تحميل رواية «شيء من رصيف الدم» PDF

شيء من رصيف الدم

بقلمي: leo Alfatlawo

بارت الحادي والعشرون

بارتين سوا مثل ماطلبتوا ❤️

***رئال***

عيوني  عالبيت صافنة على دراجة غزوان الضحكة بين شفايفي ودموعي جامدة بعيوني مااحس بأي شي دنگ الشرطي لزمني من ايدي كأنما  صحاني لزماني شلت راسي گال كومي وياي

ضحكت

-شنو اتخبلتي اكلج كوميي

همست شوف هاي دغاجته

-ادري يله طالبيج بالمركز

- يعني صدگ غاح وعافني زين اشلون يغوح بدون لايودعني واني جنت احسبله يوم يوم يجي يخلصني ويغجعني بين خواتي

-الله يرحمه

-لالا اسم الله على گلبه لاتكول الله يغخمه والله غايه تتخبل يعغفنا مانگدغ نعيش بدونه

-يااسم الله بويه شبع موت الولد دگومي

احس كلمته دخلت بكلبي مثل الرصاصة خليت ايدي على صدري غمضت صار منظره كدامي هو ويعدل بمناظره عيونه تلمع من ورهن يباوعلي ويبتسم بحنية

حسيت ايد على متني فتحت عيوني الشرطي يأشر  يله نزلت دموعي بخيبة اريد أكله كومني مااگدر لساني ثگيل

دنگ سندني عليه كومني لزمت الحايط وگفت عيوني داخل البيت احس روحي جوة بعدني  وصوت هوستهم جاية من فوگ وراية واكفة بالطارمة تأشرلي يله دخلي

وخرت ايده راد يجرني دفعته ودخلت اتحرك بخدر وصلت للدراجة خليت ايدي عليها  مشيتها بهدوء وابتسمت-  ها يبعد اختك هيج يغزوان تروح وتخليني وراك مكسورة لعد وين بت گلبي وين ام لدغة الي اسمي بنتي على اسمها لااا غزوان ادري بيك ماتسويها تدري روحي متعلقة بيك

عصر مكان گعدته حيل ودرت وجهي صار الدرج گدامي همست  تذكر من جنت توكف هناك تأشرلي نزلي بساع حتى تاخذني بالختلة تفرني بالدراجة هه ترا جنت ادري بيك تعبان بس احب اخلي اديه بظهرك حتى احس بحنيتك علينا

زين اذا جنت  ناوي تروح لااا اسم الله من عمري على عمرك اني ماعندي احد يبجي وراي بس انت وراك راية تموت اخيتي اعرفها

صاح الشرطي يله فضينا

وخرت ايدي عن الدراجة وكفت اتلفت بس اني بالبيت المكان وحشه خالي مابي نفس الغرف ظلمة وهدوء

عيوني انتقلت من الاستقبال هو واكف فاتح اديه يحمينا ورا ظهره حتى الضربة توگع بي

للمطبخ يضحك اشلون اسويله عشه بعد ماتنمر  عليه وبجاني

ضحكت ودرت وجهي للباب منا جان يدخل مبين التعب على وجه  بس الفرحه تارسه روحه وهو يشوفنا كدامه وحدة تجر الثانية من گصيبتها  ياهيه الترگضله اول وتاخذ معزته

عيوني صارت على غرفتنا واسمع اطفر رند وصراخ رؤيا عليها  رف گلبي بدون شعور مشيت دموعي تنزل بتوسل متأملة اوصل واشوفهم كدامي مايطلع الاسمعه وهم

صعدت الدرج وصلت اللغرفة ردت ادفع بابها ايدي رجفت بخوف غمضت وحركت الباب انفتحت عالكيف ويه كل حركة منها ذكرى

اجتني ريحة الجاي عالصوبة وصوت غزوان يگول لراية  عوفيها تقرا اني اسوي الاكل لاتضلن تتعاركن

فتحت عيوني لعد وينكم اني ليش واكفة وحدي

دنكت قمصلته بالگاع مشمورة بلحظة حيلي راح ردت اوصللها ماگدرت روحي اختنگت گعدت بالگاع مهدودة

حسيت ايد الشرطي على متني شلت راسي لكيته واكف وراي  اشرتله عليها  بترجي ردت بس يجيبها الي اضمها بحضني واشم ريحتها لاخر مرة

دارت الدنيا بيه صارت ظلمة غمضت ماحسيت بعدها

…راسي يفتر اصوات عالية حركة رجلين تروح وتجي اريد افتح عيوني ثگال رجعت دخلت غير عالم دقايق وردت الاصوات اقوى وصوت صراخ قريب فتحت عيوني بتعب صار گدامي ضرغام عرفته من صوته واكف يسولف ويه  عمي ويمهم كومة حرس

احس راسي خالي دااغمض وانتبهلي عمي ضغط على سنونه  لم جف ايده بغضب  واجه طاير دفرني بقوته وصاح صحيتي يبت القذررر  حسبالج مالوحج

نزلت دموعي

-على شنووو تبجين بت الكلببب اذا ماخليتج عبرة لكل عاهرة وندمج على الساعة الفكرتي بيها تنهزمين مااتسمى عالزلم ولج اني تالي وقتي وحدة مثلج لا اصل ولا اشرف تلعب عليه وتنزل راسي

همست بغصة مات غزوان

- يطبه مرررض

-لاسم الله على گلب اخيي

-انعل ابوج لاابو اخوج لو مانكس مثلج ما يموت هيج موته مال جلاب يله كومييي لج

خليت ايدي على گلبي غمضت لعد ليش ماحسيت بي من صابته الطلقة لا حسيت اي جنت وكفة يم الشباج  وكلبي لجمني 

-موياااج گومييي

-جنت كل يوم اعاتبه ليش مايتصل لبالي ناسيني ماادغي ميت جنت ناوية بس اشوفه اگله زعلانه منك مااحجي وياك بعد بس جذب والله اول مااشوفه اغكض لحضنه واشكيله على كلشي حسيته بدونه

-انتي خبله لو شنو تسمعيني شنو الغييي

-يعني شنو بعد مااشوفه يعني من گلي اخذي خواتج ونهزمي من الباب هاي اخغ مغه زين لوگايلي جان بس ودعته جان شكغته على كلشي سوا النا

-لاانتي الضاهر عاهرررة صدگ

كالها وتفل بوجهي دنگ شالني من شعري جرني من التخم ماسيطرت اكوم وكعت سحلني لنص المكتب استوه ديوكفني وندفرت الباب دخل هيذام مثل الاعصار صاك على سنونه

تركني عمي بسرعة رجع ليورا وصاح عالحرس لزموووا ؛ ركض ضرغام صار بوجهه بعدهم مامتحركين الحرس وشاله هيذام من ملابسه شمره عليهم ولگف عمي من رگبته عصرها وحجه من بين سنونه بنبرة تبين كمية الشر الناوي هو يگله - شگلتلك انييي

لميت رجلية بخوف رجعت ليورا واني اباوعله اشلون ضاغط عليه بقوة ويباوعله بنظرة مابيها اي رحمة والحرس مخبوصين كلها تتراكض الي يجر بي والي يحاول يسحب عمي من ايده والي  يصيح يولد لحكونااااا

هاي الهوسة كلها وهو ولا ويا مستمر خانگه گد ماشايل حرگة دمارات اديه ناطه عرفته ناوي يموته  اشكد ماحاولوا يخلصوا منه ماگدروا  لحد ماسحب اقسام ضرغام خلاه براسي وصاح هيذااااام

دار وجهه باوعله بغضب عيونه دم صك على سنونه  شمر عمي واندارله بخفة ايده هفه بوكس بنص وجهه من قوته انگلب للكاع  على راسه رفعوا الحرس اسلحتهم  اشرلهم عمي تركوا هو ويفرك بركبته

هيذام -لااا ليش خليهم يرررمون

-مستحيل قبل لا اربيك

-تربي منووووو  لك

-اخذوا للحجززز

لم جف ايده ورد اجا گام ضرغام صار بوجهه ودخل ازر  يركض بكل سرعته لزموا منعوا عنه صرخ عمي اخذوووا

هيذام -ياخذون منووو وبتهمة شنووووو

-بتهمة متستر على خاين و حدة متهمة بجريمة قتل

-حلوووووو كالها وصفگ

-اعتقلوااا يلاااااا

-شوف لك تعتقلني؛ تدفني؛ ترميني ؛خليها بصدرك كفيلك محمد وداعت درع كل شعره منها بعزيز؛  ماخليلك نسل احرگهم گدام عيونك تعرف شنوو احرگهم

-عود خلص نفسك وبعدين هدد

-واني ماهدد اني انفذ وكونك زلمة ومن ضهر ابوك  والله يورطك وتحجي وياها مو تلمسها وكتها بس  اعلمك ابن النظام منووو

-اخذوااا 

التموا الحرس  اندارلهم بس باوعلهم  ابتعدوا بسرعة ضحك بستهزاء راد يحجي ازر كمشه من ياخته شمره على ضرغام واجه يمي گعد نص گعده

لزمني من وجهي عيوني كوه فاتحتها اشرلي بعتب ليش نزلت دموعي اخذ نفس دنگ يمسح بخدودي غمضت احس روحي رايحة

صوت عمي يصرخ جتفوااا  وصوت ازر يتوسل بعمي يعوفه ؛ضرغام يصيح هيذام اتركها وتعال وياااي

هوسة براسي كلمن يصرخ من جهة وهيذام يردد بأسمي صورت ضحكة غزوان بعيوني اريد اركز مااگدر ثواني ورحت بغير عالم 

كعدت على صوت الاذان فتحت عيوني الدنيا ظلمة هدوء شبه ضوء جاي من جوه الباب

تلمست الگاع حديد جواي وصوت الاذان عالي رف گلبي ردت اكوم بلكي اذا توسلت بهيج وقت يردهم الي انتجيت دااگوم فلتت ايدي  غدرتني  قوتي رجع راسي عالگاع

درت راسي لجهة باب الزنزانة واسمع واحد يصيح استعجل لك راح يطلع النهار

ابتسمت لميت رجلية لحضني تذكرت من يستعجلنا للشغل  نفس الكلمة يكولها

غمضت احاول ادخل بالحلم وارجع لذيج كعدتنا  والايد ماما اتمشطلنا وصوت غزوان يغني هو ويسوي الچاي

عصرت عيوني حيل ردت بس المح واحد منهم ماكو غير الغرفة فارغة ومكان كل واحد خالي واني واكفة بالنص مفجوعة

فتحت عيوني صفنت عالباب اريد اقنع روحي راحوا ماضل بس صوت ضحكتهم بأذني

لميت روحي الرجفة لازمتني شي بداخلي ما يرضى يقنع

مرت الايام واني شبه فاقدة اكبر امنياتي تنزل دمعة من عيني لو اعاتبهم واشكي

اخذ بالساعات كاعدة افرك بكلبي احسه فارغ عكس روحي المختنگة ؛ اكوم افتر بالسجن بدون وعي مااعرف شريد

الحارس يباوعلي بقرف حسباله اختليت  مايدري اتمنى افقد عقلي ولاهالشعور الدحس بي

الليل يخلص بونه يجي النهار بصفنات استنزفت كل قوتي صرت اترجه  النومة ترجي  بس اريد تغمض عيني بلكي اشوفه وتبرد روحي شوية

اسبوعين مرن ما تغير غير حيلي خلص بعد حتى كومة مابيه اكوم مشمورة بمكان مابي اي بشر ولايوصلني احد  غير الحارس دقايق  يشمرلي  الاكل ويختفي عرفت هيذام معتقلي وهذا المكان الجوة الگاع الجان يهددني بي عمي

رغم الظلام والمصير المجهول العايشة بي بس اي احساس  بالخوف ماعندي ماادري فقدت شغفي بالحياة لو كلبي مات ويا وبعد مااحس بأي شي

لامه روحي  بزاويه الزنزانه خاله راسي على رجليه امشي اصبعي بالگاع  ارسم بوجوه اخوتي واكتب على كل واحد اسمه واشخطة بالموت بأبتسامة  اسمع الحارس يركض فتحت الباب ودخل كال كوميي بسرررعة

رفعت راسي بتعب اشرت وين

-بت النكس اكلج كوميييي من انعل يوم البلانه  بيجن

مارديت رجعت دنگت دخل تفل عليه  ودنگ شالني من شعري شيل احس روحي شاطت لزمت ايده دفرني برجلي وصاح ايدج بت الكلببب وخلينا نرد واعلمج اشلون ماتردين عليه اذا مادست على راسج مااتسمى عالزلم

غمضت اكتم الالم دفعني بقوته طلعني من الزنزانه  گوة سيطرت ماوگعت اجه وراي لزمني من شعري اخذني يسحل بيه اريد الحگ على خطواته  مااگدر  روحي باهته هو يمشي بكل سرعته ويدردم

صعدنا درج وصلنا يم باب حديد دكها بكل حيله انفتحت صار  بوجهي شرطي ثاني صاح شبيك مخبوص

-ليش ماسمعت صوته ماگلت ليش هالهدوء والخنسة الصارت فجأة

-لابروح موتاك لا تكول رد

-دخيل الحمزة اشلون رد رده ربي يجفيك شر شوفته وجهه

- اللواء  وينه ؟؟

-اخذ الحرس طلع مستعجل امبين راح تعلگ الحرب بينهم  بس الله اليستر

-مو گالوا اعتقلوا بتهمة وگلنا خلصنا منه

- محد يدري اشلون طلع منها حتى اللواء اتفاجئ  اليوم بدخلته وانوب فوگ هذا الزين كله يگلك اكو ضابط مخابرات نفس نكاسة طينته داخل للجو  وصاف ويا مانعرف منين اجه وشنو ناوين

-واكيد محد يطيح حظه غيرنا

- دصعد شوف اشسوه بالولد الي حجزوا غير وذرهم وذر ؛ ودز جماعة يجيبولة الي الشهد عليه وزور القضية اللبسوها براسه

- خو ماعرف انت الجنت تنقل المعلومات للواء

- لا محد يعرف غير الضابط ضرغام وهذا اكثر واحد مستفاد مني ومساندني

-هم دير بالك وهاي العاهرة وين ماخذها

-واصلتله  الة تعذيب جديدة يريد واحد يجربها بي

-الله يبعدنا عن شره روح خويه اشمرها وخليك بعيد لحد ما نشوف وين تصفى

دفعني گدامه ومشى  اخذني كتل وسحل لحد ماوصلنا يم  غرفة واكفين اثنين شرطة بس شكلهم مو طبيعي مبين مرتبكين اول ما شافونا گبل دكوا الباب وفتحوها

دخلني الحارس ساحلني ورا ضرب تحيه شلت راسي واشوف هيذام بلبس العسكري الاسود مدنگ عالميز منطينه ظهره على صوتنا وگف عدل واندارلنا

بعد الحارس ما حاجي بدون شعور دفعته وركضتله ضربته بكل قوتي وصرخت حيوااان عمغك ماتصيغ بشغ

اشرلهم طلعوا

-ليشش اطلعهم هااا لان تعغف نفسك متحيون وحقيغ وبلا ضميييغ

مارد  يباوعلي ساكت

-تسكت مووو لبالك بس اني اكغهك اطلع شوف اشلون يدعون عليك بالموت تدغي ليش لان واحد حثالة مثلك مايستحق يعيششش

مارد اتخصر ياكل بشفته وعيونه عليه

ضغطت على سنوني وضربته بقوتي على صدره اخذ نفس وغمض بتعب لو تكول گلي طلعي شكو بگلبج  صكيت سنوني لميت جف ايدي وگمت اضرب واصرخ  بدون وعي اشكد ردته يرد لو يمنعني حتى اطلع حرگتي بي ماكو

احس الضرب ما بردني بكد مازاد ناري رفعت اديه ودفعته بكل حيلي  عالميز اختل توازني رجعت ليورا لزمني بسرعة  باوعتله بتعب ونزلت دموعي سحبني لحضنه ردت اوخر عصرني وهمس والخلق السماوات العليا لجيبلج حقج من ارواحهم ؛ غمضت وشهكت بصوت عالي

لمني بحضنه واشرلهم روحوا سمعت الباب انسد   ضميت راسي بصدره لزمت ملابسه وبجيت شكو وجع جنت كاتمته من ساعة سمعت الخبر لمن رخت روحي ضمني بقوة ودنگ شالني خلاني عالتخم گعد كدامي نص گعده مد ايده مسح وجهي عالكيف فتحت عيوني همست مات غزوان

-اردلج دمه

-مااغيد دمه اغيده هو

-شنو اسوي وتهدين

-يعني شنو هاي هيه  غاح بعد ماشوفه ولااسمع صوته وهو يگلي يبعد اخوج

-اخذج لقبره

-لاتكول قبغه اسم الله عليه بعده صغيغ ماشاف غيغ التعب ليش حتى يموت

-اذا جبت الكتله وذبحته گدامج راح ترتاحين

همست بتوسل لااكتلني اني ابوس ايدك خليني الحگه والله مااگدغ اعيش بدونه

قبل لايرد اندكت الباب اخذ حسرة وگام انفتحت الباب دخل واحد گله ابو درع الغالي حي الله من رد بينا من جديد

- حي الله باليكض شاربه وهو موگدها

-وراس ابني صلخت من جاسم لحم ودزيته للمستجدين بس اللواء امر بالافراج  عنه واصدر عقوبة بيه

-وشعرفه يمكم

-بيومها محمد جان يمه يكول اجاه تلفون من ابنه اسماعيل وهو راد عليه كله لاتضوج روحك اعتبرهم اتبخروا وصفت الك بس على شنو جانوا يتفقون مافهمت بالضبط

- خوش حجي روح صيحلي محمد

-تامر ابو درع اي اومر ثانية

- قضيه رأل  يم منو

سكت مارد

-هه حول اوراقها لدحام الناقص مو ؟؟

-يابه ست الاف قضية اكو شبيك لطشت على هاي عوفها رحمة لدينك لاتمشكلنا ويه دحام تعرفه خالك براسه اذا اللواء خلاك تشمر رتبتك هذا مستعد يشمرك ورا الشمس  ماطول عرفها راجعة الك راح يجلب بيها بسنونه

-وانت كلت راجعة الي يعني قضيتي اذا المرة الفاتت راهنت برتبتي هالمرة براسي والسبع بيهم  يوصلها  تروح تحضرلي زلم كلفه وتجهز الهمر وسيارتين تنتظرني يمهن ربع ساعة والاحگك 

-هلا والله ردينا يالربع  هلا بالشغل النظيف

-اطلبلي ازر وشوفي دسار شسوه بالمهمة الكلفته بيها

-هاي شنو مهماتك صايرة ويه والغرب ويامهمة تحجي عنها

-رافد الدغش

-اوووف اشوصلك اله

مارد ضحك بستهزاء ودنگ ورث جكارته

-اللعب الحلو حي الله ابن النظام ربع ساعة وكلشي يكون جاهز

رفع راسه نفخ الدخان وابتسم اشرله روح

ضحك الولد دنگ اخذ جكليته من الميز اليمه وطلع استوى الشرطي يسد الباب  واندفعت بدفرة رد  الجگارة بحلگه هيذام

اباوع دخل دسار بلبس  العسكري سد الباب برجله واجه بيده اوراق شكله يختلف تماما الي يشوف ضخامته  بالزي وهيبته ولا يكول نفسه الي يلاعب البريعصي ويطفر سطوح   

شمر الاوراق عالميز واندار لهيذام گله وهذا ملفهم راوينا قذارتك بالشغل

- كلها ساعات مو اكثر وراح تشوف روسهم جوة بسطالك

-شجابك هناا موگلنا ماترد لحد مانكمل شغلنا

-جان عندي شغلة كملتها دقايق واطلع

-شغله لو رتبتك السحگت على روس ابهاتنا ورجعتنا الف سنه ليورا

- ورتبتي شنو الغاثك

-يااخي انت من گد حيونتك بالتعذيب بعد ماتحس لو شنوو نسيت ويامن جاي تلعب لولااا غير اذا لكفوك يخلوك رماد

-وهاي رديت يله خلي يظهرولي مراجلهم

- خوش الحجي لعد اسمع هاي عمك حس بلعبة وسلم اسم خرزتي للباشا

-محد يعرف شكلها ولاين خاتلة  انت بس ابتعد عنها محد يوصلها

-مااتقرب بس خلي اعرف وين هيه أمن عليها من بعيد وازرع يمها كم واحد لحمايتها لبين مااحصل طريقة اطلعها من بغداد

-الگرن شخباره

-صل مابي شي

-خلي عيونك عليه محد يوصلك الها غيره

-مراقب الاجهزه ودزيت ضبع  يراقب اخته اكو اتصال صار كم يوم بينها وبين غيمة بت خالهم

- جا شمنتظر ماسحلتها

-البت نغلة ماجاي نكدر نحدد مكانها  تفتح الجهاز ثواني ترسل رسالة قبل لا نشتغل تغلقه وتشلع الشريحة الضاهر الجهاز سارقته وخايفه تلكف 

-شنو مضمون الرسالة

-ماكو شي جديد تسأل اذا كملت الفلوس لو بعدها

-حلوو باعتهن

-مو شغلت بيع اكو براسها دالغة اكبر من الفلوس

-ذكاء المخابرات مايوصلك لباب المركز خليني ادز الولد كفيلك محمد ماطول بيدي نص نهار  وتكون مشمورة كدامك هيه والساندها

-مااكدر اجازف قبل لانكمل شغلنا  اخاف يوصلوها قبلي حددتلك المواقع وجهزتلك كم واحد سبع اذا گدرت تطلع مناك دزلي اشارة حتى اطفر للبر بلكي احصل شي

- اللثام ضل بصندوگ الدراجة وديربالك من المنطقة  زرعوا كمين

-وسفه وعلي لو يزرعون روحهم الي تربه عالدفن مو مثل اليسولف بي

-ازر وين ؟؟

-دزيته يكمل شغلة ذباح حتى نفرج عنه

هز راسه ودنگ اخذ نفس من جگارته وداس دگمة الجرص دقايق واندگت الباب دخل الحارس الجابني كله اوامرك سيدي

رفع راسه نفخ الدخان واشرله تعال 

-مامسوي شي سيدي والله مو بكيفي اللواء كال شمروها جوه صح نفذت اوامره بس وروح ابوي خليت عليها حرس اربعة وعشرين ساعة يشوفون طلباتها و احسن اكل يوصلها حتى اسألها اذا مقصر لو خال واحد يحجي وياها كلمة الك حق

-سد البات  وتعال

-دخيلك سيدي والله غصباً عني

-سمعتني شنو لغيت

-دخل الله ودخلك سيدي وداعت جهالي ماوصلتلها

- حلو خليك مكانك

كالها ورد الجكارة بحلكه دنگ يطبگ بردانه؛  باوع الحارس لدسار بتوسل يريده يوگفله الخوف والرجفة امبينات عليه

دار وجهه كأنما مايشوفه خله اديه بجيوبه وراح يم الشباج  ؛ و هيذام اتحرك جكارته بحلگه  يمشي بهدوء ويطبگ بالردن الثانية بس صوت ضربة بسطاله بالگاع وحدها تاخذ الگلب مو هيئته وشكله الي مابي اي شي يدل على انو بشر

وصل يمه اباوع للحارس واصل لبدايه صدره كد ماضخامة هيذام طاغية على وجوده رجع ليورا وهمس بخوف دخيلك سيدي

استوه يرفع اديه واجته الدفرة بطنه بس دنگ بلمح البصر انسحب من رگبته فره ضغط على نفسه وجتفه صاح بصوت مخنوگ امروتك سيدي …

الكلمة بعدها مامكملها وهيذام سحب الجكارة من حلگه دخلها بأذنه صرخ صرخة رجت المكان

ثبته عدل وطلعها اباوعلها مطفيه بأذنه وهو يشهگ  النفس گوه؛ شمرها و اشر لدسار

درت وجهي واشوف دسار  مدنگ ديورث وحده لخ تكول اصلاً يدري بالسالفة ومستعد سحب نفس جمرت وخرها  نفخ الدخان وتقدم انطلها لهيذام

اخذها ورد وضغط عليه شل حركته اكثر؛  وگف دسار قريب منه لزمه من شعره رفع راسه و كال شيسوي  بثنين عيون اظن وحده تكفي 

اباوعله مارد عليه بس قرب الجكارة من عينه  كمت مفزوعة من تصرفاتهم  بجه الحارس بصوت وصاح  لااا بداعت ابنك سيدي وكلام الله جبرني ومااگدرت اوصلك وداعت امي انجبرت

هيذام -حلو  منو گال للواء على  جاسم

-دز دوريا سألوا عليه بالمنطقة وعرف

-منو الذكره بي

-ابنه اسماعيل جنه طالعين بمهمة واتصل يبجي يكله سمعتها تتفق حتى تنهزم مني تريد تروح لاهلها وتعوفني كله لاتبجي ماراح تكدر البيت متروس حرس

-اي

-كله لا اذا ماكدرت هسه راح تكدر بعدين خلصني من اهلها حتى ما يضل مكان تروحله وتنجبر تضل يمي

-حلو وبعدين

-كله اعتبر ضاع خبرهم وحضر نفسك للعملية حتى بعد تشيل الفكره من راسها نهائياً من سد الجهاز كال راح انطيكم اسم تجيبوا الي من جوه الكاع

-شنو جان رايد منه

-والله مااعرف سيدي والله

دسار - راد يخلي ياخذ البنات من غزوان اجباري  ويدري غزوان ماراح يسكت اقل شي  يسوي ياخذهن وينهزم وهيج يضيع خبرهم

هيذام - متأكد هذا  الحجي راح يوصل للواء بالحرف الواحد بس تدري  شنو راح اسوي بيك بعدها

-اي سيدي اتعلكني من شاربي وتخليني اشلع اضافيري بسنوني

-عفية السبع

-وداعت اطفالي مااسويها اتوبة اتوبه وكلام الله اذا عدتها عوقني واشمرني جوة الكاع

-وشغلت السجينات شنو

-والله والله سيدي بعد ماتحرش بوحده وروح ابوي واذا سمعت بيه حاجي ويه سجينة سلمني لغرفة التعذيب

-شنو تعذيب لاااه من اشوكت نعذب جنودنا كول اجتفك واشمرك بين الولد يتسلون بيك لبين ماتخلص محكوميتهم اگلك احتمال اي

هز راسه وبجه بصوت

-يله ولي كالها وشمره اجه جفي على وجهه عدل روحه بسرعة و طلع يركض

اندار لدسار كله تاخذ رئال لغرفتي الخاصة وتضل قريب منها لحد ماارد  

-تمام بس دقايق اطلع انطي خبر لاحمد يروح يستقبل الوالده مكاني

- دز حرس ويا وخلي ينقلوها لبيت عمك ويفتحون عيونهم عدل نبهم  اي حركة يحسون يبيها  يدزون اشارة 

-الباشا وجماعته اشلون هربوا

-الربع طلعوهم  لان اعمالهم انضربت بدونهم وزعوهم عالبتاوين بعد ماحركوا صورتك يمهم وزرعوا عيون بكل مكان

-الله اعلم اشكد دافعين بيه

-والله هيه لعبتها

-لاياناقص المرجلة ولك اني عديلك

-انت ميت ميت اذا مو اليوم باجر خليني استفاد

دگدك على متنه وكله نفس الصيدة والدفنة وكلام ربك اذا اني ورقتي يم الباشا انت بيد الدحام دير بالك على نفسك

-افاا واني ابو درع

-واني ابو الليل

-حي الله اللفو 

-هههه حي الله بزلامها وحامين العرض

-عينك عليها ماتأخر

-هاي اذا رديت

-عود احسبلي الجيلات الي راح تترس حلگك من تطلع منا هاي اذا ضل بمكانه من الاصل

-لا بروح ابوك اقلها بس اشوفها وعلي زحمة بعد كل هالتعب تالي اموت بحسرتها

- انت بس لا تبعد هواي لخاطر لايطير راسك

-الي مگابل ولفه لايسوالف عالعشگ

ابتسم دكدك على متنه واجه يمي دنگ وخر شعري عن وجهي عيونه حمر  والتعب واضح على وجهه اشرت وين

-صح غدرج كثر وكلفتيني هيبتي قبل تعب السنين بس هم حقج راح يوصلج

-كله بسببك انت المنعتني اكتله جان هسه اخوي عايش

-اخوج مات قبل لا ارد بيومين

-ليش ماخليتني اغوح ليش خليت شوفتهن حسغه بكلبي

-ردت اخليج بأسمي بالبداية حتى من تسمعين الخبر تلكين من التضمين راسج بحضنه وتشمرين شكو الم  بصدره

نزلت دموعي همست ضيع عائلتي كلها حتى ابقى ويا زين ليش ماگلي والله مستعده اعيش عمري كله اخدمه بس يخليهم يعيشون

-وداعت ابني  لابجي مكان كل دمعة عمر على اعزاز كلبه

-واني مااتانيك تاخذلي حقي  اعغف اشلون اخذه  الك يمي منصبك وهياتني اجيتك كمل القضية وابتعد عني

-اااخ يارأل اذا سويتها هالمره دخيل محمد الندم الراح اعيشج بي وداعت كل ليله گضيتها اتأملج بيها لدخلج بجحيم يعادل العشتي اضعاف اخلي اكبر امنياتج تردين لحضن ابوج

-وانت تعغف ماعندي ابو

-اني ابوج واخوج والسند الراح تكملين   باقي حياتج  يمه برضاتج او غصباً عنج

هزيت راسي لا

رفع ايده ضميت وجهي بسرعه سحب اديه بعدهن وخر شعري خلاه ورا اذني -  كل المر بجهة واليوم مجازفتي براسي بجهة رأل لاتخذليني وتجبريني ادخلج للجحيم بيدي

-واني مااغيد اعيش بعد غزوان

-راح تعيشين

-وانت غاح تموت ماغاح تغد بسببي

- تذكرين اول مرة التقيت بيج هنا شنو كلتلج

-اندعي يغتالوني و مااغجع

-وهسه امانه اذا مارجعت تعالي زوريني  حتى لو مرة وحدة بس مكتفي اقلها احس ماخسرت كلشي

نزلت دموعي ابتسم مسحهن ودنگ باسني من راسي اخذ نفس طويل وكام عدل وكفته راح شال سلاحه خلا بحزامه  وطلع بدون لايباوعلي

سد الباب دسار دار وجهه راح كعد شوية عني عيونه عليه راد يحجي شاف دموعي تنزل عالسريع سكت اخذله شويه وگال رؤيا هم هيج جانت تحبه

-جان عكازتها وضوء التشوف بي

-ابوج بعده عايش راح تعرف بي وترجعله و تتأذى  قبل لااوصلها

-غوح دوغها ليش كاعد موهذا صاحبك غاح للموت انت شتختلف عنه

-ماخليت مكان وراي من يوم الي اختفت لسه وكلام الله النوم ماشفته

-بس ابتعدوا عنها هيه بخيغ

دنگ خله راسه بين اديه

مرت اكثر من ساعة واحنا على وضعنا بس بدل ماجنت ابجي واحس بوجع خانگ صدري  بلحظة تحول شكو الم لانتقام  بگد ماجنت حاقده على بابا واريد موته هسه ماكو براسي غير اسماعيل اشوف صورة دم غزوان  بيديه وحق دمعة خواتي بضحكته

شكد حاولت اطلع حتى اروح لغرفة ابراهيم  ماگدرت مكابلني وگاعد جكارته بيده يدخن بغير عالم  مدنگ لازم شغلة ماشوفها شنو بس مثل الخرزة تلمع يفتح ايده عيونه عليها يتأملها ويبتسم بتعب ثواني ويرد يغلقها

يگوم يروح يم الشباج يوگف ياخذله  مشوار واكف يدخن ويباوع لبيره ويرجع يگعد لحد ماارن فونه فتح كام رد هلا بالضبع

-هلا بأبو الليل وينك شنو هاي لابس عسكري

-بالمركز خيرك

-الله يبعدنا وليش هيج كلامك جاف هاي هيج الملابس تغير الله يرحم ايام اللثام من جانت ادمغ بيك خرزة البتاوين

-اشلون يخليني اجي ادوس حلگه الغي لك شكوو متصل

-ردت اشوفك وهسه بطلت لعبت نفسي من جهرتك

-ديله توم كروز صدگ الثقة كنز لك لوعندي شكلك مااطلع بي باب البيت مو اسولف

-هذا شكلي الماعاجبك ساحل نص بنات محافظتك بي غير ذاك اليوم وحده باست ايدي وكالت مستعده اعيش وياك عالحصيره بس وافق

-حشى خلقة الله على هاي ترعبلك ماعيش وياك بالمالديف مو على حصيرة ويله ولي اترس الدراجة بنزين وحضر امورك حتى اول مااوصل نطلع

-اذا خليت بنزين باقي المصاريف انت تتكفل بيها؟؟

-ابن الكلب شنو هو الي اتكفل بي ماخذك حملة لسوريا لو للبر روح ضبع كلش مو وقت اتسربتك

كالها وسد الجهاز دنگ ديخلي بجيبه كلتله اذا كلتلك على مكانها توعدني غاح تحميها

رفع راسه متفاجئ

-تندليها ؟؟

-انطيني كلمة ماتخلي احد يوصلها

-دخيلج احجي ماكو وقت للوعود ابوج  باعها

-يم الولد صديق غزوان

-ماهيه

-لا هناك بس انطي السواغ وگله غئال تكول خلي بيدها و كللها عكازتج جوه مخدة ماما

مارد رجع الفون بجيبه و كام مخبوص يتلفت دنگ شال بيريته واجه بسرعة  نزعت السوار اخذه وگال ماتاخر  راح اخلي عليج حارس لاتخافين

اشرت اي اخذ سلاحه وطلع يركض

اخذت نفس درت وجهي للميز صارت صورة هيذام كدامي ابتسمت -وهاي للمره الالف راح اخذلك

لميت شعري كمت للميز شلت التلفون دگيت رقم اسماعيل خليته على اذني رن شويه ورد منو

-اني غئال

-الله يلعنج اللوحج لو اطيرين للسما راح اشوهج وانهيج مثل مانهيت اهلج

-واني الجايتك لبالي بعدك تحبني مثل قبل وغاح تسامحني وتغجعني لحضنك

-اي اي والله ارجعج واسامحج بس رجعي وشنو تردين اسوي ماازعلج ابد

-اهلك ماغاح يقبلون تغجعني لذمتك

-موبكيف اهلي واني هاي رجعتج بس تعالي والله اخليج تعيشين ملكة والي يحجي وياج اطيح حظه

-تخابغ ابوك تگله غئال موجودة بمكتب هيذام  واني غجعتها لذمتي خلي يجيني قبل لا يغجع هيذام

-اي اي  يله يله هسه اخابره

كالها وسد الجهاز  رجعت كعدت مكاني تفكيري محصور بين ضحكه غزوان هو ويباوعلي بتعب ودم اسماعيل بيدي

اقل الربع ساعة ندفرت الباب دخل ابراهيم وجه محتقن صاح من بين اسنونه بت اليهوودية شجابج هنااا

-هيذام وغاح يسحب قضيتي من الضابط حتى هو يلزمها

-الله يلعنه مثل ماراح العنج واخليج عبره حسبالج من خليتي اسماعيل يردج لذمته  وبجيتيله راح يوكفلج ويمنعني عنج

-اني حامل

-شنو لج

-حامل وهيذام من عغف اتخبل سمعته يخابغ على احد يجيبله شي يوكع الطفل بي  قبل لا تعغفون حتى يكمل القضية

-حتى من اكول عليه كلب ابن كلب محد يعترض

-عمو اتندمت فدوة حتى لوما تغجعني لزوجي بس احميني  مااغيد اخسغ ابني ماضل عندي بس هو

-ولاراح تخسرين زوجج امشي وياي …

***رايه***

بعدها تحجي غيمة وماما  وگعت ساكته من شدهتي مالحگت اكوم زحفت ازحوف  دنكت شلتها اباوعلها بلا نفس  نكثتها حيل وصرخت بكل حيلي 

جرتها مني هجامة وصاحت ولج جلعي جيبي مي يالمعثرة

كمت بدون شعور طلعت  للمطبخ اركض واعثر بس اريد اوصل من كد مامرتبكة تيهت المطبخ دخلت للحمام صار گدامي طشت متروس دنكت شلت دبه مي  ورجعت بكل سرعتي دخلت لكيت هجامة تضرب بوجها ورؤيا لازمة ايدها تفرك بيها وهيه شبه واعية كامشه مداليتها وتنفت

اخذت هجامة المي غسلت وجها رادت تشربها صحت لااا مو نظيف

همست ماما بتعب مااريد بس كومني

هجامه- شمالج يخيه واذا عدل يطبه حريشة وعلي يذباح ينهش لحمه ويدفنه حدر رجليجن

-اشلون عاش بيدي كتلته والله

-عبنه عاار لو خير جان بچلمة سلمها لربه موش جتلة

-راحن بناتك يرافد ولك تعال ليه اشلون اخلصهن منه ولك الحگني وين اوديهن

-شني شيخلصكم منه ياهو يخلي يكرب صوبجن هسه اخابر صهيب واذا هو زلمة خله يخش الديرة موش يعملجن شي

-راح يشمرني بالحجز وياخذهن يبيعهن ومحد يكدر يوكف بوجهه نص المركز اله مو بعيدة متفق وياهم ينطيهم وحده منهن يمه عزة بعينييي

-بس هدي لاتنجلطين

-عساني متت ولاسويت بيهن هالسواية بس لااا مواني هو السوه بينا هيج هو الضيعنا وخلاني ابيع نفسي لمثل هذا حتى احميهن من شره والله كله  بسببه

-يااع خايبه هدي

-ولك غزوان يعمه راحن اخياتك ولك منو بعد يوكف بوجه ولك اشلون انطاك كلبك تروح وتخليني هيج محتارة يمه وين انطي وجهي

-بس انطري شوية خلي اخبر صهيب لخاطر اعرفن شعمل گبل لا يصل

رؤيا - لاااا عوفي لان ماراح يكدر يسوي شي بسبب ماما مطلوبة واني تحت حمايته وحتى راية هم يكدر ياخذها لان ماكو شي يثبت هيه متزوجة وطالعة من شوره

-موش تكولن انتن مانجن بنواته

-وجيبي اليثبت بين مانقدم شكوة ويسوولنا اثبات نسب واحنا اصلا حتى اهلنا مانعرفهم لانه موبس ساحلنا  لاا حتى بايعنا

-جا اشلون ولج نتركجن هيج وروح ابوي لو اعرف اجتله موش اكف بوجهه وانعل اصله ماراح اخلي يجيس شعره منجن

-تردين تساعدينا طلعينا منا وهسه

-وين اعر بيجن يجده مااعرف احد گضيت عمري هون

-اني اعرف مكان نختل بي لبين مايطلع ذباج بس نعتاز افلوس

-اعطيجن عمري موش افلوس بشري بس لازم نشور ابو صكر بالاول

-ماعدنا وقت صهيب بغداد ودتكلج الحيوان جاي بالطريق بين مايجي صهيب احنا نصير بحضن الامن وغصباً عنه

-يجده ما يگدر موش حسبالج ابو صكر بحده تراه نص الديرة تكفله بأشارة موش انوب نخوة وعلي يفدولج الديرة بكبرها ويخلون الدم للرجاب

-هاي كلتلها دم كافي ضيعنا ذباح ماضل عدهم غير صهيب شنو ذنبهم يرحون بسببنا كافي الوكفه الوكفوها النا ماقصروا صار الوقت نبتعد

-يجده …

-بيبي ما نطول كم يوم تره هو مامتأكد احنا هنا جاي على طريق وحده نكسة بس مايلگانه يولي واحنا نرجع لان ماعدنا مكان غير هنا بعد ليش الدماية والهوسة ولو مو تكولين لصهيب اني مامستعده اضل على احتمالات يمكن مايكدروله وياخذنا ويمكن ينكتل ويوكع دمه براس صهيب  وبالحالتين  اختي وماما يرحن مني اذا مو اله لاخوته الحيوانات

-والله يجده خايفة يرد ذباح ومايلگاكم وعلي يدفن رايه حدر عريس المنية لان حذرها اذا اتحرجت بيجن حد الباب يطبر راسها موش تاخذكم وتحدر لغاد

-مايگدر يسوي شي كل قوته يهدد

-چا ماعرفتي بعدج والحر الرياحي مسودن خو لاسامح الله اذا انخدشت وحدة بيجن ماهو بعيد يجتلها ويرد بيها للسجن

-واذا ضلينه راح انضيع احنا وياها ولاتخافين اني احجي ويا واگله هاي فكرتي

-والله شكلج

-لاتكولين كولي اذا ماعندج افلوس عادي نروح مشي وربي يدبرها

-لايجده اشلع عيوني واعطيج جنج على افلوس اغديلج اني وافلوسي فدوات

-وعد اردهن الج ادري ماعندج بس ماعدنا غيرج ننخاه

-ابشري الج من افلوس الوكت لفلوس الچفن بس بالاول كولي وين مهونين

-لبيت امان  يندله ذباح بس تكليله الي جانت بي رؤيا هو يعرفه دخيلج بيبي ماكو وقت

-گمي يله تهيري وانه جايه وياجن ماراح اتركجن بحدجن

-لالااا هيج راح يعرف جنا هنا وانهزمنا اذا شافج ماكو وراح يرد كلتلج مانطول يومين لو ثلاثه وراح نضل على اتصال وياج واذا طولنا اكثر انكلج تعالي يمنا  فدوه بييبي لا طوليها راح يوصل

-لاتخافين ماراح اخلي يكضجن بس همن اديجن بين مااجلع للشارع اجيبلكم سيارة تاخذجن

اشرت اي ولزمت راسها دنكت تعصر بي عرفتها رجع الوجع بس مابيدي شي اسوي ولااگدر اتأخر بين ماترتاح  لان ادري تموت بس توگع بيد بابا

كمت بسرعة حتى ماسألتها وين راح نروح بس ردت اطلع بيهن ركضت لميت ملابسنا بعلاگة اشلون مجان وعيني بغيمة الي واكفة تباوع وترجف عرفت ماراح ناخذها ويانه وهيه ورطت نفسها ماحسبت حساب  ذباح ينحجز وتوكع بيها

اركض مثل المخبلة مااعرف شسوي سديت العلاكه جبت العباية كومت ماما لبستها ورجعت ركضت لرؤيا كومتها عصرت جف ايدي همست رايه راسي

نزلت دموعي

-سمعيني اخذي ماما لبيت المشعوذة هو مو بعيد عن بيتنا نفس المنطقة ماما تندله انضموا هناك واني اخلي عنوانجن يم هجامة اول مايطلع ذباح يجيجن

-وانتي؟؟

-اني مااكدر اتحرك خليني هنا

-جذابه تردين تأمنين بابا حتى ترحين ويا وتكتلي هو وغيمة

-روحي راية

-واني مااتحرك اذا ماتجين وياي على شنو عايشة منو الي بالدنيا حتى هيج متمسكة بيها

-رئال

-ورئال اذا عرفت ضحت بروحها لخاطر تحميج واني الي عالحاظر اتخليت عنج مو بس راح تحتقرني لا راح تتمنالي الموت

-ماراح يتركجن

-ماراح يلكانه وين وعدج الي رؤيا تره والله كوه واكفه داحس كلبي ميت كاره الدنيا بكد كرهي لعمري لاتزيديها عليه خليني عايشة بس لحد ماازور قبره وبعدين شتردين تسوين سوي لان مايهمني عسى ما تحركين نفسج لان اني وراج بنفس الثانية  بس خليني اشم ترابه واخذه لحضني والله ضل حسره بكلبي حضنته

سكتت

-طلب مني يحضني واني رفضت وراح وخلاني انهش بروحي من الندم دخيلج بس احضنه بلكي ابرد شوية وعد ايدي على ايدج نگطعه هالمره مانتركه غير وهو جثه

اخذت نفس دخلت هجامه تركض صاحت يله عجلن

لزمت ايدها حيل ابتسمت ضحكت ونزلت دموعي سحبت ايدها لحضني حيل تكول ردتلي روحي مو كالت يله

دنكت شلت العلاكة وكمشت ايدها عدل بجت غيمة وركضت لماما لزمت ايدها همست بتوسل لاعمه دخيلج لاتعوفيني والله ماراح يرحمني

ماما-  منو كلج اعوفج

رؤيا - لاتعوفيها واذا اخذتيها وياج اني مااروح

-ولج ليش يمه هاي بنيت خالج وامانة غزوان اشلون تردين اتركها للحيوان يستفرد بيها

-لعد روحوا ودبروا نفسكم اني ضالة

-ولج اشبيج تخبلتييي رؤيا يمه لاتعبيني وياج راح يوصل

-وعلى شنو متعبين نفسنا ورايحين اول وتالي راح ادلي مكانه وكتها يامسهلها لكفتنا خلينا هنا

-وهيه شدخلها البنيه

-كليلها شدخلج وشنو جانت خطتها بس مااجت بيدها عدلة

اندارت لغيمه بجت بصوت ودنكت على ايدها باستها و كالتها غلطت عمه وروح ابوي ماادري بي عدل لبالي داحجي ويه عمتي وجرت لساني دخيلج عمه لاتخليني والله يضيعني ابوس ايدج

-ليش يعمة هيج تسوين بينه مو على ايدج موتوا اخيج

-ضحكت عليه كالت اكو افلوس جان ضامهن عدنا وذني ورثكم عمه وروح  غزوان مااعيدها بس لاتعوفيني ماعندي غيرج تعرفين شيسوي بيه اذا كمشني

رؤيا- مامااا يله

غيمه- لالااا عمه بروح اخيج اني عزيزته وأمانته يمج لاتتخلين عني اذا على الفون هاج بعد بشنو اتواصل ويا واذا ماتامنون بيه ربطوني بس لاتعوفوني دخل الله ودخلج وروح اخوي انتحر اي انتحر ولااوگع بيده

اباوع لماما وگفت محتارة عين بيها وعين برؤيا الي منتظرة كلمة حتى تتربع مثل الخبلة دنكت غيمه على رجليها رادت تبوسها كمشتها ماما كالتها شمري الجهاز هنا واذا حسيت عليج شي اشمرج بالشارع  واهج غير مكان

-اي عمه والله اتوبة اخر مرة

رادت تحجي رؤيا صاحت ماما اني عيني بيها اذا شفت  غلطة صغيرة منها اربطها واحرگ لسانها احرمها من الكلام نهائياً

رؤيا -  ههه هواي سمعنا هذا الحجي انتي مثل ام البزازين ماتكدرين تعيشين طبيعي اذا ماتسحلين بزرتج گيعان الدنيا كلها وتختميها بأكلهن بسبب اغلاطج وضعفج بحمايتهن

-عود من يوصل سراج للاكل شوهي وجهي وروحي بطريقج

-وليش اشوه وجهج خو اخذ خواتي واتركج من الاصل

-وهيج حضني ماغزر بيج ناويه تركيني وحدي يبت الدغش

-كل واحد يحمل نتيجة اغلاطه عشت وياج هواي ماشفت غير الظلم  والضعف واني مامستعده اعيد التجربة

-هاي هيه مثل ماتردين  اخذي اخيتج وروحي مودعة بالله ومحمد بگلب راضي بس ديري بالج عليها واني اضل اندعيلجن بكل خطوة تخطنها بس يله طلعن ماضل وقت يبعد امج

هزيت راسي لااا

مسحت دموعها واجت جرتني اني و رؤيا سحلتنا سحل طلعتنا لكينه السيارة بالباب صعدت رؤيا  وجرتني وراها صعدتني  رادت تحجي سكتت لازمتها العبرة اشرتلي ديري بالج عليها وسدت الباب

شغل السيارة ديتحرك فتحت الباب بسرعة نزلت لزمت ايدها كلتلها امشي ويانه

-لايبعد امج صدگ الحجته اخيتج اني مو بس ماانفع اصير ام اني ضيعتجن وكسرتجن هواي بس والله غصبا عني كل الردته  احميجن واني وبلا سند

-ادري ومحد يلومج موهياتنا كلنا كبار ومحتارين اشلون نحمي نفسنا مو انتي جنتي وحدج وكلنا اطفال بين ايديج

-صح ظلمتجن وعذبتجن بعيشتي بس الحمد الله گدرت اضمجن كل هالوكت عنهم وهسه صار الوقت تاخذين  اخيتج وترحين بعيد اني ارد لبغداد ادور رئال أمن عليها وراوح اسلم روحي

-مادورين رئال وحدج ندورها سوه وماتسلمين نفسج قبل لاتاخذين ثار بزرت كلبج من دمه وقتها ماراح اوكف بوجهج بس هسه لا بعدنا معتازيج نضيع بدونج ماما جربت ماكدرت بدونج لاتتخلين عنه ماعدنا غيرج

-مااكدر اعوف بنيت خالج هاي امانه حتى لوغلطت ماتفتهم صغيره وضاگت المر رادت بس تطلع منه بدون عقل وهسه هالفقدت كل اهلها وضلت بروحها وماكو واحد يسندها راح يبيعها جاسم

-جيبيها مالج شغل برؤيا اني راح اراقبها اربعة وعشرين ساعة اذا حسيت عليها شي صدگ وقتها اخذ اختي وابتعد حتى مااكلج

-رؤيا گلبها اسود مثل ابوها ماوراها غير الدم والشر بس راح تسندج وتنطيج روحها مثل ما هو سوى ويانه

-واني مااگدر افقد بعد احد روحي خلصت واني اودع وادفن ماما تعالي ويانه هيه موته موته خلينا نخلص اخر ايامنا سوة

ماردت باوعت لرؤيا شافتها ساكته اشرت يله

ركضت غيمة صعدت وهجامة خلت بيد ماما افلوس وحضنتها مااسمع  شنو همست بس كالتها اول مااوصل اتصل بيج سلميلي على فجر وكليلها ماقصروا والنعم منهم كفوا وفوا

سلمت وصعدت تركتهن يتوادعن  ويتفقن دقايق واجت صعدت تمسح بدموعها حرك ابو السيارة طلع بينا

رؤيا دنكت نفرك براسها من الوجع واني عيوني بالطريق كل ثانية رافعة راسي للسما اهمس يارب ورد اباوع للطريق ماطلعنا من المنطقة اله ونص روحي خالصة

شفت صعدنا الشارع العام لطريق بغداد اخذت نفس براحة انداريت لرؤيا لزمت ايدها همست رايه بعد مااكدر راح اموت لحگيني

-سوده عليه شسوي شبيدي عليج

-انطيني العلاج

-ميصير بعد وقته راح تتأذين خلي راسج على متني  بلكي شوية وتنامين

-مااكدر ولج راح اموووت

ردت احجي شفتها صدگ متخبلة وتعصر بجف ايدها وماما تباوعلي بتوسل حتى انطيها ودموعها تنزل على حالها  تخاف تلزم ايدها لو تحجي تعرفها راح تصرخ بوجها

اخذت حسرة ودنكت فتحت العلاگة طلعت العلاج حتى بعدني مافاتحته اخذته من ايدي طلعت حباية شربتها بدون مي

ودنكت لازمه راسها

رجعت العلاج سديت العلاگة سحبت راسها خليته على متني ودخلت اصابيعي بشعرها افرك عالكيف وماما تقرا ايات قرانية وتندعي بدون صوت لحد ماحسيتها هدأت عرفتها نامت

مرت الساعات واحنا بعدنا بالطريق لحد ماهمست ماما بأذني بصوت رايح وين نروح

-رؤيا كالت لبيت المشعوذه تندلي

-يمه ولج  هذا بعد عن بيتنا شارع

-اي بس تكول أمن ومحد يندله لان هناك جانت كاعده ويه زوجها فتره طويلة محد اكتشف مكانها

-ومنو يگول تقبل تلفنا واشلون نأمن ماتروح تگله

-ماتعرفنا هيه وتقبل اذا انطيناها افلوس يعني نأجر غرفة منها لبين ما الله يفرجها

-ليش مانروح لبيت عالم ديني ننخاه لو نروح  لمكان زراعي بلكي نحصل ناس زينة تقبل تخلينه عدهم لحد مايطلع ذباح

-اشلون نجازف برؤيا ونفتر بيها لازم مكان هادئ  ترتاح بي تره العملية براسها ماما مانگدر ؛ ويا عالم يستقبل هلكد  هسه خلينه نوصل لبيت المشعوذة بالسلامة واذا شفنا الوضع مو امان نروح لعالم ديني

اخذت نفس وانتجت لازمة مداليتها عيونها بالشارع حيرة الدنيا وتعبها  كلها بيهن دخلنا بغداد سأل السايق دلته المكان  لفيت راس رؤيا بالشال عدل واني وغيمة اتلثمنا والله لو ماالرجال من البادية  جان شمرنا بنص الطريق وانهزم

وصلنا قريب عالمركز تلقائي ابتسمت خليت راسي عالجام  اباوع لمكانه نزلت دموعي واني احس راس رئال على متني وهيه تحجيلي عن الكتاب التحلم تشتري

غمضت على صوت غزوان يضحك ويكول ها ولجن ليش تسختن تره اليوم ماادفع افلوس مكانجن

شلت راسي  اجت عيوني بعيونه ابتسم وهو  يهمس اروحلج اني وافلوسي فدوة لهاي العيون

رفعت ايدي خليتها على كلبي اتلمس نظارته عصرتها وحجت بحرگة گلب رحت بس جوه التراب ولك اشتاقيتلك

لزمت ايدي رؤيا همست ماضل. شي ونزوره

-رؤيا منا جنه نجي على هذا الرصيف يدفع برئال ولازم ايدي  يسولفلنا اشلون راح يعوضنا  هنا جان يوكف يتقاسم تعبه ويانا حتى يحمينا من بابا ؛

شوفي هذا الرصيف نفسه جنت اجي منه اجيبله الغده  الكي گاعد منتظرني بيده العود

-وبنفس الرصيف الي راح اخذ حق دم كل واحد بيهم

-مااريد حقه اريده هو رؤيا گلبي لهفان على شوفته مااگدر اتحمل بعد مخنوگة محد ديحس بالنار الجواي ولج حتى بالحلم مديرضه يجيني اشكد داندعي ربي ياخذني يمه ليش مديستجاب  والله ماعصيته بشي ليش مايسمعني وتاركني هيج اتعذب

-راح تشوفي  وراح تسولفين وتنامين بحضنه وتشتاقين لايام وجودج يانا

غمضت

دكدكت على ايدي باوعتلها مبتسمه اتمنيت عندي قوة كلبها

رجعت راسي عالجام اباوع للمنطقه كلما اكول خلصت منها ارجع لبدايتها من جديد مااعرف الدنيا شتريد منا ليش هيج تحب ادولب بينا اشوكت تكتفي من اذيتنا

وصلنا لبيت تعبان اكثر من بيتنا بابه مفتوحة اتحاسبت ماما ويه السايق اتلفتت تأكدت ماكو احد عرف شالت العلاليگ ونزلت

نزلنا وراها رحنا وكفت ماما دادگ بس سبقتها رؤيا دفعتها وسحبتني دخلنا

طارمة ضيگة مفلشه بنهايتها باب حديد تعبان  امشي وعيوني تتنقل بين البيت وبين  رؤيا الي تگول عايشة عمرها كله هنا تندل وين متجهه بدون حتى لا تسأل

وصلنا باب الحديد اتلمست لزمت الخيط جرته فتحته دخلنا مطبخ شبه واگع

طلعت مره عجوز من جوه تلف بشيلتها كالت هله بيكم تفضلوا

رؤيا -  هلابخرابة البيوت العامره اشلونج ام الوسخ

-منو انتي صوتج مو غريب

-لا بس لانسيتيني وسفة او لاحقج  العتب موعليج على اللفو  الراح بدون لايتركلج بصمة اتخليج تذكرين اهله حتى بنومتج مو بشوفتهم

-مرت ابو الليل ؟؟

-خرزة البتاوين

-يمصخمة شرجعج

-اشتاقيتلج

-عساج اشتاقيتي لجهنم انتم شنو ماعدكم غيري ماتفكوني ترا بزعتوني بعيشتي كل يوم واحد ناط منكم على راسي

-دسار رجع ؟؟

-اشتعلت روحج ورحه بساعة وحده شرايده  ومنو ذوله الوياج 

ماردت ابتسمت بفرح  تركت ايدي وراحت تركض وتتلمس  دخلت جوه خفت عليها لحكتها لكيتها واكفه يم غرفة رحت يمها خليت ايدي على ضهرها  اندارتلي گالت هذا عطره

-يعني بعده  عايش 

-كال ماراح اتركج وحدج

-يعني ديدورج

-راح يرد لهنا متأكدة

اجت العجوز صاحت شعدج جايه وشبي حالج بس لامسويتلج مكسورة  وراده اتشمريها عليه

- اشوكت اجه اخر مرة

-من زمان ماجاي الله اعلم وين لافي هو ومصايبة

-وضبع؟؟

-قبل اسبوع اجه تالي الليل كم ساعة واختفى عسى اختفت روحه مثل ماجفلني ابن العاهره احجي شردج وشبي راسج مضبر وهالبنات منين لافتهن

-مابيه شي وكعت وخيطوا راسي وذني البنات اشتغل وياهن وساكنين بيت هاي المرة  رادت تعدله لان تعبان كالت نروح للفندق تذكرتج كلت ليش نروح فندق وندفع كومة افلوس خو نأجر الغرفة العدج هم نأخذ راحتنا اكثر واهم انتي تستفادين بالفلوس

-وشعرفني ماوراج اطلابة

-مقتنعه اوجوهنا مال طلابب  وبعدين بكيفج نروح للفندق هنه كم يوم ونفس السعر لبالي افيدج وهم احنا نرتاح مكان نعرفه

-الاسبوع اخذ عليه مية

-ليشش خمس نجوم هيه غرفة معفنة

ماما - ميخالف ندفع

المشعوذه - واكلي وشربي عليكم والمولد انتم ادفعوا

رؤيا- بعد ماتردين رجل

-وهاا اذا اجوي ضبع وجماعته انام يمكم

-بس خلي يجي وسهلة نومتج اذا مانيمتج نومة ابديه على هذا استغلالج مااطلع مرت الحيوان اللفو

-لومامسوية اصخام ومنهزمة منه مالفيتي على بيتي

-ديله اشلون بيت الي يسمعج يكول بيت الرحمة والملائكة اطوفه من كل مكان

-لاطولين لسانج حتى ماشمرج بره

-كونج مره وتسويها وكلام الله اربطج مكان الصخلة بره واخلي الشياطين تسوي عليج طقوس للصبح

-ياااع صدك صلفة

-منو صلفة ام الوصخ  شو تعالي

شفتها هدت ركضت لزمتها بسرعة وماما صارت كدام المرة

جريتها دخلتها للغرفة وسديت الباب تركت ماما تتأسف منها دفعتني وراحت تتلمست وصلت للفراش كعدت ضايجة

دقايق ودخلت ماما سدت الباب كالتها صدگ انتي تحجين

رؤيا- اي ياتتأدب وتلزم لسانها من تلغي يااگصه

-ولج مره شكبرها واكفه  انتي ليش ماتحترمين احد

-من انتي اطلعين من حياتنا وتخلينه نعيش مثل البشر

غيمه- عوفيها عمه خلي تولي وبعدين شنو هذا المكان البيئه الجايبتنا بي

رؤيا- مبينه الترافة تكت من عيونج من المخزن الجنتي اتختلين بي

-رؤيا لاتخليني اخليج براسي وروح اخوتي اندمج

-واني اريدج تخليني براسج  بعد مااكوم اسحگ بحلگج وانعل ابو اصلج النكس

ماما - انعم الله عليج يمه اصلنا نكس

-اي ولو دمكم طاهر ماخلفتوا هيج خلفة خزي حضرية الخنزير اطهر منها وهاي بت الملاهي  اذا ماتسكتيها وروح اخيتي  اخرسها نهائيا الج

-انوب بت ملاهي يمه اني وين اولي وارتاح

-انتي شنوو بس اذنج الي بصفحتي تشتغل ماسمعتي شغلتتتت

-عوفيها  زعطوطة تلغي وحدها وتسكت خليج انتي التفتهمين لاتردين عليها

-ذيج مره جبيرررة لاتردين عليهااا هاي زعطوطة لاتسمعليها لعد ويامننن اتعاررك

-يبوو عليج ياروحي اشطولج متكليلي اشوكت اتولين

دارت وجها رؤيا حسيتها همست بين شفايفها اسم الله عليج عكس غيمة الي كعدت تبتسم شمتانه اشكد مرت عليه عالم قذرة بس مثلها ماكو

الغرفة رغم صغيرة بس دافية ونظيفة دكت الباب العجوز شمرتلنا بطانيات ومخاد احنا هم ماگلنالها على فراشات خفنا رؤيا ترد تتعارك كلمن اخذت بطانيه ومخدة لفت نفسها وگعدت

مر كم يوم على وضعنا محد يطلع غير ماما راحت مرتين ملثمه عالسريع  جابت خبز ومخضر وردت ركض  تنتظر الليل لمن تنام العجوز تكوم تگلي بتيته وطماطة مال وجبتين حتى لاتخلينه نطلع بالنهار غير بس للحمام وهم تتأكد ماكو احد يالله طلعنا

اني لزمت الفراش بسبب مرض عجز الكلى من كد شدهتي نسيت حتى العلاج اتحملت كم يوم بس بعدها خلص حيلي بعد مااگدر افتح عيوني مو اتحرك

فلوسنا بدت تخلص ورؤيا عبر موعد فتح الخياط انتقل الالم من راسها لعيونها لاعدنا نجيب علاجها  ولانگدر ناخذها للمستشفى نخاف لايشوفونا ضاله تفرك براسها وتفتر تلوج

غمضت مابيه افتح عيوني ايدي على خاصرتي يائسه من كلشي واسمع ماما تهمس عالسجادة بالدعاء اعرفها محتارة خلص الاسبوع والمره تريد اجرتها من غير هم رؤيا وعلاجي

عصرت خاصرتي انكلبت حسيت مثل السجينة نبتت بيها لاارادي طلع صوتي موجوعة كامت ماما كعدت يمي لزمت ايدي وكالت ها يبعد امج شنو اليوجعج

ابتسمت بتعب

نزلت دموعها همست شنو فايدتي اذا حتى وجعجن  مااكدر اشيله عنجن

-مابيه شي ماما لاتبجين شوية واصير زينة

-ماراح تصيرين زينه ولا رؤيا راح ترد تشوف ولا رئال راح ترد لحضني راح اضل اتفرج عليجن عاجزه لمن ترحن مني اني مااستاهل اكون ام ربي ديعاقبني مثل ماعاقبه بالبعد لان انطانا نعمة وماعرفنا اشلون نحافظ عليها

-وانتي شنو ذنبج هاي قسمتنا يجوز الدنيا مو النا وراحتنا هناك

-لايبعد امج لاتحجين هيج اموت بدونج  لارايه كلها احمل بعدها عني بس انتي لااا ولج انتي موبس اول فرحتنا انتي املي العايشة عليه متأملة تلم خواتها بعد ماتغمض عيني

-اذا تحبيني صدگ اندعي خلي الحگه كافي العشته لا ضلت روح تحمل افراكه ولاضلت صحى حتى اكوم اعينكم

-قبلج كلتها واني اشوف الضيعني  يباوعلي بأسف ويأشرلي عينج عليهن وهياتني عشت بعده وحتى كمت ادعي عليه بدل ماابجي ورا وعلى شنو تعينيني مارايده منج كلشي بس اشوفج هيج گدامي كافي

-وينه

- كسر ضهري بيجن وراح

-اذا تعرفين هيج جان موزين ليش خلفتينا

-احن واحد بهالدنيا بس اااه ياذيج الساعة

-شنو الصار

باوعتلي عيونها تلمع  لزمت المداليه دنگت مكسورة

عرفت وراها قصة خانكتها مثل ماضيعتنا وياها ماتريد تذكرها گد وجعها اخذت نفس وهمست  رؤيا وين

انداريت لكتها لازمة راسها وكاعده ورا الباب؛  غمضت ساكته

-ماما اقلها اخذيها للمضمد خلي يشيل عنها الخياط خطيه ديأذيها بس ماتحجي

-راح اخذها للمستشفى افتح الخياط واسويلها مفراس واجيبلج علاجج

-منين حتجيبين افلوس كل هذا

-بس عينج بغيمة

-ماما وين راح ترحين

-لاتخافين مااترگجن اذا ماأمنجن كل وحده يم نصيبها

-هه يعني جنتي تعرفين التاروت قاصدني مو

ماردت اخذت نفس بهضم وكامت اخذت عباتها لبستها ردت امنعها بس شفت رؤيا زحفت للفراش شالت المخده خلتها على راسها ونامت تضغط عليه

اتلثمت ماما وطلعت رجعت غمضت اعصر بروحي دقايق بس سمعت باب الطارمة انسد كامت غيمة طلعت من الغرفة اصلاً ماهتميت لان ماضل شي مهم نخسره بلكي تعجل بموتنا ونخلص

اجتني نغزه درت راسي للمخده عضيتها وعصرت خاصرتي حيل

اكثر من اربع ساعات واحنا كل وحده بفراشها تلوج لحد ماردت ماما شلت راسي متأمله بيدها العلاج بس خاب ضني واني اشوفها دموعها على خدودها فتحت اديها تراويني عجزها عرفتها لاحصلت شغل ولافلوس

مر الليل عينه ماغمضت للصبح من غير الوجع اكل ماكو  ماما ضالة محتارة تجي تگعد يمي تسمع رؤيا تلوج تكوم يمها اتشوفني گوة افتح عيوني  ترجع يمي اخر شي كعدت بينها وبجت

ضلينه لاذان الصبح من گد التعب والالم غمضت بعد ماحسيت مااعرف نمت لو فقدت ماكعدت اله على ايد تتلمس بوجهي فتحت عيوني رايح الوقت صاير الليل الغرفة هدوء ماكو بس اني وماما بيدها علاج وعيونها حمر كلش ردت احجي ماكدرت احس لساني ثگيل  سكتت ؛  ابتسمت ماما وگالت بصوت مبحوح گومي يبعد امج اخذي علاجج حتى تاكلين لكمة

همست بتعب منين جبتي افلوس

-لكيت واحد ابن حلال شغلني يمه

-ياشغل يجيب علاج بهذا السعر

-مو كلتلج ابن حلال سولفتله ظروفي انطاني اجره شهر ليكدام

-رؤيا وين؟؟

-بالحمام دتسبح

-اشلون خالتها وحدها هسه تبلل جرحها وتتأذى

-ماقبلت ادخل وياها

-شنو الصاير مامااا

-ماصاير شي بس تعرفيها عنودية كالت بس اغسل جسمي مااوصل لراسي لاتجين وياي

-لا ماما عرفت بيج طالعة اجدين

-ايي طلعت جديت يم التقاطع  وتعرفين منو لكيت؛ رجلها وامه  بالسيارة  من همشت گلبي ردت افرح ابنيتي ركضتله كلتله وين عن رؤيا تاركها كل هالوكت تنتظرك

-لامامااا ماتسويها

-سويتها وامه سألته منو هاي اشر مااعرفها انطاني الف وراح

-ليش هيج دمرتيها

-لان شفتجن جوعانات گدامي واني ماعندي اوكلجن لان شفت عيونها خزنت من الضماد واني ماعندي اوديها يغيروا  لان دتموتين من الالم وماعندي اجيبلج علاج

-شفتي فرحتها من عرفت بي عايش

-واني موتتهااا مثل ماضيعت ذيييج

دنكت لازمه راسي عقلي متبنج مااعرف اواسي ماما لو اكوم لرؤيا

كمشت ايدي خلت بيها العلاج وكامت لفراشها سحبت البطانية تمددت وغطت راسها اباوعلها تهتز كلها ويه صوت البجية

من حركة كلبي شمرت العلاج وعضيت ايدي بكل حيلي على  الزمن الوصلها  لهيج مرحلة

غمضت اشكد جنت حاقده عالدنيا مو كد الحقد الحقدته على نفسي عرفت  بأنانيتي دمرتهن

سمعت خطوات رؤيا قريبة عالباب ماكدرت افتح عيوني واخلي عيني بعينها دفعت الباب ودخلت غمضت حيل جنت منتظره تنهد بيه مثل كل مرة تدخل اصرخ وتكسر بس ماحسيت غير هدوئها عرفت كسرها هالمرة مايتعالج بعتاب

اجت تمشي بطيء  وصلت يمي گعدت كدامي خليت ايدها على شعري رفعت راسي باوعتلها موخره الضماد شعرها مبلل وعيونها حمر دم نزلت دموعي بقهر

ابتسمت وهمست هيج  رنود جانت حلوه مثلج …

لاتنسون التصويت ❤️

شيء من رصيف الدم

بقلمي:leo Alfatlawi

بارت الثاني والعشرون

بارتين سوة مثل ماطلبتم ❤️

***رئال***

لم يبقى شيئاً مضيئاً ؛  لقد انطفأ كل شيء 

…كال يله  امشي وطلع مستعجل انداريت لصورة هيذام همست اسفة والله ماكدغت لان الفقدته اعز من غوحي ياما اتحمل تعب علمودي يستاهل اضحيله بدنيتي

اخذت نفس استعديت لرئال الجديدة الي گدرت تمسح دموعها وتتخلى عن السوار قبل گلبها

وخرت شعري عن عيوني رحت  ورا لكيته واصل مسافة بس الفرحة واضحة على ملامحه يمشي ويسلم عالحرس مامصدگ  تحسه يريد يحضن الكل گد السعادة

امشي ورا واباوعله موهذا الحيوان الماعنده ضمير  لااا بلحظه تحول انسان ثاني الضحكة مافارگت حلگه وكل الي يصير بوجه يضربه بشقى لحد ما طلعنا  برا استقبلونا الحرس فتحوا باب السيارة لزم الباب وگف عيونه عليه يبتسم ويأشر صعدي

دنگت گوة مصبرة نفسي لااتفل بوجهه گد ماشايلة حقد غمضت وصعدت ؛ صعد سد الباب اتحركت السيارة  لميت جف ايدي اهدأ بروحي لايقل صبري وانكشف قبل لااخذ حق الضاعوا بسببي

اسمعه يحمد رب العالمين اخذت نفس درت وجهي لجام السيارة عيني على الطريق اباوع لمناظر الي بالشارع اشلون تتخطى مثل الحلم گد السرعة النمشي بيها حتى مالحگ انتبه الها نفس حياتي المرت بدون لاافتهم منها شي

خليت راسي عالباب صار منظر هيذام بعيوني من يرجع ويشوفني يم اسماعيل شنو شعوره راح يكون

هزيت راسي مهما كان شعوره مايوصل لواحد بالمية لشعوري من سمعت بموتت صديق عمري

غمضت ردت شي يگرص گلبي اتفاجأت من لكيت داخلي فارغ عرفت كلبي مات بعد ماحس بأي شي ؛ فززني عمي وهو يكول يله بابا وصلنا

فتحت عيوني لكيت داخلين بالكراج اسماعيل واكف يم عمتي ام هيذام ومن الجهة الثانية ضي واكفه تباوعلي بضوجة درت وجهي ماهتميت لان ادري محد يحس بألم الفگد غير المجربه ؛ فتحت الباب نزلت اجه اسماعيل يرگض لزم ايدي ضحك  وگال رجعتيلي واخيراً

اخذت نفس وابتسمت بحقد

عمتي - شرجعها صدگ ابراهيم تحجي ماصدكت من كال اسماعيل ماعونه نخلص من المشاكل ويهدأ الوضع

ابراهيم- ههه ماكو مشاكل ان شاء الله بعد ابشرج رئال حامل

-شنووو ؟؟

-اي حامل وابنج النگس جان ناوي يسقط الطفل حتى يكمل القضية ويرد رتبته

-من اشوكت حامل شعرفنا   من اسماعيل

اسماعيل - ليش اني مووو بعيننج

ابراهيم - لا بابا موقصدها بس تقصد اشوكت صار يعني تفاجأت

اسماعيل - اكيد صار بعد العملية من رجعنا للبيت لان كمت اخذ مقويات

عمتي- ميخالف هم اخذها هسه للدكتورة حتى نشوف

-ماتاخذيها ولا واحد يحجي وياهاااا

-يااا ترفع صوتك بوجهي لخاطر وحدة من الشارع كسرت وجهك ونهزمت

راد يحجي كلتلها مانهزمت اني طلعت بغه يم ضي دانطيها فونها لان نسته عندي وابنج الي دز جماعة اخذوني منا وبعدها جبغني اطلب الطلاق حتى يغجع منصبه ولو اجذب مااستغليت غيابه وسلمت نفسي وتحملت ثلاث اسابيع بالحجز وهم غجع من عغف اني حامل غاد يسقط ابني اتصلت بأسماعيل وهياتني كدامج واذا ماتصدگين اتصلي بي وسألي

اسماعيل - من گلتلكم رئال ماتسويها لو رايده تسويها جان سوتها من زمان ليش بيوم الرد هيذام بس كلكم وگفتوا ضدي

ابراهيم - يله بابا سالفة وخلصنا منها هسه تعال اباركلك

ضحك وراح حضنه بس عمتي تباوعلي بشك درت وجهي صارت گدامي ضي نزلت دموعها عرفتها على هيذام

رد اسماعيل خله ايده وره ضهري دنگ باس راسي وهمس نورتي بيتج

ابراهيم - تنزلون جوة بعد ماكو اصعدين فوگ ارتاحي حتى نحجزلج يم دكتوره اتابع حالتج

اشرت اي

-الصار بعد ماريده ينعاد

-عمو اني مالي ذنب

-الج ذنب لااا مااريد اعرف وديري بالج على الطفل لان هذا الي يشفعلج يمي

-هذا ابني اكيد احافظ عليه

-المفروض اذبح ذبايح على هذا الخبر بس الظروف ماتسمح هسه خليها لمن يجي للدنيا حتى تكون الفرحة وحدة

عمتي- هسه خلي يجي والله كريم

-يله بابا اسماعيل اخذ مرتك وروح خلي ترتاح

ضحك وسحبني طاير من الفرح  دخلنا جوه لكيت  هبة مرت هيذام گاعدة بالصالة والفلبينه  يمها تبرد  بأضافيرها شافتني عفست وجها

صعدنا فوگ تلكتنا هالة مرت ازر شايله ابنها تريد تنزل صاحت يااا شرجعج لج صدگ  عين صلفة

اسماعيل - وخري من وجهي لا اتفل بوجهج

-شنو؟؟

-اي منا وجاي الي يحجي ويه رئال يصير غير شي

-يمه هاي شلعبت براسك ولك مو هاي الي انهزمت وخلتك اسابيع خاتل بالغرفة

-مواني مره مثل رجلج حتى اختل بالغرفة واگابل  الشباج بلكي تمر من گدامي واباوعلها بالختلة

-شقصدك

-قصدي تعرفي بكل ليلة وهو مخلصها سهر بالحديقه كدام شقتها يتراجف خايف لاتحب غيره ويضل مثل الاثول يبجي وراها

-اسماعييل

-انعل ابوج لابو اسماعيل يله وخررري

كالها دفعها عضيت شفتي صعدت دخلنا للغرفة سد الباب قفلها اندارلي رجعت ليورا اشرت وين

-اني وين لو انتي ليش عفتيني

-ماعفتك كلتلك هيذام سوه كل هذا واذا مديت ايدك قسماً بالله يااسماعيل اغجع واذا منعتني  اكتل نفسي 

-لالا مااكتلج بس شنو سالفة الحمل

-حتى ابوك يقبل يغجني الك الي حجزني كل هالمدة وجان ناوي يضيعني لوماكايلتله هيج مايغجعني الك لو تموت

-بس راح يكتشف الجذب ويعرف بيج لسه بنيه

-قبل لايكتشف بم اصدمه بحمل كاذب وعادي نسوي جديد مثل مااكتشفت زوجي هو سبب موتت اخوي  وضيعت البقيه وهسه اني يمه عادي

-لكيت مكالمتج مسجلة بفوني وانتي تتفقين حتى تنهزمين

-وتكوم تنهي عائلة كاملة

-لان احبج ردتج بس الي ماردت عندج اهل غيري حتى تنغصبين وتضلين وياي

-هه وهاي صفيت بدون اهل كلهم غاحوا

-كرهتيني مو؟؟

-لا بلعكس شوفني دااضحك واتصلت بيك حتى تغجعني لذمتك لان اكتشفت انت اعز من اهلي ومااكدغ اعيش بدونك

-واني راح اخليج اسعد انسانه  مااخليج تتندمين ابد واعوضج عن كل اهلج واني صرت زين نكدر انسوي طفل 

-واني مااخليك تلمسني اذا ماتلبسني بدلة ودخلني مكانك واني بأسمك كدام الكل وتخليهم يعاملوني حالي حال بناتكم

-وست راسهم وهسه انزل اكول لبابا يعزم الكل واسويلج احلى عرس

-لا مو هسه

-ليش ؟؟

-تغه اخوي استوه ميت وغاح البس اسود تاني اقلها يطلع الاغبعين

-ميخالف انتظر اشكد ما تردين

-ملابسي بعدهم مكانهن لو شمغتهن بدون اهمية مثل ماسويت بأهلي

-لامكانهن والله شوفي

راح للكنتور يركض فتح الباب صارت السجينة بماعون الفواكه گدامي  غمضت عيوني

لارئال صبري الموت رحمة وهو ما يستاهل غير يرد لنفس المستشفى مال الامراض مذلول

مسحت وجهي فتحت عيوني لكيته صافن بوجهي ابتسمت كال بيج شي

-لاحبيبي بس تعبانه

-روحي سبحي واني انزل اخليهم يحضرولج اكل

اشرت اي

رحت للكنتور اخذت تراك اسود ودخلت للحمام سلقيته وراي ذبيت ملابسي فتحت الدوش ودخلت جوا غمضت عيوني اجه صورته بيهن يعدل بمناظره يأشرلي ركضي بساع ويضحك هزيت راسي بسرعة مااريد اذكره

مسحت وجهي وفتحت عيوني اباوع بين الشامبوات احاول اشغل نفسي بأي شي حتى ابعدهم عن تفكيري

من كد مادخلت صراع بيني وبين نفسي اخذت واحد ماميزته شامبو جسم لو شعر  درت من على شعري وبلشت افرك واني اغني بس ردت اثبت لروحي اني كدها وراح اكمل بدون لايرف گلبي

رفعت راسي اهمس بالاغنيه  واتحسس المي وهو ينزل سكتت شويه انتبهت لنفسي داردد بكلمات اغنية غزوان نفسها نزلت دموعي

سديت حلگي بأديه اثنينهن مااريد يطلع صوت شهكتي اسمع باب الغرفة انفتح عصرت روحي حيل امتص الحرگة

رفعت راسي  اخذت نفس مسحت دموعي - وعد يبعد اختك بدل دمك راح اخذ دم اعز واحد على كلبه وبدل كسرت رايه وراك وعقلها الي ماتحمل راح اكسره اضعافها وادخله مصح ومكان لهفتك للعرس وشوفتها بلبدلة البيضه راح انزف گدام عينه بيها

مسحت شعري دنكت سديت المي رحت لبست ملابسي حتى من غير تنشيف فتحت الباب لبالي هو راجع بس لكيت ضي واكفه عيونها حمر درت وجهي عنها طلعت رحت للمرايه سحبت المشط وكفت امشط بدون احساس بكل قوتي همست والله ماكدرت اكلج

نزلت دمعتي مسحتها بسرعة ورجعت امشط

-هيذام منعني مثل مامنعني اخليج توصلين للبتاوين بس خليت نفسي مكانج ماتحملت منظري بين عالم كاتلين اهلي واني اضحك ابراءه بينهم

عضيت شفتي

-رئال والله حاولت احجي ويا هواي بس هو ماسمع مني اشكد توسلت گال مااتحرك اذا مااخذها وياي كلتله غزوان ماتكدرلهم كلتله راح يأذوك رد تسمع بموتي افضل الف مره ماتسمع اتخليت عنها

جريت المشط جلب بشعري عتيته حيل اجت لزمت ايدي -ضربيني ابجي صرخي سوي اي شي بس لاتوكفين هيج

باوعتلها

-عاتبيني  كولي وعدتيني ورجعتي بكلمتج كولي غدرتي بيه كولي مااريد اشوف وجهج بعد

ابتسمت

-والله حبيتج اكثر من نفسي لو مامعتبرتج اختي ماوگفت بوجه هيذام وطلعتج منا واعرف راح تردين بس ردتج تشوفين بقيه اهلج

همست بكسره خالي البيت ماهمه

نزلت دموعها

-غزوان مات وغايه اتخبلت وغؤيا كتلت بابا وانهزمت

عصرت جف اديه 

-مالكيت كلشي حتى ذكغياتي ماخذيها عافوني وحدي اصاغع  الوجع

سحبتي لحضنها وبجت بصوت عالي خليت راسي على متنها صافنة واني اسمعها اشلون تعزيني واتخيل شكله يمشي گدامي هو وداير وجه الي عيونه تلمع يضحك ويتحركش بيه حتى يسمع لدغتي

دخل اسماعيل وخرت عني مسحت دموعها كاللها شكو هنا

ضي - اعزيها

-على منو تعزيها تره هو واحد تافه وولى

-شنو حكمتك يارب

-ضي هالمرة دخلتي غرفتي مرة ثانية اسحلج واشمرج منا سمعتييي

-لو مارئال بيتكم اصلا مادخله بس لخاطرها اتحملت مغثت شوفتكم وبدل ماتعيط روح اسمع مرت ابوك شنو دتحجي وره مرتك وشناوية تسوي

-ماتكدر كلشي تسوي

ضحكت باستهزاء راحت للجربايه سحبت كتابي  كالت اتصور سقط حقج من هذا

اشرت لا

-التهي بحياتج رئال وعيشيها صح لان محد يستحقها غيرج

-عوفي الكتاب

-لو جنتي رايدته صدگ جان حافظتي عليه ماجان دمرتي داخله بكل برود جنت اظن مضمونه راح يأذيج بس اكتشفت قساوة كلبج  تعادل جبروتة

-ضيعني

-محد ضيعج غير تصرفاتج ياريت تكونين وعيتي لنفسج وتكدرين تكملين عدل وتبتعدين عنه اتصور كافي اخذتي حقج منه

اسماعيل - شدتلغن انتن

ضي - كتاب قديم عندي وكلش عزيز عليه استعارته  لبالي صدگ تحب القراءه وراح تحافظ عليه طلعت تتسلى دمرت اوراقه وشمرته وهذا دتشوفه كدامك ماعاد يتصلح ولا راح تتعالج اوراقه غير بالحرگ والله يبعدك عنه

-لاتضلين تتفلسفين اشكد افلوسه

دترد وجه صوت هيذام من جوه رج البيت رج غمضت عيوني على شي انكسر وصرخت عمتي الي ترست البيت

رادت تطلع ضي ركضت اخذت الكتاب منها باوعتلي بأسف وطلعت سد الباب وراها اسماعيل بسرعه وقفله

رحت كعدت عالفرشة خليت الكتاب بحضني عيوني عليه ونبرت صوت صراخه بأذني هو ويفلش البيت بلا رحمة

تمددت حضنته ولميت رجليه اجه اسماعيل غطاني وهمس هسه يطلع لاتخافين ماياخذج مني

اشرت اي وغمضت اكثر من نص ساعة على نفس الهوسة لمن سمعت صوت طلقة ثارت وصرخت عمتي

كمزت واسماعيل فتح الباب طلع يركض ؛ردت اكوم  وخفت لان اصواتهم عالية ضليت مكاني اتسنط دقايق وصار هدوء صعد اسماعيل دخلت كلتله شكو منو انكتل

-هيذام الكلب رامي ابوي رايد يكتله لو ماملحگين الحرس

-وهسه وينه ؟؟

-جتفوا وخذوا سحل منا غصباً عن ابو راح يعيدون تربيته النكسة

-وابوك تأذى 

-لا وگعت الطلقة بالحايط ااخ اتمنين صدگ واكعة بي ويعدمون هيذام

-يعني ميهمك ابوك يموت اهم شي تخلص من هيذام

-يموت ابوي والعشيره كلها اهم شي انتي محد ياخذج مني تضلين وياي

-اتحبني؟؟

-اعشگج مااگدر اتنفس بدونج من رحتي شفت الموت

-واني هم احبك 

-صدگ رئال

-ماتعغف شنو حسيت من اخذني هيذام مانمت ولايوم تعودت على وجودك بحياتي ماجنت حاسة هلكد احبك بس من شفت نفسي وحدي خفت بدونك

-ماراح اخليج ولادقيقة وحدج وراح انيمج كل ليلة بحضني وماخليج اتحسين بالخوف ابد وشنو تتمنين بس طلبي راح يكون عندج

-وانت تعغف كلش زين شنو اتمنى

-بس يرجع ابوي احجي ويا

-ليش وين غاح؟؟

-ويه الحرس مو تكول بشر التموا الحرس كلهم عليه وماكادريله يريد يصعد يكتلج

-عززه لعد اني شكوو

-خبل يكله لو تخليها جوه الكاع هم اطلعها احركها واكتل ابنك

-هم حظي لعد ليش مايكتلني حالي حالك المهتلف  لو اله تعذيب حتى ياكل جثتي محمصة  البول تيغي يله المهم اني جوعانة

-هسه يجيبون الاكل

-لاع اغيد اكل جوة

-هاا مو

-مو شنوو اسماعيل تغه اني زوجتك ومن حقي اكون وياك گدامهم لو كول اخاف من هيذام

-انعل ابو هيذام كومي يعمري اريد اسمع واحد يحجي وياج

-اي هسه اكول هذا زوجي حبيبي

ضحك مامصدگ كمت لميت شعري وايدي ترجف من القهر گوة مسيطرة وابتسم

خله ايده ورا ضهري طلعنا نزلنا جوه واشوف الصالة صايرة دمار وعمتي تبجي يمها هبة تسكت بيها شافتني كامت كالت مو وليتي وكلنا خلصناا شرجعج

اسماعيل  - اني رجعتها ولو ابنج ياخذها للمريخ هم اجيبها هاااي مرتي والي يحجي وياها مايلوم اله نفسه

-منو مرتك بت البتاويين الخلصت عمرها تمسح جام سيارات وتگدي

-تمسح سيارات عايشة بالبتاوين هالشي راجعلي واني راضي بيها لزمي ابنج عني احسلج

-وينه ابني اتخبل على شعرة وجان مات ابراهيم بيده اخذوا يتماطلون ويا وهو يتهدد ماادري شصار بعقله اول مرة اشوف  هيج حالته

ـ يطبة مرض كون يعوقه ابوي ويشمره جوه الگاع

-يشمر منو جوه الگاع  هيذام؟؟ غير يحرگنا وداعت ازر يطلع ومايرحم احد نسيت من ربطك كدامنا ودار عليك بنزين حسبالك صعبة عليه من يحبسنا ويشعل البيت بينا تعرفه كلش زين گلبه اسود ويسويها بدون لايرفله جفن

-ورئال ماراح اخلي يشوفها لو يموت وراح اعزم الكل وعلن زواجنا واسويلها احسن زفة حتى ينجب ويگعد بعد مايگدر يحجي

هبه - ههه كل عقلك

-اي كل عقلي هاي زوجتي وام اطفالي رضيتوا لولا دگوا راسكم بالحايط

-سمعت بابا شنو كال لو اگللها اني شنو ر…

عمتي- هبببة كاااافي

-لاخلي تسمع حتى تعرف مقدارها لاتضل تزن براسه اخوي

عمتي - مو وقت هالحجي خلينا نخلص من هاي المصيبة بالاول ونشوف ابوج شنو راح يسوي ويا الغضب وهاي سهلة شغلتها اعرف اشلون اكسر راسها كل عقلها جاية من الشوارع تخلي راسها براس اسيادها

باوعتلها تفلت عليه وگعدت ؛ ضحكت هبة بشماته وكعدت يمها  خلت رجل على رجل ؛ اخذت نفس دنگت مسحت وجهي اجت هالة يمهن گوه كاتمة ضحكتها

سحبني اسماعيل للمطبخ دخلنا كال للمساعدة سويلنا اكل

رحت للسنگ فتحت البوري ودنگت مغمضه احاول اقنع نفسي كلها اسبوع اتحملي كملي البديتي بي هذا غزوان الراح يستاهل تنطين روحج مو بس تصبرين على اذيتهم لحد ماتردين دمه

صاح اسماعيل فضيها نفخت بقلة صبر غسلت وجهي ورفعت راسي ارسم الابتسامة على شفتي اجباري سديت البوري انداريت لكيته على وكفته عفته اتجهت للميز گعدت عليه وتربعت اجه يمي كال لاتزعلين

برطمت

-هسه يجي ابوي واحجي ويا يسكتهن وهم اسويلج العرس

-تغه مازعلانة اصلاً مااهتم اعغفهن غيغانات مني لان احلى منهن وزوجي يحبني

- مو بس احبج اموت عليج لعد على شنو زعلانة

-جوعانة

-هسه يجبون الاكل نزلي كعدي عالكرسي

-هئ هنا مغتاحة تعال اكعد يمي وشوف الشعوغ اشلون حلو

ضحك  وصعد گعد يمي گوه لزمت نفسي مااتقيأ  جبير وشكله مكروه وكعدته مقززه مصدگ روحه كيوت ومتربع

جابت المساعده الاكل خلينا بالنص اباوع اشكال بالصنية صارت كدامي صنيتنا الي مابيها بس خبز وماعون بتيته صغير كلنا عينه بي من گد الجوع

نكثت راسي لان حسيت روحي اختنگت مدت ايدي سويت لفة اكتلها اريد احس بطعمها لو نكهتها ماكو وين ذيج الخبزة المخلوطة بحنية جف ماما وتعب غزوان

فززتني هبة داخلة كالت شنو هاي وين كاعدة انتي شنوو ماتكليلي دخل احد وشافج وانت شبيك مسايرها بكلشي

اسماعيل- انتي شبيج شكو هيج متخبلة لو لان اخذوا هيذام سحل گدامج مجتفي  راح تنجلطين

-ههه الي انسحل هيذام متأكد  وهاي انت جنت خاتل وره عمتي مثل الدجاجة ترجف وانتي شنو ماعندج احساس اشكد تسمعين اهاين ماتأثر بيج

هزيت راسي لااا

-اكيد واله ماخذه واحد مثل اسماعيل وطايره بي شترجه منج

-احسن ماماخذة واحد مثل المهتلف وضالة اسحل نفسي وغا وهو مامهتم

-منو مهتلف؟؟

-هيذام ومو بس مهتلف لاا وبول تغي بلا شخصية واله اكو واحد غزن وبغاسه عقل ياخذ وحدة مثلج

-لاانتي صدگ بلا تربية

-وبت شواغع وماعندي اهل وضالة ملطلطة من حجز لحجز

-بس اريد اعرف بابا اشلون قبل يردج بعد مصيبتج

-شايله حفيدة

-ههه ذكرتيني بحفيدة كلج اسماعيل شرط بقائج هنا يتزوج بت عمي ويسجل الطفل بأسمها

باوعلي اسماعيل خايف راد يحجي غلبته كلتلها اي كلي واني موافقة لان متأكدة منه غاح يشمغها جوه حالها حالج بس اسمها متزوجة ويضل مكابلني

