تحميل رواية «شيء من رصيف الدم» PDF

شيء من رصيف الدم

بقلمي: leo Alfatlawi

بارت الواحد والاربعون

بارتين سوة

***راية***

الشرطة واكفين وماما دارت وجها علينا متفاجئة

هجامة - يخاله اخاف متوهم المرة منفصلة عن زلمتها من دهر

الشرطي - خاله احنا  عبد المأمور مالنا شغل بهيج امور عدنا اوامر ناخذها ويانا

- وين تريد بيها هسه غير نعرف

- للمركز اكو استدعاء بخصوص قضية خلي تجي ويانا وهناك تفتهم منهم

- يا قضيه غير بيت الطاعة

- وبناته الخاطفتهن منه ومزوجتهم بعقد باطل

ماما - الله ينتقم منه هذا شوكت لحگ يقدم شكوى

هجامة -تلگي من ردن من ابوهن

-يمه هسه شسوي المن انتخي

ركضت رؤيا فتحت الفون اتصلت بدسار ثواني واجانه صوته امريني ام راية  بس اكو صوت بنيه قريبة منه تكله يله دسار تره تأخرنا

باوعتلي رؤيا ساكته رد كال منو وياي

رؤيا - بالغلط اتصلت روح دسار لاتأخرها

بعده ماحاجي سدت الفون رد اتصل فصلته وغلقته نهائياً

باوعتلها وهمست يجوز اخته شبيج

- اميز صوتها بين ملايين البشر بس اليمشي بالغدر عمره ما ينظف

- راح ياخذونا شنسوي

-لبيت البدوية  ماكو غيرها

- اشلون نوصلهم وذولة واكفين بالباب و مصممين ياخذونا

-نوصل بس  لبسي حجابج بسرعة وتعالي

سحبت شالي خليته على راسي ردينا طلعنا لكينا ماما تتوسل وهجامة تكلهم بس انطروا بين ماخبر زلمنا

ركضت رؤيا صاحت جاين وياكم بس خلي نجيب هوياتنا من ذاك بيتنا

الشرطي - وين بيتكم يابة عدنا شغل

- ذاك كدامك واشلون نروح بدون هويات وبعدين شكو مخبوصين الي يشوفكم يكول مسوين مداهمة على خليه ارهابيه تره هو واحد مغسول حظه بوله

- استعغر الله يله بويه امشي بس فضونا

جرت ماما وطلعت رحت وراهم مامفتهمة شلون راح تخلصنا ؛ نمشي عالسريع وصلنا لبيت ذباح دخلنا ركضت لغرفة بيبي تلكتها فجر  بيدها سجادتها كالتها شمالج يعمه تجلعين  ساعة وگعتي

- النكس جاسم طالب ماما بيت الطاعة ومقدم شكو بينا  والشرطة جاين علينه

- الله يخزي بين الزلم ناگص المرجلة خشي تحت لانعل ابهاتهم اليوم الماعدهم عررض

- خلي ماما يمكم بين مااروح لمكان ماتأخر شوية وجايه

بيبي - وييين مولية لج حدري جاي وانتي راية اخذي امج وخشي للحجرة لشوف ياهو ذولة وعلى شني چاين

ماما - ام صهيب خلي البنات يمج واني رايحة وياهم اعرف شرايدين واشلون احلها

- اذا تحرجتي احش ارجولج كلتلج خشي جوه يلاااا

دفعت ماما وطلعت اباوعلها تمشي بثگل تكول جبل تحسها صدگ مسنودة وتعرف وراها زلم تكسر الضهر

وصلت لباب لبيت فتحته وكفت گدام الشرطة خزرته واشرت شرايدين

الشرطي - اشلون طلابة هااي يابة عدنا استعداء امرر للنسوان العدكم

- يعني تعرف حريم يالناقص مرجلة وچاي لچاي وتحجي برحابة صدر

-حجيه لاتتجاوزين

-اتجاوز واسحگ راسك الاعوج يالخزي شيل شاربك لخاطر اعرف شرد عليك

-اهوو حجية  خليهن يجن لاتخليني اخذهن بالقوة

- هلبت كونك صج وتعملها وتخش دار ابن البدوية بغيابه غير عيد وچابه العباس ؛  وعلي الكرار اليگضه مايفلت اله وجهامته بيده مفلشة

- لاحول الله اشلون شغلة هاااي

-رد يجده وحذارك تكرب بيت مابي زلام لخاطر   لايطگ ظهرك  وابنياتنا احنا نجيبها بدياتنا بس خلهم يردون اخوتهن

- انتي جاي تفتهمين شنو الغي

- فجررر ولج عطيني التفگه جنهم مايجون بالطيب

لزم وجهه محتار وبيبي واكفه بوجهم تخازر تريد بس واحد منهم يتورط ويشمرله كلمه حتى تعلمه اشلون الحجي يصير

هسه عرفت الفوة بالسند الجانت تحجيلي عنه شنو

استعغر الشرطي وكاللها هذا التبليغ منا للعصر اذا مااجيتوا نرد نجي واذا مالكيناها ناخذكم مكانها

جرت الورقة منه وسدت الباب بوجهه دفعت ماما دخلنا للغرفة  كعدنا دخلن غيمة هيام  كالت خير شصاير

فجر - زلمتها النجس طالبها بيت الطاعة

-لاياناگص الشرف واشلون رضاها يخلي حرمته تخش المراكز

-هيه نگطة اذا وگعت من الگصه انتهت 

غيمه - وليش ماراحت وياهم

فجر - وين تروح ولج

-  للمركز حتى تشوفه شيريد يعني اول وتالي لازم تروح خو موتضل خاتله هنا

-هسه نخابر ذباح وهو يتصرف

-وشنو ذباح بس للمشاكل تره الرجال مريض وحتى افلوس ماضلت بجيبه لخاطر يدفع ويسد السالفة

- وانتي ياهو الشاكيلج عليش يمه ذباح من بقية هلج انتي الضاهر تشرين الاهانة مشترى

- ذباح زوجي عمه هم اخاف عليه وذني شنو بس وكت مشاكلهن يذكرنا اول مايشتمن هوا يرحن ويصيحن مالكم شغل بينا ندبر روحنا ويخلنه يشيل روحه ويرگعها بالگاع وبعدين مو عدهن لزم شكو لاطشات هناا

بيبي - الحرمة من يشد بيها الوكت ماتذكر غير اهلها واحنا اهلهن وانتي اذا تضلين تلغثين اكوم اضيع اجر السنة بيج انگلعي من جدامي وخليني كاضه نفسي عنج وحاسبة حساب اليتم وامانة عريس المنية

طلعت كالبه خلقتها وهيام كعدت هم وجها مگلوب من صدگ حسيت بثكلنا وصحة حجيهن اباوع لماما صافنة بكسرة عيونها بالميدالية  كأنما تحمل مسؤولية الدنعيشه كلها براعيها

اخذت نفس لان صارت حسرة بگلبي اعرف شنو الخلاها هيج تسوي بي وتخلينا نتحمل كل هالذل وبعدها تلوم بي

انداريت لرؤيا نفس الصفنة بس نظراتها تختلف لزمت ايدها باوعتلها و همست اخابر رئال

رؤيا -الله يلعنها كله بسببها

- لو مامسلمة بابا بذاك اليوم جان هجموا علينه بالطريق واكيد بابا ماراح ينطينه ويضحي بنفسه ينهي حياته حتى يخلصنا

- ولاحسبالج رئال سلمته لان خافت عليه لااا خافت عليج لان ماتحب ولااكو بشر يسلم من غدرها بس انتي رئال ماتشوف بالدنيا غيرج

- غيمة ردت فعلها جان غريبة كأنما عدها علم بالصار

- لان قرب وقت زواجها ولازم تبعدنا منا قبل لايدخل بيها ويكتشف مو بنيه حتى تلبس الشغلة بروسنا وتضيعها عليه

-شدراج مو بنيه ؟؟

-ههه غير جاسم جان مسوي عليها حفلة

-عزه اذا دره ذباح يموتها

- وعلى شنو يموتها يامسهل فر السالفة؛طفلة جانت ماتعرف كلشي واغتصبها بدون لاتفتهم شنو هالشغله وكبرت ونست السالفة حتى ماتذكرها وبحضن ذباح يالله عرفت شنو معنا السواها بيها

-واكيد تبجي وتتوسل وتذكره بالامانة وتخلي يسد الشغلة

-بس يمي ماراح تنسد واجه وقت الدم الصار عمر احلم بي وقنع نفسي اصبر لهذا اليوم

-شناوية

-اذا اكلج دوسي على كلبج وخلي ايدج بيدي راح تسويها

- بابا كال انتظروني اني اخذ حقكم

-وابوج ماطول لزموا بعد مايطلعوا رافد حلم دخل بينا واختفى ويه طلعة الشمس وامج لومامتأكده مايگدر يحمينا ويضل بينا ماجازفت كل هالسنين بينا وتحملت انكس انواع القذارة لخاطرنا تحنن گلوبنا وحده عالثانية

-يعني لمتجن ورد حق العشتنا صار بيدي هسه

-كل وحده ضحت بالتكدر عليه مااگلج راح نعيش عيشه بيها خير وحالنا يتغير لااا نظل بنات البتاوين حالنا حال الاف البنات الدتندفن كل يوم بذاك المكان ويندثر اثرها  بس الفرق احنا كدرنا نطلع ونوكف بوجه ماخذين حقنا ومفتخرين بنسبنا

-ماراح يزعل غزوان مو

-من يذكر لهفته للعرس ودموع رند على اللفة وصرخت رئال  تصيح عوفوهم اني الكتلت  ماراح يزعل

-بس ذباح ما أذانا

-وهو والوحيد اليستحق كلمة سند

-راح اظلمة

-محد ينظلم ولاينوجع غيرج

-بعد ماحس بالوجع

-لهيج صار الوقت تخلين ايدج بيدي نرد حق ذيج الايام الجنه نخنس  بيها للصبح ورا الباب خايفين يدخلون علينه

-راح نرد اخيتنا ونرجع نلتم بحضن ماما بليل

- واحنا انشوف ماضينا بيهم ينعاد نفس الخوف والرجفة بس الدم يختلف

-صدگ رؤيا

ابتسمت اشرت اي وفتحت ايدي خلت الفون بيها واشرتلي يلااا

اخذته وكمت كالتلي فجر وين  تردين يمة

-للحمام

هيام - راية لاتخابربن ذباح تراه بالزياره وتعبان لايصيرله شي

فجر - على الله يسمعج 

- عمه  خلينه نحجي الصچ زلمتها طالبها ترا مايكدر  يعمل شي

- على ياهو تتحجين بس لا على ابن البدوية الي بس اسمه تكتم زلم بشواربها موش دخلته بنصهم

-يعني بس بالمصايب تنشدون عليه

-وهو انخلق لخاطر المصايب هيام يمه استجني ولاتزنين على خراب بيتج وانتي راية عمه روحي وعملي التردي هذا زلمتج  الحرمة الماتنخى زلمتها وتتحامه بظهره ماتستحگ تحمل اسمه

سكتت دنكت وطلعت بس شكل هيام جان يكفي يبلغني انتي مامرحب بيج بعد

صارت غرفتنا كدامي وكفت اباوعلها محتارة مااعرف نفسي صدگ اكدر ادوس على كلبي وانفذ الطلبته مني رؤيا لو راح اندم

اخذت نفس و مسحت وجهي انداريت رحت للحديقة اريد انعزل بنفسي اريد مكان هادي بدون عالم حتى اعرف اخذ قرار مااندم عليه

دااطلع  واسمع صوت غيمة تهمس داگلك عدناا بالبيت… اي تعال اشحطها اخذها هنه بناتها يلحكنها ويجنك بدون تعب بس استعجل قبل لايردون الولد

-- لاتخاف رؤيا متعاركه ويه رجلها اصلا شامرها علينه مايعرف عنها شي بالاخص اذا لكفتها وسويت بيها ذيج الشغلة بعد حتى تفلة مايتفل بوجها…

…لارايه لاحظ ولاثمر تعرفها خوينسه كلشي ماتسوي غير تاخذهن وتنهزم غير محافظة… ماانطيك ولادينار اذا مااشوفهن اختفن … خوش بس اسمع شنو اول شي اتسوي

فتحت عيوني على كبرهن واني مضحية بخواتي لخاطره اخوها واكول لايزعل خلي يسمع اخته شدتسوي بينه

تركتها تتفق ورجعت ركض دخلت للمطبخ فتحت الفون واشوف مكالمات دسار ماتنعد

وخرتها دنكت دااتصل بذباح واجاني مسج من دسار كاتب لج بت الكلب مو كلتيلي حلهااا بعد مقندرة على راسج وزعلانه ليششش لج بس اريد افتهم شمسوي هيج ربي بلاني بوحده مثلج

وخرت المسج واتصلت بذباح كم رنه واجاني صوته تعبان كال ها خويه ام رايه

-اني راية

-على امرج يبه

-وين انت

-كرب كافل اخيته وصاحب النخوة

-سلام الله عليه ذباح زور بسرعه وتعال

-خيرج يبه صاير شي

-لاااا ماكو شي بس هيج اريد احجي وياك

-اكو شي يوجعج لو سامعتلج چلمة غاثتج

- لاااا كلشي مابيه وهاا لاتتصل بأحد فدوه لان الحجي شي  بيناتنا مااريد احد يعرف

- تمام مسافة الطريج

-هااا صدك اني بيتك

-هلا بيج يبه

سديت الجهاز انداريت لكيت هيام وراي كالت شنو رجعتي اله

-لا بس ردت احجي ويا بموضوع

-على غيمة

-لااا

-ماردت اگلج لان تعبانه بس ماطولج خشيتي البيت لازم تعرفين صح ذباح ماخالها براسه بس جدتي وصهيب  وكفوا بوجهه كالوله ماطولك جبتها وخليتها بأسمك اتمم زواجك منها

-اتزوجها

-لابعد الوفاة  يدخل بيها هلبت تطلع مثلج وتشيل من ساعتها

دنكت

-انتي شلون حبلتي

-شنوو

-يعني شني عملتي لخاطر هيج اجاج متلهف ولحد الان مايتنوع ولا اكو براسه غير كربه منج

-روحي سألي رجلج كليله اشكد شربت حتى تكدر تنسى صاحبك وترد بكلمتك الها

وخرتها ردت اطلع لزمت ايدي كالت لاتزعلين اعرف مالج ايد بالصار ولاالج نفس بي بس امنيتي احبل

-وهالشي بيد رب العالمين

-ذباح بعد مايطيقني ولايكرب صوبي

-صح ميصير احجي بهيج شي بس ذباح مريض عمليته ملتهبة اكثر من مره شفته عازل نفسه متألم يعني مايكدر يتقربلج ومايگول حتى لاتخلوا يرد للمستشفى

- قبل لايعمل العملية من ساعه الطلعتي من هون وهو ماكربلي بعد ماجان مايمر يوم اذا مايخليني بحضنه 

-ليش ماحجيتي ويا

-مارد ماعرف شصايرله ساكن البستان بس يريد يگعد لحاله واذا واحد يحجي ويا يتنوع بوجهه بغير دنيا اصلاً مايشوفه جدامه

- لان جان خجلان منج او لاا خجلان من نفسه غلط بدون وعي

- انه راضيه وعلي جا هو هم من حگه يخلف وانه يمكن كد العلاج تعب جسمي بعد مايشيل ماراح امنعه

- واني مو الة تره بشر حالي حالكم عندي مشاعر واحس مولان معتازتكم هيج تفكروني رخيصه

وخرت ايدها ورجعت للغرفة لكيت غيمه يم رجلين بيبي  ادلك بيهم ورؤيا مجتفه وتباوعلها بمكر رحت كعدت يمها اخذت نفس واشرتلي ها

- راح يجي جاسم

-شتكولين  هالمره بشكد بايعتنا

-لاهالمره هيه الدافعه علينه حتى تخلص

-لعد اليوم راح تصير بوگه بالبيت وهيام التشيل التهمة وتنطرد منا

-هاي صدگ دمها يهودي

-اخذتي علاجج تره وجهج اصفر

-اخذته بس لان خفت تعبت شوية مددي رجليج خلي انام

-ذيج امج

ضحكت وسحبت رجليها تمددت خليت راسي عليهن ماتدري النومة  بحضن وحده منهن تشيل عني شكو تعب

غمضت وهيه تلعب براسي  تعب الموكب بعده بيه رحت بالنوم بسرعة ماكعدت غير على صوت رؤيا وهيه دز صوتيه لدسار مطعمة بالكياته والتربية الصالحة

عدلت راسي باوعتلي گالبه خلقتها ضحكت عفست وجها و دمغتني ؛ صاحت  عمتي فجر يالمالج بالجسر عليش ولج هيج اطكين خيتج

رؤيا - شفتي الطگه بس الضحك ماشفتي

- حگها تضحك اذا اختها امسودنه صار ساعه تهذري واكعه للزلمه مسبة وتفال وفوكاها هيه ام الراهي

-بعد كولي تربيه شوارع وفضيها

-حشى نجيب طاري جهرتج لبزرة الشوارع غدي خرزة  مغثة

ضحكت بصوت عالي دفعتني كعدت صار بوجهي ذباح كاعد يم امه يبتسم على ضحكتي سكتت هو هم حك كصته ودنگ

عدلت كعدتي لميت شعري دااكوم دخلت غيمة بيدها معجنة مي اجت دنگت جوه رجلي كالها خليها وبعدي

- لافدوه خليني اغسلك رجليك

- لايبه رحمه الله والديج

-هسه مو انت زاير وجنت دتزور خليني احصل ثواب

عفتها تشحت وهو يدفع بيدها صافن على حجيها ؛ رحت غسلت وجهي ورجعت لكيتها تفرك برجليه اني هم رحت كعدت يمه اباوعله بعده بالاسود والغترة ملفوفة على راسه لونها ولفتها جاية ويه بشرته وكحل عيونه عدل الي يشوف ثگله بالگعده وشخصيته ولايكول نفسه ذباح اليمشي ويتعارك گوة

طلع رجلي من المي  واشرلها كومي منا

غيمة -اخلي ملابسك بالحمام

- لاتعبين نفسج هيام تهيرهن

- لااني اخليهن واكاسرلك المي هم

مارد شالت المعجنة وطلعت تركض

دنگ ديمسح برجليه وجعته خاصرته لاارادي لزمها وعدل كعدته همست هذا الي يكولون عنه احمل عنك الوجع

مارد دنگ

-شنو الدتسوي ذباح

-شعملت يبه

-كلتلك ماراح اكدر اردلك الدين

-وياهو طالبج بشي

-ليش اني بالذات موذني كلهن كدامك يردن بس رضاتك شختلف عنهن

-فرگ مي زمزم عن باگي السيل

-تره دتعبني وياك وانت تدري

-وانه ماطلبت منج بس تنسين الصار

-وهيام

-شبلاها

-تره حرام الدتسوي بيها هاي لان تحبك وخادمتك هيج دتأذيها

-مامگصر عنها بشي

-لامقصر ذباح مقصر وانت متأكد بس متريد تعترف

-اليضم معشوكته  بين ضلوعه تحرم عليه باگي الحريم

-انت شنو ماعندك ضمير لوكد المصايب بعد ماتحس

- من زمان افكر بهذا السؤال الحين بس لكيت جوابه

كالها وكام دنگ شال مفتاحه وباكيت الجكاير وطلع

باوعت لرؤيا بيدها جهاز غيمة اشرتلي بي قفلته وشمرته جوه ميز الفراش خزرتها و همست بس لاربطتي حسابها يمج

-لاه معقوله هذا ضنج بيه

-مرت ابو الليل ابتعدي عن شغل المخابرات مامعوزه رعونه وخبث انتي

-وهذا ابو الليل جايه السرة بس خلي اكمل البيدي

-وين ماما

-بالمطبخ يم عمتي فجر ومرت صهيب دتفكر وين تاخذنه كل عقلها أأمن اطلع بيها بهذا شكلها اليهودية الله يلعنك رافد بليتنا بيها وطفرت

-مثل مابلانا بعقلج ومصايبج وها تره ماراح يجي جاسم اكيد  دزتله مسج غيمه اول ماوصل ذباح

-ولا راح يجي ويجازف بنفسه اذا ماحصل الفلوس اصلاً محد يندل وين خاتل  مثل هذا اذا مالعبتي ويا ختيلان ماتلكفي

-ولزمتي شنو تكتلي

-انتي ليش هيج ضنج دوم سوء بيه اني اجابني لهيج شغلات اصلا لون الدم اذا شفته يغمى عليه

-مم

-وبعدين اني شنو شفت من حياتي حتى انهيها بالسجن  لخاطر هيج واحد حثالة

-غيمة راح تكلته ؟؟

-موت راحه واني مااحب الراحه يامحلات العمر من تعيش سگط واكو من اليشيل من جواك وتكملون باقي حياتكم واحد يذل بالثاني وتاكلون من نفس القذاره اكو احلى من هيج عيشه

-مافهمت

-ذباح راح يطلع بعد شويه يروح لبغداد حتى يشوف شنو سالفة القضية ويرد متأخر اريدج تضلين كاعده اول مايوصل تاخذي وترحين للبستان حاولي تلهي اشكد ماتكدرين

-سهلة

دتحجي ودخلت غيمة مخبوصه ادور على جهازها وكفت تتلفت شالت المخدات ردت دنكت جوه القريوله مال بيبي

تركتها وكمت طلعت صار كدامي ذباح طالع من الغرفة مغير ملابسه مبين التعب عليه  تلكته ماما انطته هويتها اخذها وطلع بدون لايباوعلي

كملت طريقي للمطبخ لكيتهن كلهن ملتمات كعدت يمهن دقايق ودخلت رؤيا تمشي وتلعب بشعرها جنها اللعبة المرعبة عيونها تضوي وشفايفها حمر وكفشتها منثورة على طولها وخرت شعرها عن وجها  وفتحت الثلاجه دنكت طلعت خياره  مسحتها بملابسها وكفت تگرط بيها بدون غسل

هزيت ايدي ودرت وجهي على ماما الي لازمه مداليتها وصافنه البسمه مرسومة على شفتها مثل الي مر على بالها ذكرى

مر اليوم هدوء صدگ مااجه جاسم عكس غيمة تراسل ومخبوصة عيونها بالفون تتلفت اخاف واحد انتبه 

لليل واكفه يم هيام بالمطبخ نسولف واسمع صوت الباب يندگ  طلعت حتى افتحه لكيت رؤيا واكفة ورا اشرت اشش روحي ؛ عرفته دسار

عفتها ورحت للغرفة دخلت لكيت عمتي فجر لازمة راسها وماما عاضه شفتها ماتعرف شتصرف وياها

كعدت شوية ودخلت رؤيا كعدت يمي والباب بعده يندگ رفعت راسها عمتي كلتلها وبعدين

رؤيا - شنو بعدين ترديني افتح الباب للغربة و بيتا مابي رياجيل

- يمه يمه يالعرامة ولج زلمتج صار ساعه يدگ

- انتي كلتلها رجلج يعني بكيفي اخلي بره ادخله اكتله محد اله شي يمي

غيمة - والعالم شتكول علينه من تشوف رجال غريب بالباب

- تكول رفيج جدتي لان كلها تعرف ماكو بنات بهذا البيت غير فجر وهاي جنها شكل جدي من جبروا يدخل الاسلام

فجر - لايا معفنة دخلي اكوم افج الباب لخاطر  يخش ينعنع اضلوعج على هذا لسانج الباذر و هاي شتلته

- وكلام الله اخزيكم اوكف بنص البيت اعيط واصيح  حيهم حرامي واخلي ضرب التفوگ ماله والي

- بس اريد اعرف من يامله انتي

- الصراحة ضاعت عليه كل دقيقة اكتشف دين ومذهب شكل

غمتها  وكامت طلعت خليت مخدتي تمددت وهيه دنگت فتحت فونها بنفس الثانيه دگ عليها

سوته سايلنت وخلته يمها تمددت يمي همستلي مو تنامين

- لاكاعده بس شكل غيمة مخبوصة

- جاسم وازاها على الفلوس وماجانت حاسبة حساب ذباح يرد اليوم

-يعني راح يجي

-لا يدز احد لان يعرف نفسه اذا الكف ينتهي

-لعد اشلون يريد يردنا

-بنتي احنا مبيوعات مقدماً بساعة النوصل للبيت يدخلون علينه مو بعيده يصورونا حتى يجبرونا نضل بالبيت وهو يتاجر بينا من بعيد

-مايخاف هذا

-اكبر جبان بس مأمن نفسه وخاتل بمكان وغيمة مقنعته زلمنا عافونه شريد يسوي محد بعد يسأل عنه تريد تورطه حتى تخلص منه سوه 

- تمام وهذا الديتصل شنو سالفته

- زعطوط وانطوا فون

- ردي فدوة اروحج راسي راح ينفجر من ونه الاتصالات

رفعت الفون ردت نعم واجاها صوت دسار صاح لانعل ابوج لابو الجابج وخلاج بطريقي بت الكلببب صار ساعه ادگ بالبااااب ماتفتحي مووو

- ياا هذا انت لبالي مجدية

- مجدية؟؟ تمام خوش حجي والجهاز ماتسمعي من يرن

- رقم غريب وماما معلمتنا مانرد على حيوانات

- اااخ بويه الگفج لولاااا

- خايب دروح يلكفني وبعدين شكوو هنا شرايد جاي نص الليالي شنو ماعندك بيت يلفك لو اذا ماتتلطلط بالشوارع ماترتاح 

-كومي فتحي الباب اريد احجي وياج

-منو انت وتحجي وياي

- الزمال الماخذج وخالج بأسمه

- اشلون بيك زيج بس حرمات افقط اخلاقي لخاطر لفو خاين مسحتل مثلك

سكت مارد كمشت ضحكتي كوه اخذله ثواني وكال رؤيا كومي فتحي الباب

- گلنا ماعندك كلمة بس كرامة هم  لاهاي جديدة روح دسار منا

- جان عدنا تعزية ومارحت لوماعرفت الكل متجمع حتى افض السالفة

- كملت يله حباب رد لحضن امك منطقتنا كلها جلاب لايصير بيك خرعه وتكمل رجولتك الماضال منها بس صوتك

- لاطلعين رؤيا

- هه خفت روح لك وهااا صدك باجر اطلع ويه ذباح للمومن حتى افتح الصخام واخلص من عثرت وجهك

- كون صدك وتسويها يرؤيا

- وداعت بابا اسويها وشرط باجر يله راويني. مراجلك شتكدر تسوي

- وداعت امي امحيج يرؤيا وكلام الله اندمج تعرفين شنو اندمج

-هاي كل قوتك يله ولي

-قابل طيرين وين تولين ؛ اللوحج واعلمج اشلون الحجي يصير ماطلع الحيوان اللفو  اذا مافلشت وجهج وكسحتج

- عود من تلكفني وهاا لاتنسى تشغلي موسيقى يوووو هوووو

اسمع صاح من بين اسنونه مال واحد محترگ غلقت الفون وشمرته همست دخيل الله اذا لكفج شيسوي بيج

رؤيا ـ خلي يولي جاي يمشيهن عليه حسباله وحده من بناتهم مايدري نص عمري خلصته بالشوارع اتغالب  ويه الجلاب امثاله

-مو جان مهرج براءه بابا

-ورئال راح اطلعه ماتشوفين مخبوص لان عرف اوراقة خلصت يمي

سكتت عدلت راسي انتبهت لغيمه ماكو اخذت نفس وسحبت الغطه غطيت رؤيا وتغطيت وياها 

مر الوقت وصوت دراجة دسار مستمره يروح ويجي عرفته منتظر رجعت ذباح حتى يدخل ويسحلها على كد الحرگه الشايلها  من يمي خفت وهيه ولاكأنما 

لحد ماراحت عيني بالنوم وهو بعده ؛كعدت على حركه بأيدي فتحت عيوني لكيت رؤيا كاعده يمي باوعتلها  اشرتلي اشش  يله

هدوء ماكو الكل نايم  اسمع باب البيت ينقفل كمت بسرعة طلعت لكيته داخل استوه همست الله يساعدك

-هلا يبه عليش مانايمة

-هاا لاجنت نايمة بس سمعتك اجيت كلت دا اسألك شنو سويت

-خير كلفت محامي غادي وكال انه احلها لاتشغلون بالكم

-تعبناك هواي  موو

-اكو واحد شاگيلج يبه وشني عملت لخاطر تسألين هيج سؤال يله بنيتي ردي لحجرتكم نامي

-لاشبعت نوم دااطلع شوية بالبستان اكعد

- براحتج يبه

همست شكرا

مارد دنگ راح عضيت شفتي اعرفه شكد مايكدر مايريد يخلي عينه بعيني ولا يحجي وياي

رحت غسلت وجهي وشربت مي طلعت  للبستان كعدت

باوعت وراي ماكو رجعت لميت رجليه وانتجيت عالشجرة اباوع للنوگ دااشوف اشكد راح يتحمل ابن البدوية

غمضت احسب واحد اثنين ثلاثه استوني اكول اربعة واسمع خطواته وراي فتحت عيوني اجه يمي بيده جكارته  رفعت راسي عيونه حمر وجهه بهتان  من التعب همست ليش اجيت تره مااخاف وحدي

-اكو شي يوجعج

-اي كليتك مدترضه تهدا بداخلي

ابتسم وكعد يمي عكس وحده من رجليه والثانية مدها انتجه خله جكارته بحلكه يباوع للبستان بتعب

- تره انت مارتاحيت لازم تروح تنام 

- شيصير لو الاقدار معكوسة

-اشلون مثلا

مارد دنگ اخذ نفس من جكارته

-جاسم اذا ضل مصر على دعوته راح تخلي ياخذنا

-تردين اجتله

باوعتله فاتحة عيوني

-ههه عليش صفريتي

-تعرف اذا كتلته شنو يصيرلك

-شيصير بالجثير مؤبد

-وهيج تكولها بسهولة

- اليسمعج يكول ماخاطي حدر السجن ولا عار من  صوبه

- صدك انت من تدخل مصيبة ومتاكد نفسك تموت بيها شتفكر يعني ترجعلك الروح بعد ماتخلص الهوسة  لوشنو 

-اي اضغط كيم اوفر ورد

- لاصدك  شتحس

- ماحس اخش والله كريم وين ماتصفى تصفى

-اجتك الطلقه شتسوي

-اتهير لثلاث اسئلة

رفعت حاجبي اشر شكو

-صدك انت دتحجي

-يبه واحد اجته جيله بالگصه شيعمل قابل

-ليش ماتخاف من الموت

-وعليش اخاف

رجعت درت وجهي اتجتفت اباوع للبستان اكص ايدي اذا طلع عنده مشاعر ويفكر مثل باقي البشر

صار هدوء اخذتلي شوية ودرت وجهي باوعتله  اخذ نفس وكال زتي العدج راية

- ماعندي شي بس داافكر اذا طلبت منك اطلگ غيمة تسويها

- عليش ماذيتج بشي

- لاهيج داافكر

سكتت

-ماتريد اطلكهااا موووو

-اكوم اخلي جيله براسها ونعل ابو ذيج الساعة  العطيت بيها جلمة شرايد راايه

-ليش دتصيح

-يبه مااعرف اشلون ارضيج وعلي فريتي راسي

-لاتحجي وياااي

-على امرج

-وهااي كليتك مااريدهاا

-سهله بس افرغ اخذج للمستشفى ونردها

عضيت شفتي اباوعله بغضب ضحك ودنگ يستغفر

-اشكد اتمنى ماجايه بذاك اليوم ولاشايفتك

-وانه اتمنى الليل مايخلص ويفض العمر بهناية هالگعده

رن فونه عرفتها هاي رؤيا لزمت خاصرتي ودنگت عكد حاجبه وكمشني بسرعة كال شبلاج يبه

- مااعرف يمكن لان كعدت هواي

- اخذج للمستشفى

- لااا بس وصلني للغرفة داانام هسه ارتاح

شمر جكارته وكام دنگ كومني  وصلنا للبيت فتح الباب دندخل وصارت كدامنا غيمة جايه من غرفة هيام تركض  بيدها علاگه شافتنا وكفت متصنمة

وخر ايده عني باوعلها متفاجئ كالها وين جنتي

غيمة -هاا بغرفتك

-اعرف بحجرتي بس شتعملين  غادي وشني هذا البيدج

-افلوسك

-شني يبه

-دخلت اخذتهن حتى اضمهن الك يمي لحد ماترد لبالي بعدك ماراجع وخفت عليهن يرحن وهم كلت اكلك بعد مااكدر اضم صح هيام اخيتي ومااكدر اضرها بس كافي سكتت هواي والظاهر الاعوج عمره مابنعدل 

-شتلغثييين انتيي

سكتت تباوعله بخوف

صك على سنونه جر العلاگة من ايدها شكها اطشرت الفلوس لكل طلع على الاصوات شمر العلاكه و لزمها من شعرها صاح عليش انكتمتي تحجييي

غيمة - هاي هيه كدامك اسألها منو يعبر كل ليله عالبستان وتطلع هيه بالختله تنطي افلوس وترد تركض

هيام - يمه اصخام بوجهي شوكت صار هالحجي

- عزززه تنكرين كم مره لزمتج وكلتلج تره ذباح ما يستاهل هيج تسوين بي وانتي تهدديني اذا وصله الحجي تشمريها براسي وتخلي يطلگني

- ياع يمه دخيل الله لايذباح وروح ابوي مااعملها لاتصدكها

- وليش حتى مايصدكني قابل اني الي متفقه ويه كمريه تخلي صاحبها يطفر حتى  اطلگين رايه لو اني الي الي انطي افلوس لواحد حتى استغفر الله مااكدر احجيها وتحبلين

لطمت على وجها وباوعت لذباح

- هاي عمتي فجر تشهد من حبلت رايه اشلون تخبلتي وكم مره اجت امج تهدئج وتكلج ميخالف ابن زلمتج يعني ابنج لاتضوجين انتي هم هسه يصير عندج

- صح  بس عليش اخذ الفلوس واعمل هيج

- شعرفني كولي لنفسج ولاتكولين لااا لان الكل يعرف اني مگطوعة من شجره ولاعندي احد ولا عندي مكان اذا اخذت الفلوس وين اوديهن

- يمه تعالي ليه انه انهب زلمتي عليش شني مگصر ومعتازه لو هلي فكر واعطيهم

- لاهيج ولاهيج وانتي تدرين واني ادرري

ذباح - شني التعرفي تحجيي

هيام - وروح ابوي ماعندي شي

ذباح - بسسسج ولانفسي وانتي تحجييي شني التعرفي

غيمة- هذا الولد المصاحبته مهددها ماعرف شنو بينهم بس يكللها الفلوس اتصير بحضني الطفل يصير بطنج وانت

بعدها مامكملتها وضغط على راسها وجره بقوته حجه من بين سنونه اااخ تمنيتج تعوديلي لخاطر افجر مخج بس حسافه الغربه تكضني عن هيج نجاسه

دفعها بحله اجت على وجها عدل بالگاع بعدها مامعدله نفسها صاح انتي طالگ

لطمت على وجها وكامت اجت تركض دنكت جوه رجليه تصيح لادخيلك احلفلك بكلشي تريد لزمتها ويه واحد وماجذب

- فجر اخذها من هون الها بس سواد الليل الصبح ماريد اتنوع جهرتها جدامي

- لااا لاابوس رجلج لااا لاذباح وين اروح مواني اخت صاحبك وصيته دخل الله ودخلك والله اصيرلك خدامة

- شيليهااااا

- لاااا شنو تريد اسوي اكوم ابوس رجل هيام واعتذر هسه اكوم اضل اخدم جوه رجلها هم تسويها بس لا تكول هيج بروح غزوان

دفرها وراح وهيه كامت تملخ بشعرها وتلطم اجت رؤيا جرتني اخذتني سحل للغرفة كعدتني وكعدت تبتسم بمكر و تسنط لصوت الهوسة بره وين واصله بين ماما ترزل بيها وبين عمتي فجر تريد تكومها

اكثر من نص ساعة لحد مااجه صگر وصاح صوتكم بووويه

جابوها يسحلون بيها للغرفة شمرتها عمتي وكعدت لازمه راسها دخلت ماما تعد وتصف وهيه تصيح كله من وراجن انتن اجيتجن خربتن بيتي موجنت اموليات شرجعجن

رادت تكوم رؤيا لزمتها اشرت اشش

دفعتني وتمددت وبيبي انتجت تستغفر كعدت ماما صافنة ماتعرف شتسوي من الخجل مهما يكون بت اخوها

صار الصبح وهيه على فد لطمة وبجي لاخلت ايد عمتي  مادنكت باستها ولارجل بيبي حارت شتسوي اخر اشي شافتهم محد بحالها كلها كامت صلت  وردت نامت لمت رجليها وضلت تون بس دموعها تنزل 

…حاضنه مخدتي عيوني عليها اشلون ترجف وتبجي من الخوف كامت رؤيا طلعت غسلت وجها واجت دخلت تمشي على طراف اصابعها لمت شعرها ودنكت همست اريد افلوس

-وين تردين من الفجر

-اروح لبابا

-رؤيااا

-اشش صوتج لايكعدون ويمنعوني  ماتأخر ساعة واجي ولاتخافين رجل اختج منتظرني بالمركز وهو الراح يرجعني وهم بلكي ينطيني رقم رئال حتى نتواصل وياها

-امشي وياج

- ذباح راح يعترض وتكعد ماما وتسويها هوسة وراح يمنعونا خليني اروح واجي بسرعة

-اخاف دسار يلكفج

-مايگعد هيج وقت اللفو ينام جنه جلب بي جرب كعداته ونباحه بس بالليل يله لج راح يكعدون

-اشلون اخليج وحدج

-اهووو صگر وياي ولج صار ساعة منتظر بره يله  وهسه الي يسمعها يكول ماشايفه الباب اشلونه شحال لو ما قذارت الشارع طبعت بوجهي كد الفرفره بي

-اخاف غيمه تبلغ جاسم

-كومي جيبيلي افلوس واسمعي الراح اكوله

كمت رحت لجوزان عمتي فتحته اخذت منه كلت من تكعد اكللها اجت يمها لكيتها تلبس بحذائها حتى ماادري المن وصت واشوكت جابوا الها جنها جني  تشتغل بالختلات

انطيتها الفلوس كامت خلتهن بجيب بنطلونها شمرت ضفيرتها وره ضهرها باوعت لغيمه وردت باوعتلي وكالت تدرين شتمنى

-شنو

-اعرف مكان جاسم اويلي يابه جان اشسويت

-شنو تسوين هو واحد الله غاسل حظه

-جان كل شويه اتصلت بي اهدد ابلغ عنه وين خاتل واخلي يطفر لااا والله اخلي يتلفتت وينفذ شنو اطلبه مثلاً شوية شغلات عن الماضي لو شغلة افلوس البارحة عن شنو جانت يعني هيج امور خفيفة لحد ماخش بالغميج وتصير طيرة الروس علني

-اخاف يطلع ويلكفج

-غير جهاز التتبع الزارعة دسار بيه يطلع حتى جده السابع عشر  من كبره؛ هيج رايدتها من الله ويتورط ويجيني اويلي بويه اللعب اشلون يصير

صارت عيوني على غيمة لكيتها صافنه عاضه شفتها مثل الخايفة ضربت رؤيا على ضهرها باوعتلي رافعه حاجبها تأشرلي ها اشلوني

- لزمي الفون اخذي وياج حتى اذا صار شي ابلغج بسرعة

-عيونج عليها لاتغفلين

-سلميلي على بابا هواي

-ولي لج اليوم الاحضان بس الي

ضحكت ودفعتها اشرت باي  وطلعت

رجعت لفرشتي حضنت مخدتي وغمضت اندعي ترد قبل لايگعد ذباح

***رؤيا***

طلعت بسرعة اتلفت اخاف تجي وراي رايه وتعرف جذب رايحة وحدي بدون صگر  وتمنعني

ركضت  للشارع العام اخذت تكسي كبل لبغداد ؛الطريق بعيد والشمس بدت تنزل واني عيوني بالشارع مامصدگه اشوكت اوصل احضن بابا وابلغه وين راح انهزم بيهن وانتظره بعد مااخلص من غيمة وجاسم

وصلنا لبغداد تحاسبت ويه الولد نزلت رحت قريب عالشارع وكفت منتظرة تجي سيارة حتى أأشرلها الدنيا ضهر ناس قليلة

درت وجهي ماكو من الجهتين صفنات دااخذ نفس واسمع فوني يرن دنكت لكيت ذباح يتصل فصلته خليته بجيبي

استوني داارفع راسي واجت سيارة مضلله بكل سرعتها طبگت يمي اندريت ردت اشرد انفتحت الباب نزل واحد بكل سرعة صار بوجهي رجعت انداريت بعدني مامتحركة جرني سد حلكي ورفعني من بطني

انفتحت باب السيارة الخلفية اتلكا واحد من جوه سحبني ضربته وانداريت دااصرخ و ماحس غير ضربة براسي فقدت تواني بعد ماحسيت

راسي دايخ ولساني ثگيل الدنيا ظلمة رفعت  ايدي ردت فرگ راسي  حسيتها متقيده  فتحت عيوني

غرفة مهجورة سكفها واگع والعنگبوت تارسها حيطانها كلها رسوم غريبة بين طلسمات واثر جفوف اطفال

اباوع  شبه ضوه جاي من بره  درت وجهي صار كدامي مثل باب يودي لسرداب بس صغير وداير مداير حرگ اسود واسمع صوته يكول يعتاز اشغل المعزوفة لو نخليها بعدين

درت وجهي واشوف دسار واكف  ينزع بلثامه …

***رئال***

وكفت السيارات يمنه كامت عمتي وعمي باوع لازر كله صفيت ويه اخوك عليه

مارد دنگ يسولف ويبوس بدرع 

رد باوع لهيذام صك على سنونه وگله ورح امك لندمك

ضحك هيذام  بستهزاء وصاح امجدد  تعال وصل عمك للباب

دفر الميز وخر الكرسي وراح دخلوا ثنين شرطة بس رتبهم عاليه بدون لايحجي طلع وياهم

بجت هبة بصوت عالي وعمتي صاحت شسويتوا ولكم وين وديتوا اخيي

هبة- راح بابا سوده بوجهي

-شنوو راح هسه يكومون يرحون ورااا

ازر شال درع وكام راح للجهة الثانية مال الحديقة وهيذام دنگ يكلب بفونه

عمتي - ولك شنو انتتت بس فهمنييي هم حاسب روحك بشررر

شال راسه اشر شكو

- وين خذوا عمك

-اني زلمه اشتغل بمكافحة الارهاب شغل الداخلية مو يمي لاتسأليني

-من اكلك  كلبك اسود وماعندك ضمير وحرمات التعب بيك تزعل

رفع حاجبه وخله جكارته

- هيه كلمة ماكو غيرها ياتروح هسه وتسحب المصيبة الشمرتها عليه ياماتشوف وجهي طول عمرك

شالت فونها وراحت لحكتها هبة باوعتله اخذ نفس من جكارته نفخه بوجهي واشر شكو

-ليش سويت هيج

-شسويت يابه  هاي شبيكم صفيتوا عليه كلكم فد نيه 

-تعغف كلش زين شنو مسوي وتعغف بابا غاح بيها بعد مايطلع  ليش هيذام

- ابوج بيها وبلياها ماراح ينتازل عنه  والاوراق راح يسحبهن منج بقضية امج

-ياقضية ماما شبيها

- دفع جاسم يطلبها بيت الطاعة ووكله محامين بطبرون الضهر لخاطر يسحبون خواتج

-هيذام وينهن

-لاتخافين يم ذباح وهذا ينطي روحه ومايخلي احد يوصل عرضه والقضية بعدها بدايتها اقل شي شهر يالله تكمل

-يعني نوها دم وهالمغه على زوج غاية حتى يخلص منه ويصفن خواتي بالشاغع ويكدغ يحاغبني بيهن

- وصارت روحه وبيته بيدج

-وبابا شنو يعني غاح

-الي يسمعج يكول اشلون زلمه فقير والقدر عكس ويا بت الكلب انتي شايفه ابوج اشلونه غير يوكف بوجهي يتخازر وياي مخازر تكول اني المتهم مو هو

-لان دخلتوا للسجن ظلم

-الدغش لاا مظلوم  لاوالنوب كل دقيقة وقطع الاستجواب يسأل بتهديد لايكون مضوجها تكول منطيني ملاك بريء مو ام لدغة الغفله يمها بغدر يطير راس ابوك برتبته

-هيذام وعدتني تاخذ حقي من عمك واتغجعلي اهلي

-ياقصية هيذام حقج وصار يمج البيت وتعب عمره كله بين ايديج حلال عليج

كالها وكام راح

ضي - حيييل والله واجه اليوم الي اشوفك يبراهيم  تطلع مذلول من بيتك كدام حمايتك بربك شتسوالك هاي يمه اني منه انتحر

- لاتخافين غاح يطلع ما ضاع بيها بس بابا اني اشلون سويت هيج اشلون صدكت بهيذام وسلمته بابا

-جان مات

-يموت ولااغدغ بي تعغفين هسه شديفكغ بيه اني ضيعت خواتي قبل لااضيعه

- شعرفج هالقذر راح يسوي هيج

- جان المفغوض اعغف لان الشفته منه والسوا بيه يخليني اتأكد هو حيوان مايلزمه عن اذيتي بس الموت

-حقج كله يم جاسم

-لااا جاسم ماذاني بكده؛  جاسم دمه من حق غؤيا بس  اني دمي وحقي يم ابغاهيم من ساعة دخولي لهذا البيت لحد هاللحظة

- تره موبس حقج حق هالشباب المستعبدها هنا من غير البره انتي ماشايفه منه شي هذا حوت تعرفين شنو حوت طاغي ومايعرف ربه منو مستعد يسحگ كل واحد يصير بوجهه لخاطر مركزه و عائلته

-يعني انتهى بابا اذا مواعدام مؤبد

-لاتخافين على ابوج ديگلج يوكف بوجهي ويسأل بتهديد اخاف مزعلج؛  ويهدد منو ابن النظام الي يدري كلمة منه اتضيع اسم عشيرته بكبرها؛ بس هو لومايعرف نفسه ذيب ويدري ماراح يعترف على اي نفسه لو يعذبوا لو يصلخونه بتيزاب وراح يطلع براءه ويردجن لحضنه غصبا عنهم

-لهيج خايفين منه ومايغدوا يطلع

-مو يخافون لا المثل ذوله مغسول حظهم مايعرفون من الموت بس نومة اللحد بس صارت شغله خلت هيذام يستعجل يسلم ابراهيم من وكت

-شنو

- مااعرف بس الي اعرفه عمج متخبل بس يريد يرجع عائلته من جديد لاحسبالج من كاله راح اردلك بنتي صدكتي لاحبيبتي جان بس يريد يأمن هيذام حتى يصكه ويرد اسماعيل مكانه وانتي جنتي الطعم الي ناوي يبلش بيها المصيبة ويرد كلشي لوضعه بي

-منو كلج

-البارحه سمعت بابا يكول لهيذام  ماطول طلب مني اطلع منا وماتنازل عن ابو رئال معناتها نوه يخلص منك لان ماضل شي واكف بطريقه غيرك وهو يريد يلم بناته ويرد اسماعيل ويدري محد يهدأ غير رئال لهيج دير بالك على نفسك

-وهو شنو سوه هسه حكم عليه اعيش وحيده بدون اهل لاخواتي بعد يطيقن يشوفن وجهي ولابابا غاح يسامحني

-المهم همه بخير ومن تخلين راسج عالمخده تبتسمين لان تذكرين همه عايشين ومرتاحين ويجي يوم تردين تشوفيهم حتى لوبالصدفه مو تنزل ادموعج لان جوه التراب وشوفتهم مستحيله

-يمه لااسم الله على كلبهن قابله يضلن زعلانات وكاغهاتني بس المهم عايشات حتى لواشوفهن هنه ونايمات وماخليهن يحسن بيه المهم موجودات ومن احن لواختنگ احسهن قغيبات

-يله لعد روحي لرجلج قبل لاتقنعه عمتي رحمة مهما يكون مسوي يضل عدها عزيز لان عاشت ويا وماتقبل عليه واني هم يالله اكوم الم غراضنا

-لاضي موكلجن تعوفني شوه

-رئال اني كوه دااقنع روحي فدوه اروحلج لاتزيدها عليه خليني اطلع لان من صدك بعد مااتحمل

-ينطيج كلبج تعوفي وهو بهاي الحالة

-مرته صحت راح تردله وتنسي وتعوضه بطفل ثاني وهاي طرداتنا ورا تصير كدامه لاتوكفين بوجهي لان صدك اذا صارت ونطردت كدامه والله انحر نفسي

- ياتعوضه ياطفل لج دشوفي اشلون حاله باوعي اشلون واكف وصافن على مغجوحة ابنه

دارت وجها باوعتله  صدگ جان كوه واكف لازم المرجوحه وعيونه عالبايسكل يباوعله بكسره اتحس وجع الدنيا كلها بروحه

نزلت دموعها وكامت رحت للمشتمل مالتهم 

اتحسرت وكمت رجعت للبيت دخلت صارت بوجهي هبه تبجي ويمها هاله كاعده تسكت بيها شافني كامت هاله وكالت كله بسببج وجه الفكر من يوم الدخلتي وكلبتي البيت على روسنا

هبة- والله ماراح اسكت هسه اخابر عمو حتى لويأذي هيذام المهم يرجع بابا

- خابرته عمتي رحمه وكاللها رايح ورا واني هم خابرت بابا كال لاتقلقون احنا يمه مانخلي كافي لاتبجين عنده اخوه يكسرون اركاب قابل هو ذاك ابن الشوراع المشمور حاله حال الحيوان محد يسأل عنه

-راحوا اخوتي انهدم بيتنا وكل علمود منوو علمود وحده قذرة من الشارع اشكد كالتله عمتي الله يرحمها رجعها للسجن هاي ماوراها بس المصايب اصر لاا اسماعيل يحبها يعني لازم احرمه منها لمن دمرتنا

-شكول عليك عمو هدمت بيت وضيعت عائلة شكبرها علمود واحد مسودن

ضحكت بستهزاء وكملت طريقي سبحان اليدير الدنيا هاي كعدتي نفسها ابجي على عائلتي الراحت بحرگه واني اشوف ضعفي خايفة ومكسوره بدون سند

دااصعد للغرفه واسمع صوت عمتي جاي من غرفتها تحجي بنفعال تكله هذا العندي هيذام كلي ماتسويها حتى اروح

مااسمع شنو رد بس هيه كالتله يعني شنوو مووكتهاا

درت وجهي لكيتهن ملتهيات بمكانهن ركضت على اطراف اصابيعي خليت اذني عالباب واسمعه يكلها عمه بكلشي يمكن اسامح بس شغله تمسها  لا

-واني احبها والله واعزها قبل حتى لاانت تخليها براسك بس ييمه ماتخلف تعرف شنو يعني ماراح يصير عندك طفل

-عندي درع

-بس درع ماعنده احد وراح يكبر ويعاتبك من يشوف روحه بدون سند

-ماكو سند غير نفسك كلها تجوتهم وهم  مابيها بس المذله والغدز

-موتشوف سواد كلبك وتعرف ظلمك حسبالك العالم كلها مثلك تره ابنك مومثلك ولاتربى نفس ترباتك ييمه ينكسر ويوكع ويرد يباوعلك بعتب

-شرايده عمه من الاخيير

-زواج ماراح تتزوج اعرفك لان محد تجرعك ولاتعيش ويه واحد ماكو براسه غير الدم والظلم ترجع هبة وتسوي اخو لدرع

-وبعدها

-ماكووو بعدها البنيه ماعدها غيرك وام ابنك وهم حرام عليك هيج ضالمها صار سنين معلكها جان غاثك ابوها وتسوي هيج بجياده هذا راح صار كله الك كافي ظلم ردها اعدل وخاوي درع

-تامرين

-هيذذام لاتخليني اشگ ملابسي ولك يمه ادري بيك تخاف على مشاعر رئال بي ييمه  انت هم من حقك مامعقولة تضل بطرگ واحد لاسامح الله صار بي شي اتضل هيج تتصفن مثل اخيك اشكد حجيت ويا اشكد نصحته جان يگلي هو هذا وصار بالغلط هم جان يخاف على مشاعر ضي يله هسه لوعنده طفل جان هيج حالته

-هه وهيج ضامنه راح يجي ولد من اول بوسة

-اجت ابنيه وراها ولد شنو خلصوا بزرك واذا على رئال اني احجي وياها حبابه هيه وتعرف معزة الاخوه وحاجتهم راح تحس بدرع حتى لوضاجت اول الايام بدخلتك على هبة فتره وتتقبل الامر

ابتعدت بسرعة مااريد اسمع الجواب صعدت بسرعة لغرفتي دخلت سديت الباب وكفت وراها

اتلمست بطني كم يوم وتتقبل ؟؟ هيج سهلة بعد ماحرموني من الامومة واهلي  يكملوها بهيذام

عصرت بطني حيل ضربتها بكل قوتي وصحت اذا انتي مابيج فايده اكيد هيج يسون اقتنعي انتي حدج تسلية 

نزلت دموعي كعدت بالكاع صارت ملابسه  وبسطاله كدامي صدگ هيذام  تكدر تخليهم بغرفتها وتنام على فرشتها تكسرني علمود طفل واني انحرمت منه بسببك

همست بكسره لج رايه تعالي شوفي حالتي ولج حرموني من الامومة خلوا كلمة ماما حسره بكلبي وديحاربوني بيها

ضميت وجهي وشهكت احس الحركه تطلع من نص كلبي

اشكد جنت اضيع فكرة الحمل واعبر اي صور طفل تصير كدامي حتى لاحس بالنقص بس عرفت روحي غلطانة تمنيت لو باجية على كل لحظه اذكر بيها عجزي بلكي جان خفف عليه من هالوجع الدحس بي

دموعي تنزل بدون صوت اغمض اتمنى امد ايدي واتلمس بطني واخاف ارد المها

للمغرب واني على كعدتي حتى عيوني بعد مااكدر افتحها اراجع قصته حياتي العشتها بخوف من ايد محمود لايد جاسم  لهيذام

اندكت الباب وصوت عمتي رحمه تكول عمه رئال وينج

عرفتها جاية على السالفة نفسها وهاي وصلنا للنهاية بعد ماضل شي ينكتب اختم قصتي ويه اخر كسر  وارجع وحيدة لبداية اول خطوة اخطيها غلط امسح اول سطر من الروايه وابديها من جديد بدون دموع

مسحت وجهي وكمت فتحت الباب دخلت عمتي شافت عيوني كالت سمعتيني مو

-هه

-لاتزعلين مني عمه والله ادري اذيتج بالحجي بس وروح ابوي علموده ماردت ابنه يعيش مثله

-لاعمه انتي صحيتيني من حلم جان المفغوض ماادخل بي من البداية لان عمغي ماغاح اكون جزء منه

- ياحلم لاعمه دخيلج  لاتبلينه ويه هيذام  يمه غير يلمنا كلنا بغرفه ويسبحنه بالتيزاب  بدون ضمير

- مايحغكم لاتخافين هيذام موهيج باطل

-ياموباطل لااتشوفي يسولف  ويانه بهدوء واكثر وقته ساكت حسبالج صدگ بشر  تره هاي علمودج مايريدج تخافين منه خايف تعرفين شكو بداخله وتكرهي وداعت درع الماعندي غيره اخاف قبل لاتجين جان مايلفي للبيت بس وكت المصايب والظلم هسه اذا رحتي يطبق اصول جهنم بينا

-عمغه ماجن الي

-لعد للموت لان بعد شوفتي اله من خذوج منه عرفته مايعيش بدونج هيذام مو يحبج لاا هيذام شاف روحه بيج اذا جان كلبه اسود ومايعرف بس الاذيه هسه صار متوحش مستعد يمحي اي واحد يصير بطريقج اذا اگلج بكلمه منج هسه يحركنا اتجذبيني بس هذا الصدگ هيذام صار مسودن بيج

-لهيج ماغاح امنعه يغوح لزوجته

-اي يبعد كلبي حتى لوبس طفل لخاطر درع والله يكسر كلبي من يشوف الجهال تلعب ويه اخوتها وهو يتصفن ويضحك من بعيد على شقاهم وسوالفهم

- لاليش بس  اخ  هيذام يحب الاطفال جان يتمنى تصيغ عدنا اغبعة وهاي الله ماقاسملي اشوف الغاحه ولاحس بيها هو شنو ذنبه يتعاقب بسببي

- لايبعد عمتج ربج رحيم لاتحجين هيج ماياخذ شي من البشر اذا مايعوضه اضعافها

- ههه جانت ماما هم تكلي هيج بس خلصت قصتي  واني ماشفت هالشي

- رب الي خلاج بطريقه وخلا يتعلق بيج هيج تأكدي كاتبلج عوض جبير يسر خاطرج بي

-الله  كغيم

-زعلانه مني رئال مو

-لاعمه ليش حتى ازعل مهما يكون هبة بنت اخوج واكيد معزتها جبيغة يمج وهيذام ابنج لان ماشفته حزن على امه بكد ماسأل عنج وذوله ثنينهم الج ومن حقج تغيدلهم السعاده والسعاده ماتجي لابفلوس ولااملاك الغاحه الصدگ من تشوف اطفالك كدامك يكبغون

باوعتلي بكسرة ونزلت دموعها

-هه على شنو تبحين تغه من كد الوجع العشته بعد ماحس صاغ كلشي عادي عندي

- اشرط عليه اذا ماكمل تسجل درع بأسمج مايروح لهبه

- لااا شنو ذنبه طفل تحغموا من امه اني مااقبل وغاح اخلي يوقف هالشي وانتي مو احن من الخلقني عليه ماطول هو ماانطاني طفل اني بعد مااغيد 

-ليش ييمه هيج تعذبين نفسج

مسحت خدودي من الدموع  ابتسمت مهضومة وهزيت راسي على شنو

-ترا حاسة بيج وادري شنو معناتها المره من تنحرم من الامومة

-لاماحاسه ولاغاح تحسين لان عمغج مانمتي وانتي تباوعين لزوجج خايفة يجي يوم ويكلج مشتهي طفل ولا وكفتي كدام المغايه انتي وتخلين جوه ملابسج كوشه  وتتلفين اخاف واحد يشوفج؛

مالهفت نفسج على لعبة طفل بالكاع بس تخافين ادنگين اتشيلها وتشوفين شفقه المقابل عليج

- ليش ضامة كل هذا بكلبج

همست بكسره لان مالحگت اشكي ؛ كثغ الوجع ماعغفت بشنو ابدي ولاعلى شنو ابجي اول

- اذا تحبين هيذام راح تحبين اطفاله

- واني كغهت حتى نفسي على شنو عايشة ماادغي لااهل ولاحياة ولاطفال وهاي اخغ شي ختمتها ويا گلبي

- شنو ختمتيها هاي كلها بس لان كلتلج خلي يروحلها بلكي الله يرزقه بكم جاهل يسندوا

- هه لا عمه دااحجي على قصه دااكتبها جنت محتارة بالنهاية وهاي اجت وحدها غوحي كليله خلي يغوح الله يغزقه ويسعده

اني احجي وهو دفع الباب برجله و دخل كال بعد شيرزقني حتى اخجل ارفع راسي واطلب

عمتي - بالطفل يبعد عمتك تخاوي درع وتستقر  وتفرحني

- دروحي لحگي على درع لايصيرله شي ونوب لادرع ولا احلامج

طلعت بسرعة سد الباب وراها واجه لزمم وجهي مسح خدودي بطرف اصبعه وهمس ليش باجيه

- هه ماباجيه بس اكيد اول ماسمعتها طلبت شوية ضجت بس هسه عادي

-شنو العادي

-غوح هيذام صدك دغع يحتاج اخوه

-وابو درع هيج بكيفكم تلطلطون بي صح كلنا مهتلف وكلب ابن كلب بس مو لهالدرجة بدون احساس

- هيذام اليوم تغجع من المغكز كبل تغوح غغفتها

- شنو بنتي

برطمت ضحك وجرني لحضنه ضمني بقوة ودنگ اخذ نفس بلهفة  وهمس يم اذني تكدرين تنامين بدون حضني

- اي

-بس اني لا تعبت من السهر بعد ماضل حيل اله

-هيذام اذا تحبني غوح

-منو كلج اريد طفل

-ماكو واحد مايحب الاطفال ولاتكول لاا ولاتخليني اتوسل اذا ماغحت اليوم اعوفك واغوح

-وين تغوحين يغوح هيذام

-لاهلي وادوس  على غاسها التگلي ليش جاية

ديرد ورن فونه باسني وخر طلع فونه رد مااسمع شنو كالوله بس رد عفية ولدي  سبااع … طلعوا كدامي ربع ساعة وتكلوني يمكم … ابطال عيونكم الطريق لاتغفلون  …

سلم وغلقه لزم خدودي دنگ  باسني وكال دموعج اذا شفتهن نازلات مره ثانية اعلگج بالسگف

-لعد غوح ولاتخليني اعيش الوجع كل يوم

اشر اي رجع باسني حيل  طلع مستعجل طلعت ورا رحت لمكتبي حتى اكتب اخر الاسطر واختم مشاعر البدايات ويا

فتحت الدفتر خليت القلم كتبت اول حرف من اسمه ونزلت دمعتي طبكت الدفتر حيل شمرته وصرخت ليششششش ليشش ليش حتى اعيش كل هذا الوجع

لميت رجلية لحضني وخليت راسي عليهن مااعرف المن اعاتب لو منو احمله مسؤولية العشته

تأخر الوقت واني على كعدتي عيني تتنقل بين الكتب احس حتى شغفي بيهن انتهى داخلي مثل الصحراء مابيها غير الموت

دخل درع يركض هو والجلب صاح رئول جوعان ونعسان

مسحت وجهي واشرت اي

اجه يمي دنگ عليه مد ايده مسح خدي وكال ليش تبجين

- هه لايعمغي ماابجي بس ضجت من هاي القصة مدتنتهي

- اني اتعلم الكتابة واكتبها مكانج بس انتي لاتبجين

-لاا انتي ماغاح تكتب بس القصص الحلوه البيها ضحك وحياة هادئه  بدفو حضن امك وابوك وصوت اخوتك يمك يلعبون

-وانتي ويانه

-ميصيغ حبيبي اني صاغ لازم اغوح

- اروح وياج اني احبج مااحبهم خلينا نروح لرايه وجدو

- ماكو بعد غايه وجدو ضعيتهم بيدي

- لانلكاهم هسه جدو يدور علينه ورؤيا اطفر سريع  وتلكانه بس انتي كومي  خلي نروح

-المن اتحب اكثغ اني لو امك

-انتي مو كلتي اني امك

هزيت راسي

-لعد احبج انتي هووواي هلكد

ضحكت وسحبته لحضني اخذت نفس طويل منه تكول اريد اودعه مجرد ذكرت الكلمة انعصر كلبي

كمت بسرعة لزمت ايده طلعنا نزلنا جوه صارت هبة كدامي كاعده تبرد اضافرها مكيجة ومحضره نفسها على اخر موديل

هيه حلو ومنا مرتبة نفسها صايره جنها لعابه مجرد ماتخيلت هيذام يشوفها نغز كلبي مو يدخل وياها للغرفة وياخذها لحضنه

درت وجهي واسمعها تضحك هيه وهاله وعمتي تحجي عليهن تريدهن يسكتن 

دخلت للمطبخ سويت لفه لدرع دنكت شلته ورجعت لغرفتي بدون لا اباوعلهم  دخلت خليته عالجربايه  وكعدت يمه افرك بكلبي ابعد شكلها عن راسي لبين ماكمل نيمته وتمددت يمه غمضت اشكد ماحاولت انام ماكدرت

تعده الوكت صار نص الليل واني اتگلب كل يوم هيج وقت شباعنه نوم وكاعده اكتب مذكراتي؛  اليوم اتوسل بالنوم تواسل مايجي لحد ماسمعت صوت سيارته دخلت للبيت اخذت حسره طلعت من گلبي

انكلبت على ضهري دقايق واسمع  ضربت بسطالة عالدرج فتحت عيوني اردد لاهيذام مايسويها  هسه يفتح باب الغرفة ويكول مااهدم البينه لخاطر طفل

نزلت دمعتي واني اسمعه عبر الغرفه مثل مانهى  اخر لحظات بينا

حضنت مخدتي اباوع للكمر من الشباج ودموعي تنزل متنظرته اشوكت يغيب واطلع منا

غمضت صار شكله كدامي وهو يحضنها ويدنگ يشم بركبتها بلهفه مثل مايسوي وياي احس روحي اختنگت

وخرت الغطه وكمت للحمام دخلت فتحت البوري ودنكت اغسل بوجهي وابجي بصوت انفتحت الباب دخل اجه يمي كمش راسي رفعه وكال شبيج بابا

اباوعله بطرگ البنطلون ضغطت على سنوني وضربته بكل قوتي بصدره لزم ايدي دفعته وصحت شكوووو اجيت غوح كمل ليلتك وياهااا

-ليش تصريخين مو هذا الرايدته

-وانت ماصدكت موو غحت تغكض تعغف ليشش لان حيوووان وبدون احساااس لك شكد شفت حثاله بس مثلك لااا ماشفت

رفع حاجبه

-اطلع هيذاااام عساك بوجع كلبي

- كمليها وعسى الليل مايمر بعيونك ولاالراحه تمر يمك

- مادعيت على احد من گلبي بكد مادعيت عليك

- ودعوتج جانت مثل الطلقة فرت الدنيا واجت بنص  بگلبي

-دمغتني وضيعتي

-اوووف اذا نوصل للحساب منين ابلش من يا صدمة غدر ابدي 

-ماغدغتك اني كلشي صاخ غصباً عني

- جذابة بكل مره جنتي متقصده توجعيني بيها

- اذيتني هواي هيذام

- ماوصلت يمج ولامسيت گلبج بكلمة من اول ساعة  شفتج بيها لحد هاللحظه اني ادفع بروحي لحمايتج خسرتيني تعب عمر وخليتيني اتنازل عن حقد  سنين الم بي بس لخاطر اضمن قربج يمي

-ماغدت احبك

-انتي ماحبيتيني انتي شفتي بيه الحماية

- لعد ليش هيج دااتوجع

- لان عرفتي خسرتي ابوج وماضل مكان تحتمين مني بي

- لهيج ماخليته يطلع

-حذرته

-وماكفاك غحت الها حتى تكمل انتقامك مني

سكت

همست بكسره  الله ياخذك

-لاتبجين

-اطلع منا

-شحستي واني نايم بحضنها توجع الشغله موو

-اطللع مناااا

-ماتوصل واحد بالالف  بالجنت احس بي واني مكابل المشتمل

-دخيل الله اشكد تندمت واتمنى يغجع بيه الوكت

-ماراح يرجع بس اني راح اطلع واردلها اكمل ليلتي وياها

غمضت احس الدنيا افترت ردت الزم المغسلة فلتت ايدي دنگ لزمني بسرعة  فتحت عيوني ودفعته؛ قوى قبضته صرخت عوفنيييي

سحبني لحضني وكال وكلام الله مارحتلها اهدي

- وخغ هيذام

- وداعتج عندي ماوصلت ولاراح يجي يوم اخلي بحضني غيرج

-لعد ليش دتسوي هيج بيه

-حتى توبين وماتسمعين لاحد بعد

-عمتي تغيدلك طفل

-هو لوبيها مجال ارد درع مجان خليته لسه

-يغيد اخو

- مامعتاز اخ بكد مامعتاز ام

-عنده ام

-وهاي ام هيذام الثانية والناوية اتجيبه راح يكون ازر اذا اني اجت اوقات بس حقدت عليه لان ابونا مو واحد درع راح يكتله

وخرت راسي عنه - ماتحب اخوك

- ليش اكو واحد كالج عني حيوان بس ماحابيت التفرقة ولا الظلم لهيج مااريد درع يعيد العشته

-لعد ليش جنت اتغيدني اجبلك طفل

-لاانتي موهبة  ولاردت احرمج بسبب عقده مار بيها

- ماغاح يجي يوم وتكول اغيد طفل

- مارايد غيركم مكتفي بيكم

-وين جنت ليش مصلخ

-والله قرأت  الكتب طلعن صدگ بيهن فايدة بس هذا دفتر مذكراتج كلش ماعاجبني

-قريته ؟؟

-لااا شكاتبة بي لج

باوعتله ضحك وجرني لحضنه ضميت راسي بصدره امنيتي ادخل جوه واملي شكو فراغ مااخلي مجال لاحد غيري

مرت الايام ماجان عندي غير اشتياقي لاهلي هيذام رغم فرعنته ووحشيته بالتعامل ويه الكل بس وياي شي ثاني بالاخص من يشوفني اخاف بسرعة يهدا وياخذني لحضنه لوجان بأكبر مشكلة وياهم يسكت

خصصلي سيارة وحماية شباب مدنية ويه امجد صح طلعات وصرف ومولات بس لهفتي لاهلي مضيعات كل هذا

عمتي بعدها تلح تريده يروح لهبة من تشوفه مامهتملها تزعل كم مره رادت تطلع بس الموقفها حالة ازر دتسوء كل يوم اكثر من القبله

صح هيذام ودسار ماتاركي ولادقيقة مگابلي ليل ونهار  بس عيونه مو وياهم تروح على ملاعيب ابنه حتى مرته بدت تمل منه

طلعت من غرفتي البيت صنته بعد ماجان هوسة صاير تكول بيت اشباح يخوف نزلت صارت كدامي غرفه عمتي مفتوح بابها خالية شكلها ياخذ الكلب درت وجهي وركضت بسرعة طلعت للحديقة لكيت ضي كاعده ودرع بصف امجد يدربون الجلب على الاستجلاب اخاف معوز

درت وجهي اباوع الجهة الثانية من الحديقه عمتي  وهالة وهبة ويمهن ام هبة مسيره كاعدات يسولفن

رحت يم ضي كعدت باوعتلي وهمست وين جنتي

-اسبح ليش

-موكلتي اليوم نطلع 

-مابية حيل ولا الي خلگ اغوح اي مكان

- ادري بيج ضايجة  على اهلج وحقج بس اقلها خلي ذكرة حلوه اذكرها وياج  اخر ايام الي هنا

- لاتزوديها فدوه والنبي كوة متحملة ولازمة دمعتي ضي مدتحسين شكو بكلبي

- لااحس ولاحسبالج بس انتي مخنوكه تره اني اكثر منج

-لعد ليش تغحين

- حجينا بهذا الموضوع

- ولج والله مايتحمل خطيه ضغبتين سوه وفوكاها هاله صايغه جنها جلب بس تعيط

- لان بعده مصر مايدخل غرفتها

- غير بعد حزين على ابنه اذا هيه ماعدها احساس شيسويلها

- والله حجيت ويا كلتله بلكي الله يعوضك ليش انت هيج دتعذب بنفسك

-شنو كال

-مارد عافتي وراح كعد وحده يدخن

-لان انتي هم بدون احساس وجلبه

-شكرا اي وانتي شبيج ليش عيونج حمر ولاتكولين صابون دخل بيهن

-الندم دياكل بكلبي

-كل عقلج انتي يعني تفضلين الموت على بعدهم

نزلت دموعي

-رئال شبيج

-اشتاقتلهم اتمنى لو مامخابغه هيذام ولامنطيته مكانه اتمنى لو طالعة وياهم وكاتلينا وميته بحضن غاية

- ليش ماجربتي ترحيلهن يمكن هنه هم حنن ويسامحنج

- وشنو اكللهن بابا غاح اذا مو اعدام مؤبد  ضيعته بغبائي مثل ماضيعتجن

- اتفقي ويه زوج اختج ونروح بليل شوفيهن هنه ونايمات ماراح يحسن بيج

- ادغي بنفسي ماغاح اسيطغ واغكض لحضن غايه

وتكعد غؤيا وتغلط عليه وتظل روحي مهضومة لان مااكدغ اكللها هسه اشكيج لبابا

اتحسرت وباوعت وراي عرفت اجوا هيذام وازر مسحت دموعي بسرعة  ركض درع اتلكاهم دنگ ازر شاله اجوا يمنا كعدوا صاحت عمتي تعالوا سلموا

محد رد

ازر باوعلي وابتسم مسحت خدي ودنكت ؛ انتجه هيذام ومد ايده سحب شعري خلا ورا اذني رفعت راسي باوعتله مسح دموعي بطرف اصابيعة وكال ليش باجيه

- موكلتلي اخذج لقبغ غزوان

-على هاي منزله دموعج

-اشتاقيتلهم

- والج يمي ثلاث امنيات

سكتت

- ليش سكتي اختاري

-اي شي اتمنى

مسح دمعتي واشر اي

-بابا يطلع من السجن

-بعد

-اشوف خواتي وماما

-وبعد

-وامنية ثالثة بگلبي

كلتها وباوعت لضي وازر؛ ابتسم  ازر بتعب ودنگ

اجه الحارس خله كدمنا كيكة بيها شمعة دااسأل هاي شنو وقاطعتني ضي بشهكتها

شلت راسي لكيتها تباوع وراي درت وجهي كمت على حيلي واني فاتحة عيوني على كبرهن

رجعت باوعت لهيذام بصدمة

ضحك وكال مايصير عيد ميلاد ولا أمنية  بدون لاتعلگين  شمعة مو …

لاتنسون التصويت ❤️

شيء من رصيف الدم

بقلمي: leo Alfatlawi

بارت الثاني والاربعون

***رايه***

فتحت عيوني على صوت ماما تصيح ولج كوميي اختج ماكووو

كعدت قبل لااحجي صاحت غيمة  باكت فلوس من عمتي فجر وانهزمت ويه صاحبها بنص الليالي وهاي بنتج الثانية ساعدتها

لطمت ماما على وجها وباوعتلي مصدومة اشرت لاا

ماما- شنوو لااا وين اختج ولج

- والله راحت تزور بابا ولاتخافين عليها صگر اخذها

- ياصگر ولج هذا صگر يم ذباح واكف ولج يمه راحت بنيتي

-شنو صگر هنا

ماردت كامت من كثر همشت روحها عثرت وكعت رجعت انتجت عدلت نفسها  طلعت كمت ركضت وراها  لكيتهم كلهم واكفين حتى صهيب

شال راسه ذباح اشرلها هااا

- تكلك رايحة لابوها للسجن

ضغط على سنونه وباوعلي بنظرة انعصرت بيها ضرب السطل وصاح دخييل ربجن انتن شنيي بس فهمنييي

همست والله كالتلي صگر راح ياخذني

- ياصكررررر ولج وعلي راح تسودنني ياانتن اكض وحده تروح الثانية كليلي شعمل اربطجن لو اجتلجن شعمل اشلون اخلص من همجن

-شعرفني لاتصرخ عليييه

شمر سلاحه واجاني  بسرعه جرتني عمتي فجر خلتني وراها كالتله يواشك يوششك لاتتسودن

-هاي راس البلة اذا مااجتلها تجلطني محد يأيدهن ولايشجعهن على العرامة غيرها كم مره محذرها ماتتصرف من راسهااا 

فجر - ذباح اعصابك موجرة هدي يخوي لاتعمل شي بدون وعي وتضل عمرك تاكله بندم

- وين الكاهااا يلا حليهاااااا

-استغفر الله خابرها هلبت ترد

اشر ماكو ولزم راسه كعد عالدرج صافن 

بهتت ماما ركضت هيام لزمتها وصهيب مستمر يتصل ؛ رد رفع راسه  صارت عيونه بعيوني حمر كلها قلق وحيرة  دنكت مااعرف شگله

رن فونه طلعه باوع بي بسرعة كام وفتح اتصال كال وينك ابن الكلب صار ساعة اشرعب …  لانعل ابوك لابوها لابو القسمة الجمعتني بيكم  … اسمع لك امانتك وردت لحضنك اذا لجحت وجوهكم ارميكم  … لك ماتنكضض البت رعنه وملكوششه … خايب انكلعع

غلق الجهاز كالتله ماما بشر وينها

- يم زلمتها

-شوداها

-رايحه لاختها لخاطر يطلعن باجر من الصبح لابوهن

-اااخ يمه الزمها لولا اذاگطعت شعرها وربطتها وطلعت وجع كلبي بيها اطلع ماافتهم وانتي تعالي يمي ام المصايب الفاهية المابيج خيير

فتحت اديها فجر حمتي وصاحت شمالكم عليهااا البت ولكيناها بسكمم كل مصيبة وزتيتوها براسها المكروده

