تحميل رواية «شيء من رصيف الدم» PDF

شيء من رصيف الدم

البارت الاول

بقلمي leo Alfatlawi

علقوا بين الاسطر …

نسرق ساعات من الزمن ولانعلم انها من اعمارنا ؛

نهرب منها ونعود اليها فلا عقاربها تتوقف ولاسنين عمرنا تأخذ حقها؛

الجو بارد والدنيا بلشت  تظلم رفعت راسي للسما اباوع بيها مطرة قوية

اخذت نفس ولزمت ايد راية سحبتها حيل اريدها  تسرع بالمشي  اكثر  اعرف تأخرنا واعرف راح نتعاقب بدون رحمة بس مجان عدنا حل ثاني لازم نخلص بطالة البنزين ونرد بيدنا المبلغ كامل

عيني بالطريق امشي وندعي انلحگ ندخل للمنطقة قبل لاتعتم  وتتحول من  مكان بيع المنكر والتحرش الى مكان خاص بالوحوش

اشكد ما نحاول نسرع بس الطريق بعيد احس روحي بهتت ورجليه بلش الخدر بيها اتلفت  اباوع نص المسافة بعدنا مامخلصيها  والشارع بدأ يفرغ من غير صوت الجلاب الي صارت واضحة

من كثر الخوف كمت امشي بكل سرعتي واعثر بدون وعي وردد بصوت يرجف  ياربي رحمتك

وصلنا يم محط النفايات جان اكو تانكر مكسور  سحبت راية ايدها مني ودنگت على رجليها  تتنفس سريع  همست بعد مااگدر

-ماضل شي ونوصل اتحملي فدوه اغوحلج

-رئال كليتي دتموتني بعد ماتحمل

-جيبي العلاگه وستندي عليه

- تأخرنا  بعد ما يفيد هالحجي لاتضحكين على نفسج

- لالا بعدها ما مظلمة كلش بلكي انلحگ ولج ماما هسه نلگيها متخبلة علينه

-والله راح يلزمونا  ومحد راح يخلصنا منهم

-محد غاح يلزمنا بس استندي عليه و مشينا ابوس ايدج ماضل احد بالشاغع  استعجلي

ماردت باوعتلي بكسره ابتسمت اطمنها  اخذت العلاگه منها وكمشت ايدها  استندت عليه گوه تمشي من الالم

تباوعلي لبالها صدگ قوية وماخايفه  ماتدري الهم والخوف الي بكلبي يعادل عمر  ويه كل خطوة روحي  تنعصر من منظر الشوارع

صارت منطقتنا كدامنا وهنا كلبي بدأ يقل حتى النبض؛  مجرد شوفت المكان  وحده يسبب دمار للنفس مو الدخول بيها

وكفنا خليت الاغراض بالگاع عدلنا  اللثام على وجوهنا وحده كمشت ايد الثانية دنكت شلت الأغراض  سمينا بأسم الله اخذنا نفس  ودخلنا

نمشي بكل ماعدنا سرعة  خايفين يطلع واحد وكتها صدگ يكون امرنا انتهى

المكان شبه مهجور اكثر البيوت مهدمة متروسة نفايات ضالة بس للحيونات والمتسولين الماعدهم مكان

وقسم  تعبانه سكانها من للمشعوذين وتجار الاعضاء والممنوعات و الي يتبنون الاطفل الماعدهم  اهل  ويشغلوهم حسب اعمارهم

كمزنا صوت تكسير بطل بالكاع اندارينه لكينه شايب كاعد وبصفه  كومه بطالة فارغة يفر براسه مبين عايش بغير عالم صارت عينه بينا ضحك ضحكه قبضة گلبي

حسيت على رجفه  ايد رايه وهيه تعصر جفي غمضت عيوني سويت روحي مانتبهتله سحبتها  ومشيت عالكيف حتى لايحس خفنا وانهزمنه منه

جسمنا متبنج نتحرك  بدون شعور  ماكو بلسانه بس ياربي دخلنا بأمانتك

النفس خلص اريد اتبلعم مااگدر احس اذا سحبت الهوا راح يسمعنا عصرت روحي كوه احرك برجليه  موشارع صار شطوله الهوا خلص بريتي غمضت وشددت قبضتي على ايدها خايفه توگع حسيت برفتها  وبخنگه احتلت صدري عرفتها ماراح تتحمل اكثر

غمضت حيل و قويت مشيتي صار الفرع قريب بدون وعي  ركضنا دخلنا بي وكفنا كلمن ايدها على كلبها تشهگ النفس بعجز  مامصدگه

فركت صدري ونفخت براحه  باوعتلها ضحكت بتعب وهمست مبين اذا مانموت بأديهم نموت من الخوف

-غاح يجي يوم نطلع منا

-ادري نطلع بس لو بيع للغجر لو للكبر  لاتتأملين غيرهن

-غزوان وعدنا يطلعنا منا

-قبله وعدنا محمود تالي سكن التراب قبل حتى  لايدلينه طريق الامان

سكتت لان ادري صدگ هذا مصيرنا مدت ايدها باوعتلها والعبره لازمتني بينت الابتسامه بعيونها اشرتلي يله مسحت عيوني ولزمت ايدها

كلمنا طريقنا عيونه تتجول من بيت لبيت ؛

الي يطلع منه صوت طرب  والي اظلم حتى نفس مابي والي ضال بس هيكل

وصلنا بيت اليهودي الي يبعد عن بيتنا مسافة صغيرة

جان فصاله  غريب وسكانه  اغرب منه  محد يعرف عنهم شي؛  لو وين اختفوا على ساعة  دوم اصوات وريحه تخنگ  تطلع منه  خاصتاً تالي الليل وهذا الشي مسبب الرعب للمنطقة بكبرها وخال محد يتجرأ يوصل يمه

بعدنا عيونه عليه مثل كل يوم نباوع لرهبة هيئته وشكله المرعب ونسمع صوت ضحكت زلم جاي من بيتنا  باوعت الراية بيأس  همستلي مو كلتلج ماراح نلحگ

- شنسوي هسه  اكيد شغبوا

-خلينه نرجع نبات بسطيتنا والله الشارع ارحم منهم 

-حتى امج تموت لبالها انخطفنا امشي اني ادخل واذا انتبهوا  أشغلهم وانتي غكضي

-لاتتخبلين رئال  اذا لزموج يفصخوج هاي اذا مو ابوج هو الي بلش اول واحد بيج بدون لايحس

داارد وسكتني صوت الرجال وهو يغني بصوت عالي  اندارينا وانشوفه نفسه جاي ورانا ويا واحد لخ  بيده بطل منكر  شافنا اشر تعالوا

قبل لاتحجي لو تعترض جريت ايدها  مشيت حيل وكفت يم  الباب  سديت عيوني وكزيت على سنوني  سحبت الخيط  عالكيف انفتح دفعته بطرف اصابعي  لفحتني ريحه النكاسه والشرب بسرعة سديت خشمي

فتحت عيوني  اباوع لممر المدخل  هندس ماكو بس ضوه العاكس من شباج الاستقبال وخيال سعد بنيه يركص وصوت اسوالفهم والفشايره تكرهك بعيشتك اكثر مانت كارهه

درت وجهي للرياجيل قربوا ما ضلت مسافة قليله تفصلنا  رجعت باوعت لباب الاستقبال صح  موكلش مردود اذا دخلنا يشوفونه  بس صوت الزلم وهمه يصيحون تعالوووا خلاني بدون  تفكير  ادفع رايه جوه وادخل اسد الباب بسرعة باوعتلي فاتحه عيونها بكبرهم رفعت اصبعي  اشرت اشش

-الباب مفتوحه مانگدر نعبره

-غاح نگدغ بس صوتج لايسمعونه

-رئال لاتجربين حضج

-لاتخافين گولي ياالله ومشي على كيفج ماغاح يحسون

-لالا رئال ماراح نخلص روحنا والله

كمشت ايدها اخذت نفس  ضغطت عليها حيل اريدها تهدأ ماجان عندي غير حل سحبتها اتحركنا على اطرف أصابعنا

عينه بالباب نلهج بذكر الله وصلنا يمه واشوف دمعتها نزلت  غمضت عيوني كتمت  النفس

واسمع الباب تندگ حيل وصوت واحد يصيح طلعوووا 

ماشفت  غير الدرج صار كدامي جريتها وركضت بدون لاباوع وراي صعدنا بكل سرعتنا  للغرفة  وصلنا دكيتها بثنين اديه اجه صوت غيمة من داخل الغرفة صاحت  منوو

-فتحي ولج احنااااا بسااااع

-لاتصرخين ومرررض هسه افتحه

كالتها وسحبت الباب  دفعت رايه ودخلت وراها ركض جريت الباب بسرعة سلقيته ويه صعود اصواتهم من جوه  الي يصح منو دخل والي يتعارك يريد يفتهم شكو داگين الباب

انتجيت عالباب خليت ايدي على گلبي كالت غيمة شافوجن اكيد

-ماعغف ماعغف بس سمعونا وحنا ندگ الباب جيبي الميز خلي انسده بي اخاف يصعدولنا

- لاتخافين هسه الحيوان ابوج يمنعهم من الصعود لان يعرف هاي انتن رجعتن

فتحت اللثام اخذ نفس

-وين جنتن  عمتي اتخبلت عليجن وابوج جنزها هيه ورؤيا تجنيز 

انداريت واشوف ماما  كاعده لاحول ولاقوة لامه رجليها لحضنها  دموعها على خدودها وجهه مصلوخ ورؤيا مربوطه بالشباج شعرها منثور  زرگ من الضرب 

شمرت الاغراض ركضنا رايه لماما واني لرؤيا دنگت كمشت اديها داافتحهن صرخت بألم تركتها اباوعلها مغمضه ضاغطه على سنونها  تحاول تكتم الوجع

رجعت دنكت لزمت الحبل على كيفي افتحه  وعيوني عليها خايفه اوجعها لان الحبل داخل باللحم ؛

دموعي حاجب النظر امسحهن بظهر بمتني ويرجعن ينزلن وايدها بين اديه ترجف ماعرف اشلون افتحها كد ماضابهن

سحبته حيل واسمع شهگتها طلعت من كلبها احسها خذت روحي اعرف بجيتها مو من الالم لا من عجزها ماتعرف تحمي نفسها لان ضريره

شمرت الحبل وكعدت يمها ردت اخذ راسها لحضني دفعتني مسحت عيونها ولمت رجليها لحضنها انتجت تسحب النفس بحرگه همست بحقد والله راح اخلي يتمنى الموت وكلام الله راح اخلي يتمنى ماخلفنه اله ادفنه وهو عدل

-لويش كتلج كم مغه اگلج لاتوصلين يمه لاتلاسني ماتعغفي حيوان يكتلج بلا غحمه

- اذا ما جردته من رجولته وعذبته عذاب اليهود ماطلع بنت اليهوديه الي ينحلف بشرفها

-شنو سوالج ؟؟

غيمة - كلشي ماسوالها اجه يصيح على عمتي بسببجن لان تأخرتن حضرتها كامت عاطت بوجهه اتكله انت الي مطلعهن للشغل روح شوف وين شمرتهن بلكي تنهز رجولتج شوية وانت تشوف اشلون يركضن بين الشباب حتى يجيبن فلوس لقذارتك

-وانتي اشبيج  ماعغفتي تسدين الباب عليها لحد مايهدأ يعني تشوفي معصب اشلون خليتي يدخل يمها لو موتها

-حمدي ربج بس كتلها راد يسحلها يشمرها بالسرداب ويه الحيايه لو ماامج تسحل روحها وتبوس رجلي وهم رد طلع حرگته بيها لان مربيتج سكط

-شلون حس  احنا ماموجودات هو مايگعد اله بعد الاذان من يجون جماعته

-كله من امج اتخبلت علينه تگول دازه ملائكة للشغل  مو يهوديات كاتلهن الوسخ ماارتاحت لمن كعدته من النوم وسودنته علينه وحتى هاي اختج الصغيره انجلبت كل دقيقة وفاكه حلكها تبجي جوعانه تره مملتوني شذنبي اتحمل عيشتكم وفگركم

-واحنا ماغاصبين عليج اخذي اخوج وطلعوا شوفولكم مكان زين عيشوا بي احنا هاي عيشتنا ابونا مابي خير ومنطقتنا خاصه بالمجرمين والمجاديه الي محد يتقبلهم مثلنا

-اني اعرف لويش هيج غزوان  مجلب بيجن وراضي بالذل والتعب كل ماحجيت ويا وصاح لو اعرف اموت ولااتركهن وحدهن تگول من بقية اهلي بس اااخ كله من عمتي هيه الي مسممه راسه وخالته هيج متسودن عليجن ولو المفروض اعرف حظنا اعوج من ساعة الماتوا اهلي وشمرنا بفكركم القذر 

اخذت نفس وانداريت لرؤيا الي على صفنتها حتى ماتسمعنا شنو نحجي حسيتها  بغير عالم عرفته راجع يحاول يتحارش بيها بس ماتحجي تخاف على ماما تعرفها راح تنتحر لان وكتها تتأكده هيه عاجزه حتى عن حمايتنا من حيونته

صفنت وين اروح والمن اشكي  اهله كلهم نفس وسخه واذا هو من يصحى يحس اكو رابط دم بينه اخوته حتى هالشي فاقدي اول شي يفكرون بلحمنا  هاي اذا ماباعونا للغجر حالهم حال اكثر العالم العايشين بهاي المنطقة

كمت رحت يم ماما كعدت وخرت رايه عن حضنها وسحبتني مكانها خليت راسي بحضنها وشهكت بيأس على وضعنا باست راسي وگالت لاتبجين يبعد امج

-لويش تخلي يدخل اشگد دنوصيج من نطلع قفلوا الباب بالاخص من يبلش بالسم 

-والله جان بعد ماشارب و خفت عليجن گلبي وجعني الدنيا ظلمت وانتن ماكو دزيت غيمة كلتلها بس كليله خلي طلع وراجن يشوفجن وين صرتن

-يعني وين نولي ياماما مودتشوفينا نطلع حالنا حال المجاديه ملثمين ونخلصها بين السياغات نتوسل لحد ما نحصل كم فلس نسد حلگه بيهن

-ولج والله كلبي ماينطيني كلما اسمع صوت نكس بالشارع  لو اسمع خبر وحده روحي تشوغ عليجن وانتن تأخرتن ماعرفت شسوي

-كلشي ماتسوين ماما بس تقفلين الباب عليج ماعلينه تدغين بينا ممنوع نوصل للبيت اذا فلوسنا بيهن نقص والله خوف الشاغع اهون بهواي من الصونده الي يصلخنه بيها

- تهون يبعد امج تكبرن وتتزوجن وترتاحن بس صبرن

-لحدمن ماما والله ملينه نص حياتنا تخلص من ندخل  للمنطقة ونص الثاني واحنا گاعدين للصبح اخاف يدخلون علينه جماعته هاي من غيغ امنيتنا ناكل خبزه بشبع

-ربي كاتب نعيش هيج لازم نحمده اكو اتعس من حالتنا اقلها اكو سكف يلمنا ولكمه ناكلها تالي الليل حتى لو قليله وحضن دافي وانتن تنجمعن سوه واذا على ابوج يجي يوم وربي يهدي عليجن ويخلي يبطل هالسم الدياخذه  وبعدين لويش هيج تبجن تره ماضربنا حيل

رايه:-  اشلون موحيل وجهج ازرگ  ورؤيا ماضال شي صاحي بيها معقوله هاي كلها بس لان كلتيله اطلع دورهن

-اي والله يا ماما وروح اخوي حتى مافتحت حلگي وحجيت  غير كلمتين بس هو ماعرف لويش تخبل

رؤيا :-  لا ماتخبل  هاي بت اخوج النكسه الي خالتها بينه وتنطيها لگمتج هيه الي تزن براسه من الصبح  تحيل بي حتى يكتلج كل شوية وكالتله روح شوف اشكد لامات افلوس من وراك   لالبالك  صدگ يطلعن للشغل تره امهن ادزهن يتنقلن من حضن لحضن  وبايعاتها كدامك شريفات

غيمة :- انجبي لا انزل هسه اصيحه واخلي ياخذله بعد كم صونده بيج ولبالجن مااشوفجن من تجيبن افلوس وتنطن لامجن تضم وخالات اخوي يكرب من صبح لليل وينطي لابوج  واني بحسرت الثوب

-ولخاطر هالشي نايمه جوه رجلي تحيلي اربعة وعشرين ساعة لبالج هيج راح تكدرين تخلي يبيعنا وانتي تاخذين راحتج تره لالبالج هذا البيت بي حظ وتفكرين بي ولالبالج يسمعلج لوجه الله مثل ماخالج هنا مايطلعج للشغل يعرف بتفكيرج نكس ومفكرلج بشغله يخلي بيها الحيوان انظف منج

- مايطلعني للشغل لان يعرف امج اسگطت  محد يكومها ويكعدها وانتي اسگط منها منو يداريجن وماكو نكسه وحيوانه غيرج اقلها كل يوم جايني خطابه شكل ويضلون بالساعات يتوسلون حتى ارضه مو مشمورة فوگ محد مگلبني فوگ ماعمية يخافون يتقربون لان يعرفون مجلوبة

-قصدج مشتري مو خطابة لوما متأكدين رخيصة وقابلة تبيعين نفسج  مايباوعولج بس يدرون بيج مستعده حتى دخلين بالحرام لخاطر كم دينار وسخ مثلج

استوها ترد وعاطت ماما كافييي صدگ انتن ماتستحن ولجن انتن خوات بدل ماتوكفن وحده بظهر الثانية هيج تتعايرن  اني اشلون ربيتجن وانتي رؤياااا هاي اخر مرة توكفين بوجه ابوج وتجاوبي  ييمه  اني سكطت بعد ماكدر ادافع عنج تالي يوجع كلبي بيج اكثر ماهو موجوع

- ولاتخافين ماضل شي حتى يوجعج بي هو نظري وخذه خلاني حالي حال اي غرض تعبان بالبيت منتظره اشوكت يجي شراي يشمروني  عليه

-محد يشمرج  والي براسج شيلي لبالج ماعرف بيمن تفكرين  ولويش دتنزلين جوه بس وداعت خواتج يا رؤيا اذا سويتها  اغضب عليج وماشوفج ليوم الدين

-ههه الاعمى ماتهمه العتمة خلي يصير الي براسي  وسهل غضبج اووو لا  اصلا مايهمني مغمضة مفتحة اني ماشايفتج

-ولج والله مايرحمج يموتج تعذيب هذا كافر ماعنده مخافة الله ولج ماعندي غيرجن ضاله اشم الهوا بيجن لويش تموتيني وراج

-هيه موته موته ان جان هسه لو بعد دهر خلينه نموت مرتاحين  بشرفنا افضل من الذل والعيشة المره الدنعيشها

-ماينطيني كلبي ادعي عليج بت روحي انتي واعز وحده بخواتج روحي يمه  الله يهديج  وانتي رئال كافي يبعد امج لاتبجين مابيه شي

شلت راسي ابتسمت وعيونها مليانه دموع

-لادتتوجعين وشبعانه اهاين وظلم وصابغه بسببنا تغه  دنشوف كبغنا ماما لويش حاسبتنا بعدنا جهال  اسكتينا  بضحكة

-تخلص ما تضل ما وراء الصبر اله الفرج واهم شي العافية

رايه - يافرج اشلون صاير هذا هااا واشوكت ناوي يجي وياعافيه دتحجين عنها تدرين وين چنه  لو لويششش تأخرنا جنه نركض وره السيارات الي تمسح جام والي تبيع بنزين  لويشش هاا بس حتى نحصل كم دينار زيادة لخاطر نشلع هالجبس من رجلج الي صارله اشهر ماكدرنه نلم فلوسه  لو رؤيا الي راح نظرها بسبب الفگر ماعالجناها  شنو ضل منو عدنا رند شوفيهااا ضالة عظم وجلد من الجوع حتى كومه ماتگدر تكوم على ساعة تسكت

-استغفري ربج يا امي

-استغفر الله ربي بس ماما ملينه تعبنا ما ضلت طاقه حتى نصبر والله امشي واتلفت خايفه اشتغل خرساوي بس حتى لا يعرفون اني بنيه وهذا جسمنا كد مانربط بي ونضيع معالم الانوثه للصبح منكدر نام من الالم

-لاتموتين كلبي شواكع بيدي وماسويته كلما تكبرن تزيد حيرتي بيجن  لا اكدر احميجن ولاكلبي ينطيني  اكتلجن واريحجن من هالدنيا

رؤيا -  ولويشش تكتلينه خو كتلييي اولا انتي عمرج ماراح تصيرين  ام  وقدوة النه  اني اعرف اشلون اسودنه اذا ماخليته ينتحر مااطلع بنت اليهوديه

-صح استاهل هالكلمة اني مو ام ولا عمري راح اصير قدوتجن شيلي ايدج خلي ربي يستعجل بروحي حتى تعيشين براحتج

كمشت ايدها بستها

-من عمغي على عمغج ما نسوى شي من دونج  الدنيا المابيها انتي منغيدها وهاي اخغ  مغه نتأخغ بس والله غصبا عنه ومالبالي يجون من وكت

-من العصر اجوي  محتفلين بزواجه الميخاف ربه ياخذ تعبجن ويصرفه على حيونته وغريزته

-عزه هم اتزوج؟؟

-هالمره بنيه صغيره خبصت الامه بالعياط ماعرف من يامله جايبيها احتاريت شسوي كاعده واندعي مثل المخبله ربي يهدي ويردها لاهلها

- عزا اخاف خاطفها

- لا العصر جانت رند تلعب جوة واجت تركض  كالت اجه رجال ويا بنية صغيرة هيه تبجي وابوها يبسطها وانطاها لبابا واخذ افلوس منه

-واكيد عقدها عقد لسان مثل القبلها كم يوم ويشمغها على اهلها الي باعوها علمود كم فلس لاحول الله اشوكت الله يتوب علينه  من هالعيشة اخذتي علاجج

-ها لامابيه شي بعد ماعتازه

-خلص مو لويش ماكلتيلنه من طلعنا

-مو وصيت غزوان من البارحة اشو هذا هم اتاخر اليوم

-الله يساعده هم ابتلى بينه فوگ ضيم موتت اهله متحمل حيونة ابونا ومصغفنا

-صح ابن اخوي بس اني ربيته بأيدي  واعرف معزتي عنده  من معزة  امه و لاتستعملين الكلمات البيهن راء هواي حتى نفتهم شنو دتحجين

-مامااااا

-ههههه يروح امج شوفت ضحكتجن تشيل شكو مرض وهم  بگلبي تعالي يمي ماشبعت منج

ضحكت ورجعت راسي بحضنها احس  التعب كله ينزال  بشمة عطرها اجت رند تركض دفعتني وگعدت مكاني  ضايجة باوعت لماما وگالت تره اني نعسانه

ماما -اووف يمه الغيرة

-مااغار ماما  وجوعانة يله اريد اكل مو كلتي من يجن يجيبن خبز شو ماكو

باوعتلي ماما اشرت جبتي

-اي ماما جبنه بس ماحصلنه غير اربع خبزات بس جبنه نص كيلو طماطة

-الحمدالله نعمة كومي رايه ماما سوي لخواتج عشه

اباوع لرايه تعصر بكليتها وتباوعلنه بتعب كلتلها لااني اكوم وهم احميلج مي دتسبحين حتى  تغتاحين

-لاتلحين ماكو شي يوجعني ياامي بس تعبت من الكعده  هسه انام يروح التعب كومي يبعد امج وانتي رند روحي يم رؤيا لاتضلين تطفرين تالي يسمعون صوتج

رند -: لامااحجي  بابا يسمعني تالي يضربني مثل هاي البنيه

- لايحبيتي مايضربج  هاي  سوت وكاحة عاقبها ابوها وكم مرة كلتلج لاتباوعين عليهم اذا شافج بابا مره لخ يعاقبج

رايه-: رئال كومي سوي عشه وطفي الضوه تأخر الوقت هسه يثگلون بالشرب وانتي ام رايه يله حبيبتي كومي داغيرلج حتى تتعشين وتنامين مرتاحة

جريت رند بوست خدودها ودفعتها على رؤيا الي تتلمس حتى توصل لفراشها  اشكد تريد تبين هادئه ومامهتمة  بس اعرف داخلها يغلي منتظرة اي فرصة  ترد حق ثمن نظرها ظلمها من ابونا

كمت تركت رايه تساعد ماما تغير ملابسها وحده تكتم عن الثانية وجعها  وغيمة متمدده تبرد بأضافيرها تباوعلهن صفح

شلت البنزين خليته على كتر غطيته بقمصلة قديمة حتى لاتلعب بي  رنود

اخذت علاگه الطماطة  رحت للمطبخ هو مو مطبخ حمام قديم واحنا فرغنا وخلينه جولة وكم شغلة حتى لا ننزل  جوه

شغلت الفانوس  رحت طفيت ضوه الغرفه وتأكدت الباب مقفولة رجعت للمطبخ جريت التخته وكعدت شلت الصندوگ طلعت بتيته ضامتها لان ادري غيمة تسويها وتاكلها بالبسكوت بدون فهم وتخلي الباقي جوعانين

استوني بلشت اكشر  اجت رايه كعدت تغسل اديها كالت حمصي الطماطة

همست صوتج وادغي  غزوان يحبها محمصة مايعتاز تگولين واشلونها  كليتج بعدها توجعج

-لاراح الالم لان باردة صلت عليه شوية  شتكولين لشوكت احنا نضل هيج عايشين بالظلمة والهمس

-تعودنا صار سنين هاي حالتنا شنو الجديد 

-الجديده كبرنا وابوج كام يباوعلنه بغير نظرة بالاخص من كام يجيب كل يوم وحده شكل صار يعتاز افلوس اكثر لخاطر سهراته

-شنسوي قابل وين انغوح من اشوف البنات نايمة  بالشارع ومتحملات اذية العالم احمد الله  على عيشتي گومي غوحي يم الصوبة لاتصل گليتج  وعلاجن باجغ اجيبه  لواعغف اجدي

-هيه بس هاي ماسويناها  ولج رئال خايفه شافونا من دخلنا اخاف يخلون بابا يثگل بالشرب ويعصدولنه يسولنا شي

-ابوج يلعب ويه الشياطين امني  ما يسويها   مو غبي وهيج يضيعنا  ضامنه للغوس الكباغ اذا مو افلوس كد وزنا ماينطينا

-واحنا نضل ننتظر اشوكت يجي واحد يشترينا هاي اذا مادفع فلوس وخذنا شغلنا حالنا حال باقي بنات البتاوين

- شنو البيدنا  ذا اشتكينه غاح يصدكونه  وهو نص المغكز من جماعته وكولي اكو واحد شغيف بيهم منيلنا هويات وبالاخص  من يعغفون احنا  من البتاوين اول شي يفكغون بي لحمنا هاي اذا ماابوج انطه وحده منه مقابل طلعته مناك

سكتت كامت طلعت جرت الصوبه طلعت حركتها بيها تحاول تشغلها وهيه مجمره ادري كل قهرها على غزوان تخاف يمل من تصرفات بابا ويتركنا واحنا ضالين بطرگه

خلصت بديت اگلي وعيني تتجول بسگف الغرفة الي شايلي بجذع شجره  خايفه يوگع على ساعة هلكد ماتعبان من غير الحياطين الي ضالة بس طابوگ مفلش يخوف شكله كد ماقديم

اباوع لرؤيا  تسولف بهمس ويه رند رغم الله اخذ نظرها بس عوضها بجمال ما يتوصف فتحة عيونها ولونهن الي يشوفها مايصدگ ماتشوف صح خواتي مامعوزات كلمن تمتلك جمالها الخاص وسالفة ماما  ربي انطاجن جمال بني اسرائيل بس رؤيا  احلى وحده بينه ماخذه لون عيون غزوان وجمال ماما  وهاي اكثر وحده خايفه عليها ماما  لان متسرعة وماتعرف الخوف شنو

عكس رايه ماخذه دور امنا بحنانها دوم تنطي من روحها لخاطرنا حتى اللگمة ماتخليها بحلگها اذا ماتشوفنا شبعنا

كملت العشه كمت شلت الصينيه طلعت لكيت الصوبة يم ماما  والبنات كاعدات كدامها مجمرة

مابيها دفو داخلات جوه البطانية بحضن امي  الي ضحكتها مدفيتهن تسولف وياهن تحاول تنسيهن العوز العايشات بي

خليت الاكل يمهن ورحت اسد فتحت الباب من جوه طافره ماكلها الزنجار دااخلي فروه قديمة  واسمع واحد يغني ديصعد  انتبه لاديه من جوه كال منو الكمر هنا

خليت ايدي على كلبي  من الهبطة  باوعتلهن دگ الباب كال فتحي يحلوة

همست ماما اشش ونصت الفانوس عالاخر

رد دفر الباب وصاح جاسسم  الكلببب ضام الساقطة بس الك فتحي الباااااب لج

وكفت متصنمة مااعرف شسوي ماما لمت خواتي بحضنها وعينها بالباب خايفة ينكسر وهو على صوته يصيح فتحي  رفعت راسي للسما مغمضة همست يارب دخيلك

كمزتني صوت دفره من قوتها فلعت الباب من فوگ وصوت صرخته وهو يصيح  تعالوااا ولكم هاي هنااا

؛باوعت ماما  همست وين نغوح  غاح يشلع الباب

ماما-:  كومي رايه  اخذي خواتج  ودخلي للمطبخ بسرعه سلقنه عليجن

رايه -:وانتي لاتگولين اضل هنا بابا  ميحس مثكل بالشرب راح يأذوج

هيه تحجي والضربة اجت بالباب خلعته من الجهه الثانية بعد اريد اتحرك ماگدر  اباوع لماما حضنتهن حيل ورايه اجت تركض كعدت ورا الباب سدته بظهرها واشرت روحي اخذيهن وانظمي

من الهبطه لزمت الحايط شفايفي يبسن ماعرف حتى اندعي استوها تدفعني رايه  واجه صوت بابا من جوه يصيح لك هاي اليهوديه المعفنه  هناااك  تعال  اجن الفختايات بسس دير ب اا الك لااا تهد.ن ك هههههه

حچي منتظم بگد ماشارب اخذت نفس  واني اسمعه يضحك وخطواته تبتعد دقايق واختفى صوتهم رد نزل

خليت ايدي عالحايط ردت اتحرك ماگدرت كامت رايه سندتني اخذتني يم ماما كعدت مهدود حيلي اخذتني لحضنها وبجت بصوت

همست خلصت ماما  غاح واحنا مابينه شي لاتبجين

-لو لاح شوية جان خذوجن من حضني

رايه -:امني والله مستعده اذبحهن كلهن  بيدي  مااسملهم وحده منهن  

- رايه يمه اخاف اموت خواتج امانه بيدج انتي امهن اشما طگجن العوز وابوجن غصبجن على المنكر لاترحن بطريق الحرام

رايه -: اسم الله عليج ماما وبعدين انتي شايله نفس وهو شايل نفس والنفس بيد الله ان شاء الله يومه قبل يومج

- ياامي هذا مايخاف الله ناقص غيره  منتظر الغجر يدفعون بيجن مبلغ زين حتى يبيعجن  مثل صاحبه ويستفاد من اجرجن

- غزوان مايخلي

- سوده عليه هو وينه غزوان اشو يشتغل شفتين بس حتى يسدد دين هالحيوان يخاف يكول كثر ديني وخليني ازوج وحده منهن والله مااعرف شگول لاخويه يوم القيامة من يسألني عن امانته

غيمه -: كليله اخذت جهالك وبدل مااراعيهم بنتك خليتها تخدم جوه رجليه وابنك يخدم جوه رجلين رجلي وخالتهم بحسره  الاكل

-والله خالتكم بگلبي شنو بديه وقصرته عليكم  تعرفين قصتنا شنو وتعرفين ماعدنا سند غير سبحانه وتعالى وهاي كدامج ماعندي غير اندعي يحفظلي  غزوان ويعوضني بي  مكان الصارلنا

رايه -:تفرج ماما مسحي دموعج رند تباوعلج خايفه واذا على غزوان  مو طفل دخل السن القانوني  يعرف شنو يتصرف وشاب ماعليه يتحمل

ماما -:شيتحمل وهو كوه يجر النفس وهذا واگعله ضرب واهاين حتى اكله يسند طويله مامحصل  ربي من عمري على عمره اخذ وخلي ماعدنا غيره احمي وخلي سند لبناتي

اتحسرت ماعرف المن اباوع لو الشنو اندعي عيشتنا عباره عن ظلام  وفريسه سهله بين الوحوش

بست ايدها وصعدت ضوه الفانوس لان سمعتهم ردو للشغلهم وصوت الغنى والضحك 

كعدت ماما رغم التعب والمرض بس ماأثر على جمالها اليشوفها ميكول بنهايه الثلاثين حسباله بعمرنا وهذا الشي الي مخبل بابا لان رافضته ودائما نسمعه يردد بأسم واحد بالاخص من يشرب لو يشوف المداليه بركبتها ينجن يبلش كتل بينه بدون رحمه

اخذت نفس اباوع لايدها  ترجف ما تسيطر بس لازم تسوي لفات توزعلنا وتباوع لحلكنا تكول بعدنا جهال مو اقل وحده بينا عمرها راح يعبر الاربع سنوات ؛ اكلت وضحكت ضربتني على راسي كالت على شنو تضحكين ام لدغه

-ههههه تغه غايه  تدخلت السن القانوني واحنا بالتسلسل بعدها اشوكت تقتنعين كبغنا

- مبين من هاي كفشتج ماتلميها اذا ما اني امشطه

-بسببج  انتي واگعتلنا حنه واعشاب خالته يصيغ اطول منه غحمينا والله دافكغ اگصه

-حتى اكص راسج يالفاهيه حلاوه البت بشعرها وذكريني هالجمعة من اودي رايه   للمستشفى  اجيب قرنفل خلص عدنا بين مالم افلوس الحنه

رؤيا -:  اويلي ام رايه هيه الف عندج  اشوكاحتج والله لو يدري الحيوان هذا التخلي بروسنا حنه موطين جان زينه كرعات بس بيج بخت قاطع حاسة الشم بسبب اعماله القذرة

- مثل ماراح يگطع لسانج المامستفاده منه بس الوكاحه  اگلي وجهج اصفر صاير

ردت تسوي لفات كوه كل شوية واكعه منها البتيته وتشيلها  اديها متاذايه من الضرب بس اهم شي توكلنا واحنا فرحانات كل همنا يروح من نگعد يمها ونسمع سوالفها الحلوه تحاول بأي وسيلة تحنن كلوبنا وحده عالثانية خايفه يجي وقت  ونفترق ووحده تنسى الثانيه تكول كلبها حاسها

خلصنا الاكل شلت الصنيه ورايه خلت فراشها  نيمتها وكعدت تسويلها كمادات على مكان الضرب بلكي يخف الالم عليها

رحت غسلت المواعين ورتبت المطبخ اشلون مجان خليت البنزين بي وسلقيته من فوك اخاف رند تغافلنا وتروحله

طلعت الكل نايم و اريه تفتر ادنگ  على وحده بيهمن تبوسها وتغطيها  عالكيف  وصلت لغيمة  لبالي راح تتركها لان دوم تنكتل بسببها وتأذيها بالكلام بس ابتسمت من شفتها عدلت غطاها وهم دنگت باستها من راسها

راحت لفراشها جريت الصوبة خليتها على صفحة وكعدت يمها طلعت دفتر مذكراتي وكتابي المفضل

كتبت احداث اليوم المرينا بيها عالسريع خليته على صفحة وفتحت الكتاب وبلشت اقرا بالقصة واخطط جو الكلمات التاخذني لغير عالم  تعده الوقت اني مستمره اشكد ما أقرا احس بشي يشدني اكثر  بالاخص من اوصل لاحداث القرين وحياة الثانية

دنكت شفت الاسوارة  بيدي يلمع كمشته وغمضت اتخيل بعدنا بيت خالي عايشين   اندكت الباب ركضت فتحتها دخل محمود بملابسه العسكرية گرص خدي وگال اشوكت تكبرين مو شليتي حالي

اجاه صوت خالي  گله خلي يكبر عقلك بالاول

-بابا منا وجاي تضربلي تحية

-من تبطل تتوسل بطفلة وهيه تسحل بيك  ذاك الوكت تعال اطلب اضربلك تحية

-لعد ماترحمني وتنطينياها

-ولي لك اذا ماشوف متنك متروس نجوم لاتحلم تاخذها 

فززني صوت دكت الباب كمت وصلت يمها وكفت اتسنط اخاف واحد من جماعة بابا ردت اندكت وصوت غزوان يكول اني فتحوا

فتحته اباوعله تعبان ملابسه وشعره  متروسات تراب من الشغل همست  ليش تعطلت

- جان عندي شفت ثاني ماكدرت ارجع

-وماغاح تسويها  لمن تموت بغد (برد) وتعب صدگ تحجي

- فداجن التعب وصاحبه اهم شي انتن بخير

تركي التأخير ميت جوع عدنا اكل لولااا يعني عادي اذا ماكو ماضل شي للصبح

-اصدگ غايه تاكل وتخيلك جوعان 

ابتسم  دنگ خجلان عدل نظارته

-ادخل اكعد يم الصوبة  والاكل هياته بگدغ الخبز

-بروح محمود حميلي مي رجليه جامد الدم بيهن

اشرت على عيوني دخلنا هو راح يم الصوبة واني دنگت شلت البطانيه لفيت روحي زين رحت يم الباب   مديت راسي كال ماكو البيت فارغ طلعوا

اباوع صدگ ماكو احد ظلمة هندس بس ضوه الگمر عاكس لان مكانه مكشوف بدون سگف

بيتنا خمسين متر عبارة عن طبقين الفوگ غرفة احنا بيها وهذا معزول تماما والجوه غرفة لبابا  واستقبال يمه ممر ضيگ يودي للشارع  ومطبخ محطم وصحيات تعبان ومخزن صغير كلش بيتنا تعبان   مثل باقي بيوت المنطقة

نزلت ركض للحمام ترست گدر شغلت الجولة خليت المي وعيني بره اخاف يطلع ابوي  وادري بي ياخذ اشياء تخلي فاقد

حمه المي شلته  صعدت ورجعت  للغرفة دخلت لكيت غزوان لام روحه ونايم بالكاع كامش اللفه بيده ومغمض

خليت المي بالكاع سديت الباب  رحت يمه دنكت  همست غزوان

ماكو بس صوت ونته

رديت حركته فتح عيونه بتعب وسدهن

-كوم غسل حتى تاكل

-مم

-تسمعني غزوان

-مم

كسر كلبي نايم فاتح حلكه من التعب سحبت نظارته وخرتها  وجريت اللفة من ايده اباوع لايده صايره زرگه كلها شخوط مدماية من شيل الطابوگ

غطيته  اخذت كتابي ضميته ورجعت لفراشي صارت رايه كدامي دموعها نازلة  تمددت خليت راسي على نفس المخدة  حضنت ايدها همست ليش الحلوه تبجي

-بسببي كل الديصير بي خايفة يجي يوم ويمل ويتركني

-لوجان ناوي يسويها ماضل لحد الان وتحمل كل هالمذله   والتعب ولج يحبج يالثوله مايصدگ اشوكت يصيغ عمغج ١٨ حتى ياخذج غصباً على بابا

-شنو جانت حياتنا لومجان صاير الحادث

- جان اني هسه زوجة الضابط محمود وانتي  متزوجه غزوان غؤيا بعدها تشوف وياهو الي يوصل يمها تعضه  وغند  دتلعب بحديقة خالي  مكان هاي حبستها

-مجان دخلنا هالمنطقة ولاعرفنا شنو العوز  والخوف

اخذت حسره وغمضت حضنت ايدي خلت راسها على متني نمنا

ماكعدنه الا على صرخة كمزتنا كلنا طلعنا نركض صارت بوجهنا غيمة استوها صاعده جرها  غزوان كاللها وين جنتي

-ها جنت دانزل جوه ردت مي عطشانه بس سمعت عمي ديضرب زوجته خفت بطلت

-ليش ماگعدتيني اذا تردين تتسممين كم مره نبهتج ماتنزلين وحدج

- كلها نايمه وماكو احد وبعدين ليش محسسني صغيره وماافتهم تره اني اكبر منك مالك حق هيج لازمني واكف تحاسبني

-انعل ابو عمرج لا بو تربيتج اذا شفتج نازله وحدج مره ثانيه اطيح حضج اربطج واشمرج بالمطبخ حتى الضوه ماخليج تشوفي هذا اخر انذار سمعتييي

اشرت اي

-يله صعدددي

كالها ودفعها صعدت گالبه خلقتها مرت من يمنه باوعتلنا بكره راد تذب حجي بس صوت صرخه البنيه سكتها عضت شفتها وكملت طريقها ماعرف ليش حسيت  الها ايد بالمصيبة

وكفنا عالدرج منتظرين اشوكت ينهد حيله ويتركها كل صوت صرخه ياخذ الكلب  وهو  مثل الحيوان يضرب بلا فهم

باوعت لغزوان بترجي لان احس صوت بجيها وتوسلها يعصر كلبي اخذ نفس واستغفر نزل راح دگ الباب وگال عمي كول يالله

مارد او يمكن ماسمع لان مستمر  يضرب وهيه تبجي بصوت عالي 

رد دگ الباب حيل وصااح يمعود راح تمووت افتح البااااب

انفتح الباب رجع غزوان بسرعة ليورا  طلع بابا بيده صونده صاگ على سنونه فاتح عيونه على كبرهن تكول وحش  اشر شكوو

-اترك البنيه تره صوتها بالشارع راح تفزع العالم واذا ماتت شيخلصك من ابوها

-انعل ابوها لابو عشيرته اني اريد كلب ابن كلب يجي حتى انعل ابو ابو بكبررره

-ميخالف بس اهدأ كلشي ينحل لاتضربها ماتريدها ردها لاهلها

-انت منوووو واكف تلغييي اذبحها اسكطها نص كلمة ماتحجي حتى لااخليك بصفها وادوس حلگك ابن الكلببب ادگ الباب شنووووو

هو يحجي وطلعت البنيه وكعت على رجلي تبوس وتكول مروتك اخر مره دخيلك والله بعد مااسويها توبه

دنگ شالها من شعرها شمرها داخل الغرفة تفل بوجهه واندار كال انتوا  تعالوا

دخل للغرفة واحنا  واحد باوع للثاني رد صاح وينكممممم

نزلنا ركض للغرفة دخل غزوان كدامنا وحنا ورا لكينا  كاعد يم الجرباية شكله مكروه وقذر بطرگ البجامة وكرشه كدامه وريحة العفونة طالعة من الغرفة

اباوع للبنيه  الجديده صغيره تطلع بعمري لامه روحها ودموعها على خدودها عيونها دم وجهه وشعرها صايرات مجزره من الكتل  فززني وهو يكول وين الفلوس

غزوان-:  ذني عمي  بس مال شفت لان ضاگ النفس عليه وماكدرت اكمل

رايه-: وذني فلوسنا كاملات بس ماعدنا بنزين بعد بس كم واحد ميكفن لليوم

بابا -:واليهوديه اشوكت ترجع للشغل

-بابا حتى كرسي متحرك  ماعدها اشلون تشتغل

اشر اي وسحب الصونده اول واحده اجت  بغزوان

ردت اشرد بس مالحكت واني احس الصونده لسعة رجليه شهكت سحبني غزوان خلاني ورا وجر رايه خلاها بصفي فتح اديه يحمينا كله شمسويااات ليششش  تكتلهن

- هالمره بس ضربتهن عالكيف لان رديت اكو نقص بفلوسك  مرة ثانية اعلكهن الك بالسكف واصلخ لحمهن وافلوس بنزين ماكو اليوم تاخذهن تخليهن يجدن

-ميخالف

-وانتن اذا ماكاملات الفلوس لاتردن وروح ابوي  اربطجن وانطيجن لانكس واحد من جماعتي حتى تعرفن ربجن منو وتترحمن عالعيشه عندي

-هاي هيه عمي بليل كاملات يمك

-بنات الزنا رؤيا ورند تاخذهن وياك شوفلهن شغلة مااضل علف بحلكهن

-ششغلهن عمي  وهنه وحدة عاجزة والثانية طفلة متجاوز الاربع سنوات 

-يجدن

-  شنو يجدن  ورؤيا عمية ورند طفلة حتى الطريق ماتندله  صدگ دتحجي هنه يرحن ويه عمتي للمستشفى الف يارب يالله  يردن سالمات  مو انوب يشتغلن  احنه نسد مكانهن

بابا- لاتعلي صوتك ابن النكسس

- عمي بدل مايجيبن افلوس ذني ينخطفن وانوب نضل ندور  اشكد يردن يطلعن اجيبلك مكانهن

-دبر اجرتك يالخنيث وانت نص روح انوب يشتغل مكانهن  وانت منو وتوكف بوجهي كلك ابن يهودي  لميتك من الشارع نص كلمة اردك  انت واختك لنفس الزبالة الجبتكم منها

اباوع لغزوان عيونه صارت حمر صگ على اسنونه بسرعة كمشت ظهره ورايه عصرت جف ايده  خفنا  يرد عليه  وهم ينكتل غمض عيونه واخذ نفس يهدأ روحه مسح وجهه كله المطلوب شنو عمي؟؟

-روحك النكسه  تاخذ ذني العوج  وتولي للشغل  وذنيج اني اعرف ششغلهن بس يا غزوان  اذا سمعت صوتك لو عرفت بيك تضم من اجرتك اعتبر روح  ذني معلكة يم اهلك اليهود

اشر اي اندار طلع واحنا ورا ركضنا صعدنا للغرفة   لكينه ماما كاعده بكسره  بس دموعها تنزل شافتنا ضمت وجهه وبجت بصوت  راحولها غزوان ورايه يسكتوها  حتى ياخذوها للحمام قبل لانطلع

واني اخذت رؤيا ورند للبوري كمشتهن انزل من الدرج و محتاره بأمرهن اعرفه ماطول خلاهن براسه بعد مايتركهن  ماعرف منين اجته فكرة التكدي

وصلت رؤيا للحمام وكعدت اغسل بوجه رند داكوم طلعت  البنيه  اجت يمي تسحل بروحها وجها اصفر وخشمها وحلكها مورمات  -ملابسها كلها دمايه كالت وين الحمام

-هياته بس دقايق بين ماتطلع اختي  بيج شي

- بطني دتموتني فدوه اروحلج شسوي داحس روحي تتگطع

- ماعغف والله بهيج سوالف هسه  تجي ماما وسأليها

- ابوس ايدج خلصيني من ابوج فدوه اروحلج راح يموتني

- هو اني لو اكدغ جان خلصت غوحي هاي كدامج سمعتي شنو گال لالبالج عايفنا يمه محبة بينا لاحبيبتي بس يشوف افلوس شغلنا قلت وتجي بيعه زينه  يبيعنا مثل ماباعج ابوج

-انتحر والله اي انتحر احسلي من هالعيشه

-اي عفيه فوگ عذاب الدنيا كمليها بجهنم  دتعالي وياي لاتوگعين وجهج اصفر

كمت وديتها عالدرج كعدت اتلوج كعدت يمها وخرت شعرها عن وجهه صغيره وحلوه كلتلها شجابج هنا ليش وافقتي على العقد

-غصباً عني بجيت ولطمت كتلني ابوي وسحلني شمرني جوه رجلي بس حتى ينطي افلوس يلعب اقمار ويشرب

-هو منيله ابوي افلوس حتى يدفعله

- دموت بطني يمه

-اخاف العاده جايتج

-شنو عاده؟؟

-عزه بعينج لاتكولين بعدج مابالغه

-ماادري شنو يعني فهميني فدوه هسه يرد يكتلني لو اخذيني وياج للشغل والله اعرف كلشي اشتغل حتى اجدي ميخالف بس لاتخليني يمه

-الله ياخذه حتى الحيوان مايسوي سوايته وتدني عينه على طفلة امج وين عنج

-امي ماتكدر تحجي لان احنا هواي عايشين بخرابه  وماعدهم يوكلونه كالت تزوجي احسلج من عيشتنا راح يدللج انتي حلوة وصغيرة

-كلش  يدللج من گد دلاله امي نايمه متسگطة واحنا گمنا نمشي اعوج 

-يعني انتي مو بت هاي  الي دگت الباب الصبح

- عزه بعينها والله عرفتها ماكو مصيبه اذا ماتكون الها ايد بيها على شنو دگت الباب شكالتله وخلته هيج متخبل

باوعتلي استوها ترد وصاح بابا بعلو صوته هاي لسه  ماطلعووووا

خلانا كلنا نكمز ركضت سحبت رؤيا ورند صعدتهن للغرفة  وغزوان ورايه نزلوا ماما للحمام  

من الاستعجال حتى جاي ماسويت دخلت للمطبخ لفيت الباندج حيل على صدري مثل ماعلمتنا ماما حتى ماننعرف  بنات لبست ملابسي  وكفت الف الجماغ

دخلوا ماما راح غزوان ينيمها ورايه وكفت اتلف جماغها غطاها كال يله

شلنه البنزين الباقي عدنا عيني بماما كلبي ماينطي اتركها وهيه حلكها يابس من الجوع  ماعدهن غير نص گرصة  واعرف بابا ماراح ينطيهم اليوم بعناد  غزوان لان ماسلمه الاجره كاملة

عيوني تتنقل بينهن رؤيا لازمه رجليها بزويتها تتصفن وادري بيها خايفه نطلع ويرد بابا يتحرش بيها

رند حاضنة لعابتها وعينها بالخبزه خايفه غيمه تاكلها وتخليها جوعانه مثل كل مرة

غيمة تباوع لماما بحقد محملتها مسؤوليه عيشتها والفكر الي ضيع عمرها

من غير سكف الغرفة الي كل دقيقه يوكع منه قطعة  عاصره كلبي لافد يوم ارجع واشوفه منهد بيهن  

اخذت حسره اشرت لغيمة تقفل الباب ورانا نزلنا فتحنا باب البيت

صباح  منطقة البتاوين…

الهوا بارد يرد الروح  والجهال تارسة المنطقة  صوت الناس وضجت المكان تحسسك انت عايش رغم المعانات

اكثر العوائل تكعد هيج وقت تطلع للشغل تشوف النسوان كلمن لازمة كم طفل رايحه تتسول

والي بيدهم قطع قماش وملمع جام للسيارات

والي اصلا بعده مانايم بالطريق مايدري بنفسه كد ماشارب

نمشي عيني بالبيوت اشكد ما بليل تخوف بالنهار تصفن على بنائها وتصميمها امشي وتخيل العالم  الجانوا عايشين قديم هنا اشكد حياتهم ترفة

صافنه عالبيوت واسمع غزل غزوان يحجي  ويه رايه باوعتلهم تكول عصافير حب كامش ايدها يحجي وياها عالكيف ماعرف شكاللها وهيه زعلت دارت وجهه كرص خدها من وره الجماغ وضحك بصوت  ردت ضربته على زنده

دنكت عالسوار كمشته  واني اسمعه يغنيلها  بصوت يشبه بالهمس …صغير جنت وانت صغيرون

الحب عرفنا بنظرات العيون

كالوا تره ذولة يحبون من الصغر لمن يكبرون

…غمضت صوته بأذني ومنظر محمود بعيوني هو  ومدنگ يلبسني السوار 

رفع ايدي باسها وهمس احبج

تعال شوف حبيبتك وين صفى بيها الوكت بعد ذاك الدلال

اخذت نفس مسحت عيوني كملنا الطريق وصلنا لمكانه بعد ما اشترالنه ملمع جام وصانه الف مره ندير بالنا على نفسنا نزع قمصلته صح ماضال بيها شي صاحي بس لبسها لرايه لان شافها ترجف وهيه مريضه  راح يركض  بطرگ التيشيرت لشغله لان تأخر

اخذت البطالة  اسطرها وهيه اخذت ملمع جام راحت للشارع

كملت ترتيب ولفيت روحي كعدت انفخ بأديه باردة واباوع  على رايه الي تركض بين السيارات تمسح جام حتى مامبينه ولد لو بنيه بسبب لبسها

اخذت نفس صاروا كدامي لطلاب المدارس كلمن شايل جنطته ولد وبنات يمشون ويضحكون ضحكت على ضحكتهم

انداريت اباوع لجهال الشارع اشلون يتراگضون بين السيارات ماهامهم  البرد بلكي يحصلون رزق اكثر رفعت راسي للسما سبحان واهب الحياة وموزع الارزاق 

شلت بطاله ثنين  وكمت يم الشارع أشر بيهن بلكي احد معتاز بنزين يشتري

للظهر على فد وكفة احس رجليه صارن خيوط  اجت رايه  كالت تعبت بعد مابيه

- غوحي كعدي يم البسطيه خلي اشوف بلكي الحگ على ذيج السياغه

-ياسيارة ولج مااكدر بعد اوكف صارت الثنتين واحنا لحد الان بدون ريوك فدوه جيبيلي شي اكله راح اموت

-سوده عليه هسه غند تلكيها تبجي من الجوع

-رؤيا ماتخليها تنزل تتعارك ويا بابا وتاخذ خبز غصبا عنه وتنطيها مثل كل مره 

-هم نغجع ونلكيها مكتوله

-بعد ماتحس بالضرب عادي اندعي كون بابا ماطگ براسه وتالي يعقدها لواحد من جماعته حتى يخلص من رعونتها

-  قبل لايسلمها تكتله وتكتل نفسها وهذا الي ماما خايفه ومتأكده منه

-هم يجي يوم يموت بابا ونطلع نعيش بمكان نظيف  مثل باقي الناس

-وين نغوح منو يتقبل بنات يهودية من البتاوين ابوهن سمعته اوسخ من مكان الحيوانات  بطلي احلام وانطيني افلوس خلي اجيب لفات

- يالفات ولج حتى ماحصلت هواي هنه كم دينار لاتنسين كون نضم الفين حتى نلم لعلاج ماما  جيبي بس وحده  نتقاسم بيها نسد جوعتنا لمن الله يفرجها

-كمشي ذني البطالة ولاتحجين بصوت عالي يالحماغه وانطيني صغف اذا عندج لان هذا  مايغد الباقي واني مااكدغ احجي

اشرت اي طلعت خمس ميه اخذت  منها ورحت وكفت يم ابو اللفات احس بطني تعصرني من الجوع شفت لفه البركر  اتحسرت تذكرت ماما تحبها هم يجي يوم واكدر اجيبها الج

اخذت نفس اشتريت لفه ورجعت كعدت اتقاسمنا ناكل من جوه الجماغ  ونضحك على روحنا لان بدل ماتشبعنا جوعتنا بالزايد  خلصنا عالسريع

هيه كعدت واني اخذت وصلتي افتر عالسيارات امسح جام  بدون صوت حتى لا انعرف

للمغرب واني  اركض بين السيارات اشكد حصلت اهانات وشتايم من السواق ضميتهن بكلبي  بس اريد  الم الخمسة وعشرين  بأي وسيله حتى ماننكتل  مع هيج مااكدرت للولد مهما يكون همه اخف واخاف اتجاكر وياهم اذا لزموا السياره ابتعد بهدوء

لمن خلصت طاقتي احس  انهد حيلي وحتى السير بده يقل  رجعت لمكاني  كعدت  عظامي طگطت من البرد  خليت  راسي على متنها كالتلها اشكد حصلتي

-عشرة 

-واني هم  وذني ١٣ ونص   ماكو كلها اغباع ينطوني حتى افلوس علاج الماما مانكدغ نضم

-امبين ماكو رزق اليوم اشلون نجيب مخضر واحنا اجرت اليوم مادبرناها لبابا

-اذا امج خالتنا  يم  عالمغكز منو يجي هنا حتى الدوام خلص

-غير تخاف علينه من الشارع

-وعالاساس هسه مبين شكلنا اشو سنين نشتغل محد عغف احنا شنو وانوب لبالهم خرسان

-خليج عالخرسه افضل مايسمعون لدغتج والله تصيرين تصنيف

-اكول انلصمي ولفي جماغج عدل بت امج الي عافت الاسماء كلها وجلبت بحغف الغاء

-غااء؟؟

-والنبي غاح ابجي

-هههه كومي خلي نروح للشارع العام بلكي نحصل سيارات واذا ماكو نرجع لان الدنيا صارت ظلمة حتى لو ناخذ بس خبز هسه  ماما فحطانه من الجوع والعطش هاي رؤيا بس للعركات حاضره

-لعد شتسوي اذا  ابوج جلب قافل حتى الثلاجة مسويه حصاغ علينه  وخليها هيه الوحيده بينا وكحه هم يالله   تقايش وياهم صدك شنو جنتوا تحجون انتي وغزوان

-رجع يتوسل خلي نتزوج

-تغه  الولد مل وطلعت غوحه تعبه كله دياخذه ابوج واذا فتح حلكه وحجه يكتله ويكتلج كدامه حتى يكمشه من ايده التوجعه ويتوبه

-وين نتزوج ناخذ وحده من الخرابات نكعد بيها وكولي رهمت نأجر غرفة  منين يجيب المهر وابوج خال مهر يكسر الظهر

-لان الناقص ناوي يجبغه (يجبره)يبيع كليته غايه انهزموا و تزوجوا بعيد عنه وكملوا حياتكم

-واتركم  واعرف بابا راح يبيعجن  وحده وره الخ لان الفلوس تقل بيده  صدك تحجين غير اموت

-لعد اشلون تضلون عمغكم كله تشتغلون  تغه مايعتقكم والله ولايخليكم تتزوجون حتى بالحلم

-مااعرف احس راسي مشوش بالاخص من سمعت بابا اليوم يسولف بخواتي حتى لوجنت مفكره بعد ماكدر اتحرك

-هاي اسوالف غيمة مو منه الحجي دتحوص على  غؤيا اشلون مجان اتغيدها تذلها وتخليها تحت رحمتها لان داحس لازمه شي عليها

-مثل شنو لازمه؟؟

-ماعغف بس دوم اشوفها خايفه منها بالاخص اذا دخل غزوان تضل عيونها عليها حتى تخنس وجهه يسود

- تره اكو كدمات  على جسم ماما شفت  هواي مال تگرص موضرب صونده  بس مااكدر اكول  لان حلفتني ماما تكول  غزوان  يروح يذبح غيمه وتالي يضيع شبابه بالسجن وانتن تضيعن ورا

-لاتخافين بابا مايخلي يكتلها كنز والله جابه لحلگه منو بعد ييجيبله افلوس لنزواته و وسخه  لالبالج هذا شغلنا موكله خبز يادوب مشروب يجيبله 

-لعد لويش كل كلمة يهدده اطردك

-يدغي بغزوان يتحمل كلشي في سبيل مايعوفنا يمه وحدنا لان حيوان بس يتوازه ويزيد الدين عليه  يشغلنا حتى ويه الغجغ 

-الله كريم  لابد ماتفرج يله نزلي الجماغ عدل ضوه الكمر قوي راح تبين عيونج  وشنوو مالابسه المشد اليوم  تره جسمج بارز

-والله لابسه وكده ماضاغته داحس راح انفجر بس هو التيشيرت ضيگ

-يله كومي خلينه نروح للشارع العام بلكي نحصل حتى باجر نروح للمستعمل لان هم اريد بجامة لرؤيا  بدل هاي الصارت وصله مسح 

ردت امنعها   شفتها كامت شالت البطالة راحت كدامي عرفتها معتازه افلوس لعلاجها بس ماتحجي

كمت وراها شلت الباقيات وبگلبي الف حيره

من جهه بالي بخواتي وماما الي خايفه على ساعة تسكت من كثر الجوع والكتل

ومن جهه اباوع لرايه كدامي اشلون تمشي  مهمومة خايفه غزوان يجي يوم ويمل ياخذ اخته ويروح

تعدينا المركز نمشي وبعدنا ماواصلين الشارع مسافه بعيده عن المركز

ناس ماكو الشارع شبه خالي بسبب بروده الجو الدنيا ظلمة  استونا نوصل للشارع واشوف ثنين ولد جاين اتجاهنا 

دنگنه وصلوا يمنه بحركة سريعة جرني وخله شفره بركبتي همس نفس انحرك

فتحت عيوني على كبرها عيوني تتنقل اريد احد يمر يخلصنا ماكو على حضنه الشارع مابي ولابشر رد صاح موويااااك

-  شتغيد الله يخليك عوفني

-الله بنات يله ولجن طلعن شكو افلوس عدجن بسررعة

-ماعدنا والله شوف البطالة كدامك مابايعيهن

-من اذبحج عود حلفي هناك  كالها واحس نبت الشفره صرخت رايه عندي الفلوس اتركها

-طلعيهن بسرررعة يلاااا

طلعتهن اخذهن صاحبه وهو دفعني وكعت بالكاع دفرني وراحوا يركضون كمشت بطني والعبرة جارحتني  دنكت رايه كالت  تأذيتي

باوعتلها بكسره همست تعبنا كله  غاح بلحظه حتى مالحكنه نجيب خبز

-بسببي  اني الكلتلح خلي نجي هنا

-متانيات انجيبلهن اكل

-شيخلصنه من بابا گال اذا نقص بالفلوس اعلگجن موانوب نرد ولادينار

مارديت بس دموعي نزلت بحرگه

-ليش حتى نتحمل كل هالشي موذنبنا انخلقنا بنات ولاذنبنا صرنا بيد واحد مابگلبه رحمة

دفعتها وكمت شلت البطالة  احسه روحي مختنگه وصلت كعدت تحت السقيفه لميت رجليه خليت راسي الشهگه تطلع من كلبي

اجت  كعدت يمي خلت ايدها على متني كالت كومي نرجع اصلا تعودنا عالكتل بعد منحس

شلت راسي باوعتلها ونزلت دموعي

-لاتبجين اگله اني ضيعت الفلوس مااخلي يكتلج

شفت ضوه سياره من بعيد  جايه  بدون تفكير دفعتها  اخذت بطل بنزين وكمت وكفت عالشارع  ماعرف شحس بس ردت اطلع غضبي بشغلة ردت اتعب نفسي حتى لو ضليت للصبح بس حتى احس اني صدگ موجوده وهذا الداحس بي صح مو وهم

وصل يمي دك هورن وعبرني من  حرگه كلبي  شمرت البطل اجه بالجنطة من قوة الضربة شخطتها

شحط السياره ورجع ليورا  استوعبت السويته اريد اتبلعم ماكدر صار قريب وكف نزل الجام واشوف  واحد ملثم  ماطالع منه بس عيونه  خزرني و اشر تعالي

رجعت ليورا

-وحگ داحي خيبر   انزل اربط بالهمر واخذج سحل للكلب المسيبج بهالوكت تعااااالي لج

-والله عمو اسفه ماقصدك اضغب سياغتك

-ماتجين ؟؟

اشرت اي ودموعي نزلت

-حلو چا خليج مكانج

كالها وفتح باب السيارة  نزل شهكت واني اشوفه لابس زي عسكري من كد ماضخم نرعبت من شكله انداريت بدون وعي وركضت بكل حيلي مااسمع غير سحبة اقسام ثارت الطلقة ويه صوت صرخت  اختي رايه  …

لاتنسوا التصويت ❤️

ملاحظه : ممنوع النسخ واللصق والنشر بأي مكان خلونا نكمل القصة بدون مشاكل رجاءاً

شيء من رصيف الدم

البارت الثاني

بقلمي: leo Alfatlawi

انتظر تعليقاتكم بين الاسطر ❤️

…عندما تكون اوجاعنا اعمق من  ثمانية وعشرين حرفاً لايسعنا الا الصبرُ والصمت"

فكل الوعود كاذبة اله وعد الله صادق…

وكفت جامدة  واني اسمع صوت صرخة رايه انداريت احس جسمي كله يرجف شفايفي بهتت واني اتوسل بربي لاتفجعني بمنظر اتمنى ماافتح عيوني بعده

غمضت واني اشوفها واكفه كدامه تريد تمنعه جرها دفعها عن طريقه واجه اتجاهي اباوع عاصر السلاح بيده ويمشي بسرعته عرفته اذا لزمني ماراح يرحمني

ركضت بكل قوتي صار كدامي شارع  طويل دخلت بي بدون لااندار اركض بحيلي عيوني بنهاية الطريق بس اريده يخلص اشكد مااسرع بعده احس الكاع تنطوي بيه 

ماصدكت دخلت الشارع الثاني احس صدري ضاگ  وبطني اتشنجت بعد مااگدر اواصل درت وجهي ماشفت احد وراي دنكت على رجليه اسحب الهوا كوة

وكفت انفت انداريت اتأكد خالي الطريق مااعرف ضيعني لو مل ؛ اخذت نفس  رحت اسحل  بروحي كعدت يم الحايط خليت ايدي على گلبي احسه يريد يطلع من كثر ما ينبض

غمضت اكثر من عشر دقايق واسمع صوت رايه تصيح رئااال شلت راسي لكيتها جايه كمت مفزوعة لبالي وراها اشرت ماكو راح

رجعت كعدت احمد ربي  لمن وصلت صاحت صدك تحجين انتي لااكيد تخبلتي

-ماعغف اشلون سويت هيج مجان بالي بس افلوس الخبز

-لو كامشج جان فلش راسج على ذيج الحرگه مالته

-شدعوه قابل شنو سويت

-لاماكو شي بس سيارته انشخطت ولج يمسح بيها ويحلف اذا لزمج يشخط وجهج

-الحمد الله مالزمني

-والله هو جان ناوي يلحگج لو ماا ركض ادنگ ابوس أديه وابجي تالي نزل واحد ويا فرغ البانزين وهو كال اذا لگفتجن هنا اخذجن سحل للمركز واختج گليلها خلي تختفي بس الگفها اعدل السيارة بوجها

-كملت منين طلعنه هذا ووين غاح نشتغل و شنو نكول لابوج

-انگله تعرضولنا الدولة ورادوا ياخذونه للسجن وهمه اخذوا كلشي منه  ونحلف بلكي يخاف ويصدگ بدل مايضربنا يغير مكانه

-ماغاح يصدگ لان يعغف جماعة المغكز كلهم هسه يسألهم وبدل الكتل غاح يصلخنه بالزيت مثل ذيج المغه

-لا نگله جاي نقل جديد لان صدگ ماشايفته هنا هاي اول مره اشوفه ولاتخافين متأكده راح يتصل ويتأكد حتى يضيف سگط جديد للسهرة مالته يالله كومي تأخر الوقت خلي نلحگ نرد قبل لايجون جماعته

باوعتلها ادري بيها تريد تهدأني وادري  راح ننكتل بس سايرتها

كمشت ايدها وكمت كوه التعب والرجفه بعدها بجسمي  سندتني مشينا  ساكتين كل وحده ماكو  بعينها بس منظر صوندة بابا الخضرة ولسعة الزيت الحار

دخلنا للمنطقة صعدت اللثام نغزني جسمي انعصرت فوگ الخوف منظرها بليل يرعب اقوى واحد

نمشي عالسريع ونتلفت وصلنا لنص المسافة وانتبهنا لواحد كاعد بداية الفرع لام روحه من البرد عرفنا من نظارته غزوان شافنا كام اتخصر واخذ نفس براحة

واحنا  ماصدكنه رحنا ركض وصلنا يمه  گال وين صرتن متگللي صار ساعة ونص منتظر لااگدر الحگجن اخاف طريقنا يعكس وتالي دخلن وحدجن ولااگدر انتظر صدگ تحجن

رايه-  بشر بابا شنو وضعه

-منتظر وصاير نار كبرة مبين متعارك ويه ابو مرته وجاي مهدده يريد القسم الثاني مال الفلوس

-عزه وانوب رجعنا بدون اجرة يعني اليوم يموتنا

-ليش ماحصلتن اي شي؟؟

-ولد الشارع خذوا شكو فلوس واحد الله غاضب عليه لابس عسكري  فرغ البنزين بالگاع

-كلش مووقتها هسه اشلون حتى اني ماگدرت اشتغل غير شفت واحد الربو گطع نفسي

-دبرنا غزوان

اباوعله وكف محتار ايده داخله بشعره عيونه علينه وياكل بشفته واحنا نتراجف كلما نذكر اشلون راح نتعلگ

اخذ نفس عدل نظاراته ومد ايده بجيبه طلع افلوس شغله كال لرايه  كمشي ذني

-لا راح يكتلك مكانه  انكله عالصار اصلا تعودنا بعد منحس

-كمشي لج اكو واحد منزل طابوگ بناء راح اخابره واروحله انگلهن لداخل بيته بلگي ينطيني كم فلس

-مو دتگول ماگدرت تعبان وبابا  هم راح يحاسبك اذا تاخرت  ورجعت الفلوس نقص

-كلوله الربو سكته اخذوا اصدقائه للمستشفى  يله لج كمشي  منتظرجن واظن اليوم هم سهرة عنده شفت  مشروب بالاستقبال استعجلن قبل لايجون

اخذتهن منه وعيونها تلمع تدري  بي كوه يسحب النفس من التعب باوعلها  وابتسم مسح على متنها بحسرة واشر يله

بعدنا ماتحركنا  گال اوكفن

طلع جيس اسود من جيبه وشال علاگة من يم الحايط

-ذني نساتل لرند ديري بالج لايشوفهن عمي  وذني كم صمونه زادن من العمال كلت  هم يفيدنا

-لعد اخذ وحده اكلها لان ادري راح تضل للصبح هناك

-من كثرهن واخذ منهن خلي يكفنجن  وبعدين موجوعان استوني ماكل  يله انطلقن بسرعة حتى ارجع قبل لاينام الرجال

اخذت جيس النساتل ورايه الصمون وندري جذاب ماماكل بس يكابر لان يعرفهن هسه ميتات جوع ومنتظراتنا

كمشت ايدها رحنا  هو ضل واكف يباوعلنا  دخلنا الشارع وصلنا لبيت اليهودي ونسمع صوت طگة قوية بي  بعد حتى طريقنا منندله ركضنه بكل سرعتنا  للبيت

الباب عباره عن قطعة مال تانگي مشكليها  حتى قفل ماكو ضالين عالخيط والسلقي من جوه

دفعناها استونا نعبر العتبة واجانه صوت بابا  من جوة الغرفة  يصيح وينجن بناااات اليهودية

وحده باوعت للثانية رد كمزنا وهو يصرخ  مو وياجن گ…

ردينه الباب عالسريع  لزمتني رايه سحبتني دخلنا نمشي واحنا نردد دخيلك ربي اهدي

من كد الخوف نسيت حتى العلاكة بيدي وخرت البرده مال الباب ودخلنا

جان گاعد گدامه صينية مال منكر منتجي عالحايط  يباوع للتلفزيون مشغل مقطع مال راقصات 

بيده النرگيله ومرته الجديدة يم رجلي لامة روحها ؛  اخذ نفس نفخه واشر تعالن

رايه:- هاي الفلوس بابا

-ليش تأخرتوا

- ماكو شغل گوه گدرنا نلم الفلوس والله بابا على وكفتنا من رحنا لسه حتى اسأل ابو الكافتريا  اذا اجذب

-هاي العلاگة شنو ؟؟

-هاا ذني وحده وزعت نذر مااكلناهن ضميناهن لرند  لان خطية دوم تگعد بليل تبجي من الجوع

-الله ياخذج انتي وياهن  بساعة وحده جيبيييي لج

مد ايده جرتهن من ايدي وركضتله

اباوعله شكله مقرف قذر  اخذ الفلوس والعلاكة منها ؛ عصر ايدها وباوعلها بنظره نكسه سحبت ايدها وخرت بسرعة تفل عليها

نگت مسحت وجها بظهر ايدها واجت يمي وكفت

كمشت ظهرها اريد اتبلعم مااگدر كوه واكفه واني اشوف عيونه تتجول علينه من فوگ ليجوه گد مانظرته وسخة  حتى شكيت بروحي ما لابسه المشد مع العلم الخنگة بصدري منه تاكل بروحي من كثر الضغط

دار راسه تفل بصفه ودنگ يحسب ثواني وشال راسه يباوع بحرگة گال شنو اربعة وعشرين ؟؟

رايه :- بابا  والله واحد  شكله يخوف لابس عسكري اخذ الاغراض وشمروهن

-گلتي واحد عسكري خوش حجي شوفن ولجن تكولن وين تضمن الفلوس لاوروح ابوي اصلخ جلدجن هسه

-والله ماضمينه  تعال باجر ويانه وشوف حتى كالوا بعد لاتجن هنا شوفن غير شغل وداعت امي

هيه تحجي وكام دفر مرته وخرها  وجر الصونده  اجه يمشي لجهتنا  من الخوف بس دموعنا تنزل وحده تختل بالثانية نريد  نحمي نفسنا

جر رايه شمرها وكعت على مرته  وجرني من راسي دنكت على ايده بستها كلتله بترجي دخيل بابا

ماحسيت غير الصونده اجت بظهري سوته نصين خليت ايدي عليه واجت الثانية برجليه من كثر الالم كعدت بالگاع گاطعة النفس بعدني ماساحبته واجتني الدفرني بطني دنكت مختنگه

كامت رايه كمشت ايده تبجي تريد تمنعه  اندارلها حتى مالحگت تحجي وهو  جرها شمرها للگاع خله رجله على راسها سحكه وبلش بالصونده

اباوعلها اشلون تشوط روحها ويه  كل ضربة لزمت بطني اعصر بيها ودموعي تنزل بخوف كلما توصلها الصونده  تفتح عيونها  بكل قوتها وتشهگ

ماانطاني كلبي اعوفها گمت ركضتله قبل لا اوصل تركها وندارلي لسعني براسي حسيت الدنيا افترت گعدت بالگاع 

رجع الها غمضت مااگدر اباوع بس توسلها واطفرها حتى اتخلص روحها يعصرن كلبي صاحت بصوت دخل بروحي وهيه تستنجد

فتحت عيوني لكيته حاصرها بالزاوية ويضرب برجليها بكل قوته ومرته ترجف خانسه يم الجرباية صوت صرختها وهيه تصيح يمه لحگيني يشگ الگلب

شهكت اتلفت محتاره المن انخى لو اشلون اخلصها رفعت اديه بعجز  اضرب على خدودي ماعرف شسوي رجعت گمت  ركضتله  دنگت على رجليه ابوس بيهن دفرني بكل قوته گلبني ليورا سحگ على صدري حيل و صرخ بصوت محى كل امل بالرحمه وهو يصيح اطلعن  الفلوسس لو اخذهن من لحمجننننن

لزمت رجله همست بتعب كوه طلعت الكلمة والله ماضمينه شي  شوف بلعومي بي شخط غادوا يذبحوني لان مارضينا ننطي يوميتنا

-وفاااااء كومي احمي الزيت بسرررعة

رايه -  لابابا دخيلك وروح خالي مانجذب وداعت خواتي هاي اخر مره اذا عدناها اشمرنا بالسرداب عمرنا كله

-لج بت الكلببب كومييي احمييي الزيت  ذني مينعدلن مثل امهن اليهودية اذا ماينصلخ جلدهن مايتربنننن

-دخل الله ودخلك بابا بيش احلف حتى تصدگ ماضامين زين خابر صديقك واسئله عن الضابط الجديد  الي هددنا اذا گلك جذب سوي التريده

-ياابن كلب هذاا وين شافجن بنات العاهره

-يم المركز كال اذا لمحتجن هناا بعد اشمرجن بالحجز وجيب الي مسيبجن هنا لليل واعلمه اشلون يخليجن گاعدات بهذا المكان

-اكيد تلكي شم ريحتج القذره انتن بعد مومال شغل اشوفلجن واحد يستر عليجن

سكتنا بس نريد نخلص روحنا شافنا هيج دفرني زحفت بسرعة رجعت ليورا جرتني رايه  يمها 

- وييين غزوان

رايه -:بالمستشفى مختنگ خذوا جماعته

-يعني هم مااشتغل اليهوديييي

-لالا اشتغل بس تعب وره الشغل وراح

-كون تعلگ روحه وماترد ابن الزنا

سكتت

-بعد بيع ماكو  ترحن لغير منطقة تجدن ماتردن اذا مو ضعف المبلغ  بأيدجن  تخلقن افلوس من جوه الگاع بدل الخمسة وعشرين اريد خمسين  لو تحضرن نفسجن للموت

اشرنا اي تفل علينه ورد لصينيته جر زوجته شمرها وكعد مكانها

كمت عالسريع كمشت ايد رايه كومتها كوه وكفت عصرت نفسها مغمضه شايطة روحها

خفت لا يرد لان عيونه صارت على رجليها  سندتها على متني واخذتها اسحل بيها طلعنه  دااصعد الدرج لگيت علاگة الصمون شلتها وصعدت للغرفة بسرعة  صارت ماما بوجهي زاحفة للباب تريد تنزل ورند كامشتها وتصرخ مرعوبة

دخلت  رايه خليتها على فراشها  وركضت طلعت  شبكتها حضنتني بجت بصوت وصاحت كتلجن الميخاف الله

بستها ومسحت دموعها همست لاتبجين بغوح اخوج

-يطلع ضيم الاقمار  وفگره بيجن السكير

-فدوه اغوحلج سكتي هسه يسمع ويصعدلج

-خلي يسمممع الله يكسر ايده مثل مايضربجن النكس شنو ابتلينا بي وبعربدته الماعنده غيره وشرف  شكول عليك يخويه  من ضعيتني ويه واحد نكسسس مثله

-ابوس ايدج لاتحجين هسه يكتلج ويشمرج بالشاغع  واحنا مانگدغ نوكف بوجهه تعغفينا  لاحول ولاقوة  ولج غيمة ايدج وياي خلي نغجعها لمكانها وانتي غند اول مندخل سدي الباب بسااع

-وين ارد ولج رؤياااا اخذها من العصر ولسه ماكووو ولج اخيتج ماعرف وين شمرهااا

-عزه بعيني شنووو اخذهااا  بس لا انطاها لجماعته يمه سوده بوجهيييي

غيمه -  صوتج لج شكو انخبصتييي لاتخافين منو ياخذها عمية وعرمة اتجاوزت عليه شمرها بالسرداب هسه كم ساعة ويطلعها قابل اول مرة

-ليششش خليتوها تنززل

-اشلون يعني متنه جوع ورند خبصتنا تريد اكل اني مابتليت هم اخدم وهم اتحمل فگركم وهيه اختج صلفة وبدون تربية  ماتطلب منه بأدب تصرخ بوجهه كاللها ولي ماعندي بدل ماتنجب وترد للغرفة لزمت عصتها فلشتها على وجهه

-يعني كولي موتها

-ماعرف بس سمعت صرختها يمكن صلخها

غمضت احس كلبي انخمش مجرد اتخيلت اشلون دار عليها الزيت وهيه تتلوه بين اديه ماتعرف اشلون تخلص روحها

ردت اكوم لزمتني ماما گالت لاترحين داسمع الباب انفتحت يعني دخلوا جماعته  وغزوان ماكو هذا حيوان مايعرف الحرام شنو

-لعد واخيتي

- خليني هنا گاعده اتسنطلها  گوموا دخلوا قفلوا الباب انتظره بس يطلعون وينام اكلج تنزلين اطلعيها

-واذا ثگل بالسم ودخل عليها لوصعدوا جماعته وشافوج  شنو تسوين لالبالج تصيحين غاح يفزعون تغه العالم هنا  انكس منه

-لا كومن لزمن كل وحده سجينة بس اصيح طلعن  موتنه لان مو حرام كتله اذا قذارة عقله خلته تدني على بنته لو يسلمني لجماعته

-لحدمن نضل عايشين بهالظلم ومتحملي

-ماضل شي واخلصجن بس گومي يبعد امج دخلي بسرررعة داسمع صوتهم دخلوا قريب وصوت بجية رند راح تفضحنا

-مااخليج وحدج

-لاتوجعين گلبي بيج ولج مااگدر احميج كافي وجع گلبي على ذيج ماعرفها اشلونها اذا تردين تحمين اخياتج  گومي وسوي مثل ماگلتلج

ردت احجي واسمع صدگ صوتهم بلشوا يدخلون ودموع ماما الي تترجاني ماجان عندي حل ثاني عاجزه عن كلشي واعرف  التكوله صح  ماانگدر نحمي نفسنا غير بهاي الطريقة

بست راسها وگمت لزمت رند دخلنا للغرفة حتى مالحگت انطيها بطانية لان ضحكهم صار عالي سديت الباب بسرعة سلقيته رگضت للمطبخ طلعت سجاجين انطيت وحده لراية واحده لزمتها گعدنا ورا الباب خليت رند بحضني انطيتها صمونة عصرت راسها بصدري حتى تسكت انتجيت عيوني على رايه الي گاعده بهتانه مابيها تتنفس واذني يم ماما منتظره تصرخ حتى نطلع نفزع لرؤيا

دقايق وسكتت رند باوعتلها تاكل الصمونة بشراهة مبينه جوعانة كلش وتعودت هلكد ماننكتل بعد ماتهتم لليصير

درت وجهي باوعت من ثقب الباب واشوف ماما لازمه مداليتها صافنة ودموعها تنزل بقهر

غمضت وعدلت راسي حتى روح للتفكير ماعندي اقل من ساعة واسمع  صعدت على الدرج وصوت ماما تبجي وتحجي بهمس فتحوا الباب

كمزنا فتحت الباب لكيت رؤيا واكفة شعرها منثور وجهه ازرگ من الضرب وبصفها وفاء مرت بابا ساندتها  كالت هاي اختج طلعتها بسكوت عادي اضل يمكم منا لمن يطلعون

بدون لاارد سحبتهن دخلتهن للغرفة وركضنا اني ورايه  طلعنا اتگابلنا على ماما  نريد نشيلها مانگدر هيه مو ثگليه بس احنا جسمنا متهالك من التعب  كوه سحلنا سحل رجعناها لمكانها وفاء  قفلت الباب

رايه ردت لمكانها تمددت واني  گعدت بصف ماما بهتانة خليت راسي بحضنها الدنيا تفتر بيه

راحت وفاء جابت ماي وقطعت قماش كعدت تمسح رجلين رايه لان ورمن ورؤيا على مكانها حاضنه رجليها وصافنه مااعرف شتفكر 

صار هدوء بس صوت الونه ينسمع وهمس ماما وهيه وتردد كله بسببك نفس الكلمة النسمعها كل يوم بدون لانفهم معناتها ولانعرفها المن تقصد

غمضت اكثر من ساعتين واحنا صوت مالنا من الوجع والخوف نعض ادينه ودموعنا تنزل بكتمة حتى لاتحس علينا ماما ونزيدها عليها

شفت رند نامت  شلت راسي لكيت ماما منتجيه روحها رايحه لازمه مداليتها وعيونها كوه فاتحتهن ماتهون توخرني من حضنها

اشرت لغيمة تجيها دارت وجهه بعدم اهتمام لفت روحها وغمضت اخذت نفس كعدت مسحت دموع ماما وهمست نامي حتى اغطيج واكوم لغند

-روحي يم رؤيا شوفيها شبيها ليش هيج ساكته

-تعغفين ماتحجي وتضل هيج للصبح لمن تتعب وتنام لاتكول شنو سوالها ولاشنو ناوية

-ااااخ ياالاهي ماتگلي اشوكت تخلصنا منا

-الله كغيم ماما صيحي لوفاء خلي تنام يمج ماعدنا غطه وخطية ضالة تتصفن  هاي هم الله بلاها بهم ماغاح تخلص منه

اخذت حسره واشرت لوفاء اجت يمها واني كمت كوه اجر  روحي شلت رند  نيمتها بفراشها  غطيتها طفيت الضوه ورحت لفراشي مابيه حتى احجي

زحفت رؤيا تتلمس بدون صوت وصلت يمي دخلت وياي بنفس الغطة كالت جسمج يوجعج مو ؟؟

-مومثل وجع گلبي والله ل…

-لاتحلفين الحيوان هذا حصتي غيمة جانت يمه من وصلتوا

-لا بس زوجته الجديده ليش

-ترست براسه اشياء وختلت مثل الحية

-تغيد طلع ضيم موتت اهلها بينا شنو ملت بغاسه بعد

-على رند

-شنو غندد ؟؟

-سمعتها تكول اكو ناس ماعدهم خلفة وجاين يتبنوها اشكد تريد افلوس راح ينطوك  تكول خوش ناس لاتخاف عليها والفلوس تفيدنا هم تعدل وضعنا  وهم اوفي دينك

-عزه بعينها غاحت اخيتي يمه ماكو غيغ اغوح اشتكي عليه هذا بلش يبيعنا بعد ماكو شي يلزمه

-وين تشتكين وهو رئيس المخفر يجي يمنا يسهر وصوتج لاتسمع ماما والله تموت

همست رايه. هسه اتقنعه  ماطول خلتها براسها

-اكول لغزوان

رؤيا :- وهيه متمنيه هيج حتى يكتلها وتخلي ابوج يروح يشمر عليه تهمة ويذبه سجن حتى تلعب براحتها واحنا نصير تحت رحمتها

-وين اغوح بيها گليلي شسوي

رايه :- دخيل الله خايفة تقصد عالغجري وهذا عنده كومه افلوس راح يعمي ابوي بيهن

-اخذها وانهزم

-وين ترحين احنه شنو نندل اشو تحركنا خطوة وحدة عن مكانه اجينه ننذبح ولبالج الشارع ارحم من ابونا مودتشوفين وتسمعين التشرد شيصير بيها   اذا انتي يبيعون اعضائج اختج صغيره يربوها ويعلموها على الشغل

- لعد اشلون نسكت هيج

-لاتخافين غزوان مايخلي يوصل يمنا  مستعد ينحره ويدخل السجن ولايخلي وحدة منه تتحرك وانتي رؤيا على شنو اتعاركتي ويا بابا واشلون تضربي بالعصة انتي اشوكت تعقلين

رؤيا-:  ماضربته بس حبيت اجرب العصة الجابها غزوان اصليه لو يضحك عليه

-وين صلخج شو دااشوف

-لا الزيت جان بارد والغبي شمرني بالسرداب لباله راح اهتم مايدري اني والحشرات صارنه صحبة  على كد ماتگابلنه

-رؤيا وجهج اصفر ادري متأذايه لاتكابرين داشوف المكان لايلتهب مثل القبله وتالي تتأذين بالزايد

-اي مو اني ام لدغة النعواصه خايبه ماتنجبين تركج مني  تره ماما باجر موعد الاخير  لفتح الجبس مالتها وانتي  موعد مراجعة التحليل مال الكلى مالتج

- رئال تاخذ رند وتروح للشغل واني وياج ناخذها للمستشفى

باوعتلها كلتلها اغوح للشغل شنو اشتغل واني ماعندي ولاديناغ وفوگ كل هذا غضب الله الطلع بوجهنا و منعنا من المكان

رؤيا:- ياهو

-واحد الله ساخط حظه   تكول ملك الموت مايتفاهم  حتى مالحگت احجي گبل طلع سلاحه وغماني