-منو مشمورة لج

دخلت هالة كالتها شبيج ضايجة دشوفيها اشلونها حتى خدامتنا انظف منها مصدكة روحها ماخذه ابن اللواء  ماتدري فرينا الدنيا كلها محد رضت بي ههههه

-المهم يحبني مو ينام بالصالة لو اذا دخل غغفتي يتخيلني ذولاك الناس  ويصيحلي بأسمها

-عالاساس عود تحرگين گلبي وبعدين  شنو هذا شعرج اتصور عمره مالايح الشامبو وجهج مامار بي غير المي شبيج داده مو كالوا جنتي تجدين شنو ماعرفتي تشتريلج شي تعدلين نفسج بي

-وجهي وسخ  ولا عايشة بلا كغامة ويه واحد امتاني اشوكت ترضى عنه حبيبته حتى يشمغني وياخذها

-والله وصدگ طلعتي خايسة

هبة - والخايس انظفه هسه يجي بابا والحجي كله يصير يمه دااشوف اشلون خلاها تنزل وتتجاوز بكلامها هيج اليوم لو اني لوهيه هنا

هالة - خلي يرد يحبسها فوگ لو يردها للمشتمل تره اني عندي طفل مااريده يختلط بيهج عالم بيئه هذا صغير يتعلم بسرعه

-الله يلعنها عكرت مزاجي امشي نطلع نفتر شوية

مشت وهيه تباوع بقرف عالاساس ماكو هيج الجمال مكطع بعضه يمهن

لزم ايدي اسماعيل سحبتها بسرعة كال زعلتي

-لا بس اغيد افلوس ولاتكول شنو تسوين بيهن اغيد اشتغي ملابس وكم شغلة حتى افعص ذني الحياية

-اشكد تردين انطيج بس مااطلعين ضي تروح اتجيبلج التردي

-عمتي غجمه وين

-بالمزرعة راحت زعلانه من ابوي لان وقف هيذام وحجزج

دااحجي واسمع عمي جاي عرفت اتلكنه وراح يضيعن شغلي كله ويردني للحبس  بسرعة سويت لفه وخليتها بحلگ اسماعيل راد يحجي ودفعت ضحك وعصر وجهي ضحكت واني ادفع بيده ؛ دخل عمي جان يسولف ويه هبة شافنا سكت وخرت ايد اسماعيل دنزل كال على كيفج بابا

اسماعيل- لاخليج اني انزلج

ابراهيم - هههه ولو كعدتكم مالايقه بس اخذوا  راحتكم 

اسماعيل - هههههه لا بابا نريد نطلع بره كملنا اكل

-الله يسعدك بابا لاتخليها طفر تره هاي طفلة ماتفتهم

-لاماخليها نكعد شوية ونرجع لغرفتنا

هز راسه وراح وهبة ورا تركض وتحجي براسه ضايجه عكسه عيونه بأسماعيل والدنيا ماسايعته يباوعله اشلون فرحان ويضحك بهبالة

مرن اربع ايام واني قليل انزل ضاله مكابله اسماعيل اربعه وعشرين ساعة اشكد مااگدر ادوس على نفسي ادلع واعلقه بيه اريده يوصل مرحلة الجنون حتى ابلش بالناوية اسوي

وبليل احضن الكتاب وانام مااعرف بيمن افكر بأهلي الي مااعرفهم وين وشنو حالهم لو بهيذام الي ما منه خبر ولاواحد يعرفه وين

نايمه بليل انكلب على ضهري اباوع للسكف احس جبل على كلبي  فركت صدري وكمت باوعت اسماعيل فاك حلكه ويشخر وريحه الدرار واصلة للشارع

غمضت بحرگة گلب اتحسف على ذاك الراح جوه التراب بسبب هيج قذر بس ااااخ شنو راح اسوي بيك اذا مابجيت ابوك دم وخليته ينام نومتي بالحجز واني اترجه الموت يوصلني مااستحق كلمة يبعد اخوج الجانت تطلع من كلبة

فركت صدري حسيت روحي مخنوكة بعد ماعندي طاقه اتحمل احتاجيت احد اسولف ويا سحبت الفون دزيت ضيونه كاعده ثواني وصلني مسج منها شرايده

-سلامتج اسفه اذا زعجتج

-نزلي رأل على سالفة ذولاك العالم اني بالحديقة كاعده

-اخاف انزل وعمي يلزمني

-خامدين بالرغد راح صگارهم

-ماكو خبر عن هيذام

-رئال لاتسألين عنه بعد وحتى لو رد لاتوصلي لان اذا لكفج مايرحمج

-عمي حاجزه مو؟؟

-محجوز ؛حر ؛ ديحضر مصيبة ؛محد يعرف بس الي نعرفه اذا رد ماراح يصير خير يله كومي نزلي تره نعست انتظريني بالحديقة شويه وطالعتلج

غلقت الفون لميت شعري اشلون ماجان شلت كتابي مأمنه الكل نايم حتى ماهتميت لملابسي طلعت بالبرموده والبلوزه ربع ردن

نزلت عالكيف لا احد يكعد  طلعت بره هدوء الجو بي لسعة برد ماكو احد رحت اتمشى للحديقة وكفت على الضوه العاكس على لون الخضار الباهت مثل حياتي

رفعت راسي الكمر واضح ابتسمت مااعرف ليش كلما اشوفه  اتذكر كعدته عالسطح

غمضت واجت بأذني صوت صح بعيد بس واضح اغنيه  لام كلثوم  وأبلتك انت ولأيتك بتغير كل حياتي

فتحت عيوني اتلفتت ماكو احد بس الصوت واضح اتفاجأت من الي كاعد هيج وقت

الفضول سحبني رحت امشي ورا الصوت عبرت الحديقة انداريت للجهة الثانية وگفت واني اشوف هيذام گاعد بالگاع بزيه العسكري ماد رجليه امجتف يمه بطالة منكر والجكارة بحلگه مغمض بغير عالم يسمع الاغنيه الي تكمل وتنعاد

غمضت اشكد مشتاقتله اخذت نفس كأنما قريب واشتم عطره

فززتني نبرة صوته وهو يگول وداعت ابني لخلي حتى شم الهوا حسره بكلبج

فتحت عيوني لكيته يباوعلي بتعب عيونه دم جواهن اسود وجهه بين باهت وبين معالم الغضب مخلوطة بي

نزلت دموعي

-هه بعد وقت البجي لاتستعجلين

-بس تانيني اخذ حقي وسوي التغيده

-ااااخ اشكد اتمنيت الرصاصة تجي بيج

-جذاااب

-اشگد ظلمت وغدرت بس ماوصلت مرحلتج ههه تعرفين شنو اليوجع من يكون الذابحك بين  ايديك بس انت عاجز حتى عن عتابه مو اذيته

-كلتلك عوفني اني مو الك من البداية

-قنعيييي قنعيييييي

كالها وكام اجه عبارة عن نار مشتعلة شكلة يرعب اكثر من وضعه رجعت ليورا بخوف وصل يمي لزم ايدي  سحبها ضرب بيها گلبه بقوة وصرخ تعرفيننن بشنووو جاي احسسسس

-لاتحاسبني على ذنب انت سببه

-لاا لاااا اني تركت كلشي لخاطرج سحگت على روس زلم الحجي وياهم يكص ارگاب؛ اتحديت رتب  بس شوفتها ترجف اكبر شارب وگفت بوجه شياطين ودخلت جهنم وتحملت لسعة جمرها بس حتى احميج

-واني حياتي مابيها بس الظلمة

-مو اكثر من الظلام الراح ادخلج بي حذرتج بعد ماتعهدتلج  مااخلي دمعتج تنزل واحرگ شكو واحد يفكر يحجي وياج مو يوصلج 

-وجعي جان اقوى من حمايتك الي 

-لا مو وجعج حقدج  انتي عايشة على الغدر  اشگد گلتله راح تلجمك كلتله راح تغدرك لاتثق  بيها بس ااااااه شكد ذلني ورخصني لوحده مثلج  ماتستاهل اباوع بوجها مو ادخلها واعيش بيها

-لاتحجي على شي انت ماحاس بي

-ههه حددي اي احساس منهن

-تعغف على شنو داحجي

-اتخليتي عن السوار بس حتى تغدريني و تكسرين اخر ذرة رحمة بداخلي حتى تأكديلي انو مااصلح غير للحيونة

-لااااا لان تلاشى بداخلي لان ماتحملت اشوفه بيدي واني افكغ بغيغه لان بعد مااگدغ اتحكم بنبضات گلبي

-تعرفين شنو اتمنى هسه

-تاخذني لحضنك بعد كل  السويته بيك وتگلي عمغي ماغاح اذيج ولا اخلي احد يوصلج

-هههه جا اشكد اني ضعيف وانتي ماتستحقين ؛ روحي رأل كملي مثل ماتردين مالي يمج غير رتبتي  اخذها واردج لنفس قذارتج الطلعتج منها وانعل ابو كلبي لابو هالذلة وداعت كل وكفة وكفتها بوجه الموت لخاطرج لندمج ندم مامار على بشر بالكون

باوعتله دفعني ودار وجهه ورجع دنگ سال سلاحه والقوطية راح  كوه يمشي كد ماشارب حسيت ايد على ضهري انداريت لكيت ضي شهكت جرتني لحضنها كالت جذاب والله لاراح يكدر يطلعج من گلبه ولاراح يگدر يأذيج

-وجعته هواي

-والسويتي هو الصح لان انتي ماتگدرين تعيشين ويه هيج واحد حياته مابيها بس الظلم اخذي حقج من الكتل غزوان وروحي كملي بعيد

-واهلي مقيديني بس اغيد اعغف خبغ عنهم حتى اگدغ اسوي الي اجيت علموده

-راح تعرفين وتاخذين دمج بس انتي لاترجعين للضعف بعد مادستي مشاعرج واثبتي قوتج

مسحت عيوني واشرت اي

-شيلي من گلبج حتى تكدرين تكملين طريقج

-مادخلته اصلاً ولاغاح يجي يوم افكغ بي

-مبين من هذا الكتاب الحاضنته

-هيج جبته لان مجايني نوم كلت اقغه شوية

- اي مصدكتج مثل مامصدگته من دخل مثل الاعصار كتل الحرس كلها ورمه عمي بس حتى يلوحج ويحرگج

-جان صدگ ناوي يحغگني

-هيذام محد يحزر شنو براسه ولاواحد يخطر بعقله  شنو من اجرام شايل هو بنفسه مايحس ولايفكر بالي يسوي

سكتت

دگدگت على متني مثل التريد تخفف من خوفي باوعتلها واخذت نفس ابتسمت بقهر وسحبتني وياها اخذتني للمرجوحه كعدت واشرت على متنها اتخيلتها رايه الگاعدة  مو هيه ابتسمت كعدت يمها  وخليت راسي عليه لميت رجلية لحضني وغمضت احس شي كاتب على صدري اتمنيها صدگ رايه واشكيلها  من الداحس بي

مر الوقت لااني حجيت ولاهيه صافنين كلمن عقلها بمكان بس كلبنا ثنينه بنفس النبض

صار الصبح واحنا على وضعنا حركت روحها وخرت راسي كالت يله كومي سسيد راح يگعد يلگاج ماكو تالي يسويها مناحة

- ماضل شي وغوح الابستله اسود واني لسه ماباجيه عليه لخلي الليل ماينامي هو ويصيح بأسمي

-تره تعلق بيج اكثر من اللازم وصار خطر لاتنسين  مريض نفسي هذا ديري بالج منه

-هذا التعلق كله ماغاح يجي واحد بالمية من الغاح اسوي بي

-شناوية مافهمت

-كم مغه طلگني

-مرتين

-يعني شنو

-شنو؟؟

داجاوب وشفت دسار داخل بلبسه العسكري مدنگ يعدل بسلاحه عفتها وگمت ركضتله من گد مامشدوهه وصلت يمه وعثرت صاح الله يول شبيج

-لكيتهن

-منو هنه ؟؟

-دساغ ادغي بيك زعلان بس بغلات امك بس طمني كلمة وحدة

-ولو ماتستاهلين بس اضل  احسن منج واحسب حساب للعشرة  ولگمة الخبز الماغزرت بوحده مثلج

-اشلونهن

-صوتج لاواحد يسمع وأمني بخير عايشات بمكان يسوى الشمرتي روحج بي الف مرة ولاتحاولين ادوريهن لو تسألين  ابتعدي عنهن استوهن استقرن

ابتسمت دار وجهه وكمل طريقه حسيته مو بشرني هنه بخير لاگلي يله راوينا اشلون راح تردين دم غزوان 

رجعت كعدت يم ضي سألتني شكو مارديت لان تفكيري گله بالراح اسوي

گطع صفنتي ازر وهو يسولف شلت راسي لكيته جاي ناحيتنا بيده فون يخابر ودسار ويا وصلوا يمنا اشر كومن منا

باوعت لضي رافعة حاجبها ورديت باوعتله بعلامة استفهام كمل مخابرته غلق الفون خلاه بجيبه وكال اظن افتهمتن من كلت گومن منا

ضي - اي وشنو يعني المفروض نخاف لو  نكول تمام سيدي ونطفر

-ها حلو كومي رئال سويلنه جاي

درت وجهي اله اشرت شنو  ؟؟

-سمعتيني عدل يله گومي

- ومنو كلك اني اشتغل عدكم

دسار- ضابط جيس حب

باوعتله - وانت لاتدخل احنا اهل بيناتنا

-حي الله الرتب

ازر- شنو بكيفهن هسه يكومن ويسون جاي وريوگ هم

-اترك الجاي وشوفلي هذا راس ابوك اول مرة البسه وانشلع

-هسه انطيك بسطالي

-رحمة الله والديك متريگ خلي لابوك  بس روح استعجلي ابن النظام خلي انلحگ انولي قبل لاينتبهولنا حرام حتى الشهادة مانلحگ ننطقها وياريت لخاطر وحده تسوى

-هيذام شجاي يلعب

- دعبل يااخي اگله كبرنا بطل هالعب يرد بس هالگيم وهاي جايبني يمرمط بيه من يوم الشفته  لهاي وكفتي يم هالشجول ؛ لانعل ابو ذيج الساعة لابو الورطني بهيج شغلة ماوراها بس سحگ الروس

-شعدكم شغل ويه ذباح

-منو ذباح ؟؟

-الي دزيت اوراقه لخاطر اكملهن للافراج

-وانت غبييي اشلون تفرج عن سجين من كيفك منو الزمال اللبسك رتبة

-الوالد

-حي الله الوالد وابنه روح ابني استعجلي الزمال الثاني خلي اولي

هز ايده راح

اندار دسار سحب كرسي مسافة عنه وگعد طلع فونه دنگ يگلب بي شوية  واجوي؛  ازر بيده بسطال وهيذام مدنگ يطبگ برداناته لابس عسكري اسود وبيده لثام وصلوا سحب كرسي كعد بدون لايسلم شمر اللثام عالميز وعدل ضهره باوعلي بعدم اهمية ورد باوع  لدسار كله شسويت

-كملت طلعت الربع ساعة ونجفتهم

-حلو وشغلة دحام

-منتظرين الاوامر اول ماتوصل اشارة نطلع ضل بس صاحب قضية الاسلحة التابع لابراهيم مانعرف وين اختفى

-سلم الملفات وردد الشعار  من الفجر

- كفوو عمك يدري؟؟

-لامنتظر اليوم اكمل شغلة دحام حتى اسفطهم سوة واقدمهم اله مباركة بمناسبة زواج ابنه

-تنطي التابعين اله وترد التابعة الك ؟؟حي الله ابن النظام بس هم ايدك لان الربع خلوها  براسهم مااگدر اتحرك ولااوصلها ضال اراقب من بعيد مثل الاثول مضيع امه يباوعلها ويدير وجهه يصيح وينها

-كلها ساعات وكلمن يرد للجحر اليستحقه  وانت

ازر كلهم خلي يجبولنا جاي

ازر - طلبت هسه يجيبوا

دنگ يفرك براسه مبين عليه التعب  شمر ازر البسطال يم دسار دنگ غير بسطاله بي ورد عدل گعدته انتجه

ازر- بالعافية

-على گلبك وگلب ابوك الحثل ابن السطل امريگني لو منطيني بسطال

-دخلي اتريگ اني بالاول وانوب افكر بيك صدگ هيذام عمتي تكول اتصل ليش ميرد وخلي يجيني اليوم

-درع جبته ؟؟

-لاهسه من اوصل هبة لبيت امها اجيبه بطريقي

-من اشوكت هنا

-من يوم الي اغتالوك جابها ابوي لخاطر ابنها

-حلو ومنو گلك تردها لبيت امها

-شنو يعني ؟؟

- يعني تروح تكلها ترجع لغرفتها تحضر غراضنا  لبين. مااكمل المهمة اجيب دراع واجي لخاطر نطلع للشمال

كالها وكام شال اللثام چلب بداية الميز عته حيل انسحب خيط منه شمره ودفر الميز بقوته گلبه ودار وجهه راح يمشي الغضب والحرگة واضحات عليه من ضربة بسطاله بالگاع

انتجه دسار خله رجلي عالكرسي اليمه اتجتف وباوعلي رافع حاجبه

سويت روحي اصلاً مامهتمة ولاسمعته ضحك بستهزاء واخذ حسرة

شلت الكتاب وكمت رحت للداخل امشي والنار مشتعلة بصدري مااعرف شحس بس حسيته صحاني يگلي لاتتأملين زايد ماشوفج غير رتبة واجه وقت ردتها استعدي ماضل كلها ساعات ويوصل السرة الج

دخلت واسمع هاله تهلل وهبة بيدها الفون تضحك طايره مامصدكة عرفت ازر خابرهم

صعدت فوگ اريد اسيطر على اعصابي مااكدر دفعت الباب صار گدامي اسماعيل كاعد ويمه عمتي تسولف دخلت وسديت الباب شمرت الكتاب ردت اروح للحمام كالت وين جنتي

-يم ضي بطني وجعتني غحت اخذت مسكن منها

-ومنو كلج تاخذين علاج بيكيفج

-متعوده اخذه بكل شهغيه يهدأ الالام

-شنو شهرية ولج شدتخربطين انتي والحمل

اسماعيل- طلع حمل وهمي واني منعتها اتكللكم كلت انسوي واحد غيره خليهم فرحانين

-يااا وكل هالمدة اجذب والله عرفتها من اجت بت شوراع ونكسة وبلا تربية

راد يحجي اسماعيل قاطعته كلتها لو بلا تغبيه مجان عشت كل هالوكت ساكته ومتحملة  ابنكم الي مايعغف من الغجولة بس اسمها وحتى اسمها هواي عليه

-شنو ولج

-اي منو تحمل تعيش ويه واحد جبان  ماعنده كلمة مثل الطفل وحتى حاجته جوا

اسماعيل - منو الجبان وطفل لج

-انت ومو بس هيج لا ومختل مكمش بيه ليل ونهاغ  تبجي وتتوسل حتى لااعوفك وتنفضح

-انتي طالق …

***رايه***

بخاطري اسأل ضميرك حاجتين

لوعكسنا الدور هل ترضيك المشاهد …

اباوع لعيونها يلمعن رفعت ايدي غمضت اتملسهن عالكيف ابتسمتلي گمت بسرعة سحبتها لحضني وصرخت لج مامااا رجع نظرهاااا

حضنتها وبجيت بصوت گمزت ماما مفزوعة باوعتلي شهكت وضحكت سوه بعدت  الغطة رادت تگوم ماگدر نزلت دموعها

وخرت عني رؤيا  راحتلها  كعدت گدامها رفعت ايدها مشتها على وجها ابتسمت وحجت بصوت ناصي اشكد مر بالعمر واني اتخيل اشلون  صار شكلج بعد هالتعب بعدج على جمالج لو كسرت الوكت غيرتج

ماما- وشنو شفتيني بعد السويته بيج

-احن واطيب ام بالدنيا الي اخلص عمري جوة رجليها ومااوفي لحظة من عمرها وهيه تفدي لخاطرنا

-كسرت وجهج گدامه

-صح ماحبج بس يروحلج فدوه هو والدنيا بكبرها الي يباوعلج بتكبر اسحك راسه مو يسمعج كلمة تكفي هاي الادين اشتغلت بالحلال وتحملت التعب والظيم حتى ماننذل لاحد

-قصر بحقكم هواي

-ماقصرتي يام رايه كفيتي وفيتي وصار  الوقت ترتاحين عهد عليه بدل هاي الايد الي انمدت للعالم بعوز تنترس عز  وبدل هالدموع العجز  فرح

دنكت باست ايدها سحبتها ماما لحضنها تبوس بيها وتبجي مامصدگه

زحفت كعدت يمهن رجعت سحبتها لحضني تكول صار دهر ماشايفتها مو رجعلها نظرها احضنها وارد امسح عيونها اتأكد صدگ ردت اتشوف

خلص اليوم واحنا ملتمين داير مدايرها تباوعلنا وتكرر السؤال نفسة عن شكل رئال اشلون صار وترد ماما مو احلى منج لان تعرفها تغار وهيه تضحك تدري بسوالف ماما ؛ تحضن اديها على صدرها تاخذ نفس منهن وتصفن تباوع لوجوهنا اعرف اكو غصة بكلبها تريد تسأل عن رند وغزوان بس ماتگدر

فرحتنا بجهه ونظرات غيمه الكلها حقد وانعزالها بجهه ثانية اني هم ماخربت فرحتي بيها  اخذت علاجي وكعدت بينهن ضلينه لوجه الصبح نسولف ونضحك لحد ماصاح الاذان كمنا صلينا عالسريع وتمددنا يم ماما  وحدة منا وحدة منا  لازمات اديها من گد فرحتنا وتعب سهر الليل رحنا بالنوم بدون تفكير حتى ماذكرنا الراحوا اول يوم انام هيج نومة بعد الصار

…گعدت على صوتها وهيه دغ براسي فتحت عيني لكيتها گاعدة ناثرة كفشتها عيونها تلمع فاتحتهن على كبرهن ولامة حلكها تكول لعبة خربانة بالمعمل صاحت هيي شكو تباوعيلي هيج

-عزة جفلتيني شبيج من الصبح اكو واحد هيج يكعدله بشر

-ليش بس لا حاسبة روحج من المجموعة البشرية لج بابا انتي حگج فزاعة يعلگوها بالمزارع

-عيونج حمر كلش صايرلج شي

-لابس يحرگني ويغوشن شوية هسه يصيرن زينات مابيهن شي

-لعد شكو مگعدتني

-كومي دااگدي بيج

-شنوو؟؟

-ومررض گومي نطلع للشغل

-ياشغل؟؟

-نخطف زلم انجتفهم ونبيع اعضائهم

-عزه رؤيا كل عقلج

-ها موخوش شغل اني هم كلت انتي خوثه مومال هيج شغل لعد اني اصيد جلاب وانتي فتحي بسطيه مال كباب ومعلاگ بس هاا حصرياً للزلم

-لا انتي مو طبيعية

-يوو تره حيرتيني وياج تركج من ذني الحجيتهن نشتغل قاتلات مأجورات اي وحده تريد تكتل زوجها نروح وبالبداية نسوي عرض

-اي كل اثنين الثالث مجاني رؤيااا گومي من يمي

-شوفي لج مال تعبانه وههه وعوفوني ماكو شوفيلج غيرها لازم نشتغل حتى نطلع منا نأمن ماما بمكان وندور رئول ونكتل زوجها ونتفل بوجه دسار

-وهم تكتلي بنتي ليش متعقده من الزلم

-مو معقده بس همه حيوانات مضره بالمجتمع لازم نتخلص منهم ابتداءً  من ابونا  لاخر حثالة بالدنيا

-ياابو منهم

-ديله عالاساس الاول مگطع روحه هسه يطلع خاتل ماميت كل هالفترة ويسويلنا سبرايز مثل افلام هوليود ويجي يركض ودموعة تجاره من الصوبين مثل نافورة بيت خالي العطلانه واحنا نتلكاه نبجي ونصيح باباااا اين كنت كل هذا  الوكت لقد تمرمطنا

-اي ونحضنه ونعيش عيشه سعيده

-لااكيد انكتله لعد واحد ناقص مثل هذا يورط هالمكروده بجوم بنات كلهن  عطلات الي بلسانها والي بصفنتها والي حلوه مثلي العالم كلها تركض وراها

-لاوالله بعرمه وخبله ومابيها اي منفعة

-انجبي مارد عليج اختي الجبيرة

-خليتي اخت جبيره سحكتي بالعمر وتركي الشغل هسه خلي ماما تطلع ادور مكان نسكن بي بالبداية وبعدين نطلع لان لاگشني گلبي من غيمه

-ماتگدر كلشي تسوي جاسم واخته طالعين من المنطقة صار اكثر من اسبوع وحتى ارقامهم مغيريها

-شعرفج

-سمعتها تحجي ويه المشعوذة كلتها انهزموا بسبب الدين العالم مخبوصة عليهم تريد بس تلوحهم وهمه ماكو مختفين محد يعرف يامحافظة طفروا

-ميخالف هم لازم نطلع من المنطقه هاي

-على جثتي وجثت ذباح

-وذباح شكووو

-عوفج من دروغو ماما ماتكدر اطلعنا بدون افلوس ومال اخليها ترد اتمد ايدها شيليها من راسج لو اعرف اشتغل بالمجاري

-عگروگ

-اشبي اسماعيل ياسين  گومي كلش مالايكلج التصنيف انتي حدج تفتحين حلگج وتركضين مثل البريعصي بالغرفة لاحگي بنعال

-ديله الي يسمعج يگول ماكو هيج جمال همزين جنج فلم اللعبة

-والكعبه اخبل هسه شفت وجهي بالمرايه كلت الله يساعد ام رايه على هذا الجمال  اكيد سبب حسدها بسبب شكلي صدگ ولج مااسوي كمين للزلم واستدرجهم للبيت اشوهم واطلب فديه من اهلهم

-قفلت ياربي قفلت عالزلم

-لعد شنو اشتغلللل

- رؤيااا الدنيا كلها شغل

- اي هم صدك شنو رايج  اشتغل ويه الدولة خو خوش شغلة

-اي شنو تشتغلين

-افخخ بزازين وادخلهم عالقاعدة افجر الارهابيين

-عفيه واتفقي وياهم  تاخذين عالجملة ربي شنو حكمتج من رديت نظرها

ضحكت ماما فتحت عيونها كالت حتى تسندجن

رؤيا- مو ماما كليلها والله ماصاير بعينها

-يصير يبت رافد

-هم بالراء اتمنى رئول تتخطى

-اذا اتخطيتي انتي السويته بيج البارحة هيه تتخطى

-من راواج شكله بالاتصال جان يوصلج اشارة بس انتي مالكفتيها  وبعدين كله حيوان لفو خاين على شنو مهتمة يروح فدوة لتراب رجليج اصلاً مو براسي

-جذبتي يبت الدغش

-ماطولج تعرفيني جذبت انطيني الفلوس الي جبتيهن البارحة وقبل لاتكولين ماطلعين وفري كلامج لان راح نطلع اني وراية نشتغل وانتي اطلعين دوريلنا غرفة لخاطر نعرف نعيش عيشه نظيفة بدون ذل حتى لو ضال اخر كم يوم بعمرنا اقلها من نموت مانصير مضحكة للكفار هم عيشة گشرة وهم نار جهنم

- سودة بوجهي هم نار جهنم وهم اكابلج ليش  شنو مصخمة بحياتي

-وانتي شكو لاحگتني حتى هناك الله واكبر لزگه

-شنو ولج لزگه

-تعريف للأنسان الطيب الي يحبنا ويتبعنا بكل مكان بس احنا موخوش اوادم لازم نلقبه بلقب وسخ مثلنا

-مايصير براسج خير ابد

-اي عفية وهذا الي اريد اوصله الج عوفيني مالج شغل بيه  حتى لو شفتيني الم حطب ويه ام جهل بنار جهنم ديري وجهج لاتحجين وياي

-رؤيا من الاخير طلعة بهيج منطقة ماخليج اطلعين

-لاماما فدوه اروحلج وانتي تعبانة لا تكدرين تشتغلين وهياتنا گدامج لاعدنا ندفع ايجار ولا عدنا لگمة ناكلها والله نحافظ على نفسنا ومنخلي احد يوصلنا بس فترة لحد مانكدر نأجر غرفة بعيده ونلم افلوس حتى لونفتحلج بسطية صغيرة تسترزقين منها

-ميخالف اني اطلع اشتغل

- بس جربي اليوم تره اكو خياط براسي لازم ينشال وعيوني يحرگني لازم اشتري قطرة من غير علاج راية ماما فدوه اروحلج لا توكفين بوجهنا راح نتلثم حتى محد يعرفنا وماندخل للمنطقة اذا ماتجين انتي ورانا

- شنو تشتغلن؟؟

-نمسح جام سيارات ونبيع مي الجو تغير يمشي المي

باوعتلي ما تعرف شنو تحجي لان صدگ معتازين افلوس وماعدنا اي حل هاي من غير رئال لازم نستقر اسرع وقت حتى ندورها

اخذت نفس عيونها عليه تباوعلي بحيره ابتسمت واشرتلها اي

-اختج مو عاقلة

-اني اديري بالي عليها

-وانتي تعبانة

-اقوى بيكم وبرجعة رئول بحضني

-توعدني ماترحن للبيت من وراي

-ماراح ارجعله بعمري لابعلمج ولامن وراج

-وانتي غيمة عمه ماتكومين وياهن حتى أمن عليجن اذا صفيتن سوة

غيمه - بعده اربعين اخوي ماطلع وصارت نيتج اتشغليني

- لاوالله يعمة علمودج اريدج اطلعين تشوفين ناس ترتاحين

-اني اعرف اشلون اعيش براحة  بس فوتي حالي

كالتها ولفت راسها دارت وجها للجهة الثانية رادت تكوم رؤيا لزمت ايدها خزرتها بطلت كيفت لبالي سمعت كلامي بس نظرتها الها وابتسامتها رعبتي حسيت وراها شي جبير وهاي لهفتها للشغل بس ربي ينجيها منه

كمت غسلت وجهي اخذت العلاج لان احس خاصرتي بلش الالم يملخ بيها بس مااگدر احجي لان لازم اطلع للشغل

اخذت المشط ورجعت كعدت كدام ماما اخذته مني اجت رؤيا تركض دفعتني وكعدت مكاني ضحكت وماما اشرتلي عوفيها

تذكرت هاي حركت رئال طلعت الحسره من كلبي شنو حالها هسه هم تذكرني لولا هم درت غزوان مات لو بعدها تتأمل تحضر زواجنا ونسمي بتنا على اسمها

ضربتي ماما بالمشط على رجلي كالت كومي يله حتى اطلعين ويه اختج

عرفتها مو من كلبها اطلعني  بس تريدني انسى شوية ما تدري ما نام اذا مااقنع نفسي منتظرني بالحلم

كملت شعر رؤيا كعدت مكانها هم مشطتلي وضفرتلي گمنها غيرنا ملابسنا وتلثمنا انطتنا افلوس وهيه خجلانا  لان مصدرهن يكسر الضهر سحبت ايدها بستها وهمست مكانج عالي بعيونه ام رايه

هزت راسها ودنكت راحت لبست عباتها طلعت قبلنا صح متأكدين محد يعرفنا وهيج وقت شكو سگط  نايم من غير جاسم طلع من المنطقة بس للامان

رجعت كالت طلعن بسرعة طلعنا نتراكض ملثمين هيه تمشي وتتلفت گدامنا واحنا وراها مدنگين كل شارع ندخل بي ياخذ من حيلنا گد ما شكله يرعب من غير الاصوات التطلع من داخل البيوت تحس نفسك داخل حلم مابي بس شياطين ؛  نص عمرنا خلص لحد ماخلصنا المنطقة

وكفت باوعتلي وكالت ترحن يم المركز

-ماما تره خلصنا عمرنا نشتغل ليش خايفة

-ميخالف  حتى أمن واني راح افتر بلكي احصل غرفه نستأجرها بعيده عن المنطقة

-الله يسهل وقبل المغرب انتظرينا هنا

-خوش يله توكلن وعين بهاي الرعنه وعدلن اللثام ولاتحجن ابد حتى لايعرفوجن بنات

اشرت على عيون لزمت ايد رؤيا الي على طول ساكته كل عقلي صدگ خايفة من الشارع اثاري بس تريد تأمن ماما ؛ مشينا مسافة شوية بس عبرت ماما  قبل لانوصل للشارع تركت ايدي ونزعت اللثام طلعت گصيبتها شمرتها وره ضهرها وكالت انطلقي

-صدگ دتحجين

-اشش ولااحجاية نزعي وصيري مثل البشر استمتعي بالحياة وانتظري هنا اروح اجيب ملمع من الاسواق واجي لاتتحركين

بعدني ماحاجيه رگضت فتحت حلگي على خفتها بغمضة عين دخلت للاسواق

وگفت صدگ حسيت روحي اختنكت وعلى شنو ضامة وجهي منين خجلانا اشو عمر وخلص ومستقبل انتهى

نزعت للثام طلعت گصيبتي ورا ضهري خليت اللثام على ايدي اجت رؤيا بيدها شدة ورد  وثنين سجاجين خلت وحدة وره ضهرها جوه ملابسها والثانية انطتنياها

ضحكت اخذتها سويت مثل ماسوت مدت ايدها لزمتها كالت هسه شنو يامرت العزيز

-مانخاف بعد ولانخجل

-وبعد

-ننطلق بكد الله مامنطينه عمر

-مم

-ورئول نردها من نص عيونهم

-هسه اكول صدگ انتي اختي

-وين الملمع جام

-هيه مال ملمع بهالزلگ دتعالي نبيع ورد وشوفي الشغل على اصوله

سحبت ايدي رحنا الصبح استوه صاير السيارت طالعة للدوام رحنا نفس مكانه لكينه مره مفتحة بي تبيع بنزين سلمت وكعدت  على كتر شوية ارتاح

شمرت رؤيا اللثام يمي اخذت الورد وانطلقت  اباوعلها بين الولد تتزابگ عكس رئال جانت ملثمة وتتحرك بخوف مع العلم مامبينه جانت بنية

الشارع وسخ وبس ولد ماكو بنات هاي اول مرة تصير الكل متفاجئ  هيه حلوة وصغيرة ورعنة  تكول الكار كارها وهيه ام المكان ركزت عليها عيونها بين السيارات تصيد شكو وحده بيها ولد وبنيه بثانيه  تصير كدامها تقدم الورده من جهة الولد حتى تحرجه

ضحكت واني اشوفها تأشرلي بالخمسة غمزتلي وراحت تركض لسياره ثانية

للظهر واني گاعدة عيوني بيها لان ماعندي شي اكوم اسوي عرفتها متقصدة رادت بس اطلعني من الحزن  لحد مااجت بيدها لفات كعدت تنفت كالت كولي اختي مابيها فايده

-ماطول صار عدنا افلوس انمر عالمستشفى تشيلين الخياط وتسوين مفراس

-هو مضمد ماغيره يعجبج او لا واذا بيج حظ كولي لااا شوفي ذاك الاسود صار صديقي بس أشرله اخلي يعدل ملامح وجهج

-عزه بعينج اشوكت لحكتي تصاحبين

-بنتي احنا بالشارع لازم يكون عدنا ايد بكل جهه نلتفت بيها ونكون  مستعدين للهجوم  قبل لا يفكر العدو بسحب السلاح

-امم جانت عازة وكملت بدسار

-اقلها علمني شغلة قبل لا يولي

-متاكدة

-ومنتظرة اشوفه  بس حتى اغسل وجهه بتفلة واگله مو خرزة البتاوين الي تباوع لحيوان  لفو خاين مثلك

-ومنو هاي البارحة الي عيونها تتنقل من الدرج للفراش للباب وتبتسم  كأنما تذكر حدث بيهن

-يله كملي اكلج لان الورد راح يخلص لازم نجيب غيره

-رؤيا بيش دتبعين الورده

-حسب اذا وياهم اطفال  بألف واذا عشاق لابخمسة

-مكسورة الرگبة هيه وردة نايلون ماتسوى ربع خمسة اشلون ؟؟

- التقفيص مهنة لايجيدها غير العظماء

كامت راحت بيدها كم وحدة  تفتر بيهن  اباوعلها صدگ توكف تخازر بشيطنة  تلكف الزبون عبر امتار اطير تصير بوجهه ؛ اكتشفت اختي موطبيعية تمتلك خفة وتفكير مايخطر على بال احد

للعصر كملت كل الورد اشرتلي يله كمت اتلثمنا رجعنا لنص الطريق لكينا ماما منتظره ويمها تكتك من خوفها لفلفتنا وصعدتنا والله لو تدري جنه بدون لثام جان حبستنا

رجعنا للبيت دخلتنا تهريب تكول مخدرات مو بشر  كعدت تسولف على غرفة محصلتها بس اجرتها غاليه وهم قريبه ماتفيد

مر كم يوم  ماما ليل ونهار دور شغل ومكان نسكن بي  ؛ رؤيا عارضت تروح للمستشفى اكتفت بالمضمد وغيمة على مكانها تشتغل ويه المشعوذة بالطلاسم

نطلع من الصبح ما نرد غير المغرب صح خوش افلوس بالورد بس خفت على رؤيا لان طفلة وحركة خلال فترة قليلة  كونت صداقات كومة  ويه الي بعمرها  وعينها بيهم تلگط شكو شي اعوج العفطة والتفلة والتجاوز تحولت الى شاذي ملون صارت صدگ تربية شوارع ماتنجرع والي داعيه عليه امه يتحارش بيها بعده ماشامرلها كلمة تشمرة بتفلة

كمت ادير وجهي من تصير مشكلة  اني اخاف لان ذوله ولد شارع شما اسوي مااكدرلهم وهيه ولا كأنما اطفر والفزعة مااعرف منين تجيها الكل يلتم ويصح حيووو بثواني يطلعوها من اكبر مصيبة ويردون للشغل ولاتكول صاير شي

مرات اضوج ومرات اضحك بالاخص من اشوف طفولتها المهدوره وتصرفاته الي ماتسيطر عليها على ساعة تجيها الحالة تلزم ورداتها وتفتر بيهن داير مداير وروحها  طايرة من الفرح على شنو ماادري

كاعده وكت العصر  مجتفه صافنة بالطريق وقت جيت غزوان تعبان اديه كلها مشخطة وملابسه متروسات رمل  بس يحاول مايبين هالشي يعدل بنظارته ويبتسم  حتى لايحسسنا بالدنعيشه

تلمست مناظره بصدري غمضت مر شريطة  من خلاهن بيدي وگال  يجي وقت تذكريني بيهن فتحت عيوني  نزلت دمعتي عصرتهن  صدگ رحت وعفتني هيج وراك عايشة عالذكرى

صارت كدامي نفس السيارة سودة  بسرعة مسحت دموعي عيني بيها عدلت گعدتي اترقب حركته هم وكف نزل الجام واحد ملثم بأسود عيونه على رؤيا هيئته وعيونه يذكرني بدسار

على طول ماالسير متوقف هو يباوعلها اشلون اطفر بشيطنتها من سيارة لسيارة والضحكة تارسة وجها

انتبهتله مرتين اشترى منها ورد بدون لايحجي بس بالمرتين يختار الوقت ويه اشارة المرور حسيته متقصد حتى ينطلق بدون لاينطيها افلوس ويخليها اطفر ورا من القهر

شكيت بي هو وستبعدته لان مامهما صار مومال يتخلى عنها هيج

صار الغروب اجتني تسحل بروحها  كالت متت تعب وهسه ماما نلكيها ناصبة مأتم لامه نسوان البتاوين وتلطم على حسناواتها

-تره كلش تأخرنا اليوم

-هو هسه وقت العشاق والبيع الصح المهم يله كومي

-ماعدنا خبز لازم نمر ناخذ ويانه

-واجيب جبس بالطماطة

-اي رنود تحبه

-رنود ماموجودة

باوعتلها بكسرة 

ابتسمتلي بوجع؛  نزلت دموعي دنگت  خلت ايدها على شعري وهمست وداعت هالدموع لاخذ حقها من عمرها  وكلام الله اخليها  تتوسل بربها ليل ونهار حتى ياخذ روحها بس صبريلي شوية

-اشتاقيت لرئول

-ماضل هواي الصبر حلو يامرت العزيز

-هم يجي يوم اشوفها وشمر همي بصدرها

-وتشكيلها من غزوان اشلون غدر بيج وعافج وتاخذين عزا منها الي لحد الان ماترضين تاخذي من احد   

-لان ادري محد راح يحس بوجعي غيرها

-ولا وهيه تحب احد غيرج 

-لاتحب غزوان اكثر مني

-وهذا الي زايد خوفي عليها اعرفها راح تفقد عقلها   اذا سمعت بخبره وتضيع نفسها بدون وعي

-يعني انتهت  اخيتي

- ماراح اسمح لوحده منجن بعد تروح مني بس صبري عليه لبين  مايطلع ذباح اخليجن يمه ؛وروح الراحت وهيه بحسرة الخبزة لرد اخذها من نص بيتهم غصباً على اكبر شارب بيهم اخليها بحضنج وارجع للحيوان احرگه بطريقة ماتمر براس شيطان

-رؤيا شنو دتشوفين

-ظلمة وتعذيب ودم

-وذني ماوراهن غير الموت واني ماعندي بعد قوة ادفن احد

-عود لادفنوني شمروني بالزبل  بس امانه اذا شفتي دسار تفلي بوجهه

ابتسمت

-ليش تضحكين

-شنو تتمنين رؤيا

-اتمنى ادير وجهي هسه واشوفه وراي

-شنو راح تسوين

-اركضله اهفه كله واللزمه من شعرة امسح بي ماخلق الله من گيعان واتفل بيدي امسح بيها وجهي لان ثقيت بواحد سگط مثله

-لعد شكد نيته سوء الي ربي ورطة بهيج وحده

-ومن اغلط تكولون مامترباية  كومي رايه

ضحكت

مدت ايدها لزمتها شلت اللثام وكمت خلت ايدها على متني وسحبتني مشينا عكس طريق بيتنا حتى نجيب خبز  خلصنا الشارع دنندار وشحطت سياره مضللة  بكل سرعتها كدامنا جريتها بسرعة كوه سيطرت ماوكعت

دا اسألها  تأذيتي مالحگت وهيه تشمرت الورد عليه؛ ركضت طايره للسيارة دفرتها بكل قوتها دگت الجام حيل وصاحت افتحهااااا لك

ركضت سحبتها دفعتني وردت دفرت السيارة بقوى اكثر وصرخت افتحها اااااا

نزل الجام الولد الملثم اباوعله دسار نفسه ردت احجي خزرني وندارلها اشر شكو

رؤيا - لاسلامتك ماكو شي من انت مابيك خير تسوق عدل تصعد سياره ليشششش

رفع حاجبه

-انزل لك لا تضل خاتل جوه حتى اعلمك اشلون الحجي يصير

حرك ايده كدام حلكه بمعنا اني اخرس

-حلوو انت من هذا النوع وتعال لك انت مو  نفسك  التبوگني كل يوم بله شكلت لروحك من تاخذ الورد وتنهزم ماعرگت گصتك

هز ايده بأستهزاء راد يسد الجام بلمح البصر طلعت السجينه من ظهرها طكتها ودخلت ايدها نبتتها بركبته - حركة وحده انحرك منو انت لك اطلع بالنضيف

فتح عيونه على كبرهن

-منو دازك وراي شكو لاحكني

اشر ماكو

-هاا صدكتك شوف لك تروح للدزك واكيد من حثالة الجانوا يركضون ورا اللفو  كله لاتعرف مكانه وين ولا تريد  تعرفه  من الاصل لان مامعوزة حيوانات بحياتها  سمعتتت

اشر بعلامة استفهام مافهمت

- اهوو  اشلون شغلة هاي اسمع حباب هالمرة راح اعبرها لك بس مرة ثانية اذا لمحتك داخل الشارع مو اشوفك  گدامي هاي خلقتك المرعبلة اسويها  طشار وعود انزع اللثام بلكي احس صدگ رجال ومشاعر الخوف تتحرك يمي يله ابني رد لماما وابتعد عن هيج شغل بعدك طفل

هز راسه اي

دفعت وجهه حيل انضرب راسه بالكشن سحبت السجينة واشرتله بايدها يلااا حباب

هيه تأشرله  واشوف الولد اجوي كلها تركض الي يگول شكو والي صار گدام السيارة  والي دنگ شال طابوگة ؛ طفر واحد منهم وجهه كله شخوط مصلبخ صاح  اتحرش بيييج احجيي

-لا متيه دليته طريقة

-رؤيااا عليج سيد مالك گولي وداعت امي هسه انفلش سيارته و نربي الج بسسس احجيي لاتخافييين

-عيب واني خرزة البتاوين اخاف من هيج واحد مخلصها صفنات خاتل وره اللثام تركوا اعتبروا زعطوط وغلط  هو بعد مايعيدها

-اسمع  لك هييي انت تاخذ المحروسه الجاي بيها  وتولي منا اذا شفناك بعد بهذا الشارع مو واصل يمها ماتريد روحك سمعت

عدل ضهره عالكرسي اتجتف يتسنط

-شنو لك مستهزأ  شوف هاي المزعطة التارسة الشارع اشارة وحده منها اتخليهم يسحلوك ويطلعوك منا بالزياجة

اشر وبعد

-ردت اعفطلك  بس فشلة من الخرزة واگفة - اندار لرؤيا كلها زيجيله انتي

بعده يحجي ركضت صميت حلكها حيل وهمست لادخيلج

اباوع لدسار گوة كاتم ضحكته مبين من عيونه  وخرتني  طگت  السجينة سدتها ودفرت باب السيارة  صاحت يله لك ارول ازحلك مناااا

اندارت للولد خلت سجينتها وره ضهرها وكالت صلبوخ الوردة ماتقصر مردودة 

صلبوخ- عد يناج رؤيتنا انوصلج للبيت

-لامايعتاز قريب بيتنا منا يله اودعناكم شباااب

اشروا كلهم وهمه يطافرون سحبتها ومشيت تركت دسار يباوعلها وكوة مسيطر مايضحك

رحنا للمخبز اشترينا خبز واني بعدني ماخذتني الصفنه بين دسار ليش مايرد يظهر نفسه كدامها وبين  اختي الي مااعرف اشوكت صارت عدها هلكد شعبية صاحت شبييج

-مرض منيلج هاي السجينة

-اخذتها من صلبوخ ذيج تعيقني بالشغل

-رؤيا انتي بعد كم يوم تكومين تسلبين

-وليش لا والله فكرة حلوة بس كون احصلي واحد كفو عليه الاعتماد يشوفلنا عالم  معدلة نجفتهم

-يمه وين جانت هالمصيبة مضمومة

-يله لج  امشي ظلمت كلش خطية ماما هسه تلكيها لازمه الشارع

-كله من وراج اشكد كلتلج تأخرنا ماسمعتيلي

-لاتخبصيني هسه ادخلج من طريق يختصر نص المسافة بس فضينا

اخذت علاكة الخبز شفت عارض خبز شكر ردت اشتري  وتذكرت ورانا اجار الغرفة من غير الاغراض الي لازم نشتريها حتى نگدر نطلع

بطلت شلت العلاكة ورجعنا خلصنا الطريق دخلنا بشارع اول مره ادخل بي بيوت مهدمة والفرع ضيگ وهدوء من غير الظلام مغطي على كلشي

امشي  امدنگه عقلي مشغول ليش  خزرني معقولة استعر منها لان شاف ماما تگدي بس لا عيونه عليها جانت كلها لهفة امنيته ينزل ياخذها لحضنه

اخذت حسرة ورفعت راسي على صوت فتحت باب بيت ؛ وگفت متبنجة عصرت جف ايدي رؤيا واني اشوف

بابا گدامنا  طالع هو ابو طبر …

لاتنسون التصويت ❤️ 

شيء من رصيف الدم

بقلمي :leo Alfatlawi

بارت الثالث والعشرون

***رؤيا***

اگلب بالورد وبالي شارد بالولد الملثم احس عطره اخذ كلبي تصرفاته وطريقة تحمله للتجاوز رجعتني لذيج الايام؛  داخله صراع بين نبضات گلبي الي تكول هو وعقلي المصمم يرفض هالشي

فززني اكثر صوت اتمنى اسمعه بس موهسه رفعت راسي على  ضغطت ايد رايه واشوف احقر مخلوق على وجه الارض الحيوان الي كرهني بصنف الجنس الاخر ؛ بعده على شكله مامتغير

جاسم طالع من البيت هو واحد ويا؛  وگفت مبتسمة فتح عيونه على كبرها وصاح لايا بنات الحرام هاي انتن هناا واني ادور مثل الزمال اووف بوية واخيراً وگعتن بيدية

درت وجهي اريد مكان افلت رايه منه

-تتلفتين بت اليهودية حسبالج تگدرين تنهزمين

-وسفة  جنك ماعرفتني يالگرن مو خرزة البتاوين التخاف من خنيث مثلك بس ردت ابعد اختي لخاطر ماتتوسخ بدم نكس مثل دمك

-راس ابوي اذا ماشرحتج تشريح واشمرج للبلاش مااطلع الگرن الستر على فضيحة امج

- محد گلك صير زمال  ومضحكة

- لا يابت الكلب خليج مكانج حتى  اعلمج منو الزمال

قبل لايتحرك دفعت راية وراي وطلعت السجينة طگيتها رفعتها واشرتله تعااال

-ههه تخوفيني عود

-الخوف والتهديد  تاركته للناقصين نوعيتك اني انفذ  صح جنت مأجلتك فترة بس الضاهر الحيوان  الي بداخلك محربك كلش  دتعال خلي اريحك

لزمتني رايه من وراي شفته اتقدم هو ويضحك همست رايه رگضي بسرعة

-ماعوفج

-لج ركضيييي

صرخت ونداريت داادفعها واشوف ورانا ثنين ملثمين حتى مالحگت انتبه لشكلهم واحد طفرنا بخفة صار گدامنا  طلع سلاحه خله بوجهم والثاني سحبنا ودفعنا للجهة الثانية

جرتني رايه تريد ننهزم وگفت عيوني عليه غمزلي واندار لجاسم صاح يله ياسباع شمروا شكو بجيوبكم

من صوته عرفته ضبع ابتسمت سحبتني راية ركضنا تركناهم مخبوصين همه يحلفون ماشايلين شي وضبع يحلف يخليهم جثث اعرفه بس يريد يشغلهم عني لحد مانضيع روحنا

دخلنا الشارع الثاني وگفت راية لازمة خاصرتها موجوعة همست بتعب بعد مااگدر

-راح نوصل استندي عليه

-خاصرتي احسها دتتگطع رؤيا راح اموت

-ماتموتيين بس انتجي عليه راح يجون مااگدر اخلصج منهممم

غمضت بألم عصرت نفسها واشرت مااگدر

شمرت الورد واخذت ايدها خليتها على متني سندتها سحبتها گوة امشيها عين بيها احسها بصعوبة تجر النفس وعين بالطريق كل شوية والتفت اخاف شافنا  احد واجه ورانا

ماصدگت وصلت لبداية الفرع  لكيت ماما كاعدة  منتظرتنا ملثمة وعيونها تتنقل بقلق انتبهتلنا باوعت لوضع راية ضربة صدرها بخوف وگامت اجت تركض صاحت سودة بوجهي شبيها اختج

-ماما مو وكتها سنديها وياي بسرررعة

-شكوو ولج شصايرر وليش بدون لثام جايااات

-ماماااا جاسم الكلب وجماعته شافونا وجاين وراناااا سنديهااا خلي ندخل قبل لايلكفونااا 

لطمت على وجها وسندتها وياي رحنا نمشي بكل سرعتنا الدنيا ظلمة هدوء بس صوت الجلاب واضح من غير المكانات المهجورة اشكال اصوات تجي من داخلها لا تعرفها مسكونة جن لو منحرفين؛ من غير كل ثانية ومطفرتنا صوت ضربة وياها ضحكة وحده من نص البيوت

احس روحي بداخل حقل ألغام  اي غلطة نروح بيها امشي وعيوني تتجول بتعجب اشلون عايشين كل هالفترة بيهج مكان

وصلنا للبيت دفعته دخلنا اتلكتنا غيمه كأنما منتظرة شي وتفاجأت  بشوفتنا صاحت ماما تعالي عمه تلكي اخيتج مابية اشيلها انهد حيلي

فزت من صفنتها واجت تركض سندتها وياي اخذناها للغرفة دخلنا گعدتها يم الحايط تجيتها عالمخدة وسحبت الغطة لفيتها بي ؛ گعدت يمها لزمت ايدها وخرت شعرها عن وجها الباهت تسحب النفس بعجز باوعتلي؛ گوة سيطرت على دمعتي لا تنزل ابتسمت وهمست بتعب يالعرمة واگفه تتهديين

-دتتوجعين مو ؟؟

-اشوكت تعقلين انتي متگليلي

-ليش متخليني اجيبلج علاج

-لاتخافين ماعوفج مو لان احبج لا بس مايريدني اوصله حتى لاارتاح

-واني ماراح اخليج ترحيله وعلاجج راح اجيبه واغصبج عليه واذا فكرتي تعانديني اهفج راجدي وافرك حلكج 

ضحكت  وغمضت شبه واعية مسحت وجها  سحبت راسها لحضني دنگت بستها وهمست مااسمحلج تعوفيني وحدي

عدلت راسها على صدري ومددت رجليها غطيتها وخليت راسي على راسها امسد على شعرها بخوف ادري همها يهد جبال وصبرها خلص بس روحي ماترضه تتقبل فكرة بعدها عني

دخلت ماما وجها اصفر ايدها ترجف شايلة دبة مي سدت الباب واجت يمي كالت شربيها

-خليها ترتاح

-راح ماهو هسه شفت الشارع خالي لاتخافن وباجر من الفجر اخذجن واروح

-وين نروح ماما ترا ماعدنا مكان اذا هنا اكو سكف وباب نقفلها من انام بره ماراح نحصلهن نصفى حالنا حال الحيوانات عالرصيف حتى مكان نگعد بي ماكو مو انام

-لعد اشلون هذا عرف احنا بهاي المنطقة ماراح يتركنا لحد مايندلنا

-طلعي دوريلنا على غرفة  وين مجان حتى نطلع گبل الها لان راية وضعها مايتحمل انطلط بيها بالشوارع

غيمة - شصاير

ماما - جاسم الحيوان  ربي ينتقم منه شافهن

-عزه بس لا اندل البيت

-لا الحمدالله هسه طلعت ماشفت احد بس اكيد ديدور لازم نطلع

-بس لا تردين ترجعين لاهل ذباح

رفعت راسي باوعتلها بسرعة غيرت الطريقة بالكلام كالت قصدي عيب بعد مااستقبلونا  وشكد وگفوا ويانا واحنا حتى ماشكرناهم طلعنا منهم تكول متحرشين بينا وانهزمنا

ماما - لاماارد كافي السووا علمودنا ضاع ابنهم بالسجون شنو ذنب امه تالي يروح منها بسببنا هذا دمه حار وجاسم سگط ماعنده عرض

-اي مو داكول احسن شي روحوا غير محافظة

-شنو روحوا وانتي؟؟

-هاا اي اني وياكم بس قصدي نطلع منا بسرعة قبل لايروح للمخفر ويكلهم هنا وتالي يجون ياخذوج انتي وبناتج لاتنسين عليكم قضية قتل

-لااطلع من الفجر اكو مرة جنت اشتري منها خضرة هيه تشتغل بتأجير بيوت حواسم وتجاوز بلكي احصل عدها غرفة مشتمل اي شي

-منو ام زهير ؟؟

-اي

-خوش يله ارتاحي مهدود حيلج سودة عليه اني اسوي العشة

-لااكوم الم الاغراض حتى بس اتفق وياها ارد اخذجن ما نتأخر

-لالااا اني المهن انتي بس ارتاحي حتى تگدرين اطلعين من الصبح بين ماتكومين تصلين تلكين العشه جاهز والغراض كلها بالجنط

-ربي يستر عليج اي والله احس ضغطي هبط

دنكت باست راسها وطلعت طايرة للمطبخ رادت تكوم ماما همست متأكده هاي دمها طاهر

-ياا ولج ليش هيج ويه بت خالج

-جاسم  ما تفاجئ من شافني اشوف

-اكيد عرف من راح سأل هناك

-اي موهمه گرون مثله وناقصين مثل بنت اخوج الي تريد تتأكد عد منو نگعد حتى تركض تبلغه بس تتأكد انلگفنا  وتمت بعيتنا تروح لذباح تدخل يمه دخيلة

-انتي اشلون تفكرين ؟؟

-مثل تفكير الي ورطج بينا وطفر بريشاته گومي ام راية وهذا گلبج اذا مابطل طيبة اعيد ترتيبه الج

-لج رؤيا اذا مالميتي روحج افرك حلگج واشمرج بس هم صدگ وين اشمرج اذا حتى الي اخذج يومين وردج على گلبي

-ديله عالاساس انتي ماكو هيج طفرتي الزلمة وخليتي يتبره من خلفته بس حتى يخلص منج

-اااخ يمه كون عندي حيل گبل واگوم امرعطج

-امرعطج ؟؟ شنو هالالفاظ كدام اطفالج ام جيس حب شدتعلمينا انتي

- اااخ يمه شسويت بدنياي اني

-كل سيئات الدنيا حسنتج الوحيده خلفتيني

-امده هيج حظ وامده ابوج الورطني بهيج خلفة عوجة

-لاهو امدى من قبل بيج ادري شاف اكص ايدي اذا ماطلعتي مسويتله سحر واله ماكو واحد يطفر هيج طفره تلكي انتهه مفعول السحر گعد انصدم بوجهك كلك سلملي

-لاوالله انصدم بوجهج التكول وجه ابليس بليلة غضب ربه عليه

-ماارد عليج اضلين امي ولازم احترمج

غمتني وگامت طلعت ضحكت رايه همست انتي الثانية انجبي ونامي

- غيمة دتوصل اخبارنا اول بأول لعمتي حتى تخلص منا وتجبر ذباح ياخذها

-بس اريد اشوف شكله لهذا دروغو اشلونا هيج كاتله نفسها عليه

-مثل شكل ذاك الرزلتي وهو ساكت

-جنت متأكدة هو ردت اثبتله الرجال الموگد كلمته مايلزمني

-يجوز موهو

-كل مرة يجي خال عطر شكل ووهمني بطريقة تعاملة بس اليوم جان نظراته ولمست ايده وهو يمنعني نفسها

-ليش لعد ماحجه وياج

-مااعرف مع العلم لهفته هيه ودكات گلبه  مامتغيرة 

يمكن راد يشوفني اشلون عايشة من بعده او خايف يلزم من خلالي

-او خايف عليج من قربه بس ماگدر يبعد

دخلت ماما سكتنا اثنينه فرشت سجادتها وكفت صلت بست راس رايه وخرتها من حضني وگمت كعدت يم الملابس نفشتها واني فكري يمه اريد جواب للديسوي

طلعت تيشيرت راية وبنطلوني السود خليتهن على جها كمت اخذت حذائي الرياضيه طلعت غسلتها خليتها عالدرج رفعت راسي تذكرت رجت الخشب  من ينزل منه  اخذت نفس و رجعت للغرفة لكيت غيمة خاله العشه وكاعده باوعتلي رايه بعدم رضه حسيته تدري شنو ناويه اسوي

كعدت يمها سويت لفه انطيتها اشرت مااريد

-تغه اطلع اغوح للگغن واكله غاية هنا تعال اخذها

- شكد مشتاقتلها

-مواكثر من الراحوا

-صدگ رؤيا انهدت ذيج لمتنا وصار صوت هوستهم وضحكهم ينذكر بحسرة

-اشگد كلتلج اخذي وروحي عشرتنا موت وفراگ

-ماگدرت اترككم

-لاماگدرتي تركين رئال صح ماجنت اشوف بس جنت احس بعمزتجن وحده للثانية

-اوووف اشكد محتامة انطيها مناظرة واضم راسي بصدرها  وابجي 

-نلكاها وترجع بينا تحضنيها تبجين لحد ماترتاحين  وترد تخبصنا بلدغتها ونمل منها مثل قبل وانتي تردين تعيطين بوجها بس حتى تسكت

- خلي ترجع وروح رنود ماافتح حلگي ابد لو تتواصل ليل ونهار بالسوالف راح اسمعها وكلما تسكت اكلها احجي

-هيج اني اغار

-كل وحده منجن ماخذة جهة من روحي اني ضالة بس حتى اشوفجن كدامي مرتاحات

-لعد اني نذرت بس ترجع كل يوم اكتلها هيج الزمها من كصيبتها واسحل بيها البيت على طوله

-ههههه

-ضحكتج مو حلوه بعد لاتضحكين

-مم يله شبيها اميرة زمانها

-لو سمحتي خرزة البتاوين مرت اللفو

-انوب من گد صلافتها  اتكله لفو وحيوان گدام عينه اشلون اتحمل وسكت ماادري

-كون الله مورطه وحاجي

-شيحجي الرجال دخل بصدمة

داارد  وگامت ماما اجت يمنا گعدت كالت منو هذا

راية - ابو المي ماقبل يبيعلنا مي وبنتج استلمته مسحت بشخصيته الگاع

-لو رجال جان وبي حظ جان فرك حلكها بس عبنه مابي خير

باوعتلها رفعت حاجبتها عرفتها تقصد على دسار  ضحكت دمغتني وكالت عقلي يماما

-الي يستعر من اهلي مايصلح استند عليه

-اني غلطت

-غلطتج الوحيدة خلفتي هالعره شوفيها مدتاكل

اندارتلها تتوسل بيها تاكل ورايه مابيها ترد الالم ماخذ من روحها

اكلت لكمتين ونسدت نفسي لان اشوفها بهتانة مابيها تقاوم بعد ؛ خلت راسها عالمخدة وغمضت  وماما صافنة عليها فاتحة اديها محتارة شنو اسوي

شالت الصنية غيمة طلعتها ورجعت تلم ملابسنا وتخلي بالعلاليگ

سحبت مخدتي تمددت عيوني على راية اباوعلها اشلون تجر النفس گوه وايدها على صدرها عاصرة مناظر غزوان  حسيتها ماراح اطول اكثر

انگلبت باوعت للسكف وهمست يارب صبرك

غمضت هوسة براسي الم على نغزة على حرگة وهاي من يوم السويت العملية لحد الان مااعرف شنو سببها بس مااكدر احجي لان ادري راح ازيد الهم عليهن من غير تفكيري بدسار وعلاج رايه الي لازم الحگ اجيبه الها

سحبت الغطة ودخلت راسي جوه المخدة حتى لاتشوفني ماما مر وقت وغيمة مستمره اتلم وتحضر من التعب والتفكير رحت بالنوم ماكعدت غير على ايد راية تسحب المخدة على كيفها من راسي

وخرت شعري عن وجهي دنگت باستني عالكيف وغطتني عدل لزمت ايدي بخفه خلتها على كلبها وردت نامت ابتسمت رغم مرضها وكسرت كلبها تضل حنيتها مسيطرة عليها

طارت النومة من عيوني منتظره الصبح بالدقايق اشوكت يصير خايفة غيمة تغلبني وتسلمنا قبل لانتحرك

كلما تفتح عيونها اسوي روحي نايمة لحد ماصار الصبح ماضل دعاء ماقريته انتظرت ماما توصيها تحظر شكو شغلة يم الباب لبين ماتجي

اول ماطلعت گمت ركضت للحمام غسلت وجهي وغيرت ملابسي رجعت للغرفة لكيت راية منتجية عالحايط كوه فاتحة عيونها همست بتعب وين تردين

-اجيبلج علاج

-مامعتازته

-اعرف حتى من تموتين ماتعتازين تابوت اصلاً وجودج هيج انتي

-رؤيا ماما ماترضه اطلعين

-ماتأخر بس الم افلوس العلاج ارجع كلها ساعتين مو اكثر

دترد غمزتلها على غيمة حتى تحس مااكدر احجي افتهمت سكتت

ثواني وطلعت غيمه للحمام سديت الباب وكفت فتحت شعري ردت امشط  اتعاجزت شفته كيرلي صاير بس رتبته دنكت البس حذائي گالت رايه تره غزوان مايزعل گومي ذبي الاسود

-وانتي مو بكيفج تصرحين واني مالابسه اسود علمودهم 

-لبسي شي مستور هذا ضيگ وانوب بطنج وظهرج طالعات والشارع اشلونه

مارديت

-و هاي شفايفج ليش هيج حمر

-لان اصلي يهودي يابنت امج

-كومي غيري ابلوزتج لبسي البيضه ماطلعين هيج وحتى بنطلونج كم مره كلتلج لاتلبسين كابوي يبرز جسمج

ربطت حذائي وگمت شلت السجينة خليتها بظهري وخرت شعري عن وجهي اجيت دنگت عليها عصرت خدودها وهمست انتظريني ماتأخر مو تغدريني وتخليني وحدي

-لاطلعين والله خايفة عليج

-ماتأخر بس احجي ويه العجوز الي تگعد يمنا على غرفة من بيتها

-وشدراج تقبل

-ماعدها احد بس ابن معوق راح تكيف تحصل كم دينار

-واذا اجت ماما شنو اكللها

-كلليها راحت تجيب علاج واشكد ماتكدرين سولفي وياها كدام غيمة على الغرفة وين حصلتها وين عنوانها

-لعد لمي شعرج واتلثمي فدوة اروحلج بهاي عيونج وكفشتج ماراح يخلوج والله

- لعد ليش جان يگلي جنج قرده نايلون

-ماجذب

-حتى كله مابيج حرمات ارد للسجن بسبب وحده معفنة مثلج

-كملتي يله روحي ولاتشتغلين مااريد علاج

عصرت خدودها بستها وگمت  سحبت اللثام طلعت وصلت لباب البيت اتلثمت فتحت الباب مديت راسي ماكو بس هوسه الزعاطيط خابصة المنطقة وريحه المجاري تارسه المكان

عدلت اللثام دنكت وطلعت امشي بكل سرعتي خلصت الفرع دخلت بالثاني ركضت ماتوقفت لمن وصلت الشارع العام وكفت  دنگت على رجليه اخذ نفس ارتاحيت شوية عدلت وكفتي نزعت اللثام  نثرت شعري لفيت القماش على ايدي رحت امشي لابو الورد لان الصبح لعبتها ويه طلاب الجامعات واصحاب الخطوط

وصلت للمحل  سلمت عليه شافني ضحك وكال تأخرتي اليوم

-مو كلش ومااريد هواي خليلي نص الكمية مال كل يوم

-اذا ماعندج افلوس تره عادي

-لا موشغلت  افلوس بس   لازم ارجع من وقت

هز راسه وكف يرتب بوكه واحس واحد يمي صاح بروح ابوك فد ضبطت  ورد معدلة

درت وجهي اباوعله صح ضخم بس وجهه كله مطبر خزرني ودنگ يگلب بالورد  بسرعة رجعت اباوع للرجال همست ضبع

-تشوفيني ولج

-ماتوقعتك هيج مرعبل

-من ذوقج خرزة الدسار

-اللفو وينه

-رجع لوظيفته بس داخل حالة انذار لان احتركت صورته و الباشا هو وجماعته طلعوا طالبين راسه

-جان كلف روحه ودزلي خبر

- اذا لكفوج يخلوا يلعب بالخرز دعبل واليكسب تعلم   بجثثكم اصول التحنيط 

-معقولة محد شايفني

-بس جمال وهذا اتصفى  بالعملية

-كل يوم ديجي للتقاطع

-صيد الطير الحر تختلف عن المقيد واسمج يشتروا بعمارهم

-ليش مايرجع لمحافظته

-وهذا الراح يصير بس  يسلم اخر راس وياخذج انتي واهله ويطفر بيكم 

- عنده اهل؟؟

-اكو واحد كلج عليه لقيط

-اريد اشوف صورته

-منو

-الحيوان اللفو

- ليش ماتجين تشوفي هو وبشر

باوعتله دنگ حك خشمه

رجعت درت وجهي -دتحجي صدگ

-راح اطلع گدامج انتظري شوية بس اعبر طلعي من الشارع الثاني من توصلين نهايته تأكدي ماكو احد اتلثمي عدل وتعالي تلكيني عالدراجة بدون لاتحجين تعلكين

اشرت اي؛  اخذ وردتين وراح بدون لايدفع افلوس صاح الرجال ورا كلتله تركه يمكن مختل عقلي

هز ايده انطاني الورد دفعت الفلوس ورحت طايره مثل ماكلي درت من الشارع الثاني تأكدت ماكو احد وكفت لفيت للثام  طلعت الفرع لكيته كدامي عالدراجه شافني شغلها ركضت صعدت بعدني حتى مالازمه ظهره داس بكل سرعته

كمشته بأيد وايدي الثانية الورد على طول الطريق واني احلم اشلون راح اوكف گدامه واشلون اركض اضربه وبعدين احضنه

يدخل من مكان ويطلع من مكان  عرفته مايريدني اندل مكانه وصدگ مالحگت انتبه كد ماافتر بيه لحد ماوصلنا يم متنزه ركن الدراجة نزل نزلت ورا وخرت اللثام نثرت شعري باوعلي وضحك

- شكو دتضحك تره هذا موديل 

-خرب بغيرتج اشكد تعبتينا واحنا اندورج

- هذا يدل انو انتم مو كفو

- ياكفو اذا تركناج وجه الصبح تعيطين ويه ابوج ساعة مو اكثر بس رحت اشرب جاي رجعت لكيت كاتلته وطافره

-ترا مو اني كتلته

-امي

-اشبيها

-امشي رؤيا وبروح اهلج لاتوصلين يمه من بعيد شوفي

-من يعرف اكو خونه يمه ليش مايصفيهم

-مايكدر يصفي احد اذا مايصفي حياته بالاول حتى من يطفر بيج  مايباوع ورا بعد

-مافهمت

-احسن يله امشي

هزيت راسي اي؛طلع گدامي واني ورا نزلت بلوزتي لان كل شوية وطافرة وصلنا يم باب خاص بالحديقة يمها حرس من شافوا ضبع فتحوا بسرعة  دخلنا مكان كله اشجار ومراجيح اطفال ومن جهه الثانية عالم فارشه على الثيل ويمها شواياتها يستعدون  للغدة

امشي.وعيوني تتجول من مكان لمكان متلهفة احس كلبي يريد يطير لحد ماوگف ضبع صفن  ورد اندارلي كال خلي نرجع

اشرت شكو

-ماكو شي يله اتحركي بعدين اجيبج

لزمني راد يديرني وخرت ايده باوع مسافة عنه گاعدة  عائلة صغيرة والحرس داير مدايرهم

بدايه المكان مرة جبيرة لابسة فوطة بيضه ويمها شاب بحضنه طفل ويمه بنيه

ومقابيلهم واحد منتجي  عالشجرة مدد رجلي لابس زي عسكري اسود وبصفه بنيه لازگ تسولف ويا وهو مجتف صافن بغير عالم

جرني ضبع همست هو هذا

-امشي رؤيا

-بس انتظر دااشوف نفس مجنت اتخيله لو من گد ماجنت ثاقه عقلي غدرني حتى بشكله

-رؤيااا

دفعته راد يلزمني ركضت دخلت بنصهم شال راسه اتفاجأه بدخولي والبنية التفتت تباوعلي

ابتسمت وخرت شعري عن وجهي واجيت يمها قدمت الورد  اريد احجي مااكدرت  احس لساني غدرني اباوعلها  حلوة وصغيرة مبينه بت عالم

صارت عيوني عليه عضيت شفتي همست ماتاخذلها ورد تره تستاهل

ردت البنيه شنو انتي اتبيعين

اشرت اي

-اوي فدوة شوف حبيبي يله اشتريلي

طلعت وردة الحمرة قدمتها اله باوعلي وهو ساكت بس عيونه بيهن لمعة اخذت روحي

-ههه مو غالية تره بألف

دنگ شمرتها بحضنه صاحت البنيه  شنو هالذوق  اشلون تشمريها هيج

-اسفه وگعت من ايدي

-تمام يله ولي منااا

ام دسار - ولج تارة شبيج عمه البنيه شسوت حتى هيج تحجين وياها

-عمه مدتشوفيها اشلون قليلة ذوق عود كسرت خاطرنا دنشتري منها

- يااا صدگ دتحجين تعالي ماما يمي صدقة لمحمد دشوفيها اشلونها جنها بلوره تلمع

-ديله بس شكل لا ادب ولاا اخلاق يله لج روحي

-يبوو شبيج وياها هاي بدل ماتباوعولها بلكي بتكم تطلع تشبها

-ياا عمه لعد شبيه اني وانتي متولين شكو لزكتي

همست افلوس الورده

مارد ضل مدنگ

-المفروض اهديها الكم بس معتازة  افلوسها

ام دسار - تعالي خالة اني انطيج من الشمال انتي

-لا

- لعد منين

رفعت رجلي دفرته بصدره_ جاوبهم منين اني

صفنت الام وتارة صاحت لاصدگ انتي مومأدبة تعرفين هذا  منو

-اكثر وحدة اني اعرفه  واحد ارعن و مسربت دايح ابن دايح ابن شوارع لفه علي بغداد بس حتى يكسرني

-شنوو ليش منو انتي ؟؟

رجعت دفرته بكل قوتي وصرخت جاوبهممم منوو

مارد

- شنو انكتمت لولاا هم حقك شنو تگللهم يهودية من البتاوين خلصت مهمتي براسها وشمرتها تصارع مصيرها وحدها

شال راسه عيونه حمر يباوعلي بتعب ضحكت اشرت شنو

تاره - حبيبي منو هاي تعرفها؟؟

-ليش ساكت ماعندك اجابة لو تعرف نفسك عبرت مرحلة الحيونه اكو حيوان واكو الاوفر حيوان انت الانگس منهن اثنينهننن

سكت؛  ضغطت على سنوني ودفرته بحرگة گلب اجت بطنه غمض ركضوا الحرس وطفر اخو كمشني كام بسرعة سحبني منه

انداريتله ضربته بكل حيلي دفعتها وصحت - ليش منعتهم ياخذوني بس لاحاسب روحك  زلمة ومصدگ السالفة ترا انت عايش هسه بسببي

ام دسار- منو هاااي ولك وشبيك ساكتتت

-ههه ماراح يرد مو لان جبااان لاا هاي هواي ويا الكلمة لان واحد حثالة استغل وضعي وستخدمني وسيلة حتى يضل عايش ومن خلص شنو سووه ردني لحضن حيوان اسوء منه وراح يكمل ويه الي بمستوى تعرفين ليششش لان وسسسخ وكلبببب

-يااا انوب تتجاوز شبيج خاله مخبلة انتي

نزلت دموعي همست خاله ابنج كسرني ابنج وجع گلبي

تاره - دسار ماتحجي

باوعتله دنگ ضحكت مسحت دموعي - مايحتاج يحجي اني جنت من ضمن الوهمهم بالمهمة وغدرهم

ام دسار -انوب غدرها انتي شنو سالفتج

-ماكو سالفة جنت عايشة بوهم  وصحيت بس ااااخ اشكد اتندمت على الدموع والوقت الضيعته واني انتظر

شال راسه باوعلي بكسرة واشر لاا

-انطيني افلوسي داروح

تاره - هيج بساطة ترحين واحنا مانعرف منو انتي وشنو السالفة

مارديت دنكت شلت الورد وخرت شعري عن عيوني وكفت كدامة واني ابتسم  مديت ايدي همست الفلوس سيدي

لزم ايدي عصرها نزلت دموعي اتمنيت انضم بحضنه واشكيله على كل الحسيت بي ابعده همس من بين شفايفه لاترحين

-صح الوردة رخيصة بس هاي امكانيتي احسبها مباركه زواجك

-وكلام الله ماغدرتج

-ثقيت بيك اكثر من الازم

-خنت وطني قبل ربعي لخاطرج

-اخاف اجت لحظه رف كلبي بيها  هسه حقدت علي نفسي اضعاف اشلون استثنيتك من الكره دسار طلگني

-لاا رؤيااا

ابتسمت وسحبت ايدي وانداريت  مشيت احس دمار الدنيا كله التم بگلبي وصلت مسافة  غمضت خليت ايدي على گلبي صكيت على سنوني اريد اصرخ بكل قوتي حسيت ايد على متني فتحت عيوني لكيت ضبع

درت وجهي اباوعله على وگفته اديه ورا راسه  نظرته بيها هواي حجي مااعرف اسف لو لهفة لو كسرة وبعد

تركته ومشيت وگع الورد من ايدي مابيه ادنگ اشيله  كملت طريقي الحرس كلها عيونها عليه من غير اهله التركتهم صافنين مايعرفون شنو يحجون

اجه وراي ضبع  وكفت يم الدراجة سحب اللثام من ايدي لفه على وجهي ورفعني صعدني وصعد لزمت ضهره احس خدرانه كمية الخذلان والالم مااعرف اوصفه

غمضت  على حركة الدراجة واني اودع اخر حلم وهمي جنت مضيعة نفسي بي  …

***رايه ***

كاعده لامة رجلية خاصرتي احسها تتگطع عيني بالساعة منتظره رجعت رؤيا بالثواني واتگلب

اعض المخدة بكل حيلي اگطع النفس لمن احس خلص لعد مابية ارد اشهگه

اغمض تهدأ شوية وترجع تشوط روحي حسيت روحي بعد مااكدر اتحمل ماصار براسي بس اكوم اطلب من العجوز افلوس وانطي لغيمه تجيبلي العلاج لحد ماترد رؤيا وتسددها

سندت روحي گوه گمت فتحت الباب واجتني الوجعة عصرت نفسي حيل اخذتلي دقايق وهدأت  سحبت نفس طلعت واني لازمتها بعدني ماواصله لغرفه العجوز واسمع غيمة تكلها هاا شكلتي هسه دفعين لولا

المشعوذه - بس هواي قللي شوية

- وعالاساس انتي راح ادفعيهن من جيبج وبعدين هذا سحر اسود مو لعب

-ومنو يكول يثبت صدگ

-اكلج اصلها يهودي وبعدها ابنيه يعني اثبت ابو السحر

-مريضة اخاف تموت

-لا صل تتحمل بس استعجلي دخلي الرجال وكملي شعوذتج قبل لايردن

-تره عملين عندي يعني ذولة اثنينهم يدخلون  عليها

-عسى ماعشرة بس خلصينا وانت اركض سد الباب وخليك ورا اخاف يردن وانتي يله استعجلي اخذي هذا اول دخلي بسرعة…

*** رئال ***

لا هدوء في هدوئي كما تظن …

هو كال طالق وامه باوعتلي مبتسمة بشماته ضحكت ماتدري فديت نص عمري حتى اسمع هاي الكلمة  وابلش بأرواحهم  درت وجهي شلت الكتاب دافتح الباب ركض اسماعيل لزم ايدي كال وين تردين

-شتكول انت وين

-ماترحين منا راح ارجعج لذمتي

عمتي - شترجع ولك اتحرمت عليك

اسماعيل - شنو اتحرمت اصلاً نطقتها بالغلط هسه نجيب الشيخ ونردها

-مايصير ترد يالاغم طلكتها ثلاث مرات انتهت

-يعني شنو؟؟

-يعني تعوفها خلي تولي هيه غلطة من البداية وهاي اجت وحدها اتركها انعل يومها من دخلت دخلت شكو فكر وياها خلينه نفتك اشو انت الحمدالله صرت زين بعد ماكو شي يمنع تتزوج

-واني مااريد غيرها

-مو بكيفك هسه اصيح واحد من الحرس خلي ياخذها يردها للمركز وانت اجيبلك من باجر الي تسوه راسها بت عالم وناس مو من الشارع

سحبت ايدي فتحت الباب طلعت صار بوجهي هيذام عالدرج مدنگ  اديه بجيوبه صاعد على صوت صرخت اسماعيل شال راسه درت وجهي لكيته جاي وراي لزمت يده الدرج ونزل ركض وصلت يمه صفح روحه سوالي مجال بدون لايسأل شكو  

عبرته بسرعة وصلت الباية الاخيره وصوت التكسير وصراخة وين وصل

طفرت الدرجة الاخيرة وركضت دخلت للمطبخ صار بوجهي ازر اشر  شكوو

دااحجي واسمع صوت اسماعيل وراي؛ بسرعة صرت بظهر ازر واشوفه جاي بكل سرعته ضاغط على سنونه بيده سجينة وصل يمنا راد يجرني دفعه ازر وصاح شكووو شبيك لك تخبلت

- وخررر عنهاااا وانتي لج تعالي وداعت ابوي اذبحج تعرفييين شنوو اذبحج اشلع راسج  ولااخليج اطلعين من البيت

-وين تطلع اهدا انطيني السجينة

-وخر عني وراس امي اذبحهااا اليوووم وخرررر ازررر

-غير نفتهم شصايرر شنو تايها وتذبحهاااا

- اي وادفنهاا مثل مااستفزتني  وخلتني هيج اسوي حتى تعوفني لو موتمنعني انت لو الدنيا كلها توكف بوجعي هم اليوم اموتها ماخيلهاا عايشه جيبهااا لكككك

رفع السجينة ودفع ازر يريد يسحبني من ورا

رجعت ليورا اتلفتت اريد مكان اخلص نفسي منه؛  ازر يدفع وعمتي والبنات يتصارخون يفزعون بالحرس وهو يبجي بصوت عالي بس يريد يحصلني

داندار حتى اطلع صار هيذام كدامي بعده عالدرج عاگد حاجبه مامفتهم شكو

ماحسيت غير انسحلت من شعري حتى مالحكت اصرخ واجتني الضربة كطعت النفس صارت عيوني بعيونه ردت بس اشهگ الهوا حتى اطلب منه يخلصني ماگدرت

استوى يعدل وگفته حسيت فقدت توازني رخت اديه شي انسحب من روحي غمضت على صوت صرخته الي رجت البيت رج

ضربات خفيفة على وجهي وصوت وحده تبجي فتحت عيوني غواش مااشوف كلشي رجعت غمضت اسمع عمتي رحمة تكول هاي صحت ولج كافي بجي

ضي - اي موتوهااا وحتى الدمعة استخسروها عليها حسبي الله بي

- يبوو هو شنو خله بي هيذام حتى ادعين عليه  روحي شوفي  لاضاله ايد ولارجل مااعرف اشلون مقاوم وضال يشم الهوا لسه

- بعديش لعد ماخلصها من البداية لو اصلا مو بحالها يطبها مرض حتى لو ماتت اهم شي يحصل  حجة حتى يكتل اسماعيل

- اووف يمه والله مااعرف هالولد شبي لاتعرفي مسودن يتعافى عالظلم لاتعرفي مريض نفسي وراحته بالكتل سگط الولد شمره ورد لعمه لو مالازمي جان موته

-لعد اذا هيج خايف عليها ماخلصها من ايده لو هيه فرعنة وخلص

- هسه اني غير اعرف شنو سالفته اشو فلش البيت وكتل اهله وكسر اسماعيل ربطه وطلع بالحديقة يصيح يطبها مرض عوفوها لحد يوصلها

-طبعا يكتلهم غير خايف على رتبته ما سمعتي يهدد ابرهيم يكله اذا صارلها شي ارد منصبي براسك روحك متعلقة بروحها تريد تعيش عينك بيها كل خدش مكانه واحد من بزرتك

- استغفرت الله وانتي عمه بسج صار ساعتين ماتكومين ماطلعت ضربة لعد من هيج روحج رجيجة ليش توكفين بوجهه وتعرفي خبل

فتحت عيوني ضحكت دنكت باستني من راسي -الحمدالله على سلامتج

هزيت راسي

-اي كومي ولو زعلانه بس مو وكت عتاب هسه

همست واني مااريد اسمعج اصلاً

-ياا ليش ولج فوگ كسرت حلفاني ودخلت البيت لخاطرج هاي جزاتي

-واني مادخلت للبيت لو ماجنت ناويه اخذ حق اخوي من غوح اخوج ولده

-ييمه شهيد اخيج

-لامو شهيد انتم كتلتوا بليلة زفته وضيعتوا اهلي حتى اتضمنون اضل اخدم جوه غجلين ابنكم السكط بدون لااحد يطالب بيه

-وهذا اخذتي حقج كومي شوفي اشلون رابطي متخبل وراج بس يريد يفتحوا حتى يكتل نفسه قبل لاتعوفي

ردت احجي وتراجعت صارت عيوني على  ضي غمزتلي كأنما قرت شنو براسي اخذت نفس وهمست واني ماغاح اعوفه  كومي كليله خلي يجيب محلل حتى اغجع لذمته

عمتي -شنو ولج ؟؟

-مثل ماسمعتي هذا زوجي واني ماضل عندي بس هو بالدنيا

-رئال الضربة اثرت على عقلج

-لا عقلتني وخلتني اعغف منو الي يحبني صدگ ويستاهل اكمل ويا  ومنو الي لازم اسحگ عليه

سكتت متفاجئه

- كومي عمه قبل لاعمي يگول غجعوها للمغكز

-يعني شنوو

-يعني طلعة من هذا البيت ماغاح اطلع

-رئال شنو براسج

-وحده تغيد تغجع لزوجها اكو غلط 

-راح تندمين

-ههه على شنو هو شنو ضل حتى اندم عليه كومي عمه

-ييمه بعدج صغيرة وقضيتج خالصة يعني تتبرئين وطلعين منها تشوفين حياتج تستقرين و تكملين دراستج ليش اضيعين نفسج ويه مخبل

- وهذا المخبل هو الي غاح يحققلي كل هذا كومي عمه اني موطلفة ولااحتاج نصيحة من احد اعغف شنو داسوي

- بكيفج واني ماراح اوكف بطريقج سوي الي يريحج

كالتها وكامت طلعت ضايجة سدت الباب وراها ضي لزمت ايدي همست  شناويه واذا رايده تضلين يمه ليش خليتي يطلكج من البداية

-اضل يم منو كل عقلج

-فريتي دماغي

- السويته هذا كله بس  حتى اشوف شكد نسبة معزتي واشكد بعد اشتغل عليه حتى اوصل للمطلوب و ابلش

-مافهمت

-الحب مايقوى اذا مايصعب من تشوف التحبه كدامك بس انت ماتكدغ توصله وبنفس الوقت ممكن تفقده اذا غفلت عنه مو مثل اليمك ومالي ايدك منه واشوكت ماحنيت تحضنه

-لاتنسين انتي بنية يعني ماعليج عدة ولامحسوب الطلاق يكدر يردج هسه وبدون محلل

-وهذا الشي محد يعغف بي بس انتي  واذا طلع منج اعتبغي صداقتي بيج منتهية

-شنو ناويه تره علگت بره رئال كلش مومال لعب اسماعيل يريد ينتحر وهيذام يتهدد يريد يكتل عمي كوه لازمي

-وهيذام هذا اول واحد غاح اسحگ عليه مغجع زوجته وواكف يباوعلي عود شوفي اني موبحالج وانتي بدون حمايتي لاشيء

-شكلج بريئة بس داحس داخلج حقد على غدر مطعم بالشر رئال منيلج هالصفات ؟؟

داارد وقطع كلامي فتحت الباب دخل عمي وعمتي رحمة ردت اكوم كال لا خليج

رجعت تمددت اجه يمي وكف باوعلي گالب خلقته تكول اني الكاتله ابنه مو هو ؛ كوه تمالكت تفسي لااتفل بوجه اخذ نفس وگال سمعي لج كل الصار بجهه وجذبج عليه بشغله الحمل بجهة

-ماجذبت اني اصلا مااعغف نفسي شكيت حامل ومن تأكدت ماعندي طفل غدت اكللكم بس اسماعيل منعني كال نسوي واحد ثاني لاتحجين وهاي كدامك لان كلت لعمتي طلكني وجان ناوي يموتني

-والله جنت ناويلج نيه اله تعيد ترباتج اهلج من جديد  بس اخ يااسماعيل الكامش ايدي عنج سمعي لج كلمتين ماكو غيرهن حياتج متعلقة بسعادت ابني طلعة منا تشيليها من راسج ماتتحركين غير للكبر

-ومنصب الضابط هيذام

-يطبه مررض محد كله ينزل نفسه ويتخلى عن رتبته لخاطر قضية وحدة حثاله مثلج غلط يتحمل غلطته وانتي راح تضلين هنا لحد ماتكمل العدة ونردج لاسماعيل خلال هاي المده تتعاملين ويا كأنما زوجته مايفرق شي تخدمي وتشوفين طلباته كلها واذا حسيت بيج معترضهة مو اسمع يكلولي تذكرين المكان الشمرتج بي اخاف جنت اخليهم ينزلولج اكل وروح ابوي حتى المي اخلي حسرة عليج منا لمن يدفنوج بس حتى يخلصون من جيفة جثتج

اشرت اي

-ماتنزلين جوه اذا ماتتأكدين ماعدنا احد واذا صدفة ودخلوا خطار وسألوا عنج ماتردين غير مساعدة جديدة جايبيج هنا سمعتييي

-لعد اشلون بعد العده من اكون زوجته

-ومنو كلج راح اخلي يعترف بيج انتي هنا حالج حال الجارية تنفذين اوامره واحتياجاته بس وحتى الطفل من يصير مايتسجل بأسمج كل عقلج اخلي وحدة مثلج تشيل اسم عائلتي

سكتت

-اسماعيل يضل بالغرفة الجوة ترحيلة ويه الفجر تضلين يمه للخدمة ماتردين لغرفتج غير من تشوفي نام

-اشلون واني محغمة عليه

-بت العاهرره تعليميني بالحرام والحلال كلتلج تقومين بواجباته اليومية موتشتغلين شغل امج النكسة

هزيت راسي

وكف باوعلي بقرف تفل وطلع رگع الباب ورا صاحت ضي شفت قذرين بس مثله لامامروا بحياتي

مارديت سكتت عدلت راسي عالمخدة غمضت واني مبتسمة تركت ضي دعي وتحجي لليل حتى غدة ماتغديت دزوا عليه عرفت طلبوني للخدمة لان الكل تكش روحه منه

كعدت باوعتلي ضي مكسور خاطرها لبالها راح اصرخ لو ابجي اتفاجأت من شافت الضحكة مرسومة على شفايفي  وخرت الغطة كمت رحت للكنتور  اخذت اتعس تراك عندي دخلت  للحمام  سبحت وطلعت شلت شعري كباية لان ادري راح تنزل خصل على وجهي واطلع احلى

شلت كتابي وطلعت تركتها وراي صافنة نزلت ليجوا البيت هادئ  والاوضاع مستقره اي صوت ماكو

دااروح لغرفة الضيوف واشوف هيذام واكف يم باب المدخل اديه بجيوبه مدنگ يتسنط لهبة تسولف ويا ؛طوله وعرضه سادات الباب ورا 

يمه عمتي لازمته من زنده واصله لنص ايده وعمي كاعد شوية عنهم يباوعلهم يضحك  طاير بيهم مبين رادة العلاقة على صوت حركتي انتبهولي اشرتله وخر دااعبر صاحت عمتي وين مولية ياوجه الشوم

-عمه لاسماعيل طالبني

-وعمه التعم عيونج انوب عليه بت الشوارع تصيحلي عمه وبعدين شرايد منج اسماعيل مو گناله منا لم تكمل العدة ممنوع تطلبها

