تحميل رواية «شيء من رصيف الدم» PDF

شيء من رصيف الدم

بقلمي: leo Alfatlawi

بارت الواحد والثلاثون

***رايه***

اجت تركض لزمتني والولد دنگ شال أغراضه بعدني ماحاجية وصرخت ذباااح الحگ يخوي

دفعتها كمشتني بكل قوتها وكامت تصرخ بعلوا صوتها لحكونيي راح ينهزمون

ويه طفرت الولد الكل طلع يركض ويصيح شكوو شمرتني على عمتي وصاحت كضيها خلي الحگ انده ذباااح قبل لاينهزم الزلمة

هيه تحجي وصوت سحبت اقسام درنا وجهنا لكينه ذباح جاي بيده سلاحه وكفت متصنمة بعد اريد احجي مااگدر عمتي لطمت على وجها وبيبي صاحت لايمة دخيييلك

سحبتني رؤيا خلتني ورا ظهرها مانسمع غير صوت دراجة نارية اشتغلت برة

دفعنا ذباح عن وجهه ورگض طفر الحايط ويا دبجة رجليه صوت الرصاص اشتعل بالجو

صرخت عمتي شعملتي يمصخمة ولج راااح خووويي

اندارتلي رؤيا باوعت لعيونها بخوف نزلت دموعي لزمت ايدي بسرعة جرتني لحضنها عصرتني وهمست لاتخافين

صگر دخل يركض يصيح عمه سلاحييي وصهيب صاح لك الحگه جتل الزلممممة

ظلمت الدنيا فقدت توزاني وگعت بدون لاحس

گعدت على عصرة ايد واعياط رؤيا فتحت عيوني لكيت روحي نايمة بالغرفة ويمي رؤيا على اذنها الفون مدنگ عاضة شفتها تتسنط اخذتلها ثواني وصاحت اسمع لك دقيقتين ماكووو غيرهن وروح اخيتي اذا ماشفتك گدامي اخابر ابو عگرب الكلب اخلي يجي يلمكم ويمدكم عكس القبله يذبحكم مثل الخرفان…

… لك اكلك اتخبببل حاجزنااا وگال لابن اخو الخنيث التطلع ارميهااا …الله يلعنكم حيوانااات مابيكم شررريف

كالتها وغلقت الجهاز شمرته صارت عيوني على عمتي كاعدة شوية عني املخة روحها خدوها حمر بس دموعها تنزل بكتمة وبيبي مدنگ ضامة وجها لازمتها غيمة

گمرية منتجية عالباب سادته بظهرها و تباوعلنا بشماته دنگت رؤيا وخرت شعري عن وجهي مسحته واشرت شبيج

همست والله ماسويت شي

- لاتبررين الي يصدگ بالحجي مو زلمة واحنا ماعوزنا خنث بحياتنا

گمريه - والله صلافة وعين گويه فوگ ماصخمتوا وجه خويي تلغثين صدگ لوكالت غيمة بدون ستر

- عفيه صلافة وبدون ستر وهااا اني بت اليهودية تربية اسوء مكان بالدنيا اكبر شارب بعشيرتج مايهز شعرة مني

- خلي يرد ذباح عود من يسحگ راس اختج ويخلي جيلة بي احجي هالحجي

- يخسى هو السانده بعد ماجاي للدنيا الي يشمر كلمة بحقها مو يوصلها ولاحسبالج ماادري السالفة شنو بس خليها براسج والسماني خزرة البتاوين اذا ماخليتج دنكين تبوسين رجليها وشرط هذا الاسبوع مااطلع بت ذاك الفحل الساحگ روس اسيادكم

غيمة - وين الله ويلزم الولد ونشوف الحجي اشلون

گمرية - وين يلزمه غير انهزم تلكي من بغداد اصلاً مومن هون

عمتي - كافييي انتن شنيي ماتگللي ولجن الزلمة مانعرف وين اراضي انتن تتناكرن واتني عمة رؤيا بسج خلي يرد سالم واحجي التردي

رؤيا - يطبه مرررض وين مامولي على شنو احجي لو زلمة صدگ جان عرف يربي اخته مو ركض جابلها وحدة ثانية تكمل خياسها الفايح

- ياااع هذا ذباااح مانه زلمة

- وغزوان المايجي نص عمره براسه ؛ الي ينتظرون يغمض عيونه حتى يدخلون حثالة ادوس بعرضه بالختلات لايقارن نفسه ويا اليترك بيته وهو مأمن بتربيته ويعرف سترهن برگاب شيوخ دواوين

- ولك صگرررر ماتجي ليه يعمة تكتملي هاااي

- اذا زلمة من ظهر زلمة خلي يجي حتى اكتملج ابوو واعلمج منووو التنكتم والتسكت لهيج نماذج

راد تحجي عمتي لزمت ايدها بيبي وانتجت مغمضة استغفرت اخذت حسرة و سكتت

رجعت رؤيا ليورا انتجت عالحايط عيونها تتطافر بس تريد احد يحجي حتى تهجم عليه؛ گعدت ادنيت يمها جرت راسي خلته على صدرها دنگ باسته وهمست لاتخافين وهاي اني ضليت بطرگج خالية مختلية وياحلات الموت للمشتهي

لزمت ايدها وغمضت شريد احجي منو يصدگ بنات جايات من البتاوين من بيت دعارة ويجذب تربية ايدهم؛ ضلت تمسح على شعري اكثر من ساعة وندفرت الباب كمزنا كلنا جرتني رؤيا خلتني وره ظهرها

دخل ذباح بيده سلاحه ملابسه كلها دم ورا دسار يركض صار بوجهه دفعه من صدره شمره ليورا وصاح رررد لكككك

اباوع لذباح صاير جهنم عيونه دم ينفت بغضب عصر جف ايده وحجه من بين اسنونه ياهوو كلك تخششش

دسار - ادخل وانعل ابو اصلك اشبيك لك اتخبلتتتتتت

- بعد عن طريجي خليني اخذها لاوعلي اسويكم رماااد مااخلي صاحي بيكم

- شتاااخذ شلغيناااا لك يابة موهيييج تنحللل

- دساااااار

كالها وسحب اقسام دفع دسار علينه وجر گمرية من شالها شمرها بنص الغرفة رفع سلاحه استوى يرميها ركض صهيب ضربة بنهاية راسه ودسار بخفة لزم ايده البيها سلاح طكها برجله وگع السلاح ولوها ورا ظهره

ضغط على سنونه وندار لدسار؛ ركضوا صهيب وصگر لزموا ودسار جتف اديه؛ جر نفسه ماكدر يحررها دار راسه لصهيب وصرخ بصوت رج الغرفة هو ويصيح وعلي اذبحهااااا

صاح صهيب فجررر اخذي گمرية لدار الشيييخ

- لااااا ورحمة ابوي اجتلكممم كلكم ولكم تركونييي وعلي اذبحكم بس تطلع منااا ولككككك صهيببب هدونييييي

لطمت عمتي على وجها جرت گمرية وطلعت تركض وصوت ذباح وين وصل بالعياط والتهديد بس يريدهم يتركوا يتماطل اماطل وياهم يشيل روحه ويرگعها بالگاع ثلاثتهم ملتمين عليه ومامسيطرين

كمشت رؤيا حيل سحبتها للحايط مامفتهمة شكو هو يصرخ وغيمة تلطم والولد يحاولون يجتفوا هاي كلها وبيبي على كعدتها تباوع ولاكأنما اكو شي لحد ما صاحت بسكممم وانت هدي اليوم ماتنام اذا ماتحدرها بگبرهاااا

صهيب - لااااه يالبدوية شجاي تحجين

- سمعتني يحزام ظهري الزلمة التغمض عينه وهو داره مانو نظيف يزين شاربه ويلبس شيلة

- يابة ما متأكدين الزلمة گاصدهاااااا

- التحفظ نفسها وهيه بنص النجاسة انظف من عرضك المتربية بنص شوارب وسترها مكشوف

- وهاي بت حضني مالكم حگ بيها گدي غلطت اجسر راسها واعيد تربيتها والي يوصلها اترس حلگه بارود

- وانه امك وكلت دمها صار بيد ذباح

- شني يعني يجتلهااااا

- ويدفنها بدون تغسيل مثل مايدفن خبرهااا ونص جلمة مارايده اسمع

شمرت سبحتها وگامت اختل توازنها ركض صگر سندها لزمت ايده وطلعت تمشي وهيه محنية گوة تمثل القوة وراها غيمة

دفعهم ذباح جر سلاحه من دسار كله رادلك انطرنييي

ضحك بستهزاء

دنگ شال جماغه وطلع بسرعة مثل كتله النار گد الحركة مايشوف گدامه وكف صهيب صافن اشر شنو

دسار - خابر شيخكم كله البت دخيله بين مااخبر الولد يلزموا

- الحگ دخيل عرضك يخوي البت صغيرة وماتفهم

- اترك شغلت الخبل وراي بس استعجل بشغلة الشيخ وياريت تروحله يكون افضل

هز راسه وراح يركض دنگ دسار طلع فونه دز فويز جتفوا ابن البدوية وشمروا بالسيارة لاتركوا لحد ماابلغكم

خله جهازه بجيبه وندار لرؤيا باوعلها رافع حاجبه - تهدديني بي يبت الدغش

- وانفذ واخلي يعلمكم الرجولة اشلون تصير

- اشلون اتخليني اجيبه امده جوه رجليها

- روح حباب العب ويه الي بگدك رب الفرها بيكم خلاكم اطلعوا وصار ضدكم مايكدر لواحد لفوا خاين مثلك

-تتراهنين

-وهاي اني

-احبك موت يالناسي

-هذا دروغو الخبل كتل الولد

- لابس صوبه ولحكوا عليه اهله هزموا

- لعد اشلون عرف گمرية وره السالفة

- ولج هي اختج غير تباوع بوجه رجلها حتى دور غيره

- انطيني جكاره

شمرلها بوسه بالهوا واندارلي كال وانتي رايه شبيج ليش وجهج اصفر

همست راح تسجنه موو ؟؟

- وليش هيج تردين تبجين

- مهما يكون هواي وكف ويانه وساعدنا

- شوف هاي التقدر جا ماتعلمين اختج

- هو دخلني بيته وجبر الكل يحترمني وماشفت منه غير الخير ؛ وانت شنو سويت غير اذيتها ؟؟

رؤيا - والاهم من هذا رجال گول وفعل مو ملطلط خاتل ونفسه مايعرف يحميها

دسار- صفيتن سوة بنات الدغش خرب بغيرتج منين اطلبنها

شمر سلاحه وگعد اشر سدي الباب

رحت ردت امد راسي اشوف شكو وخفت سديت الباب ورجعت لكيت رؤيا كاعدة يمه خاله راسها على متنه بيدها السلاح تكلب بي وهو مدنگ يورث بالجكارة

كعدت كدامهم سحب نفس من الجكارة سحبتها من ايده رؤيا خلتها بحلكها ؛ هز راسه بيأس وجر السلاح منها شمرة بصفه ورد طلع جكارة ثانية دنگ يورثها گالتله اشوكت تعلمني عالسلاح

دسار - كلنا نتلعم الدفاع مو الرمي

- مااكتل بشر بس اكو واحد غاثني

- افااا تنغثين واني موجود يول بس اشري ماطلع الحيون اللفو اذا مارديته لظهر ابو

- وين جنت ؟؟

- يم ابن النظام

- اشلونه

- سوه تحدي ويه الشيطان ياهو اليطغي اكثر يترأس كرسي الجحيم

- يستاهلون كون يحرگ شكو حيوان على وجه الارض

- وهو عالاساس مقصر اخاف جان ينطي مجال حتى يرددون الشعار هسه كبل الحگ اربعك

- صدگ يحبها

- يعشقها عقله راح يختل عيونه على اغراضها يلمسهن بطرف اصابعه من گد خوفه لايتلفهن ويفقدهن هنه هم

- جان مدللها

- حارب الدنيا لخاطرها خسر اهله قبل وضيفته اشكد وجعت كلبه وغدرته بس ماكدر يأذيها غير بيوم الراحت

رفعت راسها اشرت شنو سوالها

- سائلها بعدج تحبي ؛ رادة اني موالك من البداية يكول بس ردت احسسها لو اثر بالحسيته يابوييه لوتشوفين الندم العايش بي دخيل محمد

- يستاهل البول تيري

باوعلها وابتسم بكسرة

- جانت تكولها مو

- وتخاف تختل بحضنه حتى لايضربها

- دساار

- وكلام الله موهيه اكو وشم بنهاية الاصبع قبل لاتاخذها النار

- لعد وينها وليش ماتگله

مارد اخذ حسرة طويلة وانتجه مغمض ضغطت على سنونها وضربته بصدره صاحت حيييوان ضاعت بسبب قذارتكمم

سكت

-تدري اتمنى ماتلكاها حتى يموت صاحبك وراها واتضل انت وحدك مثل الجلبببب

اشر اي

همست بألم بس ردت اشوف شكلها

جر راسها لحضنه شهكت دنگ باسها وضمها بقوة

اباوعلها تبجي بحركة حتى هو عيونه حمر گوة لازم دمعته ذكروني بحالتي اول مافقدت رئال نزلت دموعي شافني رد دنگ باس راسها وكال هاي اختج كامت تبجي بسببج كافي خلي تلم حيل لكتلة رجلها ترا كم ساعة واحرره

رؤيا- الله ياخذك انت ويا ويشمركم بنفس الدرجة بجهنم

- يابه شواكعتلنا بالموت انتي وابوج خرب بغيرتكم گضيتوا على الكوكب بكبره

- بعد مااخذ علاج

- بطلة

- وتبلش تعلمني من هسه على كلشي

- برج شهر اخليج تتصارعين ويه الذيابة

- تاخذني اله

- لااا هناا توكفين وتشيلي من راسج نهائياً

-تمام

-جذبتي يخرزة البتاوين

عگدت حاجبها تباوعله بكره عصر وجهه - هذا الوجه ماناويه تغسلي

دفعت ايده رجعت راسها على متنه خلت الجكارة بحلكها اخذتلها ثواني وردت ضربته لزم ايدها وضحك ضحكت على شكلهم اثنينهم مشخمطين

باوعتلي بنرفزة وصاحت على شنو تضحكين اني منج اطم روحي على الجبن تگول ذيل بريعصي مرگوع نعال بس يرعش

- هههه تذكرين من جنتي تغارين من رئال وتقنعيها حتى تطلع من البيت وتضيع

- هيه جانت فاهية اكو حمارة يگلولها ذاك البيت بي العاب ويحبوج اكثر من اهلج تصدگ وتطلع تركض

- ههههه تذكرين من كتبتي رسالة وداع عالاساس بخطها وخليتها جوة مخدة ماما وهزمتها

- اجه محمود شالني من شعري كال وين وديتيهاا

- وجاسم لزملج الصوندة

- وحطيتله سم بالجاي خليته اسبوع يكمز بالحديقة

- عززا والله عرف خالو انتي السويتها بس ماما كالتله لامامعقولة صح مشاغبة رؤيا بس مومال هيج تسوي

- هو باطل يعاملنا معاملة كفار الحبشه يكتل ماما يكتلنا وياها؛ يضرب غزوان يضربنه ويا يبسطوا بالشارع يرد يبسطنا

- وصجمة المسدس الورطتي غزوان بيها وخليتي يشيله فلقة بسببها

- هو جابيها من ايده كلتله نشن على عينه حتى يعمه مايلحگ يشوفك جابها براسها واللگف

-تالي هو عماج

-لانغفر ولاننسى ولكننا نأجل التصفيات حتى يكون العرض مميز

سكتت ؛ اخذت نفس من جكارتها وطفتها بمتن دسار صاح اااخ خرب بشرفج

رؤيا- يكول من تسوي معروف اتفل بوجه الشخص حتى اذا نسى المعرف يذكر التفلة

- يامعروف بت الكلب خنت حتى وطني بسبب وجهج الوسخ

- اشلون اقرا وجه الشخص واعرف خطته

- راقبي حركاته بدون لاتخليني ينتبه كأنما الامر مو يمه

-وبعدين

-تقدمي لنص اللعبة بخطوات شبه معدومة لزمي المجسم وخليج مستعدة

-مم

-وكش ملك كالها ولسعها بالجكارة طفرت اخذ نفس من جكارته طفها وكام طبگ ارداناته اشرلها تعالي

لمت شعرها لفته كباية فوگ راسها عضت شفتها رفعت اديها حكمت قبضتها حيل باعتله بمكر وهمست الي تربيها مصاعب الحياة ماتكون تلميذة لاحد

ضحكت رجعت ليورا انتجيت واني اشوفهم اشلون بلشوا يضاربون لاوالله ينضرب وكعتله كتل من يوصله السرة يعصرها يبوس خدودها ويرد يدفعها

تركتهم وكمت خليت يعلمها عالدفاع ماادري يستخرج الطاقة السلبية منها حتى تتعب وماتذكر العلاج

طلعت سديت الباب وراي البيت هادئ رحت لغرفة بيبي فتحت الباب لكيت غيمة كاعدة يم الميز لامه رجليها تباوعلي بحقد وتبجي وبيبي لازمة القرآن عالسجادة تقرأ ودموعها تنزل مااعرفت اشلون اواسيها مهما يكون الگالته مو من كلبها

رديت الباب واتجهت لغرفتي دخلت صار فراش ذباح گدامي باكيت جگايره وجداحته بعدهن بمكانهن ؛ انعصر كلبي سديت الباب رحت كعدت يمهن مشيت ايدي عليهن عالكيف حسيت عطره بداخلي ؛ سحبت مخدته تمددت بفراشه خليت راسي عليها وغمضت صار بعيوني هو ويسحب بغزوان حتى يتركني ويساعده بشد الغرفة وصوت ضحكهم وين واصل اعرف هاي حرگته مابرد منها بس يريد شي يرجعه للسجن

لزمت ميدالية ماما ونزلت دموعي مااعرف بيمن افكر لوالمن اندعي كلهن فد روحة راحوا وخلوني وراهم اصارع مرض بالختلة حتى لا ازيد ثگلي عالعالم اشكد اتمنيت عدنا بيت لو غرفة ولاهالذل والخوف العشته اليوم لان ادري حتى دسار رغم حبه لرؤيا مايگدر يعترف بيها گدام الناس وراح يجي يوم ويفترقون بسبب هالشي

…بين نايمه وبين گاعدة احس اطراف اصابع على شعري فتحت عيوني لكيت ذباح گاعد يمي بيده جكارته عيونه دم والتعب ماخذ من حيله سحب ايده ودنگ يدخن صار هدوء

همست ليش هيج كلبك محجر وتحب الدم

- لان نوجعت جثير

-امك تعبانه كلش

-هذا الجاسر ظهري ومجتفني

-طفلة وغلطت

-وهاي الجاهلة ربيتها على ايديه وحسبتها بنيتي حققت كلشي تتمناه من قبل لايطلب لسانها ماردت منها بس تصون اسمي موش تجسرني چدام ديرتي

-عاقبها واكسرها بس لاتموتها

مارد سحب نفس من جكارته ايده ترجف من القهر

-اذا كلتلك لخاطري وهاي اول مره اطلب منك

سكت

-ذباح راح ترجع للسجن واني ماعندي غيرك دكيتلي صدر لاتتخلى عني وتخليني وراك مكسورة مثل ماسوه بيه غزوان

دنگ لزم راسه وغمض

-يمكن انت مامجرب هالاحساس بس فقدان الاخ من الروح راح تندم والله

-انه اكثر بشر حسيت بلسعة الفگد دفنت رفيجي بيدي ودكيتله صدر ورديت بجلمتي

- ذباح الي يمك حق خوف الموت الحسيت بي تريد تروح لازم ترده

- خفتي اجتلج راية

- اي بس مو لان احب الدنيا لا خفت تضل بكلبي لهفة شوگ لشوفة رئال واغمض واني احلم اشلون احضنها واشكيلها على كل الصارلي

- هه تدرين مرات احسد غزوان على نومته حدر التراب اشكد تمنيت الجيلة خاطيته وجاية بصدري

-جان سكن گبرك وضل يسولف بيك حتى بنومته جان حزن بكد محبتك بكلبه

-وذني كلهن انه ماعملتهن

-ليشش ماتروحله

-شني اگله اخذت حرمتك لو نهبت احلامك؛

رفع راسه باوعلي - تعرفين بشني جاي احسسس نااار بصدرري عليشش شعملي لخاطر هيج غدرته

همست اشتاقيتله هواي

- وعلي لو بيدي جان عطيته روحي وانه سكنت المگابر مجانة

-اخذني اله

دنگ

لزمت ايده- ذباح

- بعدي عني ورحميني دخيل ربج

- ابعد بس لاتكتلها لخاطري

رد من بين سنونه ماراح اجتلها بس راح اخليها تحلم بي بكل ثانية وروح الراح وهو بحسرة الزفة لخليها تترجى ربها بكل ثانية يرحمها و ياخذ عمرها

وخر ايدي وگام طلع رگع الباب ورا مسحت دموعي ردت اكوم سمعت صوت باب البيت عرفته طلع بطلت رجعت كعدت

مر كم يوم والبيت مگلوب گلاب يطلعون ناس يجون غيرهم المضيف دقيقة ما يفضي ضالين اني وهيام وغيمة نركض ومانلحگ بين الغدة وبين جاي من غير النوگ والحر اليخنگ

صهيب منع نسوانه يوصلن يمنا وحتى لايعرفن السالفة مشوها طلابة بينهم على زرع واهل الولد كل شوية جايبين شيخ يوكع على ذباح حتى ينطينم كمرية لابنهم ويحلوها بدون دم وهو قافل

مانعون يجي الليل حتى نام ويستلمونا دسار ورؤيا بحرب الشوارع صوت اصياحهم والضرب وين واصل تحس روحك داخل معسكر كل دقيقة ذباح يريد يكوم وركض اللزمه اتوسل بي يهدأ يضل لازم جكارته واكف يم الشباج گوة كامش نفس لايطلع ويرميهم مانصدگ يصير الصبح رؤيا تنام ودسار يروح

…طلعت من المطبخ اخر نفس امسح بگصتي صار ذباح بوجهي تگول جان يصارع عبارة عن كتله من الغضب بحلگه جكارته وبيده الصنية الاستكاين باوعتله بنرفزة صاح شمالج لج

- ارحمنييي يااخي اني شكووو بهالهوسة خاف الله بيه

- كضي الصنية دگايگ وارد اريد الجاي حاظر

- لااا اخذ الصنية ادخل للمطبخ واني اروح للمضيف اطيح عالشيخ ابوس ايده واكله اخذني مكان اخته دخيل اهلك

- مايلفون بنوات فاهيه

- الي صار كم يوم يتوسلون علمود وحده وجهه جنه سطل محترگ وعدها اخو ضارب فيوز معقولة مايرضون بيه

- كولي مخبل وفضيهااا

- يبووو يبووو لج مامااا تعالي ليه وين شمرتيني

- رااايه وعلي راح اهفج دفرره كضيي الصنييية

-ماااا

-شنييي لج

اجت غيمه تركض لزمته من زنده وهمست بدلع امر يبعد روحي

شمر الصنية بوجها وراح بدون لايرد

درت وجهي رفعت اديه عاصرة جفوفهن استوني ادعي وحسيت كصيبتي انجرت ضميت خدودي بسرعة سحبني اله انضربت بصدرة غمضت دنگ همس يم اذني هاي كصيبتج نفسها اربطج بيها وازتج يم النوگ ترحين بوجهج عالمطبخ انتي ودعائج المايصل حدر الباب سمعتييي

هزيت راسي

- الجاي والمای دكایک واريده حاظر وهذا ضلج مااريد المحه جدامي فهمتيي

- اي

يله حبابة

كالها ودفعتي عالمطبخ واتجه للغرفة همست عالاساس خفت

اندارلي ركضت للمطبخ دخلت شطح على هيام لزماتني كالت شمالج خيه

- ذولة اذا ماراحوا ادخل اطردهم

- ذاك ذباح روحي گليله ماطولج هيج نجرة وبيج حظ لاتتختلين وتلغثين من ورا

- شبيج انتي هااا شبيج

- خيه ازلامنااا مدوهنه وعگلهم طاير وانتي اطفرين وتزتين بالحجي

- ماينطيهااا ويخلصناا

- وهيج سهلة جان صارت الديرة هيته كل اليجي يسطي واذا انكض عود يطلبها من اهلها

غيمه - وهاي انلزمت واخوها سوالها هيبة وراح تاخذ حبيب كلبها مو مثل عالم ضلت بحسرة هالشي

سكتت اخذت القوري ورحت يم السنگ اصب جاي استغفرت هيام وتحسرت صاحت غيمه يله فضنها حتى اطلعن تخبزن وتنظفن مكان النوگ

هيام - انه اخبز وحرمة صهيب تنظف مجانهن

-خوش لعد رايه خلي تسوي العشه ذباح كال قبل الاذان اريد كلشي جاهز

- استغفر الله حرمة صهيب الثانية راح تزهب العشه وكتمي حسج عدنا عالم

- وانتي منو وتكولين كتمي ليش تخليني اطلع اصيح لذباح اخلي ياخذله سحلة بيج

- هو انه اريدج تندهي لخاطر تسولفيله على الزلمة الطلع عاشگ اخيته بنص داره بالختلات

- واني شكو روحوا لكمرية سألوها قبل لااجي عدها علاقة بي وبعدين مواعدها بالزواج وهاي اجه خطبها طلع گد كلمته

- وين مجان كمرية

- ماادري غير يم عمتي فجر بس صهيب يندلهم

- وانتي شدراج نفسهم ذولة اهل الزلمة الجاي يخطبون

- هاا مو قبل يومين سمعت عمتي فجر من خابرت جدتي كالتلها يمكن گمرية كايلتها مااعرف ولاتورطيني بهذا الحجي لاوروح ابوي اكول لذباح على الاعشاب الوصيتي عليها هجامة عود اذا عرف وطردج لاهلج تفيدج كمرية

- رب الي دخلت رفيجها لحدر دراها وارتكبت عالبت وخلت بينها وبين الموت شعرة ماتخرب بيتي انتن بس ربي يفكنا من شرجن

- وعالاساس بريئة شريجتج ماصدگ لكفتها كمرية تريد تسحبه الها وتخربه عليها

-اعوذ بالله منجن غدي غدي

دخل صگر يركض صاح الجاي ويين

شلت الصنية انطيته راد يطلع لزمته همست شنو هالهوسة

-اجوا اهل الزلمة وياهم شيخ جبير

- وعمك اكيد بعده قافل

- دخلي نطيح على ولدهم ونعلمهم ياهو ولد البدوية واشلون يخشون دارهم ويسكتوهم بمشية والباگي هين

هزيت راسي بيأس راح يركض

هيام - تريدلك واح عاگل بهذا البيت ماكو

- مصممين يكتلون گوه هيه

- حتى السجن ضال بصدمة مر كم اسبوع وذباح ماشرف بي دتعالي خيه نطلع

- دخلي يوديني لماما اشوفها وبعدين ينسجن براحته والله كلبي لهفان الها

- شيليها من راسج يجي يوم وذباح يخليج توصلين غادي

- لعد يودني لكبر غزوان

- وهذا هم مايوصله اذا مايجمعجن كلجن ويروحله يگله هاي يخوي امانتك صارت بيتي ارتاح بتربتك دتعالي يخية نطلع بره شوية بين يطلبون جاي مرة ثانية

مسحت اديه طلعنا رحنا يم بيبي لكينا هجامة كاعدة يمها سلمنا عليها وكعدنا اجت بت صهيب الصغيرة تركض كعدتها بحضني دنگت اخذت نفس منها طويل حسيتها رند بستها ورفعت راسي لكيت هجامة عيونها عليه ابتسمت وكالت ربي يترس حضنجن ويفرح كلوبجن

هيام - اندعي يجدة والله كلبي مفرفح على جاهلة

- انتي لوبس تسمعين جلمتي جان من زمان حبلتي

- وروح اخويي يطلگني مرة لگفني اخليله عشبة بالمي كال هاي المرة كضيتج الثانية ارمي اليمين انه زلمة مااخلف عاجبج تضلين وياي اخليج على راسي ماعاجبج كولي لخاطر اردج لاهلج من حگج تشوفين دربج

- وانتي يجدة راية

رفعت راسي اشرت شنو

- ماترديلج جاهل يترس حضنج ويرد الضحكة بروحج

- والله بيبي دااندعي لذباح يصير عنده والنبي غير مااصدگ خو اذا بنية اني اخذها اربيها ماانطيها الهم

هيام - جا اکفي وياي وساعديني انتي عزيزة رفيجة مايكدر يحجي وياج

- عزه لاتورطيني ياعزيزة وروح اختي يلعكني من ظفيرتي ويخليني هيج معلگة بيوم الميحصل احد يتعارك ويا يجي يطلع غضبة بخلقتي

- لخاطري بس شهر تجربة اخيتج انه

هجامة - يجدة ماتنكشفين حطي العشبة بالعسل وخبطيها زين وعطي قبل لاينام ها شكلتي

- واذا اشتم الريحة غير يغط راسي بالقوطية

- مابيها ريحة وانتي اكلي ويا لخاطر مايشك

سكتت

هيام - فدوه اروحلج هالتتنوعيله ساكن المضايف والمراكز مصايبة جثيرة بلكي اذا صار عنده جاهل يركد شوية

بيبي - رايه سباعية واذا كضج انه مااخلي يحجي وياج اگله جبرتها تعمل هيج

-منو يكول يفيده

هجامة - ولج موش هالجنج ورد على اعشابي بعد ماتشكين من وجع كليتج ييمه نجرب مانخسر شي

بيبي - يجدة ترضين ولد عمومته يعيروا بعجزه واهل حرمته الگديمة كل فترة يشمرون جلمة بحكه تجسر الگلب بس يبلعها ويسكت مايكدر يرد لان صچ العيب منه مو من حريمة

هزيت راسي اي حضنتني هيام تضحك مامصدكة دخل صگر يركض يصيح وين سلااح عمييي

بيبي - شصارر ولك

- ازلامنااا كضوا ناگص المرجلللله

لطمت هيام وصاحت راح زلمتييي وبيبي دنكت تسبح و الدموع تارسة اعيونها

دخل صكر لغرفة بيبي يركض طلع بيده سلاحين تلاگا صهيب اخذ واحد منه وطلعوا مخبوصين شغلوا سياراتهم مانسمع غير شحطتهن يمشون بكل سرعتهم

لليل واحنا على كعدتنا حتى عشه ماسوينا كلمن لازمه سجادتها وتندعي بجهة حتى هجامة ويانه

بيبي تكوم تروح للباب توكف بالساعات وترد

الهم كاسر ظهرها لاتكدر تكلهم بطلوا وهمه عرب وهاي عرض ولدها ولاينطيها كلبها تباوع وتسكت وهيه تعرف راح تصير دماية

حاضنه مخدتي وكاعدة عالجرباية بغرفتي عيوني تروح بالنوم وترجع واسمع صوت فجر بالبيت تصلي على محمد وتصيح هلا بزلامنا ورفعت راسنا بشرواا

مااسمع شنو كالولها بس هلهلت لكشني كلبي ردت اكوم انفتحت الباب دخل ذباح بيده سلاحه وجهه مايگصه سيف تيشيرته وبنطلونه كد التراب مكلوب الاسواد ابيض سد الباب شمر سلاحه وكال كومي حطيلي ملابس بالحمام

- كتلوا الولد

مارد وكف ينزع بحزام السلاح

- ذبااح كتلتواا

- يبه انتي ياهو دخلج

- صدگ دتحجي هيج الدم العالم عندك سهل زين احنا مافكرت بينه وين نروح اذا عدموك

- محد جسر ظهري غيرجن كومي يبه ماجتلتله

-لعد ليش عمة هلهلت

- كاومناهم بمضيف الشيخ وكلمن اخذ حگه

- يعني سامحت كمرية

- وباجر يچون اهل زلمتها ياخذوها

اخذت نفس براحة مع العلم مامصدكة بحجي لان نظراته مليانة حقد ويتصفن احس اكو كارثة محضرها؛ واله ذباح تجي المصيبة لايده وهيج يتنازل عنها

اخذت ملابسه خليتهن وطلعت دخل تذكرت العسل بسرعة خليت فراشه ورحت طلعت العلبة من الكنتور كعدت عالجرباية فتحت شعري حتى ابين جديهدة نثرته و اتربعت خليت العلبة كدامي عيني بالباب وكلبي يدگ لاانفضح وانسحل اني وعلبتي نكمل سهرتنا يم النوگ

شفته طلع ينشف بشعره سويت روحي اكل شمر الخاولي وكف يم الميز مشط من كد ثولي نسيت اكو اختراع اسمه خاشوكة شلت بأصبعي خليته بحلگي اكلته وكلتله هيام منتظرتك

- على شني تنطرني وهيه تعرف اليوم هون

- ترا تكدر تروح بس كل يوم وترجع ويه الاذان محد يكتشف شي

- وهيج زاعجج وجودي

- لا بس علمودك

- الله يسلم مودج تركينا من تفكيرج وحنيتج الماوراها غير طياح حظنا هدي كلشي على وضعه ماشي لاطلعينه بسالفة تگرب اجلنا

- صدگ علاجي خلص وخجلت اگول لعمتي

- ترگي العلاج اول ماتفض السالفة تهيرين نفسج راح ياخذج صگر وفجر للمستشفى يعملولج تحاليل وباگي الامور

-ليش

-حصلت متبرع هلبت تتطابق ونفض من هالمشگلة

-حصلت لو انت الراح تنطينيي

-وعليش يبه من زينج وهيج اجازف بروحي لخاطرج

- مم خوش ؛ تريد من هذا

-شني هو

- عسل مخلوط مكسرات فد شي يجنن

-اخاف يأذيج هذا ثجيل مايصير نص الليل تاكلينه

- هئ تعال جرب

- مااريد مشكور ولاتكثرين يله بسج زتي ونامي لخاطر اطفي الضوه

- قرفت لان دااكل بأصبعي موو ؟؟

دنكت سويت روحي اسد العلبة ضايجة استغفر واجه اخذها من ايدي فتحها شال الخاشوكة اكل منها ؛ دنكت خجلانه من طريقة اكلي ؛ مثل الحس عليه شمر الخاشوكة لزم ايدي طلع اصبعي خطه بالعلبة وطلعه ندگ اكله سحبت ايدي بسرعة فاتحة عيوني على كبرها

رفع حاجبه - بس خلصيني من نگج وللعلم الطعم اختلف

- شقصدك اديه مونظاف

- لايبه العسل مغشوش

-تره طبيعي

-جا الخاشوكه مزنجرة

شلت الخاشوكة اخذت من العسل اكلت شوية مطكت بي هزيت راسي لا

- ماضل غير احساسي بي خلل

رجعت ترست الخاشوكة - هاك اكلها دااشوف صدگ يتغير الطعم

دنگ اكلها

- هااا

صغير عيونه واشر يعني

- اكل بأصبعك

- يبه راح اطوحل وين اولي بهاليل

- اي حتى تضل تعيرني وسخه ذباااح ااااكل

- استغفر الله شلون سالفة هاي يبه اتهزل وياج

- ذباااح

- حسج بت الابلسة راح اكل

اخذ بأصبعه اكله

-هاا ؟؟

- نفس الطعم والكفل زينب

شلت بالخاشوكة - اكل هذا

- انتي ياهو زاتج عليه اليوم

- حباااب والله اضل الليل كله ماانام فدوة بس هاي

اخذ نفس وكلها

لزم ايدي رد دخل اصبعي ردت اجرها سحبها حيل اكل العسل دفعني وكام كال كله نفس الطعم وانعل اهله اليكول اكو اختلاف كومي جيبيلي مي من انعل ابو هيج ليله كشرة

سديت العلبة گوة لازمة ضحكتي رجعته للكنتور طلعت مي انطيته ورجعت لفراشي شرب طفه الضوه ورد لفراشه تمدد

غمضت شوية اسمعه انكلب يستغفر اخذله دقايق هم انكلب يتحسر مرت ساعة كلما اريد اغفه افز على صوته حركته يايترحم يا اينعل

اكثر من ساعتين وهو على هاي حالته اخر شي كام راح للحمام وكف جوه الدوش خفت لاصار عنده تحسس منگد ماخليته ياكل

اخذلة عشر دقايق وطلع ضميت وجهي بالمخدة سويت روحي نايمة اسمعه اخذ جكايره وراح وكف يم الشباج يدخن مر وقت وهو على وكفته يخلص جكارة يبلش بالثانية لحد مارحت بالنوم مااعرف شصار ويا

كعدت الصبح على صوت هلاهل كمت غسلت وجهي طلعت لكيت عمتي فجر كاعدة يم بيبي وكمرية عالكرسي ويمها غيمة وبنيه مااعرفها تعدل بوجها

رحت دنگت على عمتي بستها جرتني لحضنها باست راسي وكالت خو مازعلانة مني يعمة

- لاعلى شنو ازعل

- لان عليت صوتي على اخيتج بس والله كليبي يم ذباح جان عگلي ماهو براسي

- ههه واختي ماقصرت لاعمه انتي حالج حال ماما تمونين علينه المهم خلصت بسلامة

- فدوه اغديلج يعمة كومي استعجلي اخياتج خليهن يجيبن الريوك العالم راح يجون

دااكوم واشوف هيام بيدها صنية الريوگ ورؤيا الخبز اجن خلن كدامنا كعدت هيام ورؤيا اجت يمي كعدت عيونها على كمرية تباوعلها بمكر مديت ايدي لزمتها وهمست ديري وجهج فدوة خلينه نخلص

- ومنو مباوعلها

كمرية - ههههه خليها طلع الغل الكاتمته لاطگ وتموت حسبالها راح يجتلوني اخوتي

رؤيا - ميخالف بس حاولي تضمين من ضحكتج شوية تفيدج ورا العقد

- لاتخافين ضامة منها جثير بزود اخوتي وعزوت هلي وهاي انه راح اخذ ولفي بعد ماجتل نفسه لخاطر اصيرله وحلف مية يمين جدام الاكبارية يخليني على راسه ويسعدني خوفج عالعايشات للخدمة بدون نفس حتى لاينطردن بالشوارع

- وشبي الشارع ربه بنات كد ماسمعتهن صافية لقبوهن بالخرز

- من هيج زلمتج مايرضه يعترف بيج زاتج بيت اخوي واخوي هم حاويجن على خشمه گوة مصبر ارويحته لخاطر رفيجه الي تورط بس سلم عليه لبسه بأمانه تجسر الظهر

- وهاي الامانة نفسها راح دنكين على رجليها تحبيها وانتي الممنونة بس حتى ترضه عنج

- تخسين وانه اخت ابن البدوية الي رضاتها يمه يشريها بالدنيا؛ تذكرين من سمع اختج المرافجة زلمة اشلون سحلها وراد يجتلها و من عرف هذا رادلي جلع جابه وخله يطلبني جدام اكبارية شيوخنا لخاطر لاانغث ويضل بروحي

فجر - بسسسج لج

- جا ماتسمعها وبعدين خليها تعرف الفرگ بيني وبين اخيتها شني لخاطر تنكتم

رادت تحجي عمتي ولزمت ايدها بيبي الي مااعرف شبيها عيونها حمر وحيلها مهدود

سكتت ورؤيا دنكت تخوط بستكان الجاي عاضه شفتها اشكد حزت بنفسي مااكدر ادافع عنها لان ماعدنا مكان نروحله

غيمة ضحكتها وين واصله وكمرية كل شوية تكول لام الصالون سوي هاي وعدلي هاي والفرحة مبينة عليها هسه حسيت شنو فرق بين العدها اهل والعايشة عالة

خلصن مكياج كوموها للغرفة يلبسوها البدلة دخلن نسوان كبار مشيلات اضعاف وجهن ممسوخ كالبات خلقتهن سلمن على بيبي وكعدن يمها محد يعرفهن غيرها حتى عمتي فجر ضلت صافنة

دقايق ودخل صگر يركض يكول كلمن على حجرتها راح يخش الشيخ

كمنا كلنا ويه عمتي فجر للغرفة دخلنا سدت الباب ونسمع صوت ذباح رج البيت وهو يصاح يالله

صوت زلم دخلوا صار هدوء عرفناهم ديعقدون اقل النص ساعة ونسمع الزلم طلعوا بس عبروا الباب وصوت صرخه وكمرية تصيح لايخووي دخيلك

فتحت الباب فجر تركض طلعت وراها واتفاجأة بواحد شايب وجه مكروه مقعد بعربانة وكمرية مدنگة على رجلين صهيب تبجي

دفرها وصاح عالشايب اخذ حرمتك وطلع بالمبارك عليك …

***رئال***

كمت وگفت رجعت ليورا بخوف بعدني ماصارخة ركض عبدو بسرعته جرني سد حلكي ورفعني

لزمت ايديه دنگ همس يم اذني اشش صيري حبابة حتى بدل مااكتلج اريحج

كالها ونزل ايده الثانية على صدري صرخت بصوت مكتوم ضغط عليه وسحبني اكثر لحضنه شل حركتي دنگ باسني من ركبتي من الخوف والقرف بعد مااعرف شسوي دخلت اضافيري بأيدية سحبتهن حيل ودفرته بين رجلي فلتت من ايدي دااركض لزمني من شعري انداريت ضربته على وجهه وتفلت عليه

ماحس غير البوكس اجاني بنص بطني من قوته گعدتني بمكاني لزمتها عاصرة نفسي صار گدامي مدنگ صاگ على سنونه خال اديه على مكان الضربة مبين الوجع على وجهه ردت اكوم ؛ عدل نفسه بسرعة ورد دفرني گطع النفس غمضت بألم بعدني ماشاهگة ودنگ لزم راسي رفعه ودگه بالكاع حسيته تفلش غمضت بهتانة روحي

دفعني وكام دالم رجليه لحضني واجتني الضربة بظهري مثل الشي طگ بي شهكت بوجع خمش گلبي واجتني الثانية بنهاية بطني من قوتها شي حار نزل بين رجليه

تفل عليه وخر ينفت لميت رجليه لحضني وغمضت وكف يباوعلي بغضب صاح كومي نظفي روحج

فتحت عيوني بتعب رجع دفرني عصرت نفسي ويه صرخت بنات براسي يصيحن لااابابا دخيلك راح تمووت

سحگ على راسي و ضغط بكل قوته غمضت خيال ولد عيونه ملونة يعدل بمناظرة ويبتسم صوت طفلة تضحك وتأشرلي بكتاب؛ تخربطت الصورة واحد ضخم ؛ سناسل بأديه وصوت مرعب يصيح اشلون كتلتي

صارت هوسه براسي لزمته حيل صور ظلام بدم واصراخ شخص محروگ غمضت عاصرة نفسي شي نسحب من داخلي بعد ماحسيت

…مي بارد على وجهي فتحت عيوني الدنيا ظلمة عمي كاعد يمي يباوعلي بخوف ومرته ورا واكفة الكره مبين على وجها ويمها بتها متخصرة صاحت موكلتلكم تصحى حظ العواهر كلشي ميصير بيها

عمي - شبيج بابا ليش هيج حالتج

سعدية - وبعدك تسأل موكلك عبدو كمشتها يم الباب تتمضحك للرايح والجاي تريد تخزينا اسألها منو هيذام التهذي بي

- شموسه بابا اكو شي يوجعج حتى اخذج للمستشفى

ام امجد - يااا تريد تفضحنا يامستشفى شبيك انت خرفيت شكال عبدو

- وجها اصفر من النزف اخاف تموت الطفلة

- وتموت يطبهاا مرض شتكلهم جانت شايلة نغل وگع من حجينه وكلنا طلعها منا هاي بت زنا ماقبلت وجلبت بيها يله عاجبك كدام العالم هسه شيكولون علينه من شافوها بالباب تتصيد زلم

-استغفر الله من كل ذنب عظيم

-على شنو تستغفر شكد لغينا وياك يارجال نسيبك مركز جبير و الناس كلها تعرفه لاتصخم وجهنا اشمرها دكيت رجل يله اشلون راح تلم الشغلة

- ياشغللله هو وين طلعتها اني هاي صارلها ساعات بمكانها فاقدة تنزف راح تمووت وخرب بنسيبج منو هو شوية اعلى من الجندي

- هذا الماعاجبك نفسه العينك انت وابنك وكلمة وحده منه يرجعكم للعمالة والفكر اسكت لايسمعك ولاتخاف ماعليها كلها كم يوم وتكوم مثل الحصان

دنگ عليه مسح وجهي - شتحسين بابا

همست بطني توجعني

-شطلعج يابويه موكلتلج شوية وارجع

-والله عمو ماطلعت هو دخل عليه و

سعديه - و شنوووو يبووو انوب كامت تذب سمهاا حتى تشبجهاااا ماجذب من كال ديروبالكم مبينه شغلتها هاي وتسويلنه كارثه

عمتي - ماكو بعد بس تظلم شوية ياخذها ويشمرها بنفس المكان احنا ماعوزنا طياح حظ

- يمه عبدو عرف سالفتها وكام يصيح عليه اشلون خلينه ابوي يدخلها وكال بعد ممنوع تطلع منا حبسوها هاي بت ملاهي موبعيدة تروح ترتكب علينه تذبنا بالسجن

- يااا منو كله على صخامها

- اني شفته تخردل ومخبوص لان فاقدة وتنزف كلتله لاتخاف هيه اصلاً بدون اهل وحجيتله سالفتها

- الله يخزيج يله هسه وين انظمها

- مااعرف كال اذا طلعت منا احركم وكال كولي الابوج ممنوع يسأل عن اهلها بعد الله اعلم شوراها يجوز تطلع ارهابية ونتورط خلوها يمكم لحد ما اتأكد منو اهلها بطريقتي

عمي - مالكم شغل بيها اني جبتها واني اتحمل كل مسؤوليتها

سعدية - والله ياعبدو يفصلك من وظيفتك ويشمرك بالسجن كال عوفوها اني اعرف اشلون اطلع ماضيها واعرفها منين

- استغفر الله دروحي سويلها شي تاكله وكلولي شنو اجيبلها علاج لوجع البطن

راحت سعدية وهيه تباوعلي بقرف وعمتي انطته اسم كم شي كام اخذ افلوس وطلع راحت عمتي كعدت والدواعي مابطلت من لسانها

مر اسبوع عمي بطل يسأل يخاف من عبدو اشكد توسلت بي ياخذني للمركز ويعوفني اني ادبر نفس ماقبل بالاخص من هدده عبدو كام حتى باب البيت يقفلها من يروح لشغله

من ثالث گوموني للشغل صرت مااعرف ليلي من نهار گد الركض صارن يتلذذن بتعذيبي يحتارن اشلون يذلني گامن يطلعن شغل من جوة الگاع حتى ملابس شتوية ينزلن كواني من السطح ويخلن طشت وتايت اگعد اجلف واذا فكرت اتنفس يشكني لعبدو يستلمني كتل بدون رحمة

اسوء انواع الدمار النفسي عشته ممنوع عليه حتى اكول جوعانه انتظر شنو يزود من اكلهم اكله واذا ماضل انتظر الوجبة البعدها

مااصدگ يجي الليل واشمر نفسي بالفراش وهنا تبلش الكوابيس نفس الاحداث تنعاد مااكعد غير على ايد عمي واني اصيح هيذام تعالي

افتح عيوني اباوعله واشهگ من تعب الدنيا بية

واكفه جوة الدرج اكل بالخبزة وجسمي يرجف من الجوع كمزت على صوت سعدية وهيه تصيح تعالوااا شوفوا شتسووي بت الفكررر واحنا نكول وين يروووح الاكل

ضميت الخبزة وراي وبلعت اللكمة على كبرها من الخوف شفت عبدو طلع من غرفته نزلت دموعي عرفت راح انكتل

اول ماوصل بس مد ايده طلعت الخبزه خليتها بيها وهمست بتوسل والله عمو بعد ماعيدها

- ليش تبوكيين

-جوعانة

- لاموجوعانة بس ايدج متعلمة عالبوگ وعوزج تربية

-لاعمو دخيلك اتوبة

-دتعالي واعلمج اشلون اتمدين ايدج بعد

ضميت وجهي بسرعة جرني من شعري سحلني لنص البيت شمرني ونزع حزامة زحفت ليورا دموعي تنزل بخوف وشفايفي ترجف كلما اذكر لسعة الحزام اختنگ

صار الحايط وراي رفع ايده لميت رجليه بسرعة وضميت وجهي اجاني الحزام بخاصرتي شهگت روحي من الالم

رد رفع ايده دنگت غمضت وعضيت ايدي حيل حتى لايطلع صوتي لان اعرفه يزيد بالكتل بعدني ماساحبة النفس وجتني الضربة الثانية كتمت النفس عاصرة روحي وهو بلش بالضرب كل لسعة احسها تشلع قطعة من جلدي اغمض حيل ويصحيني بضربة تاخذ روحي

صاحت سعدية حيييل بعد ايدي ؛انفتحت الباب دخل عمي يركض صار كدامي صاح ليشش تكتلهااا

عبدو - وخر لانعل اهلك وخررررر لك

- على شنو هيج تأذيها غير افتهم شنو سوت

- ماكو شغلة عاطلة ماتسويها تبوگ وبدون ستر وصوتها واصل لراس الشارع هاي اذا مالحگنه وربيناها تفضحنا كدام العالم

- يبوي بعدها طفلة هاي بدل ماتعلموها هيج تكتلوهاا

- الاعوج ماينعدل غيرر بالدك وخررررر

- دخيلك والله تموت بيدك عوفها اني اعلمها طلبتك يبوي لخاطري عندك واذا عادتها بعد الك حق ومااحجي وياك ابد

دار وجهه تفل ومسح شواربه باوعلي وگال واني ماانتظرك اعرف اشلون اربيها واجيبها للطريق

شمر الحزام اشر لسعدية عالباب وراح للغرفة ركضت قفلته ولحكته دخلت ورا سدت الباب دنگ عليه عمي مسح وجهي كال اذاج

شهكت

-ليش يعمي تمدين ايدج

-والله عمو جعت ماكدغت اوكف بعد

-استغفر الله كومي وياي

كومني اخذني للبوري گوة امشي غسل وجهي كعدني عالدرج وگعد محتار اخذله شوية استغفر وكام يمشي محني من الهم راح للغرفة

انتجيت عالحايط صارت الخبزة مشمورة كدامي بالكاع غمضت البيت هادء بس صوت الحيوانات بره اتمنيت نفسي منهن هيج بدون تفكير افتر واكل براحتي

فتحت عيوني رجعت باوعت للخبزة بالكاع روحي لهفانة للاكل وجسمي كله يرجف جوع على تعب على وجع ماكدرت اقاوم كمت رحت شلتها رجعت صعدت درجتين كعدت مسحتها بملابسي رفعتها وخرت التراب عنها اكلت منها لكمة ونزلت دموعي

رديت غمضت اكل ومسح بدموعي قبل لاتوكع حسرة بكلبي تخنگ دنيا بكبرها

بعدني مامكملتها واندگ الباب طلعت سعدية لابسه دشداشة بيضه راحت فتحها بالمفتاح دخل امجد متفاجأه كال ليش قافلها

-دسلم بالاول

-بس لاحاسبة روحج بشر ولازم اسلم حرام يجثه جدي عليوي لواطلعها من گبره هم بيها شوفه اكثر من وجهج

- مو اگعد عبدو من النوم واخلي يشوف شغله وياك

- عفية عبدو بالواجب نايم بالبيت نايم حتى اصحاب الكهف ماناموا گده صدگ من كالوا وكلبهن باسط ذراعية

- جنك جلدك حاكك على كتله

- يابه شبيييج لابسه جفن وتكمزين جنج عابس بليلة العاشر

-الراتب نزل

-قبل يومين صار بجيب رجلج حتى الكروة اداينتها من جماعتي عساه بموت يكرفة و لو ياموت هو اليصبح بهيج وجه معقوج هم يحسب روحه عايش وجه لو بطل ناسي يم صوبة

رادت تتفل خزرها ردت قفلت الباب ورجعت لغرفتها دخل اجه يمي كال شمس موو بتتت الكلبب صار اسبوعين سلكتي ابهاتنا بحماوتج وين اكو صيف عشر اشهر روحي بابا لكلنفوريا هنا يعبدوج شجلبتي بالعراق

ابتسمت

- اووو انتي فاقدة الذاكرة يعني شيل السنة نلغي شغلة الشتا

- ليش هيج تعطلت

- اعماال اعماال تعرفين شركات ومصانع بت القنفذ وين تأخرت غير بالجول عالحدود مكابل ابو فانوس هو يأشرلي بفانوسه واني بفوني وضالين للصبح واحد يباوع للثاني بتك عين

-منو ابو فانوس

-بعيد عنج جني غبي عالاساس يحسب الجنود ويتيهم بالصحراء مايدري اني اريد اسحبه حتى احلفه بكتاب الله شيصير من سعديه لان نفس عقجت الوجه

-هههه اشلونك

-بخير شبي وجهج منفخ

-مثل وجهك التعبان

هز راسه شمر جنطته وكعد يمي طلع جكاره ورثها اخذ نفس نفخه وباوعلي - شنو هاي بيدج

ضميتها بحضني بسرعة ودنگت

-ماينطوج اكل ويكتلوج مو

-اذا طلبت منك شي غاح تسوي

-شموسة لاتزعلين من الراح اكوله بس الناصرية موجبيرة لو جان عندج اهل ماجان سكتوا لسه جان خلوا خبر بالمراكز والمستشفيات وحتى عد شيوخ العشاير ولاتكولين من غير محافظة السيطرات مايعبر منها جكارة مو جثة وانتي جنتي جثة

- يعني شنو

-صح اكره شغلة الخوات وصح مارضيت بدخلتج للبيت بس وداعت ابوي اول ماشفتج فاقدة والدم تارس وجهج حن كلبي عليج ليش ماادري حسيتج اخيتي شمايكون صاير وياج مو من حقهم ينهون روحج بكيفهم لان الروح راجعتله ومحد اله حق ينهيها غيره

-يعني اني صدگ جنت مو زينة

-شنو تشوفين نفسج

-خايفة ومااقبل احد يوصلني نفسي ماتتقبل الاشياء الغلط حتى طفلي من مات حسيت نفسي موجوعة من جواي مااعغف لان هذا الشي الوحيد الي يوصلني للماضي لو اله معزه ناسيتها

-وهاي انتي لاتفكرين بغير هالشي واني هم ماراح اسكت اضل اسأل لابد مااوصل

-عبدو كال ممنوع احد يسأل

-اهاا وهذا هو القافل الباب

-اي

-مالج شغل خليها وراي دكومي صبيلي غده

-ماضل اكل

-حتى لوبيضة طگيلي

-جيس الخبز يم سعدية

دنگ اخذ الخبزه من ايدي - وهاي منين حصلتها

دنكت

قسمها بالنص انطاني قطعة والثانية خلاها بحلكه وكام راح اللغرفة كوه يمشي مبين عليه التعب شوية وطلع مبدل راد يفتح الباب لكاه مقفول اتشلبه وعبره

طلعت عالصوت سعدية صاحت شكو كاعده لسه هنااا

-لعد وين اغوح

-كومي ويااي ونصي صوتج لايكعد الله لاينطيج فرفحتي كلبه

كمت جرتني دفعتي كدامها طلعنا للحديقة ورة البيت كلها حيوانات دنكت شالت السعفة شمرتها عليه واشرتلي نظفي وهيه راحت كعدت عالعتبة

شلت كلبيتي من الاصفاح وبلشت تنظيف اكثر من ساعتين واني على فد وكفة لحد ماسمعت صوت عمتي تصيح يمكموعة تعالي نزلي عني تابوتج

كامت بتها واني عدلت وكفتي احس ضهري طاگ كد مامدنگة دخلنا جوه لكيناها واكفه وجها مگلوب على راسها جنطة شكبرها مال ملابس عرفتها مابايعة شي وراح اطلعها بيه رحت سحبتها منها خليتها بالكاع صاحت مالج بالسم على كيفج بت الزنااا هذا اكل الحلال الجاي نخلي بحلكج

سعديه - منو فتحلج الباب

-رجلج وطلع راح يجيب جكاير وجه مايكصه السيف شبي مدلغم

-غير العاهره شكت كلبه بسوالفها العوجة

-يمه دخيل الله هالبت من يوم الدخلت انكلب بيتنا بوجها الشوم

-اووف يمه نذر عليه اذا قنع وخلاها تروح اروح اطش جكليت بالحمزه

-انتي لوبس اتعقلين

-شنوو اعقل والله لواموت مااخلي يسوي الي براسه

-ولج احسن مايجيب مره على راسج هنه كم شهر بس يصير تاخذي ونردها لمكانها

-لااا لواضل عمري كله بدون بزر هم مااخلي يوصلها وبعدين شعرفكم ماتطلع عدها رجل ومنهزمة منه

- موكلج ناخذها للسيد يفتح عقدها ويعقدها صح فكريات بس مبينة تشيل من يومها دسمعي يبعد كلبي

-لااتخلينييي هسه احرك روحييي

-دكافييي على شنو تحركين نفسج هيه كلها عاهرة وانتي لج يله روحي كملي شغلج وتعالي سويلنه عشه

اشرت اي حتى مااعرف على شنو يحجون رجعت للحديقة كملت التنظيف شلت الزبل كترتها وبلشت بالقفصات مال الدجاج كل قفص ادخله محشة قذارة ماخلصت اذا ماروحي خلصت طلعت من اخر قفص وكفت مغمضة اعدل بظهري حسيت ايد عصرت خصري طفرت صاح عبدو على كيفج لج

درت وجهي اتبلعمت اريد احجي مااعرف

-شبيج وجهج شنو جنتي تسوين جوه

-انظف والله عمو

-دخيل العمو اني ماتجين ورا القفص شوية اراويج عمو شيسوي

-عمتي دتصيحلي

-انعل ابو عمتج سمعي لج بليل راح انتظرج هنا وره الوحدة اريد احجي وياج اذا مااجيتي لاتضلين الصبح موتي احسلج

-شنو تغيد احجي هسه

-لااا بليل ومااريد احد يعرف وغيري هاي ملابسج وسبحي لاتجين هيج معفنة سمعتييي

سكتت

اتقدم اباوع لعيونه تتجول على جسمي بنظرة قذره رجعت ليورا صار القفص وراي انحصرت بينهم مد ايده بسرعة ضميت وجهي احمي لزمهم اديه وخرهن وعصر خدودي همست بخوف فدوه عمو وخغ

-اووف لدغه وترفه دخيل لله شراح اسوي بيج

-غاح تجي عمتي وتموتني الله يخليك خلني اغوح

-انعل ابو عمتج البومة وينها تجي تشوف هالجمال غير مال كرط

-دتصيحلي فدوه اغوحلك عوفني

-كلها كم يوم واخليج بفراشي وهاي الشفايف اكلها اكل اااخ

كالها ودنگ دفعته وركضت صاح عود تأخري حتى اعلمج سمعتييي

صارت بوجهي سعدية عيونها ناطة كفت خزرتني وكالت شنو تأخري

عبدو - بت القندرة صار ساعة من كلتلها على جاي تكول نسيت

- مواكلك ثوله ديله روحي سوي بعد لاتجين اني اجي اخذه كملي وروحي للحمام غسلي الملابس حتى تسوين عشه

اشرت اي ركضت للمطبخ احس كلبي يريد يطلع من صدري

مااعرف اشلون سويت الجاي شفتها دخلت خفت من شكلها طلعت بسرعة للحمام لكيته متروس ملابس وجراجف ولاتكول غاسله الصبح رجعت ترست الطشت مي خليت تايت وكعدت اجلف من جديد للمغرب واني بعدني صاحت عمتي يمكموعة طلعي سوي العششه

-عمه بس اكمل الغسل

-بت الوسخة جبتي نظافتج هسه ويه الاكل طلعي سوي العشه وردي كملي القذارة مالتج

اخذت نفسي شطفت اديه وكمت رجعت للمطبخ ومثل كل يوم اوكف بالساعات اكشر واگلي وعيوني عالباب اخاف يدخل ويتحرش

خليت البتيه بالطاوة وغمضت مر شعور كأنما عايشته قبل نفس الخوف وريحة الاكل ودكات كلبي واني واباوع للقفل لاينفتح

فززتني عمتي بدخلتها صاحت هاا ماكملتي ماطلعت بتيته ويتنجان

-اي ماضل شي خلصت

-عساج بالحرگ والمرض الماتكومين منه

دنكت

-نظفتي اخظورات

-ماعدنا

-وليش عيني ماحشيتي من الحديقة

-مالحكت والله

-يبووو يبووو على حظي بس اريد افتهم انتي شنو فايدتج بس اتعلفين وتنامين حالج حال الحيوان لاوالله الحيوان هم نستفاد منه اله انتي هيج بس سمعه طايحضها

سكتت

-امجد رد

-اي وطلع مااعغف وين

-طبعاً يهج اوليدي سودة عليه من يشوف لافين ابيته هيج وحدة قذرة هم حقه محتار بزمانه شنو منظره كدام العالم من يشوفوج

مارديت طلعت البتيته خليتها بالماعون وبديت اسفط بالبتنجان

- لااني مااسكت روحي طلعت لازم اشوف حل مااتحمل هيج نكاسة بيتي

كالتها وراحت احس الحسره طلعت من كلبي مسحت وجهي ورجعت اكمل الاكل

خلصته صبيته بأماعين شفت شكله اشتهيته ردت اخذ قطعة وخفت اعرف يردوها حجه حتى يكتلوني

هزيت راسي ابعد شكله عن وجهي خلتهن بالصنية وطلعت لكيتهم كلهم ملتمين بالصالة حطيته كدام عبدو رجعت للحمام كعدت اغسل بالجراجف

مر وقت واني بعدني لامتلي شكو شي بالبيت حتى النظيف

ماصدكت كملتهن شلت السلة وطلعت صعدت عالسطح شريتهن نزلت البيت هادء مخلصين عشه وكلمن بغرفته ذبيت السلة ركضت للمطبخ متأملة الكه اكل وكفت عوزي ابجي ومن شفت الصنية خالية مابيها غير قطعة خبز يابسة

مسحت وجهي ورحت شلتها دنكت بستها وخليتها عالكاونتر اخذت المواعين غسلتهن ونضفت السنگ غسلت اديه احس جسمي كله مدبگ

