تحميل رواية «لأجلها» PDF

حرر قلبك

فالحب لا يأتي في هيئة صفعة،

ولا يولد في ظل الخوف والخذلان.

من أحب بصدق، لا يخون ولا يهمل.

اترك نفسك للحب،

ودعه يتسلل بهدوء إلى شقوق روحك،

يداوي الجراح التي توهمت أنها لا تلتئم.

أعطِ لقلبك فرصة ثانية...

ربما القادم يحمل لك بلسماً،

يرممك ويجبر كسرك دون أن يسأل.

لا تدفن الحب في مقبرة الماضي والحذر،

فليست كل القلوب سواء،

وليس كل من اقترب يشبه من رحل.

تنظر إلى الخارج من خلف الستار الأبيض للغرفة التي أصبحت تسكنها مؤقتًا، وذلك منذ الإعلان عن عقد قرانها.

عشرة أيام مرت بأحداث مشتعلة لم تهدأ حتى الآن، منذ أن ضعفت وأخبرته بموافقتها بعد إلحاح منه، ليغتنم الفرصة في نفس اليوم، ويتم الاتفاق مع شقيقها على إتمام الزواج في أقرب وقت.

حاولت الاعتراض أو التراجع، ولكن هيهات، فكأن الجميع قد تآمر عليها، واتسعت دائرة الإلحاح لتشمل كل من له صلة قرابة من جهته أو جهتها، من والدته وشقيقاته، أو شقيقها وزوجته، حتى رضخت في النهاية ووافقت على عقد القران في تكتم تام، فقد كانت تلك التعليمات الأهم بالنسبة إليه.

لكن ما إن أتم مراده، حتى خرج إلى الهواء يطلق عددًا من الأعيرة النارية احتفالًا وإشهارًا، وكأنه أول زواج له!

فنال بعدها المباركات والتهاني من المعارف والأحباب، غير آبه بخجلها أو خوفها من القادم. ثم حدث ما كانت تخشاه، حين وصل الخبر إلى زوجها السابق "عرفان"، فاشتعلت نيران كانت كفيلة بإشعال فتنة بين العائلتين، قد تخلف ثأرًا يمتد لعقود بسببها.

فقد أتى في اللحظة نفسها، مسلحًا، متهجمًا وقاصدًا الاعتداء، لولا يقظة "حمزة" الذي كان على استعداد تام لإحباط مخططه، وإحكام السيطرة عليه بواسطة رجال الحراسة العاملين تحت أمرته، بالإضافة إلى شهادة عدد من الأعيان الذين جمعهم ليشهدوا على ما يحدث.

تلك الليلة كانت أبشع الليالي، مليئة بالأحاديث الساخنة والشجارات، انتهت في الأخير بقرار حاسم:

ضرورة نقل مزيونة من منزلها لوأد الفتنة حتى يتم الزفاف.

ودت في داخلها لو تتبع عرض شقيقها بالذهاب إلى منزله، لكنها خشيت عليه وعلى أبنائه من بطش عرفان، الذي بدا كالمجنون، غير آبه بفضائح أو سمعته أمام الرجال.

مما اضطرها في النهاية للانصياع إلى أمر العقلاء، والقدوم إلى هذا المنزل الكبير، حيث تسكن ابنتها في الطابق العلوي، وتسكن هي وحدها في الأسفل داخل شقة اتضح لاحقًا أنها شقته، بل وصدمت حين اكتشفت أنها تنام داخل غرفته أيضًا.

اللعنة عليه من ماكر يجيد فرض سطوته بأبسط الأشياء.

وها هي الآن، تطالع من مكانها تجهيزات "الليلة الكبيرة" التي تتم من صباح الغد... ليلة زفافها إلى حمزة.

تنهدت بقنوط، وتراجعت بخطواتها حتى جلست على طرف التخت، تفرك كفيها بتوتر شديد.

يمر على قلبها الخوف بوطأة مرعبة، وكأنها بكر في أول زواج لها، لا... بل هي تخشى إعادة التجربة.

التجربة المريرة التي قضت على طفولتها ومراهقتها، وأنوثتها التي سحقت بالضعف والمرض.

الكلمات الجارحة التي كان يلقيها عليها "عرفان" في كل مرة يقترب منها، وهي ترجوه أن يتركها، وألا يحملها ما لا تطيق، لكنه كان يأبى إلا أن ينفذ رغبته بها، دون ذرة شفقة أو رحمة لحالها، وفي النهاية تعير بمرضها، وبعجزها عن مجاراته كأي زوجة خلقت لإسعاد زوجها...

كثيرًا ما تمر عليها لحظات من الندم، لاستسلامها والموافقة على الزواج من حمزة، رغم حنقها الشديد منه لاستخدامه كل الطرق للضغط عليها، إلا أن صوتًا داخلها دائمًا ما يذكرها أن سبب موافقتها، في الأول والأخير، كان حاجتها إلى الأمان، بل والأكثر... حاجتها إليه هو.

صوت طرق خافت على باب الغرفة جعلها تنفض عنها الأفكار السيئة، استعدادًا لدخول "حسنية" كما توقعت، أو إحدى الفتيات الصغيرات من أحفادها.

كادت أن تدعو الطارق للدخول، لكن الكلمة علقت في حلقها حين اجفلت بدفع الباب على عجالة، بدخول أحدهم، مغلقًا الباب خلفه.

همت بالصراخ، لكنها توقفت حين عرفت هويته، وقد وقف يلهث أمامها بابتسامة متسعة، يناظرها ببرود متناه قائلًا:

أخيرًا شوفتك يا عروستي.

ذهب عنها الذهول، واعتلت ملامحها شراسة كاملة، وكأنها قطة على وشك الهجوم عليه:

انت اتجننت يا حمزة؟ داخل كده من غير "أحم ولا دستور"؟ افرض كنت براحتي وأنا في الأوضة هنا، كان هيبقي منظري إيه ولا منظرك ساعتها؟

ألقى عليها نظرة فاحصة، من شعر رأسها حتى خف القدم أسفل العباءة التي ترتديها، ثم عقب بحسرة مرددًا:

لا، مالكيش دعوة بمنظري... المهم أنتِ! ليه يا مزيونة مش قاعدة براحتك؟ وأنتِ في أوضة ومقفول عليكي بابها؟

فغرت فاها بدهشة، لكنها سرعان ما فطنت لسر دخوله المفاجئ المريب:

يعني داخل عشان كده يا حمزة؟

أومأ برأسه تهتز أمامها بوضوح، فبرقت عيناها ذهولًا من صراحته الفجة، لتصرخ به:

اطلع برا يا حمزة.

تبسم بخبث، يشاكسها بكلامه المعسول وأقدامه تتحرك في اتجاهها ببطء مدروس:

كده على طول؟ طب قدري إني جايلك "سرقة"، غفلت أمي وأخواتي، وطلعتلك من الباب الخلفي، عملت زي العيال المراهقين عشان أشوفك، مانعينك عني لحد ما يتم المراد، أموت أنا بقى بشوقي على ما يحصل.

كادت أن تتأثر بحديث قلبه الذي يخرج دون حساب، لكنها انتبهت لقربه فجأة، فتراجعت معترضة:

حوش ملاعيبك دي عني يا حمزة، عشان أنا صاحية لك. ثم تعالى هنا، مين اللي حاشوني عنك؟ ما أنت بتيجي كل يوم، وبحضر قعدتك معاهم، مفيش مرة جيت من غير ما تشوفني!

رد متصنعًا الجدية:

أيوه، بس وسطيهم يا مزيونة، وأنا عايز أقعد معاكي لوحدينا، نقعد ونتقرب من بعض، تعرفي أنا بفكر إزاي؟ وأنا أعرف مقاس هدومك بدل ما أشتري على عمايا، والصورة الذهنية اللي في خيالي.

هدوم إيه؟

سألت ببراءة، قبل أن تقرأ الإجابة في عينيه الماكرتين، فازداد غيظها:

بطل قلة أدب!

ضحك مرددًا ببراءة ومظلومية:

طب أنا عملت حاجة يا بوي؟ ما أنا قاعد مكاني أهو، وكل ما أتعِتع حبة لقدام، ترجعي أنتِ لورا أكتر! رغم إنك حلالي، والنهاردة يوم مش عادي... دي دخلتنا كمان و...

صاحت به، تقاطعه بحدة من فرط انفعالها وتوترها الذي يزيد بأفعاله، حتى لم تعد تدري بما تتفوه:

احترم نفسك يا حمزة، وبطل حديثك البارد. وبعدين ما تنساش أنا نبهت عليك بإيه من الأول، يعني ما تحطش أمل على اللي في دماغك.

قطب للحظات ثم استوعب، مرددًا بابتسامة لم تفهمها:

آه، صح... أنتِ قلتلي أعتبر نفسي متجوز واحد صاحبي، أو مش متجوز خالص؟

أومأت بتشنج:

أيوه، هو كده بالفعل، وأنت قلت إن مش هامك، خلاص... أنت حر.

ازدادت ابتسامته الغامضة اتساعًا، ليهادنها:

وقلت كمان إني راضي، راضي بكل حاجة تيجي منك، لو حتى "فتافيت"... أنا شاري، وواقع على بوزي كمان، في حب المزيونة.

يغلبها بذوقه، يغلبها بغزله وبرقة الحديث التي لا تخلو من رسائل مبطنة ومداعبات تصل إليها سريعًا بدون جهد، ولكنها ترفض أن تضعف بين يديه.

لا بد أن يعلم جيدًا بعيوبها حتى لا يصدم لاحقًا.

طال سكوتها أمام تأمله نظراته الحانية، حتى ضجرت وأمرته:

خلاص بقى، مش ناوي تطلع؟ اطلع يا حمزة، مش ناقصة حد يدخل يشوفك دلوقت، ويسأل بتعمل إيه عندي في الأوضة؟ اطلع يا حمزة.

خرج أخيرًا من غرفتها على غير إرادته، مدفوعًا بيديها، لتغلق الباب خلفه.

فتوقف مستندًا على بابها بحالمية، هامسًا بعدها:

اعملي على كيفك يا قلب حمزة... في الآخر برضه هيتقفل علينا باب واحد.

تنهد بحرارة، ثم رفع رأسه ليستدير عائدًا، فتصطدم أبصاره بمن كانت واقفة أمامه، عاقدة ذراعيها فوق صدرها، تطالعه بنظرات كاشفة.

حاول التغاضي عنها، يمازحها بعد أن تحمحم يجلي حلقه:

الست منى هانم، لا تكوني واقفة هنا مستنية القطر؟!

ضاقت حدقتاها أكثر، تركته يبتسم على مزحته بسخافة مكشوفة، حتى كاد أن يتخطاها، لكنها أمسكته توقفه:

يا ظريف أنت يا لطيف... داخل عندها ليه دلوقت زي الحرامية؟

مش قادر تصبر لما تيجي العشية ويتقفل عليكم باب واحد؟

نزع ذراعه منها مبديًا اعتراضه مرددًا:

لا، مش قادر يا ست البرنسيسة، عشان بقى لي أكثر من أسبوع وأنتوا مانعيني أقعد معاها زي الخطاب، مع إن ده حقها علي وحقي عليها عشان نفهم بعض.

بدهشة شديدة عقبت تراجعه:

أنت عقلك هب منك يا حمزة؟ كلام وخطاب! على أساس إنكم أول مرة تتعرفوا على بعض، ولا دي أول جوازة ليكم؟

بالنسبة لي أنا، دي أول جوازة ليا يا منى، واعتبرها الجوازة الوحيدة كمان. ويلا ابعدي كده، عشان متأخر أصلًا على الرجالة.

قالها بجدية وهو يهم بالذهاب، لكنها أبت أن تتركه، فأمسكت به متأملة ملامحه السعيدة للحظات، ثم ألقت بنفسها عليه، تعانقه وتقبل كتف ذراعه، معبرة عن فرحتها:

مبروك يا حبيبي، ربنا يتمملك على خير.

شد عليها بذراعه هو الآخر:

الله يبارك فيكِ يا غالية. عقبالك تفرحي بأولادك أنتِ ومنص... إلا هو فين؟ من الصبح ما شفتوش.

كانت قد ابتعدت عنه قليلًا لتخبره بشيء من الأسى:

منصور قاعد مع أمك، أصلها زعلانة وعايزة حد يقنع خليفة يرد مراته. شايفاها عيبة في حقنا يتم فرحك وبنت عمه زعلانة منه.

أم...

زم حمزة بفمه متفهمًا ومتأثرًا أيضًا، لكنه لا يملك بيده شيئًا. يعلم أن سر لجوء والدته إلى منصور هو يأسها منه، لا تعرف أنه قد ضاق من هالة ونفسها السوداء منذ طفولتها.

لقد تسببت في أذيته كثيرًا، ولم تترك له بابًا للتسامح، خصوصًا بعد مؤامراتها الأخيرة على مزيونة وتعمدها افتعال الفضائح لها.

ليس ملاكًا هو، حتى يتغاضى عن كل ذلك ويذهب لمصالحتها على أخيه، الذي جنى على نفسه منذ البداية حين رضخ لأمر والده الراحل ووافق عليها.

طب وخليفة نفسه فين؟

جاءه اتصال مفاجئ وطلع بعدها بعربيته،

شكله عنده مشوار مهم هو التاني؟

تساءل بحيرة بعد سماع رد منى على استفساره:

ـ مشوار إيه كمان اللي يطلعلُه فجأة ويسيب العالم والفرشة اللي بتتنصب تحت من غير ما يبلّغني؟!

...

لأول مرة يجتمع معها في مكان تحفه الأجواء الرومانسية كهذا، هادئ وبعيد عن الضوضاء. وما حاجته للأخيرة وقد كانت هي تقوم بالمهمة كاملة، بالبكاء حدّ الانهيار، والذي يشهده لأول مرة منها، بعد أن اتصلت به تطلبه على عجالة في أمر ضروري، وكأنها على وشك الانتحار من فرط قهرها كما تدّعي.

وبالطبع السبب معروف:

ـ هموت من القهرة يا خليفة. أخوك ماهموش كلام الناس ولا الفرق اللي بينهم، وكأنه عايز يكسرني أو ياخدها عند، بقى أنااا يفضل عليا واحدة جاهلة وبيئة زي دي؟

هو بيعاقبني ولا بيعاقب نفسه؟ طب افترض بكرة خلفت، أولاد الست البيئة دي يبقوا إخوات ابني؟ هو أنتوا إزاي سكتوله أصلاً ولا وافقتوه؟ إزاي أقنعكم؟

بهدوء شديد، كان يستمع ويستمع، يكبت انفعاله على قدر ما يستطيع، حتى إذا جاءت على ذكر الأخيرة، عقب قائلًا:

ـ أولًا حمزة مش عيّل صغير عشان ياخد رأي حد فينا ولا يهمه إقناعنا،

ثانيًا بجى، وهو الأهم، ياريت تخلي بالك من كلامك عن مزيونة أكتر من كده، بلاش تقللي من واحدة كل ذنبها إن حمزة اختارها. هو في الأول والآخر، دا اختياره على فكرة.

شهقت، تمسح بالمحارم الورقية على أنفها ووجنتيها بعنف، معترضة:

ـ لا يا خليفة، مش اختياره. أنا عارفة من زمان إنه "عندي"، وهو أكيد عمل كده عشان يتحداني أو يكسرني بعد المغرز الأخير اللي وقعت فيه، وكله بسبب مراتك.

هالة هي السبب. فضلت تحرّض فيا لحد ما غلطت ونفذت اللي كانت عايزاه، منها لله. كانت عاملة نفسها حبيبة معايا وخايفة على مصلحتي، وبمجرد ما حصل اللي حصل قطعت معايا، وحتى تليفون ما بتردش عليه. منها لله، منها لله.

ها هو يتأكد من ظنه دون مجهود، وعلى الرغم من الغضب المستعر بداخله، إلا أنه استطاع السيطرة على انفعالاته معها بكل سهولة:

ـ يعني أنتي بتعترفي وبكل بساطة إن هالة هي اللي وزّتك تعملي فضيحة للست الغلبانة؟

وجاية دلوك تصرخي إن حمزة فضّلها عليكي؟

طب هو كتب كتابه خلاص من أيام، والنهاردة دخلته، بعتّالي أنا ليه يا روان؟

بغض النظر عن هالة، عشان دي حسابها عليا، دا غير إني مزمجها أصلًا عند ناسها من يوم اللي حصل.

أظن يعني إن دموعك دي والشحتفة والبُكا كان من الأفضل يبجوا في بيتك وبين أهلك،

أنا إيه دخلي بانهيارك؟

معلش يعني، أنا مش هجف معاكي ضد أخويا مهما كانت معزتك عندي.

كان واضحًا، كان حازمًا، حتى أفحمها للحظات، حتى إذا ردّت أخيرًا، أظهرت وجهها الحقيقي:

ـ أنا عارفة إنك مش هتوقف معايا يا خليفة عشان أخوك، أخوك اللي فضّلته على نفسك زمان، وفضلت كاتم اللي في قلبك ناحيتي عشانه.

أنا مش غبية عشان مفهمش ولا أحس بمشاعرك.

ابتلع ريقه بتوجس، يسألها بحذر، يرفض رفضًا تامًا افتضاح أمره بالفعل أمامها، يُنهيها بصرامة أن تواصل:

ـ إيه اللي بتخربطي بيه دا يا روان؟ دا كلام تضيع فيه رقاب. اصحي وفوقي لنفسك يا بت الناس، وأنا هاعتبر نفسي ما سمعتش حاجة، ولا ألمّها وأقوم أحسن.

كاد أن يهمّ بالنهوض وتركها، قبل أن تصعقه بعرضها:

ـ خليفة... أنا بعرض عليك تتجوزني.

توقف لحظات متطلّعًا إليها بصمت، حتى صدر استفساره أخيرًا بعد استيعاب متأخر، بعد تجاوزه الصدمة:

ـ مين اللي يتجوز مين؟!

إنتي ناسية إنك كنتي مرّة أخويا؟

عايزاني أعدي ده وكمان على مراتي؟

إنتي عايزة تكيدي مين فيهم بالظبط؟

ـ الاتنين.

كادت بالفعل أن تنطقها، ولكن يكفي عليها أن يفهمها وحده، فردّت بضعف ونعومة تلمس عاطفته نحوها:

ـ مليش دعوة بحد فيهم يا خليفة،

أنا بس رجعت لعقلي دلوقتي وببص لمصلحتي زيهم.

إشمعنا هما يعيشوا حياتهم، وإحنا الاتنين نفضل في العذاب طول عمرنا؟

بُصّلي كويس يا خليفة، وبُصّ لنفسك.

جوازنا مش عيب ولا حرام،

الحرام هو إنك تعيش مع واحدة زي هالة لا عمرها شافتك ولا هتحس بيك،

وأنا أفضل بعيدة عن ابني،

واسيبه لواحدة جاهلة تربيه.

يرضيك يا خليفة إن إحنا الاتنين نندفن بالحياة؟ دا يرضيك؟

ـ لا طبعًا، ميرضنيش...

قالها في رد سريع، ثم أخرج من صدره تنهيدة مثقلة، ليردف ببعض الارتياح، وكأنه قد وجد نفسه أخيرًا:

ـ عارفة يا روان، إن أنا مفروض أشكرك دلوك، بجد والله من غير هزار.

بجالي سنين في توهة وأفكار غبية عن وهم صنعته في عقلي،

فاكر نفسي إني بحب من طرف واحد وكاتم على اللي بحسّه جوايا.

عمال ألوم نفسي، مرة في السكوت لحد ما سيبتك تضيعي مني وتروحي لأقرب ماليًا،

ومرة تانية إني مش قادر أطلع حبك من قلبي وأنا عارف إنه ما ينفعش.

توقف فجأة، زافرًا بغضب مكتوم:

ـ بقالك سنين، عارفة بكل ده، وحاسة بيه،

ويمكن كمان مستمتعة بالاحتياط اللي مستني رضا منك،

ولما ييجي وقت عوزته، هيركض ركض عليكي لما بس ما تشاوري...

لكن لا يا روان، مش أنا اللي أقبل.

روحي دوري على حد تاني بعيد عنّينا.

عيلة القناوي كلها رجال، مفيهمش واحد واطي ولا خسيس يناسبلك.

ونهض بعنف عن مقعده، هاتفًا بصوته الجهوري على النادل دون مراعاة لهيبة المكان أو وضعهما، وألقى عددًا من الأوراق النقدية على الطاولة:

ـ جرسون! تعال خد حسابك، والباقي خدّه بجشيش حلال ليك.

ورمقها بنظرة أخيرة بازدراء، عرفت منها مقدارها الحقيقي الآن بالنسبة إليه، قبل أن يذهب ويتركها في صدمتها.

...

مازالت الاستعدادات مستمرة، وقد حان الآن وقتها،

ولكنها رفضت أن تفعل أي شيء قبل أن تصعد إلى ابنتها وتطمئن عليها.

ولجت إلى داخل الغرفة التي كانت غارقة في الظلام، فخطت بأقدامها، شدّت ستار الشرفة، ثم فتحت شراعيها ليغمر ضوء الشمس نصف الغرفة، الأمر الذي جعل ابنتها تستيقظ من غفوتها على الفور وتغلق بكفيها على عينيها بعدم تحمل:

ـ باه عليك يا معاذ، أنا جيلالك، عايزة أنام يا شيخ، حرام عليك.

ـ ما أنا مش معاذ يا جلب أمك.

تفوهت بها مزيونة لتحط جالسة بجوارها على الفراش، ثم دنت تقبّل وجنتها وجبهتها، فقابلتها ليلى بوجوم قائلة:

ـ هو إنتي مش دخلتك النهاردة برضو؟

اجفلت مزيونة حتى تجلّى الارتباك في ردها:

ـ وه، مش تقولي صباح الخير الأول يا ليلى، صاحية على الأسئلة كده دوغري!

تمتمت ليلى تعيد لها القبلة على وجنتها:

ـ صباح الفل والورد ياما، معلش صاحية مش مركزة.

ـ مش مركزة برضو؟

تمتمت بها مزيونة في داخلها بتساؤل أصبح يراودها، عن الموقف الحقيقي لابنتها من زواجها. لقد أبدت من البداية موافقتها، بل والعكس لطالما كانت تلمح عن حمزة وعن رجولته وعن وعن، لكن ما إن تمت الخطبة القصيرة والمفاجأة حتى تغيرت معها بشكل غير مفهوم، المعاملة بينهما أصبحت فاترة بدون سبب. كم من مرة صارحتها تسألها عن موقفها من الخطبة لتعرف رأيها، ولكنها دائمًا ما تجيب بنفس الإجابة، ولا تريحها.

ـ ليلى يا حبيبتي هسألك تاني وللمرة السبعين حتى:

ـ موافقة على جوازة أمك اللي لا كانت على البال ولا على الخاطر؟ ولا لاه؟ جولي يا بتي، لو ملكيش غاية بلاش أوجف ومكملش.

استنكرت ليلى وهي تعتدل بجزعها حتى تجلس بجوارها:

ـ إيه هو اللي متكمليش ياما؟ إنتي جاية النهاردة وفي الليلة الكبيرة والناس والمعازيم مليّين الدنيا وهتجولي لا؟ هو لعب عيال؟ عمي حمزة كاتب كتابه عليكي يعني مرته شرعًا إنتي ناسية؟

ـ لا يا حبيبتي مش ناسية، بس خايفة أكمل وإنتي مش راضية؟ هيفيدني ساعتها سي حمزة؟

أشفقت ليلى حتى ألقت بثقلها عليها، تكرر لها وللمرة الألف:

ـ والله موافقة يا أمه، والله موافقة، أجولها كام مرة عشان تصدّقي؟ بلاش تزعليني من نفسي الله يخليكِ.

ضمتها مزيونة إليها أكثر، تقبّل أعلى رأسها:

ـ وأنا عمري ما أزعل منك يا جلب مزيونة، ولا عمر راجل هياخدني منك، لا تفتكري كمان إني هشوف نفسي وأنشغل عنك.

رفعت رأسها إليها تعارضها:

ـ وماله ياما لما تنشغلي بنفسك؟ أنا كبرت على فكرة، ولما اتجوزت فهمت أكتر، إنتي اتظلمتي جوي يا أمه، وحقك تشوفيلك يومين. عمي حمزة حنين وأنا واثقة إنه هيعوضك.

اكتنفها الخجل تأثرًا بكلمات ابنتها، حتى حاولت التشويش بالمزاح:

ـ يا أختي، لا عايزة عوض ولا زفت، أنا كده زينة وفل الفل، المهم خلينا فيكي، أنا عايزاكي دايمًا مبسوطة يا نور عيني.

وكان الرد من ليلى ابتسامة صافية، بصدق موقفها المؤيد، ولكن داخلها حرب شعواء، والسبب والدها الذي لا يكف عن الاتصال بها والشكوى مما حدث إليه من غدر، من قبل حمزة.

......................

أما عن عرفان الذي كان يغلي كفوهة بركان، يتحين الفرصة فقط من أجل الانفجار لتأكل نيرانه الأخضر واليابس، ذلك المتحذلق الذي علم عليه في كل المعارك التي خاضها معه، دائمًا ما يباغته، دائمًا ما يختار الوقت المناسب كي يضرب ضربته، وما أقسى تلك الضربة الأخيرة، لقد أخذها منه، أخذها منه بعد أن استفاق هو وعاد إلى وعيه وعشقه القديم لها.

ضرب بكف يده الغليظة على خشب الخزانة التي تحتوي على ملابسه حتى انشطر بشكل طولي من قوة الدفعة، يريد أن يفرغ غليله بأي فرد الآن، وكأنه محبوس داخل قفص حديدي مقيد بعد أن سُحبت منه كل الحيل. فكلما تهور هزمه الملعون بأقل الوسائل وأشهد عليه خلق الله، لا أحد يقف معه حتى عائلته، وقد نالهم الخزي من أفعاله كما يتحججون دائمًا. نيران تأكله من الداخل، كلما أتى بذهنه أن أحدًا غيره سيلمسها، يريد إطفاء حريق صدره بأي طريقة، حتى لو اضطر لافتعال جريمة.

ـ الغداء يا غالي، مش هتاجي تدب يدك في وكله زينة، بدل ما أنت بتاكل في نفسك.

تمتمت الأخيرة بصوت كالهمس، لكنها وصلت إليه مع تلك النبرة الشامتة التي أصبح يستشعرها منها طوال الأيام الفائتة، وكم من مرة فشّ غليله بضربها، ومع ذلك لا ترتدع أو تتراجع:

ـ إيه يا صفا، شكل جتك خدت على الضرب يا جزينة ولا هو بجى معاكِ إدمان؟ تحبي أريحك خالص المرة دي بطلوع روحك، النهاردة بالذات معنديش غير كده عشان تبجي عارفة يعني.

نثرت مجموعة من أوراق الجرجير التي كانت تتسلى بهم من فوق صينية الطعام، لتسخر بهدوء وعدم اكتراث، تزيد عليه:

ـ اشمعنا النهاردة بالذات يعني؟ لا تكون خسرت في شغلك كمان، اهو دا اللي ناقص، هتبقي خسارة وجلة قيمة كمان اهو دا اللي ناقص....

وكأنه كان في انتظارها، اندفع بدون انتظار ليهجم عليها ويضع كفيه الكبيرتين على عنقها عازمًا على خنقها والتخلص منها:

ـ أنا هخليها جلة قيمة وجلة عقل كمان بالمرة وأطلع روحك المرة دي في يدي.

بعنفه وقوته المفرطة كاد يكسر رقبتها بين يديه بالفعل،

حتى لم يشعر بنفسه إلا بعد صراخ صغاره وابنه ناصر، أكبر أطفاله منها، وهو يضرب بكلتا يديه على كل منطقة يطالها من جسده:

ــ بعد يدك عنها، والله لو موتها لموتك أنا كمان، بعد.

دفعها بقوة حتى أوقعها على الأرض، فجثا الفتى بجوارها يربت عليها ويتبادل نظرات التحدي مع والده الذي تجمد في مكانه، يلهث بصدمة، لقد كبر الفتى وشب رغم صغر سنوات عمره، لتطول يداه على والده. يبدو أن صورته اهتزت ولم تعد له قيمة بالفعل حتى في بيته.

زفر ليسحب نفسه فجأة مغادرًا من أمامه وشياطينه معه.

كلما مرّ الوقت، كلما اشتعلت مظاهر الفرح أكثر فأكثر، رغم أنها كانت قد شددت عليه ألّا يُفرط في الاحتفال كما كان ينوي وأن يجعلها ليلة تشهد عليها البلدة بأكملها.

تذكّرت أنه في هذا اليوم، قد صرخت به أمامهم جميعًا حتى لا يفعلها، فهادنها، وادّعى طاعتها، باختصارها على ليلة للذكر الحكيم، مع دعوة الأقرباء إلى مأدبة طعام… فصدّقته.

ثم جاء اليوم، وشهدت بأم عينيها نصبة الفَرَاشة التي شملت حيًّا كاملًا، وعدد الذبائح التي تكفي بلدةً كاملة، ثم المزمار البلدي اشتعل منذ أذان العصر، ووصلت منه أصوات التهليل من الرجال، والرقص على الأحصنة، وكأنه مهرجان أو مولد!

زادها ذلك حرجًا وهي في مراحلها الأخيرة تحت يد الفتاة التي تقوم بتزيينها، رغم أنها لم تكن تريدها من الأساس، لكنها اضطرت إليها بعدما أصر برأسه أن يأخذها إلى أكبر مركز تجميل في المحافظة.

كان يكتنفها حرج غير عادي، تتمنى فقط أن يمر كل شيء في هدوء، فهي تكره هذه الجلبة التي لا داعي لها.

ــ بسم الله ما شاء الله، لا قوة إلا بالله، قمر وبدر منور يا مزيونة!

هتفت بها "منى" من خلفها فجأة، حتى انتفضت على أثرها، ثم تبسّمت لعفويتها مرددة بخجل:

ــ مش جوي كده يا منى، دول شوية مكياچ وبودرة في الأول وفي الآخر يعني.

ــ مكياچ مين يا مجنونة اللي هيخلي الواحدة بالحلاوة دي؟

صاحت بها "محروسة"، زوجة شقيقها، متدخلة في الحديث علّها تخفف عنها قليلًا من توترها، فهي الشاهدة على مأساتها منذ بداية اليوم، مع محاولاتها الحثيثة لتحفيزها.

ــ بصّي في مرايتك زين يا مزيونة، وشوفي الحلاوة الربّاني لما ينضاف عليها بس شوية ألوان يبيّنوها، والله ما كدبت لما قالت "قمر يا حبيبتي، وبدر منور"!

ختمت عبارتها بقبلة حانية على وجنتها، فصرخت "منى"، التي كانت تتابع بتأثر:

ــ عندك يا محروسة! هي حبيبتك آه، بس من بعيد لبعيد الله يخليكي، معانا واحد مجنون، لو شاف حد بيلمس ممتلكاته، هيعملها جناية!

ضحكت "محروسة" مع الفتاة التي كانت تلملم أدواتها، على عكس "مزيونة" التي تطلعت إلى "منى" بخجل متضاعف، تنهاها بحذر:

ــ بلاش الكلام ده يا منى، لأحسن والله لو زوّدتي، هجوم ويسيبها لكم خالص!

ــ تروحي فين يا غالية؟ بعد خلاص ما دخلتي القفص؟ ولا السبع اللي برا ده هيسمح أصلًا؟ ده مصدّق!

قالتها "منى"، ثم اقتربت تعانقها من الخلف، تقبّلها على رأسها، تخفف من جرعة الضغط عليها بالمزاح:

ــ رجلك شغالة هز تحت الكرسي، ولا اكنك عروسة في أول دخلتها، وشّي بجى في الأرض من البِت الكوافيرة اللي واخدة بالها وعمّالة تضحك!

التفّ رأس "مزيونة" فجأة بالفعل نحو الفتاة، فلحقت بها "منى" تهمس في أذنها:

ــ يا بت بهزر معاكي، ما تفضحِناش! أنا بس قاصدة أناغشك، تعالي بقى، الحريم والكل مستنيكي برا.

استقامت تسحبها من يدها، لكن "مزيونة" تشبّثت قدميها بالأرض، تعترض:

ــ بلاش يا منى، خلّيني هنا، هي الحريم دي لازم تشوفني يعني؟ اشحال ما كانت ليلة عزاب!

قهقهت "منى"، معقّبة:

ــ يا أختي احمدي ربنا على كده، ده "حمزة" كان عايز يعمل كوشة ومسرح وحكاية!

ــ أيوه، عشان كنت سيبتها له خالص!

ضحكت "منى" لتسحبها من يدها ساخرة:

ــ تاني برضه يا "مزيونة"؟ تعالي يا خيتي، وبلاها أحلامك دي!

خرجت بها بالفعل من داخل الغرفة التي كانت تتخفّى فيها منذ الصباح بحجة الاستعداد لليلتها، لتنزل بها الآن، وهي تتشبث بها كعروس بكر، ليس خجلًا، بقدر ما هو قلق شديد طُبِع في الذاكرة من مخلفات الماضي البائس.

---

وما إن أطلت بها من أعلى الدرج، حتى صدحت أصوات الزغاريد تُجلجل المكان، وتفاجأت "مزيونة" بالعدد المهول من النساء اللاتي لا تعلم بصفة معظمهن، ولكنها مضطرة للتعامل والتكيّف.

تلقّفتها "حُسنية" تُقبّلها وتضمّها إليها بأمومة ليست غريبة عنها، ودارت بها على النساء الكبيرات من عائلتها، حتى استقرّت "مزيونة" في النهاية بجوار ابنتها، التي جلست في مكانٍ مبتعدٍ إلى حدٍّ ما عن الضجيج، حرصًا على سلامتها وسلامة جنينها، فكلّ حركتها محسوبة بشدة.

اندَمَجت قليلًا حتى كادت أن ترتخي، لولا صوته الذي صدح فجأة يجذب أنظار الجميع نحوه:

ــ وه! عروستي جاعدة هنا يا غجر، وأنا جاعد برّا بسلم على الخناشير!

أثار بمزحته ضحكات النساء وتعليقات شقيقاته، الأمر الذي انعكس عليها بالمزيد من الحرج، حتى همست إلى "منى" موسوسة لها:

ــ أحبّ على يدك، قولي لأخوك يلمّها! مش كفاية المقلب اللي شربته، وقال لي بأن الليلة على الضيق؟ أمال لو على الواسع كان عمل إيه؟

تبسمت "منى" لها بقلة حيلة، رغم ابتهاجها الشديد لفرحة شقيقها، الذي عاد بأفعاله لعريس صغير في العشرين من عمره.

تبادل هو المزاح مع النساء من أقاربه، ثم تقدّم نحوهن، فقبّل رأس "ليلى"، التي ناظرته بامتنان شديد، رغم الحيرة التي كانت تعصف برأسها.

تركها لـ"معاذ"، الذي أنهضها بحرص شديد، ليصعد بها، مكتفيًا بذلك الجزء القصير من الوقت في حضور تلك الليلة الهامة.

واتّخذ "حمزة" محلّها بجوار عروسه، لكن من الجهة الأخرى، ليُبادرها على الفور بمشاكسته:

ــ إزيك يا عروستي يا حلوة؟

لم يتأثر بصمتها، وعيناها الجميلة المرسومة تطالعه بشرر الغيظ الذي تكنّه داخلها الآن بسببه.

ــ الحلو ساكت ومبيـرُدّش ليه؟

تمكنت هذه المرة من التحدث، تهمس محذّرة له:

ــ اعقل يا حمزة، عشان أنا بقيت حاسة نفسي مسخرة وسط الحريم اللي بتقلب عينيها فيّا.

قطب فجأة، عاقدًا حاجبيه، حتى ظنّت به الغضب، لكنّه ألقى بنظرة مُقيّمة عليها، من تلك الطرحة التي أُلقِيَت على الشعر المصفف بعناية، بقصة لا تناسب إلا ملكات الجمال، حيث الشعر المدرج الطويل على جانبي الوجه، بزينة تليق بالمناسبة، حتى جعلتها ليست فاتنة فحسب، بل هي "فتنة" كاملة.

نزلت عيناه على الفستان الواسع بلونه السماوي، الذي انتقاه بنفسه، كي يرى بعينه حسن اختياره، على ذاك القَد الملفوف، الذي أحدث داخله مشاعر لا يصحّ لها الظهور الآن على الإطلاق.

فرفع عينيه سريعًا، يعود إلى عبثه قائلًا:

ــ ما هو ده الطبيعي، إنها تقلب عينيها فيكي وتغير كمان منك. تصدجي بجي أنا أقتنعت دلوك بس بوجهة نظرك، لما رفضتي نعمل كوشة ولا ليلة كبيرة ومسرح! تخيّلي بقى عيون الستات، لو انضمّت ليها عيون الرجالة؟ والله كنت صوّرت فيها جتَيّل!

للمرة المئة، يُربكها بجرأته في الحديث، والنظرات التي ليست غبية عن الانتباه لما خلفها، الأمر الذي جعلها تميل عليه وتذكّره:

ــ برضه هاجولك تاني يا حمزة، عشان بس ما تعشّمش وترجع تتصدم... بلاش اللهفة الزيادة، وانت عارف اللي فيها.

كاد أن يستفسر عن مغزى ما تقصده، لكن سرعان ما تذكّر، لتصدح ضحكته العالية حتى لفتت أنظار النساء إليهما، فدنا منها هامسًا:

ــ واخد بالي يا باشا؟ اعتبر نفسي متجوز واحد صاحبي... أو مش متجوز أصلًا!

أومأت برأسها تطالعه بتوجّس، فعاد يضحك بصوت مكتوم مرة أخرى، مغمغمًا بصوت لا يسمعه سواه:

ــ عدّيها على خير الليلة دي يا رب...

ما هذا الذي يسري في دمي كتيارٍ دافئٍ لا أُحسن مقاومته؟

كلُّ شيءٍ بداخلي يُعاد تشكيله... أنفاسي تتلعثم، نبضي يختلّ، وقلبي... قلبي كأنّه يُجرّب الخفقَ لأول مرة.

أنظر حولي، فأُبصر العالم بعينٍ غير عيني، كأنني خرجت من نفسي إلى نسخةٍ أكثر دهشةً وارتباكًا. اللمسةُ صارت دافئةً على غير العادة، والصوتُ الذي كان يمرّ عابرًا، بات موطنًا دافئًا لروحي.

أهذا هو الاكتمال؟ أن ينتمي أحدهم إليك دون أن يُقيّدك؟ أن يقتحم حصونك المُحكمة، يزيل عن جدرانك ندبات الأمس، ويُريك نفسك كما لم تعرفها من قبل؟ ويُربكك، لا بالخوف، بل بحنانٍ تجهله؟

كلُّ شيءٍ غريب، لكنّ الغرابة فيه لذيذة، شهية، مغرية حدّ الاستسلام. أنا التي ظننتُ قلبي صلبًا... ها هو يذوب بين كفَّي قدرٍ ناعم. أهذا جزاءُ صبري؟ أهذه هديةُ السماء المؤجّلة؟ أم أنّني كنتُ طيّبة بما يكفي ليستجيب الله لقلبي المنكسر بهذا العوض؟

ربّاه... ما أحلى أن تجهل الشعور، ثمّ يأتيك طاغيًا دون استئذان، ليُعلن أن عهد التيه قد انقضى، وأنك، أخيرًا...

ـ مشيوا خلاص يا معاذ؟

بادرته ليلة بسؤالها فور أن دلف إليها إلى داخل الغرفة التي صعدت إليها بعد نصف ساعة فقط من حضور الحفل المتواضع لزواج والدتها، ليجيبها معاذ الآن بفرح أشرق بوجهه:

ـ مشيوا أخيرًا يا قلبي! يا سلام، يا أما أنا فرحان قوي يا ناس. كده ما بقاش زيتنا في دقيقنا وبس، دي بقت رابطة جوية ما ننهاش منفذ.

أومأت باستجابة إليه بابتسامة ضعيفة، فجلس هو على طرف الفراش يخلع الحذاء من قدميه، ثم خلع سترته العلوية وهمّ بخلع البقية، لكنه انتبه فجأة لشرودها فتوقف سائلًا:

ـ مالك يا ليلى؟ في حاجة شغلاكي؟

تطلعت إليه بعجز وصل إليه، وكأنها تخشى البوح، الأمر الذي أثار قلقه، فسقط جالسًا مقابلها يحثها برجاء:

ـ لا يكون في حاجة تعباكي؟ ردي يا ليلى الله يرضى عنك، أنا على شعرة والله!

سارعت بالنفي تطمئنه:

ـ ما فيش يا معاذ، أنا بخير وعال العال قدامك، أهو.

ـ أمال إيه بس؟

عادت للصمت مرة أخرى، حتى فاض به فصاح بها:

ـ ما هو سكوتك ده بيخليني أتأكد أكتر إن في حاجة، اتكلمي بقى وريحي قلبي!

وكأنها كانت في انتظار انفجاره، لتنطلق في نوبة مفاجئة من بكاء حارق، ضاعف من جزعه:

ـ هي وصلت كمان للبكا! يا مرك يا معاذ، العيل اتضرّ صح؟

ردت بانفعال صارخة به:

ـ قلت لك لاه، قلت لك لاه! أنا بس...

ـ أنت إيه؟... معقول تكوني زعلانة عشان أمك اتجوزت؟

صدر ترجيحه الأخير بتخمين ضعيف، لكنه سرعان ما تأكد من ظنه حين وجدها صمتت فجأة تطأطئ رأسها، حتى استجمعت شجاعتها لتتكلم أخيرًا:

ـ مش غيرة والله يا معاذ، ولا أنانية، بس...

لم يقاطعها، بل فضّل الانتظار لتُخرج كل ما يؤرقها:

ـ أمي اتظلمت كتير، كتير قوي. أنا أصلًا من يوم دريت بنفسي والدنيا، وأنا شايفاها لابسة أسود. الأول كان حزن على ستي، وبعدها حزن على سيدي، لكن تلبس ملوّن ولا تتنزّه زي باقي الستات؟ لأ. ياما الزفتة صفا كانت تكيدها بكل شغل الستات المعروف، وهي كانت تبلع وهي ساكتة. أبوي تاركها زي البيت المهجور تحت عينه، وبرضه ساكتة. ودلوك بعد السنين دي كلها، إن ربنا يعوضها بعمي حمزة عشان يفكرها بعمرها، ويرجعها لسنين صباها اللي انسرقت منها، دي حاجة فوق الخيال بالنسبالي، بس... ما اعرفش ليه حاسة بحاجة وجعاني مش قادرة أحدد هي إيه.

تبسم معاذ بحنو، ليميل على رأسها يقبّلها، يربّت على خدها بكفه:

ـ طب بس بس، هوني على نفسك، يا شيخة خلعتيني. الحيرة واللخبطة دي أكيد يعني شعور طبيعي عشان الوضع الجديد. فوقي فوقي، ده أكيد بس عشان سيبتك لوحدك الشوية دول، اصحي كده واستعيذي من الشيطان.

تنهد مستقيمًا في وقفته:

ـ ها غير هدومي وأروح أصلي ركعتين، أخلصهم، وأجي أقرأ لك شوية قرآن، أكيد دي عين، على رأي أمي.

تركته يذهب ليدور ذهنها مرة أخرى في تلك الحيرة. فسبب الوجع الذي أخبرته عنه تعلمه جيدًا، ولا تستطيع النطق به، فوالدها الذي تذكر فقط الآن أن له ابنة، لا يرحمها باتصالاته ورسائله.

.......................

شجار آخر يصلها من خارج الغرفة التي تلتزم بها. والدها، الذي لو يطال أن يخنقها بين يديه أو يطردها لسوف يفعل، لكن يمنعه العار كما يقول دائمًا في التخلي عنها، رغم أنها لا تستحق. كم من مرة توقعت أن يسحبها من يدها ويلقيها تحت أقدام حسنية، كما كان يهددها سابقًا. لكن يبدو أن الرسائل القادمة من الجهة الأخرى تخبره ألا يفعلها، حتى لا يقلّ بقيمته إن رفضها ابن شقيقه خليفة.

خمد الصوت فجأة بخروج والدها كما خمّنت، ليأتي دور والدتها الآن في لومها. وكما توقعت، لم تنتظر المرأة لتلج إليها موبخة:

ـ طبعًا قاعدة هنا وراء الشباك وبتتفرجي على زينة الفرح وأنت ولا هامك! طب يهمك كيف وأنت مدسية هنا وإحنا اللي الناس واكلين وشنا؟ كل اللي رايح واللي جاي يسألنا أنا وأبوك: كيف هالة ما قعدتش في الفرح؟ كيف جوزها سايبها لحد دلوك؟ خليت اللي رايح واللي جاي بيجيب في سيرتنا! هاموت وأعرف، هببت إيه يخليهم يرموك كده؟ دي خالتك أحرَجت نفسها وراحت لحسنية وكلمتها، وكان رد الست السكوت وبس!

عند الأخيرة، لم تتحمل أن تصمت، لتعقب ردًا:

ـ أحسن! تستاهل، كان حد طلب منها تتقدم؟ ما تخليها في نفسها وبناتها! ده إيه الهم ده!

شهقت المرأة ضاربة بكفها على صدرها:

ـ يعني دي جزاتها يا هالة؟ الولية اللي باصة على عمارك تفرحي فيها كده؟ تصدقي بالله، أنت ما حد جايبها لك غير طولت لسانك دي! خلي قلة أدبك دي تنفعك لما تخسري من كله.

وخرجت سريعًا تصفق الباب بحدة، تتركها في غيظها تحدث نفسها بتوعد:

ـ ماشي يا خليفة، خليت اللي يسوى واللي ما يسواش يفرح فيّ عشان أخوك والمحروسة! طب أهو الكلام ثبت والناس كلها اتأكدت، بس ها أقول إيه فيك يا حمزة، فاجر وما حد يقدر يدوس لك على طرف، حتى وكل الناس عارفة اللي فيها وما حدش برضه يقدر يتكلم! فوضت أمري لربنا فيك يا حمزة، فوضت أمري لربنا...

.......................

لقد كان حلمًا، والآن صار حقيقة.

ذلك المنزل الذي أُسِّس من أجلها، وتمّ بناؤه بالصبر والأمل، ليكون سكنًا له ولها، يجمعهما سقفٌ واحد بداخله.

لقد كان حلمًا، والآن صار حقيقة.

أمام مدخله الآن، كانت تتلقى الدعم والتهنئة والمباركة من شقيقها، الذي لم يتخلَّ عنها يومًا، على قدر ما يستطيع، ورغم قلة إمكانياته.

ضمّها إليه بفرحة الوصول بها أخيرًا إلى بر الأمان، ومحل الثقة، بعد سنوات من العذاب والألم الذي كانت تكابده.

بماذا يعبّر؟ لا تُسعفه الكلمات حقًا.

تركها باطمئنانٍ تام، أنها الآن في حوزة حمزة؛

سوف يعوضها عما فات، ويعيد إليها ذاتها التي طُمست في سنوات الجهد والعذاب، في زيجتها البائسة الأولى.

كان عمره حينها أصغر من أن يعي خطورة الوضع ليملك حق تقرير مصيرها برفض عرفان، حتى كبر ورأى وفهم، فخُلِقت في قلبه غصة، لم يشعر بزوالها سوى اليوم.

وبعد ذهاب الجميع وعودتهم إلى منازلهم، لم يتبقَّ سواه معها.

أغلق الباب عليهما سويًّا، لتبدأ معه حياة جديدة، لم تكن في خطتها من الأساس.

بصمت وتفهُّم، جعلها تسبقه في الدخول، وهو بخطواته المتمهّلة يتبعها، حتى توقفت في وسط الرُّدهة والتفتت إليه بحدة، قائلة:

ـ هانام فين بقى؟

تابع تقدمه نحوها، ملوّحًا بكفّيه أمامها:

ـ ودي عايزة كلام؟ أكيد في أوضتنا أنا وأنت، اللي على الناحية الشمال قدامك.

اتجهت أبصارها نحو الجهة التي أشار إليها، فتذكرت تلك الغرفة التي استفاقت داخلها يوم أن فقدت وعيها، وما سبقها من أحداث مؤسفة تودّ طمسها من عقلها، ولكنها كانت سببًا فيما تمّ.

لم تعِ بوقفتها وحيرتها تلك أنه قد اقترب، حتى شعرت بذراعه التي التفّت حول خصرها تسحبها إليه وتصطدم بصدره، فخرجت منها شهقة إجفال، نابعة من خوفها، لتصله رجفتها بين يديه، حتى سارع بطمأنتها:

ـ هششش، اهدي... اهدي يا مزيونة.

بتروٍ شديد، صارت يده تمسح على ظهرها، يضمّها بلطف لا يخلو من حزم، كي لا يترك لها فرصة للهروب منه، موجهًا كلماته إليها بصوتٍ عميق... عميق جدًا، وقد تخلّى عن عبثه، واضعًا تهدئتها نُصب عينيه... وأن يرتخي تشنجها أولًا، ثم يأتي كل شيء بعد ذلك.

ـ مالك بتترعشي ليه؟

ارفعي عينك الحلوة دي وحطيها في عيني، ليه تتوتري أصلًا؟

أنا حمزة... حمزة اللي قبل منك حتى الفتات، زي ما قلت لك قبل سابق، يبقى ما تبخليش عليّ حتى بالنظرة.

تغلغلت كلماته الرقيقة إلى مسامعها، لترفع رأسها إليه، وتلتقي عينيه بخاصتيها الحائرتين، التائهتين، وكأن داخلها غريقٌ يبحث عن طوق نجاة.

فتحدثت أخيرًا:

ـ أنا عارفة إنك حمزة... عارفة إنك غير اللي فات، غير كل الرجالة كمان، بس...