- هااي مكروده هاي راس الحيه لاحسبالج ذنيج يتحركن بدون امرهاا كله هاي التمشيهن

- ياااع غير اخيتهن الجبيره وينشدنها وسمعن جلمتها

-واني الجارية بت اليهود مومن حقي  غير الطم وانطم  ماماليه عين بنات الدغش

- بعدي لغاد عنها اكفي يم نسيبج وعلي امرعطج بس تجيسيها

- خلي ترد اختها واعرف اشلون اعيد تربيتهن العوجه

باوعتلها وعضيت شفتي؛ تفلت عليه ردت بسرعة  ضميت راسي بظهر فجر دارت وجها وهمست اركدي لج بعدها حامية لاتلكفج

ضحك صهيب وذباح هز ايده الدنيا طالعة من عينه دنگ شال سلاحه بعده مامتحركين وطلعت غيمة اجت تركض دنكت على رجلين صهيب كالتله دخل الله ودخلك يعمي

ذباح - هاي شتعمل هون

فجر - وعلي شدهتني الخرزه بمصايبها الحين اخذها لبيت هجامة

غيمة - لادخيلكم يعمي احجي ويا احسبني بنتك  غلطت وتندمت ابوس رجلك لاتشمروني بالشارع ماعدني احد

ذباح - فجررر

صهيب - اكف خلينه نفهم شصاير

-ماصاير شي يخوي البت طلكتها وماراهمة تضل هون  تروح يم هجامة ومصرفها احنا نتكفل بي بس لخاطر اخيها واله هيه ماتستحگ علف حيوان نعطيها

-لازم الشغلة جايدة يبن البدوية تحجه يخوي شعاملة البت

-ماعملت غير بأصلها وانه ماأمن بين حريمي  هيج نماذج 

غيمة - ليشش شنو سويت لان اعتازيت اشتري غراض الي  واخذت منك افلوس صح جذبت عليك بس استحيت اكلك واني بنفسي شغلات حالي حال البنات

-غيمه وكلام الله اترس حلگج بارود اذا امس كضيت نفسي عنج الحين وصلت حدها خلي النفس عليج طيبة وكمي ولي من جدامي لخاطر لااسحك فجج وانعل ابو الامانة لابو العطا جلمة وخلاج بين هلي

-لييشش هاا موهاي راية اخذت من عمتي فجر افلوس شو ماحاسبتها لو بس كدرتك عليه لان يتيمه وماعندي احد

باوعتلي ماما لطمت على وجها؛ همست والله جنت منتظره عمه تكعد واكللها وهو ذباح كلي شنو تعتازين تاخذين منها

فجر - بدون لايگلها ذباح راية  بنيتي وانه الچايلتها اخذي التردي بدون لاتشورني

ماما - والله خزني والله دمرني مااعرف وين طم روحي واخلص من مصايبهن بنات رافد

- يااا خيه وعلي حتى مفتاح خانتي يمها جااغير حرمة خويي وحلاله هو حلاها شمالج بس ردتي مصيبة تكضين بيها 

صهيب - جاهاي هم حرمته وابنيتنا شمالكم وياها

غيمة - وروح ابوي يعمي يفرقون خاليني بس للخدمة هاي كدامك اذا زعلت رايه شيسوي كم مره شمر نفسه بالموت بس حتى يرضيها واني راكني حالي حال الحيوان واذا حجيت ويا يدفعني عنه تكول قذرة حتى مايوكف يسمعني بس لان مكسوره ويعرفني ماعندي غيره

-شهالحجي شمالك يخوي عليش تغضب ربك

ذباح - لهيج طلكتها لخاطر مااغضب ربي خليها تروح بطرجها يله خوية فجر اخذيها

- لك ذبااااح

فجر- يواشك لاتعارج خويك اجذب هاي  موش شغله افلوس شغله عرض

ذباح- فجرررر

صهيب - شنيي لك من يمتى تعلي صوتك على اخيتك بعد روح طكهااا

ذباح- ماعاش اليكدر خاطرها موش اليصل يمها بس يخوي البت طلعت من ذمتي لان ماراهمه ويه حريمي الباگي وانه موش حمل مشاكل ومكاون بينهن

غيمة -  لاعمي اني احجيلك اخذت الفلوس ومن شافني خفت مااعرف اشلون جذبت بس وروح ابوي اتندمت واعترفت بذنبي بسرعة لوماخايفه يشمرني بالشارع واني ماعندي احد واعرف العالم راح تنهش لحمي فلااجذب  ابوس رجلج خلي يردني لذمته واني مستعده اصير خدامة جوه رجليكم

صهيب - ماعدنا حريم للخدمه كلهن امهات اولادنا وعلى روسنا وماطولج اعترفتي بغلطتج بعد ماتعيديها كومي يبه وانت يخوي هدي وسامحها لخاطري هالمره وانه اكفلها الك

هيام - اذا ردها لذمته انه اروح لاهلي

ذباح - كونج مره وتعمليها يهيام وكلام الله طلعين من هون اروح وراج افلش راسج وبنص بيت اهلج واطگهم جدامج  اجسر رجليج واردج ازحوف

صحت  واني شنو هم تكتلني لو ناوي تغصبني اعيش وياك اسمع ذباح  بساعة الترد غيمة لذمتك اطلگني 

ذباح - يبه شبلاجنن اشصاب عگولجن ياهو الرادهااااا

صهيب - شني لك صاير تمشي بشور حريمك وتردني

- ماعاش اليردك بس هاي ماردها لذمتي لوعرف بيها كص اركاب

كالها شال سلاحه وطلع لحكه صكر لطمت غيمة على وجها واجت شمرت نفسها جفي جوه رجليه باستهن وكالت امروتج بمعزه غزوان خلي يردني وين اروح ولج

ضحكت بستهزاء وسحبت رجلي ردت لزمتها حيل ودنكت تتوسل وتبوس

اتمنيت رؤيا يمي وابوسها على هذا الموقف اجت ماما دنگت جرتها رادت تكومها صاحت لااا دخيلج عمه احجي وياها وين اروح منو يلمني من الشارع

ماما -شنو يعمة اتخبلت اعوفج بالشارع واخيج ضحى بعمره لخاطر بناتي

- لعد كليلها خلي ترضى وتخلي يردني

- حتى لومارضت هاي كلمن استقرت يم رجلها بعد ماعليهن اني اخذج واروح

باوعتلها صفح ودرت وجهي لبالها مثل كل مره راح اكمش وانطي بنفس لخاطرهم مايدرون اتحملت اسوء ايام عمري واني اقنع نفسي راح يجي هذا اليوم

رحت للمطبخ تركتها تلطم وعمتي فجر لازمه صهيب وتسولفله بالصار حتى لايتعارك ويه ذباح

كعدت دخلت وراي هيام شاكه حلكها تريد طير من الفرح كعدت يمي باوعتلي وكالت سمعتي شني كال

-هههه وهاي فرحانه لان كلج اكتلج انتي واهلج

-جا خيه هو هذا مفهوم الحب يم ذباح من كال هيج يعني احبنج ومارايدج تهديني

-طبعاً يحبج بس غير انتي غبية وضاله تسمعين لغيمة

- خيه سودنتني بالاخص من خلتني اقرا رسالة غزوان الي مأمنها عند ذباح ؛بعد مااخذ منه جلمة يعطيها بيدج وينفذ البيها بعد وفاته

- شنو يارسالة هاي ؟! واشوكت انطاهيا

- من جان بالسجن الله يرحمة بيوم الي اعترف على نفسه يگول كعد يمي بيده ورقة حالته تلجم الگلب يريد يطلب مني شي ومتردد تالي گلتله زت الي بگلبك يخوي وعلي حتى الموت اشيله عنك بس تحجى يكول گله اذا صدگ حاسبني اخوك تاخذ هاي الرساله وتعتبرها وصيتي وامانتي يمك  تضمها  بعد مايعدموني  تنطيها الرايه وتنفذ الكاتبه بيها حتى اغمض مرتاح

- لعد ليش مانطانياها

- ماعرف خيه بس يمكن خاف عليج لان وجعج  جبير مانو عايز بعد ضيم يكمل لجم جرحج

-مو بكيفة يقرر وينها كومي جيبيها

- ماهي عندي ودخيلج لاتكولين اني گلتلج لان محد يعرف بيها غيري حتى غيمة مااعرف اشلون درت بيها وزنت براسي خلتني افتح خانته بالختلة واقراها وعلي اذا دره اني عامله هيج يفلش راسي

-تمام اني اعرف اشلون اخذها منه

دا ترد ودخلت فجر كالت شمالجن ييمه وجوهجن مخطوفة مصدكات ذباح يرد غيمة لذمته هسه من تنحري عكس الگبلة وعلي مايعملها عاد ابن البدوية والشرف اشلون متراهمين

هيام - عساها بأبو الزايد يمه غير امس خلتني اتلفت ماعرف شصد عني

-وهو غشيم عنها لخاطر خفتي تراه يعرف بكل مصايبها بس لخاطر غزوان ساكت

-الله يرحمه بس جنه زت همه على ذباح ونهزم بروحه الترفة

- الف رحمه على روحه الطيبة ياهو يصدگ هاي اخيته

دنكت

لزمت ايدي هيام  كالت باين جان يحبجن اكثر منها لهيج شايله بكلبها كل هالسوء

- لاوالله مامقصر وياها حتى شغل ميخليها تطلع يشتغل شفتين علمودها شنو تريد يجيبلها ميخلي بخاطرها شي   

-جا على ياهو طالعة هيج نجسه

- ماادري حتى محمود جان دره مال الله صح ميز رئال عنه بس مامقصر ويه الباقين ابد 

- اووف يارئال صار بنفسي اشوفنها

- ههه حلوة وناعمه وتلدغ جنها لعابة تتنعوص وعلى اقل شي تزعل وتنزل دموعها

-خيعون الضابط بيها

-اشلون ضابط هو جنه تريله بس زنده بيه ثنين منها من وكف يمها ضاعت مااعرف اشلون يتعامل وياها  لان شكله كلش مومال تفاهم

-تحبيها

-ماتعرفين شلون علاقتنا جانت مانام اذا ما وحده شاركت الثانية بحلمها وماتبجي وحده اذا ما الثانية شالت من الهم لصدرها

- ربي يردها لحضنج وترد لمتجن مثل قبل

-صدك هيام هيج ونرجع نلتم  ويصير عدنا بيت وبعد مانحس بثگل همنا وحملنا عالباقين

-اصبري وكولي يارب موش بعيده عليه؛ صدچ ولج اخاف امج تعملها وتطلع من هون

فجر - وين تطلع ذيج المره كاعده تتكاوت جنها عصفور زينه هلگدوتها ومبتليه بجوم فروخ بس تريد يگضي الوكت وترد الخرزه لخاطر اطلع ضيم كلبها بيها 

هيام -جا عليش ماكالت الرعنة رايحه لاخيتها  لخاطر تاخذ رايه وياها  احسن ماضاله تتحسر لشوفتها

- من كد رعصتها بررري

همست  المهم تجي وتأمني عليها كافي اني مااريد اروح شكللها اذا شكتلي؛صبري لو عذريني ماعندي مكان اخذج

فجر - المفروض ازعل بس مانه وكته يله كومن همن اديجن صار الضهر لخاطر تزهبن الزاد وطلعن للنوگ لان باين اليوم بيها مطرة گوية الدنيا مظلمة

كمنا اني سويت جاي وهيام حضرت الريوگ اشوفها طايرة مامصدگة خلصت من غيمة كل شوية تجي تبوسني عكسي عيوني عالباب بلكي حن كلب رئال من عرفت مسوين عملية وكالت خلي اروح اشوف اختي

غمضت اشكد مشتاقه لذيج لمتنا بضحكه بابا وهو ويشاقينا وصراخ درع بينا

مر اليوم بين شغل وسوالف وضحك اله غيمة دموعها تنزل وتفتر حسيتها مثل الشيطان تتصفن بغل عيونها ملح مثل التفكر بشغلة ومتردده تسويها بالاخص من كالت بيبي لهجامة اخذيها وياج وهيه تعرف هجامة تكرها معناتها عاشت الذل والخدمة على اصولها

كاعدين بغرفة بيبي هجامة تسولف ويه ماما  وعمتي فجر تثرم للعشه  حسيت بتعب تذكرت علاجي مااخذته  

كمت للمطبخ اجيب مي داادخل واسمع غيمه تخابر بهمس تكله وروح ابوي اكول عن مكانك وانت تعرف اذا لزموك راح يكطعوك مااعرف سويلك مصيبه احسلك

… شنو الضابط الساندك لزموا مالي شغل بهالحجي …انت بس تعال اخذ مرتك هنه بناتها يلحكنها بس دخل عليهن جماعتك وهاي هيه اتركهن… الك منا لباجر مااجيت ابلغهم بمكانك يلا روووح

تركت حتى العلاج رجعت كعدت يم ماما فاتحة عيوني على كبرهن احس كلبي يريد يطلع شنو من انتقام هاي من كثر مشاكلنا كمت اخجل  بعد حتى احجيلهم عنها واطلب منهم يشوفولنا حل

لليل واني منتظره رؤيا تفتح جهازها حتى اتصل واعرف شسوي بهالمصيبة

كملنا صلاتنا تعشينا ورؤيا مامنها خبر ؛ تاخر الوقت

الكل نام واني عيوني على غيمة الي ماتركت الفون ولالحظة

صارت الساعة وحده البيت هدوء الكل نايم واسمع الباب انفتح كمت بسرعة طلعت لكيت الدنيا تنث مطر عالخفيف اتجتفت صارت عيوني على  ذباح داخل ملابسه كلها تراب عرفته جان يم غزوان شافني عگد حاجبه وكال عليش  للحين مانايمة

- رؤيا ماكو جهازها مغلق

- رايده منها شي

- لابس قلقت عليها

- ماعليها يم اخيتها الصبح تجي

-جنت يم غزوان مو ؟؟

مارد راد يمشي ركضت صرت بوجهه رفع راسه  باوعلي عيونه حمر يسحب النفس بتعب

-ليش متكول جنت يمه 

- وحگ هو علي انه بشر موش جبل بعدي عن طريجي يبه

- رحت شكيتله مني

- لااشتاگيتله

-سمعت تارك رساله يمك اذا كلتلك اريدها راح تنطينياها

- يجي يوم وتصير يمج

- واني مااريد انتظر هذا اليوم اريدك انت تسلمها الي بيدك

- بعدج مريضة مانه وكت هالشي

- تخاف اتأذى  ههه تدري برد كلبي بعد من اذكره ماابجي هاي شوفني دااحجي وياك عليه واضحك طبيعي

- لان وصل الحب بداخلج الاقصى مراحله صار جزء منج بعد ما تحسين ابعده

-وقرأت  كم كلمة ماراح تضيفلي شي

- بس تضيفلي وانه مااريدج تقريها لحد مانصل لنهاية الطريج ومايضل مجان نكف نتعاتب بيه

- انطيناها ولك وعد مني ما أقره حرف واحد اله بعد طلاكنا

-ماراح تبجين

-لا

هز راسه وخر عني  راح للغرفة  مالتنا رحت ورا دخلنا فتح كنتوره طلع ورقة مطبگة مجرد ماشفتها بيده عصرني كلبي 

رحت يمه ردت الزمها رفع ايده وكال عطيتيني جلمة

نزلت دموعي

-كلتي ماراح ابجي

-دااشتم بلكي عطره بعد بيها

-الي عطره يجيس الگلب يضل بالروح يلجم

-من مجان يكتب بيها هم بجه

-مرتين عاد كتابتها بسبب جثرة دموعه التلفت الورق

-جان خايف من الموت

-لاخايف عليج من بعده

-لعد ليش عافني

-عيونه ما غمضت ضلت عليج لحد سديتهن بيدي

-اشتاقيتله 

باوعلي بكسرة؛  شهكت نزلت دموعه وجرني لحضنه خليت راسي بصدره وبجيت بصوت ضمني بقوة لو تكول گلي طلعي شكو بگلبج لزمته من ملابسه وبجيت من خاطري احس الوجع يطلع من نص روحي

اشكد شكيتله وشكد عتبت جان يسمع وهو ساكت  لامني بحضنه ويتسنط بهدوء لحد ماطلعت كل غصه بگلبي شمرتها بصدره حسيت روحي بهتت مسحت عيوني بملابسه وسحبت نفسي

دنگ مسح خدودي وهمس ارتاحيتي

اشرت لا

-شعمل لخاطر تبرد نارج

- اخذني اله

ـ الجمعة اخلي فجر تاخذج

- وليش مو انت شنو ضجت

- لا تمنيت اني بمجانه بس لخاطر بدل هالدموع تكون ضحكة وانتي كربه

-هيج نفسك رخيصة

- لان اكو الأعز منها

- شنو حسيت واني ابجي بحضنك على واحد غيرك

- اعرفج موش الي بس مانه بيدي انتي مثل النار التوجر بالروح لاهي التهودها ولاهي التنهيها

- يجي يوم وتنساني

- لهيج صار لازم ابعد

- شنو بالرسالة ليش ماتريدني اقرها قبل لانبتعد

- لخاطر ماشوف نضرة الحيره بعيونج

- شنو كاتب بيها

-ماضل جثير وتعرفين بس امانه الله ماعملت اي شي اذا ماجنت حاسه من جواي وانه رايد اعمله موش لخاطر وصية لو جلمة من احد

-اشوكت قريتها بعد موته لو قبلها

-بوكت الحسيت الروح تنعصر وكت الغروب ومن بلش اللون يبهت والوجع ينشاف ردت شي يهودني ويصحيني من الجاي اعمله بروحي

-وشنو لكيت

-لكيت الزاد  الروح اذيه

باوعت للرسالة  بيده ردت اخذها وشي منعني لمها بجف ايده ضمها بجيبه وكال روحي رايه نامي

مسحت دموعي وهزيت راسي

- ابتعدي عن غيمه لاتكربين صوبها

-تعني تعرفها تريد اذيتنا

-بت مريضة عقلياً تربت  عالنجاسة ماتعرف من الدنيا بس الحقد وهاي مايجي من وراها غير الشر

-لعد ليش تزوجتها

-ماكدرت اكض اذيتها عنجن غير بهالطريجة

- لهيج ردت تخلص الوفاة  وتمم زواجك منها

رفع حاجبه وهمس ياهو كلج؟؟

- فد اغراب دينقلي اخبارك وهو نفسه الديگلي شدتسوي من مصايب بالختلات

- اهااا اي وبعد شني كلج هالاغراب

- ديلعب براسي وديگلي روحي كولي  لصهيب عليه بس اخاف يرميك لان بعد مايتحمل مشاكلك ويه العالم

- وهذا الغراب ماكلج شناوي اعمل بجهرتج المرعبلة هاي كم مرة  نبهتج لاتمشين مفرعة جدام ازلامنا

- نسيت طلعت اركض بسبب رؤيا يله اتحملني هنه كم يوم ونروح

- عليش يبه ناويه تزتين حجابج

- تره اني مو محجبه

- على الله  اكضج يا رايه بدون حجاب هاي الربج كاتبها عليج

-تضربني؟؟

-لاارميج وخلص من همج وانعل ابو اليوم الخشيت بي داركم وتنوعت لجهرتج

-بمناسبة  جهرتي موعالاساس اليوم تروح للبر

- اجلتها لان باجر زلمة اخيتج عازمنا

-زوج رؤيا

-لارئال

-عززه اخيتي شبيها

-يبه شني مايصير يعزمنا اله اذا ما بحرمته شي الزلمه عامل ضيافة وخابرني كال باجر غداكم يمنا

-الله عليك ذباح مابيها شي

-وداعتج كلشي مابيها بس الضاهر مسولفه بيجن ومشتاگتلجن لهيج خابرنا زلمتها وأكد اجيبكم

-يعني نروح

-عليش ماتردين ترحين

-لاطبعاً غير ميته على شوفتها

- جا تهيروا  لخاطر نطلع من الصبح ازتكم بين مااكمل شغلي وارد اخذكم

-خو عوفنا انبات يم رئال

- الزلمة  غريب وين تردين تنطمرين

دااحجي ورعدت الدنيا بصوت حسيت الدنيا انفلعت درت وجهي للشباج دااباوع للسما انگطعت الكهرباء رجعت باوعتله استوني احجي ردت رعدت بصوت مرعب  بدون شعور لزمته سحبني لصدره وكال لاتخافين يبه

صار هدوء؛صوت زخ المطر ويه ظلام المكان ودفوا  حضنه هو وضاغط عليه عليه مااعرف شنو حسيت

رفعت راسي ماشوف بس شي خطف بداخلي واني احس بنبضات گلبه الصارت مخربطة وانفاسة القريبة ؛ خليت ايدي على صدرة بعدني مادافعته لزمها بسرعة عصرها وهمس وحگ الصورج وزرعج بگلبي صرت عايش على اثر عطرج بروحي

سكتت مااعرف لحظه ضعف لو غفله  بس هدأت ويه رجفة ايده هو يمشيها بهدوء على بشرتي  غمضت بدون شعور ؛مسح شفتي بهدوء ودنگ سحبها عالكيف حسيت بخدر احتل كل اجزاء جسمي

حركة  رجلين قريبة  وصوت هيام تكول منو هناا بسرعة سحبت روحي من حضنه دادفعة ودخلت بيدها لايت  اتفاجأت بمنظرنا ؛ لزمت ملابسه حيل احس روحي جمدت

دنكت وهمست اسفه ماحسبالي رچعت

دارت وجها رادت تطلع وخرت عنه بسرعة مسحت وجهي  وصحت انتظرري تره واكفين دنحجي بيج

اندارت اشرت شكو

-ذباح ديگلي صار كم يوم دافكر اسون طفل انابيب

-بغلات اخياتج

هزيت راسي اي باوعلي عاكد حاجبه درت وجهي

اجت تركض حضنته تبجي وتضحك مامصدگة باس راسها ووخرها لازمها من امتونها صافن مايعرف شنو يرد

انتبهت اله اشلون بعدها بسرعة حتى لايختلط عطرها ويه عطري بحضنه

تركتهم وطلعت مامستوعبة السويته شنو الصار وخلاني هيج اضعف بحضنه

دخلت للغرفة اجت الكهرباء صارت بوجهي غيمة  لامه نفسها وتبجي وبيبي بيدها سبحتها كاعدة عالسجادة شافتني ودنكت ؛ صاحت غيمة بشهكة هاااا شو سكتي ماسألتيها وين جااانت

همست والله بيبي يم ذباح

غيمة - جذب لو يمه مااجت هيج خايفة وتتصفن مبينة شابعة محاضن بالحرام

-انتي ماتستحين شنو حرام غير زوجي

فجر - مم وما طول تعرفي  زلمتج عليش جاية منهزمة ماضليتي بحضنه يكمل هالهوسه العالمها بجهرتج

دنكت خجلانة اتمنى اختفي ضحكت بيبي وكالت نامي يجدي مالج شغلة بيهن عملي اليريحج محد اله يمج شي 

بسرعة دخلت بفراشي غطيت حتى راسي لا اعرف من الخجل لو الصدمة لو حضي الاعوج الي كعدهم كلهم

غمضت عاضه شفتي احس جسمي كله يرجف وصوت غيمه بأذني وهيه تبجي بصوت وتعض اديها من الحركة 

كلما يجي صورة الموقف بمخيلتي ابعده ماريد اكره نفسي لحد الان ماادري شنو الصار بينا

مسحت شفتي وغمضت حيل احسب للوقت حساب اشوكت يخلص الليل وانهزم لرئال اضم روحي يمها للصبح واني على وضعي  بلا حركة لحد ماسمعت صوتهم طلعوا برا للريوگ 

كمت عالسريع طلعت فستاني لبسته ولفيت شعري خليت الشال  دخلت هيام و ماما كالت ها راح ترحين لرئال

- اي ماما لعد شنو ماراح تجين

-لاغير مرة

- شنو غير لعد مو انتي الكاتله نفسج بس تردين تشوفيها وتاخذها لحضنج

- اريدها هيه التجيني ويله تره ذباح واكف يم سيارته يكول استعجليها تأخرنا

- اشلون اتركج هنا

-ياا شعليه اشو حتى صهيب هنا من غير ذباح وصه صگر عليه يعني ابن ابو اليوصلني ديله روحي خطية خواتج منتظراتج

حسيت ورا ماما شغلة بس ما تريد تكولها صارت عيوني على غيمة تباوعلي بحقد لكشني گلبي داكول مااروح واجت هيام تضحك باستني وكالت لاتتاخرين عدنا جلام جثير

ماما - ربي يرزقكم يترس حضنكم بطفل ويفرح كلبكم

هيام - سكتي خالة وعلي مامصدكة حتى نوم مانمت هيج وذباح رضه وتنازل وكال اااي غير معجزه هاي

- هو ذباح مدولغ مو يم السالفة شبي اباركله واندعليه وهو صافن

- اكيد عنده مصيبة قابل جديدة على ذباح دخلي يسويلي جاهل وبراحته يتكاون يزتوا مؤبد بعد مالي دخل بي

-ههههه ربي يكمل فرحتج

-يارب اندعيلي والله جاي احس كلبي راح يوكف وانتي يله لج الزلمة مناطر صار ساعة

اشرت اي باستني حيل وطلعت تريد اطير

حتى مالحكت احضنها واشاركها فرحتها واتشكرها على كل وكفاتها وياي تكول حلم وخطف من كدامي وانضاف لبقية الاحلام

راحن واني وراهن دااطلع  اسمع غيمة همست نمتي بحضنه وخليتي يطلگني موو

-ومااطلع منا اذا ماخليته يشمرج بالشارع

- ههه هاي اذا خليتج صاحية وروح ابوي لبجيج دم ماضل شي اتهني على كد ماتكدرين كلها ساعات اذا ماخليتج تحلمن بعيشتجن القديمة مااطلع بت اليهود

سكتت ضحكت بستهزاء وردت دنكت تگلب بفونها عفتها ورحت غسلت وجهي عالسريع نسيت حتى الصار عقلي تبرمج كله يم كلامها حسيت نبره صوتها وكعدتها وراها شي تخليني اكل روحي ندم على هاي وكفتي بين ايدين ذباح

طلعت للسياره لكيته واكف يمها بيده جكارته يسولف ويه صكر صعدت بدون سلام انتبهت لفتحه فساتني جبيره نزلت الشال ضميت صدري بي و انتجيت عيوني عليه واكف  على اخره كشخة  بيده جكارته يدخن ويحجي بثگل 

اول مره انتبه لشخصيته شكد قياديةويحب كلشي يكون تحت امره من هيج كاتله نفسها عليه غيمة عرفت محد يخلصها من ماضيها وعلاقاتها الوسخه غيره

سلم على صگر لبست مناظره واجه فتح باب صعد حتى ماباوعلي شغل السيارة وانطلق…

****رؤيا***

دسار واكف ينزع بلثامه فتحت عيوني متفاجأه  رفع حاجبه

شمر اللثام اتقدم هو وينزع جفوفه كعدت بسرعة زحفت ليورا انضرب بالحايط وعيوني عليه وصل يمي ؛ لميت رجليه كعد كدامي نص گعده  ردت احجي اشر  اشش

وخر شعري عن وجهي نزل اصابيعه على خدي وصل لرگبتي بحركة خفيفة ضغط عليها صرخت ترك ركبتي وعصر حلكي وكال شنو كلت

سكتت سحب ايده مسح شفتي  ورد يمشيها عالكيف اخذله ثواني باوعلي وهمس هسه منين نبلش من الحيوان لو الخنيث لو هاي اخر وحده شنو جانت يله ولي لك موو

- انت ستفزيتني

-تردين تطلگين رؤيا

-وهاي انت جايبني هنا حتى تضربني

-اكو واحد يضرب مرته ؟؟

-اي اكو هواي ناقصين مرجله امث

بعدني ماحاجيه عصر شفتي سحبت راسي ضغط اكثر حسيته شلعها رفسته زاد بالضغط نزلت دموعي دفع راسي وكام اندار

تفلت عليه اندارلي بسرعة لميت روحي صك على سنونه  خنست غمض مبين يصبر بروحه

اخذ نفس وكمل طريقه فتح الباب صحت ويين رايح

مارد طلع ورد الباب ورا  اباوع المكان مهجور كاع مفلشة حيطان كلها رسوم مرعبة

عكدت حاجبي واني اتسنط اصوات هوسة العالم الجاية من الشارع درت وجهي للباب اتبعت البوري الجاي منه لنهاية السردب رايه جانت مربوطه هنا

درت وجهي وراي اتلمست الحايط نفسه العثرات فتحت عيوني على كبرهن وصرخت لك دساااااار

كتمت النفس اتحسس رده ماكو رجعت جريت ايدية مشدودات حيل سحبت رجلية دنكت ردت اوصل الهن افتحهن ماكدرت  دااصرخ واسمع شي شخط جوه سكتت بسرعة لميت نفسي صارت صنته

دقايق وندفرت داصرخ وسكتت على دخلته تكول ملك الموت يتحرك بدون صوت

رد الباب برجله شمر سلاحه وكعد بالگاع مقابيلي مد رجل وعگس الثانية دنگ ورث جكارته اخذ نفس نفخه وانتجه عيونه عليه

- ليش جايبني هنا

مارد

- حسبالك راح اتوسل لو واترجاك لو تموت ماراح تسمع مني هالشي

رد خله جكارته بلحكه

- لاتعاملنيي هيج شنو رايد تضربني يله كووم اكتلني وطلع شكو بكلبك خليني اروح

ضحك بستهزاء

-مستهزأ  حضرتك لعد تسمع طلاق راح اطلگ  لو موتحبسني لوتشمرني جوه الكاع هم ما اباوع بخلقة واحد مثلك  افتح ايديه وخليني اطلع افضل مااسمع كلام يخليك تتمنى مامفكر تجيبني لهنا موتكعد هالكعده كدامي

عدل كعدته طلع فونه دنگ يكلب بي اصلاً مااهتم

اني هم سكتت كلبي يغلي دااشوف وين يريد يوصل ؛ مر وقت وهو على كعدته جكارته بيده وعيونه عليه يباوعلي بطريقة شيطانية عرفته محضرلي شغله راح يعيد بيه تربية رافد من صغيرة

عضيت شفتي ودرت وجهي انعل بروحي ليش مابطل هاي رعونتي يله هيج احسلج اشلون راح اتخلصين نفسج سمعت فونه يرن باوعتله فصله بسرعة  وكام طگ ركبته من الجهتين وكف طلع لاصق من جيبه واجه  دنگ عليه

رديت ليورا فاتحه عيوني على كبرها اشرت شراح تسوي

-ثبتي لاهفج دفرة

-لاتتحيون دسار وداعت بابا اخزيك وفضحك بس تخليني وحدي

ديرد وگطع كلامة صوت دبجة قوية بالبيت قبل لااعيط سد حلكي وعصر وجهي همس صوت واحد وتصيرين جوه الكاع

ونيت

- حاولي تهدئين وتهيأين نفسج على التأقلم  ويه اجواء البيت افضلج لخاطر تسهل حياتج وتتعايشين ويه الوضع وانتي محافظة على الاثر الضال بعقلج ولو اشك اكو بذرة عقل براسج

رفسته

- اشلون بيج راجدي دخيل محمد شرط اطيح شكو وسخ من وجهج بس بعد وكت هالحجي

هزيت راسي لااا

- خو مايعتاز اوصيج البيت وانتي خبرة  بي خو المنطقة لعبتج صيري حبابة حتى ماتموتين موته قذره  مثل قذارته لسانج

كام رفست ونيت صاح اشش لج دخل ضيع كله ها ابو الليل كملت

-طلعوا الولد

-اي والمنطقة متراقبة ادخل من جهة حسن بلعة

-اخبار ابن النظام

-فر اللعبة منتظر اشارة  منك حتى ينطيهم الامر

-حلوو خليك هنا لاتتحرك خطوة وحده ماتاخر

-ليش ماتاخذني وياك شنو من كفر قريشش وشكو ضال هنا جني حكيم الاقزام افتر واصفن بالحيطان وحدي

- عيونك على الخرزة

باوعلي وصاح لااادخيلك بطلت نويت اتوب اصلاً جاي اودع اريد اسلم روحي

- مجتفها عدل ماتكدر تتحرك وكاتم لغوتها وشوكت ما ضوجتج اشمرها بالسرداب هناك تلكي جماعتها  راح ترتاح  ويتعدل لسانها تلقائي

-وداعت ابوي  نص ساعة مواكثر تنزل تلكي الشياطين  كلها اتشتم وتكمز ضاربها سوداين

- عود خلي طلقة براسها بس وخر عن طريقي

باوعلي ضبع  مبتسم بشماته عگدت حاجبي صاح لاتفلين تره ترد عليج

دنگ دسار شال للثام لبسه اشرله عيونك عليها وطلع بسرعة هو ويلبس بجفوفه

سد الباب ضبع كال شمسوية لج ليش جايبج هنا

حركت راسي حتى يشيل الاصق

- ولي تردين تورطيني

اشرت لا

شمر سلاحه وكعد كدامي - شنو مصخمة غالطة عليه لولاا شغلة الغلط صارت زلاطه بعد مايهتم  كد ماتصيحله حيوان شاف هويته صفن مشتبه بأسمه

تافله لو هم موسالفه تفلة وانتي غاسله شراعه بتفالج

انضميتي للتنظيم ولج

هزيت راسي لا

-بلغتي عليه

رمشت لا

-طلعتي متلبسة

سكتت

-والله شكيت بيج من شفت الخرز تلمع وجهج وسخ كلت هاي مو صاحية بس اول مره اشوف جني  مسودن ولسانه متبري منه يله مانعيش ونشوف

سكتت

اخذلة  شوية صافن بوجهي باوعتله بغضب غمني  راد يگوم ومثل الي اتذكر شي تراجع رد باوعلي ابتسم وكال  صدگ اكو تمن وقيمة جاي يوزعون وعلي اشلون قيمة عدنا كدر شتكولين لو اغسله ونطيجيا  ترحين تجيبيلنا

عفست وجهي

- اشبيج گلبتي خلقتج ولج تمن وقيمة هاي؛  جان اني رحت بس شافوني مرتين اكلت يمهم بعلي هالمره يهفوني بطابوك كومي حبابه انطيج جماغي اتلثمي وجفتهم ركض محد يعرفج

اشرت اي

مد ايده  وخر اللاصق حيل حسيت انشلع حلگي صحت لااااا ياابن ال…

مالحكت اكمل سد حلكي وكال كلب عرفته

دمغني وكام رد كعد بمكانه يباوعلي بضوجة كلما يسمع صوت الزعاطيط بيدها كدور تركض يغمني

اتعدى الظهر ودسار ماكو تعبت من الكعده ومتت عطش وهو مامنه صوت صار المغرب ظلمة الدنيا  وبدت اصوات تطلع من داخل البيت وهو مختفي

صار الليل فتح ضبع لايت الفون خلاه بالكاع كام جر  الباب صرخت بكتمة صاح وجع شبيج اروح للحمام

اشرت لااا

عافني وطلع بسرعة عيوني صار جوه هندس كلشي مامبين لميت رجليه خنست ثواني واسمع صوت شخطه غمضت رد الصوت اقوى من الخوف حتى مافتحت عيوني اريد اقرا ايه قرآنية  ماتذكر

صار هدوء استوني اعدل گعدتي وصار صوت هبدة قوية فوگ ومثل شي تحرك نزلت دموعي اسمع صوت رجلين تتخطى جوه احس نشف دمي فتحت عيوني عالكيف واشوف خيال اسود داخل عليه شهكت بصوت عالي

دخل بسرعة وخر اللثام واجه ركض جرني لصدره بقوة  باس راسي وهمس اشش اهدي بابا لاتخافين

ضميت وجهي وبجيت مرعوبة اريد اسيطر على رجفه جسمي من الهبطة مااكدر

دخل ضبع كله منين دخلت

- من كبر ابوك الكلب ابن كلببب وين عايفهااا ومووولي

- ماصار هواي من طلعت والله

- اني شكلتلك ابن القندرره  من اكوم اترس حلگك رصاص اكو زمااال  يعترررض

- رحتتت بلت على راس ابوي واجيت وبعدين شبيها  هسه عفتها تتفل عالحايط ويه خيالها

- المفروض تتفل بخلقتج روح جيب العلاكة تركتها فوك بسررعة

- وخر اللاصق خلي تتنفس

- لاخليها تهدا شوية

راح دخل جوه ودسار رد باس راسه ومسح وجهي همس ماكو شي اهدي

شهكت

رد باسني ودنگ  فتح اديه سحبتهن مسحت دموعي وهو فتح رجليه دفرته ؛ وخرت اللاصق وكمت ضغطت على سنوني وصحت من اكول حيوان ابن حيوووان تعترررض لك نااااقص لفو وكلببب ابن سطعش كلبببب

راد يكوم دفرته اجت بمتنه لزم متنه وسكت حرگ كلبي بالزايد صكيت على سنوني ورجعت دفرته بصدره

كام كمشني دفعته رد جرني ضغط جتفني بحضنه  وهمس كافي بنيتي تعبتي لايصيرلج شي

دخل ضبع كال شكو تفلت عليه ابتسم وكال مشكور مرت اخوي

- انعل ابوك لابووو اخوك ابن القندررره اكلك لاتطلع تعوفنيي وحدي بس شتريد تطلع اذا عايش ويه حيوووان لفووو

باوع لدسار واشر خو ماسمعت

هز راسه دسار  لا وضمني بحضنه 

احس روحي بهتت مسحت وجهي بملابسه وخرته كعدت بالكاع لميت رجليه مغمضة

راح جاب العلاكه فتحها طلع بطل مي دنگ غسل وجهي ونطاني اشرب باوعتله انفت بحرگة

-هاي منو الخايفة خرزة البتاوين وسفة

ردت اتفل سد حلكي بسرعة وخزرني دفعت ايده

-يله كوم وديني لاهلي

-يااهلج ذولة

-شنو يااهلي هسه ماما وراية اكيد مخبوصبن

-عدهم علم من الصبح انتي يمي

- ولحد من اضل هنا

-بعدني مامقرر

-عود شنو من تغصبني اضل هنا كل عقلك راح اردلك لو اباوع لخلقتك المخربطة

-شربي المي واكلي بسرعة اريد اخمد تعبان

كالها وكام

-تره اكدر اصرخ هسه واخلي المنطقة يسوونك الف وصلة

- ماطولج هيج نجره ماتصرخين اكو زمال واكف بوجهج يله صرخي ياهو الماعنج وهاا استعجلي تره مالج يمي غير  ربع ساعة واردج لوضعج

راح يم ضبع طلع من ورا ضهره باكيت مااعرف شبي انطاهيا وكله يله توكل اريدك قبل الفجر مزروع كدامي

اشر اي شال لثامه وشرلي بأيده باي وطلع

اباوع للباب ظلمة مومال اجازف واطلع حتى مومال اصرخ رجعت عيوني على داخل البيت بعد اضرب حتى مومال اختل جوه

صارت عيوني على دسار لكيته واكف بيده جكارته ويباوعلي بمكر مثل الكاشفني شنو اريد اسوي

نزلت عيني على ايده مطبگ ارداناته احرف اسمي واضحات موشومة بين التواريخ وقراصتي بنهاية معصمه مسويها مثل السوار

همست الله ياخذك

رفع ايده يأشر عالساعة

- اريد اروح للحمام

مارد خله سلاحه بحزامه سد الباب عدل

كمت دخل جوه رحت ورا البيت رغم ماظلمة  وماكو بس ضوه الفون ماشوف كلش بس  افصاله شي خيالي وكفت اتلفت فاتحة حلكي

جرني دفعني كدامه صحت هيي لك لفووو ؛ رفع ايده بسرعة ضميت وجهي سحبني من حلگ بلوزتي مشيت ويا صعدنا درج وصلنا طابق ثاني انطاني الجهاز  اشرلي ذاك الحمام

اخذت رحت دخلت  اشكد شكله تعبان بس مبين الجانوا ساكني حالتهم فوگ الفوگ

خلصت بساع وكفت اغسل اديه باوعت للمرايا تذكرت صرخه رايه استوني داابتسم انفتحت الباب درت وجهي صحت هيي انت اشلون تدخل هيج

- اختصرت الصرخة وامور الجني والخربطه الراح اسمعها وبعدين وبعدين اكو اختراع اسمه صوت بوري المي

- ذكرتني اشلون كلت لصاحبك على رايه شافة صورة اختها عاكسة وصرخت شنو قصدك جان

-شوفي وجهج وانتي تعرفين شقصد

-لهيج وكفت تخابر يمي حتى اسمعك وتلكاها حجه تطلش

-انعل ابو ذاك اليوم لابو ذاك العقل الجنت بي

-بعدها باولها طلكني

دخل جرني من شعري شال الفون طلعني دفعني كدامه اندارت صحت شبييك لككك

- رؤيا نفس واحد وكلام الله اشمرج بذيج الغرفه  اخلي الشياطين تحتفل بيج للصبح

باوعت للغرفة كال يله بنتي امشي

-بس دقيقة دااشوف شلون شكلها

-مثل باقي الغرف امشي رؤيا

-هاي يمك بس يمي لاا

راد يسحبني دفعت ايده ومشيت اسمعه اتحسر؛  وصلت يمها فتحت الباب وكفت اباوعلها كأنما الشريط انعاد كله گدامي ابتسمت

سمعته اتحرك اجه يتمشى لجهتي وصل يمي حضني من وراي گال شنو شفتي

- هاي راية وهاي اني بحضنها هيه تبجي خايفة واني اقنعها تعوفني وتنهزم

-وشصار

-واحد اخذها مني شمرها بره وكعد مقابيلي هددني اذا مااصير بأسمه يكتلها

-راد يحميج

-لايدمرني

-مادمرج بكد مادمر نفسه اتخلى عن اهله وغدر بربعه وخان وظيفته بس حتى تحبي

-حبيته وكسرني

-ماكسرج ودگلج يمين حلفان كل السوا لخاطر يرضيج بس ماتجي بيده عدله ولاانتي التنطي مجال يفهمج تحملي كل ذنب يطگ ضهر بالهم وتخلي يتلفت داير مداير محتار  اشلون يهديج

-راحتلك ماما تركض حتى تكلك رؤيا منتظرتك

-درت وجهي لان جانوا مراقبيني رايدين يعرفون اسمج شنو ويندلون مكانج

-سويت حفلة خطوبة بنفس اليوم الخليتني احلم بزواجنا

-نفذت شرط امي مقابيل تجي تعتذر من امج وتطلبج الي مثل ماردتي

-اعتازيتك وركضتلك بثقة رجعتني بكسره خلتني اخجل ارفع راسي كدام اهلي

-رحت حتى احل سالفه العقد لان روحي تعبتني وهيه تشكيلي من بعدج وذلج بيها

-ماشفت منك غير الغدر

-لان مادخلتي كلبي صدگ

-دسار بعد مااثق بيك

مارد سحبني اخذني يم شباك من الجهه الثانية وكف يمه فتحها صار الشارع كدامي كال تذكرين ذاك المكان

- اجينه اني ورايه من المستشفى شايلين رند خايفين لاواحد يشوفنا

- اول مرة اشوفج بي تدرين شنو حسيت بوقتها من رفعتي راسج عالبيت ولمعة عيونج ويه لون الشمس  شي خطف كلبي

سكتت

اخذني لشباج ثاني فتحه - وذاك الشارع

نزلت دموعي وضحكت

-اول مره اسمع صوتج وانتي تلقبيني بالحيوان اللفو 

غمضت

حضني وهمس وحق الدخلج روحي وخلاج بعيوني ضوه احبج حب ماراح يمر على خلق الله كلها

- راح تضل تشوفني اليهودية بت ارفد الدغش

-خرزة البتاوين الضيعة  مهمة الضابط وخلته يخون بلده

-راح توكع من نظر  اهلك

-مايهمني غير  نظرتج الي

-راح تحن لحضن امك وتتندم

-اختل بحضنج واشم عطرها بيج

-عندي حق يم واحد

-حقج يكون بحضنج قبل لاتصيرين بحضني

- طلگها

- الصبح اطلكها والعصر اجيب امي الكم

- لاهسه وكدامي

-رؤيااا الساعة وحده بليل

-وخرر عنيي دسااار

انداريت دفعته لزمني كال بس هدأي العالم نايمة

-كلتلك وخرر ولا تجي بعد تحجي وياي لان لو اشوفك كدامي ميت تعرف شنووو ميت هيج خاليك بتابوت هم مااباوع بوجهك

-تمام بس صوتج

-شكلتلك دسااار وخررر

لزم ايدي حيل ودنگ دگ الرقم رن الفون ثواني واجا صوتها كالتله ها دسار صاير شي

- لاماصاير بس بخصوص شغله البارحه الجنت جاي عليها

-اي صدك ماكلت شنو تريد طلعت بسرعه

-ردت اعتذر مااكدر اكمل لان وجودج صار يسببلي مشاكل

-ليش دسار اني قصر بشي وياك

-لا بس ماكدرت احبج وانتي تعرفين بهذا الشي اشكد حاولت وكم مره كلتلج بخصوص هالسالفه بس انتي جنت اطلبين انطي لنفسي وقت بس هاي كدامج ماشفتج غير اخت

-لا كول مااگدر اكمل وياج لان احب هاي الرخيصة الداگ اسمها بأيدي مو

-انت طالق

سمعتها عاطت سحبت الفون غلقته وحضرت رقمها - اسمع دسار  اخاف يجيني يوم واشوفك فاتح الحضر لو المحك مار من يمها مو حاجي وياها

-اي شنو تسوين

-وروح اخوي احولك تعرف شنو احولك

-همزين كلتيلي

كالها  وباوعلي بنظرة ماعرفها اشلون رفعت ايده همست اذا تحركت اصرخ وافضحك

عض طرف شفه وتقدم رجعت ليورا - دسار والنبي اضربك اخليك شهر متربع تتصفن بمكانك

طگ ركبته من الجهتين ولزم دگمت قميصة الاولى يريد يفتحها ؛ ركضت ركض وراي مالحكت افلت لزمني دنگ شالني صرخت ضمني لصدره بقوه ضحك وهمس صوتج ولج

-نزلني

-ماسويلج شي والله

-كلتلك نزلنيي لاتخليني اغلط

كز على سنونه دنگ باسني  من يم شفتي ضربته؛  عضني صرخت رد باسني بقوة ونزلني

مسحت حلكي بقرق

- بعد روحي اترغلي بالتراب باسج  جلب

- تره عيع

- وعلي يارؤيا اذا ماضبيتي لسانج اخذج لغرفة المشعوذه وانعل ابو اليخلصج من ايدي

-اي اخاف معوزه طياح حظ حتى يجيني ابن خبل

- صدگ ماتجين نجرب نشوف اشلون يطلع خلفة بيت اليهودي

- انزل دسار بطني كامت توجعني من الجوع

وخرته جرني باسني حيل من خدي دفعته دمغني رجعت صربته بطنه دنگ رفعني من خصري وباسني من شفتي

دفرته عضني من خدي وشمرني كوه سيطرت ماوكعت عدلت روحي دااغلط عض شفته واشر اي

عرفت يريدها من الله حتى يبلش تعضعض وماراح اخلص من ايده

سكتت باوعتله بغضب ودرت وجهي مشيت نزلنا  الطريق كله  يتحارش بس يريدني ارد

سكتت لحد ماوصلت للغرفه دمغني ماتحملت تفلت عليه لكفني عصرني من وجهي ودنگ عضني من شفتي دفعته ماكدرت ضربته زاد ونيت ضغط اكثر حسيتها ملخها بجيت دفعني وهمس لخاطر توبين

مسحت حلكي والشهكة بكلبي

- كعدي اكلي ونامي بسرعة لان وروح ابوي منا لدقايق  بعد مااضملج سلامتج 

-خلينا نرجع

-هه الزلمه وابن ابو اليطلع هيج وقت بالمنطقة

-لعد اشلون نضل هنا

-وشبي هنا عمر خلصته لومتجيبن بلاجن انتي واختج وتشمرنا بقسمتي

- ديله اشلونك انت عاد كله واحد ل…

-اي كملي ليش سكتي

- جوعانة

ضحك سحبني باسني من راسي واخذني للعلاكة كعدنا فتحها طلع اللفة انطاني وياها كولا اخذتهن مددت رجليه انتجيت خليت الكولا يمي  وبلشت اكل

جر اللثام والقمصله خلاهن  بالكاع وخلاه سلاحه جواهن تمدد رن فونه رفعه امه تتصل رفضه ثواني واتصل اخو عرف وصللهم الخبر غلقه وشمره بصفه صارت ظلمة ماكو غير ضوه الكمر

اكلت عالسريع حتى ماكملت اللفه رجعتها للجيس كلتله وين انام

مد ايده

-شنوو دسار

-حلفت ماسويلج شي

- شيلها ماانام يمك

- بكيفج

كالها واتجتف نام صفح لميت رجليه انتجيت احس خرخشه داخل البيت ادنيت كعدت يمه مر وقت واني عيوني عالباب الداخلية تعبت من الگعده اباوعله منطيني ضهره متجتف ونايم

خليت راسي على زنده ولميت رجليه منتجيه عليه  رجع الصوت رفعت راسي اباوع ماكو شي ندسته همس شكو بابا

-مدتسمع انت لو مستشهد ماتحس

-شكو

-صوت جوه مال اشياء تتحرك

-شتردين منهم لو حتى ذولة ماخلصانين من ازعاجج

-صدك دتحجي يعني اكو جن صدگ

-لابس اقزام وطناطل

-ماكايل شي

اندار ضحك وجرني خلاني على ايده ردت اكوم كال انطيتج كلمة

-صدگ البيت مسكون

-يكولون ماادري

-يعني انت مشايف شي بي

-اي شفت وحده عيونها تلمع جانت خاتله بذيج الزويه  شبعتني دفرات

ضحكت خلاني على صدره باس راسي وكال ماكو شي نامي اني كاعد

دااحجي ورد الصوت لزمت قميصه بسرعه وضميت وجهي بصدره

دسار - اشكد هيه الكفاره

- دسار شيل ايدك

-تره انتي مرتي

-من البس البدلة واشوف المخايبل تهوس وراي بذاك الوكت كولها

-شنو هذا وراج

-لادسار فدوه

-حضنيني حيل لايسحبوج

-والله لخزيك كدم جهالك كلشي احجيلهم واولها ابوهم حبسني بيت مسكون حتى يجبرني اخذه

-واگلهم شكد شفت رعنات وصلفات مثل امكم ماكو فوگ ماخلتني اخون وطني تكوم وتكعد تسب وتنعل بيه

- اكلهم ضحك عليه جان يوصفلي شكله ماكو هيج وطلع راسه مصندح جنه صينيه هجامة

-بمناسبة هجامه ذكرتيني تعالي لج ساعة ونص ادگ بالباب ليش ماتفتحيها

ضميت وجهي بصدره همست اني نايمة

ضحك ولمني بحضنه عدلت راسي على صدره لزمته من قميصه وغمضت 

دنگ اخذ نفس طويل وباسني خله راسه على راسي وغمض

مااعرف شنو الشعور واني داخل حضنه  احساس غريب احس كلبي يريد يطلع من مكانه

هو مجانت مشاعره ولهفته  اقل مني؛ كلبه كد ماينبض خاف يوكف كل شوية وعصرني عليه يريد يهدأ

مر الوقت لاهو نام ولا اني خلص الليل وهو ياخذ النفس من ركبتي لحد ماسمعنا صوت الاذان باسني ورفع راسه همس الحمد الك يارب

رد باسني وكام كال يله

-وين

-لحد هنا وعلن انسحابي لان بعد مابيها مجال

-ماتاخذني لنهر دجلة اقلها ضيف ذكرى قبل لايخلص اليوم وتصير مضحكة كدم جهالك

- اذا ضليتي على هذا وضع اصير مضحكة موبس لجهالي لاااا لامه محمد بكبرها كومي رؤيااا

-حالف ماتكدر كلشي تسوي

هز راسه ودنگ دفعته لزم ايدي رفعها وخله راسه بركبتي عضني عالكيف صحت لادساار والله يصير اثر فدوه وخرر

رفع راسه باسني من شفتي وهمس كومي رؤيا وكلام الله مااكدر الزم روحي بعد

دفعته وكمت بسرعة لان حسيته صدك وصل حده مسح وجهه شال أغراضه وكام طلعنا غسل وجهه بالبوري البره وباوعلي انداريت ردت اركض لكفني شال جف مي غسل وجهي ودفعني ودخل للحديقة

وكفت امسج وجهي وادردم دقايق وطلع من  الحديقة يسحب بدراجه  فتحت عيوني متعجبة اشرتله منيلك

- هاي الله شكد يرزق على دراجة محطمة خليتي عينج عليها

-يعني هم سلبت وحدك ماخذتني وياااك موو  ؟؟

-بت الكلب اليسمعج يكول صدگ  بيه خير ورايح مسلب ماتشوفيها جدها كامز

-لعد منين جبتها ولاتكول من زمن اليهود باقيه بالبيت شوفلك  غيرها

-انعل ابو اليهود لابو اليوصل يمهم بعد على هذا الطياح الحظ والسحل ولاا هاي مالتي اني خالها هنا لان مرات انحصر واعتاز شغلات خفيفة للطفرة

-واشلون دخلتها

-من الباب

-لاقصدي اشلون دخلتها كدام العالم

- هيج وقت الكل نايم ماكو بشر يله خلي نطلع قبل لايصحون ونصير بخبر كان

رحت يمه خله الواقيه على راسي ولزم ايدي باسها وهمس بروح اخيتج  لاتشمريها

-لا بس صعدني

هز راسه مبين شكله مامصدگ

رفعني خصري صعدني اتلثم لبس جفوفه فتح الباب طلعني سد الباب وصعد كال كمشي عدل بعدني مااراده  وداس بكل سرعته

بس عبرنا الشارع نزعت الواقيه شمرتها حضنته بأيد ورفعت ايدي الثانية  الهوا بارد يضرب بالوجه احس روحي طايره صرخت بعلوا صوتي دوس حيييل

ضحك وانطاها سرعة اكثر  الهوا صار اقوى روحي معلگه غمضت ورفعت راسي اتحسس بروده الجو شعور يجنن

وصلنا لنهر دجله النهار استوى طالع؛  ركن دراجته نزلني  شاف ماكو الخوذه اخذ نفس وسحبني ويا بدون لايحجي

كعدني عالحجر وكعد يمي اباوع للنوارس واتسنط لصوت المي شي مثل الحلم؛خليت راسي على متنه همس بردتي

- لادذكر واحد هنا اول ماجابني هددني وانوب  اعترفلي

- والله احتار وياج ياهالواحد جان اشطر واحد بدفعته صار اكبر زمال كدامج

-محد كلك حبني

-غبي

-يله بعدها بأولها

دنگ حك خشمه بسرعة لزمته همست دااشاله واحنا بالشارع

- جا انضبي ولزمي لسانج لاوالكعبه الشريفه امدج كدام العالم

اشرت اي ورجعت راسي على متنه

عيوني عالنوارس تعده الوقت واحنا كاعدين فتح فونه لكه كومه مكالمات حذفهن دخل على مسج قرا وكال يله كومينا

-وين ؟؟

-فد مكان راح يعجبج

-دسار لادگ بيه الناقصة وتشمرني كدام ماما  وتفلت

-لا مو يم امج السالفة  يله لاتأخريني كومي

كمت صعدني عالدراجة ودمغني لان ماهيه الواقيه صعد لزمت ظهر وطلعنا

طريق مو كلش بعيد بس دخلنا شارع كله بيوت راقية احسها  موغريبه جايين منا قبل بس اجذب روحي لحد  ماوصلنا يم  بيت عملاق كله حرس سيارات سود 

ركن دراجته ونزل اشرت وين

- يله نزلي

- اختي بيها شي

- لااكو شخص منتظرج هنا

***راية ***

على طول الطريق ساكتين اني عيوني عالشارع وهو بالطريق لحد وصلنا منطقه كلها بيوت ضخمة دار سيارته للشارع الثاني صار كدامنا  بيت تكول قصر والحرس محاوطته؛  داباوع متعجبة على ضخامته شفته ركن السياره قريب منه اتفاجأة ماصدكت هذا المكان العايشة بي رئال

ردت اسأله حسيت روحي ماعندي ذيج الجراءة بعد اباوع بوجهه درت وجهي لزمت يده الباب داافتحها  وشوف بابا امجتف منتجي على  سيارة سوده بكامل اناقته ؛قوة شخصيته وصلابة وكفته وحدها تكلي رديتي للعز والكل راح يهابج

نزلت دموعي وضحكت  بلحظة اختفت شكو غربة وحيره ؛ بدون شعور  فتحت الباب ونزلت اركض شافني  ضحك وفتح اديه شمرت نفسي بحضنه وبجيت بصوت ضمني لصدره دنگ باس راسي وكال اوووف يبعد ابوج ليش البجي 

- احتاجيتك هواي

- لوصدگ جنتي ذاكرتني مازعلتي اخيتج

- مازعلتها بس بعدك عنه خلانا نفقد شكو امان جنه بي ونرد للخوف وعوزتنا للبشر

- افاا اتخافين واني موجود يبت الدغش

رفعت راسي همست لبالي بعد ماشوفك

- واشلون اعوف بنياتي  قبل لا أرد حقهن واخلي كل وحده بيهن رجلها على راس الهاويها

- كلشي مانريد متنازلين بس خليك يمنا بعد لاتعوفنا والله ننذل بدونك

- مو بناتي  الينذلن؛  مدللاتي مايعيشن غير اميرات  والكل منحني كدامهن

- اشتاقيتلك بابا

- روح ابوها العايش بيها

كالها ورد ضمني بحضنه بقوته احسه يريد يدخلني بين ضلوعه ؛دنگ اشتمني حيل وباسني اسمع ذباح يتحمدله بالسلامة

بعدت راسي مد ايده بابا سلم وكله وهاي طلعت ينسابتي يله اريدكم تشدون حيلكم وتراوني مراجلكم عدل

- انه مانه فاضي للمشاكل عندي مصايب تكفي الف سنه ليجدام عندك الربع جوه خش عليهم والعب على كد ماربي عاطيكم عمر  بس شيلوني من راسكم لخاطر لافر الطاولي بيكم واردكم منين ماجيتوا

- وين الخرزة؟؟

- طفرت امس الصبح راحت تزورك

- وين تزورني صار اسبوع طالع وابن النظام حاجزني  تكول جلب اهتر وخايف لاانهي اثره هو والخلفوا

- وسفة مو ابو درع اليخاف تعرفه عز المعرفة ازلمة من ظهر ازلمة يتخطى الموت ويسحگ على اكبر شارب

- حلوو صار اللعب عالمكشوف

- من البدايه جان ضاهر ولعب الختيلان للجهال مانخطي بي

- حي الله ابن البدوية

- حي الله بارجالها  يله اخذ راحتك انه اتوكل قبل العشه اجي اخذهن

- تاخذ منو ؟؟

-حرمتي واختها

-وبناتي رادات وياي

-عليش يبه استشهدت لو انهب عگلي ترد وياك شني هنه كم ساعة ماكو غيرهن ارد اذا مالكيتها مناطرتني يم الباب اخش اسحلها من نص حضنك واريد الزلمة يكف بوجهي

- هه شبيك بابا اهدا لاتنجلط وبعدين ليش اطفر؟؟ شنو مصدگ روحك انت؛  منين اجت مرتك تره  امانه وهاي ردت لاهلها نص كلمة ماتكدر تحجي موتعترض

- عفية وانت كلتها امانة والامانة مانعطيها لغير راعيها على كص اركابنا

- ورعيها مات

- وماياخذها غير للموت

- اهااا هيج الحجي درب الطلاگ طلع تخدير

- ودرب الشواجير المنية اگرب

دنگ بابا حك خشمه وباوعلي همست بابا اروح وياك

طلع واحد من الحرس كال تفضلوا

ذباح خله الجكارة بحلگه باوع لبابا رفع حاجبه وضحك بستهزاء؛ اشرله يلا شمنتظر

لزمني بابا من ضهري جرني كل عقلي ذباح راح يروح بس نعصرت روحي من سمعت خطواته ورانا  خفت من تصرفه  حسيته يكلي لهنا انتهت كلمتي وياج  رادج وهالمرة لحضني وغصباً عنج

***رئال***

على شهكت ضي درت وجهي واشوفهم وراي نزلت دموعي رجعت باوعت لهيذام كال ماكو عيد ميلاد ولا امنيه بعد ماتطفي الشمعه مو

ضحكت وشهكت سوه اخذني لحضنه باس راسي وهمس كل عام وانتي بخير

وخرت راسي  مسح دموعي رد باسني واشرلي روحي استقبلي اهلج

ركض كدامي درع هو ويصيح جدووو

دنگ بابا شاله شمره بالهوا ولكفه يبوس بي

رحت امشي عالبطيء خايفة يكون حلم واگعد منه  اباوعلهم امسح بدموعي وترد تنزل مامصدگة رجعت شفتهم

وصلت يم راية صارت عيوني بعيونها اشرتلها  بكسرة ليش 

نزلت دموعها وهمست ادري اعتذار الدنيا كله ماراح يخليج تسامحيني

- اني اختجن اشلون كدغتن اطغدني

- لان عرفنا روحنا مانكدر نحميج

- كسغتني خليتني احس بغوحي وحيده موالكم

- اتندمت والله اتمنيت ماخذتج لحضني وماخالتج اطلعين بذيج دموعج وانتي تباوعن وراج

- اشتاقيتلجن هواي

سحبتني لحضنها وشهكت بصوت حضنتها حيل بستها  وخرت عنها مسحت دموعها وهمست  غاح نغد نلتم من جديد

ابتسمت واشرت اي

وباوعت لبابا بخجل رفع حاجبه همست والله اسفة والله خفت عليك وماغدت افتقدك

-اكثر وحده جنت اسولف بيج انتي

- غخصت  نفسي علمود احميك

- خسرت اخر ورقه ربح الي بالحياة لخاطر ارد حق دموعج

-شنو سويت بابا

-دخيل الله اشكد محتام لهاي الكلمة

ركضتله حضنته ضمني لصدره بقوه وباسني

اجت ضي كالت اكول كأنما كثرتوا بالاحضان لان داشوف السلحة انرفعت وصوت الانذار اشتغل  ثواني وراح يبلش الرمي

ضحكت وخرت عنه سلمت عليهم واني سلمت على ذباح لزمت ايد راية مامصدگة رجعت شفتها احس كلبي يريد يوكف

دخلنا للحديقة كاموا ازر  وهيذام استوهم يسلمون ونسمع هوسة ورانا اندارينا

دسار داخل لازم رؤيا من ايدها ويسحل بيها بالكاع وهيه تضرب وتملخ بي تريده يتركها  وصل نص الدرب فلتت

كامت بعدها ماراكضه لكفها رجعت شمرت روحها بالكاع اترفس بي دمغها وكمش ايديها حيل وكمل سحل نزل بالحديقة  وصل يمنا دنگ شالها من بطنها شمرها على بابا كله اخذ بتك لانعل ابوها لابو الباوع بوجها الچنه بسطال جندي

كامت نكث بقميصها باوعت لبابا وصاحت شفت لك  هااي كدامك اشلون سحلني هم كول انتي رعنة

بابا - لابابا ادري بي ظالمج

- كله وين جان حابسني؛ بيت اليهودي شايفلك واحد يريد يعترف لوحده يجتفها ويشمرها بيت مسكوون

غمض هز راسه بأسف

- ذلني من بعد عينك يا بابا

فتح اديه اجت حضنته وكالت رافد بعد لاتعيدهااا

- انتظرتج

- الغفلة من تجي تخربط شكو مرتب صرنا مثل اليعيش بثار وهو ماكاتل

-هانت يبت الدغش

رفعت راسها مامفتهمة شكو ؛غمزلها ضحكت خربط شعرها ردت لحضنه وباوعتلي اشرت اشلونج لج

درت وجهي غمتني دمغها بابا وخرها عنه وجر الكرسي كعد بصف ذباح  مقابيل ازر وهيذام  

دااسحب الكرسي الراية اجت يمي ضربتني صحت بابااا ضغبتني

رؤيا  - جذب بابا ماوصلت يمهاا

- امداج وسخة

- وسخة ولالدغه ونعواصة

- تف عليج

- خلي يروح بابا واعلمج اشلون اتفلين اذا مافركت حلكج

- بابااا سمعتهاا

بابا - رؤياااا

رؤيا - ضم نعواصتك على كلبك اخاف انجرحت مشاعرها

ضي - ههههه والله اول ماشفتج عرفتج انتي خرزة البتاوين

- هاي قبل  لااخذ اللفو وتحول لزنجار الشوارع

جريت الكراسي كعدنا اني ورايه اجت جرتني من شعري كالت كومي اني اريد اكعد هنا

بعدني ماصايحة وسكتني صوت ضربة دسار لذباح على ضهره گله اي يول شجابك هنا

ذباح - من اخش بيتك عود الغث بعد لغاد

- لاصاير زلمة يطلع صوتك وتدخل بيوت ضباط

- غصباً على شاربك وشيل ايدك لخاطر لاجتفك جدام حمايتك واسحگ فجك

- بهذا وجهك الشابع اطراكات بي

- يبه وعلي زحمه كل يوم اسحلك جدام حرمتك

- والزلمه كول وفعل كوم يول

شمر سلاحه عالميز وكام اندار لزمه من ياخته نكثه

اباوع لدسار مو اقل منه ضخامه وشر فجأه تحول جره من يم الميز بقوة ؛ اجت عمتي تركض صارت بينهم دفعت كل واحد من جهة و صاحت صخام على شنو تتعاركون ولكممم

دسار - عمة  هذا زعطوط  اذا ماينداس راسه يضل  يطفر

ذباح - من هيج راسك صاير مسطاحة بس كض شاربك لايگع زحمة من الحريم ينظافلهم ممسوخ

- هه ممسوخ ولابدون كرامة  لك كرامتك حتى بابوج المومن مامسحوگ مثلها

- لاتضل خاتل وره اميمتك وتهوبز استفحل يممسحه حرمتك وتعال بره نتفاهم

- غير الله جابك شو تعال

وخر عمتي راد يلزمه جرته عمتي دفعه عالميز وصاحت كافي لك اشبيك دخلتوا انت ومرتك جنكم قروده اطفرون

وانت يمه ذباح  امسحها بوجوهنا هذا الله غاسل حضه دوم مسود وجوهنا كدام خطارنا

ذباح - حشاج عمه وجهك ابيض والجهال ماينوخذ  عليهم 

- نورتنا انت واهلك تفضل وانت ولي اخذ القرده مالتك وكعدوا هناك وكلام الله اذا سمعتلكم صوت اخلي الحرس يرموكم

جرت رؤيا من يمي دفعتها على دسار واجت رحبت بيهم سلمت كعدنا هذا كله وهيذام على كعدته بيده جكارته منتجي يباوع بهدوء

صارت عيوني على رؤيا كاعده بصف دسار باوعتلي بغضب ؛ عضيت شفتي كوة كاتمة ضحكتي غمتني وضحكت عيونها تلمع  اعرفها امنيتها تكوم تحضني بس ماتعرف اشلون

سحبت ايدي رايه باوعتلها همست مشتاقتلج

-  داحس غوحي بحلم

- اليوم عيد ميلادج مو

- الصبح احتفلت وحدي بدفتغ المذكغات وشكيت الصفحة لان انملت دموع حسيت بخنگه واني اكتب امنياتي

- اتمنى عندي الصبر العندج واكدر اذكر كل المريت بي بورقه واشوفها كدامي بدون لاانوجع

- ماما ليش مااجت 

- نفس السؤال الصبح سألته بس من شفت رافد الدغش عرفت الاجابة

-اليوم تباتون يمي

-من هاي نظرة رجلج صدگ اكلج ليش هيج يباوع لذباح لبالي بس دسار يضوج منه طلع رجلج انكس

- لان يدخل ويطلع يمهم بدون لايلزمون عليه لزمه لومو يشيلوا فلقه لو يستعملون اسوء التعذيب ويا مايعتغف واخو يخلي احسن المحامين وهاي كم مغه يطلع غصباً عنهم

-عزه لج  اشلون عايشة ويا هذا

-ماتشوفين مابيه حيل اسأل عليكم

باوعتلي ضحكت دمغتني وضحكت على ضحكتي

كطعت عمتي الكيكة  وزعت هيذام  انتجه واندار لبابا فتح موضوع عن مكان تجمع المافيات وشنو الطرق الي يستعملوها حتى يجمعون هيج اعداد جبيره ؛ودسار اندار يحجي ويا ذباح عن جماعة ساكنين قريبين عن بيتهم شاك بيهم مهربين يريد يساعده بيهم

عمتي استلمت راية بين تسألها عن ماما وحياتها وبين ترزل برؤيا وضي لان صفن سوه نفس الصنف واللسان مايگدرن يستقرن

واني عيوني عليهم اباوع واحد واحد مامصدگة  امنيتي اكوم كل دقيقة احضنهم

على طول الگعده عيون ازر ماوكعت من بابا اشلون حاضن ابن هيذام بلهفة ويسولف؛  اشوف ابتسامة مكسوره بين شفايفه حسيت بوجع كلبه نفس هالابتسامة والكسره الجنت احس بيهن بعد موتت رند

اخذ نفس هيذام مسح وجهه وضرب ازر على متنه كله تتعوض يخوي

مارد دنگ

بابا باس درع وكال يله تأخرنا اميراتي كومن هناك كملن سوالفجن

دسار - لااا ويحجيها بزود

هيذام  - يعجبك

ذباح - خو طريجة الامر موضوع ثاني

دسار- الثقة الي الله يحرمني منها

هيذام- الكم شي يمه

ذباح - لاه

بابا- كملتوا لعد سمعوا الي عنده رتبه بثبتها على متنه والي شايل سلاح يلزمه عدل بناتي ورادات وياي المعترض يدگ راسه براس صاحبه

دسار - حلو احب نقطه الحسم الي تنهي الكلام

ذباح - انتم بس سندوني بالتحقيق وتركوا الباگي عليه

هيذام - روح الهوا بظهرك

دسار - ونكول اليوم عشاه راح يكون يم ام هيذام

ذباح- دغدونه واخلي الك يتحلى  يمها

همست عمتي صفوا النسابة بري من شرهم

انتجه بابا ضحك بصوت اباوع لامتونه تنهز وهو يباوعلهم بتحدي

اجت هالة بيدها كوبها تمشي وتباوع بتكبر عرفتها  شحننها هبة وامها ودزنها حتى تخرب كعدتنا اتخلي ازر يتعارك واهلي يطلعون واني ازعل ويه هيذام

وصلت سلمت من ورا خشمها وباوعت لضي كالت موياج صار ساعة اصيح عليج شنو طرمة لوتغلسين

ضي -لاهاي ولاهاي بس اصوات سوالفنا عالية ماسمعتج امري رايده شي

- اي كومي نظفي الطاوله مالتنا وصبيلنا الاكل

رحمة - اكو مساعدات روحي طلبي منهن ليش جايه الها

- وشنو فرقها عنهن هيه هم حالها حالهن هنا لو لان كعدت دقيقتين يمكم حسبت نفسها نفس الطبقة

ضي-  ماراح ارد عليج اولاً لان حسابه حساب للظروف التمرين بيها وثانياً عيب يمنا خطار روحي هاله منا

- ازر دتسمع اشلون تهيني وتطردتي

شال راسه انتجه اتجتف يباوعلها بتعب

- شنو شو ساكت ماتحجي هاي هيج كرامتي ماتهمك صايره تخلي مثل هاي بت حدقجي تهيني

دسار - وانتي كلتلها بت حدقجي ليش هيج مغثوثه

- لان بدون تربية ومستواها مايليق تحجي ويانا مو تشاركنا كعداتنا

هيذام - لذالك راح انطيها لازر مولخاطر شي لا بس رجلج متحيون ولازمه جره اذن لهيج رايد اعاقبه وعيد ترباته بيها

- هههه ازر ماياخذ هيج حثالة عليه لاتعب نفسك

ازر - وهاي التحجين بيها بالذات اذا طلبت مني اطلگج مقابيل بس تباوع بوجهي وروح ابني هسه ارمي اليمين

- كون صدك ياازر وتسويها حتى اخلي بابا يشوف شغله

ازر - وكلام الله بكلمة منها مو اسويها لااا امحيج انتي وابوج  حتى كبور مااخليلكم

-دتتشاقه موو؟؟

- اكو بشر يحلف بكلام الله شقه

- على شنو تحلف وتتهدد على عيشتك الماتتسولف لو على اخلاقك وتعاملك صار عمر حاملتها وكل يوم اكول باجر يتغير اسمع ياازر اذا ماطردتها هسه من البيت اروح وبعد ماتشوف وجهي

- كم مره طردتج ماتولين لخاطر محمد

- تطردني لخاطر هاااي

- دخل الله ياذيج النعم الخلتني اندم كل هالسنين

اجت امها تركض لزمتها وصاحت على شنوو ندمان احمد ربك بنتي راضية وصابره كل الوكت ويه واحد عاجزز وساكته تالي متالي تريد تجيب على راسها مره  ومنوو بت حدقجي

- دخلي تقبل  بيه بت الحدقجي غير ناذر روحي قربان لرضاتها وهيه ساحكتني

- لا انت الضاهر تماديت هوواي بعد ماينسكت عنك بدل ماتحمد ربك بنتي دافنه شبابها ويه واحد عاجز مثلك والله لخليك تندم وتجي تبوس ادينه حتى نرضى نردها الك سهله ياازر

اشرلها ولي ودار وجهه

عمتي - يمعودين كولوا يالله

ام هالة - خليتوا حجي انتم  امشي ماما لاتبجين والله لندمه

اخذتها وراحت وعمتي وراها تركض تتوسل لان تعرف ابوها مابي خير وراح يأذي

باوعله هيذام بطرف عينه ودسار رافع حاجبه ضحك ازر ودنگ يحك بگصته

دسار- عاجز عاجززز اوالغسل خزيتنا بين العربان

هيذام - لا ويتشرط الهيبة

دسار - دكوم اركض ردها خلي نحصر السالفة  بينه اقلها نتحالف على كتاب الله ونلمها  يالعار غسل الله وجهك على هاي الفضيحة

بابا - وسفة عالزلم طلعت بس شوارب  اشوكت استشهدت ابني قبل النظام لوبعده صدگ جذب اني واني تاليتك هب بياض

ذباح - ولايهمك عسل هجامة موجود هلبت نتلاحگ نكض السالفة

شال راسه باوع  لضي لكاها تباوعله صفح ضحك بصوت عالي 

هزت ايدها وكامت كالت يله وياي تعالن خلي  نشوف الغده

كمنا وياها تركناهم ورانا مسوينه ميز منصبة وهو يضحك رحنا للمطبخ دخلنا

دنگعد ونسمع صارت هوسة ازر يصيح ولك هيذاام عوفنييي لك دسااار اخيك لاااا عرفناهم جتفوا حتى يستكشفون من صوت ضحكهم وين واصل

ضحكت صارت عيوني على رايه لكيتها تباوع للبيت وتباوعلي حسيتها تعتب اشلون عايشة بهيج مكان وتاركتهم

ولزمت ايدي اخذتها  جوه وكفت بالصالة منبهره من التصميم كالتلها  شفتي وين عايشة

-ربي يهنيج

-شوفي ذيج الغغفه جانوا يحبسوني بيها ويه واحد مخبل نفسه الكاللهم كتلوا غزوان وضيعوا خواتها حتى اضل اخدم واشيل من جوا

-بنفس الوقت الجنت ماانام اذا مااعض مخدتي بكل قوتي لان اكو صرخة بداخلي خانكتني بس ممنوع اطلعها

- شوفي هذا الدغج هنا جانن يوكفن يضحكن عليه  ويحسيني بوحدتي و اشكد اني غخيصة ومومن حقي اعيش

- ايام واني اتوسل بالنوم بس بلكي اغمض وبعد ماافتح عيوني واخلص من كابوس توابيتهم ولمتنا وصوت ضحكنا الصبح وريحة الچاي وهو يكول كومن سويتلجن ريوك 

-هنا جنت اختل الم نفسي وابجي بكتمه خايفة وضايعة  غوحي يمكم بس مااعغف ميتين لو عدلين احس بالضعف مااعغف شسوي

- دفنت رند وضميت رؤيا بحضني وعيوني ضلت  وراج اخاف اسأله وينج وياخذ اخر وحده مني

- ماعشنا احنا دنجذب على نفسنا

- مارايده بس ذكرى وحده ترجعني للماضي بلكي طلع هالخنگة الي بكلبي وارتاح

جريتها كعدتها عالدرج كعدت يمها  خليت راسي على متنها  لزمت ايديها وغمضت اخذتلي ثواني ساكته وهمست اشكد ضل عدنا بانزين