-اشلون شكله

-كلشي ماطالع  منه ملثم ولابس جيشي بس اطول من حياتي وبي خمسة من ابوج النكس يمكن  ياكل الموته بعد مايكتلهم

-بول تيري

-شنو بول تيغي؟؟

-شي مال كبار لاتسألين او صدگ كولي ثلث مرات ريري الراوي رقاصه واگلج شنو هو

رايه -: بله شكلجن مال بشر استوه ماكل طن كتل صدگ بدون احساس انتن

رؤيا- ذكرتيني ضل نص من عصتي مجلب بوجهه نزلي جيبي يفيدني ادخل بي للحمام

- كملتي انجبي 

-الاخت الكبرى تتصف بالاخلاق الحسنه - اختنا

-اشلون راح تخليني اطلع وجع الصونده بيهااا وانت رئال ماما عدها خمسة ضامتهن للحنه جوه الطشت بالمطبخ اخذيهن اشتري بنزين واني احاول اخلص شغل المستشفى من وكت وأمن على ماما هناك يم رؤيا واجي وياج نمسح جام بلكي الله يرزقنا هالمرة ونعوضها

-دتون سودة عليه

-من هيه وكاعده انتبهتلها  تغمض وتنز

-بس لاتغد هم تنتكس حالتها

استغفرت وگامت تسحل بروحها راحت يمها خلت ايدها على وجهه همست ولج هاي صايره ناار

-والله عغفتها ماغاح تتحمل فوگ ماعلاجها خلص ونهبطت  كعدت بالبغد وهاي حتى الصوبه مطفية

-عزه بعيني ولج رئال كوه تتنفس هاي ردت فقدت 

-شسوي متگليلي وين اغوح منو انخاه حتى مااگدغ انزل اخلي نفط سمعيهم وين واصل صوتهم

-كومي وياي خلي انغيرلها  ونغسللها بلكي توعى  وتخف حرارتها

انتجيت وگمت كوه اتحرك  اتكابلنه عليها مثل الجثه بيدينا  غيرنالها  گعدت رايه تسوي كمادات واني اخذت رند  لحضني وتمددت امسح على راسها محتارة اشلون اخلصها

مااعرف اشلون رحت بالنوم ماگعدت اله على صوت نغمه الموبايل عرفته وقت الاذان لان ماما توقته للصلاة

اباوع الكل نايم و غزوان بعد ماجاي درت وجهي لماما لكيتها خاله اديها جوه راسها ومغمضة يعني رادة لوعيها

جريت البطانية لفيت رند حتى ادفيها ردت ارجع انام تذكرت هسه تگعد اتصلي والغرفة  مثلجة وخرت الغطه احس جسمي مكسر مااعرف من التعب لو الضرب لو الجوع اختلطت  عليه

گمت اخذت لجلكان مال الصوبة  فتحت الباب مديت راسي هدوء عرفتهم رايحين طلعت بسرعة نزلت على طراف اصابعي حتى لايحس بابا ركضت لبرميل النفط كعدت خليت الجلكان فتحت البوري استوني اترسه واسمع صوت ضحكة خفيفة شلت راسي اتلفتت ماكو احد كلت يمكن غلطانه

رجعت دنگت ثواني ورجعت الضحكة وياها صوت همس بنيه جاي من غرفة بابا كمت وكفت شنو معقوله وفاء بس لا شفتها نايمه يم ماما

ترست الجلكان عالسريع داسده ورجع صوت الهمس  اجاني الفضول اعرف منو هذا وشديحجون الي هيج يهمسون خايفين احد يسمع

تركت الجلكان ورحت امشي عالكيف وصلت للغرفة واسمع صوت غيمة وهيه تگله لااا موهيج ولك وتضحك

دنكت على فتحت الباب جمدت مكاني واني اشوفها ويه بابا بوضع يخزي وكفت متصنمه ماحسيت غير انسحبت من ورا انداريت دااصرخ وسدت حلگي رؤيا اشرت اشش

ردت احجي جرتني تتلمس بالهوا وتمشي عالسريع

رحت وياها اخذت الجلكان وصعدت دخلته للغرفة احس جسمي كله يرجف صوتها وبأذني ومنظرها المغزز بعيني ماعرف اشلون خليت الجلكان بالصوبة حتى ماشغلتها  رجعت لفراشي صافنه مامستوعبه الشفته

سدت رؤيا الباب واجت تتخطى كعدت يمي همست نامي قبل لاتصعد وتشوفج كاعده وتعرف بيج شفتيها

-غيمه وبابا سوه

-من زمان

-شمدغيج

-مثل ماادري من نزلتي هسه راح تشوفيهم وبدل ماتفضحيها راح يكولون لزمناج ويه واحد ويشمرج على سگط من جماعة حتى يسد السالفة

-انتي اشوفين؟؟

-رئال شكو شي شفتي جوه تمسحي من راسج اذا تردين نضل محافظين على نفسنا  لحد مانطلع منا بسلام

-هاي اشلون هيج تتقبل على نفسها

-لان عاشت عيشة وسخة وضاگت الجوع وعرفت ماكو مهرب منا غير بي

-مافهمت

-ولاراح تفهمين هاي خلت بابا براسها هدفها الوحيد تسيطر عليه واول شي تسوي تقنعه يخلص من غزوان حتى يصفالها البيت وتگلبه ملهى بينا

-يمه عزه بعيني احنا وين عايشين

-بمنطقة محد يدخلها غير الوسخ واب بعد اوسخ لالبالج هاي استوها بلشت تره من زمان ويا  من ايام ماجانت ماما مريضة ورند صغيرة اخذها وطلع اسكتها بره تروح تدخل يمه عالاساس ماحس عليها

-من هيج دوم عدها فلوس وتضمضم ومن دونه لايكتلها ولايطلعها للشغل

-افلوس ابوج بعد ماتكفيها احلامها كبرت انتظري كم يوم وشوفي شراح تسوي

-غزوان اذا عغف يموتها

-ماراح يعرف بس سدي حلگج لا تضيعينا رئال غزوان بدل ماراح يطلعجن راح يموتها ويدخل للسجن وانتن اصيرن بيد ابوج تعرفين شنوو

-منو كلج غزوان غاج يگدغ يخلصنا من بابا وشنو يطلعجن لعد انتي وين تضلين

-مالج شغل بيه ولاتحجين بهذا الموضوع نهائيا

-ناويه تكتلين بابا ؟؟

-ماادخل لجنهم بسبب حيوان مثل هذا

-لعد شنو ناويه تسوين ؟؟

ماردت اباوعلها صفنت نزلت عيني على نهاية ايدها اشوف حرگ الزيت رجعت باوعت لركبتها اثار شخوط بيها  عرفتها متحملة وكاتمة بكلبها هواي زاد خوفي عليها  لزمت ايدها رمشت وابتسمت  بقهر ؛ همست تعرفين ليش بابا كيف بالعمى و مارضه اتعالج

-حتى يتحغش  (يتحرش)بيج وماتكدغين تمنعي

-هه استعمل وياي كل اساليب التعذيب زيت وحبس وجوع وضرب شايفة من يعلگني من رجليه ويخلي راسي بالگاع والدم ينزل  شحس

-وصلج

-لو لامس شعرة مني مجان شفتيني لسه يمج اشتم هوا بس تعبت مااكدر كرهت جسمي كرهت عجزي مداتقبل نفسي بعد كمت اشمئز  من كلشي حتى النوم بعد مااگدر انامه بس تغمض عيني احس ايده تتجول على جسمي  تعرفين شنو الاحساس من ابوج  يفكر بيج ومنتظر اي غفلة منج حتى يستولى عليج  ماكلج شي مقرف لااكلك الموت ارحم لاشي اكبر من ذني احساس بشع

-والشاغع انكس من تتسابقين بين الشباب وكل واحد بيهم اقذغ من الثاني الي يهددج اذا ماتجين ويا يشوهج والي يحاول يسحبج بالفلوس والي يسمعج كلام يحسسج انتي اخس من الحيوان وهاي كلها تتحملها وتكتمين بكلبج لان عقلج مشغول بالي عفتيهم بالبيت بدون اكل واشلون تغجعين ويتلگاج ابوج وافلوسج ماكاملة

-كله بسبب محمود

-لااا محمود ماله شغل بسببي اني  لحيت عليه اني هددته اذا لبس النجمات بدوني غاح اعوفه

-هو هم سمع منج بس بدل النجوم لبس الجفن ولبسنا الضياع

-ماضاع شي غاح يجي يوم ونطلع منا وانتي تسوين العملية تشوفين وتغجعين للمدغسة وماما تغجع لضحكتها وجمالها الجانت تتباهه بي وغاية تتزوج غزوان واني افتح مكتبة وأمليها بكتب الدنيا كلها اكعد لازمة كتابي المفضل وتخيل محمود كدامي كاعد مثل قبل واتناقش ويا وهو يتغزل

-بعدج عايشه بحلم محمود

-ماكعدت منه حتى انساه تذكغين من لزمت ايده قبل لايدفنوا وكلتله ماغاح ابجي لان غاح اخلص ايامي بساع واجيج  وهاي اني بعدني على وعدي ويا داحسب للوقت اشوكت يخلص واللحگه نكمل سوه هناك

-المفروض محد يعيش منا بعد الحادث

-بس غزوان وغايه لااا لان هواي عانوا بسببنا  ضحوا بنفسهم وسعادتهم علمودنا خليهم يحققون امنيتهم ويتزوجون وياخذون غند وياهم يكملون بعيد عنه

-غزوان مستعد يعيش عمره كله بحسرة رايه ولا يتركنا وحدنا هذا موبس اخونا لا ربانه بيده وراقبنا يوم يوم نكبر گدامه بتعب امتونه

-مو بكيفه  بس تدخل غايه السن القانوني احجي ويه ماما تقنعه ياخذهن ويغوح بيعد كافي السوا ويانه والتحمله علمودنا احنا ندبغ نفسنا بعد مانعتازه

ابتسمت واخذت نفس سحبت مخدتها رجعت تمددت خليت راسي يمها كمشت ايدها همست وعديني ماتسوين شي وتضيعين لمتنا

-ماكو لمه اصلا احنه عايشين بوهم منتظرين اشوكت تجي بيعه زينه للحيوان ابوج حتى نروح بدربنا

-لاتكولين هيج واني عايشه على املكم بعد مافقدته

-راح تصيرين بغير حضن وتنسي مثل مارح تنسينا

-مانسيته وبعد حضنه مانام بس بالتابوت وانتن غاح اتضلن يمي ماتعوفني وحدي مثل ماعافني

-نامي رئال

-اذا ضغبتي  غزوان غاح يشيل القضية وابوج يزوجنا غصبا عنه غاح نضيع من صدگ

رادت تحجي وانفتحت الباب عصرت ايدي وغمضت بسرعة

دخلت غيمة ركضت لفراشها نامت اشكد لعبت روحي منها ؛ داسحب اديه من بين ادين رؤيا  ضغطت عليهن همست خليهن

-وعديني

-بس الموت يفرقنا

-حتى الموت ماغيده يبعدنا لونموت سوه لو نعيش سوه

-بكيفج تحجين منو يكول رايه تريد تموت ويانه

همست رايه الدنيا المابيها انتن  مااريدها

ضحكت اتقربت يمنه دخلنا كلنا جوه غطه واحد اتحاضنه صح الغرفة بارده بس جان دفو حضنهن وحنان رايه وهيه تمشي ايدها على شعرنا معوضنه عن كل تعب  نحس بي

من كثر الرحة والامان  الحسيت بي بسرعة رحت بالنوم  كعدت على ريحة الجاي تارس المكان  كمت لكيت ماما كاعده وغزوان حاضنها من وراها يبوس بخدها شافني كال صح النوم رئول

-صباحوو  ابن خالي اشوكت غجعت

-ماصار هواي كومي جايب اشلون خبز حار وجبن

-الله عليك اشلون دخلتهن لهنا

-تهريب وروح ابوي تگول مخدرات مو خبز وجبن دكومي بسرعة لايبرد الجاي

-يله بس اغسل وجهي واجي

كامت رند ركضت اله شالها يبوس بيها رحت غسلت وجهي رجعت الغرفة دافية والريوگ بالنص لمتهم وكعدتهم ترد الروح

غزوان يتحارش بماما والكل يضحك  وهيه كوه تباوعله بتعب وتبتسم همست  ربي يديم الضحكة ويريح كلبك يعمه

-ماطول دورين راحه گلبي ماتنطيني بنتج

-هو بيدي يعمة وروح اخوي لو تطلب عيوني مايغلن عليك

-الي يوم اخذها واطفر

-وتتركني وحدي اهون عليك ولك

-لاوالله اتشاقه شعندي غيرج اذا انتي امي وكدرت اتركج مااكدر اترك اخياتي واعرف النذل مايخاف الله بيهن

-هيه الك بس  شد  عودك شويه بعد لخاطر تاخذهن كلهن وتروح منا

-اكثر من هالشد حرام ربي مايرضه

-كلها ايام  اصبر بس تدخل ال ١٨ حتى تعقدها ومحد يگدر بعد يوگف بوجهك

-هذا الكلام اليريح الگلب منتظره من اسنين

رند-: غزوان اريد ثوب هذا صار مزگ

-هذا الاسبوع الج احلى ثوب انتي ورؤيا

رؤيا- مااريد ثوب جيبلي ماسكة امشي عليها بدل العودة ملخت ايدي

-هم اجيبلج ماسكة وهم تكسريها على  ابوج

-لاعيب هذا ابونا بعد مااكسره بالماسكه عندي ماسحة اكتله بيها

- والله فلا تعقلين والج يمي ماسكة بس صبري عليه هالايام

كلتله واني شجيبلي غزوان

-الج عيوني

-ماغيد عيونك هم ياالله هنه والمناظغ يكفن ذولاك الناس ويله وخغ خلي ماما تمشطلي اتاخغت

-شبيها ايدج هم كتلجن الناقص

-شنو كتلنا غير شلوطنه وجان ناوي  يصب الزيت علينه ويشمغنا بالسغداب يمه بس سمعت اسمه اجه بالي بيت اليهودي اشلون انحبسوا الجهال بي لمن ماتوا كلت غحنا انتهينا

ابتسم ابتسامه جذابيه وعيونه تلمع الدموع بيهن جر راسي باسه كال وروح ابوي  لواعرف انطي روحي ومااخلي وحده بيجن تتأذى لاتخافين ماطولني موجود وياجن

غيمه:- ترا اني اختك بس للتذكير

-كلجن خواتي واعز من روحي ماشوف الدنيا غير بضحكتجن

جريت  نظارته منه

-هسه تشوفني

-ماريد اشوف جهرتج جيبيها ويله كعدي اتريگي راح يخلص الاكل

دفعته كعدت يم ماما انطيتها المشط واشرت على شعري يلااا

ضحكت اخذته درت ضهري  اعرفها تعبانه بس بيوم الماتمشطلي احس يومي خنگه احب ايدها وحنيتها من تمشيهن على شعري

هيه تمشط وتظفر ورايه صبت جاي خلت گدامنا ناكل ونضحك الي يسمعنا يگول ماكو هم على گلبنا دفو المكان  وهاي لمة الصبح يمها  وصوتها وهيه تحجي تروي كلبنا

خلصت عالسريع كمت عصرت خدودها بستها ورحت لبست رند وكفت الف الجماغ اجت يمي رايه همست ذني الفلوس

-خليج يم ماما لاتجين اليوم اني اشتغل وحدي

-ولي وتگدرين اتگعدين وحدج بدوني

-يااختي فكيني يوم واحد اغيد اخلص شوفتج اتصعد الجالي عندي

-ولي يله تأخرتي راح يكعد بابا ولاتفرحين  وراح اجي وراج بس حتى اغثج

-بيج حيل بعد زين والله على كتلت الليله اني منج بعد سنة ما كوم

-من اشوف خلقتج گدامي واتذكر ازعاجج  بتصنيفي على لدغتج  اصحح وحدي هيج عافية تنزل عليه من السما

-مشكلة اغيد اغد عليج بس اختي الجبيغه مايصيغ

-غير كلمة اختي مافهمت  

عفست وجهي ضحكت ودفعتني طلعت اضحك وصلت للباب انداريت  اباوعلها راحت رجعت كعدت يمهم لواعرف هاي اخر نظره بينا جان اخذتها لحظني بگد الوجع والبعد الراح اعيشه

اشرت باي ودزيت بوسه بالهوا ضحكت طلعت واني اسمع ردوا يسولفون

كمشت رند نزلنا  طلعت اجه وراي غزوان شال رنود خلاها على امتونه يمشي ويدمغ بيه اوخر ايد ياخذله ثواني ويرجع يدمغني ويشمر حجي

الطريق كله نفس الكلام هم وجه اصبح بي؛ انتي هم حاسبة روحج بنية ؛ منو ياخذج وانتي لاشكل وبنص لسان لحد مازهگني

-صحت تغه زودتها غزوان والله غاح ابجي

-لاه بس لاعندج احساس

-لا مخلوق الاحساس خاص بالفاهيه مالتك

-دخيل ربها اروح فدوه لضحكتها وفهاوتها وانتي تردين تجيبين روحج لمصباح وجها

-عيع ماعغف اشلون غاح تتزوجون يااخي هيه ماتنبلع و تاخذك انت اتعس منها شتخلفون متگلي

-وجوه مشگلبه على خالتهم الي نص حجيها مگلب

-صدگ غزوان اذا بنيه سموها على اسمي حباب

-من حلاته وين اكو وحده اسمها رئااال

-هم صدگ المفغوض  ابدله لان ماعاجب حضغتك   اكلك انت ذوقك  جبته وياك لونسيته ويه عقلك يم غايه

-لاوالله عقلي يفتر  اشلون يلم افلوس وايسويلها زفه الي تحلم بيها

-وتسمي بنتك على اسمي مو گول گول لاتخجل اعغفك معجب بأسمي بس تكابغ

باوعلي صفح

ضحكت ضحك على ضحكتي ودمغني

-صدگ اغيد اسألك سؤال

-اعرف الشفت الثاني وين اودي افلوسه

-دتجمع مو؟؟

-من اول يوم دخلت بي للبتاوين  اتفقت ويه عمتي و بلشت اجمع واحسب لعمر رايه

-بابا ماغاح يخليكم تتزوجون

-ومنو كلج منتظر موافقة ابوج حسبي حسابج بأول يوم تدخل بي رايه لعمر ال١٨ ماخذكم ورايح لغير محافظة

-الله عليك غزوان مدتجذب صدك غاح اطلعنا منا تغه ماضل شي كلها كم اسبوع

-وداعت اللدغه اطلعكم بنفس اليوم

-كلت لغايه هالشي

-لا طلبت منها  نتزوج وننهزم وحدنا رفضت ضليت مصر على هذا الطلب حتى اعصرها لان ادري بيها جبانه اذا كلتلها ناخذ خواتج ونروح راح ترفض تخاف من ابوج بس من طلبت منها هيج وخليتها كدام امر الواقع راح هيه تطلب مني بلسانها  اخذجن وياي وهيج بدون شلعان كلب نروح

-غاح يتقبلونا المحافظات واحنا من البتاوين

-محد يعرفنا ونگعد بمكان زراعي ننعزل عن العالم مالنا شغل بأحد وبس نستقر ابلش الم افلوس لعمليه رؤيا

-تدغي اشك بغؤيا تشوف

-رؤيا عيونها مابيهن  شي الضربة براسها وعمليتها سهلة ماطول ساعتين بس الله يلعنه قفل عليها  حتى ياخذ راتب براسها

-لاتكول هذا الكلام گدام اختك منا لمن نطلع والموبايل مالتك لاتخلي يم ماما بعد اخذه وياك

-ليش صاير شي

-لاهيج بس للامان لان غؤيا وغيمة دوم مو على وفاق اخاف يفلتن الحجي كدام بابا والموبايل دوم بيد غند اخاف تحطمه

-شتحطم منه هو جده كامز حتى رصيد مابي ضال بس ترميشه ولازم يضل يمهن يصير مايصير اقلها يرمشن  على صاحبي واني اتصل هاي عمتي على ساعة توگع

-غزوان اطلب منك شي

-لااا رئال اذا كلتي كتاب اهفج دفره

-شبيك هااا شبك اخوج واخوج تالي كتاب ماجيبلي والله نفسي ضلت وغاا

-وهذا الكتاب اشلون  تقري بلدغه لو همس

باوعتله صفح ضحك عصر وجهي وكال لاتبجين اليوم من اكمل شغلي امر عالمتنبي اشوفلج كتاب حلوه

وصلنا للشغل  اشترالي بنزين  وملمع جام من صاحبه وصلني لمكاني وراح يركض كالعادة مااعرف حتى يدفه لوصدگ تأخر

كعدت رند خليت يمها الاغراض شلت الملمع وركضت للسيارات لان هذا وقت الشغل

اكثر من نص ساعة واسمع رند تصيح تعالي هذا يريد يبوگ انداريت لكيت واحد يضحك وياها كرصها من خدها وراح

رجعت يمها كعدتها ودنگت داخلي الفراش وكفت سيارة يمي لبالي واحد يريد بنزين كملت تسطير بعدني ماگايمه  نزل من السيارة وخله رجله على القماش اباوع بسطال عسكري  رفعت راسي لكيته نفسه الملثم الي شخطت سيارته

اريد اتبلعم بعد مااعرف كمت باوعتله بخوف دارجع ليورا بعدني مامتحركه بحركة سريعة كمش ايدي كال وين تردين

-مااشغد والله

-ونهزمتي شنو حسبالج  مالگفج

- اسفه عمو وداعت خواتي بعد ماعيدها

-ماتعيديهااا ؟؟

-حتى لهنا  بعد مااجي ابد ابد

-خوش حجي والسيارة

- مامبين شخط  صغيغوني حتى ماينشاف 

-حلوو  كالها وطلع سجينة من جيبه فتحها نزلت دموعي

-ليش البجي يابه  هم شخط صغير بوجهج ماراح يأثر شي مو

-والله بعد مااوصل هنا والله

عصر معصم ايدي - من صحتج  ليش انهزمتي

-خفت تضغبني

-يعني عرفتي راح اضربج

شهكت

-شيلي اللثام

-اتوبة اتوبة سيدي اخغ مغه والله

راد يرفع ايده كمشتها بسرعة بأيدي الثانية اباوعله بتوسل

دنگ عصر معصم ايدي حيل صارت عينه على السوار رد رفع راسه باوع للثام  بعدني مامترجيته واجانه صوت واحد من  داخل السيارة صاح  هيذااام وصلوا الربع  استعجل

دفع ايدي وكال دقايق و راجع كون الگاج نفس المكان  والكفل زينب اهطرج بالگاع

اندار صعد بسرعة شحط السيارة وطلع طاير  دنكت جمعت البطالة بسرعة ولميت الفراش خليتهن بالعلاگه شلتهن كمشت رند وركضت احس كلبي يريد يطلع

رجعنا امشي عالسريع اسحل برند واتلفت خايفة يطلعلي واحد ثاني واني وحدي  ماصدكت عبرت والشارع صاحت رند  اوكفييي هذا غزوان

انداريت لكيته استوى جاي شافني ضحك كال يمعوده استوني وصلتج

-واحد  لابس عسكغي لو ماالحظ يخلصني منه  جان الله اعلم اشصار بحالي

-ذولة قوات …هالايام مسوين حملة يفترون شكو مشبوه يشيلوا  ميخلون واحد بالشارع وانتن قريبات عالمركز ممنوع مكانجن

-لالا موهمه هذا اول مغه اشوفه شكله يخوف مبين موبشغ بس لزم ايدي عالكيف طبگ السواغ عالحم صدگ من كالت غؤيا بول تيغي

-حظج وحظ رؤيا تعرفين شنو بول تيري انتي لوبس تحجين

-لا

-جلب محرم دولياً ياكل جثث يستعملوا  اهل الماڤيات حتى يخلصون من ضحاياهم

-اي لعد صدگ شايفه انت اشلونه تكول وحش متحول انوب يگلي غاجعلج عالاساس اني ماكو هيج مايدغي حتى لگمة ماابيه نص جثتي ملابس

-اذاج

-لابس متت خوف وادغي بابا يغيدها من الله 

-هانت يبعد اخوج ماضل شي يله امشي واشولفجن غير مكان بعد ماتردن لهناك

-وانت لويش غجعت

-اخذت اجازه ساعتين  كلت ارد  اغير ملابسي والحگ رايه للمستشفى  ادري بيها ماراح تسوي تحاليل للكلى حتى لايگللها الدكتور  لازم تسوين العملية وهيه تريد تطلع للشغل

سكتت

دنگ شال رند يلگف بيها  ويبوس

رجعنا للبيت جان مبين التعب والربو خانگه بس يكابر مايريدنا نقلق عليه

وصلنا للبيت دفعنا الباب مسلقيه من جوه ؛صفن متفاجأه لان هاي اول مرة تنسد

نزل رند  ونزع نظارته انطانياها اتشلبه طفر فتح الباب هو وعاگد حاجبه يباوع ليورا

دااگله شكو وسكتت واني اشوف واحد واگف ويم غيمه  بيده جگاره وعيونه علينه مثل المامتوقع رجعتنا

ردت الزمه الزمه دفعني وركض كمشه من ياخته جره للگاع ذاك رگعه بوكس بوجهه دفره وكام راد ينهزم مالحگ لگفه غزوان من ملابسه ورجعه للكاع نام عليه يريد يفترسه

ركضت غيمه لزمته من ضهر كامت تسحل وتضرب تريده يتركه

عيني بالهوسه واسمع  صوت صرخة مكتومة من فوگ  تركتهم وصعدت بسرعة دفعت الباب  واشوف واحد ساد حلگ رؤيا ويملخ بملابسها

صرخت غزواااان الحگناااا وركضت بسرعتي شمرت نفسي عليه جريته من شعره  اندار دفعني بكل حيله من قوة الدفعة انشمرت مسافة وكعت على وجهي وهو رد لرؤيا عرفته شارب موبوعيه

بعد مااعرف شسوي  كمت بدون تفكير ركضت  دنگت علیه اضرب واملخ بشعره بس اريده يوخر من كد مامشدوهه ماحسيت نفسي غير ادنگ وانبت سنوني بمتنه بكل قوتي ماتركتها لمن تركها وصرخ اندار جرني  من شعري ودفعني وكعت 

جرت روحها رؤيا بسرعة كامت ترافس وتصرخ لحكونيييي 

ردت اكوم كمش رجليه سحبني اله وصار عليه ضغطت على سنوني دخلت اضافيري  بوجهه وسحبتهن حيل ماحسيت غير الراجدي سطر راسي غمضت افترت الدنيا بيه

راد يبوسني دفعته لزم اديه رفعهن ودنگ يبوس بقرف وريحة الشرب تخنگ بلحظه حسيت روحي انتهيت انشلت كل حركتي

رؤيا تملخ وتضرب بي واني اجر بأديه واصرخ متأمله  غزوان يلحكني

مااسمع غير غيمة صرخت ااااخ يمه وصوت ركضة عالدرج؛ ثواني ودخل بيده سجينة كلها دم

لحظات مثل الحلم مرت بلمح البصر  ركضت غزوان والسجينه نبتت بنص ظهر الولد…

لاتنسون التصويت ❤️

شيء من رصيف الدم

البارت الثالث

بقلمي leo Alfatlawi

لاتنسون تعلقون بين الاسطر

…لحظات مواكثر انقلبت حياتنا وتغير شكو حلم نتأمل نحققه

الولد شهگ وخله راسه على صدري اختفت حركته 

مديت ايدي امشيها على امتونه  صارت السجينة قريبه خفت الزمها تلمستها بطرف اصابيعي لكيتها  داخلة بظهره 

غمضت اريد ادفعه احس اديه خدرانة  عصرت نفسي وخرته مني انگلب  على ظهره  فتح عيونه وزاع دم

صارت صنته ثواني عدت واحنا كل واحد صافن بجهة نريد نستوعب الصار  ؛رؤيا  لامه روحها ترجف بدون نفس ورند خانسه يم الباب سادة عيونها

سندت روحي گعدت اشوف الدم تارس المكان باوعت لغزوان گاعد يم الباب خال اديه وره راسه وعينه بالولد  همست غزوان وين غيمة

مارد بس باوعلي

-كتلتها؟؟

لم رجليه لحضنه يرجف شفايفه بيض

ردت اگوم خانتني قوتي وگعت رجعت انتجيت وگمت كوه امشي عقلي متبنج احس روحي بحلم واتحرك بدون وعي

عبرته وصلت للدرج صارت گدامي غيمة فاقدة ضميت وجهي بأديه واني اشوفها اشلون مغمضة وسابحه بدمها

گعدت بمكاني عيني بغزوان الي انگلبت عيونه الملونة لحمر والدموع تنزل بخوف همست ولك ماتوا اثنينهم

-يستاهلون الموت اي يستاهلون

-لويش ولك ضيعت نفسك هيج

-كلتلها اذا نزلتي جوه لو تعرضتي لوحدة منهن راح اكتلج حذرتها

لطمت على وجهي

-همه همه جبروني اموتهم والله

-ولك  غاح يعدموك  ولك غاح نضيع بدونك ولك غزوان انتهيناااا

-لي ش ليش يعدموني اني ماسويت شي بس اخذت حقي وماگدرت احميجن بغير هالطريقة

خليت اديه فوگ راسي محتارة شسوي  احس روحي بهوسة عين بغزوان الي لم روحه يرجف استوه انتبه للمصيبه السواها ؛ وعين بغيمة الي مابيها نفس

واسمع صوت سيارة و بابا يسولف بصوت عالي ويه واحد عرفته صديقه ابو طبر

كمت نزلت ركض للباب فلتت الخيط وسلقيته  رديت صعدت بعدني ماواصلة للغرفه واندگت الباب حيل 

سويت الدرج شبختين دخلت للغرفة لكيت غزوان   ضام راسه شبه فاقد صرخت غزززوان اصحى

مارد

دنگت عليه نكثته حيل وصحت ولك غزززوان گوووم گوووم  فدوه اغوحلك  ولك اجه بابااا  انهزم

رفع راسه باوعلي بكسره اشر لا

-لالاااا لاغزوان اخيتك لاتسوي هيج لاغزوان والله يعدموك گوم ابوس ايدك ولك بابا غااااح يكسغ الباااااب ولك  كوووم

-مااروح واعوفجن

-شنووو يمه سودة بوجهي شدتحجييي لالاغزوان لا لاتوجع گلبي عليك ولك يعدموك ولك مايغحموك ولك اخيتي تموت وغاك واحنا نضيع

مارد وخرني عنه ودنگ رد راسه بين اديه

صگيت على سنوني ضربته بكل قوتي وشهگت رفع راسه باوعلي ونزلت دموعه گعدت يمه كمشته من ملابسه مااگدر احجي بس اعت بي وهز راسي بيأس ماعرف اريد  اعاتبه لو اريد اخلصه ؛  ابجي بصوت عالي واباوع لعيونه  احس نفسي دااودعه

جرني لحضنه وسحب رؤيا وياي ضمنه حيل همس خلصتجن منهم

-وضيعتتت غوحك  ليشش ولك

-لان انتن خواتي وبنات روحي رئال رايه امانتي يمج

-لالااا لا غزوان والله  غاح تموت لاغزوان ماما تتخبل واحنا ننباع بلاش

-الفلوس تندلين مكانهن اخذيهن هنه وياهن وروحي منا

-مااغوووح ولك غزوان اختي تموت ماغاح تتحمل اشوف جنازتك ولك ماما خاله املها بيك

-واني خذلتها لان ماگدرت اشوف وحده منجن تتأذى گدامي واوگف ساكت

-غاح نتأذى وننباع مثل العبيد اول وحدة بت گلبك بابا غاح ينطيها بلاش بعنادك تقبل اتشوفها ياخذوها وهيه تباوعلك بكسرغه اذا صدگ خايف علينه كوم انهزم

-راح ياخذوجن مكاني

-لالااا بابا يوگفلنا  بس انت يتمنى يخلص منك حتى يبيعنا لجماعته ولك غااااح يگسغ الباااب گوووم گوووم

-لعد تعالن وياي

-مااگدغ ماما  اشلون اعوفهااا غوح انت احنا اندبغ نفسناا كووم دخيلك راح تينشلع البااااب

-امشي وياي امنجن بمكان وادز خبر لرايه اتجيبها وتجي وراي رئال لو اخذجن وياي لو مااروح وعوفجن

اسمع صوت بابا اتخبل والباب تريد تنقلع گد مايدگ بيها وصوت صراخه وهو يصيح اولاد الكلب فتحوووا

اباوع لغزوان منتظر الاجابة مني واعرفه ماراح يعوفني انخبصت ماعرف شسوي 

ماشفت روحي غير كمت ركضت جبت شال امي   شمرتها على غزوان ورحت لرند دنگت شلتها

غزوان لف رؤيا  بالشال ستر جسمها گومها واجه بسرعة اخذ رند مني شالها وكمش رؤيا طلع يركض بيهن واني ورا بس عبرنا الغرفه واسمع  باب البيت  انفتح على كبره وصوت صرخت بابا  رجت المكان

ركضنا للسطح وصلنا يم الحايط التشاريف عالية حيل ترك ايد رؤيا وخله رند عالحايط اتشلبه صعده    

صاح ناوشيني رؤيااااا

جريتها بسرعة هو  مد ايده واني دنگت ارفعها من رجليها مالحگ حتى يلزمها وصعد بابا  بكل سرعته جرني من شعري شمرني وگعنا  اني ورؤيا ورد راد يجر رند دفره غزوان بصدره

رجع للخلف گومت رؤيا بعدني مامتحركه وبابا لزمها من شعرها طفر غزوان ضربه بوكس

دفع رؤيا ولزم غزوان مكانها من ملابسه عفته يتلاوه ويا وجريت رؤيا  للحايط دنگت شلتها اريد اوصلها مااگدر التشاريف عالية

هيه ماتشوف اشلون تعبر  ورند تصرخ اتخاف تطفر وبابا حاصر غزوان  ويفزع بالعالم بصوت عالي  انخبصت ماعرف شسوي

صاح غزوان  روحيييي من الباااب اخذيهن وانهزمييي

بدون تفكير جريت رند نزلتها وكمشت رؤيا ركضت بكل سرعتي  نزلت الدرج  بعدني بنصه واشوف الناس تدخل فوجات للبيت

وكفت متصنمة رفعت راسي ليفوگ لكيت بابا عاصر غزوان من  بطنه ويسحب بي

رجعت دنكت لكيت العالم واكفه تباوعلنا وترد تباوع  لغيمة متفاجئة   من المنظر  عرفت انتهى امرنا بعد ماكو امل بالاخص من صاح بابا ياعالم  راح ينهزمووون  ابو طبرررر  الحگني

احس روحي بهتت ورجلية بعد متعيني گعدت ورؤيا كعدت يمي دخل واحد ويا ابو طبر يركضون دفعونه وصعدوا بلمح البصر 

اخذت رند لحضني ضميت راسها بصدري واني اسمع اشلون غزوان يتماطل وياهم وهمه يصرخون خابروا الشرطة

كلها ثواني والعالم ترست البيت  الي وگف گدامنا   يمنعنا نكمل نزول الدرج والي طلع فونه يخابر الشرطه مااسمع غير  بابا صاح ولك كمشه فلتتتت

شلت راسي واشوف غزوان فلت من اديهم  طفر الحايط بخفه  وابو طبر وواحد ويا طفروا ورا

ماگدرت اكمل المنظر  درت وجهي باوعت للسما نزلت دمعتي اترجه ربي يخلصه منهم  غمضت واني اودع ثاني شخص بدون لاحس

على صوت بابا طلعوا كم واحد يركضون انداروله من الخرابة اليمنه حتى يلزموا

وگع بابا  بهتان  وصياح عمتي وهيه داخلة يم غيمة تلطم  وصرخت الرياجيل يگولون لحد يكمش  شي ابتعدوا عن بصماتهمممم

عصرت خواتي بحضني ودنيت بالزواية حشكت نفسي عيوني ماشوف بيهن گد الدموع  مااعرف اشلون احميهن امنيتي اضمهن بروحي واني اشوف العالم اشلون  تباوعلنا بغل تريد تفترسنا همست رؤيا بشهگة راح يكتلونا مو

-مااعغف ماعغف بس ليش احنا ماسوينه شي

-رئال بعد ماحس بجسمي بردانه ضميني

-وين اضمجن ويين ولج ماما تعالي ليه لحگي بناتج ضاعن

-رئال خايفة

ضميتها بحضني حيل اريد اسيطر احضنها مااگدر ثنينه نرجف بخوف  همست ماغاح اخلي واحد يوصللجن لواعغف انطي غوحي

-هو جبرني اضل هو خلاني هنا غصباً عني ردت اروح مارضه جرني من شعري وشمرني بالبيت

-ماما اشلون رضت اتخليج اشلون ماخذتج وياها

-فقدت الوعي اول ماطلعتوا مااعرف شصار بيها  كامت رايه تصرخ ودگ  دخل بابا وغيمة على صوتها شالوها وياها طلعت وراهم گالت غيمه  ردي متكفي السيارة لان ماخذين زوجته وياهم  ولج بعدني ماحاجيه بابا كتلني وشمرني بالبيت گال اذا طلع صوتج ارد امج ولج رئال غصباً عني رجعت خفت ماما تموت

-ليش ماقفلتي الباب اشلون خليتي يدخل عليج

-والله قفلته والله عرفت غيمه نذله وراح تبيعني لان هيه اصرت اضل و بس صعدت سمعتها اتخابر واحد اتگله ماتدخل اذا مااستلم المبلغ كامل

-ماعيطتي  ماطلعتي  مانخيتي احد سودة بوجهج

-مالحگت والله مالحگت  غير اركض اقفل الباب عليه  ولج رئال دورت شي احمي نفسي مالكيت لمن كسروا الباب  ودخلوا صرخت لطمت ملخت روحي بس محد سمعني الغرفة بعيده اني اصرخ واتوسل  وهي اتگله استعجل حتى يدخل اخوك قبل لايرد عمي

گالتها وبجت بصوت ردت اسألها وخفت تگول لمسني لان  اباوع ملابسها ملخة ورگبتها مشوهة عصرتها بحضني وبجيت على بجيتها 

مر وقت واحنا على بس دموعنا تنزل برعب وحده داخله بالثانية گد الرهبة انخاف حتى نرفع راسنا نظرتهم مقززه بهذا وضعنا وهمه يتفحصونا من فوگ ليجوا

بابا على فد صوت يصيح يابوي غيمة ماتت كتلوها الميخافون الله والعالم تصيح حاوطوهن لاينهزمن مثل ذاك؛  صارت خبصة بالباب ماعرفت شكو دقايق ودخلوا شرطه طوقوا المكان دخل واحد وراهم بيده لاسنكي نزل بابا من فوگ سانده ابو طبر  وگف يمنا صاح  الحگني سيدي طعنوا بنيتي وصديقي ذبحوهم

الضابط -اول شي صوتك نصي ومنو ذبح منووو

-ذني سيدي بمساعدت ابن خالهن بس انهزم جان ناوي يشردهن بس لكفتهم گام ضربني وطفر الحايط 

-شيقربولك

-ذني بناتي وذاك ابن خالهن بس اني مربي من صغره ماعنده اهل سيدي اصعد شوف بعينك اشلون كاتلي ومثلين بجثته

-خير ان شاء الله شنو السبب

-ماادري بس صار فترة بنتي بالتبني  تشكيلي من تصرفاتهم وتگول اشوفه ينام بينهن ومن اگلهم حرام يهددوني بالكتل اذا حجيت الاحد  سيدي ماصدگتها لمن راحت من اديه

-وين جنت وقت الحادث

-امهن وگعت اخذتها للمستشفى والله مابيها ساعة رجعت لكيت الباب مقفولة دگيتها محد فتحها لمن كسرتها دخلت لكيت غيمه مكتوله وهمه فوگ جانوا يحاولون يهربون

-غيمه  وگلنا مهدديها الفوگ شنو فلمه

رادت احجي وسبقني ابو طبر  گله سيدي احنا واكفين بالشارع طلع جاسم  شوية وسمعنا صوت عركه حسبالنا مثل كل مرة  غزوان يكتل اخته  اخذولهم خمس دقايق  وقوت صاحبنا جان واكف يمنا كال  خطيه خلي افاككهم دخل دقايق وصار هدوء كلنا يمكن فضت وضلوا يسولفون تركناهم رحنا وكفنا بداية  الشارع لمن رد جاسم  ورا بفتره اجت الزعاطيط تصيح لحكوا بيت جاسم  بي وحده مكتوله

بابا- بنتي  لاكفتهم بوضع وسخ  ورادوا يكتلوها حتى لاتفضحهم  داخل الولد شايفهم هم كاتلي حتى يطمونها للسالفه ماكو غيرها

باوعلي الضابط نزلت دموعي همست والله سيدي ماصاغ هذا الحجي

بابا- لعد ليشش كتلتوهاا يا ظلام وهيه بنيه ينحلف براسهااا

-سيدي والله دخلت واحد موخوش على اختي وغزوان  ماغاد يكتلها بس هيه منعته يدخل يخلصها  حتى ذاك  يغتصبها وبعد مانگدغ نحجي لان بابا غاح يزوجها لاي واحد حتى يسد السالفة

بابا- جذااابااات سيدي غيمة  اشرف من قذارتهن مربيها بيدي  ذني يهوديااات تربات امهن

الضابط- كااااافي لغوووه وانت ابني گلبجهم كلهم اخذهم منااا وامنع اي احد يدخل هنا

الشرطي جرني كمت جسمي كله يرجف اريد احجي نتر اشش وسحب  اديه كلبجني كلتله بس اختي ماتشوف

-طلعي گدامي مالج شغل بأختج وانت تعال شوف هاي شنو فلمهاا 

اجه واحد كعد نص كعده مقابيل رؤيا  وذاك  سحبني كمشتني  رند من بلوزتي وبجت بخوف همست بتوسل رئال لاتعوفيني

باوع  اريد احد امنها عنده ماكو العبرة خنگتني اتلفت محتاره بزماني

جرها الشرطي بعدها عني و دفعني كدامه طلعت وصوت صرختها  وراي تصيح عمو لاتاخذهااا حباب

اتمنيت اخلها بنص گلبي واحميها  غمضت عيوني وهو يسحل بيه شمرني بالسيارة وصعد يمي ورؤيا  طلعوها لغير سيارة

سدو البيبان تحركت السياره  درت وجهي اباوع  لخواتي عين برؤيا الي لامه روحها بس دموعها تنزل بدون صوت وعين برند  الي كمشها واحد مخربط تدفع بي تبجي وتتوسل حتى يتركها

عرفتها ضاعت اختي اخر صوت سمعته منها وهيه تصرخ رئااااال تعالي راح ياخذونييي

غمضت وبجيت بوجع مااكدر اباوعلهن

مشت السيارة بس صوت شهگتي يطلع بقهر حسيت شي خنگني وگلبي انفطر خليت ايدي عليه رفعت راسي باوعت  للسما اخذت نفس وهمست بلهفة يائس امانتك  ياااارب 

السياره تمشي بينا واني الهج بنفس الكلام لحد ماوكفت السيارة يم بناية جبيره نزل الشرطي جرني جانوا بابا ورؤيا  قبلي واصلين دخلوا يسحبون بيهم مكلبجين

دخلنا وراهم ممر طويل كله عثرات خلصنا فتنا  داخل المكان لبالي راج ننجمع مكان واحد بس اتفاجأت من فرقونا همه كملوا طريقم واني دخلوني من ممر ثاني بداية باب حديد ويمه شرطة شافونا فتحوا دفعني جوه جانت شرطيه واكفه اجت يمي فتشتني  مالگت بس السوار خذته دخلنا

مكان ظلمة ؛ الگاع الجينكو  مااعرف حديد لان نمشي يطلع صوت ؛ حيطان وسخة الممر فارغ مابي نفس بس صوت حركة رجلينه تنسمع  شكله ياخذ الكلب  

زنزانات  من الكترين صغار مثل القفاصة بس بابهن مغلق مابي فتحات

وصلنا يم وحده فتح باب  شمرني بيها بكل قوته لمن انضربت بالحايط وگعت مكاني سحب الباب قفلها 

اتلفت كلشي ماشوف هدوء مرعب وريحة قذرة  رجعت ليورا انضربت بالحايط حشگت روحي لميت رجليه لحضني ثواني واسمع صوت احد بلش يون ماميز رجال لو مرة لان جانت بكتمة مبين متألم

دااعدل گعدتي واسمع صوت شي انضرب وصراخ  وحده تصيح مروتكم لااا رجت المكان بصوتها  ماعرفت شكو ؛ اريد اتبلعم مااگدر غمضت احس جسمي كله يرجف وسنوني ماسيطر عليهن همست بخوف ياالاهي باوعلي

شوية وختفى الصوت صار هدوء فتحت عيوني؛ اثر ضوة يجي من جوه الباب مكان معتم  صغير كلش

واكو تنكة قريبة من الباب مزنجرة مبين الريحة جايه منها 

الگاع حديد رطبة الجو مثلج حضنت رجلية حيل

وخليت راسي عليهن صار منظر رؤيا بعيوني گاعده بزاوية خايفة تبجي ورند تصرخ وتتوسل بيد الرجال  

ضميت وجهي وبجيت بقلة صبر عاجزه عن كلشي

مرت الوقت صار الليل واني على وضعي خالة راسي رجليه وصافنة مامستوعبه الصار  ؛غمضت احس مثل السجاجين بعيوني واسمع باب الرئيسي انفتحت حتى بعدني مامتحركة وانفتح باب زنزانتي

اريد احجي مااگدر احس النفس ضاگ  شلت راسي لكيته واحد شكله يخوف ضخم اسمر طوخ واشواربه ثخان  اشر كومي

همست برجفه  وين سيدي؟؟

-ناخذج للحديقه العامة اخاف انزعجتي هنا كومييي لج

-والله مواني الكتلت

-انعل ابوج لابو حتى اهلج لاتجيبين طاري الله على لسانج القذر كومييي يلاااا

كمت اجه يمي طلع مشد مال عيون غلق عيوني  وسحبني دفعني  گدامه بكل قوته  اجيت اوكع كمشني جرني ويا ماشوف كلشي  بس امشي عكس الاتجاه الجابني بي لحد ما وكفنا يم مكان كله افتح الباب

رد واحد :-انتظر شوية عنده مكالمة

-ابو درع  طلع لو بعده

-بعدها خفارته ما تسمع السنطة العايشين بيها

همس حظ كم اغتيال طلع منه

-كون يلگفج وروح ابوك يخليك تشلع اضافير رجليك بحلگك وبالاخص اليوم خفارته ومانايم يريد بس يلزم واحد حتى يتريك بي

-يله شوفلنا الضابط ضرغام  ماكمل مخابرته

-لااستوى بلش هاي المتهمة

-اي

-بس مو جنها صغيرة

-ماكو صغيرة غير امك هاي تلفك انت وعشيرتك يابه هالنوع الي لازم السوگ هالايام

-هاي تلزم حتى ابوي بت الزنه شوفها اشلون منحوته اشتعل اصلها

-هه بدون لاتدعي هسه يشعلوا جوه ويعيدولك نحتها من جديد

-واحنا شمحصلين دوگف خلي اشوف هذا كمل حجي ويه الحبابات لو بعده

دگ الباب وفتحه ثواني ودخلنا يجر بيه وكف ضرب تحيه كله  سيدي هاي  المتهمة الثانية

ضرغام  - تمام وذاك حصلتوا

-لابعد سيدي جار البحث بس ان شاء الله مايطول بلغنا كل السيطرات والمراكز

-جيد اتركها وتفضل اطلع واخذ الباب بيدك لاتسمح لاحد يدخل لمن اكمل تحقيق

-حاضر سيدي

ضرب تحية وطلع  سد الباب والضابط كام اجه يتمشى وصل يمي كال  اي بنتي شنو  اسمج

بجيت بخوف

-البجي مايفيدج اساعدي ويانه حتى نقفل القضية بسرعة بدون لانأذيج اول وتالي تعترفين ليش تخلينه ندخلج لغرفة الاعتراف وكتها بدل السجن تصيرين جوه التراب تفصيخ

-همست بشهگه سيدي والله مو احنا الكتلنا يعني اني اشلون  اكدغ اكتل اثنين نفس الوقت وانوب واحد شاب ضخم  واختي شفتها عمية ماتگدغ تمشي وحدها مو تكتل احد شفت ملابسها اشلون ملخه وجسمها مشوه وشوف ملابسي كلها دم

-ابوج اعترف عليكم

-حتى يخلص نفسه

-يخلص نفسه من شنو؟؟

-من اهل الولد لان ناس موزنين كلش وبت خالي باعت اختي الهم ودخلته ابنهم على اختي حتى يغتصبها بس بابا جبان مايگول ذب السالفة علينه حتى يخلص منه وهو يطلع منها مايكتلوا

-ابوج شنو يشتغل

-مايشتغل عايش علينا احنا نشتغل مكانه

-ليش مايشتغل شنو مريض

-لا كلشي مابي بس هو ينام من الصبح لحد مايجون جماعته بليل ويضلون لوجه الصبح يمه يشغبون

-وانتن تقومن بالواجب

-والله سيدي مانطلع للعتبه قبل لايجون نقفل الباب ونگعد حتى للحمام ماننزل وسأل اي واحد بالمنطقة اذا شايف شكلنا حتى محد يعغف عنده بنات لان مانطلع اله ملثمين وبالختله سيدي والله ماجذب

-تمام اهدي واحجي بدون خوف حتى نحصل المجرم  تره هذا بجيج مايوديج غير لحبل المشنقه هاي جريمه قتل  مو شي بسيط وينحل بالحلف والدمعة

-ساعدنا وخلصنا منه  الله يخليك والله  ماعدنا احد وهو متولينا طول اليوم شغل بالشاغع  واذا غجعنا فلوسنا قليلة يضغبنا بدون غحمه واخغ شي هاي شمغنا بتهمة

-ولو نص كلامج مافتهمته بس  شنو الدافع الي يخلي هيج يجرم بيكم

-لان بنات وماعدنا احد نستند عليه بالاخص من مات خالي شوفنا المغ وطلع شكو حقد عليه  بينا انتقم منه كام يستلذ بتعذيبنا بس حتى يغضي  حيونته وجماعته

-ليش مازوججن اذا هيج كارهجن

-لان افلوس الزواج ماتفيده بساع تخلص وبعد مايستفاد هيج نجيبله افلوس اكثغ بالاخص غزوان يشتغل شفتين من غيغ الغاتب الي يستلمه علي خواتي لان عاجزات

-تمام سمعي بنتي  تردين اطلعين منا وتبرئين اختج  تحجيلي بالتفاصيل حتى اعرف اساعدج تحاولين  اجذبين لو تستغفلينه ماراح يفيدج بكد مايضرج لان كلشي مدون عدنا

-ابد والله وجيب كتاب الله احلف عليه مااجذب شنو تغيده غاح اكوله بس خلص خواتي من ابوي حتى لومطلعني

-هذا الحجي نقرره وره التحقيق ياريت ماتعبيني حتى لاتخليني انجبر اشمرج الهم واخليهم ينتزعون منج الاعتراف اجباري  يعني فوگ التعذيب اعدام

هزيت راسي اي اريد اسيطر على رجفت شفايفي مااكدر

-نكول بسم الله ونبلش  اسمج  وسنج وعنوانج

-غئال جاسم  عمغي ١٧ عايشة بالبتاوين

-غئال ؟؟

-لاغئال غئال مو بحغف الغين

-رئاااال

-اااي 

-ولادتج بالبتاوين

-لا انتقلنا للبتاوين بعد ممات خالي جنا عايشين  ويا منطينه الطابق الفوگ من بيته  وبابا جان يشتغل عامل يم اسواق يوميته موكلش هواي فهو متكفل بينا وهم يخاف علينه منه لان نوبات يشغب صح يهينه كدامنا ويهدده يطغده (يطرده ) بس جان بابا يضل يتوسل ميعيدها لان ميگدغ يبعد عنه 

-اشلون مات خالج

-جانوا جاين علينا للمدغسه حتى ياخذونا للاحتفال مال ابنهم  اتخغج (اتخرج)  جان وقت طلعت الطلاب صاغ بوجهم واحد خافوا يسحگوا لافوا بساع اجت سياغه من الخلف نهتهم ماتوا كلهم بس ماما انصابت وغؤيا فقدت الوعي

- رؤيا ليش مو عالاساس كلكم بالمدرسة

-لا ماقبلت بيومها تجي وجانت غند تبجي وماما ملتهيه تجهز للاحتفال فهيه ضلت حتى تعاونها ومن اجوي خلوا غند يم بابا

-يعني ابوج ماجاي وياهم

-لا ابن خالي مايحبه حتى يخجل يكول هذا تابع النا دوم جان يتعاغك هو وخالي يغيد يطلعه من البيت ويطلگ ماما منه بس خالي مايقبل علمودنا يكول مهما كان اعوج وجوده مهم بحياتهن كدام العالم

-لا تفكير خالج بمكانه اي كملي

-من ماتوا حتى فاتحة بابا ما سوى لان خالي ماعنده اهل  بس ماما  وهم بابا ماعنده افلوس  وملتهي وياها هيه ورند  لان فاقدات بالمستشفى

- شوصلكم للبتاوين ؟؟

-بهاي االايام  بابا استغل الوضع ماما بالمستشفى فاقده وهو وگام يلعب بكيفه يشغب ويضل للصبح بغه جان عنده صديق بهاي المنطقة عنده اخت كام يحبها وهيه سحبته اللعب  الاقماغ والشغلات الموزينه 

-اشكد ضلت امج فاقدة

-مو هواي

-  ليش ماشتكت عليه

-لان جانت مصابة ضلت هواي نايمه ماتگدغ تمشي  وهيه تخاف علينه لان احنا كلنا اطفال وغزوان وغيمة ويانه  وهو استغل هالشي كام كل ماتريد تحجي يكتلها ويهددها ياخذنه منها ويغوح لان ماعدها احد يوكف بوجهه

-ماعدها عم خال عشيره

-لا لان جدي اهله مو منا ماعدنا احد ضلت بس تندعي الله يهدي بس صاغ اسوء حتى ايجاغ بعد ماعنده يدفع طلعنا ابو البيت گام اخذنا للبتاوين كعدنا يم بيت صديقه

-يعني خالج مجان عنده بيت ملك

-لا بس جان جامع افلوس حتى ياخذ بيت واسع يكفينا نكعد سوه وبابا ضيعهن كلهن بعد مامات  انوب من انتقلنا كام …

-گام شنو كملي؟؟

-كام يجيب هو وصدقائه بنات للبيت لان المنطقة الكعدنه بيها مو زينة بعد مده كام يداين واعتاز فلوس انوب بطلنا وعلمنا اشلون نشتغل غصبا عنا

-اشلون غصبا عنكم

-الي يعاند يعلگه  بالسگف  ويكتله بالصونده لمن وجهه يطگ من الضغط جنه اطفال ونخاف  وماما مغيضة  هلكد ماگام يكتلنا  وعيشنا  بظلم خلانا نخاف نغلط اقل غلطة حتى ماما ويانا

-شنو تشتغلين ؟؟

-جنه نمسح جام سياغات وبعدها كمنا انبيع  بطاله بنزين اني واختي عالغصيف

-وغزوان ؟؟

-عامل الصبح  و بليل حمال

-اهل والدته ليش ماداعوا بيهم

-لان همه  زعلانين ويه امه لان بالاصل امه زوجة شهيد وتزوجت خالي بدون قبولهم من يومها بعد مايسألون عنها ومن ماتت بس سوولها فاتحه عدهم وكالوا ذوله جهالكم مالنا دعوه بيهم

-خوش حجي هسه تحجيلي اشلون صار الحادث من  بداية دخول المجني عليه لحد هاللحظة

بديت اسولفله من رجوعي من الشغل وهو  يتسنط بتركز بعد ماجان وياي ويحاول يبرئني حسيت اتغيرت طريقة الاسئلة كل عقلي البيع والشره بس بره ماعرفت منبع الظلم هنا  بالاخص من اجا تلفون رد حتى مافتهمت شنو حجه وياهم  دقايق وغلقه

رجع يتسنطلي لحد ما كملت كال اشلون ابوج ماشك وحاول يطفر الباب او يكسرة وانتي تكولين عمرنا ماقفلنا الباب

-يمكن لباله لان محد بالبيت يخافن يضلن وحدهن كامن سلقنه 

-ليش حاولتن تنهزمن ويا وانتن مالجن ايد بالقتل

-هو ماقبل يعوفنا خاف من بابا مايصدگ غيمة الي سوت هيج لو يزوجنا لجماعته حتى يسد السالفة

-بس غيمة ماماتت عايشه واعترفت بكلشي هي وابوج وجان كلامهم مطابق عكس التضارب الي بكلامجن انتي واختج

-يعني كالتلكم هيه الدخلت الولد ؟؟

-دخل الولد حتى ينقذها من ايد غزوان بعد ماكمشتكم بوضع مخل للشرف  وجانت وياكم طفلة عمرها مايتجاوز الاربع سنوات تعلموها  على فعل الفاحشه

-عزه والله جذب والله من دخلنا جان الولد موجود يغيد يعتدي على غؤيا و اخو يمها واكف

-تمام نگول انتي تحاولين تمنعي وابن خالج بره يتماطل ويه الثاني ورؤيا تضرب بي بدل ماتصرخ  تطلب المساعدة والمجني عليه مستمر بالمهمة لاهذا صدك بطل 

-هو جان ماخذ شي مابحس شنو  ديسوي واحنا بالطابق الفوگ مكان معزول حتى لوتصيح محد يسمع 

-وشعرفج الياخذ شي بعد ميحس

-هاا ماادغي بس سامعه وبابا هم مغات (مرات) ياخذ لان من نحجي ويا ميسمع

-الولد كتلتوا لان راد يعتدي عليج او بالاحرى عليجن غيمه  ليش

-ماادغي بس هيه جانت تمنع غزوان يدخل النا

- يعني فضلت تضحي بروحها حتى هو ياخذ راحته؟؟ جيد كم طعنه طعنتوهم

-ماادغي ماشفت

بعدني احجي وانفتحت الباب دخل واحد جحه بنبره تكتم النفس ؛ جنت اضن مجرد صوت راح اسمعه ويمر من حياتي حاله حال المروا  ماعرفت راح يكون سبب اول خطوة اخطيها بطريق الجحيم واكون سبب  بدم اعز  اشخاص عندي ضياع الباقين

رگع الباب ودخل گله بصوت خشن -كملت  الاواراق

-حسبالي  طلعت مادزيتهن  اشبي جف ايدك ليش لافه

-ابن الكلب ماعترف لمن حطمت جمجمته

-لاتكول هم موته هيذااام

-ههه ومات يطبه مرض  ليش ضايج من قلتهم بالبلد

-يااخي صدگ تحجي اشوكت تبطل هالوحشيه بالتحقيق كم مره رادوا يختالوك بسبب اسلوبك وين بعد ينقلوك

-مامات لاتخاف بس وعلي خليته يعترف حتى على مخططات اسرئيل  وينشد النشيد الوطني وهو غايب عن الوعي 

-الواء ابراهيم  كال من يوصل خلي ياخذ الولد ويطلع للمكافحة

-ياهلا والله واجت بوكتها خابر ازر خلي يحضر  الولد لخاطر نچفتهم

-ازر محضر نفسه روحوا انتم واني بس اخلص التحقيق واجي وراكم ماعندي شي

-شنو هاي  بعدك بنفس القضية

-لا جديده واليحبه گلبك هم كتل ومو واحد ثنين طبگ شاب ومره واحدهم طول التيل وبي وزنة لحم والتضارب بالاقوال واصل للصين

-كفو والله امبينه نجره من كفشتها من يا مصيبه جايه

-البتاوين

-احلى مكان  فضنا يله  حتى  مناك  نمر عالمقر نحصرهم كونهم زلم  وباقين  مكانهم بعلي اليوم  احرگ بهاتهم

-استوني بلشت روحوا شغلتي مطولة

-يالرچيچ  لاتگلي جاي تتماطل وياها بالحچي وهيه تحلف براس  امها وبشرف منطقتها

-بعدنا مامتاكدين منو الجاني

-وين ملفها يالاشچ

-هيذام  هاي قضيتي

مارد بس اتحرك ليكدام واسمع سحبة اوراق دقايق وهمس حلوو مشتغلات بالختله ولاكفهن الگرن ولو ماكو شريف هناك  بس خلي نكول نغلات  فرن القضية

شمر الاوراق  واحس ضربته بسطاله  تتقدم ناحيتي صار قريب وكف يمي انتظرته يحجي لو يسأل ماكو ؛ اريد  ابلع ريگي من الخوف مااگدر  واسمع صوت جداحه وريحه جكاير  غمضت احاول اهدأ نفسي لان دگات كلبي احسها طلعت من صدري

صوته سامعته بس هلگد مامرعوبة مااذكر وين ثواني ونفخ بوجهي وبحركة سريعه لسعني  صرخت هفني راجدي من قوته كعدت بالگاع

دنگ جرني  من ملابسي گومني  قرب راسه يم اذني حسيت بحراره انفاسه وهو  يهمس اي ماعجبجن شغله لو ختلفتوا على السعر

-والله سي…

بعدني مامكملة الجملة وجاني راجدي اقوى من القبله انشمرت مسافة عنه احس  اذني صفرت وراسي صار بي وشه رد اجه اسمع حركة بسطاله صارت قريبه لميت رجليه ورجعت ليورا  دنگ شالني من ضفيرتي عصرت نفسي  اكتم الوجع وكفت بسرعة  رخه ايده 

-منو ساعدجن بالكتل

شهكت بخوف

-لاه لاه ليش يابه البجي

-سيدي وداعت ماما ب…

گطعت كلامي بالجكارة وهيه تخترق رگبتي   صرخت صرخه من كلبي سكتني  ضربة على حلكي طبگت شفتي على سنوني حسيت الدم دخل بلعومي

بجيث  بالم  مااعرف شنو اگله حتى يتركني لاهو يسأل ولا اني اعرف شيريد

دفعني رجعت ليورا انضربت بالحايط اجيت اوكع لزمني عدل وگفتي تقرب  يمي لبالي هم راح يضربني حميت وجهي بأديه كمشهن نزلهن  همست الله يخليك شنو تغيد غاح اعتغف

مد ايده عصر وجهي حسيته طگ اريد اتنفس مااگدر قرب وجهه نفخ الدخان غمضت حيل ضحك بصوت هادء گال واني ماريدج تعترفين

-ليش

-هيج حيونه ضايج اريد اتسلى بيج

-والله ما…

اني احجي وعصر وجهي من كثر الخوف اختل توازني وروحي راحت كعدت بالكاع  اندكت الباب  صاح  الضابط الثاني اتفضل

دخل واحد اسمعه يگله سيدي المتهم غزوان سلم نفسه  

هيذام - صاحبهن ؟؟

-نعم سيدي المتهم الثالث

-عفيه بالبطل وتكولون مو شهم روح لك شمروا بالحجز  دگوليا حاسبة وتردون للمنطقه نفسها  اريد معلوماته كامله على مكتبي خلال نص ساعة

-تمام سيدي بس المتهمه الثانيه حالتها ساءت شنسويلها

-اتركوها مكانها  تخيس لحد يحركها واي اوامر ماتنفذ لحد ماترجعلي

-حاضر سيدي كالها وطلع سد الباب

هيذام- القضية صارت الي

ضرغام -لاتسويلنه مشكلة  ويه اللواء  ابراهيم  سلمني القضية وتدري كلش زين مانعك من هيج قضايه

- قبل لاادخل  للمكتب يكون  ملفها هي وباقي المنحطين  عليه  وحضر نفسك تطلع ويه ازر مكاني

-هيذااام

-بوجهك للمقر ساعتين وتلكيني بخلقتك

كالها واجه دنگ كعد گدامي شلت اديه ردت احمي روحي عصرهن صحت ااااا

-الاه تكوليها من توصلين مكتبي سمعي لج هيه  ساعة مو اكثر ويسحلوج يمي  بهذا الوقت اريدج تعيدين شريط حياتج بالثانية وتحفظيها صم اي حرف تتلكأين بي كفيلج محمد اخليج تدعين حتى على امج لان ورطتج بهيج حياة خرطي مثل وجهج

اشرت اي

وخر شعري عن وجهي بهدوء  ودگدگ على خدي همس بخشونه حضري نفسج واندعي يغتالوني قبل لاردلج

ضرغام.- هيذام  جهازك يدگ

-كايم وانت يالاشج هيج قضاية لاتوصلهن مره ثانيه لخاطر لااسمعك كلام يغثج خليك عالكبسله والشرب

-لعد اسمع هاي القضيه  بالذاااات ما…

-اششش صوتك لللك گالها ورد عالجهاز… ها ابني بشر

… عفيه بالنشامة جفتوهم اي واحد يقاومكم صكوا … سباااع سحكوا روسهم وسحلوهم للمقر …  يله يابه طالع كدامكم انتظركم هناك … مودع بالله ديربالك على ولدنا

ضرغام.-  هيذام  وين تريد ؟؟ شجاي اتخربط

-رايح ساعة وارجع اشوف كلشي جاهز  على مكتبي

كالها طلع وركع الباب ورا  لميت رجليه  اسمع ضرغام نفخ بضوجة اخذله  شوية واتحرك وراح فتح الباب كله تعال ابني اخذها رجعها لمكانها  وانطيها ماي

-حاضر سيدي اي اوامر ثانيه

-صاحب قضية الاغتصاب شصار ويا

-هااا سيدي يمكن نقلوا للمستشفى

-مو يمكن گول ردد الشعار ولحگ ربعه  مغتصب ووگع بيد هيذام استغفر الله اشوكت نخلص من  شره ادخل بويه اسحل هالمصيبة

-نعم سيدي بس اللواء ابراهيم طالبك

-هسه رايحله وهم بطريقي اگله على الصار لشوف  وين تصفى ويه ابن النظام

-تمام سيدي

-تعرف شي عن المهمة الراح بيها

-هاا لاا اه ماادري

-رب الكائنات ادري شمسويلكم كلكم هيج تتراجفون

-مو نتراجف بس الضابط هيذام مستقيم ماعنده اي غلطة يعاملنه مثل اخوته

-واني اشهد بس من تحجي مره ثانيه ارفع راسك ولاتتلكك حتى الزمال المقابيلك يصدگ يله اخذها

اجه الشرطي   كومني كوه وكفت احس راسي يريد ينفجر من الضرب جرني طلعني ويا يسحل بيه وصلني لزنزانه  فتح عيوني واديه دفعني و سد الباب

اريد اركز  ماشوف غواش صاير كعدت بمكاني كمشت راسي افرك بي احس يريد ينفجر

رگبتي تسعر نار شفتي تحركني  ابن الكلب يعرف وين المكان الي يوجع  يضربك بي

رفعت راسي ليفوگ اريد يستقر الالم ماكو انوب ريحه الدم بالبلوزة تزيد حالتي اشكد ماحاولت مااباوع للدم مااگدر غصبا عني يجي بين عيوني واتذكر دمه الولد هذا احسه يخنگني

صح الجو مثلج بس ماكدرت اتحمل اكثر كعدت عدل نزعت البلوزه شمرتها يم الباب باوعت لقميصي الجو حمدت ربي ماواصلها الدم 

رگبتي تحرگني تمددت غمضت احاول اهدأ روحي بس من اذكرت نبرت خشونه صوته بأذني وكلام الضابط الثاني ينبهه على طريقة تعذيبه وحالة رؤيا الي ساءت  احس الدنيا ظلمة بعيني

يومين واني بمكاني محد مر لامه رجليه لحضني صافنه كد ماروحي مختنگه  حتى الاكل مااكدر امد ايدي  عقلي كله يم ماما و نظرات رايه وهيه تباوعلنه ؛ شنو راح يصير بيها من  يجيبولها خبر اعدامنا كلنا وبدل ماتفتر تغطينه تعدل مخداتنا بمكانه الفارغ

كلما يمر الوقت يكثر دعائي كون اغتالوا لمن انفتحت الباب ودخل الشرطي عرفت دعائي مااستجاب غمضت اجه جرني من شعري كومني تكول حيوان بيده

ربط عيوني وسحبني دفعني كدامه اخذني لنفس المكان دخلنا ضرب تحيه وگال احتراما سيدي

اجاني صوته عصرت روحي وهو يگله اخذ الباب بيدك اي نفس احسه بالمكان اعلگك من شاربك

-تامر سيدي

-وانت الثاني كوم توكل لمكتبك وسلملي على ابراهيم كله القضية صارت الي

ضرغام -  ملفك  بعد مايتحمل جرائم  قبط مصايب

مارد سحب الكرسي ماشوف كلشي گلبي احسه يريد يطلع كاتمه حتى النفس اديه كد مامربوطة بقوة  بعد ماحس بيها لامه روحي وخانسه اتحسس حركاته

غمضت عيوني واني اسمعه يگله  انتظر قبل لاتولي اريدك تجهزلي  برميل محكم  وترسه ثلج

ضرغام -تامر اي اوامر ثانية

-اشحن الكهربائية

-هيذام هاي بنيه ماتتحمل

-كلمة ثانيه اخليك مكانها

- دقايق وكلشي يكون حاضر

كالها واسمع صوت حركة رجلي هو ويطلع

انسدت الباب اريد اشهگ الهوا  مااكدر حسيت  صدري ضاگ عليه كمزني وهو يضرب الميز بجف ايده وكال بصوت يكتم النفس

-اي رئال لو نكول بت البتاوين افضل

سكتت

-انطيتج يومين تفكرين بيهن على راحتج بس حتى لاتكولين ظلمني وتعرفين اشكد اكرمت وياج

هزيت راسي اي صوتي ميرضه يطلع من الخوف

-سمعي لج  يومين مانايم جدي كامز وعزرائيل يتخطى من فجر الله گدامي كفيلج محمد اذا حسيت بيج مجذبة لو سألت سؤال وتلككتي بالاجابه اعتبري روحج الليله نمتي بكبر الكتلتي

همست والله سيدي مااجذب

-حلو الحجي  طربيني اشلون نفذتوا العملية ومنو ساعدج

-جنت بالشغل ومن وصلت للبيت  جان الساعه نهاغ

-ساعة نهار؟؟

-هاا يعني

-اي 

كام اجه يمشي صوت ضربة بسطاله ويه ضربت دكات گلبي  وصل  يمي غمضت مجرد حسيت بقربه يمي خرسيت

دمغني على راسي

-كملييي

رجعت اسولفله عالحادث  كوه تطلع الكلمة لمن وصلت الولد ضرب غزوان  بعدني احجي واجتني ضربه رجعتني للخلف 

داعدل روحي اجه يمي جرني من شعري دنگ همس يم اذني  سمعتي شنو حجيت

-والله سيدي وداعت ماما ماجذب

قطعت الكلام بأصبيعه وهو يضغط  بنهايه  راسي حسيته يريد ينفجر شهكت

-كملي

-فدوه سيدي والله احجي

-ليش كتلتوا

-غاسي غاح يطگ

-احجييي لج

-والله موانييي والله

-صوتج بت الكلبببب كالها وضغط اكثر شي مثل الحار نزل بي ظلمة الدنيا  فقدت ماحسيت بعدها غير واحد يصحيني بمي  شهكت من برودته گله

-بسك صحت اربطها ورافعها

الشرطي-سيدي بعده الدم نازل براسها اي ضغط احتمال تموت

-يطبها مررررض ارفعهااا لك

الدنيا تفتر كوه اسمع صوتهم  شالوا رجليه ربطوهن على شي حسيت راسي ثگل بالزايد

واجاني الواير صحاني لوكتي ثواني واجاني بعد واحد اقوى منه انكلبت ردت احمي روحي ثبتني من خصري بجف ايده ضغط حيل واجتني  لسعة  برجلية خذت روحي صرخت صرخة طلعت من نص كلبي

سكتني بعصرة  كطع حتى النفس غمضت عيوني بهتت بده جسمي يرخى  حسيت بيده يحرك خدي بيها عالكيف

-صحوهااا

همست لادخيلك والله اعتغف

-واني مااريدج تعترفين هسه

-والله ماجذب شنو اتغيده غاح اكوله بس عوفني

-حلو اشلون كتلتي

-مواني الكتلت اني بس دفعته

-منو الكتل ؟؟

-غزوان

-ليش ؟؟

-غاد يعتدون علينه وهو نقذنه

-تمام خوش حجي خليج مثبته عليه وانت لك حضرت الطلبته منك

الشرطي.- نعم سيدي حاضرات بره اجيبهن لهنا

-لا نزلوا جوه وانت ابني شوف شغلك اريدها كل جزء بكتر كمل واخذها اشمرها بالبرميل بين ماافرغ واجيكم

راد يگوم كمشته وهمست بشهگه لا لااااا  والله اعتغف

- اسمع لك طالع  للسيطرة اريد اسمع كسر اچتافها وصرختها  يصولني  لهناك

-لالا والله  والله  اكول كلشي  بس لاتغوح فدوه اغوحلك

-تعال اخذها واطبگ الكيبل عدل لاكفيلك محمد  اعلگك مكانهااااا

سمعت الشرطي تحرك بسرعة كمت لزمته من ايده  راد يسحبها عصرتها حيل - لاتعوفني يمهم حباب  انت مو تغيد  اعتغف والله غاح اعتغف بالتطلبه  اذا جذبت  بكلمة واحد خليهم يموتوني  بس لاتعوفني يمهم

سكت شوية حسيت بحركة ايده بين ادية خفت سحبها وياخذوني  ضغطت عليها اكثر وحجيت بخوف لاتخليهم ياخذني

-خوش حجي  عندي عشر دقايق بس وكلام الله بعدها بيدي اهضرج بلگاع اخلج اتگمزين  بجهنم

هزيت راسي اي والرجفه لازمتني

-تعال لك جيب الشفره وطلعوا  وانت خليك يم الباب وحازم تولي بوجهك عدل شوفلي صاحب قضية الطفلة  شصار ويااا واذا بعده مااعترف كلهم هيذام  يكول علگوا وشوفوا شغلكم قبل المغرب اريد جلده منزوع كدامه قبل اعترافه

-تمام سيدي

عصر جف ايدي تركته بسرعة كام  فتحوا رجليه احس  جمر بيهن  اريد اعدلهن  مااكدر حتى نفس للبجي مابيه واني اسمعه  يعلمهم اشلون ينزعون الاعتراف من متهم الرعب بوحشيه كلامه يهد اقوى واحد ؛تحس ماكو اي صله بينه وبين البشر

طلعوا انسدت الباب  ملابسي وشعري يخرن مي رفعت ايدي مسحت وجهي  اسنوني مااكدر اسيطر عليهن كد البرد  حسيته كعد كدامي  ردت ارجع ليورا كمشني كال وين

-غاح اعتغف اعتغف  بس لاتكتلني  بداعت جهالك

-بمناسبه الجهال  كم نغل مسقطة

- مامتزوجة

-كلتي مامتزوجه لاقنعتيني  والزمال الي كتلتي شنو  جان يسوي  يمج

سكتت

وخر شعري عن وجهي وهمس السؤال ينسأل مره وحده الثاني تعرفين شيكون

-احجي الصدك تكتلني اسكت تكتلني شنو اسوي

-لاتسوين  اني اسوي  هم نتاكد شرمها وياجن لو نكتل عالناشف

مد ايده كمشتها حيل

-شيلي اديج

-وداعت امي محد لامسني

- والجماعة الجنتي تسهرين بينهم اشلون  مخلصتها وياهم نظري

- شعغه وحده لو جانوا لامسين مني مجان لحد الان عايشه

-هالحسن والجمال كله وعايشه بهيج بيت ومحافظه على نفسج لسه لا كلش عجبني شرفج

-لا صدگ اهم شي اني واثقه من نفسي  واذا فگغت توصل يمي وداعت ماما  اذبح غوحي كلتها ودفعته حيل

ابتعد  لبالي تأكد اني موهيج وتركني ماحسيت غير جر ظفيرتي وصوت شي حاد كطعها من كثر الصدمة اتبنجت صافنه عصر وجهي رفعه وحجه من بين سنونه - هالمره شعرج الثانية ايدج ابترها سمعتييي

همست بكسره ليش كصيتها  مو داعتغف

راد يحجي واندگت الباب تركني وكام  دخل واحد كله سيدي المتهم غزوان

-اعترف ؟؟

- لاسيدي بس طلع مصاب بالربوا ماتحمل اختنگ اثناء التحقيق

-انتهى

-مانعرف بس مابي نفس شنسوي هسه

-اخذوا للمستشفى اذا عايش خليكم يمه واذا مسلمها انتظروني بين ماخلص تحقيق وياها وندفنهم سوه 

-حاضر سيدي

طلع الشرطي وهو رد دنگ عليه جرني من شعري كومني ماكدرت اكوم من اثر الخبر اختل توازني كمشته من ملابسه سندني وكفت عثرت رجعت عالحايط  احس كلبي توقف نبضه وجسمي بعد ماحس بس السمعته مجرد خيال

تقرب يمي وخر شعري عن وجهي خلا ورا اذني

- اشلونه الخبر

-غزوان مايعوفنا وحدنا

-دقايق وتلحگي

-جان يدافع عني ليش خليتهم يكتلوا

- يعني مشتركة ويا بالجريمة

-غاد يعتدي عليه

-وليش منعتي ؟

-لان حالفة  اموت ولا اخلي واحد يفگغ بيه

-لنشوف صحت كلامج

لزم اديه رفعهن وعصر وجهي دنگ  سحب شفتي بين سنونه

اريد ادير راسي مااكدر مثبت وجهي بأصابيعه حيل جريت اديه ادفع واضرب بصدره   ولاكأنما مستمر بجيت احس شفتي انشلعت بسنونه

انكطع النفس وهو يعصر بخدودي ويتعمق اكثر  اختنكت روحي  رخت بين اديه حس عليه وخر شهكت الهوا

-لحد الان عاذره للزمال الي انكتل  شتكولين نكمل حتى نحكم اكثر وبعدها نحشم الولد يشوفون شغلهم لو ننهيها فرد مره ونسلمكم 

-ليش هيج دتسوي

مادر ثبت اديه فوگ ونزل ايده بدأ يفتح  بدكم القميص بجيت

خله ايده على بطني يتلمس بيها صعد شوية مشه طرف اصابيعه على صدري  ودارها من وره ظهري راد يفتح ال… صرخت ااااي  اني الكتلته …

رايه. ***

يومين والثالث  واني لا الليل انامه ولا اعرف شنو النهار  فوگ صاعقة الخبر افتر من المركز للمستشفى مثل المخبلة

ماما بعد الصدمة فقدت بساعتها نقلتها للمستشفى واي خبر عن خواتي وغزوان مااعرف منتظرين البصمات وانتيجة التشريح مال الولد  تطلع

بيوم وصلني الخبر غزوان ماتحمل التعذيب نقلوا للمستشفى خليت رند  وكعدت بالشارع بين المكانين منتظره خبر موتي مااعرف منو اليضل عايش ومنو اليموت

وره ذيج  العائلة الجبيره صفيت بروحي محتاره بطفلة

بعد ما بابا شمر الهويات بوجهي وطردني من البيت بعد شرط غيمة  مقابيل ماتشتكي عليه

يومين واني على وضعي بالشارع وكت الغده اروح للمستشفى مال ماما حتى اوكل رند لان ينطوها وجبه غده رغم شوربة ماصخه ماتنوكل واشوفها كوه تبلعها بس بسبب الجوع ماتكول لا

اكعد شويه يم ماما  گلبي ياكلني على غزوان ارجع اكوم اروح اكعد باب المستشفى عقلي يم خواتي احس روحي بدوامة وعقلي بده يفقد ماعرف شسوي 

الليل كله اكعد باب المستشفى  لافه رند بحضني صافنه عالباب حتى الي يسأل بس اباوعله واشهگ   لساني عاجز عن الرد  لحد ماشفت  سيارة شرطة دخلت وراها  اسعاف   كمت مفزوعة  رحت اركض كمشني شرطي كلتله ابداعت امك گول صارله شي عالولد

-مابي شي استقرت حالته

-لعد ليش اجت  السيارات

-حتى يرجعوا للحجز ويله انتي روحي منا ممنوع وكفتج

-بس اشوفه من بعيد

-بنتي روحييي لاتبلينا هاي مسؤولية

دفعني واسمع رند تبجي وراي رحت كمشتها دقايق وطلعت السياره ماشفته بس احس روحي ردت مجرد حسيت بي مر من يمي همست مودع بالله  ونزلت دموعي

رجعت  للمستشفى لكيت ماما على وضعها  كعدت يمها  مسحت وجهه صح فاقده  بس من اشوفها تجر النفس امن اكو احد باقي وياي

مر اسبوع وماما  حالتها من اسوء لاسوء حتى العلاج بعد ماتستقبل يشربوها بالصونده شوية عصير وضاله على المغذي

كاعده خاله راسي على صدرها ومغمضه دموعي تنزل بحرگه اتوسل بيها لاتعوفني ماضل عندي غيرها واسمع مره يمي كالت بيج شي خاله

شلت راسي مسحت عيوني واشرت لا

-ولو تدخل بس يخاله اخذتي كلبي  شنو  ماعدكم اهل اشو صار كم يوم ماشفت غيرج وانتي طفلة بعدج مومال كعدت مستشفى

-عندي بس ابوي طردنا من بيتنا

-عزه بعينه  ليش يمه اكو واحد يطرد هيج بنات جنهن كمر

سولفتلها الصار لطمت كال والله تزعلين بس حيل  ولو كاتلين ابوج وياها يكون افضل

-شنو الفايده راحن خواتي بعدهن صغار خاله

رئال فقيره وتخاف من كلشي  ورؤيا عمية  ما شافت من حياتها غير الظلمة راحن ظلم بسبب بابا  

-موتكولين  متاكده ابن خالج هو الكاتل ودفاع عن الشرف  بعد ليش حتى يرحون

-ابوي واهل الولد مشتكين عليهم كلهم وفارين السالفة وهاي تشوفين حالي حتى محامي ماعندي اخلي ولاعندي اعالج امي صفيت بالشارع

-اذا على المحامي سهله رجل هاي بنتي المريضه محامي صح جديد بس ميقصر اذا نخيته  وامج حتى لواطلعيها وين توديها هنا احسن

-يقبل بلا افلوس والله خالة لوعندي انطيكم بس وداعت اختي ماعندي حتى اكل

-يايمه صدك تحجين صار كم يوم اباوعلج دمعتج على عينج وگلبي يوجعني  اخاف اسألج وتحرجيني بس گلبي مانطاني من شفت المضمد يشمرلج حجي وانتي  دنكتي مارديتي خايفه كلت شنو ماعدها احد يوكف بوجهه

-جان عندي واحد اذا مر الهوا من كدامي يتخبل بس راح انسجن

- مادام اتكولين سبع وصاحب نخوة ضحى بروحه علمودجن ربي راح يفرج عنه وهسه هم احاجي ابن اختي بلكي يصير سبب بطلعته

-ابوس ايدج خاله فضل عمري ما انساه الج

-لوجه الله عندي بنيات وربي يرد الخير بيهن وانتي الله يستر عليج يخاله حليوه وصغيره ليش مالابسه حجاب

-ماعندي بس الجماغ واخجل البسه هنا

-لاتخجلين لبسي يسترج من عيون الوسخه  والماعدهم غيره  ربي يحميج  خلي اخابر يشوف  سالفتكم

كمت دنكت على ايدها ردت ابوسها جرتها وباست راسي كالت بس اندعيلي   بالعافيه

-ربي ياخذ من عافيتي وينطيها  الج

-اسم الله عليج لا هيج ماارضه ولج خافي ربج  اني مرة جبيرة وانتي بس شوفه وجهج ترد الروح

-ماعندي شي انطي الج غير هالشي

-ربي يستر عليج ويباوعلجن

طلعت تلفونها خابرت  شوية ورد واني اباوع لحلكها من تحجي واندعي  كون يقبل اشكد نخته وسولفت ويا وعن حاله امي وحالتنا  اخذت شوية وكالت هاج احجي ويا مااعرف شنو سالفتج عدل

اخذته اجاني صوت ولد شاب اريد احجي مااعرف لمن كال وياي على خط خويه

-اي اي

-اي احجيلي سالفتكم وبأي مركز القضية واشكد اعمارهم

سولفتله كلشي ضل يسال واني انطي معلومات كال باجر اروح اشوف بس نعتاز وكاله

-ماما فاقده وبابا هو الي مشتكي

-انت عمرج يسمح لولا

-ماعرف بس هذا الشهر ادخل ال  ١٨

-هاي هيه خلي اشوف السالفة واتصل بس حضري شكو مستمسكات عدكم

-كلهن خذوهن الشرطه بس هويتي اني وامي ضلن

-تكفي يله عندي شغل اترخص وان شاء الله خير

سلمت ورجعت الفون كعدت يمها و بجيت كالت كولي يالله خاله انتي مؤمنه  وهذا امتحان حتى يشوف صبرج

-خاله  انهد بيت كامل وراحت كل عائلتي بخطفة عين حتى خطيبي وياهم

-الله يصبرج على ماابتلاج هاي اخيتج حلوه ماشاء الله  بس ملامحها ماتنطي عليج

-احنا كل وحده من شكل هاي تشبه رئال هيج حلوه ونازكه وهم تخجل بسرعة نفس الطبع  عكس   ورؤيا  صح حلوه وعيونها ملونه بس وكحه اني ماخذه من ماما وخالو

-اشو مامبينه هاي امج

-لاتشوفيها هيج صغيره تره عمرها ٣٧ بس التعب والعوز اخذ منها هواي وابوي مرمرها بعيشته بالاخص من راح خالي

-ليش ماعدها اهل عمام خوال اشلون ساكته

ردت احجي وسكتت خفت هم تعيرني بالماضي

-شنو شارده من اهلها احجي يمه لاتخجلين حسبيني امج حتى اعرف اشلون اساعدكم

-لا مانهزمت بس اصلها يهودي بس هيه والله مسلمة

-شنو يهودي؟؟

-قبل لايسفرون اليهود من العراق ام جدو ولدت  يم جوارينهم  وهيه عدها كومة اطفال وجوارينهم استوها متزوجه ماعدها طفل  فگالتلها  ربي انتي لان علاقتهن قويه وهيه مو بعيده وحده يم الخ  فتره قليلة وگالوا اكو ترحيل لليهود  اجت اطالب بأبنها  بس المرة عصت بي مارضت تنطي و طلعت مسجلته بأسمها بالبسكوت بعد حتى مالحكت تشتكي سفروهم  واهلهم قاطعوهم لان اكتشفوا مسجلين يهودي باسمهم وره فتره زوجها استشهد طلعت هيه حامل

