رواية انتقام شغف بقلم نورهان عادل | كاملة

أنا شغف وأنا فعلاً عايزة أنتقم ومش هتصدقوا أنا عايزة أنتقم من مين. هنتقم من أكتر واحد أنا حبيته. حبيته بجد بس في الآخر طلع ده كله كان خدعة وأنا وقعت فيها. عشان كده قررت إني أنتقم ليا و… وقبل ما أحكيلكم الحكاية من الأول أعرفكم بنفسي. أنا شغف عندي 25 سنة عايشة مع أمي وأبويا متوفي. فلاش باك من خمس سنين وأنا في الكلية، كلية الطب. كنت داخلة الكلية وأنا مستعجلة وشبه بجري لإني وقتها كنت متأخرة عن المحاضرة. وأنا داخلة بجري اصطدمت بيه. هو اتأسفلي وأنا كنت مستعجلة فجريت بسرعة ووقتها مرردتش عليه ودخلت المحاضرة. وبعد اليوم ده بأسبوع وأنا قاعدة في كافتيريا الجامعة لقيت واحد ييجي يقعد قدامي وبيقولي: "عاملة إيه؟" أنا وقتها استغربت، واحد معرفوش وجاي يقولي عاملة إيه؟ رديت قولتله: "الحمد لله. أنت تعرفني؟" قال لي: "آه أنا اللي خبط فيكي الأسبوع اللي فات." قولتله: "آه افتكرتك. وانت مش اتأسفتلي قبل كده خلاص." وبعدها قمت...