وقطعت كلامها، تخفض أبصارها مرةً أخرى، ولكنه أبى أن يتركها تتوقف، فرفع ذقنها بطرفي إصبعيه مشددًا:

ـ كملي... ما توقفيش.

ابتلعت رمقها لتجسر على المواصلة، وتتحلى ببعض الجرأة في مصارحته:

ـ أنا عايزاك تقدر خوفي يا حمزة.

ـ مقدر.

ـ الكلام غير الفعل، وأنت بتتكلم بثقة عشان لساك على البر، ما جربتش...

أنا قعدت في ذمة عرفان أكتر من عشر سنين من غير ما يجرب لي، وعشرتي قبلها معاه كانت كلها مشاكل بسبب الموضوع ده...

يعني لما قلت لك إني ما أنفعش، كان بسبب كده.

تعقد حاجباه فجأة، يعقب بتفكه على تصريحها:

ـ آه! وأنت فاكرني كده هازعل يعني؟

ولا حاطة في بالك إنك بتديني حذري عشان ما أنصدمش لما يحصل المراد؟

ده برضه كلام يا صاحبي؟

قصد بالأخيرة التخفيف عنها، فبزغت ابتسامة رقيقة بزاوية ثغرها، وشفاها المطلية بالأحمر القاني.

نظرة واحدة منها كادت أن تطيح بثباته، وهو في أمسّ الحاجة للصبر والتمهل معها.

صدرت منه حمحمة خشنة، وصوت بالكاد يستجمعه:

ـ بأقول لك إيه... ما تسيبك من كل الأفكار والهواجس اللي في مخك دلوك، ونشوف الأهم.

ـ هو إيه الأهم؟

وما كادت أن تنهي سؤالها، حتى وجدته يرفعها بغتة بين يديه ويحملها قائلًا:

ـ هانروح نصلي الأول.

هتفت بتوتر:

ـ طب وشايلني ليه ما دام هانصلي؟

رد وخطواته السريعة تعرف طريق وجهتها:

ـ عشان أنا حالف إنك ما تدخلي الأوضة الليلة دي غير وأنا شايلك.

احمدي ربنا ما عملتها على عتبة البيت قدام أخوك وعياله!

ـ وه...

ـ واهين! حتى عندك اعتراض!

................................

دخلت منى خلف زوجها إلى داخل منزلهما بشعور من الارتياح يغمرها، وابتسامة لا تفارق محياها، عائدَين من حفل الزفاف الذي تم كالسحر اليوم.

ـ حمزة الفرحة مش سايعاه يا منصور، وكأنه مش مصدق إنه أخيرًا حقق حلمه بجوازه منها!

عقب منصور وهو ينزل ابنته التي كانت نائمة على كتف ذراعه، ليضعها على الأريكة التي تتوسط المدخل:

ـ عشان حبها بجد. أخوك على قد ما هو ناصح ولف ودار، لكنه ما طالش الإحساس الحلو ده غير معاها.

واخدة بالك يا حب عمري إنتِ؟

جلس أخيرًا ليسحبها من يدها كي تجلس هي أيضًا، ثم التفت بذراعه حولها يضمها إليه، يقبّل رأسها مردفًا:

ـ اللي جرب بس هو اللي يعرفه، كد حلاوته، كد عذابه برضه، لكنه الحياة نفسها. ربنا ما يحرم حد من حبيبه.

مالت هي برأسها على صدره تريحه، كي تتمتع بلطف مودته وعشقه:

ـ آمين يارب، أنا بجى جربته وعرفته على يدك. كتير جوي أسمع عن فلان بيحب فلانة وفلانة عادي، لكن إن يخليها برضه تبادله نفس الشعور، ده التحدي نفسه، وأنت فوزت ونجحت وخلتني أحبك أكتر كمان.

شدّد منصور من ضمّته، يريح ذقنه أعلى رأسها، يتنهّد براحة قائلًا:

ـ متهيألك يا منى، أنا حبي زي المرض! الناس اللي في حالاتي عقلهم بيطير منهم لو ما طالش الوصال مع محبوبه. الحمد لله أنا كنت دايمًا ماشي بدعواتي إن ربنا يوضَع اللي في قلبي في قلبك، وربنا كان رحيم بيا وحقق لي أمنيتي.

ـ ونعم بالله.

تمتمت بها ثم استدركت تسأله بتذكّر:

ـ إلا صحيح يا منصور، ما قولتيش عملت إيه مع خليفة؟ وافق بقى يرجّع هالة؟

زفر الأخير وارتخت ذراعه عنها، ليجيبها بقنوط:

ـ للأسف يا مني، شكل الموضوع كبير جوي مع أخوكي. أنا ما رضيتش أرد عليكي ساعة ما سألتيني جدّام أمك عشان مزيدش عليها، بس خليفة زعلان جوي، وساكت، مابيطلّعش اللي في قلبه حتى عشان الواحد ياخد ويعطي معاه في الحديت.

عقّبت على الأخيرة تؤيده:

ـ دي حقيقة فعلًا، خليفة كتوم طول عمره، لا هو بجرأة حمزة ولا بجنان الصغير. يعني هالة دي أصلًا ولا كانت على باله ولا من نصيبه، ومع ذلك لما عرض أبوي عليه جوازها بعد عملة حمزة، برفض إنه يتجدملها وافق عشان يرضيه، رغم علمه بعيوبها اللي كنا كلنا نعرفها من واحنا عيال صغيرين. الله يهديها، البت دي تعبتنا كلنا معاها.

...

بعد أن انتهيا من الصلاة سويًا، وقرأ على رأسها دعاء الليلة حتى يُحفّ زواجهما بالبركة والمودّة، نهض عن سجادته بظنٍّ منه أنها ستقوم معه، لكنها تحججت برغبتها في ركعتين إضافيتين.

فتركها لرغبتها، لكنها طالت وأطالت، وهو في انتظارها قرابة النصف ساعة الآن، حتى تربع بقدميه بصبر يتعلمه على يديها.

وظل على سكونه، حتى إذا انتهت أخيرًا، والتفتت برأسها إليه، وجدته جالسًا على الفراش بابتسامة ارتياح يطالعها.

التفتت مرة أخرى إلى الأمام، لتظلّ في مكانها، وكأنها التصقت بسجادتها.

وبدون انتظارٍ آخر، قفز سريعًا ليلحق بها قبل أن تعود للصلاة مرة أخرى.

فجذبها من يدها على حين غرّة، كي تقوم معه من مكانها.

استجابت، تتركه يسحبها، ويسير بها حتى جلس، وأجلسها مقابله على طرف الفراش، يخلع الطرحة من رأسها، لينثر الشعر الحريري حول وجهها، ويتأملها بعدما مسحت عن وجهها كل المساحيق.

وعلى الرغم من جمالها بتلك الزينة، إلا أن بهذه النضارة وملامح الوجه التي وضع الخالق بصمته عليها، تجعل الطبيعي أجمل بألف مرة.

حتى والحيرة ترتسم على ملامحها بوضوح، فوجد صوته أخيرًا يمازحها:

ـ مش هناخد اليوم كله في الصلاة... ولا إيه يا صاحبي؟

أهدته ابتسامة ضعيفة أخرى، فيما يجتاحها من الداخل مشاعر متصارعة، جعلتها تفقد تلك الميزة في تحدّيه...

طريقه طويل، وعليه أن يبدأ الآن.

تناول كفها بين يديه، يرفعه إليه، معلّقًا:

ـ تصدّجي إن دي أول مرة أمسك فيها يدك؟

ده أنتي حتى الدهب ما خلتينيش ألبسهولِك، ولا حتى أشوفه عليها...

بس بيقولوا: "إن اللي يدها حلوة، هي كمان حلوة."

أرفق الأخيرة بنظرة إليها ذات مغزى زادت من توتّرها، ليفاجئها بسؤاله:

ـ ليه مارسَمتيهاش بالحنّة يا مزيونة؟

ردّت بحرج، وهي تجاهد أن تنزع يدها منه:

ـ عادي... ما بحبهاش، وحسّيتها مش لازمة يعني بصراحة.

تلقّت ردّه بابتسامة، وهو يمسح بإبهامه على ظهر كفها:

ـ شوفي... رغم إني بحبها، بس بصراحة كده أحسن.

عشان اليد الحلوة دي أشوفها وهي على طبيعتها أحلي...

ناعمة جوي، ولا كأنها حتة مارشميلو!

أمال دي لو لقت الراحة والدلع، هتبقى كيف؟

وهنا، وقد بدأت تستشعر الخطر، حاولت بقوة أن تُفلت يدها منه، لكنه شدّ عليها، بل زاد أكثر هذه المرّة، بأن رفعها إلى فمه، يُقبّل كل إصبع وحده.

فسرَت داخلها قشعريرة، وعاد الخوف يزحف إليها، لتطالبه دون انتظار:

ـ حمزة... أنا عايزة أنام وحدي، تطلع أنت من الأوضة؟ ولا أطلع أنا؟

توقّف لحظات يطالعها بجمود، وهي تبادله بانفعال جعل صدرها يصعد ويهبط بتسارع.

وبدون أن يتفوّه بكلمة، حسم وجذَبها من ظهرها إليه، يضمّها بين ذراعيه، ويُجفلها للمرة الثانية، قائلًا:

ـ عايزة تبعدي؟ وأنا ما صدّجت أقرّب!

أي نوم ده اللي هييجيلي لو نمتي بعيد عني؟ ومن غير ما آخدك في حضني؟

حُطيها في علمك من دلوك، من النهاردة حضني بجى بيتك...

ومافيش مرة تبعد عن بيتها، حتى لو حصل خلاف بينها وبين راجلها.

هل أصابها الخرس؟

أم أن كلماته أصابت شيئًا ما داخلها أفقدها النطق وعزيمة الرفض؟

حتى باغتها، مستغلًّا لحظة التشتّت، ليهبط برأسه نحو ثغرها الشهي، يُشبِعها ويُشبِع شوقه منها، لم يترك لها فرصة للاعتراض أو الصد، فكانت كلما تحاول — حتى مجرد محاولة — يُحبطها بطريقته. فقد نفد صبره منها تمامًا، ويجب عليها الآن أن تدرك الفرق جيدًا... بين الرجال وأشباه الرجال،

وأن تعي أنها امرأة كاملة الأنوثة، لا ينقصها شيء... سوى رجل يُدرك قيمتها الحقيقية.

فتنوّعت لمساته بين حزمٍ ولطف، ومداعباتٍ وتدليل، ومهادنة، وكأنها بِكر في أول زواج لها،

حتى يصل بها إلى النقطة التي تجد بها ذاتها؛

تلك المرأة التي وهبها الخالق أنوثةً مهلكة، لكنها لا تراها، ولم تكن تشعر بها.

أنانيٌّ هو، إن اكتفى بما يريده منها، دون أن ينظر لما تحتاجه.

ففي تلك اللحظات، لا يصحّ الأخذ فقط دون العطاء… والعطاء ببذخ، كما يفعل هو الآن.

وبعد وقتٍ طويل، حين سمح لها أن تلتقط أنفاسها أخيرًا، نظر إليها بابتسامة متخمة بالسعادة، يمطر جبهتها بعدة قبلات، قائلًا:

ـ ده أنت طلعت جامد جوي يا صاحبي!

...........................

في بقعةٍ قريبة من النيل الذي يجري على حدّ بلدتهم،

ألقى من يده السجادة التي أتى بها من حقيبة السيارة، فرشها على الأرض، ثم وضع عليها الوسادة واستلقى، واضعًا ذراعه تحت رأسه، وعيناه نحو السماء ونجومها التي تتلألأ أمامه.

لقد حان وقت الخلوة مع نفسه، حيث السكون والهدوء بعد انتهاء "الليلة الكبيرة" التي أدّى فيها واجبه على أكمل وجه كعادته، دون أن يتحدث أو يفضي لأحد بما يعتمل في قلبه من حزن وقهر.

رغم كل المحاولات التي قام بها زوج شقيقته، وشقيقه معاذ، وحتى حمزة، الذي لا يليق به الانشغال بغير نفسه في هذا اليوم، إلا أنه جاهد لاستدراجه ولو بكلمة، لكنه أفلت منه كما أفلت من البقية.

هذه طبيعته؛ لا يجد راحته إلا في العزلة، ولن يُشفى إلا بذاته، مهما بلغ عمق الجرح. حتى وإن كان هذه المرة يمس كرامته: بين امرأة تعلّق قلبه بها واكتوى بنيران قربها بزواجها من شقيقه، لتأتي الآن وتظهر وجهها الحقيقي الذي خُدع فيه،

وأخرى، ابنة عمه، التي تزوّجها وعاشت في كنفه عددًا لا بأس به من السنوات، حتى أنجب منها طفلين، يفترض أن يقويا رابطة الزواج، لكنها أبدًا لم تعتدل أو تتغيّر.

يعلم الله أنه حاول كثيرًا، أن يجعلها تكتفي به ويكتفي بها، قدّم لها الحب والمودة، لكن عقلها اليابس وقلبها الأسود لم يتأثرا أبدًا بتلك المحاولات.

حظّه البائس أوقعه بين زوجين من النساء، ما أبشعهما:

إحداهن تدفعها الكراهية لأذية الجميع دون استثناء،

والأخرى ناعمة بنعومة الأفاعي، جميلة من الخارج، وبشعة من الداخل.

مرّ بذهنه فجأة وجه مختلف... ليست واحدة من الاثنتين.

ذات لسان طويل وطبع حاد، تتشاجر حتى مع الذباب إن أزعجها، والجميع تقريبًا يخشاها لشراستها.

لكن لا أحد يعلم أن خلف تلك الشراسة امرأة عادية... لمس ضعفها بنفسه في لحظات نادرة.

.....................

الاسم "مقهى شعبي"، ولكنه في الحقيقة شيء آخر، لا يفرّق عن المصرف سوى أمتار قليلة.

مساحته مفتوحة لكل روّاده من السكارى ومتجرّعي المواد المخدّرة، غافلين عن أن الله حرّم كل ما يذهب العقل، والخمر على رأسها، فقال: "إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون."

وقد اتخذ هو طاولة له وحده، بعيدة عن المتسوّلين والمدمنين، يتجرّع زجاجة تلو الأخرى من الخمر،

وكلما فرغت واحدة، ألقاها نحو مياه المصرف فتبتلعها.

ومع ذلك... لا شيء حتى الآن أذهب بعقله.

ـ عرفان يا صاحبي.

دوى الصوت المألوف في أذنيه، فالتفت إليه يطالعه بصمت. لم يأبه به الآخر، بل تقدّم ساحبًا أحد المقاعد البلاستيكية القريبة، وجلس عليه مقابله:

ـ بسلم، ما بتردّش ليه يا عم؟ كنت بايت في حضنك أنا؟ طب حتى باركلي، طلعت من السجن.

ناظره عرفان بنظرة يعرفها جيدًا... ما زال يشكّ به.

وما يمنعه عن الفتك به، أنه لا يملك دليلًا.

خرج صوته أخيرًا بعد فترة من الصمت:

ـ مبروك يا سيدي. بس أنت جاي هنا؟ مش خايف لولاد الحرام اللي كانوا عايزين يخلّصوا عليك قبل سابق يظهروا من تاني؟ المرة دي هيرموك في المصرف على طول.

نظر عطوة نحو ما أشار إليه... وتلك المياه السوداء في الظلام.

انقبض صدره خوفًا، لكنه لم يُظهره أمامه:

ـ لا، ما أنا سَوّيت أموري معاهم.

عقّب عرفان بتشكيك:

ـ يعني وصلتلهم وجعدت معاهم كمان؟! غريبة يا أخي،

مع إن أنا دورت عليهم وسألت الدنيا كلها، وما عترتش عليهم.

برر عطوة على الفور:

ـ لا، ما هما سابوا البلد واصل،

ولما ياجو هعرفك مكانهم...

المهم، جولّي: كيف سمحت لواض الفرطوس ده يعملها؟ ويضحك الناس عليك؟!

الحكاوي مالية البلد، وأنا زعلت جوي لما عرفت باللي حصل.

حدجه عرفان بناريّته، ودخان حريقه الداخلي يخرج من فتحتي أنفه وفمه في هذا الظلام.

ألقى الزجاجة الفارغة نحو المصرف، يردّ عليه بكلمات مقصودة:

ـ كل كلب هياخد حسابه... كامل ومكمّل، خليك فاكرها دي.

عرفان ما يسيبش حقه...

ولا يخلي حد يعلّم عليه واصل.

................

ما هذا الخمول والثقل الذي تشعر به يحيط بجسدها وكأنها مقيدة؟ما هذا التعب الجسدي الذي...توقفت فجأة عن التساؤلات التي كانت تدور في رأسها، وهي تستعيد وعيها بعد فترة طويلة من النوم، لتفتح أجفانها إلى النور أخيرًا، فتعِي على وضعها الجديد.

نائمة في غرفة ليست غرفتها، وعلى سريرٍ ناعم بشدة، وغطاء كأنّه من حرير، وو...يا إلهي... لقد تذكرت الآن! وعاد إليها وعيها بالكامل.تُطالع الوجه القريب منها، وتلك الذراع التي تُقيدها وتمنعها من النهوض إلا بإيقاظه – كما يبدو لها.

إذاً، ماذا تفعل؟ وهذه أول مرة تتأخر إلى هذا الوقت، كما ترى الآن على ساعة الحائط المعلقة أمام عينيها، تشير إلى تجاوز الحادية عشرة صباحًا...

تنهدت، تترك حيرتها الآن لتُركّز بصرها عليه، وتتذكر ليلتها معه.اكتنفها شيء من الخجل، وذهنها يعيد صورًا كثيرة لا تستوعب حتى الآن كيف حدثت؟

وهي التي هيأت نفسها لسيناريو مأساوي كما حدث معها في زواجها الأول، أو أقل قليلًا...لقد اختبرت بين يديه مشاهد لم تكن تعي بوجودها أصلًا.

من يراها في بداية الليلة، وهي في حالة يُرثى لها، لا يُصدّق أنها ذات المرأة التي تحوّلت بعد ذلك معه.تذكُر جيدًا أنها حاولت صده ومقاومته، ولكنه استطاع أن يجعلها تستجيب له...إلا أن عقلها اليقِظ بعُقد الماضي توقف بها عند مرحلة ما، لتدفعه عنها وتبكي... يا لها من بائسة!

ومع ذلك، لم ينهَرها، لم يصرخ في وجهها، ولم... يصمّ أذنيه ويكمل دون اكتراث، كما كان يحدث قديمًا.هادنها كطفلة، راعى أمرها وكأنها عذراء في مرتها الأولى...هل يُعقل بعد كل ذلك أن يُعاملها بهذه الطريقة؟

تمتنّ له بشدة... كما أنها لا تُنكر إعجابها به.هل ابتسم لها الحظ أخيرًا، حتى تستيقظ بهذه الراحة، وبرؤية صاحب الوجه الوسيم بهذا القرب؟

توقفت فجأة عن شرودها حين انتبهت إلى تحرّك عضلة في وجهه، تبِعتها أخرى في أماكن مختلفة، علامة على قرب استيقاظه.فسقطت بجسدها تحت الغطاء، تدّعي النوم، تُغمض عينيها لحظة... لحظتين...لا يصلها أي صوت أو حركة... هل تظن أنه لم يستيقظ بعد؟

همّت أن تستكشف الأمر، وما إن همّت بفتح عينيها ورفع الغطاء، حتى خرجت منها صرخة خافتة، قُطعت فورًا كردّ فعل طبيعي حين تفاجأت به، فجلجل ضاحكًا حتى أغاظها فعله، لتلكزه بقبضتها:

ـ عجبتك جوي يعني؟ ولا هي تضحك للدرجادي؟!

قبض على يدها يمنعها مشاكساً:

ـ وه يا مزيونة، دا انتي خدتي عليا جوي، كده في يوم صباحيتنا بتضربيني!

هتفت بغيظ، وهي تحاول تحرير يدها من قبضته:

ـ ما أنت السبب بعمايل الصغار بتاعتك، خضيتني يا حمزة... باه عليك!

زاد في تسليته، مرددًا بتحدٍّ:

ـ باهين تلاتة أربعة حتى... جولتلك قبل سابق، أنا راجل عقلي صغير، وهفضل طول عمري صغير!هاوديني بجى مدامتي الكبيرة العاقلة!

اللعنة... إنها لا تعرف حتى كيف تُجاري خفة دمه، فتتوقف لحظات مدهوشة بأفعاله، قبل أن يخرج منها:

ـ طب بعد عني يا حمزة، وخليني أَجُوم. جايم رايق وأنا لسه بستوعب إني صحيت أصلاً... بعد يا حمزة، وزنك تقيل!

ضحك معقّبًا على "دبش" كلماتها، حتى وصل به المرح لأن يُكبّل ذراعيها:

ـ تقيل؟ تقيل برضو؟ دي كلمة تتقال من عروسة لعريسها يوم صباحيته؟ثم تعالي هنا، هتنبري عليا عشان جايم مبسوط؟ ما هو ده الطبيعي يا ست يا نكدية!

ارتخت يداها عن مقاومته فجأة، لتتساءل بأعين لاح فيها الاستجداء، وكأنها لا تُصدق بعد:

ـ يعني انت فعلاً جايم مبسوط يا حمزة؟ ولا بتحاول تبسط نفسك جدامي... زي ما كنت كده بتعمل ليلة امبارح؟

اللعنة... بماذا تهذي هذه المرأة؟انتفض فجأة ليعتدل جالسًا، ثم سحبها لتجلس مقابله، يحدثها بجدية، مستفهمًا:

ـ ليه بتجولي كده؟...

توقف، لا يعرف بما يواصل... وكأن جهاز النطق أصابه العجز والشلل.ألهذه الدرجة مدمّرة داخليًا؟ حتى ذلك الشيء الجميل الذي تمّ بينه وبينها لا تُصدّقه؟وتحسب سعادته معها تصنّعًا؟...

لعنة الله عليك يا عرفان.

ضمّها إلى صدره فجأة بقوة، يحثها:

ـ اسمعي لما أقولك...إياكي تكرريها تاني، ولا تسألي.انتي تدوري على نفسك الأول.لو مش مبسوطة، تقوليها... ومتخافيش.متدوريش على سعادتي أنا على حسابك إنتي.إياكي تعمليها، ولا تيجي على نفسك عشاني.قسماً بالله... ما هسامحك.

رفع رأسها إليه مشددًا:

ـ سمعاني؟

أومأت، تهزّ رأسها بطاعة ووداعة...جعلته يفقد السيطرة على ما تبقى من ثباته، يباغتها على حين غرة، يُجفِلها بهجومه عليها، يُطفئ نار غضبه، ويُسكتها عن الجدال والتفكير الأحمق.يبدو أن مشواره معها طويل... وهو مرحّب جدًا بخوضه.

............................

مساءا

من خارج الغرفة كان يغمغم ساخطًا:ـ راجل بارد، ما عندوش دم ولا بيشم ريحته حتى! أبو شكله... أنا كان لازم ما أطلّعلهوش أصلاً.

التفتت إليه من أمام المرآة، حيث كانت تمشط شعرها، وسألته:

ـ مين اللي بارد وما عندوش دم؟

توقف يطالعها بتقييم، وقد بدّلت ملابسها وتحمّمت بعد خروجه. شعرها الندي يعزف سيمفونية مع تفاح وجنتيها، والكحل المسحوب على رسم عينيها الساحرتين. كانت ترتدي عباءة! بالوانٍ زاهية أَضفت مزيدًا على حسنها، ولكنها عباءة، تُغطيها من أعلى رقبتها حتى أقدامها في الأسفل.

ارتفعت أبصاره نحوها فجأة، بعينين متسعتين، وكأنه رأى شيئًا يخالف الطبيعة:

ـ لابسة عباية يا مزيونة؟! عباية في ليلة صباحيتنا؟!

فغرت فمها لحظة، نزلت بعينيها نحو ما ترتديه، وردّت باستغراب:

ـ ومالها العباية؟ وإيه دخل الصباحية أصلاً بعباية لبستها عشان بلاقي راحتي فيها؟

ضاقت حدقتاه، وعلت ملامحه جدّية واضحة، خطا بقدميه حتى وصل إليها:

ـ "راحتك" يا مزيونة! أنا عمال أسب وألعن في العمدة بوز الأخص اللي عامل فيها صاحب واجب وجاي يبارك لي النهارده من دون باقي الأيام... عشان أخش دلوك ألاقيكي صدماني ولابسة عباية؟! عباية يا مزيونة؟!

أردف كلماته الأخيرة بأداء درامي جعلها، دون أن تشعر، تقلّده:

ـ سلاااامتك من الصدمة! بس برضو فيها إيه؟ هي العباية بقت "كُخ" وعيب مثلًا؟

ـ حبيبتي... يا عسل.قالها ضاحكًا، وقد أثارت عفويتها تسليته، ليضيف:

ـ بتعيبي عليا يا مزيونة؟ ماشي... أوضحلك عملي، مدام مش فاهمة يا غالية، عشان تفهمي أكتر.

تحرك خطوتين بجانبها نحو خزانة الملابس، فتح ضرفتيها، ولوّح أمامها بيده نحو عدد من قطع الملابس... بألوان وقصات مختلفة، وأشياء أخرى تخجل حتى من النظر إليها.كانت تعرف بوجودها من البداية، لكنها أغلقتها ولم تجرؤ على ارتداء شيء منها.

ـ اتفضلي يا ست مزيونة، ده كله مش عاجبك؟! ده أنا طلع عيني وخصصت يوم كامل عشان أنقيهم.

ـ يوم كامل عشان تنقيهم فيه؟! وليه التعب والمصاريف؟ الحاجات دي غالية، أنا تقريبا عارفة تمن كتير منهم لأني جهّزت ليلى. بس مالي بيهم؟ دي... دي حاجات... تتلبس إزاي أصلًا؟!نفسي أفهم... انت اتعاملت إزاي وانت بتشتريهم؟

تبسم بمكر وقد فهم مقصدها:

ـ تقصدي البنات اللي كنت بشتري منهم؟ وّه دا، كلّهم كانوا فرحانين جوي، وبيتسابقوا مع بعض، وهما بيختارولي... بعد ما وصفتلهم شكل العود الفرنساوي اللي يهبّل...

ـ بس يا حمزة!صاحت بها تقاطعه قبل أن يتمادى بوقاحته التي شهدت عليها منذ الأمس، ليؤكدها الآن، مخرجًا واحدة من تلك القطع، التي لا تعرف حتى من أي اتجاه يتم إرتدائها.

ـ إيه ده؟سألت إستفسار طبيعى بالنسبة إليه، وهي تنظر إلى القطعة التي رفعها أمام عينيها، فطالعها بانبهار قائلاً:

ـ شوفي... هو أنا مش فاكر اسمه إيه بالظبط، بس بصراحة عاجبني. لونه كده نبيتي وناري، دا غير إنه يشبه المايوه...

قال الأخيرة بمرح ضاعف من استفزازها، لتنتفض فجأة عن كرسي المرآة صائحة:

ـ والنعمة ما هيحصل! بقى أنا ألبس ده؟ ليه؟ اتجننت؟!

مطّ شفتيه بثقة وهو يخبرها:

ـ والله، ولو حلفتي بأيمان المسلمين كلها، برضه هتلبسيه.ده إحنا لسه معانا سنة كاملة في الحاجات اللي مالية الدولاب دي... لازم نبتدي فيها من النهاردة!

ـ وأنا بقولك: "لاه" يعني لاه يا حمزة!

هتفت بإصرار وتصميم، فواصل هو من جهته تحدّيها:

ـ وأنا بقولك: هتلبسيه يعني هتلبسيه، يا مزيونة!وهي كلمة... ومش هتتنيها!

تجمّدت في مكانها بعدم استيعاب. لا تصدّق مدى الجدية التي يتحدث بها، وتلك الابتسامة المرتسمة على شفتيه تزيد من غيظها وقهرها أيضًا.دبّت الأرض بقدمها مغمغمة:

ـ وه...

علّق بمكر وخبث:

ـ واهين تلاتة أربعة!هطلع برا الأوضة دلوك عشان تعمليهولي مفاجأة...

.......يتبع

عارفين يعني فصل مهلك والله العظيم اكتر فصل تعبت فيهيا للا انا هسيبكم لضميركم وانتو تقدرا ل

الفصل الثاني والثلاثون

كانت تظن أنها انتهت... أن ما بها ما هو إلا فتات امرأة أنهكها الألم والخذلان. لكنها لم تكن ميتة، بل كانت راقدة تحت الرماد، تنتظر شرارة تُعيد إشعال الحياة فيها.لم تكن تدري أن بداخلها أنثى لم تولد بعد، أنثى خُلقت لتُحَب، لتُدلل، لتُحتَضن ككنز نادر لا يقدَّر.كانت تنتظر من يراها رغم الغبار، من ينتشلها بلطف لا بعطف، من يُعيد تشكيلها لا بتغييبها، بل بإحياء ما خمد فيها من شعور.كل لمسة صادقة، كل نظرة تُشعرها بأنها مرغوبة، أعادت ترميم كيانها... رويدًا رويدًا، تحوّلت من ظل باهت إلى نور دافئ.لم تكن تبحث عن فارس، بل عن من يُشعل أنوثتها بكلمة، ويجعلها ترى انعكاسها بعينيه، لا بمرآة اعتادت كسرها.ها هي الآن... تنبت من بين أنقاضها، امرأة كاملة... لم تُخلق من أجل البقاء، بل من أجل الحياة.

المراجعة والخاطرة الروعة من الرائعة/سنا الفردوس...........................

الفصل الثاني والثلاثون

بعد مدة طويلة من الانتظار، فُتح باب الغرفة أخيرًا، فنهض عن جلسته أمام الشاشة التي كان يُسلِّي وقته بمشاهدتها، متحفزًا بحماس لما هو قادم. لكنه تفاجأ حين وجدها أمامه بهيئة مختلفة تمامًا عمّا كان يتوقعه؛ فقد كانت ترتدي مئزرًا محتشمًا بصورة مستفزة، يُغطيها بالكامل من العنق حتى القدم.

عقد حاجبيه بتساؤل واستغراب، لكنه سرعان ما فهم من نظرتها، وذلك الارتباك الذي كان يلفها، وهي تشدّ على فتحتي المئزر من الأعلى.

تبسَّم داخله بمكر، متظاهرًا بعدم الفهم، واقترب منها بخطوات بطيئة يخاطبها بعتب ودهشة:

ـ طب جاية على نفسك ليه ولابسة روب ستان؟ كنتِ اكتفيتِ بالعباية اللي كنتِ لابساها، ولا نقيتِ عباية تانية أكتر حشمة منها؟

كان قد اقترب ليقف قبالتها، فأخفضت عينيها وهي تهرب منه، وقالت بصوت أظهر مدى ارتباكها:

ـ والله ده اللي عندي، أعملك إيه عاد؟

كانت ترتجف حرفيًا، ويدها لا تزال تشدّ على تلك الفتحة في المئزر الذي شدّت حزامه عليها، مما زاد من صدق تخمينه، ولم يتبقّ له سوى التأكيد. فباغتها على حين غرّة وقبض على يديها، الأمر الذي زاد من توترها، فحاولت دفعه عنها، لكنه أبى أن يتركها تبعده:

ـ بتعملي إيه يا مزيونة؟ عيب عليكِ، أنا جوزك لو تفتكري، مش حد غريب يعني.

وبحركة سريعة، كلمح البصر، نزعه عنها فجأة، ليُصدم مذهولًا أمام ما يراه من فتنة خالصة تجسدت أمامه، الأمر الذي أخجلها بشدة، فحاولت إبعاده عنها حتى كادت أن تبكي، وهي تحاول أن ترفع المئزر مرة أخرى لتُغطي نفسها، لكنه رفض أن يعطي لها الفرصة بعد أن حصل عليه. ألقى به بطول ذراعه على كنبة الصالون التي كان جالسًا عليها منذ قليل، ثم سحبها من يدها ليعود بها إلى غرفة النوم مرة أخرى، لتدب الأرض بقدمها رافضة، قائلة:

ـ سيب يدي يا حمزة! وانت خليتني زي المسخرة كده... عايزة أستر نفسي، بلا قلة قيمة. أنا الغلطانة اللي لبسته أصلًا.

كتم انفعاله داخله حتى لا يغضب عليها ويُفسد اللحظة الساحرة، فقد وعد نفسه أن يتحلى بالصبر معها، وهذا أقل شيء يُقدّمه لها. فتابع يجبرها على السير معه، غير آبه باعتراضها حتى وصل بها إلى المرآة.

أوقفها أمامها، ووقف هو خلفها، يُوجهها بحديثه:

ـ بصّي، بصّي زين، وشوفي مين المرة الحلوة اللي واقفة قدامك؟بصي على هيئتها وجمالها هل دي ينفع يتقال عليها مسخرة؟

نثر شعرها الأسود حول وجهها، وأردف بالمزيد علّها تسمع أو تقتنع:

ـ سبحان من جعلك آيه فى الجمال أنا محظوظ بيكِ يا مزيونة.

لا تُنكر تأثرها بمعسول غزله، الذي يُرضي أنوثتها التي بدأت تكتشفها على يديه، لكنها... لكنها ليست معتادة على ذلك. منذ زمن طويل وهي ملتفّة بالسواد، منذ زمن لم ترتدِ من تلك الأشياء. مرّ عليها من المآسي ما جعلها تنسى حتى هويتها كامرأة، لقد طالت أعوام الحزن التي عاشتها حتى ظنتها دُهورًا، واقتنعت أن عمرها الحقيقي خمسون، لا ثلاثون كما هو مدوّن في بطاقتها.

أردف حمزة، وقد أسند ذقنه على كتفها، يقرأ ما تفكر به من تلك النظرة الضائعة التي يراها جليّة في انعكاسها عبر المرآة:

ـ بدل السرحان والتوهان، انزلي بعينِك تحت شوية، وشوفي النبيتي اللي هياكل منك حيّة! اتأمّلي كده، وقولي إحساسك إيه؟ وانتي شايفة ست بمعنى الكلمة، أجمل حتى من اللي بيطلعوا في التلفزيون.

سمعت كلامه، فأنزلت عينيها نحو ما يُشير، لتُدرك صدق قوله، فارتجف قلبها داخلها وكأنها ترى امرأة أخرى غيرها. ودون أن تشعر، وجدت نفسها تلتفت للخلف، ليصطدم رأسها بصدره، قائلة بضعف:

ـ حمزة، حنّ عليك. أنا مش متعودة على الحاجات دي، أو يمكن نسيتها. مش كله مرة واحدة، الله يرضى عنك.

ضمّها إليه، منتشيًا بشعور ما أعظمه، وهي تهرب من عقدها وخوفها إلى حضنه، مصدر أمانها واطمئنانها، يُقبّل رأسها قائلًا بابتسامة واسعة، لا تخلو من عبث:

ـ خلاص يا قلبي، ولا يهمك. خلّيكِ في حضن حبيبك حمزة على ما تتعودي... ولا أقولك...

توقف، ثم استدار بها بعيدًا عن المرآة قليلًا، وأردف:

ـ طيب، سيبك من كل مرايات الدنيا يا ستي، بس حُطّي عيونك الحلوة دي في عيوني، وانتي تشوفي نفسك زين قوي. بصي فيهم كده وجولي شايفة إيه؟

أسرها داخل عينيه كما هي أسيرة بين يديه، ترى حديثًا كثيرًا لا تفهم منه إلا القليل، لكن يصلها منه شعور جميل، يُرضيها ويُرضي ذاتها جدًا. تلك النظرة التي تتلقاها منه الآن قادرة على إسعاد جميع النساء، ليست هي وحدها فقط.

ـ فسّري اللي شايفاه في عيوني يا مزيونة؟ وانتي تعرفي قيمة نفسك صح.

بماذا ستُخبره؟ هي ليست قادرة على مجاراته من الأساس، تخشى أن تتحدث فيخونها التعبير. أمام حنكته ولباقته، تجد نفسها على طرف الطريق، رغم رغبتها الحثيثة في أن تسايره.

أخفضت بصرها بعجز، كتلميذة تخجل حتى من إجابة أستاذها، ليحسم هو الأمر سريعًا، ويرفع وجهها إليه من أسفل ذقنها بأطراف أصابعه، قائلًا بعجالة:

ـ شوفي... لا مراية ولا عيون.

خطفها سريعًا بقبلة قوية، ثم رفعها من أسفل ركبتيها، يحملها بين يديه، مردفًا:

ـ هو العملي... أسهل طريق يوصل المعلومة أصلًا.

...

أمام مرآته كان يُمشّط شعره استعدادًا للخروج إلى عمله، وعيناه تذهب كل دقيقة إلى الكمود المجاور له، بسبب الهاتف الذي لا يكفّ عن الضجيج. ضجيج يُؤذي سمعه، ويضغط على الجزء الساكن بداخله بصعوبة. تجدد محاولاتها اليوم بشكل هستيري.

لقد نزلت الملكة "هالة" من عليائها للوصول إليه. ويومًا بعد يوم، أصبحت محاولاتها تزداد جدية، لكن ما تفعله هذه المرة هو الجنون بعينه. هاتفه لا يتوقف عن الرنين باتصالاتها المستمرة. لم تفعلها من قبل، ولا يدري ما الذي استجدّ، لكنه يعلم تمام العلم أن التجاهل التام منه هو السبب.

استجاب أخيرًا، فرفع الهاتف إلى أذنه ليردّ عليها، نتيجة لإلحاحها المستمر، فقط لينتهي منها:

ـ نعم، عايزة إيه؟

جاء ردّها من الناحية الأخرى بسخرية مشحونة بغضبها:

ـ نعمين يا أستاذ خليفة؟ أخيرًا اتنازلت وردّيت؟ كتر خيرك يا واد عمي، كتر خيرك يا أبو عيالي.

تتحدث بعشم وحماقة، غافلة بعقلها الصغير عمّا جدّ وجعله يكره حتى سماع اسمها، فما باله بتلك النبرة المستهترة التي تتحدث بها الآن؟ فجاء ردّه بشدة وحزم:

ـ اسمعي أما أقولك... أنا مفياش دماغ ليكي أصلًا. عندك حاجة مهمة تخبريني بيها بخصوص العيال، تمام. ما فيش؟ يبقى تقفلي أحسن، لأن غير كده... حتى وقت ما عنديش ليكي.

وصلته شهقة خافتة منها، تدل على صدمتها، قبل أن تتراجع عن حدّتها وتتخذ طريقًا آخر في إلقاء اللوم عليه:

ـ وه يا واد عمي... للدرجة دي مش قادر حتى تسمع صوتي؟ للدرجة دي كرهتني يا خليفة؟ طب أنا غلطت في إيه بس؟ عشان تعمل فيا ده كله؟ يعني مش مكفّيك، كسفتني قدام أمة لا إله إلا الله يوم فرح أخوك؟ لما الكل اتعزم وأنا لأ؟

ـ يعني هو ده اللي هامّك؟ إن الكل اتعزم وانتي لاه؟ بتنقح عليكي كرامتك قدام الناس، ومش بينقح عليكي ضميرك؟ ثم إنتِ مالك أصلًا بالفرح؟ إيه اللي يخصك بفرح واحدة دبرتي وخططتي عشان تعمليلها فضيحة؟ وفي الآخر، السحر اتقلب على الساحر، وشلتي إنتِ الليلة بضميرك السو، وبشريكتك اللي فتّنت عليكي.

ـ شريكة مين؟ إنت بتخرف؟ بتقول إيه يا خليفة أصلًا؟ يتخيل جيدًا صورتها الآن، بتلك النبرة الجزعة التي تتحدث بها، بالطبع لم تكن تتوقع أصلًا أن يحدثها في الأمر، وهو لم يكن يسعى لإخبارها، ولكنها هي من تضطره لذلك، أن يكون صريحًا معها، ويكشف كل أوراقه. لقد ضج منها ولم تعد به طاقة.

ـ حبيبتك روان يا هالة، لتكوني نسيتيها بعد ما أخدتِ غرضك منها، ونفذتِ اللي إنتِ عايزاه، هي بقى ما نسيتش، واتصلت بيا، واشتكت، وبكت، وكانت عايزاني أتجوزها يا هالة، عشان أرد فيها المقلب اللي عملتيه، بعد ما خليتيها تخسر حمزة.

ـ وجع في عينها الكذابة قليلة الأصل، قليلة التربية، تربية الشوارع أناااا؟ تقول عليا كده؟ أوعاك تكون صدقتها يا خليفة؟... يا مِرِّي لا تكون كمان هتتجوزها عليا، صح؟ وديني أروح فيها في داهية لو حصل، لا أعمل لكم كمان فضيحة لو هاودتها يا خليفة... خليفة... خليفة.

كان قد أغلق المكالمة عليها، ولم يكترث بصراخها ولا بما قد تفعله الآن، حتى وإن أحرقت البلدة بأكملها بنيران قلبها التي لا تهدأ أبدًا... لأنها وبكل بساطة أصبحت لا تعنيه.

................

في طريق خروجه من المنزل، تصادف بتلك الفتاة، أو المرأة كما تصنفها العادات بحكم زواجها، الذي لم يستمر سوى شهور قليلة كما علم مؤخرًا، ولكنها اليوم غريبة، وكأن ما بها من شراسة قد اختفى. يراها اليوم وديعة على غير طبيعتها، ليس معتادًا هو على ذلك، وكان قد اقترب منها وهي قادمة نحوه، فتوقف يلقي عليها التحية، لتضطر من جهتها أيضًا أن تتوقف:

ـ صباح الخير، عاملة إيه يا أبلة اعتماد النهاردة؟ أجابته بنبرة زادت من شكه أن بها شيئًا ما: ـ بخير، والحمد لله... وتشكر على السؤال.

"تشكر على السؤال!" ترددت العبارة داخله بتعجب، لتزيد من ظنونه، فتابع بطريقة غير مباشرة يستحثها:

ـ إنتِ فيكي حاجة النهاردة؟ تعب يعني؟ ولا مشكلة حصلت معاكي؟ تهيأ له في الوهلة الأولى أنها كادت أن تتحدث بالفعل، لكنها تراجعت سريعًا، تنفي:ـ لااا... لا، ما فيش حاجة، تشكر على السؤال.

"تاني تشكر على السؤال! هي مالها دي؟"للمرة الثانية لا يستوعب الجملة التي تعيدها بدون سبب وجيه، فواصل مرة أخرى بما يشبه الإلحاح:

ـ أبلة اعتماد، عايز أفكرك إن ليكي عليا بدل الجميل جميلين، بدل التليفون تليفونين عطّلوا بسببي وما قبلتيش العوض فيهم، يعني يا ريت لو عندك مشكلة تقصديني، ومتتردديش، حتى أسد جزء من اللي عليا.

كان لطيفًا للغاية معها، حتى أوشكت أن تخبره بالفعل، ولكن جزءًا من كرامتها منعها أن تفعلها وتستجير برجل، حتى لو كان هو هذا الرجل، وهي حقًا في أمسّ الحاجة إليه.

لتنفي سريعًا وقدماها تخطوان لتتخطاه:ـ من غير جميل ولا كلام فاضي، أكيد لو احتجت مساعدة... مش هلاقي أحسن منك... متشكرين مرة تانية.وتحركت ذاهبة، يتابعها هو بعينيه، حتى صعدت السلم الرخامي لمدخل المنزل في الخارج، ثم اضطر أن يستدير ويتابع طريقه، فجاء دورها هي بعد ذلك، في الأعلى عند باب المنزل، وقبل أن تدخله تطلّعت في ظهره وهو يغادر فى طريقه، إلى وجهته، بحيرة داخلها إن كان عليها أن تخبره وتحمل عليه كما حدث في المرة السابقة، ودافع عنها هي وشقيقتها، يحميهما من شرّ ذلك الجبان الذي لا يشعر بقوته سوى بالتجبر على النساء الضعيفات، من صنف شقيقتها التي تزيد على همومها ما يثقل على طاقتها أضعافًا، بشخصيتها المهزوزة تلك.

ولكن، لما عليها أن تشركه في ذلك الأمر؟ هل كان من بقية أهلها كي يتحمل همّها هي وشقيقاتها أيضًا؟

..........................

في الموقع الذي كانت تُشرف عليه، وأثناء حديثها مع رئيس العمال، تلقي عليه بعض التعليمات وتتشاور معه، أتاها أحدهم يخاطبها:ـ يا بشمهندسة، يا بشمهندسة، في واحدة طالبة تشوفك. طالعته بتساؤل:ـ مين دي اللي جاية تشوفني هنا وأنا بشتغل؟أشار بيده إلى خارج المشروع الذي يتم العمل به، لتتبين فعلًا وجود امرأة تعطيها ظهرها من خلف السيارة التي تصدرت أمام عينيها، فاضطرت لترك العمل، كي ترى تلك المرأة التي لم تعرفها حتى الآن.

ـ أفندم، مين حضرتك؟جاء تساؤلها بعفوية، قبل أن تلتف الأخرى وتُعرّف بهويتها:ـ هالة.ردت عليها الأخرى:ـ أيوه يا أختي، هالة، هالة اللي افتكرتك بنت ناس وهتصوني السر، طلعتِ قليلة الأصل وما لكيش سعر.

أجفلت روان، لا تصدق ما وصل إلى مسامعها من تلك المجنونة حسب ما رأتها في هذه اللحظة، لتردد خلفها بعد الاستيعاب:ـ هي مين اللي ما لهاش سعر ولا أصل؟ إنتِ بتوجهيلي أنا الكلام ده يا هالة؟ـ أمال لأمي؟ لا، استهبلي يا بت واعملي نفسك مش واخدة بالك، إطلعي من دول، ده أنا الوحيدة اللي فهمتك من أول ما دخلتي البيت.

صاحت بها هالة بصوت عالٍ أرعب الأخرى، تلتفت برأسها يمينًا ويسارًا خوفًا من تسبب تلك المجنونة بفضيحة لها، لتعود إليها بالتحذير:

ـ وطي صوتك وانتِ بتكلميني، واحترمي نفسك، جيالي على مكان شغلي وعايزة تعمليلي فضيحة؟ ده أنا ممكن أدفنك هنا!

تلقت هالة التحذير بأثر عكسي، فرفعت صوتها أكثر وكأنها قاصدة بالفعل أن تفضحها:

ـ فضيحة واحدة؟ قولي يا أختي فضايح، مش إنتِ يا عديمة الكرامة رايحة لجوزي تطلبي إيده عشان يتجوزك؟ بقصد تجهريني؟ ده أنا هخلي اللي ما يشتري يتفرج عليكي النهاردة، وخلي حد يحوشني عنك! غلّب الأيام اللي فاتت كلها هيتحط عليكي، وخلي حد يقدر يخلصك مني، تعالي هنا!

فما كادت أن تنهي كلماتها، حتى هجمت عليها على حين غرة، وقبل حتى أن تعطيها فرصة للصدمة أو تستأذنها، هجمت تمسكها من شعرها المصفف الجميل لتُسقطها أرضًا وتجثو فوقها، حتى تربيها وتشفي غليلها منها، ولكن الأخرى لم تكن ضعيفة حتى تعطيها غرضها دون أن تقاوم أو ترد القلم بقلمين، وخصلة الشعر المقتلعة في الكف، قُبالها خصلات، فصارت معركة حامية بخسائر فادحة، نتيجة الأرض الصخرية القاسية أسفلهما، وحرارة الشمس العالية، بالإضافة إلى خلو المكان إلا من عمال البناء في المشروع، الذين لم ينتبه أحد منهم، إلا بعد مضي وقت، بسبب السيارة التي حجبت خلفها الشجار وكانت حاجزًا عن الأعين. ......

........................

:في طريق عودتها بعد انتهاء دوامها الدراسي، تتجه مباشرةً من ذلك الطريق المختصر الذي يؤدي إلى منزلها في تلك المنطقة المنخفضة عن باقي البلدة.مجهدة متعبة، ويزيد على ذلك حظها البائس اليوم أن تتقابل مع ذلك السمج، زوج شقيقتها، الذي بادرها بتهكمه:

ــ يا ما شاء الله، أبلة اعتماد! ده إيه الحظ الحلو ده اللي خلاني وقعت في طريقك؟

قابلت تهكمه بسخرية منها:ــ أكيد الصدفة العجيبة الغريبة، ولا أنت ماشي في طريق ومش عارف آخره فين؟

برقت عيناها فجأة باستدراك، هاتفه:ــ أكيد انت راجع من بيتنا يا محمود؟ أنا مش جايلالك ميت مرة، البيت ده ما تخطهوش طول ما أنا مش موجودة فيه!

صاح بدوره رداً عليها:ــ حيلك حيلك! على أساس إنك راجل البيت مثلاً يا ست الأبلة، ولا كنت أنا واحد غريب؟ أنا رحت لمرتي!مرتي اللي إنتِ حايشاها عني ومش راضية تريديهالي! أنا أقدر أطلبها في بيت الطاعة لو حبيت، عشان تبجي عارفة!

سخرت منه بضحكة خالية من أيّ مرح، معقبة على ما يهذي به:ــ بيت الطاعة؟! هو انت فاكرها سهلة قوي عند الحكومة؟ إياك! ده مش بعيد يحبّسوك لمجرد بس ما تُطّل بوشك!اسمع أما أقولك، ميت مرة نبهت عليك وقلتها: عايز أختي؟ تجيب حد كبير، حد كبير يكون شاهد عشان ما تكرّرهاش.أضمن منين أنا؟ تاخد البِت وتمضيهالي على أي قرض ولا نصيبة من نصايبك!

اسودّ وجه محمود من الغضب، وشيطان نفسه يوسوس له بكل شر نحوها...دائمًا كانت – وما تزال – حجر عثرة في طريقه، تمنع عنه كل خير.كرهُه لها تعدّى كل مراحله، ولا طريق أمامه سوى التخلّص منها!