رحت للكاونتر اخذت الخبزه وكفت اكلتها عالسريع وطلعت مديت راسي غرفه عبدو مسدودة والضوه طافي طلعت ركض للحمام دخلت وسلقيت الباب

ذيبت ملابسي ترست الطشت دااسبح واسمع دگه عالباب بطرف اصابع سديت البوري لبالي متوهمة اخذتلي ثواني ورجعت اندكت وصوت عبدو يهمس فتحي لج بسرعة

خنست وكتمت حتى النفس رد دكها اقوى وحجه من بين سنونه لج قندررة وراس ابوي اذا مافتحتي افتح راسججج

لميت روحي

-لاتفتحي دطلعي واعلمج اشلون ماتسمعين الحجي

دفرت الباب وراح خليت ايدي على كلبي نزلت دموعي همست يارب خلصني دخيلك

سمعت باب غرفته انفتحت وصوت سعدية

كمت بسرعة لبست دشداشتي وفتحت الباب وركضت بدون لا اباوع وراي دخلت للغرفة واشوف عمتي متمددة و عمي يقرا قران رفع راسه كال صدق الله العظيم ليش بابا تركضين

عمتي - من سواد وجها الله اعلم شجانت تسوي وهيج جاية شعرها مبلل

-استغفر الله سدي الباب بابا ودخلي نشفي شعرج

اشرت اي رحت دخلت بفراشي اتلفلفت الخوفة بعدها بجسمي شفايفي ترجف اخاف حتى اشكي لان ادري محد يصدگني بس انكتل

كام عمي طفة الضوه غمضت واني احمد ربي خلصني نسيت حتى الجوع من كد التعب والرعب الي عشته طول اليوم رحت بالنوم بدون لاحس

بين نايمة وبين كاعدة احس احد يحرك بمتني كمزت بعدني ماصارخه سد حلكي امجد وهمس خرب فضحتيني

وخرت ايده اخذت نفس

-منو هذا هيذام

-شنووو

-لكيتج تهمسين هيذام تعالي

-حتى عمي ديكول كل ماتنامين تكولين اسمه بس مااذكغ منو هو حتى من اكعد ناسية الاسم

- يله تلكي واحد ملطلط خنيث عوفج منه لزمي هاي

-منيلك افلوس

-الحجي بينه سطيت على محل لفات بكتلج لفة شاورما والي فلافل لان الصراحة ماثاق بلحمهم لان دوم اشوف يم الباب شعر جلاب

-ليش اشتغلت وانت استوك غاجع تعبان

-بعدني ماسمعت احلامج خفت يوصلني السرة واني ماشايف غير وجه اختي جنه بلم باله بمناسبة الباله شكلج مايوحي عراقية

-لعد اشلون دااحجي عغاقي

-يجوز جاية ويه الرواجع بالغلط

-يعني اشلون

دفعني اتربع بصفي عض اللفة وكال يعني من يموت الواحد الدولة بدل مادفنه ادزه للصين يفصخوا يطلعون المعلاگ والباجة يعلبوهن والشعر يسون منه حبل والجلد نعل ويردوها لنفس الدولة

-عززه يعني اني نعااال

-بس محسن يمكن امريكي بالاصل

عفست وجهي دمغني ونطاني اللفة

هزيت راسي مااريد

-اخذي لج هذا لحم جلاب كله فوائد

-غاح اخذها بس مغه لخ اذا سويتها وشتغلت وانت تعبان بعد مااحجي وياك

-ههه تهون بعد اخوج

صفنت بوجهه اشر شكو

-مااعغف بس اكو اشياء داحسها موجديدة

- لاتشوفيني كاعد يمج وجهي مصفح واسود حسبالج شخص عادي لااا بس من كثر تواضعي مكابلج واله اني واحد فلوكر مشهور الوكالات مكاتل عليه حتى اصير واجه اعلام يمهم اكيد شايفتني بوحدة من الماركات

-يجوز

-راح تكعد ام ثرب وتسوينه واجهه مال قنادر اكلي بسرعه اخلي نضم اثار الجريمة

ضحكت اكلنا بسرعة اخذ الجياسة وكام طلع واني تمددت رجعت لنومتي

كعدت الصبح صح على دفرات سعدية فتحت عيوني تفلت بوجهي وصاحت كوميي لج نايمتلي للظهاري بت العواهر

اشرت اي

ردت دفرتني وراحت گالبة خلقتها ؛ اخذت نفس مسحت وجهي وكمت احس بنشاط وراحة مأمنة امجد هنا

كمت طلعت صار بوجهي عبدو يتخاز عوزة مايسحلني عرفت ضال ينتظر بليل دنكت وركضت للمطبخ خفت يكلتني

مرت الايام اذا جنت عايشة بكابوس صرت اشوف الجحيم بين عيوني

عبدو اخذ اجازة وصار مايطلع من البيت والكل يصيح منه الغوث يتحجج بس يريد واحد يتنفس حتى يموته واكثر واحد واكع بيها امجد كل مايكعد عالاكل يكومة بدفرة تكسر صدره واذا فتح حلكه بسرعة يهدده بالسجن والعقوبات بالجيش من غير ابو يوكف بوجهه ويطرده من البيت حتى يهدا الوضع

سعدية نهار وليل تتعارك ماتسكت اذا مايكتلها تجي اطلع الكتله بيده ماتعوفني لحد مايلزم الصوندة ويكتلنا اثنينه

كرهت نفسي كد العبودية العايشتها صرت اتوسل بليل يطول ما أريده يطلع ؛ حبس جوع شغل ضرب تحرش ظلم كلهن سوة كل ماتظلم الدنيا بعيوني اختل بزاوية الزم راسي مثل الصرع يلزمني تصير هوسة براسي اشياء مرعبة مدموج بدم و ضحكة طفل واحد يضرب صرخات بنات سناسل تعذيب صوت بسطال يتحرك بطريقة تكتم النفس

اضغط على راسي واكعد عاصرة نفسي صاگة على سنوني اون مااصحى اله واني بالفراش روحي بهتانة

كاعدة بفرشتي اباوع لاديه ملخة من اشواك الزرع دخل امجد ملابسه كلها تراب من العمالة شمر جماغه واجه يمي كعد انتجه عالحايط كال شموسة حضريلي الحمام

-هسه بس يطلعون الخطار

- منو عدنا

- مااعرف عالم بالاستقبال بس مبين جابهم عبدو وعمي من سمع بيهم ضاج حتى سعدية كامت تبجي ودخلت غغفتها قفلتها عليها

- هسه لوبيها لحمة صدگ جان كلت جايب الكصاب بس جنها عود ماسحة خايس ماتفيد حتى للرعي

- ههه صدگ تغه عمتي صيحت على عمي علمود افلوس السلفة

- ماولت لرجل بتها شكو تتعارك ويه ابوي

-تكول ماعنده

-ااخ بويه لوبس انقل من الوحدة مالته اويلي شلعب لعب وياهم

-لعد ليش ماتكدغ تحجي ويا هسه

-غير يرشي جماعته و يلبسني عقوبة من الصبح ويشمرني يم الجلاب امثاله

-هم سألت عن اهلي

-ماكو اي اثر

-يعني ماكو امل

-بكل وقت اكو امل ادري جاي يأذوج بس صبري عليه

-غاح يأذيك عبدو

-ههه عود من يخلص نفسه دعوفي الحجي ويله كومي فرشيلي خلي اشوف منو عدنا حتى طلعين تحضريلي الحمام لان زنجرت من الوسخ والتعب

هزيت راسي كام طلع واني سحبت افراشه بين مافرشت وطلعت ملابسه دااطلع من الغرفة واشوف كدامي جاين عمي شكله ضايج ويا عبدو يضحك وراهم امجد واكف على صفحه يباوعلي بقهر

كال عمي وين تردين بابا

-داغوح اخلي ملابس امجد بالحمام

-عوفي الحمام تعالي ويانه السيد يريد يسمع موافقتج

-على شنو

-حتى يكمل عقدكم انتي وعبدو …

لاتنسون التصويت ❤️

شيء من رصيف الدم

بقلمي: leo Alfatlawi

بارتين سوة

بارت الثاني والثلاثون

***رايه***

صهيب صاح اخذ حرمتك بالمبارك عليك وهيه كامت ركضت لزمت ايد امها ضميت روحها يمها واشرت بخوف لاا

صاحت وحدة من العجايز گبل لانطلع اكو حجي محشور بزردومي بس خايفة تفهموني غلط

صهيب - بدون لاتحجين تاخذون البت ويه طي الفجر تلگونا جدامكم ان استگبلتونا بالرمي حي الله النسب وان رحبتوا و سترتوا عرضنا نرد البت وحگكم يصلكم ثالث مثلث من هالشارب

الشايب - افااا راسكم دوم مرفوع ابو صگر البت صارت حرمتي حالها حال حريمي الباكية تخش داري ماتعر الباب غير هيه ومحملة

- واحنا عرضنا ان مانستر بدارنا نستره حدر التربان الي بينا يفصله طر الفجر ان كلت رايتكم بيضة تتحلل عليك وتحرم خشتها لدرنا طول عمرها وان كلت حگي يمكم تعطينا البت وحگك مردود

اندارت كمرية لامها صاحت شني يمه تبريتوا منييي

بيبي - گمي ويه زلمتج وسمعي جلمته وبيضي وجوهنا الجسرتيها جدام العرب

- لادخيلك لاتجسر ظهررري انه بنيتج لاتظلميني هيج

- لو رادة اظلمج ماوطيت راسي على ايد ذباح لخاطر يمهلج وكت كبل لايجتلج

- يعني شنيي

- الصبح راح يسيرون على مضيفكم ان اثبتيلهم طهارتج وعطيتيهم علامة عذريتج من هون وتفض الخوة وتنسين عندج اهل وان ماصار كل هذا الشي ياخذوج ويعرون بيج لوين ماكتبلج الله مجان للستر

- لايممه لاااا ابوس ايدج دخيلج جسروني سحكوا على راسي بس لاتعملون بيه هيج ابوس رجلج يييمه

- مانه امج حرمت عليج حتى جنازتي لاريدج تجين ولاتصيحين وراي يله تگمي هوني ويه زلمتج گبل لايرد ذباح

دنگت على ايدها رادت تبوسها دفعتها وكامت راحت لغرفتها بقت كمريه كاعده تتلفت فاتحة حلكها تنفت بخوف

زحفت لصهيب دنكت على رجلي دفرها وصاح ام صگرر لبسها عباتهاا ذباااح گرب يصل

عافته وگامت اجت تركض لزمت ايدي دنكت رادت تبوسها سحبتها صاحت دخيلج انتي انتي يسمع منج ذباح احجي ويااا ابوس ايدج

دنكت

نامت على رجليه رجعت ليورا لحكنتي تسحف تبجي وتتوسل اخليها تبوسهن واحجي ويا

اباوع لصهيب بتوسل خزرني وجهه كله غضب اي رحمة مابي اندار لزوجته اشرلها يلااا

ركضت جرت العباة واجت دنكت عليها لبستها اتكابلن عليها هيه ومرت الشايب اخذنها يسحلن بيها وهيه تلطم وتملخ بروحها طلعنها بره البيت والعجايز الباقية دفعن عربانة الشايب طلعوا وراهم

وكفت صافنة على كمية الظلم ؛ فجر لازمه راسها ومدنگة نفس ماطلع منها وغيمة خانسة يم الدرج

جرتني رؤيا اخذتني للغرفة دفعتني ودخلت سدت الباب باوعتلي عيونها لمعت بخبث عضت شفتها

همست انتي السويتي كل هذا موو

رؤيا- لاا. اني شكوو صح جنت افكر بدون لاحس بصوت عالي گدام دسار ويمكن وهو حجه بدون لايقصد كم ذباح بس ماگناله روح سويها

- ليش هيج گلبج قاسي

- هاي وكفتي نفسها واني محتارة اشلون اضمج عن لايكتلوج

-شراح يصير

-تعيش اضعاف الذل الجانت ناوية تعيشج بي واول خطوة تبلش برجال مقعد وجباري ثتبت عذريتها ويا وانتي اتخيلي

- تره غيمة الجانت تعلمها

-لاهااي حصتها يمي مضمومة اويلي اشلون محضرتلها شغلة اضعاف دم رند وضياع رئال

- شراح تسوين

- خلي احصل بالاول جاسم

-لاتكولين اكتله

-لاااا هذا ابونا الربانه وتعب علينا اكتله اشلون

- رؤياا

- لاتخافين بطلت طريق الدم اتجهت لطريق الحلال لان لذته تنعش

-مافهمت

دتحجي ونفتحت الباب دخل دسار يطبگ برداناته القميص يريد ينفجر عليه گد ماضيگ وجهه كله مشخط وجوة عينه ازرگ مال ضرب باوعلي ابتسم واشرلي هلو

اخذت نفس وهزيت راسي ؛ راحت رؤيا ضربته بصدره وصاحت وين تأخرت لك

عفس وجهه فرك الضربة وكال عندي شغل

- ياشغل وانت مفصول

- وانتي متشتمة وجاي تعيريني

- دسارر اطلع من الاخير كول وين جنت بدون جذب

- اني اجذذب لااا وسفة

- من هذا وجهك شابع تكفخ بربك ماخجلت من تجيني مكتول

- بلكي يصير بعينج حسوة ملح وتقدرين الجاي اسوي الج

- ههه الي يسمعك يكول محطم سور الصين لخاطري

- تقريبا بس مو الصين سور الصايغ وربج شكفها اله شوية ويلكفوني

- كمت اتبوك؟؟

- جا شسوي شفت شي حلو وماعندي افلوس قابل اخلي بخاطري

رفعت حاجبها

دخل ايده بجيبه طلع علبة صغيرة

سحب بنطلونه وكعد كدامها نص گعدة فتح العلبة رفع ايده قدمها الها وهمس جنت اتمنى اقدملج عمري مكانها

باوعلته ساكته

- عهد عليه احميج بروحي وحقق كل حلم جنتي تتأملين بي واصيرلج درع تحتمين بي حتى من نفسج

- راح تتندم

- ندمت من ضيعت كل هالوكت بدون حضنج

- راح تتعب

- تعبني كلبي كد مايلعن بيه على المصيبة البليته بيها وكعدت مكابله اتصفن عاجز اشلون اطلعها منه

- مارح تكدر على مهري

- الي يكدر على دگاتج بگلبه يگدر يجتف كل امنايتج ويجيبهن سحل يخليهن بين ايديج

-تعرف منو اني

- وشفتج بأاسوء حالاتج عاجزة و معصبة ومريضة والاهم من ذني كلهن بكفشتج ووجهج الوسخ

-مم

- وحبيتج بكلهن

-دسار

- ولج وكلام الله اااحبج

ضحكت كام سحبها لحضنه الضحكة والفرحة الشايلها يثبتن اشكد يحبها

نزلت دموعي دنكت عفتهم طلعت سديت الباب وراي احس روحي اريد اطير مامصدگة واخيراً وحدة منه حققت حلمها وراح تكمل حياتها ويه التحبه

صارت كدامي هيام طالعة من غرفة بيبي مسحت دموعي رحت يمها سدت الباب وهمست عليش تبجين

- اشتاقيت لاهلي

- ربي يعطيج الصبر ويلم شملكم

- شنو صاير جوة

- يعني شصاير خيه اكثر من الصار خشي تنوعي لجدتي اشلون حالها يجسر الكلب

- لعد من هيج تحبها ليش ماوكفت جانبها ومنعت زوجها

- لخاطر يجتلها ذباح ويروح بيها ترا مانه هين العملته گمرية گوة كضوا السالفة لوماهذا الزلمة الضموها عنده يدگ صدره ويكلهم انه اخذها حرام يذباح يجتلها ويجتل نفسه ولاالفضيحه جدام الديرة

- بس حرام ترا كسروا ضهرها بهذا الشايب المقعد

- ام كلب الرهيف لو ماذباح ثاق بيج ويعرف شني الخالها بغرفته ويجلع ورا الزلمه جان انتي هسه حدر التراب

- من هيه تحب واحد وتعرف اهلها صعبين ليش هيج سوت

- كالتلك مايگضه بين مايسكط رايه يطفر الزلمة وهيج تضمن طلاگج هم هيه تاخذ راحتها ويا الزلمة وهم غيمة تصير لذباح وتستر عليها لبين مايلم نفسه ويجي يطلبها

- شنو حال غيمة هسه ولو حالها حال الشيطان يطغي ويكول بريئ

- ولج احنا بيا حال وهيه كاضه ايد عمتي فجر وتبجي تكلها انه شني مصيري على يوم هم يزتوني بمصيبة وذباح يجتلني احجي ويا عليش هيج تاركني خلي يتمم زواجه مني

- بمناسبه زواجه صدگ البارحة سويت مثل ماكلتيلي بس اشو حالته تعبت خلصها يدخن ويتگلب للصبح

- عليش اشكد عطيتي

- تقريبا ربع العلبة

- صخام بوجهج زين ماجتلتي الزلمة ولج كلتلج خاشوكة موش هيج

- شعرفني صارت شغله عناد

- يله بعد احسن كون ربي يجبر بخاطرج ويعطيج كد نيتج ويرزقنا بجاهل يحمل اسمه ويعوضه كل سنين النطرها

- يارب صدگ دسار خطب رؤيا

- شني خيه

- لاهمه صح متزوجين بس هيج هسه خطبها رسمي وراح يتزوجون صدگ

- اااي خلي نفرح شوية يبوو صار اشهر واحنا بهالاسود والحزن الكاض روحنا

- جان نزعتوا ليش لابسين لسه

- يااع جا ياهو غزوان غير اخيي صچ تحجين وبعدين من حجيت هيج وعلي مولان مغتاضة لاوداعت اميمتي لخاطرج اريدج تفرحين شوية وتشيلين عن كلبج

- الله كريم

- ترضين تعمل عرس اخيتج لولا

- اكيف والله هيج وازفها بيدي أمن عليها غير هاي امنيتي اقلها تضل عندي بس رئال اروح اشوفها وينها وليش هيج گطعت گطعه وياي وبعدها انتظر ماما اشوكت تطلع اخذها واروح نعيش سوه

- وتركيناااا

- هههه شنو ماملتي مني

- وعلي احيل ذباح اخلي يسحلج عاد هو اشلون اخلاقه الحين

- يبوو هاي الفكرة بعدلها اقل شي سنة يمعووده شو دوخري خلي اروح لغرفتي

- انطري اختج بعدها ويه زلمتها

- ماعليها لاتخافين عليها هسه تلكي حاصرته تسطر بشروطها وهو يكول تم واذا ابن ابو يتاخر بالجواب حتى يجي البوكس يعدل ترتيب خلقته

- اووي يخبلون من اسمعهم يجحون واشلون يتحمل خبالها ويسايرها حتى لاتصرخ بوجهه اكزكز عليهم

- ههههه صار استاذ بمزاجها يعرف اشلون يتعامل وياها

- هيه صح رعنه بس حليوه تنحب ربي يحفظهم دتعالي للمطبخ خلينه نزهب الزاد ماضل وكت

رحنا للمطبخ فتحت الثلاجة طلعت مخضر انطتني اخذته جبت سجينة وصنية كعدت وهيه خلت تمن وكعدت يمي تلگط بي

شوية ونسمع صوت هلاهل كمنا ركضنا للغرفة دخلنا لكينا عمتي لازمة الفون تباوع وتبجي وبيبي منتجية مغمضة لازمه سبحتها بدون صوت

اسمع صوت كمرية جاي من الفون تصرخ ؛ رحت يم عمتي واشوفها ملخه روحها وجهه ازرگ لازم قطعه قماش وتصيح لخاطر هاي تبريتوا منييي روحي كولي لاخوج حسبي الله بي عساه مايتهنى ولايشوف الرحة مثل ماجسر ظهري ونهانييي

كالتها شمرت القماش بي عذريتها وكامت تلطم بثنين اديها على وجها وتملخ بروحها درت وجهي ماكدرت اتحمل المنظر طلعت رجعت لغرفتي دخلت شمرت نفسي عالجرباية حضنت مخدتي وغمضت مر وقت حتى صوتهم على غده ماسمعتهم اجتمعوا مثل كل يوم الوضع يعصر الروح مثل هيج وقت تتلكه اخوتها تبوس امتونهم هيه وتضحك

اخذت نفس غمضت انگلب على ضهري واسمع صوت فجر تكول دخيلك يخوي وهيام تصيح شنو من گلب شايل ولك البت راح تجتل نفسهااااا

صهيب يسولف بصوت عالي وصگر معترض غيمة تبجي وتتوسل صارت هوسة دااكوم ورجعت گعدت على صوت صرخه ذباح رجت البت رج هو ويصيح وكلام الله الي اهيسه يتنفس ادفنه هو وعايش البت مااتتت مالها وجووود والي يذكر اسمها اترس فچه بارررود ومانه ابن البدوية ان ماعملتهاااا

هيام - البت اذا بخوتها ماتحتمي جا بيمن تنتخي طفلة غلطت وخذت جزاتهاعليش هيج ظالممم خاف رب…

بعدها مامكمله واسمع صوت ضربة ويه صرختها والكل ركض مخبوص

ثواني وصارت خنسة اندفرت الباب بسرعة كعدت عدل دخل عبارة عن بارود ثاگب عيونه حمر والحرگة واضحه على شكله

رد الباب برجله راح جهه الميز شمر الفون و باكيت الجكاير وكف يفتح بدكم قميصه اباوعله ولاكأنما مسوي شي بلحظه حسيته مريض نفسي لان مستحيل اكو هيج قابلية اندارلي صاح بدل ماصافنه كومي حضريلي الحمام وزهبيلي سم خلي اطفح

اشرت اي من خوفي سحفت صار شعري جواي نزلت جفي صاح الله وركض دنگ لزمني كال تأذيتي يبه

- بسببببك

- عليش وانه شعملتلج

-يعني تصرخ وتكول شسويييت

-وين تأذيتي

- رجلي كامت توجعني

- انه حيوان وهمجي وانتي شمالج ماتتنوعين طريجج

- سحگت على شعري ووگعت

- چم مرة اگلج لاتفچي يبه انتي عليش ماتسمعين الجلمة

- مو جنت نايمة

استغفر وگومني وخرت ايده من ظهري وابتعدت عنه لميت شعري لفيته رحت اخذت ملابسه للحمام علكتهن وطلعت بدون لااباوعله رحت للمطبخ

البيت نفس مابي كل واحد بغرفته دخلت صبيت عالسريع حضرت الخضرة واللبن خليتهن بالصنية شلتها ورجعت للغرفة دخلت لكيته طالع من الحمام متمدد عالجرباية بطرگ البنطلون ايده على عيونه رديت الباب وراي وكفت اخاف احجي ويطلع نايم واعرف بهذا وضعه يلبس الصنية براسي

وخر ايده اشر شكو واكفه

- هاا مو لبالي نمت

- اكو زمال عنده ذره عگل تغمض عينه بهيج بيت جيبي يبه الاچل

كعد اتقدمت خليتها يمه شال الخبره خلاها على جهه دنه الماعون - امي تغدت

- لا ولاواحد اكل اليوم

- يعني لسه بدون اچل حضرتج

- اكيد يعني دتشوف الوضع بالبيت

- وانتي شكوو عسى ما تكب نار جهنم بي رررايه اچلج بوكته علاجج قوي وانه مافارغ اراگبج يبه الف مصيييبه ورراي

- تره تكدر تحجي وياي بهدوء ليش تصرخ بوجهي

- لان خبببل والله غاضب عليه

سكتت

جرني كعدني گدامه دنه الماعون بينه ودنگ ياكل بعد حتى ماعترضت لان شكله كلش مومال واحد يعانده شنو يخلي كبالي اكل بدون صوت حتى شعري انفتح مالميته اشوفه كل شوية ياخذ نفس ويستغفر واني ضاربتها تغليسة خانسة بس ارمش اكل بهدوء

رن فونه كمت جبته انطيتهيا وشلت الصنيه دااطلع واسمع صوت گمرية جاي من الفون تصيح ارتاحيت ان شاءالله روح ربي لايهنيك بس على شني تتهنى وانت حتى بزر مايصير عندك شوف هذا الشايب النص زلمه بي رجولة تجيب راسك زلمه محبل حريمه كلها موش مخلصها مكاون ويه الديرة وهو جيله وحده تنهي اسمه

…ابتسم سحب باكيته الجكاير طلع وحده دنگ ورثها اخذ نفس نفخه وكال ياهو انتي

- حسبالك جسرتني من تبريت مني وشمرتني يم هيج واحد ؛خلي اگلك هذا الواحد حريمة حدر رجليه يتمنن الرضا لخاطر يرضى موش منيم حرمة رفيجه بحضنه وهيه ماتغمض عويناتها اذا ماتتخيله نفسه ولفها الراگد حدر التراب

اباوعله خله الجكاره بحلگه يتسنط بهدوء وهيه مستمره باللغوة خفت من شگله خليت الصنية وركضت سحبت الفون غلقته راد ياخذه مني لزمت ايده همست لخاطري اتركها تره اي وحده بمكانها تحجي هيج بس حتى اطلع الحرگة الجواها

-عطيني النقال يبه

-ذباح كلتلك لخاطري

- وهذا خاطرج وين ناوي يوصلني يحرمة غزوان

- مايوصلك لمكان موكلت انسوها انت هم احضرها وحسبها ماتت لاتهتم لكلامها هيه لوتفتهم ماتسوي هيج بسمعة بأخوتها مو تشمر هيج كلام

- وياهو كلج راح ارد عليها هاتي الجوال بنيتي ولمي شعرج لاابتره الج

- والله ياريت تسوي فضل لان صاير يخنكني بالتمشيط

- لهيج راح اريحج منه وهو وراسج فرد مره واخلص منج ومن اختج وزلمتها العوج

- صدگ اكو شي صار دااحجيلك عليه بس اهدأ شوية حتى اعرف اسولف

-تحجي يبه اسمع

-بالاول اكعد واخذ نفس ارتاح بين مااجيب شي حتى ناكل ونحجي

سكتت

شمرت الفون رحت للكنتور طلعت العلبة مالت العسل لان صدگ شفت لمعة بعيونه من ذكرت الجهال بس يحاول يبين مايهمه الحجي

اجت يمه كعدت شافه بيدي ضم وجهه بجفوف ايدي ودنگ

-شبيك

فرگ وجهه وكعد عدل اخذ نفس واشر ماكو

-تره بي خاشوگة

- يبه يأذيج

- لااكل شوية احب اكل شي حلو وره الاكل لايكون ماتحبه تره كلش طيب

- رررايه الجو حااار وابوي مشتعل بكبره بعدي عني لااهفج دفره اردج لحضن امج

مارديت اتربعت فتحت العلبة طلعت بالخاشوكة مديت ايدي

اشر شنو

- بس هاي حتى اعرف انت هادء واحجي براحتي

- يبه هاااادي هاددي ودين محمد هااادي

اكلتها ورجعت اخذت خاشوگه ثانية

-شني مطولة

- شوف رؤيا ودسار راح يتزوجون واكيد ياخذها لبيته بغداد

- اااي فكونه دخيل محمد

-واني

-انت شكوو رايه ماتتحرجين خطوة من الباب لحد ماتطلع امج واسلمج بيدها

- يعني شنوو اعوف اختي تروح وحدها

- وين رايحة لبيت زلمتها وماراح امنعج عنها اشوكت ماردتي اودج الها وبيتي مفتوح يمتى ماتريد تجي هلا بيها

- وشوكت تطلع ماما

- مااطول وسدي السالفة

-بس شوف

- مااتنوع ولااسمع وبسج اكل راح تنطحلين

- تمام اكل هاي حتى اظمه لو تقرف من الخاشوكة اكوم اغسلها الك

جر العلبه بعصبية اخذ الخاشوكة دنگ اكل الاولى والثانية خله الثالثة شحط كمت بسرعة دگيت على ضهره صاح بت الكلب شحطت موش لگمه حشرت جيبلي مييي

ركضت شلت بطل المي انطيته شرب وأشرلي شيلي العلبة

شلتها سديتها خليتها عالميز شفته شمر البطل انتجه ولزم الفون عرفته راح يتصل بصگر حتى يطلعون يدورن مشاكل صحت ذباح

-امري يبه

-جوعانة

-الزاد جثير والنفس طيبة ياهو الكاضج

-قصدي عطشانة والبطالة خلصت

- ثلاث ترباع الكرة الارضية مي ودارنا بنص الخير منين ماتميلين تغرفين

-كليتي دتوجعني وعلاجي خلص

- الصبح موعد الحجز ويه طر الفجر ياخذوج وبدل الكلى اعطيج اثنين بعد شني طالبة

- انت دتضحك عليه لو تريد تسكتنيي

- يبه شرايده

-كوم نطلع للمزرعة ضايجة

-وياهو المانعج ماتطلعين

- شنوو مخبلة اطلع افتر وحدي وبعدين اخاف من النوگ كوم وياااي

- هينه غيري ملابسج ولمي شعفتج

ركضت طلعت فستان رحت للحمام غيرت تراكي طلعت لكيته بعدة على نومته يراسل رحت يمه اتجتفت اشر دقيقة ورد لفونه

وكفت متجتفة يمه منتظرة شوكت يكمل صارت عيوني على عيونه مكحلات بطريقة قويه السواد المحاوطهن بكثافة عضيت شفتي امنيتي افرگهن داشوف يتصخمن لو اللون ثابت ؛ رفع راسه اشر شكو

- ماكو شي

هز راسه ورد يراسل

- هاي عيونكم من الله خالهن هيج لو امك جانت تخلي كحل لحد مالطش بعيونكم

- هالسؤال وجهي للبدوية

- زين انت من تغسل وجهك هم ترد تكحل لونهن اصلاً ثابت مايروح

-شتكولين انتي؟؟

-دسأل

-وانه مافارغ ولاعندي وكت لخاطر ارد على هيج تفاهه

- يصير امسحن والله ماافكس عينك عالخفيف بس داشوف ينطن اسود لولا

- فدوة الج العيون وصاحبهن جربي يبه لاتخلين بنفسج شي

هو يحجي واني ماصدكت عدلت وكفتي بسرعة بللت اصبعي بحلگي ومديته بعدني ماواصله لعينه لكفه سحبه عضه ودفعني كام- عگلي ينيتي وبعدي عن طريجي

باوعتله بنرفزة عرفته ناصب عليه رفع ايده بسرعة ضميت وجهي وخرني ودنگ جر تيشيرت لبسه واشرلي يلاا

لفيت شعري كباية خليت شال طلع كدامي طلعت ورا لكيت بيبي وعمتي كاعدات بالممشه وهيام واكفه تسولف وياهن

ذباح سلم وطلع للمزرعة رحت سلمت عليهن دنكت بست راس بيبي كالت وين طلع ذباح

- للمزرعه دنفتر شوية

- روحي يجده ربي يهدي سركم

هيام - بس لو تعلمينه الطريجه اشلون تگدرين بدگايگ تهدي هيج

- عوفي الطريقة وروحي حضري نفسج حتى تصالحي تره وكلته طن عسل راح ينفجر

- صخام بوجهج ولج كلتلج خاشوكه مو تجتلين الزلمة

- شعرفني اخذه الواحس دخل بالعلبه ديله روحي تره الليله يمج ماادخله لغرفتي

هزت ايدها وبيبي ضحكت عفتهن ولحكته اسمع بيبي وعمتي وراي يندعن بالخلفة

طلعت لكيته واكف اديه بجيوبه ويباوع لدسار كاعد عالحجر وگدامه رؤيا يظفر بشعرها وهيه كل شويه ومنداره ضاربته

همست اتعلم منه شوفه اشلون هادء

- مقتنعه هذا هادي شايفة من يخش المركز ويبلش بالربع شيعمل تراه موش گليل شر بس يطلع طاقته المكبوته ويفك عثره عظمة بالعالم ويردلها هادي

- اشو ايام يجي اكو وشم بجسمه وايام ماكو

- حسب المهمة اليگضها تتنوعين هذا النجر الجدامج الصاير مدمغة لاختج شني؛ اكبر شارب مايكدر يلاوي يختاروا لاسوء مهمات لان متأكدين منه مايهاب الموت ويجيبها بخفة ايده

- لعد ليش هيج ساكتلها

- كلبه متولع بيها رب الخسر وظيفته لخاطرها مايتحمل طكها وصراخها

-انفصل

-بعقوبة مسحت ملفه من انجازاته وتعبه بالكامل

- خطيه وهسه اشلون راح منصبة يعني انتهى

- خالة ابو حرمته رتبتة جبيرة اذا گدر ويلعبها ويا صح يساعدة يرده لمنصبة واكيد زلمة اختج جنه ابليس مايعتاز واحد يعلمه

دااحجي وستكتت على صوت ضربة ودسار صاح اااخ

درت وجهي لكيت رؤيا واكفه لامه جف ايدها ومستعده تريد تضربه بعد وهو رافع اديه يحمي نفسه ؛ رفعت رجلها قبل لاتوصل بين رجلي دنگ شالت ايدها رادت تضربه بوكس لزمها بخفة وكام شالها من بطنها كلبها بالمگلوب صرخت لك دساااار

- كولي اتوبه

- لو تمووت مااكول نزلي لكككك

عصر بطنها ضحكت وصاحت لااااااا دساااار اكول اكوول

- يلااا

- بعد مااغلط عليك ولااكتلك

- كولي احبك

- مااجذب

نزل ايده على بطنها اكثر حركها كامت ترفس وتضحك بصوت عالي

ضحكت على صوت ضحكهم شال راسه اشر ترديها

هزيت راسي لاا

رفعها اكثر گلبها على متنه تكول لعابة ويحرك بيها بكيفها اتناثر شعرها مشه بيها وهيه تصيح لا دساااار لاتتحيون لك لفووو جبان الوطن نزززلني

يااعالم هذا حراميي وتاجر اعضاء شارد من الحكومة راح يكتلنيي لحكونييي

مااهتم كمل مشيته وصل يم حشيش اصفر خاص بالحيوانات شمرها عليه وندار يريد يرجع كامت بسرعة ركضت ضربته بظهره بكل حيلها ودفعته وكف دار وجهه رجعت ليورا دنكت تتلفت ادور بالكاع شافت قوطيه معجون فارغة دنكت شالتها وشمرتها عليه رفع ايده بسرعة صدها

ردت دنكت شالت حجاره شمرتها اجت بصدره صاح ااخ ولزمه متألم وكفت متخصره تباوعله بانتصار

فرك صدره وابتسم بمكر نزلت اديها وهمست والله يدسار اذا تحركت اصرخ وافضحك

هز راسه ودنگ يطبگ ارداناته

- خليك متذكر اني حذرتك

رفع راسه واشر تعالي

رجعت ليوره - انت رجال والرجال مايمد ايده على وحده ابنيه

مارد اتقدم

دارت وجهه رادت تركض مالحكت جان اسرع منها لكفها ودنگ شالها واشتغل الصريخ شمرها عالحشيش هيه ترفس وهو يدفن بيها

ضحكت على منظرهم الي يشوف ضخامته وهيبته مايصدگ هيج يتماطل ويه طفلة وفوكاها متحمل الكتل ولسانها الطويل وهيه تصيح لك حيوان لفووو صير رجااال وعوفني

دفنها وكام نكث اديه واجه هز ايده ذباح وضحك راح كعد عالحجر كعدت بصفه وصل دسار يمنا كعد كدامنا اشر لذباح عالجكاير شمرله طلع وحده خلاها بحلگه دنگ ورثها اخذ نفس نفخه وكال اي ابن البدوية كالوا ملتقي بأبو عكرب

ذباح - اتمنى عندي ربع فراغك وبعدين عليش مكلف نفسك ومزحم ازلامك وراي جان نشدتني وانه ابلغك تحركاتي اول بأول

- مم حلو وينه

- ههه عالاساس ماتندله وغشيم عالجاي يعمله

- خليك بعيد عنه لخاطر لااسحك راسك

- اتخسى انت والمرافجه السبع بيكم مايحرج شعره من راس اجلابي موش مني روح حباب العب ويه الي ابكدك

- لازلمة

- غصباً عن شاربك لو مادايس عتبت داري جان عطيتك درس بالمرجلة وعلمك نواقيص الثقه شني نهايتهم

- وكلام الله يذباح كلمة وحده اذا وصلتها الها لو عرفت منطيها لمحة من الجاي اسوي قبل لااكمل الشغلة امحيك انت وعائلتك

- بس اركد اتحجه على كدك و ركز على غنيمك

-ابو عكرب عرف بالشغلة ؟؟

- ماادري بس شكله موش راحة وخله براسه البنوات هيست عندة علم بلعبتك ومناطرك بالدگيگة لخاطر يتحرك

- شسوي ؟؟

- افااا تحير وانه بظهرك لاماهكيتها منك يابن العم تحرك يخوي لاتخاف انه وزلامي راح نحاوطك

راد يحجي واجت رؤيا تنكث بروحها ضربته على ظهره اندار سحبها كعدها يمه وخر الحشيش من شعرها مسح خدودها رادت تاخذ الجكارة منه ضربها على ايدها خله الجكاره بحلكه وجرها لحضنه جتفها حتى ماتزعجه

رن فون ذباح طلعه باوع بي وكام كال يله انه اترخص وانتي يبه كومي ردي الحجرتج

اشرت اي هو راح واني كمت دخلت جوه

***رؤيا***

سحبت روحي منه لزمني من وجهي دنگ باسني وكال واني هم اروح

- لاتتحيون بعد وكت

- اووف الألفاظ تنگط عسل وباجر من الصبح اجي حتى نروح لوالدتج

- بس اني وياك

- خليني اروح بالبداية احجي وياها ونتفق واجيب امي

- صدگ اشلون قبلت امك بيه

- ليش اثر الجفجير ماواضح بوجهي؟؟ بس اريد اعرف انتن اشوكت تكومن تحترمني تره بالعباس اني ضابط والعالم تهابني ليش ماجاي تقتنعن بهالشي

خليت ايدي عالجرح مسحته همست كلاص حبيبي كلاص بعد ماكتلج

- جذابه وعلي

- واني اشوكت ضربتك

- لاابد هذا ابوي استلمني دگ وسب من ساعة ضربة الدراجة لقبل دقايق هفني دفره عدل فقراتي بيها بس هانت ماضل شي وتصيرين بيتي وسهل الحجي يصير

- مم وشنو تسوي

- امشطلج كفشتج الصار حلم اشوفها مرتبة وغسلج وجهج الوسخ الصاير جنه زوليه حبوبتي وهذا لسانج الينگط عسل كل دقيقه اعضه لحد اطلع شكو سب سمعته منه

- مو هسه نتزوج

- ليش كل شروطج نفذتها بيت واشتريتلج اهلي وراح يجون يطلبوج وحقج وراح يوصلج شنو رايده بعد

- يوصلني بس مومثل مااريد

- الموت راحة

-ماتعرف شنو جان يسوي بيه

سحبني لحضنه دنگ باسني وهمس حسيت برجفتج وخوفج من اول حضنه وحلفت اردها بي اضعاف

- هواي حاولت بس ماكدرت كلمااحس ايدك على جسمي اكو شي بداخلي يرفض ماينطي مجال حتى افكر

- الج كل الوقت شعره مالمس منج اذا ماانتي اطلبين عسى ماتضلين سنين اهم شي اخليج بحضني وغمض واني مأمن

- ليش هيج مستعجل تريدني يمك من شنو خايف

- الدنيا غدارة خايف اموت واني بحسرة حضنج

- لا خايف اني الي اروح منك شفت صاحبك خفت تكون مكانه موو

- صاحبي لوميت افضله ذاك الزلمه الجان ينحلف بي راح ضال يفتر مثل الخبل يخلص نهاره بأجرام ويگضي الليل لازم ضفيرتها ويشرب

- هيه اقلها تركتله ضفيره اني ماراح اتركلك غير اسمي

- لادخيل محمد رؤيا بروح اهلج لاتحجين هيج وعلي اتسودن اني مو مثله وكلام الله اخلي طلقة براسي واموت ثانية وحده بدونج مااكدر

وخرت راسي من حضنه باوعله رغم ضخامته وقوته بس اكو لمعة خوف بعيونه هادته ؛ ابتسمت لزم وجهي مشى اصبعه عليه نزل على شفتي مسحها عالكيف وهمس وروح ابوي عايش بيج

لاارادي غمضت حسيته دنگ على شفتي سحبها عالكيف ونزل ايده على ظهري بخفة وصل لخصري عصره وجرني اله احس روحي ذابت بين ايديه

شعور مااعرف اوصفه ؛ ياكل بشفتي بهدوء وايده تتجول بدون وعي اخذني لغير عالم بلحظه حسيت بده يفقد السيطره ولمساته بدت تصير قاسية ضغط عليه سحبت نفسي ماكدرت ونيت زاد اكثر ضربته ودفعته حيل وخر ينفت

مسحت حلگي - كوم دسار يله روح

-اذيتج مو

سكتت

لزم وجهي دنگ مسح شفايفي وطبع بوسه خفيفة

- تره موحلو منظرنا اذا شافنا احد

- صدگ رؤيا راح تصيرين الي وانيمج بحضني

- عززه تره مصار دقايق من حلفت ماتلمسني بدون رضاتي

- مرات الحلفان يكون بالاجبار حتى ترضي المقابل لااكثر

- هاا انت من هذا النوع يله دسار كوم روح لشغلك

- ماتخلينه نعوف الشغل وتجين وياي نكتب قصتنا

- والله ماشايله هم غير لعشرتك واعرف نفسي راح ارجع لنفس الصخام الجنت بي وياك اكلي شربي حليب ادفي لاتتحركين جواريبج لاتنزعيهن نامي يووو

- وين لاگية زمال مثلي يحبج

- واليحب يثبت مو يخنگ

- ولج انتي ليش ميصير بعينج البارحه ماخذلج بيت على نهر دجلة

- صدگ تحجي

- وعزه الله وهاي الضربة الثانية اكبر اثبات عوزت افلوس عود رحت لامي هفتني بالنفاضة

- يعني انوب اكعد على صوت النوارس واطلع كبل اشوف المي

- وكلام الله ارميج كون بيج حظ وتطلعين من حضني الصبح وتعوفيني مثل الجلب وحدي نايم حتى اعلمج الحيوان اللفو شيسوي

غمضت اشرت اي

- جذابه وروح ابوي غير الطگ والسب ماراح احصل

- لاع اصلاً ماراح اصيحلك بعد لفوو ابد

- كله حيوان ادري

ضحكت ضحك على ضحكتي و سحبني لحضنه دنگ اخذ نفس طويل باسني و همس رؤيا وحگ دين محمد احبج اكثر من روحي

غمضت خليت راسي بصدره عصرني حيل دخلت بحضنه امنيتي ماافتح عيوني بعد واعوض كل العشته بداخله

مر وقت لامني بحضنه وخال راسه على راسي بس صوت دكات كلبه تنسمع مااعرف ليش بس حسيت بي صدگ خايف يفقدني؛ رفعت راسي باوعتله جانت لمعة بعيونه مااعرف افسرها مد ايده وخر شعري عن وجهي حجه بصوت خافت لو بس تعرفين شنو الج بداخلي

اشرت شنو

ديرد ورن فونه دنگ باسني وعدل نفسه طلع فونه غلقه وكال يله صار لازم اكوم

- باجر تجي من وكت

اشر على عيونه رد لزم خدودي بوسهن وكام راح سحب الجماغ وكف يتلثم بي

- انت شوكت تصير رجال وتطلع بدون لثام ماتخاف

-من تغسلين وجهج

-وجهي انظف منك باجبان الوطن يالفو

-ديله اشلونها الرعنه

-اني رعنه يالحيوان مخلص عمره باللثام يتختل مثل الجريدي

شفته راد يتحرك واني بعد مااندل طريقي هيه كمزه وهيه ركضه بوجهي عالبيت دخلت حسيت هدوء مديت راسي لكيته على وكفته همست حيوان لفو

دنگ شال حجارة بسرعة ضميت راسي واشوفها اجت ترس بالحايط ضحكت دخلت داخل البيت صنته عرفت وكت وكت الصلاة الكل بغرفته

رحت لغرفة رايه دكيت الباب صاحت الله اكبر دخلت لكيتها واكفه عالسجادة سديت الباب ورحت تمددت على فرشتها منتظرتها تكمل

مرت وقت وهيه بعدها ادري بيها دتقضي لغزوان صلاة من لمعه عيونها ماكدرت اباوعلها درت وجهي لكيت فون غزوان عالكومدي اخذته كلبت بي شوية ورجعته احس قبلي يريد يطير

دخلت راسي بالمخده فكره تاخذني وفكره تجيبني اكثر من ساعتين لحد ماكملت صلاة قرآن لمت سجادتها اجت يمي باستني وكالت شو هنا

-اليوم ذباح يمج

-لا يم هيام ليش

-ااي حتى انام بحضنج مشتاقه الايامنا

-والله اني هم مشتاقتلج تعالي

مدت ايدها خليت راسي بحضنها دنگ اخذت نفس طويل مني باستني وخلت راسها على راسي صار هدوء مر وقت وهمست اشلونها هسه

نزلت دموعي

-ليش هيج مدتسأل عليه معقولة ماارف كلبها ماحست بخنگتي

- يجوز زوجها صعب

- حتى لو صعب اقلها تتصل مارايده شي والله بس اسمع صوتها والله احس بعد مااتحمل اكثر

- تجي وتاخذيها لحضنج وتعاتبيها وتشكيلها وحتى تملين منها

- رؤيا مدتحسين شكو بكلبي

- الي انهد بيتنا والراحوا اخوتي وهيه اختي

- هم يجي يوم ونلتم من جديد

-اذا عرفتي ابونا عايش شنو راح تسوين

- من يوم العرفت جاسم موابونا حلفت ماراح اسأل منو ابونا الحقيقي ولاراح افكر بي ولا يهمني معرفته من الاصل

- يمكن مظلوم

-خلي بكمل مظلوميته بعيد عنه ولاتجيبين طاري من الاصل

- عوفي خلي يولي صدگ داابشرج صار عدنا بيت وعلى نهر دجلة

- صدگ دتحجين

هزيت راسي مبتسمة مسحت دموعي بسرعة ونكلبت باوعتلي وضحكت

اخذت نفس وبلشت اسولفلها شنو طلبت بدل المهر واشلون راح اخذهن ونگعد هناك نسوي مكتبة لرئال وغرفة خاصه نلتم بيها بليل بحضن ماما حتى نسمع قصص رئال التافهه واني ارجع للمدرسة وهيه تربي اطفالي

ساعه نضحك وساعة نبجي لحد مارن الفون مسحت دموعها شالته باوعت بي وعكدت حاجبها اشرت شكو

- اتصال فيديو بس مااعرف منو

- اخاف دسار جيبي

اخذته فتحته واشوف رافد الدغش كدامي عيونه كلهن شر باوعلي ورد باوع لرايه ابتسم دااغلقه وصاح بس انتظري احجي وياج

- مااتصور اكو كلام بينه

- لااكو والي ماكو غير حضني اترديله

- عبنك هيج حنين روح دور بتك وين ضيعتها

- لهيج ماريد اضيع الباقيات لخاطر الحگ اردها قبل لاتروح مني صدگ

- كملت يله انقلع لك

- اوووكفي بس شوفي هذا اكيد يخصج

عدلت راسي ابتسمت بستهزاء دار الكاميرا قرب الصوره ضاعت ضحكتي واني اشوف هوسة وصوت هلاهل

من بينهم دسار واكف يم خطيبته لابس قاط وهيه بفستان ابيض مدنگ يلبسها الذهب ....

***رئال***

عمي يحجي واني صارت عيوني على عبدو جانت نظراته قذرة وعلى شفته ابتسامة تخوف دار وجهه دنگ تفل ورد باوعلي ومسح شواربه كوة اتمالكت نفسي ماتقيأت فززني عمي وهو يكول يله بابا الشيخ منتظر

اشرت شنو

- بنتي صح اني مارضيت بالاول بس مهما يكون كعدتج بينا موصحيحة انتي صغيرة واحنا عدنا ثنين شباب

- اي لعد ليش ماتخلوني اغوح للمغكز

- يامركز بابا انتي تعرفين شي واحنا شي اذا الله ستر عليج بذيج السالفة هاي محد راح يخلصج بالاخص اذا شكو بأمرج كبل يشمروج بالحجز وترحين بيها

- خلوني اغوح مالكم شغل اني ادبغ نفسي

- ليش يابنتي اذا على سعدية مضوجتج هاي بعد ماتكدر تحجي وتره هيه كلبها طيب وبحيل الله منا وجاي تصيرن اكثر من خوات

- مااصيغ شي وزواج ماغاح اتزوج شبيك عمو صدگ دتحجي

عبدو - اي صدگ وغصباًعنج سمعييي لج اخاف دللوج شوية وشفتي روحج تره كلج خلگ وحدة عاهرة اهلها متبرين منهاا كلمة وحدة اردج للمووت سمعتيييي

- وين ماتوديني وديني زواج ماغاح اتزوج

- اسوي روحي كلشي ماسمعتتت شمري البيدج ويله راح يسألج الشيخ كلشي ماتردين غير نعم وتردين مثل الزماال هنا ولاوروحه لابوي اخذج احبسج ويه الحيوانات بالحديقة تكملين باقي عمرج هناااك

عمي - على كيفك اني احجي وياها وانتي بابا ليش ماموافقة احجي شنو خايفة ترا اني ماوافقت اذا ماتعهد وانطاني كلمة يعاملج حالج حال سعدية وايده مايمدها عليج وشنو بنفسج يشتريلج

- عموو شدغاك اني مامتزوجة يجوز عندي زوج

- هم فكرت بيها وحجيت ويه الشيخ كال انسوي خلع بالاول ونعقد

- شنو بكيفكم تسألون واتسوون بدون موافقتي

عبدو - اهوووو اشلون شغلة موكلتلك هاااي موبشررر اذا مااسحلها ماتجي للطريق وراح تضل معاندة حتى نبطل وتنهزم وتشمرنا بمصيبة

عمي - ياعمي حقها هو اني تفاجأت من جبت الشيخ وحجيت مو هيه وانوب ماتذكر شي اكيد خايفة

- لااا موخايفة بس تريد ادحم وتلعب بكيفها اكص ايدي اذا طلعت صدگ فاقدة الذاكرة هسه تطلع مسوية مكسورة ومنهزمة من اهلهاا مامتعودة عالستر من سمعت حلال اتخبلت

- زين عوفها خلي الشيخ يروح اليوم واني احجي وياها لباجر تقنع هيه تحبنا وتعودت علينه ولو مااعزها مثل بنتي واعرف ابني مابي خير جان زوجتها اله بس اريدلها خوش زلمة يصونها وكادر يصرف عليها مويموتها جوع

- وهاي كدامك تدلل كل ماانزل اجازة انطيها افلوس واطلعها بس يله فضيني مو انعل ابو گاعد صار ساعة يلااااا لج

اشرت لااا

-شنووو لج

-السمعته ماغاح اتزوج ولاغاح تكدغ تغصبني والله اصيح وافضحكم

فتح عيونه على كبرهن رجعت ليورا وهمست والله لوموتكتلني مااوافق لو تذبحني

صك على سنونه ؛ عمي راد يحجي مالحگ دفعه عبدو واجه يمشي سريع اريد اتحرك مااگدر احس رجليه بعد ماتعيني وگعت الملابس رفعت اديه بسرعة حميت وجهي جرني من شعري وصاح تررردين بوجهييي لج

ركض عمي لزمه كله انطيتني كلمة ماتضربها اتركها اني احجي وياهااا

- لااا ماتحجي وغصباً عنهااا تجي وتوافق بدون لاتتنفس ولاوراسه لاابوي احلقها صفررر واشمرها ويه الحيوانات منااا لمن تموت سمعتي لج شنو اسوووي

لزمت اديه حيل وهزيت راسي لاا

شالني من شعري احسه اجت بيده شاطت روحي من همشت كلبي ضربته ماحسيت غير الراجدي من قوته انشمرت مسافة بالگاع على وجهي صاح عمي شبيك تخبلت

- مالك شغل اااانت اطلع برررة وسد الباب

-شنووو اطلع شناوي تسوي

-كلتلك اطلع بررررة

-عبدووو لاتتخبل

- اني شحجييييت

كالها واسمع صوت ضربة انداريت لكيت عمي ضام وجهه وعبدو يجر بي گوة يريد يطلعه

درت وجهي اريد استنجد اباوع لعمتي واگفة يم الباب والضحكة تارسة وجها صارت عيوني على امجد باوعتله بتوسل دنگ نزلت دموعي عرفت محد راح يخلصني ؛ شمر عمي على مرته راد يسد الباب ركض امجد دفر الباب وصاح شتريد تسوي ليش تسدهااا

- وانت شكووو بس لاحاسب روحك فد قندرة امشي لك منااا اخلي البسطال بلحگك

- تخلي بسطال اتخلي قندرة راسك وانت حر بي المهم لاالباب تنسد ولاتحجي وياها نص كلمة

- بعدد تعال اخذلج راجدي ربيني

- اذا شفت منها فايدة ليش لا الي يستفر بطفلة مو رجال زعطوط والزعطوط لازم يتربى حتى يمشي عدل

- شنووو لك شحجيت

- السمعته زواج بالغصب ماراح تاخذها على جثتي واذا على الوظيفة ادوس بيها افصلني اخذها واروح لو اعرف اجدي واوكلها بس مااخليكم تستفردون بيها

- شو دتعاااال خلي اعلمك اشلون تجاوب

كالها وجره من گد ماضعيف امجد وحيله رايح اجه بيده بخفة شمره بالگاع وسحب الباب بسرعة قفله

وندارلنا يباوعلنا بغل فاتح عيونه على كبرهن

زحفت ليورا بخوف واني اشوفه اشلون صك على سنونه ومد ايده على حزامة يفتح بي وجهه كله حقد وحقارة راد يكوم امجد اجاه بكل سرعته دفره بصدره گلبه عليه وجر الحزام

ديصيح وسكته بالسعة بنص وجهه صرخ لايبن الكلببببب واجته الدفرة براسه من قوتها دگه بالحايط دنگ لازمه متألم وهو بلش بالدفرات بعد يريد يحمي نفسه منه مايكدر كل ضربة تجي اكول هسه يموت

اباوعله يضم وجهه تجي الضربة بطنه يدنگ عاصر نفسه تجي غيرها بظهره

صرخت عمتي الي تنخي وهوسة سعدية تكسر بالباب و تصيح عوفه اني اخليها توااافق ومنظر امجد يتلوا بين رجلي احس مثل الشي نزل براسي

لزمته حيل عيوني عليهم ارجف ودموعي تنزل بخوف خانسة مااعرف شسوي مااسمع غير عمي دفر الباب وصاح تركه راح الشيييخ

اباوعله وجهه احتقن شال رجله ودفره بطنه بكل حيله انطوة امجد كاطع النفس تفل عليه واجاني رجعت ليورا مالحكت حتى اگوم دنگ لكفني من شعري حجه من بين سنونه ترفضينييييي ولج نزلت دموعي برعب استوني اترجاه وماحس غير دگ راسي بالكاع بقوة ؛

غمضت بلحظه صارت صورة بعيوني واحد مكتول وبنية لامه نفسها تهمس بخوف رئال لاتخليني وحدي ؛ ظلمت الدنيا صار غواش صوت امجد يصيح ششمس وعمي يصرخ رحت غير عالم

…الشمس تاكل بوجهي صوت دجاج يمي فتحت عيوني الضوء صار بيهن قوي رفعت ايديه داافركهن ماكدرت مثل الشي المانعهن شلت راسي وانتبهت لنفسي داخل قفص دجاج ايديه مربوطة بالحديدة والباب مقفول

احس ملابسي مبللة دنكت لكيت خياس جواي انگلبت انتجيت على متني گوة كعدت اتلفتت داير مدايري ماكو احد راسي يفتر گد قوة الشمس دنگت افرك بي واسمع صوت عمتي تصيح صحت بت العاهرررة

شلت راسي لكيتها جاية تمشي سريع بيدها عودة ماسحة وراها سعدية تركض وجها اسود من الحرگة عرفت راح انكتل ؛رجعت ليورا انضربت بالحديد ماكو مجال لميت روحي بسرعة وصلت رادت تفتح القفص لزمتها سعدية صاحت عوفيني افوخ گلبي بيهاااا

سعدية - يمه والله عبدو يكتلنا دخيلج كال لحد يوصللها

- ولج ابنييي راح يموووت بسببها ولج من البارحة لليوم ينززف ويصرخ من كسر رجله وهذا الكلب رجلج حابسه

- لان يدري بي يريد يطلعها منااا هو اخوي مو خوش ادميييي يتهدد يستاهل كل الكتل بلكي يتررربى

- خلي يطلعها مااريدها بيتيي بعد؛ وينه ابوج صيحيله خلي ياخذها يرجعها منين ماجايهااا

- هسه جايه تكولين خلي يرجعهااا ليش منوو قنعه حتى يزوجها لعبدو غيرج منووو هدم بيتيي

- كلت ثوله وبت شارع ماعدها احد كدام عيونه ماتكدر تفتح حلكها تجيبلنا طفل وتنطي الج وتخلصنا من نگت رجلج الزرفت راسنا شعرفني بت عاهرة وراح تسويلنا مصيبة

- وهاي صارت براسه بعد شيطلعها منه كله من وراج انتي الهدمتي بيتيي الصبح يهددني يكلي اذا طلعت منا اطلگج تردين اتضلين على ذمتي عيونج عليها ولج يمه يهددني بالطلاگ لخاطر بت ليل

- يبووو يبووو شكول عليك يقسمتي السودة منين جبتها لبيتي راح يرحون بزري بسببها اشلون اخلص منها كليلي

- مانخلي يتزوجها منا لحد مايلتحق وناخذها اني وياج نشمرها بغير محافظة ونكله انهزمت

- اذا تكولين مهددج بالطلاگ اشلون اتهزميها ولج

- جااشسوي كليلي روحي لابوي شوفي اشلون كاعد يم الباب يكسر الكلب يسمع صوت امجد ويبجي

- جا موكلتله روح اشتكي شمنتظر يموت ابنييي يااااالله

- جاماسمعتي عبدو من كله بس توصل للمركز اشمر تهمة على امجد خاطف البت ومن شاف روحه حبلها وتورط كام ضربها براسها خلاها تفقد الذاكرة وجابها شمرها يمنا وعندي شهود عالصار وتعالي جيبي الي يطلعه بعد والكاظم ييمه اذا لزموا بالمركز يموتوا تعذيب محد يصدگ السالفة لكاها ابوي وجابها

- واني ماانتظر لحد مايموت ابنيي

- شنسوي لاتكولين اخليها توافق عالزواج رجلي مااخلي ياخذ مرة علييه

- لا يتزوج وغصباً عنجن اثنينجن شنو حجته الطفل اله بليوم نص ساعة وبعدها تجي يمي بس تحبل يطلكها وتظل تخدم جوه رجليج لحد ماتخلف ناخذ الجاهل ونشمرها واذا حجه اني اروح للمركز واكلهم هو الخاطفها

- منو يكول يقبل هيج اذا هو يكلي الغرفه يوم الج يوم الها لحد ماابني غرفة عالسطح

- وخرري هسه احجي ويا شنو هيه بكيفه ماطلع عنده كم واحد بالمركز شو ستعبدنااا

شمرت العودة وراحت هاده اجت يمي سعدية دخلت رجليه بحضني اكثر كعدت نص گعدة همست والله اذا وافقتي اسود عيشتج تعرفين شنو اسوي بيج حتى زلم اجيب وادخل عليج اخلي يذبحج بيده سمعتيي

اتبلعمت بخوف

- امي راح تقنعه ويجي يحجي وياج تكليله لاا هيه دفره اتحمليها احسن مااتموتين تعذيب على ايدي لاحسبالج ابوي يخلصج تره جبان نفسه مايكدر يخلصها يخاف من رجلي

سكتت

- اذا غصبج كلش وكتلج كليله مونظيفة واني اطبگ وياج اتحملي كم يوم هنا ماضل شي ويلتحق وبعدها اندبرلنا سالفة اخلص منج بيها

هزيت راسي اي

تفلت عليه وكامت راحت دنكت مسحت وجهي بمتني رفعت اديه من كثر ماالحبل ضاگ عليهن صايرات زرگ درت وجهي محتارة شسوي حتى لوصرخت اعرف محد يخلصني لان البيوت بعيده عنه بس راح انكتل

قربت ايده عضيت الحبل بسنوني جريته بس ضك اكثر رفعت وجهي مديت رجلي لباب حركته سمعت صوت سنسله عرفته قافليني

دنكت اباوع ملابسي كلها مي من الكاع جسمي يصل من جوه رفعت راسي الشمس ترگع براسي اخذت نفس بيأس واشوف عبدو جاي هو وعمتي بيده صونده نزلت دموعي بعجز همست ياربي ساعدني

وصل يمي عصرت نفسي عيوني عالصوندة شفايفي ترجف والكسرة بروحي دنگ فتح القفص كعد مقابلي باوعلي بنظرة تقرف وكال هاا عقلتي لو اناخذلنا قاط ثاني

مارديت

-احسن ماتضلين هنا بالخيسة اخذج اليوم للفندق واشتريلج الرايدته محد يكدر بعد يحجي وياج اسويلج غرفة وانطيج كل شهر افلوس واطلعج هاا شكلتي

عمتي - ماتكول هيه موافقة. يله كوم جيب الشيخ قبل لايرد عمك من المستشفى

- مو اذا جبته وفشلتني هالمره اجرم بيها وتعرفيني من اضوج افقد هاي مو كسرت امجد تالي اموتها بدون مااحس

- لاهيه عقلت حجيت وياها بس هاا على اتفاقنا من هسه اكلك اذا رجعت بتفاقك اني اوكف بوجهك

- ميخالف دخلي يصير طفل وسهل الباقي عود اذا ماقنعت سعدية وضلت كارهتها اخذها اشمرها غير بيت

- يااا موهسه كلت اطلكها

- وينن اطلكها تردين تفضحونااا كدام العالم اذا وكفت اداعيني بي لو ترديني اكابل بتج بطرگ طفل كلتلج ماخذها علمود الجهااال

- جا ماتاخذها مناا تخليها يمنا اقلها تفيدنا بالخدمة واذا على سعدية اني احجي وياها بس هاا مالك غير ساعة باليوم موهم تطلع بسالفة جديدة

