريم : بس هناك الحياه احلى

سامر : اني وامي نفس الطبع منحب نعيش خارج العراق يمكن اسافر هوايه بس على كد مؤتمرات وارجع شبيج سكتي

ريم : ليش تزوجتني

سامر : نعم شنو هذا السؤال

ريم : گلتها سؤال وحابه اعرف اجابته

سامر : شفتج بنيه حبابه وطيبه وتزوجتج

ريم : وبس

سامر : ليش اكو شى ثاني بالج

ريم : لا بس واحد مثلك فار الدنيا واشكال يشوف بنات واحلى وارقى مني شنو الجذبك بيه حتى تتزوجني

سامر : تكدرين تكولين ارتاحيت الج

ريم : ممقتنعه

سامر : براحتج المهم هسه احنا تزوجنا شلج بعد بهاي السوالف والاسئله ننزل نفتر ونتغدى بره لو حابه تبقين واندز الغدا هنا

ريم : ياريت نطلع اختنكت

سامر : بدلي يله

ريم :  سامر هادئ جداً والكلمة تطلع منه بأحساب حتى الضحكه نادراً مااشوفها بوجهه هو طيب ومو بخيل يعني يشتريلي اي شى يحس بيه يعجبني رغم مااطلب لان استحي وممتعلمه عليه بس بنفس الوقت بروده وهدوئه ممتعلمه عليه اني عاشت ابويه وعمو محسن وعمو سجاد وحسام وحسين وشعلان بغض النظر عن اطباعهم المختلفه لكن دوم عدهم مرح يعني وقت الضحك يضحكون ويتشاقون اله سامر دوم هادئ وصلت بيه مرحله استحي اضحك ليكول عليه سفيهه

لازم اتعلم على طبعه كمت اخاف اكعد وحدي وخاصه بهذا الجو لا اتذكره ولو شتذكر ليش هي هينه النسيان يارب صبرك اريد اعيش كافي الصار بيه

وخلص شهر العسل مثل ميكولون اسبوع ورجعنا للعراق واول مدخلت لبيتهم جان هادئ كلش واستقبلتني زينه وامه طيبين واحسهم يحبوني

ام سامر : هله بنتي يوم المبارك دخلتي ودخل الخير وياج

ريم : شكراً خاله

وبوستها وبوست زينه وصعدنا لغرفتنا الي اصلاً هاي اول مره اشوفها مختاريتها اني بس بلكتلوك كال اختاري واختاريت طلعت احلى من الصور وبديت حياتي ويه الدكتور سامر

سليل : فرغ البيت علينا حسيت بضياع اول مره رشا وهسه ريم وفوكاها جنات بلكوت يم رشا هي واموري لهذا حيل فراغ صار  كاعده صافنه بلحديقه واتذكر هيج وكت نطلع نكرز حب وعياط وضحك ريم للشارع هي ورشا وماما نهر تمشط لغزل واني اسكت بيهن اااخ لو يرجع الوكت ولا اسكتهن اكول الهن اضحكن عيطن المهم اسمع صوتكم

انمدت ايد وانفتحت الباب عرفته سجاد بس هو هيج يطب بقيت على كعدتي ولا كمت

سجاد : السلام عليكم

سليل : وعليكم ورجعت دنجت على الكاع العب بيدي بلتراب

كعد بصفي

سجاد : شبيج

سليل : مابيه

سجاد : تعلميني بيج شبيج سليل

سليل : باوعت عليه شبيه مثل الورد اخبل

ابتسم بهدوء وكال مكذبتي صدك مثل الورد

شعجب اجيت

سجاد : صار فتره مجاي متردين تشوفيني

سليل : اووووف ورجعت دنجت العب بلتراب

سجاد : تره كبرتي على اللعب بلتراب

سليل : زين تدري كبرت

سجاد : مبين من طريقه كلامج روحج طاكه

سليل : كلش

سجاد : تكومين نطلع نفتر

سليل : باوعت عليه وليش اطلع وياك

سجاد : ليش ميصير

سليل : اكيد ميصير

سجاد : ليش اني مو عمج

سليل : لتستفزني بلكلام سجاد تره الدنيا طالعه من عيني

سجاد : سلامة عيونج

سليل : انداريت عليه شو هذا يحجي بهدوء وحنيه

انت شبيك وضعك مو طبيعي

سجاد : محتاجج بشغله

سليل : عرفت والله خير ياستار

سجاد : اكو وحده صديقه اليه جايه من سوريا هي وامها راح يبقون كم يوم هنا واستحي ابقي وياهم بلشقه عندي فماكو حل لو اجي يمكم ابات لو اجيبهم يمكم واريدج ويايه من يجون

سليل : نبض گلبي حييل وكب نار صديقة يعني شلون صديقه بله

سجاد : جانو ساكنين گبالي ومثل اختي

سليل : بله شكبرها

سجاد : اكبر منج

سليل : حلووه

سجاد : شمدريني

سليل : شمدريك شنوو غير تكول كاعدين گبالك قابل اطب وتطلع اتسد عيونك

سجاد : عاديه حالها حال البنات

سليل : هاااا عاديه وشوكت تجي يمه

سجاد : باجر

سليل : هله بيها وشكد باقيه

سجاد : كم يوم وتروح

سليل : ليش تكول اليه ليش مو لماما

سجاد : هم راح اكول الها بس شفتج اول وحده وحبيت اخذ رأيج

سليل : مالي دخل ذيج ماما وكول الها

سجاد : وهاي الاسئله مالتج

سليل : فضول مو اكثر

سجاد : خوش لعد اكول لنهر وكام من يمي واني لو بيدي اجيب دبه النفط واذبها عليه وفوكاها يحجي برود بله هاي حلووه لا

طب لماما وطلع واني الوب

نهر : يمه تعالي نامي يمنا وعوفي الغرفه لخطار سجاد

سليل : وليش ميجي هو يبات هنا ويفضها

نهر : اي والله هم صحيح بس اخاف عيب يعوفهم وحدهم هم يراد الهن اكل شرب زحمه

سليل : بكيفكم وثاني يوم ننتظر خطاره وكاعده بلهول اكرض بأصابيعي راح ابلعهم من التوتر واندكت الباب وطبت ذيج البنيه احووو كمت الطم تخبل اني بنيه وصفنت عليها الستريج كصيف وقميص قصير والشعر كيرلي والوجهه يخبل فوكاها يكول اكبر منج عمي اني حبوبتها

طبت هي وامها واستقبلتهم ماما اني مثل المطي صفنت عليها اريد اتخيل شلون سجاد كاعد كبال هاي سنين وماصادقها وفوكاها يكول عاديه

اسمها نسرين من ام عراقيه واب سوري

تقربت مني غزل

غزل : ماما هاي بنيه واحنا بنات والله الانوثه كامت تركع راسها بلحايط

سليل : اني اصلاً شمرت نفسها من السطح

سجاد : سليل بيج شى

نسرين : انتي سليل يااهلين

سليل : هاي تعرفني ااخ الله ولكم وين الحزام الناسف اريد افجرها كوه سلمت عليها

وكاعده وتضحك ويااه هو يحجي وياها بهدوء هو هذا طبعه مو جديده عليه وعيني ساعه عليها وساعه عليه

نهر : ماما سليل كومي وديهم لغرفتهم يرتاحون

سجاد : ميحتاج راح يبقون بشقتي واني ابات هنا

نسرين : ياعيب الشوم كيف تعوف مكانك

سجاد : عادي البيت بيتكم

غزل : تحجين عراقي

نسرين : اي بحكي لان ماما عراقيه واصدقائي كلاتهم عراقيين

غزل : احجي عراقي فدووه حتى نفتهم

سليل : كلت لازم الزم نفسي وتعاملت بهدوء وضيفتها وكمت اضحك واسولف ويااها حسيت سجاد يريد يشيطني هو نجح بس مااخلي يفوز عليه ورب الكعبه

اجه بابا وسلم عليهم ودخل للغرفه حضرنا العشا وتعشو وصلهم واني اروح واجي احسب بكاشي المطبخ ليش تأخر بس لا يبات عدهم لا مستحيل ميسويها شويه وانفتحت الباب غسلت وجهي لان صار ازرك من القلق وجريت نفس وسويت نفسي اغسل مواعين والوضع تمام

سجاد : سويلي جاي راسي يوجعني

سليل : سويتله بدون ماافتح حلكي وهادئه بس كون واحد يسويلي بز اله احرك مو بس سجاد حتى البيت

تنحب نسرين

سجاد : اي

سليل : وامها هم حبابه

سجاد : اي

سليل : ومبين علاقتكم طيبه

سجاد : اي

سليل : شنو اي اي اي

سجاد : شكوول لا لا

سليل : هاك خليت الجاي وصعدت لكيت تلفون يدك شلته ريم

ريم : سمعت عدكم مزه بلبيت

سليل : صاروخ يختي صاروخ ومو بلبيت بشقه عمج

ريم : يعني نكول مبروك

سليل : مبروك بعينج شرايده بله

ريم : ولج لزمي ليطير منج

سليل : والله هو عمج طاير من كاعه

ريم : ههههه والله الغيره تنطج منج مو يمج واشوفج نار خيه سليل الزمي روحج ليضحك عليج بيني اله ولا مهتمه والله متونس هو هسه على غيرتج

سليل : والله ممسويه شى

ريم : غير اختي واعرفج اكص ايدي اذا مو الوجهه مكلوب جنه تاير طاك بسمار وذيج جنهه صمون فرنسي متفتح

سليل : هسه انتي مخابرتني حتى تقهريني لو تريحيني

ريم : حلج الوحيد تبينين ولا يمج واضحكي واشاقه ويه نسرين وباجر جايتكم من الصبح اريد اشوف الله شخالق ولج ريم ابقى اسبوع هيج انطحن

ريم : اسمعي كلامي ودكي على الحديد وهو حار

سليل : شسوي

ريم : ضوجي لعمج حركي غيرته شويه

سليل : يمعوده جبل حصاروست يتحرك وهو مايتحرك

ريم : باجر من اداومين شوي اهتمي بنفسج

سليل : قابل يوميه اروح خايسه للدوام

ريم : احرك روحي ركزي رحمه للفحمه ركزي قصدي حطي مكياج بارز عطر طيب لبسي حذاء كعب يعني فدشى يضوج منه عمج

سليل : يابه والله كتلتي على ايدج

ريم : كتله وتفوت المهم تاخذين حقج موتيني هسه لو يمج جان شويه لعبت على نسرين

سليل : تعالي باجر حبابه والله اشتاقيتلج مكافي ذيج بلكوت وكل شكد يله انشوفها

ريم : اكول لسامر واجي

سليل : تعالي وموتي قهر ورجعي

ريم :خوش اشرب حبايه تحت اللسان واجي اروح لان سامر يريد ينام باي كريسو (كارتون تنين الصغير)

سليل : باي

مااعرف شلون نمت بيومها وقررت اسمع كلام ريم وكعدت الصبح للدوام بدلت ومكيجت والوضع كلش زين ونزلت واول موصلت يمه فتح عيونه وكاال

سجاد : مبين رايحه لعرس طه

سليل : ويايه

سجاد : ويه جدي

سليل : تره محاطه مكياج هوايه والله

سجاد : امسحي الحمره وروحي

سليل : تره خفيفه هااك

سجاد : امسحي الحمره

سليل : ممكن لتدخل

سجاد : ماادخل كاام من الفراش وسحب الخاولي مال المغسله ولزم راسي ومسحها

هسه روحي

سليل : تره والله مو من حقك هيج تحاسبني

نهر : اسم الله شبيكم من الصبح

سليل : كولي لابن خالج اذا ادخل بيه بعد والقران اكول لابويه واخلي يعرفه حده مالك حق تدخل

نهر : على كيفج امي تهدي وانت شبيك

سجاد : طالعه والحمره تكول معرسه سندس

سليل : قبل شويه جان طه هسه سندس

سجاد : شوفي لسانها الطولان ولج انتي ليش طالعه عينج هااا ماكو احد يحكمج

سليل : لا اكو بابا وبس

سجاد : روحي لدوامج ابو الخط يدك هورن واني اعلمج بعدين

سليل : عفته وطلعت بس شنو اويلي مي بارد على گلبي رغم أذاني من مسح الحمره بس الراحه فوول عندي خرب عرضج ريم ام الخطط الشريره

كملت الدوام والوكت كله افكر لحد ما رجعت للبيت ولكيت نسرين وامها يم ماما وغزل وضحك وسوالف

طبيت سلمت

نسرين : اهلين ياحلوه

نهر : ماما سليل يله بدلي خلي نتغدى

سليل : ليش وسجاد ميتغدى ويانه

نسرين : اتصل فيني وخبرني انو مالح يجي عالغدا

سليل : احسن

نسرين : نعم

سليل : لا هيج حبيبتي ماكو شى ابدل واجي

نزلت وصبينا وجان اطب وتصيح اكو ريحه اكل ياناس هاي الريحه اعرفها اكثر من اسمي

طفرنا من مكانه جانت ريم جاايه مصدكنا ركضنا حضناها من يوم زواجها مشفناها

تعالي ادخلي

دخلنا وكفت نسرين تسلم

ريم : اول مره اشوف حوريه من الجنه

نسرين : هذا من ذوقك

ريم : خيه ياذوق ياصخام جان اشاور سليل

راح وأيست منه غرك بلماي طكي اصبعتين مايصيرلج دوا

سليل : هاي ردتج عون مو فرعون

ريم : لو فرعون هنا جان غنى وسكر وداعتج على هذا الجمال وداعتج

نهر : شبيكم بنات اكعدو

ريم : اي ليش لا هو الوجهه الحسن وهم الاكل مال عمه نهر شنريد بعد

نسرين : انتي اختهم

ريم : والله يكولون غير حظي ماشمرني بسوريا وصرتي امي اختي بكيفج

نسرين : هههههه دمج عسل

ريم : لا والله بصل

وتقربت من سليل موتي مالج غير حل هاي ماخذه سجاد حيه على الصلاه

سليل : دفرتها برجلها كاافي

كعدنا ناكل رغم غيرتي من نسرين بس جانت مرحه وتنحب وسوالفها تضحك وساعه تحجي سوري وساعه عراقي وريم كل شويه وكالت يبعتلي حمه مااضرفك بتجنن ياناس واضربها

واجه سجاد اخذهم بلسياره عشت ٥ ايام حرب نفسيه مو طبيعيه من الغيره والقهر ولازم ابقى قويه مع ارشادات ريم المفاركتني ابد مرات احس ريم الجبيره واني الصغيره شسوي هاي طبيعتي ومااعرف اغيرها شكد حاولت ومارهمت أيست وكمت اعتمد على خطط ريم الصهيونيه

سادس يوم كاعده امسح العصر البيت  وطب سجاد عصبي فتحت ماما الباب اله وكفت عدل جنت امسح بيدي