-والبنيه ماسجلتها بأسمها من كبرت زوجتها للولد اليهودي الي همه اهل امج مو

هزيت راسي اي

-بس اليهود من زمان تسفروا

-اي مو بيبي جانت مريضة اسنين اتعالج ماصار عدها  طفل تالي ربي رزقهم بتوم الي همه خالي وماما

- لهيج الحبوبات الي بالبيت مشكوك بأمرهن بكيفهن يسون بيانات ويسجلن اطفال بس من حظ جدج يصير مسلم واني اكول حليوات اثاري جمال بني اسرائيل بيجن

-هه حتى ماما تكول هيج

-زين ليش هيج خجلانه من تحجين

-ابونا خله بينه عقده يكومنا ويكعدنه بنات اليهودية

-مغسول حظه العنده هيج درر يحمد ربه ويبوس ايده يخليها على گصته بس جمال اسمائجن كافيه

-ماما تحب شغلتين الاسماء المتشابهه  والشعر الطويل سمتنا كلنا بحرف الراء تكول حتى اضلن روحجن وحده وكلما ينگال اسم وحده  منجن لوتمشط  تذكرن الباقيات

-اعتبريني مكانها بين ماتگوم بالسلامه انتي بعدج صغيره وضاله وحدج والعيون حولج دااشوفهم يتغامزون  عليج ييمه لبسي حجاب ولاتنطين مجال حتى اليطلب منج شي صرخي بوجهه وردي لاتخافين تضلين بس تتبجين تره يستضعفوج

-والله ماما معلمتنا كلشي حتى نتنقب من نطلع محد يشوفنا حتى يتعرضلنه وصلاتنا بوقتها

-الله يكومها بالسلامه وتردكم لحضنها ويستر عليجن بستر زينب كومي يمه  تعالي جيبي البطانية ونامي يمي لاتردين يم  امج بعيده عليه حتى عيني اتضل عليج  لحد مانطلع منا بلكي ربي يسهل امرجن

صدك سويت مثل ماكالت صح ماما شوية عنها بس سديتها تنعزل اني بعد حجيها خفت  لان صدگ حسيتهم مستفردين بيه وعينهم عليه من شافوا المره بطلوا

مر كم يوم المحامي كمش القضية والمره ماقصرت ربي دزها الي تاركه حتى بتها وملازمتني تندعي وياي اني كاعده على سجادتي  نهار كله اصلي واندعي ماعندي غيرها 

ساعات تجي صورت غزوان ولمعة عيونه كدامي من يسوالف  احس كلبي يعصرني

وساعات صورت خواتي وسوار رئال وسوالفها  المتخلص عن محمود  العبره تخنگني لان اشوف روحي عاجزه عن كلشي

كاعده عالسجاده اسبح واسمع صوت وراي انداريت واشوف  رؤيا

كامشها واحد عيونها حمر اريد اكوم مااكدر خانتني قوتي انتجيت وكمت ركض دفعها عليها وراح جريتها لميتها بقوه وابجت بصوت عالي

رخت روحها  وگعت من بين اديه  دنگت شلت راسها خليته بحضني اضرب على خدودها ودموعي تنزل عالسريع

اشوف ملابسها كلها دم  وجهه مشخط حضنتها وهمست كومي دخيلج ولج ماضل حيل يحمل بعد

شهكت

- شمسوين بيج الميخافون الله   يمه سوده بوجهي  لعد رئال اشلون

-اريد اموت رايه اريد ارتاح

-اسم الله على گلبج من عمري على عمرجن وين اخيتج ولج اشلونها گومي امني كلبي لاتخليني هيج

اباوعلها ماردت شفايفها بيض ترجف  عصرت نفسها بحضني  مثل التذكر شي راعبها رجعت ضميتها حيل

-وين رئال ليش مااجت وياج ؟ رؤيا  احجي اخيتنا  وييين

همست برجفه  راحوا اثنينهم  راح يعدموهم

هيه تحجي واحس شي مثل الخدر صار بجسمي اريد احجي مااكدر گوه طلعت كلمة مني لا مايعدموهم لاتگولين  هيج

- طلعت البصمات عليهم واعترفوا على روحهم ولج رايه راحوا اخوتي

لطمت على وجهي كمشتني المره بعد مااعرف شسوي اشوف الدنيا ظلمة كدامي

كمت ركضت  لماما اجر بملابسها واصيح  كومييي يمه  لحكينييي راحوا اثنينهم مني ولج يمه كعدي كليلي اشلون بيه

المرة-  خالة كولي ياالله

-شكول خاله راحت رئال وهيه كل حلمها تشتري كتاب راح غزوان وتركني وره مثل اليتيمه مو يعرف ماعدنا غيره اشلون هيج يسوي وين انطي وجهي

-ان شاء الله يفرجون عنهم

-شيفرجون اتكلج راح يعدموهم سوده بوجهي راحت اخيتي بعدها صغيره خاله كتابها ضل عالنص ماكملت قراءته

-بعدهم ماحاكموهم

-اذا طلعت البصمات بعد شيحكمون

باوعتلها بكسره كلتلها راح حلم عمري راح الجنت صابره على موده راح الجان يگلي صبري ماضل شي واعوضج ليشش هااا ليششش علقني بي اذا ناويها

-كافي ولج راح تموتين

-فقدت اعز ناسي المن ضاله خاله

-ان شاء الله تفرج شو سكتي اختج راح تتخبل صوتج راح ننطرد منا خلي اخابر هذا اشوف شنو السالفة

كعدت بالكاع اباوع لامي بهضم  اريدها تكوم تاخذني لحضنها مثل كل مره وتامني تكلي ذبي حملج عليه هسه يردون لحضنج

غمضت اجت بعيني رئال من اتخلي راسها على متني وتحضن ايدي حتى تدفه وتسولفي على حلمها

هاي هيه راح يعدموج بعد ماكو رئال لعد منو يوكف وياي يبيع منو يسندني اذا وكعت

اجت رؤيا تتلمس وصلت يمي كعدت خلت راسها بحضني بس دموعها تنزل احس انهدمت حياتي بلحظه فتحت اديه باعتلهن همست اذا هيج عاجزات ومابيجن فايده المن خالتجن

كمت الطم بكتمه على خدودي واملخ بوجهي بس اريد احس بوجع جسمي خدران تكول بحلم واريد اصحي

طلعت المره اتخابر بره والنسوان اليمي يباوعن النا مكسور خاطرهن علينه 

اقل من ربع ساعة ودخلت المره دنكت عليه كمشتني كالت والله مودين الولد  للتسفيرات بعد الحكم

-يعني شنو خاله ابوس ايدج بردي گلبي گولي يردولي

-والله  ييمه مااعرف بس نهايه الاسبوع يكول تكدر تزوره  روحي بلكي تشوفي يبرد كلبج 

-اي اي اروح اروح واخيتي وينها

-اختج مايعرف امرها بس غزوان موجود روحيله   بلكي هو يعرف عنها

-اشلون مايعرف امرها عزه بعيني وينها لعد

-موجوده بس يمكن ناقليها لغير مكان لان اكثر الادله طالعة ضدها

غمضت وخليت ايدي على راسي  كلبي خالي مااعرف شحس ورؤيا الي تبجي بهدوء خايفة

مر الليل واني صافنه عين بماما الي عايشه على جهاز وعين بخواتي لامات روحهن كلمن من جهه خاله راسها بحضني وكامشه ايد يحتمن بيه ميدرن اني اضعف منهن

اصعب شي بالحياة من تكون بلا سند وفجاه من عائله وحلم لهم وثكل يكسر الكلب بمصير مجهول

اباوع لرؤيا  حالتها تعبانه ماترضه اسولف شنو شافت بالسجن بس حاضنه نفسها وتردد نفس الجملة راح اخلي يتمنى الموت

ورند الي تلعب ماتعرف شكو بالدنيا اطفر من مكان لمكان وفرحانه العالم كلمن ينطيها اكله ويسولف وياها

جابتلنا المره ملابس من بتها صح مستعمله بس زينات يسدن حاجة

صار يوم الجمعة كعدت من الفجر عيوني ثگال كوه افتحهن كعدت رؤيا اخذتها للحمام غسلتلها وغيرتلها ملابسها واشوف اثار تعذيب على جسمها غمضت اتخيلت رئال واكعه بديهم بعدها

همست شكو

-ماكو شي يعمري بس كلبي يم ماما اشلون نتركها وحدها اخاف تصحي

-رايه فدوه  لاتخليني وحدي  العالم وحوش يستضعفوني وينهشون لحمي

-شنو صار وياج

-ماصاااار شييي بسسس لاتخلينيي بعد ذبحيني ولاتعوفينيي

-كافي هدي  اني اشوكت تركتجن حتى هسه خايفه

مني اسويها

-رئال

-اشبيها

-اندعيلها اني ربي ميسمعني انتي يسمع منج

-ديعذبوها مو

صفنت خفت يصيرلها شي  غسلت وجهي  عالسريع وغيرت ملابسي طلعتها وكفتها عالسجاده  صلينه كعدت رند مشطتلها شعرها هيه ورؤيا ظفرتلهن ماتت اديه باوعت الماما تذكرت كل يوم الصبح تظفرلنا شعرنا ولامره شكت وكالت  تعبت بالعكس تضحك صح تاخذها صفنه مانعرف على شنو بس الفرحه مبينه بعيونها هيه وتباوعلنا

فززتني عاملة التنظيف مال المستشفى كالت ها راح اطلعن

-اي خاله نروح حتى انشوفهم

-وين المره الجانت وياكم

-راحت اول البارحة لاهلها لان تعبت اجت مكانها وحده لخ ماعرفها

-عندج افلوس تركبن

-هاا لانروح مشي

-يامشي عيني بتلفات الدنيا دكمشي ذني صح موهواي لان تعرفين على كد حالي بس يمشن

خجلت دنكت ضربتني على متني وضحكت كالت اني هم امج كمشي

-ماعرف اشلون ارد الجميل الكم والله لوماانتم ربي يعلم بحالي

-اندعي الله يباوعلنا اكلج يمه مااريد اضوجج بس سمعت الاداره شكت من وجودجن كالت مرافق واحد كافي الباقي خلي يطلعن

-عزه وين اودي خواتي ليش والله مانسوي صوت ومو جانوا ساكتين شنو التغير

-موجانت المره هاي  ام البنيه  تكلهم الصغيره بنتي فضاله بسدها هسه بعد عرفوكم واجت اختج هم بعد ماترهم

-وين اوديهن

-خلي عينج بعين الله ربي يفرجها بس كولي يارب

راحت تكمل مسح واني مامستوعبه الصار كل يوم مصيبه اكبر وين اروح بيهن وحده عميه والثانيه طفله كومه مصاريف رايدلها

مسحت وجهي شلت المشمر  لفيته على خشم رؤيا سويته مثل اللثام   ورحت يم ماما دنكت بستها همست يم اذنها كومي لخاطرنا والله مااعرف شسوي  ومحد يرحمنا

حسيت ايد على ضهري انداريت لكيت رؤيا كمشت ايدها وخذت رند طلعنا رحنا وكفنه بالساعات حتى نحصل سيارة كل التجي مزدحمة

انوب اباوع عيونها برزن اكثر ويه خصل شعرها المتناثر على وجها زادها جمال خفت عليها من الشباب ضليت محتارة ماعونت تجي سياره صعدت رند وكمشتها صعدتها وراها

من سيارة لسيارة  وبالي اشوكت اوصل واذب حملي عليه بلكي يخف الوجع الشايلته

وصلنا  للتسفيرات لكينه المحامي هناك كمل شغلنا دخلنا جانت بنايه جبيره

ممر طويل مليان شرطة والعالم هوسه واني خايفه لاافقد وحده منهن كامشتهن حيل لمن وصلنا يم باب دخلنا منه

اكو ممر دخلنا بي واجان اشوف غزوان منتظر واكف وره شي مثل الغرفة بس بيها شباج كلش جبير من صياخ ركضت اله شافني دنگ

مديت ايده كمشت ايده حجيت بحركه ليش هيج سويت بينا وين وصلنا اشلون هنت عليك

-غصباً عني

-ماكلت هاي  اشلون اتكمل من بعدي

-ماعترفت لمن هددوني برؤيا

-واني شنووو

-انت حبيبتي انت الحلم الجنت انام حتى اشوفه انتي الروح العايش بيها 

-لعد اشلون تركتني

سكت

-تدري وين احنا ولك بالشارع ولك ماما فقدت بالمستشفى وبابا طردنا ضاله محتارة وين اروح مافكرت بهذا الشي ماكلت اذا كتلت راح اضيعهن ولك صفيت افتر ادور مكان بس حتى انيم خواتي بي

دنگ خله راسه على اديه اسمع شهكته بجيت على بجيته بصوت عالي لمن واحد كال بصوت خشن بي رهبه كولوا يالله يبه هونوها تهون

شلت راسه اشوف شاب اسمر مدنگ ضخم عيونه حاده مبين رزن

مسح وجهه  غزوان وكله ذباح ذني خواتي الحجيتلك عليهن

- الله يحميهن  الك ويستر عليهن عليش البجي يبه  چا اشخليت للحريم  بدل ماتنحب مثل الجاهل علمها اشلون تكون گدها وتحمي اخياتها

-بعد كم يوم محاكمتي

-مامش لاتخاف يخوي شني اول واحد تجتل هاي انه جدامك مصفي نص ديرة  گوي عظمك الشده ماتتلاوة غير ويه السبع لاتخاف كلنا جتلنه وطلعنا منها

هز راسه ودنگ ضربه على ظهره ابتسم گله العثره الماتوجع ماتگوي وانت ازلمه كدها يله انه  اترخص وصلوا الاهل اي شي تعتازه مايردك غير لسانك

-انتظر لاتروح عندي طلب

-ابشر تاخذه من هالشارب

باوعلي عيونه حمر  رد باوع للولد واخذ نفس احس العبره لازمته مايگدر يطلب

-افا وانه اخوك تخجل مني لاما هگيتها يبن العم تحجى يبه واعتبره نافذ گبل لاتكمل كلامك

-تعقدها و تاخذها هيه وياهن يعيشون يم اهلك

هو كالها والولد رفع راسه عاگد حاجبه باوعله ورد باوعلي …

لاتنسون التصويت …❤️

صورة قريبة من شبه لرؤيا

شوية وانزل صور اشباه  الابطال

شيء من رصيف الدم

بارت الرابع

بقلمي leo Alfatlawi

علقوا بين الاسطر

…كأن الحياة تعاقب كل من يعيشها بصدق

رئال***

بعد خبر غزوان حسيت الدنيا ظلمت بعيني عرفت انتهى امره واني البعده وغايته جانت واضحة ردت بس اخلص روحي اقلها اموت نظيفة  من سمع وخر  بعد  شعري عن وجهي  مسح شفتي بطرف اصبعه  كال عفية بالنچرة اشلون كتلتي

همست بالسجينه كتلته

-ليش غدرتي شنو السبب 

-غاد يعتدي على غؤيا دخلت عليه عضيته من متنه جان شاغب ميحس من ابتعد دفع اختي   وسحبني مكانها

-حلو  كملي اشلون طعنتي

-جانت سجينة يمي سحبتها وكتلته

-بس الضربه جانت بظهره

- اي ضغبته بضهغه

-اشلون بظهره وهو جان محاوطج بأيديه يريد يعتدي عليج

-لعد اشلون احجي

-اني اگلج اشلون

كالها ومشه ايده على بطني  كمشتها وشهكت

-والله اگول التغيد بس انت علمني  احجي ماغاح اگول لا

-اختج   شغلته وانتي طعنتي

-اي هو هيج

-شنو السبب الي يخلجن تكتلنه

-شنو ؟؟

-عنده علاقة بيجن وهدد يشهرجن

-اي

-غيمة  ليش حاولتوا تكتلوها

-انت گول ليش واني اگلك اي

-يمكن دخلت عليجن ولگفتجن ويه الولد

هزيت راسي اي نزلت دموعي دنگت مسحتهن بمتني والشهكه بكلبي

-اذا رديتي بأقوالج تعرفين  شنو مصيرج

سكتت

-اتخيلي  كم واحد جوه ايدي اوتركج منهم

المركز بكبره اخليج يتعلم بيج اصول التعذيب

-مااغجع بأقوالي والله

- لاااا واني ماراضي بهالشي احتمال خفتي مني وعترفتي تحت الضغط

-لالا اعتغفت من نفسي  بدون خوف لان هذا الصاغ

دنگ عليه احس بأنفاسه قريبه غمضت همس متأكده

اشرت اي

عصر شفتي وضحك بصوت عالي  سحب ايده الثانيه من بين اديه دگدگ على خدي  وراح كال سدي ملابسج

اتلمست دگمت القميص بسرعة والوجع ياكل بگلبي   على غزوان اتمنى املخ شعري واصرخ اطلع شكو ظلم عشنه بي

فتح الباب كله تعال ابني ردها لمكانها وسحلي السبع ابو قضية الاغتصاب 

دخل واحد كمشني كوه  امشي رغم الضرب الحصلته ورجليه نار تطلع منهن بس ماحس بشي غير دموعي تنزل بدون لاحس ابعد صورتهم عني  وهمه شايلين تابوت غزوان  مثل تابوت محمود

وصلني للزنزانه فتح عيوني دفعني بيها وسد الباب

رحت يم الحايط كوه انتجيت وكعدت اريد اتلمس شعري مااگدر من القهر

شلت راسي للسما همست بحرگه گلب ربي كلشي اتحملت وحمدتك عليه بس هالمرة الظلم جبير كسر روحي وانت ماترضاها ؛اتنازلت عن شكو حلم مااريد غير تراويني عجائب قدرتك بذله ؛اريدك ترد وجع گلبي اضعافه بگلبه وتظلمة  مثل ما ظلمني  وتحرمه من اعز شي على گلبه مثل ماسوه بيه

الدنيا افترت وحلگي مر مااسيطر على سنوني من البرد احس المي الي بملابسي يلزگ عالجرح

تمددت  نار تطلع مني  بس مو مثل نار گلبي تگلب بلكي شي مني يبرد

كمشت شعري عضيت ايدي وصرخت بحرگه  احس جرحت روحي

انكلبت خليت ايدي على  گلبي همست يمه تعالي ليه راح غزوان بعد بيمن ننتخي

نزلت دمعتي بتعب غمضت من گد الحرگه والالم  احس روحي رخت والدنيا ظلمت شي ينسحب من صدري ثواني وماحسيت بعد رحت  مثل الفاقدة

كعدت على صوت فتحت الزنزانة   دخل الشرطي ردت اگوم ماكدرت باوعتله بكسره حسبالي  الي بس امنت من شفته دخل بيده مره شمرها بالگاع  وقفل الباب

اباوع المرة متوسطة بالعمر  شكلها يخوف شعرها منثور  اصابيع اديها تجري دم ورجليها كلها شخوط مال ضرب زحفت ليورا لمت روحها وغمضت صاگه على سنونها

رجعت خليت اديه جوه راسي عيوني عليها اباوعلها ماضال شي بيها صاحي تفر براسها وتون وضعها يفطر الگلب لابيه احجي ولاهيه صاحية وتطلب المساعدة حتى كوملها 

انگلبت اباوع للسگف وكامشة شعري ملابسي عبارة عن قالب ثلج لازگ عليه حتى جسمي بعد ماحس بي ؛ صافنة گلبي بارد اي مشاعر ماعندي 

غمضت صوت ونتها بأذني اتمنيت روحي مكانها واني الي اون واطلع شكو بگلبي  ؛ مرت الساعات وهيه على فد صوت ماهدأت لمن صار الليل والمكان صار صنته خنست من وحدها عرفتها بهتت

درت وجهي لكيتها تباوعلي كوه فاتحه عيونها اخذت نفس بتعب ورجعت عدلت راسي همست اريد مي

انتجيت گمت گوه  اخذت من السفري گلاص المي زحفت شلت راسها شربتها

رديت لمكاني لميت رجليه وانتجيت گالت ربي ينجيج

-هه بعد بيها فايدة حياتي بلكي يعدموني واغتاح

-بعدج صغيرة

-الوجع  بغوحي اخوتي انتهوا اثنينهم ظلم اندعي الله ياخذني بساع   ويخلصني من هالعذاب

-الموت ميريح ييمه الج حق يم واحد طلعي واخذي بيدج ذاك الوكت تكولين ارتاحيت

-حقنا ضاع  بالوكت الدخلنا بي بذاك المكان ابونا صاحب دمنا هدم ابسط احلامنا وكسغ ضهغنا  بعاغ( بعار)يلاحگنا حتى واحنا جوه الگاع

-ماعدجن ام

-عدنا احن واطيب ام ظلمها وحملها اكبرغ وجع بس لان جابتله بنات

-البنات هم وكسران ظهر

-لااا مو هم احنه نصغف عليه  بتعبنا احنه الشلنه غاسه وخلينه ينحلف بأسمه و هو حيوان احنه الي جازفنا بغوحنا وكفنا بوجه الجانوا ناوين يكتلوا وضمينا بينا وخلينا يعيش

همست جنا خايفين الله  بي انشوفه الامان ونتمنى يجي يوم يلمنا بحضنا مثل اي اب ويكول انتن بحماي

-باعجن؟

-ظلمنا كتلنا وسلمنا بيده للذباح  حكم علينه بالموت بعد مامنحنا الحياة

- كلهم الموت هواي عليهم

-اتمنى اطلع ولو يوم واحد بس اكتله واغجع هي موته موته المهم اخلص الباقين منه  

-ماراح اطلعين ماطول دخلوج هنا اقل شي تاخذين عشرين سنة

همست لعد خلي يعدموني شلي بالدنيا المابيها حضن امي وضحكت خواتي

-قتل قضيتج

-والله مو اني بس الضابط خلاني اعتغف غصباً عني

-لان مابيهم شريف صافين ويه الظلم مستعبدينا يردون يصعدون رتبهم بلحم الفقير ليش اعترفتي  والله لو يصلخ مني لحم ماراح اعترف

-هاي اصابيعج دتصب دم

-شلعوا اضافيري نفسهن الي دخلتهن بعيونه وعميته بيهن

-عميتي  عيون الضابط؟؟

-حماي النگس  الي يخلي عيني على بنتي  مو بس  اقلع عيونه واحرگه لا اخلي يتمنى الموت مثل ماخليت اخو  يبوس رجليه حتى اكتله

خفت من كلامها رجعت ليورا صفنت عليه كالت هي هم بعمرج

-منو ؟؟

-اغتصبها  وگلي موشريفة دنت نفسه عالرباها بحضنه ماتت وهيه تعاتبه بكسره

-كتلها ؟؟

-اشهر يمارس  وياها  ويهددها لاتگلي لمن كبرت بطنها وانتحرت راحت بنيتي من بين اديه واني مثل الحيوانه فرحانه اطلع اشتغل واصرف عليه كالتها ولزمت وجها وبجت بصوت

غمضت عيوني واني اشوفها اشلون اتعضض بديها بحرگه والدم ترس حلكها من اصابيعها

نزلت دموعي بقهر نسيت حتى قهري عرفت عايشين بدنيا ماتصلح بس للحيوانات

ردت اكوم الزمها بس شفتها غمضت رجعت كعدت مااعرف نامت لواغمى عليها

مسحت عيوني عدلت كعدتي  وسحبت المتبقي من  المي غسلت وجهي صار شعري على عيوني لميته ليورا بسرعة انلم كمشتني العبرة احس بلعومي مجروح ذكرت من امي تمشطه الي اشكد جانت تتعب بي يالله اظفره

اخذت نفس  وهمست حسبي الله ونعم الوكيل بيك كون تنحرم حتى من النوم

مسحت دموعي ولفته كبايه بس كعدت انفتح خليت راسي بحضني عيوني عالمره اشلون متملخه بدون رحمة وبالي يم رؤيا شلون حالها هسه

مر الوقت واني على كعدتي كلما تجي صورت غزوان بعقلي اهز راسي ابعده عن تفكيري لحد مانفتحت الباب دخل الشرطي اشر كومي

زحفت ليورا كلتله شنو  بعد

-اشعل امج كوميييي بت الحيوان 

-بداعت  امك والله بعدني  مابيه  اكوم

-انعل ابوج لابو امج طاري امي لاجيبي على لسانج القذر بت العاهره

-بس شويه اغتاح والله غجليه دتموتني 

-من راحت روحج وخلصوا العالم من سقوطجن كومييي لج طالبج الضابط هيذام  وهااا نصيحة لاتجادلي استوى متعارك ويه اللواء بسبب قضيتج   يعني يعدمج وهو مايدري  نصيحة اعترفي وخلصي روحج وخلصينه من هالروحه والجيه

-اعتغفت بعد شنو اسوي

- هذا يسموا استجواب الاعترافات هسه راح اتبلش   كومي من انعل ابو شرفجن متكلنا اشوكت نخلص من امثالجن

جرني من شعري  حسسني صدگ رخيصة كمت  ماادوس عالگاع لاتكول كزاز جوه رجليه

كعدت المرة على صوته  ردت تتكلب من الوجع واني حتى النفس انكطع من الخوف حسيت راح ارد هالمرة مثلها 

ربط عيوني جرني شمرني گدامه طلعت يمشي ويدفع بيه لان امشي بطيء  لمن وصلنا للغرفة من ذكرت الوايرات والراجديات كمشتني الرجفه

فتح الباب دخل دخلني ويا كله اوامر ثانية سيدي

اجاني صوت الضابط ضرغام  ردت روحي گله لا  اتفضل

ضرب تحيه وطلع سد الباب استوني اسحب النفس وكمزت على صوت صرخة واحد رجت المكان وصوت ضرغام صاح ولك هيذام مااااات

رد هيذام الي  بس نبرة صوته وحدها تاخذ الروح مو كلامه وهو يگله لاتخاف مابي قز القرط فتحه صغيرة بالراس

-دخيل ربك يافتحه ولك طلع مخه هذا انتهى

-مانتهى بي نفس  صيح الولد خلي يسحلوا بوجهم عدل للمستشفى لليل اريده صاحي

-انت ماتكلي اشوكت تبطل هالطريقة  ياااخي

-من تترك شغلة التحقيق وتنقل اوراقك على المطلقات والارامل يله لك صيح الولد خلي ياخذوا منا وانت تاخذ الملف وتطلع گدامي ربع ساعة والحگك

- وين تلحگني يمعود ثاني عقوبة هاي

-اهاا ذكرتني بي صدگ بطريقك مر على مكتبة وصله سلامي كله منا لليل اذا مانسحبت العقوبة خلي يدير باله على روحه

-انوب تهدده انت صاحيييي

بعد يحجي وحسيت بي رجع ليوه وفجأه تغيرت نبرة صوته عرفته خنگه لان كوه طلعت من الكلمة وهو يگله بتوسل  اشبيك اهدأ يمعود

-اسمع لك وثبتها براسك عدل القضية صارت الي  والعقوبة تنسحب غصباً على اكبر شارب هنا خلي الروح طيبه  احسن ماخيسكم جو الگاااع

-هاي هيه مثل ماتريد اني حبيت انصح من باب الاخوه

-انعل ابو خوتك  لابو معرفتكم روح گله خليني يراويني رتبته ومراجله  وجه لوجه لايضل يتختل  لان كفيله محمد  اللگفه لو يطير للسما وعصره بجف ايدي لمن اطلع روحه من اذنه سمعتتتت

-هاي هيه بس اهدأ

سمعته دگدك على وجهه وهمس يله حباب بوجهك عدل تاخذ هالجثة تشمرها  على اي مشرحة وتمر عليه تكله هيذام يگلك الزلمه بأفعاله والكلام والتهديد هذا شغل مزعطة

-ماتبطل لمن تضيع روحك

-عود من اضيع لاتصيرون بوجهي لخاطر لاطشركم يله ابني ولي كالها ودفعه حيل سمعت حركته راح بسرعه للباب فتحها ثواني ودخلوا شرطه شالوا الولد طلعوا سدوا الباب

صار هدوء اسمع حركة بسطاله تتجول بالمكان راح وكف صوت ماي انفتح عرفتها مغسله ديغسل الدم الي بيديه اخذله شويه سد البوري وكف مااعرف يباوعلي لو ينشف اديه اريد اسحب النفس مااگدر

اسمع خله شي على ميز صوت حديده لو سلاح ماميز اجه يتمشي وصل يمي مجرد شعور انو قريب مني هاي كلش كافي اشاهد عليها دنگ همس  بنبره  تعصر الروح

-اي رئال اشلونج

هزيت راسي تمام

-شنو صوتج وين اختفى

-مااختفى هياته

-ليش ترجفين

-اني مو اعتغفت بعد ليش جبتوني هنا

-وين هاي اشوكت بس لاهاي الكلمتين الحجيناهن بهدوء حسبتيهن اعتراف ؟؟

-لعد شنو

-هاي تتسمى حفلة تعارف

-انت شنو تغيد اني غاح اگول

-لاهيج يتسمى اعتراف تحت الترهيب

سكتت لازمتني العبره وخر شعري عن وجهي همس شبيج ليش ترجفين

-خايفة

-من شنو

-منك

-واني مااكل بشر الي يعترف بهدوء ماأذيه بس الي يستسبع  ويريد يعرف اشكد قوته تتحمل ضغط مثل الجثه هالمغتصب الجان خو ماخليها بنفسه

-اذا اعتغفت غاح ياخذوني يعدموني

-احتمال واحتمال يردوج الي اعيد التحقيق اذا اكو تضارب  بالاقوال

-لاغاح اكول مثل ماعلمتني

-علمتج شنو بنتي

--لاقصدي مثل ماسويت

-بطلة

- اشوكت تحققون وياي

-بس توصل اوراقج اقل النص ساعة وتردين زنزانتج هاي اذا ماجان الج رأي اخر

اشرت لا

انفتحت الباب دخل واحد گله ها كالوا طالبني

-هلا ازر الاوراق كملتها

-اي ذني بس عدنا اجتماع بالمقر لازم نطلع

-جيبهن ماطول ربع ساعة بالاكثر طلعتلي ورقه تصريح بالمداهمة

-هيذااام المكان خطر يمعود

-خطر على امثالك الخنث جيب الاوراق وروح طلعلي التصريح بسرعة وخابر الولد خلي يحضرون روحهم

مارد دخل اسمعه انطا الاوراق  صار هدوء عرفته ديكلب بيهن اخذله ثواني وگله رحت للبيت اليوم

-اي عمتي كالت اتصل بي ليش مايرد

-خير درع مسوي شي

-لابس تره صارلك اكثر من شهر ماداخل البيت

-سهله بليل اخابرهم تاخذ ذني الورقتين تحولهن لمكتب ضرغام وتجيبلي دعوة التسليب

-تمام شصار بسالفة البصمات

- هسه اكمل التحقيق وحول اوراقها ناوشني الحبر

اسمع اتحرك راح لغير مكان جاب شي خلاه قريب شاله هيذام اجه يمي سحب اصبعي ضغطه بالحبر وبصم على ورقة لزم ايدي وگال اي رئال هسه نبلش ونگول يالله

اشرت اي

-تعرفين بعد التحقيق  وين راح ترحين

-اي بس من اعتغف و اغوح غاح تغجعولي سواغي

-شنو يابه ؟؟

-يعني اتغجعوا

-هو اني شفتهمت  من هذا التغوغي جان طلب لو سؤال

برطمت

-احجي بس على كيفج حتى افتهم شتلغثين

- اكو سواغ جان عندي وانتم اخذتوا

-ياسوار ؟

-الفضة الجان بيدي والله مال خطيبي قبل لايموت حلفني ماانزعه

-اوف مخطوبة امم وهذا السبع  اشلون مات شرب ادمان لو هم كتل

-مايشغب ولامدمن مات حادث بيوم حفل التخغج (التخرج ) من كلية الضباط هو واهله

-ضابط مره وحده؟؟  لااا موخوش سالفة

-والله مداجذب

-شنوو من ضابط هذا الي يروح يخطب وحده من البتاوين

-ماجنه بالبتاوين جنه عايشين بأحسن منطقة بيتهم لان هو ابن خالي يصيغ اخو غزوان

-هو غزوان هويه ماعنده اخوه ضابط اشلون

-والله دااحجي صدگ اسمه محمود صاحب جان يدوام بال… حتى اسأل الضابط الي حقق وياي هسه يگلك اشلون مات بالحادث هو وجايني للمدغسه

ازر -محمود صاحب ال…

-اي

هيذام - هو شنوو اي يابه بيج شي انتي لو مشتغلتني

سكتت

-ليش هالشي مامدون بأقوالكم

ازر- كل التحقيق مدون  تعرف ضرغام دقيق بهيج شي اكيد اكو غلط

-على اي اساس مرتين قريت القضية مولوده  بالبتاوين بيت دعارة عليهم اكثر من شكو بالاخص اسمها مدون بقضيتين شرف

-هسه اخابره ونشوف مامعقولة يغلط هيج غلطة جبيره  بس خطيبها اسمه محمود صاحب اشلون  اخو غزوان محمد

همست وداعت ماما  مدا جذب صح مو ابن خالي بس  هو خطيبي شوف اسمه ومواليده  واول يوم دخل بي للكليه ويوم الخطبني كلها خلف السواغ مكتوب

هيذام -مو ابن خالج بس اخو غزوان ؟؟ وماموجود  اسمه بالتحقيق بس هو خيبطج حلو  ؛  رئال اشلون وصلج السوار ؟؟

-والله  محمود جابليا وهو مو ابن خالي الح لا ابن زوجته  بس ابو شهيد وخالي الي غباه  (رباه ) مثل ابنه اصلا جنا عايشين نفس البيت قبل لا يصيغ  الحادث وبابا ينقلنا للبتاوين

-الحادث صارله  اشكد

- غاح يصيغ ثلاث  سنوات سنه ال--- يوم الاحد وكت الظهغ (الظهر )

-بس بهذا الوكت چنتي طفلة

-موطفلة  ١٤ سنه وبس خطبة واتفق ويه ماما من ادخل ١٦  نتزوج

مارد اخذ ثواني  حسيته يباوعلي  عصر جف ايدي  دااسحبها  ضغط عليها اكثر وكال شنو طلب منج ضرغام

-كلشي ماكو بس سألني عن حياتي القديمة والحادث

-هم ضربج

-لابس كال اعتغفي واني اساعدج

ازر- شصاير هيذام

-انباعت والاوراق اتبدلت

-لابربك

هيذام -وين جنتي تشتغلين؟؟

دنكت همست بخجل قغيب على الشاغع العام

-الملثمه التبيع بنزين

-يي اني واختي

-كم مره داخله للمركز

-هاي اول مغه

-من وصلتي لسه غير ضرغام منو حجه وياج

-بس انت

-مامر عليج صوت عرف لو سمعتي احد گال اسمج اثناء مجان يحقق وياج

-لا بس واحد خابغه من جان ديحقق وياي شويه وفصله وكمل تحقيق

-بأي مدرسة داومين

-مااداوم  لامن نقلنا بابا للبتاوين بطلنا كل احنا  وشغلنا

-الولد الكتلتوا منين تعرفوا

-ماعغف يمكن صديق بابا  لو واحد من ذولة اليبيعون اشياء ممنوعة

-ابوج مشترك وياهم بالممنوعات

-لابس صديقه ابو طبغ واحد اسمه سعدون وكم واحد مااعغف اسمائهم همه يبيعون بابا مصاحبهم

-يعني يتواجدون بيناتكم داخل البيت

-لا والله ابد منختلط بيهم صح  يدخلون للاستقبال يم بابا بس ولا يوم حجينا وياهم لو خليناهم يشوفونه

-وابوج غير الرعاية شنو يشتغل قبل لاتجذبين تره دزيت الولد  ملف حياتج اقل الربع ساعة ويكون يمي

ازر - ملفها هسه شفته جابوا اني وادخل  بس اخذه ضرغام  كله اني انطي الهيذام ويه الاوراق

-حلو خوش فره

-اخابره

-لااا اصلا لاتجيب طاري السالفة خلي براحته وانتي كملي واذا حسيتج بس مفكره تعبرين حرف واحد مواجذبين كفيلج محمد ادگج اجتاف وارفعج فلقة

-والله ماجذب اصلا اتمنى تبلش بالتحقيق وياي حتى اعتغف واخلص من بابا  لان واحد حيوان عايش علينا بس يشغب وو

-وفاتح البيت للدعاره

-لااقصد يكتلنا  وهذا الشي الدتكوله  ماعغف عنه شي  لان نقفل الباب علينه بعد مانشوف شي بس هو يتزوج هواي كل مده يجيب وحده ياخذله بالاسبوع ويطلگ

-غيمة علاقتها  اشلونها بيكم

-والله احنه مالنا شغل بيها بس هيه عاصيه الله  ودوم تزن على بابا حتى يزوجنا لجماعته وهسه ناويه تبيع اختي الصغيغه  لناس متخلف

كلب ايدي ردت اسحبها ضغط عليها حيل وصعد ردن القميص شويه مشه اصبعه على معصمي

-هذا الحرك البيدج شنو سببه

-صلخني بالزيت جان  ناوي يبتغ ايدي من المعصم لان صخنت   وماقبلت اطلع للشغل

-من اشوكت ابوج يشرب

- من وعيت عالدنيا بس جان كلش قليل لان يخاف من خالي بعدها زاد بالاخص من دخلنا للبتاوين صاغ ليل ونهاغ مايبطل

ا-عمارجن متقاربه كلش بس الصغيره بعيده عنكم

-اي بينه سنه سنه  بس وقت الحمل بس غند  لاصاغت قبل الحادث مو هواي

-متأكده هذا ابوجن ؟؟

-اشلون يعني؟

مارد صار هدوء اخذله شويه احس ايده صارت على خدي  وخر شعري عن وجهي  خلاه وره اذني  تركني وصاح احمدددد من قوته صوته رجعت ليورا عثرت لزمني بسرعة وكفني عدل

انفتحت الباب دخل واحد كله نعم سيدي

- تاخذ الولد و ترحون اسحلون جاسم من نص بيته تجيبوا

-حاضر

-ساعة والگي على مكتب شكو معلومات عنه هو وابو طبر حتى غيمة  تنبشون كبر ابوها من صارت لحد هاي اللحظة

-تأمر سيدي

-قدم ورقة طلب قبض بحق كل من ابو طبر وسعدون وتروح تخبر ضرغام يترك شنو بيده ويجيني گله الك خمس دقايق  السادسة تختفي من بغداد بكبرها

ازر -شناوي

-الك الصافي وتعلم الغلطة البسيطة تكلف اركاب ومن تفكر تكتل اول شي دبرلك گبر لان ريحة الجثة تطلع لو تضمها بروحك والزمال الدون التحقيق دباري يمي

-متأكد الاقوال بيها تغير

-متحورة الف درجة

-حسيت اكو سالفة جبيره من ضل ساكن مكتب اللواء ابراهيم  ومصر على القضية خوش حجي تركه اني اعرف اشلون اطلعها واعرف شنو ورا وهم اشوف غزوان شصار ويا

-استعجل ودزلي واحد من الولد ياخذها يردها لمكانها 

مارد اسمعه طلع  ضليت واكفة بكد مافرحت غزوان بعده عايش بگد مااسيطر على سنوني من الرجفه بسبب البرودة وملابسي  الي لحد الان مانشفن

شوية ودخل الشرطي اخذني رجعني للزنزانةدخلت تركني بدون لايفتح عيوني لبالي نساني دقايق واجه دخل بيده  شي شمره يمي  فتح عيوني وخر الكلبجات  طلع قفل والباب  اباوع يمي ملابس شلتهن لكيت بلوزه وبجامة بس مال زلم

ماصدگت بس ردت شي يدفيني دنكت اباوع من جوه الباب  ماكو احد  والمرة تون مغمضة بغير عالم  بسرعة غيرت ملابسي احس صدگ دفيت صح البلوزه وصلت جوه الرگبه والبجامة شكبرها طبكتها من جوه هواي بس حسيت بحريه واني اتحرك

شلت قميصي  شلعت من نهايته خيط رفعت  شعري  ليفوك ربطته نزلت خصلة على عيوني سحبتها خليتها وره اذني وتذكرت حركته

رجعتها لمكانها ابن الكلب گصه وضل يحرگ بكلبي كل شويه وذكرني بي

اخذت نفس انتجيت عالحايط غمضت اجه بالي تصرفاته الي تغيرت فجاه معقوله عرف محمود لو حس  بيه بريئة  بس همه كالوا ماعنده رحمة حتى ويه البريء  يحقر وصدگ جربت هالشي

لميت رجلية لحضني اكلت شفتي اباوع للمرة  وعقلي ويه اسئلته شنو جان مكتوب بالتحقيق الي  خلاه يفكر اني مو زينة وتصرف وياي بحيونة بس رادني اعترف على نفسي

نبره صوته سامعتها قبل مو غريبة بس وين

فززني صوت الباب ينفتح عدلت كعدتي مسحت وجهي الي بس هو طالع من الملابس دخل الشرطي شمرلنا اكل وطلع قفل الباب

جريته وزحفت يم المره مسافة قليلة بينا خليت الاكل وندستها  همست خاله كومي

فتحت عيونها بتعب باوعتلي اشرت شنو

-جابوا الاكل كومي من الليل  انتي مماكلة

همست بتعب مااگدر

-اني اوگلج  بس ساعديني اخلي شي جوه غاسج

-  وين خذوج  شو بسرعة رجعتي

-نفس المكان بصموني على وغقة وسألوني كم سؤال

-اشكد عمرج

-بعد شوية وادخل ال١٧ بس بالهوية لا دخلت

-مامبين عليج ناعمه لبالي اصغر

-جبيغه صغيغه بدأ العدد التنازلي خلي اخلص

-مااخلصتي انتي استوج بلشتي

-غاح اعتغف ومحاكمتي بعد كم يوم

-منيلج  هاي الملابس

-واحد حاغس  شاف ملابسي بيهن مي انطاني منه

-بس ذني مو ملابس حارس

-اني هم شكيت لان هو ناعم وذني كباغ يمكن بايگهن  من واحد هنا عزه بعينه بس لامال واحد ميت

-شفتي الضابط الي حقق وياج

-لاابس صوته يشبه صوت بول تيغي

-شنو بول تيري

-ماعغف بس اكيد تشبيه لفد حيوان قذغ لان هاي اختى ماتكول شي بي حظ

-اذا سمعج تعرفين شنو يسوي بيج

-اي يشمغني بالتيزاب

-سبحان الخالق منطيج جمال وبراءه ومكملها بكسرة لسان

-بس شايل الحظ وهذا اهم شي

-الضابط شنو حجه وياج

-كال انتي معوزه حنان تعالي يمي اخذني بحضنه دگدگ على ظهغي وبوسني بخدودي من كد لطافته  اتندمت مادخلت السجن من زمان

-رئال بنتي انتي تعرفين وين واكعة

- بقضية قتل وبعد كم يوم غاح يعدموني

-مايعدموج راح ياخذوج اذا اكو اختلاف باقوالج يرجعوج لهنا يعيدون التحقيق واذا مطابقة يرحلوج للتسفيرات قبل لايودوج للاحداث وهناك ملمومة اسوء ماخلق الله من بشر راح يخلوج تترحمين على عذاب الاعتراف

-مو علينه حغاس

-ياحراس مكان وسخ  ناس تتستر على ناس راح تلكين الشواذ وتلكين المجرمات وبنات الليل والي ميخافن الله ويتعافن على المنكر والذل

-خوفتيني

- الخوف مو هنا الخوف الصدگ هناك من توصلين بين اديهم ويعرفون محد يسأل عنج

-اني اعتغفت بس حتى احافظ على غوحي عزه بعيني شنو اسوي

-كلشي لاتسوين بس خلي نومج بالنهار ولاتاكلين اي شي ينطنه الج حتى المي لاتشربين غير الوجبة الي يقدموها بيد الشرطيه ودوم انعزلي لاتتقريبن يم احد

-يعني اكو بنات مو زينه جوه

-كلشي يجي براسج اكو  بالاخص اذا شافنج  هيج حلوه وصغيره وماعندج احد  ماراح يتركنج

سكتت اباوعلها متفاجأه من الحجي

بدت تسولفلي عن فتره من حياتها دخلت للسجن شنو الظلم البي واشلون جانن هناك وحده تتعرض للثانيه احس نفسي انسدت عن الدنيا بكبرها مو بس عن الاكل

سويت لفه صغيره انطيتها اكلت نصها وماكدرت تكمل تمددت موجوعة

رجعت لمكاني لميت رجليه عيني بيها اباوعلها شلون تتلوه وبراسي كلامها غمضت همست رايه وينج شنو الصار وياج وهيج ماسئلتي عني

رفعت راسي للسما نزلت دموعي داهمس يارب وقاطعتني بصوت گحتها العالي مثل المختنگة مسحت وجهي ردت اگوم انطيها مي وبطلت واني اشوفها تتقيء دم 

خفت من  منظرها لميت رجليه  اباوعلها اشلون كامت تذب جبود دم ودموعي تنزل بخوف مااعرف شسويلها ؛ اقل الساعة وفتحوا الزنزانه دخل الشرطي حتى ماسأل شكو دنگ لزم ايدها وطلعها سحل عرفت احنه صدگ بين شياطين مايعرفون من الرحمة حتى اسمها

مسحت عيوني قررت بس يطلبني الضابط اشيل التهمة وحدي هم اطلع رؤيا منا وهم اني انعدم بسرعة قبل لااحد  يتقربلي

حضنت رجليه عيوني عالباب ؛مرت الايام  وماكو اي نفس غير المرة يجيبوها تالي الليل وياخذوها الصبح زاد خوفي اكثر على رؤيا لان اعرفها مثل عنادها ماراح تنطي بنفسها وتعترف على اهلي

اكوم افتر مثل المخبلة لساني مابي بس ياربي خلي الضابط يطلبني بعد ماجنت اندعي ينساني

…كاعده مقابيل الباب تالي الليل متانية اشوكت يفتحوها ويدخلون المره حتى انام ؛رفعت راسي اباوع  للسكف اسود مابي اي شي يدل عالحياة  همست وينك اشوكت دز احد شنو اغتالوك  لو هيج عاجبك تجرب بيه نوع جديد من التعذيب

اخذت نفس استوني داامسح عيوني واسمع صوت شخطة بصفي كمزت مفزوعة  اباوع داير مدايري  ماكو شي

خليت ايدي على گلبي ستغفرت ورجعت بعدني ماكاعده واجه صوت  باب الزنزانة اليمي ينفتح عالكيف بطريقة تعصر الروح حضنت رجليه وغمضت ثواني وانطبكت حيل وشي وگع سديت حلگي بأديه وفتحت عيوني على كبرهن

اندفرت باب  الزنزانه مالتي طفرت حتى النفس كطعته واشوف الشرطي دخل

اريد احجي بعد مااكدر  انربط حتى لساني هز ايده  ودخل دارني كلبجني وسد عيوني  جرني وطلع يسحل بيه امشي واحس گلبي يريد يطلع من صدري؛ اخذني لنفس المكان اليحققون بي  دخلني ضرب تحيه تركني واطلع

الباب انسد ودمعتي نزلت من جوه العازل دنكت مسحتها بمتني اجاني صوته وحده يزيد الخنگه بصدري كال ليش تبجين

-ها

-اكو واحد تعرضلج

-لابس لبالي الجني  دخل عليه

-اووف جني؟؟ وشعنده الجني يدخل يمج

-والله سيدي السجن مسكون

-كولي غيرها

- مداجذب كل يوم من تظلم الدنيا يبدي يفتغ بالمكان

-يفتغ ؟ لاه همزين خبرتيني 

سكتت حسيته يستهزئ

-اي رئال طلعت البصمات وللاسف والادله الجنائية كلها ضدج

هو يحجي واني غمضت  صح جنت ناوية اشيل القضية بس من سمعت وعرفت الموت قرب انعصرت روحي

سحب الكرسي كام اجه يمي كال بيج شي

طلعت الشهگه غصباً عني

-ليش هالبجي بس لاخايفة من الموت

مارديت

-غزوان هم جان يشرب ؟

مسحت دمعتي بمتني واخذت نفس اشرت لا

-وين يودي افلوس شغله  وهو يشتغل شفتين

-نص لبابا وقسم  يضمهن بسكوت حتى يتزوج  بيهن 

-وانتي هم تضمين

-لاوالله اصلا كوه نجمعهن لبابا بس انضم الف لو خمس مية  انلمهن نجيب بيهن  اشياء النه لو نعوض الخساغه اذا تعغضولنه (تعرضولنه) حتى لا يكتلنا

-اشلون يتعرضولكم

-دوبات يسطون علينه  ياخذوهن  ودوب اتصيغ مشاكل بالمكان  مثل قبل كم يوم ثنين شباب اخذوا كل شغلنا ماخلوا بس البنزين وهم بدون قصد ضغبت سياغة واحد  تالي نزل داغ البنزين بالكاع عاد همزين عدنا افلوس ضامين جبنه  بيهن وهم كتلنا بابا لان قليلات

-وهاي كل الي ميشري منكم تشخطون  سيارته

-لاوالله ابد بس جنت بيومها خايفه على اختي  لان سمعت ناوين  يبيعوها  فوگ المصيبه  اجوي شباب كتلوني واخذوا افلوس تعبي  ماعغف اشلون طلعت غضبي بي 

-ليش ترجفين بردانه

-اشوكت تعدموني

-خايفة ؟؟

هزيت راسي اي  ونزلت دموعي

مد ايده مسح دموعي بطرف اصابعه وسحب شعري خلاه وره اذني كال احجيلي عن حياتج

مسحت خدودي

-مثل شنو

-كل التذكري من وعيتي للدنيا لهاي اللحظه اي شي يخطر بالج كولي بدون خجل كأنما جاي تكتبين بدفتر مذكراتج

-يعني اكو امل اطلع

-وليش لا اذا بريئه

-انت تقبل ؟؟

-رب الفلتج مرتين من اديه مايكملها ويطفرج بالثالثة

رفعت راسي ماشوف كلشي منه بس اريد افتهم شنو يحجي

-اسمج رأل لو رئال

-غأل بس بدلوا  من طلعونه هويات بتقديغ عمغ

-اسم غريب مثل طريقة حياتج

-شنو احجي وانت عغفت عني حتى اسمي الي خواتي ميعغفنا

مارد اسمع طگت الجداحه وريحة دخان جگاير اخذ نفس نفخه وگال احجيلي رأل

هزيت راسي

وبديت احجي مثل ماگلي  جان يتسنط بهدوء مااسمع غير حركت البسطال  قريبة يفتر يمي التوتر والخوف صارن واضحات بطريقة كلامي مااعرف المن يريد يوصل لو شنو غايته وصلت  علاقتي بمحمود اختصرتها بعدني مامكملة وماحس غير نفخ الدخان بوجهي كال كافي

-بعدني ما كملت

-الي اعتازه سمعته

-تغه ماجذبت

-بس طفرتي

-مثل شنو

-شتكولين انتي

-مااعغف اذا تعغف شي واني ناسيته ذكغني بي دااگوله

قرب يمي جر ايدي لزمها طبگ الردن رد للثانيه هم طبگها تركهن وسحب البلوزة عدله من فوگ گال هدوئج يكرص الروح اكثر من البرد

صفنت هاي احجاية محمود

مد ايده مسح شفتي بطرف اصبعه درت وجهي همس  شنو شاف بيج على شنو حبج

غمضت گد ماقريب احس نفسي داخل حضنه دااسحب روحي وانفتحت الباب وخر عني بسرعة دخل واحد  من صوته عرفته ازر كله ها هيذام  ماخلصت

-ضال ساعتين عالخفر ماعندي شي

-اجتنا اخبارية طالعين بيها واللواء يكول  خلي ياخذ الولد ويروح للسرية  شنو هاي شسوي هنا موخلصت القضية 

سكت شويه ورد كال بصوت خافت راح اعيد التحقيق

-هيذام  صدگ تحجي هيه شضال بيها صاحي وتعيد التحقيق خربطت ابو خلقتها واعترفت  حتى عالجوارين بعد شتريد منو تجيبه

تركه و صاح للشرطي كمشني طلعني رجعت لمكاني نزعني الشي الغالق عيوني   شفته مو نفس الشرطي الي ياخذني لاواحد جبير بالعمر  ومبين حباب راد يطلع كلتله سيدي اكدغ اطلب طلب

-خيرج بويه

-عندي اخت اجت وياي بس مااعغف وينها

-رجعي مكانج مايصير تحجين وياي راح تعرضيني لعقوبة

-الله يخليك والله كلبي ناغ عليها بس كلي بعدها عايشه دخيلك عمو كلمة وحده

-استغفر  الله ربي لابوية مابيها شي طلعت براءه ماعليها اي تهمة  لان غزوان اعترف والبصمات طلعت ضدج

-صدگ  تحجي الف الحمد الله والشكغ الله يحفظلك بناتك مثل ماطمنتني

-ويحفظج بنيتي يله ردي لمكانج اني اليوم خفر   كاعد هنا لاتخافين اي شي تعتازي بس دگي الباب

اشرت اي  واشكرت منه ابتسم  وقفل الباب  اشكد حنون لعد اشبي هيذام جنه واحد مجلوب من عضة مسودن  بس يريد يفترس انوب يكلي اشاف بيج  ديله من زينك

رجعت مكاني  سمعته سحب كرسي وكعد بداية الممر  تمددت خليت ايدي جوه راسي اسمع صوت الاذان ابتسمت وكت گعدتنا  اجه بالي راية شدتسوي هسه  بعدها تطلع للشغل 

هم تذكر مكاني يمها بالبسطيه لو نستني هم يجي يوم ونرد نلتم بحضن ماما لو هم صار حلم ونضاف لبقية الاحلام

مسحت دموعي وغمضت سلمت امري لله و رحت بالنوم  اول يوم انام براحة

كعدت الصبح على فتحت الباب لبالي جابوا الاكل بس دخل الولد كال كومي بسرعة

-شكو سيدي

-طالبج اللواء ابراهيم  استعجلي بنتي قبل لايرجع الضابط هيذام

-ليش

-استعجلي يابه هناك تعرفين

كمت بسرعة حتى ماسد عيوني اخذني  هيج رحنا مونفس الطريق الكل مره نروحه عبرنا ممرات كلها شرطه صعدنا درج وصلنا يم غرفه يمها حارس دگ الباب ودخل دخلت ورا

اباوع  غرفة ضخمة وادفية تخم على جهه ومقابيله مكتب كاعده  واحد جبير بالعمر بس هيبه وشخصيه لابس زي عسكري مدنگ على اوراق يكتب بيهن  ضرب تحيه الشرطي شال راسه باوعلي وابتسم

اتبلعمت بسبب هيذام انزرع بيه رعب و كرهت شكو واحد لابس عسكري

- رئال جاسم

-هزيت راسي اي

-هلابيج بابا اتفضلي كعدي

صفنت شنو يحجي هذا

-ههههه  لاواضح شغل هيذام  كعدي بنتي لاتضلين واكفه وانت ابني اطلع جيبلها ريوگ والي وكوب كهوه 

-حاضر سيدي

-خليك يم الولد وافتح عيونك عدل مثل ماوصيتك قبل لايوصل تنطيني خبر

-تأمر سيدي

كالها وضرب تحيه طلع سد الباب اشرلي المقدم كعدي خجلت اكثر من مره طلب مني هالشي رحت كعدت على طرف القنفه  وهو دنگ يكمل توقيع

نظافة ودفوا احسه دخل بعظامي عيني تتجول بالمكتب وترجع عليه مستغربة وبنفس الوقت كلبي مامأمن من تصرفه لمن سحب الكرسي وكام كتمت حتى النفس  اجه قريب كعد مقابيلي وانتجه كال اي رئال وصلج الخبر كل الادلة طلعت ضدج

همست اي

-وانتي معترفة وموقعة على اقوالج

-نعم سيدي

-تعرفين شنو الحكم بمثل هيج قضية

-والله العظيم اني ماكتلتهم

-جا ليش اعترفتي

سكتت

-حتى لومامعترفه البصمات طلعت الج والحمض النووي الي باضافير المجني عليه الج

-جان ناوي يعتدي عليه والله جنت ادافع عن نفسي

-واني اتحريت عنج وعن عائلتج وعرفت خطيبج وخالج  منو  بس يابنتي هذا مايمنع انو القانون ياخذ مجرى والامر  انحسم  حتى لوحاولت الضابط هيذام  راح يوكف بوجهي لان القضية اله وهذا المعروف عنه مايطلع من القضيه اذا ماينهي امر المتهم اذا موعدام مؤبد

-بس هو گلي غاح اساعدج

-واخذ منج معلومات بعد عن الباقين مو

هزيت راسي اي

-امم مثل ماتوقعت سمعي بنتي ماطولج دخلتي هنا واخذوا اتعترافاتج وبصموح  لاتتصورين واحد بعد يكدر يساعدج بس كولي عن طريقج يجيب متهمين اكثر ويترقه اسرع نفس الوقت انتي ينتهي امرج وامج وخواتج يضيعن اكثر ماهنه ضايعات

مجرد ذكر الاعدام كدامي وصورت خواتي وهو يضربهن بابا اختنگت

- صغار والموت بعد وكته مو ؟

-ماشفنا كلشي من حياتنا خلصناها شغل وتعب و

-كملي وبعدها وكعتوا بيد هيذام

دنكت

-طريقة عملجن ودفاعجن عن شرفجن خلتني افكر امد ايد المساعدة الج بس تضل مصير حريتج وتعويض عيشتكم السابقة بحياة افضل  بيدج 

-اشلون ؟

-اوراقج تختفي والاعتراف يتغير وبدل السجن تكونين بنيه الها قيمتها بالاضافة الي حياة الرفاهيه الي راح يعيشنها والدتج وخواتج

-مافهمت؟

-سمعي بنتي حتى لاتكولين ظلمني اني الله رزقني بأبن مصاب بالتوحد  بس بنسبة قليلة وهسه كبر صار يعتاز مره بحياته تساعده بأكله وشربه فقط لان هو لاغي فكرة الزواج من راسه اشكد حاولت ويا ماقبل قافل ومحد ترضى تقبل تعيش ويا بهيج وضع  ولااكدر اخلي مساعده ويا بيت واحد لان هومستقل هم ماترهم كدام العالم

-مافهمت اني شنو من كل هذا

-اعقدج بأسمه وبدل دخول السجن تضلين ويا داخل بيت نضيف تهتمين بي وتشوفين طلباته بالمقابل   اهلج راح يكونون بمسؤوليتي من بيت بمكان زين ورفاهيه  من كل النواحي

بعده يحجي واني بهتت 

-جان انطيتج فتره  تفكرين بيها بس للاسف ماعدنا وقت اريد جوابج هسه قبل لا يرد الضابط هيذام لان مانعرف شنو ردت فعله من يعرف انسحبت القضية من جوه ايده

باوعتله اشر احجي…

رايه***

غزوان يحجي واني اباوعله  متفاجأه رد الولد ذباح شمالك يخوي تحجي صدگ ماهو تنگيص من البنت  لاوعلي  اخلها على راسي وتشرف بيها بس اذا لخاطر حمايتهن الروح فداهن اليرشهن بمي ارشه بالدم

-اهلك يرضون يستقبلوهن يعيشن يمهم وهنه ميعودنلكم بشي

- الاهل گبل الدار تحت امرهن للغرب نفزع اتهگي نصل لرفجاني انگصر لاعيب هالچلمة انت ماتطلب انت تأمر الاهل والديره تحت امركم

-عمتي وخواتي عاجزات حتى مصدر رزق ماعدهن اخاف فتره والاهل يملون منهن وحقكم لان عمي صاحب مشاكل

-اليكرب صوبهن انخله بارود وكلام الله اتفگهم تفگ  تراهن بحماية ازلام  العيشه تدبر صح على گد الحال بس بالحلال رضا لاتخلي بالك من هالثانية صارن بظهري حالهن حال اخياتي لحد ما الله يفرج عنك تجي تاخذ امانتك من هالشارب جلمة ماماستهن موش خدش

-خدمه عمر  عاجز عن ردها

-تردها ان شاء الله اطلع بالسلامه  وانه اعرف اشلون اخذها منك بس يخوي تعرف احنه وين عايشين ترانا بدو انعر الصحاري وره رزگنا اخياتك يتحملن هيج عيشه

هز راسه اي والكسره بعينه دگدك على متنه ابتسم وراح وكف يم ناس شكلهم يخوف اكثر منه مبين صدگ مايتفاهمون و الكتل عدهم عادي

انداريت لغزوان عصر ايدي سحبتها منه اباوع عيونه صايرات حمر كد مابيهن قهر ولهفة يباوعلي بحسره لو اعرف هاي نظرته تمر اسنين من عمري واني مغمضة بس حتى اذكرها مجان درت وجهي عنه

همس بوجع اريد اموت واني مطمن  عليج

-انت ترتاح وتعيشيني بجحيم موتك مرتين

-رايه

-لاتكول اسمي على لسانك

-رحمينيييي ولج ماشفت النوم من يوم الدخلت هنااا حسبالج سهل  عليه من كلتله اعقدها  ولج موت اهلي اهون جان عليه داموت عالبطيء وكلام الله

-معقوله انت تحبني ؟؟

-تسأليني احبج واني نهدت امتوني من النگل بس لخاطر  اجمع مهرج واسويلج الزفه الي تحلمين بيها

-جذاااب ماحبيتني

-اي صح  لو جنت احبج جان منعتج من الزواج جان اكتفيت كل اسبوع تجيني ميهمني اشلون تعيشين  بس  اني عايش بيج تعرفين انتي اغلى امنيه عشت حتى احققها ماشفت ولاراح اشوف بعيني غيرج

-لعد وينه وانت دتزوجني  بيدك لواحد  ودتجبرني اروح وياهم 

-لان انتهيت كلها ايام ويصدر امر حكم اعدامي راية اني انتهيت عاجز حتى عن حمايتج رورح اخوي ماخايف من الموت بگد ماخايف اشلون اتركج وحدج شايل بروحي وجع يخلي الواحد يشتهي الموت ويتمنى ماجاي للدنيا

-اجيتك حتى اتحس بيه وتشيل شوية  من همي بس طلعت غلطانه

-ولج جااااي اموووت وحق كلام الله جاي اموووت ولج احبج تعرفين شنو احبببج

كالها وبجه بصوت دنگ خله راسه عالحديده درت وجهي دموعي تنزل دقايق واحس لزم ايدي باوعتله سحبها خلاها على صدره همس كلبي يوجعني رايه روحي موجره نار

-فتحت عيوني واني اتاملك كل دقيقة تمر من عمري احسبها ويه عمرك جنت اضحك واني بنص الوجع بس لان اشوفك كدامي اعد الثواني اشوكت اللبس البدلة الك واصير بحضنك جاي بعد كل هذا تكلي روحي لغيري

-لان اعزج اكثر من روحي لان جنت عايش الج؛عشگي جبير بس عمري قصير

-وبعدك تحبني وراح تعيش علمودي لان اموت بدونك ماراح اروح وياهم  وراح انسه السمعته منك بس وداعت حبك بكلبي اذا عدتها بعد ماتشوف وجهي ماراح اگلك انساك لا بس راح احسبك متت واللبس اسود عليك وانت عايش

-اذا مومؤبد انسجن عشرين سنه

-لو الف سنه اضل انتظرك لااخر نفس بيه حتى لوماتطلع بس خليك عايش واني اجي اشوفك  كافي عندي

-ماراح تكدرين ادبريها وحدج

-اكدر اقوى بصوتك وكمل بنبض كلبي وهو يدگ الك

-عمي بس يصحى لزمانه راح يرجعجن وقتها محد يحميجن منه

-ماراح ارجعله راح اخذ امي وخواتي واروح غير منطقة اعيش واشتغل لحد ماتطلع وترجعلي

-راح تتعذبين وتعبين

-راح تعوضني بيت واطفال راح تخليني انسى كل هم شلته

-اتمنى افتح صدري  وضمجن جوه

-احنا جوه غزوان بس انت اوعدني ترجعلي

-لوعليه اوعدج بروحي بس القدر ماعرف شكاتبلي بعد

-كاتب تكمل المده وتطلع نتزوج ويصير عدنا اطفال ونعوض كل الوجع  المرينه بي

-تضيعين عشرين سنة من عمرج

-اضيع العمر بكبره بس انت انطيني كلمة بعد ماتتخلى عني هيج

-انطيج روحي

-اقوى لخاطري غزوان لاتوجع گلبي بيك حارب سنين السجن بحبنا كل يوم يمر شخطه بأمنيه رجعتك لحضني

-وين راح ترحين اشلون دبريها

-راح اخلي خواتي يم ماما بالمستشفى  واطلع ادور غرفة صغيرة بس تصحى ماما اخذهن واروح نعيش بيها نطلع اني رند نشتغل ورؤيا تضل يم ماما بين ماالله يفرجها

-لاتشتغلين انتظريني بس انتقل للسجن الجبير اني اشتغل اغسل ملابس السجناء واطبخلهم اي شي اسوي المهم اجمع الي يكفيجن كل اسبوع تجين تاخذين مصروفكم كامل

هزيت راسي اي

-غيمة ما ماتت ؟؟

-لابس بعدها بالمستشفى

-وعمي

-طردنا بعد مايسأل عنه وهذا الشي كون من زمان نسوي ماشايله هم الشارع نعيش ماعلينه  بكد هم رئال الي مااعرف عنها شي

-بعدها بالتحقيق بلكي تطلع اني اعترفت بكلشي بعد ليش لسه مافرجوا عنها

-كالوا البصمات طالعة عليها

-حتى لو البصمات طالعة اخاف هيه خافت واعترفت  على نفسها

-مااعرف مااعرف راسي مشوش وكلبي يوجعني عليها رئال فقيره  ومتسرعة دوم ماتفكر بالتسوي الخوف يحركها 

-ماعليها حتى لو اعترفت اني شلت القضية هاي خاليها حتى يعيدون التحقيق وياها ويطلعوها

- من ارجع اخلي المريه تخابر المحامي بلكي هم يكدر يساعدها

-رايه غيري المستشفى اخذي امج وروحي لغيرها ابوج بس يصحي لزمانه تره يردجن

-ان شاء الله هسه من ارجع منك گبل انقل ماما لغير مستشفى واخلي رؤيا يمها واطلع ادور غرفة

-لاتخليني وراج ادري صعبة عليج وداحملج اكبر من طاقتج بس دزيلي خبر بيد اي احد اذا ماكدرتي تجين الاسبوع الجاي بس حتى امن انتي بخير

-احسب الايام اشوكت يخلص الاسبوع حتى اجي اشوفك وانت  تكلي دزيلي خبر هيج بده حبي يقل بكلبك

اخذ نفس طويل وعيونه انترسن دموع همس لو تعرفين شنو بكلبي الج

ابتسمت والعبره كامشتني نزع نظارته مسح عيونه  -اخذيها وياج هاي مفطوره

-لعد اشلون تشوف

-اشوف بيج خليها يمج حتى كلماتشوفيها تذكريني

-وعدتني ماتعوفني  وحدي غزوان 

ابتسم ولمعت عيونه

-والله احبك

-ههههه واخيرا كلتيها اووف شكد جنت اشوفها بعيونج واتمنى اسمع منها و لو حرف واحد اكتفي

-راح احبك اكثر من قبل و نتظرك بهلفه اكبر  يله  خلص الوقت اوعدني تقوى علمودي

-راح اجمعلج بدل المهر عمر راح اشتغل ليل ونهار هنا ماراح اخليكم معتازين شي بس انتي ديري بالج عليهن

هزيت راسي اي

عصر ايدي سحبها دنگ عليها اخذ نفس منها طويل  وباسها

-يله رايحه

-مودعة  بالله ياعز من روحي

سحبت ايدي ودرت وجهي مااكدر ارد احس العبره جرحت بلعومي كمشت ايد رؤيا ورحت امشي ودموعي تنزل بكتمه طلعت ماشوف كلشي كدامي احس روحي تركتها وراي

وصلنا بره وكفني صوت المره وهيه تصيح اكفي يمه

وكفت انداريت نفسها الي جانت واكفه يم ذباح مسحت دموعي اشرت اتفضلي

-اني رضيعة ذباح  السجين ويه خويج

-مواخوي هذا خطيبي

-ربي يفج ضيگته ويستر عليجن يمه اشو مهونه وماخذ الطريج سيده  على خيركم

-رايحين

-وين ويعمه موش گال ذباح تعگب وياكم

-لاخاله امي مريضه بالمستشفى مااكدر اتركها وحدها

-الله يشفيها الكم ميخالف ييمه  نطرگ اميمتج ونأمن عليها وتعالن ويانه وعلي نخليجن بعيونه واذا هيستن بتگصير الج حگ تردين

-لاخاله حشاكم من التقصير بس دتشوفين خواتي صغار وامي كون اكابلها اربعة وعشرين ساعة مااعرف اشوكت تصحى  اذا صحت ومالكتنه تتخبل

-حگها من تاركه هيج وجوه تضوي وراها موش بس تتسودن بس يعمه انتن ثلاثتجن حديثات وكال ذباح ماعدجن احد والعالم ماترحم لامن لسان ولامن مخافة الله واذا على امج مانتركها بحدها كل يوم يطركوها زلامنا وهم نوصي عليها لخاطر من تصحى يبلغوها وهم يبلغونه ها يمه شكلتي

-ماعرف شكلج خاله

-كولي يالله بالعباس ياذباح يتسودن ويسود عيشتنا اذا رحتن يعمة حملني مسؤوليتج هالچم يوم بين مايطلع لان دگ صدر لرفيجه وهجس بيج خايفة لكشه كلبه لا تعاندين وتهونين وهو كض شاربة بيجن

- خاله مو خايفة  وغزوان لومامتأكد ما يأمنه يمكم بس لحدمن انضل مزحميكم تره احنه هواي

-لوجيش بحمله انحطكم على روسنا ييمه قابل جاعدين على كلبي اشو الدار واسع والرزگ رحمه من ربي وبنواتنا طيبات يكيفن بالخطار وانتن ان شاء الله موش خطار انتن من ريحة رفيج ابن البدويه  يعني اعز من بناتي

اخذت نفس محتاره

-انتي وين رايحه بخواتج موش يگول ابوهن غاضب الله بيهن وامج راگده ماهي واعيه

-اي هو رايحه للمستشفى يمها

-يامستشفى دتنوعي لاخياتج وجوهن يصد الكمر من ضواهن ماتخافين عليهن من العيون النجسه وحتى انتي بس لاحاسبه روحج جبيره تراج حديثه واكثر العين عليج استهدي بالرحمن يعمه وحدري وياي يمتى ماتضايگتي انه اردج بيدي ها شكلتي

باوعتلها اكل بشفتي

-يله  انوب الغشيمه  تعض شفتها ولج انه المره الجبيره وتنوعتلج  موش الازلام وتردين تحافظين على اخياتج هو انتي رايده اليحميج يله يعمه وعلي  ماتتندمين وهم عدنا حرمة ذباح من حلج وطيبة راح ترتاحين وياها

-يعني متزوج ؟؟

-ثنين عنده ابن البدوية موش وحده زاتهن على افادي ومخلصها بالسجون اوو سوالفه  تعل الگلب  تركج منه  امشي خلي نگعد غادي لبين مايرد صهيب  لخاطر نروح يم امج على ماتقررين

راحت كدامي كوه تمشي كمشت ايدي رؤيا كالت نروح وياهم

-وماما ورئال اشلون

-هو لخاطرهن حتى اني ورند نضل يمهم وانتي دورين رئال اذا ضلينه هيج ماراح نگدر نخطي خطوة وحدة رايه ادري حملنا جبير عليج بس والله العجز دياكل بروحي اتمنيت لومعترفة على نفسي ولازيدها عليج

-اي حتى اتخبل فرد مرة تركوني كلكم

-وهسه عالاساس  وجودنا بي فايدة اشو بس هم وتعب هاي وكفتنا محتارين وين نروح بعد حتى بالمستشفى مايستقبلونه

-اخاف نروح وياهم يعيقون حتى حركتي لان مبينه من لهجتهم صعبين وحياتهم اصعب وحتى هذا ذباح ماارتاحيت لنظراته وهو يباوع لبسنا  وليش هيج مصر ياخذنا عدهم

-لان احنه تقريبا مصلخين بذني ملابسنا من غير شعرنا طالع بدون حجاب  وهمه عرب واذا واحد نخاهم مايردوا يعتبروها عيبه وغزوان حاجيله علينه يعني يعرف اشلون ضالين بالشارع تلكي الف سالفة اجت براسه

-دتعالي المريه  كاعده وحدها فشله وبعدين اقرر

ماردت عرفتها فرحت من سمعت عايش بالبدو وايده والكتل  حسيتها اجاها من الله تزيد مرض الاجرام بداخلها  بي ماتدري اني اتنازل حتى عن روحي بمقابل احافظ عليهن

كمشت ايدها رحت يم المره كعدتها وكعدت لازمه رند دنكت المره باست رند كالتها شني اسمج ياحلوه

-رند

-صدقة لمحمد خطف الخضر عليجن احنه هم عدنا بنوته بت عمج صهيب حلوه مثلج وعدها لعيبات راح تحبيهن وتصير اخيتج

-غزوان هم جابلي لعابه بس حلوه كلش عيونها مثل رؤيا وهسه راح يجيبلي ثوب

-اووف ربي يحمي الجن وتدللن بجاهه وانه هم  راح اشريلج ثوب واجيبلج لعيبات يشبهنج بس نصل غادي

هزت راسها اي وضحكت كرصت خدها وهمست ربي يستر عليجن بستر الفواطم

كلتلها شكرا خاله

-عدجن بعد اخت كال ذباح

-اي هم متهميها بالكتل بس مانعرف اي شي عنها

-هم كال تگضي يعمه لاتخافين تركته يعطي معلومات لصهيب لخاطر يشوفلها محامي زين لبين مايطلع هالجم يوم ويكض قضيتها

-صدگ خاله والله اخدمكم عمري كله بس كون نعرف اختي وين

-البت مگدارها جبير مهما اعتازيتي يعمه لو زتتج الدنيا لاتنگصين من روحج وتكولين اخدم البنت خلقت تاتصير تاج يلمع ماترضه بمجان  غير فوگ راس السلاطين واليعرف مكدارها 

-ذني العدهن اهل واليعرفن اكو من اليسندهن ويعيشهن بعز يصيرن هيج مواحنا دايستنا الدنيا

-الدنيا ماتدوس بس اليرضه ينداس خلي كلبج گوي وتحدي الظلم واكفي بوجه الوكت  راح تتنوعين روحج بالمكان اليليگ بيج  محد انخلق ابن عز ولااحد انخلق بكرامة هالشي انت التزرعه بروحك

-مارايده لاعز ولارايده مقدار اهم شي عندي الم اهلي وارد مثل قبل حتى لو اعرف اشتغل وانظلم اضعاف الجنت عايشه بي

ضربتني على كلبي كالت هذا كلبج الرجيج اذا ضل هيج موش بس تنداسين لا ماراح يكونلج گيمة لابين الناس ولاحتى بداخلج   تضلين خاضعة للذل

سكتت لزمت ايد رؤيا الي صافنة وادري عقلها مشغول اشلون تنتقم من بابا عصرت ايدها مثل الفزت همست والله راح اخلي يتمنى الموت

اخذت نفس واشوف الولد جاي يمشي كدامنا مدنگ تقريبا نفس اوصاف ذباح بس اكبر منه بالعمر هم اسمر وطويل ضخم عيونه مكحلة لابس زي عربي  شاف المره اشر كوموا وراح لجهة السيارة

كمنا سحبت رؤيا مشينا كلبي لاجمني مجرد شوفته وهو يمشي خلاني احسب الف حساب اجي وياهم مو اعيش ؛ احس روحي بحيره من جهة كلام رؤيا صح ومن جهه خوفي عليهن بين عالم غربة

وصلنا يم سيارة بيكب صعدنا  شغلها سأل عن مكان المستشفى هو ومدنگ انطيت العنوان طلعنا الها مرينا عالسيطرة صار كدامي  مكانه اني ورئال تذكرت من تركض ورا السياره وتندار تضحكلي تأشر حصلت افلوس نزلت دموعي  شهكت اسمعه استغفر

شلت راسي للسما ربي ماضل عندي غيرك اخيتي امانتك؛ مسحت عيوني وكمشت ايد رؤيا الي اتعس من حالتي بس تكابر

وصلنا للمستشفى نزلت خواتي رحنا جوه وهمه وياي دندخل للغرفة وتوقفت بالباب واني اشوف بابا وهو وابو طبر يم امي كام  كال شرفتي وين جنتييي لج

-ها بابا يم رئال

-شوداج يم العااار

-غير اختناا

- انعل ابوج لابو اختج العاهره  تنسيها نهائيا وهذا منووو وياج

قبل لارد دخل صهيب مد ايده كله انه ابو صگر رفيج ابنكم

اتصافح ويا وكله -منو ابنه تره تبرينا منه

-هاي امور عائلية بينكم تنحل بس حريمه جبناهن بطريجنا لان نخانه بيهن

-اكلك مو ابنه وهذا مايعودلي لامن قريب ولامن بعيد منين اجن حريمه واحد لقيط عطفنا عليه ربينا بس كبر خله عينه على بناتي وكتل اخته لان  لكفته يتحارش بيهن

-استغفر الله گول يالله حجي الشاب نظيفه تربيته وبي شهامة تسد ديره مانخانه  ولاترجانه اذا ماجانن صدگ اخياته وخايف عليهن

-ليشش ماعدهن اهل وينخاك لوماناقص مايطلب من الغريب ويحرضه على ابوهن لو كول باعهن النا خو مو بعيده عليه

-لاحول الا بالله يعم لاتظلم الزلمه تراه معدل وصاحب غيره خاف عليهن من الماعدهم مخافة الله راد يحميهن

-ليش وين هنه حتى يخاف عليهن هاي لان تركتهن يم امهن كم يوم بين مافضيت المصيبة السواها ورا

ويابه هم رحمه على والديكم  ماقصرتوا والنعم منكم  من رخصتك لان تأخرت والمركز طالب البنات اريد اخذهن الهم

اباوعله اخذ نفس متضايق وكف يباوعله بنظره من يمي خفت منها عكس بابا الي واكف تكول خنفسانه قذره يتخاز ويا رفع صهيب  ايده بسرعة بابا رجع راسه  ليورا

حگ خشمه وابتسم بسخرية  دگدگ على متنه كله عينك بناتك لاتخلي گلة المروة تاچل عگلك البنيه ملاك ربي يرزگنه بي من صانهن رفعه ومن عزهن عزه

هز راسه اي

-كل يوم والثاني  اچي  ازور رضيعتي لخاطر ولدها الوصاني بيها وسأل عن حال البقية

-تهددني

-لاعطيك خبر

اندار اشر للحجيه اجت يمي كالت اضل مناطرتكم هون يعمه لو اروح ويه خويي الم اغريضاتي وارد هلبت مخلصات شغل المركز لخاطر اضل حدجن مجان اميمتجن لبين ما الله يفرجها وتكوم سالمه  لان ابوج حضر بعد مالنا حگ ناخذجن ويانه

-بكيفج عمه بس ديكلج طالبينا والله اعلم اشوكت نرجع يمكن لوجه الصبح

-هاي هيه چا بين ماتكملون شغلكم لاني لامه حويچاتي وچايه حتى لوبطيتوا راح اجابل اميمتج لحد ماتجين واحدر وياجن اضيف يمكم لحد مايطلع ابن البدويه ونشوف شنعمل

-هلا بيج عمه والله اكيف اقلها بليل نأمن اكو احد يمنه 

- تفرج  ماتضل هيج يله ييمه عينج بخواتج ديري بالج عليهن

-ان شاء الله 

جرتني باستني وراحت دنكت باست راس امي سلموا وطلعوا بس نزلوا واجه بابا كمشني من ايدي گال تردين تشردين وياهم ولج

-لاوالله بابا همه اصدقاء غزوان وموصيهم علينه

-وشعرفجن بيهم بس لارحتي للنكس

-ها لالا رحت لرئال همه نفس السجن وشفتهم هناك اجوي  يشوفون ماما وهم امهم كالت اضل وياكم حتى يساعدونا بفلوس علاج ماما وعيشتنا لبين ماتصحى ونرد للشغل

-الله ياخذجن انتن وامجن بساعة وحدة يله بسررعة كدامييي عالمركز اكمل شغل وارد اعلمج اشلون اطلعن بكيفجن

-احنه ماطلعنا انت طردتنا

فتح عيونه بكبرهن رجعت ليورا على حضي حتى الغرفه خالية بس بنت المرة نايمة بعيد  جرني من شعري صگ على سنونه كال شنو حجيتي لج

ركض ابو طبر سحبني منه -  مووقتها ردوا للبيت وربيها هناك

-الضاهر صدگ ماعرفت اربي اني بس سهلة خليج هناااا نكبري يم امج لحد مانردلج

-شنو يعني

-يعني تنگمعين يم اليهوديه لان ماطالبين شكولج الزفره  لحد ماكمل شغلي وارد اسحلج للبيت اعيد تربيتج القذره وانتييي رؤيا اخذي اختج وطلعي كدامي بسرررعة

قبل حتى لااحجي لو اعترض دفعني بقوه على ماما وكمش رؤيا جرها وابو طبر  دنگ شال رند وطلعوا بسرعة

عين بخواتي وعين بماما نزلت دموعي محتاره شسوي كالت بنت المره  روحي وره خواتج  خطية يجوز يخافن من منظر المركز والشرطة

-خاله فدوة ديري بالج على ماما اخاف تصحى كليلها مانتأخر 

-ميخالف لاتخافين عليها امي  هسه تجي بالحمام وانتي هم لاتجاوبين ابوج مبين عصبي من يحجي سكتي اخاف يأذيهن وهنه يكسرن الكلب لاحول ولاقوة

اشرت اي ورحت بست ماما من راسها همست يم اذنها دخيلج كومي  راح نضيع بدونج كومي لخاطر رئال الي مااعرف عنها شي

مسحت وجها من دموعي النزلن عليه صارت مداليتها تلمع كدامي دنكت بستها و دخلتها بداخل ملابسها

طلعت اركض لبالي تركني  لكيته بعده واكف  يصعد برؤيا رحت بسرعه يمهم سد الباب تفل عليه وندار صعد

مسحت وجهي بظهر ايدي وفتحت الباب احس العبره تاكل بكلبي  صعدت يم رؤيا لكيت رند تبجي بخوف وابو طبر يبوس بخدودها سديت الباب وجريتها من ايده باوعلي بغل تفل وصاح قذره مثل امج

دارد ولزمت ايدي رؤيا عصرتها غمضت اهدأ نفسي دار وجهه حرك السياره ؛ ضمت رند راسها بحضني تشهگ برجفه  اخذت نفس ولميتها دنگت بسها وهمست لاتخافين يروحي

-بعد لاتخلي ياخذني

-مااخلي بس كافي لاتبجين

-كولي لغزوان خلي يبسطه لان عضني

-الله ينتقم منه الحيوان

حضنتني حيل احس جسمها كله يرجف ضميتها بقوه وغمضت ؛ رؤيا خلت  راسها على متني همست  لبالي ماتجين

-اشلون اعوفجن

-راح يكتلج لان محد يلزمه راح غزوان جان ضليتي ماعلينه احنا اندبر روحنا

-لو اعرف اموت مو انكتل مااتخلى عنجن هو اني شبقالي غيرجن 

-اول مانخلص من المركز ننهزم

-اخاف اضيعجن

-مانضيع اكثر من هيج

مارديت حسيت كلامها صدگ عدلت راسها على متني وسكتت اكثر من نص ساعة واحنا بعدنا بالطريق اباوع هذا موطريق المركز

السياره تمشي واني عيني ويه بابا اريد اسئله يامركز طالبينه واخاف لان يدخن  وكل حسره يذبها اشطولها روحه طالعه مبين واكع  بمصيبه جبيره

ثگل راس رند دنكت لكيتها غافية خليتها على صدري عدلت نومتها وكمشت ايد رؤيا كلبي يريد يطلع ماعرف ليش طلبوا رؤيا من جديد

السياره تمشي واني اندعي لمن دخلنا منطقه زراعيه مابيها بس بيوت مطشره حتى ناس بالشارع ماكو

وصلنا يم بيت مفلش وكفت السياره دگ هورن فتح الباب واحد مخربط اشرله هلا

ابو طبر-  وهاي وصلنا يله نزلوا

بابا - شكو كلها نازله خليهن هنا بس العروس

-هم صدك اندار لرؤيا كاللها يله ياحلوه فضينا نزلي .....