- كل عقلج اباوع لوحدة مثل هاي واني عندي تاج راسها يله هسه شنو اكوم اجيب الشيخ لو اكو سالفة جديدة

اشرت لا

- شنو لااا

همست برجفة مااتزوج

هز راسه وسحب الصوندة ولميت نفسي بسرعة حتى مالحكت احمي روحي واجتني اللسعة شوطتت روحي بعدني ماصارخة واجتني الثانية من كد الالم صرخت بدون لاحس ولج يييمه لحكنييي

سكتني بضربة على وجهي من وجعها غمضت عيوني احس روحي انسحبت نزلت ايديه وخليت راسي عالحديد بهتانة

تفل عليه وسحب الباب قفلها وكام اندار لعمتي صاح ممنوع توصلون يمهاا حتى اكل محد ينطيها تاكل وتشرب ويه الدجاج

- بلكي تموت اخلص

- ابنج راح يرجع اذا سمعت واصل يمها لو حاجي وراسه لابوي اضيعه سمعتييي

-وين سودة عليه اخذه ابو يسحل برجله منتهي بسبب بت الليل

- هالمرة رجله الثانية اشمره بتهمة حبوب واخلي يخلص عمره بالسجن وحتى رجلج افصله من الوظيفة اذا لمحت واحد واصل يمها لو منطيها اكل انهييي

- لاهاي هيه خليها لحد ماتتربى بت الشوارع عود نريد نسويها بشر ونستر عليها اثاري الاعوج ماينعدل

-ماعندي شي كل يوم اجي اخذلي كم قاط يااربيها ياادفنها

-هيج ونخلص من نكاستها رادلها بخت

دار وجهه باوعلي بحقد تفل عليه دنگ شال صوندته وراح لحكته عمته

شلت راسي للسما نزلت دموعي بضياع شي بداخلي مخنوگ عاجزه حتى عن الدعاء مااعرف بشنو اناجي

مسحت خشمي من الدم دنگت خليت راسي على رجلية صافة عالقفل مثل هيج مواقف البشر يسافر بجروحة داخل احلامه حتى يخفف عن وجعه اني حتى هاي محرومة منها راسي فارغ كلشي مابي غير صريخ وصور مرعبة غمضت بتعب

…مرت الايام واني بمكاني مايطلعوني غير مرة للحمام وبالتواسيل ويرجعوني كتل ارد الم روحي داخل القفص اتختل من مكان لمكان عن الشمس ساعة احشر نفسي بالزاوية وضم راسي بحضني ساعة اخلي ايديه على وجهي احتار شسوي من الحر

عمي يكعد مقابيلي يباوعلي ويبجي حالته اصعب من حالتي فقير ومدوهن بيني وبين ابنه المحبوس بالغرفة بس صوت اصريخه ينسمع يخاف يطلعه وعبدو ينفذ التهديد

اكل محد يجيب غير مرة يشمرولي نص خبزة والمي انتظر الدجاج يخلوله اطردهن حتى اشرب قبل لايوسخنا حتى حيل ماضل عندي يجي عبدو اشكد يحجي ويضرب براسي نفس مااتنفس لمن يمل وحده ويروح

يخلص النهار بين تعذيب وذل يجي الليل وياريت مايجي كل لحظه تمر بي موت بطيء الم نفسي وانحصر يم الحيوانات اتحامه بيهن اغمض وأبدي اشكي لنفسي من اذيتهم دموعي تنزل بألم اصعب شعور من تعرف ماعندك احد عايش وحدك بهاي الدنيا خايف من ظلام الموت

كاعدة عيوني على سعدية تعجن اجه عمي يركض بيده سجينة و المفتاح دنگ فتح الباب دخل گطع الحبل وسحبني طلعني راد يكومني ماكدرت اوكف سندني كوه وكفت رجليه ترجف اجت سعدية وكفت بوجهه صاحت وييين تريد بيها

- يعني وين دشوفيها حتى روح ما ضال بيها خلي اوديها اسبحها مو راح تموووت

- اذا سمع عبدو راح يسويها طلابة ويفصلك مثل مافصلك امجد

- انتي بس لزمي لسانج وهو مايسمع التحق ماهو

- بس لاطلعت امجد

- واذا طلع هو غيررر يكدر يتحرك مكسره كله حسبي الله بيكم

- دوكف عافلي افلوس

- روحي لامج ماادري يلا وخررري عني

جرني يمشيني دخلني للبيت صار امجد كدامي رجله مجبسه كلها وراسه ملفوف كاعد يم الغرفة شال راسه باوعلي بتعب ورد دنگ

اخذني عمي للحمام كعدني عالطابورية سبحني بملابسي سحب المنشفة لفني بيها وشالني كوه يمشي وداني للغرفة خلاني بفراشي ركض جاب ملابس خلاهن كدامي وكال راح اطلع بدلي بين مااجيبلج شي تاكلي

اشرت اي

راح سد الباب ورا وخرت المنشفة اريد ابدل احس اديه خدرانه وعيوني گوة فاتحتها مااعرف اشلون نزعت الدشادشه ولبست غيرها گوة بدون لاغير الداخليات؛ مديت ايدي ترجف سحبت المخدة خليت راسي عليها غمضت احس براحة؛ من گد التعب والخوف الجنت عايشة بي رحت بالنوم بدون لاحس

كعدت على ايد تمشي على شعري لاارادي همست بهظم ليش عفتني

- اني امجد مو هيذام

فتحت عيوني لكيت امجد گاعد يمي منتجي و ماد رجله اخذ نفس وكال لو بس اعرف منو هذا هيذام الصار ساعتين تشكيله

-شنو كلتله

-كل دقيقة شكل بين غلط وبجي وعتاب وتختمتيها بتوسل يجيج

-ما كلت اسم شخص ثاني

- القذر عبدو عذبج هواي موو ؟؟

-ههه بس ماخليته يتزوجني

- ماكدرت احميج

- خسغت وظيفتك ونكسغت غجلج وصاغلك اغبع ايام محبوس بسببي لااكل ولاماي

- تهون شموستي بس اكوم وكلام الله اخليهم كلهم يندمون واولهم الكلب عبدو

- اذا تعزني صدگ بس طلعني منا اني ادبغ نفسي

- واني مو ناقص واترك اخيتي وحدها بالشارع بس صبري عليه هالاسبوع افتح رجلي واخذج واروح وين ماالله كاتبلنا لكمة حلال

-اتعوف اهلك

-ذولة مو اهل يشوفنا يكتل بيه وحابسني بالترك ويه البريعصات ما واحد منهم حرك نفسه بدل مايوكفون بوجهه ويطلعوني يكلوله ربيه

- ابوك جان يكعد للصبح يبجي

- ابوي طيبة كلبه وخوفه خلته ماموجود ههه تصوري يوكف بالساعات يتوسل بي وحتى يدنگ على ايده يبوسها بس حتى يقبل يطلعني للحمام دقايق

- لان هدده يلبس بغاسك قضية ويضيعك بس يحجي ويا

- سهلة عوفج منه وكليلي شنو السر العجيب بوجهج الي اول ماشفتج طروني من شغلي بالكهوة تعرفت عليج انوخذ راتبي خاويتج فصلوني من الوظيفة

- يمكن لان حلوة

- انعااال

-شكغاً

- هو انتي بدون دجاج تغاغين انوب عاشرتيهن

- وانت بدون بغيعصي اتزابك انوب حبسوك وياهن

- بس اريد اعرف ربي من غضب على قوم البرعصات وكلبهم وين جانن امي واختي

- يجوز جانن بعدهن مامخلوقات

- لايمكن ماراد يخرب نسلهم بيهن

- من هيج سعدية ماتخلف وامك جابتك وگطعت

- الله يطيح حظج ولج الكعبة اخبل دشوفيني شحلاتي بويه غير املخ

- اجحد مهما كانت الادلة قوية

- حلوه هالحكمة منيلج

- ماادغي بس مبينة مال مثقفين موو

- تردين الصدگ شاك بيج عيونج وشكلج حتى الاسم التگولي مال عالم فايخة مو مال همج مثلنا

-حتى اني اكول هيج

- خايبة اكلي قنادرر صعدت الموجة بسرعة

باوعتله رافعه حاجبي

ابتسم وهمس بتعب وهمس اشلونج يخوية

- زينة

- لاشموسه موزينة بس وكلام الله كل الكدرت عليه سويته كسرني وحبسني حسبالج الليل انامه لاودعتج للصبح اكعد لان ادري بيج خايفة بالحديقة وحدج بس مابيدي حيله عاجز

- جنت اسمعك دگدك بالباب واعغف دتسوي هيج حتى تأمني وصدگ جنت انام على صوتك

- بس صبري عليه بين مااوخر الجبس

- اخاف يجي وماانلحگ

- لااسبوعين يضل بس هالاسبوعين اريدج تتصرفين كلش طبيعي كدامهم وماتبينين اي شي حتى محد يكشفنا

- وين نغوح

- اي محافظه المهم نطلع منا ونضيع اثرنا

- وعمي

- هو الطلب مني اسوي هيج لان عرف مايكدر بعد يحميج منهم

- ميته جوع

- واني هم والله وصار ساعة منتظرج تصحين حتى ادزج تبوكيلنا كم شغلة

- واذا لزموني اشلون

- يكملون التشويه الي بوجهج ويكسرون رجلي الثانية ميخالف مايضيعن بوجه العدو دكومي بسرعة وسمعيني عدل وسوي مثل مااكلج

كمت كعدت

- راح اصيح لسعدية بحجت تساعدني اغير ملابسي ترحين ركض لغرفتها تفتحين الكنتور الي بالنص اكو كراتين نساتل وعصير شيلي اشكد ماتكدرين اطلعين اتخلي وره التنور الطين سمعتي

- واشوكت ناكلهن

- ماضل للعشه ربع ساعة وتدخل تخمد واني وعبودي والليلة صباحي

هزيت راسي لميت شعري وكمت طلعت لكيتها تكنس شافتني شمرت المكنسة وصاحت يله لج دقيقتين و اريد البيت يبرح بررج حتى ترحين للمطبخ المواعين تارساته تخلصيهن اتسوين عشه وطلعين بوجهج عالحمام تغسلين ملابس سمعتييي

اشرت اي

-وبعدها دخلين غرفتي تغيرين الجراجف وتنظفيها

-حاضغ

-حاضغ ااااولغسل حتى حجيها اعوج مثلها اني ادري شعجبه منج يلااا تحركي بسررعة

سكتت رحت اخذت المكنسه كامت للغرفة دنگت احس راسي يفتر من الجوع بعدها ماداخله وصاح امجد سعدددية

وكفت تنفخ رد صاح لج نعاااال اندارت غمته وراحتله كالبة خلقتها ادعي طول ماتمشي لحد مادخلت سمعته يكلها انطي ملابسي بصوت عالي عرفته يكلي يلا

شمرت المكنسة وركضت للغرفة دخلت فتحت الكنتور لكيت كومة كراتين كلها حلويات واني بعد مااعرف اشلون انكل شلت كلبيتي كمت اشيل واخلي بيها شامي عامي لحد ماانترست شفته كام يطيح شلت اثنين لزمتهن بسنوني سديت الكنتور وطلعت اركض للحديقة وصلت يم التنور باوعت هواي مومال اخليهن ورا ننكشف

اتلفتت محتارة وين اخليهن مالكيت غير التنور نفسه فتحت الغطة خليتها رجعت الغطه ودخلت اركض سمعتها دتطلع مالحكت انبطحت عالمكنسة شافتني صاحت ثووول اشبيج

مارديت شلتها وكعدت مدنگه اكنس احاول اكتم النفس من الركض خايفة انكشف لحد مادخلت لغرفتها اخذت نفس براحة

لليل واني فد شغل كل شوية اريد اوكع من الجوع وكوة مسيطره ماصدكت صبيتلهم العشه وخليته كدامهم شالت عمتي ربع خبزة غطتها بالطماطة انطتنياها واشرت روحي

اخذتها ورحت كعدت بالحديقة اكل وعيوني عالتنور امنيتي اغدر امجد واكوم اجيت بي كد الجوع ؛ مر الوقت صار هدوء واني بمكاني اسمع صوت عودة ماسحة انداريت لكيت جاي يسحل برجله بيده العود كمت بسرعة سندته كعدته اخذ نفس وكال ادري مابيج حظ بس هم خلي اجرب وسأل وين الحلويات؟؟

- اسكت من جوعي بكتهن كلهن وهسه خايفة

- لج كفووو دروحي جيبي اولاد النعل تكول شمورة ولكفوا واحد من اتباع الحسين كطعوا عني المي والاكل الخنازير

- من ساع اجيت اغدغك واكل وحدي بس خفت انكشف اني البگت ومابية كتله بعد بس صدگ منو قابل ياخذ ؟؟

- اني شاك بابوي هالايام ايده صايرة طويلة جاي اشوف نقص بجكايري مااعرف يستحي يطلب مني ماادري يخاف

- امجد اذا عغف عمو دادخن يكسر غجلك الثانية

- عادي انوب بدل ماتبوكين نساتل تبوكين جكاير ونساتل ماكو مشكلة دروحي جيبي خلي اشوف شبايگة شمس الناصرية

كمت ركضت رحت طلعتهن رجعت لكيت بيده لفه خليتهن بالگاع كعدت مد ايده اشرت شنو

- اكلي هاي الحلويات ماتشبع

- هذا عشاك مو

- عشاي عشاج دلزمي لج راح تعيش الادراما

دنگت

- يله لج اخذي خلي ادليج على اجوارينا الطاگين واعلمج اشلون اطفرين عليهم لان شغلة اهلي داچه فكور ماتوكل خبز

ابتسمت لزم ايدي خله اللفة بيها وشال النستله فحتها ياكل

مر الليل واحنا ناكل ونضحك نتخيل وجه سعدية من تكتشف من صدكگ نسيت الجنت عايشته

…الايام ممله ونوم غير منتظم وجسد مرهق

وروتين مستهلك والوقت يمر ولاشيء جديد

كل يوم كعد على دفرة سعدية ويه الفجر وبلش شغل وكرف لليل اخاف جانت ادعي ودمغ هسه تتحجج تتفنن بذلي بس تريدني اكول تعبت حتى تركض لعمتي تلزملي الصوندة وتبدي بالكتل مااخلص لمن امجد يلزم اخته يكتلها وتكب العيطة ماتفض غير بضرب عمي الامجد وهيه تخابر زوجها ويضل يتحلف بس يجي يكسره

اني هم كمت اتحمل التعب واسكت صرت احسب للايام حساب اشوكت يفتح الجبس وياخذني منا

… مدنگه اكنس بالسطح امسح بوجهي ويرد ينزل العرگ من كل الجوانت رفعت راسي اباوع للشمس بعز الضهر تنشف مي البحر گد ماقوية؛ اخذت نفس مسحت وجهي ودنگت دااكنس وانتبهت علاگة بنهاية السطح كمت شلتها شلعت منها خيط لميت شعري شديته بيها واسمع من جوه امجد يصيح شمسس

رديت جاايه هسه بس الم التغاب

-لج نعااال تعالييي

- امجد لاتغلط تغه اگول لعمو يشغب جگايغ

- والكاظم راح اصعد اسحلج من لسانج الاعوج لج نزلييي

شمرت المكنسة نزلت دااعيط عليه ولكيت عمتي لابسه عباتها واعمي يمها واكف مثل المنتظريني باوعت لامجد اشرت شنو

امجد -روحي ويه سعديه خلي تنطيج عباتها لبسها وامشي ويه ابوي وامي

- وين

- للسوگ اريد جنطة وملابس بس كون كشخة مال شغل مرتب لان عندي مقابلة بعد يومين ويه الامر

سعديه - بس عبدو مايقبل تطلع

- وين مولييه هو للسوگ وابوي لازم ايدها وامي وياها بس تشوفلي جرود

- وليش هيه خو اني اطلع اجيبلك

- ذوقج خرررة مثل وجهج واني دز عليه امر الوحدة مو رئيس المجادية حتى ادزج انتي تختارين

- جاا ماتروح

- هاي هيه واني باجر افتح الچبس و اكعد هنا بدون شغل شعدي ماكل نايم بلاش صرفوااا

عمتي - يبووو ماعونه عبدو الله يهدي ويحجي ويه الامر يدز وراك بلكي يقبل ويردك هم تخسرها بسبب هالسگط

امجد - هذا العدي والله تردوني اروح تروح وياكم تجيب والي اني طلبته ماتردون ماعندي مشكلة

سعديه - وعبدو شتكله اذا عرف

- خلوها بطلت ماارووووح واتصلي برجلج كليله ماريد ارجع للجيش

عمي - كافييي اذا عرف اكله اني اخذتها للمضمد وانتي سعديه بسج مشاكل خلي الولد يشتغل ويفكونا من مذلتكم تكومون وتكعدون تصيحون احنا معيشيكم

- وصدگ عايشين بخيرنا لوماعبدو انتم بعدكم تشتغلون عماله كاتلكم الفكر

عمتي - جا انجبي وخلينه انولي مانتأخر حتى هم اتسوگ مال كم يوم ماطولها جايه وياي حتى تشيل بس انطيها عباية ونگاب

كلبت وجها راحت للغرفة جابت عباية راس ونگاب شمرتهن عليه باوعت لامجد غمزلي عرفته يوصلي رسالة جهزي اغراض حتى ننهزم

احس الدنيا ماشالتني ركضت لبست النكاب اشلون مجان والعباية اخذت نعالها مد عمي ايده واشرلي عمي تعالي رحت لزمتها جرني طلعنا صار گدامنا شي اصفر من السيارة يم الباب بي مثل السقيفة صعدنا بي اني وعمتي ورا وعمي كدام شغلها السايق ومشى

اباوع للشوارع منطقة زراعية بيوت قليلة اكثرها بساتين ومي جاري على طول الطريق؛ الهوا بي برودة ويه ريحة الزرع يرد الروح انتجيت شلت النقاب غمضت اخذت نفس احس خدرت كل حواسي صاحت عمتي نزلي النقاب لج

عمي - عوفيها منو يشوفها خليها تشم هوى

- هيه اشلون لابسته عاد مبينه عوجه ومامستورة بعمرها

مارد استغفر عيونه بالطريق واني اصلاً مويمها تكول عصفور واطلقوا سراحة احس الهواي يلاعب ملامحي

عمتي ملتهية بالبيع كل دقيقة اتصلت بوحده تكلها رايحه للسوگ ماتردين اجيبلج شي وياي وعمي يحسب افلوس الرتب اشكد بقن ويحاول يقسمهن على باقي الايام. واني عيوني تتجول مامصدگة طلعت لحد ماوصلنا للسيطره وكفنا ؛اباوع هواية سيارات منتظرة عيوني تتنقل بينهن كل وحدة تكول للثانية اني احلى منج

اخذت نفس درت وجهي من الجهة الثانية زلم لابسين عسكري كومة واكفين يسولفون داارد راسي وانتبهت لواحد منهم عيونه عليه عاگد حاجبه يباوع بتعجب

حرك شفايفة كأنما كال اسم خفت بسرعة نزلت النقاب اتحركت السير مشينا من گد خوفي وصلنا مسافة مديت راسي لكيته على وكفته عيونه ورانا ؛ من شافني رديت باوعتله مثل الي اتأكد من شي طلع فونه وركض للسيارة ؛ رجعت بسرعة خنست خفت احجي

گلبي يدگ عقلي كله يمه ليش طلع فونه وركض معقولة متهمة وشاردة لو مسوية شي وديدورون وراي

اريد افكر لو اندعي بعد مااعرف ماصدكت وصلت للسوگ ركن السايق نزلنا لزم عمي ايدي دخلنا لمكان كلش جبير كله اغراض وعالم من كد الخوف حتى لو جنت مفكره انهزم بطلت لزمت ايد عمي ودنكت

بلشنا بالمشترى من مكان لمكان اكثر من خمس ساعات وبعدنا نفتر وره عمتي ماخلت شي ماشترته واحنا نشيل احس روحي بهتت لحد ماصاح عمي كافييي صار الغروب عندي شغل هم يالله اوصلكم واروح

حملنا الاغراض رجعنا صعدنا بنفس الشي الي اجينا بي كعدت اخر نفس حتى سالفة الشرطي نسيتها خليت راسي عالكرسي الكدمي وغمضت من التعب

ردينا للبيت مارفعت راسي لمن ضربتني عمتي عرفت وصلنا عدلت العباية شلت الاغراض نزلت وياها عمي اشر للولد حرك مشى يوصله لدوامه واحنا دفعنا الباب دخلنا شلت النقاب دااخلي الاغراض بالكاع واشوف كدامي عبدو لازم صوندة وكاعد عالدرج وجهه عبارة عن نار مشتعلة اجانه صوت صرخت امجد من داخل المخزن يصيح والكعبه اذا مديت ايدك عليهااا اموتك على ايددددي

بعد اريد اتبلعم مااكدر كام اجه اتجاهي وكعت العلاگة من ايدي ونزلت دموعي وصل يم الباب سدها وجر الحبل شلعه

اندارلي سحب العباية نزعها وجرني؛ دفر امجد الباب وصاح لك عبدووووو

دفعني گدامي وكعت يم الدرج دنگ لزم رجلي كمشت ايده همست دخيلك عموو

دفع ايدي وهفني براجدي دك راسي بالدرج لزمته وشهكت

دنگ ربط رجلي ويه الدرج وكام شال الصونده گال اني كلت ماتطلع لولاااااا

امجد - اني كلتلهااااااا لك عوفهاااااا تعال اليييي

-واني الاكوله يمشييييي

كالها ورفع ايده وبلش بالدگ كل صونده اطفر مثل المخبلة اكمز ورجع اكعد على صوندة اقوة

سعديه واكفه تباوع بشماته وصوت امجد رج البيت صيح ويكسر بالباب واني مااعرف اشلون احمي جسمي اضم جهة تجيني الضربة بغير مكان تكتم نفسي اضغط على سنوني وارد اشهگ بضربة اسوء منها اكثر من عشر دقايق انهرط جسمي وهو مستمر لحد مانسمع صوت سيارات وكفت يم بابنا وانخبص المكان

ضغط على سنونه ورفسني بصدري گطع النفس احسه صار نصين همس اشش واشر على ركبته اذبحج اذا طلع صوتج

زحفت بصف الدرج بهتانة لميت رجلية حضنتها وغمضت على ألم الحبل دخل بلحم رجلي گد ماضاب ؛ تفل عليه وراح بعده مافاتح الباب واندفرت دفرة من قوتها طگت طلاكتين على كبرهن

فتحت عيوني بتعب گوه اجر النفس على صوت ضربة بسطال تعصر الگلب واشوف واحد لابس عسكري اسود دخل گد ماضخم شكله يرعب

شافني وگف باهت ؛ احس حماوة الدم نزلت على عيوني دااغمض باوعلي و همس بصوت يكتم النفس رأل …

لاتنسون التصويت❤️

شيء من رصيف الدم

بارت الثالث والثلاثون

بقلمي : leo Alfatlawi

بارتين سوه

***رئال****

بلحظة دخلوا حرس يتراكضون  ترسوا البيت والضابط على وكفته مثل المامصدگ

غمضت اجه  يتمشى عالكيف  كعد گدامي نص گعدة ؛ ثواني واحس اصابيع تمشي على بشرتي بهدوء فتحت عيوني  صارت عيونه بعيوني شكله وهيئته تخوف بس نظراته تختلف جانت اكو  بيها لمعة مدموجة بلون احمر مليانة تعب

نزل الدم على عيوني مد ايده راد يمسحه زحفت ليورا بسرعة انجرت رجلي لاارادي صحت ااا وعصرت نفسي

دنگ باوع للحبل اتبعه بنظراته  لحد ماوصلت لرجلي٠٠ گد ماساحبتها وماحاسة وكت الضرب داخل الحبل باللحم رد باوعلي نزلت دموعي صك على سنونه وغمض بجوع

صاح واحد من الحرس وصل الضابط دسار فتحوا الطريييق ؛  درت وجهي اباوع  دخل واحد يركض نفس الضخامة هم لابس عسكري  شافني وكف متفاجئ  اخذله شوية و ضحك بستهزاء و هز راسه لااا

خفت لميت روحي صوت امجد يفلش بالباب ويصرخ ولكم جلاااب عوفوهااااا ؛ وعمتي تصيح  كلتله وراهااا مصيبة وراح تبلينااا

حركة ركضه الحرس و حماوة الدم ينزل عالسريع  صارت هوسة براسي؛  لزمته ظلام على صوت صريخ جثث سلاسل حديد ؛ضربة بسطال  وصوت خشن يصيح اشلون كتلتي

غمضت حيل وعصرته صكيت على سنوني صوت دفرت الباب وصرخت امجد يصيح شمسسسس انسحبت روحي ماحسيت بعد…

…ايد تمسح على شعري  بهدوء نفس بركبتي دفو  محاوط جسمي كلام شبه واضح بأذني شخص يهمس بخشونة تخنگ اجيتج ياروح هيذام

حسيت مثل قطرات المي على وجهي فتحت عيوني لكيت نفسي  بحضن الضابط  يباوعلي بقلق عيونه دم كلها شر ينتفس بغضب ؛ نزلت دمعتي برعب مسحها بسرعة وسحبني لحضنه عصرني بكل قوته دنگ واخذ نفس مني طويل حسيت روحي ضاگت  شهكت صاح الضابط اليمه لك هيذاام راح تموت بيدك يمعوود

رخه حضنه ينفت كأنما يريد بس يستوعب ؛ مسح وجهي ايد ترجف صارت عيوني بعيونه اريد احجي مااگدر باوعتله بضياع ونزلت دموعي بكسرة 

بسرعة جرني الضابط  منه خلاني على صدره وهو دنگ لازم راسه مثل الي انخفض ضغطه 

فجأه صارت صنته اباوع الكل واكف خايف عمتي وجها اصفر خانسة يم سعدية وعبدو بعده  الصوندة بيده يرجف والحرس مطوقة البيت

اجه امجد يسحل برجله وجهه كل دماية ازرگ من الضرب بيده دبة مي گعد يمي بعده ماغاسل وجهي سحبت نفسي من الضابط بسرعة وصرت ورا امجد راد يلزمني دسار ضميت وجهي بظهره وهو حاوطني بأيديه كالهم بس على كيفكم وياها والله مريضة ماتعرفكم

دسار  - لهيج رابطيها و صالخيها

عبدو  - لا سيدي لان هيه فاقدة الذاكرة كلشي ماتندل وكل شوية منهزمة ومسويتلنا مصيبة

- اهاا لااا لعد  تستاهل

عمتي - وروح ابوي يا سيدي اطلع اسأل الجوارين عليها فاضحتنا بينهم  حتى الليل مانامه بسببها بس نغفل نلكيها متعرينة ورايحتلهم لو دخل واحد

- اوووف

عبدو - مرتين لزمتها ويه واحد عالسطح وهاي گدامك هسه اجيت من الجيش بعدني بملابسي  اتلكتني مرتي كالت طلعت من الفجر ويه زلم واستوها دخلت اگلها وين جنتي تتفل بوجهي

شال راسه هيذام باوعلي نزلت دموعي وهمست بتوسل  والله جذب سيدي

اتقرب راد يمنعه امجد جره بخفة ايده شمره رجعت ليورا لزمني كمشت ايده وحجيت بشهكة  والله ديجذب غاد يعتدي عليه اني ماقبلت موتني  وحبسني بالحديقة  حتى خابغ عمو واسأله

مسح دموعي نزل ايده على بطني حركها عالكيف وباوعلي بنظرة كلها شر؛  اشر وينه

عيوني صارت على عبدو وشهكت غمض بحرگة و جرني لحضنه ضغط عليه حيل حسيت عظامي تحطمت باسني وگام  دنگ مسح عيونه ورفع راسه يباوع لعبد.و رجع ليورا يتبلعم

راد يحجي عبدو ؛ رفع اصبعه اشرله اشش وتقدم  اباوع لعبدو يرجع وهذا يتحرك بطريقة ترعب؛يطگ برگبته  فاتح عيونه ويباوعله  بنظرة  تاخذ الروح  اتحسه مو بشر

انتبهت لصوت ضربة بسطاله نفس الصوت اليجي براسي وصل يمه  لزمت امجد حيل واشوفه سحب الصوندة من ايده شمرها عالحرس جره من ياخته شمره كدامه بالغرفة دخل ورا  ورد الباب برجله

دتصرخ عمتي وسكتها واحد من الحرس بسحبة الاقسام خنست كعدت بالكاع وبتها يمها لازمتها بس دموعها تنزل برجفة

ثواني ومانسمع غير لادخيلك سيدي اااابوس رجلج وراها ضربة وصرخة رجت البيت احسها دگت براسي ؛ لميت روحي وسديت اذاناتي حيل دنگ الضابط  لزم وجهي وهمس اشش لاتخافين خليج وياي

- غاح يموته موو

- مايموته بس احجيلي الصدگ بدون خوف

- والله ماخليته يلمسني حتى شوف امجد كسغه لان وكف بوجهه واني جنت بالقفص حابسني غوح شوف مكاني والله ماجذب

- جان يعذب بيج ؟؟

هزيت راسي اي

- ماتذكريني

- هئ

- اكو وحده تنسى اخوها

نزلت دموعي

- لاتبجين يبعد اخوج

- لاتخلي هذا يموته حباااب

- اوووف يا هذا شسوه وراج ولج صدگ رئول بعدج عايشة

سكتت وخر شعري عن وجهي اخذلة شوية يباوعلي ضحك ونزلت دموعه سوه  جرني لحضنه حضني حيل وخرني رد باوع بوجهي مامصدگ كال وعلي كلتلهم عايشة بس محد صدكني

داحجي وصرخ عبدو بصوت يخوف ؛ كام الضابط وكف متخصر عيونه عالباب  واني لميت روحي احس جسمي مااسيطر على رجفته؛  اكثر من ربع ساعة وهو على صرخة وحدة  طريقة توسله وعياطه العالي وحدهن يخلنك تتخيل بشاعة ونوع التعذيب لحد ماتحول حسه بحيح واختفى نهائياً

شوية وانفتحت الباب طلع الضابط مدنگ يفتح  برداناته شكلة متوحش اي ملامح للرحمة ماكو بوجهه شال راسه  اشرلهم جيبواااا

ركضوا ثنين حرس دخلوا للغرفة دقايق وطلعوا يسحلون بي منتهي راد تصيح سعدية بس رفع راسه باوعلها  ملخت وجها وخنست يم امها

عيوني صارت على  عبدو على طول مايجرون بي ايده ورجله مگلوبات تگول ماتابعات اله بس نقطة دم مابي فاقد حتى الوعي 

شمروا بنص البيت اتقرب يمه شال رجله خلاها على خشمه وسحگ عليه بسطاله بكل حيله غمضت واني اسمع صوت العظم طگ وصرخته صحى 

نزل رجله دفره غفل بقوته  انطوه عاصر نفسه عافه واجه يمي زحفت ليورا انضربت بالحايط گعد گدامي اشر اهدي ورفع ايده عالكيف وخر شعري عن وجهي خلاه ورا اذني بهدوء وندار لامجد حجه بنبرة تعصر الگلب هو ويگله  اشلون وصلت لهنا

امجد  - ابوي جابها جانت منتهية عبارة عن جثة بدون نفس

- ليش مابلغتوا

- خفنا سيدي والله تعرف احنا منطقة كلها عشاير وهيه جانت بوضع تعبان وبمكان تعبان اكثر  من جابها ابوي ماحسبالنا تعيش وبعدين…

-  كمل

-سيدي والله

ابتسم ودنگ فتح ايده وسدها بعده مارافع راسه وبلش امجد يسولفله من ساعة الجابني ابو لحد دخلتهم ماخله شي حتى عن امه واخته حجه اشلون جان ابو ينطيهن افلوس حتى يغيرلي وهو مدنگ يتسنط بهدوء

عيوني عليه اباوعله اشلون كلما يسمعة يوصل لعبدو يصغر عيونه ويباوعله بنظرة تغلس الواحد خلاه يذكر كلشي  بدون لايحس حتى كم مرة تفل  لحد ماوصل لحالتي من تجيني النوبة واضل اردد نفس الكلمة لمن افقد الوعي اشرله لهنا كافي

امجد - سيدي والله اسئلها هاي گدامك  كللها شنو جنت ناوي اسوي باجر

- لااا انت احجيلي

- اخذها وانهزم بيها لبغداد هناك ادور شغل واعالجها لحد ماترد لصحتها

- وليش دور شغل مو جندي انت

- عبدو كسر رجلي وحبسني ماخلاني التحق وراح نزل بيه عقوبة فصلوني لان وكفت بوجهه ماخليته يتزوجها

- عفية بالبطل اتصلي بأبوك خلي يجي بسرعة بدون لاتذكرله شي

- هاا سيدي مو شسمة

- اشبيك بابا احجي

- هذا شمه ااااه  مو ماعندي رصيد

ضحك وهز ايده طلع فونه فتحه وشمره عليه لكفه امجد بسرعة ودنگ ديدگ الرقم وفتح حلكه على كبره شال راسه فاتح عيونه كلها  ؛ اشر هيذام شكو

امجد - يعني سيدي شموسة تصير زوجتك

دسار -  واني اخوها واخوها الثاني دقايق ويوصل ضابط بالتحقيقات

- لا تكول ابوها رئيس الوزراء

دسار - لايكون ماعاجبك

دار وجهه باوعلي فاتح حلكه ورد باوع لعبدو  الخانس خال ايده بين رجليه ينهز كله مبلل

دسار - يله لك اتصل  وانتم روحوا نبهوا ولدنا خلي يراقبون المنطقة عدل

دنگ يتصل وهيذام عيونه عليه  لميت نفسي بسرعة اباوعله بخوف ؛ ابتسم واخذ نفس بتعب   جرني لحضنه وگعد بالگاع  عصرني حيل دنگ باسني وحجه بصوت خافت اهدي يروحي لاتخافين

صار كدامي عبدو اتذكرت الظلمة ولسعات الصوندة غمضت بخوف مثل الحس بيه  فوت اصابيعه بشعري دخلني زايد بحضنه وهمس -كل التعذيب والاذيه الحسيتي بيها جانت بسببي

بجيت بصوت

- وكلام الله لحرگهم كلهم ماارحم بيهم لاجبير ولاصغير ودين محمد لطلع كل ثانية بعدوج من حضني بعزاز كلبهم

- منو اني

- قضيتي الراح اخلي شوفتها رعب الهم الراح امحيهم واحد واحد لخاطرها

- مدااذكغ شي

- راح تذكرين وتسحگين على روسهم قبل رتبهم

رفعت راسي اباوعله روحي رايحة كوة فاتحة عيوني من التعب والالم

مسح دموعي ردني لحضنه ضغط عليه حيل كله دسار  لازم ناخذها للمستشفى تره حالتها تعبانة

هز راسه

- اكيد هسه وصل خبر للربع  لكيناها

-بنفس الوقت اريدك اطش الخبر هيه انهزمت واتعرضت لحادث الي خلاها تفقد الذاكرة

-ابن النظام شناوي

-كل خير 

كالها وباسني وخرني  دنگ على رجلي راد يلزمها سحبتها بسرعة ونزلت دموعي بتوسل

- على كيفي وياج مااذيج

- لالا فدوه اشلع الحبل من الحديدة

-دسار سجينة  وجداحة  بسرعة

دسار - سمعت امجد

مجد - هاي جداحة بس  سيدي ترا كال دسار

- يعني هيه رئال قابل شنو تعاشر   بالمناسبة ابوك يدري بيك ادخن

- سيدي شنو نوع السجينة تريدها

ضحك ودفره بالشقى كام راح للمطبخ يسحل برجله  عيوني صارت على عمتي وبتها وحدة حاضنه الثانية يباوعن لعبدو  ويردن يباوعن لهيذام ويبجن مرعوبات

اجه امجد انطه السجينة لهيذام  وكله دير بالك سيدي  حامية كلش

- عفية اكعد ثبت رجلها لا تتحرك

دنگ امجد ثبتها وهو خله السجينة على طرف الحبل من يم رجلي حركها شوية حسيت روحي شاطت روحي لاارادي لزمت اديه و صرخت لاهيذااام  حباااب

غمض عيونه صك على سنونه وخر ايديه وكام راح لعبدو بس صوت ضربة بسطاله وحدها تبين كمية الغضب الشايله وصل يمه مثل الاعصار  رفع رجله دفره بين رجلي بكل قوته قبل لايصرخ اجته دفرة ثانية شلته بمكانه

لم رجلي وفتح عيونه على كبرهن لزمت ايد امجد حيل واني اشوفه اشلون رد دفره بدون رحمةبنهاية ظهره  وصوت طگة العظم ويه صوت ونته الگوة تطلع

ركض دسار لزمه جره حيل وصاح  كافي لايموت  قبل لانبلش شغلنا ويااا 

خله اديه ورا راسه وغمض رافع  للسما يهدأ بنفسه  اخذله دقايق  مسح وجهه ورجعلي گعد  شال السجينة  رد شغل الجداحة بطرفها يحميها ؛من كد مااشوف عيونه حمر وجهه غاضب حتى اللالم نسيه فتحها سحبت  رجلي لامه نفسي

كعد نص گعدة عيونه عليه رغم هاي هوسته وصلابته اله اكو لهفة ولمعة انكسار بعيونه تحسه لحد الان مامصدگ غمض اخذ نفس  بقلة صبر وجر راسي خلاه على صدره باسني وضمني بقوة ؛ حسيت برجفة ايدي  ودگات گلبه الفاضحته  ؛ رد باسني و دنگ شالني كام واشرلها  على عبدو شيلوا 

ركضوا الحرس عليهم راد يطلع صار بوجهه امجد گله سيدي حقك كلشي تسوي بس ضحيت بصحتي وظيفتي لخاطر احمي عرضك  واني مااعرفك دخيلك عرضي ذني لاتخليهم ياخذوهن

- لاتخاف محد يوصلهن والدك كلها ساعات ويكون يمك والي كعدة وياك ثانية

هز راسه اي باوعلي انملت عيونه دموع عرفته ديودعني نزلت دموعي دنگ وهمس ديربالك عليها سيدي

ضحك واشر اي طلعنا شهكت ضمني بحضنه صعدنا السيارة  كلهم يله بابا طلعوا

تحركت السيارة عيوني صارت عالجام الحرس مخبوصة كلها تصعد سياراتها وامجد واكف يم الباب ابتسم واشرلي باي 

بلحظة صارت كل مواقفة بعيوني من وكفته عالدرج لكعداتنا بليل بالحديقة لسوالفنا وضحكنا العبرة خنگتني دموعي تنزل بحرگة اتمنى انزل اركض انضم بحضنه واكله لاتعوفني

وجع الخوف على الم الفرگة على ريحة الدم  وتعب   افترت الدنيا  غمضت مااعرف اغمى عليه لو نمت

گعدت على صوت فون يرن وايد تمسح بوجهي فتحت عيوني لكيت نفسي بالفراش وهيذام مدنگ عليه عيونه حمر مبين باجي شافني صحيت غمض عصر جف ايده وهمس بحرگة من بين سنونه  ماسمع شنو بس حسيته يتوعد

انفتحت الباب دخلت بنية تركض لابسة اسود وكفت يمه متفاجئة خلت ايدها على گلبها  ونزلت دموعها

كام وكف باوعلها وگال وهاي قضيتي رجعت

شهكت بصوت

ضحك خربط شعرها ودار وجهه مسح دموعه مثل الماراد احد يشوفهن

فونه مستمر بالرن مسح وجهه طلعه رد بشروا-- كفوو علكواااا جايكم  …

اشر للبنية عيونها عليه هزت راسها شال سلاحه وطلع بسرعة سحب الباب قفله علينه وراح يركض

گعدت البنية يمي لزمت ايديه تريد تحجي ماتكدر البجية لازمتها مدت ايدها تلمست خدي وحجت بشهكة صدگ  بعدج عايشة

سكتت

- شوفيني لابسة اسود گومي شوفي حالي اشلون بدونج ولج مخلصتها اگعد بس اذكر سوالفنا ولعبنا ساعة اضحك وساعة ابجي مثل المخبلة وراج

- مااذكغج

- اني ضي الضيعتج الي اخذتج من حضن هيذام وخليتهم ياخذوج بدون لادافع عنج اني السكنت الغرفة لان مااكدر اطلع اشوف مكانج خالي ولاشوفه اشلون گاعد صافن يباوع لأغراضج  ولج متتت وراااج رئال متتت

جرتني حضنتني تبجي بصوت عالي شوية وخرت ردت مسحت وجهي - احجيلي وين ودوج اشلون جنتي عايشة وليش هيج حالتج

- كل الي اعغفه گعدت اسمي شمس وعايشة يم عالم بغيف الناصغية

- شوداج هنااك؟؟

- انتي اختي

- ماتذكريني ابد

هزيت راسي لا

- اني عايشة عدكم بت الحدقجي بس جنه اكثر من خوات

- عندي اهل

- عندج دسار  وعندج اني والاهم من هذا ابو درع الي راح يبلش يلطم بقوانين حمورابي بسببج 

-مافهمت

- لاحگه اتفهمين كلشي وتعيشي المهم رجعتيلنا بالسلامة ههههه ولج صدگ  رئال كاعدة گدامي ودااحجي وياج

- وين غاح هيذام بس لايأذي عمو تغه والله حباب بس هو فقيغ يخاف من عبدو مايكدغله

- اشلون يأذي وهو ردله روحه بس كولي راح يسحب منه معلومات ويجيب الجبروا يضمج كل هالفترة يمه اي

- هو لكاني بمنطقة مقطوعة مايعغف شي

- ماكو منطقة مقطوعة اكو كاميرات واكو ارقام سيارات دخلت للمنطقة بنفس التاريخ  تره اخوج يشتغل بالمخابرات وحماج بالتحقيق يطلعون الميت من جوة الگاع  ويسلموا لرجلج يسويله اعاده استدعاء  للحياة

- اشلون اخذوني وشمغوني هناك

- كلشي اسولفلج واذكرج بكل لحظة مريتي بيها مااتركج اذا ماترد ذاكرتج وتوكفين تفلين بوجهي لان رجعتها

- ههه شنو هيج حياتي موحلوة

- اووف ولج رئول مامصدگة عايشة بعدج

كالتها ونزلت دموعها جرتني لحضنها حضنتني حيل ووخرت  تباوعلي وتضحك مامصدگة

-اشو هدوء  شنو بس احنا عايشين هنا

- لا عائلة رجلج الملائكة كلها بس حالياً داخلة بصدمة رادلهم وقت على مايستوعبون تركج منهم كومي خلي اسبحج لان هذا الدم تارس شعرج لو مابيج حيل نخليها لباجر

- جسمي دياكلني من الوجع

- الله يكسر ايديهم ولو ادري وگعتهم بيد هيذام انكس من هالدعوة هسه مسويهم تعلكات بس هم الله يلعنهم

- شنو غاح يسوي بيهم

- حبيبتي لاتسألين خليج على فقدان الذاكرة كافي حرام عقل وذاكرة سوه

- هيج ماعنده رحمة

- حقج ماتعرفين شنو صار بي من شاف فيديو الحركوج بي فدوة رئال لاتذكريني ويله گومي وياي للحمام قبل لايرجع ماعنده مانع ياكلج انتي ودمج وهم اجاوبج على كلشي تريد تعرفي

وخرت الغطة كومتني رحنا للحمام دخلنا مو حمام تصميم يعجب وكفت صافنة بين ماترست الحوض مي دافي  ذبيت بس الكلبية ودخلت بي احس عظامي كلها تاكلني غمضت من الالم

اكثر من ساعتين وهيه تجلف بيه وتسولف ساعة  تضحك وساعة تبجي وكل دقيقة حاضنه راسي وبايستني؛اشكد جنت اتمنى اعرف شي عن الماضي بس ماحسيت روحي فرحانة لان جنت اسمع بدون احساس كأنما تسوف عن انسانة ماتمدلي بأي صلة

جابتلي تراك اسود لبسته طلعنا رجعت للفرشة گعدت وهيه گعدت يمي تمشطلي كملت تربعت كدامي كالت هسه شنو تريدني بعد  اسولفلج

- سولفتي عن كلش ماعدى اهلي

- مم اهلج اختصاص هيذام من يجي سألي عنهم لان يعرف ماضيج وعلاقتج بيهم اكثر مني

- ليش لبستيني اسود اكمل حزن على نفسي وياج لو شنو

- هاا لامو انتي اتحبين هذا اللون وتركج من الحجي جوعانة هاا

هزيت راسي اي

مدت روحها سحبت الفون من الميز دكت رقم دقايق واجت خشونة صوت هيذام طالعة من السماعة هو ويصيح رأل بيهاا شي ؟؟

- لالااا لاتخاف هياتها كاعدة كدامي دنسولف

-انعل ابو ابوج على هالقسمة جااا شكووو متصلة لج

-غير انت قفلت الباب وعفتها جوعانة

- ماتأخر ساعة بالاكثر وراجع

- بس خلي واحد يصعدلنا

- كلت ساعة وارجع والي يوصل يم الباب اعدمه واعدمج ويا سمعتييي

- زين بس خلي يدخلون اي شي من جوة

-  ضييي عيونج عليها لاتشرب ولاتاكل لحد ماارد سمعتي شنو  لغثتتت لولاا 

-فهمت

-يله ووولي

بعد ماغالق الفون ونسمع صرخت واحد صاح دخيلك سيييدي سدته بسرعة وابتسمت - نصيحة رجعي للعالم الي اجيتي منهم

-ليش ؟؟

-راح يحبسج حبسة اللذينه  كفروا ابسط حقوقج هو المي راح يحرمج منه لحد مايشرب البيت كله من نفس الكلاص يالله يوصلج وانتي قيسي اشلون راح تعيشين ويا

- مافهمت

- لاتفتهمين هواي احسلج بس خليج صبورة لان صاحب مقولة ردد الشعار تحول الي اسلم تسلم مايسلم اگطع راسه

- هو هم جان يكتلني

- والله گدامنا هو الي ينكتل بس داخل الغرفة ليش الجذب ماشايفته

-اني اكتله؟؟

- وتتجاوزين عليه وتختميها يلااا شتريد اتسوي سوي ماخاف منك

- هذا الجان يكسغ بعظام  عبدو بدون غحمة والحماية كلها تخاف منه اني احجي ويا هيج

- واكثر حبيبتي انتي قضيته العايش بيها ؛ شو وخري خليني اتمدد يمج لان هذا شكله يتأخر واكيد مانع اي بشر يوصلنا

ادنيت اجت يمي تمددت رجعت تسولفلي على امور العائلة واشلون عايشين هنا واشلون الكل يخاف يحجي وياي من ورا ؛  تأخر الوقت وهو بعده لحد ماراحت بالنوم ضليت وحدي كاعدة عيوني تفتر بالغرفة ضخمة ومرتبة بنفس الوقت 

باوعت للساعة اتذكرت امجد يومية هيج وقت كاعدين بالحديقة ناكل بحلويات سعدية ابتسمت اكيد هسه  كاعد وحدك وتباوع لمكاني

حسيت روحي اختنكت غربة على وحشة على خوف مااعرف شحس حضنت مخدتي غمضت استرجع ايامنا سوة دموعي واضحك على  سوالفه لحد ماراحت عيوني بالنوم بدون لاادري

مكان دافي نفس بركبتي بوسات تنطبع بهدوء فتحت عيوني لكيت روحي بحضن هيذام  دفعته حضني حيل  ردت اسحب نفسي عصرني اكثر وهمس اشش

هدأت خفت منه خنست بدون حركة مر وقت وهو خال راسه بركبتي وغمض گلبه يدگ حيل وجسمه رغم صلب بس احسه يرجف ؛ شوية واحس روحي اختنگت  حجيت بتوسل فدوة وخغ  والله كامت تحغگني غگبتي

- دخيييل علي اشكد مشتاق اسمع هاللدغة

-ضاغط عليه حيل بعد ماكدغ اتنفس

-تعرفين شحس  هسه  وانتي بحضني سامعة اليموتله عزيز شيصير بحاله ما يجي براسه غير يطلب من ربه يا ياخذه ويا يايرده  اله وهو يعرف ذني ثنينهن مستحيلات ؛  بس ردج الي

- بس اني مااتذكغك

- المهم مانسيتي اسمي

سكتت

باسني ورفع راسه باوعلي عيونه دم واللهفة واضحه بيهن اخذله ثواني صافن عليه مد ايده  وخر شعري عن وجهي عالكيف -  من شفتيني هم رف كلبج 

- هاي الحغكة كلما يسويها عمو الي احس شي بداخلي ينبض

- ماسألتي نفسج ليش

- هواي سألت نفسي بس مالكيت جواب

- تعبااان بگد ليالي البعدتي بيهن عن حضني

- ليش مادوغتني

- ماكدرت لاااا خفت اي خفت المس جثتج ووكتها افقدج من صدگ  واني عايش على اخر امل صورج بعيوني وصوتج وانتي تلدغين بخيالي

- كلما اغمض عيوني اتوسل بيك تخلصني

- بالوقت الجان اكبر امنية عندي اغمض ثواني

- مات الطفل  واني انعل بنفسي لبالي ابن حغام

- الحلال والصح الوحيد الصار بجمعتنا

- هم يجي يوم واغجع اتذكغ ؟؟

- حتى لو ماتذكرتي المهم رجعتيلي  

- ليش هيج سووه بيه

- حتى ينهوني

- اهلي وين

- موجودين 

- داحسك  غغيب

- راح تتعودين وتردين مثل قبل ماتغمض عينج اذا ماتخلين راسج على صدري

- كتلت عبدو

- الموت رحمة واني ماحب هالصفة

- سمعتك دتعذب بالعالم

- حذرت وتحدوا ؛الي مايحمل لسعة جهنم لايلعب ويه الشياطين

- يعني لزمت السووا بيه هيج

- ولكفت اسم الراس الجبير بيهم  وداعت غدرج ومعزت بكلبي اذا ماخليته يحرگ نفسه بيده وشرط گدام عائلة بس لخاطر يحميهم مااطلع ابن النظام

-  ماعندك صوغ النا سوه

- شنو

- صوغ يعني اني وانت بالعغس بالغغفه بالشاغع

- شبيج بنتي

- هيذام

- جوعانة يروح هيذام

برطمت

- ههه يابه اصيرلج صور 

رد دنگ باسني حيل وعدل ظهره عالجرباية سحب فونه فتحه طلع فيديو خلا گدامي اباوع نايمة على نفس الفرشة حاضنة مخدتي وهو يمي يلعب بشعري

كلبت واحد لخ بالحديقة گاعدة يم ضي عالميز ناكل وطفل يمنا يكمز

- منو هذا الطفل؟؟

- ابني

-عندنا طفل

-ليش بابا اشكد عمرج وخلفتي سنتين ماتشوفي شكبره

- لعد اشلون ابنك

- من زوجتي الاولى

- اذا متزوج ليش تزوجتني

- انتي اجيتيني تتوسلين وتبجين بابا اني متزوج صحتي اذبح روحي  لج بنتي مااريدج صرختي اموت بدونك يابه بعدج زعطوطة كمت تتمرغلين بالكاع

رفعت حاجبي

- شنو مامصدگة

- مم لاصدكت اي وبعدين شنو صاغ

- طردتح مافاد شمرتج بالشارع رجعتي تركتج كطعتي الاكل والشرب ليل ونهار تبجين كلت اخذج اكسب بيج ثواب

- هاا من هيج كالت ضي مااخاف منك

- خرب بضي واهل ضي ماذكرت غير هالشي مالج شغل بيها اجذب هاي

- جنت تضغبني

- سويت خدودج محتوى گد الراجديات

باوعتله ضحك وضمني بحضنه  اخذ نفس طويل وكال يابوييه شسويتي بيه

صح ماحس يمه غير بالغربة بس مابتعدت عنه جنت رايد شي استند عليه واغمض مأمنه من هالضياع العايشته

مر الليل ثانية وحده ما نام مااعرف خايف مااعرف لهفان ماادري مامصدگ ؛ حريني بتصرفاته يحضني ويرد يباوعلي بقلق مع هيج رحت بالنوم براحة اول ليلة انام هيج نومة

كعدت على طكطكة فتحت عيوني لكيته بملابسه العسكريه كاعد يمي مدنگ حاجزني بين ايديه من الجهتنين ويباوعلي بتأمل 

مد ايده وخر شعري عن وجهي بهدوء دنگ باسني وهمس بصوت خشن صباح الخير يااغرب قضية مرت بتاريخ العمر

- مانمت مو

-مو بس مانمت  خلصت الليالي نذور

- عيونك حمغ كلش

- رأل لاتلدغين گدامي ستري على نفسج

-اسمي شمس

-تردين الصدگ  شمس لايكلج اكثر

- انغيغ

- بعد مااكمل قضيتج وارد رتبتي اغيره

- شنو

- كومي يله الدكتور منتظرنا

- غاح تعالجني

- لابس أمن عليج شتسوين بالعلاج اهم شي  رجعتي لحضني واذا على قصتنا نرجع نبنيها من جديد وبكل وقت راح اخليج تحبيني غصباً عنج

- ضايج  على طفلك مو

-شنو حسيتي من راح منج

- صح مالحگت اشوفه حتى اتعلق بي بس حسيت شي انفقد من گلبي

- مو بگد الراح يشوفه هو ويكتل ابن روحه بيده بعد ماعاش طول هالسنين يتأمله اشلون يكبر كدامه

-منو هذا ؟؟

- نفسه الراح اخلي يفتر داير مدايره محتار بأي طريقة يموت يله كومي غيري ملابسج عندي شغلة لازم اروح اكملها

هزيت راسي دنگ باسني وگام راح للكنتور طلعلي ملابس اخذتهن رحت للحمام غيرت وغسلت وجهي عدلت شعري وطلعت  لكيته محضرلي حذاء وهو مدنگ يلبس بسطاله

اخذت الحذاء لبستها كملت وكف خله سلاحه بحزامه ومد ايده اشرلي تعالي رحت لزمتها رفعها باسها وجرني لحضنه ضمني بقوة اخذله مشوار عاصرني  ورد باسني خله ايده ورا ظهري سحبني ويا طلعنا

نزلنا الدرج صاروا كدامنا رجال بزي عسكري بس جبير بالعمر بيده عكازة ويمه مرة متوسطة بالعمر شافني مثل الي اتخربط وضعه حتى ضحكته امبينه جذب  كام كال  هلا بابا رئال الحمد الله على سلامتج

داارد قاطعني هيذام رد اجلها شوية

- عرفت منو السوه هيج

- اذا مو اليوم باجر وقتها تكدر تتحمدلها براحتك

- بابا بعد رجعت بالسلامة عوف السالفة ياابني عيشوا براحة

- ومنو كلك مامرتاح بعيشتي هيه قضية وقربت تكمل واعلگ بالغيم

- شقصدك ؟؟

مارد دنگ ورث جكارته اخذ نفس رفع راسه نفخها وضحك رد لزم ايدي سحبني طلعنا حتى المرة مالحكت اسلم عليها جانت واكفه صفرة

رحنا لكينا الحرس منتظرينا اول ماشوفونا فتحوا باب السيارة صعدني واندار صعد من الجهه الثانية

اباوعله اشلون كعد عدل المراية الامامية وانتجه  فجأه تغيرت شخصيته مونفسه الظل سهران للصبح والجان يحجي ويا لااا صار انسان ثاني شكله يخوف شخصية صارمة اي ملامح للتفاهم ماكو بوجهه

اشر للحرس طلعوا سياراتهم كدامنا وهو تحرك وراهم ؛ رحنا  للدكتور بس على  طول الطريق عيونه تتجول بين المري وبيني يحاول يهديني  حتى لاخاف لحد ماوصلنا

جان المكان محجوز بس النا اول ما نزلنا دخلنا بين فحوصات وبين اسئلة وختبارات اكثر من ساعتين ونص واني عالسدية لمن كام كال كله تمام وضعج كلش  طبيعي

كمت كعدت يم هيذام جر راسي باسه واشرله شنو

الدكتور - متعرضة لضغط قوي وضربه سببت  ارتجاج بمركز الذاكره بالاضافة الى تكتل من الدم وحالة نفسيه وقلق وخوف مفرط ادى الى مسح الذاكرة وبناء احداث جديده

-يعني شنو

- هذا مرض نادر جداً يحصل من الانسان يتعرض لامور اكبر من طاقة التحمل المعتادة يبدي العقل يغلق ويحذف قسم جبير من الذكريات المؤلمة والسعيده من تلقاء نفسه

-بس هيه ناسيه كلشي 

- لاموكلشي ذكرت تشوف بعض الاحداث على شكل صور وكلما جايها تزيد عدها وتكثر المشاهد

- تمام يعني حالتها مو صعبة بالعلاج ترجع ان شاء الله

- للاسف لحد الان مااكتشفوا علاج لهيج حالة

-اشلون يعني

-من الممكن ترجع ذاكرتها تلقائياً وممكن لااا  يم رب العالمين لان مهما اطور العلم عند البشر مايكون غير نقطة في بحر يم علم الخالق كل الي نكدر عليه نساعدها بمهدئات وبعض العلاجات التساعد على تنشيط الذاكرة  والاهم حالتها النفسية كون ماتتعرض لاي صدمة او تعب

ضل الدكتور يشرحله اشلون يهتم وكون ماانقهر ابد ولااخاف ووو كومه

وصدگ رجعنا مثل مااجينا صح اشوفه يبتسم ويسوي روحه مامهتم بس اعرف داخله مشتعل نار من طريقة تعامله ويا اهله والحرس اخلاقه بعد ماتنجرع فوگ هيئته الترعب صار عبارة عن كتله من الجحيم اذا جان ينهش بالعالم كام ياكل بشر

مر كم يوم واني بيناتهم صحيح تعرفت عليهم بس من بعيد  لان الكل  متجنبني محد يتقرب يمي بسببه  ولاواحد يعرف شناوي وشنو سبب سكوته لحد الان؛  بالاخص من يدخل للبيت يصير حضر تجول خال الكل واكف على تك رجل وعيونهم عليه معيشهم برعب حسيته مريض نفسي اذا عثرت يسويها هوسة كمت اشك بروحي  شي هش اذا وكعت راح اتكسر وتلاشه بدل مااتعود عليه كمت اخاف منه

كاعده يم ضي بالحديقة خاله راسي على متنها مغمضة  وبالي يم امجد روحي لهفانة عليه بس اخاف احجي

فتحت عيوني على ضربة بسطاله رفعت راسي شفته جاي هو ودسار ايد بجيبه وايده الثانية بيها جكارة اتحسرت ؛ همست ضي فدوة لاتتحسرين كدامه هسه يكول مضوجيها ويسويلنا تحديد ويخلينا كلنا نردد الشعار بصوت واحد

- اختنكت غاح اطگ منه

- هههه دشوفي اشلون يباوعلج

- امنيته يجتفني ويخليني بجيبه

- حقه رجعتيله بضربة حظ

- ادخل جوه تكول بيه جغب الكل يبتعد بس الخدم يلتم عليه كلها تصيح شنو معتازة اطلع بغه الحغس يحاوطني تكول غاح اختفي 

- الله يرحم عبدو  ومرته من جانوا يسحلون بيج الكاع صدگ مووجه دلال انتي

- اشكد مشتاقه لامجد وعمو

-باجر اتوسل بهيذام  ونروحلهم صار بنفس اشوفه

-واني بنفسي اشوف سعديه شسوه بيها هيذام

- ولج ليش ماتكليله يجيبها خدامة عندج

- خلي يگلي منو اهلي وبعدين احجي بسالفة سعدية

- بنتي الف مرة گنالج ماعندج غير دسار  وهذا المتحمل اخلاق راجلج السوء ومأيدة على اجرامه ؛ وميصير انسولفلج ليش ماعندج غيره لان يأخر بعلاجج ولاتلحين ويا بالسالفة لان داخل بمهمة بس الله اليعلم بيها شنو ويله سكتي اجه

اجوا سحب الكرسي شمر سلاحه عالميز  كعد خله رجلي عالميز ودسار اجه جرني من شعري رفع راسي لزمني من وجهي  عفسه اخذلي صورة ودفعني صاح هيذام لك خرره على كيفك وياهااا

دسار- انكتم لك

- اشلون يخليني اكوم اطگه اجتاف واسحگ راسه

- بمناسبه القنادر شفت  رجل امك يم ال…

-يدور على قيطان جديد

-بداعت اللدغة الاوراق يمك مو

-ههه اتحولن للريس

-بروح ابووك ؟؟

هو يحجي وجه ازر شايل ابنه يضحك ويا ورا امه ومرته سحبن كراسي كعدن وهو باس ابنه خلاه عالميز وكال اي سمعت اكو طفرة  مادخلوني وياكم 

دسار - شغلات زلم مايدخلون زعاطيط بيها

ام هيذام - يعني خراب دخيل الله من سمعت طفرة عرفت راح ترد المصايب

هيذام - لااا بالعكس راح تعجبج بس انتظري تكمل لخاطر لاتضيع متعتها

- خير ان شاء الله المهم ليش مانع هبة تجي تشوف ابنها ترا حرام عليك حتى عمك  الصبح كام يحجي يكول شنو حارمني من شوفت بنتي شطلعت هذا لحدمن يضل بهاي تصرفاته

- ليش هو وين ابنها

- طبعاً ماتدري ابنك وين متگلي اخر مره اشوكت شفته

- اليوم الصبح ودزتلج عمتي سلام وتگول بلكي تزودين غرفة الخدم فراش لخاطر لاينحرجون گدام ضيوفهم

- شقصدك  اذا على شغلة رئال روح اسئلهن كدام الكل اتوسلت بيها تروح تنام يم عمتك بس هيه رفضت اصرت تنام وياهن سوتها شغلة عناد لان رجعت مرتك وهاي كدامك احجي لج اشكد بوقتها كلتلج وحجيت

هالة - هههه شتحجي عمه غير فاقدة الذاكرة

- يوو نسيت يله عود تذكر وتحجي عوفنا منها المهم اليوم نروح اني وياك نجيب هبه وتراضي عمك بسكم زعل