اجه تقرب مني وصاير نار

سجاد : تعرفين واحد اسمه عبد الله

سليل : هااا عبد الله

نهر : شبيك شصاير

سجاد : سألتج ولد اسمه عبد الله مربوع واسمراني وعنده لحيه وسيارته

لونها رصاصي

سليل : صفنت هيج مواصفات اعرفها هااا اي استاذ عبد الله بلقانونيه بدائرتنا شبيهه

سجاد : وشبت بيج شتعرفين عنه

سليل : جان عصبي حيل يحجي ويحرك بيده على ساعه يلزم وجهي ويمرده مااعرف شجاه بقيت مثوله

والله مااعرف شى عنه بس يسلم الصبح صباح الخير ومرات اذا عنده شغل يمنه يسوي يم البنات بلقسم شعرفك بيه

سجاد : العينتين اجه سأل اليوم عنج

سليل : عني اني ليش

سجاد : مبين رايد يعرف شنو سمعتج بلمنطقه وسائل ابو الاسواق ابو مهدي واجه گلي

سليل : هنا حسيت وعرفت سجودي غيران اني الك شلت الوصله من الكاع واحجي برود واغسلها بلسطل واعصر بيها

واني شعليه هو يسأل اني شنو

سجاد : عاط بقوه عوفي البيدج مو احجي وياج

سليل : ذبيت البيدي نعم

سجاد : شعنده هذا وياج

سليل : اجاوبك بس بالاول جاوبني شفتني وياه وجاي تحاسبني لو نازله من سيارته ولكفتني لو واكفه واتمضحك ويااه وانتبهت عليه

سجاد : غير حتى افصم راسج عن جسمج

سليل : ماطول كل هذا مشفته مالك حق تتهجم عليه تجي تسألني من باب تريد تعرف هو منو على عيني وراسي اجاوبك بس بالاول مو بصياح مثل هسه وتهديد وعراك مكاعدين بلشارع ولتنسى اني مو صغيره حتى تعيط عليه وممسويه شى غلط من اسوي عندي اب روحله وهو يجي يتجازه ويايه ويعاقبني غير هيج شى مالك حق شعره تتأمر وتعيط

سجاد : ملاحظه هاي الايام هوايه كعد تعيدين كلمة مالك حق

سليل : اي لان هذا الواقع وانت بكيفك تغيره

نهر : سجاد على كيفك لتعيط وانتي سليل ماما اسكتي

سليل : ليش اسكت هااا شمسويه واحد واجه سأل عني عادي انگلبت الدنيا اني شعليه شنو ذنبي هو سأل اني اتحاسب ليش

نهر : كافي بنتي واصعدي فوك

سليل : تقربت منه وكتله هاي اخر مره اسمحلك تعيط عليه تعبت حس يابني ادم والقران تعبت تحكم وعياط وصياح واوامر برايحه والجايه ودوم تحاسبني ودوم تحسسني اني مسويه شى غلط دوم تحسسني اني موزينه وراح ادك الناقصه بيوم

سجاد : شنو هذا الحجي

سليل : هذا مو حجي سجاد هذا واقع اطب واطلع تباوع من فوك ليجوه وين مااروح عينك عليه اذا دك تلفوني مترتاح اله تسمع ويه منو اتصل عبالك ممنتبهه عليك وهاي ليش لابسه هيج وليش حاطه حمره هيج شتريد مني هااا مكافي شوف جم سنه جوه ايدك وبعدك تشك بيه بعد جم سنه اضيع من عمري حتى اخليك تأمن بيه ويفيد لا ميفيد

سجاد : مطالب منج اثبتين شى

سليل : ولا اني اريد اثبتلك شى هاي الفتره الراحت كلها شطبتك من گلبي وهاي حركاتك بس تستفزني بيها ميهمني ان ضجت او غرت او قلقت او عجبك شى ميهمني تحجي متحجي ولا يمي لا عبالك كاعده وساكته وانتظر الكلمة منك غلطان اني عايشه حياتي مثل مااحب ولا انتظر حضرتك شوكت تحن عليه بكلمة ولا بنظره

نهر : شلج بهذا الحجي يايمه

سليل : لا اريد احجي يوم كافي طك گلبي منه عباله سليل ذيج المراهقه الراح تكعد يم رجلي وتتوسل بيه تبقى ويااه عباله ذيج التبجي تريد كلمة منه غلطان سجاد اصحى على نفسك وروح شوف نفسك وشوفني وياك اني كبرت ذيج الطفله كبرت واذا غلطت بفتره من الفترات دفعت الثمن غالي

وسنين من عمري مامستعده الباقي اخلصه اجه سجاد وراح ونام واكل واشتاق ورادني لو ميريدني ضربت ايد بايد ذيج الايام بح راحت وعبد الله او اي واحد يسأل مو غلطتي واكيد معناها يريد يخطبني

سجاد : واذا خطبج توافقين

سليل : باوعت عليه اول مره اريد اشرب من دمه عفته وصعدت كوه لازمه روحي

نهر : تره حيل مصختها وتعال گلي شمدريك اسمه عبد الله بس لا فضحتنا وسويت شى للولد

سجاد : ماسويت بس كمشته من ياخته وكتله ليش تسأل وكال اني موظف وياها واريد اخطبها من خوفه حجه كلشي

نهر : عزه العزاك هسه يفضحها بلدائره

سجاد : حتى اكص لسانه

نهر : وتالي وياك تبقى هيج نص فيوز كل شويه براي تره والله حرام عليك

سجاد : سمعتي لسانها شطوله صاير

نهر : من ضيمها طكيت مرارتها ومرارتي لا انت رايدها وكاطع لسانات الكل ولا انت عايفها جر الجكاره يريد يورث جريتها من حلكه ودستها برجلي

سجاد : تخبلتي

نهر : والله ماكو مخبل غيرك هسه من هججت الرجال هذا عقل يجوز خوش قسمه

سجاد : نهر مو اني احبج ليش تخليني هسه اقسملج

نهر : قسم يله حتى بلجدريه على راسك اذا هيج ترجف عليها متحطها جوه جناحك ولك ماتعبت ما مليت راح يصير عمرك ٤٠ سنه شتنتضر

سجاد : ٣٩

نهر : كلفت نفسك شوكت ترتاح متكلي اله اطير منك وعود تعال اندب حظك مثل حسين گابله واكعد

سجاد : نهر لو متقدم هذا الزقج جان وافقت عليه

نهر : ههههه خطيه الرجال صار مزق

سجاد : جاوبيني

نهر : تعرف كلش زين متوافق تغالط نفسك يسجيد هاي سليل هاي تربيه ايدك اتعوذ من شيطانك ومن وسواسك لعبت روحنا تره عافني وراح ولك وين

مجاوبني وطلع

حجي طه : كاعد بلمطعم والشباب يغسلون المطعم حتى نعزل واجه سجاد يهف

سجاد : السلام عليكم

حجي طه : هله سجاد تعال اكعد

محسن : هااا سجودي شلونك

سجاد : هله ابو فيصل

حجي طه : شو وجهك مگلوب شصاير

سجاد : عندي حجايه وياك

محسن : من رخصتكم اني

سجاد : لا ابو فيصل ضل انت مو غريب

حجي طه : اكعد محسن وانت احجي وكعت گلبي البنات ونهر بيهم شى

سجاد : كلهم بخير اني اجيت اطلب ايد سليل منك

محسن : لا بربك نطلق ابوالهول

حجي طه : اوكف خلي افتهم

سجاد : طه اني رايد سليل تكون مرتي  على سنه الله ورسوله بروح ابوك زوجها اليه وبهذا الشهر اريدها بيتي

يتبع .....

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_الخامس_والعشرون

سجاد : كلهم بخير اني اجيت اطلب ايد سليل منك

محسن : لا بربك نطلق ابوالهول

حجي طه : اوكف خلي افتهم

سجاد : طه اني رايد سليل تكون مرتي  على سنه الله ورسوله بروح ابوك زوجها اليه وبهذا الشهر اريدها بيتي

محسن : لا ولك كول غيرها سامط ابو ابوها صار سنين وتريدها بشهر يمك

حجي طه : اوكف محسن خلي افهم هذا شبيهه اليوم شذكرك بله بيها

سجاد : طه لدخلني بمتاهات وتفتح دفاتر قديمه اني اليوم ذبيت كلشي وره ظهري واجيت اطلب سليل منك وبروح ابوك لتردني

حجي طه : سجاد اني أمنتك على سليل مرتين وبلمرتين ماقدرت الامانه

سجاد : ياخويه كتلك لتفتح دفاتر قديمه وعد مني هلمره اقدر الامانه

محسن : والله هلمره اني اكسر ظهرك مو طه مو خبلتها للبنيه بس تصفن مثل المطي من يطنكر تريده يتحرك ماكو اريدها تتزوج وتعيش ماكو مكابله جهرتك التكطع الخلفه وتنتظرك

سجاد : هسه انت ويايه لو عليه فهمني

محسن : وياك بس اذا صعدن خبالاتك والله ابلغ عليك ٤ ارهاب واخليك تعفن بلسجون

سجاد : لا ان شاء الله ميصير شى هااا طه شو صفنت

حجي طه : والله ماادري شكول

سجاد : شتكول رحمه لابوك تعرف بيه اريدها

محسن : مجان تزوجتها مو عفتها محمضه ٤ سنين

سجاد : ابو فيصل رحمه لذاك الاب الطيب اسكت لتزيد الحطب على النار

محسن : سكتنا بس والله لو منها ولا اوافق

سجاد : لا هواي صرت ويايه طه يمعود ياابو الغيره لتصفن

حجي طه : شوف سجاد تعرف بيه شكد احبك واعتبرك اخويه الصغير ومأمن عرضي عندك ومايوم اعتبرتك غريب والشاهد ربي وشكد صارت مواقف وياها وأذيتها وما ادخلت بس هلمره اذا كسرت سليل وتراب النام بيه جعفر وحركة گلبي على اخويه احركك حرك لان كافي لو تجر عدل وياها وتتزوجها وتصير ام بيتك لو تتركها لحال سبيلها

محسن : طه تره سجاد محجه تركي مكال اني مااريدها تره اجه وكال زوجها الي ليش تفتهم السالفه من ذيلها

سجاد : واخيراً حجيت كلمة زينه

محسن : بس هم لو منها ولا اوافق

سجاد : خرب حظي الاسود ابو فيصل اسكت

محسن : غير طباب خير واني عمها

سجاد : طه لتركز ويه ابو فيصل خليك ويايه اني اليوم رايد اتزوجها لانيتي أذيها ولا اكسرها

حجي طه : اني العليه گبع واخذ انت اولى من الغريب

محسن : بنتك هم ساحله روحها سحل عليه زوجهم واخلص

حجي طه : هلمره صدك اسكت محسن

محسن : مو مال واحد يسوي خير الكم

سجاد : ياالله يعني اجي حتى نقرا الفاتحه

حجي طه : لا انتظر اشوف رأيها

سجاد : خابرها

محسن : لا يدزلها رساله احسن المن يصرف رصيد هااي شبيك سجاد شخطت غير يكعد ويه بنته يجوز الله يهديها ومتوافق

سجاد : هااا ابو فيصل والله راح ازعل منك لتلعب عليه

محسن : هااي شايف خلي اشوف ام دميعه اذا ماالعب عليها لعب

سجاد : العب بس خلي نقرا الفاتحه وراها عادي

حجي طه : خلي نكمل شغل حتى نعزل وباجر انطيك خبر

سجاد : وانتظر لباجر اصلاً اني ابات عدكم بليل انطيني الخبر

محسن : والفجر خابروني اجيب السيد واجي ولك لو اطخه لو اطلع مخه لو مخليها تهش ذبان وتنتظر لو بنفس اليوم تطلبها وتريد رأيها

سجاد : كوم طه نروح للبيت وابو فيصل هنا هو يعزل

محسن : ولكم اريد اشوف شيصير غير اني عمها يجوز ماانطيك مره

سجاد : انت بس تجي اخاف هي تريدني تكوم تكرهني

محسن : ههههه اخليها ولا تباوع بوجهك بس عوفها يمي

حجي طه : خلي احجي وياها على راحتي وان شاء الله خير

سليل : وره متجادلت ويه سجاد صعدت مفوره لزمت التلفون وخابرت ريم جاوبت

ريم : هله بأختي المعذبه

سليل : اليوم اختج طلعت ضيم گلبها كله ولو هم بعد اكو

ريم : لا بربج احجيلي شصار

وبديت اسولف الها وهاي تكمز

ريم : اي هيج عفيه والله خطيه عمو جان خوش رجال وشجاوبج

سليل : اذا خطبج توافقين بله اضربه طلقه واضرب روحي واخلص

ريم : ههههه والله عمو مو هين جابها بلكصه وخلاج تكمزين شكد ماتستفزي وتعيطين بكلمة وحده يكسب المعركه

سليل : موتني ولج ومنا هاي نسرين حركتني حرك بلغيره

ريم : والله مبينه حبابه بس شنو مز خيه مز نسووان ياباشا مو مثلنا لا احنا نسوان على وجهه ولا زلم على وجهه فصيله ثالثه الله خالقها بس حتى تتحسر

سليل : هههههه ولج شبينا والله حلوات

ريم : مثل نسرين

سليل : هااا لا طبعاً

ريم : لعد اسكتي فدووه مو مره مرمرايه تصطج من اشوفها لو بيدي انتحر حتى اخلص البشريه من النوع مالتنا وتبقى هي تحسن نسل البشريه

سليل : هسه اني خابرتج تهدين لو تشعلين جدي بنار الغيره

ريم : ثواني يمكن سامر يصيح

سليل : سدته وشويه وخابرت صدك نسيت اسألج شلونج ويه رجلج

ريم : هادئ حباب برئ

سليل : ههههههه حلووة هاي مال برئ

ريم : مااعرف شنو طبعه بعدني وحذره بلتعامل ويااه

سليل : شفتي شى موزين منه

ريم : لا الله شاهد اصلاً مشايفه شى منه اكثر وقته يقرا

سليل : شيقرا ولج هو مو دكتور

ريم : بحوث وكتب وتقارير علميه يعني تكدرين تكولين الي من يومه ١٠٪؜ بس الباقي عياده ودراسه

سليل : بس بعدكم عرسان

ريم : بابا هاي قديمه مال عرسان بس رجعنا من تركيا مباشره لزم الكتب

سليل : متضوجين

ريم : مرات اضوج وانزل يم زينه اخلص وكت وياها

سليل : وامه شلونها وياج

ريم : مره حبابه وكاعده بغرفتها وعلى كد الاكل تطلع تاكل ويانه ومرات تطلع تشوف نواقص البيت واذا اكو خلل تصيح زينه متصيحني

سليل : الله ينطيها العافيه مرتاحه ريموو

ريم : ماادري تعرفين بيه ممتعلمه على كميه الهدوء هذا بس احاول اتعلم واحاول مااسوي شى غلط وينتقدني لان هو نظامي حيل وتعرفين بيه شكد هوسه اني