لاتنسون التصويت …

شيء من رصيف الدم

بارت الخامس

بقلمي :leo Alfatlawi

بارتين سوة مثل ماطلبتوا

لاتنسون تعلقون بين الاسطر❤️

**رئال**

كأني جناح عصفور وكل الرياح الارض ضدي…

هو يباوعلي منتظر اجابتي  واني صافنة

شكله وهيئته تخليك تخاف ترفع عينك بوجهه  موترد عليه

گام وگال اشوفج مترددة وخايفة  على العموم راح  انطيج وقت تفكرين بس خلي ابالج تره الضابط هيذام قرر يعيد التحقيق وياج  وهالمرة مقرر يضغط عليج اكثر وانتي تعرفين الباقي

-مو اخذ اقوالي بعد ليش حتى يضغط عليه

-اكو ناس ناوي يسحبهم من خلالج معروفة غايته هيذام  موجديدة عليه  يترقى على حساب جثث المتهمين

-شنو يطلب غاح اگول ليش حتى يعذبني

-ماتعرفين شيدور براسه لو المن يريد يوصل  من قرر يعيد التحقيق خال هدف يريد يعوض بي كم العقوبة الي موقفه رتبته

-غزوان اعتغف لولا

-اي اعترف  بس غيمة واهل المجني شهدوا ضدج بالاضافة للبصمات وانتي بعدج صغيرة بدل ماتضيعين عمرج  يصيرلج حياة هادئه  لان احتمال جبير ينحكم عليج بالاعدام اذا مومؤبد  ولاحسبالج حياة السجن راحه

هو گالها و مر ابالي حجي المرة عن الحياة هناك وشنو راح يصير بيه 

بلحظة عقلي تشوش عين بمحمود  هو يلبسني السوار ويهمس احبج وعين بخواتي وماما الي راح اتركهن واني ماعرف شنو مصيرهن

قطع تفكيري صوته گال  بنتي  اخذي وقتج وشوفي الفرق بين عيشتج قبل وشنو منتظرج  وبين العرضته عليج بالاضافة اذا انتي ذكية وگدرتي تحتوي لابني حتى دراسة  راح اخليج تكملين

دنكت مسحت وجهي غمضت اني شنو دافكر كل عقلي رفعت راسي دااگله لااا  وندگت الباب دخل شاب شكله كلش مرتب  لابس عسكري گله احتراماً سيدي

-هلا ازر خير بابا

-اجيت بخصوص قضية الاختيال

-حولها لمكتب هيذام

-والمتهم ساجد ساءت حالته بعد الاستجواب من الصبح فاقد

-هيذاااام هيذااام استغفر الله هذا كم مرة حذرته من هيج تعذيب تلاحكوا  اخذو للمستشفى واني اشوف السالفة

-تمام  شغلة ثانية خبر القضية وصله واتصل اكثر من مرة مارديت احتمال جاي بالطريق

-شبيك تتراجف واجه شنو يعني واحد مهتلف يلغي شوية ويسكت

-هيذااام مهتلف ؟؟ المهم بابا حبيت ابلغك

-اني طالع واذا سأل  گله انسحبت من مكتبك كافي القضاية العدك وبطل هالحيونه ترا هالمرة اذا واحد راح بيده اسحب حتى رتبته

اشر اي وطلع سد الباب باوعلي الضابط 

-تعرفين  ليش طلبنا بمركزنا وحولنا على الاجرام لان شخص مايمد للبشر بصلة التعذيب عنده تسليه والموت لعبة

دنكت ساكته

-سمعتي بس عرف قضيتج انسحبت منه اتخبل لغه حتى استراحته واجه والله اعلم شناوي

-خلي يكمل القضية لان اني اصلا معتغفه

-شنووو حجيت اني كلتلج تنسين الاعتراف كله ترجعين مكانج تفكرين عدل وممنوع احد يدري بالعرض اذا سمعت حرف واصل لهيذام بيدي اسلمج للمشرحة

اتبلعمت

-القضية انسحبت من جوه ايده حولتها لغير ضابط بعد ممنوع تلتقين بي

-يعني هسه شنو مافهمت

-اقوالج كلها مدونه طلبت يتوقف التحقيق وياج  اربع ايام بالاكثر وياخذوج  للمحكمة اذا وافقتي على العرض دزي خبر بيد الحارس حتى افهمج شتكولين كدام القاضي 

-و اذا لاا

-ترحين هناك ياخذون اقوالج وهم تردين هنا  نعيد التحقيق لان راح يصير تضارب وانتي تعرفين الباقي  وكلشي صار واضح گدامج

كمت راح فتح الباب صاح  تعال ابني اخذها رجعها لمكانها وطلبلي  الضابط ضرغام  بس استعجلي. شوية

دخل الشرطي اخذني طلعنا رجعت لمكاني امشي بدون وعي لان ادري بنفسي عاجزه مااگدر حتى احجي مو اوكف بوجهه  ؛طريقة  كلامه  موعرض جانت اجباري  وبنفس الوقت تفكيري كله بخواتي ماعرف اشلون حالهن ويه بابا بعد ماراح غزوان

وصلنا للزنزانه دخلت لكيت المره هم ماكو خفت لاماتت بالتعذيب  ضاگت نفسي بالزايد ونقبض گلبي  مااعرف افكر  بس ردت احد يگلي لاتغلطين وتوافقين

قفل الباب رجعت كعدت مكاني لميت رجليه خليت راسي  عليهن

غمضت ليش محد اجه سأل عني؛ ماما اشلون هيج ساكته  معقوله بابا حابسها يعاقبهن بيه لو ماتحملت الخبر وراحت بيها

رفعت راسي محتاره مااعرف شسوي  مرت الساعات  حتى نوم مانمت صافنة عالباب  مااعرف شنو منتظرني وراه

اللسعة مال الضرب تصل برجلية بسبب البرد  ومكان المره ولون الدم  بالگاع يخليك تيأس من شكو رحمة بالدنيا

لوجه الصبح واني منتجية خالة راسي بين زاويتين  عالحايط مدده رجلية  عيوني يحركني وروحي بهتانه   انفتحت الزنزانة سحبت رجليه وعدلت كعدتي  دخل الشرطي بيده المرة  منتهية كمت بسرعة شمرها وسد الباب

ركضتلها دنكت عليها  كمشتها شالت راسها تعبانه

جريتها كوه وصلتها يم الحايط انتجت غمضت تاخذ نفس مديت ايدي مسحت وجها  فتحت عيونها  باوعتلي وابتسمت بوجع

-لبالي صاغلج شي ماشوفج بعد

-هو هم ماراح تشوفيني غير اليوم

-وين جنتي شنو مسوين بيج

-جنت فاقده خذوني للمستشفى استوني صحيت اليوم لو  باجر  ياخذوني للمحكمة

-غاح تعتغفين

-لا  لواعرف اصير عاجزه بسبب التعذيب بس هم مااعترف واطلع منا 

-اتمنى اصيغ مثلج هيج قوية ومااخاف

-انتي موضعيفة انتي طفلة الي بعمرج نايمة بحضن امها وتباوع لضحكه ابوها وهو يشاقيها مو نايمة بالسجن منتظرة الموت وهيه ماشافت من الدنيا بس الجانب المظلم 

-حتى الموت ميقبلون ينطونيا بهدوء  واحد نيته يعيد التحقيق ماكتفه من تعذيبي والثاني نيته  ابدل اقوالي علمود مصلحته

-شنو المصلحة الي يريدها منج

-عنده ابن بي توحد يزوجني اله بالمقابل يسحب قضيتي

-وافقتيي

-لاطبعا صح اني بضيگ وامنيتي اطلع  بس مو غخيصة (رخيصه) لهلدغجه واقبل بهيج شي

-غلط غلط لان راح ترضين بالاسوء وغصباً عنج راح تكونين بالحرام بأديهم  وللنسوان قبل الزلم اذا  رفضتي موبس تكرهين روحج لااا تاكلين لحمج بسنونج ندم گد القذارة الراح تعيشين بي

-انطيت عهد لمحمود ماصيغ لواحد ثاني وماما غاح  تموت قهغ (قهر) اذا عفغت هيج سويت

-بنتي ماحاسة على نفسج وين انتي  ترا انتي داخل مستنقع لام  اشكال الزانية والمجرمة والمتخاف الله  وانتي طفلة وحلوة   شايفة اذا انحكم عليج مؤبد وصرتي بينهم  امج ماتموت لاراح تكرهج وتضل تدعي طول عمرها عليج بالموت

-غاح احافظ على نفسي واذا حسيت مااگدغ مستعده  انهي حياتي  بس مااسوي شي  غصباً عني متانيه بس امن على ماما وخواتي حتى اغدله الجواب واني مطمئنه

-ياحبيبتي حسبيني امج واخذي مني نصيحة  تره ماكو واحد يخاف عليج ولاينصحج للطريق الصح غير الاچمه گلبه لشوفة راحتج وهذا الشي ماموجود غير بگلب الام  والي يعشگج من جوا

-وهذا الداسوي علمودهم  اثنينهم امي اتحملت كل الاهاين والظلم بس حتى تشوفنا گدامها عايشين بگرامة  واليعشگني جوه الگاع انطيته عهد ماكون اله بحضنه

-واني هم ام واعرف گلب الوالده مايريد غير راحة وسعادته ضناها واليحبه گلبج شعرفج نفسه الجوه التراب  لاتحكمين من تجربة بعدج  صغيره الدنيا گدامج راح يجي اليسلب عقلج وينطيج روحه  قبل گلبه  ياخذج من نص الظلمة يحميج بنفسه  ويصيرلج  درع لخاطر تكملين طريقج

-حقج متحسين  شنو مكانت محمود بكلبي

-مااگلج تنسي لا بس راح يجي الي يحسسج  جنتي عايشة داخل حلم المعزه والعشره لاااكثر  راح يخليج ماتشوفين غير ضحكته وماتنامين غير على صوته لان الي يحب من صدگ مايضحك بعد  محبوبه ولايعيش وذني انتي سويتهن بعد

-سويتهن غصباً عني علمود ماما واخواتي

-لااا لخاطر گلبج لان مادگ صدگ منتظر الي يملي وينبض لشوفة ولهفة صوت طفلج منه؛ ياامي العمر كدامج لادمرين بنفسج علمود مشاعر مراهقه

-لوجانت  مغاهقه صدگ جان غاحت واني اودعه بالتابوت موكل ليله اكعد اتخيله واحجي وياه واحسب الساعات لحياتي اشوكت تخلص و التقي بي وهذا الدتحجين عنه يعوضني موصاحي بي توحد

-ومنو يگول نفسه يجوز ربج دزه الج طريق عابر ويجي الي يخلصج منه وينتشلج من كل اسنين السودة العشتيها ويعوضج وانتي اشكد انانيه ترگج من كلبج امج مافكرتي بيها اشلون بعدج تره تروح مهضومة لان ماكو شي يريح لجمة البزر غير الموت

باوعتلها زادت حيرتي اكثر ماعرفت شرد سكتت اباوعلها صافنة اخذت شويه وادنيت عنها صرت يم الحايط كعدت لميت رجليه  لحضني افكر بالتگوله وبماما الي لحد الان ماسألت عني اخاف صدگ مريضة  بتسمت وهمست بتعب خواتج يشبهلج

-هزيت راسي لا

-يعني موهيج حلوات مثلج

-كلهن حلوات طالعات على اهل ماما  بس غؤيا احلاهن لان عيونها مثل لون البحغ

-يعني امج هيج حلوه مثلج وفوگ هذا بنت عائلة لعد اشلون اخذت واحد مثل ابوج

-ماعغف اشلون لان ماما ماتحجيلنا بس  جان زين لحد مادخلنا البتاوين

-هم يضربجن

- كل يوم  حتى لومامسوين شي بس حتى يجبغ (يجبر) غزوان يضل ويانه يشتغل وينطي

-محمود هم هيج جان مثل غزوان حنين ويضحي بروحه علمودجن

- ماياكل اذا مايتأكد  اكلنا ماياخذ شي لنفسه اذا مايجيبلنا   ايام الاجازات جان يجي ميت تعب حتى غاحة مياخذ  بس حتى يطلعنا ويشوفنا سعيدات  اذا لمح بابا منزل دمعتي يتخبل يفلش البيت ويضل يتعاغك ويا  لمن خالي يطلعه من بغه حتى يهدأ

-حنية بزر اخرة

-محمود مامات عايش بداخلي ماغاب من عقلي لحظه وحده  كمت  اقغه كتب بعلم النفس وابحث بكتب خاصة بس حتى احسه قغيب يمي   ثلاث سنوات تعدت ماغمضت عيني  يوم واحد  اذا مااتخيل  ضحكته وصوت همسه باذني احبج

-جان يحبج بعقل ترك اله بصمة بحياتج حتى ماتنسي 

-خلاني احبه اكثغ من نفسي  وعدني يحققلي كل حلم احلم بي تالي بأول حلم نام بالتابوت

باوعتلي بكسره نزلت دموعي خلت ايدها على راسي مسحته وهمست ماكو شي راح حياتج بعدها باولها وايامج طويلة ربي مياخذ احد اذا مايعوض بالاحن

-مكتفيه بحبه ومتاكدة تعويضي بالاخغه  همي الوحيد  امي وخواتي يكونون بأمان  والله احس كلبي دينزف عليها لان اعغف  بابا نذل وحيوان غاح يأذيهن

- ما عندج احد او ناس تعرفتي عليهم من جنتي تشتغلين يرحن عدهم

-ماعدنه ماما ماتقبل  نحجي ويه احد  اخاف يكتشفون احنا بنات  وهم نخجل من شكلنا من انشوف البنات اشلون حلوات ولابسات واحنا  بهذا وضعنا

-هذا الجمال الشايلته  كله وتخجلين اصلا من گلتي اشتغل ماصدكتج لان بشرتج ناصحة مامبين عليها التعب واثار الشمس

-لوشايفه غايه جان گلتي صدگ اجذبين كد ماحلوه ماما ماتخلينه نطلع للشمس اله نتنقب ودوم تلم افلوس بسكوت وتجيب حليب جاف وحنة واعشاب كل كم يوم  تغصبنا انخلي لوجهنا وشعغنا  حتى حماوه الشمس متأذينه

-ههههه

-ليش تضحكين لبالج اجذب  والله شعغي جان طويل بس هذا الضابط الجلب الله يوجعه  بااعز شي على كلبه گصه

-اضحك لان تحجين براءه وامني دعوة المظلوم ماتنزل للگاع تفتر مثل قوة الرصاصة بالسماء وتنزل بقدرت القادر بكلب الظالم

-امين كون اللاهي  يخليني اشوف دمعته نازلة بذل مثل مانزل دمعتي واني اتوسل بي المهتلف

-مو جان بول تيري بعد  مهتلف شنو ؟؟

-لاموسمعت الضابط كال مهتلف وانوب يغلط عليه ومسوي غوحه سبع وهو خايف منه بس حقه على ايده اذا هفج كف يمسح حياتج كلها وانوب خبل يضغب ويگول ليش تبجين

-يريدج تعترفين بس من يشوف خدودج حمر ودموعج تنزل مثل الطفلة خايفة  تلكي مايهون

-جان ناوي يعتدي عليه

-اصلا متفاجأه اشلون لحد الان تاركيج انتي مامنتبه لنفسج لو كثر المر العايشه بي خالج ماتحسين شنو الله منطيج من جمال بالاخص هاي كصه شعرج صايره جنج لعابه  وذولة من كثر مامكبوتين بالاجرام مايعرفون الحلال من الحرام شنو

-الضابط المهتلف بول تيغي بعد ماشوف وجهه الله خلصني من همجيته سحبوا القضية مالتي وسلموا غيغ قضيه والضابط الثاني غاح اگله لااا واتحاكم حالي حال البقية

-ماراح تگدرين تكملين باقي عمرج بين اربع حيطان

-اكدغ اعزل نفسي واخلص وقتي بقغاءة( بقراءة) الكتب اتاني  كل اسبوع ماما وخواتي يجني اشوفهن

-بنتي هم جانت تحب  قراءة روايات بس اني مااخليها اخاف على عيونها

-الله يغحمها انتي مثل ماما دوم تتعاند وياي وتظل گاعده ماتنام تخليني غصبا ابطل قغاءه حتى تغتاح 

-هسه اشلونها بدونج اكيد ماتنام من تشوف مكانج خالي

باوعتلها بكسره العبره لازمتني

-دوسي على گلبج وشغلي عقلج وافقي  وردي لحضنها ساعديهن وخلصيها هيه وخواتج من ابوج

همست والله مااگدغ

مددت رجليها اشرت خلي راسج عليهن

ماعارضت بسرعة تمددت خليت راسي جنت معتازة احد اذب حملي عليه لان احس كلبي بعد مايتحمل

ضلت اتمسد على راسي وتسالني عن خواتي اشلون نلتم ونسوالف

اشوكت بديت احب محمود  واول كلمة شنو جانت بينا اوصفلها جماله وغزله وحبه الي من صدك نسيت الهموم ورجعت داخل ذاك الحلم 

مر الوقت  واني احجي عن حياتنا حتى حلمي اذا طلعت شنو راح اسوي  جانت بس تسنط مبتسمه وتمشي اصابيعها على شعري تأشر اي بعيونها لمعه الدمعه

جابولنا الاكل اتشاركنه حتى اكل ما اكلت كلش قليل خلصنا بعدتهن عنه تمددت خلت راسها على قميصي تمددت بصفها رادت تندار صفح صاحت موجوعه كمشت ايدها اريد اساعدها كالت لاتركيني مابيه شي بس جسمج حار ليش

-يمكن من البغد ومكان الكتل يوجعني وداحس جسمي مثلج

-خدودج حمر هاي اصخونه يله بله صخونة عندج وماعرفتها لعد اشلون راح دبريها وياهم رئال بنتي راح اگلج كلمة خليها باذنج لاتنسها  الانسان الي يمشي وره گلبه خسران دائما خلي عقلج هو اليقودج

-ماما دوم تكول انتي من دون بناتي خايفة عليج لان گلبج الي يقودج بدون فهم  تمشين فوگ كل هذا خوافة

-لهيج حسبي خاطر الها قبل لاتتصرفين اي تصرف خلي خوافها عليج كدام عينج

داارد وانفتحت  الباب دخل الشرطي كاللها يالله كومي باوعتلي وبتسمت

نزلت دموعي  همست لاتكولين راح تركيني

-الله يوكف وياج خليج قويه وبالحالتين سوي الكلتلج عليه

-يعني بعد مااشوفج 

-اذا مكتوبلنا راح نلتقي اذا موبالدنيا بالآخر  ابريني الذمه ييمة لاتخافين دوم تذكري اكو الي اقوى من البشر يباوعلج

كمت حضنتها وشهگت  احس روحي تنسحب مني جرها الشرطي راحت تبتسم حسيتها تعرف نهايتها وماكالتلي حتى لااخاف

رجعت كعدت بجيت من كلبي عيني بالباب وشهگ بحرگه وراها

كلمااشوف مكانها واعرف راح تنعدم يزيد وجع گلبي وصوت البجي يطلع من داخلي لليل بهت حيلي وصوتي راح  طاقتي كلها استنزفت بعد مابيه حتى اشيل راسي

تمددت الحماوه احسها تاكل بروحي غمضت اتخيل رايه يمي مثل كل مره تمسح على راسي وتسويلي كمادات

اربع ايام واني بمكاني مايجون غير مره وحدة يشمرولي وجبة  كلش قليله اضل عليها طول اليوم حتى الحمام بالتواسيل  

عرفت قضيتي صدگ انسحبت واللواء بلش يحاربني حرب نفسي حتى امل واوافق على ابنه بالاخص بليل من تنطفي الاضواء وتبدأ الاصوات المرعبة الي ماعرفها منين اتخيل روح المره تحوم بالمكان وتباوعلي

مايصير الصبح اله وحلگي يابس وتبدي مرحلة الفكير بالضابط الجديد واشلون راح تكون طريقة تعذيبه

كاعدة صافنة عالباب اليوام اخر يوم الي هنا عيوني كوه افتحها من الحراره ارجف من البرد حضنت رجليه حيل تذكرت كلام المرة فكري بأهلج لاتصيرين انانيه

فتحت عيوني اخذت نفس وهذا الراح اسوي ؛ اشيل القضية وحدي وطلع غزوان هم اضمن موتي بسرعة وهم هو يتزوج رايه وياخذهن يخلصهن من بابا

رجعت انتجيت اباوع للباب منتظره يخلص الوقت ويطلبوني حتى اعترف واخلص من كل هالعذاب 

استوني اغمض ونفتحت الباب دخل الشرطي القديم بيده المشد كال گومي بسرعة الضابط طالبج

ابتسمت بتعب حتى بعدني مامستغفره ولامودعة ذكرياتي بين اهلي حتى كتابي بعدني مامخلصته  مبين الموت مستعجل عليه

دخل جرني من شعري كومني دار اديه كلبجها وشد عيوني دفعني كدامه

طلعنه يجر بيه واني كوه اتحرك شريط حياتي كدامي يمشي من ركضتي ويه رايه بالشارع واحنه نضحك لاخر حضن بينه وهي تودعني الصبح للشغل

وصلنا يم غرفة فتحوا الباب گله هاي سيدي جبتها 

غمضت عيوني حيل منتظره اسمع صوت منو هالمرة

اجتني خشونة صوت هيذام  وهو يگله اتركها وروح شوفلي الزمال صحى واذا بعده حاولوا اتصحوا بطريقة تلوگ بقضيته وحضرولي الادوات نص ساعة والحگك

- تمام سيدي دقايق وكلشي جاهز

-الربع شخبارهم

- صار اربع ايام هدوء ماكو شي بس اليوم الصبح  من سمعوا بيك راجع الضابط ضرغام  اخذ الملف  لغرفة اللواء ابراهيم  وضل بالساعة يمه بعدها راح  للمركز التقى بمحمد

-حلو خوش حجي دزلي واحد من الولد لهناك وانت ضل مراقب ضرغام  خليك نبه  لاتخلي يحس عليك  اريده يشتغل بكامل حريته انطي الامان

-حاضر سيدي اخابر طبيب الخفر يجي يغير ضماد جف ايدك انترس دم

-لامايحتاج اني اغيره اطلع يله

تركني ضرب تحيه وطلع  صار هدوء وكفت بمكاني متصنمه منتظرته يحجي حتى اكول شكو بكلبي هيه موته موته؛  عضيت شفتي بللتها حتى اكدر ارد

مر دقايق واي نفس ماكو لااسمع حركته ولاهو بحجي 

اخذت نفس وعدلت وكفتي ؛اكثر من خمس دقايق واني على وضعي هدوء المكان ؛ شكيت وحدي بالغرفة  الحرارة احسها تطلع من جوه المشد  رجليه تعبت من غير القلق  الي اخذ حيلي كله

قويت نفسي و همست سيدي انت هنا

انتظرت الرد ماكو عرفته ماهو صعدت اديه داوخر المشد بحركة سريعة انعصرت  ايدي من كثر الخوف دفعته وصرخت فلت المشد حتى مالحكت اشوفه  بسرعة لزمني دارني وكال لاتتحركين  

اريد اوگف بعد مااكدر احس گلبي يريد يطلع

لمحته دنگ شال المشد من يم رجليه ماصار گدامي غير  امتونه من گد ما عراض اللبس الجيشي  يريد يطگ عليهن خفت اباوع غمضت بسرعة

كام خله على عيوني شدهن دارني اله گال ليش هيج صرختي ؟؟

همست برجفه لبالي وحدي بالغغفة

-بس ردت فعلج تگول غير شي

-خفت

-من شنو خفتي

-مااعغف

-اكو واحد تعرضلج بالايام الغبتها

-لااا

-رأل منو وصل يمج

-ماكو احد حتى اسأل الحاغس 

-اشلون جانوا يعاملوج

-مثل اول مااجيت

-متأكده تره يصير غير حجي اذا عرفت اجذبين

هزيت راسي اي

-تمام بس كالوا اللواء قبل كم يوم طالبج

- سألني عن القضية

-حلو  وبعدها

-هاي هيه

-على شنو هالتوتر تره مجرد سؤال ليش هيج ترجفين

همست بغدانه

-بس الغرفة دافية

-اهلي هم سألوا عليه

-اي ابوج اجه أكد اقواله وسأل عن موعد المحاكمة

-اشلون يگدغ يسوي بيه هيج وهو كلشي صاغ كدامه ويدغي اني بغيئه والله ماقصغت ويا جنت اشتغل من الصبح لليل علموده واشكد جان يكتلني ولايوم صعدت صوتي بوجه اخاف من عقاب الله بيه

-يمكن  لان ماتعوديله او يشوف بيج شي غاثه

سكتت مابيه حتى ارد احس روحي بهتت

خله ايده على گصتي درت وجهي

- حرارتج مرتفعة

-مو هواي بس قليل يصيغ اكعد شوية

-بيج شي ؟؟

-هئ

مارد صار هدوء احس عيونه عليه مااعرف شيفكر  غمضت جسمي يرجف ونار تطلع من خدودي 

تحرك اسمع ضربه بسطاله بالگاع تكتم النفس حتى طريقه مشيته دخلك بحالة رعب

مشه مسافة ورد وگف گدامي دار شي على متوني مثل القمصلة وسحبني ردت ابعد جرني بقوه اله ودنگ غمضت عيوني احس نفسي مجتفة بقبضة اديه

همس يم اذني بصوت يخنگ  - عمري ماتخيلت اوكف هالوكفة ولا اتصرف هالتصرف  بس وحق الي فر تفكيري بثانية اذا حسيت مجرد احساس  مشتغلتني   اخليج تخلعين اضافيرج بسنونج رأل لا تغلطيني بروحي و تخليني اندم

هزيت راسي لا

-خاف زرع براسج شغلة من شغلاته المشهودة ولعب بعقلج  لعبة ابليس والكافر  كفيلج محمد يارئال بگد مشاكلي وركضتي هالايام لخاطر ثولج اردها اضعاف بيج

ردت احجي ماگدرت قربه منه عاصر روحي راسي صاير بنص صدره حاولت ادفعه حسيت ايده صارت نهاية ضهري ضغط علي خصري  سحبني اله اكثر غمضت حيل واني اسمع نبره صوته وهو يگلي سمعتي شنو حجيت

-والله ماغاح اغيغ  اقوالي

-واني اريدج تغلطين وياي لخاطر اعلمج اللعب اشلون يصير

كالها ودفعني رجعت ليورا انضربت بالباب حسيته بعده قريب من عطره وخياله الحاجب الضوه عني حشگت روحي وهمست وداعت ماما ماغاح اسوي شي ابد

-ليش طلبج؟؟

-مااعغف بس اني اغيد اعتغف على نفسي واشيل القضية وحدي

-ياقضية هاي

- الي غاح اعتغف عليها

- ماكو شي تعترفين عليه انتهى هالموضوع وشغلتج فريتها بعد مااشتعل ابوي بيها ؛التحقيق راح اعيده حاولي تصيرين حبابه  رأل والكفل زينب مارحمج للمرة الثانية اگلج لاتجبريني على اذيتج

-ابد وغوح خالو واذا غلطت اغفعني فلقه واضغبني

-خوش حجي  هسه اريدج تحجيلي اي شي تعرفي عن ابوج وجماعته من الألقاب وشغل ومنو اكثر واحد جان يتردد عليكم قبل حادث محمود 

-ماعغف اللق…

-لخاطر الاسلام لاتستعملين الراء هواي وتفرين مخي 

-لعد اشلون احجي

-بنيتي اكو كلمات مغايره ونفس المعني

-هيج غاح اتأخغ  بين ما اتذكغ المفايغ

-شنو هاي تعويذه

برطمت كوه لازمه نفسي لاابجي لان عرفته يصنف ضحك وعصر وجهي گال احجي براحتج

بعدت وجهي :- منين ابدي

-من مااعغف اللقب ونطلقي

- لقبهم ماسامعته لان  يصيحلهم بأسماهم ومن جنه بيت خالي محد يجينه بس جماعة محمود  وبيتنا الي بالبتاوين ماشوف منو يجي لان ننحبس فوگ نخاف ننزل

-ابو طبر ماجان يجيكم بيت خالج

-لا ابد ماشايفته  بس اسمع محمود دوم يتعاغك ويه بابا يگله اذا جماعتك وصلوا هنا اعتبغ نفسك نايم بالشاغع

-شنو رد ابوج

-جان يسكت لان يعغف محمود  عنده جماعة بالدوله يگدغ يأخذنا منه ويسجنه

-خطبتكم رسمية لو بس حجي

-لاخالي  طلبنا من بابا لولده وهو وافق بس نكبغ  نعقد

-جنتي طفلة وكتها محمود اشلون فكر بيج

-محمود مو هيج ولاجان باله شي موزين عمغي   خلصته عايشه يمه ولامغه حاول يحجي وياي بعيد عن اهلنا  حتى الخطبة جان مأجلها لمن ادخل ال١٦

-مم بس الحچي الي بالسوار يختلف

-هاا

-كل شكد ترحين لكبره

-بس مغه بالثالث وبعد ماغحت

-لازم حصلتي احسن منه

-ماكو احسن منه ولاخلق الله مثله

رد بنبره استفزاز  حسيته حرگ روحي من كال

لهيج غيرتي بظرف شهر

-مابدلته ولاغاح اسويها  بحياتي واحب من بعده

-شتحبين بنتي وانتي منو يگلبج كلج طفلة  بنستله تجين ركض

-انييييي موهييييييج

-بس عجبني والله بطل مخلصها تسليه وياج وبنفس الوقت ضامن التسواج  تكون بأسمه وانتي كل عقلج ضابط بمركز يگلب بت گرن سكير وهم لدغة

-لان يحبني ومغبيني  على ايده

-ههه حالج حال  اي شغلة استوك  استعمال واحد  وتنشمر   اول لاليش نظلمه احتمال جان خالج حتى تخدمين زوجته

شهكت بحرگه

-الصراحه حتى للخدمه ماتصلحين  صباح وجهج  يگطع النسل

-ااااالله ياخذك

كلتها وحسيت على نفسي صار هدوء ثواني وحسيته تقرب بسرعة رفعت اديه احمي وجهي كمشهن همست والله اسفة

-عيدي شنو گلتي

-اسفة اسفة  والله ماتجاوزت هاي دعوه وبلغلط وداعت ماما ماعيدها بعد  ابد

-ميحتاج تحلفين كله راچدي واحد تلقائي تنخرسين

-والله سيدي  ماعيدها

-نزلي ايدج ماگتلج

-اخغ مغه اتوبه

سحب اديه  وخرهن عن وجهي غمضت منتظره الراچدي حسيت بأصابيعه وهو ويسحب شعري  خلاه ورا اذني گال لاتخافين ماضربج بس مرة ثانيه اذا عدتيها اطشر تفاصيل وجهج

اشرت اي

ديحجي وندفعت الباب وراي من قوة الدفعة  عثرت اجيت ترس بحضنه لزمني وخرني عنه وفتح الباب دخل ازر ينفت كله الامررر صدر

مااسمع غير شي اندفر وانشمر مسافة تفلش بالحايط  اندار جرني من ملابسي حيل انضربت بصدره حجه من بين اسنونه شنو اتفاقكم جان

-مااا ماح --

قطع كلامي وهو يسحبني اله اكثر وايده الثانية عصر وجهي رفعه ليفوگ حسيته اتفلش كال على شنو  اتفقتوااا

ركض ازر جرني من ايده وصاح يمعود  لايدخل احد

-المن سلمهاااا

-ردها لضرغام

-حلووو فروهاااا خسرني رگضت ايام بثانيه

-مايگدر يفرها الاوراق صعدت

-ماصعدت باجر تتغير الاقوال وبعدها كم يوم يجي خبر موتها وتنسحب الدعوة  تطمطم السالفة وابوك الله يرحمه بس وحگ داحي خيبر هذا شاربي  ازينه اذا مافريتها بي

-بس اهدأ

-حلو حلو ابراهيم  مو سهلة انت البديت كونك سبع وتحمي روحك   وانتي بنت الكلب اذا ماحجيتي شنو  اتفاقكم وكلام الله اعلگج ونعل ابو عمرج الازمني عنج

شلت راسي اريد احجي شفايفي يبسن صرخ احجيييي

-يزوجني لابنه

-اسماعيييل اسماعيييل  كالها ورد دفر شي  رجعت ليورا شهكت كلتله والله ماقبلت  والله هددني كال اسلمج للمشرحة بيدي

-منو حجه وياج بعد

-محد والله اصلا  صاغ اغبع ايام بالزنزانه ماشفت ولااحد  بس   كل اليوم يجي واحد بعد مااوكف بالساعات اتوسل وابجي يالله يطلعني للحمام

-من سألتتتتج ليش ماحجيتييي

-خفت والله

-خوش حجي ويننننك لك زماااال تعاااال ردها وشوفلي الكلب ابن الكلب الجنت خاله يمهاا بيا كبررر خاتل جيبه سحل لااسحل ابهاتكم اليووم

ازر- . يابه اشبيك اتخبلت اهدأ نتفاهم يجوز موصدك الحجي

-يخسرني القضية لخاطر الخبل مالته مو سهله اذا صدگ طالع من ضهر ابو خلي يسويها

-هيذااام  شناوي

-اكو بشر يجبرك تمشي بطريج اعوج بس حتى يگول عليك كلب ابن كلب

-يااخي شبييك شنو اخر قضيه وبعدها نغلق المراكز اشو القضايه تارسه المركز مانلحگ انحك روسنا

-هاي بالذات قضيتي واذا انسحبت اشمر رتبتي

-صدگ تحجي

-وكلام الله اذا ماخليته يمشي ويتلفت  مانحسب عالزلم وانت  لك ابن الكلببببب وييينك

فتح الباب الشرطي كله نعم سيدي جنت اخابر عالحرس يكولون مجاز صار اربع ايام

-مجازز حلووو الحجي اسمع لك تاخذها وتروح تختفي تظهر  تعرفلي اشوكت  ياخذوها للمحكمة

-تمام سيدي

-والزمال عمي ماريد يعرف اني طلبتها واي حدث صار بهاي الاربع  ايام الغبتها عن المركز خلال دقايق اريدها عالمكتب لاكفيلكم محمد اربطكم واشمركم بتانكي تيزاب وانعل ابهاااتكم

-دقايق ويكونن على مكتبك اخذ المتهمة سيدي

مارد يمكن أشرله اجه الشرطي كمشني راد يطلعني كله ازر  وين جيب القمصلة منها لاتبلينه

هيذام - اتركها والحگني للمركز وانت ترجعها مكانها وخليك يمها  تمنع اي واحد يوصلها واذا طلبها ابراهيم  تخابرني بساعتها ماتخليها تتحرگ اذا انطيك خبررر

ازر -  وين رايح  رحمه لدينك وشنو اتركها لك هاي قمصلتك اذا واحد لكفها عدها  غير تصبح بعقوبة تردك الف سنه ليورا

مارد بس مااسمع غير  فتحت الباب يمكن انخلعت من قوتها طلع مستعجل اجه ازر  سحب القمصلة مني وكله يله ردها لمكانها

كمشني الشرطي طلعنا واحس بلسعت برد دخلت بعظامي من دفوا القمصلة وحماوت الغرفة ليبرا تصگ برد مثل السجاجين تگص باللحم وصلنا للزنزانه فتح اديه وعيوني دخلني وقفل الباب ضل واكف وراها

رجعت لمكاني  كعدت لازمتني الرجفه حتى تفكير ماكدر افكر بسبب الصخونه احسها كامت تطلع من عيوني

خليت راسي على رجليه عيني بالباب استوني حسيت كلام المرة صح وضع اهلي زاد وحشيتهم صار يتغالبون عليه كلمن يريدني لمصلحته هيذام يرفع رتبته واللواء اخدم ابنه المخبل

احس طاقتي كلها خلصت مابيه بعد لاتحمل تعذيب ولاوجع مااعرف شنو صار بداخلي بس عرفت ماراح اخلص من هذا المستنقع القذر غير بالموت

انتجيت منتظر وجبة الاكل حتى اخذ اي شي حاد اخلص روحي من هالظلم العايشه بي 

شويه  والدنيا كامت تفتر مثل الغواش على عيوني تمددت بالكاع  جسمي مثلج والگاع تصل  لميت رجليه لحضني وغمضت دقايق وبعد ماحس

بين نايمة وصاحية

ريحة جكاير ايد تتحرك على شعري بهدوء فتحت عيوني الصوره مواضحه رجعت غمضت 

احسها على خدي يتلمس على كيفه  بطرف اصابعه

رجعت فتحت عيوني واشوف واحد يمي بطرگ  البنطلون بحلگه جكارة اخذ نفس منها  نفخها بوجهي وابتسم .......

***رايه ***

اندار  لرؤيا وگال يله نزلي كمشتها اشرت وين

بابا-  لجهنم نخلص من عار وحدة منجن يله لججج

-بابا هاي مريضة اشلون تزوجها

-انتي ولانفس لاوراس ابوي اخلي طلقة براسج وراسها  واخلص من فضيحتجن  جيبي هويتها وانتي بت الكلبببب يله نزلييييي

رؤيا- منو هاي التنزل ويا زواج تحجون عنه

-رؤيا والي خلقج اسحلج و اسحگ على راسج ونعل ابو امج اليهوديه نزلي بدون صوت ونص حجايه مااريد اسمع

-ماانزل شتريد تسوي هااا   تكتلني يله هاي اني كدامك سوي اليطلع بيدك

-لنعل ابوج لابو تربيتج السگط راح تنزلين غصباً عنج وتجين وياي وكون بيج حظ وتعترضين عالعقد  حتى اعلمج اشلون الحجي يصير 

-منو هاي التنزل غصباً عنها مصدگ روحك اخاف نسيت منو اني تره مو رئال لورايه اني رؤياااا نفسها المنعت يسوولها العملية حتى تعميها  وتخلص منها تذكر لو اذكرك ولالبالك گدرت تكسرني من سويت هيج وراح يجي يوم واخضعلك والله لومو تهدد بالكتل لواحس السجينه على رگبتي ماراح انولك الي بالك

-لوماابوج گلب ماتحجين هيج ومثل ماعميتج اربطج واخليج جوه رجلين انكس واحد من جماعتي اذا ماخليتج تبوسين رجلين بس حتى اردج لرحمتي مااتسمى عالزلم خليييح لاتنزلين-

اباوعلها دارت وجهه مستهزئه مامعتبرته اتجتفت اثر للخوف ماكو بوجهه گمزني وهو يصيح رااايه تعالي وياي بسرررعة 

درت وجهي بعدني ماحجايه كمشتني رؤيا صاحت  وييين تريد بيهااا المن تريد تبيعهااا ياااابه احنه بناتك والله بنااااتك موحيواناااات وهيج دترخص بينااا خاااف ربك انت شنو ماتحسس تره حتى الحيوان عنده محنه على بزره انت شنوووو

گطع حجيها بدفره السياره نزل اندارلنا جر الباب حيل فتحها دنگ دخل  عرفته راح يجرم بيها  بسرعه سحبتها  وراي صرت بوجهه كلتله دخليك بابا تركها ماتفتهم صغيره هسه تعتذر وتبوس ايدك

بابا -رااااايه جيبيهااااا لاذبحجن اثنينجن وخررري عن وجهيييي

-دخل الله ودخلك بابا والله عقلها ضرب بسبب التعذيب ماتعرف شتحجي شنو تريد اني اسوي لاتكتلها مشيه عليك كتاب الله

-خلفتي واعرفها اشلون نكسه اذا ماشلعت لسانها مثل ماعميتها ماتتربى جيبيهاااااا

رؤيا- لوموتشلع لساني لو تعوقني  وحق الله هم اخذ حقي وحق امي منننك وهذا صاحبك روح دورله حيوانه مثل نوعه تلگي اشباهكم هواي ترضه بي

تفل بوجهي ولزمني من شعري كمشت اديه جرني بكل قوته  من السياره شمرني على ابو طبر لزمني  ورد لرؤيا دخل سحلها من شعرها طلعها كاللها  حيوانه مثل نوعي مو

-لاتگولنييي شي ماكلته هد شعري احسلك ولاداعت ماما اوديك وره الشمس وتعرف كلش زين اسويهاااا

-تهدديني بت الكلبببب

-اي اهددك والجانت مانعتني راحت ماضل شي اخسره اترك خواتي وبتعد عنه ولاوداعت الضيعته  بالسجن اطلع شكو شي ضامته وعليه وعلى اعدائي

صگ على سنونه رفع ايده وهفها بكل قوته غمضت عيوني واني اشوفها وكعت بالگاع حلكها وخشمها سوه خرن دم

صاح تعال اخذها هاي الك رده للبيت ماترد وياي

ابو طبر-  اعتبرها تربت ولسانها انگص وداعتك يومين مواكثر واجيها جوه رجليك تطلب رضاتك

-ماريد شوفتها تاخذها على بيتك تربطها وتصلخها ماتردها اله بتابوت  

-هاي هيه مثل ماتريد وافلوسك يمك اعتبرهن ولاتضوج روحك احسبها مومن بناتك من  هالساعة بعد ماتشوفها ولاتسمع صوتها

اباوع لبابا بهتانه شنو اليحجي اجه سحلني من ايد ابو طبر دفعني لجهة السياره  واشرله اخذها 

وخرت بابا ردت اركض لزمني دفعته  جتفني بحضنه بعدني حتى ماصارخه اركض ابو طبر  دنگ على رؤيا  جرها من شعرها كومها  رادت تضربه جتفها تفلت عليه رگعها راچدي   ودنگ شالها على متنه وراح

ادفع مااكدر اتلفت اريد احد يخلصنا ماكو رند تصرخ ورؤيا وترفس وتستنجد بتوسل انخبصت بعد مااعرف شسيوي گمت اطفر واصرخ بعلو صوتي واني اشوفة دخل يركض بيها وهيه تصرخ ولك باباااا الحگنييي ولك اني بتك لاتبيعنييي ولج راااايه خلصينييي

صوتها وعجزي قضى على شكو رحمة بكلبي انداريت اله  صرخت بحرگه كلب حسبي الله بيك  حسبي الله ونعم الوكيل على كلشي دااتسوي بيننااااا الله لايوفقككككك

دفعني بكل حيله وكعت بالكاع ردت اكوم ادخل وراها صار بوجهي گال بس تتحركين لو طلعين صوتج انطي الصغيره

-ياصغيره ليش بابا هيج دتسوي بينا احنا بناتك عمرنا ماقصرنا وياك

-انعل ابوجن لابو الجابجن وشمرجن براسي طلعي الهوية ونص كلمة ماريد منج

-دخيلك رؤيا تنتحر والله اخذني مكانهاا اني راضيه اتزوج اتركها ابوس رجلج

- لاانتي ضامج للجبير لخاطر صدگ يربيج جيبي هويتهاااا

-والنبي تنتحرر اخيتي امروتك شنو تريد افلوس ليل ونهار اشتغل حتى اخذهن واگدي والله مااعارض ومانرجع غير بالمبلغ التطلبه اذا نقص فلس الك حق تسوي بينه اليعجبك

-انعل ابوج لابو افلوسج كومييي لج وطلعي هويتهااا بسرعة فضحتنا بس خلي ارجع واعلمج التربيه شنو

-لا بابا دخيلك ماعدها غيرك لاتكسرها اكثر ماهيه مكسورة

- اوويلي يابه دخلي اخلص من هاي وارد واعلمج الكسر اشلون يصير طلعي الهوييية

كمت باوعت بوجهه مسحت دموعي برجفه كمزني بصوته  صاح فضينيييي 

رديت بتلعثم ياهوية بابا شنو دتحجي

-متعرفين شنو احجي تردين افهمج بطريقتي انتن الضاهر صدگ حيوانات ماتفتهمن غير بالدگ

-الهويات عندك بابا منين اجيبها

-شنو عندي بت اليهوديه غير استلمتها من  المركز وخلتها يمج رايه لاتلعبين وياي

-وداعتك موعندي واشلون يسلموها وهيه قاصر  اول مااجت ردتها منها حتى انسجل زياره لرئال كالت ضلت هناك وكالوا راح نسلمها لابوج

-لايااااا الله  لاياالله كلش موقوتهااا وين جنتي بت الكلببب هسه جايه تحجين

طلع ابو طبر يفرك بايده مبين معضوض وجهه كله مدمه   كال هاا ابو رايه فضنه بتك اسودنت كوه ربطتها

-هويتها بالمركز

-اهوووو اسمع لك دينار ماادفع اذا مااعقدها واخذها وياي

-هسه نروح نجيبها

-مااوصل لهناك روح وحدك ماصدكت يفكون عني واطلع تريد تورطني وفلس ماانطي لاهل المكتول قبل لاتصير بتك بيتي

- اخذ  هاي مكانها وذيج اتركها لسعدون

-لااااا تفقنا الصغيره  الي من البداية وتعال خلينه ندخل نعقد بدون هويه لحد ماتجيبها نصدق العقد

-وشنو يثبتلي ماتردها بعد كم يوم

-مااطلكها الك كلمة

-الكلمه ماتمشي يمي تنطيني نص الغايب ليكدام  حتى اضمن ماترجعها ويضيع حقها

-شنو هاي ابو رايه تخوني

-بالفلوس اخون ابوي يعجبك خوش مايعجبك انتظر اجيب الهوية وبليل اعقدها

-راح ادفع عنك الديه مال الكتل كلها وذني كم فلس خايف ارد بيهن

-واني شنو مستفاد ابن اليهودي يكتل واني اشيل المصيبة اقلها اضمن حق البت لابعد كم يوم تمل وتردها تالي ابتلي بيها هم سگط وهم مطلگه

-ماعندي افلوس كوه دبرت افلوس الفصل عنك

-لعد روح جيبها بين مااروح اجيب هويتها وبليل تعالي اعقدها وهااا شيخ اني اجيبه حتى ماتفرها بيه واضمن حقي

-هاي هيه مثل ماتريد لليل شورانا والشيخ من يمك مثل ماتگول حتى لاتكول ضحك عليه يله صعدوا واني اروح اجيبها

هو كالها واني ماصدكت گمت جريت رند كلبها فحط من البجي صعدتها بالسيارة ورجعت ركضت للبيت دفعت الباب  لكيت ابو طبر يتصارع  ويه رؤيا الي رابط اديها بحبل وهيه تارسته تفال ودفرات يريد بس يسيطر يطلعها دخلت ركض اخذتها منه لحضني وهو طلع عصرت راسها كلتلها اهدي يروحي

-ليشش تركتينيييي

-ماتركتج ولاراح اتركج كافي لايوكف كلبج

-حيوانااات مابيهممم شريف

- فدوه اروحلج سكتي هسه يردون يكتلوج

-لومايعرفون روحهم حيوانات مايضربوني وابوج عذابه على ايدي والله

-ميخالف بس سكتي وامشي رند  فحطت من البجي لايوكف كلبها

-مااتحرك  ولا اتزوج واذا همه زلم خلي يغصبوني والله بلفظ الجلاله احوله مره قبل لايلمسني

-ماراح اخليهم يزوجوج بس صوتج نصي وامشي بسرعة لاياخذون رند ويخلونه انسوي الي براسهم

وخرت راسها من حضني تنفت والشهگه بكلها عرفتها خايفه تنجبر  تعقد لخاطرنا مسحت دموعها وهمست يم اذنها الهويات ماتعرفين عنهن شي

هزت راسها اي وضحكت بشهگه

-ماتجادلين بابا بكلشي خليني اني اتصرف حتى اعرف اشلون اخلصجن

-هم راح اعمي وامثل بجثته

-اعمي كتلي  حرگي سوي اليبرد كلبج بي بس خلينا نخلص روحنا  من يمه بالاول

قبل لاترد واجه صوت بابا كمزنا اثنينه كال يله بنات اليهوديييه----

كمشت ايدها طلعنا للسياره  فتحت الباب صعدتها وصعدت  اخذت رند لحضني اسكت بيها

صعدوا  اول مااتحركت السياره  اندار بابا علينه تفل بوجهنا وبلش يسب ويفشر مسحت وجهي ومديت ايدي لزمت ايد رؤيا عصرتها وغمضت اندعي تهدأ اعرفها رعنه وتنفعل على كلشي بدون تفكير

على طول الطريق مستمر ماخله شي ماگاله  بحقنا واني اندعي ربي يهديها لمن وصلنا للمنطقه مالتنا باوعتلها انقبض  كلبي وكت العصر متروسة شباب وزلم كلها تخوف من غير الجهال الي ماتعرفها المن لو منين يجيبوهم  بالزبل يبحشون وضعهم تعبان 

تخليت رند بينهم هيج واكفه ملابسها ملخه كاتلها البرد دور بالوساخه على خبزه تاكلها

حضنها حيل دنكت اشتميتها وهمست والله انطي روحي ومااخلي يصير بيج هيج

وكفت السيارة كال ابو طبر نزلوا هنا مااگدر ادخل

بابا- لعد انتظرني  اجيب المستمكات واجيك حتى توصلني للمركز

-بتك اربطها لاتشرد تره فلس ماادفع لا برايه ولابهاي الصغيره

تركت بابا يرد وفتحت الباب كزت روحي من جاب طاري رند  عرفت الحيونه البي مايفرق لاعمر ولايشوف طفولة

نزلت ونزلت رؤيا  همست غمضي عيونج 

-ليش وين احنه

-بدايه الفرع وجماعة ابوج  تارسه المكان سدي عيونج  ودنگي  راح ينتبهون الج

-تركي ايدي اني اكمش بيج رنود ضمي راسها بحضنج وامشي بسرعة

هزيت راسي نزلت رند من متني غافيه ضميت راسها بصدري لان صدگ بس يشوفوها يشتروها من بابا

ورؤيا لزمت ضهري وغمضت واني دنكت  عيني بالگاع  اول مره ادخل للشارع مالتنا من غير تنگب وبهيج وقت  امشي وكلبي يريد يطلع من مكانه احس العيون كلها علينه واصوت تحرشهم بأذني يجي

من كد مامشدوهه دخلت بالوساخه عثرت بشي اجيت اوكع على وجهي كمشتني رؤيا عدلت وكفتي صار گدامي بيت اليهودي مثل خيال شخص خطف ورا الشباج الفوگ اخذ گلبي

رجعت دنگت وكملت مشي عالسريع ماصدكت وصلت بيتنا جريت الحبل فتحت الباب سحبت رؤيا وركضت للدرج صعدته دخلت للغرف نزلت رند عالفراش وكفت اتلفت محتاره

ماشفت بس الساعة  رحت نزلتها طلعت الهويات من صدري  حطيتها بظهرها ورجعت علكتها

خليت ايدي على كلبي اخذت نفس براحه وكمزت على دفعة الباب دخلت غيمه صدرها گله مضبر  باوعتلي  كالت شرجعجن يالعايبات 

-بسم الله الرحمن الرحيم شطلعج من المستشفى

-اي لبالج اموت وتخلصن مني مووو ليش رديتننن

-روحي احجي ويا بابا هو رجعنا

-شنو رجعجن هو موكال بس رؤيا ورند انتي شكووو جايه ردي لامج كافي  المصيبه الي مانعرف اشلون انطلع روحنا منها بسببجن

-يامصيبه ولج هذا اخوج انتي صاحية

- الي جان ناوي يكتلني لخاطر وسخات مثلجن مايتسمى اخو وعساه بالموت

-صدگ تدعين عليه ولج هذا  الجان مايطلع للشغل اذا مايبوس راسج لو يضل الليل كله بالبرد حتى يدفيج بغطاه  مونفسه الجان يشيل خبزته يخليها بيدج

-غصبا عنه وشنو واكفه تعيريني لو حقج مامتعوده واحد ينطي شي مجاني اذا انتن مخلصاتها بحضنه بالتناوب لبالجن مااشوفجن بليل تتختلن ويا اشكد كلتله لعمي بس اخخ ماصدك

-استغفر الله روحي غيمه الله يهديج الي توصل لهيج مرحلة بالكلام هاي حرمات واحد يوسخ روحه وياها  بالاجابه

-وينننك عميي تعااال اسممممع اشلون تتهمني بالعاطل

ضميت وجهي يائسه من الحجي وياها  دقايق وصعد بابا يركض جرها  طلعها صاح كافيي صوتج وانتن سهله ماتأخر راد واعلمجن

دفعها جر الباب قفلها علينه  وراح

رجعت كعدت يم رؤيا جريت اديها افتحهن من الحبل صافنه وين عايشين صدگ احنه بناته لو شنو  اباوعلها لرؤيا تنزل دموعها بهدوء همست لاتخافين والله مااطلع منا والااخلي يزوجج على كص رگبتي

-ماهمني روحي خايفه على رند ماراح يتركها ابوج توازه على افلوس وماكو واحد يلزمه اذا احنه  گدرنه نخلص روحنا رند ماراح نگدر انخلصها منه

-شسوي نصحيني والله عقلي انشل من جهة انتن ومن جهه ماما مااعرف اشوكت تصحى خو رئال هاي خذت كل حيلي حتى وقت افكر بيها ماضل عندي

-اخذي رند ونهزمي ولاتگولين لااا تعالي وياي اني معاقة ماراح افيدج گد مااضرج

-وين اروح واني مااندل غير منطقتنا وتعرفين منو سكانها شكو واحد مطلوب للدولة شكو وحده منهزمه من اهلها لوزوجها والي يشتغل بالدعاره والممنوعات والي يبيع ويشتري بالاطفال والاعضاء ذوله اذا لزموني تدرين شنو مصيرنا

-هاي عمرج نصه اشتغلتي بالشارع ماعرفتي تندلين مكان زين

-مجان غزوان يخلينا هو يودينا ويجيبنا بيده حدي بس افتر بين السيارات واذا يوم صادفت مااجه نرد بالمعجزه نوصل سالمين مولبالج الطلعة سهلة

-لعد  وروحي لصديق غزوان گومي بسرعة   قبل لايرجع وروح خالي اذا اعترضتي راح تعضين اصابيعج ندم لان راح ينطيها گدام  عينج  لناس تجدي بيها وحتى لاتبجي راح يشربوها مخدر  حالها حال الاطفال الباقية لحد ماتكبر وتتعود وانوب غصباً عنها يدخلوها للحرام وتروح مثل رئال

-شنو مثل رئال ؟ ؟؟

باوعتلها ماردت لميت رجليها لحضنها ساكته لزمتها  عتيتها حيل صرخت احجييي وينهاا وين رئال شصار بيها ولج وين اختناااااا

وخرت اديه عنها وضمت وجها بحضنها اسمع شهكتها شگت كلبي بدون شعور ضربتها وجرتها من شعرها رفعت راسها عصرت وجهه كلتلها وينها لاتسكتين وتوجعين گلبي اكثر ماموجوع رئال عايشه لوميته احجييي بداعت امي

همست بكسره عذبوها  واغتصبوها رئال ماتضل لسه اعرفها انتحرت لخاطر شرفها راحت اخيتي غلبتنا بالموت

-يمه اسم الله على گلبها لالا تگوليها فدوه اروحلج

-مايرحمون هناك يعذبون بوحشيه ويتحرشون  رايه مو بشر

-رئال ماتتركني تعرفني مااكدر اضل بدونها لاماتموت وتخليني

-هو اشتكه عليها هو الي انطاها بيده حتى يخلص نفسه سلمها مثل ماسلمني

اريد احجي انعگد لساني جريتها اشر بلگي اجذب لان ادري رئال اهم شي عدها شرفها  تكتل روحها بدون تفكير اباوعلها بترجي اريدها بس تكول لااباوعلها  ضمت وجها وشهكت

-لالا لاتبجين كولي محد لمسها بس عذبوها  ادري بيها متعوفنا حتى بعدها ماحققت ولاحلم اخيتي بعدها صغيره عالموت

-اول واحد حقق ويانا جان خالها براسه ولج سمعته يخابر ويگلهم  بأي وسيله غيروا الاوراق  ولج طمع بيهااا جان يسولف بيها  بدون رحمه تكول يسولف على حيوانه ولج رايه اتفقوا عليها وخذوهاااا

تركتها انتجيت لزمت راسها وبجت بصوت جريتها لحضني عصرتها حيل اديه ترجف صافنه  اباوع  لمكان غزوان

انداريت صار  كتابها گدامي الفاصلة واصلة للنص همست بكسره كتابها بعده مامخلصته

-حتى عمرها استوها بلشت بي

احس روحي باردة من جوه خليت راسي على راسها ضغطت عليها حيل وغمضت مااعرف اسكتها لو اقنع روحي كل هذا حلم وراح يصير الصبح اكعد اشوفهم كلهم گدامي واكوم واني اضحك افتر على واحد واحد ازعجه يكعدون وهمه يباوعلي بنرفزه ويردون يضحكونه

لليل واحنه بمكانه صافنين بدون وعي عيونه بالباب مانعرف اشوكت تنفتح وياهيه الوصللها السرة كعدت رند من النوم اجت تركض حضنتني كالت جوعانه

مسحت دموعي حچيت بصوح مبحوح  هسه بابا بس يفتح الباب انزل اجيبلج اكل

-وين ماما

-مريضه بالمستشفى باجر تصير زينه وتجي

-لالاهسه اريدهاا كومي نروح يمها 

-گلبي تعبان رند  رحمينيي

-كوميي نروح ماااااا اريد ماماااا  ليش عفتيهااا

-ربييي رحمتك تعبت  كلي شسوي وين انطي وجهي اشلون اخلصهن

رؤيا- اخذيها وروحي خلصي وحده منا اقلها

-وعوفج هيج سهله

-اي مثل ماسهل عليه وضيعت اثنين جان كتلت روحي ولاخليتهم  يرحون بسببي

-لاذنبي اشكد گلي خلي ناخذهن ونروح مارضيت لان ماگدرت اترك ماما ضيعت عائلة بكبرها بسبب لحظة غباء راح غزوان ورئال راحت الجنت معترضة اروح علمودها 

-قبل لاتروح هاي من ايدج اخذيها وروحي لاديرين وجهج علينه ماما بأمانتي

-ادري بأمانتج لان ناويه تردين لبابا السواه بيج وتضيعين نفسج 

-اي اردها لويضل اخر دقيقة بعمري

-كافييي كافييي والله  خبلتيني

-من تكونين بمكاني بنفس الفراش الظلام محاوطج بكل مكان  وتسمعين الدكتور يتوسل بأبوج حتى يسوي العملية وكل املج يقبل وهو يرد لا بتي واني اعرف مصلحتها اتركها هيج افضل  ذاك الوكت تعالي احجي

-ادري ظلمج لخاطر كم دينار وظلمنه و…

-لاماظلمنا بگد ماراح تظلمينه بهذا ضعفج خواتج وراج  لحد الان ماندري رئال وينها يمكن منتظرتج ومتأمله اتخلصيها متدري انتي اضعف من انو اتخلصين حتى نفسج

-راح اخذجن واروح منا اخليجن يم صديق غزوان  وارد ادورها ليل نهار مااخلي لامركز ولامكان لحد ماارجعها لحضني راح احميجن مااخلي واحد يوصلجن

-اخذيهن وابتعدي رديهن لحضنج وعينج بماما اني مالج شغل بيه

-رؤيا لاتوجعين كلبي

-اذا رحت راح اوجع كلبج اكثر وبابا ماراح يتركجن راح يدورجن ويرجعجن واني ماعترفت وطلعت اذا ماجنت حالفه  احرگه  وارد لنفس المكان

-نويتي الموت لعد نموت سوه وذنب رئال ورند بركبتج حتى ماما اذا صحت وعرفت بناتها ماكو لبالج تضل عايشه هم تروح  وبسببج

-لاتجبريني اسوي شي واندم علي باقي عمري

-شتسوين توافقين على ابو طبر حتى اتخلصينا لبالج بابا راح يتركنا وشنو بعقلج اني اتمنى  اشوف بابا ميت تره قبلج فكرت اكتله  بس  لازم أمن خواتي وماما اول وهالشي مااگدر اسوي وحدي

-ماراح تخليني ارجع

-اردج بيدي واصير عيونج بكلشي شعندي بعد هو غزوان وراح اقلها اعوضها  بماما وخواتنا يعيشن باقي عمرهن براحة

-اشوكت نروح والباب مقفول

-باجر الفجر اگله عندي استجواب بالمركز وهو راح يشوفجن يمه يأمن يخليني اطلع يعرفني مااتركجن  مناك اروح كبل لاخت ذباح كالت انتظرجن يم امجن

-المفتاح مال غرفتنا تلگي بالاستقبال ويه مفاتيح البيت جوه الكومدي مال قذارت ابوج

-شعرفج

-دوم اسمعها من يسأل غيمه وينهن تجاوبه هناك

-الحمدالله لعد اخذه من اطلع حتى  اتفق ويا الولد صهيب اوگفله بمكان ومن ارجع اضل بره اراقب البيت ماادخل لمن اشوف ابوج طالع حتى اگدر اخذجن بس انتي من يحجي وياج بابا عالزواج انطي موافقتج وطلبي منه مبلغ حتى لوقليل حتى يصدگ

-ماراح يسامحني غزوان مو؟؟

-ماكو احن من گلبه تلكين هو اعترف على نفسه حتى يطلعج

-راح ينعدم

-كافي والله ماضلت طاقة تحمل كل هالوجع

-وكلام الله احبكم اكثر من روحي مافرحت بطلعتي لوماجنت ناويه احرگ هالكلب وارد انعدم  

هيه تحجي صارت كدامي بطالة بانزين بتسمت بغصه وينج عدله ميته

مرتاحه لو خايفه مثل عادتج

مسحت دموعي  واني اسمع دفره بالباب انفتحت دخل بابا بيده كيبل اسود كال وين الهويات

كمت كلتله بصوت مهضوم  بابا رئال راحت

-لنار جهنم خلصت من عارها جيبي الهويه حتى اخلص من عار الثانيه لاوراس ابوي هسه اموتج

-مارف گلبك من سمعت هاي بنتك رئال الجانت تبوس راسك وتصبح بوجهك  بضحكه تنسيها  تعب اليوم

-انعل ابوج لابوها رايه كلمة والثانية اطلعين الهوية لو اصلخ جلدج انتي وياهنننن

ردت احجي وسكتني بواير گطع نفسي بي صاحت رؤيا الهويه عندي عوفهاااا

بابا-  لاوتحجي بثقه وخالتني وراها مثل الزمال ادور ااخ لوماالرجال  منتظرني جان علمتج اشلون الحجي يصير بس ملحوگه جيبيها وتعالي بسرررعه

-شمرتها بطريق المستشفى

-شنو ولج ؟

-مثل ماسمعت الهويه بح راحت وسوي اليطلع بيدك وانتي رايه اذا حجيتي كلمة لو وكفتي بوجهه اعتبري خوتنا انتهت

-الهويه مامشمور واني اعرف اشلون اخليج اطلعها

ركضت وكفت بوجهه  همست دخيلك بابا لات…

بعدني مامكملة الكلمة  وجاني الواير الثاني بظهري سواه نصين كعدت بالگاع مثل الانشل جسمي

رؤيا-  لللك  اتركهاااا خليج رجااال مره وحده واجهني شغلك وياي

دفرني زاحني من كدامه وركض الها شالها من شعرها  راد يدفعها اندارت عليه ضربته بكل قوتها على وجهه لزم وجهه ودنگ بسرعة موجوع

اباوعلها تتلفت وتهمش بديها ادور شي انضربت بالباب دنكت شالت حذاء من يمه واجت تركض سمطته على راسه وهو اتخبل

اريد الحگ اكوم بعد مااگدر لزمها من شعرها  وهيه نبتت اضافيرها بيده  جر ايده ضربها بوكس على راسها مثل الي اختل توزانها كعدت دنگ جرها من شعرها وطلع يسحل بيها وهيه تضرب وتصرخ بكل صوتها لك حيوااان عوفنيي

ردت اكوم شنط ضهري رديت عاصره روحي رجعت انتجيت كمت گوه طلعت اسحل بنفسي  لكيته عالدرج  يجر بيها وهيه تملخ بي

رحت ورا واسمع رند وكعت وراي وصرخت بكل حيلها رجعت ركض دنگت شلتها  ورديت نزلت واشوفه شامرها گدام الاستقبال ويضرب بدون وجع گلب وغيمة  كدامه واكفه تباوع بتشفي

نزلت رند يم الدرج وركضت شمرت روحي عليها احميها حسيت لسعه الواير بضهري شلعت جلدي غمضت اكتم الوجع

صرخ وخري عنهاااا

مارديت ضميت راسها بحضني

-راااايه

غيمه - كافي عوفها اتشوه جسمها وراها عرس اعرفها صلفة تتحمل الكتل مثل الزمال وماطلعها ننطي مكانها رند

فتحت عيوني على كبرها كلتلها يارند

-اي لعد ابوج مهدد بالكتل اذا مادفعنا الدية وهاي گدام عينج مترضه تتزوج اشلون يعني انخلي ابوج يروح بيها لخاطر طياح حضجن ننطي رند لذوله التبنوها

-انتم هم عدكم ضميرر

بابا -  لاالضمير عدجن بنات اليهودي ماطلعن الهويه مو خوش حجي لاطلعنها  غيمه اخذي رند حضريها وانتي وخري عن هاي العاهرة خلي تكوم ماريدها بعد بيتي

-شنو متريدها بيتك وين تريد توديها بابا

مارد اجه دفرني بعدني عنها دنگ سحلها من شعرها ردت الزمه رد دفرني بطني احسه شلع صرتي  انطويت موجوعة جرها من اديه  فتح الباب شمرها وقفل الباب شلت راسي اباوعله بترجي نزلت دموعي

-هاي تبات اليوم بالشارع  الي تفتح الباب الها اسبحها بالزيت

-لااا بابا لااا دخيلك تعرف منطقتنا شنو ماراح يرحموها وهيه حتى ماشوف دافع عن نفسها

-خلي تتربى ماتفوت لمن تكول وين ضامتها وانتي تضلين هنا نايمة بالبرد حالج حال الحيوان اذا رديتي لغرفة اليهوديه احرگج وروح ابوي

- زوجني اني مكانها اني هويتي موجوده ابوس ايدك راح ياخذوهاا بلشت العالم تطلللع 

-كلمة ثانية اشمرج بالسرداب مااطلعج لمن تعفنين  لج غيمممة  اخذي هاااي حضريهاااا

انداريت لرند واكفه بالزاويه  ساده حلكها باديها تبجي بخوف وتباوع لبابا بكسره راحت جرتها  وركضت للغرفه فرحانه تحضرها

رجعت باوعت لبابا بهتانة اشر عالواير يهددني بي تفل بوجهي وراح لحگها

حيلي باد مابيه حتى اكوم اباوع  للكترين ودموعي تنزل بقلة صبر  زحفت للباب دگيته بطرف اصبعي و شهكت بحرگة كلب احس نفسي عاجزه  همست رؤيا ردي عليه

-لاتبجين طفري الحايط وتعالي نروح نشتكي قبل لاينطيها

-ولج  منو يصدگ انجيب الشرطة ويطلع بريئ گدامها واهل المنطقة يشهدوله مثل كل مرة ويطلع ابلاغ كاذب وبالاخص علينه قضية

-رايه ضهري احسه مكسور مااگدر اتحرك والبرد يلجم بالجرح

-اااخ يايمه تعالي ليه گليلي شسوي انتحر لو احرگ البيت

-كلشي لاتسوين هذا ابوج بس يهدد كلشي مايسوي يريد يجبرنا برند مو غبي وينطيها قبل لايستلم مهرنه يعرفنا ماراح تخضعله 

-دااسمع صوت يمج شنو هذااا

-هم دااسمع قريب مني بس مااعرف حيوان لوبشر

-اشش صوتج لاتحجين واتقربي من الباب

ماردت خليت راسي عالباب اتسنط اكثر نفس الحركه كمت مانطاني كلبي اتركها باوعت لغرفة  بابا شفت الباب مردوده وصوت رند اختفى يعني صدگ مثل ماكالت رؤيا يهدد

وكفت  اتشلبيت عالحايط رفعت روحي صعدته اباوع للشارع خالي المنطقة هادئه  بس اكو حيوان وبعيد بالوساخة ورؤيا لامه روحها خايفة

طفرت يمها رجعت ليورا دنكت جريتها لحضني كلتلها اهدي اني يمج

-ليش عبرتي ولج هسه يحس عليج ويطلع يكتلج ماعليه اني

-كومي امشي بسرعة وياي

-حتى افلوس ماعدنا وين نروح  المنطقة تخوف نمشي بهيج وقت وحدنا

-للمستشفى  حتى تسهل عليه تضل بس رند ارجع اخذها يله قبل لاينتبهون عليه لويلگفنه واحد

كامت متألمه لازمه ضهرها كمشت ايدها الدنيا اتذب ثلج مو برد واحنا ملابسنا خفيفة

سندتها عليه وجريتها نمشي واتلفت اخاف يطلع احد  لو وبابا يفتح باب بيتنا ويشوفنا

رغم ظلام المنطقة وماكو احد  بس تحس روحك بداخل غابة اي لحظه يطلعون يقضون عليك

امشي واندعي ياربي سترك احمينا صار الشارع شطوله ماصدكت وصلت لنهاية الشارع

استونا دنعبر ماشوف غير واحد ملثم بأسود ماطالع بس عيونه جاي طاير بالماطور صار بوجهنا مالحگت اسحبها من شدهتي دفعتها للجهة الثانية حيل فلتت رجلي وكعت وهو شحط  الماطور  ماسيطر ضربها انشمرت مسافة

نزل بسرعة ركض عليها اباوعله ضخم لابس كله اسود حتى اللثام واكو سلاح بظهره دنگ كمش ايدها دفعته  وصرخت ررررايه   لحكينيييي

صاح على كيفج  يول صارلج شي

-لك حيوااان وخررر عنييي

كمت ركضت جرتها من ايده كلتله فدوه عوفها

-شوفيها اخاف انصابت الضربة قوية

-لالامابيها شي بس وخر عنها

-يابه بس شوفيها اذا متأذايه حتى اخذها لللمستشفى

رؤيا- هسه تكول متأذايه  لعد وين جانت عيونك من ضربتنييي

-تره انتن صرتن بوجهي

-اثول ويذب الصوج بالعالم ماتعرف تسوق شكو صاعده

ندار باوع ورا ورد حجه من بين اسنونه اخ لو ما مستعجل جان اعلمج اشلون تلغثين وعلي اطلع سطل ابن سطل  اذا ماخرستج

-فرحان يستسبع على بنات- رجال زمال؟ امداك

طبگ جف ايده وعظها حيل قبل لايحجي واسمع صوت سيارة شرطة جايه

بلمح البصر  ركض  عدل ماطوره صعده وداس اباوع ثواني  عبر الشارع واختفى  اتعجبت بالخفة اليمتلكها

دقايق ودخلت  سيارتين ورا  كلها ملثمين وحده افترت من الشارع الرئيسي  والثانية لحكته من نفس المكان الطلع منه

كومت رؤيا رجعت للبيت ركض خفت ليكفونا ولبالهم بنات ليل

دكيت الباب بثنين اديه حيل فتح الباب بابا صاح لايابت الكلب شطلعج

-طفرت الحايط سمعت الشرطة دخلت للمنطقة

-شكووو شصاير

-مااعرف بس طوقوا المكان كومة سيارات

-شنو سألوجن

-ماوصلوا يمنه بعدهم  بداية الشارع

-دخلن انعل ابو ابوجن لوماخذيجن للحجز ومخلصيني اتفوو 

سحبتها  نركض صعدت الدرج دخلت  للغرفة بسرعه رديت  الباب خليت ايدي على كلبي ماصدكت دخلنا بسلام  اخذت نفس فززتني رند داخله تبجي دنكت شلتها همست بابا ضربني حيل شوفي ايدي  ليش عفتيني

-سوده عليه توبه بعد ماعوفج يعمري لاتبجين

-بردانه وجوعانه اريد ماماااا

- هسه ادفيج واجيبلج خبز تاكلي وتنامين تگعدين الصبح تلگين ماما گدامج

-كولي لغزوان بابا گام يضربنا حيل خلي يرجع بعد مامااضوجه ولااكله يجيبلي ثوب ولا لعابة ابد

-لايروحي هو ماضايج  منج بس عنده شغل يكمله ويرجع بس سكتي لاتبجين حتى مايزعل

-ايدي توجعني شلع لحمه منها

حضنتها بستها واخذتها فرشتلها بعيد عن الدم خليتها بي لفيتها بالغطة مسحت دموعها وكمت رحت نزلت همزين بعده بابا بالشارع يسولف ويه ابوطبر

ركضت للمطبخ اخذت خبزه ورجعت للغرفة دخلت سديت الباب  كعدت يمها  گلبي يدگ حيل غطيتها بالبطانية اريدها بس تدفه بلكي تبطل بجي وتنام  اجت رؤيا يمنا دخلت بالفراش حضنتها خلت راسها يم راسها وهمست  انعل ابو هيج حظ كله بسببه رجعنا الحيوان اللفو الله ياخذه

-انتي اشلون تعيطين بوجهه  لوراد كاتلج منو يمنعه

-يطبه مرض من هو غبي شكو يصعد دراجه وانوب لفو مغسول حظه والشرطة لاحكته الله اعلم شمصخم

-شنو لفو؟؟

-ماسمعتي يكول يول يعني لافي على محافظتنا اخاف قليله الجلاب العدنا

-مبين مجرم من لبسه اسود وملثم يمه ربي وكفلنا ودز الشرطة  جان هسه الله اعلم شصار بحالنا

-شيصير اكثر من الصارلنا كومي طفي الضوه حتى يكول خمدن مابيه بعد كتله

-هسه يشرب سمعت ابو طبر بالباب جاي

سكتت صدك ثواني سمعنا اصواتهم دخلوا للاستقبال

لزمت اديهن وعيني بالباب للفجر واني خايفة لايثگل بالشرب ويدخل علينا ماغمضت لمن سمعته طلع غمضت بتعب بكد مامرهقة رحت بالنوب بدون لاحس ماگعدت غير على صوت ونة رند

فتحت عيوني لكيتها لامه روحها وتون خليت ايدي على راسها واجه نار

دگدكت على خدودها ماكو فتحت عيونها گوه وردت غمضت

همست رنود حبيبتي تسمعيني

كعدت رؤيا على صوتي كالت شكو

-رند نار جسمها

-من البرد والخرعات اكيد تتمرض

-شسوي هسه والله مااعرفلها

-لاتخافين گومي غطيها بعد خلي تدفه  وجبيلي مي اسويلها كمادات هسه اتخف دوم جانت هيج يصير بيها

دنكت بستها وگمت بسرعة غطيتها بطانية ماما وجبت مي وقطعه قماش اخذت رؤيا مني اتربعت يمها تسوي كمادات واني صافنه عليه اشلون مزحمره وتون

فززتني كالت صدگ حلمت بالمجرم

-يامجرم

-الضربني البارحة

-وانتي وين شفتي حتى تحلمين بي

-كلتي ملثم عقلي صورلي صورته المهم عالاساس دامشي  وحدي على حافة رفيعة كلش واكو مي من جهتين

بابا وراي بيده حجار يحاربني حتى اوگع  واشوفه گدامي اجه مد ايده  كمشتها  ردت اوگع دنگ شالني والحجار صار بظهره عبرني وگام يصيح ركضي بعلو صوته

-وبعدين

-اجت حجاره بضهره  كمشه متألم وخر اللثام وانتي گعدتيني حتى مالحگت اشوف وجهه قبل لايموت

-الحمد الله ربي كملت سوي كمادات بلگي تنزل حراتها

-حتى لومانزلت حضري نفسج بس يطلع النهار روحي

اشرت اي وكعدت اغسل بادينها واباوعلها احس كلبي گد مانوجع بعد مابي نبض ولااحساس

مرت اكثر من ساعة واسمع واحد صعد والباب الغرفة بدت تنقفل كمزت جرتها حيل لكيت غيمة كالت شرايده

-عندي موعد بالمركز لازم اروح هسه

-ابوج يدري

-لانزلي بلغي خلي يوصلني اذا تأخرت يجونا الشرطة لهنا 

-وين اصحي استوى نام والشرب طالع من اذنه روحي انتي وحدج  بس خلي بعقلج خواتج يمنا اي شي تسوي هنه يتحملنا مكانج

-اي ماتأخر اخلص الموعد وامر اشوف ماما واجي بسرعة بس فدوه خلي الباب مفتوح. لان رند مصخنه عاد قريبه منج  اخاف تنشمر

-يله اني كاعده بالحوش فضينه

اشرت اي رحت لرؤيا خليت ايدي على متنها لزمتها وعصرتها عرفت وصلت الفكرة  ركضت لفيت الجماغ وطلعت

**رؤيا. ****

ايد برند اسوي كمادات واذني يم الباب اخاف غيمة تقفلها

مرت اكثر من ساعة خفت حرارة  رند تلمست وجها دنكت بوستها بخدودها واخذت نفس طويل منها احسه ردتلي روحي

دفيتها عدل وگمت رحت اتلمس وصلت للباب فتحتها  ماكو صوت طلعت امشي عالكيف وصلت حافة الدرج دااحجي حتى اتاكد اذا موجوده لو نطمرت  واسمع الباب البيت  تندگ

ثواني وانفتح اجه صوت موغريب كال وين ابو رايه صحي

غيمة - فاقد هلكد ماشرب مايصحى لليل

-شمري عليه مي لوتيزاب خلي يكووم موعالاساس اليوم يجيب الفلوس وينهن

-موكنالكم على اليوم البنات يجيبون هوياتهم

-هذا الحجي مويمي روحي نكثي لاادخل ادوس راسه امششي لج

تركتهم ورجعت للغرفه اتلمست وصلت لطاسه المي شلتها وديتها للمطبخ مالتنا دنكت غسلت وجهي   داكوم واندفعت باب الغرفة حيل واسمع دخلته  وكفت متصنمه مالحكت حتى اركض اسدها كال والله وگعتي بيدي

حجيت برجفه اطلع منااا

-وين الشريفة  الثانية

-مالك شغل اطلع يله لااصرخ واكعد بابا

-اووف ريحتوا اخوي لخاطر نومة نكسه وياج  موسهله اذاماكسرت شرفج  ماطلع ابن ابوي

اسمع  سد الباب رد الميز ورا صرخت باباااااا الحكناااا

-صرخي اعلى اذا بي حظ خلي يلحگ  يطلعج من جوه ايدي بعدج بنيه  

-حيوان  اطلع مناااا لك بابااااااا الحكنييييي

ماحسيت غير جرني دفعني عالحايط سد حلكي خله راسه بركبتي وايده بملابسي يملخ بيها

دخلت اديه بلحمه ادفع بكل قوتي ماتحرك شعرايه تكول ادفع بحاط صكيت على سنوني وضربته بكل حيلي لزم ايدي ورد يبوس بقرف بعد مااعرف شسوي كمت املخ بأيد وصرخ بكتمة اندكت الباب عالكيف وصوت غيمه كالته انت هنا

-امشي لج خليج يم الطرن الي حساب اصفي واطلع

-بس ها الي حصة بالراح تاخذهن منه

-ميخالف  بس ولي منا وعينج بأبوها لحد مااتوبها تستشرف برس العالم

-لوتضل للصبح ادگ على راس ابوها مايحس اخذ راحتك بس على كيفك وياها نعتازها  ههههههههههه

كالتها وراحت حسيت روحي انتهت كمت اكمز واضرب وخر كمش اديه  عضيت ايده بقوتي سحبها تفلت بنص وجهه وضربني على راسي حسيت اختل  توازني  وكعت دنگ كمش رجليه وجر بنطلوني دفرته بين رجليه  تركني و صاح ااااخ

انگلبت اريد اكوم انهزم بعد مااعرف اشلون من همشت روحي كمت اتلمس ماصار گدامي بس المطبخ كمت بسرعة دخلت ركض بي سمعته كام سديت الباب وسلقيته دكتها حيل وصاح فتحييي

-والله لواعرف اذبح روحي مااخليك تلمسني

-لعد خليج واني هم مارايدج اكو الاطيب واترف منج

مافهمت شنو قصده لمن سلقه الباب من بره عليه واني اتخبلت فتحتها و كمت ادگ بثنين اديه واصيح فتحتهاااا تعااال ولك فتحهاااااا

مااسمع بس صرخت رند واني بعد ماادري شسوي كمت ادگ بكل قوتي واصراخ ولك عوفهاااا  ولك هاااي طفلله ولك تعال اسلمك نفسي بس اتركها والله ماعارررض  ولك افتح الباااااب ولج يمه اخيتييييي

ادگ واصرخ ماكو بس صوت رند تتوسل وتبجي صرختها بنص گلبي وهي تصيح مامااااا

كمت ادفر بالباب واملخ بروحي بس اريد احد يلحگ ماكو  مودقايق الموت بأبشع انواعه ضگت لوعته

هبط ضغطي ويه صوت صرختها وهو كتمه كعدت بالكاع لان اختفي نفسها والباب تندگ غيمه اتكله فضها تره صوتها عالي لايگعد الدثو

مارد بس اسمع ركضته وفتحت الباب طلع وغيمه اتكله شصخمت ولك وين رايييح تعال لاتبليني وحدييي

غمضت النفس ضاگ اجت واسمع شهكتها وضربت خدها   فتحت السلقي عليه  كوه اتحركت ردت اكوم ماكدرت كمت ازحف بس اريد اوصل لرند

غمضت واني احس الدم اتلكاني عبر مسافة اتلمس واشهگ بخوف لمن وصلت اخذت راسها بحضني اتلمس وجهه اجت فتحت عيونها على كبرهن بيدي  بدون نفس -------

لاتنسون التصويت

عذروني على الاخطاء الاملائية بسبب سرعة الكتابة وضيق الوقت ❤️

شيء من رصيف الدم

بارت السادس

بقلمي leo Alfatlawi

بارتين مثل ماطلبتوا

كانت جميلة لدرجة ان الارض لن تستطيع حملها فأاحتضنتها بداخلها …

***رؤيا***

وصلت يمها  اخذت راسها بحضني اتلمس  اجت فتحت عيونها على كبرهن بيدي  بدون نفس 

نكثتها حيل وصحت بلهفة رنود گعدي يروح اختج

صفنت صار هدوء اريد بس اسمع نفس لو احس حركة منها ماكو ؛خذتها لحضني بدون وعي  وصرخت صرخة طلعت من روحي

جرتها غيمه من ايدي دفعتها وصرخت تركيهاااا

-ولج ميته هاي لاتسوين بيها هيج

-شنووو ميته لاهسه تگعد  اي اعرفها گومي رنود ماما راح تصحى اول وحده تسأل عنج انتي گومي يروحي

-شو جيبيها اصخام هاي منتهية ساكت كلبها

دفعتها ورجعتها لحضني  غمضت وعصرتها بداخلي اخذت منها نفس احسها خنگني همست بأذنها كومي رنود رايه راح تجي تاخذنه راح نروح منا بعد محد يكدر يأذينه راح تشتريلج الثوب الجنتي تحلمين بي   

-ولج شسوي وين اروح يبووو لحكونه ولك عمييي ولك كوووم راحت بتتتك

كالتها وطلعت تركض واني حاضنتها حيل

اشتميتها بستها وهمست -جسمج بارد راحت الصخونة بعد مااخليج تبردين راح اضمج بحضني واسولفلج قصص حلوه مثل قبل حتى بابا مايسمعنا  بعد مااصرخ بوجهج ابد اخليج تلعبين مثل ماتردين اني اكعد ورة الباب احميج مااخلي احد يدخل علينه حتى العاب راح اكول لرايه اتجيبلج بس گومي

مسحت وجها نزلت ايدي على جسمها وصلت ليجوه حسيت الدم مسبحها مثل الشي صحاني

اريد اتنفس مااگدر خليتها على رجليه گمت اوخره عن جسمها باديه عالسريع مثل المخبلة متأمله  تصحى  احس روحي داخل حلم مشاعري كلها مثلجة

دخل بابا گال بصوت ثگيل  شكو شبيها

رجعتها لحضني همست مابيها شي وخررر

-شمسويه بيها بت الكلبببب

-مصخنه سوتلها  كمادات هسه تصحى صوتك لاتگعد خليها ترتاح

-جيبيهااا ولك بويه هاي ميته ولج اشلون كتلتيها

-نايممممه ماماااتت هسه تگعددد

دنكت عليها كلتها بتوسل رنود حبيبتي گعدي داسويلج ريوك كومي يبعد روحي موكلتي جوعانه البارحة وكلتلج الصبح انطيج اكل يله صار الصبح

حسيته خله ايده عليها راد ياخذها دفعته  ضربني بكل قوته  وگعني على ضهري وعتها مني حيل سحبها وكام بسرعة؛   سندت روحي وكعدت عالسريع  بس اريد الحگ ازم رجليه واردها لحظني مالحگت طلع يرگض و يصيح يابوييه لحكونييي ولكم بتي راحتتت ياهل الرحمممم

كمت طلعت ورا اهمش وصلت للدرج  اسمع فتح الباب وطلع للشارع  لزمت الحايط ونزلت ركض بدون  تفكير ماحس غير رجلي راحت بالخالي عثرت  ردت شي اجلب بي ماحصلت لمن اجيت على راسي احسه انفجر من قوة الضربة  افترت الدنيا بيه لزمته ورفعت روحي احس شي حار نزل على عيوني

ردت اكوم ماعانني رجلية رجعت ازحف لمن وصلت لباب الشارع واسمع هوسة العالم كمشت الحايط وكفت طلعت اتملس  مثل المختل عقلها  ادورها بينهم  كل الي اللزمه اكله بتوسل  رجعها الي وينها  لاتخلي بابا ياخذها هاي تخاف

ابوس ايدكم  ردولياها راح تبرد مريضة اخيتي

هيست احد لزمني من وراي انداريت صاحت غيمة كافي لج تخبلتي  وين نردها اخذوهااا للمستشفى

-لالا ليششش ليشش اخذوها مابيها شييي راحت صخونتهااا

-رررجعي

-وين ارجع  هسه تجي راية امنتها يمي شكلها وين رنود

-شنو تگليلها قابل گولي ماتت

-ماتموووت ماتموووت  اشلون تموووت هسه گالتلي جوعانه ابوس ايدج بس رجعيها اوكلها والله من البارحة مماكلة

-شتوكليهااا اگلج راحت

-لالا رنود ماراحت  ولج حتى شكلها بعدني ماشفته ولكم رجعوهاااااا اختيييي ويييين

-اي عيارررة كتلتيهااا وتبجين عليهااا لبالج راح يصدكون الله ياخذجن اشكد منحطات

من همشت روحي دفعتها بكل قوتي وركضت واني اصيح ولج يمه وينج ولج يمه خذوا اخيتي من حضني ولج يمااااااا اخيتي رااااحت 

مااسمع غير غيمه صاحت  ولكم كمشوهااا  لاتشررد واحد جرني من ملابسي ردت ادفعه جتفني و سحبني لحضنه

حسيت مثل الكهرباء سرة بجسمي وضاگت روحي بلحظه مر شريط بذاكرتي  الولد وهو ياحاول يعتدي عليه ويه احساس التعذيب داخل السجن  وصوت رند وهيه تتوسل بي

هوسه صارت براسي خدرت رجليه گعدت بالكاع  شعور بالظلام  وخوف صراخ مرعبة  غمضت لزمت راسي بين دايه  عصرته صارت صورة جام السيارة يتكسر بوجهي لميت رجليه لحضني

صوات مختلطة الي يكول كتلت اختها وتخبلت والي يگول متلبسه والي يگول ابتعدوا عنها لاتأذيكم  ؛ اشياء تروح وتجي صار ظلام غمضت بعدها ماحسيت 

***رايه***

طلعت اركض من البيت واتلفت وراي لان النهار بعد موكلش طالع خلصت المنطقة طلعت عالشارع العام عبرته  احس كليتي وگفت من التعب عصرتها ورحت گعدت يم الحايط غمضت افرك بيها اريدها تهدء بس احس الام يزود ماينقص

لاعندي افلوس اصعد ولااگدر اكمل مشي المستشفى بعيده الدرب ؛  غمضت رفعت راسي  للسما همست ماعندي غيرك باوع لحالنا

رديت دنگت انتجيت عالحايط العالم استوها تطلع للشغل والهوا بارد  اباوع بتعب احس گلبي مهضوم محتارة شسوي واشلون راح احافظ على خواتي

واشلون راح اعوف ماما وراي

رئال وين ادورها ؛

غزوان نبضاته توجع بگلبي اعرف روحي مااگدر اكمل بعده-

اخذت نفس مسحت وجهي همست يارب وكمت

عدلت اللثام ومشيت اكثر من ساعتين كل كم دقيقة اكعد شوية ارجع اقوي روحي بخواتي واكوم اكمل لمن وصلت للمستشفى اخر نفس

دخلت  كبل رحت لغرفة  ماما جنت متأملة حالتها متحسنه وراح تتلكاني تشيل جزء من حملي وصلت للغرفة وكفت اباوع لاخت ذباح واكفه تصلي وماما  لاحول ولاقوة شبه الميته

