رواية الزمن والمنطق والقدر بقلم فدوى خالد | كاملة

"إللي بتحبيه هملك من زمان، وإللي بتوديه باعك مع أقرب ما ليكي، وإللي مش قابلاه قرر يضحي علشانك". كنت ماشية في الشارع أنا ومحمود خطيبي، ولقيت واحدة لابسة أسود في أسود شدتني وقالتلي كده. وقفت في صدمة شوية، ولقيت محمود راجع بيقولي: - فريدة واقفة كده ليه؟ شاورتله على الست اللي قربت مني بس ملقتهاش. التفت حواليا ولكن مكنش ليها أثر، فابتسمت بهدوء وتوتر وقولتله: - لا مفيش يلا نكمل. ابتسم ليا وكملت مشي معاه بس لسه الجملة بترن في دماغي. روحنا كافيه قعدنا فيه، وكنت طول الوقت شاردة لحد ما حرك محمود إيده وقالي: - فريدة روحتي فين؟ فوقت وأنا ببتسم وأقوله: - لا موجودة. - موجودة فين يا بنتي، أنتي مش مركزة خالص من أول ما دخلنا الكافيه. - تعبانة شوية يمكن. - طب أنتي كويسة؟ نروح؟ نأجل الخطوبة لو عايزة؟ بصيتله بشك: - إيه حوار تأجيل الخطوبة اللي طالع على لسانك اليومين دول ده؟ اتوتر: - تأجيل...