- سهله تامرين بعد

- وترد ابنك ولاتخاف عود نعلمه مانخلي يسولف شي كدام السنيورة

دسار  - اذا اجه باجر وانت مو ويا

                      اكض باجر واشيله من الاسبوع

ازر - ااحم

هالة - عود ليش تردون تيهون السالفة ماتكلولها وتفضوها لاتخافون مايأثر على صحتها

باوعت لهيذام اشرتله شنو

حگ خشمه عدل گعدته خله  رجل على رجل وگال  على زواج ضي

ازر - شنو زواج ضي ليش هيه اشوكت انخطبت؟؟

-قبل فتره بس اجلتها بين ماتاخذ رأل على اجواء البيت

-ههه منو خطبها واني ليش ماادري

- زلمه صاحب كلمة  رتبته براس ابوك 

- ومنو كلك هيه تريد تتزوج

خله الجكارة بلحگه انتجه وباوع لضي

ضي - اذا تشوفه زين ليش لا

اخذ نفس وخر جكارته نفخه على ازر ورفع حاجبه

ازر  - هيذام لعب مخاااابيل  تلعبه بعيد عنييي

هيذام. - منو لاعب وياك ابني وشبيك اطفر اعصابك اخيتي  اجاها خوش زلمة ارفضه ليش

- انطيني اسمه 

ضي - مااتصور هالشي يخصك واني موافقة ياريت ماتدخل

دسار- اتمنى تتخطى

ازر - شنو اتخطى وابن ابو اليوصل وحگ علي ابن ابي طالب اترس جثه رصاص

ضي - شنو بكيفك

- ااااي بكيفي ونص حجاية مااسمع مننننج

ام هيذا م- شبيك يمه اتخبلت شتلغي انت

- الي سمعتوااا ضي ماتطلع منا غير واني بالتابووت

كامت هالة صاحت  لعد اسمع وهاي كدام الكل اذا ماطردت ضي وابوها من البيت هسه اطلگني …

***رايه***

اكرهك لانك جعلتني ابكي بصوت مخفي لكي لايسمعني شامت

لانني كنت اتباهه بك واقول لهم  مختلف عنهم

…رد الرجال الجبير دار الكاميرا اله باوع لرؤيا الغضب واضح عليه اكو لمعة بعيونه ماعرفت افسرها رادت تسد رؤيا الفون صاح اذا نزلت دمعة منج اااذبحج

رؤيا - ثقيت بي

- غبية

- حبيته بوكت جنت اتمنى الموت لشكو واحد على وجه الارض

- والگلب الدگ بالغلط ينسحگ

نزلت دمعتها صرخ  رؤياااااااا

همست  كسرني بابا

- مو خرزة البتاوين التنكسررر

- مرتين انطيت روحي للموت لخاطر احمي

- وراح تاخذين اضعافهن منه

- مااخذ شي  وصله الجهاز

راد يحجي صاحت لك وصله الجهااااز اشر  اي ودنگ على الجهاز حجه ويه الديصور

كعدت مسحت دموعها عدلت شعرها تمثل القوة بس ادري بيها جذابة هاي كلها واني صافنة على الرجال اشلون يحجي بصلابة وشكله يخوف

غمضت ويه نبرة صوته وهو يگول  اخذ الجهاز للضابط تسلملي عليه وتگله تعرف لما يسمون الذيب اعظم الحيوانات  لان من يقع بالفخ لايفكر كيف يهرب باليفكر كيف ينتقم

عرفت اختي من كثر اختلاطها بالشارع راح اضيع بين هيج عالم ؛ مااسمع شنو رد بس صار هدوء دقايق واسمع صوت دسار كال شكو ابني هنااا انت منو دخلك

رفعت الفون رؤيا  جان ديصيح الحرس  وسكت بشوفتها ضحكت وهمست  اعتذر  كطعنا عليك حفلتك بس حبيت اباركلك

مارد بس جانت نظرته كلها انكسار 

- جان عزمتني صح  مو من مستواكم  بس جان حضرت حتى لومن بعيد مهما يكون بينه عشرة والي الحق احضر واشاركك بيهج يوم

غمض ودنگ

- هه تدري شنو اتمنى

شال راسه باوعلها عيونه حمر گوة يسحب النفس

- اتمنى يمك واخذك لحضني واشكيلك من النار الداحس بيها بس لااا اعرف اذا شفتك وخليت راس على صدرك راح انسى كلشي  وبدل ماابجي واعاتبك من غدرك راح تغدرني دكات كلبي واكتفي بدفو حضنك ونبضاتي الك

همس وحگ معزتج بروحي ماغدرتج

- مبروك دسار روح ربي يوفقك وهسه اكدر اكلك صار الوكت تكتب اخر التاريخ

قبل لايحجي غلقت الفون شمرته باوعتلي وضحكت

- ديحلف ماغدرج

- تذكرين الاحلام الجنت دااسولفلج بيهن هسه انسيهن كلهن

- احلامنا نحققها احنا ما نريد من احد شي

- عاملني كأنما بنته حسسني بطفولتي الجنت فاقدتها  اتحملني بكل حالاتي وعدني يعوضني عن كل المريت بي خلاني احبه وادخل احلامه خلاني اثق بي وغمض بحضنه واني مأمنه من غدر الوكت

- هو الخسر

- لااا رايه الخسارة والوجع  كله من نصيبنا احنا موجودين هنا بس حتى ننوجع وننداس وننذل

- ليش بس لان ابونا اتخلى عنه

- لااا  لان احنا ماعايشين اصلاً

- ماحلمنا بشي مستحيل كل الردنا بيت صغير يجمعنا ونلتم تالي الليل بحضن امنا

- ماضل احد عدنا حتى نكمل حلمنا لخاطره

نزلت دموعي

همست ليش هيج كسروا كلوبنا

جريتها لحضني وبجيت خلت راسها على صدري وشهكت بصوت اول مره اسمعها هيج تبجي بحرگة كلب عرفتها وصلت لمرحلة انهارت بيها كل قوتها وخلصت طاقة تحملها

حضنتها حيل من گد وجعنا وكثرة الفاگديهم ضاعت دموعنا بينهم

حسيتها رخت بين ايديه وخرت عنها مسحت دموعها وهمست دخيلج كافي ماضل عندي غيرج

- جانت غصة بكلبي وجان لازم اخلص منها حتى اگدر اوكف من جديد

- رؤيااا

- لاتخافين ماعوفج بس راح ازعل منج  تعرفيني رعنة وبت شوارع ولازم ماارفع راسي عن مستواي  ليش مانصحتيني

- جبرونا  نحبهم غصباً عنه خلونا مانعرف نعيش بدونهم

- لاا هاي انتي عايشة ودتضحكين وتاكلين ماكو واحد مات ورا واحد واني راح اكون مثلج اذا مو احسن منج 

- جواي جمر يلسع بروحي كلما اغمض اتخيل ضحكته مااكعد الصبح اذا مااسمع صوته وهو يهمس بأذني بغنية حلمنا

- انتييي سبب عذابنا

- لااا مواني اني ردت احميجن اني خسرت حبيب عمري  لخاطرجن

- لاا انتي الماخليتيني اكتله وانتي المنعتي غزوان يرروح بسببج ضااااعوا

- مااكدررت اشوفج تضيعين عمرج بسبب واحد قذررر ولاكدرت ادير وجهي اعوفجن واروح ويااا

- هاي كلهم راحوا خسرنا كلشي صفينا بطرگ روحنا عايشين اخس عيشة راضين بالذل وساكتين لان ماعدنا مكان انروحله

- ماگدرت انتي مداتفتهمين شنووو دااحجي

-ولاانتي دتستوعبين احنا صفيناا وحدنا بدون ااااهل

حضنت رجليه دنگت خليت راسي عليهن ساكته ثواني وحسيتها خلت راسها على متني غمضت عيوني واني واسمعها تهمس رايه بردانة

-حضني ماضل بي دفو

- اشتاقيتلهم كلهم

- راحوا ماضل احد منهم

- گلبي يوجعني

نزلت دمعتي مااعرف شرد عليها صار هدوء عكس الهوسة الداخلنا

مر وقت واحنا على وضعنا لاهيه شكتلي ولااني شلت همها لحد ماسمعنا هوسة بره صوت ذباح يصيح وين داخل ودسار يصرخ وخررر عن طريقي ولاكلام الله احرگكممم 

صعدت اصواتهم دقايق ونسمع وصوت اسلحه تنسحب اقسام وصرخت صهيب يصيح يبه كولوا يالله شمالكمممم تسودنتوااا

اندفرت باب الغرفة وصرخت  دسار يصيح  طلعي احجي وياج

عدلت راسها على متني وغمضت

- رؤياااااا فتحي الباااب

ماردت

رد دفرها وصرخ لج فتحيهاااااا

ردت اكوم لزمتني اشرت لااا

دسار - على شنووو زعلانه كل السويته بسببج انتي جبرررتيني اسوي هيج كلتلج مايقبلووون اتوسلت بيج بس حتى نتركم ورانا  ونروح  حلفتلج اعوضج عن كلشي و بكلهننن جنتي رافضة

رؤيا- و هسه اكلك روح

- لاااا وكلام الله اخلي طلقة براسج وانهيج انتي ورطتيني مال تنسحبين انسي يانكمل سوه يانموت سوه

- ماطلبت منك غير ترد حق ماما من كلمة الذل الكسرتها بيها امك

- وكلتلج ماراح توافق غير بالمقابل وكلتلج راح اغدرهم لخاطر ارضيج وكلتلج ماتصير بحضني غيرج

- وضحيت بيه بالمقابل وخليتها بحضنك وسحكتني ورضيت اهلك على حسابي

- وكلام الله ماصار كل الذكرتي طلبت مني اعلن خطوبتي كدام الاهل وهيه تجي وياي تخطبج الي وضميت عليج لان جنت ناوي بعد ماتجي اطلبج بنفس اليوم ارد انهي كلشي

صكت على سنونها وخرتني وكامت فتحت الباب طلعت ضربته بكل قوتها وصاحت وتحجيهاااا كداميييي لك انت شنوووو

- اني اتخبلت بيج

- انت حيييوان واقذر بشررر شفته بحياتي كول شنو هذا القاط اللابسه نفسه قاط الكلت اشتريته لزواجناا لولااا وين هذا ماركه اني حدي توكف وياي بقاط جرد على كد حالتي

رايح تعلن خطوبتك منها كدامهم وجاي تكلي وافقت امي بس هيه تصير زوجتي بالعلني وانتي اتضلين بالسررر لان هذا مستواج

- لو افكر مثل تفكيرج ماغدرت اهلي ولاخنت وظيفتي ماجان خليت ايدي بأيد عدوي ونزلت نفسي لمجرم بس لان تابع الج

- عفيييه وهااي اني بت البتاوين التابعة لهذا المجرم  وانت ضابط المخابرات وعمر السادة ماصاروا بمستوا العبيد روح دسار كافي السمعته والحسيته  خليلك ذكرى حلوة بداخلي لاتكرهني بيك  اكثر

- اطلكها هسه وكدامج

- للاسف فقدت كل ثقتي بيك

- شنو التردي اسوي

- اطلكني وتروح  ماايريد بعد اشوف وجهك

- طلاك ماطلگ وباجر اروح اطلبج من امج واجي اخذج غصباً عنج

- ماتكدر تعرف ليش لان جبااان  واكبر دليل هاي اول مرة تجي بدون لثام وياك حماية تعرف ليش لان ماجان عندك وقت تأمن نفسك وتدري بروحك خسرت كلشي بعد ماتلحگ 

- ماسويت كل هذا لخاطر تصيرين الي برضاتج

- غلطان مواني الي انغصب على شي لو اعيش ويه واحد بالسر بس لان مايكدر يثبت رجولته ويوگف گدام جماعته يلكهم هاي زوجتي رضيتوا لولا

- انتي ماانطيتني مجال اسوي هيج ردتي كله بمزاجج خليتني محتار اشلون ارضيج

- تروح تكسرني بزواجك وتعيش الفرحة ويه غيري  ليش هيج مالي خاطر يمك لو اشوفني مااسوه اشاركك هيج شعور

- انت اغلى من كل هذا

- دسار لاجذب على نفسك اضل انت ابو الليل صاحب الرتبة واني رؤيا بت البتاوين عمرنا ماراح نرهم ننجمع سوة

- مااكلج ماغلطت من رحت سويت هيج من وراج  بس ماگدرت اكسرج بشغلة كلها ساعات وتنتهي زين انطيني فرصة اثبتلج اوهامج وصحه كلامي

اباوعلها سدت ايدها رفعتها ضحكت وهمست هذا كلبي-  فتحت  اول اصبع

هذا اول ظلام عشته والثاني روحه رند والثالث غزوان والرابع رئال وهذا انت الخامس؛  خلص ماعندي گلب بعد لاتترجه شغله من شي ماموجود

- شنو يعني

- يعني خلصت الفرص   انت غلطة وقررت اصلحها طلكني برضاتك احسن مااروح لسيد واطلگ غصباً عنك وهااا اختفي وأظهر بواحد يسوه راسك زلمة گد كلمته مو جبان ؛ ومن اوكف كدامك ايدي بيده وقتها نكون متعادلين

صگ على سنونه اجه طاير ركض ذباح لزمه صاح اتركنييي لككككك ذبااااح

دارت وجهه رجعت للغرفة سدت الباب واسمع صوته خبص البيت هو ويصيح وكلام الله يرؤيااااا اذبحج بس تسويهااا لج رؤياااااا ولكم عوفونييييي

صوت ذباح وصهيب يهدئون بي وهو يصيح وروح ابوي اكتلهااا ولج رؤيااااااااا

سدت اذاناتها ونزلت دموعها كعدت يم الجرباية كعدت يمها سحبتها لحضني شهكت

مااعرف شحجي حقها السوته لان خذلها وحسسها  برخصها وبنفس الوقت دسار من حقه مايگدر مركزه وسمه يرتبط بوحدة حتى نسبها مشكوك بي

الساعات تعدي وهو صوته برة ولاهدأ اسمعه يشيل بروحه ويرگعها بالگاع اخر شي كام يتوسل بس يخلوا يدخل حتى يحجي وياها

لحد ماصار وكت الاذان حسيت نفسها هدأ دنكت لكيتها غافية دااشيل راسها  وانفتحت الباب دخل ذباح وجهه مشخوط وقميصه مملوخ رد الباب عالكيف واجه يمي گعد نص گعدة خله ايده على شعرها مشها وهمس اشلونها

- استوها نامت شنو صاير وياك ليش هيج حالتك

- تسودن الزلمة اتماطل ويا اماطل گوه كضيته

-راح

-ماصار جثير جان كاعد بالباب يعارج الشياطين يااخش اجتلها يااخذها وياي عگله خل الزلمة

- عزه كل عقله هذا

- اي حگه حرمته وكلبه موجر عليها ماعمل شي   ذيج ماخذها گبلها وهم تنازل عنها  شيعمل بعد اذا هيه خلت عليه شروط اطگ الظهر

- ماطلبت غير حقها ماكو وحدة تقبل تتزوج بالسر ولاوحدة تقبل تشارك زوجها  بوحده ثانية

- يبه حرمته حلاله شتهجسين

- بس داافتهم انتوا شنو يعني هيه بس ذكرت گدامه تعوفه وتاخذ واحد غيره اتخبل جان مستعد حتى يموتها وانتم عادي تاخذون وحدة وثنين ليش شنو فرقكم خلي روحكم مرة وحدة مكانه هسه انت ترضى تشوف واحد ياخذ هيام منك

- ياريت ياخذجن ثنينجن ويفكني غير يخدمني خدمة العمر دكومي عطيني ملابسي خلي اولي للبر  اريح راسي وافتك من شجولجن

- انطيني مخدة

كام شمرلي مخده وراح للكنتور  شلت راس رؤيا عالكيف خليته عليها  غطيتها وكمت رحت طلعتله قميص وكف يغير همست تعبت من مشاكلنا مو

- اكو واحد يتعب من بنياته وهاي اخيتج عيونج بيها لاتغفلين عنها اذا طلعت منا ترد للادمان وخرابيطها

- انكسرت بعد مابيها تكوم

- ياهو انجسرت رؤيا يبه هاي عدها گوة ولسان اذا فكرت اطلعهن تخلينا سنة ليجدام ندور على كرامتنا

-كم يوم راح تضل بالبر

-يومين بالجثير

-ليش ماتاخذنا وياك نغير جو

-هيمة يبه وين تغير جو

-لعد شكو رايح

-نطرگ حلانا غادي يم الرعيان ونجيب كم راس للبيع

-لعد ذني النوگ الورا البيت مالتمن

-هم النا رزگ ربج جثير الحمدالله

-يعني اجواء حلوه اخذنا وياك حباب

-هيمة يبه هييمة ماكو بس ذيابه تاجلج وتتفل بوجهي

- فوكاها لويش عيني

- هلكدج بدل ماتشبعيها تصيرين بين انيابها

- ذباااح

-ههه امريني يبه

-اريد اخذ رؤيا ونروح لماما ولاتكول لاا

- من ارد اخذجن انه 

-هم كال انه

رفع حاجبه

- هههه لا صدگ دااخذ رؤيا يم النوگ من تگعد

- بس خلج نبهه تراهن حقودات ويغدرن

-تمام صدگ عيونك حمر ليش

- بشر صار اسبوع مامهود للنوم اشلون رايدته

- لعد ارتاح اليوم وباجر روح

- لا الطريج طويل وصگر رايح وياي  انام بالسيارة

- اتنام بالبدي

- عليش يبه اكو زمال كايلج ماخذتلج بهيمة

- انت لوبش دتصيح وبعدين ارتاح منا وجاي تره عيونك يخوفن هنه مصخمات ويتزيدهن بالحمار تصير جنك مصاص الدماء

- واضح الخوف عليج من هاي وكفتج بوجهي بعدي يبه لاهفج كله

- تذكر من جنت اعيب على عيونك وغزوان واكف يضحك ميكلي انت وراي

-ههههه الف رحمه على روحه

-ترا ادري بيك دتروحله كل كم يوم بس متكول حتى لاتاخذني

-عطيته جلمة  اجمعجن واخذجن لگبره صبري عليه بروح اخيتج

اشرت اي  ومسحت دموعي جر راسي باسه وخرت عنه فتحت الكنتور داطلع اله ملابس صار كدامي العسل باوعتله بسرعة  لزم ايدي سحبها دنگ عليها باسها و صاح دخيلج رايح للبر درجة الحرارة تعگب الستين وعلي انجلط

-ههههه لا حتى اني ماراح اكل انتظرك

-خير ان شاء الله يله يبه انه رايح اي شي تعتازي طلبي من الحجية

- تمام

رد جر راسي باسه شال سلاحه وجهازه راح طلع واني رحت تمددن يم رؤيا خليت راسي يم راسها وغمضت من التعب  بدون تفكير رحت بالنوم

مافتحت عيوني غير على صوت عمتي وهجامة بره كعدت لكيت رؤيا بعدها نايمة دنگت بستها غطيتها عدل وكمت غسلت وجهي وطلعت لكيتهن ملتمات يتريكن صبحت عليهم وكعدت يم هيام صبتلي جاي دنگت دااخوطه كالت بيبي شلونها يچدة اخيتج

-زينه بيبي

غيمة - وعلى شنو اتخبلت وطلعت هجمت عالولد خلي تحمد ربها باوعلها واحد مثله

فجر - عليش يمه شناگصها بت تتزاود ويه الگمر على مجانه

- عمه تره ضابط وهيه حتى اهلها مامعروفين منو

- شمالنا مامعروفين عدها اخوه يلاون الموت لخاطرها وچدة تخشها جوه عباتها ماتعطيها لو ثكلوا وزنها ذهب اذا ماتتنوع الجدامها ازلمة من صدر ديوان گد جلمة ويستحگ بت معدلة مثلها

- ماقصدي عليكم

- بسج انكتمي ماطولج ماتعرفين غير اللغث لاتتحجين

- عمة بس ردت اكللكم ذباح وصگر راحوا وصهيب  هسه دسار  هم يهجم علينه هو وحمايته ويسويلنا فضيحه كدام العالم

- لاتخافين الزلمة  معدل وابن اصول تحجه ويا صهيب كله اتركها كم يوم ترتاح لبين مايردون ازلام البيت تكون النفوس طابت  لخاطر تتفاهمون بعگل

هيام - بس بعدي الشر عنهم همه متصافين وحدهم هيه بت معدلة مارضت تطلع من بيت اهلها  اذا ماترفع راسهم وجدام الكل وهو عاشكها ومستعد يترك كلشي لخاطرها

غيمة - من هيج تزوج عليها

- ماتزوج بس لبس الحرمة ذهباتها لخاطر يرضي امه  واعترف بغلطة ووكف  بالساعات يتوسل يكلها اطلكها ومن تنوع دمعتها نزلت اجه يجتل روحه جا اشكد يحبها وخايف على زعلها

هجامة - ربي يهدي سرهم بسجن لغوه تركن العالم بحالهم وبشرني ماوحدة منج شالت

هيام - ماكو جده ولو هو اشوكت لحگ يطخ وحدة بعده ماخال راسه على المخده واجته المصيبة تجلع

فجر - ولج  رايه اخاف ما جاي تعطي من العسل

- لاوالله عمه كد ماوكلته اليوم بس شافه باس ايدي يباوعلي بترجي كسر خاطري

- ذباح باس ايدج؟؟

- هاااا لا اه هيج تعبير مجازي  لااكثر

- وانه اكول ابن البدوية يعملها شني اله اختل عگله وانتي يمه ميصير تتحجين هيج هالتتنوعين احنا بدو وعيشتنا اشلونها وهمه من غير كلشي يردون بس يكضون عليه سالفة ويطشوها بين ربعه

اشرت اي ودنگت اشتم وانعل بلساني الفالت كالت هجامه بنوات بغداد رجيجات عشيتنا ماطابت الهن لهيج يتأخرن بالخلفة

بيبي - يله وشنعمل هالتشوفي كلما چايه يكبر وضال يجسر الكلب يتنوع لبزرة  رفجانه لهفان لشيلتهم بس مايتكرب خايف يسمع جلمه تكدر خاطره

- موش كلتلج بت سلمان لجعه وكوية وعمرها مايتجاز الاربع طعش بركبنتي اذا ماشالت من ليلتها

غيمه - ليش تزوجوا لعد واني شنو مو مرته خلي اجرب يجوز احبل

هجامة - من حگج بس انطرج هالشهر اذا ماشلتي ترانه نعرسه  وهاي جدام حريمه

- اي والله واني بيدي اجهزه اذا ماحبلت بس احجوا ويا خلي يدخل غرفتي حالي حال نسوانه

- انه احجي ويا اول مايرد يبلش الي خاطر يمه ؛ وانتي اخذي حجرة كمرية حضريها وفجر تعر لحجرة البدوية

-اي فدوة بس بس قنعي وتركي الباقي عليه

- وانتي يمه رايه راح اعطيج اعشاب اقوى من العدج  بلكي ولن ربج متنوعله

شلت راسي باوعتلها وهمست بيبي اخاف يموت هو هذا اذا اكله بعد مايكدر ينام وجسمه يصير مي كد مايعرگ 

بيبي - عليش يچده جسمه يصب مي جاانتي شمالج بس لاولج تمنعي عنج

- هاا لابس داكلج يتعب خطية

- ماعليه يذباح گوته تسحگ الحديد وتعگب ما يضره شوية اعشاب مقوية

- تمام وصدگ شغله لخ اني دااكل منه حتى مااخلي يشك خوماعليه

- لاماعليج بلعكس يفيدج جثير ويله كملن اكلجن هيام وغيمه يطلعن للنوگ ويه حريم صهيب وانتي راية اتهيري ساعة ويجي عليج صهيب لخاطر ياخذجن انتي وفجر للمستشفى تكملون التحاليل هلبت والله ولنها مطابقة وتخلصين من هالهم

-ذباح مايقبل اطلع

-لا هو النبه علينا وعطه خبر لصهيب

-مااگدر اترك رؤيا وحدها

-ماعليها هاي انه جاعدة هون مااخلها تعر الباب ولاتخافين اخيتج گوية موش ركيكة وينخاف عليها ويله اكلي بساعج لا طلعين اعذار ونص جلمة مانه سامعة الكلته يتنفذ  وانتن يلااا فضنهااا

دنكنه كلمن عيونها بماعونها بس هيام دموعها كل شوية تنزل وغيمة تريد اطير والله كد الحقد الي اشوفه بعيونها شكيت هيه الورطت كمرية بالسالفة حتى تخلص مو بس مني لا حتى من هيام  وتاخذ غرفتها موبعيدة عليها الدكات الناقصة

مر يومين حتى مااعرف اشلون رحت وشنو سوولي تحاليل بالي يم رؤيا مااعون ارد واگابلها  حاجزة نفسها بغرفة بيبي لاتحجي ويه احد ولاترضى تتحرك ؛  اشكد دز دسار رسائل واشكد اتصل ماترد تحضره ويرد يتصل من غير رقم وضالين هيه ويا كلمن بجهة يطحن بروحه اوكف اباوعلها بس دموعي تنزل بعدها طفلة موكد الحيرة  والوجع الدتعيشه

غيمة صارت عبارة عن خدامة  جوه رجلين بيبي بس تريد ترضيها نهار وليل حلكها شاكته من الضحك تباوع لغرفتها وتحسب للدقايق اشوكت يجي كلبت روحها عروس من غير الملابس الدزت عمتي تجيبهن الها حتى اخجل اباوعلهن مو اتخيل اشلون راح تلبسهن اله

…واكفه اغسل مواعين العشه ودخلت هيام عيونها حمر وبيدها عباتها اشرت شكو

- امي متعارضة واخوي جاي عليه

- اتصلتي بذباح تره يسويها هوسة عليج

- اي كال جاي بالطريج روحي ويه خويج وانه جاي وراكم

- ربي يشافيها لاتخافين داده ماعليها ان شاءالله

- رايه اغديلج فدوة  خية اخاف ابات غادي عيونج على غيمة مااوصيج

- لاتفكرين حتى والله اليوم اخلي عبرة الباب حسرة بعيونه لحد ماتردين

- بعد جبدي ربي يبرد كلبج ويجمعج بأهلج على هاي وكفاتج وياي

ضحكت اجت باستني وراحت تركض رجعت كملت غسل المواعين طلعت صارت كدامي غيمة تعدل بفرشتها لابسة سيت وردي والمكياج بوجهه يصيح لحكوني مروتكم

تركتها ورحت لغرفة بيبي لكتها متمددة گوه كامشة ضحكتها هيه وفجر ؛ ورؤيا لازمه الفون تسجل فويز تعد وتصفي ماخلت حيوان بالكرة الارضية ماكالته  ادزه وترجع تسجل واحد اسوء منه تستلمه غلط ماموجود باللغة العربية كلها ؛  مااعرف منين تجيب وتسطر حمدت ربي ذباح جاي لان تأكدت دسار بعد مايتحمل اكثر ويسكت على طياح حظها

داادخل احجي وياها واشرتلي عمتي  روحي مالج شغل اني هم خفت من شكلها كفشتها منثورة وعيونها تلمع وتحجي بحرگة  وكل دقيقة اجه صوت دسار بعيطة يتوعدلها وتسكته تفلة

عفتها رجعت لغرفتي دخلت  كبل للحمام سبحت غيرت ملابسي وطلعت مشطت شعري فرشت لذباح بالكاع وشمرت نفسي عالجرباية حضنت مخدتي بين فكره تاخذني وبين ذكرى تجيبني انفتحت الباب شلت راسي لبالي رؤيا لكيت ذباح

دخل سد الباب وسلم رديت السلام  وكف يخلي أغراضه عالميز بدون لايحجي عرفته تعبان همست اكوم اصبلك عشه

- لامتعشي بس حطيلي ملابسي بالحمام

- خليتهن من زمان صدگ  مارحت لاهل هيام

- لاارتاح شوية بين مايطلعوها من المستشفى لخاطر اروح للبيت

- اروح وياك

- لا يبه بيتهم كله زلام وين تردين

- مريت على بيبي

- لااسبح واروح اسلم عليها

- لالاتروح استوها نامت وكالت لحد يكعدني حتى لاتضيع نومتي وتروح صلاتي

-اهاا

-شبيك مامصدكتي

-لايبه عليش حتى مااصدگج

كالها وشمر محفظته راح للحمام دخل رجعت حضنت مخدتي -يله  دااشوف اشلون راح تطلع اليوم من الغرفة

عيوني عالباب واكل بشفتي افكر شنو اسوي لحد ماطلع بيده المنشفة  شمرها عليه وكال لاتجهدين  نفسج جثير

- على شنو دتحجي

- مانه يمج صدگ ماعندج شي ادهن جسمي بي هلبت تهود الحساسية شوية

- منين اجتك اخاف ماكل شي حار بالطريق

- لا اول ماوصلت  غادي طلعت

- اذا انت مكابل النوگ شتريد يطلعلك غمازات طبعاً يطلع طفح جلدي وبكتيريا وحتى حصبى اطفال هم تطلعلك

- حتى طگه مابيج باگيه بطرگ الشعر

- يااا ذكرتني اتصلت هيام كالت امي نامت واخوتي هم ناموا لايجي ذباح

- والطريج انسد والجلاب بطلت تنطر

- انت ليش كل حجايه تحسسني دااجذب عليك

- لا حشى بس بشني خبرتج بالنقال لو طرشتلج خبر بطير زاجل

- هاا  لا بالفون بس وديته هسه لرؤيا

- وطلعي بهيج ملابس

- لفيت نفسي بالغطة ورحت واجيت ركض

هز راسه واجه لفراشه تمدد غمض عيونه بتعب  همس رايه بروح اخيتج نص ساعة وكعديني

حضنت مخدتي. انكلبت على بطني مديت راسي صار شعري على وجهه فتح عيونه كوه  اشر شكو

- من الاخير ذباح ماتطلع اليوم  

- تمام

- ماسألت ليش

- وعلي مابيه احجي

- صدگ امك راح تزوجك وحدة عمرها اربع طعش سنة

-بيها الخير

-شنو بيها الخير يعني تگدر تاخذها

- يبه انه ماخلف موش عاجر

- عززة شبيك مداقصد هيج وين راح عقلك داقصد صغيرة

- ماهيه صغيرة بت الاربع طعش عدنا تعادلج مرتين

- شو فرحت والله بس ترد هيام اكللها

- يبه ياهو الكلج راح اتنعل بساعج جلعتي عالخراب وعليش اظلم بت العالم وياي وتنحرم من الخلفة خليها بدربها كافيني الهم العدي

- ذكرتني والله مشتيه شي حلو 

ضم وجهة

كوة كمشت ضحكتي بس عصر كلبي من كال احرمها من الخلفة  كمت طلعت العسل الجديد رجعت گعدت يمي خليتها بالگاع اتربعت شلت شعري لفيته كباية دنكت فتحت العسل وهمست

- حلال يله  افتح عيونك

مسح وجهه  اخذ نفس  اتجتف يباوعلي بعجز

- شبيك ماانطيك بس اضوج اكعد وحدي اكل دنسولف شوية

- وعلي  الحساسية ماكله جسمي

- بيبي دتكول ذباح يكرط حديد لاطلع حجج

- حي الله البدوية

شلت بالخاشوكة  خلتها بحلكي ماسيطرت ضحكت ضحك على ضحكتي

جر الخاشوكة مني كعد اخذ العلبة اكل منها كم وحدة وغلقها بعدها عني وكال اكلت حتى مااجسر بخاطرج بس بسج تأذين نفسج لان انه مايصير عندي

- يعني جنت تدري شنو بي

- ردتج ترتاحين حتى تفكين ياخهة مني وتبطلين تمشين بحجيهن

- انت ليش هيج تعاند بلكي يكون سبب يصير عندك

-مارايد

-ليش ماتتمنى يكون عندك ابن؟؟

-عليش الجذب اكبر امنية جانت عندي قبل بس اشم ريحة الجاهل بس هسه لا

-ليش

-من تعرف گلبك مانه الك  وتفگد السيطرة على مشاعرك وينشغل فكرك بشي مستحيل ؛تتلاشى كل امنايتك مايضل غير حلم واحد تنطر الليل مناطر بس حتى تصل يمه وتغمض انت وتتأمله جدامك  وتشم عطره من بعيد

- هيج الحلم حلو بحيث شال فكرت الطفل من راسك

- حلاته بگد بعده عني بيني وبينه الالف السنين

-يجوز يكون من نصيبك ليش هيج دوم متشائم

- لانو مستحيل وانه ادري موش الي بس والكفل زينب مستعد اعطي عمري بطوله لخاطر نظرة رضه وحده تكتفي مو يكولون العاشگ ماتبرد ناره غير عصرت حضن من محبوبه انه لاا راضي بضحكة وهمسه من بعيد تطفي الجمر الموجره بروحي

-حبيت  ؟؟

-اعرفه نفسي حيوان وادري موش كد جلمتي بس وكلام الله موش بيدي غصباً عني لكيته روحي تسولف بي وگلبي مختنگ بهلفته  حاولت جثير ابعده عنه ماگدرت

- شصاير وياك

دنگ ساكت

-ذباح ليش هيج دترجف

مارد وخرني وكام اخذ مفتاحه والجكاير وطلع

دنكت باوعت للاعشاب - اني شسويت بالولد كالتلي قوية انطي وهو جاي تعبان اشلون

اخذت نفس وكمت شلت العلبة شمرتها بالزبل ورجع لفراشي تمددت خليت راسي عالمخدة  سحبت الغطة وعيوني عالباب اندعي كون مايصيرله شي

مرت اكثر من ساعتين واني انتظر لحد ماراحت عيوني بالنوم

نفس حار برگبتي وثكل گاطع نفسي فتحت عيوني واشوف نفسي بحضن ذباح دفعته حيل شال راسه عيونه حمر وريحة الشرب طالعة منه يباوعلي بلهفه وينفت اشرت لا اااا

همس احبج وكلام والله

-لاذباح فدوة

باوع بعيوني نزلت دموعي بترجي  سد حلكي ودنگ على رگبتي…

لاتنسون التصويت ❤️

شيء من رصيف الدم

بقلمي:leo Alfatlawi

بارت الرابع والثلاثون

قريت التصويت بالانستا  وجان نسبة ٩٠ ٠/٠ انزل اليوم حتى لو كنت كاتبة بس فقرة رئال  والكم مثل ماطلتوا

وان شاء الله البارت القادم راح يكون بثلاث بطلات ❤️

***رئال***

ا باوع ازر لضي ابتسمت واتجتفت انتجت ردت هاله گالت  شو سكتت  هيج صعبة عليك القرار

عمتي - شنو صعب انتي شدتحجين ليش منو هيه وتقيسين نفسج بيها كلها بت حدقجي ذوله كل حدهم يخدمونه مو ينحجي بيهم

- كولي الابنج هذا الحجي احسن مايصير الحجي يم بابا وهو يتصرف

- شبيج بنتي ابوج ليش دخلي بهيج مشاكل تافهة منو ضي ومكبرة راسها واكفة حارگة دمج هسه تكوم تاخذ ابوها وتولي الف حدقجي موجود يردونه بس نفتح حلكنا يجون يركضون لخدمتنا

- واني اريد ازر يطردها بلسانه

اباوع لازر اصلاً مويمهم صافن على ضي اتحسه غير عالم صاحت عمتي مويااك دتحجي مرتك شبيك ساكت

ازر - ضي شنو الرايدته تردين ابوي يعتذر من ابوج

عمتي- اكيد صار لعقلك شي

- صار لعقلي شي اتخبلت صار بيه قز القررط ضي ماتصير لغيري غير حتى بعد موتي

ضي - واني ماراح اصيرلك لو تضل اخر واحد بهاي الدنيا

-وماتاخذين غيري

-ههه

-ضيييييي

-شنوو ضي منو انت بس ذكرني لاحسبالك تصرخ تخوفني لو احسب احساب لمركزك  تره كلك على بعضك اني ماشايفتج وزواج راح ازوج وكدام عينك

- بس جربي والرفع السماوات يضي اخليج جوة الگاع اخلي اكبر امنية عندج شمه الهوا

-ماتكدر كلشي تسوي

صك على سنونه گلب الميز واجاها طاير كام دسار بسرعة دفعه وصاح رد لوراك لككك

- كله بسببك صاحبك لك هيذااام وداعت ابني اكتلك انت وياهااااااا

هيذام - هه عود سهلة

- لك هيذاااااام لك اني اخوووك ليش هيج تسوي بيييه

- شمسوي البت تريد تتزوج  شرايد امنعها وليش لخاطر لاتزعل حضرتك

- جذذاب وكلام الله جذاب كل هذا التسوي بس حتى تذل ابوي بينا ولك اني اخوك ولك هيذام تعرفني اموت بدونها ليش يخوي هيج تكتلني

- يخوي؟؟ لاهاي الكلمة جبيرة

- وداعت ابني مادريت بيها عايشة غير قبل لاتلكاها بيوم سمعتهم يحجون و ماجان عندي دليل ولااندلها شگلك

- گلي امك الي دزت عالم يكتلون مرتك مو لواني غلطان

- ماكدرت ومحمد هيذام لاتحرك كلبي

هز راسه وندار الامه باوعلها وضحك ؛ اشرت  لااا ونزلت دموعها  رفع حاجبه اشر شكو

عمتي - والله خفت عليك ماردتك تتعلق بيها اكثر خفت  واني اشوفك اشلون گمت  تسحگ اي واحد يفكر يحجي وياها بلا رحمة خفت  من نظرتك الها وانت تراقبها بقلق  ماشفت نفسك لاي مرحلة وصلت ولك بيوم التنزل دمعتها تجرم بينه بدون وعي

- خفتي عليه لو على رجلج وبزرتج؟؟

- اي خفتتت عليهم ماردتك تأذيهم  ماردت اخسركم علمود وحدة من الشارع  ردتك ترجع لعقلك وتبطل هالظلم ردت ترجع علاقتك بعمك وتكله جنت  غلطان اتضل انت بمقام ابوي واسماعيل اخيي وراح ارده للبيت بينا ردتك ترجع مرتك وابنك لحضنك ونرجع عائلة وحدة  مثل قبل 

- ههه تدرين صار يومين افتر دايخ محتار اشسوي بله عمي واخلي طلقة براسه وانهي السالفة بس انتي امييي تعرفين شنو يعنييي امييي

سكتت تباوعله بخوف

-والج التردي ولايهمج ياام هيذام

- شراح تسوي هيذام لاتأذيني بأخوتك والله ماكلتلهم يأذوها  بس ردت ابعدها عنك

اشر اي اندار راد يجيني لزمه ازر همس اني مالي دخل بكل هالسالفة شيل ضي من راسك

ضي - الي يرد بالوعد مرة يرد الف

ازر - مارديت  انتي عفتيني

- تريدني ارجعلك طلكها

مارد باوع لهالة ورد باوع لابنه

- ههه شفت ماتكدر تسويها واني مااصير بأسم واحد عنده غيري

-اطلكهاااا ومحمد

- وهم ماارجعلك لان  ماأمن نفسي يم واحد غدر بأخو بس ردتها تسمع وتعرف قيمتها شنو 

كالتها وكامت شمرت الكتاب بوجهه  وراحت دفر الكرسي وصاح  ماغدرررات وكلام الله ماادرررري ولكم مواني الأغدر  اخوووووي ولك دساااار وخررر

هو يصرخ ركضت عمتي لزمت هيذام ترجف وتصيح لاتحرگ گلب اخوك  تريد حقك اخذه مني لاتاخذهم بذنبي عوفهم ابوس ايدك

اباوع عمتي تتوسل بجهة وهالة  تبجي بصوت عالي اتجر بأبنها وتصيح كون الله يحرگ گلبك عليها مثل ماحركت كلبي وازر گوه لازمه دسار يريد يهجم عليه يهدد ويحلف يكتله

اصواتهم براسي دنگت لزمته انتبهلي دسار اشر لهيذام عليه دفعهم واجاني يركض كومني سحب راسي لحضنه ضغط عليه وهمس اششش لاتخافين اني يمج

اصراخهم كلهم سوه الي يعتب والي يتوسل والي يهدد  صوت تكسير ؛ هيذام مستمر يردد رأل خليج وياي فتحي عيونج بنيتي

صارت هوسة وظلام غمضت حيل صوت ضحكت طفله ابراءة؛ خيال ولد يأشرلي بكتاب من بعيد ؛ مرة يم صوبة مادة ايدها بيها لفة وعيونها عليه كلها حنان

عصرت نفسي على صرخت واحد يصيح رئال اخذيهن وانهزمييي

… مي بارد  على وجهي ايد تمسح بخدودي عالخفيف صوت باب تندگ فتحت عيوني بحضن هيذام عالجرباية اباوعله يتنفس بغضب ملامح الشر واضحة على وجهه

شافني صحيت سحبني لصدره ودنگ واخذ نفس براحة مر شريط وكفته ونظراته الهم وهمه يتوسلون بخوف انعصرت روحي لميت نفسي حس بيه حضني حيل وهمس اهدي ماكو شي

- غاح تموتهم موو

-منو كلج اني سفاح

-امك كالت لاتخبل اخوك الثاني كافي الجبير  سودنته وحبسته

-ذاك عقله بي خلل من صغره وماحبسته وديته مصح لان يأذيهم هنا

- جانت تبجي وتتوسل بيك لاتأذيهم

-تريد تخوفج مني حتى تزيد حالتج

- هيذام لاتكتل احد

باس راسي ورفع مسح عيوني وخر شعري عن وجهي -شنو حلمتي

-واحد ديصيح باسمي

-وبعد

-شفت طفلة وولد لابس نظاغات يضحكون

-اي

-ووحدة گاعدة يم صوبة تنطيني اكل منو ذولة

- اصدقائنا بالشمال كلما نروح سفرة نضل عدهم 

-يعني داتغجعلي الذاكغه لو شنو

-اذا اتضلين هادية وماتفكرين ترجع

-هيذام لاتأذيهم ذولة اخوتك

-اني ماأذي احد بس راح اجمعهم سوة واشمر السلاح بينهم

-شنو يعني

-يعني اريدج تهدين حتى انطيج العلاج لان عندي مهمة لازم اجفتهم واني عقلي صافي حتى الحگ  احفظهم الشعار گبل لااسحل ابهاتم

- منو ذولة

- الي لعبوا بعداد عمرهم وختلوا ورا روس اكبار كل عقلهم يطفرون وماالگفهم  ؛ هسه شنو الاريده منج تاخذين علاجج وتهدين راح تصعدلج  ضي تضل يمج خطوة وحدة ماتتحركين بدونها واي بشر يحجي وياج  حتى لو بس يباوعلج تتصلين بيه

هزيت راسي اي

رفع ايدي باسها وكام  راح غمضت على صوت ضربة بسطاله مااعرف ليش اكو شي بداخلي ينعصر من اسمعها 

وصل للجرارة فتحها جاب علاجي و اجه  دنگ گعد نص گعدة گدامي بالگاع  اباوع لعرض امتونه وضيگة الزي العسكري عليهن احس ماراتلي بصورة مرعبة من قبل ؛ شال اكلاص المي و الحباية انطانياهن اخذته شربتها

رد اخذ المي مني خلا بصفه ولزم اديه دنگ باسهن ورفع راسه مد ايده وخر شعري عن وجهي باوعلي عيونه حمر وجهه اي شي يدل عالحياة  مابي  اشرلي شبيج

سكتت

-رأل  لاتخافين  مني

دنگت

- أذي الدنيا بكبرها وانتي اضمج بروحي

- همه غاح يأذوني

- وهذا الي اريده كون الله صدگ يورطهم ويفكرون مجرد تفكير مو يوصلولج وكلام الله احرگهم همه وعايشين

-اذا طلبت منك شي غاح تكلي لا

- رب الخسرت حتى اهلي  لخاطرج اردج بطلب

- يصيغ اتخليني اغوح اشوف عمو

- هسه ادزلج الولد يجيبوا

- لااني اغيد اغوح اختنگت من الحبسة

- الطريق بعيد وانتي تعبانة

- لاوالله موتعبانة ومشتاقتلهم هواي هيذام فدوه

- تمام هسه ابلغ الولد يحضرون السيارة وياخذوج بس لاتتأخرين شوية وتردين

هزيت راسي اي وضحكت مامصدگة راح اشوف امجد ضحك على ضحكتي خربط شعري من فرحتي حضنته لمني بحضنه بقوة اخذ نفس مني وهمس بخشونة دخيل رب الزرع حبج ومعزتج بروحي

سحبت نفسي وطفرت  للكنتور طلعت ملابسي وركضت للحمام تركت وراي يضحك

حتى التعب نسيته غسلت وبدلت بسرعة طلعت ماشفت بس فون جديد وكتاب بعلم النفس عالميز عرفته خالهن الي

وگفت مشطت عالسريع لبست حذائي شلت الكتاب والفون طلعت بوجهي عالحديقة اركض اريد ابشر ضي لكيتها واكفة يم الحرس تباوع بساعتها شافوني فتحوا باب السيارة وطلعوا ثنين يركضون بره يحضرون بعد وحدة ؛ وصلت يمها انفت صاحت وين جنتي صار ساعة انتظر

- تجين وياي

- غصباً عني تحت التهديد وانوب انطانه سلاح مرخص كال اذا صارلها شي هالمرة ارموا نفسكم ورحموها بالموت هواي افضللكم من الراح اسوي بيكم

- عزه يعني موت جماعي

- اي لخاطر لدغة ماتسوا فلس وبعدين تعالي شبي وجهج اصفر

- اشش اذا سمع بعد ميخليني اطلع

- لاتخافين طلع بعد ماوصه يطلع وياج فوج كامل تكول رئيس وزراء مو رئال ام نص لسان 

- صدگ ذوله كلهم غاح يغحون ويانه

- تردين الصدگ اني كلتله حتى نلعب ويه سعدية ورجلها شوية ضايجين يله تأخرنا وشنو هذا الكتاب والفون البيدج

- الكتاب يكول ينشط ذاكرتج والفون حتى اذا واحد باوعلي  گبل اتصل بي

- العب صار ترديد الشعار علني يم ابو درع يله دتعالي

رحنا صعدنا سدوا الباب وركضوا صعدوا شغلوا السيارة طلعنا صدگ حسيت بأمان وراحه انتجيت خليت الكتاب يمي و فتحت الفون صارت صورتي خلفية نايمة عالمخدة وايده على وجهي يبعد شعري عنه ؛ابتسمت

رغم خوفي منه وتصرفاته الماتنطاق بس احس گلبي ينبض من اسمع نبرة صوته بالبيت لو اشوفه نايم يمي

عيني بالطريق الحماس ياكل بروحي ماصدكت وصلنا وشفت البيت  من گد لهفتي فتحت الباب ونزلت اركض دفعت الباب ودخلت واشوف عمو واكف يسولف ويه عمتي وامجد عالدرج كاعد يكلب بفونه وعبدو متمدد كله ملفلف يمه سعديه وجهه منفوخ توكل بي 

على صوت فتحت الباب ودخلت الحرس  رفعوا راسهم شافوني عمو ضحك وامجد صاح شمووسة

ضحكت وركضت حضنت عمو وشهكت  باسني وكال ليش يبويه تبجين

- مشتاقتلك عمو

- يروح ابوج والله كلبي يمج ماترحين دقيقة من راسي

-من هيج اجيت شفتني

-يبوي اشلون اجيكم ممنوع

-شنوو ممنوع عمو بس كلهم اني ابو غئال همه يدخلوك

امجد - منو هاي رئال ولج

-انت مااحجي وياك

-حتى اني واتندمت صرفت عليج هلكد لفات طلعتي ماتستاهلين

-شنو عزه ضوجتني  وهيذام كال اذا ضوجج واحد اتصلي

صغر عيونه؛  عفست وجهي وخرت من عمو دنكت على فوني  داافتحه جره مني صاح منو الكلب ابن الكلب الضوجج بس كليلي انعلج ابوو

شلت راسي رفعت حاجبي ضحك خربط شعري وكال اشلونج شموسه

-يالله اشكد مشتاقتلك

-مشتاقتلي لو مشتاقة للفات وبوكات الليالي

- هههههه ومن نضم الجياسة حتى لايلكفونا

عمو - اشلونها صحتج بوية رجعتلج الذاكرة لا

- لاعمو وحتى لوماغجعت مااهتم لان طلعت يتيمة ماعندي غير اخو واحد  وبطرگ هيذام

امجد - اخو واحد الي هو ضابط المخابرات ؛ وبطرگ هيذام ؟؟  لااا كسرتي خاطري اكلج ماتنطيني هيذام وانطيج اهلي ودجاجات سعدية عليهن هدية

- لاعوفه يفيدني من اضوج اعيط عليه

فتح حلكه دخلت ضي تركض صاحت صدگ تحجين لج قندرررة وكعت بسببج اكو زمالة تنزل  بدون لايأمنولها المكااان

عمو- ماكو شي بابا لاتخافين ماعليها

ضي - عمو ياماعليها تعرف اذا صار بيها خدش رجلها يعدمنه دفرات وانتمم هم حاسبين نفسكم حرررس اشلون تخلوها تدخل هيج

در واحد من الحرس ست والله ماانطتنه مجال السيارة بعدها ماواكفة نزلت

- نوصل لهيذام ويصير خير يله اطلع خلي الحرس يطوقون البيت عدل

- حاضر كالها واشر للحرس صعدوا السطح وهو طلع للباقين ؛  سعدية صافنة وعمتي باهته على وكفتها

اجت ضي يمنه كالت اسفه صارت بوجهكم بس الله الدنيا موامان وزوجها مايرحمنا اذا صارلها شي 

امجد - اريد ابلغ عن ابوي يشتغل ويه التنظيم

-وانت

-اني حدي اشرب جكاير وبالدين

-اووي شكد خطية

- اي والله اكسر الخاطر ماتشغليني وياج

-  هو اني واهلي اشتغل جو ايد هالدغة اذا تحصل  شغله اخذني وياك واخلصني

- نخطفها ونطلب من رجلها فدية نطفر بيهن للخارج

- والله فكرة بس وين نظمها  عن الحرس

قبل لايحجي كلتله بالقفص مال الدجاج شتكول عبدو خو مانسيته

لم نفسه يباوعلي بخوف خنس يرجف صاحت  سعديه حسبي الله بيج فوگ مالفيناج هيج سويتوا بي

درت وجهي للخارس كلتله هاي صوتها يضوجني

خزرها خنسيت بسرعة يم رجلها 

-وامهم هم شكلها يخوفني

فتح عيونه واشرلها يله يم  بتج ركضت كعدت يم يمها لامة نفسها 

امجد- ابوي هم وجهه ماعاجبني  صنديحته جبيرة وشواربه منثورة ضد الجاذبية كضوا قبل لايفلت

عمي - انجب انت وانتي بابا شموسة عوفيهن خلي يولن  تعالن كعدن لاتضلن واكفات خلي اجيبلكم شي تشربوا

رحنا كعدنا وعمي راح للمطبخ انتجيت اباوعلهن اشلون يباوعلي بحقد ويردن يباوعن للحرس التارسين البيت يخنسن 

درت وجهي عيوني عالبيت كل ركن الي بي ذكرى صار الطشت كدامي تذكرت من جنت اگعد بالساعات اغسل ملابس وعيوني عالخبزة بلكي يكومن واروح اخذها بسكوت اكلها

اخذت حسرة وباوعت الامجد ابتسمت ودنگ لزمت ايده كلتله ماقصغت عمغي ماغاح انسه السويته وياي

- تأذيتي هواي عدنا ماكدرت احميج

- نسيت كلشي مااذكغ بس وكفاتك وحنيتك عليه

- يجي يوم وترجع ذاكرتج وننمحي من راسج

- العدي مغض نادغ مو فقدان ذاكغه

- يعني ماراح تنكرين اشكد خسرت عليج حلويات وجكاير

- عززه يمتى ادخن عمووو تعال داكلك امجد وين يضم باكيت الجكايغ

- اشش يابه اتشاقة شبيييج

- لاتعيط تغه صوتك يزعجني

- لج شموسة ذني سوالفج مو عليه والكاظم اخذج وره البيت اسحلج و اشبيعج كلات وكلهم لكفتها تريد تلحگ البريعصي حسبالها اخوها الصغير

- تغه اني فاقدة الذاكغة مو العقل

- انعل ابو عقلج هذا الخلاني اكابل سعدية اللگطلها  عدس

- ليش ماغجعت للشغل

- يااشغل غير عبدو المختل شامر عليه سالفة فصلوني نهائياً

درت وجهي اباوعتله  صدگ شكله صاير مثل المختل راسه كله بورات وحده من عيونه طافية من غير جسمه كله مربط ضم وجهه وون مثل الطفل الخايف عگدت حاجبي اشرت لامجد شبي

- محد يعرف شصاير ويا جابوا الحرس شمروا هنا وهو على هاي الحالة نحجي ويا ماكو لامن حلگه ولامن … المهم ودينا لاثنين دكاترة ماطاحوا على علته بالعكس صار انكس  كامت سعدية  حتى تشيل من جوا

- اخاف صاغ عنده خغعة(خرعة)

- مع العلم زوجج كلش ترف وجهه سموح خو ايده  تكت حنية بس على سالفتج يمكن صاير بي خرعة

- يستاهل موت طفلنا

- وهو ماتوا كل جهاله وتحول للجنس الثالث

-شنو يعني

-عوفج منه ماتحجين ويه رجلج يرجعني لشغلي

-لا تعال ويه الحماية عدنا

- ياااحمايه ولج دشوفيهم اشلونهم حمايتج شعرض صدرهم  تكول طابو زراعي اقل واحد اربع غرف وصالة رجلج مايخليني ميدالية بسيارتج مو بدي كارد يمج

- اني احجي ويا مالك شغل حتى عمو هم يجي وياي

دخل عمو بيده مي كال لا بابا اني خليني هنا يمهم مااكدر اعوفهم بس امجد اذا مابيها احراج عليج حاجي علموده

هزيت راسي دنكت اتصلت بهيذام دنگ عمو انطاني مي ركض الحارس جره من ايده

باوعتله دااحجي واجتني خشونة صوت هيذام خرستني بمكاني

باوعت لعمو مضيعة الاحرف كلها واسمع هيذام گال ها بابا رأل رايدة شي

- اي هذا الحاغس اخذ المي من عمو ماخلاني اشغب

-هسه ينطوج بعدج بيت ابو امجد

- اي اتصلت بيك علمود امجد دتشغله ويه الحماية العدنا

- ميصير يروحي الحماية مالتنا خاصة مو اي واحد يشتغل هيج شغلة

- هيذذااام

- عيون هيذام انطي حتى رتبتي بس لاتعصبين

- لاانطي غتبة دساغ

اني كلتها واسمع صوت دسار صاح لابت الكلببب لج لدغة الله شيسوي بيج بعد

- اي والله خلاني اختك وهاي انكس شي

- انعل ابو المسافات التمنعني اتفل بوجهج

- هيذذام سمعته

هيذام  - يروح هيذام هسه ارفعه فلقة الج بعد شرايده امري

- عمو ديتعب بشغله شوفله مكان زين

- وين يشتغل هو

- مااعغف هاك ديحجي وياك

رفعت الفون وعمي يأشر لااا همست ديحجي ويااك عمو

اخذه خلاه على اذانه سلم بلعثمة من كثر التوتر  اخذ الفون راح يمشي ويحجي مااعرف  يسلم  لو يحجي لو يتعذر

باوعت الامجد همست شبي عمو

- لاااا انتي شبيج

- غيغ اغيد يغتاح بشغله

- ياخوفي يريحه من الدنيا بكبرها

- تغه هيذام حباب

-الجواب مع المثال ؛ كالها واشر على عبدو

ضحكت مر وقت احنا نسولف بين ذكريات قديمة وبين سوالف جديدة ضي انطلقت ويا نفس الصنف كل شوية عيوني تروح على سعدية اشلون وجها ممحية ملامحه وصاير عبارة عن شي منفوخ ازرگ مااعرف ليش من غير امها حاضنة نفسها تباوع للحرس  وترجف

شكد تمنين اخلي الحماية يلزمون الصوندة ويدشدشون عظامهن مثل ماجنن يسون بيه بس امجد يوكف بعيوني

ارجع انتجي مكتفية بنظراتهن المليانة حسرة وخوف لحد مااجه عمي رجع الفون دنگ باس راسي وكال ربي يحفظج يبويه صدگ طلع اصلج نظيف

- غاح تجي وياي

- لا اتصل بالامر مالتنا غير دوامي لان مااكدر ابعد منا  هالتشوفين عبدو  سكط وهنه وحدهن  بس امجد راح يجيج وياج

- تعالي عمو فدوه لان هيذام ميقبل اجيك يكول  المسافة بعيدة 

-  كل مااروح لبغداد اجي اشوفج

ضي - يله رئال هيذام يكول ردن راح يصير الغروب

امجد  - بس الم جنطتي انتظروا دقايق

كام ركض دخل للغرفة واحنا كمنا طلعنا بره بدون لااباوع بوجوهن  وكفنا عمو يباوع للسيارات ويرد يباوعلي ويبتسم الي يشوفه يصدگ اني بنته على فرحته

طلع امجد كال خوما تأخرت

ضي - ابد متگلي اشجابكم لهيج مكان مگطوع

- جنا رايحين للحبشة وكت نشر الدعوة الاسلامية بس اصحاب ابو سفيان دگوا بينه الناقصة خذوا بعرانا وهفونا هنا بوادي غير ذي زرع حسبالهم ينتهي امرنا ونترك ديننا

- اي وشنو سويتوا

- خيمنا وتكاثرنا وصرنا من اصحاب وجوه والقبائل  تاتي الينا  بقوافلها من كل مكان

- بهذا وجهك

- اي والكاظم الله وكيلج غير العگاريگ ماتمر علينه مخلصيها مرگة شجر ونگرط خبز يابس

- يله امشينا

- انتظري لج غير اني الحارس الشخصي مالتكم خلي انطي الاوامر

اندار صاح خذوا مواقعكم  ؛ واجته الدمغة من واحد من الحرس جره من ملابسه فتح باب السياره شمره وسد الباب اشرلنا يله

ضحك عمي سلمنا عليه ودعنا  رحنا صعدنا رجعنا لبغداد احس الفرحة ماسايعتني واني اشوف امجد بالسياره الورانا كل شوية مطلع راسه من السيارة يأشرلي ويجروا الحمايه يدخلوا

اخذت نفس خليت راسي على متن ضي غمضت همست ان شاء الله ارتاحيتي

- اني مغتاحه بس انتي شنو

- مافهمت

- تحبين ازغ مو

- لااا

- بس هو  يحبج

- واليحب يضحي مو هذا هيذام غدر حتى اهله ماخله لارتبة ولامكان خطر ؛ شمر نفسه بالموت بس حتى يحصل عليج

- كلج اطلك زوجتي

- اذا مارجعتله السوا بيه اذا ماخليته يبجي دم والنومة حسرة بعيونه مااطلع بت الحدقجي الي كسرني بس لان موگد من مستواهم

- من تعغفين نفسج موگدهم ليش خليتي يتعلق بيج  وثقيتي بي

-لااسنين اشوف نفس نظرة الحب بعيونه وهو متأملني اشوكت اكبر حتى يخطبني  حارب هواي لخاطري وتعارك ويه اهله وحتى مرة طلع ضل اشهر عايش وحدة ترك شغله لان امه هانتني

-يعني صدگ يحبج

-اكثر من حبي اله وجنه متواعدين عالزواج بنينا احلامنا سوة وجنه منتظرين يوم النعلن عنه بفارغ الصبر حتى اطفالنا سميناهم

-شنو الصاغ

- بيوم الي قرر يتقدملي ابو اول ماسمع سحب رتبته وطرده من البيت وعاقبني خلاني اترك المدرسة وجان ناوي يزوجني لواحد من الحرس اجباري كل هذا ماهمني لان جنت متوقعته بس من خله الحرس يسحلون بابا كدامي ويهينوا وهددني اذا مااتصل بأزر واكله اني مارايدتك وجنت وياك لخاطر الفلوس راح يضيعه بتهمة رئال مااكدرت اشوف بابا ينهان كدامي صعبت عليه دمعته

-ليش ماكلتيله

-لان اعرف مايكدر لابو وراح يشمر بابا بتهمة ماراح نكدرلهم  جبرني اكسر كلبه وقنعه اني احب غيره 

-وازغ  صدگ

-اي ورجع للبيت وتزوج بنفس اليوم الي اتزوج بي هيذام مع العلم جان المفروض بس خطوبة بس هو عناد بيه سوه هيج  اخذوله هالة  لان نسبهم يشرف مو احنا الفقرة يستعملونه بس لمصالحهم 

- الغلط منج

- لااا منه صح غلطت بس اخذ حقه مني من رجع وخطب جان المفروض ينتظر لحد مايتأكد صدگ مو يروح يتزوج ويكسرني هيج تدرين بيوم  زواجه وگعت ونقلوني للمستشفى لان ماتحملت اشوف زفته تعرفين من اجاني لهناك شنو گلي بدل ياخذني لحضنه ويتأسف عالسوا بيه  گلي اتمنيت ماعرفتج بعمري شكد كرهت عالم بس مو بگد مااحس هسه اتجاهج

- وبعد ماعغف انتي ضاحكة عليه بالوقتين غاح ينتقم منج اكثغ وماغاح يخليج تتزوجين

- مو بكيفه اخذ الشهادة وعلگ الباج بصدري ونزف لواحد براسه وكدام عينه خلي اشوف اشلون يمنعني

-كافي لاتبجين خلي يولي

-هم صدگ مايستاهل انزله دمعه موابجي  وهاي مسحت عيوني مثل مامسحته من حياتي؛يله كولي هسه وين نروح

- شتكولين لونغوح للمول

-والله لعبتها بس هيذام اشلون

-مايدغي اليوم عنده خفغ مايجي وهسه ادزله مسج اكله وصلنا وكاعدين اني وضي بالغغفه

-حلو

-بس احجي ويه السايق وهددي اذا فتن تكولين لازغ اتحغش بيج

- الي يشوف كياتج وشكلج مايكول تفكيرها هيج وسخ

- طبعاً اذا اطلع من عشغت ناس وسخة اوگع بالانكس قابل شصيغ يله غاح ندخل بغداد

مدت راسها تحجي ويه السايق واني دزيت مسج لهيذام كتبت تجي من وكت لو انام

ثواني وتم الاستلام رد وصلتوا للبيت

- اي من شوية وكاعدين اني وضي بالغرفة

- حلو  قفلي الباب ونامي لان عندي خفر

-يعني شنو ماتجي لو تتاخر

-ليش رايده شي

-هاا اي مااگدر انام بدونك

-اهاا كلتي ماتگدرين تنامين المهم خلي قميص بحضنج  راح تغفين يله بابا عندي شغل روحي