ابراهيم - اني دزيت وراها موسخ نفسه ومايرضه واحد يساعده خلي تروح تنظف غرفته وتساعده يكمل وجبته حتى ننطي علاجه وينام

-خوش سمعي لج الولد مريض لاتنزيدها عليه اذا سمعتج فاتحة موضوع الصار كدامه لو معاتبته اخليهم يشمروط بمخزن المنظفات ماطلعج منه لمن تتربين تعرفين مستواج شنو سمعتي

اشرت اي

-يله ولي

درت وجهي دااروح صاحت هبة انتظري

وكفت گوه لازمة اعصابي

-حاولي تكملين اسماعيل بسرعه وطلعي غسلي سيارتي

عمتي- ياا ولج اخذيها للغسل

-عمه اريد اطلع ويه هيذام  مالحگ  وبعدين شنو ضالة هنا اربع اشهر تاكل وتشرب بلاش اقلها خلي تستفاد منها بشي

شلت راسي اباوع لهيذام الي اصلاً مو يمه ولاتحرك من مكانه مدنگ يورث بجكارته اخذ نفس رفع راسه نفخه وباوعلي بعدم اهمية

همست تمام تأمغين بشي ثاني

هبة - لا بس عينج بيها تره هاي مو مثل السيارت البيئه الجنتي تشتغلين عليهن

هزيت راسي مشيت دفعته عن طريقي عبرت من يمه تركت عمتي تصيح لا صلافة هاي بعد لاتخاف ولاتحسب احساب لاحد

عفتها تلغي وراي ورحت لغرفه اسماعيل فتحت الباب دخلت لكيته نايم ايده مشكلة بركبته وجهه باهت شافني كال وين جنتي صاار ساعة من دزيت وراج

-جنت دااسمع اهانات اختج وطلباتها

-تستاهلين وبعد ماادافع عنج منا لمن تردين لذمتي

-ومنو كلك اني اغيد اغجع

-غصباً عنج ترجعين والله مستعد اذبحج وانتحر وراج ولااخليج تعوفيني

-جان فكغت بيها قبل لاطلكني وتدغي غاح اتحغم  عليك

-انتي استفزيتيني  ولااا لا ماتتحرمين عليه اتفقت ويه واحد راح يعقدج ساعة ازمان بدون لايلمسج بس هيج كدام اهلي يحللج الي وترديلي

-ماتكدغ تغصبني

-اغصبج مثل ماضيعت عائلتج بكلمة  اكتلج رئال تعرفين شنوو اكتلج انتي  مالتي محد ياخذج مني ولاراح يجي يوم تفكرين اطلعين مناا

-يعني شنو

-يعني تصيرين ادميه وتضلين بالغرفة يمي لمن تخلص العدة اردج لذمتي واخذج ونروح للمشتمل نعيش هناك وبعد ممنوع اطلعين للباب

-لعد وين وعودك وين الزفة والبدلة

-اجيبلج بدلة ونسوي عرس بينه اني وياج وهاا حجيت ويه الدكتور كال شغلتك سهله راح ينطيني منشطات وعلاج حتى اكدر اتزوجج ويصير عندج طفل من اول مره بعد ماعندج عذر تعوفيني

-وهيج متخيل غاح اتقبلك

-مااريدج تتقبليني المهم تضلين وياي كافي اني احبج لااني مو احبج اني مااكدر اتنفس بدونج امووت تعرفين شنو امووت

-والي يحب مايأذي

-اكتلج  واسحگ راسج واخليج  جوه رجليه بس تفكرين ترحين تعرفين ليش

باوعتله همس بكسرة لان اني مريض بيج  النوم ماكدرت انام والله  مگابل الباب وگاعد اخاف طلعين وتركيني وحدي وساعتها انتحر وراج

-لهيج خليت ابوك يطلع جاسم ويلعبون هالعبة حتى يموت غزوان ويضيعون اهلي

-اي ومستعد اعيدها وهالمرة اكتل اهلج كلهم بس حتى تضلين يمي

عضيت شفتي

-رئال احبج والله

-واني هم اموت عليك بس لاتعاملني هيج

-مااعاملج وراح اخليج فوگ راسهم  وادللج وشنو تردين اسوي بس انتي لاترحين

-مااغوح اصلاً اني مشتاقتلك ونزلت حتى اشوفك

-تحجين صدگ ماجذبين عليه

هزيت راسي

-ماكرهتيني لان كتلتج

-بس ضجت لان طلكتني

-راح اردج لذمتي واخليج ملكة وانفذ كل اوامرج

-مم  بس هاا اول طفل اني اسمي

هز راسه اي والفرحة مالية روحه  مامصدگ راد يكوم ركضتله لزمت متنه عدلت المخده ورجعته انتجه ريحته وين واصله كوه اتحملت مااتقيأ

-احبج

همست واني هم وهسه تصيغ حباب خليني ابدل الديباج حتى نكعد ناكل وبس نخلص اجيب الطاولي نلعب لان ضايجة

-اي اي

-تانيني مو تنام اجيب اكل والطاولي واجي طياغه

ضحك واشر اي درت وجهي قرفانة من نفسي واني اشوف دم اعز واحد على كلبي گدامي ولازم اصبر بس بنفس الوقت احس روحي خفيفة واني افكر  اشلون اخلي حبي بگلبه يتضاعف 

ركضت طلعت لكيتهم ماكو عرفته المهتلف ماخذ مرته وطالع عالاساس راح اهتم مايدري راح اطلعهن اضاعفه من عيونه

شلت الطاولي  اخذت اكل طلعت من المطبخ  داركض صار عمي بوجهي ضميتهن وراي وكفت سويت روحي خايفة ضحك كال روحي بابا بس مو تغلبي وتضوجي

- لاعمو هو خوش يلعب والله بس هم اغلبه

-مم حتى اكسر راسج

-شنو تنطيني ومااغلبه

-ههههه انتي بس صيري حبابه وخلي راضي عنج واني اخليج فوك النخل

ابتسمت ورحت اركض دخلت اسمع عمتي تحيل بي وهو يكلها عوفيها تره طفلة هاي ماتفتهم شوفيها اشلون اطفر فرحانة  تريد تلعب ولاتكول هسه جنه نرزل بيها

سديت الباب لكيت اسماعيل شامر الديباج ومغير بجامته منتظرني يباوعلي بلهفه يريد ياكلني

واني راح اعلمكم من الطفلة الي نهيتوا اهلها حتى تضل تخدم الخبل ابنكم ويستعملها فار تجارب لقذارته

خليت عالغراض عالجرباية جبت ديباج جديد غطيته صعدت التبريد وتربعت كدامه فرشت الاكل وفتحت الطاولي بلشت اكل والعب اشكد مااحاول ادلل عليه واسوي حركات طفولية  حتى اخلي يتعلق اكثر؛ اشگد مااشوف ضحكة غزوان بتعب هو ويتوسل بيه اصيحله راية

مر الوقت واني على نفس سوالفي دلع واطفر  وصدگ صار مثل ضلي منين مااتحرك وهو وياي عيونه عليه لحد ماتعب انطيته علاجه وضليت ويا منتظرته ينام حتى اصعد ليفوگ

كاعده يمه واسمع صوت بسطال هيذام عالدرج تكول مدرعة امريكية تتحرك  مو بشر عرفته رد هو ومرته همست اسماعيل

-حبيبتي كولي

-اشلون غجعت علاقة عمو وهيذام

-ابوي من شافني اريد انتحر كال لهيذام اتنازلك عن بيت ابوك  مو هذا كل مشاكلك عليه بس بالمقابل تعوف ابني يعيش ويه مرته واذا على الرتبه اعوضك مكانها بمنصب زين

-وهبه غجعها مو

-اي راح ياخذها هيه وعمتي رحمه ويروح للمحافظه الي راح ينقل شغله بيها

-اتحققت احلامك كله بكلمة من ابوك

-لاحلمي الحقيقي اشوف ابن هيذام ميت وابو متخبل ورا

-ليش هيج حاقد عليه

-ماتعرفين شنو سوه بيه وشلون جان يحركني ويعذبني

-شنو السبب شمسوي الي يخلي يسوي بيك هيج

صفن بوجهي مثل الي اتذكر شي تغيرت نظرته عصر نفسه عيونه عالباب تكول راح يدخل احد يكتله

اباوع لشفايفه ترجف والنفس كوه كام يسحبه  خفت لايصير بي شي  كمت بسرعة قفلت الباب وانطيته بعد علاج من كد مامشدوه مرتين غص هو ويشرب بالمي رد لفراشه عيونه ماتخطت الباب لحد مانام 

كمت طلعت سديت الباب صارت كدامي المساعدة اشرتلي اشش وباوعت فوگ عود تنبهني المهتلف نايم لاطلعين صوت

هزيت ايدي وصعدت بكل حيلي ادبج ادبج بطرانين لاتزعجي والله شنو نايم ويه السنيورة هاي اذا ماكاتلها وماكل جثتها البول تيري

وصلت للباب فتحته بدفرة بعدني ماداخله ونفتحت بابه  طلع بطرگ البنطلون عيونه حمر مبين جان نايم

انتبهت هبه عالفرشه لابسه ثوب منام اسود بسرعه سحب الباب ورا يحجب الرؤيه درت وجهي مامهتمة دخلت للغرفة رجعت سديت الباب بدفرة دااقفلها ونفتحت حيل حتى مالحكت اوخر  صرت وراها دفعتها ضغط اكثر انجعصت صرخت لك حمااغ غااح امووت

فتحها وسحبني من شعري لزمت اديه دنگ عليه اشر شنوو

-مو وياك  دااقصد عالباب

-شكو صاعدة

-لعد وين اولييييي

-مرررض صوتج وتنزلين لغرفة عمتي تنطمرين يمهاا

-موهيه بكيفك

-شنوو لج كالها ورفعني من شعري صحت مووياااك

-سمعي لج راد تعبان اريد انگبر ساعة كلش مافارغلج تنزلين يم عمتي واذا سمعت صوتج ادعبلج وشمرج يم الزمال الماخذته تكملون فتره النقاهه سوه

-مااغيد اغوح اغيد انام بغغفتي

-شنوو

-غغفه عمتي بيها بس جغبايه ودغع يغفس

-شتلغين انتي

-اااه شعغي غاح ينبتغ لاتجغني

-تتعمدين بالتغوغي لو شنو فلمج انتي

-ماغوغي بس جوه ماانزل مغه ازغ ماتقبل تخاف ابنها يختلط بيه

-انتي وجودج بالبيت كله غلط

-محد كاللكم جيبوني

-مصدگه نفسج انتي

-اي من عغفت سعغي بيت ومنصب

باوعلي ساكت سحبت شعري اجت  ورا هبه لابسه لبس حتى استحي اباوعله مو اوكف بي صاحت شكو حبيبي

مارد اندار دفعها انشمرت مسافة طلع وراها سحب الباب بيده سده

رجعت لفراشي كعدت اسمعه دخل لغرفته وسد الباب صار الكتاب كدامي من حركه كلبي  شلت وشمرته عالباب بكل قوتي

صاح رأأأأأأل

لميت رجلية لحضني احس جسمي كله يرجف من الحركة

خليت راسي بحضني غمضت دقايق واسمعه طلع من غرفته وصوت دبجت الدرج تصحي الميت  درت وجهي للجهه الثانية شوية وانفتحت الباب شلت راسي دخل درع صاح رئووول ضحكت سد الباب واجه يركض  كعدت شلته بوست خدوده همست ليش لسه كاعد هسه يسمعك المهتلف

-منو هذا المهتلف

-وحش مثل الجلب يكتل العالم وياكل جثتهم

-هسه اكول لبابا  يكتله قبل لاينام

-عوف ابوك شصعدك هنا وليش لسه مانايم

-جنت نايم بس بابا كعدني كال روح يم رأل تخاف وحدها

-لاشهم البول تيغي واكيد غجع غكض لحضن الزباله مالته لاتنزعج

-شنو يعني

انفتحت الباب دخلت ضي اشرتلي هااي

-بعد جان جبتوا عمتي ليش ضالة وحدها

-هههه شكو شصاير

-سلامتج ليش اجيتي

سدت الباب دنكت شالت الكتاب اجت يمي تكلب بي كوه كاتمة ضحكتها خلته عالجرباية وكعدت تباوعلي  اشرتلها شكو 

-مم ماكو شي بس اكو واحد خابرني كال صعدي يم عالم هديها باينها اتسودنت لاتشمر نفسها من البالكون

-وليش حتى اموت غوحي بس لامصدگ نفسه فد شي وكاتله نفسي عليه تغه ماشايفته اصلا

-صح بس اهدي لا تعصبين

-ضيي لاتستفزينيي وكومي نزلي يله داغيد انام

-صوتج تره هيذام استوه رد لغرفته وهذا من النوع الي يحب الهدوء ونومته عزيزه مستعد يعدم المقابل  اذا حس بأقل نفس 

-ويله دااشوف اشلون يعدمني كوم دغع دنلعب لعبة حلوة

طفر درع فرحان وضي ضحكت لبالها ماراح اسويها

سحبت الكوشه  وكفت درع يم الميز واني يم الكنتور حتى الصوت يصير اعلى وشمرت الكوشه نلعب جزائات

صوت صراخ درع عالية ويه وتكمزي  من غير ضي الميته ضحك علينه  كلما اشوت تجي بشغله عالميز  توكع  خبصنا القاط الثاني اكثر من ساعة وحنا على هوستنا لمن بهتنه وهو ماله اي نفس

اباوع لدرع تعب كسر خاطري يباوعلي براءه ضجت من روحي اشلون استخدمه اداة اغيض بيها المهتلف استحسفت عنده ابن مثله؛  شمرت الكوشة ورحت شلته خليته عالجرباية غطيته وكعدت يمه ضحكت ضي صحت ومغضض

-والله انتم موطبيعين

-اني لااا بس هو اي واحد مهتلف مايعغف بس التسلط لباله العالم كلها عبيد جوه ايده

-مم صح بهاي اني وياج بس يمكن قبل لان صار ساعة عيني بالباب منتظره اشوكت يدخل يشيلج فلقة بس الضاهر راحت الفرعنة ويه الرتبة

-ماغاحت كولي دايخ بزبالة مالته

-منو زبالة بس لاهبه هاي التنگرط كولي غيرها وشغلة دايخ اني وياج وحقه غير جنها العافية وتلمع هسه تلكي خالها بحضنه محتار منين يبوسها

-ضي كومي ولي لبيتكم

-ههههههه شبيج

-مابيه شي بس تعبت اغيد انام عندي گعده من الصبح لاتنسين اني هنا خدامه لحد ماتخلص العده

- يخسون تخدمهيم تسوين راسهم

هزيت راسي سحبت الغطه اتمددت يم درع

-رئال شبيج ليش ضجتي تره اتشاقه وياج والله

-ههه تدغين باعني

-منو كلج

-صح اذيته وصح اعغف نفسي مااسوه بس ماجان اله داعي يحسسني بهالغخص تدغين من سمعت شنو حسيت ؛ حسيت اني لاشيء ماموجودة

-تره زوجته من زمان راد يردها لخاطر ابنه ولالبالج بحالها والله لان يريد يبعد حتى يأمن على درع

-ههه واني شدخلني تغه كل الي يمهم شغلة اكملها وختفي

-ماكلتيلي شنو ناويه

-جنت حاسبه حسابي اسماعيل وابو بس مادامه بلش ودخل نفسه بالتحدي خليني اتسلى بي منا لمن اكمل شغلي وياهم حتى اعغفه مقامه شنو

-تتسلين بهيذام ؟؟

-اي وشنو هيذام ليش الكل خايف منه تغه واحد مهتلف تافه بس يهدد يضحك عليكم بصوته كلشي مايكدغ يسوي

رفعت حاجبها

-تغدين اغوح هسه اسحله واثبتلج اشكد جبان

سكتت

-مامصدگه اكووم ؟؟

دترد واجاها مسج فتحت فونها باوعت بي وعضت شفتها كوه كاتمه الضحكة

-شكو؟؟

-واحد يكول هيه نومة وطارت  خليها تجي لخاطر اعلمها الهتلفة اشلونها

سحبت الغطة غطيت راسي هسه اني اشوكت ابطل حالحالة  انفعل بسرعة واحجي بصوت عالي

مرت الايام واني محبوسة ممنوع عليه  الطلعة لاي مكان البنات خلني براسهن و عمتي كامت تتحجج وطلع اشياء من جوه الگاع وتزرعها براس اسماعيل وتخبله ماتركته لمن خلته يحكم عليه اگابله واكعد حتى الحديقة صارت حسرة بكلبي من غير العلاج الي كام ياخذه من الدكتور حتى يتعالج  بديت الاحظ عليه صدگ يتحسن وصارت نظراته مشمأزه كم مره حاول يسحبني اله للتجربة وهدده  اكول لعمي يبطل صار يحسب للعدة احساب

بديت افقد صبري احس نفذت طاقتي كلها  بالاخص من يجي احد واظل محجوزه يمه بالساعات حتى لايشوفوني اكعد لامه رجلية والخوف ياكل بكلبي اباوعله كاره نفسي وكارهه الحياة بكبرها توصل بيه اتخيل غزوان كدامي واكعد اعاتبه واحجي ويا بحرگة كلب  تكول الموت بيده وهو الي اختاره

ابشع شعور من تحس نفسك سبب ضياع اهلك  واليزيد وجع گلبي هالة وهبة من يوكفن كلمن تسولف بأهلها وتتباها بنسبهن وزوجها ويباوعن لاسماعيل وقرفه ويضحكن يحسسني هذا مستواج لاتعلين عينج

اكتم كل قهري وانفجر بوصول هيذام مااعرف ليش بس احسه هو سبب كل تعاستي بالاخص من اسمع هبه تتلكاه  اول مااسمع صار هدوء بالبيت وصوت ضربة بسطاله قربت اركض اقفل الباب و اكعد كدام اسماعيل

ابلش بسوالف طفولية اخلي يشاقيني ونضحك بصوت عالي   ماابطل لمن اسمع البيت يشتعل من الصراخ التكسير والكل يركض مخبوص  مايعرفون شبي لان يكوم يدور حجج من جوه الگاع ويشتعل نار  حتى الحرس مايخلصون منه الي يجي بيده هاي مكتوبه عليه يجرم بي  مايهدأ ولايسكت  لمن يشوفني اصعد لغرفتي

وهنا يدخل  بمرحلة ثانية الحرب النفسيه لان   اسماعيل ترك العلاج وصار متعلق بيه لدرجة بعد مايگدر يكعد دقيقة بدوني كوه ابو لازمه يقنع ماضل هواي للعدة وتخلص

كاعده وكت الفجر شبعانه نوم عيني بضي تدرس انداريت ردت اخذ كتابي لزمت ايدي كالت كافي رحمي انتي ماتملين

-لا لان كل صفحة  تذكغني بوحده من خواتي مثل صفحة سته هنا صوت غؤيا وهيه تصيح  على ماما حتى تنطيها عصتها صفحة ثمانية غايه وهيه تخلي كدامي الصوبه لان تعغف اذا لزمت الكتاب افقد صفحة ستين هنا تكعد يمي غنود لان اكو قصه تحجي سوالف طفلة  لازم تسمعها مني كلما اعيدها؛  ونهاية الكتاب… سكتت ماكدرت اكمل باوعتلها بكسره

-غزوان

-كلمااختمه  اكله اشوكت تجيبلي كتاب مو مليت هلكد ماعدته تدغين شنو يكلي

-يبعد اختج بس صبري عليه

هزيت راسي ونزلت دموعي همست اشتاقيتلهم اشتاقيت لكعدتنا يم ماما هيه وتمشطلنا اشتاقيت لكعدتنا الصبح على صوت غزوان هو ويغني  وطلعتنا وحنا نغگض لان متعطلين اشتاقيت حتى لخوفنا من بابا وحده تنضم الثانية  تعغفين شنو تحسين من فجأه اهلج يختفون ويصغون ذكيغيات

-كومي ننزل جوه

-ممنوع عليه اني حيوانه مالي اي حق اخدم  بس انفذ اوامغ

-كافي بجي بروح اخوتج كومي رئال بداعتي

-اشوكت تخلص العدة مو والله كلبي خلص بعد مااتحمل

-وتخلصصص رئال شناوية

ردت احجي وخفت احد يسمع لو تفلت منها كلمة بدون قصد ويضيع تعبي كله اكتفيت بالسكوت

شمرت كتابها وكامت  وجرتني فتحت الباب طلعنا الدنيا ظلمة ماكو احد الكل نايم نزلنا طلعنا للحديقة رحنا جهة المرجوحة  لكينا ازر كاعد عالميز ويمه دسار خال اديه ورا راسه ومغمض وهذا صارلي اشكد ماشايفته بسبب حبستي

سحبتني حتى ماسلمت دفعتي عالمرجوحة كعدت اجت كعدت يمي صاح ازر يابه اشلونهم الربع

ضي- ازرر اطلع من راسييي

-ومنو حاجي وياج انتي

-وداعت بابا ياارز كلمة ثانية اخذ بابا واطلع منا وانعل ابو اليمنعنا

-شبيج بنتي ليش ضايجة

-اني موبنتتتك ولاراح يجي يوم اسمحلك تكون بهاي المنزلة لان الصراحة هاي الكلمة جبيره عليك

هز راسه وسكت؛ عدل گعدته دسار عدل دنگ يفرك براسه صار هدوء دقايق واسمع احد اجه عرفته من صوت ضربة الگاع تكول يطلب  ثار

اجه شمر سلاحه وجر  الكرسي كعد سحب باكيت الجكاير  طلع وحده دنگ ورثها اخذ نفس رفع راسه باوعلي نفخه  ودار وجهه لدسار كله شسويت

دسار - شسوي هاي گدامك مثل الجلب محصور بجامع ياهو اليجي يهفه تفلة

ازر- انت هم مااعرف اشلونك احجي واحسم الامر

- الله لايورطك بهيج موقف شايف الزمال من يتيه  طريقة هاي اني وكفت اتصفن احتاريت شحجي واشلون ابرر

-كلتلك ونصحتك من البداية

- يابه وعلي ماترهم البت صارلها وياي خمس سنوات وكفتلي بأصعب ظروفي شكللها والله المهمة الي تخليتي عن جامعتج لخاطرها وتغربتي عن اهلج بس حتى تسانديني  لكيت بيها بينة وحبيتها واني كلب ابن كلب مو گد كلمتي

- جااترك ذيج

- كل عقلك وكلام الله اترك الدنيا بكبرها وماتركها  وراح اردها لحضني غصباً عن ابوها

-هه ماراح تقبل بيك

-بس خلي احصلها وهين الباقي

هيذام - بالمناسبة اشسويت بشغلة الدغش

-صح الحكم بعده بس نگدر نفرها سهلة

ارز - يادغشش بس لاابو عگرب   هيذااام شجاي تلعببب

هيذام -وين اللعب زلمة كمل محكوميته وتاب

- منوو التاااب الدغشش ولك هذا اخطر واحد بتاريخ الامة  هيذام لاتخبلنييي اذا طلع تعرف شراح يصيررر

-كل خيررر وشغل اكبار لادخل نفسك بي وعود اختل عدل بظهر ابوك  لخاطر لايلوحك الطشار

-يااخي  اشكد ماصارت مشاكل بينكم ماتوصل لهيج اذيه

دسار - وانت شبيك مرعوب الغسل لهالشوارب

- ياشواررب انتم صاحييين ولكم هذا الدغااااش تعرف شنوووو

- اي اعرفه غير ابو النسب العزيز

- انعل ابو نسبكم الزفت لابو الورطنه بيييي

ضحك بستهزاء واندارلي كال اي ام لدغه شخبارج كالوا طلكتي

- مااتصوغ الك  دخل بهيج اموغ شخصية وهم لايضل بنفسك وغاح اغجع ماضل بس كم يوم

- يااخي العرگ دساس والدم الزفت متوارث

- دمنا انظف من تفكيغكم وشغلكم الباطل

هز راسه وشال كلاص  خلاه كدام هيذام-  اشرب بلكي تتخطي

هيذام - هه ضيف عالباطل تكسير روس ورده الهم كلهم خلي يستعدون

- والله اشمااشوف مستعدين وبدل الرتبة راح يوكلوك بوري يخلوك فاقد الذاكره سنه ليكدام صدگ اشوكت تروح للشمال

-ماعندي افلوس

-ابن الكلب قبل اسبوع  استلمت اربعة

-خلصن

-وهذا اليثبت انو ماخال مكان بي حظ ماداخله اخاف مقصره وياك ختلات التحقيق حظ

-اكو زمال گلك ولي للمخابرات

-نفس الزمال الي راح يهفك على وجهك يعدل خلقتك المهتلفة ويخليك تنعل ابو اليوم الفكرت تدخل بي هيج قسم

اخذ نفس طويل من جكارته وشمرها بالكاع سحك عليها وكام رفع  سلاحه خلا وره ضهر وشال الفون وطلع كام دسار دمغ ازر وكله لاتخاف يول مو يمك الشغلة

-دسار رحمة لاهلك اجفيني شرك

- دكل تبن بهذا وجهك اليشبه بسطالي ؛ضابط ؟ حصان شرطي ؟ دكوم اخذ للولد واطلع ماضل وقت

- وين رايحين

- لگاع الحجي نحش الزرعات

- طلع الامر

- من ساعتين يله استعجل اني ماارجع لحد يتصل لان احتمال اغلق جهازي قبل لا اوصل

- هم راح ترد لنفس المكان يااخي والله ماراح تحصل شي وابعد عن ابن البدوية من غير كلشي هو مسودن ويفتر تكول ثور هايج بس يريد واحد ينطحه

- شغل كبار لاتدخل بي

- دساار  هالمرة طلعته من السجن جانت مجازفة مرة ثانية لو موهيذام لو الدنيا كلها توكفله ماراح يطلع

مارد شال سلاحه وراح لحگ هيذام استغفر ازر وكام وراهم همست ضي ربي يحفظكم

- لاتخافين ذولة حتى الموت يخاف يوصلهم دشوفيهم جنهم وحوش  ياكلون جثث اثغ للغحمه ماكو بوجوهم

- هيج يالله يكدرون للشياطين الي ديدمرون البلد مايختارون احد لهيج مهمات اذا مايشوفوا يتلاوه ويه الموت وشرط يسحگ بي

-هم اكو ضباط يموتون بالمهمة

- يي كومه بالاخص اذا جانت عصابة جبيره وصارت مقاومة لو لزمولهم راس جبيره هنا الاغتيالات تشتغل حتى يضيعون الملفات ويه جثته يله كومي قبل لايكعدون هم انتي تلحگين تنامين ساعه قبل لاتبلشين بالقرف واني اقرالي كلمة

كمت رجعنا للغرفه صدگ اني نمت وهيه كعدت تراجع

كلما يمر الوقت الخوف يسيطر عليه اكثر احس فكري يتشتت خايفة على لحظه افقد السيطره واضيع كلشي بغباء

اسماعيل زادت حالته وصار مثل خيالي كلما يحس عليه اعانده يذكرني بأهلي اشلون كدر يضيعهم مثل مايگدر يخليهم يسوون بيه عاهه حتى انجبر اضل ويا

من غير ابو الي صارت شوفته تخنگني وبلش يحضر اوراقنا من تحاليل وعلاجات منتظر العقد  حتى يجبرني اسوي طفل انابيب ويضمن بقائي ويه ابنه مايدري منتظرة يوم العقد اكثر منه

عكس هيذام الي اشكد مااسوي واتجاوز بحقه مايرد يدنگ ويسوي روحه مايسمعني مااعرف ليش هيج هادئ

…لامه رجليه لحضني وكاعده يم البالكون عيوني عالمشتمل  مالتنا اشلون  يلحمون بالشبابيج ويركبون بيبان محكمة فززتني ضي وهيه تكول ماعقلتي

-منو كلج اني مخبلة

-تعرفين ذوله شديسون

-اي

-لا ديأمنون البيت حتى يشمروكم بيها ويمنعوج اطلعين

-ماجان يعتاز يسون هيج لان اني ماغاح اعوفه

-لاااا راح تنهزمين وهمه متأكدين من هالشي  ولان حيوانات وبلا ضمير سووا هيج حتى يجبروج عليه تعرفين ليششش

-مااغيد اعفغف

-لالازم تعرفين تره اسماعيل...

سكتتها عمتي بدخلتها وهيه تركض صاحت  كومي ولج بسرعه اجه الشيخ

كمت متفاجأه اباوعلها بصدمة مامفتهمه شنو تحجي

-شبيج صفنتي تره اليوم خلصت عدتج كلنه تربية شوارع بس مو هم خوثه المهم سمعي راح يعقدج وافقي من اول سؤال مكملين كلشي مااريد اسمع اي تردد يشككه بالموضوع سمعتيي

-اشوكت خلصت العدة تغه بعد يومين

-يايومين تعلمينه الحلال من الحرام بت الشوارع يله لج لاتأخرينا امشيي العالم امتانية

-شنو امتانيه منو هذا الي غاح اصيغ بأسمه

-مالج شغل نفس اذا سمع عمج يكسر ظهرج ماطولين ساعتين بين مايجي شيخ ثاني انتي مطلگه حتى نردج لاسماعيل

-وليش هيج  مستعجلين

-رئال وداعت ولدي الي ماعندي غيرهم ياروحي واصلة للاخر كلمة منج وانهيج نهائيا ماعونت الله يهديهم ويتراضون  امشي وياي خليني نخلص من هالمصيبة الي نزلت على روسنااات

ردت احجي وسحبتني حتى ماانطتني مجال احجي مو اعترض دفعتني بره الغرفة صار كدامي عمي وازر يم باب الممر مدنگ  صفنت حسيت روحي فقدت السيطره مااعرف اشلون غلطت بالحساب 

اباوع لعمي شكله متوتر مثل الخايف اشرلي بسرعة نزلي وگفت متصنمة محتارة شسوي عرفت نفسي انتهيت -  هزيت راسي لااا

خزرني وصعد ضاغط على سنونه جرني من ملابسي نزلني سحل وصل يم باب الاستقبال كعدني بكل قوته عالكرسي اشر ولا نفس ودخل جوه سد الباب اجت عمتي تركض وگفت يمي  وهبة وهالة كاعدات گدامي كوه كاتمات الضحكة صاح الشيخ يالله بنتي رئال جاسم  تسمعيني

اريد ارد انعگد لساني خزرتني عمتي وردت مكاني اي تسمعك هاي

-تمام بنتي عندج علم  موكلج رافد سعيد الدغش

عمتي- اي شيخ تدري

-ميخالف لازم نسمع صوتها وناخذ موافقتها

-توكل شيخنا

-بنتي رئال جاسم موافقة على زواجج من هيذام عدي ال-----

لاتنسون التصويت ❤️

شيء من رصيف الدم

بقلمي: leo Alfatlawi

بارت الرابع والعشرون

***رئال***

هو يحجي وگمزت هبة اجت تركض لزمت عمتي فاتحة عيونها على كبرهن اشرت شنوو

عمتي- بس على كيفج اهدي  ساعة  ويطلكها

- شنوو ساعة وبابا اشلون رضه مو عالاساس تزوجوها لواحد من الحرس

-ماقبل هيذام كال تردون تفضحونا وبعد كم يوم يسولف لجماعته ويطش الخبر ونروح ورا الشمس لاتنسين ابوج مطلعها على مسؤوليته وهم فكرنا صح ؛ وهم نخلص من هوسه هيذام حتى  يترك قضيته لان نعرفه اذا صارت بأسمه حتى لودقيقة وحدة بعد مستحيل  يفكر يردها للحجز

- وتساوون هاي الحثالة بيه

-خدامة مااخليها جوة رجليج يااخليها براسج ولج ساعة بين مايجي الشيخ الثاني يطلكها كل عقلج انتي تدرين ابوج عرض عليه يسجل البيت بأسمه ويعوضه بمنصب يسوى منصبه اضعاف يالله قبل يسوي هيج

رادت تحجي وصاح الشيخ بوية انتم وياي

عمتي - اي شيخنا نسمعك  كمل

- بابا رئال اذا موافقة سمعيني صوتج حتى نتوكل ونلبش بالعقد

شلت راسي لكيت ضي واكفة عالدرج تباوعلي دموعها تنزل وتضحك  سوه اشرت اااي

لاارادي  طلع صوتي واني اكول  نعم

-على بركة الله كالها وبلش يعقد

هو يحجي واني جسمي كله يرجف اباوع لادية اريد اسيطر عليهن اسدهن مااكدر دكات كلبي تريد تطلع من صدري احس روحي بداخل  حلم لحد ماصحاني صوت هيذام وهو يجاوب

غمضت اجه غزوان بعيوني نزلت دموعي همست كلها دقايق راح البسلك الاسود وابجي عليك

حسيت ايد على متني فتحت عيوني ؛ عمتي يمي واكفة تخزر بيه بكره مسحت عيوني اسمع الشيخ يبارك لهيذام وصوت رجال خشن بي نبرة تعصر الروح يگله وهاي رفة گلب ابوها صارت الك كل دمعة مكانها روح

هيذام - بس اثبت لخاطر لاشيل گلبك من الاساس

-خليك مثبت على كلامك لحد مااكملك المهمة  وارد الباقيات ياابن النظام

-اثبت واسحگ روس تتحرك بهدوء حتى  لااخلي طشارك اعلى من روس الخونة

- مو رافد الدغش الي يطشر راسه ولابت رافد التنغصب على شي مارايدته

ديرد وجرتني عمتي مالحكت اسمع شنو حجه اخذتني سحل للتخم دفعتني كالت كعدي هنا لاتتحركين

هبه - منو هذا الرجال اشو يهدد وصوته يخوف

- يمكن شيخ خاص وكيل عن القاصرات الماعدهن اهل وعنده وحده من اهله جوة ايد هيذام الي هيج ديگله

-اسماعيل بالاستقبال

- لاخطية  كاعد بالحديقة منتظر راح يمه ابوج الدنيا ماسايعته منو جان يصدگ هيذام هيج الله يهدي ويوكفله

- كون عاد يلزم لسانه ومو كل شوية يطلگ وتعال هم لزموا حراسة كم شهر وخلي گلبك بشيشة اخاف احد يدخل ويشوفها

- لااليوم يكمل المشتمل  گبل يعقدها ويرحون هناك بعد لايوصلون هنا ولااحد يوصللهم خلينه نرتاح شوية

- مم واني تعوضوني بدل هالموقف سفرة اني وهيذام على حسابكم

-والله على حسابي شهر كامل  بس قنعي

-اقنعه بس مو هلكد عمة دخيلج  شهر وهيذام عزة غير ارد بعربانة معاقين

- ههههه لاتغير هيذام رب الي خلاه يخلي ايده بأيد ابراهيم بعد الحرب الجانت بينهم مايدللج ويغير تعامله وياج

- صدگ بابا راح يسجله هذا المكان  كله اله

-والله شكلج خلي بخلصنا الشغلة هسه وبلكي يقنعه بفلوس لان تعودنا هنا وجماعته ماخذة رجلهم عليه

- لعد شنو عمه قابل نطركم صدگ دتحجين مالج شغل اني اقنعه بس هااا من هسه اكلج اسماعيل ومرته ممنوع يدخلون لهنا الصراحة مليت واني اتعذر لصديقاتي يجيني هم اريد اخذ راحتي

- بس اليوم اتحملي وان شاء الله يتم كلشي ونرتاح اووف صدگ هيج وفضت على خير بينهم الحمدالله يارب

قاطعها هيذام  بدخلته اباوعله ملامحه كلها شر تگول داخل بين شياطين مو بين اهله صاحت امه يمه ها خابرتوا الشيخ

دار وجهه كأنما مايسمعها  اشر لضي راحتله تركض دنگ همس يم اذنها هزت راسها اي وضحكت دمغها ودفعها دخل بدون لايباوعلي راد يصعد

راحت امه ركض صارت بوجهه باسته من متنه وكالتله هسه رضيت عليك صدگ

- هه ومنو گلج اني منتظر رضاتج بعدي عن طريقي

-انتظر تره هبة زعلانة

-سفطيها بصف ابوها انام ساعتين واگعد اراضيهم سوة

-شنو راح تنام لعد والشيخ راح يجي

-ينگبرررر يم رجلج لحد مااگعد راح اصعد اذا حسيت نفسس مو اسمع صوت كفيلج محمد انزل احرگ ابهاتكم سمعتييي

-اي اي اهدأ شبيك هسه اطلعهم بره بس ردت اسألك شسويت ويه عمك 

مارد دفعها وخرها عن طريقه وصعد صوت دبجت رجله عالدرج وحدها تسبب رعب من شوفة وجهه

دارت وجها تباوع لهبة وتهز بيدها ماعاجبها اشترتلهن يلا وندارت طلعت كامن لحگنها  اجت ضي گعدت يمي كوة لازمة ضحكتها اشرت شبيج

- كل هذا الصار وتكولين شبيج

- تغه كلها ساعتين ويطلگني

- صدگ رئال لو جان واحد غيره شنو جنتي سويتي بعد هالحصرة

- مااقبل اكيد

- راح يغصبج

- ماعندي شي اخاف عليه شنو يسوون يهددوني بالحجز عادي المهم ضمنت ابنهم يموت بدوني وبس اطلع منا يتخبل

- تدرين گاعد هسه يم ابو حلگه شاكه من الاذن للاذن الدنيا ماسايعته عينه بالساعة اشوكت يجي الشيخ ويردج اله

- حقه صاغ كم شهغ متاني هذا اليوم يله ماضل هواي كلها ساعتين  خلي يزيد حماسه اكثغ

-حتى تكون الضربة اقوى موو

ابتسمت

- مااتصور اقوى من الضربة الراح تحصليها

-كال ما الي يمج بس منصبي وهياتني كملت شغلي بقه اخغ صفحة من قصتي وياهم اغلق الكتاب وغجع ويا

- وخواتج مافكرتي بيهن

- مااكلج مامشتاقتلهن بالاخص غاية بس حرگة گلبي على غزوان طفت شكو حنية بداخلي

- تكدرين تكملين من غيرهن

- الي گدغت ابعد عنهن كل هالوكت اگدغ حتى اعيش بدونهن واكيد غاية غاح تسامحني من تعغف اخذت حق غزوان وغؤيا غاح تبطل تكول عني ثولة بعد ماتعغف شلت عنها قضية جاسم

-راح تشيلين قضية ابوج

- بعد ماانهزم وادز صوغ لابنهم بالبدلة واتأكد منه اتخبل ودخل المصح اغوح للمغگز اقدم بجاسم شكوة بالتحغش وبالتعاطي  وحتى بالخطف غاح اكلهم خاطفني من جنت طفلة وسجلني بأسمه حتى يشغلني وجان يهددني اذا حجيت يبيعني لاصدقائه  واطلب تحليل دم

- هيذام يحرگج

- لو ماهيذام جان هسه كاتلته وماكله احشائه ولاتخافين على هيذام  اول وتالي غاح اغجعله كلها كم يوم بس خلي يطلگني بالاول حتى اگدغ اتحغك واكمل البديته

- بديت اخاف منج داحس اكو اجرام بداخلج رئال شصايرلج

دااحجي وقاطعني صوت هيذام وهو ينزل بيده الفون مخبوص  اجه بسرعة دنگ شال السلاح جان عالميز وطلع يركض ويصيح بعلوا صوته اخذواا الولد وطلعوا گدامي احموووااا

دخلت عمتي تركض على صوته بعدها ماحاجية ودخل ازر يركض صعد فوك بكل سرعته ثواني ونزل بيده سلاحه لزمته امه صاحت وين ولك

- گلتله لااااا طلعه كلتله راح يحركهااا بيناااا

-منو هذااا الطلعه

- سألي ابنج اخاف عايز اجرررام كملها بالدغششش

-ولك شكووو لاتوكف گلبييي

- ماكوو شي بس وخرري عن طريقيي رحمة لدينج خلي الحگ

- يمه سودة بوجهي وين تريد واخوك ليش هيج انخبص وكلام الله ماخليك تطلع اذا ماتكلي شكوو 

- لازمين اكبر خلية بمساعدة الدغش والخبل ابنج رايحله يساندة وحده واذا لگفوا حتى جثة مانحصله بعد

لطمت على وجها وهو طلع يركض همست ضي دساار

-شنو دسار ؟؟

-دسار صاحب شكو شغلة عوجة يخنس ويصيد الروس الكبار صارله يومين مختفي وهيذام مخلصها مخابرات بالختلات عرفت ديحضرون شغلة جبيرة والي ساندهم ويزودهم بالمعلومات هذا الديحجي عليه ازر

-لعد موتكول عمتي هذا شيخ يكفل الماعدهن اهل

- ها اي وگد مايفتر بالبيوت ويعقد بنات قاصرات صارت عنده معلومات عن شكو بيت  مشكوك بأمره

- واذا ماكدغوا يلزمون الخلية شنو يصيغ

- كلشي ماكو بدل مامطلقة تصيرين زوجة شهيد

- عززة

دخل عمي وورا اسماعيل والبنات كال شصاير

عمتي- هذا شيخ دغش الجبتوا  يكفل رئال منطيهم مكان خلية مااعرف شنو راحوا يركضون 

-دخيل محمددد بعده ماطلع الله ينعلك هيذااام

- شكو شصاير غير تفهموني منو هذا وليش هيج اخبصتوا بي

- ازرر ويننن

-  راح يركض ورا اخو  يمة سودة بوجهي يعني هيج  خطرة

- يكلولها الدغش تكول منووو يكلها خلية تكول خطررة صدگ تحجييبن اشلون خليتي يرووح انتي والكلببب اذا ماضيعتواا ابني ماترتاحوون

- دخيل الله ابراهيم فدوة اروحلك خابر سوي شي لحگ مابعدوا يمه ولدي راحوااا اصخام بوجهي

هبه - فكررر بعد ماخلاها بأسمه دخلته للموت

اسماعيل- شنوو بأسمه هسه يطلكها غصباً عننننه اسحگ راسج اذا عدتيهااااا

ابراهيم- يابه كافييي هسه وقت عركاتكممم

اسماعيل - ماسمعتهاااا شتلغي القندررة تگلك باسسسمه هسه تردهاا الي ولا وكلام الله افلش البيت على روسكممم

- اهدأ ااابني كلها ساعة بس يرد هيذام وتردها لذمتك كافي لايصيرلك شي

- عسى ماارد عسى راد بتابوت محمل الله يحرگ جثته ويخلصنا منه وااانتيي لج حيوااانه شكوو ضاله هناا كومي صعدي لغرفتيي يله

اشرلي عمي كومي وكمشه خايف يهدأ بي لان كام يرجف كامت ضي جرتني وياها رحنا لغرفة عمتي رحمة دخلنا واسمع صوته عاط بره ليش ماصعدت وعمتي تكله مايصير تگعد بغرفتك اصبر اشبيك اسودنت

-شنوو اسودنت شنووو اصبرر اضحكون عليه انطيتوها لهيذام حتى يردها للحجز

-ياا صدگ تحجي يااحجز  ومنو يكول يرجع عدل انطي مجال

بعدها تحجي وهو اتخبل موتكول كالت انطي مجال تكول كالتله مانردها ؛ اسمع العياط والتكسير وين وصل من غير صراخهم يحاولون يسكتوا لان انجن رسمي

ثواني واسمع الهوسة علگت الي يهدأ بي والي يتصل يريد هيذام يرد حتى يرمي اليمين والي يدعي عليه

اكثر من ساعتين وهمه على نفس الصراح لاا هيذام رد ولا اسماعيل هدأ حتى صوته راح گد ماصرخ وكسر لمن انطوا ابرة مهدأ  شوية وصار هدوء اخذت نفس براحة همست ضي ان شاء الله ارتاح كلبج

- مايجي واحد بالمية من التعب البذلته حتى يوصل لهاي النقطة

- اذا اختفيتي شراح يصير بي

- تدغين شنو جانت امنيه غزوان

- يشوف راية بدلة العرس وانتن داير مدايره اطشن جكليت

- وتدغين اسماعيل شنو سوه بدل البدلة لبسها اسود ومكان لمتنا و الجكليت خلانا نحلم نوصله و نغش مي على گبغه مو نزفه

- جان تگدرين تختصرين كل هذا وتكتلي

- واني مااغيده يموت لااا الموت هواي عليه المثل هذا يعيش حياته بمصح عالصدمات حاله حال  الحيوان النكس

- انتي حوبة سحر بي

- منو هاي

سكتت ودنگت  اباوعلها بلحظة تغير وضعها من الفرحة للانكسار

رحت گعدت يمها شلت راسها بيدي عيونها كلها دموع اشرت منو

- طفلة كل حلمها تلعب بالمرجوحة بعد ماترد من المدرسة تنتظر امها تكمل شغلها حتى تنطيها الاكل الزايد من الهمج ذولة

- شصاغلها

- نهى طفولتها بحيونته دنت نفسه على طفلة عمرها ثمن سنوات اخذها لشقته  اعتدى عليها ومو هيج لااا ماتركها لمن انتهتت بيده

- اشلون ماسمعتوا صوتها زين ماافتقدتوها امها وين عنهااا

- استغل الكل نايم الظهر وامها بالبيت متعودة مثل كل يوم تخليها تلعب بالحديقة لحد ماتكمل شغلها؛  وهيه طفلة مخوفها وكاتم صوتها صح فكدتها امها بس لكتها منتهية اخذوها للمستشفى بساعتها سوولها قلع رحم لان جان متملخ لبالهم يلحكون بس ماتحملت ماتت بدل مايشمروا بالحجز حتى ياخذ جزاته  اتكتموا عالسالفة وهددوا الاهل اذا حجوا يضيعوهم

- لهيج هيذام جان يعذب بي

- لان هو الرباها كبرت على ايده جان رايح بمهمة  من رد تكول كلبه حاسه اول مادخل سأل عنها كالوله تكهربت ضل شهرين مايكدر يدخل للحديقة حتى لايشوف مكانها خالي

- انتي كلتيله

- لا امها ماكدرت تتحمل بعد تشوف اسماعيل كدامها يطلع ويدخل وضحكه ولعبه ودم بتها اندثر

- هيذام  خبله ؟؟

- اااوف بوية من عرف شسوه لاخله حرگ بالتيزاب لا خله سحل لاخله لسعات كهربايئه عذبه اسوء انواع التعذيب اخذه هو واهل سحر بدون علم اهله لبيته كعدهم  وعلكه گدامهم كام يشلع منه لحم ويخلي بحلگه  بعد مانهى رجولته بالتيزاب ماتركه لمن اختل عقله ماتحمل كد التعذيب رده شمره كدام اهله يرجف ويتصفن محد يعرف شبي اشكد عالجوا مافاد لحد مانقلوا للمصح النفسي وهاي سنين هو هناك علاج واحسن دكاتره گوه ردوا للطريق وطلعوا وهم شمروا بالمشتمل لان يخافون منه على ساعة تجي الحالة وهم يقرفون منه لان حاجته جوا

-واهل البنيه وين

-الابو صار بي جلطة ومات والام راحت محد يعرف وين ناس تكول اتخبلت وناس تكول تمرضت وماتت من وكتها اختفى اثرها

- يعني جنت عايشة ويه واحد نفس الحيوان الكتل اخيتي

- وهاي انتي اخذتي حقها وحق اخيتج

- ههه جانت امنيتها تلزم لعابة حقيقية مو خياط من ايد ماما ياما نامت بليل تبجي جوعانه؛ تتلكانه  للباب عيونها بأدينه بلكي جايبين ويانه چبس لو حتى خبزة

- الفقير كون مايعيش

- لاا ليش موذنبنا انخلقنا هيج ولاذنبنا يحكمون علينه بصفة الضعف

- تردين تعيشين صح كون تسحكين وتظلمين والاهم تفلين على كلبج

- وذني كلهن سويتهن وصلت للنهاية

- اول ماطلعين منا راح احضر اموري انتظرج بس تنطيني اشاره انو راح تسلمين نفسج اخذ بابا واروح لغير محافظة بلكي  نعيش اخر ايامنا بكرامتنا

- يعني بعد ماشوفج

- لاا عود اسويلج كليجة ام التمر وخبز عروگ كل فترة امر عليج للسجن

- اذا طلبت منج دوغين خواتي غاح تسويها

- ومااكعد لحد مااحصلهن واجيبهن يشوفنج هاي اذا مارحت گعدت يمهن لان راح احبهن على محبتج

ابتسمت نزلت دموعها  سحبتني لحضنها  عصرتني وهمست ليش دنتوادع

- لان وصلنا للنهاية

- لالا رئال جذب والله مااكدر بدونج

- قبلج كلتها لغزوان وغاية وهاي گدغت

- اني ماعندي گلبج ولاعندي صبر رايه لاتشوفيني هيج اسولف والله جذابة  اموت بس ابعد عنج

ـ غاح تعوضين مكاني بيهن

- خلينه ننهزم سوة هو راح يتخبل والله هاي اذا ماانتحر

- وهيذام

- راح يسامحج والله

- واني مااتعودت اعوف دين وغاي هاي هيه عشت هواي اكتفيت خلي انطي مجال للبعدي

وخرت عني مسحت دموعها تباوعلي بضوجة ضحكت تفلت عليه ودارت وجها

- تغه اني صديقتج مو امج

- وسم وانعل ابو هيج صديقة ولي يله اكوم اشوف شنو صار احسن مااكابل خلقتج

ضحكت گامت طلعت واني تمددت عيوني بالسكف عقلي يم هيذام اشلون گدر يقنعهم ويخليني بأسمه واشلون انهزم بعد مايطلگني

لليل واني مكاني لا هيذام رد ولا اسماعيل استقر بالاخص من غلق جهازه هيذام  اتخبل كام يروح ويجي مايعرف شيسوي اسمع صوت ابو يتوسل بي يهدأ وهو يصيح بس اشوفها شوية

مر الليل ماگعد ولادقيقة كلما اسمع صوته يمر بالي نومة غزوان يم الصوبة لام روحة من التعب غافي بمناظره  احس گلبي يرفرف؛  ماصار الصبح واله  اسماعيل وروحه بهتت من البجي  غمضت براحة اول ليلة انام بهيج فرحة

يومين على هاي الحالة البيت دخل انذار لايگدرون يهدوا بعد ولايگدون يصيحولي يخافون من هيذام

كاعدة العصر بيدي الفون ادگ برقم غزوان القديم واصفن متأملة تفتحه رايه واسمع صوتها اخذ عزا منها وابجي الغصة الكاتمتها قبل لااختفي وتضل حسرة بگلبي الدموع عليه ؛ انفتحت الباب دخلت ضي گالت هاا مامليتي

- انطيني غقمة الجديد بلكي تغد عليه منه

- والله ماكو مغلق وخواتج منهزمات اكيد مايفتحنه  حتى لايراقبوهن منه

-شنو سويتي بالطلبته منج

-ولو هيه مجازفة بس كلشي يهون لخاطرج  حضرت ذهبج وشكو افلوس جامعتهن وكم قطعة ملابس خليتهن ابيتنا يم الشباج حتى اول مايرمي اليمين هيذام اطفرين وهسه يله كومي تعالي وياي

- وين ؟؟ وشو صوت اسماعيل اختفى ليش

- لان عمتي طلعتله بجذبة بس رادت تهدأ الوضع لان شافته انهار وابراهيم اتخبل على ابنه ذب الصوج كله بيها كالت لاسماعيل رئال تكول غير مكان الغرفة للثانية حتى شباجها يكون عالحديقة واكبر شوية ناخذ راحتنا وذيج الصغيرة سويها للاطفال

-ومشت على عمي

-لا بس أيدها لان اسماعيل تعب تالي من سمع هيج طار ماصدگ  اخذ الولد وراح للمشتمل  يركض وهاي صار كم ساعة فلشوا الغرفة ودينكلون وعمي وصه الولد يجيبون صبغ للثانية حتى يحضروها للطفل وهم تشغله شوية بين مايرد هيذام

- اشلون وضعه

- حالياً طاير مثل الفراشة من غرفة الغرفة بعد رئال طلبت منه وهو مايصدگ يفرحها وعمي هم كيف خلص من نگته وأمن عليه لان عنده خفر عاد تركه يم الولد بالمشتمل يشتغل بنشاط  وهو طلع راح بلكي يحصل خبر عن هيذام حتى يتصل بي ويطلگ عن طريق الفون

-اكو بشغ يستعجل نهايته اعزازة بيده

- كون صدگ بيج حظ وتكملين للاخير بدون خوف هسه تركج من هالزبايل وگومي وياي خلي  نظف غرفه الافندي حتى يقتنعون متقبلة الوضع لان حسيتهم بلشوا يشكون بهدوئج اخاف يحبسوج وانوب تخرب كل خططنا

- تمام وغغفة منو منهم ماشاء الله كلها هنا افندية

- المهتلف

- بول تيغي ليش زوجته وين

- طلعت زعلانة اخذت ابنها وراحت لبيت امها  عالاساس تلوي ذراع هيذام لان اتصلت بي بدل مايرد هفها بحضر

- وعمتي وين مو ماتقبل اطلع منا

- انطمرت  اخذت علاج ولفت  راسها من هوسة اسماعيل كالت حتى للعشا لحد يگعدني

- مم وهسه شنو المطلوب

-تكومين وياي ياحلوة  نرتب الغرفة مالته لان السنيورة عافتها مزبلة والمهتلف اذا رد وشافها بدل مايطلگ يوكف عالدرج ويصيح شكو واحد اكول  اسمه  يردد الشعار ويلحگ ربعه

-وليش مايغوح يسحلها احنا شكو

- لااشلون اذا مايعلن طبول الحرب ويسويها اباده جماعية مايرتاح عود بعدها يروح وراها يخلي طلقة براسها ويرمي اليمين  كومي لج قبل لا تصير الغروب عود لاتخلين ايدج بس تعالي وياي اضوج وحدي

اشرت اي شمرت الفون وگمت وياها طلعت؛  البيت هدوء ماكو نفس صعدنا فوگ دخلنا للغرفة عطره تارس المكان بكد مزبلة مرته

سحبت الكرسي وكعدت وضي ترتب وتباوعلي صفح ماتحركت لمن شفتها شالت كل غراضها يالله كمت اساعدها كسرت خاطري لان تتماطل بالفرشة اماطل ماتكدرلها

غيرنا الفراش رتبنه  الغرفة هيه راحت للميز تعدل واني فتحت الكنتور اعلگ ملابسه

اباوع كلها عسكرية ماعنده مدني صفنت على الكمية  صاحت ضي شبيج

- هذا مايطلع مثل البشغ يعني ماعنده اصدقاء

- لا عنده ليش

- لعد شنو يلبس اشو كلها جيشي وانوب عدد اللثامات بگد بالة باب الشغجي هذا يطلع يتونس لو يغتال

- حياته كلها مراكز  وخفارات  اذا فكر يطلع كلش للشمال وهم بمهمة يجيبله واحد ويرد بي لبغداد سحل

- واني اجيت عالجاهز طيغت المنصب

- الرتبة الرررتبة وعوفج منها تعالي ماطولنا خلصنا خلي نلعب بهذا المكياج ولج كله ماركه بت اللذينه

- بفلوس المهتلف مامصدگ عنده وحده وجهه مصفح

-عدها وجه مصفح ومكضيتها تدلل بحضنه احسن ماوجه حلو ومخلصتها راجديات  وزنزانه  دتعالي كافي تعبنا خلي اتسلى بيج شوية  والله عاجبني افتح كوافير

- حلوه خوش شغله لعد ماتفتحين

- اخاف مادبرها

- لا والله مغه سويتيلي جان شغلج كلش حلو

- دتعالي خلي العب واعيش الدور ماطول ماكو احد خليني اطلع المواهب المكبوته

- وينهم صدگ ماكو احد

- ازر اخذ مرته لاهلها وراح وره هيذام  لان دسار محصور بمكان كلش خطر ووضعة تعبان

- عزة وهسه

- مااعرف من شوية سمعت ازر يكول لابو مااتصور يطلع منها ورطة الدغش ورطة بس ربي يخلصه منها اذا عنده بخت نحصل جثه كامله مو نطلعه عدل

-يعني شنو غاح يموت

-لااسم الله على گلبه الله لايگولها بس هيذام كلش تعبان ومحتار حتى من خابره ابراهيم و

-وشنو گله مااغد اطلكها بالفون مو ؟؟

سكتت

ابتسمت ؛ عضت شفتها اباوع لعيونها دمعت دنگت بسرعة سحبت الكرسي واشرتلي يلا تعالي

ضحكت ورحت كعدت خليت ايدها على شعري وهمست بغصة اعدله الج شوية

- سوي الي يعجبج هو بعد ما يسوى اطوله

- راح ارتبه الج بگصه حلوة  بس گومي غسلي لان معفن

- ههههه دگصي وبعدين فد مغه اغسل لان منو يگول بعد احصل مكان بي مي

اخذت نفس وسحب المگص اعرفها مقهورة وتريد اطلع حرگتها بشي؛  رغم السويته بي وادري بي ضايج مني بس ماتوقعت هيج رخيصت بعينه

بلشت من شعري واخذت ايدها لوجهي نسينا نفسنا بين سالفة وضحكه صار واهس اكثر  رحنا لغرفتي نضفنا جسمنا لزمنا سرة عالحمام جلف؛  رجعنا لغرفة هيذام اتربعنا يم الميز نرسم  بخلقتنا ونمسح عشنا الاجواء الضحك اللعب الي يشوفنا مويگول يتوادعن لا يكول ماكو هم على گلبهن  لحد مارن فونها فصلته ودزت رساله اشرت شكو

- ماكو بابا ديكول وينج كلتله راح ابات يم رئال ماكو احد بلبيت

- يله اني هم تعبت و نعست صدگ اكوم اغسل وجهي

- ولج والله حرمات حلو خلينه نستمتع شوية ونعيش عيشة هوانم كم ساعة عود من يأذن  الصبح نغسله

- هم صدگ يله لمي الهوسة قبل لايجي احد

- محد يجي ومالم شي واسهر اليوم هنا الفرشه جديده و احنا فرشناها خلينه ناخذ حقنا منها

- واذا اجت المصفحة

- ولج زعلانه ماترد وهيذام اقل شي اسبوع يالله يكمل مهمته دكومي خلينه نهوس بغرفته الي تكول قصر السلطان ممنوع واحد يوصلها قحط ميدري كن الدجاج براسها الف مره

راحت شمرت نفسها على الجرباية ردت الم الهوسة صاحت كوميي تعالي كعدي يمي شوفي هاي الكتب الجايبها صاير مثقف ابو الجرائم

تركت الاغراض رحت يمها واشوفها فاتحة الجرارة مليانه كتب بعلم النفس لوتكول شفت كنز؛ بدون شعور تربعت عالفرشة  اشيل واحد اشوف الثاني احلى ضعت بينهن ونسيت روحي؛اكثر من ساعتين   واني غاطة راسي بيهن حسيت صارت خنسة شلت راسي  لكيتها غافية مديت ايدي دااگعدها كسرت خاطري فاتحة حلكها من التعب

المكان هدوء  والسبلت يضرب والكتاب بعدني مامخلصته اباوع للساعة بعد عن الاذان ساعتين طمعت اكمل الكتاب للاذان

درت وجهي عدلت المخده اتمددت رديت اقرأ من صفحة لصفحة مر وقت مااعرف شكد بس رحت بالنوم بدون لاادري

بين نايمة وبين گاعدة حركة خفيفة على بشرتي دفو ونفس بركبتي حركت راسي احست انطبعت بوسة خفيفة على شفتي فتحت عيوني داصرخ وانسد حلكي

اباوع هيذام بطرگ البنطلون مدنگ عليه وخر شعري عن وجهي باوع لعيوني وهمس دخيل محمد اشكد ركضتيني وراج …

***رايه***

غيمة  تستعجلهم واني اتلفت  من الرهبة حتى نسيت الالم ماصار كدامي بس الغرفة ركضت دخلت بيها دنكت شمرت المخدمة طلعت نظارات غزوان  وفونه شلتهن وطلعت اركض بكل سرعتي صار الولد كدامي ديسد الباب ضغطت على سنوني واجيته من ضهره سحبته حيل بكل وحشية ودفعته عثر متفاجأه لباله مختله عقلياً

جريت الباب وطلعت مثل المخبلة اركض حافية مااعرف وين رايحة  العالم تباوع واني مستمرة بدون عقل دخلت الشارع الثاني احس نفسي انگطع وشي اجه بخاصرتي وگفها فجأة ؛ لزمتها حيل ودرت وجهي وراي خايفة احد لحگني واحس الالم شل روحي عصرته حيل ودنگت مغمضة بقوة متأملة يخف شويه واكمل

ثواني ورفعت راسي ليفوگ دااخذ نفس وانتبهت الناس عيونها عليه  خفت من نظراتهم رغم الشارع متروس اطفال بس المنطقة ترعب ضغطت على كليتي ودنكت مشيت اسحل بنفسي بس اريد اوصل دعبر الفرع واكفت واني اشوف ماما جاية تمشي سريع وتتلفت  احس امن كلبي رحت يم الحايط كعدت اجتني تركض دنگت عليه صاحت سوده بوجهي شطلعج هيجج وين رؤيااا

- ماما راح اموت لحكيني

- من عمري على عمرج  كومي وياي بسررعة بس هسه ادز رؤيا اتجيبلج علاج بس خلي نرد قبل لايشوفج احد

- ماما غيمه باعتني

- يمه صخام بوجهيي رؤيااا وين ولج يمه بنيتيي

- لالا مو بالبيت  طلعت تشتغل وهيه باعتني للمشعوذة ماما باعت شرفي اخت غزوان بفلوس

وكفت وجه باهت تريد تحجي ماتكدر همست بترجي وصلولج

هزيت راسي لا وشهكت دنكت اخذتني لحضنها وبجت بصوت عالي فززنا طفل وهو يكول خالة هاي مخطوفة

مسحت عيونها بسرعة وردت لاخاله مابيها شي  مريضة

-اصيحلكم بابا

-لاحبيبي هسه اني اخذها للمستشفى بس روح منا

مارد اندار راح يركض رد بين الجهال لزمت ايد ماما وهمست راح يعرفونه كعدتنا تجيب الشك فدوة كومينا بسرعة

اشرت اي سحبت شالها  دنكت لفت شعري وجهي  كومتني نزعت شحاطتها خليتها يم رجليه وگالت لبسي يله دنروح

- لاماما متعودة امشي حافي

- ولج الگاع كلها گزاز وخيسة اخاف تصعدلج رطوبة يله لبسي لاتعانديني

- كلتلج ماالبس متعودة ولاتكولين لرؤيا عالصار والله ترد تكتلها وتضيع نفسها

- الله قبيلها هاي هيه العلية سويته حتى اخوي مايكول قصرتي ويه بنتي يله يبعد امج لاتفتين كلبي

اشرت لا

استغفرت ولبستها لزمت ايدي سندتني تمشيني ودموعها تنزل ادري كلبها ماينطيها تعوف غيمة مهما يكون هيه مربيتها وحاسبتها وحده منه

وصلنا لنهاية الشارع شوية أمن لان عالم هواي خلتني وراحت جابت طابوكة واجت حطتها گعدت عليها لميت نفسي غطتني بعباتها وكفت عيونها بالشارع  منتظره رجعة رؤيا

اكثر من ساعة واحنا على كعدتني اباوع للمنطقة بؤرة مختنگة مقطوعة عن العالم شكلها مرعب افرع ضيگه قذره؛ الجهال رغم صغر عمرهم بس اي براءه ماعدهم  الي بيدها جكارة  والي بيده سجينة من غير الشباب تحسهم من غير عالم نضراتهم موخالية حتى حركاتهم مشبوهة

اخذت نفس درت وجهي واني انعل الوكت الشمرنا هنا دخلت رؤيا تمشي مدنگة ناثره شعرها لافه اللثام بداية جفها والباقي يسحل وراها وايدها الثانية  بيها سجينه صاحت ماما رؤيااا

شالت راسها عكدت حاجبها عيونها دم وخدودها حمر شافتنا شمرت اللثام واجت تركض صاحت ليش واكفين هنااا

ماما - منتظريج وين جنتي وليش هيج حالتج

- شطلعكممم وغيمة وين

- جاسم وعمتج جاين لبيت المشعوذة لخاطر سحر كوة كدرت اطلع رايه وانهزم منهم

- متأكددددة

- اي ويله سندي اختج تعبانة خلينه نطلع بسرعة قبل لايشوف غيمة وتكله يجي ورنااا

اباوعلها صغرت عيونها مامصدگه عصرت سجينتها خفت من تصرفاتها حسيتها متوحشة

جرتها ماما من زندها ودفعتها كدامها لان ماعاجبها وضعها  دنگت كومتني سندتني مشينة واني عيوني عليها تمشي وتلعب بسجينتها عيونها تفتر منا ومنا بس تريد احد يشمرله كلمة حتى تفترسه

على طول الطريق ماما مابطلت دعاء ورزايل بيها بسبب خوفها عليها متمردة  لاترضه تتلثم ولا تمشي مثل البشر  ادري اكو حزن جواها وماتعرف اشلون تعبر عنه بس وضعنا جان تعبان مومال كلام واسئلة بس نريد نخلص نفسنا

ماصدكت وصلنا للمرة حتى افلوس تكسي ماعدنا صعدنا كية اكثر من ساعتين  واحنا بالطريق حتى ماعندي علم  وين رايحين خاله راسي على متن ماما  لحد مادخلنه منطقه كلها خضار نزلنا السايق عالطريق طلع  گبل

وكفت اخذت نفس حسيت روحي صرت احسن تركت ايد ماما وفتحت اللثام كالت المرة يله خالة منا تعالوا ؛

مشت ماما بصفها ورؤيا يمي بس تتحرك بغير عالم اني هم سكتت اعرفها تجي تحجيلي وحدها فكري كله بالمره الي  تمشي وتكول ليكدام  بعد ؛ رجلينا وكعت وهيه مستمره لمن دخلنه مكان مثل المنطقه الريفيه بيها نخل وزرع بيوت تعبانه يمها حيوانات ناس لبسها يختلف وجهال تارسه المكان تلعب

وكفت يم بيت صغير بابه من جينكو بي سنسله  فتحت القفل دفعت الباب وكالت تفضلوا

دخلنه بيت ململم ممر  ضيگ على كل جهة غرفة ومطبخ مكان معزول الكاع تراب

راحت فتحت باب وحده من الغرف كالت هاي الكم يله دخلن اخذن راحتجن

ماما- الف رحمه على اهلج ان شاء الله ماتسمعيلنا صوت

- ياخية عالاساس ماكو هيج المنطقة اشلونها دخلي خلي احضرلكم لكمة تاكلوها

- لاتزحمين نفسج اني اطلع اجيب شي للبنات بس اذا عندج شي نكعد عليه لحد مااجيب فراش

- هسه انطيكم فريش ولاطلعين لان ماتحصلين شي هسه سوكنا بس الصبح خليها لباجر اليوم انتم ضيوفي يله اخذي بنياتج خلي يرتاحن

اتشكرت منها شمرت عباتها وراحت للمطبخ واحنا دخلنا للغرفة صح تعبانه ومابيها بس حصير بس من التعب شمرت نفسي

طبگت ماما عباتها خلتها جوه راسي وراحت ويه المره تساعدها  اجت رؤيا كعدت يمي مددت رجليها ساكته اخذتلها دقايق وهمست كلهم حيوانات

-شفتي

-اشكد احتقرت نفسي وكرهتها

-شنو الصار؟؟

-حتى مابرر لعد اشكد رخيصة بعينه

- كلتي مااوصله ليش رحتي

- ردت اثبت لنفسي كلهم نفس الحيونه مابيهم شريف والي مايدوس على روسهم تستحق تنداس

-خلصنا عمرنا جو الرجلين

-الحظ مثل الزرع ماينبت بكل گاع

-شنو يعني ؟؟

-يعني الغلط منه من البداية  وهاي  اصافينا ويه الدنيا صار الوقت كلمن ياخذ حقه

- غيمه راح تبلغ عن مكانه

- لا ابشرج امج طلعت انغل منه تعرف سوالف غيمة ومغلسه بايعتها علينه فقيرة الهيودية

- يعني مو هاي ام الخضره الجانت تحجي عنها

- لامو نفس الصوت الجنه نشتري منها اصلا ماسمعته بحياتي وين ام خضره تبيع عرگ وجگاير 

- اسمه منكر رؤيا انتي بنية ميصير تكولين هيج اللفاظ وبعدين تعالي شنو هاي كفشتج و سجينتج اليشوفج يكول تربية شوارع

-منو هاي تربية الشوارع لاااا مع الاسف عليج هيج تحجين وهاي اني بت اليهودية البدون نسب مخلصتها بالبتاوين ويه كرن وخدمتها بواحد حيوان لفو خاين

- رؤيا لاتشمرين الصوج بعيشتنا هاي رئال عاشت اسوء منج اشو ماتأثرت بالمحيط ولايوم سمعتها لفظت كلمة غلط بذيئة

- وانتي شمدريج رئال اشلونها هسه ولا طلعن براسي انبياء وانتن اسوء مني اذا اني اشتغل بالظاهر انتن خانسات بالغدر من جوه الجو رب الي لعبت براس ضابط وخلت مهرها دم الحيوان هاي مو بس ماعدها مشاعر لاواصلة اخطر مرحلة بالاجرام وانتي هم مواقل منها لاتكولين جنت فاقده من شفتيني اكتل بالقذر لااا بس اكو جواج سواد اذا طلع اثر منه يحرگنا كلنا بدون رحمة

- مامنعتج لان جان يستاهل الموت

- بس موته جان وصلنا للاعدام

- جنت ناويه اشيل القضية عنكم

- رايه لاوحدة تضحك عالثانية احنا دمنا مونضيف ولاراح ينضف  واذا امج ضحكت عليج وكالتلج عدجن ابو وختفى  فاحب اكلج جذذب

- ليش هيج تحجين

- مااكلج حالفي امج احنا خوات لولا لان ماتفرق عندي بس سأليها رند اشلون صارت والحيوان ماجان يوصلها ابد واشلون من ماتت ماتأثرت عليها كلش لج رئال الي بتلفات الدنيا من خابرتج جانت الخنگة الي بصدرها بعدال حزن ماما الف مرة

- رؤيا شبيج خية

- اكرهكم بكد كرهي لعيشتي بينكم اتمنى لو ماطالعة من ذاك الحادث ولا رادلي النظر ولاشايفة وجوهكم اتمنى الطلقة  عابرة غزوان وداخلة بصدري

- راح يردلج ندمان

- ماراح يگاني

- شناوية رؤيا

- راح اخلي اكبر حلم عنده شوفتي راح اسوي سوايات تسحگ راسه قبل رتبته  اذا ماخليته يتلفت داير مدايره بس حتى يلگاني ويحررني من اسمه مااطلع بت اليهودية

-ترى هذا دسار ضابط المخابرات

- واني رؤيا تربية البتاوين

- راح تغيرين  مكان شغلج ؟؟

- بنفس الوقت الي راح اتواصل شغل ليل ونهار بس حتى اجمع افلوس ارد رئال لحضنج وارجع  لجاسم وغيمة

-شنو تسويلهم 

ماردت شمرت اللثام وكامت طلعت بره دخلت المرة وياها ماما بيدهن صنية خلتها بالكاع  بيها طماطة حمس  وخبز سوت ماما لفة لرؤيا وطلعت وراها؛  باوعتلي المرة خجلت مكلفة نفسها واني مدده كمت كعدت دقايق ودخلت ماما لازمة مداليها وجها محتقن عرفتها مسمعتها حجي بخصوصها  ؛ كعدت خلت اللفة يمها سمت ومدت ايدها

بلشت المره تسأل عنه منين وين اهلنا وشنو مشكلتنا اتسنط لردود ماما صدگ تراوغ بالاكلام تدخل من درب وتطلع من درب ماانطت لزمة

ثواني وفرت الحجي تسأل المرة عن اكثر شغل يمشي هنا ؛ لليل وهيه مستمرات بالكلام ورؤيا برة مادخلت؛  لااگدر اگوم الالم رد ولااگدر اگعد عيني عليها  لحد ماراحت عيني بالنوم  بسبب التعب مااعرف شگد مر وقت وحسيت ايدها على شعري هيه وتهمس  بس اتحملي بين مالم افلوس العملية وداعت رئال انطيج روحي مو بس كليتي

دنكت باستني وتمددت يمي خلت راسها بصف راسي ابتسمت ولزمت ايدها خليتها على صدري ورجعت نمت

مرت الايام اشكد ماجنه خايفين من وضعنا اشگد  ماارتاحينا ويه المرة  عكس وضع رؤيا الي صارت ماتنحمل صلفة وتربية شوارع من صدگ بعد محد يكدرلها بگد ماالمنطقة زينة بگد ماهيه ماذية اشكد اكو من عمرها  وتربيتهم حلو تعوفهم كلهم  ادور وين المشخمط والگاع زايعته تركض تصف ويا لاتعرفيها عرمة لاتعرفيها مختلة  شخصيتها غريبة

بدينا نتعود على المكان صار عدنا ناس ماما بلشت تخبز بأجرة ورؤيا تطلع ويه ولد وبنات من نفس الشارع  تبيع ورد صح كل فترة تغير المنطقة حتى لايلزمها دسار  بس اتعودنا ماترد ايدها خالية اذا مو مشكلة اكبر منها اضعاف وگوه ماما تحلها اخر شي ملت كامت حتى كتل تكتلها تريدها تهدأ لان حتى صارت ادخن بس تزود ماتنقص تاكل الكتلة وتطلع الحياة طبيعية تمشي ولاكأنما

گوه الزم ضحكتي شكلها حلو الي يشوفها مايحكم عليها هيج خبلة وادري كلش زين كل الدتسوي بسبب اشتياقها لدسار

واكفة يم ماما لازمة قبق التنور الها اباوعلها رغم صار كم شهر ضاغطة على نفسها بالشغل حتى انلم فلوس نخلي محامي يعرفلنا مكان رئال بس ردت لعافيتها وجمالها

ضفيرتها وره ضهرها نازلة ودشداشتها السودة ويه بياضها ولون عيونها خالتها تنگرط محد يصدگ بنص الثلاثين تكول بعمرنا اكتشفت رؤيا ماخذة جمالها منها ورئال كياتتها

صفگت الخبزه بالتنور سديت القبق دنكت شالت شنگة شمرت ضفيرتها وراها وكفت تصفگ اجت رؤيا تركض صاحت لج مامااااا لحكينييي

مااهتمت ضلت على وكفتها تصفگ وصلت يمنه فتحت عينها على كبرها اشرت شنوو

ماما- ومررض شرايده

- مودااصيح لحكينييي مدتسمعين

- وشكو الحگج اكيد مصيبة من مصايبج ولي يله عن وجهي دااشتغل

- راح يجوني الشرطة ياخذوني

- اااي خلي نخلصص وينهم غير الله دزهم

- انتي هممم حاسبة روحج اااام

- لج صخااام ولي عن وجهي لااشمرج بالتنوررر فكينييي شنو ابتليت بيييج

- انعل ابو الدغش البلانا بيج

- تفوو عليج وعليه بساعة وحده وبعدين شكو لاحكيج سمصخمة

- كلشي ماكو الله وكيلج مظلومة هالمرة

- يبوو الهدوء يكت منج احجي ويامن متحارشة

- دامشي مدنگه عيوني بالگاع ويه حيدر صنديحة  وابو علي الشيباني

- منو؟؟

- هذا الولد الشعرة هيج مكصوص على عيونه يشبه ماروكو

- مم كملي

- اي اجه واحد كال هيي  انطيني جكارة

- رجعتي ادخنين رؤيااااا

- لاااا ابد تبت والله وحتى ضربته وكلتله شنو  شايفني ولد كدامك بس وجهه شوية تشوه موهواي بسسس هو نرفزني والله كال انتي بت شوارع

- شسويتي ولج

-يعني ترضين يشبهج بالشوارع

-اني لوماصدگ اخلاقي مال شوارع   مالفيتج عندي رؤياااا طلعيييي من كدامي بسرررعة

- ويننن اروح اكلج امه راح تجيب الشرطة

انطتني الخبزه وندارت بعدها مامتحركة ركضت رؤيا طلعت من البيت راحت وراها وصلت للباب  دنكت شالت نعالها شمرته عليها وسحبت الباب دتسده صاحت رؤيا  لاتسدييي  اخر مرة والله بعد مااتحارششش بأحد

ماما - واني اريدج تتحارشين بلكي ولأنهم ساحليج وكاتليج كتله معدلة

- راح يسجنونيي

- يطبج وجععع كون  اعدام خليج بالشارع اذا دخلتي للبيت اطبر وجهج الجنه وجه شيطان بالنص

- ينطيج كلبج انحجز بالزنزانة والجو حار

- ينطيني كلبي تنامين بجهنم وين حجيج موتكولين اذا تشوفيني الم حطب ويه ام لهب مالج شغل يله هاي ام لهيب منتظرتج هيه وشياطينها ولي روحيلها

- يمه الضباط زبالة راح يتحرشون بيه تقبلييين

- منو الماعنده ذوق يتحرش بصخلة مثلج واي اقبل بلكي واحد يطلع بي حظ ويرفعج فلقة يربيج

- ماكووو. واحد بي حظ اكلج زبااالة تعرفين شنو ازباااالة اتشمري بالتنگه تصيح عيععع من قذارتهم

- خو مواقذر منج رؤيا لاتجين ولي منا

- اني بنتج يمه زين اوعدج بعد مااشرب جكاير واماامشي ويه سعد بلصة بس روحي لامه هاي عرمة ماراح تسكت لااا والله

- اي شنو

- ارجع للبتاوين اشتغل بالتسليب

- شنوو عالاساس ماكو هيج مخلصتها سجادة واستغفار انعمت عينج وهاي انتي گاطعة الشارع بسجيتنج العمية تفوو عليج وعلى االلفو الشمرج على كلبي

- انتي اشلون ضحكتي على الزمال وخليتي ياخذج ويسويح ام بس اريد اعرف

- مثل ماضحكتي عالحيوان الي سحل بيج الكاع ورد شمرج عليه

- ام جيس حببب انتي اگلج راح يشتكون عليييه

- اليسمعج يكول اول مره ولج المركز كامت تصيح الخوث من وره مشاكلج امششي منااااا مااريد اشوفج اتبريت منج سمعتييي ماعرفج بعددد واذا شفتج يم الباب اني اروح اشتكي عليج

كوه سيطرت على ضحكتي شافتها مابيها مجال دنكت هزت راسها براءه وهمست راح اروح صح الزنزانة حارة وراح يعلكوني فلقة واحتمال يشوهوني بس اضل احبكم

سدت الباب ماما ضحكت  اندارتلي ماما تضحك رجعنا للخبز واسمع صوتها صاحت لابوج لابو الخلاني اصير بتج يهودية شترجه منج والله لخزيج

دنگت ماما شالت نعالها الثاني  وراحت تركض

***رؤيا***

واكفة احجي شفتها فتحت الباب ركضت شمرتني بنعالها اجت بنص راسي صارت بوجهي ساگية المي طفرتها رحت للجهة الثانية افرك براسي وادردم تكول قناص بت اليهودي تنشن

لكيت سعد كاعد يم الخيسه يصيد عگاريگ و يدخن رحت ورا هفيته دفرة طفر صاح شبيج لج

- مرررض لاتخليني اشرح وجهك جيب الجكارة وروح شوف العرمة ام الخنيث راحت للمركز لولا

- امج ماقبلت تروحلها

- لاحربكت ام الحثلگ  اسمع تاخذ الخنيث على جهه وهدده كله رؤيا تكول اذا مالزم امه بعد لايطلع للشارع

- هسه رايح شنو اليوم ماطلعين للشغل

- لا اريد اروح اجيب علاج لراية خلص وهاي خوثه ماتحجي حتى توفر الفلوس وهم اشوف شنو سالفة هذا الرجال الي يظهرلي بشكو موقف اعوج اشمر نفسي بي يطفرني منه ويتبخر 

-موتكولين جنت متزوجة اخاف رجلج دازه

- اللفو لو يندل مكاني ماتركني كال هالاشهر اعرفه متحيون وهذا مو شكل واحد دازه مبين جبير من عيونه ومتمرس بالشغلة خرب عرضه على ذيج الخفة بلحظة يظهر وبلحظة يختفي

-خلي فايدنه والكاظم لو ماالبارحة هو يسحبنا ويشمرنا عكس الطريق جان الشرطة لكفتنا

-غير انت غبييي كلتلك طگ السجينة بوجهه للولد هو وحده يخاف ويطلع افلوسه اتشگ خده ليشش

- لان متعاطي مايحس اله يشوف الدم ويله همزين طفرنا محد شاف

-دجيب جكارة وتزحلگ من وجهي اريد اطلع

شمر باكيت الجكاير والجداحة راح واني انداريت اباوع للبيت بلكي حن گلب اليهودية واجت وراي

شيحن كلبها غير الله حلل كتلهم من گد سوادهم  لابوها لابو دسار

رحت يم النبگة اتشلبيت عليها صعدت كعدت على الجذع طبكت رجل ومديت الثانية انتجيت طلعت جكارة خليتها بحلكي ورثتها اخذت نفس دنفخها وجت العرمة طايرة تهفهف بعياتها عرفتها لماما تشكيلها مني

نفخت الدخان ودندنت ضوء لمع وسط المدينة رسم نداء لمنادينا يحن ويختفي حينا تلك اشارة بات مااان

رفعت راسي خازرتني درت وجهي سويت روحي مووياها  اخذت نفس من جكارتي غمتني وكملت طريقها

انتجيت رفعت راسي انفخ النفس مااحس غير واحد جر الجكارة بدون لااباوعله؛ هيه سحبة سجينة وهيه طفره رافعتها بوجها

دسار واكف ملثم بعده على ضخامته ونفس لمعة عيونه ولهفته هو ويباوعلي

درت وجهي نزع اللثام رفع الجگارة وهمس ادخنين رؤيا ؟؟

- وانت شكوو

-سجينة وجگارة بعد شنو ياخرزة البتاوين

- وگطع طرق واسلب وابوگ ومطلوبة بقضية قتل

-شكو شي اشتغل ضده

- عفية حتى تعرف مقامك شنو عندي

ابتسم واخذ حسرة طويله مال واحد مخنتگ بالشوگ 

نزلت السجينه خليتها بظهري ردت امشي لزمني انداريت ضربته بكل قوتي لزم ايدي تفلت عليه دنگ مسح وجهه بمتنه وسحبني لصدره دفعته ضغط عليه اكثر عصرني بحضنه حيل وهمس كافي مابرد گلبج عني كال هالاشهر  

- لازاد حقدي على نفسي اشلون نزلت روحي وثقيت بحقيررر  مثلك

- ليش ماتنطيني مجال احجي

- وخرررر دسار

- ورحمة ابوي ماغدرتج عقد عابر بينه صار اكثر من خمس سنوات حتى ايدها مالمستها وعيوني ماصارت بعيونها من يوم الدخلتي بيهن

- واني بعد مااريدك

- تعرفين وين شمرت نفسي ويامن اتورطت بس لخاطر احصل مكانج واجي اشوج

-عسى مابجهنم الحيوانات امثالك هواي عليهم  الدنيا وخر عني دسااار

- يول وكلام الله على وعدي مستعد اترك حتى اهلي لخاطرج

- دتفتهم شنوو احجييي

- مو بكيفج غصباً عنج ماغلطت وياج انتي الي اجيتي عليها وانتي الي اخذتي گلبي وخليتني ارد بوعدي الها

- ارجعلهااا

- مااكدر والاسمه علي ولج صار اشهر ليل ونهار ادور ماخليت وراج مكان النوم ماجفاني كلما اغمض اشوف ضحكتج بعيوني ؛الف فكرة صارت براسي دقيقة ماگدرت اگعد مااعرف وين ادورج صرت مثل المخبل افتر داير مدايري محتار شسوي

- غدرتني

- لااماغدرتج دفعت نص عمري لخاطرج جازفت  بالموت قبل مركزي اتحملت اقذر انواع التعذيب بس حتى احميج وهاي ختمتها دخلت للجحيم  برجلية بمقابل احصل مكانج

-ليش ماجاوبتهم من سألوك عليه

-خفت عليج منهم خفت يخدشوج بكلمة تكرهج بيه خفت يكلولج  منو وليش خفت يبعدوج من حضني اكثر ماانتي بعيدة

- دسار طلعتك من كلبي

-جذابه روحج ترف بكل مرة اتسمعين نوارس دجلة وكلبج ينبض بكل ظلمة لان تذكرج بأسمي

سكتت

حضني حيل ودنگ اخذ نفس طويل و همس ياعلي شكد حلمت بهذا الحضن

- كلها كالت مات الكل كال ماراح يرد بس ماجنت اسمع الهم اشهر واني واكفة ورا الباب منتظرتك مايأست ولا لحظة شي بداخلي يكلي موجود وراح يردلج تدري اول ماردلي النضر ركضت للمرايا تكول راح اشوفك مو اشوف وجهي من كد لهفتي اتخيلتك كدامي وهمستلك رجعلي النظر بعد مااتعبك وياي

- مستعد اتعب العمر بكبره واترك الدنيا بأهلها و اتخلى حتى عن حلم الخلصت اسنين واني اركض ورا بس تخليج وياي

-ليش ماكلتلي متزوج

-لان ماحسيت بيها ولالحظه تابعتلي  بگد ماجنت اشري حضنتج بعمري

-طلكها

سكت

وخرت من حضنه باوعتله عيونه حمر اشرت شنو

-احبج

-دسار طلكها

-مااكلج  انتي اول امنية لا بس انتي اخر حلم حلمت بي

-ليش اجيت

-خلص صبري واني ادورج من شفتج ماگدرت اضل اباوعلج  من بعيد كلبي ذلني وغدرني اشكد ماردت امنع روحي عنج ماتحملت  لهفتي جابتني لحضنج بدون شعور

-يمكن اسامحك على كلشي بس كسرة كلبي واني اشوفك يمها وانت تنكر وجودي لاا روح دسار وانساني اني مارايدتك بعد

- شنو انسى ضربة الدراجة واول لقب وانتي اتأسرين كلبي بي  انسى دخلتج للبيت عليه وانتي تتلاوين وياي لو نومتج بحضني وانتي تسولفيلي على احلامج

- كلهن

- كل عقلج انتي وكلام الله الموت اهون 

- روح دسار اني مو الك من البداية ولاراح اصيرلك

- انتي خرزتي الربي عوضني بيها بعد تعبي وركضتي وره الموت لخاطر عبادة صح بعدت بس ماغلطت

انتي الي من ساعة الدخلتي للبيت وجبرتني على حبج رؤيا من الاخير انتي الي  لاراح تنامين بغير حضني ولاتشوفين غيري

- سويتها وعضيت ايدي ندم ماراح اعيدها

- مالكيتج حتى اضيعج

- طلكني

- انطق الشهاده وماانطقها

- روح دسار لاتجوي گلبي اكثر ماضل مكان للوجع خلصوا اهلي لاتكملها

- اطلكها والله

- ماراح اطلكها  ولاراح تعترف بيه كدام اهلك انت حياتك تختلف عن حياتي  حتى لو انت رضيت بيها اني مستحيل اقبل على نفسي اعيش ويا واحد في يوم من الايام استعر من وجودي  لاتخليني اكره نفسي اكثر مااني كارهتها

- اني مراقب ردت احميج بيها ماگعدت يمها بس حتى اوهم الكل هيه انتي خفت تنكشفين من خلال ردت فعلها  وساعتها افقدج من صدگ لان مااكدرلهم

- الي مايعرف يحميني  غير بالاهانات مايلزمني

- انطيني فرصة

- انطيتك واثبتت انتى موكفو ولاكد كلمتك

مارد فتح دكم رداناته صعده ليفوگ  اشر شوفي

اباوع اربع تواريخ مكتوبة كاملة  بالتسلسل  والخامس بس السنة ماكامل

دسار - الاول اول مرة اشوفج بيها واكيد ماتذكري والثاني  بنفس اللحظة الصرتي بيها بأسمي  الثالث ويه اول دگة الج بروحي  والرابع اول  ليلة ابتعد عنج خفت اموت وهو مامذكور خليته يكتبه واني اصارع الموت بيها وهذا الخامس تعرفي المن جنت ناوي

- مااريد اعرفه لان ماراح يصير روح دسار لاتخليني اسمعك كلام مااتمنى لعدوي

- هاي هيه رايح والج كل الوقت بس وكلام الله ماتصيرين لغيري حتى واني جوة التراب

- ههه روح ولا ترد بعد وتجبرني اهينك خليلك ولو اثر قيمة بعيوني

- المفروض احطم وجهج بس على سالفتج اخليلي ولو اثر قيمة يمكن مااطلع منها  بلكي تذكريني بيها  ويجي يوم تشفعلي يمج  وتجين تزورين گبري

- ماراح ازورك وعساك ماطلعت ولو اعرفك عار  وحيوان لفو مايصيرلك شي يله روووح

ضحك دنگ حك گصته

- على شنو تضحك اضحك على نفسك حرمات على الرتبة الشايلها ضاعت هيبتها بواحد لفو خاين بلده مخلصها ختلات  يله امشي مناا لك

-لك ؟؟  ماشي بس الج امانة

- مارايدتها خليها يمك وبعد لاتجي

دنكت طلع من جيبه اباوع خرزه زرگة  مثل قراصة راية عرفتها مالتي وياها سوار فتحت عيوني على كبرها

عزل الخرزة ومد ايده فتح ايدي خله بيها السوار وكال ولو متأخرة بس  تكول لادورين على الماسكة امي ضامتها جوه مخدتي

- وينهااا ؟؟

-  عايشة بمكان امن بحماية واحد مستعد يهد الدنيا لخاطرها

- دسار ماتجذب

- صح حيوان ولفو بس ماتوصل بيه اجذب بهيج شي

- ليش ماسألت عنه كل هالفترة

- مافد يوم دخلت لبيتها اذا مااجت تركض تسألني عنكم

- تعرف زوجها

- لااعرفها هيه اخيتي الي أمنتها قبل ساعة بعقد ويه الشخص الراده كلبها واجيتج حتى اودعج

- يعني تحب زوجها ؟؟

- بكد غدرها ومصايبها بي

- راح اردها منكم غصباً على شاربكم واخذهن واروح وانعل ابو التباوع بوجوهكم القذرة

- رؤيا رايح بمهمة يمكن مااطلع منها دخيلج لاتخليها بنفسي بس اشم عطرج وبعدي ولج كلمة بعد مااطلب منج هالطلب لحد ماانتي تجيني

- لو يرد بيه الزمن حتى ذاك الحضن احرمك منه على گد الندم العشته بعده

اشر اي سحبت ايدي ابتعدت ليورا اخذ نفس اشرت يله روح

- ديري بالج على نفسج

- ماطولك بعيد عني اني بخير

- مااكلج احبج لااا الج نبض بگلبي لوتعيشين بكد عمرج عمرين ماراح تعرفين تبادلي بدگة وحدة من لهفاته الج

- مااريد ابادل لااريد اشوفك من الاصل

- لابد ماراح يجي يوم وتذكرين الحيوان اللفو وتحنين وتجين تسألين عنه وين مدفون

- لاراح اذكرك ولاراح اوصل گبر حيوان نذل ماعنده كلمة  مثلك

ابتسم  ودنگ

درت وجهي تركته ورجعت للبيت وصلت قريب على باب المزرعة درت وجهي لكيته بعد على وكفته اديه بجيوبة وعيونه وراي