ــ والله ما في حد نصيبة غيرك! بت انتِ! اتقي شري أحسن لك، أنا واصله معايا لآخرها منك،تلاتة بالله العظيم، لو ما حلّيتي عني أنا ومراتي، ما تلومّي غير نفسك بعد كده!

في نظرها، فاشل، وسيظل إلى آخر عمره كذلك.قابلت اعتماد تهديده باستخفاف ولم تأبه. غلبها طبعها، ولم تعِ الحقد الذي يملأ قلب رجل جاحد حاقد مثله، جبان لا يستقوي إلا على من هو أضعف منه.

فلم تتوقّع أن يستغل لحظة السكون في ذلك الطريق الهادئ،ليدفعها بطول ذراعه من فوق الجسر الذي كانت تمر عليه، إلى خلف شجرة الكافور التي كانت تقف تحتها، لتنزل متدحرجة على الحجارة، وذلك المنخفض حيث الأرض الزراعية في الأسفل.

ولم تدرِ بالصوت الرجولي الذي أتى على حين غرّة، بهذا الأحمق:ــ بترميها من فوق الجسر؟! عايز تموتها يا عِرّة الرجالة؟!

انتفض محمود نحو مصدر الصوت، ناظرًا إليه بهلع، متخذًا قراره بالهروب فورًا قبل أن يمسكه ويفتك به.وعى أخيرًا إلى حجم الجريمة التي ارتكبها... وبوجود شاهد!

---

قبل قليلداخل سيارته التي كان يقودها عائدًا من عمله، متخذًا طريقًا غير الذي يسير فيه عادة.لا يعلم ما الذي دفعه اليوم ليأتي في تلك الساعة في هذا الطريق تحديدًا؟ربما لانشغال عقله منذ الصباح بتلك المرأة، والتفكير المرهق عما بها؟هل ينوي أن يوقفها مثلًا كي يطمئن عليها؟ يستبعد بالطبع ذلك الاحتمال، فهي رفضت حتى أن تجيبه حين سألها.ولكنه...

انتبه فجأة، يراها على جانب الطريق، أسفل شجرة الكافور العالية، تقف مع أحدهم وكأنها تتشاجر معه.تعرف عليه من ظهره، ليتأكّد له الآن أن حدسه كان أصدق من منطقه.فتوقّف بالسيارة ليضع له حدًا ويردّه عنها، لكن، وقبل أن ينزل بقدميه جيدًا على الأرض، فوجئ بفعل هذا الأحمق وهو يدفعها، والنية واضحة: أن يتخلّص منها.

ركض إليها خليفة كي يستكشف ما بها، عقب هروب الآخر كالفأر من أمامه وصراخه متوعدًا.نزل خلفها بحرص شديد، حتى لا يقع هو الآخر.وصل إليها، ليجدها متكوّرة على الأرض بصورة لم يفهمها، ليضطر إلى رفعها من كتفيها ويعدّل رأسها.ناداها باسمها حتى تجيبه:ــ اعتماد... اعتماد!

فكانت المفاجأة حين انتبه للجرح الكبير في جبهتها، والدماء تسيل على وجهها الذي غطّاه التراب، وهي فاقدة الوعي تمامًا.فصرخ بجزع:ــ حد ينجدنا يا ناس! حد يجيب لنا عربية إسعاف بسرعة!

---

ها هي الآن أمام المرآة، تجرب نوعية جديدة من الملابس لترتديها، كما أنها أصبحت تستيقظ في وقت متأخر...لقد تبدلت حياتها بالكامل، من حزن وشقاء، وهمّ مسؤولية، إلى دلال وغنج... وعشق.

تلك الكلمات التي لم تكن تقتنع أنها موجودة من الأساس.نعم، أو ربما موجودة ولكنها لم تُخلق لها...لكن ما عند الخالق من مفاجآت، لا أحد يعلمها أبدًا.

تنهدت برضا، تفيق من شرودها، لتعدّل البلوزة البيتية الضيّقة التي ترتديها على البنطال القصير فوق الركبة، بصورة محكمة على جسدها، الأمر الذي أثار سخريتها.فجعلها تتحدث إلى نفسها:

ــ بيجامة ضيقة وبنطلون برمودا؟! يا وعدك يا مزيونة... كانك فشّلتِ يا جزينة! هطلع إزاي بيها دلوك؟

قالت الأخيرة والتفتت برأسها إلى المرآة لتلقي نظرة أخيرة على نفسها، وشعرها الذي لفته في الخلف كذيل حصان، ليجعلها تبدو كفتاة في السابعة عشرة، بالأمس امرأة مكتملة الأنوثة، وبالنهار فتاة في طور المراهقة.

ــ هصغر لحد فين تاني؟ الله يجازيك يا حمزة!

---

خرجت بعد لحظات، لتجده على طاولة السفرة، يتناول بعض الشطائر التي صنعها لنفسه.لم تكن تدري أنه كان في خضمّ مكالمة فيديو، والهاتف مثبت أمامه، وحين لمح خروجها، تركت من كان يتحدث معه، وأطلق صفيرًا من بين شفتيه، معبرًا عن انبهاره بالغزل الصريح كعادته.ــ أوعى الوحش! أموت أنا في البرمودا والقصير... إيه الحلاوة دي؟

ضحكت بحلاوة، لتقترب متغنّجة بخطواتها نحوه، وثقة بالنفس بدأت تنمو على يديه.لكن، وما إن انتبهت إلى الشاشة المفتوحة وأحدهم يتابع ما يحدث، صرخت مرتدة إلى الخلف:

ــ يا مُرّي! انت فاتح وبتتكلّم فيديو وسايبني على عمايا يا حمزة؟!

تبسم ليخفف عنها موضحًا:ــ ما فيش حد غريب يا مجنونة، تعالي... دي ليلى!

ــ ليلى؟!رددت الاسم من خلفه، لاطمة بيدها على وجنتها بحرج شديد، حتى جعلته يضحك مائلًا برأسه إلى الخلف.وجاء صوت ليلى بتساؤل وعدم تصديق، تدعوها لتقترب مرة أخرى من الشاشة:

ــ أمي! دي معقولة؟! مزيونة؟! تعالي هنا يا مزيونة، خليني أشوفك!

بخجل شديد، استجابت، تتحرك خطوتين، مع حثّ الآخر لها أن تتقدم، حتى إذا اقتربت، جذبها لتجلس على إحدى قدميه، ليضاعف من توترها، حتى تململت تريد أن تنهض، لكنه أجهض محاولاتها بحزم:

ــ بس بقى، بطّلي فرك! أنا مجعدك عشان تبقي في وشّ الشاشة قبال ليلى!

حدجته بغيظ شديد، قبل أن تعود لابنتها التي كانت تتأملها بانبهار عبّرت عنه:

ــ الله! شكل البيجامة يجنّن عليكِ يا أمي! جبتيها إمتى؟ دي أول مرة أشوفها عليكِ!

ــ ما هو مش أنا اللي جيبتها يا حبيبتي!قالتها مزيونة، ثم التفتت إليه ناظرة بلوم أثار تسليته، ليضيف عليها:

ــ أنا اللي اشتريتها يا ليلى، ومعاها مجموعة تجنن! عايزك لما تيجي، خلي أمك تفرّجك عليها.

هذه المرة تخلّت عن اللوم والاستسلام، لتلكزه بمرفقها على بطنه من خلفها، فارتفعت ضحكاته بصخب، حتى جعل ليلى تشاركه المرح وتبادل المزاح في مشاكسة والدتها التي كانت محرجة مما كانت ترتديه.ـ ...................

بعد انتهاء المكالمة، ابتعدت عنه تخاطبه بلوم:

ــ الله يجازيك يا حمزة، إنت السبب! كل هدومي خفيتها، عشان تجبرني ألبس هدوم العيال دي، ويبقى شكلي مسخرة دلوك قدام ليلى!

ضحك، ثم جلس محشورًا بجوارها على الأريكة، قائلًا: ــ وايه اللي هيخليها مسخرة يا ست أنتِ بس؛ هي مش بردك متجوّزة وعارفة؟ــ وه، بردك في الآخر اسمى أمها!ــ واهِين تلاتة! إذا كانت هي نفسها مش مقتنعة، وشايفاكي أختها الكبيرة، مش أمها وبس! فكّي كده وروّقي، بنتك مخها مفتّح وفاهمة وعارفة. حتى لو استغربت النهارده، بكرة تتعود... لما يبقى ده أسلوب حياة معاكِ.

ــ أسلوب حياة؟! هتفت بها باستهجان، ليضمّها من خصرها إليه مشددًا: ــ أيوه، أسلوب حياة! ولا انتي فاكرة إن إحنا لسه عملنا حاجة؟! مضايقة عشان ليلى شافتك بالبرمودا؟! أمال بكرة لما تلبسي البوركيني هتعملي إيه؟

ــ وإيه البوركيني ده كمان؟! تساءلت بعدم فهم، فالتصق بها ليجيبها بسهولة:ــ ده لبس السباحة اللي هتلبسيه بكرة لما تنزلي معايا البحر. صاحبي عنده قرية سياحية هناك. خلاص، حجز وروّق الدنيا، ومن بكرة إن شاء الله هنطلع على الغردقة... نقضي شهر عسلنا!

ــ شهر عسلنا؟!قفزت ناهضة من جواره، تجادله: ــ يا حمزة، إنت بتتكلم بعقلك؟ غردقة إيه ولا بوركيني وكلام فاضي! أنا مالي بالحاجات دي يا بوي! طول عمري ماشية بالحشمة، هشلّح دلوك على كِبَر؟!

نهض هو الآخر، يواجهها، وقد بدا عليه الغضب:ــ مين اللي جاب سيرة الشلح؟! انتي عارفاني راجل، لمؤاخذة، عشان أقبل بالكلام ده؟! ماتنقّي كلامك يا مزيونة، ولو مش عايزة تروحي، خلاص!

صاح بها وابتعد داخل غرفته، مما جعلها تشعر بالذنب، فتبعته حتى جلست خلفه على الفراش، تحاول أن تصالحه:

ــ حمزة، حقك عليّا. أنا بخربط، بس والله ما أقصد أي كلمة عفشة تزعلّك. عارفة نفسي مدب، بس إنت أكيد اتعودت يعني، ولا إيه؟ ولو على السفر ورحلة الغردقة، أروحها مادام معاك، بس وغلاتي عندك، ما تخلينيش ألبس حاجة عريانة!

عند الأخيرة، التفت برأسه نحوها بعدم استيعاب، وذلك لإصرارها على شيء لا تعي أبعاده:

ــ وه؟! ــ واهين تلاتة أربعة! تمتمت بها تقلّده ضاحكة، حتى أمسك نفسه بصعوبة كي لا يشاركها الضحك، قبل أن يصل لغرضه منها.

ــ ماشي يا ست مزيونة، اضحكي براحتك، بس أنا برضه زعلان إنك غلطتي فيا.

رحّبت بعتابه، فعرضت عليه ليعطيها فرصة للتصالح:

ــ طب شوف يا حمزة، أعمل لك إيه عشان ترضى؟ لو عايزني أعتذرلك، أعتذر تاني وتالت كمان!

ــ لاه، أنا مش عايز اعتذار.ــ أمال عايز إيه بس؟ــ عايز منك حاجتين عشان أرضى وأسامح.

ــ ماشي يا حمزة، قول وأنا أعمل اللي إنت عايزه.

وصل إلى ما يبتغيه، لينتشي داخليًا، ويلتفت إليها بجذعه قائلًا:

ــ أولًا، لما تناديني ما تقوليش "يا حمزة"... الاسم من دلوك يبقي "حمّوزي".

ــ نعم؟!ــ نعم الله عليكي! خلاص، لو مش عايزة، بلاش.

كاد أن يلتفّ عنها مرة أخرى، لكنها أوقفته تراضيه:ــ خلاص يا سيدي، حمّوزي حمّوزي! راضي كده؟

تبسم بابتسامة منتشية متغاظمة، يقطف قبلة قوية من وجنتها، كأنه طفل صغير يفرح بدلال والدته، حتى تسربت إليه طالبة:

ــ خلاص، وانت كمان دلّعني! بس شوف اسم حلو، ما تقولش حاجة تزعلني.

هزّ رأسه نافيًا، قائلًا:ــ لا يا مزيونة، لا عفش ولا زين... انتي ما ليكيش غير "المزيونة". المزيونة بس اللي يليق عليكي، عشان هو الوحيد اللي يديكي حقك... زينة البنات، زينة الستات، وعلى قلب حمزة... انتي الملكة عليهم كلهم!

كم تعجبها مفاجآته، ولو حتى بكلمة أو تعبير لا تتوقعه، يزيد من ثقتها بنفسها، ويضاعف من تعلّقها به. فتجرأت هذه المرة وبادرت باحتضانه، ليباغتها بقوله:

ــ ناقص الشرط التاني!ــ إيه؟أشار بيده نحو خزانة الملابس: ــ اللي ننقيه النهاردة، مهما كان شكله... عرياني ولا حشمة، هتلبسيه من غير جدال!

ردّت بسخرية وقلة حيلة: ــ حشمة؟! انت برضه تنقّي حشمة؟! ماشي يا حمزة، موافقة... في حاجة تانية كمان؟

ــ لا. قالها بانتصار، ثم نهض ورفعها معه، مردفًا: ــ تعالي بقى، أنجيلِك اللي عايزه!

استجابت، لسحبه لها بتوجّس وريبة:ــ يا ترى هتلبّسني إيه المرة دي يا حمزة؟! استر يا رب!

......يتبعاسفة لو سهرتكمبس انتو مقدرين اكيد

تشجيعكم هو اللي هيجعلر استمر

الفصل الثالث والثلاثون هذه المرة… لا خاطرة تُفتَتح بها السطور، بل وجعٌ يتسلّل ويصرخ قبل الحكاية؛وجع يشبه رائحة التراب بعد المطر حين يختلط بالدّم،عن غـ.ـزّة التي تُحاصر وتُجَوَّع وتُقصف،عن أ.ـنس الشريف، ومـ.ـحمد قريقـ.ـع، وأصدقائهم، وعن كل من ارتقى،عن الزهور التي قُطفت قبل أن تتفتح، وعن الأطفال الذين تيتموا،وعن الأمهات الثكالى والأرامل، وعن خذلاننا وصمتنا وتقاعسنا.هناك… حيث لكل شهيد حكاية تُروى على أكتاف الريح،ولكل ناجٍ حكاية محفورة في جدران البيوت المهدّمة،ولكل مُهجَّر حكاية تحملها الطرقات البعيدة في صمتٍ مرير.نبكيهم… لكننا في الحقيقة نبكي أنفسنا،نحن الذين اكتفينا بالمشاهدة، بينما البطولة تُكتب هناك بدمائهم.رحم الله شهداء غـ.ـزّة، وأسكنهم الفردوس الأعلى،وجعل دماءهم وعدًا في أعناقنا بأن فـ.ـلـ.ـسطين ستنهض من بين الركام،ومهما طال الليل… سيشرق الفجر من جديد.المراجعة وكلمة الافتتاحيه/ سنا الفردوس الفصل الثالث والثلاثونخلف باب الغرفة التي كانت قابعة داخلها، وبعد أن مرّت تلك الفترة العصيبة في إنقاذها من قبل الأطباء، الذين خشوا أن يتطور الأمر لأكثر من مجرد جرح سطحي ظاهر في الرأس، وعلى الرغم من أنه كان غائرًا، إلا أنه تم اكتشاف إصابات متفرقة على أنحاء الجسد عن طريق الفحص. لكن أكبرها كان الكسر المضاعف في الذراع الأيمن، وقد أُجريت له عملية فورية، فضلًا عن كدمات وسحجات نتيجة الاحتكاك المباشر بالحجارة القاسية.جلس أخيرًا يلتقط أنفاسه، فهو الوحيد الذي ظل معها من البداية إلى النهاية، ولم يرسل إلى شقيقاتها إلا مؤخرًا بعد خروجها من العملية. كان معه بعض أفراد البلدة، لكن مع مرور الوقت انصرفوا واحدًا تلو الآخر، حتى وصل إلى مرحلة لم يجد فيها أحدًا معه إلا رجلين عجوزين، وما إن اطمأنا عليها بعد العملية حتى غادرا ليستريحا بعد إجهادٍ استمر لساعات طويلة.ظل هو وحده الآن، جالسًا على أحد مقاعد الانتظار، يقيّده شعور بالعجز؛ لا هو قادر على أن يتركها ليبحث عن ذلك الأخرق كي يلقنه درسًا لا يُنسى، ولا هو قادر على الدخول إليها ليطمئن عليها في غرفتها.ذلك لأنها في غرفة وحدها، وذراعها الذي أُجريت له العملية مكشوف طوال الوقت، إذ كانت نائمة منذ خروجها من غرفة العمليات، وغالبًا ما تنكشف الملاءة الطبية عنه، فكثر تنبيهه للممرضات كي يعيدن تغطيته مرة أخرى، حتى ملّ، ولم يتبقَّ له سوى أن ينتظر إحدى النساء من عائلتها لترافقها.زفر ومسح بكفه بتعب شديد، كلما تذكر حالتها، وتذكر الدفعة التي دفعها بها ذلك الأخرق للتخلص منها، فار الدم في رأسه. اعتماد هي مثالًا حيًّا على أن المرأة القوية مكروهة من الرجال والنساء بلا سبب، ودون أن يسأل أحد أو يستفسر عن الذي أوصلها إلى تلك الحالة. ولا أحد يعلم أيضًا أن الجزء الهش بداخلها بحاجة شديدة إلى الرفق، حتى تستعيد آدميتها التي سُلبت منها قهرًا.انتبه فجأة إلى تلك المرأة التي تحمل طفلًا على يديها، وهي شقيقتها زوجة ذلك الأحمق، أي أنها المتسببة الرئيسية في كل ما يحدث لاعتماد، بسبب ضعفها واهتزاز شخصيتها. كانت تجر معها فتاة أخرى تبكي بحرارة، ربما كانت شقيقتهما الثالثة.اقتربت الأولى تسأله بانهيار:ـ أستاذ خليفة، أختي عاملة إيه؟ طمّني عليها، الله يرضى عنك.رد يطمئنها رغم غيظه منها:ـ هي بخير دلوك والحمد لله، ما تقلقوش.هنا تحدثت الفتاة الأخرى بكلمات متقطعة بالكاد يُفهم منها:ـ كـ… كيف… يعني، ددول بيقولوا، عملت… حادثة؟نظر إليها خليفة بإشفاق وتساؤل، لا يدري إن كانت كلماتها تخرج بصعوبة لفرط صدمتها وبكائها، أم أن تلك حالتها الأساسية، فقال يخفف عنها:ـ أيوه يا آنسة زينة والحمد لله، حتى ادخلوا واطمّنوا عليها، بس ياريت تراعوا حالتها، عشان هي طالعة من العمليات.ـ هنراعي والله، المهم نشوفها.هتفت بها روضة بصوت باكٍ، لكنه لم يهتم، إذ كان تركيزه على الفتاة الصغيرة، فهي من تستحق اهتمامه، لا تلك التي يتسبب ضعفها في إيذاء شقيقتها.نهض يتقدمهن، وفتح لهما باب الغرفة، فدخلتا نحو شقيقتهما التي كانت شبه واعية، بعينيها نصف المفتوحتين، ثم فتحتا عن آخرهما وهي تتقبل عناقهما ونحيبهما، لتستقر في الأخير عليه، بنظرة طويلة تحمل امتنـانًا لا حدود له.ترى… هل كانت على وعي بكل المراحل التي مرا بها طوال الساعات المريرة الفائتة؟!...............................داخل قسم الشرطةتم الصلح بصعوبة بين الخصمين، بعد ساعات من الشجار والتناحر، والفضائح أيضًا. خرجت هالة من غرفة معاون المباحث الذي تولى أمر القضية، التي كادت أن تكبر وتصبح جناية لولا تدخل المحامي المخضرم، الذي استطاع بحنكته أن يجبر الطرف الآخر على التنازل، خوفًا على السمعة وما قد يضر بالشركة إن زُجّ باسمها في تلك المهاترات.قضى ساعات يقنع والد روان بالتنازل، وقد كان الرجل مصرًّا على أخذ حق ابنته التي هُدرت كرامتها أمام العمال الذين يعملون تحت يديها، وفي منطقة عملها، فضلًا عن الإصابات التي لحقت بها: سحجات وكدمات على كامل الجسد، والجزء الأكبر كان بالوجه، من انتفاخات وخدوش وأظافر حفرت بالبشرة بخطوط طولية وعميقة، حتى أخفت ملامحها الحقيقية.هالة لم تكن أقل ضررًا، بل زادت عليها بإصابة في قدمها اليسرى، فلم تكن قادرة على الضغط عليها، فسارت بعرج مستندة على ذراع معاذ، الذي كان ينفخ بغضب مكتوم؛ فما تعرض له اليوم كفيل بأن يجعله يكرهها هي وعائلتها بأكملها.ـ آه، بالراحة يا معاذ، بتّ المنتول شكلها كسرت لي رجلي.رد معاذ بحنق:ـ هي برضو اللي بتّ منتول؟ طب احمدي ربنا إنها جات لحد كده. أنا مش عايز أقول لك إحنا عملنا إيه عشان نقنع أبوها يتنازل. خليني مكتوم أحسن عشان ما أنفجرش.تركت يده فجأة في منتصف الممر، قائلة بعتاب كأنها صاحبة حق:ـ لا، انفجر يا معاذ وطلّع اللي في قلبك. ما أنا عارفاك إنت كمان حاطط عليّ زي أخوك وباقي العيلة، اللي محدش فيكم عارف أنا إيه اللي خلاني أروح عند البنت دي لحد شغلها عشان أربيها.المحروسة، اللي عاملة فيها هانم وبنت ناس، كانت بتلعب على أخوك جوزي، وطلبت منه صراحة إنه يتجوزها! بذمتك أسمع كده وأسكت ليه؟ خاينة العيش والملح، ما قدرتش إنها أكلت معايا في طبق واحد، وكانت متجوزة أخوه، وولدها في البيت إحنا اللي بنربيه! بذمتك دي تستاهل حد يشفق عليها؟كمية ما رآه وسمعه اليوم من أخلاق متدنية للأثنان أمام الضابط جعلته يشعر بالخزي منهما، فواحدة كانت زوجة شقيقه الأكبر وأم ابنه الذي يتربى بينهم، والأخرى ابنة عمه وزوجة شقيقه الثاني، وما زالت على ذمته حتى الآن. ما هذه الكوميديا السوداء التي يعيشها؟ كيف يتجاوز وكيف يتصرف الصحيح، والارتباط بهما يشمل الدم وصلة الرحم؟! يا له من بلاء شديد… الله وحده المعين عليه.أردفت هالة بتساؤل حين طال صمته أمامها:ـ كل الاتصالات دي وأخوك ما جاش؟ للدرجادي هو رامي طوبتي ومش فارقة معاه؟ طب كان عمل حساب إني أم عياله، حتى مش بت عمه ولا مرته…ـ كنتِ عملتي إنتِ الأول يا هالة؟عقّب معاذ باستياء، ثم تابع منتقدًا، لعلها تفهم أو تسمع:ـ مهما كان غلطها أو عيبها، مش هييجي نص عيبك إنك تروحي لها في نص شغلها، وفي منطقة صحراوية قدام العمال، وتمسحي بكرامتك وكرامتها الأرض. إنتِ هِنتي نفسك زي ما هِنتيها. دي مش أخلاق بناتنا يا هالة. إنتِ أكبر مني وفاهمة. بس اللي عايز أعرفه… عقلك كان فين لما عملتيها؟ على العموم، أنا عملت اللي عليّ يا بنت الناس بعد ما خلصتك من قضية كبيرة كانت كفيلة تدمر سمعتك وسمعة العيلة كلها… إنما اللي جاي الله أعلم.سألته بارتباك:ـ قصدك إيه باللي جاي؟ إن خليفة ممكن يطلقني يعني؟ بسببها؟! بسبب الحرباية دي ممكن يطلقني أنا بنت عمه وأم عياله؟!تجمد معاذ بدهشة من منطقها الغريب في تفسير الأمور. حقًا، لا توجد كلمات تصف حالته الآن.فإبنة عمه مصيبتها عقلها… لا تسمع إلا نفسها، ولا فائدة مرجوة منها أبدًا.ـ هالة، ممكن تقدّمي عشان نخلص؟ وأوصلك على بيتك. خدي بالك…احنا دلوك بقينا في نص الليل. ولا إنتِ حابة تبيتي ليلتك هنا؟سمعت منه، ثم عادت تستند بيدها على ذراعه لتواصل طريقها معه، وهي تنوي أن تتابع الحديث:ـ هوصي دكتور الصحة يجي لك على البيت بكرة، يشوفك ويشوف الإصابات والكدمات اللي فى باقي جسمك. أما رجلك، فدي آخرها جزع أو حاجة شبه ذلك، لأن لو كسر ما كنتيش قدرتي توقفي عليها أصلًا.ـ وأخوك يا معاذ، هيفضل كده سايبني زي البيت الوقف؟ أمه لا إله إلا الله جابت سيرتي، ولو هنتكلم عن مشكلة النهاردة، هيبقى هو السبب الرئيسي فيها.طالعها بصمت، فاقد الأمل في تغيرها، فقال ساخرًا:ـ عندك حق يا هالة… هو السبب في كل مصيبة حاصلة في الكون، وإنتِ الأميرة الملاك المظلومة ما بينا يا هالة.ـ شكلك بتتريق يا معاذ… لكن الله يسامحك برضه.ـ يا ستي الله يسامحني ويسامح الجميع… خلّصينا. بقول لك… داخلين على نص الليل، يعني الساعة أوشكت تبقى 12:00… خدتي بالك منها دي؟شعرت أخيرًا بحجم مصيبتها، حين نظرت إلى شاشة الهاتف وتبيّن لها صدق قوله. زاد شعورها بالثقل حين خرجت من باب القسم لتجد الاثنين في انتظارها: خليفة ووالدها، الذي كان ينفث نيرانًا مكتومة لكنه مضطر للصمت أمام الزحام من حوله. أما خليفة، فقد كان واقفًا جامدًا على وضعه بشكل يثير الدهشة، صامتًا، يطالعها بنظرات فاحصة، متأملًا الإصابات التي لحقت بها في كل مكان حتى وجهها وقدميها.وحين اقتربت منه برفقة شقيقه، خاطبها بهدوء أمام والدها:ـ حمد الله على السلامة يا بت عمي.ـ الله يسلمك يا واد عمي.تمتمت بها برد مرتاب، وعيناها تتنقلان بينه وبين والدها الذي كانت رائحة الخطر تفوح منه بقوة. أردفت بما يشبه العتب أو التبرير:ـ اتصلت عليك كتير يا خليفة، لكن ولا مرة رديت عليّ. أنا كنت رايحة أعاتبها في أمان الله، ما كنتش عايزة الموضوع يكبر، لكن روان عملتها هي وأبوها، وكانوا عايزين يحبسوني! بلغوا عني البوليس، رغم إنها كان ممكن تتلم لو ما اتدخلش فيها رجالة… كانت مشكلة حريم في حريم.زام بفمه مرددًا خلفها بغموض:ـ أممم… فعلاً، الحق عليهم صح! مشكلة حريم في حريم، واحدة رايحه تتخانق مع بنته في منطقة عملها، وتمسح بيها تراب الأرض… يبلغ عنها البوليس! دا بدل ما يشربوها شاي ويضايفوها!قطع فجأة، تاركًا سخريته تتدلى في الهواء، ووجّه كلامه نحو عمه:ـ طب عشان ما أضغطش على نفسي أكتر من كده يا عمي… اهي بنتك خدها معاك. وإن كان يرضيك اللي حصل ده، يبقى العيب عندي… أنا لحد كده جبت آخري. عن إذنكم بجي.أنهى كلماته وتحرك سريعًا، مغادرًا من أمامهما، غير عابئ بنظرة الاستجداء التي رمته بها. كانت تود أن توقفه، لكنها لم تملك الجرأة بعد ما حدث. يبدو أنها أخطأت هذه المرة وتعجلت… كان لابد أن تتريث...........................وإلى حمزة، الذي كان يتلقى تقريرًا مفصّلًا بكل ما حدث في الساعات الماضية عبر الهاتف من معاذ، الذي فضل ألا يفوت الليلة دون أن يخبره، بعد أن انتابه القلق على شقيقهما الثالث.ـ اممم، لا ما تقلقش عليه، خليفة راجل وسكوته ذهب، ما يغركش هدوءه ولا تخاف عليه، هو بيعرف يسحب اللي قدامه على الهادي ويوجعه في شر أعماله، بدليل اللي حصل مع روان وهالة، ضربهم في بعض وهو رافع إيده، دا معلم يا باشا...... اطمن بقول لك ومتشلش هم أي حد تاني. هالة يختص بيها أبوها خليها عنده لحد ما تعرف أن الله حق، أو يحلها الحلال... تمام يا حبيبي، ومتنساش تخلي بالك من الواض ريان، هي السفرية دي بس، وبعدها هيفضل طول الوقت معانا...أنهى المكالمة، ليغلق الهاتف بأكمله حتى يتجنب الإزعاج، ليعود من الشرفة التي كان يتحدث بها إلى داخل الغرفة، حيث الجميلة التي كانت تتسطح على الفراش أمامه، نائمة على وجهها وشعرها الكثيف يغطي الوسادة وجزءًا من ظهرها الذي كان ظاهرًا من الغطاء.رؤيتها فقط بتلك الهيئة كانت كافية لبث البهجة داخله دون جهد، وعقله يعيد اللحظات الماضية التي سبقت نومهما، حين التقط لها من الخزانة قطعة أكثر عُريًا مما سبق، شفافة بشدة وبها أشياء تلمع كأزاياء الراقصات، حين طلب منها أن ترتديها حتى يرضى عنها ويقبل بالتصالح.بالطبع رفضت بشكل قاطع وتذمرت، ولكنه أصر وزاد في تدلله عليها وكأنه طفل صغير يتشبث بلعبة، حتى وصل به الأمر إلى التهديد بترك الغرفة والنوم في غرفة أخرى إن لم تستجب، لتضطر في الأخير أن تنصاع إلى رغبته، وتحارب خجلها وعقدها من أجله...ما أجملها: نقية وشهية وطيبة، رغم كل ما مرّت به من مآسي، كانت قادرة على محو كل ما هو جميل داخلها. لقد وقع صريعًا بها، مزيونة، الفاتنة من الداخل ومن الخارج.سقط بجانبها على الفراش، يطبع قبلة رقيقة على كتف ذراعها، بامتنان شديد على السعادة التي دخلت قلبه أخيرًا على يديها. يحاول بهدوء أن يوقظها:ـ مزيونة... مزيونة يا قلب حمزة، اصحي...حين استجابت أخيرًا لمحاولاته، فتحت أجفانها للنور بنعاس، تحاول الاعتدال في نومها حتى أصبحت مقابلة له، وبنصف وعي:ـ عايز إيه يا حمزة؟ وبتصحيني ليه دلوك؟حانت منه نظرة وقحة نحو الجزء المكشوف من الغطاء، جعلتها تنتبه لتجذب الملاءة عليها بغيظ، الأمر الذي جعله يصخك بملء فمه ساخراً بمظلومية:ـ طب أنا نفسي أفهم، إيه الفايدة اللي بتعود عليكي لما تداري عني نعم ربنا، اللي من حقي على فكرة.زفرت بحنق، واستعادت وعيها جيدًا، لتشدد الغطاء عليها جيدًا حتى جلست، تعقب وعينيها نحو الشرفة:ـ أنا شايفه النور لسه ما حطش على الأرض، وانت شكلك رايق، ومصحيني من النوم مخصوص عشان تغلس عليا.تنهد بصوت عالي، يعتدل بجلسته، ليصبح بجوارها قائلاً بمرح، وقد التف ذراعه حول كتفيها:ـ لا والله يا حبي، أنا كان نفسي فعلاً أغلس وأناكفك دلوك، بس الحقيقة هي أن الوقت ما يسمحش، والنور فعلاً لسه ما حطش لأن الساعة مدخلتش على تلاتة أصلاً.ـ ما دخلتش على تلاتة ومصحيني ليه يا حمزة؟جاء رده على استفسارها هذه المرة بنبرة عشق خالصة خالية من عبثه المعتاد:ـ عشان يا دوب على ما جهزنا نفسنا وحضرنا الشنط، نصلي بس الفجر ونتوكل على الله ونسافر على الغردقة ونقضي شهر العسل يا مزيونة قلبي. دا أنا عامل زي العيل الصغير، ما غفلتش غير ساعة واحدة بس جنبك، وبعدها قومت وعملت اتصالاتي عشان أروق بالي من كل حاجة. عايز كل دقيقة أقضيها معاكي تكون محورها أنت وبس، دنيتي كلها أنت، والعالم كله أنت برضو.تطلعت إليه بتأثر، يصلها كل همسة وكل كلمة بصدق إحساسه، ولكن كان هناك بعينيها أسئلة، عرفها دون أن تنطق بها، ليردف مجيبًا عليها:ـ عارف كل اللي بيدور في رأسك، إن كان عن ليلى أو ريان، مش ناسيهم والله. يمكن تعتبريها أنانية مني رغم أني مش مقصر برضو، لكني كمان عايز انفرد بيكي. أنتِ تبجي العالم بتاعي، وأنا أبجي العالم بتاعك... وبعدها نرجع للواقع عادي، يعني إحنا هنروح منه فين؟تبسمت بحب، وكان ردها العملي أن التفت بذراعيها حوله لتعانقه، فقابل هو مباردتها بلهفة، عائدًا لعبثه:ـ الله أكبر... واتخليتي كمان على الملاية...لكزته بقبضتها حتى يتوقف عن إخجالها:ـ بس بقى يا حمزة، وه عليك.صاح بدوره، يزيد من ضمها:ـ واهين تلاتة يا قلب حمزة.---في صباح اليوم التاليداخل طرقات المستشفى كان يسير خليفة محددًا اتجاهه، حتى توقف على غير إرادته حين اعترضت طريقه تلك التي لم يكن يتوقع حضورها الآن على الإطلاق.ـ روان!همهم بالاسم، كأنه يتأكد من هويتها. لقد بدت بهيئة غريبة، مختفية الملامح تقريبًا، بهذه الانتفاخات والبقع الزرقاء والبنفسجية حول عينيها، وبعض مناطق البشرة التي انتشرت بها اللاصقات الطبية وبقع مختلفة صغيرة لجروح متفرقة، ألهذه الدرجة تمكنت منها هالة؟ردت عليه بنبرة عاتبة لائمة، قاصدة تحميله الذنب:ـ أيوه روان يا خليفة، اللي سلمتها تسليم أهالي لمراتك المتوحشة. شوفت عملت في وشي إيه؟ بص كويس، أنا محتاجة شهور عشان يرجع لطبيعته، ده لو محتاجتش عملية تجميل لا قدر الله، ولا إيدي اللي كانت عايزة تكسرها بس ربنا ستر. شعري اللي كانت بتقطع فيه بغل، جسمي كله ما فيهوش حتة سليمة من غير جرح أو كدمات، شوفت بقى عملت فيا إيه؟ أنت كنت السبب في كل اللي حصل يا خليفة...وختمت بدموع تذرفها من عينيها، بقصد استدراج عاطفته، ولكن لم يحدث. وقد كان واعيًا لكل أفعالها، وبعد صمت دام لحظات، تاركًا لها المجال، جاء رده أخيرًا:ـ طبعًا، أنا ميعجبنيش اللي حصل، وهالة راكبها الغلط من ساسها لراسها، بس الأكيد أنها هتاخد عقابها أضعاف، بسبب اللي عملته فيكي وفي نفسها وفي سمعة العيلة اللي كانت مهددة بسببها.شهقت تتوقف عن البكاء، تعقب باستخفاف على قوله:ـ يعني هتعملوا معاها إيه؟ هتطلقوها مثلاً؟ دا أقل جزاء لفعلها على فكرة، اللي زيها تستاهل الحبس سنين وانا كنت عايزة كدة امبارح، بس بابي هو اللي غصب عليّ وأجبرني أتنازل، خاف على سمعتكم وسمعتي وسمعة الشركة بتاعتنا...ـ اممم.زام بفمه، ليرد بهدوء متناهي، وقد انتهى وقت المفاجآت منها، بعد أن كشفها على حقيقتها:ـ ماشي يا ستي، كتر خيره وخيرك على المعروف اللي عملتوه فينا، وجزاكم الله كل خير. ممكن بقى تسيبيني أفوت عشان أشوف المريض اللي جاي له مخصوص... ممكن... عن إذنك.كان في النهاية قد تخطاها بالفعل، يسير بخطوات مستقيمة ثابتة، غير مكترث بحالتها، وقد توقفت محلها تطالع أثره بصدمة وعدم استيعاب. هذا ليس خليفة الذي كان يتلهف إلى نظرة منها، والذي كانت معجبة به في البداية قبل أن تلتقي بحمزة، ويأسرها بشخصيته القيادية الجريئة والقوية. لقد خسرت الإثنان الآن بسبب هالة: زوجها القوي الجريء وخليفة الصديق الطيب.........................لا يوجد سقف لجنونه معها، لم يكتفِ بسفرهما بعد الفجر باكرًا، حتى إذا وصلا إلى هنا داخل الشاليه المنزوي في جهة وحده بعيدًا عن الزحام والبشر، جزء كامل منه على البحر لهما وحدهما.تماما كما طلبه حمزة من صديقه ... لم يمهلها إلا ساعتين فقط للراحة، ليسحبها من يدها ويخرج بها من أجل السباحة.أجبرها هذه المرة كما فعل سابقًا، وجعلها ترتدي ملابس لم تكن لتجرؤ على ارتدائها أبدًا، ليأتي الآن ويجعلها ترتدي هذا الشيء الجديد عليها، يُدعى "بوركيني"، يغطيها بالكامل ولكن جزءًا منه ملتصق بها، والجزء الأعلى فوقه خفيف ومختلف في قماشته. ومع أنه كان يبدو جميلًا عليها، إلا أنها ما زالت تتذمر وهو يسحبها نحو مياه البحر:ـ يا باي عليك يا حمزة وعلى غلاستك، يا عم سيبني أكمل القعدة على الشط وعوم أنت لوحدك، أنت عارفني هعرف أعوم يعني؟!شدد حمزة بإصراره المعتاد:ـ مش مهم تعرفي يا ست مزيونة، المهم أنا أعرف، وأعلمك تعومي معايا. أنا مش جايبك تتفرجي عليا، لازم نعيش التجارب كلها سوا ونستمتع مع بعض.تابعت تزوم برفض، وقدماها تخطوان داخل المياه من خلفه، رويدًا رويدًا تتقدم في العمق:ـ كفاية يا حمزة، الميا قربت توصل لرقبتي، سيبني أشوح بيدي ولا أبلبط في الجزء ده وأنا واقفة وانت قدم للغويط براحتك.ـ ما فيش عوم في الغويط من غيرك يا مزيونة، اشبطي فيا كده وما تخافيش.ـ يا مري، مخافش كيف؟قالتها برعب حين حملها فجأة بين ذراعيه، يسبح بها وهي ما زالت تتشبث به برعب، تصلها أصواته بصعوبة وهو ينصحها أن تسترخي، أن تترك خوفها وجزعها من المياه والغرق، حتى تمكنت في الأخير أن تثبت محلها، وهو في المياه يعوم حولها ويشاكسها، ثم يغطس ويصعد، يغطس ويصعد، مأخوذًا بمتعة السباحة في المياه الباردة، ورؤيتها هي عابسة غاضبة خوفًا عليه. كم من مرة نصحته ألا يزيد بالتخفي داخل المياه وكتم أنفاسه، ولكنه يقابل نصيحتها بالعند، حتى إنه في المرة الأخيرة زاد من المدة، حتى صعد بعد عدد غير قليل من الثواني، اختبر فيها عزيمته، ليصعد بعدها شاهقًا بعنف وابتسامة واثقة، يريد معرفة رد فعلها على الإنجاز الذي قام به، ولكنه لم يجدها...جالت أبصاره في كل الاتجاهات من حوله، ليدور بجسده يمينًا ويسارًا، يكاد عقله أن يجن، أين ذهبت؟هو لم يغِب عنها سوى لحظات قليلة قضاها داخل الماء كاتمًا أنفاسه، بقصد التسلية وتخويفها أيضًا، ليصعد الآن ويجدها اختفت.لا يوجد في البحر غيرهما والمساحة شاسعة، وهي لا تعرف العوم!ـ مزيونة... مزيونة!كان نداؤه صرخات، يريد العثور عليها سريعًا بأي طريقة. لقد شل الخوف عقله، لا يعلم كيف يفكر وأين سيبحث.ـ مزيونة... مزيونة...جاءت صرخته الأخيرة أعلى من كل ما سبق، ليباغت وعلى حين غرة، فتظهر له فجأة من المياه كالجنية، بمسافة قريبة إلى حد ما، تلتقط أنفاسها، لترد له المقلب كما يبدو، لكنها لا تعرف العوم، كيف تفعلها وتغطس؟!ـ كده برضو تخلعيني عليكي يا مزيونة، كيف عملتيها وكتمتي نفسك؟ ما خوفتيش لا تموتي فيها؟تبسمت بثقة تخبره، وهي تستمتع بالمياه حولها، وقد ارتخت أعصابها أخيرًا.ـ لأ، مخوفتش يا حموزي، عشان بسببك اكتشفت إني بعرف أعوم وأغطس أحسن منك كمان، أنا بس اللي كنت ناسية.ـ كنتي ناسية!ردد بها غيظًا من خلفها، ليغطس فجأة، يقطع المسافة الفاصلة بينهما سابحًا، وفي لمح البصر وصل إليها، ليقبض على ساعدها:ـ أنا عايز أعرف دلوك اتعلمت السباحة فين؟ وامتى؟ وكيف جالك قلب تعملي المقلب الماسخ ده فيا؟ضحكت، تغطس منه مثل سمكة، وهذا موطنها، ترد الصاع صاعين:ـ الكلام ده تقوله لنفسك يا حموزي. دلوك سميته "مقلب ماسخ" لما رديته ليك، لكن أنت لما توجف قلبي، عادي.تمتم حمزة بتشتت، وهي لا تعطيه فرصة للتفكير بالدوران من حوله:ـ يا بت، اهمدي، خيالتيني، أنا يا ستي راكبني الغلط واستاهل اللي يجرالي. المهم، إنتي اتعلمتي السباحة فين؟ دا إنتي ولا أكانك سمكة بلطي، ولا مولودة في الميا؟ـ ما أنا فعلا، تقدر تعتبرني مولودة في الميا؟ـ اسم الله!صاح بها ساخرا بتعصب من أفعالها الاحترافية من حوله، لتجيبه ضاحكة هذه المرة وهي تعوم بظهرها:ـ الحكاية سهلة والله يا حموزي، أنا كنت جلوعة أبويا لو تفتكر، يعني كل أفعال الولاد كنت أعملها مع أخويا، حتى العوم في الترعة...أومأ حمزة بمرح، وقد جاءت فرصته:ـ العوم في الترعة، جولي كده...ـ أيوة، وعوم في البحر كمان، لما كنت أقعد بالشهر عند خالتي في سفاجا، يعني نفس البحر اللي هنا.تعيرت ملامحه فجأة باستدراك، يجذبها من يدها بعصبية:ـ خالتك دي عندها ولاد؟ـ عندها...قالتها لتزيد من انفعاله، ثم ابتعدت تتلاعب به:ـ ولدها حسان، كان زي أخويا يا حمزة، وعمره مقارب من عمري، ما يفرقش عني غير سنتين، أنا وأخواته البنات كنا نُسابقه ويسابقنا...لم يعلق، ولكنها رأت الشرار يتراقص في عينيه، وبدا وكأنه على وشك الفتك بها إن لم تلحق نفسها:ـ بس ده كان زمان يا حبيبي، قبل ما أدخل الإعدادية، يعني أنا كنت صغيرة وهو صغير، بس دلوك هو كبر وأنا كبرت، وجوزت بنتي على يدك وما شاء الله كلها كام شهر وابقى جده...قالت الأخيرة ضاحكة أيضًا، ولكنه لم يتأثر، بل عاد إلى الموضوع الأساسي الذي يشغله، قائلًا:ـ المهم، حسان ده اتجوز ولا ما اتجوزش؟ـ ما أعرفش.ـ لاه تعرفي، بتقولي أكبر منك بسنتين، يعني ما كملش خمسة وتلاتين، واحتمال كبير ما اتجوزش.ـ وه يا حمزة، وأنا هشغل نفسي بيه ليه؟ ولا باخباره يعني؟قالتها بارتباك، ليؤكد عليها هو:ـ لا، مش هتشغلي نفسك بيه يا ست مزيونة، بس هو اسمه ابن خالتك، يعني طبيعي جدًا إنك تعرفي معلومة كده ولا كده عنه.ضيق الخناق عليها ليجبرها أن تخبره:ـ وه عليك يا حمزة، وعلى زنك، عيال خالتي علاقتي مقطوعة بيهم من زمان، من ساعة ما اتجوزت عرفان.الحاجة الوحيدة اللي عرفتها عنه لما قابلت أخته من سنتين، فاتو بالصدفة في بلدنا، قالت أنه: شغال في السياحة لما كنت بسألها عن أخبار خالتي وولادها، بس كده، ولا أعرف أي حاجة تاني...ظنت أنها قد استراحت من الحاحه حين أخبرته بكل ما تعرفه، ولكنه عاد يدخل إليها بطريقة أخرى:ـ أمم، يعني عرفان كان قاطع علاقتك بيهم، أنا ليه حاسس إن حسان هو السبب؟ـ أنت كمان حفظت اسمه؟ طيب، مع نفسك بقى فكر وعيد وزيد، أنا بصراحة ما صدجت لقيت الميا... عن إذنك يا حموزي.قالت الأخيرة تتخذ طريقها في السباحة وتبتعد عنه، حتى استفزته ليصيح بها بغيظ، وهو يهم ليتبعها:ـ الله عليك يا ستي السباحة، يعني أنت تلفي راسي بكلمتينك، وبعدها تعيشي حياتك في الميا... وديني ما أنا سايبك!.................ولج إليها داخل الغرفة، بعد أن استأذن وسمح له بالدخول، ليجدها الآن جالسة بنصف نومة، تتناول الطعام من يد شقيقتها الصغرى التي كانت جالسة بجوارها تطعمها الأرز بالملعقة.فقابلته بابتسامة رائقة، تناقضت تمامًا مع الشخصية التي يعرفها، حتى جعلته يبادلها الابتسامة في إلقاء التحية:ـ صباح الخير، يا رب تكوني زينة النهاردة.أجابتها برقة:ـ صباح النور، أنا بخير والحمد لله.يبدو أن الفتاة الصغيرة هي الأخرى قد انتبهت للتغير الذي أصاب شقيقتها، وهي ترد على أحد الرجال بلطف غريب عنها، فتبسمت بحالمية تتابع الحديث بين الاثنين:ـ أسحب لك الكرسي من الجنب وأقعد يا خليفة، ولا أنت هتفضل واقف؟ـ لا يا ستي، وأفضل واقف ليه؟ نسحب الكرسي.سحب أحد المقاعد، ثم اقترب واتخذ جلسته بالقرب منهما، يخاطب الصغيرة:ـ أخبارك إنتي إيه حلوة؟ هديتي دلوك بعد ما اطمنتي على اختك؟أطرقت رغد بخجل لتتكفل شقيقتها بالرد عنها:ـ حلوة إيه بس يا خليفة؟ أنت فاكرها عيلة صغيرة دي في الجامعة، هي بس اللي شكلها منمنم شوية...ـ وه...تمتم بها شاعراً بالحرج، وسارع للتوضيح:ـ والله افتكرت إنها في إعدادية، بس حتى لو كان، ما هي زي أختي الصغيرة أو بنتي في كل الأحوال، مفرجتش يعني، وهرجع أقولها تاني: أخبارك إيه يا حلوة!ضحكتا الاثنتان معه هذه المرة، رغد التي شعرت بنوع من الألفة معه، واعتماد التي لأول مرة تسمح لأحد أن يغازل شقيقتها المدللة أمامها، لثقتها التي نمت مع الأيام والظروف القاسية والتحديات التي مروا بها، لشخصيته الناضجة المتزنة التي تجعلها لا تشك لحظة في نيته نحو تلك الصغيرة، التي كانت ولا تزال العقدة الأساسية لها.ـ ممتشكرين... يا عم خليفة على زوقك... أختي اعتماد، مش بس اختي، لأ دي أمي وأهلي كلهم...نظر إليها خليفة بتأثر، وقد تأكد له الآن أن تلك هي حالتها الطبيعية في التلعثم، فتاة في الجامعة وتتلعثم! ماذا تبقى من المآسي لك يا اعتماد؟وكأنها لم تلاحظ، هتفت اعتماد لتصرف انتباهه عن شيء آخر:ـ الرائد اللي جه حقق معايا من شوية، بلغني إنك شهدت على محمود بأنه زقني وكان متعمد يقتلني.سمع منها ليسألها باهتمام شديد:ـ وانت كان ردك إيه؟ أوعي تجولي إنك أنكرتِ.نفت له، تجيبه بحكمة:ـ لا طبعا ما نفيتش، لأني حتى لو ناوية اتنازل بالفعل عشان إنه جوز أختي وأبو بنتها، رغم أنه يستاهل، بس برضو مش هيحصل غير بعد ما أضمن حقي وحقها.ـ برافو عليكي يا اعتماد!تفوه بها خليفة بإعجاب شديد، لرجاحة عقلها، ولأنها تزن الأمور بحكمة مهما كانت صعوبتها.............................داخل الشاليه الذي يجمعه بها، توقف مذهولًا ينظر إليها بعد أن ارتدت فستان السهرة الذي أتى به مخصوصًا لهذه الليلة.بلونه الأسود اللامع الجميل، انتشرت عليه بعض الورود الملونة لتزيد من بهائه، يغطيها من الرقبة حتى حذاء القدمين بالأسفل منسدل على الجسد برقة، لا هو بالضيق ولا بالوسع، وحجاب في الأعلى، لفته بطريقة عصرية تغطي شعرها بالكامل، أما عن زينة الوجه فكانت خفيفة جدًا، يميزها الكحل الأسود في رسم العينين، ليضعها في مكانها الصحيح... فاتنة.بالفعل كان مذهلًا ولائقًا بها، حتى جعله يشعر بالفخر مهللًا:ـ أيوه كده، هو ده يا واد يا حمزة، عشان تعرفي إنّي بقيت حافظ كل حاجة فيكي، وعارف اللي يليق عليكي بالتمام.عبست قليلاً مستهجنة طريقته الفجة:ـ حافظ كل حاجة فيكي! ما تنقي ألفاظك يا حمزة، أنا أصلاً لابساه غصب عني، وممكن أقلعه حالًا على فكرة.تخصر أمامها واقفًا بالحلة التي كان يرتديها، يخطف الأنفاس بطلته وأناقة هو الآخر، يسخر مشاكسًا لها:ـ ولما تقلعي الفستان، هتروحي معايا العزومة إن شاء الله في المطعم بإيه؟ بقميص النوم مثلاً؟ ولا بالبيجاما البرمودا؟ضربت بقدميها على الأرض لتنهره حتى يكف عن وقاحته:ـ احترم نفسك يا حمزة، وبطل قلة أدب.جلجل ضاحكًا يرد عليها:ـ مبقاش حمزة لو بقيت مؤدب! يلا يا ماما، إيدك في إيدي، خلينا نروح المشوار، هي نص ساعة على عزومة صاحبي ده اللي أصر عليها، وبعدها نرجع على عشنا السعيد يا روحي.بعد قليل، وصلا الاثنان إلى داخل المطعم الراقي الذي يُقام فيه عشاء على شرفه هو وعروسه، نظمها صديقه صاحب القرية السياحية بأكملها.المكان سياحي من الدرجة الأولى، ولكن يوجد به عدد من المصريين، استقبله صديقه، يرحب بهم بحرارة، كان الرجل قاهري ويفهم طبيعة حمزة الغيور، فلم يرفع عينيه بها أبدًا احترامًا وتقديرًا لصديقه، وهذا ما كان السبب الرئيسي لموافقة حمزة.ولكن الذي استوقفها كان شيء آخر مختلف، وهو أحد الأشخاص الذي اختلط عليها شبهه، كان جالسًا بركن وحده مع امرأة أجنبية، وكأنه هو الآخر وصله نفس الإحساس. فانتفض واقفًا يعترض طريقهما، مخاطبًا لها أمام حمزة:ـ انتي مزيونة صح؟أجفلها بالسؤال حتى ارتبكت، لترد بسؤال هي الأخرى غافلة عن المفاجأة التي كانت واقفة بجوارها:ـ وأنت حسان؟صاح الرجل وكانه وجد كنزًا:ـ أيوة كده فعلاً، أنا حسان ابن خالتك مرزوقة يا مزيونة.يتبع...