- ههه اربع بطالة

- غنود كالت جيبولي جبس وياكم

- اخاف جاسم يشوفه بيدنا ويجوينا

- شتكولين غزوان غاح يجيبلي الكتاب

-اشو تأخر لحد الان مااجه كلبي عنده اخاف اختنگ اشكد اكله البس يعاند

- انوب ضم  نظاغته اذا مالبس مانطيها اله

- جوعانه وريحة الشاورما تموت

- هسه بس ادفه شوية واكوم بلكي احصل سياغه امسح جامها نشتغي  لفه

-هم يجي يوم ونعيش

-اجه اليوم بس ماعشنا انكسغنا  وفقدنه وصاغت لمة الليل ونومتنا وحده بحضن الثانيه اكبغ امنية

- اشتاقيت لصوته وهو يغني صغير جنت صغيرون

- افتقدت كتابي وكعدتي بليل  اشتاقيت لذكغياتي القديمة واسواغي واني احجيلكم عن محمود

انعصرت ايدي صار هدوء حسيت كلبي انخطف واني اشتم عطره

فتحت عيوني واشوف هيذام داخل  اريد اتبلعم بعد مااكدر لان عرفت الكلمة الاخيره اجت بأذنه من  نظراته الي تكلي وهذا اخر غدر الي بعد ماحمله منج

كمت بسرعة صار قريب رجعت ليورا عثرت بالدرج لزمني بسرعة باوعتله باهته اريد ابرر مااعرف شفايفي ترجف جر راسي لحضنه باسني وهمس وخري بابا من الدرج لاتتعوين

وبعدني من طريقه وصعد لزمت رايه احس رجليه بعد ماتعيني همست رئال شبيج

- والله احبه اله

- الله يلعن جاسم الخلانا نذكر هيج احلام ونعيش  هالرعب غصباً عنه

- غاح يعاقبني بيكم 

ماردت

- لو لااا غاح يبعدني عنه اي غاح يعوفني

-لااا وين يعوفج هو اني محتارة بالعندي وجاية اشكيلج من جاسم بلكي تشوفيلي حل ويا لان ديلعب لعبه وخايفة لابغفله افقد وحده منهن 

غمضت اخذتني غسلتلي وجهي طلعنا بره لكيناهم ديخلون بالغدة عالميز كعدنا وگلبي بعده يم التركته فوگ اعرفه ديفكر كل هالوكت جنت دااضحك عليه ومحمود بعده بكلبي

رايه لزمه راسها حيرتها اكبر من حيرتي غمضت معقولة وصلت لنهاية قصتي ويا

حسيت ايد على متني فتحت عيوني لكيت رؤيا واكفة  بينا  اشرتلها رايه  شكو

دنكت وهمست ماما دازه رساله تكول  ديري بالج على خواتج لاترجعن  اخذيهن ونهزمي 

راية - عزه ماما صارلها شي

- لاخابرتها صح مخبوصة وفجر تهدا بيها بس مابيها شي

- لعد سمعت غيمة هيه وتتفق

- معناتها جاسم ضهر بمصيبة

رادت تحجي وباوعت وراي سكتت اني هم دنكت لان صوت ضربة البسطال كافية  تبلغني واصل لاي مرحلة من الغضب

سحب الكرسي كعد  شلت راسي جنت متصورة راح تكون عيونه عليه بس ستغربت من لكيته منتجي خال رجل على رجل جكارته بحلگه ونظراته تتنقل بين ذباح ودسار وبابا

دنگ دسار حك خشمه ؛  وذباح اتجتف ودار وجهه يصفر عالكيف ؛  اتركزت نظراته على بابا اخذ نفس من جكارته  نفخه وابتسم

انتجه بابا رفع حاجبه واشر شكو

- يكولون اذا صاحب رجل المافيا واحد بالمخابرات سلملي على الجنايات اذا حصلت اثر للجريمة

-مم

- اشلون اذا انضم الهم قاتل بدوي متجول

- المقصود

- منو بيكم حرگ جاسم …

لاتنسون التصويت ❤️

شيء من رصيف الدم

بقلمي: leo Alfatlawi

بارت الثالث والاربعون

بارتين سوة

***رايه***

هو يحجي واني وخواتي كمنا وحده تباوع بوجه الثانية انتجه بابا وكله وجه السؤال لجماعتك لان على ايدك اليوم طلعت لاالحگت التقي بأحد ولا شايف شكله واعرفه من الاساس

هيذام - مم حلو ؛  اي ذباح

ذباح - وانه ماكرب يم مستخنث وحتى لو جان الي حگ يمه و فكرت اعملها ادگه اجتاف  واسحب روحه بيدي لان تربينا ازلام ناخذ حگنا بذراعنا ماتعودنا نختل وندز الينفذ

- عفية  وانت ابو الليل

دسار - دخيل ربك اجابني عليه وليش احركه كاتل اهلي اريد اضيعه دقيقتين مايضل بيدي اشمره بمصيبة اجيبه اعدام بنفس اليوم وبعدين شوكت احترگ الصبح جان يطفر  مابي شي

- قبل ربع ساعة

- هاي انت كلتها قبل ربع ساعة وهاي كلنا كدامك حتى اجهزتنا مغلقة مانعرف بالخبر غير منك ليش ماتكون انت الحارگه

هز راسه انتجه وخله الجكاره بلحگه

ذباح دار وجهه يباوع للحديقة وبابا دنگ  يحرك بكلاص المي ودسار انتجه يكلب بجفوفه

ضحك هيذام بستهزاء وكال مافيا وضابط  مخابرات وقاتل متجول

بابا - وابن نظام السابق الملقب بالموت الاسود لكثر استخدامه اساليب التعذيب الفرعوني

هيذام - عندما تريد القضاء على الخبيث اوهمه بالتصديق وكثرة الاعداء حتى يكون لك نداً هش يتلاشه بعد سحقه

- ممكن

- ممكن اذا كان فعلاً نفذت الجريمة بذكاء دون ترك اثر او نقطة دم تكون بداية مشوارك للجحيم

- مايخطي بطريق الجحيم غير الغشيم واحنا اسياد اللعب

- حلوو جا اسمع هاي واريدك تحضر نفسك وتستعد انت ونسبانك للجولة الثانية

- والي هو

-جاسم بعد عايش

ضحك بصوت انهزت متونه بيها دنكت رؤيا شالت فونها وصاحت وينه

دسار - وين تردين

- من الك حق دم يم احد وتعيش اسنين بتعب وحلام تحرمك النوم بس لخاطر ترده وبلحظة الترفع ايدك بالذبح وتشوف مستطرق ينحره مكانك؛  تعرف شنو تكون النتيجة؟؟

-  نذبح  الضيع المتعة وانوب نگطع الضحية

- لهيج احمدوا ربكم مامات

رئال- اخذيني وياج

باوعتلهن وهمست محد تاخذ دمه غيري

رئال- انتي ماتعذبتي جوه ايده گدي

رؤيا - محد تحجي بالتعذيب وهيه ماشافة الظلمة وسمعت صرخة موت وتلمست جثه بخوف وهيه تتوسل تكون مكانها

رئال - مانحبستي داخل مخزن وانداغ عليج الزيت ولانمتي بصف شخص بدون عقل ولاحسيتي بوجع خبغ دفنه اهلج وانتي بيعده

هزيت راسي وهمست بس مالفيتن تابوت حلم عمرجن بدلة عرسجن ولا كعدتن ورا الباب محتارات تباوعين لدم الي انكتلت لو تمضمين الي انباعت  لوطلعين ادورين عالطلعت وماردت

بابا  - وحقجن يضيع ويه غمضت عيونه المثل هذا مالازم يموت 

رؤيا -ماراح نموته بس نشوفه

رئال - اذا مات قبل لااشوفه متعذب واسمعه هو ويتوسل اني الاموت

كلتله بترجي بابا كوم ودينا فدوه

بابا - شوفجن زلمجن يقبلون

رؤيا- اذا مارضه خلي يطلگني

رئال- اني هم

اتجتف دسار وهيذام باوع لرئال وضحك بستهزاء كأنما متوقع هذا طلبها من زمان

صارت عيوني على ذباح لكيت منتجي ايده على عالميز قريبه على سلاحه وعيونه عليه يباوعلي بنظره ماعرفت افسرها

كام بابا شال فونه وكال اضن وصلت الفكره والكل عرف حجمه ومقامه شنو يله بابا امشنا

طلع كدامنا  راحت ورا رؤيا صح جنا متوقعين  محد يكدر يعارض غير هيذام بس من دنك ورث جكارته ودار وجهه للجهه الثانية بدون لايباوعها  تأكدت انتهت بينهم

باوعت لرئال على وكفتها عيونها عليه بيهن الم الدنيا عرفتها دتودعه

لزمت ايدها باوعتلي ونزلت دموعها اشرت يله

طلعت فونها  خلته عالميز  وهمست بصوت مخنوگ شكغا على كلشي سويته الي

جريتها صاح درع لا رئووول لاتعوفينا

عصرت جف ايدي ومشت صرخ لااااا حبابه لاتروحين لك هيذام لاتخليهاااا

دارت وجها صارت عيونها بعيون هيذام من يمي اختنگت جانت  نظراته الها  كلها خذلان وندم

نزلت دموعها ابتسم  ودنگ شال ابنه انطاها ضهره راح يتمشي  بي بجت بصوت عالي جريتها  اخذتها امشي عالسريع خايفة تضعف وتردله

طلعنا لكينا واكف يم سيارة سودة ويمها ولد ضعيف مسلح فتح بابا بابها واشر صعدن  ورئال بعدها  ايدها على گلبها  وعيونها عالبيت تباوع بلهفة ودموعها تنزل بكسرة صعدتها عالسريع وصعدت

صعدوا الباقين السايق شغل السياره اتحركت ويه صوت شهگت رئال بألم

درت وجهي للجام مااكدر اباوعلها ؛ على طول الطريق واني عيوني عالشارع وصوت شهكتها الطالع  بهدوء مبينة من صوت البحة جرحها جبير وجعها اكبر ؛ نفس الصوت الخنگة وهمه ياخذون تابوت غزوان من كدامي

دخلنا البتاوين وهنا انفتح شكو جرح اوهمنا نفسنا عالجنا

كل مكان ندخل بي اله ذكره تهمش روحنا لحد ماوصلنا للبيت لكينا ثنين شرطة يم الباب واخت جاسم هيه وابو طبر يم الباب تحجي ويه الشرطة  بصوت عالي

نزلنا شافتنا شهكت وصاحت شرجعجن يالعاهرات

نزلوا الحرس بسرعة صار بوجها همه وبابا واشرولنا دخلوا

مجرد ماشفت الباب انعصرت احس رجلية انشلت رؤيا دفعت الباب دخلت ورئال لزمت ايدي سحبتني وراها

دخلنا ونسمع صرخت جاسم جاي من غرفته بس يصيح بطريقه مرعبة

ركضت رؤيا دخلت واحنا وراها فتحت عيوني واني اشوفه مهروط جلده من راسه لرجلي نايم بالگاع على ضهره يلوج لوجة موت؛ ويمه تنگة دهن جبيره فارغة

عيونه كد مامصلوخة طالع البياض من اللحم انخمشت روحي

باوعلنا مفجوع همس بتوسل كتلني

رؤيا - لاه لاه هاي شصاير بيك منو صالخك وانوب بالزيت اووف ماتستاهل

-دخيلجن رحمني

-ماطلبت غير حقك

كالتها و شالت رجلها خلتها على عيونه سحكتهن وهو صرخ صرخة طلعت من كلبه

اباوعلها يرفس ويدفع برجها بس يريد يوخرها اديه كلها نازل لحمهن

اتقربت يمهم رئال سحبتها وخرتها ؛ خله ايديه على عيونه لعبت روحي واني اشوف الجلد اشلون ينسلخ من وجهه

كعدت يمه رئال نص كعده تباوعله بدون صوت لحد ما هدأ رفعت ايدها خلتها على شعره لزمته همس بتعب كوه يطلع صوته  امروتج بابا رئال خليهم ياخذوني للمستشفى

- دخيلك بابا والله وماصغفت ولافلس هنه ذني كلهن تذكغ هالكلمة  لولااا

-  اتوبه اتوببه اعيدها ابوس رجلج راح امووت

- بابا ابوس ايدك اضغبني موتني بس لاتجويني بالزيت خو مانستهن شوف وين وصلت بيه ابوس ايدك بس حتى تضغبني لعد اشكد موجوعة وخايفة

- مادري ماادري جنت شارب ماحس ولكممم نااار دخيلكم  لحكونييي 

- ومن شهدت عليه باطل وزوجتني لواحد خبل هم ماجنت حاس

مارد فر براسه هو وصاك على سنونه من الالم

عضت شفتها وجرت شعره اجه بيدها كد منتهي من الصلخ صرخ من بين سنونه كامت دفرته بوجهه اطشر دمه

درت وجهي لبالي راح تعوفه مادريت  رئال وصلة مرحله خسرت كلشي ونهت حياتها بموقف

سديت اذاناتي و غمضت واني اسمع اشلون تدفر وتتعمد على مكان الصلخ حتى ينوجع اكثر عكس رؤيا الي تنتقل بين اماكن حساسة وعيونه حسيت خواتي داخلهن اجرام وعدهن طاقه ظلم مكبوته

رجعت ليورا خفت منهن يشوفنه اشلون يتلوع وحالته تفجع وهنه مستمرات اريد اي ملامح للخوف بوجهن لو الضمير ماكو

على صوت صريخه دخلوا الحراس يتراكضون جروهن وهو زاع دم وكام يفر براسه فاتح عيونه على كبرهن  من الالم

رئال دفعت الولد وصاحت امجددد عوفنيي

- اهدي رئااال 

- ماتعغف هذا منو  هذا سبب ضياعي قبل ونهاية حياتي هسه

- وحقج وصل شوفي اشلون ماضال بس الروح تفتر بعذاب البرزخ

- وخغ ماغااااح اكتله بس احجي ويا

- كافيي راح يدخلوون الشرطه لايموت وتتلبس براسج

- مااخلي يموووت بعد ايييدك

- لك احمددد طلع ذيج

كالها ودنگ على رئال شالها طلعها وهيه تكمز وتصيح عوفني  والحارس الثاني جر رؤيا ولحگه الي كامت تتماطل وتصرخ  تريد بس يعوفها حتى ترد تاكله

صارت عيني عليه

شهگ الهوا گوه وباوعلي بترجي

همست اذا خواتي رحمنك بالضرب اني راح اخليك تشوف الموت بعيونك

تفلت عليه وطلعت تركته يفر براسه ويون بتعب لان حيله خلص من الصراخ

صاروا بوجهي بابا واخته وشرطي؛  بسرعة اشرلي بابا بحواجبه دنكت وصرت على جهه دخلوا للغرفة سدوا الباب

رحت يمهن واكفات ينفتن حرگة الدنيا بعيونهن حاجزيهن الولد كعدت يمهن عالدرج همست رئال شكو داخلوا الشغطي  يمه

امجد - يردون ينقلوا للمستشفى حتى يحققون ويا  بس اختى ماتقبل تكول بس يوصل هناك ينتحر لان عقله ضارب صار كم يوم يفتر ويسولف بالموت وهو يگول لا عالم تطلبني ماعندي انطيهم دخلوا داروا عليه زيت ومحد يعرف وين الصدگ

- يعني يعغف منو السوه بي هيج

- لا لان يگول المهدديني هواي والظاهر الي مسوي بي هيج طافر بنفس الساعة واخته مصرة على نفس السالفة مبينه ادور تعويضات ورواتب معاقين

رؤيا- اشكد فكرت بطرق لكتله بس ما خطرت بالي هيج طريقة شيطانية اويلي لواكض المسويها اله ابوس عقلهم على هالذكاء

- جا سمعي هاي تعرفين قبل لايصلخوا طاگين ضهره وكاسرين العمود الفقري يعني ضامنين يعيش عاجز عمره بطوله ياالله مبلشين بالزيت

رؤيا - وليش ماشلعوا لسانه

- والله اني مستغرب ديله راح يطلع الشرطي مسحن احذيتجن بسرعة

- وعلى شنو نمسح احذيتنا غير ابونا عزيز وحضنا

- الله يبعدنا عن هيج حضن

ثواني ونسمع صوته رج الغرفه ورد العياط من جديد طلعوا سدوا الباب وراهم سلم الشرطي على بابا انطى ورقة استدعاء لعمتي وطلع ؛ عفستها واجت يمنا كالت حسبالجن مااعرفجن انتن ورا سالفة خباله وهيج راد ينهي حياته بدون عقل

رادت تردله رؤيا لزمتها وكمت كلتلها واحنا ورا السالفة شتردين

- راح ابو طبر يجيب تكسي ونقله للمستشفى خاصه وغصباً عليكم دفعون كل التكاليف

-شتكولين اشكد يكلف علاجه

- مااعرف سمعي صوته سوده عليه راح يمووت اخوي حسبي الله ونعم الوكيل بيكم وداعت امي لندمجن بس خلي اودي للمستشفى وشوفن شسوي بيجن

- والج اضعاف افلوس المستشفى مرتين يمي بس علاجه يكون بالبيت

-شنوو

-ثلاث

-واشلون اعالجه  هنا والزيت دينهش بلحمه سمعي راح يتخبل

-اربعة

- ومنو يداري

رؤيا - اشكد تاخذ الممرضة بالشهر الج كداها بس بالمقابل ماتوصلي غير كل يوم مره تنظفي وتنطي گرصة خبز وكلاص مي

سكتت

اشرت هاا

- خو اودي لمستشفى الامراض العقليه هم اخلص من صوته وقذارته وهم بلكي يموت وافتك منه

- وجاسم عزيز علينه واحنا نريده يتعالج مانريده يموت واذا عالصوت حتى جوارين بصفنا ماكو وحتى لو سمعوا تكدرين دبريها من يمج هاي اذا معتازه افلوس بعد بكيفج يجوز يزعجج صوته صدگ

- لاعلى شنو يزعجني اني بيتي اكمل شغلي يمه واقفل البيبان عليه وحتى الي يسمعه يدرون بي محترگ  وديعالج

درت وجهي للغرفة  عالصريخ احسه سحب من كلبي شكو الم ابتسمت؛  ضحك بابا وسحبني لحضنه باسني وهمس وهاي انتي احن وحده بناتي

- هههه مو بكيفي الجينات الوراثية اقوى مني يارافد الدغش

عمتي - يله اروح اقفل الباب لان كام يعيط بصوت عالي

رؤيا - انتظررري

- ها شنو تراجعتوا

- لا اكو شغله صغيره النا يمه مانتأخر ثواني وانتي رايه انطيني فونج

اخذت الفون اشرت لبابا اخذوا الحراس و راحوا للغرفة دخلوا لحكتهم عمتي وكفت يم الباب عرفتم راح يتصلون بماما كام ويخلوا يطلكها

صدگ دقايق وطلعوا عمتي قفلت الباب وبابا كال يله منتظريجن بره لاتتأخرن

هزيت راسي عرفته رادنا نودع ذكرياتنا هنا؛ اخذهم وطلع تركوا وراهم يصيح يابويه راح اموت ابوس ايديكم كتلونييي

اجت رئال كعدت يمي  همست اتمنيت اموته بيدي

- سمعي عياطه هاي انكس من الموت تذكرين من جان يجوينه اشكد نضل نتعذب وهي اماكن صغيره مو هسه مصلوخ كل جلده

-بس مدااحس صوته يشفي غليلي

-لان وجعنا اكبر من هالشي

شلت راسي صار حبل الجنه مسوي مرجوحه لرند كدامي  غمضت عيوني

حسيت رئال تلزم ايدي فتحت عيوني اشرتلي كومي كمت وياها جرتني وصعدت  كل درجه اصعدها احس ذكرى الي بيها لحد ماوصلت للسطح  باوعتله نزلت دموعي وضحكت

رئال - هنا جان يكعد يباوع للكمر ويعيونه عالباب بلكي يحن كلبج وطلعيله

- هههه وانتي دخلين تضحكين عليه تكليلي لحگي غزوان اختنك اتخليني اطلع ركض

-لعد هو يطمعني يگلي اجيبلج كتاب 

-  كلي بس احضنج مره وحده والله اخاف اموت وتضلين حسره بكلبي

باوعتلي ونزلت دموعها

-دااسمع صوت ضحك بالغرفه بالكي يطلع هذا حلم ونفتح الباب ونلكاهم

هزت راسها لزمت ايدي رحنا دفعنا الباب دخلنا لكينا رؤيا كاعده بنص الغرفه خاله لعبه رند بحضنها وصافنة

باوعت للغرفة خالية  من اصواتنا

درت وجهي  ادور مكان ماما وصوت ضحكتها وهيه تلاعب رنود 

ومنا صوت غزوان طالع من المطبخ بيده الصنية يطگطك بيها ويغني 

هناك رئال خاتله بيدها كتابها وتصيح اشلون اليوم مااقغه

اي ذوله اهلي موجودين دااشوفهم

درت وجهي على مكان عود غزوان لكيته بمكانه  تركت ايد رئال ورحت كعدت يمه ردت اشيله  شفت التراب مغطي لجمني كلبي ؛خليت ايدي عليه وغمضت صار هدوء

دقايق واسمع الباب انسد فتحت عيوني رئال واكفه تتلمس بشعرها باوعت لرؤيا ابتسمت وهمست بصوت مخنوگ  اليوم اني اول وحده ماما تمشطلي

رؤيا - هههه حتى اگطع شعرج

- اكول لغزوان اخلي يكتلج

- واني مااخلي كتاب صاحي عندج

-صدگ وين كتابي لج غنوود

سكتت ماردت عليها اخذتلها ثواني وهمست بكسرة رنود ماتت

اشرت لا

حسيت راح افقد خواتي ؛ حضنت العود رجعته مكانه وهمست ماجان لازم واحد يحب الثاني هلكد حتى لانتفارگ  مع السلامه يااعز دگه عصرت كلبي

خليته وكمت جرت اللعبة من ايد رؤيا  رجعتها للكاع وكومتها لزمت رئال طلعتهن وسديت الباب ويا طوية اخر صفحة ذكريات النا ورا

نزلتهن لكيت بابا واكف يم الدرج شافنا ابتسم وفتح اديه اشر تعالن

نزلن ركض لحضنه شمرن روحن عليه وبجن بصوت عالي 

نزلت عالكيف تكول خايفة يخلص واني ماشبعانه منه ؛ امنيتي احضن كل مكان بالبيت 

وصلت يمهم سحبني وياهن باس راسي وكال لهنا كافي يلا امشنا

اخذنا وطلع كل خطوة اخطيها احس عيون غزوان وراي لحد ماصار الاستقبال بوجهي درت وجهي ماردت تذكر اخر حضن بينا واخر كلمة كالها

طلعنا من البيت غلقنا الباب على صوت صراخ  جاسم

صعدنا بالسياره شغلها السايق طلع بينا خليت راسي على متن رئال وغمضت ابعد كل موقف وحدث مريت بي بهذا المكان مافتحت عيوني لحد ما طلعنا من البتاوين

اخذت نفس وانتجيت عالجام اباوع للشارع اكثر من ساعة ونص بالطريق حتى مااعرف وين رايحين لمن ماسمعت امجد يصيح لا يمعوود والسيارة شحطت

درت وجهي لكيت بابا خال السجينة بركبة امجد وعيونه على السايق الثاني اشرله اشمر سلاحك

رئال- بابا ذولة الحماية مالتي حبابين

- اشش صوتج وانت نفس واحد انحر صاحبك اشمر سلاحك والجهاز وانزل بدون شطارة

امجد - لاعمي دخيلك ومحمد ابن النظام  يرمينه

- لاتتحرررك لك

- تمام اشمر سلاحي بس اخذوني وياكم اتبنوني  وعلي خوش ولد اني حتى اسأل رئال بس لاترجعوني اله

-مالفي ثولان بيتي

-دجربني وعلي افيدك اجيبلك مسواك اطلع اشتغل مكانك حتى تجدي اعرف اجدي والله تكسب بيه ثواب يتيم واهلي متبرين مني

- جهاز التتبع البيدك شمره وصير حباب وهاي سوالف  كسب الوقت نصيحة  لاتستعملها ويه كل واحد خليك نبه وانقذ روحك لاتفدي نفسك لخاطر واحد مستعملك كبش وسلملي على الدزوك ويانه كلهم عييب اني الدغش 

ضغط على ركبته بأيد وسحب السلاح بيده الثانية شمره اشر للولد شمر سلاحه نزل من السياره شمر ورا امجد وضغط الدكمة قفل البيبان

اندار بخفة طفر  لمكان السايق شغل السياره باوع لرئال من الجامة  الامامية وكال يابه اعتذر بس حمايتج ثولان

- هيذام غاح يعاقبهم

-دشمري الميدالية الي بركبتج لا يلگفني بسببها ويسفطني بالسرة اردد الشعار بالمگلوب وانوب فكري بالباقين

-يعني بعد ماغاح تغجعني اله

-حذرته بس الضاهر كثرة فرعنته خلته ينسى انتي بت منو واستهان بدموعج

- صح السياغه مالتي  بس مااغيدها غجعها اله

- راح اردها بس اوصلجن

-وين غاح تاخذنا

-للمكان الجان مفروض تعيشن بي قبل لا اغلط ذيج الغلطة واثق واني واسلم رگبتي الها

حرك السياره طلع بينا من طريق لطريق  عيونه بالشارع منتجي البسمه مرسومة على شفته ويباوع بمكر عرفته ديلعبهم  لحد ما يضيع مكانه

وصلنا منطقة راقيه شوارعها نظيفة وهادئة  وكف يم بيت صح صغير بس بناء حديث

نزلنا فتح الباب دخلنا بي اباوع طارمة طويلة توصل لباب المطبخ  ومن الجهة الثانيه حديقة  مرتبة بيها مرجوها وعلى صفحة مثل المسبح صغير عليه نافورات

باوع لرؤيا ضحكت خرب شعرها وكال هذا الجانب مخصوص  الج اريدج تغطين بالمي اشكد ماتكدرين

دخلنا جوه مطبخ أغراضة كلها بالكارتون مجهز من كلشي

- وهذا لراية

ضحكت جر راسي باسه واشر تعالن

طلع كدامنا رحنا ورا دخلنا للصالة اباوع مربعة مابيها بس فراش وتلفزيون على جهه درج وبصفه صحيات وداير مدايره غرف

اتمشى فتح الغرفة الاولى جانت خالية مابيها بس دوشك سفنج وبطانيه همس وهاي الي مؤقتاً لحد ماأمنجن واسلمها لصاحبة المدالية تكمل وياجن باقي احلامجن

دنگت ابتسم وراح فتح البات الثانيه اباوع بيها ثلاث قريولات وكنتور ابو ثلاث بوب وميز مرايا

- وهاي غرفة لاحلى اميرات انخلقن من نسل اجمل يهودية

ضحكت ومسحت دموعي

اتحرك للغرفة الثالثة فتح الباب واشر لرئال تعالي

راحتله ركض وكفت باوعت بيها ونزلت دموعها جر راسها لحضنه كال ادري تأخرت عليجن هواي

رئال - ماجنا عايشين بابا

- لو اقدم اعتذار الدنيا بكبرها ادري ماراح يشفعلي يمجن

-خليك ويانا بابا لاتعوفنا بعد

-ماسويت كل هذا حتى اعوفجن صح العشتنا  ماينسى بس راح حقق كل احلامجن واعوضجن عن كل لحظه اعتازتني بيها وراح اخليجن تشكراً رب العالمين على حجم  مكافأته الجن بعد العشتنا

-مكتفين بيك انت عوضنا وجودك بينه ولمتنا سوه بيهج مكان هاي مكافئة صبغنا

-هاي تكولنها من تجني خطار من بيت ازواجن  وتتلكني انتن واحفادي ادخلن حضني وتشكلي من ارجولجتن حتى املص اذاناتهم

-خسغت كلشي بابا ماضل بس حضنك عندي

-مو بت الدغش التكول هالشي ؛ كلشي ماخسرتي بكد ماراح اخلي مقدارج يزود وبدل نضرة الشكر التباوعيله بيها تصير نظره منية وتهديد تخلي يحسب حساب الكلمة قبل لايحجها بس لخاطر تضلين ويا

-بابا ماصدكت انجمعنا شدتحجي انت

-وراح اضلن مجموعات العمر بطوله مدللات بيت ابوجن واكبر شارب مايكدر يتنفس كدامجن مو يحجي

رؤيا - وهاا قد اعلنا الحرب

- انكتمي ام الوسخ دخلي امشيج بالبداية وانوب افكر احارب

رؤيا - شنوو يعني راح ترجعنا للذل مره لخ

-مو بناتي الينذلن ولايطلعن من بيتهن اذا ماراسهن مرفوع ورجليهن فوگ ظهورهم قبل لايفكر يمل يطكنه بالنص ويوكفن على جتافه كاتمات نفسه

-مااريد اصدمك بس احنا بحضن الدولة

-والدولة  تحت امري يخرزة البتاوين

رئال - واحنا تعبنا ونغيد نغتاح اذا تكول هذا بيتجن لاتخلينا نغجعلهم  واحنا نوعدك نشتغل  ونساعدك مانضوجك وانخليك تصغخ وغانا  ابد

- نعواصتج وجهج مايساعدن عالدمغات وانوب اخاف اجرب ويطفر بعد حرف وتلاص السالفة اكثر وتعال قعنه محد واصل يمج حتى لاننسحل وينعل والدينا اكثر ماهو منعول

برطمت

دمغها ضحك وجرها لحضنه باسها وكال اشتغل مكان اربع ازلام واواصل الليل ويه النهار وتزاود ويه الذيابة عالرزق بس ماخليجن تعتازن شي  خلص وقت التعب ماضل بس العز بحضن ابوجن 

-شكغا بابا

-اني الي اشكرجن اتحملتن كل هالظلم وصبرتن على هم يهد متون بس ماوطيتن راسي بكد ماخليتلي اسم اتباهه بي واوكف بكل هيبه واكول ذني اميراتي نفسهن البعدتوهن من حضني لخاطر تكسرون ضهري

-هذا تعب ماما وحنيتها علينه الي علمتنا اشلون نصاغع الدنيا ونتلاوه ويه الوكت بدون لاننخدش او انذل نفسنا لاحد

ابتسم خربط شعرها وكال يله راح اروح اشمر سيارته واكمل سالفة صار سنين احلم بالإفراج لخاطر اسويها  وارد اخذجن لحضني ونگعد نسهر سهرة طويله تسولفلي بيها على كل امنايتجن واحلاجن من ساعة الوعيتن للدنيا لهاي وكفتنا

-غاح ننتضغك

-شنو تنتظرني لااا يروح ابوج نعوصتج ودلالج هاي يم ابن النظام هنا ماكووو اريد ارجع الگي البيت يلمع والاكل جاهز وياويلجن اذا سمعت صوتجن لو عرفت بيجن متعاركات شايفات هذا جنگال الي بالسكف  التاركه بدون مروحه اعلگجن مكانه

- انت بس جتف غؤيا هو البيت يصيغ نضيف واحنا مايطلع صوتنا

رؤيا- لابت الحيوووان اشوكت وصخت لوطلع صوتي

-اسمع بابا دتشتمني

-بت القندرره اشوكت مشتمتج بابا اجذب لاتسمعلهاا

-بابا اخذها وياك ماغيدها هنااا

-من اكعد بيت ابوج عود طرديني وهذا التموع مالتج بطلي لاامسح بيج البيت وهاا صدگ بابا هاي موبتنا  جانت تجدي بالتقاطع وماما جابتها تكسب بيها ثواب شغلناها خدامه عدنا اشمرها  خلي تولي

-عزه بابا والله بتكم حتى شوف لون عيوني مثل عيون ماما بس هيه غعنه مانعغفها منين

-اني رعنة موو دخلي يطلع بابا وعلمج الرعونه اشلون اذا ماخليتج تفقدين باقي الاحرف مااطلع بيت ابوي

-سمعت بابا يله اكتلها وهاا صدك ذكغتني مغه ضغبتني بقنينه الغاز اكتلها اثنين

باوعلي بابا عضيت شفتي ضحك وهز ايده جرهن اثنينهن لحضنه بوسهن وكال التصير حبابة منجن وماتتعارك اجيبلها وياي ملابس حلوة ونساتل

رئال- وجبس

-وجبس وكرزات بعد شتردن

رؤيا- جكاير

دمغها ودفعها عليه ضحك و كال يله يروح ابوج راح اطلع رايده شي

-لا بس مشتاقيلك 

-اووف دخيل الله اشلون تخليني اروح ارمي الزمايل وارد اخذهن وانهزم بيهن

-ههههه لا عوفهم خطيه كافي اخذتنا منهم ركز تفكيرك هسه عاليهوديه شراح تسوي وياها

اخذ حسرة وكال  لاتتقربين للطباخ بس رتبي البيت اني اجيب اكل حاضر

-تمام بس لاتتأخر علينه

-يبعد ابوج وهله ماتأخر عينج بخواتج وقفلي البيبان وراي عدل

هزيت راسي شال مفتاحه وطلع 

وكفنا نباوع للبيت رجعنا وحده باوعت بوجه الثانية  نزلت دموعنا مامصدكين فتحت ايديه اجن يركضن حضنني همست صدگ هذا التركنا يصارع الموت جاسم

رؤيا- وكلها كم يوم وغيمة تكون ويا نفس البيت ومكان صرخة رند تتوسل بخوف تكون صرختها تترجى الرحمة

- رند وغزوان يم رب العالمين هو ياخذ بحقهم اهم شي رجعجن لحظني

رئال- صاغ عدنا بيت خاص بينا وگدام الكل ؛ غؤيا  غاح تغجع لمدغستها وانتي تجهزين الاكل واني اعدل مكتبتي حتى ننجمع بليل بحضن ماما اقغالجن القصة

رؤيا - بس هالمره بابا ويانا

- يعني اتحقق حلمنا خلص بعد ماكو نتأمل ونبجي تالي الليل

نزلت دموعي هزيت راسي اي وهمست بعد ماگعد كدام الكمر كل ليلة اتوسل يحميجن

- ولا اختل من اشتاقلجن حتى محد يشوف دموعي

- راح نام من جديد على مخدة وحدة

- ونتعاغك منو اتمشطلها ماما اول

رؤيا - وراية تضحي بدورها حتى تسكتنا

شهكت  حضنني حيل تكول خايفين حلم ونكعد منا

وخرت رؤيا مسحت دموعها وكالت اليهوديه اشلون

-ماراح تجي اعرفها وراح تخيرنا بينها وبين بابا

-لعد تركيها لاتحجين وياها حتى الفون غلقي خليها تحس بالوحده غصبا عنها تشتاق وتحس بروحها ثگيله بدونه وبدل ماتقايضنا اضل منتظرة منا نحجي وياها حتى تجي تعيش يمنا

-لعد ماعرفتيها بعدج

-ولااريد اعرفها كافي العشنا مامستعده ارجع للذل بسبب غلط همه اختاروا واحنا انجبرنا نكمل بي

-يعني شنو

-يعني هذا بيتنا اكسر واطفر بعد محد يكلي وين

ضحكت

اندارت ضربت رئال على ضهرها وركضت ؛ باوعتلي رئال صافنة لبالي عقلت وراح تكتفي انتقاد تصرفها بس من شفتها دنكت نزعت حذائها وركضت وراها هزيت ايدي عرفتهن بلشن

عفتهن  ورحت لمطبخ  وكفت اباوع ماخال شغلة ماجايبها شلت همه عرفته مداين حتى ايجار البيت وراح يشمر روحه بالشغل لخاطر مايقصر علينه 

اخذت نفس بگد ماجنت يائسة يجي يوم ويطلع بابا ويلمنا بگد ما الفرحة احسها تريد تطلع من گلبي   طبگت رداناتي وبلشت ارتب بالاغراض كل ثانية دموعي تنزل ارفع راسي للسما اشكره وارجع اسمحهن ويردن ينزلن

افتر بالمطبخ الضحكه تارسه شفتي  مثل الطير المطلوق سراحه وعيوني على خواتي الي فرحتهن ماتقل عن فرحتي خبصن البيت بطفرهن وضحكهن  تگول ردن لعمرهن ايام بيت خالي حسيت بحبهن شكد  وشوگهن وحده للثانية الي مالكن طريقة يعبرن بيها غير هاي

كل شغله اشيلها احضنها وابوسها كد السعادة الاحس بيها وردها لمكانها بتأمل

واكفه امسح بالكاونتر وعيني بالساعة صار الليل وبابا ماكو استوني دااندعي واسمع انفتحت الباب وصوته وهو عاط بصوت رج البيت وهو يصيح لج رؤياااااا

طلعت ركض وكفت منصدمة كش جلدي من منظرهن ؛  بذاك البرد رؤيا  غاطه لراسها بالمي وتعدل بطين الحديقة وياها النعواصة لازمه السطل متروس حشيش وجها كله وسخ

على منظر وكفت بابا متخصر ويباوعلهن بغضب شمرت رئال السطل وبرطمت عرفتها مجبورة؛ صاح بابا ادري زعاطيط رب الحلوو اشلون وياجن فهمني

رئال- بعد مانعيدها بابا

- لاااا سمعتها هوااي انتن اذا ماتتعاقبن ماتنعدلن وتسودنني

رؤيا - هااي فوگ مانظفنا الحديقة

- شنضفتي لج ناعلة اهلها هاي ليشش مشلعة الثيلة

-حتى نزرع مكانه ورد

- لاحتى اطلعين الطين الجوا وتغطين لراسج بي تعلميني بيج كولي لااا

هاا -كالتها وحكت خدها

- يله بله خلي يجون يشوفون الزمايل  الكل واحد رتبته بكد عمره مرتين على شنو كاتلين نفسهم ويمشي ويسحگون بخلگ الله من الصبح لسه

رؤيا - يله هسه شنو تكتلنا لو ندخل

رئال-  لابابا باجغ اكتلنا لان هسه باغده

صحت وين دخلن ماكوو تغسلن هنااا البيت استوني نظفته اذا لكيت وسخة وحده اسحلجن واشمرجن بالشارع

رئال - عززه اني اتمغض وانوب اغجع انساكم

رؤيا - ايي حتى انگلج انتي الخدامة مالتنا ونظل نكرب عليج

- وين اكو وحده وسخه عدها خدامة اليشوفج يكول جانت ادگ اماسة باابو غغيب دغوحي غسلي وجهج وانوب احجي

- سمعتتت بابااا حتى من اكتلها كول ليششش

بابا- اشلون راح اربطهن وعلگهن للصبح بالحديقة يله دخلن سبحن

اتخصرت وباوعت لبابا بخزه  گال يروح ابوج يتمرضن خطية بارده

- مالي شغل  بهاي قذارتهن ماادخلهن جوه شوف صرفة لبناتك

رؤيا - لج مولبالج بحالج بيت ابوج وخايفين منج وانت شبيك ساكت ماتحجييي

- يحجي شنوو شو تعالي

رؤيا - شبيييج ماتتحملين شقه اهدي اعصابج اصلاً هسه بابا يشيل رئال يوصلها للحمام

بابا - وانتي تكتفين بمسح وجهج اكيد قابل جديده عليج

رؤيا - ابوي الجبير مااريد اتجاوز عليك وهمزين ماعدنا ملابس

- انعل ابوج على هاي القسمة جبت ملابس دخليج بمكانج لاننكتل اني وياجن وننشمر بالشارع

انطاني العلاليك وراح  جرها باس راسها ودنگ شالها دخلها جوه دقايق واجه اخذ علاگه الملابس خلاهن بيد رئال لزم خدودها بوسهن بحنية ضمها بحضنه ودنگ شالها  راح جوه

شلت العلاگة الثانية رحت ورا دخلت سديت الباب لان برد الجو كلش

خليت المسواگ عالسنك  وكفت اصفي بي اجه وكف يغسل اديه باوعلي ضحكت كال ربي يديم الضحكة على اجمل وجه شفته بحياتي

-اشتاقينالك بابا

- كد ماسولفت بيجن للمحجوزين صاروا يحسدوني على صبري اشلون اذكرجن بلهفة واتأمل كل حرف بأسمجن من انطقه

-صح ماكدرنا نوصلك بس جنت بكل فرض اتوسل بربي يرجعك النا

- ويلوموني اشلون احبجن  ولو زعلان لان ماحافظتي على اخيتجن وصفيتن سوة عليها بس تهونن

-لا مانريد نهون واريدك تعرف اذا تركتنا هالمرة مو بس رئال اعوفها لا حتى رؤيااا لان احنا لاشيء بدونك الكل يستضعفنا

- صفت ماضل شي كلها شغلة وحده تكمل ونستقر؛ اي يبعد ابوج ليش مامشغلة الهيتر

- منتظرتك حتى اسد الباب فرد مرة ويدفه البيت

- سمعيي الهوسة خرب غيرتهن اشكد ماذيات

- ههههه هنه اروسيه اشكد جانن شالعات كلب غزوان

-الله يرحمه

اخذت نفس ودنكت اكمل تسفيط المسواك جر راسي باسه كال كلشي يتعوض بس العمر

-غزوان مايتعوض

-ادري واعرف متملك كلبج بس وماراح تحبين غيره بس اذا حابه تسمعين هاي اصواتهن وضحكهن لازم اتسحكين على مشاعرج

-لا تتركنا

- اشلون اترك عيوني والنفس بس ماكو واحد ضامن عمره والبشر وحوش يتلاون بينهم ياهو الينهش اسرع

-هيج دتگلي انهي حياتج

- لااني اريدج تعيشين مااكلج انسي لان الي بالكلب مايحرگ مكانه غير الموت بس اگلج عيشي بابا انتي بعدج حتى العشرين ماداخله العمر لحد الان مابده وياج

- مكتفية بيكم

- هسه مكتفية بس من يرحن خواتج كل وحده بيت رجلها ومن اني وامج نتوكل راح  تحسين بالنقص  بالاخص من تجيج وحده من خواتج داير عليها الزمن وتبجي بحضنج هنا موبس تندمين عالسنين الضاعن لاا راح تتمنين الموت بوقت انتي ماتكدرين توصلي لان مابيج تركيهن وراج

-يعني شنو

- من يكون عندج شخص يتمنى يتمرض نيابه عنك  ويشيل كل اوجاعك ويفني حياتك لخاطرج وهو يعرف انتي مومن نصيبه بس حتى يشوفج مرتاحه من بعيد  هذا الشخص خسارته هو الندم الحقيقي

- مااستحقه لان راح ينظلم وياي ويتحمل اشياء تهين حتى رجولته وتخرب مكانته بين اهله و بالمقابل مارح يحصل مني غير الرفض والكسر

- واذا اكلج هو قابل بكل هذا ومستعد يخوض حرب وينطي روحه للموت  بس حتى شوفج كاعده بلمة اهله

- واني مامستعده ولاراح يجي يوم اكون مستعده راضية بحكم رب العالمين وحمدته على عوضه وهو عنده زوجه تحبه ومستقر مااخرب حياتهم علمود ابني حياة لخاطر اضمن احمي خواتي مستقبلا

- سوي اليريحج بس خليها براسج العوض مرات يدزه رب العالمين على شكل قوه تخليك تكدر تبدي من جديد

-بابا

-يروح ابوج حضري الاكل بين مااعلگ الهيتر ادفي البيت قبل لايطلعن توم وجيري وانوب تعال اتحمل نعوصته مرضهن  فوك وشيطنتهن

ضحكت جر راسي باسه وراح اباوع ورا يمشي بثكل شخصيته وهيبته زايداته وسامة ؛اتمنيت مامبتعد عنه وعايشين بحضنه من ذاك الوقت

اخذت نفس ورجعت انظم بالمسواگ يمكن هاي سعد لحظات حياتي واني اسفط بالثلاجة  المخضر وافكر الصبح شنو اطبخلهم

كملت طلعت عشانه خليته بالصنية طلعت لكيت بابا مشغل الهيتر ولاف رئال ورؤيا بحضنه بالبطانية كل وحدة من جهة ومنتجي ماد رجلي ويباوعن كارتون وياهن

شافني لم رجلي خليت الصنية كدامه وكعدت شالت راسها رئال همست تغه بغدانه لاتوخغ ايدك

بابا -يعني مناكل

رؤيا- لاخلي رايه تسويلنا لفات

-رايه البنغالية  مال الخلفوج وخري يله اكلن حتى تنامن وراجن كعده من الصبح

-ليش راح تسرح بينا

-لانطلع نلم قواطي بلكي يشوفونه المنظمة  الانسانيه ويسجلونا ويه العوائل المتعففة

رئال - عزه ذكغتني مغه اجوي المنظمه للمدغسه وسألونا منو يتيم حتى يساعدوا كامت غؤيا كالت اني امي ميته وابوي مقطعه غجلي

رؤيا- جذابة بابا

- والله بابا حتى انطوها جنطة  وحذاء وموبس هيج جانت كسلانه ماتدغس وكلما ياخذوها للاداغة تكلهم اني يتيمة وزوجه ابوي خاله شغل البيت عليه كله

رؤيا - وانتي مثل الجلب رحتي فتنتي خليتي المديره تكتلني صدگ من كالوا اول جريمة بالتاريخ هو غدر الاخ لاخيه تف عليج

- لابابا والله مافتنت هيه عغفتها وحدها لان بتك غبية قبل يوم كومتها ام العلوم وكالتلها ليش كسلانه ماتخلين امج تساعدج بالدغاسه كالتلها ست ماما النهاغ والليل تباوع مسلسلات هندية حتى اكل ماتسويلنا ناكل خبز وجاي

- هم فرح ابوج من بشروا بجيتج

بابا- لافرحت من بشروني برعونتج

- الله يحفظك تخجلني بأخلاقك

- بس اريد افتهم شحب بيج الزمال

- والله كل الي يشوفني يحبني بس انتم كد حقدكم تسقطون بيه ؛اصلاً خلص نص عمره يقنعي حتى اقبل بي

- ونصه الثاني يتفل على نفسه  اشلون اتورط

- الاهل عزوه للبنت ؛ اهلي ؟؟

دمغها رن فونه وخرهن من حضنه كعد عدل عيونه بالمتصل يباوع للاسم ويبتسم بتحدي؛ اتحمحم بخشونه اشرلنا صوتكم وفتح المايك كال حي الله ابن البدوية

ذباح - حي الله اعزازك ابو رايه

- امر اتفضل  خدمة

- مايأمر عليك ظالم البنوات وين

-الي هنه بناتي ؟؟

-وبناتك حريمنا بأسم ازلام موش زعاطيط لخاطر تاخذهن شوكت مااجت براسك

-مااذكر اجه واحد منكم طلب مني بنيه للزواج وانطيته  

دسار - اهااا انت من هذا النووع على كولت الرعنة

- عفيه اني من هذا النوع وهسه ياشطار تروح للزمال الي انطاكم نسوان تلكوا مشمور بيته تفاهموا ويا يلااا ولدي اتوكلوا اريد اتعشه

ذباح- انطرر ماهو هيج الحجي

- ومنو كلك بينا حجي لخاطر تعترض وهاا ذكرتني لموا زلمكم من الشوارع اني لو اريد اختل جدك من طلعه من كبره مايحصلني مو شامريلي كم زمال يفر بذيله وداكها صفنه واذا على عنواني هسه ارسله الكم واريد ابن ابو  البيكم يوصلني مويطالب بوحده من بناتي لخاطر اعلمكم الرجولة اشلون تصير

دسار - من الاخير طلباتك ابو عگرب ولاتكول اطلكوهن هالشي امحي من راسك لان التربى على الموت مايهمه الخدش والنخليها بأسمنا غير ربك ماياخذها منه

- من تشوفون نفسكم صدگ كدها وكلمتكم كلمة زلم عود تعالوا نتفاهم

-المطلوب

- مشيه كباريه اهلك باليوم الي احدده من غير اهل بيتك يرحون لامها يطلبوها منها  ومهر بكد قيمتها اضعاف وماتطلع من بيتي اذا ماعقد محكمة بغايب يكسر ضهر اكبر واحد بعشيرتك اذا فكرت تحجي وياها كلمة

-تم

- اسلمها بيدك لمره وحده الثانية ابترها ومااخليها بيها تعرف شنوو يعني اذا اجتني بيوم من الايام زعلانه ماتطلع من بيتي غير على بيت تاج راسك وابن ابوك تعال اوكف بوجهي

-صار بعد اي اوامر

-وماتاخذوهن منا لحد مااردهن بأسمي

رؤيا - بابا لاتنسى تسأل عليهم بالمنطقة

دسار- يسأل عن منو لج

- سمعت بابا اعترض بسرعه يعني سمعتهم زفت اطردهم كلهم ماعدنا بنات للعرس

قبل لايرد سحبت الفون وغلقته  باوعلها بابا لمت حلكها و رمشت براءه

هز ايده واخذ الفون وصلت رساله فتحها قراها وباوعلي كال شنو العلاج التاخذي بابا

-هواي مااعرفهن ليش

- هذا ذباح يكول اكو علاج لازم تاخذه رايه دزلي العنوان بس انطيكيا واروح

- مااعرف بكيفك بعد

- هو موجود هنا لو طلب من غير بلد

- مااعرف بس الي اعرفه كلش غالي ولازم اراجع كل اسبوع

هز راسه شمر الجهاز وسحب الصنيه بلشنا بالاكل

شكد جنت فرحانه بكلام بابا واشلون سوالنا قيمة كدام  العالم بكد ماجانت مقهموره على رئال من ساعه الاتصال لحد ماكملنا العشه وهيه عيونها تلمع جانت متأمله تسمع صوت هيذام  بينهم

مرت الايام  مرتين خابرنا ماما واتوسلنا بيها تجي ويانا  ماقبلت  اني هم تركتها متأملة تحن وتجي وحدها ؛ بابا زاد التعب عليه بالاخص من شدوا عليه النسابة  بسبب كثر المهر وطلباته؛كلما يحاربوا من مكان يزيد بالمهر شوية لحد ماصارت حرب بينهم مع هيج جان اشكد مايكدر يحاول يكفينا من كلشي وميخلي شي ينقصنا

بالنهار يجيب سيارات يوكف بالساعات بطرگ البنطلون بذاك البرد يصلحن صح كل دقيقة قاطع شغله يا يدمغ رؤيا ويطلعها من الحديقة يا يبوس رئال ويبعدها حتى لاتتأذى؛ وبليل ينظف اسلحة مجازة حتى بيعهن بسعر اكثر من غير طلعاته الي مااعرف عنهن شي بس احسهن خطرات من طريقة تلثمه وجماعته السمر اليجون عليه وبنفس الوقت متعبات لان يرجع اخر نفس يشمر نفسه بحذاءه ينام كد ماتعبان 

رؤيا  منطلقة  بين طفر بين رجلي بالشغل  وبين مسويه دسار لعبه تشوط كلبه وتحضره  عكس رئال الي حزنها على درع  كاسر فرحتها صارت تعزل نفسها تكعد بمكتبها تخلي راسها عالكتاب وتصفن  النهار بطوله لحد مايكعد بابا يسحبهن غصباً عنهن يشغل التلفزيون يخلي الحبشكلات  ويلمنا بحضنا نسهر نباوع ياخذولهم شوية ويشتغل الشقة واللعب وصدگ ننسى  همنا ونظل للصبح على فد ضحكة

…كملت غسل مواعين العشه طفيت الاضوية وقفلت الباب المطبخ ورحت لغرفتنا دخلت لكيتهن صافات القريولات سوه

رئال بيدها كتاب ورؤيا بيدها الفون مسوية دسار لعبة تفتح الحضر تطلب شكو شغلة ما يرضى بابا يدخلها من ضمنهن اندومي وكولا وانوع جبس حار من هالسوالف حتى يشمرهن من فوك السياج الها بسكوت عن بابا اول ماتشوفهن كدامها ترد تحضره

سديت الباب رحت بينهن تمددت  كل وحده شمرت البيدها واجت خلت راسها على متني من كتر سحبنا الغطه تغطينه صار هدوء شوية وهمست رؤيا ماتحسن حضنا بعد بارد

- كل يوم اريد احجي بهذا الموضوع وابطل

رؤيا - اذا  على غيمة انتي وعدتيني بس اطلع وياج من بيت جاسم ماراح يجي يوم وتمنعيني من الراح اسوي بيها واذا عالسوينا بجاسم هذا جان اقل بهواي من السويتي انتي

- اني عاقبته من بعيد بس انتن جان داخلجن شي مرعب خفت من منظرجن وتصرفجن عيونجن جان بيها اجرام مونفس البراءه الداشوفها هسه

- لان مادخلتي حجز ولاسمعتي اصوات التعذيب ولاحسيتي بالموت يتخطى بين رجليج

رئال- مانحصغتي بزوايه وانتي تسمعين يتزاودون عليج ولاصغتي جوه ايدين حيوانات على ه‍يئة بشر ويتغالبون ياهو اليتعلم بيج التعذيب اسغع ولاشفتي الدم كدامج اشلون ينزل من متهمه وانتي متانيه سغاج بعدها

-برد كلبجن؟؟

رؤيا- لاا كلبي جمر بالاكثر

رئال- زاد الحقد تحول من تعذيب لصغخات موت

-بس هذا مايرجع الراحوا ولا يرد ذيج ايامنا

رؤيا -بس من تذكرهن تبتسم بدل ماتختنگ

رئال- ومن تغمض عيونك تحس نفسك القديمة موجوده وشغفك لحلامك نفسها

-يااحلام منهن ؟؟

رئال - المشكله مااعادت عندي احلام  حتى الاشياء الجنت اخاف عليها خسغتها صغت اني اتنازل عن كل شيء لان من صدگ فقدت نفسي

-اشلون ينجبر الخاطر

رئال-يكولون النسيان بس جذب صعب تنجبغ

رؤيا- استاقيت لماما

- هاي كدامج لاترضه تجي ولاتقبل نوصل الها كلما اتصلنا تكول خليجن يم ابوجن

رؤيا - لان غيمة محضرة مصيبة بس ربج يعلم بحجمها وماما خايفة نوصل ويغافلون بابا بينا

- شتكدر تسوي مثلا هو جاسم وانتهى

- رب الي اشتريتي روح جاسم بكم فلس من اخته ماتكدر هيه تبيع ارواحنا  لاعداء بابا  بكم دينار حتى ترد توكع على رجلين ذباح بحجت خايفة لايوصلوها ويردها

- واني ماأمن ماما يمها اذا ماحصلتنا توكع بماما ماطول كالت لاتجن يعني امنت علينه و ضحت بروحها

- ماتلحگ لاتخافين

- من يرجع بابا احجي ويا اخلي باجر ياخذنا الها نشوفها وبلكي نقنعها تجي ويانا

- ليش مااتصل بدسار اخلي يخطفها ويجيبها

- اي وبطريقه يجيبلج جكاير وسجينة وشرب

- هااا لاا مااشرب حرام

- لج بابا هذا ضااابط مو دلفري يشتغل عندج الرجال راح يتخبل كل يوم معرض روحه للخطر حتى يخلص من نگج وياريت على شي يسوه حتى فشله موته اتصير بسبب اندومي

- يله بعد مااطلب شي بس هالمره لان راح يوصل بعد حرمات اكله ارجع

- يله بله وفوگ هذا حاضرته

- طبعا اكو واحد كلج بت شوارع واحجي ويه ولد

- لاانتي واصلة مرحلة  مستحيل تنعدل حالج حال بول البعير كلما جايج ترجعين ليورا

- هاي عود انتي اختنا الجبيره بدل ماتعلمينا عالصح تحجين هيج اشياء موزينه  كدامنا

رئال- هذا يتسمى  النضوج من تكوم تحجي قليل وتغلط هواي

رؤيا - والي يختصر الرد بزيج لاي مرحلة واصل

- بمناسبه الزيج اسمع صوت دغاجه وغه البيت

- كومي اوكفيلي يم الباب اخاف يجي بابا واخليج تاكلين اندومي وياي

- اذا جذبتي عليه مثل الباغحة افتن لبابا 

هزت راسها اي وكامت جنها جنية خدودها وشفافها حمر وشعرها طويل وكيرلي بسبب الضفيره اليشوف براءه شكلها ولايصدك هيج شايلة مذاوه

جريت رئال كعدتها خفت عليها الجو بارد. وكمت مكانها طلعت ورا رؤيا بعدنا بالباب وسمعنا دبه عرفته طفر طلعت تركض واني وكفت يم باب المطبخ

عيوني بالساعه اندعي ربي يهدي بابا ويكول لدسار يله جيب اهلك واخذها خايفة عليها من عقلها كلما تصفن احسها دبر سالفة  لغيمه اعرفها ماراح تتركها بحالها وادري ناويه تضيع نفسها لهيج دتشوف دسار كل يوم حتى تشبع منه

الوقت يمر وهمه مستمرين يسولفون بالحديقة لاوالله يتضاربون ساعة اسمع كفخته وساعة ضربتها؛ ياخذولهم دقايق مكافش ويردون يهدأون لحد ماصارت الوحده

طلعت ظلمة مامبين بس ضوه الكمر داگلها يله دخلي واسمع صاح اااخ  اباوع لازم صدره ويباوعلها بغضب لبالي راح يكتلها  اشو هذا فرك صدره وكال يله دخلي جوه

دنگت شالت الماسحة  رفعتها وشرت طلعهن

- شطلع بت الكلببب مخابراتني حتى تسلبيني

- دسار كلمة الثانيه اهفك على وجهك واصرخ حرامي اخلي كتلك ماله والي بالمنطقه  ذب كل الي بجيبك بسررعة

- بعد طگي الموس من حلگج وشرحيني

- عود شنو انت حاسب روحك سبع المنطقة وجاي تمشيهن عليه يله طلع باقي الفلوووس

- انعل ابوج لابو الورطني بيج بت السطل شطلع  ياافلوس شنو طلبيني

- كلتلك جيب خمسة اندومي واربعه  جبس حار ذني بس اربعة اندومي وثلاثه جبس  وين الباقي شنو تضحك عليه

- بنتي مطيتني افلوس واني ماادري اشلون اضحك عليج بله فهميني يجوز اني زمال بهيج سالفة

- اهووو اشلون شغله هااي اضحك عليج بكم كلمة وافرهاا بيج واطلع بالنظيف دساار من الاخير تشمر الفلوس لواشوف شغلي

- هواني لوبيه خير جان اجيتج هيج وقت

-يله لاتأخرني

هز راسه دنگ طلع محفظته سحب الف اجه يمها رادت تاخذه وبحركه سريعه لكف الماسحه رادت تصرخ سد حلكها جتفها جرها الحضنه ودنگ عضها من خدها

خجلت درت وجهي واسمع صوتها تهوس مخبوصه بس تريد تخلص نفسها ماتكدر بكلبي اكول حيل كون يملخج على هاي الرعونة

دقايق واسمع صوت سيارة عرفت بابا وصل

انداريت اشرت لدسار دنگ شال رؤيا اجه شمرها عليه وكال عود ربوا بناتكم مو بس شاطرين طلبون مهر يكسر الضهر

رؤيا - لاياحيوان يالفو اني مامترباية

عض طرف شفته باوع للباب ورد باوعلها اجه يركض رادت تلفت مالحكت لكفها لزم وجها عصره دنگ عضها من شفتها بكل حيله لمن شلعها رد باسها حيل ودفعها شال جفوفه وركض للسياج الثاني بخفه طفره ثواني واسمع صوت الدراجه شحطت

جريتها بسرعة دخلتها سديت باب المطبخ واخذها ركض للغرفة دفعتها وقفلت الباب انفت

وكفت مسحت حلكها بظهر ايدها تباوع بحقد  غميتها

رؤيا - العلاگه بقت هناك

-بلكي يشوفها بابا

-واذا شافها اصلاً مانعرفها المن يجوز واحد يريد يسممنا

-هاي من يكون ابوج جاسم مو الدغش ولي لفراشج يله وكون على الله الكيج مخابرته بعد حتى گبل اكول لبابا

رجعت لفراشها وهيه تمسح بخدودها الي مسويهن خرايط كد مامعضعضهن

سمعت بابا دخل لغرفته وسدها امنت يعني ماحس  اجيت يم رئال لكيتها حاضنه مخدتها وصافنة  كعدت يمها خليت ايدي على شعرها همست شبيج يروحي

-اشتاقيت لدغع

-لدرع لو لحضن ابو درع

-ليش هيج گلبه قسى عليه اشلون گدغ مايسأل عني كل هالايام 

-الانسان من يخلي ثقته باليحبه وينجرح منه يبعد لان كد مايحبه مايكدر يعاتبه

- لا عغف شنو اليوجعني عاقبني بي

-تحبي رئال

نزلت دموعها

- ليش مامكتوبلنا نكمل ويه النحبهم

- يعني هاي هيه بعد ماشوفه زين هو مو يعغفني اني غداغه  ويعغف غاح يعوفني ليش خلاني اتعلق بي  هلكد

-اتصلي بي سألي

-اخاف اسمع صوته بغغفة هبه وكتها موبس اكغه نفسي لا اموت والله

-عوفي اتصلي بضي وشوفي درع راح ترتاحين

سكتت

-انطيني رقمها اني اتصل والله كلبي عنده كل يوم اريد اتصل وابطل بسببج مااريد ازيد وجعج عليه

-اخاف مايقبل هيذام

-ماراح يدري على سالفتج هسه غاط بحضن مرته يله انطيني الرقم

اخذت الفون كتبت الرقم دخلته واتساب اتصلت كام دقايق وردت ضي رجعت لفون لرئال لزمته تباوعلها  بدون صوت اخذتلها شوية وصاحت ضي  مبين عاجبج الصمت زين اشتاقيتلج اشلون تنكال بهيج مواقف

- دغع اشلون

- شتكولين انتي اشلونه تدرين بي تمرض وراج لااا تدرين صار كم يوم ماياكل وحتى ويه ابو مايحجي هم لااا تعرفين ساكن المكتب مالتج ويبجي نهار وليل هم لااا تدرين ليش لان ماتستاهلييي

-هيذام وين

-شنو كلتيله رئال وهيج خليتي يبعد  عنج ومايريد احد يذكرج كدامه بعد

-شي انگال بالغلط وبدون قصد حسباله جنت اجذب عليه من اگله احبك بس والله ماكو بكلبي بس هو ومن حجيت هيج  ماجنت اقصد غيغ  اشتياقي لايامي القديمة وسوالفي عن احلام اتلاشت ويه والوكت وانست ماضل منها اي شي ولا حتى احس بيها بعد

- ياغلط ياماتقصدين تدرين هيذام اشلون صار من بعد ماعفتي البيت انتي موبس انطيتي درس بغدر النسوان لاانتي كرهتي حتى بنفسه وخليتي مايثق بيها  صار عبارة عن مخبل يمشي ويسحگ بدون شعور اي صله بينه وبين البشر بعد ماكوو انتهى

-يعني نساني

- شينسى وهو الليل ماينامه كدر مايفكر بيج تردين  تشوفي وين هسه اطلع واراويج اشلون لازم كجارته وكاعد بالحديقة هذا وضعه من طلعتي لسه صافن مااعرف على قسمته مااعرف على دكت كلبه الاجت لوحده ماتستحقها ولج البارحه احجي ويا يكلي اشكد ذلتني واذتني بس ولايوم حاجيتها لو عاقبتها جنت اشري زعلها بروحي جاليش هيج جازتني

-والله احبه

-كم مره كلي ضاله وياي بس لان ماعدها احد وتريد تاخذ حقها وادري بيها بس يردون اهلها تعوفني لو اخلي الدنيا بين اديها مو احققلها احلامها بس ماجنت اصدگه

-انتي اكثغ وحده تعغفين اشلون احبه وشنو سويت علموده

-كلشي ماسويتي غير خسرتي رتبته وكلبه وهو هم جان متأكد من الراح يصير ومستعد لهيج صدمه  روحي رئال مااريد احجي وياج بعد

غلقت الفون وباوعتلي

دنگت همست موكلتلج نهى كلشي

رؤيا - او يمكن استعمل مقولة ان احببت شي بقوة اطلق صراحه ان عاد اليك فقد ملكته للابد

-يعني شنو

-روحيله يجوز منتظرج

-ديگلج مانع دخولي للبيت

-روحيله للمركز

-مايدام هنا ومكانه محد يدخل بي بس الشايل باج وصحاب المناصب

-غير مكانه وين يتواجد

-ازغ

-اشلون تعرف الله مطيح حضك من يخلقك الدغ ويخلي الي بحياتك كلها بالراء

-شنو اگله

-لاتگليله اوكفي باب المركز صيحي الله واكبر وفجري سيارته

-اغيد اغجع علاقتي مو انعدم

-اتصلي بي وكليله شاكه بأهلي يشتغلون بالتنظيم همه من يجون يكرفونه اكيد يكرفوج ويانه

-يدخلون علينه يصفونه واحنا بالبيت مالحگ اوصل للمغكز

-اكو سجينه بالمطبخ اخذيها وجفتي بابا شوهي وجهه

-وليش مااشوه وجهج الاعوج ولي اني اعغف شنو اكله عوفي افكاغك العوجه الج تفيدج بالمستقبل بس دبغني اشلون اطلع منا

-باجر احنا مو نروح نشوف ماما نطلع سوه نشمرج بالمركز ونطلع لماما عود اذا ماشمرج بالحجز لحگينا وانتي رايه كومي وياي انجيب العلاكه ماطول ابوج نام

هزيت راسي وخرت الغطه وكمت فتحت الباب لكيت بابا مسدود اشرتلها يله

طلعنا نمشي على طراف اصابعنا  تركناها تتصل بي وصلنا لباب المطبخ فتحناها عالكيف  طلعنا  ركض للحديقه نزلت دشيل العلاكه ونسمع بابا ورانا كال لاتكن على عجلة كلما عليك هو الهدوء واقناع صاحب الاجرام بذكائه حتى يعود لساحة  الجريمة

عضت شفتي ورؤيا خلت العلاگه ورا ضهرها

اشر تعالي

رؤيا - هاي اول مره وشكد عيطت عليه ورزلته كلتله مااريد بس هو لح حتى ما دخل شمرهن من ورا الحايط وراح

- وهذا رقم حذاء الغوريلا  المختوم بالحديقة

- بس اريد افتهم هذا منو الخلا  ضابط مخابرات

- ذكائه نفسه الخلا يترك اثر ورا حتى يوصل مسج انو اشوكت مايجي براسي  ادخل بيتك ادخل؛  اختصر السالفة وانطيني بنتك

- اهاا من هيج قفص عليه وغلس الالف

اجه شالها من اذنها صاحت اتوبه انوب اذا اجه ارمي

-وليش ماارميج واخلص من شيطنتج

-يصير البيت موحلو بدوني والله تخسرني منو يساعدك بتصليح السيارت بعد

-خرزه البتاوين اذا ماكعدتي وصرتي حبابة هاي عيونج ابززهن سمعتي

هزت راسها

-هالمره ماراح احاسبج بس ثاني مره اعرف اشلون اتوبج يلا ولي

باسها حيل ودفعها وكفت ضايجة  تفرك بأذنها رادت تحجي دنگ شال طابوكه ركضت دخلت بسرعه ضحكت هز ايده ورد الطابوكه للحديقة

-وانتي هم لازم تتعاقبين

- والله خايفة عليها بس اريدها تتزوج حتى بلكي تعقل شويه لو دسار يكدر يلزمها

- ماعليها رؤيا ذكية وتعرف اشلون تحافظ على نفسها وعليجنن ركزي عليجن

- ربي يستر عليها  من تفكيرها ويهديها وخليها تشيل غيمة من راسها

- اذا شالتها هيه ذيج ماتشيلها ولازم وحده منهن تنطق الشهادة

-يمه اسم الله على اختي

-ان اردت الابتعاد عن خطر يجب ان تكون انت مصدره

-يعني شنو

-يعني ابتعدي عنها وخليها تنفذ الي براسها وهسه يله دخلي وقفلي الباب اجتني شغلة مستعجله لازم اطلعلها

-صدگ الصبح اريد اروح لماما اشوفها مانتأخر بس نأمن عليها وبلكي نقنعها تجي ويانا

-ماراح تجي  ولاتفكر بعمرها تسويها لاتعبين نفسج

-ليش

-من غير ليش المهم تنتظرني من ارد اوصلكم لو ادزلكم تكسي

-لاوالله ياريت ادز تكسي حتى مانتاخر

-تمام اكو افلوس بغرفتي اخذي منهن اخاف تعتازين وهم انطي لامج بدون لاتكليلها هذا مني كولولها من شغلكم

-تمام ربي يحفظك النا

-رايه

-ها بابا

-ترجعلي مو؟؟

باوعتله نظرته جانت بيها قلق يباوعلي بتوسل راحت حضنته دنگ باس راسي همس ماريد اضغط عليجن بس بعدني ماشبعان منجن

-ولااحنا ؛وراح نرد ماما ونرجع عائلة كامله مثل قبل

-ان شاء الله يله يروح ابوج دخلي وقفلي الباب وعيونج على رئال تره مكسوره

-هدمت حياتها لخاطر  تبني حياتنا اشكد حجينا عليها بوكت ماسلمتك

- صارت بعد وبدون قصد يله حبيبي ردي جوه الجو بارد

باسني من راسي رجعت للمطبخ وعيني وراي اباوعله خله سلاحه بظهره وكفت يتلثم عدل

اندكت الباب اشرلي دخلي بسرعة ؛دخلت ركض قفلت الباب اسمعه طلع

رجعت للغرفة لكيت رئال طايره من الفرح اشرت ها بشري

- ازغ كال بس تعالي ومالج شغل بالباقي

- دحضري ملابس حلوه ورتبي خلقتج لا ينصدم وانوب يشمرج بالحجز بدل يحجي وياج

رؤيا - تعالي اعدلج  وانتي رايه حضريلنا اندومي خلي نسهر بين مااخابر دسار يجيبلي مكياج

- منييين يجيب الساعة بالثنين بليل رؤيا

- شعرفني يطفر على محل يبوك امه يكتل ابو كوزمتك هو يدبر نفسه وانتي جيبي الفون خلي افتح الحضر

اخذته كعدت اباوعلها فتحت الحضر دزتله اوك ثواني وتم المشاهده بس مارد

كتبت تعرف اشكد احمد الله انت بحياتي

دسار - افلوس ماعندي

ابوج وبعد مااتوسل بي وجيه بعد مااجي واصلاً العقد راح افسخه يلا ردي الحضر

ردت حضرته وشمرت الفون ولاهتمت طبكت ردن بجامتها وتركت الثاني يسحل اتربعت كدام رئال ناثره كفشتها سحبت العلبة وبلشت بيها ؛ اسرع شخص بتخطي المواقف

عفتها تعدل وطلعت سويت اندومي رجعت لكيتهن بعدهن خليته يمهن اخذت الفون ورحت تمددت بالفراش فتحت الفون استوني اگلب بي وصلت رساله من ذباح فتحتها لكيته كاتب بت الدغش كضي حجابج عدل كفيلج الله اذا لجحتج مرة ثانية  طالعة جدام جماعة ابوج بدونه  اخش ادگج صفر انتي والساندج

غلقت الفون بسرعة وشمرته فاتحه عيوني على كبرهن  هذا وين شافني

نكثت راسي ورديت عيني بخواتي مر الليل واحنا على گعدتنا  بين نحضر وبين رئال تسألنا شنو احجي وترجع رؤيا تعيد من جديد اذا رفع صوته شخطي وجهه اذا كلج شكو جاية تفلي عليه اووو  من هذا الخرط مالتها

تركتها  تعلم وطلعت جهزت غده لبابا وخليته بالثلاجة لحد ماكملن وصلت التكسي قفلنا البيت وطلعنا عالسريع واحنا وحده تضرب بالثانية  وصوت ضحكنا وين واصل مامصدگين عدنا بيت ونطلع ونرجعله شوكت مانريد

ماعرفنا هاي الطلعة راح تغير بحياتنا تخلينا نعيش ايام ماجنه حاسبين حسابها

صعدنا السياره انطينا عنوان المركز بالاول طلع بينا ورئال ورؤيا وحده تتحارش بالثانيه وتعيرها بشغل رجلها والسايق صافن عليهن تكول يسولفن على فيترجي مو ضباط برتب 

عيوني عليه وكوه كاتمة ضحكتي بالاخص  من اتصلت رئال بحماها وعاطت بي كام يتبلعم بعد ماتحملت طلعت ضحكتي غصبا عليه باوعلي بالمرايا ودنگ خجلان

وصلنا للمركز لكينا ازر منتظر واكف يم حماية يسولف  شافنا ضحك و اشر لرئال سلمت علينه ونزلت  راحت تركضله  واحنا كملنا طريقنا عن طريق المخابره بين ذباح والسايق لحد ماصار كدامنا  واكف هو وصگر سلاحه بيده بلبسه الاسود مدنگ عيونه بساعته

على صوت السياره شال راسه ترك السياره بكبرها هيه والبيها واجت عيونه بعيوني جانت لهفه نظرته فاضحته مثل المنتظر حبيبه سنين وشافه بالصدفه مار هيج جانت حالته

اخذ نفس طويل ودنگ ؛اجه صگر دكدك عالسياره اشرلنا نزلن  نزل السايق الجام وهو دنگ عليه گله حي الله بأبن العم

نزلنا تركنا يتحاسب ويه السايق عالكروه وصلنا قريب على ذباح سلمت رؤيا وعبرت دنكت دااعبر سحبني من ضفيرتي وهمس هاي الي يوم ابترها

عضيت شفتي وكملت طريقي دخلنا للبيت تلكتنا عمتي فجر تصيح حي الله من جانه توه نور البيت هلا بأمانة عزيز ارفيجه

رؤيا- رايه  بس ذكريني بيها هاي منو

-تركي اخيتج وكربي لذكرج ياهو انه يالرعنه

ضحكت وراحت حضنتها باسها وكالت اووف ولج الج وحشه

- كلتلكم سوف اذهب وسوف تندمون ماصدكتوا

-ههههه دروحي لاميمتج مناطرتج خلي تعلمج الندم على اصوله

-عزه مانست بعدها

-لاع وعلي ناوينلج نيه كشره اله تقلع ذني عيوناتج التكول خرزه مغثه

-شعدكم ويانه اخوج اتلكانا جر رايه وكاللها الي يوم ابتر راسج وانتي تقلعين عيوني عمي احنا غلطانين بالعنوان وخري خلينا نرد لبيت ابونا

دمغتها  ودفعتها  لجهة الغرفه وندارتلي وكفت تباوعلي رافع حاجبها

-تره اشتاقيتلج

-اي ضحكي عليه بذني سويلفاتج

-شوف اشلون تضنين السوء بيه واني التاركه بابا وحده جايه اتغده يمج كد مااحبج

-ماطولج هيج جا ماتكولين للشفيه  يخف ايده ويتهاون شوية بطلباته الي شيوخ عشاير بصيتهم مايكدرون ينفذون طرف منهن 

صاحت رؤيا هاا عمه قصدج رايه ماتستاهل

- يااع وعلي يعمه تستاهل نعطيها عيونه كربي لج يمه اشكد محتامة عليج

ضحكت وحضنتها باستني وكالت يله روحن لاميمتجن بين ماروح للبدوية يم هجامه ابشرهن بجيتجن

هزيت راسي راحت واحنا دخلنا للغرفة لكينا ماما كاعده لازمه راسها مدنگه ويمها غيمه واكفه  لازمه فونها وتباوع بخبث مثل الجانت تهدد وسكتت  على دخلتنا

شالت راسها ماما عيونها حمر وكلهن حيره ركضنا دنگنه حضناها كل وحده من جهه اخذتنه لحضنها بقوه بوستنا وهمست شجابجن

-اشبيج ماما ليش هيج عيونج حمر

-مابيه شي بس اشتاقتلجن وين اخيتجن

-هسه تجي ماما احجي شبي صوتج جنتي تبجين موو

صارت عيونها على غيمه وسكتت رادت تكوم رؤيا لزمتها ماما دفعت ايدها وكامت  رجعت غيمة بسرعه ليورا لزمتها كالتلها اوكفي ماكتلج

غيمة - ومنو كلج خايفة منج وبعدين شكو جايات لو هم رايه حبلت ورديتن حتى تشمرن عهرجن على ذباح

- سمعت مقولة تكول من تعطيك الدنيا دورك للانتقام انتقم بحجم اكبر من مما اوذيت بيه كن حيوان تجرد من الرحمة والمشاعر لكي تنام بعدها بعمق

-شقصدج

-ماقصدي بس هالايام نومتي  ماعاجبتني كلت خلي اجرب اذا صدگ الحجي حتى اذا مافادت ادورلي مقولة لخ انفذها 

