رواية دموع الحرمان بقلم غادة سعيد | كاملة

النهارده فرح سلفي والبيت كله مليان ناس. كلنا مبسوطين، أخيرًا حازم هيتجوز بعد ما عدى ال 35 سنة. أخيرًا في واحدة قنعته بيها، أخيرًا البيت كله فرحان. حماتي فرحانة وحمايا فرحان، كلنا مبسوطين جدًا. أنا كوثر وعندي 38 سنة، متجوزة من 20 سنة. اتجوزت صغيره شوية، لكن إرادة ربنا إني مخلفش لحد دلوقتي. الدكاترة اجمعوا إن احتمال إننا نخلف ضعيف جدًا، وأنا خلاص شيلت الموضوع من دماغي لأن سني كبر. ما بقتش أستحمل عمليات ولا أدوية تاني، سلمت أمري لربنا. كان نفسي أبقى أم وأحس بطعم الأمومة، بس ربنا عاوز كده، الحمد لله على كل حال. النهاردة فرح سلفي الوحيد، جوزي ما عندوش إخوات غير هو. أخيرًا بيتنا هيخش له فرح، بدل الكآبة اللي إحنا عايشين فيها على طول. "إيه القمر ده يا كوثر؟ انتي حلوة قوي النهارده." "ما تكسفنيش بقى يا حسام، أنا حاسة إن الفستان بتاعي شكله مش حلو." "بالعكس، انتي زي القمر النهارده، ده انتي كده هتغطي...