الفصل الرابع والثلاثونكأنني كنتُ غريبًا عن نفسي حتى رأيتها...فانكشفت ستائر الروح، وأدركت أنني ما خُلقتُ إلا لأكون عندها.هي سكني وسكينتي، مرساي الذي ألقى فيه أثقال العمر فلا أغرق.أغار عليها من الضوء إن لامس وجنتيها، ومن النسيم إن داعب خطاها.أريدها أن تكون لي كما أنا لها، احتكارًا لا يعرف أنانية، بل حبًا يخشى أن يتسع الكون على سرٍّ أودعني الله إياه.هي استثنائي الذي لا يتكرر، ومعجزتي التي ردّت الروح لصدري...هي البداية التي لا نهاية بعدها.المراجعة والخاطرة الروعة من الرائعة/ سنا الفردوس ( بطوط).........................كما أن السعادة هي لحظات،فالمصائب أيضًا تُرتكب في لحظات... نعم،بل وفي أقل من اللحظات، وذلك حين يجبرك أحدهم بغباء فعله على التعامل معه بما قد يودي بحياته... على يديك.مثل ذلك الأحمق الذي استوقف زوجته أمام عينيه، يتصدر ويعترض طريقها بعشم ليس في محله، ليُهلّل برؤيتها وكأنه كان يبحث عنها منذ زمان. وعلى الرغم من أنه قد علم منها عن هوية هذا الشخص قبل ذلك، أصرّ أن يدّعي عدم الفهم حتى يتسنى له الانتقام بحرية وبدون أدنى ذرة تردّد.ـ أنا حسان ابن خالتك مرزوقة يا مزيونة.انتي كمان عرفتيني زي ما أنا عرفتك؟ سبحان من يجمع القلوب... عرفنا بعض أنا وإنت من نظرة واحدة، رغم الفراق اللي عدى عليه سنين طويلة.ـ فراق مين يا ابن الهبلة؟أجفله بها حمزة، دافعًا إياه على صدره بقبضتيه القويتين حتى أجبره على الارتداد للخلف خطوات. لينظر إليه بانشداه سائلاً:ـ انت مين يا حضرت؟ وبتضربني كده بصفة إيه؟ـ بصفتي جوزها يا حيلتها.صاح بها حمزة بعدائية واضحة، ليجبرها على التعامل معه، وهي تحاول أن تكون حاجزًا:ـ اهدي يا حمزة، ده بيقولك إنه حسان ابن خالتي... يعني مش غريب عني و...ـ اسكتي انتِ...قاطعها صارخًا، فأجبرها على الصمت. فجاء تعقيب الآخر بما ضاعف من اشتعال حدة الموقف:ـ جوزها إزاي يعني؟ أنا أعرف عرفان الحيوان كويس أوي، لا يمكن أنسى إنه طردني من بيته من أكتر من عشر سنين، وقطع علاقتنا ببنت خالتي الوحيدة... مزيونة.ـ إنت كمان هتنده باسمها؟ والله شكلك عايز تتربى...أوشك بالفعل على التهجم عليه وتهشيم وجهه بقبضتيه، لولا تصدّر صديقه صاحب القرية، فاحتضنه ليقيّده، مبتغيًا تهدئة الأجواء:ـ صلِّ على النبي يا حمزة... الراجل مقالش حاجة عيب، هو بس أكيد خانه التعبير. راعي خوف زوجتك ورعب السياح حوالينا... وخد بالك دا راجل محترم معانا والله، ومسؤول مهم في الشركة اللي بتجيب لنا Guest (النزلاء) للقرية.توقّف الرجل مخاطبًا الآخر:ـ حسان، أرجوك تنتبه... ومعلش تعذره، دا حمزة القناوي، واللي بتتكلم عليها دي تبقى زوجته. بغض النظر إن كانت هي بنت خالتك بالفعل أو سوء فهم.زفر حمزة بحنق شديد، محاولًا امتصاص غضبه مراعاة لحديث صديقه عن رواد المطعم وفزع زوجته. وما إن التفت إليها وجدها بحالة يُرثى لها، فأشفق عليها من نفسه. لكن سرعان ما أعادته إلى نقطة الصفر حين تفوّهت بعفويتها:ـ اسمع منه يا حمزة... دا حسان، واد خالتي. بلسانه الفالت... دي طبيعته، والله ما بيعرف يمسك خشمه. لكن كل اللي قاله صح.ياليتها لم تتحدث من الأساس، فقد استوحشت ملامح حمزة بغضب متعاظم عند ذكرها اسم ذلك الأحمق، والذي أبى بدوره أن يعطي فرصة للتفاهم دون أن يزيد على قولها، متأثرًا:ـ انتي كمان فاكرة لساني الفالت يا مزيونة؟ يا سبحان الله... رغم مرور السنين دي كلها والقطيعة اللي حصلت ما بينا بعد جوازك من عرفان الزفت، أنا كمان عرفتك من أول ما وقعت عيني عليكي. رغم إني سايبك بملامح طفلة مش ست كاملة زي دلوقتي... بس العيون الحلوة دي مفيش زيها أبدًا. انتي مفيش منك اتنين أصلاً. لكن... امتى بقى اتطلقتي واتجوزتي واحد تاني؟ أنا كان لازم أعرف... ليه محدش قالي خالص عن الموضوع ده؟ـ حسنًا، لا تراجع عن قتله الآن.غمغم بها حمزة في داخله وقد اتخذ القرار بعد استماعه لوصلة الغزل المقيتة عن زوجته من ذلك المأسوف على أمره، وحديثه المستفز عن طلاقها وزواجها بآخر دون علمه، والغرض واضح بالطبع.ليُبعد عنه بهدوء غريب ذراعي صديقه الذي انصدم هو الآخر، مستشعرًا قرب حدوث الكارثة، رغم تأكيد حمزة:ـ سيبني... أنا بس هتفاهم معاه، مش أكتر.أما مزيونة، والتي علمت بما يفكر فيه زوجها، فقد قبضت بكفيها على ذراعيه تنهاه برجاء:ـ حمزة، أنا قلتلك من الأول إن لسانه فالت. بدليل إن سبب جطيعتي مع خالتي وولاد خالتي هو خربطته في الكلام مع عرفان... اللي فهمه غلط هو التاني.ردّ عليها همسًا كازًّا على أسنانه بتحذير شديد:ـ يعني عرفان مخبّل وفهمه غلط، وأنا بجى اللي أفهمه صح بعد كلامه عنك قدّامي دلوك؟ شيلي يدك عني، شيلي يدك لا خلّصك عليه بالفرد اللي في جيبي في ظرف ثانية. والله ما هتأخر دقيقة يا مزيونة...على غير رغبتها، أجبرت على نزع كفيها من فوق ذراعه، خوفًا من تهديده. فهي الأعلم بتحوله من الرجل الأنيق أمامها، إلى بريٍّ متوحش حين تشتعل غيرته عليها. وقد رأت بأم عينيها ما فعله بعرفان، طليقها ضخم الجسد، في موقفين سابقين. فما بالها بابن خالتها الأحمق...ـ وغلاوة أمك وريّان يا شيخ... لا تراعي إنه وحيد أمه على خمس بنات. والله خمسة...تفوهت بها إليه تلتمس عاطفته. فجاء رده بتجبر، رافعًا حاجبه بشرّ مطلق:ـ نحطها في اعتبارنا دي... أهي حاجة تخفف عنه وخلاص.وتحرك من أمامها يتركها تتضرع بالأدعية، متقدمًا نحو الآخر، والذي لو يدري بما ينتظره ما تفوّه بنصف كلمة.تحدث حسان فور أن وجده واقفًا أمامه يحاول التبرير:ـ لا مؤاخذة يا حضرت لو أزعجتك بلهفتي ولا كلامي. بما إنك صعيدي ودماغك مقفلة وكده... أنا مقدّر. بس لازم تفهم إن مزيونة مش بنت خالتي وبس... ياما كانت تقعد عندنا في البيت بالشهور. أنا تقريبًا ربيتها على إيدي، قبل ما غراب البين... عرفان، يخطفها.تبسم حمزة يخبره بما يسبق العاصفة:ـ وأهو جالك الغراب التاني عشان يكمل رسالة الأول.ما كاد ينهيها حمزة، حتى ختم القول بالفعل، بجبهته الحديدية لتصطدم بقوة برأس الآخر، فسقط على الأرض كجثة هامدة، ورأسه عرفت مكانها فوق حذاء أحد المتفرجين.الأمر الذي جعل مزيونة تصرخ:ـ يا مِرّي... راح فيها!ـ اكتمي!صدر منه أمر حازم يصمتها، ليعلّق صديقه المنحوس، صاحب المطعم والقرية بأكملها، وهو يتأمل حسان على الأرض:ـ هو دا التفاهم بتاعك يا حمزة؟ يا نهار اسود... دا باينه محطش منطق خالص. حد يتصل لنا على دكتور يا إخونا... حد هنا دكتور طيب؟ـ أنااا...نطق بها ذلك الذي حشرت أقدامه أسفل رأس ذلك المسكين، حتي جعل الثلاثة ينتبهون إليه. كان بهيئة غريبة: يرتدي فانلة صيفية دون أكمام تكشف عن ذراعين نحيفين، وشورت في الأسفل لا يغطي الركبة بعظمتها الكبيرة البارزة، وعلى قدميه خف بلاستيكي، أحدهما تحت رأس حسان.هادئ لدرجة أنه لم يتأثر أو يترك حتى زجاجة العصير التي كان يرتشف منها عبر أنبوب رفيع.ـ إنت متأكد يا بني إنك دكتور؟تفوه بها صديق حمزة نحوه بارتياب. فرد الآخر بسخرية:ـ يا بني، شايفني عيل صغير حضرتك؟ أنا دكتور محترم وليّا وضعي، على فكرة.ـ طيب يا دكتور يا للي ليك وضعك، شوف المزفت ده من غير رِط؟توجّه بها حمزة نحوه، ليرمقه الاخر بنظرة إمتعاض وكأنه لم يسمع، فهدر الرجل صاحب المطعم والقرية:ـ يا عم الدكتور! بنقولك شوف الراجل.سمع منه، فقلب عينيه سائلاً:ـ مين فيهم بالظبط؟ المجني عليه اللي ادشدشت راسه على رجلي... ولا الجاني، اللي واقف قدامي دون أدنى ذرة إحساس؟ دا اللي محتاج كورس علاج ودورة أدب وتأهيل في معاملة البشر والإحساس بيهم.صاح في الأخيرة، مثيرًا غضب حمزة واندهاشه:ـ إنت بتقول إيه يا مخبّل انت؟ تحب أكوّمك زيه عشان يبقى الكورس كامل؟صرخت مزيونة متدخلة بينهما:ـ يا مرااااري! هو إنتوا بتتخانقوا على إيه بالظبط؟ ما حد يشوف المسكين ده... عايش ولا روحه طلعت لخالقها؟ـ يا سيادة الدكتور، هو إنت مش حاسس بالتقل اللي على رجلك؟أضافها صديق حمزة هو الآخر، مخاطبًا ذلك المجنون، الذي كاد يُجلط الثلاثة ببروده.زفر الأخير، وردّ بكبرياء:ـ أكيد طبعًا حاسس بالتقل، وتقريبًا رجلي نَمِلت عشان راسه تقيلة. هنزل أشوفه دلوقتي... لكن قبل ما يحصل، حابب أقول لجنابك إنت...توجّه بآخر جملة نحو حمزة مرددًا:ـ ربنا موجود لأمثالك من الظلمة. نفسي أدعي عليك من قلبي... بس للأسف مش قادر.ـ يخرب مطنك!صدرت من حمزة مردفًا بذهول:ـ يا جزين! هو أنا بيني وما بينك معرفة سابقة ولا تار قديم، لامؤاخذة، وأنا مش واخد بالي؟كان الطبيب قد نزل في هذه اللحظة ليفحص حسان، فرفع رأسه يجيبه:ـ لأ... بس بتفكرني بواحد أعرفه.ـ بقى كل العمايل دي عشان بفكرك بواحد تعرفه؟ طب اسم المحروس إيه بقى؟سمع منه ليعدّل نظارته على عينيه، ويجيب عن سؤاله باعتزاز:ـ أنا الدكتور هشام، تخصص أمراض عصبية ونفسية.أومأ حمزة مرددًا بسخريه:ـ آه... قول كده عشان الواحد يفهم وما يستغربش.ـ قصدك إيه؟ بتلمّح إني أنا مجنون؟تمتم بها هشام، وهو يلقي برأس حسان بعصبية بعدما فهم تلميحه.فصرخت مزيونة:ـ بُووه عليا! أنا اللي مجنونة... وبت ستين مجانين! بس خلّصنا الله يرضى عنك... وشوف المسكين ده.عاندها حمزة مستهجنًا، وكأنه قد تحول في هذه اللحظة:ـ ما تقوليش علي نفسك مجنونة... ولا تشفقي عليه. يا أخلّصلك عليه خالص!ضربت بكفها على فمها تهادنه بغيظ، وقد بدا أمامها كالذي فقد عقله. فعقّب هشام المراقب من الأسفل:ـ حقيقي... مسكينة. بتفكريني بواحدة أعرفها.........................مُسطحًا على وجهه، يتأوه كلما مرت يدها الناعمة على جزء مُجهَد من جسده، تُدلّكه وتُخفف عنه بخبرتها القليلة، وقد نال منه التعب والإرهاق في تحمّل مسؤوليات مُثقَلة نيابةً عن شقيقيه، المنشغلَين في أمور خاصة بهما، فيأخذ دوره في أن يحل محلّهما الآن.ـ آااه... آااه يا ليلى، اضغطي على الحِتّة دي من الكتف... متسبيهاش... كمان... كمان.عقبت ليلى بإشفاق، ويدها ما زالت تعمل لرفع الوجع عنه:ـ دي الليلة التانية يا معاذ وانت تترمي كده من التعب! طب يا حبيبي ليه تاجي نفسك كده؟ ما تخلي أي حد من ولاد إخواتك يساعدك. زرع وبهايم وشغل الصوامع... يا حبيبي إنت مش متعود على كده.ردّ بصوت مكتوم، نتيجة لدفن وجهه بين وسادتين:ـ حتى لو مش متعود، برضك لازم أبجى كد المسؤولية. مينفعش أعتمد على ولاد إخواتي. في أمور لا يصلح حد يسدّ فيها غيري أنا وإخواتي. زي وُجفتي في الواجب النهارده لعمي مرزوق، واد عم أبوي. ولا شندلة امبارح في القسم مع هالة، اللي كانت هتُشبكنا في مصيبة وحديت يمسّ العيلة كلها لو كان الخبر اتنشر عن خناقتها هي وروان. نفسي أفهم البِت دي إمتى هتحكّم عقلها بس؟ ماشية وفاتحة صدرها للعراك والمشاكل، ومش مُقدّرة وضعها كزوجة لخليفة، ولا حتى مراعية عيالها. ربنا يهديها.تحدّثت ليلى بتساؤل عن هالة التي تقرّبت منها في وقت ما حتى ظنتها أختًا، من فرط اللطف الذي كانت تُعاملها به، قبل أن تنقلب وتُظهر شخصيتها الحقيقية:ـ ربنا يهديها... بس هي فعلًا غريبة ومش مفهومة. ليه مُصرّة تتعب نفسها واللي حواليها؟ مع إن عمي خليفة ده زي البلسَم في هدوءه. يمكن لو عمي حمزة، أنا ممكن أديها عذرها عشان عصبي شوية وهي زيه. لا يمكن يكون في توافق ما بينهم.تنفس معاذ بقوة، يفكر في تحليل ليلى لشخصية ابنة عمه المتهوّرة، وتساؤلها عن السبب خلف أفعالها تلك. يعلم الإجابة جيدًا، فهو ليس صغيرًا حتى لا يفهم نظرة المرأة لرجل غير زوجها. ومع ذلك لا يستطيع البوح بما يجول بخاطره، حتى أمام نفسه.ـ سيبك منها يا ليلى ومتفكريش فيها، عشان هتتعبي. المهم خلينا في اللي إحنا فيه... اضغطي يا جَلبي شوية على العَضم التعبان... يدك خفت.كانت قد توقفت بالفعل، وعقلها سرَح بشيء ما، لم تنتبه إليه إلا الآن. لا تدري كيف غفلت عنه.ـ ليلى، لو تعبتي خلاص...ـ هه؟ لا خلاص أها... هو أنا عملت إيه عشان أتعب يعني؟تفوهت بها لتُنفض عنها الشرود، وتعود مرة أخرى لتدليك ظهره، تاركة أمر التفكير لوقت آخر.---وعند المنطقة المحظورة، أعلى المصرف القديم، حيث ذلك المقهى المشبوه...كان عرفان واقفًا يتأفف بضجر وهو يُراقب ذلك الأحمق الذي يستفرغ ما بجوفه لفترة من الوقت، حتى رفع رأسه أخيرًا، يمسح بالمحارم الورقية على جانبي فمه، مرددًا باعتذار:ـ لا مؤاخذة يا عرفان يا خوي، شكلي خدت هوا في معدتي... يا ستير يا رب. ده العيّا ماسِخ سم.عقّب عرفان ساخرًا:ـ ما هو ده الطبيعي... إنه يبقى ماسخ وزفت وجطران كمان. أمال سموه عيّا كيف؟ روح إنت عدي على الصيدلية، يدوك حاجة للعلاج. وبعدها روح على بيتك... اشرب حاجة سخنة وادفى ونام.ردد عطوة بمسكنة:ـ ومين يعني اللي عيعمللي الحاجة السخنة؟ ما إنت عارف إني أنا وحيد... إن ما كنتش أعمل حاجتي بنفسي، ولا أعمل وُكلتي بيدي، أُجعد بالجوع. إنت على الأقل الله يباركلك، لو ما عملتش مرتك، هتلاجي عيّل من العيال يعملك. كل واحد بياخد حظه عاد...ـ وإنت إيه اللي مانعك تتجوز؟ـ ها؟ـ بقولك... إيه اللي مانعك تتجوز؟أعاد عليه السؤال مرة أخرى بحدة، في تساؤل طرأ عليه فجأة، شاعرًا بشيء غير مفهوم في مَن كان يظنه صديقًا يومًا ما. فجاء رد عطوة بتلعثم ضاعف من شكوكه:ـ يعني يا عرفان... ما صادفتش بت الحلال اللي تقدر تصوني. نصيب بقى.ردّ عرفان بعدم اقتناع:ـ ملقتش كيف يعني؟! دي الحريم والبنتة على قفا مَن يشيل. إنت مش واقع ولا فقري. يمكن صايع وملكش شُغلانة... بس معاك فلوس ورِث أبوك اللي كان سايبك وسايب أمك. لكنه نفعك في ورثه لما غار ومات. ليه بقى ما تكلمش أي واحدة من قرايبك تشوفلك عروسة؟ لو ليك غاية... في يوم وليلة هتتجوز.ـ لو ليا عاد؟قالها عطوة بمزاح، ليأخذها عرفان بظن سيّئ، مرددًا:ـ لو ليك؟ خبر إيه ياض؟ أنا لولا إني شايفك بعيني مع الحريم إياهم، كنت قولت إنك... لا مؤاخذة. مع إن برضك مش مضمون.انتفض عطوة بعدم تقبّل، شاعرًا بالإهانة:ـ هو إيه اللي مش مضمون ولا مؤاخذة؟ ما تنقي كلامك يا عرفان! أنا راجل جوي، ولو طَقّت في دماغي، أتجوزهم أربعة من عشية... ويحبلوا الأربعة في نفس الليلة!ضحك عرفان، وقد أثار سخريته هذه المرة بحق:ـ أربعة مرة واحدة ويحبلوا كمان؟! طب قول واحدة يمكن الواحد يقدر يبلعها. قال أربعة قال!وتابع ضاحكًا ليزيد من استفزاز الآخر، حتى نهض عطوة عن جلسته، يدفع الكرسي الخشبي للخلف بعنف، مغمغمًا:ـ ووه يا عرفان! ده إنت ماسِخ سم. سيبها لك وماشي... اشبع بيها لوحدك.ظل عرفان مستمرًا في ضحكاته دون اكتراث، حتى إذا ابتعد عنه الآخر بمسافة آمنة، قال محدّثًا نفسه:ـ والله شكلك وراك سر كبير... كيف كنت غافل عنك السنين دي كلها، مش عارف........مرت ليلة ما أصعبها... فسد كل ما كان مُخططًا له تمامًا من عشاء رومانسي ولحظات جميلة يقضيها في صحبتها، ثم ينتهي به الوقت السعيد في حضنها غافيًا نائمًا براحة...لكن ما حدث صار على عكس ذلك تمامًا: شجار مع ذلك السمج الذي ظهر له من العدم فعكّر صفو الليلة، ثم هلع وبحث عمن ينقذه، ثم قضاء نصف الليلة في المشفى التي تولوا بها إنقاذه، بعد تلك البطحة التي تلقاها رأسه. إنّه حتى لم يُعطه فرصة كي يُشفى غليله ويبرحه ضربًا، سقط من ضربة روسية واحدة وتسبب له بأزمة معها! أولم يكفه الطبيب الأحمق وقد أوشك على قتله هو الآخر في تلك الليلة الغبراء؟لتعود معه بعد ذلك إلى المنزل، رافضة حتى النظر إليه، ولأول مرة منذ زواجهما يبيتان معًا على سرير واحد، كلٌّ منهما يُدير ظهره للآخر.كم كان يحترق، وعلى فراش الجمر يتلوى، وهي بجواره ولا يستطيع ضمها إليه. نفسه العزيزة تمنعه من التنازل ومصالحتها على شيء لو تكرر ألف مرة لن يتصرف إلا كما فعل. وفي الوقت نفسه، من العدل أن يُقدّر حزنها منه بعد تصرفه بذلك الغباء.لكن... أين هي الآن؟انتفض بجذعه جالسًا، يوزع أبصاره في الزوايا من حوله، يبحث عنها بعينيه بعدما استيقظ ليجد الفراش خاليًا منها. نهض تاركًا الغرفة بأكملها ليُكمل بحثه عنها في باقي أرجاء المنزل.ـ مزيونة... مزيونة... إنتِ فين يا مزيونة؟وكأن الأرض انشقت وابتلعتها... شعر بالهلع وهو يُضاعف بحثه عنها بعصبية:ـ روّحتي فين يا مزيونة واختفيتي؟ نصيبه تكوني روحتي البلد وسبتيني لوحدي... إنتِ فييييين؟بصيحته الأخيرة كان قد وصل إلى باب المنزل الصيفي (الشاليه)، وامتدت أبصاره نحو البحر أمامه، ليتفاجأ بها داخل المياه تسبح بالبوركيني الذي جاء به إليها. فجاء تعقيبه السريع:ـ صلاة النبي أحسن... أيوة يا ست السباحة، علّمناهم الشحاتة سبقونا على الأبواب!اندفع داخل المياه بخطوات سريعة بملابس النوم، يهتف مناديًا حتى تنتبه إليه:ـ مزيونة يا بنت أبو هيف! بتنزلي البحر من غيري وأنا نايم يا ست العرايس؟ طب حتى بلّغيني من باب العلم بالشيء!رمقته بحدة، غير متقبلة سخريته:ـ من غير مقلتة ولا تريجة! إنت كنت نايم وأنا دماغي كانت هتنفجر من كتر التفكير. قولت أخفف وأرفه عن نفسي شوية وأنزل البحر، مادام المنطجة معزولة. وعلى العموم يا سيدي، أهاه، بلاها عوم من أساسه.تطلع إليها مصدومًا وهو يراها تتوقف عن السباحة وتخرج من البحر غاضبة، متخطية إياه. ليضرب بقدمه الماء أسفله ثم سارع يتبعها:ـ على فكرة ده مش كلام ده! أنا مش قصدي أقلل منك... بس كمان قدّري وضعي. راجل يصحى من نومه ما يلاقيش مرته جمبه، وفي الآخر يلاقيها بتعوم من غيره! ولا إنتِ عشان شايلة مني ما صدقتي؟توقفت تلتفت إليه، تواجهه مُقِرّة:ـ أيوة يا حمزة، أنا بتلكّك. وكل زعلي بسبب غل الليلة اللي فاتت. وأوعى تفتكر إني هنسى أو أعدّيها بسهولة. حسان ابن خالتي، وفي بيتهم أنا ياما كلت عيش وملح... أبقى قليلة أصل لو عديت واتقبلت عشان بس إن جوزي بيغير عليّا. الرجالة ياما بتشوف وتعدي عليها مواقف زي دي... لو كل واحد عمل زيّك كده محدش هيجعد عليها.زفر متقبّلًا نقدها، واقترب حتى وصل إليها، قائلًا بنبرة آسفة:ـ أنا عارف إني غلطت، ومش طالب منك طبعًا تتبعيني على غلطي... بس رايد منك تتفهمي شوية طبيعتي.جذبها من خصرها، يقربها إليه مردفًا بصدق:ـ طب تعرفي إني عمري ما كنت كده في جوازتي الأولى؟ مكنتش بارد، لكن غيرتي معاها كانت عادية لأي راجل صعيدي ما يقبلش مراته تتحدّت بتساهل مع غيره أو تلبس لبس ملفت للنظر. لكن معاكي إنتِ الأمر مختلف... عايزك تلبسي وتطلعي للعالم والدنيا، لكن في نفس الوقت محدش يرفع عينه فيكي. محدش يبص لملك حمزة، لا بعشم ولا من غيره. حطي نفسك مكاني... وعيدي الكلام اللي خربط بيه الواد ده... وانتِ تعرفي إن معايا حق.لكنها، على عكس ما توقع، جادلته برفض:ـ وهو قال إيه يا حمزة يستاهل الضربة الواعرة دي؟ يمكن خربط لما اتكلم عني، لكن أكيد ما يقصدش... ونيته كانت...ـ وأنا بقى هكشف على نيته إن كانت خير ولا شينة؟ ما تعقلي يا مزيونة!قاطعها ليضيف بحزم:ـ طب سيبك مني خالص، وخلينا في القطيعة اللي حصلت بينكم من سنين. ممكن أعرف عمل إيه مع عرفان عشان يطرده ويحلف عليكي ما تكلمي حتى خالتك بسببه؟تلجلجت بارتباك، تجيبه بمراوغة:ـ ما عملش... ده كان مجرد كلام حتى مش فاكراه.ـ لا، فاكراه يا مزيونة وبلاش لف ودوران. قولي عمل إيه؟مرة أخرى حشرها في الزاوية بإصراره، فانفعلت قائلة:ـ سمعه هو وبيقول عليه إنه كيف ضرفة الدولاب! وإني لما كنت على الكوشة جنبه كان منظرنا زي "الجميلة والوحش".ـ والله ما كدب في حكاية الوحش دي على عرفان... بس قال.... عليكي جميلة!كزّ على أسنانه في الأخيرة بغيظ شديد:ـ شوفي بقى... أها أنا كده كل ما أسمع منك نار تقيد أكتر، ووخزة الضمير دي تروح خالص مني.ضجرت من إصراره، تضرب الأرض بقدمها:ـ تمام يا حمزة... إنت حر!التفتت عازمة العودة إلى الشاليه وتركه، لكنه أبى أن يُعطيها غرضها، فجذبها بحزم لتقع بين ذراعيه، يهادنها برجاء لا يخلو من مكر:ـ خلاص بقى، ما تبجيش صعبة جوي باه... ليكي عليا أحكّم عقلي شوية بعد كده. لو شوفته في مكان مش هضربه تاني!عقبت ساخرة بانشداه من كرمه المبالغ فيه:ـ يا سلااام! وجاي على نفسك جوي كده ليه بس؟ انت موته أحسن!تغيرت نبرته فجأة من العبث إلى شيء آخر أعمق وأكثر صدقًا:ـ يا ستي لا أمُوته ولا يموتني... أنا كنت بناغشك بس. الليلة اللي فاتت مرت كيف الموت في بُعدك يا مزيونة. جنبي على فرشة واحدة ومش قادر ألمسك ولا أحدتك... كنت أقدر أفرض نفسي عليكي وإنتِ مولّية مني، بس أنا ما قبلتش. سيبتك تاخدي غرضك وتعذبيني، عشان عارف إن ده أقل عقاب منك بعد اللي عملته. بس وحياة أغلى ما عندك... ليلى... يا شيخة، ما تكرريها تاني.في تلك اللحظات، لم تكن هي الأخرى أقل صدقًا منه، معبّرة عمّا اعتراها بالأمس من وحشة رغم قربه منها ونومهما علي تخت واحد:ـ ما إنت كمان أعز ما عندي... مش ليلى بس. ولا فاكر الليلة الصعبة دي مرت عليك إنت وحدك؟ لاه يا حمزة... مزيونة هي كمان كانت بتتعذب جنبك على الفرشة. لو كنت شايفها عقاب، فأنا كنت بعاقب نفسي زيك. ليلة بطولها مرت عليا من غير ما يغمضلي جفن. إنت بقيت في حياتي حاجة كبيرة جوي يا حمزة... فوق ما تتخيل كمان.ابتهج بما سمع، يردّ وقد أسعدته كلماتها، ليزيد من ضمها وتقريبها إليه:ـ ووه يا قلب حمزة! كان فين الكلام الحلو ده بس؟ أيوة كده، بلّي ريقي وقولي واشجيني...فجاء ردها بمكر أنثوي بدأت تتقنه لتسحب من زوجها ماتريده في الوقت المناسب:ـ واهين يا قلب مزيونة! شوفت؟ أها بقيت بعرف أجاريك... وشوية شوية هتلاقيني بقول كتير. بس عشان خاطري... ما تعملش زي عرفان وتحرمني من خالتي. بغض النظر عن اللي عملوا حسان... وهو مش هيكرر غلطه معاك بعد اللي حصل. ممكن يا حمزة؟زفر بحنق شديد، وقد فهم مقصدها بعدما حشرته في زاوية لا مفر منها:ـ ماشي يا مزيونة... هاخدك ونروح نزورها كمان. عندك طلب تاني؟هللت بفرحة لم تستطع إخفاءها، لتحتضنه صارخة:ـ يا حبيبي يا حمزة! ربنا يخليك ليا وما يحرمني منك أبدًا أبدًا يااارب.رفعها من خصرها حتى لم تعد قدماها تلمسان الأرض الرملية أسفلهما، قائلًا بغيظ ممتزج برغبة في الانتقام:ـ ماشي يا بت الأحرار! والله واتعلمتي اللؤم وعرفتي تغلبيني. لكن مبقاش حمزة إن ما خدت حقي منك تالت ومتلت!تحرك بها عائدًا إلى البحر، فهتفت مستفسرة:ـ طب راجع بيا على البحر ليه؟دفعها بذراعه فسقطت في المياه، وخلع قميصه ليلحق بها، قائلًا:ـ زي ما عومتي لوحدك... تعومي معايا دلوك. لحد ما نتعب، وبعدها نرجع على الشاليه. اليوم كله النهارده مفيش طلوع. والله لاخد حقي منك تالت ومتلت.ـ ووه!رددت بها بنبرة مُستهجنة بدلال محبب، ليزمجر مجاوبًا وهو يسبح ليحاصرها حتي لا تبتعد بحرفيتها التي اكتشفها حديثًا:ـ واهين يا بت... أنا حمزة القناوي على سن ورمح!سيطر على حركتها، ليحملها بين ذراعيه ويُسقطها في المياه بمرح. فصرخت مستمتعة، تُجاري جنونه. قضيا قرابة الساعة في اللعب والسباق داخل المياه، قبل أن يعودا إلى عُشهما... يُعوّضان عذاب الليلة الماضية بساعات من القرب والوصال، لا يكتفي منها ولا تكتفي منه أبدًا................................أتى اليوم أيضًا إليها، ولكن هذه المرة مع شقيقته وزوجها الأستاذ منصور، في زيارة لها، وقد كان هذا اليوم الثاني بعد تلك العملية التي أُجريت لها في ذراعها.كانوا في طريقهم إليها، حين تفاجؤوا بحشدٍ من الرجال يخرجون من عندها، بصورة أثارت الانتباه، حتى جاء استفساره بفضول وهو يراهم متخذين الطريق نحو المصعد في الجهة الأخرى:ـ مين دول يا منصور؟ ناس من عيلة الأبلة ولا إيه ظروفهم؟بتركيز شديد منه نحو الرجال، أجابه منصور:ـ ولا واحد فيهم أعرفه، دول شكلهم وجاهة ومنزهين. إنما عيلة اعتماد كلهم غلابة.ـ يعني إيه؟تساءل بريبة، لتعقب عليه شقيقته:ـ يا سيدي يا خبر النهارده بفلوس، بعد كام خطوة بس هيبقى ببلاش. أنا عارفة إنتوا مستعجلين على إيه؟ـ آه والله، أهي جالتلك المدام. خدو الحكمة من فاه الست منى.أضاف بها منصور، لتجاريه زوجته ضاحكة:ـ تشكر يا زوجي العزيز. أهي دي ميزة اللي تتجوزلها مدرس عربي، يضرب الجملة بكذا معنى. بس أنا بعديله، أصل ما بعدش كتير...طالعهم خليفة بغيظ رغم ابتسامته لرواق مزاجهم واندماجهم الغير طبيعي معًا:ـ يا بوي عليكم انتو الجوز، صحيح ما جمع إلا ما وفق.وشاركهم الضحك أيضًا وتبادل المزاح، حتى وصلوا إلى الغرفة المقصودة.لتتقدمهم منى في إلقاء التحية:ـ صباااح الخير، ممكن ندخل يا حلوين؟ردت اعتماد بصوتها الواهن:ـ اتفضلي إنتِ واللي معاكي، ودي محتاجة استئذان يا ست منى؟سمعت منها لتدلف وخلفها خليفة ثم منصور، الذي شاكسها بمرح:ـ يا ما شاء الله عليكي، أنا برضو قولت إن الأبلة اعتماد ما يتخافش عليها، زي القطط بسبع أرواح... نمسك الخشب.استجابت بابتسامة لمزاحه ومزاح زوجته، حتى قطع عليهم خليفة المتعجل بفضوله:ـ احنا شفنا واحنا جايين... جماعة بعمم طالعة من عندك. دول عندينا من البلد؟ أصل ما عرفتهمش صراحة.لم تجبه على الفور، بل اعتلت ملامحها شيء من التردد أدخل في قلبه الشك، فتكفلت هذه المرة شقيقتها الصغرى بالرد، تصارحهم بما لا تقوى عليه اعتماد، وبطريقتها المتلعثمة في الحديث:ـ دول... جماعة كبااار من عيلة مـ... مممحمود جوز روضة. كانوا جايين يطمممنوا على اعتماد ويعتذروا منها...ـ يعني إيه يعتذروا منها؟ هيجيبولها حقها يعني ولا إيه؟ أنا مش فاهم.تساءل بها بحدة، وقد تسرب إليه شيء من الريبة لم يريحه، ليأتي الرد هذه المرة من اعتماد:ـ عايزني أتنازل عن المحضر.ـ كده ببلاش؟ إيه المقابل طيب؟ ولا هي بجاحة وخلاص؟كان منفعلًا بدرجة جعلت شقيقته تتدخل من أجل احتواء الموقف:ـ هو قصده يعني يبقى فيه تعويض وحق يتاخد من الواد الصايع ده عشان ما يكررهاش تاني ويعرف إن الله حق.أضاف منصور هو الآخر على قول زوجته:ـ أيوه أمال إيه؟ مع إني كنت أفضل إنه يتحبس أحسن، عشان ده في القانون اسمه شروع في القتل. دي جريمة مش حاجة هينة.صمتت اعتماد، مخفضة عينيها بألم زاد من ثقل ما يكتنف هذه اللحظة، لترد عنها رغد وللمرة الثانية:ـ ولا فييي أي حاجة ممن الكلام ده. ده هما اللي على لسانهم إنهاا ككانت لحظة غضب، وجالوا: عفا الله عما سلف، وإن البِت الصغيرة لازم تعيش بين أمها وأبوها...للمرة الثانية يخرج عن هدوئه المعتاد وقد استفزه ما سمع:ـ يعني كمان عايزين يكافؤه ويردوله مرته وبته؟ ده إيه البجاحة دي؟ جايين بربطة المعلم يهزوا طولهم؟ الناس اللي ما عندها ريحة الدم! ده بدل ما يربوا ولدهم عشان يحرم ما يستقوي على الولايا مرة تاني. تلاتة بالله العظيم لو حضرت الجعدة دي، لكنت مسحت بكرامتهم الارض واحد واحد. اللي يفوت للخسيس وعايز الناس تعديله غلطه... يبقى ندل وقليل أصل زيه.حسنًا، لقد بالغ في ثورته، ولكن لا أحد ينكر صدق كل كلمة خرجت منه، رجل بحق.هذا ما دار بخلدها تتابع بصمت ردود منى وزوجها اللذين استفزّ حماسهما أيضًا، فأيّداه وثمّنا موقفه، حتى فاجأها بقراره:ـ إنتي خليكي برا الموضوع ده خالص يا اعتماد. أنا إن ما كنت أعرف أمسح بكرامة الناس دي الأرض، وأعرفهم قيمتهم وسط الرجالة الصح... شنبي ده ما يبقي على راجل.ضحكت منى وقد غمرها الزهو بحمائية شقيقها الهادئ بطبعه، وتلك النظرة في أعين اعتماد التي تلاحظ تغيرها لأول مرة، وكأنه يعيد صياغة تفكيرها وعُقدها دون أن يدري.ـ طب والرجالة إيه ذنبهم بس يا واد أبوي؟أجابها قاطعًا:ـ ذنبهم إنهم بيدافعوا ويبرروا غلطه، وده في شرعي ذنبه أكبر من الجاني نفسه.أيّده منصور بشدة، ليكونا سندًا لتلك المسكينة وشقيقاتها:ـ برافو عليك يا خليفة، وأنا معاك عليهم الناس دي..............مساءًوبعد أن طلب منها أن ترتدي فستانًا جديدًا من تلك المجموعة التي قد أتى بها لها، ورغم تذمرها واعتراضها إلا أنها استجابت كي تُرضيه. ففاجأها بغلق باب الغرفة، بحجة أن يتركها تُفاجئه بهيئتها الجديدة.فاستغلت الأمر كي تستغرق وقتها جيدًا في التجهيز، وما إن انتهت وبعثت إليه بالرسالة، حتى وجدته يفتح لها الباب، يصدر صوت صفير تعبيرًا عن إعجابه وانبهاره.فقد كان الفستان هذه المرة بلونٍ الجنزاري، ينساب على جسدها بنعومة، وكالعادة يغطي حتى أسفل قدميها. شعرها المنسدل وضعت عليه وشاحًا من نفس اللون، وقد أصبحت امرأة جديدة تعرف ما يليق بها، والفضل بالطبع يعود إليه.ـ هااا بقى... بعد ما خليتني لبست واتأنتكت، هنقضي السهرة هنا جوه البيت؟ ولا هتسحبني على مكان تاني ونعمل خناقة جديدة، وإنت لابس البدلة الحلوة دي؟ضحك حتى مالت رأسه للخلف، ثم نفى برأسه وهو يسحبها للخارج دون صوت. فتذمّرت باعتراض:ـ ساحبني وطالع بيا على طول؟ طب سيبني ألف الطرحة!لم يُرِحها بكلمة، حتى إذا فتح الباب الخارجي، وجدت الإجابة بأبهى صورها.فقد أعدّ طاولة شاعرية رومانسية، ارتصّ عليها عدد من الأطعمة الجاهزة، والإنارة التي نُظمت كدائرة حولها، تعطي المشهد بريقًا خاطفًا.لتردد بتأثرٍ وانبهار فاق حدود عقلها الصغير:ـ إنت اللي عملت كده يا حمزة؟أجابها بزهوٍ وتفكّه:ـ ايوه أنا اللي عملته بنفسي. إينعم مش بروعة اللي بيعملوه ناس متخصصين، بس أظن يعني إنه يكفي الغرض... لأنه شاعري وعلى البحر وكده.... إيه رأيك؟تطلعت إليه مبتسمة لطريقته العفوية في الشرح، مرددة:ـ رأيي فيه إيه بالظبط؟ يعني إنت تعمل كل ده عشاني، وفي الآخر جاي تسألني عن رأيي؟ هو إنت طلعتلي منين ولا كنت متخبي فين بس؟جذبها إليه يطبع قبلة رقيقة على جبهتها، هامسًا بصوتٍ متحشرج:ـ مفيش فين ولا منين. أنا لقيتك بعد صبر، وعارف قيمتك زين. وده حق المزيونة عليا. يعني كل اللي شايفاه ده... قليل جوي عليكي كمان، يا أميرة قلب حمزة.لم تعد هناك كلمات تكفي، ليتبقى لها الفعل فقط. فألقت بنفسها عليه تحتضنه بامتنان شديد:ـ مفيش أميرة من غير أمير، وإنت سيد الأمرا كمان. والله بحبك يا حمزة.تبسّم براحة يشدد عليها بذراعيه بعد أن رطّبت قلبه بأعظم جملة يشتاق إلى سماعها منذ أن عرفها ودق قلبه بالحب لها، ليبادلها بقوله:ـ وأنا بعشقك... يا قلب حمزة.---✨ ... يتبع

الفصل الخامس والثلاثون

تحمل في قلبها صخبًا صامتًا،

تتأرجح بين حنينٍ يأبى أن يخبو،

وخوفٍ يتربّص بكل خطوة نحو الغد.

لا تُشبه الضعف، وإن بدت هشة،

صلبة، لكن في أعماقها وهنٌ لا يراه أحد،

وجراحٌ تختبئ خلف ابتسامةٍ رقيقة.

تتوق أن تمنح وتُمنح،

أن تجد في حضن الأيام ما يضمد وجعها،

لكنها ما زالت تخشى الخيبة،

وتهاب أن يخذلها الطريق مرة أخرى.

ومع ذلك، تظل روحها متقدة،

تتشبث بخيطٍ من نور،

وتؤمن أن الغد يحمل لها عزاءً جميلاً،

وربما بدايةً طال انتظارها.

#اعتماد

المراجعة والخاطرة الروعة من المبدعة القمر/ بطوط او سنا الفردوس

الفصل الخامس والثلاثون

رائحة المرأة التي تسللت بين ثنايا أنفاسها، كأن عطر الخزامى قد أحيى روحها بذكريات أيام سعيدة مضت، محفورة في الذاكرة. لكن في داخلها، وفي جزء بعيد وعميق، حزن تجذَّر مع كثرة الأحداث البائسة التي مرت بها حتى أنستها كل ما هو جميل، ليتجدد الآن مع شعور الدفء والحنو في غمرة المرأة ذات القوام الصغير، والتي طبع العمر أثره عليها حتى بدت سمينة بعض الشيء. تجاعيد وجهها قد اتخذت مكانها حتى كادت معالم صورتها القديمة تختفي، لكنها ما زالت تحتفظ بقدر كبير من الشبه مع والدتها الراحلة. ما أجمل العثور على شيء يربطنا بالماضي الجميل.

ـ وحشتيني يا خالتي، وحشتيني قوي قوي.

ـ توّك ما افتكري يا مزيونة؟! هانت عليكي خالتك يا بت؟ هانت عليكي ريحة أمك يا بت؟ تسمعي كلام الواطي... وتقاطعي خالتك بالسنين كده من غير سبب يا بت؟

كانت المرأة تردد وقبضتها على ظهر مزيونة، تلكزها لكزات خفيفة نابعة من عتابها ووجعها على ما فات من سنوات الفرقة بينهما بلا مبرر. أما الأخرى فكانت مقدِّرة، تتقبل منها بصدر رحب.

نزعت نفسها من حضن خالتها الحنون، لتقابل عينيها بعيني المرأة، ووجهها الذي أغرقته الدموع، تخاطبها بحزن شق قلب من كان واقفًا يتابع من خلفهما بصمت:

ـ والله لو عليا، ما كنت جاطعتك يوم واحد. بس أنا كنت تحت حكم القوي، اللي كان مانعني من الهوا حتى ما أتنفسه. يأمر ويتأمَّر على كيفه، وأنا ما ليش غير الطاعة، عشان أربي بتي اللي طلعت بيها من الدنيا يا خالتي.

ـ الله يجازيه بعمله، الله يجازيه... بس إحنا ما حدش فينا عرف إمتى اتطلقتي ولا إمتى اتجوّزتي ال...

وتوقفت المرأة، توجه أبصارها نحو حمزة، ثم أردفت بامتنان:

ـ بس شكلك المرة دي نجيتي صح يا بت، هو ده... هو ده اللي يليق لك يا مزيونة.

تبسمت لإطرائها، تتابع اقتراب زوجها من المرأة كي يتحدث معها بلباقته المعهودة:

ـ والله إنتِ اللي زينة، وكلامك حلو يا خالتي. يا ريتني عرفتك من زمان. سبحان الله، هو النصيب اللي جابني لمزيونة عشان أتعرف بيكي يا بنت الأصول.

انشرحت أسارير المرأة، حتى احتلت محياها ابتسامة ما أروعها. راحت تقارن برأسها الفرق الشاسع بين ذاك القديم المتجهم الجاهل، وهذا الوسيم اللبق الذي يليق بابنة أختها الجميلة الرقيقة، الوردة التي اقتُطفت قبل أوانها، حتى ذبلت وكادت تنتهي، لولا عناية الله الذي قدّر لها الحياة لتربي ابنتها، ثم يأتيها العوض الجميل في الأخير.

وبرد فعل عفوي منها، فتحت له ذراعيها تدعوه:

ـ طب تعالى... تعالى اما أبوسك في خدك. إنت زيك زي ولدي كده. ولا هتستكبر وتقول دي مرة كبيرة وعتخرف؟

ضحك بصخب أثار دهشة زوجته، فاقترب بجرأة نحو المرأة، يميل برأسه حتى يمكّنها من وضع قبلة على وجنته، مرددًا:

ـ والله وإنتِ زيك زي أمي فعلًا.

فضحكت المرأة هي الأخرى بصخب، توجه الحديث لابنة شقيقتها:

ـ والله وطمّنتي قلبي عليكي يا بنت أختي. خلاص... بعد ما شوفت عوض ربنا ليكي، إن شاء الله يتمّمها كمان بالذرية الصالحة.

تجمّدت مزيونة عند الأخيرة، تطالع فرحة زوجها وتضرعه رافعًا يده إلى السماء:

ـ إن شاء الله يا حجة مرزوقة، ادعيلنا من قلبك يقرب البعيد. ده أنا هموت عليها دي والله.

ـ يا حبيبي بعد الشر عليك. ما انتو لسه صغيرين، والعمر قدامكم تخلفوا بالدستة كمان.

ـ ووه دستة مرة واحدة؟! طب قولي تلاتة ولا أربعة. والله ساعتها نبوس إيدينا وش وضهر، وربنا يعينّا على تربيتهم. لا هي بالكترة أياك!