سديت الفون وابتسمت اشرتلي  ضي هاا

- بس اغيد اعغف منو سوا ضابط

- وداعتج واسطات

- اله هيج واله هذا مالزمه اسواق مو منصب وتحقيقات 

- سألج وصلنا لولا

- اي واقتنع بالغغفة وصاني افقل الباب وحضن قميصه التكول جادغ فاتحة حتى انام مصدگ نفسه

- يعني السهرة صباحي

- بغاحتنا مانخلي مكان مانغوحله بس كون هذا مايفتن

- اكو يفتن حتى اطير راسه  وانت لك بوجهك عالمول عدل

اشرلها على  عيونه ورد يباوع للطريق بس شكله كوة لازم ضحكته

كنكت عليها ضلينه نبحث على اسماء مطاعم ونترايه وين نروح ونخطط برنامج خاص حتى يكفي الوقت ونرجع قبل رجعته

اكثر من ساعة واحنا على فد هوسة استونا دنتفق وحمحم السايق شلنا راسنا وانشوف هيذام والحرس واكفين بالسيطرة ملثم بس عيونه مبينة

باوعلنا ورفع حاجبه اريد انبلعم بعد مااعرف رفع ايده واشرلنا گدامي عالبيت

غمضت همست ضي هو ماشافنا موو صح ؟؟

- اني لهنا وعلاقتي انتهت بيج غاح انزل قغغت (قررت) انهزم واعيش باقي حياتي ويه المتشغدين 

ضي - بس ذكريني بأسمي شنو جان

- هو اني غيغ شايفتج حتى اتذكغ اسمج

- انتي مو استشهدتي شرجع النا

- حضي المعفن اني لو ادري ماخذتلي هيج واحد جان خليت لحية وغحت اشتكيت على نفسي  اغهابية

- مارحتي بعيد هو هم راح يعاملج معاملة الارهابين

- اني بيه ايدزز

- واني هم عديت منج

كالتها وباستني باوعتلها دمعت عيوني و همست لو بينه جغب هم ننكتل

ضي - وشنو يعني قابل اول مرة تره عادي

- خدودي كامن يوجعني من هسه

- حمدي ربج انتي عندج اخدود الراجدي يطبطب اني يجني ترس يصفح ملامح وجهي

- كله بسببج كلتلج ضابط هذا ماتعبغ عليه صحتي   لا بالواسطات

- انجبييي انتي قنعتيني ؛ واذا ماكلتله كالت عليك هذا اسواق مالزمه مو مركز

برطمت جرتني لحضنها مسحت على شعري وهمست هو تره موكلش حيل يضرب

وصلنا للبيت دخلوا السياره مدينه راسنا من الجام تأكدنا ماجاي بعده نزلنا بعد حتى امجد نسينا دخلنا نركض  دنصعد الدرج وصارت كدامنا بنيه حلوه شعرها طويل نازله باوعتلي صفح وضحكت بستهزاء وخرتني عن وجها وكملت طريقها اطگ بكعب شحاطتها

جرتني ضي دخلنا للغرفة سد الباب كلتلها منو هاي

- هبه مرة هيذام

- لعد يكول جبيغة

- قصده الاولى

- شعدها هنا مو هيه زعلانة وعايشة يم اهلها

- ورجعها رجلج

- ليش  هو مو يكول احبج الج

- هااا امم يمكن ويمكن لااا

- شنو يعني ديضحك عليه

- شوفي هو صح يحبج واذا واحد حجه وياج كلمة مو ضوجج يدفنه هو وعايش بس

- بس شنو و ليش جابها

- بنفس الوقت  يمكن يحبها واشتاقلها  يعني هو شاب ومايكدر يضل كل هالفترة بدون مره اذا انتي حضرتج كل ماراد يباوع بجهج بجيتي خو مويروح لبيت امها ينام وياها هناك لخاطر يرضي حضرتج

- وهاي شنو عود جابها هنا وخلاني گدام الامغ الواقع ولازم اقبل

- غصباً عنج حلاله وحتى ابنه كبر يريد واحد لخ خو مو يضل مخلص عمره يتوسل بحضرتج وانتي ربع متر مابيج

- اني مابيه شي اكدغ اجيبله طفل

- اذا هيج احجي وخلي علاقتكم ترد مثل قبل يمكن يقنع ويكول خطية خلي اجرب بلكي اعوضها عن الطفل الراح وبعدين انوب ابلش بالتقسيم

- والله اذا غاحلها ما اضل ويا ولا دقيقة لواعغف اغجع لسعدية يمه يخليها بحضنه وينام  والنبي اموت

- انتي مو ماتحبي

- حتى لوماحبه بس هو مالتي ومايحب ولاينيم بحضنه بس اني

- لعد روحي حضري نفسج  ودزيله مسج من هسه كليله دااحس روحي تعبانة حتى من يجي كبل لغرفتج لايروح لهناك وانتي بعد اتفاهمي ويا شوفوا منو يكدر يقنع الثاني

- شنو منو يقنع الثاني كون صدگ ويغوحلها

رفعت امتونها - مااعرف بعد

باستني وراحت طلعت سدت الباب وراها ؛مجرد اتخيلت يخليها بحضنه هيه تتموعله احس النار حركت روحي انوب حلوة

هزيت راسي طلعت الفون دزيتله مسج هيذام تعال بسرعة  شمرت الفون وفتحت الكنتور اخذت ملابس وركضت للحمام سبحت عالسريع طلعت حتى مانشفت شعري رحت  شفت الفون واصله المسج شايفها بس ماراد

دخلت بفرشتي بدون لانشف شعري صعدت الغطة اكل بأضافيري افكر اني اشلون جنت عايشة ويا وراضية عنده زوجة ثانية معقولة جنت مااغار لو اخلصها حركان دم  غصباً عني

عيوني بالساعة واضافيري بحلكي كلما تصير ملابسه گدامي احترگ بالزايد مااعرف لان ماعندي غيره وحسيته هو الامان الوحيد بعد العشته لو حب تملك لان شفت سلطته وفرعنته عالكل ردته بس الي

اسمع ضربة بسطاله عالدرج مسحت عيوني صعدت الغطة ؛ انفتح الباب دخل سدها ورا باوعلي ودار  وجهه  بدون لايحجي راح للميز خله أغراضه دنگ نزع بسطاله

اخذ المنشفة راح للحمام دخل اقل العشر دقايق وطلع بطرگ البنطلون ينشف براسه شمر المنشفة فرك شعره رن فونه وراح للميز رفعه باوع بي ثواني ودز فويز  نيمي ابنج و انتظريني 

رجع فونه شال باكيت الجكاير  طلع وحده خلاها بحلگه  اتقدم وهو يورث بيها وصل يمي گعد اخذ نفس منها شمر الجداحة رفع راسه باوعلي نفخ الدخان بوجهي درت راسي صار هدوء انتظرته يحجي ماكو

رجعت وجهي  لكيته خال الجكارة بحلكه ويباوعلي بطريقة مااعرف افسرها اخذ نفس واشر احجي

- عن شنو

نفخ الدخان وكال شتكولين انتي

- اذا على الطلعة تغه ماغدت اجذب عليك بس انت حابسني

-مم وغيره

-اغيد طفل

-بعد

-شنو بعد هيذام اغيد طفل ولاتكول من تصغين زينه شنو يعني ماغجعتلي الذاگغه بعد سنة اضل هيج

- شنو التغير وخلاج تفكرين بالطفل

- لان ماكو اي غبط بين الذاگغه والطفل ليش حتى مااسوي

- رأل

- اي مااتغوح لزوجتك واذا غحت ماتشوفني بعدد وهااا اخاف تهددني ولبالك اخاف مثل اهلك تغه اني  مااخاف منك

رفع حاجبه

- شنوو ليش هيج تباعلي لبالك مااسويها واعوفك

هز راسه ودنگ اخذ نفس من جكارته مد نفسه قريب عليه  طفاها عالميز اليمه وبحركة سريعة لزم وجهي عصره -وحجه من بين سنونه نايمة بالغرفة ويه ضي موو

-هيذام والله

-منو كلج ترحين للمول

-ماغحت هذا السايق جان خاطفنا

-خاطفجن؟؟

-اسأل ضي اذا اجذب

-تهددين الحارس بالتحرش  رأل ؟؟

-لااا مواني هاي فكغت ضي

- ضيي

- وجهي هيذام غاح يطگ والله

عصره بالزايد نزلت دموعي جرني اله دااتوسل   ودنگ على شفتي سحبها

عرفت راد حجه حتى يتقربلي؛  خليت اديه على صدره ردت ادفعه لزمهن  ونزلني عالمخدة جريت اديه ماگدرت بعدت راسي ضغط على شفتي اكثر هدأت حسيته رخه وخرته ودرت وجهي؛

شال راسه لزمني من خدودي ردني عليه  رفع ايده وخر شعري عن وجهي مشه اصابيعه على خدي وصل لشفتي مسحها وهمس رأل  لاتخافين مني

غمضت احاول اهدأ نفسي دنگ باسني من شفتي عالكيف ونزل على رگبتي …

راسي على صدره حاضني بأيد وايده الثانية بيها جكارته غمضت دنگ باسني وهمس اذيتج موو

مارديت

-ليش مامنعتيني

-وليش مابعدتك من وحدك

-ردت اعودج عليه

-لهيج منعت الطفل يصيغ

-بعدج صغيرة

سكتت

- متأذاية لو زعلانة

غمضت بدون لا ارد

اخذ نفس من جكارته طفاها وعدل نومته سحبني خلاني بحضنه دنگ باسني وصار يمرر اصابيعه بين خدي وشفتي

احساس غريب بس بنفس الوقت حسيت نفسي ملكه يتعامل وياي بهدوء يحاول يخليني احس بكل لمسه

…صوت المنبه يرن نفس بركبتي وهوا التبريد يضرب بوجهي ضميت راسي بصدره باسني ولمني بحضنه  مانسمع غير فتحت الباب طفرتنا ثنينه واشوف طفل صغير دخل يركض  سحبت الديباج على جسمي بسرعة وهيذام عدل كعدته صارت ضربه ظهره على تاج الجرباية بقوة رجت رج لزمت ايده وباوعتله بخوف ضحك بصوت وانتجه

صعد الطفل صاح اني اجيتت بابا وشمر نفسه عليه ؛ كمشه رفعه على صدره حضنه وكله هلايبعد ابوك

- البارحة اشكد انتظرتك مااجيت ضليت ابجي لمن نمت

- اليوم اجيك وانيمك بحضني

- ماما تعاركت ويه بيبي وهم بجت

- على شنو

- تكول بسببج هيذام  عافني وردني بس لخاطر يضوج رئال  صدگ انت ما تحب ماما

- لاحبيبي اكو واحد ما يحب ام ابنه

- اني هم كلتلها بس هيه ضلت تبجي لان عفتنا وحدنا بليل

- بيبي رحمة اجت

- اي وكالت روح لابوك جره من فراشه وجيبه هو واللدغة مالته خلي اشوفه قبل لاتنزل الشمس ويتحول

ضحك ولزم وجهه يبوس ويعضعض بي وهو يكركر ضحكت على ضحكهم

اباوعله اشلون يلاعبه مو هذا نفسه هيذام المتعصب لاانسان ثاني وابنه مبين متعود عليه يتضارب ويتماطل وضحكهم وين واصل مااعرف ليش بس حسيت بالغيرة

جريت اللحاف ردت اكوم لزم ايدي سحبها باسها وكال وين تردين

-للحمام داسبح

-اشبيج بابا

-كلشي مابيه هيذاام وخغ ايدك داكوم

-كوم بابا درع انزل يم بيبي هسه اجي وراك

درع - بس ابوس رئول واروح

وخر من ابو اجه باسني من خدي ونزل طلع سد الباب راح يركض ردت اسحب ايدي ضغط عليها اكثر وكعد رفع حاجبه واشر شكو

-كلتلك مابية شي وخغ

- بابا طفل هذا صدگ تحجين انتي

-تغه ماغاااغ وخغ هيذام داكوووم

جرني لحضنه دفعته عصرني وكال بس اهدي وفهميني شبيج

سكتت

- هاي كلها بس لان منعت الطفل يصير  تمام راح ادزج اليوم ويه عمتي للدكتورة بس يارأل اذا كالت عليج خطر واحد بالمية سمعتي اشكد وااحدد بالمية لوترگعين راسج بالحايط  مو تزعلين مااخليج تسوين

- اي والله

- يله كومي حضريلي ملابسي بين مااسبح

كمت بسرعة احس كلي حامل مو كال روحي شوفي وضعج

حضرت ملابسه وأغرضه طلع من الحمام دخلت سبحت عالسريع طلعت لكيته واكف  يم الكنتور يعدل بسلاحه مشطت شعري لميته؛ سد باب الكنتور مد ايده اشرلي يلا

لزمت ايده طلعنا سحب ايده مني خلاها وره ظهري نزلنا الدرج  دنروح لغرفة عمتي وقفنا صوت عمي هو ويصاح هيذاااام

اندارله  لكينا كاعد وجهه اسود من الحرگة  ويمه عمتي تبجي وخر ايده عني ووكف اشر خير

ابراهيم - وين ناوي توصل جيبها من الاخير

- للمركز عندي قضية قتل خيرك معتاز شي

عمتي - اخوك ويين ازر من البارحة ماكوو ومرته عافت البيت بس فهمني انت شناوووي

هيذام - وين يولي اذا مااغتالوا كم ساعة ويوصللكم خبره واذا حالته النفسيه تعبانة يامكثر المصحات برج شهر يرد طبيعي

- ولك هذااا اخوووك اخوك ليش دمرت حياته

- ابنكم خشخيشة هذا السلاح وذيج الساحگة راسه اني شكو دخلوني بمشاكلكم

- يمه يمممه ولك وانت ليش هيج كلبك اسوود

رفع حاجبه وخله الجكارة بحلگه

ابراهيم  -هبه ليش رديتها وشمرتها بغرفة الضيوف

- مرتي اشمرها بغرفة الضيوف اشمرها بغرفة الحدقي هالشغلة رادتلي لو عندك مانع

- هاي مرتك واسماعيل منو كال للولد يردوا لهنا

دنگ ورث جكارته اخذ نفس رفع راسه نفخه وكال وليش حتى يضل بالمصح حالته اتحسنت

- شتحسنت صايرة ازيد منووو يداري

- هاي شغلتكم  خو مواني اجي اعلمكم

-هيذااااام انت شتريد  بس فهمني

- اريد المكم گدامي احب اشوفكم مجتمعين سوة

-هبة ترجع لأمها واسماعيل مايطلع من المصح

-كونك زلمة وطبق كلامك

- منوو يداري اسماعيل وهو صاير حتى شغلته يمشي ويسويها جوا بعد ما صدكنه يرد العقله وضحكته ترست البيت اجيت عالحاضر اخذت هالسگط منه وسودنته  وهسه ناوي ترده ليششش

خله الجكارة بحلگه وباوعلها بنظرة من يمي انغلست  سكتت بسرعة جرني دفعني كدامه ومشى رحنا لغرفة رحمة تركنا عمي يتحسب ورا وعمتي تتوسل يخابر جماعته بلكي يندلون ازر وين

فتح باب الغرفة دخلنا اباوع مره جبيرة سمينة كاعده اول ماشافتني كامت فتحت ايديها رحت جرتني لحضنها وبجت ضحك هيذام كالتله ومررض

- رحمة الله والديج

- كلبي ماينطيني ادعي عليك

- ماتقصرين والله

-اشلونج يعمة

اشرت زينة

- والله ضاله اكل بكلبي ماعون اشوكت اوصل واضمج بحضني بس هذا ابو گلب الاسود مانعني مخلصها عليه تصوير

- جنت مغيضة استوني كمت اطلع

- يمه شسويتي بينا ولج هيج عزيزة على كلوبنا

ابتسمت

- وانت لك وهاي كدامها ماطول الله ردها الك امشي عدل وبطل ظلم حتى ربي لايرد يغضب عليك اكثر ماغاضب

- مم

شنوو مم هبة ليش رجعتها

- ام ابني وليش حتى ماردها

- جذاااب حتى تذل عمك بيها تعلمني بيك

-وسفة هيج تظنين بيه

- ياتعدل ياطلكها حرام عليك الدتسوي صار كم سنة راكنها هيج شذنبها مضيعة شبابها ويه واحد مهتلف مثلك

-دنگ حك خشمه 

-هيذااااام

-تامرين عمه اعدل واردلج رأل لغرفة الخدم ؛ المهم دزيت الولد يحجزون بالمستشفى من اخابرج تاخذها وترحين

- يمه سم الله بيها شي

- لا مابيها شي بس جيكي وضعها وسأليها عن شغلة الحمل اخاف بي تأثير على وضعها

- لايمه مابي واني اكلك والله اي هيج فرحونه وجيبولنا اخو لدرع والله يكسر كلبي من اشوفه يباوع للجهال

- تركي درع واندعي لابو درع

- على شنو اندعليك على شلعان الكلب المرمرني بيها على التعب والامراض المحصلتها منك على سواد الگلب الشايله

- تعبت عمه وعلي

- ولك يمه انت الجايب التعب لنفسك ولك العالم عدها حوبة  شفت شصار بحالك من راحت منك

- لاتذكريني حتى لااتستعجلين موتهم

- لعد اهدأ يبن حضني حتى ربي يحفظها الك

- هيه شغلة تكمل واتركلهم الجمل بماحمل اخذكم واروح

- مو شغلة مصيبة وماتترك وراك غير خراب البيت يتعلمني بيك يعمة

- واني مااظلم احد كلمن ياخذ حقه يله عمه مااوصيج عليها لاتخليها وحدها وانتي لج لاتضلين اطفرين

رمشت وهزيت راسي ابد

خله الجكارة بحلگه وصغر عيونه

- هيذام لاتباوعلي هيج من الاخيغ مااخاف منك

ضحك واجه عصر خدودي دنگ باسني ورد جر راس عمتي باسها ضربته على ظهره ودفعته طلع يضحك

رفعت اديها ورا تندعيله بالهداية كلتلها تغه والله حباب

- لو اثر من تصرفاته وصبره عليج يوزعها علينه جان سلمنا من شره

- لاتحجين عليه

- ااوف يعمة والله مااحجي غير من خوفي عليه يتحارش بعالم هو موكدهم وتالي يوكع بيها لوشايفة حاله اشلون من خذوج منه

- ضاج عليه

- ضاج شنو ولج يجي يخلي راسه بحضني ويبجي بحركة كلب يكلي يعمة اندعلي اموت

- جنت كلما گلبي يوجعني لو اخاف اكول اسمه بدون لااذكغه مااعغف ليش بس جنت احسه الامان الي

- تحبي رئال

- مااعغف صح يعصب والكل يتجنبه بس اني لااا  دااحسه ملكي ومااقبل يحجون عليه  داحس نفسي مااگدغ اغمض عيوني اذا مااخلي غاسي بحضنه واحس بخشونة ايده يمشيها على خدودي

- لان جنتي تحبي بكلبج مو بعقلج لهيج حبيتي بالوقتين

- يله نطلع للحديقة ضي متانيتنا

هزت راسها لزمت ايدها طلعنا  صاروا گدامنا عمي كاعد خال ابن ازر بحضنه وهبة يمه خاله راسها على متنه مبين مهمومين ؛ وعمتي على جهه تسولف ويا هم

درع گاعد عالدرج يباوعلهم من بعيد  استغربت ليش هيج باعدي نظراته الهم اشلون حاضنين ابن ازر  كسر گلبي

اشرتله انتبهلي همست تعال وياي ضحك كام اجه يركض دنكت شلته طلعنا برة؛  عمتي راحت للحديقة تكعد واني للحرس اطمئن على امجد وصلت لكيته واكف يتلفت يباوع بتعجب عيونه تفتر من البيت للحديقة  لكراج السيارات والحماية  شافني فتح حلگه همست شكو لك سد حلكك فشلتني

- هذا العز كله تحت امرج وسعدية  جانت تگعدج على الطشت تغسلين عفنتها

- جان اتصلت بيها وشوفتها

- هه و فاتتني غير من البارحة لسه اصورلها وادز اخر شي ختمتها بطلعت زوجج تكول مدرعة امريكية يدبج بالگاع دبج عرضة امتونه بگد حايط سجن ابو غريب الله وكيلج تكول كونكريت مسلح مو دفة صدر المهم  دزيت الفيديو وراها تفلة كلتلها غسلي بيها وجهج

- عمو اشلونه

- عمج اتصل بيه گاعد بين جماعته يتباهى عايش الدور  فاتح كاميرا  وكال اشلونه ابو درع عالاساس نسيبه للنخاع

- لوماعمو جان هسه اني ميته

- هذا الطفل منو لاتكولين ابنج

- لادغع ابن هيذام بس اني اليوم غاح اغوح للطبيب حتى اسوي طفل

- اذا ولد سمي امجد

- عيع يطلع يشبهلك

- اشبيها انجلينا جولي لبست بنطلون كامت تحجي بطرف خشمها الله يرحهم كلبيه امي ديجيبي هذا ولي العهد بلكي يتوسطلي يم ابو يزود راتبي

ضحكت اخذه مني يلكف بي ويبوس رحت للحديقة لكيت عمتي كاعدة وضي يمها خاله راسها على الميز وصافنة خربطت شعرها وكعدت اشرت شكو

غمضت

-شبيج ضيون

ضي -ازر ماكو من البارحة

- ماعليه لاتخافين هسه يهدأ ويجي

- يارب اتوبة اذا حرگت كلبه بعد وداعت بابا ابتعد عنه واخلي يعيش براحته ويه زوجته وابنه  بس خلي يرد مابي شي

- ماطول انتي هنا يجي هسه كلبه ينبض والشوگ يجيبه غصباً عليه

-ان شاء الله

-دكومي دابشغج

-خير شكو احجي

-هيذام قبل اسوي طفل واليوم انغوح للطبيب

-اااي هاي البشارة الحلوة واخيراً راح اصير خالة بس هااا من هسه اسميها ضي واني اربيها ايدكم انتي وهيذام ماتخلوها عليها

اجه امجد صاح تره حجزت قبلج

ضي ـ كلت ابنيه انت شنووو لوسمحت

- عادي حتى لو بنيه اسميها مجودة

- من زين اسمك وتحوله لجنسين

- وعالاساس ضي ماكو هيج غير انقرض قبل هجرة الرسول

- امجدددد

عمتي - هههههه بسكم ولكم واني اختاريت الاسم اذا ولد غزوان واذا بنية رند

باوعتلها ابتسمت همست ذوله اسماء اطفالي الماتوا وانتي وعدتيني اتسمين جهالج  عليهم

-هاي هيه مادام وعدتج غاح اسمهم 

هزت راسها ودنكت ضي مسحت دمعتها وصاحت شنو اليوم ماكو ريوك

امجد - شنو هذا الريوگ

- شي ينوكل بس الصبح

- لابربج ومنين  يتكون

- جاي على گيمر  لو بيض وجبن مرات حتى مربى يخلون

- لااا الله يبعدنا عالم فايخة ماتخاف الله شبيها مرگة الشجر

- الله اشتهيتها انيالك تاكل هيج اكل

- وجه الفكرر هذا العز كله لاحكتنا على تشريبة سعدية

- اشكد نحس هاي بدل ما تكول اعزمكم على غدة عدنا

- وين عدنا غير طلعوا ذولة مو اهلي بايگيني واله انتي اشلون اقتنعتي هذا الوجه الجميل جاي من هيج عائلة مصفحة خشومهم فرش واحدهم تكول خنزير مجبوح على وجهه

- شبي توم كروز

- ولعباس اخبل الله يطيح حظها التكول عليه موحلو

دفعنتي وكامت شمر درع عليه وراح يركض صاحت خليك خاتل يم الحرس لا ترد

اندار رفع ايده مسح وجهه ولم جفه باسه وهمس اووف شحلاتك يالمگموع  كلها تغار منك

غمته

رفع راسه بتكبر ورد كمل طريقه هزت ايدها وكعدت ضحكت عمتي

شوية وجابولنا الريوگ رد اجه وكف قبل لانخلي ايدينا سحب المواعين وخط بأصبعه عليهن مثل الدائرة وكال خطت العباس ان شاء الله الي يخلي ايده وياي ينچبس

اتجتفت ضي وعمتي گوة لزمت ضحكتها ؛ جر الكرسي كعد طبگ ردانه وبلش بالاكل ؛ اباوعله تكول كاعد بيته  ساعة ياكل ساعة يتحرش بضي ياخذله ضحكه من عمتي هوسة ويه درع خلصها تسخت مو يم الشغل ابد 

للعصر واحنا على كعدتنا لحد مااتصل هيذام كال يله منتظريكم بعد مااعرف اشلون اكوم احس طايرة من الفرح مامصدگة تكون عندي عائلة وابني ذكريات جديدة وياها

طلعنا للدكتورة وعلى طول الطريق ضي وامجد يتعاركون عالاسماء ردوا من جديد لبين ماوصلنا راسي صار شكبره نزلنا لكينا الحجز النا  وكف امجد يم الحرس واحنا دخلنا

كعدت عمتي تسولف ويه الدكتورة وانطتها التقارير دنكت تقره بيهن واني لازمة ايد ضي كطعت حتى النفس خايفة لا تكول يأثر على صحتج ماصدكت رفعت راسها وكالت ماعليها وضعها تمام

اخذت نفس براحة ضحكت ضي وهمست يعني ضيونه جاية

-هههه هسه امجد يسمعج

-خلي يولي ابو حلگ ودتحجي وياج الدكتوره ردي

درت وجهي للدكتورة كالت اشكد صارلج من سقطتي

- يعني مو هواي كلش

- بمستشفى لو يم دايه

- لابالبيت صاغ عندي نزف وعمتي ساعدتني بس بعد ماتوقف النزل بفتغة مااجتني الشهغية ابد

- شنو مااجتج  شنو عمتج ماما متأكدة الطفل نزل

- يعني شنو

- شو دروحي صعدي عالسديهة دااشوف شنو سالفتج

رحت وگلبي يدگ تمددت عالسدية كعدت يمي خلت جل على بطني وبلشت تمشي الة السونار واني عيوني عليها اباوع لشفايفها متأمله تكول بعده

اخذتلها شوية وعكدت حاجبها ردت خلت جل ضغطت على بطني كالتها عمتي خير خو ماكو شي

- والله شكللكم وين جنتوا عنها

-شنو احجي فدوة شصاير

- مستحيل بس نازفة هاي متعرضة لضرب مهشم موضع البيوض ومشوهة الرحم بكتلة جبيرة من الورم 

-يعني شنو

- يعني للاسف لازم هسه نحولها للعمليات حتى  نلحگ نستأصل الرحم قبل لاينفجر …

لاتنسوا التصويت❤️

شيء من رصيف الدم

بقلمي: leo Alfatlawi

بارت الخامس والثلاثون

بارتين سوة

***راية ***

صرخة مكتومة الم على خيبة ؛ نار تنهش بروحي دموعي تنزل بتوسل؛   كلها لحظات فقدت شكو وعد بداخلي انتهت كل لهفة بنيتها أأمل نفسي بيها لجمعتنا  مرة ثانية …

ضمني بحضنه  ودنگ رد راسه برگبتي مغمض ينفت برجفة مثل الوعى لنفسه ؛ سحبت ايده من حلكي دفعته عني جريت الغطة لميت نفسي

انگلب على ظهره صار هدوء؛ غمضت گلبي ماحس بدكاته مشاعري خالية جسمي بارد داخلة بعالم ثاني بدون اي احساس عبارة عن جثه هامدة

مرت اكثر من ربع ساعة اخاف افتح عيوني لو اتحرك واكتشف الصار حقيقة مو حلم

حسيت ايده على شعري كأنما صحاني لزماني عدلت ثوبي من فوگ حسيت رگبتي حركتني  صكيت على سنوني وكمت ضربته بكل حيلي اجت بوجهه  لزم ايدي صرخت انوجعت موو

مارد باوعلي بتعب الحسرة واضحة بعيونه

-ليش ماترد هاااا ليششش لان تعرف روحك ناقصصص و حيووووان وخسيسسس

همس بكسرة لااا لان حبيتج

-شنوو حبيتني ولك انيييي مرة صاحبببك ولك امني عندددك ولك وثق بيييك

غمض مارد

-طلگني ذبااااح

شفته سكت ضربته و صرخت داكلك طلكنييييي   كام راد يلزمني دفعته جريت ايدي  وگمت اضرب بدون وعي واصرخ بكل حيلي  لزم راسه ودنگ لو احس شعلني ضغطت على سنوني اضرب واصرخ بكل ماعندي طاقة بس اريد النار الجواي  تهدا

على صوت صريخي  انفتحت الباب دخلوا يركضون  رؤيا وعمتي جرني وبيبي سحبته عني وصاحت شكووو

- كليله خلي يطلكنييي

- ياااع  شصاير يجدة

- لان ابنج مو رجال ولاعنده كلمة واحد ناقص وخاين راكض وره حيووونته 

- رررايه شمالج

- كله بسسبج انتي الورطتيني ويه وحيون مثله  عسى يحركوج بنار صدري عساج بوجع كلبييي كون ادفني مثل مادفنتينييي

فجر - رااااية

- كلكم اصيحون رايه ماراضين تعرفون لييش لان ماكو واحد بيكم شريف وعنده مخافة الله وكله شنو سويت بيهاااا

- يعمة هدي خلينه نعرف شصاير

- ماصاير شي گليله خلي  يطلكنيي لاوروح اختي هسه اذبح نفسيييي

- كولي يالله يعمة زعلج نچيب حگج من عيونه بس موش گبل تجعلين للطلاگ

- مااريد حقيييي  انتوا دفتهمووون شحجي مااريدددده خلي يطلكنييييي

وخر بيبي دنگ شال تيشيرته راد يطلع  من حركت كلبي بعد مااعرف شسوي دفعت رؤيا انداريت صارت تحفية كدامي شلتها وشمرتها عليه اجت بمتنه لزمه موجوع بس ماحجه زاد حركت كلبي رجعت شلت النفاضة  ضربته بيها وصرخت  لاترووووح

ركضت فجر لزمتني ودخل صهيب صاح شصايررر

- عموو  لاتخلي يطلعععع

فجر  -  ولج راح يوكف كلبج يمعثرة هددي يعمممة

-وخري عنييي

-ابعد بس اهدي وتحجي شعامل وياج

- احجييي كلللهم  شسووويت 

صهيب - شعامل يالخببببل طاكهااا  ؛ولك شمالك ماتركز وانوب شاررب يالكافرر

مارد دنگ

- انعل ابو شاربك لابو الحسبك ازلمة وعطاك حرمة تحجه عليش طاكهااا  هيج

سكتت

صرخت ليشش ماترد كلهم اني حيوووان موكد كلمتييي كللهم غدرت بصاحبي كللهم

ردت احجي واحس روحي بهتت لزمتني رؤيا بسرعة همست كللهم ماكفاني واني ادفن بي واشوف حركت روحها ورا لااا رجعت ذبحتها بيدي

صهيب - اهدي يبه وعلي اجسرلج راسه

اشرت لاا  ونزلت دموعي

- حكج تاخذي من هالشارب تحجي شني اليرضيج

- كله خلي يطلكني

- كولي يالله يبه طگج اجسرلج ايده واطرده برة الديرة لحد مايتربى  ويعرف وراج من الي يطگ ظهره

- اذا صدگ حاسبني بنتك  خلي يطلكني

صهيب - بسج يبه الج الرايدته

ذباح - وانه ماطلگ

كالها وخر صهيب عن وجهه طلع

كعدت بالگاع لميت روحي وبجيت بعجز لان عرفته  استغل ضعفي وراح يجبرني عليه

طلع ورا صهيب يركض ورؤيا كعدت يمي لزمت اديه دفعتها ماحس غير الراجدي اجاني على وجهي وصرخت كافييي لج

باوعتلها ونزلت دموعي مهضومة

- وكلام الله راح اندمه وهاي دموعج انزل  اضعافهن من روحه واليوم

همست بكسره رؤيا ذبحني

- لاتبجين

- غزوان عافني وحدي وراح

سحبتني لحضنها ضميت راسي بصدرها وبجيت بحرگة گلب استوني حسيت بموته كل دمعة تنزل مني تودع ذكرى بينا كل شهكة وجع احسه بيها تمحي وعد اخذنا على نفسنا

طلعوا سدوا الباب عصرتني بحضنها وبجت على بجيتي هنا ادركت مالنا احد صدگ  والكل يحاول يستغل ضعفنا لمصلحته

لاذان الصبح وحنا بس صوت شهكتي تنسمع صاح الله واكبر سكتنا ثنينا غمضت ورؤيا خلت  راسها على راسي  صارت صنته شوية وحسيت دمعتها وكعت على وجهي همست رايه صاح الاذان گومي  كعدي غزوان راح الوكت

- كعدي رئال على كيفج لاتفز رنود

- رئول تشلع كلبي ماتگعد اله اضربها وماما ماتقبل اكتلها

- كليلها اخذت كتابج هيه تطفر وحدها

- راح تشكيني لغزوان واتخلي يعيط عليه

- تره شفتج من ضربتيها بالختلة وهددتيها اذا حجت تردين تكتليها 

- اشش صوتج لايسمعج غزوان

- راح اكله واخلي يعاقبج حتى تبطلين تأذين بيهن

- كلبه ماينطي وعلى عنادج كلي راح اجيبلج ماسكة جديدة

رفعت راسي همست راح مالحگ يشتريلج

نزلت دموعي رجعت راسي بحضنها وشهكت بوجع مانسمع غير صوت رصاص علگ الجو وصوت ضراخ ترس البيت 

وخرتني رؤيا كامت فتحت الباب صار كدامي ذباح  وصگر بيدهم اسلحتهم  طلعوا يركضون

نسوان صهيب كلها داخلة مخبوصة كلمن تجر بجهالها تدفع بيهم لغرفة بيبي  وعمتي ايديها على راسها تحمي روحها اجتنا تركض دفعت رؤيا  دخلت وسدت الباب صاحت بعددي لغااادي ولج لاتلوحج البارود

رؤيا - شكو شصاير شنو الضرررب

- دكونااا المايخافون الله ولج يييمه رحوااا ازلامنااا سوده بوجهييي

- منو ذولة وليش هيج ديضربون

- هذا رفيج گمرية طلع من المستشفى وسمع بالصار جاي يريد دم ذباح

- عزه بعينها دزت صاحبها يكتل اخوهاا

- تعالي ليه يحبيبه يمه راح يصفي ازلامناااااا

هيه تحجي وكثر صوت الرصاص رج البيت رج بي ؛ دنكت بسرعة ورؤيا اجت يمي جرتني كعدنا بالزوية ضمت راسي بحضنها ودنكت

كلما يمر وقت يزيد الصوت صارت جبهة مو منطقة واحنا كلمن خانس بمكان اكثر من ساعتين والصوت مستمر لحد مانسع صوت صگر صاح يبويه  جتلووووووووا  

احس روحي غابت لطمت فجر ورؤيا عصرتني صافنة صار هدوء توقف الضرب شلت راسي باوعتلها اريد احجي مااكدر يبست شفايفي صرخ صهيب بصوت احسه اخذ روحي وهو يصيح يابوووية راح خووويي ؛غمضت بعد ماحسيت بشي

صوت هوسه رمي على صراخ ؛ لمسات خفيفة على وجهي احس بأطراف اصابع توخر بشعري بهدوء وصوت نحيب قريب ؛ فتحت عيوني بثكل صارت كدامي  عمتي واكفه ضامة وجهه بالشيلة تبجي

وذباح گاعد نص گعدة گدامي لاف شماغه على راسه سلاحه بمتنه يباوعلي بقلق  من گد الغضب الحامله لو الحمار الي بعيونه مخلوط ويه الكحل  ينتفس بحرگة شافني صحيت  اخذ نفس وغمض بتعب

نزلت دموعي همست الله ياخذك

دنگ لازم وجهه

- كالوا متت شرجعك

فتح عيونه باوعلي بوجع

- كوم ذباح اطلع لاتخليني اكره نفسي اكثر مااني كارهتها

رد دنگ اشر اي  وحجه بصوت مبحوح گوة يطلع حلليني

- عمري ماراح اسامحك

- اعرفج جثير عليه ومانه كفو واستاهل وحدة مثلج بس امانه الله بريني الذمة كافيني راح اگابله وانه  مااگدر اخلي عيني بعينه

- اذا اكو واحد راح اضل اعيش بس حتى ادعي عليه فهو انت روح ذباح وعود من تشوفه لاتنسى تگله شسويت بأمانتك

هز راسه وكام اندار لاخته جر راسها باسه وكاللها امانتي يمج يخوي حسبيها ابنيتج شمتلك يتگسم بالتساوي بينها هيه وهيام

- مروتك لاتحجي هيج وعلي البدوية تموت وراك

- بوسيلي ايديها وگلليها شريت رضاتج بالدنيا بس هذا ولد عمي وانه ترباتج خلها تندعيلي بالرحمة

- هيج يذباح نويتها يبعد اخيتك ماكلت اشلون اتركهن بعدي ينحون على فگدي

- جنت اتمنى اخلي وراي من يحمل اسمي بس ربي ماگسملي لهيج راح اتركلكم صيت ابن البدوية هههه يله راح ترتاحون من المشاكل والديره تهدأ

- بروح ابيك  لاتحجي وين الوعد العطيته لرفيجك موش كلتله اخياتك بحمايتي نام وانت مرتاح

ضحك ودنگ ساكت اخذله ثواني ورفع راسه عيونه مليانه دموع ياكل بشفته يباوعلها اخذ نفس وكاللها رديت بي يخوي

- تبجي يبن البدوية

- عشكتها غصباً عني يخوي

- واليعشگ مايعطي نفسه للموت ويترك محبوبته

- هلبت اذا تنوعت لتابوتي جدامها يبرد كلبها وتغفرلي

رادت تحجي جر راسها باسه دنگ اخذ سلاحه وطلع ضمت وجها وكعدت تبجي؛  لميت روحي  دموعي تنزل مااعرف على شنو

دخلت هيام تملخ بروحها وتبجي كعدت كدام عمتي لزمتها وصرخت كومي ورا طيحي عليه هلبت يهون ابوس ايدددج

عمتي - محد بعد يگدر يكف بوجهه هالمرة رافج المووت ابن البدوية

- لادخيلج يعمه ابوس رجلج ناويها عليه راح يجتلوا وعلي اموت مااگدر اتنوع يدخلوا محمل جدامي يمه دخيل الله

- سلم على خويه ووصانه  بيجن

-لاااا لاااا

ضمت وجهه دنكت تبجي بحركة  عافتها واجتني لزمت اديه همست انتي يعزج والله تكدرين تمنعي هو يسمع منج رايه تحسين بيه تنوعتي وجع دخلت تابوت رفيج روحج  شني ؛كومي كليله تموت هاي بدونك لاتعمل بيها هيج

شهكت

-لالاالا تبجين كومي وعلي ياخذ منج ولج من سمع طحتي ترك الازم طلع من نص الموت واجه يجلع خايف لخاطرج ولج يترجاني يكلي حسبيها اخيتج لاتشيلين بكلبج عليها و اذا تردين تأذيني بكبري اذيها جا شكثر يعزج رايه دخل الله ودخلج كومي منعي لا يروح

دنكت احس كثر الدموع بعيوني حجبت الرؤيا 

هزتني وصاحت ولج راح بجتلووووا ولج راح ذباااح ولج حتى مالحگ يفرح بجاهل 

وخرت ايدها وحضنت رجلية ضميت راسي ماينسمع مني بس صوت شهكتي

تربعت تلطم وتملخ بوجها وعمتي من الجهه الثانية

مااعرف اشلون مر اليوم علينه كلها التمت يمنا لان اكو حمام بالغرفة حتى لحد يطلع ؛ الي لازمة سجادتها والي لازمة زاوية الغرفه تبجي بيها والي صافنة ماكو اي خبر عنهم

رن فون بيبي سدت القرآن باسته خلتها بصفها ورد ياهو وياي واجها صوت گمرية تضحك بصوت عالي غمضت عيونها واستغفرت

گمرية - وعلي تمنيت يصلني خبر ذباح بس ياحيف طاحت بأبن عمي يله بعدها بأولها

- يمممه ياهووو النوب انجتل ولج

- عالاساس ذباح بس خطته وطاحت بيوسف گولي ان شاء الله البعدها بي

فجر - يبووووو راحوااا ازلامنااا تولاهم الموووت

گمرية - بجاه كلمن عنده جاه مايطر الفجر اله وكلهم يتسطرون بتوابيت نذر عليه البس احمر وگف بنص البيت اهلهل

بيبي - والله عرفت هالمصيبة من چوة راسج اااخ اشلون كضيت على ايد ذباح وماخليته يذبحج

- على شنو متندمة ماكفاج ظلمتيني بنص رجال بكد جدي حسبالج اخليكم تتهنون مثل ماشمرتيني هالشمره اله اخليج عمرج كله تنوحين على ابن گلبج المتباهية بي جدام ديرتج

- محد ظلمج غير مشيتج العوجه ررروحي گمرية ربي وگلبي غضبان عليج ليوم الدين

- غضبي منو انتي حتى اهتم بس والله كسر خاطري راد ينهيني راح بيها هو هسه اني اطلع حامل وهو حتى خلفة ماترك ورا يشيلون اسمه نصيحه ضمي نسوانه بالفاتحة لخاطر لايكولون هاي هوسته شكبرها وتالي طلع  اخرطي

- اااااخ يمه عسى گليبي  بالجسر عبنه رف عليج وحشتهم عن موتج 

- هههههه عود عزموني بفاتحة فشلة اخاف يسألون عني شتكلولهم كضيناها ويه رفيجها وتبرينه منها ماترهم جبيرة بحگم

لطمت عمتي وسدت الفون  وبيبي دنگ لازمة وجها خلت ايدها هيام على ظهرها كالتلها غير الكاتبة ربي مايصير

بيبي - يچدة راح الثاني بعد ماتكف اذا مايصير الدم للرجاب

غيمة - سودة عليه راح وهو شابع قهر وكاتم بكلبه بسبب هالعايبة

هيام  - ياهو عليش شصاير

- جا مادريتي البارح بليل تعاركت رايه ويا ماتعرفين الغلط منين يجي ماتعرفين السب حتى ضرب ضربته گدام اخو وهو سوده عليه ولارد سكت

- ياااع عليش ولج هيج عملتي هذا حگ الجزه زات روحه بالموت لخاطرج واستگبل عدوه بيته وصبر على مغثه بس حتى يرضيج هيج ترديها

رؤيا - واكيد اختي مو ناقصة تربية ولا ناكرة الجميل وهو لو مايعرف بنذالته ماسكتلها جان ردها مو اجه بعد كل هذا يتوسل بيها تسامحه

غيمة - لا بت شوارع ومو گد النعمة اليشوفها البارحة اشلون اطفر وتغلط عليه بس لان ضربها تكول جانت عايشة بالبياع بت دلال ولاهيه بت جاسم الجان يكومها ويكعدها بصوندة

هيام - عليش طگج

رؤيا - لان كالتله لو جنت صدگ رجال ماقبلت مثل غيمة تصير بأسمك

غيمة - يمه عزه بعينج واشبيه اقلها براسج لا يوم دخلت مراكز ولاسكنت التقاطع اركض وره الزلم واتمضحك لازمه بيتي ومحد شايف شعره من راسي

- وجاسم وابو طبر يشهدون لالبالج نسيت بس كلشي اله وقت وكلما تتأنه يكون الشغل ممتع اكثر

- ماتكدرين كلشي تسوين عندي رجال مثل ماسوالج  عملية وخلا مثل البشر بكلمة وحده مني يسحگ راسج ويردج لحضن جاسم وتعرفين اسويها لاتنسين منو اني

ضحكت وهزت راسها اي رادت تحجي صاحت عمتي فجر - بسجنننن انكتمن ولجن  الزلمة بالموووت شتلغثن انتن

غيمة - ماتسمعها اشلون تتهمني بشرفي

-انعل ابو شرفج لابو الفگر الدخلتي وياج غيمة نفس واحد وازتج بالوهاد اخليهم يسحكون فجج

- هاي لواني الضاربه ذباح وهيج حاجيه عليه جان شمرني 

- لا افااا يزتج شني وعلي يذباح  جان ترس فجج بارود ودفنج بمجانج وبسج نفس ماهيس منننج

سكتت عدلت راسي بحضن رؤيا غمضت هاي  الهوسة كلها مو يمي محتفظه بعالمي احس روحي بعد مابيها مجال للالم اكتفت بمافيه الكفاية

مر يومين على نفس الهوسة محد يطلع غير مرت صهيب تسوي  اكل؛  الوضع زاد سوء بالاخص من وصل خبر ذباح اتصوب واحد  من ذولاك انكتل والثاني داخل بحالة خطرة كلش

عمتي اتخربطت وبيبي حالتها تعبت گطعت حتى الاكل من غير هيام مخلصتها صفنات ودموعها تنزل بهدوء الكل عيونه بالباب منتظرين خبر موت ذباح حتى يوگف الدم

لزمت ايد رؤيا  الحيرة بكلبي تهد جبال ضايعة لااعرف بيمن افكر لو وين اروح

استوني اغمض ودخلت هجامة  تركض وتنجبح كمزت عمتي كالتها انجتل ذباااح مووو

- لااا عطوني البشااارة

بيبي - احجي والج ناگة اكودها بيدي لباب دارج

- اجه زلمة الخرزة نشر الحرس لحمايتنا وصهيب خابر اكبارية الديرة تالي تدخلوا الوجوه الطيبة راحوا خذوا عطوه من شيخنا

- ازلامنا  وين ؟؟

- ذباح اعترض مارضه لاهو ولا ولد عمه شمخي  وكالوا الدم بالدم بس صهيب وولد شيخ رماح  جتفوهم وخذوهم غصباً عنهم زتوهم بالمركز لحد مايفضون الشغلة

- ماكصرتي ياام العباسسس نذر عليه اذا فضت سالفة وتهده الخبل لاخذكم للعباس ونثر الواهليه بنص حضرته

- ياهو اليتهده ذباح هذا  الجتفوا وخذوا  يتماطلون اماطل ويا حرام همه يسحلون وهو يصيح وعلي اجتلهم لو دفنوني جوة الگاع موش تحجزوني تركوني احسللكم

غيمة - يعني شنوو يسجنون ذباح فوگ ماكتلوا ولد عمه

هجامه - خذوا  ثارهم شخلوا بيهم نسفوهم نسف غير هو خبل  عگله قافل يايصفي العشيرة يااينجتل تسودن مايكضه غير السجن خله غادي هلبيت يصلخون جلدة يعگلوا  لبين مايحلون السالفة ولو الكل يعرف يذباح اجته من الله  مايركد اذا مايتفگهم وينجتل

- يمه اسم الله زين اذا سجنوا  كم سنة يعني يضل بالسجن

- ماهو جثير بس يفض بحر الدم الجره بسبب ولد الحرام الجان ناوي يعلگ النار بنص ديره مابيها ماي؛  اندعي كون يعگل زلمتج  ويخلهم ينصبون فاتحتهم ويشيل من راسه الموت الجالع ورا

عمتي رفعت ايديها تبجي  وهيام دنكت ساجدة وبيبي انتجت عالحايط عيونها بالسما  تهمس بتوسل 

اندارت هجامة لرؤيا كالتلها وانتي يجده زلمتج بالباب كوميله

رؤيا- انتي كلتي زلمه واني الماخذته حيوان اي معالم للرجوله مابي يعني مااعرفه هذا التحجين عنه طلعي طردي

- يع دسار مانه زلمه ولج النار صار يومين عالگة ماوگفت لو ماخش بنصه ؛ الي يكف بوجه الموت وهو يعرف على ساعة ياخذه بس لخاطر يحمي ولفه  هذا موش بس زلمه لا سبع من ظهر سبع

- ههه وكف مولان سبع لااا لان يعرف نفسه عار والعار مايموت

- لج يجده وعلي يجسر الخاطر صار ساعة يتكاوت اتنوعله يتحجه ويه صهيب وعويناته عالدار يريد يخش وهو يعرف راح تصدي ويتفشل ضال مناطر يتنوع هلبت تمرين ويتنوعلج من بعيد

-لعد خلي بمكانه لحد مايمل ويولي بلكي يحس على دمة  يبطل اطفر ويخلي لنفسه قيمة

استغفرت وراحت كعدت يم بيبي مر وقت وهنه على فد سالفة  راسي بحضن رؤيا مغمضة حسيت دمعه نزلت على وجهي فتحت عيوني لكيت رؤيا لازم الفون تباوع بي وتبجي

گعدت بسرعة دااسألها واشوف صورة رئال گاعدة بلحظة ضاعت ضحكتي واني  اسمع الصوتيه  وصلت من دسار يكول مااكدر اتصل لان فاقدة الذاكرة  وذا حجيتي وياها راح تزيد حالتها سوء

ضغطت على الصوتي وحجت من بين سنونها  الله ينتقم منكم دموتونا وضعتونا اكثر ما احنا ضايعين بس وداعت الفرها بيكم وخلاكم مثل الزمايل تتلفتون  لخليكم  تبجون دم اذا ماخليت اكبر امنية عدكم يرد بيكم الزمن بس حتى تفلون بوجهكم بدل معرفتكم بينا مااكون طالعة من ظهر الدغش 

جريت الفون من ايدها دنكت  اباوع لرئال شعرها قصير صح بعدها على جمالها بس موهيه نفسها حسيتها مكسورة عيونها بيهن نظرة غربة

حضنت الجهاز وشهكت شالت راسها رؤيا كالت بدل لاتبجين لمينااا موانتي اختنا الجبيررة

- وين اروح بيجن جربت وعضيت اصابيعي ندم

- تعرفين منو صديقتي الحركوها وكضيت ايام مااكدر انام بسببها

- لاتكولين رئال

- اي رئال بس ماگدرت احجي كدامج ضميت وجعها بكلبي كلمااغمض عيوني اشوفها وهيه مشتعلة تعرفين شنوو جنت احسسس

- شنو الصار ليش هيج سووا بيها

- لان رخيصة و ماعدها سند لان استغلوا ضعفها لان عرفوا محد راح يداعيهم بيها وهاي فقدت الذاكرة وضاله ضايعة ماتعرف احد

- كليلي شسوي وين اروح المن اشكي اذااا هو سلمنا بيد حيواناااات ومااات

- ماترحين ولاتشكين اختي راح اردها مثل ماراح اخذج ونروح صار الوقت نعيش مثل مانريد كافي اذيه ذل

- وين نروح رؤيا

- لگبر غزوان

-شنسوي هناك

-خلي نوصل واگلج شنسوي هناك

- محد راح يخلينا نطلع ولااحنا نندله

- نطلع غصباً عن اكبر شارب عدهم  گومي لبسي اخيتنا منتظرتنا دااشوف اشلون متذكرنا وذولة الهمج  اشلون  يمنعونه

مسحت دموعي هيه اخذت الفون دنكت تراسل واني گمت لفيت شعري بسرعة  طلعت المناظر من جوه المخدة خليتها بصدري جريت الشال خليته على راسي كالت بيبي خيرج يجده وين تردين

- لرند

- بهالوكت 

رؤيا - اي بهالوكت واذا كلتي لا لو الزلم ماترضه اخابر دسار يجيني واخذ رايه واروح ويا وابن ابو اليجي يداعي بيهاااا

- وعلي يذباح يفر من سجنه يسوي طشاركم ماله والي تهدي يچده  وعگلي تركي حرمته مالج شغل بيها تردين ترحين ويه زلمتج مانه كاضتج حگج بس بتنا ماتعر الباب وزلمتها مانو موجود

- حلوو انتي من هذا النوع لعد سمعي وخلي اجيبها وياج من الاخير ماتردين مشاكل خابري صگر خلي يجي ياخذنا نزور رند ونرد واذا كلتي لا حسبي حسابج ماخذتها وطافره مثل ماالله واحد

-ولج يالرعنه  هالتشوفين هوستنا شمالج تسودنتي

- بيبييي تخابري لو اخابر اني وبدل هالمصيبة تصير اثنييين

هزت ايده وطلعت فونها دنكت دكت رقم  صهيب  دقايق واجه صوته سولفت ويا رد حگهن يبه خليهن  يجهزن حالهن هنه وفجر جايكم صگر بالطريج

سدت الفون اخذت نفس تستغفر؛  رجعت كعدت  ايدي عالمناظر عاصرتها عيوني على رؤيا الي ردت تراسل مااعرف ويامن

غمضت احضر كلام  اشلون راح اعاتبه  لا بالاول اشكيله وبعدين ازعل عليه لو لاخطية منتظرني كل هالفترة تالي اكسر خاطره بالزعل ؛ بالبداية اسولفله اشلون كل ليله ماانام اذا ما الزم مناظره وعيد سوالفنا وكعداتنا جوه الكمر وبعدين اشكيله شصار على وجع كلبي بغيابه

ساعة تنزل دمعتي والخنگة تلزمني ساعة اضحك مامصدكة واخيرا راح احضن كبره لحد مااجه صگر وكامت عمتي لبست عباتها شمرتلنا عبي و كالت يله

لبسنا وطلعنا لكينا مدخل السيارة هو وابن عمه صعدنا كلنا ورا طلع  من الجهة الثانية للامان ؛ على طول الطريق عمتي تسألهم على الوضع ورؤيا مستمرة بالمراسله ردت اگلها ويامن خزرتني خفت منها لمعة عيونها كلها شر  بطلت  رجعت عيوني بالطريق لحدما وصلنا للمگبره  دخلنا مسافة قليله والمح صورة غزوان من بعيد من لهفتي حتى العباية نسيهتا فتحت الباب ونزلت بطرگ الشال اركض اشكد جنت مجمعة حجي مجرد ماكعدت يمه وحضنته اشتميته حيل احس كلبي برد

رفعت راسي اباوع لصورته بمناظره مبتسم  همست  شكلك مشتاقتلك لو  زعلانه عليك

صدگ هاي انت جوه التراب واني كاعده يمك محتارة اعاتبك لو اشكيلك

غزوان دتسمعني لو ناسيني منو اني اصلاً

زين  ليش ماتجيني بالحلم هيج كلبك ينطيك تعوفني حتى ماتسأل عني ؟؟

تذكر من جنت تگعد بالساعات بالبرد جوة الكمر تنتظرني بلكي يحن كلبي واجيك  هسه اني كمت اكعد جوه الكمر وتوسل بيك بالساعات بس اريدك تمرلي بطيف

ههه تدري صارت نظارتك عندي اعز من روحي كلما اشيلها اذكر كلامك وانت تكلي احتفظ بيها يجي يوم وتذكريني بشوفتها بس ماكلتلي راح تموت وتعوفني

زين اذا ناوي تموت ليش علقتني بيك هلكد لااا اذكر جنت تتوسل وتكلي خليني احضنج خايف اموت واني بحسرته بس ماصدكتك اااه لو ترجع الدنيا بيه

غزوان شتاقيتلك لامااشتاقتلك اني متت وراك مداحس بشي تنازلت عن كل احلامي والله مااريده  بس اشوفك بالحلم  ؛اشكد متندمه اشلون ماخليتك تروح بس والله كلبي ماانطاني اعوف ماما وخواتي

ههه تدري خسرتكم  كلكم سوه راحت ماما وراحت رئول  ورؤيا انتهت حتى ذباح صديقك تدري غدر بيك وكسر كلبي 

غمضت حضنتها حيل اجه صوت رؤيا بأذني فتحت عيوني لكيتها تمسح بكبر رند وتهمس بصوت ناصي بعدج يروحي جوعانه وخايفة

غمضت حيل دورت وجهي مااريد اسمعها عصرت نفسي ابعد ونتها عن اذني لحد ماحسيت ايدها تبعدني شلت راسي اشرتلي وخري ودنگت مسحت صورته وابتسمت

باوعتلها ضحكت وهمست شفتي شكله

- لعد على شنو جنت  تتنمر عليه طلعت اصلا موحلو

لبالك اذا صرت جوه التراب راح اسكتلك كوم لك يله كوووم

غززوان كوم لك كووووووم غزززوان

كالتها وكامت دفرته بكل قوتها  اجت عمتي تركض لزمتها دفعتها وصرخة عوفينيييي  وخري عنييي لج كليله خلي يكووووم كليله خواتك ضاعنننن كليله رئال بعد ماتعررررفه

همست كليله حبيبتك  كل يليلة تنام دمعتها على خدها مهظومة بلكي يحس ويكوملها

كليله ماضل سند عدنا ولاعرفنا نعيش بعده

وخرتني وكعدت حضنت كبره تشهگ بحركة وضرب بي بعتب مكسورة

رجعت غمضت خليت راسي على الطابوگ  اتمنى ابجي مثلها واعاتبه  بلكي يحس بيه ويكوم

دقايق وصار هدوء فتحت عيوني احس غواش ماشوف بيهن كلش مسحتهن حيل وخليت ايدي على قطعته  امشي اصابيعي على احرف اسمه هالكيف ودموعي تنزل بضياع

ثواني واسمع رؤيا تهمس صغيره جنت وانت صغيرون حب عرفنا بنظرات العيون

گالوا  ترى ذولة يحبون من الصغر لمن يكبروون

شلت راسي لكيتها منتجية عليه وتغني باوعتلي ابتسمت مدت ايدها لزمتها رجعت راسي عالكبر اتسنط للكلمات واتخيل شكله هو ويگعدنا الصبح عالريوگ للطريق وهو ماخذنا للشغل لوكفتي واني انتظره يكمل عزف وغناء حتى ياخذ الغدة

فززتنه عمتي وهيه تكول موش بسجن ييمه

رؤيا - اي يعمة صدگ بسنا

- يله كومن قبل لاتظلم الدنيا

هزت راسها وكامت مدت ايدها دالزمها وشحطت سيارات يم سيارتنا بعده صگر  حتى مامطلع سلاحه ونزلوا زلم مثلمة حاوطوهم  خلوا السلاح براسهم رادت تصرخ عمتي خزرها المسلح وصاح نفس واحد وافجر روسهم

انفتحت باب السيارة نزل رجال شكله هيبة ضخم وشعره ابيض باوع لرؤيا ابتسم ؛ فتح ايديه وهمس خرزة البتاوين

ضحكت عافتني وركضتله جرها لحضنه دنگ اخذ نفس طويل منها وباسها وخرت راسها ومدت ايدها اشرتلي تعالي

اشرتلها وين

-موكلتلج لازم نعيش وهذا اجه الوقت وصار لازم نمشي يله كومي

-منو هذا ؟؟

- رافد الدغش ابونا …

****رئال****

ربما موطني حضنك وليس هذه الارض…

وخرت ايد الدكتورة وگمت كالت ماما بعدني  مامكملة

- واني مااغيدج تكملين لان انتي اصلاً كلشي ماتفتهمين 

-زين ميخالف بس خليني اشوف حجم الكتلة اشكد بلكي نكدر نسيطر عليها حتى احولج على مختبر التحليلات

- ماكوو كتلة انتي شبييج شيلي ايدج عنيي

- ماما عندج نزيف داخلي ومتجمع داخل الرحم لاسامح الله اي ثانية يصير انفجار بعد حتى مانلحگ عليج

- هم كالت مانلحگ باباااا ودتفتهمين شنوو احجي

- لاا بنتي احتمال موحميدية لاتخليني اجبرج ليش هيج حياتج رخيصة

- ياحياة دتحجين عنها انتي منتبهة شنو دتكولين لولااا شنو لازم نقلعه تعغفين شكد عمغي اني

- لهيج مجبرين نسوي العملية حتى لاتتعرضين للاسوء حياتج اهم

- لاالطفل اهم وعملية ماغاح اسوي وانتي شيلي ايدج ولاتدخلين

اندارت لعمتي الي واكفة ايدها على كلبها تباوعلي بكسرة  كالتلها انت امها

عمتي - لاعمتها

- خابريلي زواجها خلي يحضر حالاً وضعها خطر لازم نكمل فحوصات ونحولها للعمليات بأسرع وقت

دفعتها وكمت نزلت قميصي بسرعة ركضت فتحت الباب طلعت ودموعي تنزل وحدها احس الدم جامد بجسمي اريد احد يگلي السمعتي جذب انتي كلشي مابيج راح يصير عندج بدل الطفل اربعة  وتبنين وياهم ذكريات جديدة وتملين بيهم النقص بالضياع الدتحسين بي

صار گدامي امجد كام مستغرب وضعي  مامفتهم السالفة وصلت يمه  لزمت ايده رفعت راسي وشهكت

- شكو شموسة

- موكلت انتي اخيتي و مااخلي احد يأذيج

- ومستعد انطيج روحي احجي اشصاير ليش هيج ترجفين

- اني كلشي مابيه بس همه مايصدگون اخذني منا لاتخليني يمهم

- شمسسسس شكووو

- اخذني بسغعه غاح يموتوني

- منو يموتج غير الضابط يحركهم همه ومستشفتهم شبيج بابا على شنو خايفة تبجين

اجت ضي تركض كالت وين ترديننن

- مالكم شغل بيييه وعملية ماغاح اسوي

- امجد خابر هيذام بسرعة اذا مالحكنا تموت

- لاااا لا امجد وداعت الخوة  اكتل نفسي وابليك وانت تعغف هيذام ماغاح يغحمك

امجد - ههه شنو تموت ضي شبيج

ضي- لازم تدخل عملية هسه بس تتاخر تموت

صحت لااا دتجذب امجد مالك شغل بيها تجي وياي لو اغوح وحدددي

باوعلي عيونه مليانة دموع اشرت لاااا

مارد دار وجهه طلع فونه دفعته ركضت للباب داافتحه مالحگت جان اسرع مني سحبني انداريت ضربته وجريت نفسي جتفني  رفسته  ضغط عليه بيده شل حركتي  وايده الثانية طلع بيها الفون بسرعة شفته دنگ يتصل گمت اطفر واعيط بصوت عالي  بس اريده يتركني سمعت صوت هيذام كال ها بابا امجد واني صرخت مالك شغل بيهم هيذااام ديجذبون عليك لاتجييي