سليل : ههههه زين تدرين هوسه

الله يسعدج گلبي

ريم : تتوقعين بيت عمج عرفو تزوجت

سليل : عرفت شتقصد بس مكدرت تسأل بشكل مباشر كتلها

سليل : حتى واذا عرفو طز بيهم مكلت الها على سوايه حسين مااريد اخربط فكرها وحياتها

ريم : الله كريم المهم انتي ديري بالج على عمي تره امانه عندج

سليل : هههه طيري انتي وعمج الي راح يجلطني بالاخير

ريم : والله محد گلج حبي هذا عمي خطير وموهين والي تحبه لازم تعلن نفسها مجاهده في سبيل الاسلام وبالاخير تفجر نفسها من وراه

سليل : مبقى شى افجره وافجر روحي يله اخاف رجلج يريدج واذا صار شى نتخابر عود

ريم : باي سلول

سليل : باي حبيبتي

سليل : نزلت اكمل المسح امسح وادردم كملت وطبيت سبحت اباوع على ماما تحضر العشا وغزل وياها طلعت من الحمام والخاولي براسي بعدني على الدرج وطب بابا

الله يساعدك بابا

حجي طه : بنتي تعالي عندي شغله وياج

سليل : ثواني امشط واجي

حجي طه : لتتاخرين

سليل : صاار صعدت ركض ومشطت شعري وشلته التسريحه الوطنيه ماكو غيرها بلبيت گبايه الفها واكعد واسكت

ونزلت على بابا دكيت الباب ودخلت

حجي طه : تعالي بنتي اكعدي

سليل : اكو شى ضل بالي

حجي طه : لا سلامتج بس اكو شغله اريد اخذ رأيج بيها

سليل : اي اسمعك

حجي طه : قبل شويه سجاد اجاني

سليل : گلت بگلبي اهوو شگاني لبابا

حجي طه : وطلبج مني

سليل : مباشره صارت عندي شهيكه

حجي طه : اسم الله بنتي

سليل : بلعت ريك وجريت نفس شلون طلبني

حجي طه : خطبج بنتي ويريدج تكونين مرته على سنه الله ورسوله

سليل : احس واحد وضربني بلجاكوچ وعلى راسي اريد استوعب شكال بابا مستوعبت

حجي طه : شتكولين بنتي اني كتله هلمره اذا تكسرها احركك والله انسى كلشي سواه واطيح حظه

سليل : بابا يحجي واني فصلت اخر شى وره حجي كومه كاال هاا بنتي شگلتي

سليل : كمت وكتله افكر بابا حسيت بابا تفاجأ من اجابتي

حجي طه : براحتج بنتي اخذي وكتج

طلعت من الغرفه وصعدت فوك بس لو هاون يوكع مني مااسمع صوته يعني مصار ساعه وشويه من جان يتعارك ويايه طلع منا راح خطبني بيه شى هذا

كعدت بلغرفه متحملت خابرت ريم

ريم : هلوو سلول خوماكو شى

سليل : عمج خطبني

ريم : ياعم هذا

سليل : سجاد

ريم : كلللللللًوووووش انفكت الجبسه

سليل : لج ممستوعبه

ريم : سليل مو وكت الصدمه مالتج وركزي شنو جوابج جان

سليل : هو بابا كالي مو هو

ريم : زين وشجاوبتي بابا

سليل : كتله افكر

ريم : شتفكرين اطم روحي هي نعست من وراه شتنتظرين لحد ميصير عمركم ٩٠ سنه وانزفكم بمكبره وادي السلام ونسويلكم عرس بلمغيسل يمعوده فضينا واتزوجي

سليل : والسواه بيه هيج انساه

ريم : سليل وضعج مو راحه وهادئه وبهيج ظرف والطبيعي اسمعج تبجين وادكين وتلطمين لان خطبج من الفرحه مو ساكته شناويه بت سندس

سليل : مناويه شئ روحي باي

ريم : تعالي يمعوده سليل سدته بوجهي خابرت على رشا بلغتها هي وجنات والهلاهل تركع بس خايفه من ردت فعلها سليل مراح تعدي الصار بسهوله

سليل : بقيت افتر اروح واجي صعدت ماما نهر مبين بابا كال الها صعدت فرحانه وطايره

نهر : واخيراً خطبج بلخير حبيبتي وحضنتني وباستني

سليل : ماما

نهر : هاا يمه

سليل : اني مموافقه

نهر : صخام بوجهي ليش ولج

سليل : مااريده لسجاد

نهر : ولج عليه شناويه بت طه

سليل : ذيج تصيح شناويه بت سندس وهسه انتي شناويه بت طه شبيكم ميصير ارفض يعني

نهر : المن خابرتي

سليل : خابرت ريم وبلغتها

نهر : وبله ليش مقابله اخاف تنتظري يكون نفسه ويصير عمره ٦٠ سنه

سليل : ماما مكعد اشاقه اني مموافقه على سجاد

نهر : ولج حبيبة لتوكفين شعر راسي ومو ماعودنا نطقها

سليل : مشكلته مو مشكلتي وعفيه كولي لبابا سليل مموافقه

نهر : يمه بليه خبال اذا انتي لاكفه وتخبلتي ذاك امر منج بس يسمع رفضتي يخلي ويرجع لسوريا هذا استاذ بلهزمات

سليل : الله ويااه

نهر : لا وعلي انتي مو صاحيه ولج تعلميني بيج تعالي شغير رايج

سليل : ماكو شى مو تردون تسمعون رأي اني مااتزوج سجاد

شويه وسمعنا صوته اتوقع اجه

نهر : كلمة مااسمع منج خلي انزل واشوف شصار وهاي سوالف مموافقه بطليها

نزلت عمه وصاحتني على العشا كملت كلشي هي وغزل وكعدنا ناكل بهدوء محد حجه وهو گبالي اجذب اكول مفرحانه لان خطبني مو بس فرحانه طايره بس مو بهاي السهوله ياسجاد مو شوكت متحب تخطب وشوكت متحب تفصخ وتشمر الحلقه بوجهي وتعوفني سنين

كملنا الاكل وصبيت الجاي وتقصدت اجيبه بنفسي بدون ماابدي اي ردت فعل بحيث شك بابا لهسه مكايلي دخل بابا اخذ ستكان الجاي ودخل للغرفه وعمه صعدت للغرفه وغزل تغسل مواعين واني ويااه بلصاله

سجاد : ابوج گلج

سليل : انطيته الجاي وضليت واكفه على شنو

سجاد : مبين مكال

سليل : قصدك لان طلبتني من بابا استغرب البرود الاحجي بيه

سجاد : وشبيج معاجبج الوضع

سليل : لا ليش معاجبني انت تقدمت واني من حقي افكر وانطي رأي

سجاد : تفكرين

سليل : اي ليش مو من حقي يجوز مااقبل حسيته راد يغص بلجاي وجهه بسرعه انگلب

سجاد : متقبلين

سليل : ليش اطولها عليه وعليك واخليك تتوهم شى مراح يصير اني مااقبل اتزوجك سجاد وهاي من الاخير عفته وتحركت خطوتين وجرني حييل من ايدي

سجاد : ويييين عيدي شگلتي

سليل : اااخ أيدي تأذيني

سجاد : مسمعت شخربطتي قبل شويه سليل : مموافقه مااريد اتزوجك انطقها بلسوري اخاف نسيت عراقي

سجاد : انت صدك تحجين

سليل : هذا مو موضوع واحد يتشاقه بيه

سجاد : تعالي اكعدي

سليل : ماعدنا شى نحجي جان يجرني ويكعدني يمه

سجاد : بله غردي خلي اسمعج

سليل : صرت وجهه بوجهه ويااه وكتله اشايف نفسك هااا يعني شوكت ميعجبك تخطب وشوكت ميعجبك تروح

سجاد : يعني تريدين تسويها وحده بوحده

سليل : نبدي من البدايه كول وافقت راح تبطل الشك اكيد لا راح تبطل تخنكني اكيد لا ودوامي راح تستحمل اروح واجي بدون متحاسبني اكيد لا

سجاد : ماكو دوام اصلاً تبطلين واتكعدين

سليل : هو شتوقع منك اكيد راح تطمسني وتلغي حياتي لخاطر حياتك زين ودراستي الدرستها وتعبي وضيفتي الي الناس كلها تتمناها ليش تريد تمحي شخصيتي ليش تريد تسويني مكفخه تحت رحمتك

سجاد : انت ليش فاهمه الموضوع هيج

سليل : لعد شلون افهمه سجاد انت واحد اناني همك نفسك وبس مو مهم اني لازم دوم ابقى بأستعداد شوكت متأشر اجي اركض زين اني شنو السويته حتى انجبر اعيش هيج عيشه

سجاد : اني ممحتاج وضيفتج ولا راتبج وكعدتج بلبيت لراحتج

سليل : لراحتك انت مو راحتي حتى تحبسني بقفص وابقى اطبخ واداريك واربي الجهال وبس

سجاد : هذا الطبيعي لكل مره

سليل : اي صحيح في حال لو هي كاعده بلبيت وهي الي قررت هذا الشى برغبتها وبمحبه مو مجبوره مثلي

سجاد : يعني انتي هسه مجبوره تتزوجيني

سليل : مجبوره اعيش حياة مااريدها

سجاد : بس قبل گلتي مستعده وياك ابقى على الحلووه والمره شتريد بس بقيني يمك ويجرالك وعلى قول لسانك هذا مو كلامج او من جيبي جايبه

سليل : كلامي ولهسه اكوله واعيده بس بلعقل يعني مستعده اسمع كلامك ومااكسره والتريده اسوي بس مو على حساب نفسي مابيها شى اذا اداوم وابقى بشغلي وبنفس الوقت احترم كلامك اعدل من لبسي اعدل من تصرفاتي مو بس لخاطرك لخاطري اني هم مره متزوجه وكل كلمة عليه بحساب ولو اني تدري بيه بطبعي هادئه ومااختلط هوايه وماادخل بلقال وقلت بس هم اعدل بعض السلوكيات مو تجي اتبطلني والله ممحتاج الراتب لتحتاجه اني احتاجه اني اريد احس بگياني

بشخصيتي بحريتي سجاد اريد نتزوج مو اندفن واني عايشه

سجاد : تغير كلامج هوايه سليل عن قبل

سليل : لان كبرت وافتهمت وميزت الصح من الغلط يمكن لو قبل كم سنه راح اسوي التريده بس هسه لا حسيت بقيمه الوحده شون تكون حره نفسها

سجاد : يعني تريدين تخيطين وتخربطين والله حريه شخصيه مو

سليل : يعني الوحده التشتغل واداوم وتوكف ويه زوجها تخيط وتخربط

سجاد : ما محتاج وكفتج

سليل : معناها انت متريد مره شريكه حياتك تريد عبده تسجنها بيتك واني مااصير هيج سجاد

سجاد : بس قبل

سليل : لتكول قبل اي صحيح جنت راضيه بكلشي بس هسه لا ماارضى اريدك واريد وضيفتي وكياني اريد اصير ام بيتك شريكة حياتك 

سجاد :  واني غير هذا ماعندي لو تبطلين ونتزوج لو كلمن يروح لحال سبيله

سليل : وكفت وكتله لعد روح لحال سبيلك ولتنتظر الرد من بابا اعتقد وصلك عفته وصعدت

جنت ارجف وخايفه من تصرفي اعرفي بيه عنيد وراح يگبر راسه لو يتنازل شويه لو ادوس على گلبي وخلي لا اتزوجه المهم ميكرر الصار بيه مااريد احس بسهوله يتنازل عني

دخلت للغرفه سمعت بابا الشارع انفتح مديت راسي من الشباك شفته رايح عرفت راح للشقه مالته كعدت مخنوكه وين اولي ساعه اكول هو هذا الصح وساعه اكول لا غلطت واستعجلت

ويومين هو ماكو وبابا مفتح الموضوع ويايه ولا ماما يمكن غزل سامعه كلشي وكالت لماما نهر بقيت اداوم طبيعي واليوم موعد سفر نسرين وامها واجت سلمت جنت حيل طافيه وضايجه وهو باقي بلسياره حتى منزل

تطلع جان تشاورني

نسرين : يحبك والله ويموت على التراب الدوس رجلك عليه

استغربت كلامها

نسرين : هو مثل اخويه سجاد وقف معانا كثير وجان طيب وشهم وعمره مانظر بنظره وسخه مو مثل باقي الرجال

ويوم ما سألتو بتحب جاوبني وبدون مايفكر محروء بحبها واني حسدتك اي حسدتك لاتنظريلي هيك وحكالي شى بسيط عنكم

وقبل يومين شفتو مزعوج وعرفت الصار

سليل : ماغلطت بشى مردت شى جبير منه

نسرين : ابقى طالبي بحقك ولا تتنازلي بس لاتضيعي من ايدك والله يهدي سركم واشوفكم متزوجين

سليل : اوووف الله كريم توصلون بلسلامه وفرصه سعيده شفتكم

نسرين : احنا الاسعد حبيبتي

بوستني وراحت وصلهم وبعد مشفته اسبوع وخابر عمه واجت حاجتني وكتلها مااريده انتهى كلشي واسمعه يعيط ولا درت بال ردت يتنازل شويه لخاطري وبقيت بعنادي وكام من يجي ماانزله ومن يدز عليه هم ماانزل اكلهم كولوله نايمه ويتصل ومااجاوب واذا شفته صدفه بلشارع ادير وجهي وكل مره ودز خبر ونفس جوابي مموافقه واجه العيد وحتى منزلت عايدته تقصدت اسوي هيج حتى اعيشه الرفض الي عشته

رشا : اجتي جنات عندي تعلقت هاي الفتره بيها لان حبابه اني من جنا صغار علاقتنا طيبه بس من وره انعام خربت كلشي وبعد مااجت عاشت بيت ابويه تعلقت بيها اكثر ردتها تغير جو لان متطلع دوم بلبيت وقنعتها وره عرس ريمو جبتها يمي وبيوم كاعدين نضحك ونسولف بطبيعة حياتي شعلان يطلع الصبح يجي على الغدا يتغدا ويرجع يطلع ميجي لليل لهذا طول الوكت وحدي ويه فروحه بس من اجت جنات شويه تغير الجو عليه واحنا نسولف دخلت هند الي من يوم مارجعت من بغداد هي وامها اجوي باسوني وتحمدولي بلسلامه بس محسيتهم فرحانين مهتميت الهم المهم اني ًشعلان مرتاحين وضعنه كلش زين

هند : شلونكم

رشا : هله بيج انتي شلونج

هند : بخير ماعرفتينا كال شعلان بنت عمج هنا

رشا : اي بت عمي

هند : هله بيج حبيبه

جنات : وبيج اكثر

رشا : اكوم اسويلك شى تشربي

هند : كلاص جاي اريد

رشا : مااشي كمت اسوي الها اعرف بسوالفها متكعد راحه تقربت من الباب مال الهول واسمع شتكول