- كملتي ردي لحضن امج  حاولي تشبعين من محنتها وتملين عيونج هواي حتى تكدرين تغمضين على كولتج

- اهااا لعبة جديده

-نصيحه ابتعدي حتى لاترحين بالرجلين وبدل ماتنزفين للضابط الماعرف منين جبتي تردين جوه رجليه وتحت تترحمين على ايام العمى والكتل

-مااگلج لاتحفريلينه حفره لااا حفري وكبري اشكد ماتكدرين حتى نكافأج بالدفن

- ادفنين منوو؟ ويلا ولي من وجهي ردي لامج خلي تشوفلحن صرفة  للنغل الجديد لان ذباح بعد ماتمشي عليه هالسوالف عرف ابوجن الديتنقل بينجن وهو وجماعته و اليحملجن بالنغولة

ضغطت على سنونها سحلتها من ملابسها كامت ماما  ركضت جرتها ودفعت غيمة لجهة الباب رادت تصرخ رؤيا سديت حلكها واشرت لغيمة طلعي

عدلت ملابسها طلعت هيه وتضحك بشماته دفعت رؤيا عليه وكالت يله خابرن ابوجن خلي يجي عليجن والي تحجي منجن وياها لاهيه بنتي ولااعرفها

راحت كعدت على جهه دار وجهارؤيا طلعت ضايجه واني رحت كعدت يمها خليت ايدي على متنها وخرتها دنكت على ايدها بستها وهمست زعلانه منا موو

-وليش حتى ازعل قابل ضيعتن تعب عمري وعفتني وحدي لو ماصدكتن شفتن ابوجن ركضتن لحضنه ونسيتن حضني الجنتن تتعاركن عليه

-كم مرة خابرناج ردنا نجي ناخذج مارضيتي

- لو اعرف اسكن الكبر واعيش عمري كله بعوز ولاااباوع بوجه رافد

-ليش ماما والله طيب وحنين

-الله يخلي خيمة  على روسجن ويسعدجن يمه يله يبعد امج اخذي اختج ورجعي

- شنو الصاير بينكم الي يخليج كارهه شوفته هيج وهو متأكد ماراح تسامحي فد يوم وبنفس الوقت ماترضين تگلينا حتى لانكرهه

- ماصاير شي احنا من البداية مامتراهمين ولاواحد طايق الثاني

- جذب لوجنتي صدك ماتحبي جان شمرتي مداليته جان ماحافضتي كل هالسنين على نفسج وماخليتي احد يتقربلج بعده وحتى من صارت رند تره اتذكر اشلون صارت بالغصب وشنو سويتي حتى تنزليها

- لاااا موعلموده ردت انزلها لان كبرت واني مابيه بعد حيل خلفة

- مامااا انتي حتى من ماتت مابجيتي عليها ولاحزنتي كد مابجيتي ورا رئال لان دوم جنتي تباوعيلنا بغير نظره ودوم جنت اسأل نفسي ليش هالهفه بعيونج من تشوفينا ؛شكو بوجهنا مميز الي هيج عيونها تكوم تلمع

-لان جنت اشوف التعب بوجوهجن ومااكدر اشيل عنجن

-لا جنتي تشوفينا بينه وحتى شعرج و شعرنا ماكصيتي لان هو يحب الشعر الطويل

سكتت

-ليش خبرتي عليه شنو الخلاج تتخلين عن حب عمرج وهيج تسوين بينا

نزلت دموعها

-يكولون البنيه الجبيره سر امها والحضن التشمر بي تعبها  احجيلي ماما لان نظرات بابا النا ولهفته من نجيب طاري اسمج تعصر كلبي

-لان يعرف نفسه موخوش ادمي ودمرني اني وبناتي ولو يضل العمر كله يعتذر ماراح اسامحه

-شنو سوه

-كلشي ماكووو ويله كلتلج كومي اخذي اختج وردي وحتى رئال خابريها كليلها لاتجي

-هيج صايره شوفتنا تزعجج

-لوعليه اضمجن بروحي واحارب الدنيا علمود سعادتجن بس مااكدر جربت هواي ماحصلتن مني غير الوجع والضياع

-ماما الدنيا ماتسوى شي من غير حضنج

- وحضني ماعاد الامان رايه ماما تردين خواتج يضلن يمج وماتبجين على فگد وحده منهن  اخذيهن وردي لابوج لاتجيني

- شسوت غيمة

- انتي ليش هلكد تلحين تره العالم كافيهم حاملين همي ومصرفي انوب ازودها بيجن  ماطلع ذباح كعد يومين ويه غزوان بالحجز ابتله على عمره

-واني ماراح اكوم اذا ماحجيتيلي شنو المصيبة المسويتها غيمة  وهاي كاعده وحتى ماارد بعد ضاله هنا

-ليش تشلعين كلبي ياامي

-تخافين اكول لرؤيا موو تمام احجي والج كلمة مني مااكول وراح اخذهن واروح وحتى مااجي اكتفي بالمخابرات وياج

ماردت

-ماما اذا هيج السالفة تخوف احتمال خواتي يتأذن  اذا تأخرنا احجي

- متفقه ويه واحد مااعرفه منو بس اكيد من جماعة جاسم عن طريق اخته يجي يكتل رؤيا مقابل مبلغ

- عززه وصلت بيها للكتل زين منين جابت افلوس

- سمعتها تتفق ويه كمريه هيه تنطيها هم يخلصن من رؤيا وهم انتي تعوفين ذباح وتردين لابوج وهيج ينتقمن اثنينهن

-وليش ماكلتلي لذباح

-يماما يكتلهن اثنينهن ويضيع شبابه بسببنا وخطية  هيام فرحانه مامصدگه وافق راح يسون طفل حتى ملابس اشترت اله وكل يوم تحسب لبداية الشهر اشكد ضل اجي اضيع كل هذا بكلمة

- وترديني اتركج يمها واروح هسه من اعرف اموت مااريد اعرف شنو البينكم وحتى بابا اني احجي ويا ماراح يرد للبيت يشوفله مكان يضل بي وانتي تجين ويانا

-رايه اني اتفقت ويه هجامه اروح وياها راسي وراسها نشتغل ونعيش وكل فتره اجي للامام اشوفجن هناك

-لاوتحجي هيج بساطه انتي منو سواج ام اول مره اشوف ام معتازه ام

- كملتي يله كومي لان سوالفها سمعتيها حتى تتهمجن بشرفجن ورؤيا عدها عقده اخاف تزرعها براسها وتكوم تكره ابوج

- لاتخافين علينه وبعدين هيه شرجعها موطردها ذباح

- يبوو لاخلت ايد ولارجل ماباستهن اخر شي هددتهم تروح لشيخ العشيره مالتهم وتشمر روحها عليه وتشكيله اشلون جابها واشلون رد بكلمته كوه فجر لمت السالفة عن لايسمع ذباح ويموتها

-لاهاي صدك واصله مرحلة خطره ينخاف منها

-شفتي حتى تعذريني يله كرمي اخذي اختج وروحي اخاف تخابره ويجي وهاي اختج طلعت للمزرعة اكيد تالي يصير بيها شي

-هسه اكوم احجي ويا ذباح يوصلنا بس انتي ويانا

-لاااا

ماهتميت كمت صاحت وراي مارديت بعدني ماواصله لباب الغرفه ومانسمع غير صرخة اجت من بره البيت وصوت ركض خبص الجو

بعد اريد اخذ نفس مااعرف طلعت اركض ماادري اشلون وصلت للمزرعة وكفت واني اشوف  هيام لافها ماطور الماي الزراعي  ويمها غيمة سابحة بدمها مشلوعة ايدها …

*** رئال***

دخلنا للمركز امشي و اباوع صح  نفس الاماكن الي دخلنا بيها اني ورؤيا بس مو نفس المشاعر احس صدري مليان لهفة

كل خطوه اتخيل اشلون راح يدخل بالزي العسكري وشنو راح تكون ردت فعله من يشوفني 

شنو اول شي اكله مشتاقه لهمساتك لو لحضنك واني احتمي بي منك  لو اشكيله من بعده شسوه بيه

خليت ايدي على كلبي احسه يريد يطلع وصلنا لمكتب ضربله تحيه الحارس  كال ها ابني وصل الملف

- اي سيدي خليته عالمكتب

- الضابط هيذام شنو  اخباره

- اتصل عليك مرتين كلتله داخل غرفة التحقيق

- خوش حجي اول مايوصل انطيني رنه

- تمام سيدي

فتح الباب دخلنا اباوع عرفته هذا مكتب هيذام 

سد الباب راح للمكتب الخشبي فتح الملف كلبه ورده مكانه

طلع من الجراره رتبه وكلبجات اجه يمه جر ايديه كلبجني ودنگ خله الرتبه بجيب بنطلوني كال هسه كله تمام

-شنو هاي

-لاتستعجلين على رزقج لج

-تغيه جاية حتى اعتذغ منه موحتى البس قضية

- اشش وصل روحي واكفي بجهه الباب بسرعة نفس مااريد

اشرت اي رحت وكفت يم الحايط دقايق واسمع ضربة بسطاله غمضت اشكد مشتاقه لهذا الصوت؛  صارت حركته قريبه اخذت نفس وفتحت عيوني على صوت فتحت الباب

دخل اباوع لضخامته بالزي وهيبته بالوكفة امنيتي اركض اشمر روحي بحضنه واسولفله عن خوفي بشوفته اول مرة ولهفتي هسه

قبل لايدير راسه الي صاح  ازر وين تأخرت يااخي

هيذام- عندي شغلة كملتها خير شصاير

- قضية نعلت ابو اهلي لا اعرف اشلون احلها ولاادري منين ابلش بيها

-شنو هيه

-بنيه من البتاوين كاتله واحد هذا ملفها

-اهاا والمطلوب

-شوفلي حل بلكي تنطيني شويه من خبرتك  تساعدني بالتحقيق

مارد تقدم ليكدام شال الملف دنگ فتحه باوع بي  اخذله ثواني ورفع راسه اندار باوعلي

اخذت نفس عيوني عليه اباوعله وجسمي كله يرجف؛  اندار شمر الملف وصاح للشرطي  تعااال ابني اخذ هاي اشمرها بالحجز…

لاتنسون التصويت❤️

شيء من رصيف الدم

بقلمي:leo Alfatlawo

بارت الرابع والاربعون

**** رئال****

على صوته دخل الشرطي  كله ازر دهفها راجدي ادفرة من شوكت نزلت عليك هالمحنة ويه المتهمين

دنگ  يگلب بالملف دخل الشرطي اباوعله  نفسه المتوحش الجان يسحل بيه

رجعت باوعت لاازر دار وجهه وكام يريد يطلع وصل الشرطي قريب عليه رجعت ليورا صحت ازززغ لاتصيغ سخيييف

فتح عيونه الحارس بغضب عكس ازر الي مااهتم كمل طريقة

رفع ايده اباوعلها تذكرت السحل والضرب راد يلزمني دفعته وركضت ورا هيذام لزمته من ظهره وصحت والله اعتغف

هيذام- تعال اخذهاااا لك

- لااا  هيذام والنبي اكول شنو تغيد بس لاتخلي ياخذنيييي

- انت زماااال شنو منتظررر

- لااا حبااااب اذا ماعتغفت لو شلعت كلبك بالتحقيق خلي يسحلني

دار وجهه الي رافع حاجبه همست بتوسل والله سيدي غاح اعتغف

هز راسه اخذ نفس واشرله روح

راح طلع وهو جرني من ورا دفعني كدامه شمر الملف واتجتف باوعلي

همست ماكتلته

-مم

- ولا جنت ناويه أذيه

رفع حاجبه

- دوم جنت احسه الامان ماجنت اسوي شي اذا ما اتأكد واكف بضهغي واعغف غاح يسندني؛اذا وكعت يكونلي دغع واذا غلطت ياخذني لحضنه ويگلي لاتخافين اني يمج

-بشنو قصر وياج  

-ماجان يسمع مني ولايصدكني بنى بمخيلته شي ومشى عليه مااكلك حاولت اغيغ تفكيغه اواثبتله العكس لااا بس هو مانطاني وقت ولابيوم شكالي من افعالي  جنت كل مااسوي شي اوجعه بي بدل مايعاقبني يباوعلي بقلق ويسألني اذا تأذيت

-لهيج غدرتي

-لاماغدغته حتى اول مغة من غلطت جانت بدون وعي وصحيت بساعتها واول واحد هو غكضتله تأسفت منه وتوسلت وبجيت بس حتى يخلصني من جحيم هو جان سببه تعغف شنو سوه دفعني خلاني بنصه  وداغ وجهه خلاني اعيش  اسوء ايام حياتي بذنب ماجان الي ايد بي

- مااذكر فد يوم تركج وحدج ولاسمح  لأحد يتقرب منج  حارب اهله وتنازل عن رتبته وترك حتى نومه صارلج حماية حتى من نفسه 

-بعد مادمغني

-ماادمررج كلج مسحي دموعج وخليج بضهري شنو سويتي

-حبيته

-هه ياحب هذا

-غدت انتقم منه لان خلاني اخون نفسي غدت يحس بوجعي واني احاغب عقلي حتى لايفكغ بي؛ يگوم كلبي ينبضله اسكت كلبي غوحي اطلبه خلاني اوكف عاجزة مااعغف المن اهدأ

-غير درع لاغلاطج وانتقامج ماشفتيني

-وداعت كل يوم نمت بحضنك ماخنتك حتى بحلمي ولاشفتك غيغ غوح اكمل باقي حياتي بيها ماحسيت وياك غيغ بلهفة الحب مااعغف اشلون حبيتك ولاااعغف اشوكت بس فجأه لكيت نفسي امااكدغ بدونك

-اروحي رأل ردي لاهلج كملي بداية حلمج وانتي مرتاحة لان ماضل عندي شي اضيعه خسرتيني كلشي واخذتي كل حقج الج يمي

-لاا الي بعد شي

-لاتوهمين نفسج لان ماضلج غير الذكرى خاطفة تنمحي ويه طلعتج منا

-جنت مشتاقه لنفسي القديمة  واني لازمه كتابي وبيدي السواغ واسولف لخواتي عن القصه مو اكثغ وغحت حتى ادوغ على ذيج الايام لان من حقي بس مالكيت منها غيغ وجودك بداخلي ؛افتح الكتاب اشوفك بي؛ اغمض الگاك بعيوني؛ اسولف يكون اسمك بداية كلامي

-روحي رأل

همست والله احبك

-واني مارايدج

نزلت دموعي

باوعلي ساكت مسحت خدي بظهر ايدي ردت نزلت دموعي  غمض بقلة صبر شهكت دنگ مسح وجهه واجه جرني لحضنه حضني بقوه وهمس لاتبجين

-والله ماكتلته

-ذليتي وخسرتي عمر من التعب والحرگه خليتي ينعل كلبه  الف مرة  بالثانية على ذيج الدگة

- هو مايعاقبني ولا يصيح عليه ولا يحاسبني بس يهدد يخليني اغلط  واني مأمنه لان اعغف ميسويلي شي

-زمال ابن زمال اشلون حبج ماادري

رفعت راسي من حضنه باوعتله رفع حاجبه اشر شكو

-صدگ تحبني

- جنت هسه لاا

ـ يعني اذا اجو وخذوني منك غاح تخليهم

- وانصحهم بالطفرة قبل لايتورطون بالطياح الحظ الراح ينعل ابهاتم بي

-لعد ليش خالني بأسمك لسه

-مو اكلج زمال بدل ما ادگج اجتاف واشمرج بتنكة تيزاب واخلص من لدغتج وتنعوصج الردني الف سنه ليورا ضامج بحضني وتسنطلج بس يله ملحوگة

-تغه بعد مااخاف منك

-حلوو

-يله افتح الكلبجات دااغوح خواتي متانياتني

-ياكلبجان ليش منو كلج  راح طلعين منا

-يعني شنو ؟؟

وخرني عنه شال الملف فتحه قرأ بي ثواني شمره عدل وكفته باوعلي  وكال رئال جاسم ال… من منطقة البتاوين

-مم 

-شنو الدوافع الي ادت الى قتل المجني عليه عقيل ومنو جان وياج اثناء الجريمة

-عزه ماكتلته والله

-اهاا كلتي ماكتلتي حلوو

سكتت

-منو ساعدج بالقتل وكم طعنه طعنتوا

-هيذام شبيك

-هيذام شنووو لج

اباوعله شكله جاد ويحجي بصوت خشن كله غضب كأنما هذا المر كله وهم هذا الضابط هيذام نفسه الكل خايف من بشاعة تعذيبه  واني المتهمة  الي يريد يصعد رتبته بيها

خفت رجعت ليورا اشر وين  همست بتوسل والله ماكتلته

دنگ حك گصته وشال راسه باوعلي بنظرة نرعبت منها

-ليش كتلتوا

-غاد يعتدي علينه

-بين اهلجن وبنص النهار وكدام العالم لاهذا صدگ بطل

-ماجنا هنا غيمة دخلته وهو جان شاغب ميحس

مارد جانت عيونه عليه حسيت كلبي يريد يطلع  اخذله لحظات صافن بوجهي واتقدم نفس صوت ضربة بسطاله وحركاته الي تخليك تكتم حتى النفس 

وصل يمي رفع ايده بسرعة حميت وجهي

ماحس غير بحركة سريعة سحب شي من ضهره جر شعري بتره صرخت ليششش

لزمني من وجهي عصره ودنگ سحب شفتي ردت ادفعه كمش اديه خلاهن على صدره وقربني منه عصرني بحضنه وضغط على شفتي اكثر ؛ اشكد مارد اخلص نفسي ماكدرت لحد ماحسيت اكلها والنفس انگطع شهكت

حس بيه وخر ينفت ؛ نزلت دموعي متألمة  رفع ايده وخر شعري عن وجهي عالكيف خلا وره اذني ونزل اصبعه مسح شفتي عالكيف وهمس القضية الخسرتني كلبي قبل رتبتي

-ليش كصيت شعغي

-لان هيج احلى

-تغه كمت اضوج منك ومااحبك

-وماريدج تحبيني بس لاتغدريني واني امحيلج  شكو بشر يوصل  ضحكتج

-غاح ينتقدوك بشغل بابا

-شغل الذيابة مايقربله غير الزلم الوكفتها اطگ الظهر

-غاح تتعب وتمل من تصغفاتي اغلط هواي بدون لاحس

-لعبي وغلطي اشكد ماتردين احملج بكلهن بس لاتختلين وتشكين خوفج بغير حضني

نزلت اديه طلعت رتبته من جيبي  باوعلها واشر شنو هاي

-داغجعن لمكانهن حتى تفتح اديه واغوح اخلص من تسلطك و فغعنتك

ضحك وخربط شعري دنگ رد باسني وخر راد يروح لزمته

-مااريدها مرتاح بشغلي

-واني اغيدها لان احبك وماغيد اخسغك بهيج مكان مابي بس الموت

-ماموت لاتخافين

-هيذام امنيتي اخليها على متنك لاتخليها حسغة  بكلبي

مارد

اباوعله شكله ماراضي لزمت ايده وهمست فدوه حتى ماحس بخنگة  كلما اشوفك طالع بنص الليل لهيج اماكن بسببي وتخيل بعد ماتغجعلي

سكت وباوعلي هو وياكل بطرف شفته

-بس هااا من هسه اذا سمعتك محقق ويه ابنيه اشوه وجهك 

رفع حاجبه

-اي والله انت مهتلف والجو باغد وهدوء وتالي تجيني تكلي هاا والله مااعتغفت كلت ابدل الاستجواب شوية حتى تحجي

ضحك ضربته على صدره لزم اديه  وكال اشلون اتخليني اعدل لدغتها بكف

-بس خلي اغجع غتبتك الي خبلوني بيها كلما شافوني وكالوا هسه انتي تسوين واحد يفقد منصبه علمودج

-وانتي شتكولين

-احمد الله الي خلاك تعصب بذاك الوكت وتتنازل عن منصبك حتى تضل تعاديني  واكون الك

دنگ اشتم اديه بلهفة وباسهن 

سحبتهن ورفعت رجليه  فتحت الدكم الي بمتنه خليت قسم 

رجعت للمتن الثاني خليت الباقيات بسته من صدرة ووكفت عدل

-شنو هاي عود تهنئة لو طولج مااسعفج لغير مكان 

-هاي تتسمى افتح اديه دااغجع لبيت بابا وانت تجي مثل الحباب تتفاهم ويا بعد ماتسد قضيتي

-اتفاهم ويه رافد الدغش ؟؟

-اي والله شفت اشلون انقلبت الموازين وهااا مو هنا المصيبة ؛المشكلة اني اعز وحده ابناته وانت قيس شنو غاح يخلي عليك شغوط ومهغ

-رأل شناوية تسوين بيه بعد

-اول شي اشبعك عضات اطلع شكو شي سويته بيه تذكرغ هاي الزوية لو اذكغك بيها

باوعلها رافع حاجبه بستنگار  ضربته بصدره وعفست وجهي انداريت  دااطلع

كز على سنونه وسحبني حضني من وراي خله راسه بركبتي باسها وهمس مااذكر غير  كعداتي بالحديقة وطن الجكاير الصرفتهن بسببج و كلبي الينعل بيه اشلون ورطته بهيج مصيبة وحضني اليسعر ويشتم بيه اشلون بعدتج منه

-صدگ ماتذكغ هذا المكان وكفتي واني خايفة بي

-اشلون ماذكره واني گوة مصبر روحي لااخذج لحضني وگطعج بسنوني

رفعت راسي عض شفته دنگ استوى يريد يعضني ورن فونه اخذ نفس ضغط عليه بحضنه وجر فونه باوع بي عگد حاجبه رد خير ابو الليل

…ذباااح ويين … جايين دساار اطلع كدمناااا … لاتخلي يوصلهااا - يله ابني مانتأخرر جايكممم

غلق فونه ونگ عالمكتب مخبوص يدور عالمفتاح مال الكلبجات

همست خواتي بيهن شيي

-لامرت ذباح وبت خالج ماخذهن ماطور المي وحده منهن ميته

-بفعل فاعل لو هيج

-مااعرف

-هيذام اختي 

-وين المفتاااح

نزلت دموعي عرفت رؤيا سوت الي براسها وضيعت روحها

ركض يدور عالميز ويخابر بأزر لكاه اجه فتح اديه لزمني وطلع يمشي عالسريع صعدنا السيارة اجه ازر اول ماصعد حرك هيذام وداس بكل سرعته…

***رايه****

هوسة صوت صريخ خبص الدنيا  الي يفزع العالم والي يصيح لحد يكرب والي يلطم هذا كله مو براسي اتلفت  عيوني ادور على الي طلعت وناوية ضيع نفسها

احس روحي بهتت ورجلية بعد ماتعيني ردت الزم ايد ماما افترت الدنيا ظلمت الدنيا ماحسيت بعد

كعدت على ايد تضرب على وجهي وصوت بجي وعياط  فتحت عيوني صارت رؤيا بوجهي خاله راسي بحضنها وتباوعلي بقلق حركت شفايفي بتوسل مو انتي

حضنت راسي وكالت حسبت حساب هاي اللحظة  عشت الم الفرگة وشفته اشلون يوجع وانتن اغلى عندي من انو اخلي دمعتجن تنزل وراي كلما تشوفن مكاني فارغ بينجن

-بروح غزوان

-وروح اخوية الراح وهو بحسرة العرس مواني بس اني الراح اكون سبب بأخذ حق دم وحدة انغدرت بوحده ماتت موتت ربها

-شنو قصدج؟؟

-كومي خطية ذباح راح يجي حضريله ملابسه اخاف يرحون للمغتسل

-منو ماتت منهن

دنكت

-لالاااا مو هيام بعدها ماشافت طفلها ولا لحكت تحس بي بداخلها 

-من كد طيبتها ربي كال هاي مومال هيج دنيا اخذها يمه

-ولج بعدني ماشكرتها عالسوته وياي  ولا اخذتها لحضني اشاركها فرحتها لاتكولين هيام اعرفها ماتروح وتعوف ذباح وحده 

-وهاي عافته مثل ماعافج غزوان

همست اني قهرتها موو

-محد انقهر  ولا راح ينكسر گلبه غيرج

-جنت جاية اشوفها حتى اودعها وگلها سامحيني عالصار وطلب الطلاگ من ذباح گدمها 

-مكتوب علينه كل اعزازنا يتركونا بدون وداع

- يعني هاي هيه بعد مااشوفها

حضنتي وبجت اريد ابجي مااگدر حسيت روحي بحلم شي خانگني مايرضه يصدگ

وخرتها وكمت طلعت واشوف النسوان تارسة البيت وعالم تفوت روجات كلها تعيط ؛ الي تلطم والي تشگ ملابسها

درت وجهي ادورها بين الناس ماشفت غير عمتي فجر كاعدة لازمتها ماما يبجن وبصفها بيبي لازمتها جهامة ويمهن امها  تملخ بروحها

هنا حسيتها صدگ راحت خليت ايدي على صدري  طلعت الشهكة من روحي كعدت يم الباب وبجيت بحرگة گلب اودعها بيها من اول ساعة دخلت لبيتي لوكفاتها بموتت غزوان لملكاتها وضحكها وياي 

لحد ما حسيت روحي بهتت وسمعت صوت ذباح يصيح يالله ؛ مسحت دموعي وكمت افترت الدنيا لزمتني رؤيا وخرتها ورحت للباب فتحته لكيته مدنگ التعب والحزن واضح عليه شال راسه عيونه دم اشرت راحت

مارد دنگ

- جان اخذتني وياك اعتذر منها هواي اذيتها ونزلت دموعها

غمض

- دفنتهااا واجيت خلص بعد مانشوفها بينا ولا اسمع صوتها وهيه تشكيلي منك

- لاا امنتها يم غزوان كلتله يخوي صح مااستاهل اكلفك لان مانه گد جلمتي ورديت بيها  بس عينك عليها لبين ماارد دمها واچيك

ردت احجي وسكتتني فجر بجيتها تركض وصلت يم ذباح شافت ملابسه كلها تراب وهيه شكت ثوبها وصاحت دفنتهااا يخوي خذوا حرمتك غدررر جتلوهااا راحت وهيه بحسرت الجاااهل 

لزم الباب مثل الاختل توزانه اجوا دسار و صهيب يركضون  سندوا صاح صهيب سووا طررريج 

وخرت النسوان دخلوا لغرفته راحت وراهم  مرت صهيب تركض

رجعت للغرفة كعدت لميت رجليه عيوني عالعالم وبالي بكلامه منو الكتل معقولة جانوا رايدين رؤيا وخطوها لو عداوة ويه ذباح

للعصر واني بالغرفة حتى الحزن نسيته لان حسيت  بعد راح يفقد احد وابجي فرد بجية بالاخص من ماسووا فاتحة للزلم بس النسوان يدخلن يمنا وعمتي فجر تملخ بروحها وعيونها على غرفة ذباح  مثل الي تودع مكانه

صار الليل خفت العالم الي تعشى وراح والي دخل  لوحدة من الغرف يرتاح دخلت ماما وهجامة يسحلن بروحهن كعدن كمت رحت يم ماما كعدت يمها باوعتلي ونزلت دموعها همست راحت ام گلب الطيب

-جانت ضايجة مني مو

-لاجانت منتظرتج اشوكت  تجين حتى تشاركج فرحتها هيه وتراويج ملابس ابنها الجابتهن

-ماجنت قاصده أأذيها والله احبها مثل خواتي

- وهالحلگت ابن حضني وخلت مكانها وضحكتها خالي

دنگت مغمضة احس الدنيا تفتر گالت شبيج يبعد امج ليش هيج وجهج اصفر

- راح اخذ رؤيا وارجع لبيت بابا

-ليش اكو واحد سمعج احجاية

-رؤيا رادت تكتل غيمة وكعت بهيام موو

-لااا رؤيا صح كلبها شايل هواي بس ماتكتل

-لعد ليش ذباح كال لغزوان صح مااستاهل اكلفك لان رديت بكلمتي بس عيونك على مرتي لحد مااخذ دمها واجيك شنو جان يقصد 

-يقصد لازم ياخذ دم مرته مايكدر يضل مكابل امانته لان هنا اليكتل ينكتل

-ماادري بس كلبي يكول غير شي لان طول مايحجي ماباوع بعيوني وسكوته عن الشكوة مرعب خايف لا ناوي يكتل رؤيا غفل

-يمه اسم الرحمن على كلبها وينها اخيتج ولج

-اختي تشتغل بالمطبخ بس ماشفت نزلت دمعتها  وحتى جهازها غلقته

-خابري ابوج خلي يجي عليجن بسرعة اخذها وروحي محد يكدر يحميها غير رافد

-تعالي ويانه فدوه اروحلج

-من اشتاقلجن اجي للامام وهناك اشوفجن

-ليش ماما لحدمن نضل هيج مشتتين كل واحد بمكان

-لخاطر تعيشن مرتاحات قربي منجن ماراح يفيد غير بضياعجن ؛ رايه ماما لمي خواتج داخل حضنج وديري بالج عليهن لخاطر لاتنوجعين بفراكهن من جديد

سكتت مااعرف شرد لاكلبي ينطيني اكلها اي وعوفها ولا اكدر اتخيل تابوت رؤيا كدامي

حسيت صدري ضاگ دنكت خليت راسي على رجلها وغمضت دقايق واجت رؤيا دخلت بدون لاتحجي راحت يم هجامة تمددت يمها وعيونها علينه  زادت عصرات كلبي

مر الوقت رغم تعب النهار وكبر الفاجعة بس محد يكدر ينام كلمن بجهة؛ الي صافن ودموعه تنزل والي مامستوعب اشلون راحت بهالسرعة والي عيونه ورا ذباح ومنتظر يعرف شنو ضام

لازمه ايد ماما ومغمضة كل شوية اخذها لحضني اشتمها وردها اعصرها اشلون مااريد اقنع نفسي اتركها مااكدر  دااجرب ارجع اتوسل بيها واسمع صوت رئال مشدوها  بره تصيح وين رؤياااا

بعدني ماكايمة واندفعت الباب دخلت تركض شافتها مثل الي جان نفسها  مگطوع وشهگت بلهفة

وكفت ايدها على كلبها تباوعلها ودموعها تنزل

درات وجهه رؤيا للجهة الثانية مامهتمة تفلت عليها واجت لماما دنكت حضنتها بجت بصوت وصاحت بناتج موتني مامااااا

- تعبنج

- لاشلعن كلبي ودمغني خلني اتمنى اني الميته مكان غزوان وخلصانة منهن

- مكتوب عليجن ما تعيشن غير بالخوف وماتضوگن غير المر

- لبالي خذوها وبعد ماشوفهاااا

- اشلونج يبعد امج

شالت راسها عيونها مليانات عتاب وحسرة همست منين ابلش ؛اشكيلج اول لو اسولفلج  لواضم نفسي بحضنج وابجي على شكو وقت احتاجيج بي

- متغيره رئال كبرانة  الشعر رايح والحجي اتغير

- ايام واني اتخيلج يمي واغمض عيوني بحضنج وابجي من وجع كلبي بسبب  بعدكم عني

- اكثر وحده بخواتج  جنت خايفة عليج انتي ماادري ليش كل مااشوفج احس راح ترحين من بين ايديه  وتتأذين

- غيابكم اخذ من عمغي سنين  خلاني اعض اصابعي ندم على كل لحظة جنت اكول اشوكت تخلص ونغتاح لو ادغي هيج البعد  يكتل جان سجدت بكل صلاة احمد الله على لمتنا  بحضنج

- اگلب بكتبج اشتمهن واحضنهن مايخففن نار الي بصدري  بكد مايزيدنه

- كلما اشتاقلج اخلي ايدي على شعغي وباوع للسما اتوسله واكله بعد مااكدغ اغحمني

- خفت لاعيوني تغمض قبل لااشوفج 

- اشتاقيتلج  هواااي ماما

ردتها لحضنها  لميت روحي حضنت رجليه عيوني عليهن بين اعتاب وبين بجي وبين لهفه ملگة بعد البعد الي انجبرن عليه

اكثر من ساعتين وهنه مامصدكات انجمعن لحد ماصار هدوء والعالم نامت اجت رؤيا كعدت يمها جرتها من شعرها وخرتها من حضن ماما همست ليش تأخرتي

رئال -جنت ويه  بابا بالمستشفى

-شبي بابااا

-من اتصلوا على هيذام غحنا للمستشفى دنشوف شكو وصلنا لكينا ذباح ملابسه كلها دم؛  استوى هيذام ديگله اشلون ماتت وهو دخل يغكض من شافني وكف مايكدغ يحجي عيونه مايشوف بيهن يأشغ وين اختج  حسباله  غاية اسم الله عليها الماتت من كلتله لابابا هاي زوجة ذباح الثانية كعد بالكاع لازم كلبه

- يمه اسم الله عليه بس لاصار بي شي

- لا الحمدالله غكضت جبتله الطبيب قاس ضغطه طلع صاعد وگلبه شوية تعبان  انطوا علاج و اغتاح هسه صاغ زين

-اي وشنو الاخبار

-بالبداية هوسه كلشي ماافتهمت بس بعدين من شفت دخلوا غيمة للعملية وهيه تصيح عوفني خلي اشتكي اول غادوا يموتوني ؛ وشغلة زوجته ذباح  المايقبلون يسلموها اله بدون تشغيح فهمت القضية متعمدة بعدين ازغ كمل ملف هيام انطا لذباح وكله غوح اني استلم القضية

- منو جان وياكم

- محد بس بنيه اسمها كمغ هيه وحده عجوز اجن بعد ماطلع ذباح ضلن يم غيمة لحد ما بابا وضعه اتحسن وجابنا هيذام لهنا

-هم شفتيها طلعت من العمليات

- اي وجهه مشوه وايدها ماكو وحتى صفحة من لحمه غجلها الفوگ مشلوعة تخوف

- وازر شنو كال عن القضية

- ماكال بس سمعته يحجي ويه هيذام يكله ذباح  يكول هيام حياتها كلها عايشتها هنا وهذا شغلها من هيه طفلة مال تكولون مكينة المي لكفتها شوفولكم سالفة تفيدكم دم زوجتي  واني اعغف منين اجيبه 

-صح لان مالكفتها المكينة اكو من الدفعها واني جنت واكفة بس يفتحون القضية اشهد

-منوو؟؟

-غيمة

-يا غيمة ولج غيمة ضالة بس نفس مابيها شي صاحي

-اي هيه دفعتها وهيام من همشة روحها لزمت ايدها وسحبتها  رادت تخلص نفسها بس مالحكت لان الماطور جبير سحبهن اثنينهن لوماتنتبه فجر وتلحگ تشلع واير الماطور جان حتى غيمة ماتت

-انتي وين جنتي

قبل لاترد صاحت هجامة  يمي وانه شاهدة وياها اتنوعتها من زتتها عالماطور

فتحت عيوني على كبرهن وباوعت لهجامة دارت وجها لفت خشمها بالشيلة وغمضت

رن فون رؤيا فصلته ثواني اجاها مسج قرته  وهمست بابا يكول خليكم هنا لاطلعون لمكان ولاتحجون ويه احد لحد مااخابركم

رئال- شنو يعني ؟؟

ماما - عزه بعيني يعني معناتها شاكين برؤيا ورا السالفة وماكو طريقة يخلصوها بيها غير يخلوها بيته امانة لان يعرفون ما يوصل للامانة لحد ماتطلع منهم

رئال- صدگ غؤيا هيج ضيعتي نفسج

ضحكت بستهزاء شمرت گصيبتها ورا ضهرها وكامت رجعت لمكانها تمددت؛ ضميت وجهي هالبنية ضايع وياها كلشي ماهامتها حتى روحها

انتجت رئال على ماما وعيونها عليه كأنما تكلي خلصت ياكلنا نعيش سوه يانموت بعد مابيها اماطل  ويه الدنيا

اخذت نفس بحسرة وغمضت لوجه الصبح واني عيني ماخذت نوم لحد ماگعدوا ودخلت عمتي فجر كالت كومن اديجن ويه البنات راح ينصبون فاتحة هنا؛  غمضت عرفت حدد مصير القاتل الي محد يعرفه منو غير ذباح وهجامة

كامن البنات ويه العالم واني وياهن صح مابيه اشتغل هيج شغل بس افتر وراهن بين دموعي تنزل على صوت البجي ومكانها الفارغ  وبين خايفة لاوحده من الداخلات تخلي شي لخواتي بالمي لو تأذيهن بدون لا واحد ينتبه لان العالم تدخل اكثرهم مانعرفهم اعدائنا هواي واليردون الخراب لبيت ذباح اكثر

دخلت بحرب نفسيه اخذلي ساعات اكعد عالدرج عيوني على غرفتها اتسنط للملة وابجي من كلبي وارجع المح وحده من البنات الجاية بيدها فون وتراقب رؤيا الي تفتر وتوزع بالضيافه كلبي يلكشني ارجع اكوم

مرت اربع ايام  بتعب وحزن ؛ ذباح ماشفته ولادخل البيت حتى ملابسه يغيرهن بيت صهيب

بابا ودسار ماتركوا ولالحظة ليل ونهار ويا حتى يباتون يمه ؛  اشكد دسار مامتصافي ويا بس بهيج وقت اثبت وكفته وخوته اله

البيت هدوء كلمن خانس بغرفة كئابة وخنگة وصوتها اله وحشة بينا

اشكد حزنها بكلبي جبير بس خوفي من تصرفات ذباح وهدوئه اكبر لان صرت اعرف هذا الهدوء والامان اليزرعه بالبشر شنو ورا وادري وصل مرحلة من التعب والحزن قرر يختمها بدم هيام ويروح

كاعدة يم الباب لامة رجلية منتظره بابا شوكت يتصل ويكول يله وعيوني تتنقل بين ماما الي كاعده عالسجادة  تندعي  وبين خواتي كلمن بيدها فون تسولف ويه رجلها

رؤيا مگلوبة على بطنها رافعه رجليها ونفس سوالفها تراسل لحد ماتشوفه شاط گلبه تحضره وترد تاخذلها شوية تفتح الحضر وترجع لنفس التفاهه وعركاتهم وين توصل

عكس رئال مستلمة فون فجر فاتحة كام وياهيذام بمكتبه مانسمع غير نعوصتها وهو يحجي وياها بهدوء تكول خايف يخدشها بصوته

اباوع كلمن عيونها شايلة امنية ولمعه تسولف قصة حب تحسها نابعة من داخلها ؛ تذكرت كلام بابا صدگ كبرن ماعادن نفسهن اليتعاركن على حضن  ماما مو قلة محبتهن لا بس كلمن شافت حياتها بحضن خاص بيها

فززتني رؤيا هيه وتكمز اجت تركض سدت الباب  وكعدت ورا  فتحت البصمة  من دسار غمضت واني اسمع اشلون نزل بحرگة  لاخله ابو لا عشيره لا يوم سدتها بسرعة لمت حلكها وباوعت لماما وهمست اتگليلي ليش تحضري

ماما- شنو مصخمة ويا

-كلشي ماكو بس هو يستفزني حتى اتجاوز يكول مامترباية

-رؤياااا

-كال تره تعبت كد ماشايلج بروحي كلتله هذا نعالي ثگيل تعبك؛  سمعتي  كدامج كال هذا النعال نفسه نزعي خلي بحلگج وحلگ اليحجي وياج بعد

-يمه شبيج انتي بس فهميني الغلط وين ولج تعلمي من البنات شوية شوفيهن اشلون يدلعن ويسولفن ليش انتي من دون الخلق  الله غاضب عليج جنج بربري وسخ  غير الاعناد ورفع الضغط ماتعرفين

-ومن اشرب جكاير كلها تنتقدني وتكول ليشش خلي يجون يشوفون اهلي اشلون يحاجوني ومتعبين نفسيتي

-كومي من كدامي  لااتفل بهذا الوجه القذر واكص ايدي اذا باوع بوجهج بعد مو يجيب مشية وياخذج

مااهتمت رجعت  دنكت على فونها دزات بصمة اذا انت رجال اطلع من البيت ماطلع بت ابوي اذا ماگلبت وجهك سطلة معقجه خليك بحضن امك نصيحة

ثواني واجاها مسج - بت الكلبب دخليج مكانج واني الجايج هذا وجهج الجنه وجه قرد غاط بخيسة اذا مامسحت ملامحه تفلي بوجهي

-يصير اتفل مقدماً

- رؤياااااا

-اووو هم صرخ وهم تعالي سوي روحج خايفة وخلي يحس برجولته لايبجي

- واني مااريدج تخافين وهذا لسانج اريده نفسه من اوصل

-شنو لسانج لايامنحط ماتخجل تعلمني هيج سوالف تشوف نفسك لفو ابن شوارع حسبالك كلها مثلك تره اني  مترباية واهلي تعبانين عليه

-اني مو بس لفو لااا  وكلب ابن كلب من اترك شغلي واتصل بوحده مامعروف جنسها شنو

-قصدك رجال موو اي اكيد لعد التاخذ مثلك شنوو لازم واحد بينه يكون زلمه ويلا لك لاتزعجني وهاك بلوك

دزتها وحضرته انتجت مرتاحه غمتها ماما

رئال- هذا دساغ ديتصل عليه

رؤيا- ردي وكليله رؤيا كاعده دتسمع لشيرين انا بالغرام وتبجي

- ماجذب

-وكلام الله يرئال اكوم انظف بيت ذباح بذني شعراتج الجنهن مكنسة هجامة

-انجبي تغه والله اتصل على بابا واخلي يجي هسه يكتلج

-حتى امرعطج وبدل هالغوغه اخليج تأتئين بسبعة وعشرين حرف لان واحد طاير من الاصل

-تف عليج

-تف على ابوج الحيوان يابت الجلب

-اله اكول لبابا دتغلط عليك

- بت القندرررة اشوكت غالطة عليه بت الحذاااء لج ماما مدتسمعها اشلون دترتكب لوبس كدرتج عليه

جرت ماما  الفون من رئال دخلت عالاسماء اتصلت لبالنا لدسار ثواني واجه صوت بابا صاحت دنعل يومك لابو اليوم الي فكرت اقبل بيك شنو جان براسي اشلون رضيت

مارد

- تسكت موو اي طبعاً تعرف نفسك مابيك شغلة زينة وخلفتك مثلك رافد تعال اخذ بناتك لااذبحهن الك

ضحك بصوت عالي

- على شنو تضحك لاحسبالك ماسويها رافد تجي تاخذهن لواشمرهن بالشارع

اخذ حسره وصل صوتها النا كد ماطالعة من روحه   

-انت دتسمعني لولاااااا

حجه بهمس يالله اشكد مشتاق لصوت اصراخج وانتي تشكيلي منهن

غلقت الجهاز شمرته على رئال -هو الابو سكط شطلعن انتن

رؤيا- سگط وجبتني منه ثلاثه بسنتين لو خوش ادمي جان شسويتي

- جبت اول ثنين لكيتهن عسل كلت عوضي ذني على مصيبتي بلكي الثالثة هم هيج طلعتي الفشل بعينه

- تخجليني بأخلاقج

-تف عليج وعلى ابوج

-رحمه الله والديج هذا من اصلج الطيب

رئال- هم اتصل دسار

رؤيا- كليله خلي يجب اندومي وكرزات

ماما- كليله سم بكلبها وكلب ابوها

رؤيا- فدوه شوف حنية الامومة العدها وبعدين انتي ليش مشخصنتها ويه ابوي شنو سالفتج مرايه

رئال- معقولة جان مقصغ وياها  لو لابابا سبع  عززه بس لاجان مصاحب عليها

رؤيا- والله اني شكيت بابا حلو مومال يضل على هيج وحده مشگلبة يله ميخالف لاتضوجين تكبرين وتنسيها همه الزلم كلهم عوج  كلص هبيبي كلص لاتسعلين هسه نلم مهرنا ونسويلج تجميل نبدلج كفر تصير بيج شوفة  

دنكت ماما وهمست ياصبر ايوب

شالت فونها رئال لكت دسار يتصل دترد رفعت رؤيا المخدة شمرتها بيها اجت براسها

خلت الفون رئال بالكاع وكامت جرتها من شعرها وركضت ختلت يم ماما

مدت نفسها رؤيا سحبت الفون دزت مسج لهيذام بول تيري مهتلف صير رجال وطلكني

لطمت ماما على وجهه ورئال نزلت دموعها ؛ رمشت بخبث وكامت رجعت لمكانها تباوعلها  بعدم اهمية تمددت فتحت الحضر ردت تعيل بدسار

ضحكت وكمت طلعت سديت الباب وراي تركت ماما ترزل بجهة ورئال تتصل بهيذام لازمتها الشهكة وهيه ملتهية تشوط بدسار

كعدت عالدرج ظلمة وهدوء ياخذ الگلب لميت رجليه اباوع للگمر شنو جنت تفكر من عفتني وحدي ويه كل هالحمل تعرف كد مامخنوگة وخايفة ماعندي وقت افكر بيك

اخذت نفس دنكت ردت اكول الله يرحمه بس احستها لجمة بكلبي غمضت خليت راسي عالحايط عقلي فارغ كد الحزن والهم بعد مااعرف حتى افكر

اقل النص ساعة واسمع الباب اندفعت فتحت عيوني لكيت ذباح داخل مدنگ بيده غترته والحزن ماخذ من حيله حيل

طلعت عمتي فجر تركض تلكتها حضنته وبجت لمها لصدره دگدگ على ضهرها وباس راسها وخرها اتجه لغرفته 

كمت وكفت عيوني عليه مااعرف اشلون اواسي

باوعتلي فجر بتوسل عرفتها تريدني ابعده عن غرفة هيام لان وضعه كلش تعبان ومبين جايها متعني

اشرت اي رحت بسرعة لزمته من ايده دار وجهه باوعلي عيونه دم  همست تعال حضرتلك الحمام

-لايبه اريد ارتاح شوية

- ميخالف تعال بذيج الغرفة لان هاي  عماتكم بيها

- وعليش خاشات هالحجرة

-الغرف كلهن محجوزات ماعدنا مجال وصوتك فشله لايسمعن هسه هنه شوية  ويطلعن وروح نام براحتك

هز راسه رجع دخل للغرفة دخلت ورا سديت الباب شمر غترته وكعد عالطابوريه ودنگ لازم راسه

رحت  كعدت يم رجليه مسح وجهه  وباوعلي بتعب

-مااكدر اكلك الله يرحمها لان هاي اكثر كلمة توجع بس اكلك جانت تحبك وماترضه هيج تسوي بنفسك

-ظلمتها جثير

-لا ماظلمتها اشكد عشت وياكم ماشفتك تعاملها غير بحنية ودوم تباوعلها بخوف لاتنزل دموعها لوتقهرها

-حرمتها من الخلفة

-لان جنت خايف تنفذ كلمتها وتروح للمستشفى وتسمع كلمه تكسر كلبك ورجولتك كدام اهلك والدليل من عرفت يصير عندك اطفال رضيت اتسوي انابيب

-غدرتها ماعدلت بكلبي ولا بمشاعري وياها غضبت ربي بيها

-ماجانت تدري والمشاعر موبدينا وانت ماقصرت وياها ولاحسستها بهذا الشي

-هيج البعد يوجع

-ماكلك يتشافة ولا ينسى بس يجي الي يخفف ويشغلك او يمكن يعوضك ويخليك تذكر الراح بضحكة بدل الدموع

-رايه تعبان

كالها ودمعت عيونه كمت اخذت راسه لصدري حضنته بقوه ونزلت دموعي مااكدر اذكر اسمها واواسي بيها

وخر مسح وجهه راد يكوم كمشته شال راسه همست ذباح لاتوجع كلبي بوحده من خواتي

مارد راد يوخر اديه ضغطت عليه اكثر وكعدت على ارگبي كدامه - تريد تاخذ حقك مامنعك بس اخذه مني حتى ما غمض واني كارهتك

-ماتلحچين تكرهيني

-لاا ذباح ماتعوفني ولاتجوي كلبي ادري بيك ؛تعرف ليش لان علمتني احتمي بيك واكول اسمك بدون وعي بكل مره احس بالخوف

-رجعت بجلمتي گبل واتندمت

-تره اكدر اروح لبابا واكدر اطلب منه ومتأكدة يخلصنا بس ماتعودت اطلب غير منك لان انت الوحيد الي بدل مااحس بالذل احس بقيمتي واحس نفسي مسؤوليتك واعرف ماتأذيني لو تخذلني

-اااخ لو يلوحج اثر من جمر كلبي

-وينطيك كلبك تحركني بنارك وتخليني وراك ضايعة بعد ماضميتني بحضنك وعلمتني على حمايتك

-يكفي جسرتها وظلمتها بدنيتها 

-ظلمتها من انطيت لغزوان كلمة بيه ظلمتها من دخلت غيمة بسببي ظلمتها من خسرت كل افلوسك وابنك لخاطري يعني حقها يمي اخذه مني

-ياريت اكدر

-تكدر والله لان بعد مابيه احمل شوفت تابوت احد  مو ارد اعيش وجع موت اعز اثنين على كلبي؛ ذباح راح تخليني احقد على نفسي لان راح دخلني صراع ويه داخلي ابجي على فقدانك لو من كد كرهي الك

-اكو كلام لو تعيشين اسنين جثيره تتنوعيله وتتأملينه ماراح تفهمي ولاتحسين بي

-مولبالك موتت هيام هينة عليه لاوروح غزوان  وحده من خواتي واتمنيت اني مكانها ولا اشوفك بهذا الحزن وراها بس مو رؤيا السوتها

-بس جان  الها ايد بدمها

وخرني وكام راح للحمام  غمضت احس روحي بهتانة واعرفه ماراح يتنازل

دقايق واسمعه طلع فتحت عيوني لكيته  غاسل وجهه جايه ناحية افراشه دنگ بعد المخده وكعد  سحب باكيت الجكاير اخذ وحده دنگ ورثها

كمت كعدت يمه حسيت بغربته وضياعة بهيج موقف خليت راسي على متنه وغمضت صار هدوء

كل واحد بينا حامل حيرة تهد جبال  مرت الساعات واحنا  على  كعدته  محد حجه  لاذان الصبح سمعت اذن نزلت دموعي ادور صوته وين وهو يفتر علينا يگعدنا للشغل

دنگ ذباح  فرك راسه اخذ حسره وكام راح توضى

حسيت العملية نغزتني سحبت المخده خليت راسي عليه غمضت ولميت روحي لازمتها  

طلع من الحمام فرش سجادته وكف راد يصلي وبطل اجه يمي كعد نص گعد وخر شعري عن وجهي يباوعلي بقلق همست مابيه شي روح كمل صلاتك

- شمالج يبه

- شوية وجعتني يمكن لان وكفت هواي وصار كم يوم مانايمة هسه اصير زينة

- عليش تعملين بيه هيج

- يمكن  حتى تأكد من معزتي عندك اخاف تقل لوتروح لغيري 

- لواگدر اعملها جان مانطرت ولاحملت كل هالذل والحرام

- لعد لاتنهيها بدماري  

مارد اخذ نفس وكام رد لسجادته وكف واني غمضت احس مكان العملية يسعر عصرته حيل وخنست

كملت صلاته كعد عالسجادة رفع اديه يندعي وعيونه تلمع  نزلت دموعي عرفته ذكرها لان هيج وقت توكف يمه

رجعت غمضت  اخذله شوية واسمعه يستغفر كام لم سجادته خلاها عالميز واجه يمي غطاني وكعد  طلع جكاره ورثها وانتجه همس بصوت كوه يطلع نامي يبه

عدلت راسي رد صعد غطاي دفاني وخله ايده بشعري يحرك بي عالكيف وعيونه بغير مكان كل دقيقة  تنزل دمعته ويمسحها بسرعة حتى لاواحد ينتبه

غمضت صح أمنت يمي ماراح يطلع لو يأذي وحده من خواتي بس حرگه هيام تاكل بروحي

تعب والم  النعسة بعيوني رحت بالنوم بدون لاحس

مااعرف شنو الصار لحد  ماكعدت على صوت عمتي تبجي طفرت طلعت اركض صاروا بوجهي صهيب وصگر  لازمين ذباح مطلعي من غرفة هيام  وهو مدنگ عيونه دم كوه يمشي مهدود حيله ؛ خليت ايدي على كلبي اخذ نفس

راحوا طلعوا وبيبي قفلت الباب خذت المفتاح  واشرتلهم يلا لحد يوصل هنا

نزلت دموعي على مكانها الظل فارغ عكس محبتها وطيبتها  التركتها بكلوبنا 

مسحت وجهي ورحت غسلت رجعت لغرفتنا  لكيت رئال خالة درع بحضنها تبوس بي ورؤيا خانسة تراسل وعاضه شفتها؛ شافتني بسرعة غلقت الجهاز  وابتسمت

-المن تراسلين

رؤيا -هااا لا ماكو بس بابا جان ديحجي وياي كال تجن لو تضلن يم امجن

- لااكيد انتي ورئال ترحن بس اني اضل يم ماما لمن يطلع السابع

- بابا مترخص من صهيب بعد العاشر تجي المشية لازم تكونين هناك

-اهل هيذام

-وليش اهل هيذام مو دسار

-بعد الكلام الصار بينكم البارحة الصراحة أيست

- لعد سمعي المشية اهل دسار وفوگ عشيرته  جايب الضباط وعلى هاي كلمتج راح اخلي يدفع ضعف المهر

- لو مامتأكده من تفاهتج جان كلت مسويتله سحر بس اعرفج انتي افشل من هيج سوالف

-صدگ عرفتي بالخبر

-خير

-غيمة طالبه يفتحون تحقيق تريد تشتكي عليه

- رؤيا بروح غزوان احلفج مرة ثانية الج ايد

- كل عقلج انتي اشلون اكتل وحده ماكله وياها خبز وملح وماشفت منها غير الخير والوكفات الحلوه

- لعد ليش غيمة مصممة تلبس السالفة براسج وتقنع بيهم

-هيه لوعدها عقلج المحجر جان بعدها لحد الان بيت جاسم ياحبيبتي هاي تفكر لبعيد من شمرت هيام الله يرحمها حسبت حساب تخليها براسي حتى ذباح يكتلني وانتي تركي وهيج تخلص منه كلنا فرد مره ويصفالها الجو

-وهسه شنو تستفاد من تشتكي

-هم تشمرني بالسجن واكيد ذباح مايتنازل عن حق دم مرته وهيج انتي تولين وهيه ترد لهنا لان جان الحادث بسببهم ولازم يتحملوها بكل عيوبها

-اعوذوا بالله من شرها وهسه شنو راح تسون

-الي تريده اكيد دتركي السالفة  وباوعي منو عدنا حبيب خالاته

- منو جابة

- ابو دزه بيد الحماية بعد مااتصلت النعواصه تبجي

- جان صبرت شوية لبين ماترد اخاف يتأذى خطية بين هنا وبيت بابا وانتن عدجن شغل وتحضيرات  منو ينتبهله

ماما - شنو ياخذنه انوب يتعور ابن بنيتي خلي يمي من تكملون شغلكم تعالوا اخذوا

رؤيا - ماطول هيج كلبج ارهيف ماعطف  على ذاك المكرود التاركته يجدي محنة يغسل بملابسه  ويغني ياحريمة

- كملتي يله بعد امج اخذي اختج وكومن ولن دورله على وحده تشبعه محنة وعاطفه وتخلي يغني بيحلى السهر

- عيب هاي سوالف زائد عشرين وابونا متربي خوش رجال مايسوي هيج شغلات هاي افكار بس داخل  عقلج المنحرف

- ابوج متربي؟؟

- اي والله مربي على ايدينا بعد عمري  يكت براءه خو من يحجي عيونه بالگاع ابد مايشيلها وكد مافقير تسألي عن اسمه ياخذله اشكد يالله يذكره ويرد

- رافد الدغش؟؟

- وانتي مامحلفتني غير كد مامؤمن عاد مسلسل المختار  خمس مرات اله اكلج قبل كم يوم مختار المنطقة دگ الباب صاح بابا منو كال اني المختار هلكد ماگلبه طاهر بالايمان راح. عقله لغير مختار كام يصيح اين سيفي اين رمحي حي على الثااار

- ماصلى بطريقة ركعتين فرد مرة

- ليش الجذب لااا بس هاا هو ماينام اذا ما يقرأ دعاء الجوشن الكبير ويكون متوضي بس اااخ الحقد والغل العد العالم بس يردون يسقطون سمعته

-كومي رؤيا لاتخلين اطلع من ديني

-وين طلعين هو انتي يهودية

شالت دبه الشكر ماما ورؤيا طفرت طلعت تركض هزيت ايدها رجعت الدبة مكانها ردت رؤيا مدت راسها وكالت تره بليل  اجي موتنامون بدوني

- اااخ يذباح شكول عليك من رحت فتحت عيونها وخليتها اطفر موجنت خالصة

- اله ازوج ابوي وحده تخبل واشغل خواتي خدامات جوه رجليها  واحرگ كلبج سهلة

-تف عليج وعلى ابوج

رفعت راسها وراحت كامت  رئال بوست درع وصته لايسوي وكاحه ردت باست ماما واجت يمي لزمت اديه وهمست خليج ويه ذباح  لاتخلين كلبج يقسى وينسيج وكفاته وياكم اشكد

-اله يمي كل الوكفات بس ماكو شي ثاني

-ماتعغفين الدنيا شضامة بعد

- لافدوه كافي نريد نرتاح

- ان شاءالله يله اني اغوح خطية بابا متانينه وعيونج على دغع فدوه تغه هذا اخغ امل عندي

- ربي يحفظة الج ويفرح كلبج بي

- امين ويملي حضنج ويعوضج عن كل حزن

حضنتها  باستني وراحت اجاني درع يركض دنكت شلته بوسته  ورجعت كعدت يم ماما انتبهت لعيونها عليه مثل العدها حجي ومتردده اشر شكو

ماما- هاا شسمه

-شنو ماما احجي

-انتي بس لاتعصبين والله ماتأخر بسرعة اخطف رجلي لغيمة اشوفها بلكي اخليها تتنازل عن القضية

- ماراح تتنازل وراح تجي واذا ماسممت وحده من خواتي لو كتلتها بشي طريقة اكص ايدي

- لااني احجي وياها واتعهدلها اداريها طول عمرها بس تفك ياخه من رؤيا

- ادارين منوو تعرفين صار كم يوم اني اشلون حالتي مامااا النوم مداشوفه كلما اغمض اتخيل كاعده يم تابوت وحده منهن حتى بجي على هيام الوكفتلي وگفة اخوه ماكدرت ابجي مثل البشرر

- تره هجامه سولفت ويا ذباح  الصبح عنها وسامحها وكال جيبوها هنا كافي خذت جزاتها

- جذذذب ذباح مايتنازل عن حقه لو تنحري الليل كله اتوسل ذليت نفسي ذل اله ومانطاني كلمة وهو جان بس شاك برؤيا مجرد شك الها ايد بموتتها للصبح ضل كاعد مانام صافن بوجهي مايعرف اشلون يرد عليه ويكول حقي اهم منج

-يعني شنو

- يعني ماتعرفين شكو براس ذباح ولاتعرفين شناوي بعد مايجيبها لهنا  وتردين ترحين كومي ماالزمج وجيبها داريها مالنا شغل بيح بس اعتبري هاي اخر كعده بينا

- هيج يارايه صارت

- اي واكثر الي يخلي ايده على جرحنا وينسى دم اخيتنا وعذاب سنين مايلكه عندي غير النكران

- انتي ليش هيج كلبج مابي رحمة

- لان ماشوف بعيونج تدرين ليش لان مابيهن غير الراحه والعوض ردن بناتج لحضنج وكل وحده راح تستقر بيت وانتي مقرره ترحين يم هجامة وهاي حياتج كملت من نظرج؛ بس لوانطيج عيوني ماراح تشوفين غير رئال فقدت امومتها وكل ماتشوف طفل تنعصر ودير وجها حتى لحد ينتبه الها ؛ورؤيا تختل جوه الغطا حتى تحضن تيشيرت رند  وتنزل دموعها بكتمة تتمنى مارادلها النظر حتى ماتندل وين اضمه كل مره وتاخذه ؛  واني اني اصلاً ماموجودة ضايعة لاطايله سما  ولا ارض انحرمت من كلشي باجر عگبة خواتي كلمن تروح بيتها وارد وحدي اتصفن انتظرهن كل اسبوع يجني ساعة

- وربج اخذ حقجن منها

- لاا  كل الصارلها مايجي لحظة وحده من صرخة رئال هيه تضم نفسها وراي حتى لاتنصلخ ولايجي رجفة من رؤيا هيه وتتلفت خايفه لايوصلها جاسم بدون صوت وكتها تكون ضاعت

دنكت تتحسر دخلت فجر اجت كعدت يمنا انتجت وكالت اووف يايمه شيفضج يادنيا

ماما - شلون ذباح

- ماطوله خش حجرتها وطلع الي بكلبه يعني هود جرحه

- وينه اريد اكوم اخذ من خاطره ماشفته

- غادي واكف يم دسار والخرزة مااعرف هالبت شتلغث ذباح يتسنط ودسار كل شوية وكاتم نفسها اطگه وترد تكمل

- عفية رجال اشلون متحملها ماادري

- هه يحبها خيه هيه صح تزابگ ولسانها باذر بس حليوه وتخشى الكلب بشيطنتها ربي يحفظها ويسعدها ياقادر ياكريم

- لعد ذيج رجلها يحبها اكثر ام دميعة بليل يرد من شغله هلكان وهيه تسولف والله البارحه كسر خاطر عيونه حمر والتعب مبين عليه وماينطي كلبه يعوفها لحد ماتنعس وتكله يله اريد انام يالله يروح

-عوض ربج جبيرر خيه جا عبالج تايهه كلمن يحصد نتيجة اعماله وصفات نيته وتعبه من هالدنيا بعد عدنا وحده لو ربي يهديها جااحنه بخير

- شيهديها اذا اكلها اروح احجي ويه غيمة تبرت مني

- غددي غيمة عوذه ربي يهلكها ولايردها سالمة وعلى شني رايحة هيه بعد كم يوم تجي هون

- يعني رضى ذباح تجي

- خيه انه عارفه شني براس ذباح دز هجامة تضل يمها وكال هيرولها حجرة وهالواكف يم الرعنه والله اليستر لان اثنينهم ربك خالقلهم نفس العگل واحد يأيد الثاني بسوء اعماله

- خايفة تشتكي على ابنيتي وتضيعها الي

-يمه واشلون عندج بت ترفة ولسانها بالعته برري خو زلمتها يجسر الكلب كد مافقير حشا خلقه الله جنهم قروده ضاربهم موجه خبال  خيه شو سكتي رحمه لاهلج

كلتلها صدگ عمه الخميس راح يجون المشية لرؤيا ورئال لبيت بابا اشلون اروح اترخص من بيبي

- مرخوصة يعمه خليهن يروحن بفالهن تكفي وكفتهم بظهر ذباح كل هالايام واخياتج كاضات البيت والفاتحة كفيتوا وفيتوا ماكصرتوا

-والله بابا كد ماحاسبكم اهل  كال نسوان الخطبة  يجن هنا والزلم هناك ماجنا حاسبين حساب يصير هيج

-گدر مكتوب لازم نشوفه عبن ارويحتها طيبة راحت بدون اذيه  مثل فاتحتها كضت بخير وبهدوء   يعمه اخذي اميمتج غادي واستگبلن خطارجن

ماما- وين اروح

- شني وين ترحين لبنياتج تلكي عيالهن ورحبي بيهم ورفعي راسهن وخليلهن مگدار جدامهم مشاكلج ويه زلمتج بعديها

-لازمه عده

-وياهو الكلج جلعي لحضنه كلتلج ترحين لخطارج

درت وجهي لماما باوعتلها وهمست اي فدوه والله  مااعرف اني وحدي شنو احجي وياهن واذا على بابا اني اخلي يطلع مايرد لحد ماترجعين هنا لخاطرهن والله خطية يردن يتباهن بيكم كدام عيالهن

فجر - جا هو بكيفها تروح وغصباً عنها وحتى حرمة صهيب تروح وياجن تساعدجن واي تعتازوا بس طرشيلي خبر ساعة ويكون حدج

سكتت ماردت شلت درع  خليته بحضنها وكمت بسرعه قبل لاتكول لااا

مر كم يوم رئال ورؤيا يطلعن من الصبح يوصلهن صگر وبليل يجيبهن بابا مااعرف شوراهن ولايحجن  ادري وراهن مصيبة لان اكثر الاوقات يحجن بالفون ويه ازواجهن بس مايحجن

ذباح صار انسان ثاني بعد ماينحمل يريد بس واحد يتمشكل ويا الكل كام يبتعد عنه حتى اني كمت اخاف اوصله بالاخص من اشوف شلون معصب؛  نسى شي اسمه حجي غير الزمخ والدمغ مايعرف

بالنهار ماموجود  يدور طلايب يشتم العركة على بعد ميل ويروحلها وبليل يسهر يلزم جكارته ويگعد عالدرج  ينتظر اذان الفجر ياخذ سلاحه ويطلع؛

تظل بيبي لازمه راسها ومدنگه عالسجادة وعمتي تصيح رد ذباح لسوادينه اذا مايجتله احد ويخش السجن مايركد

واني احسب يوم يوم للعاشر مااصدگ يخلص حتى اخذ خواتي وارجع لبيت بابا قبل طلعت غيمة لان اعرفها ماراح تتركهن بحالهن اذا ماشوهت وحده منهن لو تشمرها بشغلة تجيب اخرتها خاصتاً من سمعت راح تجي مشيتهن وهيه سكط

كلما تجي هجامه اتلكها حتى اعرف شناوية ماترد غير ربج يسترجن من شرها عيونج على اخياتج تراها صافة ويه گمريه وناويات نية بس ربج يشكفجن عنها

ماطلع العاشر اله وروحي طلعت كعدنا من الصبح فجر وهجامة راحن يجيبنها واني بين الم  اغراضنا بين عيوني بدرع لايوگع

كملت عالسريع لبست درع خليته يم بيبي يلعب ويه بت صهيب طلعت لكيت رئال تروح وتجي متوتره جهازها بيدها كل شوية تباوع بي وتاكل بأضافرها شرت شكو

- هاا لا بس متانيه غؤيا كالت شوية واجي شو تعطلت

- وين راحت مو تعرف نريد نولي صدك تحجي هااي

- ويه ذباح ودساغ اجيب كم شغلة معتازينها

-رئال وين اختج

-هاا هذا هيذام ديتصل هسه اجي

عافتني وطلعت تركض لجهة الحديقة  استغفرت ورحت للمطبخ جهزت الريوگ وعيوني بالباب خايفة تدخل غيمة قبل لانطلع ؛ مااعرف ليش كلبي ينغشني ويكول راح تصير مصيبة تخليج تتندمين اشلون مانحرتي ركبتج بساعة رجعتج للبيت ولكيتي فارغ  بدونهم

خليت الريوگ وطلعت مالي نفس حتى اكل كاعده عالدرج عيوني عالباب مر الوقت وهيه مامنها خبر

طلعن ماما وبيبي فرشن بالشمس كعدن عالدفوا واني احس بعد ماعندي صبر  بالاخص من اتصل عليها واشوفه مغلق

امسح بوجهي بقلة صبر وارد اترقب الطريق اجت رئال صفرة وباهتة كعدت يمي  صگيت على سنوني  - اااخ ياانتن دخيل محمد اذا استقريتن وريحتني من همجن

دنكت ماردت

-وين رؤياااا مو صار ساعة مثل الحماااارة انتظرررر 

غمضت

-كومي لاتكعدين يمي ساعة واكتلج وابتلي بيج

لزمت ايدي وخلت راسها على متني داادفعها ودخلت رؤيا كمت منتظرتها تجيني حتى اسحلها واطلع حرگت كلبي بيها بس شفتها وكفت تباوعلنا من بعيد ودموعها تنزل

شهكت رئال ورجعت كعدت عالدرج

همست شكو

مسحت دموعها واجت تركض حضنتني وبجت بصوت

-بروح رند احجن شصاير  لاتاكلن كلبي

رؤيا - جنت يم رنود تسلم عليجن وتكول ماقصرتن رديتن حقي وهسه نمت براحة

-رؤيااا شنو سويتي

وخرت راسها مسحت دموعها وضحكت

-وين غيمة

-يم زوجهاا

-يازوجها اشوكت تزوجت

-هاي جيتي منها عقدناها اني وذباح على جاسم…

لاتنسون التصويت ❤️

شيء من رصيف الدم

بقلمي :leo Alfatlawi

بارت الاخير الجزء الاول

****رئال****

رؤيا تحجي وماما كامت فاتحة  عيونها على كبرهن من الصدمة اشرت شنو جاسم

رؤيا - والله هذا الصار وهااا احنا ماجبرناها بس خيرناها مع العلم نصحناها بس هيه ضلت مصرة قابل نكسر بخاطرها ونعترض طبعاً لااا مهما يكون تضل بت خالنا العزيز

ماما -بشنو خيرتيها ولج وخليتها هيج تشمر نفسها

- شمرت نفسها شنو ليش تحسسيني جاسم موخوش ادمي وين محصلة هيج واحد موجانت تتزاود وياج عليه وهاي احنا سلمنا الها على طبق من تعفن وفوگه هدية بيت البتاوين

-رؤياااا بشنو ساومتيهاااا

-بين نشتكي عليها وتدخل السجن واكيد القضية تتسلم بيد ضابط ابو درع او تاخذ جاسم وتعيش حرة

-واشلون صدكت بيج ووافقت 

-غصباً عن عشيرتها مااگلج مالطمت وملخت نفسها بس من شافت الشرطة جاين عليها واني وهجامة اتحضرنا  حتى نشهد كالت موافقة بس لاتخلوهم ياخذوني

راية - شنو موقفها من شافت جاسم

-نفس موقف جاسم من شافها وتقزز منها وعقد عليها وهو ابو الراهي بحيث اول ماطلع الشيخ تفل بوجها

-اشلون صارت حالته

- يعني هو رايح الالم بس شكله مرعب ومقعد يزحف زحوف عايش بين القذارة؛ اخته ماتوصله غير مرة وماصدكت شافت غيمة عوزها تهلهل خلصت منه

-اخاف كم يوم وتنهزم

-وين تولي مشوهة ومعاقة ولا تخافين اخت الحيوان كاعدتلها كعدة لان تريد تخلص من خدمة جاسم وهاي جمعنا راسين بالحلال يعني شنوو رئوول

همست يعني ضمنا بيت بالجنة

راية -  مو بيدجن يضل رسجن يهودي مطعم بالمافيا

رؤيا - والله جنت خايفة من ذباح مايقبل صار اسبوع اتوسل لحد مابدأت ائيس مصمم يجيبها وياخذ حقه عن طريقته الخاصة

- وهذا الجنت متأكده اشلون قبل

- سولفتله اشلون باعتج واشلون جانت تعاملج وذكرته بزواجج من ابوطبر ؛ وحجيتله  عن عيشة جاسم والخدمة بذل اشلون تسوه راحة السجن والاكل النومة بأمان بالف مرة

-بس غيمة ماجان الها ايد بموتت هيام لان هيام صدگ ساحبها الماطور وهيه الجلبت بيها

-بس هيه الدخلت الولد على رند وخلته يغتصبها لحد ماماتت

-اشلون خليني هجامة تشهد زور

-انطيتها ثوب رنود وكلتها اخيتي جوعانة تريد خبزه اذا عندج انطيها بلكي تبطل بجي وتنام

نزلت دموعي  اخذت نفس مدت ايدها مسحتهن وهمست هاي العيون بعد ماتشوف غير الراحة خلص الكابوس الجنه بي وهسه لازم نعيش ونعوض نفسنا عن كلشي مرينا بي

همست بكسره والراحوا منو يعوضنا عنهم 

-الي اخذ منج لوماجان ضاملج عوض يمسح دمعتج ويرسملج مكانها ضحكة ماكسر كلبج عليه

-محد يعوض مكانه

-بس يملي وينسيج بأول كلمة وهو يصيحلج ماما ماراح اضغط عليج ولااگلج شي غير انطي فرصة لنفسج لاتظلمها اكثر  وهسه يله لازم نروح لان بابا منتظر

-لاروحوا انتي ورئال اني انتظر عمتي فشلة لازم اسلم عليها

-ههه تسلمين على عمة لو تتشكرين من اخوها وتودعي

سكتت ودنكت

-قررتي ونهيتي الامر مو ؟؟

-لان مااكدر اظلمه وياي

-تعودتي على وجوده بحياتج ماراح تكدرين تبتعدين عنه حتى لوفكرتي تنسي كل ماتشوفين طفل راح تذكرين لهفته لابنه الي خسره علمودج

-لان جان غلطة

-غلطته الوحيده حبج لاماحبج ذباح عاشگج ومستعد يسلم روحه للموت بكلمة منج موبس يبتعد اذا طلبيتي منه؛ بس مايستاهل تعذبي هالشكل

-كافي رؤيا

-براحتج احنا رايحين بس لا تنتظرين ماراح يجي لان مايكدر يشوفج وانتي تهدي بگلب بارد بعد ماهد الدنيا لخاطرج

اباوعلها دارت وجهه عيونها مليانات دموع؛ اشرتلي رؤيا يلااا

هزيت راسي لزمت ايدها سحبتني مشيت وياها تركت رايه وراي بدون لااحجي وياها لان ادري بيها محتارة اشلون تعتذر وتشكره بنفس الوقت

طلعنا  لكينا بابا واكف تكول ممثل عصابات هوليود مطبگ رداناته امجتف ومنتجي عالسيارة  شخصيته صارمة ولون شعره ويه نظراته غصباً عنك تخليك تفتخر وتحسه الرعب الراح يسحگ الكل لخاطر يحميك

اباوع لعيونه جانت عالباب كلها لهفة كأنما منتظر احد يطلع ورانا من شاف بس احنا اخذ حسره ونگ  عدل وكفته فتح باب السيارة وصعد احنا هم رحنا صعدنا شغلها بدون لايباوعلنا لو يسأل مثل المتأكد  هالشي

رجعنا للبيت على طول الطريق ساكت لحد ماوصلنا ركن سيارته يم الباب نزلنا دخلنا للبيت استونا دنسأله شوكت يجون وسكتنا على منظر الطارمة 

وكفنا متفاجأين على كمية الهوسة  مگلوبة كله كراسي وطبلات باوعت الهن  رؤيا وردت باوعت لبابا ؛ رفع حاجبه واشر شكو

-اصلاً جنت اتشاقه وياكم انتوا ليش هيج صدكتوا بسرعة بابا جذب ماريد تزوج

ابتسم ودنگ راد يروح للمطبخ ركضت صرت كدامه رفع راسه باوعلي بحسرة همست شبيك بابا

- مابيه شي راية ليش مااجت

-تريد تودع ذباح

-هه ماخذه طبع امها بالانانية وصلابة الگلب

- بس بعدهن عيونك عليها

-وادري ماترد واسنين واني اسولف لگلبي بس جيبي اليقنعه

-مجغوحة  منك

- ماجرحتها ولاعمري فكرت أذيها ضحيت بنفسي حتى احميها ضيعت عمري بمكان موالي بس حتى ارضيها و يبرد كلبها عني

-شنو سويتلها

-وداعتها الي ماعندي اعز منها بگلبي مااوصلت يمها؛ ماكو واحد يأذي روحه وهيه موبس روحي عيوني الي اشوف بيهن

-لعد ليش هيج كاغهتك وبعدتنا عنك

-لشغلة مالي ايد بيها وهيه متأكده منها بس صفت ويه الغريب عليه وشمرتني بتهمة وعاقبتني بالموت بس لان حبيتها من صدگ وسلمتها رگبتي

-بعد كل هذا ولسه تحبها ومتأمل تغجعلك

-ماكدرت اكرها سنين واني عيوني بالباب كل يوم اكول هسه يرف كلبها وتجيني اغمض عيوني اتخيلها اجتني وتلكيتها ضميتها بحضني وشكيتلها فراكها شسوه بيه

-هلكد تحبها

-ماحبيتها اني دخلتها روحي وتقاسمت وياها العمر

-جانت تحبك بكد ماتحبها ؟؟

هز راسه ماادري

-غاح تجي وطلع كل الي بخاطغك كدامها

-اطلعها من كلبي اسهل

-شنو يعني

-يعني من تجي لاتخلوها تروح خلوها يمجن اني الي اطلع

-وتعوفنا من جديد

-اشلون اعوف اميراتي صح ابعد شوية بس قبل لاتعتازني تلكني بظهرجن واشوكت ماشتاقيتلي تعالن تلكني منتظرجن