دخلت رديت الباب انتظرت شوية باوعت بين الخوص شفته رايح لجهة الدراجة وصل يمها وكف خله الخرزه بجيبه شال اللثام لبسه هو الجفوف صعد الدراجة شغلها وانطلق بكل سرعته بدون لايدير وجهه

غمضت  احس روحي انعصرت اتمنيت لو بس جابرني وسحابني غصباً  عني لحظنه جان خليت راسي بصدره بجيت بكد الهم والوجع الي راح اعيشه ورا جان ضربته وعاتبته وشكيتله من كل الراح احسه بفگده 

اسمع صوت ماما تصيحني اخذت نفس مسحت دموعي باوعت لسوار رئال وبتسمت اشكد متمنيه اشوف شكلها اشلون صار

ردت ماما صاحتلي خليته بجيبي ورحت لكيت المره بعدها تعتب وماما تبرر بعصبية  عكس رايه تباوعلي وعاضه شفتها گوه مسيطره على ضحكتها

خليت اديه بجيوبي وگفت منتظره اشوكت تخلص لغوتها اكثر من ربع ساعة وهيه تسرد قصة بعران مكه اشلون هاجرن ويه المسلمين ليثرب اكلت مخ حذائي واخرها اندارت غمتي وراحت

باوعتلي ماما وجهه محتقن  دنكت اني روحي گوه لازمتها احسها مخنوگة  منتظرتها ترزلني حتى اروح سكتت شويه شلت راسي باوعتلها بتعب اجيتي بسرعة لزمت وجهي كالت شبيج ماما 

-ههه كلشي مابيه

-رؤيا مو عليه وجهج تعبان منو وياج يبعد امج احجي

-محد شبيج انخبصتي بس داامثل بلكي اكسر خاطرج وتعتقيني من رزالتج المعتادة

-مريضة لو اكو واحد سمعج شي غثج

- لاماما على شنو انغث بس تردين الصدگ داافكر  قتل اليهود يدخل الجنة وقتل الام النار زين اذا واحد سواهن سوه وين يروح

- اني اگلج بس اوكفي ولج رايه ماما ناوشيني العودة

دفعتها وركضت  صاحت لاتردين للبيت

- ماارد هو اني اريد اخلص بس انطيني افلوس داجيب علاج لرايه  واروح بعد ماارد

-تعالي انطيج

-لاحبيبتي شمريهن  واني اخذهن

-مااضربج لاتخافين تعالي

-امرايه جيبي الفلوس داروح واجي بسرعة والج خبر يمي حلو

- عزه بعينج ماطول كلتي امرايه يعني كتلتي واحد

- شبييج هااا شبيج ليش دتحسسبني مجرمة

- بت رافد شنو مسوية من شفت وجهج باهت عرفت مصيبة

- والله مومصيبة شي من زمان متمنيه تسمعين عنه

عگد حاجبها اشرت شكو

- دنطبني افلوس بين مااجيب العلاج لن انتي مكملة خبز لان سالفة طويلة بس راح تخليج تبوسيني من حلكي

- عيع دتعالي هاج هسه تطلع سالفة من سوالفج التعبانه ولاتبعدين جيبي من هذا المضمد وتعالي بسرعة الدنيا راح تظلم

رحت شفتها تريد تلكفني رجعت ليورا رافعه حاجبي شمرت الفلوس ودخلت ضحكت رايه كالت بسرعه فدوه لاتتاخرين الوقت تأخر

- كضي امج عني تره اني ما مسؤولة عن تصرفاتي اذا شوهتها لاتجين تعتبين

- ميخالف هسه احجي وياها  بس يله روحي راح انتظرج بالباب مو تتحارشين بأحد فدوه اروحلج والله راح يطردونه من المنطقة

- يوو محسسيني خبله وضلي هنا ملزوكه بالباب مثل البريعصي الطاگه الاسهال وين اكو بت شاحبة  تكول الف اصفر 

- رؤياااا الدنيا ظلمتت لاتفتين كلبي روحي داده بسرعة او لاا خلي العلاج مااريده باجر جيبي تعالي دخلي

- اي كمين مسوية  انتي وامج تفكير يهودي خرب يومجن ولاتنعدلن يله فوتي ماتأخر هسه اجي

- لاراح انتظرج هنا الشارع بلش يظلم

- يطبج مرض ولو انتي مامعوزه بطلت هسه تصيرين ربع مشگگ لانفع ولامنفعة

هزت ايدها كاتمة ضحكتها دنكت شلت الفلوس ورحت بسرعة امشي لان ادري بيها غبية تضل بالباب خايفة عليه تكول دازه طفلة

وصلت لنهاية الشارع درت وجهي لكيتها بعدها واكفه غميتها ضحكت واشرت يله

ضحكت على ضحكتها  درت للشارع الثاني صار سد بينه بعد ماتشوفني  ركضت لشجره النبگ اتلفتت ماكو احد گعدت وراها وخرت البلوكة وحفرت اطلع الفلوس الي اجمعهن كل اسبوع بالختلة لعلاجها لان ادري اذا عرفت بهيج سعر ماراح تقبل اشتري الها

طلع اثر العلاگه استوني دااسحبها وشفت خيال وراي بعدني مادايره وجهي واجتني ضربة بنهاية راسي بعد ماحسيت بشي

صوت احد يسولف يمي وطكطكة مثل صوت حديد ينگلون بي

فتحت عيوني غواش راسي مصدع رجعت غمضت شويه وحسيت صار هدوء وايد تلعب بشعري

رجعت دخلت بغير عالم مااعرف شكد مر بس كعدت صوت تريلات قريبة فتحت عيوني اباوع نفسي داخل غرفة شبه مهجورة خالية مابيها بس شباج حديد مغلق

ردت اشيل ايدي حسيتها مربوطة عگدت حاجبي داحرگ نفسي وفزيت مفزوعة على صوت جاسم يضحك

درت وجهي واشوفه واكف يم واحد مخربط شكله  وسخ باوعلي غمز وندارله  گال هااا شكد تدفع بيها …

لاتنسوا التصويت ❤️

شيء من رصيف الدم

بقلمي: leo Alfatlawi

بارت الخامس والعشرون

بارتين سوة

تعديل/#ادمن كل واحد اتجاوز او كتب كلمة بذيئه بحق الابطال حضر گبل /

***رئال***

كنت هادئة ولكنني لم اكن ملاك "

…لزمت ايده وخرتها عن حلكي من الصدمة صفنت بوجهه اباوع لعيونه بيهن نظرة مااعرف افسرهن  سحب ايده مني وخر شعري عن وجهي خلاه وره اذني ونزلها عالكيف يمشيها على خدي وصل يم شفتي مسحها راد يدنگ خليت ادية على صدره واشرت لاااا

مارد وخر اديه ودنگ باسني  ردت ادير وجهي عض شفتي ضربته بكل قوتي بصدره ودفعته ؛ سحبت نفسي منه بسرعة وخرت الغطة دانزل من الجرباية مالحگت جان اسرع مني لكفني من شعري رجعني لمكاني رفعت ايديه داادفعة لزمهن ثبتهن وجرني  لحضنه عصرني بقوة  شل حركتي ؛ بعدني حتى ماصارخة ماحس غير سد حلكي وندگ على رگبتي…

راسي عالمخدة  لامة روحي بالديباج وعيني باب الحمام امسح دموعي وترد تنزل طلع بيده المنشفة بطرگ البنطلون هيئة جسمه گد التدريب واثار الاغتيالات صاير منظره مرعب

شمر المنشفة  واجه يمي دنگ حاصرني بأديه من الجهتين درت وجهي باسني  وحجه بصوت خافت تلعبين وياي رأل

نزلت دموعي

- تذكرين شنو كلتلج

- واخذت حقك من بعتني لعمك مقابيل البيت

- لاا هاي بس حتى اردج لحضني

- واني مااغيدك

- ولااني رايدج

- لعد ليش هيج سويت بيه

باوعلي ساكت اخذله ثواني مد ايده خله اصبعه على شفتي مسحها عالكيف - منو اول من ضاگ هالشفايف

مارديت

نزل ايده على گلبي  بحركة سريعة ضربه بأصابيعه

-ومنو اول من رفله گلب وانتي تترجي مايتركج

درت وجهي

حرك ايده وصلها لخصري عصره وسحبني اله

واول شخص تألمتي بداخل حضنه

- لو تعغف اشكد اكهغك

- موكد كرهي الج ؛بس ردت اختم وياج كل مشاعر البدايات لخاطر اطلع  شكو ليلة گضيتها واني مكابل المشتمل مثل المسودن اتوسل لربي ماريد غير دقيقة عيوني تغمض بلكي تهود نار المشتعلة من صوت ضحكتج اله

-يعني شنو؟؟

- انت قضيتي

- شوكت تغجعني للمغكز

- من تعدلين لدغتج حتى اعرف شتلغين بالتحقيق

باوعتله بكره رد دنگ باسني من شفتي عالكيف  دفعته وسحبت الديباج لفيت روحي و گمت دنكت شلت ملابسي من الگاع رحت للحمام دخلت واني احلف اخلي يحلم برتبته عالسحلة السحلني بيها

شمرت الديباج وكفت يم المغسلة اباوع لنفسي ملخة تمليخ  تكول جانت حيوانة بين اديه مو بشر ابن الكلب مرته تنزل خدش مابيها واني ناعل ابو ابوي

مشيت ايدي على ركبتي حسيته حرگتني همست الله ينتقم منك ومن اگول مهتلف بول تيغي مايقبل

اني احجي وصاح رأأأأأأل

ركضت للدوش فتحته وكفت جوا واسمع فونه رن   وصوته رد يگلهم بشرواا …  سباع سحلوهم للمقر… كم وحدة وياهم… شمروهن جوه لحد مااجي  … بلغ الولد خلي يستعدون الصبح  نجفته… لا تستعجل ابنييي كلها ساعتين ونحصر ابهاتهم … اخذهم علگهم بالمصلخ وجهزلي العدة ماتأخر ساعة واكون يمكم

هو يحجي واني حتى غسل مااعرف اشلون غسلت  عقلي يم كلامة يحجي بطريقة ماتمد للبشر بأي صلة  

سديت المي رحت يم الباب سحبت المنشفة استوني انشف وفتح الباب حتى مالحكت الزمها  انضربت بيه لطشتني بالحايط  ؛ دخل بيده جكارته عدلت وكفتي بسرعة وضميت جسمي راح للمغسلة  شال ساعته راد يطلع  شافني وكف ؛ صعدت المنشفة على صدري اضم بي  عدل ؛خله الجگارة بحلگه اريد اتبلعم بعد مااعرف لميت نفسي ودنكت خانسة

اخذله ثواني سحب نفس من جكارته وخرها نفخ الدخان بالجو وتقدم رديت ليورا تقرب اكثر  انحشكت بالزاوية وصل يمي عرفت بعد ماكو مجال رفعت راسي

اشر شنو

- مو عليك جنت احجي

- متأكدة

-بعد مااعيدها ابد اخغ مغة

- نبهتج لولا

- انت شوهتني طلعت الغلطة بدون لادغي

- وين شوهتج

كالها ومد ايده وره ضهري اريد احجي مااگدر  باوعتله بتوسل نزلها عالكيف وصل لخصري عصره وسحبني اله خليت ايدي على صدره دنگ احس نفسه يضرب بركبتي اخذ نفس طويل وباسني عالكيف غمضت عيوني

همس ليش ترجفين

- سكتت

- الي اعرفه ماتخافين مني يعني هاي مو رجفة خوف

- هيذام

- دخيل الله اشكد شبعت غدر ومذلة لخاطر اوكف هالوكفة

- انت جبغتني اسوي هيج

- لااااا حذرتج وكلتلج اندمج

- ندمت وتوسلتلك حتى تغجعني انت غفضت

- بعد ماخسرتيني رتبتي و كسرتيني گدام ربعي وسحگتي على راسي بين اهلي

- اخذت حقك كافي

- هالشي تكولي من تكونين مكلبجة بمكتبي  تترجيني بس حتى ارحمج بالموت

رفعت راسي اباوع عيونه حمر يباوعلي بطريقة تكتم النفس نزلت دموعي  بخوف

مد ايده وخر شعري عن وجهي مسح دموعي  ودنگ سحب شفتي ردت ادفعه لزم ايدي وضغط عليه بحضنه بلحظة شي مثل الخدر سرة بجسمي حسيت روحي هدأت ودگات  كلبي تنبض برجفة

غمضت بدون شعور ايده تعصر بخصري ونفسه يصعد وينزل بتوتر هو ويتنقل بين شفايفي بهدوء خليت ايدي على صدره  سحبني اله بقوة ودنگ شالني طلع من الحمام رجعني عالفرشة فجاه صار منظر متونه كدامي لاارادي خفت رجعت ليورا  ماانطاني مجال حتى امنعه لو احجي جرني ثبتني  واجاني بكل لهفة احس نفسي ضاگت لااگدر ادفعه بسبب ضخامة ولااگدر اتركه لان احسه ياكل بيه اكل

ثواني وبعد ماتحملت احس شفتي اتملخت ضربته بمتنه متأمله يعفوني ؛ ضغط اكثر من شدهت روحي دخلت اضافيري بجلده وسحبتها كل عقلي راح يأثر بي لو يتألم موتكول ضربته لاتكول انطيته طاقة زاد بلهفته اضعاف شهكت عرفته بغير عالم ماراح يحس خلاني انعل ابواسماعيل الخلاني اورط نفسي بواحد مثله ماتركني لمن تقربلي مرة ثانية

منتجي  عالجربابة  ايد عاصرني بيها بحضنه  والثانية بيها جكارة يدخن  مسحت دموعي ردت اندار دخلني لحظنه اكثر من گد حرگتي ضربته بدون وعي سحب نفس من جكارته وقربها من عيوني بسرعة ضميت نفسي داخل حضنه

طفاهه  وعدل ضهره حضني ودنگ عليه اخذ نفس  وهمس اشوكت تبطلين هاي الحركة ترة للصبر حدود

- گد ماسمعتها منك بعد حتى ماخاف

-طلعي راسج من تحجين لاتختلين هيج

- خليني اغوح منا

-  وهالشي تنسي نهائياً ذا ماخليتج تنعلين الساعة الفكرتي بيها بالغدر  مااتمسى ابن النظام وداعت كل ليلة سهرتها واني احسب حساب هاليوم لخليج حتى بالحلم تتوسلين طريق جهنم يسحبج بس حتى يخلصج من جحيم حضني

-ماغاح اتوسل بأحد جاية لخاطغ شغلة كلها يوم واحد اكملها واغجع لمكاني

-نامي رأل

- اسمي غئال مو غأل ومااعغف انام هيج

- تتعلمين غصباً عنج

- وليش حتى اتعلم مو غاح تغجني للزنزانة

- اي هو لخاطر ماتنصدمين بلسعة حماوتها وخنكت الصيف بيها

- يعني بغوفه

-شنو؟؟

- بغوفه يعني تجغبة هيج تدغيب للشمغ

- شتلغين بابا

باوعتله بحقد

مد ايده وخر شعري عن وجهي ونزلها لشفتي مسحها

- كافي والله تعبت

اخذ نفس بحسرة دنگ باسني ورجعني لحضنه

- هيذام

- نامي

- خليني اغوح تغه اخذت حقك بالذل وزيادة كافي نيمتني بمكان زوجتج وشاغكتني الحضن غصب والله ماكو اغخص من هيج

- الرخص من تضحكين بصوت عالي بغرفة احضينة امة كل عقلج تغيضيني وانتي ماتسوين فلس

رفعت راسي صارت عيونه بعيوني جانت بيهن نظرة تختلف عن كلامة مااعرف غضب لو لهفة لو عتب اخذ نفس واشر شكو

- من اني مااسوة فلس لعد ليش هيج جابغني عليك وخانگني بحضنك

- لان انتي هسه بأسمي تتحملين غصباً على ابوج كل  الطياح الحظ  لحد مااكمل شغلي واخذج وسحلج اعلگج بغرفة الاعتراف

- واني مامجبوووغه اتحملك ولااغيد انام يمك مثل ماخليتني بأسمك طلكنييي واني هناااا جوه مااختفي كمل شغلك وعلى سالفتك اسحلني للحجز

- رأل جايلي ساعة انطمر بيها وارد لجهنم كفيلج محمد اذا سمعت نفس منج مو صوت اعلگج بالسكف من شعرج واخلي الزمال الي دگلج صدر بحمايتج بيده يصلخ جلدج

-ماخاف ويله وخغ اختنگت

-رأل نامي

- تغه مو غصبببب هووو

وخر عصر وجهي بيده وحجه من بين سنونه  بت الكلبببب شلغيتتتت

ردت اضربه لزم ايدي وخزرني اباوع لعيونه صارت حمر وشكله نگلب عرفته راح  يتحول تذكرت بغرفة الاعتراف من يوصل  لهاي الحالة بعد محد يلزمه خنست

رجع راسه عالمخدة  سحبني دخل راسي  بحضنه ونزل ايده لخصري جرني اله لفني بالديباج  وحضني حيل تكول راح اطير  

سكتت رغم حر وخنگة بس غمضت واني مكتومة كلمااتذكر نايمة بحضن نفس الشخص الجان اكبر كابوس بحياتي سماع صوته مو شوفته  انخرس وحدي

الساعة تمشي وهو على وضعه ماغمضت عينه كلما احاول ابعد يضغط اكثر ياخذ نفس مني  ويبوسني عالكيف ارد اخنس لحد مارحت بالنوم

كعدت على صوت هوسة وصراخ كمزت لكيت روحي وحدي بالغرفة وخرت الغطة انتبهت لنفسي رجعت لفيته وكمت ركض للحمام دخلت لبست ملابسي عالسريع ردت اطلع قبل لايعرفون نمت هنا   وتوقفت رديت  للمرايا اباوع لشكلي اخاف اكو اثر وانفضح

غمضت واني اشوف خدودي صايرات طماطة عزل  من غير سالفة شفتي ورگبتي الي ماتنحجي

فتحت المغسلة اغسل بوجهي وامسح بركبتي بلكي يخف الحمار وارجع اباوع صايرات ازيد لحد مااسمعت صوت الباب انفتح وكفت جامدة

اتسنط ماكو صوت سديت البوري عالكيف طلعت امشي على طراف اصابعي واندعي كون بالغلط انفتحت وماشوف احد

وصلت لباب الحمام وصارت بوجهي ضي  رجعت ليورا هابطة خليت ايدي على كلبي اخذ نفس اشرت شبيج

-عزه دخت والله

-مم شسوين بالحمام

-كلشي توقعت بس تتفقين  ويا عليه  لااا

-وداعت بابا مارضيت بالبداية گلتله مستحيل اخليك تغصبها وتسوي الي براسك بس من شفتج مصممة تنهزمين ودمرين حياتج ماگدرت بعد امنعه

- وهاي غجعلي كل السويته بي وسحلني وطيح حظي وطلع شكو غل ضامة بگلبه من عيوني  

- الشرح مع المثال من هاي شفايفج تثبت اشگد كمية الغل  الشايله الج خو من شفته نزل وايديه كلها شخوط يحاول يضم بيهن جيوبه شلت همكم اشلون واحد كاره الثاني

- تغه جنت ادافع عن نفسي شوفي شنو سوه بيه تكول جثه وگعت بيد بول تيغي

-رئال تدرين ويامن جنتي؟؟

-اي والله بأيدين هيذام ومن گد صلافتي غفيت بحضنه

-والعين ماتغمض اذا ماتحس بالامان

- لهيج ضل گاعد مانام لان عمغه ماغاح يثق بيه بعد ؛المهم تركج من هالشي  گليلي شنو هم سألوا عليه

-لا محد سأل حسبالهم  نايمة بغرفة اسماعيل

-لعد شنو هالهوسة الجوة

- ماكو بس هيذام نزل لگه الريوگ ماكامل سوه اعادة انضباط لنظام البيت وتلكاه عمي كله مرتك زعلانة صارلها كم يوم انت شنو ماعندك رجولة لو مو كد المسؤولية كلي حتى اعرف اتصرف

-اكيد طفغ غاح يجيبها مو

-هو طفر  بس مو حتى يجيبها لا حتى يلكفه والنبي لو ماعمتي وازر يركضون يصيرون بوجه الله اعلم جان شسوه بي وانوب عمي تكول جرو خنيث نبح وخنس  الغسل ولاتكول رتبة وهيبة گعد بمكانه مثل الفاره الحاصريها بسله زبالة

- وين اسماعيل

-جوه بالصالة مگابل هيذام وگاعد مامصدگ رد

- تغحين دزيله مسج تكليله خلي يضل بمكانه  واتجيبيلي فستاني القصيغ

- وداعت  بابا يهيذام يرفعج فلقة بنص البيت ويسويج عبرة رئال لاتجربين حظج تره هذا ابن النظام

-واني ماتعبت كل هالتعب وضيعت نفسي  حتى استسلم بالنهاية مادخلت هذا البيت اذا ماجنت  ناوية احقق حلم غزوان بعيونهم

- تره غزوان مارايد غير راحتج

ردت احجي وصار منظره كدامي هو ويجايني بيده الكتاب يضحك ويأشرلي شوفي شنو اشتريتلج ؛  لزمتني العبرة باوعتلها واشرت لاااا

- رئال راح تهدمين حياتج ماراح تردين لمتكم ولاترجعينه بس هيذام يأذيج

- جان يشكيلي من غاية لان تزعل عليه هواي يكلي والله دااتعب علمودها واشتغل كم شفت بس حتى اسويلها عغس التحلم بي  جان يسهغ للصبح وهو ميت تعب بس حتى تجي دقيقة تگعد يمه يتحمل الالم ومايجيب علاج بس حتى يلم الفلوس ويشوفها بالبدلة ومن تحقق حلمه تعغفين شنو صاغ

نزلت دموعها

- غمضت عينه قبل لايشوفها بالبدلة لبسوا الجفن بدل القاط خلوا جوه الكاع قبل لايسمع ماما تهلهل بزفتهم

-عريس بالجنة

- مايتزوج والله مايتزوووج  غوحه تحوم على غاية ماجان يحبهاا لااا يعشقها يتنفس بيها  تدغين من جان يوگف يسولف ماما تكول صلوا على محمد تخاف لاينحسدون لان نظرات حبه الها جانت مفضوحة واحنا نضحك عليها ماندغي گلبها جان حاسها غاح يغحون ثنينهم هو يسكن التابوت وهيه تنطفي ضحكتها بشوفته همه ويدفنوا

-الله يرحمه

-ضي ماودعته ولاوكفت على دفنته  والله من طفغ الحايط وباوعلي حسني گلبي هاي اخغ شوفه اله بس لبالي نبعد بالسجن مو بالموت جان يكلي انتي اخيتي الي غاح تسلميني غاية بيدج واني اكله مااسلمها اذا ماتنطيني كلمة اتسمي بتك على اسمي يضحك يكول اخاف هم تطلع لدغة

-كافي رئال

-غاح وهو عيونه بعدها عالدنيا وتعبه الي مالحگ يتهنه بي

-شنو الي يبرد كلبج

-مايبغد بس بلكي تقل شوية من لسعة الناغ الداحس بيها بلكي اكدغ اشوف اختي واكللها سويت كل الكدغت عليه بلكي اگدغ  اخلي عيوني على گبغه  واگله ماقصغت يخويه ويانه كفيت وفيت

- راح يأذوج وهيذام مايوكفلج هالمرة

- خلي يسون كل اليكدغون عليه ماضل شي حتى اخاف عليه وهيذام ماله يمي بس منصبه وغاح اغجعه

- مسحي دموعج وحضري نفسج بين مااجيبلج التردي

اشرت اي راحت طلعت واني رجعت سديت الباب شمرت ملابسي سحبت لفيت روحي بالمنشفة طلعت وگفت عالمرايه باوعت للمكياج حسيت بالذل واني امد ايدي على حاجه مو الي

رفعت راسي اتخيل شكله هو ويعدل بنظارته بتعب غمضت اتمنيت اركض لحضنه  واسولفله على الكابوس الجنت داخله من ساعة وكفتنا بالباب وهو يحسب بالفلوس حتى لاننظرب لحد هاي كسرتي واني اتخيله كدامي واتمنى كل المر هذا حلم

فتحت عيوني مسحهتن دنگت شلت المشط فتحت شعري كمت امشط وهمس ويه نفسي اذا حق غزوان بكرامتج اسحگ عليها انتي وياها

كملت شعري انفتحت الباب دخلت ضي بيدها الفستان اجت يمي رادت تحجي وسكت اشرتلها شكو

- دزيت رساله لاسماعيل واتندمت

- ماتعغفين الندم لان ماواكفة گدام الضيع اهلج تباوعيله بعجز وتعغفين نفسج انتي السبب

- خليني اجيبلج فساني اطول شوية لان جسمج صاير فرد مره

- وهاي الاثاغ الي غاح دخل اسماعيل المصح وتنهي عمي

- تمام زين  استعجلي فدوه اروحلج ماطول طلع هيذام  والله اذا لكفج مايرحمج

-شنو يسوي يكلتني كدامهم لو يطلكني وشنو يعني اصلا هالشي متوقع اذا مو اليوم باجغ بس يشبع حيونته مني جيبي الفستان

اخذته رجعت للحمام لبسته ماكو براسي غير نظرات عمي وضربه وهو يجبرني اصير فار تجارب لابنه مستغل ضعفي وقذارت ابنه من واگف يتباهه اشلون ضيع اهلي وخلاني اردله مثل الحيوانة مذلولة جوه رجلي

من گد النار الي احسها بكلبي حتى مانتبهت للفستان اشلون مصلخ فتحت الباب وطلعت لكيت ضي ماكو بس خالتلي شحاطه ام الاصبع عالميز ورايحة

اخذتها شمرتها بعدني مالابستها واسمع  الدرج يندك عرفتها تستعجلني

لبست بسرعة وفتحت الباب مديت راسي هدوء طلعت مثل الشي العصرني غمضت رئال هذا هيذام  شدتلعبين انتي

واني رئال بت البتاوين وذولة الي كتلوا صديق عمري وطشروا اهلي

فتحت عيوني المابيهن بس الحقد لزمت محجر الدرج و نزلت لبالي راح اشوفه بالصالة بس ماكو احد عرفته يخاف من هيذام طالع بالحديقة منتظرني هناك ؛ كملت طريقي رحت من جهة المطبخ فتحت الباب طلعت دااحجي وگفت متصنمة واني اشوف العائلة كلها  ملتمة گدامي  عالميز يتريكون

عمي بصفه اسماعيل ويمه عمتي وابتها هيه ورجلها ومن الجهة الثانية عمتي رحمة  وبصفها ازر ومرته  ونهاية الميز هيذام مدنگ على ماعونه صاح ابن ازر اجت رئووول

رفعوا راسهم باوعولي مستغربين بس اسماعيل ضحك رجعت ليورا واني اشوف  هيذام  شال راسه  صاحت عمتي شكوو هنا منو كلج طلعين من الغرفة

صفنت انتجه هيذام خله جكارته بحلگه وباوعلي رافع حاجبه رجعت صرخت مو وياااج شبيج اثوليتي

مااعرف شرد صارت عيوني عليه دنگ ورث جكارته اخذ نفس رفع راسه نفخه باوعلها  وحجه بنبرة خلستني بمكاني هو ويكول اني كلتلها

عمتي - شتريد منها وكم مرة نبهتها اذا شافت عدنا احد ممنوع تطلع

- ومنو انتي وتصرحين بكيفك

- يااا شبيك يمة

- كل خير  البيت بيت رجلها والها بي اكثر منج لو تشوفيها تحركه مو تفلشه ماتتنفسين كدامها

- شتقصد؟؟

-قصدي كلش واضح الي يريد يضل عايش هنا ينكتم نهائياً  كفيلج محمد اذا اجتني بيوم وشكتلي من واحد واصل يمها مومسمعها كلمة اكسر ظهره

ابراهيم- شتلغي انت

- اللغوه تاركها للخنث التشتغل بالختلات وتتحامه بالنسوان رأل زوجتي والبيت ورثي وابن ابو اليثبت عكس

- شنوو تحجي صدگ لو تتشاقه؟

- ليش متشاقي وياكم قبل وانتي بابا تعالي ليش واكفه هناك

هو يحجي واني صافنه حرك كرسيه گام مجرد شفته هو واكف بالزي عصرتني مو ضخامته ونظرته  المليانة شر ؛ مد ايده اشرلي تعالي

رحت لزمتها  سحبني لحضنه دنگ باس راسي وباوع لعمي بتحدي

اباوع الكل فاك حلكه امه باهته ومرت ازر متبنجة   كام اسماعيل اديه ترجف شفايفه يابسة كمشت هيذام من ملابسه ودخلت اكثر بحضنه  ؛ نزلت دموعه و همس بترجي لالالا رئال انتي مالتي

خزره هيذام بطريقة خلت عمي يكمز بسرعه يلزمه   اندار لابو  دفعه حيل راد يصرخ وختل توازنه لزم الميز ماسيطر وگع

الكل گام مخبوص مامصدگ الديصير الي واكف يباوعلنا بصدمة والي ركض لاسماعيل شال راسه يريده يهدأ لان صابة مثل الصرع والي يصيح  شغلووا السيارره

عمي تارك الكل وعيونه على هيذام عاصر جف ايده وصاك على سنونه يريد ياكله

ضحك ودار وجهه باس راسي وكال ردي لغرفتي بنيتي لاتبردين

دفعني لجهة البيت رحت بسرعة دخلت صارت بوجهي غرفته ضحكت ونزلت دموعي  مامصدگة گدرت ارد حق غزوان بنفس الموقف

اسمع اصوات صريخهم وراي اخذت نفس ومسحت دموعي براحة احس هاي اصوات خواتي نفسها من شافن تابوته گدامهن

صعدت  كل ضني لهنا ونتهت وياهم مادريت فتحت عليه  باب ماراح ينسد اله بدم اخر نبض متأملة اعيش لخاطره

دخلت للغرفة سديت الباب شمرت شحاطتي بعدني ماداخلة للحمام اغسل وجهي وگمزت على صوت الباب ينفتح بدفرة

دخل هيذام مثل الاعصار حتى مالحگت انظم  رجعت ليورا  انضربت بالميز اجه صاگ على سنونه ورفعني من ركبتي حجه من بين اسنونه المن جنتي رايحه بهذا اللبس

اريد ارد مااگدر خانگني نكثني حيل وصاح رايحتله مصلخخخة

حسيت الهوا نگطع ضربته على صدره بكل قوتي  ماحس غير راجدي شمرني  مسافة وگعت بالگاع دنگ رفع راسي من شعري ضميت وجهي بسرعة صاح شيلي اديج ماكتلج

لميت روحي وضميته بالزايد 

- رايحتله تراوي شلون نمت وياج  لج اشكد شفت بنات شوارع شگد عاشرت عاهرات مثلج مامرن عليه

- موبت شواغع  واهلي يسون اهلك وماسويت هيج لو ماجان عندي حق يمه واعغفكم وحوش مااگدغ اخذه اله بهاي الطغيقه

- تمشين مصلخة  هيج رضيتي نفسج اخذتي حقج جا اشكد بت كلبب ورخيصة

- لو ماغخيصه مااقبل اخلص الليل بحضن  حيوان مثلك

صگ على سنونه عصرت نفسي خايفة دفعني وگام دفر الميز بكل قوته لمن طگ بالنص لميت رجليه  لحضني وشهكت

دخلت عمتي رحمة تركض جرته وصاحت ولك شبييك اتخبلت

- غيري ملابسها وحضريها اول مايطلعون  اطلكها

- جان من البداية ليش كلت كدام الكل هاي مرتك لو بس ردت تشعلها لخاطر تشمرها بنارهم

- حسبالي تستاهل طلعت اقذر من ابوها العرگ  النگس ماشي بدمها لو موتعدليها ماتنعدل ولاتنظف

- لاكول السواد والشر الي بكلبي عمري مايخلني اصير مثل البقية الله واكبررر عليك وعلى ظلمك  ارتاح يعمة  ذاك خبلته هاي ضاعت مستقبلها صار كل الجنت تدفنله روح هسه اغيرلها خلي ترد للسجن ارحملهاا منكم خلي تخلص من شركم حسبي الله بيكم دمرتوها للبنيه رووووح

كالتها ودفعته طلعته من الغرفة سد الباب اجت يمي دنكت رادت تكومني وخرت ايدها  وكمت

-عمه من غخصتج طلعي اغيد ابدل ملابسي

-ليش يعمة هيج خليتي يتمم زواجه منج وخربتي حياتج مو جنتي مستقرة ماتعرفين حقده وشره مايخلي يترك احد مرتاح ماتدرين بي عايش على عالظلم واذيه البشر

-اي اعغف واني هم سويت كل الجان لازم يصيغ  هاي هيه كلمن يغد لمكانه وياغيت اطلعين تكليله  خلي يستعجل لان اني مااغيد اضل اكثغ على ذمة متحيون مثله

-اشش يمعود لايسمعج دخيل الله هو طلع منا بارود وعلي يخلي طلقة براسج وابراسي وسكتنا  نهائيا

-مايكدغ اذا صاغلي شي  يضيع منصبه مولبالج غبي

-لاوالله مو غبي يتسابق ويه ملك الموت عالروح  والله اليستر من الراح يصير بعد الكارثة الصخمها اووف ياسواد گلبه الماينصلح ؛ ابني عمك رد لعافيته واستقر وتشوفه فرحان متكلي شبيك يعمه تمشي وتحرگ ماتخليك احد كاعد

-هذا الهامج

-انتي جنج صدگ ثولة وماحاسة وين شمرج ودار وجهه  ولج بعد شيخلصج من اديهم ابنهم مات  تعرفين شنو مات  ولج خذوا منا يزوع وغف من الصدمة وهذا عزيز ابو مااگلج راح يكتلج لااا وروح اخوي يربطج وينطيج للجلاب تنهش بيج

-ماغاح يلحگون

-شراح تسوين ولج بس لا مفكره تنتحرين

مارديت رحت للحمام  تريدلك واحد نضيف بيهم ماكو كلمن يدور مصلحته كل همها ابن اخوها تأثرت مشاعره ماهامهم الحيوانه الضلت بدون اهل وبمصير مجهول

غيرت ملابسي عالسريع طلعت لكيتها ماهيه بس   صوات هوستهم جوه مسحت حمرتي بظهر ايدي وكعدت عالفرشه لميت رجليه صارت مخدته  كدامي همست وداعت خواتي لخليك تحلم بمنصبك بس طلكني لخاطغ اعلمك اشلون تمد ايدك وتهيني

…الساعات تمر واني على وضعي منتظرة اشوكت يدز عليه واخلص من اسمه القذر  ؛ عيني بالباب الوقت يركض ومحد اجه غير مساعدة خلت الاكل وطلعت بسرعة كل شوية اكوم للشباج اباوع ماكو احد هدوء ارجع للفراش محتارة انزل لولا خايفة على ساعه  ترد  هبه وتلكيني بفرشتها وساعتها افلش راسها براسه وانتحر

تأخر الوقت  نعست وظهري طگ من الگعدة وماكو اي نفس شلت راسي الساعة عشره كمت لجهة الشباج وخرت البردة ظلمة كلش مامبين شي  خليت راسي عالجام اتجتفت عيوني بالگمر اخذت نفس طويل ابتسمت ونزلت دموعي همست هم گول قصرتي وياي ام لدغه

غمضت كلماته تردد بأذني وهو يغني والضحكة ماليه روحه هو ويباوع لسوار اخو بيدي

رفعت ايدي فتحت عيوني ضاعت الضحكة واني اشوف مكانه خالي خجلت من نفسي اتمنيت ماتخليت عنه ولا ركضت بذاك اليوم انضميت ورا ظهرة واني اطلب منه يحميني

لزمت البردة دااسدها ولمحت ضوه جمرة رفعت رجليه  اتأكد واشوفه گاعد منتجي  وخال رجليه عالكرسي البصفه يدخن مو يم  السالفة ولاتكول تارك حيوانه تنتظر ومن اكول حيوان يعترض

من حركة گلبي رديت البردة وطلعت اركض نزلت الدرج حتى ماشفت منو بالصالة كبل رحت للحديقة لكيته ماكو رايح بس عمتي لازمه راسها ادعي يمها بتها تهدأ بيها وازر من الجهة الثانية  اديه بجيوبه مدنگ يتسنط ومرته يمه انتبهتلي هالة صاحت اجيتي يوجه الفكر

شالت راسها عمتي عيونها حمر تفلت عليه وكالت من يوم الدخلتي ماشفنا الخير

ازر - خو انتم تركتوا غدر السيل وجلبتوا بالمنجاف كلما غرگ احد وصحتوا مكسور ذاك ابنج روحيله تركي البت

- وين ابني اشو دخل هجم البيت على راسي كتل رجل اختك وطلع مثل المخبل كتل حتى الحرس بس لان كلتله ارحم بحال  عمك راح يتخبل على ابنه

- اذا انتي تكليله اسماعيل يبجي على مرتك

- يااامرته صدكتوا نفسكم ولك منين اجت مرته ولك الولد  راح يتسودن هاي ثالث ابره ينطوا كلبه طگ مايطول للصبح

امل - ماما ترا بس يجي بابا احجيله واخلي يخلي حد ماكو هيج والله  بزعت روحنا كمت استحي من عمي شنو كلمااجي اني وزوجي يرد مضروب

- هو وينه ابوج ولج راح يتسودن محتار شيسوي اتصل يبجي على اسماعيل

- خلي يشمره بقضية يخلصنا منه

- مااعرف شلازم عليه الي  هيج خاله مجتف بالخوف وعاجز

هاله - هو شنو طلب منكم ورجعتوا بي الي هيج رد بكلامه

- كلشششي ماكو كال اريد البيت عمج كله تم كال رتبتي ومكتبي هم كال تم كال اسماعيل يرد للمشتما ماشوف وجه بعد هم كلنه صار اني ادري شخبله على ساعة

- عمه دخيلج انتي ماتعرفين هيذام مايحب احد يعلي صوته بوجه احجي ويا على كيف

- شحجي هاي شفتي اشلون جان كاعد ولاعلى باله واني اتوسل صار ساعة انوب  كام سحگني ولاكأنما اني امه ماكوو ابني سلمت امري لله بي  لاعنده رداد ولايخاف من احد بايع نفسه للمشاكل  ومصاحب الموت

- وانوب كملتها  هاي العاهرررة خلته يخسر رتبته وخبلته بالزايددد علينه

- هااي دبارها يمي بس خلي يطلكها ويفكني من الشر الهجمان الناوي عليه سهل الباقي

- اشش اجه

سكتت بسرعة خنسن ولاتكول هنه نفسهن الي يلغن اباوع دخل يمشي  لاوالله يدبج بالگاع صوت ضربة بسطاله تخليج وحدك تتخيل شگد مفلش  روس وموت عالم بيها ؛  بيده جكارته مدنگ عالفون  يراسل وجهه اي ملامح للبشر مابي ؛ وصل يمنه سحب الكرسي گعد شال راسه باوعلي  اتجتفت ؛ رفع حاجبه انتجه خله جكارته بحلگه واشر شكو

- شنو شكوو يله اطلگني

- مم وبعدين

- وتكوم تغجعني للمغكز

- كملتي

- لاااا

- رأل ردي لغرفتج

- شنو غدي مااتحغك و هسه اطلكني لاوالله افضحك وهااا لالبالك غاح اسكت وحسب حساب الك تغه اني مااخاف منك اصلاً

دنگ حك خشمه وامه فاكه حلكها صحت مو وياااك

-شكو بابا

-كوم طلكنييي وغجعني عالحجز  يلااااا

- روحي اكمل الجكارة وادز وراج

-جذاااب

-رأأأأأل

- شنو عود خوفتني من صحت تغه صاغت قديمة   اعلگج واصلخج وكتلج ووو وانت كلش ماتسوي بس حجي

هز راسه بأي واخذ نفس انتجه خله ايده وره راسه غمض مامعبرني رحت يمه دفرة بنهاية رجله فتح عيونه باوعلي

- كوم لاتخليني احجي شي يضوجك

رفع حاجبه

ضربته بمتنه 

استغفر ورد غمض حرگ گلبي لميت ايدي ورجعت ضربته حيل لزم ايدي صاحت عمتي لاصدگ بت شوارع وراد اخليهم يربوج من جديد

هيذام  - هووب ويامن انتي تحجين  ومنو ذولة السباع  الي يربوها

- يااا هيذام شبيك يمه صدگ تحجي

- حذرتج قبل بس الضاهر سمعج قليل هالمرة راح اطفرها الج  الثانية يصير شي مايرضيج وبعده ماطالع من ظهر ابو الي يوصلها مو يربيها وانتي يله كدامي

كالها وكام دفعني كدامه

ازر - وين رايح تره  بعد نص ساعة نطلع

- روح بين ماتبلغ الولد يتحضرون تلكوني كدامكم لاتخلي احد يتحرك اذا مااواصل عيونك على دسار تره الوضع خطر وهالزمال متهور

- الدغش وجماعة مساندي والمنطقة مطوقة حاصريهم حصرة الجلب مايگدرون يسون شي

- العدو والسند أمن خوفك من غدر القريب توكل يخوي وشغلي مخك عدل لخاطر لايلوحك طشار

ضحك ودنگ مبين فهم  اشر اي وراح  ردت احجي جرني هيذام من حلگ بلوزتي ومشى انسحلت ورا  اريد الحگ على سرعته مااكدر لحد ما صلنا للدرج صعد  لزمت المحجر بثنين ادية بقوة جرني ماجيت بيده اندار بدون لايحجي ضربني على اديه صرخت   رد جرني اخذني يسحل بيه وصل للغرفة فتحها دفعني ودخل وراي

تلفتت ردت مكان افلت صار الشباج كدامي بعدني مامتحركة لكفني سد الباب ولطشني عليه بسرعة رفعت اديه احمي وجهي لزمهن  نزلهن اباوعله عيونه حمر والغضب واضح عليه خفت من نظرته همست اسفه مااعيدها بعد

مارد رفع ايده غمضت بسرعة وخر شعري عن عيوني  نزل اصبايعه عالكيف وصل لخدودي عصرهن صرخت ضغط اكثر حسيته راح يطگ  دمعة عيوني باوعتله بتوسل

- تمدين ايدج عليه گدام الحرس ؟؟

-انت هنتني و ضغبتني

- ليشش ضربتج ماسألتي نفسج

- ماسويت شي وانت مالك حق تضغبني

-ونعل ابو ابوج واصلخ جلدج رأل يمكن كلشي اتحمل  واعبره الج بس مال تسمحين لاحد يباوعلج بنظرة ترضي قذارة غريزته  لااااا وكلام الله يارئال  ماراحمج

- وجهي هيذام  والله غاح يطگ

- واذا ماطگ افلشه الج وبالنسبة لطياح حظج ومدت ايدج هالمرة سكتتت ماخربطت  خلقتج  بس حتى لااقلل من مقدارج گدامهم المرة الثانية اكسر ايدج سمعتييي

هزيت راسي

- عندج صخام ضايجتلج من بلوه تردين ترگعين راسج بالحايط عدنا غرفة تشمرين  اخبالج بيها سوي التردي والغي بالي يريح مزاجج المرعبل بس بره ماكووو سمعتيي

برطمت

وخر ايد فرك خدودي درت وجهي للجهة الثانية رجع لزمه داره اله ضغط عليه سحب اصابيعه عالكيف لحد ماوصل شفتي مسحها بطرف اصبعه حسيت نظرته تغيرت بثواني همست -اشوكت اطلكني

-ماطلگ

-ليش

-هيج حيونه

-هيذام

ماخلاني اكمل دنگ سحب شفتي بعدت راسي زاد اكثر  صرخت بكتمة عضني ضربته بصدره لزم ايده بعدها وجرني اله عصرني بحضنه وايده الثانية دخلها بشعري ثبت راسي

اريد احرر نفسي مااگدر احس شفتي انشلعت ؛  دخلت اضافيري بصدره  دفرته برجله دخلني اكثر بحضنه  گطع نفسي شهكت استوه يرخي وكمزنا على فتحت الباب؛  سحبني بسرعة خلاني ورا ضميت وجهي بظهره

دخل درع شاف وضعنا وگف صافن دنگ هيذام يحك بكصته ويحاول تلافه الوضع واني اصلاً ماتحركت ومستمرة اضغط بأضافيره على ظهره  همس درع براءة شبيكم بابا

هيذام - لايبعد ابوك مابينه شي منو جابك

- الحرس ماما خابرتهم همه جابوني

- انعل شرفها وشرف الدزك وبهيج وقت

-ليش بابا

-ماكو شي  تعال يروح ابوك 

اجه يركض دفعني لجهة الحمام ودنگ شاله

ركضت بسرعة دخلت سديت الباب اسمعه يبوس بي وهو سأله شتسوي رئال بغرفتنا

- انت گلت غرفتنا يعني غرفتها

- وماما

- تنگبر يم اهلها شتسوي بيها مو كاتل روحك عالدغة وكل ليلة تخلوني للصبح اسهر مثل الزمال لخاطر تكملون هوستكم الفاشلة مثل وجوهكم هاي جبتها الك حتى تلعب وياها هنا تكملون خبالكم على راسي

- اييي بعد ماتروح هناك

- لا ماتروح واريدك تصير حباب راح اطلع انت تضل يمها ماتطلع منا اله وياها لحد ماارد

- اي

- تسمع كلامها ماتضوجها واي واحد يحجي وياها تخابرني بسرعة سمعت

- وانت تجي تكتلهم كلهم

- وسحلهم اشمرهم جوة رجليكم اخليكم اسحگون على روسهم

- ههههه

-اووف دخيل هالضحكة

كالها ورد يبوس وصوت ضحكت درع وين واصله عرفته ديلاعبه

باوعت لوجهي غمضت لان ماضال بي مكان صاحي اخذت نفس غسلته دااسد البوري واسمع فونه رن ثواني واسمع خبصته وطلعته ركض

مافتهمت شكو سديت البوري طلعت لكيت درع عالجرباية يلعب رحت كعدت يمه همست وين المهتلف

- اتصل بي عمو ازر يصرخ بابا اخذ سلاحه وراح بسرعة يركض

- دخيل الله لازم مصيبة

-شبي وجهج ليش هيج صاير

- هاي حساسية حبيبي لاتخاف شويه وتغوح

- هسه بابا يوديج للطبيب

- هو ابوك لو بس يعتقني اني اطيب وحدي المهم عوفك من المهتلف كلي امك ليش ماغجعت لهنا

- مااعرف بس كامت تبجي وتلطم خابرت بيبي تصرخ عليها وبعدين بسطتني وكالت روح لابوك بعد لاتجي خليك يم العاهره مالته خلي تفيده

- عوفها خلي تولي من اجيت منو جوه

- محد بي عمه وعمه ديحجن وبيبي تبجي

- اشطلعت هاي شوكت ينامون اني جوعانة

- ننزل ناكل اني هم جوعان

- حتى كتلنا يصيغ عمل شعبي تاني هسه تصعد ضي  تعال صاغ اشكد ماشايفتك ولك اشتاقيتلك

ضحك واجه يمي حضنته حيل و بست خدوده  اخذته لصدري وتمددت فتح الفون يباوع بي واني العب بشعره اتخيله رنود يمي

احسه نفس مأساتها اذا ذيج جانت تبجي من الجوع  هذا محروم من الحنان وصاير فريسة الهم الكل يتمنى  اذيته لخاطر يكسرون ابو بي 

مر وقت واني عقلي مشغول بهيذام لحد الان مامصدگة اني بغرفته نايمة بفراشه اباوع لملابسه المعلگة  واتخيل اشلون جان يحقق وياي والرعب الجنت احس بي من اسمع نبرة صوته

ابتسمت ودرت وجهي عيوني عالشباج وظلام الليل هيج وقت  الزم ايد رايه وعيوني على رؤيا انام وحنا محملين احلام الدنيا بعيونا 

حضنت درع حيل وصفنت  وين صفى بيهن الدهر اشلون حالهن هسه بعدهن يذكرني لو الدنيا نستهن حتى نفسهن

فززني درع هو وهمس جوعان

-هاي مبين مانعيها ماغح تجي كوم خلي ننزل نسوي اكل ماطول هدوء يعني ناموا

-اريد مي هم

-ميخالف بس لاطلع صوت حتى لايسمعونا

-من ناكل اروح لبيبي رحمة

- لا اغجع وياي اخاف وحدي لحد ماتجي ضي واشوف اشلون اخلص من ابوك

كمنا فتحت الباب الغرفة  هدوء ماكو نفس  طلعنا انتبهت لايده بيها فون خفت يشغله وننفضح اخذته من همست ضل هنا بس ارده واجي لاتتحرك

-خلي على الشحن حتى من ارجع العب بي

-تمام اوكف هنا لاتنزل

اشر اي

رجعت للغرفة لحظات مو اكثر بين مافتحت الجراره وطلعت الشاحن اشكله  واحس احد ركض وصوت شي وگع ويه صرخة درع

شمرت الفون وطلعت اركض بكل سرعتي وكفت احس الدم كله جمد بجسمي واني اشوف درع نايم على وجهه نهاية الدرج والدم تارس المكان  …

***رؤيا***

تنتهي الحياة ونحن مازلنا نبحث عنها

اذا كانت مانعيشه فكيف يكون الجحيم ؛

…فتحت عيوني بكبرهن عالرجال وهو يگول لجاسم كافي الفلوس  الي اخذتهن

ضحك ورد دنگ يحسب بيهن 

ردت اتفل بوجهه انتبهت لنفسي حلگي عليه لاصق جريت اديه مربطة رفست وصرخت بكتمة باوعلي الرجال بقذارة وهمس مبينة عنيفة مرت ابو الليل  راح تعبنا وياها

جاسم - لاهيه تربية شوارع قبل لاياخذها عكس اختها ذيج بلوره وفقيرة

- عندك بعد وحدة

- اي احلى من هاي وناعمة  وفوگ هذا بنية بعدها اذا تريد اجيبها الك

- بس مو نفس المبلغ لان هاي الباشا دافع افلوسها ذيج اني الراح اخذها

- وعندي بعد امهن اليهودية عليها عيون توگع اكبر راس بس هااا سعرها يختلف لان هاي عرضي وانت تعرف العرض عزيز ههههه

- اريد صغار ماتفيدني الجبيرة شسوي بيها بس اعلف بحلكها

- لااا موجبيرة عمرها بالثلاثين وناعمة مامبين عليها وتفيدك للمراهقين جمالها يگطع وراس ابوي باسبوع اطلع افلوسك وحتى ماتسوي مشاكل لان تخاف  تطلع عليها قضية قتل

- خوش جيبهن اشوفهن ونتفق عالسعر وهسه تروح  وتنسى هذا المكان حتى ذني من اجيبهن  خابر همه يجون يستلموهن من بيتك

- لابيتي ماارجعله اخاف يلكفني رجل هالعرمة شيخلصني منه

- هاي اعتبر خبرها اندثر لاواحد شافك ولا انت تعرفنا وابو الليل انتهى صارت ركبته بيدنا  يومين بالاكثر ويكون بعدد الاموات

- ميخالف خلوني بيت اختى اجيبلك بالبداية راية يومين واخلي اليهودية تجيك برجليها لهنا وهيه تتوسل بيك تاخذها لمكانكم حتى ماتشلع كلبك بالشغل  بس هااا الفلوس كله مقدمة

-هاي هيه يله ولي منا

-بس ديربالك منها هاي تره مجرمة مره شرحتني وربطتني شمرتني بالغرفة وقفلت الباب لو مالله يدز اختي بذاك الوقت جان رحت  فطيسة

- لاتخاف بس خلي يكمل شغله منها الباشا يجيب راس الدسار بيها وروح ابوي بس يسلمها الي اربع ايام مااطول بيدي واخلها احسن بت بناتي بيوم الماتشتغل يطلبوها عشرة

- تره ابوها مسجون مؤبد صاحب مافيا جبير گد ماخطر خالي بزنزانه وحده ومانعين حتى الزيارة عنه

- شنو اسمه؟؟

-رافد الدغش

-هاي بت رافد الدغش متأكد ؟؟

-والله على ماسمعت خالهن مرة يحجي جان يحجي صدگ لو يجذب حتى اخليهن بأسمي ماادري بس متأكد رجل هالعرمة ابو الليل وهو مايقل خطوة عنه

- على نفسه دخلي نصيده ويشوف الباشا كدامه هو ويعاشر مرته هاي اذا ماسوه عليها معاشرة جماعية لخاطر يشگ حلكه عود ذاك الوكت يراوينا بطولاته غبيي مالكه غير الباشا يندگ بي ويغدره حسبالة مايلكف وانت يله اتوكل وشعدك بنات جيب كلمن بسعرها

هو يحجي واني صافنه مامستوعبة الديصير اشرلي  باي ودزلي بوسه بالهوا هو ويضحك دار وجهه يريد يطلع واني كمت اهوس واصرخ بكتمة مااعرف شسوي بس اريد احرر نفسي اجه الرجال ارد يلزمني طبگت رجليه هنه ومربوطات ورفسته بطنه انشمر مسافة گعد بمكانه

درت وجهي ادور شي مخبوصة مااعرف شسوي انتبهت دبة كزاز  شوية عني بعدني مامتحركة  مااشوف گام اجاني ركض لزمني من شعري رفعت رجليه داارفسه والضربة اجتني بنهاية راسي غمضت ماحسيت بشي بعد

وعيت على صوت ضحك بنات يم راسي من كثر الدوخة والالم حتى ماميز شنو يحجن ولااني وين رديت غمضت دقايق وحسيت دفره اجتني بضهري وصوت وحده صاحت ماتصحين انتي

فتحت عيوني بتعب واشوف اثنين لبسهن بخزي  وحده بعد مسافة گاعده على قريولة تصبغ بأظافرها  والثانية يمي باوعتلي من فوگ ليجوه بستهزاء احس الدنيا افترت بيه ردت اسد عيوني  دنكت سحبت اللاصق من حلكي ودفرتني بظهري  صاحت فتحي عيونج لج خلي  اشوف شنو الميزه البيج  الي خلتهم  هيج ينخبصون والكل يصيح خرزة الدسار

غمضت مابيه احجي

- على شنو اخذج لا والنوب منتحر يريد يحرگ الدنيا وراج  اشو زعطوطة حتى لزمه مابيج

ردت البنيه  ليش منو هاي

- مرت واحد جان يشتغل يم الباشا وغدر بي اخذ الفلوس وسلم اسمه للحكومة حسبالة مايلگفه الله يرحم جمال لو ماهو يهزمنا جان كلنا ضعنا

- عزه بس لا مرت ابو الليل

- اي هيه مرته

-وهو وينه

-راح يسحلوا لهنا ويصفوا مثل الجلب يخلوا عبره لليفكر يندگ بالباشا

-حرمات مثل هذا يموت اشلون عليه جسم خو عيونه من يتلثم  طگ بالكاع

- الله لايوفقه اشلون چنه  ملمومين  شغل ورزق گطعه علينه وخلانا نطشرا اتهجولنا كلمن بمهجوم

- ديله عالاساس جنه بالبياع اشو هيه نفسها البتاوين وقرفها  بس البيت اتغير

- هاي البتاوين الماعاجبتج هيه نفسها لفتج انتي وال… وخلتجن تعيشن احسن عيشة طلعة وصرف بالكرف

- وين الطلعة اشو بالختلة حدنا للملهى ونرد مثل الحرامية حسرة علينا حتى  السوگ 

- غير بسببه مااعرف منين اجه واشلون دخل بينا وكوش على كلشي سلمنا للحكومة وطفر لاخله ام سعيد لاالهام خلانا نخاف نخطي للباب مو نطلع بره المنطقة

- اگلج الجهال وين نقلوهم ماشوفهم هواي بالشارع شنو باعوهم

- لاوين يبيعوهم  اشو الرزق كله بيهم لازمين المكانات تجدي وتوزيع حبوب بس خاليهم بيت سراج من ساعة السالفة اقلها من ينصاد واحد مايكول على بيتنا ونرد نتهجول من جديد وانتي يله جهزي ساعة ونطلع

- مااطلع اليوم كافي حيلي انهد

- شنو لج الي يسمعج يكول طالعة تبياته لمجموعة وهيج انهد حيلج همه ثنين منتهي عمرهم يله ساعة واجي عليج حظري نفسج وصحصحي زين تره الطالبينه مريشين

-طلعي دموع مكاني

-دموع طلعت تبياته

-خطيه اشلون طلعوها بعدها صغيرة مومال تبايته تره ام سعيد ماجانت تخلي البنيه تطلع اذا مايصير عمرها  ١٦

- محد ضربها على ايدها هيه انصرعت عالطلعات بس تسمع اكو طلب تركض اول وحده

- غير بسبب الحبوب الدتشربوها ماتحس بعد

- لاحبيبتي گولي شافت الفلوس لعبت بيدها بعد الفكر الجانت عايشة بي الله اعلم شكد لامه

- والله شمااشوف الها يوم تموت والفلوس تصير بيدج مثل القبلها

- يطبها مرض تركج منها يله استعدي وتحملي اليوم لو باجر راح يجيبون اخت هاي تخفف عنج الشغل

هيه تحجي واني شهكت مو كالت اخت هاي كأنما صحتني لزماني انكلبت على وجهي بسرعة كعدت ردت اكوم دفعتني وگعت  دنكت رادت اتخلي اللاصق  على حلكي دفرتها وصرخت ياااعالم لحكونييي ولكم خاطفينييي ولكمم اخيتييي راح ياخذوهااا

اني اصرخ  وهيه جرتني من شعري كمت ارفس وصرخ بعلوا صوتي دخلوا ثنين زلم يركضون واحد جرها مني والثاني دفرني دفره بطني احسها شكها بالنص وگعت على وجهي

دنگ شال راسي راد يخلي الاصق تفلت بوجهه وصرخت ولكم اولاد الكلببب عوفوهاااا

مسح وجهه  وگام رد دفرني بظهري ضغطت على سنوني وصحت حيوانااات شغلكم ويااااي  اختييي مالكم شغل بيهااااا

گطع صرختي بدفرة بنص وجهي حسيت خشمي وحلكي ثنينهن صبن دم سوة من الالم وهمشت روحي انداريت دااكوم وماحس غير رجعني بدفرة اقوة منها بهتت روحي

استوني دااسحب النفس وگطعوا  هو وصاحبه ثنين بنفس الثانية بضربات من الكترين غمضت عاصرة نفسي وهمه استلموني  كل واحد من جهة يضرب كل ضربة احسها تكسر عظم من قوتها الصرخة تطلع من گلبي اتكلب ماكو بعيوني غير راية ؛  لحد مااجتني دفرة بگلبي سكتتني  بمكاني خدر كل جسمي كله انكلبت على ضهري بلا نفس  باوعتلهم نزلت دموعي وهمست بتوسل بس هاي ضلت عندي

دنگ واحد هفني راجدي غمضت خله الاصق على حلكي كام جرني من رجليه سحلني شمرني بنهاية الغرفة رد دفرني بطني انطويت تفل عليه وراح

لميت رجلية لصدري مااكدر افتح عيوني شبه فاقده جسمي خدران عرفت نفسي انتهيت اجه  سرايه بالموت وصار الوكت اودع خواتي من بعيد

نزلت دموعي تخيلت رايه بعدها واكفة بالباب منتظرتني اجيبلها العلاج وماما مستمره تتوعد اشوكت اوصل حتى تضربني

صار دسار بعيوني هو ويتوسل يحضني لاخر مرة تكول كلبه حاسه راح يموت بسببي

احجي ويه كل واحد واحمله امانه لايشيل بكلبه عليه لان ماقصدت اذي احد كل تصرفاتي جانت من كثر  حبي الهم بس اني حمارة مااعرف اشلون اعبر من مشاعري 

وصلت لرئال عصرت نفسي اشكد جنت متمنيه اشوف شكلج  شلون صار حتى لومن بعيد اتمنيت احضنج واسمع لدغتج وانتي تكولين اسمي

غمضت حيل احاول استرجع صوتها بأذني وتخيل شكلها عليه حتى لا تضل حسرة بكلبي اخذ وقت شكد ورد افتح عيوني وشهگ يائسة لان مااتجي بخيالي

حركت راسي كوه همست ماطلبت منك بس  اضمها لحضني ليش رديتني صح اني عاصيتك بس هيه مالها ذنب ربي دخيلك احفظها وخليها ترد لحضن رايه لان ادري تحبها اكثر مني ومنتظرتها حتى تشكيلها كل الوجع المر بيها

حسيت الدم ترس وجهي والنفس ضاگ بسبب النزف رجعت راسي للكاع غمضت الدنيا تروح وتجي والالم يتضاغف لحد ماغبت عن الوعي

يومين واني بمكاني لاواحد مر عليه ولا اني بيه اتحرك نار مشتعلة بجسمي اصحى شوية وارد اروح غير عالم مافرق بين الليل والنهار لان المكان عتمه بس صوت ضحك البنات بره عرفت هاي واحد من الشبكات الجان يسولف بيهن دسار

فزيت على صوت فتحت الباب دخلت بنيه صغيره  بالعمر فتحت الضوه دفرت الباب وراها عيونها حمر وملابسها ملخه مسحت دموعها  اصلاً ما باوعتلي راحت للدولاب وگفت اطلع منها ملابس

الدنيا تروح وتجي يمي ريگي ناشف وبطني تتگطع حاولت اتبلعم ماكدرت بطلت؛ عيني بالبنيه لمت كم حاجة وسدت الدولاب رادت تطلع ونيت وكفت باوعتلي باوعتلها بترجي عكد حاجبها كالت منو انتي وشكو هنا

نزلت دموعي دارت وجها كملت طريقها ونيت حيل رجعت وكفت شهكت بصوت استغفرت اجت يمي كالت رايده شي

هزيت راسي

-شنو عطشانه

اشرت لا

-لعد شنو

حركت راسي

-اخاف مسويتلج مكسورة وتالي اتعاقب بسببج منين انتي اشو اول مره اشوفج شنو جديده 

دنكت على متني ردت ازيح الاصق

-مايتوخر هذا لصقه قوي

اشرتلها بترجي بس دموعي تنزل

- راح اوخره الج بس لاتصرخين تره كلهم هنا يجون يكتلوج ويكتلوني وياج

هزيت راسي اي

دنكت وخرتها همست وديني  للحمام بسرعة فدوه راح اموت

-خلي اكول لعمتي واجيج

-لالا ماراح ترضه فدوه اروحلج صار يومين بعد مااتحمل

-ليش هيج شامريج شنو مسوية

- كلشي ماكو بس زوجي متعارك وياهم وجابوني هنا حتى يلزموا فدوه اروحلج ساعديني ماتأخر  عالسريع مثانتي راح تنفجر

- زين باوعلي ذاك المنزع عادي ترحين بي لان الحمام فوك مااكدر اطلع

-اي اي بس سنديني لان ضهري طاگ مااكدر اتحرك

-انتظري بس اسد الباب

خلت الاغراض بالكاع واجت تركض دنكت عليه رادت تكومني  احس روحي شاطت  رجعتني وباوعتلي بحيرة

-شوفي راح افتح رجليج وانتي تساعدي وياي حتى اوديج قبل لايصيحولي

اشرت اي

دنكت فتحت رجلية رجعت سندتني كوه كدرت اكوم امشي وصلنا للمنزع دخلت مثل المخزن الصغير ساعدتني بنطلوني وطلعت 

دقايق واجت  تركض خايفة صاحت يله اسمع واحد نزل

طلعنا رجعتني مكاني ربطت رجليه دتخلي اللاصق همست بس كليلي فدوه هم جابوا بنيه شعرها طويل لهنا

-لا

-زين عدكم مكان غير هذا اذا رادوا يخطفون وحده يخلو بي

-جان عدنا بيت جبير بس واحد ابن حرام سلمه  للحكومة  شالته هو وناسه ماضل منا غير الجان بايت بره والباقي كلها بالسجن

- الحمدالله بلكي عرفن سبب اختفائي جاسم  وگدرن ينهزمن فدوه اخر طلب اريد مي والله حلگي مر من الدم

- شوية واجيبلج اتحملي بس اصعد الاغراض لعمتي

اشرت اي ردت اللاصق على حلكي شالت الاغراض وطلعت تركض

اباوع عمرها مايتعده ال١٤ سنة والاثار الي على جسمها واضحة مال علاقات متعدده غمضت دقايق واسمع صوت صرخة طفل بتوسل فتحت عيوني اريد اميز شنو يحجي مااسمع تذكرت كلام دسار من يكول يشوهوهم لو يعوقوهم حتى يجدون بيهم

غمضت احس روحي تنعصر ويه صرخاته مبين عمرة صغير من صياحه و توسله بيهم استمر الصراخ اكثر من عشر دقايق واختفى 

اخذت نفس رديت اباوع للسكف؛ تعده الوقت وهيه ماكو عيوني تتجول بالغرفة بيها كنتور بابين وسرير عليه دب احمر ومن الجهة الثانية دولاب وفتحة المخزن الدخلت بي بدون شباج عرفت نفسي داخل سرداب نفس تصميم سرداب بيتنا

رديت غمضت اكثر من اربع ساعات وانفتحت الباب دخلت نفس البنيه وياها وحده ثانيه تحك بخشمها  ملابسها تخزي شوية اكبر منها باوعتلي وهمستلها هيه هاي

- اي روحي شربيها مي بين ماتأكد ماكو احد

-ماكو كلها نايمة بس الزلم يم الباب واكفين

انطتها البطل هيه ضلت يم الباب تتأكد والبنيه اجت يمي دنكت وخرت اللاصق فتحت البطل شربتني  وگعدت اجت الثانية تربعت گدامي  كالت تدرين حتى ماعرفت اشتغل عقلي كله يمج الفضول كلتني زوجج شنو مسويلهم وهيج معذبيج

همست مااعرف يمكن بايگ بضاعة

- ياا لعد خاف وانهزم مايجي بعد وانتي هسه يشغلوج ويانه لاتخافين مايموتوج حلوة

- لاهو يخاف من هيج حثالة ولااني اخضع لحيوانات مثلهم

- مو بكيفج غصباً عنج يشغلوج هاي هم كالت اول مااجت هسه تتغالب ويانا عالطلب

-هم خطفوجن

-لا اني حبيتلي واحد ناقص ضحك عليه عيشني احلام بالجنه  وبحجت مذهبنا يختلف واهلنا ماراح يوافقون قنعني وخلاني ابوگ اهلي وانهزم ويا جابني لبيت بهاي المنطقة جنت مااعرفها  ضليت ويا يومين اغتصبني ودخل عليه صاحبه هم اغتصبني وتالي باعني لوحده وهددني اذا اعترضت  لو فتحت حلكي يبلغ اهلي يجون يكتلوني

-مارحتي بلغتي عنه

-اي حتى يوقفوني ويسلموني لاخوتي يذبحوني غسل عار لاخليني هنا اقلها عايشة بس الم افلوس وعمري يصير ١٨ اسافر بره اعيش احسن عيشة مو مثل هاي الي اجت بدون هويه وضاله هنا تشتغل حتى بلاش

ردت البنيه انتي لو عندج مثل خالي جان شردتي حتى بلا ملابس مو بس هوية ولج من كد نذالته ورا مايغتصبني يجويني لان خليته تكول بكيفي موهو الي يكتلني

-جان شردتي ليش سممتي وخليتي قضية عليج

- لان يستاهل اشكد ارتاحيت من يتعذب گدامي لحد مامات وعمتي كالت ميخالف بس ازورلج هوية بغير اسم بس خلي نشوف دربنا واني دااجمع راح اشتري سيارة

-اشلون اجمعين وانتي نص افلوسج مخلصتها على الادمان

هنه يحجن واني صافنة كم وحده مثلهن عايشة هيج عيشه بسبب اهمال الاهل تحس داخلهن نضيف وبنفس الوقت خوف العادات راعبهن ؛ تذكرت صوت الطفل قطعت كلامهن وكلتها اكو صوت طفل صرخ من ساعة واختفى شنو بس لاكتلوا

- لا شوهوا وجه حتى يجيب افلوس اكثر بالتجدي

- وين اهله لوهم مخطوف

-لاماعنده اهل جابوا من جان بالكماط يجدون بي هسه كبر بعد ماينفع سووله عاهه مثل البقية ماعليه لاتخافين ياخذله يومين يلفوا بلفاف ويخلوا بعربانة عود مريض راح يجيب طن افلوس

-احنا وين؟؟

-بالبتاوين شنو وين

- لابغابة مستحيل يكونون ذولة بشر

- شنو بشر ليش انتي شنو شايفة قبل يومين جابوا بنيه عمرها عشر  سنوات دخلوا عليها ثنين ماطولت للصبح ماتت من النزف

غمضت تذكرت رند احس الخنگة شگت كلبي تركتهن يسولفن ابراءة بدون وعي وحدة تعلم الثانية على شغلات جديده واشلون تجيب افلوس اكثر

اشكد ماگدرت اسيطر على اعصابي مااعارضهن على شغلهن حتى أمنهن بيه  واكدر اسحب منهن جهاز ادز مسج لاحد لو اشوفلي طريقة اخلص روحي من خلالهن لان ادري ماراح يساعدني يخاف ينكشف المكان ويرحن بالرجلين

لليل واني عيوني بأجهزتهن احاول الكف الرمز  كامت وحدة جابت اكل وكلتني كم لكمة وردت اللاصق طلعن حتى يتحضرن للسهر

ساعات وبلشت الحركة صح الاصوات بعيده بس هاي الاصوات وضرب البطالة اعرفها كلش زين ياما ليالي ضلينه للصبح وحنا وحده تباوع للثانية خايفين

الايام تمر واني عيني بالباب كل ساعة تعدي احسه من عمري انتظر  البنات بالدقايق اشوكت يجي الصبح وينزلن يمي حتى اسألهن عن راية من اسمعهن يكولون ماجابوها احس امل جديد ينزرع بيه

كاعده منتجيه عالحايط عقلي بين رايه وماما شلون حالهن هسه وبين  دسار الي مااعرف لزموا لو بعدهم يحاولون ويا

غمضت  مر احساس اديه على وجهي  وهو يحاول يهديني حتى ابطل اضرب بي واغلط

ابتسمت  واني اسمعه يكول اني حيوان ولفو وكل غلطات الدنيا عليه بس هدي رحمة لاهلج مو خبلتيني لج خرزة لاتخليني ابزز عيونج  وهذا وجهج اشوكت الله يسهل وتغسلي

ضحكت فتحت عيوني شفت البنيه داخله بيدها مي اجت يمي خليت فونها يمها وخرت الاصق كالت تأخرت مو

-لا شنو جنتي طالعة

- اي استوني جايه وميته تعب داشربج مي واصعد انام

-هم سمعتي شي جابوا وحده جديدة

- لابس اكو وحده باجر توصل كبل ياخذوها للباشا لان يكولون بنيه

-عزه بعيني راحت اخيتي

-وواحد اجه من شوية وكف حجه ويه عمتي يمكن اكو مصيبة صايرة لان عمتي كامت تلطم وهو كاللها منتظر الاوامر من الباشا اول مايرن نصفي

- ماسمعتي اسم شخص همه ويحجون

- لا بس كاللها  مستحيل مثل خطورة هذا يطلعوا من السجن ولا تخافين كلها كم ساعة وندزها لابو الليل وفوكاها هدية تربي سنين ليكدام وتعلمة شنو مصير الي يندگ بالباشا

هيه تحجي واني صارت  عيني بفونها درت وجهي صارت المخده كدامي كلتها فدوه جيبيلي المخدة والله ركبتي طگت من الكاع

اشرت اي وكامت راحت ؛ بسرعة سحبت الفون برجلي كعدت عليه جابت المخدة خلتها وراي شربتني مي وكامت تلفتت داير مدايرها ادور فونها سويت روحي موياها انتجيت اباوع للسكف

استغربت طلعت تركض لبالها ناسيته اول ماسدت الباب طلعته بسرعه دكيت الرقم السري بأصابيع رجليه

دكيت رقم غزوان وعيني بالباب فتحت الحاكيه منتظره رايه ترد غمضت واني اسمع كلمه مغلق يعني بعدها غالقته

رجعت احاول ادخل عالواتساب دكيت الرقم طلع اسمه دست صوتي همست رايه طلعي من البيت جاسم باعج لعصابة اخذي ماما وروحي غير محافظة وديري بالج عليها ولاتخافون عليه اني بخير عايشة احسن عيشة  كولي لماما رؤيا تكول خففي وكاحة وبطلي تتبلين عالعالم وتضربيهم بالباطل تره اليهود كتلهم حلال؛  ابتسمت ونزلت دمعتي

مسحتها بمتني وكملت اذا شفتي رئال  كليلها اني الجنت اضم كتابها مو حتى اغيضها  لا والله حتى اسمع صوتها وتخيل شكلها عليه

اذا اجاكم دسار اخذي منه قراصتي وكليله خلي يكتب التاريخ بأخر يوم التقينا بي وكليله رؤيا تكول جنت اجذب عليك عمري ماعرفت اكرهك صح كلكم حيوانات بس انت اللفو الي كلبي غدرني ودگ اله قبل لاشوفه

لاتتصلين بهذا الرقم حتى لاتأذه؛  راية ديري بالج على نفسج ودوري رئال تره منتظرتج اخيتنا عينها بيج

دزيت المسج شفت صار خط حذفت الرقم وغقلت الفون نهائياً  دفعته برجلي حيل وصل نهاية الغرفة استوني اخذ نفس انفتحت 

رفعت راسي واشوف دخل واحد سمين شواربه ثخان ويا مره تلعب نفسك تباوعلها اجه يمي طلع ابره من جيبه كعد كدامي نص كعد باوعلي  وگال منو انتي وهيج البتاوين انكلبت عليج

- مرت اللفو السحلكم وخله روسكم جوة الرجلين وانتوا تتوسلون الموت

اشرلي بالابره وابتسم

- شنو هاي

- والله هالجمال حرمات واحد ينهي حسبالنا نستفاد منج بس شنسوي ماخله النا درب نمشي منه ابن العاهرة تكول شيطان

-مافهمت

-موشرط كل اعضائج تكون صاحية كافي الخرز تلمع موو

-ابره شلل ؟؟

ضحك حتى مالحگت اصرخ كلها لحظات عصر رگبتي  ودخل الابرة من ورا  القميص بمتني وضغطها…

لاتنسون التصويت ضغطوا النجمة ❤️

شيء من رصيف الدم

بقلمي:leo Alfatlawi

بارت السادس والعشرون

بارتين ونص

***رايه***

عندما لايكون لديك فرصة للتضحية

وقتها فقط عاتب الوقت على خسارتهم …

واكفة  بالباب عيني برؤيا  ابتسم على مشيتها اطفر مو تمشي كل شوية دافرة شغلة  واصلة مرحلة بالتهور عابرة قارات بالشيطنة

وصلت نهاية الشارع اندارت تباوعلي بعيونها التلمع  لامه حلكها وكفشتها منثورة تگول لعابة متلبسة جني عضيت شفتي كوة كاتمة ضحكتي واشرتلها روحي يله ؛غمتني ضحك على اخبالها  وهزيت ايدي عفست وجها واندارت كملت طريقها

انتجيت عالباب مجتفة  انتظرها اجت ماما عباتها براسها كالت رجعي نشري الخبز دااروح وره هاي

- ميعتاز ماما هسه تجي هياته المضمد

- صار الغروب اصلاً مااعرف اشلون دزيتها وحدها  وهم اجيب علاج الضغط بطريقي هاي خبلة اذا ردت ولگت ماعندي ماعدها مانع تروح مرة لخ تعرفيها عرمة مااكدرلها

- ههههه هسه تكلج فوگ مدااتصخرلكم وين محصلين بنية مثلي

- ولد يبعد امج ولد وتربية شوارع ام الجگاير

- ماما خطية والله تضوج من تحجين عليها هيج كافي شايلة همنا نهار وليل تشتغل علمودنا

- الله وكيلج لاتضوج ولا تعتب توگف تعد وتصف وتختمها يهودية شرد عليج مايصير بعينج كتلج حلال هاي اذا ماطلعت علينه سجينتها وهددتنا

- ههه فدوة اروح لسوالفها يله حبيبتي روحي بس جيبي بيض وياج ماعدنا  خطية مشتهيه مخلمة

- مو توصلين يم التنور نصيته اني لبين ماارد ونكمل خبز

هزيت راسي راحت واني دخلت گعدت دانشر الخبز صارت وحده كدامي مگسبة زيادة ابتسمت ذكرت غزوان من يأشرلي ضميها الي بحجت يحبها واني وادري بي جذاب حتى ماتكون من نصيب وحدة بينا وماتشبع بيها

نزلت دموعي خليت ايدي على صدري وغمضت همست منين اجيبك لخاطر اشكيلك عالداحس بي   ولك اشتاقيتلك ليش هيج دتسوي بيه ولك  تعبت واني اتوسل تجيني بالحلم ماهزك موقف بينا ماذكرت وعد ضحكة مرفت روحك لدموعي

والله بس ترد رئال لابجي بحضنها كل قهري وكللها على وعودك الجذب اله انساك بيها وبعد ماذكرك

فتحت عيوني باوعت للخبزة همست بكسرة جذب  والله

شلتها حضنتها حيل واسمع صوت هوسة بره مثل كل يوم عرفتها بين الجوارين عالجهال؛   اخذت نفس ومسحت دموعي رجعت دنگت الم باقي الخبز منتظرتهن يرجعن اكثر من ربع ساعة وهنه ماكو والاصوات تزود بالشارع وادري بيها ماراح تفض للصبح

كترت كلشي على جهة شلت المعجنة دااكوم واندفعت الباب درت وجهي لكيت ماما واكفة تباوعلي باهته عباتها كلها تراب عگدت حاجبي كمت اشرت شكو

حجت بصوت كوه ينسمع رؤيا 

-شبيها

-اخذها جاسم  راحت اخيتج يراية

- شنو اخذها مامااا شبيج ترا هسه تجي راحت تجيب علاج هههه شصارلج

كعدت بالگاع شبه فاقدة وگعت المعجنة من ايدي مشيت كوة وصلت يمها دنكت لزمت اديها همست بتوسل لاماما اخيتي هسه ترجع كالت سويلي اكل جوعانة ماتأخر

- ركضت ورا عيطت لطمت نخيت العالم محد گدر يلحكه راحت السيارة اختفت راحت ابنيتي

-شنووو راحت رؤيااا ماتعوفنييي تدري ماضل عندي غيرهااا

-شفت ضحكتها بيها كسرة بنيتي  اشلون مامنعتها تروح ليش مااخذتها لحضني وسألها شبيج اشلون خليتها تروح وحدها

-هه شدتحجين انتي ماما 

- راحت بسببي اي بسببي اني مااعرفت احافظ عليها اني جبتها لهنا حتى ماادخل للسجن اني السلمتها بيدي اله موو اي اني الضيعتها

-منو الضاعتتت لج ماماااا على منو دتحجييين

- باعها اخذوا بنيتي من حضني واني بعدني ماشبعانه منها ههه هسه جانت اطفر كدامي كلتها تعالي لبالها اضربها صدگ بس اني والله ماردت اضربها ردت بس اشغلها حتى تنسى الحزن

كعدت صافنة اباوعلها شفافها بيض تهذي وتعتب وتلوم صارت گدامي نضرت وضحكت رئال حسيت شريط انعاد نفسه وياها من التفتت وغمتي تضحك بسرعة خليت ايدي على گلبي همست لااسم الله

گمت بدون شعور تكول بعده عدل ركضت للغرفة طلعت الفون فتحته دگيت رقم صاحبه اسمعه رن لو تكول سمعت صوته هو يگلي امري يروحي

نزلت دموعي رد ذباح بصوت مخنوگ هلا والله بأم العزيز

شهكت

-ياهو وياااي تحجوااا يباااا

- ذباح الحگني

- رااااية ؟ شصايررر يخوي وينكم دخيل هلج تحجييي

- راحت اخيتي ذباح  بابا اخذ رؤيااا

-شني راحت لج راااايه وين مجانكممم

- منطقة مااعرفها روح الحگ رؤيا للبتاوين قبل لايبعها  ابوس ايدك رجعلي اخيتي

-طالعهااااا طالععع بس عطيني امج

ركضت طلعت لماما لكيتها لامه رجليها وصافنة دمعتها ناشفة على خدها گعدت لزمت ايدها خليت الفون بيها باوعتلي بتعب همست هذا ذباح ديحجي وياج

خلت الفون على اذنها تركتها وگمت من شدهت گلبي مااعرف شسوي طلعت بره اباوع للدرب بلكي گدرت تشرد منه

مر وقت واني على وگفتي فاتحة اديه للسما وعيوني عالشارع الصار فارغ صافنة اباوع لنبگتها بهضم كل يوم هيج وقت گاعدة وتشامر الحيوانات بحجار؛نزلت دمعتي بعجز اسمع خطوات وراي درت وجهي واشوف ماما تجر بنفسها گوة وجها اصفر وحيلها مهدود باوعتلهابكسرة مو نفسها الجانت قبل شوية تجاكر وتضحك طايره بينا خلال ساعات تحسها صارت عجوز مكسور ضهرها من الهم وصلت يمي لزمت ايدي ماتگدر توگف كمشتها وهمست شنو كلج

- هاي العالم هيج كلها دخلت لبيوتها ولاتكول شي صار ولاكالوا ذني بلا سند خلي نوگف وياهن

- ذباااح شنو گلج

- خذ العنوان ماتركته لحد مالزم شاربه وكال اردها

- لعد هسه  يرجعها

- ضربتها حيل مو

- تعرفج تتشاقين وياها  حتى من تصرخ بوجهك مو لان تريد تزعلج لاوالله لان تحبج وماتعرف تعبر تضوج من نفسها هيج تسوي بت حضني واعرفها اكثر من نفسي

- كلبي مقبوض بنيتي خايفة

- ماتخاف غير علينا رؤيا سباعية هسه تخلص نفسها

- راحن بنياتي يراية

نزلت دموعي

- خليج هنا لاتتحركين بلكي ترجع

- وين تردين

- افرش سجادتي واناجي  ربي اخاف مسوية ذنب واني ماادري ليش حرمني منهم كلهم

خلت الفون بيدي وردت للبيت گوة تمشي؛احس رجلية ماتعيني لوجه الصبح  رجعت ليورا گعدت يم الحايط واني عيني بين الطريق والفون كلما اتصل يفصله اعرفه بعد مامحصلها لحد ماسمعت الاذان رفعت راسي  للسما همست يااارب امحي كل امنيه طلبتها منك رضيت بكل قدر كتبته عليه بس ردلي اخياتي

مسحت دموعي باوعت بالفون ماكو اي شي گمت رحت توضيت دخلت لكيت ماما بعدها عالسجادة بيدها القرآن تقرا بهدوء سورة مريم

فرشت سجادتي بصف سجادتها لبست الجادر وگفت استوني گلت الله واكبر واسمع سيارة وگفت  وندگت الباب لا اگدر اگطع صلاتي ولا اگدر اكمل احس گلبي رف

كامت ماما طلعت تركض واني حتى مااعرف شلون صليت دقايق ودخلت تركض سحبت الباب قفلته وگفت ورا صرخت وكلام الله اذبحهااا وماانطيكيااا ياناقص الشرررف

اجه صوت جاسم صاح اخذهااا غصباً عنج طلعيها احسن مااروح اجيب المركز  واخليهم يسحلوج

- ويين وديت بنتي والله ياجاسم اذا شعراية وحدة لمست منها وروح الضليت بحسرة ضحكته احرگك بيدي

- بنتي رديتها لبيتي وهاي هم جاي اخذها يم اختها استر عليهن من الطياح الحظ الطمستن راسي بي

- ولج رااايه خابري ذباااح كليله هذا النكس هنااا خلي يجي بسرررعة

دفر الباب وصاح فتحيييي لاكسررره واسحگ راسج طلعييهااا  احسلج لج فتحييي

ركضت ماما شالت الفون اتصلت برقم ذباح اول مارد صرخت الحگني ولك راح يكسر الباب وياخذ راية

مااسمع شنو رد بس هيه راحت  ركض گعدت ورا الباب وكامت تصرخ تفزع بالعالم

صوت صراخها خبص المكان وهو مستمر يدفر يريد يكسرها وصوت ابو طبر يكله خلينه نبلغ الشرطة يجون ياخذوها واحنا ناخذ بتك العاهرة

گعدت بمكاني حسيت بهضم الماعنده سند وضعف العايش بي؛ اول مرة اعاتب ربي لان اخذه منه وخلانا هيج مكسورين

عيني بماما الي تبجي بقهر وتأشر اشلون اخلصج واذني يم جاسم الي يحاول يكسر الباب من غير صراخ ابو طبر يصيح عوف الباب خلينه نسلمها

صياح خوف  وجع صارت هوسة براسي ظلمت الدنيا  شي انسحب من صدري غمضت ماحسيت بعد 

بين صاحية وبين داخله بعالم ثاني اسمع صوت وحده تعتب واحد  يم راسي يمسح على شعري تحاول تصحيني

فتحت عيوني لكيت المره ام البيت رجعة من بيت اختها واكفة تباوعلي بحيرة وماما لازمة ايدي تبجي تذكرت رؤيا گمزت صاحت ماما اسم الله يبعد امج

- رؤيا ماما رؤيا رجعت

- ماكو ولو ماالعالم توكفلي جان انتي هم اخذج مني

المره - خيه هاي صحت والرجال  واگف واني لميت غراضجن ياريت تستعجلين  قبل لايرد

ماما - والله طالعة بس صبري عليه شوية بين مااحجي وياها 

- والله ماشفت منجن غير الخير وعتبرتجن بناتي  بس اني مرة وحدانية موحمل مشاكل وهذا ابوكم مبين مو خوش ادمي فضحني گدام العالم سمعتي يگول مشغلتهن بيتج وراح اشتكي عليج وياها

- حسبي الله ونعم الوكيل بي لاتبررين اني بعد مااگدر اگعد هنا لان ادري بي راح ختل بعد مابلغ الحكومة على مكاني ومنتظر ياخذوني حتى يرد ياخذ راية غصباً عليه

- ربي يخلصكم منه ويرد ابنيتج لحضنج يله اني راح اصعد الغراض بالسيارة لخاطر لاتتأخرون 

هزت راسها ماما وهيه طلعت لزمت ايدها همست لاتكولين راح نرجع ويه ذباح ويضيع مكان رؤيا مثل ماضاعت رئال

-ماراح تضيع وراح ترجعين ويا ذباح وحدج

- شنوو؟؟

-لزمي هاي المدالية خليها يمج وسمعيني عدل

-شنو اسمع ماما وليش نزعتيها

- ادري الراح اطلبه منج مو قليل بس ماضل عندي غير هالحل  اخيتج انباعت ومحد يعرف عدمن  لان النكس خاتل من البارحة لليوم يدورون عليه ماحصلوا اجه دقايق ورد اختفى

- هسه  يرد ماطول خلاني براسه مايعوفني

- واني مااگدر انتظر لحد مايرد لازم الحگ على اخيتج هاي اذا بعدها لحد الان عايشة تعرفين رؤيا ماتسلم نفسها وذولة حيوانات ماعدهم رحمة ولاشرف

- يمه اسم الله على گلبها لا ماما لاتكولين هيج ماضل عندي غيرها

- ترديها ترد؟؟

-وانطي عمري فدوه الها گولي شسوي

- الراح اكوله مايوصل لذباح يضل بيني وبينج لان راح يمنعني ويصر على كتله وانتن ترحن بالرجلين محد بعد يحميجن اذا جاسم نكس اخوته جلاب

- مافهمت

- طلبت من ذباح يخليج بأسمه

- لاااااا

- ترحين ويا تنتظرين مني اتصال اول ماادگ ترفضي وتگولين لذباح خلي يلحگني للمركز

-شراح تسوين

-  اسلم نفسي حتى يدزون على جاسم  ويلگفه مناك لخاطر يندل مكانها ويردها الج وهيج بعد جاسم مايگدر يداعي بيجن لان تصيرن عرض ابن البدوية

-راح يحمينا بدون لااصير بأسمه

- مرافگ عالم ازبل منه اقل شي يسوي يخليهم يشمرون ذباح بمصيبة باطلة اول مايتوقف بالحجز يجيب الشرطة ويجيجن لبيت اهله ياخذجن غصباً  عنهم

-وغزوان ؟؟

-عافني اركض الم بيجن وتضيعن وهاي صفيت بيج وكلها ساعة لو ثنين هم تلحكيهن واني الحگ الباقين لان مالي فايدة بعد

سكتت

- گومي يمه ماضل وقت النگس بلغ على مكاني  راح يوصلون الشرطة روحي قبل لايجون وساعتها هذا سكوتج يصير صراخ بندم كافي دفنتي هواي گلبج بعد مايتحمل

-انتي هم راح تعوفيني

-هاي مداليتي يمج وراح يردن خواتج لحضنج شوفيني بيهن عوضيهن عن حضني لاتحقدين عليهن ادري الراح تسوي لخاطرهن يوجع گلبج  بس هنه مالهن ذنب

نزلت دموعي جرت راسي باسته وكومتني طلعت امشي واني صافنة عيني على ماما مااعرف امنعها  لو احضنها واودعها 

طلعت بره صار ذباح گدامي گاعد عالدرج بعده على حزنه بالاسود شماغه على متنه مدنگ خال راسه بين اديه كالتله ماما كوم يله

شال راسه عيونه دم والغضب واضح عليه تگول يريد يفترسني باوعلي بنظرة حسستني بكل الغلط السويته من ساعة رفضي لكلام غزوان هو ويطلب مني ناخذهن ونروح لساعة طلعتي من بيته بدون علمهم عرفته محملني مسؤولية كل الصار ؛نزلت دموعي

صك على سنونه ورد دنگ عصر راسه مغمض اعرف موقفه مو اقل من موقفي وهو يشوف صورة غزوان بوجهي من يسولفله عن حلمه بيه

راحت ماما خليت ايدها على متنه مسح وجهي وكام دار وجهه للجهة الثانية وحجه بنبرة مخنوگة كلها غضب وهو يگول  يله يبا

ماما -  اني مااروح وياكم

- عليش يباااا

- اضل هنا انتظره بنيتي

- ام رايه عنوانج صار بيد المركز مناطرين بس امر القاء القبض لخاطر يعرون واذا على بنتج كضيتلج شاربي اردها لحضنج بس عطيني صبر اطيح بي وگلام الله لجيبه وامده تحت ارجولج

-لو ماسامعة كلامك گبل ودازة وياك بس بناتي جان  هسه عايشات بحمايتك وراده حتى رئال يم خواتها

- غلطاتج جثيرة بگد جلعي وراكم طول هالاشهر  بس ماهو وكت عتاب وبنواتج رادات الربع عروا  للبتاوين وانه لاحجهم بعون الله مايطر الفجر اله وهي تكون يمج يله خوية خلينا نتوكل

- ذباح ديربالك عليهن ورئال امانة الله يمك لاتسكت عنها هاي عزيزة غزوان

- افااا توصيني على اخياتي لاماهگيتها منج وعلي لخليهن على راسي واليفكر يتحجى وياهن اترس حلكه بارود ماتسمعين شكوة وحدة منهن اله وانه حدر التراب