هند : هذا ابنج

جنات : اي ابني

هند : ماشاء الله اول بطن ولد

جنات :  الْحٍمَدٍ للـّہ

هند : قابل مثل مرت اخويه اول بزرها بنيه

جنات : وشبيهم البنات خير وبركه ياريت اموري بنيه جان احلى شى

هند : يمعوده اسكتي هذا حجي لسان لو خلفتي بنيه جان طك گلبج على وليد

جنات : كله رزق من الله ونعمة

هند : ورجلج وين يداوم شيشتغل

جنات : الله يرحمه

هند : ياسوده عليه العفو حبيبة مجنت اعرف ميت يعني انتي ارمله

جنات :  الْحٍمَدٍ للـّہ على كل حاال

هند : بعدج صغيره ياعيني عليج مثلي راح المرحوم وعافني وحيده بهذا الوكت الطايح حظه

رشا : بگلبي اكول غير الله يحبه وخلصه

جنات : الله يرحمه حجتلي عليه رشا

هند : شكد صارله

جنات : ٣ سنوات ونص

هند : ياعيني عليج وليش متزوجتي وبعدج صغيره وحليوه والف من يتمناج

جنات : مو بالي اريد اكبر ابني وبس

رشا : كملت الجاي وطلعت تفضلي

هند : عااشت ايدج صدك رشا وين ضامه هاي الحلووه عنا جان زوجناها لواحد من ولدنا

جنات : كتلج مااتزوج

هند : هذا حجي كلها تكول هيج وكت الصدك المره تموت على الزواج

رشا : متزوجتي انتي

هند : يااااا شون اتزوج

رشا : مثل الناس مو هسه تردين تزوجين جنات الافضل اتزوجي انتي اقلها بعد متدخلين منو جابت ولد ومنو جابت بنيه

هند : هاااا هيج كولي تره اني محجيت شى اذا سمعتي كلامنا

رشا : وان حجيتي كلامج يطب من الاذن اليمنى يطلع من اليسره ميهمني

هند : اروح لجهالي من رخصتج حبيبه وهلا بيج عود تعالي زورينا بذاك البيت هاي اذا قبلت رشيه

رشا : الله وياج ام علاوي وسدي الباب وراج

جنات : هااي شبيهه

رشا : ماعدها شغل وعمل ذيج الفترات خلصتها شوكت تحبلين ومن حبلت شوكت اتجيبين ومن جبت شوكت تحبلين نريد ولد تكول عبالك دجاجه وشوكت ميعجبها ابيض الها البطرانه

جنات : الله يساعدج عليها عوفيها طنشيها

رشا : اذا احط عقلي وياها اطك واموت لو اسحلها بلشارع وتصير سمعتنا على كل لسان لان ماكو حل لسوالفها

جنات : لخاطر زوجج يحبج ومراعي الله بيج لتضيعي من ايدج

رشا : هو منو مسكتني غيره ومتحمله خبالات وتدخلات هند بس لو تبطل متدخل جان اني بخير

جنات : مالج دخل بيها يجي يوم وتركعيها على حلكها وان شاء الله تحبلين وتخاوين فروحه وتكسرين عيونها وعيون غيرها

رشا : امين اكوم اكمل العشا اخاف يجي شعلان

جنات : رشاوي اني لازم ارجع لو باجر لو عكبه

رشا : ليش ولج شبسرعه ضجتي وتردين ترجعين

جنات : بلعكس والله كلش متونسه وياكم بس هاي عمتي جم مره تخابر صايره هوايه تسأل عن اموري وگلبي لاعبني منها منين اجتها هاي الحنيه

رشا : قصدج عمتج ام رجلج الله يرحمه

جنات : اي هي كل متخابرني انتي وين وشسوين واريد اشوف اموري گلبي طاك عليه اول تالي ماادري

رشا : ولا حبيتها وخاصه بموقفها بلفاتحه

جنات : شسوي بعد تبقى بيبية ابني

رشا : تدري بيج يمي

جنات : لا متدري واصلاً متعرف انتي عايشه هنا وسألتني وينج كتلها يم عمي واخاف تجي على لحظه وتلكاني ماكو

رشا : بهاي حقج مااشي اخلي شعلان يرجعج

جنات : استحي عفيه تعالي ويانه

رشا : والله ياريت بس تعرفين مصار هواي من رحت واذا اروح لازم ابات وشعلان ميقبل

جنات : براحتج بس مو تتأخرين علينا

رشا : لا اجي والله

ريم : مرت الايام  واحنا هسه نهايه شهر ١١ سنه  ٢٠١١  صار شهرين على زواجي حياتي هادئه لدرجه ممله كمت اضوج من يكعد يقرا ويعوفني وميجي بس وكت حاجته لو وكت مينام

فديوم كاعده ويه زينه وسألتها

زنوو سؤال

زينه : گولي حبيبتي

ريم : اخوج دوم هيج

زينه : شلون يعني

ريم : دوم ساكت وهادئ وبس يقرا لو هو طبعه غير ومن تزوج تغير

زينه : لا والله هو هيج من زمان حتى من هو وصغير ميحجي اله تسألي ويجاوب على كد السؤال ويحب الكتب والدراسه والله معقدنا لا يطب لا يطلع مخلصها ندوات ومحاظرات اني اكلج يسافر هوايه بس طبعه متغير وتوقعت امي من يتزوج بلكت يتغير ونفس الشى

ريم : هم حب قبل

زينه : شمدريني مسألتي

ريم : استحي

زينه : هههههه هاي حلووه وحده تستحي من رجلها

ريم : لان ميكعد ويايه وقليل الكلام حتى اخاف اسوي شى كدامه ويضوج حااسته كوه طايقني

زينه :والله هيج طبعه من زمان ليش تحجين هيج

ريم : ليش خطبني زينه اكيد اكو سبب

زينه : شوفي من جنتي تجين للعياده دوم يكول صديقتج مرحه وحبابه ويخليني اسولف عنج جان معجب بروحج الحلووه لان كلشي تاخذي بشقه وضحك والله اني تفاجأت من كال شوفيها مرتبطه وجنت ادري ماعندج شى مباشره كتله ممرتبطه

ريم : بس اني جنت مخطوبه وفصخت

زينه : يومين متنحسب خطوبه

ريم : اني كلت لزينه حتى تكول اله اني جنت مخطوبه بس ضميت سالفه علاقه الحب التجمعني بحسين مهما كان ماكو رجال يتقبلها وكتلها يومين وفسخنا لهذا سامر يعرف جنت مخطوبه لابن عمي الجان يجي ويايه بس رغم هذا استمر بسالفه الزواج

ريم : تدرين احس بيه مجبور عليه

زينه : سامر محد يكدر يجبره لتضلين توسوسين كلشي ماكو من الي بالج هو هذا طبعه تعلمي عليه

ريم : الله كريم وبديت احاول اتعلم عليه بس اني مااعرف اعيش هيج بهدوء ومره هو طالع سديت الباب من ضوجتي وشغلت اغنيه وكمت اركص عليها شديت الوصله ودك ركص تكول فاتحت انعام وفرحانه بيها

ومااحس غير الباب تنفتح متت بدمي من المستحه

سامر : شسوين

ريم : هااا لا هيج وجريت الشال وذبيته

سامر : گملي

ريم : فتحت عيني شكمل

سامر : ضايجه مو

ريم : اي والله وكعدت على الجربايه

سامر : ليش متلزمين كتاب وتقري مو احسن من هاي الهوسه المسويتها

نزلت راسي اباوع بيدي ضجت وكتله مااحب اقرا معودت كمليه كلية بطلعان الروح وتريدني اقرا

تقرب مني وكعد بصفي وكال اكووو احلى من القرايه معرفه وزياده خبره اكو كتب ثقافيه وعلميه وحتى كتب تسليه وحكم وقصص

ريم : اكو كتب مال نكات

سامر : شسوين بيهم

ريم : اريد اضحك

سامر : ليش هاي حياتج لو ضحك لو ركص لو ساكته

ريم : رفعت عيني بعينه وكتله لعد تريد اصير مثلك نيوتن ٢٤ ساعه راسي بلكتاب هو انت اسمك دكتور اذا قريت وان ما قريت قابل من تقرا زايد راح يسموك العبقري المبتكر العظيم قاهر العلم دكتور الدكاتير سامر

جان يضحك

ريم : ماشاء الله عندك سنون اول مره ادري

جان يضحك اقوى ابتسمت على ضحكته رغم ضايجه

سامر : ياعيني غير الواحد يطور نفسه

ريم : بس مو يموتها

سامر : شتردين ريم هسه تركصين كومي ركصي

ريم : تعال نطلع شويه والله ضجت

سامر : اوديج لاهلج تغيرين جو ويه البنات

ريم : وانت

سامر: شبيهه اني

ريم : منطلع نفتر اني وياك هم احب نغير جو

سامر : عندي بحث لازم اكمله

ريم : اوووف يله وديني لاهلي تقرب وباسني من خدي وهاي اول مره يسويها وكال

لتضوجين اعوضج غير مره

ابتسمت بوجهه وكتله شكراً

سامر : على شنو

ريم : لان متكسر بخاطري

سامر : الشكر الج لان متحملتني

ريم : اكوم ابدل وبدلت سريع وصلني للباب وراح

اول مدخلت عطت انا هنا ياقوم

سليل : نزلت اركض اني وجنات وغزل مكيفين بيها وماما هم طلعت وكعدنا سوالف وضحك لحد مكالت

ريم : هااا بشري متغير شى شهريار مكال شى

غزل : وداعتج فلت بريشه

سليل : خلي يفلت ممجلبه بيه

ريم : اوكفن خلي اخابره اسكتن

سليل : عوفي من العيد مجاي راح يصير شهر

ريم : دكيت وشاله اشرت اسكتوو

سجاد : هااا زيبك شعجب شذكرج بينه

ريم : عموو الحك بسرعه اني بيت ابويه سليل متخربطه واكعه ويمكن انفجر المصران الاعور بسرعه فدووه وسديته

سليل : عزه العزاج ريم هاي شسويتي

غزل : اني اركض اختل لان اذا اجه ولكاها كذب مو بعيد يركع راس براس

جنات : اني عندي ولد مااريده يتيتم من امه هم

ريم : هااي شبيجن شكد جبانات ياربي اصبرن خلي نشوف عمجن شيسوي وبعدني احجي واسمع الهورن

ريم : شفتن هذا روميو اجه ينقذ جوليت

سليل : والله اذا مسواج وصله مسح فلا اتسمه سليل

طب يركض وجانت عيونه مرعوبه يمه اني شفته شلون يرجف عليه والله ردت اركض واحضنه واكوله انعل ابو الدوام تعال نتزوج بس صبرت روحي وكلت انجبي واثكلي

مباشره رفعت ايدي وكتله مالي دخل تره والله واشرت على ريم

سجاد : اليوم اشعل اهل اهلج شوو تعاي وكاام يركض وره ريم وهي تعيط عمه الحكي وختلت وره عمه

وخري نهر منها

نهر : يااا هاي انت الجبير شخلينا للزعطه

سجاد : وخري نهر لا احطج فوكاها واكتلج

ريم : عليك العباس ابوفاضل لتضربني والله اشاقه شبيك متحب الشقه ياعمو اطلع راسي من وره عمه وارجعه اخاف انضرب

سجاد : ولج هو هذا شقه جان وكف گلبي

ريم : طلعت شويه راسي واغمز اله هااا ليش گلبك وكف لان ثلل مووو اعترف اني هم مثل بنتك مااحجي لاحد

سجاد : وخري نهر اليوم اسحك راسها

نهر : هههه ولج اتزوجتي وماعقلتي

ريم : الزواج شعلي شسوي وكالو تزوجتي يحسسوني داخله مستشفى اتعالج بيها من اطباعي مو زواج

غزل : بعد عمو عااشت ايدك

ريم : ام نص لسان كادره بس عليه اذا مااسحب دم من راسج واتعلم بيج شلون تردين تتعلمين بينا

غزل : ههههه حيري بروحج جنج بزون منكعي ببسي وخاتل

ريم : خلي اطلع من هاي الشده اله اسويج فاره وملزوكه بلاصق مال صيد ومنتوف شعرج بعيني غزل

سجاد : وخري نهر هاي ممكروصه كرصه زينه ذيج المره وعبرتها الها هلمره ماافوتها ياريم اله اخليج تصيحين التوبه

ريم : بدون متضرب عموو اصيح التوبه عمو عيب والله رجلي جابني امانه عدكم ترضى ارجع مزوركه والله عيب عليكم هاي خطار وهيج متقدروني وين اولي ياربي بيت ابويه وانضرب تعالي يابه بس انت طيب كله حاقده عليه لان حبابه وطيوبه

نهر : بداعتي سجاد عوفها

سجاد : لج هاي متوب لسانها اطول منها

ريم : عمو حبيبي بداعة الحب لتضرب

سجاد : شوفي ومتسكت 

ريم : اسكت لعيونك الله عليك عوفني بس هلمره

سجاد : شالج الله كون

نهر : لا سجاد يمه اسم الله على بنيتي

ريم : هااا عموو سماح والله اشتاقيتلك وردتك تجي بعد مااعيدها كعد يجر النفس وتقربت منه جيب الصحيبه وطلعت اصبعي الصغير ومديته وجان يلوي وعطت ااااااااخ

سجاد : ايااج بعد تنعاد

ريم : التوبه وداعت انعام التوبه

سليل : ركضت عليها لان أذاها ولزمت ايده عفيه عوفها بداعتي باوع بوجهي وهدها

ريم : والله اله اكول لسامر عليك ونقدم بيك بلاغ بمركز الشرطه التعدي على انثى جميله وكسر اصبعها الرقيق

سجاد : اذا تحبين اكسر رگبتج حتى يصير البلاغ يسوه

ريم : لا عيني كله ولا الرگبه بيش اهز من اركص على ساجده عبيد بطلنا وكعدت عاقله

سليل : جبت مي اله وقدمته رفع راسه وصفن بوجهي لتباوع هيج والله ممتفقه وياها

اخذ المي شربه كله وبقينا نسولف وهو ويانه بس مصار كلام بيني وبينه شويه وراح هو وماما للمطبخ

نهر : هاا طمني شسويت

سجاد : متعرفين منو اجاني

نهر : منو

سجاد : علي اخوج

نهر : مستحيل شيريد

سجاد : مو خابرتج قبل كم يوم وحجيتلج على سوالف حسين

نهر : هو ليش صحتك ردت افهم شصار مااكدر احجي وريم موجوده

سجاد : كاعد بلمحل وطب علي نفس خشمه اليابس ردت اركعه بلسبانه البيدي يحجي من وره خشمه ومن شافني لبسته كعد يحجي بهدوء

نهر : شيريد

سجاد : حسين من يوم سالفت ريم وهو مخبلهم اول ايام يهج من البيت يوم يومين يله يجي ومن يسألوه ميجاب وقبل كم يوم ابوه يكول اجانه سكران يطوطح

نهر : يايمه اصخمتي يانوريه اي كمل شجابه هذا على الشرب اول تالي

سجاد : حسب كلام ابوه متعرف على اثنين ولد وشافوه فلوس ونايمين براسه وباقي يصرف عليهم وجاري للحرام

