رواية جمر وورد بقلم ايمان الخيال | كاملة

كنتي فين من تسع سنين لما مشيتي ومسألتيش؟ هبه بدموع: يا بنتي أنا غلطت وكل إنسان بيغلط. ساره بانفعال: وإنتي شايفة إن أم تتخلى عن ولادها بعد ما أبوهم مات بشهرين وتروح تتجوز عشان هي لسه صغيرة وحلوة؟ ده مجرد غلط وممكن يتغتفر؟ هبه: إحنا ملناش إلا بعض يا ساره وإنتي وأختك اللي ليا في الدنيا. ساره: إحنا فعلاً ملناش إلا بعض، بس إنتي مش منا ولا عمرك هتكوني. هبه بمسكنة: يا بنتي أنا كبرت ومليش حد ولا بيت أقعد فيه. ساره بحزم: أوعي تيجي هنا تاني، وأنا هنبه على الحراس إنهم لما يشوفوكي ميدخلوكيش. خرجت هبه من عند بنتها وهي بتعيط وآمالها محطمة، لأنها كانت فاكرة إن ساره هتحن أول ما تشوف دموعها. صوت طرق على الباب. ساره: ادخلي يا عطر. عطر: الست اللي كانت عندك دي أنا حاسة إني شوفتها قبل كده، بس مش قادرة افتكر فين. ساره بتهكم: حقك تنسيها، ما إنتي كان عمرك يا دوب ست...