-يعني هاي هيه حسمتها

ابتسم وهمس من زمان انحسمت بس الواحد كد مايشتاگ يغشم نفسه لحد ماينصدم صدمة من قوتها تصحي وترده لحساب اسنين ليورا

وخرني عن طريقه ودخل وهذا الثاني هم اخذ قراره وبدأ يحاسب نفسه على سنين جان عايش بيهن بالوهم

انداريت لرؤيا الي تاكل بشفتها اخذت نفس واشرت شنو هسه

رؤيا - جان المفروض حتى احنا نحاسب ماما عالسوته بينا واشلون خلتنا نعيش كل هالسنين بذل وظلم

-ماتعغفين شنو البينهم

-ولااريد اعرف حتى لا اكره ماما مهما صار جان المفروض تفكر بينا مااكلج بابا ملاك لا واحد غاضب ربه بكلشي محرم بس الي يحب بهالشكل هذا مستعد يضحي بروحه موبس ينعدل ليش ضيعته وضيعتنا ويا

-لو جنتي بمكانها واكتشفتي دساغ نفس شغل بابا تقبلين تضلين ويا

-وانتي ليش مقتنعة انو زلمنا انظف من ابونا اذا بابا يغلط لخاطر يعيش ذولاك لااا لخاطر يرضون غريزتهم الحيوانية ويشبعون طاقة الشر داخلهم تره هيذام اكبر مجرم بالتاريخ مضروب بي المثل بشاعة تعذيبه تدرين كم واحد ميت جوه ايده لولا

سكتت

-ودسار مو اقل منه شر  اذا هيذام كدام العيون يشتغل دسار بالخفي تعرفين على كم منظمة بيع للاعضاء ساكت عنها وكم واحد ديموت كل يوم بسببه بس لخاطر يوصل عن طريقم للاكبر منهم انوب عود يرجعولهم من تگليله ليش ساكت يكلج لازم نسيطر عالراس الجبيره حتى نقضي عالباقي 

- وذوله اثنينهم ما يأذون الماعنده ذنب وكل اليموت جوه ايدهم يستحق الموت جنتي بنص البتاوين وتعغفين شنو همه اذا احنا فقدنا اثنين هناك اكو ناس فقدت عوائل

-مااگلج مايستاهلون بس داكلج لاتحكمين على احد انتي ماتعرفين عنه شي وبابا  ما اشتغل لا بالكتل ولا بالتسليب ولا حتى بالممنوعات  وهذا شغل الرجولة والشطارة محد يقربله غير الزلمه وساحگ بالموت لهيج ضيعوا لان مثل هذا يوقف شغل حثالة هواي

-هسه شنو نسوي

-ابوج جذاب لان اليحب ماينسى ولا يتنازل لو تخلين السجينة على رگبته وهسه اثبتلج

-مافهمت

-راح اتصل برايه اتفق وياها احنا نطلع وهيه تجيب ماما بوقت الي يرد بابا وتحبسهم جوه داشوف اشلون واحد راح يدير وجهه عن الثاني

-وين نغوح

-انجدي لو نبيع مي بالكبور اي مكان

-امداج بلكي اعيالج يشوفوج حتى يغسلون وجه دساغ بالتفال على هاي القسمة

- تركي التجدي وتعالي نسلب والله بيها خوش افلوس

- مو بيدج اتحبين التلطلط بالشواغع عوفج من هذا عقلج المعفن وتعالي وياي  لبيتي ناخذ ضي ونطلع نشتغي كم شغله النا ولماما وهم اعدل شعغي

-بس بشرفج خلينا ندخل اريد اسلم على شريجتج ذيج المره مالحكت اخذها لحضني

- شكد شفت ناس ماذية بس مثلج هيج ينتعش على المشاكل ماكو

- وقز القرط غير ادافعلج ضايع بيج المعروف صدگ من كالوا اتفل بوجه قبل لاتسويله شغلة حتى اذا نسى وكفتك تذكره التفلة

- امشي لج دناخذ فلوس من بابا هم يالله حتى نلحگ نغجع ونظف

-روحي انتي بين مااخابر راية

هزيت راسي دخلت جوه هدوء ماكو صوت رحت لغرفه بابا دخلت لكيته كاعد منتجي على رجليه مدنگ بيده مثل القراصة  يحرك بيها

على صوت دخلتي رفع راسه عيونه حمر والهم واضح عليه؛ بسرعة ضم القراصة بجيبه وكال ها يروح ابوج رايده شي

- اي اغيد افلوس اطلع اشتغي كم شغلة

- تأمرين بس انتظريني دقايق اروح واجيكم

- لاا اذا ماعندك افلوس مااغيد لا تداين مابيهن شي ملابسنا

- بناتي مايلبسن غير من احسن الماركات ومايعيشن غير اميرات

صاحت رؤيا جنك حميت ياابو البنات

- بلكي تذكرني بخير وتكولن ابونا سوه كل الگدر عليه ماقصر ويانا

همست والله مانذكغك اذا عفتنا من جديد

- لاتذكرني بس لاتكرهني ولاتصدكن اي كلمة تنگال بحقي لان جنت خالجن بين عيوني بكل خطوة اخطيها؛ وانطيت روحي واعترفت على شغلات تكسر الضهر  بس لخاطر  احميجن

- حتى لو جنت اسوء واحد بالدنيا انت بعيونه احسن اب وعمغنا ما غاح نحاسبك على شي غيغ بعدك عنا

-امجن احق بيجن مني

نزلت دموعي ابتسم  كام حسبني لحضنه دخل رؤيا اجت طايره ضربته وصاحت اصلاً احناا انكرهك ومانريدك يمنااا

بابا -حتى اني مختنگ من شوفت وسخ وجهج كدامي

-لعد ليششش رجعت

-غلطة

- اتمنيتك مو ابوي جان علمتك اشلون تكول غلط روح لك ولا ترد بعد

- هههه رايح يالخرزة  تأمرين بس قبلها اكرص اذن الزمال الراح يبتلي بيج واسلمج بيده

-هم راح يستضعفني و يظلمني 

-اشوكت ماحسيتي بي تغير مو سمعج كلمة هفي دفره وردي لحضن ابوج وانعل ابو اليطلع ورا لابو اليردج اله

باوعتله صفح ضحك وفتح ايده ركضتله لحضنه  ضمنا دنگ بوسنا وهمس اووف يبعد ابوجن اشمعزتجن

رؤيا- اوعدنا ماتعوفنا حتى لانرجع ننكسر

-بنات ابوجن حتى بغيابه قويات وهسه يله وخرن لاتأخرني وجهزن نفسجن حتى اول مارد اوصلجن لان عدنا هواي شغل

- هسه نرتب الطارمة

- لاتركن كلشي راح اجيب عمال يرتبون بس حضرلي لكمة لان ميت جوع بدون ريوگ لسه

- رايه واليهودية  راح يوصلن خلينا نستغلهن لان شكلهن مو مال دلال مال واحد يكرب عليهن ويسحل بوجوهن هذا  المتباهيات بي الگاع 

- بطلت لاطبخون اني اجيب وياي بس اتحضرن

- لايا ابو گلب الحنين سمعت راح اتعبها بسرعة انسحبت لا سبع خوش هدات بيك ابو عكرب

كز على سنونه عصر وجها دنگ باسها ؛ دمغها وطلع هزت ايدها وهمست والله هواي على ماما بس شنسوي حظ عدها اليهودية

اخذت الفون دزيت مسج لامجد يجينا ورجعت اتصلت بضي تحضر نفسها 

وكفت اتلفتت بالبيت كله نظيف ميعتاز شي انداريت دفعت رؤيا طلعتها بره حتى لاتوسخ بين ماسديت  باب المطبخ درت وجهي لكيتها بالحديقة مدنگه تشلع بالثيل اني هم گعدت خانسة عيوني عليها لان ادري بس احجي انكتل ومحد يفزعلي

مر الوقت واني على گعدتي عيوني تتنقل بين الحديقة الدمرت عشيرتها وبين هوسة الكراسي والطبلات المطشرة شايله همه اشلون راح يرتبهن وحده لمن انفتحت الباب دخل هو ويا واحد افريقي ضخم شكله يخوف مبين من جماعة المافيا

طفرت رؤيا تلكت بابا كمت رحت وراها اباوعله انطاها  افلوس دفعت ايده و همست مااريد افلوس اصلاً  الزواجة كلها كنسلها بس شغلني يم هذا والله افيدكم ايدي خفيفة بالبوگ حتى بالتسليب شاطره

بابا - اي يروح ابوج  بس بالبداية ضمي الحكومة بجيبج حتى طفرتج تصير اخف

-هيج تكول

- اي ويله طلعي لان حماية اللدغه منتظركم ولاتتاخرون وعيونج بأختج لاتخلين رجلها يضحك عليها بكم كلمة ويدخلها لبيته قبل لاينسحل

- افاا ابو عكرب بدون لاتوصيني غير الله جابه اذا ماطلعت ايام التحقيق من عيونه مااتسمى خرزه البتاوين

- مزبلة البتاوين يبعد ابوج

- هذا نفسه وجهي الوسخ الماعاجبك وگع اشطر واحد بالمخابرات

- نفس الوسخ  ونفس اللسان منين اطلبيها يبت اليهودية

- عزه والله عرفتك من كل دقيقة تغسل وجهي جنت مضطهد بوساخة  وجها

- وياريت غزر وياها صرفت عليها نص نهر دجلة تالي  سلمتني تسليم اهالي

- امسحها بوجهي هيه دوم مفشلتنا كدام الغرب

-وجهج مامعوز قذاره يبعد ابوج يله انقلعي

دفعها صاحت موصوجك صوجي اني الكلت خطية يجوز عنده مشاعر خلي اواسي

دنگ شال الكرسي طلعت تركض  هز ايده شمر الكرسي جرني دنگ بوس خدودي ودفعني وراها

طلعنا وهو عيونه ورانا يباوعلنا ويبتسم احس حنية الدنيا  كلها بعيونه صعدنا بالسيارة حركها امجد  بدون صوت طلع بينا يمشي بلا نفس لحد ماعبرنا الشارع باوعلنا بالمراية واشر سلااام

رؤيا - هلا بالسبع اليسلم بالختلات

-اذا ابوج رافد الدغش ورجلج ابو الليل ناقص بس امج تكون من جماعة الويب

-مابعدت هواي اترك سوالف الكبار اشمرلي جكارة

- من گبر جدي اشمرلج بهذا وجهج المصندح حتى ثواب مابي

-امجد اطلع بالنظيف 

-ورقي الجكارة  بالف لان السوگ صاعد هالايام

- خايب ماتنجب جاي تسفطهن علينا واحنا ولد المنطقة

- ماطولج هيج يله وهاي السياره وكفت  نزلي اشتري

- حتى تصورني حيل اشكد قديم انت لخاطر ربك كمل طريقك وحافظ على ملامح وجهك افضل مااخليهن بجيوبك

- انوب اسمها رؤيا انتي محيسن هواي وياج بربج شكاتبين بهويتج

- كسارة روس الزم

-من هيج جنج كرك مزنجر

-اني لوعندي وجهك اختل بالحمام مواطلع واسولف  خرب بالثقة  الخلتكم اطفرون جنكم ذيل بريص مطبور وانتوا واحدكم هواي عليه اسم فرخ طراح

- مال اتفل بوجه اللدغه على كد النعوصة السطرت راسي بيها وهيه تصيح اين اهلي من هم اخوتي امداج بين الثولان يله هاي اختج لو ضاله على فقدان الذاكره مو احسلج 

- حقها تلطم اذا فتحت عيونها شافت زرافة ضاربها شرجي شتريدها تكمش سبحة وتسجد  شكر اكيد تلطم على قسمتها وبعدين يله لك راح نوصل اشمرلي جكارة

- ماعندي ولي لج

-تمام بس خليك متذكر راح تعتازني

-وكتها تفلي بوجهي

هزت راسها سهلة وانتجت ساكته عيونها بالشارع مااعرف ليش حسيتها دتحضر مصيبة بس جذبت نفسي اتجتفت اباوع للطريق لحد ماوصلنا يم بين ضخم يمه طفل يرش بالباب عدلت گعدتها بسرعة و صاحت اوكفف

امجد - خير

رؤيا - هذا بيت صديقتي نزل  صيحها تريد تجي ويانه

-اشلون اصحيها زحمة نزلي انتي

- شنو زحمة ذاك الطفل كله روح صيح للحبابة يله خلي تجي وهسه اصلاً تلكيها منتظره لان  انطيتها خبر قبل لااطلع

-اسمها حبابة ؟؟

- اي لايكون هم ماعاجبك

هز ايده ركن السيارة ونزل تركها مشتغلة ؛راح  يم الطفل يسولف كمزت للكشن الثاني سدت البوب وقفلتها عرفتها ورطته

اباوع دخل الطفل يركض وهو اجه راد يفتح الباب لكاها مقفولة دگ الجام وكال ماعدهم وحده اسمها حبابة

رؤيا - ياحبابة هاي ابني انت ماتستحي صدك جذب راح للعالم وتحجي بشرفهم

- انعل ابوووج  ولج رؤيااااا فتحي البااااب

-روح لك

-لج دخل يصيح لابووو

-اي خلي يطلع يأدبك شاب جيس اسمنت ماتخجل على نفسك من رحت دكيت الباب وتكلهم صيحوا للحبابة على منو تقصد امهم لواختهم

- خرررب بضميررج اذا عندج ضميررر  لج راااح يطلع رؤيا فتحي لاتصيرين زعطوطة 

- اني زعطوطة موو؟  يله خلي اشوف الزلم شتسوي

- لااامروتج اخيج اني

- الجكاير والجداحه بسرعة

هز راسه دنك يطلعهن وعيونه عالبيت دك الجامة فتحتها شوية اخذتهن من

اندار يركض لجهه السايق دگ الباب حيل انتجت صاح لج رئااااال  فتحييي

رؤيا - كون صدك وتفتحها حتى امرعطها وانت كافي صوتك لاتزعجنا

- لج قندرررره 

- كلت اذا اعتازيتج تفلي بوجهي وللاسف ماعندي تفلة هسه انتظر بين مايصير عندي

دفر الباب شفت الولد طلع فتحت الباب بسرعة دفعها عالكشن الثاني وصعد بدون لايسد الباب داس  بانزين

سده هو ويشتم عدلت كعدتها خلت الجكارة بحلگها ورثتها وانتجت ادخن وتباوعله بشماته

استغفرت هيه بدون كلشي اشلونها انوب اكو من اليعلمها ويسندها عرفتها انغسل حظها 

وصلنا للبيت نزلنا دخلنا جوه صارت كدامنا ضي صاحت صارت طلتج علينه تنحسب

-اعوض ايام الحبس

- هم صدگ اني منج حتى مااجي بعد

-لااكو بعد  ناس هنا لازم اغثهم

ضحكت واجت حضنتني ورجعت سلمت على رؤيا داكلها يله واسمع امجد كال شوفي منو جبتلج

انداريت واشوف عمي ابو امجد واكف يمه لاارايدي نزلت دموعي وركضت لزمت ايده سحبني باس راسي ضحك وكال بعدج ام دميعة

-اشكد مشتاقتلك عمو

-من هيج اجيتي وسألتي كلتي خلي اروح اشوفه  هذا العلقته بيه وعفته

-والله دوم على بالي بس هواي اشياء شغلتني

-اشلونج شموسة

-زينه بكد شكغي الك على ذيج الايام وحنيتك العوضتني عن حضن اهلي بايام جنت ناسيتهم 

-ادري تأذيتي هواي بيتي ومالي عين اجي اشوفج بس والله ماكدرت اشتاقيتلج هواي

-لوماانت جان هسه اني ويه الاموات تفضل عمو جوه

- لابابا مايصير ممنوع ادخل بيته بس كلبي طگ كلت بس  اشوفج حتى لومن الباب اطمئن عليج واروح

- من دخلتني بيتك وكلها ماقبلت وكفت بوجهم لحد ماصغت زينة وسلمتني لهيذام وهسه دتكول ممنوع ليش تزعلني منك وبعدين هذا بيتي يعني بيت بنتك اشوكت ماتجي تدخل ماتسمع غيغ التغحيب

ابتسم

-اووف  لوتعغف اشكد مشتاقتلك

-وعلي مو بگدي

اخذت نفس ولزمت ايده اخذته للحديقة ركضت عدلت الكرسي واشرتله تفضل

ضحك دنگ باس راسي وكعد كعدت يمه لزمت ايده اباوعله مامصدگة تگول انعادت ذيج الايام مرة ثانية مو اشوفة گدامي 

اجت ضي كعدت يمنا ثواني واسمع علت الاصوات درنا وجها لكينا  امجد يسحل برؤيا ؛هيه تضرب بي وهو يجر بيها من شعرها لحد ماوصلوا يمنا دفعته علينه وصاحت عموو الزم ابنك لااخربط وجهه

عمو- ههههه عوفها لك

امجد- قصدك عوفه يابه هاي ذكرر ذكر مو انثى

رؤيا- اهووو هسه تكتله يكوم يبجي تركه يضل يلغث

امجد - جنت اسمع القردة قوم متحول بس هسه تأكدت

- امجد وكلام الله امطلك بالكاع ادوفك دوف بيها لم حلگك وكعد يم ابوك لان فشلة اكتلك كدامه

عمو -ههههه ولاوعلي اذا انتي مره كتلي لان صدك عوزه وحده تفرك حلكه

اشرت على عيونها حطت الجكاره بحلكها طبكت ارداناتها واشرتله تعال

امجد- روحي لج لااتفل عليج وانوب تغركين والضابط دسار يحسبج براسي مره

عمو- شنوو الضابط دسار ولك

- غير هاي مرته اخت هالدغة اليمك

كام بسرعة وكال اعتذر ست والله ماعرفتج

رؤيا -لاعمو صدك جذب هو دسار  شبيك كمزت دكعد

امجد - استلم وانوب تكولها بستهزاء صدگ هو شنو كله ضابط مخابرات برتبه…

عمو - انجببب واحجي عدل وياها

- مقتنع انت وياها دشوفها اشلون تسحب النفس جدي عطيوة ماوصل لهالمرحلة بالتدخين 

صحت صدگ عموو ذكغتني امجد يضم جكايغه يم قفص الدجاج

امجد - لايابت المهلوس

- عززه دتغلط على بابا انت تعغف بابا شنو يشتغل

- اذا الحكومة كلها بحضنه قابل  شيشتغل شيخ جامع

- شقصدك

- قصدي اسكتي لان اجت حلاوتهم

شلت راسي واشوف هبة جاية هيه وعمتي رحمة يتمشن بتراك خفيف بعز البرد والشعر شايلته ذيل حصان ومكياج مبينة الترافة على خلقتها همست انعل ابوك هيذام المهتلف

امجد - حمم

وصلن يمنا كمت اجت عمتي سلمت عليه وراحت لرؤيا رجعت كعدت دغتني من ورا درت وجهي اشرت شكو

هبة - شنو ماتعرفين تسلمين لو خرسة

قبل لاارد كامت رؤيا راحت يمها نفخت الدخان بوجها وهمست لاهاي ولاهاي بس ماجاي على بالها اسلم عليج اكو اعتراض

- ومنو انتي بس ذكريني بأسمج

- ليش تردين طلعيلي هوية

-هااا رؤيا ذكرتج

-خرزة البتاوين تاج راس الخلفوج  اختهااا شنو لج لايكون ماعاجبج

- اووي شنو هالالفاظ واني داكول ابني اشلون رجع يلفط كلمات بذيئة

- هاي البذيئة تلفيها وتخليها بحلگ ابوج بلكي يسترجل ويجي ويكول لرجلج ليش هيج ساحگ راس بنتي

- انتي اشلون تحجين على بابا بهالشكل

- وليش دتحسسيني ابوج مفجر الجسر لج بنتي العدها مثل ابوج ماتسولف

-داشوف ابوج منو

-مرجف شوارب زلم وموكف رتب على تك رجل الي يسحب بناتك ويتحده زلم بس ذكر اسمائهم قضية هذا يتسمى فحل واسمه فخر مو مخلصها مرجلة عالفاضي وتالي انسحل مثل الجريذي

-مالي حجي وياج يجي هيذام ونشوف شديكول من يسمع هيج درع وينه

كمت اشرت شنو

هبة -سمعتي اكيد

-والله ماسمعت غيغ اسم  ابني

-منين اجه ابنج

-بنفس الدقيقة الي اتفقتي انتي وابوج ادزون عالم عليه حتى تخلصون مني وخليتوني افقد امومتي

-يعني شنو؟؟

-يعني ولي من وجهي حتى لاخليج تلحگين الباقين

-ومنو انتي وطرديني

-صاحبة هذا البيت وام دغع والي عنده كلمة خلي يجي يحجي بوجهي دااعلمه اشلون ينكتم

-من شوكت طلعلج السان

-بوكت الدخلتوني هنا غصب وحلفت اضيع لمتكم الوسخة

- هسه  اخابر هيذام وداشوف اشلون تتجاوزين على اهله

ضحكت بستهزاء دفعتني بعدها مامتحركة ولسعتها رؤيا بالجكارة صرخت  بعلوا صوتها

حسيت صرختها اجت براسي سديت اذاناتي؛صكت على سنونها رؤيا ودفعتها  بكل حيلها انشمرت مسافة كوة سيطرت لاتوكع عدلت روحها رادت تحجي خزرتها ورفعت الجكارة بسرعة اندارت راحت وهيه  لازمه ركبتها

كامت عمتي گالبة خلقتها لحكتها رجعت كعدت مرتاحه  همس  عمي ليش بابا هيج تعاملنها

رؤيا - ماسمعت اشلون زعجت النعواصه بصوتها وبعدين بتنا ترفة مربيها عالدلال مامتعوده على هيج كلام يخدش مشاعرها

-ميخالف يا بابا وانت شموسة ليش هيج تراددين تالي يأذوج 

- لاتخاف عمو ميگدغون يسوون شي كل قوتهم يتصلون بالمهتلف

امجد - الي هو الضابط هيذام احمم اني اكول ياابتي هيا بنا الى المنزل 

رؤيا- اوكف قبل لاتروح  اشمرلي جكاره ثانية

امجد - اشمرلج سم ويله تره تأخرنا لازم اردكم قبل لاابوج يتحول

- يله ضيونه كومي وياي وانتي ام لدغه لمي شكو شي تعتازي لان مبينه كعدتج عدنا راح طول

اشرت اي

راحت واني باوعت لعمو ضحك وهز ايده

-شبيك عمووو

- تغيرتي هواي

-لاماتغيغت بس جنت فاقده الذاكغه مااذكغ اشلون اخلاقي

-هههه الحمد الله من جنتي ناسية  اذا بت اللواء هيج تحجين وياها جا سعديه شلون

-صدگ اشلونها

-معارك هيه ورجلها نهار وليل كرهونه بعيشتنا ماكاسر خاطري غير امجد كبر ولاعنده امكانية  ويطلع ولاهو يقبل يتزوج يمنا كد ماعشرتهم مكروهه

- صدگ تحجي هذا المشتمل خالي هسه بس يجي هيذام اكله يسوي اله

-بروح موتاج

-والله عمو اصلاً يكيف لان اكثغ شغله هو مخلصه وحتى دغع تعود عليه

- مرات ربك يكافأك برزق حتى يشوفك اذا تستحق نعمته وتستاهل يدخلك برحمته وهذا الرزق  جانت انتي 

ابتسمت ولزمت ايده

ضلينه نسولف نسترجع ايام زمان ساعة نضحك وساعة نتحسر لحد مامر الوقت وكال ويله لازم اكوم لان عندي واجب

- فدوه دوم تعال وكلشي تعتازه اتصل عليه امانه من افلوس شغل واحد مضوجك مكان ماعاجبك اي شي اذا صدگ حاسبني بنتك

-واعز والله انتي شموسه الي اخذت كلبي برائتها ولدغتها

-لعد بعد مااحلفك وامجد لاتشيل همه هذا اخوي

-وهو هم حاسبجن خواته الهيج ماخذ راحته بالشقه وياجن يكلك الكلب مايرتاح غير يم اعزازه يله بابا اني كايم ديري بالج على نفسج ولاتگطعين بيه

كمت سلمت عليه باس راسي وراح

رجعت كعدت انتجيت المكان هدوء ووحشة اي صوت ماكو تحسه فارغ بدون روح ؛اخذت نفس اتجتفت  صار المشتمل كدامي مر شريط وكفتي والرجفة لازمتني واني اتوسل خايفة من شكل اسماعيل

فتحت عيوني انداريت عالحديقة  هنا جانوا كاعدين وصوت ضحكهم وين واصل واني بينهم لامه نفسي امسح دمعتي قبل لاتنزل لايشوفوها ويعاقبوني بأهلي

ابتسمت هذا هيذام يدخل يسحب الكرسي ويكعد يخلي رجلي عالميز كدامهم بعدم اهمية وعيونه عليه نظرته بيها انواع الانتقام بس ماشفت منهن غير الحماية والتضحية

انداريت للبيت منا دخلت اخطي خطوه اول تحدي واني اوعد نفسي راح انتقم منهم

غمضت - شيصير لو منهزمة وماداخله ؛ يمكن  جان غزوان بعده عايش وجان مافقدت امومتي  جان ماعشت  كل هالوجع 

اخذت حسرة طلعت من كلبي رفعت راسي باوعت للسما شنو جان عوضي من كل هذا

فززتني عمتي وهيه تكول جان حسبتي حساب الي واحترمتي وجودي

مسحت وجهي وكعدت عدل اجت كعدت يمي باوعتلي بزعل

اشرت شكو

- لاماكو شي وهاي اني من الصبح لسه اتوسل بهبة حتى تحجي وياج وتصيرن خوات لخاطر نعيش براحه اشو البيت ماضل بي بس انتن شرايده بعد

-واني الله كافيني بثلاث خوات ماغيد بعد 

-ياا عود شگد  حجيت وياج وترجيتج بلكي الله يرزقجن وتخاون درع

-قصدج تخاوي هيه لان اني حغمتوني من هالنعمه

-انتي وهيه واحد لان ابو هيذام ماكو فرق

-عمه شغايده

-اذا تحبيني ترحين تراضين هبه ومن يجي هيذام تحجين ويا تره هيذام ينفسه طفل بس يخاف على مشاعرج

-هيذام غايح الها بغيابي مو

-يعمه هيذام يحبج الج وحتى لو رايح انتي تعرفي موبحالها بس لخاطر يخاوي درع

-ميحتاج بعد احجي هاي هيه الله يهنيهم وصدگ ليش حتى احغمه من الاطفال

-والله يعمه بس اول الايام صعبة  هسه تشوفين بس يجي الطفل وتلتهين بي حتى هيذام بعد مايهمج دخل يمها  لولا

- هو اصلاً ماغاح يهمني لان ماغاح اشوفه بعد

- شنو قصدج

مارديت سحبت الكرسي كمت رحت للبيت دخلت احس النار تسعر بكلبي صعدت فوگ صارت بوجهي طالعه من غرفتها بيدها فونها تهمس بهدوء وتضحك شافتني عضت شفتها درت وجهي

دخلت للغرفة سديت باوعت لغراضه وملابسه المعلگه  غمضت صارت صورته كدامي وهو يأشرلي على اديه ويضحك بمعنا ماتركج اذا مارد اكلبجج

ابستمت ونزلت دموعي

وهاي رجعتلك رتبتك ماضلك شي يمي

مسحت دموعي عالسريع فتحت الكنتور طلعت الحافظه اخذت ضفيرتي والسوار وكتابي خليتهن عالميز طلعت ركض للمكتب دخلت اخذت كتاب بابا ودفتر مذكراتي فتحته باوعت واصله اخر صفحة اجه صوته بأذني هو ويكول مااعرف ليش خايف منها شتكولين لونشلعها وتختمين لهنا

همست لان جنت تعغف غاح يكون نهايتنا بيها

سديت الدفتر وطلعت رجعت للغرفة خليته ويه غراضي بداخل الجنطة واسمع دبجة بسطاله على الدرج مسحت عيوني بسرعة وسديت الجنطة شلتها  انفتحت الباب صار بوجهي وكف متفاجئ من وجودي قبل لايحجي دفعته دااطلع لزمني واشر وين

رفعت راسي باوعتلها غصباً عني نزلت دمعتي عگد حاجبه -شكو بابا

- ماكو شي وخغ داغوح

- منو وياج

- محد وخغ هيذام

-وين تردين

-لاهلي

-يااهلج انتي منتبها لروحج لو لاا ؛ماتحسين نفسج زوتها ليش اجبريني اتصرف غير تصرف وياج

- كلشي ماتكدغ تسوي

- وكلام الله راجدي واحد خلي روحج ترفرف ويه الملائكة رأل لاتختبرين صبري

- طلگني هيذام

-شبيج بنتي

-لاتكول بنتي اني موبنتك  دااگلك طلگني

-تعرفين ماحب اعيد السؤال منو وياج احجي

-وتعغف ليش لان عمغك ماغاح تحسبني غيغ المتهمة مالتك 

- اهاا هناا الحجي وصلج الخبر

- لعد انت شكد حيوان وبدون احسااااس

-وهسه المفروض انكتم

-غصبا عليك تسكتتت لان انت موبس حيوووان لااا وبدون ضميغ ومنحط وسافل وبلا احساسس

رفع حاجبه

حرگ كلبي بالزايد ضغط على سنوني وضربه بكل قوتي لزم ايدي رجعت ضربته بالثانية وصرخت الله ياخذذك

ضحك وجرني لحضنه بقوه دفعته ضغط عليه اكثر وهمس اشش كافي بابا

-وخغ هيذذاااام

-على شنو كل هالحرگة

-لان طلعت حماغه وحبيت واحد مثلك

- هاي شنو ورا كل السويته بيج بعدج تحبيني 

-لان حماغه

-هذا الشي مانختلف عليه

-وخغ هيذام اغجع لزوجتك الله يهنيكم صدگ اني دخلتي جانت غلط وجه الوقت اصلحها

-انتي الضاهر من كثر ماالغدر يمشي بدمج بعد ماتفرقين بين المعاشرتهم هو المفروض هسه اربطج وارفعج فلقة بس راح اعبرها الج واسوي روحي ماسمعت وارد احلفلج بمعزتج مانيم بحضني ولا احضن غير التراب بعدج

-لاتجذب عليه هيذام

-وليش حتى  اجذب شنو بس لاخايف منج لو مصدگه بكلام ابوج يكدر ياخذج مني كفيلج محمد مايطول بيده دقايق مكالمة وحده اهفه مؤبد واشمرج بحضنه وشوفوني قدراتكم الخارقة

-تهددني هيذام

-والله هو غير التهيد والاجباري مايجي وياج

-شنو يعني

-هسه تعرفين

كالها ودنگ شالني شمرني عالجربايه اجيت ترس على وجهي انگلبت بسرعة لكيته يفتح بدگمه ويباوعلي بنظره مابيها اي ملامح للبراءه

رجعت ليورا وهمست تغه اختي متانيتني

هز راسه اي

-بابا كال ممنوع يوصلج لحد ما ينفذ الطلبته

نزلت عيونه من شفايفي لركبتي عض شفته الجوه ياكل بيها

عرفت نفسي ماراح اخلص طفرت من الجرباية  ركضت للباب مالحكت لكفني دفعته جتفني و شالني رجعني للفرشه ردت اصرخ سد حلكي ودنگ على ركبتي…

واكف  يم باب الكنتور يدكم بقميصه  واني ضامه جسمي بالغطه واباوعله بضوجه  غمزلي  ونكث شعره من الماي

همست منحط

رفع راسه اشر شنو

صعدت الغطه ورجعت ليورا دفع باب الكنتور   واجاني  رفعت اديه بسرعة احمي روحي كعد كدامي  لزم ايده نزلها واشر شنو كلتي

-مو وياك

-رأل شايفة هذا وجهج المفهي اذا هفيته رجدي اشلون يصير

-افقد الذاكغه وعوفك

-بكل مره تفقديها اخليج  تحبيني اكثر وماتنطقين غير اسمي

-شنو هالثقة

-خلي انجرب

شال ايده بسرعة ضميت راسي بصدره ضحك لمني بحضنه دنگ اخذ نفس وهمس دخيل هالضمه الركضتني اشهر وراها

-بابا منتظغك

-كل عقله هذا

-اي طبعاً لعد شنو ماتغيد تجي

باسني و لزمني من خدودي بعد شعري عن وجهي وباوع لعيوني - انتي عندي اغلى حتى من روحي موبس مركزي بس والله ماراهمه اخذ جماعتي واروح لابو عكرب اكو طبقات لازم نحترمها

- جان فكغت قبل لاتخليني بأسمك لو كلت بالختلة خليها هنا اخلص وقت بيها وذيج اطلع بيها كدام الناس

- اطلكها ومااطلع غير وياج والج بكد المهر الطالبه اضعاف  بعد شرايده

-هيج تشوفني غخيصه

-تعرفين ماشوفج غير قضيتي الخلتني امشي واجرم بالعالم مثل الخبل بس لخاطر احميها

-لعد تخليلي قيمة كدام اهلي حالي حال خواتي وتسوي كل الطالبه منك بابا واذا مستعغ مني طلگني

-بت الدغش

-اي اني بت الدغش وغيغ اليكول عليه بابا مايصيغ

-جاخليج بحضن ابوج

باسني حيل من شفتي حسيته شلعها  ؛رد لخدودي عضعضهن دفعني وكام

دنگ لبس بسطاله اخذ الجنطة فتحها طلع كصيبتي رجعها للعلبة ضمها بكنتوره قفله اخذ سلاحه وطلع

وخرت الغطه من الحركة كمت دفرت الباب ورا رجيت البيت بسدته شلت المنشفة ودخلت للحمام سديت الباب بدفرة اقوى من القبلها

شمرت ملابسي ودخلت جوة الدوش  حتى مااعرف اشلون سبحت طلعت عالسريع وكفت داانشوف شعري حتى لحد ينتبه واگدر اگول لبابا مايردني اله؛ فتحت عيوني اباوع ركبتي صاير قوز قزح عضيت ايدي حيل وهمست الله يغسل حضك  يالمهتلف شسوي هسه

اخذت نفس طلعت البودرة ترست ركبتي عيوني بين الساعة وبينها الي ماترضى تخفي الاثار، غمضت عرفت مامنها ستر مفضوحة مفضوحة  نشفت شعري لميته شلت جنطتي ونزلت ركض طلعت للحديقة لكيت رؤيا امجتفه واكفه يم امجد وعيونهم اثنينهم  على الجهة الثانية

درت وجهي واشوف ضي واكفه تسولف ويه ازر بس شكله تعبان يباوعلها بكسره ويرد بتوسل

مافهمت شكو رحت يم رؤيا وامجد داكلهم يله واسمع صوت الضربة ويه سدت عيون رؤيا درت وجهي لكيت ازر لازم صدره وضي جايه اتجاهنا تمسح بدموعها

طلعت قبلنا لحكناها  طلعنا برة لكيناها صاعدة بالسيارة  صعدنا وراها شغل امجد  بس حرك كالتلها ورؤيا والله هواي عليج

ضي- لهيج تركته

- لان مومال نعمة صار ساعه يتوسل على وكفتي مرتين سحب ايدج باسها شرايده يدنگ على رجلج لوشنو

- واحد اكله مااريدك يااخي مااحبك ماطايق اباوع بوجهك ليش مايحس

-لان يعرف بيج جذابه

-ومن يعرف بيه جذابببه ليش هيج يحب يعذبنيي

-شسوالج بت الاوادم موحتى زوجته طردها وسمعتي بأذنج اشلون عيرته بعجزه يعني ماجان يوصلها وديتوسل ويكلج ندمتت وكله من وراج السويته  ياغضب ربي

-خلي يرجعلي السنين الخلصتهن بدموع  واني اراقبه من بعيد ولاتكولين غصباً عنه هذا هيذام كلها اجتمعت عليه وماسوه غير الي براسه اخذ رئال من نص حضن رجلها بعد مادمرهم كلهم لخاطرها اشكد هانته وغدرت بي ولايوم صاح بوجها لو زعلها بكلمة؛ حمل المايتحمل ليش لان يحبها صدگ

همست وهاي نهاها هسه كال ماغاح اجي لابوج غوحي ضلي يمه

رؤيا - نواقيص مابيهم شريف

ضي - لا لان عمتي دتزن براسه تريد يرجع هبة حتى يخلف مثل ماترجع هالة وتلم عائلتها من جديد ليشش لان اخوها انتهى امره راح يحاكموا

رؤيا- مرات كد ماتمدح بشخص  تخجل تكول طلع جلب

- متخبله اشلون ابراهيم مريض وكاللها يخويه راحت هيبتي وعائلتي

-ربج مايگطف بحجار لعد السوا بينا قليل حييل بس ليش حكموا

- لان هيذام قدم الاوراق عليه كلها اغتلاس وممنوعات من غير النوادي الليليه الجان داعمها

- واني اگول معقولة بول تيري  يتنازل عن هيج جثة بسهولة

- موبس هيج خلا يتنازل عن بيت ابو ويسفر هبة واسماعيل لخارج البلاد ممنوع يدخلون العراق بعد حتى لايشوفهم بزيارة طول ماهو عايش بس عمتي ماعاجبها الوضع دتقنعهم يردوهن من جديد يمها لهيج راح اخذ بابا ونروح غير محافظة

- وعلى هاي صار ساعة يتوسل ازر مايريدكم ترحون

-اي حتى يضل يذل بيه انعل ابو الحب لابو اليحب

امجد - تردن الصدگ اوجوهجن مومال ضباط مال كل وحده تكض كونية وبوجها عالزبل تلم قواطي

- وليش حتى نلم قواطي خو نكمل دراسه ونشتغل ونصير بروسهم

-اشتغلن ويه الدغش مو بس اتصيرن بروسهم لاا وعلي تركضنهم ويه خيل الحمزه بس حتى يسيطرون عليجن

رؤيا -  والله لعبتها بس نعتاز جثه ندرب بيها

- بت الواوي ليش تباوعيلي

- كلت جثه مو ماسحة انت حتى ملامح خفاش ماكو بوجهك ولاتخاف شكو واحد يدخل بيتنا مانأذي

- لاتقتلوا طفل ولاشيخاً ولاتقلعوا شجره كل من دخل بيت الدغش فهو امن

همه يسولفون واني  مجتفه عيوني بالطريق وبالي مشغول بهيذام معقولة راح يكسرني بعد كل هذا بس لخاطر مومن مستواهم

واني مو رخيصة ولاضعيفة مثل مادخلته بكلبي اكدر اطلعه واكمل بقيه حلمي مثل ماجنت  مخططتله بين اهلي وداخل مكتبتي

وصلنا للبيت لكينا الشارع مسدود من بدايته لنهايته كراسي وطبلات اضطرينا ننزل بدايته

اخذنا غراضنا  رحنا للبيت جانت الباب مفتوحة دخلنا صارت رايه كدامنا دنحجي واشرت اشش واجانه صوت عياط ماما من جوه …

يتبع

نزل الجزء الثاني …

شيء من رصيف الدم

بقلمي: leo Alfatlawi

/البارت الاخير الجزء الثاني

ركضنا دخلنا ونسمع صوت بابا  من داخل الغرفة يصيح والكتب السماوية موانييي ولج اشلون اكتل ومنوو ابوج ليشش

ماما - لان عرفك شنو تشتغل وهددك راح ياخذني منك ويشتكي عليك  كول لااااا

- بس ماكتلته رحت سويت جوازات وحضرت كل امور السفر جنت ناوي اخذكم نعيش هناك ونبدا بداية جديدة كملت كلشي واجيت الطريق كله اتخيل نظراتج من ابشرج تذكرين  اشلون استقبلتيني  لوو اذكرج

- اي استقبلتك بالامن لان خفت على بناتي منك

-تخافين على بناتي مني ليششش ولج واني دفعت عمري لخاطرجن

-لهيج دزيت جماعتك يكتلون بابا

-لااا لاا وداعتهن مالي ايد ولاادري اشوكت اتفقوا وحتى من خذوني ماادري همه نفسهم الكاتلي لحد ماسمعت اسمائهم بالتحقيق

-لعد ليش اعترفت على نفسك

-ردتج تجين حتى اكلج اخذيهن وبعدي ردت اشوفج ولو مرة وحدة حتى اكلج هددوني بيكم راح يأذوجن اذا ماشلت التهمة

-ليش كتلوا بابا

-لان ماكدروا يخلصون مني غير بهاي الطريقة وماكتلوني  لان محد يندل مكان البضاعة غيري

-مافكرت بينا اشلون دخلت بهيج شغل اشلون انطاك كلبك تعرضنا للموت

-لواريد اعرضكم للموت ماسحبت ايدي منهم اول ماصارت راية ولااجيت واعترفتلج بشغلي القديم 

- ضيعتني ودمرت بناتي خليتني اذل روحي حتى للحيوانات خليتني اعض اصابعي ندم اشلون امنت بيك وصدكتك بدل مااروح ابلغ عليك

-وانتي ماقصرتي اخذتيهن من حضني وشمرتيني مؤبد هاي ليش بس لان حبيتج وحسيتج روحي وخليت يمج كل اسراري واني واثق ماراح تأذيني بيهن

-بسببك مات ابوي  واخوي ضل سنين حاقد عليه

-اخوج اكثر واحد يعرف اني مالي ايد بموتت ابو وراح طلگج مني غيابي بدل مايوكف وياي

-اشلون يوكف وياك وانت فوگ ماكاتل ابو عرف بيك تشتغل بمافيا

-وهاي المافيا ماشافها من جان عايش بخيري لو من وكفت بزواجه وخليته ياخذ الرايدها  ودفعتله مهر لويبقى عمره كله يجمع مايجيب ربعه

-ردهن الك بناتك

-بيش ردهن من راح زوجج لجاسم لو زور هوياتهن وخلاهن بأسمه بشنوو ردهن من اخذ تعب عمري  حركه وضيع مكان بناتي بدل مايخليهن عايشات بخير ابوهن

-لان افلوسك حرام مارادهن ياكلن من  دم جدهن

-حلاااال وكلام الله حلال ذني تعبي وجبتهن بهد المتون  عمري مافكرت اوكل بناتي حرام وابوج ماوصلتتت يممممه وداعت معزتج

-بس نكتل بسببك عمري ماراح اسامحك ولاباوع بوجهك حسبي الله بيك بكل يوم نمت بي وراك واني عيوني عالباب خايفة يدخلون ويكتلوهن اطلع رافد عوف بناتي تعبت عليهن هواي ماضل عندي غيرهن

-بدون لاطلبين اني رايح بس خلي أمنهن بيد زلمهن وبعد ماتشوفين وجهي صح ظلمتيني وحرمتيني منهن وكسرتيني بنومتج بحضن غيري بس للاسف ماكدرت اكرهج

-اني موبس كرهتك لاااا نعلت حتى نفسي لان بيوم ثقيت بيك وحبيتك اطلع رافد منااااا

كالتها ودكت الباب حيل

***رايه***

مسحت دموعي وركضت فتحت الباب رادت تطلع وخرها بابا عن طريقه وطلع سدت الباب بوجهنا وكعدت ورا بجت بصوت عالي عرفتها مارادتنا نشوفها بهاي الحالة

اشرتلهن روحن للغرفة ورحت وراهن دخلت سديت الباب صارت رؤيا بوجهي ابتسمت بمكر خزرتها

رؤيا- شبيج

- ولعد تسألين منو الضحك عليه وخلاني ادخلها واسد الباب غيرج يله هسه شنو استفادينا بس ماما راح تزعل علينا وبابا يرجع يتركنا

- اولا لان عرفت الضامي مايطلع غير بهاي الطريقة وثانيا تأكدت شامرته بتهمة باطلة مثل ماشكيت

-شعرفها باطله شافت جماعة يكتلون ابوها

-بس هذا مايحقلها تسجلنا بغير اسم

-شنو ماسمعتي لوتغشمين نفسج تكلج خافت لايردون يكتلونا تره حقها وانتي لوجنتي بمكانها تسوين الاكثر

-ليش ماكالتلنا

- شتكول ابوكم يشتغل بالمافيا لو كاتل جدكم لو مسجون مؤبد وجماعته يدورون علينه حتى يهددوا بينا

- وعالاساس جنه يم جاسم ملوك عايشين ديله هاي خربت وراح نرجع للبداية بس هالمره الادوار مكلوبة

-انتي من البداية كارهه ماما 

- لان اني اكثر وحده بيكم ضگت المر مالج حق تحجين كلمة وحده بعد العشنا

-اووف والله دخلونا بحيرة مااعرف ويامن اصف لو المن ارضي

- لاترضين غير نفسج لان كلمن ينام على الجهة اليرتاحلها وانتي تضلين تتكلبين متزوهرة لحد ماتلكين نفسج انحصرتي بزاوية ماتكدرين تخلصين نفسج ولاتتنفسين

-ميخالف المهم اشوفهم مرتاحين هاي كافية عندي

-شخبار ذباح

مارديت درت وجهي للبنية رحت سلمت عليها وهمست عذريني عالهوسة الصارت بوجهج

ضي - عالاساس عايشة بيت قمة الهدوء ويله تره سمعت دسار اتصل بهيذام كله ساعتين ونتحرك

-لعد بلشي برؤيا بين ماكمل كم شغلة

اخذت العلاگة وسحبت رؤيا للكرسي كعدتها  عفتهن ورحت يم رئال الي ماحجت ولا كلمة كعدت يمها داوخر شعرها لزمت ايدي بسرعة بعدتها  ودنكت انتبهت اكو علامة بركبتها ضحكت وضربتها - جان صبرتوا  شوية

-ماغاح يجي

-ليش

-لان مومن مستواهم

-والي مايشتريج بالغالي لاتباوعين بوجهه

-واني ماغاح اطلع من بيت بابا اضل يمج

ضي- حسبوا حسابي وياكم  هم ماراح اروح لان بابا مايقبل يترك هيذام واني مارجعله اذا ماطلع بيت وحدنا

-ههههه والله بابا يكيف يموت عالبنات هسه يركض يجيبلج قريولة يصفها بصف قريولاتنا ويخلي شروط تكسر الضهر حتى محد يوصلج وتعنسين ويانا

-والله بس ابوج يفتهم واله هيج حيوانات مايفيد وياهم غير تكسير روس

-اشوف مرض رؤيا طش بينكم

-عوفي رؤيا وكومي سويلنا اكل ميته جوع

-هسه دااصب الغده بس كملي هاي راح يجون عيالها اقلها نخلص من وحده قبل لا بابا يرد بكلامه ويكول ماعندي بنات للزواج

رئال- داشوف اشيائج كلها هنا شنو بعد ماتغحين لبيت ذباح

-لا شعندي راجعة بعد هاي هيه خلصت تشكرت منهم  ودعتهم

-وذباح

-مارجع بس دز خبر بيد فجر كال شنو اليريحها خلي تسوي لحد يحجي وياها

-خطية اشلون حاله هسه من غجع ولكه مكانج خالي

دنكت

حضنت ايدي غمضت وخلت راسها على متني همست مكتوبلنا مانشوف الغاحة

-تخلص ماتضل هيج

-استونا بلشنا بالعمغ

-ماضل شي نعيشه نهينه كلشي ليكدام

-ماتعغفين الله شاكتب يله كومي خلينه نستعد لان اهل دساغ فايخين اخاف يبطلون وتظل هاي على كلبنا وين ننطي وجهنا

-عيع الله لايكولها

رؤيا - عيع من اوجوهجن يالثولات ويله بس يجون اطردهم على چيادكم واضل  على كلبكم داشوف شتسوون

رادت ترد رئال سديت حلكها كومتها وطلعت لان عرفتها تريدها من الله حتى تعلگها وتبطل

رحنا للمطبخ  لكينا بابا ماهو كلمن لزمت شغلة شوية وجت ماما غسلت وجها وكالت اشوكت يجون ذولة

-مااعرف ماما بس امني بابا بعد مايدخل تكدرين تاخذين راحتج

-واني ماريد اضل ابيته

-هذا بيتنا ومو وكت هذا الحجي فدوه جابت رؤيا ملابس الج روحي غيري وخلي  ضي ترتبج شوية لان يكولون اهل دسار فايخين

-يمه ارتب نفسي وهيام ماطالع اربعينها واذا فايخين على نفسهم يطبهم طوب فوگ مامنطيهم بنيه ماعاجبهم يولون

- اليسمع يكول صدگ بنيه

-انجبي لاتحجين على اختج هيج ويله صبي دناكل

اشرت اي دنكت اصب وعيني بيها اشلون وكفت تباوع لأغراض المطبخ وعيونها بيهن لمعة ماعرفت افسرها  كل شوية  تبتسم وترد تنتبه لنفسها تسكت حسيت اختيار الالوان والاغراض جان الهن ذكره يمها

دخلت افترت بالصالة كلبت الاغراض كل حاجة تشيلها تصفن عليها وتردها لمكانها لحد ماوصلت لمكتبة رئال مدت راسها  لكتها ترتب بكتبها اخذت حسرة طويلة واندارت

رجعت طلعت للطارمة وكفت عالحديقة باوعتلها  نزلت دموعها وضحكت بنفس الوكت هنا تأكدت هذا بيت احلامها

اجت رئال  ندستني وهمست اشتميتي عطغ بابا بيها

- سكتي بس لاحاضنها وهيه بالعدة

- ديله عالاساس الدين مگطع نفسه يمه والحضن اذا مو بالقوة ماله طعم

- لاواحنا مكيفين بابا جايبلنا بيت ومصممه مثل مانريد طلع الها

-شكيت من شفت الكتب الي بالمكتبة  نفس الي ماما جانت تنصحني اقغاهن

-دباوعي اشلون دتباوع للنافورة  وتبتسم

-هسه تطلع ماما جانت شيطانة مثل غؤيا وجان كل شوية لامها من خيسة

ضحكت بصوت ؛ دارت وجها ماما النا بسرعة كتمنه الضحكة ووكفنا نحضر بالاكل والافندي ماخال شي تحبه ماجايبه عفية رجال طول هالسنين مانسيت شتحب السنيورة

كعد درع طلع لماما يركض تلكته دنكت شالته وراحت للمرجيحة كعدت وخلته بحضنها تبوس بي وتلاعبه

كملت رؤيا بشلت ضي برئال الي ماشفت ضحكة بوجها خانسة عكس رؤيا تفتح الفون دز مسج لدسار مااعرف شنو بيها بحيث يتصل شايط تغلقه وتحضره تاخذ دقايق تسوي شغلة وترجعله من جديد تفتح البلوك وتراسل

للعصر كملنا كلشي لبسنا وكعدنا منتظرين وبابا يروح ويجي بالطارمة رغم هيبته وشكله الصارم بس واضح عليه التوتر وحرگة الگلب  مبين مايريد ينطي بنته لاحد

عيونه بساعته كل دقيقة  ومسح وجهه اخر شي طلع فونه اتصل بدسار وكله لاتجي ماعندي بينه للزواج

طلعن رئال ورؤيا صاحت من زمان كلتلك موخوش ادمي ماصدكت

-انتي تنكتمين اصلاً

- خجلتني بأخلاقك

رئال- ليش بابا هيج سويت

- الي مايحترم الوقت موكفوا اسلمه بت

-يجوز صاغ عنده شغل خطية

رؤيا- انجبي

بابا- ماكو غيرج ينجب

- شكراً

- والي عنده شغل ماياخذ موعد؛  يطبه مرض خلي يكمل شغلة ويشوف زمال ينطي بت على مواعيده وروحي صحي لاختج وتعالن لمن هالهوسة وانتي رئال روحي شيلي هالخرط الي بوجهج

رئال- بابا تغه اني متزوجة من زمان

- زماال اني زماال من انطيتج لهيج قندررة روحي غسلي وجهج وانسن شي اسمه  زواج غير بالدراسة لاتفكرن

هزت راسها واجت عضيت شفتي اول مره اشوف بابا هيج عصبي عرفته من كد حبه راح يعنسهن يمه

دخلت رئال استوها دتغسل وجها ومانسمع غير السيارات ودوريات الشرطة خبصت المنطقة صارت هوسة

ضغط على سنونه دفر الكرسي وطلع مثل الاعصار ضحكت وباوعت لماما اتجتفت وانتجت كأنما تكلي هذا ابوج شوفي على حقيقته

دقايق وصاح  سووا مجال

هو يصيح ودخلوا حرس يركضون صعدا للسطح  ثواني ودخلن رواهم نسوان هواي صح مااعرفهن بس عيوني تركتهن كلهن وراحت لبيبي وعمتي فجر وعمات ذباح

طلعت ماما ترحب بيهم راحت رئال سلمت على عمتها  ورؤيا على اهل زوجها باوعت لبيبي رفعت حاجبها وكال شني ماتستگبليني يحرمة ابن البدوية

خجلت رحت سلمت عليها  حضنتني وهمست بداعت الترجاني وسحگ على جرحه  وهو چديد  لاترديني وتجسرين خاطره اجثر ماهو مجسور

-تفضلي بيبي

-لاماخش ولا اكعد بدارج اذا ماعطيتيني جلمة وهل  انه تعنيتلج من بعد ماچاب اكبارية عشيرته واهل الديره بكبرها هلبت يرف كليبج  وترضين عنه

سكتت

فجر - هيج تخلينه نگف بالباب بعد تعب هالطريج

ماما- تفضلوا صدگ جذب رايه روحي جيبي مي

اشرت اي وركضت حسيتها نقذتني دخلت للمطبخ شفت رئال تبجي ويمها ضي اشرت شكو

ضي- هههه مامصدگة هيذام جايب الدنيا كلها لخاطرها  وجاي

رؤيا - ولن دسار جايب اكثر واهم شي امه كسر خشمها  دباوعنها اشلون كاعده تكول الوسواس الخناس تباوع للعالم بطرف عنها

ضي - والاضرب منها رحمة هيه قبل شوية رادت تخرب بيت رئال بجذبه لالها اصل ولانعرف اشلون اخترعتها

رئال- هلكد ماتحب هيذام ماغادت يضل على طفل واحد

-ديله عالاساس ماكو هيج هو واحد وكل يوم رايدين يكتلوا خلفله عليج من اجيتي وحافظتي عليه

-يمته عندي اشو مكمش بماما وهيه مامصدگة تكول نزل من الجنة نهاغ وليل شايلته حتى البوسة تحسبها عليه

رؤيا- دسمعن الشارع اشلون انخبص والله وطلعت كدها ياابو عكرب وجبت روسهم لك كفووو

رئال- اشلون انجمعوا سوه

رؤيا -هاي فكرت دسار لان عرف ابوج راح يرد بكلمته حتى يخرب الزواج هيج انحصر من بين شيوخ وضباط وناس صاحبين مكانه وكلمة

-ههه هسه يطلعلهم بشغلة يگلب الطاولي بيها

- متأكدة بس المهم سوالنا هيبة وخلانا نحس احنا مثل البشر ويله حضروا العصاير خلي نسمم امهاتهم

راحت ضي توزع العصير ورئال المي اني ضليت بمكاني اخجل ادخل واباوع بوجه بيبي على هاي الزحمة وجيتهم لهنا حرت شتصرف ويه ذباح ماخله طريق مادخلي بي

اسمع سوالفهم وناس تتعرف على ناس وماما كاعده تكول ملكة ترد بهدوء اليشوفها ولايصدگ امنا تكول اختنا خاله درع بحضنها والفرحة مبين عليها  متشيمة بيتها وبناتها وهيج عالم كاعده تتوسل لخاطر تنطيهم كلمة

اخذت نفس احمد ربي على عوضه  رحت دخلت للغرفة ماتحركت لحد ماسمعتهم راحوا

كمت طلعت لكيت بابا استوى ديدخل  بيده ثلاث رزمات مغلفة تلكنا البنات يصفگن ويغنن وشبكنه الحكومة وبأينا  ارايب وشبكنا الحكومة واصبحنا حبايب

ضحك سحبهن لحضنه بوسهن واشرلي تعالي؛ ضحكت  رحتله وصلت يمه  وخرهن واخذني لحضنه ضمني بقوة وكال اووف يبعد ابوج واول فرحته

رؤيا- كملت يله وخرهااا

- انتي سهله شغلتج ياخرزة البتاوين ولج كفصة بكد بذره التمر ومرافجتلي واحد مضيع اسمه بالبيوت كد التطفر  جاين تفروها عليه وتحصروني عييب واني ابو عكرب

-شنو يعني

- ضربتكم حضر مطلقة اربع اشهر  هاي بس حتى تتأدبون وهاا اذا سمعت نفس اخليها سنوية وحيد اهله لخاطر افرك حلوكم عدل

-يعني شنووو اخرت زواجنا اربع اشهر

رفع حاجبه يباوعلها بتحدي

-ربنا عالمفتري

-تعالي حبيبة ابوج

-اي حتى تكتلني

-لاماكتلج بس تعالي

- لازمة عده استحرم تقرب يم احد  بس اشلونا من خلينه الحكومة وكبارية شيوخ العشاير كلها تحت امرك

-بنات ابوجن الكفووو  

-هسه براحتك تكتل وتسليب واكيد موبدوني

-والله اكو وحده نويت اخلص منها بس خلي اسلمجن بيد زلمجن بين ماشوف كتله تلوكلها

-لاهاي لاتكتلها بس تزوج عليها هيه وحدها تكوم اطفر

-هيج تكولين

-وانطيك ضمان اذا ماانتحرت بصباحية عرسك مرجوعة  الفكرة والك يمي طريقة كتل بدون اثر

-اعرف افكارج ماجيب غير طياح حظي بس نجرب شورانا واكو وحده هم  اجوني عليها اليوم ودخلوا يمي طلابة

ضي- عوفه خلي يولي

- موهو بكيفج نفس ماريد اسمع منج ماطولج دخلتي بيتي صرتي وحده من بناتي ماطلعين غير على بيتج وكل حقوقج واصلتلج

-بابا اجه؟؟

-اي وكال خليها ترجع كلتله ماعليها يم البنات ام رايه يمهن خليها براحتها ماحجه شي الزلمه

-لان يعرف نفسه غلطان

-ماكو اب يغلط غير لمصلحة اولاده ويله لج لمي كفشتج وتعالي ويه البنات نظفن البيت

-اهاا اكو استغلال بالسالفة

- عفية وستعدن جهزن بعد تخرجج بيوم راح تكون الزفة وتفكني من شرجن كلمن تولي لبيت زلمتها

- تره مااخذه

-ميخالف عود نتواجه بيوم العقد وانتن بابا لزمن ذني

وكف انطه وحده من الرزم لرئال وحده لرؤيا واقدملي وحده همست ليش اخذت منه

-والله ماردت بس هو اصر كال هذا حقها مهما يكون جانت بيوم زوجتي حتى لوماكو نصيب بينا

-منين جاب وهو مفلس

-باع نصيبه من الحلال لاخو

-يعني صفرته من كلشي

-بعد عمراً طويل؛ من عمري على عمرج منو تعتقدين يكعد على كبرج بدون ملل بعد مايمشي الكل عنج

-هه هو

-لعد لاتسألين عن عشگ البدوي شلون يصير

دنگت

-يله كلمن تروح تضم مهرها وتجن وياي خلي نلم الكراسي لان راح ينحسب يوم ثاني عليه لخاطر كم مهتلف ولفو ومسودن دخلوا بيتي

رؤيا- ذني الفلوس الك بابا

-شنو

رئال- وذني هم

-ليش يروح ابوجن

خليت مهري بيده  وكلتله تلمهن وتدفع قسم من افلوس البيت

رئال- واني عندي ذهب وكم فلس  من زمن المسودن الجنت ماخذته   هم جبتهن دانطيكياهن 

رؤيا - واني اخلي دسار  يكفلك على سلفة حتى تدفع النص الثاني وتشتري هذا البيت النا

بابا - وذني حقجن والبيت اني جاي ادفع ايجاره ويضل الجن تلتمن بي كل جمعة وسبت طول مااني عايش

رئال  -هو بيتنا وانت الغاح تدفع بس بدل مايجاغ افلوس السلفة وهذا بدل مايكون بأسم العالم يكون بأسمك فدوه لاتكول لامثل ماخليت النا قيمة كدام العالم حققلنا هذا حلمنا

-تمام لعد راح يكون بأسمجن

رؤيا -بكيفك المهم يكون مالتنا

رئال- ونسمي بيت الكغامة

رؤيا- وتكولها بثقه وهيه مطيرة هيبة الكلمة

-باباااااا

-ومرض وبعدين شنو باباااا مواجه زوجها ليش مانطيها اله

بابا- ماكو وحده تطلع منا اذا ماكمل تحويل اسمائكم الي وعقد محكمة  وزفه بالوقت الي اني احدده

رؤيا- ان لم تسعد نفسك عكر مزاج الاخرين؛ خرب بغيرتك اشكد نذل

اندار شال الكرسي وهيه طارت دخلت تركض جوه شمر الكرسي وهز ايده باوعتله رئال صفح اشر شكوو لج

-والله حغام عليك

-حرام واني شايله الج شي يمي

-بابا هيذام مختل واذا ضاج يكوم ياكل عالم

-وهذا المطلوب يوفرلي وقت ليش اضل محتار بالدفن اشمرله الجثه يتلهي بيها بين ماجهزله غيرها

مدت راسها رؤيا من المطبخ وصاحت - شنووو ماتحولنا بعد سنة اشلون بله

بابا- هو انتي قرده شتتحولين بعد بت القندررة

-حلوو ابو عگرب خليك متذكرها اذا مارحت بيك احداث سهلة

-دغسلي وجهج بالاول

-رافد والله شغلتك مطوله وهذا يطفر اخاف يموت قبل لاعرس اخيتك اني

-فري الطاولي من يمج افرها من يمي

-ولك هاي لازمة عده اربع اشهررر يالظالم

-اي لزمن عده وياها لو شناويه لج تولن وتخلني اتصفن وحدي شوفيليج غيرها يبت الدغش تسلمني نضيف اسلمجن نظيف

-ومن تتجاوز يكلولك مامتربي

-لا اتجاوزي

بعده  مامتحرك ردت جوه ركض ضحكت لزمته من ايده وهمست  منو يتركك ابو راية وحدك

- اني ماريدجن يبعد ابوجن شبعت منجن بس فكني وهسه يله اديجن وياي بس خلي شي على راسج لان اخذ مني بدل الكلمة عشره يالله وله ابن  البدوية

اشرت اي 

دنگ باسني اتخصرت رئال

گز على سنونه وراح دنگ شالها وهيه تصيح وخغ انت بعد بستها اول

دخلت جوه لكيت ماما تباوع من اشباج وتبتسم عليه اشلون يبوس برئال ويضحك على سوالفها

انتبهتلي بسرعة ردت البرده وكعدت  كملت طريقي دخلت غيرت ملابسي لبست شالي دخلن غيرن عالسريع طلعنا لكينا مطبگ رداناته ويسفط بالكراسي

وكفنا كلمن بجهه نشيل اناوشه وهو يشمر بالسيارة الجبيره واكيد ماتخلوا من شيطنت رؤيا وطفرها كل شوية كاتلها  وشامرها علينه وترد تنگث روحها ولاتكول مكتولة ترجع بنشاط اكثر

لليل واحنا على فد وكفه لحد ماكملنا كلشي ورتبنا الطارمة ؛اجه بوسنا وكال يله هسه اروح

رئال - ليش تغوح بابا

-اشوكت ماعتازيتني اتصلن حتى لو نص الليل

-لعد ليش ما تضل نام بغغفتك وماما يمنا

-لادخيلج هسه ترد لسوادينها وتكول ارجع للبدو خليها الله هاديها يمجن واني اجيكم الصبح اجيبلكم مسواك

-غاح اغيغ واغتب غغفتك لخاطغ ماما ماتغوح بعد

-حبيبة ابوج لاتستعملين هواي كلمات بالراء

-كول لنفسك من سميتنا كلنا بهذا الحغف وخليتني مضحكة وانوب حتى اسمي غاح يتغيغ غئال غافد هسه هيذام يغصبني كل شوية لو اكول اسمي لو يكتلني

- شعرفني راح طلعين لدغة بت الكلب ويله لج دخلي الجو ماريد اشوفج واصلة للباب لحد مارجلج يكمل المعاملة يردجن بأسمي وانتي لج خزرة اني رايح راد على ساعه تلكيني على راسج كون على الله الكف اللفو هنا اويلي بويه شسوي بيكم

رؤيا- بعد دگه منع واني اقامة جبرية لعد اشلون تصير الفرعنه

- عفيه تنضبين ودخلين حتى لاامدد المده لبعد ولاده البت الربعة

-خو لثمنا وطلعنا نجدي والله تستفاد افلوس منه احسن من هاي صخامنا وكعدتنا وحده مكابله وجه الثانيه اليگطع الزرق بدون فايده

-لو اعرف بيج خير جان طلعتج بس ادري بت قندره ترحين تتواعدين ويا بنص الزبل وتخزيني

-اشكد احبك يااخي كمية حنان الابوه العندك تخلينا انحس اشكد داخلك نظيف وثقتك الزايده بينا

- عفية وهذا باكيت الجكاير اليم المسبح لاادورين عليه واذا لكفتج مره ثانية مدخنة اجتفج واشمرج بالمسبح ازيح شكو وسخ بوجهج  شرط اخليج اربع اشهر مادخلين حمام بعدها

-مردوده ياابن الدغش

-الج كامل الحرية واكيد اكو بالمقابل

خلت ايديها بجيوب بنطلونها وباوعتله هيه وتاكل بشفتها الجوة

بابا -واحد صفر موو

ماردت باوعتله بحقد منظرها يموت ضحك تكول صاحبها مو ابوها

ضحك بستهزاء جر راسي باسها وحضن رئال رد باوع لرؤيا اشرلها عيوني عليج

باس رئال وطلع سديت الباب ورا دخلنا جوه

لكيت ماما خاله درع بحضنها تسولف ويا وتضحك ركضن رئال ورؤيا لحضنها  سديت البيبان وجبت  الصوبة خليتها يمها

رجعت للمطبخ وكفت اسوي  عشة عالسريع  واني اتسنطلهن اشلون يضحكن ويسولفن غمضت مامصدگة حلمنا تحقق وهاي كعدتهن بحضنها واني واكفه داسوي العشه حتى نلتم يمها

اخذت نفس مسحت دموعي ورديت دنكت اكمل حمس ؛ جهزت لكل وحده شنو تعب سطرتهن وشلت الصنية دخلت للصالة لكيتهن حاضنات ماما من الكترين وهيه تسولف ؛ رحت خليته الصنية يمها  وكعدت باوعتلي ابتسمت نزلت دمعتها لزمت ايدها وهمست مرت ياام راية

رؤيا - ماما اني سويلي اول لفه

درع - لااا اني اول

-انجب هاي امي انت امك هاي اللدغه خلي تسويلك

- بيبي اني سويلي اول حبابة هاي ماما بس تبوس بيه

ماما- اووف كلمة بيبي  شحلاتها منك وشحدها بعد التبوسك اكسر سنونها

رئال- شنوو مابوسه  ماما تغه ابني هذا

- وجع تذبلين خدوده بالبوس  ماكوو بعد ممنوع اتبوسنه

درع - بيبي جدو هم يبوسني هوواي يشلع خدي

- لاتخلي كله بس وحده حتى لااصير خدودي ضعيفة

هز راسه اي  وابتسم حضنته حيل  رادت تجره رؤيا ضم خدوده وختل بحضن ماما ضحكت ودفعت ايدها عنه

بدت تسوي لفات احس اللاحداث تنعاد نفسها

هاي الصوبة وهاي الصنية وذني خواتي يتعاركن منو تاخذ من ماما اول بس هو وينه

اتلفتت ادور مكانه بينا همست ماما موجود بداخلج لادوري

دنكت انطتني لفه رفعت راسي ابتسمت بكسره شفت بعيونها فراگ وقهر سنين ماردت اضيع فرحتهم اخذت اللفة ودنگت وبست ايدها

كملنا اكلنا شلت المواعين ورؤيا جابت الحبشكلات وبطانية خلتها على ظهر ماما وختلت يمها ورئال جابت كتابها وكعدت 

كملت غسل مواعين اني وضي رجعنا يمهم ونسمع رئال مبلشة بالقصه كعدنا يم الصوبة نتسنط خلت ضي راسها على متني وغمضت بالها ويه الاحداث  لحد ماكملت الرواية ورئال حضنت كتابها تباوع بوجوهنا مثل عادتها تشوف بملامحنا عجبتنا لولا

ماما- حلو بس مره لخ غيريها لان هلكد ماعدتها انتبهت حتى للكلمة الطفرتبها لان مكرر بيها حرف الراء

رؤيا - جيبينا قصص رعب هيج كلها كتل وتفصيخ

ماما - باوعي لوجهج بالمراية راح تكتفين

- احسد نفسي على حنانكم

ضي - واخيرا عشت الحياة الجنت اتخيلها بأحلامي كد ماسولفتلي عليها رئال

ماما -ههههه راح تملين وطلعين شاردة

- دفو وحياة بسيطة يتمناها كل واحد يخلص عمره بيها

-ليش شعرج قصير

ضي- هيذام يحب الشعر القصير

-ياا وانتي شكو بي

-حقج ماتعرفين اشكد اعزه وشنو اشوفه موبس اخ لااب بحنيته وسنده الي لوماهو جان لاكملت دراسة ولاحسيت بروحي بشر والي احلام بس اجت هاي النعواصه خذت المعزه كلها

رئال- انجبي عندج ازغ كافي عوفي زوجي

-خاله سمعتي اشلون تغلط

ماما- ماكو خاله تصحين ماما حالج حالهم وحب هيذام خلي بغير شي باجر اطلع اجيب حنه وداشوف التكص شعرها بعد منجن

رؤيا- هذا الخبر الجنت خايفة اسمعه

رئال- همزين شعغي قصيغ بساع  ينغسل

ضي- اني هم الحمد الله

ماما- لاتفرحن راح اجيب زيوت واعشاب شهر مواكثر واذكرجن بالحجي وانتي ام لدغه كومي اخذي ابنج نام خلي بالغرفة يمي حتى اغطي بالليل

كامت رئال شالته اخذته تمشي عالكيف حتى لايفز اباوعلها على  طول الطريق تبوس بخدوده. عالكيفها وتشمشم بي ؛ رغم هو مو ابنها  بس حسيت حنيتها وخوفها عليه اله طعم خاص بلحظة اتمنيت نفسي مكانها

لاارادي خليت ايدي على بطني ليش ماحسيت بيك من جنت داخلها وهيج تخليت عنك بسهولة

شنو جان احساسي  لوهسه بحضني واناغيله

غمضت مااعرف شنو الشعور بس حسيت كلبي نبض واني اتخيل طفل بحضني وذباح كدامي كاعد نص گعدة يهوسله بمفتاحه

هزيت راسي اشيل  الفكير منه رجعت رئال كعدت بحضن ماما ؛ مر الوقت واحنا نسولف ونضحك مامصدگين وحدة تباوع للثانية ساعة نضحك ساعة نتذكر لحد ما أذن الصبح همست ماما كومن صلن بس بدل ماتستعدن للشغل دنگن اسجدن سجدة الشكر

رؤيا - ونندعي ربي يهديج وتكملين فرحتنا

- كومي لاشمرج بالصوبة

-تره والله حررام يااخي حسووا الجو بارد رجولتنا ضاله طگطگ من البرد  وحدهم شنو انتم ماعدكم ضميرر

-لوعندي ضمير مالفيتج لسه يمي

-بحال الجنة تحت اقدامج الك بيها حكمة يارب العباد

-كومي رؤيا لادفرج وارويج الجنة بين عيونج

-هاي حنيتكم لاتسكتون عنهاا

شالت الدبة كامت ركضت  كمنا وراها بوسنا ماما رحنا توضينا صلينا صدك كلمن سجدت سجدة الشكر ودموعها تنزل بكتمة

كملنا طفينا الصوبة ماما راحت لغرفة بابا واحنا لغرفتنا صفينه القريولات وتجمعنا كلنا سوه والضحكة تارسه روحنا

دقايق وشتغل الضرب بين رؤيا وضي شوية وشاركتهن رئال وكبت الهوسة وتحول النوم الى اطفر عالجرباية واصريخ  لحد مارن فون رؤيا؛  دنگت شالته تنفت باوعت بي فصلته وردت باوعتلي

- رؤيا بابا حذرج

- بسرعة بس اجيب الاندومي ماطول دقيقة فدوه

-تره هذا ضابط وعنده شغل  بنتي افتهمي لاتخبلي بسوالفج مو دلفري صايع تحركي مثل ماتردين

-هو لويترك شغلة الضباط ويتجه للتسليب اويلي لو بس يقتنع

-عزه راح تضيع الرجال ولي رؤيا من وجهي وطلعة  من الغرفة ماكوو

ضي- كومي اني اوكفلج مالج شغل بيها واذا حجت امرعطها بس هااا خليني اكل اندومي وياج

رؤيا- ماكو شريف بيكم كلكم استغلاليين يله راقبيلي غرفة ماما واذا حسيتي بيها اتحركت كحي بصوت عالي واذا طلعت هفيها كله وسوي روحج حلمانه  تره راح اعتمد عليج

ضي -تسطي وتطگ وتعيل وامشي على ممشاج اني  اختج وللدوم حگ باطل وياج

- لج كفووو

كامن طلعن هزيت ايدي جانت معوزه رؤيا وكملتها ضي

طلعن اخذت الفون اكلب بي ورئال يمي تسولف ويه زوجها لاوالله تغاغي وهو يكول شنو بنيتي وتعيد ويرد يسال لمن يخليها تبرطم وضل يكزكز وينعل بأبوي

وصل مسج من رقم غريب فتحته لكيت كاتب هم يجي يوم ويمر وجهي بصفنتك ؟؟

باوعت للساعة الخمسه الفجر عرفته كاعد بالبستان  غلقت الجهاز وخليته جوه المخده حضنت مخدتي وغمضت ؛ شيصير لو خاتمتها ويا بشكراً ودايره وجهي وناهية القصه ويا  قبل لاتبلش

اخذت نفس اندفعت الباب دخلت ضي ركض وسدت الباب  اشرت شكو

-كلشي ماكو نامي

-حصرها هيه تضرب بي وهو يعضعض مو

-اي والله بس امانة هيه العالت بي جان مؤدب لحد ما ضربته بوكس بنص وجهه انوب جتفها ونزل بحملة تأيب  

- لالبالج ملاك تره يستفزها لحد مايخلها تضربه حتى ياكلها تركيها يطبها مرض بلكي بابا يلكفها ويمدد المده اكثر

-هاي اذا ضل شي من اختج صاحي عود؛ اكلها بلش حملة تأديب تكلي يمدد المهله دوخري خلي انام عندي دراسة كومه باجر

ادننيت اجت نامت اكثر من ساعة ورؤيا بره لحد ماطلع النهار دخلت تمسح بحلكها بركبتها؛ تباوعلنا بحقد  وخدودها دم غميتها وهمست تستاهلين حتى تبطلين رعونة

تفلت على ضي ردت ضي تفلت عليها غطيت راسي لان عرفتها ماراح تفض

مرت الايام ولاشهر كل يوم يمر اسعد من الثاني صح ماجنا نطلع بس بابا مامقصر علينه بكلشي كل يوم يمر ويجيب كومة اشياء بالمقابل ياخذ اكل بيت وحلويات من ايد ماما الي صارت تكول لعابة كد الراحة رجعت لجمالها مامصدگه تفتر بالبيت وتطبخ  وتسوي كلشي بكيفها

مرتين اجونا بيت ذباح وبالمرتين عمتي فجر تبجي وتشكي من مصايبة وتصيح بعد ماينحمل الكل يصيح الغوث منه لحد ماكطعت رجلها وعرفنا ضارب ابن عمه وشامري بالحجز 

رؤيا على سوالفها تحضره وترده حسب مزاجها؛ واكثر الاوقات تلكف على غفلة تلكي طافر البيت واكف وراها جنهم توم وجيري ثنينهم يشتغلون بخفة وعقلهم ضارب

انعكاس تام ويه رئال وزوجها شكد تتنعوص واشكد هو صلب وهيئته مرعبة حتى الحرس مالته نفس الشي من يجي تصير خسنه المنطقه بس من يوصل يمها يصير غير شي اباوعله اشلون ينتجي عالكرسي بيده جكارته يكعدها  على رجله ويباوع لعيونها من تحجي حتى من يتلمس خدودها  لويوخر شعرها عن وجها  بطرف اصابعه تكول شي هش وخايف تهشم بيده

كلنا ندري يكدر ياخذها واجباري على بابا بس هو مايريد يكسر خاطرها ويحسيها اقل من غيرها منتظر يكمل الاجراءات  وتطلع حالها حال البنات