نهر : راح الولد يسجاد ضاع الله لايوفقهم

سجاد : لزمته البارحه دورت عليه ومن منطقه لمنطقه لزمته كاعدين على ابو نؤاس  بس شنو تكول شارب مشروب العراق كله وجريته واخذته شبعته كتل وين مايوجعه

نهر : ليش هيج غير تحجي ويااه شجاك انت الثاني

سجاد : اريده يصحى هذا راح يضيع الاول والتالي ولج بلشارع وصاير طحين ويعيط ريمتي

نهر : هاي تاليهه هذا الفقير يصير بيه هيج هو العيبه ماتطلع منه

سجاد : وره ماضربته اخذته للشقه عندي خليته يسبح وينام والصبح كعدت ويااه وكال بعد مااشرب صدك كذب الله اعلم

نهر : فدوه سجاد عينك عليه بروح ابوك هذا ماعنده اخ وياه ولا اب بيه حظ حاير بروحه

سجاد : والله اني رغم اكرهه عليه بس شفته حيل خايف على حسين بحيث تصوري تنازل واجه يكلي لتعوفه مااريده يضيع مبين فقد سيطرته عليه

نهر : حرگ گلبه وكلب هاي المسكينه لو راضين اااخ منهم وامي ماسمعت شى عنها

سجاد : حسب كلام حسين نص لشتها انشلت ونايمه والنص الثاني مابيه شى يعني صحتها على عمرها زينه عايشه تكرطنا كلنا ومتموت

نهر : لا اله الا الله كسرت گلبي على حسين بس الله يعلم شكد احبه

سجاد : كون ميرجع لمكسراته

نهر : عينك عليه

سجاد : لا مااعوفه اني احبه لحسين ومااريده يضيع ميستاهل

نهر : وانت

سجاد : شبيهه اني

نهر : ما الله هداك

سجاد : والله هاديني بس بت اخوج كامت تبيع ثكل عليه

نهر : انت ليش متريدها اداوم جر كلاص وشرب مي من البراد وكاال

سجاد : اغار مااتحمل

نهر : يعني موو شك

سجاد : باع هااي شك واتزوجها بس اني

نهر : احجي مو شكيت گلبي

سجاد : احبها ولو بيدي مااخلي بشر يشوفها

نهر : هذا مو حب هذا طيحان حظ اسمه

سجاد : اني هيج

نهر : لعد روح لحسين خلي يحجزلك مكان بصفه على ابو نؤاس لان هم راح تضيع سليل منك

سجاد : غير اكسر رجلها اكو بنيه تتزوج هاي اليه

نهر : انت رجال حوك روح اتزوجها وهاا برضاتها

سجاد : نهر لتتحديني

نهر : هسه انت مو دخلت بعيني يله روح

سليل : جنت كاعده ويه البنات صاحني سجاد تعالي كمت مستغربه

ريم : الله يرحمج جنتي خوش اخت الفاتحه على روحها الزكيه

جنات : اكوم اسوي حلاوه نوزعها مال ميت

غزل : واني اجيب قران اقرا على الحلاوه اليوم الختمه

سليل : اشششش انجبو هسه اجي

طلعت ويااه بلحديقه وكعد على الصبه واشر اكعدي بصفي كعدت جنت حيل مستغربه

واكيد سجاد ميحجي اله يورث الجكاره ويخنكني بلريحه بس مااكدر افتح حلكي واعترض

اخذله نفس نفسين وكاال

سجاد : مغيرتي رأيج

سليل : لا

سجاد : شوف شلون محضرتها

سليل : باوعت عليه وبهدوء احجي ويااه شتريد مني سجاد

سجاد : اريدج

سليل : شتريد يعني

سجاد : تعرفين بيه احبج

سليل : وليش تستثقل تكولها

سجاد : غير من وره سوالفج

سليل : ممكن تنصي صوتك وخلي نتفاهم

جر نفس من الجكاره وبدا يحجي بهدوء

سجاد : اني احبج وانتي تعرفين هيج شى واغار عليج وحقي

سليل : مكلت مو حقك بس بنفس الوكت كلت عندي شغلات مااتنازل بيها

سجاد : الدوام

سليل : مو بس الدوام

سجاد : بله شلكيتي هلمره حجه

سليل : غيرتك وشكك وعياطك كل هذا ميصرفلي لا انت صغير ولا اني ذيج المراهقه الطايشه سجاد اني كبرت على هاي ايدك اعرف شتكره ومن شنو تضوج اتلافااه لخاطرك بس بلمقابل انت هم تتجاوز شغلات لخاطري الدوام ماابطل منه واروح واجي التلفون اخاف الك نيه تاخذه ماانطي ولا اتركه تريد ثقه بينا انطيك روحي مو بس الثقه تشك بيه الله ومحمد وعلي وياك ولا اريدك لو اموت بدونك

بس حط شى بالك لو تضمني بقوطيه واريد اخون تره اخون وانت متدري ولو تحطني بنص جيش مال زلم واريد احافظ على نفسي احافظ المره كلشي تكدر تسوي بس التحكمها اخلاقها ودينها وتربيتها وميحتاج كل شويه اكلك اني واني

سجاد : والله مو شك شبيكم ياناس مو شك بس غيره

سليل : احب غيرتك اعشقها بس بحدود تعال احجي ويايه بعقل حتى ارضيك وترضيني العندي كلته وماافتح بعد وياك اي نقاش دوام واداوم اطب واطلع وياك وبموافقتك وهذا الصحيح بس بنفس الوقت تنطيني حريتي وان شاء الله مااخيب ضنك وياك على المره قبل الحلووه

وتخلي شئ بالك اني مرتك شريكة حياتك مو عبدتك مد ايده لوجهي يلزم خدودي بهدوء

سجاد : مرتي موو

سليل : قصدي اذا صرت

سجاد : حطيها ترجيه بأذنج انتي اليه انتي مالتي انتي لسجاد وبس

سليل : الجو بيه بروده حسيته صار نار كتله بس انت دوم تأذيني

سجاد : انت صايره مثل الفراشه شكد مااحاول احتويج بيدي أذيج جناحاتج رقيقه

ومااعرف شلون اخليج مطيرين

سليل : وخر ايدك وعوفني اطير ثواني وراح تلكاني على جتفك وماافاركك لزمتك غلط سجاد مو كلشي ينلزم يبقى عايش

سجاد : تعبت سليل حبج تعبني

سليل : وانت حبك دمرني لتأذيني بعد

سجاد : هذا هو التردي يجرالج دوام اداومين بس مالج دخل بأحد على كد السلام عليكم واني اوديج واجيبج

سليل : ليش مو عندي خط

سجاد : متردين تصبحين بوجهي

سليل : دنكت بأبتسامه تتوقع مااريد

سجاد : هسه

سليل : شنو

سجاد : شوكت نتزوج

سليل : ههههه بكيفك

سجاد : باجر

سليل : ههههههه لا مو لهاي الدرجه

سجاد : محرم بعد كم يوم

سليل : وره محرم وصفر

سجاد : وابقى شهرين

سليل : بقيت سنين وهسه شهرين متتحمل

سجاد : تدرين شكد اشتاقيت لريحتج ولكل مسامه بيج

سليل : مد ايده يحضني ويريد يبوسني ومحسيت غير الباب انركع عرفت ذني يمكن جانن يتصنطن

سجاد : هسه اذا اطب واركع راس براس احد يلومني مشتعل نار واريد اشم ريحتج وذني واكفاتلي يتسمعن

سليل :ضحكت وكتله اروح ادخل ذني مراح يجوزن

سجاد : رايح لابوج اتفق ويااه باجر جاي نقرا الفاتحه

سليل : مو باجر عفيه خليها فديومين احظر نفسي

سجاد : ماطول ماضل وكت عدنا خليها عقد وخطبه فد مره واشتريلج ذهب ونسوي نيشان

سليل : هيج ركض ركض

سجاد : هااج الشيب شوفي كله من قهرج وتكولين ركض ركض تقرب وباس راسي وهمس بأذني صيري حلالي لو مو ذني واكفات لو الدنيا كلها اخذج بحضني

سليل : ابتسمت وطلع كمت من مكاني اول مدخلت لكيت وحده فوك الثاني يتعاركن يردن يسمعن شصار طبيت ماما كالت هااا يمه نكول بلخير

ابتسمت وكلت كوولو بلخير

واشتغلت الهلاهل

وريم تهوس وتكمز

اجه العريس والكذله تهفيله مدري شكالج وانتي غمزتيله

احنه الطكينا اصبعنه حتى الحاكم وكفنا

ويطكن اصبع

وراها بابا اجه وصاحني وكاال هاا نتوكل

سليل : اي بابا

بيومها ممصدكه اني صرت لسجاد لا مستحيل

ومرت ٣ ايام ركض بركض لان عكب باجر محرم لهذا استعجلنا ولان سجاد ماعنده احد اقتصرت الفاتحه على شعلان وعمو محسن وبابا وحسين عزمه سجاد بحكم قرابته وعلاقته بيه دخل وايدي على گلبي شلون راح تشوفه ريم وسامر هم موجود مااعرف شراح يصير رغم كل تفكيري يم ريم اخاف يصير شى يزعجها بس فرحتي غطت على كلشي

قرو الفاتحه واشتغلت الهلاهل واجه السيد وكطع الحق لهسه صوته وهو يكول موافق ادك بروحي واني كلت موافقه

وصرت زوجة سجاد الطك روحي وخلص عمرنا لحد مصرنا سوه

دخل عليه والابتسامه الرزنه بوجهه ياناس هذا الرجال روحي بيه مو بيدي الله خلقني وخلقه بس حتى نصير سوه جنت لابسه بدله عدله مردتها بوف لان تثول لكيت وحده نازكه عدله لونها ذهبي فاتح ربع ردن واني حنطيه كلش لايكه لبشرتي ومرحت صالون ريم مكيجت اليه وجنات حفتلي وشسورت شعري حسب كلامهم طالعه كلش حلووه

سجاد : لو متزوجين اليوم

سليل : ههههه ليش مو تزوجنا

سجاد : اريدج هسه بيتي كله من وراج أخرتينا

سليل : واذا تضوجني اكثر اخرها يجوز جم سنه

سجاد : اي جهال ريم ورشا يزفونا

سليل : ههههه عادي مو اتزوجن البنات قبلي

طلع الذهب اشتريت تخم بسيط عندي يسوه كيلو ذهب مهمني لان فرحتي تسوه كنوز الدنيا ولبسني الحلقه والذهب وكل شويه يطخ بيه

سجاد : لطلعين هيج اخاف الولد يفوتون

سليل : وين طالعه بس الك

سجاد : الصبر منك ياارب لتتحارشين

سليل : صار

حضني وباسني من راسي وكاال الله يحفظج اليه وميحرمني من ضحكتج

سليل : ولا منك ياصبر گلبي وعذابه

ريم : جنت فرحانه بسليل لدرجه امشي واهوس واصفك ومنطلقه ممصدكه ذوله الثنين راح يتزوجون أشرلي سامرمن بعيد  يريد مي رحت للمطبخ اجيب بطل اله وجان يصير بوجهي

حسين : شلونج ريم

يتبع ......

#رواية_أبي_والغزلان_الجزءالثاني

#للكاتبة___REEM___ريام_هادي

#البارت_السادس_والعشرون

شلونج شلون المحنه..

شلون حبنه البي كبرنه

زينه مرتاحه بحياتج..

عفتي ناري وخذتي جنه

ادري موسهله علئ كلبج...

ينسئ حبنا المن زغرنه

اخ لو يرجع زمنه وترجع...

الضحكه البريئه اتلم شملنه

ذنبي حبيتج يريم وضيعيتج...

والسبب جانو اهلنه

حضي العاثر طحتلي...

باهل ماعدهم محنه

لوعة كليبي ويكلبج...

كون بلخيب املنا

(هديه من احدى المتابعات )

ريم : جنت فرحانه بسليل لدرجه امشي واهوس واصفك ومنطلقه ممصدكه ذوله الثنين راح يتزوجون أشرلي سامرمن بعيد  يريد مي رحت للمطبخ اجيب بطل اله وجان يصير بوجهي

حسين : شلونج ريم

ريم : جنت عركانه ومحتره من الركص بس شفته والله ثلجت مباشره اطراف ايدي ورجلي ثلجت بلعت ريكي بصعوبه وكلت  الْحٍمَدٍ للـّہ انت شلونك اباوع عليه طولانه لحيته وجهه تعبان مو هذا حسين العيونه تضحك للهوا صار من اخر مره تناقشنه اني ويااه مشايفته فوك السنه مشفته

حسين :  الْحٍمَدٍ للـّہ

ريم : سحبت بطل المي وجان يكول

حسين : مبروك على الزواج

ريم : ااااخ ربي صبرني گلبي يدك بين اضلوعي مديرحم حالي گلبي خاين بعده يركض اله من يشوفه ويسمع صوته

فتحت بطل المي وشربت منه وكتله الله يبارك بيك شكراً

حسين : مرتاحه

ريم : اي  الْحٍمَدٍ للـّہ

حسين : رجلج زين وياج

ريم : سامر طيب وهادئ يعني مرتاحه

جر حسره قويه وكاال

حسين : حبيتي

ريم : فتحت عيووني مصدومه اني ام لسان الي الكل تكول وكحه ولسان ومينكدر الج بذيج اللحظه انبلع لساني معرفت شجاوب وشكول گلبي يكوول هي هينه ويحب غيرك وعقلي يكول انت ماضي وانتهى وهسه سامر زوجي جانت المشاعر وگلبي وعقلي يتعاركون بداخلي صايره اني حرب الهم يطحنون بيه شكد ميكدرون كل واحد منهم يكول اني راح افوز وتاليها ولا واحد منهم فاز كلهم انداسو وضاعو يوم مادرت وجهك يـِْ♡̨ـِْا حسين ورحت دنكت بدون مااجاوب

جان يكول كلمة لو ذابحني ولا كايلها

حسين : اشتاقيتلج ريمتي

ريم : بلحظتها هاي هيه اعلنت روحي وعيووني الاستسلام ونزلت دمعتي جان اسمع صوت سامر ورايه

سامر : وين صرتي تاخرتي

ريم : بحركه سريعه مسحت عيني وانداريت عليه هذا المي جبته جنت متوتره لدرجه لاحظ هذا التوتر عليه سامر باوع على حسين وكاال

محتاج شى

حسين : لا بس اجيت اخذ مي وشفت ريم وباركت اله على الزواج

ريم : باوع عليه سامر وبهدوء كال يله امشي طلعت من المطبخ اني وياااه سحبني حييل من ايدي وبنبره حااده كلش

سا امشي للبيت

ريم : فدووه خلي اكمل الخطوبه ونروح

سا كدامي لااسوي الخطوبه عزه عليج

ريم : خفت لتصير عركه وادمر فرحه سليل جبت غراضي وبست سليل الي ضلت صافنه شلون راح اعوفها واروح