من كثر تعبي وجع گلبي ركضت لحضنها دنگت خليت راسي بصدرها ضغطت عليها حيل وصحت كومي نصحيني گولي شسوي والله تعبت

رئال ماكو مختفية غزوان مصيره مجهول خواتي كسرن ظهري كل وحدة همها اكثر من الثانية

اخذت نفس منها وشهكت بقهر بس اريد اذب شوية من همي ؛حسيت ايد على راسي رفعته لكيت الحجيه كالت كفي بجي عليش هيج تنحبين

-تعبانه خاله والله ماضلت عندي طاقة اتحمل بعد

-تهدي يعمة وصبري هذا امتحان ؛اخياتج وين؟؟

-ضلن هناك

-وين بگن يالمعثرة صخام بوجهج تركتيهن غادي يم فاگد المرجلة

- يخاله حبسنا ماگدرت اطلعهن كوه طلعت وحدي حتى اجيج لان ناوي يزوجنا لجماعته ابوس ايدج خلصينه

-دگفي خلي افهم شماله الميخاف الله وياجن

-معتاز افلوس ويريد يبيعنا لخاطر يسدد دينه دخيلج خاله تركت خواتي وحدهن منتظراتني حتى اكل ماعدهن  دخلت يمكم خلصوني

-الله يغسل حظه عار الزلم انطري يعمه بس اخبر صهيب لخاطر يجي يسحگ  راسه للنجس

-ماريد لايدوس راسه لا يحجي ويا بس اخذونا منا قبل لايضيعنا

-هلبت والله يروطه ويعملها وعلي ياابن البدوية يتفگه تفگ چنه هذا اعماله مصخمة الي هيج ربه بلشه ويه وذباح

-راحت وحده امروتج لحگيني لايرحن الباقيات

-مايرحن كفي دمعج لايگف گلبج الحين اخبر صهيب  لبين متغيرين لامج بس همي ايدج شوية

هزيت راسي هيه طلعت تخابر بالممر واني عالسريع  لكيت مشتريتلها حفاضات اخذت وحده وگفت اغيرلها وعيني بالساعة غسلت وجها عدلت راسها عالمخدة وغطيتها عدل احس روحي تنوخذ مااكدر اباوعلها ؛ دخلت الحجيه كلتلها بشري

- الحين چاي بالطريج بس كال لاتتحرجن لحد مااصل لخاطر اذا شغلت افلوس اعرف اشلون احلها  ويا واذا عناد وگلة امروه افلش فچه واخذهن من بين عيونه

-كون مايتأخر

-لامايبطي شفايفج زرگ يعمة شمالج

-مابيه شي بسبب كلياتي هسه ارتاح يردن طبيعي

-عليش مخروسه اصير نجره واخذ اخياتي واروح اشتكي وخيس  چهامته المعفنه بالحبوس

-مانگدر ماعدنا اثبات ومحد يصدگنا بسبب المنطقة العايشين بيها وحتى لوصدگونه يطلبون شهود والمنطقة كلها ويا توكف من غير عنده جماعة بالمركز كبار  يوقعوا على تعهد ويطلعوا مانحصل غير الكتل والندم  ماكو غير العشاير تحمينا منه

-ولج جهرتج كلها محطمة يالمعثره بس هذا يكفي 

-اي يكلهم يدخلن ولد عليهن عالاساس ديربينا ويجيب شهود يحلفون بكتاب الله يشوفونه بعيونهم

- اااولغسل للشوارب هذا وين طامسه غيرته

- بمنطقة مبيوعة للكفرة امثاله تعالي وشوفي الظلم الديصير بيها خاله فدوه خابري انطي العنوان كليله احنا نروح وانت تعال ورانا مااكدر اضل اكثر خايفه عليهن

-يله چا بس الف عصابتي جلعي لمي سچادتي ونخبره بالطريج

اشر اي  والعبره لازمتني صعب تنخى  الغريب يحموك من اهلك

رحت ركض لميت سجادتها رجعت دنگت على ماما داابوس راسها واسمع وراي غيمة  تكول عرفتج هنااا

انداريت متفاجأه واني اشوفها وراي واكفه ويمها ابو طبر لكشني كلبي اشرت برجفه شكو

-هذا السؤال اني  اسأله  ماخفتي من الله من دخلتي واحد على خواتج واجيتي هنا لبالج مانحصلج

-شنو شنو  واحد

-والله گولي لروحج هالحجي

- صخام بوجهيي رؤيااا يمه اخيتيييي

-يارؤيا ورند يالمتخافين الله اشكد دفعلج وهيج سويتي يله هاي ماتت خلي انشوف شتفيدج الفلوس

-منو ماتت ؟؟

-هسه تكولين منو ماتت لعد من دخلتي واحد وهيه طفلة شنو جان بعقلج  راح تعبر ومحد يدري ولج اغتصبها وخنكها ماتت مخنوكة

هيه كالتها واني كعدت بالكاع احس روحي بهتت  اباوع لحلگها  بعجز اريدها تجذب الخبر ركضت الحجيه دنگت كمشتني

ردت اكوم خانتني قوتي سندتني كمت كوه همست بكسره  اثنينهن مو؟؟

غيمه - لارؤيا شخطت فاقدة بالمستشفى بس الصغيرة ماتت يمه سودة بوجهي يعمي راحن بناتك

اريد اسأل وينهن مااگدر احس خدر احتل كل جزء مني غمضت  صاحت يله امشي لاتضلين تمثلين عود متأثره جبناهن بالطوارئ اوصلي يمهم وراوينه محبتج الله يبليج مثل مابليتينه

كالتها وطلعت فتحت عيوني بتعب باوعت للحجيه نزلت دموعي بس اريدها تساعدني حتى  امشي ؛تركتني  غمضت حيل جرت شيلتها اتلثمت بيها وصاحت بصوت عالي  يبووو

عاط ابو طبر حجية جيبيها الشرطة راح توصل اشرت اي وجرتني هيه تبجي بصوت عالي عكسي دمعة الي نشفت دمعتي طلعنا  امشي بضياع وعيوني على ماما اريدها تحس بيه وتگوملي 

نزلت جوه الطوارئ واشوف بابا كاعد بالگاع شاگ قميصه يبجي ردت اوكع ردت سندتني عدل كاللها ابو طبر وديها  يم اختها

باوعتله مهضومه حتى ماگدر اسأل وينها دنگ طلع كدامنا رحنا ورا وصلنا  لمكان كله اسرة مال مرضة صايره هوسة

دخلت وياهم لكيت رؤيا فاقده بس تون  ملابسها كلها دمايه دفعت الحجيه وركضت بدون شعور جريتها من شعرها وصرخت  وين رنددد  امنتهااا يمممج ولج وين وديتيهااا

لزمت اديه وفتحت عيونها  دم همست بشهگه اخذوها من اديه بابااا اخذها 

-شنووو اخذها ولج وين اخيتي ولج اشلون ماحميتهااا ولج امنتها يمج اخيتي ويننن

شهكت بصوت

-لاتبجييين ولج رنودد وينهاااا

- حميت نفسييي ونسيتهااا وراي اني سلمتها اله بيدي ؛رايه انطيتها للموت

-ليششش هاا ليشش  موهاي اختنا  الصغيرة اشلون انطاج گلبج

-كلتله تعال والله ماراح امنعك بس اتركها اتوسلت وصرخت نخيت بابا بس محد خلصها

-يمه سوده بوجهييي  يمه اخيتي بعدها صغيرة يمه بنيتي وينهاااا ولج وين خذوهااااا

-جانت تتوسل وتصرخ اتكله عمو حباب واني ادك بالباب احلف راح اخلي يسوي اليريده  بس ماجان يسمع رايه مارحمها 

-يعني راحت هاي الثانية هم انتهت  ولكم وين اختي ولكم وين وديتوهااااا

تركت رؤيا وركضت جريت ابو طبر من ملابسها صرخت وينهااا

-كعدي بالطب العدلي يمها الشرطة تحقق ممنوع واحد يوصلها

-شنو بالطب العدلي هسه تركتها مصخنه جانت جوعانه منتظرتني اجيبلها اكل

-تركي ذيج ولحگي على الثانية راح ينفجر راسها

درت وجهي واشوف رؤيا لازمه حديدة السديه بثنين اديها وتضرب براسها بكل قوتها من كثر شدهتي حتى ماسمعت صوتها

ركضت ردت امنعها  دفعتني حيل رجعت ليورا ماسيطرت وكعت بالكاع وهيه ردت لزمت الحديده اباوعلها رفعت راسها وضربته بكل ماعدها غمضت عيوني واني اسمع صوت الضربة رجت المكان

ركضت الحجيه لزمتها رجعت گمت رحت يمها رادت تدفعني جريتها لحضني حيل عصرتها وهمست برجفة رؤيا گلبي يوجعني يخيتي

حضنتني وشهگت بصوت غمضت اريد ابجي مثلها مااگدر  فاقدة شكو شعور  احس روحي بحلم مبنجة كلي

اكثر من ساعة واني صافنه بس ونتها تنسمع  بألم وصوت بجيه الحجيه على حالنا

دخلوا الشرطة اشرولي كومي منا ؛ اجت الحجية سندتني وخرتني عنها  اتحرك بيدها مثل الدمية وكفتني قريب عالباب وكفت يمي لازمتني من ايدي تفرك بيها

اباوع لرؤيا ضامة راسها بين رجليها وتهمس كتلها كتلها كتلها مثل الصحتني لوقتي كلمتها خطفت  روحي كعدت بالگاع اريد احجي لساني ثگيل و شفايفي ترجف

غمضت ماحسيت بعدها غير على صوت ونه  يمي فتحت عيوني بتعب  لكيت ابو طبر واكف يم راسي  شافني صحيت هز ايده يسب  گال بعد وكت لو ضاله لباجر كومي من انعل ابوجن على هاي المصيبة

حجيت بصوت كوه يطلع وينه

-بره ضغطة هابط من دفن  الطفلة لسه مايگدر يتحرك

كعدت مفزوعة لزمته من ملابسه صحت  -ياطفله اشوكت طلعها ليش ماكلييييي

-وين اكلج اذا انتي من البارحة فاقدة وهاي اختج ضرب عقلها محد يگدر يلزمها گوميلها لاتشرد وتبلينه

-ولكم شنوووو انتم حيوانااات ولكم ماتت خايفة وحدها وهسه دفنتوها وحدهااااا

-كافي لغوه صوتج بت الكلبب شيلي ايدج وكومي  گولي لاختج  ابوج يكول خلي اتغير اقوالها

- يااقواااال والله كلكم اذبكم سجن اطلع حق اخيتي منكم ياحيوانااات

دفعني وصاح اششش العالم نايمة و اني مالي شغل ابوج كال عود روحي احجي هذا الحجي كداااامه

-ليش هم اخذ مقابل دم بته افلوس

-لاراح تصير راس براس غزوان هم كاتل اخوهم حتى لايفصلون ابوج يكول اذا ماتغير اقوالها يعرفن شنو نهايتهن

صفنت بوجهه اريد استوعب الديصير

-لاتصفنين مثل الثولة فضنهااا يله وهاي اختج اذا ضلت هيج مسودنه كال ابوج بطريقنا نشمرها بالمصح خاف تكتل واحد بدون لاتحس

كالها وطلع انداريت لرؤيا لكيتها كاعده بالگاع  لامه روحه تهز بنفسها و تباوع للباب عرفته بهذا كلامه يهدد اذا ماتنازلت راح يضيعها حتى يخلص نفسها مثل ماسوه برئال

انتجيت وگمت احس نفسي مو صاحية وكل هذا وهم ؛ رحت اسحل بروحي  بعدني مامدنگه يمها  كمزت رجعت ليورا

همست بصوت رايح  لاتخافين 

-وخروا عنيي لحد يلمسنييي

- اني اخيتج

-عوفونيييي  طلعووووا مناااا حيوانااات قذرررين

-دفنوا اخيتنا واحنا راح يشمرونا بالمصح

-كتلها مثل ماراح احرگه كتلها كتلها

كعدت يمها خليت راسي على متنها  وهيه تردد بنفس الكلمة كتلها اريد اتبلعم احس بلعومي يابس غمضت يائسه من اي رحمة

دقايق ودخل ابو طبر يركض كال كومن بسررعة

شلت راسي باوعتله عقلي مابي غير الحقد والدم

- قبل لاتتحركن ابوجن تعبان اي شي يگوله  لاتعارضن

مسحت عيوني واشرت اي

-عفية هسه اگول انتي صدگ عاقلة هاي المسودنه احجي وياها تره گوه قنعت ابوج مو صاحبها هذا اذا فكرت بس تحجي حجاية يشمر التهمة عليها ويردها للسجن

هزيت راسي

- سباعية كومي يله جيبيها وتعالي وراي بعد ماوصيجن هذا اخر جنص الها اذا تريد ترد للسجن ماعدنا شي انطي لسعدون افلوسه و اخذج مكانها  وهيه تولي للسجن مثل الفطيسه

همست لا مثل مايريد بابا انسوي

ضحك فرحان اشر يله گومي عصرت ايد رؤيا وكمت كومتها  طلع جريتها ومشيت ورا كل وحدة عقلها بمكان اليجمعنا بس كلمة الدم

لكينا السيارة منتظرة صعدتها وصعدت رحنا للمركز لكينه بابا منتظر هم عاد الحجي وحذرها اني مكانها لابو طبر اذا اشتكت مااعرف  بهاي كلمته شعل  البركان  الجواها وزود والدمار شال شكو رحمة من كلبها وزرع الغل

اشرت اي اخذها ودخل حتى ماعرفت شنو شهدت ولا اهتميت بعد رغبتي راحت من الدنيا بكبرها عرفت نهاية رؤيا شنو وهاي اخر امل جانت ضاله لخاطره 

حتى بجي مابجيت بعد لان حسيت راح ننجمع قريب ؛ وكفت لحد ماطلعوا  رجعنا للبيت دخلت للغرفة غمضت ماكدرت اباوع عكس رؤيا الي راحتت تتلمس گعدت يم افراش رند سحبت مخدتها اخذت نفس منها وصاحت بصوت عالي ااااخ ينار كلبيييي

شي بداخلي گلي وصل الدور الها راح تلسعين بمنظر تابوتها قبل لاتغمض عينج

بدون وعي ركضت جريتها خليت راسها بحضني وغمضت بجيت بصوت طلعت كل وجع لرند مكبوت جواية

تمر الساعات واني عيوني على خبزتها الي ضاله بمكانها بس صوت بحيبنا  ينسمع صار اليل  واحنا شفافنه يبست من العتاب والبجي ؛ اندفعت الباب دخل بابا  كال كومي يله حضري اختج

مسحت عيوني ماشوف كلش همست  بصوت كوه يطلع المن احضرها

- بت الكلب ماكالتلج ماغيرت اقوالها حسبالها تفيدها عرامتها  ماتدري نعلت ابوها بيدها هم راح ازوجها وهم اتغير اقوالها غصباً عنها

-اشلون باوعت لوجها من دفنتها بيدك وانت قابض ثمنها من الكاتلها

-انعل ابوج لابوها  من كتلها غير اختج العاهره رايه روحي علگت بالسما كوميها سبحيها خلى اخلص من شرها قبل لانحرها واغسل عاري بيدي

-تحجي عليها وتارك الي ضيع خواتي

-منو ضيعهنننن غيرها منو دخل الشبااااب وطين راسي وفضحني كدام الجوارييين بنااات الكلب سودتن وجهييي خليتني امشي واني مدنگ من فضايحجن ثنين جنجن فارات مااكدر الزمجن ااااخ بويه

-انت صدگ ابونا؟؟؟

-انعل الساعة الخذت بيها اليهودية وصرتن بيها شوفي ولج الج نص ساعة اروح اجي اريدها جاهزه لاوراس ابوي انتي تنشمرين بالسرداب وهيه انطيها بدون عقد

-من دفنتها وشفتها متملخه بيدك ماوجعك كلبك مامر على بالك وهيه تتلكاك بحضنه وتكلك هلابابا  زين من وقعت تناز عن دمها ماذكرتلها ضحكة سالفة  

مارد ضغط على سنونه واجه عرفته راح ياخذها

ويشمرني بالسرداب كلتله لاااا هاي هيه مثل ماتريد  هسه اسبحها واحضرها بس ربع ساعه انطيني

دفرني تفل علينه وطلع كمشت ايدي رؤيا همست اريد سجينه

-ماراح تگدرين جماعته تارسه البيت 

-كلشي اتحملت وصبرت بس  رنود لا ماراح اتحمل فقدانها  النارر الي بگلبي اذا ماطفيته هسه اموووت واني مااموت اذا مااشفي غليلي بي

-ماراح تلحگين طفين نارج بس تحركينا تردين تشفين غليلج وتاخذين حقها خلي نشرد هيج الدعوه راح تتوقف واهل الولد راح يتخبلون ويجون لابوج يشيلوا فلقه لاافلوس  الفصل ولاتغير اقوال

-مااطلع اذا مامثل بجثته هو وعايش

-راح يسحلج ويشمرج جوه رجلين ابو طبر وراح يجبرج تغيرين اقوالج بالف طريقة رؤيا والله  مااگدر ادير وجهي واباوع لفراشها كلبي ينزف لاتزوديها عليه ولان وحق كتاب الله انتحر ماضل حيل للصبر

-كومي روحي منا مالج شغل بيه لاتباوعين وراج 

-مااترگج وحدج تواعدنا نموت سوه ولو اعرف نگدرله هسه جان ساعدتج تره الوجع العشناه واحد بس لازم نطلع حتى ينذل وتنهد قوته وعد وعد وروح اخيتي اردج بيدي هنا

ماردت  غمضت عصرت جف ايديها  ضليت امسح على شعرها ماكو بكلبي بس الدعاء كون تقبل ودموعي تنزل بحرگه وجع على لعبه رند المحطوطة على فراش ماما

اقل الربع ساعة ونفتحت الباب  دخل بابا كال عرفتج بت مداس هاي ليش بعدها لسه نايمه

مسحت وجهي اخذت نفس گلتله  ماعندي ملابس الها حتى اسبحها

-اي صخام لبسيها فضينه راح يجي الشييخ

-خليها لباجر خطيه عروس اقلها اطلع اشتريلها شي

-اي زمال گدامج كومي سبحيها وحضريها هسه ادز واحد يجيب جفن تلبسيها يلاااا لو قسماً بالله هسه اشمرها جوه رجلي بدون عقد

دااحجي ورؤيا حركت ايدي عرفت وافقت

باوعتله وابتسمت  اتخيلت اشلون راحوا يدوسون راسه من يعرفون صارف الفلوس واحنا اختفينه

صفن بوجهي وخرت راس رؤيا وكمت بهدوء رحت  للمطبخ شغلت  الجوله ترست مي خليته  طلعت اتجتفت باوعلي متفاجئ  اشلون ماتوسلت بي مثل كل مره ؛تفل عليه وطلع

مسحت وجهي صار كدامي دم رند فرگت ركبتي غمضت مااگدر اباوعله ولااگدر اكتل روحي حتى ارتاح من هالعذاب

رحت  يم رؤيا كومتها  اخذتها للمطبخ  سديت الباب نزعتها ملابسها جسمها كله ازرك وشخوط كعدتها  المي بعده حتى موحامي كمت اشيل واذب عليها بدون شعور وهيه ساكته صدگ حسيت دخلنا بازمه نفسيه

اندكت الباب كال ذني ملابس ملات العوبه الولت عود لبسيها

مارديت كملت غسلها فتحت البوري  البارد  جريت الصونده خليتها على راسي ردت تهدأ النار الي بداخلي ولو اثر منها 

لمن جرتني رؤيا همست بتعب كافي ؛اخذت الصونده من ايدي شمرتها وكومتني فتحت الباب طلعت لگيت علاكة مال نفايات سوده جريتها وسلقيت الباب

اجت  رؤيا يمي فتحتها العلاگه  اشكال ملابس كلها جديده عرفتهن مالات مرته الي مااعرف وين اختفت

طلعت بنطلون وبلوزه لبستها بدون تنشف؛  گصيبتها تخر ماي  غيرت ملابسي  اصواتهم بره يسولفون ويضحكون ولاتكول بنته الصغيره  مكتولة

اندفرت الباب دخل كال خلصتي

-بس امشطلها

-خوش راح يجيب عشه حضريها بس نتعشى ونملج

-هاي هيه 

-وانتي هم حضري روحج يجوز سعدون  هسه ياخذج

ضحكت  بأستهزاء

-اطلعن منا مااريد اشوف اوجوهجن بعد تنسن عدجن ابو

-مثل ماتريد 

-كلتلهم صلخوهن اذا مشن اعوج تعرفن اذا اجوا وشكوا منج شسوي بيجن موتن احسن ولاتردن

-ماراح نرجع

-اي هيج خليجن عاقلات يله خلصي بسرعة لا تأخرنا

هزيت راسي   طلع رگع الباب عضيت ايدي حيل ندم عالضعف الخلاني اخسر اهلي

رؤيا - رايه  طلعيني قبل لا افقد ماضل صبر عندج

مارديت لان صدگ شفت عيونها صارن دم وشفافها بيض من الحرگه

رحت فتحت الباب طلعت وكفت يم الدرج اتسنط وبالي يم غيمة الي ماادري وينها اكثر من نص ساعة بالبرد واكفه ماتحركت اله واني  اسمعهم دخلوا للاستقبال ركضت للغرفة كلتلها يله

اجت تتلمس كمشت ايدها شكو خوف ربي سحبه بذاك الوقت من كلبي ردت بس اطلعها من البيت بأي وسيلة مافكرت حتى بالعواقب

نزلنا عالكيف  واصوات سوالفهم جاية من جوه يحجون بالولد الكتل اشلون يكدرون ياخذون افلوس منهم مقابيل يضل غزوان بالسجن

وكفت وغمضت اكتم الغضب همست رؤيا اذا حسوا علينه راح ينتهي امرنا

ضغطت على  ايديها  وجريتها طلعنا نمشي على طراف أصابعنا

اجه صوت واحد  منهم يريد يطلع عصرت نفسي كتمت حتى النفس ؛شديت على ايد رؤيا جرتها وركضت بسرعة فتحت الباب دفعتها وكلتلها ركضي

-منين نررركض

-منااا بسرررعة تعالي

- داسمع صوت واحد طلع راااايه وين نروووح

-مااعرف مااعرف بس ركضي  بسرررعة

سحبتها  حيل وركضنا حفاي الگاع كلها عثرات ووساخة والشارع اظلم ماكو بشر  عبرنا بيتين واشوف واحد داخل للمنطقة بيده بطل يغني بصوت عالي وكفت  شافنا اشر تعالن

درت وجهي اباوع  وراي الباب مفتوح وصوت واحد يسولف جاي من الطارمة رجعت باوعت كدامي الرجال جاي اتجاهنا يحجي بكلمات بذيئة

بعد مااعرف شسوي ماشفت غير بيت اليهودي گدامي تركت ايدها واتشلبيت على الباب  طفرته فتحت الباب ماكدرت كابس دفرته برجلي انفتح طلعت ركض سحبت رؤيا دخلتها وسديته بسرعة كعدت كلبي احسه يريد يوكف كعدت رؤيا واندفرت الباب وصوته يكول فتحي البااااب

اخذت راسها بحضني وغمضت رد دكه صاح فتح   خل ي افو ت لاكسره

لج فتح ي لع---  انطي ج  هذا الج

تعالوا فتحو اا

كالها ودفره حيل عصرت راسه رؤيا ورفعت راسي للسما نزلت دموعي بترجي غمضت استوني اهمس بالدعاء اسمعه راح يغني ضحكت وبجيت بنفس الوقت همست خلصنا

رؤيا-  لا بعدنا دقايق راح يطلعون يدورون

-ماراح نتحرك  لمن يفقدون الامل بوجودنا هنا

-وين احنا

-بيت اليهودي

-المسكون

-بسم الله الرحمن الرحيم الجن اهون من الحيوانات العايشين بينهم

-رايه وين نروح

-مااعرف ولاتسألين

لزمت ايدي وسكتت  

اباوع طارمة واسعة مهجورة نهايتها باب طلاگتين   يمها شباج طويل جام مكسر ومن الجهه الثانية حديقة شكلها يخوف

رفعت راسي طابق ثاني اظلم  كله شبابيج مكسرة داهمس بسم الله وخطف شي من وره الشباج عصرت ايد رؤيا

-شكو رايه

-ماكو شي صوتج

-رايه دااسمع حركت رجلين يمنا

-اششش مداشوف احد

بعدني احجي واسمع صوت ركضة بالحديقة جريت رؤيا وكمت بسرعة دافتح الباب وماحس غير بحركة سريعة رؤيا تنسحب من ايدي

انداريت واشوف واحد ملثم  بأسود ساد حلكها وخال سجينه على ركبتها  همس نفس واحد انحرها  …

***رئال***

فتحت عيوني واشوف واحد  بطرگ البنطلون ؛بحلگه جگارة اخذ نفس نفخه بوجهي وابتسم

كمت دارجع  ليورا كمشني بسرعة رجعني لمكاني  نكث جكارته على وجهي غمضت اجاني صوته بنجني مكاني وهو يگول لاتتحركين

فتحت عيوني على كبرهن متفاجئه ؛طريقة ضخامته المرعبة  وخشونه صوته هيه نفسها يعني الضابط الى ان نهزمت منه نفسه هيذام

رفع تك حاجب  اشر شنو

خنست 

-المركز خالي والاجواء باردة تجبرك گوة عالغلط صح  زعطوطة ومابيج حتى لذه بس كسر الخشوم واجب مو ؟؟

-ليش موعتغفت بعد شنو تغيد

-رأل  موبس اخذ الاريده منج لا افعصج بيدي وخفيج من الوجود

-ماسويت شي

-ولاراح اتلحكين تسوين كفيلج محمد قبل لاتفكرين تصيرين بأسمه تكونين بحضني اوديج اله  حامل بزوج

-ما اوافق وداعت ماما

-واني اريدج توافقين

-ليش؟

-حتى ادفنكم فد گبر  لخاطر تعرفون ويامن لعبتوا

-غاح اكول  مثل ماعلمتني  ماابدل اقوالي

-اكيد سمعتيني من حلفت اخلي رتبتي عالمكتب بس الماسمعتي هو روحج  قبل رتبتي راح تكون

اشرت اي

كز على سنونه عصر وجهي حسيته نشلع لزمت ايديه ضغط اكثر وگال وعلي يرئال ماارحمج بدل ماتنامين بحضنه انيمج بالتابوت مثل  ماتحديتهم ولزمت شاربي بيج ادوس بي ازينه واردج جوه الگاع

-هسه اغوح اكله ماموافقه بس عوفني

-لاحسبالج تفرين السالفة عليه وصدگتي من گلج تصيرين بحمايتي محد يوصلج وداعت ابني  اطلعج من حضنه واعلگج گدامه واخلي يصلخج بيده  

نزلت دموعي همست  والله وجهي غاح يطگ

رخه قبضته وسحب ايده عالكيف  لمن وصل لشفتي عصرها وگام فركت وجهي حسيته حماوة تطلع منه هلگد ماجان ضاغط عليه

اباوعله طوله وعرضه يخوفن تكول ماتابع للبشر من غير الجروح الي بصدرة ومتنه يحسسنك گاعد گدام  وحش مفترس

اخذ نفس من جكارته فززني وهو ينفخه بوجهي غمضت

دنگ خله اديه عالقنفة حاجزني بينهن گد ماقريب احس  گلبي يريد يطلع  ردت ابعده وخفت لميت جفوف ايده وتصنمت منتظرته يوخر اخذله ثواني وحجه بصوت شبه الهمس - فتحي عيونج

-وداعت ماما ماغاح اوافق ولااعتغف

-ماطول هيج ليش خايفة

-اعغفك غاح تضغبني

-مأذيلي اثر مرلي بطيف ولا اسمح لمخلوق  يلمس خياله

فتحت عيونه مامفتهمة شنو يحجي  جانت عيونه بعيوني احس نظراته تخترقني ؛ شال ايده قربها من وجهي رديت بسرعة  غمضت  سحب شعري بهدوء خلاه وره اذني وعدل وكفته

رجعت ليورا لميت رجليه عيوني عليه ؛خله الجگارة بحلكه اخذ نفس طويل وشمرها بالكاع دنگ سحگها وشال راسه باوعلي

-راح اعيد التحقيق وتغيرين اقوالج بالراح اگوله الج بالحرف الواحد

-مافهمت

-ولااريدج تفتهمين تسوين مثل ماامرج بي

-حاضغ سيدي

-لاتگولين سيدي  راح يطلبج اللواء  ترفضين طلبه اي طريق يدخلج بي قبل لاتردين تذكري مصيرج راح تحددي بهالجواب

-غاح اگله ماموافقه

-عفيه ؛محمود

-شبي

-ماتذكرين اسمه گدام احد نهائياً ماريد جنس مخلوق يعرف جنتي خطيبته لواكو صله قرابة بينكم

-ليش

-من غييير ليششش

-بس الضابط يعغف اني جنت خطيبته

-هذا شغلته يمي وحسمتها من زمان بس اذا عرف واحد غيره اطگج اجتاف اعلگج بالسگف وابتر المتبقي من شعرج

هزيت راسي

-عفية بالبطلة اصدقاء محمود 

-شبيهم

-شتعرفين عنهم غير اسمائهم

-ماعغف كلشي حتى اسمائهم

-ماجان يحجي وياج عنهم

-لا مجان يحجي بيهم ولا بشغله ابد

-چا بشنو تحجون كالها ورفع حاجبه

دنكت

حك خشمه اخذ نفس خله اديه بجيوب بنطلونه  باوعلي ساكت اخذله دقايق  وكال بصوت ناصي الاجازة وين جان يخلصها

-بالبيت  مغات نطلع للمدينة لو ياخذنه للكوغنيش

-بس انتي ويا لواكو احد وياكم

-لاكلنا نطلع  عائلة كاملة بسياغه وحده

-عائله كامله بسيارة اسبور ؟

-ها لا مو يجيب سياغة صديقه

-ومن ياخذج من المدرسة اكيد هم يجيب العائلة الكريمه ويا مو؟؟

-شدغاك (شدراك)جان يجي ياخذني من المدغسه ؟

- شتكولين انتي ؟؟

-مجان يجي عليه احنه ماسوينه شي من وغه علم  اهلنا

-شايفتني ابيع طماطة

سكتت

-لاي مكان جان ياخذج لوتخلصوها بالسيارة ؟

باوعتله احس كلبي يفور اتمنى اكوم اسحب السلاح افرغه براسه

اشر شنو

-ماتصوغ  هذا الشي اله شغلة بالقضية وحتى لوجنت امشي  ويا خطيبي وجان يحبني ومحافظ عليه اكثر من غوحه

-غوحه ؟؟؟ كالها و اتجتف يباوعلي حسيته يريد يستفزني

درت وجهي عنه

-تحبي ؟؟

-اي ولاغاح احب بعده واخذت عهد على نفسي مااتزوج  لحد ما التقي بي بالاخغه

-واعترفتي على روحج بس حتى محد يلمسج وتلحگي

هزيت راسي

-عجبتني ادرامتج من زمان ماحاضر فلم هوليود بس المجني عليه شنو فلمه جان تصبيره لووو

-وسخ ومشتهي يموت وكل واحد باله نفس الشي  غاح يكوون نفسس  مصييغه

بعدني احجي وماحس غير دنگ عصرني من خدودي رفع راسي اله وگال شكلج تماديتي زايد

-ماتماديت دادافع عن نفسي اني متهمة مو بايعة شغفي

-اتثبتين على كلامج

-واني ماتجاوزت

-متأكده ؟؟

هزيت ااي ودمعت

- ليش بچيتي

-بعد ماعيدها واصغخ بوجهك

-واني ماسويتلج شي

-اسفة والله

-جعفرررر

كمشت ايده باوعتله بترجي

-لك زمااااال

-لالا فدوه سيدي والله بعد ماعيدها والله

انفتحت الباب بسرعة جر ايده من بين اديه وكف عدل انداريت اباوع بخوف حتى النفس گاطعته متوقعة اشوف واحد من ذوله اليرفعون فلقة

صارت كدامي شرطية ضعيفة وسمرة كلش لاارادي بتسمت رجعت باوعتله  رفع حاجبه   وخله الجكارة بحلكه  عضيت شفتي دنكت كالتله نعم سيدي

-شصار بسالفة الغراض

الشرطية -جبت كم شغلة لان ماحصلت هنا غيرهن  واليوم من انزل بليل اجيب الباقي

-مواشكال اخذيها غطيها بمي بارد لاطلعيها لحد

ما ترد حرارتها طبيعية

-تمام سيدي

-منو من الربع هنا

-ماكو بس الضابط محمد يم اللواء ابراهيم والضابط ضرغام بغرفة التحقيق يم المتهم

-حلو  يله اخذيها

-سيدي  الحمام مشغول هسه

-بت البسطاااال  وين رايده دخليهاااا

-هاا اه اسفه سيدي حسبالي تقصد العام هسه اخذها للخاص

-اذا عرف بيها حيوان لو لمحها جنس مخلوق اقلع عيونج

-حاضر حاضر

اشرلها يله وراح لجهة الشباج  يورث جكارته اجت  كومتني گوه گمت احس عظامي متكسرة من الصخونة وشي حار يطلع من وجهي كمشت ايدها  طلعت اسحل بروحي  وياها

المكان هادء ماكو احد خلصنا الممر دخلنا بالثاني صارن كدامنا ثنين بيبان عبرنا الاول فتحت الثاني دفعتني بي كالت انتظري هناا

اشرت اي  راحت ضليت واكفه متجتفه ارجف الحمام يصل برد

اباوع مغسلة صغيرة عليها مرايا ويمها مكينة حلاقه رجالية و شامبو

الجهة الثانية دوش يدوي وعلى جهة صحيات

كمزت على صوتها وهيه تكول لزمي ذنييي

رحت اخذت منها جيس مكبوس

-سمعي لج دقيقتين مو اكثر وافتح الباب اسحلج

هزيت راسي اي

-لاتفتحين المي الحار اذا لكيت بخار اصلخج بي

-لعد اشلون اسبح مي بارد

-مثل ماذبحتي  الشاب وغسلوا يله لج انوب معترضة

-تمام بس سدي الباب

-بس لاتبيعين الشرف براسي بت البتاوين استعجلي قبل لايجي واحد والضابط يحرگ اهلنا بسبب قذارتج

-لعد مااغسل

-بعددد تعالي دفريني بت الشوارع شو تعالي اعلمج اشلون تردين عليه

كالتها ودخلت  طايره مالحكت حتى اضم وجهي وجاني الراچدي صلخ خدي

شلت اديه احمي روحي جرتني من شعري سحلتني سحل ليم للدوش دفعتني وكعت بالكاع دنگت فتحت المي وخلته على راسي

من كثر البرودة الشهگة طلعت من گلبي لميت روحي وضميت وجهي بحضني وهيه مستمره تفرك براسي و المي بقوته على جسمي احس النبض وكف من كثر البرد

اقل الخمس دقايق وحسيت النفس انگطع دفعتها  ووكفت اشرتها كافي واني اشهگ بصعوبة شافتني هيج سدت المي وجرتني دفعتني يم الباب وكفت كامشتني الرجفة

جرت الجيس شمرته عليه  وطلعت سدت الباب دنكت شلته فتحته بسرعه طلع تراك صح ردانه طويله بس قماشته بهاري

انتجيت عالباب ونزعت عالسريع بدلت بدون تنشيف بس اريد اكمل اخاف تدخل؛ بعدني استوني اصعد بالبجامة وحركت يدت  الباب انتجيت حيل وصعدتها ماحسيت غير انفتحت الباب ونشمرت مسافة دخلت  غضبانة بدون لاتحجي  تفلت وجرتني دفعتني كدامها طلعت

وكفت ردت اگلها وين ماخذتني مانطتني مجال حتى احجي  كمشتني من حلگ التيشيرت سحلتني مثل الحيوانة لمن وصلت لغرفة الضابط فتحتها دفعتني بيها وسدت الباب

احس روحي انعصرت غمضت عيوني لان ادري بمنظري يخزي شعري يصب مي و ملابسي مبللة لاطشه من غير فتحت التيشيرت اشكبرها ؛ غمضت حيل متانيه اسمعه وهو يهيني كالعادة

مرت دقايق هدوء ماكو صوت وخرت اديه اباوع الغرفه خالية انداريت وراي الباب مسدودة

سحبت ملابسي ابعدها عن جسمي فلتت الخيط من شعري  دنكت بسرعة لويته  وعصرته  عن المي شلت ليفوگ لفيته كباية ربطته حيل  اتناثر نصه من الاصفاح ميلوحن 

رغم دفوا الغرفة بس الرجفة لازمتني مااعرف خوف لو بسبب المرض  اتجتفت عيني بالباب اشوكت يدخل اكثر من ربع ساعة وهو ماكو

مر وقت تعبت من الوكفه اي صوت بالممر مااسمع لمن كمزني صوت رنه  عالميز درت وجهي اشوف تلفون مااعرف اشلونه شبيهه بالارضي بس بدون واير يرن توقعت احد يدخل يرد هم ماكو لمن توقف

اخذت نفس نزلت اديه اباوع للغرفة مرتبه وضخمه ميز ورا كرسي

كدام الميز طبله صغيره ومن الجهتين كراسي وداير مدايره الغرفة تخم جلد

عرفتها هاي غرفته الخاصه ؛ رجعت باوعت للميز  اكو صورة ويمها لعبة مال طفل شدني الفضول اشوف شنو

انداريت للباب على سدته عضيت شفتي تقدمت امشي عالكيف وتلفت اخاف يدخل واحد لمن وصلت للميز رجعت انداريت هدوء

باوعت للصوره بعيدة من الجهة الثانية خفت اجازف اكثر وروح يم كعدته  دنكت ومديت ايدي كوه لحتها سحبتها  درتها واشوفه هو كاعد نص كعده  وبحضنه طفل تقريبا اربع سنوات ميشبهله عيونه ملونه  حاضنه ويضحك 

تذكرت رند لزمتني العبره اشكد مشتاقه اخذها لحضني واسمع سوالفها هيه وتضرب بخدودي وتضحك

رجعت الصوره مسحت دموعي كلبي لهفان احسه ضاگ عليه بعد مااكدر اتحمل انداريت اتأكد من الباب على وضعه  ماكو صوت  بدون تفكير شلت السماعة  خليته على اذني

دگيت رقم جهاز غزوان ودموعي تنزل بشوگ متأملة اسمع صوت رؤيا ترد مثل كل مره رن اكثر من مره ماكو  انتبهت لنفسي شنو الدااسوي شهكت ونزلت السماعة دااخلها واجه صوت غيمة تكول منوو

رديت بسرعة  اني غئال 

-الله ياخذج يالعاهرة منين تتصلين موبالسجن عمت عينج بس لاطلعوج ونهزمتي تكملين اصخام وجهنا

-ياصخام التحجين عنه واني وجهي محد شايفه  معقولة انتي بشغ  مثلنا وتعغفين اكو حساب وغاج

-ليش عيني شمسوية حتى اتحاسب  فوگ مارضيت عيشت الذل بينكم اخر شي حلتن اخوي خليتنه يكتلني لخاطر يضم فضايحجن

-ااخ اتمنيت صدگ  كاتلتج بيدي مكان غزوان بس هم الله ماغاح يعوفج  مثل مادخلتي الولد على غؤيا وضيعتينا غاح يغدها ضعفاف بيج 

- ولك عمي  تعااال شوف بتك مااعرف من يامله تخابرر وتهدد

-عوفي بابا بغوح خالي سوي زين واحد بحياتج  انطني ماما لو غايه بس اسمع صوتها

-ياا ام…

بعدها تحجي واشوف انداست  دكمة بالتلفون شلت راسي لكيته هيذام  وكعت السماعة من مني  رجعت ليورا  - بس افهمك

رفع حاجبه وعدل بلوزته من جوه دنگ شال السماعة رجعها مكانها رد باوعلي اشر شنو

همست والله غدت بس امن على ماما

-اي وأمنتي

- بعد ماعيدها

شال ايده بسرعة ضميت وجهي كمشهن نزلهن ردت اسحبهن من بين اديه ضغط عليهن نزلت دموعي

-خدج ليش احمر ؟؟

-هاا

-منو ضاربج

-الشغطيه  بس والله والله ماتجاوزت حتى اسألها  بس كلتلها طلعي دابدل ملابسي

-مم وبعد الكتله شصار ؟

هزيت راسي كلشي ماكو

-متأكدة

-والله

-ليش ضحكتي من دخلت

-هاا مو شسمه

-شنو هو الاسمه  عالاساس انتي احلى منها

-لالا والله لان انت صحت جعفغ و

-وانتي رأل شنو الفرق 

دنكت  لم ادية بأيد وحده ومد الثانية غمضت حيل وخر شعري عن وجهي  ورفع راسي باوعتله  بخوف

-ليش ترجفين

-غاح تضغبني ؟؟

-شسويتي حتى اضربج

-حتى قبل كلشي ماسويت وانت ضغبتني

-وشخطة السيارة

- اعتذغت منك هواي

-لااا انهزمتي

-لان عغفت غاح تعاقبني

-او يمكن اسألج شنو الجابرج توكفين بهيج  منطقة مقطوعة بوكت متأخر 

-وثاني يوم خليتني اغجع وتوگع الجغيمة بغاسي

- يعني هسه اني سبب كل الصارلج

دنكت مارديت

هو هم سكت صار هدوء مرت ثواني عصر جفوف اديه وكال - اذا طلعتي منا اول مكان ترحيله منو

- صدگ اطلع

-مو تگولين بريئة

دمعت عيوني لازمتني العبرة

-ابوج وغيمة وابوطبر وسعدون بعد منو تردي يطير بدل الكتل الحصلتي

-متنازله عن  كلشي بس خليني طلع منا 

-اشعدج طالعة المن تردين

-شنو المن اغجع لاهلي

-واذا اهلج ميردوج

-ليش ميغدوني ماسويت شي

-افترضنا ابوج ماقبل يدخلج للبيت وامج لخاطر خواتج تسكت

-مااعغف زين مو كلت غاح اطيغه مكان الكتل الحصلتي

-كم واير انضربتي

-هواي كلش

-ثلاثة

-واثنين غاجديات

ضحك عصر خدودي وندار صاح جعفررر

-غاح طلعوني منا

اشر لا  ورد صاح جعفرر

سمعت فتحت الباب نزلت دموعي بتوسل بس اريده يگلي كلمة اعيش متأملة عليها 

اشرلها اخذيها اجت كمشتني جرتني  انداريت عليها منطيني ظهره يعدل بالصورة انطاني امل وسحبة بلحظة

شهكت بقهر داسحب النفس شرگت مثل الشي دخل خنگني گحيت ردت اشهگ النفس ماكدرت رجعت گحيت زادت الخنگه ؛ وكفت رفعت راسي ليفوگ اريد الهوا مااكدر اسحبه رفعت ايدي  افرك بصدري والشرطية تكول شبيييج ولج

مااكدر احجي بس أشر خلصيني احسه انگطع بالزايد  كعدت بالگاع  اندار على صوتنا  شافني  اجه بسرعة  يمي دنگ-  شبيج بابا

نزلت دموعي كاطعة النفس

كمش وجهي رفعه ليفوگ

- اخذي النفس لاتكطعييي

غمضت ضرب على ظهري رخت روحي كام بسرعة  كومني دار ضهري لصدره ورفعني من  بطني وعتني حيل غابت روحي

رد نكثني وصاح  سحبيي النفسسس

بديت افقد ماحسيت غير ضربة بداية بطني خلاني اشهگ الهوا بقوة

نزلني للگاع كعدت تعبانة ايدي على صدري  اتنفس سريع

وكف يباوعلي متخصر اخذله شوية  ومسح وجهه  اخذ نفس وهز ايده  وصاح بصوت يرعب رجعيهااا لمكانها ورديلي بسررررعة

دنكت الشرطية كومتني عالسريع  طلعتني رجعتني  للزنزانة وراحت مستعجلة

مشيت گوه للحايط سندت روحي وگعدت مابية حتى افتح عيوني دقايق ورجعت بس وجها متغير مثل المرتبكة لو خايفة شمرتلي بطانية فرو وقفلة الباب عالثواني وراحت تركض

شفت البطانية كدامي ماصدكت سحبتها لفيت نفسي بيها  احس الرجفة بعضامي والخنگة بصدري تمددت  غطيت حتى راسي بس اريد ادفه

الساعات تمشي والخنگه مستمره مااعرف شنو صارلي كل شوية لازمتني الگحه والشرطي الجبير يم الباب يصيح هاا بويه صارلج شي

اكتم نفسي واندعي  حتى ماتنعاد الحالة كوة ارجع اجر النفس واسمعه يلعن بيهم

مر كم يوم واني على وضعي محد دز عليه بس معاملتهم اتغيرت وياي الف درجة ؛ الاكل اكثره سفري مبين من مطعم والمي بدل الكلاص صار بطالة تگول يحضروني اللااعدام

النهار يخلص ويجي الليل ماشوف بس الحيطان  كلما يمر وقت اكثر احس برعب اكثر  صار بيه مثل التوحد لااعرف ماما  ليش لحد الان ماسألت عليه  ولاادري مصيري شنو

كمت اشرد داخل احلامي غمض واتخيل روحي بعدني گاعدة بينهم كتابي بيدي و اضحك على ضحكتهم

ابوس بخدود رند واتجاكر ويه غزوان

بعدني اتعاجز امشط شعري اخذ المشط واركض ادفع رؤيا وگعد مكانها حتى تمشطلي اول

نزلت دموعي شهكت بصوت احس صدري بعد مايتحمل اكتم اكثر اجه الحارس على صوتي فتح الباب كال بيج شي بنيتي

-داحس نفسي مخنوگه اشوكت تاخذوني وتخلصوني  منا والله دموت قابلة  حتى لو تعدموني بس خلي اخلص من هالعذاب

-ماتنعدمين  الضابط هيذام  ديشتغل بيها  طلب بأرجاع  اوراق التحقيق لمكتبه  حتى يعيده

وان شاء الله بصالحج هالمره

-وغزوان؟؟

-مااعرف والله بس اكيد هيه قضية وحده انتي اندعي كون تفض ويه اللواء  لان عالگه بينهم للستار

-ميقبل اللواء مو؟؟

-ساحب  القضيه ومسلمها للضابط ضرغام  وصايره حرب بينهم الضابط هيذام داخل لمكتبة شاگ الملف بالنص وذاك يريد يعيد التحقيق وهيذام يكول ماتاخذها غير على جثتي والله يصلح الحال بينهم

-اللواء  ديدزلي هذا الاكل

-لاا مو هو المهم بويه  اني هنا اي شي تعتازي من اكل مي حمام كولي لاتخجلين تره والله حالج حال بنياتي

-بس طلب واحد  بداعت خواتك  لاتكول لا والله كلبي خلص بعد ماتحمل بس كلمة وحده اسمعها اهلج زنين بعدها ميهمني عدمن تصفى القضية حتى لو يعدموني

-وداعت بنتي  مااكدر ممنوع اذا انلكفت راح اتحول للتحقيق وهم مااكدر اتركج هنا وحدج اخاف بأي وقت يجي عليج واحد ياخذج لغير مكان وكتها صعب انرجعج اصبري  ماطولين ان شاءالله وتردين بيناتهن

-لشوكت بعد كم شهغ  وشنو نهايتي اذا كلمن يغيد يصعد مكانته  على حسابنا

-كولي يالله تفرج ان شاءالله

لميت رجليه خليت راسي عليهن نزلت دموعي اسمعه استغفر وطلع قفل الباب مر الليل حتى الاكل الجابوا مااكلته حسره بكلبي خانگتني احس اكو شي صاير بيهن

لثاني يوم واني خاله راسي على ايدي اباوع للباب ودموعي تنزل بوجع شي صدري مقبوض  مااعرف ليش لليل وانفتحت الباب لبالي جابوا الاكل شفت الشرطي دخل بش شكله تعبان كال كومي طالبج الضابط

-غاح يعيد تحقيق

-هاا لا يريد يحجي وياج

-شنو  هم يعيد الحجي ويهددني  والله ماابدل  اقوالي بس خلي يكمل القضية قابلة  بكلشي خلي انسجن مؤبد بس المهم اشوف اهلي

دنگ عيونه تلمع لگشني كلبي من وضعه كمت رحت يمه همست شصاير

رفع راسه باوعلي نزلت دموعه

-غزوان مات بالتعذيب لوماما ماتحملت غيابنا

-لابابا  محد مات منهم امشي وياي

-اعغف  واحد مات داحس گلبي يوجعني بس كول منو منهم عليك الانبياء  ماما موووو كلتها وشهكت

-استغفر الله ربي لابابا صح فاقده صار فتره  بس عايشة وداعت جهالي وحتى غزوان مابي شي

-غؤيا لو غايه  اي دوم بابا جان يكتل بيها وهيه مغيضة ؛ يمه اخيتي غاحت والموت الي ليشش ماتت هيه وعدتني ماتعوفني اشلون سوتها  وتعغفني غوحي بيها

هبطت روحي كعدت بالكاع مسح. دموعه دنگ كال والله مابهن شي

-زوجها بابا الحيوان وهيه وماقبلت كتلها موو

-مو رايه اختج الصغيره انطتج عمرها

-غند؟ لا اكيد دتتشاقه هيه اشوكت انولدت حتى تموت

باوعتله بجه كمشت ايده كلتله كول جذب زين اشلون ماتت خواتي وين عنها  ؟ لو هنه هم ماتن وياها كول گول بعد ماتفغق( تفرق ) وياي هيه وجعه وحده

-لاوالله صح  ماهنه مختفيات بس عايشات

-شنو مختفيات ؟ شنو ماتت ؟شنو فاقده ؟؟

-كومي وياي هناك تعرفين كلشي

صفنت عليه احس روحي بحلم اباوعله شفايفي يابسه جسمي خدر وثلج بلحظة برد احتل كل اجزاء جسمي كمشني كومني رجليه اثگال  مشاني اتحرك بيده بدون شعور

عقلي متبنج مامستوعبة شنو كال يمشي واني اباوعله اريد يكول جذب هذا نوع من انواع التعذيب بس عيونه تحجي غير هالحجي يبجي بقهر وصلنا للغرفة اول مشافنا الشرطي  فتحها

صار كدامي الضابط هيذام  واكف يدخن يم الشباج طفه الجگارة وندارلي

دخلنا اجه يمي دنگ للگاع حك گصته اخذ نفس ورفع راسه يباوعلي

مثل الصحاني ضغطت على سنوني وضربته بكل قوتي اجت بصدره صرخت   اغتاحييت ماتنننن ماتوووا  كلهم

رد دنگ  جريته من ملابسه بثنين اديه راد يكمشني الشرطي اشرله اتركها

عتيته حيل وصرخت ليششش يعوفنيي هاااا لان تعغف  نفسك بااااطل  الله ياخذك  مواعتغفتتتت اشوكت تعدمني يله اعدمنييييي ولك ماتن خواتييي ماتن  كلهنننننن

كمش اديه دفعته ورجعت ضربته بصدره

- يله داجاوززز عليك اعدمنييي  ليشششش ساكتتت موانت السويت كل هذا حتى تصعد  غتبتك الله ياخذذك اكتلنيييي

اشر اي بس هدي

صرخت بصوت  انت هم  بشرررر واحس روحي رخت كعدت بالكاع كلبي يدگ بتعب  دنگ كعد گدامي نص كعده باوعتله همست بكسره غاح اندمك والله

-ميخالف

-هديت عائلة كلها حتى تعلي مكانتك  شنو انت

-يرجعون

-وكلام الله غاح اخليك تفقد غتبتك( رتبتك )بعد ماصعدتها بدمنا

اشر اي وكام جاب كلاص مي فتحه دنگ مد ايده

باوعتله شفايفي يبسن والدنيا افترت راد يحجي ودخل واحد ضرب تحيه كله سيدي  القوا القبض على المغتصب 

-عفيه شمروا بالغرفة واني جاي وانت ابني اخذها رجعها لمكانها انطيها مهدأ وخليك وياها لاتتركها ولالحظه لحد ماارجع

كام جر سلاحة وطلع بسرعة كومني الشرطي كال الله يصبرج بوية والله حسيتها وحده من بناتي انزرف كلبي من ساعة السمعت الخبر

كمشت ايده مااكدر اسند روحي حجيت بتعب اشلون اعتدى عليها وين خواتي عنها

-يكولون اختج الجبيره رايحه للمستشفى لامج وهو مستغل غيابها داخل على الثانية

-وجايبني هنا حتى يگلي هاي انتن

-لاوالله راد يعرف منج بلكي عدجن مكان خاص تنضمن بي لان داز دوريه من البارحة يدورون وماكو حتى يعرف اشلون يشتغل

-لوماملبسني القضية  مجان امي فقدت ولاغايه تركتهن وغند عايشة هسه 

-كله مقدر ومكتوب الله يصبرج يبوي

-وديني للواء

-شتسوين يمه

-اندل مكانهن خلي يلحگ عليهن

-اي هسه اندز خبر للضابط هيذام

-لا ماغاح اگله لان غاح يظلمهن ويلبس اختي القضية مثل ماسوه وياي وديني اله ابوس ايدك

-راح توگعين دتعالي كعدي وجهج انخطف لونه حتى حجي ماتكدرين تحجين

-بس وديني قبل لايحصلهن بابا  وافقدهن هنه هم دخيلك سيدي احسبهن بناتك ونخنك

-امشي وياي اذا بعده موجود ماطالع وقبل يستقبلج خوش واذا ماهو نخابر الضابط هيذام لان هو لزم قضيه الطفلة

ردت امشي ماكدرت سندني عليه كوه اتحرك امشي ماكو براسي بس انتهت ذيج اللمة وصوت الضحكة التطلع ابراءة؛ بلحظه وكلشي صار حلم بسبب حيوان بلا ضمير

وصلنا لغرفة اللواء  كال للشرطي الواكف بالباب رد  انتظروا دخل شوية وطلع فتح الباب دخلنا لكينا كاعد وره المكتب ضرب تحيه الشرطي اشرله اطلع

كام كال البقيه بحياتج بابا

-الضابط هيذام  هم يغد (يرد) بكلمته

-لاكلمته على كص رگبته بس ليش هالسؤال

-اني موافقة على الزواج 

-خير ان شاء الله ليش غيرتي رائيج  بعد هالمده

باوعتله ونزلت دموعي 

- جان من البداية ليش هيج ضيعتي اهلج  مو كلتلج هيذام ماراح يتركج لمن يهد كلشي وهسه بعده ماصدگ من البارحة لليوم متخبل بس يريد يحصل الباقيات

- يعني انتهن غاحن كلهن

-لااكو امل نحصلهن قبله ويصيرن بحمايتي وبدل القضية التي مفكر ترفعه يخسر رتبته جزاء جبروته

دنكت ساكته هو يحجي مااسمعه شنو ماكو غير رند  بعيوني غمضت گال يله رجعي بين مااكمل اوراقج وهم واكو شي لازم نضيفه على الاتفاق

همست ضيف شنو تغيده ماضل شي عندي حتى اعتغض عليه

-الله يصبرج بابا يله روحي خلي اكمل امورج قبل لايرجع

اشرت اي وختل توازني كعدت بالكاع

صاح الشرطي دخل دنگ كومني سندني على متنه  رجعني لمكاني  كعدت يم الحايط لميت رجليه طلع  دقايق ورجع بيده حبايه انطانياها كال اخذي راح تهديج شويه

-عمرها اغبع سنوات تخاف حتى تنام وحدها

-استغفر الله ربي اخذي بويه  الحباية

-مالحكت اشبع منها كمشت ببلوزتي  وكالت لاتعوفيني وحدي جان كلبها حاسها

-كولي يالله

-ضيع عائلتي كلها علمود  يصعد غتبته

-كافي رحمه لاهلج يبويه

-والله غاح اخلي يتنازل عنها والله غاح اندمه

خله الحبايه بحلكه وشربني مي مسحت حلكي بظهر ايدي وتمددت غطاني مسح على راسي وكام وهو يتحسر  طلع  

غمضت اريد ابجي مااكدر شي خانكني خليت ايدي على صدري  افرگ بي اريده يطلع مااعرف شنو السويته  ولاحاسه وين شمرت نفسي بدون وعي

دقايق والدنيا افترت رحت بالنوم ماادري اشگد ضليت  بس ماصحيت  غير على صوت وحده تضرب بوجهي فتحت عيوني لكيت مرة متوسطه گالت واخيراً صحيتي ماتگليلي شنو ماخذه وهيج مسطورة

عكدت حواجبي مامفتهمة شي اباوع نايمة على جرباية  داخل غرفة مرتبه

-لاتصفنين يله كومي  خلي ارتبج قبل لايدخل اسماعيل

-شنو سماعيل وين اني ؟؟

قبل لاترد واسمع صوت بابا بره

مو تكول صوت هذا الي جان يجرم بيه حسيت شي بداخلي فرفح الها وخرت الغطة وكمت بسرعة  فتحت الباب طلعت لكتيه كاعد  ركضت اله دنكت على اديه كمشتهن وكعدت گدامه  اريد احجي مااكدر الشهگه بكلبي باوعلي و  همس الله ياخذج ويخلصني من عارج

حجيت بكسره  ماتت اخيتي بابا

-كون كلجن ميتات فد ساعة

-كلبي يوجعني بابا الخنگه ذبحتني شي بصدغي ديموتني بابا

-رادلها حظ واخلص منج انتي واخواتج بنفس تابوت امجن كومي لاادفرج

- عيطت بخوف مو؟ بجت بتوسل ؛اترجته مغعوبه ( مرعوبه) ؟  من دفنتها شنو جان مبين عليها

-فضحتيني بت الكلب كومييي

-خواتي وين بابا  غؤيا  ماتت  اعغفها ماتحملت اتشوفك وانت تدفن بت كلبها بيدك ؛ غايه شصاغ بيها من شالتها بحضنها وهي بلا نفس

-مثل ماراح ادفنهن بيدي وانعل ابو فضايحهن ااخ ياليهودية ولت وبلتني بقذارتجن

كالها وجرني راد يدفعني وبطل صارت عينه وراي   انداريت لكيت اللواء  ويمه المره گاله يله ابو رايه كوم اخذ ملاتك وتوكل  تطلع منا تنسى  هذا المكان قبل بنتك نهائيا

بابا- اصلا ماعندي بنت

-اخاف تفكر يوم من الايام تكول عقدت بنتي لفلان خلي براسك قبل لاتجيب اسمي لسانك يطير

-لاسيدي ابد

اشرله يله كام بسرعة دنگ اخذ رزه مال افلوس وطلع بسرعة باوعت للواء اريد افتهم شكو وين اني ؛ كمت تركني وندار للمرة گاللها اريدج تغيريها تغير جذري

-دزيت الولد يجيبون الكوافيره نص ساعة وتكون جاهزه

-ابو درع هم اتصل

-اي كال ديروا بالكم على درع احتمال مارد اليوم  يعني أمن

-شأمن زارع الدنيا  عيون اكيد هسه خبروا استعجلي واسماعيل وين اختفى 

-اول ماكملتوا عقد طلع للبيت الجبير بس شكلة مقتنع بالاخص من گلتله حتى علاجك ابوك راح يوقفه اذا ضليت مصر لان مل منك

-وشنو رد

-مارد بس كال ليگدام مااجي واعيش وياكم بالبيت الجبير اضل بشقتي هنا شكله رخه مبين خاف صدگ توقف العلاج وترده لهناك

-وراح يغير تفكيره اكثر من يشوفها  يله همي ايدج وانت بابا رئال مااوصيج بعد عليه هذا صار زوجج ومسؤوليج من هاي الساعة

داارد ورن فونه طلع مستعجل انداريت للمره كلتلها يا زوجي  وشنو هذا المكان اشوكت جبتوني

-اذا انتي مااعرف شنو متسممه وين تحسين المهم جابوج الولد قبل لايوصل الشيخ واجه ابوج ملجج لابني اسماعيل وهذا المشتمل الي راح تعيشين بي

-اشلون عقدني بدون موافقتي

-موافقتج شنوو مو كلتي لابراهيم موافقه وبعدين ماحتاجوح بالعقد قاصر ابوج ملجج

-العقد باطل

-شنو ولج شنوو منو انتي واكفه معترضه وتعلمينا على الحرام والحلال كلج خلگ وسخه جبناها من نص السجن حمدي ربج قبلنا ندخل وحده مثلج للبيت كافي خلصناج من مكان اقذر من اهلج هاي من غير الفلوس الي اخذها ابوج مكانج وياريتج تسوين

-يعني شنو

-يعني ترحين كدامي للحمام نفس مااسمعلج خلي الحگ انظفج قبل لايرد اسماعيل بلكي صدگ يغير تفكيره ويتقبلج زوجة

-ماجان هيج الاتفاق

-اتفاق شنووو شو انتي جنج صدك بت شوارع مثل ماكال ابراهيم واذا شفتي مجال تاكلينه شو تعالي واخلي اشوف اشلون تعترضين

كالتها واجت بسرعة حتى مالحكت احجي جرتني من شعري سحلتني للحمام دفعتني وصاحت شوفي لج  ربع ساعة وارجع وداعت ولدي اذا لكيتج مكملة شغلج وسابحه اغسلج بمي الجفن واسلمج لابراهيم  وانتي تعرفين وين يشمرج لخاطر تتربين وتمشين عدل

طبگت الباب حيل وكفت صافنه اريد استوعب  وين شمرت روحي

من كثر الهبطة گعدت ورا الباب اباوع للحمام  اشسويت بنفسي اني

كمشت راسي -ويامن ورطت روحي منو راح يخلصني شحصلتي وجعتي گلبه منو يكول اصلا منتبه لغيابج

مر وقت واني على گعدتي متبنجة صافنة مااحس بنفسي ؛ندكت الباب وصوت مرت ابراهيم تستعجلني

مسحت عيوني وكمت داافتح الباب حتى اصرخ بوجها واكلها هاي هيه خلصت اللعبة اخذت ثاري ميهمني بعد حتى لو تعدموني

استوني احرك اليدة واسمعها تحجي ويه وحدة تكلها استعجلي عدلي  شعرها وجها قبل لاتصير مصيبة اتخلي يرد بكلامه

-شنو العريس ماموافق

-لا هو وافق بس جهنم ربي بالدنيا ابو درع  الماراضي  مره عشرته مرة هالولد الكل يصيح ويستريح من ظلمه مااعرف الله اشوكت يتوب عليه

-مرته  ماردت

-شترد ماعونت تطفش اتخلص روحها كد  ما باطل وماينحمل

-خطية الطفل اشلون انطاها كلبها تتخلى عنه هيج 

-يمتى سوده عليه لحگت تشوفه حتى اتخلت عنه   من اول ساعة صار راح جابه غصبا عنها وهذا  شمره على كلبي لايسأل عنه ولايعرفه منين

-الله يهدي

-ماتصور ينهدي هالولد اعرفه وراح يجي يوم يسوون بي  مثل ما سووا بأبو كدام عينه وابنه يتخبل ورا 

-لااسم الله الله يحفظه لشبابه

هيه تندعي واني طلعت شافتني بطلت گال. شنو هاي شوطلعتي بملابسج ؟؟

-اي لان جان اتفاقنا بس عقد مثل ماانتم غجعتوا بكلامكم اني هم اغجع

دترد وندفعت الباب دخل واحد  اباوعله طويل شكلة مكروه لحيته طويلة  وجهه نصه محترگ والباقي باهت 

طلعت البنيه بسرعة وهو اتقدم گال هيه هاي الخبصتوني بيها

- اسماعيل  يمه شحجينا ليش اتخلي ابوك يحلف عليك

-لاهاي هيه بس مالكم شي يمي بعد

-ابد واني اوكف بوجه ابوك اذا حجه بس فرح گلبي يبعد امك

-شهر ماكو غيره

-ميخالف بلكي ربي ولن معوضنا بأبنك بهذا الشهر دشوفها جنها كمر

-كمر اصخام گلتلج اخر تجربة هاي وبعدها اليوصل يمي احرگ نفسي كافيي سودتوا حياتييي

-اهدأ اهدأ يبعد امك لاتتعصب ميخالف التريده يصير اخذها وروح لغرفتك حضرتلك كلشي وانتي يله يمه ويه زوجج

باوعتلها بهتانه اريد اتبلعم مااكدر

-اشبيج ولج

-شنو شدتحجين انتي

-شحجيت يمه گلتلج زوجج روحي ويا لغرفتكم وربي يسعدكم سبع سعادات اكو شي غلط حجيته وماادري

- اي عقدتوني بدون موافقتي وجان بس كلام بالبداية على انو اخدمه بس لان تعبان مو هاي الاشياء الدتحجون بيها 

اسماعيل -. يااشياء  وشنو تعبان قصدج مخبببل 

-ماكلت مخبل بس زوجة مااغاح اكون الك

-لا اشو تصيرين وغصباً واذا تنفسيتي اكسر ضهرج

-ماتگدغ تغصبني على شي بعد عن الباب داغوح لاوالله افضحكم 

-طلعييي يمه مناااا خلي اشوف اشلون تمشي كلامها وتمنعني

شفتها تريد تطلع وهو  اتقدم شكلة يخوف رجعت للخلف كلتله والله بس تلمسني اذبح نفسي و…

اني احجي وسكتني  براجدي من قوته  كعدني  بالكاع دنگ جرني من شعري ومانسمع غير صوت  رعد بالبيت  وجمدني بمكاني

دفعني اسماعيل وركض ورا امه بعده مالازمها يحتمي بيها وندفرت الباب دخل هيذام  اباوعلة النار تطلع من عيونه گمت بسرعة اتقدم عيونه عليهم صاگ على سنونه

صار قريب مني من گد الرعب مالحگت ارجع ليورا وخرني عن طريقه بدون لايباوعلي راحلهم رفعت اديها امه و صاحت ولك هذا اخيك

جرها شمرها عالباب واشرله تعال

طلعت تركض تصيح ابراهيم الحكنااا  راد يشرد اسماعيل لزمه من ياخته سحبه يمه گله شنو كلتلك

-وو

بعده مامكمل واجه البوكس من قوته دگ راسه بالحايط اختل توازنه لزمه عدل وكفته و اشر شنو 

بجه بصوت راد يحجي ورگعه بوكس ثاني من يمي احس راسي انفجر  كعد بالگاع شبه فاقد

دنگ شاله من رگبته ودخلوا ابو وامه يركضون الام كامت تلطم والابو  دنگ شال جامة مال الميز فلشها بظهره

لبالي راح يتأثر اباوعله ولاهامه كمش اسماعيل بثنين اديه رجع راسه ليورا وهفه كله بكل قوته كعده بالگاع بحركه سريعة دفره بطنه  انطوه عصر روحه وكام ينهز كله مثل الي لزمه صرع

تركه واندار للواء الي رجع بسرعة ليورا وصاح اطلع منااااا

هيذام - هه هاي كل قوتك حسبالك ربحت الرهان روح ابوي  لخيلكم تتناطحون بينكم

-انجبببب لاتتجاوز ويله اطلع قبل لاخليهم يسحلوووك

-انت البديت  استعد للراح يوصلك

-ماتگدر حتى ترمش موتسوي شي

-خليك مثبت على كلامك وهذا  الخنيث عود ضمه عدل وعينك على ولدك

-اطلع منااا يله

-قبل لااطلع الك شي يمي

كالها ونتر الرتبة من متنه جر ايد اللواء خلاها بيها  وسدها دگدك على متنه بخفه  كله حافظ عليها زين راح تسليك بالگبر

-كلب وبدون تربية

ضحك بأستهزاء واندار باوعلي

-وانتي اريدج ترتاحين اليوم اشكد ماتكدرين قبل  لاتشوفين الشمس  هديتج  راح تكون بين ايديج …

لاتنسون التصويت❤️

شيء من رصيف الدم

بارت السابع

بقلمي: leo Alfatlawi

بارتين سوه

علقوا بين الاسطر ❤️

***رئال***

لايوجد عذاب اقوى من ان تتكلم

بداخلك قصة لاتستطيع ان تحكيها ٠٠٠٠

على صوت صراخ امه والهوسة  اندفعت الباب دخلوا الحرس ترسوا المكان رفع اديه اللواء وكفوا وهو اتخصر عيونه على هيذام وينفت

باوعلهم هيذام ورد باوعله وضحك  راح لجهة الباب جانوا واكفين ثنين حرس شال ايده رجعوا  ليورا جر واحد منهم من ياخته شمره على اللواء گله عود اختارلك حراس زلم حتى يحموكم عدل

فتح الباب وطلع مسح وجهه اللواء وكلهم طلعوا ورا لاتخلوا دقيقة يغفل عن عينكم

طلعوا يتراكضون ومرته لطمت على وجهه صاحت شنو روحوا ورا سودة بوجهي

-جا شسوووي فهميني

-يمه ويلادي لالااا براهيم  هذا مسودن مثل ماشوهلنه هذا يضيعلنه الباقين ميهمه حتى لومات  اهم شي يسوي الي براسه

-هسه اخابرهم ياخذون حذرهم منه لحد مااشوف وين تصفى ويا

-ليشش هيج اتخبل على  شنو  اذا على هاي اخذها ردها  خلي اتولي اني اجيب تاج راسها

-من اشوكت هيذام  عاقل حتى هسه متفاجأه بتصرفه هاي گدامج شفتي حتى من اخلي الولد يشمروا بمكان يتربى  بي ماتعترضين

-شتشمره  هو اشلونه حتى تزيدها عليه هاي عمته كله منها هيه تزيد بگلبه الحقد الله ياخذهاا

-يامره لاتدعيين عالاساس ابنج  ملاك  ولج المراكز والدوائر كلها تصيح من شره لايعرف جبير ولاصغير اذا مايشوف روحه تفرفر بيده يخلي يعترف باليريده مايعتقه

-نزل بي عقوبة مثل ذيج المره ودي عالحدود حتى لو خطر المكان لو شمره بقضية ياخذله كم شهر  اهم شي يبعد لمن يهدأ

-ياعقوبه غير شمرر رتبته استغفر الله  ماتگليلي شسوي ويا والله احتاريت لازواج لزمه لاخلفة عقلته لاعقوبة ربته ااخ لوماابنه كاسر خاطري جان  عرفت اشلون اكسر راسه

-لخاطري روح ورا هدي شنو يريد سويله والله اموت اذا صار بواحد من بزرتي شي

-ولج هسه لوماالله ساترها جان ضربني مخبببل ابنج مخبل مايهاب احد ولايحسب احساب للعمر  عقله قافل مثل الزمااال يعامل الكل مثل العبيد جوه ايده

-هاي هيه وكف الحرس بالباب خلي يمنعوا من دخول البيت واذا يريد يشوف ابنه اني اخذه بيدي  لبيته يشوفه

-روحي قنعي بعد الصار يروح منا  اذا اتحرك قبل لايعلگها اكص ايدي  استغفر الله ها بابا اسماعيل يوجعك شي

اسماعيل - لا مابيه شي

-يالله گوم واخذ مرتك روح لغرفتك  لاتطلع ولاتوصل للبيت الجبير لحد مايهدأ اخيك اي  شي تعتازه اطلبه بالمبايل

-اطلع وادخل مايگدر بحجي نص حجاية وهو موعنده بيت شكو ضال هنا ليش ماطردوووا

-وهذا الراح يصير راح اكسر ظهرة واخلي يتربى من جديد بس اتحمل هالايام  صح هو شغله وياي موياك  بس مانريد مشاكل ويا لحد مايولي

-بابا اذا مابطل يمد ايد عليه والله العظيم  اعوقله ابنه

ام هيذام - يبووو يبوو  حتى يجمعنا بغرفة وحده ويحرگنا بدون رحمه ابوس ايدك لاتحجي هيج والله اذا سمعك مايخلك صاحي

-لعد شمري ابنه بره حتى لايجي بعد هنا

-ولك يمه هذا اخيك ربيتوا سوا  ليش انتم هيج واحد كاره الثاني

-ماعندي اخ غير ازر هذا ابنج انتي حاله حال ابو حيوان

ابراهيم - كافيي بابا كم مرة كلت لاتتجاوز على عمك الله يرحمه وهيذام  راح امنع دخوله للبيت هاي هيه فضينه السالفة اخذ مرتك وروح لغرفتك  وانتي جيبي وحده اتنظف المكان

مسحت دموعها واجت  كمشتني  من ايدي جرتني للغرفة جر  تكول عبدة  بيدها  امشي وحس كلبي بين رجليه لااكدر احجي بعد الصار ولااگدر اكمل البديت بي ؛ استوني وعيت لوضعي  حتى دموعي ماترضه تنزل جسمي مثلج شعور صعب اوصفه

فتحتها دخلنا كالت سمعي لج راح اطلع ساعة وارجع اريد اشوف العلامة وداعت ابني اذا منعتي اطلع ضيم مصيبة الصار من عيونج

هزيت راسي لاا واني ارجف

-شنووو ولج شنو ماسمعتتت  بعد هالهوسة وابني راح يروح من ايدي جايه تكولين لااا  لاصدگ انتي عاهره و بت شارع

-موبت شاغع اني انتوا ضحكتوا عليه كلتوا بس تعيشين ويا موتكونين زوجه اله

-ليشش وانتي شنو حاسبة روحج حمدي ربج قبلنا بيج بهاي سمعتج المغسولة وصرتي مرت واحد كل البنات تحلم بي

-لوجنتوا مصدكين سمعتي موزينة مجان دخلتوني بيتكم ولازوجتوني لابنكم  لاتتهميني بشغفي واني اعتغفت باطل على على نفسي بس حتى  احافظ عليه

-سمعي لج اخاف حسبالج شفتي الهوسة استسبعتي  وداعت ولدي  مثل مارضيت انطي لابوج افلوس واشتريج حالج حال العبيد اخليج تتمنين الموت وماطايلته

-عقدي باطل وحتى لو كان صح اني ماصيغ زوجة وماوافقت بس لان اللواء گال تجين حتى تخدمي مو اكتغ

-ليش عيني معوزه خدم عندي الي براسج منو انتي واوسخ بيتي بيدج سمعي لج كلمتين مو اكثر يا تصيرين زوجته وهسه يا…

-يا تغجعوني للسجن وتعدموني والله تسون فضل

-ياسجن كل عقلج بعد ماتحمل المسؤوليه وغير اوراقج يردج شيليها من عقلج انتي هسه ميته بنظر الحكومة وباجر لوعگبة تطلع شهادة وفاتج ولهيج لازم تفقدين عقلج حتى نضمن سلامتنا ومايطلع السر

-يعني شنو

-يعني تصيرين حبابة وتسمعين الكلام يجيج زوجج تتقبلي وحتى تساعدي لان مالامس مرة قبل او بعد كم ساعة تصبحين بمستشفى الامراض العقلية كم صعقة كهرباء على علاج قوي ماتصور طويلين اكثر من اسبوع هاي من غير بدل بيت نظيف وعايشه بشرف بحضن زوجج تتنقلين بين احضان الممرضين ها شكلتي

صفنت بوجها واسمع اللواء صاح وينج فضيهااا يمعودة

-جايه  ياعينيي بس لحظة داشوفهااا اخاف هم تطلع عقلها مو تمام مثل القبلها كافي الفلوس الي اخذهن ابوها اقلها نتلاحگ من هسه ليش تعب ابني؛ كالتها وباوعتلي صفح وجهه مليان سم

همست بترجي دخيلج خالة

-استغفر الله ربي اشلون شغلة هاي واني روحي طالعة

-كلشي تغدي اسوي بس لاتخليني يمه ابوس ايدج حسبيني بنتج لاتظلميني واني كل ذنبي غدت احمي نفسي

-ياصاحب الصبر بنتي ليش حتى اضلمج وين اعرفج اني وليش خايفه هيج انتي بس سمعي الكلمة وشوفي اسماعيل اشلون يدللج ويغرگج بالفلوس

-مااغيد كلشي حتى اخدمكم بلاش غحمي ضعفي وتوسلي بيكم غلطت بساعة غضب مادغي  اشلون وافقت هيج واني جنت ناويه ماتزوج للموت

-ليش ماتتزوجين ولج اخاف عايبة يالمصخمممة حتى تكمممل يبوو يابراهيم منين جبتها

-وداعت امي  محد لامسني لابالحغام ولاحتى بالحلال

-كافي كافيي بطلي هالاسلوب مال التجدي لعبتي روحي  يله راح يدخل اسماعيل حمدي ربج على النعمة الوگعتي بيها الج نص ساعة مواكثر واله تعرفين شنو منتظرج

باوعتلها بترجي ونزلت دموعي

-اسماعييل وينك يوووم

بجيت بصوت دارت وجها دخل اسماعيل وجهه محتقن يباوعلي بقرف وغل راحت باسته من متنه  كالتله تتهنه يبعد امك دير بالك على نفسك لاتتعصب  موزين عليك الانفعال اتحملها  تره بعدها صغيره وخايفة 

-طلعي يله

-طالعة ومنتظرة البشارة  منك اريدك تثبك للكل قبل ابوك انت مابيك شي وماتعتاز بعد جلسات وحتى علاج

-قبل علاجي تعرفين شريد

-من عيوني اعتبره من هالساعة بعد مايفوت هنا ولاراح تشوف خلقته وهذا حقك اخذه ابوك حتى رتبته خسرها صفه لااهل ولامركز

-انطيني كلمة اتشمرين ابنه واني اعوضكم واحد مكانه

-وعد اشمره عليه وبعد حتى شوفته مااطلبها   بس كون صدگ تعوضني بطفل يملي البيت علينه ويسد الحلوگ

باوعلي بحقد وهز راسه اي باسته واشرتلي عالملابس خالتهن عالميز طلعت اندار سد الباب وراها

وگف ينزع بقميصه  شمرها واسمع انطبكت الباب البره

باوعتله اريد  اتبلعم مااگدر تقدم احس رجليه انشلن واني اشوف اشلون يفتح بنطلونه وجسمه الماضال بي شي صاحي مشوه من الخياط وحرگ

همست والله العظيم اكتلك واكتل نفسي بس تفكغ  تلمسني

مارد تفل عليه واسحب الحزام شمره

شهكت صار الحايط وراي اتلفت اريد مكان اروح اخلص وروحي ماكو

صار قريب مد ايده عليه دفعته بكل قوتي  وركضت مالحگت جان اسرع مني جرني من شعري شمرني عالجرباية

ردت اكوم اجاني الراجدي رجعني مكاني  وصار عليه من كثر الرعب حسيت هاي اخرتي؛  گمت اضرب واصرخ  اريد ابعده مااگدر ثگيل جسمه

كمش اديه ثبتني عصر وجهي ودنگ راد يبوسني بس قرب لامس شفتي   ماسيطرت اتقيأت على وجهه

تفل عليه وخر  يمسح بحلگه  باوعلي بغضب صگ على اسنونه وصاح بصوت جمدني مكاني

وكف يتلفت داير مدايره متخبل ماادري شيريد  بلحظه انگلب حيوان

ركض شال الحزام واجه بسرعته  اريد احجي لو الحگ اشرد ماكدرت بعدني استوني كمت  واجتني الضربة صلخت جلدي

بسرعة رفعت ادية احمي وجهي واحس الحزام اجاني بنص بظهري سواه نصين شهگت بوجع دنگ جر رجلي حتى يضرب براحته من همشت روحي  ودفرته بين رجليه عاط بصوت رج الغرفة  شمر الحزم وكعد بالكاع عاصر نفسه و يصيح يابووويه الحكنيييي

من كثر الخوف بعد مااعرف شسوي بدون وعي گمت طفرت الجرباية من الجهة الثانية فتحت الباب وركضت صار الباب الرئيسي جريتها انفتح بسرعة طلعت كملت طريقي من غير مااعرف وين رايحة

خلصت المشتمل وكفت اتلفت صارت كدامي حديقة جبيره ظلمة دخلت بيها اركض بكل سرعتي  ادور على باب البيت 

مو بيت صار شكبره اريد اركز منين الباب واسمع صوت صرخته وراي ماشفت گدامي غير  شجرة صغيرة منثورة بلا تفكير  دخلت  بيها لميت رجلية دنكت عضيت ايديه حيل ندم عالسويته بروحي

رفعت راسي للسما نزلت دموعي بتوسل غمضت عيوني واني اسمعه يصيح راح راح اموووت   وينج بت الكلبببب

طلعت الشهگه من گلبي سديت حلگي  باديه بسرعة اباوع للدرب الرجفة لازمتني حتى لساني عاجز عن الدعاء منتظره اشوكت يجي ؛ وقتها  مااعرف شنو مصيري 

فجأه صار هدوء بعد ماجان يصرخ توقعته  طلع من الشقة واجه يدورني لميت رجليه لحظني عيوني تترقب المكان مستعده لنهايتي

تعده اكثر من ساعة واي نفس ماكو هدوء فضيع    ماينسمع غير دكات كلبي  ورجفة جسمي الي بعد ماحس بي من البرد 

احس روحي بتهتت من گد الخوف والترقب واطرافي جمدت ؛ اخذت نفسي دنگت خليت راسي بحضني اريد دگات كلبي تستقر غمضت اردد لاتخافين راح تگدرين تنهزمين راح تخلصين نفسج

مرت دقايق حسيت روحي هدأت اخذت نفس حتى اگوم اشوف اشلون اگدر اطلع منا واسمع حركة بالحديقة عرفتهم اجوي حتى النبض توقف

رفعت راسي عالكيف واشوف جمرة جگارة ركزت اكثر الضابط هيذام  يفتر مدنگ على فونه

سديت حلگي اباوعله بخوف اخذ نفس من جكارته شال راسه نفخه باوعلي ابتسم ورد دنگ يراسل 

احس النفس صار صعب اشهگه عيني بي اريد ردت فعل منه ماكو؛  جسمي بعد ماسيطر عليه شفايفي ترجف جفوف واديه انشلن اريد احركهن مااگدر

اخذله دقايق غلق الفون خلاه  بجيبه اجه اتجاهي وصل يمي رجعت ليورا دنگ كمشني من حلگ تيشيرتي عتني منه حيل كومني

شهكت

رفع حاجبه وحجه بصوت هادء ليش تبجين

-والله اتندمت والله ماعغف اشلون سويت هيج بدون تفكيغ

-اتندمتي على شنو بس لااسماعيل ماعجبج  ؟؟

-غجعني للسجن ابوس ايدك شنو اتغيد غاح اسوي اي شي اطلبه من اعتغاف ماغاح اكول لااا حتى لوتعدمني راضيه بس طلعني من---

بعدني احجي صعد ايده خنگني حجه من بين اسنونه خشونه صوته وحدها عصرت روحي  وهو يگول سمعي لج وحگ الكفل زينب  اذا دره جنس مخلوق انو  حاولت اتحارش بيج  لو مجرد حاجي وياج كلمة مو خوش راسج قبل لسانج ينبتر

كمشت ايده باوعتله بتوسل

-شيلي اديييج  اريدج تختلين زين بحضن الدگلج صدر وجابج هنا وهو حتى ماحامي نفسه لان  راح اخليج تحلمين بالزنزانة الجنتي بيها

اشرت لا

-ركزي زين بالنغل الاخذتي شوفي  اشلون مشوه خلقته النكسه مثلها تماما راح اخلي حياتج

عصرت جف ايده  ضغط بالزايد باوعلي عيونه حمر نظرته ترعب  مليانه ندم غمضت

اسمعه ضحك بستهزاء وهمس فريت الدنيا كلها عثرات عبرتها ماخطت رجلي  ولعبت ويه عالم شوفتها تگص ارگاب  طلعت خدش مابيه  دخلت بمتاهات مايخلص منها السبع فريتها بخفه ايدي تاليتي اخسر رتبتي على ايد وحده مثلج وسسفة والله

نزلت دموعي  دفعني وكعت بالگاع لميت رجليه  وبجيت بصوت

-كومي ردي للنغل ماضل شي وتوصل هدية مباركتج

-كله بسببك  خليتني اعتغف على نفسي  ماتت اختي والبقيه ضاعننن

-وهيج انتقمتي ؟؟

-اااي  اخذت ثاري  بغتبتك

-لهنا خلصت ؟؟

-لا لان ضيعت نفسي ماعغف اشلون هيج سويت كد الوجع الي بداخلي تصغفت بدون لاحس سوي الي يغضي غضبك قابلة بس لاتخليني هنااا

-واني اريدج تكملين حياتج بحضن المسودن مثل ماشمرت رتبتي راح ازين شاربي اذا خليتج تعدين هذا الباب قبل لاشوف الموت بعيونج 

-ليششش اني مو حيوااانه بشغ  حالي حالكم ليش هيج دتعذبوني اني ماغلطت انتوا استعملتوني  لمصالحكم

-مصالح ؟؟ليش انتي  منو

-وحده مالها اي قيمة مومن حقها لاتعيش ولاتحلم حدها تكون تسليه بين اديكم تضل تحاغب لحد ماتنهي حياتها وتلحگ العافها بينكم وحدها

-لااا راح تحقيقن احلامج وهم تلحگي بس بطريقة گلش مريحة

همست قابلة  بكلشي تسوي بيه بس طلعني منا  ماعندي (غيغك)غيرك خلصني منهم

باوعلي بنظرة ماعرفت افسرها بس حسيت هواي اشياء بيها دنكت ماحجه دار وجهه  مشى  نزلت دموعي بيأس لميت رجليه ضميت راسي بجيت بعجز عرفت  البيت مطوق وكله كامرات ماراح اگدر اخلص نفسي انتهيت بلحظة غباء

حسيت بخنكة  عصرت نفسي اخاف اكح يسمعني احد  شلت راسي فركت صدري الدنيا بارده ثلج  ظلمة هندس اتلفت كلها شجر صوت جلاب جايه من ورا السياج واي اثر للباب ماكو  زاد خوفي اكثر

حشگت نفسي كاتمة النفس احرك ايدي على صدري بس اريد تروح الگحه ارجف بدون شعور

استوني اغمض واسمع حركة ضربة بسطال قريبة  شلت راسي لكيته جاي اتجاهي جكارته بيده  شكلة يخنگ عيونه دم عرفته صاير بركان من الحرگة من طريقه مشيته ونظراته المابيها اي رحمة  باوعلي خله الجكاره بحلگه  واشرلي گومي

زحفت ليورا خفت حتى احجي مو اتوسل ؛ اجه دنگ سحبني من زندي كومني دفعني گدامه بخفه ايده انشمرت مسافة اجيت اوگع كوه سيطرت عدلت وكفتي وصل يمي جرني وكمل مشيته يسحب بيه ورا لحد ماشفت باب المشتمل صارت بوجهي كمشت ايده  وشهكت وخر جگارته  ودفر الباب دفعني جوه