- اخاف يجي يوم وتمل من ملحة جاسم ومشاكله گول لرايه خليها تاخذهن وتبعد لاتردهن اله

- ام رايه ترانه ازلام صاحبين دواوين مانه جهال اصيار امس الامانه نفديها بروحنا والدخيله نعطيها صيتنا ننتخي للغريب ونرش اليكربله بالدم موش انوب لاهل خويي هالمرة كلتلها الثانية نخرب

رن فونه طلعه من جيبه باوع بي عصر جف ايده وصگ على سنونه رفضه ودنگ شال سلاحه كال طلعن بسرررعة

ماما- شصايررر

- الامن چايين بالطريج استعجلييي يخوية

-اخذها وروح

- ام رااايه دخيل ربج لاتزيدهاااا راح يصلووون وحرمة غزوان على جثتي تدخل مركز  لاتجبريني بالموت قبل لارد ذيج

- ماراح تدخل مركز راح تاخذها وتخليها بأسمك واني اروح يم وحدة اعرفها

- عليششش يبااا بيت ابنج مفتوح وتسكنين يم الغرب

- مااتحرك  اذا ماشوف بنتي گدام عيني ولاتخاف عليه اعرف اضم نفسي بس اخذ راية منا وهاا امانه مادخلها بيتك اذا ماتكون بأسمك

- رايه حرمة رفيجي واخيتي

- ذباح تخليها بأسمك

- وعلي محد يگرب صوبها

- انطيتني كلمة اگلك على عنوانه وانت تنفذ الاطلبه مثل ماثقيت بيك خليك گد كلمتك حتى أمن صدگ سلمت بناتي بيد زلمة

غمض يصبر روحه عرفته راح ينفجر بيها

- راح يوصلون ذباح لاتشلع گلبي گلي مو كد كلمتي حتى اردها للغرفة اني اسلم روحي وهيه تروح دور اختهااا بنفسها

- لخاطر اترس حلكها بارود

-تمنعها من الطلعة وتحميها من ابوها بعد ماتخليها بأسمك هسه ماتكدر تحجي موتاخذها مني

-يصير خير ياعمة خويي

-ادري طولت لساني عليك بس ماضل عندي غيرها وادري راح تلحگهن اذا ماصارت بأسمك ولاتكول احميها العرض مو مثل الامانة ييمة نخيتك لا تردني

سكت اباوع بعيونه حمارهن تحول لحيرة تكسر الضهر نزلت دموعها ماما واشرت  ها

دنگ هز راسه وراح طلع درت وجهي الها مسحت عيونها وابتسمت نزلت دموعي سحبتني لحضنها عصرتني حيل وهمست ديري بالج على خواتج

شهكت دفعتني للباب وردت جوه بدون لاتباوع لوجهي

اجت المره جرتني طلعت لكيت اربع زلم مسلحة واكفة يم سيارة جبيرة و ذباح واكف يم  السيارة بيكب مدنگ يورث بجكارته سحب نفس منها بحركة وخرها اباوع لايده  ترجف شافني دار وجهه بسرعة ماادري ما يريد يخلي عينه بعيني لو بعين غزوان

همست المرة يله يخالة راح يجون روحي ادري صعبة بس خطية اخيتج

-اذا رجعتها  بكسرة گلبي انعل ابو گلبي خليج ويا ماما لاتعوفيها

هزت راسها رحت فتح باب السيارةصعدت سد الباب صعد شغلها اشرلهم ودس يمشي سريع

خليت راسي عالجام صافنة ماادري افكر بماما لو برؤيا لو بالي دااسوي احس نفسي واگعة بمكان غميگ كلش وباوع ليفوگ بتأمل

الساعات تمر هدوء  مااكو اي صوت حتى دموعي ناشفة لحد مادخلنا محافظتهم اشر للولد طلعوا كدامنا مسافة  وهو وراهم ؛ اقل الربع ساعة ودخل بشارع ضيگ لكيناهم واصلين وگف يم بيت صغير دنگ طلع الهويات نزع غترته گال كضي يبا ضمي شعرج وحدري

اخذتها نزل دالبسها واشوف واحد منهم بيده فون اجه يركض غلقه وصاح استعجل يخوي

ذباح  - خير شمالك يبااا

- ابو صگر كال طرشولي الازلام للمركز وذباح خله يعر للبتاوين غاد نتلاگه لاتبطون مناطريكم

- يعني طاح على خبرها

- ماعرف اكو دالغة كال اخذوا حذركم وتحزموا بأسلحتكم وحرمة غزوان لاتخلوها تعبر لبيت العيال دبرولها مجان زين

-وحرمة غزوان ماتخش غير داري وبعد ماانخلق الي يحدر صوبها

سكت الولد  مارد

اندارلي كال گصيبتج خليها تحت سترج و تلثمي عدل گبل لاتنزلين

اشرت اي نزل سويت مثل ماگلي نزلت ورا ؛ الولد بسرعة دنگوا وداروا وجهم للجهة الثانية راد يدخل وبطل اجاني وگف گدامي حجب الرؤيا عنهم  نزل اللثام على عيوني اكثر واشرلي اصير ورا

مشه واني ورا  اندعي كون الحگ اكمل عقد حتى اگله بالدتسوي ماما ويلحگها قبل لاتضيع نفسها بدون فايدة

دخلنا  لگينا الشيخ  من گد الاستعجال وصعوبة الموقف انطاه الهويات بدون كلام حتى مااذكر شنو سألنا لو اشلون ردينا 

صح واگف گدامي حتى يمنع نظرتهم الي بس كلمن عقله بجهة ماكو غير صورة غزوان گدامنا يباوعلنا 

ندم  على الم على خذلان دموعي تنزل بدون لاحس الخنگة الي بصدري تهد دنيا بكبرها لحد مااسمع صوته يباركلنا دنگ اخذ الهويات اشرلهم يحاسبوا اخذني وطلع

رجعنا للسيارة صعدنا شغلها ويمشي بكل سرعته فتحت اللثام دنگت  فتحت ايدي حلقته تلمع بأصبعي سديها حيل وشهكت 

ضغط على سنونه  شحط السيارة وگف كام يضرب  عالاستيرن بكل قوته ويصيح  ماخذتهااا منك ولك انت اخووووي ولك موش انه الاغدرررك

ضميت وجهي وبجيت بصوت لزم الاستيرن دنگ خله راسه عليهن

دقايق وصلت السيارات يمنه دگوا هورن شال راسه  مسح وجهه اخذ نفس  ورد شغل

طلعنا لديرتهم  وصلنا صار بته گدامي كل ضني دخلته اله عابر مثل نظرتي ماعرفت منا وتبلش قصة حياتي

لكينا صگر منتظرنا ركض فتح الباب دخل ذباح السيارة اتلكتنا فجر صاحت دخلت الخير  نورتي ديرتج  ياشيخة البنات

فتحت الباب داانزل  وقفني صرخت غيمة وهيه تصيح سويتهاا يذباح جبتها على راسي بعد  ماباعتني الهم بالرخيص  ونهزمت …

***رئال***

واكفه متصنمة عيوني على درع الي دمه تارس المكان من گد الصدمة احس انشليت الكل اجه يركض على الصوت رفعت راسها عمتي  شافتني  لطمت على وجها وصاحت ليش ولج كتلتييي

صارت هوسة كلها تصيح فرد صوت مخبوصة اجت عمتي رحمة تركض دفعت عمتي ودنكت شالت راسه كلبته اباوعله  وجهه كله دم نكثته  زاع  وغمض بدون نفس حضنته وصرخت لااااا يبيبي لاتروح ولك يمه يهيذاااام ماااات اوليددك 

ام هيذام - شنووو مات لايمة ابن ابني اسم الله على گلبه  لادخيل الله ابني يتخبل والله  لاتكولين مااات جيبي ليه

-رررراح درع  ماااات ولكم لحكوناااا لك يمه هيذام راح ابنك  تعال ليه يعممممة

اندارت عمتي تريد تطلع تركض تصيح الحرس لزمها عمي صاح وييين

-خلي يجون ياخذواا للمستشفى بلكي انلحگ عليه

- عوفوا لحد يحركه خابروا ابو يجي ياخذه شيخلصنا اذا مات بالطريق

- لالادخيلك ابو طالع بمهمة بعيد وهذا دينزف يموت مايلحگ عليه

- يطبه مرررض محد كله يأمن ابنه يم بت شوارع خلي بتحمل نتيجة اعماله كلت ممنوع يتحرك واذا سمعت بيج طالعة من هذا الباب مو صايحةالحرس اطلگج

- لالا ابراهيم هذا طفل ماله علاقة بثاراتكم وخرر ايدك داصيحهم ولك هذا حفيديييي

- انعل ابو حفيدج لابو اليوم الورطنييي بيكممم امشششي گدامي وانتم سمعووا قسما بالله الي يحركه من مكانه قبل لايوصل ابو  مايريد روحه سمعتوااا

دفعته عمتي رادت تركض ليبره جرها صرخت ضربها راجدي واخذها يسحل بيها وهيه اتصيح ولك عوفنييي ولك ابني يمووت ورررا ولك درررع يممممة

اباوع لعمتي حاضنته ومهدود حيلها وهالة واكفة لازمة ابنها دموعها تنزل ويمها امل مجتفه تباوع بقوه گلب عاضة شفتها

استغفر حسن وصفگ بأدية كأنما صحاني لوقتي لزمت يدة الدرج بدون شعور ونزلت اركض دنكت على عمتي همشته من ايدها اجت امل رادت تمنعني دفعتها بكل قوتي وكعت عالدرج رجعت شلته ورحت اركض بكل سرعتي تركتها تصيح وراي لابوها طلعت بره صرخت لحكونننني ولكم  غاح يموووت

اجوا الحرس يتراكضون شافوا بيدي انخبصوا  الي يصيح شبي والي ركض فتح الباب مال السيارة والي يصيح طلعوووا كدامنااااا 

صعدوني بالسيارة صعد واحد يمي حتى بعده ماساد الباب طلع السايق طاير بينه

عين بالحارس الي يخابر بهيذام وعين بدرع راسه مستمر بالنزف اتلفتت ماكو وراي بس الفروه مال الكشن سحبتها ضغطت على الجرح  اباوعله شفايفه بيض نفسة شبه مگطوع  تخيلت ضحكته من يلكف بي ابو ويبوس بخدوده

نزلت دموعي اخذته لحضني عصرته همست بتوسل يارب رحمه لخاطره

وصلنا للمستشفى السيارة بعدها تمشي والحارس فتح الباب عته من ايدي بس شحطت نزل يركض شايله مثل الجثه عرفته منتهي  ماراح انلحگ

دخل يركض نزلت من السيارة لزمت الباب اريد امشي  مااگدر باوعت للحارس همست وصلني فدوة

اشر اي اجه بسرعة  لزم ايدي استندت عليه دخلني للمستشفى لكيته مدخلي للغرفة والحارس اليم الباب يبجي خليت ايدي على گلبي احس روحي راحت رجعت ليورا انضربت بالحايط گعدت عيوني عالغرفة سدوا بابها  رفعت ايدي الدم تارسها هسه جان لازمها  يگلي جوعان رئول شنو الصار

عصرتها ودخلتها لحضني لميت رجليه اندعي الباب لاينفتح مااريد اسمع البقية بحايتكم

الوقت يمر وكلمن كامشله ركن كلها ساكته لحد مادخل حسن جايب البنات حتى هبة وياهم الي اجت طايرة بس تريد تهمشني كمشوها بسرعة اخذنها للاستراحة كعدنها وگعدن يمها يتباجن

دقايق وانخبصت المستشفى دخلوا الحرس طوقوا المكان درت وجهي واشوف دسار جاي بملابسه العسكرية  ملثم ويا رجال جبير شعره ابيض ضخم وبنفس الوقت جسمه مرتب شكله غريب تكول صاحب مافيا مبين صارم من طريقة مشيته ونظراته

وصلوا يمي ردت اكوم خانتني قوتي لزمني دسار بسرعة گعدني وگعد گدامي نص گعده وخر اللثام وكال اهدي بابا ليش هيج ترجفين

-هيذام وين؟؟

-جاي بالطريق ليش كاعده هنا

-غاح يموتني بس والله مواني وگعته

- لاتخافين مااخلي يوصلج بس احجي اشلون وگع

- بس عفته ثانية  والله دخلت اخلي الفون عالشحن كلها صاغت بثواني مااعغف اشلون

- رئال الدرج مأمن درع ماوگع درع انشمر

- اي حسيت احد خطف بس من طلعت شفت اي واحد  بس دغع بنهاية الدغج والدم تارس المكان

دااحجي وندفرت باب المدخل گام دسار وگف  عرفته هو من ضربة بسطاله شلت راسي صارت  عيوني عليه داخل يمشي مثل الاعصار  عيونه دم باوعلي ضغط على سنونه وعصر جف ايده

كمت بساع رجعت ليورا انضربت بشي درت وجهي لكيته حاوية نفايات رجعت باوعلته لكيته قرب نزلت دموعي همست والله مواني

جرني  دسار خلاني ورا وصاح بس اهدأ

جحه من بين سنونه وييين جنتي عنننه 

-خلي نفتهم بالاول ونعرف شصاير 

-دسااااار

- وكلام الله اذا مديت ايدك عليها اكسرها الك

مارد جر من ملابسة  شمره عالحرس واجاني رفعت اديه بسرعة احمي وجهي ماحسيت غير الرجال جرني خلاني ورا وگف بوجهه يباوعله بغضب

اباوع لهيذام صك على سنونه لزمه من ياخته عصره ديجره وصاح دسار  ولك هيذااام الحگ يخوي

درنا وجهنا لكينا درع مطلعي بالسدية منسبين بي الدكاترة يمشون حيل؛ تركه وراح يركض لحگوا الرجال ودسار گامن البنات وراهم

احس روحي بهتت گعدت بالگاع لازمه راسي دقايق  وحسيت احد دفرني رفعت راسي لكيت عمتي واكفة يمي تفلت  بوجهي غمضت

همست ليشش شنو ذنبه طفل صغير هيج سكطتي

-سكتت

-حسبالج من سويتي هيج راح يموت ومحد يعرف انتي الكتلتي وتخلصين من امه ويصفالج هيذام   لج انتي من شنو مخلوقة من ياقذارة  جايبيج

دنكت

-كل عقلج هيذام يخلي بت زنه ام البنزين الجايبها بتهمة عاطلة من البتاوين  بأسمه ويعوف بت عمه المثقفه  الي بس اسم اهلها يرفع راسه من يحجي بي لخاطر زبالة بت يهودية بلا اصل  مثلج

هزيت راسي

-شوفي نفسج وين گاعدة يم النفايات حتى ماتكدرين ترفعين راسج وتباوعين لبناتي تعرفين ليش لان هذا مستواج وعمره ماراح يتغير وهيذام الديسوي بس لان تحده عمه لااكثر  نصيحة ماطوله ملتهي گومي انهزمي بسرعة قبل لا يرد وتعرفين لو الدنيا بكبرها توكف بوجهه  ماتخلصج من ايده 

-شنو يعني

-سمعيني عدل ولاحسبالج الراح اطلبه منج من خوفي عليج لو حباً بيج لااا لان حذاء ابني براسج  واعرفه ماراح يسكت ولايكفي دمج راح يجيب اهلج يعلكهم گدامج ويهد الجلاب تنهشهن وانتي يگطعج تكطيع يعني يضيع نفسه بسبب عاهرة نكسة مثلج

- وين اغوح واني حتى اهل ماخليتولي

- ديلا اشلون اهل همه ام عاطلة ماضالة بنفس واحد وخوات من كثر ماسقطن نغولة حتى بلاش  بعد محد يوصلهن وجاية بكل عين صلفة تحجي بت الزنه يله گومي اتسحبي عالكيف قبل لا ينزل طلعي راح تلگين واحد من الحرس  راح ينطيج افلوس اخذيهن واختفي ترحين لجهنم  ادخلين بگبر شمري نفسج بنهر دجلة مااعرف المهم تختفين مااريد اشوفج بعد سمعتييي

مارديت

- يله لاتتصفنين اني راح الحگه واحاول الهي لحد تولين منااا سمعتييي

اشرت اي

باوعتلي بقرف تفلت  عليه وراحت

مسحت دموعي فززني صوت خشن هو ويكول ديري بالج تسويها

شلت راسي لكيت الرجال الجبير نفسه واكف  منتجي عالباب امجتف هيبته اتصفن عيونه حادة وترتيب اناقته زايدته شخصية مدنگ عالگاع  حتى مااعرفت شوكت رد 

وخرت شعري عن عيوني شال راسه باوعلي وحجه بصوت خافت تشوفين هذا الفوج اشكد ؟؟ جوه ايده اضعافهم خلال ثواني يگدر يطلعج حتى لوجنت جوة الگاع

همست ماغاح يغحمني

- مايأذيج لاتخافين

- انت ماتعغفه

-اكثر بشر اني اعرفه لاتسمعين لااحد

- ذولة  عالم اوسخ حتى من الحيوانات سمعت امه اشلون تتهم ماما واخواتي وهنه والله ماكو انظف منهن دخلنا سجن وتحملنا انواع العذاب بس حتى نحافظ على نفسنا

- تندليهن  ؟؟

- لااا لان ضيعوهن  موتوا غنود وخبلوا غاية وزادوا عجز غؤيا وكسغوا كلب ماما بينا

- وين ابوجن؟؟

-ابوي اوسخ منهم هو الباعنه بعد ماجغب انواع العذاب بينا وخلانا انشوف الموت امنيه

-ماكو اب يسوي بناته هيج

-لان اكو ابونا  لان كلنا  بنات ماعنده ولد بس والله جنه نشتغل حالنا حالهم  لاااوالله الولد مايتحملون الجنه دنسوي حتى نجيبله فلوس تكفي حيونته تعغف بعد ماياخذ الفلوس منه شنو يسوي بينا

اشر شنو

-يحبسنا بالغرفة  ويكتلنه بالصوندة مايعوفنا لمن يشوف نفسنا انگطع لبالك هيج وبس لااا يحمي زيت ويصب على جسمنا بس لان نتعطل شوية واحنا والله نتعطل لان مانحصل افلوس  بسبب الجو باغد محد يطلع حتى يشتغي منا

- امجن ليش ساكته

- لان ماعدها سند تخاف ياخذنا منها ويشمغها بالشاغع اشكد ماجان يكتلها تتحمل و تسكت وتغصبنا نسكت وياها لان تعغفه حيوان يبيعنا لجماعته جانت تبني احلامنا عالهوا كل يوم نفس الحلم تحجي النا هسه يكبغ  غزوان وياخذجن منه ويعوضجن عن العشتنا تالي غزوان غاح  واحنا ضعنا

- انكتل بسببهم

نزلت دموعي ماگدرت ارد  دنگت اجه گعد يمي خله ايده على شعري بعدت راسي باوعلي بتمعن ابتسم وهمس رأل  الطفلة الي هدوئها يسولف جمالها 

- شعغفك اسمي غأل

-رسمت صورتج من خلال براءة صوتج بس ماتخيلتج هيج اميرة

سكتت مستغربة كلامه

-رايه هم هيج حلوة مثلج ؟؟

-احلى مني بس غؤيا احلانا لان تشبه ماما

- امج بعدها محتفظة بظفيرتها لو هم اتخلت عنها ويه احلامها

- منو انت 

- رافد الدغش

- ابو المافيا  الي طلعه هيذام من السجن

- اووف شنو هالسمعة وبعدين شتشوفيني صدگ شكلي مال مافيا

صفنت بوجه اباوع رغم صلابته وقوة شخصيته  بس اكو لمعه بعيونه تحسها مليانة حنان

-كم اخت عندج

- ماعندي كلهن غاحن غند ماتت و غايه اتخبلت وغؤيا مااعغف وين كتلت بابا واختفت

- اشلون كتلته

- كالوا مگطعته وشادة اديه شامغته بالبيت جانت ناوية تخلي يموت تعذيب بس طلع منها النكسس

- هه داخلها اجرام هالبت

دااحجي وقاطعني دسار كله يول كلهنن كلهن وكلام الله هاي اللدغة الي تشوفها اشكد  تنگط براءه وكياته وهيه اكبر مافيا ماتلحگ تفكيرها ضيعت رتب وسحگت على شوارب وشمرت زلم بالمصح ونهتها فلشت دماغ طفل

شلت راسي لكيت هيذام گاعد ويمه هبه مدنگ لازم راسه بين اديه وامه قريبه منه عيونها عليه تخز بحقد وتأشر يله درت وجهي همست اشلونه دغع

دسار - ربك شگفها عنه فطر بالدماغ وفتح براسه خلوا تحت المراقبة كم ساعة بين ما تظهر باقي التحاليل ونطلعه

- الحمدالله

- رئال ركزي وياي قبل لاطلعون من الغرفة سمعتي صوت

- لا ابد حتى من طلعت اول مغة جان الكل نايم

رافد- اخر واحد منو اجه بعد ماوگع

دسار- خو انت خبره

دنگ يحك بخشمه 

دسار -اي ام لدغه شبيج صفنتي

- كلهم اجوا سوه والكل نفس الصدمة صح عمي ماقبل واحد ينقله بس هم جان خايف لايموت قبل لانوصل المستشفى وهيذام يبلي

هز راسه دار وجهه حمحم رفع راسه هيذام تعبان  والدنيا طالعة من عينه غمزله دسار اشر اي وانتجه

خله راسه عالحايط غمض خلت هبة ايدها على صدره فتح عيونه  مااسمع شنو حجت مارد رجع راسه عالحايط

اباوعلها صدگ لايكتله جمال وثقافة مبين عليها العز حتى هو گعدته بالزي وطريقة اتجتفه صح تحس الشر بنظراته بس يتسنط لكلامها  تكول يدرسها مو يسمعها

جر شعري رافد درت وجهي ابتسم وهمس يلا گومي بابا  ليش گاعده هنا

- لان هذا مكاني وقيمتي

- اسحك راسه الي يكول عليج هيج انتي رأل بت ابوها بعدة ماطالع من ضهر ابو اليحجي وياها مو ينزل دمعتها

- صاغ عمو وسحگ عليه  وظلمني وخلاني مانام اذا مو دموعي مالية وجهي

- وداعت السنين الخلصت واني اتحسر على شوفتهن لمحي شكو بشر وصل لنبضات روحي كائن من يكون لاخذ حق  كل دمعة نزلت من ارواحهم

-شنو يعني

-لاتكتمين اي وجع گولي شكو شي ضامته بكلبج

درت وجهي بعده على گعدته منتجي بيده جكارته عيونه عالحايط يتسنط لحجيها  وامه ورا تباوعي بشماته وتبتسم

اخذله ثواني ورد جكارته لحلگه اخذ نفس وهيه خليت ايدها على متنه احس النار وجرت بروحي همس رافد استفزي

- ميحتااااج هو يعغف نفسه حيوااان

اندارلي بسرعة فاتح عيونه تگول بركان

- وباطل ماعندك كلمة و…

بعدني مامكملة دفع ايد هبة وكام اجاني

ركض دسار صار بوجهه  راد يمنعه كمت وكفت صحت عوفه ليششش تمنعه خلي يجي على شنو لازمه اخاف يكتلني وشنوو يعني تعودت على حيونته قابل اول مغه

هيذام- رأأأأأل

- منووو هاااي الجبتها للكتل والعبودية وحملتها مسؤوليه ابنك وخال الزبالة يمك وهيه السببب بس لان جبان تخاف من ابوها ماتكدغ تحجييي

ضغط على سنونه جر دسار من گدامه شمره ضربه بالحايط واجاني ركضت صرت ورا رافد داگله احميني وشرگت احس النفس ضاگ

طگ رگبته رافد من الجهتين واشرله تعالي ؛ اباوع لهيذام دفر الكرسي وشال اديه اثنينهن لزم رافد من ياخته جره اله ديرگعه كله وانتبهلي مخنوگة بسرعة دفعة وركض لزم وجهي رفعه وهمس رأل  سحبي النفس لاتكطعي

اريد اسحب الهوا مااگدر احس صدري ضاگ لزمت اديه باوعتله بتعب وهو انخبص  كام يحرك بظهري ويصيح سحبييييي  بنيتي

اندار صرخ بصوت رج المستشفى وين الزماااال

رجع باوعلي يضرب على ضهري ويصيح  لاتگطعيي رأل خليج وياااي

دسار يصرخ عالحرس حتى يجيبون الدكاترة ورافد يصيح ولكم وينكم اولاد الكلببب راح تموووت

احاول اشهگ ماكو انگطع بالزايد غمضت ماحسيت غير هيذام دارني على صدره رفعني من بطني ونكثني بقوة احس الشهگة طلعت من حيلي

وخرت اديه گعدت بالگاع باهته روحي وهو وگف ينفت حسيت بي جان كاطع النفس وياي

اخذله ثواني مسح وجهه وكعد  كدامي نص كعدة راد يوخر شعري عن وجهي بعدت ايده اخذ نفس وكال تكدرين تكومين لو اشيلج

-الله ياخذك حيوان

-گومي خلي يشوفوج اخاف تعتازين اوكسجين

- كون يغتالوك واخلص من قذاغتك

استغفر ومد ايده لزمني  ردت ادفعه ضغط عليه اكثر وكومني اخذني كعدني عالكرسي دنگ وخر شعري باوع بوجهي يتأكد من وضعي؛ نزلت دموعي اخذ نفس وگعد يمي  دنگ لازم راسه كله دسار بيك شي

-لا يمكن انخفض ضغطي شوية

-كوم قيسه واني اخذها للبيت

-لاماتطلع منا وحدها دقايق بس أمن على درع واردها

-شنو وحدها جا اني شنو  زمال كدامك

-ومحمد روحي طالعة لاتخليني اكوم ادوس راس ابوك ولي من وجهي

- هاي كل قوتك وانت لج لدغه ليش تتعدين على حقوق غيرج لقبي لاتوصلي

شال راسه هيذام باوعلي عيونه حمر من الحرگة مبين كوه لازم نفسه عني شهكت دار وجهه وكام راح لغرفة درع ؛ عرفته من ضربة بسطاله وطريقة  صبره بالهدوء ماراح يسكت عني

اتجتف دسار انتجه عالحايط ورافد عيونه ورا هيذام يباوعله بغل خله اديه بجيوبة ومال رگبته مثل اليفكر بمصيبة خفت من حركته 

مسحت عيوني صاروا الحرس گدامي كلها عيونها عليه متفاجأين من غير عمتي وهبة تحسهن يردن يكومن يفترسني

لميت رجليه حسيت بالغلط السويته وتأكدة بس نرد للبيت ماراح يرحمني ؛ الرجفة لزمتني درت وجهي لكيت رافد ماهو حتى ماحسينه بي طلع بس ورطني واختفى

دقايق واسمع صوت ضربة البسطال الي خلت الكل يوكف عدل درت وجهي لكيته جاي وجهه عبارة عن  شر مدفون مخلوط بأسوء انواع الموت ؛  لميت روحي راح يم دسار وگف خله جكارته بحلكه واشرله توكل

ابتسم دسار باوعلي وغمز

احس الدنيا تفتر خليت راسي على رجليه غمضت شوية واحس شي صار على جسمي  رافعت راسي لكيت هيذام  ضال بالبلوزه ونازع القميص الجيشي لفني بي عدل ورد وگف يم دسار بدون لايحجي وياي

رجعت راسي على رجليه اقل  من نص ساعة واجه دنگ گومني گمت لبالي درع طلعوا بس لكيتهم كلهم واكفين مستعدين للطلعة وهو ماكو  بس دسار گاعد خال رجلي عالميز الگدامه ويراسل

طلعنا لكينا السيارات محضريها  والحرس داير مدايرنا صعدنا احنا بسيارته وهمه بغير سيارة

رجعنا للبيت  كل واحد من طريق ماعرفت ليش بس حسيت حتى مايعرضهم للخطر لان على طول المسافة عينه بالمري يسوق ويراقب الشارع كرهت حياته گد ماتوتر وقلق العايشه لحد ماوصلنا دخل السيارة يالله حسيته اخذ نفس براحة

اجوا الحرس يركضون نزل اندارلي فتح الباب  نزلني لفني عدل بالقميص كل عقله بردانة  وشمرلهم المفتاح وخله ايده وره ضهري دخلنا جوه  لكيناهم واصلين قبلنا هبة عيونها حمر يم عمتي رحمة الي تباوع لهيذام بضوجة وعمتي ام هيذام ملخة وجها وهالة لازمه ايد عمي هو يخابر وهيه  تبجي شافونا دخلنا فصل الخط عمي واندار لهيذام   صاح وين وديته

وگف عگد حاجبه اشر شنو

- تعرف على شنو احجي ابنييي وينن

- ياهو منهم

- شنوووو ياهو منهم  شقصددك

طلع الباكيت سحب جكارة دنگ ورثها سحب نفس نفخه وباوعله رافع حاجبه

- هيذام ولدي مالهم دخل بالصار مرتك شمرت درع والكل شاهد

- مم ومنو  كال غير هالشي

- ازر وين ؟؟

- زلمة يحب گاعه والوطنية صعدت عنده قدم طلب يطلع يمشط الحدود قابل اوكف بوجهه

- ياحدوددد يعني گووول ماااات

- هذا الشي راجع لرب العالمين مالنا ايد بي

هاله  - مو كلتلك يعمي صار ساعة اتصل مغلق جهازززه

عمتي - ليش ولك هيج گلبك اسوود ولك ذولة اخوتك ولك شرايددد بعددد مو هاي العاهرة رديت اخذتهااا والبيت صار الك ولك يمه ابني ماله  ذنب دخل الله ودخلك لاتوجع گلبي بي

مادر رفع جكارته سحب نفس هو ويباوعلهم بستهزاء

ابراهيم - اسماعيل وين وديته هذا مريض اذا مااخذ الجرعة يموت

هالة - لاهيذام فدوة اروحلك بعده ابنه صغير ومتعلق بي ابوس ايدك

عمتي- يعني مرتك كتلت ابنك تعاقبنا احنااا ليششش

امل- حسن ماله دخل وين اختفى والله عمي ماراح يسكت عنك

ابراهيم - انت شرايد بالضبط احجي خلي افتهممم

هيذام - سلامتك بس شوية هدوء اصعد انام نص ساعة

- لاحسبالك مااحصلهم ترا ربع ساعة اطلعهم من جوة الگاع

- ومنو الكامشك روح وياريت تستعجل لان اكو اخبارية وصلت ماتبشر بخير وبطريقك مر عالثاني يمكن الولد خربطوا بعدد الصدمات الكهربايئة

عمتي لطمت على وجها وعمي گعد هابط ضغطه يباوعله بعجز 

سحب نفس من جكارته وشمرها قريبة من عمي نفخ النفس واشرله طفيها

دار وجهه جرني صعد فتح الباب دفعني كدامه ودخل سد  الباب برجله  وكف يباوعلي

عرفت وصل سراي اريد اتبلعم مااكدر  اباوع لعيونه دم من الحرگة وجهه اي اثر  للرحمة مابي

من كثر الخوف حسيت روحي ثلجت جسمي يرجف وشفايفي نشفن عيوني عليه منتظرة شنو نوع العقاب

دنگ حگ خشمه طلع سلاحه حطه عالميز دنگ  نزع بسطاله شمره رفع راسه اجه يمي رجعت ليورا لزمني جرني  اله دااحجي اشر اشش

نزعني قميصه وفتح باب الحمام دخلني رد الباب اخذني يم الدوش من گد الرعب اتحرك  بدون نفس فتح المي  راد يفتح قميصي لزمت اديه  همست والله مواني وگعته

-شيلي اديج

- انت خليتني هيج اسوي خالها بحضنك واني شامغني بالگاع

- رأل رفعي راسج لاتباوعين  لملابسج

دنكت باوعت كلهن دم ينزل ويه المي بسرعة رفع راسي خزني كال شحجيتت

لون الدم وكمية الخوف مثل الدنيا افترت لزمني نزعني القميص اخذ الشامبو داره عليه مشه ايده على جسمي لحد مازال شكو اثر للدم  سد المي جاب المنشفه لفني بيها دنگ شالني وطلع خلاني عالجرباية جر الديباج غطاني بي وگعد كدامي دخل اصابيعة بشعري يسرحه بيهن عالكيف

غمضت احس گلبي يريد يطلع اعرف هاي مقدمة للعقوبة نزلت دموعي رفعت ايدي ردت الزم ايده ضغط بقوة وسحبني اله انضربت بصدره غمضت حيل واني احس بي دنگ وهمس يم اذني تتجاوزين عليه رأل

شهكت

-كم مرة حذرتج

-گعدت يمهااا

-حيوان وقذر وبعد شنو ؟؟

-وحقيغ وماعندك مشاعغ

سكت

رفعت راسي صارت عيونه بعيوني همست شكد  اگغهك

مارد عيونه تتنقل بين عيوني اشكد يحاول يقسى بس جانت لمعة اللهفة بنظرتة فاضحته ؛ داادير وجهي لزمه ودنگ سحب شفتي…

…واكفة جوه الدوش امسح بدموعي وترد تنزل مااعرف اشوكت يبطل هاي اسوالفه ويعرف اني موگده ؛ مسحت دموعي سديت البوري لميت شعري حتى ملابس ماعندي  لفيت روحي بالمنشفة  وطلعت لكيته  متمدد ماخذ نص الجرباية بضخامته  جگارته بحلكه ومدنگ  عالفون حتى ماكلف نفسه يباوعلي على صوت الباب سحب الريمونت طفى السبلت ورد يراسل

-اغيد ملابس

مارد

-دتسمعنيييي

- شكو بابا

- لاتكول بابا من غيغ شي كاغهتك لاتكملها بهالكلمة

- حلو

- اغيد شي البسه

-يمج بالكنتور

-مالبس شي موالي

-خليج هيج  لحد ماتگعد ضي واتجيبلج

- اشوكت اطلكنييي

- اخلص المهمة واخذج اشمرج بالحجز

- واني وين اضل لحد ماتكمل شغلك

مارد عينه بالفون حرگ كلبي اكثر  رحت جرت الغطة صحت موياااك داحجي

شال راسه اشر شكو

- شنوو شكووو ولاتضل تعاملنييي هيج هيذاااام

-صوتج

-لا اعلي صوتييي واتجاوززز لان انت تستاهل واني  مااخاااف منك

-ادري ماتقندررين وادري اني گلب ابن كلببب كافيي راح تختنگين

- وشنوو الهامك واختنكت ومتت او لاا اشلون لعد ومنصبك يغوح

مد ايدة بحركة سريعة عتني وگعت عليه ضربته بصدره لزم ايدي خزني وعصرها حيل نزلت دموعي دخلني لحضنه و سحب الغطه لفني شهكت  عصرني  باس راسي وكال على شنو تبجين

- مواني وگعته والله

- انتي لو ماداخله للغرفة جان هسه نايمة بصفه بس حضج مبين لاعبها صح وياج

رفعت راسي -يعني شنو

- يعني كلتلج  عدنا غرفة طلعين كل خبالاتج بيها ليش اتجبريني أذيج

- انت خليتها بحضنك

- وييين بحضني ؟؟ وبعدين هاي مرتي

- واني مامستعدة اعيش ويه واحد مثلك غجعني خلي اكمل القضية واطلع اغوح لاهلي

- طير الزينة من يدخل القفص مايطلع منه غير للدفن

-ومغات ينهزم

-ومحمد لو اطيرين لاعلى سما هم اردج لحضني وكتها وداعت درع لااا وداعت الركضة والتعب والخسارة الخسرتها بسببج اطلع شكو غدر ضكته  من روحج

- هواي سمعت منك هذا الحجي

- وخلصت رفة بكلبي ماضل غير الشر والله يبعدج عنه

- موتت احلامي خليتني اتمنى بعدني عايشة يم بابا بين خواتي اتمنى ماسديت كتابي ويه الاذان ولاطلبت منه يغزقني حتى اشتغي واحد لخ

- اشتريلج اكبر مكتبة واردج بينهم واعيشج عيشه اخليج من تذكرين حلمج تضحكين على بساطته

- اتحبها ؟؟

-منو

-زوجتك

-هه طبعا غير زوجتي وام ابني

-الله ياخذك

سكت باوعلي

-غاح تضغبني

-مايفيد بس تتسكطين

-ضهغي ديموتني

نزل ايده يفرك بي عالكيف

-اسماعيل وين ؟؟

- بمكان يعيد ترتيب عقله

- هو جان دوم يكول اتمنى دغع يموت حتى هيذام يتخبل بس ماجنت اصدگ يسويها

- لهيج اريدج ماتتقربين يم درع ابد لحد مااطلعكم منا

- تخاف عليه مني

- من تعرف عندك اعداء ابعد بين التحبهم لخاطر لاتفقدهم سوه

- اشلون يعني

- هبه راح ترجع  علمود  درع محد يحمي غيرها لان تعرف ماضل عدها خط رجعه غيره

- واني

- اتضلين داخل اضلوعي لحد ماردج دخل السجن

ابتسمت

-ليش اضحكين

-اشلون غاح اتحقق وياي واني كاشفة كل اسالبيك

-الطرق تتجدد

-مم بس يضل المهتلف البول تيغي نفسه

صغر عيونه بسرعة ضميت راسي بصدره

- عود شنو هيج حميتي نفسج

- اتحداك توخرني وتضغبني

- موشرط ضرب اكو غير شي

وخرت راسي دمعت عيوني

- ولاهاي دموعج ماتمشي يمي

- تغه غاح يصيغ طفل

- مايصير بعدج صغيرة

- شنو صغيغه مالك شغل بشكلي ماما بگدي جابتنا

- التسحل نفسها ورا الزلمة مخاوي الشياطين مو مثل التجي بالدفرات وتشبع طن بوكسات لخاطر بوسة

- صدگ انت ليش تغصبني تغه والله اني موگدك  والله جسمي كله ديوجعني

- تكبرين وتنسين  نامي يله

رجع راسي لحضنه لفني عدل وحضني حيل صحت غااح امووت

رفع راسه خزرني وكال شكلتتت

- مااغيد انام هيج  موغصب هو

- وكلام الله اردج للحمام وشرط كل ماطلعين اردج لحد ماطلعج من الاسلام رأل عندي ساعة خلي انطمر بيها نفس ماريد اسمع

دفعته جرني ضغط اكثر  اخاف جنت اتنفس هسه گطعه فرد مره من غير ايده جاعصني بيها  كل ماافكر اتحرك يشل حركتي يخليني غصباً عني اثبت

مااعرف شكد مر وقت بين اضربه وبين يعصرني رحت بالنوم كعدت على صوته طگطگة فتحت عيونه لكيته بيده سلاحه خلاه بظهره واجه دنگ وخر شعري عن وجهي وباسني درت وجهي ورجعت غمضت

ماحسيت بي بعد اشوكت طلع مافتحت عيوني غير صاير العصر مسحت وجهي كعدت لكيت ملابس مشمورة يمي عالجربايه عرفته داز ضي

كمت لبستهن ورحت للحمام غسلت وجهي اباوع بالمراية  هزيت ايدي اني اذا اضل ويا بعد شهر حتى للمركز بعد مالحگ اوصل

لميت شعري اسمع فون يرن بالغرفة طلعت لكيته عالميز شلته  اشوف ضي تتصل رديت بسرعة كلتلها الله جابج ميته جوع

- رئال نزلي

- شكو وين انزل اذا لزموني يكطعوني

- لاتخافين هيذام بالحديقة تعالي

- شنو صايغ

ماردت شهكت وسدت الجهاز مااجه بالي غير درع شمرت الفون ونزلت اركض لكيت عمتي وهالة مسوياتها مناحة

عفتهن طلعت بسرعة صارت بوجهي هبة نازله من سيارتها على اخر موديل بيدها الفون تسولف وتضحك امنت يعني موهو  وگفت اخذت نفس

اباوعلها  القميص على كمر البنطلون والشعر طويل شايلته ذيل حصان تباوع بتكبر وتلعب بهاية شعرها تذكرت كلام هيذام اي يعني اكيد هاي مرته يتباهه بيها گدام العالم قابل انتي بت البتاوين اول شي سوا بتر شعرج

رفعت ايدي ابتسمت  مكان  السورا خالي همست هاي حوبتك مو تدري الغدر يمشي بدمي شغلة بيه لاارادي اسويها مثل مارجعت بكلامي وياك وعفتك راح يجي يوم اعوفه واروح

اتحسرت لبالي مجرد  كلمات اكولها حتى ابرر لنفس  ماادري مرات الانسان ينجبر عالغدر ويضل عايش عمر عيونه على نبض خسره بسبب هالشي

درت وجهي رحت للحديقة لكيت هيذام گاعد عالميز مجتف يباوع لضي وهيه تبجي وصلت يمهم اسمعها تكله والله يهيذام اذا صارله شي اجوي گلبك بيها

- مم وبعدها

- مااموتها هيج لااا اسوي عله بيها تخليك تفتر داير مدايرك محتار لاتگدر تكتلها وتريحها ولاتكدر تشوفها كدامك هيج تتعذب

- وعلى شنو طلقة براسج وبراسها وانهي الموضوع من معزتجن واضل محتار  

- هيذاااام

- بنتي انتي شنو ماعندج كرامة واحد ماعبرج راح تزوج بعد شكو لاطشة

- يتزوج اي بس مو يموت والله اروح منا هيذام بداعتي عندك ولك انت شنوو هذا اخوك

- عفية انتي كلتلها اخوك وانتي شكو وبعدين منو كلج اني شمرته هناك يابة

- والله انت هيذام والله اموت بدونه لخاطري هيذام والنبي گلبي يوجعني ولك انتتت اكثر واحد يحس بيه ليششش هيج دتسوي بيه

- اليحب يسامح ويتغاضة عن اغلاط حبيبه حتى لو جانت بيها موته وهذا الشي ماشفته عدكم اثنينكم  بعد شكو كالبتها مناحة ردد الشعار الله وياا

نزلت دموعها وهمست بتوسل  لاتكولها مايعوفني ازر وحدي يعرفني ماعيش بدونه

رفع حاجبه وكال يابه ازر صدگ هذا الحجي

درنا وجهنا لكينه ازر اديه بجيوبه مدنگ يبتسم بكسرة

مسحت دموعها وصاحت تره اني مااضل انطي ملابسي لرئال انطيني افلوس دااطلع اشتريلها 

هيذام - حلوة الفرة

- وراح اخذها وياي للمول مااعرف قياسها

- ضي

- لاتخاف مايصيرلها شي والحرس ناخذهم ويانه مانتأخر وانتي يله استعدي بس اغير ملابس واجي

حتى بعدني ماراده دارت وجها راحت تمسح بدموعها تحاول ماتخلي احد ينتبهلها دتبجي؛ ضحك هيذام وباوع لازر يباوع وراها مو احسن من حالتها عيونه تلمع امنيته يسحبها لحضنه 

انتجه طلع جكارته ورثها اخذ نفس منها نفخه وكال مكان ماواكف تبجي مثل الجاهل  روح اسحبها من كفشتها غصباً عنها

- ماتسامحني لو اقدملها روحي مو اعتذر ندم

- ليش  تاخرت

- لاتخاف عاار ماموت

-حصلت المعلومات

-اي تركت الدغش يم الولد يحددلهم اماكن تواجد الباشا لخاطر نحصرهم بليل

- عفية ساعتين واجي وراكم بس أطمئن على درع

-اشلون صارت حالته

-استقرت اليوم لو باجر اطلعه يله ابني روح لحگ على لمرتك وامك حضرن حتى كروت الدعوة لجنازتك

هز ايده ضحك وراح

انتجه اخذ نفس من جكارته وباوعلي رمشت بتوسل اشر شكو

- غاح اتخليني اغوح مو

-وين

-والله صاغ هواي محبوسة

_رأل

-من بعيد بس اشوف مكانه والله اشتاقيتلهن

-ماموجودات

-حتى لو ماهنه بس هيج اشم هوا ذاك المكان غاح اكتفي

-راح تشوفيهن

-اشوكتت

-خلصت امنياتج انتظري عالسنة الجديدة

- بس اني اطلبك وحدة

- قبل لااخذج للحجز انمر على گبره

نزلت دموعي همست دخيل الله اشكد اكغهك

سكت  درت وجهي داارجع واشوف امه وهبة جايات مسحت وجهي بسرعة وركضت گعدت بحضنه رفع حاجبه

- احضني بسغعه

- مااحضن عالم كارهتني

- هيذام والله اذا ماسويتها

- اي شتسوين

- لافدوه حباااب

ضحك  خله ايده بظهري سحبني لحضنه گعدني عدل خليت راسي على صدره همست بوسني

-اشكد تنطيني

-تذكغ شعغي الكصيته

-تذكرين رتبتي وهيبتي

-لا من عغفتك انت …

-مهتلف

رفعت راسي عاضة شفتي

باوع لعيوني وخر شعري خلاه ورا اذني مشى اصابيعه على وجهي وصل شفتي مسحها وهمس بوسة وحدة برضاتج وحققلج كل احلامج

دارد وطفرنا صوت دسار هو ويصيح حي الله الرتببب

گمت بسرعة وهيذام عدل كعدته  اجه يمنا سحب الكرسي شمر سلاحه گعد وكال لايكون سببتلكم ازعاج

هيذام - منو دخلك

- من البارحة مسموط ابوي ويه ابنك لعد اشكد ناقص وبعدين منيلك هالحرس شنو مسلب الحكومة الن الكلببب

- شسويت

- الجحش  ناوي عليهم اثنينهم ركصتلك مرته بالنوادي

- لايابن الزنا

- اووو نسيت نفسها امك يااخي مرة وله زلمتج انهجبي  تتراهقين وتعريسن شكوو موهاي امي لافة فوطتها من الحج للعمرة

- امك منو ياخذها جنها برميل مزنجر ماينعرف راسها عن رجليها

- المهم ابوي احسن من ابوك ترس عينها ومات

- من شفتك بالحدود اطفر  جنك جريدي حاصري بمجري عرفتك جاي من ظهر سبع

- بمناسبة المجري شسويت ويه الدغش

-رجعته للبتاوين

- اشتغل اللعب الحلو

- عندي اثنين اريد راسهم هذا الاسبوع

- ابشرر يومين بالاكثر  ويكونون عندك

- فرلي الحبل بأبراهيم

- اتفقنا ابراهيم الي ؛  هيذام تحترم نفسك لاوكلام الله اخلي اللدغة تفرك حلكك

- ههه شخبار خرزتك

- والگعبة شلت كلبي وكرهتني بقسمتي الكشرة تلعب وياي حية ودرج بت الدغش اخليها بمكان بس ادير وجهي الگيها مختفية واضل اشهر مثل الزمال ادور على ثانية تظهر گدامك تتفل بوجهك وترد تختفي

- رحتلها

- وراس امي حتاريت شلون ارضيها انوب بعدني مافاتح حلگي تلطمني بدفرة بت الله منطها جمال طفلة؛  وخلاق زلمة مغسول حضه  اكلها احبج تكلي اطلع بالنظيف

- ههههههه

- حسبالك جذب ولك طكت السجينة بوجهي انوب النفس الجكارة تسحبه بخفة ابوي بصياعته ماوصل لهيج خبرة

- قفلت قضيتها

- دزيت الولد يسحلون الگرن وانت شوف شغلك

- سهله اليوم رايح للمركز هاي شبيها ايدك

- ابن الكلب هيكل وجهه بس عظام

هو يحجي واجه ازر كال اتحداكم تستقرون دقيقة

دسار - مانستقر  ولاكبش فداء سلامتي متعلقة بمرت اخوي اشوكت ماضاجت خربطوا ملامحي

- هم صدگ المهم اسماعيل وين

- منو اسماعيل ؟؟

- كلت منوو خوش حجي وانت هيذام هم ماتعرفه

اباوع لهيذام اصلاً مويمه منتجي خال رجلي على الكرسي الي ابصفه  ومدنگ يگلب بالفون 

ازر - تره الوالد اندل مكانه

حك خشمه ورد يگلب

- ليش رجعت  هبة

مارد 

اجت ضي كالت يله

دسار - وعليكم السلام

- عالاساس عود تحرجني من تحجي هيج

- بنتي منو حجه وياج  اشبيج اهدي الثكل حلو

- دساااار

- عيونه

- شنوو هاي نهاية ايدددك وشممم

-خرب بلشتج جفلتينيي

-عليك الله دااشوف شنو واشم

-سوالف مال كبار يله حبابة  اخذي صاحبتج وطفري وانتي لج تعالي شو اليوم گالبتها كاتم تره انتي فاهمة القضية بالمگلوب المفروض هو يخنس مو انتي

ضي - ليش شنو سووا

- غير الگفلج الهيبة الي موگف ربعة على تك رجل  يبوس ايادي وسباله تخر يتوسل

- اخاف جان يردد الشعار

- ههههههههاي اي وعلي لاابشرج حتى مالحگ يردد  الشعار لحگته بربعه عدل

رفع حاجبه هيذام وكله درفع الردن يالشهم

ضي - شنو واشم دسار فدوة

- وجه ابراهيم  من عرف فدية اللدغة ولده اثنينهم

ضحك هيذام كام وكلهم يله وانتن لاتتاخرن

ضي - ورق

- وياجن السايق اخذن التعتازنه

هو يحجي واني مامصدكة احس روحي عصفور وانطلق صراحه اريد اكتم فرحتي مااگدر تكول موراح امر على طريقنا القديم تكول راح اشوف خواتي واخذهن لحضني

خربط شعري هيذام واشر يله

طلعوا الولد گدامنا واحنا وراهم اباوع لدسار صف يم ازر بخفة ايده سحب المحفظة ندار لضي غمزلها وشمرها الها ؛ لگفتها بسرعة وخلتها بجيب بنطلونها كملوا طريقم ولاتكول مسوين شي

طلعنا بره بين ماطلعوا الحرس السيارات استوني دنصعد ورن فون دسار

صعدنا وهو رد جان عيونه على ضي يضحك فجأه اختفت ضحكته

دار وجهه لهيذام  فاتح عيونه بخوف  همس برجفة  رؤياااا

عگد حاجبه هيذام بعده ماراد كلها ثواني دراجة تخطف وصرخة هيذام يصيح احموهننن

صوت الرصاص خبص الجو ويه وگعت دسار والدم تارس صدره  …

**رؤيا***

قيل لي ذات مرة اني لااملك قلباً وكان هذا اعظم مدح سمعته في حياتي

…ظلام ؛حياة خالية من اي احلام ؛نهاية مجهولة

الايام تعدي فارغة من اي احداث اخذ الابرة اضيع بين الاسطر ساعات تمر ماحس بيهن واني اكتب جحيم قصتي بالخيال

اصحى دقايق وارجع اكمل من نهاية اخر حدث واعيش شعور اول ضحكة بين اخوتي لخوفي من لمساته ؛لتوسلي يردها حتى اوكلها قبل لايدفنوها

الادمان تحول هلوسة  والهلوسة تحولت جنون صرت مهوسة بشي اسمه مخدر اذا تأخر ثانية اكوم افتر مثل الحيوان المتوحش  انهش اي واحد يوگع بيدي  اكثر من مرة انطوني سجينة وطلبوا مني اشرح ايديه جنت انفذ اوامرهم بدون وعي واگعد جوة رجليها مستعدة اكتل اي بشر لخاطر اتكافئ بجرعة اضافية

گاعدة لامه رجلية احك بجسمي اشوف الدم يطلع بس ماحس گد ماالالم  عيني بالباب اشوكت يدخل عمار ينطيني الابرة

مرت ساعة عن موعدها وهمه ماكو حسيت روحي شاطت بعد مااتحمل دنگت خليت اديه بالگاع ردت اكوم ماگدرت زحفت اسحل بنفسي روحي بهتانة وصلت للباب رفعت ايديه گوة دگيتها  حسيت ماكو صوت يطلع بسبب الخدر البيهن نزلتهن دكيته براسي انفت اريد اسمع حس ماكو انتجيت بتعب  وهمست فتحوا ولكم راح اموت ولك دسار ارحمني ولك تعال خليهم يطلعوني ولك بعد مااتحمل گلهم خلي يكتلونييي ولج يمه ادعي عليه خلي الله ياخذني ولج الوجع دينهش بروحي

اجاني الالم غمضت  حيل عصرت نفسي حسيت لحم يتگطع من جسمي صكيت على سنوني وكمت اضرب راسي بالباب بكل قوتي واصرخ ولكم رحموووونيييي ولكم راح اموووووت

حسيت الالم زاد نمت بالگاع احرك براسي فاتحة عيوني بكبرهن دخلت اضافيري بصدري املخ بي وارفس مختنگة مااعرف شسوي

رجعت گمت رديت للباب ادگ وعيوني تتجول بالغرفة اريد شي انحر نفسي بلكي ارتاح

انفتحت الباب دخلت  ساجدة دنكت على رجليه همست راح اموت مروتج

-هههههه  وينه ويجي يشوف خرزته اشلون تتوسل

-ابوس رجلج بعد مااتحمل رحمينييي جسمي ديتگطع

- اكلتي لولا

- اكل اكل بس انطيني اختنكتتت بعد مااكدر اتنفسس  دخيييلج داموووت

اتخصرت وكفت تباوعلي بستهزاء ؛ دنگت على رجليها ابوس واتوسل فاقدة كل امل ابجي بدون صوت بس الونة تطلع مني

ماصدگت شفتها طلعت الابرة من جيبها بسرعة كعدت طلعت ايدي دنكت ضربها لو تكول دخلتني للجنة بثواتي تغير كلشي

تمددت مغمضة  الهدوء والراحة الدخلت بجسمي تعادل سعادة الدنيا بكبرها دفرتني فتحت عيوني بتعب صاحت گومي يله  صارلج اسبوعين ماغاسلة مو حتى ريحتج بعد ماتنطاق

-اريد اناااام

-ماكو نوم  كومي سبحي وتعالي صعدي يم البنات كعدي وياهن شوية

-ممم

-اتسمعينييي انتي لولااا مودااگلج گومييي يله شنو عاجبتج ريحتج مو كرهنا الغرفة ودخلتها بسبب قذارررتج

رديت غمضت شافتني مابيه كومة دفرتني وطلعت لميت رجلية رحت بالنوم اقل من ساعة وكعدت على احد يسحلني من شعري  فتحت عيوني لكيت بنية اول مرة اشوفها  دنگت سندتني كومتني تجر بيه للحمام بين صاحية وبين فاقدة حتى ماحسيت اشلون سبحتني وطلعتني رجعنا تسحل بيه لبالي لنفس الغرفة بس لكيت ساجدة واكفة عالدرج اشرتلها جيبيها عرفت اجه الوقت الي ادخل بينهن واصير وحدة منهن

رادت تصعدني ماگدرت رجلية خدرانا اجت سندتني وياها صعدني طلعنا من السرداب واشوف بيت واحد من بيوت البتاوين بطرازه القديم

صالة مربعة يتوسطها نافورة داير مدايرها غرف نوم ودرج بالنص يوصل للقاط الثاني

بنهاية الممر باب يمة واكفين ثنين زلم ضخمين شواربهم ثخان والمكان متروس بنات الي كاعدة عالمسطبة مال النافورة تصبغ اضافيرها  والي واكفة  يم الدرج تخابر والي كاعدات بنص البيت يسولفن وضحكهن واصل للشارع من غير البنات الصغار كلها اعمارها ماتتجاوز السن القانوني

جانت قنفة على جهه خذني الها كعدني راحت البنية ويه الباقيات وساجده كعدت شوية عني  صاحت ولج دمووع وين صرتي

طلعت دموع  من المطبخ  بيدها  النركيلة شافتني ضحكت  اجت تركض خلت النركيلة گدام ساجدة واجت كعدت يمي كالت واخيراً اجيتي يمنا

ساجده - اي وراح  تطلع عن قريباً وياجن

- لعد تركيها عليه اني اعلمها على الشغل اشلون يصير واشلون تلعب براس الزبون حتى تحصل اكثر

- عوفج منها هسه گومي كعدي ايات وحضرن نفسجن  عدنا طلعة

- اخذي غيري مااكدر اني من انجازيت الصبح 

- لعد جهزي نفسج بس يجي عمار ترحين ويا البنات  تصرفون الحبوب تكدست عدنا راح توصل الوجبة الثانية وهاي ماكاملة

- اي كلت لعمار كال بليل نطلع عالكوفيهات

دتحجي ودخل رجال من بره بيده بنية صغيرة تبجي يسحل بيها اشرتله ساجدة عالغرفة اخذها الها وكامت ورا دخلت سدت الباب  درت وجهي لدموع كلتها شنو هاي بس لاخاطفيها

- لايشتروهن بس هنه اول مايجن هيج يكلبنها مناحة وبعدين يتعودن يكومن يوازنه حتى عالشغل

-شنو راح يسون بيها

-ينطوها مهدأ بالبداية لمن يتعود جسمها  يطلعوها للشغل بالتجدي لحد ماتكبر شوية يعني يصير عمرها ١٢لو ١٣ يدخلون عليها احد مريش يطلع ابو افلوس الي اشتروها بيهن وانوب تطلع حالها حالنا

-يعني هاي البنات الصغار كلها تجدي

-منو صغار ذني لاتشوفيهن يلعب وطفرن  ذني رب الشغل يتخبلون عليهن الزبائن ماتشوفيهن متريشات احسن لبس وكل وحدة بيدها ايفون ياتجدي يجيب كل هالفلوس

- وين عنهم المخبرين

- وليش عيني شمسوين قابل فوگ مالامينه من الشارع ومشغلينا مايرحون لحامد ديبيع اعضاء بشرية

- منين يجيبهن؟؟

- يشتريهم هاي الزعاطيط تارسة بغداد واكو حتى من المحافظات الي يخطفوهم من اهلهم  عداوة لو مدمن ويتورط بشغلة ويه طفل اذا ماحصل فرصة يكتله يخابر حامد يروح يجيبه منه ولج كررف افلوس

-هم بالبتاوين مو

-اي اكيد لعد وين انعم الله عليهم تاركينا مكان نعيش بي جان هسه نصنا ميتين  لو مايلفوني ذولة تركج من الحجي  داعلمج شغلة تكولين لعمتي عليها تسوها الج تحصلين بيها طن افلوس بس الي نسبة

- شنو

- خلي تاخذج لام دلال تردج بنية لان وجهج جديد محد شايفج وانتي حلوة راح يتخبلون عليج حتى مزاد يسوون علمودج هاي اذا مامسوؤل طلبج

مارديت درت وجهي اباوع للبنات كلها اطفال تلعب براءة داارد اسألها عن اماكن الحرس وقاطعتني ساجدة بطلعتها  دنكت بسرعة صح راسي مطبل بس بالي ويه حركتها لحد مارجعت مكانها گعدت  شالت الخرطوم مال النركيلة سحبت نفس واجه صوت صرخت الطفلة من الغرفة صاحت ومرررض

فتحت عيوني على كبرهن ردت صرخت صرخة تلاشى حتى مفعول الادمان بسببه لزمت ايد دموع ردت اگلها كومي وبلشت الطفلة بصرخات متتالية 

اتلفتت  اباوع داير مدايري اريد احد يروح يلحگها ماكو ولاكانما يسمعون كلمن ملتهي بشغله اكثر من عشر دقايق لمن انفتحت الباب طلع الرجال يسد بنطلونه دنگ تفل بصفه واجه اتجاهنا ينظف بسنونه وجه مكروه وصل يمنا كالتله ساجدة ها بشر حمامه غراب

- دگومي شوفيها ماادري شصارلها

- الغسل مو كلتلك بعدها صغيرة دنت نفسك عليها من قلة ال…ولج حميدة روحي شوفي المكموعة  شبيها 

- منو هاي الحلوة

- عوفها هاي تابعة للباشا ممنوع واحد يوصلها لحد مايكول صارت الكم

-ليش منو هاي

-مرت واحد خاين منتظر بس يلگفة  وتصير النا

- اشتعل ابو على هاي المرة بروح ابوج اني اول واحد والج اليرضيج

- ههههههه خو انت ماتشبع صدگ شسويت ويه هذا الخايس المات

- اندثرت شغلته اخذ جرعة زايده وله بيها احنا شدخلنا يله اني طالع رايدة شي 

- لاسلامتك

طلع يمشي طبيعي ولاتكول مسوي شي درت وجهي للغرفة صارت كدامي البنات ملتمات على الطفلة وهيه لامه روحها تلوج وتون بصوت يعصر الكلب

رن فون ساجدة باوعت بي فصلته دزت مسج ورجعته مكانه ثواني واجه مسج فتحته ضحكت بصوت يقزز وخلته بصفها انتجت سحبت نفس من النركيلة باوعتلي من فوگ ليجوه وابتسمت

عرفت نفسي انبعت بدون علم الباشا عناد بدسار مااعرف شنو مسويلها بس جنت احس بكل ابرة تضربني اكو  حقد دفين اله بأي طريقة تريد تنهيني قبل لااوصل للباشا

روحي بهتت شگد جنت اسمع ماما تسولف عن  هيج ناس بس ماصدگت جنت اظن جاسم مو بشر طلع نقطة بحر ذولة مايوصل

لميت رجلية لحضني عيوني عالبنات الي بلشن يستعدن للطلعة اكو راحن يركضن فرحانات واكو لا يجروهن گوة بالاخص الصغار يبجن مبين الخوف بعيونهن يتحركن من ايد لايد حتى يحضروهن وهنه بس دموع تنزل بدون صوت بسبب الزلم الي بالباب كل واحد لازم كيبل شكله يرعب

شلت راسي للطابق الثاني مسيج من غير اربع زلم محاوطين المكان حتى  مجال اصعد ماكو مو انهزم ارجعت اباوع للباب اثنين كل واحد سلاح بضهره من غير ضخامته وجهه الممسوخ مبين مابي رحمة

حسيت نهايتي قربت عصرت جف دنگت باعتلها ترجف - ليش هيج خايفة رؤيا شنو الجديد تعرفين نفسج راح تموتين

بس ماعرفت بهاي السرعة ولابهيج مكان اتمنيت اموت خواتي على راسي وامي هيه التغسلني بيدها وتكلي ماقصرتي يالرعنة خلصتينا منه روحي يم اخيتج اخذيها لحضنج وعوضيها عنه

اتمنيت دسار يضمني بصدره ويهمس يم اذني بعدني على وعدي وياج  انتي خرزتي الرعنه واني الحيوان اللفو الي خان وطنه لخاطرج

صار منظره اول مرة اشوفه گدامي ينزل جام السيارة ملثم كل عقله غير عطره ماراح اعرفه

ابتسمت واني اشوف نظراته المفضوحة وهو كاتم ضحكته من ياخذ الورد ويسد الجام بس حتى يسمعني اصيح لك الفلوسس حيوان

ضحكت على طريقة استفزازه اشلون يأشر باي ويدوس بكل سرعة ويخليني اطفر ورا

مايدري بعد مايعبر ارفع جف ايدي اشتمها لان لامست ايده ؛ اخليها على گلبي اتوسل بي يقلل دكاته لايفضحني لحد ماهو يخلص صبره ويسحبني لحضنه غصباً عنه 

اخذت نفس فتحت عيوني لكيت دموع تباوعلي همست ليش دتبجين

- هه مابيه شي كومي گشريلي ذيج التفاحة اشتهيتها

اشرت اي وكامت جابت السجينة والتفاحة ردت كعدت استوها دتكشرها اخذتهن من ايدها بسرعة حتى مانطيتها مجتل تعترض دنكت اريد اكشر ايدي ترجف  مااسيطر مسحت دموعي هدأت نفسي

-شنو حنيتي لاهلج 

-اكو مسج وصلج لو اكو احد اتصل عليج يسأل عني

-لااا ليش هيج دتسألين وهمه شعرفهم انتي يمي

-دااوصلج فكرة لااكثر معزتي يم اهلي راحت بنفس الدقيقة الي مات بيها الولد بيد غزوان نهد بيتنا خواتي الي ضاعت والي ماتت والي انكسر كلبها بحلم عمرها وذني كلهن بسببي صح اني اذيتهم هواي بس والله جنت احبهم اكثر من روحي

-وزوجج

-ههه حبيته عن طريق صوته بوقت جنت مستعدة اكتل شكو رجال كدامي اشكد جنت اتمنى اشوفه حتى  اكرهه تالي حبيته اكثر

-هو نفسه ابو الليل

-الشخص الي اجه حتى يكمل دماري دخل حياتي داس على كل حلم بيها وطلع بعد ماقضه عليه بالكامل وهاي ختمها شمرني هنا ودار وجه عني

-جان يحبج

-خلاني احبه وتركني اواجه مصيري وحدي حجزني بأسمه ولبس الحلقة لغيري وعدني يعوضني كسرني وبجاني كال راح اساعدج بدمج طشر دمي

-انسي وعيشي حياتج

-ههه تلقائي راح انسى الدنيا بكبرها بالوقت الراح اتركله ذكرى تأكدله كل كلمة حيوان كلتها بحقه جان يستحقها لابد ماتوصل جثتي بين اديه راح يشوف بيها  اثر ندبات الادمان الجان بسببه  راح يتلمس الجروح الي الصارت بجسمي بسبب غدره راح يتأمل عمري الي ضيعه وهو بداية احلامه

-بعدج جديدة انتظري فترة راح تحسين نفسج تكرهي

- ومنو كلج احبه لو يجيبوا كدامي هسه بدون لايطلبون مني اكتله راح اذبحه بديه واشطب على كل تاريخ كاتبه بجسمه بالدم واكتب مكانه جذب

دترد ورن جهاز ساجدة باوعت بي ضحكت فصلته وباوعتلي وصاحت  يله دموع كومي اخذيها رديها لمكانها حتى نطلع

-شنو لعد اليوم محد يضل بالبيت اشو كلها دتطلع

-لااا وشكو ضال احد الولد موجودين يلااا كومي وديها وتعالي بسرعة

كمت رحت للماعون دنكت  بحجت اخلي التفاحة حتى اضم السجينه بدون لاتنتبه لان عرفت الي باعتني اله جايني

حسيت مفعول الجرعة بده يتلاشى عصرت السجينة بطرف ايدي  نزلت دموعي بخوف  همست الله ياخذك دسار ماكو اسوء من هيج موته  حتى مالحكت اودع اخياتي

استوني داخليها وندگت الباب حيل فتحوها دخل عمار  يركض ويصح البشاررررة

ساجده - خير شكوو

ابو الليل انتقل لربه…

لاتنسون التصويت ❤️

ملاحظة :

بالنسبة الي راسلوني بخصوص التنزيل صح راح يصير كل يومين والثالث ؟

النية ماجانت هيج بس الظروف حكمت؛ جان وقت تنزيلها كلش غلط اشكد ماحاولت اسيطر بينها وبين دوام اطفالي ماگدرت وبسبب انشغالي بيها اثنينهم اكملوا بدروسهم ومستواهم تراجع كلش؛ ادري بسبب  تحمسكم للاحداث راح تضوجون بس للامانة اضطريت اخذ هيج قرار ماضل عندي حل ثاني ويضل القرار الكم وراح اتابع تعليقاتكم

اوقف التنزيل لعطلة نص السنة ويكون التنزيل كل يوم

او تتحملون كل يومين والثالث التنزيل

شيء من رصيف الدم

بقلمي:   leo Alfatlawi

بارت السابع والعشرون

بارتين سوة

***رايه***

دانزل وتوقفت على صرخت غيمة وهيه تصيح سويتها يذباح جبتها على راسي بعد ماباعتني وانهزمت

سحبتني فجر نزلتني وهيه مستمرة بالصراخ

اباوعلها الشعر مگصوص ومصبوغ والمكياج طوخ بدشداشة حمرة والذهب تارس صدرها

اندارت عليه صاحت خلصت الزلم ماكو بس رجلي خليتي عينج عليه وين صار غزوان موعالاساس جنتي كاتلة نفسج عليه لو بعد ماتتحملين بدون رجاااال

وانت شنو موهاي الي باعتني للعالم اشلون جبتها لهناااا ماخفت على عرضك منها تعرف وين جانت وشنو مسوية لو شفتها حلوة بعد ماتشوف گدامك

دنگ حك خشمه

- ماتردد لو ماعندك جواب اي شتريد تكول دنت نفسي على مرت اخوي الجان مأمن بيه ونهار وليل يسولفلي على حبه الها لو تريد تكول اني موكد كلمتي

اباوعله على ادنگه اشر اي واتحرك يمشي عالكيف وصل يمها رفع راسه ؛  بجت وهمست بدل ماتجيبلي حقي منها من سلمتني للمشعوذة تاخذ شرفي تروح تستر على قذارتها تدري ويه كم واحد ن…

بعدها مامكملة وسكتها بضربة گعدها بالگاع لزمت خدها وصاحت تكتلنييي لخاطر العاهررررة

واجتها الدفرة گلبت معدتها گلها ركضت فجر رادت تلزمه دفعها بقوة اختل توازنها لزمتها هيام بسرعة جرتها يمها  

وهو دنگ شال غيمة من شعرها وگفها باوعتله بخوف فتحت حلكها استوها دتحجي وهفها راجدي گد ماقوي دگ راسها بالحايط بعدها ماصارخة  واجاها الراجدي الثاني على وجها طگ خشمها دم  لزمته وگعدت لبالي راح يبطل بس من شفته دنگ دفرها مدها بالكاع وفتح حزام السلاح غمضت خفت من شكله حسيته مو ذباح نفسه اتحول انسان ثاني

الكل ابتعد خايف الي ركض يصيح لامه والي تبجي والي طلعت تنخي صكر يدخل يخلصها

صوت اول لسعة ويه صرختها عصرت گلبي   سحبتني هيام بسرعة اخذتني للغرفة دفعتني بيها وسدت الباب واسمع الصريخ بلش وركضتهم مخبوصين ؛ حسيت روحي هبطت گعدت عالقنفة صوت  الضرب والتوسل  رجعني لضربات بابا سديت اذاناتي و لميت رجلية اكثر من ربع ساعة والهوسة مستمرة لحد مااختفى صوتها نهائياً وصوت ذباح رج البيت وهو يصيح شيلوها زتوها  بالحجرة لحد مارد ورحمة ابوي اذا هيست احد محدر صوبها ماهو عاطيها نگطت مي اترس فچه بارودد سمعتوااا

مااسمع شردوا بس حس بجيتها بتوسل من شالوها اخذوها دقايق وشحطت السيارة عرفته طلع

انفتحت الباب كمت مفزوعة دخلت عمتي وفجر لازمة ام ذباح گالت اسم الله يجدة شمالج جفلتي هيج

-راح ذباح ؟؟

- اي وله بطريچه المهجوم

-وغيمة

-زتها بچلة الهوش لبين مايرد ويعيد  ارباها هلبت يخرسها ويخلصنا من لهوچتها الباذرة

سكتت

اخذتها فجر گعدتها خلت وراها مخدمة انتجت باوعتلي وبتسمت كالت ولو مغتاظة ومامواطنة اتنوع لوجهج بس تضلين وصية رفيچه وعزيز كلبه تگربي يجده خلي احبنج

رحت دنكت سلمت عليها وكعدت يمها  مدنگة

- ولو ماهو وكت هالحجي بس يجدة الغلط مايوجع غير صويحبه وانتي صغيرة راد واحد يكف بضهرج ويحميج موش تحمين احد شني الجار بجهامتج وچبرج هيج تعملين

- خفت لاياخذهن مني

- وشني الصار 

نزلت دموعي

- استغفر الله عليش يچدة دوهنتي رويحتج وسودنتي الزلمة وراج هالصارله اشهور لاينام ليله ولايكض نهاره يجلع من مچان لمچان وراجن

- ماردت احمل عليكم اكثر

- اكو احد شاكيلج هسه من اكوم اچسر العصة على جهامتج العايبة هم احد يكضني

- راح يگدر يرجعلياها مو  ؟؟

- ماطوله كض شاربه يردها لاتخافين هدي جانت كبل امانة رفيجه وهو متسودن ماهي هسه عرضه وعلي يبن البدوية يفج الگاع ويسطرهم بيها واحد واحد بس ربج ينجيهم  من شره 

- اندعيلي بيبي فدوة يرجعها لحضني ماضل عندي غيرها بلكي ربي يمسع منج وماياخذها بذنبي

- وشعندج ذنب يبعد جدتج وانتي كليبج حامل دهر الدنيا ومصايبها مسحي دموعج  يجده انرفع الاذان گومي اجددي وتعالي يمي لخاطر نصلي بعون الله مانخلص واله خبرها بشليلج

اشرت اي وكمت مسحت وجهي طلعت ويه فجر اباوع البيت متروس جهال و نسوان بس كلها محجبة ودشاديش طويلة

سلمت حتى ماسمعت منو رد ومنو لا رحت وراها للحمام دخلت غسلت وتوضيت رجعنا للغرفة لكيت الحجية على سجادتها كاعدة تسبح

دخلت مرية متوسطه انطتني سجادة فرشتها ولبست الجادر وگفت اتجتفت صارت عيون ام ذباح عليه  ماحجت بس سحب التربة من سجادتي خلتها على سجادتها

صليت مو تگول ركعتين مااعرف شقريت بيهن اكثر من مرة اكطعها وارد اعيد لحد ماتعبت وسلمت همست تقبل الله رفعي ايديج وانخي ابو راس الحار بأمه يجدة

غمضت همست يارب بجاهم عندك ردهن سالمات اليه ياابو الفضل نخيتك تعرف معزت الاخوه اشلونها  اندعيلي يم ربي لايفجع كلبي بيها بداعة صبر امك

- ملج عليج ذباح

فتحت عيوني

- الحرمة شماقوت وعلت على وجعها تعتاز احد يكض ظهرها ويسندها بحملها من غدر الوكت 

همست مات وخلاني وحدي محتارة اشلون المهن

- صارت عندي فجر ونجتل زلمتي حسيت الدنيا وگفت بعيوني هذا عشگ صباي مانه هين  كملت العدة يم هلي وانه لااكل ولااشرب حتى الفرخة هملتها ماريده بس اغمض لخاطر اتنوعله داخل عويناتي

- تعبت واني اتوسل بس يجيني بالحلم حتى لو مرة كافي

- عبنه يحبج صج لان شوفت العزيز بالمنام تسعر الافاد بجمر ماتهود غير بالموت

- قابلة بس كون اشوفه واشكيله عن الشفته من بعده  واكله اشكد مشتاقتله

- كل شوفه اله جانت وجع يضل ايام تنهش بروحي لحد ماجبرني ابن امي ورحت غصباً على خشمي عطية لابن عمي مجان ياخذ اخيته ؛ماگلج مانحبت  وتمنيت الموت بس من حسيت گليب ولدي داخلي ينبض وبعدها تنوعتله بحضني يرافس حسيته سندي وهذا الي يگفلي بوجه الوكت ويعوضني مجان الچسر العشته

- ماريده عوض بس يردلي خواتي راضية بقمستي

- گبلج كلتها جثير لحد ماوگفت ذيج الوگفة وانه اصيح ييمة تعالوا لية اخوتي  راح ينهبون حلالي وتنوعت صهيب بظهري وذباح كاض تفكته واجف بوجهي شكرت ربي على القسمة

- اخوج راد  ياخذ حلالج

- هاني وستضعفني استگوه عليه بأربعين زلمتي الثاني عبني وحيدة وولدي صغار ؛ وگف مستهزء بذباح مايعرف الزلمة مانه بالعمر طره وصاح بعد عن طريجي هاي الگاع الي واذا تنوعت واصل حدها ادفنك بيها انت والبدوية المستسبعه بجاهل مثلك بعده مامكمل جلمة وطشر ذباح فجه بالبارود

- موته؟؟

- وانسجن ١٥سنة عبنه حداث رفع راسي وخله الديرة كلها تهابني وتعرف الي بظهري زلمة من ظهر حر 

- اني مومثلج

- انتي فوگ الغيم  لا نطرتي زراعتج تعلى ولادورتي المنجل لخاطر تحصدين اجاج الحاصل وراعي لحد رجولج

- مافهمت

- تفهمين يجدة بس كضي عدل صح هو ماينحمل بس زلمة ينشد بي الظهر

دخلت هيام دنكت خجلانة صح عقدنا هيج وعمري ماراح استند عليه غير سند الاخوة بس حسيت نفسي حقيرة وناكرة العشرة

دنكت عليه باستني كالت يردون ان شاء الله لاتخافين

نزلت دموعي

- رفعي راسج لو مااعرف معزة غزوان بگلبج مثل ماهيه بگلب ذباح واعرف زلمتي ماحطج بأسمة لو ماجان حاسبج خيته وحاير اشلون يحميج جان ماگعدت هالگعدة جدامج

-رجعت بعهدي لغزوان وكسرة گلبه  لخاطرهن

-مارديتي وان جان على العقد حسبي عقد دم لخاطر تخاوينا وتخشين بحمايته

-راح يلحگ يردها مو

-ماطول صارت عرضه مايتركها غير بموته يله گومي خلينه السفرة اجلي لگمة ويانه

- مااشتهي بس اريد انام شوية راسي راح ينفجر

ام صهيب - وين شريجتج المعثرة

هيام - مشمورة بالحجرة  ماضال بيها شي صاحي اضن مجسورة ايدها كاضتها وتنحب

- وديلها اچل خلي تتسمم

- حدها گمريه هسه ياجلن سوه

- خوش گومي جيبي الاچل لاخيتج هون تاجل اروحلها

هزت راسها وكامت  نزعت الجادر لميت السجادة  خليتها بصف الحايط وكعدت باهته روحي كلبي يم رؤيا وتفكيري يم ماما

الحجية دنگت تقرا قرآن وفجر دخلت فرشت سجادتها تصلي من بعد ماصبت الاكل الهم وتركتهم ياكلون مبينة هيه لازمة البيت

احس راسي يفتر عدلت السجادة تمددت نغزتني المناظر طلعتها من صدري ماكدرت اباوعلها خليتها يمي عالسجادة وغمضت

صنته  بس صوت الحجيه تقرا بهدوء والتعب والتفكير كل واحد ماخذله حيز مااعرف اشلون رحت بالنوم

ماكعدت غير على صوت ذباح يگح وحدة يمي تبجي

فتحت عيوني لكيت ذباح گاعد بصف امه عالقريولة سلاحة يمه مدنگ على جليه بيده جكارته وهيام  يم راسي لازمه مناظر غزوان وتشهگ بكتمة

كمت بسرعة جريتها من ايدها شال راسه ذباح عيونه دم  يباوعلي بحرگة وجهه گد الغضب يحسسك ماكو رحمة بعد   ؛عصرت مناظر غزوان وهمست لكيتها

- وين امج يحرمة غزوان ؟؟

سكتت

- تدرين راح تسلم نفسها ونخرسني مووو

- لان ماراح تحصل رؤيا غير بهالطريقة

ضغط على سنونه وگام كلها گامت ويا دفر الترمز فلشه بالحايط واجاني ركضت فجر لزمته والحجية صاحت ذبااااااج

عصر جف ايده وگال هين يراية هاي الثانية

- هيه مارضت اگول

- وهيه ياهووووو حتى ترضه لولاااا شني عگول ماكووو بروسجن بس فهمينييي شعمل لخاطر اكضجن

- حتى يجي بابا للمركز ويلزموا

- وهو هيج زمااال جلع بدون فهم لخاطر يرضي عقلجن المحجر ولج هاااي قضية قتتتل تعرفين شنييييي اشلووون طاوعتيهاااا

-يعني ماحصلتوا رؤيا

دار وجهه صفگ ايد بأيد وگعد لازم راسه مدنگ

-شنوو يعني راحن اثنيهن

رفع راسه يباوعلي بقلة صبر عيونه دم كلها حيرة

شهكت

استغفر ومسح وجهه

فجر - بسج ييمه الازلام  غادي محاوطين المجان لابد مايطيح بديهم  وذباح اجه على شيخنا لخاطر ياخذه للمركز هلبت يگدر يحلها ويطلع والدتج من غير امج سجلت دعوه بختفاء رؤيا وتهمت ابوج بيها يعني مايگدر يعمل شي لاتخافين

- بابا ماعنده مكان بس عمتي

ذباح - وانه وين اطيح على غضب الكائنات اذا نبشت المجان نبشش ماخليت طير تابعلهم ماكضيته موش بشر

- غيمة تندلهم

- ندهولي استغفر الله

مسحت عيوني احس وجهي يحركني ورحي رايحة زلمت النظارات حيل وغمضت

خلت هيام ايدها على وجهي فتحت عيوني بتعب كالت صخام بوجهج موچرة يالمعثرة

- شنو يعني؟؟

- ياع وانه اكول شمالها البت زهرمت على ساعة ولج شني ماتحسيت حتى شفتج طاكة من گد الصخونة

-مابيه شي هسه تروح

دخلت گمر ساندة  غيمة  الي كلها منفوخة زرگة لاضال وجه ولاشعر شافت ذباح ركضت دنكت على رجليه تبجي وتصيح اسفه والله مااعرف اشلون طولت لساني

شالها من شعرها لزمت ايده باستها سحبها بسرعة ورفع رجله خلاها على صدرها دفعها  رجعت ليورا گعدت

- تنوعي  لج  جلمة وحدة ماثنيها ان جذبتي وروح الراح بعز شبابه ادفنج حدر رجلي

-  مداافتهم على شنو تحجي

-وين بيت رضيعة جاسم

- شوية عن بيتنا بالفرع الثاني بصف الاسواق

- البيت مهچور

-لاموجودين لان گاعدين بالسرداب كلما يسوي مصيبة عمي يختلون هناك ويغلقون البيت حتى لاواحد يلزمهم حتى اكلهم يشمره الهم ابوطبر من الحايط تالي الليل

- خوش حجي ابو طبر وين گاعد

- ماعنده بيت باعه كام يبات ويه عمتي بنفس المكان

- ولزمتها

- عادي يقبل مأمن منه حتى من يطلع للشغل ويبات بره ابو طبر يضل مكانه لان الجهال تخاف وحدها

- لاكفوو صاحب وكفات العرض واحد ؛ المهم غير ابو طبر المن مرافج الگرن

- هواي كل يوم جان  يدخل عدنا واحد واكثرها جماعة المركز لان جانوا يتلوكون اله حتى يقبل ينطيهم بناته

دنگ ياكل بشفته 

فجر - وين شايفيهن وهنه حتى من يطلعن متنگبات

- لارايه جانت دوم تطلع ويه امها توديها للمستشفى لو تطلع تشتري الرند حتى رؤيا كلما تتعارك ويه عمي يكتلها ويطلعها يشمرها بره لحد مايرد غزوان ويرجعها

- واخيتهم المفگودة

- رئال ؟؟ لا هاي جبانة ماتتحرك ولاتطلع بدون نقاب حتى من يكتلها تسكت تبجي بالختلة لخاطر لايطلعها برا

- وانتي من يانوع سافطج

-اني مايكتلني لان مااعانده واسمع كلمته وهم غزوان مايخلي

- مم الله يرحمه 

اباوع  لذباح يباوعلها بشيطنه وبنفس الوقت القرف  واضح على شكله  ضحك بستهزاء  وشال سلاحه وباكيت الجكاير وگام طلع كامت طلعت تركضت ورا همست هيام ذلي بروحج بعد خرب بهيج كرامة

- اشوكت ازوجها

- بعد مااختفيتوا بفترة وذباح مخبوص يدوركم بيوم اتصلت الغرب على نقال گمرية تصيح الحكني طلع يجلع حسباله بيجن شي رد بليل وهيه بيده زتها علينه وگال لصگر بس تتحرج ارميها ؛ عليش وشني الصار مانعرف بس تسودن كام يغرب وينحدر  يتحلف اذا كضج يخليج نصين

- لاسمعتها من دخلت كالتله هاي الباعتني بدل ماتكتلها تجيبها على راسي

- جسر راسها ياهو المعتبرها حرمة لخاطر جاب مرة على راسها غير زاتها حالها حال البهيمة مامواطن شوفت وجها موش يكرب منها

-يعني بس عقد؟؟

-هذا الشي عنده بس هيه لا هالصار اشهر لاتستجن ولاتركد نهار وليل تجلع ورا بس تريد يتنوعلها خو من نطلع الصبح من غرفتنا عوزها ماتاچلني شگد يذل بيها ولاوياها

- وزوجته الجبيره وينها

- تخارب ويه ابوها وصارت بالتفگ كوه فضوها وهسه ناس  ماتحجي ويه ناس وكون ربي يخلها للكبر

- تعرفين غيمة شنو سوت بينه

-بدون لاتگولين نعرف وسخها ولو مامعزة غزوان وصيته هو ويأمنجن عنده جان سحگ راسها وتفل بوجها من زمان موش يخليها بأسمه ويجيبها بينا

-وينه راح للشيخ

-اي خيه راح ياخذه ويعر لبغداد هلبت الله ويجينا بخبر يبرد كلبج

-يارب

-خليج گاعده خلي اجيبلج شي تاكلي

-مااشتهي اريد  انام

-شمالج خيه احجي اكو شي يوجعج

مارديت لزمت خاصرتي ورجعت نمت استحيت اكلها كافي هم ولدهم شامريهم بالموت بسببنا

شوية واجت هجامة بالبداية بجت زعلانة وبعدها بلشت بالعتاب شافتني مابيه نفس بس لازمة مدالية امي وابجي گامت راحت لبيتها سوتلي اعشاب واجت شربتها صدگ ارتاحيت رحت بالنوم بدون لاحس

مر اربع ايام اي خبر ماكوالكل متوتر رغم صخونتي وجع كليتي بس ماعندي گلب اهدأ  لااگدر اطلع برا جماعة ذباح تارسين المكان وكلها مسلحة وشكلهم يخوف ولااگدر اگعد خاصتاً من اسمع ذباح يخابر يريد زلم وسلاح بعد

احس عيونهم كلهم عليه محمليني المسؤوليه  بس يخافون من الحجية محد يحجي كلمااشوف اشلون مخبوصين وسادين الشارع  تگول بتهم الي انخطفت موامانة اعض اصابعي ندم طاوعت رؤيا وطلعت منهم

فجر من كثر صبرها وحنيتها تفتر منو مااكل منو تعبان اخاف واحد معتاز  شي عكس اختها مراهقة وخلاقها تعبانة واجتها غيمة كملتها خانسات سوة اربعة وعشرين ساعة

گاعدة يم الحجية كملت صلاة الصبح وهيه تقرأ قرآن عيني على نسوان صهيب رغم عيشتهم  الصعبة والوضع يخوف بس تحسهن صلبات لثامهن على وجهن ويتنقلن بين الشغل  والنوگ

دخلت هيام بيدها صنية الريوگ خلته گدام بيبتي واجت كعدت يمي وخرت اللثام عن وجها و كالت شلونج اليوم

- الحمدالله

-ربي يصبرج ويردهن لحضنج

-ماخابر ذباح

-لاوالله وهالكلها تتكاوت مانعرف شكو

-يارب دخيلك بس لارؤيا صايرلها شي

-لااسم الله گولي ياالله شمالج بس حجيت نزلت دموعج

-شايفة من تغمضين حاضنة اخياتج كل وحدة من كتر وانتن تسولفن على امنياتجن وعيونج بحلم الطفولة  وفجأه تگعدين تلكين نفسج وحدج تتلفتين ضايعة شتحسين

- اعرف خيه عشت بينكم وكلت من خبزتكم نفس معزتهن بكلبج وعلي هنه بكلبي بس شنعمل هذا امتحان من ربج يقيس صبرج

- امتحانه صعب والله ماضل صبر روحي خلصت من الوجع

دترد و شحطت سيارة يمهم صاحت بيبي ياالله ردوا ازلامنا

من لهفتي گمت قبلهم طلعت بدون حجاب لكيت صهيب وصگر ثنينهم  داخلين اسلحتهم  بيديهم  وجوهم محتقنة وعيونهم حمر احس رجليه جمدت وكفت مكاني ايدي على گلبي عيوني على صهيب لحد ماوصل باوعلي بتعب وگال شلونج يبا

اشرت شنو الصار

- ماكو شي ان شاء الله ذباح وصل

- رؤيا انتحرت مووو گول تره ادري والله گلبي حاسني

- لايبا گولي يالله شهالفال من فجر الله كلهن بخير وين الحجية

- ماما بيها شي

- دتعالي چوه غادي نحجي

باوعت لصگر دنگ گلبي لكشني اكثر ؛ بعدت عن طريقهم دخلوا جوه اريد امشي مااكدر اجت هيام سندتني دخلتني وراهم  لكيتهم يسلمون على الحجية دنگ صهيب گعد يمها وصگر رجع للباب سد ووگف ورا  عرفت اكو شي ميردون احد يسمعه  

اخذتني هيام گعدتني يم فجر باوعلي صهيب نزلت دموعي اشرت احجي

صهيب - بالاول اريدج تعرفين انتي بنيتنا وهذا بيتج من گبل لايملج عليج ذباح موش هسه كلتها من گبل وارد اكولها انه ابوج وهاي جدتج الي يسمعج جلمة اطر راسه والي يفكر يغثج ادفنه بگاعه

- منو بيهن راحت هالمرة

- خليني اكمل كلامي يبا من خشيتي هذا الدار وصرنا هلج تنسين الغادي نهائياً والكل بدون استثناء من هاي اللحظة انتي حرمة ذباح ال…والي يفكر يوصل حدج لو يداعي بيج نرده محمل قبل لاينده اسمج

- مافهمت

- ابوج ولو جثير عليه هذا الاسم طاح بيد ولدنا وطلع الخسيس بايع اخيتج لعالم اعوذ بالله لخاطر وسخ دنيا ومن كضينا هدد يشتكي ويطالب بيج

- رؤيا وين ؟؟

-  بخير حصلنا اسم الزلمة الشاريها دزيتله طارش لان ماگدرنا نطيح عليه واحد سوء ومراوغ  طلب فدية مجانها اخذنا جلمة منه وان شاء الله خير

ام صهيب - اشكد مايطلب دفعوا حتى لو تبيعون حلانا كله المهم ترد البت سالمة

- المشكلة ماهي بالفلوس ذباح ماهو راضي يكول  بس اسحبوا وكضوا وكت منه لحد مااصلهم

- عليش ماتعطون وتفضوها

- شغلتهم موش يم البت يم زلمتها الضاهر جانوا ناوين يصيدونه بيها وماجت عدل بيدهم  لان اغتالوا

صحت يمه مات دسااار

- لا بس حالته تعبانة فاقد البارود چاي بصدره لهيج فاقدين الامل منه وقبلوا الفدية و ذباح يكول ذولة نواگيص ماعدهم چلمة بس يستلمون الفلوس تضيع البت علينه 

- اي صح كم حالة صارت يمنا هيج يساوموهم بفلوس وبس يستلمون يكتلوهم حتى لايفتنون عالمكان لو يردوهم بدون اعضاء

فجر - استعجلوا فدوة اغديلك يخوي  البت رعنة ماتركد ساعة وطكوها وماتت

صهيب - مايكربون صوبها لان المبلغ الطالبي مانه هين وطلبنا منهم مانسلم الفلوس اذا مانسمع صوتها

- جا شني راح تعملون

- ذباح طلع لزلمة اخيتها ابو درع لخاطر يتفاهم ويا ويحدد موقعها اسرع وانه هالرديت اهير الفلوس بين مايتفگ وين الضابط حتى من اسلم الفلوس يجفتوهم بس هذا الحجي مايعر من هون سمعتوا