وطلعت اركض وراه

اول مصعدنا السياره شخطها حيييل والطريق كله صار نار شفت انسان ثاني مو سامر الهادئ البارد الي الكلمه تطلع منه بأحساب

سامر : شعندج ويااه هااا شكال الج

ريم : والله باركلي على الزواج

سامر : وبلمطبخ وحدكم

ريم : مابيها شى غير ابن عمي

سامر : بله لو واحد طاب وشافكم شيكول

ريم : شبيهه وكفتنا اكول الك ابن عمي ويباركلي شكوو بيها

سامر : لو اي ابن عم عادي مااهتم هاي مو اشوفج تتشاقين ويه سجاد ويه شعلان عادي بس حسين لا ريم اياج بيوم اشوفج واكفه وتحجين ويااه نسيتي جان خطيبج

ريم : اي نسيت وهو هسه بس ابن عمي

وصلنا للبيت وجان حيل عصبي صعدنا للغرفه وجر ايدي بقوه ويحرگني لدرجه حسيت ايدي راح تنخلع من قوت حركته

سامر : اخر مره اشوفج واكفه وحدج ويااه اذا حسين واكفه بليمنى توكفين بليسره ماكو مكان يجمعكم افتهمتي

ريم : تره والله مسويت شى غلط

سامر : ليش انتظرج تسوين شى غلط غير افصم راسج عن جسمج مااريد توكفين ويااه وانتهى

ريم : سكتت وكتله مااشي

سامر : اني منطيج الحريه لتخليني اتندم عليها والله اذا خنكتج اخليج تتمنين الموت خليني عااقل وياج ومحترمج ومقدرج اكبري ريم انتي هسه متزوجه وكل حركه منج محسوبه

ريم : ممكن تعوف ايدي حييل وجعتني

تركني وكعدت على الجربايه وكتله تره اني متربايه وبت ناس واعرف الصح والغلط ومايوم راح اسوي شى يخجلك اطمن

سامر : لو مو بت ناس مااتزوجج مشكيت بأخلاقج بس اريدج تنتبهين على تصرفاتج اليوم راح امشيها واعتبرها صحيح يبارك الج مره ثانيه ياريم اي مكان حتى لو بلشارع واكفه ويااه وحدكم اگلبها عزه عليج اخليج تبجين دم افتهمتي

ريم : افتهمت  متناقشت ويااه لان هو عصبي واني حييل متأذايه من الموقف كله

عافني وركع الباب ونزلت كمت واني احس بألم بكل جسمي ومخنوكه من كلشي صار من شوفت حسين ومن كلام سامر اخذت المنشفه وطبيت سبحت ردت بس ابرد بس اهدأ افترت الدنيا واني بلحمام ولزمت البوري جان وكعت على راسي طلعت تمددت بلفراش والدوخه زادت اكثر سحبت التلفون ودكيت على زينه هي جوه صعدتلي تركض

زينه : بيج شى

ريم : روحي ماعيه واحس واحد يفر بيه دايخه حييل زينه

زينه : تعاركتو موو صوته لوين واصل

ريم : عاادي تصير ركضت زينه وجابت خيار وملح عبالها هبوط ضغط وره شويه وكلتني حلاوه تحير شسوي حتى اصير زينه

سليل : كملت الخطوبه وكلهم راحو لبيتهم وبقينا اني وسجاد وحدنا

سجاد : شنو رأيج نصعد للسطح

سليل : عيب وبابا وماما

سجاد : غير مرتي تره والله اخذج هسه للشقه واريد اشوف منو يحجي

سليل : ههههه لا فدووه لتهدد

سجاد: مااسوي شى حااب اكعد وياج هناك لو السطح بس للمصايب

سليل : اوووف خلصت عمرري بيه

سجاد : اصلاً امني نكعد بس نسولف هم اخاف يشرف على الجيران

سليل : هو انت تخلي يشرف مو اخر مره حطيتله شبكه وكطعت الهوا كله

سجاد : شسوي خفت ابن گلب يباوع عليج وادخل بخطيته واذبحه كلت اسلم حل اسوي قمريه من شبجه لان شكد حاولت امنعج من السطح مفاد

سليل :  محد صبرني غير السطح على سوالفك وأذيتك

سجاد : صرت اني موزين هسه

سليل : اي انت

سجاد : امشي نصعد لزم ايدي وصعدنا واخذت ويايه كيك وببسي باقي من الحفله ولفات وصعدنا فوك كعدنا بلكاع اكو جودليه (مفرش) فرشتها وكعدنا

ابقى شويه ابدل واجي

سجاد : ليش والله حلووه هيج

سليل : ماارتاح بلبدله بلكاع ثواني ما اتأخر ونزلت ركض بدلت جنت طايره طير ممصدكه راح اكعد ويااه بدون عراك ومشاكل وطلايب

لبست تراكسودي الجديد وبقيت المكياج وشعري لان مرتبات بس عدلت الباودر وحطيت عطر وصعد

كعدت بصفه نضحك ونسولف واكلنا شويه وكاال

سجاد : سليل

سليل : عيونها

سجاد : انتي احلى شى صار بحياتي

سليل : صدك

سجاد : مرات اصفن اكول لو محابها شلون يصير طعمها الحياه

سليل : اذا احلى شى وشويتني مثل السمج المسكوف وفحمتني لو مو احلى شسوي تفخخني

سجاد : على اساس انتي قصرتي لو نسيتي شسويتي

سليل : حسيته بده يتعصب تقدمت وبسته من خده ابتسم بهدوء

سجاد : شسويتي

سليل : مااريدك تتعصب

سجاد : هااا هاي رشوه حتى اسكت

سليل : ايييي

سجاد : بس اني ماامشي بس بلورق العراقي مااستخدمه

سليل : يعني شنو جان يأشر على شفايفي

لشفايفه

سجاد : هذا الورق اريده واصير انعم من الدخن

سليل : هههههه اني اشتغل بس عراقي ورجعت بسته من خده

سجاد :مبين انتي متجين بلهدوء اله بلغصب وجرني حييل وباسني من شفايفي

نسيت اسمي ودنيتي وكلشي عشته لحظه واني بحضنه وبكل حب نستني اي دمعه نزلتها بسببه

بقينا نسولف ونضحك  وكل شويه يحضني يبوسني وابادله بهدووء ورومانسيه صعدت ماما فجأه شافت كعدتنا مابيها شى همزين بوكتها جنا نضحك منسوي شى بس تستحي تكول لسجاد روح باوع على ماما وكال الها

سجاد : انزلي نهر اليوم بايت هنا يمها

نهر : ولك شلون يصير

سجاد : مرتي وبكيفي ولتخافين اسلمها الصبح الج مثل ماهيه

نهر : كوم سجاد روح لبيتك ومن تصير بيتك عود اشبع منها

سليل : كووم حبيبي هم استحي من بابا

سجاد : اني انزل لطه

سليل : لزمته من ايده وكتله بداعتي لتحرجني الايام طويله ونعوضها

سجاد : اووووف صاار وانتي نهيران بعيني اطلعها بيج

نهر : هم نزل وهم يدبج على السطح تره مااخليك تشوفها

سجاد : مو هي بكيفج

نهر : يله روح واصبر ان الله مع الصابرين مو جنت تدلل عليها اكلها حييل بيك جان هسه ابنك بطولك

سجاد : لتذكريني تره مااروح

سليل : هههه يله حبيبي تصبح على خير

باسني من راسي ونزل حضنت ماما حييل وابوس بيها

نهر : خوً انتي عيني متختخه بحضنه صارت بال ١ بليل ولا دايره بااال

سليل : وداعتج للفجر مااحس

نهر : فرحانه ماما

سليل : كلش يووم كلش

نهر : الله يديمها عليج يله انزلي ارتاحي ونامي

نزلت شويه واتصلت بيه اطمن وصل وبقينا للفجر نسولف ممصدكه سجاد رجعلي وكل ميحجي يكول انتي اليه انتي مالتي وابتسم على كلامه

ريم : ثاني يوم بقى وضعي وصحتي مخربطه عرف سامر وفاجأني من كتله على الاعراض كاال احتمال حاامل نبض گلبي اني اصير ام اخذني لصديقه محلل رغم جان ثكيل وجهه عليه بسبب الصار البارحه

جان نحلل واطلع حاامل من طلعنا من المختبر كاال مبروك حسيته فرحان مو جامد مثل كل مره

وصلت للبيت بلغت امه واخته الطارو من الفرح وخابرت البنات وبلغتهم الكل فرحلي وماانكر اني هم فرحت راح اصير ام

سليل : جنا كاعدين وره الغدا غزل تغسل مواعين وجنات متمدده على التلفزيون تتفرج مسلسل واني العب ويه اموري اندكت الباب راحت غزل تفتحها وجان تكول عمتج جنات هي وحماج بلباب

جنات : ياستار شكوو

نهر : خلي يطبون يمه ونفهم شكوو

سليل : دخلت عمه وجنات وشويه ونسمع هوسه

جنات : ماانطيكم ابني على اي اساس

ام عدي : ابن ابني واني اربي ليش يتربى عند الغرب

جنات : هذا ابني ياغرب تحجين عنه وهسه تذكرتي عندج حفيد صار سنين ذابته

اخو عدي : بله حجي زايد لو تجين تعيشين ويه امي لو تنطينا الولد احنا نربي

جنات : ماانطي لو تموتون تالي وكت طلع عنده عم وين جنت عنه من مات اخوك سألت بيوم اجيت شلت تلفون وخابرت وكلت ابن اخويه مريض تعبان بيه شى ولا يمك هسه صرت حنين وين جانت الحنيه من اخذتو الاثاث وبعتوه واخذتو نص فلوسه مكلتو عيب مكلتو هذا مال يتيم هسه كامت تقطر عليكم الحنيه

ام عدي : اسمعي هذا الحجي لايوكل ولا يشرب عدنا لو تجين تعيشين يمي وابن عدي يتربى كدام عيني لو ولي وين ترحين اديحين ديحي بس تنطينا ابنا

سليل : واشتغل العياط ويردون يطبون ياخذوه خابرت سجاد وبابا وسجاد وصل قبل بابا لان قريب

طب يعيط وجر حماها لجنات وطرده هو وامه

سجاد : اذا اجيت بعد اكسر رجلك

ام عدي : اله اخذه منج بلمحكمه واخلي حسره عليج شوفته

نهر : على اي اساس منو مقشمرج وكال الج من حقج تاخذي

ام عدي : لو اعرف اطعن بيها واخذه ماطول حارمتنا منه

جنات : الله اكبر عليج تردين اطعنين بشرفي حتى تاخذي هسه لو حنينه عليه اكول حقها شو كل كم شهر ادزيلج كم شغله مابيهم ١٠ الالاف دينار وهو طفل وحده مصرفه بال ١٥٠ الف مكلتي شياكل شيشرب خلف الله على عمي هو متكفل بكلشي يخصه ويخصني منين نزلت عليج الحنيه

سجاد : خلي احد يلمس سمعتها او شرفها اكاومكم عشائرياً وانعل سلفى سلفاكم واشوف يارجال منكم يطلع راسه ويحجي بعد والي يوصل هنا انعل امه وابوه روحو منا لا اجيب السلاح افرغه براسكم

سليل : سجاد حيل جان عصبي ولزم حماها لجنات وضربه بوجهه وصار مصايح وتالي اجه بابا وعمو محسن وفضوها وذولاك بقوو على رأيهم يردون امير او تجي جنات تعيش يم امهم وكبرت السالفه بس جنات جانت حيل مرعوبه

وره يومين خابرت رشا واقترحت تروح جنات تعيش يمهم وخاصه ميعرفون رشا بلكوت ولا يندلون مكانها بين متخلص الشغله خافت لايوم يدخلون عليها فجأه وماكو احد بلبيت وياخذون اموري لهذا اسلم حل حالياً بين متنفض قانوناً وعشائرياً تختفي جنات من عدهم وأمن مكان تعيش يم رشا وحضرت غراضها وكلشي يخصها ويخص ابنها وراحت للكوت ويه شعلان ورشا

اني غزل طه  ياسين اصغر غزلان طه اخر العنقود مثل ميكولون حياتي كلكم تعرفوها ولحد هسه محد يعرف داخلي شنو

اني بنيه حالي حال كل البنات احب افرح واضحك واعيش مثل باقي البشر بس يمكن الظروف المرت بينا خلتني مميزه بكلشي

اني من دون خواتي قليله الكلام عندي قابليه مااحجي يوم كامل واجاوب على كد السؤال يكولون هذا طبعج وانتي صغيره لدرجه نعوفج ساعات نرجع نلكاج نفس مكانج ولعابتج بيدج بابا يصيحلي غزوله نسمه البيت الهادئه وريمو تصيحلي ام نص لسان لان مااحجي بس وكت ماافتن عليها واحب اسويها عصبيه ريم الوحيده الي تضحكني وتغير حالتي النفسيه

جنت دوم اصفن على خواتي واكول ياريتني مثل سليل ابجي شوكت مااحب شوكت ماازعل الطريقه الوحيده لتفريغ الهم البجي ياريتني مثلها طبعاً سليل اصيح الها ماما رغم بس ١٠ سنوات بينا لكن تعلمت اصيح الها ماما لان احسها امي قبل متكون اختي

واحب اصير مثل ريم اضحك واكمز واتشاقه واخذ حقي من اكبر واحد ومااخاف ومثل رشا شخصيه قويه حاده الطباع وعقلها اكبر من عمرها وترد الضربه بعشره تمنيت اخذ من كل وحده بيهن الصفه المميزه بيها بس اني طلعت بيه صفه غير عنهن تلاثتهن صفه الصبر والسكوت

من اني وصغيره واني اشوف الحرك الي بيه برگبتي بلذات  ومااعرف هو شنو وماما سليل تكولي يروح من تكبرين لحد ما وعيت وبيوم جنت بلخامس الابتدائي وبنيه ويانه احتركت رجلها وراها داومت وشفت رجلها شلون اتشوهت والطلاب يخافون منها عرفت هذا حرك قديم ومراح يروح مني واخاف قبل جنت حذره ماانزع الحجاب صرت اضعاف حذر وخوف صديقاتي الكل ماعندي وحده معينه ياهو التجي تكول خلي نلعب العب وياها وبلمتوسطه والاعداديه اكعد بلفرصه ويه البنات واسمع كلامهن وسوالف المراهقه مالتهن بس دوم يكولون الي لحد ما وصلت كليه ليش هيج انتي هادئه ابتسم واكول هذا طبعي

يمكن تحت الهدوء عاصفه ويمكن مراح يبدر مني شى بيوم رغم كل المريت بيه

اليوم بيدي الصدريه لازمتها وفرحانه بعد التعب هذا كله راح احقق حلمي وصلني عمو سجاد للكليه بعد موصلنا ماما سليل للدوام