كملت غسل مواعين وصوت رئال ورؤيا وين واصل بالعرك دخلت للصالة لكيت ماما لازم الحزام واكفه ترزل بيهن وهنه ثنينهن خانسات تكول زعاطيط رن فوني شلته لكيت بابا يتصل ردت ها حبيبي

-يروح ابوج خلي بتحضرن التحف ساعه انمر عليهن كملنا اجراءت العقد

-اي الحمد الله خلصنا رحمه الاهلك راح يجلطن ماما

-حتى اجلط ابوهن بنات القندره صدگ لج شسويتي بسالفتي

-والله بابا دنقنع بيها ونكلها بس عقدوا عقد بيت اكلاوت اقلها كدام نسابتنا ميكولون  اشلون هذا يدخل ويطلع سفردحي لارقيب ولاحسيب

-وهيه شكالت

-بالبداية عصبت وكالت لااني ارد لبيت هجامة بس رئال كامت تبجي ودرع سواها مناحة ورؤيا حلفت بعد ماتشوفها اذا طلعت تالي تركنا السالفة

-اخذي يومين وخلي ضي تشمر كلمة بدون قصد عالاساس سامعتها من داخل بيت هيذام على رئال هيج مال واحد حاقد ويريد يعيرها

-تمام بس هاا تره حتى لو افترضنا قنعت وعقدت ماما ماترجعلك شيلها من راسك بالاخص البارحة من شافتك ويه الافريقي واجت كالت فلا ينعدل

-خو امج تجي ويه حضي عدل تركج من الافريقي وقنعوها بس خلي توافق عالعقد وتركوا الباقي عليه

-سهلة شنو سويت بشغله البيت

-اتفقت ويا صاحبه وقدمت سلفة بس استلمها انطي الفلوس ويتحول بأسمجن

-الله يسهل صدگ اليوم ام رايه  مسويه كبه تعال من وكت حتى تاخذها حاره وجيب ملابسك الوسخات لان ذني نشفن وكويتهن

-دخيل اميرة ابوها اني يله حبيبي ديربالج على نفسج وخلي ذني يتحضرن

-تمام

سلمت وغلقته

ماما- ويامن تحجين

-ويا بابا سوده عليه واكع من السكلة ورجله بيها رض داگله روح ارتاح يكول لا خلي اكمل شغلي حرمات تضيع يومية اليوم

رؤيا - انتي ويامن تحجين  تره العالم ماعدها گلوب ماتحس

رئال- اله الله عالم تشتغل وتتعب وعالم دعي وتغلط

ماما- كملتن بنات الدغش يله كلمن شغلها نص ساعة مواكثر واريد البيت يلهث لاامسحه بوجوهجن

-لاماما ازواجهن ديجون ياخذوهن حتى يعقدون بالمحكمة

-شنو يعني هاي هيه راح  يتزوجن ويرحن

-ليش مو يومية تكولين اشوكت اخلص

-جذب يمه بنياتي انوب اكعد الصبح مااسمع صوت عركاتهن

-لاتخافين بابا خال شرط كل جمعة وسبت يباتن هنا وهاي الخرزه اشك تضل يم رجلها يومين هاي اذا مو بيوم الصباحية ردها على اوجوهنا

ماردت دنكت طبگت الحزام  وراحت كعدت  عيونها بيهن تباوعلها بكسرة وتبتسم ؛اخذت نفس بحسرة  اشرتلهن روحن واني رحت كعدت يمها بستها وهمست اني يمج ام رايه

-يروح امج الله يسعدهن

-لعد ليش هالدموع بعيونج

-بعدني ماشبعت منهن ماصدكت ردن لحضني

-كلما تشتاقيلهن نروح نشوفهن وهنه كل اسبوع يمنا بعد شنو تردين وتركي الزعل استعدي انجهزلهن لان ماضل شي للعرس واحنا كلشي مامشترين

هزت راسها بس دمعتها بعيونها

رجعت بستها وكمت وياهن لان ادري بيهن بس خبصه مااعرف اشلون راح يلزمن بيوت لحد ماجوي زلمهن وطلعت سديت الباب وراهن حسيت روحي بهتت

انداريت لكيت درع يطفر بالحديقة رحت شلته گعدته بالمرجوحة وكعد يمه انتبهت للبيت هدوء

صفنت اذا راحن اشلون اضل وحدي بس شعور بدون تخيل شي يخنگ

هزيت راسي وگمت اخذت درع رجعت كعدت يم ماما تلف كبة

مرت الايام بين نجهز الهن وبين تجينا فجر نكعد  انقنع بماما بس تعقد حتى لايضلون يجحون اشلون بابا يدخل وهيه محرمة عليه بس قافله نمل نبطل ونرد نطلع بسالفة جديده

عين بخواتي الي جهزن كلمن جهاز بسيط حتى يوفرن على بابا الفلوس وعين بمكانهن الي اشلون راح يتركنا خالي

كعدنا من الصبح على دخلت ضي  وهيه تصيح كومن الابشارررة

كمزنا مدت ايدها ؛ صاحت رؤيا احجي لج

-والله عرفت ماكالتلكم امكم

- شنو صاير

-البارحة بليل ذباح وهيذام حجوا ويه امجن وقنعوها  تعقد على ابوكم بس عقد هيج

-ذباح طلع

-اي اول البارحة طلعه دسار بكفالة بس لاتفرحون على شوفتي اله  مايطول يومين هم يكتل واحد  ويرد

- واشلون قنعوها المهتلف ودروغو

- ماادري بس يمكن هددوها بيجن بعد مايخلوجن توصلن لهنا حتى لاتجيبن الهم كلمة او سامعين كلمة بحقها من العالم نسابتها ضباط كبار وابن عشاير ماترهم ينجاب طاريها المهم مقنعيها وهيه شارطة حتى بعد العقد مايدخل للبيت

-اااي وهسه اشوكت تعقد تره هاي ترد بكلمتها ماتعرفيها

-من نطلع للصالون  دسار وذباح راح يجيبون الشيخ يعقدوهم بس هاا تره الفكره من دسار هو شمرها على هيذام وذباح  وكلهم احجوا  وياها

-وهذا الخبر الي يفتح النفس من الصبح

-عوفي نفسج مسدوده وكومي راح الوقت هم يالله نلحگ لان احنا اربعة وامجن تلحگنا يعني خمسة

رئال- وبدلتي لسه ماوصلت

-هيذام كال قبل لاتكمل تكون يمها وانتي رايه شو صافنة

- لاماصافنة بس يله روحن حتى لاتتاخرن

-شنو روحن انتي ويانه وحتى بدله سوده اخذتلج وشرط تسوين الي احنا نريده واذا كلتي لاا محد تروح

رئال- اني ماغوح اذا كالت لا

رؤيا- حتى اني والله ماتحرك واطلع بت كلب اذا تزوجت

رئال- عززه هم غلطت على بابا

-بت الزمااال كلت اذا تزوحت هسه اني قندرت على راس ابوج

ضي -  راية هاي اول فرحة منو يكول بعد نفرح لاتخربيها علينا

رئال- لاعدنا بعد وحده سمعت ازغ الباغحه حجه ويه بابا

ضي - واني حسمتها اليوم ويا كلتله ماراح اوافق كافي هلكد تذل نفسك

رؤيا- لعد شكد سخيفة وناقصة

-مو سخيفة بس فكرت منو يضل يم رايه اذا رحتهن قابل نخليها وحدها

- لااا اشلون الله يخليج انتي وتفكيرج يله كومن حضرن غراضها خلي نطفر قبل لاترد اليهودية بكلمتها وتكول اجي وياكم وتترك العقد

كمنا صح مالي نفس بس ماريد اخرب فرحتهن  غسلنا وجوهنا وطلعنا حتى بدون ريوگ  قبل لاتطلع ماما من غرفتها وتجلب على سالفة رؤيا

رحنا ويه  امجد وصلنا للكوافير دخلنا لكينه كم وحده كدامنا  بين ماجاب امجد ريوك وتريكنا بلشن وحده ورا الخ من راسها لرجليها لحد مادخلت ماما گالبة خلقتها عرفناها عقدت احنا هم ماحجينه عالاساس ماندري

كعدت استلمتها ام الصالون واني عيوني بخواتي اباوعلهن اشلون فرحانات وكلمن جهازها بيدها تراسل بزوجها

ابتسمت وهاي كبرن وصار الوقت نفترق بس هالمره بأرادتنا

اخذت نفس انتجيت مر الوقت وتفكيري كله اشلون راح اكدر اعيش وحدي حتى مانتبهت شنو سوولي لمن فززتني ضي وهيه تصيح كومي بسرعة غيري راح يوصلون

-خلي اساعد رؤيا بالبس وغير ملابسي

-لااني اساعدها بس كومي حتى ترحين وياها بنفس السيارة لان دسار يكول بعدني يم ابو الوشم ومناك اخذها من ايد ابوها

-بعد شنو ديوشم هذا

-ههههه تاريخ زواجهم ديله كومي

هزيت راسي اخذت فستاني ودخلت غيرت وكفت كدام المراية صفنت على نفسي  الفستان قصير وشعري مفتوح ومكياج خفيف ماصدكت هيج اتغير شكلي

طفرتني ضي بصوتها تصيح اجوووي

طلعت دااحجي وسكتت واني اشوف رؤيا بدلتها البيضه جنها اميرة ديزني بيدها البرگع ابتسمت واشرتلي تعالي لبسيني

نزلت دموعي اجت حضنتني وهمست محد يلبسني ويزفني غيرج 

-صدگ رؤيا راح تتزوجين

-وراح نعوفج وحدج

-راضية المهم مستقرات ومرتاحات

-ربي يهنيج وعوضج بالي يملي كلبج ويترس حضنج بطفل يمحي كل حزنج

-مكتفية بشوفتجن ولمتجن بحضني كل اسبوع

-بس احنا مامكتفين وقبل لانقرر مصيرنا قررنا مصيرج

-شنو مافهمت

وخرت عني مسحت دموعي وخلت البركع بيدي وضحكت ؛  ابتسمت ورفعت رجلية البسها وماما تباوعلنا ودموعها تنزل مامصدگة واخيرا راح اتأمن عليهن ببيوت ازواجن

اجت رئال ساعدتنا دخلن امهات دسار يهلهلن؛بستها ونزلت البركع لزمت ايدها ورئال شالت بدلتها طلعناها صعدناها بالسيارة صعدنا وياها شغل السايق طلع بينا للقاعة 

وصلنا لگيناها صايرة خبصة والكل يستعجلنا  نزلنا ماما ورئال اخذنها لمكانها المخصص واني وضي اتجهنا للقاعه حتى نستقبل المعازيم

دخلنا وتفاجئ بالعرس مختلط  انداريت ردت ارجع لان فستاني كلش يفشل واسمع بابا يكول وين اميرة ابوها

انداريت لكيته واكف بهيبة قاطه الاسود وشعره المخصل بالابيض زايده شخصية ابتسم ومد ايده دفعتني ضي رحت لزمتها دنگ باسها وسحبني لحضنه كال وين تردين

- اغير فستاني لان كلش اوفر ماادري مختلط العرس

-جماعتهم هواي ماكدروا يفصلوا ومابي شي فستانج بابا كعدي محد يشوفج

-داقنع روحي البس حجاب موارجع اتصلخ

-هههه بس اليوم وبعدها نعلن التوبة جماعي وبعدين منين اجيبين فستان هسه لو ناوية ماتحضرين زواج خواتج

- لااشلون غير رؤيا تعوف حتى العرس واحنا ماصدگنا تفض السالفة على خير

- لعد تعالي وياي

جرني وصل يم الطبلة سحب الكرسي ودنگ اشرلي كعدي بطريقة امراء

ضحكت كعدت اجت ضي هم سحبلها الكرسي كعدت يمنا

راح بالباب وكف يستقبل العالم الي تدخل فوجات واكثرها رتب  وكل اليدخل يسلم على بابا ويباوعله بصدمة يردها بابا بأبتسامة مكر وترحيب

همست ضي خرب عرضه اشكد نغل ابوج شوفي اشلون لعبها صح

-واني جنت كل مااشوف رؤيا اصفن على منو طالعة هيج تفكيرها اجرامي بذكاء  وابونا جاسم المعفن لاحظ ولادبان

-ورئال صح هادئة بس تعشق شي اسمه انتقام وغدر

-جيناته رافد قوية هواي اثرت بيهن

-وانتي

-ماخذه حنيته وصبره صدگ وين ذني ليش تأخرن وحتى الولد ماكو

-رئال استوها وصلت بدلتها ورؤيا مايصير تدخل لحد مايوصلون كل العالم والولد مااعرف وين اكيد مشغولين هسه يجون

سحبت شعري خليته على صدري وامتوني اضم بيهن وعيوني عالباب اندعي كون مايجي ذباح ادري ماعنده مانع حتى يرميني مو بس يسحل  العالم

مر الوقت كملت العالم  واجت ماما مغيره فستانها بواحد تول اسود مخصر وشعرها فاتحتها ومكياج خفيف  اني من العالم فتحت عيوني وشهكت عليها اليشوفها مايصدك نفسها اليهودية

كعدت يمي اشرت شكو تباوعيلي

ضي- لاقابل شنو راح تكسرين سوكنا انتي منو دخلج للقاعة

-نسيبي

-كومي طلعي واني باجر اعزمج مكان احلى منه

-دخلي ادق ذولاك الناس  واروح اغير لا طفرن

-منو هذا الي ادقي

-نفسه الراح توسط يم نسبانه وخلاهم يجبروني اردله بس اذا ماشوطته وخليته يكمز من القهر مااطلع بت اليهودي الجابت راس اكبر وحد مدوخ الحكومة قبل الاهالي جوه رجليها

-احس قصتكم حلوه

-كلش ماتسكتين مصدگة  مثل هذا ورا قصة بيها حظ دشوفي اشلون يباوع للعالم  يدرسهم دراسه الله اعلم شناوي يلعب

- اوووي فدووة شوفي منو الاجوي

درنا وجهنا تغيرت الاضاءه ويه الموسيقى الهادئة كمنا حسبالنا العرسان دخلوا بس جانوا الاحلى من العرسان

هيذام بقاطه وهاي اول مره اشوفه هيج رغم العسكري لايكله بس الرسمي طالع ويه ضخامته شي ثاني لازم درع بأيد  وايده الثانية رافع ايد رئال الي طالعة جنها بطلة روايات بدلتها التسحل وراها ونزاكتها الي خاله العالم تصفن عليها

على طول مايمشون العيون عليهم وكل الي يصيرون قريبن عليه يكوم يسلم ويهنيهم. لحد ماوصلوا يمنا دنگ باس ايدها وسحبلها الكرسي كعدت وهو كمل طريقه يم جماعته

استونا كعدنا  وتغيرت الاضاءة لغير لون وصوت اغنية اجنبية  رجت المكان كد ماعالية

كامت العالم كمنا وياهم انفتحت الباب دخلوا اطفال ولد وبنات من الصفحتين كلمن بيده سلة ورد ينثر  وراهم  دخلوا بابا  لازم رؤيا يمشيها واحد يباوع للثاني ويضحكون 

نزلت دموع رئال لزمت ايدها باوعتلي عصرت ايدي وردت تباوعلهم  وصلوا قريب  عالاستيج نزل دسار سلم على بابا واخذها منه وخر البرگع باسها براسها  اشتغلت الهلاهل والجكليت

دنگ رفعها من خصرها يضحك مامصدگ

تغيرت الاغنية خاصة بالرقص باسها ونزلها اخذها لحضنه ؛ اجه هيذام اخذ رئال وراح يمهم كاموا كم وحده همه ونسوانهم هم وكفوا يركصون وياهم

تقدم  بابا دنگ مد ايده همس تسمحيلي بهاي الركصة

-هههه بابا صدگ دتحجي

-شنو بس لامستهانة بيه تره رگب هالهوسة بكلمة مني اضيعها

- ولو رافد الدغش انت اتگلي

-لعد كومي لاتخليني اطيرج وياهم

ضحكت لزمت ايده باسها وكومني اخذني وياهم رفع ايدي خلاها على صدره ونزل اديه على خصري قربني  اتحرك ويا  وعيوني بخواتي الي كلمن بحضن زوجها  الضحكة تارسة وجها

…مرات يكون العوض على شكل ضحكة تملي روحك يضعاف حلم جنت تسهر ليالي تباوع للسما تترجاها تحققه الك

اتغيرت الاغنية صارت طربگة رجعت تركت رؤيا ودسار لازمين الساحة طايرين وصوت ضحكهم وين واصل كل شوية يرفعها من خصرها يفرها مامصدگ ويرد يبوسها وينزها يكملون ركص

شاركوهم الركص ازر ورئال وضي وضبع  ولحكهم امجد  هذا قفل ملفهم صفن العالم بالهز والحركات اخر شي ختمها نزع سترته وكام يفر بيها وكلبها وخله العالم كلها تتسودن تهوس وياهم

هيذام واكف على جهه بيده جكارته يباوعلهم ويضحك وبصفه بابا مجتف يباوع لبناته اشلون يهوسن فرحانات تحسه يتأملهن من كد حبه الهن

اجمل ساعات مرت تحسها حلم وخايف على غفلة  تصحى منه دموعي تنزل امسحها وترجع تنزل من الفرح ؛ لتالي الليل وهمه مستمرين تعبت من الوكفة سحبت الكرسي كعدت دااعدل شعري وانتبهت لبابا يأشرلي كمت رحتله دنگ همس بنيتي الورده بيج وكفه

-افاا كول

- ترحين تكولين الامج تصعد قبلج بالسيارة بين ماترحين انتي ورئال توصلن اختج للفندق لان مايصير اكثر من اثنين يرحن وياها

-وبعدين

-توصلين اختج اطلعين من الباب الثانية تلكين ذباح منتظرج

-شنو باباااا تريد تورطنييي

-بس الليله دخيلج هاي امج اذا مانحصرت وتعدل وجها بكم راجدي ماتجي للدرب تربيتي واعرفها

-ههههه تمام اني هم شايلة هم اشلون ارد انام وحدي يله اروح يم فجر وهجامة اتسلى افضل

-مردوده يبت ابوج الكفو يله راح يزفوها

اشرت اي رجعت لماما خبرتها اخذت الشال خليته على متوني رحت لرؤيا  ساعدناها اني ورئال عدلنا البرگع نزلها دسار زفوهم للسيارة صعدها وصعد واحنا رحنا للسيارة الوراهم صعدنا  اول ماتحركت السيارات اباوعلهم فتحوا  القمارة هيه وكفت وهو داس طلع طاير بسرعة غمضت مااعرف اشوكت راح يعقلون

الشباب كلها طالعة من الجامة  تهوس والدراجات بينهم تتزابگ ودسار منطلق بينهم كل دقيقة اكول هسه يسوون حادث ماصدگت شفت الفندق كدامنا خليت ايدي على كلبي وشهكت النفس براحة

فتحت باب السيارة وانتبهتلها تسولف ويا عرفتها تريد لكبر غزوان سحبت الباب عالسريع نزلت ركض فتحت بابها وجريتها باوعتلي بكسرة همست اشش واشرت لدسار يله  نزل لزمها دخلها للفندق فوتناها لغرفتها كعدتها عالجرباية ردت اطلع لزمت ايدي انداريت باوعتلها نزلت دمعتها وهمست ليش ماخليتني اروحله

-لان مايقبل توصلي بهيج يوم

- ولااكو واحد يستحق يشوفني بالبدلة ويحس بفرحتي وشكري غيره

-ديشوفج وديكول كبرت بنيتي الصغيرة واخيراً تزوجت وخلصت من همها

- راية لاتعوفيني

- شبيج يروحي

-بطلت ماريد ابعد عنكم اخذيني وياج

-رؤيا شصايرلج

-اعرف نفسي راح افشل ولاراح اگدر نام بعيد عنج

-اني مو بعيدة راح اكون وياج بكل خطوة

-لا راية لاتخليني

اجه دسار وشمر سترته  سحب بنطلونه من جوه  دنگ گعد كدامها نص گعده. وخر البرگع مسح دمعتها وهمس كل يوم راح اخذج الهن

هزت راسي لااا  وشهكت

-عالاساس اذا بجيتي تنسيني لحضر والتجاوز التهديد لاشوفيلج غيرها

-اصلاً ماعندي فون

- وافلوس الاندومي والتسليب وباكيت الجكاير الجان يختفي من جيبي بكل مره ادخللكم  ذني منو جان يسويهن

- عزة هاي منو 

-نفسها الي خلتني اترس ايدي وشوم بتواريخ لقاءاتنا

فتحت عيونها التلمع وهزت راسي  مااعرفها

اشرلي بأيده روحي بدون لاتنتبه وكال هاي وحدة فد يوم جنت شارد من الحكومة وصارت بوجهي ضربتها بالدراجة وابتليت على نفسي

-من انت ماتعرف تسوق شكو تصعد دراجة

-هاي اني مااعرف اسوق مو انتي طلعتي بوجهي

-صدگ  ذكرتني ليش تصرخ بوجهي فوگ ماحيوان لفو وداخل بمنطقتي ومكسرني بسايقتك العوجة

-حيوان ؟؟

-وخاين وماعندك رجولة كدرتك عالنسوان 

اباوعله عض شفته عصر وجها وكاملها سديت الباب بسرعة واسمع عيطتها وشي انضرب عرفته عضها وانكتل

ضحكت نزلنا طلعنا من الفندق صار بوجهنا هيذام  وذباح واكفين يسولفون تكول مدرعات حربية  واحد يكول للثاني اني اسوء منك ؛اشرت لرئال روحي وركضت صعدت لسيارة ذباح قبل لاينتبه البسي

سلم  هيذام عليه وراح اباوعله ضل واكف بيده جكارته اخذله دقايق سحب نفس منها شمرها واجه صعد قبل لايدير وجهه ويباوعلي صحت همه دكوا بيه الناقصة والله اني قررت اتحجب

هز راسه اي  بدون لايرد لو يباوعلي اصلاً ؛شغل السيارة وداس عرفت واصلت يمه للنهاية وخلص وقت الصبر والتهديد

اتبلعمت ولميت نفسي درت وجهي للشارع انعل برافد واليهودية على هاي الورطة ؛ السيارة تمشي وهو نفس ماله كلما ادير وجهي اباوع اشلون لازم الاستيرن ويسوق بغضب اغمض اشتم بيهم وارد اباوع للطريق لحد ماوصلنا دخل السيارة للبيت وشرلي نزلي

نزل نزلت ورا وكفت دااحجي وانتبهت البيت ظلمة وهدوء  اتفاجأت درت وجهي اله همست شنو ماكو احد

- واكو احد شني اليفرگ ؟؟

-هاا لااا يعني داسأل

-اهااا تسألين تمام خشي يبه مااچل بشر

-لاموهيج قصدي بس لو گايلي اهلي بالزيارة جان مااچيت لان اني اصلاً اخاف انام وحدي  

-جثير باين الخوف بجهرتك من هالخرط الخالته على جسمج؛  روحي بنيتي لحجرتك انه كاعد هون لاتخافين 

-شبيك ذباح

-سلامتج يبه

كالها وراح فتح باب الغرفة دخل ؛ وكفت اتلفتت البيت خنسة والغرف كد الظلام شي يرعب

رحت ورا دخلت لكيته كاعد عالطابورية بيده جكارته مدنگ يباوع للگاع وياكل بشفته

دخلت يمه اخذ نفس  شال راسه خله الجكاره بحلكه وباوعتلي بتعب

- والله مالبالي العرس مختلط

-ومختلط وين الغلط

-ذباح تعرفني اني  مو هيج

-انه لاعرفج ولاعرف اهلج كل الي اعرفه انتي حاملة اسمي والمفروض تعملين حساب الكرن الزاتته ورا ضهرج قبل لاتعملين اي شغلة

-لوماجنت حاسبة حساب الك جان مافكرت اتحجب من دون اهلي

- ميحتاج اختاريتي طريجج وهاي انتي مرتاحه بي  كملي يبه تتهنين وحريتج باجر تكون عندج وانه رادج لبيت هلج

-راح اطلكني

-موش هذا الرايدته

-اي بس موبهاي الطريقة

-اشلون يعني بأي طريجه رايدتها

-ردته بدون زعل واتضل السند الي كل مااحتاجه لو اخاف اركض انضم ورا

-يبه عليش ماتحسين انتي ترانه موش حيط بشررر بشررر تعرفين شني بشرررر

-شبيك ذباح ليش هيج تصرخ

-لان هلكتتت تعببت نعلت اهلي على هالمذلة  العايش بيهااا عليشش هاا لخاطر شنيي لخاطر دگه كلب  بالغلط الانعل ابو الحب  لابو  اليذل روحه بالعشگ

-هيج كرهتني

-دعيت جثير لخاطر اكرهج لااا وعلي  بس لخاطر اشيلج من كلبي  بس ماعرف ربي عليش ماستجاب 

-لان يعرفني رغم هالهوسة اليمي بس احس روحي ثگيلة وغريبة بينهم صح انت بعيد عني بس من اذكرك موجود واذكر اذا تركوني لو شتدت بيه الدنيا اكو من الي اروحله ومتأكده راح تستقبلني؛  وبدل ماتعاتبني راح تضمني وتكلي اني يمج مسحي دموعج

-شني الرايدته راية

-مااعرف بس داحس روحي مخنوكة وحيده وماضل شي اعيش اله خلصت مهمتي بالدنيا

-هاي كلها بس لان كلج ابوج لاتردين اليوم للبيت

-مااعرف اصلاً ماادري ليش واكفه دااشكيلك

-حتى تحسميها وياي بذكرى تهدين اخر حيل  كاضني عن المنية

-باجر الصبح اطلكني

هز راسه اي ودنگ

سكتت مسحت دموعي ورحت كعدت عالجرباية  صار هدوء  مر الوقت وماكو واحد بينه حجه

احس البرد دخل بعظمي بسبب المروحة  ورجليه اتشنطت من وره الحذاء ؛ وخرت شعري عن وجهي انتبهلي كام وكال اخذي راحتج

-وين رايج

-اكعد غادي  عالدرج لاتخافين

-وتضل للصبح كاعد بره

-ماضل شي للفجر نامي يبه

-وليش ماتنام هنا

-مارايد ازعجج

-لاعادي وعلى سالفتك اقلها اخليلي ذكرى حلوه  مو حتى اخر يوم اگعدك بره

باوعلي وضحك جانت بنظرته لمعة حزن احسها خذت كلبي

كمت سحبت الفراش فرشتله شال جكايره وفونه شمرهن عالدوشگ وكعد

رجعت للجرباية نزعت حذائي شمرت الشال دخلت جوه الغطه لفيت روحي اسمع صوت الجداحة همست تره اذا تريد طفي الضوه عادي

-ياهو اجه للحفله

-من الاخير محد باوعلي  ولا واحد تجرأ يحجي وياي لان جنت بين ثلاث زلم تكسر الظهر

-وياهو السائل عنج

عضيت شفتي

اسمعه اخذ نفس من الجكاره رد الهدوء اخذتلي ثواني وهمست صدگ راح تتزوج

- ماتصور الج دخل بهيج امور شخصية

-لابس دسأل فضول

مارد

-شو مارديت

-يبه الج شي يمي  تزوج اطلگ انهب انتي شدخلج

-لاقصدي انو اذا تزوجت تعزمني

-عليش اعزمج من باگي هلي

-ديله عالاساس العرس راح تسوي بفندق خمس نجوم لو تاخذ اميره زمانك  اني اصلا مااجي عرسك

سكتت

-ذباااح تره زودتهااا

-شمالج بنيتي

- هيج مخبلة اسولف وحدي يله  طفي الضوه دانام

-ياهو الكاضج ماتنامين

-مااعرف انام اذا مالضوه مطفييي

- ولايهمج كومي طفي بس هدي اعصابج

احسه نرفزمي  وخرت الغطة كمت طفيت الضوه صار هندس اتحركت نضربت بالطابورية كلشي ماشوف من كثر خباثته طفى حتى الجكارة

وكفت محتاره انوب تورطت لااكدر ارد اشغل الضوه و لااندل الجرباية اخاف اسحگه لان اعرف المسافة كلش قريبة بينا

فززتي وهو يكول عليش واكفه

-اشلون شفتني

- هذا السؤال تسألي لابن ولاية موش لواحد  گاضي عمره بالبدو ومخلصها يهيم بعتمة الصحاري

-شغل الجداحة دارجع

- تأمرين

كالها وشال الجداحة  كعد شغلها بعدني مامتحركة لكفني من ايدي عتني حيل ماسيطرت وكعت عليه طفه الجداحة وشمرني عالفراش ردت اكوم رجعني بسرعة  دفعته لزم اديه بعدهن ودنگ حسيت انفاسه قريبة همست بتوسل لااا ذباح

مارد عصر جف اديه ودنگ احس انفاسة تضرب بخدودي نزلت دموعي باسني عالكيف وهمس وحگ الصورج بعيوني ودگج ويه النبض بصدري اعشگج عشگ يصحي المسودن بسالفته

-والله ماراح اگدر

-اششش

كالها ورفع ايده مشاها على وجهي بهدوء؛  شهكت خله راسه برگبتي اخذ نفس طويل ورد باسني جريت اديه ثبتني حيل درت وجهي ضغط عليه بقوة ضربته زاد اكثر بجيت لان عرفت ماراح اگدر اخلص نفسي منه بالاخص من حسيت ايده نزلت على خصري عصره وقربني اله اكثر هو يدنگ يسحب شفتي ويفتح السحاب…

صح دقايق  بس ماعرفت شنو جان الشعور بين خوف والم دكات كلب متسارعة احساس جديد رافضه ينولد بداخلي

مسح دموعي باسني عالكيف من ركبتي وغمض كأنما ينبهني صرتي ملكي دفعته انكلب على ضهره

من حرگة كلبي سحبت الغطة وكمت الشهگة  بصدري  مشيت  انضربت بالجرباية بجيت بصوت رجعت اتملس لحد ماوصلت للحمام دخلت سديت الباب وراي اجه الضوه

سلقيت الباب شمرت الغطه ورحت جوه الدوش  حتى مااعرف شسوي گد  القهر ولا اشلون سبحت  كل الي بعقلي اشوكت اطلع واخابر بابا حتى يجي ياخذني

لفيت شعري سحبت المنشفة لفيتها على جسمي وطلعت لكيته كاعد بيده جكارته دنكت شلت الفستان دارجع كام بسرعة اجه لزمني انداريت ضربت اجت بصدره لزم ايدي وهمس  ماغلطت لخاطر هيج تعامليني

-كلتلك مااكدر ليش غصبتنييي

-لان خلص صبري وماضل شي اعمله لخاطر ارضيج اتحملت كل اذيتج عطيتج كلشي املكه ماضل غير الروح ومستعد هسه انهيها بجلمة منج

-ليش هيج دتسوي بيه

-لان عشگتج

- وااااني ماحبببك

-ادري واعرف ماراح تحبيني وبعدت بس حتى اقنع روحي ونساج بس زادت نارج بصدري موش بيدي وعلي احسج بداخلي طوفين ويه الروح  اشوفج بكل صفنة واحسج بكل لمسة رايه انه ماحبج انه مسودن بيج

سكتت بس دموعي تنزل

همس رحميني دخيل هلج وعلي ماضل حيل يحمل كل الرفض منج تعبت وكلام الله صرت اشر النوم بعمري بس لخاطر ارتاحلي دگيگة  من التفكير بيج

-مااكدر

-لاتگدرين بس عطيني فرصة وحگ الوجر روحي  بيج اذا ضلت روحج نافرتني ابعد

-تعرف انت شدتطلب

- تكرهيني ؟؟

هزيت راسي لا

-يجي يوم وتحبيني

- لا

- گلتلج عطيني فرصه عليش يبه هيج تعامليني وعلي مااستحگ كل هالگساوة منج

-لان انت مدتستوعب شنو احجي

-لاعرف وراضي مارايدج تحبيني بس خليج يمي كم يوم وانه احلفلج بمعزتج بروحي اذا ظليتي هيج جافلتني  وماكدرتي تواطنين عيشتي اردج بيدي وحگ هو علي

-ذباح راح تتعب وتمل وحتى تكره نفسك

-جان كرهتها گد ما كابلت داركم وانه اتأمل اسمع صوتج لخاطر اهود شوية من نار كلبي جان مليت وبطلت مكاون ويه البدوية وانه اتوسل ترد تحجي وياج هلبت يرف كلبج جان غمضت عيوني من غير لاخذ مخدتج لحضني

-وراح تسمع مني كلام يخليك تأذيني بدون وعي

-مانحسب عالزلم اذا خليت دمعة تنزل من عيونج

-ماراح اكدر احبك

-اكتفي بشوفة نظره حب بعيونج لابنا

-والله مااكدر ذباح فدوه لاضيعني اكثر مااني ضايعة

-ماتضيعين طول ماانه حدج

باوعتله نزلت دموعي مد ايده مسحهن؛  همست  وروح اختي ماراح اكدر لاتخليني اغصب نفسي على شي يخليني اكرهك بسببها

مارد دنگ شالني رجعني للجرباية دفعته سحبني ضمني بحضنه بقوه  شهكت دنگ همس يم اذني ماراح اذيج بس راح اجبرج بكل لهفتي عليج لحد ماتبادليني بيها

ضميت راسي بصدره وخرني اشرت بتوسل لاا

عصرني بحضنه حيل مسح دموعي عالكيف ودنگ يطبع بوسات خفيفه بين خدودي وشفتي هو ويفتح بالمنشفه …

بين نايمة وبين گاعده اسمع صوت بالبيت استوني داافتح عيوني وندفعت الباب سحبت نفسي من حضنه بسرعة على دخلت بت صهيب تركض وتصيح عمو

جريت الغطة غطيت جسمي واني اشوف عمتي فجر دخلت وراها  تركض لزمتها وطلعت  سدت الباب احس جسمي كله عرگ كد الخجل  انداريت لذباح دمعت عيوني ابتسم لزم ايدي سحبها باسها واشر شكو

جريت ايدي -لاكلشي ماكو

-شمالج يبه شني كاضيج اداب

-انت دتشوف احنا بأي وضع

-ترانه زلمتج مانه رفيجج

دنگت لزمت وجهي نزل شعري غطاني كعد وخره عن وجهي دفعته جرني لحضنه ردت اوخره ضغط عليه بقوه باسني وگال وحگ الكفل زينب لخليج اسعد وحده بالدنيا

سكتت

-اطلبي الي تتمنى روحي گبل النفس راح يكونن بين اديج اذا كصرت وياج بشي الج حگ تهديني

-داحس داخلي بارد

-راح تحسين بالدفو وانتي بين ضلوعي

-ماراح تحس وياي  بغير الندم

راد يحجي وبطل مثل الي انوجع دنگ غمض متألم 

وخرت عنه كمشت ايده عدل روحه سحب ايدي باسها وخر الغطه راد يكوم رجعت لزمته باوعلي 

همست مكان العملية بعده ملتهب

-هه لايبه ماكو شي

-لاتجذب ذباح تره التعب واضح عليك

-يابه ياتعب نغزه اجت ولت

-ماعندك فلوس تعالج موو ؟؟

-مابيه شي لخاطر اعالج هاي قبل كم يوم بالحجر تكاونت  ويه زمال طگني على مجان العملية ماعليها تاخذ كم يوم وتشفى وحدها

-انت ليش من دون العالم روحك بالعركات

-خبل قصدج

سكتت

-رايه كلامج كله هيج دگ بالعظم ماكو وحده تخطي بالريش

-ماراح تحصل مني غير التعب

-كلشي يجي منج رضه كافيني وجودج كربي

دنگت رد جر راسي باسه وكام بطرگ البنطلون اخذ المنشفة ودخل للحمام

اباوع ملابسي بالكاع مطشره وخرت الغطه جسمي كله اثار غمضت لحد الان مامستوعبةالصار ولاسبب هدوئي وتقبلي لهالشي

رجعت سحبت الغطه دقايق وطلع ينشف بشعره شمر المنشفة  فرش سجادته وكف يصلي رفع اديه كبر بصوت وغمض عرفته ديصلي صلاة الشكر

كمت دنكت اخذت المنشفة من الكاع ودخلت للحمام سديت الباب احس روحي اتحرك بدون شعور

وكفت جوة الدوش المي ينزل عليه واني بغير عالم لاارادي ايدي نزلت على بطني احس كلبي نبض شعور مااعرف اوصفه بس مثل صورة طفل يناغي مرت بمخيلتي رفت روحي وعصرتها

فزيت على دكت الباب مسحت وجهي سديت المي لفيت روحي بالمشفة وطلعت حتى بدون تنشيف لكيته كاعد عالطابورية بيده حكارته ومدنگ يبلس بحذائه

شافني انگط مي كام بسرعة طفه المروحة وجاب منشفة ثانية اتقرب يمي رجعت ليورا مااريد مشاعري تتخربط اكثر من الهوسة البيها

كمشني خلاها على راسي دار اديه يلف شعري صرت بنص حضنه احس عطره صار بداخلي

دنگ همس يم اذني دخيل هالوكفة الي ضيعت نص عمري لخاطر اوصلها

غمضت  اخذ نفس طويل وخله شفايفه على ركبتي احس خدر بكل جسمي باسني عالكيف ونزل ايده على خصري عصره سحبني اله اكثر ورفعني فتحت عيوني دنگ على شفتي سحبها مااعرف شصارلي بلحظة فقدت كل مقاومتي بين اديه استوني اتجاوب ويا وكمزنا اثنينه على دكت الباب وصوت بيبي بغضب تصيح  موش جنكم طولتوهااا

غمض عيونه يستغفر؛ مسحت حلگي بظهر ايدي وصعدت المنشفة بدون صوت

فرك وجهه اخذ نفس دنگ شال البطانية لفني بيها  وفتح الباب اشر شكوو

بيبي - والله الخبر يمك ياابن البدوية شعدهم ولد عمك من فجر ربهم مغربين صوب مضيف الشيخ

-وصلوا السباع ياهلا باليحدر للموت برجلي

اندار راد يشيل سلاحه صاحت والي اسمه الله يذباح اذا تحرجت خطوة لرد حرمتك لبيت ابوها واكله يطلگها غصباً عن شاربك وكونك ازلمة من ضهر ابوك  وتكف بوجهي

-يممه

-وصصل التهد ضلوعك ولك استجن شمالك مسودن تمشي وطگ بالعالم

-انه خبل ادور طلايب عالباطل بعدي يمه

-روح مااكف بوجهك وانتي جده رايه لبسي لاردج لبيت هلج لان هذا لاينعد ولا يركد لحد مايموت وانتي مامعوزه وجع كلب كافيج همج

-كون صدك وترديها

-اردها شتريد تعمل تتكاون لو دگ راسك بالحايط يطبك وجع اجلع اهبد هامتك عساك بالسوادين اكثر ماانت مسودن وانتي يلااا فضيني

اشرت اي خزرني و اندار باوعلها صاك على سنونه

همست لاتباوعلها هيج اذا تضل على نفس سوالفك اني مااضل وياك

-يبه ويين مولي عليش تحسسني مانه صاحييي

- ذباح هاي كدام بيبي تريدني ابقى يمك تبطل مشاكل لان اني مو حمل هبطات ولا خوف

مارد عض شفته الجوه ياكل بيها ويباوعلي بغضب درت وجهي هز راسه اي شمر سلاحه وطلع

بيبي- اكف لك

- امري يالبدوية

-تاخذ حرمتك وتطلع تجيب غرفه جديده مجان هاي لوناوي تسكنها عالگديم

-قبل يومين حجزت الغرفة باجر العصر تصل

- تتهنون بيها الفرش وباگي الاثاث هدية صبحتكم مني

رفع حاجبه

ابتسمت وفتحت ايدها ضحك رجع حضنها اجت فجر مناك تهلهل ودموعها تنزل

سحبت ذباح حضنته وبجت وبيبي اجت حضنتني همست-بالمبارك يجده عساج بسبع سعادت وعوض بالي يسر خاطرج

دنگت خجلانا

-هموا اديكم نريد جاهل بساع لان ماضل بالعمر شي ولاحيل لرباته

-ان شاء الله بيبي

باوعلي ذباح اخذ نفس بتعب وضحك كأنما جان منتظر يسمع هالكلمة من دهر مني

بيبي - يله تهيري ابوج اتصل وكال من يكعدون العرسان جيبوهم وتعالوا اليوم غداكم يمي …

***رئال***

التبريد مثلج الغرفة  خانسة جوه الديباج عالدفو   نايمة بعمق فزيت  على نبره صوت هيذام هو ويخابر 

دخلت جوه الغطة اكثر ودرت وجهي للجهة الثانية كد ماصوته عالي والطرق التعذيب الي يأمرهم بيها مرعبة احس نومتي طارت فتحت عيوني صار كدامي بطل المي عالميز كعدت شربت ورجعت حضنت مخدتي اباوعله دااشوف وين يوصل  

وهو مستمر يتسنط اخذله ثواني وگله عفية بولدي دخلوا غرفة مية واحد …اريد  الاستجواب عالناشف ماريد نقطه دم … لاتخاف مايموت … لاتذكر كدامه اسم الدغش نهائياً… ابطااال  … كمل تحقيق وشمره جوه بين مااجي… بلغ الولد خلي يستعدون اول ماانطيك اشاره طلعون راح تلكوني كدامكم … ديربالك عالولد …

سد الفون شمره بصفه سحب جكاره دنگ ورثها انتجه جرني لحضنه خلاني على صدره واخذ نفس

-انت بس فهمني شوكت تبطل هالشغل

-ليش شمسوي

-لااا كلشي ماكو وشنو بابا ديشتغل وياكم

-منو جاب طاري اسم ابوج

-تغه سمعت وادغي ماطلعته لوماجنت غايد تستفاد من افكاغه ويساعدك بشغلك

-مم وبعد

-وبعد حغام هيج دتعذب العالم بس داافهم شنو انت شايلين عندك الاحساس لو كد دواعي العالم تحولت

رفع حاجبه

-هيذام والله من اسمعك هيج دتحجي اخاف منك

-تخافين مني رأل

-يعني انت تحجي كله بشغلات تعذيب مايعقلها بشغ وتجي ملابسك كلها دم ومن تنزل جوه تعيط عالحماية  وحتى تشيلهم من وجهم وتخليهم كلهم ميتين غعب وتگلي تخافين

-مااذي احد اذا ماجان يستحق الحرگ والحماية اذا ماازرع الرعب والشك بينهم  يغتالوني ؛الثقه والرحمة  موت بطيء نظف قاموسك من الاوغاد تعيش امن

-هسه المفغوض اتعود عليك  وتعايش ويه الوضع

-ماكو شي اسمه المفروض اكو شي اسمه اجباري دخلتي عالمي ماطلعين منه غير بموتي هاي اذا خلوج وراي ماشلعوا راسج

-ولاتحجيها بكل بساطة

-واقع لازم تتقبلي

-تغه اكدغ اعوفك هسه

-جربي تخطين خطوه وحده حتى اعلگج انتي وابوج وشرط باب الممر لخاطر اروح واجي ادمغ بيكم

-اشايف غوحك لاحسبالك بعدني ذيج غئال الي اخاف منك تغه بغاجدي واحد اسكتك شهغ

خله الجكاره بحلگه وباوعلي عرفت روحي جفصت

ضميت راسي بحضنه  انتظرت شوية ماحسيت اي حركه

رفعت راسي لكيته بعده يباوعلي رمشت  براءه رفع حاجبه ضحكت رجعني لحضنه عصرني حيل وكال كومي قبل لاراويج الراجدي  اشلون يصير

-والله  بعدني نعسانه

-من نرجع نامي

-جذاب ماتخليني هسه تكول يانوم باجغ غاح اعوفج عندي خفغ واذا غمضتي عيونج اشلعهن

-لامجاز يومين

-عزززه يومين تضل على كلبي

-بت الكلببب شمسويلج

-لاا ابد كلشي ماكو بس نوم ماكو وتجعص وتعضض وتعيط عليه تكول طفلة حالي حال دغع

-ليش انتي شحاسبة نفسج

-هيذااام

-يروح هيذام الكل يركض وراها وهيه راكضه وره لدغه حاملة  عيوب الدنيا بكبرها

-هيج اني بنظغك

-واكثر بس انعل ابو كلبي الذلني وراج وخالني مثل الطفل الخايف يفقد لعبه وروحه بيها

-شنو دتشوفني

-دعوة مظلوم بوكت الفجر صعدت لربها وردت بقوتها بنص كلبي

-يعني تحبني

مارد باوعلي مد ايده وخر شعري عن وجهي  بطراف اصابعه نزل على خدي يحركهن عالخفيف وصل لشفتي مسحها وهمس القضية الخلتني اتنازل عن رتبتي قبل اهلي

-لوغجع بيك الزمن

-بدل مااصرخ بوجهج اخذج لحضني وطلگ ضلوعج على كد الرگض الرگضته وراج 

-صدگ اطلبك افلوس البنزين الشمغته

- لازم ماكفتج الفلوس النهبهن ابوج رأل كومي بنيتي وكلام الله كوه لازم روحي عنج

-المشكله بعد ماخاف منك

-اهااا تجربين

نترت راسي بعدوم اهمية اخذ نفس من جكارته جمرت قربها يم عيوني بسرعة غمضت نفخ الدخان بوجهي ودنگ باسني من شفتي

بعدت راسي فتحت عيوني لكيت يباوعلي بتأمل

-عود هيج عاقبتني

-الوحيد بهالعمر المباح الها كل ممنوع ومستثنية من كل عقوبة 

-بس هيج غاح اتمغد عليك

-تمردي طفري عصبي سوي كل التردي  المهم اخر الليل تكونين بحضني

-وهذا حضنك اذا اشتميت بي عطغ وحده لو سمعت محقق ويه وحده اعوفه

عصر وجهي وحجه من بين سنونه اخر قضية جانت انتي الي خلتني احرم احقق ويه هالجنس قاطبتا

دنگ باسني من شفتي حيل دفعني وكام طفه جكارته وراح فتح الكنتور يطلع ملابسه

فركت خدودي -تغه والله بعد وكت

-ورانا فره من ضي لدسار لاهلج يله كومي

-لعد لاتلبس عسكري

-لاماالبس حتى حماية مااخذ

- شتكول غايه  اذا عغفت احنا وغه السالفة غاح تزعل منه

-اكو زمال يمشي وره سوالف دسار هو لوبي خير جان نصح نفسه قبل لايشمر  روحه هالشمرة

-هسه تلكي حتى ماما مشبعته دواعي ومسبة

-وراح تكملها ضي

دسأله شكو ورجع رن فونه دنگ شاله

كمت عفته يرد عليهم اخذت ملابسي رحت للحمام سبحت عالسريع وطلعت لكيته  يم الشباج  واكف يدكم بقميصه وعيونه بره رحت يمه صار المشتمل كدامي

حضنت ايده باوعلي همست تذكغ ذاك المشتمل

-مم جانت وحده بي  تسهر للصبح تدعي عليه واني مكابلها ادگ جكاير والعن بزماني محتار شسوي

-تستاهل اشكد توسلت بيك وبجيت حتى تخلصني دغت وجهك عني

-طعنتيني بظهري شليتي حركتي وكلتي اوكف

-وين اسماعيل

-اليوم طيارتهم هو وهبة

- عمتي زعلت مو

-محد اله شي يمي حذرتهم استهانوا خلي يحمدون ربهم خليتهم يشمون الهوا

-صدگ غاح اخذ غغفة اسماعيل اسويها لدغع حتى يكون يمي

-سوي التردي

-عادي ابدل اثاث البيت وانزل مكتبتي جوه

-هذا بيتج عسى ماتحركي محد يكلج وين تردين

-يصيغ ابدلك

-اخاف اشمرج وتنحسبين عليه روح

باوعتله بضوجة ضحك دنگ باسني وكال يله راح انزل استعجلي لان ضي خبصتني بالاتصالات

مسحت شفتي واشرت اي

رد دنگ باسني بقوه احس شلع شفتي وخرني عن طريقه راح اخذ سلاحه والفون وطلع

كملت عالسريع لبست حذائي وطلعت ورا نزلت ركض صارت بوجهي ضي لازمه اغراض التخرج بيدها  صاحت تره أخرتينا ورانا الف شغلة

-خليها الف واحد لان هيذام وافق ابدل اثاث البيت

-اااي هذا الخبر الحلو واول غرفه تغيريها غرفه ابراهيم

-غاح انطيها للمساعدات

-ههههه لاهاي قوية

-وغغفه هبه الكم انتي وازغ

-همم

-عمتي وين

-راحت للمطار تودع الربع يله امشي

طلعنا لكيناهم مشغلين السياره صعدنا كبل طلعنا للجامعة نزلت راحت تركض نزلنا وراها مد ايده هيذام لزمتها وبيده الثانية درع ورانا ابو ضي وامجد  دخلنا جانت الحفله مبلشه

كعدنا بالمكان المخصص دقايق ودخلت وكفت وياهم لابسه زي التخرج اشرتلنا من بعيد تضحك

نزلت دموع ابوها ضحك هيذام ودگدگ على ضهره بدت مراسيم الحفلة اباوع لفرحتها جانت  ماسايعتها وهيه تتنقل بين الطلاب كل دقيقة واشرت لهيذام بعيونها لمعة تكفي تبين كمية السعادة الشايلتها

وصلت لشمر القبعات  وكفت دااصور واسمع المقدم بالسماعة هو ويرحب بالضابط ازر

اندارينا لكينا ازر بملابسه العسكرية يمشي بهيبة ورا حمايته الي ترسوا المكان وخلوا الكل مخبوص؛

وصل قريب عن ضي وكف :نزلت القبعة مالتها تباوعله بستغراب ؛ طلع من جيبه علبة ودنگ كعد على ركبته رفع ايده قدمها الها  هو ويباوعلها  بتوسل

اشتغل التصفير وهوسة الطلاب وين وصلت   شالت راسها باوعت لهيذام ضحك اشرلها يلااا لج

نزلت دموعها ضحك ازر وكام لبسها الحلقة ودنگ باس ايدها

شمروا القبعات بنفس الوقت الي احتفلوا بيهم جان منظرهم يخبل هو يسمح بدموعها ويضحك وهيه تباوعله وتشهگ مامصدگة بالطريقة الخطبها بيها

اشرلي هيذام يله عرفته يخاف علينه  لان جايين بدون حماية شمرتلها بوسه بالهوا ضحكت واشرتلي بحلقتها

رجعنا للفندق على طول الطريق درع يهوس مامصدگ راح يرجع لبيت جدة ويشوف ماما ورايه  ويلعب بمرجوحة رؤيا ؛ هيذام يتسنط لسوالفه ويضحك على لهفته اشلون يحجيله عن حبهم وتعلقه بيهم

وصلنا للفندق اتصل هيذام بدسار دقايق وطلع يسحل برؤيا الي تمشي مغمضة وصل يم ابو الامنيات تركها بين مايطلع هويته ركضت دخلت للفندق  ركض وراها رفعها من بطنها گلبها على متنه واجه 

هز ايده هيذام وفتح الباب اله دنگ شمرها يمي سد الباب راح صعد بالكدام حركوا السيارة

اباوع لرؤيا گوة فاتحة عيونها صفت عليه واشرت منو انتي

-عزه فقدتي الذاكغه

-وين ماخذيني

دسار- انشمرج بأقرب حاوية

- الحاوية تعرف ناسها ماتلم ياهو الجان

-لايابت السطل

- سطل ولالفو خاين وطنه

- انعل ابو ذيج الليلة لابو البيت الجمعني بيج

- ديله الي يسمعه يكول ماكو هيج وهو جنه واوي متنكر بذيله

دنگ يمسح بوجهه

دارت وجهه باوعتلي عكدت حاجبها - منو انتي

- اني اختج

-ماطول اختي اتربعي دنام

عدلت كعدتي خلت راسها بحضني ولمت روحها مغمضة دنكت بستها اجه عطر دسار بخشمي اباوع لركبتها وخدودها ماكولات عضيت شفتي گوة كتمت ضحكتي عرفته مطلع ايام الحضر من عيونها

ثواني واندار غطاها بترواكته ورد كعد عدل يسولف ويه هيذام على شغلهم لحد ماوصلنا لبيت اهلي لكينا  ذباح واهله استوهم واصلين ديدخلون

ركنا سيارتنا  كعدت رؤيا نزلنا  شافت رايه وراكفة ركضت حضنتها وصاحت  كتلني وسحلني وشمرني بالشارع لليل كله ضليت بالبرد كاعدة

دسار- لاتنسين وطلعتج اتجدين

- حتى عشه مانطاني بعد لاترجوعني اله

-هو اكو زمال بعد ياخذج  يابه بطلت اخذوا بتكم  ورجعولي المهرر

-سمعتي هاي كدامج طردي يله

-ههه لاخوش قفاصة  وكلام الله ادججكم تردولي شكو دينار صرفته وفوگه تعويض  عالليلة الضيعتها ويه شكولج

-تعويض على شنو احمد ربك قبلت بواحد لفو مثلك كد التطفر اشتبهوا حتى بهويته  لوماخذتلي قنفذ الف مره احسن 

-ديله اشلونج انتي اقوى مشروع رومانسية عندج طلعين تسلبين

دمغتها ودخل باوعت لرايه بضوجة ؛ضحكت راية ورجعتها لحضنها تباركلها

وخرت رؤيا منها باوعتلي عيونها بيهن هواي حجي ابتسمت وحضنتها همست مبغوك يااحن اخت بالدنيا

-متفقات عليه رئال

-لان انتي اكثغ وحده بينا لازم تعيشين

-راح اكدر اكمل ويا؟؟

-وتجيبيلنا اطفال وبعد ماتسألين عنه لان غاح ياخذون كل وقتج وحنيتج

-خايفة اخسر الجهتين

-ماغاح تخسغين لان ذباح غاح يتحملج بكل حالاتج غاح يخليج تحبي بكد حبه وصبغه عليج

وخرت عنها

-بعدج مصره اذا صار عندي بنية اسمها رئال

-حتى اخذها لابني واضل الدغ بأسمائهم النهاغ كله

رؤيا- اكلجن شتكولن لو نطفر

راية - والله ماكو شي يخلصنا من ايد امجن غير هالشي بس وين نروح

- لبيت اليهودي البارحة سمعت واحد خابر دسار كله اكو ثنين خاتلين بي

-وشنسوي نروح نختل وياهم

-لانسلبهم ونبيعهم اعظائهم والله بيهم كومة افلوس

-رؤيا وجهج نظيف

-اي والله هذا الحيوان  اللفو صبح من الفجر سحلني  سبحني ومشطلي شعري غصب

-الله يصبره على مابلاه يله دخلن

-حرمات انتن تتسمن خوات

جرتها رايه دفعتها كدامنا دخلتها ودخلنا وراها  صار بابا كدامنا ضحك واشر اوكفن

وكفنا اجه ذباح مطبگ رداناته  يسحل بالخروف مده كدامنا سحگ على رجلي دنگ يريد يذبحه صاحت رايه لا ذباح خطية فدوه لاتذبحه

- جااشلون يبه انطبخه عدل

- لا موته بس موذبح

-اطگه جيله ؟؟

-لابدون دم

-اموته قهر ماكو غيرها رايه يبه بعدي لغاد لايلوحج الدم 

دسار - هضيمة هيج كائن بريئ يوكع بيد حيوان متزومل مثلك

ذباح - وروح ابوي امدك مجانه اسحگ ركبتج وعلمك التزومل اشلون يصير

-بس لاتكمز حتى لاسحلك واكسر فجك كدم اهلك

-وانه اريدك تجسر فجي دتعال

كام شمر السجينة راد يجيره صاح هيذام شكووو ولكم

دسار - جاي اكله تأكد من السجينة اخاف موحاده

-حلو دسار روح شغل البريمزات وانت اذبح يله فضنااا

راح دسار وذباح دنگ شال السجينة ذبح الخروف جوه رجلينا فتح اديه بابا ركضنه لمنه بحضنه بقوه دنگ بوسنا وكال اووف يبويه اشكد اشتاقيتلجن

رؤيا- ماطول هيج  طلكني طلع مو خوش ادمي

-والله ماكو واحد موخوش غيرج

-ابو جيس حب انت

وخرنا وباوعلها مصغر عيونه؛  عض شفته قبل لايتحرك ركضت لكفها من شعرها صرخت دسااار الحكنييي دنگ شالها حضنت ركبته بسرعة وكالت طبعاً انت احسن اب بالدنيا 

تركناهم واحد يشتغل الثاني بمكارته ودخلنا لكينا ماما واكفه عيونها علينه تباوعلنا بنظره لاتعرفها زعل لو لهفة

وكفنا نزلت دموعها وهلهلت؛  شاركتها هجامة وفجر بالهلاهل فتحت ايديها وشهكت ركضنا لحضنها لمتنا وبجت بصوت عالي مامصدگة استقرينا كلمن بيت واجيناها مسيرين

هجامة اطش جكليت على روسنا وفجر تهلهل

بستها حيل وهمست بأذنها المفغوض احنا نهلهل يامغت الدغش

دمغتني ضحكت ومسحت دموعها

رديت بستها ورحت يم بيبي  الي هم تبجي وتباوع لذباح فرحانة بي واخيراً حصل الرايدها واكف يضحك بين الولد ؛سلمت عليها و كلتلها الله يهنيهم

- ويهنيج يجده ويگر عينج بوليدج

-امين واجي اخذ حفيدتج جنه الابني

-يسمع من حلگج صاحب العوض

فجر- ولج يالخرزة تعالي ليه اباركلج

رؤيا- حضري واجب واجيج

-يااع جا وهذا الطلي

- هذا ذباح جايبه يذبحه جوه رجلين مرته اني شكو ؛فجرر ورقي مايفيدج هالحجي

-غدي ولاتنعدلين

اشرتلها بيبي تعالي عافت فجر واجت سلمت عليها

صاح بابا اميراتي جيبن الكراسي من جوة ؛ركضنا دخلنا للصالة طلعنا الكراسي ناوشنا وجبنا افراش  للنسوان فرشنا كعدن عليه

رايه طلعت المخاد توزع بيهن واني واكفة بيدي كتابي الجابليا غزوان مااعرف ليش لازمته بس اريده يشاركني كل لحظة من حياتي

واكفة گوة كاتمة فرحتي اباوعلهم اشلون كلهم ملتمين ذباح يصلخ بالخروف وبابا ودسار استلموا الكدور حتى هيذام طبگ ارداناته وبلش بتگطيع اللحم

اخذت نفس وكعدت عيوني عليهم اصوات ضحكهم وهوستهم   وين واصل بالاخص من خلوا اللحم بالكدر وجابوا المنقلة ويستعدوا للشوي 

مر وقت بين سوالف والشوي وطفر درع بين بابا وماما لحد ماصاح ذباح يبه راية الملح

كامت رؤيا راحت گعدت يم دسار ورايه خذت الملح وراحت لذباح

اشرتلي فجر وشمرتلي جيس صغير من قماش  عرفتها رسالة غزوان السولفتلي عليها راية

اخذتها بسرعه لميتها بيدي درت وجهي لراية لكيتها واكفه يم ذباح لازمة دبة الملح وهو مجتف يباوعلها ويحجي وياها بهمس صح مااسمع شنو بس مبين غزل من خجلها 

اباوع لعيونه ترد تاكلها يباوعها بنظره كأنما كل احلامه كدامه

ابتسمت ودرت وجهي لدسار  لازم شيش المعلاگ ينفخ القطعة ويخلي بحلگ رؤيا خايف لاتنجوي تاكلها وتضربه يمسح وجهه يهدأ نفسه ويرد يسحب وحده لخ  ينفخها  ويخليها بحلكها وهيه تاكلها وترجع تضربه

ضحكت صار بابا كدامي يهفي للمنقلة وعيونه تتنقل من ماما النا مثل المامصدگ تحسه يريد يضمنه بكلبه كد ماخايف لايرد يفقدنا مره ثانية

ابتسمت دنكت باوعت لكتابة ورسالته بيدي نزلت دمعتي مسحتها بسرعة رفعت راسي صار بوجهي هيذام ابتسم و اشرلي تعالي

كمت رحت يمه عدل كعدته لزم ايدي باسها وكعدني يمه - شنو هاي بيدج

-كتابي وغسالته  لغاية

- والرسالة ليش عندج

-لان البيها ماغاح يخليها تطلع من الماضي

-وبهاي راح تنهين مذكراتج

- مااعغف بس داحس استونا بلشنا؛ شنو جان صاغ لو جنت مصدگني

- ماجنت كعدت هالگعدة ولاشفتي هالمة ولاسمعتي هالضحك

-يمكن جان مافقدنا غزوان

-غزوان بيها وبلياها جان خالي جاسم وغيمة براسهم بس منتظرين يحصلون سعر زين بيجن وينهوا

-اشلونهم

- وصلي اخبار جاي يطلعون للتجدي الضاهر حالتهم زفتت حتى افلوس علاج ماعدهم  الي يخلي غيمة تخلي بعربانة وتطلع بي للتقاطع من الصبح لليل لخاطر كم دينار ياكلون بيها

ذباح -  ابو دررع حدر يخوي خلينا نبعد هالجدر لغاد لاينجوي الجاهل

خله الجكارة بحلكه وكام  بعده مامتحرك  ورفع دسار السلاح بوجهه وصاح مكانك خطوة ارميك

ذباح -  لاخلي يفيدنه  نطلب فدية من الدولة بي

بابا- لا نبيع اعضائه بيها فلوس اكثر

همه يحجون وهيذام بحركة سريعة ضرب ايد دسار ولفها  اخذ السلاح شمره على بابا وكله عيونك عليهم بعدهم خام يعتازون هواي نباها و تدريب

بابا - نام الاسد قليلاً  فضن الذئب انه ملك الغابة

-راقب عدوك بصمت وابتسم بوجه اكثر من ان تتكلم لان الثرثه لاتنجب سوء الفشل والهزيمة

-انت بس انطيني الراية البيضة

- لخاطر تخليها رماد بعد لاهفك بنسبانك  اجيبكم عدل بنفس الزنزانة

ضحك واخر عن طريقة  راح دنگ شال الكدر ويه ذباح وبابا دنگ يشغل لبريمز الثاني

اجت رايه گعدت يمي خلت راسها على متني طبگت الرسالة خليتها بداخل الكتاب انتبهتلنا رؤيا اجت كعدت يمي طلعت المناظر من جيبها وكالت هاي هم خليها عندج

رايه- منو گلج تاخذيها من غراضي

- لان اجه الوقت تكون بين اغراضه بمكتب رئال ويه دفتر مذكراتها حتى من يجون اولادنا ويشوفوهن بدل مايملون گد مانذكره الهم يطلبون نسولفلهم عليه

-شدتشوفين وين وصلنا 

- اكثغ من الجنه نتمنى

-هذا بيتنا وهاي لمتنا وهذا صوت الضحكه الجنه نتوسل نسمعها

- طلبنا امنية عوضنا مكان كل دمعة  حلم

-راح ننجمع كل جمعة بحضن ماما يم الصوبة

-وناكل لفات من ايديها ونسمع رئال هيه وتقرالنا وبعدها نروح لفراشنا انام بحضنج نسولفلج على مشاكلنا طول ايام الاسبوع

عصرت ايديهن وهمست اشتاقيتله

رايه -كال ذباح باجر اخذكم كلكم ونتغدى يمه

سكتنا صار هدوء دقايق واسمع رؤيا دندن صغيرة جنت وانت صغيرون

- والحب عرفنا بنظرات العيون

نزلت دموعي حضنت كتابي وشاركتهن بنفس الصوت - كالوا تغة ذولة يحبون من الصغغ لمن يكبغون

هنه يغنن واني غمضت اتخيله بعده يمنا يعدل بمناظره يباوعلنا ويضحك بحنية

استوني داابتسم قاطعتني رؤيا وهيه تصيح راية بعدي رجلج عن رجلييي

فتحت عيوني لكيت دسار يتماطل ويه ذباح وهيذام متجتف يباوعلهم

رؤيا -مو ويااج احجي

راية -وجع هو رجلج جنه قرد يطفر بس يريد يتعارك گوة

-لو مارجلج متحركش بي مايتعارك بس شبعان مدمغة منج وجاي يطلع بطولاته كدامناا

- تركج منهم وباوعي لهيذام اشلون يباوعلهم

-والله داحس يغني شجابني لهيج دنيا ويم ناس تعبانه

-ههههههه دباوعي لبابا اشلون يدخن ومتشمت بي

-والله ياهيذام اله يوم يسفط ابوج ونسابته  يلبطهم لبط يربيهم روحه وجيه ويرد يدفر اللدغة  يجيبها ترس بحضنج وينعل الساعة التورط بيها

-محد ضربة على ايده لاهو ولا دسار اثنينهم توسلت بيهم وفوگ هذا نصحتهم يستاهلون خلي يحملون  مصايبهم وهمه الحبابين ماكو رده بعد مااستلم احد

-بربج ذولة  شلون حبيناهم شنو ماكو زلم لو من كثر الصدمات الجنه بيها ماشفناهم عدل

باوعتلهن وهمست لاا لان حشاجن غبيات

دترد وشحطت سيارة يمنا ثواني واندگت الباب حيل راح بابا فتحها دخلت ضي كالبه خلقتها وراها ازر اشر هيذام شكو

ضي- هيذام اريد افسخ العقد

-شمسويلها لك

ازر - الله وكيلك كلشي ماكو سحلت اهلي سحل  على طول الطريق نعلت ابوي  حلگي مافتحته

-حلو وانت شبيج لج

ضي- من رجعنا جنت دااگلب بالفون شفت غرفة بيضه بس كلتله اريدها هاي حلوة صاح بوجهي تقبل انت يصيح بوجهي

ازر- بت الاوادم اشوكت صحت كلتلج الغرفة جبيرة ماتكفي قياس العدنا ناخذ تصميمها وتنوصي مثلها

-واني اريدها هييه لو مااتزوج

-يله حلهااا

خله الجكاره بحلكه هيذام وكال سهله بابا ضيون اخذي الغرفة المقابيل غرفتي

كمت صحت ياغغفة هيذااام

-حبيبي اخذي غرفة ازر  مكانها كافية على درع

-لااا

ضي- انجبي هيذام كال بعد انتهت

- مو هيه بكيفكم

ازر- ابوس ايدج عديها بس اتزوج دخل الله ودخلج وانوب سحليها من شعرها وشمريها

- هاي بس علمودك غاح اسكت واله اني كاغهه اشوف وجها مواصبح بي

-حتى اني بس شنسوي يبعد اخوج اتورطنا

اتخصرت ضي دنگ حك كصته  ضحك بابا جرها باس راسها وكال عوفيهم ودخلي جوة اذا ماخليتهم ثنينهم  يبوسون ايديج ماكون ابو عگرب

ضي - ضالة وياك عمو وذولة اطردهم وكلهم بعد لايجون لبيتنا

اشر على عيونه

ضحكت ضربها على راسها اجت شمرت نفسها يم رايه  حضنت ايدها وهمست اووف اشكد مشتاقتلج

راية -يعمري البارحه النهار كله  تكمزين على راسي اشوكت لحكتي تشتاقيلي

-هيه ام لدغه وين تخلينا نگعد براحتنا كلما اتشوفنا كاعدين جابت كتابها وگعدت بلشت اتغوغي بقصة مانفتهم منها غير الامير المهتلف واميرته المسحتله

- وانوب بابا يأيدها ورجلها كاعده عالترميشة الي بي حظ يكلها كافي بسرعة تتصل مبرطمة

- الاسبوع الاخ مانخليها تدخل للبيت

- لمشكلة ماتحلى السهر بدونها

- اي والله صدگ عمممه جبتيلي روبة

فجر- اي يبعد عمتج روبتها خصوصاً الج الخاطر تكفيج اسبوع كامل لبين مانجي الجمعة

كامت باستها ورجعت كعدت يم ماما خلت راسها على متنها حضنت ايدها وغمضت

ماما- شبيج  يبعد امج

-تعبانة من الصبح لسه مرمط كلبي ازر مايقنع بأي شي اختارها

-ولج مكسورة الركبة وين مرمطج دشوفي اشلون تعبان كوه واكف سودة عليه والله البارحة كسر كلبي من اتصل برافد يگله احجي وياها وعلي تعبت محتار اشلون ارضيها 

-خو عمي ما وكف ضدي

-لايعجبج گله راح احجي وياها بس ياازر اذا سمعتك مزعلها مومنزل دمعتها اني الي اوكف بوجهك وطلع كلب ابن كلب اذا خليتك تشوف ضلها مو تاخذها

-الله يحفظه النا الي مسويلنه هيبة بينهم وخالهم كلهم يتراجفون لايايسويها ويحرمهم منه

-هو منو الراح يطيح حظجن غير دلاله وانت يمه  رايه سوي لفه لدرع جاع

اشرت اي وكامت دنكت داخلي الكتاب يمي وما شوف غير رؤيا كامت بخطفة عين راحت دفعت دسار من ضهر بقوتها  شمرته بالحديقة وركضت ختلت ورا بابا الي فتح ايدي يحميها ويباوع لدسار بخزرة

وكف دسار متخصر ياكل بشفته دنگ ازر شال الجفجير خلا بيده وذباح اشرله روح  احنا بظهرك 

ضحك هيذام عرفهم يردون يورطوا رجع گعد يمي انتجه خله جكارته بحلگه وعيونه عليهم لان بلشت الهوسة والضحك

مر وقت كلمن لازم شغلة واصوات ضحكهم وشقاهم وين واصل لحد ماكملوا طبخ وكعدوا كل واحد بجهة باوعت لهيذام اعرفه مامقتنع بهيج اجواء بس متحمل علمودي  حضنت ايده وانتجيت عليه دنگ باسني وكال شبيج يروحي

- داسألك  شنو صاغ بسالفة قضيتي

- بعد هذا المنظر الصراحة قررت ارد ادگج كلبجات واشمرج بالحجز وانعل ابو اليكول حولوها لمكتبي

- وتغجع دز عليه بليل بحجت التحقيق وتظل تستفز بيه لحد ما اتجاوز حتى  تجعص وجهي وتعضني

-انغشيت

-صدگ هيذام

باوعلي وبرطمت ضحك دار ايده عليه لمني لصدره بقوه دنگ اخذ نفس باسني وهمس قضيتي الدگت ويه النبض

اخذت نفس من صدره احسه دخل روحي رد باسني وعدل راسه خله الجكاره بحلگه

حضنت ايده حيل ابتسمت واني اباوع لدسار اشلون منتجي خال راس رؤيا بحضنه يباوع وياها بالفون ويلعب بشعرها

ذباح مجتف يسولف بهدوء ويه راية وعيونه عليها تحسها يريد ياكلها كد حبه الها

درت وجهي صارت ماما كدامي خاله درع بحضنها وبابا كاعد نص كعده كدامها تكول عصافير حب يسولفون ويه درع وعيونهم تلمع نظرتهم وحدها تثبت شنو الحب واللهفة الشايلها الواحد للثاني

اخذت نفس وعدلت راسي عيوني على ازر وضي الي يگلبون بالبيجات يجهزون والضحكة تارسة روحهم مامصدگين واخيراً  انجمعوا وديحضرون لزواجهم 

اصواتهم ومنظر جمعتهم يخليك تحس نفسك عايش بجنة  بعد ما بدينه نفقد الامل والحلم صار شبه مستحيل ؛ غمضنا نستعد للنهاية ماعرفنا ربي ظاملنا  العوض وهو اكبر من امنية ترجيناها بيوم وتناست  بمرور الوقت

رجعت ضميت راسي بحضن هيذام عصرني حيل غمضت نزلت دموعي عاجزة عن شكره

وهاي قصتنا مثل الاف القصص الي جان مشورانا بيها عبارة عن الم وخذلان بأرواح مكتومة وعيون  مابيها غير الضياع نخاف نخطي خطوه تكون نهايتنا بيها مو خوف من الموت لا بس خوف على الي تنزل دمعته ورانا 

بجينا وتأملنا بتوسل ويأسنا للحظة نسينا ان من اعطى الروح وامرها بالصبر يخبئ لها عوض تبكي لها العين من شدة فرحها

صار الوقت نودع ابطالنا ونتمنالهم حياة سعيدة

صح راح نشتاق لحب هيذام لقضيته 

ولقب خرزة البتاوين بلسان اللفو

صبر ذباح على راية

ونظرة الدغش لاميراته

بس لكل بداية نهاية واجه الوقت نغلق ملف قصة عشنا وياها اجمل ايام واحنا نشاركهم  بكل لحظات عاشوها من فرح وحزن

ولهنا  نطوي اخر ورقة من شيء من رصيف الدم وندوعكم

اتمنى نالت رضاكم انتظرونا بقصة جديدة

الكاتبة: ليو الفتلاوي

ملاحظة : هواي اجت مسجات تطلب حساب مني البطلات؟؟

حجيت ويه وحدة من البطلات وافقت تدخل للتلي اكثر من هيج مااگدر اطلب منها ؛ اضل سالفة الحساب يمكم تگدرون تقنعوها بطريقتكم

/حساب التلي مثبته فوگ بحسابي الانستا /

شيء من رصيف الدم

بقلمي :leo Alfatlawi

بارت الاخير الجزء الاول

****رئال****

رؤيا تحجي وماما كامت فاتحة عيونها على كبرهن من الصدمة اشرت شنو جاسم

رؤيا - والله هذا الصار وهااا احنا ماجبرناها بس خيرناها مع العلم نصحناها بس هيه ضلت مصرة قابل نكسر بخاطرها ونعترض طبعاً لااا مهما يكون تضل بت خالنا العزيز

ماما -بشنو خيرتيها ولج وخليتها هيج تشمر نفسها

- شمرت نفسها شنو ليش تحسسيني جاسم موخوش ادمي وين محصلة هيج واحد موجانت تتزاود وياج عليه وهاي احنا سلمنا الها على طبق من تعفن وفوگه هدية بيت البتاوين

-رؤياااا بشنو ساومتيهاااا

-بين نشتكي عليها وتدخل السجن واكيد القضية تتسلم بيد ضابط ابو درع او تاخذ جاسم وتعيش حرة

-واشلون صدكت بيج ووافقت

-غصباً عن عشيرتها مااگلج مالطمت وملخت نفسها بس من شافت الشرطة جاين عليها واني وهجامة اتحضرنا حتى نشهد كالت موافقة بس لاتخلوهم ياخذوني

راية - شنو موقفها من شافت جاسم

-نفس موقف جاسم من شافها وتقزز منها وعقد عليها وهو ابو الراهي بحيث اول ماطلع الشيخ تفل بوجها

-اشلون صارت حالته

- يعني هو رايح الالم بس شكله مرعب ومقعد يزحف زحوف عايش بين القذارة؛ اخته ماتوصله غير مرة وماصدكت شافت غيمة عوزها تهلهل خلصت منه

-اخاف كم يوم وتنهزم

-وين تولي مشوهة ومعاقة ولا تخافين اخت الحيوان كاعدتلها كعدة لان تريد تخلص من خدمة جاسم وهاي جمعنا راسين بالحلال يعني شنوو رئوول

همست يعني ضمنا بيت بالجنة

راية - مو بيدجن يضل رسجن يهودي مطعم بالمافيا

رؤيا - والله جنت خايفة من ذباح مايقبل صار اسبوع اتوسل لحد مابدأت ائيس مصمم يجيبها وياخذ حقه عن طريقته الخاصة

- وهذا الجنت متأكده اشلون قبل

- سولفتله اشلون باعتج واشلون جانت تعاملج وذكرته بزواجج من ابوطبر ؛ وحجيتله عن عيشة جاسم والخدمة بذل اشلون تسوه راحة السجن والاكل النومة بأمان بالف مرة

-بس غيمة ماجان الها ايد بموتت هيام لان هيام صدگ ساحبها الماطور وهيه الجلبت بيها

-بس هيه الدخلت الولد على رند وخلته يغتصبها لحد ماماتت

-اشلون خليني هجامة تشهد زور

-انطيتها ثوب رنود وكلتها اخيتي جوعانة تريد خبزه اذا عندج انطيها بلكي تبطل بجي وتنام

نزلت دموعي اخذت نفس مدت ايدها مسحتهن وهمست هاي العيون بعد ماتشوف غير الراحة خلص الكابوس الجنه بي وهسه لازم نعيش ونعوض نفسنا عن كلشي مرينا بي

همست بكسره والراحوا منو يعوضنا عنهم

-الي اخذ منج لوماجان ضاملج عوض يمسح دمعتج ويرسملج مكانها ضحكة ماكسر كلبج عليه

-محد يعوض مكانه

-بس يملي وينسيج بأول كلمة وهو يصيحلج ماما ماراح اضغط عليج ولااگلج شي غير انطي فرصة لنفسج لاتظلمها اكثر وهسه يله لازم نروح لان بابا منتظر

