رواية سباق بلا نهاية بقلم فونا | كاملة

كتكوته زيك بتعمل ايه في المكان ده. خليك في حالك. تجاهلته وروحت تجاه الريس بتاعتي وبدأت اطمن عليها قبل ما ابدأ السباق. متقوليش أنك هت... هتسابق. بصلي بهدوء وبعدين نطق ببرود: روحي لماما وبابا يا كتكوته إحنا مش في حضانة. مهتمتش لكلامه وركبت علي الريس بتاعتي ولبست الخوذة. بصلي بهدوء وبعدين ركب الريس بتاعته ولبس الخوذة ووقف جنبي بس علي بعد مسافة. واحد، اتنين، تلاتة.. يلااااا أول ما سمعت الصفارة انطلقت بسرعة... كنت بتحرك بمهارة واحتراف نظراً لأني بحب الموضوع ده. كان بيحاول يكسر عليا... اتعصبت لأن دي مش من القوانين. لاحظت أن كله كان ساكت لما عمل الحركة دي.. في اللحظة دي مهمنيش حد... وبدأت ازود سرعتي وبالفعل عديته بس كنت ملاحظه أنه متهاون معايا!! معرفش ليه بس لحظة والتانية وكسبت!! وقفت مكاني.. ميخصنيش غير أني كسبت. قلعت الخوذة تزامناً مع صوت زعيق ورايا.. برضو يا مريم مش بتحرمي!! بصيت ليوسف أخويا ببرود: إحنا مش هنخلص من موال كل...