سجاد : عندج مصرف

غزل : اي عمو عندي

سجاد : هااج

غزل : والله عندي

سجاد : ولج هاج خليها بجنطتج اخاف تحتاجين شى

غزل : اخذتها منه هو الوحيد الاخذ منه بعد بابا وخواتي وماما نهر وحطيتهم بلجنطه وطبيت گلي تفائل بدراستي انقبلت علوم بايو مسائي الجامعه المستنصريه

طبيت وكعدت بلستول وحدي وبدت الطلاب تدخل وناس تعرف على ناس وكل طالب يكوم يعرف عن نفسه وصل السره اليه وتكلمت بس الاستاذ كال صوتج ناصي علي ورجعت حجيت جنت موت خجلانه

مرت اول فصل دراسي جنت شاطره واقرا ومااحب اترك محاظره مدنجه واقرا وبصفي صديقه تعرفت عليها اسمها حوراء

حوراء : غزول

غزل : امممم

حوراء : شوفي ذاك شلون ذبح روحه عليج

غزل : مالي دخل بأحد فدوه حوري لا كل شويه تشتتيني بشى اريد اقرا

حوراء : شكد تحبين تقرين حشره كتب

غزل : اي حشره كتب واذا متقرين كومي منا بعد نص ساعه الامتحان مالتنا

امتحنت وكملت وجنت حيل فرحانه لان جاوبت ورجعت للبيت طايره نزلت من الخط جان واحد كاعد بسياره حديثه باب بيتنا لابس مناظر شمسيه مديت راسي من بعيد اشوف منو مباشره نزع المناظر وكاال

فيصل : اكو شى

غزل : ارتبكت وكتله انت ليش واكف بابنا تريد شى

فيصل : وانتي اي واحد يوكف بابكم تسألي

غزل : عفته وطبيت مدري وين شايفته  دخلت للبيت لكيت عمو محسن جاي ياخذ غراض بابا محتاجهم

غزل : هلوو عمو

محسن : ياهلا بأحلى الغزال شلونها المحلله

غزل :  الْحٍمَدٍ للـّہ عمو

محسن : بله متحلليلي رحمه لابوج احس الضغط صاعد عنده من وره سوالف طه وراح يجلطني

غزل : ههههه بعدني عمو مااعرف احلل من اتعلم اول واحد اخذ دم منه لان ماشاء الله الاورده مالتك بارزه

محسن : جنج على اورده انطيج ايدي وجككي براحتج

غزل : شكراً عمو فدووه لقلبك اكو ولد بره بلباب

محسن : هذا غضب الساطع ابني

غزل : هااا واني اكول وين شفته

محسن : خوما ضوجج

غزل : لا ماكو شى من رخصتك  طبيت بدلت ومرت بعدها الايام بس الصار بعد اسبوع واحد بس اتفاجأ عمو محسن وزوجته القليل تجينا وابنه فيصل الشفته بلباب ذيج المره  عدنا مهتميت بلبدايه واصلاً مطلعت بس ماما نهر كالت سلمي وادخلي لبست تراكسود مستور وشال طلعت سلمت ردت اطلع جان يكول عمو

محسن : وين فالته متردين تشوفينا ابتسمت على كلامه وكتله بلعكس عمو احب اكعد وياكم بس لان عندي دراسه

محسن : الدكتوراه مالتج عوفيها وتعالي اكعدي لا مااخليج تسحبين دم مني

غزل : ههههه كعدت صار

بدو يسولفون وزوجة عمو محسن تباوع وتبتسم لحد مكال عمو محسن

محسن : اجيتك طه ومااريدك تردني

حجي طه : شنو هاي الرسميه التسولف بيها معرفتك

محسن : خليني محترمك اله احجي مو غير الجماعه كاعدين

حجي طه : هههههه اي هذا محسن احجي شتريد بس لتكول باجر متجي كومه عدنا شغل

محسن : وين اروح يول مكابلك وكاعد متشوف كطعت الخلفه

حجي طه : ههههه احجي أمرني

محسن : اجيت اطلب ايد بنتك غزل لابني فيصل ومااريدك تردني

غزل : اني جمدت شنو منو شصار لدرجه مرمشت

نهر : منتبهت لغير ما ماما نهر اشرت اطلع

حجي طه : والله فاجأتني مااعرف شكول الك

محسن : كول كبع واخذ من يم الكل كبع واخذ من يم محسن مااعرف شكول مو البكه مالتي مخططه متكرص

حجي طه : ههههه انطي صبر غير استوعب كلامك

محسن : فيصل احجي بلسويدي كلي اريد غزل مره الي تعرف ثقافته اجنبيه خريجه جامعة سوك العوره

حجي طه : يابه شكتلك اني وهيج گبيت

محسن : هسه شنو جوابك فضني

حجي طه : مشايف واحد يخطب هيج

محسن : تره اني عمها هسه اخذها بملابس البيت واعقد عليها لابني

حجي طه : اذا برضاتها اني اجهزها ولبابك اوصلها

محسن : خلي يولن تره متكسر عيني بكلامك

حجي طه : ههههه اعرفك متنكسر عينك انت

محسن : بلخير عليك ابني نقرا الفاتحه

حجي طه : يمعود انطي صبر خلي اسأل لبنيه اكلتنا حاصل فاصل

محسن : نشوف طه باجر اجي اريد احدد موعد الخطوبه ولتعبني اني رجال عندي ضغط واخاف على روحي انطيني بنتك جنه اليه ومااريد من جهرتك شى ثاني

حجي طه : هههه صار اسألها واذا قبلت التريده يجرالك بس تعال تره ميصلح احنه بصفر خليها وره صفر ارداك الجواب

نهر : ضليت صافنه وگلبي قبضني غزل تتزوج بعدها صغيره يمكن هي الوحيده المااريدها تتزوج احس اضيع بدونها ومنا خواتها اتزوجن وبقت بس سليل وكلها ايام وتروح اضل وحدي دمعت عيني متحملت كمت ورحت بلمطبخ ابجي

سليل : كاعده احضر العشا اخاف عائلة عمو محسن يبقون طبت ماما تبجي

سليل : وكفت هاا شبيج يوم

نهر : حضنت سليل خطبو غزل من طه هسه

سليل : شنو منو خطبها

نهر : محسن لابنه

سليل : بس هي بعدها اول كليه

نهر : اكيد ابوج ينطيها وخاصه لمحسن صديق عمره

سليل : وغزل شكالت

نهر : اشرت الها تطلع يمكن صعدت للغرفه فوك

سليل : وانتي ليش تبجين

نهر : شون ماابجي وبناتهن كلهن راحن وراح ارجع وحدي

سليل : حضنتها حييل وين انروح عنج غير انتي امنا الحنينه مرجعنا الج بس هلمره مو وحدنا جهالنا ويانه

نهر : يوم عيد ياسليل واشوف الجاهل بيدج والله محد لوع جبدي بكدج وكد ذاك المخبل

سليل : هههههه ان شاء الله بس لتبجين فدووه اروح اشوف غزل

صعدت لغزل لكيتها تقرا هاا غزول

غزل : هاا ماما

سليل : عرفتي بعمو محسن

غزل : اي عرفت

سليل : وانتي شنو رأيج

غزل : بكيفكم بس اني اريد اكمل دراستي

سليل : كولي لبابا هيج

غزل : استحي

سليل : هاي حياتج ميصير تستحين

غزل : مااشي

سليل : واذا قبلو تكملين دراسه

غزل : شفتي لفيصل

سليل : شفته مره مرتين ليش شبيهه شاب حليوي جعلته اخويه ومرتب وفوك كل هذا متربي بلسويد بلخارج يعني مو معقد مثل العندي يطك الگلب

غزل : بس شايف نفسه عبالك ابن رئيس وزراء

سليل : وين شفتي

غزل : ذاك اليوم بلباب ويحجي بغرور اكره ولد هيج

سليل : هاي حياتج وانتي بكيفج تقبلين متقبلين براحتج

غزل : باجر عندي امتحان اقرا وبعدين الله كريم

سليل : والله وكبرتي وصرتي عروس ويجون الخطابه على بابج

غزل : ياريت مااتزوج

سليل : ليش

غزل : منو يقبل بيه هيج

سليل : هسه مو فيصل خطبج

غزل : يجوز ميعرف وخاصه محجبه دوم كدامهم

سليل : بس مرته اجت بعرس ريم واكثر من مره شافتج

غزل : اذا اني من اشوفه اختنك شلون الي يتزوجني

سليل : مو رحنا كم طبيب وكال نسوي عمليه تجميليه وانتي مقبلتي

غزل : اخاف ماما وهنا الطب فاشل واخاف يسكطوني

سليل : هم نسأل ونشوف اقري حبيبتي ولتفكرين

غزل : اقرا مستحيل اكدر اقرا اخر شى اتوقعه اتزوج كل خواتي تخرجن يله تزوجن

معقوله اتزوج واعوف كليتي

وره ساعه اندكت الباب ودخل بابا

حجي طه : شسوي المحلله

غزل : كعدت عدل وابتسمت ادرس بابا

حجي طه : عرفت شويه اكعد واروح حتى مااشغلج

غزل : الوكت كله الك بابا

حجي طه : سمعتي عمج شكال طلبج

غزل : اي

حجي طه : شتكولين

غزل : سكتت

حجي طه : احجي بابا اني مااجبرج اذا متردين وهم ممتعاجز من لكمتج اخاف عبالج اريدج تتزوجين والله على عمه عيني صاعد هسه واسألج ولو غير محسن من الباب اكول الهم ماعندي مره بس تعرفين معزت عمج عندي وهم ما أمن عليج يم الغرب اقلها من انتي يمه احسج بعدج يمي واعرف زوجته طيبه وخوش مره وانتي فقيره مو مال ناس منعرفهم اسلمج الهم

غزل : ودراستي

حجي طه : اول شرط احطه تكملين دراسه

عز معناها انت موافق

حجي طه : والله ياغزوله لو عليه احطج بجام خانه وما ازوجج العمر كله بس هاي سنه الحياه واذا مو اليوم بعد سنه بعد سنتين بس الفرق مااعرف الناس الراح تجيج شلون وانتي بلذات غير خواتج كلهن هادئه وفقيره اخاف توكعين بيد ناس مترحمج وابقى اتندم العمر كله لان مأمنتج عند محسن

مااريد جوابج هسه شوكت متحبين انطي جوابج

غزل : الله كريم باس راسي وطلع وبقيت محتاره اقبل لو ارفض

بقيت افكر الليل كله شفت اشكال الحب من سليل وحبها الجنوني لسجاد ورشا وحبها بكبرياء لشعلان وريم وحب الطفوله الي مع الاسف انتهى بألم بس اني هم اريد احب مثلهم هم افكر واسهر تمنيت اعيش علاقه حب وانسان يحبني واحبه واكافح حتى اتزوجه

اول مره احس روحي ضايعه ومااعرف شريد

سليل : كاعده اليوم اخذ اجازه ارتاح شويه من الدوام دزيت رساله لسجاد بليل باجر مااداوم اجه اخذ غزل وصلها جنت نايمه ماادري كعدت ساعه ١٠ تريكت وغسلت مواعين الريوك وسألت ماما شنسوي اكل

نهر : يمه اشكال المرك بلمجمده طلعي وبس طبكي التمن مديت راسي  بالمجمده اباوع عدنا قيمه جابوها النا وعدنا شجر وعدنا فاصوليا طلعتهم تلاثتهم وكلت اشوف شياكلون واسوي التمن

نهر : يمه رايحه لبيت ام عباس امهم مريضة أدي واجب واجي محتاجه شى

سليل : ببسي فدووه ماما

نهر : ولج موزين على عظامجً

سليل : مابيهم شى لتخافين ماانكسر قبل العرس

نهر : تف من حلكج فال الله ولا فالج

سليل : بس قوطيه وحده

نهر : مااشي واجيب خس هم حتى تسوين زلاطه ماعدنا

سليل : مااشي

باوعت شسوي هسه رفعت ملابسي جبت وصله المسح امسح الاطراف الممفروشه

وادندن مابيه عوفن هلي ولا بيه اعوف هواي وجان احس واحد يحضني من وره حيل وشالني من الكااع عطت عيطه من الفزه

سجاد : اني اني شبيج

سليل : حضنته وكمت ابجي

سجاد : شبيج حبيبي هاي اني

سليل : والله متت رعب

سجاد : ليش مبقيه الباب مفتوحه مو كم مره كتلج تسديها

سليل : هسه طلعت ماما للجيران يجوز هي بقت الباب مفتوح

سجاد : طبيت لداخل البيت وحضرتج تغنين

سليل : عفيه سجاد لهسه الهبطه بيه بعدين حاسبني

سجاد : تعالي حبيبتي خفتي مووو

سليل : حضني حييل وبدا يتلمس جسمي وخرت منه وابتسمت راحت الخوفه

جان يسحبني ويكول لا بعدج خايفه ادري بيج

سليل : ههههه سجودي بطل هاي سوالفك

سجاد : غير علمودج صدك سوي زين وذب بلشط

سليل : لتسوي وعوفني اكمل شغلي يغمز ويحجي

سجاد : ماكو احد بلبيت مو

سليل : بلعت ريك هاااا مو تدري ماكو بعد ليش تسأل

سجاد : انتي مو مرتي

سليل : المفروض

سجاد : ليش منتزوج هسه وره صفر اسويلج عرس

سليل : طفرت منه سجاد حبيبي مبقى شى ايام وتجي فرحه الزهره ونتزوج

سجاد : مو شيب ابويه حرگتي كل مااجي حسره عليه احضنج ابوسج

سليل : هانت ايام واصير بيتك

جان يتقرب وسحبني من ايدي وحصرني بلحايط

سليل : فدووه لتجي ماما عيب كدامها صير عاقل

سجاد : بوسيني يله اكعد عاقل

سليل : بسته من خده

سجاد : اي مو اني اموري وتبوسيني هيج

سليل : شتريد

سجاد : اريد بوسه اطفين نار گلبي واله وروح ابويه اخذج هسه وشيصير خلي يصير

سليل : لا لا راح ابوسك وتقدمت بهدوء وبسته من شفايفه محسيت غير يبوسني ويتفنن ويتلمس كل جسمي ذبت بكل حركه يسويها غمضت وسلمت روحي اله شكد جان مشتاقلي اني هم مشتاقه اله جان متلهف بطريقه مجنونه ويتنقل بين شفايفي ورقبتي وجان نسمع الباب ونطفر

ونسمع صوت اخر وحده نتوقع نسمع صوتها

ريم : هااا ولكم شسوون وكحين

سليل : هااا ريم بيج شى هبطت من شفتها

ريم : اجيت حتى امنع الجريمه النكراء الي تريد تصير 

سجاد : لا هله شجابج

ريم : حظك عموو هذا شعبالك  شوف شمسوي بدنيتك والله سلطني عليك

سليل : احجي بيج شى

ريم : بيت ابويه واجيت غزل خابرتني واااااخ  الْحٍمَدٍ للـّہ اجيت جان راحت اختي بشربت مي