صار اسماعيل گدامي كاعد ويمه الحزام  شافني  جره وگام طبگه واجه ناحيتي فاتح عيونه على كبرهن

درت وجهي  لهيذام  بعد بره نزلت دموعي بترجي 

رد اخذ نفس من الجگاره  وشمرها دنگ داسها بحذائه

دفع الباب  دخل  وسد برجله جرني شمرني ورا  اباوع اسماعيل رجع ليورا همس شرجعك

رد بنبره من يمي خنست منها وهو يگله رجعت لخاطر اباركلك يبن عمي

-اطلع يله

-اطلع قبل لاانطيك هديتك لااا عيب  هالشي مااسويها ويه العدو مو ضلعي

-هيذام والله اخليك تندم

-واني جاي مخصوص اسمع هالكلمة

-ماسويتلك شي مشاكل بينك وبين ابوي اني مالي دخل بيها

-كاتلهااا ؟؟

-هيه حيوانه ماتمشي غير بالكتل خو انت تعرفها من ياقذاره جابها ابوي

مارد دنگ طبگ اردانه ؛  شمر اسماعيل الحزام بسرعة وگله ترا الحرس تارس المكان

-ليش شمرته شيله

-ماردت اضربها هيه جبرتني لان تمادت

-حلوو شيل الحزام

-ضربتني وانهزمت  ماخلتني المسها وهي مرتي بكيفي الي اسوي انت مالك حق تحجي

-كملت شيله وتعال 

-هيذام  اني اخوك

وصل يمه رفع راسه

- وانه اشهد كالها وجر راسه رگعه كله من قوت صوتها كلت اتفلش رد  بحركه  سريعه ضربه اقوى منها  كعده بمكانه 

قبل لايصرخ رگعه دفره جوه بطنه بكل قوته فتح عيونه على بألم وكتم النفس

دنگ شال الحزام وكف يلف بي على ايده  صارت عيني بأسماعيل  اشوف الشورت مالته بي نقط مي تنزل عالسريع ويتلوه بوجع صاگ على سنونه

لفه الحزام لفتين وجره حيل ضبه راح سحب كوشه وتقرب يمه  وهو بجه مثل الطفل

-رأأأال ديري وجهج 

-شغاح تسوي بي

-بت الزمااااال انداررري

رجعت ليورا غمضت بسرعة واني اشوفه اشلون  دفره مده ودنگ خله الكوشه بحلكه سحگ عليها وبلش بالضرب  صوت اللسعه عالجلد ويه صرخته المكتومه تقشعر البدن 

كلما يدفعه ويطلع صوته  يكتمها بدفره  بنفس المكان ويرد يسحگ على حلكه

جنت اسمع ماعنده رحمة بس استوني تأكدت واني اشوف اشلون يعذب بطريقة وحشية حتى الحيوان مايسويها ولاكأنما هذا بشر بيده يتلوه ماكو تعابير على وجهه غير الاجرام  ماتركه لمن  اختفى الصوت نهائيا 

وكف حرك وجهه بحذائه ماشاف اي رد فعل منه بس النفس يسحبه بصعوبة

كعدت يم الحايط لميت روحي اباوعله  فاتح عيونه وملابسه كلهن مي متدرر على نفسه

شهكت بخوف اندار باوعلي  فتح الحزام شمر  ودنگ جره من رجله   اخذه سحل للغرفة فتح الباب دخله صار هدوء  اريد اسمع صوت ماكو اقل من عشر دقايق وطلع يفتح برداناته اديه بيهن اثر  دم

اجه اتجاهي حتى النفس گطعته رجعت ليورا رفعت اديه بسرعة احمي روحي  عبرني طلع ركع الباب ورا رج البيت بي

حسيت بلعومي يبس  من الهبطة  اريد ارد النفس مااكدر فرگت صدري مااعرف شنو صارلي حسيت نهايتي دقايق مواكثر والدنيا ظلمت غوشت عيوني بعد ماادري شصار

…فراش ناعم شي ينغز بأيدي اصوت خفيفة تروح وتجي هدوء ودفو 

فتحت عيوني غرفة بيضة سيروم معلگ ؛انداريت للجهة الثانية مره  جبيرة كاعدة يمي مشيلة بشيلة بيضة باوعتلي ابتسمت وكالت الحمد الله على سلامتج اي هيج فتحي عيونج  خلينه انشوف هالجمال

-وين اني

-بغرفة القسمة  الكشره وليش يمه تسألين شنو  ماتدرين وين انتي

-لا والله نمت كعدت لكيت نفسي هنا وعاقديني لابنهم

-يمه والله كلبي حسني من تفتر على راسي تكول ملك الموت وكل شوية وتريد طلعني منا دگومي خلي افتهم شنو الصار منين جابوله ضحية هالمرة

نزلت دموعي بيأس

-لاتبجين گعدي فهميني شنو سالفتج قبل لاتجي الكوبره تدفن ابيضها وتگف عليه وطمطم السالفة

-دخيلج خلصيني منهم

-منين اخلصج من جحيم ربه عالگاع لو من الماعنده مخافة الله دعوفي البجي واحجيلي بسرعة منين انتي

-من السجن وزوجوني زواج باطل

-الله  لايوفقهم  ليش اهلج وين  اشلون رضوا  ينطوج لواحد مثل هذا  وانتي جنه فلگت كمر

-ماعندي اهل كلهم ضاعوا وبابا الي باعني الهم

-استغفر الله وهذا الحيوان منو سگطه وربطه مثل البهيمه

-واحد دخل كتله  ماعغفه

-مم ماتعغفي كلتي خوش حجي وهو نفسه هيج سوه بيج 

-لالا اسماعيل  السوه بيه هيج والله

-الله يكسر ايده ولو ماضال بي عظم صاحي حتى ادعي بس هم الله لايهني لاهو ولاالي يورط بنات العالم ويا

-خاله ابوس ايدج بس ساعديني اطلع منا

-لاتكولين خاله  اكره هالكلمة گولي عمه ومسحي دموعج واحجي عالكيف لخاطر اعرف قصتج شنو

مسحت عيوني انتجيت سندتني گعدت شافت جسمي شهكت ردت استغفرت واشرت احجي

بديت اسولفلها ودموعي تنزل من ساعة الحادث لهاي اللحظة اخذت نفس وغمضت عيونها بقهر كمشت ايدي كالت الله يكوم امج بالسلامة ويرد يلمجن بحضنها

-غاحن خواتي واني ضيعت نفسي

-حسبي الله بيهم على گد ظلمهم كافي لاتبجين يعمة ماطولني موجودة اعتبريني امج وهذا بيتج والي يوصل يمج ينفرك حلكه

-لو اعغف اكتل نفسي هم مااضل هنا

-منو يخليج اطلعين بعد الصار غير  دخلتي بيتهم وتفرجتي على حياتهم ومصايبهم الماتخلص

-يعني هاي هيه  فقدت خواتي وماما انتهت

-خواتج لاتخافين عليهن اعرف المن انخى يدورهن ماراح يردني  وامج هم تتعالج وانتي هنا

- اللواء ابراهيم ؟؟

-لانفسه الي شايل گلبه ومركب حجر اسود من حياته حالف  يدمر شكو واحد مرتاح  بس حتى يرضي عقله المريض

- مااعيش هنا غجعوني للسجن

-ياسجن يعمة  اذا تكولين سحبوا اوراقي غير معناتها بنظرهم صرتي ميته  اي غلطة لو واحد عرفج بيج بعدج عايشه وجنتي يم  ابراهيم يروح بيها

-واني وين من كل هذا انتوا ليش هيج مستضعفيني ونهيتوا حياتي بكلمة طلعت مني غلط

-حتى لو ماگايلة راح تجين ماطول خلج براسه ولاحسبالج انتي اول وحده يجيبوها لابنهم المسودن ربي ياخذ حق كل وحده دمروها بجبروتهم

-يعني لو تموت احقغ انواع الموت لو تقبل تكمل حياتك بذل وظلم

-وليش تكولين هيج شعرفج ماربج خله سبب جيتج حتى اشوفج واگدر اساعدج  بدل ماتنحبين فكري اشلون تصيرين ذكية وتستغلين نيتهم القذره لمصلحتج وتخلصين باقي خواتج من الضياع

-اشلون ؟؟؟

-دمسحي وجهج لان صدرج تعبان عندج صاير مرض مزمن على ساعة تختنكين وتموتين وخياتج  عينهن بيج اشوكت ترديلهن

مسحت دموعي مامفتهمة التحجي بس احسها حيتني من جديد بعد ما يأست  وخرت شعري عن عيوني  باوعتلي وابتسمت وهمست صغيره بعدج الله لايربحهم على هاي كلوبهم المحجرة

-تركيهم وكليلي اشلون اخلص اهلي فدوه احجي  انطيني امل والله دافكغ  انتحغ كوه لازمه نفسي 

-استغفري ربج تخلصين من مشكلة ترحين لعذاب اكبر لوكل حل بالانتحار ماضلت دنيا وكولي انتحرتي من توصلين لربج شتكليله يأست من رحمتك استعجلت ماصبرت للعوض

-الضاعوا اهلي وعائلة واحلام انهدت بثواني

-المات بيد الاحن من امه والباقين تگدرين ترديهم بس هدي خليني اعلمج شسوين قبل لاترد الحيه تاخذج لغير مكان تكتم نفسج

-هاي هيه بعد ماابجي والله ماابجي بس احجي ابوس ايدج

-سمعي بنتي عدل وخلي كلامي حلقة بأذنج انتي ماطول دخلتي بهذا البيت بعد طلعة منا ماكو لاتحاولين لان  مادخلوج هنا لو ماعرفين عنج كلشي ومتاكدين  ماعندج احد يسأل وراج حتى اذا عارضتيهم يدوسوج ويمشوج عدل غصباً عنج

-ضحكوا عليه گالوا زواج بس بالاسم

-اي وضغطوا عليج وخلوج توافقين ودخلوج هنا لان يدرون ابنهم ماتاخذه حتى الحيوانه واذا انتي سباعية عارضي حتى يخلوج تندمين على اليوم الصرتي بي

- گالي غاح اكون مسؤول على امج وخواتج وحتى بيت اشتريلهم

-دگومي وكليله هالحجي وسمعي الجواب هسه يگلج منو فارغ يدورهن كعدي يم رجلج وانسيهن هنه يدبرن روحن همه ماصدكوا يخلصون منهن حتى تتفرغين لخدمة اسماعيل

-ميخالف قابله كلشي يطلبوا اسوي بس…

-بدون بس لوتشعلين العشرة شمع محد راح يسمعلج ولايعتبروج غير خدامة حالج حال الخدم مالج كل حق غير اللگمة

-لعد اشلون  شسوي هسه

-اسماعيل

-شبي؟؟؟

-صح ابن اخوي مابي شي زين وعليل بس اخوث وعزيز اهله اي شي يطلبه ينفذوا  اله  بس يردون يشوفوا سعيد  وانتي عاد حليوه جنج لعابة تلمعين تكدرين تفرين عقله وتخلي يتعلق بيج  مايكدر يردلج طلب ودوم يضل خايف لاتعوفي

-لو اعغف اموت وامااسلمه نفسي

-واني ماكلت سلمي نفسج وحاليا امني شهر مايكدر يگوم بعد كتلت البارحة صيري ذكيه ونبهه استغلي ابنهم مثل مااستغلوا ضعفج وحاجتج لعبي  بعقله خبلي وخلي محبس بأصبعج  تربحين الصوبين هم ماياذيج وهم اتخلي يجبر اهله يأمنون خوتج  لان يابنتي البجي واللطم مايفيد بس تعمين على نفسج ماطول دخلتي هنا بالخفيه ماطلعين بس للكبر

-يعني انحكم عليه بالمؤبد وياه

-لعد شعبالج من رضيتي حتى لوجنتي موبوعيج تره يمه لعبتي لعبة موگدج وانتي طفلة مافاهمة من الحياة شي رحتي اتحديتي الخبل وخليتي يفقد منصبه وخليتي ابراهيم يخاطر ويلعب باوراقج حسبالج  راح ترتاحين هاي شمر رتبته وشنو يعني الف وشغلة يلكه بس انتي شسويتي بروحج

-ماما جانت دوم تكول انتي ثوله من دون خواتج وخايفة  يجي يوم وتضيعين نفسج بدون عقل وهاي صدك سويتها

-لاموثوله بس گلبج ابيض وحنين  والگلبه ابيض  ربي يوگفله المثله بس انتي صيري حبابه وخليج وراي صبري لاتعاندين حتى نگدر نشتغلهم صح

-خايفه مالحگ عليهن

-امج سهله  شغلتها هسه ادز واحد من الولد بدون لايحسون يضل يمها  وخواتج يومين لوثلاثه واجيبلج خبرهن

-ليش  دتساعديني؟؟

باوعت بوجهي لمعت عيونها مثل الي تذكرت شي دنكت مسحتهن واستغفرت عالكيف ردت شالت راسي گالت

-رئال بنتي مااريد مشاكل وسمعي الي اگوله الج وتنفذي بدون لاتسألين لاتخليني اتندم واعوفج اتخبطين بينهم وحدج

-لالاوالله شنو تكولي اسوي ابد ماغاح تسمعين صوتي ولا اسأل عن شي بس لاتعوفيني  فدوه اغوحلج

-ماعوفج يمه لاتخافين بس اندعيلي ربي يرد عقل عطيته وحمي الي ويبطل سوادين وظلم بالبشر

-الضابط هيذام؟؟

-مكسور الرگبه مشهور بس نجيب طاري السواد يلالي اسمه

-انتي عمته نفسج؟؟؟

باوعتلي وضحكت  دااترد  ودخلت ام هيذام كالت ها صحت وجه الفكر

- شرايده من البنيه تره حوبة المكسور جبيره يم الله

- رحمة لاتقللين من قيمتي كدام اليسوه والميسوه   وكومي يله ابراهيم  يكول خلي تجي تتريك ويانه

-روحي يمه الله يهديج  خلي تسبح البنيه اجيبها واجي

-يابنيه  صدگ تحجين  هاي تضل هنا احنه اندزلها اكلها  لو تروح بالمطبخ تتسمم يم الخدم

-استغفر الله ربي اشوكت يتوب علينه من هالعيشه روحي كلتلج اجي وراج

طلعت رگعت الباب باوعتلي المريه ضايجه كالت كومي سبحي بسرعة وخليني اگلج  شتسوين والله بلفظ الجلاله اذا عاندتي لو اعترضتي اعوفج بديها تسحل بيج كيعان وتنسين اهلج نهائيا

اشرت لااا وكمت بسرعة خايفة صدك تتركني واني حسيتها طوق النجاه ردتلي شكو امل  فقدته

رحت للحمام اركض حرگت گلبي على رند بكد لهفتي لحلم  ردت خواتي 

دخلت سديت الباب نزعت ملابسي علكتهن سبحت عالسريع  استوني اسد الدوش اندكت الباب سديته وفتحت الباب مدت ايدها كالت لبسي ذني

اخذتهن  سديت الباب اباوع تراك قذيفة صح مبين مستعمل بس كلش حلو و ملابس داخليه جديد

نشفت عالسريع لبستهن كوه سديت الاتراك مع العلم ارداناته ورجلين البجامه نازلات اكثر من الازم بس حاصر جسمي وبارزه  من كل الاكتار

طلعت خجلانة  لكيتها تفتر وتخابر اسمعها اتگلهم لاتردون خليكم ورا شوفوا شجاي يصخم …يمه والله كلبي نغزني عرفت سواد كلبه مايخلي ينعدل … ديروا بالكم لايشوفكم … ربي يحميكم ييمه الله وياكم

كالتها وسدت الفون باوعتلي ابتسمت كالت

ماشاء الله يله اكو وحده منتظرتج جوه ترتبج شوية

-بت كلبي ماتت استوها

-وحتى لايلحگنها الباقيات وانتي هم  مثل مااخذوا ابنهم للمستشفى  وترگوج مشموره لاحول ولاقوة  يگدرون ينهون امرج ويجيبون الاحلى واصغر منج بدون وجع كلب لاتشلعين كلبي ياامي

سكتت كامشتني العبره  بس حسيتها صدگ تحجي اجت جرتني للغرفة دخلنا واشوف  بنيه يم الميز واكفه ترتب بالغراض من عمري تقريبا  نازكه كلش  گالتها عمه ضي  شوفي شغلج

شالت راسها باوعتلي واتحسرت سحبت الكرسي اشرتلي گعدي

راحت يمها گعدت شالت المشط والمگص بلشت بشعري غمضت جمره بكلبي تلسع بس دموعي تنزل   خايفه اي تصرف اغلط بي ارد افقد وحده منهن بعد ماانطتني امل برجعتهن

اكثر من ساعة تشتغل واني مافاتحه عيوني عقلي كله يم رايه اشلون حالها هسه  لمن كالت ضي  كملت ترتيب اخليلها مكياج

فتحت عيوني اشرت لا

رحمة -  متعتاز حليوه بس ليش هيج كصرتي شعرها تره هاي مرت اسماعيل وهو يحب الشعر الطويل مو هيذام الخبل

-واني خبلة  مثل هيذام اكره الشعر الطويل وبعدين شوفيها طلعت تجنن بي فدوه جنها لعابه

-دروحي بسرعة وديري بالج احد يعرف انتي العدلتيها

-لاوحتى ملابس تركيها اني اطلع ويه بابا اجيبهن الها

-عفية بنتي كولي لابوج عمتي تكول اذا سألوك وين طالع كلهم اجيب شتلات للحديقة وانتي يله كومي فضيني

طلعت هيه واني مسحت دموعي وكمت وياها كمشت ايدي  ابتسمت واشرت يله

طلعنا فتحت الباب  كل عقلي ايام وتعدي لو اعرف هاي اول خطوة راح اخطيها نحوا الجحيم ماجان طاوعتها …

اجتني هوية جمدتني عصرت نفسي تركت ايدها واتجتفت  امشي وياها بعالم غريب مكان اغرب

حديقة جبيره كلها خضار مرتبه خلصناها دخلنا حديقه بعد اكبر خاصة بالبيت الجبير بيها كراج سيارات يمه غرفة واكفين يمها حرس

صار كدامنا ممر مشينا بي دخلنا للبيت موبيت تكول قلعة وصلنا لمكان مثل الصالة بي ميز طعام الكل ملموم بي

اللواء كاعد وبنيه كاعدة يمه عيونها ملونه من جهة الثانيه  ولد متوسط بالعمر و يمه وحده بيضة بعدها صغيره

على  الجهه الثانية الضابط ازر مدنگ على ماعونه ماشال راسه ويمه وحده سمره كلش بس ملامحها حلوه ؛

واكو طفل نفسه الي بالصورة كاعد وحده صافن عليه مستغربني

راحت عمتي  كعدت يم الطفل واني ضليت واكفه سلمت رد اللواء هلا بابا جان ضليتي مرتاحة بيتج وهمه يجيبون الاكل الج روحي واني جاي وراج عندي كلمتين وياج

ام هيذام - مو خلصنا من السالفة ياعيني هذا مابي شي الحمد الله وانتي موكلتلج لاتجين يله روحي للمطبخ هناك اكلي يم البنات

رحمة-. اني كلتلها يخويه تجي

ابراهيم - شنو هاي رحمة  من اشوكت احنه نگعد غربة بينه

-موغريبه صارت مرت اسماعيل  ليش كاعد وحده خطية وهو عريس مو ازر مرته يمه وبتك حسن  يمها  لعد هذا  شيختلف  مواخوهم  لو لان حالته هيج

-مابي شي واني ماافرق بينهم  كلهم ولدي بس اكو امور لازم تتعلمها  قبل لاتشاركنا المكان

-تتعلم هيه حبابة وذكية هسه حجيت وياها وفهمتها خلي تكعد يم زوجها وتركها وراي اني اعلمها كلشي ها شكلت

باوعت للواء اشر اي انداريت  لاسماعيل يبوعلي بقرف لام نفسه ايد خالها بين رجلي ومدنگ عليها  وايده الثانيه  مشكلة برگبته مكسورة وجهه كله ملصقات

رحت سحبت الكرسي كعدت يمه كوه لازمة نفسي امنيتي اسحب السلاح من ابراهيم واصفيهم كلهم   فززتني عمتي وهيه تكول  للبنيه ام عيون ملونه ها عمة هباوي اشوكت اجيتي

هبه - قبل شوية هم اشوف درع وهم ابارك لاخوي على الزوجة الي مادري اشكد عددها

-تره هيذام على ساعة يجي

ابراهيم- واجه شنو هاي بنتي غصباً عنه يسكت شطلعت هاي مايولي لبيته تره زادت اختنگنه

- ها يخوي جني اشوفك تريدني اروح

-ماگلت روحي هذا بيتج مثل ماهو بيتي بس يخويه كرهت دخلت البيت من گد مشاكله شذنب بزرتي هاي ساكنه عد امها وهذا مشمور بمشتمل بنهاية المزرعة وهاي الثالثه واكفه استعداد هيه ورجلها والله شنو الافندي ماعاجبه وجودهم

-انطي حقه يروح

-ياحق الف مرة كلتله انطيك حصتك بس قافل لو البيت كله لو ضال هيج فرعنة وابن ابو اليحجي ويا تره مليت وطلعت روحي لحدمن اضل متحمل هالوضع

-لعد طرده

-دخلي احصل الملفات اليمه اذا مادست على راسه وخليته عبره للجبناء اكون معتب سهلة ماضل شي

اخذت حسره وگالت يمه هباوي صبي جاي لاخيتج

هبه - منو هاي اخيتي شدعوه نزلت المحبة على كلبج فجأه

-ليش يعمة كارهه احد قبل حتى متفاجئة ومرت الاخوه  شفرقها عن الاخت

-اذا اضل على مزاج اسماعيل مالحگ اخاوي

-لاان شاء الله استقر هاي صارت مرته وام جهاله مستقبلا 

ام هيذام - من حلگج لباب السما ونذر عليه بيوم الي يبشروني بالحمل اعترف بيها كدام الاهل كلها

همه يحجون واني عيني صارات بالولد الصغير كاعد يباوع للطفل الي گدامه بكسرة اشلون اهله يوكلوا ويسولفون ويا

دنكت ذكرت رند من تباوع لبابا من بعيد نزلت دموعي شافتني العمه لبالها بسبب الحجي الدااسمعه متدري اكو صرخه مكتومه بكلبي اتمنى اطلعها

بسرعه غيرت السالفة وسألت هبه على السفر وصدگ دقايق وبدلوا الموضوع البنات بلشن يحجن بالماركات والولد  بالسفر  لمن قاطعهم عمي كال شرف الافندي صوتكم مااريد اسمع نفس

صارت صنته شلت راسي مسحت عيوني واشوف هيذام جاي لابس قمصلة سودة جلد وكاسكيته  يفر بمفتاحه

هيئته تخوف اكثر من اللبس العسكري  شكله مثل رجال المافيا ضخامته بارزه اضعاف طريقه نظراته  والشاش الملفوف على جف ايده يحسسنك ماكو امل للحياة بعد 

سحب الكرسي شمر المفتاح وگعد  بدون لايسلم

شال رجله خلاها عالكرسي الثاني طلع باكيت الجكايرة خله وحده بحلگه  دنگ يورثها واشر لحسن  كوم  

حسن  -وين اگوم؟؟

- دخل السيارة جوة

-الحرس موجودين ليش اني

-هيج عاجبني اشوف طولك كوووم لك

ابراهيم . هيذااام شبيييك

اخذ نفس نفخه وكال الك ثانيتين  واكوم اربطك بيها كدام مرتك

حسن - عمي  سمعت

قبل لايرد اللواء وخر رجله راد يكوم طفر حسن اخذ المفتاح وراح يدردم رد هو كعد باوع لاسماعيل رفع حاجبه وكله هاي شنو منو سو بيك هيج

اسماعيل - نتواجه

-شتتواجه وانت كاتلتك زعطوطة الغسل كوم رد الغرفتك ولاتطلع كدام ابني لخاطر لايتعلم الخنوثه  

ابراهيم -ترك اسماعيل وكول وين جنت

-بأرض الله الواسعة

-ياارض الله هاي منو مكسر الضابط ضرغام

-منو ضرغام بس ذكرني

-هيذذاام شرايد بالضبط  وين تريد توصل اشلون جارم بي هيج  لوميت بيدك

مارد انتجه خله الجگاره بحلگه وباوعله بستهزاء

-راد يرفع دعوه بحقك واني منعته

-عفية

-شنو لك عفيه انت شنو مالاگي واحد يكسر راسك

-شتكول انت

-خوش حجي وييين وليت بعدهاااا

-ادور على شغل

-وشناوي تشتغل

-ابيع جكاير هاله صبيلي جاي

اباوع لهاله عرفتها مرت ازر ضحكت وكالت تريد تبيع جكاير  حتى العالم كلها تكوم ادخن اجباري

ابراهيم - هاي انت تبيع جكاير تمام وانت ازر شنو فلمك ليش اليوم مارحت موعندك خفر

ازر-  رحت من الصبح خليت استقالتي على مكتبك 

-وانت شكووو تستقييل

-بيع الجكاير يعتاز جداحات خو مو اخلي اخوي محتار بسطيته

-اسمع لك هيذام  شغلة اسماعيل البارحة وسكتت عنها كلت ضايج على رتبته بس توصل لازر لا هناا يختلف الحجي

هيذام-  شنو الجديد

-لاتحجي ويااااي برررود شناااوي انت متكلييي احجي خلي افتهم وشغلك وياااي طلع اخوتك من راسسسك

-اخوت منو مصدگ روحك بزرتك الخوثان اتخاويني

-احترررم نفسسسك لاتخليني اتصرف تصرف اندمك بي ابتعد عن ولدي واذا على رتبتك موجود محد عرف بالصار

-زيد عالرتبة شاربي

-شقصدك لك

مارد دار وجهه باوعلي ورفع حاجبه :- اي رأل ان شاء الله مرتاحة هنا

دنكت بسرعة احس كلبي يريد يطلع

-ذكرتيني بهديتج امل كووومي لحگي الاخوث رجلج خلي يطلع المبارگه من جنطة السيارة

دابلع الاكل شفتها كامت شحط بلعومي  گحيت كوه بلعت اللگمه مديت ايدي اريد اشرب مي حتى الشحطه تروح مالحكت حسيت اختنكت رجعت كحيت  

صاحت العمة  صحة يمه شربي مي

دنكت مستمره كلما اريد اتنفس تزود حالتي للاسوء خلص الهواء بريتي عيوني كامت تصب دموع وصدري ضاگ  شافتني هيج كامت اجتني  تفرگ بظهري وتنفخ بوجهي

شي بصدري يمنع دخول الهوا حسيت رجعتلي الحاله بدت الدنيا تظلم

شمر هيذام  جكارته وكام  بسرعة سحبني اجيت بيده اني والكرسي كمش راسي رفعه ليفوگ كال سحبييي النفسس لاتگطعي

اشرت مااگدر وغمضت بهتانه

كومني ودفر الكرسي بعده خله ايده على بطني عصرها  وصار يضرب بظهري حيل وصاح شهكيييي النفسسس لج

لزمت  اديه حيل  اريد  احجي مااكدر نبتت اضافيري بي رخه جسمي ماحسيت غير  انسحبت لصدره انرفعت من خصري وضربه قويه بدايه بطني خلتني اشهگ الهوا بقوة

رفع راسي بأيده يتأكد رد النفس  باوعتله بتعب نفخ بقلة صبر ونزلني

كام اسماعيل جرني من بين اديه دفعني  وصاح  هاي مرتي يالنگس

دنگ حك خشمه اخذله ثواني وماشوف غير  شال الكرسي ولبسه براسه  خلاهم كلهم يطافرون

رفعه من ملابسه نيمه عالميز  لم جف ايده وبلش بوكسات بكل قوته  ركضوا ازر وابو واحد يجر  بهيذام  والثاني يجر بأسماعيل

بلمح البصر شالت الام بلم كزاز كسرته بمتنه تركه ورجع ليورا لازم متنه ينفت باوعلها  بغضب ضغط على سنونه  اندار دفر الميز بكل قوته گلبه عليهم  وراح

گعد ابراهيم لازم راسه والام حاضنه اسماعيل  تبجي

صاحت امل بابا شوفلنا حل ويا تره كرهنا روحنا

ابراهيم - ازر بابا اخذ اخوك لشقته والحگ هيذام حاول تهدي لايسويلنا بلوه

ازر - لاتخاف موغشيم ويضيع ملفات بيها كص اركاب لخاطر شغلة يگدر يفرها بخفة ايده

-شقصدددك لك

-مااقصد ورايح ورا هسه

-رئال ترحين ويه زوجج  ممنوع بعد طلعين ماا ريد اشوفج بين الاهل

اشرت اي

-تنفذين اوامر اسماعيل بالوحده اذا سمعت بيج معانده لو مسمعته كلمة اكسر فجج لو يدوس على راسج ماتعترضين

-حاضغ سيدي

-الطبيب الخاص  راح يجي يعلمج على علاجه من هاي الساعة صار مسؤليتج

-اي

هو يحجي واجه حسن  يمشي بسرعه كال شصاير

ابراهيم -  ماكو شي

-شنو ماكو شي هيذام  طلع ثاگب نار  جر المفتاح مني  گلتله  اشبيك لزمني من اخوانيگي لو مالحرس يلحكوني جان كتلني

-وينه هسه

-صعد سيارته شحطها وراح طاير

-ازر بابا استعجل رجع  اخوك واقفل الباب وراك  واللحگه لحد ما اشوف صرفه بهالمصيبة

اجه سند اسماعيل  اخذه گوه يسحل بي  اشرلي  روحي وراهم دنگت بدون صوت طلعت وراهم  وصلنا للبيت دخل ودخلت ورا وگفت يم الباب  راح فوته للغرفة دقايق  وطلع  اجه بسرعة طلع مفاتيح من جيبه فلت واحد سحب ايدي خله بي وباوعلي بضوجة كأنما يگلي استعدي للسويتي

دنگت وخرني عن وجهه  وطلع  قفل الباب؛ باوعت بلحظه حسيت بغربة وخوف نزلت دموعي عرفت تقرر مصيري

صوت ونت  اسماعيل جايه من الغرفة وصوت صرخات وجع رند وعيوني رايه بصدري احس روحي اختنكت خليت ايدي على كلبي ومشيت بخطوات ثگيلة صارن بوجهي بابين فتحت الاول مثل المكتب بي ميز وكراسي

تذكرت لمعة عيون غزوان وهو يوعدني يجي يوم ويسويلي مكتبة

غمضت وسديت الباب رحت فتحت الثانيه مبينه مال مساعده دخلت قفلتها وراي اسحل بروحي سحل كوه وصلت  للسرير  وخرت الديباج دخلت بي خليت راسي عالمخده

اخذت المخده خليتها بحضني حضنتها حيل اتخليها رند من جنت انيمها بحضني غمضت وشهكت بحرگة گلب واني احسب عدد ايام السعادة العاشتهن  وصوت ضحكتها بأذني

…مر كم يوم  محبوسين الكل لازم انذار من هيذام دخلهم بحالة نفسية  هدوءه جان مسببلهم قلق نفسي محد يحزر شناوي

اسماعيل على نومته يدخل كل يوم واحد يعقم الجروح و ساعده يروح للحمام مرات  يلگي مدرر جوا مااعرف بسبب الضرب لو  هو هيج اصلاً لان شكل المضمد طبيعي مو متفاجئ 

عمتي  جانت الوحيده تدخل للمشتمل غصباً عن الكل حتى سماعيل مايگدر  يمنعها تضل يمي شوية بالغرفة تسولف وتفتح اتصال ويه الولد اليم ماما صح مابيها نفس بس شوفتها يجدد الامل وينطيني طاقة اكمل واصبر علمودها

كلما اسألها على خواتي ترد بعدهم يدورون بس انتي ضلي هادءه اني هم اسوي مثل ماتريد حتى اسماعيل بده يتقبل  وجودي ويا كل عقلهم اتقبلت الامر مايدرون منتظره بس اسمع  خبر عن خواتي  بنفس الساعة انهزم 

حياتي صارت عبارة عن حجيم بين خوفي من الراح يسوي بيه هيذام وبين تفكيري يم خواتي الي مااعرفهن وينهن  متنفسي  الوحيد جان الشباج؛

اوكف بالساعات وره البردة افتحها شوية واباوعلهن وهنه گاعدات يسولفن اشوفهن اشلون عايشات احس صدگ احنا مالنا وجود بالدنيا بالاخص من اشوفهن يباوعلي ويضحكن على وضعي

ارد اسد البردة واكعد جوه الشباج اضل بس اتسنط لان احس بوحشه وحدي حتى السجن جان ارحم لان ماحس بهيج ذل

رغم عازليني عنهم  بس صرت اعرف هواي عن حياتهم بسبب هاي الكعده ؛ هيذام من الام والده شهيد وذوله جهال اللواء  بس ازر وامل اخوتهم المشتركين

زوجته بنت اللواء لحد الان معلگها لا هو الرادها ولاهو مطلكها عناد بأبوها  وهالشي زايد نسبة الكره بيهم من غير تصرفاته مدخلتهم بحالة ذعر  فوگ شكله الصارم اسلوبه وحشي

اشكد اسمعهم  يدعون عليه بس اول مايدخل البيت يصير صنته حتى الحرس يستعدون اني هم  صرت اول مااسمع سيارته من بعيد اركض ارد البردة وادخل للغرفة

واكفة المغرب يم الشباج امجتفه هدوء الكل داخل جوه بسبب البرد  اباوع للباب الرئيسي وبالي شارد  اذا طلعت منا اول مكان وين اروح فززني شي انشمر درت وجهي لكيت هيذام صح لابس عسكري بس اسود حتى بسطالة زايد شكله رعب بيده جكارته خفت من هيئته دااسد الشباج خله جكارته بحلگه واشر شيليها من راسج

همست شنو هيه

دنگ اجه ناحيتي مجرد سماع ضربه بسطاله بالگاع وحدها تكتم النفس مو شوفته وهو غاضب

وصل قريب لزمت الشباج حيل اريد اتبلعم مااكدر  باوعلي نفخ الدخان بوجهي ابتسم وحجه بصوت شبه الهمس اشلونها قضيتي اليوم

-تغه اخذت حقك

-وين وصلتلج؟؟

-ماغاح تلحگ توصلني

- هه وفري ذكائج  بدل العين خالج الف عين وهديتج ماناسيها اجلتها كم يوم اريدج تستقبلها وانتي بكامل حالتج الصحية

-كلتلك غجعني ماقبلت

-تذكرين شنو گلتلج رأل

-اي گلت غاح اجيبلج حقج

-وگلت لاتجربين حظج وياج لان ماراح ارحمج

-غلطت

-والغلط كلفتني تعب عمر

-جنت تستحق اكثغ

-نفس الكلمة الي سمعتها من واحد قبل لاعوقه بالحرگ واشمره بنفس المشتمل

-انت حارگه ؟؟

-مثل ماراح اخلي اكبر امنيه عندج طلعين منا وهو يشوف جثتي

- الله غاح يحاسبك  

-هاي بالذات تكوليها بيوم الي تشوفين هديتج

- ماغاح يهمني شي بعد

-اشلون جنت  محضرلج شغلة تسوه رتبتي اضعاف  بس  شفت اسماعيل اكبر عقوبة الج تستاهلي؛ حضنه يسوه حضن محمود

باوعتله بقهر نزلت دموعي

-ليش تبجين ؟؟

-طلبت من الله  يوجع گلبك ويحغمك من نومة الليل بس اشو وجع گلبي وحغمني من النوم

نفخ الدخان صفن بوجهي خذله كم ثانية رفع ايده راد يوخر شعري ومثل الي تذكر سد جفه وكال- البخاخ لاتستعملي هواي مرة وحده باليوم وقللي وكفاتج هنا الجو بارد

شمر جگارته داس عليها وراح  مسحت عيوني دنكت لكيت بخاخ بالگاع شلته نفس مال غزوان خليته على كلبي تكول رجعلي غزوان

كعدت بالگاع حضنت رجليه وشهكت من كلبي لمن حسيت بخنگه بسرعة فتحت البخاخ استعملته ارتاحيت اخذت نفس انتجيت مغمضة عيوني

مر وقت واني بالي بالهدية شنو ممكن تكون الي هيج يحجي بتشفي وملامحه مابيهن اي رحمه 

مسحت وجهي بخوف واسمع صوت البنات يسولفن داكوم اسد الشباج وسمعت مثل تگلها رئال نفسها

صار فضول شنو رئال نفسها گمت اتسحبت طلعت من الغرفة رحت للشباج القريب من الحديقة الجبيره الواكفات يمها صرت  وره البرده وخرتها شوية واشوف ام هيذام  وهالة مرت ازر تكلها وداعت ابني شفتهم

ام هيذام - والله گلبي حسني من اشوف هدوئه واكثر الوقت مخلصه بالبيت عرفت ورا مصيبة

-لعد اشلون عقلتيها هيذام يتنازل عن قضيته بهيج  سهولة

-يمه ماعونت احصل هيج وحده ثولة و بدون اهل كل عقله هذا يريد يردها للسجن

-والاكثر من هذا اسماعيل بده يتقبلها ماشفتي صار كم يوم بدون صوت خانس

-واني ماراح اخلي يسوي الي براسه

-شنو راح تسوين

-تعالي وراي واني اكلج

اخذتها وراحت خليت ايدي على كلبي ذني شنو يحجن فززني صوت اسماعيل وهو يصيح رئااااال

رديت البردة وطلعت لكيته واكف مدرر على نفسه اجيت اتقيء گال جيبيلي ملابس وتعالي

-روح هسه اگلهم  من الشباج حتى يصيحون المضمد يسبحك

-لاانتي سبحيني

-عمتي غحمه غاح تجي ادخل بساع اسبح بين ماشيل الفغاش قبل لا تشوفه

-جيبلي ملابس وقفلي غرفتي اذا عرف احد اشوه وجهج

هزيت راسي راح مستعجل  للحمام  فوك قذارته يتهدد الجبان؛  رحت للغرفة جريت الديباج شمرته بالغساله همزين مالايح الفرشه

طلعت ملابس دكيت الباب بس فتحه شمرتهن رجعت لغرفتي استوني ادخل حتى اقفلها  وانفتحت باب الشقة دخلت  ام هيذام عفت الغرفة  ورحت سلمت عليها  كالت وين اسماعيل

-بالحمام ديسبح

-اي بشري شصار ماصار لو مبين ماكو شي لسه

-بعد مغيض

-لامابي شي من يومين الطبيب كال اتحسنت حالته ويكدر يمارس حياته بشكل طبيعي بس كولي اني

مانعته سمعي اذا عرفت صدگ ماتخلي يقربلج اجيب الخدم يربطوج واخلي يكتلج لمن تتأدبين وهم ياخذ حقه غصبا على راسج

داارد وطلع اسماعيل  بطرك البجامه بيده الخاولي شافها  گال شعدج داخله هنا اني موكلت لحد يوصل لشقتي منكم

-اجيت اشوفك وهم اتأكد من سالفه زواجك

-ماطول ابنج عايش هنا ماراح اسوي الي براسكم

-بساعة التصير رئال مرتك اعتبر هيذام طلع لان خالها  براسه يريد يردها للسجن حتى يرد رتبته

-بكيفه؟؟

ا-ي بكيفه لان بس بالاسم مرتك كلمة وحده تتحلل ويرد يسحلها مثل قبل بس لو متأكد اكو شي بينكم اصلا مافكر لان يخاف شايله طفل منك

-واني راح اخلي موبس يخسر رتبته لا حتى بعد مايدخل للبيت

-يله شوفنا مراجلك وهذا تعبه صار بيدك

باوعتلهم  صافنة حتى مالحگت احجي مو افكر شسوي

عمتي ابتسمت وسدت الباب وهوضحك بخبث رجعت للخلف استوني دااتوسل واجه عتني بكل قوته من شعري سحلني سحل شمرني بالغرفة ودخل

قفلها الباب واندارلي رجعت ليورا سحب المفتاح  وباوعلي بغل…

***رايه***

اتصنمت مكاني فاتحة عيوني على كبرهن واني اشوف اشلون السجينة حازه  برگبتها

اشرلي براسه اتحركي ودخلها زايد گطع نفسها اقل سحبة تنتهي ؛ بسرعة رفعت اديه بدون اعتراض  لان اعرف اذا صرخت محد يلحگني بس هيه تروح مني

انداريت باوعتله مكان مهجور اظلم تگول مقبرة رديت باوعتله بترجي خزرني واشر يلااا وصعد راسها على صدره

اتحركت احس رجليه مشلولة عين بالبيت مرعوبه من شكله وعين برؤيا الي ترجف  كامشه ايده يثنين اديه ودموعها تنزل

وصلت للباب جان شبه مفتوح اباوع داخله هندس وكفت ماتجرأت اكمل

دفعني برجلي

همست البيت مسكون والله

مارد دفر  الباب  فتحها ورد دفعني حيل مالحگت  اشيل رجلي عثرت بالعتبه اجيت على وجهي احس خشمي تفلش دااعدل روحي واسمعه دخل يسحل برؤيا  سد الباب برجله

شلت راسي حتى ضوه الگمر اختفي اتلفت كلشي ماشوف انرعبت بالزايد وگفت بسرعة اتلمس اريد الزم رؤيا فجاه انفتح الضوه اباوع لايده فون بيها شمره بالگاع ورجع السجينة على ركبتها همس من بين سنونه  مثل ماانتي على وكفتج تندارين تجيبيلي ذاك الواير

-والله ماندري هذا بيتك لبالنا مهجور ماكو احد عايش بي 

-كلمة ثانية اطير راسها

-وداعت ماما ماشفنا شي ولاراح نگول اكو احد هنا بس خلينه نروح دخيلك خويه

-مبين  رايده انحرها وهاي ماكو اسهل منها

كالها وضغط على رگبتها صرخت لااا لااا اسوي التريده

-الواير يم رجليج  جيبي

هزيت راسي اي و اتلفت ادوره  داير مدايري  لكيته  مشمور يم بوري حديد ويمه جماغ  دنكت داشيله بحركة سريعة سحگ عالبوري  رفعت راسي خزرني   شلته همست  برجفه  هذا

-دنگي ربطي رجليها وجيبي  ذاك الجماغ

-والله ماتتحمل هاي اربطني مكانها  هيه ماتشوف ماراح تنهزم

رفع راسها على صدره باوع لعيونها ترمش ماصدگ قرب السجينه منهن ماغمضت ضلت ترمش طبيعي

دنگ يم اذنها همس قبل لاتفكرين تصرخين اعتبري راس صاحبتج طار

اشرت اي

-راح اتركج اي نفس اكمل العوق بيج

-مم

-عفيه وانتي شمري  الواير وجيبي الجماغ

دنكت شلت الجماغ مديت ايدي اباوعله  سحب ايده عالكيف من حلگها  مثبت راسها على صدره  بالسجينه

اخذ الجماغ بلحظه دفعها  وسحبني مكانها مالحگت حتى اصرخ لف الجماغ كتم نفسي شد حيل كمش اديه

دنگ اخذ الواير جتفني بي سحبني يم بوري عالحايط رايح لجهة تدفأه  شمرني  يمه ودنگ ربطني بي

كام  للباب قفله راح دخل جوه ثواني وطلع بيده واير كهرباء  تقرب يم رؤيا الي لامه رجليها ترجف بدون صوت ماتعرف شديصير

دنگ كمش رجليها دفرته وصرخت سحبها بسرعة لحضنه سد حلكها كامت ترفس عصرها دارت ايدها ضربته على وجهه لزمها حيل وصاح من بين اسنونه تبتييي لج

هزت راسها اي دفعها على الحايط لمت رجليها  مد ايده حست بيها  دفعتها رجعت ليورا حجت بتوسل  لاتلمسني وخر عني

-وكلام الله دفره وحده انيمج جوه الگاع ثبتي يووول

-مااتحرك مااتحرك  وخررر لاتلمسني وخررى عني

-صوتج بت الكلبببب

اشرت اي وسدت حلكها بديها دموعها تنزل عالسريع  باوعلها ساكت اخذله ثواني وحجه بصوت ناصي  منو دخلكم لهنا

همست محد اجينه وحدنا  

-تعرفين واين انتي ؟؟

-هاا اي بيت المسكون

-عفيه المسكون تعرفين معناتها شنو يعني اربطج واشمرج بالسرداب يحتفلن بيج الشياطين للصبح  اذا عرفت بيج اجذبين

-والله  مااجذب

-شاطره اكو احد وياجن بعد

-لااا

-شنو الخلاجن دخلن  لهيج مكان

-لان مهجور لبالنا محد بي

-وهذا اي مكان مهجور مابي احد دخلنا ؟؟

-لاا

-لعد شمرجن على قسمتي

-جنه دنطلع من المنطقة و واحد جان شارب عارضنا  دخلنا بهذا البيت بس ردنا يروح حتى نكمل طريقنا وروح اختي

-من يامصيبة اجيتن

-شنو يعني

-بيتكم وييييين

-مااندل

-ماتندلين خوش؛واشلون عرفتي هذا بيت المسكون

صفنت شويه وهمست سامعه صوتك

-مهزومات من اهلجن ؟؟

-خلينا نروح والله ماراح نگول اي شي راح نطلع من هاي المنطقة كلها ومنرجع ابد

راد يحجي ورن فونه كاللها اذا سمعت نفسج منج  اخلي طلقة براسك

اشرت اي

كام شال الفون رد بصوت ناصي هلا  بالضبع  وين صرت … لكيتوا المكان…ااااي واخيراً … اسباع خابر عساف  كله دسار يگول توكل  كملت الشغلة…

…لامااگدر اجي --  لكفتلي  حمامتين -- لسه مااعرفهن المن تابعات  -- هلا لاتتأخر

كالها وسد الفون رجعه عالشباج  سحب البرده  عدل  اللثام  اباوعله  عيونه حاده سود اكو اثر طبر نازل من حاجبه مبين مال ضربة

لابس قمصلة سودة وتيشيرت وبنطلون هم سود جفوف جلد نص طالع اصابيعة منهن

نزع قمصلته علكها عالشباج طلع مسدس من ظهره شلع المخزن سحب اقسام ضرب بالخالي ورد شكل المخزن خلاه عالجام اندار باوع لرؤيا الي لامه رجليها ترجف بخوف

شال الفون راسل واحد ضل ثواني يكتب ورجعه مكانه    

راح يم رؤيا دنگ كعد نص كعده  رجعت ليورا  شال ايده حركها كدام وجهه ماشاف ردت فعل بس  شهكت  لان حست بي قريب   كاللها وين اهلجن

-ماادري

-شنو هو الماادري  شمسويات  ونهزمتن هيج

-كلشي ماامسوين والله خليني نطلع منا الله يخليك

-تردين ترحين حلو سمعي لج بالله العظم اذا ماحجيتي لو كلتي سالفتجن شنهو اربطج بگصيبتج واصلبج ويه الجثث الجوه احجيييي

- شنو اگول

-منين اجيتن

-بيتنا نفس المنطقة لونه بابه ابيض

-ابيض؟

-والله مداجذب  احنه بنات ابو رايه روح اسئله  هسه تلكي ديدور علينه

صگ على سنونه كال  واكيد اول مصيبه تجي براسه  هنا 

-راح تموتنا 

-منين طلعتن خرب بروح ابوجن

سكتت وهو  خله اديه وره راسه مثل اليفكر قاطعته وهيه تگله انت نفسك  اللفو التركض وراك الشرطه ؟؟

-كملتتتت

كالها وكام دفر الگاع حشكت روحها بالحايط 

راح فتح الشباج و شال  الفون دنگ يراسل ثواني ورن فونه رد حي الله يخوي

اجه صوت واحد عالي  مبين صارم كله حى الله ابو الليل  شصاير ليش داز مسج بهيج وقت

دسار -دزيتلك الامانه

-وصلت خبروني الولد عاشت ايدك

-ديربالكم عليه لايفلت حاول اتعوقه وبعدين اشتغله على كيفك

-طگوا رجلي وهو بالطريق

-عفيه شغلة ثانيه دزلي كم واحد ياخذون الغراض قبل الفجر لان المكان احتركت ورقته

-وسفه ياهو لزمك ولك

-افاا اني انلزم لامارضيتها منك

-لعدد شصار دسااار احجييي

-لكفتلي ثنين داخل البيت مهزومات من اهلهن

-كتلتهن

-كتلهن ميفيد  لان المكان انكشف وصار مو أمن اي دقيقة يچفتونا اهلهن لويحاصرونه الشرطة حضرلي مكان باسرع وقت كون اطلع منا

-ابشر اعتبره المكان جاهز بس دير بالك ينهزمن قبل لاتطلع   دسار  اذا رحت بيها محد يخلصك هالمرة حتى اثر مانحصلك لان حادين سنونهم عليك

-ادبر روحي لاتخاف بس دزلي مخازن رصاص  بيد الضبع سلاحي فرغ  وذني سهلة اعتبر شغلتهن اندثرت

هو يحجي واني غمضت نزلت دموعي على ماما عرفت انتهى امرنا  اشلون بيها من تصحى وتعرف كلنا رحنا فد روحه منها

بجيت بيأس صارت گدامي لرؤيا حاضنه رجليها ودموعها تنزل بكتمه وهاي الاخيره هم راح تروح بدون ذنب وهي كل امنيتها يرد نظرها بس حتى  تشوف شكلنا

فززني صوت جاي من داخل البيت  مثل شي ركض دار وجهه باوع بعدم اهتمام ورد يحجي

ثواني ورجع الصوت اقوى ويا شخطة تاخذ الروح  اباوعله ولا تكول سمع على وضعه مستمر يتفقون برموز ماافتهمها

سلم سد الشباج  شمر  سلاحه يم الباب  وكعد طلع باكيت جگاير من جيبه اخذ وحده رفع شويه من اللثام بين اثر وشم بركبته دنگ ورثها سحب نفس ونفخه

عينه صارت برؤيا انتجه عالباب مد رجله وعكس الثانيه رد سحب نفس وركز اكثر بوجها خفت عليها من نظرته

عاجز كلشي اسوي ماكو بلساني غير الدعاء  وهو مستمر يدخن وعينه بعيونها الي صارن مثل الكزاز لان تبجي وخدودها وشفافها حمر من البرد

اكثر من ساعة حتى روح ماضلت عندي لاهو الكاتلنا ومرتاحين ولاهو العاتقنا

ندفرت الباب گام فتحها دخل واحد ملثم بشماغ احمر بيده علاكه گله الطريق متراقب

-خررررب كلش موقتهاااا

-زلم تارسه المكان  مانگدر نتحرك انت الخابرت عساف

-اي لخاطر يدبرلنا مكان ماعدنا مجال كون قبل الفجر نطلع وانت شسويت

-صورتلك المكان مثل ماطلبت وخابرت الولد يراقبوا

-جيب التلفون  وشوف المصيبة الكملت النقص مستقبلنا  المشرق

انطاه العلاكة وتلفون نزل  اللثام عن عيونه  شويه

باوعلي عگد حاجبه ورد باوع لرؤيا كله متأكد محد شامرهن علينه

-الضبعات منهزمات من اهلهن

- اشلون نخلص منهن

-مالك شغل بيهن شغلتهن يمي  بس  امنلي المكان للصبح لخاطر اطلع الاغراض قبل لايجفتونا اهلهن

-تامر يالضلع اعتبره تأمن بس عبي سلاحك بين ماافكرلك بشغلة تضيع اثرهن

-كلتلك شغلتهن يميييي ضبع لاتخليني ادوس حلگك واترسه رصاص

-ماحجيت شي يابه اعصابك

-اطلع لاترد قبل لاتتأكد من الوضع اي غلطة تروح روسنااا

اشر اي الولد طلع وهو راح گعد يم الحايط يطلع من العلاگة طلق ويخلي بالمخزن مال السلاح

اكثر من ربع ساعة وهو مستمر يعبي بالمخازن ؛ من كثر الخوف نسيت كل مصيبة على كلبي فكري وخوفي كله على رؤيا  لايوكف كلبها گد ماترجف

دخل الولد رفع راسه اشر هاا

-ماكو احد بس واحد واگف عالشارع واحد لاخ هو ومره راحوا يركضون طلعوا المنطقة من ربع ساعة وماردوا

-سد الباب وتعال اترس هذا السلاح لخاطر تصعد عالسطح

-بس خلي يتاخر الوقت اكثر حتى اطلع بوجهي على عساف اتأكد من الموعد لان الموبايل اخاف متراقب

مارد دنگ يكمل بشغله و الولد سد الباب نزع قمصلته  وراح گعد يمه طلع سلاحه شلع المخزن خلاه بصفه وصار يعزل بالطلق باوعله دسار كله شتسوي ولك

-نقسم قسمة حق سلاحك يشفط محافطتي بكبرها  ومايشبع

-اكل تبن اترك البيدك وين الوصيتك عليهن جبيتهن

-اي.- كالها وطلع شي من جيب القمصله مثل شيشة الدوه خلاه بصفه اشر على رؤيا

-امأمنه ماتشوف

-حلو شغلتها سهلة ضلت هاي اشلون تكتمها

-هاي الخرزة الماتشوف اذكى وانبه من ذيج الف مره بكلمة وحده طلعك من بين جيش وتلف على رگبتك المشنقة

-اشتعل ابوهن طلع لفات الكص  خلي اتزقنب قبل لاروح

خله السلاح بصفه  فتح الحلاگه طلع لفه  انطاه وطلع وحده فتح بطنها

اباوعله يطلع الطماطة ويخليها بصفه مبين مايحبها  كمل بلش بالبصل اخذله شويه عكد حاجبه ورفع راسه باوع لضبع

اشرله ضبع  شكو

-متأكد لفه گص هاي

-شتشوف انت

-كلشي اشوف  بس گص ماكو

-من تشتري نعال ابو الاصبع ينطوك ويا اصبع لو بس نعال

-الله يطيح حضك وحظ السألك شيل علاگتك وگوم مناااا

-لااكو غيرها طلع وهاي انطيها للخرزه ماتدري

-يالجحش عمية مو طرمه كوم لابعلي اجرب السلاح براسك

-والله لويخيروني اصير ناگه بالحبشة ولاهاي  صحبتك الخره صدگ باجر اطلع للصحراء

-ابن الكلب  الضب مايفتر بالصحراء  گدك  ماتستقر رحمة لدينك

-متفق ويه واحد نروح نصور البضاعة  حتى يشوفهه عساف اذا زينة وعجبنا سعرها ناخذها بس وعلي احس اكو غدر بالسالفة

- افا واني اخوك  گبل لايفكر اطبر راسه حاله حال الانجاس باجر انصبح يمه

-اي والله روح انت واني اضل هنا منتظرك

-ومن تتفل بوجهه يگلولك بدون اخلاق

- ملثم ماتوصل التفلة

-گوم ضبع

-يله رايح بس بروح ابوك لاتكتلهن كافي الدم الي برگابنا

-اتوكل

كام لبس قمصلته عدل الجماغ وطلع اسمع هبده طفر الحايط وهذا رد لشغله حتى مااكل  خلاهن على جهه

كام قفل الباب رجع للدوا  شاله فتحته خله داخل وصله وراح يم رؤيا كعد نص باوعلها هادء وضعه خلاها تأمن وبحركة سريعة  كمش وجها اخذه لحضنه وكتم نفسها بالقماش

هيه تضرب وترفس واني اصرخ ميطلع صوتي دقايق وهدأت وخر ايده نزل راسها بالگاع عالكيف

اباوعلها حتى الدمعه اختفت من عيني لبالي ماتت عيني صارت بطنها اباوعلها بترجي واتوسل بيها تتحرك

كطعت حتى النفس  حسيت روحي بدت تطلع عصرت نفسي واشوفها اتحركت شهكت بوجع مامصدكه بعدها عايشة 

كام جاب قمصلته شمرها عليها رد مكانه تمدد  خله ايده جوه راسه وايده الثانيه كمش سلاحه غمض

حسيت ضغطي انخفض من الهبطة انتجيت عالحايط اتنفس بصعوبة من كثر الخوف والصدمات  حتى مانتبهت شنو المكان الگاعدين بي

اباوع  غرفة صغيرة بنهايتها باب يودي للداخل حيطانها  كلها شخوط سود وكتابات مااعرف شنو حروف مبعثره وطبع اجفوف ادين  مال طفل

انداريت من الجهه الثانيه اكو فتحه بالحايط ظلمة كلش داير مدايرها اسود  مبين دخان حرك مثل السرداب لان بدايه درج  شكله مرعب  لميت رجليه لحضني

رجعت عيوني بي اشلون نايم  متونه عراض وجسمه ضخم  جف ايده عبارة عن وشم جمجمة ودم  مبين من هيئته مجرم متمرس

مسحت عيوني لميت رجلية وخليت راسي عليهن  مرت الساعات من عمري ثانيه ماغمضت عيوني

احسب للصبح بالدقايق مااعرف شمنتظرنا كل شويه اتخيل شي ؛ اتندمت ندم عمري اشلون طلعت من البيت

الدنيا ظلمة وهدوء يحبس الانفاس اصوات طرب شبه مسموعة جايه من بره صافنة على رؤيا احفظ ملامحها تگول اريد اودعها  امنيتي اكوم اخذها لحضني واشمها بكد حسرتي على الراحن

فززني صوت رنه فونه گعد شاله باوع بي ورد فرگ وجهه وكام اجه ناحيتي رجعت ليور وصل يمي حشگت روحي دنگ جرني اتأكد من اديه مربوطه رجع دفعني و كال شوفي لج طلقة ماتكلفيني بثواني انهيج  بس ماعندي شي وياج مكان احترگ ويامسهل تغيره

سكتت

-ماطول ربج مدد بعمرج حافظي عليه اي حركة مو  بمصلحتج العالم توها طالعة وصايرين زمايل من الشرب بس يحسون اكو صوت ترحين بيها

اشرت لا ماطلع صوت

-الخرزة لباجر ماتصحى يعني فريسه سهله بس مو اسهل منج وانتي مربوطة وحاضرة الهم اكدر اسطرج وياها بس اريدج تراقبين المكان لخاطر لاتسرح  وتروح بيها البيت مهدوم من جوه

هزيت راسي

-عفيه اگطعي النفس والتفكير  وعيونج على اختج  افضلج؛ ماتأخر كم شغلة  اصفيها وارد احررجن

اشرت اي

دكدگ على خدي وكام راح يم رؤيا نايمة بعمق دنگ راد ياخذ القمصلة  وتراجع  عدلها على متنها وشال جفوفه وكف لبسهن  ورد اخذ سلاحه خلاه بظهره راح لجهة الشباج سده ورد البرده

شال بقية الرصاص والاغراض  دخلهن داخل البيت مااعرف وين دقايق ورد اجه اخذ فونه وطلع  قفل الباب ورا

باوع صارت هندس اسمع طفرته بره البيت عيني راحت  للباب  الداخليه بسرعة حسيت مثل الشي خطف احس كلبي طلع من مكانه همست بسم الله الرحمن الرحيم

اني اسمي واسمع صوت شخطة من جوه غمضت عيوني من الخوف نسيت ايه الكرسي اشلون تنقرا ضليت اردد بأسم الله بأسم الله شويه واختفى الصوت 

فتحت عيوني كلشي ماشوف درت راسي اباوع لاديه مشدودات حيل جريتهن ضاگ على اديه اكثر

كمت انداريت خليت راسي بالحايط  ثبت اللثام ونترته بقوة ليجوه  ماحس غير انشخط وجهي على طوله حسيت روحي شاطت

غمضت حيل اخذت نفس وفتحت عيوني رجعت كررت الحالة نفسي الشي 

باوعت لرؤيا ماشوفها عدل گمت اضرب بالگاع  حيل بس اريدها تصحى ماكو

رفست  ونيت نفس الشي  اتلمست من وراي البوري ضربته حيل  صار صوت عالي   اتسنط مامنها نفس  رجعت ضربته اقوى هم ماكو ضليت اضرب بي لمن بهتت  اخذت نفس بعجز وگعدت  لاحول ولاقوه مر الوقت الشمس بدت تطلع وهيه على وضعها

عيني بيها  اشلون نايمه بتعب تذكرت رئال من اكعدها هيج وكت حتى نطلع وتگعد رند على صوتنا تجينا ركض تضحك تحضنه  بجت بصوت

خليت راسي بحضني بجيت بصوت اتمنى اكتم النفس واخلص

سمعت صوتها تهمس رايه

شلت راسي بسرعة  باوعتلها لكتها تفرگ براسها ونيت بصوت ردت غمضت اخذت ثواني وگالت  رايه راسي راح ينفجر

صحت بكتمه وكمت ضرب برجلي حيل اريدها تنتبه

كعدت صافنه واني مستمره  اصرخ  واضرب بالبوري حيل اتلفتت داير مدايرها تتحسس وجوده 

حركت اضافيري عالبوري صار يطلع  صوت

همست منو هناا

رفست حيل ونيت مثل العرفت ماكو احد وخرت القمصلة اتلمست واجت عالصوت تزحف عالسريع  وصلتلي  كعدت كمشتني تتلمس راسي جرت الجماغ من حلكي اخذت نفس براحه حضنتني ونزلت دموعها

-لاتبجين راح اخلصج

ماردت شهكت حيل

-لاتبجين يروحي والله راح نطلع منا

-ضيعتكم كلكم

- مو ذنبج هاي حوبة الي سواه ابوج بنات العالم  راح تضل تلاحگنا عمرنا كله

-ماضل عندي بس انتي خايفة لايكتلوج قبلي والله ماراح اكدر احمل وجع فكدج  

-ماراح يكلوني ولاراح اخيلهم يكتلوج بس فتحيني اديه بسررعة

-ماراح يتركونه نطلع البيت معبه اسلحة وجثث

-لالااا نطلع ونروح منااا بس كومي فتحي الواير بسنونج بسرررعه  قبل لايرجع   

-مسحت دموعها وهمست وين شادهن

-بالبوري وراي رؤيااا استعجلي فدوه اروحلج

-بس لاتتحركين حتى اعرف اتلمس الربط منين

-اوكفي ماراح تگدرين رابطهن حيل شوفي  اكو شيشه دوه  كدامي روحي جيبيها لان ماينفتح بدون شي حاد

-ياجهة

-وين جنتي نايمة هناك يم راسج استعجلي  ماضل وقت العالم راح تطلع بعد منكدر ننهزم

راحت تزحف  تتلمس واني اكلها منين تتجه لمن وصلت كمشتها جابتها ورجعت يمي كالت شسوي هسه

-كسريها بس قبل لاتكسريها  سدي خشمج هذا مخدر

-تمام كتمي نفسج

كالتها سدت خشمها طگتها بلكاع  وصاحت اااخ   اباوع لايدها نجرحت والدم كام ينزل بسرعة عصرت نفسها

اخذت نفس مسحت ايدها بملابسها وردت تتلمس عالكيف استوها اتشيل الكزازه والباب اندكت حيل وصوت بابا يكول فتحن البااااب ----

عذروني على الاخطاء الاملائية مالحگت اصحح بسبب طول البارت ❤️

شيء من رصيف الدم

بارت الثامن

بقلمي : leo Alfatlawi

بارتين سوه

***رايه. ***

لااستطيع الرجوع فثمن هذا الطريق كان روحي…

صوت بابا نهى كل امل بالدنيا باوعت لرؤيا فاتحه عيونها على وسعهن متصنمة بمكانها رجعت اندكت الباب دگه اقوى وصاح بنااات الكلبببب فتحننن

كمشتني من ملابسي ضغطت عليهن حيل و همست بخوف رحنا بيها

اريد افكر لو ارد مااعرف شفافي يبست واني اسمع اشلون يدفر بالباب اتلفت محتارة ورؤيا حالتها مو احسن من حالتي عاصرة ملابسي تتسنط بخوف صار باب الدخل منه دسار گدامي درت وجهي عليها بسرعة وهمست برجفة اكو باب وراج يودي لداخل البيت گومي ركضي دخلي جوه وانضمي بأي مكان بسااااع

شالت راسها عيونها دم وتنفت من الخوف اشرت شنو

-سمعتيني لاتسوين هيج كومي ابوس ايدج

-وانتي ؟؟

-اني ادبر نفسي بس اهم شي لازم اخلصج لان مااگدر احميج منه ولج بسرعة راح يكسرر الباااب

-ماروح واتركج وحدج

-لالاا انييي مايگدر يجبرني اعقد عمري جبير واذا اختفيتي انتي بعد ماكو شي يغصبني عليه حتى اوافق

-ماراح يصدگج

-يصدگ غصباً عنه بسس رفعييي اللثام على حلگي حتى من يدخل اگله اخذها الخطفنا واني ربطني وشمرني هنا حتى يخلص مني اموت قبل لا الحگ اخبررر عليه

-راح يساومج بماما ويبيعج بالرخص بسببي

-لالااا والله اخلص نفسي بروح رند ماضل عندي امل بالدنيا غيرج رؤيا والله اموت اذا صارلج شي

-فقدت كل نور بحياتي ضليت اشوف الدنيا بيج لواموت ماتركج خلي ياخذني بعد مايهمني

-لالااا لاااارؤيااا لخاطري

-وروح رنود ماتحرك كالتها وحضنتني خلت راسها على صدري وبابا يدفر بالباب يصيح فتحن ولجنننن ادري هناااا

احس برجفتها اعرف الدتحجي مومن كلبها بس ضياع الراحوا زرع الرعب بداخلها رفعت راسي للسما غمضت بيأس نزلت دموعي ماضل عندي غير اتوسل رحمته واسمع صوت حركة على السكف

قطع الصوت كلام بابا وهو يصيح ابو طبرر ادفر الباب خلي تنفتح

رد عليه اكمش ذني و وخر مناا هسه افتحهااا

باوعت لرؤيا نزلت دموعي همست بتوسل لخاطر ماما والله اذا اخذج ماراح يرحمج

-اشش لاتكملين ماراح يگدر ياخذني وانتي راح تشردين وتنتظرين غزوان يطلع تكملون باقي حياتكم بعيد عن الظلام الدافنه بي

-شنو مياخذج شراح تسوين؟؟

-الجان مفروض اسوي من اول يوم يدخل الولد عليه. جان كل عائلتي موجوده ماراح واحد منهم

-رؤيا وداعت ماما ماراح اسامحج طول عمري لااني وعدله ولامن اموت

-خلي اسامح روحي بالاول وانوب اطلب مسامحتكم

-لارؤيا لاتخليني وحدي

- ديري بالج على نفسج وگولي لماما والله مااعترفت على رئال وغزوان ؛ ورند راحت غصباً عني

-لاااا رؤيا ماما تموووت والله ماراح تتحمل كلجن سوه شمري البيدج والله اني احميج رؤيا شمري البيددج

-لاتتخلين عن رئال ادري حملنا كسر ظهرج بس ماجان عدنا غيرج رايه اندعلي ربي يسامحني

-لااااا لااا ماندعييي راح ادعي عليج طول عمري حتى لايسامحج وحتى ماما اخليها تد--

سكتت واني اشوفها سحبت الكزازه بيدها والدم كام يتنافر

رفستها حيل وصحت ولج لااا لج حيوانه ماعندي غيرررج

ابتسمت بتعب وخلت راسها على صدري رجعت رفستها

همست گوه خليني انام بحضنج

-لالا ماتموتين رؤيا ضغطي على ايدج ابداعت خوتنا لاتعوفيني واني والله العظيم اخلص منه وعدد وعد بس لاتعوفينييي

- اريد ارتاح عوفيني

-لعدكومي كوميي بتري شرياني خلي نموت سوه

حضنتني حيل وغمضت

-لالااااا رؤيا كومييي لاتسوين بيه هيج لاترحن كلجن سوه مني وتخلني وحدي

ماردت كامشتني حيل ضامة وجها اباوع لدمها يفور ضغطت على سنوني ورفستها حضنتني حيل؛

دفعتها وجريت نفسي منها مااعرف شسوي بس ردتها تگوم

دارد ارفسها وحسيت قبضتها رخت دنگت اباوعلها بهتت وعيونها بدت تغمض من غير الدم ترس ملابسي اتهسترت احتاريت شسوي ؛ رفعت راسي للسما مفجوعة اسحب النفس گوه عاجزه عن كلشي

صوت ابو طبر طفر وصوت بابا يستعجله يفتح الباب ؛ سديت عيوني استوني داگطع النفس

ودخلوا الولد الملثم ويا واحد من الباب الداخلية بيدهم اسلحة وجهه علينه اشر اششش

ركض الولد وره الباب كامش سلاحه ودسار اجه يمنه خله السلاح براسي باوعتله وبجيت بصوت حجه من بين اسنونه نفس وافرغ الشاجور براسج

-والله ماافتح حلگي بس خلصها ابوس ايدك

-صوتجج لج

-راحت تمووت اخيتي

-ماعليها انخرسي

-ولك ماتت ماتت خلي بابا ياخذها بلكي يلحگ عليها واني اضل يمك ابداعت امك والله مراح تكول شي تخاف عليه واذا حجت اكتلني

-جمااال اخذ هاي اشمرها فوك وارجعلي بسررعة

جمال - راح يدخلون فتحوا البااااب كلتلك خلي انزل قبل لايدخلون

-ولك خلصنييي من هاااي اني اشغلهممم

شفته يأشر على رؤيا و صوت دخلتهم وضحت ردت اصرخ مالحگت بخفه ايده سحب راس لحضنه كتم نفسي

كلها بثواني اجه جمال دنگ على رؤيا شالها ودخل يركض بيها وهو عدل روحه طلع سجينه من محزمه طگ الواير ونيت بسرعة نبتها بركبتي حسيتها دخلت بلعومي كتمت صوتي بساع

همس تردين اختج تعيش نفسج مايطلع

اشرت اي

كومني جرني يسحل بيه وعينه بالباب استونا ندخل جوه واسمع بابا يحرك باليده ويدفر يحاول يفتحه

سد حلكي حيل ودفعني داخل البيت يمشي بيه بكل سرعته وصلنا يم باب دفرها صار بوجهنا جمال نازل من الدرج بيده سلاحه ؛عبرنا يركض بدون لايحجي

ضغط على حلكي اكثر وسحبني بسرعة صعدني للطابق الثاني اباوع شكله مرعب اكثر من الاول مكان معزول وكله رسومات يهودية وطلسمات غريبة مكان ضيگ ومتروس بوب خشب ؛ وصلنا يم واحد منهن دفره برجله انفتح

واشوف رؤيا مشمورة يم الحايط فاقده من همشت گلبي دفعته بدون شعور نسيت السجينه على رگبتي حسيتها حزتني ماهتميت عيني بيها رفع ايده بسرعة ركضت شمرت نفسي عليها

شلت راسها خليته بحضني اباوعلها شفافها بيض مابيها نفس

اخذتها لحضني وشهكت بقلة صبر وجهه السلاح عليها واشر بلا صوت

حضنتها حيل دفنت وجهي بركبتها اريد اهيس نبضها ماكو گطعت النفس عصرت روحي اندعي بعدها عايشة غمضت اتسنط بهدوء حسيت نفسها ضعيف ودفو دمها على جسمي

رفعت راسي مامصدگه بعدها عايشه مسحت وجهه

خليت راسها بحضني نزعت الترواكه رفعت ايدها اريد اسيطر اربطها مااكدر اديه ترجف وعيوني ماشوف بيهن كد الدموع

دنگت مسحتهن بمتني رجعت عالسريع الف بيها حتى اريد اشدها ماگدرت حسيت ايديه بهتت عصرتها حيل بجف ايدي وايدي الثانية اخذت راسها لصدري ضغطت عليها اهز بيها مخبوصة اردد بدون شعور لاتعوفيني لاتعوفيني

اكثر من ربع ساعة واني على نفس الحركة من كثر الفاجعة فاقده عن العالم ماحس شدااسوي واني اشوفها تموت بين اديه ؛ دسار لازم سلاحه واكف بالباب مستعد للرمي عينه تتنقل بينا وبره لمن اجه جمال ينفت يتعب اشر نزل سلاحك امان

- راحوا

جمال -يااخي من خابرتني وكلت مراقبين البيت كلتلك راح يدخلوني خليني اتصرف

-مانگدر نجازف اي غلطة نروح بيها اشلون طلعوا

-الجوارين فزعوا كالولهم البيت مسكون راح تأذون العالم اذا نبشتوا الجوه ليش دخلتوا وهم تأكدوا كله مقفل ماكو مكان يندخل منه ضلوا يتلاغون لمن طلعوهم غصباً عنهم

-ماطول صارت براسه يرجع راح يراقب المكان بس تظلم يجفتونا اتصل بعساف كله الاغراض صارت صعبة طلعتهن منا خلي يدز الولد

-وذني شراح تسوين بيهن

-نشولفنا مكان نشمرهن بي

-ليش ماناخذهن ويانه بيهن طن افلوس والشباب متوازيه والرضا راح تسوي فضل عليهم بالاخص عساف يغرگك بالذهب

-لك حيوااان انت متشوفهن زعاطيط

-هنه ذني اللبة مال المتعة دشوف هاي الترفرف الصغيره اشلون تبرگ لو الجبيره وجهه يلمع اكثر من مستقبلي انوب الشعر ااخ بويه اذا افرده على امتو---

بعد يحجي ودسار تفل بوجهه سكته مارد مسحها بظهر ايده ودنگ

اندار دسار خله السلاح بظهره نزل اللثام عدل واجه دنگ يمي راد ياخذها كلتله عوفها

دفعني بقوته لطشني عالحايط وسحبها مني كلبها على وجهه جر ايدها وخر الترواكه باوع للجرح رد خله ايده على ركبتها ضغطه حيل حجيت بكسره ماتت مو

-لابيها نفس

جمال - البت نازفة هواي

-لازم انخيطها

-شتخيط يمعود تعتاز مستشفى

-لاغبيه باترا شحمة ايدها مو يم الوريد الجرح سطحي بس يعتاز خياط اذا ضلت هيج تفقد دمها

-يطبها مرض اشمرها خلي اندبر روحنا ونطلع البضاعة منا قبل لايلكفونا وداعت امي يعساف اذا راح شي منهن يگص روسنا

-البضاعة تطلع بوكتها وهاي راح اربط جرحها اذا حصلت فرصة اطفر جيبلنا عدة خياطة اني اخيطها

-ياا عدة اگلك المكان خطر ماتعرف اي دقيقة يخابرون الشرطة اشمرها انعل ابوها لابو السيبها لو تكتل الثانية يكون افضل اقلها نضمن سلامتنا

-المنطقه مبيوعة محد يتجرأ يبلغ اذا مو متأكدين واني مااطلع لليل اذا ماامحي اي اثر يوصلنا روح جيبلنا القمصلة جوه وبطل مي

هز راسه وطلع ودسار رفعها كعد نص گعده سند راسها عليه گام يضرب بأصابيعه ضربات خفيفة بين عيونها اخذله ثواني ونزل ايده يفرگ بنهاية راسها اباوعلها بدت تصحصح

خليت ايدي على گلبي غمضت اخذت نفس براحه احس ردتلي الروح

شال الترواكه سحب ايدها ضغط عليه يلف بيها وهيه مثل اللعابه كوه تفتح عيونها تباوع وترد تغمض كمل عصر خدودها دنگ كاللها مرة ثانية استعملي ذكائج بغير شغلات لان الغلطة ماتوجع غير صاحبها

سحبتها منه ضميت راسها بحضني وهمست ماغلطت رادت تخلص من بابا واني لوجانن اديه مفتوحه هم جان انتحرت

-مااطول كلها ساعات وتولي عود صيري اشطر منها حتى اتلحكيها اسرع بدون تعذيب

-لا مروتك ساعدها لاتخليها تموت هاي اخر وحده ضلت من خواتي ابوس رجلك خليني الحگ عليها وروح اخيتي ماراح نحجي كلشي ولانجيب طاري اسمائكم واذا سمعت نفس منه دز واحد يكتلنا مابقى عندي غيرها مروتك

-مابقى ؟؟ ليش كم وحده انتن

-اربعه وحده اصغر مني بابا شمرها بتهمة وضيعها بالسجن بس لان دافعت عن شرفها مارضت تنباع والثانية اربع سنوات قبل يومين دخل عليها صاحبه وو--

-ووشنو

باوعتله ماكدرت اكمل العبره خانگتني اشر كملي

حجيت بكسره اغتصبها ماتت اخيتي

باوعلي رافع حاجبه مامصدگ حجه بنبره استهزاء ليش توقفتي اي وبعد ماماتت باعها ادوات

-وكتاب الله ماجذب انهزمنا بنفس اليوم لان راد يبيع رؤيا لواحد سكير لان مارضت تتنازل عن دعوتها

-وين امجن لو اصلا ماكو ام؛ لملوم بيت دعارة

- فقدت من ساعة السمعت اختي وابن خالي الي هيه مربيته بابا ذبهم سجن وتهمهم بالقتل

-كاتليين؟؟

-رئال لا بس دافعت عن روحها غزوان الي كتل وهم حتى بس يخلص رؤيا من جوه ايد الولد بابا ذبهم سجن وارتكب عليهم حتى يحمي نفسه من اهل الولد

-حي الله اهل البتاوين

دنكت بكسره عصرت رؤيا بحضني

-شسمج؟

همست راية

-ليش راد يزوج العمية وتركج

-لان قاصر يكدر يزوجها بكيفه وهيه عاجبه ابو طبر من زمان فدفع بيها اكثر

-منو يعرف بيجن هنا ولاتحاولين اجذبين ماراح يفيدج بشي

-والله محد يعرف حتى احنا ماندري راح ندخل هذا البيت بس غصباً عنه دخلنا لان واحد سكير ركض ورانا بس وداعت رؤيا ماادري انتم بي دخيلك لاتخليها تموت

-واني ناقص ماانتخى بس هم ماراح اكتلجن مولخاطر الخرط السمعته لالخاطر ثول هالخرزه نخلص شغلنا ونروح ولن ساعتها لجهنم محد اله شغل بيجن بس هسه اذا حسيت نفس مو حركة وعلي احنطجن بگصايبجن واشمرجن بمكان حتى اثر مايلكولجن

هزيت راسي اي

دخل الولد بيده القمصله و مي عيونه تتجول مني لرؤيا بقذارة شكله مخربط وسخ عكس دسار صح ضخامته ونبرته صوته بالكلام مبينه مال قاتل متمرس بس تحس بي مجال للرحمة شوية

كام اخذهن منه شمرهن عليه ودفعه كدامه طلعوا رد الباب ورا

اخذت القمصلة لفيتها بيها فتحت البطل اخذته مي بيدي مسحت وجهه عالكيف فتحت عيونها بتعب همست من بين شفايفها بتعب -راحوا

-لاتحجين وياي

-ردت اخلصج من همي

-تخلصيني لو تموتيني ليش هيج تسون بيه تعرفيني ضاله متحملة الوجع وصابره بس لان انتي موجودة

-راح اضل هم على كلبج مابيه اي فايده بس اضيعجن

-وليش هسه ماضايعة ولج وگعنه بمكان بس الله ينجينا منه بدل ماتگومين تسنديني حتى نخلص روحنا تزيديها عليه

-ماراح نگدر نطلع ذوله مجرمين واحنا عرفنا اسمائهم

-لا يمكن صاحبين ممنوعات مو مجرمين لان الولد كله ناخذهن مارضه تفل عليه بس يمكن مطلوب للدولة لان خاتل هنا وهاي المنطقة محد يوصلها بالاخص هذا البيت العالم تخاف تمر من بابه مو تدخل بي

- لا قاتلين مأجورين تره اني عمية موشي ثاني

-حتى لو قاتلين هو كال ماراح اكتلجن اصلا كل هالوقت جانوا عالسطح يراقبون المكان لوجان يردون يخلصون منه مانزلوا من شافوا بابا دخل

-نزلوا لان خافوا نفتن على غراضهم الضاميهن هنا وبابا ماراح يعوفنا يعرفنا ماعدنا مكان شك هنا راح يرجعلنا

-بنفس الدقيقة الي يطلعون نطلع وراهم ماراح اخلي ياخذج من حضني لو اعرف اموت

-وين نروح

-اي مكان المهم نطلع من البتاوين ندور رئال وننتظر ماما تصحى ونرد عائلتنا مثل ماجانت بس نعيش مثل مااحنا نريد

-وغزوان؟

-راح انتظره لاخر لحظة بعمري راح اندعيله بكل فرض ماراح يمر بعيوني غير طيفه

-ليش الحياة ماتذب حملها وتعكس غير ويه الفقير

-تعرف رب العالمين رافعه درجة عن باقي البشر ويريد يسمع صوته بكل لحظة ويشوف صبره لان خالقله الجنة تعوضه عن الحياه التمر بلمح البصر

-يعني رنود هسه بالجنة

-فراشه تفتر بين الورود ويه الملائكة

-واحنه اشوكت يوصل سرنا

-بعد كدامنا حياة طويلة حتى نستحق مثل هيج مكان

-اشتاقتلها

كالتها ونزلت دموعها اخذتها لحضني شهگت بألم بجيت على بجيتها ماكو بعيونه بس صوره رنود وهيه طفر بينه وصوت براءه ضحكتنا من يلاعبها غزوان

حسيتها تعبت خفت عليها لان ادري بيها محملة روحها مسؤولية موتتها ؛ مسحت دموعي بسرعة حضنتها حيل وخليت راسي على راسها ابتسمت بجذب وبدلت نبره صوتي واني اقنعها موتتها جانت رحمة الها لوضالة جان اتعذبت اكثر واحنه تعذبنا اضعاف لان نباوعلها ومنكدر نحميها بسبب عيشتنا بهيج منطقة

ضليت اهمس بأذنها عن جمال الحياة الثانية واشلون هسه مرتاحه هناك وعيونها علينه تضحك على ضحكتنا وتنزل دموعها ويه دمعتنه

صح الكلمات توجع كلبي بس حسيتها هدأت شوية غمضت ضليت امسح على شعرها واقرا ايات لحد ما ثگل راسها عرفتها نامت من التعب

عدلت راسها على صدري لفيتها بقمصلته حيل حتى تدفه انتجيت عالحايط محتارة شسوي درت راسي للجهة الثانية داهمس يارب وصار كدامي غرفة داخلية صغيره بابها عالغرفة الگاعدين بيها

اباوع بيها سرير قديم كلش واكع عليه قطع من السكف وقريب منه ميز عليه صور والعاب طفل

قريب منهن كريوك مغطي بتور بس شكله غريب

بالگاع اشموع مسطرات على شكل نجمة وداخلهن لعابه من قماش وجها كل احرف وعينها مشلوعة ويمها كتاب اوراقه مبعثره

خفت من المنظر درت وجهي المكان معتم مابي اي منفذ والحياطين كلها رسوم واحرف موعربية

رجعت راسي على راسها عرفت ماراح نطلع منا بسلام غمضت وعضيت شفتي بندم اشلون طلعتها من بيتنا واني ادري اليعيش بهيج منطقة يايتقبل حياتهم و يصير منهم يايموت

من التعب والارهاق ماادري اشلون رحت عيوني بالنوم مااعرف اشكد مر وقت وكمزت على صوت شخطه فتحت عيوني تلفتت احس كلبي طفر لزمت ايدي رؤيا همست بتعب لاتخافين

خليت ايدي على صدري اخذت نفس براحه

-لوخاليني مامانعيني اكتل بابا من ذاك الوكت شنو جان صار

-نفس الشي غزوان يشيل التهمة وماما توكع ورئال تضيع من اديه بسبب براءتها ورنود تموت نفس الموته

-بس جان اخذت حقجن ومجان حسيت بهيج نار تسعر بروحي مثل مداحس بيها

-راح نطلع وراح نلم عائلتنا من جديد

ماردت بس التعب والالم واضح عليها مسحت وجها وهمست -اشلونها ايدج بعدها توجعج

-لاماحس بيها اصلا يمكن متوقف النزف

-اي ماكو يابسه حتى الترواكة ااه يمه راسي داحس يريد ينفجر

-من النوم صارلج كم ساعة نايمة

دااحجي وقاطعني صوت الشخطة رديتها لحضني بسرعة وهمست بسم الله الرحمن الرحيم

-لاتخافين دينقلون الاغراض

-بسم الله لبالي الجن واشلون ميشوفوهم العالم ينگلون

-لان مايطلعوهن من البيت ديدفنوهن بمكان خاص

-شعرفج ؟؟

-اكو صوت حفر خفيف بالگاع صار اكثر من اربع ساعات والشي مدينشال لاينسحل وبعدها شحطة كرك واكو اشياء دخلوها هنا

-وين ماكو هنا يمكن بالغرفة الثانية عزه اشلون ماحسيت اني

-لان الحيوان اللفو خلاج اتشمين شي سطرج راد يخليلي هم بس سويت روحي ولانفس نكثني حجه مارديت تركني بعد ماتأكد مغمي عليه

-ذولة من شوكت هنا اشلون يدخلون ويطلعون بدون لاواحد من الجوارين يلزمهم

-عصابة جبيرة وهذا الي يقنع اللفو ياخذنا قاتل بأجر لان سمعته من دخلوا الاغراض يحجي على واحد يطلعله بليل مقابل مبلغ

غمضت بخوف ونزلت دموعي بكتمة لان حسيت الحفر الدتحجي عليه النه

وگعت دمعتي على خدها ابتسمت وهمست خايفه من الموت رايه

مسحت عيوني وحجيت بصوت كوه يطلع لا بس دا تخل ماما من تصحى وماتلگه حتى كبور النا تعاتبنه يمها

- اذا ضل بس اللفو هنا تكدرين تضربي؟؟

-مافهمت

-بس يكملون نقل الاغراض يرحون مايضل بس هو لان كله استعجلوا حتى توصلون قبلي ساعة واجي وراكم يعني راح يضل وحده

-بيش اضربه انتي شايفه ضخامته تكول حايط لواضربه بشفل مايأثر بي كف واحد منه يدفنا جوه الانقاذ ويه جرايمه

- مو مجرم

-شدراج؟؟

-اول ماخدرج طلع يتأكد ماكو احد ورد سد الباب وكف مسافة عنه يراسل واحد وذاك يدزله مسجات صوتيه صح مااسمع شنو لان منصي الصوت كلش بس هو يرد همس بمعلومات على شغلة راح تصير بعد كم ساعة

-اشلون يعني

-يمكن يشتغل بال----

هيه تحجي وسكتت على صوت رگعة بالباب كمزتنا اثنينه انفتحت على كبرها اباوع دسار كدامنا يباوع لرؤيا بنظره ماعرفت افسرها