امجد - سيدي تعال للمشتسفى بسرعة

- لاااا هيذام  لاتجييي مابيه شيييي ولك عوفنيييي

غلق الفون بدون لايرد عليه عرفته جاي بعد اريد  اخلص نفسي مااگدر  اضرب وصرخ بعلوا مجتفني حيل وضي تبجي على بجيتي لحد ماعرفت انتهي الوقت وماكو فايدة من الداسوي حسيت  روحي بهتت لزموني ثنينهم كعدوني وكعدوا  يمي  باوعلت لامجد بتوسل نزلت دموعه

- اذا تحبني طلعني منا

- قبل لااعرفج انتي منو فديت بكل مااعندي موبعد ماوكفت كدام رجلج وتعهدتله بالدم احميج بروحي

-غاح ينهون اخغ امل عايشة علموده 

مارد لزم اديه ودنگ

غمضت مامستوعبة الصار قبل دقايق نتعارك على الاسم رجعت فتحت عيوني باوعتلهم ثنينهم يبجون واني ذكرياتي مجرد ايام وياهم موبعيدة اگعد من العملية ناسيتهم

خليت ايدي على بطني - مستحيل اخيلهم يقلعوا ويحرموني حتى من الامومة اني احسب يوم يوم اشوكت يصيرون وابني ذكريات جديدة وياهم 

اقل الربع ساعة وندفرت الباب رفعت راسي لكيت هيذام كدامي واكف متفاجأه نزع اللثام  شمره  واجه دنگ كعد گدامي يباوعلي بخوف نزلت دموعي مد ايده مسحهن وهمس احجي رأل  شنو الصاير 

-  اني مابيه شي  لاتصدگهم

- هه شنو مابيج شي رأل ليش تبجين

- يغدون يموتوني هيذام طلعني مناااا

حجه بترجي لاتكولين عندج ذاك المرض ابوس ايدج

- لاتخليهم يسوولي العملية والله اطيب

- لا رأل بروح اخوج خسرت كلشي  ماضل عندي غيرج

- واني اموت اذا ماصاغ عندي طفل

لزم ايديه كام كعد يمي جرني لحضنه ضمني بقوة  ودنک بس دكات كلبه تنسمع كد مايضرب سريع احسها يريد يطلع من صدره اجت عمتي كالتله الدكتورة كملت التحويل لازم تكوم تاخذها للمختبر يكملون الاجراءات هسه

رفع راسه باوع لعمتي أشر لااا

- ولك يعمه تموت الورم جبير يردون يتأكدون بلكي يطلع مو خبيث حتى نسوي العملية

- وكلام الله تبت وحلفت بعد مااظلم بشر ليش هيج ربي جاي يسوي بيه

- ظلموها بسببك اخذوها بذنبك ضيعتها يعمه بسود كلبك

- ماضيعتها اني ردت احميها غفرتلهم كل السوا بيه مقابل يتركوها بحضني اكتفيت بيها بين كل هالدمار العايشة

- كوم ييمه خلينه نلحگ قبل لاتروح من ادينا

ردني لحضنه ضغط عليه ساكت دنگت ضي لزمت ايده كالتله بتوسل والله تموت اذا تأخرنا

مارد

- هيذام حالتها صعبة ورحمها منتهي ماابي امل دخيلك كوم

غمض

- ولك راااح ينفجرررر وتموووت هيذااام اصحححى دااكلك كوووم ماعدنا وقتت

باوعلها بتعب

- حالتها النفسيه تعبانه دتزيدها عليها راح تموتها بيدك وتموت بعدها اعرفك ماتعيش وراها

- بعدها صغيرة ماراح تتحمل العملية

- لاتتحمل خايف عليها لاتتأذى هسه اخلي الدكتوره تخدرها ماراح تحس بشي والله بس كومنا

اشر  اي

رفعت راسي همست بتوسل لا هيذام لاتسمعلهم

- ماسويت كل هذا حتى اخسرج بالنهاية

- مااكدغ اعيش بدون اطفال

-واني مااكدر اعيش بدونج

- مااسوي لوتذبحني وخغ عنيييي

مارد لمني بحضنه صافن حسيته بغير عالم؛ ردت ادفعه عصرني كامت ضي ركضت دخلت يم الدكتورة

ضربته حيل وصرخت عوفنييي ولك هيذااام والنبي اكتل نفسييي بس تغصبني ولك امجدد لاتخلييييهم ياخذونييييي

شفت الممرضة اجت كمت اكمز واتوسل بي لايخليها تخدرني جر راسي ضمه بصدره وشرلها يله بعد اريد  اصرخ لو انخي احد يخلصني مااكدر ؛ لساني انشل گد ماروحي محترگة واحس نفسي عاجزة مااكدرلهم  ضربتني ابرة عرفت روحي انتهيت لزمت ايده باوعتله عيونه حمر وجهه تعبان يتنفس بحرگة اشرتله بتوسل لاا

نزلت دموعه وهمس رجعيلي رأل

غمضت  دخلني بحضنه ودنگ ضام وجهه بركبتي ثواني وماحسيت بعد

…سيارات تمشي سريع ؛الهورنات خابصة الجو صوت رجال يصيح عندج بانزييين مخلوط بصوت بنيه تصيح رئااال يله نرجع راح يصير الليل 

مكان ظلمة بيوت مفلشة امشي واتلفت بيدي علاگة وايدي الثانية لازمة بنيه تهمس تأخرنا رئال بعد ميفيد

صار غواش بيدي مشطي وكاعده يم مرية اجت وحدها عيونها ملونه دفعتني صاحت وخري حاجزة قبلج

طفلة تضحك ابراءه ولد يصيح رئول جوعان اخيج سويلي اكل

صار صريخ جثه على دم واحد ضخم صورته مشوشة صوته مرعب دنگ عليه همس اشلون كتلتي باوعتله بخوف بعدني ماحاجيه ماحس غير انسحب شعري بتره وكام لسعني بي طفرت واني اصرخ لاااا

لزمني هيذام صاح على كيفج بنيتي

فتحت عيوني لكيته كاعد يمي ؛ الصورة مواضحة   ماشوف بس عرض امتونه كدامي حاجبه عني الرؤيا احس بلمسات ايده يحرك بشعري عالكيف رجعت غمضت 

دقايق وصحيت على صوت ضي تسولف ويا  اباوع واكفة  تأشرلي وتضحك حسيت بحرگة بلعومي وجع بنهاية بطني السيروم مشكل عرفت انتهت  فقدت امومتي وراح اعيش عمري كله بحسرة الطفل نزلت دموعي

مد ايده مسح دموعي وحجه بخنگة  لاتبجين كلشي يتعوض

-كله بسببك

- همه جبروني عالغلط

-ليش خليتهم يسون العملية

- مادخلتج اذا ماحضرتلج العوض

درت وجهي

مرت الايام عازلة نفسي  بس دموعي تنزل دخلت بحالة كئابة  حادة لااحجي ويا احد ولااباوع بوجه احد اشكد جنت احس بروحي ضايعة هسه اضعافها  همه هم تاركيني براحتي

عمتي وضي ملازماتني اربعة وعشرين ساعة كمت احس بالغربة اكو شي بداخلي يكلي ذولة مواهلج  والزاد احساسي دسار مرة وحدة تحمدلي عالسلامة وراح مخبوص بدون  لايسأل اشلون حالتي هنا زاد شكي اكو سر ضامي من غير الاحلام التتردد عليه بنفس الاشخاص

كاعده لامة رجليه صافنة عالشباج وعمتي كاعدة على سجاتها شوية دخل امجد اجه  يمي دمغ ضي شمر بحضنها العلاج وكاللها كومي انطي للهايشة الحاسبة نفسها دكتوره وكليلها مرة ثانية خلي تحترم نفسها وتكتبه من داخل المستشفى بت النعال فريت نص شوارع بغداد يالله حصلته

ضي - الدكتورة هايشة

- انت شايفة وجها تكول ستوته ابو خضير اول مره اشوف كرش يطلع بالوجه

- شبيك مخبوص اليسمعك يكول مركبي البعير ودازي لمكة

- و شكو على كلبج خاتله هنا جوة التبريد وانتييي لج ماتكولين لرجلج يشدلنا سبالت بالشوارع لوشاطر بس يسحل بالعالم

دنكت خليت راسي بحضني

- شبيج يمعوده هاي كلها عالجهال صدگ جذب جنج على فرخ  باجر من الصبح اخطفلج واحد من عمي بهريشة عده خمس واربعين  طفل ضايع بيهم العدد خو اذا اخليت بجيبه خمسة ينطيني ثنين وعليهم امهم هدية

ضي - صدگ عده هلكد

- وداعت ابوي ماخذ اربع نسوان وساكن بهيمة هو ماعنده خبزه يوكلهم  ومستمر يخلف مااعرف شنو نيته يأسس قبيلة لو يغزو المحافظة الله اعلم المهم اخر بزره اجوا بدون ملامح كد مامخلف خلصت الجينات الوراثية 

-هيذام وين

-طفشش راح كعد بالحديقه يدخن من ضيمه  اذا صاحبتج تلط الاخضر واليابس تكول ملهوكة

خاله الزلمة امرمگة ارياكه وهيه جانت  عدنا معدتها  خايسة من خبز اليابس والشجر والنوب كلما شافته طفرت بوجهه تكول ملبوس ودخلوا حضرت العباس

- وين الحظ و يسمعك هيذام

- لاامأمن تركته يخابر بالمقر يريدون يجفتولهم شبكة بالبتاوين وعوفج منه تنوعيلها اشلون تخازر تكول جدي عفيفي درب الكياته ماواصللها؛  بربج هاي بصغرها هم جانوا يغنولها بنوتي الحلوه الكتكوته ؟ اكص ايدي اذا ماجانت امها تنيمها على اغنيه ام الكمل ام الصواب

دخل هيذام بسرعة سكت ورجع ليورا مدنگ  اجه يمي دنگ باس راسي وخرته عني ودرت وجهي اخذ نفس وندار لضي كاللها وصل العلاج

-اي جابه امجد

- خوش اخذي للدكتوره خلي تسجلج اوقاته حتى نطلع

هزت راسها وراحت رجع اندارلي كال فحوصاتج كلها تمام

-غووح  اطلع هيذام

-شنو الرايدته احجي

-ليش هو شنو الضل فقدت امومتي وذاكغتي صغت لاشئ حالي حال اي قطعة اثاث مالها اهمية ضعت  وخسغت نفسي كله بسببك وتدكول شغايده

- حتى لو ماجان بسببي هم راح تحمليني المسؤولية وتهفيني بغدر يردني الف سنه ليورا مو جديده عليك

- وتحجيها بهدوء ولاكأنما اكوو شي لك انت شنوو بس فهمني ماكو احساس ماعندك كغامه دااكلك غووح اطلععع

- الج يمي طفل تردين اسجل درع بأسمج تردين نتبنه طفل حديث الولادة

امجد - اتبنوني والكاظم اني خوش ولد

شال راسه خزره بسرعة سكت ودنگ رد كال ها شختاريتي

- اغيد حقي وبدون غحمة

- ومنو كلج مااخذت حقج لسه

- يااحق وامك عايشة حياتها بغاحة

- من يكون عدوك من اشباه بشر  افضل طريقة تنتقم منه هو التعذب بالموت البطيء عن بعد

اشرت مافهمت

هز راسه وندار دنگ راح يتمشى عالكيف صوت دبجه رجلي بالگاع وحركاته كأنما مارات عليه من قبل ؛ وصل يم امجد رفع راسه باوعله بطريقة ترهب استوى امجد يرد ليورا واجه راجدي من قوته شمرة مسافة 

اباوع لامجد عدل وكفته بسرعه لازم خده ويباوع لهيذام بغضب

هيذام - هنا حقد عليه وحالياً جاي يزرع براسه اشلون يرد حقه  مو بعيده يسحب سلاحه ويفرغه براسي

نزل ايده امجد ودنگ ؛ رد تقدم  جره من ياخته قربه عليه عدلها اله ونزل ايده لجيبه طلع طلقة گله شنو هااي

امجد - شنو سيدي منين اجت هاي

- اني الي اسألك

- ماادري والله اصلاً اني ماعندي مسدس وداعت ابوي اول مرة اشوفها

- وين رحت اليوم ؟؟

- الصبح جبت ريوگ وبعدين كعدت بالحديقة وهسه طلعت جبت العلاج 

- من كعدت اكيد غفلت عيونك بالنوم دقايق

سكت

- تعرف شنو معناتها من يخلون طلقة بجيبك

-هااا سيدي يعني دمك مهدور

-عفية واهم شي بالحارس الشخصي يكون ملفه نظيف تعرف هالشي لولا

- اي سيدي بس والله اني ماعندي عداوة ويه احد

- واحنا ماننتظر لحد مانتعرض بسببك للاذية على ساعة يهفوك بجيله ؛ تروح للولد تشمر سلاحك وملابسك تاخذ هويتك  وتتوكل

هز راسه اي بس وجهه صار اصفر خايف  مثل اليفكر منو الخالها اله دنگ شال بيريته ومشى اتجاه الباب وهو صافن وصل ديفتحه گله اوكف

اندارله شفايفه بيض

اجه يمي هيذام  دنگ خله ايدي من الجهتين  باوعلي وهمس بلحظة مر شريط حياته بكبرها كدامه وبدل مايفكر منو خله الطلقة بجيبه فكر اشلون يحمي نفسه من موت محتم باي غفلة ممكن يروح بيها وهذا عذاب يضاعف الموت بنفسه الف مرة

سكتت

وخر شعري عن وجهي وعدل وكفته اندار لامجد شمرله الطلقة وكله خليك نبه مرة ثانية حتى لارفعك من اذاناتك

ابتسم براحة اخذ نفس وكال والكاظم عثرت بالشهادة اربع مرات

- وعثرك بگبرك انت وعشيرتك اذا شفت خدش برأل  

-يعني قبلت تخليني الحارس الشخصي الهااااا

بعد ماراد دخلت الدكتورة هيه وضي سلمت واجت يمي تقرا  تقرير الموجود عالسرير اباوعلها صدگ اكو كرش بوجها عضيت شفتي

كملت شالت راسها كالت ماعندج اوجاع منا منا

اشرت لا

- تمام  كالتها واندارت لامجد -اكو نوع من العلاج موجود بمكتبي افضل من هذا الجايبي بلكي تروح اتجيبه

امجد - اشلون ادخل مكتبج

- روح تلگي زوجي هناك دكتور دنان احجي ويا هو ينطي الك

-منو دنان بس لاهذا الراسه تكول خرزه محبة

دنگ هيذام  حك خشمه كله سيدي والكعبة ماافتهم كلشي من حجي انوب يتنفس من حلكة  تكول صخله بالعة علاگة

ضم وجهه هيذام وهيه گلبت خلقتها اجت جرت ايدي بعصبية شلعت السيروم لاارادي صحت ااا شال راسه هيذام فاتح عيونه باوعلها بنظرة من يمي خفت بسرعة رجعت ليورا كالت اسفه والله سيدي مااعرف اشلون اذيتها

دفعتها ضي عني وكعدت يمي تفرك بيدي

ضلت واكفة تتعذر وتتوسل وامجد مدنگ عيونه على بلعومها اشلون يصعد وينزل لحد ماجره هيذام شمره برة

خلصنا الفحوصات كومني عمتي وضي غيرلي ملابسي احس كل الاحداث دتنعاد  نفسها شافتني ضي صافنة كالت شبيج هزيت راسي بماكو ودنگت لان حسيتهن وحدة تباوع للثانية  مثل الشكن تذكرت شي

طلعنا لكينا هيذام  منتجي عالسيارة جكارته بحلگه  وبيده فونه مدنگ يراسل عرفته من حركته يحجي ويه دسار على مداهمة لو مصيبة  انتبهي جاية وكف عدل غلق فونه واخذ نفس من جكارته شمرها بالكاع سحگ عليها ورفع راسه نفخ الدخان بالجو واشر للحرس طلعوا كدامنا

فتح باب السيارة صعدنا وهمه ركضوا راحوا يتراكضون كدامنا رجعنا لبيتنا على طول الطريق جان ساكت  عيونه يا بالمرايا ياعليه لحد ماوصلنا نزل اندار فتح باب السيارة كد قوة السحبة سمعت الباب طگت ؛  نزع الدرع شمره على واحد من الحرس  ودنگ شالني ضربته بصدره وهمست نزلني

- اتوسلي 

-عززه هيذام ديباوعون الحغس حتى هيبة ماضلتلك

- انعل ابو الحرس لابو ابوي هو انتي خليتي بيها هيبة سحلتي ابوي بكبره كل يوم  مسويتلي طلابة وخالتني لازم جكارتي وافتر مثل المسودن امشي واجرم بخلق الله

- لعد ليش الله عاقبني مكانك

- لان يدري اعز من روحي والوجع قبل لايمر بيج ينهش  بصدري اضعافه

- بس اني انتهيت

- محد انتهى غيرهم انتي رتبتي  والرتبة لايغير مكانها قزم ولا يطفي لمعتها غبار تكبر و تعلى  وتسحگ روس

- وجعوا كلبي هيذام

مارد  فجأه تغيرت نظرته تحولت لشر يباوع لدموعي التنزل

ارجع راسي على صدره حضني حيل ودنگ باسني  ؛ كمل طريقه دخلنا الكل جان موجود شافونا كاموا الي يتحمد عالسلامة والي يگله شلونها ؛حتى مارد صعد  لبالي راح ياخذني لغرفتي بس طلع كبل وصل يم اخر باب دفرها برجله ودخل

وخرت راسي اباوع مكتبة  جبيرة مليانة كتب وجلب صغير اجه يركض ويهوس يم رجلي  رجعت باوعتله اشرت شنو هاي

- اكثر مكان راح تشوفين نفسج بي

- منو كلك اني احب الكتب

- دكات كلبج اعرفها اشوكت دگ كبل لاتنبض بصدرج مثلاً هسه براسج كم حدث ضامته عليه حتى لاادري ذاكرتج جاي تتحرك

- ليش ماتغيد ذاكغتي تغجع

- لان اريدج بس الي مااريد تفكرين بغيري

- ليش ماجنت احبك قبل

- لابس جنتي متعلقة بأخوج اكثر مني واني اريدج  بس الي لوبيدي امحي شكو بشر على وجه الارض وماخلي غير حضني تختلين بي

-مااغاح اجيبلك طفل

-مكتفي بيج انتي ودرع حتى اخجل ارفع راسي لربي على گد كرمه 

همست بس اني اغيد 

نزلت دموعي ردني لحضنه باسني وهمس بدل كل دمعة نزلت منج راح تكون روح ؛ وبدل الطفل تعب عمره ومكان رجفتج هاي هيبته هو يتوسل بذل كدام اهله قبل حمايته بس لخاطر اخفف الحكم شوية

مسحت دموعي بصدره وخرته نزلت من اديه اجه الجلب يطفر على رجليه دنگت مسحت راسه اباوع لشكله غريب  كعد كدامي كال سميته تره

- شنو سميته وليش هيج شكله يخوف

- هذا بول تيري نوعية نادرة

- لاتكول سميته دغغ

- شنو درر لج فحل هذا مو بعينج دشوفي اشلونه واشلون اسمي درر والحرف ضارب يمج شيقنعه انتي لدغه

- الحمدالله شنو سميته

- براري

باوعتله رفع حاجبه اشر شكو

عفته وكمت ادردم الله خالقه حتى يضر البشر اترجه منه خير اشلون

- احجي بصوت عالي

- ماجبت طاغيك وبعدين هذا الجلب سنونه طوال اشلون ياكل كغات مجففة

دفع الجلب وكام وكف طلع باكيت الجكاير سحب وحده دنگ ورثها اخذ نفس ورفع راسه نفخه وكال هذا ماياكل غير جثث

- عزززه هيذام شنووو جثثث

- موشرط بشر عادي يستقبل لحم حيوانات ثانية

- منو كلك اغيد جلب منين اشتغيته غوح غجعه

- وين ارجعه اذا لكفوني يطيروني مؤبد غير ممنوع دولياً طلعت روحي يالله كدرت ادخله من الحدود

- وليشش جبته شتصخم بي ليش معوزز انت حتى تجيب بعد واحد

رفع حاجبه

- كلش ماتفخوفني نظغتك وفغها للحغس بلكي تغد هبتك الصاغت طشاغ

- اكيد هاي تعويذة حتى احبج 

برطمت ضحك اجه سحبني لحضنه حضني ودنگ  اخذ نفس طويل وكال دخيل محمد اشكد مشتاقلك

رفعت راسي - حياتي فاغغة مابيها بس انت هيذام لاتوجع كلبي بيوم

- انتي قضيتي

- ماتجي يوم وتطلب مني طلب مااكدغ انفذه

- نبضتي بصدري ويه اول لمسه الج تترجيني اتركج

- مااغيد اتذكغ شي غاح اكتفي بيك لاتخذلني

- احارب الدنيا بكبرها لخاطر ضحكتج

- صدگ تحبني

سكتت رفع ايده وخر شعري عن وجهي باوع لعيوني وهمس مااحبج اني اشهگج ويه النفس

اخذت نفس وخرت ايده رحت للمكتبه اگلب بالكتب مااعرف شنو بداخلي بس صدگ حسيت روحي ويه كل كتاب اشيله جانت اكو ترابط بيني وين الكلمات الي اشوفها

مرت الايام اذا جان الكل واكف على تك رجل صاروا حتى نوم ماينامون بالاخص اذا شافوا دمعتي نزلت ينخبصون لان يعرفون راح يكون عقابهم بدون رحمة ؛ مليت من تصرفات هيذام واخلاقة احسه متوحش موطبيعي فاقد شكو رأفة بتعامله

دلاله وخوفه زاد كأنما يشوفني حلم ويخاف يصحى منه على غفلة دوم عيونه وراي ويحاول يظلم الكل بس لخاطر يحافظ عليه

اني هم انعزلت صرت اخلص وقتي بالمكتبة بين اكتب قصتي من اول مافتحت عيوني بالعالم الجديد وبين اقرا  مااعرف اني صدگ جنت احب القراءة والقصص لو اريد اشرد من واقعي

درع مكابلني اربعة وعشرين ساعة يلعب يمي بالمكتب ادري هيذام يريد يعوده عليه بس مااحس اتجاهه اي حنية

اضيع اليوم بين كتب  وبين نلعب ويه الجلب لحد ماانسمع صوته وصل وحتى من ننزل صنته  نفس ماكو غير التوتر واضح على وجوهم يراقبون  حركاته؛  اباوعله على طول ماگاعد  جكارته بيده  منتجي يخلي رجل على رجل  ويگلب بفونه احسه يلعب على اعصابهم مدخلهم بحرب نفسية

مرات اصفن لان رتبة عمي اعلى من رتبته ليش هيج يخاف منه وارجع اكول يمكن لان يحبه مايريد يأذي

كاعدة بالمكتب ودرع بالگاع يوكل الجلب دنكت خليت ايدي على بطني غمضت عمرج ماراح تحسين شي بداخلها ينبض

رفعت راسي صارت عيوني على درع اتخيلت اكوم اضربه على راسه اموته واحسسهم بالدااحسه ؛ هزيت راسي صافنة اني ليش هيج تجي براسي شغلات اجرامية

مسحت وجهي واستغفرت كام اجاني يركض حضن رجليه كال رئول  خلي ننزل جوه

- غوح انزل بين مااكمل كتابة

- اخاف جدو يكتلني حيل

-حتى ابوك يعدمه لاتخاف مايوصلك

-كومي وياي حبابة هسه هم يجي عمو دسار مثل الصبح  ويعيط على بابا واني اخاف

-شبي عمك دساغ وعلى شنو عيط

-مااعرف بس اجه راد يكتل بابا يكله كله بسببك انت طلعته واذا مالكيتها احركك انت ومرتك

-منو هذا الطلعة وعلى منو ديدوغ

- وحده اسمها رؤيا وكام يكسر بالكراسي ويصرخ  وكوة لازمه عمو ازر صار مخبل بعدين تعب كعد لزم راسه وكله اخذها يخويه مني

-عزه يمه شبي  اخيي ليش لعد ماصحتلي

-ضي ماقبلت كالت لاتكللها ترة تكوم تبجي وحتى عمو ازر كال لبابا ماطول اخذ ذنيج هسه يرد ياخذ العدك حضر نفسك وبابا گله كون الله يورطه

- وين ابوك هسه

-رجع من قبل شوية سألني عليج كلتله دتكتب ؛طلع الكل للحديقة حتى لايسوون صوت وتضوجين وهو دخل للغرفة نام

- خوش يله انزل يم امك واني شوية والحگك

- مااا اتضل تصرخ عليه ماتخليني العب تكول اشمرك يم اسماعيل المخبل ياكلك بس طلع صوت واني اخاف اضل ابجي

- هاي تعلوم بيبيتك القذغه الله يلعنها ولاتكول ابنهم عائلة اتغيد واحد نظيف بيهم ماكو همه جبناء مايكدغون للبول تغي المهتلف يجون علينه

عگدت حاجبي شنو بول تيغي مهتلف

درع - يله رئول كومي وناخذ ويانه براري يلعب خطية ضاج

- يله بلكي ياكل جدج وبيبيتك ويخلصنا منهم

غلقت الدفتر خليته كمت لزمت ايده طلعنا والجلب ورانا يركض رحت للغرفة فتحتها لكيت هيذام شامر نفسه عالجرباية بملابسه وبسطالة كد ماتعبان  ايده على عيونه رايح بغير عالم اشرت لدرع روح كدامي جايه وراك

اخذ الجلب ونزل يركض دخلت رحت يمه كعدت دنكت عضيته من خده وخر ايده فتح عيونه بتعب وخرني وندار نام صفح 

رجعت دنكت عضيته من ركبته انكلب على ظهره همس وعلي تعبان بس ساعه انام

- تعذب بالعالم وتجي تسوي غوحك مسكين

- معذب بزازين زينة؛  غير كلاب ولد كلاب

- كوم خلي نطلع ضايجة

- رأل تعبان وكلام الله

دنگت عضيته من يم شفته بعدني وباوعلي بيأس ضحكت ضحك على ضحكتي  و خربط شعري

- شنو دتسوي بالعالم الله يغجها بيك

- اي وعلي اليوم واحد فلت مني حسيت عظمه طگ بيدي

- لهيج اليوم تنام بالكاع

- راضي حتى بالحديقة بس خليني انام ساعة عندي خفر واحتمال اطلع مداهمة

-اتوسل

-مروتج

-بوس ايدي

جر ايدي باسها

-كول اني مهتلف

-مهتلف وكلب ابن كلب عبني شمرت بنفسي بنص النار لخاطر احصلج واطيح حظي بيدي

-يعني ماتحبني

-والكعبة  الشريفة احبج وحق داحي باب خيبر اموت عليج والاسمه الله مااشوف غيرج بس خليني انام

- يله كسغت خاطغي بس هااا ساعة وحدة

هز راسه اي

دنكت بسته من خده وكمت رد اتجتف نام صفح طفيت الضوه وطلعت نزلت مالكيت احد طلعت للحديقة لكيتها كلها متجمعة رحت كعدت يم ضي الي متجتفه و تباوع بغل لهالة ندستها باوعتلي همست هاي منو غجعها

- وحدها الكرمة عدهن نعال هيه وبت عمها شوفيها اشلون مخصلة شعرها استوها جايه من الصالون  وصار ساعة تتوسل وتبجي لعمي تشكيله من هيذام مامكلبها

- لعد ماتتطلگ شكو ضاله

- ههه هيذام مايطلكها خالها هيج معلگه بعناد ابوها دشوفي اشلون يباوعلج و يطحن

- بي حظ خلي يحجي ويه هيذام حتى ينام ويه بته اني شكو محملني المسؤولية

- دخلي يقنعه يرد اسماعيل للمصح بدل وكفتهم على تك رجل خايفين لايطلع من المشتمل ويكتل واحد منهم

-يكتل ؟؟

- اي موبعقله ونهار وليل يتهدد اكتل واذبح فكرة مزروعه براسه روحي شوفي اشلون حابسي محد يدخل يمه غير ابو وعمتي يغيروله ملابسه ويوكلوا مايطلعون غير وجوهم اسود من الخوف

-شوفي منو اجه

شالت راسها لكيت ازر جاي مدنگ اديه بجيوبه كامت هالة ركضت اتلكته باسته من متنه باوعلها بعدم اهمية وخرها واجه سلم و كعد يم عمتي رحمه كاله عمي وين جنت

ازر -بجهنم

عمي -شبيك لك لو هذا تعلوم القذر الجوه

-ياطلابة  القذر الماراح تخلص بويه اني شغلي وحد وهو وحد فهموهااا

- شسويت بقضية الاغتلاس

- حولتها لمحمد وخذت مكانها المخدرات

- وال… المن صارت

- تحولت للمقر العام صارت بيد  لهيذام

- شنووو هيذام اني شكلت

- على شنو تصيح تعرف هيج شغلات اختصاص هيذام وعندك اعتراض روح حاجي لادخلني بمشكلة وياا

-رافد الدغش شنو سالفته

-اختفى ماله اثر تكول مامخلوق نهائياً

هز راسه وحضن ابن ازر عدل وبته حضنت ايده تباوعلي بقرف درت وجهي كالت بنعوصه بابا داافكر اسويلك بعد حفيد

ام هيذام  - صدگ ولج غير هيذام يطير من الفرح

- هو لعد منو قنعني غيره كال سوي اخو لدرع والج يمي سفرة شهر اخذج ونروح  لاي دولة تريدها وعملية تجميل بدل الراح يتلف بسبب الحمل

- اي بلكي الله يهدي ويبطل فرعنة وانتي شرطي عليه سفرتين وحده هسه حتى يكون الحمل هناك بعيد عن عيون الحساد والثانية بعد الولاده

- مم اني هم كلت هيج حتى ناخذ راحتنا بس هاا درع ماناخذه ويانه نريد نتونس مو نركض وره طفل

-خلي يمي

ابراهيم - والج مني سيارة اخر موديل اذا بشرتيني بحملج

- ههههه لعد حضر افلوسك لان حبيبي مستعجل كلش من البارحة رادني بس اني كلتله انأجلها شوية

ام هيذام - ولج احنا ماصدگنا يرد لعقله

- ولايهمج عمه  اليوم اردله الموافقة

ردت اكوم لزمت ايدي ضي وهمست والله جذب  درت وجهي داادفعها  صارت عيوني على ازر يباع لضي بلهفة امنيته يكون ياخذها لحضنه

اخذ حسره وغمض وخله راسه بحضن عمتي رحمه كالتله شبيك يبعد عمتك

ازر - اني هم ابن اخوج ليش ماتحبيني مثل ماتحبين هيذام

- يااا ولكم وداعت ابو كلب الاسود كلكم نفس المعزه

-تعبان عمه

- عسى تعب كلبك بكلبي شنو المتعبك يروح عمتك

دنکت باست راسه عدل راسه وهمس حلمت حلم خنگني

- خير يمه

- واكف على حافة كدامي ابني وهالة ومن الجهه الثانيه …

- اي كمل

- اجت هوية قوية وكعتهم  كلهم ضلوا مكمشين بطرف الحافة وكلهم على فد صرخة يردوني اخلصهم واني واكف محتار المن اسحب لان اذا تحركت من جهه الجهة الثانية اخسرهم 

-بعدين

غمض ماكمل حضنت راسه باسته- ادفع صدقة يمه

هاله - هههه على شنو الصدقة واكيد اني وابنه خلصنا شدخلنا بالباقي يطبهم مررض

دتحجي عمتي بسرعة قاطعتها كلتلها عمه تجين ويانه

- وين يمه

- اليوم جمعة نغوح للمتنبي

-كلتي لهيذام

- اي وكال غوحي ولاتگعديني اغيد انام

- لاعمه مابيه امشي وانت تردن تفترن اخذي ضي وروحي بس لاتتاخرين

اشرت اي كمت اجه درع كال وياج اروح

هبة -  درررع

درع - بابا كال روح ويه رئول

- ولي عساك مارديت

ابراهيم - هو وابو كون هفة وحده

ام هيذام - يمعود صوتك ساعة ونزل

استغفرت عمتي رحمه  كامت ضي دنگت شالته واني لزمت الجلب رحنا اني صعدت السياره وضي حجت ويه الحارس عيوني عليهم خايفة يخابرون هيذام ويكتشفون جذب ويمنعوني واتفشل كدامهم و هبة تتشمت بيه

گطعت حتى النفس اردد ياربي عديها بسلامة ماصدكت شفتهم اجوا اخذت نفس حمدت ربي؛

صعدوا شغلوا السياره طلعنا  الطريق كله واني عيوني على فوناتهم لايكعد ويعرفني طالعة ماوصلنا اله ونص روحي خالصة نزلت بسرعة 

دخلنا للمتنبي صارت الكتب كدامي مثل الخيال خطف نفس الولد ابو المناظر يضحك بيده كتاب يأشرلي بي هزيت راسي

رحنا نفتر من مكان لمكان ناسية روحي بين الكتب امنيتي اشتري المتنبي بكبره اخذ واشوف بعد واحد احلى لحد ماصاح امجد كافييي

-سم

امجد - بكلبج لج رجلج ماهو امطلج هنا امسح المتنبي بوجهج

- تغه بغاغي جوعان

- شبيج ماتتحملين شقة

- يله كافي صدگ اخذت هواي خلي نغوح لمطعم ناكل ونغجع

شال الكتب رجعنا للسيارة صعدنا طلعنا للمطعم   مااتصل هيذام عرفت النومة ماخذته وصلنا ركن سيارته نزلنا دخلنا للمطعم كعدنا وامجد راح يطلبنا للسرعة دنگ درع باس الجلب جريته همست هسه اشلون تاكل

ضي- ياكل مثل البشر ترا الجلب انظف منج

- بمناسبة الجلب منو هذا الدغش الديحجون بي وشبي دساغ معيط على هيذام

- هذا واحد عبارة عن قنبلة موقوته اتفق وياهم يطلعوا مقابل مصلحة متبادلة ؛ طلعوا بم فر اللعبة وطفر  واكص ايدي اذا ماطلع هم متفق ويا ابراهيم بالختلة  وراح يكمل مصلحته براسه ويااخذ شكو شي اله ويطفر ويشبجها بينهم وجيبي السبع ابن السبع اليطلع ابراهيم عدل من بين ايديهم

-عزة شنو هذا شيطان

-انكس وداعتج وياخوفج يوصل السرة وتحرش بهيذام ويورط نفسه ويا ؛ دخيل الله مااكدر اصور حجم الدمار الراح يصير

درع - رئول  اريد اروح للحمام

- يله كوم حتى اغسلك ايديك

ضي - خلي الحارس ياخذه

- لا اني هم اغيد اغوح اغسل اديه كلها وتغاب  من الكتب

- لاتتأخرين حبابة هسه بلكي نلحگ  نرد قبل لايگعد  هيذام

هزيت راسي كمت لزمت ايده رحت للحمام دخلنا سديت الباب وراي وكفت يم البوري

استوني افتحه ماحس غير باب من الجهة الثانية انفتحت دخلوا اثنين زلم ملثمة يركضون حتى مالحكت اصرخ كلها ثواني واحد يجر درع من ايدي والثاني ضربني بنهاية راسي …

لاتنسون التصويت ❤️

شيء من رصيف الدم

بقلمي: leo Alfatlawi

بارت السادس والثلاثون

بارتين سوه

***رايه***

ضحكت بستهزاء واشرت شنو

رؤيا - الدغش الجان ضامته امج عنه عمر كامل حتى لانسألها ليش عافنا

- وين جان كل هالفترة

- بالسجن

- هذا  نفسه  الخابرج

- ونفسه الاخذ ثار رئال وكتل عمها لان سلمها لجاسم الكلب ونفسه الضحى بروحه حتى يخلصني من الخطفوني وراح ياخذ حقنا من كل واحد ظلمنا

سكتت مامستوعبة التحجي

- گومي راية

فجر  - لااا ييمه زلمتج  يتسودن  وعلي وانت رؤيا يبعد عمتج خلاج دسار امانة عدنا شني نرد  اذا سأل وينها دخل الله ودخلجن لاتعملن هيج بينا

- گومييي راااية

كالتها ومدت ايدها تستعجلني

باوعت للرجال عيونه عليه نظرة الحسرة  والحنية واضحة بيهن درت وجهي على عمتي تباوعلي وتبجي بتوسل لااسويها

لزمت مداليتي صارت عيني على كبر رند كلبي متلهف اكوملها وبنفس الوقت محتارة بيمن اثق لان ماضل عندي حيل بعد للخسارة

اخذت نفس بكسرة ابتسم الرجال ومد ايده اشرلي تعالي

- اني مااعرفك ولاادري ليش ماسألت علينه بعد كل هالسنين بس شوف هذا كبر زوجي وذاك كبر اختي وذوله روحي من الدنيا راحوا مني  يعني اذا ضالة عايشة هو علمود رؤيا ورئال

رافد - وانتن كلجن بناتي واجه الوقت تردن لحضني مسحي دموعج يبعد ابوج  و گومي موبت الدغش التنزل دمعتها

- ههه نزلت ونوجعت ونظلمت وين جنت

-جنت اجمع سنين عمري الضيعتها لخاطر عالم شرب دمهم حلال انغدرت اخذوجن من حضني وشمروني بعالم مابي طريق نجاة غير الموت وجان  ثمن ثقتي الهم انتن

- واحنا شنو ذنبنا

- ذنبجن بنات واحد جان مستعد يبيع الدنيا علمود يحميجن وداعت كل ثانية جنت اتأمل بيها شكلجن لاخذ حق كل وحدة منجن من اعمارهم

- مااريد حقنا رجعلنا رئال

- قبل لاتغمض عيونج اختج بحضنج بس كومي يعيون ابوج  قبل لايجي احد

رجعت درت وجهي لعمتي اشرتلي لا وبجت بصوت  باوعت لصگر كال لايخوي  لاتعمليها ابوس رجلج وراس ابوي ينحرني عمييي

لزمت كبر غزوان باوعت لصورته نزلت دموعي  همست كوم كلي شسوي لاتخليني هيج ضايعة

اجوا رؤيا وبابا دنگوا كوموني لطمت عمتي على وجها وصكر كام يدفع بيهم ويصرخ  بعلوا صوته تركوهااا  ولج رااااية لاتعمليهاااا ولكم  اولاد الكلببببب تركوهاااا

جروني للسيارة صعدوني ردت احجي عصرت ايدي رؤيا اشرت لاااا وسدت الباب

صعد بابا بالكدام حرك السيارة شحطها وطلع يمشي بكل سرعته اباوع من الجام عمتي كعدت بالكاع اتملخ بروحها وصگر يتضارب يريد يلحكنا لحد ماطلعنه شهكت جرتني رؤيا لحضنها وهمست محد يستاهل دمعتج

- ماقصروا ويانه

- الدنيا بكبرها قصرت ويانه محد اله يمنا حق غير اخيتنا التركناها تصارع الحيوانات وحدها بس حتى تبعدهم عنا

- وماما الضحت بنفسها وسلمت روحها لخاطرنا

- وذني الوحيدات لازم نفكر بيهن من بعد طفولتنا العشناها برعب

-من اشوكت تدرين بي عايش

- من جنت ارجع بليل من الشغل واحس واحد يراقبني من بعيد بس حتى يأمنلي الطريق من جان يوصيني عليجن ويگلي لاتخافين اني بظهرج

- ليش ماكلتيلي

- ردتج تعتازي حتى تتقبلي بحياتج

- كلش تأخر علينه مو

عضت شفتها ولمعة عيونها نزلت دموعي خليت راسي على متنها صارت عيوني  بالمرايا الامامية اجت بعيونه رغم شكله المخيف وشخصيته الصارمة  بس جانت ابتسامته كلها الم ولهفة ؛ غمضت لان مااعرف اعيط بوجهه لو اضربه لو اعاتبه

مافتحت عيوني غير على صوت رؤيا وهيه تكول البتاااوين

بابا - ملجأ الذئاب الخارجة عن القانون

- ماتعودت اثق برجال لان كلها حيوانات بس هم راح اثق بيك

- ابوج الترگج طول هالسنين وخلاج تصيحين بأسمه لواحد ثاني مايصلح تثقين بي

- راسك بيدي قبل لاتلتفت ابتره

- وگلبج بيدي  اقل غلطة اقلعه واشمره جوه رجليج

-جبان ماتكدر تسويها

- تجربين يالخرزة

- مالعب ويه جهال تتختل جنها جريدية

- ارد ابنيتي ونتواجه يبت الدغش

باوعتله رافعه حاجبها ابتسم  وانتجه ضحكت ضحك على ضحكتها اباوع لمتونه تنهز كد ماشايل هيبة؛ وخرت راسي وصلنا يم بيت قديم نزل فتح الباب رد صعد دخل السياره نزلنا

اندار راح يسد الباب واني اباوع للبيت قديم كلش ممر صغير مفلش وبصفه حديقة هم صغيرة يابسة مقابيلنا باب مفتوحة مبين مطبخ بس كله تراب وسخ

حسيت ايد على ظهري درت وجهي لكيته وراي باوعتله رفع ايده مشه اصابيعه على وجهي همس رايه  اول فرحتي الجانت تتلگاني من الباب تركض وتعثر حتى تحضني

ابتسمت

- بيوم الماجيبلها نستله تزعل ودير وجهه توصل نص الطريق وكلبها ماينطيها ترجع تجي تركض تخلي راسها بحضني

- مافد يوم حسيت بكلمة بابا واني اكولها دوم احس اكو نقص بروحي ادور على ذاك الحضن الي اضم نفسي بي واشكيله من تعب يومي

- تلزم ايدي وتاخذني للغرفة بسكوت عن امها تأشرلي على خواتها حتى اشيلهن اخليهن بحضنها 

- ماكدرت احميهن حرموني منهن حيلي خلص واني اتوسل يردوهن الي منين ابدي اشكيلك من اختي الجانت دنگ على رجلي حتى لايدير الزيت عليها لو من الثانية الجانت ماتغمض عيونها وهيه بنص الظلام بس حتى تحمي نفسها من قذارتها لو الصغيره الي تركتها حتى اجيبلها لكمه تاكلها اجيت لكيته دافنها

- ماخليت مكان مادزيت بي اسأل وراجن اسنين واني احسب بأعمارجن وارسمجن عالحايط حتى من اطلع  ماكون ناسي شكلجن

- اتمنيت اكول كلمة بابا واني حاسة بيها

جرني لحضنه بجيت  حضني حيل وكال اووف يابوية شكد محتام لحضنتج

صاحت رؤيا ديله اشلون ابو هو جنه غلف ثلاجة خربانة بس شكل

وخرت عنه ضحكت واني امسح بدموعي باوعلها رافع حاجبه

رؤيا - بس نزل حاجبج لان كلش مالايكتلك وليش جايبنا هنا ماحصلت بيت انظف منه شوية

- من تكون مفلس تحترم نفسك وتعيش على كد شربة المي

- استلم انت منو الطلعك من السجن ودلاك علينه

- رجل اختج

- نفسه الي راح تغدر بي وتاخذ مرته منه

- حذرتهم كلتلهم بناتي اذا انخدشن اخدش ارواحكم

- المكان مكشوف ياابو عگرب

- انتي بس لاتغدريني محد يلكفني

- للاسف كلشي احتمال ورثت منك اله الغدر لااا

- الغدر اختصاص رئال والصبر والتأني راية 

- شوكت تجيبها

-اجيبها وتملين منها وتردين تكتلها وملص اذاناتح

- اهااا انت من هذا النووع لعد اسمع ياسبع اخوتك شايف هذا وجهك المشبوه التكول وجه فرخ اطراح  ماتنعرف ملامحه وين؛ اسوي الك كرشة عجل ارمل

- شايفه ذيج التربة الوراج ادوفج بيها دوف شرط اخليج قبل لاتسمعين صوتي ادفنين راسج حالج حال النعامه البيها جرب

- لك منو النعامة الجربة

- نفسها الرجلها شمرها على كلبي وطفر بسبب وساخة وجها

- ويگلك ليش ماتنطي مجال لمعتوه يحجي وياك دتعال خلي اعلمك منو الزمال الشمرني على مخربط  مثلك

هز راسه ودنگ يكف برداناته ؛ وكفت تتلفت شافت حديده بنهاية الحديقة ركضت نزلت شالتها اباوع لبابا طگ ركبته من الجهتين وشرلها تعالي؛  فتحت عيونها بمكر واجت بسمة الشر مزروعة بشفافها عرفتهم نفس العقل وراح يسون مصايب مالها حل

رفعت الحديدة واجت تركض بعدها ماضاربته بخفة ايده لكفها نتلها اخذها منها شمرها  اندارت رادت تضربه بوكس لزم ايدها لواها وره ضهرها شل حركتها بيده الثانية كمش وجها عصره دنگ باسها وحجه من بين سنونه اكو وحدة تكتل ابوها

- الي يبرز عضلاته على مره موجال خليك زلمة واجهني وجه لوجه

-رعنة

- لاتغلطط

- تربية شوارع

- شوارع ولا سجون

كز على سنونه دنگ رفعها من بطنها اشرلي يلا ومشى كدامي ضحكت دخلنا جوه باسها وشمرها  وكف عدل قميصه خله ايده على متني كال ادري البيت تعبان بس ماردت اسكنجن ولا اوكلجن بفلوس حرام

- يعني راح نعيش هنا

- لبين ما الله يفرجها وأمنلجن مكان  يلوگ بيجن

- مانريد والله كافي  بس كون ترجعلي اخيتي ماتتخله عنه بعد وكل فتره تاخذنا نشوف ماما لحد ماتطلع وتجي ويانا

- راح اردلجن اخيتج واعوضجن عن كل المريتن بي

- يعني بعد ماكو ذل ولاخوف

-هواي تعبت حتى اوصللجن وارجعجن لحضني اديت دين قسم مااوصل لحرام ولاامد ايدي لمنكر بس يرجعجن الي

-تأخر علينه هواي لحد ما انتهينا

-لكل نهاية بداية وانتن بداية ضحكتي للدنيا دفعت نص عمري فداء لخاطر اردها

-رجعلنا  رئول

-رئال ماخذه ضابط يتسابق ويه الشيطان على جهنم مااكدر اتحرك اذا ماأمن الطريق  اكيد وصل  الخبر لرجل الخرزة  وهسه حضرولي الشطرنج واخذوا الجولة الاولى لخاطر يلعبوني عدل

- يعني شنو ؟؟

-كلفت جماعة تراقبهم بين ماياخذون كم كيم خلينه نظف البيت ونرتبه حتى تخف الصدمة عليها شوية ماكو عاقل يجيبوا من قصر وخدم يشمروا بيت مهجول ويكلوله عيش يضل صاحي

- مابي شي بس تراب ووساخه هسه نضيفها  والله اسوي الك جنة ورئال حتى لو عاشت بقصر راح تضل روحها متلهفة لحضنه اختي اعرفها اكثر من نفسها

باوعلي ساكت صارت عيونه على الميدالية بصدري اخذ نفس بحسرة وابتسم وهمس الضاهر خلصت معزتها وتخلت عنها مثل ماتخلت عني

- عمرها ماتخلت عنها جانت بكل كسرة تلزمها وتعاتبك ليش عفتها وحدها

- ماتركتها هيه غدرتني

- ليش هيج سوت بيك وهيه جانت تتأمل المدالية بلهفة وتسولف وياها بالختلة حتى لانشوف دموعها ونسألها منو صاحب هالخنگة الي خلصت عمرها تشكيله

- كبرتي راية

- وبعدني انخاك تخلي خواتي مثل قبل بحضني

جرني لحضنه باس راسي وهمس اردهن داعت هالمحنه الشايلتها

- تدري قبل كم ساعة جنت مأيسة  من الدنيا وواصلة مرحلة  بس الله اليعلم بيها

- منا وجاي بعد ماكو شي اسمة يأس بناتي غير الضحكة ماتمر على تعبير وجهن

وخرت منه  مسحت عيوني وباوعتله

- ادري مستغربتني وحقج

- داحس روحي بحلم وكل هذا وهم

- ماطول دخلتي بحضني وشمرتي همج بي يعني راح تضلين متمسكة بالحلم وتسامحيني عالصارلجن بغيابي

-غزوان جان يدري بيك مو

- وذباح المنعة يگلج لخاطر لايوجع كلبجن بماضيي اكثر

-وهاي انت رجعت وراح تعوضنا مو

-شتكولين انتي  يابنت الدغش ؟؟

- لعد يله خلينه انظف البيت حتى ترجعلي اخيتي

- انتن كعدن واني انظف بس كليلي شنو اسوي

وكفت اباوع داير مدايري المطبخ خالي مابي بس بريمز وكم حاجة مال طبخ  مشيت دخلت جوه صالة صغيرة بيها صحيات هم تعبانة وغرفة نوم وحدة فارغه بس تراب وسكراب

انداريتله اشرلي  هااا

- نعتاز ادوات تنظيف وكم شغله دااسجلهن الك تروح اتجيبهن

- تأمرين

- واريد كم شغلة نفرشها يعني موهواي

- طلبي التردي من عيوني  

رؤيا - وانت وكعت من عيني رجل ماڨيا واني واني تالي وحدة مثل هالثولة دزك تجيب ماسحة حتى تنظف بيها وسفة زين شاربك احسن

- ذكريني من ارد اغسل وجهج ويه البيت

- ههه يالكوميدي من هيج ماما خذتنا وطفرت

دنگ

- اووو راح يعيش الدور لاتضوج  يله حلو حلو

هز راسه بيأس وطلع باوعتلها همست اشلونها المفاجأه

- والله بعدني مامصدگه  داحس روحي داخله بتخيلات

العشنا جان تخيلات منا وجاي ماكو غير الحقيقة صح ماجنت طايقته وماتخيلت يجي يوم وغفرله بس لخاطرجن ادوس كلشي اسوي

-بعدج محملة نفسج المسؤولية

-لان اني الضيعتكم واذا مارديت لميتكم اعيش طول عمري كارهة نفسي

- صدك رؤيا خلصت معاناتنه وراح ننجمع من جديد

- ويه اب بس اسمه يرجف اكبر شارب ااااخ شكول عليج ماما الله يسامحج عالسويتي بينه

- احسه حنونه ليش جذبت علينه وحرمتنا منه كل هالسنين

- سأليها بلكي تلكين عدها جواب يرضيج ويجبرج ماتحقدين عليها

- رؤيا احترمي  فدوة ترا دتتجاوزين هواي عليه ميصير

- انجبي وخليج بالوساخة هاي اشلون راح انظفها ابن الحمقاء تاب على حضنه اخاف معوزين طياح حظ

- صدگ تحجين والله اخليها جنه غير هاي جانت امنيتي عزززه مامصدگه والله

- شتكولين اذا وصل الخبر لذباح شراح يسوي

- لاتجيبين طاري لان مااعرف واحد بهذا الاسم

هزت راسها دنگت طبكت رداناتها ولمت شعرها كالت يله

ضحكت سويت مثلها وبلشنا نشيل بالسكراب ونطلع بره رغم كل الصار وبعدني احس روحي  بحلم صح جنت ادري بي عايش وسمعت كم مرة رؤيا تحجي ويا بالختلة بس ماصدگت انجمع بي

شوية واجه جايب كومة اغراض حتى دواشگ سفنج وبطانيات ماخال شي؛  شمرهن بالطارمة وذب قميصه واجه ويانه

اذا احنا جنه مامصدگين هو اكثر يوكف يباوعلنه ياخذله صفنة ويرد يسحبنه لحضنه يبوسنا ونرجع للشغل بس هيهات رؤيا تعوفه بحاله اذا ماتشمر كلمة لو تتحارش بي ياخذله عصره وجه لو ضربة ويرجع ينگل بالحديد

واكفه داافرش بالغرفة دخل كال كافي يله ارتاحن الصبح نكمل شغل

خليت الدواشگ طلعنا  احنا غسلنا ادينه وهو قفل البيبان ؛ رجعنا للغرفة دقايق ودخل بيده لفات انطاني واخذ واحد من الدواشگ كال شديتلجن سلقي سلقن الباب وراي

طلع بالصالة فرشه وكعد وحده احسه شال الهم عنه بهاي سوايته صح ابونا بس الرعب الزرعه بينه جاسم خلانا مانثق بأحد وهو هم حس علينه

كامت رؤيا سلقت الباب واجت شمرت روحها يمي تمددت بيدها لفتها تاكل وتغفي من التعب خليت راسي بصف راسها لگمتين ورحت بالنوم بدون لاادري

كعدنا على دگة الباب اباوع صاير الضهر كمت فتحته لكيت بابا بطرگ الفنيلة ام التعلاگة والبنطلون واكف بيده صنية ريوگ انتبهت لشكله صدگ يجيب التايهة ووجه مشبوه موقانوني على گولة رؤيا عضيت شفتي كوة كاتمة ضحكتي

حسته لكفها بسرعة رفع حاجبه يباوعلي صفح ماسيطرت ضحكت ضحك على ضحكتي وگال ماعاجبج شكلي يبت رافد

-لابابا موقصدي وشنو هذا بيدك ليش تعبت نفسك

- ريوگ لاحلى  اميرة بوجه الارض صباح الخير يروح ابوج

-وين رئول جان كالتلك صباح النوغ

- ماضل كلها كم يوم واسمعها يله روحي غسلي وتعالي انطيني رئيج بشغل ايديه

- جان كعدتني اني اسوي

- اميرتي ماتطبخ بس تتأمر يله لج روحي بين مااصبلج جاي

ضحكت وطلعت بين مارحت للحمام طلعت واكفه اغسل وجهي واشوفه جاي گالب رؤيا على متنه وصل  يم البوري وخرني نزلها وكمشها من كفشتها دنگ مد ايده للمي كام يشيل ويغسل بوجهه وهيه تصيح لك لييش

دفعها وصاح  بت الوسخ  مي وبلاش حتى البزازين كامت تغسل شمنتظرة

- رافددد لاتخليني اتجاوز  وداعت امي اذا مديت لساني اخليك ترد للسجن بس لخاطر تلم كرامتك 

- كمي لج ام الجكاير لمي كفشتج بالاول خلي نفرق بينج وبين القردة حتى نعرف شنرد

-ويجي الكلب ابن الگلب يكول هذا ابوج لازم تحترميي

رفع ايده ضمت وجهه بسرعة دفعها وراح للغرفة رحت ورا بسرعة لان مالي خلگ لسانها اعرفها تندار عليه و تشمرها براسي

كعدنا يم الصنية لكيته مگلي بيض وخال جبن صبلي جاي ونطاني صمونة اجت دخلت گالبة خلقتها كعدت كدامنا تربعت تباوعله بغضب صبلها جاي واخله صمونة كدامها درات وجهه زعلانة

دنگ اخذ صخام من نهايه الطاوه ولزم وجها مسحه من الكترين كالها يله بابا لاتضوجين رجعنا وسخ وجهج اكلي

باوعتله صغر عيونه گوة تمالكت نفسي لااضحك  دمغها كامتله تريد تتماطل ضحك وكاللها بس نكمل ريوگ؛  رجعها گعدت

مرت الايام يوم احلى من يوم رغم احن الايامنا القديمة ومرات اخذ صفنا وين جابتنا الدنيا بس من اشوف رؤيا اشلون تتماطل ويا وهو معاملته وخوفه علينه احس نفسنا رجعنا لايام الطفولة صرنا نكمل شغلنا عالسريع وننتظره يدخل من الباب بهيبته وابتسامته المليانة حنان نتلكا حتى ناخذ من ايده العلاليگ 

اكثر الوقت يمنا مايكدر يتركنا بسبب المنطقة وهم يعرف يدورون عليه  مايطلع غير بليل يجيب سيارات عطلانة ويضل الصبح بالساعات واكف على رجلي يصلحها علمود يحصل فلوس بالحلال بين يوكلنا بيهن وبين يلم حتى يأملنا مكان احسن من غير مغثة رؤيا الي مااعرف اشلون حاملها ماتگعد ولاترتاح اذا ماتغط لراسها بالدهن

هو يصير العصر وهمه يتجهون للحديقة ترتيب وزراعة واني لازمة المطبخ والبيت 

كاعده اگلي بتيته  واباوعله اشلون واكف بالحديقة  والعرگ ينزل من الكترين بس مستمر يشد حبال حتى يكمل مرجيحة رؤيا

صفنت شيصير لوما تاركنا ومكملين طفولتنا بحضنه 

اخذت نفس طلعت البتيته خليتها بالماعون وهمه مستمرين بالشغل رغم كل هذا بس مرات اخاف منه خاصتاً بليل من يتلثم ويطلع لو اسمعه يخابر واكثر مخابراته ياعن بضاعة ياينطيهم تعليمات اشلون يلگفون واحد ويخلوا بمكان ويبلغون عليه من بعيد 

متمددة على فراشي تعودت عيوني ماتغمض اذا مايأذن الفجر انگلبت صفح العب بشعر رؤيا واسمع طگطگة بره عرفته راح يطلع كمت فتحت الباب لكيته واكف يدگم بقميصه رحت يمه شال راسه كال ها بابا كعدتج من النوم

- لااني منتظره يأذن حتى اصلي فرد مره وانام وين تريد بهيج وقت

- يبعدج ابوج اودي السيارة كملتها واكمل شغلة عندي انتوا لاتنتظروني على الريوگ وعينج بالخرزة لاتخليها تطلع بره

- بابا وعدتنا ماتوكلنا حرام

- لواعرف اشلع من لحمي واخلي كدامجن ولااللوث دمجن بفلوس حرام

- تره منتبهتلك صار كم يوم مهموم  حتى ضحكتك مونفسها احجي بابا اسمعك منو مضوجك ذباح لو دسار

- ههه لاذباح بعده بالسجن وصح رجل هالرعنة يطفر كل يوم بيت ويفتر جنه مسودن بس هم مو يمي

- رئال بيها شي موو

دنگ

لزمت ايده  همست شبيها اخيتي

- لابابا مابيها شي بس تعبانة شوية وصار كم يوم طلعوها من المستشفى ماجاي احصل طريقة اوصل لاخبارها

- ماتكدر ترجعها النا

- خلصت عمري اشمر نفسي بالموت واجازف بروحي بشغلات ماتمر على عقل صاحي من توصل لبنت روحي ترديني اعجز ؟؟  لو اعرف اخرتي بيها هم اخذها منه واردها بينجن

- لابابا لاتعوفنا استونا كمنا انام براحة واحس روحي عايشة بأمان والي قيمة بيتي

غمض وهمس ااااخ اشكد اتمنى اطوي الوكت احرگ ذاك اليوم الثقيت بي واني اسلمهم سري

-موجوع من غدر ماما  موو

باوعلي ساكت  رفع ايدي باسها وابتسم

- مااعرف شصار بينكم وليش هيج صار بس امانة ماما ما تزوجت بس حتى تحمينا عمرها مااعتبرته زوجها حتى رند من صارت اني جبيره اتعده عليها غصباً عنها واردت تطلگ بس خالي منعها

هز راسه اي ودنگ يكمل بدگم بقميصه

-مم شنو تحب اسويلك غده

رفع راسه ضحك مد ايده لزم خدي وكال اي شي من ايد بنيتي الحلوة طيب

- لاتتأخر علينه تره بتك الخبلة اذا ماشافتك اضل اطفر تشلع گلبي

- البارحه لكفتها دخن عينج عليها

- بابا مااكدرلها  انوب تهددني اذا شكيتلك تكتلني

- هههههه مشاغبة وماخذتلها واحد نفس الخبال ضال يكمز من بيت لبيت بدون عقل على ساعة يلزموا يشلعون راسه

-كسر كلبها

-الصار غصباً عنه بس اني ردت ابعدها عنه حتى يعرف وراها ابو يكسر ظهره اذا فكر يضوجها موبنات  الدغش الي تنزل دمعتهن 

-واني مااريد ارجع الاحد

-صح الخبل مالتج گوه لازمي بالسجن ويكولون يمشي ويفلش براسه ويتهدد اذا طلع يحركني  بس هم راح اگرصلج اذانه

-بدون لاتكرصه اني ماعوفك ولاراح اباوعله من الاصل

-صدگ التحاليل طلعت والمتبرع نتيجته متطابقة واكو علاج لازم اجيبه الج حتى تاخذي قبل العملية

-كلشي مابيه صرت زينة بعد مااسوي عملية

-ميخالف هم اجيبه محد يعرف الدنيا شضامة

- ربي يحفظك النا 

ضحك وجرني لحضنه باس راسي - هاي تكوليها من ارد حقجن واجيب الاذوجن امدهم جوه رجليجن مثل الحيوانات يبوسون رجليجن ويترجوجن بس حتى تسمحولي ارحمهم بالموت

- واني اكول رؤيا على منو طالعة درو المشاكل مداور

- هههه هاي  خرزة البتاوين لاتحجين عليها 

- يله راح يطلع النهار روح بسرعة

-تخافين عليه رايه

-البت مالها قيمة بدون ابوها عشت ذاك الشعور   مااريد احس بي مرة ثانية گد بشاعته 

راد يحجي وندگت الباب مسح على شعري كال يله قفلي الباب وراي ورجعي نامي

دنگ شال اللثام طلع هو يلف بي وكفت يم باب المطبخ  راح فتح الباب دخلوا ثنين سمر كلش وضخمين شكلهم يخوف بسرعة صرت ورا الباب سديها دااسلقيها واسمعه يكلهم شسويتوا

-كلش تمام  ريسنا منتظريك يم المسطبات

-حضرتوا الاسلحة

-والولد اتوزعوا حسب التعليمات الأمرتنا بيها

-مااريد نقطة دم وتخليكم نبهين اول مااتحرك تبلغون الامن وراي

عفتهم ودخلت جوه للغرفة عرفته دياخذ حقه ويسلم شكو واحد غدر بي تسليم ايادي بدون رحمة من بعيد

سلقيت الباب  ورديت تمددت يم رؤيا صفنت واني اكول هالبنية ليش هلكد  كمية الاجرام بداخلها اثاري ماجايبتها من خالي

اباوع لخدودها وسخة وجوه عينها شخط وبحنجها طبر مغمضة بغضب  اتحس جابريها عالنوم گالبة خلقتها اي براءة ماكو بوجها  ضحكت لزمت ايدها  وغمضت دقايق ورحت بالنوم بدون لاحس