أردف الكلمات بعفويته، فلم ينتبه إلى زوجته إلا مؤخرًا، وقد اعتلت تعابيرها غلالة حزن تكتمه داخلها. فرغم الشوط الكبير الذي قطعه معها طوال الأيام ليستعيد ثقتها بنفسها، إلا أن هناك عقدًا متجذّرة لا يظن حلها إلا بصعوبة شديدة...

وفجأة، دوى صوت فتح الباب ثم دخول أحدهم إلى الشقة، فكان ذلك المصاب برأسه التي ما زالت ملتفة بالرباطات الطبية: حسّان.

والذي وما إن شرعت والدته في مخاطبته للترحيب بالزائرين، حتى فاجأها مناديًا باسم ابنة خالته، فور أن التقطتها أبصاره:

ـ إيه ده؟! مزيونة؟ وعندنا في بيتنا كمان؟

صاح به حمزة من البداية، ينبهه حتى لا يكررها فيضطر لضربه، ويضع نفسه ويضعه في موقف لا يُحسدان عليه:

ـ وجوزها معاها! وزّع بصرك كويس. إحنا جايين ضيوف للحجة النهارده في بيتها يا مستر حسّان.

سمع منه الآخر، ليرمقه بامتعاض وقد تذكّر ضربة الرأس التي ما زالت تؤلمه حتى الآن، فردّ بحنق:

ـ يا أهلا بيكم... أنا ما كنتش واخد بالي صراحة. أصلي افتكرت إن بنت خالتي جاية عندنا لوحدها.

توجّه في الأخيرة نحو مزيونة، فجعل الدماء تسري في عروق الآخر، يضغط على قبضته بصعوبة حتى لا يضربه مرة أخرى. لكنه كان يعلم أنه عليه أن ينسحب بها من هذا المنزل الآن على الفور. فإن تأخر دقيقتين لا يضمن نفسه أمام هذا الاستفزاز المتعمد...

ـ نستأذنِك بقى يا حجة... عشان نمشي. أصل ورانا سفر، ويدوب نلحق طريقنا.

........................

داخل منزل حماد القناوي

اجتمع جميع أفراد الأسرة على طاولة الطعام لتناول وجبة الغداء، تترأسهم حسنية التي وزّعت اهتمامها كعادتها على باقي الأفراد، بالإضافة إلى مشاركتها في الأحاديث الدائرة بين معاذ وشقيقه خليفة في هذا الوقت:

ـ عيال اعمامك من امبارح مصدعيني، لحد دلوك محدش فيهم مصدق اللي عملتوا في عيلة الواد الواطي اللي اسمه محمود في القعدة امبارح... إيه الإبداع ده يا باشا! ده إنت غسلتهم غسل...

ـ يا عم مش للدرجة دي.

ـ مش للدرجة دي كيف بس يا خليفة؟ إنت خليت الرجالة يكلموا نفسهم بعد ما سوّدت وشوشهم قدام كبارات البلد، وبعدها غصب عنهم قبلوا بالتعويض اللي إنت فرضته عليهم!

تدخلت حسنية:

ـ يستاهلوا... عشان رجالة على قلة رجالة، رجالة بالأسم بس. عايزين يتشطروا على البِت الغلبانة وأخواتها، وياكلوا حقهم وكمان يصالحوهم على قليل الأصل! ده بدل ما يقدّروا إنهم ولايا ومالهمش سند. يعني الأولى إنهم يجيبوا لهم حقهم وينصروهم على الغلطان.

ـ الكلام ده للي يفهم بس ياما. الدنيا دلوك ماشية بالعكس: معاك عيلة وفلوس، يبقى اعمل ما بدالك... مدام هتلاقي اللي يلمّ وراك.

عقّب خليفة على قول والدته، فأضافت بحنكتها:

ـ لكن طول ما فيها اللي زيك وزي إخواتك، يبقى ما تشيلش هم... الدنيا بخير.

قابل خليفة إطراءها بامتنان شديد، يطبع قبلة على كفها المجعد:

ـ عشان تربية رجالة... وأم كمان بمية راجل يا ست الكل.

تبسمت له برضا تام، ثم سرعان ما تذكرت ما تود الحديث عنه:

ـ صحيح يا ولدي، بقالي كام يوم عايزة أسألك وملاقياش فرصة... مش ناوي بقى ترد بِت عمك؟ أنا شايفة إنها طوّلت في بيت أبوها، رغم إن الغلط راكبها من ساسها لراسها.

تبدل مزاجه فجأة، حتى ترك اللقمة التي كاد ان يضعها في فمه، ورد باهتمام:

ـ حد منهم فتح معاكي السيرة صح؟

لم تُنكر حسنية وهي توجه أبصارها نحو معاذ وزوجته اللذين التزما الصمت وكأن الأمر لا يعنيهما، تبتغي منهما المساعدة والدعم في إقناعه:

ـ مش عيب يا ولدي لما حد يكلمني؟ الناس باصة على العمار.

ـ عمار مع هالة يا أمه!

هتف بها، يزيح الكرسي الذي كان جالسًا عليه إلى الخلف بعنف، ليندفع واقفًا متابعًا بثورة:

ـ كان من الواجب تفكّر هي الأول في ده. مش أنا اللي أفضل طول الوقت عاصر على نفسي لمونة ومتحمل لاجل العيال، وهي ولا على بالها! تغلط وأنا أمسح وأعدي! ليه؟ مش أنا بني آدم؟ هييجي عليا وقت وأنفجر! كتر التساهل معاها خلاها تزيد... لحد ما بجتش شايفاني راجل أصلًا جدامها!

وتحرك تاركًا المنزل بأكمله، لتنظر في أثره حسنية بذهول عاصف، حتى التفتت نحو ابنها الأصغر وزوجته الصامتة منذ بداية الحديث عن رجوع هالة:

ـ هو ماله خليفة؟ دي أول مرة يقلب القلبة السودة دي! ولدي ما كانش كده واصل!

عقّب معاذ بلهجة حادة لأول مرة تسمعها:

ـ أديك قلتيها بنفسك... إن ولدك ما كانش كده. ده لو جبل ما كانش اتحمل عمايلها. الله يجازيها بقي... هي السبب.

قال الأخيرة وقد التفت نحو زوجته، التي بدا عليها التأييد الكامل لما تفوه به، وكأن بينهما حديثًا مفهومًا لا تعرفه حسنية.

....................

في منزل عائلة هالة

كانت هالة قد اتخذت الطابق الثاني مسكنًا لها، بأمر من والدها الذي زهد منها وملّ، ولم يعد له طاقة على الجدال معها أو حتى رؤيتها وهي تحرق دمه كل مرة يتحدث إليها. فمهما حاول أن يذكرها أو ينصحها لتتعظ مما حدث، يجدها تدافع عن نفسها وكأنها المظلومة التي يتجنى عليها الجميع، ولا أحد يشعر بها.

في هذا الوقت، كانت تتحدث مع إحدى نساء البلدة عبر الهاتف، ويدها الأخرى تمشّط شعر ابنتها الصغيرة التي كانت محجوزة بين قدميها:

ـ اتعدلي يا بِت بدل ما أعدلك! خليني أسرحلك شعرك الزفت ده. والله لو ما اتعدلتي لأطلّع غلبي كله فيكي!

صرختها القوية أزعجت محادثتها عبر الهاتف، حتى عبّرت لها المرأة، لتصيح هالة بها هي الأخرى:

ـ يا سِتي وإنتِ مالك؟ أصرخ ولا ألمّ الدنيا كلها عليّا حتى؟ كملي... قوليلي حصل إيه تاني في الجلسة الزفت دي اللي بتحكي عنها؟ ... إيه؟! وكمان حكموا بتعويض 250 ألف جنيه يعني ربع مليون؟! بقى عرف يمشي كلامه على الرجالة ويجبرهم يدفعوا لها! ليه؟ هو كاسر دراع البرنسيسة؟! ... خلاص يا أم حميد، فهمت، فهمت... اقفلي السكة الله يرضى عنك، أنا على آخري.

وما إن أنهت المكالمة حتى ألقت بالهاتف على الفراش، ثم رفعت ابنتها من على حجرها، تنهض عن التخت الذي كانت جالسة متربعة عليه. أخذت تهتز حول نفسها بحركة عصبية، وكأنها تبحث عن شيء تطوله كي تفرغ فيه غضبها، وهي تغمغم بغيظ:

ـ وه يا خليفة! كل ده يطلع منك؟ بتجمع كبارات البلد وتعمل جلسة عرفية تعادي بيها عيلة بحالها لاجل عيون الست اعتماد؟! أمال لو ناعمة أو فيها ريحة الأنوثة زي باقي الحريم... كنت عملت إيه؟!

ماشي يا خليفة... إنت والست اعتماد... شكلي كنت غفلانة عنكم، لكن أنا دلوك صحيت وفتحت عيوني كويس!

ـ شعري يا ماما، مش هتلفّيلي التوكة الأخيرة؟

جاء صوت صغيرتها لينتشلها من غمرة أفكارها السوداء، فرمتها بنظرة ملتهبة بشرار عينيها، تفزَعها بصيحتها:

ـ ماشي يا ختي، ماشي يا محروسة! ما أنا جاعدة لكم خدامة! وأبوكم الباشا قاعد يتسرمح مع الحريم! يعني أحوش عنه روان عشان تطلعلي المقندلة دي؟ والله عال... فاضياله أنا... فاضياله!

............

داخل منزل اعتماد

كانت اعتماد في هذا الوقت ترتدي إحدى الكنزات بمساعدة شقيقتها الصغرى رغد، بعد أن تحمّمت بحرص حتى لا تؤذي ذراعها الذي ما زال لم يشفَ بعد من الكسور التي ألمّت به.

ـ بس يا ست رغد، كفاية خلاص، لحد كده تعبتك من الصبح معايا.

ردّت عليها رغد وهي تحاول في الكُم الأخير:

ـ تتعبك راحة يا أحلى اعتماد في الدنيا. هو أنا أطول أساعد الباشا وهو بيلبس هدومه؟ دي حتى من أسهل المهمات... يا ريت كل التعب زي كده.

فعقّبت إعتماد علي قولها مبتسمة:

ـ بقيتي بلوة مسيحة يا ست رغد، وأنا اللي كنت فاكرّاكي قطة مغمضة.

ـ ما هي القطة كممان بتفتح يااا أختي... ولا إيه؟ يا أبيض... يا حلو إنت.

قالت الأخيرة بمغزى واضح، عن الفرق الشاسع بين وجه اعتماد الخمري المائل للسمار نتيجة التعرض المباشر للشمس وقلة الإهتمام، وبين ما ظهر من الجزء الأعلى في جسد شقيقتها، حيث برزت بشرتها البيضاء في ذراعيها وكتفيها، حتى جعلت اعتماد تنفجر ضاحكة من قلبها، وترد على جرأتها، فتتبادلان المزاح والمرح... إلى أن توقّف كل ذلك مع دخول شقيقتهن الثالثة روضة بوجه عابس غاضب، والسبب طبعًا معروف.

ـ ممالك يا روضة؟ داخلة علينا زي اللي اددلق منها طبيخها...

وجّهت رغد السؤال بطريقتها المتلعثمة، فجاء رد الأخرى بجفاء، وكأنها تبحث عمّن تصب غضبها به:

ـ نعم يا ست رغد؟ اتريقي عليّا إنت كمان؟ ما هو ده اللي ناقص!

ارتبكت رغد من فظاظتها، تكاد الكلمات تُحبس في حلقها، فتولت اعتماد الرد بدلًا عنها:

ـ في إيه يا بِت؟ هي أختك جالت إيه عشان تهبي فيها كده؟ الهزار العادي بقى في نظرك مقلته؟ ما تجيبي من الآخر وقولي السبب الحقيقي ورا قلبتك العفشة دي علينا.

ليست غبية حتى لا تفهمها. وتفهم السبب الحقيقي خلف هذا العبوس الواضح... لقد عاد هذا الملعون ليلعب برأسها مرة أخرى. وهذا ستتأكد منه بنفسها حين تقرّ بلسانها...

البداية المعروفة طبعًا: مسكنة واضحة لاستجلاب العاطفة.

ـ إنتِ كمان يا خيتي بتيجي عليّا؟ مش حملالي كلمة؟ أنا عارفة من الأول إني ماليش داخله وسطيكم. إنتوا الاتنين إيد واحدة، وأنا الغريبة بينكم، حتى وإن كنت أختكم من دم واحد...

قالت عبارتها بنبرة باكية، محاولة الهروب برد الفعل المعتاد لتثير فيهن شعور الذنب. لكن اعتماد كانت لها بالمرصاد، لتوقفها قبل أن تترك الغرفة، صارخة بها:

ـ اقفي عندك يا بِت! ارجعي هنا! حطي عينك في عيني! إحنا مش هُبَل ولا دقة عصافير عشان ما نفهمش غرضك من التمثيلية الهبلة دي إيه.

التفتت إليهما بوجه محتقن، صدرها يعلو ويهبط بغِلّ لا يخفى على شقيقتها التي تعرفها أكثر من نفسها. هيئتها تلك توحي أن هذه المرة قد شُحنت ضد شقيقاتها بالكامل.

ـ نعم يا خيتي... يا حبيبتي... بتندهيني ليه؟

ضاقت حدقتا اعتماد وهي تتمعن النظر فيها، تستشف الغِلّ الواضح بطريقة ردها، لتثور قائلة:

ـ ما تجيبي من الآخر يا ست البرنسيسة! وقولي إن ريما رجعت لعادتها القديمة... فتحتي التلفون للمحروس ورخيتي ودنك له من تاني! قلبك على إخواتك بإيه المرة دي؟ قالك إن أختك المفترية صلّطت خليفة ولد القناوي، يعمل قعدة عليه وعلى أهله ويفرض عليهم أكتر من ربع مليون جنيه من غير وجه حق؟

قالك إن ذنبه الوحيد إنه عايز يرجّعك إنت وبتك؟ وإن كل اللي حصل ده ظلم؟ وإنك أنتِ أول واحدة جايه عليه بسكوتك على اللي بيتعمل فيه؟

صمتها المخزي كان أكبر دليل على صحة ما تنبأت به اعتماد، لتجأر بها:

ـ ما تنطجي! خرصتي ليه؟ القطة كلت لسانك؟ ولا مكسوفة تقري إن ده فعلًا اللي قاله؟ ما عرفتيش تردي عليه وتوجفيه عند حده؟ تقولي له إنه شرّع في قتل أختك! ولولا عناية ربنا، لكنت من الأموات دلوك!

ـ بس... هو ما كانش قصده! زقّك بس... إنتِ اللي فلّتي من يده، واتكحرتي على النزلة اللي تحت الجسر...

صاحت بها روضة باندفاع، دون أن تقصد، تثبت عليها البيّنة. الأمر الذي جعل الاثنتين تناظرانها بصمت أبلغ من الكلمات. لكن روح العناد داخلها دفعتها إلى محاولة إثبات صحة موقفها:

ـ مالكم بتبصولي كده كأني عملت مصيبة؟ أنا بس سمعت منه وفهمت... يعني مش حاجة عيب ولا حرام! ده لساته جوزي وأنا على ذمته.

تدخلت رغد، وقد استفزها دفاع روضة المستميت عن المخطئ في حق شقيقتها:

ـ حتى لو ككان مش قصده فعلاً ياروضة، برضه لازم يتعاقب! عشان يعرف إن الله حق وما يكرّرهاش تاني. ططب لو ـ لا قدر الله ـ أختك كانت راحت فيها؟ كان هيقول برضه "مش قصدي"؟ ولا إنتِ كنتي هتقبليها؟

رغم تلعثمها في الحديث، إلا أن كلماتها أصابت هدفها بدقة، لتشعر روضة بالحرج الشديد... فصاحت بها معنّفة:

حد طلب منك إنتِ كمان تدخلي؟ هي شايلة ومعبّية عشان اللي حصل لها، إنما إنتِ إيه يخصّك؟ بتحشري نفسك في اللي ما لكِش فيه ليه؟

لم تنتظر رغد منها كلمة أخرى حتى لا تزيد في تجريحها بالحديث، فطريقتها المتلعثمة لن تمكّنها من الرد جيدًا، وربما تتسبب في السخرية منها كما يحدث دائمًا معها في المواقف اليومية.

سحبت قدميها وغادرت الغرفة على الفور، فاشتعل غضب اعتماد لتتصدى لتلك المشحونة على أخواتها:

ـ عاجبك اللي عملتيه ده يا زفت الطين؟ بتيجي على أختك الغلبانة، اللي بتجمع الكلمتين بالعافية! قصدك تقللي منها عشان عارفاها مش هترد عليكي؟ كل ده عشان مين؟ عشان المحروس اللي بيبيع ويشتري فيكي، وعمره ما نصَفِك مرة واحدة حتى!

ـ لكنه برضه في الآخر اسمه جوزي وأبو بتي، واللي مسيري هرجع له... بعد ما يسدّدلك الربع مليون اللي أخدتيهم عليه شرط هو وناسه، أنتِ والمحروس اللي اسمه خليفة. ولا همّك ظروفه، ولا همّ كانوا هيتصرّفوا إزاي فيهم؟ لكن ربنا موجود.

ـ فعلاً... ربنا موجود.

ردّت اعتماد من خلفها بخيبة أمل متوقعة منها، ويأس من إصلاحها. تناولت حقيبتها بيدها السليمة ورفعتها على كتفها، ثم تحرّكت لتغادر هي أيضًا، لكن روضة لم تدعها تمضي دون أن تذكرها بما تحاول دائمًا نسيانه:

ـ الغلبانة اللي إنتِ بتقولي عليها دي... مسيرها تتجوز. رغم العيب اللي فيها لكنها مرغوبة، زي ما إنتِ شايفة من العرسان اللي رايحة جاية تطلبها. بكرة بقى لما تلاقيها عايشة ومتهننة... ساعتها بس هتفتكري إنها كانت السبب في طلاقك.

تجمّدت اعتماد في مكانها، أغمضت عينيها بألم شديد، بعدما غرست بحماقتها السكين في قلب جرحها. وما أصعب أن يأتيك الجرح من أقرب ما لك! لكنها سرعان ما تمالكت بأسها، ثم واجهتها بقوة:

ـ عمري... عمري يا روضة ما هندم إني اتخلّيت عن حياتي عشان أحمي أختي، حتى لو هي اتجوزت وعاشت حياتها واتهنّت وشافت الحلو كله اللي أنا ما شفتوش. يكفيني إني أوصلها للمرحلة دي، وما آخدش حسرتها لو كان حصل لها حاجة لا قدّر الله.

توقفت برهة تلتقط أنفاسها، ثم واصلت بنبرة موبّخة:

ـ برضه على الأقل هي ملهاش ذنب في كل اللي جرى معايا. إنما إنتِ... زقّيتيني المر من كيعاني، مع إنك كبيرة وعاقلة وفاهمة. يبجى مين الأحق إني أشيل همّه؟ هي ولا إنتِ؟

......

عاد عرفان من الخارج، ليجد باب شقّة مزيونة سابقاً مَفتوحًا على مِصراعيه، والتي يتخذها حاليًا مسكنًا له. كان أولاده يمرحون داخلها، وصوت جلبة يأتي من الداخل أنبأه بوجود زوجته أيضًا.

خطا بأقدامه حتى وصل إلى غرفة النوم، فوجدها تضع اللمسات الأخيرة، ترش المعطّر بعد أن انتهت من تنظيفها وتلميعها جيدًا.

التفتت إليه تخاطبه بسعادة:

ـ إنت جيت يا عرفان؟ حمد الله على سلامتك. بص بقى يا سيدي، زي ما إنت شايف أنا خلصت كل حاجة: غسلت الهدوم وكويتها وعطّرتها زي ما عطّرت الشقّة اللي نضفتها ولمّعتها. حتي طُلّ بعينك على باقي الأوض، وانت تعرف بنفسك.

جلس على طرف الفراش، يعقّب ساخرًا:

ـ مصدّقك... مش محتاج أطل ولا أتعب نفسي، أنا أصلًا جاي مهدود حيلي. على العموم، تشكري يا ستي.

ـ تشكرني كده حاف!

تمتمت بها، ثم اقتربت تجلس بجواره على الفراش، مرقّقة من لهجتها وكأنها تنتهج نهجًا جديدًا في التعامل معه بعد تلك الفترة العصيبة الماضية:

ـ أنا مش بقولك كده عشان تشكرني أو تقدرني، أنا بقول لك إني بعمل كده عشان أرضيك. رغم إن ربنا العالم إن الشقّة دي تقيلة على قلبي زي الحجر، وأنا شامّة ريحتها في كل ركن فيها. لكن كله علشانك يهون، ويكفي إنها غارت عشان نبص لنفسنا بقى.

فهم مغزى ما تقصده، فتبسّم بخبث معلّقًا:

ـ قصدك يعني بجوازها من واحد تاني غيري إن الحكاية خلصت، ومدام مفيش أمل في رجوعها ليا تاني، يبقى أبص للي في يدي، ونرجع أنا وإنتِ سمنة على عسل من تاني.

أومأت تهز رأسها بلهفة وحماس اعتلى ملامحها، تنتظر استجابة منه ما دامت قد قدّمت له بالسبت وطلبتها صراحة، رغم كل ما حدث وفعله بها من تجنٍّ وإهانات وضرب مبرّح على أبسط الأسباب.

أما هو فقد زمّ شفتيه، وضاقت عيناه، وبأطراف أصابعه أخذ يشدّ شعيرات شاربه الكثيفة، متصنّعًا تفكيرًا متعمّقًا وهو ينظر إليها بصمت زاد من حيرتها. فلِمَ هذا التفكير أصلًا؟

قطع الصمت أخيرًا بقوله:

ـ بصراحة... كلامك معقول. ومدام خلاص الموضوع خلص، يبقى زي ما هي شافت نفسها أنا كمان أشوف نفسي. ومنها كمان أردّ كرامتي.

التقطت الكلمة لتشدّد عليها بلهفة:

ـ أيوه يا عرفان، أيوه! عشان تثبت لها وتثبت للناس كلها إنها غارت في داهية وما عادش تهمك، وإنك خلاص اكتفيت باللي معاك: مرتك الأصيلة وعيالك اللي يشرحوا القلب.

هزّ رأسه بنفي غير مفهوم يعارضها:

ـ لا يا صفا... مش هو ده اللي هيرد كرامتي. اللي يرد كرامتي لازم يبقى حاجة كبيرة والناس كلها تشهد عليها. إنما جوازي منك مين شايفه أصلًا؟

ـ قصدك إيه!

سألته بعدم تصديق، فجاءها الرد على الفور:

ـ قصدي أتجوز تاني... واحدة أصغر وأحلى منها ومنك. بنت بنوت، ويا ريت كمان لو تبقى في عمر ليلى بتي. يا سلام! أهي دي تبقى الضربة الصح.

شهقة عالية خرجت من حلقها، ضربت بكف يدها على صدرها، تصيح به:

ـ يا مُري! إيه اللي إنت بتقوله ده يا عرفان؟ أنت واعي لكلامك ده، ولا عامل نفسك بتهزر؟

ـ ولا عامل نفسي بهزر ولا حاجة.

ردّدها ساخرًا، ثم تابع بما زاد قهرها:

ـ لا يا ستي، ما بهزرش. من النهارده هدور على بنت البنوت اللي تليق بواحد زيي. معايا فلوس تسد عين الشمس، والصحة اللهم بارك مش محتاجة أقولك عليها أصلاً.

صرخت ردًّا على ما تعتبره هذيانًا:

ـ والله ما يحصل، ولو على موتي! ليه هي سايبة؟ ده أنا ما قبلتش بيها وهي الضرّة اللي سبقاني، هرضي إنك تجيبها عليّا؟! ده أنا كنت...

ـ هتعملي عمل المرّة دي وتوقفي حالي بالربط؟ ولا تجيبيلها مرض بالشلل؟

قاطعها بحدّة، وقد احمرّت عيناه متوعّدًا:

ـ يعني مش بعيد أسيّح دمك زي الدبيحة تحت رجل الدجّال اللي هتروحي له. بعد طبعًا ما أرمي اليمين عليكي. أنا مش هسيبك تغوري وإنتِ على ذمتي...

توقفت أمامه بعجز، لا هي قادرة على صدّه ولا ردعه بما يستحق. بعد أن بالغ في إذلالها وإهانتها، ها هو الآن ينزع عنها جميع أسلحتها، يتمادى في ظلمه وتهديده بالزواج من أخرى.

فلم تشعر بالكلمات وهي تنساب من بين شفتيها حتى تسببت في ضحكه دون أن تدري:

ـ ربنا هيحاسبك على ظلمك... خليك فاكر، الظلم ظلمات في الآخرة.

قهقه ضاحكًا وهو يضرب كفًّا بكف، مردّدًا خلفها:

ـ دلوك بقى ظلم لما جه عليكي؟ إنما الأول لما كان على كيفك كان آخر حلاوة! أما عجايب دي يا ولاد....

......................

وصلت إلى الصيدلية الأقرب إليها في وسط البلدة التي تعج بالحياة والصخب من البشر والمراكز الحيوية كالمنشآت الحكومية أو المحلات بمختلف أنواعها، لتلبية احتياجات أهل البلدة.

دفعت الباب الزجاجي الثقيل لتلج إلى داخلها، موجِّهة أبصارها نحو الفتاة التي كانت منكفئة على جهاز الحاسوب أمامها، تلقي إليها التحيّة كي تلفت انتباهها:

ـ مساء الخير يا دكتورة شيمو.

رفعت الفتاة أبصارها إليها تضحك وهي تبادلها التحية بمصافحة:

ـ ما حدش بيناديني بأسم الدلع ده غيرك، دكتور وشيمو مع بعض... بحب الميكس بتاعك.

تبسمت إليها اعتماد، تبادلها المزاح:

ـ ما أنا خايفة أندهلك باسمك حاف، أبخس حقك بعد سنين التعب اللي تعبتيها على ما وصلتي للقب العزيز. وفي نفس الوقت مش مقتنعة... يعني واحدة بحجمك الصغنن ده ما يتقلهاش غير شيمو.

قهقهت الفتاة بصوتها الرفيع الذي يثير تسلية اعتماد في كل مرة تأتي إليها وتتحدث معها، ومع ذلك فالفتاة أبدًا لا ترفع التكليف:

ـ الألقاب مع كل الناس يا أبلة اعتماد... إلا إنتِ. وحدك بس اللي يحقلك تقولي "شيمو مشمش" اللي أنتِ تحبيه. تأمري أمر.

ردت اعتماد بامتنان شديد للفتاة المتواضعة:

ـ حبيبتي، الأمر لله. كنت عايزة بس أعيد العلاج ده... أصله ناقص مني زي ما إنتِ عارفة، ولسه المدة مطوّلة على ما أفك التجبيرة.

رحبت الفتاة وهي تتناول منها الورقة المدون بها أسماء العلاج، تخاطبها بدعم:

ـ ألف سلامة على الجميل المكسر، إن شاء الله يا رب يكون قريب. الكسر يلم وتخفي. أنا هشوف المتوفر دلوقتي، واللي مش موجود هقول لك عليه.

ابتعدت عنها تدور على أرفف الأدوية كي تجد ما تحتاجه. فوقعت أبصار اعتماد دون أن تدري على يدها التي كانت تتلاعب بها على اللوح الزجاجي أثناء انتظار الطبيبة، فتذكرت ما نوهت عنه شقيقتها الصغرى وهي تبدل لها ملابسها. ولأول مرة منذ فترة طويلة شردت بذاك الجزء الأنثوي... الاهتمام بمظهرها وبشرتها. ألهذه الدرجة بات الفرق واضحًا؟

وضعت فجأة عبوات الأدوية التي جاءت لطلبها على اللوح الزجاجي أمامها لتنتبه إلى الطبيبة وهي تحدّثها عن المواعيد وأسعارها، فتجاهلت كل ما كانت تهذي به الطبيبة لتسألها باهتمام، رافعة ظهر كفها أمام وجهها:

ـ شايفة قدامك الفرق بين الاتنين؟ الفرق ما بينهم واضح قوي ولا عادي وطبيعي؟

تبسمت الفتاة التي تركت أمر الأدوية لتجيبها بوضوح:

ـ بصراحة الفرق واضح جدًا، البشرة اسمرت يجي أربع أو خمس درجات عن الإيد، وده أكيد بفعل الشمس.

ـ أربع خمس درجات!

رددت اعتماد بما يشبه الصدمة، تدافع مبررة:

ـ وافرَضي سبع درجات حتى، ماله يعني؟ أنا نفسي بحب السمار، هو السمار عيب؟

عارضتها الطبيبة بلطف:

ـ لا يا حبيبتي طبعًا، ده السمار عليكي أحلى من البياض. بس إحنا بنتكلم عن الاهتمام. البشرة لازم لها حماية من أضرار الشمس المؤذية، واللي منها مثلًا إنها ممكن تعجز بدري وتظهر عليها التجاعيد. طب ليه وإحنا في إيدنا نحميها بحاجات زي الكريمات؟ حتى لو في أنواع غالية منها، برضه الغالي تمنه فيه.

عبست اعتماد عند الأخيرة، تردد برفض:

ـ وأنا مالي يا أختي بالغالي؟ هي خلاص المسؤوليات اللي عليا خلصت؟ عشان أخصص فلوسي للكريمات والدلع الفاضي ده؟ ده شغل شركات التجميل الفاضية، عايزة تكسب فلوس على قفا الستات الهايفة وخلاص.

دب الحماس في قلب فتاة الصيدلة، فهتفت بدفاعية:

ـ ما شاء الله يا أبلة اعتماد! إحنا هايفين؟ بس المنتجات الهايفة دي اللي بتخلي الستات منوّرة زي البدر. أنا هجيب لك الكريم بتاعي تجربيه كام يوم، وإنتِ تشوفي الفرق بنفسك. ثواني... الشنطة قاعدة في المخزن جوه، هروح أجيبه وارجع لك هوا...

زفرت اعتماد في إثرها بضيق وحرج، لكن سرعان ما انشغلت مرة أخرى في تلك المعضلة التي ظهرت فجأة لها اليوم.

وبدون تفكير، وجدت نفسها تسند الهاتف على مجموعة الأدوية، لتفتح الكاميرا أمامها، ثم رفعت كفها السليمة بجوار وجهها مرة أخرى لترى فرق الدرجات الذي نوهت عنه الطبيبة وشقيقتها قبلها. تحدث نفسها غير منتبهة لمن دلف خلفها من الباب الزجاجي وتوقف يشاهد الوجه الجديد لأبلة اعتماد الطفلة:

ـ يا لهوي عليا... دول فعلًا مكدبوش. طول الفترة دي وأنا ببص في المراية وبظبط التحجيبة من غير ما أخد بالي بالتغييرات اللي حصلت على بشرتي دي؟ يا ترى فيه تجاعيد كمان ولا لأ؟

أثناء تأملها الشديد، انتبهت لظل رجل من الخلف، فالتفتت إليه بإجفال. فكانت الصدمة حين وجدته أمامها يتبسم بملء فمه:

ـ آسف لو قاطعتك عن تركيزك.

أطرقت بخجل شديد، تلعن حظها الذي جعلها تتغافل في تلك الساعة لتتصرف بتلك الحماقة أمامه. فخرج صوتها بصعوبة وبدون تركيز:

ـ لا... ما تشغلش نفسك يعني... آآآ... أنا بس كنت بدوّر على حباية في وشي وبصراحة مش عارفة مكانها فين؟

ـ مش عارفة مكانها فين؟

ردد خلفها، يكتم الضحكة بصعوبة حتى لا يزيد من حرجها. فتغاضى، على غير إرادته، بترك هذا الحديث المسلي معها والتحول إلى الجدية مردفًا:

ـ ماشي يا ستي. على العموم، أنا دخلت هنا بالصدفة، ولما شوفتك قلت بالمرة أسلم عليك وأسألك عن دراعك. عامل إيه دلوك؟ لسه حاسة بألم؟

نفت سريعًا بهز رأسها:

ـ لااا، الحمد لله، أنا تحسنت كتير قوي عن الأول. صحيح... أنا كان نفسي أتصل بك وأبلغك شكري على اللي عملته امبارح في جلسة كبار البلد مع محمود وعيلته. ده جميل لا يمكن أنساه أبدًا، من ضمن الجَمايل الكتير منك.

عارضها بنبرة دافئة:

ـ ولا جمايل ولا أي حاجة. ده شيء عادي خالص على فكرة. أنا عملت اللي يعمله أي راجل حر. وصاحبك ملزوم هو وعيلته دول إنه ينفذ بعد ما كسفتهم قدام الناس اللي تفهم. ما عادش ليهم عين يرفعوها عشان يجادلوا أو يستنطعوا.

ـ فعلًا هم كانوا عايزين نوقف لهم، بس إنت اللي عملته مش أي راجل يعمله، عشان كده ما تقوليش ما فيش جميل.

ـ خلاص، اضربيها في التليفونين ونبجى خالصين.

قالها بابتسامة رائقة جعلتها تبادله إياها على حرج، حتى قطعت عليهما اللحظة الجميلة هتاف شيماء، طبيبة الصيدلية:

ـ لقيت الكريم أهو، عشان ما يبقالكيش حجة تاني. هتاخديه يعني هتاخديه.

علّق خليفة من جانبه بلهجة أثارت فضول الفتاة، التي توقفت عن الهتاف فور أن انتبهت إليه:

ـ هو إيه اللي "هتاخديه يعني هتاخديه"؟! إنتِ بتوزّعي الكريمات عافية يا شيماء؟

تلجلجت الفتاة بارتباك:

ـ لا أصل يعني... دي حاجة كده لترطيب البشرة.

وبرد فعل عفوي سمعه منها، فالتفت خليفة نحو اعتماد التي تناولت العبوة سريعًا، وضعتها في الكيس البلاستيكي مع العلاج، ثم استأذنت قبل أن تعطيه الفرصة ليستفسر:

ـ عن إذنكم.

وهرولت سريعًا من أمامه غير عابئة حتى بذراعها الملفوفة بالضمادات، فتبعها بعينيه غير داري بالابتسامة التي ارتسمت على محيّاه، وهو يراقبها تعدو الشارع بخفة وأناقة، وكأن الرزانة والعقل قد خُلقا لها وحدها.

.....................

داخل السيارة التي كانت تقلهما في طريق العودة إلى البلدة، إلى العالم الواقعي بعد أيام من السحر والجمال قضياها معًا، تطورت العلاقة بينهما وتكسّرت حواجز، وربما تم القضاء فيها على الكثير من العقد... ولكن تبقى أيضًا الكثير.

كما يرى أمامه الآن وهو يقود بفكر منشغل بتلك التي كانت جالسة بجواره، ناظرة إلى الخارج من نافذة السيارة بعقل شارد. يعلم أن جزءًا كبيرًا منها قد احتلته الهواجس القديمة عن الإنجاب والأطفال. فكيف يجد الحل لتلك المعضلة؟ لا يعلم... ليس أمامه إلا الصبر.

تنهد وفتح حديثًا معها حتى يعيدها إليه ولو قليلًا:

ـ خالتك طيبة قوي، واللي يشوفها يعرف إن في صلة تجمع ما بينكم. رغم إن الشبه مختلف شوية، بس يمكن... يمكن عشان روحها حلوة وطيبة زيك. عكس ولدها الحمار...

سمعت الأخيرة، فضحكت من قلبها بصوت عالٍ. فزوجها ذو العقل الصغير ما زال يكن الضغينة لهذا المسكين بعد أن ضربه وخلف في رأسه إصابة:

ـ حمزة، إنت عقلك صغير بجد؟! لحد دلوك دمك ما بردش من حسان؟ ولا هديت حتى بعد ما ضربته؟

انفعل يرد عليها:

ـ ويعني هو بيتوب؟! أديكي شفتي بنفسك النهارده، كان هيخليني أسوي جريمة وأنا في بيتهم. مجرد ما دخل حرق دمي. الله يجازيه، عنده موهبة غريبة في استفزاز الناس. يلا بقى... خلينا في اللي إحنا فيه.

سألته باستفهام:

ـ وهو إيه اللي إحنا فيه؟

أجابها بحماس:

ـ رجوعنا البلد يا روحي. أوعى تفتكري إن أيام العسل خلاص خلصت وانتهت. لا، أنا لا يمكن أعديها من غير ما أكررها حتى كل كام يوم. بس المرة دي الواد هيبجى معانا عزول.

تنهد في الأخيرة، فالتقطت منه توبيخًا حانقًا على الكلمة التي تلفظ بها:

ـ ما تقولش كده يا حمزة. ريان ده ابني، يعني مش حد غريب عليك عشان تقول الكلمة دي. ده عوض ربنا عليا، عشان يبقى معايا الواد والبت نعمة ورضا.

رغم ارتياحه لقولها هذا الذي شرح قلبه من الداخل وجعل سعادته تكتمل تقريبًا بها، إلا أن ذلك الجزء الذي يتمناه لن يتخلى عنه أبدًا. لذلك لا مانع من التلميح:

ـ حبيبتي ونِعِم بالله، ده بالظبط شعوري ناحية ليلى برضه. زي ما كرّمني بالواد كرّمني بالبت. بس كمان العيل اللي هياجي مني ومنك، ده هيبقى له وضع تاني ومكانة خاصة في قلبي. آه يا مزيونة... لو يحصل، ادعي معايا وقولي آمين.

لم ترد ببنت شفة، وظلت فقط تطالعه بجمود. فعاد يشدد عليها مرة أخرى:

ـ ما تدعي معايا يا مزيونة، وقولي آمين...

ـ كريييم!

قالتها تواصل بحدة:

ـ ربنا كريم ينولك اللي إنت بتتمناه.

وصمتت، تلتفت ناظرة إلى الخارج عبر نافذة السيارة من جوارها. ليتمتم خلفها بمرح:

ـ الله... كريم وآمين. يا رب ارزقني بتوأم وأسميهم بنفس الاسمين.

عادت تلتفت إليه برأسها بذهول شديد، غير مستوعبة ما يتحدث به. فهل تتركه مع أحلامه؟

أما هو، فقد صمّم أن يأخذ الأمر بجدية:

ـ والله لا يحصل، إن شاء الله هيحصل.

... يتبع

ـ يعني انت جاية تلومينا عشان جوزك الراجل وقف معانا وقفة رجالة الفترة اللي فاتت وكان ظهر لتلت ولايا يجيبلهم حقهم؟...... ماشي يا ستي، ليكي علينا لو حصل اي حاجة ثاني, نمنعه ما يقف معانا نهائي.. كويس كدة؟..ردت بحدة، وبكلمات ذات مغزى:ـ لا مش كويس، عشان انا جاية مخصوص النهاردة، احط النقط على الحروف، اديكي تنبيه يا غالية من اولها عشان تقطعي العشم الزياده دا خالص، لتكوني حلمتي وغرك الامل، كده غلط عليك يا حبيبتي؟سألتها بريبة,وقد تسارعت أنفاسها بانفعال وترقب لما هو آت:ـ قصدك إيه يا هالة؟ جيبي من الاخر عشان الكلام الماسخ ده ما ينفعش فيه اللف والدوران، خليكي مباشرة وجبيها في وشي عشان اعرف ارد عليكي زين؟تلون ثغر هالة بابتسامة مقيتة ترمقها من أعلى إلى أسفل بنظرة دونية تعلمها جيدا، ثم قالت بفحيح:ـ قصدي انتي عارفاه كويس يا اعتماد، بصراحة انا لو مكانك وبنفس ظروفك لازم هتأثر، مسكينة من ساعة ما اتولدتي والحياة ناشفة معاكي، لا أب كان ضهر، ولا حتى لقيتي أخ يشيل معاكي، وحتى لما اتحل عسيرك واتجوزتي، حظك وقع في واحد.......توقفت بابتسامة متلاعبة تستمتع بملامح اعتماد التي شحبت بشدة، لتكمل من عندها، بما استمرت على ترديده من وقت انفصالها:ـ واحد ايه كمان يا هالة؟ مش معنى ان حظي وقع مع راجل بخيل جلدة, كان عايز يعيش على قفايا, يبقى هتعاير بيه زي ابويا اللي هج وسابني انا واخواتي في عز ما احنا محتاجينله...... عندك حاجة تاني تجرحيني بيها يا هالة؟سمعت منها المذكورة ،واهتزت رأسها بنفي قائلة:ـ لا يا حبيبتي مش عايزه اجرحك ولا حاجة، أنا بس عايزه اقولك ، ان الكذب حرام، لأن انا عارفة بالسبب الحقيقي ورا طلاقك اللي ما كانش بخل ولا حاجة، بل بالعكس...... السبب الحقيقي اللي انت تويتي عليه انا تقريبا الوحيدة في البلد اللي كنت عارفاه، لأن اخت طليقك استاذ عليوة كانت صاحبتي في الفترة دي قبل ما يتنقلوا ويهجوا لبلد تاني.... اقولك كان عايز يعمل ايه مع اختك الجلوعة رغد.....ـ أحترمي نفسك يا هالة واوزني كلامك زين يا اما والله.....ـ ولو موزنتش يا ستي هتفضيحني انا ولا تفضحي اختك؟قاطعتها بها، لتضيف بتجبر قاصدة كسرها:....