جريتها لصدري حضنتها حيل باوعلي وكال گوميها جبيها وتعالي

-وين ؟؟

-لبيت ابوي بت الكلببب سمعتيني شلغيييت

-ما تكدر تمشي تعبانة والله

-يول سحليهاا لاوكلام الله ادخل اكتم نفسجن وانعل ابو الخالجن لسه تشمن هوا

اشرت اي لان بثواني تغير حسيته بدون انسانية

دفع الباب وطلع من قوة الدفعة الباب طگت من فوگ غمضت عيوني لزمت ايدي حيل وهمست برجفة راح يكتلونا

-لا تحجين هيج ولو رايد يأذينه جان رمانه وحنا هنا ليش يكول تعالن بلكي ينزلنا جوه حتى يروح وحنا نطلع

-ماكدر رايه الدنيا تفتر وجسمي خدران

-اني اساعدج فدوه اروحلج بلكي الله هداهم ونكسر خاطرهم علينه

-رايه لاتركيني وحدي

داارد وصاح فضنهاااا

عصرتها بحضني وبست راسها همست اني يمج مااخلي احد يوصلج كومي

كمت ساعدتها وكفت خليت راسها على متني مشيتها گوه حاضنه ايدي بقوه ودموعها تنزل احسها تريد تدخل بيه تكول كلبها حاسه هاي اخر لحظات بينا

طلعت لكيته واكف يراسل مبينه اعصابه مفوله لان يفتح ايده ويسدها ويرد يراسل

سمع خطواتنا غلقه ومشى واني ورا اتسنط البيت هادء كلش لبالي ننزل بس وصل يم بابا وكف فتحها كال لزمي الموبايل دخليها فتحي ايدها وغسلي جرحها زين

-وين ادخلها

-لگبر الموته انتي ثووووله بابا دخلي جوووه

-ندخل وحدنا

-لا يابه ادخل وياجن والزم الصابونة

-لاقصدي يمكن ماكو ماي

-لا اكو البيت مسكون

-بسم الله الرحمن الرحيم

-مسكون بشر ياغضب الالهه شو دخلي كالها ودفعنا سد الباب

اباوع مكان صغير كلش بي مغسله من حجر عليها مرايا مكسوره وعلى صفحة صحيات كالت وين احنه

-عالاساس حمام بس خرابه تعالي اغسلج جرحج

-انطيني مي اشرب بالاول حموت عطش

-ميخالف تعالي للتواليت بين مااشوف المغسلة بيها مي لولا

وديها واني رحت للبوري فتحته اجه مي يگص كص غسلت وجهي واديه بين ماخلصت رحت يجبتها وكفتها عالمغسلة واني رحت عالسريع خلصت و اجيت يمها لكيتها واگعه جلف لوجهه وركبتها حتى ملابسها مبللتهن

كمشت ايدها خليت الجرح جوه البوره على كيفي وخرت الترواكه داغسلها والمح شي مر من كدام المرايا لاارادي صحت يمه جني وهيه صرخت صرخه من كلبها فتح الباب دخل يركض كال شكوو

-اكو بسم الله بسم الله

-بربج صدگ تحجين

-والله شفت شي لاتباوع للمرايا بسم الله

-مامعقوله اشوف شي يجفل اكثر من وجه اختج طلعن انعل ابو ابوجن بكبره

دخل جمال يركض كال شصاير

دسار- ماكو شي بس مبين شافن اوجوهن بالمراية

-خابر عساف گال امنت المكان منتظركم براس الشارع

-خوش حجي اخذ هاي يم السرداب جتفها واكتم نفسها عدل وخلك مستعد اول متوصل السيارة اطلع بيها وانتظر الاوامر

-والثانية

-لاهاي اتضل يمي

-اي لعد هاي حصتي

-تاكل تبننن افضل ماامحيك اسمع لك ودين محمد اذا سمعت لامس شعره منها ادفنك انت وعايش

-عساف يدري شجاي تسوي لو اوامرك من راسك وشايييف روحك تره حالك من حالي هنااا لاتضل تنبح

-انبح ؟؟

-اي تنبح لاتشوف عساف يضحك بوجهج لان مشي شغله براسك تره كلك واحد ابن زنه ماصار سنتين دخل بينا اصغر واحد بولدنا براسك

-ااي

-اي شنو ماعاجبك الحجي ؟ شوف لك تاخذ ذيج هاي الي لوو الخبر يصير بحضن عساف على كل شغله دافنها بدون علمه

اباوعله ابتسم طگ راسه من الجهتين؛ اتحرك يمشي عالكيف تكول قابط الارواح وصل يمه استوى يرفع ايده وجمال بسرعه شال اديه يحمي روحه كمشهن نزلهن ودگدك على ركبته

-عفيه اني انبح وادفن واخذ قرارات بكيفي البت تاخذها وتطلع تنتظر الاوامر هناك اي غلطة منك تصبح ريوگ للجلاب

اتبلعم وهز راسه اي ضحك دسار واشرله يله

اجه جمال يريد ياخذني كمشتها رؤيا حيل فتحت عيوني بكبرهن كلتله وين تريد تاخذني

دسار -اخذهاااا

-مااتحرك اذا مارؤيا وياي وروح اختي اصرخ وافضحكم

-شيلهااا لكككك

حضنتها حيل دااصرخ وسكتني بضربه بنهاية راسي افتره الدنيا ظلمت ماحسيت بشي …

*** رئال ***

اسوء شعور يعيشه الانسان وقت يحتضن نفسه بنفسه ويردد لابأس انا بخير …

انداريت باوعتله بترجي حسيت بضعفي وكسرتي حجيت بتوسل والله عقدنا باطل حغام الدتسوي

مارد اتقدم رجعت ليورا ودموعي تنزل لان عرفت مهما حاولت ماراح اكدر امنعه ولااراح اكدر اخلص نفسي لمن انضربت بدايه الميز بظهري انداريت واشوف ماعون الفواكه بي سجينه سحبتها بسرعه

بعدني ماخالتها على ركبتي واجتني ضربة على وجهي من قوتها فلتت السجينة واختل توازني

جرني من شعري شمرني بكل قوته بالكاع وگعت على وجهي حسيت خشمي صار نصين وشي حار نزل غوشت عيوني غمضت شبه فاقدة

دنگ گلبني على ظهري گوه فتحت عيوني اباوعله ضحك باستهزاء وعدل روحه فتح بنطلونه مثل الصحاني لوقتي

دفعته وزحفت ليورا ردت اگوم مالحگت لزم رجلي سحبت الثانيه دفرته بكل حيلي بطنه كل عقلي راح اخلص ماعرفت عميت على نفسي

كمش من رجليه جرني اله ودنگ صار عليه عضني من رگبتي بكل قوته صرخت صرخه طلعت من كلبي واسمع ام هيذام هلهلت طلعت وسدت الباب

مو صوت الباب انسد اتكول انطته الامان بكتلي

بعد مااعرف الراجديات منين تجيني اريد احمي نفسي مااعرف كل راجدي يجيني اقوى من القبله احس يصلخ جلدي صلخ ماتركني لمن بهت من وحده

غمضت لبالي راح يتركني ماحسيت غير لزمني من شعري رفع راسي ودگه بالگاع بعدني مالازمه ايده رجع رفعه وضربه ضربه حسته نفجر رد راد يشيله شافني غمضت شبه فاقده دفعني ورجع ليورا كعد يم الجربايه باوعلي وگال والله اني اكدر

گوه فتحت عيوني مابيه حتى ابجي لميت رجليه لحضني وغمضت صار هدوء بس صوت أنفاسنا تنسمع دقايق واسمع صوت بجيته باوعتله بتعب لكيته كامش راسه مدنگ كله يرجف

لميت نفسي راسي مااگدر احركه والدم ترس وجهي احس روحي تروح وتجي رديت غمضت اقل من ربع ساعه وندكت باب الشقه كمز اجه بسرعه لزم راسي نزلت دموعي بتوسل مسح الدم عن وجهي وهمس اشش لاتبجين

شهكت حسيته موطبيعي

-ارح تكليلهم مايگدر مو ؟

اشرت لا

-تره اني مابيه شي مااعرف ليش هيج صار وياي بليل اخذ العلاج وارد زين بس انتي لاتگولين الاحد

هزيت راسي اي

-اذا سألتج عمتي كولي كملت والله اذبحج اذا حجيتي الصار ماارحمج

-بعد ايدك عني

-راح اطلع انتي عدلي نفسج وخلي حمره حتى اكدر اتقبلج لان لعبة روحي منج هسه

-ميخالف بس عوفني

-لاتباوعيلييي هيج اني مابيه شي انتي ماخليتيني وفوگ هذا وسخه وطالعة ريحتجججج

اشرت اي وشهكت

-لاتبجين لاتبجين گومي سبحي بسرعة لاطلعين ابددد حتى لو كسروا الباب

-مااطلع ولااكول شي والله بس بعدددد عنيييي

سد حلكي ايده ترجف عصره حيل فاتح عيونه على كبرهن تفل بوجهي و كام بسرعه لان الباب مستمر يندگ سد بنطلونه عبر وطلع يركض

كمت بسرعة سديت الباب وقفلته گعدت

امسح بركبتي كارهه روحي

لطمت على وجهي حيل بحركه على السويته بنفسي ماحسيت برد گلبي دنكت عضيت ايدي من مكان السوار لمن حسيت بطعم الدم بحلكي

رفعت راسي عالباب غمضت دموعي تنزل ماعرفت حتى منو اجه ولاسمعت رجع لميت رجليه شوية واندكت الباب لزمت راسي وبجيت بجزع

رد اندگ الباب وصوت ضي بت الحدقي گالت رئال فدوه لاتخوفيني عليج فتحي الباب

ماصدكت اكو احد يسأل عني بسرعة كمت فتحته شافتي لطمت على صدرها كالت شمسوي بيج هذا

نزلت دموعي سحبتني لحضنها عصرتني وگالت لاتكولين اتقربلج

-ذلني حسسني اني لاشيء حيوانه مو من حقي حتى الحلال طلع قذاغه عجزه بيه

-ماخليتي لوماكدر

وخرت راسي مسحت دموعي اشرت لا

-شنو لااحجي قبل لاواحد يجي

-اصلا ماحاول مااعغف ليش بس كتلني وهددني اذا حجيت يذبحني

-يعني مااتشافه الحمد الله والله من شفته طلع وحجه ويه امه على كيف اصفر ويتلفت عرفته مسوي مصيبه وخايف

-يعني كاللها

-لا لان هلهلت واخذته راحت فرحانه وكالتي روحي لرئال خلي تكمل شغلها وتجي حتى انباركلها

-على شنو يباغكون ياعالم والله العقد باطل

-اشش لاواحد يسمعج يالحماره سكتي ومن يسألوج كولي تم

-غاح يغجع بليل

-مايرجع مريض عاجز بسبب صدمات الكهرباء والعلاج الي دياخذه وهله متأكدين بس يغشمون بروحهم متأملين صار زين

-شنو صدمات كهربائية

-صوتج راح أگلج بس امانة لاتكولين ضي كالتلي تالي يأذون ابوي وهو حذرني مااگلج بس كلبي ماينطيني واني اشوف اشلون مستغلين وضعج للتجارب

-احجي شنو اكو بعد مصيبه

-اسماعيل تمرض مرض نفسي صارله سنين محجوز بالمشفى عايش على الصدمات الكهربايئة والعلاج اي تأخر بالعلاج يكتل واحد بدون لايحس ماصار هواي من طلعوا عالاساس كاللهم الطبيب اتحسنت حالته

-عزه بعيني واني هيج مالي قيمة خاليني يم واحد اي غلطة يكتلني بدون وعي

-اي مالج قيمة ومتأكدين اذا متي محد يسأل عنج لهيج اكلج استغلي الصار لان طلعة منا شيليها من بالج ماصدگوا وحده تقبل بأبنهم وتتقبل وضعه بالاخص بعد ماشافت حاجته جوا وسكتت

-غدت اخذ حقي من هيذام تالي اخذته من نفسي شمغت غوحي بمكان ماگدغ اعيش بي ولااطلع منه

-بس تگدرين تقلبين الطاولة بيهم وبدل ماخاليج فار تجارب استغلي الوضع لان هسه راح يشيلوج بالصلوات بعد الصار كل عقلهم ابنهم صار زين متأملين يصير عنده طفل وحالته تتحسن اكثر

-يعني شنو

-يعني راح طلعين من يسألوج كولي كله تمام هيج راح تخلين رگبة اسماعيل بيدج لان هذا دم اسنونه هيذام يخاف يعرف ويتشمت بي من غير العلاج يكثفوا عليه واذا رفض يردوا للمستشفى

- انهزم

-ماتگدرين وحتى لو گدرتي شنو تستفادين اتضلين بالشارع لان بين اهلج راح يتراقب علاج امج يتوقف وخواتج ماتگدرين دوريهن بس اذا لعبتها صح كل هذا تغيري لمصلحتج

باوعتلها صافنه مااعرف صدگ تريد تساعدني لو اكو من الدازها ضحكت وكالت مامأمنه مني مو

-ليش حتى تساعديني

-لان اني اكثر وحده كارهتهم واتمنى كلهم ينذلون مايشوفون الخير بحياتهم ظلموني وكسروا كلبي ذلوني وحسسوني بالرخص بس لان فقيره مومن مستواهم

-ابوج حباب وماخالج تعتازين شي

-خلوني اكره حتى ابوي لان جابني لهذا البيت وخلاني اشوفه وعيش ويا احلى ايامي واحنا نتواعد بيت واطفال تالي صحيت بصدمة لو ماهيذام يسندني جان انتحرت من ساعتها

-الضابط ازغ

-اكثر شخص اتمنى اشوف تابوته كدام عيوني من بعد اهله

-هيج موزين

-لا اطيب بشر بهذا البيت

-مافهمت

-اوو سالفه طويله بعد الايام كدامنا هواي ونسولف براحتنا هسه ضلت يمج شناويه تسوين

- انهزم لو اعغف بيها دمي

- لعد امني خواتج وامج بالبداية لان اول فقره راح يأذوهم حتى يجبروج تردين

-ادغي بيهم نواقيص واول شي غاح يهددوني بيهن بس خلي يتانوني اذا ماندمتهم ماطلع بت اليهودية

-لعد يله روحي للحمام سبحي واني اجيبلج ملابس بين مااحضرلج كم شغلة ارتبج ولاتكولين لااا حتى ماتكونين اقل منهن لان من هالساعة راح اطلعين منا بعد ماكو حبسس

-اشرت اي ابتسمت مسحت دموعها وضربتني بظهري دفعتني عالحمام رحت واني حاسة بكسره كلبها ماره بهيج شعور من قبل فقدان الشخص بالموت والزواج واحد

دخلت للحمام سديته شمرت ملابسي وكفت جوه الدوش واني روحي راح ادوس على نفسي واتحمل كلشي بس اكمل صح

غمضت تذكرت الفلوس الجامعهن غزوان جوه الشجره حتى يطلعنه بيهن بتسمت ونزلت دموعي اشلونها حالتك هسه من دونه

هم عرفت رند ماتت وماما فقدت وراك ؛حبيبتك خاتله بمكان محد يعرفها وين

بعد تذكر لدغتي وتضحك عليها

تحن الايام كعدتنا الصبح ومجاكرنا وطلعتنا للشغل

صدگ ولك هيج اطشرنا وكمنا نحن لايام جمعتنا

غمضت لامنحن لان راح اردكم من جديد واعالج ماما واكمل الحلم الي جنت احلم بي كل ليلة بس نقصه انت بدل ماجنت ساندني اني راح اسندك كل اسبوع اجيبهن واجيك انسولفلك على كل لحظه خلصناها بدونك واشلون منتظريك تطلع حتى نكمل حلمنا البدينا

اندكت الباب ضي تستعجلني مسحت عيوني سديت البوري رحت فتحت الباب اخذت ملابس نشفت شعري وضحكت بسرعه خلص وين جان اديه تموت يالله اخلصه

رفعت راسي همست بجاه كلمن عنده جاه يمك اتصيبه اضعاف وجع كلبي وتضيعة مثل ماضيعني

اخذت نفس لبست وطلعت رجعت لغرفتي لكيتها ناثره الاغراض على گده الغرفة عرفتها تريد تاخذ ثارها بأي شكل منهم باوعتلي ابتسمت بحنيه شفت نظرات رايه بيها وهيه تتأملني

كامت كالت گعدي يله

-بس بدون مكياج

-اعرف مااخلي قوي بس ارتب وجهج واسرح شعرج ولااا تكولين لا اعرف جرحج قوي بس صدكي هالاشياء البسيطه راح تخليهم يشوفوج بغير نضره

اشرت اي وكعدت وهيه وكفت على راسي غمضت وتركتها تسوي التريده اكثر من ساعتين وهيه تشتغل واني داخل حلمي وشنو راح اسوي حتى ماامنعها لمن كالت هسه فتحي عيونج وكولي اشلونه شغلي

فتحت عيوني شعري مسويته حلو وجهي مرتب بمكياج كلش خفيف باوعتله والكسره بروحي

-ادري مافرحتي بس صدگي راح يجي يوم وتشكريني

-اندعي بس ماما تصحى كل هم ينتهي غاح اتلمنا بحضنها

-الله كريم يله كومي وياي

-وين

-موكلنا اول شغلة لازم تحررين نفسج من العبوديه هاي الغرفه تنسيها هسه نطلع للحديقه ومن يجي عمج تگليله ممنوع يقفلون الباب عليج بعد

-اول شي اطلب الغاتب الگال عليه لان هذا صاغ من حقي

-وين تودي

-تاخذي تسويلي بي ذهب وحتى اسماعيل غاح اخلي يخصصلي فلوس حتى ابلش بأول خطوه سالفتج جازفت ودخلت اقلها خلي اكمل صح

-بعدها

-العب بغاس اسماعيل واذله مثل الجلب اهدده اكول كدام هيذام لو يجبغ ابو يدوغ خواتي بين ما عمتي تعالج ماما حتى اعغف شتصغف

-احبج من تلدغين وتسوين روحج قويه وانتي تصفرين من اول صوت

-تغه ماخاف اني بس هيج احتغم المقابل مغات

-دكومي وياي بالحديقة حتى اسولفلج عن حياتهم وهيج نصير صديقات تجمعنا محبتهم

ضحكت وكمت وياها لبست الترواكه مال التراك طلعنه بره شفت الحديقه شي بداخلي انخطف حسيت ايد تعصر ايدي باوعتلها ابتسمت وگالت خايفه

-ماتعودت اتحده احد من قبل

-بسبب ابوج مو

-جان معيشنا مثل العبيد قلل ثقتنا بنفسنا خلانا انخاف نحجي مونعغض

-نعتغض

-فدوه اغوحلج لاتغكزين وياي يالحجي

-اووي فدوه جمال اللدغه امشي ولج واحجي هواي خلي اتعلم بلكي اتصيبني لعنه واكوم احجي مثلج

مشينا دخلنا الحديقه لكينه ابو ضي يعدل بالشجر شافنا ضحك واشر اشلونج

-هلو عمو الحمد الله

-ان شاء الله بابا وانتي ضيونه اشلونج بابا من الصبح ماشفتج وين جنتي

ضي- بخير بابا جنت داادرس الكديشه بتهم ساعات اعيد براسها لوخاله زمال جان حفظ وهيه ولاكانما ويلومون هيذام ليش شامرها

-ميصير بابا تحجين عليها هيج لايسمع ابوها

-ويسمع اني مااشتغل عدهم واذا ماعاجبه خلي يجيبلها مدرس اني هم عندي دراسه مافارغة

-ياحبيبتي غير مايأمنون يدخلون احد لبيتهم وحاسبيج مثل بتهم

-مااتشرف بيهم الصراحة اني بنت محمد ال---الي بعد كم يوم اخلي اسمه على صدري بحفله التخرج واني مفتخره

-ربي يوفقج ويسعدج يعيون ابوج واشوف الفرح بعيونج دوم

-كول لرئال خلي تكول فرح واني افرح وحدي والله

ضحك واني باوعتلها كلتلها متضحك ويله سعاده

-فتحتي على عيني وغيرتي الكلمة

-واحد الله ياخذه نبهني على هالسالفه صدگ هالايام داشوف زوجة البول تيغي هنا شنو الصايغ

-تعالي نگعد واني احجيلج كلشي

رحنا للميز ردت اسحب الكرسي شفتها كعدت عليه اتربعت ودكدكت يمها ضحكت ورحت صعدت تربعت يمها صدك اريح گالت سمعي يا محفوظه السلامة هاي عائله ربي غاضب عليها بهيذام

-اشلون

-اني مالحگت بس ماما الله يرحمها جانت تسولفلي هيذام حفيدهم الجبير من ابو ضابط من جماعة النظام السابق اتربى على السلطة والتسلط قبل سقوط النظام بفتره صارت شغلة ماعرفناها شنو بس فجأه دخلوا مسلحين للبيت سحلوا ابو من نصهم موسحلوا هيج لا سحلوا من رجليه وعلى طول المسافه اخذوا يدفرون بي لمن وصلوا للسياره شمروا بيها وراحوا

-شنو خانهم لو عداوه

-محد يعرف بس ثاني يوم اجوا نفسهم شمروا يم الباب كدام هيذام امثلين بي ماخالين بي شي صاحي حتى عيونه شالعيهن وجسمه كله امشلع مبين عظات مال جلاب

-عز خطيه

-من ناحيه خطيه فخطيه بس ابنه اتخبل اتحول من بشر الى حيوان اذا واحد حاول يوكف بوجهه كلمته الشهيره ردد الشعار والحگ ربعك تعرفين شنو

-هاي كلمه النظام السابق يعني تشاهد

-عفيه بعدها بفتره قليله تزوجت امه عمه ابراهيم لان عود خاف على ابن اخو حنين تالي اول واحد نعل ابو بكبره هو كوش على املاكه كلها وبعد ذاك العز والدلال صار بس للكتل

-من هيج صار بول تغي مهتلف

-اويلي يابه كون يلكفج وانتي تكوليها شرط يخليج تكولين الراء بطلاقة المهم بعد فتره جاب جهاله لان امهم انفصلت عنه اجوا هبه واسماعيل المدلل الي صار ضحيه هيذام اتعلم بي اصول التعذيب لمن سگطه كبر هيذام تفرعن بعد محد يلزمه رادوا عود يسيطرون ويحننون كلبه بلكي يقل شره شويه زوجوا هبه

-وليش عافها المهتلف حلوه

-هم كالت مهتلف وهيه لان حلوه عمت على نفسها وعود صارت نيتها تسيطر عليه واذا سيطرت عليه معناتها البيت كله تحت امرها ضلت عنده بس شهر بس دخيل الله اشكد انكتلت بهذا الشهر سواها جيس ملاكمه يروح ويجي ياخذله دفره وراجدي منها وهيه متحمله بدون كرامه

-امم وبعدين

-هو خفارات وهوسه الشغل فد يوم رد تعبان تالي وقت اتلكته عالدرج عود كاشخة ومسوية روحها كيوت تتعيقل كالتله بعد وكت جان ضليت كللها والمطلوب ردت تنام وحدك اليوم هو هم ماجذب خبر سحلها خلاها بالسياره وداها لبيت امها شمرها بابهم ورجع نام وحده بالغرفه مثل مارادت

-خبل

-ومريض بشي اسمه الحيونه مايحترم لاجبير ولايعطف عالصغير اليغلط ينداس انعدل خوش مانعدل يرد روحه للسما وربي يعوض الارض غيره

-عزه من هيج ابغاهيم مايحاجي

-لاعمري لازم عليه اوراق تودي ورا الشمس وهم يخاف يأذي بزرته يعرفه شراني بالاخص هسه اتخبل مايعرفه وين يشتغل صح بالدوله بس مايدري وين لو ويامن وماخذ ازر ويا بالطوفان

-بعدج تحبي ازغ

-لا وتندمت على كل لحظة جنت مخلصتها واني ابني ويا احلامنا بين اطفالنا

-شنو الصاغ

ماردت اباوعلها عيونها نملت دموع

-كافي لاتنزلين دموعج فدوه اني دااقنع نفسي بيج واتخذ من قوتج لاتخليني افقد الامل

-ههههه وهاي مسحت وجهي متعوس اخذ متعوسه جابوا متاعيس خلي اكوم اجيب كوبين كهوه نشرب على روح القوة الجنه نتفق عليها جوه

ابتسمت خربطت شعري وكامت راحت شلت شعري لفيته ليفوك كبه فلتت الماشه ضبيتها بيها اتناثر من الجوانب واشوف كدامي عمتي رحمه على الجهه اليمنه ازر خال ايده على متنها والجهه اليسره هيذام اديه بجيوبه اثنينهم بليس عسكري اسود مجرد شوفته تأيسني اكو امل اعيش بعد

باوعلي ودنگ اجوي يتمشون نزلت رجليه من الميز بسرعه طفرت وصلوا يمي گالت شنو اليوم هنا شعجب

-ها مو شسمه هذا اه

-شنو ضجتي جوه وحدج

هزيت راسي اي

-بس بارده هنا جان لبستي شي ملابسج خفيفه

-موباغده كلش وهسه اغجع

-لاخليج هنا اني هم ضايجة كعدي يمي

كعدت وازر كعد يمها

هيذام سحب الكرسي گعد طلع فونه دنگ عليه ضليت واكفه اباوعله مااعرف شسوي لااگدر ارجع ولااگدر اكعد ويا نفس الطاوله اخذله ثواني وشال راسه رفع حاجبه اشر شنو

-اغيد اغوح

انتجه خله رجل على رجل حك خشمه واتجتف يباوعلي

-عمتي گالت تعالي للبيت الجبيغ اللواء ابغاهيم يغيد يحجي وياي

-وبعدين

-اشوفه شنو يغيد ودوغ اغجع

-والمطلوب

-يعني يصغ اغوح

-لا

-لعد اغجع للمشتمل

-هم لا

-شنو اسوي

-ضلي على وكفتج

ازر. - وعلى طول ماانتي واكفه رددي كرار ركل الكره

باوعت لعمتي عيوني مدمعه صاحت ياا صدك تحجون

ازر- اي صدك لو ارفعها فلقة يله لج احجييي

رحمة -يله بله شوف العقل تعالي عمه مالج شغل بيهم

هيذام -كون صدگ وتتحرك من مكانها

ازر.- وعلي اخليج تگعدين بس گولي هيذام ورد

عمتي-. لاموصاحين انتم ولكم شعدكم ويه الطفلة

هيذام -. لخاطر تنثبر وتكعد مكانها منعتها من وكفة الشباج تجي هنا شكو

-وتجي وراح تكعد دااشوف شتكدر اتسوي

مارد دنگ على فونه كامت جرتني من ملابسي دفعتني عالكرسي القريب منه كعدتني رفع راسه ردت اگوم واسمع صوت اسماعيل صاح رئااااال

انداريت لكيته جاي عيونه طالعة كمشني هيذام رجعني كعدني

وصل يمنا دمغني وصاح موووياج احجي

ازر. - ماتسمعك

-لان غبيه وثولة وانتيي منو كلج طلعين

ازر-. اني كلتلها تطلع

-ازززر هاي مرتي ومحد اله حق بأمرها غيري

-وهاي اني امرتها يله راويني مراجلك

-ماارد على حيوان مثلك يله كومييي

رفعني من شعري حسيته فلع فروه راسي كمشت اديه جرني بقوة استوني اتحرك وماشوف غير هيذام دفع الكرسي وكام رگعه بالفون فلشه بوجهه بعده مالازم وجهه بحركة سريعة سحب ايده فره ليوره جتفه گلبه عالميز وحجه من بين اسنونه شكلتلك

-ايدددي راح تنكسررررر

-حذرتك لولااااا

- هيذام ايدي بس دفعتها ماكتلتهاااا

-واني هم ماراح اكسرها

كالها ورفعها ليفوك اسمع صوت العظم طگ وصرخت اسماعيل رجت المكان كامت عمتي ركضت جرته شمره بالكاع وكع خله رجله على صدره گله هالمره اكتفيت بالطگ الثانيه ابترها واعلكها بركبتك

دفعته عمتي صاحت كافييي بطل همجيه ولك هذا اخوووك

-لهيج لسه ضال يشتم هوا وخله ذاكر هالكلمة للخاطر لادفنه هو وعايش

-ولك ليش هيج كلبك اسود وحاقد

-عفيه كلبي اسود وكلب ابن كلب وهاي اذا شفت دمعتها نازله مو خدش بيها والخلق السماوات العليا اترس حلگه تيزاب

-مايضربها كافييي عوفه

دفعته ودنگت على اسماعيل كومته مسح وجهه وهمس وخري عني والله راح اندمه

هيذام -لا تهمس احجي بصوت عالي خلي اسمع

-انتظر وشوف شراح اسوي

-وليش انتظر تعال هسه

بعد مامتحرك و اسماعيل دفع عمتي وراح يمشي بسرعه ويباوع ورا يفرگ بأيده ضحك بستهزاء ودنگ شال فونه

عمتي- هم حاسب روحك بشر

-لااا حيوان

-ولك كافيي كرهتنا بنفسناا موحركته وخبلته بعد شرايد اكثر من هذااا

-مارد ضغط عالفون كبسه

-ولك ييمه اله يوم يموت بيدك وتروح بيها تدري كلش زين ابو مايسكت

-واني مااريده يسكت

-ولك اني ضالة اشم الهوا بيك لاتوجع گلبي عليك

-چا حافظي عليها زين لخاطر لايوجعج گلبج

-ولك مرررته

-قضيتي

-هاي قديم هسه هي مرت ابن عمك وانت موضابط اصحى يمه بسك ظلم وذيه لاتخسر اكثر

-ماتعودت اخسر ولاراح يجي يوم اسويها ماطولني عايش ابتعدي منا لخاطر لااخذج بطريقهم

-شناوي ولك

-مانويت اني حذرت هو التحده خله زلمه ويكمل للنهايه

-يعني شنو

-كلمن ياخذ حگ الطالبه والشر من نصيب الدخل بمكان موگده

-هيذام يعمه الظلم موحلو

-الظلم للظالم مغفره والحذر قبل الموت رحمه شتكولين رأل

رفعت راسي باوعتله بخوف رفع حاجبه دمعت عيوني كميته الندم والحسرة الحاملتها لو العمر كله اسولفله عليهن ماراح اگدر اوصفهن اله

ابتسم اخذ نفس ودنگ ودار وجهه وراح كام ازر لحگه اجت عمتي گعدت يمي گالت لاتخافين مااخلي يأذيج

-خسغت هواي واولهن نفسي

-وهو ورتبته وثقته واهله

-غاح اتحمل كل عقاب منه بس خلي يتانيني امن على ماما وخواتي وبعدها يسوي الي يغيده اقلها من اغوح لمحمود اگدغ اباوع بعيونه

-تحبي

-فتحت عيوني عليه حبيته بدون لاحس كبغني وهو محاوطني بحنانه يباوع لضحكتي

-من مات شنو حسيتي

-ماحسيت بشي لان جنت متأكده غاح الحگه

-خواتج حنان هيج مثلج

-غايه حنية الدنيا بكلبه ضيعت نفسها واتخلت عن حبها علمودنا اشكد حاول غزوان ياخذها ويغوح ماقبلت جانت تكول اموت اذا ماشوف ضحكة ماما الصبح واسمع لدغتج

-والثانية شنو اسمها

-غؤيا هاي شيطانه بعقل طفلة صح عميه بس ذكيه وبداخلها اجغام مانعغف على منو طالعة عكس غند هادئه وتخاف حتى من عدنا اذا حجينه بصوت عالي

-الله يرحمها

-جنت عايشه علمودهن الليل ماانامه اخاف تغمض عيني وحده منهن يزيح الغطة منها وتبغد اكتم الوجع بكلبي وماابجي لان اخاف اللهي يعاقبني بيهن بقلة صبغي تالي صفيت وحدي لاني المحافظة عليهن ولااني النزلت الدمعتي ضل الوجع بداخلي كاتم نفسي

-ربج كريم ييمه على ساعة تفرج ويردن خواتج الحضنج وامج تصحى

باوعتلها بكسره همست اشتاقتلهن ونزلت ادموعي سحبتني لحضنها شهكت عصرتني بحضنها ماصدكت احصل حضن ابجي بي طلعت شكو وجع بداخلي لمن اسمع صوت عمي وراي گال خير صاير شي

وخرت راسي لكيته هو ومرته واسماعيل مسحت عيوني وعمتي كالت لابس تعبانه شويه

-ام هيذام اخذيها جوه اذا تعتاز طبيب حتى اخليهم يحضرون السيارة

اسماعيل - لاماتعتاز مابيها شي كلشي تمام هسه جانت تسولف وياهم

-ميخالف بابا خلي امك تاخذها هناك وتفتهم منها

ام هيذام - كومي عمه وياي

باوعت لاسماعيل بهتان يأشر لا مسحت عيوني كلتلهم مابيه شي بس اشتاقيت لماما وخواتي

ابرهيم -. امج بعدها وخواتج محد يعرف وينهن بس ان شاء الله يكونن بخير

اشرت اي

-كومي خلي اسلم عليج واباركلكم

كمت رحت يمه جرني باسني من راسي كال شايفين الخير وان شاء الله اتفرحونه بجيه الحفيد

رحمه -على شنو تحجون

ام هيذام-. لعد مادريتي مواليوم تمموا زواجهم وصارت مرت اسماعيل وان شاء الله ام اولاده

-هاي اشوكتت شنو هالحجييي

-ليش تصاريخين اشوفج ماراضية

-اي ماراضيه هاي طفلة وابنج رجال كامل انتوا شنو ماتخافون الله وينها وين الزواج

ابراهيم - موطفلة جبيره وتفتهم تعرف مصلحتها ومتأكد راح تسعد اسماعيل مثل ماراح اغير حياتها وحسبها حالها حال بناتي واسوي كل الي ابنفسها

-ليش يخوي هيج تظلموها وتكسرون ضهرها موتعرف ابنك شنو

ام هيذام- . شطلعت حتى الفرحه طلعتيها من عينه تكول صدگ طفلة وغاصبيها هاي البينه كدامج راضيه وفرحانه بيتها ورجلها

باوعتلي عيونها تلمع مقهوره دنكت همست لاعمه ماغصبني كلشي بموافقتي هذا زوجي واني ماعندي احد بعده

ابراهيم -. الله يكملج بعقلج ويسعدكم وتفرحوني بطفل وكتها صدگ اكول انتي بنتي والتحلمين بي قبل لاطلبي يكون كدامج

-ان شاء الله

-وراتبج من اليوم راح اصرفه الج وكل شهر الج مثله واي شي تعتازي كولي

ام هيذام -. على شنو الراتب شنو اتريد اشتريلها ماتعتازه

رحمه-. حتى لوماتعتازه هذا حقها انطيني الراتب الي يخوي اني المه الها يفيدها بمستقبلها

اابراهيم - . هاي هيه هسه انطيج الفلوس واذا اعتازت غراض هم كولي انطيج افلوس تشتريلها هاي بعد مرت العزيز صارت

هو طلع محفظته يحسب واني مويمه حتى مااعرف اشكد انطاها بالي ويه نفسي اشجع بيها اشلون احجي وياهم بدون خوف واللقاب حتى احسب روحي حالي حالهم

غمضت اخذت نفس وقاطعته من الحساب واني اگله عمو اريد احجي وياك

-. اي بابا احجي شنو رايده

-بعد لاتقفلون الباب علينه

-ليش اسماعيل مضوجج

-لااصلا ينام هواي واني اضوج وحدي كلت اطلع هنا اكعد شويه يم ضي

-ماعندي مانع بس كون ماتسببون مشاكل ويه هيذام

اسماعيل- .بابا اكو اتفاق بيني وبنكم اني نفذته وانتوا بعدكم

-الك كل الردته بس اصبر كم يوم وراح تسمع اخبار تسر خاطرك

ام هيذام .- هاي هيه منا وجاي حتى ريوگم ويانا بالحديقة

اسماعيل. - مو هسه والباب يضل م

قبل لايكمل لزمت اديه راد يحجي ضغطت اضافيري حيل باوعلي كلتله واذا اگلك لخاطغي مو انت كلت اي شي اطلبي مااكلج لا بس يصغي حبابه

ضحك عمي وكال هاي هيه ماطولج انطاج كلمة ماراح يرد بيها ابني رجال وكلمته وحده

دفع ايدي اسماعيل وكعد گالب خلقته بسرعة رحت كعدت يمه حتى ابينلهم صدگ متقبلته ورضيت بحياتي الجديده

كعدوا يسولفون ويضحكون مامصدكين اباوعلهم طايرين وكل شوية عمي يباوع لاسماعيل ويكول الف الحمد الله والشكر تتهنه يبابا واسماعيل يهز راسه اي ويبتسم جذب لمن ظلمت الدنيا گال يله كوموا رجعوا مكانكم وان شاء الله باجر نتريگ سوه

كام اسماعيل مارد كمش ايدي وجرني رجعنا للشقه دخلنا دفعني وسد الباب گال عود تهدديني

-لاماهدد ولااتمد ايدك اني زوجتك مثل ماغاح اتقبل حالتك وانت هيج لازم تسوي الي اغيده

-بت الكلببب ليش تردين تطلعين حتى تفضحيني مووو

-لواغيد افضحك جان كلتلهم ودوني للطبيب مو وكفت جانبك واكدت وانت موتني كتل شوف جسمي اشلونه بدل ماتكتلني جان حجيت وياي غاح اتفهمك

-موبس اضربج لا وادفنج طلعة منا ماكو يجي ابوي الصبح اتگليله الباب يضل مقفول ومن اليوم تجين تنامين وياي بالغرفة واذا سمعت صوتج اربطج واشمرج بالحمام للصبح

-بس فكغ صوت واحد ويسمع هيذام والباب مفتوح وانت تعغف الباقي بالاخص هسه الف مغه نبه عمتي كال اذا شفت خدش بيها اعدمكم اغيد اغجها للسجن مثل ماطلعتها بدون اثاغ

-انعل ابوج لابو هيذام طلعه منا ماطلعين غير للكبر واذا فتحتي حلگج ادوس و اعدل النقص الاعوج بي

-اذا تغيدني اضل لازم تنفذ كلشي اكوله واول شي الباب ماينقفل اطلع ادخل بكيفي حتى اضل مستمغه بالتمثيل وهيذام يصدك اني زوجتك وبعد يشيل فكغت القضية من باله

بعدني احجي وجرني من شعري گال طلعه منا ماكو واذا حجيتي كلمة وحده اعوقج اضلين هنا تخدميني حالج حال الحيوانه واضل اجرب بيج كل يوم لمن اتشافه حالج حال العاهره سمعتيييي

سكتت

-الباب اذا فتحتي اشوهج واخليج عمرج كله محبوسه حتى محد يشوف وجهج

غمضت اكتم غضبي

-الطبيب بعد مااخلي يدخل هنا انتي تخدميني وتسبحيني واذا عرفت واحد عارف بهذا الشي اسگط رجليج سمعتييي

اباوع لوجهه صار اسود خفت حسيت ورا قفلت الباب شغله جبيره خايف منها هزيت راسي اي

-روحي نظفي غرفتي وسويلي اكل بعد مااريد منهم شي كالها ودفعني حيل كوه سيطرت ماوگعت

رحت للمطبخ فتحت الثلاجه طلعت لحمه وطماطه وكفت اسوي مخلمه وبالي يمه اباوعله كعد مقابيل الباب يباوعلها ويرجف عرفت اكو شي جبير راعبته

وصدگ مرن يومين حتى الغرفة مايطلع لايگدر يمنعني يخاف اگلهم ولايگدر يفتح الباب الغرفة من كثر الخوف حتى الحمام مايروحله يدرر على نفسه ويضل يبجي ماعرفت شكو

اني هم بطلت ماهامني الطلعة بگد ماهمني نظراته وخوفة من اتركه عرفت بده يتعلق بيه وعرفت ماراح اگدر اخلص من شر هيذام غير عن طريقه

بديت اضغط على نفسي اشكد مااگدر اهتم بي واحسسه بالامان حتى اسيطر عليه اكثر قررت اوصله مرحلة وياي اذا گله روح كتله يروح يزرع السجينة بصدره بدون لايسال

وبالفعل كام يباوعلي بلهفة ماعرفت راح يجي يوم واكل اصابيعي ندم على السويته

اخلص واني اخطط بس يصير الليل تبلش اوجاع الاشتاق اوكف بالساعات گدام الكمر اباوع للسما ودموعي تنزل بالاخص على رايه وغزوان احس روحي متلهفه لشوفتهم وسوالفنه سوه

غمضت احس گدامي هواي فراگ وتعب اخذت نفس فتحت عيوني انتجيت خليت راسي عالشباج

اباوع للكمر مر على بالي من غزوان يگعد الليل بطوله بالبرد جوا متأمل تلحگه رايه انعاد الشريط كدامي هاي اني طلعت من الغرفة وهمست غزوان غاح يصيغ الصبح

-صوتج لاتغاغين وين اختج البدون مشاعر ماحن گلبها مو استلگ جدي بالبرد

-ماتجي زعلانه

-ليشش

-تگول اكتشفت غزوان موحلو واني ماحبه بس ماعغف اشلون اخلص منه

-اشلون راح اهفها بالسطل روحي لج صيحيها كليلها غزوان اختنگ لحگي عليه قبل لايموت

-شنو تنطيني واجذب

-انطيج عيوني

-لوجان بيهن فايده مانطيتهن ماغيدهن جيبلي كتاب

-والله اجيبلج واجيب لرنود نساتل بس قنعيها تجي موراح يغيب الگمر

ابتسمت ونزلت دموعي

راحن غزوان راحن كلهن تركني وحدي ضايعة محتاره اشلون المهن

شهكت بصوت فززني صوت وراي وهو يگول مشاعر الليل اوهام

درت وجهي لكيت هيذام واكف يورث بجكارته اخذ نفس نفخه وباوعلي شكله مبين عليه التعب جوه عيونه اسود من كد السهر وجهه بهتان گلبي عصرني من جيته وكفته كدامي بهذا المنظر ؛اشر شكو

گلتله بكسره غزوان انعدم موو ؟؟

-شتحسين انتي

-الم بصدغي ونفسي مختنگه

-واگفه بالبرد لخاطر احساس

-لا واكفه ادعي عليك

ابتسم ودنگ حك گصته اخذله ثواني ورفع راسه همس ليش

-ضيعتني

-اكثر شخص وگف بوجه العالم لخاطرج اني

-فقدت نفسي واهلي

-خسرت كلشي بسببج اولهن روحي

-تعغف شنو دعيت عليك من گصيت شعري

-بوجع الكلب وحرماني من النوم

-وتفقد اعز شي على گلبك

-فقدته واني استوني بديت اتأمل بي

-شنو تحب

-ههه حتى تدعين عليه

هزيت راسي ونزلت دموعي

سكت باوعلي اخذله دقايق وهمس لاتبجين

-تخاف الله يأذيك لان نزلت دمعتي بسبب ظلمك

-شغلة وحده تخلص ونكون متصافين

تركته وكعدت الصارلي كله ماكفاه بعد يفكر اشلون يدمرني

لميت رجليه و شهكت بصوت عالي اريد تبرد النار الجواي ولو قليل منها ضميت وجهي بحضني وبجيت من گلبي دقايق واسمع شي وگع يمي رفعت راسي لكيت فون

من حرگت كلبي شلت وكمت اريد اشمره بوجهه لكيته منطيني ظهره يمشي ايده بجيب بنطلونه مدنگ وجكارته بحلگه

دااصيحله وسكتني صوت جاي من الفون اخر شخص متوقعه اسمع صوته

احس جمد الدم بجسمي واني اسمع …

لاتنسون التصويت …

هواي دااشوف يسألون عن حسابي بنات ناشرته بدايه القصة

شيء من رصيف الدم

بارت التاسع

بقلمي: leo Alfatlawi

القلب الذي يتحمل كثيراً

حين يتغير لن يعود كما كان ابداً…

***رؤيا***

هو يحجي واني لزمت راية حيل ماحسيت غير واحد يضربها بعدني حتى ماصارخة انجرت مني واني انسحبت لحضنه سد حلگي وصاح اخذها منا بسرعة وخليك يمها لاتتحرك  لمن اخبرك

رفسته حيل وصرخت بكتمة طلعت من كلبي ؛ضغط عليه اكثر رجعت رفسته بكل حيلي شدني لصدره بقوة  ودنگ همس من بين سنونه وكلام الله اذا ماثبتي اخلي ينحرهااا

هزيت راسي بسرعة لاااا

-عفيه بنتي الشاطرة ترديها تعيش نفس مااسمع  منج

اشرت اي ونزلت دموعي

اسمع الولد شالها ونزل عرفت هذا اخر حضن بينه  كمشت اديه بتوسل ردت بس يتركني حتى اودعها حكم قبضته ازيد حسيته شل حركتي غمضت بألم اودع صوت حركة بعدها عني لحد  اختفى صوتهم

شهكت بقهر سحبني رجعني للمكان الجنه بي دخل رد الباب برجله وگف عدل جف ايده كتم نفسي  اكثر وماهو مكتوم ودنگ  همس يم اذني  بصوت خافت روحها  صارت بأيدج غلطة وحده منج تكلفها عمرها

هزيت راسي اي

-سمعتي من گلتله ضل على اتصال بس الماسمعتي بخصوص شنو لان هذا الشي انتي تحددي اما  يردها لبيت ابوج او للمكبره  

عصرت ايده حيل ونيت لاااا

-السمعتي تمحي من راسج لسلامتها قبل لاتفكرين تحجين حرف تذكري شنو مقابيله يكون

-مم

-راح تجين وياي خرسه طرمة ثولة اي حركة ذكاء  منج مكانها اعاقه دائميه نباهتج ماتوصلج غير جوه التراب لسانج ينبتر بأقل غلطة مايشفعلج يمي غير الموت

هزيت راسي

-المكان الراح اخذج بي جهنم ارحم منه ماعندج حماية غيري حاولي لاتخسرينها حتى لاتحترگين بنارها

نيتت اضافيري بأيده واخذت نفس بصعوبة خفف غبضته

-وحتى احميج منهم لازم اخليج بأسمي وحتى احمي نفسي منج لازم اموتج  والخيار الج راح اسحب ايدي تردين بكلمة وحده الثانية تكفلج راس اختج

اشرت اي

سحب ايده عالكيف همست والله مااحجي كلشي

-هو تلفون لشيخ لو للدفان

-اذا شفتني بالمنطقة لو سمعت صوت الي اكتلني

-خوش حجي صوتج خلي اخابر

سكتت ثواني واسمعه يخابر گلهم زودوا الجرعة قبل لاتودع شمروها باب اهلها…اسباع من بعيد هفوها جيله براسها … الك عشر دقايق ماعدنا وقت استعجل…

هو يحجي واني ركضت كمشته وصحت  لااا لا موافقة موافقة

-روح ابني سوي الگلتلك عليه

-والله موافقة اي شي تريد اسوي راح اسوي بس عوفوهاا ابوس ايدك لاتكتلوها ماضل عندي غيرها

-روح لك

-لاااا لااا گله يعوفهاا دااكلك موافقة  ولك ماما تمووت اذا صحت ومالكتنااا امروتك والله مااحجي   بعد ابد بس لاتكتلوهااا

-كافي صوتج وانت ضل على اتصال وياي بس ارمش توكل

كالها وغلق الفون  كمشني من ايدي وصلني يم الحايط كعدني وگعد كدامي همست صح مامسويها بعمري وادري كلش زين راح اتندم بس حتى من اذبحجن ماتنحسبن روح برگبتي

-سكتت

-راح اطلع ماتأخر دقايق وارجع اذا حسيت بيج متحركه مو متنفسه اربطج بگصيبتج وادفنج ويه الجثث الجوه

اشرت اي

-عيوني عليج وايدي على رگبتها

-والله ماتحرك ولا حتى اتنفس بس لاتأذوها

-نحدد هالشي بعدين

دگدگ على خدي وگام  طلع خليت ايدي على گلبي همست كلهن راحن بسببج ماتن وحده وره الثانية والموت الج

لالا مو بسببي راحن بسبب بابا هو الضيعنا  اي هو مو اني لااا بسببج خلصتي عمرج تكولين اضيع عمره ومحد ضاع عمره غير اخوتج

همست بيأس جبانة ضعيفة عاجزة ؛ نزلت دموعي بكسرة حضنت رجلية صافنة شسويت بعائلتي اني

عگده حاجبي شنو شدااسوي صدگ هاي اني خايفة ودابجي على راية

مسحت دموعي مااراح اخليج تموتين راح ترجعين  لماما تعالجيها ودورين رئال وتنتظرين غزوان يطلع  ترحون تزورون رند وتاخذيلها  لعابتها وتگليلها رؤيا جانت اكثر وحده بينا تحبج

ضميت وجهي بحضني همست سامحني والله  الصار كله غصباً عني من جنت اعاركجن مو اكرهجن لاوالله من گد مااحبجن اريد اسمع اصواتجن حتى اتخيل شكلجن اشلون صار

ماما سامحيني والله من جنت اصرخ بوجهج لان احس بالموت من اسمعه اشلون يضربج واني عاجزه مااگدر ادافع عنج

اتندمت كل لحظة جنت بينكم بدون لااحضنكم واگلكم شنو جنت احس بي

اتندمت والله

كلتها وشهكت بصوت عالي ندم على خوف على ضياع؛ احس الشهگة جرحت صدري  دنكت عضيت ايدي حيل  على گد الحرگه اشلون ماكتلته من ذاك الوقت

اكثر من ساعتين واني بمكاني ماكو بداخلي بس الندم والغل اتمنى اطلع منا دقايق بس احرگه وارجع 

اندفعت الباب عالكيف واسمع رجلين واحد دخل يمشي بهدوء بدون صوت كتمت النفس وفتحت عيوني اريد اميزه منو

وصل قريب عليه دنگ رجعت ليوره  گال لاتخافين اني دسار

-وين اختي

-طلعوها منا

-لك حيوااان لييششش ليشش موكلتلك موافقة

-حيواااان؟؟

-اي حيووان ولفو وماعندك كلمة كلتلك راح اسووي التريده طلعتها مناااا ليش

-شغلة الحيوان بعدين نتفاهم عليها وصوتج لاودين محمد راجدي واحد اكمل العوق البيج وماكلتلج دفنتها الاستغفر الله طلعتها شمرتها بغير مكان

-وين وديتها

- بتابوت اليهود الجابوج بس حتى يشمروج بقسمتي سمعي لج دزيت جماعة للكرن ابوج اتفقوا ويا يستلمها بعد مانكمل عقد ونطلع مناا

-باعني موو

-باعج شمرج مجاني انطاج هدية هالشي مويمج  راح افتح الجهاز نعقد عالنت لان قاصر بس قبل كلشي تذكري الراح يصير اذا حاولتي تتشاطرين 

-اي

-وحگ الورطني بيج  مكان كل فلس دفعته لابوج اصلخه من جلدج بس اسمع نفس منج

-ماراح احجي

-كمشي هذا  مي غسلي وجهج وعدلي شعرج  راح افتح اتصال ويه الشيخ اذا حس مجرد احساس عليج بالخطف قبل لايفكر يبلغ راح تكون روحها فوگ

اشرت اي ونزلت دموعي بقهر مو على نفسي لااا على رايه اشلون راح تدخل الغرفة وتشوف مكانه الفارغ

اخذت المي غسلت وجهي و عدلت شعري بين مااتصل وحجه ويا مسحت وجهي وكعدت عدل مااشوف شنو ديسوي بس اسمعه گله هاي البنيه شيخنا

غمضت واني اسمع صوت بابا يأكدله اني نفسها وينطي معلومات عني عرفته حتى لو مو اصرخ لو احجي محد راح يصدگني بس اضيع اختي مبين ماخذ مبلغ من قوته راضي حيونته بي

سألني على اسمي واذا موافقة وبعدها ماعرفت الصار لان كام عني دسار كعد غير مكان كملوا العقد واني منتجية لامه رجلية لحضني صافنة على الرخص العايشين بي واشلون رضينا ندخل هيج منطقة واحنا نعرف مابيها غير العتمة والموت

لمن حسيت ايده على وجهي يسمح دمعتي ابتعدت عنه گال لاتخافين مااذيج كلها ايام وارجعج لاهلج

-ابيش باعني

-نفس الساعة النطلع منها منا راح تكون اختج بالبيت

-هم وصاك عليه

-سلامتج متعلقة بسلامتي اذا صارلي شي محد راح يحميج منهم راح يأذوج بطريقة ماتخطر بعقل يهودي

-گلك هدت بيت كامل بس حتى تحافظ على شرفها

-المكان الراح نروحله مايسكنوا غير وحوش ضلي بظهري حتى اضمج عن نظرهم لاتجبرني لاذيتج

-ظلمنا هواي

مارد گام وكومني ويا الدنيا افترت بيه ردت اوگع كمشني بسرعة سندني دفعته حيل وصرخت كلكم حيوانات نفس الشي

-صوتج

-مابيكم شريف نفس القذارة

- والقذارة تعرف دربها  تلتم بنفس المكان

-والله لندمك

-قبل حتى لافكر انبهج مو احميج يكون طيروا راسج

-حيوان لفو قذر

لكفني من وجهي عصره ودنگ حجه من بين اسنونه ااخ اتمنيتج مو بنيه

ردت اتفل عليه مالحگت نزل ايده عصر شفايفي حيل ردت اسحب راسي ماگدرت حسيته مردهن ضربته بكل قوتي اجت بصدره دفعني انضربت بالحايط مسحت حلكي بضهر ايدي ردت اغلط دخل ايده بشعري سحبني اله وهمس الصبر اله حدود واني اصلا مامتلك ذره منه رؤيا لا تجبريني اراويج وجهي الثاني امشي عدل

-انت هم حاسب روحك رجال

-جان ثبتتلج بس حتى لذه مابيج زعطوطة  رعنه بلسان جلبة

-من هيج عقدت عليه لان من فصيلتك

-اااخ بويه اشلون بيج راجدي شرط ارد نظرج

-هاي كل قوتك تستسبع على مرة رجال ن…

ماخلاني اكمل سد حلكي وسحبني طلعني گدامه  ردت ادفعه دنگ حجه بهدوء وبنفس الوقت حسيته تهديد وهو يگول سمعي لج اخاف سكتت شوية عنج تستغلين الوضع وكلام الله ماطويلين بيدي ثانيتين فوج زلم مشوربة انهيم بكلمة وحدة مو تعيقني خرزة مرعبلة مثلج

راح ننزل جوه حاولي تلمين حلگج اذا سمعت مجرد نفس مو خرط  من لسانج الباذر وداعت امي  اخليهم يلموج انتي واختج بجفن واحد سمعتيييي

هزيت راسي 

-انضبي وصيري خوش بنيه لخاطر اردجن مثل ماانتن بدون نقص للگرن

اشرت اي

-عفيه بالبطلة كالها  وخر عني كملنا الطريق  وصلنا للدرج نزل قبلي وگال ديري بالج   هذا درج

كمش ايدي نزلت كل بايه ينزل قبلي وينزلني ورا وصلنا جوا اجانه صوت ضبع گله ساعة ونطلع

-امنتوا المكان

-اي الولد يم الگرن ابوها  بالكراج منتظرين الاوامر

-جبت العده 

-بالغرفة حضرتها جيبها وراي

سحبني رحنا ورا تكول دميه يحرك بيه بكيفه حتى رد فعل ماعندي مااعرف شدسوي احس روحي  بحلم وصلنا مكان كعدني  وكعد يمي  كمش ايدي سحب البلوزه ثواني وكال  ناشفة ماتعتاز هواي خياط بس بالنهاية نضفها وبلش

ضبع -خوش اكمشها عدل

-لازمها بس استعجل ماضل وقت

جريت ايدي داگله مابيها شي بسرعة  سحب راسي لحضني وگال اشش

وذاك دار شي على ايدي  احس روحي شاطت  لاارادي جريتها و صرخت ضغط على وجهي بصدره وثبت ايدي وضبع نبت الابره تگول نبتها بكلبي مو باللحم  

صرخت صرخه طلعت من كلبي ضغط عليه زايد كتم حتى نفسي ؛ اسحب بروحي واغلط عليهم  بس اريدهم يتركوني مو دقايق مرت من گد مارفست وهوست روحي بهتت لحد ما وصل لنهاية الجرح احس الدنيا افترت بعد ماحسيت

فتحت عيوني جسمي خدران وراسي مشوش  نايمه عالگاع   شي ساد حلكي ردت ارفع ادية ماگدرت مربوطات بحبل

اتسنط هدوء ماكو صوت اتلفتت اتحسس اذا اكو احد ماحسيت اي نفس انگلبت صفح  رفعت راسي وانتچيت على متني گعدت دااعدل روحي وفززني صوت رجال جاي من فوگ صح بعيده بس كلماته بذيئة واضحة  ثواني واجت صوت ضحكة بنية مقززة

دنكت مشيت اصابيعي عالگاع اكو فراش جواي  رفعت راسي بسرعة واني اسمع صوت ضحكه  بنية ثانية بنفس طريقة عرفته جايبني بمكان مو زين

جريت اديه حاولت افتحهن مضبوبات حيل دنگت على متني ردت اوخر اللاسق  ماگدرت اخذت نفس كعدت يائسه

استوني دااغمض واسمع مثل صوت صرخة رايه عصرت روحي فتحت عيوني على كبرهن اسنط  ماكو بلحظة اختفت

بدون شعور ولاتفكير كعدت على ركبي وكمت ركضت عالصوت بعدني بالخطوه الثانية انضربت بشي وكعت على وجهي رجعت گمت بسرعة  كملت طريقي مسافة صغيره وعثرت بعازل عرفته درج    صعدت اول بايه دااخلي رجلي عالبعدها وماحس غير بحركة سريعة انرفعت من خصري وصوت دسار وهو يگول وين ترديننن

صرخت صوتي مايطلع هوست بس اريده يتركني ولحگ عليها  نگثني حيل وصاح ثبتي خرب بأهلج 

نزل بسرعة يمشي بيه واني ارفس وصل يم كرسي خلاني عليه ودنگ عصر وجهي همس وعلي اذا ماثبتي  ابتر راسج

ونيت بصوت ودفرته بكل قوتي اجت برجله تركتي وصاح ااخ لايااااابت الكلببب

كمت ردت اركض كمشني من شعري  دااندار اضربه كله سحبني لحضنه عصرني حيل شل حركتي كمت اكمز واصرخ ضغط بقوة ودنگ همس هدي بنيتي اشبيج تخبلتي

شهكت بصوت

-شش لاتبجين راح اوخر اللاصق  بس قبل هالشي  عرفي احنا بجهة  ماتخطر بعقل ابليس ولايسكنه غير الشياطين

اشرت اي

-قبل لاتفكرين تصرخين ويسمعوج  تذكري ينهوج كدام عيوني بس حتى يجبروني اعترف وهاي من سابع المستحيلات اسويها 

هزيت راسي ونزلت دمعتي بقله صبر سحب اللاصق وسد حلگي بسرعه دنگ ديحذرني قبل لاايحجي عضيته راد يسحب ايده طبگت اسنوني عصرني بحضنه  حاول يخلص روحه ماتركته لمن حررني صرخت حيييواااان وين اختييي

-انعل ابوج لابو اختج صوتج بت الكلبببب

-ماكو كلب  غيرررك ولك شسويت برايه مونعلت اهلك وتزوجتك وكلام الله يدسار  اذا نخدشت اختي اندمك تعررف شنو اندمك

-كلب ؟؟

-وحيووان ابن حيوووان

بعدني احجي ماحس غير لزمني من حلكي عصره ودفعني بخفه ايده من قوة الدفعة  انشمرت مسافة وكعت بالگاع على وجهي  احس شاطت روحي داعدل نفسي  وحسيته اتقدم وصل يمي دنگ زحفت ليورا مالحگت اخلص كمشني من خدودي عصرهن حيل و گال هالمره جبتي طاري اهلي  الثانية قبل لاتكمليها تندفنين واختج صارت بيت ابوج

حجيت بشهگه سمعت صوتها فوگ

-الف وحده بعمرها فوگ واذا ضليتي على هاي رعونتج اشمرج وياهن

-موو رعنه وصوت اختي اعرررفه كلت صخمي بيه  واني مأذيهاااااا

-بت السطل تسمعيني شلغييت لولااا

-وخررر ايدك عنييي واتصل بابااا خلي يسمعني صوتها لاوالله افضحك

-بسس جربي

صرخت  ياعاااالم هذا… مالحكت اكمل سد حلگي حيل حجه من بين اسنونه دخيل الله اشلون اتخليني انحرهااا

ونيت بكتمه وكمت ارفس بي  نكثني حيل وهمس راح اتصل كافي من نعل روح اهلج اليهووود

دفعني وكام اسمعه اتصل واني انفت الشهگه بكلبي ثواني واجه صوت ضبع گله ابو الليل أمر

-البت وصلتها

-قبل ساعة سلمتها لابوها وحذرته اذا لمحتها طالعة  راسه يطير يحبسها منا  لمن اردله الثانية

-عفيه هم خليك مراقب المكان لاتتحرك لمن تخلون البيت تماماً

-لايضل بالك تركت جمال وكم واحد ويا ان شاء الله قبل الصبح كلشي كامل

-بلغت الباشا

-اي  ودز حسين بلعة  الك يگول خلي  يستعد هالمرة العملية خطرة اريده يرفع راسي

-كله ابشر اعتبرها تمت بس خلي يدبرلي مكان هذا البيت مو أمن على ساعة يجفتونه  وطفرتي صارت صعبه مومثل قبل

-هم كلتله يگول محد گله يورط نفسه ويتزوج اكو الف وحده جوه رجليه اله يستشرف  خلي يدبر روحه ووصه الولد اذا حسوا بيها عاقت حركتك ينهون امرها

-حلوو لعداسمع هاي وصلها بالاحرف اله گله ابو الليل  يسلم عليك ويگلك اذا صدگ ابن ابوك خلي ولدك يفكرون يباوعولها مو يلمسون شعرايه منها وداعت عيون امي اصلبك كدامهم واحرگك وانت عايش

- وهو مايتجرأ لان يعرفك خبل بس اكو من النبش وراك وخله براسه  فكره انسحابك منه بسببها

-جمال الكلببب موسهله تركه بس اكمل التسليم اذا ماسحبت روحه عن جسمه ماانحسب عالزلم وانت اريدك تشوفلي مكان بأسرع وقت مااكدر اضل هنا اكثر

-بيت المشعوذه مايخطر بعقل جني هسه اخابر الولد يأمنوا  اهم شي تخلصنا من تيمار

-قبل الفجر اعتبره روحه صارت يم الخالقها بس دزلي اعتاد خلص يمي واريد  سلاح كاتم

-مسافة الطريق ويكونن يمك

-منتظرك :- كالها واسمع  غلق الفون اتقدم يمي   رجعت ليورا دنگ عليه لميت روحي خايفة من السمعته عن رخص روح البشر بديهم همس سمعتي شي 

-هزيت راسي لا

-عفيه اريدج هيج حبابه حتى اختج اتضل تشم هوا

-كلتلي قبلي بيه واني مااذيها

-ولارايد اذيتج تردين تردين لحضنها نفس مااسمع منج اقل الاسبوع تكونين بحضنها تضلين على رعونتج اعتبريها هيه اندثرت وانتي سكنتي التراب

-همه راح يكتلوني

-اليفكر يوصل للراجعلي امحي وانتي راجعتلي

-اشلون اثق بواحد لفو مثلك

-انتي كلتيها لفو  مو بايع شرفه

-راح ترجعني

-شتكولين انتي

-عميه خرسة عاجزة حتى عن الحركة

-عفية وهذا المطلوب يله كومي

هزيت راسي سندني كمت دارني فتح اديه اخذني ويا  فتح باب دخلني كال هذا حمام يمج المغسلة وبصفه الغربي عدل بس فضيها بسرعه اريد اطلع

طلع سديت الباب  ورحت اتلمس من مكان لمكان خلصت عالسريع وطلعت متوقعة راح الكاه منتظرني فتحت الباب كلتله رجعني يله

تانيت يرد ماسمعت صوته

اتلفتت اريد احس بوجوده ماكو همست بصوت كوه يطلع دسااار

ماكو رد

اتلمست الحايط مشيت مسافة انضربت بي رجعت ليورا كمش اديه كال الي يشوف برائتج  وانتي تصيحين الاسم ولا يكول شايلة هالرعونة

-اني حبابة بس من اشم ريحه الجلاب تلقائي انجلب

-يعني ماتوبين

-على شنو اذا على الغلط مو عليك تره واذا على المشي ردت بس افتر بالمكان حتى اتعلم عليه

-هذا لسانج مايوصلج  غير بالكبر

-مو كلت راح احميج

-وانتي صدگتي بسرعة وين شايفتلج  حيوان لفو  عنده كلمة

-ماشايفة لان  بابا حرمني من هالشي بس متأكده ماكو اسوء منه

-لهل درجه ابوج متحيون

-كل صفات الجلب بي بس الوفاء

ضحك وكمش ايدي اخذني گعدني على فراش راح جاب علاگه واجه كعد يمي فتحها كمش ايديه مشاها على اللفات شال بطل مي خلاه بيدي  وكام راح كعد شويه عني

بين مافتحته دااشرب اسمع طگة جداحة وصوته وهو يحجي بالفون عن اغتيال مااعرف خطف بس جان يأكد يطلعون بساعة معينة لان اصحاب المكان  يكونون نايمين  بهذه الساعة

غمضت اتخيلت اشلون يذبحون بالعالم وايده كلها دم كمزتني خشونه صوته وهو يزمخ بيه يصيح يله لج فضينييي

دنكت اتلمست اللفه طلعتها بسرعه دنكت اكل وهو اتصل بغير عالم لان بلش يحجي  ينطيهم الاوامر عكس المخابره الاولى مبين ديسلمهم تسليم اهالي

اشياء مرعبة يسولف بيها مابيها اي شي يدل عالرحمه كلها كتل ودم حتى مااعرف اشلون اكلت رغم صار اشكد ماماكله بس ماحسيت بأي لهفة

اكثر من ساعة على نفس الاوامر وصوت الطرب من فوگ كلما جايه يكثر ورجة الرگص والفشار  صار واضح لمن انفتحت الباب وصوت دسار طفر هو ويسحب اقسام  

رغم خوفي وكرهي اله  بس حسيته ملاذي الامن  بدون وعي كمت ركضت صار كدامي كمشت ضهره حيل  دار ايده عليه گال لاتخافين

همست بكسره راح يكتلونه

-منو يوصلج وانتي بأمانتي

دارد واسمع صوت ضبع صاح شبيها خرزة البتاوين

-مابيها شي شنو الاخبار فوگ

-هدوء ماقبل العاصفة لوماجماعة الباشا ماكدرت اوصلك الامن شام ريحة والاخبار كلش ماتسر

-كلها ساعات وبعدها يشمون براحتهم جبتلي كاتم

-ومخزننين رصاص والدراجة الناريه ضل بس تراوينه مهارتك

مارد اندارلي كمش اديه وايده الثانيه دارها على ظهري رجعني لمكاني كعدني ورد راحله شويه واسمع صوت رنه حديد عرفته يعبي طلق اخذولهم دقايق وگال دسار  اذا مارجعت تاخذ هالحبابة الهادئه تردها لبيت ابوها قبل لايوصلهم  خبر موتي

-تمام انطيني رقم حسابك

-ليش يابه من بقيت اهلي

-وروح امي  ولادينار وامه  محمد كلها تطلبني اخر شي اليوم اشتريت بتيته طاوه وضليت مطلوب عشره لابو الكافتريا 

-بتيته طاوه بعشره

-ولك موبتيته عادية هاي فنجر فنجررر يالمعيدي واستكان جاي بخمسة صارن خمس طعش

-استكان جاي بخمسه  ليش خايطي بأصبع زليخة اترك الحساب التسليم صورته

-اي الزم السلاح خلي افتح الموبايل

كالها اخذله ثواني واسمع دسار گله وين التصوير

-هذا كدامك واضح الفيديو

-وين واضح  ابن الكلب مصور بخاشوگة

-هاا موجاي اصور وفلتت ايدي لان دست على حذاء واحد

-من تعرف اكو استغفر الله ماتنثبر مكان مثل البشر   وتصور تفتر مثل الزمال لمن ادوس على راس ابوك ليشش 

-اغلط كاتلك الحقد اقلها ابوي عايش احسن من ابوك ميت

-كملت انجب والزم هذا السلاح عدل

-مااگدر عندي سكر

-ابن السطل منطيك داطلي ضبع اخذ السلاح و…

ماكمل كلامه قطعه رنت  الفون صارت صنته  مااعرف اشرله لايحجي لو اكو شي شافوا

صوت واحد منهم اخذ سلاح وصعد يركض اول ماسد الباب رد دسار

الباشااا -- تأمررر ---ساعات مو اكثر ويوصلك الخبر-- عليهاا ولايهمك -- انطي خبر للولد اذا انلزمت خلي يرموني لايتركوني اذا مايتأكدون سلمتها--تلميذك -- قبل الفجر اطلع --مودع بالله يالجبير

كالها وغلق الفون صعد سلقي الباب ونزل اجه يمي شمر السلاح وكعد صار هدوء  ثواني واسمع صوت جداحة سحب نفس بحسره

لميت رجليه  خليت راسي عليهن غمضت صارت بعيوني رايه حدها بالغرفة حاضنه مناظر غزوان وتباوع لمكانه الخالي

حضنت رجليه حيل  واني اسمع صوت رئال بأذني وهيه تلدغ بأسمي وضحكه غزوان وهو يگلها  كوليها عدل واشتريلج كتاب

ابتسمت ونزلت دموعي رفعت راسي مسحت عيوني  واتجتفت صافنه بروحي لو ماسامعة كلامهم وحارگته شنو جان صار

مجان ماتت رند ولا ضاعت رئال

غزوان اتزوج رايه وماما بيناتهم

اخذت نفس حسيت خنگه بصدري  خليت ايدي على كلبي  عصرت بلوزتي فززني دسار  وهو يحجي بصوت قريب للهمس :-ويجيك ملحد راسه مربع يگلك الطبيعة خالقتها

-وياي دتحجي

-نامي تأخر الوقت

-ماتفرق يمي كل الوقت ليل عندي

-بس مو كل الوقت متحرره ساعة واطلع

-راح ترجع تربطني

-ليش ترجفين

-الجو بارد

-من البرد  لو من الخوف 

-اني ماخاف وحتى الجنت اخاف لخاطرهن راحن

مارد بس حسيته نزع شي وصار قريب عليه ردت ابتعد كمشني ثبتني ولفني بقمصله گال مرات الخوف يجي متأخر بس يكون بندم  لان گاضي وقته

الي مايعرف الخوف مايحس بندم والي يغلط بغفلة يصححها بنباهة

ماخليت شي اعوج ماسويته بحياتي بس عمري مااذيت انسان ضعيف رؤيا  لاتخليني اذيج

-راح تأذيني حتى لو جنت امتلك براءه الملائكة تدري ليش  لان كلكم حيوانات

-المفروض هسه اسويلج عاهه  بس راح اعبرها لبين ماتفرقين بين انواع الحيوانات

-ماكو فرق هو سكير وانت قاتل ماجور برتبه ضابط خاين

-خايين؟؟

-اي الي ينطي الامان لجماعته وبعدين يبيعهم لخاطر نفسه هذا موبس خاين هذا اسم حيوان هواي عليه

-عفية وضيفي عليها معلومة اليموت بغفلة مو مثل اليطلبها برحمة

سكتت كام جاب الحبل وكعد گدامي سحب اديه همست اذا مارجعت شنو راح يكون مصيري

-نفس الدقيقة تكونين بيت ابوج

-لعد ان شاء الله ماترجع

ضحك وخله اللاصق على حلگي دنگ همس يم اذني اني صح حيوان بس مو حجر لاتجاكريني وتحاولين اصحين الجواي ابتعدي عني يالخرزة لخاطر لاسحبج لجحيمي

مافهمت اشرت شنو عصر وجهي وكام شال سلاحه وصعد اسمع فتح الباب طلع وقفلة وراه

خليت راسي على رجليه اتسنط لصوت الطرب والضحك فوگ غمضت اتخيل هذا الصوت بيتنا واني بعدني  كاعده بيناتهم ورند بعدها كاعده بحضني تتوسل العب وياها

ورئال تتعارك ويه رايه لان مغيره مكان كتابها وماما اصرخ عليهن حتى يسون عشه

ضحكت وبديت اهمس بقصتنا واتخيل اشلون رجعت وحركت بابا بيدي

مرت الايام واني نفس المكان بليل طرب وضحك للصبح والنهار هدوء نفس ماينسمع عكس واقعي بليل انام على اصواتهم وبالنهار اخلصه اتصفن بندم  على غلطتي

دسار يجي باوقات مختلفة صح مكالماته كلها قتل وجرائم بس تصرفاته تعكس هالشي اشكد اعصب واتجاوز عليه بدون وعي جان يتلافه كلشي يسوي روحه مايسمعني  يكعد بعيد عني يحضر بسلاحه ويدخن واني  اطلع شكو  وجع بكلبي مااسكت لمن اتعب من الصراخ و البجي  وحدي  يكوم ياخذني غصب  للحمام يغسل وجهي ورجعني  يربط ايدي ويسد حلكي ويطلع

ارجع اغمض واحسب للساعات اشوكت يرجعني وطفي نار كلبي بموتت بابا

كاعده اذني بالباب منتظره رجعته تأخر كل مااسمع طگطگه اكول رجع وماكو احس مثانتي طگت من غير  الجوع والعطش

مرت ساعة والثانية صار الليل وبده الغنى وهو ماكو بطني احسها كامت تتگطع لميت رجليه ردتها تهدأ زادت رجعت مددتهن صار اكثر حسيت نفسي راح ادرر على نفسي صعب روحي عليه نزلت دموعي شهكت واسمع الباب انفتح سدها ونزل بسرعه وصل يمي دنگ فتح اديه وسحب الاصق كلتله من اگلك حيوان ماتررررضه

-اشلون راح اطير جبتها بكله

-وييين جنتت

-وانتي شكووو بت الجرووو

-اني الحيوانه التاركهااا وراك شنو انت ماتحسسس ماتكول اكو حماره تاركها وراي من البارحة مختفييي

-خلصت بس الليلة باجر قبل الفجر راح تكونين بيت ابوج

-جذاااب

- اللهم صبرج ياروح

-الله عليك متجذب عليه

-كومي يله للحمام بين مااحضرلج الاكل حتى اطلع ماعندي وقت

كمت مامصدگه وصلني للحمام دخلت على السريع خلصت وطلعت سمعت صوت ضبع يسولف ويا  تركتهم رحت اتلمس كعدت مكاني اجه دسار خله كدامي اكل كمش ايدي مشاه عليه وكام

هاي الحالة دائما يسويها بالاخص اذا ضبع موجود مااعرف يتعاجز يطلع الاكل ويخلي بيدي لو ميريد يجرحني كدام احد ويحسسني بعجزي

رد يسولف ويه ضبع اسمعه يكله انت تطلع كبل عالمقر واني ويه الباشا

ضبع - لادسار خطر الوضع لاتجازوف بداعت الخوه وعلي ماترد هالمرة الشخصيه جبيره

-ما عليه اصعب منها وطلعت مااتقرب هواي اصفي من بعيد واطفر مايلحگون يلكفوني

-الباشا  شاك بيك

-ادري لهيج شمرني بهالسالفة على باله غشيم ماكاشفه بس هم راح انوله الي بعقله اشتغل ويا بغباء لحد ماصفي كلشي واطفر

-اذا البخت گعد وياك ونفذك من الموت تره تتعوق وتلزم واذا الگفت تعرف كلش زين الباشا مايخليك عايش يدز جماعة لنص  مكانك  ينهون امرك

-عود اترحملي ذاك الوقت وصير شريف مر على كبري اقره الفاتحة

-وعلي لو اختملك القران الف مره واغسل جثتك بمي زمزم هم الله مايغفرلك

ضحك واخذ حسره سكتوا شويه واسمعهم اتحاضنوا واحد يدگدك على ضهر الثاني گله الضبع  مودع بالله يخوي

دسار- . خليك سبع ولاتبجي وراي مثل المره

-بروح ابوك لاتحجي هيج

-يله روح ماضل وقت ديربالك على نفسك وخبر الباشا يحضر الولد اقل العشر دقايق راح اكون يمه

راح ضبع طلع ودسار اجه يمي گال كملتي اكل

-موراح ترجعني ليش بعد تربطني

-لسلامتج

-وروح اختي ماتحرك ولااحجي

-اذا تأخرت راح يجيج واحد اسمه حسن بلعه  ياخذج يرجعج لاهلج افلامج مال التكمز واللسان الفالت حاولي تسيطرين عليهن لان مو كلها دسار

دار اديه وره ظهري  ربطهن وسد حلكي كام اسمعه يلبس شي تذكرت رايه اول مره من شافته وسولفتلي عرفت ديلبس  لثام وجفوف شال سلاحه وراح طلع قفل الباب

لميت رجليه رغم اشكد جنت احس بضيگ هسه الفرحة ماسايعتني واني اتخيل راح ادخل على رايه وتاخذني لحضنها واسولفلها على كل يوم نمت بي  واني بعيده عنها  بعد مااذب حملي واشبع من حنيتها اخذ البنزين واحرگه وارد لمكاني الصحيح

مر ت اكثر من ساعة واسمع طگطكة بالباب فرحت لبالي دسار كمت بسرعة وكفت انتظر اختفى الصوت دارجع اكعد ورد الصوت درت وجهي لناحية الباب اسمع صوت مره تتوسل وصوت واحد يستعجلها

اتسنط الباب مانفتح  وهمه صوتهم بعد صار عندي فضول لان اول مره يصير هالشي رحت امشي عالكيف وصلت للدرج صعدته على اطراف اصابعي وصوتهم بعد مستمر يتجادلون

وصلت ليفوگ خليت رجلي اتلمس ماكو بعد درج قدمتها بعد حسيت باب حديد داخلي اذني واسمع صوت جمال يگلها اخر مره اعيدها فتحي الباب

-كلتلك ماكو شي هناااا جمال روح لاتأخرني عندي شغل

-دسار شعنده هنا ولاتجذبين شفته طلع منااا

-جان يحجي ويه ضبع خو مايحجي كدام العالم

-شاهااا راح اكسر البااااب بس وحق الله اذا شفت شي مامخبرتني بي ادفنج بنفس المكان

-جمال لاتورطني ويه دسار والله يحركنا وتعرفه يسويهاا دخيلك

-شنو ضام هنا احجيييي

-زوجته وحلف  اذا واحد وصل يمها يسوي وجبه اكل للجلاب

-دساار السبع اي ليش لا كلها تحت امرك موتأمر سمعي لج انطيني عنون المكان الراحله بالمقابل زوجته اتصير الج  وقبل لاتكولين لا تره البت جنها ملاك وصغيره وماعدها احد تربحين من وراها ذهب

-عزه بعينك ناوي تكتله

-واني شكو رصاصه تايهه اجته اثناء المقاومة وعلكت روحه وانتي المستفاده الاكبر زوجته الج وافلوس الضامهن عندج محد يدري بيهن غيري هم مارايد منهن كلهن الج

-واذا ماگدرت تكتله شنو يضملي ماترد بحجايتك وتكله اني انطيتك مكانه

-شنو تردين اني حاضر

-تدخل عليها اول زبون وياها انت وهيج ركبتك قبل رگبتي طير اذا رجعت بحجايتك وماكتلته

-اجت بوقتهاا كمشي سلاحي وفتحي البااب بسرعة

هو كالها وني ماشوف بعد اشلون انزل كل بايه اعبرها اعثر بيها  بعدني ماواصله للاخيره وانفتح الباب اتبنجت مكاني -----

***رايه. ***

ستبقى اجمل حكاية في قلبي

حتى وان فرقتنا الايام …

الدنيا تفتر  والظلام محاوطني رفعت ايدي فركت راسي فتحت عيوني ماشوف كلش عصرتهن حيل ورجعت فتحتهن اتوضحت الرؤيا اباوع هذا السكف موغريب عليه

كمزت واني اشوف روحي داخل غرفتنا اتلفتت داير مدايري ادور رؤيا احس كلبي وكع بين رجلية

من شدهتي مااعرف شسوي فتحت الباب ونزلت  اركض لكيت بابا واكف يحجي ويه ابو طبر  ركضتله كمشته حجيت بخوف بابااااا الحكنييي اخيتي انخطفتتتت

دفع اديه جرني من شعري عت راسي ليجوه وصاح حسبالج مالزمج بت الكلببب من  شردتي

-ميخالففف ميخالف سوي التريده بيه  ابوس ايدك  بس لحگ على رؤيا بيت اليهودي راح ياخذوهااا

-ورطتني وانهزمتن  وطيتي راسي كدام العالم مووو اذا ماصلخت جلدج وغسلت عارج مانحسب عالزلم  لج غيمة فتحي السردابببب

- لابابااااا لالااا  دخيلك رؤيااا راح تروح اذبحني موتني كلشي يخطر بالك بس روحلهاااا ذوله مجرميين راح يموتهااا

-لج بت الكلبببب فتحييييييي

كالها وسحلني من شعري كمشت اديه وصرخت ياعاااالم لحكونييي اختي بيت اليهودددي

اني اصرخ وسكتني ابو طبر بدفره بنص ضهري احسه صار نصين عصرت نفسي دااعدل روحي واجتني الدفرة الثانية بطني من قوتها كعدت بالگاع كاطعة النفس

دنگ بابا لزمني من شعري جر راسي ورگعه بكل قوته بالكاع دااشهگ النفس واجتني دفره بگلبي ظلمت الدنيا ماحسيت بعد

فتحت عيوني مكان ظلمة  كلشي ماشوف  راسي ثگيل وعيوني مااگدر افتحها من كثر الالم

ردت اندار احس ضهري طگ مديت ايدي كمشه واحس حديد جواي صفنت اريد استوعب وين اني صحتني ضحكه ابوطبر

عرفت روحي داخل المخزن كعدت بسرعه اتلمست وصلت للباب  دكيتها  بكل قوتي وصرخت فتحووووا  وياعالم لحكونيييي ولك باباااا رؤيااااا خطفوهااااا ولكم اختي ياعاااالممم لحكونييي

صاحت غيمه ومررض  شهرتيناا

-ابوس ايدج فتحي الباااب ولج رؤياا بيت اليهودي ولج راحت اختي فتحييي خلي الحگ عليهاااا

-رايه والله ابوج  متحلف بيج گوه لزمته لايموتج صار ساعة اني وابو طبر نقنع بي حتى يعوفج

-انعل ابووووي لابوووو ولج رؤيااااا راح ياخذوهاااا فتحي البااااب ولكم فتحوووا ياعالمممم

-قز القرررط صووووتج فضحتينااا  العالم راح تفزززع 

-لج غيمه  فتحيي وحق كلام الله افضحج وروح اختي اكول لغزوان  كل الكلام الي اعرفه عنج  ولج فتحيييي

-ليش تهددين وتحلفين هسه اصيح لعمي يجي خلي يسمعج ونشوف شيسوي بالاخص من عرف اختج مصاحبة سگط وانتي الشردتيها ويا  وخليتنه غصباً عنه يعقدها عليه  

هيه تحجي واني اتصنمت احس اديه انشلت مامصدگه التحجي كمشت الباب همست شنو عقد منو اتزوجت

-يمه يمه العيارة ولا تكول هيه الشردتها ودتها بيدها اله وخلت ابوها مثل المخبل مايعرف شيسوي واشلون يسد السالفة

-رؤيا المن بعتوها

-هم كالت بعناها بت اليهودية عمي والله عاهرات اشوكت تعرفتن  عليه اشوكت اتفقتن وياا اشلون وصلتنه

-عزه بعيني هذوله مجرمين المن زوجتوها  عزه بعيني راحت اخيتيي انتهت يمه لحكينييي سوده بوجهي

-لاوالله اني السوده بوجهي على حظي  وصفيت بيت واكع تحت حكم واحد  سكط وهنه كل وحده طاحتلها برجال يتسولف بي رئال ابن ضابط ذيج الرتبة والثانية بيد واحد الفلوس اعلى من راسه

-يارئال هاي

-خلفة اليهوديه الي شمرتها علينه ونطمرت عساها ماگعدت سكطتني وراحت خذتلها واحد گد ماهيبه اجه ابوج متفاجأه على حظها اشلون گدرت تضحك عليه وتخلي يقبل بيها والله عمي خبره طلعتن من جوه لجوه  واحنا ياغافلين الكم الله

حجيت بكسره لارئال ماتاخذ غير محمود اعرفها تموت ولاتسويها وين  وديتوا اخيتي

-لجهنم اكلها تزوجت اتكلي ويين  انوب  ابوج يگول طايره  حقها وين محصلة هيج واحد  اكص ايدي اذا اجت وسألت علينه لوذكرتنا بعد

اسمعها ادردم ودعي على حظها واني احس روحي بهتت رجليه رخن بعد متعيني عرفت انتهن خواتي كعدت بالگاع صافنه  وهيه مستمره تسولف اشلون عقد رئال وطرده الضابط وره العقد وكله احسبها ميته  واشلون جبروا يزوج  رؤيا لصاحبها وشردت ويا

غمضت دفرت الباب گالت وينج مواحجي ويااج

لميت رجليه لحضني ساكته 

-خليج لاتردين بس هم حضري روحج كال ابوج بلكي اقنع ابو سعد يعقد عليج حتى لو بدون مهر لان بعد مايحمل فضايح جديدة ونصيحة صوتج لايطلع لان كوه كامشي عنج  لايموتج

ضميت وجهي بحضني ردت دفرت الباب وراحت وصوت الطرب وهوستهم بلشت عرفت خواتي راحن وذني افلوس المهر محتفل بيهن

احس لساني ثگيل  وعاجزه حتى عن البجي رفعت راسي همست يارب ونزلت دمعتي بيأس

مر كم يوم  واني محبوسة بالمخزن هو كله عبارة عن متر ونص في متر  انتهى كل امل ورغبة عندي بالحياة صرت ماعرف ليل من النهار كل الوقت صافنه عايشه بغير عالم

الاكل ينشمر من جوه الباب والحمام لمن تبهت روحي من التوسل والبجي  يالله يطلعني بابا على طول الطريق ياخذني كتل وسب لحد مانوصل يشمرني دقايق ويدفر الباب حتى مالحگ اغسل وجهي يدخل يسحلني من شعري يرجعني  دفرات يدفعني ويقفل الباب

اسوء انواع العذاب عشته حقدت وكرهت حتى على ماما لان جابتني للدنيا  اكعد بالساعات ابجي بوجع وترجه  ربي بگلب مهضوم  ياخذني يمه وارتاح

ايدي هلكد ماعضيتها حتى اگطع الوريد صارت مورمه والدم مايمشي بيها كلما اذكر جنت امنع رؤيا تكتل بابا بدل مااساعدها احس بندم ينهش روحي