كعدت على صوت سيارة تدخل للبيت انتبهت لرؤيا ماكو كمت واشوف الساعة ٣ الظهر رحت غسلت وجهي دخلت للمطبخ دخل بابا بيده علاگة ويده الثانية لازم رؤيا من كفشتها يجر بيها كلها تراب حال الضيم حالها  كلتله الله يساعدك بابا

- على اختج لامااتصور شكد عاشرت عوجان بحياتي بس مثلها لااا مامر عليه

- عزه شنو سوت اني خذتني النومة

نتلها وصاح  احجي كولي اجنتي تسوين

رؤيا - ايدك رافد خليني محترمتك 

- انعل ابو الاحترام الجاي منج الكبررر مال الزمايل الحافرته بالحديقة المن من اخذج هسه وادفنج بي اكو ابن عاهرة يعترض

- هاي نتيجة الجهل كلتلك موگبررر موگبرر هذا مسبح

- يامسسسبح بت الكلببب حفرة مليانة خياس ليشش معوزة وصخخخ

- انت بس اهدأ وتعال وياي نوخر الخياس نترسه مي وشوف اشلون راح يصير اذا ما حتى بليل كمت تنام بي اطلع ماافتهم

- هو الجرو ابن الجرو الگلج انتي تفتهمين منوو؟؟ ولج انتي عبارة عن ضفدع قذر نطلعه من خيسة يشمر روحه بخيسة انكس 

- شوف انت غلطت واني مارديت عليك ليشش لان انت ابوي ولازم احترمك حتى تعرف اشكد مترباية

دفعها وصفگ بأيديه هز راسه يائس ضميت ضحكتي نكثت ملابسها راد يدخل ليجوه ركضت صارت بوجها منعته  اشر شكو

رؤيا - شفتك تشمر السجينة على صاحبك وگعت الشفقه مالته بدون لاتأذي

- المطلوب

- علمني اشلون اشمرها بدون لااطير صفحة الوجه

- روحي حبابة  غسلي وجهك وغيري ملابسج جبتلج ملابس  يم اختج

- ميخالف بس علمني حباببب مواني بتك تقبل اكتل واحد واخلص عمري بالسجن

- التسويها وهيه عمية ماتصعب عليها وهيه مفتحة

- غلطت

-مرات الطمع يكلف

- ردت اعذبه ماردته يموت بسهولة

- التعذيب اله اهله روحي غسلي وتعاليلي بسرعة خلي اعلمج اصول المتعة باللعب ويه هيج حيوانات اشلون يصير 

ابتسمت لمعت عيونها تكول كاللها راح اخذج للمتنزه مو اعلمج اشلون تعذبين بشر

ركضت اخذت العلاكة مني من استعجالها مافتحتها شكتها بالنص طشرت الاغراض  طلعت تراك خذته وبوجهه للغرفة استغفرت كعدت لمتهن خليتهن على صفحة طلعت المخضر خليت التخته كعدت احضر بالطبخة

دقايق وطلعت طايرة اشرلها على شعرها دنكت لمته بين ماذب قميصة وطلع سجينة راح خله مخدة واجه سحبها خلاها بنهاية الصالة وكف وراها

اباوعله خله السجينة بيدها وبلش ينطيها تعليمات اشلون تشمرها ويامكان الخطر وشنو المكان اليشل الحركة

اكثر من ساعة وهو مستمر شكد جانت رعنة  وتضوج من تخطيها بس جان صبره عليها اكبر من رعونها ماتركها لمن ضبطتها؛  دفعها شمر السجينة  وكف طگ ركبته  رفع اديه واشرلها تعالي عرفته راح يعلمها اشلون تحمي نفسها من ضربة مفاجئة

وصدگ ثواني وبلشوا يتضاربون اباوعلها حركاتها سريعة مااعرف لان عاشرت ولد الشارع هواي لو دروس دسار خلتها هيج خفيفة ونبهه رغم بابا خبرة بس ماكدر يغلبها تكول ريشة اطفر وتفلت بخفة

اشوف الفرحة بعيونه بس مايريد يخليها تحس بي؛ اشكد مايكدر يقسى عليها حتى يعرف شكد تتحمل

مر وقت وهمه مستمرين لحد مارن فونه جان مجتفها دفعها راح ينفت شال فونه بس باوع بي ركض لبس قميصه اخذ اللثام وطلع يركض

اجت رؤيا مسحت وجها دنگت شالت المي شربت ورجعته كعدت يمي مددت رجلها كلتلها وين راح

- وين يعني كل قوته يكتل واحد ويرد

- وهيج تكوليها بساطة

- لان همه حيوانات اصلاً الموت هواي وياهم

-ليش ماكو براسج غير الدم والكتل

-من تختلين جوة الدرج وتسدين حلگج بثنين ايديج حتى لاتطلع شهكتج وتلكفين وبدل الصوندات يصير زيت حار يخليج تتمنين الموت ؛ من اكبر امنية عندج تغمضين عيونج بدون لاتحسبين الوقت خايفة يجي الصبح وماتعرفين اشلون تحمين نفسج من لمساته وقذارته؛ من تموت اختج بين ايديج وهيه كل همها تاكل لفة تسد جوعتها تعالي كولي ليش

-ماراح تنسين

-من تتخلين عن مناظر غزوان وتتقبلين حياتج الجديدة

- ماكو شي جديد هياتنا بالبتاوين ودااسمع كل ليله صوتهم وضحكهم بعدنا خايفين نطلع؛  عايشين بدون مستقبل على ساعة ابونا يلزم وجاسم يرجع يمكن ذاك الوكت جان عندي امل وبيه انهزم  حتى  اعيش هسه لا اي شغف للحياة ماكو  ولامستعدة احارب لخاطر شخص لان تعبت ومليت

- هم يجي يوم ونعيش مثل باقي البشر

-ماردنا شي حلمنا بسيط لدرجة اخجل اسولف بي

- بيت صغير نلتم بحضن امنا ورئال تقرانا كتابها للمرة الالف وابن ابو الما يتفاعل وياها بالاحداث

-هم يجي يوم واشوفها

-ونرجع لذاك البيت نحرك جاسم وناخذ لعبة رند  ونروح نعيش بغير محافظة ننتظر ماما

-وغزوان

-غزوان الحلم الجان لامنه وگعدنا منه

خليت راسي على متنها صافنة الوقت يعدي احنا على كعدتنا ساكتين لحد مانفتحت الباب دخلت السيارة نزل بابا يركض سد الباب وفتح باب السيارة دنگ گمنا على حيلنه واحنا انشوف طلع رئال شايلها بيده احس جسمي كله انشل اريد اتحرك لو احجي مااكدر

دخل يركض عالسريع صاح رؤيااااا مااااي

رحت ورا گوه اجر بنفسي دخلت للغرفة لكيته خالها عالدوشگ يضرب بوجهه اجيت يمه صاح عينج بيها وگام طلع يركض

كعدت يمها اباوعلها وجها باهت نايمة بعمق بعدها على براءتها  ؛ مديت ايدي مسحت وجها عالكيف همست موكلتلج ماتأخر عليج بس اجيب ماما من المستشفى واجيج ليش مانتظرتيني

شرجعج بذاك اليوم ماكدرتي تشوفين مكاني فارغ  لو خفتي وحدج

ههه تدرين من رجعت الطريق كله اشكي لماما منج واكلها شوفيلنا حل وياها تره صرعت روسنا ويه قصصها

نزلت دموعي مسحتهن وضحكت - غزوان جان يغار منج يكول تحبيها اكثر مني جنت اصرخ بوجهه واكله هيه لزگة النهار وليل مكمشة بيه حتى بليل تدحس روحها يمي تكول بزونة

عضيت شفتي - من رحتوا كمت انام براحه بعد لاغزوان يزعل وانتي تزعجيني بنومتي  هه دريتي بيتنا انهد وضاعت لمتنا؛  ماما راحت ورنوده ماتت وغزوان نكتل صفيت وحدي افتر النهار كله ادور على اثر لصوت هوستكم وضحكتم  براسي صرت اكعد الليل كله بس حتى اسمع اذان الصبح وتخيل كعدتنا

اشلون انطاج كلبج تعوفيني مو تدرين  دقيقة مااكدر بدونج زين من سمعتي غزوان مات ماگلتي اشلون حال اخيتي هسه؛  ولج حتى عزززا مااخذته ولاشكيت لاحد جنت منتظرتج لان ادررري بس انتي تحسين بألمي  لييش هيج سويتي بيييه گومييييي رئال ولج كوميييي شوفي حالي بدونكم اشلووون

جريت راسها لحضني وبجيت بعلوا يصوتي صارت كدامي رؤيا دموعها تنزل ضحكت وحجيت بشهكة رجعت رئال

هزت راسها  وبجت بصوت

- شوفيها اشلون حلوة

-راية اخيتنا ماتتحرك

-عرفت كلبها راح يحن وراح تردلي لان ماتتحمل بعد اكثر

-لج راااااية مابيهااا نفسسس 

-بعد مااخليج تمدين ايدج عليها واخليها للصبح تقرا وكل ماتخلص ارجع اكلها عيدي

جرتها حيل من حضني رجعتها للمخدة  ردت اخذها دفعتي وسحبت المي غسلت وجهه دنكت تمسح بي وتباوعلها بخوف نفسها ضعيف عبارة عن جثة هامدة

زحفت تقربت يمها لزمت ايدها امرغ بيها ورؤيا تضرب بوجها بس دموعنا تنزل مانعرف شنسوي اكثر من ساعتين واحنا مكابليها  ساعه نبجي وساعة نتلفت محتارين وين نروح ؛ الي تغسل والي تفرگ باطرافها بس نريدها تصحى احس روحي خلصت وبديت ايأس منها  استوني اريد اگول لرؤيا تكوم تنخي احد من برة واسمعها هذت بأسم هيذام

غمضت اخذت نفس براحة  ورؤيا  تفلت عليها وصاحت واني الكاتلة روحي صار ساعه امرغ  صدگ ضايع بوجهه المرعبل

داارد ودخل بابا ملثم بيده طفل يبجي وخر اللثام  كال ها ماصحت

رؤيا - لااا استوها بلشت تهذي  بس حرارتها عالية كلش

- ماعليها لاتخافن كومي اخذي درع وجيبيلي مي بارد بي ثلج وقطعة قماش

- منيلك هذا

-ابن هيذام الزمايل جايبي وياها بالغلط

-وشكو جبته جان رجعته

-حتى يلكفهم ابو ويسوي بيهم تعداد همه وعشيرتهم عالمحرقة عدل

-يعني تورطنا

-على شنو تورطنا هذا حصة بنتي وهاي جبته الها يله خلي يشوفني مراجله ابن النظام

اباوع الطفل يفرفح نزل من ايد بابا اجه يركض خله راسه على صدرها وصاح رئول كومي خابري بابا ذوله حرامية

رؤيا - وعالاساس ابوك شريف ابن البول تيري انت الله جابك كوم تعال يمي

- هسه تكوم  رئال تصرخ عليج

- انعل ابوك لابو رئال دتعال خلي اغطك بالحفرة اخذ كم صورة بيك اخلي ابوك يستمتع اليوم

صحت كل عقلج انتييي

- طبعاً كل عقلي اذا ماخليته يطفر مثل ماسوه بيه بالتحقيق مااطلع خرزة البتاوين ؛  ابن الجروو اكله مواني كتلت يشيليني من شعري ويكول كم طعنة طعنتي

- حيييل عاشت ايده كون شالع لسانج وانت حبيبي تعال لاتخاف هاي مخبلة

درع - اريد باباااا وديني حبابة والله مااسوي وكاحة اني

- يروحي انت بس تكعد رئول تاخذك وتروح احنا مانندل بيتكم

- هو موبعيد هنا يم الحرس

رؤيا  - على شنو حرس دخلي العالم تخلص من شر ابوك الجنه جلب شارب دم  مصاص دماء؛ هو يصير الليل وهو يتحول يكوم يطلع افكار استجلابية بالتعذيب ابن الناقص

- انتي مو حبابة رئول ماراح تحبج

رايه - هيه رئال ماتحبها بس تحبك انت

- لعد ليش عايشة هسه بابا يكتلها ويسجنها يم عمو المخبل

- هاي كل المايحب رئال هيج مصيره هيج

- لعد مو هيه تضوج وبابا مايقبل تضوج

- ابوك هم يكتلها

- لابس هيه تضربه وتكوم تبجي لان ايدها توجعها وبابا يضل يبوس بيها يكلها لاتبجين بعد مااضوجج

رؤيا- ام لدغة تكتل هيذام وفوگ هذا هو الي يعتذر

ضحك بابا بصوت عالي واني ابتسمت رديت اباوعلها امنيتي اضمها بروحي دنگت لزمت ايدها بستها احس حرارتها صارت اقوى گمت جبت ماي وثلج اخذهن بابا كعد يمها يسويلها كمادات على راسها واني استلمت اديها ورجليها

داارفع ابلوزها لزم ايدي بابا كال تركي بطنها

-ليش

-حرارتها مو من برد اثر ضربة

دااحجي واسمعها همست غزوان غوح… غاية غاح يلزموناا

غمضت عرفتها بعدها تحلم برجعتنا بليل مسحت دموعي ورجعت امسح برجليها وبابا براسها الساعات تمر وهيه كلما جايها تسوء حالتها بدل الهمس كامت تسولف سوالف واكثره لوغزوان لو تصيح مواني الكتلته

رؤيا استلمت درع صح بالبداية جانت عنفوانية بس حسيتها شافت بي براءة رند اخذته لحضنها وصارت تلعب ويا هو ماستغرب اطبع عليها بسرعة

صاح الاذان واحنا بعدنا اباوع لبابا يمسح بگصته مبين التعب على وجهه ويرد يغسل الوصلة ويخليها على راسها بخفة ويدنگ يايبوسها ياايشمها بلهفة ؛ الي يشوف شكله وهيئته مايكول هجي شايل حنية

احس راسي داخ والكلى بلشت بالالم بعد مااكدر اقاوم اكثر  اشرلي نامي اني اكمل؛بعدت الطاسة. مال المي وتمددت يمها لزمت ايدها خليته على صدري وغمضت اتخيل بعدني بذيج الغرفة ايدها على گلبي وصوت الاذان بأذني اندعي لايسمع غزوان حتى يخلينه شوية بعد نايمين

…هوسة  بابا يهدأ والطفل  يعيط بصوت فتحت عيوني لكيت رئال حاضنة درع لامه روحها  وخاتلة بزاوية الغرفة ورؤيا تصيح هيي لا تعيشين الدورر من الاخير احنا لكيناج بالزبل وجبناج حتى انجدي بيج واذا تضلين هيج فاهية ماتفيدنا انبيع اعضائج

كمت ركضت كعدت يمها رجعت ليورا حاضنه درع حيل رفعت اديه همست لاتخافين ادري فاقدة الذاكره بس  خليني احضنج  بلكي تحسين بيه وتردين تعرفيني

رئال - اني شايفتج وحتى هاي شايفتها بالحلم بس مدااذكغكم

- يمه اللدغة اووف اشكد مشتاقتلها

-منو انتم ؟؟

-هاي اختج رؤيا واني راية معقولة تنسيني رئول

-بس  اني ماعندي خوات

- لاعندج ثلاثة واخ اسمه غزوان

- لعد ليش هيذام يكول ماعندج اهل

رؤيا - غير ماصدگ فقدتي الذاكرة شتردي يكلج اني كتلت اهلج واخذتج غصب

انداريت خزرتها ورجعت لرئال باوعتلي بكسرة كأنما جانت شاكة بشي وتأكدت منه ؛ هزيت راسي لااا وهمست مالج شغل بيها هاي اجذب

رئال - دوم جنت احس بي ضام شي عني وخايف تغجعلي الذاكغة بس ماتوقعت هو الكاتل اهلي

- مو هو الكتلهم والله هاي اجذب  وهو ماسوه هيج لو ماجان يحبج وخايف عليج

- كل يوم دااشوفكم واشوف الولد ابو النظاغة والطفلة  والمغة اليم الصوبة تسويلي لفات

- ماشفتيني لازمة ايدج ونرد من الشغل نركض خايفين

- اي وانتي تكليلي غاح الوكت بعد مايفيد

- راح الوكت رئال وصفينا بروحنا غربة وحدة ماتعرف الثانية بعد ذيج المعزة الجانت بينا

نزلت دموعها وهمست بهظم  مدااذكغ شي

حسيتها خذت روحي سحبت درع منها وخرته وخذتها لحضني وشهكت ضمت راسها بصدري وبجت بقهر ؛  خفت عليها وخرتها بسرعة مسحت دموعها وهمست  لاتبجين يعمري والله ترجع ذاكرتج المهم رجعتي لحضني راح نعوض كلشي فقدنا

رؤيا - من باجر دشوفيها اشلونها وشلابسة وين ترديها تعيش وياج هاي تلكيها تسبح بحليب وماتاكل غير لحم غزال

- انتي بس انجبي احنا بخير

-على شنو دتصيحين وبعدين وين اكلتي راسي حلوة وحلوة اصلاً  تلعب النفس عيع الحمد الله جنت عمية جان صار بيه توحد هم عيشة جاسم وهم شكلها المقزز

- كملتي يله وروحي سوي ريوگ

- اووو رجعتلها رئال ورجعت تكرهني وتتامر عليه وانتي لجج هيي تره انتي  فاقدة الذاكرة يعني قصص وكتب بحح ماااكو  سمعتيي 

لمت رجليها خايفة؛  هزت ايدها غمتها وطلعت

ضحكت كال بابا اظن بلشت الغيرة

- هههه لا هنه ارويسة من صغرهن وانتي يعمري لاتخافين منها والله تموت عليج ومامصدگة رجعتي  بس هيه حمارة ماتعرف اتعبر غير بهاي الطريقة

رئال - هم جانت تضغبني

- لا جانت تنكتل  وتنحبس بمكان مايحمله حتى الحيوان علمود لاتنضربين

صفنت ضايعة

سحبت ايدها صعدت ردانها طلع الحرگ باوعتله وهمست ماسألتي نفسج منيلج هذا الحرگ وانتي عايشة يم واحد يخاف عليج من الهوا

-سألت بس محد جاوبني

-لان محد عاش الخوف ولاحس بلسعة الزيت هو ويندار على جلدنا غيرنا 

-ليش هيج عذبونا

-لان بنات  وماعدنا  سند

-ليش تخليتن عني وعفتني وحدي

- خذوج من حضني غصباً عني تعرفين شصار بحالي من رجعت للبيت ومالكيتج  ؟؟ تدرين اشلون عشت بعدج

- شنو الصاغ ليش بعدونا واشلون جنه عايشين 

انداريت لدرع حتى اگله روح يم رؤيا صار كدامي بابا واكف ايدية بجيوبه مدنگ يتسنط بس شكله صاير يخوف فاتح عيونه بطريق ترعب

اتبلعمت وهمست بابا اخذ درع يم رؤيا خلي تسويله بيضة

رفع راسه باوعلي عيونه حمر يتنفس بغضب اشرتله بتوسل لااا ؛ لان عرفته ديجمع معلومات حتى ينتقم واحنا راح نضيع من جديد

ابتسم اخذ نفس دنگ شال قميصه ومد ايده لدرع  تعال

-وين تريد بابا النهار طلع

-لاتخافين مااتركجن اذا ماأمنلجن حياة تخليجن تاج على روس السلاطين ومكان مايتجرأ حتى ابليس يتقربله

- كلشي مانريد مكتفين بيك  هاي خواتي ردن لحضني وهذا اكبر عوض بس انت لاتعوفنا بعد وخاصتاً هسه اكيد مخبوصة الدنيا وراك ماراح يعوفوك

-ههه لايضل بالج يبعد ابوج شغلة صغير اكملها وارد ماتأخر صح ورطتني بناسبة  جنهم شياطين بس اضل عكرب الدغش

-راح لجاسم مو

-لاهذا شغلة بعده اريده للخاتمة  ؛ تركي هالسوالف وانتبهي لاختج عيونج عليها راح اتركلج جهاز يم رؤيا اخاف ترد حرارتها لو يصير شي اتصلي بيه بسرعة وهم اراح اخليلكم واحد يراقب البيت من بعيد لبين ماارد

هزيت راسي

- يله ياحفيد النظام تعال خلينا نشوف صاحب الشعار شنو محضرلنا

اشر اي اجه باس رئال وطلع يركض ويا رجعت  لزمت ايدها وكعدت يمها بالبداية صفنت بوجها مامتغيرة بلعكس زايدة جمال ونعومة جنها لعابة تباوع براءه تنكرط من الكياته عذرت هيذام عالسوا

رفعت ايدها وخرت شعرها عن وجها بهدوء واشرتلي احجي

ابتسمت وبديت اسولفلها من طفولتنا لحبها لمحمود لدخلتنا للبتاوين لشغلنا ورجعتنا بليل وكلما اوصل لغزوان ورند اعبرهم مااريد ازيد حالتها لان تباوع بتمعن حسيت بيها تتخيل الموافق حتى تذكرهن  لحد ماوصلت  لذاك اليوم ؛عگدت حاجبها وهمست هو  الجان يحقق وياي بكل مغة يدخل للبيت اسمع نفس ضغبة البسطال

داارد وقاطعتني رؤيا بدخلتها بيدها صنية اكل خلتها كدامنا اجه درع يركض كعد بحضنها كاللها رئول اشوكت يجي الحيوان

باوعت لرؤيا دارت وجها تصفر استغفرت- حبيبي هذا ابوك ميصير تغلط عليه

- لاهو جلب بس يصرخ ويضرب

-هيج راح تضوج رئول لان هذا زوجها

-بعد ما نريده خلي يولي احنا نعيش هنا  بس نجيب ضيونه ويانا ؛رؤيا راح تلعب وياي وتاخذني للالعاب والمسبح مالتها

-حبيبي لاتختلط برؤيا موخوش بنية

- لاااا هيه حبابة بس همه حيوانات وجلاب تف عليهم بعد مانعيش يم  الزبالة

- زباله ؟؟ لج رؤيااااا كلشي يرهم تعلمي بس زبالة ويه ابن هيج عائلة ماترهم

- لااا اعرف شنو زبالة يعني  جدو بيبي هبة وهالة ووو ومنو

رؤيا - وابوك يالزمااال

دنگت ضميت وجهي  ضحكت رئال ؛  اخذت نفس ورفعت راسي كلتلها كومي خيه ردي لبيتج هاي هيه شفناج راح يضيع مستقبل الطفل

رئال - عمغي ماحسيت ذاك بيتي ولاهمه اهلي

- اووف رئال صدگ رجعنا التمينا من جديد

- جنت اصيح بأسمائكم واحنلكم بدون لاذكغكم

رؤيا - اني اذكرج شوفي لج انتي جنتي كل يوم تمشطيلي شعري وتغسلين  ملابسي

-اكو گصيبة مثل گصايبجن بكنتوغ هيذام كلما اغيد الزمها مايقبل وبساع يسد الباب

- يخاف ترد ذاكرتج وترگعي دفرة على ذاك الشعر البترة الكله گمل المهم همزين خلصج منها هيج احلى ولاتفرين الحجي تره حتى المواعين انتي جنتي تغسليهن

-مم

-مم  لا هواي غسلتي مواعين على هاي ايدج التلمع وفهاوتج تعالي لج يكولون تضربي للبول تيري صدگ

-لاخطية حيوان ليش حتى اضغبة

- شنوو لج لاتكولين عندج بول تيري حقيقي

- اي جابليا هيذام

- اموت على رب هيذام ولج اني اختج وانتي جنتي تموتين عليه واني جنت احبببج ومدللتج كلشش

- تغه يخوف اذا جاع يصيغ خطغ لازم اكو حغس عندج حتى ينتبهون لان ياكل لحم بشغ اذا مالحكتي تنطي لحم معلب

- وليش معلب هاي حياتنا متروسة نواقيص خلي يمارس طبيعته الفطرية

ابتسمت

-عيع ضحكتج موحلوه ولاشكلج تف عليج

عوجت راسها تباوعلها براءه شفايفها حمر وجهه كد الترافة امنيتك تاكله

دفعت الصنية رؤيا وصاحت تره اني احلى وحده بيجننن والله

غمضت عيوني واشرت اي

- انبجي رايه وانتي لج ام لدغة يله كومي ولي احنا موخواتج وكل السولفته رايه جذب اصلاً احنا خطفناج لان من اكلي لحوم البشر

رئال -تغه اني بت البتاوين

-هاي ذكرتيها

-لا كم مغه عمتي تغلط وتكولها كدامي جنت دوم اجمع كلمات حتى اوصل الكم واني اصلاً مااعغفكم

-مرة شفتج يم التقاطع واكفة يم بنية  ملتمين عليج الحرس وانتي تباوعين  لمرية تبيع كلنس  وتبجين كلت هاي شكد فايخة  ماتحملت المنظر

درت وجهي باوعتلها - ليش ماكلتيلي

رؤيا- بنفس اليوم وره كم ساعة وصلي خبر …

ماكملت دنگت عيونها مليانة دموع ؛ خرت رئال  درع منها وتقربت يمها لزمت ايديها رفعتهن باستهن؛  شالت راسها رؤيا مسحت دموعها وكالتلها تره اليوم عليج غسل المواعين لاتتلوكيلي

اشرت اي ونزلت دموعها بكسرة

-وهااا راح يجي بابا  لادگين ميانة ويا زايد ترة امرعطج سمعتي

-اكيد يحبج انتي اكثغ

-اي هو كلي مااطيقها بس لاتحجين كدامها خطية تضوج تره حتى ماما ماتحبج

-اشلون شكلها ماما

-تلعب النفس هيج اشلون انتي وهاا تكرهج تموت منج كلما تجيب طاري اسمج تتقيء

برطمت

-راااية كومي طلعيها قبل لايرد بابا سرحيها من بالباب

ضحكت جريتهن لحضني مامصدگة يمي سحبت نفسها رؤيا جرت درع خلته بحضنها وكالت يله تريكن لاتعيشن الادراما وانتي رايه سويلنا لفات اني بحضني طفل مااكدر امد ايدي وهاي فاقدة الذاكرة ماتعرف اشلون تاكل

ابتسمت اخذت نفس الفرحة مالامتني دنكت اسوي لفات انطيهن  وعيوني عليهن اشلون ياكلن امنيتي اضمهن بروحي كل شوية احضن رئال حيل اشتمها وارجع  ادنگ  حتى احضر لفات قبل لايكملن البيديهن

جانت من اسعد الساعات المرة بحياتي صح  اباوعلها  مستغربة وتاخذلها ساعات تتصفن واكو كسرة بنظرتها لان ماتذكرنا بس اشكد ماكدرت اسولفلها على ماضينا واخليها تبني ذكرياته بداخلها

كملنا اخذتها وياي للمطبخ كعدتا كدامي وكعدت اسوي الغده واسولف وياها  على طول ماجانت تتسنطلي عيونها على المدالية مثل الي اكو حدث براسها تحاول تسترجعه ؛ اطبخ والضحكة تارسه وجهي اول مره احس هذا بيتي صدگ والكل ملزوم مني  ورجعت فرحتي ولهفتي للحياة من جديد

كاعدين دنحضر المواعين ونسمع عيطت بابا بره كمنا طلعنا وانشوف رؤيا تارسة الحفرة مي ومتربعة هيه ودرع بيها جنهم ضفادع بس روسهم طالعة وسخه من الطين

ضحكت رئال باوعلها بابا ابتسم وفتح ايديه راحتله سحبها لحضنه ضمها بقوة ودنگ اخذ نفس وصاح اوووف يارفة كلبة لابوج

رفعت راسها - اتصل بهيذام هسه قلق علينه

- وانتي بنتي محد اله حق بيج غيري

-وهو مامأذيني يخاف عليه حتى من نفسه

-ماراح اغصبج عالعيشة  وياي غير هالاسبوع  لبين ماأمن المكان الراح اخذجن اله وهم انتي تاخذين قرار ياتضلين ويه خواتج نتنظرن امجن ترد لحضنجن ياترحين ترديله وتخلينا ذكرى حلوة براسج

- ليش ميصيغ اعيش وياكم سوه

- كتلت عمج لان جان سبب بالصارلج ونطلبت للدولة

-صح حسيت بالامان وياكم ومغتاحة بس مااكدغ اعوف هيذام ونفس الوقت اغيد اضل يمكم

-اواني مامستعد اترك بناتي مره ثانية قبل لاأمن عيشتهن واخليلهن صيت يرعب اكبر شارب يحجي وياهن مو يوصلهن

-والله اني ادز خبغ بيد واحد لهيذام ومااغجعله اذا ماينطيني كلمة يخلصك

-هيذام حالياً مايسمع اي مخلوق على وجه الارض  مستعد يحركنا بالجملة  بس حتى يحصلج تدرين اذا لكفوني هسه هو ودسار شيسون بيه دمي ماراح يشفي غليلهم

-لعد غاح يلكفوك والله

-وسفة واني رافد الدغش تربات البتاوين اذا ذولة يلعبون ويه ابليس اني ماخذ كرسي وتزاود ويا على لسعة جهنم 

-تعغف شنو غاح يسوي

- هههه لاابشرج سوا هو وعديله كلمن كامشله كتر ويفتر مثل المسودن ودزوا خبر بطلاق سراح ثالثهم حتى يكملون اتحاد زواية مثلث برمودة بالشر

- غجعله ابنه

- اتوسلت بي ؛ ايام واني اترجاه بس حتى يخليني اشوفج من بعيد خلاها حسرة بكلبي والمارحمني بضعفي ماله يمي غير الموت

-لاتكتله بابا

- اتحبي

هزت راسها اي

ضحك وجرها لحضنه باس راسها مانحس غير رؤيا طلعت تركض سحبتها وصاحت موكافي دراماا

بابا - جيبي بنيتي لج وردي للمستنقع مالتج

باوعتله بغضب وجرتها حيل شمرتها بالحفرة بصف درع  ردت اجت بسرعة  جرتني شمرتني بكل قوتها ماسيطرت اوكف اجيت ترس يمهم 

وكفت اتخصرت بتحدي وصاحت يله ذني بناتك راويني شدتسوي

هز راسه طلع سلاحه شمره بعده مامتحرك ركضت  وركض وراها طفرت صعدت السيارة لبالها مايلوحها  ماتوقعت بهالخفة خله ايده عالبنيد وطفر صعدها لكفها رفعها من بطنها وطفر نزل

جابها وهيه ترفس وصل يمنا  جتفها شل حركتها وگعد مد ايده كام يشيل طين ويمسح بوجها؛ رئال تضحك بصوت عالي وهيه تهوس  تريد تحرر نفسها  وهو مستمر بالتلغمط ماتركها لمن خربط ملامحها شالها شمرها بالحفره وكال يله كملي نظافتج يم خواتج

…مر كم يوم واحنا يوم اسعد من يوم خوفنا الوحيد جان من رئال لاتطلع بالختلة وتضيع بابا وتضيعنا ويا

بعد ماجنه نخاف من جية الليل كمنا ننتظر بالدقايق حتى نلتم يمه ونسولف ونضحك براحة

بلشنا نحضر للبيت الجديد كلما يدخل بابا جايب كم شغلة وحنا نتلكا الدنيا ماسايعتنا  كل وحدة لازمه مهمة عالسريع نرتب ونطلع عصريات نتربع بالحديقة ناكل حبشكلات ونسولف ونضحك بالاخص من كالنا بابا حصلت مكان أمن وبعيد عن العين بغير محافظة بس اكمل شغلي وننتقل نستقر هناك

كاعدين بالحديقه كدام مسبح رؤيا لاوالله خيستها دخل بابا كام درع اتلكا يركض ويصيح جدووو

دنگ شاله شمره ليفوگ وحضنه يبوس بي اجه يمنا شمر علاكه حلويات  كال شسويت عشه اليوم رايتي

- رئال گلت بتيته واني سويت شوربة عدس

-رحمه وانتي يالخرزة

رؤيا - وجودي بينكم كافي

- بس اريد اعرف هذا المغسول حظه صار كم يوم مثل المسودن ملثم ويطفر بين الموت على شنوو

-صدگ بعده ديدور

-لاا وابشرج لكف واحد من جماعتي واخذه لرجل اللدغة ومن العصر لحد الان مالهم صوت

-واكيد ذباح طلع

- لاهذا مستلم المنطقة انتظري بعد يومين اذا ماحصل خبر عني يدخل دخلة انتحاري

- عوفك منهم وگلي جبتلي جبس حار

- جبس حار بهذا شكلج بابا انتي موكل يوم تسبحين وجهج ليش وصخ

- والله اغسله بس هو يتوصخ بسرعة مااعرف ليش

- اكص ايدي اذا صدگ واصله الصابون

-نزل درع وتعال مرجحني ذني بناتك غثة اتوسل محد تقبل تدفعني

درع - لاااا جدوو اني اول حباب هاي جلبه  ماتخليني اگعد بيها

رؤي ا- ابن الحيوان مو كعدتك الصبح

- انتي بت حيوان اني ما جذب

- شترجه من قذر ابن حثالة على منو تطلع وانت ابن ازبل عائلة على وجه الارض

- تف عليج زبالة

هزيت ايدي وكمت للمطبخ ضاع مستقبل الولد  وينك هيذام تجي اتشوف ابنك وبيدمن وشديعلموا

صبيت الكل جبت الصنية لكيتهم لازمين سرة عالمرجوحة

اباوع لبابا واكف بطرگ الفانيلة والبنطلون يمرجح بدرع ؛ رغم جبير بالعمر بس جسمه مرتب بالاخص شكله مبين صاحب شغل موقانوني يمتلك كاريزما خاصة حتى نظرته وطريقة ضحكته تختلف

خليت الصنية بالكاع صاحت رئال تغه وصل السغه الي بابا كافيي

نزل درع كعدت فرها وهيه تضحك بصوت عالي وهو يضحك على ضحكتها عرفته يريد يعوض فترة طفولتنا ويا

شلت السجينه دنكت اسوي زلاطة بين ماكملت ثرم دااسطر المواعين  كال يله راية كومي

-شنو بابا؟؟

- كومي لج يله جوعان اريد اتعشى

رؤيا - يعني شنوو بعد ماتصعدنييي

بابا - وكلام الله انبت الطابوگة براسج رؤيا اختفي من وجهيي وانتيي يلااا

ضحكت وكمت كعدت بالمرجيحة فرني اجه الهوا بوجهي غمضت اتخيل نفسي بعدني طفلة ماكو بالي بس اشوكت اكمل لعب حتى احضر كارتون

ما تصورت راح يجي يوم واعيش هالشعور بعد موتت غزوان اجمل دقايق مرن عليه حنية صوته هو ويسولف وخوفه عليه هو ويدفع شالت شكو هم من گلبي استوني حسيت صدگ ورانا سند وبعد ماكو خوف

وكفها نزلني دار ايده على متني رحنا كعدنا كام درع ركض گعد بحضنه قبل لا تكوم رؤيا وتجي يمه باوعتله بغضب طلع لسانه يعيب ؛ ضحك بابا و اشرلها  كومي تعالي

كامت كعدت بصفه دار ايده عليها باس راسها كاللها بنوتي الصغيرة شنو تريد اجيبلها باجر

- تلفزيون

رئال - بابا واني

- يروح ابوج امري انتي

- اريد تغاكات ذني ينغزن واغيد قغاصات صغاغ واغيد

رؤيا - وجع كافييي منيله بابا

- انتي انجبي هو يجيبلي مو بابا

بابا - كلشي تردن اجيبلجن يبعد ابوج يله اكلن

رؤيا - صدگ بابا ماعدك اهل

- لاعندي وجنت عايش وياهم لحد مانفصلوا وتسربتت بالشوارع

- ليش انفصلوا

- مااذكر بالضبط بس اذكر جنت عايش ويه مجموعة جهال مشردين وجنت اني قائدهم كلها تخاف مني لان جنت ماارحمهم الي اللگفه ماتركه اذا مااسمم دمه

- لهيج لقبوك بأبو عگرب

- مثل مالقبوج بخرزة البتاوين

- اشلون تعرفت على ماما

- جان عندي صديق قريب على بيتهم فد يوم جان عندي شغل ويا من الصبح رحتله وهيه طلعت من بيتهم صعدت خط المدرسة جنها كمر ضاوي بصدريتها القصيرة وگصيبتها الطويلة اخذت روحي من اول نظرة لاارادي وبدون مقدمات كمت كل يوم اغبش بس حتى اشوفها هيه وطالعة ليش ماادري

-مم بعدين

- شاب طايش وبت صارت براسة قابل شيسوي اكيد يشمر نفسه بتهلكة بلا تفكير بس حتى يحجي وياها

-شنو سويت

- اجيتها بكل الطريق مانطتني مجال مالكيت نفسي غير ادخل عملية جبيرة جازفت بروحي حتى احصل افلوس واشتري سيارة و اشتغل خط يمها

-واشتريت

-اي ودخلت بليل لبيت السايق مالتهم طبطبت عليه بشوية حنان صار الصبح رحتلهن كلتلهم السايق صارله حادث ودزني مكانه بين مايكدر يرد للشغل

-هاي هوستك تالي طلعت عينك  على رزق الولد

- يارزق ؟؟ اجرتهن مال شهر جنت اطلعها بربع ساعة بس غير جنت صابر علمودها

- بس انت هواي اكبر منها اشلون قبلت بيك

- تعبتني هواي يبووي اشكد سهرت ليالي وشكد انذليت يالله جبتها للطريق وخليتها تقبل بيه

- اكيد دللتها بعد الزواج

- مادللتها لااا خليتها تگعد على عرش النساء انطيها روحي قبل حالي خليتها تغمض وتحلم قبل لاتفتح عيونها حلمها متحقق 

- وصرنااا احنا

- وزاد دلالها گطعت الشارع  بكبره وجنت مستعد اشتري بيوت المنطقة كلها  بس حتى تاخذ راحتها

-لعد شنو الصار وليش هيج سوت بيك

باوع للمدالية الي برگبني مثل الي مرشريط كدامه لمعت عيونه ودنگ

لزمت ايد رؤيا  عصرتها بسرعة غيرت السالفة  كالتله تره اني بتك مو درع يله سويلي لفة

دمغها ودنگ يضحك ويسوي لفات بينها وبين درع شاف رئال مبرطمة جرها لحضنه باس راسها ودخلها بالسرة وياهم عاللفات

خلصنا شلت الصنية دخلنا نغسل اماعين ضل هو ورؤيا يم السيارة يصلحون بيها حتى يوديها ويجيب غيرها

كملنا تنظيف المطبخ دخلنا للغرفة خلينا الحبشكلات تمددنا  ناكل اني ورئال الي تحجيلي على قصة العاشرة القاريتها من مكتبتها واني بس هز راسي اي لان بس ادير وجهي اتبرطم وتكول ماتحبوني اعغفكم

تأخر الوقت دخلت رؤيا صاحت راااية وين قميص بابا ديطلع

- بابا جان يصلح بوجهك لوبالسيارة

- انجبي وكومي ويله اليوم انام بدون لاغسله هيج عناد بيجن والتحجي منجن اكتلها

صاح بابا رؤيااااا

- بابا هنه ديعيلن بيه سكتهن

رئال  - دجذب بابااا

اجت دفرتها صرخت رئال بابااااا كتلتنييي

دخل وجهه غاضب اشرلها تعالي

رؤيا - كلشي ماسويت بس هيه نعواصة هاي بسبب دلالك

بابا- رؤيا اعلكج بجطل البنگة للصبح انضبي احسلج

اشرت اي

هز ايده كمت انطيته قميصه لبسه وجر راسي باسه وكال لاتحاجنها بابا طفلة هاي

- والله محد يمها هيه تحب تتمشكل

- ميخالف هاي لان محبوسة وماكو شي تلتهي بي باجر اجبلها تلفزيون راح تفگ عنجن

- لاتكلف روحك بابا منيلك انت النهار كله مدنگ عالسيارات

- اذا الجن مااتعب جا المن التعب يله تعالي سدي الباب وراي  وانت لج رعنة اذا وصلتي يم رئال هذا وجهج اجلفة بسيم التايرات

- كللها هيه لاتتحارش حتى لاعدل لدغتها العوجة

استغفر هز راسه يأس منها  اخذ اللثام اثلثم وراح  طلعت ورا ؛ انتظرته بين ماطلع سيارته وسد الطلاگة الاولى اشرلي يله دخلي رديت الباب سلقيتها  اسمع سد الباب وحرك السيارة راح

افتريت عالشبابيج تأكدت مسدودات قفلت باب المدخل دخلت جوه  داگول يله نامن ولكيت رؤيا واكفة صافنة ورئال بيدها فون بابا جريته حيل منها كلتلها شدتسوين

دنگت اريد اغلقه واجاني صوت خشن صاح  راااية

عصر كلبي بعد مااعرف اشلون اغلقه ما اشوف ؛  داادوس الدگمة وبطلت واني اسمعه كال ابوج مقابل  امج  …

لاتنسون التصويت ❤️

شيء من رصيف الدم

بقلميleo Alfatlawi

بارت السابع والثلاثون

بارتين سوه

***راية ****

هزيت راسي ابعد صوته من اذاني غلقت الفون بسرعة وباوعت لرئال دنگت ؛همست ليش هيج سويتي

رئال -والله هو اتصل واني غدت بس امنه علينه

- بابا وثق بينا خله الفون لان جان خايف علينه موحتى نغدر بي

- ماقصدت أذيه كلمة وحدة كلتها وجنت دااسده

- بعديش هسه تلكي حدد موقعنا موتدرين  اذا رديتي راح ينكشف  مكانه

رؤيا - بابا مو غبي حتى يترك يمنا فون بدون لايخلي تغويش عالمواقع وهو لوجان يكدر يوصلنا مااتصل حتى يسامونا

- هسه شسوي اتصل بابا احذره لو اشلع الشريحة

رؤيا - لااا ديري بالج رقمنا اتراقب راح يكدر يوصل لبابا عن طريقنا دوم اسمع دسار يحجي عن هيج شي

ضغطت عالدگمة طفيته اجت رؤيا دنگت كعدت يمي لزمت ايديه باوعتلها ساكته بس عيونها بيهن حيرة وضياع يهد جبال باوعت للمدالية رمشت بكسرة ودنگت ؛ عصرت ايدها حيل وهمست شكو رؤيا

- راحت ماما

- لااسم الله ليش هيج تحجين

ماردت عضت شفتها عيونها مليانه دموع

- لاهيه وعدتني ترجعلنا كالت لمي خواتك وانتظريني

-رادتج تجمعينا وتوكفين على رجليج

-يعني شنو  يعني اذا مالحكت عليها وسلمته هم اخسرها؟؟ لارؤيااا  استونا عشنا وصرنا مثل البشر لا تكوليها

- ضحت بنفسها  حتى تخلصنا من ايد جاسم

- وهو صارله اسبوع كاسر ظهره مدنگ عالسيارة وطلع ويعرف اذا لزموا ينهوا بس جازف لخاطر يجيبلنا شي نتسلى بي 

-ماخابرونا وساومونا اذا مامتأكدين منها منتهية  ويخافون نعرف

رئال - اذا لزموا بابا ماغاح يغحموا

رؤيا - يعني تعرفين الي يلزموا مايخلوا صاحي لعد وين جنتي كل هالاشهر وعمج مستلم ماما يعذب بيهاااا

رئال- مااذكغ شي ولاادغي عندي ام والله

- لاااا لا رئال تدرين لان ماما انسجنت قبل لاتفقدين الذاكرة بس  سألي نفسج شنو الشغلج عنها

- ماادغي يمكن جنت مسافغة لو مانعني اعغف شي عنكم شي مامعقولة اني هلكد حقيغة وانساكم بهالسهولة

- درررع رئال هم سافرت لو طلعت من بيتكم

درع - لا جنت اني وياها كل يوم نروح للحديقة نلعب ونروح يم ضيونة نكعد بس اجو ناس موزينين باكوها وضلت مريضة يوم ويوم وجابها بابا صارت زينة

رؤيا - شفتي يعني جنتي صاحية؛  تدرين اشلون تمرضت ماما وراج لو احنا شسوينا حتى نرجعج تدرررين اخونااا مات بسببج لان مارضه نترك البيت خايف فد يوم تتعاركين ويه زوجج وتجين لبيتنا وماتلكيناا

- منو اخونا ؟؟

- الي خلص عمره ينام جوعان لخاطر ينطيج خبزته ويشوفج شبعتي الجان يواصل ليل ونهار يشتغل بس حتى يشيل عنج التعب ويسد مكانج بالاجرة  الجان يخليج وره ظهره ويتحمل ضرب مايحمله حيوان

نزلت دموعها همست مااذكغه والله

- هذا الي انتي شاطررة بي رجلج دمرناااا رجلج ضيعنااا وخلانا نتمنى الموت كد الذل الشمرنا بييي ولو شترجه من وحدة بدل ماتاخذ حق اهلها ركضت نامت بحضن الكاتلهم

رجعت ليورا ولمت رجليها  لزمت رؤيا كلتلها كافيي

- ولج مامااااا مااااتت ولج ماتتحمل تعذيبهممم ولج امناااا وانتهتتت 

- شسووي اسلم بابااا لو اسلم نفسي واكلهم اني الكتلتتت كليلي شسووويي

دنگت رئال لازمة راسها تعصر بي وهيه كامت دفرت الباب طلعت برة كعدت يم الحايط تبجي

دنكت حضنت رجلية محتارة احس هم على متوني مايحمله بشر؛  غمضت مجرد تخيلت روحي اضحي بواحد نهم ماتحملت فتحت عيوني بسرعة واسمع دبة قويه شلت راسي لكيت رئال واكعة بعد اريد اكوم مااكدر

دخلت رؤيا تركض بسرعتها  عثرت اجت على وجها مالحكت تكوم زحفت زحف الها  دنگت شالت راسها باهته نكثتها حيل و صاحت رااايه جيبي مييي

كمت طلعت اركض مااعرف اشلون جبت مي ورجعت لكيتها تضرب على وجها وتتوسل بيها  تصحى كعدت يمها ردت ادير مي صاحت لالا مايفيد اتصلي على بابا بسررعة هاي مابيها نفسسس

- اشلون اتصل وفونه متراقب راح يلزموا

-  كومييي  فتحي الباااب اني اخذها

-وييين تاخذيهاا رؤيا احنا بالبتاوين لاتتخبلين والله بس نفتح الباب كلنا نضيع

-لعد اشلووون ولج راح تروح مناااااا

-لالا فدوه لاتكولين هيج غسلي وجها بلكي تصحى

ضمتها لحضنها شفايفها بيض ترجف خليت ايدي على كلبي  اتلفت مااعرف شسوي اجه درع كال  لاتصرخون تره تگعد و تكوم تبجي

- شنوو تكوم تبجي؟!  يعني هيه هم يصير بيها هيج بيتكم

-اي من تضوج وبابا ياخذها للغرفة ينيمها على الجرباية

- شنوو ينطيها اشلون يصحيهااا فدوة اروحلك احجيي بسرعة

- كلشي ماكو بس يكول اشش  يخزر علينه احنا نخاف بعد مانطلع صوت وهيه تنام يضل بابا يمسح على راسها شوية وتكعد

جريتها من ايدها خليتها على المخدة وكعدت يم راسها امسح بشعرها ورؤيا تفرك بأيديها وتشهگ بخوف ادري بيها كل الكالته مومن گلبها من گد حيرتها بينهم رادت اطلع حركتها بأحد

مر الوقت وهيه ماكو اي رد فعل منها عيوني تتنقل بينها وبين رؤيا الي دموعها تنزل بكتمة واديها ترجف  خفت هم توگع وساعتها اتخبل من صدگ

لوجه الصبح احنا على فد خبصة الي تغسل بوجها والي تمرغ برجليها بلشنا نيأس؛دنگت مسحت وجها استوها رؤيا دتهمست راحت اخيتنا مو؟؟  واشوفها حركت شفايفها بأس هيذام

غمضت  اخذت نفس وتمددت يمها احس بعد مابية احجي ؛ دنكت باستها رؤيا من راسها وكامت طلعت بره دقايق واجه بأذني صوت باب المطبخ تنقفل  عرفتها خافت منها  لاتطلع بدون لانحس

دخلت سلقت باب غرفتنا شالت الفون وتمددت بصف درع  اخذته لحضنها وصفنت صار هدوء  كلمن عقلها بمكان وكلبها بغير مكان

مااعرف شكد مر وقت ولاادري اشوكت رحنا بالنوم كعدت على صوت درع يضرب برؤيا ويبجي جوعان رفعت راسي لكيتها منتجية صافنة بوجهه عيونها حمر

درت وجهي لرئال كاعده بنهاية الغرفة لامه رجليها لحضنها وتباوعلنه بكسرة الحسرة واضحة بعيونها 

مسحت وجهي دااگوم وانفتحت الباب دخل بابا بيده كراتين كام درع ركضله شمر الكرتين ودنگ شاله بوس خدوده دخل كال شبيكم صاير شي

رؤيا - لا بس ضلينه للصبح سهرانين وراح النوم علينه 

-اهاا كلتي ضليتوا سهرانين  تمام  كومي بابا جيبيلي مي

هزت راسها كامت شمرتله الفون لگفه راحت طلعت وهو دنگ فتح الفون باوع بي وشال راسه باوع لرئال وابتسم  نزلت دموعها

نزل درع واجه يمها اخذها لحضنه باس راسها وهمس على شنو تبجين يبعد ابوج

- والله هو اتصل واني ماحجيت شي ويا ابد بس امنته علينه

-تردين ترجعيله

دخلت رؤيا صاحت لاااا

بابا- وانتي شكو يجوز ترد ترجع لرجلها

- موبكيفها غصباً  عنها تضل ويانه واذا حجت نص حجاية افلش حلكها

-رئول مالج شغل بيها بابا اذا تردين ارجعج كولي

رئال -  ذاك مو بيتي ولاهمه اهلي اول مغه اضحك من كلبي واغمض واني مأمنه هو بينكم -صح مااذكغكم بس حسيت بحنيتكم عليه وشفت بعيونكم الخوف الجنت ادوغ عليه

- اذا احنا نحبج هيذام مستعد يخلي الدنيا بين ايديج

- بس اني احبكم الكم واغيد اعيش بينكم

-رئال ليش تبجين ؟؟

- ليش ماجنت اسأل عن ماما وخواتي اشلون قبلت انام بحضنه وهو سبب الصاغ بينا

- انتي اكثر وحدة حاربتي وتأذيتي بخواتج بعتي نفسج وذليتيها واتحملتي ظلم محد حمله منهن جنتي تكعدين تشكليلي اشلون تتمنين تنتحرين بس خايفة يعاقبوهن مكانج

- لعد ليش ماسألت عنهن

- لان  انتي محكومة مطوقة من كل مكان مع هيج جنتي تحاربين وانتي بينهم وتتحملين اسوء انوع التعذيب النفسي والجسدي بس حتى تحميهن من بعيد

- وانت  ليش ماجنت تساعدني

-جنت واكف محتار المن اخلص كل وحده بيجن واكعة بمكان اسوء من الثانية  افتر بينجن مااعرف المن امد ايدي بالاول  كل وحدة منجن شايلة معزة بكلبي تخليني عاجز حتى عن التفكير 

دنگت لازمة راسها تعصر بي

-شبيج يروحي

-هوسه بغاسي صوغ هواي تغوح وتجي بس كلها تخوف وشي مثل الدم حاغ احسه ينزل بين عيوني

-هسه  ادز الولد لنفس الدكتور الجنتي تتعالجين عنده واجيب علاجج

-بابا كلمااغمض اشوف جثه كدامي والولد ابو النظاغات حاضني ويبجي وخواتي يتوسلن بخوف لااعوفهن 

- كلها كم يوم وهذا المشهد راح ينعاد بس الفرق انتن الواكفات وصاحب الجثة يتوسل بخوف حتى ترحمنه بالنحر

رؤيا - ماما مانعرف عنها شي

- لاتخافين عاليهودية ماطول روحهم بيدي يحموها بعيونهم لان يعرفون مكان كل خدش منها احرمهم سنه من شوفتجن

- ماراح تتحمل هناك

- واني مااتركجن اذا مااردها لحضنجن وأمنجن بمكان يربيهم همه اهلهم بي

-يعني هم راح تعوفنا

-من تعرف نفسك مامرغوب بيك تبعد بكرامتك وتضل تراقب حلالك وتحمي من بعيد افضل

-هيذام  ساومنا بينك وبين ماما

-وليش ماسلمتني

- غبيااات

- لهيج انتي اول وحدة راح اسحل رجلها واكتم نفسه شرط اخلي كلما يشوف هذا وجهج يتفل عليه

- هه مبين  ساحلك

- جنه قرد تافل بوجهه الشيطان ؛ لايفكر يلگف ولايخاف ينصك  ؛ عقله ضارب  يطفر من بيت لبيت بالثواني تلكي على راسك مثل القدر المستعجل  لاتعرف منين اجه ولاتكدر تلكفه تكول غبار بلحظة يحرگ المكان ويتبخر

- اكو جهاز يشكله بمتنه ينبهه اذا اكو احد قريب وبنفس الوقت اذا انحصر يدوس يلحكوا ربعه انت اذا عندك شغل مشي بالنهار لان هو مايطبع بس بليل

-  اذا رجلج الشيطان  تافل بوجهه رجل رئال هو التافل بوجه ابليس يلاعبك عالموت اقل غفلة تلكي نفسك صاير وجبة لاهل جهنم

- يله ربي عوضك برجل راية

- اي كلش خبل وخذوا معشوكته منه؛ كاض سلاحه ويفتر ومسودن جماعته ويا لاينام ليل ولا يهدأ بالنهار اعترضوا اهل المنطقة لان كثرت دخلاته وكف بنص الشارع صاح تنوعوا يبه جلمة ماثنيها تبعدون عن طريجي وتخلوني ارد الراح مني  واتوكل بدون خراب حي الله بيكم ؛ تكفون بوجهي امحي المجان على البي والزلمة ابن ابو يطلعلي

- اكيد يحجي بزود هو بدون سند مخلصها يترادم ويه العالم باطل تكول ثور مختل عقله مو انوب يعرف الربع ساندي

-وهذا الرايده 

- بس خوش جبنالك انسابة مو؟؟

- انعل ابوجن لابو نسباني  صفوا سوه اولاد الكلب كلمن يريد دمي من جهة تكول كاتل ابهاتم موماخذ بناتي منهم

- مو وجه نعمة وين محصل هيج نسبان ضباط وشيوخ شرايد بعددد

- وذولة ماخذوجن لو ماجانوا يعرفون بنات منو انتن

- ليشش عيني منو انت لاتكول ابو عكرب الدغش تره ثنين بالمنطقة مايعرفوك

- اهاا متأكدة ياخرزة البتاوين

- اي وهذا ابو الخرزة لو ادري بي ضابط جان ماگلبته غشني ابن التافهه لبالي صدگ زلمة بالمافيا وراح اغط ويا لراسي بالكتل والدم

-  موبيدج يبعد ابوج دم اليهود يحوم عالحرگ ؛ رؤيا اذا سألتج سؤال راح تجاوبيني صدگ

- جرب

- اذا انطيتج سلاح بي طلقة وحدة وجمعت العرفتيهم على طول حياتج بغرفة براس منو راح تخليها

- براسك لان لو ماانت تتخلى عنه ماصرنا لحمة سهلة  بحلوگ الجلاب

هز راسها اخذ نفس ابتسم  وكال يله كومن وياي اليوم اليوم اني اساعدكم بالطبخ وانتن تساعدني بتصليح السيارة هاا شتكولين رئال

مسحت دموعها واشرت اي خدودها حمر وشفايفها تلمع  كز على سنونه بابا وكال انعل ابو لابو اليردج لهج حيوان

رئال - تغه هو حباب

- بس اني لاااا

رؤيا - ديله اشلونها عاد احمد ربك اكو واحد قبل بيها جنها هامستر اثول

- هاي الهامستر الماعاجبتج هسه من اطلب ثكلها ذهب يوصلني وفوگه يجيني راكع على رجلي

- شقصدك رافدددد

- مااقصد ينبض رافد يله كدامي عالمطبخ

باس راس رئال وشال درع كام كمنا لزم رؤيا من بلوزها جرها ويا رحنا للمطبخ  شمرها كدامه ونزل درع جر التخته ذب قميصه واشر جيبن السجينة

جبت المخضر والتمينا داير مدايره كلمن لزمت شغلة

اباوعله شلون مدنگ يثرم وكل شوية يا دامغ رؤيا يايبعد ايد رئال حتى لاتنجرح ودرع على ظهره حاضنه من رگبته

رئال لزمت الطاوة تكلي واني اغسل بالمواعين  وبابا يسوي زلاطة اما رؤيا لاحظ ولاثمر خاله درع  وتتسابق ويا ياهو التفلته توصل اسرع للحايط؛ 

اخذت نفس يائسة منها عرفت هذا الولد اذا ضل عدنا بعد اسبوع تعلمه حتى عالبوگ

كملنا سوالنا لفات اكلناهن عالسريع؛ كام اخذهن راح للسيارة واني وكفت انظف المطبخ

ايد بالموعين وعيوني وياهم صافنة عليه مااعرف شنو نوع الصبر الشايله الي متحملهن هيج اباوعله بس فتح البنيد بعده مامبلش ورؤيا غطت لراسها بالدهن من غير رئال دخلت للكشنات اطلع وتشمر بالحديقة للغسل ودرع يطفر بينهم

ابتسمت ودرت وجهي بين  مانظفت المطبخ والغرفة اسمع اصواتهم صعدت طلعت لكيت بابا لازم صوندة المي ويرش عليهن وهنه يطفرن

ضحكتهن وكفت يم باب المطبخ اتجتفت واباوعلهن وابتسم  اشلون متونسات وهو يضحك على ضحكتهن ؛ صار كدامي منظر جاسم لازم الصوندة وهنه لامات روحن خايفات منتظرات وين هالمرة  تصير اللسعة

فززني بابا بشره المي على وجهي صاح مردودة يبعد ابوج 

- راحت بابا هاي ربي عوضنا بيك بس عوزنا ماما بعد مانريد شي من الدنيا

- يله روحن سبحن وتحضرن حتى اخذجن للامام ازورجن

-انت شيعي؟؟

-اذا ماتردن ترحن ماكو اشكال بس ترا ماكو فرق بين المذهبين ماطول الدين واحد

-  لابابا بلعكس والله كلش احب احفاد الرسول وارتاح من ادخل ضريحهم

- ديله اخذي خواتج  سبحيهن بالاخص الخرزة مطلنها وجلفن وجها واذا اعترضت هفيها كله وصلخي جلدها  غصباً عليها بين ماجيب كم شغلة وارد

- اشلون نطلع اخاف يلزمونه

- مادامني بظهرج مااريدج تلفضين هالكلمة سمعتي

ابتسمت واشرت اي

شمر الصوندة  وجر رؤيا من تشيرتها تخر مي وفاتحه عيونها على كبرهن صاحت هددد لك وييين ماخذني

بابا - رؤيا كدامي للحمام

- منو كلك اريد اروح وياكم وخررر ايدك

- بت الكلب وين ماخذج للمصلخ امشييي

دفعته لزمها حيل ؛ ضربته جرها جتفها جابها يمشي ويسحل بيها وهيه ترفس وتصيح  والله الي يخلي صابون على وجهي اشرررحه لك رافددد عوفنييي

- لابت الجرووو صوتج

- عوفنيي

- وين ماخذج بت الكلببب ولج النبي اسماعيل من اخذه ابراهيم للذبح  ما سوه سوايتج

- بس دخلني للحمام ابلغ عليك

دنگ شالها من بطنها وهيه تكمز وتصيح ياعالم تعالوا ذولة خاطفينيي

اخذها ودخل ليجوه ورئال ميته ضحك؛هزيت ايدي رحت لميت الطارمة عالسريع دخلت على هوستهم لكيت بابا طالع يطبك برداناته ويضحك ورؤيا بالحمام متربعة بملابسها  كفشتها منثورة وعيونها تلمع كلها صابون والشهگة بكلبها

دخلت للغرفة بسرعة مالي خلگ لسانها ادري تذبها براسي حضرت الملابس بين ماسبحن دخلت وراهن طلعت لكيت بابا راجع وكاعد عالدرج لازم المشط يمشطلهن

كمل ضفيرة رؤيا دنگ باسها ودفعها اشرلي تعالي

كعدت كدامه خله المشط على شعري بلش يمشط غمضت همس شنو تتمنين يحنية گلب ابوج

-نضل بحضنك وماما ترجعلنا

-شنو تشوفيني راية

- الدفو والامان الي جنت احلم بي

- هم يجي يوم وتصدگين اني اكدر أأذيجن

- الي يحارب الدنيا ويشمر نفسه بالخطر وهو يعرف وراها موته بس لخاطر يحمينا مستحيل يسويها

- جالاتصدگيهم وتغدريني مثل ماسوت بيه

- انطي روحي الك بابا مو اغدرك

- روحج وفرحتج محد اله حق بيها غيرج ولاراح اسمح لواحد يتقربلهن ؛ وكلام الله احركهم حرگ بس يفكرون يلمسون شعره منجن مو يوصلون لگلوبجن

-لعد اخذنا خلينا نبعد

-الضيع اجمل سنين عمرة بين  اربع حيطان ظلم محروم من اخر نفس ممكن يحميهم من شره لايجون يطلبون منه الرحمة وكت الصارت ارواحم بيدي

-راح يأذونه بيك

-هههه دخلي يحمون نفسهم بالبداية ويطلعون يمشون مشية زلم مو يتلفتون مثل الخرفان المضيعة راعيها

هو يحجي وصاحت رؤيا لك رافددد تعال اخذ بتك من وجهي مو بعدين اكتلها وتصير براسي عنتر ابن شداد

بابا- كون صدگ وتمدين ايدج عليها وداعت اليهوديه اردج للحمام واجلفج جلفة اطلع العرامة كلها من عيونج