الفصل السابع والثلاثونفي داخلها غليان لا يهدأ،حسد ينهش قلبها كلما رأت غيرها ينعم بما حُرمت منه،وغضب مكتوم يتضاعف مع كل تجاهلٍ أو كلمةٍ تُسقطها من مقامٍ تظنه حقّها.تتقلب بين خوفٍ من أن تُمحى،ورغبة جامحة في أن تثبت ذاتها بأي ثمن.مشاعرها عكرة، لا تعرف الصفاء،كأنها تخوض حربًا صامتة مع نفسها.لكن ما يعتمل في الداخل يفيض إلى الخارج…شرّ ناعم الملمس، لاذع المذاق.تبتسم وهي تُلقي سُمّ الكلام،وتتحدث بوداعة بينما تشعل النار في القلوب.شرّها ليس اندفاعًا عابرًا، بل حيلة مدروسة.تجيد العزف على أوتار الآخرين،تسخّر ضعفهم ضدهم، وتستمتع برؤيتهم يتهاوون.إنه الشر الذي يرتدي قناع الحنان،ويُخفي وراءه أنيابًا حادة،تنتظر اللحظة المناسبة لتغرسها بعمق.لكن الغافل عن نفسه ينسى أن للشر عاقبة،وأن من يركض خلف هواه يتعامى عن عينٍ لا تنام،عينٍ تترقب وتكتب، حتى تأتي لحظة الحسابالتي لا مهرب منها.المراجعة والخاطرة الروعة المبدعة/ سنا الفردوس (بطوط)دفعت باب غرفتها لتدخل وهي تتأفف بضيق متعاظم، معبّرة عن سخطها:ـ أستغفر الله العظيم يا رب، أستغفر الله العظيم من كل ذنب عظيم، إيه الناس اللي ما يقدرش عليهم غير ربنا دي؟! إيه جنسهم بالضبط؟كان خلفها زوجها الذي جلس على كرسيه بشرود، دون أن ينطق ببنت شفة، الأمر الذي جعلها تثور به:ـ ما ترد عليا يا معاذ! هو عاجبك اللي حصل تحت؟ ولا تكون صدقتها أنت كمان النصيبة دي؟زفر بغضب رافعًا رأسه إليها:ـ ولو ما عجبنيش، أنا إيه في يدي؟ إذا كان صاحب الأمر نفسه وجف عاجز قدام التمثيلية اللي عملتها ولهفة البنتة على رجعة أمهم! هالة عرفت تلعبها زين قوي، وخليفة لو رجّعها كانت هتبقى عيبة كبيرة في حقنا.ودي مش غريبة، لاه، دي بت عمنا، يعني ما نعرفش نرد حتى لو حد من العيلة سألنا عن السبب.جلست هي الأخرى بيأس بعد أن استمعت لحجته، قائلة:ـ طيب وبعدين؟ أنا والله ما حابة الخراب، ربنا يعمّر بينها هي وجوزها، بس تتعدل، تفضى بس لتربية عيالها مش لأذية الخلق! عمالة تعتذر وتتمسكن، وأنا والله ما في كلمة صدقتها، لأني خلاص عرفتها. اشحال عمي خليفة؟! معقولة يكون بلع الطُعم؟... ولا هي نفسها... ربنا هداها كده فجأة؟... أستغفر الله العظيم يا رب.كانت تنهج بحرقة جعلته ينهض من مكانه، ليتخذ موضعه بجوارها، يضمها إليه مهوّنًا:ـ اهدي يا ليلى، بلاش تفكري وتشيلِي نفسك هم. أنا عارف إنك حاطة في بالك أمك اللي هتبقى معاها في بيت واحد وخايفة عليها من أذيتها، بس عايز أفكرك إن أمك مش لوحدها المرة دي، دي صاحبة بيت زيها، دا غير إنها في حماية حمزة، وإحنا كلنا صاحيين لها.مالت برأسها على صدره تعبّر عن قلقها المتزايد:ـ برضه خايفة يا معاذ، الست دي أنا اتكويت منها في أمي وفي نفسي، يبقى إزاي ما خافش منها؟! لا يمكن أطمّن ولا أديها الأمان تاني أبدًا... أبدًا.ـــــــــــــــــــــــ بنت الجنوب ـــــــــــــــــــــــداخل غرفتها التي عادت إليها أخيرًا بعد فترة طويلة من الغياب قضتها على غير إرادتها في منزل والديها، ها هي تعود إليها الآن وبكل سهولة، مجرد تنازل بسيط قامت به من أجل الانتصار والوصول لهدفها. كانت تعلم جيدًا أنها خطوة غير محسوبة العواقب، لكن معرفتها بطبع زوجها وباقي أفراد العائلة هو ما شجعها، حتى إنها لم تأخذ رأي والدها عند القيام بها. أمّا والدتها فقد أخبرتها على عجالة وهي ذاهبة، حتى إن المرأة لم تأخذ الأمر على محمل الجد، وظنتها تمزح، لتُصعق بعد ذلك حين أخبرتها بما تم.ربما لم تجد ما تتوقعه من فرحة أو حتى ترحيب بعد الدور الدرامي الذي قامت به وأجادته؛ المتمرد وزوجته الصغيرة اللعينة، وقد ارتسم الرفض جليًا على ملامحهما، حتى وضحت الصدمة عليهما حين تقدّمت حسنية تتقبّل اعتذارها بقلق وارتباك أمام صمت خليفة، الذي تجمّد في مكانه بسكون وهدوء مريب؛ هدوء البحر الذي لا تضمن غدر أمواجه المفاجئ. لكنها هذه المرة لن تهمل ولن تعطيه الفرصة كي يفترق عنها أو يجرحها في كرامتها بتفضيل امرأة أخرى عليها، بل أقل منها في كل شيء.تنهدت بغبطة وغرور، متجهة نحو خزانة الملابس لتخرج من ضلفتها الجانبية مفرشًا جديدًا، تجهّزه استعدادًا لقلب الغرفة رأسًا على عقب في الترتيب والتنظيف، رغم نظافتها الآن. لكنها انتوت على التغيير الكامل للغرفة، ثم لأسلوبها مع خليفة. لابد لها أن تحرص عليه حتي لا يضيع منها.وما إن همّت برفع الملاءة من فوق التخت حتى تفاجأت باندفاع الباب مع دخوله، متجهًا مباشرة نحو الكمود، يخرج منه شيئًا ما. فتركت هي ما بيدها لتستقبله:ـ عايز حاجة يا خليفة؟ أدورلك عليها؟لم يعِرها اهتمامًا، بل واصل حتى أخرج مجموعة أوراق تخص عمله، ثم أشياء أخرى كالمتعلقات الشخصية وشاحن الهاتف، ليضعها جميعًا على الفراش، ثم يتوجه إلى الخزانة يخرج منها ملابسه، ويدفعها على الفراش أيضًا قبل أن يتناول حقيبة الملابس ليضعها بها. فصاحت معترضة، تمنعه بجذب الحقيبة:ـ إنت بتعمل إيه؟ بتلم هدومك وحاجتك كلها؟ ناوي تسافر ولا تسيب البيت بعد ما أنا رجعت يا خليفة؟جذب منها الحقيبة بعنف، يقطع صمته بحزم وهو يأمرها:ـ بعدي يدك وما تلمسيش حاجتي. مش معنى إني سكت واتقبلت رجعتك بالمسكنة والتمثيلية اللي عملتيها قدام أمي وأخواتي والبنات، يبقى خلاص سلّمت يا هالة وحنيت عشان حضرتك اتنازلتِي وجيتي على كرامتك وكبر نفسك اللي أنا عارفه زين.لا يا هالة، اللي كنت ببلعه زمان وأعديه عشان المركب تمشي، ما عادش ينفع معايا دلوك، ولا بقى هاممني المركب ولا إنها تمشي من الأساس.أنهي وانحنى يلتقط الملابس ليضعها في الحقيبة، لكنها كانت الأسرع، لتخطف مجموعة منها هاتفه به:ـ معنى كلامك إنك عايز تطلقني يا خليفة؟! ولا كنت ناوي تسيبني في بيت أبويا معلّقة زي البيت الوقف لحد ما أموت؟... ولا يمكن عندك نية لواحدة تانية غيري؟ قول يا واد عمي وصارحني، أنا برضك قلبي حاسس.أجبرته بفعلتها على استخدام العنف معها، حين عاد يجذب الملابس بقوة كادت أن توقعها على الفراش من خلفها، لينهي بصرامة:ـ لما تيجي النية، هقول لك في وشك ومش هداري. أنا مش جبان عشان أعمل حاجة من ورا ظهرك ولا هخبي ولا هنكر في وشك. دلوك سيبيني بقى، على ما ييجي وقتها.قالها وهو يلقي الملابس ويحشرها في الحقيبة دون تنظيم، ليرفعها بهيئتها الغريبة تلك متوجهًا للخروج من الغرفة بعدم اكتراث. فصرخت هي في أثره:ـ لا! مش هييجي وقتها يا خليفة، عشان لا يمكن هسيبك تروح لواحدة غيري! مش أنا المره اللي جوزها يتجوز عليها! سامعني؟ مش أنا...ـــــــــــــــــــــــ بنت الجنوب ـــــــــــــــــــــــألقى هاتفه بضجر على طاولة الزينة، بعد أن انتهى من المكالمة المهمة. نظر إلى انعكاس وجهه، وقبضته تطرق على السطح الخشبي بشرود، وقد غاص عقله في التخمينات والهواجس بعد أن علم بجميع المستجدات التي حدثت في المنزل الكبير منذ لحظات قليلة، من شقيقه الأصغر.تلك الحركة الجريئة بالعودة من نفسها نادرًا ما تحدث من النساء اللاتي يردن أزواجهن وأبناءهن، ولا يشغلهن سوى لم شمل الأسرة. وبالطبع، هالة ليست منهن. إذًا ما الذي أجبرها أن تقوم بحركة جريئة مثل تلك، مضحية بكبريائها المعروف وغرورها المتأصل؟ ابنة عمه، يحفظها أكثر من خطوط يده.ترى مَن في رأسها هذه المرة؟ ليلى؟ أم اعتماد؟ أم زوجته؟... اللعنة! أن تركها تصل إلى غايتها؟ـــــــــــــــــــــــ بنت الجنوب ـــــــــــــــــــــــخرج من غرفته بعد أن بدّل ملابسه لجلباب جديد مكوي، يزيد من أناقته وهيبته المعروفة، يبحث بعينيه نحو تلك التي اختفت فجأة رغم إخباره لها بضرورة الاستعداد للذهاب إلى المنزل الكبير وقضاء النهار هناك كما وعد والدته بالأمس، التي تصر دائمًا على لمّ شمل أبنائها حولها.ـ مزيونة... إنتِ فين يا مزيونة؟ردًا على النداء جاءه صوتها من الجهة المقابلة لغرفته:ـ أنا هنا يا حمزة، عند ريان في أوضته.ـ تاني ريان؟!تمتم منفعلاً يقطع المسافة الفاصلة سريعًا حتى وصل إليها، ليجد الاثنين أمام المرآة؛ هي خلف ريان تمشط شعره بحرفية، وكأنها تصنع له قصة جديدة. لينتبه الصغير إلى والده، يهتف به:ـ تعالى شوف التسريحة الجديدة يا بوي، اللي عملتها لي خالتي مزيونة! أحلى من اللي عملها لي الواد سمعة الحلاق.التفتت هي الأخرى إليه بمرح قائلة:ـ شوف الواض البكاش! كله بس عشان ميلت الفرق على جنب، بعد ما دهنتهم بكريم الشعر بتاعي، وبقوا ناعمين وحلوين.تمتم متقدّمًا إلى داخل الغرفة متهكمًا بغيظ، قبل أن يتوجه بالحديث إلى صغيره:ـ ناعمين وحلوين كمان! إنت يا زفت، مش معاك علبة جل كبيرة بتدهن فيها ليل نهار؟ من إمتى بتحط على شعرك كريمات الحريم ياض؟ترك ريان مرآته ملتفًا إليه بملل ليرد ببساطته المعهودة:ـ وأنا مالي بالحريم؟ دا بتاع خالتي مزيونة. ولو على علبة الجل، خدها يا سيدي مش عايزها، دا بيوقع الشعر أصلاً.ـ يا ابن الـ... دلوك افتكرت إنه بيوقع الشعر! وخالتك مزيونة مش حاسبها من الحريم؟!تفوه بها حمزة بحدة، فأتى الرد من مزيونة التي احتضنت وجه الصغير:ـ لا مش حريم، عشان أنا في مقام أمه زي ما قال لك قبل سابق. دا غير إن الكريم مش للحريم بس...توقفت تطالع حمزة بنظرة مقصودة، قبل أن تعود للصغير، تضع قبلة خفيفة فوق شعره الجميل المصفف طالبةً منه:ـ روح يا حبيبي واستنانا بره عند التينة، على ما أخلص أنا وألبس عبايتي ونروح مع بعض على البيت الكبير.تبسّم إليها ريان، ثم أشار بيده كي تدنو، ليرد على قبلتها بواحدة صغيرة فوق خدها، قبل أن يتحرك بعد ذلك مغادرًا بطاعة. شيّعه والده بنظرات مشتعلة، حتى إذا خلى المكان عليه وعليها، أجفلته بقولها:ـ برضك دي عمايل دي يا حمزة؟ بتعمل عجلك بعقل العيل الصغير حتى في حاجة تافهة زي دي؟صاح يعارضها وكأنه تتجنى عليه:ـ أنا عامل عقلي بعقله أنا؟! ناقص كمان تقولي غيران منه؟ مزيونة، ما تطلّعيش زرابيني أنا على اخري أصلاً.أومأت برأسها تهادنه، وقد بدا أنه ليس في حالته الطبيعية لتقبّل النقد أو الفكاهة، ليصمت برهة يلتقط أنفاسه قبل أن يخبرها:ـ عندي خبر ليكي قبل ما نروح البيت الكبير عشان تعملي حسابك، هالة رجعت.ـ رجعت؟بدت الكلمة كسؤال، فأجاب:ـ لوحدها... طبت عليهم فجأة النهارده الصبح تعتذر وتتأسف. طبعًا ما حدش قدر يرجعها عشان الأصول.ـ أيوه، وهي تعرف الأصول قوي.تمتمت بها بسخرية، وعقلها يدور في حديثها أمس مع اعتماد، فتيقنت أن حركاتها تلك مقصودة...ـ مالك سرحتِ ليه؟ لا تكوني قلقتي كمان منها؟ أنا بقول لك عشان تاخدي حذرك بس. إنتِ عارفة إني وراكي وفي ضهرك أكيد، ولا عندك شك؟تبسّمت تجيبه بثقة:ـ لا طبعًا، عمري ما أقلق وإنت في ضهري. وعلى العموم أنا كدها برضه... يلا بقى، أسيبك وأروح أغير العباية.وما شرعت أن تتحرك خطوتين حتى أوقفها قبل أن تصل إلى باب الغرفة:ـ استني عندك.أردف حين وجدها التفتت إليه بتساؤل:ـ كنت عايز منك كريم الشعر اللي قولتي عليه من شوية، أنا كمان شعري بهتان وعايز يلمع هبابة.طالعته بدهشة شديدة، تكتم ابتسامتها بصعوبة وهي تجيبه:ـ وراك على التسريحة يا حمزة. سرّح شعرك زين ولمّعه، على ما ألبس عبايتي أكون جيت لك يا أبو ريان. بس أوعى تسرّحه وتجيب الفرق على جنب، من؟عبس يتابعها وهي تغادر، شاعرًا بغيظ من سخريتها، ثم التفت إلى المرآة من خلفه ليتناول من العبوة التي أشارت عليها، يضع منها فوق شعره مرددًا:ـ بتتريقي يا مزيونة؟ دا بدل ما تيجي تسرحي لي بنفسك... ماشي.ـــــــــــــــــــــــ بنت الجنوب ـــــــــــــــــــــــطالعتها من شرفة الغرفة التي غابت عنها كثيرًا، تدلف من البوابة الحديدية إلى داخل محيط المنزل قادمة نحو المدخل، على الفور تحركت متراجعة إلى غرفتها قبل أن تبصرها الأخرى من الأسفل.أمّا هي، فكانت تسير بحالة لا تمكّنها حتى من النظر إلى الأعلى، ولا من الانتباه إليها من الأساس؛ فما كان يغمرها في تلك اللحظات أقوى وأعمق من الحزن نفسه.لقد أجبرت نفسها بصعوبة على القدوم إلى ليلى في موعد الدرس، بعد أن عادت إلى عملها رغم كسر ذراعها الذي لم يُجبر بعد؛ فهو سلوتها الوحيدة للهروب من الأفكار السوداء والوحدة، من عالم الشقاء والتعب، حتى إذا عادت آخر الليل تضع رأسها على وسادتها، تنسى حتى اسمها.ـ أبلة اعتماد.أتاها النداء من الخلف، بنبرة الصوت التي تعلمها جيدًا، لتضطر إلى الوقوف في انتظاره وهو يتقدّم نحوها، حتى إذا اقترب يحدثها بلطفه المعتاد:ـ إيه الأخبار؟ شكلك رجعتي لنشاطك من تاني.بلعت ريقها، ترمقه بتوتر وعدم ارتياح، تجيبه باقتضاب وهي تتجنب النظر إليه مباشرة:ـ نحمد الله على كل حال. أنا رجعت الشغل فعلًا بقالي يومين.لاحظ خليفة اضطرابها وجمودها في الرد، حتى دفعه الفضول ليستفسر عما بها:ـ شكلك مش طبيعي النهاردة. ليكون حد من الجماعة إياهم زعلك؟ ولا يمكن الواد محمود نفسه؟ أتعرض لك؟ أنا عارف الجماعة دول بوارد.نفت تهز رأسها:ـ لا... ما فيش أي حاجة من الكلام ده. أنا بس مستعجلة، عايزة أخلص ليلى، وعندي دروس تانية غيرها.شعر بالحرج من طريقتها غير المباشرة في التعبير عن رغبتها في الانصراف، حتى همَّ أن ينزاح من أمامها ويتركها، ولكن سبقه الصوت المؤذي الذي أتى من خلفه:ـ إنت قاعد هنا يا خليفة وأنا بنده عليك! وه أبلة اعتماد؟ إزيك يا غالية؟لم يغفل خليفة عن مياعتها المقصودة في النداء عليه أو في مخاطبة اعتماد، التي اعتلت الصدمة ملامحها حتى بدا عليها شيء لم يفهمه، وهي تنظر إلى زوجته العزيزة التي كانت مائلة بجسدها على مدخل المنزل بابتسامة غامضة.لتجيبها اعتماد بعجالة وشيء من حدّة:ـ أنا زينة والحمد لله، متشكرة على السؤال. عن إذنكم.واتخذت طريقها متجهة مباشرة إلى الداخل، متجنبة الحديث مع هالة، التي ظلت تشيعها بنظرات مستفزة، تقول بصوت عالٍ:ـ كنت عايزاك يا خليفة، تاجي تحرك الدولاب هبابة بعيد عن الحيطة. حيلي مهدود ومش قادرة حتى أحرك صباعي. قطيعة! شكلي سهرت كتير امبارح.ـ ويا ترى سهرتي فين إن شاء الله؟باغتها بالسؤال خليفة، الذي لم تدرِ متى أتى ليقترب منها بهذه الصورة، وعيناه تتنقل منها إلى تلك التي تصعد الدرج بجمود، دون أن تلتفت برأسها نحوهما. فخرج صوت هالة مهتزًا في التبرير بكذب له:ـ سهرانة بفكّر يا خليفة... في البنات، وكيف نلم شمل العيلة من تاني.توقفت برهة، ثم تابعت بنعومة:ـ دا حالي من ساعة ما خدتني بيدك وروّحت بيا عند أهلي، ترميني بالشهور... شوفت بقى أنا كنت بتعذّب كيف في بعادك عني؟لم يُعقّب بحرف واحد على شيء لم يقتنع به من الأساس، وعقله قد ذهب مع تلك التي صعدت إلى الطابق الثاني بحالة غريبة ومعاملتها المتغيرة معه. ليتنبّه إلى التي بدّلت لتصبح هي المتشبثة به، وكأنها تستجدي عاطفته. نزع كفّها عن ذراعه، رافضًا الخنوع لها أو التصديق برواية لا تدخل عقل طفل صغير، وغادر بخطواته السريعة تاركًا المنزل بأكمله.ـــــــــــــــــــــــ بنت الجنوب ـــــــــــــــــــــــبعد قليل،كان موعدها مع اللقاء الأهم، تلك مزيونة، وحمزة ابن عمها وسبب بلائها وعذابها منذ مولدها، ومنذ أن وعت عينيها على العالم. وكم كانت غبية! عندما ظنت إنها خُلقت له وهو خُلق لها.لقد كانت في انتظارهما منذ الصباح، ومنذ أن وطئت قدمها المنزل وهي تعلم أن أحدًا لن يجرؤ على إعادتها، بعد أن وضعتهم في مواجهة مباشرة مع العائلة والبلدة والأصول التي يتبعها الجميع.توقفت بالقرب من الرَّدهة تتأمله قليلًا، حيث كان جالسًا بالقرب من والدته، بوجاهة وهيبة ووسامة خشنة و... اللعنة عليها وعلى غبائها! وعلى هذا الذي انتفض فجأة بين أضلعها بمجرد أن وقعت عيناها عليه بعد شهور لم تره فيها. أتسميه اشتياقًا لرجل تكرهه حد العمى؟ كيف؟ لابد أنه شيء آخر... نعم.تحركت خطوة واحدة في اتجاههما، فرأت الملعونة الأخرى في نظرها، سبب الخراب عليها... مزيونة، وقد كانت جالسة على أريكة تضم ريان الصغير بجوارها، وقد تبدّلت لامرأة أخرى، ترتدي عباءة فاخرة وأنيقة، وكأنها عادت ابنة العشرين وهو أوّل نصيبها... والفضل بالطبع يرجع لحمزة الذي لا تفوته فائته، ابن عمها، وتعلمه جيدًا.زفرت شحنة ساخنة من صدرها، لتستقيم في وقفتها، تعدّل من هيئتها استعدادًا لهما؛ فهي أيضًا قد اهتمت بمظهرها اليوم، وجمالها وأناقتها المتأصلة لا تحتاج لمجهود.فتحرّكت ترسم ابتسامة مصطنعة، تهتف جاذبة انتباه الجميع نحوها:ـ مساء الخير عليكم. إزيك يا حمزة يا واض عمي؟ إزيك يا مزيونة؟ ريان! حبيبي يا ريان، تعالى يا واض في حضني أما أبوسك.في ردّ فعل طبيعي وقف لها الاثنان، واستجاب ريان لينهض إليها، فالتقطته بين ذراعيها تحضنه وتقبّله على وجنتيه:ـ يا حبيبي يا ريان! كده برضه المدة دي كلها متسألش عني؟ وحشتني يا واض، وحشتني جوي.تبادل حمزة نظرات الامتعاض مع والدته وزوجته التي بدت هادئة جدًا، حتى إذا انتهت هالة من استعراضها، توجهت إليها مرحبة:ـ حمد الله على سلامتك يا هالة، ربنا يعمّر بيكي مع جوزك وعيالك.سمعت منها المذكورة، ورغم تفاجؤها إلا أنها سرعان ما تجاوبت بدراما، تهرول نحوها وتحتضنها:ـ حبيبتي يا مزيونة! سامحيني إني محضرتش فرحك إنتِ وواض عمي، بس إنتو عارفين الظروف بقى.ـ عارفين يا بت عمي، ومن غير اعتذار مسامحينك.كان هذا رد حمزة، وزوجته تبادلها العناق المصطنع بابتسامة اغتضبتها بصعوبة، لتتركها متوجهة إليه:ـ أكيد يا حمزة يا واض عمي، خلاص سيبونا من اللي راح بقى وخلونا في اللي جاي. أنا النهاردة ناوية أطبخ بيدي ونعيد لمّة زمان بعزومة تلم الكل... إيه رأيك يا مرت عمي تتصلي على البنات؟تفاجأت حسنية بالاقتراح الذي انتشلها من شرودها، بعد حديث حمزة الذي تهامس معها منذ قليل رافضًا الأسلوب الملتوي لعودة هالة إلى خليفة وإجباره على الموافقة برجوعها.فصمتت برهة حتى استوعبت، ثم أيدتها بفتور، قبل أن تعود واضعة يدها على خدها:ـ وماله يا بتي، نتصل بيهم. حد يكره اللمة؟بحماس مبالغ فيه عبرت هالة عن فرحتها:ـ وأنا هروح أجهز الوَكل من دلوك. هتيجي معايا تساعديني يا مزيونة، صُح؟أومأت لها بما يشبه الموافقة تجاريها:ـ وماله يا غالية. أطلع بس لبتي أطمن عليها واجي أساعد معاكي. عن إذنك بقى أروح أشوفها.قالتها وتحركت لتصعد إلى الطابق الثاني حيث شقة ابنتها، فتبعتها هالة مستأذنة نحوهم:ـ وأنا كمان ألحق أشوف الأصناف اللي هحضرها. عن إذنكم يا جماعة.ـ إذنك معاكي يا أختي.غمغم حمزة في أثرها بصوت خفيض وهو يعود إلى جلسته مع والدته مردفًا:ـ شادة حيلها وعاملة فيها ست النشيطة الطيبة، ولا كأننا فقدنا الذاكرة ونسينا كل النصايب اللي عمِلتها.نفضت حسنية يدها في الهواء بسأم:ـ وه عليك يا حمزة عاد! ما تسيبني في همي يا ولدي. وأخوك اللي محيرني دا كمان... لا أنا عارفاه رافض ولا متقبل. اللي عليه ساكت وبس.زفر حمزة يعقب بثقة تامة في شقيقه:ـ متقلقيش على ولدك يا حجة حسنية. خليفة راجل وأنا عارفه زين جوي. مش مغفل ولا دق عصافير عشان يبلع لعبتها. لكن هي هتفضل طول عمرها غبية ومش فاهماه.ـــــــــــــــــــــــ بنت الجنوب ـــــــــــــــــــــــمهما كنت قويًا أو ادّعيت القوة، هناك لحظات أقوى من أن تواجهها،أقوى من أن تتحدّاها حتى وأنت معك الحق،في النهاية سوف تغلبك صلابة الأمواج العاتية ... وتنهار.في الأعلى،حيث جلسة الدرس الذي تعطيه اعتماد لتلميذتها ليلى، تجاهد بصعوبة على التجاوز والتركيز فيما تشرحه، لكن قلبها الموجوع وكرامتها التي تئن ألمًا جعلاها تتوقف فجأة، لتُلقي من يدها كل شيء. أغمضت عينيها بتعب شديد غير قادرة على المواصلة، لتجبر ليلى هذه المرة على التساؤل:ـ إيه اللي حصل؟ إنتِ تعبتي يا أبلة اعتماد؟لم تُجبها على الفور، وقد ظلت فترة من الوقت ضاغطة على عينيها بكفّيها، تمنع بصعوبة دموعها ومشاعرها المنهارة. استمرت على وضعها عدة لحظات، حتى تمالكت نفسها في النهاية وأخبرتها بقرارها:ـ معلش يا ليلى، أنا مش هقدر أكمل معاكي الفترة الجاية. هشوف واحدة شاطرة إن شاء الله تتابع معاكي من زميلاتي...قاطعتها ليلى برفض وتساؤل:ـ ليه يا أبلة اعتماد؟ ده أنا مبفهمش من حد غيرك!ـ معلش... عشان تعبانة والله، مش قادرة حقيقي. اعذريني.لم تغفل ليلى عن حالتها المتغيّرة وصعوبة الحديث الخارج منها، ورغم رغبتها الشديدة في الرفض، إلا أنها فضّلت ألّا تضاعف عليها. و عرضت ما طرأ برأسها فجأة بلطف:ـ عشان دراعك صح؟ أنا ممكن أتابع معاكي علي الإنترنت على ما تخفي...انتبهت اعتماد لمقترحها، تستوعبه في عقلها، هل يصلح أم لا؟ فنهضت تلملم أوراقها ودفاترها قائلة بتفكير:ـ خلاص يا ليلى، هشوف إن كان ينفع. وفي كل الحالات أنا مش هسيبك، حتى لو استلمت واحدة غيري، هتابع دايمًا معاكي... اطمني.أومأت ليلى دون أن تزيد عليها، ونهضت كي توصلها إلى باب شقتها رغم رفض الأخرى. حتى إذا خرجت من عندها، تقابلت هي ومزيونة التي كانت قادمة، فتهلّل مرحبة برؤيتها:ـ إيه ده؟ إنتِ هنا يا اعتماد؟ ده أنا كنت ناوية أتصل بيكي.بابتسامة صادقة قابلتها اعتماد، وردّت تحيتها وأجرت حديثًا سريعًا معها قبل أن تغادر بخطوات متعبة. تبعتها أبصار مزيونة التي انتابها القلق من ناحيتها، حتى لوّحت لابنتها بكفها تستفسر. فأجابتها ليلى همسًا، الأمر الذي جعلها تربط الخيوط ببعضها، فتتفهم رغبتها في الابتعاد عن المنزل بعد عودة تلك الحرباء. من المؤكد أنها ضايقتها بشيء ما. قبل أن تصعد لابنتها، لتزفر مهدّدة في داخلها:ـ شكلك مش ناوية تجيبيها لبر واصل يا هالة؟ـــــــــــــــــــــــ بنت الجنوب ـــــــــــــــــــــــداخل المطبخ، وأثناء إعدادهم لقائمة الأطعمة العديدة التي قررت هالة تجهيزها اليوم، بمساعدة مزيونة التي تدخل لأول مرة تطبخ فيه بشكل جدي بعد زواجها وعودتها، وحتى أثناء زواج ابنتها أيضًا؛ كانت كل محاولاتها السابقة على خجل.ولعلم هالة جيّدًا بهذه المعلومة، فقد قررت اليوم أن تستغلّها أبشع استغلال. عادت لتأدية دورها الذي خُلقت له: الإدارة الحقيقية لهذا المنزل.فامرأة عمها لا تعلم سوى الظاهر؛ إلقاء الأوامر والتعليمات، أمّا بناتها فكنّ يأتين ويذهبن كالضيوف.لكن التفاصيل الدقيقة كانت هالة وحدها من تعرفها.ستُمارس اليوم مهمتها في تسخير مزيونة، دلوعة حمزة، لتُعرّفها مَن هي سيدة هذا المنزل حقًا.أما مزيونة، فقد أجبرت نفسها بصعوبة على التعامل معها، رغم كل ما تحمله داخلها من غضب نحوها، وقهر على صديقتها التي باحت لها أمس عن خستها معها، لكنها شددت عليها ألّا تتحدث.في البداية كانت تسمع منها وتنفذ بسجيّة صافية، لكن حين زادت عليها بإلقاء التعليمات وإبعادها عن التنفيذ الجدي في إعداد الأطعمة، وعت لخبث نيتها في النهاية، فتوقفت فجأة عن جلي الأواني التي لا تنتهي:ـ وبعدين؟ أنا هجعد يومي كله أغسل في المواعين اللي ما بتخلصش، ولا أنضف وأشيل من حواليكي يا ست الشيف؟كانت هالة في هذا الوقت تعمل على صينية الدجاج التي تقوم بتتبيلها قبل أن تضعها في الفرن، فتوقفت عما تفعل، لتنظر إليها ببراءة تدّعيها وهي تستمع للأمر:ـ وماله يا مزيونة؟ وهي عيبة لما تساعديني؟ ده بيت كبير يا حبيبتي. وإنتِ آخرك كنتي تعملي حاجة على كدّك إنتِ وبِتك. إنما هنا، جدامك أهو صواني البشاميل والرقاق والمحاشي والفراخ واللحمة بأنواعها... بيوت عز ما شاء الله زي ما إنتِ شايفة.أمال أنا طلبت مساعدتك ليه؟ كان ممكن أطلب واحدة من خوات خليفة ولا بناتهم. بس خلاص... إنتِ بقيتي معايا، يبقى هاعوزهم في إيه؟سخرت مزيونة معقبة على قولها:ـ ده على أساس إني عيّلة صغيرة وإنتِ هتمشيني على مزاجك؟ أمور السلفة الكبيرة والسلفة الصغيرة دي تخيل مع ناس تانية غير أنا وإنتِ يا حبيبتي. لا أنا عيّلة صغيرة، ولا إنتِ الكبيرة هنا.ـ لا، أنا الكبيرة فعلًا يا مزيونة. كبيرة البيت ده من ساعة ما اتجوزت وأنا اتوليت أمره. ليه تاخديها بحساسية؟قالتها ببساطة، يفوح من نبرتها الخبث، ورسائل واضحة تُظهر نيتها الحقيقية بالعودة سريعًا إلى هذا المنزل فور عودتها هي من سفرتها.فمالت برأسها نحوها قائلة باستدراك:ـ آآه، عندك حق، آخدها ليه بحساسية؟ مع واحدة مكشوفة زيك؟ هالة... فوقي لنفسك يا حبيبتي، وبلاها دور الذكية اللي محدش بيغلبها. أنا أصلًا بتعامل معاكي وانا على آخري منك، ومن رصيدك الحافل معايا. يكفي زيارتك لاعتماد امبارح، تفتكري لو جوزك عرف باللي قولتيهولها أمبارح والتهديد بسمعة أختها، هيسكت؟تجلّى وقع الكلمات عليها بمفاجأة اعتلت تعابيرها، لكن سرعان ما تداركت الأمر للعلاقة القوية التي تجمع الاثنتين حديثًا، قائلة بهدوء مستفز:ـ حلو خالص الكلام ده. يعني المحروسة حكتلك، وأكيد جابت سيرة أختها كمان؟ طيب، تمام خالص يا ستي. أنا أصلًا مجبتش حاجة من عندي، وهي لو عايزة المعلومة الحلوة دي تنتشر عن أختها والمحترم طليقها، برضك هي حرّة. يا إمّا تحترم نفسها وتبعد عن الراجل المتجوز، ولا هي قلة أدب وخلاص؟تراجعت مزيونة مبتعدة عنها، رغم عدم صدمتها بها، إلا أنها لم تصدق ذلك البرود الذي تتحدث به، والتساهل في أذية البشر.وبدون أي كلمة أخرى، تحركت لتغادر، فهتفت توقفها، عائدة لنعومة الأفعى:ـ هتسيبيني أشتغل وأحضّر لوحدي يا مزيونة عشان بس طلبت منك تساعديني؟ أخص عليكي!كادت أن تلتفت إليها وتثور، وتُخرج بها كل غضبها، ولكن ما إن وقعت عيناها على حمزة الذي كان في طريقه إلى غرفة والدته، حتى طرأت برأسها فكرة، مستخدمة كيد النساء في التعامل مع تلك الحرباء بنفس طريقتها الملتوية.فتجاهلت ندائها، وخطت خطوات قليلة حتى خرجت من المطبخ. لم تبتعد سوى مسافة لا تتعدى المترين حتى سقطت على الأرض مع صرخة مدوية خرجت منها، لتجبر الآخر على الانتباه وتغيير طريقه مهرولًا نحوها:ـ وه يا مزيونة!صرخته القوية جعلت الأخرى تنهض من مكانها لتستكشف الأمر، لا تعرف كيف حدث كل ذلك في ثوانٍ قليلة. لم تدرِ متى سقطت؟ ولم تدرِ متى أتى هو ليلتقطها عن الأرض وهو يخاطبها محاولًا تهدئتها:ـ إيه اللي حصلك؟ وجعتي كيف؟بأنين مبالغ فيه، وعيناها تتنقل منه وإليها:ـ مش عارفة... مش عارفة إزاي ده حصل؟ رجلي، رجلي اتلوت فجأة، ولقيتها جات تحت مني لما وقعت... آآه، مش قادرة أجف عليها يا حمزة.تجاوز حدود الهلع وهو يجلسها على الدرجة الثالثة من السلم برفق شديد، ليصدم تلك المتابعة من مدخل المطبخ، حين جثا على ركبتيه عند قدميها ليفحصها:ـ سلامة الرجلين الحلوة... أي واحدة فيهم اللي اتلوت؟ خليني أشوفها ولا أجيبلك دكتور؟صرخت عند اليمنى:ـ آه يا حمزة، مدوّسش عليها! أنا مش متحملة يدك. مفيش داعي للدكاترة أصلًا، هي دلوك تخف إن شاء الله لما أريحها هبابة... ممكن يا هالة شوية ميّة باردة، أدلّكها لو قدرت.أجفلتها بمخاطبتها وتلك المسكنة المقصودة، فالتفتت إليها بتشتت. وقبل أن ترد، صاح بها حمزة الذي لم يكن يدري بوجودها:ـ إنتي هتفضلي واقفة مكانك يا هالة؟ ما تتحركي هاتيلها الميّة الباردة، ولا شوفي لنا دهان كدمات، على ما نشوف أمر رجلها هتحتاج دكتورة ولا لاه... ما تخلّصي يا هالة!أجبرها على الامتثال رغمًا عنها، فعادت إلى المطبخ نحو البراد. ولكن قبل أن تفتح الباب لتُخرج إناء المياه، استدركت فعلتها المقصودة بعد حديثهما العاصف منذ قليل، ثم النظرة التي رمقتها بها في وجود حمزة. وعندما وبّخها أمرًا، همست بتوعد:ـ يا بت الـ... ماشي يا مزيونة، شكل اللعب ما بينا هيبقى ليه طعم تاني... وأنا مستعدالك جوي.خرجت إليهم بالمياه، لتجده يصيح بواحدٍ من أبناء شقيقاته يأمره بانفعال:ـ بلّغ الناس إن خالك اللي برا اني مش طالع تاني عشان ظرف ضروري، وبعدها ادخل لجدتك خلّيها تاجي تشوف مرّت عمك.أومأ الصغير منفّذًا الأمر وهرول سريعًا، فخاطبته مزيونة باعتراض:ـ مالوش لزوم يا حمزة تقلقها؟ هي بس كمادات باردة وإن شاء الله تخف.ـ برضك لازم نطمن.قالها حمزة بقلق، قبل أن تجفله بصيحتها:ـ الميّه الباردة، هي آخرها تشطّفها بيها وهتبقى زي الحصان، دي أكيد حتى محصّلتش الجزع.عبس لها حمزة بغضبٍ شديد وهو يتناول منها المياه، يمنع نفسه من الانفعال عليها، ليصبّ اهتمامه بالأهم، زوجته الحبيبة. وما إن رأته يتناول إناء المياه حتى هتفت به معترضة:ـ استنّى يا حمزة، إنت هدلك رجلي ولا تحطّ لها كمادات كده في نص البيت؟ إفرض حد من الرجالة دخل.استدرك المعلومة التي أدلت بها، فنهض فجأة متخذًا القرار، يحملها بين ذراعيه قائلًا:ـ عندِك حق، تعالي أودّيكي لأي أوضة جوا.ـ لا يا حمزة، ودّيني في أوضتك فوق أحسن وأضمن. بس الشيلة هتبقى صعبة عليك، نزّلني وسندني أحسن.قالتها تستفزّ حميّته، ليزمجر بخشونة:ـ ليه وأنا ما اقدرش أشيلك وأطلع بيكي السلم؟ طب أهااا.قالها وهو يصعد بها الدرج بخطواته السريعة، غافلًا عن النظرة التي توجّهت بها إلى الخلف نحو هالة، التي تسمرت في مكانها تتابعهم بغيظٍ لا تقوى على إخفائه. تغمغم بكل الشتائم والسباب، بعد أن تورطت الآن في إعداد المأدبة الضخمة وحدها.... يتبع