اشرت اي عرفته شاك بغيمة

رد باوع الامه يحجي ويها شكد ضامة وشگد  يگدر يدبر هو من غير يروح للشيخ يطلب منه

صحيح ماكو شي يطمن بس حسيت شي بداخلي ارتاح المهم عرفت بيها عايشة وبعدها بخير

كامت عمتي فجر طلعت افلوس بيبي وذهبها انطتهيا اخذهن وگام راح والبقية طلعوا  گعدو بالممشة

لميت رجليه وانتجيت عيوني بيهم الجو صح حار  لان تقريباً صحراء بس المنظر تحسه بي روح نظيفة  دنگت فجر طلعتلي ملابس واشرتلي كومي بسرعة ابتسمت عرفتها تستعجلني للحمام قبل لايبلشن نسوان صهيب بجهالهن

كمت بدون اعتراض لان صدگ جنت معتازة رحت وياها دخلت جلفت جلف مال اكثر من اسبوع لمن حسيت روحي بهتت طلعت لكيتهن ملتمات كلهن يم الحجيه كاعدات بالممشه يسولفن شالت راسها شافتني حسيتها مارضت على تراكي بس ماحجت دنگت على سبحتها

رحت يم فجر كعدت باوعتلي صلت على محمد وكالت شني شمالهن خدودج مصلوخات لو ردت الصخونة

- لا لان تعبت هسه يردن طبيعي فدوة تكدرين تمشطيلي

- هههههه دجيبي وعطيني ضهرج وعيونج على حريم صهيب هالبت تتعلمين اتنوعي شلون يجلعن من الحلال للشغل تكولين بنوات الاربع طعش موش انتي سبحتي معتي بعد مابيج تمشطين

- هه الله يحفظهن لاا لان شعري طويل تعبت شوية

- ولج جااشلون راح تواطنين عيشتنا واحنا كل يوم بديرة وحلانا جثير من غير اراضينا رادلها نسوان حوك ياله تكف الزرعات

- بس خلي اسمع خبر عنهن كلشي اتحمل عادي حتى نرجع  لبغداد المهم ير…

بعدني احجي وانفتحت باب غرفة بقوة طلع ذباح يطبگ بردن تيشيرتة باوعلي بنظرة خلتني تلقائي اعدل گعدتي طلعت ورا هيام بيدها سلاحه اجه يمنه عدل تيشيرته من ورا ودنگ على راس امه باسها  وگعد گدامها نص گعدة لزمه ايدها وكال دعواتج يالبدوية

- ها يسند الديرة نويت تعر للموت

-وادوس بنصة  مارد اله واخيتي بيدي

- ربي وگلبي راضين عليك بس جان ارتاحيتلك شوية اخاف تگع ويكولون كضته رجفت الموت ماحسبالهم من التعب

- لاه ماهگيتها منج ياام صهيب موش انه الي اگع من تعب ولانه الي اسلم الروح گبل لارد امانتي وأمنها حدج

- ان لحگت تردها او ربگ گاسم تروح گبل لاتصلها راية واخياتها  صارن بنواتي  لو عرف اخسر ازلامي بولدهم ماتركهن؛ لاتحمل هم الموت اتوكل

- حدروا الربع گبلي دگايگ والحگهم  من يرد صهيب خلي يطلع عالمركز الشيخ غادي ناطره لخاطر شغلة عمة غزوان  لايبطي عليه

- وهذا المركز وهيبته ماگادر  لهيج منطقة وهيج حثالة

- المجان مبيوع كله مافيات جبيرة ومنظمات محد يعرفها منين مدعومة الي يخش بينهم مايطلع سالم

-زلمة البت  شني وضعه

-تعبان والله مااتصور يطلع منها

-ربي يحمي لشبابه ويرده لحضن امه گوم يبعد امك امهونة ربي يگويكم

رد باس ايدها وكام اخذ السلاح من ايد هيام خلاه بالحزام متنه  شلت راسي باوعتله وهمست  رحت لزوج رئال 

- انتي بالذات مااريد اسمع صوتج

- ليشش محملني المسؤوليه شتريدني اسوي كالوا جاي ويا الشرطة وانتم ماكو كلكم

- انه شني لغثت وياج  قبل لا اولي للحجز  من انتي زعطوطة وعگل ماكو براسج تورطيهن عليش يبا ؛يله هاي صار اسبوع اجلع مثل الزززمال  ماخليت مجان وراي افتر مثل المسودن من المركز للبتاوين ماعرف المن اكض كل هذا عليش تركتهن بيد ثولة مثلج ماتعرف تلبس هدمة بيها حظ موش تحمي اخياتها

- شقصدك اني مامستوررة

- لاتكوليني شي مانه گايله ولاطفرين بالحجي البت متروس ازلام لبسج عدلي وشغلت ردتج لبغداد اذا هيستج تهجسين بيها انوب اهطر جهامتج رگدي يحرمة غزوان افضل ماربطج بگصيبتج وزتج حدر الدرج

- اخاف لبالك تتجاوز اسكتلك والله هسه اكوم اشكيك لصهيب ودااشوف اشلون تحجي وياي

- شني لج

كالها واجه طفرت عمي ؛ كمت وراها بسرعة لزمت ضهرها فتحت اديه تحميني و صاحت هدي يخوي وعلي ماتقصد 

- وانه اريدها تقصد بعد عنها خلي اعدل فجها لخاطر تروحله تشكيني عدل

- يااا ولك مريضة البيت تهذي شمالك

- والمريض يستجن بفرشته لحد ماالله ياخذه مايفتر بكفشته ويلغث وانتي تنوعي لج اروح ارد اذا لكيت بنفس اللبس احركج بيهن وهااااي كفشتج تخفيهاا نهائياً قبل لااخفيج واخلص من عقلج المحجرررر سمعتي

درت وجهي  بعدم اهمية

صگ على سنونه لزمته هيام بسرعة وبيبي صاحت ذباااح

دفع هيام دفر صنية الجاي وطلع يريد ينفجر؛ هيام باوعتلي صفح وعمتي استغفرت حسيت روحي صدگ زودتها فوگ مامجازف بنفسه ويركض ورا اهلي اني طالعة گدام جماعته واهله بدون حجاب خجلت منهم گمت رجعت للغرفة

كلما تمر الايام اكثر كلما ابلش ايأس وانعل روحي على الثول الضيعتهن بي

ذباح اعصابه منهارة يجي ساعات قليلة بس يسبح وغير ملابسه ويرد لايگول شكو ولاواحد يتجرأ يحجي ويا  اني هم من اسمع صوت صهيب اكوم اتلكاه وسئله ووكت جية ذباح  اختل يم عمتي مااراوي وجهي لان اعرفه متحلف بس يريد يستفرد بيه حتى ياكلني

ساعات اندعي لماما ربي يفرجها عليه ومن اذكر  الورطة الورطتني بيها بهذا الخبل وانوب خلته يلزم شاربه حتى تغسل حضي بالزايد تلقائي اسكت

متمددة  يم ام صهيب واذني بره اتسنط لصهيب رجع اشلون تلگنه نسوانه يسولفن ويا وهو يرد ولاتكول عنده ثلاثه بكد ماهو عادل بينهن تحسهن وحدة

مديت ايدي اباوع لحلقتي بأصبعي واسمع صوت ذباح صاح بالبيت طفرت ضحكت امه وستغفرت ردت دنكت تسبح

دخلت فجر بيدها صنيته الجاي وراها صهيب وصگر مسلحين والتعب تارس وجوهم ؛ هيه گعدت يم القنفة وهمه اجوا سلموا على بيبي باسوا راسها وگعدوا

ردت اسأله وبطلت حتى گمت اخجل گد مااسأل  واسمع نفس الجواب صبت جاي فجر  گام صگر وزعه وگعد بلشوا يسولفون ويه بيبي على گاع يردون يبيعوها لعمهم لان معوزين افلوس للدية وماضل غير يوم عن التسليم  وهيه تنطيهم رايها  اباوعلهم اشلون يهابوها ومنتظرين موافقتها حتى يتوكلون

دقايق ودخل ذباح دنگ باس راسها وگعد يمهم كال  لفجر خويه صبيلي جاي

صهيب - بشر شعملت

- كل خير ام رايه ان شاء الله هذا الشهر يفرجون عنها

- جهزت  ازلامك للتسليم ؟؟ تراه باجر مانگدر نتأخر  دگيگة البت وضعها خطر

باوعلي لميت رجليه لحضني دنگت

ذلاح - كمل كلشي حددنا المجان  دزينه واحد من الربع يخش بينهم لخاطر نتأكد اكثر والباگين محاصرين باجر ويه طر الفجر نجفتهم ونجيبها  منهم

- يالله خيير شتعتاز ازلام وسلاح گول

- اي والله معتاز ثنين سباع يخشون وياي كونهم مايهابون الموت لان الخلية  جبيره ماهي هينة

صگر-  ابشرر يعم  انه اول واحد

صهيب - وهسه اخبرلك رشيد

ذباح - ان شاء الله خير يله انه اكوم وانت عمي صگر اتهير قبل الفجر نتوكل

شال سلاحه كام كالتله امه وين ريح

- انام كم ساعة مهدود حيلي وعلى سالفتج اخاف اطگني جليه واگع ويگولون كضته رجفت الموت

- مم انطر وانت يمه صگر اطلع اندهلي غيمة بساعك

اشر اي كام طلع يصيحلها وذباح گعد يباوع لامه مامفتهم السالفة

شوية واجه صگر والبنات ويا من ضمنهن غيمة وكفت كالتلها امر جدة

- كعدي يمج وانت كلت وين ناوي تروح

ذباح - شني وين لبغداد لخاطر اسلم الدية

-كلت اسلم الدية يعني احتمال تنجتل ماترد وتاركلي ثنين بنوات وراك لاهنه محللات ولاهنه صدگ حريمك

- شرايده  بالضبط ياام صهيب

- وحده منهن تصير حرمتك هسه تدخل عليها  والثانية تحللها من ذمتك

- گولي ياااالله

- كلت يالله  من جبتهن وكلت عقدتهن محد وگف بوجهك وگلك عليش هيج عملت وبنات العالم ماهنه لعبة بيدك تجيب وتركن بكيفك خايف من حجي العالم  وكعدتهن بينا حگك وحدة منهن تضل بأسمك لخاطر نگدر نجيب اهلهن هون ونگص لسان اليتحجه

- ههه صدگ تتحجين انتي

- هنه جلمتين ماعندي غيرهن وحده تحللها من ذمتك جدامنا هسه والثانية تاخذها بيدك لحجرتك

تنفذها الطلبته تطلع من هون وربي مهونلك تكول لا الباب ماتخطي وتنسى سالفة البت نهائياً واذا فكرت تعملها بعلمي لو بغير علمي الله شاهد عليه جدام الكل متبرية منك ليوم الدين

باوعلها مصدوم

- نباركلك بيمن راية لو غيمة …

***رئال****

صوت الرصاص وصرخت هيذام جانت كفيله ندخل بحاله انهيار

التموا الحرس والسيارة داست بينه رجعتنا داخل البيت اباوع وراي عيوني على دسار دمه تارس المكان اريد استوعب الاسم الهمس قبل تغمض عيونه

حاوطوا ازر وهيذام الي صوته رج المكان وهو يصيح جيبوا السيااارة ؛ شالوا وركضوا بي انتبهت شي وگع من جيبه واحد من الحرس دنگ عليه

سدوا باب البيت اجوا الحرس  فتحوا باب  نزلونا طلعن عمتي والبنات من جوا يركضن على صوت الهوسة صاحت عمتي شصار ولكم

الحارس- عملية اغتيال عمه اخذي البنات ودخلي جوه خلي نأمن البيت بسرررعة

- ولك تأذه واحد

- الضابط دسار انصاب  دخلواا احتمال يرجعوون وانتم طوقوااا المكاااان

لطمت على وجهه رجعت تركض والكل انخبص  صاروا داير مدايرنا دخلونا للبيت ونتشروا على كبر البيت حتى عالسطح صعدوا

كعدنا بالصالة عمتي بيدها الفون تخابر وهبة تصيح خابروا هيذام خلي يدزلنا بعد حرس لايدخلون علينه وهالة حاضنه جهالها وتبجي؛ هاي كلها واني لحد الان داخلة بصدمة مامستوعبة  الاسم السمعته صار الحارس كدامي بيده شي يلمع مثل الي أكدلي شكي  گمت رحت يمه مديت ايدي باوعلي اشر شنو

-هاي مالت دساغ

-اي

-جان ديهمس بأسم بنيه سمعته

-لا لان جنت جوه طلعت وره الحادث

-بس اني جنت موجودة وسمعته كال اسمها

-مافهمت

اجت يمي ضي لزمتني درت وجهي لكيتها تبجي نزلت دموعي همست كل هالوقت جان يسولفلي على عنها  غاح بدون لايگلي وينها لو اشلونها

- دسار سبع مايموت هيج موته فاشله

- جان يشكي من عنادها ولسانها الطويل جان دوم يسألني اشلون جانت عايشة اشلون ماانتبهت اني شنو من اخت زين من جنت اشوف الهم بعيونه  كلما يسمعني احجي بيها ماسألت نفسي ليش

- منو يكول نفسها رؤيا

- ههه ملقبته الحيوان اللفو مثل مالقبت هيذام بول تيغي

شلت ايدي - باوعي هاي القغاصه جانت كل وحدة عدها منها ماما ماتقبل ننزعها حتى لاينحسد شعغنا

-يعني موجودة يمه

- لامن اجا الاتصال  شفته يباوع لهيذام بخوف ويكله غؤيا يعني بيها شي اخيتي

-لااسم الله

-اتصلي بي دااشوف بأي مستشفى بلكي الحگ عليها

-رئال مانكدر نطلع منا

-واني مااضل واگفه لحد ما تغوح مني مثل غند بعديي عني

-وين تردين كل عقلج

دفعتها ردت اطلع لزمني الحارس كال ممنوع اطلعين

-موبكيفك ماتكدغ تمنعنييي بعد ايدددك

-البيت مستهدف الاوامر محد يطلع ولايدخل لحد مايتأمن المكان بالكامل

-واني غاح اطلع وغوخ للمستشفى وداشوف اشلون توكف بوجهي

دفعته وگف گدامي حاجز الباب جريته وصرخت  صاحت عمتي شكووو

الحارس - تريد تروح وراهم للمشتسفى

- خليهاا وخر عنها

- عمه تعرفين الاوامر المكان خطر واني الراح اتحاسب

- ماتتحاسب اني احجي وياهم اذا واحد كال ليش طلعت اتركها تررروح

خرته ورحت اركض تركته وراي يحاول يقنعها بالاوامر ماكو بعيوني بس رؤيا هيه لازمة ايدي عالدرج تتوسل لاعوفها ودسار هو ويهمس بخوف بأسمها

طلعت لكيت الحرس تارسين المكان صاح واحد منهم رجعي جوه شكو طالعة

رد الحارس مرت اللواء سمحتلها اني رايح وياها بس طلعوا سياره كدامنا وانتي تعالي لهاي السيارة

طلع كدامي رحت ورا للسيارة صعدنا شغلها ردت اسدها اجت ضي تركض صعدت يمي باوعتلي كالت هيه موته موته خلينه نموتها بشرف مو هذا كلامها

ابتسمت ونزلت دموعي سدت الباب طلع بينا للمستشفى طاير عيونه تتنقل من الجام الامامية للجانبية كل دقيقة واشر لسيارات الحرس يحاوطونا لحد ما صلنا لكينا الشرطه وسيارات العسكرية  تارسة المكان

فتحت الباب ونزلت اركض دخلت للمستشفى وكفت اتلفت واشوف هيذام گاعد يم باب مدنگ لازم راسه بين اديه ملابسه كلها دم ويمه ازر واكف عيونه حمر

-هيذاااام

رفع راسه شافني عگد حاجبه

همست بتوسل اختي وين  

اخذ نفس وگام اجه شهكت سحبني لحضنه ضم راسي وصرخ بصوت رج المكان هو ويصيح منوووو جابهاااا

الحارس - سيدي هيه اصرت

-دخلي ارد واعملك  اشلون اصرت

- والله العضيم منعتها بس زوجه اللواء امرتني

- منو هااااي وتاخذ الاوامر منهااا  تعرف لو صايرلها شي شسوي بيكم كفيلك محمد اصلخ جلدكم بتيزاب انتم وعوائلكم مااخلي بيكم صاحي واعلمك اشلون اطلعون بيها

وخرت راسي من حضنه - هيذام اختي وينها

-دزيت الولد يعرفون شنو سالفتها

-ياسالفة  غؤيا وين وديتوهاااا

ديرد ورن فونه وخر ايده من ظهري طلع الجهاز باوع بي تركني وراح لغير جهة رد ها بشروا لكفتوااا… اشوكت لحگووو يكتلووا … اخر مكالمة بجهازة منين جايته؟؟

…حلوو لاعبها صح  ابو اسماعيل اسمع ابني تاخذ الولد وتروح تنبشون البتاوين شبر شبر ماترد اله والگرن بيدك … اسبااع ولدي ماتقصرون …  طالع گدامكم اتوكلوا

كالها وسد الفون اندار لازر  اشرله عليه وطلع مستعجل عرفت ابراهيم نفسه الكتل دسار وسلم رؤيا لجاسم

احس حيلي راح اجت ضي لزمتني اخذتني كعدت عالكرسي باوعت لازر همست غاحت اخيتي مو

دنگ

- اشلون ماما خلتهم ياخذوها منها زين غاية وين عنها يعني هاي الثانية تغوح بدون لااشوفها

ضي - هيذام راح  وراها ميخليها تتأذى

- سمعتي كال لاعبيها صح وطلب بس جاسم  يعني انتهت اخيتي  ولج اخياتي غاحن بدون لايودعني  حتى مالحگت احضنهن ولج كلتلهن تاننييي ولج كلتهن اغجع والله ليشش هيج غدغن بيييه

- انطي مجال ليش دتفولين عليهااا يجوز بس ماخذها

- هذا ازغ يعغف والله گومي سألي بلكي يغد عليج ابوس ايدج ضي ماما تموت والله بعد ماتتحمل تدفن واحد لخ گومي فدوة اغوحلج ولج داحسب يوم يوم حتى اشوفها مو حتى اگعد يم گبغها

نزلت دموعها وخرت عني گمت رحت  لازر لزمت ايده باوعلي بتعب - بداعت ضي عندك كول شسوالها جاسم باعهااا موو  وهيه كتلت نفسها ادغي بأختي ماتنطي نفسها

سكتت

- حلفتك بضي كول اني عغفت من شفت التوسل بعيون دساغ من يباوع لهيذام وهو سابح بدمه تأكدت اختي انتهت بس گلي حتى ابجي لاتضل حسغه بكلبي مثل دمعات وغزوان وغند

- هيه بخير بس مانعرف وينها

- يم بابا  جيبوا غاح يكلكم المن باعها

- موعنده مشتريها منه ومسلميها لجماعة نفسهم الي خابروا دسار ومحد يعرفهم منو همه غير دسار

-وووينه

-بالعمليات حالته صعبة

- يعني شنوو يموووت

سكتت

لزمته من ملابسه صحت احجيييي

نزلت دموعه وخر اديه دار وجهه راح للجهة الثانية

انداريت محتارة شسوي لكيت رافد داخل يمشي مثل الاعصار عاصر جف ايده والنار تطلع من عيونه؛  بدون  شعور ركضت لزمته من ملابسه كلتله دخيلك عمو مو انت جنت  تشتغل بالمافيا  يعني تندلهم  غوح جيبلي اختي منهم

- ضيعوهااا الجبنااااء

- لاااا لاتكول عموو والله تكتل نفسها هاي؛ عمو ماما تموت وغاها ابوس ايدك ماعدنا احد يوكفلنا دخل الله ودخلك عمو بداعت بناتك خلصها منهم

-جاسم الكلببب

-باعهااا عموو باع اخيتيي عمووو لحگ عليها قبل لاتذبح نفسهاااا

هز راسه وباوع لازر بحرگة تكول هو الضيعها عصر جف ايدي رفعها باسها واندار ركض صاح ازر اوووكف

مارد عليه فتح الباب وطلع كالهم جيبوااا

طلعوا ورا يركضون حتى بعدني مامتوسله باازر واسمع صوت عياطه رج المستشفى عرفتهم لزموا ثواني ودخلوا مجتفي  يسحلون بي وهو يتماطل مثل الوحش ضاغط على سنونه بس يريد يلوح واحد حتى ياكله اباوع خمسه ملتمين عليه گوة گادريله  جابوا يجرون بي  دفعهم ماگدر اندار لازر صاح گلهم خلي يعوفونييييي لا وكلام الله احرگكم برتبكم

ارز - صوتك انننت بالمستشفى

- انعل ابو المستشفى التلم هيج جبناااااء كلتلكم اساعدكم واخذ اعدام بس تحموهننن سقط حقكم يمييييي كلهم خلي يعوفونييي

- الضابط هيذام استلم المهمة لاتلغي بكيفك

- وداعت بت روحي الضيعت نفسي اسنين بس لخاطر احميها ماارحم واحد بيكم وداعت دموع رفة گلب ابوها اصفيهم من جبيرهم لصغيرهم واردكم الف سنه ليورا عوفوني احسن الكممم

- انت غبيي جاي اكلك هيذام راح لاخربط الدنيا وتضيع علينه مكانها بعقلك الماورا غير الدماررر

- هذا عقلي هو الرفعكم فوگ مثل ماراح يمحيكم اذا اللمست شعرة وحده منهن ؛ هذا اخر انذارر كلهم خلي يتركونييي ارررروح

-اخذوا مناااا

- ولك راح يكتلوهااااا ولكم اولاد الكلب عوفونيييي

هو يصرخ ويدافع وهو اشرلهم خذوا  ؛ جروا يسحلون بي صوته وين واصل بحرگة بين يهدد وبين يغلط  وبين مخبوص متخبل مايعرف اشلون يخلص نفسة ويروحلها لحد مااختفى

رجعت كعدت يم الحايط كالتله ضي- ليش منعته

- مايندل مكانها بس ينبهم صار عدنا علم وهيج راح نموت الوقت بينا ويأذوها

- ديكلك اندلها

- محد يندل مكانهم غير دسار واني مااجازف بتخمين الراح هيذام والنايم جوه دسار  والتحجين عنها مرته و اخت مرت اخوي

سكتت لميت رجلية عيني بالباب وبيدي الخرزة مالتها املي كله صار بي

غمضت ذكرت ضحكته هو ويشمر المحفظة فتحت عيوني بسرعة لااسم الله على كلبه هسه يكوم هو يحبها جان النهار كله يسولف بيها ماكو واحد يخلي حبيبته عيونها ورا ويروح

لااكو مو محمود عافني واحنا بداية حلمنا وغزوان وعد راية الف وعد وتركها مكسورة ورا

ضميت راسي بحضني اكثر من ساعتين كلبي كام ينغزني گد مامحتارة  المن اندعي لرؤيا لو لدسار لو لحال رايه بعدنا كل واحد معزة بكلبي شكل

اسمع الباب انفتح شلت راسي لكيت الدكتور ديطلع كمت بسرعة وازر راحله كله بشر

- والله شگلك صدره متهشم سوينا العلينا والباقي على رب العالمين

- العملية نجحت لولاااا

- جبتوا متأخر نازف كلش هواي وهالشي سبب مضاعفات نسبة النجاح جانت ضئيلة جداً حاولنا قدر الامكان ماراح نگدر نعرف اي شي اله بعد مرور اربعة وعشرين ساعة اندعوله الله يرحم بحاله

ابتسم بكسرة واشر لاا

دگدك على متنه وراح دخل ازر للغرفة  رحنا ورا اني وضي فتحنا الباب مثل الممر وبداخله غرفة بيها جام دخلنا جوه يم الجام ؛اباوع  دسار عالسدية جسمه كله مضبر والوايرات مشكله من جهه گلبه نايم بغير عالم همست صدگ  هذا انت القبل شوية تشاقينا وتضحك

شهكت ضي طلعت المحفظة انطتها لازر مسح دموعه ضحك وكال حسباله ماحسيت بي من اخذها

- كال هاي تعويض عن دموعج النزلن لخاطره بس ماكال منو راح يجيبلي حق ادموعي عليه

- وكلام الله اذا طلع صدگ ابوي ورا الشغلة اول واحد اني اخلي ايدي بموته

- من زمان جان خال دسار وهيذام براسه

- واكبر غلطة غلطها من رمه واحد وخطى الثاني مايعرف فتح باب جهنم على روحه وراح يردها اله بشكو عزيز يجس كلبه

- اتمنيتك مكانه

- ههه تره حالي من حالة الفرق اني واكف على رجليه وهو نايم او يمكن هو احسن لان اكو من الي ينتظره وكلبه ينبض لشوفته 

- حرمات خطتك

- تخطي مرة اتصيب بالثانية يله اخذي رئال وروحي اهله راح يوصلون وتصير هوسة والوضع بعده خطر وخليج يمها لاتركيها وحدها احد مايرد هيذام

- راح ادزلك ملابس بيد الحرس عود غير لاتضل هيج مبلل تتمرض

ابتسم ودنگ 

- الله ياخذك  وانتي يله امشي حتى نتصل بهيذام دنشوف بلكي الله حصل شي

مسحت دموعي رحت فتحت الباب راد يلزمني ازر اشرتله عالقراصة سكتت

دخلت يمه شكله يخمش الگلب وجهه اصفر وشفايفه بيض وين تصنيفه  وضحكته العالية

دنكت بسه من راسه همست هواي جنت اسمع منك كلمة اخيتي بس ماجنت احس بيها استوني حسيتها كوم لخاطغ الخوة غؤيا متانيتك لاتخليها  مكسوغة وغاك انت لوكايلي جنت التشكي منها غؤيا جان كلتلك هاي تموت عليك موبس تحبك لان اختي احماغه مفهوم الحب عدها بالمقلوب

ههه تعغف انتم واحد لايگ للاخ اثنينكم خفاف ونفس الاخلاق وتقلدون هواي غاح تكونون عائلة تجنن لان اثنينكم حلوين و كلوبكم طيبة

صح القغاصة اعز من نفسي بس ادغي ماتقبل احد ياخذها منك لان الها ذكغيات يمك

دنگ على ايده فتحت التجه لبستها بمعصمه انتبهت للوشم على طول ايده تواريخ مشيت اصبعي عليهن وابتسم حروف واسمها بين تاريخ والثاني ؛اكيد ذني ذكرياتهم سبحان الجمعكم نفس التفاهه  ماخاف على وضيفته تنسحب بسبب الوشم المهم يذكر خبالهم سوة

رجعت دنگت بس راسه وهمست تغه هيذام غاح ياخذ حق دمك قبل لاتفتح عينك گوم علمود تعغف المهتلف ميعيش بدون اللفو

مسحت على شعره مابي حتى روح النفس گوة يسحبه ماگدرت اباوعله شريط ذكرياته كلها تصير عيوني من لزمته للابو بريص لوگفته يغسل السمجة لضحكه علينه هو ويوصف هيذام اشلون يتوسل

درت وجهي وطلعت حتى ماسلمت على ازر رحت گبل استونا نصعد سيارتنا واشوف سيارتين وكفت نزلوا منها كومه ناس عرفتهم اهله

حركت سيارتنا رجعنا للبيت دخلنا بعدهم على هوستهم داادخل ولكيت هبة متخصرة واكفة هيه وعمتي يسولفن باب الممر اني هم گد ماروحي خالصه درت وجهي ورحت ويه ضي لبيتهم دخلت لغرفتها گبل شمرت نفسي على جربايتها

اسبوع كامل وهيذام مادخل للبيت بس يخابر دقايق يأمني على رؤيا ويأكد على ضي لاتخليني اطلع من بيتهم ويغلقه لاعرفنا دسار شنو حالته ولاهو شسوة حتى درع جابوا مالي خلگ اگوم اشوفه

كاعدة عالقنفة بيدي كتاب صافنة عليه وضي يمي تگلب بالفلون ونسمع صوت عياط من البيت جاي وين واصل دقايق ودخل ابو ضي كال گومي بابا هيذام اجه

شمرت الكتاب وطلعت اركض دخلت للبيت الجبير لكيته گاعد عالتخم خال رجل على رجل مدنگ  يگلب بفونه جكارته بحلكه هادئ شكله ولاتكول اكو شي ؛ الكل گاعد عيونهم عليه مثل الخايفين عدا عمي واگف عاگد حاجبه بيده اوراق يگلب بيهن

رحت يمه خليت ايدي على متنه شال راسه لزم ايدي باسها وكال اكو واحد ضوجج

عمتي- هو احنا وين شفنا وجها حتى  نحجي وياها وبعدين منو هيه وحتى هيج خايف على مشاعرها

-جربي تتنفسين كدامها لخاطر تعرفين عدل منو هيه

- شقصدك

مارد ضحك بستهزاء وندارلي گال صعدي بنيتي حضريلي الحمام

عمتي - گومي هبة يمه حضري الحمام لزوجج

رادت تگوم بس خله الجگارة بحلگه وباوعلها رجعت خنست صاح عمي هيذام تره خلصت اللعبة كافي سويت التريده بعد على شنو مبقيها

- امبقيها شنو غير بيتها احمد ربك راضية مكابلة وجوهكم  لحد الان 

- شنووو لك

- الك ماتنگال الي هالمرة حجيتها الثانية اخلي امرك انت والساندج بيدها 

- صدگ تحجي انت شبيييك متكلييي كلت قضيتي وخبصتنا عليها وسكتنا عنك هم حقك صارت شغلة تحدي وخسرتها كلت احللها بس بالاسم ورجعت بكلمتك وكلنا ميخالف مهما يكون رتبته موقليلة هسه شرررايد

- اولا اني مااخسر شي من اول ساعة الدخلت للمركز جانت بحضني ومن تركتها الكم مو خوفاً لو ماكدرت اوكف بوجهكم لااا بس جانت كم شغلة بيدي  لازم اشغلكم  بيها لخاطر اكملها

-وثانياً

-نص كلمة اسمع منكم لو المح واحد غاثها بحرف امحيكم وتضهر گدام الكل على اسمي مثل ما ماراح تضهر مرتك بأسم اللواء السابق صاحب قضية النوادي الليلة

اباوعله فتح عيونه على كبرهن واشر شنو ؟

-رفع حاجبه

-ماعندك اثبات اي  واني رجل نزيه والكل يشهد هذا لعبك لعبة بعيد عني

-هم صح بس نصيحة  من تفكر تضر احد ابتعد عن مكان شغلك لان الجثة اشكد ماحاولت تخفيها تطلع ريحتها

- انت شرررايد فهمني ابني وبعدته عنك بعد ماسگطته وتنازلتلك عن البيت ورتبتك قدمت  برجاع ملفاتك للمكتب

- احلام الزعاطيط ماعندي وقت افكر بيهن واغتيال دسار وصلي حقه واتمنى الموفقين بحياتك الجديدة

- شسويت هيذاااام

مارد سحب نفس من جكارته نفخها وشمرها  گام خله ايده وره ضهري سحبني صعدنا الدرج رحنا للغرفة فتح بابها دخلني ودخل سد الباب

شمر سلاحه وگف ينزع بساعته لزمته من ظهره اندارلي تعبان وعيونه حمر اشر شكو

- اختي وين

- بالبتاوين بس بخير الولد محاصرين المكان وجاي يشتغلون على تحديد الموقع بالخفي لخاطر يتحركون حتى نضمن سلامتها

- هيذام مداتجذب عليه

- مامجبور اجذب ومحد يوصلها لان مو بحالها حاجزيها بمكان منتظرين دسار يصحى لخاطر يساوموا بيها

- الله عليك يعني غاح اتغجعها الحضني مابيها شي

- لالحضن امج هذا الحضن محد ينام بي غيري شغلة مو الج  لا تحجين بيها ويله حضريلي ملابسي لازم ارد

سحب المنشفة ودخل للحمام رحت فتحت الكنتور اباوع لملابسه اشكد تفكيري مشغول برؤيا بس من شفت ملابسه كدامي وذكرت كلامه  شي بكلبي دگ

لزمت الزي وابتسمت ذني نفسهن ملابس الجنت خايفة اباوع بوجهه هسه دااحضرهن

طلعتهن خليتهن على جهه وكفت احضر ساعته وباقي غراضه طلع من الحمام اجه حضني من وراي باسني من ركبتي  دفعته بسرعة كلتله هيذام والله تعبانه

-  لااا شوفيلج غيرها تارك شغلي والهوسة وراي وصاحب عمري يزاگ ويه الموت وجايج مال  تعبانة ابوي استشهد امي اترملت شوفيلج غيرها

- صدگ اشلونه دساغ

دنگ شالني باسني من شفتي دفعت وجهه  - موداگلك اشلونه

- فاق ولاااا  مدخلنا حالة انذار ويا تركت ازر يلزگ بالحجي ويرد ليورا حتى يلمها كدام اهله

-اشلون

-يهمس برؤيا اربعة وعشرين ساعة وخطيبته وامه صافنات عليه ضال ازر يلزگ كل شوية وطلعله سالفة ساعة يكلهم قصده رؤيا منامية شافها قبل  لايغتالوا ضل خايف منها ساعة رؤيا طفلة انقتلت بوحدة من العمليات وضلت براسه

- وليش خايف يعرفون هاي زوجته

- مو خايف بس لسلامتها لان اكيد راح تصير لغوة  ويوصل خبر انو عرفنا البت مخطوفة وجاي نحدد موقعهم

- هو خاطب

- قبل خمس سنوات وبسبب هاي اختج السحلت بشاربه گيعان البتاوين سحب روحه

- يعني جان يحبها لخطيبته

- لا شرط امه مكان يجي لهنا ويباشر بأول مهمة اله يتزوج بت خالته وهو هم ماقصر خلاها بأسمة وطفر 

-لعد اشكد حب غويا الي جان اكبغ امنيه عنده تقبل بي وحتى هو وفاقد يهمس بأسمها

- بس جيبي اليستاهل

- تغه اني غتبتك لاتفكغ تلعب بعقلي لان ماغاح تحصل شي ونزلني داحس نفسي معلگة بالسگف

-رأل حتى گله مابيج

- عفية لهيج صيغ حباب ونزلني لان لو مو تلمح لو تتوسل هم ماغاح اباوع بوجهك

- خلي نشوف ونحكم بعدها

كالها وشمرني عالجرباية اجه گمت ردت افلت مالحكت لكفني من شعري ردني لمكانه لزمني من اديه ودنگ باسني من شفتي درت وجهي ضغط عليه حسيت روحي طلعت من ثگله صرخت هيذاام غاح اموت اختنكتت

رفع نفسه شوية ورد يعضعض بخدودي

-بس دااحجي  وياااك 

مارد

-احجاية وحدة بس اسسسمع

شال  راسه يباوعلي وياكل بفشته

-شبيك

-شتكولين انتي ؟؟

-هيذااام

اشر شنو

-صدگ الحجيته جوه لو هم جنت دتغيضهم

- اليريد يحارب يحارب بأسوء شغلة عنده حتى من يخسرها مايهمه اما الشي الغالي مايصير غير ورا ضهره لخاطر يضمها عن عيونهم مايوصلوها اذا ماينهون روحه

-اني شنو 

-انتي قضيتي

-وبعد

-ودعوة المظلوم الصابت روحي

-مم وبعد

-ام درر وبرير وميرار ورثار

- عزه كلهم بحغف الغاء وانوب اغبعة شنو هالظلم

-هيج اريدج تلدغين اربعة وعشرين ساعة واذا سمعتج صحتي واحد وتركتي الباقين ارفعج فلقة تعتازين واحد تصحيهم كلهم 

- تغه حغام هذا يعتبغ تنمغ

- شنو بنيتي

برطمت

كز على سنونه

همست هيذام

ماارد وخر شعري عن وجهي نزل ايده مسح شفتي بطرف اصبعه لزمتها عصرها بعدها عنه ودنگ على شفتي غمضت

حسيت كلبي يريد يطلع اول مرة احس روحي اني صدگ زوجته ومن حقي اعيش ويا هيج شعور 

جان لازم اديه حيل  لباله راح ادفعه مثل كل مرة من حس بهدوئي  ضاع بلهفته يتنقل من شفتي لرگبتي جنت بين اديه مثل اللعابة مااعرف ابادله بأي شي بس حسيت بحبه اكثر من گد مايضغط عليه بحضنه ويبوس بلهفه احسه يريد ياكلني لحد ما شفته بده يفقد السيطرة وشفتي بعد ماحس بيها خليت اديه على صدره دفعته وهمست بترجي هيذام كافي

رفع راسه مسح شفتي عالكيف  لزم اديه باوع لعيوني بتعب ينفت ورد ودنگ…

حاضنه مخدتي خاله راسي عليه وهو يمشي ايده على ضهري  مديت ايدي وخرته ورجعت شبكت مخدتي حضني خله راسه بركبتي باسني عالكيف وهمس ومحمد انردها شبيج بابا عمليات ترعب اكبر شارب ونهيناها بخفة ايدينا انتي ليش هيج خايفة

-حقك اخوتك يمك قابل مثلي

- اشلون اخوة همه تكول اخوة يوسف اذا هو ضل قميص منه اني حتى قميصي يحركوا لخاطر يضيعون اثري

انداريت عدل روحه صفح انتجه على ايده  باوعتله وخر شعري عن وجهي كال شرايدة احجي

-تغجعلي اختي

- مثل ماراح ارجع ثقتي بيج بس وداعت ابني يرئال اذا غدرتيني اشوفج لسعة جهنم على اصولها

- ماغاح اسوي شي تبت وهاي مو غغفتي واني مو شامغة نفسي انت الجبتني وغصبتني عليك

- يعني؟؟

- يعني تسويلي مكان خاص تجيبلي وجهاز جديد وتعتغف بيه كدام عشيغتك كلها تكلهم هاي مغتي

-مغتي

-هيذاام

-عيونه

-ماغاح يجي يوم وتستعغ مني

-يجي يوم واسولف لجهالنا اكلهم اجتني طفلة للمركز خدودها حمر وشفايفها تنكرط ترفة لدرجة اخاف المسها مو اتستجوبها وكفت ادور طريقة احجي وياها واني صافن عليها اشلون ترجف خايفة كل حركة منها تثير لهفتي اكثر  مالكيت روحي غير اخذها لحضني وعض شفتها

- هذا فلم اباحي مو ذكغة

- جاشكلهم رفعتها فلقة وهيه خسرتني رتبتي

- صدگ ليش كصيت شعغي

- لان هيج احلى رفعة شفتج ودوره وجهج ويه الشعر القصير تخليج اميرة حلم شكو واحد حالف مايدخل هالدرب

- مم اغيد غغفه خاصه النا موكل ماتطلع لازم ابات يم ضي ممنوع اوصل الها 

- منو يمنعج باجر تشيلين غراضها تشمريهن بوجه ابوها الي دگلج صدر يحميج خو مانسيتي

عضيت شفتي باوعلي مصغير عيونه

شفت نضرته موقانونية تتنقل من  خدودي لركبتي عرفت راح يعيد الجولة دفعته سحبت الجرجف بسرعة ركضت للحمام دخلت سديته وراي صاح خليج جوه لاطلعييين

ضحكت وشمرت الجرف سبحت لفيت روحي بالمنشفة طلعت لكيته شامر نفسه نايم بعمق ماد ايده على جهتي عرض صدرة وصخامة ايده ماحي المكان كله

رحت طلعت ملابسي  لبست نشفت شعري حسيت بطني وجعتني من الجوع اباوع الساعة اربعة الصبح

ردت اطلع وخف بعد الكلام الگال السمعوا منه  رحت يمه هزيته من متنه ماگعد رجعت ضربته على صدره لزم ايده وفتح عيونه بتعب اشر شكو

- جوعانة

-المطلوب

-مشتهيه اندومي گوم وياي

-وخري  رأل عني

-انزل وياي ومن اسوي انطيك نصه

- رأأأأل

-شنو غأل والله جوعانة واخاف انزل اشو انتم ماشاء الله بيتكم كله اغتيالات اوكف عالدرج يشمروني اطلع بالباب يقنصوتي اشلون يعني اضل محبوسة لمن اموت جوع

مسح وجهه

- هيذذام والله جوعانه كوم حباب

- اني جبتها لنفسي

ابتسمت هز ايده وكام  جر تيشيرته لبسه واشر يله

طلعنا نزلنا للمطبخ گعد هو عالميز گوة فاتح عيونه واني عالسريع وكفت اسوي دقايق ودخلت عمتي رحمه شافتنا كالت شتسوون هنا

-دااسوي اندومي اسويلج وياي

-لايبعد عمتج حصتي انطيها لابو درع بلكي يزيل سواد كلبه ويكوم يعامل العالم مثل مايعاملج

-يايحن مانزل وياي اذا ماسمع غاح انطي نصه

رفعت حاجبها دارت وجها باوعتله دنگ لازم وجهه بيأس ضحكت وكالت كملي يعمه وصعدي خطية تعبان وعنده شغل

اشرت اي وكفت اطبخ بي وهيه اتوضت كملته رجعنا صعدنا رد النومته واني اتربعت اكل يمه خلصت خليته عالميز ولفيت روحي بالديباج  حتى النومة رايحة من عيوني مر الوقت واني عقلي يم رؤيا خايفة يجذب يريد بس يسكتني

اسمع صوت الاذان غمضت وهمست يارب 

حسيت ايده على خصري كال ليش كاعده لسه

- كلبي يم غؤيا

- هسه گايم انبشلج البتاوين شبر شبر ماارد اله هيه بيدي بس نامي شوية لاتضلين هيج صافنة

-مااكدغ انام والله

-انتي الخسرانة باجر جمعة والفرة طويلة بالمتنبي اجواء نهر دجلة والكتب غير بالاحلام

- صدگ اتخليني اغوح للمتنبي

- منو مانعج اخذي ضي وطلعي وين تردين بس لاتوصلين لهناك لخاطر لاتجبريني احبسج

- لالا والله بس امغ شوية عالشاغع اشوف مكانه وماانزل اضل بالسياغة

هز راسه اي من فرحتي بسته من خده شلت راسي

رفع حاجبه

- اشبيك تغه بالغلط

- حتى غلطتج عوجه مثل لدغتج هسه شستفاديت اني

- اغيد انام وبعدين ليش هيج مصعد التبرغيد

- عندي بزونه تحب البرد حتى تحشر نفسها دوره دفوا بالختلات

-اشعغفك ؟؟

- نامي رأل خدودج وردن والشفة صارت تغري الزمال گوه لازم نفسي كفيلج محمد اذا ضليتي دقيقة على هاي كعدتج انعل ابو عمرج لابو اليدور وراج عشرة

بسرعة جريت الديباج ختلت جوه سحبني خلاني على صدره دنگ باسني وحضني حيل

…واكفه اتلفت بالمتنبي  مااعرف ادور على لهفتي للكتب لو على غزوان الي يفتر هنا يدورلي على كتاب گد فلوسه

امشي واتملس كل مكان اتخيله مر منه وصلت لنهر دجلة وكفت  نزلت دموعي هنا جانت امنية رؤيا توكف ورايه تقنعها راح يجي يوم يرجعلها النظر وتجي تشوف نوارس دجلة

كرهت المتنبي على لهفة القراءة گد الاوجاع الحسيتها بي  رحت الضحكة تارسة روحي كل عقلي راح اشوف غزوان هناك رجعت حاملة الم الدنيا بگلبي

… الايام تمر شكد ماهيذام يحاول يسعدني مدخل البيت بحالة رعب الكل يخاف يحجي وياي بگد ماروحي مخنوكة صرت اتمنى ذيج كعدتنا يم الصوبة وماما تسويلنا لفات

بالاخص من اسمع عرگات هالة نهار وليل تعيط وتلطم  لان ازر مامعبرها كل دقيقة تقارن تعامل هيذام وياي وبتعامل ازر وياها

عمتي تصعد تباوعلي بغل احسها محضرتلي مصيبة من غير عمي مخبوص محد يعرف شكو يدخل  ثواني يوصله فون يخلي مايندل دربة يطلع يركض واصراخه وين واصل خاصتاً بعد ما رجع بته لبيت امها  لان شاف هيذام مستعملها كشغلة تافهه بس وكت من اضوجه يهددني يحجي وياها من يشوفني ابرطم يشتمها ويرد ياخذني لحضنه حتى لوجنت اني الي مزعلته

…واكفه ويه ضي بالمول تشتري رن فونها ردت ها ارز وعگد حاجبها صاحت جااين

- شكو

- مارضه يكول بس اظن دسار فاق امشي بسااع

طلعنا بسرعة للسيارة اخذونا للمستشفى دخلنا ركض صرنا  قريبن عالغرفة ونشوف صايرة هوسة الي لازم وجهي ويشهگ بصوت والي يكول مايستاهل ابو الليل  والي يصيح بعده صغير

لزمت ضي  باوعتلي اشرت لااا نزلت دموعي  اريد امشي بعد مااكدر جرتني ضي گوة اتحرك وصلنا للغرفة فتحت الباب سحبنا حارس  بسرعة وسده

دخلنا للغرفة الجوة ؛ هيذام منتجي عالحايط مجتف بملابسه العسكرية  ودسار مكلبجي بالسدية   يجر بيها ويسب بيهم بحرگة شهكت بصوت شال راسه دسار باوعلي بتعب اشر شكو

- موكالوا متت اشلون گاعد

- هسه انت تبجين لان متت لو لان بعدني عايش

- يعني متت و غجت لو شنو تغه كلها دتبجي عليك

-  شفت غباء بس غباء ويه لدغة لاهاي جديدة  وانتتتت لك كلببببب افتح الكلبجة

اباوع لهيذام مارد دنگ  طلع جكارته

- شنو يعني عود هيج راح تمنعني ؟؟

- كلتلك اكل حذاء وانجب مكانك لحد مايطش خبر موتك ولي لجهنم

جر ايده مجلبة حيل رد باوع لهيذام بغل دخل واحد من الحرس يركض بعده ماحاجي ودخل واحد ورا ضخم شكله هيبة عيونه مكحلة بي سمار لابس اسود  شال الحارس من ملابسه  دفعه على هيذام وصاح كض ازلامك عنييي ياابن النظام 

هيذام  - صوووتك لك

- البت رادتلييي  ان جان الغاثل جثرة ربعي هاي انه جاي اخلي ايد بيدك بس كف ازلامك عني وخليني اجفتهم گبل لا يعملولها شي

- اهدا ابني لاتكمز وتخليني اعيد ترتيب وجهك  تريد تموت يطبك مررض اوكف مكانك انتظر ربع ساعة ونطلع الولد حاصروا المكان

- البيت بي زلام جثيرة والبت راح تنقل مناك قبل لانصل

-مايلحگون دزيت امدادات وانطيت امر بالرمي

صحت شنو بالغميي يعني اختي غاح تمووت

جر ايده دسار حيل وصرخ لك هيذاااام ولكم فتحوهااا اولادد الكلبببب

رن فون هيذام اشرلهم سكتوا ورد بشر… لك كفووو جايكم

غلق الفون صاح ازر اخذ البنات رجعهن بسرعة  وانت ذبااح  اطلع گدامي خابر ربعك خلهم ينسحبون ويسوون مجال للولد راح يدخلووون

اشر ذباح اي ودسار اتخبل صاح وكلام اذبحكم هيذام وداعت الخوة ارميك لك يكتلوهاااااا

مارد هيذام دنگ سلاحه وطلع يركض وذباح ورا اجه ازر سحبنا طلعنا بسرعة تركنا دسار يضرب بالسدية ويصيح ولكم فتحونيي لاجفتوهم ولكم يموتوهاااا شغلهم وياااي راح يكتلوهاااااا ولاد الكلببب  فتحونييي  

المستشفى انخبصت هو يصرخ بعلوا صوته ويكسر والحرس طوقوا المكان يتراكضون ؛ طلعنا بره صعدونا السيارة وازر اشر للسايق روح

داست بينا بكل سرعتها والحماية بيناتنا عرفت خايفين لا يغافلوهم يبنا ويعرقلون شغلهم.

السيارة تمشي واني احس روحي مبنجة لساني مشلول عن الدعاء بس دموعي تنزل  وخيال رؤيا القديم  لامه روحها برعب يم الحايط تتحسس خايفة يتقرب منها بابا ومتكدر تمنعه

لزمت ايدي ضي كالت لاتخافين والله يردها هيذام

- اخاف افقدها هيه وهيذام سوة ديگلولج عصابة جبيغة

-هيذام مايخطي خطوة اذا مادارسها عدل هذا  ابن النظام يلعب وابليس بشيطنة لاتخافين

- اندعي فدوة اني بعد مايسمع مني گد ماغضبته بالبجي واعاتب الفكدتهم

- يارب اول مانوصل اتوضي وكلمن تلزم سجادتها  وهسه تشوفين والله بعدنا مامصلين صلاة الطلب هيذام يتصل يبشرنا ونصلي صلاة الشكر

هزيت راسي ومسحت دموعي اباوع للسما احس گلبي مثلج 

وصلنا للبيت نزلت ضي راحت لبيتهم واني ركضت ليجوة دخلت لكيت عمتي نازلة من فوگ وعمي واگف عالدرج كاللها بشري اشرت ماكو

انبهولي داخله ابتعد عمي على جهة وعمتي وگفت مكانها ؛دنگت كملت طريقي صعدت دااعبرها لزمت ايدي عمتي كالت انتظري

- هيذام كال كبل دخلي 

- لاحگة تصعدين بس خليني اگلج الاخبار الجديدة

- اعغف حصلوا مكان اختي

- لاهاي معروفة اول وتالي يلكفهم هيذام بس الخبر  الضامه عنج ومحذر الكل مايكلج لان يدري ماتطلع من الاعدام لو مو يتوسط بيها

-عن شنو دتحجين؟؟

-امج

- شبيها

- سلمت نفسها وشالت القضية وحدها والي يحقق وياها صديق عمج رجال لايخاف الله ولاعنده رحمة يكلج نهاهيها بالتعذيب

-شدتحجين انتي

-امم مامصدگة  ابراهيم اتصل خلي تسمع امها خطية قبل لاتموت وتضل شوفتها  بنفسها حالها حال الباقين الماتوا  

ابتسم هز راسه ودنگ طلع فونه اتصل فيديو  دقايق  واسمع صوت واحد يكله ابو اسماعيل العلم أمر

- مايأمر عليك ظالم بس ردت اسألك عن المتهمة الجديدة الي كلتلي عليها

- منو اليهودية صاحبة  قضيه القتل

- اي وين صارت

-  هسه اخذتلي بيها كم كيم طلعت تعب اليوم كله نعلت ابو لشتها بت النكس ماترضه تعترف منو شاركها بجريمة القتل  ليش رايد شي منها

- شعجب هيذام ماكدر يبرأها لسه

- شنو هيه لعب وبعدين غير هيذام انتقل لم… ممنوع بعد  يدخل بهيج امور

- تمام يعني فلتت من ايده زين اذا اني طلبت منك تفر قضيتها وتفرج عنها راح تردني

- افاا رگبتي الك اعتبرها طالعة وهسه اذا تريد القضية تحترگ وهيه داخله بالاشتباه تامر ابو اسماعيل انت

- ماتقصر  بس اذا ممكن تجيبها اكو عالم تريد تشوفها

- ثواني خليك وياي

اسمع صوت باب انفتح وصوت صرخته تكول حيوان مفترس احس روحي راحت بعد مااكدر اوگف گعدت عالدرج  اقل الخمس دقايق واسمع بجيته ماما بتعب هيه وتكله دخيلك سيدي والله بعد مابيه روح

غمضت

جاب الفون خلاه گدامي درت وجهي مالي عين اباوعها بس سمعت صوت دفره وصرختها هيه وتصيح بعجز ااخ يمة انكسر ضلعي 

شال الفون گله ماقصرت رجعها

-لاوين ارجعها ماطول جابولي الجلابتين خلي اشلع اضافيرها المتبقية حتى احولها للكهرباء بلكي اخلص منها اليوم لان سالفتها طولت

-الله يكويك اشتغل براحتك يله اترخص

سلم ديغلق الفون واسمع صرختها بألم محت شكو عقل براسي

گمت بسرعة صحت المطلوب شنو اعوف هيذام

- لا اكيد وحتى لو عفتي هو مايعوفج يطلعج من جوه الگاع لاتنسين رتبته متعلقة  بيج لاحسبالج الي جاي يسوي صدگ بحالج تره بحذاء مايشتريج كله هذا يسوي حتى يغثني ومنتظر يسمع اسماعيل اتخبل رسمي حتى  يتأكد بعد مابي امل حتى لونردج اله وقتها ياخذج  يشمرج بالحجز

-لعد شنو

-ورقة  صغيرة بالقاصة تسلميها منا تطلع امج منا وهسه

- بيها اذيت هيذام مو

- لا بيها رقم سيارة مسروقة وهاي السيارة تسببلي متاعب اذا ظهرت وللامانة اكثر  اقريها تأكدي منها و اگطعها كدامج حتى لاتكولين نظره وهو اصلاً ماراح ينتبه

-  ماما ماغاح تتحمل التعذيب اتصل خلي يبطل عنها قبل لاتمووت

- اتصل بعد ماتسلمين الورقه وتتگطع كدامج وكل ناس تروح لدراها  ها شكلتي يله مستعجل اريد اطلع

سكتت

رن فونه رد ها ابو اسعد … شنو اغمى عليها فيقها وشد ايدك عليها اكثر مثل ذني مايموتن بسهولة لاتفرح 

هو يحجي وصوت ضربة ويه صرختها تصيح ااخ يمه يراية احسه خمشت كلبي راد يسد الفون صحت لااا اجيبها بس خلي يعوفها

اشرلي اشش وصعدي يله

دنگ يسولف ويا وهو مستمر بالتعذيب ؛ ركضت بدون تفكير بس صوت ماما بأذني دخلت للغرفة مثل المخبلة بس اريد الحگ فتحت الكنتور دنگت عالقاصة استرجع شنو كلي يارقم دگي اذا اعتازيتي افلوس

غمضت ايدي ترجف تذكرت دكيتهن بسرعة فتحت القاصة لكيت اثنين اوراق سحبتهن بسرعة ونزلت اركض داكله ذني وكفت متصنمة واني اشوف هيذام واكف گدامي …

لاتنسون التصويت ❤️

شيء من رصيف الدم

بقلمي: leo Alfatlawi

بارت الثامن والعشرون

بارتين سوة

***رؤيا***

رفعت راسي  ساجدة هلهلت وهو خله اصابيعه بلحگه گام يصفر

طلعت البنات يسألون شكو رجعت ليورا اباوع لشفايفه بلحظة جسمي ثلج منتظرة يجذب الخبر لميت روحي عيوني عليه يضحك بفرح بعده ماراد ومانسمع غير سيارة الشرطة  ترسن المنطقة وصوت الباب تندفرت بقوة

درت وجهي على صرخة ساجدة تصيح كلجنن صعدن فوووگ

عرفتها مداهمة اباوع صارت خبصة  الي تركض  محتارة اتلم البنات الصغار والي تصرخ راح يدخلوون

ناس دخلت بناس طفوا الاضوية  الكل يركض وصوت الحرس يصرخون طوقوا المكان 

السجينة بعدها بيدي رفعت راسي ماصار گدامي غير الطابق الثاني صعدت اركض بكل حيلي حتى مانتبهت منو صعدت وياي  بسبب الهوسة والصراخ فكري كله يم الشرطة اذا لگفوني اضيع بسبب قضية القتل من غير الادمان  وبيت دعارة

كملت الدرج شفتهن يدخلن للغرف اجه حجي دسار براسي من ينبه ضبع اشلون يفلت اذا حصروهم  تركتهن كملت ركضتي  صعدت للسطح؛ الدنيا ظلمة   وگفت اتلفت الحياطين عالية وماعندي وقت اشوف ورا بيت عرصة غميقة لواگدر اطفر

اباوع المكان خالي حتى ماكو شي انضم بي

درت وجهي محتارة صارت  البيتونة گدامي  ركضتلها اتشلبيت عالحايط استوني صعدتها واسمع صوت رجليهم عالدرج يتراكضون شمرت نفسي على وجهي انبطحت وفتحت اديه مغمضة كاتمة حتى النفس 

اسمع رگضتهم عالسطح واصواتهم مخبوصين غمضت حيل نزلت دموعي لادسار مايموت گال اكو تاريخ نكتبه سوة

لميت جف ايدي وهمست وعدتني  هاي ثاني مرة ياللفو  تغدر بيه وتخليني بنص الطريق وحدي

مر شريطة من اخذ الجكارة من ايدي متفاجى وبعدين ضحك عضيت شفتي حيل من القهر صرخت بكتمة شكت گلبي

واسمع واحد صاح سيدي هذا الجهاز الي وصلت منه الرسالة والسوار

- حلو وهيه لگيتوهااا

- ماكو نفضنا نفض لاهيه ولاساجدة ذني لكيناهن يم وحدة من البنات تكول اخذوهن منا اثنينهن من زماان   

-منييين طلعوهن المنطقة كلها متراقبة

- مااعرف سيدي الظاهر مغيرين مكانهن قبل لاتوصلنا الاخبارية

-الضابط عرف بالسالفة

-لا انطانا امر الاقتحام وطلع هو والحرس للمقر الرئيسي راح يحصروهم مناك

- نزلوا بسرعة سحلوهم كلهم  للمركز بين مااخابره حتى نشوف التعليمات الجديدة

- تمام سيدي كالها ونزل بسرعة؛ اخذله ثواني الضابط الواگف يخابر ولحگه يركض

غمضت بدون حركة احاول اسيطر على رجفتي حتى الدموع نشفت بعيوني اكثر من ساعة وهمه على نفس الهوسة مطوقين المنطقة

الساعات تمر واني على وضعي تكول جثة بطرگ النفس يصعد وينزل بهدوء ؛ كلماتهم تردد براسي السوار والجهاز موجود وهيه لااا ونخابر الضابط  يعني الرسالة واصله وجاين عالموقع

دسار وين معقولة موته خطة؟؟

لادسار مايسويها يضحي بيه كل هالاسابيع حتى مايلزموا من خلالي 

غمضت راسي بده يشوش وصوت السيارات مستمرة احس روحي بدت تضيگ مااكدر حتى انگلب لحد مااسمع هدأت المنطقة واني ماصدكت انكلبت  بسرعة اخذت نفس كلمات انتجيت ردت اگوم وتذكرت دسار من يگول مايخلون المنطقة اذا مايزرعون كم شخص لخاطر يلكفون شكو واحد يتردد عالبيت

رجعت انكلبت على بطني سحفت لنهاية البيتونة مديت راسي ماكو هادئة رفعت نفسي شوية اباوع داير مدايري ثلث جهات مهجورة والرابعة سطح شبه واگع

كمت بسرعة طفرت البيتونه ركضت اتشلبيت الحايط ماگدرت رجعت ليورا استعديت وجيت بكل سرعتي لزمت نهاية الطابوگه اتشلبيت صعدت الحايط طفرت عالسطح  الثاني وگفت اباوع المكان على كبره نفايات وطابوگ  واكو جزء من السگف خاسف طالع الحديد 

مشيت لمكان الخسف  مديت راسي كلشي مامبين مكان ظلمة وخنسة كلش درت وجهي لجهة باب الدرج الينزل للبيت حسيت كلبي عصرني من ذكرت كلام البنات على بيوت اليبيعون اعضاء

ماگدرت اجازف رحت للحايط رفعت رجليه اباوع للبيت طارمة حتى ضوة مابيها شكلها مرعب لو اصرخ لباجر محد يخلصني

اخذت نفس حتى لوخلصت نفسي من البيت هسه اشلون اطلع من المنطقة

سمعت طكطكة اجت من داخل البيت جمدت مكاني من كثر الخوف طلعت السجينة من ظهري وكعدت مكاني لميت رجليه عيوني تتجول داير مدايري؛  كلشي انمحه من راسي عقلي ركز بس على تجار الاعضاء

رجفة جسمي اريد اسيطر عليها من الخوف مااگدر رجع صوت الطكطكة نزلت دموعي بخوف همست ماما اندعيلي

عصرت رجليه بحضني حيل ولزمت السجينة بقوة  احس لساني صار مر وطرافي بردت اردد بدون شعور يارب خلصني يارب خلصني …

موساعات مرت اسوء لحظات ممكن تمر عالانسان الموت اهون منها اضعاف شفايفي تهتز بدون وعي فاقدة شكو احساس عيوني تتنقل من باب السطح للسما  لحد ماسمعته گال اللهُ اكبر شهكت النفس بعجز وغمضت خليت رسي بحضني اقل الساعة واسمع صارت حركة بالمنطقة

شلت راسي همست الحمدالله مسحت وجهي وگمت رجعت دنكت داخل المكان المخسوف شبه ضوة داخله عرفته الطگطگة تابعة لحيوانات

خليت ايدي على گلبي رؤيا ماعندج غير هالطريقة اذا طلع النهار راح يلگفوج

لالا مااگدر

غمضت بين اشجع بنفسي وبين خايفة مثل الطاقة اجتني مااعرف اشلون بدون تفكير شمرت نفسي  داخل المكان وگعت على  رجلي احس روحي شاطت دنگت اعصر بيها واسمع صوت حركة قريبة ماعرفتها لحيوان لو بشر

من گد الهبطة گمت طلعت اركض نسيت حتى الالم طفرت من الشباج وگبل للباب بدون لاالتفتت فتحته وطلعت اركض بكل سرعتي خلصت الشارع درت عالثاني طايرة وصلت نصه واحس النفس خلص بريتي وگفت دنكت على رجلية صارت مرة گدامي استوها تطلع من بيتها وكفت صافنة عدلت نفسي لازمة خاصرتي همست خاله فدوة سنديني داوصل للحايط

- شتسوين هنا بهيج وقت شنو شاردة من اهلج

- لاطالعة للشغل بس كليتي اذتني لان نسيت علاجي

- وين اهلج اول مره اشوفج هنا؟؟

- جدد بالشارع الثاني استونا كعدنا ايجار فدوة بس شوية مي جيبيلي

- دتعالي غسلي وجهج صاير طماطة اذا هيج مريضة ليش اطلعين للشغل

مارديت اجت سندتني وصلتني يم بابهم بالبداية خفت ادخل لبيتهم بس شفت اطفال عدها هواي امنت ؛  دخلتني يم حديقتها فتحت البوري المي دنگت غسلت وجهي وگعدت نزلت دموعي مامصدگة خلصت من الكابوس

- ليش تبجين يمة

- موجوعه خالة

- عوفي الشغل كومي اوصلج لاهلج

- لا لازم اطلع للشغل لان ماعدهم معيل غيري  بس خلي ارتاح دقايق

- بدون ريوگ موو

سكتت كامت المرة دخلت جوه واني دنكت دموعي نزلت افرگ برجلي مااعرف افكر بدسار لو براية اشصار بحالها بعدي؛  كلبي احسه بعد مايتحمل كل هالاحداث والالم

اجت المرة بيدها خبزة لافتها دنكت كالت ولو على گد الحال بس اكلي يخالة شفايفج ترجف

ابتسمت مسحت عيوني اخذتها منها اباوع ابطنها شكر ودهن ذكرت غزوان من يسويها النا الصبح

رفعت راسي همست بخنكة ياررب امتحانك صعب هونها شوية

- شبيح يخالة

- هه ماكو شي تبطر تعرفين البشر اشكد ماينطي ربه يضل طمع

-ماشاء الله حلوه انتي بس ليش جوه عيونج اسود شنو فقر دم

- اي يله اني اكوم اخاف اخرتج عن الشغل

-نهارنا كله شغل

همست الله يرزقكم وسكتت لان عرفت تجدي

اكلت اللفة صح اباوعلها تريدني اطلع بس اشلون مجان كمت اسولف ويها واكل  حتى اضيع وقت بين مايطلع النهار

مرت ساعة ودخل زوجها گمت بسرعة قبل حتى لايسأل لان مامعوزه عطلات بقسمتي وهو من غير شي مسحتل وگف فاك حلكه

اتشكرت منها طلعت اكزل برجلي العالم استوها طالعة للشغل

مكان اوسخ من مكان بيت اسوء من بيت عالم تعبانة الي يحك والي بيده بطله والي واكف بالباب يسولف ويه وحدة واصوات ضحكهم وين واصل

اسوء مكان بالعالم محد يگدر يعيش بي غير المولود ومتربي على قذارته

امشي وبعدني ماواصلة للشارع اكثر من ساعتين كل شوية اكعد ارتاح وارجع امشي طلعوا شامريني بنهاية البتاوين بمنطقة حتى مامسكونة غير كم بيت مطشر ويمكن تابع الهم ؛ من غير الحجي الي اسمعه كل اليمر يشمرلي كلمة گوة الزم نفسي لاهفه بتفلة

مو شفت الشارع صار قريب احس رجعت لحضن راية وخليت راسي اشكيلها على كل المريت بي

ركضت للشارع وگفت انفت احس كلبي يريد يطلع من ظلوعي بين مامصدگة وبين التعب اخذ من حيلي

اجت سيارة من لهفتي اشرتله بثنين اديه وكف بدون لااحجي فتحت الباب وصعدت هو هم ماحجه استغفر لباله مجدية حرك خليت راسي عالجام وغمضت براحة

لاجذب مو براحة جسمي ياكلني ومفعول الادمان بلش يتلاشى  بس احاول اشيل الفكرة من راسي لحد مااوصل واشمر نفسي بحضن ماما بلكي من اشوفها انسى وضعي

السياره تمشي بعد ماوصفتله المكان واني اكل بجسمي وافرك براسي وصلنا المنطقة اشرتله عالمكان من شارع لشارع لحد شفت البيت من فرحتي فتحت الباب ونزلت اركض تركته وراي يصيح الكررروة

دفعت الباب دخلت اضحك ضاعت ضحكتي من لكيت المره تقفل باب غرفتنا والمكان هدوء دارت وجها صاحت يارجعتيي

-وينهم

-وين جنتي خبلتيهن وراج سودة عليه امج اتسودنت بعد ماتعرف شتسوي

-وين راحن؟؟

- والله يخالة مااعرف اختج راحت ويه زوجها الجنوبي وامج عالاساس تسلم نفسها بس طلعت مااعرف وين راحت

- راية تزوجت

- غير ابوج اجه سواها هوسة وراد ياخذها ويشمر امج بالسجن لوما الولد الجنوبي يجي يخلصها جان راحن

- زين مااجن سألن اذا رجعت لولا ماخلن عنوان الهن

- لاوالله من ساعة الراحن اختفت اخبارهن

- يعني شنو تركني وحدي

- منو تركج  غير اختفيتي

همست بعبرة  لااني ماختفيت همه اتخلوا عني

- لاوالله ياخالة  امج اتخبلت عليج واخيتج وكعت وراج بس شواكع بيدهن

- لهيج راحن بدون لايسألن عني وماخلن اي خبر وراهن حتى لااوصلهن هيج جنت مثكلة عليهم ماادري

- استغفر الله دتعالي خاله فوتي ارتاحي

كعدت مكاني انتجيت الحايط باوعتلها ضحكت وهمست جاية اركض متلهفة لحضن ماما واحسب الثواني اشوكت اوصل لراية واكعد اشكيلها من الصارلي

- وين جنتي

- بمكاني الصح خالة جان المفروض اروح وياهم ماارد لهنا لان اني عمري ماجنت منهن اشكد حاولت ادخل بينهن واشاركهن محبتهن بس ماتقبلني والله ماالي ذنب بالصار ليش هيج كرهني

- ماتندلين بيت زوج اختج

- اختي من قررت دوس على كلبها وتقبل تتزوج معناتها تكول ابتعدي شوفي قربج اشسوه بيه

- يجوز امج بعدها دادور عليج

- جان اجت سألت هنا وراي يمكن ارد بس روحها اكتفت من مشاكلي وجودي يمها

مسحت عيوني ابتسمت - هم صدگ اني موقليل السويته بيهن هديت بيت كامل كتلت  ابن حضنها وبناتها الي كسرت گلبها والي ضيعتها والي موتتها وهيه بحسرة اللكمة شمنتظره ارد الكاها منتظرتني وتاخذني بحضنها

- اكو واحد اجه ويه الفجر  سأل عنج جسمه كله مظبر گوة يمشي بس مثلم ماشفت وجهه

- ههههه وين جان هاي المدة كلها لو جان مستعر وخايف ينعرف مرته بهيج بيت لهيج نشر خبر موته حتى يخلي مسؤوليته مني

- زين انتي ماعندج احد

- ههه عندي الي رجعلي النظر وگلي يله شوفي هاي الدنيا الجنتي كاتلة روحج عليها

رادت تحجي وندگت الباب راحت طلعت اسمع صوت السايق يحجي وياها عالكروة وهيه تبررله ماعندي اهل ويتيمة لان تدري ماعندي افلوس

غمضت اشگد حسيت بحياتي رخيصة مااسوى  حتى الذل الداعيشة هواي عليه

لميت رجليه صافنه  اريد بس اقنع روحي راية گدرت تتخلى عني

نزلت دموعي دخلت المرة كالت دفعتله الكروة ترا

باوعتلها بكسرة

- عندج مكان ترحيله

اشرت لا

- لعد اشلون جان خليتج هنا بس ابوج شراني اخاف هم يسويلي مصيبة واني مرة ماعندي احد  منو يحميج

- هسه اروح خالة بس خلي ارتاح شوية

- وين ترحين دخليج هسه لان اريد اطلع للشغل  بين ماترتاحين حتى من ارد نشوف شنو انسوي

اشرت اي

شالت غراضها وراحت طلعت دنكت لزمت راسي احسه يريد ينفجر گمت رحت للبوري فتحته دنكت جوا اغسل بي اريد  بس يبرد

سديت وگمت رفعت راسي للسما اباوعله بتوسل

احس مثل الشي الحار ينزل بمخي غمضت عصرته بين اديه زاد عرفت  اذا تاخرت شوية راح افقد السيطرة

فتحت الباب طلعت امشي وتلفت مثل الخبلة بس اريد واحد من الجهال يصير گدامي وصلت راس الشارع لكيت ابن جورارينا جاي من الاسواق  اشرتله اجاني يركض صاح هاي رجعتي

- لاتكول لاحد اني رجعت وركض تروح لسعد طاسة تكله رؤيا تريدك بسررعة

اشر اي وراح يركض رجعت يم شجرة النبكة كعدت افرك براسي اللوج مااعرف شسوي الالم ماينحمل احسه يگطع لحم من جسمي

انتجيت عالنبكة رفعت راسي اضربه بالجذع بس صوت الونة تطلع مني مااحس بأي شي

دقايق واجه سعد يركض قبل لايحجي كمت كلتله الحگني اخيتتتك

- وين جنتي ولج گلبت عليج الدنيا ماخليت مكان

- سعد اريد  …

- شنووو؟؟

- ولك راح اموووت بعد مااتحمل

- منين اجيبلج

- دبرني راسي راح ينفجر مو شرط … حتى لو حبوب  اي شي سعد  مروووتك دموووت

- اشوكت ادمنتي

- ولك راسيي راح ينفجرررر

- انتظري هسه اشوف سيف سلبوحة يتعاطة منين يجيب ماتاخر دكمشي هاي جكاير بلكي يهدئج لحد ماارد

اشرت اي واتبلعمت اخذتها منه ايدي ترجف راح يركض واني ختلت جوه النبگة من الجهة الثانية ورثت وحدة دخنتها ماحسيت بأي تحسن رجعت ورثت الثانية

اسحب النفس احبسه لمن احس روحي اختنكت يالله اطلعه وراد اكرر العملية

تخلص الجكارة اسحب الوراها خلصت نص الباكيت وهو ماكو ؛ الگاع رطبة يمي خليت راسي عليها ولميت رجلية غمضت طابگة على سنوني وافر براسي بصوت مكتوم

اكثر من ربع ساعة استوني اوصل لمرحلة الانهيار واسمعه اجه يركض فتحت عيوني لكيت بيده كلنس عاصره

كمت اخذتها منه طلعت الحباية من گد الالم بلعتها بدون مي  رجعت كعدت مكاني لازمة راسي منتظرة مفعولها

اجه گعد يمي- اشلون صرتي مدمنة

-بسببه

-منو ابوج

-اااخ يمه اللوحه لولا وروح الماتت بحضني قبل لااشوف شكلها وداعت الراح وهو بحسرة العرس لربطة بنفس الغرفة الجان يعذبنه بيها اصلخه بتنكة زيت بعد مااقلع عيونه واگعد يمه اشلع من لحمه واوكله اذا ما طبقت عليه اجرام اليهود مااطلع بتهم

- كال عليج قضية قتل صدگ

- لواعرف اكتل مجان خليته عايششش لسه

- كومي انروح نشتكي

- مااستفاد شي بس يشمروني بالمصح

- دريتي اهلج راحوا منا

- كوم اكو افلوس جوة النبگة الجبيرة بصف الحايط بس احفر شوية اخذ منهن افلوس الحباية وديله وجيب بالباقي شريط 

- راح اتضلين هنا لو ترحين وراهم

مارديت اخذت الباكيت الجگاير وگمت رجعت للبيت دخلت  للغرفة شمرت نفسي احس الهلوسة بدت تشتغل براسي غمضت دقايق ورحت بالنوم بدون لاحس

ماكعدت غير على صوت المرة فتحت عيوني الصبح صاير باوعتلي وضحكت كالت گومي سويت ريوگ تريكي

- مااجه احد سأل عني

- اي سعد انطاني هذا العلاج وكال تطلع للشغل كلتله شوية وتعال بعدها نايمة

رجعت غمضت

- كومي تريكي خالة حتى دورين امج واختج تره كلبهن وراج

- وين ادورهن وهنه يندلن مكاني

- لامايندلن يدرن بيج ماتردين هنا  يخالة ماكدرت احجي وياج البارحة لان شفتج تعبانة بس لاتلوميهن تره ابوج شراني واندل هذا المكان غير ربج ستر عليهن وخلصهن من ايده گوه

- وين راحت ماما؟؟

- والله علمي علمج كعدت الصبح على صوتها بارتني الذمة وكالت اذا ردت رؤيا خلي تلحگ اختها ويدورن رئال

- واني وين اندل اختي

- الي يسأل مايضيع واليدور يلگه

- شسوي هسة

- دكومي اتريكي وسبحي غيري ملابسج طلعي وياي للشغل هم تحصلين كم دينار لان مبينة شغلتج طويلة وهالتشوفين اني گوة مدبرة لكمتي  وهم اتسألين بلكي احد شافهن لو مرن على طريق وتركلج خبر

سكتت

- بس لبسي عباية وطلعي من باب الحيوانات وره البيت حتى لااحد يعرف رجعتي وحتى سعد  هم نبهته اخاف واحد يوصل خبر لابوج لو هو يرد

-هو اني اريده يوصل غير ظاملته شوگ واحضان بگد دلاله النا اووف شراح اسوي بي

- دتركي وگومي هسه تلكين اخيتج كلبها مفرفح على شوفتج والله لوتشوفيها اشلون طلعتها منا اخر نفس بس دموعها تنزل  عينها بالطريق وراج بلكي رجعتي

- ماادري اشلون فكرت اتخلت  عني اخيتي اعرفها اكثر من نفسي تنطي روحها النا مو دير وجها 

- اي والله يخالة تكسر الگلب وراج تمشي وتتوسل حتى لاياخذوها تكلهم  هيه وعدتني ماتعوفني هسه ترد

- واني عد كلمتي مااتركها لحد ماارد رئال لحضنها وابلش بالجنت اغمض عيوني بس لخاطر اتخيل اشلون راح اغضب ربي بتقطيع جثه

-صدگ ذكرتيني من رجعت عارضني واحد ملثم بس ضخم وصوته خشن مبين جبير بالعمر  كال كولي للخرزة خلي تحضر نفسها لبين ماجيب الباقيات لان سقط حقهم بيهن

- منو هذا النوب ؟؟ وحق منو السقط

- والله يخالة مااعرف حتى مالحگت اسأل بس دنگت انتجيت عالگاع گمت لكيته مختفي

-كلش وقتها عاد حضي واعرفه شكو عطل ساحلته الدنيا  ربي يذبه بطريقي

- اخاف واحد موزين ويأذيج

- غير الله جابه خليني اتسلى بي لبين مااحصل مكان اهلي

- اي هيج ردي ولج البارحة حتى ماعرفت اشتغل كلبي يمج وين رؤيا الرعنة ام الجكايره الفالته

- شكرا الج ماتقصرين والله الفاضج تزيد الطاقة الايجابية بداخلي وتحسيني اشكد اخلاقي حلوة

- دگومي يلة

كمت بسرعة غسلت وجهي قبل لامفعول الادمان يروح وارد لحالتي وقتها حتى لو اكتل واحد ماحس بنفس

كعدت تريكت اشلون مجان فتحت شعري ضفرته عدل كمت وياها انطتني عباية هيه طلعت من الباب واني من وره البيت بس وصلت الشارع العام لكيت سعد  منتظرني بالتكتك مالته  نزعت العباية  لفيتها وصعدت طلعنا على مكان شغلنا القديم

يومين واني افتر بين شغل وبين ادور متأملة تاركات خبر وراهن كلما تجيني النوبة الم روحي واخنس اخذ حبايتي وغمض بدون نفس لحد مااتخطى الالم وارجع اگوم اكمل منين ماتوقفت

… لازمة الورد وواگفه عيوني عالشارع صافنة خلص النهار وهم كلشي ماحصلت محتارة وين ادورهن رفعت راسي للسما وكت الغروب غمضت يائسة روحي تعبانة عرفت مابيه بعد افتر اخذت نفس وانداريت رحت  ورا مجمدة المي شمرت الورد وگعدت 

سحبت باكيت الجكاير طلعت وحده ورثتها اخذت نفس ونتجيت عيني عالمسطبة الجانت تكعد عليها راية  ابتسمت على نظراتها اشلون جانت تراقبني بخوف

شدتحسين هسه وانتي تنامين  وحدج بعد ماجنتي تلمينه بحضنج

ماما يمج لوهم فقدتها حالها حالنا

مريضة صاحية تذكرينا لو تعبتي من همنا

دنكت مسحت وجهي عدلت گعدتي  صاروا گدامي بعد مسافة ثنين بنات نزلن من سيارة مضللة وياهن حرس هواي

اباوع وحدة مرتبة شعرها طويل وكفت تشتري مي  والثانية صغيرة حلوة كلش شعرها قصير هيه هم  قصيرة مبينة من لبسها ودلعها تابعة لمسؤول محاوطيها الحرس داير مدايرها  ؛ واكفة تتصفن كل دقيقة  ينزل شعرها على عيونها وتوخره

صاح واحد من الحرس ضيي ؛ التفتت ام شعر الطويل اشرلها تعالي انطت افلوس للطفل واجت وكفت يمها

سحبت نفس من جكارتي نفخته

عيوني عليها اشلون الحرس مخبوص بيها  هسه هاي هم عدها هموم  لو اصلا ماتعرف شنو هذا الاختراع

مسحت شفتها بضهر ايدها وبعدت شعرها مدنكة تحجي بهمس ويه صاحبتها اباوعها تلمع لمع اخذتلها ثواني ونزلت دموعها

ضحكت بستهزاء ودرت وجهي عالم فايخة لاحها اثر حر بجت 

طفيت جكارتي شلت الورد ورحت امشي ماادري وين بس حسيت نفسي بعد مااتحمل اشتغل اكثر صوت السيارات براسي

امشي لاعلى التعين الجكارة بيدي  وفكري بغير شي  اشكد مشيت ماادري ماشفت نفسي غير كبال نهر دجلة

نزلت جوة شمرت الورد وكعدت  مكان هادء وصوت المي يشيل الهم عن روحك

طفيت الجكارة لميت رجليه باوعت للمي وينك تعال شوف شسويت بيه صفيت مدمنة  لابيت ولااهل  سايبة بالشوارع اتختل من الامن مطلوبة بقضية دعارة

سحبت شريط الحب طلعت وحدة حسيت احد گعد يمي غمضت صارت ايده على ايدي عصرها جريتها حيل  خليت الحباية بحلگي وضغطت على سنوني  رفعت راسي ضربته بكل قوتي بصدره صاح ااااخ ودنگ عاصر نفسه

- انوجعت لااااا شنو معقولة عندك احساس

رفع راسه متألم باوعلي بتعب مارد

- هههه اشكد جذبت روحي وحاولت اقنعها ماتندلني ردت بس ابررلها افعالك حتى لو بشي صغير بس حتى تقلل من كمية الندم الداحس بي

- جنت بالمستشفى طلعت بيوم المداهمة ورجعت فقدت الوعي

- وعساك مارديت وماطلعت لاتحجي ولاتبررر لان انت لاشيء وماضلك يمي غير الحقد

- كلتلج حياتي خطر كلتلج ماراح تتحملين عيشتي

- لاااا كلتلي راح احميج  كلت راح اترك كلشي واخذج وابعد كلت راح اعوضج شنوو سويت؟؟

-كلهن بس ماخلوني عاقبوني بيج

-شنو عاقبوك ؟؟ لك شوفنييي اشلون صرت شوف شنووو سووا ولك صفيييت بالشارع مدمنة ضايعة ماادري وين اوووولي

باوعلي بكسرة ساكت

- ههه ليش ماترد ولو شتكول تسليت بمشاعرج كم يوم؛  جنت ضايج كلت خلي العب بعقلها هم اخلص وقت وهم اسلمها مكاني الهم

- انطيت اسمي وگمت اطلع بدون حماية بينهم ضهرت روحي وادري راح اموت بس ردت ابعدج عن الخطر

- ياخطرر دسااار انت دتشوفني لولااااا

- نفسج الخرزة الي خنت وطني ورديت بعهدي لربعي بس حتى تقبل بيه

- انت دمرتني انت خليتني احقد  على نفسي اكثر مااني حاقدة على صنفكم القذر اااااخ اشلون استثنيتك منهم واني ادري بيكم كلكم حيوانات ماعدكم كلمة ولا مابيكم شريف

- قذر اي وحيوان لااا انكس من الحيوان بس كلمتي مارديت بيها وياج وداعت دگاتج بين اظلوعي ماخنتج ولالحظة

-كلمتك ؟؟ ياهيه منهن هنه هواي عن شنو دتحجي؛ الحماية وهاي اني صفيت حالي حال بنات الشارع  لو الامان واني صرت اتمنى عيوني تغمض ساعة عن شنو تحجي عن الخيانة ليش طلكتهاا لااا كلت لاهلك هاي الحيوانة مرتي هم لاااا عن شنو تحجي فهمني يجوز اني مداافتهم يله

باوعلي مارد

دفرته اجت بصدره لزمه بسرعة ودنگ عصار نفسه صرخت احجييي

لم روحه دنكت كمشته من شعره رفعت راسه عيونه حمر دم ينفت بصعوبة ؛اشرت شنو

همس رؤيا تعبان والله

- ياتعب تحجي عنه تعرف التعب اشلون يصير من انت مشمور بغرفة تتكلب  بالساعات  مثل المخبل تتوسل الموت لان وجسمك متشبع بالادمان ويجون يسحكون على راسك يضحكون وانت مو بس تقبلها على نفسك لااا تبوس حتى رجليهم حتى تحصل الجرعة

غمض

- التعب من تكعد تحسب الايام  اشكد  المتبقية ويكتمل السم بجسمك حتى يبلشون بيعون لحمك وانت مثل الحيوان بين اديهم مومن حقك حتى تحجي موتعترض

فتح عيونه مليانة دموع

- هاي الدموع المفروض مو انت تبجيهن لاااا هاي اني من عرفت غبائي خله  اختي تكسر  كلبها وتبيع نفسها للذل لخاطر تحميني  ومن عرفت امي نهت اخر امل الها حتى تخلصني

- حميتج بعمري صفيت ويا الموت وطلعت متهم  وجودة اكبر غلطة  بس لخاطر اشغلهم عنج واضيع مكانج ضحيت بالي وكفتلي  سنين حتى انسهيم اسمج

- اي وشصار

- غدروني

- تعرف ليش غدروك لان انت واحد حيوووان ونكسس

- لا لان تحديتهم وكفت بظهر اختج وساندتها تاخذ حقها

- ذباح دلاهم مكاني؟؟

- لاابراهيم عم رئال

- رئال وينها شسويتوا بيها

-محد يتجرء يتقرب يمها وبظهرها واحد مستعد يهد الدنيا بأشارة منها

- حمايته جذابة مثل حمايتك واختي راح اخذها من نص عيونه وراح انهي شكو واحد وجع كلبها  مثل مانهيتك من حياتي

- وعلي احبج

- ههههه وفر كلماتك لزوجتك طلكني دسار

- هالكلمة حتى بالحلم ماراح تسمعيها  وراح اردج لحضني غصباً عنج

- وين بيت ذباح

- مااندله

- كلت لفو خاين كلت حيوان ماعنده كلمة بس اتجذب لا هاي واكفة جان حسبت حساب لشواربك لو للرتبة  الشايلها

ضحك بتعب ودنگ

- راح اسئلك للمرة الثانية وقبل لاتجاوب شيل من راسك عود اذا ماعرفت مكانهم  راح انجبر ارد وياك لو راح ابطل ادورهم  لو يضل يوم واحد يعمري هم راح ادورها كول وين مكانهم

باوع لعيوني بحيرة وهمس كم جرعة  تاخذين باليوم

- وين بيت ذباح

- منو الجان ينطيج الابرة

ضربه بصدره صرخ ولزم ايدي دنگ  ضاغط عليها  حسيت شي حار نزل رفعت راسه بأيدي الثانية

اباوع مغمض يحاول يكتم الالم ملابسه كلها دم سحبت ايدي فتحت  القميص بسرعة شهكت واني اشوف صدره كله مضبر والدم ينزل عالسريع

احتاريت وين اخلي ايدي اسد الجرح اتقربت

يمه اكثر لزمت وجهه همست  برجفه دسار شبيك

فتح عيونه گوه ابتسم اشر ماكو شي

- شنووو مابيك شي دتنزف عالسريع 

- حتى تعرفين اشكد مأذيتني ومتحملج

- كوم كوووم راح يخلص دمممك

دنگ شاف صدره ورد غمض روحه باهته

تركته  گمت ركضت ادور احد يساعدني  صعدت فوگ  الدنيا ظلمة ماكو احد ردت اروح للشارع وگلبي مانطلني اعوفه وحد

رجعت نزلت بسرعة لكيته مدنگ على رجليه كعدت يمه لزمت راسه رفعته مغمض نفسه ضعيف همست بتوسل لادسار اتحمل لخاطري

فتح عيونه بتعب ماحجه ولاكلمة بس لزم ايدي ورد غمض مثل الغاب عن الوعي

- لالاااا لا دسار افتح اعيونك لاتغمض فدوه اروحك

سحبت ايدي ضربته على وجهه ماكو صوت حتى دنگت شلت ايده اشوف النبض صارت كدامي قراصتي مربوطة يم  التواريخ نزلت دموعي

رجعت باوعت لوجهه باهت سحبت راسه لحضني همست كوم كلي شسوي دسار لاتسوي بيه هيج تعرفني جذابة ومنتظرة اكتب اخر تاريخ اكثر منك دسار ماضل عندي غيرك  كوم لخاطري عندك

وخر شعره عن وجهه رجعت عصرته بحضني -هسه جايتك اتحمل

خليت راسه عالگاع  گمت ركضت صعدت شفت سيارة جاية من بعيد استوني دأشرلها واصرخ مااحس غير انسحبت من وراي والسجينة صارت بركبتي

صوت واحد  خشن همس بأذني ولانفس …

***رئال***

عمي عيونه على هيذام يباوعله بشماته وعمتي عاضة شفتها 

رفع راسه باوعلي بنظرة عمري ماراح انساهه من وكتها عرفت انتهي كلشي بينا

نزلت دموعي  ضحك بستهزاء جر عمتي عن طريقة شمرها على عمي بقوة وصعد جر الاوراق مني شمرهن بوجهم  و سحبني  ويا صعد من هلگد ماضاغط على ايدي حسيتها  انملخت فتح باب الغرفة دفعني گدامه ودخل دفر الباب سدها

وگف باوع للكنتور بعده مفتوح ورد باوعلي ردت احجي اشر اشش  

همست والله هددني بماما

- كلتلج مااريد اسمع صوتج

- هيذام

- اختج حلت شغلتها وامج باجر لو بعده تطلع كملت اوراقها وانتي راح تضلين هنا لنهاية الاسبوع ان طلعتي حامل احولج على حجز خاص ان لااا ارمي اليمين  وتردين منين ماجيتي

باوعتله بأسف وشهكت 

دار وجهه  راح للخزنة فتح  جرارة بيها طلع ورقة دنگ غير الرمز  سد الكنتور فقله اخذ المفتاح وطلع رد الباب بقوة رج الغرفة رج بطبكتها 

اسمع ضربة بسطاله ينزل عالدرج  بحرگة غمضت  اني شسويت اشلون رجعت غدرته

لاماغدرته ردت اخلص ماما اي ولامرة انطيت بي علمود نفسي كل مرة جانت حتى احميهم عمري مافكرت احمي روحي دوم جنت اني الضحية

فتحت عيوني واسمع صوت صرخته عالحرس  يستعجلهم يطلعون  گعدت بالكاع  نزلت دموعي بألم وهاي وصلنا للنهاية

خليت ايدي على گلبي صدگ هيذام  خلصت قصتنا راح نرجع غربة ومن اشوفك ادير وجهي بدون لااحن لحضنك لو اضوجك حتى اشوف كمية صبرك عليه

خليت راسي بحضني صارت ملابسه كدام عيوني ابتسمت

تدري اشكد  اتمنيت اعترفلك بشعوري من اشوفك لومن تخليني بحضنك واحس بخوفك الي

تكول الغدر يمشي بدمج وماتعرفين تحبين لاا اني عمري ماغدرت غير نفسي حبيتك بدون لااحس اعرفك مو الي ولااني اكدر اكمل وياك بس كلبي غصباً عني نبضلك

رفعت ايدي باوعت لمكان السوار - اشلون گدر يخليني انساك واحبه هيج  معقولة ماجانت احبك صدگ وجنت ماخذتك حلم طفلة اريد اشرد بيك من الواقع لو هو استغل مشاعري ولهفتي للحضن الدافي والحماية

بس دااحسه يدگ ويه دگات گلبي وهالشي ماحسيته وياك جنت اغمض اشوف ضحكتك من بعيد بس هسه كل مااسد عيني احس بدفو همساته واشتم عطره ؛ جنت اشوفك سند  صرت اشوفه حلم ؛ من سمعت خبرك مااجه براسي غير اشلون راح اخلص الوقت واللحگك بس من باوعلي  حسيت كلبي نعصر واتمنيت احضن نظراته وتوكف الدنيا بينا

رجعت راسي بحضني صافنة بقصتي الماترضى تنتهي الاوراق قربت تخلص كلما اكول هاي اخر جزء وراح اغلق الدفتر ترجعني للبداية بوجع گلب اكبر وبمشاعر تفتح شكو جرح احاول انساه

…مر الوقت بدون لااحس بي حتى ماسمعت شوكت رد ولااشوكت صعد لحد ما انفتح الباب دخل رد برجله شمر سلاحه دنگ نزع بسطاله اخذ المنشفة وراح للحمام بدون لايباوعلي