-لاروحوا انتي ورئال اني انتظر عمتي فشلة لازم اسلم عليها

-ههه تسلمين على عمة لو تتشكرين من اخوها وتودعي

سكتت ودنكت

-قررتي ونهيتي الامر مو ؟؟

-لان مااكدر اظلمه وياي

-تعودتي على وجوده بحياتج ماراح تكدرين تبتعدين عنه حتى لوفكرتي تنسي كل ماتشوفين طفل راح تذكرين لهفته لابنه الي خسره علمودج

-لان جان غلطة

-غلطته الوحيده حبج لاماحبج ذباح عاشگج ومستعد يسلم روحه للموت بكلمة منج موبس يبتعد اذا طلبيتي منه؛ بس مايستاهل تعذبي هالشكل

-كافي رؤيا

-براحتج احنا رايحين بس لا تنتظرين ماراح يجي لان مايكدر يشوفج وانتي تهدي بگلب بارد بعد ماهد الدنيا لخاطرج

اباوعلها دارت وجهه عيونها مليانات دموع؛ اشرتلي رؤيا يلااا

هزيت راسي لزمت ايدها سحبتني مشيت وياها تركت رايه وراي بدون لااحجي وياها لان ادري بيها محتارة اشلون تعتذر وتشكره بنفس الوقت

طلعنا لكينا بابا واكف تكول ممثل عصابات هوليود مطبگ رداناته امجتف ومنتجي عالسيارة شخصيته صارمة ولون شعره ويه نظراته غصباً عنك تخليك تفتخر وتحسه الرعب الراح يسحگ الكل لخاطر يحميك

اباوع لعيونه جانت عالباب كلها لهفة كأنما منتظر احد يطلع ورانا من شاف بس احنا اخذ حسره ونگ عدل وكفته فتح باب السيارة وصعد احنا هم رحنا صعدنا شغلها بدون لايباوعلنا لو يسأل مثل المتأكد هالشي

رجعنا للبيت على طول الطريق ساكت لحد ماوصلنا ركن سيارته يم الباب نزلنا دخلنا للبيت استونا دنسأله شوكت يجون وسكتنا على منظر الطارمة

وكفنا متفاجأين على كمية الهوسة مگلوبة كله كراسي وطبلات باوعت الهن رؤيا وردت باوعت لبابا ؛ رفع حاجبه واشر شكو

-اصلاً جنت اتشاقه وياكم انتوا ليش هيج صدكتوا بسرعة بابا جذب ماريد تزوج

ابتسم ودنگ راد يروح للمطبخ ركضت صرت كدامه رفع راسه باوعلي بحسرة همست شبيك بابا

- مابيه شي راية ليش مااجت

-تريد تودع ذباح

-هه ماخذه طبع امها بالانانية وصلابة الگلب

- بس بعدهن عيونك عليها

-وادري ماترد واسنين واني اسولف لگلبي بس جيبي اليقنعه

-مجغوحة منك

- ماجرحتها ولاعمري فكرت أذيها ضحيت بنفسي حتى احميها ضيعت عمري بمكان موالي بس حتى ارضيها و يبرد كلبها عني

-شنو سويتلها

-وداعتها الي ماعندي اعز منها بگلبي مااوصلت يمها؛ ماكو واحد يأذي روحه وهيه موبس روحي عيوني الي اشوف بيهن

-لعد ليش هيج كاغهتك وبعدتنا عنك

-لشغلة مالي ايد بيها وهيه متأكده منها بس صفت ويه الغريب عليه وشمرتني بتهمة وعاقبتني بالموت بس لان حبيتها من صدگ وسلمتها رگبتي

-بعد كل هذا ولسه تحبها ومتأمل تغجعلك

-ماكدرت اكرها سنين واني عيوني بالباب كل يوم اكول هسه يرف كلبها وتجيني اغمض عيوني اتخيلها اجتني وتلكيتها ضميتها بحضني وشكيتلها فراكها شسوه بيه

-هلكد تحبها

-ماحبيتها اني دخلتها روحي وتقاسمت وياها العمر

-جانت تحبك بكد ماتحبها ؟؟

هز راسه ماادري

-غاح تجي وطلع كل الي بخاطغك كدامها

-اطلعها من كلبي اسهل

-شنو يعني

-يعني من تجي لاتخلوها تروح خلوها يمجن اني الي اطلع

-وتعوفنا من جديد

-اشلون اعوف اميراتي صح ابعد شوية بس قبل لاتعتازني تلكني بظهرجن واشوكت ماشتاقيتلي تعالن تلكني منتظرجن

-يعني هاي هيه حسمتها

ابتسم وهمس من زمان انحسمت بس الواحد كد مايشتاگ يغشم نفسه لحد ماينصدم صدمة من قوتها تصحي وترده لحساب اسنين ليورا

وخرني عن طريقه ودخل وهذا الثاني هم اخذ قراره وبدأ يحاسب نفسه على سنين جان عايش بيهن بالوهم

انداريت لرؤيا الي تاكل بشفتها اخذت نفس واشرت شنو هسه

رؤيا - جان المفروض حتى احنا نحاسب ماما عالسوته بينا واشلون خلتنا نعيش كل هالسنين بذل وظلم

-ماتعغفين شنو البينهم

-ولااريد اعرف حتى لا اكره ماما مهما صار جان المفروض تفكر بينا مااكلج بابا ملاك لا واحد غاضب ربه بكلشي محرم بس الي يحب بهالشكل هذا مستعد يضحي بروحه موبس ينعدل ليش ضيعته وضيعتنا ويا

-لو جنتي بمكانها واكتشفتي دساغ نفس شغل بابا تقبلين تضلين ويا

-وانتي ليش مقتنعة انو زلمنا انظف من ابونا اذا بابا يغلط لخاطر يعيش ذولاك لااا لخاطر يرضون غريزتهم الحيوانية ويشبعون طاقة الشر داخلهم تره هيذام اكبر مجرم بالتاريخ مضروب بي المثل بشاعة تعذيبه تدرين كم واحد ميت جوه ايده لولا

سكتت

-ودسار مو اقل منه شر اذا هيذام كدام العيون يشتغل دسار بالخفي تعرفين على كم منظمة بيع للاعضاء ساكت عنها وكم واحد ديموت كل يوم بسببه بس لخاطر يوصل عن طريقم للاكبر منهم انوب عود يرجعولهم من تگليله ليش ساكت يكلج لازم نسيطر عالراس الجبيره حتى نقضي عالباقي

- وذوله اثنينهم ما يأذون الماعنده ذنب وكل اليموت جوه ايدهم يستحق الموت جنتي بنص البتاوين وتعغفين شنو همه اذا احنا فقدنا اثنين هناك اكو ناس فقدت عوائل

-مااگلج مايستاهلون بس داكلج لاتحكمين على احد انتي ماتعرفين عنه شي وبابا ما اشتغل لا بالكتل ولا بالتسليب ولا حتى بالممنوعات وهذا شغل الرجولة والشطارة محد يقربله غير الزلمه وساحگ بالموت لهيج ضيعوا لان مثل هذا يوقف شغل حثالة هواي

-هسه شنو نسوي

-ابوج جذاب لان اليحب ماينسى ولا يتنازل لو تخلين السجينة على رگبته وهسه اثبتلج

-مافهمت

-راح اتصل برايه اتفق وياها احنا نطلع وهيه تجيب ماما بوقت الي يرد بابا وتحبسهم جوه داشوف اشلون واحد راح يدير وجهه عن الثاني

-وين نغوح

-انجدي لو نبيع مي بالكبور اي مكان

-امداج بلكي اعيالج يشوفوج حتى يغسلون وجه دساغ بالتفال على هاي القسمة

- تركي التجدي وتعالي نسلب والله بيها خوش افلوس

- مو بيدج اتحبين التلطلط بالشواغع عوفج من هذا عقلج المعفن وتعالي وياي لبيتي ناخذ ضي ونطلع نشتغي كم شغله النا ولماما وهم اعدل شعغي

-بس بشرفج خلينا ندخل اريد اسلم على شريجتج ذيج المره مالحكت اخذها لحضني

- شكد شفت ناس ماذية بس مثلج هيج ينتعش على المشاكل ماكو

- وقز القرط غير ادافعلج ضايع بيج المعروف صدگ من كالوا اتفل بوجه قبل لاتسويله شغلة حتى اذا نسى وكفتك تذكره التفلة

- امشي لج دناخذ فلوس من بابا هم يالله حتى نلحگ نغجع ونظف

-روحي انتي بين مااخابر راية

هزيت راسي دخلت جوه هدوء ماكو صوت رحت لغرفه بابا دخلت لكيته كاعد منتجي على رجليه مدنگ بيده مثل القراصة يحرك بيها

على صوت دخلتي رفع راسه عيونه حمر والهم واضح عليه؛ بسرعة ضم القراصة بجيبه وكال ها يروح ابوج رايده شي

- اي اغيد افلوس اطلع اشتغي كم شغلة

- تأمرين بس انتظريني دقايق اروح واجيكم

- لاا اذا ماعندك افلوس مااغيد لا تداين مابيهن شي ملابسنا

- بناتي مايلبسن غير من احسن الماركات ومايعيشن غير اميرات

صاحت رؤيا جنك حميت ياابو البنات

- بلكي تذكرني بخير وتكولن ابونا سوه كل الگدر عليه ماقصر ويانا

همست والله مانذكغك اذا عفتنا من جديد

- لاتذكرني بس لاتكرهني ولاتصدكن اي كلمة تنگال بحقي لان جنت خالجن بين عيوني بكل خطوة اخطيها؛ وانطيت روحي واعترفت على شغلات تكسر الضهر بس لخاطر احميجن

- حتى لو جنت اسوء واحد بالدنيا انت بعيونه احسن اب وعمغنا ما غاح نحاسبك على شي غيغ بعدك عنا

-امجن احق بيجن مني

نزلت دموعي ابتسم كام حسبني لحضنه دخل رؤيا اجت طايره ضربته وصاحت اصلاً احناا انكرهك ومانريدك يمنااا

بابا -حتى اني مختنگ من شوفت وسخ وجهج كدامي

-لعد ليششش رجعت

-غلطة

- اتمنيتك مو ابوي جان علمتك اشلون تكول غلط روح لك ولا ترد بعد

- هههه رايح يالخرزة تأمرين بس قبلها اكرص اذن الزمال الراح يبتلي بيج واسلمج بيده

-هم راح يستضعفني و يظلمني

-اشوكت ماحسيتي بي تغير مو سمعج كلمة هفي دفره وردي لحضن ابوج وانعل ابو اليطلع ورا لابو اليردج اله

باوعتله صفح ضحك وفتح ايده ركضتله لحضنه ضمنا دنگ بوسنا وهمس اووف يبعد ابوجن اشمعزتجن

رؤيا- اوعدنا ماتعوفنا حتى لانرجع ننكسر

-بنات ابوجن حتى بغيابه قويات وهسه يله وخرن لاتأخرني وجهزن نفسجن حتى اول مارد اوصلجن لان عدنا هواي شغل

- هسه نرتب الطارمة

- لاتركن كلشي راح اجيب عمال يرتبون بس حضرلي لكمة لان ميت جوع بدون ريوگ لسه

- رايه واليهودية راح يوصلن خلينا نستغلهن لان شكلهن مو مال دلال مال واحد يكرب عليهن ويسحل بوجوهن هذا المتباهيات بي الگاع

- بطلت لاطبخون اني اجيب وياي بس اتحضرن

- لايا ابو گلب الحنين سمعت راح اتعبها بسرعة انسحبت لا سبع خوش هدات بيك ابو عكرب

كز على سنونه عصر وجها دنگ باسها ؛ دمغها وطلع هزت ايدها وهمست والله هواي على ماما بس شنسوي حظ عدها اليهودية

اخذت الفون دزيت مسج لامجد يجينا ورجعت اتصلت بضي تحضر نفسها

وكفت اتلفتت بالبيت كله نظيف ميعتاز شي انداريت دفعت رؤيا طلعتها بره حتى لاتوسخ بين ماسديت باب المطبخ درت وجهي لكيتها بالحديقة مدنگه تشلع بالثيل اني هم گعدت خانسة عيوني عليها لان ادري بس احجي انكتل ومحد يفزعلي

مر الوقت واني على گعدتي عيوني تتنقل بين الحديقة الدمرت عشيرتها وبين هوسة الكراسي والطبلات المطشرة شايله همه اشلون راح يرتبهن وحده لمن انفتحت الباب دخل هو ويا واحد افريقي ضخم شكله يخوف مبين من جماعة المافيا

طفرت رؤيا تلكت بابا كمت رحت وراها اباوعله انطاها افلوس دفعت ايده و همست مااريد افلوس اصلاً الزواجة كلها كنسلها بس شغلني يم هذا والله افيدكم ايدي خفيفة بالبوگ حتى بالتسليب شاطره

بابا - اي يروح ابوج بس بالبداية ضمي الحكومة بجيبج حتى طفرتج تصير اخف

-هيج تكول

- اي ويله طلعي لان حماية اللدغه منتظركم ولاتتاخرون وعيونج بأختج لاتخلين رجلها يضحك عليها بكم كلمة ويدخلها لبيته قبل لاينسحل

- افاا ابو عكرب بدون لاتوصيني غير الله جابه اذا ماطلعت ايام التحقيق من عيونه مااتسمى خرزه البتاوين

- مزبلة البتاوين يبعد ابوج

- هذا نفسه وجهي الوسخ الماعاجبك وگع اشطر واحد بالمخابرات

- نفس الوسخ ونفس اللسان منين اطلبيها يبت اليهودية

- عزه والله عرفتك من كل دقيقة تغسل وجهي جنت مضطهد بوساخة وجها

- وياريت غزر وياها صرفت عليها نص نهر دجلة تالي سلمتني تسليم اهالي

- امسحها بوجهي هيه دوم مفشلتنا كدام الغرب

-وجهج مامعوز قذاره يبعد ابوج يله انقلعي

دفعها صاحت موصوجك صوجي اني الكلت خطية يجوز عنده مشاعر خلي اواسي

دنگ شال الكرسي طلعت تركض هز ايده شمر الكرسي جرني دنگ بوس خدودي ودفعني وراها

طلعنا وهو عيونه ورانا يباوعلنا ويبتسم احس حنية الدنيا كلها بعيونه صعدنا بالسيارة حركها امجد بدون صوت طلع بينا يمشي بلا نفس لحد ماعبرنا الشارع باوعلنا بالمراية واشر سلااام

رؤيا - هلا بالسبع اليسلم بالختلات

-اذا ابوج رافد الدغش ورجلج ابو الليل ناقص بس امج تكون من جماعة الويب

-مابعدت هواي اترك سوالف الكبار اشمرلي جكارة

- من گبر جدي اشمرلج بهذا وجهج المصندح حتى ثواب مابي

-امجد اطلع بالنظيف

-ورقي الجكارة بالف لان السوگ صاعد هالايام

- خايب ماتنجب جاي تسفطهن علينا واحنا ولد المنطقة

- ماطولج هيج يله وهاي السياره وكفت نزلي اشتري

- حتى تصورني حيل اشكد قديم انت لخاطر ربك كمل طريقك وحافظ على ملامح وجهك افضل مااخليهن بجيوبك

- انوب اسمها رؤيا انتي محيسن هواي وياج بربج شكاتبين بهويتج

- كسارة روس الزم

-من هيج جنج كرك مزنجر

-اني لوعندي وجهك اختل بالحمام مواطلع واسولف خرب بالثقة الخلتكم اطفرون جنكم ذيل بريص مطبور وانتوا واحدكم هواي عليه اسم فرخ طراح

- مال اتفل بوجه اللدغه على كد النعوصة السطرت راسي بيها وهيه تصيح اين اهلي من هم اخوتي امداج بين الثولان يله هاي اختج لو ضاله على فقدان الذاكره مو احسلج

- حقها تلطم اذا فتحت عيونها شافت زرافة ضاربها شرجي شتريدها تكمش سبحة وتسجد شكر اكيد تلطم على قسمتها وبعدين يله لك راح نوصل اشمرلي جكارة

- ماعندي ولي لج

-تمام بس خليك متذكر راح تعتازني

-وكتها تفلي بوجهي

هزت راسها سهلة وانتجت ساكته عيونها بالشارع مااعرف ليش حسيتها دتحضر مصيبة بس جذبت نفسي اتجتفت اباوع للطريق لحد ماوصلنا يم بين ضخم يمه طفل يرش بالباب عدلت گعدتها بسرعة و صاحت اوكفف

امجد - خير

رؤيا - هذا بيت صديقتي نزل صيحها تريد تجي ويانه

-اشلون اصحيها زحمة نزلي انتي

- شنو زحمة ذاك الطفل كله روح صيح للحبابة يله خلي تجي وهسه اصلاً تلكيها منتظره لان انطيتها خبر قبل لااطلع

-اسمها حبابة ؟؟

- اي لايكون هم ماعاجبك

هز ايده ركن السيارة ونزل تركها مشتغلة ؛راح يم الطفل يسولف كمزت للكشن الثاني سدت البوب وقفلتها عرفتها ورطته

اباوع دخل الطفل يركض وهو اجه راد يفتح الباب لكاها مقفولة دگ الجام وكال ماعدهم وحده اسمها حبابة

رؤيا - ياحبابة هاي ابني انت ماتستحي صدك جذب راح للعالم وتحجي بشرفهم

- انعل ابوووج ولج رؤيااااا فتحي البااااب

-روح لك

-لج دخل يصيح لابووو

-اي خلي يطلع يأدبك شاب جيس اسمنت ماتخجل على نفسك من رحت دكيت الباب وتكلهم صيحوا للحبابة على منو تقصد امهم لواختهم

- خرررب بضميررج اذا عندج ضميررر لج راااح يطلع رؤيا فتحي لاتصيرين زعطوطة

- اني زعطوطة موو؟ يله خلي اشوف الزلم شتسوي

- لااامروتج اخيج اني

- الجكاير والجداحه بسرعة

هز راسه دنك يطلعهن وعيونه عالبيت دك الجامة فتحتها شوية اخذتهن من

اندار يركض لجهه السايق دگ الباب حيل انتجت صاح لج رئااااال فتحييي

رؤيا - كون صدك وتفتحها حتى امرعطها وانت كافي صوتك لاتزعجنا

- لج قندرررره

- كلت اذا اعتازيتج تفلي بوجهي وللاسف ماعندي تفلة هسه انتظر بين مايصير عندي

دفر الباب شفت الولد طلع فتحت الباب بسرعة دفعها عالكشن الثاني وصعد بدون لايسد الباب داس بانزين

سده هو ويشتم عدلت كعدتها خلت الجكارة بحلگها ورثتها وانتجت ادخن وتباوعله بشماته

استغفرت هيه بدون كلشي اشلونها انوب اكو من اليعلمها ويسندها عرفتها انغسل حظها

وصلنا للبيت نزلنا دخلنا جوه صارت كدامنا ضي صاحت صارت طلتج علينه تنحسب

-اعوض ايام الحبس

- هم صدگ اني منج حتى مااجي بعد

-لااكو بعد ناس هنا لازم اغثهم

ضحكت واجت حضنتني ورجعت سلمت على رؤيا داكلها يله واسمع امجد كال شوفي منو جبتلج

انداريت واشوف عمي ابو امجد واكف يمه لاارايدي نزلت دموعي وركضت لزمت ايده سحبني باس راسي ضحك وكال بعدج ام دميعة

-اشكد مشتاقتلك عمو

-من هيج اجيتي وسألتي كلتي خلي اروح اشوفه هذا العلقته بيه وعفته

-والله دوم على بالي بس هواي اشياء شغلتني

-اشلونج شموسة

-زينه بكد شكغي الك على ذيج الايام وحنيتك العوضتني عن حضن اهلي بايام جنت ناسيتهم

-ادري تأذيتي هواي بيتي ومالي عين اجي اشوفج بس والله ماكدرت اشتاقيتلج هواي

-لوماانت جان هسه اني ويه الاموات تفضل عمو جوه

- لابابا مايصير ممنوع ادخل بيته بس كلبي طگ كلت بس اشوفج حتى لومن الباب اطمئن عليج واروح

- من دخلتني بيتك وكلها ماقبلت وكفت بوجهم لحد ماصغت زينة وسلمتني لهيذام وهسه دتكول ممنوع ليش تزعلني منك وبعدين هذا بيتي يعني بيت بنتك اشوكت ماتجي تدخل ماتسمع غيغ التغحيب

ابتسم

-اووف لوتعغف اشكد مشتاقتلك

-وعلي مو بگدي

اخذت نفس ولزمت ايده اخذته للحديقة ركضت عدلت الكرسي واشرتله تفضل

ضحك دنگ باس راسي وكعد كعدت يمه لزمت ايده اباوعله مامصدگة تگول انعادت ذيج الايام مرة ثانية مو اشوفة گدامي

اجت ضي كعدت يمنا ثواني واسمع علت الاصوات درنا وجها لكينا امجد يسحل برؤيا ؛هيه تضرب بي وهو يجر بيها من شعرها لحد ماوصلوا يمنا دفعته علينه وصاحت عموو الزم ابنك لااخربط وجهه

عمو- ههههه عوفها لك

امجد- قصدك عوفه يابه هاي ذكرر ذكر مو انثى

رؤيا- اهووو هسه تكتله يكوم يبجي تركه يضل يلغث

امجد - جنت اسمع القردة قوم متحول بس هسه تأكدت

- امجد وكلام الله امطلك بالكاع ادوفك دوف بيها لم حلگك وكعد يم ابوك لان فشلة اكتلك كدامه

عمو -ههههه ولاوعلي اذا انتي مره كتلي لان صدك عوزه وحده تفرك حلكه

اشرت على عيونها حطت الجكاره بحلكها طبكت ارداناتها واشرتله تعال

امجد- روحي لج لااتفل عليج وانوب تغركين والضابط دسار يحسبج براسي مره

عمو- شنوو الضابط دسار ولك

- غير هاي مرته اخت هالدغة اليمك

كام بسرعة وكال اعتذر ست والله ماعرفتج

رؤيا -لاعمو صدك جذب هو دسار شبيك كمزت دكعد

امجد - استلم وانوب تكولها بستهزاء صدگ هو شنو كله ضابط مخابرات برتبه…

عمو - انجببب واحجي عدل وياها

- مقتنع انت وياها دشوفها اشلون تسحب النفس جدي عطيوة ماوصل لهالمرحلة بالتدخين

صحت صدگ عموو ذكغتني امجد يضم جكايغه يم قفص الدجاج

امجد - لايابت المهلوس

- عززه دتغلط على بابا انت تعغف بابا شنو يشتغل

- اذا الحكومة كلها بحضنه قابل شيشتغل شيخ جامع

- شقصدك

- قصدي اسكتي لان اجت حلاوتهم

شلت راسي واشوف هبة جاية هيه وعمتي رحمة يتمشن بتراك خفيف بعز البرد والشعر شايلته ذيل حصان ومكياج مبينة الترافة على خلقتها همست انعل ابوك هيذام المهتلف

امجد - حمم

وصلن يمنا كمت اجت عمتي سلمت عليه وراحت لرؤيا رجعت كعدت دغتني من ورا درت وجهي اشرت شكو

هبة - شنو ماتعرفين تسلمين لو خرسة

قبل لاارد كامت رؤيا راحت يمها نفخت الدخان بوجها وهمست لاهاي ولاهاي بس ماجاي على بالها اسلم عليج اكو اعتراض

- ومنو انتي بس ذكريني بأسمج

- ليش تردين طلعيلي هوية

-هااا رؤيا ذكرتج

-خرزة البتاوين تاج راس الخلفوج اختهااا شنو لج لايكون ماعاجبج

- اووي شنو هالالفاظ واني داكول ابني اشلون رجع يلفط كلمات بذيئة

- هاي البذيئة تلفيها وتخليها بحلگ ابوج بلكي يسترجل ويجي ويكول لرجلج ليش هيج ساحگ راس بنتي

- انتي اشلون تحجين على بابا بهالشكل

- وليش دتحسسيني ابوج مفجر الجسر لج بنتي العدها مثل ابوج ماتسولف

-داشوف ابوج منو

-مرجف شوارب زلم وموكف رتب على تك رجل الي يسحب بناتك ويتحده زلم بس ذكر اسمائهم قضية هذا يتسمى فحل واسمه فخر مو مخلصها مرجلة عالفاضي وتالي انسحل مثل الجريذي

-مالي حجي وياج يجي هيذام ونشوف شديكول من يسمع هيج درع وينه

كمت اشرت شنو

هبة -سمعتي اكيد

-والله ماسمعت غيغ اسم ابني

-منين اجه ابنج

-بنفس الدقيقة الي اتفقتي انتي وابوج ادزون عالم عليه حتى تخلصون مني وخليتوني افقد امومتي

-يعني شنو؟؟

-يعني ولي من وجهي حتى لاخليج تلحگين الباقين

-ومنو انتي وطرديني

-صاحبة هذا البيت وام دغع والي عنده كلمة خلي يجي يحجي بوجهي دااعلمه اشلون ينكتم

-من شوكت طلعلج السان

-بوكت الدخلتوني هنا غصب وحلفت اضيع لمتكم الوسخة

- هسه اخابر هيذام وداشوف اشلون تتجاوزين على اهله

ضحكت بستهزاء دفعتني بعدها مامتحركة ولسعتها رؤيا بالجكارة صرخت بعلوا صوتها

حسيت صرختها اجت براسي سديت اذاناتي؛صكت على سنونها رؤيا ودفعتها بكل حيلها انشمرت مسافة كوة سيطرت لاتوكع عدلت روحها رادت تحجي خزرتها ورفعت الجكارة بسرعة اندارت راحت وهيه لازمه ركبتها

كامت عمتي گالبة خلقتها لحكتها رجعت كعدت مرتاحه همس عمي ليش بابا هيج تعاملنها

رؤيا - ماسمعت اشلون زعجت النعواصه بصوتها وبعدين بتنا ترفة مربيها عالدلال مامتعوده على هيج كلام يخدش مشاعرها

-ميخالف يا بابا وانت شموسة ليش هيج تراددين تالي يأذوج

- لاتخاف عمو ميگدغون يسوون شي كل قوتهم يتصلون بالمهتلف

امجد - الي هو الضابط هيذام احمم اني اكول ياابتي هيا بنا الى المنزل

رؤيا- اوكف قبل لاتروح اشمرلي جكاره ثانية

امجد - اشمرلج سم ويله تره تأخرنا لازم اردكم قبل لاابوج يتحول

- يله ضيونه كومي وياي وانتي ام لدغه لمي شكو شي تعتازي لان مبينه كعدتج عدنا راح طول

اشرت اي

راحت واني باوعت لعمو ضحك وهز ايده

-شبيك عمووو

- تغيرتي هواي

-لاماتغيغت بس جنت فاقده الذاكغه مااذكغ اشلون اخلاقي

-هههه الحمد الله من جنتي ناسية اذا بت اللواء هيج تحجين وياها جا سعديه شلون

-صدگ اشلونها

-معارك هيه ورجلها نهار وليل كرهونه بعيشتنا ماكاسر خاطري غير امجد كبر ولاعنده امكانية ويطلع ولاهو يقبل يتزوج يمنا كد ماعشرتهم مكروهه

- صدگ تحجي هذا المشتمل خالي هسه بس يجي هيذام اكله يسوي اله

-بروح موتاج

-والله عمو اصلاً يكيف لان اكثغ شغله هو مخلصه وحتى دغع تعود عليه

- مرات ربك يكافأك برزق حتى يشوفك اذا تستحق نعمته وتستاهل يدخلك برحمته وهذا الرزق جانت انتي

ابتسمت ولزمت ايده

ضلينه نسولف نسترجع ايام زمان ساعة نضحك وساعة نتحسر لحد مامر الوقت وكال ويله لازم اكوم لان عندي واجب

- فدوه دوم تعال وكلشي تعتازه اتصل عليه امانه من افلوس شغل واحد مضوجك مكان ماعاجبك اي شي اذا صدگ حاسبني بنتك

-واعز والله انتي شموسه الي اخذت كلبي برائتها ولدغتها

-لعد بعد مااحلفك وامجد لاتشيل همه هذا اخوي

-وهو هم حاسبجن خواته الهيج ماخذ راحته بالشقه وياجن يكلك الكلب مايرتاح غير يم اعزازه يله بابا اني كايم ديري بالج على نفسج ولاتگطعين بيه

كمت سلمت عليه باس راسي وراح

رجعت كعدت انتجيت المكان هدوء ووحشة اي صوت ماكو تحسه فارغ بدون روح ؛اخذت نفس اتجتفت صار المشتمل كدامي مر شريط وكفتي والرجفة لازمتني واني اتوسل خايفة من شكل اسماعيل

فتحت عيوني انداريت عالحديقة هنا جانوا كاعدين وصوت ضحكهم وين واصل واني بينهم لامه نفسي امسح دمعتي قبل لاتنزل لايشوفوها ويعاقبوني بأهلي

ابتسمت هذا هيذام يدخل يسحب الكرسي ويكعد يخلي رجلي عالميز كدامهم بعدم اهمية وعيونه عليه نظرته بيها انواع الانتقام بس ماشفت منهن غير الحماية والتضحية

انداريت للبيت منا دخلت اخطي خطوه اول تحدي واني اوعد نفسي راح انتقم منهم

غمضت - شيصير لو منهزمة وماداخله ؛ يمكن جان غزوان بعده عايش وجان مافقدت امومتي جان ماعشت كل هالوجع

اخذت حسرة طلعت من كلبي رفعت راسي باوعت للسما شنو جان عوضي من كل هذا

فززتني عمتي وهيه تكول جان حسبتي حساب الي واحترمتي وجودي

مسحت وجهي وكعدت عدل اجت كعدت يمي باوعتلي بزعل

اشرت شكو

- لاماكو شي وهاي اني من الصبح لسه اتوسل بهبة حتى تحجي وياج وتصيرن خوات لخاطر نعيش براحه اشو البيت ماضل بي بس انتن شرايده بعد

-واني الله كافيني بثلاث خوات ماغيد بعد

-ياا عود شگد حجيت وياج وترجيتج بلكي الله يرزقجن وتخاون درع

-قصدج تخاوي هيه لان اني حغمتوني من هالنعمه

-انتي وهيه واحد لان ابو هيذام ماكو فرق

-عمه شغايده

-اذا تحبيني ترحين تراضين هبه ومن يجي هيذام تحجين ويا تره هيذام ينفسه طفل بس يخاف على مشاعرج

-هيذام غايح الها بغيابي مو

-يعمه هيذام يحبج الج وحتى لو رايح انتي تعرفي موبحالها بس لخاطر يخاوي درع

-ميحتاج بعد احجي هاي هيه الله يهنيهم وصدگ ليش حتى احغمه من الاطفال

-والله يعمه بس اول الايام صعبة هسه تشوفين بس يجي الطفل وتلتهين بي حتى هيذام بعد مايهمج دخل يمها لولا

- هو اصلاً ماغاح يهمني لان ماغاح اشوفه بعد

- شنو قصدج

مارديت سحبت الكرسي كمت رحت للبيت دخلت احس النار تسعر بكلبي صعدت فوگ صارت بوجهي طالعه من غرفتها بيدها فونها تهمس بهدوء وتضحك شافتني عضت شفتها درت وجهي

دخلت للغرفة سديت باوعت لغراضه وملابسه المعلگه غمضت صارت صورته كدامي وهو يأشرلي على اديه ويضحك بمعنا ماتركج اذا مارد اكلبجج

ابستمت ونزلت دموعي

وهاي رجعتلك رتبتك ماضلك شي يمي

مسحت دموعي عالسريع فتحت الكنتور طلعت الحافظه اخذت ضفيرتي والسوار وكتابي خليتهن عالميز طلعت ركض للمكتب دخلت اخذت كتاب بابا ودفتر مذكراتي فتحته باوعت واصله اخر صفحة اجه صوته بأذني هو ويكول مااعرف ليش خايف منها شتكولين لونشلعها وتختمين لهنا

همست لان جنت تعغف غاح يكون نهايتنا بيها

سديت الدفتر وطلعت رجعت للغرفة خليته ويه غراضي بداخل الجنطة واسمع دبجة بسطاله على الدرج مسحت عيوني بسرعة وسديت الجنطة شلتها انفتحت الباب صار بوجهي وكف متفاجئ من وجودي قبل لايحجي دفعته دااطلع لزمني واشر وين

رفعت راسي باوعتلها غصباً عني نزلت دمعتي عگد حاجبه -شكو بابا

- ماكو شي وخغ داغوح

- منو وياج

- محد وخغ هيذام

-وين تردين

-لاهلي

-يااهلج انتي منتبها لروحج لو لاا ؛ماتحسين نفسج زوتها ليش اجبريني اتصرف غير تصرف وياج

- كلشي ماتكدغ تسوي

- وكلام الله راجدي واحد خلي روحج ترفرف ويه الملائكة رأل لاتختبرين صبري

- طلگني هيذام

-شبيج بنتي

-لاتكول بنتي اني موبنتك دااگلك طلگني

-تعرفين ماحب اعيد السؤال منو وياج احجي

-وتعغف ليش لان عمغك ماغاح تحسبني غيغ المتهمة مالتك

- اهاا هناا الحجي وصلج الخبر

- لعد انت شكد حيوان وبدون احسااااس

-وهسه المفروض انكتم

-غصبا عليك تسكتتت لان انت موبس حيوووان لااا وبدون ضميغ ومنحط وسافل وبلا احساسس

رفع حاجبه

حرگ كلبي بالزايد ضغط على سنوني وضربه بكل قوتي لزم ايدي رجعت ضربته بالثانية وصرخت الله ياخذذك

ضحك وجرني لحضنه بقوه دفعته ضغط عليه اكثر وهمس اشش كافي بابا

-وخغ هيذذاااام

-على شنو كل هالحرگة

-لان طلعت حماغه وحبيت واحد مثلك

- هاي شنو ورا كل السويته بيج بعدج تحبيني

-لان حماغه

-هذا الشي مانختلف عليه

-وخغ هيذام اغجع لزوجتك الله يهنيكم صدگ اني دخلتي جانت غلط وجه الوقت اصلحها

-انتي الضاهر من كثر ماالغدر يمشي بدمج بعد ماتفرقين بين المعاشرتهم هو المفروض هسه اربطج وارفعج فلقة بس راح اعبرها الج واسوي روحي ماسمعت وارد احلفلج بمعزتج مانيم بحضني ولا احضن غير التراب بعدج

-لاتجذب عليه هيذام

-وليش حتى اجذب شنو بس لاخايف منج لو مصدگه بكلام ابوج يكدر ياخذج مني كفيلج محمد مايطول بيده دقايق مكالمة وحده اهفه مؤبد واشمرج بحضنه وشوفوني قدراتكم الخارقة

-تهددني هيذام

-والله هو غير التهيد والاجباري مايجي وياج

-شنو يعني

-هسه تعرفين

كالها ودنگ شالني شمرني عالجربايه اجيت ترس على وجهي انگلبت بسرعة لكيته يفتح بدگمه ويباوعلي بنظره مابيها اي ملامح للبراءه

رجعت ليورا وهمست تغه اختي متانيتني

هز راسه اي

-بابا كال ممنوع يوصلج لحد ما ينفذ الطلبته

نزلت عيونه من شفايفي لركبتي عض شفته الجوه ياكل بيها

عرفت نفسي ماراح اخلص طفرت من الجرباية ركضت للباب مالحكت لكفني دفعته جتفني و شالني رجعني للفرشه ردت اصرخ سد حلكي ودنگ على ركبتي…

واكف يم باب الكنتور يدكم بقميصه واني ضامه جسمي بالغطه واباوعله بضوجه غمزلي ونكث شعره من الماي

همست منحط

رفع راسه اشر شنو

صعدت الغطه ورجعت ليورا دفع باب الكنتور واجاني رفعت اديه بسرعة احمي روحي كعد كدامي لزم ايده نزلها واشر شنو كلتي

-مو وياك

-رأل شايفة هذا وجهج المفهي اذا هفيته رجدي اشلون يصير

-افقد الذاكغه وعوفك

-بكل مره تفقديها اخليج تحبيني اكثر وماتنطقين غير اسمي

-شنو هالثقة

-خلي انجرب

شال ايده بسرعة ضميت راسي بصدره ضحك لمني بحضنه دنگ اخذ نفس وهمس دخيل هالضمه الركضتني اشهر وراها

-بابا منتظغك

-كل عقله هذا

-اي طبعاً لعد شنو ماتغيد تجي

باسني و لزمني من خدودي بعد شعري عن وجهي وباوع لعيوني - انتي عندي اغلى حتى من روحي موبس مركزي بس والله ماراهمه اخذ جماعتي واروح لابو عكرب اكو طبقات لازم نحترمها

- جان فكغت قبل لاتخليني بأسمك لو كلت بالختلة خليها هنا اخلص وقت بيها وذيج اطلع بيها كدام الناس

- اطلكها ومااطلع غير وياج والج بكد المهر الطالبه اضعاف بعد شرايده

-هيج تشوفني غخيصه

-تعرفين ماشوفج غير قضيتي الخلتني امشي واجرم بالعالم مثل الخبل بس لخاطر احميها

-لعد تخليلي قيمة كدام اهلي حالي حال خواتي وتسوي كل الطالبه منك بابا واذا مستعغ مني طلگني

-بت الدغش

-اي اني بت الدغش وغيغ اليكول عليه بابا مايصيغ

-جاخليج بحضن ابوج

باسني حيل من شفتي حسيته شلعها ؛رد لخدودي عضعضهن دفعني وكام

دنگ لبس بسطاله اخذ الجنطة فتحها طلع كصيبتي رجعها للعلبة ضمها بكنتوره قفله اخذ سلاحه وطلع

وخرت الغطه من الحركة كمت دفرت الباب ورا رجيت البيت بسدته شلت المنشفة ودخلت للحمام سديت الباب بدفرة اقوى من القبلها

شمرت ملابسي ودخلت جوة الدوش حتى مااعرف اشلون سبحت طلعت عالسريع وكفت داانشوف شعري حتى لحد ينتبه واگدر اگول لبابا مايردني اله؛ فتحت عيوني اباوع ركبتي صاير قوز قزح عضيت ايدي حيل وهمست الله يغسل حضك يالمهتلف شسوي هسه

اخذت نفس طلعت البودرة ترست ركبتي عيوني بين الساعة وبينها الي ماترضى تخفي الاثار، غمضت عرفت مامنها ستر مفضوحة مفضوحة نشفت شعري لميته شلت جنطتي ونزلت ركض طلعت للحديقة لكيت رؤيا امجتفه واكفه يم امجد وعيونهم اثنينهم على الجهة الثانية

درت وجهي واشوف ضي واكفه تسولف ويه ازر بس شكله تعبان يباوعلها بكسره ويرد بتوسل

مافهمت شكو رحت يم رؤيا وامجد داكلهم يله واسمع صوت الضربة ويه سدت عيون رؤيا درت وجهي لكيت ازر لازم صدره وضي جايه اتجاهنا تمسح بدموعها

طلعت قبلنا لحكناها طلعنا برة لكيناها صاعدة بالسيارة صعدنا وراها شغل امجد بس حرك كالتلها ورؤيا والله هواي عليج

ضي- لهيج تركته

- لان مومال نعمة صار ساعه يتوسل على وكفتي مرتين سحب ايدج باسها شرايده يدنگ على رجلج لوشنو

- واحد اكله مااريدك يااخي مااحبك ماطايق اباوع بوجهك ليش مايحس

-لان يعرف بيج جذابه

-ومن يعرف بيه جذابببه ليش هيج يحب يعذبنيي

-شسوالج بت الاوادم موحتى زوجته طردها وسمعتي بأذنج اشلون عيرته بعجزه يعني ماجان يوصلها وديتوسل ويكلج ندمتت وكله من وراج السويته ياغضب ربي

-خلي يرجعلي السنين الخلصتهن بدموع واني اراقبه من بعيد ولاتكولين غصباً عنه هذا هيذام كلها اجتمعت عليه وماسوه غير الي براسه اخذ رئال من نص حضن رجلها بعد مادمرهم كلهم لخاطرها اشكد هانته وغدرت بي ولايوم صاح بوجها لو زعلها بكلمة؛ حمل المايتحمل ليش لان يحبها صدگ

همست وهاي نهاها هسه كال ماغاح اجي لابوج غوحي ضلي يمه

رؤيا - نواقيص مابيهم شريف

ضي - لا لان عمتي دتزن براسه تريد يرجع هبة حتى يخلف مثل ماترجع هالة وتلم عائلتها من جديد ليشش لان اخوها انتهى امره راح يحاكموا

رؤيا- مرات كد ماتمدح بشخص تخجل تكول طلع جلب

- متخبله اشلون ابراهيم مريض وكاللها يخويه راحت هيبتي وعائلتي

-ربج مايگطف بحجار لعد السوا بينا قليل حييل بس ليش حكموا

- لان هيذام قدم الاوراق عليه كلها اغتلاس وممنوعات من غير النوادي الليليه الجان داعمها

- واني اگول معقولة بول تيري يتنازل عن هيج جثة بسهولة

- موبس هيج خلا يتنازل عن بيت ابو ويسفر هبة واسماعيل لخارج البلاد ممنوع يدخلون العراق بعد حتى لايشوفهم بزيارة طول ماهو عايش بس عمتي ماعاجبها الوضع دتقنعهم يردوهن من جديد يمها لهيج راح اخذ بابا ونروح غير محافظة

- وعلى هاي صار ساعة يتوسل ازر مايريدكم ترحون

-اي حتى يضل يذل بيه انعل ابو الحب لابو اليحب

امجد - تردن الصدگ اوجوهجن مومال ضباط مال كل وحده تكض كونية وبوجها عالزبل تلم قواطي

- وليش حتى نلم قواطي خو نكمل دراسه ونشتغل ونصير بروسهم

-اشتغلن ويه الدغش مو بس اتصيرن بروسهم لاا وعلي تركضنهم ويه خيل الحمزه بس حتى يسيطرون عليجن

رؤيا - والله لعبتها بس نعتاز جثه ندرب بيها

- بت الواوي ليش تباوعيلي

- كلت جثه مو ماسحة انت حتى ملامح خفاش ماكو بوجهك ولاتخاف شكو واحد يدخل بيتنا مانأذي

- لاتقتلوا طفل ولاشيخاً ولاتقلعوا شجره كل من دخل بيت الدغش فهو امن

همه يسولفون واني مجتفه عيوني بالطريق وبالي مشغول بهيذام معقولة راح يكسرني بعد كل هذا بس لخاطر مومن مستواهم

واني مو رخيصة ولاضعيفة مثل مادخلته بكلبي اكدر اطلعه واكمل بقيه حلمي مثل ماجنت مخططتله بين اهلي وداخل مكتبتي

وصلنا للبيت لكينا الشارع مسدود من بدايته لنهايته كراسي وطبلات اضطرينا ننزل بدايته

اخذنا غراضنا رحنا للبيت جانت الباب مفتوحة دخلنا صارت رايه كدامنا دنحجي واشرت اشش واجانه صوت عياط ماما من جوه …

يتبع

نزل الجزء الثاني …

شيء من رصيف الدم

بقلمي: leo Alfatlawi

/البارت الاخير الجزء الثاني

ركضنا دخلنا ونسمع صوت بابا من داخل الغرفة يصيح والكتب السماوية موانييي ولج اشلون اكتل ومنوو ابوج ليشش

ماما - لان عرفك شنو تشتغل وهددك راح ياخذني منك ويشتكي عليك كول لااااا

- بس ماكتلته رحت سويت جوازات وحضرت كل امور السفر جنت ناوي اخذكم نعيش هناك ونبدا بداية جديدة كملت كلشي واجيت الطريق كله اتخيل نظراتج من ابشرج تذكرين اشلون استقبلتيني لوو اذكرج

- اي استقبلتك بالامن لان خفت على بناتي منك

-تخافين على بناتي مني ليششش ولج واني دفعت عمري لخاطرجن

-لهيج دزيت جماعتك يكتلون بابا

-لااا لاا وداعتهن مالي ايد ولاادري اشوكت اتفقوا وحتى من خذوني ماادري همه نفسهم الكاتلي لحد ماسمعت اسمائهم بالتحقيق

-لعد ليش اعترفت على نفسك

-ردتج تجين حتى اكلج اخذيهن وبعدي ردت اشوفج ولو مرة وحدة حتى اكلج هددوني بيكم راح يأذوجن اذا ماشلت التهمة

-ليش كتلوا بابا

-لان ماكدروا يخلصون مني غير بهاي الطريقة وماكتلوني لان محد يندل مكان البضاعة غيري

-مافكرت بينا اشلون دخلت بهيج شغل اشلون انطاك كلبك تعرضنا للموت

-لواريد اعرضكم للموت ماسحبت ايدي منهم اول ماصارت راية ولااجيت واعترفتلج بشغلي القديم

- ضيعتني ودمرت بناتي خليتني اذل روحي حتى للحيوانات خليتني اعض اصابعي ندم اشلون امنت بيك وصدكتك بدل مااروح ابلغ عليك

-وانتي ماقصرتي اخذتيهن من حضني وشمرتيني مؤبد هاي ليش بس لان حبيتج وحسيتج روحي وخليت يمج كل اسراري واني واثق ماراح تأذيني بيهن

-بسببك مات ابوي واخوي ضل سنين حاقد عليه

-اخوج اكثر واحد يعرف اني مالي ايد بموتت ابو وراح طلگج مني غيابي بدل مايوكف وياي

-اشلون يوكف وياك وانت فوگ ماكاتل ابو عرف بيك تشتغل بمافيا

-وهاي المافيا ماشافها من جان عايش بخيري لو من وكفت بزواجه وخليته ياخذ الرايدها ودفعتله مهر لويبقى عمره كله يجمع مايجيب ربعه

-ردهن الك بناتك

-بيش ردهن من راح زوجج لجاسم لو زور هوياتهن وخلاهن بأسمه بشنوو ردهن من اخذ تعب عمري حركه وضيع مكان بناتي بدل مايخليهن عايشات بخير ابوهن

-لان افلوسك حرام مارادهن ياكلن من دم جدهن

-حلاااال وكلام الله حلال ذني تعبي وجبتهن بهد المتون عمري مافكرت اوكل بناتي حرام وابوج ماوصلتتت يممممه وداعت معزتج

-بس نكتل بسببك عمري ماراح اسامحك ولاباوع بوجهك حسبي الله بيك بكل يوم نمت بي وراك واني عيوني عالباب خايفة يدخلون ويكتلوهن اطلع رافد عوف بناتي تعبت عليهن هواي ماضل عندي غيرهن

-بدون لاطلبين اني رايح بس خلي أمنهن بيد زلمهن وبعد ماتشوفين وجهي صح ظلمتيني وحرمتيني منهن وكسرتيني بنومتج بحضن غيري بس للاسف ماكدرت اكرهج

-اني موبس كرهتك لاااا نعلت حتى نفسي لان بيوم ثقيت بيك وحبيتك اطلع رافد منااااا

كالتها ودكت الباب حيل

***رايه***

مسحت دموعي وركضت فتحت الباب رادت تطلع وخرها بابا عن طريقه وطلع سدت الباب بوجهنا وكعدت ورا بجت بصوت عالي عرفتها مارادتنا نشوفها بهاي الحالة

اشرتلهن روحن للغرفة ورحت وراهن دخلت سديت الباب صارت رؤيا بوجهي ابتسمت بمكر خزرتها

رؤيا- شبيج

- ولعد تسألين منو الضحك عليه وخلاني ادخلها واسد الباب غيرج يله هسه شنو استفادينا بس ماما راح تزعل علينا وبابا يرجع يتركنا

- اولا لان عرفت الضامي مايطلع غير بهاي الطريقة وثانيا تأكدت شامرته بتهمة باطلة مثل ماشكيت

-شعرفها باطله شافت جماعة يكتلون ابوها

-بس هذا مايحقلها تسجلنا بغير اسم

-شنو ماسمعتي لوتغشمين نفسج تكلج خافت لايردون يكتلونا تره حقها وانتي لوجنتي بمكانها تسوين الاكثر

-ليش ماكالتلنا

- شتكول ابوكم يشتغل بالمافيا لو كاتل جدكم لو مسجون مؤبد وجماعته يدورون علينه حتى يهددوا بينا

- وعالاساس جنه يم جاسم ملوك عايشين ديله هاي خربت وراح نرجع للبداية بس هالمره الادوار مكلوبة

-انتي من البداية كارهه ماما

- لان اني اكثر وحده بيكم ضگت المر مالج حق تحجين كلمة وحده بعد العشنا

-اووف والله دخلونا بحيرة مااعرف ويامن اصف لو المن ارضي

- لاترضين غير نفسج لان كلمن ينام على الجهة اليرتاحلها وانتي تضلين تتكلبين متزوهرة لحد ماتلكين نفسج انحصرتي بزاوية ماتكدرين تخلصين نفسج ولاتتنفسين

-ميخالف المهم اشوفهم مرتاحين هاي كافية عندي

-شخبار ذباح

مارديت درت وجهي للبنية رحت سلمت عليها وهمست عذريني عالهوسة الصارت بوجهج

ضي - عالاساس عايشة بيت قمة الهدوء ويله تره سمعت دسار اتصل بهيذام كله ساعتين ونتحرك

-لعد بلشي برؤيا بين ماكمل كم شغلة

اخذت العلاگة وسحبت رؤيا للكرسي كعدتها عفتهن ورحت يم رئال الي ماحجت ولا كلمة كعدت يمها داوخر شعرها لزمت ايدي بسرعة بعدتها ودنكت انتبهت اكو علامة بركبتها ضحكت وضربتها - جان صبرتوا شوية

-ماغاح يجي

-ليش

-لان مومن مستواهم

-والي مايشتريج بالغالي لاتباوعين بوجهه

-واني ماغاح اطلع من بيت بابا اضل يمج

ضي- حسبوا حسابي وياكم هم ماراح اروح لان بابا مايقبل يترك هيذام واني مارجعله اذا ماطلع بيت وحدنا

-ههههه والله بابا يكيف يموت عالبنات هسه يركض يجيبلج قريولة يصفها بصف قريولاتنا ويخلي شروط تكسر الضهر حتى محد يوصلج وتعنسين ويانا

-والله بس ابوج يفتهم واله هيج حيوانات مايفيد وياهم غير تكسير روس

-اشوف مرض رؤيا طش بينكم

-عوفي رؤيا وكومي سويلنا اكل ميته جوع

-هسه دااصب الغده بس كملي هاي راح يجون عيالها اقلها نخلص من وحده قبل لا بابا يرد بكلامه ويكول ماعندي بنات للزواج

رئال- داشوف اشيائج كلها هنا شنو بعد ماتغحين لبيت ذباح

-لا شعندي راجعة بعد هاي هيه خلصت تشكرت منهم ودعتهم

-وذباح

-مارجع بس دز خبر بيد فجر كال شنو اليريحها خلي تسوي لحد يحجي وياها

-خطية اشلون حاله هسه من غجع ولكه مكانج خالي

دنكت

حضنت ايدي غمضت وخلت راسها على متني همست مكتوبلنا مانشوف الغاحة

-تخلص ماتضل هيج

-استونا بلشنا بالعمغ

-ماضل شي نعيشه نهينه كلشي ليكدام

-ماتعغفين الله شاكتب يله كومي خلينه نستعد لان اهل دساغ فايخين اخاف يبطلون وتظل هاي على كلبنا وين ننطي وجهنا

-عيع الله لايكولها

رؤيا - عيع من اوجوهجن يالثولات ويله بس يجون اطردهم على چيادكم واضل على كلبكم داشوف شتسوون

رادت ترد رئال سديت حلكها كومتها وطلعت لان عرفتها تريدها من الله حتى تعلگها وتبطل

رحنا للمطبخ لكينا بابا ماهو كلمن لزمت شغلة شوية وجت ماما غسلت وجها وكالت اشوكت يجون ذولة

-مااعرف ماما بس امني بابا بعد مايدخل تكدرين تاخذين راحتج

-واني ماريد اضل ابيته

-هذا بيتنا ومو وكت هذا الحجي فدوه جابت رؤيا ملابس الج روحي غيري وخلي ضي ترتبج شوية لان يكولون اهل دسار فايخين

-يمه ارتب نفسي وهيام ماطالع اربعينها واذا فايخين على نفسهم يطبهم طوب فوگ مامنطيهم بنيه ماعاجبهم يولون

- اليسمع يكول صدگ بنيه

-انجبي لاتحجين على اختج هيج ويله صبي دناكل

اشرت اي دنكت اصب وعيني بيها اشلون وكفت تباوع لأغراض المطبخ وعيونها بيهن لمعة ماعرفت افسرها كل شوية تبتسم وترد تنتبه لنفسها تسكت حسيت اختيار الالوان والاغراض جان الهن ذكره يمها

دخلت افترت بالصالة كلبت الاغراض كل حاجة تشيلها تصفن عليها وتردها لمكانها لحد ماوصلت لمكتبة رئال مدت راسها لكتها ترتب بكتبها اخذت حسرة طويلة واندارت

رجعت طلعت للطارمة وكفت عالحديقة باوعتلها نزلت دموعها وضحكت بنفس الوكت هنا تأكدت هذا بيت احلامها

اجت رئال ندستني وهمست اشتميتي عطغ بابا بيها

- سكتي بس لاحاضنها وهيه بالعدة

- ديله عالاساس الدين مگطع نفسه يمه والحضن اذا مو بالقوة ماله طعم

- لاواحنا مكيفين بابا جايبلنا بيت ومصممه مثل مانريد طلع الها

-شكيت من شفت الكتب الي بالمكتبة نفس الي ماما جانت تنصحني اقغاهن

-دباوعي اشلون دتباوع للنافورة وتبتسم

-هسه تطلع ماما جانت شيطانة مثل غؤيا وجان كل شوية لامها من خيسة

ضحكت بصوت ؛ دارت وجها ماما النا بسرعة كتمنه الضحكة ووكفنا نحضر بالاكل والافندي ماخال شي تحبه ماجايبه عفية رجال طول هالسنين مانسيت شتحب السنيورة

كعد درع طلع لماما يركض تلكته دنكت شالته وراحت للمرجيحة كعدت وخلته بحضنها تبوس بي وتلاعبه

كملت رؤيا بشلت ضي برئال الي ماشفت ضحكة بوجها خانسة عكس رؤيا تفتح الفون دز مسج لدسار مااعرف شنو بيها بحيث يتصل شايط تغلقه وتحضره تاخذ دقايق تسوي شغلة وترجعله من جديد تفتح البلوك وتراسل

للعصر كملنا كلشي لبسنا وكعدنا منتظرين وبابا يروح ويجي بالطارمة رغم هيبته وشكله الصارم بس واضح عليه التوتر وحرگة الگلب مبين مايريد ينطي بنته لاحد

عيونه بساعته كل دقيقة ومسح وجهه اخر شي طلع فونه اتصل بدسار وكله لاتجي ماعندي بينه للزواج

طلعن رئال ورؤيا صاحت من زمان كلتلك موخوش ادمي ماصدكت

-انتي تنكتمين اصلاً

- خجلتني بأخلاقك

رئال- ليش بابا هيج سويت

- الي مايحترم الوقت موكفوا اسلمه بت

-يجوز صاغ عنده شغل خطية

رؤيا- انجبي

بابا- ماكو غيرج ينجب

- شكراً

- والي عنده شغل ماياخذ موعد؛ يطبه مرض خلي يكمل شغلة ويشوف زمال ينطي بت على مواعيده وروحي صحي لاختج وتعالن لمن هالهوسة وانتي رئال روحي شيلي هالخرط الي بوجهج

رئال- بابا تغه اني متزوجة من زمان

- زماال اني زماال من انطيتج لهيج قندررة روحي غسلي وجهج وانسن شي اسمه زواج غير بالدراسة لاتفكرن

هزت راسها واجت عضيت شفتي اول مره اشوف بابا هيج عصبي عرفته من كد حبه راح يعنسهن يمه

دخلت رئال استوها دتغسل وجها ومانسمع غير السيارات ودوريات الشرطة خبصت المنطقة صارت هوسة

ضغط على سنونه دفر الكرسي وطلع مثل الاعصار ضحكت وباوعت لماما اتجتفت وانتجت كأنما تكلي هذا ابوج شوفي على حقيقته

دقايق وصاح سووا مجال

هو يصيح ودخلوا حرس يركضون صعدا للسطح ثواني ودخلن رواهم نسوان هواي صح مااعرفهن بس عيوني تركتهن كلهن وراحت لبيبي وعمتي فجر وعمات ذباح

طلعت ماما ترحب بيهم راحت رئال سلمت على عمتها ورؤيا على اهل زوجها باوعت لبيبي رفعت حاجبها وكال شني ماتستگبليني يحرمة ابن البدوية

خجلت رحت سلمت عليها حضنتني وهمست بداعت الترجاني وسحگ على جرحه وهو چديد لاترديني وتجسرين خاطره اجثر ماهو مجسور

-تفضلي بيبي

-لاماخش ولا اكعد بدارج اذا ماعطيتيني جلمة وهل انه تعنيتلج من بعد ماچاب اكبارية عشيرته واهل الديره بكبرها هلبت يرف كليبج وترضين عنه

سكتت

فجر - هيج تخلينه نگف بالباب بعد تعب هالطريج

ماما- تفضلوا صدگ جذب رايه روحي جيبي مي

اشرت اي وركضت حسيتها نقذتني دخلت للمطبخ شفت رئال تبجي ويمها ضي اشرت شكو

ضي- هههه مامصدگة هيذام جايب الدنيا كلها لخاطرها وجاي

رؤيا - ولن دسار جايب اكثر واهم شي امه كسر خشمها دباوعنها اشلون كاعده تكول الوسواس الخناس تباوع للعالم بطرف عنها

ضي - والاضرب منها رحمة هيه قبل شوية رادت تخرب بيت رئال بجذبه لالها اصل ولانعرف اشلون اخترعتها

رئال- هلكد ماتحب هيذام ماغادت يضل على طفل واحد

-ديله عالاساس ماكو هيج هو واحد وكل يوم رايدين يكتلوا خلفله عليج من اجيتي وحافظتي عليه

-يمته عندي اشو مكمش بماما وهيه مامصدگة تكول نزل من الجنة نهاغ وليل شايلته حتى البوسة تحسبها عليه

رؤيا- دسمعن الشارع اشلون انخبص والله وطلعت كدها ياابو عكرب وجبت روسهم لك كفووو

رئال- اشلون انجمعوا سوه

رؤيا -هاي فكرت دسار لان عرف ابوج راح يرد بكلمته حتى يخرب الزواج هيج انحصر من بين شيوخ وضباط وناس صاحبين مكانه وكلمة

-ههه هسه يطلعلهم بشغلة يگلب الطاولي بيها

- متأكدة بس المهم سوالنا هيبة وخلانا نحس احنا مثل البشر ويله حضروا العصاير خلي نسمم امهاتهم

راحت ضي توزع العصير ورئال المي اني ضليت بمكاني اخجل ادخل واباوع بوجه بيبي على هاي الزحمة وجيتهم لهنا حرت شتصرف ويه ذباح ماخله طريق مادخلي بي

اسمع سوالفهم وناس تتعرف على ناس وماما كاعده تكول ملكة ترد بهدوء اليشوفها ولايصدگ امنا تكول اختنا خاله درع بحضنها والفرحة مبين عليها متشيمة بيتها وبناتها وهيج عالم كاعده تتوسل لخاطر تنطيهم كلمة

اخذت نفس احمد ربي على عوضه رحت دخلت للغرفة ماتحركت لحد ماسمعتهم راحوا

كمت طلعت لكيت بابا استوى ديدخل بيده ثلاث رزمات مغلفة تلكنا البنات يصفگن ويغنن وشبكنه الحكومة وبأينا ارايب وشبكنا الحكومة واصبحنا حبايب

ضحك سحبهن لحضنه بوسهن واشرلي تعالي؛ ضحكت رحتله وصلت يمه وخرهن واخذني لحضنه ضمني بقوة وكال اووف يبعد ابوج واول فرحته

رؤيا- كملت يله وخرهااا

- انتي سهله شغلتج ياخرزة البتاوين ولج كفصة بكد بذره التمر ومرافجتلي واحد مضيع اسمه بالبيوت كد التطفر جاين تفروها عليه وتحصروني عييب واني ابو عكرب

-شنو يعني

- ضربتكم حضر مطلقة اربع اشهر هاي بس حتى تتأدبون وهاا اذا سمعت نفس اخليها سنوية وحيد اهله لخاطر افرك حلوكم عدل

-يعني شنووو اخرت زواجنا اربع اشهر

رفع حاجبه يباوعلها بتحدي

-ربنا عالمفتري

-تعالي حبيبة ابوج

-اي حتى تكتلني

-لاماكتلج بس تعالي

- لازمة عده استحرم تقرب يم احد بس اشلونا من خلينه الحكومة وكبارية شيوخ العشاير كلها تحت امرك

-بنات ابوجن الكفووو

-هسه براحتك تكتل وتسليب واكيد موبدوني

-والله اكو وحده نويت اخلص منها بس خلي اسلمجن بيد زلمجن بين ماشوف كتله تلوكلها

-لاهاي لاتكتلها بس تزوج عليها هيه وحدها تكوم اطفر

-هيج تكولين

-وانطيك ضمان اذا ماانتحرت بصباحية عرسك مرجوعة الفكرة والك يمي طريقة كتل بدون اثر

-اعرف افكارج ماجيب غير طياح حظي بس نجرب شورانا واكو وحده هم اجوني عليها اليوم ودخلوا يمي طلابة

ضي- عوفه خلي يولي

- موهو بكيفج نفس ماريد اسمع منج ماطولج دخلتي بيتي صرتي وحده من بناتي ماطلعين غير على بيتج وكل حقوقج واصلتلج

-بابا اجه؟؟

-اي وكال خليها ترجع كلتله ماعليها يم البنات ام رايه يمهن خليها براحتها ماحجه شي الزلمه

-لان يعرف نفسه غلطان

-ماكو اب يغلط غير لمصلحة اولاده ويله لج لمي كفشتج وتعالي ويه البنات نظفن البيت

-اهاا اكو استغلال بالسالفة

- عفية وستعدن جهزن بعد تخرجج بيوم راح تكون الزفة وتفكني من شرجن كلمن تولي لبيت زلمتها

- تره مااخذه

-ميخالف عود نتواجه بيوم العقد وانتن بابا لزمن ذني

وكف انطه وحده من الرزم لرئال وحده لرؤيا واقدملي وحده همست ليش اخذت منه

-والله ماردت بس هو اصر كال هذا حقها مهما يكون جانت بيوم زوجتي حتى لوماكو نصيب بينا

-منين جاب وهو مفلس

-باع نصيبه من الحلال لاخو

-يعني صفرته من كلشي

-بعد عمراً طويل؛ من عمري على عمرج منو تعتقدين يكعد على كبرج بدون ملل بعد مايمشي الكل عنج

-هه هو

-لعد لاتسألين عن عشگ البدوي شلون يصير

دنگت

-يله كلمن تروح تضم مهرها وتجن وياي خلي نلم الكراسي لان راح ينحسب يوم ثاني عليه لخاطر كم مهتلف ولفو ومسودن دخلوا بيتي

رؤيا- ذني الفلوس الك بابا

-شنو

رئال- وذني هم

-ليش يروح ابوجن

خليت مهري بيده وكلتله تلمهن وتدفع قسم من افلوس البيت

رئال- واني عندي ذهب وكم فلس من زمن المسودن الجنت ماخذته هم جبتهن دانطيكياهن

رؤيا - واني اخلي دسار يكفلك على سلفة حتى تدفع النص الثاني وتشتري هذا البيت النا

بابا - وذني حقجن والبيت اني جاي ادفع ايجاره ويضل الجن تلتمن بي كل جمعة وسبت طول مااني عايش

رئال -هو بيتنا وانت الغاح تدفع بس بدل مايجاغ افلوس السلفة وهذا بدل مايكون بأسم العالم يكون بأسمك فدوه لاتكول لامثل ماخليت النا قيمة كدام العالم حققلنا هذا حلمنا

-تمام لعد راح يكون بأسمجن

رؤيا -بكيفك المهم يكون مالتنا

رئال- ونسمي بيت الكغامة

رؤيا- وتكولها بثقه وهيه مطيرة هيبة الكلمة

-باباااااا

-ومرض وبعدين شنو باباااا مواجه زوجها ليش مانطيها اله

بابا- ماكو وحده تطلع منا اذا ماكمل تحويل اسمائكم الي وعقد محكمة وزفه بالوقت الي اني احدده

رؤيا- ان لم تسعد نفسك عكر مزاج الاخرين؛ خرب بغيرتك اشكد نذل

اندار شال الكرسي وهيه طارت دخلت تركض جوه شمر الكرسي وهز ايده باوعتله رئال صفح اشر شكوو لج

-والله حغام عليك

-حرام واني شايله الج شي يمي

-بابا هيذام مختل واذا ضاج يكوم ياكل عالم

-وهذا المطلوب يوفرلي وقت ليش اضل محتار بالدفن اشمرله الجثه يتلهي بيها بين ماجهزله غيرها

مدت راسها رؤيا من المطبخ وصاحت - شنووو ماتحولنا بعد سنة اشلون بله

بابا- هو انتي قرده شتتحولين بعد بت القندررة

-حلوو ابو عگرب خليك متذكرها اذا مارحت بيك احداث سهلة

-دغسلي وجهج بالاول

-رافد والله شغلتك مطوله وهذا يطفر اخاف يموت قبل لاعرس اخيتك اني

-فري الطاولي من يمج افرها من يمي

-ولك هاي لازمة عده اربع اشهررر يالظالم

-اي لزمن عده وياها لو شناويه لج تولن وتخلني اتصفن وحدي شوفيليج غيرها يبت الدغش تسلمني نضيف اسلمجن نظيف

-ومن تتجاوز يكلولك مامتربي

-لا اتجاوزي

بعده مامتحرك ردت جوه ركض ضحكت لزمته من ايده وهمست منو يتركك ابو راية وحدك

- اني ماريدجن يبعد ابوجن شبعت منجن بس فكني وهسه يله اديجن وياي بس خلي شي على راسج لان اخذ مني بدل الكلمة عشره يالله وله ابن البدوية

اشرت اي

دنگ باسني اتخصرت رئال

گز على سنونه وراح دنگ شالها وهيه تصيح وخغ انت بعد بستها اول

دخلت جوه لكيت ماما تباوع من اشباج وتبتسم عليه اشلون يبوس برئال ويضحك على سوالفها

انتبهتلي بسرعة ردت البرده وكعدت كملت طريقي دخلت غيرت ملابسي لبست شالي دخلن غيرن عالسريع طلعنا لكينا مطبگ رداناته ويسفط بالكراسي

وكفنا كلمن بجهه نشيل اناوشه وهو يشمر بالسيارة الجبيره واكيد ماتخلوا من شيطنت رؤيا وطفرها كل شوية كاتلها وشامرها علينه وترد تنگث روحها ولاتكول مكتولة ترجع بنشاط اكثر

لليل واحنا على فد وكفه لحد ماكملنا كلشي ورتبنا الطارمة ؛اجه بوسنا وكال يله هسه اروح

رئال - ليش تغوح بابا

-اشوكت ماعتازيتني اتصلن حتى لو نص الليل

-لعد ليش ما تضل نام بغغفتك وماما يمنا

-لادخيلج هسه ترد لسوادينها وتكول ارجع للبدو خليها الله هاديها يمجن واني اجيكم الصبح اجيبلكم مسواك

-غاح اغيغ واغتب غغفتك لخاطغ ماما ماتغوح بعد

-حبيبة ابوج لاتستعملين هواي كلمات بالراء

-كول لنفسك من سميتنا كلنا بهذا الحغف وخليتني مضحكة وانوب حتى اسمي غاح يتغيغ غئال غافد هسه هيذام يغصبني كل شوية لو اكول اسمي لو يكتلني

- شعرفني راح طلعين لدغة بت الكلب ويله لج دخلي الجو ماريد اشوفج واصلة للباب لحد مارجلج يكمل المعاملة يردجن بأسمي وانتي لج خزرة اني رايح راد على ساعه تلكيني على راسج كون على الله الكف اللفو هنا اويلي بويه شسوي بيكم

رؤيا- بعد دگه منع واني اقامة جبرية لعد اشلون تصير الفرعنه

- عفيه تنضبين ودخلين حتى لاامدد المده لبعد ولاده البت الربعة

-خو لثمنا وطلعنا نجدي والله تستفاد افلوس منه احسن من هاي صخامنا وكعدتنا وحده مكابله وجه الثانيه اليگطع الزرق بدون فايده

-لو اعرف بيج خير جان طلعتج بس ادري بت قندره ترحين تتواعدين ويا بنص الزبل وتخزيني

-اشكد احبك يااخي كمية حنان الابوه العندك تخلينا انحس اشكد داخلك نظيف وثقتك الزايده بينا

- عفية وهذا باكيت الجكاير اليم المسبح لاادورين عليه واذا لكفتج مره ثانية مدخنة اجتفج واشمرج بالمسبح ازيح شكو وسخ بوجهج شرط اخليج اربع اشهر مادخلين حمام بعدها

-مردوده ياابن الدغش

-الج كامل الحرية واكيد اكو بالمقابل

خلت ايديها بجيوب بنطلونها وباوعتله هيه وتاكل بشفتها الجوة

بابا -واحد صفر موو

ماردت باوعتله بحقد منظرها يموت ضحك تكول صاحبها مو ابوها

ضحك بستهزاء جر راسي باسها وحضن رئال رد باوع لرؤيا اشرلها عيوني عليج

باس رئال وطلع سديت الباب ورا دخلنا جوه

لكيت ماما خاله درع بحضنها تسولف ويا وتضحك ركضن رئال ورؤيا لحضنها سديت البيبان وجبت الصوبة خليتها يمها

رجعت للمطبخ وكفت اسوي عشة عالسريع واني اتسنطلهن اشلون يضحكن ويسولفن غمضت مامصدگة حلمنا تحقق وهاي كعدتهن بحضنها واني واكفه داسوي العشه حتى نلتم يمها

اخذت نفس مسحت دموعي ورديت دنكت اكمل حمس ؛ جهزت لكل وحده شنو تعب سطرتهن وشلت الصنية دخلت للصالة لكيتهن حاضنات ماما من الكترين وهيه تسولف ؛ رحت خليته الصنية يمها وكعدت باوعتلي ابتسمت نزلت دمعتها لزمت ايدها وهمست مرت ياام راية

رؤيا - ماما اني سويلي اول لفه

درع - لااا اني اول

-انجب هاي امي انت امك هاي اللدغه خلي تسويلك

- بيبي اني سويلي اول حبابة هاي ماما بس تبوس بيه

ماما- اووف كلمة بيبي شحلاتها منك وشحدها بعد التبوسك اكسر سنونها

رئال- شنوو مابوسه ماما تغه ابني هذا

- وجع تذبلين خدوده بالبوس ماكوو بعد ممنوع اتبوسنه

درع - بيبي جدو هم يبوسني هوواي يشلع خدي

- لاتخلي كله بس وحده حتى لااصير خدودي ضعيفة

هز راسه اي وابتسم حضنته حيل رادت تجره رؤيا ضم خدوده وختل بحضن ماما ضحكت ودفعت ايدها عنه

بدت تسوي لفات احس اللاحداث تنعاد نفسها

هاي الصوبة وهاي الصنية وذني خواتي يتعاركن منو تاخذ من ماما اول بس هو وينه

اتلفتت ادور مكانه بينا همست ماما موجود بداخلج لادوري

دنكت انطتني لفه رفعت راسي ابتسمت بكسره شفت بعيونها فراگ وقهر سنين ماردت اضيع فرحتهم اخذت اللفة ودنگت وبست ايدها

كملنا اكلنا شلت المواعين ورؤيا جابت الحبشكلات وبطانية خلتها على ظهر ماما وختلت يمها ورئال جابت كتابها وكعدت

كملت غسل مواعين اني وضي رجعنا يمهم ونسمع رئال مبلشة بالقصه كعدنا يم الصوبة نتسنط خلت ضي راسها على متني وغمضت بالها ويه الاحداث لحد ماكملت الرواية ورئال حضنت كتابها تباوع بوجوهنا مثل عادتها تشوف بملامحنا عجبتنا لولا

ماما- حلو بس مره لخ غيريها لان هلكد ماعدتها انتبهت حتى للكلمة الطفرتبها لان مكرر بيها حرف الراء

رؤيا - جيبينا قصص رعب هيج كلها كتل وتفصيخ

ماما - باوعي لوجهج بالمراية راح تكتفين

- احسد نفسي على حنانكم

ضي - واخيرا عشت الحياة الجنت اتخيلها بأحلامي كد ماسولفتلي عليها رئال

ماما -ههههه راح تملين وطلعين شاردة

- دفو وحياة بسيطة يتمناها كل واحد يخلص عمره بيها

-ليش شعرج قصير

ضي- هيذام يحب الشعر القصير

-ياا وانتي شكو بي

-حقج ماتعرفين اشكد اعزه وشنو اشوفه موبس اخ لااب بحنيته وسنده الي لوماهو جان لاكملت دراسة ولاحسيت بروحي بشر والي احلام بس اجت هاي النعواصه خذت المعزه كلها

رئال- انجبي عندج ازغ كافي عوفي زوجي

-خاله سمعتي اشلون تغلط

ماما- ماكو خاله تصحين ماما حالج حالهم وحب هيذام خلي بغير شي باجر اطلع اجيب حنه وداشوف التكص شعرها بعد منجن

رؤيا- هذا الخبر الجنت خايفة اسمعه

رئال- همزين شعغي قصيغ بساع ينغسل

ضي- اني هم الحمد الله

ماما- لاتفرحن راح اجيب زيوت واعشاب شهر مواكثر واذكرجن بالحجي وانتي ام لدغه كومي اخذي ابنج نام خلي بالغرفة يمي حتى اغطي بالليل

كامت رئال شالته اخذته تمشي عالكيف حتى لايفز اباوعلها على طول الطريق تبوس بخدوده. عالكيفها وتشمشم بي ؛ رغم هو مو ابنها بس حسيت حنيتها وخوفها عليه اله طعم خاص بلحظة اتمنيت نفسي مكانها

لاارادي خليت ايدي على بطني ليش ماحسيت بيك من جنت داخلها وهيج تخليت عنك بسهولة

شنو جان احساسي لوهسه بحضني واناغيله

غمضت مااعرف شنو الشعور بس حسيت كلبي نبض واني اتخيل طفل بحضني وذباح كدامي كاعد نص گعدة يهوسله بمفتاحه

هزيت راسي اشيل الفكير منه رجعت رئال كعدت بحضن ماما ؛ مر الوقت واحنا نسولف ونضحك مامصدگين وحدة تباوع للثانية ساعة نضحك ساعة نتذكر لحد ما أذن الصبح همست ماما كومن صلن بس بدل ماتستعدن للشغل دنگن اسجدن سجدة الشكر

رؤيا - ونندعي ربي يهديج وتكملين فرحتنا

- كومي لاشمرج بالصوبة

-تره والله حررام يااخي حسووا الجو بارد رجولتنا ضاله طگطگ من البرد وحدهم شنو انتم ماعدكم ضميرر

-لوعندي ضمير مالفيتج لسه يمي

-بحال الجنة تحت اقدامج الك بيها حكمة يارب العباد

-كومي رؤيا لادفرج وارويج الجنة بين عيونج

-هاي حنيتكم لاتسكتون عنهاا

شالت الدبة كامت ركضت كمنا وراها بوسنا ماما رحنا توضينا صلينا صدك كلمن سجدت سجدة الشكر ودموعها تنزل بكتمة

كملنا طفينا الصوبة ماما راحت لغرفة بابا واحنا لغرفتنا صفينه القريولات وتجمعنا كلنا سوه والضحكة تارسه روحنا

دقايق وشتغل الضرب بين رؤيا وضي شوية وشاركتهن رئال وكبت الهوسة وتحول النوم الى اطفر عالجرباية واصريخ لحد مارن فون رؤيا؛ دنگت شالته تنفت باوعت بي فصلته وردت باوعتلي

- رؤيا بابا حذرج

- بسرعة بس اجيب الاندومي ماطول دقيقة فدوه

-تره هذا ضابط وعنده شغل بنتي افتهمي لاتخبلي بسوالفج مو دلفري صايع تحركي مثل ماتردين