الفصل الثامن والثلاثون كم من نعمةٍ مرّت بين يديك، فظننتها باقية لا تزول، فأهملتها أو تركتها تذبل… حتى إذا رحلت، أدركت متأخرًا أنها كانت أثمن ما تملك.لكن الله، بحكمته، يأبى أن تُهمَل النِّعم؛ فيسوقها ببساطة إلى من يتمناها، ويعرف قيمتها، ويستحقها.كثيرًا ما ضاعت الفرص من بين أيدينا؛ تارةً بالأنَفة والكبر، وتارةً أخرى بالجهل والغفلة.وحينها لا يبقى سوى الندم… وجعًا مقيمًا يلازم القلب، يذكّرك دائمًا بما فرّطت فيه، وبأنك لم تُحسن التقدير إلا بعد أن فات الأوان.المراجعة والخاطرة الروعة من المبدعة/ سنا الفردوس ( بطوط)....... ............ الفصل الثامن والثلاثونلطالما رأت نفسها جميلة، في عيون البشر من حولها، وفي مدحهم لصفاتها الشكلية منذ صغرها وحتى الآن. وكلما نظرت إلى المرآة، تجد ما يجدد ثقتها في نفسها، رغم كل ما يقابلها من سوء حظ و "قلة بخت"، كما تصف ما يحدث معها دائمًا.ها هي قد تعطرت وارتدت منامة ساحرة بلون صاخب على بشرتها البيضاء، ينعكس عليها فيزيدها بهاءً. أطلقت شعرها الحريري متوسط الطول بلونه البني، وطلت شفتيها بلون أحمر قانٍ. لم تضع سوى الكحل الأسود والماسكارا لرموشها، غير ذلك لم تزد؛ فهي تعرف مزاج زوجها جيدًا، يعشق البشرة الخالية من المساحيق.منذ متى لم يتغزل بها أثناء لحظات الصفاء بينهما؟ تعلم أن هذه المرة طال الخصام كثيرًا، لدرجة جعلتها تشتاق إليه بالفعل. إحساس نادرًا ما تشعر به مع خليفة، لكنه قد حدث، ولابد أن يعود إليها صاغرًا. فهو دائمًا كان جيدًا معها، رغم شروده الكثير وسكونه المريب أحيانًا، لكنه أبدًا لم يقصر في حقها كزوج إلا في هذه الأيام، وعليها أن تطالب بحقها.ارتدت مئزرًا يغطي عري منامتها، لتخرج من الغرفة، متجهة للاطمئنان على الفتيات بعد أن أمرتهن بالنوم باكرًا، محذرة إياهن من أن العفريت سيأتي ليأكلهن مع انقطاع الكهرباء عن البلدة بأكملها بسبب العطل في أحد المحولات. وقد صدّقنها كالأغبياء بالفعل.تبسمت لمشهدهن وهن يحتضن بعضهن البعض، ثم تسللت مطمئنة نحو الغرفة التي اعتزل بها زوجها العزيز. وحين دفعت الباب وولجت، لم تجده، لكن حركة من داخل مرحاض الغرفة أنبأتها بوجوده.ومع توقف صوت المياه، علمت أنه على وشك الانتهاء من استحمامه. خطت سريعًا حتى وصلت إلى التخت، واضطجعت على إحدى وسائده بإغواء، تترقب خروجه. وبعد لحظات قليلة خرج عاري الجذع، لا يرتدي سوى بنطال قماشي، يجفف شعره بمنشفة قطنية تحجب رؤيته، فلم ينتبه إليها في البداية. اقترب من المرآة ليمشط شعره، وفور أن رفع المنشفة عن رأسه، ارتخت يده بالفرشاة فجأة حين رأى انعكاس صورتها أمامه.كانت متكئة على الفراش بإغراء، واضعة قدمها العارية فوق الأخرى، تطالعه بجرأة قادرة على إغواء قديس.تمعن النظر في صورتها لحظات، شعرت خلالها بقرب استجابته لها، قبل أن يلتف بجسده نحوها بهدوء يُحسد عليه، ضاربًا بأملها عرض الحائط قائلاً:ـ إيه اللي جابك يا هالة على أوضتي؟صدمها بسؤاله الفظ، فاعتدلت جالسة أمامه بضيق تلومه:ـ إيه اللي جابك على أوضتي؟! دا برضو سؤال تسأله لمرتك وانت شايفها بالهيئة دي؟... جاية أسألك على سعر الطماطم في السوق يا سيدي!قالت الأخيرة بسخرية لم يكترث لها، بل التفت عائدًا إلى المرآة يصفف شعره بتجاهل متعمد. أجبرها ذلك على ترك مكانها فوق التخت بانفعال، لتلفه إليها هاتفة:ـ في إيه يا خليفة؟ ما تبصلي زين وتشوفني! دا كله ما يخلكش تاخد بالك؟أشارت بسبابتها نحوها في الأخيرة، حتي تجعله يشملها بنظراته على كامل جسدها. فرد ببرودٍ متصنَّع، رغم تأثره بالفعل، فهو بالنهاية رجل. لكنها لم تفهم بعد أن عزة نفسه جعلت حتى جمالها في نظره بلا قيمة:ـ وافرضي خدت بالي يا هالة، إيه المطلوب مني؟عند سماعها الأخيرة، انتفضت تضربه بقبضتها على صدره العاري:ـ ودي عايزة نباهة؟ ولا الست تقولها بلسانها؟ جرالك إيه يا خليفة؟ من إمتى كنت قليل ذوق وعديم نظر كده؟ ولا أبوس على يدك أحسن يا حبيبي عشان تحن وتعطف عليا؟توقف لحظات أمام شراستها وعدم تقبّلها ما اعتبرته إهانة، لأنه لم يقدّر تضحيتها، ولم يخر راكعًا أمام حسنها. هذه هي هالة ابنة عمه، التي لن تتغير أبدًا.بجمود واضح نزع يده عنها، رافضًا حتى لمستها. عندها استشعرت خطأ اندفاعها وانفعالها، فعادت تلطف قائلة:ـ أنا مقصديش أتعصب عليك، أنا بس زعلت من عدم تقديرك. أكتر من شهر دلوك يا خليفة وانت بعيد عني من ساعة ما رجعتلك بنفسي. كل ما أقرب منك تبعد وتنفر، وكأني جَرِبة خايف لا تضرك! لا يا خليفة... أنا مرتك وعايزاك، وانت كمان عايزني...ـ معدتش يا هالة.صدرت منه سريعًا، مقاطعًا لها، ثم أردف بصدق ما ترسّخ داخله:ـ معدتش عايزك يا هالة. ودا شعور نمي جوايا مع الوقت. كل لحظة جفا أو تجاهل منك كانت بتكبر الشيء دا جوايا، لحد ما بقيت خلاص... مش فارق معايا أصلًا.نصل كلماته الجارحة أصاب كرامتها التي تأبى التفكير في غيرها. لم يعنيها السبب الذي يتحدث عنه، يعنيها فقط أنه رفضها... للمرة التي لا تعلم عددها.أصبحت هي من تترجاه الآن... وهو يرفضها!انتفضت تلملم مئزرها، لتلقي باللوم عليه، وتحمله ذنب ما يحدث بينهما من شقاق:ـ براحتك يا خليفة. بس خليك فاكر إني أنا اللي عمالة أقدّم وبس، وانت اللي رافض. أنا بعمل اللي عليّا عشان العيال، وانت اللي جاصد الفرقة. طالعة وسيبالك الأوضة... اشبع فيها بوحدتك يا خليفة. عن إذنك.بصقت كلماتها الأخيرة وغادرت أمامه بخطوات سريعة، بأنفة وغرور، رافضة أن يراها ضعيفة أو مهزوزة.أما هو، فقد توقف في أثرها برهة بتفكير متعمق في تلك المعضلة التي باتت تؤرقه. لا هو قادر على تركها من أجل الأطفال، ولا قادر على التجاوز والتغاضي كما كان يضغط على نفسه سابقًا. زفر فجأة، قاطعًا صمته، وتحرك سريعًا للخروج من المنزل، قبل أن يصاب بالاختناق.أما هي دلفت إلى غرفتها تصفق الباب بعنف، تزفر أنفاسًا حارقة، لا تصدّق هذا الصلف والتعنّت الغريب منه. لم يكن أبدًا بهذه القسوة، فكيف وصل إلى تلك المرحلة وهي بعيدة عنه؟ أَيُعقَل أن امرأة مثل البلهاء "اعتماد" قد احتلت ولو جزءًا صغيرًا من عقله؟تبا! وإن حدث حتى، فهي في كل الأحوال لن تتركه يبتعد أو تترك هذا المنزل لأحد غيرها، حتى لو اضطرت أن تجبره.سحبت شهيقًا طويلًا وأخرجته، ثم خرجت إلى شرفتها لتتنفس هواءً نقيًا وتنظّم أفكارها. ويا ليتها ما فعلت، إذ اشتعل رأسها مرة أخرى مع سماع الضحكات التي كانت تأتي من الأسفل؛ حيث تلك الملعونة التي حلّت عليها بالخراب منذ أن ظهرت، وابن عمها المغرور سبب بلائها هو الآخر، وقد اتخذا جلستهما عند حسنية على أرض شرفتها، في جلسة سمر تحت ضوء القمر مع انقطاع الكهرباء، برفقة المتمرّد وزوجته الصغيرة الملعونة هي الأخرى.ــــــــــــــــــ بنت الجنوب ــــــــــــــــــفي الأسفلكان الوضع كالآتي: حسنية مربّعة قدميها على السجادة التي فُرشت أرضًا، وعلى حجرها رأس ريان الذي غفا في نوم عميق من أثر تلاعب أناملها ببصيلات شعره، أثناء اندماجها في سرد الحكايات القديمة أمام ابنها الأكبر، الذي ترك جلسة كبار العائلة حتى لا يحرَم نفسه من لحظات الدفء النادرة تلك، بمشاركة زوجته العزيزة.أما ليلى، فكانت مستندة بظهرها على ذراع زوجها الذي كان يضمها به، والذراع الآخر يأكل به من طبق المسليات، يطالب والدته بالمزيد من سردها عن والده الراحل:ـ كمّلي يا حسنية، حمادة الخلبوص عمل معاكي إيه تاني؟ اتاري عِرق الجَنان فينا وراثة منه، مش جايبنه من برّا!ضحكت والدته تؤيده:ـ أيوة يا ناصح، وعشان كده أنا مباخدش على حد فيكم… بس أبوكم برضو كان أكتر. دا كان فاضحني وسط البنتة بوجفته ليا في الرايحة والجاية. أروح أعبّي الميّه من الطلمبة ألاقيه ورايا عايز يشيلني الجردل فوق راسي. أشيل الطحين، يقف في نص السكة عايز يشيل عني القُفّة جال، ويروح بيها الطاحونة.توقفت ضاحكة بصخب لتردف:ـ وأنا كل مرة أشتكي لأمي، وأقولها لِمّي عني ابن أختك قليل الأدب، تقولي: يا بتي دا كاتب كتابه عليكي. أقولها: أبدااا ولا أعرفه! هو كان عملي فرَح عشان يبقى جوزي؟… كنت صغيرة بت اتناشر سنة، مفهمش يعني إيه جواز ولا كلام فاضي. وهو كمان كان صغير زيي، يزيد عني خمس سنين.ـ يعني كان عنده سبعتاشر؟سألها حمزة بتخمين، فردّت هي بتشتّت تعيدهم للضحك مرة أخرى:ـ والله ما أنا فاكرة يا ولدي، سبعتاشر ولا أنا اللي كنت تلاتاشر… بس هو كان أكبر مني بخمس سنين وخلاص، مخي دفتر أنا يعني؟وحين هدأت ضحكاتهم، تحدث حمزة ببعض الجدية التي لا تخلو من مشاكسة، ناظرًا إلى زوجته بحب:ـ المهم إنه كان واقع فيكي يا حسنية، حابّك من وانتِ عيلة صغيرة لحد ما السر الإلهي طلع منه، وهو مش شايف غيرك. دا كان يِبديكي على عياله يا ولية.قهقهت المرأة، لتعلّق مزيونة هي الأخرى:ـ أبويا كان كده برضو، طول اليوم عِراك مع أمي على أتفه الأسباب، لكن ساعة ما تمرض ولا تتعب، يبقى هاين عليه يمسك السما بإيديه. ولما ماتت، فضِل حزين عليها لحد ما حصلها. الله يرحمه، كان تعبيره أفعال بس، إنما الكلام مكانش يفهم فيه واصل.تدخلت ليلى بعفويتها تردد ببؤس:ـ الله يرحمه، كان نفسي يفضل عايش يا اما والعب معاه. مات من قبل ما أقوله "يا جد".ـ يعني هي المشكلة في قولة "يا جد"؟ دا انتِ عقلك صغير، صح؟قالها معاذ مناكفًا، لتسخر والدته:ـ لا وانت اللي عاقل قوي يا واض! طب حد غيرك يقول الكلام ده.ـ وه يا حسنييية!تمتم معاذ متصنّعًا السخط، ليعقب حمزة، ممدّدًا ذراعيه في الهواء:ـ لا، هو شكل جو السهاري مأثر معاه. أنا من رأيي كفاية كده، تطلعوا فوق، ليلى تكمّل مذاكرتها، وإحنا نروح على بيتنا. صحي الواد ده من على حجرك يا أمه.جاء الاعتراض من مزيونة:ـ الساعة لسه ماجتش تسعة يا حمزة. هنروح من دلوك في الدنيا الضلمة؟ الله أعلم إمتى المحول يتصلّح وتشتغل الكهربا.تحدثت ببراءة فلم تعِ مقصد زوجها إلا متأخرًا، حين وجّه إليها نظرة ذات مغزى، ضاغطًا على شفته بغيظ منها:ـ بس أنا تعبان ومهدود، عايز ألحق سريري وأفرد جسمي عليه. ينفع يا ست البرنسيسة ولا مينفعش؟أومأت تهز رأسها بابتسامة مكتومة:ـ ينفع طبعًا، مينفعش ليه يعني؟ هاتي ريان أشيله يا عمتي.ـ لا يا بتي، سيبيه نايم، خليه يبيت عندي الليلة. بدل ما يتخض لما تصحوه.ما كادت أن تنطقها حسنية حتى تهلل وجه حمزة بمرح تام يوافقها:ـ عندك حق يا امه، هو ممكن فعلا يتخض والدنيا ضلمة. ياللا بينا يا مزيونة، قوم يا معاذ وقومي يا ليلى خلّيها تكمل مذاكرتها. دي امتحاناتها خلاص باقي عليها أقل من شهر.ـ وأنا امتحاناتي الأسبوع الجاي.صرحت بها مزيونة بعفوية، قبل أن يجفلها زوجها بنبرة فهمت مقصدها:ـ دلوك لما نروح، هراجعلك. ما تشغليش نفسك خالص.ورغم أن الكلمات عادية ولا تلمّح لشيء، إلا أنها خجلت، لعلمها جيدًا ما وراء "مراجعته" المريبة.فصمتت مجبرة على اتباعه، وقد بدت السعادة تنير وجهه في الظلام، والحماس بداخله يدفعه أن يركض ممسكًا بيدها. لكن ما إن همّ بالانصراف بعد أن استأذن والدته، حتى اعتدل ريان بجذعه جالسًا، يتحدث بنعاس:ـ لا يا أبوي، أنا صحيت… وعايز أروح معاكم.رمقه حمزة بعدم تصديق، مرددًا:ـ تقوم فين يا حيوان وانت نايم على نفسك؟ إمتى لحقت تصحى أصلًا؟لم يرد، بل رسم البراءة بملامحه الجميلة صامتًا، ليدفع مزيونة لترك يد زوجها والتوجّه إليه بحنو:ـ تعال يا حبيبي، أسندك أنا… ولا أشيلك أحسن؟ـ تشيلي راجل كبير؟ بطّلي برود يا مزيونة أحسنلك!هتف بها حمزة بضيق أثار تسلية شقيقه معاذ، الذي كان ينهض بزوجته هو الآخر، ليشاكسه بمكر وكأنه قرأ ما برأسه:ـ شيله انت يا حمزة، مش ولدك؟ـ اتلم يا معاذ انت كمان، أنا مش ناقصك.صاح به بأعين تلونت بالاحمرار، لتسارع مزيونة بالتلطيف كعادتها في مهادنة هذا "الطفل الكبير":ـ ريان بطل، وهيكمل معايا الخطوتين دول لحد العربية عشان ينام على فرشته. مش هيلحق يسهر أصلًا.عبس لها وكأنه لا يصدق حيلتها، يتابعها تتحرك ببطء شديد وهي تخطو بصغيره الذي كان بالفعل يسير نائمًا، لينهي بغيظ:ـ أما نشوف…ــــــــــــــــــ بنت الجنوب ــــــــــــــــــفي مكانه المعهود، وحين يضيق صدره حدّ الاختناق، يأتي إلى هنا؛ حيث البراح والهدوء، وظلام لا ينيره سوى نجوم السماء من فوقه، والأرض الرطبة أسفله، لا يفصله عنها سوى سجادة من الصوف. كان مستلقيًا عليها، ناظرًا إلى الأعلى بشرود، يفكر فيما آلت إليه أحواله، والحيرة في اتخاذ قرار مناسب لا يضر بمصلحة أولاده.لقد باتت الحياة لا تُحتمل مع تلك المرأة التي تتفنن هذه الأيام بكل الطرق لاستعادته، بعد أن قطعت بيدها كل حبال الود. ها هي أخيرًا تفِيق إليه، بعد أن أجهضت كل محاولاته السابقة للتقرب منها والتجاوز عن أخطائها في حقه، كرجل يريد أن يرى نفسه في عيون امرأته.حتى وإن كان قلبه، الذي لا يملكه، متعلّقًا بغيرها، يعلم الله أنه حاول بكافة السبل، حتى وعلى غير إرادته أحيانًا، ولكنها لم ترَه قط.النسمات العليلة التي كانت تهب تارة من جهة النيل، وتارة من المزروعات التي تحيطه، هبّت فجأة نسمة لطيفة جعلته يغمض عينيه باستمتاع شديد، وكأنها تغسل همومه من الداخل. ليفتح أجفانه على اتساعهما حين وصل إلى مسامعه الصوت الذي اشتاقه:ـ اعتماد...تمتم باسمها، ينتفض بجذعه معتدلاً، ناظرًا إلى الأمام في اتجاه الطريق الفاصل بين الزرع، لكنه لم يجد شيئًا.أيعقل أنه كان يهذي؟ لقد سمعها واضحة وهي تشكر أحدهم! أم أنها جنية البحر تتلاعب به؟ـ أعوذ بالله من الشيطان الرجيم...تعوّذ وهو يفرك بكفه على صدره بقلق، كي يمحو الفكرة من عقله ولا يعطي فرصة للأوهام أن تتلاعب به. أقنع نفسه بذلك وكاد أن يعود إلى استلقائه، حتى انتبهت كافة حواسه، وقد أبصرها بالفعل عن قرب.اللعنة! يبدو أن الجنية تتلاعب به حقًا. لقد كانت تسير أمامه آتية من جهة النيل، بهيئتها المحتشمة، تضم حقيبتها إلى صدرها بخطوات سريعة لا ترى بها أمامها، حتى كادت تقع أرضًا حين تعثرت بجذع شجرة لم تكن تنتبه له.ـ وه! دي كانها هتتكفلت على وشها بمشيتها السريعة دي.غمغم، وقد تأكد الآن من حقيقتها، فنهض على الفور تاركًا فراشه كي يلحق بها.وبخطوات سريعة خرج من المربع الذي كان يستلقي فيه، حتى وطئت قدماه الأرض الصلبة للجزء الذي يبدأ من النيل وينتهي بالطريق الذي يتوسّط المزروعات.هناك وجدها أمامه مباشرة، على وشك الخروج من ذلك الجزء المقبض كما يظن معظم أهل البلدة، لكنها تجمّدت في مكانها حين أجفلت بثعلب صغير يمر أمامها بسرعة خاطفة كالبَرق، ليختفي داخل أحد أحواض القصب.تيقن أن الخوف هو من فعل بها ذلك، ورأى الفزع قد لوّن وجهها، وفمها المفتوح بعجز. عندها خرج صوته يخاطبها:ـ اعتماااد...وبردّ فعل غير متوقع، ما إن وصل نداؤه إلى مسامعها حتى التفتت برأسها نحوه بصرخة كانت محتجزة بحلقها في إنتظار الخروج.فصاح بها بحزمٍ مطلوب في تلك الأوقات:ـ صلّ على النبي! أنا خليفة يا اعتماد، مش عفريت يعني.كان لصيحته أثر واضح في إخماد روعها، فتوقفت عن الصراخ بعد أن أكد لها هويته، لكن جسدها لم يتوقف عن الارتجاف. تكمم بيدها على فمها تحاول السيطرة على رجفتها، مغمضة عينيها براحة نسبية، فواصل هو يزيد من بث الإطمئنان بها، وقدميه تقترب منها ببطء وتروٍّ:ـ سامحيني لو خضيتك، مع إن شكلك اتخلعتي من "الحصين" مش مني.بدأت تستعيد توازنها شيئًا فشيئًا، لتفتح عينيها وتجيب بإقرار:ـ دا حقيقي، لما طلع فجأة جدّامي واختفى والدنيا كحل أصلًا، حسّيت رجلي اتشلّت في مكانها... وكملتها انت لما ندهت عليّ.كاد يبتسم وهو يرى منها ذلك الجزء الطبيعي من المرأة التي تخاف، بعيدًا عن ادعاء القوة الزائفة. فسخر مشاكسًا:ـ يعني كل الرعب دا عشان "الحصين"؟! دا جبان، وهو اللي بيخاف ويجري من جدّامنا.ردّت تقارعه بابتسامة باهتة:ـ وعشان جبان ماخافش منه؟ بالعكس! الجبان مفروض أكتر واحد بتعمل حسابه، لأنه بيهجم في الضلمة، والنور عمره ما كان سكّته. دا حتى اسمه في اللغة العربية "الثعلب المكار".أومأ موافقًا، رغم انشغاله بالمغزى خلف كلماتها. كان لديه إحساس متعاظم بأنها تقصد البشر والحيوان معًا. فتغاضى وسألها بفضول:ـ طب إيه اللي معدّيك دلوك في الدنيا الضلمة هنا؟ دي الساعة داخلة على تسعة، والعشا أُذّن من بدري.ـ ما أنا محسّتش بالوقت، كنت في حصة برّا البلد مع طالبة بدرسّلها جديد. قلت آخدها بالمركب على النيل، أقرب من المواصلات والمسافة الطويلة على الجسر...توقفت فجأة عن استرسالها، لتعارضه بعصبية:ـ صح، اتأخرت لحد العشا ولا بعده! بتسألني ليه وانت طالعلي زي العفريت من وسط الزرع؟ بتعمل إيه في الدنيا الخلا دي؟رغم اندهاشه من عفويتها في السؤال وانفعالها عليه، إلا أن شيئًا ما أدخل في قلبه مرحًا، فأجاب دون تردد:ـ أنا مكنتش معدّي صدفة ولا طالع من وسط الزرع.ثم أشار لها بذقنه مردفًا:ـ الفرشة الصوف دي، أنا كنت راقد عليها. دا مكاني المفضل لما بكون مضايق ولا متعصب.شرعت تسأله عن سبب ضيقه، لكنها سرعان ما استدركت قبل أن تخطئ وتفعلها وقالت:ـ آه فهمتك... مع إنّي مستغربة برضه... أسيبك بقى في عزلتك... وأكمّل طريقي وامشي.ـ هتكمّلي إزاي والدنيا ضلمة؟سألها فور أن بدأت تتحرك، لتعود إليه بعينيها تستفسر، فأوضح:ـ قصدي إن النور قاطع في البلد كلها، عشان عطل في محول الكهربا الغربي. لو عندِك الجرأة كمّلي لحد ما توصلي... بس خلي بالك، الحصين ممكن يطلعلك تاني، ومش بعيد يجيب معاه الديب كمان.ـ يا مُرّي! حصين تاني وديب كمان؟!هتفت بها بهلع، فواصل هو بتسلية وقد رأى الرعب يحتل قسماتها، وأنفاسها أصبحت مضطربة:ـ أيوة... ديب وورنة كمان! صيد الليل، إنتِ عارفاه عاد.ثم أضاف بعرض جاد:ـ أنا بعرض عليكي يا بت الناس: يا تستني هنا معايا لحد ما ييجي النور... يا إمّا أوصلك بنفسي لحد بيتكم. شوفي تختاري إيه بقى؟ـــــــــــــــــــــــ بنت الجنوب ـــــــــــــــــــــــانتهيا مبكرًا هذه الليلة، ليتاركا القهوة الموبوءة دون أن يُكملا ملء رأسيهما بالكحول والمواد المخدّرة، بعد أن وصلت معلومة غير مؤكدة بمرور دورية من الشرطة على البلاد المجاورة. الأمر الذي جعل صاحبها يصرِّف زبائنه اليوم، مؤجِّلًا العمل حتى تهدأ الأحوال.كان عرفان متجهِّم الوجه، غاضبًا، بينما عطوة يدفع الحجارة بقدمه أثناء سيرهما، مستغلًا خفّته في اللعب بالطريق المظلم، وقد اختفى معظم أهل البلدة داخل منازلهم مُبكِّرًا.ـ فك يا عم عرفان، النهاردة عروسة مقبلتش، بكرا تلاقي غيرها.زفر الأخير وهو يتابعه يقفز بخفّة على أحد الأحجار كأنه يلعب كرة قدم حقيقية، قائلًا بغيظ:ـ ومضايقش كيف يعني؟ دي العروسة التالتة اللي أروحلها وتقول لاه، حتى لو أهاليهم موافقين! بنتة مضاريب دم، والله ما ليهم غير اللي يشكمهم.جلجلت ضحكة صاخبة من عطوة، ساخرًا من منطقه:ـ يا حبيبي، إذا كان أهاليهم مقدرينش عليهم، هتشكُمهم إنت؟ بس برضك معاهم عذرهم، إنت بتروح لبنات صغيرة جوي يا عرفان، والزمن دلوك اتغيَّر، مبقاش زي الأول.دافع الآخر بانفعال:ـ ما هما واقعين وأهاليهم واقعة زيهم! لا أنا بروح لأي واحدة وخلاص. دا بدل ما يبوسوا إيديهم وش وضهر إنهم لقوا العريس اللي يشيل من غير جهاز ولا عفش! دا أنا بطلب الواحدة بشنطة هدومها وأعرض مهر غالي، لكن أعملهم إيه بجي؟ بنتة فقر زي أهاليهم.واصل عطوة ضحكه بيأس من تفكير هذا الأحمق بعقل الثور الذي يملكه، وكأن الزمن لم يمر عليه، يظن أن الحظ سيُسعفه مرة أخرى بتكرار التجربة مع فتيات جميلات صغيرات مثل "مزيونة الحرة".ليتنهد عند خاطرة الأخيرة ووجعه، دافعًا الحجر الذي وجده أمامه بقوة، حتى وصله صوت صرخة أنثوية مصحوبة بسباب وقح وشتائم بذيئة:ـ يا ولاد الـ... يا... يا حمير يا حيوانات!أجفل عطوة وتوقف في مكانه مع عرفان، والخوف قد احتل قلوبهما أن يتطور الأمر، ويأتي رجال من طرف تلك المرأة التي أصابها الحجر دون قصد، وفي ذلك الظلام بالكاد تظهر الرؤية أمامها.قال عرفان بقلق:ـ يا وجعة مربربة، إنت جدحت الطوبة على مين يا حزين؟ يا خوفي لا يقع فيها جتيل الليلة دي!عبر بها عن مخاوفه ليضاعف من جزع الآخر، والذي فهم أنه المقصود، فعزم أمره داخله أن يضع طرف جلبابه بين أسنانه ويركض هاربًا قبل أن يلمحه أحد، مضحيًا بعرفان كي تتلبسه التهمة وينال العقاب عنه. وما أن همّ برفع الجلباب حتى فوجئ بامرأة بيضاء كضوء القمر تُضيء الظلمة، تظهر من وسط الظلام، موجهة حديثها إليهما:ـ مين فيكم يا انطاع اللي شوَّح الطوبة عليا؟ رد يا بقف إنت وهو! خرستوا ولا القطة كلت لسانكم؟وكأن القِط قد أكل ألسنتهما حقًا، فتجمَّدا في مكانهما كتمثالين من لحم ودم، أمام المرأة التي تسب وتشتم بجرأة تفوق الحد، إلى جانب حسنها الفاتن ومظهرها المختلف عن باقي نساء البلدة. فقد كانت ترتدي فستانًا زاهيًا بفتحة من الأمام تُظهر بياض بشرتها، تحت طرحة سوداء خفيفة لا تستر شيئًا، فتجمَّدت أبصارهما عليها بنظرات حمقاء، وفاهان مفتوحان، مما زاد من غضبها ودفعها لمزيد من السباب والشتائم.استفاق عرفان من شروده بها، ليتحدث أخيرًا ويرد عليها:ـ باه باه باه، ما براحة يا ست وخفّي علينا شوية. صاحبي طوّح الحجر برجليه من غير ما يقصدك ولا يشوفك أصلًا. الدنيا ضلمة زي ما إنتِ شايفة، والطريق هنا مقطوع، وإنتِ اللي ظهرِت فجأة.ـ ولا كنك جنية البحر ولا "النداهة" اللي بيقولوا عليها! الحلوة اللي بتظهر للرجالة فجأة قبل ما تاخد روحهم.قال عطوة مضيفًا على دفاع صديقه بإطراء مبالغ فيه أثَّر بها، فضحكت بمزاج تبدّل فجأة من النقيض إلى النقيض، قائلة:ـ أنا ممكن فعلًا كنت خدت روحكم، بس بعد اللي جولتوه مضطرة أعذركم. لكن برضه الضربة كانت واعرة وغاظتني.ـ هي جاتك فين؟سألها عرفان بإستفسار، ليصعق بالإجابة التي فهم مغزاها، حين التفتت بنصف التفاتة قائلة:ـ ربنا ستر ومجاتش في الضهر، لكن القعدة! هقعد عليها كيف دلوك؟خرج صوت يشبه الشهقة من حلق عطوة قبل أن يكتم فمه بكفه، أما عرفان، والذي أعجبه الأمر، رد معتذرًا بمبالغة:ـ ألف بعد الشر عليكي، سلامة الـ... ألف سلامة عليها. تحبي نراضيكي بإيه؟ نروح معاكي عن الدكتور نكشف عليها؟وعلى عكس ما يبتغي، رمقته بازدراء ساخرة من عرضه الأخير:ـ لا يا خويا، كتر خيرك، مش عايزة من خلقتك حاجة! قال تكشف عليها قال... يا سم!بصقت كلماتها الأخيرة وتحركت مبتعدة، فتوقفا يطالعانها حتى وصلت إلى نصب الخيام قرب المصرف. هناك فقط تبددت دهشتهما وحلّ محلها الاستدراك بهوية المرأة الجميلة قليلة الحياء.فعبّر عرفان عن سعادته قائلًا:ـ يسلم يمينك يا عطوة! شكلي هجَدملك في فريق كورة تطلع مواهبك الحلوة دي. رغم سنك اللي كسر التلاتين، بس والله تستاهل! إيه الحريم الزينة دي؟ بتنور في الضلمة يا راجل؟رد عطوة باستهزاء وقد انتابه العكس:ـ ولو بدر البدور حتى! إنت مخدتش بالك هي دخلت فين؟ دول غجر يا عم الحج، في كل بلد يومين. يبقى حلاوتها إيه فايدتها؟ هم يا عم خلينا نروح بيتنا بلا عطلة فارغة...وتحرك يسبقه، فتمتم عرفان وهو يلحقه، وما زالت عيناه منصبة على الخيمة التي اختفت داخلها المرأة:ـ بقى لهطة الجشطة دي إيه فايدتها؟ أخص عليك! أما لوح بصحيح... جال عطلة فارغة جال!.................... ـــــــــــــــــــــــ بنت الجنوب ـــــــــــــــــــــــجلست على حجرٍ كبير بالقرب من النيل، تتابع المياه الصافية وهي تجري أمامها دون توقف. يتسلَّل إلى داخلها شيءٌ من الارتياح، رغم الخوف من القادم، بعد أن أجبرها الظرف الغريب على الاختيار: إمّا السير ليلًا بصحبته وسط الظلام الذي يُحاوطهما من كل جانب، أو الانتظار في مكانها حتى يأتي الفرج. وقد اختارت الأخيرة.ـ الشاي.أفاقها من شرودها لتجد كفه ممتدة بالكوب الساخن أمامها. كادت أن تعتذر، لكنه كان الأسبق في خمد اعتراضها:ـ امسكي يا اعتماد، دا معمول على الكانون. ريحته بس هتظبط دماغك من التفكير والصداع. امسكي بقى من يدي… امسكي.اضطرت أن تستجيب إليه، فتناولت منه الشاي ذي الرائحة المميزة بحق، لترتشف رشفة واحدة شعرت أنها تفعل برأسها الأفاعيل من روعتها. فعلق هو منتبهًا لحالتها:ـ دي ميزة الشاي اللي يتعمل على الكانون. سبحان الله… ما دوقت أجمل منه.أومأت موافقة، عائدة إلى صمتها في ارتشاف الباقي، الأمر الذي استفزه ليقول:ـ في إيه؟ أنا حاسس إني بكلم واحدة غير اعتماد اللي أعرفها! لسانك راح فين؟ فين كلامك الدبش؟ردت بابتسامة لم تصل لعينيها:ـ يعني هي المشكلة في اللسان الطويل ولا الكلام الدبش؟ موجودين والله… هو بس اللي خف المعافرة والنفس الطويل… عشان تعبت. معدش عندي خلق للمعارك اللي بخسر فيها دايمًا.عارضها بعدم اقتناع:ـ خسرتي في إيه بالظبط؟ اعتماد… هو إنتِ مخبية عني حاجة؟ـ حاجة إيه؟ إنت ليه بتسألني أساسًا؟ردت بحالة من القلق زادت من شكوكه، فقال:ـ العجيب إني شايف في عينيكي خوف يا اعتماد. ولو هنقول دلوك عشان الظرف اللي إحنا فيه، طب باقي المرات اللي فاتت؟ من ساعة ما قطعتي رجلك من البيت؟ إنتي حد جالك حاجة زعلتك؟انتفضت من مكانها رافضة الرد أو الاستجابة لاستدراجه لها:ـ حاجة إيه ولا كلام فاضي إيه؟ أنا عايزة أروح.ضاقت عيناه مخالفًا لها:ـ دلوك عايزة تروحي؟ إنتِ ناسية إنك اخترتي الانتظار لحد ما ييجي النور؟… اجعدي يا اعتماد. أنا متصل جدامك، والعامل في الكهربا بلغني إنهم مش هيتأخروا عن حداشر.اطمّني… مش هسألك تاني ولا أزيد عليكي.اضطرت مرة أخرى للامتثال، فلا توجد خيارات أخرى أمامها. وبعد أن صمت هو، جالسًا بظهره نحوها، وعينيه على النيل مباشرة، أخذت هي فرصتها في تأمل المربع الذي يتخذه مقرًّا للعزلة. جزء محاط بالطوب الأبيض لا بدّ أنه يملكه، مزروع بالنجيل البري، وفوقه سجادة من الصوف، وبالقرب منه الموقد الطيني الذي صنع عليه الشاي، والذي يوجد عليه الآن كوزان كبيران من الذرة للشواء علي الجمر كما ترى.ـ تحبي أجيبلك واحد منهم؟ـ هاا...صدرت منها دون تركيز قبل أن تتدارك نظراته الموجهة نحو الجهة التي كانت تحدق فيها. وبدون انتظار، تحرك سريعًا ليتناول واحدًا من غير الموجودَين على النار، ويعطيها إياه:ـ خدي… دا مشوي وجاهز.همّت أن ترفض:ـ لااا… أنا مش عايزة...ـ خدي يا اعتماد!صاح بها بحزم وصرامة حتى أجبرها على تناوله، ثم تابع بتسلية لطاعتها المفاجئة له:ـ كليه وهو ساخن، والنيل جدامك دلوك. صدقيني هتحلفي بطعمه العمر كله… كلي يا اعتماد.أخفى ابتسامته بصعوبة حين تابعها تضعه في فمها على الفور خلف صياحه، تقضم منه بتأني وتلذذ لا يخفى عليه، فواصل يسألها:ـ إيه رأيك؟أجابت بعفوية صافية وكأنها نسيت صياحه بها:ـ حلو جوي… يجنن.ابتسامة جميلة بزغت على جانبي فمه، يردد خلفها:ـ حلو جوي… ويجنن كمان. طب خلّصيه عشان أجيبلك واحد غيره.ـــــــــــــــــــــــ بنت الجنوب ـــــــــــــــــــــــخرجت من غرفة الصغير تدلك رقبتها وتحركها يمينا ويسارا بإجهاد، وقد ظلت معه حتى غفى بصعوبة بعد سردها لعدد من الحكايات المكررة في معظم الأحيان ولكنه لا يمل منها، كادت أن تغفى بجواره من التعب، ولكن تخشى غضب حمزة الذي وجدته امامها الان، يعلو ملامحه الضيق لقضاءه فترة طويلة من الانتظار، ابتعلت رمقها ترسم ابتسامة مضطربة كي تبرر له:ـ ااا معلش لو اتأخرت عليك، بس اصله كان خايف واناااـ انتي إيه؟ انتي كتر خيرك اللي جعدتي جمبه اصلا.فاجأها برأيه حتى مالت رأسها نحوه بعدم تصديق، قبل ان تتخذ مقعدها بالقرب منه قائلة بريبة:ـ كتر خيري اللي جعدت جمبه؟...... متشكرين يا سيدي، اهم حاجة بس متكونش انت زعلت .فاجأها للمرة الثانية:ـ لا طبعا مزعلتش، هو انا عقلي صغير عشان اعند مع ولدي؟..... دا برضو كلام؟قطبت حاجبيها بدهشة شديدة من تساهله، شاعره بأن الأمر خلفه شيئا ما :ـ حمزة انت عايز مني حاجة صح؟ قول على طول بدل ما تسيبني في حيرتي كدة ارتسمت البراءة على ملامحه معارضا لها:ـ انتي ليه محسساني ان انا صعب كدة، سيبك من الأوهام اللي في مخك وتعالي اراجعلك في كتاب العلوم، خلاص امتحاناتك على الابواب، لازم تبقي مجهزة عشان تجيبي مجموع كبير ـ وه..... انت بتتكلم جد يا حمزة؟ يعني هتراجعلي فعلا؟بابتسامة لم تفهمها في البداية, اخرج الكتاب الذي تذاكر فيه دائما، قائلا لها:ـ انا هسألك في اللي شرحتوا المرة اللي فاتت الاول ، عشان لو غلطي في سؤالـ ها هتعمل ايه؟سألته بتوجس فضحك يطمأنها:ـ لا متخافيش مش هعقابك، بالعكس كمان، دا انا هافهمك واخليكي تحفظيه، بس بشرط، هتفذي الطللب اللي اطلبه منك مهما كان.توقفت أمام قولها قليلا بتفكير، لكن سرعان ما استدركت ما بعقله المنحرف لتهم بالنهوض من جواره رافضة:ـ لا يا حمزة بلاها، انا اصلا اعتماد بتفهمني كل اللي عايزاهامسك بذراعها يوقعها في حجره قبل ان تهرب منه يخاطبها بتهديد:ـ يعني اعتماد احسن مني؟ ولا انتي هترفضي اللي اطلبه منك نفت بهز رأسها تهادن جنونه:ـ لا طبعا هو انا اقدر؟ بس انت عقلك صغير شوية يا حمزة، المرة اللي فاتت في درس الجبر لعبت عليا لعبة زي كدة، وبعدها جبرتني البس لبس بتاع بنات المدارس لكنه كان حاجة مسخرة، المردي مضمنش هتشرط عليا بأيه؟ وانا بصراحة مفياش دماغ.كاد أن يضحك من هيئتها والزعر الذي ارتسم على ملامحها، ليرق قلبه فيقبل جبهتها قبل ان يمر بشفتيه على باقي بشرتها:ـ خلاص بلاها مراجعة وشروط من الأساس, انتي تاجي في حضني دلوك، ونأجل كله لبكرة، حتى عشان ريان يشجعك.تحدثت بصوت بالكاد تجده، ولمساته المستمره في دغدغة حواسها تبعثر كيانها وتشتتها:ـ طب... ما هو انا كمان..... مش عايزة اقصر في الامتحان يا حمزة، انا في الاخر برضك منازل.رفعها اليه بحزم يعدل من وضعها بين ذراعيه قائلاً بكلمة تساوي الف عهد ـ عمرك ما هتجصري وحمزة في ضهرك، حتى لو منازل، ومدام قولتلك بكرة مفيهاش كلام، ودلوك خالينا في موضوعنا بقىوقبل أن تفتح فاهاها بكلمة أخرى اغلف هو باب النقاش بطريقته، يبتلع جدالها في جوفه، لا يعطيها فرصة للاعتراض، يخمد مخاوفها في غمرته ودعمه لها، وكما أخبرها، لن تضيع أو تقصر مدام هو في ظهرها، ودعمه مستمر حتى يصل بها الى النقطة التي تحلم بها منذ الصغر . ...يتبع

الفصل التاسع والثلاثون "ليس كل جمالٍ نعمة، فبعضه قد يكون لعنة تُثقل صاحبها وتُضلل من حوله. الجمال الحق ليس في ملامحٍ تُبهر العين، بل في عفويةٍ تجذبك دون قصد، في خفة روح تسرقك من همومك، في كلمة رقيقة تداويك، وفي اهتمام صادق يمنحك الأمان. فاحذر أن تنخدع بجمال المظهر، فكم من وجهٍ بديع أخفى قلبًا قاسٍ، وكم من ملامحٍ بسيطة أبهرت بحسن جوهرها."المراجعة والخاطرة الروعة من المبدعة القمر/ سنا الفردوس (بطوط)---الفصل التاسع والثلاثونـ وهمس لي وقال لي الحق عليه.نسيت ساعتها بعدنا ليه؟فين دموعي اللي ما نامت ليالي؟ بابتسامة من عيونه نِسْهالي.أمر عذاب وأحلى عذاب.عذاب الحب، عذاب الحب للأحباب.مقدرتش أصبر يوم على بُعده، مقدرتش أصبر يوم على بُعده.دا الصبر عايز صبر لوحده...كانت هذه كلمات الأغنية التي إلتصقت بذهنها حتى أصبحت تدندن بها دون أن تدري، رغم أنها لم تسمعها في المذياع أو أثناء جلستها في تلك المغامرة التي مرت بها منذ لحظات، حين أجبرها ذلك الظرف الغريب على مجالسته في المكان المحبب إليه والذي يتخذه عزلة كما نوه أمامها.كيف ساقتها الريح إلى تلك البقعة المنزوية قرب النيل لا تعلم؟ المهم هو الوقت الجميل الذي قضته معه أمام النيل، حين ارتشفت منه أجمل كوب شاي، كما تناولت عودين كاملين من الذرة المشوية من صنع يده.هل كانت جائعة لتلك الدرجة حتى تتقبل منه وتأكل في حضرته؟ بالطبع لا... من المؤكد أنها كانت جائعة لأشياء أخرى؛ أن تجد من يهتم بها ولو في لحظات قليلة، أن تغسل همومها أمام النيل الساحر ورجل كانت قد قطعت عهداً على نفسها ألّا تتحدث معه مرة أخرى، بعد أن قضت أياماً في البكاء والندم على تقبلها مساعدته، متأثرة بالكلمات الجارحة التي تلقتها من زوجته.ولكن ها هو القدر يجمعها معه دون تخطيط أو تدبير، ليحفر في ذاكرتها ليلة لن تنساها، وأجواء استدعت في رأسها كلمات الأغنية العبقرية لكوكب الشرق. جلست تتأمل وجهها أمام المرآة بعد أن عادت وخلعت ملابسها، لتبدلها بملابس النوم.منذ متى لم ترَ نفسها جميلة مثل اليوم؟ وكأنها أصبحت رقيقة وأنثى حقيقية، ليست تلك المسترجلة الغشيمة صاحبة "الكلام الدبش" كما قال لها أثناء حديث بدا كعتاب واستفسار عن سبب تعمدها الابتعاد والتغير منه. ربما لهذه الأسباب أطلت تلك الأغنية في رأسها.تحركت خطوتين تاركة المرآة، ثم توجهت إلى سريرها، تناولت هاتفها تبحث عن الأغنية وتشعلها قبل أن تتمدد على الفراش وتندمج معها، علّها تنعم ولو لليلة واحدة بنوم هانئ سعيد دون هموم أو مسؤوليات تعكر صفو مزاجها.أغمضت عينيها تردد مع السيدة أم كلثوم حتى أتى ذلك المقطع:ـ أهرب من قلبي أروح على فين؟ليالينا الحلوة في كل مكان،مليناها حب إحنا الاتنين، وملينا الدنيا أمل.عند الأخيرة، طرأ برأسها ذلك السؤال الملح:ـ يا ترى مكتوب لك ليالي جميلة تاني تحلفي بيها يا اعتماد؟ ولا هي الليلة دي وخلاص، تعيشي على ذكراها؟ـــــــــــــــــــــــ بنت الجنوب ـــــــــــــــــــــــأما عنه، وقد عاد إلى منزله ولم يُكمل الليلة في بقعته المفضلة بعد مغادرتها، لم يشعر بنفسه إلا وهو يسير خلفها ويتبعها بحرص حتى اطمأن إلى دخولها منزلها، فعاد هو أيضاً إلى منزله.وجد الجميع نياماً، صغيرتاه اللتان نامتا مبكراً على غير العادة، فلم يملك أمامهما سوى أن يقبلهما بخفة ويضع الذرة المشوية على الكمود المجاور لهما، حتى إذا استيقظتا تفاجأتا بهما، فيفرحان بالشيء المحبب الذي فعله لهما والدهما.زوجته العزيزة التي أغلقت الباب عليها وكأنها ترد كرامتها بالغلق في وجهه، ظناً منها أنه سوف يتراجع ويطرقه، ليحق لها بعد ذلك أن تُذله. شفاها الله وعفاها من أوهام رأسها.دلف إلى غرفته يخلع الجلباب وما يرتديه أسفله، فلم يبقَ سوى البنطال والقميص القطني، ثم ارتمى على الفراش ينظر إلى السقف بشرود جميل. فرق شاسع بين حالته حين خرج من المنزل، وما يكتنفه من مشاعر رائعة الآن لا يعرف لها وصفاً.ما أجملها حين تتصرف بعفويتها، بذلك الخجل الفطري الذي تغطيه بخشونة تدّعيها كي تحمي نفسها وشقيقاتها من غدر البشر وأطماعهم في ثلاث نساء لا يوجد لهن سند ولا حماية في هذا العالم الموحش. ورغم الخوف الذي رآه في عينيها وأثار داخله التساؤلات، إلا أنه لا ينكر أن داخله تَسَلّى برؤية ذلك الجزء الخفي منها. ليسائل نفسه:ـ يا ترى هشوف وأعرف عنك إيه تاني يا اعتماد؟ـــــــــــــــــــــــ بنت الجنوب ـــــــــــــــــــــــصباحاً، وبعد ليلة هانئة رأت فيها أحلاماً سعيدة، استيقظت مبكراً وقامت بالأعمال الروتينية التي تفعلها كل صباح، ثم تجهزت بمزاج رائق قبل أن تخرج من غرفتها. وجدت شقيقاتها على الطاولة المستديرة ينتظرنها لتشاركهن مأدبة الطعام.رغد كانت تضع الطبق الأخير قبل أن تجلس متربعة، وروضة تهدهد ابنتها التي لا تكف عن الثرثرة بكلمات غير مفهومة. انصبت أبصارهما عليها بما يشبه الازبهلال حتى ألقت تحية الصباح عليهما، متسائلة بدهشة هي الأخرى من تحديقهن بها:ـ صباح الخير، مالكم يا بنات؟ مبحلقين كده ليه؟ شوفتوا حاجة غريبة؟اقتربت في الأخيرة، تتناول شطيرة خبز وتضع عليها بعض الجبن لتأكلها سريعاً وهي واقفة، فأجابتها رغد بلهفة وانبهار:ـ ححاجة غريبة دا إيه؟! قققولي شفنا البدر اللي طلع بنوره على وش الصبح. إنتِ النهاردة حلوة جوي يا اعتماد.خجلت من وصف شقيقتها حتى صارت تلوك قطعة الخبز بصعوبة داخل فمها، قائلة:ـ دا إنتِ اللي كلامك حلو يا ست رغد، قال بدر طلع على أول الصبح قال! أما عليكي مبالغة بشكل.تدخلت روضة في هذه اللحظة تتفحصها بتمعن، وبحدة أخرجت كلماتها:ـ بس هي ما بالغتش ولا حاجة، إنتِ فعلاً النهاردة باينة بشكل مختلف. وشك منور، والطرحة بترميها على رأسك بعدم اهتمام لافّاها لفة زينة. دا حتى الدريس اللي لابساه، اهتميتي تربطي الحزام وتظبطيه على جسمك، رغم إن دي كنتِ دايماً تهمليها. دا غير ال...ـ بس كفاية...قاطعتها لتوقفها عن الاسترسال في تفحصها، وألقت باقي الشطيرة على الطاولة أمامها، ثم نفضت يديها شاكرة الله على نعمته كعادتها، لتردف باستئذان قاصدة الذهاب سريعاً بعد أن تلبكت معدتها واضطربت فجأة من نظرة شقيقتها الحادة وهي تصفها:ـ يدوب ألحق شغلي، عن إذنكم.راقبتها روضة حتى خرجت من باب المنزل، ثم عادت إلى شقيقتها الصغرى معقبة:ـ أختك وشها نور وبقت تهتم بنفسها. شكل الموضوع فيه إن...فردت رغد موبخة:ـ وولا إن ولا أخواتها ولا عمّاتها حتى! ما تشوف نفسها وتتتهتم وتبقى حلوة. ولا هي مش ست زي بقييية الستات عشان تحس بجمالها وتشوف مستقبلها؟مصمصت روضة بفمها رافضة التقريع من شقيقتها الصغرى التي كالعادة تغلبها بمنطقها، فلا تجد سوى التقليل منها ومعايرتها، بغمغمة وصلت جيداً إلى رغد:ـ موشح كامل عشان كلمتين على بعض قلتهم! أمال لو بتجمعي الكلام زين كنتِ عملتِ إيه؟صوبت إليها رغد نظرة تُغني عن ألف كلمة. فما فائدة الجدال مع واحدة أسهل شيء عندها أن تُعاير شقيقتها بشيء ليس لها فيه ذنب؟ وإن كانت لا تتورع عن جرحها، فماذا تركت للغرباء؟ـــــــــــــــــــــــ بنت الجنوب ـــــــــــــــــــــــكانت الساعة تقارب العاشرة صباحاً حين أتت مزيونة من منزلها إلى المنزل الكبير، وقد تأخرت عدة ساعات عن موعدها اليومي.كان في استقبالها منى التي هللت بمزاح لفت انتباه الجميع:ـ يا أهلا يا أهلا بالعروسة اللي جايلنا قريب الظهر، شكل السهرة امبارح كانت صباحي.شهقت مزيونة التي باغتتها بالتلميح، لتقف عندها وتضع كفها على فمها:ـ يا لهوي عليكي وعلى جنانك! البيت فيه بنته صغيرين من عيال خواتك، اعقلي يا مرت الأستاذ.نزعت يدها عن فمها قائلة:ـ وحد قالك إن مرت الأستاذ ما هتفهمش يا مرة ياللي جايلانا على احداشر!أردفت تواصل متخصرة:ـ كنتوا بتعملوا إيه الوقت دا كله يا بِت؟ بتلعبوا كورة؟ـ يا مري هتفضحينا يا ولية!تمتمت بها مزيونة، لتعود وتكتم فمها مرة أخرى، قبل أن تميل على أذنها وتهمس ببعض الكلمات. فصارت الأخرى تنصت لها لتبادلها الردود والضحكات بأصوات خفيضة أثارت اهتمام تلك التي كانت تنزل الدرج، تطالعهما بريبة قبل أن تتجه إلى مزيونة مخاطبة:ـ اتأخرتي النهاردة يا مزيونة، مع إنك عارفة إن في غسيل الغلة قبل ما ننشفها ونوديها المطحنة.وقبل أن تجيبها سبقتها منى:ـ معلش يا حبيبتي اعذريها، أصلها ماكانتش فاضية، حمزة مشندلها في المراجعة.ـ مراجعة إيه؟تساءلت هالة بعدم فهم، قبل أن تجفلها ضحكة صاخبة جعلت مزيونة تهجم عليها تريد أن تخنقها، فتزداد ضحكاتها مرحاً. حتى فهمت هالة المقصود، فثارت بها نيران الغيرة، وجفلتهم بصرختها:ـ وافرَض زي ما بتقولي، برضك كان لازم تقدر. ولا إحنا يعني مش متجوزين وما بنباتش مع أجوازنا؟ البيت هنا محتاج خدمة كبيرة وحرام أشيل أنا لوحدي.توقفت ضحكاتهما يطالعنها لحظات بصمت، حتى ردت منى بعد أن استردت أنفاسها من الضحك:ـ وافرَضي ما قدرتش ولا مجاتش أصلاً! افتكري يا حبيبتي إن مزيونة بتيجي تخدم في البيت الكبير هنا تطوع منها، زيي أنا وزي إخواتي البنات وبناتهم. يعني مش ملزمة ولا خالطة. وعلى العموم يا ستي، كفاية إنك تقومي بشقتك فوق وتراعي عيالك وجوزك. وهي برضك مزيونة تقعد في بيتها عادي. والبيت هنا زي ما إنتِ شايفة ما بيخلاش، وإحنا كفاءة وما نخليش أمي تحتاج لحد، ولله الحمد لسانا بصحتنا.تدخلت مزيونة معبرة عن رأيها:ـ ما تقوليش كده يا منى. أنا طول ما فيا نفس عمري ما هوجف أجي هنا ولا أبطل أخدم خالتي حسنية. دا كفاية جميلها مع بِتّي، اللي معززها وشايلاها على كفوف الراحة.ـ طبعاً شيلاها على كفوف الراحة، إنتِ هتجوليلي؟ المحظوظة بت المحظوظة.غمغمت هالة بهذه الكلمات داخلها، قبل أن تتوجه بالرد نحو منى، توضح بالكذب:ـ ما تقولينيش كلام ما قلتوش يا منى. أنا عمري ما طلبت أعزل من مرت عمي حسنية. دا بيتي وبيت عيالي، كيف يعني أسيبه وأتحبس في شقة فوق؟ عن إذنكم بقى، المطبخ محتاج ليا النهاردة.ختمت حديثها وتحركت ذاهبة من أمامهن يتابعنها بأعينهن. حتى إذا اختفت، علقت منى:ـ وتسيبي دور الكبيرة لمين؟ دا إنتِ تموتي لو ده حصل!ـــــــــــــــــــــــ بنت الجنوب ـــــــــــــــــــــــيسحبه من ذراعه، يجبره جبرًا على السير نحو الجهة التي يريدها، والآخر يجاريه على مضض، لا يكف عن التذمر:ـ يا بوي عليك يا عرفان، لما تطلع في دماغك حاجة! يا أخي ساحبني زي البهيمة، ومش مديني حتى فرصة أرفض. مش فاهم ليه مُصرّ على جيتي معاك؟زمجر عرفان مشددًا على مسك يده التي يحتجزها داخل الكف الغليظة:ـ يا بوي على رطك إنت! كذا مرة أقولك إنك لازم تاجي معاي، مينفعش أدخل عليهم وحدي وأنا مش ضامن رد فعلهم. أهي لو فتحت سيرة الحجر والليلة اللي فاتت نعتذر، وإن محصلش أنا برضك داخل عليهم بمصلحة.ـ مصلحة إيه بقى يا ناصح؟تساءل بها عطوة بهمهة، ليجيبه الآخر بغموض:ـ هتعرف دلوك، متستعجلش.ردد عطوة بعدم رضا:ـ أعرف بمصلحة ومع ناس زي دول؟ كل سنة ياجوا بموال ينصبوا بيه على الناس. يا ترى جايين بإيه السنادي؟ضحك عرفان بحشرجة وكأنه لا يبالي:ـ بياخدوا المواعين الألومنيوم البايظة من الأهالي ويرجعوها حاجات تانية سليمة. شوفت النصاحة؟ـ اممم…زمّ عطوة فمه المغلق بغيظ متفاقم، وهو يراه بذلك الحماس يتابع السير بخطوات ثابتة نحو نصب الخيام التي ارتصّت أعلى المصرف. يحدق به بشك يتمنى ألّا يصدق.حين وصلا الاثنان إلى الخيمة المقصودة، وجدا رجلًا وامرأة متربعَين بجلستهما على مدخلها. ارتفعت أبصارهما نحوهما بتساؤل، أجاب عنه عرفان بتحية ألقاها عليهما:ـ السلام عليكم يا أهل الخير، أنا التاجر عرفان ودا صاحبي عطوة، كنت بعت لكم ولدي ناصر في طلب من ساعتين.خيم الصمت على المرأة والرجل بتفكير متعمق، حتى تذكر الأخير ليجيبه:ـ أيوه، افتكرت. قصدك على براد الشاي والكام صحن القدام اللي جابهم بغرض نسيحهم ونعملهم حلتين كبار.ـ أيوه، عليك نور يا حج. حاجتي بقى خلصت؟بدا السؤال شديد الغباء من رد فعل الرجل الذي اعتلت ملامحه الدهشة والضيق، حتى تبادل نظرة ذات مغزى مع زوجته التي عقّبت محرجة الاثنين بقولها:ـ ليه يا سيد عرفان؟ على أساس إنهم بلاستيك هيسيحوا ويتصنعوا في دقايق؟ دا حتى الألومنيوم بياخد وقت.مسح عطوة بكف يده على وجهه بحرج شديد من أفعال هذا الأحمق المكشوفة، فتدخل يحاول لملمة الموضوع بصورة تحمل درجة من الإقناع:ـ مقصدوش كده طبعًا، هو بس كان عايز يعرف التفاصيل وحسبتكم تكلف كام.ـ ما احنا قولنا لولده على حسبتهم، هي شغلانة؟دوّى الصوت الناعم من داخل الخيمة، لينتبه الاثنان على تلك الجميلة التي كانت واقفة بميل، تحتضن إحدى الأواني القديمة. ثم تقدمت خطوتين حتى اقتربت منهما، وعيناها منصبة على عطوة الذي علّق بضجر:ـ والولد مقالش عشان نسي يا سِت. ع العموم لو مضايقين ناخدهم ونمشي…قاطعه عرفان بلهفة:ـ لا استنى، إنت كمان! ناخدهم كيف؟ إحنا لسة متفقناش ومتعرفناش.تبسمت تلك الجميلة، ثم طلبت من والديها الانصراف لأمر ما. حتى إذا خلت الأجواء عليهما، واجهته بسخريتها:ـ يعني إنتوا عايزين تفهموني إن جوز رجالة طول وعرض جايين عشان كام حلة وكام براد شاي؟ دا كويس إن أبويا وأمي كانوا ماسكين نفسهم معاكم.احتقن عطوة من أسلوبها في الاستخفاف بهما، ليوضح لها بحدة:ـ لا اسمعي أما أقولك، متعيشيش في الدور! أنا جاي غصب عني أصلًا، هو اللي كان رايد يشوفك. اتفاهمي معاه… عن إذنكم.وتحرك مغادرًا، تتبعه بعينيها حتى ودّت أن توقفه، لكن شغلها عرفان الذي استغل الموقف ليزداد تعارفًا بها:ـ أيوة، صح… أنا اللي كنت رايد أشوفك وأطمن عليكي. حاكم بعد اللي حصل مجانيش نوم واصل، وأنا خايف ليكون الحجر أذاكي. ما تطمنينا يا ست عليكي وقوليلنا اسمك إيه على الأقل.حملقت به بغيظ شديد، وعيناها تذهب كل لحظة نحو الطريق الذي ذهب منه عطوة، بتفكير… حتى حسمت في الأخير تخبره:ـ اسمي نورة، نورة يا سي عرفان.سمع منها ليهلل:ـ الله أكبر! دا إنتِ مش نورة بس، دا نورة ومعاها بوسي كمان!ــــــــــــــــــــــــ بنت الجنوب ــــــــــــــــــمرَّ أكثر من أسبوع لم يرها فيه. حاول أن يتجاهل الأمر أكثر من مرة، ولكن يومًا بعد يوم كان ذلك الشعور المؤلم بالرغبة في رؤيتها يتضاعف كوحشٍ ينهش قلبه، حتى فاض به، ليجد قدميه تتحركان وحدهما إلى داخل المدرسة التي تعمل بها، بحجّة زيارة زوج شقيقته الذي يعمل وكيلًا للمدرسة. ورغم أنها فترة امتحانات، إلا أنه في تلك اللحظة قرر أن يتبع إحساسه فقط.دلف من الباب الرئيسي، وخطا إلى الداخل يبحث عنها بعينيه في كل اتجاه، يبطئ من خطواته وعيناه تدوران بلا هوادة، حتى وقعت أبصاره عليها بالفعل داخل محيط المدرسة، أسفل مجموعة من الأشجار حيث تستظل الفتيات، وكانت هي تراقبهن عن قرب وهي تتشاجر مع أحد الرجال... اللعنة!قبل قليلكان موعد انتهاء الجولة الأولى من الاختبارات قد انتهى، لتمارس عادتها مع الطالبات التي سحبنها من غرفتها لتراجع معهن الإجابات المدونة في ورقة الامتحان، ومدى الصواب والخطأ فيها. ورغم أنها تحلّ ضيفة في مدرسة أخرى داخل المحافظة، إلا أن هذا لم يمنعها من الحضور اليوم لتطمئن على مدى تقدم صديقتها المقرّبة وتدعمها في خوض التجربة للمرة الأولى بعد انقطاع دام ما يقارب عقدًا من السنوات.لم تكن تعلم أن من بين اللجنة الغريبة شخصًا تعرفه جيدًا؛ فقد رآها منذ أن دخلت من باب المدرسة، وفوجئ بهيئتها الجديدة بعدما أصبحت تعطي لنفسها مساحة صغيرة من الاهتمام، لتصبح امرأة بحق.كان الحماس على أشدّه في ثرثرة الفتيات حولها بعد أن ابتعدت مزيونة لإجراء مكالمة هامة مع زوجها المتابع لحظة بلحظة هو الآخر:ـ يعني إجابتي كانت صح يا أبلة اعتماد؟ـ لا، هتتحسب نصها تقريبًا، لأنها مش صحيحة بالكامل.ـ طب وأنا يا أبلة اعتماد؟ـ وأنا كمان يا أبلة اعتماد، ما شفتيش إجاباتي؟ـ حاضر حاضر... خلّوني أخلص واحدة واحدة عشان أركز معاكم.ـ ممكن دقيقة يا أبلة اعتماد؟دوّى الصوت الرجولي بنبرة لم تكن غريبة عن مسامعها، ليقطع وصلة الثرثرة النسائية بمختلف طبقاتها. ارتفعت أبصار الفتيات تسبقها نحو أحد الأشخاص من طاقم المدرسين الغرباء الذين التحقوا بالمدرسة في أيام الاختبارات.تحدث مرة أخرى حين لم يجد منها ردًا ولم ترفع حتى عينيها إليه:ـ أبلة اعتماد، أنا بستأذنك بس في دقيقة.زفرت زفرة خافتة سبقت التفاتة بطرف عينيها لتتأكد من هويته، ثم أمرت الفتيات بالانصراف. وظلت على وضعها حتى التف هو وجلس على الأريكة المقابلة لها، لتلتقي عيناها بعينيه: عينان خضراوان ضيقتان، وأنف مفرطح ذو فتحات واسعة، وشفاه غليظة قاربت السواد بفعل التدخين الكثير، على بشرة من المفترض أن تكون فاتحة بيضاء، لكنها امتلأت بالبثور والحفر وربما تجاعيد مبكرة.كيف كانت تراه وسيمًا ولم يمر على انفصالها به سوى سنوات قليلة، لتبصر الآن التغيّرات التي طرأت عليه بوضوح؟كان ينظر إليها مباشرة دون مراعاة للأصول، وقد أصبح طليقها، ومن المحرم عليه النظر إليها وفقًا للدين وللأعراف والتقاليد. بادرها بحديثه:ـ عاملة إيه يا اعتماد؟ أول مرة أشوفك من سنين.تغاضت عن غضبها لترد بجفاء وتُنهي تلك المقابلة الثقيلة:ـ زي ما انت شايف حضرتك. نحمد ربنا ونشكر فضله على نعمه.رد عليوة، طليقها السابق:ـ زي ما أنا شايف... يبقى ما شاء الله، تشكري ربنا صُح. اتغيرتي واتبدلتي ولا كأنك بجيتِي واحدة تانية.سألته بسجية، ولم تفهم قصده بالبداية:ـ بجيت واحدة تانية كيف يعني؟جاءها الجواب من نظراته الكاشفة قبل أن ينطقها فجّة:ـ احلويتي يا اعتماد وبقيتي مره صح...ـ احترم نفسك لو سمحت وما تلبخش بالكلام.قاطعته بانتفاضتها عن المقعد واقفة، لتجبره على الوقوف هو الآخر، فقال مفصحًا عما يريده:ـ أنا مش قصدي أعاكسك ولا أقل أدبي، بس أنا كنت في يوم جوزك، وعرفت النهاردة إنك لساكي على حالك ما اتجوزتيش، يبقى حقي أتكلم مدام غرضي شريف. أنا بجيت خالي دلوك بعد ما طلقت مرتي التانية... مرتين اتجوزتهم بعدك، ولا واحدة فيهم ملَت عيني زيك. إنتِ تباني من برّا ناشفة وكلك شوك، لكن في الأصل ناعمة زي حتة المارشميلو. اعتماد... أنا عايز أردك تاني لعصمتي.ازدادت شراسة نحوه، تمنع نفسها بصعوبة من الهجوم عليه:ـ عصمة مين يا أبو عصمة؟ ومين قالك إني هوافق؟ ولا إنت كيف أصلاً جتك الجرأة والبجاحة تكلمني أو تفتح معايا موضوع زي دا؟ فضّها وروّح لحال سبيلك.ثار عليوة يقابل رفضها بعنجهية:ـ وإيه اللي يمنعني يا ست البرنسيسة؟ على راسي بطحة؟ ولا كنتِ ظبطيني متلبس ساعة الليلة إياها؟ وهي من الأساس شكوك في راسك بس، مع إن كان قصدي...ـ بسسّ!صاحت توقفه بقلبٍ ارتجف بداخلها خشية أن يتمادى ويفصح عن تفاصيل أو يذكر اسم شقيقتها ولو بالخطأ. وقد كانت الطالبات يراقبن المشهد باهتمام شديد.ـ في إيه؟ ومين ده؟جاءها فجأة ذلك الصوت الدافئ من العدم، وكأن يداً امتدت لتنجدها في لحظة بائسة كادت أن تضيع بها. التفتت إليه بصمت وعجزت عن النطق، لكنها رمقته بنظرة استجداء لم يفهمها.ليأتي رد عليوة بتبجح:ـ أنا طليقها يا سيدي، وبتفاهم معاها عشان أردها. وإنت مين بجي؟ـ طليقها!تفجرت من خليفة، وهو ينظر إليها بتساؤل. فاكتفت بإيماءة بسيطة، فردّ بشراسة على الآخر:ـ ولما انت طليقها، بتتعارك معاها ليه؟ هو الرجوع بالعافية؟سمع منه عليوة ليزداد غضبًا:ـ انت خليتها عركة بالعافية. بقولك بتفاهم معاها! إنت إيه دخلك وسطينا من الأساس يا جدع إنت؟كادت اعتماد أن تفحم هذا الوقح بما يستحقه، لكن سبقتها إحدى الطالبات المتابعة للمشاجرة، تتدخل دون إذن قائلة:ـ لأ، كان بيتعارك معاها يا عم خليفة، حتى بالأمارة عاكسها وقال لها: "احلويتي وبقيتي مره صح!"سمع منها فاتسعت عينا خليفة بشكل مرعب، ينقل نظراته نحو تلك التي وجدها جميلة اليوم بالفعل وبين هذا الأحمق، فتخلى عن هدوئه واتزانه المعروف. لينقضّ عليه فجأة، قابضًا بكفيه على ياقتي قميصه وزجره بعنف:ـ إنت البعيد، أمك داعية عليك ولا شيطانك هو اللي وزّك عشان تروح روحك هدر! من برّا بلدنا وجاي تعاكس في حريمنا وتفرض نفسك عليهم كمان؟دا أنت ليلتك مطينة بطينصاح عليوة يثير انتباه الجميع من المارة والأساتذة والطلبة لينضموا لجمع المتفرجين، وهو يحاول نزع قبضتيه عنه:ـ بقولك كانت مرتي! يا حشري يا قليل الذوق! جاي تدخل بينا على أي أساس؟ بتتهمني إني غريب وأنا ليا عيلة كانت ساكنة هنا!رد خليفة بحدة:ـ ليك ولا ملكش، المهم إنك اتجرأت عليها والبنات الصغيرة شاهدة! بتوصف في جمالها وهي محرّمة عليك بحكم الشرع إنك طلقتها. طب اختشي حتي يا بارد ياعديم الإحساس والدم!تسمّرت اعتماد مكانها كتمثال من آثر الصدمة، تكتم بكفيها على فمها، تراقب الوضع يخرج عن السيطرة، حتى أفاقت تحاول التفريق بينهما:ـ خلاص يا خليفة، سيبه يغور في داهية! مش ناقصين فضايح، الله يرضى عنك!لكن عليوة إزداد حنقاً، ليصرخ بها مزمجرًا:ـ انا اللي أغور يا اعتماد؟! هو صفته إيه عندك عشان تترجّيه وتعامليه بمفاضّله عليّا؟ أنا اللي أعرفه إنك مقطوعة ما لكِيش ناس! يبقى مين ده؟تجمّدت كالتمثال أمام نعته الأخير ومعايرته، حتي لم تجد القدرة علي النطق بحرف واحد، والأنظار كلها مصوَّبة نحوها من الطلبة والمدرسين في إنتظار ردها علي ذلك الوقح، حتي أجفلت بما أذهلها، حين وقع عليوة على الأرض بعنف إثر لكمة حديدية تلقاها من خليفة الذي آبي أن يتركه دون أن يترك عليه علامة تجعله يندم علي جرحه لها أمام الملأ، فكانت العلامة سنتين ونصف ضرس.تلقفهم عليوة في كف يده،ليصرخ برعب والدماء تسيل من فمه:ـ سناني! الحقوني يا ناس! طيّرلي سنتين التركيب، وكسرلي الضرس اللي جارهم نصين! أنا عايز حقي!هرعت مزيونة من الركن الذي كانت تتحدث فيه على الهاتف بسبب الصراخ، متفاجئة بالمشهد، لتتوجه إلي اعتماد بتساؤل. لكنها لم تجد جوابًا سوى نظرة مذهولة نحو خليفة، الذي كان ينفض يده من أثر الضربة بإشمئزاز، وكأنه شخص آخر، لا يبدو عليه أي ندم أو أسف...ـــــــــــــــــــــــ بنت الجنوب ـــــــــــــــــــــــدلف إلى داخل المدرسة بعد الاتصال الذي ورد إليه من زوجته، وكذلك من بعض الأشخاص الذين علموا بالمشاجرة، بخطوات سريعة محدِّدًا هدفه حتى وصل إلى الغرفة الكبيرة لمدير المدرسة. وقد كانت شبه مكتظة بعدد من المدرسين، ومعهم منصور وكيل المدرسة وزوج شقيقته، الذي تكفّل بسحبه إلى الداخل بصمت أثناء سماع شكوى ذلك الرجل المضروب على فمه. وأمامه على الكرسي المقابل له جلس شقيقه، البحر الهادئ الساكن في معظم الأوقات، ولكن حين يفيض به الغضب لا أحد يجاري قوته وعنفه، هذا هو خليفة الذي يعرفه جيدًا.ـ مساء الخير، أنا حمزة القناوي يا حضرة المدير.قالها وهو يضغط بكفّه على كتف شقيقه الثابت دون ذرة اهتزاز واحدة، بلفتة تُظهر دعمه له، ليومئ له بعينيه، والمدير يتلقّفه بالترحيب والشكوى:ـ يا أهلا بحمزة باشا، نورت الدنيا. تعالى شوف بعينك الله يخليك، عايزين نلمّ الموضوع. الأستاذ عليوة عايز يكبر القصة ويوصلها للبوليس...قاطعه عليوة:ـ أيوه، وأخلّيها جناية كمان؟ دا تعدي على موظف أثناء تأدية عمله، دا غير العاهة المستديمة، ولا فاكريني هفرّط في حقي؟نظر حمزة إلى كفّ الرجل المفتوحة وبها عدد من الأسنان المكسورة، ثلاثة أو أقل، ليعلم مقصده بالعاهة المستديمة، فعلق ساخرًا:ـ يا سيدي، إن كان على دول نركّب طقم غيرهم، المهم تكون على حق. إنما لو على باطل...ـ خليه يعمل ما بدا له، إن شاء الله حتى يوصلها للمحكمة الدولية. اللي يغلط دا جزاته عندينا.أضافها خليفة على قول شقيقه، ليصيح عليوة بمظلومية:ـ شايف يا سيادة المدير؟ شايف يا أستاذ منصور؟ بقى دا يرضيكم يا ناس؟ انضربت وكمان اتهنت!سارع المدير بمهادنته، كما حاول منصور أيضًا أن يلطف الجو قليلًا، حتى يُحجِم من اندفاع الرجل الذي افتعل مشكلة بين العائلات.أما حمزة، والذي تركه قليلًا يهذي، اقترب من شقيقه يسأله:ـ أمال فين مزيونة واعتماد؟ مش شايفهم يعني؟أجابه خليفة بارتباك تجلّى في نبرته:ـ معرفش اختفوا فين فجأة؟ بس أنا مكسوف أسأل… اتصل بمرتك وشوفها.لم يغفل حمزة عن قلق شقيقه ولهفته للاطمئنان على اعتماد، لكنه كان يدرك أن الظرف يمنعه من التصريح بذلك أمام أحد، فاكتفى بأن يستجديه بعينيه ليطمئن عليها.أخرج حمزة الهاتف من سترته، وما إن همّ بالاتصال بزوجته، حتى تفاجأ بها تدلف بصحبة اعتماد، التي تجلّى عليها أثر ما حدث، حتى ضاعف من ثقل ما يشعر به خليفة حين رأى الانتفاخات المتفرقة بوجهها وعينيها الذابلتين من البكاء. زفر في داخله بضيق متعاظم يتابعها وهي تدلف حتى استقرت على الأريكة الجانبية في ركن الغرفة، ومعها مزيونة التي توقفت لتبادل زوجها الحديث السريع بالهمس عن حالتها، حتى اقترب منها يشجعها ويحفّزها:ـ اعتماد، متخافيش من عليوة ولا غيره، إحنا مش هينين لحد.وكأنها فقدت القدرة على الكلام، فسلّمت أمرها إلى الخالق، ليسير مركبها كيف يشاء. أومأت له برأسها شاكرة باستسلام، فاستقام حمزة ينوي التوجّه إلى شقيقه ليطمئنه حتى تنتهي تلك المشكلة، لكن قطع عليه دخول آخر شخص يتوقعه، يعرّف بنفسه للمدير:ـ أنا محمود… جوز أخت المدام، والأستاذ عليوة كان عديلي أيام ما كان متجوزها.انتبه عليوة إلى قدومه الآخر، يتلقى حضوره بلهفة:ـ تعالى يا محمود، شوف اللي حصلي، أنا اتصلت بيك مخصوص عشان انت أكتر واحد أعرفه في البلد دي، ابن أصول وتفهم في العِيبة.في تلك اللحظة انتفضت اعتماد، تنزع عنها ثوب الضعف متوجّهة إليهم برفض قاطع:ـ يعني إنت سايب معارفك كلها في البلد ورايح تتصل بمحمود؟! هو دا اللي يفهم في الأصول والعيبة؟ ولا صحيح… الطيور على أشكالها تقع.صاح عليوة في مواجهتها، ناهضًا عن كرسيه:ـ وماله محمود؟! ولا هو عشان فيه مشاكل ما بينكم خلاص الراجل كَفَر؟حدّقت به بعدم تصديق، بعد أن أثبت لها معرفته بقضيتها مع هذا الفاشل الذي أفسد صفو علاقتها مع شقيقتها، ويأتي الآن ليزيد من اشتعال الموقف؟فقال محمود ردًا عليها:ـ معلش يا أبلة اعتماد، لو هزعجك بقعدتي، بس الراجل ده أصيل، وأنا لما يطلبني لازم أقف جنبه… خصوصًا لما يكون الغريم واحد. مش الباشا برضه اللي عمل قعدة مع كبارات البلد، وشهد عليّا أمة لا إله إلا الله عشان أدفعلك تعويض على اللي حصلك، إيه حكايته بقى؟ يكونش واخد حراستك شغلانته، مدام وصلت كمان يتعارك عشانك؟ـ آه يا ندل ياقليل الأصل، الدناءة بتجري في دمك!صرخت بها اعتماد في وجهه، لتسارع مزيونة بتهدئتها من استفزازه. فهم حمزة أن يكرر فعل شقيقه ويلكمه بجوار عليوة، والذي استغل الموقف ليضيف من عنده:ـ قول كده بقى يا محمود خليني أفهم! عشان الباشا لما سألته عن صفته، ملقاش رد غير إنه يضربني. يا ما شاء الله على الناس اللي بتفهم في الأصول!هذه المرة حسمها حمزة داخله بأن يُسقط باقي أسنانه، لكن قبل أن يشرع برفع يده، جاء الرد الحازم من ذلك الساكن الثابت:ـ ومفهمش ليه في الأصول؟ لما أشوفها بتتعاكس من واحدة ندل وعايز يفرض نفسه عليها، تفتكر رد فعلي هيبقى إيه… وأنا خطيبها؟!أجفل جميع من في الغرفة بصدمة من وقع المفاجأة، حتى استوعبت هي سريعًا، وهمّت بالتوضيح، رافضة الخداع والكذب:ـ لأ طبعًا يا أستاذ خليفة، أنا…ـ إنتِ مكسوفة ما تقولي عشان لسه الأمر في بدايته.قاطعها حمزة بحسم وصرامة حتى يغلق كل الطرق، ليردف منهيًا آمال الخصمين الفاسدين:ـ أهو قالها لك صريحة يا أستاذ عليوة. تقدر تقدم شكوى في البوليس براحتك، بس ساعتها اللي هتتضرّ سمعتك وهتبقى في التراب… بعد ما يتعرف إنك اتضربت من خطيب طليقتك لما لقاك بتعاكسها. تحب نذيعها يا أستاذ عليوة؟ ولا تلمّ الموضوع وتتلم أحسن؟... يتبع