يصير الليل واشوف الظلمة اتخيل  ورند اشلون نايمه بها وحدها  احس صدري يختنگ  اتوسل بالفجر يجي بس اريد اخذ نفس من الالم العاصرني وياريت مايجي الفجر من اسمع صوت الاذان وگعدت ماما للصلاة اغمض حيل حتى لاذكر صوت غزوان وهو يستعجلنه للشغل ولدغه رئال وهيه تصيح كتابي ماما  غاح اخلي بأمانتج

كل يوم يمر اتأمل ماكمله ويصبح الثاني اتعس خلص صبري صرت عباره عن جثه  متأمله  اجلها بالثواني

خاله راسي بحضني حسيت شي يم رجلي ينشمر من جوه الباب باوعت خبزه بعدتها عن رجلي ورجعت حضنت نفسي وغمضت دقايق  واسمع باب البيت اندفر وصوت  رجال دخل صاح وييين جاسم  لك جبااان اطللع

شلت راسي  زحفت  للباب كعدت على رگبي اكو كسر بي خليت عيني اباوع منها  واشوف ابو الولد  الي انكتل واكف بنص البيت دشداشته مشكوگه من النص وجهه اسود من الحرگة

طلع بابا من الغرفه يلبس بتيشيرته گال شكو شصايررر

مارد ركض جره من تيشيرت رگعه بوكس بوجهه كعده بالكاع رد دنگ شاله من ركبته ودفره بطنه خله يتقيء   صاحت غيمه  لحكوووونه

ترك بابا وندارلها ركض جرها من شعرها  وتولاها راجديات  كل راجدي اكول كتلها اباوع لبابا منتظره اشوكت يكوم يفزعلها ماكو لمن كعدت بالگاع تجر النفس كوه  خشمها وحلگها يخرن دم

دفرها  وكف ينفت گال اسمع لك الك ساعتين مو اكثر اذا  ماتاخذ بتك تنكر كلشي وتتنازل عن ابني  احرگك انت وياها

بابا-. اتنازلت والله وبنتي تزوجت راحت ويه زوجها ما ادري وين

-تزوجت ماتت مااعرف تخلقها من جوه الكااااع وتاخذها تتنازل ولا وروح ابوي اصلخ لحمك بيدي وموتك تعذيب

-ليش  موتنازلنا وكالت  راح يطلع

-يايطلع ياااايطلع ولك مات ابنييي الثانييي ولك فاقد بالمستشفى والضابط  يكلهم طلعوا جيبوااا حتى يكمل تعذيببب ولدييي  ماتوووا بسبب عواهرررك

-بس اهدأ ياضابط اني اروحله عندي هناك عرف

-النكس ابن النكس الي جان كامش قضيتكم نفسهاا كوووم تعال وياي نروح تتنازل وتكول بتي السوت كل هذا ونهزمت اذا ماطلع ابني لاتطلع من المركز وكلام الله ادفنك انت وعايش

هز راسه اي  وكام ملابسه كلها مبلله من التقيئ   يباوع للرجال  ويتبلعم خايف منه  دخل للغرفه بسرعه طلع هويته وطلع راحله الرجال  جر من تيشيرت دفعه كدامه طلعه وطلع ورا

رجعت كعدت عدل واسمع الناس دخلوا من ضمنهم ابو طبر يسألون غيمة  وهيه تبجي وتشكي اشلون كتلهم ويهدد يموتهم اذا مات ابنه

راح ابو طبر لحگ بابا ونسوان كعدن وياها يدعن علينه كل دعوه تكسر ضهر اقوى واحد

صار المغرب  ومحد رد طلعن النسوان ضلت بس غيمة  كاعده عالدرج  لتالي لليل ونفتحت الباب دخل بابا وابو طبر كامت اتلكتهم كالت بشروا

بابا.- شبشر صالخين جسمه حتى عضوه الذكري ناهي بالتعذيب

-عزه بعينهم ليشش مو تنازلتوا وشهدتوا ويا بعد شيردون منه

-اكو ضابط كلب ابن كلب قافل عليه محد يعرف ليش حتى التنازل مالتي ساحبه ماادري اشلون بعد مااعرف شسوي تركت ابو متخبل كاعد بالباب مثل المسودن

ابو طبر-. لان يعرف ابنه يموت مايضل عايش  واكعله بيد ضابط متمرس بالاجرام اذا راد يرحم احد ويخلي يعيش يعيشه معوق

غيمة - عزه بعيني اثنين ولده راحوا شيخلصنه منه بعد

-باجر اروح احجي ويا بلكي يقبل بفلوس

-ومنين نجييب الفلوس يادوب الحصلناهن من مهر رؤيا ورئال فكينه الدين حتى ماضل كم دينار نريد نفتح مشروع ناكل منه خو مو نموت جوع

-دبروا روحكم مااعرف هذا الي اكدر اساعدكم بي تره هذا شراني ومايهمه بعد يفوت بليل يكتلكم ويطلع

بابا. - لاروح احجي ويا نترك المشروع هسه ناخذ افلوسه واچمل كم دينار بلكي اخلص من هاي المصيبة حتى لو اعوف  هذا البيت واجر غرفة كافي عليه

-يله اني طالع باجر من الصبح اروحله واشوف وين توصل ويا اجي اردلكم الخبر

اشر اي بابا هو طلع وغيمه  سندت بابا اخذته للغرفة

كعدت عدل جريت الخبزه ردت اكلها شفتها بيها عفن ويابسه بستها ورجعتها مكانها تمددت مايكفي المكان لميت رجليه الحضني و خليت اديه جوه راسي غمضت عيوني من تعب النهار وقله الاكل جسمي فاقد كل حيله مابيه حتى افكر

ثاني يوم نفس الهوسه  والعركة بابا مخبوص ورياجيل كل شوية داخله وطالعة مرتين اجه ابو الولد يهدد وكوه يطلعوا

مر كم يوم  واحنا على هاي الحالة واني لامه روحي وكاعده بدون صوت اخاف يحسون بيه واعرف بابا ناقص غيره ينطيني بأقل سعر

من كثر الخوف والجوع وجع كليتي  جسمي بعد ماسيطر عليه من الرجفه وعيوني ماشوف بيهن كمت امسح الخبزه المعفنه بملابس واكلها غصباً عني

من غير برد الليل مااعرف اشلون يجي الصبح واني عايشه  ماادري افكر بخواتي كل وحده بمكان لوبغزوان شنو حكموا لوماما ماادري المره راحت عنها وضلت حتى ملابسها محد يغيرهن الها

ارفع راسي للسما اهمس بتوسل كافي والله تعبت شوكت ترحمني وتاخذني يمك

منتجيه مغمضة عيوني وفززتني غيمه هيه وتفتح الباب اباوعلها خلقتها مكلوب دارت وجها  للجهه الثانية و كالت كومي ابوج يريدج

-شيريد شنو صاير

-كومي وانتي تعرفين

-منو عدنا

-محد ولاتضلين تلغين تردين تعرفين شنو كومي لاتجين بعد كم يوم تكولين ليش ماكلتولي قبل لادفنون 

كمت مفزوعه همست منو الي ادفنوها ياهيه منهن راحت بعد

-امشي وانتي تعرفين يله

قبل لاتطلع دفعتها وطلعت ركض  مثل المخبلة وكفت بنص الطارمة اباوع من الجهتين ادور على بابا لكيته بالغرفه كاعد على جربايته مدنگ وضيعته اخذت كلبي ركضتله بدون شعور  دخلت كعدت يم رجلي همست بكسره بابا  منو عافتني بعد

رفع راسه مسح وجهه كمشت ايده اريد احجي ماگدر العبره خانكتني اشرتله احجي

-امج

كعدت بهتانه احس الخبر صاعقة وكعت عليه

-ماماتت بعدها بس احتمال باجر ولو گدرت تتحمل اكثر عگبه بس ماطول اكثر من هيج

-يعني بعدها عايشه  دخيلك لاتشلع كلبي كول عايشن لو ميته

-عدها نزيف بالدماغ بسبب النومتها الطويلة اليوم بلغوني تعتاز عملية بأسرع وقت والعملية مكلفة كلش

-ميخالف سويها اني ادفع كل مصاريفها بابا مروتك  ابوس ايدك لاتخليها تموت

-منيلج افلوس ولج

-والله ماعندي بس اشتغل لو انطيني عنوان رئال موتكول ماخذه ضابط اروحلها هيه تتكفل ماراح تترك ماما

-لاااا رئال لااا الضابط كال اعتبروها ماتت وحنا موكدهم ذوله يشمرونا وره الشمس وكافي هيه ضحت بروحها لخاطر اطلع رؤيا الي ماتستاهل خلتنا ونهزمت ويه صاحبها

-اداين واني اشتغل واسدد دخل الله ودخلك  بابا لاتخليها تموت ماضل عندي غيرها ابوس رجلج

-منو يداينيييي هو اني اريد واحد ينطيني اسدد المصيبة الي بليتني بيها انعل ابوجن لابو امجن تردين تساعديها اخذي ابو طبر وفلوس مهرج عود سويلها عملية

كعدت صافنه بوجهه حتى الدمعة نشفت گام گال ماعندي وقت اريد اطلع اروح للمركز وبطريقي امر حتى اكلهم عوفوها هيه خالص عمرها خلي تولي

غيمه - حرمات على تعبها تالي تموت هيج موته نكسه بناتها مويمها ولاوحده تضحي علموها

بابا- . حتى من اكلج نكسات مثلها ماتعترضين يله رجعيها للمخزن اريد اطلع

-كومي بحال اني الي اصريت عليه يگلج صدگ من كال حالهن حال الحيوان لاتعبين روحج ماعدهن محنه

-شيليها يله قفلي الباب  عليها  وحضريلي الميز بين ماروح وارد راح يجون جماعتي

اجت دنگت عليه كمشتني كومتني واني عقلي متبنج احس روحي بدوامه  طلع وكف بالباب منتظرني ارد حتى يقفل الباب ويطلع

جرتني مشيت شويه بعدني ماعابره العتبه صار الباب كدامي اتخيلت دخلوها منه شايلها بتابوت احس روحي نعصرت باوعت لبابا ونزلت دموعي  صاح يله لجج

-موافقة

-لاحسبالج  موافقة وهم تمشيها عليه مثل القبلها العملية ماتصير اذا ماتصيرين بيت ابو طبر

-اي

-وشغله ثانية تره قدمنا شكوه بأسمج على غزوان  لان هو متلبس القضية متلبس بس سدينا حلگ هذا النكسس

نزلت دموعي بحسره

-اذا عرفتج تضحكين عليه اعدمج وارد اكتل امج

-اشرت اي وهمست مااضحك عليك بس مااعقد اذا ماصارت الفلوس بيدي واذا اخذتوهن مني بعد العقد وروح اختي انتحر بطريقة كتل وابليك

-محد ياخذهن  بلكي تسلمها قبل العملية ونخلص منجن اثنينجن فرد مرة هسه اخابره يجي يعقد حتى الصبح تولين للمستشفى ويا

مسحت دموعي اخذت نفس واشرت لا

-شنوو لااا

-لايعني اروح اني وياك وماادخل بيته اذا ما اتأكد ماما صدك سوت العملية واشوفها بعيني طلعت من الصالة العمليات

-رايه اخاف براسج تلعبين  وروح ابوي  اندمج اخاف تردين تنهزمين تره روح امج بيدي

هزيت راسي

-غيمه حضريها بسرعة بين مااخابر ابو طبر يجيب الشيخ والفلوس

غيمه-  . دقايق وتكون جاهزه بس هم گله النا الحلاوه موبس فلوس العملية

-بت المداسسس فضينييي

جرتني ركضت بيه للحمام  مامصدكه  دفعتني وسدت الباب احس كلشي بيه جامد ماعندي اي شعور

رحت كوه اجر بروحي وكفت يم المغسله فتحت البوري شلت المي غسلت وجهي ورفعت راسي باوعت بالمراية لمعت عيوني عكست صوره غزوان بيهن  نزلت دموعي  همست مهضومة اسفه

كل بسببك ماعلمتني غير احبك جنت تكول لاتخافين اني بظهرج هاي صفيت وحدي مااعرف حتى ادافع عن نفسي

من البداية مامقسوم ننجمع بالدنيا  يمكن ربي كاتبها بالآخرة  سامحني مالگيت غير هالحل

اندكت الباب رحت خلصت حمامي عالسريع وغسلت وجهي حتى لايشكون بالراح اسوي طلعت كالت يله ابوج خابر راح يجون

-خلي اصعد للغرفة اغير ملابسي وامشط

-على شنو كاتله نفسج وتعدلين هو ابو طبر

مارديت رحت صعدت  دفعت الباب دخلت قبل لاتدخل سديت الباب  وكفت ورا صار كدامي بطالة البنزين ابتسمت

بعدج تذكرين طلعتنا وركضتنا وره السيارات هم تحنين الها لو كرهتيها مثل حياتج

انداريت لفراش رؤيا وانتي اشلون حالج  بعدج عايشه كتلوج

عرفتي هسه اشكد احنه رخاص ومومن حقنا نعيش

ضحكت واني اباوع لعبة رند  همست جايتج يبعد اختج راح تردين تنامين بحضني

انداريت صارت كدامي قمصلة غزوان  تركت الباب راحت جريتها حضنتها   ودنكت اخذت نفس طويل احس عطره دخل بروحي ماكدرت حتى اعتذر منه لزمتني العبره

رجعتها وفركت صدري دكت الباب تستعجلني اخذت ملابس دخلت للمطبخ سديت الباب وذبيت ملابسي  فتحت البوري كعدت جواه نويت وغسلت غسل الميت اخاف محد يغسلني

كملت لبست اخذت سجينة ضميتها جوه ملابسي  وطلعت مشطت ظفرت شعري رخيته من فوگ حتى اكدر اگصها قبل لانحر رگبتي اقلها اخليله شي مني يمه بلكي تغفرلي عنده

دنكت فتحت الميز طلعت مناظره بدون لااباوعلهن ضميتهن بصدري لان اعرف بس اشوفهن راح اضعف وتراجع

كمت فتحت الباب طلعت نزلت لكيت غيمة واكفة اسولف ويه بابا شافني كال روحي لغرفتي بين مايجي الشيخ ونص كلمة ماتحجين بس تنطين موافقتج

-اذا مااستلم الفلوس ماتسمع موافقتي

-اكدر ادوس فجج واخليج توافقين غصباً عليج بس ملحوگه

-قبل لااروح اول مااكمل العقد تاخذني للمستشفى

-بت الكلب بهاليل شكو بالمستشفى

-اريد اشبع من ماما قبل لاتسوي العملية لان ادري راح تردون تحبسوني وتحرموني منها  واذا تگول لابطلت مااعقد

-انعل ابوج لابو امج لابو اليوم الورطنيي بيجن امشي ولي ويه غيمة  وانتييي اخذيها وخليج يمها لاتتحركين لحد مااعقدها وادفنها بصف امها بس تسمعين الها نفس تعالي كليلي حتى اكسر ضهرها

اشرت اي وجرتني  للغرفة كعدت عالجرباية اسحب  برداني اخاف تبين السجينة وياخذوها وقتها صدك اكون حكمت على نفسي بالموت الحي

اقل الربع ساعة واسمعه صاح غيمه جيبيها وتعالي

كامت سحبتني طلعنا جان واكف جهة الاستقبال   كامش علاگة سوده شكله مكروه ماكو شي بي يدل انو بشر 

دار وجهه  تفل ورد باوعلي وصلنا يمه  دنگ كمش ايدي خلاهن بيها  وگال كون اتجفنيها  بيهن

همست اسم الله من عمري على عمرها

-يطلع الشيخ واعلمج اشلون تردين بت الزنا

سكتت ودنگت

-يله شيخنا توكل هاي البنيه اجت

اجه صوت الشيخ من وره الباب بنتي انتي رايه جاسم

قبل لارد گله هيه وموافقة بروح ابوك فضنا ورانا شغل

بده ينطي معلومات وابو طبر يكمل مبين من صوته طاير من الفرح بلش يعقد  بعد ما سمع صوتي ويه كل كلمة يكولها احسه يعصرني   كوه كامشه روحي لااصرخ واخرب كلشي

غمضت اهدأ نفسي اتخيلت روحي ديعقدوني لغزوان اي هاي اني بدلتي وهذا غزوان يباوعلي ويضحك يأشر واخيرا تحقق حلمنا

خليت ايدي على صدري اتلمس مناظره حسيته قريب مني سأل الشيخ اذا موافقه بدون وعي رديت نعم

صحتني غيمه وهيه تهلهل فتحت عيوني رجعت الواقعي واني اشوف بابا اشلون يجرني وصلني يم الدرج كعدني بالگاع  اشر اشش بلا صوت

حضنت الفلوس وهزيت راسي اي

واكف عين بالاستقبال  وعين باب البيت ماصدک طلع الشيخ والرياجيل دخل ابو طبر  صاح بابا هاا راحوا

ابو طبر- . اي مشوا واني هم جيت اخذ مرتي واروح

-مو كلنا باجر

-ابو رايه دافعلك  افلوس اعلى من روسكم لاتضل تماطل بالحجي الصراحة ما أمن مثل ذيج ولأنها طافره

-ولااني امن بيك الفلوس اتضل يمي تريدها  تاخذها بس هيه

-خليهن يمك وانتي كومي يله بس هاا من هسه وهاي گدامك اذا مامشت عدل تره اكتلها

-وكسر ضهرها وانعل ابو اليگلك ليش بس خلصني

همه يحجون واني النار تسعر بگلبي  اندارلي گال جيبيهن الفلوس خليهن يمي وكومي ويا ومااريد اشوف وجهج هنا وروح ابوي اذا فكرتي ترجعين اخيسج بالمخزن اكلج وحمامج سوه

-امن اذا طلعت منا ماراح ارجع وادخل البيت حتى بفاتحتك والفلوس ماراح تاخذهن الي خلاني ابيع نفسي بدون تفكير نفسه يخليني اكتل بدون خوف

-تهدديني بت الزنااا

-ماهدد بس داانبهك  الي يشمر روحه بالنار مايفكر بلسعة جمرها والي يبيع نفسه برخص مايهمه نهايته

-مال تاخذين الفلوس وترحين ويا تحلمين

-ماراح اتحرك من الباب اذا مااشوف ماما طلعت من العمليات وهااا اخاف تجبرني وروح اختي قبل لاتمد ايدك وتاخذ دينار لو اسمع حرف واحد يمنع روحتي للمستشفى انحر روحي

-الضاهر اني صدك ماعرفت اربي لج غيمممممه  جيبي الكيبل خلي اعلمها اشلون توكف بوجهيي

ابو طبر. - جاسممم  يمعود وكت كتتتل

-لعد خلي تشمر الفلوس وتطلع منااا بهدوء قبل لااسحگ راسها ونعل ابو امها اليهودي

-هيه شرايده تروح للمستشفى ميخالف اخذها وانت تجي ويانه وشنو يزود من افلوس العملية الك شرايد بعد

-واذا طلعت ما تعتاز عملية  الفلوس كلها تصير من حقي والي يفك حلگه اسحگ بي

-محد يفتح حلگه اخذها لبيتي بطرك گصيبتها بعد شتريد

باوعلي بغضب تفل بوجهي دنگت امسحه ماحسيت غير جرني وشمرني بكل قوته كدامه كوه سيطرت ماوگعت كمشني ابو طبر دفعت ايده حيل وعدلت وكفتي  خزرني

بسرعه دنگت خفت يرد بحجايته ويطبگ ويه بابا اعرفهم حيوانات سويت روحي اعدل ببلوزتي مامتقصده الصار اني مااصدگ اوصل للمستشفى امن على ماما وانهي حياتي اريد خبر موتي يوصل لغزوان قبل خبر زواجي بلكي يشفعلي يمه

تفل بالگاع ومسح حلگه بظهر ايده كوه اتحملت ما اتقئ رد ايده وره ضهري  گال يله  وسحبني

ريحته القذره اجت بخشمي غمضت كاتمة نفسي امشي وروحي احسها تريد تطلع وصلنا للباب فتحها دااطلع واسمع صوت شلني بمكاني

شلت راسي فتحت عيوني بكبرهن واني اشوف غزوان واكف  كدامي ----

لاتنسون التصويت …

شيء من رصيف الدم

بقلمي: leo Alfatlawi

بارت العاشر

***رؤيا***.

أحياناً لانعلم اين تسير بنا الحياة ولا كننا نكمل

ونحن على امل ان نجد نهاية  تنسينا مشقة الطريق…

انداريت ويه صوت فتحت الباب اتبنج كل جزء مني واني اسمعه دفعه ماحسيت غير الحايط قريب مني بسرعة ضربت راسي بي وكمت اصرخ بصوت  مكتوم  وكمز

فلتت رجلي من الباية الاخيره وكعت على وجهي شاطتت روحي غمضت نزل دنگ كلبني بعده ماحاجي صرخت وكمت اتكلب وارفس امثل موجوعة جرني رفسته بكل قوتي وضربت راسي بالكاع كام صاح لج  تعالي شوفيها هاي شبيها

اسمع البنيه نزلت ركض واني اتكلب مثل المخبلة وصلت يمي كمشتني كالت شبيييج

دفرتها وگمت ارفس جرت اللاصق من حلكي صرخت لحكينيييي راح امووت ولج يماااااا ونكلبت اعصر بروحي

-شنوووو اليوجعج

-راسييي  راسيييي  راح تنفجرررر بعد مااتحمل ابوس ايدج لحكينييي

-شسويلج احجيي

-علاجي  انطيني علاجييييي ولج يمه راح اموووت

-وين علاجج يمصخمة

-مااعرف مااعرف وين حطه  دسااار ولكم ولحكونييبيي ولج يمااااا راح ينفجررررر 

كلته ودنكت عضيت زندي وكمت ارفسس حيل اسمعها انسبت راح اتكلب بالغراض ادوره كلما تتاخر ثانية ازيد بالصراخ والتگلب  صاحت جمال ولك ماكوووو وين ضامه هذا

-اخاف هاي مدمنة

-شعرفنييي دبرنيي راح تمووت 

-يطبها مررض خليج يمها واني رايح اشوف شغلي

-لاااا عيني بس تتحرك اخابره واكله على كلشي ماتتحرك اذا ماتنفذ الگلته لاتورطني وتطفر

-اشبييج مخبله شنفذ متشوفيهاا تريد تموووت

-اي لعد وخررر عني  خلي اخابر دساار اشوف وين علاجها واجل شغلك باجر لونوكع سوه لو طلعني من الشغلة بكبرها

سكتت حسيت بي يفكر انكلبت على وجهي وكمت اركع راسي بالگاع ركضت لزمتني وصاحت خابررره ولك

-لزميها عدل هاي مدمنة مومريضة ماتحس شتسوي

كمشتني تتماطل وياي تمنعي اضرب راسي وهو اتصل ثواني واجه صوت دسار گال شكوو لك

-الحگ هاي مرتك متخبلة راح تنتحر

-شبيهاااا لك جمااااااال وروح ابوي احرگك اذا صارلهاا شيييي سمعتتتت شنو اسويلك احرگك وانت عدل وكلام الله

-واني شكووو  هاي الزمالة صاحتلي كالت الحگ راح تنتحر خابر دسار

-وينهاااا شسويتولهاا اولاد الزنااااا ولكم وعلي امحيكم مااخلي اثررر الكممم

-هاي هاااي

كالها وشمر الفون شالته البنيه كالت دسار وين ضام علاجهاا

-سمعي لج اذا لكيت خدش بيها مو صايرلها شي وداعت امي ادگج اجتاف انتي وبناتج واشمرجن للجلاب اخليج تتمنين ريحت الموت امنيه

-محد يمهااا بس كلي علاجها وين خلي الحگ عليهااا

-ياعلاج ياعلاج بت الكلببببب وينهااا

خلت الفون على اذني قبل لايحجي صرخت دسااار علاجي ضل يمك الحكنيي راح اموووت

- شنو صاير وياج  احجيي

-ماعرف نفس الالم الي صارلي اول من شفتني

-جايييج

-لاااا بعد مااتحمل دزز احد اقرب منك

-وصلج ضبع لاتخافين

سد الفون سحبه جمال  صعد الدرج  وهيه فتحت اديه وكامت راحت يمه لميت رجليه لحضني وغمضت اون الرجفة لازمتني  اسمعه همس ليش وين ضبع

- عالاساس ويا ماادري

-شنو ويا يكلها جايج يعني قريب

-بعد احسن ينطيها العلاج ويروح خليك لاتروح مانحصل مثل هالفرصة

-شسويتي بشغلة الطفلة

-اندثرت سالفتها عندي زبون هم طالب هيج عمر اذا تحصل وحده جيبها والك حلاوه الي ترضيك

ضلوا واكفين يسولفون ويتفقون اكثر حجيهم يوگف العقل ماصدكت سمعت صوت  ضبع ودسار نزل يركض  دنگ عليه كومني گال شبيج

شهكت

سحبني  لحضنه عصرني  حيل باسني من راسي وهمس يم اذني كافي خلصت

-رادوا يموتوك

-مايگدرون

-قاضتني بيك

-وعلي لو لامسين شعراية منج امحيهم كلهم مااخلي اثر الهم ينذكر

-ماتلحگ اندلوا مكانك

-اني بنفسي مااندل مكاني

-باعتني اله

-ماباعت غير روحها گومي

سندني كمت ويا  وخر شعري ومسح وجهي رد  لمني بحضنه  اريد اسيطر على رجفتي مااگدر

دنگ شالني ضميت راسي بصدره ولزمته من قميصه عصرني بحضنه وصعد الدرج عارضه ضبع كله وين تريد

-وخر عن طريقي لابعلي اترس حلوگم باررود

-دسارر المنطقة مطوقة راح يلگفوك

-وخررررر لك

-يابه اعقل وشگالتلك  غير نفتهم

- الي عمرك كله ماراح توصله

-وين تررريد غير اتگلي والباشا اذا سأل شرد عليه

-كله يحضر نفسه مو دسار الي يوصلون عرضه

-هي موته موته شو دطلع انعل ابو العيشه الگشره لابو معرفتك

كمل الدرج وصل يم جمال حجه بصوت خافت  تاخذها وتروح  للدزك  تحفرون گبورگم وتنتظرون هناك لاتعبوني لخاطر لاتعبكم بالموت

قبل لايرد مشه طلعنا بره اسمع صوت الطرب والهوسه ضغطت على قميصه عبرهم وصلنا يم سيارة صعدني وصعد شغلها وداس بكل سرعته

خليت راسي عالجام غمضت  احس راسي يريد ينفجر گد ما ضربته  والدنيا تروح وترجع  اكثر من ساعة واحنا على نفس السرعة بس على  طول الطريق ساكت لمن وصلنا مكان ركنها نزل اسمع فتح باب  حديد   ورجع فتح الباب دنگ شالني دخل للمكان اتكلتنه وحده مبينه جبيره من صوتها كالت هااي انت شرجعك ولك

-حطيلي فراش بسرعة

-فراشك  مثل ماهو منو هاي لايكون مصيبة جديده دساار موحمل مصايبك

-طلعي قفلي السيارة وسدي الباب اذا سمعت صوت احد دخل  ابتر راسج 

-يااا تگطع رزقي ولك

-افضل مااگطع راسج ييييله لججج

دخل جوه  وصل يم باب دفرها ودخل دنگ خلاني على فراش وغطاني راد يكوم كمشت ايده همست   لاتروح

-ماروح بس اسد الباب اكو شي يوجعج

-لا بس اريد  انام

-ليش ترجفين

-بارده

-هسه اكوم اجيبلج بعد غطة

-لالا لاتروح

-اشش نامي لاتخافين يمج ماتحرك

جر الغطة غطاني عدل وخر شعري عن وجهي نزع الجف اتلمس گصتي واخذ نفس  دخل اصابيعه بشعري يفرگ براسي غمضت احس اطرافي مثلجة وجسمي يسعر من الحماوة من غير النغزات الي تجي براسي تشلني من گد ماقوية

اريد احجي بعد مااكدر بهتانه روحي وخالية دقايق ورحت بغير عالم فصلت عن الواقع

اسمع  واحد يحجي وياي وحده اتكله اخذها للمستشفى البت مابيها نفس مااسمع شيرد بس شي بارد على وجهي واديه مستمر  ثواني وارد اغمضهن افقد الاحساس

فتحت عيوني صداع قوي جسمي حار مكان دافي  نفسي مگطوع حركت جسمي  حسيت روحي داخل حضن احد عرفته دسار  سحبت نفسي عالكيف فز وخر عني گال بيج شي

-لا بس وخر عنييي

-بس اعصابج

-ومنوو كلك اني خبله وبعدين شكو لاطش بيه هيج لو الحيونه البداخلك ماتخليك تكون كد كلمتك

-هو لوما حيوان ماخليتج بحضني حتى اسحب الحماوه منج بس اكو بشر كوه يجيب الاهانه لنفسه

-عفيه يعني تعرف نفسك مايحتاج اتعب نفسي بالحجي يله وخرر

-حتى راجدي مابيج اخاف تموتين وتنحسبين روح عليه

-بعد هالهوسه والركض  تالي اموت بيد لفو مثلك حتى حرمات

مارد مد ايده خلاها على گصتي گال بعدها حرارتج صاعده تكومين تسبحين

-لاوين اني

-مكان امن

-ليش مارجعتني لاهلي موكلت راح اردج

-صبري عليه

-دسارر اجيت امووت تعرف شنوو ااموووت

-رجعتج هسه خطره مااگدر اجازف بيج خلوج براسهم راح يجبروني اسلمهم نفس لخاطرج

-وانييي شكووو شنو ذنبييي اتحمل اغلاطك وشغلك الاعووووج

-انتييي طلعتي بوجهيي تتحمليين كل اليصيرلج

- حيوووان الله ياااخذك

-اللهم صبرج ياروح

-انت هم حاسب روحك رجااال

-لحد الان لا ليش الجذب بس تجين نجرب حتى نحكم

ردت اتفل مالحگت عصر شفتي قرب راسه همس حذرتج لولااا

دفعته ومسحت حلكي شهكت استفغر واخذ نفس اخذله شويه وگال وعلي اردج لاهلج بس انطيني مجال كم يوم

-ليشش اخذتني موحلفت ماراح اكول شي

-اخذتج لخاطر اكمل الشغلة وتالي خسرتها وفقدت كل تعبي بسببج وصرت مطلوب الهم قبل الحكومة

-واني شنو ذنبي اتضيعني وياك

-مالج ذنب ولو مفكر اضيعج جان شمرتج من زمان على اهلج ماادخلتج لعبة وخسرت تعب اسنين بس لخاطر احميج 

-لحدمن ولا تكول لمن اخلص شغلي والله اختي تموت ماراح تتحمل بعدي اعرفها

-مااتأخر كلها كم يوم واذا على اختج اني اوصللها خبر انتي بأمان وخليني صريح وياج  رده  لهناك ماراح اردج اذا مااكمل شغلي

- انت شنو حيوووان لو ماتفتهم داگلك ماراح احجي

-دخيل الرضاا اشلون تجبرني ابتر لسانهاااا

-لو بيك حظ جان سويتها من زمااان بس خنيث مثل الحيوان العدي بس تضرب

-ويگلك ليش تطلع عن الاسلام

-لان واحد لفو خاين ماعنده كلمة

سكت حسيت راح انكتل رجعت ليورا لزمنتي گال خليج مامد ايدي على زعاطيط

-عالاساس شوفوني اني جنتل مان  لعد وذاك اليوم من دفعتني شنو جنت صايع  بسن المراهقة

-لاانتي ميؤوس من حالتج

-رجعني اني لو اريد احجي جان كلتلهم شنو تشتغل بدل مافلشت راسي

-واثق ماراح تحجين بس اني يطير راسي رؤيا ادري ظلمتج وانتي مامعوزه بس مااجت عدله بيدي وداعت امي من عقدتج جنت ضامن شغلي وحسبت حساب اسبوع وارجعج ماعرفت راح تفر بيدي

-اضل وياك  بس انطي كلمة رجال تكول لرايه اني بخير حتى لاتسوي بروحها شي

-الج كلمة يمي

-وترجعني اول ماتكمل شغلك ماتجبرني اضل وياك

- اردج اول ماكمل شغلي وهسه اخابر اخليهم يجيبولج اخبارها  بس كومي سبحي لان وجهج طگع من الحراره وراح تردين تفقدين

مسحت دموعي صدگ حسيت راسي دايخ وجسمي يطلع منه نار  كام كومني ويا فتح الباب طلعنه وداني للحمام راد يدخل كمشته

-بس ادليج مكاناتهن

-لاتتشاطر عيب على مركزك احترمه شوية

-خليتي بيها مركز   نعلتي ابو ابوه وسحگتي بنص الاحترام

-ضل نص  وخليك هنا اني اندل لاتدخل

-تمام راح انتظر خلي الباب مفتوح اخاف يصيرلج شي

-مايصيرلي كلشي دسار انطيتني كلمة لاتضل اتكمز

-رؤيا عيونج حلوه ليش اتجبرني اطفيهن

-هنه طافيات دورلك شي اخاف عليه

-اشلون اتخليني اخرسها

-وهاي رجوله معتبرها

-نفتررر ونرجع لشغلة الرجولة

دفعته  وسديت الباب اتلمست سلقيتها اريد اوكف مااكدر روحي بهتانه

نزعت ملابسي دنكت اتلمست الكاع تاكدت ناشفه خليتهن كمت رحت اتلمس من مكان لمكان مجان جبير وصلت للدوش فتحته عالبارد ودخلت جوا احسه مثل البسامير ينزل على جسمي مثل اليريد يعاقب نفسه على الصار

اجت رند يعيوني هزيت راسي ابعد خيالها فتحت عيوني بسرعة اعرف ماراح اشوف بس حتى اتأكد من نظري وازيد حقدي على بابا

ضليت جوه المي والرجفه لازمتني لمن حسيت الهوا انگطع اندگ الباب حيل وصوت دسار صاح فضيني اريد اطلع

سديت البوري رجعت اتلمس لبست ملابسي بدون تنشيف فتحت الباب واني اطگ سن بسن كمش ايدي وصلني للغرفه دخلت  رجعت لفراشي كعدت شلت البطانيه اتلفلفت بيها وارجف

طلع دقايق ودخل سد الباب احس بشي ينطي حراره عرفتها صوبه خلاها كدامي  دنگ كمش ايدي خله لفه بيها گال اكلي  حتى تنشفين شعرج

-اشوكت تخابر

-هسه اخابر قبل لااطلع

-هم راح تربطني

-لا ولا اقفل الباب واول باب على ايدج اليمنه هيه باب الممر وبعدها باب الشارع عدل وهم مامقفول بس قبل لا تفكرين اطلعين خلي بعقلج شي احنا بنص البتاوين وفهمج كفاية

-ليش ماطلعتني غير منطقة

-لان ابو ابوي مسموط بمهمة داخلها واي حركة غلط يحركوني

- ماراح اتحرك؛  اصلا اني مااندل بيتنا  انت وين رايح

-ماتأخر شغلة ساعات وارجع رؤيا الغلط ما يأذي  غير صاحبه

-لاتنسى اني الي خابرتك ونبهتك  راح يكتلوك

-وهذا الشي الي خلاني اتنازل على تعب اسنين واعرض نفسي للموت بس حتى ارجعلج

-دسار شنو تشتغل

سكتت اخذله ثواني ومد ايده وخر المي النازل على وجهي حجه بصوت خافت وين الشياطين الغفله بروح

-اذا عرفوك راح يكتلوك ويكتلوني وراك

-محد يوصلج ان متت لوضليت عايش انت قدر واني امن بالاقدار  يله اكلي وهذا يمج بطل مي  حتى تگومين اسلقين الباب وراي

اشرت اي كعد يمي شلت بطل المي فتحته شربت منه سديته  رجعته مكانه وبديت اكل اسمع طگه جداحه وريحه جكاير اخذله شويه ورن فونه رد هلا بالضبع

-ابو الليل حبيبي شخبار خرزتك

-اترك من الخرزه وگلي اشسويت

-كله تمام مثل ما أمرت منتظرك حتى نطلع سوه

-الباشا شخباره

-زرع البتاوين بكبرها عيون ومنطي وزنك افلوس بس يجيبوك اله

-وهذا الشي الرايده خابرت الجماعة

-وتفقت وياهم  بعد ساعتين نلتقي بنفس المكان  بس اشلون راح اتخلص نفسك

-سهله لعبتي هاي اترك كلشي اريدك دز واحد من الولد لبيت اهل رؤيا يجيب اخبارهم واذا كدر يحصل اختها يوصللها هيه بخير

-اعتبره وصل يله لا تتأخر   راح يطلع الفجر

-جايك كالها وغلق الفون

كمش ايدي  كومني اخذني للباب مشاها عليها گال هنا السلقي راح اطلع سلقي وردي مكانج لاتفتحي لحد ماارد

هزيت راسي

-رؤيا مااكدر اربطج لان مريضة راح اثق بيج لاتخليني اندم

-ماراح اطلع

-بطلعتج تحكمين عليه بالموت 

-انطيتك كلمة واني مو مثلك

-كف واحد وتنحسبين عليه نفس واني مامعوز طياح حظ ويه نار جهنم حسابي يمها  مقبط

-لاتخاف هم تفلت وتروح لفو يم اهل الجنة

سكت همست تره اني مصخنة

-وعالاساس لسانج جان ينكط عسل قبل؛ المهم سمعي البيت هذا بيت مشعوذه راح تسمعين اصوت عالم داخله واشياء تصير لاتخافين كلها خزعبلات خيلج بمكانج

-اي

-محد راح يتعرضلج بس للامان لاطلعين صوت خليج هادئة

اشرت اي طلع سد الباب مشيت ايدي سلقيته ورجعت اتلمس فتت بفراشي  دگدك بطرف اصابيعه گال وصلتي مكانج

-اي

-لاتتقربين يم الصوبة

-مويمها  راح ارجع انام بس لاتتأخر

مارد راح شلت لفتي كملت  احس راسي مدخن لفيت روحي ورجعت تمددت اجه بعقلي اكوم اطلع بس تذكرت اني بنص البتاوين وعاجزه

رجعت غمضت عيوني نمت تركت حتى شعري مابيه افتحه وانشفه

ماكعدت غير على صوت نسوان بالبيت عاليه كعدت فركت راسي احسن صاير  جريت الغطه انكلبت  على صفحتي غمضت اجت رايه بعيوني شنو حالج هسه حصلتي رئال لو غيابي هده اخر امل عندج

رجعت انگلبت على ظهري واني اعرف شمرت روحي ويه واحد راح يخلص الوقت وعود وماراح يرجعني الها ولااكدر انهزم اعرف نفسي ماراح اگدر اوصل لبيتنا سالمة

انتهى شكو دم جنت احلم بي راح اضيع ويا بعالم اظلم من الجنت عايشه بي

لاماانتهى لو يبقى اخر يوم بعمري هم راح ارجع  واحرگه

مر الوقت واني على نومتي عقلي يم ماما  واذني ين الناس التدخل والتطلع يم المشعوذه مبينه  معروفة 

دخلت راسي جوه المخده لعبت روحي من سوالفهم عن الاعمال اخذتلي اكثر من نص ساعة احس اختنگت وخرتها  رجع صوتهن واضح اخذت نفس خليت ايدي على ضهري فركته يوجعني من النوم

گعدت زحفت ليورا انتجيت لميت رجليه خليت راسي عليهن غمضت وصوت اسولفهن بأذني يدخل   اتكلها دفنته بين گبرين بس لحد الان ماشفت شي ردت العجوز دخل المرض بجسمها ايام وتبين العلامات عليها

-مايهمني هيه حتى لوماتمرضت اهم شي ابنها يتخبل

-مايتخبل اله بسحر اسود

-سوي التگدرين عليه واشكد تردين انطيج كون اشوف بيتها مهجوم مثل ماهجمت بيتي واخذ الرجال مني

-تجيبين شي من ملابسه ومشط شعره وتجيني  نهاية الشهر ويه اكتمال الگمر

-بالنهار لو بليل

-بليل وتباتين يمي لان هذا عمل اسود يطول

-خوش شوفي بنيت اخيي  بلكي على ايدج تنحل مشكلتها

-احجي يمه شبيج

شلت راسي واني اسمع صوت بنت اخوها  صح  خافت مو واضح كلش بس احسه رد شكو امل فاقدته 

گمت بسرعة من لهفتي نسيت حتى من گلي راسي راح يكون بالمقابل؛

رحت اتلمس واندعي كون هيه من گد ما مشدوهة انضربت بالحايط وكفت خليت اديه مشيتهن ورديت اتحرك

وصلت للباب تجيت راسي غمضت واني اسمع صوت غيمة تحجي …

***رئال ***

لاتغيبوا طويلاً ثم تأتوا تسألوا عن الحال

فالتفاصيل تموت مع الوقت والاحلام تتغير…

صوته فتح شكو جرح جنت احاول اكتمه همست غزوان وشهگت

- يروح غزوان اشلونج يبعد اخوج

-ماتت غند وضاعن الباقيات غزوان غاحوا كلهم  صفيت بغوحي

-وحق كلام الله لاخذ حقها وحق الزرع محبتجن بكلبي لذبحه بيدي بدون رحمه  وارد حقجن من روح ابوجن اذا ماخليته يتمنى الموت مااطلع ابن ابوي

-تغد حق منو ولك ماضل احددد 

-وداعت كل دمعة نزلت منج بسببي لردها من عيونهم كافي يبعد اخوج لاتبجين

-غزوان گلبي يوجعني

سكت شوية واخذ حسره طويله مبين  وجع الدنيا بكبره بيها گال وين انتي رئال

-ماما بالمستشفى فاقدة

-رئال وين انتي

-خواتي مختفيات من ساعة موتت غند

-رئااااااال وين انتييي

شهكت

-حجه بكسره بروح محمود گولي ازوجت بالحلال

-والله بعدني على وعدي ويا وغوح اختي ماسلمت نفسي اله

-بيش باعج

-ماباعني اني الطلبت هالشي بدون وعي  جنت يائسه ماحسيت شنو اسوي  غدت بس اخذ حق فقد خواتي

-خواتج مانفقدن اني دزيتهن ينضمن يم صديقي

-غدت اخذ حق وجع كلب ماما

-امج مانوجع كلبها غير عليج 

-وحق شبابك الضاع

-ماضاع غيرج رئال كلنا بخير اني طلعت وهاي  گاعد يم عمتي الي جانت  منتظرتني اخذها ونروح يم خواتج نكمل حياتنا بعيد

-طلعت؟؟

-اي طلعت براءه واجيت للمستشفى حتى اشوفج  گدامي مالكيت بس عمتي تلكتني بدمعتها گالت راحت اخيتك

-ماما صحت

- هاي وياج -- كالها واسمع صوت ماما حجت بتعب ليش يبعد امج هيج ضيعتي روحج

نزلت الفون خليته على گلبي حضنته حيل وبجيت تكول رجعت لحضنها مو سمعت صوتها

مامصدگة اسمع صوت شهكتها بقهر ؛ ابجي واعصره بحضني لمن سمعتها گحت رفعت الفون بسرعة كلتلها كافي بغوح اخوج والله مابيه شي

-باعج النگس كسر خاطرج

-لاوالله ماما زينة بس مشتاقتلكم فدوه لاتبجين

-اشلونج يبعد امج

-مامصدگة  غجعتيلي ماما احس گلبي غاح يوگف من الفغح

-ابروح محمود رئال لاتجذبين عليه كولي يأذوج

-لاوالله ماما مغتاحة عالم زينه واغنياء ابوهم ضابط جبيغ ومدلليني بس جنت ميته عليكم لبالي بعد ماشوفكم 

-ربي ينتقم منه ولايشوفه يوم زين بحياته ربي من عالي سماه ياخذ حق دمعة كل وحده بيجن منه

-اشوكت صحيتي

-صار اربع ايام ماخليت واحد مانخيته يوصللكم خبر تجوني مااجاني غير ابوج قبل يومين وگال…

ماگدرت تكمل  بجت بخنگة  نزلت دموعي اخذ الفون منها غزوان گال وين بيتكم

مسحت دموعي - عوف بيتنا گلي انت شنو راح اسوي

-اخلي عمتي واروح بسرعة للبيت اجيب الفلوس وارد اخذها اوديها  لبيت صديقي اخليهن يمه  وارد لابوج وجماعته

-ابوس ايدك كافي غزوان  والله يضيعن بعدك  والله ينضلمن ومحد يغحمهن اذا غند ماتت مهضومة ذني يعيشن مكسوغات

-واسكت عن حقها

-عوضها بيهن حتى هيه ماتسامحك اذا عفت امها وخواتها ضايعات بدون سند غزوان الوجع جبيغ بس الاكبغ منه هنه وتعغف ماعدنا احد  انباوع  للخلقنا ونباوعلك

-وين بيتكم بأي منطقة؟؟

-اني متزوجة ومغتاحه ماعندي هم بس انتم وهاي الحمد الله امنت عليكم عوفني  فدوه اغوحلك هم يالله كافي حملهن وهمهن عليك اخذهن وغوح عيشوا بعيد واني وياكم على اتصال وكل مده ادزلكم مبلغ هم اساعدك بعيشتهن

-ماعوفج واروح لو اعرف  بيها موتي كافي فقدت وحده

-اوعدك اجي بس بالاول اخذهن واثبتوا بمكان بعيد عن بابا وخلصهن منه وبعدين تعال عليه  بغوج غند اذا تحبها صدك لاتكول لا

-زوجج منو اعرفه

-لاابن الضابط ابغاهيم  حباب  خوش ولد ماله شغل بيه بس انطي اكله وعلاجه گاعده بيت وحدي بس اني ويا وهم مبلغ زين ينطيني كل مده واي شي اعتازه يجيبوليا قبل لااطلبه مغتاحه كلش

-بروح محمود ماتجذبين

-وداعتك ماكو هم على گلبي بس انتم وهسه خلصت منه صدگ  شلون عغفت غقم هيذام 

-منو هيذام  هذا  ومااعرفه كاعد يم عمتي دخل واحد انطاني جهاز گال رئال وياك اوووف يارئال اشگد جنت شايل وجع بگلبي ومحتار وين ادورج

-اسم الله على گلبك صدگ اشلون طلعت

-بركة دعاء عمتي تحولت قضيتي من قتل لدفاع عن الشرف ربي وگفلي واحد شريف بوجهي

-الحمدالله على سلامتك

-الله يسلمج يبعد اخوج  يله لازم اروح الولد يأشرلي يريد موبايله

-ديغ بالك على نفسك وسلملي على ماما وغؤيا هواي واحضنلي غايه حيل وكلها مشاقتلج بكد غگضتنا وغه السياغات

-موبگد شوگي لدغتج

ضحكت ونزلت دموعي

-روحي يبعد اخوج ماطول عليج راجعلج وروح بت گلبي الراحت   اخذج لوجنتي بنص حرب بس انتظريني أمن عليهن

غلق الفون خليته على كلبي ضحكت وبجيت الفرحه بكلبي زاحت شكو وجع ماضل بس الم فراق رند بصدري

مسحت وجهي وكمت مديت راسي من الشباج حتى ارجع فونه لكيته ماكو سديت الشباج ورحت لفراشي خليت راسي كد الفرحه حتى النوم طار من عيوني خليت ايدي على كلبي وهمست الف الحمد الله والشكغ

اتعده الوكت واني اتخيل ردت لمتهم دخلت عليهم وكفت فاتحه اديه واشوف ركضتهن لحضني غمضت واني اشبع عيوني بمنظرهم واطلع اخذ السجينه انحر  بابا اخذ حق رند منه

مااعرف اشكد مر وقت بس رحت بالنوم واني اكرر بالاحداث ماگعدت غير على دكت الباب وصوت اسماعيل يصيح رئاااال

كمت كلي نشاط  دااطلع وتذكرت الفون ركضت ضميته جوه الدوشك ورجعت رحت فتحت الباب لكيته واكف بيده بجامته مدرر على نفسه يباوعلي  بخجل  عينه بالباب تندگ

همست اغكض للحمام واني اسد باب الغغفة مااخلي احد ينتبه

-واذا گالوا ليش بالحمام

-تغه احنا متزوجين شبيك يله غوح

ضحك وراح فرحان دخل للحمام واني رحت وكفت ورا الباب صحت منو ردت عمتي رحمه اني يمه رئال فتحي الباب

طلعت المفتاح من جوه المزهريه وفتحته بسرعه  دخلت گالت صباح السعاده على هالوجه اليضوي اشلونج عمه

-الحمد الله عمه وين كل هالمده ليش ماتجين

-والله ييمه ملتهيه ابراهيم  واگع بمشكلة مال تزوير مااعرف يابن حرام لبسها براسه  بس الله يطلعه ومصيبة زماني ديصفي اموره طلع اسمه بغير محافظة بشغله ابن ابو اليطلع منها عايش

-هيذام

-اي قسمتي السوده والله ييمه ماكل كلبي هالولد  اشكد توسلت وبجيت كلتله هسه اذا مولخاطري  لخاطر ابنك يضل مكسور وراك انلسعت باليتم  اشلون مايرحم ماكو ميبس راسه

-خو يرجعة الامه

-يايرجعه هي المگروده اجت البارحه رادت بس تشوفه شلتها بالساعات بالباب تكول متهمة عنده ذل ابو ابوها  نط كلبها من البجي لمن اني زعلت عليه كلتله بعد لساني مايخاطب لسانك  يالله رضه  تدخل يمه حسب خمس دقايق وطردها

-شبي هذا صدگ هيج كلبه اسود

-مااعرف اشبي صح جان مسودن ومحد يحمله قبل بس موهيج زاد فرد مره متخبل حتى نوم ماينام يفتر بالحديقة للصبح والجگاره متفاركه ولا لحظة يريد بس واحد يتنفس كدامه حتى يجرم بي

-الله يهدي تعالي دخلي

-دكمشي ذني سويتهن الج

دنكت طلعت من جيبها بتوت ناعمات اربعة كمشت ايدي خلتهن بيها گالت وكل شهر اسويلج شي

-لاعمه مااغيد  شسوي بيهن

-لاذني راتبج صح جملتهن شوية بس تستاهلين ضميهن يمه يفيدنج هالدنيا مامضمونه لاحد وانتي بروحج ماعندج سند

-لاعندي الي خلقني وهذا اكبغ سند الي عمه لاتزعلين بس ماتعودت اخذ بس حق تعبي لان اني مو غخيصه واقبل على نفسي افلوس بيها اثغ للذل تغدين صدگ تسعديني  جيبيلي سواغي

-وين سوارج ؟؟

-مااعغف بس سألي هيذام اكيد يندله عدمن اذا تحبيني وتغدين اتغجعين ضحكتي كليله خلي ينطينيا

-تردين افرحج وانتي رجعتي ايدي وماخذتي السوارات  واني الي شحطت المسودن وصار بينه بالتفگ واتحملت مغثته وحجي اليسم البدن واخذته افر بي من مكان لمكان بس حتى احصلج شي حلو وفوكاها هو الاختار وكلت ميخالف  تالي هيج تفشليني

- والله مااگدغ لو تحسبين غاتب الجاي الج لو اسفة

-واذا اگلج اجيبلج سوارج اذا اخذتيهن من ايدي ولبستيهن

باوعتلها وسكتت

ضحكت جرت ايدي لبستني  وگالت يوم الي اترسها ذهب يله امشي وياي نطلع بره

هيه تحجي واجه صوت اسماعيل فتح الباب وصاح ويين

-ومرررض وين وياي كافي حابسها هنا شبيك متكلييي

-مرتي وبكيفي واذا طلعت اكسر رجلها

-حتى اخلي هيذام  يسحگ راسك اسماعيل انضب وصير خوش ولد واذا اشوفك تعاملها موزين لوتمد ايدك اخذها اخليها يمي

-شنووو اتاخذيها بكيفج

-اي بكيفي وغصباً عنك هاي صرت زين وحتى المرض راح عنك تكدر تتزوج ويقبلن بيك روح اخذلك وحده تحملك كافي دمرتها للطفلة شنو ابتلت خوما ابتلت بيك 

-هيه رضت واجت برجليها ماجبرتها

-لان ابوك الله يغفرله ضحك عليها كايللها مابي شي راح يدللج لوتدري بيك هيج ماجان ورطت نفسها ولالبالك ماعدها احد وداعت ابن حضني ياسماعيل  اخذها منك لو تصير روحك بيها وعود خلي ابوك يشتريلك وحده تحمل خبالك

باوعلي واشر لاترحين  درت وجهي كمشت ايدها

-لاتباوعلها هيج منا وجاي تطلع للحديقة وتسولف ويه البنات تسوي الي بنفسها واذا اجت شگتلي منك راح يصير غير حجي وياك

-خلي اتسويلي ريوك وتنظف غرفتي وتروح وهاا ماتتاخر شويه وترجع

-لاهسه تجي وياي وانت هم روح ابوك رايدك شوفه شنو يريد

-منو عدنا

-محد بس هيذام وبغرفته يلم غراضه يله فضها ابوك منتظرك كال خلي يجي بسرعة اريد اطلع

شمر الخاولي بعصبية وراح كلتلها روحي واني اجي وراج بس اغسل وجهي

راحت ورا واني ركضت للحمام غسلت وجهي شلت شعري عالسريع اتناثر من الجانبين  درت وجهي ماباوعتله لان احس روحي تحترك من اشوفه

طلعت من الشقه استوني اقفل الباب واسمع صوت ضي گالت رئووول

انداريت اشرتلي كاعده تشرب جاي  سديت الباب ورحت امشي بسرعة وصلت يمها اخذت نفس وابتسمت  بفرح كامت اشرت شكو

ركضت شبكتها وضحكت همست اتخبلتي موو

-هههههه ولج فغحانه

-ربي يديمها بس شكو شنو الصاير

-ماما فاقت وغزوان طلع واخواتي لكوهن

-الله عليج

-والله والله اووف يمه گلبي غاح يوگف مامصدگة

-ربي يدوم الفرحه بس منو كلج

-عوفج منو گلي بس دااگلج شي افكغ بي واغيدج اتساعديني

-كولي عيوني الج

- الصاغ بدل كل خططي بس اعغف هم محد غاح يسمحلي  اغجع الاهلي وحتى لو فكغت اطلب الطلاگ غاح ياذونهم ويخلوني ابطل

-اي وشنو ناويه

-اتفقت ويا غزوان ياخذ امي وخواتي ويبتعد منا گال غاح اجي اخذج  اني اغيد منج توصلين خبغ اله لايجي لهنا بس يحصل مكان بعيد واني انهزم

-والله يرئال يلگفوج لوتصيرين جوه الكاع

-ماغاح يندلوني واني مااطلع من البيت ابد منا لمن يأيسون ويطلكوني من هذا العقد الباطل  وحدهم

-اساعدك واشجعج على هذا الشي لان اسماعيل راح ياخذه ابو للشمال جابله دكتور زين راح يعالجه واكيد بس يتشافه راح يتمم زواجه منج

-لهيج لازم انهزم مستحيل اخلي يلمسني

-دگعدي خلي اصبلج جاي وشوفي منو اجه حبيب گلبي درررع

انداريت لكيته جاي يركض بس شكله خايف  دنكت ضي شالته باسته وهو شبكها گالتله ليش بالبرد طالع

-بابا گال اطلع  ديريد يكتل زوج عمه

-وانت شعرفك يريد يكتله

-لان كل مايريد يكتل واحد يطلعني بره حتى ماشوفه هسه يموته موو ؟؟

-لامايموته بابا حباب بس ماعرفت ليش يريد يكتله 

-مااعرف بس نزلت هسه لكيت عمه تبجي وزوجها  وجهه بي دم ويعيط يم جدو وبابا گاعد خال رجلي على الميز يشرب جاي وايده بيها دم من شافني گلي اطلع العب ويه ضيونه

-يعمر ضيونه انت تعال اعرفك على رئول هاي صديقتنا الجديده

باوعلي ابتسمت  شفت بي رند عمرها وطريقة براءته اخذته منها حضنته حيل واخذ نفس دخل بروحي  تكول حضنت رند نزلت دموعي وخر راسه مسح دمعتي گال لاتخافين اني مااخلي بابا يضربج

-هههه لاماخايفة بس لان فغحت من صاغ عندي صديق مثلك

-شنو اسمج

-اسمي غئال وانت

-شنو غئال ؟؟

-لاموغئال  غئال غئال اشلون انت اسمك دغع

-اني مودغع اسمي درع بابا سماني

-اشتعل ابوك وابوي بساعة وحده تعال نگعد وافهمك بأسمي اشلون ينگال

سحبت الكرسي كعدت خليته بحضني لفيته بقمصلته عدل حضنته

-خنكتيني

-باغده اگعد لاتتحغك وانتي ضيونه جيبيلنا غيوك داناكل اني ويا

ضي-  ماترحين تتريكين وياهم

-ديكلج مسوي حملة تأديب من الصبح تغدين توغطيني انتي

درع - انتي شايفة بابا اشلون يضرب قوي

-لاني ماشايفة اني ضايگتها الله يغسل حظه على ذيج الايد تكول مدغعة

-هو حباب

-كلش انت تگلي فد انسان متفهم  ويكت محنه خو اذا حس بيك مجذب اووي فدوه اشلون يعاملك بكل بطيبة واحساس

ضي- ههههههههه الله عليج اشلون جان يكتلج

-يكلتني.؟؟ ولج كولي يعلگج كولي اشلون يطلع عيونج يطگطگ عظامج اگلج اي مغه شالني فلقه والله اتعغفت حتى عالجواغين مو بس على نفسي خو خشونه صوته وهو يصيح جيبهاا  وانتي مسدوده عيونج لاهنا حتى الشهاده انسى  اشلون انطقها والنبي وستجوابه  حغب نفسيه

-وازر

-ماوگعت بيده بس جان مبين حباب لان دوم اسمعه يغلط عليه  وهو يسكت بس يفتن لان مغه شافني يم عمي بساع انطلق غاح گله خله يعفس  وجهي  سامعه واحد ينشال من وجهه هاي اني 

-هههههههه والله اتمنى موجودة واشوف اشلون كتلج وخلاج  تعترفين

-الله وكيلج تكول لعبه ام الغبع بيده  يشيلني منا يلطشني منا سكتي فدوه ماصدكت انسى الله يمحي شخصيته مثل مامحه ملامحي وخلاني اقبل بهذا السكط بس حتى اخلص من ايده

-كمشي هذا الجاي داجيب بعد خبز

سحبته هيه كامت واني دنگت اسوي لگم اوكله ؛اباوعله اشلون ياكل بشراهه اتخيله رند كل ثانية تنزل دمعتي و احضنه اجت ضي كالت بروحها عندج كافي لاتبجين طير بالجنه

گلتلها بكسره ماتت وهي محغومه حتى من الخبزه

-سوده بوجهي الله ينتقم من السبب

-والله لندمه وطلع كل السوا بينه من عيونه اووف اشكد عضيت اصابعي ندم من جنت اوكف بوجه غؤيا حتى لاتكتله 

-والله من اسمعت قصتج ماصدكت وين اكو هيج اب

-اكو الانكس عايشين بمكان اذا دخلتيله يشيب گلبج گد الظلم الموجود بي مكان مايعيشون داخله بس الشياطين والوحوش مهجور واغواح الموته تتخطى بين غچليج اي غفله تسحبج وياها

-عزه يمه شنو هاي

-والله مداجذب خطف ذبح بيع اعضاء اغتصاب محرمات بجميع انواعها والممنوعات والشغب لاتحجين بي خو المخدغات هذا الشي حتى الاطفال يداولون بي

-اشلون جنتوا عايشين

-ههه ماجنه عايشين جنه ميتين بدون دفن اليوم مايتعده اذا مانص عمغنه يفوت جايبيها گوه  بدعاء ماما وحماية غزوان وهم بأول غفله منهم انتهينا

-الله ينتقم منهم كافي بداعتي مسحي دموعج وسلمي امركم الله هو ياخذ حقكم وخلينه انبدل الموضوع شتكولين اكوم اجيب اوراق التاروت

مسحت عيوني بسرعة كلتلها لالاااا

-شبيج انخبصتي تره نتسلى  لا اكثر

-تغدين تتسلين اتسلي وحدج اني اكوم

-بس لاانتي تأمنين بهيج اشياء صدگ دتحجين ولج تره خرافات

-لاصحيح موخغفات هواي قغيت كتب عن هالشي بالاخص من يدخل البغج بالشمس واكتغ من مغه صدگت وياي حلفت ماادنه يمهن بعد

-عز خوفتيني انتي منو علمج تقريهن

-مواني جانت وحده يمنه عدها هيج اشياء ودوم تجي يم ماما من جنه بيت خالو مغه شافتهن لزوجه خالو لان جانت ناويه تاخذ بيت ثاني حتى اتزوج ولدها گالتها البيت هذا طلعون منه ويخلى بس بدل بدله العرس ثياب سود

-قبل الحادث ؟؟

-اي وصدگ البيت ضل خالي واحنا لبسنا اسود بس قبل لانطلع ماما گالتها شوفيلي بختي وين يصفى ويه زوجي والديسوي بينا هم شافتهن گالتها عوفج من زوجج عينج بناتج لان اكو فگد وذني بس ثلاثة ووحده منهم گلبها مكسوغ واكفه تباوع لتابوت من بعيد

-الي هيه انتي بوفاة محمود

-هم كالتلها ماما هذا محمود گلتلها لا مو هو ؛ باوعتلنا اربعتنا  ودنگت ماكالت منو بينه الراح توكف هيج وكفه  بس گالتها عينج بيهن اكو مسافات بعد  بينهن لهيج ماما كامت تخاف وتحاول تحنن گلوبنا  حتى لاوحدة تنسى الثانية اخاف صدگ نبتعد

-بطلت عزه تخوف الشغله تركيها وگليلي اشلون راح تنهزمين منا المكان كله حرس

-انتي غاح تساعديني

-اساعدج ماختلفنا تلبسين ملابسي وتتلثمين بالمشمر  وطلعين مكاني للجامعة بس وين ترحين

-اذا اگلج ماغاح توكفين بوجهي

-لبيتكم لخاطر تكتلين ابوج مووو لااااا رئال

-اني حياتي انتهت وگلبي بعد مايحمل شوگ لمحمود وبابا ماغاح يخليهم يعيشون بسلام  وغزوان ناوي يضيع نفسه واذا ضاع غزوان ماما وخوتي يضيعن

-وانتي هاي هيه نويتي تنهين نفسج

-انتهيت اني مو فگدت محمود وگعت بيد هيذام  الي خلاني اوافق على الزواج نفسه يخليني انهي كلشي

-بس هذا موحل تعرفين راح يعدموج

داحجي وطفر درع من حضني نزل يركض شلت راسي لكيت هيذام  جاي هو وازر جكارته بحلگه  لابس عسكري اسود كد ماضاگ على متونه  يريد ينفجر اللبس

وصله درع  دنگ رفعه  شمره بالهوا ولگفه شال عدل وخر جكارته باسه   وگله اتريكت

-اي غئال ريكتني

ازر- لابربك بس لاعديت منها

-لا اني احب بابا مااحجي عليه

هو كالها وهيذام  باوعلي گمت بسرعة دارجع عثرت بالكرسي صاح ازر الله يابه على كيفج وانت شنو حجت ولك

-تكول الله يحركه ويمحي شخصيه مثل مامحى وجهي

-بس

-لاتكول يغسل حظه وايده تكول مدرعه وصوته مزنجر

باوعلي هيذام رافع  حاجبه همست والله ماكلت صوتك مزجغ حتى اسأل ضي

مارد دنگ باسه همس بأذنه ودرع ضحك شبگه اجه سحب الكرسي گعد خله ابنه بحضنه اسحبت عالكيف ردت اروح  صاح ويين 

-هاا اغوج عمي يغيدني

-كملتي لغوه ردي گعدي وانتي صبيلي چاي

باوعت لضي اشرت بسرعة گعدي رجعت كعدت وخنست بدون صوت وهيه صبتله جاي خلته كدامه

اخذ نفس من جگارته وشمرها سحب استكان الجاي خاطه حجه هو ومدنگ بصوت شبه الهمس  يعصر الروح -شخبار غزوان

-هااا اه زين

-خلي يحافظ على هاي الميزه لان ضربت الحظ تجي مرة وحدة

-هو حباب ماعنده شي موزين ولو ماداخل الولد على اختي مجان كتل ودخل السجن

-اليغلط مو شرط غباء مرات الغلط يجي بشهامة وهالشي اسوء

-جان يدافع عنه ولو ماهو كاتله جان اني كتلته

ابتسم شال كوبه شرب منه ورجعه مكانه باوعلي رفع حاجبه كانما ذكرني من تحرش بيه وسكتتله

اخذت نفس ودرت وجهي لكيت ازر يباوع لهيذام متفاجئ گال اشلون طلع غزوان

-طلع مثل باقي العالم شنو الغريب

-معترف على نفسه والبصمات ضده وتسأل شنو الغريب

-يابصمات ويااعتراف تحجي عنه ومنو غزوان هذا

-ابوي يدري بهالسالفه

-مثل مايدري براءتها واستغل هالشي بغبائها كل عقله متخيل روحه سيطر مايعرف راسه اتسلم قبل رتبتي مثل ماراح ابتر رگبه عالم اذا ضلوا مصممين على الي براسهم

-واذا طلعت الاوراق شراح يصير

-يتحاسب المسؤول ويردون يفتحون القضية يسحبون المتهمين للتحقيق

-حلوووو فرت

-هاي تكولها من تشوف رتبته على المكتب  يترجه الربع يقبلوها 

-حبيت لعبكم يااخي تحس تتشاقون بنجوم بلاستيك مو رتب ضيون صبيلي جاي

ضي- خلص مابي

-شنو المابي مو هذا الترمز مملي

-مسويته خاص لرئال

-لارئال اختصاص رتب موجاي صبيلي لج

-لاتكول لج ازرر مااسمحلك

-كومي اخذيلك راجدي

-ولو سيدي مواحنا الي نتجاوز على اسيادنا 

مارد باوعلها بنظرة من يمي انغلست بيها دارت وجها  اتجتفت مامهتمة  ضحك هيذام  بستهزاء وشال الكوب يشرب بي صاح درع صدگ بابا غئال تكول شتعل ابوك مالگه غير اسم درع

ردت اكوم كمشني ازر گال گعدي  عليمن كايمة

شخليتي انتي ترا هو اتخلى عن رتبته مو شخصيته

باوعتله مدنگ على ايده يفتح ويسد بيها رجعت باوعت الازر عوزي ابجي كتم ضحكته دنگ حك خشمه همس خليج وراي

-غاح يضغبني

-هم غلطت

-والله ما غلطت داكلك يضغبني

-شنو يضغبني

-يعني ضغب ضغب هيج كلتها واشرتله بأيدي

-اها لاما يضرب جهال بس انتي لزمي لسانج حتى حتى لايطير باقي الاحرف

شال راسه رجعت ليورا  انسديت بأزر طلع باكيت الجكاير  ونسمع صوت ورانا درت وجهي واشوف العائلة  كلهم جايين كامت ضي راحت

وصلوا يمنا سلموا اسماعيل يباوعلي بغضب عرفت لان جنت قريبه على ازر وايدي بظهره بدون لاحس   ابتعدت بسرعة اجه سحب الكرسي گعد يمي وهمه توزعوا كلمن مكان

گعد عمي باوع لهيذام وگله شنو اشوفك بعدك مو كلت رايح

-وغيرت راي اكو اعتراض

-لاعلى راحتك هم اريد احجي وياك

-واني اسمعك

-شنو سالفه الشغل الطلعت جديدة بال------

-شبيها ؟؟

-شنو شبيها هيذاااام تعرررف شنووو وراهااا

مارد انتجه شال رجله خلاها على الكرسي الي بصفه وخذ نفس من جكارته رفع راسه نفخ بالجو ورد يباوعله

-مو ويااك احجيي انت ليش ماعندك تربية

رفع حاجبه

-لاضايع الحجي وياك وانت ازر شنو سالفتك

ازر - اشتريت بلوزه عالاساس ماركه ابن الكلب طلع ضاحك عليه ومنطيني باله

-تحشش حضرتك

-لاجاي اشكيلك اوجاعي يااخي اذا لابوك مايشيل همك  وين تنطي وجهك ومن تنتحر يكلولك ليش

-انعل ابوك لابو تربيتك

-تربيتي راده الك بس ابوي لا ماارضه عليه لوشايفه تخلي بكلبك فد انسان  تعجز عن وصفه

-من اخلي الجنود يسحلوك هم اتعتب

-لاوالله من شوية انسحلت محد اعترض  اخذ راحتك

-بابا بيك شي انت

-أگلك انغلبت تحجي عليه اسكت تنزل عليه دوسه ونص موبيت تحطيم الخواطر وتدمير الشخصية

اندار كال رئال كولي تدمير

ابراهيم -الولددد ليش ضاربه

-ياولد منهم

-ابو الامنيه

-وجهه ماعجبني رتبته شوية

-ماعجبك لو سيارته عارضت سيارت الافندي واخره  شوية عن مشواره المهم ونزلك طبق قوانينكم الفاشله بي

-لاا شنو قصدك ماعندي شخصيه لو هيذام باطل

هز ايده عمي  وهو دنگ سحب الترمز صب جاي    اخذله شوية ورد سأل  عن اوراق وستجواب لمتهم  رد ازر جاي يحضرون بيهن الولد  ضل يتناقشون عن القضية

اباوع الازر اشلون يرد برزانه بثواني اتغيرت  طريقة كلامه صار يحجي بجدية شخصيته جانت كلش حلوه ثكيل وبنفس الوقت دمه خفيف من غير شكله المرتب

عكس مرته كاعده يمه مو حلوه ابد ومتكبره تباوعلي بطرف عينها وتبسبس ويه امل حسستني حشره كدامها وامل  عينها بهيذام  تباوعله بغل لان كاتل زوجها

مر وقت وهمه يحجون يتنقلون من موضوع لموضوع شي دراسه وشي مشاريع  والكل يشارك يحجون بثقافة  وثقه مبين عليهم ولد عز واصلين

تذكرت من جنه نگعد نسولف اكبر حلم عدنا جان ناكل اكله طيبه ونام مرتاحين

تحسرت ورفعت راسي لكيت هيذام  صافن عليه اشلون كاعده بصف اسماعيل اتحسه بغير عالم 

فززني اسماعيل  وهو يگول صبيلي جاي

كمت اخذت الكوب غسلته وحميت الجاي رجعت صبيتله دااخلي كدامه دفع ايدي فلت اندار الجاي عليها من همشة روحي شمرته ما اسمع غير صرخت درع طفر هيذام  شاله نزعه بلوزته بسرعة

ركضت ام هيذام رادت تاخذه منه دفعها وكفه كوه يريد يسيطر عليه حتى  يشوف الحرگ وين  ولطمت على وجهه صاحت صالخته مكسورة الركبة

هاله - حتى من اكلكم غبية تحجون كوب جاي مادبرته هاي اذا ماجانت متعمدة

-ثوله شبيج ماتنتبهينن وين عقلججج

-عمه ياعقل شجابها لهيج شي بت فكر اكيد تسوي الاسوء من هيج  حدها تسمح سيارات مو تشاركنا كعداتنا

-من الله ياخذها منو سمحلها تطلع  من المشتمل جايبيها تخدم تكبر راسها وتجي يمنا شكوووو

ابراهيم. -كافي اكيد مامتقصد بابا هيذام  اخذ ابنك للمستشفى وانتي بابا خوما تأذيتي

ام هيذام - لاما تأذت كلشي مابيها  روحيي ولي للمشتمل وخلي شكر بعد اذا شفتج طالعة اكسر رجليج

اشرت اي ومسحت دموعي عيني بالطفل اشلون يفرفح  موجوع حضنه هيذام  باسه اخذه منه ازر راح يمشي بسرعة وهو يصرخ بعلو صوته

باوعلي هيذام  نزلت دموعي وخر الكرسي وتقدم  شلت اديه بسرعة احمي روحي منه مد ايده سحب الترمز فتحه

بحركة سريعة  حتى مالحگوا يلزموا جر اسماعيل گلبه  عالميز  ودار الجاي على راسه خلاهم كلهم يطافرون مخبوصين على فد صرخه

الي يدفع بي والي يجر باسماعيل  يريد يخلصه من غير صراخ  اسماعيل وين واصل اشكد ضربوا وجروا ماتحرك  لمن خلص الترمز شمره عليهم وگال لامه عود خليله شكر لاتنسين

درا وجهه شال فونه وراح لحگ ازر  اني هم خفت لان صارت هوسه تركتهم ورحت ركض للمشتمل دخلت لغرفتي وسديت الباب كعدت ايدي على گلبي احسه يريد يطلع اتخيل اشلون يصلخ بي بدون رحمه وذاك يرفس بين اديه لوجنت مكانه جان اشلون حالتي هسه

نكثت راسي ابعد الفكره مرن كم ساعه وماكو صوت كمت فتحت الشباج اباوع الحديقة هادئة مابيها احد عرفته ماخذي للمستشفى

لليل وجابوا وجهه كله احمر منفخ كمشتني الضحكة كوه سيطرت جان يريد يعاقبني لان قريبه عن اخو اكل اضعافها

دخلوا  كبل لغرفته اخذ علاجه ونام غطاه ابو  اندارلي دفعني بره طلع وسد الباب جرني للصالة شمرني كدامه عالتخم  شال رجله خله بسطاله على صدري وضغط حيل گال شوفي لج الصار كله بكفه والراح يصير بكفة

-والله سيدي فلتت ايدي

-اششش من احجي نفس مااريدلج سمعي لج مثل ماطلع غزوان واكيد دريتي ومتأكد من هالشي ارده بتهمة هو وامج لو الدنيا كلها توكفلهم مايطلعون منها وانتييي اخيسج بمكان مايخطر على بشر لمن تموتين سمعتيييي

اشرت اي

-الباب ممنوع اطلعين منه الشباج ماينفتح اتخدمين جوه رجلين اسماعيل لو يسحگ فجج ماتتنفسين خلي  راضي عنج حتى لاانهيج هالمرة راح اعبرها واغشم نفسي الثانية يرئاااال امحيج وروح ابوووي

-ماسويت شي والله

-ولاراح اتلحگين تسوين لاحسبالج  دخلتج بيتي وعاملتج زين راح اتساهل عنج وداعت ولدي اموتج تعذيب اخليج تتمنين  بعدج بالشارع تجدين ولاداخله هالبيت مواني تالي عمررري اخسر ولدي  لخاطر حثاله مثثثلج افتهمتي الحجيتتته

-اي

-لغوة هيذام مال هاي قضيتي ولحد يقرب منها وراح اردها غصباً على اكبر راس تشيليها من راسج ولاتتخيلين يجي يوم ويردج مادخلتج لهذا البيت ولا خليتج بأسم ابني اذا مو متأكد مالج طلعة غير للكبر

سكتت

-تمشين عدل وراح انطيج فرصة  حتى ماكول ضلمتهااا اخاف غلطان بس  بعدها والخلقج اخليج تبوسين قنادر وماارحمج انهيييج يرئال سمعتييي شسويي انهيييج

اشر اي

دفعني بسطاله بكل قوته حسيته كسر عظام صدري تفل بوجهي  وراح طلع النار طالعة من عيونه وكفت الام گالبة خلقتها تباوعلي بحقد تفلت عليه  وطلعت قفلت الباب وراها

فركت صدري كمت للغرفة العبره لازمتني  اخاف جنت افكر انهزم هيج هسه قررت احطم ابنهم واطلع اله اخلي ينتحر وراي حتى اعلمهم مو كل فقير ينوكل لحمه برخص

دخلت سديت الباب رحت لفرشتي دخلت بيها ضميت وجهي بالمخده غمضت اجه بعيوني محمود وهو يحرك بمفتاح السيارة ويأشرلي انهزمي گدامي حتى نطلع بسكوت عن خالي

همست تعال شوف حبيبتك وين واشلون ديعاملوها

موجنت تكول انتي بت گلبي واحس بيج گبل دگاته  لعد وينك  ماحسك كلبك لونسيتني

انكلبت على ضهري خليت ايدي على كلبي بس اني داحس بروحك بداخلي مو تعرف مااعرف اعيش بدونك ليش عفتني 

نزلت دمعتي واني اتخيل ضحكته بعيوني وهو يلبسني السوار ويهمس احبج

فتحت عيوني همست اشتاقيتلك هواي 

عضيت المخده وبجيت بصوت مخنوگ طلعت شكو وجع  وذل حاملته لمن بهتت روحي والنفس قل فركت صدري واسمع رنة موبايل جوه راسي

مسحت عيوني وكعدت بسرعة خفت يكعد اسماعيل  شلت الدوشك طلعته رفضته بسرعه دااقفله واجاني مسج مكتوب رئال اني رايه

بعد مااعرف اشلون افتح الفون ماصدكت من لكيته بدون رمز دخلت عالرسائل كتبت  يارئال هاي التسألين عنها بعدج زين  ذاكرتها

-انتي غلطة بس غلطة توجع اشوكت اجيتي واشلون دخلتي وشبسرعة تحرمتي

-اني مو غلطة اني اختج الي جانت تگسم اللفه وياج وتنتظر ما تاكل حصتها لحد ماتتأكد شبعتي  هيج نسيتيني بسرعة وصرت غلطة؟؟

-نذرت روحي حتى اشيلج من راسي بس الضاهر انتي دعوة مظلوم ما راح اتركني اذا ماتنهيني

-غايه غاح اموت بعد مااكدغ اضل بعيد عنكم اكثغ

-لو جان البعد الحل وحگ داحي خبير ما تأخرت ثانية بس جيبي اليقنعني  ؛زين ليش انتي بالذات شنو هالشعور الجاي احس بي

-لان ماعدي سند استطعفوني استغلوا خوفي  كسروني وذلوني هواي

-ماعاش اليذلج منو الوياج

-كلهم

-راح اتصل بس ارد عليج بمسجات لان مااكدر احجي المكان محضور

مارديت كمت ركضت طلعت بره اخذت السماعة اسماعيل  من الصالة رجعت دخلت قفلت الباب شلت الفون شكلت السماعة

رن الفون فتحت خط شهكت منتظره اسمع صوتها مثل كل مره ترد كافي يبعد اختج بس ماسمعت غير الحسره وبعيده بصوت ناصي مثل الخانگه الجهاز بشي همست غايه مشتاقتلج

وصلني مسج فتحته مااشوف كد الدموع مسحت وجهي  اريد اركز عيوني مغوشة كوه شفت ليش هيج سويتي رأل

شهكت بقهر ماكدرت ارد

-كافي دخيل ررربج وكلام الله اجي احرگ البيت بيهم ماارحم  لاصغير ولاجبير

-غلطت لبالي فقدتجن مجنت بعقلي غدت بس اوجع كلبه

-وشنو الصار

-انوجع كلبي غايه تعبت والله بعد مااكدغ اتحمل

-كولي شنو الي تردينه اسوي ماراح تأخر بس لاتبجين

-مااغيد كلشي بس جنت مخنوكه وهسه اغتاحيت لاتفكغين بيه انتوا اشلونكم

-اشكد سهلة كلمة لاتفكرين بس اووف اشكد توجع

-ماما اشلونها

-ضايعة ماتعرف اشلون دخلت بهيج درب مخلصتها صفنات بس تريد تصحى

-مگابله مكان رنود موو كلتها وشهكت

-رئال اذا ضليتي تبجين اغلق الجهاز ونعل ابو اليتصل بعد

-والله مشتاقتلها بعدني ماشبعت منها

-شنو اليبرد كلبج ؟؟

-اشوف الكتلها ميت گدامي وهيذام  متعذب يبجي بوجع مثل ما موجوعة هسه

-الكتل بالمستشفى فاقد گد التعذيب وهيذام  يمج شنو اكثر شي يحبه اذي بي

-حيووااان ماعنده شي عزيز بس ابنه

-اي كتلي ابنه

-لايمه اسم الله عليه خطية  اشبيج غايه ليش  تحجين بهيج وحشيه

-من زمان والزادني معرفتج 

-شنو معغفتي غايه شبيج

-مابيه شي لايضل بالج سولفيلي اشلون عايشة زوجج اشلون يعاملج

-عوفج من زوجي وين انتم غؤيا اشلونها ماما اجت يمج لوبعدها

بدت تسولف من ساعة التركتها بس كل دقيقة تقطع السالفه وتسألني عن حياتي ويه زوجي وارد ماكو شي بينه مجرد عقد وباطل  كل واحد بغرفه

اتعده الوقت نسيت نفسي واني وياها رجعت اسولف عن ايام زمان واذكرها بكل موقف من جنه نمر بي بالشغل وركضتنا وحلامنا بليل من نختل جوه البطانيه ساعة اضحك  وساعة ابجي جانت ماخذه وضع المتسنط عرفتها رادتني اطلع كل الي بكلبي

واني ماخليت شي لمن خلصت شكو ذكرى بيت ابونا سكتنا شويه اخذتلها ثواني ورجعت سألتني عن وضعي بيت  الضابط

بلشت اوصفلها حياتهم واشلون المهتلف بول تيري  طلع نفسه الضابط الحقق وياي وصرت مرت اخو واشلون متحيون يتحارش حتى بالذبانه بلكي تباوعله حتى ينطيها كله من گد خباله 

هيه تضحك وترد تسأل شنو جنت احس من جان يحقق وياي  اجاوب وادعي وهيه مستمره تضحك على لدغتي واعصب مثل قبل اسكت اخذلي شوية وراجع اضحك  لمن صار الفجر گالت يالله لازم انام ساعة باجر اتصل بيج نفس الوقت

-صدگ منيلج هذا الرقم

-من غزوان يكول اخذه من واحد

-اي صح الباغحه اتصل منه بس يمكن مااكدغ لان هذا جهاز بول تيغي المهتلف  هسه ياخذه

-باطلابت البول تري بنتي قفلي وضمي كليلي ضاع قابل راح يفتشج وشبي مهتلف للعلم احلى منج

-عيع تكول غول مسودن وبعدين انتي وين شايفته

-تره اني المنعته يسحلج من شخطتي سيارته

-الله يسحل حظه ويمحي شخصيته خلاني بغاسه المتحيون انجلب عليه

-صوتج عالي لاتلكفين

-كلشي ميسولي بس يگول غددي الشعاغ ولحگي غبعج

-شنو فائدة  هالتعويذة

-غاااايه

ضحكت وكالت يله روحي سلمت وغلقته بس احس براحه مو طبيعيه زالت شكو  القلق وخوف خليت راسي غمضت رحت بالنوم اول مره بحياتي انام بهيج راحه

مرن كم يوم واني مثل الفراشة افتر بالمشتمل حتى اخلاقي تعدلت ويه اسماعيل وكمت اعامله كلش زين وهو مكيف لباله حبيته مايدري منتظره اسمع كلمة من غزوان حتى اختفي

عمتي رحمه كل يوم تمر تاخذلها بالساعة يمي  تشوفني مرتاحه تأمن وتروح

اكثر الوقت اخلص ويه ضي نوكف انسولف من الشباج كاموا يسمحولي افتحه بالاخص من نشغلوا  بروحة هيذام  وازر لغير محافظة بدوره محد يعرفها مال شنو ولايدرون شنو ديشتغل واشلون راح يرجعلهم

اخلص شغلي واضل منتظرة الليل بالدقايق اول ما تصير العشرة اركض انطي لاسماعيل  علاجه اتاكد نام ادخل لغرفتي اتصل برايه

مثل كل يوم اني احجي وهيه تكتب ونظل نحجي عن يومنا مرات احسها تعصب تاخذ بالدقايق ماترد اعرف زودتها وياها بالذكريات واحلامي عن محمود  وهيه مامعوزه  هم عايشه بغربة وتعب

اغير السالفة تمر دقايق  وترد تسألني شنو احلم من انام وارجع اذكرلها محمود وترد تتغير اخلاقها لمن بزعتني كلتلها غووحي يله بعد لاتتصلين

-اوكفيي لج

-ومغضض لاتكولين لج

-ااااخ بويه كون اللگفج هسه اله اعدل التغوغي العدج

-كملتي ولي يله اغيد انام

-انتظري لج قفلتي باب غرفتج

-لا هسه حگوم

-كومي قفلي واخاف يدگه لاتفتحي لو يرگع راسه بالحايط لمن يصير الصبح وتسمعي دخل لكبره يسبح يالله طلعين

-ليش

-ماتعرفين ليش

-لا

-خليج هيج ثوله بنص لسان  لاتعرفين افضل يله ولي

-الله ياخذك المهتلف الي بعدني عنج والله بيج عضه

-اله يوم هذا المهتلف يفلش حلگج

-يااا لعد ماكلتلج   شمغوا بمكان مجهول محد يعغف وين بس اني اعغف غاح بمكان خاص بجثث الموته حتى ياكلهن  البول تيغي

-بويه اشلون حظ عندج من فلتي من ايده وصرتي تحجين بثقه

-تغه هو  واحد منحط دوم يتحغش بس اني اسوي غوحي مااعغف

-اشلون يتحارش؟؟

-دوم يسحبني لحضنه بحجة شغلة  ويعصر وجهي لو يلعب بشعري وكم مره باغسني

-شنو حسيتي من جان يقربج منه

-واتمنى عندي الزيت الجان بابا يجوينه بي اصبه  بحضنه بمكاني هم ماضجت كلش لان ادغي مهتلف وماعليه عتب بس ضايجه على بوستي الاولى  صاغت اله

-وانتي وين محصلة هيج واحد يبوسج يله بنتي ولي

-هاي الكلمة اغيد اسمعها بعد كم يوم من انهزم واجي اوكف هيج بالوجه حتى اعغف شنو اغد

-وشغله الطلعة مناك هم  انسيها اذا ماسحلج للمركز وردج تحت رحمته من جديد ورجع رتبته الضيعتها وطلع شكو شي سويتي بي من عيونج  لاتفكرين بيها

-بعد مايغجع عمي مدبغله مصيبة بس يوصل يضيعه بيها

-عود سهله يله حبابه گومي قفلي الباب بسرعة لاتثولين مثل عادتج

كالتها وغلقت  الفون  وصفنت ليش هيج مصرة على قفلة الباب تذكرت هيذام من كال الجو بارد وهدوء الاجواء اتجبرك على الغلط

عضيت شفتي ابتسمت اشكد صاير منحطة البنيه وتفكيرها يروح لبعيد

دااضم الفون وندفرت الباب دخل اسماعيل ورا عمي دفعه وفات مثل  الاعصار  سحب الفون  باوع مده المكالمة ضغط على سنونه  ودنگ جرني من شعري كومني وصرخ حذرتج لولااااا

بعدني ماحاجيه  شمرني عالباب وصاح تعالوااا يولد اخذوهاااا …

لاتنسون التصويت …