مسحت دموعي گمت رحت للجرباية  وخرت الغطة دخلت بفراشي درت وجهي للجهة الثانية خليت راسي بالمخده وغمضت

دقايق واسمع طلع من الحمام اجه سحب الغطة تمدد يمي  شوية واسمع صوت جداحة اخذ نفس  صار هدوء

احسه قريب غمضت اتمنيت اندار لحضنه مثل كل ليلة اخلي راسي على صدره وهو يلعب بشعري

انفتحت الباب دخل درع يركض اتلكاه شاله حضنه بوس خدوده وكله ليش لسه مانايم

- جنت دااسولف ويه ماما بالفون وسمعتك اجيت

- موكلتلك لاتصعد الدرج بعد

- لعد انت مااجيت اليوم واني اريد اشوفك حتى اكلك بابا صرت زين وبعد مايوجعني راسي

- يروح ابوك انت  بس هم جان خابرتني اني انزلك

- مرات هواي اتصلت ماترد بيبي كالت عوفه عنده شغل اني ضجت وكمت ابجي هيه كالت باجر اوديك يم امك حتى تلعب وياها لحد ما بابا يكمل شغله ويجيك

- ماتطلع منا تريد امك باجر اجيبها الك واني ماضل عندي شي يومين بالاكثر اكمل شغلي واخذكم سفرة للمكان التريده مااردك لمن تشبع لعب وتمل من وحدك

- ناخذ ضيونه ورئول ويانه

- لاضيون عدها دراسة رأل راح ترجع لاهلها

- ليش تروح لاا بابا حباب لاتخليها تروح

- جانت غلطة دخلتها وصار الوقت تتصلح

- لعد انام اليوم يمها بس انت لاتعصب واني ماارفس و اضوجك ابد

- ههه لاعيون ابوك  رفسوا كلبي وماعصبتك اعصب عليك وانت قطعة من روحي تعال جوه الغطة  الجو بارد 

طفه جكارته سحب الغطة نيمه بحضنه وتمدد بده درع يسولف على لعبة يلعبها بالفون وهيذام طابگ ايده على گصته وصافن عالسكف مايرد غير بمم  اعرفه باله مشغول بالراح يسوي واشلون ياخذ حقه مني ويرد هبيته گدام اهله بعد ماهنته بالغدر

لحد مانام درع  گام شاله طلع نزله لغرفة عمتي ورد صعد دخل طفه الضوه واجه رد للفراش تمدد احس ضهري طگ گد مانايمة على نفس الجهة عدلت نومتي اخذ نفس واندار لجهة  الكنتور اتجتف وغمض شكد حسيت روحي رخيصة

رجعت لنفس نومتي صاح اريد انگبرر ياتخمدين ياتنزلين تكملين نومتج بالگاع 

وخرت الغطة بسرعة نزلت بالكاع لميت رجلية انعل نفسي عالذل المايرضه يرحمني

اخذت حسرة احسها طلعت من نص روحي حضنت نفسي حيل وغمض اشوكت تخلص وارتاح؛مر وقت ماسمعتله نفس عرفته نام عدلت راسي  عيوني عالشباج  صار الگمر كدامي ابتسمت غمضت لو تعرف اشكد مشتاقة لكعدت الصبح على ايد راية تستعجلني للشغل

اشكد مشتاقه لصوتك وانت تغني ولمعة عيونك فاضحتك

اشكد روحي لهفانة لريحه جاي ماما وطعم اللفة التسويها النا   اااه ياذيج الايام لو يرجع يوم واحد منها والله لسجد ربي ندم على كل لحضة طلبت منه يعديها

شهكت سمعته اتحرك بسرعة سديت حلكي بأيدية كطعت حتى النفس كارهه نفسي على وضعي وضعفي وظلم الدنيا بيه

مسحت دموعي  على شنو ابجي اني ماغلطت اخذت حق رند غزوان انعل ابو كلبي لابو الذل ارد للسجن اكمل الحكم واطلع ادور اهلي اخذت خواتي لحضني وارجع اعيد الطريق من اول خطوة وعيد الحلم من بداية صرت اعرف شكل الكابوس اسحگه وكمل بدون لااباوعله ارسم كل امنيه باللون الاريده مااسمح الاحد يخلي ايده هالمرة ماافتح عيوني اله واني ماحية كل ضعف بحياتي واكفه بخواتي  بمملكتنا الخاصة متحدين الكل بأسم امنا الخلص عمرنا نخجل واحد يعرفه

شلت ايدي مسحت مكان السوار وهذا انت اول واحد خلصت من ذكراك الجان سبب ضعفي وخضوعي للذل

درت وجهي لهيذام لكيته حاضن مخدته عيونه على ايدي رجعت درت وجهي كل عقله بعدني ذاكرى محمود  واحلم بي مايدري نسيته مثل ماراح انسى وامسحه من ذاكرتي

حضنت رجلية حجه بصوت خافت- تشكيله عن تعب بعده عنج

مارديت

-تتمنين هو النايم مكاني

-اتمنى ماشفتك ولابيوم طلبت حمايتك

-جنت اظن القوة والظلم اقوى سلاح ربح بالحياة ماكو قوة تضاهيهن بس بشوفتج عرفت الندم اكبر خسارة تنهي البشر

-لوجان للندم  تاغيخ فهو يوم لقائي بيك

-بشنو قصرت وياج

-الغلط مو بيه بالدنيا الحملتني طاقة ماجنت كدها

-وكفت بوجه الكل لخاطرج

-كلتلك من البداية طريقنا مختلف

مارد كام فتح الكنتور طلع علبه شمرها قريبه مني  ورد للفراش اتغطه انطاني ظهره ونام

دنكت شلت العلبة فتحتها لكيت كتابي القديم  وظفيرتي والسوار

مديت ايدي مشيتها على شعري من البداية لنهايتها لزمت القراصة ابتسمت ذكرت من سحبتها من ايد ماما وگمت ربطتها لان مستعجلة

اخذت نفس فتحت الكتاب هو وبمكانه  لكيت قلمي بعده بي على اخر شي مأشره عليه غمضت صارت راية كدامي وهيه تكول مامليتي عزة بعينج هاي المرة الالف تقريلي هالعبارة

اجت ضحكت رؤيا بأذني وهيه تكول ياريت فهمنا منها شي  شكلبت الكلمات تشكلب

باوعت لغزوان مبرطمة اشر مالج شغل بيهن استمري اسمعج ورد  لزم خدود رند يبوس بيها

شلت الكتاب  دنكت اشتميته وخليته  على صدري حضنته

خليت راسي عالجرباية بيدي اخر ذكرى منهن غمضت مبتسمة ودموعي تنزل بدون لاحس واني اتخيل نفسي بعدني بيتنا منتظرة اذان الصبح حتى اطلع للشغل اطفر بينهم اقنع  بغزوان يسمي بنته على اسمي

نفس بروده الجو والهدوء وعصر الكلب بمصير مجهول رحت بالنوم بدون ادري

بين نايمة بين صاحية احس راسي صار على مخدة وغطة دفاني من البرد الجان شال حركتي

حسيت الكتاب ينسحب عالكيف حضنته حيل ولميت رجليه تركه ثواني صارت ايده على شعري وخره عن وجهي عالكيف اخذله مشوار گاعد كدامي يباوعلي دنگ باسني بهدوء اخذ نفس طويل مثل اليريد يشبع روحه گبل الفراگ  ؛ كام راح يم الشباج وصوت الجداحة ورث جكارة

درت وجهي لجهة الجرباية حضنت الكتاب رجعت نمت ماكعدت غير على صوت هوسة جوة فتحت عيوني ردت اكوم احس اعظامي طكطكت من البرد شلت راسي التبريد على اعلى درجة

مسحت وجهي تذكرت الغراض بسرعة وخرت الغطة اباوع الكتاب والسوار موجودات بس ضفيرتي ماكو

كمت نكثت الغطة لبالي جواها  مالكيتها رفعت الغطة شمرته عالجرباية

دنكت شلت العلبة رجعت السوار والكتاب خليتهن عالميز دخلت غسلت وجهي شلت شعري  وفتحت الباب نزلت لكيت البيت هدوء  طلعت للحديقة لكيتهم كلهم كاعدين حتى هبة راجعة گاعدهدة يم هاله بحضنها ابنها  وصوت  ضحكهن وين واصل 

تركتهن كملت طريقي لجهة بيت ضي جانت كاعدة عالمرجيحة  وابن ازر يلعب قريب منها رحت كعدت يمها دارت وجها عني لميت رجليه لحضني ساكته عيوني على هبة اشلون تسولف ويه ابنها وطايرة جمال وثقافة  ونسب ليش ميردها

دخلوا هيذام وازر من برة بزيهم العسگري اباوع لهيذام يمشي برزانه الكل يهابه  شكله صارم حتى كلامة اي تعابير على وجهه للمجاملة لو للمحنة ماكو ؛ وصلوا سحب الكرسي گعد انتجه شمر سلاحه  خله رجل على رجل وطلع باكيت الجكاير كامت هبة خلت درع بحضنه و گعدت يمه

اجه ازر دنگ شال ابنه يبوس بي همست ضي ماجذب الگال معزة الطفل من معزة امه

ازر - مم واكبر اثبات هيذام شوفي اشلون يباوعلها ااخ لو مااختي جان كلت شي يمسح اخر گطرة عرگ من گصتي

- طلع من الفجر جابها واجه تگول راح تتحول اذا طلعت الشمس

- اكثر من هالتحول مااتصور اكو تعرف ليش ردها وتعرف ماراح يستعملها غير حشرة لخاطر يكرص بيها عالم بس يااخي الكرامة لعبتها

-على طاري الكرامة ابوك وين

- شنوو لج

- لاتكول لج سمعتت ويله اخذ ابنك وروح مناا اكعد يم اخوتك لان هذا المكان خاص بالخدم مومن مقامك

دنگ

- دخيل الله اشكد متمنيه شوفت تابوتك يدخل منا

ضحك هز راسه  وباوعلي گال اي رئال اشلونج

همست زينة

-كلش من شفته سحل الضابط وداس على راسه عرفت حالتج مريحته كلش

-انفصلنا وهذا الاسبوع غاح يغجعني للمغكز

-ويدفن الباقين

ضي- عفية حتى تعرفون انتم لاشيء حالكم حال الغبار بنفخه يختفي يله اخذ ابنك وروح منااا لاتخليني اسمعك كلامك اخليك موبس تذب رتبتك من الفشلة  لاوتگعد بصف اخوك تتصفن بس حتى تعرف شمسوي بحياتك وهيج الله بلاك

اشر اي اخذ نفس راح سحب الكرسي گعد يم مرته

كعورت ايدها ودنگت عضتها حيل لزمتها وصحت شبيج تخبلتيي

دار وجهه ازر علينا كام بسرعة باوعلها  دفعتني وكامت گوة لازمة نفسها لاتبجي راحت للبيت رد گعد عيونه وراها حتى ابنه نزل من حضنه مامنتبهله

كمت وراها رحت لبيتها لكيتها گاعدة يم الباب بالكاع وتبجي گعدت يمها صاحت شكوو جاية

- ههه اتحمليني يومين وبعد ماتشوفيني

- تستاهليين وحيل بييج وحتى اليومين هواي وياج المفروض هسه ياخذج يشمرج

اشرت اي

- صدگ من كال الغدر يمشي بدمج عمرج ماراح تنصلحين

سكتت

- ليش هيج سويتييي هاااااا

نزلت دموعي

- هسه جاية تبجين بعديش بعد ماهنتي گدام اهله بعد مازامط بيج گدامهم اتخوني وتبوكين تعبه ليش رئال

- صوت توسل  ماما جبغني اتنازل عن اعز شي على كلبي بدون لاحس

- انتي غبية

- لا موغبية بس الدنيا ماتقبل تخليني اعيش

- موبس غبية وحمارة وماتستاهلين واحد مثل هيذام

مسحت دموعي وضحكت- صح مااستاهل وهواي عليه بعدين انتي ليش ضايجة تغه احنا بيها ولبلياها مانكمل سوة كل عقلج مثل هذا يقبل بوحدة مثلي من البتاوين بت يهودية تكون بأسمه

- اي  وخله الدنيا كلها بين ايديج  سوه المستحيل حتى يرضيج شايفة الصبح من نزل اشلون حاله ولج عيونه حمر من حسرة النومة تعرفين شنو كلي ضحك وكال اول خسارات العمر  توجع اشلون اگدر اتخطاها

- اتخطاها من نيمني بالگاع وغجع زوجته وحسسني بقيمتي هو ويگول ضلي هنا لنهاية الاسبوع حتى احدد وين اشمغج

- جذاب والله وجذاااب مايگدر يتخلى عنج ومن رد جان منتظر منج تعترفيله بغلطج لخاطر ياخذج لحظنه بس انتي شنوو سويتي بدل ماتعتذرين منه رحتى عاتبتي محمود اشلون عافج

-لاااا

-اااي وبكل مرة تنامين بفرشته تفكرين بذاك وكل هالفلم السوا هيذام بس حتى يحسسج ولو واحد بالمية من النار الديحس بيها محد يعرف هيذام گدي

- واني مااغيد  اعغفه تعبت واشتاقيت لاخواتي ولغزوان خليني اكمل محكوميتي واطلع ازوغ صديق عمغي  واغجع لحياتي القديمة بينهن

- واني

- انتي احلى قصة شفتها بهذا البيت الي غاح اسولفها لخواتي وماغاح انساها طول حياتي

- هسه عرفت صدگ ماجنتي حاسبتني وحدة من خواتج لو جنت اختج ماتخليتي عني بهالبساطة ونسبتيني لوحدة من قصصج

- الحياة قصص ولكل وحده نهاية 

-الله يلعنك هيذام منين جابج

ضحكت ضربتني ودارت وجهه ضايجة خليت راسي على متنها  رادت تدفعني حضنتها اكثر لزمت ايدي و شهكت ؛ ابتسمت على محنتها وغمضت

صار الظهر واحنا على گعدتنا اجه ابوها جابلنا لفات وگعد يمنا انطانا وضل يقلد علينا ويضحك بس يرد يطلعنا من الاجواء وصدگ شوية شاركنا وصعدت اصواتنا وضحكنا وين اليشوفنا يكول ماكو هم على گلبنا

اباوعلهم اريد احفظ تفاصيلهم من كثر ما تعرضت لفقدان گمت احس بالاشخاص الراح افقدهم واشتاقلهم قبل لاابتعد عنهم 

لليل واحنا على كعدتنا لحد ماتأخر الوقت كمت كلتلهم يله لازم اغوح 

ابوها رد نوم الهنا وهيه غمتني ضحكت رحت تركتها تسولف ويا دخلت للبيت  لكيت هبة وهالة هالدرج واكفات يسولفن دااتعده وكفت هبة بوجهي كالت وين تردين

- دااصعد وين يعني

- وين فوگ شنو مادريتي هيذام كال للخدم طلعوا غراضج  شمروهن روحي حبابه نامي بالمطبخ يم المساعدات خلصت العرض

- تمام ماطول خلص كليله خلي يطلكني لايضل يدوغ حجج وحابسني يمه خلي يحفظ ماتبقى من هيبته حتى اعغف اغد عليه بالاستجواب

-انتي شنو حاسبة نفسج لاحسبالج  عاملج يومين زين صدكتي نفسج تره كلج حثالة استخدمج يغيض بابا و يكسر غروري وشاف ماكو نتيجة رد تفل على وجهج واجاني من الصبح يتوسل حتى ارضه

- اكو شغلات تنحس ماتنكال اتمنى واصلتلج ولو اشك من شفتج قبلتي تغجعين وانتي تعغفين ليش جابج  ولنفس المكان الغصبني انام بحضنه بي؛   عغفت شنو انتي

- ههههههه لاعرفي من يجي الليلة ينام بحضني ويكعد الصبح يشمر ملابسه عليج تغسليهن ويأمرج دخلين تنظفين الغرفة من سهرتنا

هالة - صدگ دتحجي منو هيه ودتاخذين وتنطين وياها بالحجي كلها وحدة من شوارع البتاوين جابوها بعد ماكتلوا اهلها  وخلصوا البلد من نكاستهم كل واحد يلعب بيها فترة ويشمرها عالثاني وهاي الكل لعبت روحه منها راح يردوها يستلموها الحرس يتسلون بيها لحد ماتلحگ الباقين

- هم صدگ ديله وين المرطب الكلتي عليه راح يوصل هيذام و تعرفي حتى ماينطيني مجال ازيل مكياجي مو ارطب بشرتي

- دتعالي عندي سيت اسود وطلبته طلع صغير يجي على قياسج حتى فرد مره اليوم يسوي حفلة عليج

ضحكت وضربتها صعدن نزلت صات عمتي كدامي  باوعتلي بأسف ابتسمت دنگت ردت ادخل للمطبخ كالت وين تعالي لغرفتي

- لاعمه انام يم البنات

- يااا ولج صدگ تحجين والله جذب يعمة هسه سمعتها تتفق ويا الكوبرا حتى تكله رئال لمت غراضها ونزلت يم رحمة ودرع عالاساس ضل يبجي واضطرت تصعد يمه لبين مايرجع

-لعد ماجذبت اني صدگ جنت ناويه اصعد الم حاجاتي مواني الي اضل لحد مااينزلني بأهانه صح اني فقيغة بس كغامتي بغاسه

دااحجي وجاني صوت ام هيذام من وراي كرامت منوو لج براسه

رحمة - حقها لعد من راح رجع مرته شنوو حسباله تضل تتوسل بي بسكم ظلم عتقوا البنية

- ومنو هيه اصلا وهيج تعيطين لخاطرها لميت زعابيلها شمرتهن يم المساعدات وهيذام مارد هبة لو مالعبانه روحه من قذارتها هنه كم يوم ضلن  تروح  يمهن وجها مااريد اشوفه لحد مايدز وراها  ويردها لخيستها

- ارتاحي راح اخذها لغرفتي وروحي لفقي عليها يمه بالي يرضي ضميرج واني ماراح اخلي يشوف وجها لحد مانتأكد موحامل ونردها للمركز

- گلت يم المساعدااات بسج تعلين براسها خافي ربج واحد خبلتوا وشمرتوا بالمستشفى والثانية خربتوا بيتها وابنها ضال يكسر الخاطر من غير ابراهيم سودة بوجعي وگع بورطة ضال نهار وليل يركض مثل المخبل ويتوسط مايعرف اشلون يخلص منها

-شناويه من الاخير احجي ام هيذام لاتضلين تحفرين

-وعلى شنو احفر ابني الله رده لعقله وعرف منو التصونه وتستحق تكون ام جهاله وهاي جانت لعبة حتى يكسر ابراهيم بأسماعيل بيها لااكثر خلص منها كال اخذيها شمريها لحد ماافرغ واردها لخيستها

- الله واكبر على حقدكم

-الله واكبر عليج خبلتي عليه وترستي راسه شر وخليتي يشوفنا اعدائه وانتي لج رئال گبل على غرفة المساعدات قسما بالله اذا سمعتج حجيتي لو شفت وجهج بره اخلي موبس يردج للحجز لااا وداعت ولدي اخلي يمدج جوة رجلين هبه حتى تسحگ راسج وتعلمج مقدارج شنوو

اشرت اي

-يله ولي من وجهي روحي نامي يم الخدم حتى تعرفين من يامستوى قبل لاتردين لقذارتج اخاف نسيتي تفوو عليج وعلى هيج دخله عوجه ماشفنا منها بس الشر

ضحكت بستهزاء تكول تعيرني بشي موزين مو شي من تدبر الخالق كل عقلها تهيني من تگول روحي يمهن ماتدري ربي رافعهن درجات عنها بالمقام

رادت تحجي  عمتي رحمه شافتني درت وجهي مااهتميتلها  سكتت عفتها ورحت  للمطبخ اكو باب خاص لغرفة المساعدات دخلت لكيتهن كلمن على جربايتها  اتفاجأن بوجودي اباوع ماكو مجال انام كالت وحدة منهن رئال معتازة شي

- اي اغيد مخدة وغطة حتى لوماكو دوشك عادي انام عالحصيغه

- الضابط يدري بالدتسوي

- هههه الطلب ينزلوني يمكم بعدين شبيكم متفاجأين كلكم تغه اني حالي حالكم واتعس من حياتكم جنت عايشة لاتغشكم كم يوم الشفتوهن هنا يله كل وحدة تنطيني شغلة منها حتى يكون بينا مخدة وغطة وتكبغ عشغتنا

ضحكن اتبرعلي كلمن شغلة كامت وحده فرشتلي ديباج  وخلتلي مخده شمرت حذائي ورحت تمددت طفوا الضوه 

عدلت راسي عالمخدة اتجتفت اباوع للسكف  منتظرة رجعت هيذام صدگ  توصل بي الحيونة يخليني هنا وينام وياها كدامي لو كلبه مايطاوعه يأذيني بهالشكل

الساعه تمشي وماكو اي صوت  كل ماينفتح الباب افتح عيوني اكول دز وراي ماكدر بدوني  اشوف وحده بيدها مي لو شغلة ويخيب ضني ارجع اغمض لحد مارحت بالنوم

فتحت عيوني الصبح على صوت طكطكة بالمطبخ كعت ماكو يمي احد كلهن طالعات كمت لميت فراشي  سفطته طلعت جانت عمتي رحمة واكفه يم الباب تحجي ويه المساعدة رحت اصبح عليها واسمع صوت ضربة بسطاله عالدرج

رفعت راسي صار كدامي نازل مدنگ يعدل بساعته وهبة ورا تركض مااسمع شنو گالتله وگف عگد حاجبه ودار وجهه باوعلها عضت شفتها وضحكت

بسرعة رجعت ليورا ماردت يشوفني  احس شي انغرس بگلبي رجعني لاول يوم شفته بي اتمنيت اشرد بنفس الطريقة واختفي عن نظره

رديت للغرفة دخلت سديت الباب شمرت الفرشة بالگاع وگعدت احس داخلي مثلج  فركت كلبي رئال اصحي هو من البداية موالج

لاهو كلي انتي الي هو الجبرني احبه

خليت ايدي على كلبي غمضت صارت نظرته الها وضحكتها اله بعيوني حسيتها تذكرة بليلة بينهم

هزيت راسي فركت وجهي اعصابي منهارة وجسمي كله يرجف سمعت مشيته بالمطبخ وصوت جداحته يورث جكارته خليت راسي عالمخدة اتغطيت سديت اذاناتي  مااريد  اسمعها

ثواني وصوته رجع المكان هو ويصيح وين الريوگ وركضت هبة تستعجل المساعدات احس طعم الدم بحلگي گد ماعضيت شفتي

دخلت المساعدة كالت رئال تكومين تتريكين ويانه

وخرت الديباج باوعت لعيوني دنكت ضايجة مسحت خدودي وهمست لا بس اغيد حبايه مهدأ غاسي ديوجعني

- ميخالف اكلي عمتي رحمه دزتني

- هيذام لو عمتي؟؟

- لاوالله الضابط  طلع مبينه اعصابه منهارة محد يعرف شبي واصلاً مايدري انتي هنا وحتى من راد يگعد بالحديقة بسرعة امه مانعته كالتله راح لابنك   كام يبجي خاف من صوتك

- وهبه لحگته مو ؟؟

- ها لا بس من شاله راد ياخذه ويا حتى يسكت مرت اللواء كالتله اخذ امه وياكم  هذا بعده مريض اخاف يتخربط بالطريق

-وهو ماصدگ

-لاوالله رفض وصاح وخري عن طريقي لااللبسج بأمه  بس درع رجع يبجي تالي رد گال لهبة جهزي نفسج بين مااخذه فرة واجيج دخلت تركض

-يكللها جهزي نفسج ومن جنت اگله طلعني وياك مايقبل يگول على ساعة يغتالوني مايگول مستعغ منج مااغيد احد يشوفج وياي

-على شنو حارگه دمج انتي لو شايفة وجهه اشلون حجاها وطلع جان حمدتي ربج ماطلبها منج دخيل الله تكول راح يقبض روحها مو يطلعها لان حس بلعبتهن ويله گومي فدوة عندي شغل هسه مرت اللواء تسويلنه هوسه

اشرت اي

طلعت  اتجيب الاكل نزلت دموعي وضحكت على نفسي

لليل واني مكاني ماتحركت حاقدة على ضعفي اكثر من وضعي گدما النار احسها مشتعلة صرت احسب بالدقايق اشوكت يخلص الاسبوع وارد للحجز

…لامة رجليه لحضني هدوء الكل نايم عيني على كتابي اشكد لامست گلبي  قصص بس ماوجعتني  گد عيشرته  

حسيت نفسي اختنگت خليت ايدي على كلبي فركته حسيته زادت اكثر شلت الكتاب خليته على صفحة وكمت  فتحت الباب دااطلع واسمع نبرة خشونة صوته دخل المطبخ  تگول يهدد مو يخابر  رديت الباب كارهه حتى شوفته مو سماع صوته

ردت ارجع واستوقفني كلامه على متهمة يريد يحول قضيتها ويعلمه اشلون ياخذ  اقولها

وگفت اسمع الطرق الي يعلمه بيهن عقلي اتبنج من بشاعتها مر شريط الزنزانة والمرة الجانت يمي اشلون تجي تنزف من كل كتر حتى اضافيرها قالعيهن

احس اديه ثلجت وجسمي بعد ماسيطر على رجفته بدون شعور فتحت الباب صار كدامي بطرگ البنطلون شافني عگد حاجبه فصل الفون  اشر شكو هنا

همست من تغجعني انت الغاح اتحقق وياي لو تسلم قضيتي لواحد ثاني

- شدخلج بهاي الغرفة

- غاح تسلم قضيتي لغيغ واحد مو

- ليش بس لاخايفة

- هيذام اخذت حقك مني كافي

- ليش ترجفين

نزلت دموعي -اني غاح اعتغف على كلشي تغيده  بس لاتخليهم يأذوني

دنگ حك خشمه باوعتله بتوسل منتظرة اسمع منه يكول اني احقق وياج ماراح اسلمها

دخلت هبه بسيت النوم كالتله شنو ماراح تصعد 

-شنوو يابة

-دااگلك تأخر الوقت واني نعست شوكت تجي

- روحي بس اكمل جكارتي والحگج

- شنو تكمل جكارتك

كالتها واجت جرته من ايده بدلع درت وجهي بسرعة ردت ارجع مااريد اشوفه من گد الحركة ماانتبهت الكرسي گدامي عثرت بي ردت الزم الميز ماسيطرت وگعت اجت حاشية الكرسي بطني حسيت شي طگ بداخلي كعدت بمكانه صحت اخ يمه وعصرت نفسي

دفع هبة واجه يركض دنگ عليه لزمني راد يرفعني لزمت ايده وصرخت تركني ولزم وجهي وصاح لاتگطعييين النفسس

عصرت ايده وغمضت

-وين تأذيتي شنو اليوجعج  احجييي

دنكت احس شي نزل بملابسي لميت روحي بخجل رفعت راسي بسرعة همست بتوسل لاتباوعلي هيذام

-شنووو اليوجعج احجي اصيحلج عمتي لو اخذج للمستشفى

- ديغ وجهك حباب

خله ايده على ضهري ديشيلني وانتبه للدم اتصنم مكانه فتح عيونه على كبرهن وباوعلي بخوف اول مرة اشوف هيج نظرة بعيونة

صرخت هبة هيذاام هاي دتنزف

دار وجهه الها حجه گوة يعني شنو اسويلها

- عززه وخرررر عنها راح تموت

- شنووو اتموووت لج صيحي لعمتي بسرررعة

-عوف عمتي الحگ اخذها للمستشفى

اتلفت وكام ركض سحب البردة  طگها هيه وسكتها

اباوع الگاع انملت شلت ايدي كلها دم مااعرف شنو صعد بعيوني اجه يركض دنگ لفني بالبردة خله راسي على صدره وشالني حسيت روحي انسحبت غمضت ماحسيت غير ركضته بيه وصوت صراخته عالحرس رج البيت رج ؛ رحت بغير عالم

فتحت عيون غواش راسي يفتر ايدي ينغزني اسمع صوت ضي صاحت هيذاام  صحت

درت وجهي لكيته واكف متجتف منتجي عالحايط بعده بلاقميص يباوعلي بقلق واضح التعب عليه 

عصرت ايدي ضي باوعتلها ضحكت وهمست الحمدالله عالسلامة ياام درر

صفنت بوجها ورجعت باوعت لهيذام اخذ نفس مسح وجهه  وطلع

اجت رحمة دنكت باست راسي كالت الحمد الله على سلامتج يعمة ولو زعلانة لان ضامة عليه

- شنو ضامة دتحجون

ضي - خلفة ابن النظام مع العلم جنت ناوية اسميها ضي بس اقتنعت بالاسم من شفته ابتسم وهمس بي

عمتي - عوفي الاسم وروحي لهيذام كليله احنا يمها خلي يرد للبيت سودة عليه غير انهبط هبطة والله من گالي راسي دخن يعمة گلت شكل عنده سكر

- شبي انخبص وداعت بابا على ركضته وصوت صرخته كلت  ميته بيده هاي

- كلبه ملجوم من سحر وانوب هو نو يسوي طفل وخاف من عمرها  ذاك الاسبوع يسألني اذا صار عدها خو ماعليها 

- حيل يله خلي اشوف اشلون راح يحقق وياها

- اهووو انتي سالفتج مطولة اكوم اني اروح

كامت طلعت وضي لزمت ايدي فرحانة اشرتلها شبيج

ضي - كل هذا وتسألين شكو ولج راح يصير عدنا نونو صغير خاص بينه نلعب بي

- تغه ماصاغ شهغ ياطفل هذا

- من تزوجتي شكد صارلج من ناضفة منها

- اسبوعين وشوية

- ميلام دسار من كال هم لدغه وهم ثولة بس يله المهم راح تقلبين البيت بهذا الخبر اووف الفضول فول يمي اشوكت نرجع ونشوف وجوهم من يسمعون بالحمل

-يعني اني حامل هسه

- هاي انتي بجهة مامصدگة وهو بجهة صافن كل شويه واخذ نفس يحمد ربه شبيكم شنو اول العالم انتم تخلفون

يخليت ايدي على بطني اتلمستها؛ بلحظه شعوري كله تغير صار محصور بداخلي حلم انولد من جديد بعد ماتلاشت كل احلامي

ضحكت ضي وكالت خلي اكوم اكله يدز الولد حتى يجيبولج ملابس

كامت طلعت  غمضت نزلت دموعي بفرح- غزوان  اني الراح يصير عندي طفل قبلك يعني اني الراح اسمي على اسمك

دخلت ضي كالبه خلقتها مسحت دموعي اجت كعدت يمي لزمت ايدي همست شكو لاتكولين ماكو حمل استوني داحلم

- كلهم وسخين ماكو بشر نظيف بيهم قاطبتنا

-شكو

-الكلبه عمتج تكول لهيذام لاتكول رئال حامل اتخاف على مشاعر بت اخوها وتگله هسه عوفها لاترجعها للمركز حالتها تعبانة عوزها مدار هواي خليني اخذها للمزرعة لحد ماتولد  اني اخذ الطفل وانت اخذها كمل القضية

- وهيذام شنو كال

- مارد اصلاً دار وجهه وراح للغرفه الدكتور تكول يطلبه طلابة ليش وجهج اصفر مارد لونه لسه

- والله لواعغف اموته بطني ومااخلي احد ياخذه مني

-لخاطر هيذام يعلگ روحج ويا واشش اسمع عمتي اجت خلي اشوف وين تريد توصل

سكتت فجأه تحول شعوري من فرح لخوف وتفكيري من هيذام لحمايتي لابني مو تكول ثواني  من عرفت الخبر تكول صارله عمر بداخلي ومنتظرة جيته

يومين بالمستشفى صح هيذام ملازمني ماتركني ولالحظة بس ماحجة وياي اي كلمة حتى الغرفة مايدخلها اذا ما يتأكد نمت اشگد مايريد يخفف ضربة بسطاله حتى لااگعد اعرف هالمرة جرحه جبير فوگ الغدر كل ضنه بعدني احب محمود بس بنفس الوقت مااعرف شنو الي خاله لحد الان ساكت عني

يوگف يمي بالساعات احس بلمساته على وجهي يوخر شعري ياخذله فترة يباوعلي يدنگ ياخذ نفس طويل مني بس يحس اتحرك يبوسني عالكيف يغطيني ويطلع

شعوري مخربط بين احس بحبه وحنيته عليه بين رافضة تصرفاته وبعده عني

كاعدة لامه رجليه عيني بعمتي تصلي دخلت ضي بيدها الفون وخشونه صوت هيذام طالعة من السماعة وهو يوصيها مااتحرك وتاخذني للسيارة بالكرسي المتحرك وضي ترد حاضر اخر شي صاحت تره افتهمت هيذام

- ومرررض صوتج لج

- شكرا

- عينج بيها وتاخذيها گبل على الغرفة وتخليج يمها لحد ماارد

-وانت وين رحت لازم ماخذ المصفحة تونسها

- هو اكو تصفح بالموضوع من اوصل اشوفلجيا اشلون يصير ولي يله واني ماتأخر اكمل شغلي واجي

- تمام بعد اوامر

- هههه اندعي ماتطلع لدغة

ضحكت وسدت الفون كالت عمتي هاا لعد وين راح

ضي - اجته خبارية طلع حسباله يكدر يكملها ويرد طلعت شغلة جبيرة عالحدود هاي اتصل  كال خلي عمتي ترد ويه الحرس وانتي اخذي رئال فريها شوية حتى ترتاح

- ولج البت بعدها ماتوقف كلش النزف ميصير تتحرك

- مااتعبها نظل بالسيارة ناكل لفات ونشرب عصير ونجي ويانه الحرس لاتخافون مااشردها

- والله لو موتشردها يهيذام يطلعج انتي وياها من جوة الكاع ويعلگجن من شعرجن

- عود ميخالف خلي بالبداية نجوي كلبه وانخلي يطفر المهتلف بول تيري وسهل الباقي

- اووف كون يلكفج وانتي تحجين

- احلف مو اني رئال طلعت هذا اللقب عليه

- هيه رئال غير ضال بيها اتجر النفس انوب توكع بيد هيذام ديله يمه اخذيها للحمام  غيري ملابسها خلي المن الباقيات حتى نطلع قبل لاتصير ليل

- اني اتأخر بين مااسبحها روحي انتي لاتنتظرينا وحضريلنا اكل زين هناك تره مانتعشه نعتمد عليج

اشرت اي اجت ضي سندتني اخذتني للحمام دخلنا سبحتني عالسريع ادري بيها جذبت وراح تتعاقب بس حبها الي خلاها تتحمل كلشي حتى طلعني من هاي حالتي

لبستني طلعنه لكينه عمتي صدگ طالعة  مشطت شعري دنكت لبستني حذائي  وكالت يله ابتسمت ضربتني ولزمت ايدي طلعنا الحرس محضرين السيارة صعدنا كالت هسه وين نروح اول

- للشاغع العام بلكي اغتاح شوية

- رئال والله مابيج بجيه بعد

- ماابجي بس اكللهم على حملي بلكي يحسون بالداحس بي 

- اتبشريهم لو تشكيلهم من هيذام

- كلبي مختنگ

اشرت اي انطت العنوان للسايق اخذنا وصلنا لمكانه هوسة السيارت والجهال تركض بالبداية  ماقبلت ننزل من شافتني اصريت نزلت

وكفت اباوع لمكانه فارغ ابتسمت هنا جانت تگعد  تأشرلي عدلي اللثام

درت وجهي منا جان يجي غزوان بيده الكتاب يكلب بي يباوعلي ويضحك رجعت عيوني على مكان بطالتنا احسبهن اشكد ضل منهن

نزلت دموعي احس روحي داودع شكو ذكرى الي تكول گلبي حاسني هاي اخر مرة اجي مثل ماراح  ينمحي شكو شي مريت بي من ذاكرتي

رن هيذام فصلته بسرعة ضي  وكالت يله يمكن عرف رجعنا صعدنا بالسيارة اتحرك بينا واني عيوني بعدها عالطريق احسهم موجودين بعدهم  ويشوفوني اتمنيت اركض انضم بحضنه وكله احميني اني وابني منهم

الدنيا ظلمت الطريق طويل وهيذام كل شوية يتصل خلصنا الشارع العام دخلنا عالترابي رجع اتصل ردت ضي  نعم. واجاها نبرة صوته خلاها بسرعة تعدل كعدتها همست ها هيذام

- موو سهلة توصلييين لولااا ويصيررر خير

- والله هاي وياي قضيتك لاتخاف عليها  كلشي مابيها

- ومنوو سائل عنهااااا ويازمااال كاللجن اطلعن

- شفت ابنك بحالة نفسيه كلت افره شوية وهياتنا راح نوصل دخلنا الشارع المگطوع 

- حظج وحظ ابني ويااج درجعي واعلمج اشلون تتصرفين من راسج يله ولييي

كالها وسد الجهاز بوجها باوعتلها ضحكت

- على شنو تضحكين

ضي - على الراجديات الراح انحصلهن راجديات ومن هيذام وحسبي انتي بعد

- لاتخافين هسه يدخل لغغفة  المصفحة  وينسانه

- دوصلي خلي ياخذ المقسوم من هاي الخدود  المنفوخ  ويعدل اللدغة وسهلة شغلت المصفحة 

عبست وجهي غمتني ودارت وجهه للجام  ابتسمت

مرات ربي يرزقك بشخص گد مواقفه وياك  تحس روحك ماتكدر بدونه يوم  وفجأه تلكي روحك غريب عنه ماتذكر حتى اسمه …

دانتجي وكمزني  السايق هو ويصيح نزلن جوووه الكشششن بسررعة

درت وجهي واشوف سيارات مضللة تتسابق ويه سياراتنا

اتصلت ضي بسرعة اجه صوت هيذام مبين ديورث جكارته من صوت الجداحة اخذ نفس وكال امري ست ضي

- الحكنااا اكو سيارات سود دتتسابق وياناااا

- شنوو سياررااات وين انتتتم

- مااعرف هيذام مضللة واحنا بالشارع المقطوع دنرجع ماكو عالم

- كلت لاتقندرررون وحدكم كلت لاتولووون لج انطيني حمزززه وسحبي رأل جوه الكشننن

انطت الفون لحمزه وجرتني نمنه جوه الكشن واسمع صوته رج السيارة رج وهو يصيح اطلع عالترابي بيهننن راح اتلكاك مناااك

حمزه - سيدي الحماية محاصريني

- انطيهم اشارة خلي يشغلوهم واطلع من بينهم جايييك  اطلعلي على الجهه الثانييية

- حاضر سيدي

- حمزه اذا صار برأل شي لاتردون

مارد انغلق الفون مد ايده من الجام اشرلهم  اباوع لايده ترجف

دار السيارة للجهه الثانية داس بانزين يمشي  بكل سرعته دخلنا الشارع الترابي ومانحس غير ضربة بنهاية السيارة من قوتها اجت تنكلب بيه كوه سيطر

كلها لحظات حمزه دنگ سحب سلاحه ؛  ملثمين يتراكضون ؛ البيبان  تنفتح  واحد سحبني وخله سلاح براسي  

عيوني على ضي الي لامه روحها تباوعلي بخوف بعدني حتى ماصارخة واجتني الضربة بنهاية راسي فقدت عن الوعي مثل مافقدت كل حلم وحداث مريت بي بحيلتي

فتحت عيوني الشمس بوجهي الهوا حار  وصوت حيوانات قريبة

اباوع بيت قديم شوية عني مرة جبيرة تعجن وعلى جهة شايب كلش مدنگ يطحن بطاحونة من حجر

شي بارد على گصتي اتلمست قطعة قماش مبللة وخرتها ردت اكوم حسيت ركبتي شانطه رجعت مكاني عيوني تتجول بالمكان اريد اذكر اني منو

وشنو هذا المكان

احس راسي خالي مابي اي حدث ؛ انتبهتلي المرة ضحكت وكالت ابو شمسس صحت شموسه

صفنت كأنما اول مرة اسمع اسمي واشوف اهلي…

لاتنسون التصويت ❤️

شيء من رصيف الدم

بقلمي- leo Alfatlawi

بارت التاسع والعشرون

***راية***

هيه  تحجي وهو واكف مامصدگ

غيمة گوة كاتمة فرحتها تباوع لگمرية الي ضحكتها ملت وجها عكس هيام باهته عيونها على ذباح

انتجت بيبي ورفعت حاجبها اشرتله ها

ذباح - شني هاااا لايمة دخيلج

- حلفت يبن البدوية

- انه ادفع الكفارة وعلي البت مناطرتني وهاي وصية غزوان لاتجسرين ظهري مروتج

- وانه ماخليت يمين اذا ماجنت ناويتها  اخذ اخيته وحلل راية

- كضيت شاربي وعطيت جلمة لامها

- والبنوات ماهن بضاعة واگلك خذ هاي وحلل هاي گوم ذباح اطلع من هون انسى البت

- شني هو الي انسى ومن اجابله  شني اگله مانه گد جلمتي يخوي ضيعت اخياتك درت وجهي عنهن وهنه ينخني

- كلت العندي وخليت يمين

دار وجهه باوعلنا يسحب النفس بصعوبة الصدمة واضحه على وجهه ورد يباوعلها باهت مايعرف شيرد صار هدوء مرت دقايق وشمرته بسبحتها اشرتله اطلع

-عطيني رضاتج بس احدر للبت اخلصها ومن ارد الج جلمة يمي احللهن اثنينهن من ذمتي

- اطلع ذباح

- هذاااا رفيجي

- صهيييب كوم طلعه من هون

- يمه

- شگلت انه جني خرفت وبعد مالي جلمة يم حزام ظهري

- يخس اليگول هيج جلمتج تتنفذ على ارگابنا بس هذا مانه موت هاي جسران ظهر وعلي

- خلك هون انه الطالعة

رادت تكوم ركض لزمها دنگ باس راسها دفعته وصاحت غررب لك

كام رجع ليورا وگف  يباوعلها بحيرة

- حدر يجده صگر اسندني لبيت هلي جني ماعرفت اربي

صهيب- گولي يالله ام صهيب

-اكولها من اعرف وراي ازلام اگف اتباهه چدام العالم بصيتهم موش جهال ترچفهم جلمة المحنة وانت يجده صگر حدررر لهون اسندي لبيت هلي واريد واحد يعر لصوبي لخاطر اترس فجه بارررود

ذباح - خليج بمجانك ؛ غيمة يبه انتي طالگ

كالها واندار بغضب  شال سلاحه وطلع ؛كاموا صهيب وصگر لحكوا بسرعة

گعدت  هيام مكانها لزمت راسها صافنة وغيمة لطمت على وجها وركضت نامت  على رجلين بيبي صاحت لادخيلج جدة  ماعندي احد وين اروح اني راضية والله اصيرلكم خدامة بس خلي يردني ابوس رجلج

بيبي- وانه حرمة حاجة بيت الله ورجلية خاطة بالگبر ماظل عمر  لخاطر اخلي ذنب برگبتي

- اتظلميني من تخليني هيج مذلولة بدون اهل الكل  ينهش بلحمي

- يخسى اليگرب صوبج وانتي بين هلج هذا بيتج وذولة اخوتج والج حگ هون گد احگوگهم واكثر تبگين على روسنا لحد مايجي اليگدرج ويصونج بيت من مگامج

- مااريد راضية هيج اني قابلة اضل بدون زواج بس يخليني باسمه ابوس ايدج كليله خلي يردني واني وروح ابوي ماافتح حلگي واطلب كلشي

-  هو لو رايد يخليج بأسمه ماحللج من ذمته

- لاانتي ضغطتي عليه بس احجي ويا هو يسمع كلامج جدة اصيرلج خدامة حتى للحلال اطلع بروح اعزازج لا تكسريني اكثر مااني مكسورة ومذلولة

ماردت عليها جرت ايدها رادت تبوسها سحبتها حيل ودارت وجها لفجر كالتلها گمي اخذي حرمة اخيج وديها لداره الجبيرة

كامت فجر اجت رجعت ليوره اشرت وين

-كومي يمة وياي

- شنو وياج منو گاللكم اني راضية تره ماتگدرون تغصبوني

بيبي - من ازت ولدي للموت واعرف مانه راد اغصبج من اعرف راح يروح تعب ارباي ومايضل اله اسم بين ديرته اغصبج ان جان ولدي صاحب نخوة ومايرد بجلمة انه ام  واريد حگي منه

- شنو يعني؟؟

-تردين ترد اخيتج تصيرله حرمة وتعوضيني مجانه

- شدتحجين انتي

- هذا العندي وماجسرت كلب هيام وهيه اعز وحدة بنواتي لو ماجنت حاسبة يجيني عوض يگر عينها وعيني بي هنه جلمتين ماكو ثالثهن للفجر ضل ساعتين تردين اخيتج ترد تصيريله حرمة رافضة خلي ياخذ هيام و يطلع للبر يسعى وره حلانا الي تاركي لخاطرج وكتها اكون معذورة من اي عتب

همست بكسره والله حرام عليج

- عليش حرام يجدة شعاملة عطيت ابني للموت اريد عوض مجانة شطالبة انه

غيمه - اني اجيبلج طفل بس خلي يردتي

- وهو اختار راية

- شنو رايه ليش بشنو تختلف موهاي مرت صاحبه الكاتل روحه عليه لو دفن مناا خله عينه على مرته مناا

- انكتميي وفارجيني يله الغسل لهيج لسان باذر مايطلع منه بس الجلمة العوجة وانتيي فجررر اخذيهاا يله

جرتني فجر ردت ادفعها اشرت اشش وحركت عيونها على امها سحبتني طلعنا بره وخرت ايدها كلتلها مااروح واختي الها الله مايقصر ربي عشى منه

- اشش يمه صوتج شمالج كل عقلج ذباح يعملها هسه لو تذبحي مايتنوعلج مانه يگربلج

- ماسمعتي انتي شنو رايدة

- اي وحگها هذا ولدها بس انتم هم حگم واخيتج الراح تروح بيها  لهيج شغلي عكلج هم ردي اخيتج وهم ماتجسرين جلمة ذباح العطاها لخويه

- لااشغل عقلي ولا اتوسل بيكم كافي مذلة رايحة لذباح اذا كال مااروح وراها اطلع لبغداد اروح لاهل زوجها مهما يكون هاي مرت ابنهم راح يساعدوها

-ماتلحچين يگلج كلها كم ساعة واختج ياخذوها غير مجان هاي اذا ماجتلوها

- اسم الله على كلبها

- جا شني بفكرج  ولاحسبالج تموت وترتاحين راح يضل الندم ينهش بروحج طول ماانتي عايشة لهيج ييمه سمعي مني تراجن بمعزت روحي صرتن وغزوان اعز منجن عندي بيدي وليدي دفتنه وهو عيونه  عليج  مايعطيني گلبي اخلي يغمضها بكسرة وراج بس  امانه يضل بينه الحجي لان امي غالية عليه ومااگدر على زعلها

- شنو اسوي دخيلج بسرعة اخيتي راح تروح

- تجين وياي لغرفة ذباح  وتخشين جدام الكل وانتي راضية وانه اروح احجي ويا يعمل نفس الشي من تقفلون الباب كلمن يكضه مجين حالكم حال الاخوة من يطر الفجر ودزني لخاطر اسألكم اكلها كلشي تم تاترضه وتخلي يلحگ اخيتج

سكتت

- لاتصفنين استعجلي لخاطر ارد لهيام ابرد گليبها   سوده عليه ماهي گليلة جسرتها

اشرت اي مسحت عيوني رحت وياها فتحت غرفة دخلتني بيها وسدت الباب راحت  تركض

وكفت اباوع غرفة اخشاب كاملة صح قديمة كلش  بس مرتبة كنتور خمس بوب ومن جهه الثانية ميز مراية مفطورة بصفها تعلاگة ملابس معلكة عليها كم شغلة لذباح

جرباية عليها فرشه ام الطاوس اسمع برة صوت غيمة تبجي وتلطم عفتها ورحت كعدت عالجرباية عيني بالباب  صافنه بالوكت شضاملي بعد وين ناويي يوصلني

مر وقت وعيني بالساعة التمشي وذباح ماكو

احس القلق مشنج كل جزء بيه  حتى البيت صار عرفتهم ناموا

مسحت وجهي بعد مااگدر اگعد اكثر گمت مديت ايدي داافتح الباب ولميتها  مااعرف خايفة اشوف ذباح بوجهي  لو خجلانة لاشوف هيام

غمضت انداريت انتجيت عالباب وگعدت خليت ايدي على صدري لزمت المدالية همست وينج تركتي الحمل على ظهري ورحتي تعالي گليلي شسوي انهزم اروح لاختي ادورها  لو الحگج للمركز أكلهم اني الكتلت لو اروح لگبر غزوان احضنه وانهي روحي يمه

ولج يمة تعالي ليه لاتخليني بهالحيرة وحدي والله خلص حيلي بعدهم بعد مااگدر احمل اكثر

لميت رجليه لحضني خليت راسي عليهن اكثر من نص ساعة واني صافنة بس دموعي تنزل بدون صوت حسيت يدة الباب اتحركت گمت وخرت دخل ذباح باوعلي مسحت موعي بسرعة همست راح تروح مو

مارد اندار سد الباب

- ذباح دااحجي وياك 

-شتحجين وين انگلع تعرفين امي شمناطرره تكض يالله تخليني اطلع

-عمتي راح تحلها

-يبه تراها البدوية هاي ماهي جاهلة ولا غشيمة لخاطر تضحكن عليها بشغلة ماتخش راس طفل

- يعني شنو راح تعوف رؤيااا

شمر سلاحه وگعد على طابوريه لازم راسه محتار

كعدت يم رجليه لزمته همست بترجي ماعدنا غيرك مو تكول انتن اخياتي ذباح رؤيا منتظرتك لاتتخلى عنها 

رفع راسه عيونه دم باوعلي بعجز

- ماضل عندي عدي غيرها كلهم راحوا اخر امل ضل عايشة علموده

- حالي حال المجتف ويصارع الموج يتنوع لجرف بترچي

- اموت وراها والله

- الموت اهون من غدره

- وهو مادخلك بيتنا وامنه يمك لوماثاق بيك معتبرنا خواتك

- شعمل رايه وعلي همجن جسر ظهري

- كللها معذورة واني احلف مكانك واحمل اثم الحلفان والله ربي راح يسامحنا ادري

سكتت

نزلت دموعي باوعتله  بتوسل مسح وجهه دنگ مغمض بحيرة  شهكت فتح عيونه اخذ نفس خله ايده على راسي وهمس  بسج بجي يبه   انه احلها

- راح ترجعلي رؤيا

- اليوم هيه بحضنج

- الله عليك ذباح لاتجذب عليه وتحرگ كلبي

- افاا انه احرگ كلبج وعلي احرگ الديرة بكبرها بجلمة منج يحرمة غزوان

- كوم لعد روحلها

- گبل لااكوم اكو كلام لازم تسمعي

هزيت راسي شنو

- بس گبل كلشي خلي براسج غير نظرة الاب لبنته ماراح اتنوعلج وغير حرمة لاخويي مااحسبج سمعت اسمج وعرفتج گبل لاشوفج كد ماجان يسولفلي عنج تعرفين شني بعني

- لا

- يعني اعتبرني موش اخو لا روحه ويفضفض وياها امني على عرضه وشكالي من تعبه هو واثق ماراح يجي يوم واغدر بي

- ماراح تغدره

- جدامج وداخل هالغرفة بس

- يعني شنو

- بعد طلعتي من هاي الغرفة جثير اشياء راح تتغير اولها اسمج راح يكون جدام الكل مرتبط بأسمي تعرفين شني معناتها

- هئ

- كل دمعة وضحكة راح تكون رجعتلي اي تصرف وكلام ينحسب عليه

- والله راح اصون اسمك واسمع كلامك واكونلك اخت تفتخر بيها

- وانه واثق بيج بس اسم غزوان بعد ماينذكر بره مااكلج انسي لااا ذكري بكل لحظة وعيشي ويا وكل ماضاگ كلبج وفكدتي گليلي اخذج لكبره بس كلشي تعملي يكون بداخلج  لاتجسريني جدام هلي

- اي والله

- الخوة بداخل الغرفة نعبر الباب تتغير المعاملة وانه وداعت امي ان جان جدامهم او هون غير اخيتي الصغيرة مااعتبرج

- وروح غزوان ماراح اخليك تندم ابد شنو تريد اسوي بس رجعها الي

هز راسه وكام دخل للحمام دقايق وطلع مطبگ ردانه وعاصر ايده بخاولي وصل يم الجرباية وخر الخاولي سحب الفرشه مسح الدم  ورجعها

اندارلي كال صرخي

-شنو

-صرخي يبا  شبيج ثوليتي

- وليش اصرخ

- رايه ماضل وگت لاتنعلين ابوي بغبائج

سكتت صافنة عليه مامفتهمة شيريد بالضبط

هز راسه واجه رجعت ليورا

همست بس اهدأ لاتصير عصبي وكلي اصرخ حيل لو قليل لو اشلون

- اي شي بس طلعي صوتج رحمة لديننج

- يعني اصيح يبوو لو انخي احد

باوعلي بقلة صبر احسه گوة متحمل واكف

-اشبيك معصب

-انه اكلج

كالها وماحس غير الراجدي اجاني من قوته هيه صرخة وهي شمر اجيت ترس عالجربايه لزمت وجهي وشهكت

مسح وجهه استغفر واجاني رجعت ليورا بسرعة  لزمني وهمس اتأذيتي يبا

- تضربني وتكووول تأذيتي

- شعمل خلص الوقت وانتي الغباء يمج بلادي من المصنع  لراسج گبل

- ليش ضربتني

- لخاطر هالصوت الجنه صوت فارة جاتلها الجوع

وخرت ايده ضحك مسح راسي - تهون يحرمة غزوان تكبرين وتنسيها ان شاء الله

راح للكنتور طلع ملابس رجع للحمام سد الباب ثواني واسمع المي مسحت دموعي اباوع الفرشة كلها مدمرة والمنشفة هم مشموره بالگاع

مسحت خدي ودنيت على جهه گعدت لميت رجليه دقايق وطلع بطرگ البنطلون ينشف بشعره اباوعله شگله يخوف جسمه متروس ندبات وامتونه مبينات مال شغل وحمل اوزان جبيرة من غير صدرة علامة ضربة سجينة ماخذة حيز جبير

رن فونه راح رفعه باوع بي فصله بسرعة لبس تيشيرته وكف  مشط بستعجال وربط حزام السلاح شال باكيت الجگاير وفونه راد يفتح الباب وبطل اندارلي كال خربطي شعرج  وعيشي اللحظة دخيل ربج لاتضلين هيج مصفطة

-يعني افتح ظفيرتي

- دخيل الحمزة راية فچي عقلج لاا افچه بچيلة

-والله فهمت

-اذا احد سألج ماتردين ابد والحجرة لاطلعها لحد ماارد سمعتي

اشرت اي فتح الباب وطلع اسمع بره صگر يركض  وصوت صهيب يستعجله يكلهم الربع طلعوا جدامكم وانه ساعة والحگكم  اتوكلوا عين الله ترعاكم

صوت سيارات وعمتي تندعي وراهم رفعت راسي للسما همست يارب ونزلت دموعي

حضنت رجلية استوني اندي وانفتحت الباب دخلت فجر رادت تحجي شافت دموعي والوضع سكتت مثل الي تأكدت من شي

سدت الباب واجت يمي دنكت باست راسي كالت يجعلها العوض وزواجت الدهر

هزيت راسي

-تگدرين تكومين لو اسندج للحمام

-هيام وين

-صهيب وصلها لاهلها

-سمعت صرختي مو

-لاتحملين هم احد كافيج الهم الحاملته يله كومي للحمام خلي اجيبلج هدمة نظيفة لخاطر تجين يمنا بين مانصلي صلاة الصبح يحطون الزاد

اخذت نفس وكمت رحت للحمام دخلت سديت الباب وراي شمرت ملابسي سبحت عالسريع بدون فكر كل تفكيري ولهجت لساني يارب ردلي اخيتي سالمة

جابتلي ملابس  لبستهن وطلعت لكيتها شايلة الفرشة والمنشفة خالتهن بعلاگة  شافتني سحبت منشفة لخ  واجت لفت شعري وكالت الحجيه مناطرتج

اني هم ماعاندت نسيت حتى كلام ذباح مشيت وياها للغرفة لكيتهن كلهن گاعدات الي تصلي والي تلم الفراش بس غيمة على گعدتها بعدها تبحي دخلت داسلم وسكتت على صرختها ولطمتها على وجها لزمتها گمرية حضنتها تسكت بيها

درت وجهي عنها رحت يم الحجية كاعدة عالسجاده دنكت بست راسها  وكفت مااعرف شنو احجي شالت راسها باوعتلي لزمتني الرجفة خفت تسألني واخربط بالحجي وادري بذباح راح يجرب اسمه بيه بس تنكشف جذبة 

ابتسمت واشرتلي كعدي

گعدت يمها شالت ايدها خلتها على راسي- عليش  ترجفين يجدة

-هاا مو شسمه

-تهون وتعگب يجده لاتشيلين بكلبج عليه وعلي لومااحبج وتنوع بيج حنية الدنيا وصبرها ماجبرتج وراح يجي يوم وتذكريني وتترحميلي عبنج نظيفة وتستاهلين تكونين بحماية واحد مثله

- مارايده شي بس كون يرجعلي اختي

- ترد يجدة ترد وتنام بحضنج وتشكيلج وتذب همها عليج وترد لزلمتها

- ميخالف والله قابلة اضل عمري كله وحدي اباوعلهن من بعيد اهم شي يكونن سعيدات وعايشات براحة

- لهيج الدنيا فرتج وجابتج گرب ابن البدوية ربي يكر عينج بيهن ويعوضج بعوضه ويسترج بستر زينب

- اندعي كون مايرجعلي والله تعبت

- كومي صلي صلاة الفجر وبعدها صلاة الشكر وانوب صلاة طلب حاجة

كمت بسرعة فرشت السجادة وسويت مثل ماكالتلي خلصت سجدت بست الكاع وكمت لفيت السجادة  كعدت يم عمتي فجر  گالت- اتقبل الله يعمة

- منا ومنكم بس يرجع ذباح نروح اني وياج لهيام

- اشكد حجيت وياها بس فتت كلبي خليها ترتاح كم يوم يم اهلها

- حقها اني لومكانها وشايفة غزوان داخل كدامي جان موته بيدي

دنگت

- جذب والله راضية حتى من جنت اكله كون تموت ولااشوفك متزوج جنت اجذب ردت احسسه اشكد اني احبه مو قصدي ادعي عليه 

دمعت عيونها

-بس هو استعجل بالموت موو

سبحتني لحضنها شهكت عصرت راسي وبجت على بجيتي ماصدگت الگه حضن اذب حملي بي بجيت شكو الم جنت كاتمته بروحي وخانكني لحد ماكالت بيبي بسج يجده ترا جايج تعذبي بگبره مسحي دموعج ورفعي اديج بالدعاء يرد اخيتج ويعوضج بزلمتج 

وخرت مسحت دموعي دنگت وعمتي انتجت مغمضة ايد لازمه سبحتها وايد تندعي

الوقت يركض وماكو اي خبر بس  غيمة تكوم وتكعد تتوسل بأم صهيب  ذلت روحها ذل حتى نسوان صهيب متعجبات ماخلت لاايد ولارجل لبيبي ماباستها  ماتركتها لمن  اخذت منها كلمة من يرد ذباح يرجعها لذمته

خلص النهار صار الليل واحنا على گعدتنا من گد القلق حتى شعري مامنتبهتله لحد ما مرت صهيب الصغيرة مشطتلي 

لامه رجليه گاعدة وسهى مرت صهيب الجبيرة مكابلتنا صافنة اعرفها  خايفة على ابنها من غير  عمتي فجر متمددة ضغطها صعد عگس گمرية  الدنيا ماسايعتها تباوع بالفون وتبسبس ويه غيمة بالخنسة

استغفرت ودرت وجهي سبحان الجمعهن احسه وراهن مصيبة بس ربي يسترنه منها

دخل صهيب طفرت سهى اتلكته باس راسها واجه دنگ باس راس بيبي كالتله بشر ييمه

- رادين بالطريج

- خير ان شاء الله وام رايه شني اخبارها

- الحمدالله اذا موش هالاسبوع تطلع الاسبوع البعده

- يالله هيج وتكف مصايب ذباح ويركد

- هههه وعلي لايكن ولايركد تخلص يضل يفتر اذا ماحصل احد يتكاون ويا  يكض ازلمة بالطريج ويطگه باطل بس لخاطر يرد بطلابة تشغله

- اهاا وترا ابنك هم طالع نفس الطگة

- والله يحجيه ابني ماجان هيج هذا ابنج السودنه وابشرج صار نسخته يشري المشاكل بفلوس

- ربي يحفظهم كوم يمه اتسبح لخاطر يزهبون العشه

- خلي يرد ذباح وناكل سوه

دنگ باس ايدها وكام كعد عالقنفة اباوع لكمر بسرعة عدلت حجابها وكعدت عاقلة حتى الفون قفلنه وضمنا جوة المخدة

اقل الساعة واسمع صوت ذباح صاح يالله كمزت طلعنا اني وسهى نركض لكيناهم دخلين اثنينهن التعب مبين عليهم  هيه راحت تركض حضنت ابنها  واني وكفت بوجه ذباح عيوني تتنقل ادورها باوعتله اشرت وينها

-طفرت بت ال…

-شنو طفرت؟؟

-جنها زيبك جيش ازلام ماكدرولها فلتت مثل ماالله واحد

-يعني شنو هم راحت

-لاماراحت حصلها زلمتها وأمنها ماتركتها لحد ماضمنتها يمه واخذت منه جلمة بسلامتها

-صحى دسار ؟؟

- الحمد الله

-الله عليك ذباح ماتجذب عليه

-اشلون راح اهفها بدفرة افر فجها بعدي يبه فكيني خلي اخذ نفس شليتن روحي خرب بلشتجن

- شنو مداافتهم اشبيك عصبي يعني ليش ماجبتها

- هاي شلغث وياها لخاطر تفهم ياعلي يبه البت يم زلمتها كال يومين وانه اجيبها بيدي

-يعني شفتها زينة

- لاماتنوعتلها دفنها بمجان أمن لخاطر يحميها لان الوضع بعده مگلگل يله الحمدالله على سلامة اخيتج ان شاء الله تنذكر ماتنعاد سمعتي شني كلت

ابتسمت ونزلت دموعي -شكرا

- ماعملت شي يستوجب الشكر بس ركدي

- توبة والله الحمد الله على سلامتكم

- الله يسلمج البدويه وين

- بالغرفة صهيب يمها

- گربي لج

- شنو ذباح والله ماحجيت

- شمالج  طافره تراني مااكل بشر

- وترا خدي بعده يوجعنييي

جرني من گصيبتي لزمت خدودي بسرعة دنگ همس شني حجت عليه البدوية

- ماحجت بس كالت مايبطل مشاكل وصهيب كال طلع ابني مثله

- وبعد

- كالت بس يرجع اخلي يرد غيمه لذمته

- اي

-هاي هيه

-ماحجت شي منا منا

-لا

ترك شعري عدل سلاحة  وملابسه كوه كتمت ضحكتي هاي هوسته كلها تالي يخاف من امه

راح للغرفة سلم دخلت ورا صاحت بيبي بشررر ياسند الديرة

- الحمد الله فضت والبت بخير يحماية زلمتها

-بشارتك ياعلي كرت عينج يجدة

دمعت عيوني اجت فجر حضنته وبجت دنگ باس راسها ضحك وخرها ودخلت جوه دنگ باس راس امه كاللها رضاتج يالبدوية

- الله يرضه عليك ويهون طريجك ويجبر خاطرك  بولد يحمل اسمك

- امين يارب بس اندعيلي يالحبيبة 

- بكل فرض ارفع ايدي بهدايتك وبسند يجبر صبرك بي

باس ايدها وكام  سلم على صهيب راد يطلع صاح صهيب وين يخوي توه الناس

- وعلي  تعبان ويه طر الفجر لازم اعر للبر

- ميخالف اگعد اريده انخاك بشغله

- ابشري تاخذها من هالشارب يبا رايه روحي ندهيلي هيام

فجر-  ماهيه

عكد حاجبه  اندار لفجر خزرها اشر شنووو

- بس اهدأ ماراحت مجان غريب لاهلها  ابوها طرشلها خبر  رايد يشوفها اجه اخيها اخذها

-طلعت مغتاضة لو مسيرره

-كلتلك ابوها طرشلها

- فجرررر

صهيب - شبلاك يخوي اعصابك البت راحت تشوف اهلها مابيها شي

-واشلون تغرب بدون لاتعطيني خبرر 

- انه سمحتلها  باجر ان شاء الله من اطلع الصبح اجيبها بطريجي

-لا محد يوصلهاا  وهذا اخوها هينه شغلته ياخذها بدون شوري موو ؟ اذا مافجيت راسه بالنص مااطلع تربات البر 

-كول يالله

-يالله وكلت العندي واذا عرفت رايح ليها اتخارب ويااااك

-يبن البدوية بسك شررر

- خليتووا بيها ابن البدوية انتمم

-ذبااااح

مارد شال سلاحه وطلع تكول باردو صاحت بيبي الحگ اخيك ولك راح يهد على اهلها

طلع يركض ورا هو وابنه صاحت كمريه خربيتها ارتاحيتي هاي اخيي راح يطگ اخوتها ويطلگ حرمته

بيبي - انكتمي حسج ماهيسه

- يمه تره بس مشاكل وفكر هاي واذا ضلت حتى اخوي تريحه

-جن ترباتج انعوجت يبت البدو فجررر كضيها سحليها لجااااي  

-لايمه دخيلج والله ماقصدت

-لج فجرررر

كامت فجر وكمرية رجعت ليورا تتوسل ؛ دنكت عفتهن وطلعت صاحت وراي سهى مارديت واسمع صارت وراي هوسة الي يحاول يحمي گمرية ومأيدها والي يرزل بيها

وكفت محتارة وين اروح نعلت ابونا الخلانا ننجبر على هيج ذل ونسكت

صعدت اصواتهن وصوت ضربة ويه صرخت گمرية هيه وتصيح الله ياخذهاا بت اليهود

بدون تفكير دخلت  لغرفة ذباح  سديت الباب وراي  گعدت عالجرباية اشكد محتقرة وضعي؛  لزمت المدالية وخليت راسي على رجلية غمضت ساعتين واني على گعدتي لحد ماانفتحت الباب شلت راسي لبالي فجر اتفاجأت من لكيت ذباح داخل

اباوعله گد مامعصب عيونه صايرات حمر وجهه غاضب ذكرت رؤيا من تكول دروغو

سد الباب شمر سلاحه بدون لايحجي فتح  الكنتور طلع ملابس وراح للحمام دقايق وطلع غاسل ومغير ملابسة سحب الدوشگ شمره بالگاع بظهر الجرباية تمدد خله ايده على راسه وغمض كال كومي طفي الضوه

كمت طفيته رجعت اتلمس للجرباية ردت انام عدل  شفتها مااترهم رجلية يصيرن عليه حولت المخده تمددت  صار هدوء شوية واسمعه انگلب واتحسر همست  تعاركت ويه اخوتها

- عليش يبه اكو واحد كلج مسودن امشي وتكاون ويه العالم

- لابس شكلك معصب ودوم تصرخ

- كولي خبل وفضيها

- شبيك انت

- رايه كتمي نفسج خلي انطمر كم ساعة لخاطر انگلع للبر

- تره حقها والله اني لو بمكانها مو بس ازعل لا حتى ادخل وراك واكتلك

- شني لج

- يعني موقصدي اضربك كف لاا قصدي اموتك وشبيك شوف عصبت بسرعة

- استغفر الله ربي نامي يبه

- باجر اروحلها اني وعمة فجر حتى اعتذر منها وافهمها

- اذا سمعتج معتذرة من احد اطر راسج نصين

- حتى لو هيام ؟؟ ترة  حبابة ماتستحق الصارلها

- نامي راية

- راح انام بس عادي اسألك سؤال واحد

- وعلي مابيها شي بخير هيه واخيتج الثانية

طفرت -منوووو الثانييية

فتح ضوه الفون وباوعلي عاگد حاجبه

- وين شفت رئاااال

- اهدي يبه يم زلمتها البت

- يمه كلبي صدگ دتحجي يعني سألت عني هم ماكالت اجي اشوفها زين هيه اشلونها

- بس على كيفج لايصيرلج شي لاماكالت لان ماتعرفني والحمدالله باينه حالتها فوگ وزلمتها صح كلب ابن كلب بس مبين عاشكها من اطفرها  وكمية الحماية الحاطهم الها

- هههه يمه اخيتي رجعت مدااصدگ وصفلي شكلها اشلون صايرة هم متغيرة. لوبعدها نفسها على نزاكتها

- ههه يبه مايصير احجي بحلال العالم

- لاحباب صارت اختك بعد يصير احجي فدوة اشلونها واشلون عرفتها

-هيه مو عدها لدغة

هزيت راسي والعبره لازمتني

- ناعمة وحليوة تشبهلج جثير  بس شعرها گصير

- لا طويل كلش اطول من شعري

- جا باترته لاتكولين مانو هيه  لان نفس الفهاوة والصفنة وبسج اسئله لان راسي صاير طخماخ وعلي اريد انطمر 

- اذا موجوده بالعراق ليش ماسألت عنه لو يجوز  ماتندلنا

-العلم يم ربج

-ميخالف حتى لوماسألت المهم عايشة وسعيدة كافي

مارد

رجعت راسي عالمخدة صار منظرها كدامي لامه روحها يم الصوبة مدنگه على كتابها نزلت دموعي همست مشتاقتلها هواي

- حتى انه اشتاگيت للنوم وحگ ربج

ضحكت مسحت وجهي وغمضت خليت ايدي على گلبي  من گد السعادة احسه يريد يطير  مامصدگة امنت عليهن ثلاثتهن بنفس الوقت احس روحي بحلم ؛كل شويه اعظ ايدي عالكيف حتى اعرف هذا موحلم

مااعرف شگد مر وقت بس رحت بالنوم بدون لاحس گعدت على صوت هوسة جهال صهيب شلت راسي الساعة عشره ونص من گد مامتفاجئة بالوقت طفرت گمت بسرعة غسل وجهي وطلعت صارت بوجهي غيمة وجها متروس مكياج كاعدة تصبغ بأضافيرها والضحكة شاكة حلكها من الاذن للاذن

درت وجهي رحت للمطبخ طلعت هيام من فرحتي ركضت حضنتها ضحكت كالت صباح النور

- ههههه ولج ردن خواتي ثنينهن وماما راح تطلع

- گرت عينج گد مانخيتي ربج تنوعلج

- اووف الحمد الله ولج مامصدگة

- مم ولاانه

- اشوكت رجعتي

- شني مارايدتني ارد

- لاوالله حتى سألي ذباح كلتله باجر اروح اعتذر منها واسولف وياها  ولو المفروض اني ازعل منها لان اشلون هيج فكرتي بيه

- خيه والله عذريني گلبي وجر مااعرفت حتى افكر بس من رحت لاهلي صفنت ويه روحي كلت انه وين عگلي لاذباح ولاراية يعملوها ماعونت يطر الفجر واطلب من اخيي يردني وياريتني مارديت

- ليش شنو صار بعد

- جدتي طلبت من ذباح يرد غيمة لذمته وطلبت منه يعدل جدام ربيه بينا

- يعني شنو ولج

- يعني كل يوم عد وحده ولج رايه خيه لحگيني كليلي شعمل هاي غيمة تعرفين شني يعني حتى لومامواطنها بعيشته هيه ماراح تفوت حاله

- اول شي كليلي حجه وياج عرفتي على شنو اتفقنا

- حتى لو ماحاجي وعلي انتي اخيتي وثاقة بيج مثل ماثاقة بذباح مستحيل يتنوع لحرمة رفيجه

- وهاي غيمة ربي جابها الي بالوقت المناسب وروح غزوان لطلع كلشي سوته بينا من روحها لخليها تتمنى ماواصله البيت ولاصايره بأسم ذباح

- خو كليله العملته بيكم هو ياخذ حگج منها

- بعدج ماتعرفيها هاي مستعدة تحلف بكتاب الله جذب وحتى لوماصدگها شنو يسوي يطلكها واني هالشي مارايدته اريد اذلها وادوس على راسها تعرفين شنو

-شني راح تعملين

-من اشوكت راح يبلش التقسيم

-من الليلة

- ياليلة واني عروس من حقي يضل يمي شهر مو لواني غلطانة

-خيه هو شهر يخلص

-وقبل لايخلص اخليها ممسحة جوة رجليج مايخلص الشهر وارد لبيت هجامة ويه ماما اذا مااخلي كلما يشوف وجها يتفل بي

- ترا ذباح صبره گليل ومايحمل سوالف الحريم اذا عصب مانه بعيده يربطنا ويعلگنا بالنخلة

-محد گله يردها وبعدين هو اخوي الجبير مايعرف مصلحته بگد مااني اعرفها اويلي يمه غير متفرغة وجتني للايد

- صدگ راية راح تخلصيني من شرها

- الصراحة ماتستاهلين على موقفج البارحة بس بيج بخت بيها احبها حب كد ضيعت خواتي ودم رند خو الصوندات الي اكلتهن بسببها ذني مالهن عد

-وايدي على ايدج والله عسى ماانطگ عادي احمل بس كون انطين عيشتها ونخلها تهج بليله سودة

-صهيب اشوكت ياخذ نسوانه ويرد بيته

-الحين چاي يعبرن غريضاتهن للمغرب يرد داره عليش

-لخاطر اخذ راحتي بالعب

-بس تراه دوم هون هو بس باب يفصل بين دورنا

-مايطول يسلم على بيبي ويروح اهم شي وكت مانشتغل محد موجود وينتبه للدنسوي حتى يفتن علينه

- لاحريمة يعرن من صوبهم ونلتگي غادي يم النوگ حتى من يسيرن علينا يچعدن بحجرة چدتي دگايگ ويحدرن دارهم

- حلو وخذا المطلوب هم شي اريد منج تكثرين  محبة وتصنع وتركي الباقي عليه وسكتي لان اجه دروغو

عضت شفتها وباوعتله اجه يمشي  مدنگ يورث بجكارته مطبگ ارداناته وسلاحه بظهره وصل يمنا رفع راسه نفخ الدخان علينه وكال عليش بطلتن لغث كملن

اتجتفت وباوعتله صفح

- شكوو لج اكفي عدل وتنوعي مثل البشر لاطفي  عيونج

- مبروك كالوا اتزوجت

- عندج مانع

- اكيد وحقي وهسه اروح اشكيك لبيبي شنو بس اتجيب وتكوم بنات بدون حقوق لاغرفة ولامهر ولاشهر عسل

- كملتي خوية روحي لمي الفراش لايكضوج من شعفتج ويسحلون بيج الاوهاد

هيام  - ياخويه يمعود الكل مركز حد وحيله ويانه وبعدين حقها بعدها عروس اقلها كمل شهر يمها ونوب فكر بوحدة جديدة

ذباح - اهاا حلو صفيتن سوة يعني اترك شغلي واجابل مشاكلجن

هيام - على شني مشاكل البت اجت تاخذ راي تريد تروح لجدتي لخاطر تتحجه وياها

-تتحجه بخصوص شني يبه

-تكلها عروس والشهر من حگي بعد الشهر الج حگ تقسمين

اندارلي رافع حاجبه درت وجهي بعدم اهتمام واشوف غيمة جاية اتجاهنه بسرعة دفعته على هيام ولزمته من قميصه سويت روحي اعدل بدكمه همست گول حاضر  واضحك بساع

- رايه يبه ركدي

- وروح غزوان يذباح اذا ماسويتها اروح لبيبي اكللها على الاتفاق كله اني ماعندي شي مشكلتي وخلصت  اخذ خواتي واروح وتضل انت شوف اشلون تحلها وياها و…

بعدني احجي وجرني من گصيبتي تركته ولزمت خدودي  بسرعة صحت والله يذباح اذا مديت ايدك افتن

ذباح - وكلام الله يراية جلمة وحدة و اخربط ملامح وجهج مااطلع ابن البدوية اذا خليت بيج شي صاحي بس جربي حضج وياي

-شيل ايدك

-شني لج

كالها وجرني حيل صرخت على صوتي طلعت عمتي فجر صاحت ياااولك شمالك ويه البت

دفعني

-ماكو شي خوية زعطوطة اطفر وانتي لج يله اخذيها وروحن لعبن غادي لاتراوني وجوهجن وعلي اطگ راس براس وانعل اليوم الفكرت ادخلجن للبيت

جرتني هيام كالبة وجها عليه درت وجهي باوعتله بغضب خله الجكارة اشر تعالن

ركضنا للمطبخ دخلنا واسمع ضحكت صهيب علي

…مرن كم يوم وصدگ حجه ويه بيبي اعرفه لكاها حجه لان هو اصلا مارايدها لغيمة عكسها ذاله نفسها ذل اشكد يهينها ولاتكول وياها

بكد ماشايلة فرحة ومنتظرة ماما ورؤيا يردن حتى ابشرهن برئال واخذهن نستقر يم هجامة بكد مااستلمت غيمة تصفية حسابات صفينا اني وهيام گمنا ندور شغلات من جوة الگاع نشمرها حتى ارتكاب كمنا نرتكب من غير العضات اعض نفسي واجي لذباح ابجي وهيام تفلش بالبيت وتجي شايطة تشكيلة منها مايمر يوم اذا ماتاكل كتله وطن رزايل حتى من عمتي

الكل ملتمين بغرفة بيبي عالعشه گاعدة بصف ذباح وبالجهة الثانية هيام كل دقايقه وندسته يخليلي شغله كدامي اخذ شوية منها وارجع اجر قميصه حتى يرجعها؛ صح احسه گوة متمالك نفسه بس من اشوف عيون غيمة علينه اتجرء اكثر لان ادري بس نخلص عشه اول مااشمر كلمة بهمس تنفجر وتنكتل بسبب صوتها العالي وتجاوزها

ضربته برجله باوعلي عيونه حمر عرفته فول  رمشت براءه و همست اريد مي

استغفر ومد ايه شاله من نص السفره خلا كدامي شربت انطيته غمض وهمس الف رحمة عليك على هاي المصيبة

- شنو

- سلامتج يبه شرايده بعد احجي رحمه لموتاج اريد اتزقنب

برطمت

دنگ مسح وجهه وبيبي  وعمتي گوة كاتمات  ضحكتهن

دخل صگر يركض صاح عمي چونه ضيوف طالبيك

- حي الله من چانه دخلهم للمضيف 

اشر اي ورد يركض

بعد الاكل همس بالحمد وكام شال سلاحه وطلع بسرعة رجعت الخبزه عالسفرة كلت الحمدالله

فجر - يعني لاانتي الكليتي ولاخليتي زلمتج ياكل

- عزه اشوكت صدگ هيام

اشرت لا

- والله شمااشوف راح تسودنن الزلمة اكثر ماهو مسودن دكومن لاارگعجن بالمنجاسة يله روحن  حضرن الضيافة وسون الكهوة

-اني تعبانه خلي هيام تگوم

هيام- وانه ضهري طابگ واريد اطلع للنوگ من الفجر مابيه اتحرج الحين

فجر- اهااا گلتن ماتگومن خوش خليجن ولك ذبااااح

هيه تحجي واحنا طفرنا طلعنا نركض تركنا بيبي منتجيه بيدها سبحتها تضحك علينه وغيمة تاكل بأضافرها من الحرگة

دندخل للمطبخ واسمع صوت جاي من المضيف خطف گلبي…

***رؤيا***

السجينة بركبتي وهمسه بأذني يهدد مااتحرك غمضت  اهدا نفسي واسمع صوت ضبع يگله انحرها

فتحت عيوني على كبرهن صار بوجهي نازل من فوگ يفتح باللثام وكف كدامي وكال شوف شغلك ابو عگرب هاي اذا ضلت عايشة ابو الليل ينتهي امره

- ناخذها للمقر ونكتلها

- لاهنا لخاطر تشمرها بالنهر ماطول دسار غايب عن الوعي كلها يومين وتندثر شغلتها حتى اهل ماعدها يسألون عنها

ضغطت على سنوني ضحك بستهزاء ووخر اللثام راح لجهة دسار

دنگ الرجال همس يم اذني بصوت خشن حسيت بي رهبة هو ويكول شو مااشوف اي رد فعل شنو ماخايفة من الموت

- الدربك  ماگلك الموت رحمة يالخنيث

- اتوسلي

- اتخسى انت والدزك  مواني الي اذل نفسي لحيوان مثلك

- اني حيوان وخنيث ؟؟

- الي يغدر هواي عليه هالكلمات لو جنت حاسب حساب للشوارب الي بوجهك جان واجهتني ماجيتني غفل بس تعرف روحك جبان وخسيس

- اهاا يعني اذا تركتج هسه واجهتج ؛تشريح وجهج من حقي  

- ماتسويها لان النكس ماينظف لو يغسلوا بزمزم يضل جبان ومايعرف غير الغدر

-  كد كلامج

سكتت حسيت ايده رخت من ركبتي لزمتها بأيدي ونزلت ايدي الثانية عالكيف سديتها حيل هيه دفعة وهيه دفرة بين رجلي صرخ ودنگ

سحبت السجينة من ضهري انداريتله بسرعة كعد بالكاع عاصر نفسه  خليت السجينه بوجهه اباوعله رجال جبير شعره ابيض بس ضخم مدروز درز وشوم  ؛ صاح صبع حي الله خرزة البتاويين

درت وجهي لكيته ساند دسار مگعده الي يباوعلي بتعب ويبتسم عرفتهم لاعبيني رجعت دفرت الرجال ورديت ليورا

ضميت سجينتي بظهري دنكت شلت الورد وباوعتله همست موكل  الشايل شوارب زلمة مرة ثانية حاول تختار صح

ضبع  - شاف ضفيرتج حسباله صدگ بت

- كملت گوم لحگ عليه لايصير نقص بحيواناتكم

-هاااا لسانج يمعوودة

- ههه ماتقبل على ربعك ولك اني منك اضم راسي على هاي الفشلة مو ادافع؛  مافيا چوم زعاطيط  امداكم

ضحك دسار ودنگ لزم صدره موجوع كام الرجال اجه يمه كال قبل لاتضربين هيج ضربة بثانية هفي كله من الخلف حتى تربكين حركته وما تتأذين

- ديله اشلونك انت عادي كلك ترجف جنك مطوعة يم شباج الحمزة

- ههههههههه

- على شنو تضحك ابني منو ضحك عليك ودخلك هيج شغلة هذا الشغل اله ناسه انت بهذا شعرك حدك يفترون بيك بالروضات علان لبطل الحليب

وكف اتخصر يباوعلي ويبتسم اتنقلت نظراته من الورد الشايلته لظفيرتي لوجهي استقرت بعيوني اخذ نفس بلهفة وهمس  -روياا رافد الدغش

-الخرزة بت البتاوين

- هيج كارهه اسم ابوج

- الي يتخلى عن بناته  مايستحق ينذكر

- يجوز اتخلى عنجن لخاطر يحميجن شر اعماله

- ماكو شر اكبر من يجيبنا للدنيا ويشمرنا بيد حيوانات قذرة نصارع مصيرنا

-أمنلجن عيشة تخليجن ملوك على روس السلاطين وتركلجن اسم ترعب اكبر راس يوصلجن

-ياعيشة بيت البتاوين الي خواتي يشتغلن متواصلات ليل ونهار حتى يدفعن الاجار لو اسمه الي ماعرفته غير عن طريق الغلط كد ما مندثر ومااله اهمية

- جان يشوفجن الضوه بطريقه المظلم  كل وحدة منجن  يخليها على صدره يشم نحرها ويتخيل ريحة الجنه بيها ترافه رايه زال شكو سود بكلبه   وهدوء رئال محى شر تفكيره لون عيونج گطع خطواته بدرب جهنم

-لعد  وينه

-غدروا اقرب الناس  اله خذوجن من حنضنه وبلغوا عنه سلموا لنهايته وخفوجن عنه

-تعرفه

-بكد معرفتي بغدر  اليهودية

- ماما  غدرته؟؟

ديرد صاح دسار بصوت مخنوگ درت وجهي لكيته عاصر نفسه والدم تارس ملابسه ركضت لزمته همس من بين شفايفه روحي لاتباوعيلي 

ركض ابوعگرب سنده من جهه وضبع من جهة الثانية شالوا للسيارة اباوعله خلوا بالكشن الاخير يغيب عن الوعي ويرجع عيونه عليه نظرته مااعرفها تعب لو ترجي عرفته مارادني اشوفه بهيج ضعف خايف يموت ويدري مابيه احمل بعد

صاح ضبع رؤيااا  ضغطي على جرحه بسرررعة

جريت الباب صعدت يمه شلت راسه خليته بحضني شمرلي ضبع لثامه خلتها على صدره ضغطت حيل صاح ااخ ولزم ايدي غمض متألم

صعودا شغلوا وداسوا بكل سرعتها دقايق ورخت ايده عرفت فقد  اباوع لوجهه باهت اريد احجي مااگدر احس مفعول حباية الادمان بلشت تتلاشة  يتلاشى

ضغطت عليه بحضني وخليت راسي عالكشن احرك بي احاول اضيع الالم كارهه روحي على الوصلتله انكس انواع الذل احسن بيهن بأخر ايام مقررة اعيشهن 

روحي ضايعة

الشخص الي حبيته بوقت اتمنى الموت لشكو واحد فاقد بحضني بدل مااودعه حتى ابتعد  اترقب موته  والادمان الي ينهش بروحي خايفة لااللگف قبل لاارد اخيتي لحضن ماما واخليها تسامحني على كل لحظه اتجاوزت بحقها

وصلنا للمستشفى حتى مااعرف اشوكت خذوا من حضني وشوكت دخلنا للمستشفى عايشة بغير عالم اصارع الالم بضعف  مدنگه لازمه راسي  حسيت ايد على متني رفعت راسي لكيت ابو عكرب  دمعت عيوني دنگ كعد نص كعده كدامي - شبيج بابا

همست بعبرة تعبانة

- من شنو

-من الدنيا بكبرها

-شنو شفتي من الدنيا وهيج شكيتي منها

-الذل والحرمات الظلم الفقد دمرتني طلعني من جحيم تمشرني بأسوء بعد ماجنت اخاف من الظلمة  لان مااعرف احمي نفسي صرت احلم بيها حتى اسمع صوت ضحكتهم بأذني واغمض براحة حتى لو ساعة وحده والله راضية

- كلهن زارعات املهن بيج ومنتظرات  تسنديهن

- واني عاجزة حتى اسند نفسي انتهيت همه هدوني؛ الي ضاع بسببي والي مات والي انكسر بس والله غصباً عني والله لو يرجع بيه الوقت اكتل نفسي بنفس اللحظه ومااخلي احد بيهم يتأذه واعيش هالندم

- شنو تتمنين

نزلت دموعي حجيت بشهگه رند اردها دقايق بس اوكلها ورئال احضنها واشيل خوفها بذيج الساعة وبدل مااكلها خايفة ادفعها حتى تخلص نفسها  ؛غزوان اضمه بحضني وهمس بأذنه اخذهن وروح لاتباوعلي لان راح تضيعون

نزلت دموعه مد ايده مسح خدودي - لاتبجين   كلشي يتعوض

- شعوض واشلون اكلك كلهم راحوا رند غمضت هيه وجوعانه ؛رئال هيه وخايفة غزوان هو وعيونه على رايه وهاي اني مدمنة ضايعة مااكدر اعين نفسي منتظرة واحد مايرضه يعترف بيه زوجته لان مستعر مني

- انتي بت ابوج الي راح توكفين  على رجليج تردين خواتج تخليهن وره ظهرج متحدية وراعبة اكبر واحد يحجي بيهن مو يوصلهن

-مااكدر والله

-الخرزه بت رافد الدغش ماتكول هالكلمة كووومي لج اوكفييي

كام جرني باوعتله بعجز  سحبني حيل گمت  باوعتله بتعب وشهكت  جرني لحظنه بدون لاحس خليت راسي بصدره وبجيت لااعرف منو هذا وليش هيج اعترفتله بضعفي وشكيتله

حضني حيل وخر راسي من حضنه عيونه حمر وجهه الشر واضح عليه  مسج خدودي وباوعلي  مثل اليفكر بشي

همست تعرف الحيوان الي سيبنا

- وصاني بيجن

- وينه

- عندج جرعه  لو اجيبلج

- اذا شفته كله اتفه واخس حيوان خلقه ربي هو؛ الي يضحي بناته حرمات بي النفس ولايراويني شكله لان راح اتفل بوجهه

- خواتج عيونهن عليج شبعن مذلة اطغي وظلمي وسحگي لخاطرهن

- كلمن صارت بحماية واحد كبر اسمه يعادل صيتها اضعاف

- وهذا اكبر ذل جاي يوجهنه ماراح يكدرن يعيشن  ويه هيج عالم لان احلامهن صغيرة وبريئة حنية كلبهن موكد الشر الصارن بي

-منو انت؟؟

-واحد حكموا عليه بالموت بس لان راد يتوب

-واني رؤيا الي امنيتها جانت سبب بهدم عائلتها

ابتسم مد ايده -ابو عگرب

خليت ايدي بيده- خرزة البتاوين  

ضحك وعصر جف ايدي سحبتها رحت للحمامات دخلت غسلت وجهي بسرعة طلعت الحبايه لان بعد مااتحمل اخذتها وكفت افرك براسي دقايق واختفى شكو الم اخذت نفس رفعت راسي دخلت وحده وياها طفل بيدها فون تسولف مبين ويه زوجها لان تگله حبيبي خلصنا راح نطلع بس جيب وياك اكل لان مابيه اطبخ

وكفت يم المغسلة تغسل لابنها  اباوعلها بكامل اناقتها اتسولف ويه الفون  عالكيف الفرحة مبينة بعيونها ضحكت لعد احنا اشكد ماعايشين الي اكبر امنيه عدنا نلتم بيت خاص بينا وناكل لكمة من تعبنا بدون الذل

ذكرت المنطقة العايشين بيها مسحت وجهي وطلعت مالكيتهم رحت لغرفة دسار دخلت لكيت مضبري من جديد ومعلگين بيده سيروم رايح بغير عالم ؛ هزيت ايدي - من اكول عار يعترض

ضبع- احم

- انت انجب ماريد اسمع صوتك

-تم

-اهله وين گلنا لفو بس لقيط هاي جديدة

-وصللهم خبر بالطريق

-موكلتلك انجب اكو واحد سألك

-استغفر الله

-لا هاي نكته اكيد بس كلش مالايكتلك انطيني جكارة

-ميصير هنا

-ضبع راسي صاير طبل انطيني قز القرط خلي ادخن لبين مايگعد اللفو مالتك حتى اخذ عنوان اهلي وافتك من اوجوهكم المعفنة

-شكراً

-هذا اليجبرك تشوه وجهه طلع الباكيت لك لاوكلام الله اكلب وجهك عالابطانة

طلع الباكيت والجداحة شمرهن لكفتهن طلعت وحده دنگت ورثتها اخذت نفس رفعت رسي نفخت وابو عگرب يضحك