الفصل الأربعونهناك عِقوبات سماويّة كما هناك مكافآت، كلٌّ منها يُنزَّل بقدرٍ موزون لا يخطئه ميزان الله. قد يطول زمن الصبر حتى تظنّ أن الليل لن ينقشع، ويثقل التحمل حتى يوشك القلب أن ينطفئ. لكنّ الانتظار نفسه يصبح نعمةً، يخلّصك من شوائب الجزع ويصقل روحك لتتهيأ للعطاء. وحين يأتي التغيير، تتبدّل الموازين في لحظة، فينقلب الضيقُ اتساعًا، والعُسرُ يُسرًا، والعطشُ ماءً فراتًا. عندها فقط تدرك أنّ كل لحظة ظمأ لم تكن إلا تمهيدًا لغيثٍ يُحيي الأرض والقلب معًا.المراجعة والخاطرة الروعة من المبدعة القمر/ سنا الفردوس الفصل الأربعونانتهت الجلسة وغادر الخصمان الخسيسان، لكن النقاش الحامي في تلك المعضلة لم ينتهِ بعد، إذ جاء إعلانه المفاجئ عن شيء لم يتم من الأساس. خداعٌ وكذبٌ لا يمكن أن تتقبّله مطلقًا، لكنها أُجبرت على كتم اعتراضها حتى غادروا جميعًا بصحبة إحدى المعلّمات إلى منزل الأستاذ منصور، حيث أطلقت العنان لرفضها بكل قوة أمامهم:ـ غلط! غلط! أنا لا يمكن أقبل بشيء زي ده! دا اسمه غش، وأنا عمري ما كنت غشّاشة ولا مخادعة.ـ ومين بس اللي قال إنك غشّاشة؟ الرد دا كان مطلوب عشان نخرس الكلبين دول يا اعتماد.هتف بها حمزة متكلفًا الرد نيابة عن شقيقه الذي التزم الصمت أمام ثورتها وتشنّجها. لتضيف منى أيضًا وهي تقرّب إليها كوب المشروب البارد:ـ صح يا اعتماد، ملهاش لزوم العصبية الزيادة دي. اشربي اللمون وهدي أعصابك، عالأقل توزني الكلام بعقل وإحنا قاعدين معاكي اها، بنتحدّت ونتشاور.تناولت منها الكوب بيدٍ مرتجفة حتى قرّبته من فمها لترتشف قليلًا، علّه يساعدها في أن تهدأ، فسقط بعضه على حجابها. فسارعت مزيونة تلتقط مناديل ورقية لتعطيها إيّاها، فمسحت أسفل فمها وبعض النقط على حجابها، وهي تربّت على ظهرها دعمًا ومؤازرة.لتلتقي عيناها بذلك المتابع بصمت، فأصابها حرجٌ جعلها تشيح ببصرها عنه سريعًا، لتعود إلى النقاش وقد كان يتحدث حينها أستاذها وقدوتها منصور:ـ وأنا شايف إن ملهاش لزوم العصبية ولا الانفعال أصلًا. الموضوع كله كلمتين، حل للموقف وإزاحة للشكوك اللي اتكلم عنها جوز أختك المتغاظ أساسًا. أنا شايف إنك تكبّري دماغك وتعتبري إنهم راحوا لحال لسبيلهم يا سِتّي.ـ لا، ما راحوش لسبيلهم يا منصور.تفوه بها خليفة فجأة، مما أجفل الجميع، ثم أردف وعيناه منصبتان عليها:ـ الواض جوز أختك طلع من المدرسة وراح بلغ الجماعة من عيلته كبارات الهم، على أساس إنه ما دخلش في مخه الكلام، وعايز يتأكد إنه كدب ويعملها ليلة عشان ميدفعش الفلوس اللي عليه. ويلبسنا إحنا الغلط. أنا دلوك جاني اتصال من حد غالي وبلغني اللي حُصل.ـ يا مرك يا اعتماد! يعني كمان الخبر اتشاع في البلد؟دفعت الكوب البارد عنها بهلع، ثم وضعته على الصينية أمامها بعنف، وقالت موزّعة أبصارها نحو الجميع باستجداء:ـ أهو دا اللي أنا كنت خايفة منه! هعمل إيه دلوك في النصيبة دي؟ دبّرني يا أستاذ منصور، الحقيني يا مزيونة، قول رأيك يا أستاذ حمزة، إنتِ كمان يا منى.استنجدت بهم جميعًا إلا هو، ورغم حنقه الشديد من فعلتها المقصودة، إلا أن الرد قد جاء منه أيضًا، ليضاعف سخطها:ـ وليه الندب والولولة أصلًا؟ ما إحنا حلّيناها من بداياتها، فاضل بس نثبت على موقفنا عشان محدش يبقى له حجة علينا.تجمّدت لحظات، ناظرة إليه بفمٍ مفتوح، لا تستوعب البساطة التي يتحدث بها. ألا يشعر بحجم الكارثة التي ورّط نفسه وورّطها بها؟ ألا يعي خطورة الإعلان الذي تفوّه به وما سيترتّب عليه من نتائج كارثية إن استمرت تلك الكذبة؟خرج صوتها أخيرًا، بمواجهة مباشرة معه:ـ حضرتك بتتكلم بتساهل كده إزاي؟ مش داري بحجم المصيبة اللي أنا فيها؟ سيبك مني أنا خالص، خلينا فيك إنت! الخبر لو وصل لعيلتك ولا لمرتك... يا نهار أسود! دي هتبقى وجعة سودة!قالت الأخيرة بيأس وقد زاغت عيناها، شاردة في رد فعل هالة إن علمت... سوف تنفّذ تهديدها لا محالة.ـ مرتي ولا عيلتي أنا كفيل بيهم، ما تشغليش نفسك إنتِ.للمرة الثانية يتحدث بتلك البساطة، بالإضافة إلى ثباته المحيّر، وعيناه... تلك الأخيرة التي تحمل من الحديث أعمق مما ينطق به لسانه.ـ إنت بتتكلم كده إزاي؟ بقولك مرتك وولادك! عيلتك! حد فيكم يردّ عليه يا جماعة؟ إنتو ساكتين ليه؟ حرام عليكم! عقلي هيشت مني!كانت في حالة أقرب للانهيار، فسارع الجميع إلى تهدئتها. لا ينكر أنه أشفق عليها رغم استنكاره لتشدّدها ورغبتها الشديدة في درء صفة ارتباطها به وكأنها سبّة، بينما هو يودّ بشدة أن يؤكّد تلك الصفة رسميًا وعلى الحقيقة. لكنه يعلم جيدًا الرد المتوقع منها، لمعرفته الوطيدة بشخصيتها الأبية الشامخة رغم كل الضغوط.ـــــــــــــــــــــــ بنت الجنوب ـــــــــــــــــــــــداخل المنزل الكبيروصل الخبر إلى معاذ فاتصل ليتأكد من شقيقه، ثم نقله بدوره إلى زوجته التي عبّرت عن دهشتها بعدة أسئلة طرأت فجأة برأسها:ـ بتتكلم جد يا معاذ؟ طب إزاي؟ وكيف؟ وإمتى؟ردّ وهو يتكئ جوارها على الفراش:ـ والله إزاي وإمتى أنا ما أعرفش. كل اللي أعرفه اتصال جالي من واحد قريبنا بيستهزأ ويتمسخر إننا مخبّين والخبر معبي الدنيا. أنا كلمته واتصلت بخليفة اللي أكد لي إنه حصل فعلًا، وإنه بعدين هيفهّمني كل حاجة. حتى لما كلمت حمزة قال نفس الشيء، وإنه هيفهّمني كل حاجة بعدين. وأديني مستني رجعتهم لما أشوف بجي.أبعدت ليلى الكتاب الذي كانت تذاكر فيه عن حجرها، فلم تعد بحاجة إليه الآن، حتى تنتهي من الحديث الشيق مع زوجها:ـ يعني إيه؟ هنجعد على نارنا كده لحد ما يرجعوا؟ إزاي يعني؟ الغريب يعرف وإحنا لاه؟ طب افرض اتأخروا عن كده، وإحنا أصلًا قريب العصر! هصبر كيف؟ ولا هيجيني دماغ أذاكر!اعتدل معاذ، متكئًا بمرفقه على الوسادة، متجاهلًا اعتراضها، ليسألها بفضول:ـ طب افرضي طلع الخبر صح... إنتِ بقي هتفرحي ولا تزعلي؟أربكها سؤاله المباغت، فهذا الأمر لم يطرأ ببالها أصلًا. فجاء ردها بعد فترة من التفكير:ـ بصراحة ومن غير لف ودوران... أنا أتمنى فعلًا واحدة زي أبلة اعتماد لعمي خليفة. رايق، هادي، وأخلاقه حلوة. وهي تبان قدام الناس ما تنطاقش، لكن لما تقرّب منها زين، تعرف وشّها الحقيقي... أطيب منها مفيش. لكن...ـ أيوه، أنا عايز اللي ورا "لكن" دي.عقّب معاذ محمّسًا لها لتكمل، فقالت بتثاقل:ـ أكيد كمان ما تمناش الخراب لهالة، رغم كل عيوبها وأذيتها للبشر... يا وعدي!تمتمت بالأخير مستدركة خطورة ما يتحدثان به، لتتوجه إلى زوجها مستفسرة:ـ يا وعدي يا معاذ! لو عرفت... دي هتطربق الدنيا!ـ وتفتكري الخبر اللي وصلني مش هيلف لف ويوصلها؟برقت عيناها التي تشبه عيون القطط، تتخيّل ما لو حدث فعلًا، لتنتفض فجأة، ومعها هو، على صرخة مدوّية أتت من الأسفل، تلتها بعض العبارات... ليستنتج الاثنان وقوع الكارثة.ـــــــــــــــــــــــ بنت الجنوب ـــــــــــــــــــــــركض معاذ متتابعًا لصوت صراخها في الأسفل، ترافقه والدته التي أنكرت لعدم معرفتها بشيء:ـ يا بتي، مين قالك الكلام دا بس؟ ولا إنتِ بتألفي من مخك يا هالة؟ـ لا يا مرت عمي، أنا مبألفش، الخبر واصلني حالًا دلوك من أختي، بيقولك المدرسة كلها كانت مقلوبة النهاردة على عركة الباشا مع طليقها. ولدِك كسر سِنّان الراجل، وبعدها أعلنها قدام الكل، قال قدام المدير والأساتذة إنها خطيبته. اتصلي بمنى تبلغك بنفسها، ولا حمزة ولدك التاني ولا مرته... بقولك حكاية مغفّلقة، وإنتِ قاعدة هنا بتقولي "معرفش"!تدخّل معاذ ليفصل بينها وبين والدته، يخلق مساحة بينهما هاتِفًا بها:ـ قالتلك إنها متعرفش يا هالة، يبقى تلمي نفسك وتستني جوزك علي ما يرجع وتتصافي معاه.صاحت به هو الأخر كالمجنونة:ـ يعني إنت كمان واضح إنك عارف يا معاذ؟ يبقى أشمعنى أمك اللي متعرفش؟! ولا فاكريني دق عصافير وعايزين تضحكوا عليا؟ والنعمة ما هسكت، ولو وصلت إني أجيب أبويا وأعملكم فضيحة مش هستنى!ـ اعمليها لو كنتي تقدري يا هالة.جاء صوت مفاجئ لها من مدخل المنزل، لتلتفت إليه فتقابله بسخريتها:ـ أهلا بعريس الهنا، طب مش كنت تبلغني يا راجل عشان أجي أزغرتلك ولا أرجصلك أحسن قدام اللجنة الغريبة؟!توقفت لتتابع، وقد انتبهت لقدوم حمزة وزوجته:ـ ولا صح! كان فيه اللي يسد عني وعن أمك المسكينة. يا رب تكون مبسوط يا حمزة! وانتِ يا بوز الأخص... بقدومك الفقر، حليتي على البيت كله بالخراب!أشارت مزيونة نحو نفسها بصدمة من اتهام تلك المجنونة أمام زوجها الغاضب، فجاء الرد الحازم من خليفة:ـ هــالة! كلمة تاني زيادة وهتكون ورقتك سبقاكي على بيت أبوكِ، ولا يهمني إنك بت عمي ولا دياوله.ـ يعني إيه؟ـ أنا قولتها كلمة ومش هزود عليها. لما يبقى عندك عقل وتهدي من جنانك، ساعتها تيجي عندي ونتكلم بالهدوء. إنما غلط فيا أو في عيلتي بكلمة زيادة، يبقى إنتِ اللي كتبتي كلمة النهاية.ختم جملته الأخيرة وتحرك صاعدًا إلى الطابق الثاني غير آبه بأي شيء، فتمتمت هي بصوت بالكاد سيطرت عليه نحو حسنية:ـ يعني إيه؟! أموت بقهرتي على ما الباشا يحن ويتكلم معايا؟! طب وديني ما أنا جعداله فيها. أنا رايحة بيت أبويا، وخليه يجيب السنيورة مكاني، خليه يشبع بيها!أنهت كلماتها وتحركت لمغادرة المنزل بعباءتها السوداء، فحاولت حسنية منعها:ـ يا بتي استني شوية طيب! يا مري، الحقها يا حمزة... ولا إنت يا معاذ!توجهت بآخر جملة نحو معاذ بعدما رأت الرفض على وجه حمزة، فاضطر الآخر أن يستجيب لوالدته ويتبعها على مضض.حتى إذا خلت الأجواء على الثلاثة، توجّهت المرأة نحو ابنها الأكبر:ـ يبقى كده جه دورك يا كبير. أنا عايزة أفهم منك كل حاجة دلوك.أومأ حمزة واقترب منها، واضعًا قبلة على رأسها موافقًا:ـ عنيا يا ست الكل، بس ممكن يبقى الحديت في أوضتك عشان ناخد راحتنا.أخرجت المرأة تنهيدة من عمق صدرها، قائلة:ـ ماشي يا حمزة. أنا رايحة أصلي العصر دلوك. خمس دقايق وألاقيك جيت ورايا... على ما ييجي دور التاني وحسابه الكبير معايا.قالت الأخيرة بمقصد واضح عن خليفة، ثم سحبت نفسها لتذهب وتسبقه إلى غرفتها. تنفّس حمزة الصعداء قليلًا ليهدأ من وتيرة الانفعال داخله، قبل أن يتبعها ليوصل الصورة الصحيحة عمّا حدث. فتحدثت زوجته معبّرة عن خوفها:ـ حمزة، أنا مرعوبة على اعتماد. أكيد هالة هتفضحها هي وأخواتها وتعملها نصيبة كبيرة.ردد خلفها باستهجان وعدم تقبل:ـ تأذيها هي وأخواتها مرة واحدة وتعملهم فضيحة؟! مش لدرجادي يعني يا مزيونة.ـ لا، للدرجادي. والمصحف أنا متأكدة من اللي بقوله.قالتها بصدق جعل الشك يتسرب إليه، فأمرها أن تتحدث بحزم:ـ جيبي من الآخر يا مزيونة، إنتِ مخبية عني حاجة؟ابتلعت ريقها، تتضرع إلى خالقها بالاستغفار، وقد حسمت أن تصارحه وتنفض عقدها مع صديقتها، خشيةً عليها من أذية هالة:ـ هقولك على كل حاجة... بس اسمعني من غير عصبية.تفوهت بها، وكانت تلك البداية لسرد ما حدث، ليربط هو الخيوط ببعضها فيصل إلى استنتاجه الأخير.ـــــــــــــــــــــــ بنت الجنوب ـــــــــــــــــــــــعادت بجسدٍ منهك، تجرّ أقدامها جرًّا حتى دلفت إلى داخل المنزل، بعد أن استقلت السيارة مع مزيونة بقيادة حمزة. لتجد شقيقتيها في صحن المنزل جالستين في وضع المناقشة، وكأنهما في انتظارها أيضًا، وهذا ما أظهرته روضة في طريقة استقبالها لها:ـ حمد الله على سلامتك يا اعتماد. كل دا تأخير بعد انتهاء اليوم الدراسي؟ وإحنا مستنينك على نار يا شيخة.رمقتها الأخيرة بدهشة قبل أن تجلس على الكرسي المقابل لهما، ترد وهي تخلع حجابها:ـ ليه يعني تستنّوني على نار؟ خير... حصل حاجة؟ردّت رغد بلهفة وارتباك، تنقل ببصرها نحو شقيقتها الأخرى بنظرات تحذيرية:ـ خير يا خيتي، هي بس كانت عايزة تطمن عليكي. خشي روحي نامي وريحي جسمك.قالت الأخيرة تشير نحو غرفة نومها، ولكن قاطعتها روضة مردّدة بانفعال:ـ مش قبل ما تفهمينا الأول... اللي سمعناه دا صح ولا غلط؟سألتها اعتماد بريبة وهي تخلع الحذاء عن قدميها:ـ هو إيه اللي سمعتوه بالظبط؟جاء الرد سريعًا مندفعًا من شقيقتها الوسطى:ـ إنك اتخطبتِ لواد البهوات، خليفة القناوي اللي داير رايح جاي حواليكي. دلوك بس الراجل ندّيله عذره، مدام أعلنها وقالها قدام الكل عاد. بس مش كان الواجب برضو يا غالية تبلغي أخواتك المساكين؟ ولا إحنا ملناش قيمة ولا في دماغك أصلًا؟!زجرتها اعتماد بحزم حتى تكفّ عن سمّ الكلام الذي تتلفظ به، رغم ارتباك أمعائها من الداخل نتيجة الدائرة التي تتوسع حولها بتلك الخدعة.كادت أن تتحدث وتروي الحقيقة، لكنها استدركت فجأة لتسألها:ـ وانتِ عرفتي منين بالكلام دِه إن شاء الله؟ الباشا هو اللي بلغك صُح؟صاحت روضة بتجه تؤكد لها:ـ أيوة هو اللي بلغني! واشتغل ساعة يتمسخر عليّا عشان عرف قبلي. أنا اللي عايزة أعرف بالظبط: هو خطبك إمتى؟ ولا هي علاقة اللي ما بينكم والباشا حبّ يغطي عليها لما اتزنق وسط الرجالة؟وضعت رغد كفها على فمها بحركة لا إرادية بعد صدمتها من فجاجة ما تلفظت به روضة أمام شقيقتها الكبرى. والتي اجفلت وتلجمعت لحظات حتى استوعبت، لتردّ بلوم وغضب:ـ انتِ بتقوليلي أنا الكلام دا يا روضة؟ واخدة بالك أصلًا من الكلام اللي بتخربطي بيه؟ ولا المحروس اللي مسلماه ودنك، قلبك على أختك، خلاكي تنسي مين هي اعتماد؟نهضت روضة بكل ما تحمله من غلّ، رافضة محاولات شقيقتها الصغرى في منعها، لتقترب من المقعد الذي تجلس عليه اعتماد. ناظرة لها من علوّ تردّد:ـ فهميني... انتِ مين هي اعتماد؟ الشديدة اللي بتوجف حي بحاله لو حد بس قرب من خواتها؟ ولا التانية الحبيبة اللي مالت وحنت لصنف الرجالة؟ لما ظهر في حياتها ولد القناوي؟ بس بصراحة أنا مدياكي عذرك... راجل طول بعرض وحلي وجمال. حقك يا بت أبوي تضعفي... والأنثى اللي دفناها جواكي تطلع.توقفت برهة ثم صرخت بها:ـ بس المهم بقى تبقي عادلة! والشيء اللي استحليتيه لنفسك من قبل حتى ما يبقى حلال، متحرّيمهوش على غيييرك. انتي عيشي حياتك... وإحنا كمان نعيش حياتنا.صدمة البداية في تلك اللحظة التي اختلطت فيها الحسرة والألم، والندم على عمرٍ قضته تحارب كقطة شرسة عنهما، تحفر في الصخر من أجل أن تمنع عنهما العوز. وبعد مرور عدد من السنوات، وهي العمر ذاته، يأتي عليها الوقت الآن وتُتّهم بأبشع تهمة قد توجه لامرأة حرة... ومن مَن؟! من شقيقتها التي لا تصغر عنها سوى سنوات قليلة، وما زالت لا تقدر ولا تفهم. والأصعب... الطعنات التي توجهها لها دون شفقة أو رحمة.كانت ما زالت متجمدة محلها، حتى أتت رغد الصغيرة تحاول الاطمئنان عليها، وقد التصقت بالمقعد كأنها تمثال. أهدابها فقط ما تتحرك لتدل أنها على قيد الحياة. حتى تمالكت بأسها بصعوبة لتنهض وتواجهها بصوتٍ بحّ من فرط ما شُحن داخلها من مشاعر قاسية، أقوى من أن تحتملها:ـ يعني انتِ يا روضة، بتتهمي أختك في أخلاقها؟ وإنها مش عادلة معاكي؟ عشان بس عايزة أعملك كرامة من واحد شرع أن يقتلني لولا ستر ربنا؟حاولت رغد تهدئتها حتى لا تواصل وتزيد على تعبها الذي بدأ ظاهرًا عليها بقوة، ولكن اعتماد أبت إلا أن تواصل الرد على هذه الجاحدة:ـ بتغلي وشايلة مني عشان بس قبلت بحكم الرجال إن لا يتم صلح ولا تنازل لحد ما يدفع الغرامة كتعويض هو وناسه؟ على أساس إنه هحط في حسابي المبلغ يا روضة وأتمتع؟ مش عشان أربيه ما يكررهاش! ولا إنه يستغلك ويمضّيكي على قرض ولا ورقة تورطك في مصيبة! وانتِ متخلفة كدة وكلمة منه تودّيكي وكلمة منه تجيبيك!ـ أنا متخلفة يا اعتماد؟صاحت بها روضة مرددة بلوم، وقد تجاوزت كل ما سبقها. لترد اعتماد وقد فقدت الذرة الباقية من الاحتمال منها:ـ أيوة متخلفة! وأنا حمارة إني مقضية عمري أحوش عنك وأمنع الأذى! واكنك ما بتشوفيش... ولا طفلة مش عارفة الصح من الغلط! اسمعي يا بت... عايزة ترجعي للزفت الحيوان دا؟ المركب اللي تودي... يبيع ولا يشتري فيكي ولا يلبسك مصيبة حتى! إيّاكِ تجري علينا ولا تقولي "الحقوني" ولا "انجدوني"! مش انتِ قابلة تروحي له بالرخيص رغم كل اللي عمله فيكي؟ يبقى ياللا في داهية!سمعت بالأخيرة لتصيح بمظلومية:ـ بتطرديني من بيت أبوي يا اعتماد؟ بجي دا اللي ربنا قدرك عليه؟ عشان بواجهك باللي سمعته؟أومأت تؤكد لها برأس يكتنفها الدوار، مع تسارع دقات قلبها، جعلها تتحدث بأنفاس متقطعة:ـ وياللا... روحي لمي شنطتك... وامشي دلوك! متستنيش! لا... إحنا أساسًا معدناش طايقينك ولا طايقين سيرتك... بسرعة!أنهت اعتماد وسقطت تجلس على المقعد، بقدمين لا تستطيعان حملها. تنتظر الرد من واحدة هي الأعلم بشخصيتها، حين تُحشر في منطقة اتخاذ القرار. وهي بطبيعتها المتكلة دائمًا على غيرها، تريد تنفيذ رغبتها لكن دون تحمّل المسؤولية. إذن لو وافقت من دونها ستكون الخاسرة لا محالة.وكما توقعت، لاح التردد على ملامحها المكشوفة، قبل أن تلجأ في الأخير إلى الرفض والصياح والشكوى بمظلومية. فتذهب من أمامها نحو غرفتها وهي ما زالت تندب حظها البائس الذي لم يترك لها سوى شقيقة ظالمة تتحكم في أمرها.حتى إذا انتهت ثورتها بإغلاق الباب، كانت اعتماد قد وصل بها الإجهاد والتعب درجة اللا رجعة، حتى فقدت القدرة على التعبير بفمها. تلوّح فقط بيدها إلى شقيقتها الصغرى لإنقاذها...ـــــــــــــــــــــــ بنت الجنوب ـــــــــــــــــــــــبالقرب من النيل وأسفل إحدى الشجيرات العتيقة، جلس على حجر كبير، يقشّر في عود القصب ويمتص منه، ثم يلقي الذي انتهى من عصارته أسفله. غير عابئ بنظافة ولا أي شيء مدام ليس بمنزله. شارد فيمن رآها منذ قليل داخل السيارة التي مرّت أمامه... لم تنتبه إليه كعادتها، فهي أبدًا لا تراه ولن تراه. ورغم أنه يعرف ذلك جيدًا، لكنه لا يتوقف عن التفكير بها. منذ أن كانت طفلة... ثم تزوجت عرفان... ثم انفصلت... ثم تزوجت بهذا البغيض الأخير.يعلم أن العيب به، ولكن هذه شخصيته، وهذا ما نشأ عليه. حتى صحبته دائمًا ما كانت فاسدة، وذلك ما جعله يصرف عقله عن فكرة الزواج والارتباط. ربما لو أسعده الحظ وكانت من نصيبه، لغيّر من نفسه وأصبح رجلًا صالحًا...استفاق من شروده، ليرفع أبصاره نحو صاحب الظل الذي حجب ضوء الشمس عنه أثناء مطالعته النيل.ليتفاجأ بتلك الفتاة... أو المرأة... لا يعرف. سوى أنها طويلة اللسان وقليلة الحياء، حتى في نظرتها إليه الآن. جميلة وجريئة تجذب الرجال حولها كالذباب من أجل نيل رضاها... لكنه لم ولن يكون مثلهم أبدًا.ـ نعم... عايزة حاجة يا مدام أو يا آنسة؟قال الأخيرة بنوع من التهكّم قابلته بسخرية، تتخصر أمامه بميوعة يعلمها جيدًا:ـ وانت بقى محترم جوي وبتنادي بالألقاب؟ ولا غرضك الأصلي تعرف إن كنت متجوزة قبل كدة ولا لأ؟سمع منها وانتفض، ينهرها بازدراء:ـ اسم الله يا ختي على حسنك ودلالك! دا على أساس إني ميت في دباديبك مثلًا؟ ولا فاكراني أهطل وبريل زي الهبل اللي حواليكي؟ لا... اصحي وفوقي يا بت! واعرفي إنتِ بتكلمي مين؟ وانتِ مين؟غضبت نورة شاعرة بالإهانة التي تتحسس منها دائمًا، وهو المساس بأصلها. لتهدر ردًّا عليه:ـ اسم الله يا حبيبي... بتتني وتتفرد علينا بإمارة إيه؟ اشحال إن ما كنت خريج سجون وحرامي وهجام سابقًا؟ ما تفوق انت لنفسك يا بابا... وأعرف إنك مزدتش علينا بشيء...تمتم فمه بسبّة وقحة نحو ما أتى سريعًا بذهنه، ليواجهها بنخمينه:ـ عرفان هو اللي جالك الكلام دا يا بت؟ـ بت لما تبتك!تفوهت بها ردًّا له، قبل أن تمسك بعدد من خصلات شعرها قائلة بنوع من نعومة، بقصد أن تكيده:ـ أيوة عرفان... راجل متواضع. عشان كدة ربنا مبارك له في رزقه، وعنده فلوس بالهبل! مش زيك عواطلي... آخرك تمص جصب جنب النيل!ـ آاااه...أومأ يحرك رأسه بتفهّم، قبل أن يعود لجلسته مستطردًا:ـ واضح إن الدغف فتح معاكم وخدتوا عليه جوي... لدرجة إنه يحكيلكم كمان عن أسرار صحابه! المعفن اللي بيعمل حساب للمليم اللي طالع من جيبه! بيكبّ عليكم يومياتي بأقفاص الفاكهة والطلبات اللي بتطلبوها منه! ياللا يا ستي... تصطفلوا بيه ويصطفل بيكم! هو أساسًا يستاهل ناس زيكم!عادت لغضبها مرة أخرى خلف كلماته، هاتفة به:ـ تاني هتغلط يا أخ إنت؟! ما تمسك لسانك دا شوية! كلنا ولاد تسعة يا حبيبي، ومفيش حد أعلى من حد... عشان تتآمر وتشوف نفسك!زفر وهو يلقي عود القصب أسفله، يغمغم بملل منها:ـ اللهم طولك يا روح... قال يا جاعدين يكفيكم شر الجايين. ممكن يا ست تجيبي من الآخر... وتجولي عايزة إيه بالظبط؟ عشان أنا روحي في مناخيري.كظمت داخلها غيظها الشديد منه، لترد في الأخير بنبرة يغمرها التفاخر:ـ صاحبك يا غالي... الغني... صاحب جنانين الفاكهة والبيوت والأطيان... طلب يدي من أهلي امبارح. طلب يد نورة بت الغجر أول ما سمع إننا هنلم عزالنا ونمشي! اتعلّق ومش قادر على البعد...وختمت بابتسامة ثقة لفتت نظره، ليصب تركيزه بها لحظات، يدير كلماتها برأسه، حتى إذا استوعب أخيرًا، انطلق يجلجل ضاحكًا بلا توقف.استفزها لتعنّفه وتوبّخه حتى يكفّ ويتوقف:ـ سمعتك نكتة يا ظريف؟ يا أبو فشّة عايمة إنت؟ عشان تضحك كده؟! ما تتلم يا زفت... واجفل خشمك دا اللي مش راضي يوقف! إنت يا زفت... قبر يلم العفش!بصقت الأخيرة والتفتت مغادرة بغضبها، حين فقدت الأمل من توقفه. ليظل هو على وضعه حتى بعد مغادرتها لفترة ليست هينة من الضحك، ليغمغم محدّثًا نفسه قبل أن يعود للضحك مرة أخرى:ـ جاك الطين يا عرفان... دا ذنب مين دا اللي هيعقب بيك يا حزين؟ـــــــــــــــــــــــ بنت الجنوب ـــــــــــــــــــــــمساءاتعدو بخطواتها السريعة في الطريق نفسه الذي مرّت به من قبل، حين هددت وتوعّدت لشقيقتها الصغيرة المدللة بالفضيحة. وها هي، بكل غباء، تتحدّاها وتقبل الارتباط بزوجها! إذن فلتتحمّل ما قد تُصبه عليها اليوم من سمِّ الكلمات والسباب، حتى وإن وصل الأمر إلى الضرب والفضيحة لها ولشقيقتها.من سيلومها وهي امرأة تدافع عن زواجها من تلك الأفعى التي إلتفت عليه لخطفه من زوجته وأولاده؟ تشحن طاقتها بكل ما أوتيت من جهد، ولن تقبل اليوم إلا أن تجعلها فضيحة تدوي في البلدة بأكملها والبلاد المجاورة؛ أن تصبح تلك الملعونة وشقيقاتها حديث المدينة لأيامٍ وليالٍ قادمة.كان ذلك ما يدور ويشتعل في خُلدها، حتى غفلت، في غمرة شرودها، عن سيارة متوقفة بجانب الطريق القديم في الظلام. كان صاحبها قد توقّف منذ ما يقارب الساعة خصيصًا من أجلها، وقد خمّن وتوقّع منها ما ستفعله في تلك اللحظات الفارقة بحكم معرفته الجيدة جدًا بتفكيرها. فهي ابنة عمه التي يحفظها أكثر من خطوط يده.ـ رايحة فين يا هالة؟هتف يجفلها بندائه ليجبرها على التوقف والالتفات إليه، فإذا به يخرج من السيارة التي حجبت سوادها الرؤية عنها، حتى لم تنتبه إليها في الظلام الحالك.صفق الباب بقوة، ثم تقدّم بخطواته حتى وقف أمامها بطوله الفارع، ليرى وجهها بوضوح. عيناها كالجحيم المشتعل، ملامحها تحوّلت وكأنها ساحرة الشر في قلب الغابة المهجورة. لم يعلم كيف خطرت له تلك الصورة وهو يعيد على مسامعها السؤال مرة أخرى:ـ سألتك: رايحة فين يا هالة؟ ما جاوبتيش يعني؟ـ وإنت مالك؟صدر الرد سريعًا منها، لتذهله بفظاظتها، وكأنها تراه المسؤول عن كل ما يحدث لها. فقابل تبجحها بتماسك شديد وردّ:ـ رد ناشف وقلة أدب ما تصدرش غير من واحدة فاقدة الأدب. إن ما كانش فيه اعتبار إني واض عمّك، يبقى افتكري إني أكبر منك، وواجب عليكي احترامي.ردّت بأنفاس مهتاجة، غير آبهة بما قال:ـ من الآخر، عايز إيه يا حمزة؟ موقف عربيتك في الضلمة وطالع تنده عليا؟ هو الطريق دا كان طريقك عشان تتزنق فيه بعربيتك أساسًا؟ ولا يكونش مستني شحنة ممنوعة؟قابل تهكمها بسخريته:ـ لا وانتِ الصادقة، مستني اللي أبشع من الشحنة الممنوعة. مستنيكي إنتِ يا هالة، عشان أوقفك قبل ما تخربي الدنيا، كيف ما أنا متوقع وعارف بتفكيرك الإجرامي.وكأنه ضغط على الجرح، فردّت بحرقة ومظلومية:ـ أنا اللي تفكيري إجرامي؟ ولا إنت اللي طول عمرك شايفني عفشة عشان أنت عايز كده، كارهني من غير سبب؟ ترفضني وتهين كرامتي بحريم أقل مني وأنا بت عمك! وآخرة المتمة تعين أخوك يتجوز واحدة غيري، واحدة ما تسوى نِكلة في سوق الحريم، وتبقى ضرتي أنا؟ دا أنا أمسح اسمها من الوجود، وأخليها عبرة لكل أهل البلد باللي هعمله فيها. مش كل طير يتاكل لحمه، وأنا لحمي مر وعنقل!أنهت جملتها وكادت تتحرك، لكنه كان الأسبق في أن يوقفها بحزم:ـ مش هتقدري يا هالة، ولا هتقدري حتى تجربي منها.تخصّرت بابتسامة مستخفة لتضاعف استفزازه:ـ ومين بقى اللي هيمنعني؟ إنت يا واض عمي؟ هتمسكني من دراعي ترجعني؟ ولا تشيلني على كتفك في الدنيا الضلمة عشان الفضيحة تبقى من نصيبك؟ والله لأخلي صرختي توصل لآخر البلد، وأطلع فيها غِل القديم والجديد منك يا حمزة.بهدوء يُحسد عليه، رغم الغضب المتفاقم بداخله من تربصها المتعمّد لأذيته، رد متحديًا ليفرض سيطرته ويكبح جماحها:ـ بس أنا لا هشيلك على كتفي ولا هلمسك. إنتِ اللي هترجعي بنفسك زي الشاطرة.ضحكت ساخرة، تعقّب بمزيد من الاستهزاء:ـ يعجبني فيك ثقتك الزايدة في نفسك يا حمزة. أصلها بتجيب فايدة مع اللي يسمعلك. إنما أنا... هسمعلك ليه؟كان رده في البداية صمتًا، يطالعها بثبات وسكون الواثق، قبل أن يقول:ـ عشان ما تأذيش نفسك وتجيبي الناهية بينك وبين خليفة اللي طول عمرك بتستهوني بيه يا هالة. ودلوك بس افتكرتي تحادي عليه بعدما نفسه جفلت منك بالفعل.توقف يلتقط أنفاسه قليلًا، يراقب ابتسامتها المستخفة باستهزاء، قبل أن يتابع ويُخرسها:ـ روحتك المرة اللي فاتت عند اعتماد وتهديدك بسمعة أختها كوم، وروحتك النهارده كوم تاني. المرة اللي فاتت كان ليها حساب، أما المرة دي فلها ألف حساب.خبّأت ابتسامتها في البداية، لكنها سرعان ما استعادت السيطرة على صدمتها، لتسخر مخمّنة:ـ وهو أي اللي هيخليها تفرق عن المرة اللي فاتت؟ أكيد اللي حكتلك مرتك أم لسان فالت بعد ما عرفت اللي عرفته من متعوسة الرجا دوكها. لكن تمام، خليها تقعد جنب خيبتها التانية وتهون عليها. عشان أنا ولا هيفرق معايا أصلًا. في الأول والآخر أنا واحدة بتدافع عن بيتها، ومن حقها تهدد وتعمل أي حاجة توقف بيها المسخرة دي...ردد خلفها، يصعقها بالقاضية:ـ أي حاجة؟ أي حاجة يا هالة؟ طب شرف الولايا ما فرّقش معاكي، إنما شرفك إنتِ هتقولي فيه إيه؟ لما جوزك يعرف إنك طلّعتي من البلد وروحتي عند بيت راجل غريب في بلد غريبة؟ أظن دي بقي قصة تستاهل الناس تزود عليها وتألّف براحتها مقارنة بقصة العيلة الصغيرة أخت اعتماد.برقت عيناها بشرّ مطلق، تهدر به بعنف:ـ إنت اتجننت ولا خيبت يا حمزة؟ هتألف على بت عمك كلام محصلش؟ردّ يؤكد لها بالبراهين:ـ لا، حصل يا هالة. ولا هتنكري إنك طلّعتي السبوع اللي فات في عربية مخصوص خرجت بيكي برا البلد، عشان توصلك عند بيت راجل غريب. الرجل ده يبقى الأستاذ عليوة، اللي جوزك ضربه الصبح!ارتجف داخلها بذعر حقيقي، لتسارع بالتوضيح، لاطمة على خدها:ـ يا مري! عايز تجيبهالي يا حمزة بالبهتان؟ أنا دخلت فعلًا بيت عليوة، لكن زيارة لأخته مش ليه. أنا بنت القناوية وتوبي نضيف!قابل انفعالها الأخير بهدوء شديد يواجهها:ـ شوفتي الظلم وسيرة العرض عفشة كيف؟ على العموم، في كل الأحوال الغلط راكبك من ساسك لراسك. سواء شفتي عليوة بذاته ولا زرتي أخته، دا يأكد للأعمى إنك السبب في جيّة الراجل على البلد، عشان يرمي بلاه على اعتماد لأجل ما تغور من وشّك زي ما إنتِ عايزة. لكن سبحان الله، الموضوع قلب العكس.علم بصدق ظنه حين رأى بأم عينيه تأثير حديثه عليها: أنفاسها المضطربة، عيناها التي كادت أن تدمع وهي تناظره بغل شديد لعدة لحظات. بعد أن كشف خطتها بكل سهولة، فأضاف على حريق صدرها:ـ أنا ماليش دخل في اللي بينك وبين جوزك. إنتِ حرة، تكملي معاه ولا تنهي. ما يهمنيش، لأن في كل الأحوال البنات عمرهم ما هيسيبوا أبوهم. اللي يعنيني بس الولايا يا هالة. إياك أسمع إنك جرّبتي من اعتماد ولا جبتِ سيرتها ولا سيرة واحدة من أخواتها بالباطل. ساعتها لا هقول بت عمي ولا زفت. هبلّغ جوزك وأعمل قعدة عرفي لكل أفراد العيلة وأشهدهم بالدليل اللي شافك وبلغني. عشان ساعتها هتبقي خسرتي من كله.... ودلوك ارجعي يلا، ارجعي على بيتك. يا إما ما هستناش لبكرة حتى، وهتصل على جوزك وأبلغه بكل حاجة.ـــــــــــــــــــــــ بنت الجنوب ـــــــــــــــــــــــتنوية بسيط انا عارفة أننا قصرنا شوية في قصة حمزة ومزيونة معلش هي سخونة الأحداث في حكاية خليفة اللي جبرتني على كدة لكن بإذن الله لسة الأحداث جاية كتير حب ولوعة وطراوة😍 تابعو معايا وقولوا رأيكم