رواية قلبي اختارك بقلم رحاب دراز | كاملة
قيّم الرواية:
لا توجد تقييمات بعد
من أحداث الرواية
بت يا فاطمة هي الطرحة بتاعتي باظت صح؟ فاطمة: لا حلوة. وبعدين حتى لو هتعمليها إزاي، إحنا في الشارع. فرح: يعني هي دي مشكلتك؟ يعني تبقى بايظة وأنتي مش عايزة تقولي. واتحركت ناحية عربية واقفة على جنب. فاطمة وهي ماشية وراها: أنتي يابت المجنونة رايحة فين؟ فرح وقفت عند زجاج العربية وبتظبط طرحتها وهي بترد: زي ما أنتي شايفة. العربية دي زجاجها حلو جداً، شايفه نفسي بوضوح. وطلعت روج من شنطتها وبتحط. فاطمة كانت واقفة جنبها بتضحك عليها: يخربيتك! إيه اللي بتعمليه ده؟ إحنا في الشارع، حد يشوفنا. ردت وهي لسه قدام العربية وبتظبط نفسها: ما فيش حد، متقلقيش. وبعدين دي عربية مركونة وفاضية. وإيه... ولسه مخلصة كلمتها لقت إزاز العربية بينزل لتحت. ولقت واحد قاعد جوه وبيضحك على اللي هي بتعمله. هي اتكسفت جداً وثبتت مكانها ومش عارفة تنطق بكلمة. وفضلت تبربش بعنيها مش مصدقة نفسها. مهاب: مسك نفسه من الضحك بالعافية. وبصلها من فوق لتحت بنظرات كلها جرأة....