سليل : كرصتها كاافي

ريم : ليش اسكت شجنتو تسوون هااا

سليل : روحي لبيتج منريد نشوفج

ريم : تقربت من سليل وشاورته مو اذا رحت مو بعيد الكاج حامل الجيه الثانيه استري على روحج

سليل : ههههه ايا حقيره

سجاد : جوعان اني

ريم : حقك الله يعينك تتعب هوايه

سجاد : شتردين لج

ريم : علاكه حلويات لا وعلي افضحكم ومااخلي واحد مااكول اله لكيتكم بوضع الفحشاء

سجاد : غير مرتي

ريم : من تجي بيتك عيني عموو احنا ناس مؤدبين ماعدنا هاي السوالف ليش اطلع عيونا واحنا صغار

سجاد : والي بطنج شنو من الهوا اجه

ريم : قولون عموو مالك دخل بيه

سليل : اني اشتريلج والله

ريم : مالي دخل علاكه هسه تجيني وبيه جبس برنگلز

سجاد : هذا شنو بله

ريم : جبس بقوطيه طويله مو ابو الالف لتصير بخيل اريد القوطيه الجبيره ابو الالفين ونص وببسي مجرش وجم نستله الي يحبها گلبك

سجاد : بس لا مجوعج رجلج

ريم : لا يجب دائماً بس من يصير بطريقه القفص والاستغلال يصير طعمه اطيب

سجاد : راح اجيب مو لان خايف منج بس لان حامل وخطيه للطفل

ريم : كثر الله من امثالك انت جيب ومو مهم النيه

سجاد : حبيبي محتاجه شى

سليل : لا گلبي سلامتك

ريم : ولج خسري ياحظي وره الزواج تصير بلدفرات وميكول شتحتاجين هاااج هذا الموجود

سليل : سجودي ميكولها وتقربت وحضنته

ريم : بابا وينك تعال شوف بتك التكول عليها فقيره شلون تتحارش برجال كدامي

سليل : ضربتها على راسها صوتج عالي

ريم : يله جعت

سجاد : رايح باسني من خدي وراح

ريم : اي عيني اطورنا ست سليل صرتي فاسده وتشجعين على الفسوق

سليل : بطلي هاي سوالفج وتعالي كوليلي شجابج

ريم : خابرتني غزل وكالت علمود فيصل وتعرفين بيه مااتحمل بس كعدنا الصبح خليت سامر يذبني هنا

سليل : انتي شتكولين

ريم : والله انيالها اذا تزوجت فيصل كافي عمها ابو زوجها هو محسن وزوجته هم دره مال الله

سليل : زين وهو

ريم : اكيد مثلهم ولتنسين اختج ماعدها احد ولا تحب واحد لتروح توكع بواحد بأبن گلب يلعب عليها بلكليه وهاي فقيره بنستله واندومي يصادقها

سليل : لج مو لهاي الدرجه فقيره بس واعيه وحذره

ريم : اني العليه اكول تتزوج فيصل اقلها شوكت متحب تروح للسويد واكيد يسحبها اذا سافر

سليل : گلبي وجعني وين تروح غير اتخبل اذا سافرت

ريم : شسوي بلعراق العظيم شحصلنه منه بس الضيم خليها تغير حياتها

سليل : رشا عرفت

ريم : اي عرفت ورأيها نفس الشى

سليل : الاهم هو رأيها

اجه سجاد وكعدت اريد اكمل المسح جان يجي يشاورني

سجاد : بس ادنجبن كدامي لو مو ريم اخذج سحل للشقه

سليل : بطلت والله ماامسح

سجاد : جوعان لو اكلك اطيب

سليل : اليوم شجاك

سجاد : نايم وتفترين بلحلم عليه اكعدي يابنت الناس ميفيد تبوسين وتحضنين واني روحي خضره واجيتج طاير لو ما زيبك جاان اااخ منو يخلصج مني

سليل : بسته من خده وكتلك اموت عليك من تتحركص عليه

سجاد : افرحي عود من تصيرين عندي انتي مره وافلتي مني

سليل : تقربت منه وهمست بأذنه يجوز انت تفلت مني

سجاد : حبيبي سويلي اكل تره هواي تلعبين بناري

سليل : هههههه رايحه

طبيت للمطبخ وبديت احظر الاكل وهاي ريم حاطه الجبس وتخرخش بأذني

سجاد : اكو واحد يطبخ مركه شجر اياج سليل من نتزوج اطبخيها

سليل : شبيهه والله طيبه

ريم : اصلاً الشجر زايد على الخضروات ومركه الشجر جريمه بحق البشريه

سليل : ادري بيج متحبيها

سجاد : راح اجيب دجاجه ونتغدا عوفي كلشي

ريم : بربك عمو حمصها

سجاد : هاي البنيه اكص ايدي اذا رجلها يوكلها

ريم : هنا الاكل اله طعم ثاني يله لتتأخر

سليل : اجه ماما وكاعدين نسولف وجاب سجاد الغدا تغدينا سوه بعد مااجت غزل

وكعدناها بنصنا وكل وحده تحجي شكل

هدأ الموضوع ومنفتح بعد لحين انتهاء صفر

خلص صفر وعدت الايام ونركض نجهز المشتمل مقبل نكعد بشقته لان عماره وناس طابه وناس طالعه أجرنا مشتمل بعد عن اهلي اربع بيوت صغير ٦٠ متر بس عندي يسوه ٦٠٠ متر بيه صاله ومطبخ وحمام جوه وفوك غرفتين نوم وحمام احسه قصر لان ويه سجاد واثثناه وهديه بابا اليه مو مثل خواتي مردت ذهب لان عندي جابلي طباخ وثلاجه ورشا عليها التخم وريم الغساله وعمه سبلت وعمو محسن ميز طعام يعني نص البيت من اهلي واني وسجاد اشترينا غرفه النوم والكاونتر وكملنا باقي النواقص خلال ١٠ ايام بس نركض ركض وكمل البيت الجنت انام واكعد احلم يجمعني بيه

اليوم واكفه كدام المرايه وعيوني مدمعه من الفرحه لابسه البدله البيضه والبركع وممصدكه اليوم عرسي اي اليوم راح اتزوج اليوم راح انام بحضن حبيبي بعد عذاب سنين غمضت وتذكرت اول مره رف گلبي عليه وحبيته وجنت بنت ال١٦ سنه بسنه ١٩٩٩ من وكعت من الدرج وداراني ومن يومها گلبي يدك عليك ياسجاد من يومها وانت تمشي بدمي وحبك يتخلل كل مسامه بجسمي حبيتك بمراهقتي وحبتك بشبابي وكل مره احبك اكثر من قبل

واخذتني صفنتي لكل موقف وياه بزعله بعصبيته بهدوئه بحبه كل موقف جمعني بيه وتر نبضات گلبي رغم كل مشاكلنا المرينا بيها بقيت متعلقه بيه واحبه مكدرت احب غيره

وجان تنفتح الباب وتركع الهلاهل رشا وريم وجنات وغزل وماما نهر گلبو الدنيا

نهر : اللهم صلِ على محمد وآل محمد تخبلين يمه الف  الْحٍمَدٍ للـّہ الله انطاني عمو وصحه وازفج بيدي

سليل : بست ايدها وراسها الله لايحرمني منج يمه ومن حنانج ويحفظج النا

نهر : يله بنتي ينتظروج جوه كلهم

وطلعت والبدله تسحل ورايه وانزل درجه درجه واشوف بابا حبيبي مثل كل خواتي واكف ينتظرني يمكن بابا مكتوب عليه يوميه يودع وحده بينا وكفت بست راسه وايده وحضنته حيل سمعت ماما تكله

نهر : ماحجيت وياها شى ونصحتها مثل خواتها

حجي طه : الي تتحمل واحد مثل سجاد بعصبيته بعقله بأطباعه بخبالاته وتغير بيه وتخلي يحب ويأمن ويتزوج ويفتح بيت بعد كل المر بيه مينخاف عليها

بنتي سباعيه بطله كدرت على الاسد وخلته يحبها بس وصيتي الج شى واحد اريدج مرتاحه وسعيده اياج بيوم يكسرج الزمن

انتي اول فرحتي وتبقين اولهن

ريم : اعترض واني

سحبني بابا لحضنه وباسني انتي غزال البراري شعنونه البيت وضحكته كل وحده بيجن ماخذه من گلبي قطعه الله لايلجم گلبي بوحده بيجن اريد دوم كون اشوفجن اسعد البنات

حضناه كلنا ونبوس بيه

محسن : راح المكياج يمعوده ليرجعها علينا معودنا اخذها حمضت وفاحت ريحتها

سليل : ههههه اشكرك عموو والله ريحتي تخبل

محسن : قشمري نفسج ولو ذاك هم صمون يابس مشمور بلسطح

سليل : لا عمو لتحجي عليه حباب

محسن : والله وكت واكفه وادافع بكل عين صلفه

نهر : غير رجلها

محسن : الله خوش معلومه اول مره اعرفها هاااا نهر مالج دخل حيري بضيمج راح اخذ غزل منج

نهر : لتدكرني تره هسه اكعد اخلصها مناحه

محسن : عندج اخوج ماجستير بلطم والمناحه ومقبل على الدكتوراه

حجي طه : هاااا انداريت عليه

وجان نسمع المزيفه

سليل : دكت گلبي جانت ويه المزيقه كعدت على القنفه وانتظر يطب

دقايق ونسمع صوت الطلقات والهلاهل ودخل سجاد بقاطه الرسمي ومزين ومرتب لحيته وشعره الاسود بيه خصل بيض منطيته وقار ورزانه وهيبه وعطره تارس الهوا الاشتمه دنك عليه ورفع البركع وباسني

باوعت عليه وكااال

سجاد :طالعه تخبلين اليوم راح تنامين  بحضني حبيبي وين تفلتين مني بعد

سليل : ابتسمت بخجل اباوع الكل فرحان ويركص ويهلهل دخل من الولد شعلان وحسين وعمو محسن جماعته واصدقائه بقاهم بره مقبل لان البنات يركصن

ريم : جنت منطلقه بعرس سليل ولمحته من بعيد واتذكرت كلام سامر درت وجهي ومباوعت كلت حتى النظره حرام عليه كاافي ريم واتذكري انتي مرت سامر وكلها كم شهر واصير ام ابنه

حسين : تقربت من ريم بهدوء استغليت الكل هوسه ويركص ومخبوص وبيني وبينها شبر بس وهمست قريب أذنها بدون مااطخها

تمنيت هيج اجي واخذج وكدام كل الناس اعيط اخذت الاحبها اخذت ريمتي

ريم : انداريت شفته اندار وطلع گلبي انقبض وروحي فرفحت ومحسيت غير دموعي تنزل حيل تأذيت من كلامه ركضت للحمام تقيأت بسبب الوحام والصار رجفت من كلامه وابجي شتريد مني روح كاافي

سمعت دكت الباب

صحت اني وبديت امسح وجهي

سامر : بيج شى

ريم : لزمني گلبي هذا سامر كال مااحظر العرس شجابه مسحت دموعي وغسلت وطلعت

سامر : دورت عليج كالت غزل يمكن بلحمام طلعو تره راح تتحرك الزفه

ريم : شوكت اجيت

سامر : هسه كلت مااعوفج بهيج يوم

ريم : حضنته وكتله شكراً لان اجيت جنت منهاره لدرجه اريد انهزم حتى من العرس

باسني من خدي وگلي نروح

ريم : اي يله مد ايده لزمته وطلعنا بطلعتنا لمحت حسين يباوع اعرف شاف سامر لازمني ردت يعرف تره كافي اني تزوجت انساني وروحي عيش

صعدت بسياره سامر ليكدام وطلعنا بلزفه وره سليل جريت نفس اول مره اريد سامر يمي مااريد اضعف واحن واسوي الحرام

جيته صحتني على نفسي لزمت ايده طول الطريق ومتركتها حتى هو استغرب تصرفي بس حسيته مرتاح

سليل :انزفينا بسياره سجاد جانت النترا مزينا ومرتبها كعدت بصفه وهو يسوق

ومشغلين اغاني بس اكيد اني ملبسني كبوس كون اشوف الطريق وكل شويه اكول اله عفيه خلي اوخره وهو ميقبل مردت اتعارك واكسر فرحتنا

جان يضحك ومكيف صّـْْ(☑)ـْْحّ جماعته حاولو يركصوه بس هو مقبل بس يصفك وياهم ثكيل حتى بعرسه بس ابتسامته وفرحته تسوه الدنيا عندي

اخذنا صور بسرعه وطلعنا جان ميقبل اي وحده من البنات تنزل بلشارع ويباوع هنا وهنا ومكبعني من فوك ليجوه على اعصابه كلت بس لا يتعارك

الْحٍمَدٍ للـّہ عدت الزفه ورجعنا لبيتنا راد الدخله بلبيت واني هم مااريد فندق بيتي وياه يسوه الف فندق

دخلنا للبيت وحسين جايب طلي جوه رجلنا ذبحوه ودخلت للمشتمل وخواتي ويايه هوستهن والهلاهل بس دخلنا للصاله نزعت الكبوس الي ملبسه الي وخانكني بيه بقيت بلبدله والبركع وشغلن البنات ديجي اني ورشا وجنات وريم وغزل وماما وزينه حمات ريم كمنا نردح ونركص اخذنا هز بلنص ساعه هو سد الباب وبقى بره يم الولد

حتى اني اركص وطايره من الفرح وره حدود اقل الساعه دك الباب حيل وصااح مكافي حسووووو

ريم : منين اجيب احساس للي مايحس

رشا : اني اليوم ابات بحضن اختي

سجاد : اطيرج بكفخه هسه مااوديج بحضن رجلج لا للكوت گبل

رشا : هااي شبيك عموو الله عليك مشبعنا ركص

سجاد : روحي لبيتج اركصي مفاتح ملهى عندي

ريم : اي والله حقك عمو اني راح اجيب القران والسجاده واصلي شكو صلاه فايتتني بيتكم للبركه

سجاد : علويه ريم قبل الله صالح اعمالج تره راح اركع راس براس لاعبات عليه بنات طه

نهر : امشن الرجال يريد يرتاح بيته

ريم : اله هي تكول روحو اسمعها منها يله اروح

رشا : واني هم والله مااروح اله سليل تكول

سجاد : هااا حبيبي

سليل : باوعت عليه وابتسمت وكلت يله روحو بله مطرود

سحبني لحضنه وحضني كدامهن

وهنه الهلاهل وريم تصوفر تكول ولد مو بنيه هي وزينه حماتها

سجاد : خوش مطيرجيه عدنا وين الماسحه ذني ميطلعن هيج

سليل : حضنو البنات وباركوله وباركولي وطلعو راح سد الباب وراهم واجه يتمشى ونزع ستره وشمرها وكاال

سجاد : اجت عصفوره گلبي لعشها

سليل : كتله بهدووء احبك سجاد روحي بيك ممصدكه اني وياك وحدنا بيتنا

حضني بهدوء وشالني وكاال

سجاد : واني امووت على كل مسامه بيج يانبض گلبي وياتعب عمرري وراحته

يتبع ....