-هو لويترك شغلة الضباط ويتجه للتسليب اويلي لو بس يقتنع

-عزه راح تضيع الرجال ولي رؤيا من وجهي وطلعة من الغرفة ماكوو

ضي- كومي اني اوكفلج مالج شغل بيها واذا حجت امرعطها بس هااا خليني اكل اندومي وياج

رؤيا- ماكو شريف بيكم كلكم استغلاليين يله راقبيلي غرفة ماما واذا حسيتي بيها اتحركت كحي بصوت عالي واذا طلعت هفيها كله وسوي روحج حلمانه تره راح اعتمد عليج

ضي -تسطي وتطگ وتعيل وامشي على ممشاج اني اختج وللدوم حگ باطل وياج

- لج كفووو

كامن طلعن هزيت ايدي جانت معوزه رؤيا وكملتها ضي

طلعن اخذت الفون اكلب بي ورئال يمي تسولف ويه زوجها لاوالله تغاغي وهو يكول شنو بنيتي وتعيد ويرد يسال لمن يخليها تبرطم وضل يكزكز وينعل بأبوي

وصل مسج من رقم غريب فتحته لكيت كاتب هم يجي يوم ويمر وجهي بصفنتك ؟؟

باوعت للساعة الخمسه الفجر عرفته كاعد بالبستان غلقت الجهاز وخليته جوه المخده حضنت مخدتي وغمضت ؛ شيصير لو خاتمتها ويا بشكراً ودايره وجهي وناهية القصه ويا قبل لاتبلش

اخذت نفس اندفعت الباب دخلت ضي ركض وسدت الباب اشرت شكو

-كلشي ماكو نامي

-حصرها هيه تضرب بي وهو يعضعض مو

-اي والله بس امانة هيه العالت بي جان مؤدب لحد ما ضربته بوكس بنص وجهه انوب جتفها ونزل بحملة تأيب

- لالبالج ملاك تره يستفزها لحد مايخلها تضربه حتى ياكلها تركيها يطبها مرض بلكي بابا يلكفها ويمدد المده اكثر

-هاي اذا ضل شي من اختج صاحي عود؛ اكلها بلش حملة تأديب تكلي يمدد المهله دوخري خلي انام عندي دراسة كومه باجر

ادننيت اجت نامت اكثر من ساعة ورؤيا بره لحد ماطلع النهار دخلت تمسح بحلكها بركبتها؛ تباوعلنا بحقد وخدودها دم غميتها وهمست تستاهلين حتى تبطلين رعونة

تفلت على ضي ردت ضي تفلت عليها غطيت راسي لان عرفتها ماراح تفض

مرت الايام ولاشهر كل يوم يمر اسعد من الثاني صح ماجنا نطلع بس بابا مامقصر علينه بكلشي كل يوم يمر ويجيب كومة اشياء بالمقابل ياخذ اكل بيت وحلويات من ايد ماما الي صارت تكول لعابة كد الراحة رجعت لجمالها مامصدگه تفتر بالبيت وتطبخ وتسوي كلشي بكيفها

مرتين اجونا بيت ذباح وبالمرتين عمتي فجر تبجي وتشكي من مصايبة وتصيح بعد ماينحمل الكل يصيح الغوث منه لحد ماكطعت رجلها وعرفنا ضارب ابن عمه وشامري بالحجز

رؤيا على سوالفها تحضره وترده حسب مزاجها؛ واكثر الاوقات تلكف على غفلة تلكي طافر البيت واكف وراها جنهم توم وجيري ثنينهم يشتغلون بخفة وعقلهم ضارب

انعكاس تام ويه رئال وزوجها شكد تتنعوص واشكد هو صلب وهيئته مرعبة حتى الحرس مالته نفس الشي من يجي تصير خسنه المنطقه بس من يوصل يمها يصير غير شي اباوعله اشلون ينتجي عالكرسي بيده جكارته يكعدها على رجله ويباوع لعيونها من تحجي حتى من يتلمس خدودها لويوخر شعرها عن وجها بطرف اصابعه تكول شي هش وخايف تهشم بيده

كلنا ندري يكدر ياخذها واجباري على بابا بس هو مايريد يكسر خاطرها ويحسيها اقل من غيرها منتظر يكمل الاجراءات وتطلع حالها حال البنات

كملت غسل مواعين وصوت رئال ورؤيا وين واصل بالعرك دخلت للصالة لكيت ماما لازم الحزام واكفه ترزل بيهن وهنه ثنينهن خانسات تكول زعاطيط رن فوني شلته لكيت بابا يتصل ردت ها حبيبي

-يروح ابوج خلي بتحضرن التحف ساعه انمر عليهن كملنا اجراءت العقد

-اي الحمد الله خلصنا رحمه الاهلك راح يجلطن ماما

-حتى اجلط ابوهن بنات القندره صدگ لج شسويتي بسالفتي

-والله بابا دنقنع بيها ونكلها بس عقدوا عقد بيت اكلاوت اقلها كدام نسابتنا ميكولون اشلون هذا يدخل ويطلع سفردحي لارقيب ولاحسيب

-وهيه شكالت

-بالبداية عصبت وكالت لااني ارد لبيت هجامة بس رئال كامت تبجي ودرع سواها مناحة ورؤيا حلفت بعد ماتشوفها اذا طلعت تالي تركنا السالفة

-اخذي يومين وخلي ضي تشمر كلمة بدون قصد عالاساس سامعتها من داخل بيت هيذام على رئال هيج مال واحد حاقد ويريد يعيرها

-تمام بس هاا تره حتى لو افترضنا قنعت وعقدت ماما ماترجعلك شيلها من راسك بالاخص البارحة من شافتك ويه الافريقي واجت كالت فلا ينعدل

-خو امج تجي ويه حضي عدل تركج من الافريقي وقنعوها بس خلي توافق عالعقد وتركوا الباقي عليه

-سهلة شنو سويت بشغله البيت

-اتفقت ويا صاحبه وقدمت سلفة بس استلمها انطي الفلوس ويتحول بأسمجن

-الله يسهل صدگ اليوم ام رايه مسويه كبه تعال من وكت حتى تاخذها حاره وجيب ملابسك الوسخات لان ذني نشفن وكويتهن

-دخيل اميرة ابوها اني يله حبيبي ديربالج على نفسج وخلي ذني يتحضرن

-تمام

سلمت وغلقته

ماما- ويامن تحجين

-ويا بابا سوده عليه واكع من السكلة ورجله بيها رض داگله روح ارتاح يكول لا خلي اكمل شغلي حرمات تضيع يومية اليوم

رؤيا - انتي ويامن تحجين تره العالم ماعدها گلوب ماتحس

رئال- اله الله عالم تشتغل وتتعب وعالم دعي وتغلط

ماما- كملتن بنات الدغش يله كلمن شغلها نص ساعة مواكثر واريد البيت يلهث لاامسحه بوجوهجن

-لاماما ازواجهن ديجون ياخذوهن حتى يعقدون بالمحكمة

-شنو يعني هاي هيه راح يتزوجن ويرحن

-ليش مو يومية تكولين اشوكت اخلص

-جذب يمه بنياتي انوب اكعد الصبح مااسمع صوت عركاتهن

-لاتخافين بابا خال شرط كل جمعة وسبت يباتن هنا وهاي الخرزه اشك تضل يم رجلها يومين هاي اذا مو بيوم الصباحية ردها على اوجوهنا

ماردت دنكت طبگت الحزام وراحت كعدت عيونها بيهن تباوعلها بكسرة وتبتسم ؛اخذت نفس بحسرة اشرتلهن روحن واني رحت كعدت يمها بستها وهمست اني يمج ام رايه

-يروح امج الله يسعدهن

-لعد ليش هالدموع بعيونج

-بعدني ماشبعت منهن ماصدكت ردن لحضني

-كلما تشتاقيلهن نروح نشوفهن وهنه كل اسبوع يمنا بعد شنو تردين وتركي الزعل استعدي انجهزلهن لان ماضل شي للعرس واحنا كلشي مامشترين

هزت راسها بس دمعتها بعيونها

رجعت بستها وكمت وياهن لان ادري بيهن بس خبصه مااعرف اشلون راح يلزمن بيوت لحد ماجوي زلمهن وطلعت سديت الباب وراهن حسيت روحي بهتت

انداريت لكيت درع يطفر بالحديقة رحت شلته گعدته بالمرجوحة وكعد يمه انتبهت للبيت هدوء

صفنت اذا راحن اشلون اضل وحدي بس شعور بدون تخيل شي يخنگ

هزيت راسي وگمت اخذت درع رجعت كعدت يم ماما تلف كبة

مرت الايام بين نجهز الهن وبين تجينا فجر نكعد انقنع بماما بس تعقد حتى لايضلون يجحون اشلون بابا يدخل وهيه محرمة عليه بس قافله نمل نبطل ونرد نطلع بسالفة جديده

عين بخواتي الي جهزن كلمن جهاز بسيط حتى يوفرن على بابا الفلوس وعين بمكانهن الي اشلون راح يتركنا خالي

كعدنا من الصبح على دخلت ضي وهيه تصيح كومن الابشارررة

كمزنا مدت ايدها ؛ صاحت رؤيا احجي لج

-والله عرفت ماكالتلكم امكم

- شنو صاير

-البارحة بليل ذباح وهيذام حجوا ويه امجن وقنعوها تعقد على ابوكم بس عقد هيج

-ذباح طلع

-اي اول البارحة طلعه دسار بكفالة بس لاتفرحون على شوفتي اله مايطول يومين هم يكتل واحد ويرد

- واشلون قنعوها المهتلف ودروغو

- ماادري بس يمكن هددوها بيجن بعد مايخلوجن توصلن لهنا حتى لاتجيبن الهم كلمة او سامعين كلمة بحقها من العالم نسابتها ضباط كبار وابن عشاير ماترهم ينجاب طاريها المهم مقنعيها وهيه شارطة حتى بعد العقد مايدخل للبيت

-اااي وهسه اشوكت تعقد تره هاي ترد بكلمتها ماتعرفيها

-من نطلع للصالون دسار وذباح راح يجيبون الشيخ يعقدوهم بس هاا تره الفكره من دسار هو شمرها على هيذام وذباح وكلهم احجوا وياها

-وهذا الخبر الي يفتح النفس من الصبح

-عوفي نفسج مسدوده وكومي راح الوقت هم يالله نلحگ لان احنا اربعة وامجن تلحگنا يعني خمسة

رئال- وبدلتي لسه ماوصلت

-هيذام كال قبل لاتكمل تكون يمها وانتي رايه شو صافنة

- لاماصافنة بس يله روحن حتى لاتتاخرن

-شنو روحن انتي ويانه وحتى بدله سوده اخذتلج وشرط تسوين الي احنا نريده واذا كلتي لاا محد تروح

رئال- اني ماغوح اذا كالت لا

رؤيا- حتى اني والله ماتحرك واطلع بت كلب اذا تزوجت

رئال- عززه هم غلطت على بابا

-بت الزمااال كلت اذا تزوحت هسه اني قندرت على راس ابوج

ضي - راية هاي اول فرحة منو يكول بعد نفرح لاتخربيها علينا

رئال- لاعدنا بعد وحده سمعت ازغ الباغحه حجه ويه بابا

ضي - واني حسمتها اليوم ويا كلتله ماراح اوافق كافي هلكد تذل نفسك

رؤيا- لعد شكد سخيفة وناقصة

-مو سخيفة بس فكرت منو يضل يم رايه اذا رحتهن قابل نخليها وحدها

- لااا اشلون الله يخليج انتي وتفكيرج يله كومن حضرن غراضها خلي نطفر قبل لاترد اليهودية بكلمتها وتكول اجي وياكم وتترك العقد

كمنا صح مالي نفس بس ماريد اخرب فرحتهن غسلنا وجوهنا وطلعنا حتى بدون ريوگ قبل لاتطلع ماما من غرفتها وتجلب على سالفة رؤيا

رحنا ويه امجد وصلنا للكوافير دخلنا لكينه كم وحده كدامنا بين ماجاب امجد ريوك وتريكنا بلشن وحده ورا الخ من راسها لرجليها لحد مادخلت ماما گالبة خلقتها عرفناها عقدت احنا هم ماحجينه عالاساس ماندري

كعدت استلمتها ام الصالون واني عيوني بخواتي اباوعلهن اشلون فرحانات وكلمن جهازها بيدها تراسل بزوجها

ابتسمت وهاي كبرن وصار الوقت نفترق بس هالمره بأرادتنا

اخذت نفس انتجيت مر الوقت وتفكيري كله اشلون راح اكدر اعيش وحدي حتى مانتبهت شنو سوولي لمن فززتني ضي وهيه تصيح كومي بسرعة غيري راح يوصلون

-خلي اساعد رؤيا بالبس وغير ملابسي

-لااني اساعدها بس كومي حتى ترحين وياها بنفس السيارة لان دسار يكول بعدني يم ابو الوشم ومناك اخذها من ايد ابوها

-بعد شنو ديوشم هذا

-ههههه تاريخ زواجهم ديله كومي

هزيت راسي اخذت فستاني ودخلت غيرت وكفت كدام المراية صفنت على نفسي الفستان قصير وشعري مفتوح ومكياج خفيف ماصدكت هيج اتغير شكلي

طفرتني ضي بصوتها تصيح اجوووي

طلعت دااحجي وسكتت واني اشوف رؤيا بدلتها البيضه جنها اميرة ديزني بيدها البرگع ابتسمت واشرتلي تعالي لبسيني

نزلت دموعي اجت حضنتني وهمست محد يلبسني ويزفني غيرج

-صدگ رؤيا راح تتزوجين

-وراح نعوفج وحدج

-راضية المهم مستقرات ومرتاحات

-ربي يهنيج وعوضج بالي يملي كلبج ويترس حضنج بطفل يمحي كل حزنج

-مكتفية بشوفتجن ولمتجن بحضني كل اسبوع

-بس احنا مامكتفين وقبل لانقرر مصيرنا قررنا مصيرج

-شنو مافهمت

وخرت عني مسحت دموعي وخلت البركع بيدي وضحكت ؛ ابتسمت ورفعت رجلية البسها وماما تباوعلنا ودموعها تنزل مامصدگة واخيرا راح اتأمن عليهن ببيوت ازواجن

اجت رئال ساعدتنا دخلن امهات دسار يهلهلن؛بستها ونزلت البركع لزمت ايدها ورئال شالت بدلتها طلعناها صعدناها بالسيارة صعدنا وياها شغل السايق طلع بينا للقاعة

وصلنا لگيناها صايرة خبصة والكل يستعجلنا نزلنا ماما ورئال اخذنها لمكانها المخصص واني وضي اتجهنا للقاعه حتى نستقبل المعازيم

دخلنا وتفاجئ بالعرس مختلط انداريت ردت ارجع لان فستاني كلش يفشل واسمع بابا يكول وين اميرة ابوها

انداريت لكيته واكف بهيبة قاطه الاسود وشعره المخصل بالابيض زايده شخصية ابتسم ومد ايده دفعتني ضي رحت لزمتها دنگ باسها وسحبني لحضنه كال وين تردين

- اغير فستاني لان كلش اوفر ماادري مختلط العرس

-جماعتهم هواي ماكدروا يفصلوا ومابي شي فستانج بابا كعدي محد يشوفج

-داقنع روحي البس حجاب موارجع اتصلخ

-هههه بس اليوم وبعدها نعلن التوبة جماعي وبعدين منين اجيبين فستان هسه لو ناوية ماتحضرين زواج خواتج

- لااشلون غير رؤيا تعوف حتى العرس واحنا ماصدگنا تفض السالفة على خير

- لعد تعالي وياي

جرني وصل يم الطبلة سحب الكرسي ودنگ اشرلي كعدي بطريقة امراء

ضحكت كعدت اجت ضي هم سحبلها الكرسي كعدت يمنا

راح بالباب وكف يستقبل العالم الي تدخل فوجات واكثرها رتب وكل اليدخل يسلم على بابا ويباوعله بصدمة يردها بابا بأبتسامة مكر وترحيب

همست ضي خرب عرضه اشكد نغل ابوج شوفي اشلون لعبها صح

-واني جنت كل مااشوف رؤيا اصفن على منو طالعة هيج تفكيرها اجرامي بذكاء وابونا جاسم المعفن لاحظ ولادبان

-ورئال صح هادئة بس تعشق شي اسمه انتقام وغدر

-جيناته رافد قوية هواي اثرت بيهن

-وانتي

-ماخذه حنيته وصبره صدگ وين ذني ليش تأخرن وحتى الولد ماكو

-رئال استوها وصلت بدلتها ورؤيا مايصير تدخل لحد مايوصلون كل العالم والولد مااعرف وين اكيد مشغولين هسه يجون

سحبت شعري خليته على صدري وامتوني اضم بيهن وعيوني عالباب اندعي كون مايجي ذباح ادري ماعنده مانع حتى يرميني مو بس يسحل العالم

مر الوقت كملت العالم واجت ماما مغيره فستانها بواحد تول اسود مخصر وشعرها فاتحتها ومكياج خفيف اني من العالم فتحت عيوني وشهكت عليها اليشوفها مايصدك نفسها اليهودية

كعدت يمي اشرت شكو تباوعيلي

ضي- لاقابل شنو راح تكسرين سوكنا انتي منو دخلج للقاعة

-نسيبي

-كومي طلعي واني باجر اعزمج مكان احلى منه

-دخلي ادق ذولاك الناس واروح اغير لا طفرن

-منو هذا الي ادقي

-نفسه الراح توسط يم نسبانه وخلاهم يجبروني اردله بس اذا ماشوطته وخليته يكمز من القهر مااطلع بت اليهودي الجابت راس اكبر وحد مدوخ الحكومة قبل الاهالي جوه رجليها

-احس قصتكم حلوه

-كلش ماتسكتين مصدگة مثل هذا ورا قصة بيها حظ دشوفي اشلون يباوع للعالم يدرسهم دراسه الله اعلم شناوي يلعب

- اوووي فدووة شوفي منو الاجوي

درنا وجهنا تغيرت الاضاءه ويه الموسيقى الهادئة كمنا حسبالنا العرسان دخلوا بس جانوا الاحلى من العرسان

هيذام بقاطه وهاي اول مره اشوفه هيج رغم العسكري لايكله بس الرسمي طالع ويه ضخامته شي ثاني لازم درع بأيد وايده الثانية رافع ايد رئال الي طالعة جنها بطلة روايات بدلتها التسحل وراها ونزاكتها الي خاله العالم تصفن عليها

على طول مايمشون العيون عليهم وكل الي يصيرون قريبن عليه يكوم يسلم ويهنيهم. لحد ماوصلوا يمنا دنگ باس ايدها وسحبلها الكرسي كعدت وهو كمل طريقه يم جماعته

استونا كعدنا وتغيرت الاضاءة لغير لون وصوت اغنية اجنبية رجت المكان كد ماعالية

كامت العالم كمنا وياهم انفتحت الباب دخلوا اطفال ولد وبنات من الصفحتين كلمن بيده سلة ورد ينثر وراهم دخلوا بابا لازم رؤيا يمشيها واحد يباوع للثاني ويضحكون

نزلت دموع رئال لزمت ايدها باوعتلي عصرت ايدي وردت تباوعلهم وصلوا قريب عالاستيج نزل دسار سلم على بابا واخذها منه وخر البرگع باسها براسها اشتغلت الهلاهل والجكليت

دنگ رفعها من خصرها يضحك مامصدگ

تغيرت الاغنية خاصة بالرقص باسها ونزلها اخذها لحضنه ؛ اجه هيذام اخذ رئال وراح يمهم كاموا كم وحده همه ونسوانهم هم وكفوا يركصون وياهم

تقدم بابا دنگ مد ايده همس تسمحيلي بهاي الركصة

-هههه بابا صدگ دتحجي

-شنو بس لامستهانة بيه تره رگب هالهوسة بكلمة مني اضيعها

- ولو رافد الدغش انت اتگلي

-لعد كومي لاتخليني اطيرج وياهم

ضحكت لزمت ايده باسها وكومني اخذني وياهم رفع ايدي خلاها على صدره ونزل اديه على خصري قربني اتحرك ويا وعيوني بخواتي الي كلمن بحضن زوجها الضحكة تارسة وجها

…مرات يكون العوض على شكل ضحكة تملي روحك يضعاف حلم جنت تسهر ليالي تباوع للسما تترجاها تحققه الك

اتغيرت الاغنية صارت طربگة رجعت تركت رؤيا ودسار لازمين الساحة طايرين وصوت ضحكهم وين واصل كل شوية يرفعها من خصرها يفرها مامصدگ ويرد يبوسها وينزها يكملون ركص

شاركوهم الركص ازر ورئال وضي وضبع ولحكهم امجد هذا قفل ملفهم صفن العالم بالهز والحركات اخر شي ختمها نزع سترته وكام يفر بيها وكلبها وخله العالم كلها تتسودن تهوس وياهم

هيذام واكف على جهه بيده جكارته يباوعلهم ويضحك وبصفه بابا مجتف يباوع لبناته اشلون يهوسن فرحانات تحسه يتأملهن من كد حبه الهن

اجمل ساعات مرت تحسها حلم وخايف على غفلة تصحى منه دموعي تنزل امسحها وترجع تنزل من الفرح ؛ لتالي الليل وهمه مستمرين تعبت من الوكفة سحبت الكرسي كعدت دااعدل شعري وانتبهت لبابا يأشرلي كمت رحتله دنگ همس بنيتي الورده بيج وكفه

-افاا كول

- ترحين تكولين الامج تصعد قبلج بالسيارة بين ماترحين انتي ورئال توصلن اختج للفندق لان مايصير اكثر من اثنين يرحن وياها

-وبعدين

-توصلين اختج اطلعين من الباب الثانية تلكين ذباح منتظرج

-شنو باباااا تريد تورطنييي

-بس الليله دخيلج هاي امج اذا مانحصرت وتعدل وجها بكم راجدي ماتجي للدرب تربيتي واعرفها

-ههههه تمام اني هم شايلة هم اشلون ارد انام وحدي يله اروح يم فجر وهجامة اتسلى افضل

-مردوده يبت ابوج الكفو يله راح يزفوها

اشرت اي رجعت لماما خبرتها اخذت الشال خليته على متوني رحت لرؤيا ساعدناها اني ورئال عدلنا البرگع نزلها دسار زفوهم للسيارة صعدها وصعد واحنا رحنا للسيارة الوراهم صعدنا اول ماتحركت السيارات اباوعلهم فتحوا القمارة هيه وكفت وهو داس طلع طاير بسرعة غمضت مااعرف اشوكت راح يعقلون

الشباب كلها طالعة من الجامة تهوس والدراجات بينهم تتزابگ ودسار منطلق بينهم كل دقيقة اكول هسه يسوون حادث ماصدگت شفت الفندق كدامنا خليت ايدي على كلبي وشهكت النفس براحة

فتحت باب السيارة وانتبهتلها تسولف ويا عرفتها تريد لكبر غزوان سحبت الباب عالسريع نزلت ركض فتحت بابها وجريتها باوعتلي بكسرة همست اشش واشرت لدسار يله نزل لزمها دخلها للفندق فوتناها لغرفتها كعدتها عالجرباية ردت اطلع لزمت ايدي انداريت باوعتلها نزلت دمعتها وهمست ليش ماخليتني اروحله

-لان مايقبل توصلي بهيج يوم

- ولااكو واحد يستحق يشوفني بالبدلة ويحس بفرحتي وشكري غيره

-ديشوفج وديكول كبرت بنيتي الصغيرة واخيراً تزوجت وخلصت من همها

- راية لاتعوفيني

- شبيج يروحي

-بطلت ماريد ابعد عنكم اخذيني وياج

-رؤيا شصايرلج

-اعرف نفسي راح افشل ولاراح اگدر نام بعيد عنج

-اني مو بعيدة راح اكون وياج بكل خطوة

-لا راية لاتخليني

اجه دسار وشمر سترته سحب بنطلونه من جوه دنگ گعد كدامها نص گعده. وخر البرگع مسح دمعتها وهمس كل يوم راح اخذج الهن

هزت راسي لااا وشهكت

-عالاساس اذا بجيتي تنسيني لحضر والتجاوز التهديد لاشوفيلج غيرها

-اصلاً ماعندي فون

- وافلوس الاندومي والتسليب وباكيت الجكاير الجان يختفي من جيبي بكل مره ادخللكم ذني منو جان يسويهن

- عزة هاي منو

-نفسها الي خلتني اترس ايدي وشوم بتواريخ لقاءاتنا

فتحت عيونها التلمع وهزت راسي مااعرفها

اشرلي بأيده روحي بدون لاتنتبه وكال هاي وحدة فد يوم جنت شارد من الحكومة وصارت بوجهي ضربتها بالدراجة وابتليت على نفسي

-من انت ماتعرف تسوق شكو تصعد دراجة

-هاي اني مااعرف اسوق مو انتي طلعتي بوجهي

-صدگ ذكرتني ليش تصرخ بوجهي فوگ ماحيوان لفو وداخل بمنطقتي ومكسرني بسايقتك العوجة

-حيوان ؟؟

-وخاين وماعندك رجولة كدرتك عالنسوان

اباوعله عض شفته عصر وجها وكاملها سديت الباب بسرعة واسمع عيطتها وشي انضرب عرفته عضها وانكتل

ضحكت نزلنا طلعنا من الفندق صار بوجهنا هيذام وذباح واكفين يسولفون تكول مدرعات حربية واحد يكول للثاني اني اسوء منك ؛اشرت لرئال روحي وركضت صعدت لسيارة ذباح قبل لاينتبه البسي

سلم هيذام عليه وراح اباوعله ضل واكف بيده جكارته اخذله دقايق سحب نفس منها شمرها واجه صعد قبل لايدير وجهه ويباوعلي صحت همه دكوا بيه الناقصة والله اني قررت اتحجب

هز راسه اي بدون لايرد لو يباوعلي اصلاً ؛شغل السيارة وداس عرفت واصلت يمه للنهاية وخلص وقت الصبر والتهديد

اتبلعمت ولميت نفسي درت وجهي للشارع انعل برافد واليهودية على هاي الورطة ؛ السيارة تمشي وهو نفس ماله كلما ادير وجهي اباوع اشلون لازم الاستيرن ويسوق بغضب اغمض اشتم بيهم وارد اباوع للطريق لحد ماوصلنا دخل السيارة للبيت وشرلي نزلي

نزل نزلت ورا وكفت دااحجي وانتبهت البيت ظلمة وهدوء اتفاجأت درت وجهي اله همست شنو ماكو احد

- واكو احد شني اليفرگ ؟؟

-هاا لااا يعني داسأل

-اهااا تسألين تمام خشي يبه مااچل بشر

-لاموهيج قصدي بس لو گايلي اهلي بالزيارة جان مااچيت لان اني اصلاً اخاف انام وحدي

-جثير باين الخوف بجهرتك من هالخرط الخالته على جسمج؛ روحي بنيتي لحجرتك انه كاعد هون لاتخافين

-شبيك ذباح

-سلامتج يبه

كالها وراح فتح باب الغرفة دخل ؛ وكفت اتلفتت البيت خنسة والغرف كد الظلام شي يرعب

رحت ورا دخلت لكيته كاعد عالطابورية بيده جكارته مدنگ يباوع للگاع وياكل بشفته

دخلت يمه اخذ نفس شال راسه خله الجكاره بحلكه وباوعتلي بتعب

- والله مالبالي العرس مختلط

-ومختلط وين الغلط

-ذباح تعرفني اني مو هيج

-انه لاعرفج ولاعرف اهلج كل الي اعرفه انتي حاملة اسمي والمفروض تعملين حساب الكرن الزاتته ورا ضهرج قبل لاتعملين اي شغلة

-لوماجنت حاسبة حساب الك جان مافكرت اتحجب من دون اهلي

- ميحتاج اختاريتي طريجج وهاي انتي مرتاحه بي كملي يبه تتهنين وحريتج باجر تكون عندج وانه رادج لبيت هلج

-راح اطلكني

-موش هذا الرايدته

-اي بس موبهاي الطريقة

-اشلون يعني بأي طريجه رايدتها

-ردته بدون زعل واتضل السند الي كل مااحتاجه لو اخاف اركض انضم ورا

-يبه عليش ماتحسين انتي ترانه موش حيط بشررر بشررر تعرفين شني بشرررر

-شبيك ذباح ليش هيج تصرخ

-لان هلكتتت تعببت نعلت اهلي على هالمذلة العايش بيهااا عليشش هاا لخاطر شنيي لخاطر دگه كلب بالغلط الانعل ابو الحب لابو اليذل روحه بالعشگ

-هيج كرهتني

-دعيت جثير لخاطر اكرهج لااا وعلي بس لخاطر اشيلج من كلبي بس ماعرف ربي عليش ماستجاب

-لان يعرفني رغم هالهوسة اليمي بس احس روحي ثگيلة وغريبة بينهم صح انت بعيد عني بس من اذكرك موجود واذكر اذا تركوني لو شتدت بيه الدنيا اكو من الي اروحله ومتأكده راح تستقبلني؛ وبدل ماتعاتبني راح تضمني وتكلي اني يمج مسحي دموعج

-شني الرايدته راية

-مااعرف بس داحس روحي مخنوكة وحيده وماضل شي اعيش اله خلصت مهمتي بالدنيا

-هاي كلها بس لان كلج ابوج لاتردين اليوم للبيت

-مااعرف اصلاً ماادري ليش واكفه دااشكيلك

-حتى تحسميها وياي بذكرى تهدين اخر حيل كاضني عن المنية

-باجر الصبح اطلكني

هز راسه اي ودنگ

سكتت مسحت دموعي ورحت كعدت عالجرباية صار هدوء مر الوقت وماكو واحد بينه حجه

احس البرد دخل بعظمي بسبب المروحة ورجليه اتشنطت من وره الحذاء ؛ وخرت شعري عن وجهي انتبهلي كام وكال اخذي راحتج

-وين رايج

-اكعد غادي عالدرج لاتخافين

-وتضل للصبح كاعد بره

-ماضل شي للفجر نامي يبه

-وليش ماتنام هنا

-مارايد ازعجج

-لاعادي وعلى سالفتك اقلها اخليلي ذكرى حلوه مو حتى اخر يوم اگعدك بره

باوعلي وضحك جانت بنظرته لمعة حزن احسها خذت كلبي

كمت سحبت الفراش فرشتله شال جكايره وفونه شمرهن عالدوشگ وكعد

رجعت للجرباية نزعت حذائي شمرت الشال دخلت جوه الغطه لفيت روحي اسمع صوت الجداحة همست تره اذا تريد طفي الضوه عادي

-ياهو اجه للحفله

-من الاخير محد باوعلي ولا واحد تجرأ يحجي وياي لان جنت بين ثلاث زلم تكسر الظهر

-وياهو السائل عنج

عضيت شفتي

اسمعه اخذ نفس من الجكاره رد الهدوء اخذتلي ثواني وهمست صدگ راح تتزوج

- ماتصور الج دخل بهيج امور شخصية

-لابس دسأل فضول

مارد

-شو مارديت

-يبه الج شي يمي تزوج اطلگ انهب انتي شدخلج

-لاقصدي انو اذا تزوجت تعزمني

-عليش اعزمج من باگي هلي

-ديله عالاساس العرس راح تسوي بفندق خمس نجوم لو تاخذ اميره زمانك اني اصلا مااجي عرسك

سكتت

-ذباااح تره زودتهااا

-شمالج بنيتي

- هيج مخبلة اسولف وحدي يله طفي الضوه دانام

-ياهو الكاضج ماتنامين

-مااعرف انام اذا مالضوه مطفييي

- ولايهمج كومي طفي بس هدي اعصابج

احسه نرفزمي وخرت الغطة كمت طفيت الضوه صار هندس اتحركت نضربت بالطابورية كلشي ماشوف من كثر خباثته طفى حتى الجكارة

وكفت محتاره انوب تورطت لااكدر ارد اشغل الضوه و لااندل الجرباية اخاف اسحگه لان اعرف المسافة كلش قريبة بينا

فززتي وهو يكول عليش واكفه

-اشلون شفتني

- هذا السؤال تسألي لابن ولاية موش لواحد گاضي عمره بالبدو ومخلصها يهيم بعتمة الصحاري

-شغل الجداحة دارجع

- تأمرين

كالها وشال الجداحة كعد شغلها بعدني مامتحركة لكفني من ايدي عتني حيل ماسيطرت وكعت عليه طفه الجداحة وشمرني عالفراش ردت اكوم رجعني بسرعة دفعته لزم اديه بعدهن ودنگ حسيت انفاسه قريبة همست بتوسل لااا ذباح

مارد عصر جف اديه ودنگ احس انفاسة تضرب بخدودي نزلت دموعي باسني عالكيف وهمس وحگ الصورج بعيوني ودگج ويه النبض بصدري اعشگج عشگ يصحي المسودن بسالفته

-والله ماراح اگدر

-اششش

كالها ورفع ايده مشاها على وجهي بهدوء؛ شهكت خله راسه برگبتي اخذ نفس طويل ورد باسني جريت اديه ثبتني حيل درت وجهي ضغط عليه بقوة ضربته زاد اكثر بجيت لان عرفت ماراح اگدر اخلص نفسي منه بالاخص من حسيت ايده نزلت على خصري عصره وقربني اله اكثر هو يدنگ يسحب شفتي ويفتح السحاب…

صح دقايق بس ماعرفت شنو جان الشعور بين خوف والم دكات كلب متسارعة احساس جديد رافضه ينولد بداخلي

مسح دموعي باسني عالكيف من ركبتي وغمض كأنما ينبهني صرتي ملكي دفعته انكلب على ضهره

من حرگة كلبي سحبت الغطة وكمت الشهگة بصدري مشيت انضربت بالجرباية بجيت بصوت رجعت اتملس لحد ماوصلت للحمام دخلت سديت الباب وراي اجه الضوه

سلقيت الباب شمرت الغطه ورحت جوه الدوش حتى مااعرف شسوي گد القهر ولا اشلون سبحت كل الي بعقلي اشوكت اطلع واخابر بابا حتى يجي ياخذني

لفيت شعري سحبت المنشفة لفيتها على جسمي وطلعت لكيته كاعد بيده جكارته دنكت شلت الفستان دارجع كام بسرعة اجه لزمني انداريت ضربت اجت بصدره لزم ايدي وهمس ماغلطت لخاطر هيج تعامليني

-كلتلك مااكدر ليش غصبتنييي

-لان خلص صبري وماضل شي اعمله لخاطر ارضيج اتحملت كل اذيتج عطيتج كلشي املكه ماضل غير الروح ومستعد هسه انهيها بجلمة منج

-ليش هيج دتسوي بيه

-لان عشگتج

- وااااني ماحبببك

-ادري واعرف ماراح تحبيني وبعدت بس حتى اقنع روحي ونساج بس زادت نارج بصدري موش بيدي وعلي احسج بداخلي طوفين ويه الروح اشوفج بكل صفنة واحسج بكل لمسة رايه انه ماحبج انه مسودن بيج

سكتت بس دموعي تنزل

همس رحميني دخيل هلج وعلي ماضل حيل يحمل كل الرفض منج تعبت وكلام الله صرت اشر النوم بعمري بس لخاطر ارتاحلي دگيگة من التفكير بيج

-مااكدر

-لاتگدرين بس عطيني فرصة وحگ الوجر روحي بيج اذا ضلت روحج نافرتني ابعد

-تعرف انت شدتطلب

- تكرهيني ؟؟

هزيت راسي لا

-يجي يوم وتحبيني

- لا

- گلتلج عطيني فرصه عليش يبه هيج تعامليني وعلي مااستحگ كل هالگساوة منج

-لان انت مدتستوعب شنو احجي

-لاعرف وراضي مارايدج تحبيني بس خليج يمي كم يوم وانه احلفلج بمعزتج بروحي اذا ظليتي هيج جافلتني وماكدرتي تواطنين عيشتي اردج بيدي وحگ هو علي

-ذباح راح تتعب وتمل وحتى تكره نفسك

-جان كرهتها گد ما كابلت داركم وانه اتأمل اسمع صوتج لخاطر اهود شوية من نار كلبي جان مليت وبطلت مكاون ويه البدوية وانه اتوسل ترد تحجي وياج هلبت يرف كلبج جان غمضت عيوني من غير لاخذ مخدتج لحضني

-وراح تسمع مني كلام يخليك تأذيني بدون وعي

-مانحسب عالزلم اذا خليت دمعة تنزل من عيونج

-ماراح اكدر احبك

-اكتفي بشوفة نظره حب بعيونج لابنا

-والله مااكدر ذباح فدوه لاضيعني اكثر مااني ضايعة

-ماتضيعين طول ماانه حدج

باوعتله نزلت دموعي مد ايده مسحهن؛ همست وروح اختي ماراح اكدر لاتخليني اغصب نفسي على شي يخليني اكرهك بسببها

مارد دنگ شالني رجعني للجرباية دفعته سحبني ضمني بحضنه بقوه شهكت دنگ همس يم اذني ماراح اذيج بس راح اجبرج بكل لهفتي عليج لحد ماتبادليني بيها

ضميت راسي بصدره وخرني اشرت بتوسل لاا

عصرني بحضنه حيل مسح دموعي عالكيف ودنگ يطبع بوسات خفيفه بين خدودي وشفتي هو ويفتح بالمنشفه …

بين نايمة وبين گاعده اسمع صوت بالبيت استوني داافتح عيوني وندفعت الباب سحبت نفسي من حضنه بسرعة على دخلت بت صهيب تركض وتصيح عمو

جريت الغطة غطيت جسمي واني اشوف عمتي فجر دخلت وراها تركض لزمتها وطلعت سدت الباب احس جسمي كله عرگ كد الخجل انداريت لذباح دمعت عيوني ابتسم لزم ايدي سحبها باسها واشر شكو

جريت ايدي -لاكلشي ماكو

-شمالج يبه شني كاضيج اداب

-انت دتشوف احنا بأي وضع

-ترانه زلمتج مانه رفيجج

دنگت لزمت وجهي نزل شعري غطاني كعد وخره عن وجهي دفعته جرني لحضنه ردت اوخره ضغط عليه بقوه باسني وگال وحگ الكفل زينب لخليج اسعد وحده بالدنيا

سكتت

-اطلبي الي تتمنى روحي گبل النفس راح يكونن بين اديج اذا كصرت وياج بشي الج حگ تهديني

-داحس داخلي بارد

-راح تحسين بالدفو وانتي بين ضلوعي

-ماراح تحس وياي بغير الندم

راد يحجي وبطل مثل الي انوجع دنگ غمض متألم

وخرت عنه كمشت ايده عدل روحه سحب ايدي باسها وخر الغطه راد يكوم رجعت لزمته باوعلي

همست مكان العملية بعده ملتهب

-هه لايبه ماكو شي

-لاتجذب ذباح تره التعب واضح عليك

-يابه ياتعب نغزه اجت ولت

-ماعندك فلوس تعالج موو ؟؟

-مابيه شي لخاطر اعالج هاي قبل كم يوم بالحجر تكاونت ويه زمال طگني على مجان العملية ماعليها تاخذ كم يوم وتشفى وحدها

-انت ليش من دون العالم روحك بالعركات

-خبل قصدج

سكتت

-رايه كلامج كله هيج دگ بالعظم ماكو وحده تخطي بالريش

-ماراح تحصل مني غير التعب

-كلشي يجي منج رضه كافيني وجودج كربي

دنگت رد جر راسي باسه وكام بطرگ البنطلون اخذ المنشفة ودخل للحمام

اباوع ملابسي بالكاع مطشره وخرت الغطه جسمي كله اثار غمضت لحد الان مامستوعبةالصار ولاسبب هدوئي وتقبلي لهالشي

رجعت سحبت الغطه دقايق وطلع ينشف بشعره شمر المنشفة فرش سجادته وكف يصلي رفع اديه كبر بصوت وغمض عرفته ديصلي صلاة الشكر

كمت دنكت اخذت المنشفة من الكاع ودخلت للحمام سديت الباب احس روحي اتحرك بدون شعور

وكفت جوة الدوش المي ينزل عليه واني بغير عالم لاارادي ايدي نزلت على بطني احس كلبي نبض شعور مااعرف اوصفه بس مثل صورة طفل يناغي مرت بمخيلتي رفت روحي وعصرتها

فزيت على دكت الباب مسحت وجهي سديت المي لفيت روحي بالمشفة وطلعت حتى بدون تنشيف لكيته كاعد عالطابورية بيده حكارته ومدنگ يبلس بحذائه

شافني انگط مي كام بسرعة طفه المروحة وجاب منشفة ثانية اتقرب يمي رجعت ليورا مااريد مشاعري تتخربط اكثر من الهوسة البيها

كمشني خلاها على راسي دار اديه يلف شعري صرت بنص حضنه احس عطره صار بداخلي

دنگ همس يم اذني دخيل هالوكفة الي ضيعت نص عمري لخاطر اوصلها

غمضت اخذ نفس طويل وخله شفايفه على ركبتي احس خدر بكل جسمي باسني عالكيف ونزل ايده على خصري عصره سحبني اله اكثر ورفعني فتحت عيوني دنگ على شفتي سحبها مااعرف شصارلي بلحظة فقدت كل مقاومتي بين اديه استوني اتجاوب ويا وكمزنا اثنينه على دكت الباب وصوت بيبي بغضب تصيح موش جنكم طولتوهااا

غمض عيونه يستغفر؛ مسحت حلگي بظهر ايدي وصعدت المنشفة بدون صوت

فرك وجهه اخذ نفس دنگ شال البطانية لفني بيها وفتح الباب اشر شكوو

بيبي - والله الخبر يمك ياابن البدوية شعدهم ولد عمك من فجر ربهم مغربين صوب مضيف الشيخ

-وصلوا السباع ياهلا باليحدر للموت برجلي

اندار راد يشيل سلاحه صاحت والي اسمه الله يذباح اذا تحرجت خطوة لرد حرمتك لبيت ابوها واكله يطلگها غصباً عن شاربك وكونك ازلمة من ضهر ابوك وتكف بوجهي

-يممه

-وصصل التهد ضلوعك ولك استجن شمالك مسودن تمشي وطگ بالعالم

-انه خبل ادور طلايب عالباطل بعدي يمه

-روح مااكف بوجهك وانتي جده رايه لبسي لاردج لبيت هلج لان هذا لاينعد ولا يركد لحد مايموت وانتي مامعوزه وجع كلب كافيج همج

-كون صدك وترديها

-اردها شتريد تعمل تتكاون لو دگ راسك بالحايط يطبك وجع اجلع اهبد هامتك عساك بالسوادين اكثر ماانت مسودن وانتي يلااا فضيني

اشرت اي خزرني و اندار باوعلها صاك على سنونه

همست لاتباوعلها هيج اذا تضل على نفس سوالفك اني مااضل وياك

-يبه ويين مولي عليش تحسسني مانه صاحييي

- ذباح هاي كدام بيبي تريدني ابقى يمك تبطل مشاكل لان اني مو حمل هبطات ولا خوف

مارد عض شفته الجوه ياكل بيها ويباوعلي بغضب درت وجهي هز راسه اي شمر سلاحه وطلع

بيبي- اكف لك

- امري يالبدوية

-تاخذ حرمتك وتطلع تجيب غرفه جديده مجان هاي لوناوي تسكنها عالگديم

-قبل يومين حجزت الغرفة باجر العصر تصل

- تتهنون بيها الفرش وباگي الاثاث هدية صبحتكم مني

رفع حاجبه

ابتسمت وفتحت ايدها ضحك رجع حضنها اجت فجر مناك تهلهل ودموعها تنزل

سحبت ذباح حضنته وبجت وبيبي اجت حضنتني همست-بالمبارك يجده عساج بسبع سعادت وعوض بالي يسر خاطرج

دنگت خجلانا

-هموا اديكم نريد جاهل بساع لان ماضل بالعمر شي ولاحيل لرباته

-ان شاء الله بيبي

باوعلي ذباح اخذ نفس بتعب وضحك كأنما جان منتظر يسمع هالكلمة من دهر مني

بيبي - يله تهيري ابوج اتصل وكال من يكعدون العرسان جيبوهم وتعالوا اليوم غداكم يمي …

***رئال***

التبريد مثلج الغرفة خانسة جوه الديباج عالدفو نايمة بعمق فزيت على نبره صوت هيذام هو ويخابر

دخلت جوه الغطة اكثر ودرت وجهي للجهة الثانية كد ماصوته عالي والطرق التعذيب الي يأمرهم بيها مرعبة احس نومتي طارت فتحت عيوني صار كدامي بطل المي عالميز كعدت شربت ورجعت حضنت مخدتي اباوعله دااشوف وين يوصل

وهو مستمر يتسنط اخذله ثواني وگله عفية بولدي دخلوا غرفة مية واحد …اريد الاستجواب عالناشف ماريد نقطه دم … لاتخاف مايموت … لاتذكر كدامه اسم الدغش نهائياً… ابطااال … كمل تحقيق وشمره جوه بين مااجي… بلغ الولد خلي يستعدون اول ماانطيك اشاره طلعون راح تلكوني كدامكم … ديربالك عالولد …

سد الفون شمره بصفه سحب جكاره دنگ ورثها انتجه جرني لحضنه خلاني على صدره واخذ نفس

-انت بس فهمني شوكت تبطل هالشغل

-ليش شمسوي

-لااا كلشي ماكو وشنو بابا ديشتغل وياكم

-منو جاب طاري اسم ابوج

-تغه سمعت وادغي ماطلعته لوماجنت غايد تستفاد من افكاغه ويساعدك بشغلك

-مم وبعد

-وبعد حغام هيج دتعذب العالم بس داافهم شنو انت شايلين عندك الاحساس لو كد دواعي العالم تحولت

رفع حاجبه

-هيذام والله من اسمعك هيج دتحجي اخاف منك

-تخافين مني رأل

-يعني انت تحجي كله بشغلات تعذيب مايعقلها بشغ وتجي ملابسك كلها دم ومن تنزل جوه تعيط عالحماية وحتى تشيلهم من وجهم وتخليهم كلهم ميتين غعب وتگلي تخافين

-مااذي احد اذا ماجان يستحق الحرگ والحماية اذا ماازرع الرعب والشك بينهم يغتالوني ؛الثقه والرحمة موت بطيء نظف قاموسك من الاوغاد تعيش امن

-هسه المفغوض اتعود عليك وتعايش ويه الوضع

-ماكو شي اسمه المفروض اكو شي اسمه اجباري دخلتي عالمي ماطلعين منه غير بموتي هاي اذا خلوج وراي ماشلعوا راسج

-ولاتحجيها بكل بساطة

-واقع لازم تتقبلي

-تغه اكدغ اعوفك هسه

-جربي تخطين خطوه وحده حتى اعلگج انتي وابوج وشرط باب الممر لخاطر اروح واجي ادمغ بيكم

-اشايف غوحك لاحسبالك بعدني ذيج غئال الي اخاف منك تغه بغاجدي واحد اسكتك شهغ

خله الجكاره بحلگه وباوعلي عرفت روحي جفصت

ضميت راسي بحضنه انتظرت شوية ماحسيت اي حركه

رفعت راسي لكيته بعده يباوعلي رمشت براءه رفع حاجبه ضحكت رجعني لحضنه عصرني حيل وكال كومي قبل لاراويج الراجدي اشلون يصير

-والله بعدني نعسانه

-من نرجع نامي

-جذاب ماتخليني هسه تكول يانوم باجغ غاح اعوفج عندي خفغ واذا غمضتي عيونج اشلعهن

-لامجاز يومين

-عزززه يومين تضل على كلبي

-بت الكلببب شمسويلج

-لاا ابد كلشي ماكو بس نوم ماكو وتجعص وتعضض وتعيط عليه تكول طفلة حالي حال دغع

-ليش انتي شحاسبة نفسج

-هيذااام

-يروح هيذام الكل يركض وراها وهيه راكضه وره لدغه حاملة عيوب الدنيا بكبرها

-هيج اني بنظغك

-واكثر بس انعل ابو كلبي الذلني وراج وخالني مثل الطفل الخايف يفقد لعبه وروحه بيها

-شنو دتشوفني

-دعوة مظلوم بوكت الفجر صعدت لربها وردت بقوتها بنص كلبي

-يعني تحبني

مارد باوعلي مد ايده وخر شعري عن وجهي بطراف اصابعه نزل على خدي يحركهن عالخفيف وصل لشفتي مسحها وهمس القضية الخلتني اتنازل عن رتبتي قبل اهلي

-لوغجع بيك الزمن

-بدل مااصرخ بوجهج اخذج لحضني وطلگ ضلوعج على كد الرگض الرگضته وراج

-صدگ اطلبك افلوس البنزين الشمغته

- لازم ماكفتج الفلوس النهبهن ابوج رأل كومي بنيتي وكلام الله كوه لازم روحي عنج

-المشكله بعد ماخاف منك

-اهااا تجربين

نترت راسي بعدوم اهمية اخذ نفس من جكارته جمرت قربها يم عيوني بسرعة غمضت نفخ الدخان بوجهي ودنگ باسني من شفتي

بعدت راسي فتحت عيوني لكيت يباوعلي بتأمل

-عود هيج عاقبتني

-الوحيد بهالعمر المباح الها كل ممنوع ومستثنية من كل عقوبة

-بس هيج غاح اتمغد عليك

-تمردي طفري عصبي سوي كل التردي المهم اخر الليل تكونين بحضني

-وهذا حضنك اذا اشتميت بي عطغ وحده لو سمعت محقق ويه وحده اعوفه

عصر وجهي وحجه من بين سنونه اخر قضية جانت انتي الي خلتني احرم احقق ويه هالجنس قاطبتا

دنگ باسني من شفتي حيل دفعني وكام طفه جكارته وراح فتح الكنتور يطلع ملابسه

فركت خدودي -تغه والله بعد وكت

-ورانا فره من ضي لدسار لاهلج يله كومي

-لعد لاتلبس عسكري

-لاماالبس حتى حماية مااخذ

- شتكول غايه اذا عغفت احنا وغه السالفة غاح تزعل منه

-اكو زمال يمشي وره سوالف دسار هو لوبي خير جان نصح نفسه قبل لايشمر روحه هالشمرة

-هسه تلكي حتى ماما مشبعته دواعي ومسبة

-وراح تكملها ضي

دسأله شكو ورجع رن فونه دنگ شاله

كمت عفته يرد عليهم اخذت ملابسي رحت للحمام سبحت عالسريع وطلعت لكيته يم الشباج واكف يدكم بقميصه وعيونه بره رحت يمه صار المشتمل كدامي

حضنت ايده باوعلي همست تذكغ ذاك المشتمل

-مم جانت وحده بي تسهر للصبح تدعي عليه واني مكابلها ادگ جكاير والعن بزماني محتار شسوي

-تستاهل اشكد توسلت بيك وبجيت حتى تخلصني دغت وجهك عني

-طعنتيني بظهري شليتي حركتي وكلتي اوكف

-وين اسماعيل

-اليوم طيارتهم هو وهبة

- عمتي زعلت مو

-محد اله شي يمي حذرتهم استهانوا خلي يحمدون ربهم خليتهم يشمون الهوا

-صدگ غاح اخذ غغفة اسماعيل اسويها لدغع حتى يكون يمي

-سوي التردي

-عادي ابدل اثاث البيت وانزل مكتبتي جوه

-هذا بيتج عسى ماتحركي محد يكلج وين تردين

-يصيغ ابدلك

-اخاف اشمرج وتنحسبين عليه روح

باوعتله بضوجة ضحك دنگ باسني وكال يله راح انزل استعجلي لان ضي خبصتني بالاتصالات

مسحت شفتي واشرت اي

رد دنگ باسني بقوه احس شلع شفتي وخرني عن طريقه راح اخذ سلاحه والفون وطلع

كملت عالسريع لبست حذائي وطلعت ورا نزلت ركض صارت بوجهي ضي لازمه اغراض التخرج بيدها صاحت تره أخرتينا ورانا الف شغلة

-خليها الف واحد لان هيذام وافق ابدل اثاث البيت

-اااي هذا الخبر الحلو واول غرفه تغيريها غرفه ابراهيم

-غاح انطيها للمساعدات

-ههههه لاهاي قوية

-وغغفه هبه الكم انتي وازغ

-همم

-عمتي وين

-راحت للمطار تودع الربع يله امشي

طلعنا لكيناهم مشغلين السياره صعدنا كبل طلعنا للجامعة نزلت راحت تركض نزلنا وراها مد ايده هيذام لزمتها وبيده الثانية درع ورانا ابو ضي وامجد دخلنا جانت الحفله مبلشه

كعدنا بالمكان المخصص دقايق ودخلت وكفت وياهم لابسه زي التخرج اشرتلنا من بعيد تضحك

نزلت دموع ابوها ضحك هيذام ودگدگ على ضهره بدت مراسيم الحفلة اباوع لفرحتها جانت ماسايعتها وهيه تتنقل بين الطلاب كل دقيقة واشرت لهيذام بعيونها لمعة تكفي تبين كمية السعادة الشايلتها

وصلت لشمر القبعات وكفت دااصور واسمع المقدم بالسماعة هو ويرحب بالضابط ازر

اندارينا لكينا ازر بملابسه العسكرية يمشي بهيبة ورا حمايته الي ترسوا المكان وخلوا الكل مخبوص؛

وصل قريب عن ضي وكف :نزلت القبعة مالتها تباوعله بستغراب ؛ طلع من جيبه علبة ودنگ كعد على ركبته رفع ايده قدمها الها هو ويباوعلها بتوسل

اشتغل التصفير وهوسة الطلاب وين وصلت شالت راسها باوعت لهيذام ضحك اشرلها يلااا لج

نزلت دموعها ضحك ازر وكام لبسها الحلقة ودنگ باس ايدها

شمروا القبعات بنفس الوقت الي احتفلوا بيهم جان منظرهم يخبل هو يسمح بدموعها ويضحك وهيه تباوعله وتشهگ مامصدگة بالطريقة الخطبها بيها

اشرلي هيذام يله عرفته يخاف علينه لان جايين بدون حماية شمرتلها بوسه بالهوا ضحكت واشرتلي بحلقتها

رجعنا للفندق على طول الطريق درع يهوس مامصدگ راح يرجع لبيت جدة ويشوف ماما ورايه ويلعب بمرجوحة رؤيا ؛ هيذام يتسنط لسوالفه ويضحك على لهفته اشلون يحجيله عن حبهم وتعلقه بيهم

وصلنا للفندق اتصل هيذام بدسار دقايق وطلع يسحل برؤيا الي تمشي مغمضة وصل يم ابو الامنيات تركها بين مايطلع هويته ركضت دخلت للفندق ركض وراها رفعها من بطنها گلبها على متنه واجه

هز ايده هيذام وفتح الباب اله دنگ شمرها يمي سد الباب راح صعد بالكدام حركوا السيارة

اباوع لرؤيا گوة فاتحة عيونها صفت عليه واشرت منو انتي

-عزه فقدتي الذاكغه

-وين ماخذيني

دسار- انشمرج بأقرب حاوية

- الحاوية تعرف ناسها ماتلم ياهو الجان

-لايابت السطل

- سطل ولالفو خاين وطنه

- انعل ابو ذيج الليلة لابو البيت الجمعني بيج

- ديله الي يسمعه يكول ماكو هيج وهو جنه واوي متنكر بذيله

دنگ يمسح بوجهه

دارت وجهه باوعتلي عكدت حاجبها - منو انتي

- اني اختج

-ماطول اختي اتربعي دنام

عدلت كعدتي خلت راسها بحضني ولمت روحها مغمضة دنكت بستها اجه عطر دسار بخشمي اباوع لركبتها وخدودها ماكولات عضيت شفتي گوة كتمت ضحكتي عرفته مطلع ايام الحضر من عيونها

ثواني واندار غطاها بترواكته ورد كعد عدل يسولف ويه هيذام على شغلهم لحد ماوصلنا لبيت اهلي لكينا ذباح واهله استوهم واصلين ديدخلون

ركنا سيارتنا كعدت رؤيا نزلنا شافت رايه وراكفة ركضت حضنتها وصاحت كتلني وسحلني وشمرني بالشارع لليل كله ضليت بالبرد كاعدة

دسار- لاتنسين وطلعتج اتجدين

- حتى عشه مانطاني بعد لاترجوعني اله

-هو اكو زمال بعد ياخذج يابه بطلت اخذوا بتكم ورجعولي المهرر

-سمعتي هاي كدامج طردي يله

-ههه لاخوش قفاصة وكلام الله ادججكم تردولي شكو دينار صرفته وفوگه تعويض عالليلة الضيعتها ويه شكولج

-تعويض على شنو احمد ربك قبلت بواحد لفو مثلك كد التطفر اشتبهوا حتى بهويته لوماخذتلي قنفذ الف مره احسن

-ديله اشلونج انتي اقوى مشروع رومانسية عندج طلعين تسلبين

دمغتها ودخل باوعت لرايه بضوجة ؛ضحكت راية ورجعتها لحضنها تباركلها

وخرت رؤيا منها باوعتلي عيونها بيهن هواي حجي ابتسمت وحضنتها همست مبغوك يااحن اخت بالدنيا

-متفقات عليه رئال

-لان انتي اكثغ وحده بينا لازم تعيشين

-راح اكدر اكمل ويا؟؟

-وتجيبيلنا اطفال وبعد ماتسألين عنه لان غاح ياخذون كل وقتج وحنيتج

-خايفة اخسر الجهتين

-ماغاح تخسغين لان ذباح غاح يتحملج بكل حالاتج غاح يخليج تحبي بكد حبه وصبغه عليج

وخرت عنها

-بعدج مصره اذا صار عندي بنية اسمها رئال

-حتى اخذها لابني واضل الدغ بأسمائهم النهاغ كله

رؤيا- اكلجن شتكولن لو نطفر

راية - والله ماكو شي يخلصنا من ايد امجن غير هالشي بس وين نروح

- لبيت اليهودي البارحة سمعت واحد خابر دسار كله اكو ثنين خاتلين بي

-وشنسوي نروح نختل وياهم

-لانسلبهم ونبيعهم اعظائهم والله بيهم كومة افلوس

-رؤيا وجهج نظيف

-اي والله هذا الحيوان اللفو صبح من الفجر سحلني سبحني ومشطلي شعري غصب

-الله يصبره على مابلاه يله دخلن

-حرمات انتن تتسمن خوات

جرتها رايه دفعتها كدامنا دخلتها ودخلنا وراها صار بابا كدامنا ضحك واشر اوكفن

وكفنا اجه ذباح مطبگ رداناته يسحل بالخروف مده كدامنا سحگ على رجلي دنگ يريد يذبحه صاحت رايه لا ذباح خطية فدوه لاتذبحه

- جااشلون يبه انطبخه عدل

- لا موته بس موذبح

-اطگه جيله ؟؟

-لابدون دم

-اموته قهر ماكو غيرها رايه يبه بعدي لغاد لايلوحج الدم

دسار - هضيمة هيج كائن بريئ يوكع بيد حيوان متزومل مثلك

ذباح - وروح ابوي امدك مجانه اسحگ ركبتج وعلمك التزومل اشلون يصير

-بس لاتكمز حتى لاسحلك واكسر فجك كدم اهلك

-وانه اريدك تجسر فجي دتعال

كام شمر السجينة راد يجيره صاح هيذام شكووو ولكم

دسار - جاي اكله تأكد من السجينة اخاف موحاده

-حلو دسار روح شغل البريمزات وانت اذبح يله فضنااا

راح دسار وذباح دنگ شال السجينة ذبح الخروف جوه رجلينا فتح اديه بابا ركضنه لمنه بحضنه بقوه دنگ بوسنا وكال اووف يبويه اشكد اشتاقيتلجن

رؤيا- ماطول هيج طلكني طلع مو خوش ادمي

-والله ماكو واحد موخوش غيرج

-ابو جيس حب انت

وخرنا وباوعلها مصغر عيونه؛ عض شفته قبل لايتحرك ركضت لكفها من شعرها صرخت دسااار الحكنييي دنگ شالها حضنت ركبته بسرعة وكالت طبعاً انت احسن اب بالدنيا

تركناهم واحد يشتغل الثاني بمكارته ودخلنا لكينا ماما واكفه عيونها علينه تباوعلنا بنظره لاتعرفها زعل لو لهفة

وكفنا نزلت دموعها وهلهلت؛ شاركتها هجامة وفجر بالهلاهل فتحت ايديها وشهكت ركضنا لحضنها لمتنا وبجت بصوت عالي مامصدگة استقرينا كلمن بيت واجيناها مسيرين

هجامة اطش جكليت على روسنا وفجر تهلهل

بستها حيل وهمست بأذنها المفغوض احنا نهلهل يامغت الدغش

دمغتني ضحكت ومسحت دموعها

رديت بستها ورحت يم بيبي الي هم تبجي وتباوع لذباح فرحانة بي واخيراً حصل الرايدها واكف يضحك بين الولد ؛سلمت عليها و كلتلها الله يهنيهم

- ويهنيج يجده ويگر عينج بوليدج

-امين واجي اخذ حفيدتج جنه الابني

-يسمع من حلگج صاحب العوض

فجر- ولج يالخرزة تعالي ليه اباركلج

رؤيا- حضري واجب واجيج

-يااع جا وهذا الطلي

- هذا ذباح جايبه يذبحه جوه رجلين مرته اني شكو ؛فجرر ورقي مايفيدج هالحجي

-غدي ولاتنعدلين

اشرتلها بيبي تعالي عافت فجر واجت سلمت عليها

صاح بابا اميراتي جيبن الكراسي من جوة ؛ركضنا دخلنا للصالة طلعنا الكراسي ناوشنا وجبنا افراش للنسوان فرشنا كعدن عليه

رايه طلعت المخاد توزع بيهن واني واكفة بيدي كتابي الجابليا غزوان مااعرف ليش لازمته بس اريده يشاركني كل لحظة من حياتي

واكفة گوة كاتمة فرحتي اباوعلهم اشلون كلهم ملتمين ذباح يصلخ بالخروف وبابا ودسار استلموا الكدور حتى هيذام طبگ ارداناته وبلش بتگطيع اللحم

اخذت نفس وكعدت عيوني عليهم اصوات ضحكهم وهوستهم وين واصل بالاخص من خلوا اللحم بالكدر وجابوا المنقلة ويستعدوا للشوي

مر وقت بين سوالف والشوي وطفر درع بين بابا وماما لحد ماصاح ذباح يبه راية الملح

كامت رؤيا راحت گعدت يم دسار ورايه خذت الملح وراحت لذباح

اشرتلي فجر وشمرتلي جيس صغير من قماش عرفتها رسالة غزوان السولفتلي عليها راية

اخذتها بسرعه لميتها بيدي درت وجهي لراية لكيتها واكفه يم ذباح لازمة دبة الملح وهو مجتف يباوعلها ويحجي وياها بهمس صح مااسمع شنو بس مبين غزل من خجلها

اباوع لعيونه ترد تاكلها يباوعها بنظره كأنما كل احلامه كدامه

ابتسمت ودرت وجهي لدسار لازم شيش المعلاگ ينفخ القطعة ويخلي بحلگ رؤيا خايف لاتنجوي تاكلها وتضربه يمسح وجهه يهدأ نفسه ويرد يسحب وحده لخ ينفخها ويخليها بحلكها وهيه تاكلها وترجع تضربه

ضحكت صار بابا كدامي يهفي للمنقلة وعيونه تتنقل من ماما النا مثل المامصدگ تحسه يريد يضمنه بكلبه كد ماخايف لايرد يفقدنا مره ثانية

ابتسمت دنكت باوعت لكتابة ورسالته بيدي نزلت دمعتي مسحتها بسرعة رفعت راسي صار بوجهي هيذام ابتسم و اشرلي تعالي

كمت رحت يمه عدل كعدته لزم ايدي باسها وكعدني يمه - شنو هاي بيدج

-كتابي وغسالته لغاية

- والرسالة ليش عندج

-لان البيها ماغاح يخليها تطلع من الماضي

-وبهاي راح تنهين مذكراتج

- مااعغف بس داحس استونا بلشنا؛ شنو جان صاغ لو جنت مصدگني

- ماجنت كعدت هالگعدة ولاشفتي هالمة ولاسمعتي هالضحك

-يمكن جان مافقدنا غزوان

-غزوان بيها وبلياها جان خالي جاسم وغيمة براسهم بس منتظرين يحصلون سعر زين بيجن وينهوا

-اشلونهم

- وصلي اخبار جاي يطلعون للتجدي الضاهر حالتهم زفتت حتى افلوس علاج ماعدهم الي يخلي غيمة تخلي بعربانة وتطلع بي للتقاطع من الصبح لليل لخاطر كم دينار ياكلون بيها

ذباح - ابو دررع حدر يخوي خلينا نبعد هالجدر لغاد لاينجوي الجاهل

خله الجكارة بحلكه وكام بعده مامتحرك ورفع دسار السلاح بوجهه وصاح مكانك خطوة ارميك

ذباح - لاخلي يفيدنه نطلب فدية من الدولة بي

بابا- لا نبيع اعضائه بيها فلوس اكثر

همه يحجون وهيذام بحركة سريعة ضرب ايد دسار ولفها اخذ السلاح شمره على بابا وكله عيونك عليهم بعدهم خام يعتازون هواي نباها و تدريب

بابا - نام الاسد قليلاً فضن الذئب انه ملك الغابة

-راقب عدوك بصمت وابتسم بوجه اكثر من ان تتكلم لان الثرثه لاتنجب سوء الفشل والهزيمة

-انت بس انطيني الراية البيضة

- لخاطر تخليها رماد بعد لاهفك بنسبانك اجيبكم عدل بنفس الزنزانة

ضحك واخر عن طريقة راح دنگ شال الكدر ويه ذباح وبابا دنگ يشغل لبريمز الثاني

اجت رايه گعدت يمي خلت راسها على متني طبگت الرسالة خليتها بداخل الكتاب انتبهتلنا رؤيا اجت كعدت يمي طلعت المناظر من جيبها وكالت هاي هم خليها عندج

رايه- منو گلج تاخذيها من غراضي

- لان اجه الوقت تكون بين اغراضه بمكتب رئال ويه دفتر مذكراتها حتى من يجون اولادنا ويشوفوهن بدل مايملون گد مانذكره الهم يطلبون نسولفلهم عليه

-شدتشوفين وين وصلنا

- اكثغ من الجنه نتمنى

-هذا بيتنا وهاي لمتنا وهذا صوت الضحكه الجنه نتوسل نسمعها

- طلبنا امنية عوضنا مكان كل دمعة حلم

-راح ننجمع كل جمعة بحضن ماما يم الصوبة

-وناكل لفات من ايديها ونسمع رئال هيه وتقرالنا وبعدها نروح لفراشنا انام بحضنج نسولفلج على مشاكلنا طول ايام الاسبوع

عصرت ايديهن وهمست اشتاقيتله

رايه -كال ذباح باجر اخذكم كلكم ونتغدى يمه

سكتنا صار هدوء دقايق واسمع رؤيا دندن صغيرة جنت وانت صغيرون

- والحب عرفنا بنظرات العيون

نزلت دموعي حضنت كتابي وشاركتهن بنفس الصوت - كالوا تغة ذولة يحبون من الصغغ لمن يكبغون

هنه يغنن واني غمضت اتخيله بعده يمنا يعدل بمناظره يباوعلنا ويضحك بحنية

استوني داابتسم قاطعتني رؤيا وهيه تصيح راية بعدي رجلج عن رجلييي

فتحت عيوني لكيت دسار يتماطل ويه ذباح وهيذام متجتف يباوعلهم

رؤيا -مو ويااج احجي

راية -وجع هو رجلج جنه قرد يطفر بس يريد يتعارك گوة

-لو مارجلج متحركش بي مايتعارك بس شبعان مدمغة منج وجاي يطلع بطولاته كدامناا

- تركج منهم وباوعي لهيذام اشلون يباوعلهم

-والله داحس يغني شجابني لهيج دنيا ويم ناس تعبانه

-ههههههه دباوعي لبابا اشلون يدخن ومتشمت بي

-والله ياهيذام اله يوم يسفط ابوج ونسابته يلبطهم لبط يربيهم روحه وجيه ويرد يدفر اللدغة يجيبها ترس بحضنج وينعل الساعة التورط بيها

-محد ضربة على ايده لاهو ولا دسار اثنينهم توسلت بيهم وفوگ هذا نصحتهم يستاهلون خلي يحملون مصايبهم وهمه الحبابين ماكو رده بعد مااستلم احد

-بربج ذولة شلون حبيناهم شنو ماكو زلم لو من كثر الصدمات الجنه بيها ماشفناهم عدل

باوعتلهن وهمست لاا لان حشاجن غبيات

دترد وشحطت سيارة يمنا ثواني واندگت الباب حيل راح بابا فتحها دخلت ضي كالبه خلقتها وراها ازر اشر هيذام شكو

ضي- هيذام اريد افسخ العقد

-شمسويلها لك

ازر - الله وكيلك كلشي ماكو سحلت اهلي سحل على طول الطريق نعلت ابوي حلگي مافتحته

-حلو وانت شبيج لج

ضي- من رجعنا جنت دااگلب بالفون شفت غرفة بيضه بس كلتله اريدها هاي حلوة صاح بوجهي تقبل انت يصيح بوجهي

ازر- بت الاوادم اشوكت صحت كلتلج الغرفة جبيرة ماتكفي قياس العدنا ناخذ تصميمها وتنوصي مثلها

-واني اريدها هييه لو مااتزوج

-يله حلهااا

خله الجكاره بحلكه هيذام وكال سهله بابا ضيون اخذي الغرفة المقابيل غرفتي

كمت صحت ياغغفة هيذااام

-حبيبي اخذي غرفة ازر مكانها كافية على درع

-لااا

ضي- انجبي هيذام كال بعد انتهت

- مو هيه بكيفكم

ازر- ابوس ايدج عديها بس اتزوج دخل الله ودخلج وانوب سحليها من شعرها وشمريها

- هاي بس علمودك غاح اسكت واله اني كاغهه اشوف وجها مواصبح بي

-حتى اني بس شنسوي يبعد اخوج اتورطنا

اتخصرت ضي دنگ حك كصته ضحك بابا جرها باس راسها وكال عوفيهم ودخلي جوة اذا ماخليتهم ثنينهم يبوسون ايديج ماكون ابو عگرب

ضي - ضالة وياك عمو وذولة اطردهم وكلهم بعد لايجون لبيتنا

اشر على عيونه

ضحكت ضربها على راسها اجت شمرت نفسها يم رايه حضنت ايدها وهمست اووف اشكد مشتاقتلج

راية -يعمري البارحه النهار كله تكمزين على راسي اشوكت لحكتي تشتاقيلي

-هيه ام لدغه وين تخلينا نگعد براحتنا كلما اتشوفنا كاعدين جابت كتابها وگعدت بلشت اتغوغي بقصة مانفتهم منها غير الامير المهتلف واميرته المسحتله

- وانوب بابا يأيدها ورجلها كاعده عالترميشة الي بي حظ يكلها كافي بسرعة تتصل مبرطمة

- الاسبوع الاخ مانخليها تدخل للبيت

- لمشكلة ماتحلى السهر بدونها

- اي والله صدگ عمممه جبتيلي روبة

فجر- اي يبعد عمتج روبتها خصوصاً الج الخاطر تكفيج اسبوع كامل لبين مانجي الجمعة

كامت باستها ورجعت كعدت يم ماما خلت راسها على متنها حضنت ايدها وغمضت

ماما- شبيج يبعد امج

-تعبانة من الصبح لسه مرمط كلبي ازر مايقنع بأي شي اختارها

-ولج مكسورة الركبة وين مرمطج دشوفي اشلون تعبان كوه واكف سودة عليه والله البارحة كسر كلبي من اتصل برافد يگله احجي وياها وعلي تعبت محتار اشلون ارضيها

-خو عمي ما وكف ضدي

-لايعجبج گله راح احجي وياها بس ياازر اذا سمعتك مزعلها مومنزل دمعتها اني الي اوكف بوجهك وطلع كلب ابن كلب اذا خليتك تشوف ضلها مو تاخذها

-الله يحفظه النا الي مسويلنه هيبة بينهم وخالهم كلهم يتراجفون لايايسويها ويحرمهم منه

-هو منو الراح يطيح حظجن غير دلاله وانت يمه رايه سوي لفه لدرع جاع

اشرت اي وكامت دنكت داخلي الكتاب يمي وما شوف غير رؤيا كامت بخطفة عين راحت دفعت دسار من ضهر بقوتها شمرته بالحديقة وركضت ختلت ورا بابا الي فتح ايدي يحميها ويباوع لدسار بخزرة

وكف دسار متخصر ياكل بشفته دنگ ازر شال الجفجير خلا بيده وذباح اشرله روح احنا بظهرك

ضحك هيذام عرفهم يردون يورطوا رجع گعد يمي انتجه خله جكارته بحلگه وعيونه عليهم لان بلشت الهوسة والضحك

مر وقت كلمن لازم شغلة واصوات ضحكهم وشقاهم وين واصل لحد ماكملوا طبخ وكعدوا كل واحد بجهة باوعت لهيذام اعرفه مامقتنع بهيج اجواء بس متحمل علمودي حضنت ايده وانتجيت عليه دنگ باسني وكال شبيج يروحي

- داسألك شنو صاغ بسالفة قضيتي

- بعد هذا المنظر الصراحة قررت ارد ادگج كلبجات واشمرج بالحجز وانعل ابو اليكول حولوها لمكتبي

- وتغجع دز عليه بليل بحجت التحقيق وتظل تستفز بيه لحد ما اتجاوز حتى تجعص وجهي وتعضني

-انغشيت

-صدگ هيذام

باوعلي وبرطمت ضحك دار ايده عليه لمني لصدره بقوه دنگ اخذ نفس باسني وهمس قضيتي الدگت ويه النبض

اخذت نفس من صدره احسه دخل روحي رد باسني وعدل راسه خله الجكاره بحلگه

حضنت ايده حيل ابتسمت واني اباوع لدسار اشلون منتجي خال راس رؤيا بحضنه يباوع وياها بالفون ويلعب بشعرها

ذباح مجتف يسولف بهدوء ويه راية وعيونه عليها تحسها يريد ياكلها كد حبه الها

درت وجهي صارت ماما كدامي خاله درع بحضنها وبابا كاعد نص كعده كدامها تكول عصافير حب يسولفون ويه درع وعيونهم تلمع نظرتهم وحدها تثبت شنو الحب واللهفة الشايلها الواحد للثاني

اخذت نفس وعدلت راسي عيوني على ازر وضي الي يگلبون بالبيجات يجهزون والضحكة تارسة روحهم مامصدگين واخيراً انجمعوا وديحضرون لزواجهم

اصواتهم ومنظر جمعتهم يخليك تحس نفسك عايش بجنة بعد ما بدينه نفقد الامل والحلم صار شبه مستحيل ؛ غمضنا نستعد للنهاية ماعرفنا ربي ظاملنا العوض وهو اكبر من امنية ترجيناها بيوم وتناست بمرور الوقت

رجعت ضميت راسي بحضن هيذام عصرني حيل غمضت نزلت دموعي عاجزة عن شكره

وهاي قصتنا مثل الاف القصص الي جان مشورانا بيها عبارة عن الم وخذلان بأرواح مكتومة وعيون مابيها غير الضياع نخاف نخطي خطوه تكون نهايتنا بيها مو خوف من الموت لا بس خوف على الي تنزل دمعته ورانا

بجينا وتأملنا بتوسل ويأسنا للحظة نسينا ان من اعطى الروح وامرها بالصبر يخبئ لها عوض تبكي لها العين من شدة فرحها

صار الوقت نودع ابطالنا ونتمنالهم حياة سعيدة

صح راح نشتاق لحب هيذام لقضيته

ولقب خرزة البتاوين بلسان اللفو

صبر ذباح على راية

ونظرة الدغش لاميراته

بس لكل بداية نهاية واجه الوقت نغلق ملف قصة عشنا وياها اجمل ايام واحنا نشاركهم بكل لحظات عاشوها من فرح وحزن

ولهنا نطوي اخر ورقة من شيء من رصيف الدم وندوعكم

اتمنى نالت رضاكم انتظرونا بقصة جديدة

الكاتبة: ليو الفتلاوي

ملاحظة : هواي اجت مسجات تطلب حساب مني البطلات؟؟

حجيت ويه وحدة من البطلات وافقت تدخل للتلي اكثر من هيج مااگدر اطلب منها ؛ اضل سالفة الحساب يمكم تگدرون تقنعوها بطريقتكم

/حساب التلي مثبته فوگ بحسابي الانستا /