خليت الباكيت بجيبي رحت يمه صعت حاشية  الشباج گعدت عليه وباوعتله ؛ رفع حاجبه اشرلي شكو

- اريد اشتغل وياك

- ليش اني شنو اشتغل

- ماطول مرافق الحيوان اللفو كلشي خارج القانون

- حلو بت الدغش  وبشنو تگدرين تفيدينا حتى ندخلج ويانا

- كلشي تسليب  توزيع حتى كتل اكتل شكو واحد تردون تخلصون منه بس جربني

- زوجج ضابط مخابرات

- على نفسه الخاين تركك منه وشغلني وياك والله ماراح تندم

سكتت دنگ حك خشمه  كوة كاتم ضحكته

- لايكون خايف منه تره الله وكيلك واحد تافه ميخوف زعطوط

- هاي يمج  هذا التحجين عنه بجفته وحده يوگع اخطر شبكة وبلزمة يضيع اكبر شارب

-خايف منه؟؟

-لااا خايف عالعدي منه مااريد ارد للسجن قبل لاأمنهن واني خليت ايدي بيده وقدمت اخرتي بس لخاطر هالشي 

-يعني هو الطلعك

-بأتفاق يكسر الظهر اكمللهم شغل واوصلهم لعالم معرفتهم توصلني للاعدام  مقابل حماية هالااشخاص

اخذ نفس من الجكارة نفخته وغمزتله- واذا خلصتك منه تشغلني وياك

ضحك بصوت عالي ودسار همس بتعب شترجى من بت الدغش

- ديله عالاساس اشلونك انت همزين لفو خاين

طفيت الجكارة وكمت رحت يمه وجهه باهت گوة فاتح عيونه لزم ايدي سحبها وباسها

- بعدك متوجع

- رؤيا لاتتقربين منه  زايد

- وديني لبيت ذباح

- بس ارتاح شوية

كعدت يمه خليت ايدي على صدره باوعتله اخذ نفس وگال انتظرتيني

- ونعلتك بكل مرة جانوا يأخرون عليه الجرعة

-دعيتي عليه

-اي

-جنت اندعيلج بكل لحظة بيها واني مغمض صارعت الموت وعاركت جماعتي وتخاربت حتى ويه اهلي لان همه سبب بعدج عني

- ههه دسار كل عقلك نكمل سوه

- غصباً عنج

- تعرف انت شنو تشتغل واني منين ؟؟

- شنو جانوا يصيحولج 

-خرزة الدسار

-ليش خلوج تدمنين

-حتى يعاقبوك

-ليش خافوا يتقربون منج

-لان راجعتلك

-وغير هالشي ماراح تصيرين ؛  انتي الي ان رضيتي اولااا

-مو بكيفك

مارد غمض حرگ گلبي  ردت اضربه لزم ايدي شلت ايدي الثانية قبل لااحركها هم لزمها  فتح عيونه سفطهن بأيد وحدة وعصر وجهي - خلي حركاتج مدروسة بطلي صياعة وتسرع

-شيل ايددك لك

-وكحة ورعنة ولسان زفر ومشيطنه وو

-ووو شنو گول ؛مره وحده صير رجال واحجي بزود بطل سوالف الجبناء٠٠

- واحبج

باوعتله ابتسم وسحب اديه باسهن صفر ضبع وابو عگرب ضحك خجلت سحبت اديه بسرعة كلتله اشلون ادرس الشخص قبل لااضربه

ضبع - استلم يكلها احبج تكله تعال نسلب

ضحك دسار گام بصعوبة انتجه واشرلي تقربي

-شوف لك مال اتقربي وتهفني راجدي غفل شولفك غيرها والكعبة ادججك

- رؤيا شكلج حلو ليش تخليني اخربطه الج تعالي بابا ورفعي ايديج

ادنيت يمه اتربعت لزم اديه رفعهن وبده يعلمني اشلون انطي الامان الكاذب واشوكت ابلش بالضرب وشنو اول شي اضربه حتى اربك العدو بدون لاتأذه

مر وقت وهو مستمر يعلم بيه صح حصلتلي كم ضربة عالخفة مالحگ عليهن بس اتلعمت هواي حركات 

ضبع يصيح كافي لاتجلبها علينه وعلي تكوم تتزاود ويانا حتى بالشغل؛  وابو عكرب منتجي امجتف اديه ويضحك الدنيا ماسايعته لحد ماحسيت بتعب لان مفعول الجرعة بلش يخف شافني بهتت سحبني لحظنه دنگ باسه وكال كافي

-تره ماتعبت

-ميخالف  ارتاحي شوية وبس اطلع منا اخذج لمقري ادربج حتى عالسلاح

-صدگ والله

ضبع - يكلج اخذج لمقر التدريب  موشهر عسل على شنو طفرين 

-انت انجب

- رحمة الله والديج

- صدگ وين الورد مالتي

ضبع - ياورد هذا التقفصين بي عالعالم لج انتي شنو؛ ضميرج وين من تاخذين خمسة عالوردة وهيه بربع

- محد كلهم صيروا كفشته

- ياكفشته ترا سمعتج من تكليله طلع الخمسة لااشرح وجهك

- وهو اشلون زمال وصدگ اشرحه گدام العالم صدگ ذكرتني

رفعت راسي باوعت لدسار بغضب عگد حاجبه اشر شنو

- اطلبك عشرين عود انت شنو حاسب روحك سبع وفرحان مغلس لو امك كايلتلك عفية ابني رجال

- منين عشرين هنه وردتين

- والثالثة الشمرتها بوجهك من جنت خانس يم هاي

- يعني خمس طعش

- لاعشرين خمسة مال تأخير وابن ابوك كول لااا

هز راسه اي

- يله وين الفلوس

- ضبع انطيني عشرين

باوعلي ضبع بكره طلع محفظته سحب عشرين مد ايده  اخذتهن منه وسفطتهن حيل  بصدر دسار صاح اااخ ودنگ لازم ايدي

- صح هنه مايسون بس اغلى منك لان افلوس تعب مرة ثانية لاتستهين بتعب احد  لان هذا القليل المستعر منه جان معيش عائلة

سحبت ايدي خالية وكمت رحت للشباج طلعت الباكيت اخذت جكارة منه وگفت اورثها

طلع ابو عگرب ثواني وطلع ضبع كام دسار اجه حضني من ضهري اخذ الجكارة شمرها ردت ادفعه لزم اديه جتفني وضغط عليه بحضنه صحت  وخر دسار

- مرة جانت عندي مهمة ونحصرت بسطح احنا عندنا اجهزة لهيج ازمات اسمه جهاز الكنود نطلق بي شفر المورس لخاطر توصلنا المساعدة؛ المهم مر اكثر من اربع ساعات منعول اهلي بالسطح والخوف محاوطني والمح واحد من ربعنا على غير جهة بسرعة طلعت الجهاز وانطيته اشارة؛  ماحس غير تجيني طلقة كعدتني بمكاني طلع الافندي من ذولة الربع الدخلوا بالحلقة الاخيرة بدون تدريب  مو يم الشغلة ؛ مثل الزمال الجان هسه واكف وراج  اشرتله ادمغها لان حسيت اشتعلت بلوجكراتج  بدل مايدمغج ويطفي عقلج  طلع الفلوس وخلاني اني انكتل

درت وجهي باوعتله

- والله اريد اكلج احبج بس اخاف تجيني كله

ضحكت سحبني لحضنه گمزنا على دفرة فلشت الباب بالحايط  دخل ابو عگرب صاك على سنونه عيونه دم  يباوع لدسار بنظرة موت ينفت بغضب  يريد يفترس؛  طلع السجينة من ظهرة طگها واجه طاير ؛دخلوا الحرس يركضون لزموا اندار دفعهم ماگدر رجع جر ايده التموا عليه جتفوا صرخ   عوفنونيييي ولكممم ؛ وروح امييي اذبحه ولكم  حيواناااات  كتلتوا بنيتيييي

صاح دسار شكووو

- انت اول واحد اذبحك وروحهااا اذبحكم كلكمممم اولاد الزنااااا موتوهااااا ولك بنيتييي حركوهااااا

وگف دسار مصدوم اباوع لابو عكرب بهتت روحها گعد بالكاع نزلت دموعه واديه نزلهن مثل الماتن باوع لدسار بكسرة وهمس ماخليتوني اضمها واشيل همها ماخليتوني احضنها واكلها لاتخافين يابابا  اني يمج راحت وهيه مهضومة حركووها قبل  لاضمها بصدري واشمها

- هه شنو حركوها هيذام وين ؟؟

غمض  شفايفه يبست  تجه راسه عالباب خله ايده على گلبه فتح عيونه بتعب دموعه تنزل بدون صوت  ولاتكول نفسه هذا الرجال الجان واكف بصلابة بثانية انهار يريد يحجي مايكدر رد غمض وهمس يابويه راحت ابنيتي

ضحك دسار بصدمة واندار لضبع اشر شنو

-خطفوها كتلوها ودزوا فيديو للضابط بجثها همه ويحرگوها

-ههه قبل كم ساعة اتصل يبشرني بأبنهم الجديد

دنگ مارد

لزم راسه دسار وغمض مثل الخفض ضغطه اخذله ثواني ودنگ شال مفتاحه طلع يركض طلعت ورا مامفتهمة شنو الصاير طلعنا من المستشفى صعد سيارته ركضت فتحت الباب صعدت بعدني حتى ماسادتها وحرگها داس بكل سرعته

يسوق بخبال وينفت بحرگة كل شوية يريد يكلبنا   الطريق كله ماحجه لحد ماوصلنا لبيت كلش جبير  الحرس مطوقي  نزل يركض حافي

دخل للبيت نزلت ورا دخلت اشوف واحد ضخم بشكل مرعب  لابس عسكري اسود گاعد يم الحايط طابگ رجل وماد الثانية مجتف وصافن عيونه صايرات قطعة دم ويمه بنية وجهه كله ملخ متربعة يمه لازمه رجله وتضرب بي ودموعها تنزل بفاجعة  شبه فاقدة  

كعد يمه دسار بتعب اشرله بتوسل لااا

ضحك مبينه الكسرة بعيونه رفع راسه غمض

دسار - وينها

راد يحجي وسكت

- وين جنت عنها اشلون خليتهم يلوحوها

فتح عيونه باوع لدسار  ابتسم وهمس بصوت كوة ينسمع عاقبتها  كلتلها راح اطلگج جانت خايفة وتتوسل مااقسي عليه واني ازيد بقذارتي وياها

ههه خليت عقلي ويه طفلة  اشوف دموعها تنزل وادير وجهي عنها

عض شفته دنگ اخذله ثواني ورفع راسه  نزلت دموعه  همس بكسرة  والله ردت احسسها بطعم الغدر  والله ردتها تبطل هالعادة اشلون صدكت اذيها وهيه روحي

- هيذام وينها

- حركوها يخوي حركوا روحي كالها ودنگ لزم راسه وبجه ؛ جره دسار لحضنه شبگه  وبجه بصوت

اباوع لدسار حاضنه حيل ويبجي بحرگة على بجيته والبنية على كعدتها شبه الفاقده بس دموعها تنزل عالسريع مبينه عزيزة عليهم الرايحة

حسيت بخنگة منظرهم يوجع دسار حاضنه وهو ضام وجهه يبجي من كل حليه  رجعت ليورا ابتعدت مسافة گعدت على درجة الحديقة عيوني بيهم نزلت دموعي على الولد  مبين كمية الوجع بكلبه مايكدر يحملها  رجعني لحالة راية من جابوا غزوان كدامها

ضميت وجهي وبجيت على اصواتهم لحد ماحسيت صدري انعصر عرفت روحي بديت افقد السيطرة  لازم اخذ جرعة

رفعت راسي افتر بيه فركته و كمت درت وجهي صعدت الحديقة صاروا الحرس گدامي الي مدنگ يبجي والي گاعد مبين الحزن عليه  مسحت وجهي ورحت يم واحد همست  فدوة اريد للحمام منين

اشرلي على باب  بنهاية الممر تشكرت ورحت كملت الممر دخلت من الباب لكيته مطبخ بي كومة بنات  حالتهن اسوء من البره ؛ كامت وحده منهن كالت تفضلي عيني

-فدوه داريد اروح للحمام 

-اي تعالي منا

اخذتني  دخلتني جوة امشي وياها واني مدنگة خايفة انكشف لان الحالة بلشت تظهر ماعونت تكول هاي دخلت بسرعة سديت الباب ركضت للمغسلة طلعت الحباية خليتها بحلكي ودنكت شربت من البوري وكفت افرگ براسي اعرف لواخذ الشريط كله مايطول ويرد الالم لان جسمي متشبع بالابر

اخذتلي مشوار  واكفة لحد مااشتغل مفغولها شوية  دنكت غسلت وجهي عدلت شعري وفتحت الباب دااشكرها لكيتها ماكو

طلعت مشيت اباوع مو بيت قلعة حتى مااذكر منين دخلت وانوب فارغ ماكو احد صار كدامي باب رحت دخلت بي طلعت صالة واكو باب توصل للمطبخ كملت طريقي دااعبر واسمع صوت جاي من وحدة من الغرف لمريه تتوسل برجال وهو يرد  بعصبيه  يكلها صوتج لج قندرررة راح تفضحينااا

درت وجهي دااكمل الطريق واسمعها رجعت تتوسل وتبجي شدني الفضول ؛وكفت باوعت منا منا ماكو احد مشيت على طراف اصابعي وصلت للباب نصه الصوت خليت اذني علية واسمعها تگله ابنه ماله ذنب هسه لخاطر بنتك مولخاطره

- اذا ماخليته بصف ابني حتى الصدمات الكهربائية ماتنفع ويا وتهدي مايكون شاربي عليه

- اتخبل روح شوفه اشلون كاعد من وصله الفيديو لسه

- بعد ماوصله السرة هذا حصت بت البتاوين حسبالها اسكتلها عن السوته هو جاي سرا اذا ابني انشمر بالمصحى هو اخلي يسكن الصحاري يتفتر بدون عقل

- والله اذا وصلت  لابنه اني اررروح اكله انت ورا السالفة

هيه تحجي وهو عاط بصوت كمزني عفتهم وطلعت بسرعة رجعت للحديقة صار بوجهي ابو عگرب يفرك برگيته ويسولف ويه الحارس يريد يدخل

درت وجهي نزلت للحديقة ردت اصيح لدسار وشوفه بيده فون مدنگ صافن على فيديو جثة تحترگ انتبهلي بسرعه سده خلاه يم بوكس ولزم رجل الضابط  گله هيذام  وعلي مو هيه

داارجع لابو عگرب وانتبهت شعر طالع من البوكس مربوط بخرزة تشبة خرزة راية عگدت حاجبي  ؛

رحت يمهم دنگت ردت افتح العلبة ولزم ايدي دسار دفعتها حيل وفتحته جانت ظفيره طويلة ويمها سوار  وكتاب

شي صار براسي اسم هيذام  صرخت ابو عگرب كلمات الجوه عن بت البتاوين صوت ضابط التحقيق

رفعت راسي عيوني على هيذام عيونه گد مامخلوط لونهم بالحمار  شكيت بي يشوف ؛ شال الجكارة راد يخليها بحلگه مايسيطر ايده ترجف  باوعلي وضحك

تقربت يمه لزمت ايده فتحتها ردت اتلمسها احس خدرن اصابيعي غمضت ومشيت ايدي عليها وصلت للساعة فتحت عيوني نزلت دموعي اشرت لاااا

غمض ورفع راسه انتجه عالحايط

درت وجهي على نفس صوت الرجال الجوه يصيح ها يولد بشروا ماكو خبر من ازر 

كمت اباوعله ضابط جبير لابس عسكري جاي ناحيتنا ويا مرة

خليت ايدي بظهري ضغطت على سنوني دااطلع السجينة بعدني مامتحركة واسمع ابو عگرب صاح ابراهيييم وصوت الطلق ويه صوت صرخت المرة ودم الضابط الترس المكان  …

لاتنسون التصويت ❤️

شيء من رصيف الدم

بقلمي: leo Alfatlawi

بارت الثلاثون

بارتين سوة

***رؤيا***

قاموا بأطفائي ثم اشتكوا من ظلمتي

وگع بالگاع على صرخة مرته الكل انخبص

درت وجهي باوعت لابو عگرب بيده السلاح عيونه حمر  ينفت بحرگة گلب ضغطت على سنوني ركضت ضربته بكل حيلي ودفعته

رجع ليورا باوعلي بكسرة اشرت ليشش

غمض لميت جف ايدي ورجعت ضربته بشكو قوة احملها وصحت ليششش ماترررد هااا  ليش كتلتله

نزلت دموعه

- ههه على شنو تبجي ترا هاي اختي الحرگوهااا  ليش ماخليتني اكتله ولك تعرفها منووووو المااااتت ولك هاااي رئااال اخيتييي

شهگ بصوت ضغطت على اسنوني رجعت دااضربه لزمني وجرني لحضنه دفعته حضني حيل وبجه بصوت عالي ؛ كمشت ملابسه و همست موتوها راحت قبل لااخذها لحضني حركوها قبل لاشوف وجها

ضمني بقوة وصاح يابويه بنيتييي ؛ غمضت على صوت صراخه احاول اتذكر صوتها بأذني بلكي اتخيل شكلها  هدأت ثواني ايدها بين اديه عالدرج توعدني بصوتها اليرجف  ماتخليني وحدي ولاتخلي احد يوصلني

غمضت حيل واني اشوف النار مشتعلة بالجثة

رخت ايديه رفعت راسي باوعتله بهضم نزلت دموعي وهمست حركوهاا بابا

غمض بوجع  سحبني دسار من حضنه والحرس جروا  دفعت دسار وانداريت لكيتهم يجتفون بي وهو واكف مستسلم  عيونه عليه دموعة تنزل بفاجعة بدون صوت

- عمري ماراح اسامحك

مال راسه يباوعلي بألم 

-دمها بركبتك

رجع ليورا اختل توازنه

- اتمنى لو ماشايفتك وضال ميت بنظري

همس  اخذي اخيتج وروحي لاتضلين يمهم

ضحكت بستهزاء

جروا راد يدفعهم ضربوا على راسه وسحلوا صاح رؤياااا اخذيهن وروحييي

انداريت لهيذام على كعدته امجتف وصافن على ظفيرتها تحسه بغير عالم همست ليش حرمتنا منها 

رفع راسه عيونه گوة فاتحهن

- وروح اخيتي لحرگ روحك مثل ماسويت لبجيك دم بدل دمها الضيعته

هذا ابنك حصتي  وداعت عيونها الضلت بنفسي شوفتهن لذبحه گدام عيونك

باوعلي وابتسم  بكسرة

- حرگوها واني بحسرة شوفتها ؟؟ راحت رئال موو

غمض نزلت دموعه  ؛ بهتت روحي گعدت بالگاع  گعد كدامي دسار لزمني

باوعت للبيت ابتسمت يعني جانت هنا لعد ليش من دخلت ماحسيت بروحها ليش حسيت حضني بارد

ههه تدري شكد اتمنيت اشوفها

غمضت عيوني صوت لدغتها براسي مخلوط بصوت صراخ الام وهوسة الحرس

دعاء ماما ؛ ودمعة راية ؛ ويه صورة جثتها تحترگ بعيوني شي انسحب من روحي بعد ماحسيت…

***رايه***

صوت دسار يصيح  والله مو هيه بويه غير هذا شغلي البت ماواشمه هاي اكو اثر وشم بأصبعهاا الصغير

ذباح - من يعرف نفسه مانه كفو وموش ازلمه عليش دگ صدر بيها

- زلمة غصباً على راسك

- دتعال بره لخاطر ماسحگ  راسك جدام حرمتك

- تسحك راس منووو لك روح حباب رد لحضن امك مافارغلك

- دگرب خلي اعلمك الامهات شتجيب لاتضل خاتل بحضن حرمتك وتشمر بالحجي

- وهاي گايم شو تعااال

صوتهم اتلازموا وصوت صهيب يصيح يااابه كولوا يااالله

دخلت اركض واشوف دسار لازم ذباح من بلوزته  بثنين اديه وذباح لازمه من ركبته  بعدني ماحاجيه وماحس غير ذباح هفه كله من قوتها كلت  راسه اتفلش

غمضت واني واشوف دسار بخفة ايده انطاه بوكس اجه بنص وجهه رده ليورا

سحب اقسام صهيب وصاح وعلي ارميكم اثنينكم  بسسسكم دخيل ربكم جهاااال ولكم البت راح تمووت

درت وجهي اريد اعرف على شنو يقصد انتبهت لرؤيا وراهم شبه فاقدة ؛ بدون شعور  ركضت دفعتهم ثنينهم وشمرت نفسي عليه شلت راسها لحضني حضنتها مامصدگة  ابجي واضحك ؛ دنگت اخذت نفس منها احس روحي ردت عصرتها حيل ووخرتها مسحت وجها ضاعت ضحكتي اباوعلها صافنة بوجهي كأنما ماتعرفني

شلت راسي لدسار اشرتله شبيها مسح خشمه من الدم و دنگ شال الدولكة واجه يمي گعد دار مي بيده غسل وجها رفعت ايدها دفعت ايده وردت راسها على صدري همست راية بردانه

نزلت دموعي

- لاتعوفيني

- اعوف روحي ماعوفج

- هم گالتها تالي عافتني

- منو ؟؟

ذباح - رفيجتها بالاقتحام انجتلت

ضمت وجها بحضني وبجت بصوت حضنتها حيل نزلت دموعي همست لاتبجين بروح غزوان والله مابيه احمل بعد

رؤيا - راحت يراية حركوهاااا

-  كافي فدوة اروحلج

- مالحگت اشوف وجها ولااخذها لحضني

- راح تاخذين رئال لحضنج وتعوضج عن مكانها

وخرت راسها من حضني باوعتلي بتعب

اشرتلها اي ضحكت وگلتلها  رئال رجعت شافها ذباح يم زوجها

همست بصوت باهت -اشلون شكلها المن تشبه وصفيها

- حلوة كلش

- اشتاقتلها كالتها وشهكت رجعتها لحضني اشر دسار لذباح على جيس ؛ اباوع لذباح هز راسه اي مسح وجهه من الدم راح يم الچيس طلع منه ابرة شمرها على دسار لكفها حضرها عالسريع  واجه يمي دنگ جرها من حضني فتحت عيونها هيه شافته وهيه اتخبلت بعد يريد يلزمها مايگدر

رجعت ليورا خفت من تصرفها اباوعلها تضرب بي بدون وعي بكل قوتها وتصرخ بعلوا صوتها حيوانااات جلاااب ليشش حرگوهااااا ولكم اخيتيييي

ردت اخذها  جرني ذباح بسرعة كومني سحبني يمه ودسار جتفها بحضنه شل حركتها وهيه مستمر تصيح موتوهاااا  ضربها الابرة بسرعة وضم راسها بصدره بس يريدها تهدأ لان زادت حالها گامت تملخ وتضرب بوحشية ؛ ضغط على راسها بحضنه ودنگ مغمض مبين متألم وخايف عليها  بنفس الوقت

اكثر من عشر دقايق وهو على وضعه لحد هدأت بين اديه رفع راسه  فتح عيونه حمر اشرلي بتعب تعالي

وخرت ايد ذباح وركضتله اخذتها منه صايرة جثة فاقدة خليت راسها بحضني شبكتهاوفتحت عيوني على كبرها مامفتهمة شكو اباوع لدسار لزم صدره غمض عاصر روحه راح يمه ذباح كله شمالك يخوي

- بس اسندني

دنگ سنده گعده يم الحايط خله مخدة ورا ظهره  وكعد يمه فتح دگم قميصه لكاه  كله مدمه سحب الغترة بسرعة خلاها على صدره وصاح صگرررر عمي اجلع للمضمد بساعك

صهيب - انه اخوك شماله الزلمة

- ينزف باين الجرح طگ

- دگوم اخذ البت لحجرتك وانه اكض الجرح وانت يبه استعجل لايروح الزلمه منه

- عجل يخوووي گبل لايصفى دددمه

اشر اي شمر سلاحه وركض گعد يمه مخبوص وذباح كام  اجه يمي  دنگ شال رؤيا من حضني طلع يمشي بسرعته واني اركض ورا لبالي ياخذها لغرفته بس طلع  لغرفة امه دخل صاح مدولها فراشش

كامت گمريه جرت دوشك فرشتها خلاها عليه

واندار راد يطلع لزمت ايده وكف باوعلي عيونه حمر والتعب والحيرة واضحات بيهن احس نظرته خذت گلبي همست  شصاير ذباح احجي

اخذ نفس ومسح وجهه

- رؤيا شبيها كول اول وتالي راح اعرف ماريد اسمع من غيرك

- ماكو شي يبه بس اخيتج دمدمنة ويمكن تعرضت  لتعذيب لهيج راح تسمعيها تهذي جثير بأشياء ماهي موچودة

-يعني اتخبلت

- لاه گولي يالله ماعليها  راح نعالجها بعون الله بس عوزها صبر لان البت تعبانة

- لعد ليش جبتها هنا مو للمستشفى

- لان هون افضل لخاطر انتي والحجية ماتفارجنها البت تعتاز حيل جثير ومراقبة بس ينغفل عنها تعمل بروحها شي والمشفى ماعدهم غير يمنعهوها من الجرع وهالشي يموتها عالبطيء

- ذباح ماتضحك عليه

- لايبه ماتضحك عليج ردي ليم اخيتج واحفظي حجابج زين بغلاة امج

هزيت راسي اي  ورحت يم رؤيا  اشر لامه وطلع كامت طلعت ورا هيه وعمتي 

خليت مخدة جوه راسها وغطيتها وجها باهت شفافها بيض وجوة عيونها اسود لزمت ايدها نزت مثل الحست بيه ؛ دنكت همست يم اذنها وروح رند بعد دقيقة ماتركج وحدج ميخالف راضية بحالتج ومستعدة العمر كله اضل جوة رجليج اعتني بيج بس المهم رديتي لحضني

بستها گعدت عدل خليت ايدها بحضني دخلن عمتي وام ذباح وجهن مايتفسر  كعدن  اني هم ماسألتهن قابلة بكل ضرر المهم رجعتلي

لوجه الصبح على كعدتي عيوني عليها محتارة اشلون راح اتعامل وياها من تصحى

احس ضهري طگ من الكعدة عدلت روحي صارت عيني على كمرية وغيمة يتهامسن ويضحكن شامتات بحالتها

درت وجهي لكيت رؤيا  فاتحه عيونها بسرعة دنكت بست راسها  بكد ماجنت خايفة من رد فعلها ردت اكوم اصيح لذباح بس  اتفاجأت من وخرت ايدي عن وجها وحضنت مخدتها  مغمضة

بطلت رجعت گعدت ساكته حتى صلاتي ماكمت اصلي صار الصبح وهيه على وضعها لاحجت  ولاباوعت بوجهي لحد مادخل ذباح؛ اباوعله مغير ملابسه رافع ارداناته وسلاحه بيده  شالت راسها امه كالتله ها يبعد امك محزم خيرك

- مامش ياام صهيب بس الزلمة داخل مضيفنا بدون حرس  واچب نحمي

- موش ابو صگر كال اتصل اخو لخاطر يدز الحماية ورا

- وانه ماعطيته العنوان موش ابن البدوية المايگدر   يحمي ضيفه ؛وهو ماجازف ودخل بيتي امن حرمته يمي لو مايعرف گدها

- اشلون حالته

- نظفوا جرحه مناطر حرمته تصحى لخاطر يعطيها علاجها ويرد لرفيجه

- ربي يصبرهم اشلونه رفيجه

- مايرد اتصل بالبت العايشة ويا تكول على كعدته ماتحرج من مجانه ولاواحد يتجرأ يكرب صوبه

- روحله ييمه اكف ويا بمصيبته

-  رايحله وحگ اخيتي محد ياخذه غيري وروح الراح وهو بحسرة العرس لدفگهم تفگ

- مانه وكته ييمه الزلمة مفجوع بحرمته وفاگد عگله

- واذا رد لعگله راح  يحرگهم ويبعدني وعيب وانه ابن الديرة الي يدگ صدره للغرب ويتحجه بديوان الشيوخ غيري ياخذ حگ دمي

كالها واجه دنگ على رؤيا خله ايده على راسها وخر شعرها باوعتله  ساكته

-اشلونج يخوي

رؤيا - اني مو اخت احد ومحد ياخذ حق خواتي غيري

- ميخالف بس كومي بالسلامة

- ومنو كلك بيه شي دمعة جانت خانكتني ونزلت وانتهت السالفة

- ابو الليل رايد يشوفج

- مااعرف احد بهذا الاسم كل الي اعرفهم ماتوا ماضل منهم بس راية وراح اخذها واروح مثل مااخذ حق الباقيات من ارواحهم والزلمة الطالع من ظهر ابو يوكف بوجهي

-رؤيااا

-من تعرف هاي النهاية لاتموت جبان

صغر عيونه اخذله ثواني ورفع راسه عيونه عليها بشك مثل السامع الكلمة من احد غيرها ويريد يتأكد

دارت وجها ضحك بستهزاء  شال سلاحه وگام راد يطلع صاحت اريد اروح لگبر غزوان

وگف بدون لايباوعلها اخذ نفس وكمل طريقة راح صاحت فجر يله الكل يطلع زلمتها راح يجي

كامن طلعن وعمتي اتلثمت دقايق واسمع صوت ذباح صاح يالله

عدلت حجابي دخل ودخل دسار ورا سلم وباوع لرؤيا كامت بسرعة لزمت ايدي همست لاتعوفيني

اجه ذباح دنگ جرني منها اندارت سحبت الدولكة بعدها ماكاسرتها ركض دسار لزمها صرخت ردت ارجعلها جرني ذباح دفعني بره وسد الباب واسمع ضربة قوية وصوت دسار صاح اااخ

ذباح  - راح الزلمة

- عزة اخيتي راح تموت

- يبه الزلمه انطگ موش اخيتج

- ليش هيج دتسوون بيها

- ماتريد تتعالج تريد تضل هيج مخها طافر لخاطر تجتل براحتها

- تكتل منو

- هالتكضه حي الله ازلمه لاعالتعين

هو يحجي وصوت ضرب صار وصرختها تصيح حيوانااات  اجلااااااب  والله اذبحكم كلكممم

دنگ مسح وجهه كوة كاتم ضحكته عدل وكفته مد ايده لزمني راد ياخذني ويا لزمتها وهمست ماعوفها

- وعلي اطر راسج نصين بس اتلكفج بعدي ماعليها زلمتها يمها

- راح اطگ حنجرتها شدتحجي انت

- يبه ترديها تتعالج لو تضل هيج خبلة على غفلة تنحر روحها بدون لاتحس

سكتت

- ماعليها وعلي روحي حضري الريوگ ويه خياتج الحين وتهدأ

-لا اضل واكفه هنا

-رايه يبه بوجهج عالمطبخ لاوروح الراح وبلشني بمصايبجن اهفج دفرة اجيبج بنص الچدر

اتجتفت ودرت وجهي بعدم اهميه

هز راسه اي شفته دار السلاح خلاه بظهره عرفت راح يسحلني وخرته عن طريقي بسرعة وركضت واسمع صوت ضربة قوية ويه صرخه دسار صاح اااخ

…مر اسبوع ورؤيا زادت حالتها مانقصت ؛كفت البيت على تگ رجل بصوتها وهوستها تحولت من بشر لحيوان مفترس محد يكدرلها غير دسار حتى اني گمت اخاف حدي اوكف يم الباب وابجي على حالها مااعرف شبيها اتخبلت صارت متوحشة تلزم دسار تضرب وتملخ بي  لحد ماتبهت من وحدها تنهيها بتفله وتخلي راسها بحضنه تبجي بهدوء

اوكف بالساعات بس دموعي تنزل اشوفها كل يوم تذبل اكثر واني عاجزة مابيدي شي حتى اكلها وملابسها متوليهن دسار مايتركها ولالحظة بس من تنام يأمن عليها يروح ساعة ويرجع

…واكفه يم الدرج ويمي هيام احسب للوقت حساب حتى اوديلهم الاكل صارت السبعة  ركضت للغرفة  واسمع صوت منبه دسار اغنية ردح لساجدة عبيد

فتحت الباب لكيته شامر نفسه من التعب فاتح اديه ورؤيا نايمة جفي راسها على بطنه ورجليها مگلوب كوه لزمت ضحكتي حسيت ايد اسحبت ظفيرتي درت وجهي لكيت ذباح رفع حاجبه

- تره زوج اختي يعني حلال شبيك

- وعلي شني تضحكين

- على ذوله الي يسمع عركتهم والضرب على الصار بليل يصدگ يصبحون هيج مااعرف ربي اشلون جمعهم

- دسمعي المنبه شيحس هذا حتى الكاوليه تخجل تخلي

-ههههه لا والنوب مستمر بالنوم ولاتكول هالهوسه يم راسه

- والله الزلمه جان ينشهد بنباهته وخفته بالطفرة بس باين ربج يريد يغسل حظه

-شقصدك

- ماقصدي ياحرمة غزوان گضي هذا النقال

- هذا فون غزوان شيسوي عندك

- تركتي بسيارتي بيوم الجبتج ولو ماهذا النقال جان اخيتج بعدد الاموات وخشي طفي هالرطينه الچوه وهفيهم دفرات هلبت يحسون

-اخاف  يكتلوني

- لخاطر اطگهم جتاف واعلگهم بلبة النخله ويه اعثوگ التمر يكملون علاجهم سوة على الطاقة الشمسيه

ضحكت فتح عيونه دسار على صوتنا رفع راسه تأكد من رؤيا نايمة فرك وجهه وگعد  لازم راسها يفرگ بي اخذله شويه و سحب المخدة خلاها جوه راسها  وكام كال اريد اطلع سوولي طريق

ذباح - على شني هالطريج غير ضال عيون عندك وتتنوع بيهن من انت ضابط والك هيبتك والعالم تحترمك شورطك بهيج خبلة

- هالسؤال وجهه لهاي اليمك بت الكلب تركت المنطقة بكبرها مالكت غير البيت المنعول اهلي بي

-تنوعن شوارب بوجهك حسبالهن ازلمه ينتخن بي

- ههه ناقص نخوة بس مو مرجلة واخلي عيني على مرت صاحبي

- المرجلة التتحجه عنها وانت ماشام ريحتها سحگ روس ازلام اصغرهم براسك لخاطر يحمي امثالك خونه مرضعهم نجس

- تحمي منو لك دحمي ربعك بالبداية وتعلم اشلون توكف بوجهي من امر مو تتلثم مثل المبيوگة بزونه وجها

- افااا وانه ابن البدوية دتعال لخاطر اعلمك اشلون اتغشه بشوفتك 

- وخررر لك لاتخليني ادوفك كدام مرتك بلكي ينكسر خاطرها وتباوع بوجهك

-وانه اريدك ادوفني شو تعااال

كالها وجره من ياخته ودسار لزمه سحبه اله رجعت ليورا  بعدني ما متحركه واشتغلت  البوكسات 

رجعت انضربت بالحايط اباوعلهم اثنينهم نفس الضخامة وانوب مشتعلين نار وبدون عقل ؛  دسار هفه بوكس طشر دمه بعده ماساحب ايده لزمها ذباح ودفره بنص بطنه انطوه ؛ فره جتفه عكس ايده وضربه بظهر  گطع نفسه

حسيته انتهى دااركض لبيبي وقفني دسار هو ويرفع نفسه بخفة رد راسه ليورا رگعه كله رجع ذباح مسافة للخلف 

وكف ذباح مسح خشمه من الدم بظهر ايده شال راسه فتح عيونه يباوع لدسار بنظرة من يمي خنست تكول فريسة گدامه مو بشر طگ ركبته من الصفحتين رفع اديه واشرله تعالي

ضحك دسار بستهزاء فتح دگم ارداناته دار وجهه تفل الدم من حلكه وتقدم دخل صهيب يركض صاح تسودنتوااااا

محد دارله بال ردوا اتلازمو  سحب اقسام ورمه

صوت الطلقة اجت بنص گلبي رجعني لذيج الساعة ؛ سديت اذاناتي وصرخت بدون وعي لك غزززوان 

لزمت راسي وغمضت حيل ابعد صورته هو ويباوعلي بكسرة وضحكة الوداع  مرسومة على شفته 

ماحسيت غير ذباح سحبني لصدره حضني بقوة وصاح هدي يبه ماكو شي

غمضت لزمت تيشيرته كأنما غزوان الركضلي واخذني الحضنه اريد اوگف مااكدر عصرني حيل دنگ باس راسي وهمس لاتخافين

طلعت رؤيا على صوتنا جرتني من ايده لزمت وجهي فتحت عيوني بتعب  همست- شبيج يبعد اختج

نزلت دموعي

شبگتني شهكت بحضنها  اخذتني للغرفة  كعدتي وكعدت حاضنه راسي تمسح على شعري حجت من بين سنونها وروحه لأنزل دموع السبب اضعاف دمعتج

ضميت وجهي بصدرها دنگت باست راسي وخلت راسها على راسي احس دموعها ينزلن على وجهي بدون صوت غمضت

صار هدوء مر وقت واحنا على وضعنا كلمن تضم صوت ونتها عن الثانية ما تريد تزيد وجعها لحد مادخلت بيبي كالت كولن يالله يجدة

رؤيا - لمي الحيوانات الجامعتها بيتج وانوب طلبي نسمي

- الضيف لو يدوس راسك ماترد غير حي الله بيك

- ماطولج هيج حكيمة جان علمتي الخبل المسويته جنه ثور يمشي وينطح بدون عقل

-هذا الخبل هو الراح يسندجن ويحميجن بدمه من الناوي يضيعجن بشر عگله المامنه بس دمار

-مامعتازين سند احد واحنا بنات البتاوين الي گدرنا نحمي نفسنا طول هالسنين من حيوانات بس شوفتهم ترعب الف واحد من ابنج مو عشرتهم

هزت راسها وگعدت بدون لا ترد اعرفها تريد تسكتها بدون مشاكل دقايق ودخل دسار مغير ملابسه لابس تيشيرت ذباح اجه دنگ على راس بيبي باسها وكعد قريب دخل ورا ذباح هم مغير ملابسه ؛  شمر سلاحه وكعد من الجهه الثانية  مد رجل وعكس الثانية انتجه طلع جگارة دنگ ورثها اخذ نفس ورفع راسه نفخها وهو يباوعله بكره ضحك دسار واشرله اشمر الباكيت

ذباح - بعد ماتريد كم ناگة  يترسن حلكك

- دشبع نفسك وانوب وزع

- خيري شابع ديرة بكبرها مضيفي مفتوح وزادي مسجوب گبل لاتجي للدنيا موش تلفي لداري

- ماشفت منك غير گهوة ومن كثر ماخفيفة ضالة بطرگ الحرف وين اكلك  التحجي عنه لو مستحي من مرگتك مكيجة  و تمناتك بدون حجاب

- يعني مامرغوب بيك بس جيب اليفهم

- عود من اجي لبيت اطردني هنا انت حالك حالي شتكولين يالبدوية

اباوع لبيبي تباوعلهم اثنينهم وگوة كاتمة ضحكتها تكول ارويسيه محد يعرف ليش هالكره بينهم

تمدد دسار خله راسه بحضنها غمض وكال فرگيلي راسي يمه

- يبعد امك شني الي متعبك

اخذ حسرة جبيره باوع لرؤيا ورد غمض ساكت

انتبهت لرؤيا حالتها بدت تتعب يعني وكت علاجها وهيه لحد الان بدون اكل

مسحت وجهي وگمت رحت للمطبخ داادخل واسمع گمرية تسولف بدسار تكلها يمه غير خدرت على جسمه ولج شني من امتون عنده غير اتنوع هو ويغيره ملابسه وكوة كاضه نفسي عنه

غيمة - حظ بت اليهوديه بس لو تموت مااعوفه الها

- شني راح تعملين ولج

- مو عينج بي اعتبري طلگ رؤيا واجه يتوسل بذباح بس حتى يسد السالفة ويكله اخذها

-ياع چا وحبيبي اشلون اخلص منه غير ينب عليه ويرميني وعلي

- شنو يرميج بكيفة گليله اني صدگ جنت احبك بس تعرف ذباح ماينطيني الكم لان انتم فقرة واني مااگدر اكسر كلمة اخوي

- صح دسار مايتفوت بس لاع ماگدر اعمل هيج وگليبي مشغول بولفه  ماصدگ اشوكت يچي يطلبني وربي يهدي ذباح ويعطيني

- لعد اني الراح اسرع هالشي واخلي ذباح هو الي يتوسل بي ياخذج وبنفس الوقت رؤيا تطلگ ودسار يتفل بوجه امهن على هاي التربية

- بدون مقابل

- لااا طبعا تخلي يطلگ رايه ويصيرلي

- هسه من اطگه چيلة  مايطلكها هاي امانة غزوان

- بس الشرف وسمعته  عنده اهم منها

- اشلون

ضحكت ماردت عليها ؛ دخلت دارت وجها بسرعة سوت نفسها ترتب بالمواعين باوعتلها بكره عمرها ماراح تنظف تركتها  وسويت ريوگ كل عقلها راح اضل هنا ماتدري متمنيه اليوم قبل باجر اطلع

وكفت احضر عالسريع دخلت هيام ساعدتني كملتها عالسريع قبل لااطلع لزمت ايدي همست اريد اروح لاهلي عيونج بغيمة لاتخلين ذباح يطلع من حجرتج

- تنجبين وتكعدين رجلج مخبل واخلاقه ماتنحمل اضل الليل كله كاعدة اخاف انام وتگلب عالجرباية ونكتل بسبب الصوت

- والله امي مريضة لافدوة اخيتي بس يومين اتحملي لخاطري لا اكدر مااروح ولا اكدر اروح كلبي لاجمني منها البارحة طلعت لكيتها واكفه بلبس يخزي وتتموع جدامه

- عزه بعينها بس مامعقولة ذباح يباوعلها

- خيه اعرف مايتنوعلها بس هيه شيطان اذا خشت عليه للحجرة وتمددت بفرشته من غير هدمة بنص نومته وبلشت هيه اشلون يگض نفسه عنها

- باحلامها روحي دادة والنبي احبسه الج واليوم ياكاتل يامكتول

- بس لاتحمين حتى لاتنجتلين يبعد روحي مابيج نفس وعلي راجدي واحد منه يردج لامج محملة

- صدگ ليش هيج ميت من دسار

- ههههه شابعه تعذيب وكت ماجان بالحجز لخاطر يعرف وين ضام رؤيا

- عزه واني اكول امنيته يكوم ويكعد يكتل بي

ضحكت  طلعت رحت للغرفة لكيتهم كلهم طالعين بس رؤيا كاعدة متجتفه وصافنه بغير عالم بيدها جكارتها  خليت الصنية كدامها كعدت ردت اخذ الجكاره رفعت ايدها وخزرتني خفت بطلت

دخل دسار يمسح بخشمه من الدم باوعتله رؤيا وضحكت بستهزاء همست انكتلت وسفة عالشوارب گدرتك عليه وانت مدمغة

- والكعبة الاماطل ويا مية مرة اهون منج وامني مانكتلت الضغط فول يمي

- فونك يرن صير رجال ورد لا تضل تتختل تخليني انام وتطلع تتوسل بيها

- ياااابه وين طلعت صار اسبوع مكابلج حتى امي اتخاربت وياها لخاطرج بعد شسووي حتى ترضين

- وليشش محملني منيه اشوصلني لهاي الحالة غيرررك

- بت الكلببب منو يعيرج رؤيا خبلتيني مااعرف اشلون اتعامل وياج  وعلي خليتيني اتصفن مثل الزمال

- لبالك حابسني هنا ودتنطيني مهدئات راح تنسيني وكلام الله امشي عليكم بالسره وهذا الكلب الي موصيك عليه اول واحد اروحله للسجن وانحره بنص ناسه

- ههه وين ترحيله غير طفر

- طفرته ؟؟

- مواني هذا شغل نسيبه

- لو ينام جوه الگاع اطلعه؛  النكس اشكد ماحاول يضم نفسه ريحته تفضحه

- هذا بالذات ريحته تمحي الشخص قبل لايوصله بأميال وهاي گبل مو هسه وكلبه موجر ابشرج رد لشغله القديم وبقوة اضعاف قوته القديمة اغبياء حسبالهم يسيطرون عليه مايدرون اتحارشوا ويه شيطان  جيب اليخلصهم من ايده

- وهذا نسيبه الحيوان راح اخذ حقي من عيونه شنو سوه بينا اله يمي بالمثل

- هو وينه الحيوان غير عازل نفسه محد يعرف عنه شي اويلي يابه اذا صحى لزمانه شراح يدخل دخله اخاف جان يلعب ويه الموت هسه صار الموت نفسه

- وانت راح تكون خاتمتي اذا ماخليتك تكمل حياتك يم كبر الحشرة الماخذها كاعد تاكل بروحك كد الندم  مااتسمى

- خرزة الدسار

سكتت كعد گدامها صافن عليها يباوعلها بحيرة رن فونه صاحت رد خلي عندك رجولة

شمر فونه عليها واشرلها شوفي

-لعد شكد رخيص وهيه ارخص منك الي رضت اتسجلها بأسم حيوان مثل صنفك

غمض

ضغطت على اسنونها شالت الكوب شمرته بي دنگ حمه وجهه بسرعة اجه بالحايط اطشر الكزاز ردت دنگ شالت الثاني لزمت ايدها صرخت عوفينيي لج هذااا حيووان حابسني هنااا بس حتى يدمرنييي

اخذت الكوب منها دفعتني وكامت دفرته رفع راسه يباوعلها و ياكل بشفته  ردت ضغطت على اسنونها ودفرته دفرة اقوة دنگ استغفر صاحت على شنوو تستغفررر وانت كلك واحد حيوان وخاين وخسيسسس

دسار - الشيطان يلغي براسي ويكلي اطلع من الاسلام بيها

- حتى شيطانك غبييي  مثلك وكوم يله شتريد تسوي تكتلني لبالك اخاااف وراح احترم سافل قذذررر مثثثلك

اخذ نفس دنگ كوه متحمل صرخت لاتسوووي هيييج

كام بعد ماحاجي وضربته بصدره لزم ايدها ضربته بالثانية جتفها صرخت سحبها لحضنه عصرها وكال اهدي

- انطيني حباية

-ميخالف بس كعدي  يم اختج اتريگي وانطيج 

- جذذذاب

- وروح ابوي انطيج بس اهدي

گعدها وگعد خالها بحضنه اشرلي عالاكل بسرعة جبته خليته يمهم صبيت جاي باس راسها وخرها عنه اخذ الاستكان من ايدي دار منه بالماعون وبرده ونطاها رد دنگ سوه لفة صغيره خلاها بحلكها ؛

اباوعله اشلون عيونه بيها يو خر شعرها وينتظر اشوكت تكمل حتى يسويلها بعد ابتسمت انتبهلي انتجه ورفع حاجبه

- ههههه هاي انت نفسك الملثم الجنت حابسنا واحنا نتوسل لاتموتنا

- ايام الهيبة الله يذكرها بالخير

- كلتلك عوفها جلبت 

- غبيي

شالت الكوب رؤيا ضحك ولزم ايدها - وعلي جذب

رؤيا- دسار راسي راح ينفجر

بس گملي هاللفة حتى أمن عليج من تنامين فترة طويله

- ليشش شنوو راح تنطيني

مارد دنگ سحبت ايدها  بسرعة ورجعت ليورا مثل الخايفة

فرگ وجهه وكام راح يم جنطته فتحها طلع ابره شافتها بيده طفرت مالحگت تطلع  ركض عليها لزمها ضربته جتفها بحضنه كامت اطفر وتصرخ مااريدهاا ولك عوفنيي ولج راااايه لاتخليييي

جرها للفراش وهيه مستمرة ترفس وتصيح حيوانااات عوفونييي؛  سحب الابرة وضربها بلحظة هدأت مثل الي استسلمت باوعتله بكسرة نزلت دموعها وهمست ليش هيج دتعذبني

جرها  ضمها بحضنه دنگ باس راسها اباوع لعيونه حمر مبينه الحرگة بيهن غمض شوية و رن فونه اخذ نفس واشرلي شمريليا 

شلته  مديت ايدي اخذه مني  ديفصله وبطل عگد حاجبه رد  ها ضيع شصاير… شنووو هيذام شبييي … جايكم طلعوااا  گداميييي

سد الفون شال رؤيا رجعها بفراشها وكال عيونج عليها اذا تأخرت لاتنطيها غير حباية وحدة سمعتييي

اشرت اي دنگ شال سلاحه وطلع يركض كمت غطيت رؤيا وخرت شعرها عن وجها  رايحه بسابع نومة دنگت بست راسها وكمت طلعت عالكيف طفيت الضوة وسديت الباب

لكيتهن فارشات وگاعدات بيبي بحضنها كمريه متمددة وعمتي فجر تطحن اعشاب بس غيمة ماكو رحت كعدت يم عمتي  كالتلي اشلونها اخيتج

-نامت

- ربي يشافيها

-وين هيام ؟؟

-سيرت لاهلها

-وذباح

-طلع اكو طلابة بالصوب الثاني راح يشوف شني سالفتها لخاطر اذا ماكو سالفة يعمل سالفة يطگ واحد ويعلگها ابن البدوية المهم عليش تسألين رايده شي

- ردت منه ياخذني لماما اشوفها

- لاطلبين منه ولاتعبين نفسج يذباح لو ترمي مايخليج تحدرين صوب  للمركز

- شنو يعني لحد من اضل مااشوفها والله گلبي عدها

- ييمه هنه كم يوم وترد يمج صبري عليش تعملين مشاكل واخيتج ياهو الي يضل يمها

سكتت حسيت بثگلنا شكد لعد احنا مذلولين وعايشين عالة

اخذت حسرة على ايام بيتنا شكد جنه بنعمة ماحاسين بيها وينك يغزوان تجي تشوف حالنا اشلون اطشرنا وصارت  لمتنا يم الصوبة حسرة

دنكت امشي ايدي على نهاية المده واتسنط لسوالفهن وضحكهن اجت غيمة استوها سابحة بيدها صبغ اظافر كعدت اصبغ وعيونها على گمرية كوه لامة فرحتها عرفتها دتحضر نفسها لليل حتى بيبي اعرفها ماتعارض تخاف من الحرام

انفتحت باب الغرفة طلعت رؤيا ردت اكوم اشرت لا واجت يمي كوه تمشي كعدت خلت راسها بحضني وتمددت  صارت عيونها على كمريه بحضن امها تسولف وتضحك وامها تلعب بشعرها وتضحك على ضحكتها

غمضت لزمت ايدي  باستها وخلتها على گلبها باوعتلها و همست اكو شي يوجعج يروحي

- اتمنى ماافتح عيوني

- اسم الله على كلبج ليش هيج تحجين

- المن عايشين

- ماما راح تطلع ورئول  ترجع نرد نلتم بيت مثل قبل صح مكان غزوان ورند خالي بس يضل  بينا ونذكرهم بكل سالفة نسولفها

فتحت عيونها نزلت دمعتها

- شبيج يبعد اختج

- تذكرين من جنه نكعد على صوته هو ويلاعب رنود وماما تصب الجاي وئال تصرخ على كتابها

- راحت ذيج اللمة وصفينا يم عالم غرب

- رايه كلبي يوجعني

- شنو اسوي لخاطر ترد ضحكتج والله لو طلبتي روحي ماتغله عليج

- توفين بوعدج وياي

- ماما اشلون نعوفها

- ماما انحكمت سنة

-شنوو ؟؟

ابتسمت بكسره وعصرت جف ايدي اتنبهني  لايسمعون ردت غمضت رفعت راسي صافنة شتقصد صارت عيني على گمرية تباوع لغيمة بفرح اشلون تصبغ وتحضر نفسها لذباح كأنما تكلي هذا جواب سؤالج خاليجن هنا بس لخاطر تخدمن مقابل لگمتجن

سكتت ولزمت ايدها حيل لليل واحنا على كعدتنا كمرية وغيمة مابطلن اتهامس وضحك على رؤيا شمتانات بحالتها اشكد اتمنيتها بعافيتها واخذها واروح ولاهاي الكسرة الي بعيونها وهيه تباوع للسما احسها تسولف ويه احد فوگ بس ماعرفت منو

كل شوية ابتسمت ونزلت دمعتها مااتحملت اكثر اشوفها بهاي الحالة كومتها اخذتها للحمام دخلتها ورحت للمطبخ سويتلها لفة طلعت لكيتها واكفه يم المغسلة تغسل بوجها بعصبية عرفت بدت تفقد ركضت سديت البوري رجعتها للغرفة خليتها بفراشها كعدت كدامها  مسحت وجها همست كومي طلعي من يمي

- تخافين عليه من روحج

- رايه كومي طلعي اذا فقدت مااسيطر على نفسي

- تذكرين احلام رئول

- بيت صغير  ماما توكف تطبخلنا الاكل النحبه ومكتبه متروسه كتب و

- وانتي ترحين للمدرسة واني احضر سوالف السهرة وانتظركم ترجعون حتى نلتم بليل داير مداير ماما الي  تسويلنا لفات وهيه تقرأ النا  القصة للمرة المليون ولازم نتفاعل وياها كأنما اول مرة نسمعها

لمعت عيونها ببتسامة تاخذ الگلب

همست بتوسل رؤيا احجي شنو الي بگلبج

رؤيا - ماكو غير الندم

- جنه كلنا نباوعلج متأملين انتي التخلصينا من بابا وتحققين احلامنا

- اكبر غلطة ارتكبتوها

- لااا ماغلطنا  راح تتجاوزين كلشي وتاخذيني منا ونروح بعيد ننتظر ماما تطلع حتى نروح نجيب اخيتنا ونعيش اخر ايامنا مثل مانريد

باوعتلي بتعب

- المات يريدج تجيبين حقه والي عايش يريدج تخلصي كلنا معتمدين عليج لان ثاقين بيج  كدها

مسحت دموعها وهزت راسها اي

ضحكت انطيتها اللفة كمت طلعت الحباية اجيت يمها كملت نص اللفة ورجعتلي الباقي اخذت الحبايه شربتها بساع وتمددت خلت راسها بحضني لزمت ايدي خلتها على راسها وغمضت

ضليت العب بشعرها دخلت عمتي فجر فرشت عرفت دسار مخابرهم مايجي جابت غطة لخ غطت رؤيا وراحت لفراشها تمددت 

تأخر الوقت صار هدوء الكل نام واني بعدني كاعدة بين العب بشعرها وبين منتظرة ذباح يرد حتى اروح  اصبله عشى ورد انام

صار نص الليل وهو ماكو استوها عيوني بدت تغمض واسمع صوت الباب عرفته رد خليت راس  رؤيا عالمخدة وكمت طلعت لكيته دخل للغرفة وغيمة دتطلع من غرفة گمرية تذكرت كلام هيام مهما يكون وكفتلي هواي ماتستاهل وحده مثل غيمه تخرب بيتها

شفتها عدلت شعرها وابتسمت عرفتها رايحتله من لبسها ومكياجها  بعدها يم الغرفة ركضت دخلت قبل لاتتحرك سديت الباب اندارلي ذباح باوعلي منتجية عالباب انفت عگد حاجبه اشر شبيج

- هاا اا لاماكو شي بس خفت ظلمة البيت

- عليش وين جنتي انتي؟!

- يم رؤيا  منتظرتك حتى اخليك عشه

-تركي العشه وحطيلي ملابس بالحمام

-تمام هيه بس مو تطلع

-شني يبه

-لاداكول لاتطلع لان اخاف اضل وحدي بالغرفة

-رايه يبه صاير شي

-هئ

هز راسه بس شكله مامصدگ رحت بسرعة طلعت ملابسه دخلت خليتهن بالحمام طلعت لكيته واكف يم الميز گالب خلقته و يشمر بغراضه تگول يتعارك  لاخال غترة ولاسلاح محفظة على ساعه مسويها طشار

دخل للحمام بين مافرشتله وخليت الغطة رتبت أغراضه كلمن مكانها  كعدت عالطابوريه انتظره طلع شمر الخاولي اجه يم المرايا عدل شعره شال باكيت الجكاير اتجه للباب كمت ركضت بسرعة صرت عالباب  عگد حاجبه گال شمالج  يبه

- وين تررريد

- ادخن جكارة

- اي دخنها هنا شكو طالع

- بعدي يبه

- شنو بعدي كلتلك ماتطلع

- شني مااطلع شصايرلج انتي

- ماصاير شي بس داصبلك العشه خو مااضل منتظرتك العمر كله اشوكت تكعد حتى انطيك اكل تره نعست

- روحي نامي متعشي انه يله بعدي بنيتي

- وانت وين تريد لاتكول ادخن يعني تكدر ادخن هنا

- المجان ضيگ والدخان يتعبج

- لاعادي مااتعب  يله ارجع

- تنوعي لج من الصبح لسه ادور احد اتكاون ويا ماحصلت روحي واصله حدها بعدي لاهفج دفرة

- اي تعال نتعارك اني وياك بس هااا بدون ضرب

باوعلي ساكت ياكل بشفته

- شوف ذباح من الاخير طلعة منا ماكو

مارد تقدم رجعت ليورا صرت عالباب اتقرب اكثر راد يفتحها لزمت اليده حيل رفع ايده بسرعة غمضت وضميت وجهي احمي نفسي لبالي راح انسحل صار هدوء  انتظرت شوية ماكو نفس وخرت اديه عالكيف لكيته خال ايدي عالباب حاصرني من الجهتين مدنگ مصغر عيوني يباوعلي بشك همست شبيك

- شتكولين انتي ؟؟

- تره بس ردتك تضل هنا ماكو شي

- متأكدة

-مم

-رااااية

-مدااجذب شبيك ليش مدتصدگ اخاف اضل وحدي

- تمام

كالها وعدل وكفته طلع جكارة خلاها بحلگه دنگ ورثها اخذ نفس نفخه بوجهي درت راسي نكث جكارته ورد لفراشي وخر الغطة وگعد

رحت للجرباية شلت المخده خليتها من جهته خليت راسي عليها وتغطيت

- شيلي مخدتج خليها بالصوب الثاني

- لاعيبب رجليه تصير عليك

- انه راضي بس بعدي لغادي

- شبيك مااوكع اني شكد صارلك هنا تره اني هادئه بنومتي ماازعجك

-بس شعرج زاعجني وناعل ابو النومة  انتي عليش تفتحي

- لان الكصيبة تصير بظهري تضوجني

- ومنعول القسمة يطبه مرض يحمل مغثته الليل كله يفتر على وجهه مثل فرت ابليس عالخبل

- صدگ على طاري الخبل انت ليش كل يوم لازم تتعارك

ماسمعت جواب  انكلبت على بطني رفعت راسي لكيت جكارته بحلگه وداير وجهه لصفحتي عيونه عليه  عضيت شفتي عرفت روحي جفصت

همست تره ماجنت اقصد

سكت باوعلي بنظرة ماعرفت افسرها اخذله ثواني وكال شكلج مثل تصرفاتج كل ساعة بطور

-اشلون يعني؟؟

- مرات هادئة مثل الملاك  وساعة طفله بلا عگل؛  عنيدة وحاملة براءة تسودن اكبر عاگل

- مااعرف بس يمكن تصرفاتي حسب وضعي يعني من احس بخطر  اهدأ ومن اشوف احد يستفزني اعاند  وشغلة الطفوله الدتگول عنها اكيد لااا لان اني مو طفلة بس من احس بالامان واعرف اكو وراي احد يحميني تلقائي اتصرف بطبيعتي بدون خوف

- هم يجي يوم وتواطنين عيشتنا

-ماادري ولامفكرة بهالشي لان حياتي متعلقة بأهلي وين مايستقرون اني وياهم 

- اليدگ كلبه بالغلط شتكون نهايته

-اسوء انواع الالم

-اكو امل ينسى

-هئ

-حتى لو ابتعد

-يزيد حبه اكثر يكتم حتى النفس لان يحس ماله لذه بعد

-يكولون بكلشي اكو فرصة ثانية

- بس بالحب لااا

هز راسه  دنگ صافن على جكارته

-شبيك

-من كثر تراكم الوجع بداخلنا بعد مانعرف بشنو نحس

-كو منهن نستحق نعيشهن واكو خسارة نباوعلهن من بعيد مو ندخلهن بروحها

-وانه بكلهن متت

طفه جكارته سحب مخدته وتمدد نام صفح جتف اديه وغمض 

رجعت حضنت مخدتي وخليت راسي عليها عيوني بالساعة منتظرته ينام كلبي يم رؤيا تركتها وحدها

مر وقت صار هدوء شلت راسي  لكيته نايم على ظهره وايده على عيونه نفسه هادء عرفته غفه

كعت عالكيف مددت رجلية كمت مشيت على طراف اصابعي وصلت للباب  فتحت الباب بهدوء طلعت بسرعه وسديته وراي

اخذت نفس براحه رجعت للغرفه داافتح بابها واسمع خرخشة بالترك اليمه عرفتها بزونه وراح تگعد رؤيا

تركت الباب رجعت للترك دخلت دااطردها وسكتت واني اشوف ولد بطرگ البنطلون حاضن گمرية وهيه تضحك شافتني وخرته بسرعة اجت تركض  لزمتني جرتني وهو دنگ يشيل أغراضه من الگاع

بعدني ماحاجية وصرخت ذباااح الحگ يخوي انفضحنااااا  …

***رئال****

باوعتلها كأنما اول مرة اسمع اسمي لو اشوف عائلتي گام الرجال يضحك اجه يمي دنگ راد يبوس راسي گمت بسرعة رجعت ليورا گال لاتخافين بابا اشلون صرتي 

- منو انتم اني وين

- ماتذكرين شي

صفنت بوجهه

-ميخالف بس ترتاحين راح تتذكرين تعالي خلي اشوف حرارتج بلكي نزلت شوية

رجعت ليورا اكثر

- لاتخافين بنيتي خليج مكانج لاتتحركين راسج يتأذة ماصدگنه يلحم جرحج وتصحين

لميت الغطة احس الدنيا تروح وتجي وغواش شبه حاجب الرؤيا عن عيوني

صاحت المرة يااا هاي فاقدة الذاكرة يبوو اخاف معوزين ؛ مو كلتلك الوگعة على راسها عرفتها من كامت تخربط بالحجي وتتصفن من نحجي وياها

- ترد ان شاء الله ماعليها اهم شي فتحت عيونها وكامت بالسلامة ؛ عطشانة وجوعانة موو حبيبتي

المرة - انوب يسألها  دگوم جيبلها شي صار اسبوع عالسوائل والجريش ساعة وماتت واتعال انوب ابتلي بمشكلة اكبر

-كولي يالله ليش اسم الله تفاولين عليها

- يله وهاي مراح  افاول خلينه نشوف وين توصلك طيبة كلبك ولو من شفتك جاي تركض بنص اليل تتلفت شايل جثها غسلت ايدي

- اووو رجعنا لنفس الاسطونة يبوية خافي ربج مو عندج بنيه ؛ خلها تصحي ونعرف شنو سالفتها وانوب نگي

- وهااي سكتنا ديله روح قبل لاتعزل المحلات

- ماتعزل هسه اجيبلها اطيب اكل تدلل شموسة

مد ايده راد يخليها على گصتي بعدت راسي اكثر   ضحك وكام كوة راح يمشي بصعوبة

باوعتلي المرة بكره تفلت وردت دنگت تشتغل لميت رجلية لحضني اباوع داير مدايري اريد شغلة اتحرك ذاكرتني لو تذكرني بشي ماكو غمضت عصرت عيوني حيل اشوف هوسه واشياء مو واضحة

فتحت عيوني على صوت بنيه طلعت من الغرفة بيدها منشفتها شافتني كالت هاا يمة صحت العايبة

المرة -اي ويمكن فاقدة عقلها

- يعني شنو ماتذكر شمصخمة وهيج سووه بيها

- مبينه من النغل الشايلته

- جاهيه حضوظ وين ابوي عرف الشريفة  صحت

- اي وراح يركض يجيب اكل مامصدگ

- عسى راح مارد المهم  امجد من طلع ماعاف افلوس

- يكول ماعندي ولافلس

- جااشلون نتسوگ المطبخ فارغ  ذولة مايحسون ياكلون وينامون براس رجلي وانوب ابوي زودها بساقطة اخاف قليل  طياح حظ ابنه

- شنو بكيفه هو كال اتحملوها كم يوم  بس تصحى تولي منا  دروحي غسلي هسة يرد واحجي ويا قبل لايرد رجلج وانوب شيخلصنا من لسانه

هزت ايدها البنية وراحت دخلت مكان شبة مهجور

عصرت الغطة واحس اكو تبلل جواي دنگت لكيت مي رفعت راسي هاي اني مدرره على نفسي بدون لاحس

شنو ديصيرلي ذني منو ليش هيج راسي فارغ  شلت ايدي فتحتها وضغطت عليها دنكت عضيتها وجعتني  يعني داحس هذا مو حلم

اباوع بيت قديم كلش مكشوف ودرج يوصل ليفوگ ؛غرفتين ومكان صغير بينهن ظلمة من غير الحيوانات تدخل وتطلع براحتها

جسمي مااسيطر على رجفته راسي احسه يريد ينفجر حضنت رجلية صافنة عيوني تتجول على كل شغلة اريد بس حدث واحد يصحيني عقلي محصور بين ابتسامة الرجال وصوت المرة تصيح صحت شموسة احس ذاكرتي فارغة مابيها اي حدث

طلعت البنية لافه راسها بخاولي باوعتلي بقرف لزمت الجرجف حيل خايفة من شكلها ضعيفة كلش وجها كله طگع عفست خلقتها وراحت يم امها  وخرت الخاولي شمرته وكعدت تمشط كالتلها امها ها حجيتي ويه رجلج

- اي وكلتله هالشهر لاتنطي راتب لامجد جيبه گبل لامي لان مطلوبة لام السلفة

المرة - عفيه ابنيتي دكملي بسرعة وكومي كفي البيت بين مايختمر العجين لخاطر اتخبزين

- يمه دخيل الله الحر يكتل موش كلتلج خلي خبزنا بس بليل والله وجهي جحد

- ولج سعديه هاي شمس الناصرية فدوة ترحيلها كومي يله اريد اطلع بلكي استرزق كم دينار

ضلت تسولف وياها واني الدنيا تفتر بيه شغلة  اسمعها وشغلة لااا شي مثل الحار ينزل براسي يعصرني اغمض بألم دقايق ويرد يبرد افتح عيوني اباوعلهن  بضياع فاقدة كل احساس لحد مارد الرجال دخل بيده صنيتين كامت سعدية اتلگته انطاها وحده واجه يمي دنگ خلها بالكاع وكعد باوعلي وابتسم نزلت دموعي كال ليش بابا تبجين

- منو اني ليش هيج مدااذكغ شي

- ماطول مااستغربتي وضعج  وعرفتي اكو حياة وتردين تتذكرين منو انتي معناتها عقلج سليم بس بسبب الوگعة تعبتي شوية بس ترتاحين راح ترجع صحتج وبعدين ليش ترجفين  هاي اني يمج وهاي عمتج حميدة وبنتي  راح نداريج لحد ماترد عافيتج

شهكت

- اكو شي يوجعج احجي

- غاسي خالي  كلشي ماكو بي

- ميخالف بابا والله ترجعين تتذكرين  اهم شي كمتي بالسلامة الباقي سهل هسه تاكلين وترتاحين حتى اخذج اطلعج بره يم الزراعات راح ترتاح نفسيتج كلشش 

حميدة - يازرعات اذا شافوها شيكولون العالم شعرفنا شمصخمة وشوراها

- لاحول الا بالله ؛  انتي شنو ماجاي اشوفيها ولج   طفلة وخايفة وهاي الدنيا متروسة ظلم ليش تظلمين بختج بذنبها

- ياذنب منهن النغل الشايلته والحالة الجانت بيها شبيك انت ترا معروفة شنو سالفتها من الچولة  مال غسل العار الشامريها بيها

-حميدددة

-يبوو على اصخام اخاف معوزين فكر وانتي لاتضلين تتبجبجين يلاااا كومي كافي صار اسبوع بنتي مكسور ضهرها بيح

سحبت الجرجف لحضني استغفر الرجال وخله ايده على راسي كال مالج شغل بيها بابا تكدرين  تاكلين لو اوكلج

اشرت مااريد وشهكت

-لاا ماكو ماتردين هاي دموعج تمسحيهن تاكلين حتى ترد صحتج بسرعة وتكدرين تكومين بلكي اعصابج ترتاح وتتذكرين شنو الصار وياج

حميده - ههههههه اذا ماطلعت كاضيها اهلها ويه واحد وكاتليها وانت راح تتورط اكص ايدي

- استغفر الله

-وعلى شنو تستغفر يله كوم وديها للمركز بلكي يعرفون منو هيه  مو جنت تكول بس صبري عليه بين ماتصحى لو جذب خايف وتعرف وراها مصيبة وساكت

-يامصيبة ويا مركز ماجاي تشوفين حالتها

-واشبيها حالتها هاي كاعدة  وجها يلمع انظف من حياتي هسه تطلع بت عشيرة ومتورطة ويه واحد سگط ورايد يخلص منها؛  هييج رايدتها من الله كون يلزموك ويشمرك بالسجن طول عمرك حتى تبطل طيبة الگلب  الماوراها بس المشاكل

مارد  هز راسه بعجز وباوعلي - مالج شغل بحجيها وحدها تلغي لاتخافين مااوديج لاي مكان اذا مارجعت صحتج وتذكرتي اهلج منو

همست سوي مثل مدتگول وديني فدوة عمو

- مااكدر يبوي والله لاعندج هوية ولاواحد راح يصدكني واني رجال على گد حالي وبلاوي الدنيا تكسر الضهر دگومي غسلي واكلي شوية يجوز شويه وتتذكرين

سكتت

- شنو ماتكدرين تكومين ميخالف لان صارلج هواي نايمة اني اسندج

لميت الجرجف خجلانة من نفسي نزلت دموعي

باوعلي بقهر اتحسر وكام راح لسعديه وگف حجه وياها عالكيف عاطت بي  صاح  اشش ورد همس  مااسمع شنو كالتله بس اشر اي طلع افلوس انطاها ضحكت واجت يمي دنگت عتتني عت مو كومتني

وكفت اريد اسيطر على رجلية مااكدر خدرانات جرتني اجيت اوكع گوة سيطرت اخذتني للحمام تسحل بيه الف عثرة عثرت يالله وصلت

دخلتني  غسلتلي اشلون مجان غيرت ملابسي طلعت لكيته شايل فراشي اتلكاني اخذني منها رجعني لمكاني كعدني لفني بجرجف وكعد كدامي

شال طاسة بيها شوربة كام يوكلني رغم احس بالغربة وضايعة حتى بداخلي بس اشوف بعيونه حنان الدنيا اكلت كم خاشوكة وتعبت عيوني بعد مااكدر افتحهن

عدل المخدة  خلاني عليها غطاني وكعد ياكل غمضت وهذا افضل شي لكيته اخلص بي من الواقع

مر الوقت اسمع كلامهم عليه هيه رافضة وجودي وخايفة لايوكعون بمصيبة  وهو مصر اذا ماسكتت ياخذني ويطلع لحد مارحت بالنوم

مر كم يوم واني بمكاني بالنهار اخلصها نوم من كثر العلاج الي ينطونيا  وبليل اسهر اتصفن مثل الطفل حديث الولادة كلمات المرة براسي منهزمة من اهلها وراح نبتلي وخوفي منه لايستسلم الها ويطلعني برة الي مااعرفه شنو واضيع اكثر مااني ضايعة

اغمض بالساعات اعصر براسي كلشي مااتخيل غير وحوش منتظرتني اطلع وتنهشني ارد الم رجلية لحضني وارجف

الليل طويل تعبت روحي من التفكير والبجي اباوعلهم كلمن لازم كتر نايم  الرجال يم الحايط والمرة قريبة عليه اسمع صوت عالي بالجو يصيع الله اكبر تلقائي رف گلبي ونزلت دموعي

مسحت وجهي وكمت رغم بس اشوفهم يفرشون السجادة ويوگفون مااسمع شنو يحجون ولا اذكر جنت اصلي لولا بس حسيت روحي متشوقة اوگف مثلهم

طلعت امشي عالكيف فتحت الباب رحت للحمام دخلت فتحت البوري غسلت وجهي واديه طلعت داارجع للغرفة واسمع واحد عالدرج همس بسس

درت وجهي مفزوعة صاح الله لاتخافين

اباوع شاب اسمر وضعيف كلش كد ماتعبان عيونه بهتانات  بيده جكارة

همست منو انت ؟؟

- صوتج ولج لايلكفني الولد ويطفي الجكارة بعيوني اكثر ماهنه مطفيات وتعالي لج بايعتها فاقده الذاكرة علينه ورايحة تصلين بس والله كفو خوش لاعبتها وياهم

-والله بس غسلت وجهي حتى مااعغف شنو اگول

- شبيج  بجيتي بسرعة يابه اتشاقه وياج وبعدين شبيهم الفاقدين الذاكرة هاي جماعتي نصها فاقدة الذاكرة بسبب الحر وعادي مصاحبهم و حياتهم طبيعية

- داتتهزل

- دا والكاظم شكيت بيج مو مناا من هاي الخلقة بس شيقنع الوالد قافل شامريها بالمگبرة المكطوعة يعني اهلها  هنا

دنگت ساكته

- بس لاضجتي يمعودة تحجين صدگ ترا كلنا مشمورين بس اختلاف ثقافات انتي بالمكبرة اني عالدرج

ابتسمت ضحك كام اجه يمي كال اني امجد ابن الرجل الطيب الواگع بنص الخيسة

- واني مااعغف نفسي

- شموسة ابوي سماج شمس من ساعة الشافج تضوين ويه الشمس غشيم عباله هاي لمعة مايدري الحر سامط جدج وهارط اخر مراحل الجلد يمج

-اشلون لكيتوني

- والله اني جنت ملتحق من رجعت لكيتج فاكه حلكج للسكف وصافنة سألت منين هاي واستلمتني امي ام صوت الحنين غسلت شراعي بالشرف والعفة وهيه التربة ماتعرفها للسجود  لو للاكل

- ماسألتوا عليه يجوز مخطوفة مثل مدتگول بت الغجال

- منو يخطفج جنج زورية بصوت صرصر سالخ جلدة  وعلى شنو هيج مهتمة والكاظم انتي بنعمة الكل يتمناها وين لاكية عقل جديد وحياة جديدة هسه تلكين اهلج بعارة وجانوا شامريج ويه الغنم  تسرحين بيهن

- مدتحس شنو شعوغك من تصحى وانت ماتعغف حتى نفسك

- لاااا هاي غلطة بحقي شنو مااحس كل هالمشاعر والاحاسيس وتحجين هيج ومنو كلج مامريت بيهج حالة مره ضليت اسبوع كامل فاقد الذاكره اصيح لابوي جعفر وامي  سلهوم

- واشلون رجعت الذاكغه

- من نسوا سالفه الفلوس المبيوگه

- عززا انت ماخذهن 

- اشش صوتج لج

انفتحت الباب لزم ايدي بسرعة خله بيها الجكارة ووكف يصفر درت وجهي لكيت ابو جاي كال ها بابا ليش هنا شفت مكانج خالي قلقت عليج

- كمت داغسل حتى اصلي

-عفيه بنيتي بس شنو هاي الجكاره بيدج

-هاا عمو اا

-من هذا السكط موو

امجد - ياسكط بويه استوني كعدت من النوم الله واكبر واحد رايح يتوضى ابأمان الله تجي تايهة عمي خافوا ربكم وانتي هييي فاقدة الذاكرة مو فاقدة ضميرج

- الله يغسل حظك اكثر ماهو مغسول

- ماارد عليكم تارك حوبتي ترد وهاي لمها بعد جم يوم تلكيها كاعدة بنص البيت تنرگل  

عافنا ومشه هز ايده ابو كال ماتصيرله جاره سكط

ابتسمت شمرت الجكارة بالكاع

عمي  - اشلونها صحتج بعدج متوجعة

- لاعمو بس غاسي مغات ينزل بي شي حاغ وجعه ماينحمل

- الله كريم يبويه اليشوفج بذاك المنظر يصدگ بيج هيج راح توكفين وتسولفين

- اشلون جانت حالتي

- عوفي حالتج وروحي  صلي بس على كيفج من ادخلين مالنا خلگ تكعد هاي تضل تلغي

- ليش جبتني ماسلمتني للمكان التگول عليه عمتي

- اجذب عليج اذا كلتلج ماخفت ردت اتركج وحتى صاحبي وياي گلي امشي هاي وراها ورطه  لان جنتي ميته مابيج نفس وبمكان استغفر الله وهنا كلها عشاير اذا كضوني الشامريج ينهوني

- قصدك اهلي المسوين بيه هيج

- اهلج غريب مااعرف وهاي الدنيا مليانة مصايب وتايهات ومحد يصدگك  مشيت عنج وصلت صاحبي لبيته ردت ارد لبيتي  بس كلبي رف على منظرج ماكدرت رجعت وكلت اني وحظي وهالجازفت بيج

- من غجعت ماشفت احد يمي

- ولاطير على وضعج بس دمج تارس المكان جبتج لهنا وضلت اكثر من خمس ايام اتردد على نفس المكان بس ردت المح احد ماكو رحت للمستشفيات والمراكز بلكي احد مسجل دعوة اختطاف لو فقد هم ماحصلت

- وين اغوح

- ماترحين اي مكان تضلين يمي وتحسبيني ابوج منا لحد ماالله يفرجها لو ترد صحتج لو نوكع على خبر اهلج ونعرف شنو سالفتج صح احنا على گد حالنا بس ان شاء الله مانقصر

- اندعيلي عمو حتى لو بس اذكغ اسمي لو اسم واحد من اهلي

- والله يبويه من ساعة الشفتج هناك رفعت ايدي بالدعاء ان جان اهلج مابيهم اذيه عليج ربي يلم شملكم واذا همه السبب الله يبعدج عنهم

هزيت راسي رجعت للغرفه شفت السجادة ضحكت على نفسي شنو اريد اسوي ياصلاة واني مااعرف  حتى شنو جنت

رجعت لفراشي خليت راسي عالمخده الايام تمر وضعي تعبان وياهم صح عمي مامقصر وشايل طيبة ماكو منها بس احساس الغربة والخوف شي بشع

لااكدر اطلع لو اروح للمركز خايفة كلامها يطلع صح اهلي الي شامريني بهيج مكان واذا عرفوا بعدني عايشة يردون يكتلوني بالاخص من عرفت النزف العدي مال حمل مهدد واثر هواي جويات بجسمي هنا موبس كرهت نفسي اتمنيت صدگ كون ميته ولاالداحس بي 

ولااكدر اتحمل واضل ساكته الغربة خانگتني فوگ ضيم وضعي سعدية خلت راسها براسي هو زوجها نزل من الجيش وهيه تخبلت حبستني بالغرفة  ونهار وليل تتعارك ويه ابوها حتى يطلعني خايفة يشوفني ؛ من غير صوته المقزز واخلاقة السوء اسمعه من يعيط بيهم  مبين مسيطر عالبيت كله زاد الرعب بداخلي كلما يوصل لغرفة عمي تركض توكف بوجهه وطلع الف عذر حتى مايدخل

كاعده بركن الغرفة لامه رجلية لحضني وعيوني على عمي الي كاعد لازم راسه محتار دخلت سعدية كالتله طلع عبدو يله كوم طلعها

عمي - انتي شنو بوية بس فهميني ماعندج مخافة الله وين اوديها دشوفيها تكسر الگلب

- على شنو ماعندي مخافة الله بت عايبة شايلة نغل كافي صارت زينة خو مانضل مبتلين بيها اذا عرف رجلي يسويلي مصيبة

- منين يعرف موكلتله بت كرايبي يتيمة وجبتها يمي لان مريضة ماعدها احد وسكت

- لحدمن تضل هو احنا لاكين ناكل حتى نزيدها  وبعدين رجلي معروف وصاحب مركز مو قليل نايب عرفاة تعرف شنوو و مانكس بيته بهيج زبالة خلي ساتر عليكم وخالكم يمه بالشغل لاتجبرني اروح اكله يحاجي صاحبه يفصلكم من الجيش

- استغفر الله  روحي بويه اني اشوفلها مكان قبل لاالتحق مااروح اذا مااطلعها منا

دارت وجها تفلت عليه وطلعت انضربت بأمجد  داخل هز ايده كال هاي شبيها العجل

عمي- عوفها ليش ماتروح لوحدتك

- وين اولي غير رجل بتك الجحش ابن الجحش خلاهم يكسرون ضهري بالواجبات والكتل غير اني اكدر اتحرك مو التحق

- حتى تتربى بعد ماتمد ايدك على مرته

-وهو لورجال ومايرضه على مرته يوكف بوجهي يحجي مو ينتظرني اروح هناك ويرشي الاامر حتى ينزل بيه عقوبة ابن الجبان

- انجبب لوماهو جان بعدك بالشوارع تكرط حصو احمد ربك عينك وسواك بشر

- وشنوو مستفاد ١٥يوم مشمور عالحدود مثل الجلب تالي راتبي نصه بجيبه ونصه بجيب مرتك

- هاي مرتي امك وهيه التصرف على حلكك وراتبك من البداية انت رضيت اذا عينك اله نصه

- كال ست اشهر وهاي راح يصير سنة وبس احجي يهددني بالفصل بالعباس مليت شاب جيبي مابي افلوس باكيت جكاير ماطلعت هاااي

- لو خوش ادمي جان ربك رزقك بس عبنك ناقص ويعرفك تضيع افلوسك عالمكسرات

- يامكسرااات بويه اريد البس اريد اكل اكله بيها خير تره بزعت روحيي وكل ماحجيت وكفتوا بوجهيي

- اطلع اشتغل عندك نص شهر احسن ماخلصها ويه جماعتك الهتليه

- منو يشغلني الكل يعرفني جندي حتى عامل مايقبلون يردون ملتزم وياهم والكاظم صاير مضحكة بينهم اخجل حتى اطلع وياهم اخاف يرحون مكان واني افلوس لفة فلافل ماعندي

- جاشسوي ولكم ررراح اتخبلونييي كلمن يهوس بجهة متكلولي شصيررر رحمونيي

هو يعيط ودخل رجال شواربة ثخان سمين كرشة جبير صاح بصوت مقرف شكووو

دخلت سعدية تركض ورا لزمته كالتله ماكو شي يبعد روحي هذا امجد ابوي دزه على شي ونساها

- لك انت اشوكت تصير ادمييي اله اكسر ضهرك

امجد - شغلة بيني وبين ابوي لاتدخل

- انعل ابوك لابو ااامك من احجي تاكل قندره وتسكت وليش لسه ماوليت لهناك

- بعد يومين تخلص اجازتي

- ماكو بعد يومين تروح من باجر تنظف غرفتي وتغسل البطانيات كون اجي والگي بيها اثر وسخ حتى اخليهم يصلخوك

- ماعندي افلوس التحق باجر اتفقت ويه واحد يطلعني ويا عمالة وعگبه التحق

- لاباااجر وغصباً عنك تطلع الصبح للشغل وبليل تلتحق وكون ارجع واشوفك هنا حتى انعل ابو ابوك

اباوع لامجد دفر الباب وطلع وجهه مسود گد الحرگة صاح ورا تعااااال لك كام عمي ركض لزمه كله عوفه لخاطري يبوي زعطوط

-والزعطوط يتربى

-ميخاف اني هسه اطيح حظه عوفه خطيه ظهره طاگ من العقوبة

- واسحك راسه اذا شفته فاتح حلكه وانت شنو شو هنا موعندك خفر

- صاحبي لزم مكاني كم يوم بين ماترد صحت بت اخوي شوية وارد

- خو مو ياخذ نسبة من راتبك

-لايعرف عندي مريضة

- خوش لان هذا الشهر اريد اصلح سيارتي وينها هيه هاي مريضتكم

لميت رجليه حيل باوعلي من فوگ ليجوه  احس عيونه تخترق كل جزء بيه خنست  بلل شفته وندار تفل ورا كالتله سعديه تعال يله راح اصب العشه

- وليش اتعشه وحدي شنو منغولي جيبي هنا اتعشه يم عمي

- لاموهاي بيها صرع اخاف تجيها الحالة وتخرب عشاكم  والدنيا حاره حتى ابوي يجي يمنا بالطارمة 

اشر اي ودفعها كدامه طلعوا اندار عمي باوعلي اتحسر وراح طلع لحكهم

من كثر ماضاغطة على نفسي احس شي نزل براسي لزمته حيل افرگ بي زاد الالم مثل المي حار ينزل بي خليته عالمخده غمضت وسحبت الغطة رغم الحر بس احسه يحميني

شويه واسمع عمتي رجعت من الشغل صبوا الاكل صار سوالف وضحك مر وقت واني منتظرة يجيبولي عشه لحد مارحت بالنوم ومحد ذاكرني

كعدت على احد يندسني فزيت مفزوعة سد حلكي امجد وهمس اشش

وخرت ايده كعدت ايدي على كلبي غمني وتربع يمي

برطمت

- بعد صيحي اريد ماما  هسه مال اتفل بوجهج  وعلى شنو كمزتي مخترعة لايكون وجهي ماعاجبج

-لاخفت لبالي حغامي

-حغامي ؟؟ دكمشي خويه هاي لفة اكيد عافوج بدون اكل اختي واعرفها جحشه مثل رجلها

- يجوز ماكفه الاكل واني موجوعانه ليش كلفت نفسك وانت ماعندك

- لاتخافين اشتغل بالختلة بس ذولة جلاب بس يعرفون ياخذوهن دكمشي اكلي قبل لاتگعد ام الجاموسة تاخذها

اخذتها دنگت صار شعري على عيوني مد ايده وخره خلا ورا اذني مثل الشي صار گدامي  حسيت گلبي نبض شلت راسي باوعتله صافنة  اشر شكو

- حسيت شي مااعغف شنو

- هسه اعرفج انتي بت عالم لو زبالة

- اشلون

مد ايده -كتبي اسمج بالانكليزي على ايدي

دنكت كتبت بدون وعي ولا اعرف اشلون

- بت خير واهلج فايخين لربهم والله عرفت من هذا شكلج

- هاي اني اشلون عرفت اكتب

- المهاره لاتفقد مثل انت لاعب طوبة تفقد ذاكرتج صح تنسى جماعتك الجنت تلعب وياهم بس ماتنسى مهارتك  تدخل تهفها بالگول وتطلع براحتك وهاي انتي طلعتي بت عالم مثقفة مو رعيان غنم مثل مامبين على وجهج

- يعني منين مثلاً

- اكيد مومنا لان هنا ماكو ريحة للمدرسة مو انوب لغة وعوفي السالفة دهاج لزمي ذني نساتل جبتهن الج ضميهن عدل لان اليوم الفجر التحق وهاي الجاموسة اعرفها راح تبلش وياج حرب البسوس تكطع المي والكهرباء عنج لخاطر الجحش مالتها

- هو مغكزه جبيغ

- لايابه يامركزه  بس خايس واني ماعونت اتعين هاي متحملي لحد مانشوف وين ترسي يله راح اكوم ماضل وقت ضمي ذني واكلي اللفة وشمري جيسها برة حتى لانلكف

اشرت اي كام اخذت جنطته وملابسه وطلع سويت مثل ماگلي اكلت وگمت شمرت الجيس من الشباج رجعت تمددت ماكدرت اغمض شباعنه نوم ضليت اتكلب لحد ما دخل لابس ملابسه العسكرية عگدة حاجبي احس مار عليه هيج شي

اشرلي شكوو

هزيت راسي بكلشي ماكو

غمني وهمس باي 

- الله وياك

ضحك راح ثواني واسمع سدت الباب غمضت اقل من ربع ساعة واسمع صوت الاذان والكل گعد سحبت الغطة غطيت راسي اندعي كون امهم تتركني بحالي لاتبلش بالسب والدواعي

دخلت سعدية تستعجلها واحس روحي ماصدكت من سمعتها تكلها يله عبدو يكول هم يالله حتى انلحگ انزور ونرد عندي شغل

عدلت الغطة خانسة حتى النفس كاتمته اتسنط لحد ماطلعن وخرت الغطه وشهكت النفس  باوعلي عمي وضحك كال ها خلصتي

ابتسمت خجلانه

-يله كومي غسلي وجهج بين مااسوي ريوك

-شنو غاح تطلع

-اي والله يبابا اروح اسأل بالمراكز والمستشفيات واكو شيخ عرف هم كلت اروح اخلي خبر يمه وبلكي الله ؛بس يله بس فضينا حتى ارد قبل لايرجعون مااكدر اعوفج وحدج

اشرت كمت رحت للحمام بين غسلت وجهي ولميت شعري طلعت  لكيته خال صنية رحت كعدت يمه انطاني خبز وصبلي جاي من الفرحة حتى مااكلت  كمل اكله راد يلم الكوابة لزمت ايده كلتله اني المهن بس غوح

-امجد اشوكت طلع ماشفته

-من الصبح اجه اسلم شافك نايم ماهون يگعدك

-والله كاسر گلبي هالولد وخايف عليه

-ليش هيج زوج اخته يضوج منه وينزل بي عقوبات

-لان دوم يوكف بوجهه يشوفه اشلون مستغلنا بس شيكدر يسوي هاي بس يعترض ذاك يروح يرشي جماعته يخليهم يضربونه بالوحدة ولانگدر نحجي لان ندري بي يگدر يخليهم يفصلونا واحنا ماصدگنا نحصل شغل بعد ماجنه نحفي عالخبزة

-بس امجد خطيه دااشوفه يتعب وحتى جسمه كله ملخ من الكتل

-اووف يابويه شگد متحمل وساكت لخاطرنا اريد ربي يرزقه بگد طيبة گلبه ويريحة مثل مامتحمل الكتل والتعب حتى يعيشنا

-جابلي نساتل هواي

-ههههه الف عافية دضميهن عدل لايلكفوج وساعتها هم ياخذوهن منج وهم يعاقبوا ديله كومي سدي الباب وراي ورجعي نامي لاتضلين تتحركين موزين عليج

- بس اغسل ذني المواعين

- خوش بس موتوصلين يم النار اني اجيب لفات  للغده لان بس اني وياج اليوم هنا

هزيت راسي كام طلعت واني لميت الغراض دخلت للمطبخ غسلتهن عالسريع رجعت للغرفة واني الف امل وامل براسي كل احلامي يرد يبشرني بخبر يزيل الخنگة الدحس بيها لوادري راح اتضل احسر على هاي الخنگة جان ماخليته يطلع وتقبلت وضعي وحمدت ربي عليه

دنگت اعدل بفراشي وسمعت باب البيت انفتح لبالي عمي نسى شغلة خليت المخدة عدل استوني داشيل الغطة ومااحس غير باب الغرفة انسد وصوت ضربة القفل

انداريت واشوف عبدو واكف وراي يفتح بدگم قميصه  يباوعلي من فوگ ليجوة بقذارة والابتسامة  مرسومة على وجهه

كمت وگفت رجعت ليورا بخوف بعدني ماصارخة ركض بسرعته جرني  سد حلكي ورفعني …

لاتنسون التصويت ❤️