-ويجيج الكلب ابن الكلب يكول هذا ابوج ولازم تحترمي

-سوالف الشوارع طبقيها برة لااكوم اسحلج انتي واللفو النعل ابوي بيج وطفر

ماردت ثواني وجانه صوت رئال تصيح بابا غلطت عليك

رؤيا- بت الحيوان اشوكت غلطت عليه؛  بابا اجذب هاي لاتصدكها

- استغفر وكال كومي بابا رايه جبت عبي ونقابات انطيهن خلي يلبسن

- ودرع اشلون

- جبتله شفقة وكمامة لاتخافين اطلعكم مكانات محد يشوفكم  بيها

اشرت اي سحب ضفيرتي اخذ نفس طويل منها ورد دنگ باسني من راسي وكام

كمت ورا شلت العلاگة دخلت لكيتهن مكملات  وزعتلهن العبي  لبسنا عالسريع طلعنا

اباوع صاير الليل والمنطقة تخنگ خفت حتى اباوعلها صعدت بالسيارة بسرعة وكعدت بحضني درع

صعدن اول ماسدوا البيبان تحرك بابا واشتغل الضحك على لبسهن طلعنا للامام؛  بكد مافرحانة اسمع شقاهن ويه بابا وسوالفهن بگد ماكلبي عاصرني لايلكفونا ونرد نفترق بعد هالمة وتصير ضحكتنا ذكرة تنضاف  لباقي الذكريات

وصلنا للامام دخلنا بابا من جهة النساء وراح فتنا جوة  اباوع ازدحام لزمتهن همست خلي نندعي منا

رؤيا- لااني ادخل من زمان نفسي افوت واشوف شنو اكو جوة

-مكان الضريح بس مزدحم اخاف اضيعجن

رئال - انتي ضلي هنا كل وحدة تزوغ وتغجع وبعدين انتي غوحي زوغي

-تمام بس مو تتأخرن لان بابا يضل قلق

هزن راسهن رؤيا لزمت رئال راحن واني گعدت عيوني على المكان يلمع وريحته تزيل شكو هم من الكلب باوعت لمكان الدخول رفعت اديه اريد اندعي مااعرف سكتت صافنة

مر وقت واني على گعدتي بس دموعي تنزل لحد ماسمعت  صوت رئال تبجي كمت  مفزوعة واشوف رؤيا حال الضيم حالها العباية عوجة والنقاب صاير مشمر  بيدها رئال تسحل بيها ركضت لزمتها صحت شكو

رؤيا- اختج ثوله كلتلها ازدحام لطشت اله تحب الشباج مثل العالم  تالي جعصنها النسوان

- عزة يمه شبيج شو رفعي راسج داشوف وين تعورتي

-ياتعورت راسها صار طخماخ فلشنه بالشباج اني اجر وهنه يضغطن اخر شي اجيت اعوفها واحسبها نذر

- اشكد حجيت وكلتلجن هوسه بس اتحداجن اسمعن الكلام

- يله بلكي تعدلت اللدغه شو لج كولي كركر يكركر كركره

رئال- بالامام مااكدغ اغلط عليج

رؤيا -هاي شوفي رجعت كلشي مابيها يله نطلع قبل لايلزموها العتبة وجها مشبوه حسبالهم داخله تنهب الضريح

لزمت وجها شلته همست اكو شي يوجعج

رئال- اي غاسي داحسه يغيد ينفجغ

- سوده عليه  دتعالي كعدي لاتوگعين

- لا صاغ كم يوم نفس الالم يجي عادي شوية ويغوح خلي نطلع  خطية بابا

-ولج خدودج صايرات حمر كلش

-لان جعصوني يله نطلع داحس دخت

استغفرت لزمتها  طلعنا صدگ لكينا بابا  منتظر انوب گوة لزمتني الضحكه شكله كلش مومال زيارة الشفقة براسه  دكمته الفوگ مفتوحه والردانات مطبگه  ؛ واكف مجتف جكارته بحلكه و عيونه تتنقل بمكر ذاك وينه شكله تابع للمشاكل حصراً

شافنا اجينه ابتسم عدل وكفته وصلنا اله دنگ علينا باس روسنا وحده وحدة خله اديه ورا ضهرنا اخذنا للكورنيش القريب يم الامام على نهر دجلة كعدنا بي جابلنا لفات وكولا وزعلنا وكعد بينا منزل الشفقه على عيونه همست رؤيا جان جبت شفقة تغمق هالبياض شوية طالع جنك مساحة طفل روضة

- بهاي عيونج جنها لايت خربان

- زلمة قلم تصحيح اني منك مااحجي

- دعدلي اللثام جنج وداعشيه مغسول حظها

- انت منو الضحك عليك وشغلك بالمافيا مجدي بالتقطع مااشغلك

- شوفي ذاك الكدامج الي يكلب بفونه

دارنا  وجهنا اباوع ولد شاب ناعم همست شبي

- راح يبوگ جوزدان  ذيج المرة العجوز

- شدراك

- تركج من هالسؤال وخلي عيونج على ذولاك الشرطة الي مراقبي اشلون راح يلكفوا

- يعني هذا حرامي

- لامدمن ومتوازي على افلوس ابره

-عزه اشلون عرفت

-لاتسأل المجرم كيف قتلت بل اسأله ماذا بعدها

-اموت على الخلقك  عملني

-دخلي اعلمج اشلون تغسلين وجهج

-راح اكوم ابلغ عنك

-اذا انتي بت ابوج كومي

-والله دااشك خال بالعبي مخدرات وراح ادگ بينا الناقصة  انت تكمز بالنهر واحنا نبتلي

- واني اموت على الخلقج

همه يحجون ورئال مدنگة تفرك براسها لزمت ايدها همست متكليلي شبيج كل شوية ولازمته

رئال - شي حاغ ينزل بي  وتصيغ هوسه بداخله 

-شنو تاخذين علاج خلى اكول لبابا يجيبه

- ماكو بس مهدئات ومن اخذهن حتى بعد ماافكغ يصيغ غاسي خالي مااغيدهن

- لعد اشلون تضلين هيج

- غايه اشياء كومة وخبصة بغاسي

-تگومين نرجع

-لالااا ماصدگت اطلع هسه يهدأ الوجع

- اوووي فدوه شوفي ذاك البيبي

شالت راسها باوعتله عود ردت الهيها بلكي تنسى بس شفت بعيونها كسره تباوع لامه تلكف بي عيونها عليه بيهن لهفه فطرت كلبي لزمت ايدها

- شبيج رئول

- ههه تدغين جنت حامل  ومات ابني من كد التعذيب واني ماضجت بلعكس كيفت لان جنت ادعي عليه لبالي ابن حغام

- ربي يعوضج مكانه

هزت راسها ودنگت

-مشتاقة لهيذام مو

-اشتاقيت لصوته من يعاقبهم لان يضوجوني اشتاقيت لصبغه عليه من اعيط بوجهه اشتاقيت حتى لصوت ضغبة بسطاله من يدخل والكل يوكف خايف يباوعولي لااشكيله منهم

-تردين ترجعيله

-لااا لان مأكدغ اعيش بدونكم

-تدرين شنو مسوي وراج هسه

-اعغف متخبل وعيونه ماغمضت ولايكدغ يدخل البيت  لان اني ماموجودة بي وادغي اذا لكف بابا ماغاح يغجمه

كلبي ماينطيني اكلج رجعي لان ماتعرفين شنو معزتج بکلبي  بس بنفس الوقت مااكدر اغصبج علينه

-واني بعد مابيه ابعد ولا اكمل بمكان مابي انتم

دااحجي وقاطعتني المرة بصوتها درنا وجهنا لكينه الولد يركض والشرطة التمت عليه لكفوا دار وجها بابا لرؤيا غمزلها فتحت عيونها على كبرهن همس قابل اغشج

-رافد  اريد افلوس

بابا -اني هم

- باباااا

- وجع منين اجيبلج فلوسي صرفتهن على حلگج الاعوج

- لعد اشلون اريد اشتري كولا ثانية هاي خلصت

- ماكو كدامج غير خيارين يااجدين ياتسلبين

- والثانية اسهل جيب السجينة

- بهذا نقابج جنج صرصر مضيع بلوعته

- راح اعبرها الك بس حتى تعرف اني اشلون مترباية واحترمك

- وجه الفكر اجيتي للدنيا طفرتي مرتي وشمرتيني مؤبد

- هم شفت ماما بعد ماطلعت من السجن

دنگ وهز راسه لا

- املاكك وين راحن

- اتصادرن للدولة ونصهن ضيعوهن

- هاي النكسة الجبيرة واحد يكتل ويتعب تالي يجي واحد عالحاضر ياخذ الجثة ويستمتع بالدفن

- على منو طلعتي هيج ؟؟

- المشكلة ضاعت اني سنية وابوي شيعي و اصلي يهودي

سكت صغر عيونه وهيه صفنت مثل التفكر اجتهم لحظه ادراك الهم صله باليهود

لزمت وجهي ودنكت يائسة  من وضعهم ضحك بابا  كال رايه شيلي النقاب

رفعت راسي اشرت ها

-يروح ابوج شيلي النقاب اختنگتي

-اخاف واحد يعرفنا

-گلنا شيطان بس مال يفكر اجيبكم للامام لاا ماتوصل  يله بابا رفعن النقاب اشتمن هوا دجلة

رفعنا النقاب كامت رئال وكفت عالحديد تباوع للمي ورؤيا وياها صدگ المنظر حلو والهوا بي برودة

ضلينه لتالي الليل اخذلنا بابا صور بفونه شوية وجاع درع رد بابا جابلنا مره ثانيه لفات من غير الحبشكلات والضحك وشقاهم الي وين واصل

العالم عيونها علينا كل ضنهم مخابيل يشوفوهن عبي ونقابات وتالي يتفارسن  ويتراكضن بالدائرة مثل الجهال من غير  وبابا خال درع على متونه يلاعبه اليشوفه ولايكول ابن عدوه

تاخر الوقت رجعنا للبيت شمرنا نفسنا بفراشنا درع نام يم بابا بالصالة وهنه كل وحده لزمت ايدي من مكان خلت راسها على متني استوني اغمض ورؤيا دفعت ايد رئال وصاحت وخري نامي على مخدتج لاهفج اطراك

رئال - اذا بيج حظ مدي ايدج  

- الرفق بالحيوان واجب

- انجبي حتى لاكول لبابا واخلي يسحگ غاسج

- امداج وجه لو دعاية لعبان نفسس 

- محد كلج باوعلي انعكاس صوغتج بعيوني

- شنو؟؟ المهم اعتذر ماافهم لغة الكلاب

- لعد اشلون دتحجين بيها

-احاول اقلدج

-دخيل محمد اشكد اكغهج

-قاعدة الخدم دائماً يكرهون اسيادهم

- باباااااا

بابا - لج رؤيااااا

رؤيا -بابا  كلشي ماسويتلها هيه جلبببه

- ادري يبعد ابوج مظلومة

- من زمان بابا ما اتجمعنا  مرة يم  ماما اذا ماجنت اني اليهودية الي افكر اشلون افجر بيهم عبوة واقتل اولادها الابرياء

صحت جذابه بابا والله هيه جانت جنها جريذي مشلوع اذنه بس دور مشاكل خو رئال شابعة كتل منها حتى الحيوانات ماخالصه جانت تكهرب بالبزازين وتموتهن

رؤيا - عزززه يعني هاي انتي الگلتي لخالو وخليتي يبسطني

- اي خبلتي الرجال لباله بيتنا بي شي كل يوم يشوف بزونة ميته ويضل للصبح يقرا قران خطية

-ومشاعرري

- انتي منيلج مشاعر ولج الاطفال طيور الجنه انتي جنج بريعصي مشلوع ذيله يركض وره الشياطين بجهنم

رئال - عيع ماتشوفين وجها ممسوخ من كد اعمالها الوسخة

رؤيا - سمعت رافددد خو ما حجيت اني هنه يعيلنن بيه

بابا - كااافي ولجن النوب التحجي منهجن اشمرها بالحديقة  تكمل نومتها

رئال - بس غؤيا بابا اشمغها بالحمام

رؤيا - غغغ بيج حظ احجي عدل

- بابااااا

شفته كام جريت روسهن لحضني غمضت بسرعة  وضحكتنا تارسة روحها تكول نايمين بالجنة اكتشفت اشكد احلامنا جانت بسيطة

…بعز نومتي واسمع المنبه يدگ  بين اريد اكوم استعد للصلاة وبين نومتي عزيزه لان ماصار هواي نايمة

انگلب واحس صوت ونه خفيفة  يمي عرفتها رئال ردتلها  الصخونة ؛  فتحت عيوني لكيتها لامه نفسها وتنزنز مثل الدتحلم خليت ايدي على راسها حارة كلش نزلت ايدي على جبينها فتحت عيونها بتعب باوعتلي وصفنت بوجهي

- شبيج يروحي ليش هيج مدتفارقج الحرارة

مدت ايدها تلمست وجهي عالكيف نزلت لزمت ايدي رفعتها شتمتها باستها  وخلتها على كلبها ونزلت دموعها

اشرت شبيج

صارت عيونها على رؤيا كعدت زحفت يمها وخرت شعرها عن وجها خلت ايدها على عيونها همست بشهگه  كامت تشوف مو

- رئال

ضحكت وشهكت سوه دنكت شالت المخدة طلعت النظارات باوعتلها مسحتهن وهمست بكسرة مو كلتلي انتظريني جايج اشلون اطاك كلبك تعوفنا ماكلت اخياتي اشلون اعوفهن وغاي مكسوغات

لزمت ايدها رفعت راسها - غاح غزوان  بعد ماكو  واحد يكعدنا الصبح على صوته بعد ماكو واحد يگلي يبعد اختج موجان يحلم بيج لعد ليش  عافج  وغاح

- مالحكت البس البدلة ولا اسمع واخيراً صرتي الي

- ليش ما تاناني اجي اودعه

-غمضت عيونه وهو يباوعلي حسيته يوصيني بيج

-معقولة  ماشوفه  بعد

-كل ليله اتوسل بي يجيني بالحلم حتى لو بس اشوفه من بعيد اشكد حلفتله وكلتله ماراح اعاتبك ولا كلك اشون خليتني بدلت العرس بس مااجه

-يعني غاح غزوان هاي هيه

-تعبت واني انتظرج حتى اشكيلج من وجع كلبي انتظرتج هواي حتى ابجي بحضنج واكلج راح الجان يگلي عايش بيج راح الجان ماينام اذا مايگلي صبري ماضل شي

-انهد بيتنا

-دفنوا رنود بدون لاشوفها وخذوا غزوان بدون لااودعه  بعدوهم من حضني  واني اتوسل بيهم بس يخلوني احضنهم لاخر مره بلكي عطرهم يصير بروحي

-بعدوكم كلكم من حضني مغه وحده حبسوني بمكان وكاموا كل فتغه يجيبولي خبغ واحد منكم

-باوعي بعيوني راح تشوفيهم كلهم

-باوعت مالكيت بس غزوان

-هه تذكرين من يگلج انطيج عيوني

-واگله لاخليهن الك هم يالله يكفن تضم بيهن غايه

-وهسه هو ماضل منه ذكره غير صورته بعيوني

عصرت مناظره وخلتها على صدرها جريتها لحضني وبجيت بصوت ماصدكت رجعت رئال وخلتني بحضنها وكالت ابجي

طلعت شكو وجع بگلبي من ساعة  الوگع يم باب البيت وهو عيونه عليه  يودعني باخر نظرات بينا لحضناتي لقمصانه وتوسلي بكل ذكره بينا ترده الي

رؤيا تبجي من جهة وبابا لام رجليه مدنگ بس يتسنط  صاح الاذان لو صاح برواحنا كلنا على فد صوت بجية

مر وقت واحنا نسترجع ذكرياتنا المابيها بس الم لحد مااجه بابا كعد لمنا بحضنه وكال والي ترأس عرش السماوات السبع لاخذ حق كل دمعة نزلت من عيونجن لخلي جوه رجليجن مثل الذبيحة يتمنى رحمه المووت بلسانجن

رئال- شكيتلك وكلتلك خايفة هيذام غاح يموتني واني مااعغفك اشلون انطاك كلبك تعوفني بين اديه

- جان خالين ايديهم على نفسي بس اتحرك يكتموا وخواتج بعازتي

- محد جان معتازك كدي بابا خسغت كلشي

-راح اعوضج

-محد يكدغ يعوضني جنت ميته بعدي عنهن وكملتها بأخغ امل ممكن اعيش اله

باوعتلها وهمست ليش تحجين  هيج شنو الصاير وياج 

ابتسمت ومسحت دموعها اشرت ماكو

-احجي رئال شصايرلججج

-دااقصد على شعغي جنت اذكغ محمود بي حغمني منه وهذا جان اخغ ذكغه منه

-تگدرين اطولي ومحمود بكلبج موجود

هزت راسها اي

دنگ بابا اشوفه مامقتنع اخذ حسره طويله وكال يله حضري نفسج دااخذج للطبيب

رئال - لابابا والله مابيه شي

-راسج تعبان اخاف على ساعة يرجعلج فقدان الذاكره لازم اخذج

- لالااا هو كال هذا موفقدان ذاكغه بس ازمه اثغ ضغط نفسي بس تغتاح ونفستها تتعدل تغجع طبيعي

- ميخالف بابا أمن عليج

-موو اليوم خليني اشبع من خواتي اخاف اغوح وينطيني شي اغجع مثل قبل واني ماصدكت اشوفهن واخذهن لحضني فدوه بس اليوم خليني

اشر اي جرنا كلنا لحضنه اخذ نفس منه طويل  وكام شال سويجه وللثام وطلع بدون لايسأل شمعتازين بس راد يطلع لان الخنگة بينت بعيونه عرفته مايتحمل يشوفنا بعد السمعه منا اشلون جنه عايشين ويه جاسم وشنو جان يسوي بينه

رجعنا نسولف بين عتاب وشتياق للصبح ماخلينه وجع ماطلعنا بداخلنا

كعد درع اجه يركض حضنها كال رئول جوعان

رئال - ماكو غئول تكول ماما منا وجاي اوك

-وهبة

-انت منو تحب

-انتي النعواصة وهيذام الحيوان  وبيبي رحمه العقجه ؛ورؤيا الجميلة الحلوه وراية الفاهية وجدو السماعه الايربوت العطلانه

اندريت لرؤيا رفعت راسها فرحانه بتعلومها غميتها ورجعت باوعت لرئال مااعرف وين تريد توصل بهذا سؤالها كالتله لعد اني امك

درع- لعد مو بابا كال اصيحلج ماما ماقبلتي

- جنت ضايجة منه هسه لا وكمت احبك هواي

هز راسه فرحان كامت رؤيا خذته وطلعت باوعتلها اشرتلي شكو

-مو اني انتي شكو 

رئال -هاي  اول خطوة بأخذ حقي من السووا بيه

- طفل هذا لاتاخذي بذنب اهله

- منو كلج أذي لا طبعاً لان هذا ابني بدل الموتوا الي والثانية بهيذام

-شنو هيذام

-موغاد ماتغجعلي الذاكغه وجان ينطيني علاج حتى تضل هيج خاملة  واني ماغاح اخليها تغجع بس غاح اخلي يتمنى تغجعلي

- رئال انسي سلمي كلشي لرب العالمين هو ياخذ حقنا خلينه عايشين ماصدگنا رجعنا التمينا ماضل عدنا غير ماما بس ترجع ونروح منا لغير محافظة نعيش مثل ماجنه نريد

هزت راسها

-يله كومي خلي نسوي ريوگ اليوم اريد انتي تكلين البتيته مثل قبل

-ماتصيغ لان ماهمه الجانوا يوكفون على غاسي غند تصيح جوعانة وغزوان يكول فضيها وماما تكلهم لاتستعجلوها لاتنجوي

- مكان رند عدنا درع ومكان غزوان بابا وماما راح تطلع وترجع بينا لاتبجين رئال فدوه اروحلج  لاترجعين لنفس المرض وانوب مانعرف شيصير وياج

مسحت دموعها واشرت اي

كمشت ايدها ضحكت وجرتني لحضنها ضمنتي بقوة واشتمتني بلهفة  تكول اول مره تشوفني مامصدگة

مر اليوم  بين ضحكنا ومامصدكين وبين عركات رؤيا ودرع ياهو يكون صاحب اخر تفله بوجه الثاني

الي يشوف جمالها ولايصدگ هيج شايله عرامة شعرها مفتوح وعيونها تلمع جاي ويه لون شفايفها الحمر تكول لعابة بس اخلاقها مغسوله من غير بجامتها تك مرفوع وتك يسحل ؛  هيه تكمز واني احس راسي صار شكبره دفعتها  داخل الصاله وكلتلها اذا دخلتي للمطبخ اللبس الجفجير  براسج

- ديله اشلونه مطبخكم اذا دخل الفار بي يطلع سكران كد الوسخ

- دروحي غسلي وجهج وتعالي احجي بالوسخ

- المهممم اني اخر وحده تفلت على الورع الوراج خاتل

هو سمعها وصاح لااانيييي

ضحكت وراحت يم الدرج تشد بلكيمونه من يم البطن و تباوعله بشماته

استغفرت وشلت درع اسكت بي دخلت للمطبخ كعدت يم رئال همست بأذنه عوفها مخبلة هاي

درع - هسه اكول لهيذام الحيوان  يكتلها

- استلم بعد ماكو بابا

رئال - بول تغي مهتلف حبيبي مو حيوان

- يله انوب هاي الثانية انتن شبيجن ويه الالقاب متكللي

- ديله عالاساس ماخذين فلاسفة زمانهم

- المثل يكول اخذي الفارس ولاتاخذين الدارس

اجاني صوت رؤيا من جوه صاحت والتاخذ المجلووووب الافيي  شنووو

كالتها وسكتت مثل الي اختنكت شمرت ردع كمت ركضت وكفت واني اشوف واحد مثلم بأسود يم الدرج ساد حلكها خال السجينة على ركبتها اشرلي ردي وراج

رجعت ليورا ورؤيا  اندارت ضربته بوكس بخفة ايده لكفها فرها جتفها دنگ اخذ منها نفس طويل باسها وهمس افاا يول اضربيني

ضغطت على سنونها وصاحت عرفتك ناقص  وحيوان وكلب ابن كلببب من لزمتك العوجة

- هم اعديها الج يبت الدغش

-لك دساااااار

دفعها وخر اللثام ورفع حاجبه اشر هاا

-شوصلك هنااا

-جنت مار اشتري باكيت جكاير منا سمعت لغوتج كلت ادخل اخذلي دفره بلكي يوگع وسخ وجهج

-هااا وانت جاي من بغداد للبتاوين تشتري جكاير تمام لعد اسمع لك ماراح اكلك شدلاك مكانه  ولاراح اتوسل بيك لا تكول عنه لربعك الحيوانات بس قسماً بالي خلقني وعرفني بواحد لفو جبان خاين بلده يدسار اذا وصل خبر عن مكانه لو واحد بس مجرد باوع لبابا مو تعرضه اعتبرني عدوتك ودمك محد يلوحه غيري

-كملتي

-لاكملت ولا راح اترجاك غصباً عنك تصعد الدرج وتروح منا مثل مااجيت وتنسى شفتني هنا ولاكتاب الله اخر مره لساني يخاطب لسانك دسار خليلك ذكرى وحده حلوه بحياتي لاتكرهني بيك اكثر مااني كارهتك

- وكرهتيني شنو يعني ليش منو انتي اصلاً

- اني الخرزة بت البتاوين تاج راسك انت واهلك الي ماراضين بيه حسبالهم ابنهم زلمه صدگ مايدرون اي جلب مار بالشارع براسه

دنگ يحك بخشه

- عيب كل يوم اهينك خلي عندك كرامة شوية اذا مولخاطر اخلاقك المعفنة لخاطر الرتبة الي لابسها

مارد تقدم وهو مدنگ ينزع بجفوفه بعدها مامتحركة ولكفها من وجها عصره ورفعه لفوگ وحجه من بين سنونه صبري ودع وياج اذا جنت اتحمل طياح حظج هسه افلش فجج ؛ اذا سمعتج تجاوزتي بحرف مو كلمة اربطج بلسانج واخذج سحل عدل لبيت اليهودي مااطلع ابن ابوي اذا ماطلعت تعب ركضت الاسابيع كلها من هذا وجهج المخربط

- فرحان بروحك مطلع عضلاتك على بنية انت هم حاسب نفسك رجال وامك فرحت من بشروها بيك

-اعصرج تموتين بيدي اتركج تضلين تكمزين جنج شاذي مشوه روحي بنيتي لمي كفشتج حتى اعرف  شنو جنسج

دفعها عليه هيه خفيفة وهو ماشاء الله تكول حايط؛اجتي ترس كمشتها بسرعة گوة سيطرت ماتوكع  بعدني مامعدلة وكفتها دفعتني وهجمت عليه بعد يريد يسيطر عليها مايكدر

رجعت ليورا عاضة شفتي اباوعله اشلون رافع اديه يريد يهديها وهيه مبلش ضرب بكل قوتها لاخلت صدره لامتونه وهو ساكت منتظرها اطلع حرگتها

كوه كتمت ضحكتي الي يشوف شخصيته وضخامته ولايكول هاي الجنها فارة هيج لاعبة بحاله

احس من يمي خلص صبري مااعرف اشلون متحملها ماتحرك لحد ماشافها بهتت لزم ايديها رادت ادفعه جتفها حيل وصاح  اهدي ابنيتي تعبتي

-قصدك اني مخببببله لك دساااار

-كافيييي لج

-شيل ايدك واطلع منااا يلاااا لاتخليني اسمعك كلام يغثك

-اكثر من هيج مااتصور اكو

-لااكو من اتشوفني انزف لواحد كدامك وانت مثل الحيووان واكف تباوع وكتها تعرف المغثة شنو

-وليش انغث طلقة وحدة براسك واحسب الله ماخلقج شنو من جمالج  وغث روحي وراج الف وحده اكو غيرج

-لعد ماتوليييي شكو لازكلييي

-غبييي على شنو احبج مااردي زماااال ابن زمااال شنو شفت بيج وهيج ماكل قنادر ومتحمل تصرفاتج الرعنة وضال اركض وراج مثل الاثول مااعرف

-لان حيوووان

اخذ نفس دفعها وراح كعد عالدرج اجت يمه دفرته برجله دنگ كوه لازم روحه صاحت يله كوم اطلع منااا

-مااطلع اذا ماتسمعيني

-مااسمع غير انتي طالق

-وهاي الكلمة ماراح تسمعيها حتى بموتج

-واموت ليش لخاطر حيوان مثل ماله ردادددد

لزم راسه  دنگ يائس من وضعها

اجيت دفعتها عنه ودنكت كعدت كدامه لزمت رجليه رفع راسه يباوعلي همست  هيذام اندل مكانه مو

- لابس قرب يندلكم واذا لكفه يحرگه على كد الغضب الشايله

-يعني شنو

-رجعوله ابنه ومرته

رؤيا - ارجعله سطعش مرض بكلبه وشيطلع بيدكم سوه

دسار - رافد الدغش اذا مو اليوم يلزموا باجر نصيحة ارضوا بالعرض قبل لاتخسرون كلشي رايه شغلي عقلج خوية

همست كم سنه يسجنوا

دنگ ساكت

-مؤبد موو

رؤيا - شدتحجين انتييي مالج شغل بهذا ديضحك عليج بس يريدج تسلمين بابا حتى نرد جوه ايديهم

رفع راسه يباوعلها وياكل بشفته

رؤيا - دسار اذا بلغت عن بابا وداعت كل عهد اخذنا سوه تكون هاي اخر لحظه  اخاف يجي يوم واغفرلك الفات بس هاي لاااا تكون  حكمت علينه بالنهاية

-هيذام قرب يوصللكم

- ما يوصل وحتى لو وصل مايجازف ياخذ ابونا لان يعرف و راح يخسر رئال

- ابوج  عنده اعداء اذا فكروا يرحموجن يشمروجن للجلاب تنهش لحمجن

- مااتصور انكس منكم انتوا بس بعدوا عنه احنا بخير عدنا منو الي يحمينا

هز راسه ودنگ منتجي على رجلي

عصرت ايده باوعلي

-هيذام ماراح يأذي بابا مو؟؟

-هيذام اذا شاف دموع رئال يغفر حتى للشيطان  ويكفله بس استعجلوا لان اذا لكفوا الربع لو ابو هيذام يطلع من كبرة مايخلصه منهم

- هيج بابا عنده اعداء

- ابوج العدو بنفسه ؛ بلغ عن خلايا ومقرات حتى ابليس ما يتجرأ  يوصلها اسمه وصل لناس النضرة بوجهم موت مو اللعب وياهم

-تكدر تخلصه

-ذباح يسنده واني وهيذام نلزم القضية بس لازم تسلمنا قبل لايفجر القنبلة الاخيرة ويحركنا كلنا

-واذا ماسلمنا

-راح يحصلوا واذا حصلوا جماعة ابراهيم  قبلنا ينتهي امره

-كم سنه ينحكم كول دسار لاتجذب

مارد

رؤيا- انتي شنووو كل عقلج دتحجين ويااا وانت يله كوم روح وشيل هالمكان من راسك

سكت

- دسااار دتسمع شنو كلت

هيه تحجي واجه صوت من فوك واحد كال يسمعج بس مغلسس

رفعت راسها جان واحد واكف ملثم  وخر اللثام واشرلها هلو؛  تفلت عليه خله ايده على راسه وكال مشكور مرت اخوي

رؤيا -الله ياخذك انت واخوك  والله ماتفتهم غير سندريلا من عافت قندرتها لان تعرف هذا مستواكم

ضبع - واميرنا اندلج بدونها

- اكيد غير استعمل حاسة الشم

وخرني دسار وكام رادت تفلت مالحكت لكفها بسرعة رفعت اديها تحمي وجهي لزم ايديها نزلهن رمشت بخوف

وكف يباوعلها بحيره اخذله شوية وجرها لحضنه ضمها بقوة ودنگ غمض اخذ نفس مال واحد ذابحته  اللهفة 

طلع درع يركض من المطبخ ويصيح عمووو

ضحك باس راس رؤيا وخرها  ودنگ شاله شمره بالهوا ولكفه باسه وگله خاتل هنا ابن الكلب وخال ابوك يفتر ويسحگ بالعالم جنه مدرعة  اليهود

-هيذام الحيوان

-العب انتشر الوباء وين ام لدغه

طلعت رئال اتجتفت اتباوعله بغضب غمزلها واشرلها بأصابيعه

تفلت عليه

فتح عيونه قبل لايتحرك صاحت والله بس تلمس شعغه مني اخلي هيذام يسحلك

دار وجهه لرؤيا - هاي انتي شلاطمه بيهم

رئال- وانت الي مخلصها ادمغ واتجعص بوجهي عالاساس اخوي طلعت زوج اختي المسكينة الساحل بيها الكاع

دسار -بذمتج وضميرج هاي شكل وحده مسحولة

- اي دشوفها سودة عليه هيج  جان شكلها

صغير عيونه وكال وشدراج بشكلها قبل اشلون جان

- غيغ اختي اكيد تشبهلي بس كول اني مااخاف الله استغليت بغاءة  طفولتها وخوفها لان ماعدها احد لعبت بحالها وشمغتها

كلتلها موبس هيج علمها حتى عالجكاير والغلط

دسار - وبعت كليتها وطلعتها اجدي بيها  شفت نقوصية ورتكاب مثلجن لابالله مامر عليه

رؤيا- شقصدك لك

- خوو انتي اسوء شي عرفته بعد مال اليتيم

- شوف لك من الاخير وخليها بعقلك اخاف الشيطان يلعب  براسك ويخليك تروح تخبر زلمهن وتستضعفونا والي اسمه الله مثل مانزلناكم من السما بتفاحة انصعدكم دفرات

ضبع - حي الله الرتب

- انت انجب

- اتشرف بيج مرت اخوي

عض شفته دسار ياكل بيها رن فونه اخذ نفس وطلعه من جيبه باوع بي وعگد حاجبه فصله بسرعة بنفس الدقيقة رن فون ضبع رفع راسه اله اشرله منو

ضبع -ابن النظام 

-لا ترد  راح يحدد مكانك

-يعني اغلقه

-لااا اطلع كدامي انتظرني يم الشارع العام بسررعة

اشر اي ولف لثامه راح يركض اندار دسار لرؤيا  -وهذا اخر شي ضل اخسره بسببج

- ميهمني

- جاخلي انصحج ابوج خلصت ايامه استغلوا الفرص لان ماتجي غير مرة وحدة

-يرحون ثنينهم ولا نضحي بواحد منهم لخاطر الثاني

-تمام درع راح اخذه وياي

درع - لااا حباب عموو

-حبيبي ابوك صار عبارة عن موت متنقل اذا ماحصلكم منا لباجر يسوي تحديد بتعداد السكاني ويبلش بالتصفية

-لااا مااروح اضل يم رئول هيه تبجي خطية

-انعل ابو رئال لابو الحظ الجابها وخلاها كدام هيج واحد راحته بصلخ البشر ؛حبيبي يومين وتجي وراك

-لااا ماروح وخر عني رئول لاتخلي ياخذني

كالها وبجه باوعلي دسار  كلتله ماعليه تره

-رايه انتم شجاي تلعبون ويه منوو 

-شنو الاب اذا لم بناته يسموها لعبة هيج صار الشارع والضياع هو الصح

-ابوج ايامه معدودة

-اسم الله عليه لاتكول هيج

رجع رن فونه باس درع اجه انطانيا وكال للامام بعد لاترحون

فتحت عيوني على كبرهن دار وجهه راد يصعد الدرج لزمته رؤيا باوعلها همست لاتغدر بينا دسار

-صفيت كل اموري وكملت كل التحضيرات ماضل غير احجز القاعة واجي اخذج

-مو بكيفك

-ماجاي اخذ رايج جاي انطيج خبر

مد ايده لزم وجها عصره دنگ باسها حيل ودفعها صعد الدرج ركض هو ويلبس بجفوفه صاحت لوتموووت مااخذك

مارد كمل طريقة صرخت لك دسااااااار  فتح الشباج طفره بخفه بلحظه اختفى حتى صوت لدبجة  رجلي عالسطح ماكو

كعدت عالدرج صافنة راحت رئال كعدت يمها لزمت ايدها وهمست بابا مستحيل يسمحله

رؤيا- حتى لو ماسمحله اني ماراح اصيرله مواني اخذ وحد مستعر من اهلي

- شبيهم اهلنا

- لامابيهم شي بس ابونا مانعرف شنو شغلة وليش هيج العالم تركض ورا  وامنا يهودية مسجونة بتهمة قتل

- يعني همه يعغفون هالشي ومحد غصبهم علينه

-شتكولين يسوها ويبلغ على بابا

-حتى لومابلغ  ماغاح يغحمون ماما انتي ماسمعتي صوتها وهيه يعذبوها وهيذام ماغاح يسكت وغاح نضيعهم ثنينهم ونغجع كل وحده بمكان

-محد يضيع راح نروح منا

هيه تحجي ودخل بابا بيده لثامه شمره واشر شكو

رؤيا -  دسار جان هنا مو بعيد بلغ هسه

-ههه مايسويها

-ليش حتى مايسويها

-اخر شغله ممكن تشفعيله بيها مستحيل يضيعها 

-خلينا نروح غير محافظة

- وهذا الطلعت الصبح علموده حصلت بيت بالجنوب واتفقت ويه ابو تريلة مال مواشي راح  نطلع ويا

-وحقنا الي هنا

-مانتحرك خطوة اذا ماحقجن يكون بحضنجن وانتي بابا رئال شبيج ليش وجهج اصفر

رئال - ماكو شي بابا بس خفت لايگول لهيذام ونغجع نضيع من جديد

- محد تضيع كلها  كم يوم واخذجن ونروح منا واليوصلجن لسه الله ماخلقه كومي يبعد ابوج تعالي يمي

كامت حضنها باس راسها وهمس ماطولج بحضن ابوج ماتخافين من جنس مخلوق

-تعبنا بابا هواي

-وصار الوقت ترتاحن وتعيشن مثل ماتردن

-ههه تعغف شنو جان حلمنا

-بيت صغير رؤيا ترجع للمدرسة وانتي تصير عندج مكتبة خاصة وراية تسويلجن الاكل التحبنا وتلتمن بحضن امجن بليل

-وهسه انضاف شي لخ

-وهذا الشي مستحيل حدي وياجن لاخر حلم أمنهن وسلمجن لحضنها وروح بطريقي اضل  اباوعلجن  من بعيد

-لا فدوة بابا

-اااخ يبويه هاي الكلمة الكسرت ظهري

- ويهون عليك ماتسمعها لوتشاغكنا يومنا مثل كل ليله وانت خالنا بحضنك  وتحل مشاكلنا

- مشاكلجن  نابعة من داخل روجهن من كد محبتجن تتلاشن  وحدة بالثانية حتى تملي داخلها بحنية صوتها بي يصير الاذان يتحول صراخجن لهدوء وحده تزم ايد الثانيه وتغمض وهيه تحسب الساعات للصبح حتى تصبح بوجها

-هاي قبل هسه مانام اذا مانشوفك كدامنا ونحس على ايديك وهيه تمشي على خدودنا تتلمس اخاف وحده منا نازله دمعتها بدون لاتشكيلك همها

-قربي خطر عليجن

-واحنا قابلين عشنا بدونك ماشفنا بس الظلم استونا ضحكنا لاتحغمنا منها بابا لخاطغنا لاتعوفنا بعد

ضحك مسح دموعها واخذها لحضنه عصر راسها باسه وباوعلنا فتح ايده ركضنا دخلنا بحضنه كلنا كال اوووف يبعد ابوجن شمعزتجن بروحي

رؤيا - بابا اني مااعرف اشلون اصارحك بس تريد الصدگ كلش ماارتاحلك

- شترتاحين حمدي ربج لافج بيتي وين اكو وحدة تهف رجلها جلاق لج بابااا انتي شكو براسج هذا

- باباااا هو يعيل ويكلي اخذج غصباً عنج شنو والله هو ضابط ترضى

- لااشلون ارضه انعلج ابو لابو الرتبه الخالها على متنه بت الدغش اذا مومشيتها تسد الشارع شيوخ ورتب وشرط اذا مو مهرها ثكلها ذهب وبيت وحدها لايوصلون بس غسلي وجهج بابا حتى اكدر احجي بزود

- والله بابا حتى لو غسلته هاي طلباتك يعفطولنا بيها وشكلنا راح نعنس على كلبك

-اهااا نقلل شوية

- لاهواي بابا اني بالنسبة الي مارايده غير الستر

- وباكيت جكايرر موو رؤيااا منو الي مدخن بنهاية الحديقة

كالها ولزمها من شعرها صاحت بس على كيفك انت لاتعصب

- منين جبتي الجكاير

-هاااا

-طفرتي الباب مووو

-انت ليش ماخذ عليه هيج نظره تره اني خوش بنية

-بهذا وجهج المضروب فايروس القرده

-لاتعيب على خلقة الله حرررام

-سمعي لج هالمره راح اغلس واسوي روحي ماشفت الگطف بس وداعت الغدرت بيه اذا لكفتج ادخنين مرة ثانية اعلگج بالسكف واخلي خواتج يرحن ويجن يتفلن عليج

رئال - بابا يصير هسه اتفل عليها

رؤيا - لايبت القرد سمعتهااا بابا هاي كله بسببك راحت شخصيتي

- انعل ابو شخصيتج الماضال منها بس الوسخ واللسان القذر رؤيا ماعيد الحجي سمعتي شنو كلتتت

هزت راسها

دفعها فركت راسها وهيه كالبه خلقتها تباوعله بغضب صاح شكوو ولج

-دسار كال الخميس عرسنا اتصل بي كله خلي يسوي باجرر

-وانتي صدكتي دسار ياخذ وحدة مهتلفة مثلج

- سوف اذهب وسوف تندمون

- روحي فكينااا دخيل ربج

- كل العالم تبني بشخصية جهالها وتعلي بمقامهم  اله اهلي بس اريد اعرف انتوا اهل جيس حببب

- تعالي لج انتي الضاهر كد ماتغطين بحفرة الاخياس صرتي مثلها

- تره هذاااا مسبح مسبح يالجهلة اوووف هذا مصير الي يعيش ويه عائلة مامطوره

- دلبسي نعالج عدل وبعدين سولفي بالتطور

دنگت تباوع صدگ لابسته مگلوب وانوب كل فردة شكل هز ايده بابا وكال راية اكو كم شغلة بالسياره نزليهن بين مااروح للجامع

رؤيا - شتسوي بس لاتبوگ نعل

- لااشوف ناقص ابن ناقص يخلصني منج

- مااعتاز جيب للبايرات العدك اني ماخذه ضابط مخابرات

- لوبي خير ماكلبج

-انت موو جنت مسجون مؤبد منووو طلعك

-الزمايل الخذوجن

لمت حلكها تباوعله بغضب  غمها وطلع كوه كتمت ضحكتي رحت ورا اسمع صوت زلم يم الباب يسولفون عرفتهم منتظري واكو مصيبة

فتح باب السياره طلع شغلة منها  لفها بقطعة قماش باوعلي وغمز ضحكت دزلي بوسه بالجو  رد اتلثم؛   مايگدر الشر بدمه انوب اباوع بعيونه اثر للخوف من الصار ماكو  غير الغدر والحقد ماموجود

جر سلاحه خلاه بظهره  وطلع من البيت

طلعت المسواك وعلاجي واللعاب لدرع دخلتهن للبيت

مرت الايام وبتنا عبارة عن مصارعة  بين رؤيا وبابا جان يحاول يعلمها على كلشي ماخله حتى السلاح دربها عليه احسه يصنع منها شخصية قاسية عكس رئال جان يعاملها بهدوء ويخاف عليها حتى من نفسه تكول شي هش ويخاف تتهشم بيده

بالنهار لعب وضحك بين التصليح ويبن يشاقيهن يايوسخهن بزيت السيارات  ياايشمرهن بركه المي وبليل يسهر ويانا على التلفزيون نطلع كارتون لدرع ويجيب حبشكلات نلتم لتالي وقت لمن ينعسن يغطيهن ويكوم يطلع للصالة

وهنا يبلش يتحضر لشغله بس يعبر باب الغرفة  تتغير شخصيته من حنون الى شخصية  صارمه ماتعرف الرحمة شنو وهذا الشي الجان زارع بكلبي الامان يعني بعد محد يتجرأ ياخذ خواتي مني

واكفة بالمطبخ اسوي بوشار كملته خليته بصنية دخلت للغرفة لكيت بابا متمدد ودرع على صدره عينه تتنقل بين الساعة والتلفزيون جان خال افلام كارتون نليز ؛  رؤيا عكسه  متمددة هم عينها وياهم بس رجليها على بطنه

رحت يم رئال لامه روحها وبيدها الفون وصافنة خليت الصنية وكعدت يمها همست شبيج رئول وين سارحة

-هااا لاهيج بس اذكغت ماما

-اشكد مشتاقتلها

-غاية هم يجي يوم وتكغهيني

-عزة اكو وحدة تكره روحها ليش هيج تحجين

- اني ما أذيت احد كد ما أذيت نفسي بس حتى  مااخليكم تفقدون هالمة

-شصاير هم خابر هيذام

-لا بس هيج احس غوحي مخنوگة

سحبتها لحضني نزلت دموعها رفع راسه بابا كال شكو شبيها رئال

-مااعرف ولاترضه تحجي

وخر درع واكام اجه يمنا سحبها من حضني مسح دموعها كالها شبيج يبعد ابوج

-مابيه شي تعبانة شوية

-كومي اخذج للطبيب

-لالااا بابا بس خليني بحضنك اني اغتاح

جرها لحضنها عصر راسها - تردين  زوجج

-لااغيدك انت

-هاي اني يمج يبعد ابوج ليش هيج تبجين

-ماغيدك تعوفنا

-مااعوفكم خلصت كلها يوم واحد  واخذكم واروح منا بعد ليش خايفة

-خايفة تضوج مني وبعد ماتحبني

- انتي بت روحي العايش بيها شصاير رئال احجي

وخرت راسها مسحت دموعها ابتسمت - اغيد كتاب واعغفك ماعندك تجيبلي واخاف اگلك وتمل من كد مااطلب

- ولو مامصدگ بس انطيج عيوني شنو اسم الكتاب وباجر قبل لاتگعدين من النوم يكون يمج

ابتسمت وكالتله اسمه ضحك على ضحكتها جر راسها باسه وكام كال يله بابا رايه لموا غراضكم وتحضروا احتمال باجر الضهر نطلع

-شنو انت طالع

- اي اسلم هاي السيارة كملت تصليحها حتى استلم حسابها لخاطر انطيهن للزلمه الراح ياخذنا ماتأخر  قبل اذان الفجر اجي موتخليهن يسهرن ورانا طريق وتعب هواي

- لامااخليهن وكملت كلشي ماضل بس الفراشات من نطلع المهن

- يله كومي قفلي وراي الباب

رؤيا - بابا جيب وياك جكاير تره جكايرك خالصة

-كومي غسلي وجهج لاارفس بطنج

ردت حضنت مخدتها وعيونها عالتلفزيون ضحك خربط شعرها وكام اتلثم وطلع رحت ورا قفلت الباب رجعت للغرفة كعدت يم رئال خايفة عليه مااعرف شبيها تباوع لوحدة وحدة بينا احسها شايله هم جبير على كلبها كل شوية تنزل دمعتها وتمسحها بسرعة حتى لاننتبه

تاخر الوقت نام درع خليته بفراشه  طفيت التلفزيون غطيت رؤيا واجت تمددت يم رئال لزمت ايدي باستها وخلتها على كلبها

-اكو شي يوجعج احجي

-اشرتلي لا

-تره مابقى هواي كلها كم شهر وتطلع ماما

هزت راسها اي وضمت وجها بصدري وغمضت

حضنتها مر وقت واني اراقبها اخاف ترد حالتها وهيه ساكته لان ما تريد تكلفنا لحد ماشفتها نامت امنت خليت راسي يم راسها ونمت

بين صاحية وبين نايمة اسمع دبجة قوية عالسطح ثواني وختفت رجعت لنومتي لحد ماسمعت باب المطبخ تنفتح عرفته بابا

كمت طلعت لكيته داخل بيده الكتاب ضحكت دااگله صباح الخير وضاعت الضحكة واني اشوف الشرطة مسلحة دخلوا يتراكضون

بلحظة طوقوا البيت رفعوا الاسلحة على بابا صاح واحد منهم سلم نفسك اي حركه نرميكم …

لاتنسوا التصويت❤️

كثرة الاسئلة كم بارت متبقي

بلشنا بالعدد التنازلي  بارتات قليلة تفصلنا عن نهاية القصة

شيء من رصيف الدم

بقلمي leo Alfatlawi

بارت الثامن والثلاثون

***رايه****

درت وجهي واشوف وراي رئال دموعها تنزل ابتسم بابا واشرلها بالكتاب شهكت ؛ اخذ نفس وجه خله الكتاب بيدها جر راسها لحضنه باسها وكالها لاتبجين يبعد ابوج

التموا عليها الحرس جروا منها جتفوا طلعت رؤيا تركض اجت حضنته وصاحت لابابااا لاتعوفنا

دنگ باس راسها وهمس يم اذنها خواتج امانة يمج

كلها ثواني حتى مالحكت احجي لو اتوسل بيهم دفعوا رؤيا وسحبوا وياهم مخبوصين خذوا يجرون بي ورؤيا كعدت بالكاع بس دموع تنزل بعجز

عيوني ورا لحد ماطلعوا من البيت قبل لايعبر الباب درا وجهه باوعلنا  اتمنيت اركض لحضنه واكله لاتعوفنا استونا عشنا وعرفنا شنو الضحكة

ابتسم بكسره ودنگ احسه اخذ روحي طلعوا غمضت وكعدت بالگاع احس روحي مخنوگة شي طابق على صدري  دخل بلحظة مثل الحلم زرع محبته بصدرنا وختفى

فتحت عيوني على صوت رؤيا تكلها زين ليشش

رئال- غدته يعيش

- ردتي يعيش لو ماردتي تعوفين رجلج وترحين ويانه ماعجبتج عيشتنا زين انتي تردين تولين احنااا شكوو مافكرتي بينا ماكلتي خواتي ويين ينگبرن مواستونا صرنا بشررر

- كشفوا مكانه وانطوا امغ بكتله

- منووو يكتله غير رجلج لج انتيي من شنو مخلوقة  ماوكفت  بعينج سهراته للصبح وياج  ماصارت كدامج وهو كاسر ظهره بالشغل حتى يوگلج بالحلال 

ماردت دنكت وبجت بصوت

صاحت على شنوووو تبجيين وانتي سلمتي للاعدام وليشش ينعدم  لان ضحي بنفسه واخذ ثاررر وحده ماتسوى فلسسي مثلج على شنووو تبجييين

- اني الخسغت كلشي علمودكم ولاتحجين على التضحية وانتي ماتعغفين عنها شييي لاانتي الخذتي واحد مخبل حتى تحمين خواتج ولا انتي الذليتي نفسج جوه غجليهم وتحملتي اسوء انواع الظلم بس حتى تاخذيت ثاغ اخوج

-وشنووو جايه تاخذين ثارج منااا ليش منو المنه عاشت مثل الاوادم ومانذلت

- مومثليي محد ضاگ الوجع الضگته  انتي ماسامعه صوت امج وهمه يعذبون بيهااا كدامج  ولاشايفة كتال اهلج كدامج وهو مستمتع بخدمتج ويهددج اذا مامشيتي عدل يكمل عالباقين شنوو سويتي اشتغلتي كم يوم اني خلصت عمغي بالشاغع انخطفتي اني موتوني ودفنوني بمكان خاص بغسل العاغ وبعد كل هذااا شوفييي

كالتها وشالت تشيرتها - كد الكتل والتعذيب شالوا الغحم حغموني من الامومة وجاية دتسأليني شنو اني ؛ اني الخسغت سواغي علمود احميج  وخسغت شعغي واعتغفت على نفسي  حتى احمي غزوان وضحيت بأمومتي حتى اخذ حقكم

-لهيج تردين تنتقمين منه

-لاااا ماغدت اعيد العشته ولااغدت بابا يعوفنا ونغجع نضيع وننذل من جديد مالكيت طغيقه اخلصه بيها من الجان ناوي يسوي غيغ هاي

-باباا راح اذا مو اعدام مؤبد واحنا ضعنا وكله بسبب غبائج وحقارتج اااخ اتمنيت ترجع الايام وامحي ذاك اليوم الطلبنه منه يردج بينا هواااي عليج كلمة اخيتي ماتستحقين حتى انباوع بوجهج مو نخليج بيناتنا كومي رئال ولي لرجلج انسي عندج خوات

همست والله مااكدغ اعيش بدونجن

قبل لا ترد رؤيا اندفرت الباب دخلوا ذباح ودسار اثنينهم مسلحين وراهم واحد لابس عسكري ملثم  ضخامته تخوف مدنگ يمشي بثگل وينزع بجفوفه

مجرد ماشافوا الحرس انسحبوا بسرعة طلعوا يتراكضون وصل للمطبخ گمت وكفت دخل راح يم رئال دنگ عليها كومها باوعتله وشهكت جرها لحضنه دنگ باسها وعصر راسها بصدره  صاحت رؤيا وهاي كلكم اجتمعتوا حتى تكدروله لعد اشكد جان راعبكم

حك خشمه دسار ودار وجهه وذباح اتحمحم ودنگ متجتف

شال راسه هيذام باوعلها بنظرة ترعب؛ ضحكت وكالتله على شنو تباوعلي لاحسبالك اخذتوا راح تكدرون ترودنه للذل مرة ثانية تخسى انت والي يفكر يوصل لوحدة من خواتي

هيذام - دسارر اخذ مرتك منا

-اذا هووو زلمة يتحرك وانت وروح اخويه لخليك تاكل روحك ندم  وهااي مرتك الكتلت نفسك عليها وسحكت الدنیا بظلمك  بس حتى ترجعها لحضنك  واخذهااا بس خليها براسك الي تغدر بأبوها  مالها امان جايك الدور  تعررف ليشش لان الغدرر بدمهااا

شهكت رئال ضمها بقوة وعاط بصوت رج المكان هو يصيح  لك دساااااار

رؤيا -هيذام اخذها وروح صح كلبي شايل عليها بس والاسمه الله اذا سمعت بيك مزعلها روحك اخذها  بيدي  وانت دسارر مهري راح يكون رجعة بابا يله طلعوااا

وخرت راسها رئال من حضن هيذام باوعتله وهمست وعدتني ماتخلي احد يحقق ويا انت الغاح تلزم قضيته

اشر اي ومسح دموعها

- وين ماما

دار وجهه لناحية الباب انداريت  واشوف شرطي لازم ماما بيده يمشيها

دخل درع يركض دنگ هيذام باس رئال وراح لدرع شاله ورئال اجت وكفت بينا تباوعلنا عاضة شفتها بس دموعها تنزل ابتسم وهمست ماغاح تودعني موو

نزلت دموعي

- ادغي ماغاح تسامحني بس وغوح غزوان ماأذيتكم بيكم بكد مااذيت نفسي وهاي للمغة الثانية ابيع غوحي علموكم

رؤيا - روحي رئال

- ماكلتله جيبلي الكتاب لو ماجنت معتازة ذكغه تهون بعدكم عني حتى اگدغ اكمل البديته لخاطغ تحققن حلمجن بابا غاح اغجعه الكم مثل مااخذت حق غزوان

همست بشهگه اشلون انطاج كلبج تغدرين بي

- لا خسغت كلشي وماغدت تعانن مثل ماعانيت غدت تعيشن عيشة صح بحضن ماما وحمايته

- كافي رئال مااريد اسمع صوتج

- هه اقلها بس خليني احضنج يجوز هاي اخغ مغه تشوفني

- ياريت روحي رئال

هزت راسها اجت رادت تحضني درت وجهي  ابتسمت ونزلت دموعها دنكت وطلعت راحت لماما الي فتحت ايديها مامصدگة رئال كدامها تبجي بصوت باهته ؛ وصلت يمها سحبتها لحضنها  اخذت نفس منها طويل ووخرتها لزمت وجها تباوعلها وتشهگ ردت حضنتها حيل

خليت ايدي على گلبي واني اشوف ماما اشلون  اتشم بيها بلهفة والرجفه لازمتها   استوها وخرت راسها من حضنها  دتحجي وياها وتعتب مالحكت انتبه هيذام خزرها وراح لجهتها بس صوت دبجته بالگاع وهيئته هو ويتحرك خلته ماما تلقائي تسكت بخوف

وصل يمها سحبها منها خله ايده وره ظهرها اخذها ومشى اباوع لرئال على طول ماتمشي ويا عيونها علينه احسها تودعنا وتعتذر ويه كل دمعة تنزل من عيونها  لحد ماطلعوا

كعدت ماما بالگاع رحت يمها رفعت ايديها بعتب  وهمست مالحكت اسألها اشلونها

كعدت يمها جريت راسها لحضني ضمت وجها بصدري وبجت بعجز مهضومة؛  اجت رؤيا عيونها حمر والحرگة ماليه وجها دنگت سندتها كومتها عرفتها مارادت احد يشوف كسرتنا وحاجتنا للسند

دخلتها للغرفة كعدتها وردت دفرت الباب بوجوهم سدتها وكعدت وراها

كعدت مكان صارت لعبة درع كدامي كأنما انعاد شريط رند وذكرياتها  لميت رجلية لحضني خليت راسي عليهن ودموعي تنزل بدون صوت  ؛ لليل واحنا على كعدتنا كل وحدة بكتر صافنة  بجهة هدوء نفس ماكو بالبيت عكس كل يوم هوستنا وضحكنا وين واصل

كل ماتصير عيوني على حاجة من شغلات بابا اغمض  لحد ماصار وقت  العشى وقت لمتنا بحضنه هو ويشاقينا بالضرب شكو وحده ماتاكل

غمضت واني اسمع شهكت رؤيا بكسرة اكثر وحده بينا تعلقت بي  كامت ماما كعدت يمها لزمت وجها مسحت دموعها كالتلها  هيج نسيتيني هاي بدل مااعتب واگلجن ليش ماجيتني كل هالفترة وخالاتني كلبي عليجن مثل النار حتى نوم مانامه روحي تلوب مثل المسودنه افتر تالي هيج تستقبلني

- ليش تعرفين وين جنه لو شنو صارلنا بغيابج اذا اكو مكان جنتي تنامين بي احنا نتمنى نحصل مخده انخلي روسنا عليها تدرين اشلون لكانا بابا بأي حال واشلون لمنا

- لهيج تبجين لان اجيت مكانه

- ابجي لان ذوله نسبانج الي بالبيت جانوا مايتجرأون يوصلون عتبته مو يدخلوا لان خلانا اعتبار وحسينا النه قيمة لان اول مرة نغمض واحنا نحس اكو منو اليحمينا ورانا صبح  ينتظر صوت ضحكتنا

- يعرف نفسه ماراح يكدر يضل بينجن ولايخليجن دوم بحضنه رد بس حتى يزيد كسرجن وجع كلبجن

- لااا لمنااا وجان ناوي ياخذنا منااا بس بتج سلمته الهم

- لاتحجين هيج على اختج وانتي تدرين بيها خافت عليجن منه لان عرفت وجوده  بينجن خطر وراح يأذيجن

لاااا لان نفسج بشرر يحب الغدر رب الخلتنا عمر نعيش بالظلمة وحرمتنا منا ماتطلع وحده من خلفتها تشبها وتعيد السالفة

-اني ماغدرته اني اكثر وحده نكسرت بسببه وعشت ميته من بعده ماگاللجن شنو سوه بيه واشلون خلاني اعض اصابعي ندم واتمنى الموت

-مااريد اعرف السوا ولااريد اعرف ليش غدرتي لان شفت طبعج بأختي بس اريد اعرف ليش حرمتينا منه كل هالسنين

-حتى احميجن

-هم كالت احميييجن نفس كلام بتج مابينجن فرق ومنو انتن وتقررن مكانا هسه شنووو عود امنتنااا هاي فرقتنا وانتي رجعتي كابلتيني تبجن خايفة وهيه وراحت

-تركج مني اني مابيه خير وسالفتج هواي كلمه يمه بس رئال لااا اخيتج خلصت عمرها تشمر نفسها بالتهلكة لخاطرجن تعرفين ليش لان تحبجن اكثر من نفسها ماسألتي نفسج ليش رادت تودعجن لو ليش سوت روحها ماتعرفني بعد ذيج اللهفة الحابستها بعيونها 

- لان غبييية  باعت نفسهااا وقبلت ترد للذل حتى تخلينااا نعيش براحة رئال كد ماخسرت بعد ماتفكرر شنو دتسوي ماماااا رئال ماتت واخذنا عزاهااا من اشهر

- يمه اسم الله على كلبهااا

- على شنووو اسم الله لو ضاله ميته هواااي احسن هاي ردت للدنيا وهيه فاقدة عقلها وأمومتهااا ردت بس حتى تكمل باقي حياتها بوجع وحسسرة

خلت ايدها على كلبها واندارت باوعتلي بغصة؛ درت وجهي شحجي لو شنو اذكر اتولت المصايب فد وقت وكل مصيبة تعصر الگلب اكثر من الثانية

لطمت على وجها بقوة وصاحت يمه سودة بوجهي استوني غمضت  عيوني واسمع صوت دبجة عالسطح ويه اقسام سلاح انسحب وركضته ذباح ودسار  يصيح ذبااااح عالسطححح يخوووي 

طفرنا بسرعة ماما جرت رؤيا واني ركضتلهن اخذتنا لحضنها همست ماما برجفة شنو الصار

رؤيا - ذولة جماعة بابا النواقيص عرفوا بي انلكف لبالهم وحدنا اجونا

- اااخ يمه اتمنى عندي ذاك الگلب  وادعي عليه بخاطر يبرد روحي من الكسر  والضياع الشمرني بي

-وخرني عني وعلى شنوو تدعين

- دتسمعين ركضتهم فوگ هاي نفسها جانت بس الفرق  انتن بدل ماحاضناتني وزلمجن حامينا جنت  تباوعلي بخوف واني حاضنتجن محتارة اشلون احميجن

-كسرتونا وضيعتونا اثنينكم 

- الي حمتجن كل هالسنين وتحملت لخاطرجن المر ماتتخله عنجن من تالي؛ الي يخاطر بحياتجن مايصلح يكون اب انتن  بناتي وحدي وراح المجن من جديد  اخذجن وبعد بكد مالله انطانا عمر

-ههه هذا الفرق بينكم وهو جان يكول اخذجن امنجن بمكان واحقق كل احلامجن واعوضجن عن كل المرتن بي  واسلمجن الامجن وابعد

- اني مو گلبي جلمود ولافكرت بيوم اغدره بس اني انكسرت اني انظلمت هوواي وهمني بحياة وخلاني انصدم بواقع يخليني اتمنى حاركه نفسي ولاكايله نعم واصير بأسمه

- واحنا الوگعنا بين صراعاتكم وارتباطكم الفاشل تعرفين انتوا شنو سويتوا بينا

- ماغلطت كل الردته بس ابعدجن عنه وعن ماضي المابي غير شر والموت ردت اخليجن تعيشن بأمان

- لو سمحتي عوز وظلم وحياة مابيها بس المذله

- العليه سويته ضحيت بعمري حتى اوصلجن لهذا العمر هاي كبرتن وصرتن تكدرن تاخذن حقجن وتعيشن مثل ماتردن بعد لاتلوميني ولاتحاسبيني على واحد ماتعرفين شنو سوه بيه 

دترد رؤيا وسمعنا صوت ذباح نازل هو ويجي ويه دسار كله  طفروا

دسار-  راح يرجعون ذولة طلابة دم الدغش

- وشعرفم مچانه

- انكشف مكانه من البارحة لهيج راح اتفق ويه الرمح يهزمه

-

- ياهو الباعه الكم؟؟

- واحد من جماعته مقابل براءته من جريمة اغتصاب

- ياناقص وافقه و قبل بهيج مقايضة

-ابراهيم النكس اكو غيره وانطه امر بأطلاق النار اول مايعبر حدود المحافظه بناته

- الواطي يضل طول عمره واطي

- وهالواطي اتحارش بدم ام لدغة مرتين تعرف شنو

-ماعرف غير دم البنوات دمي وانه الفجار دمه ان وخليتوا ايدكم بأيدي حي الله بيكم اخوتي وظهركم مسنود بجتافي ان وكفتوا بوجهي اعدائي  اكون معذور عن الراح اعمله

- يعني هو الدغش قابل شنو يناسب ؟؟ يابه اذا ضلت وصلة سالمة من ابراهيم حلال عليك وهسه صار لازم انطلعهن منا قبل لايصير الفجر

دفعتنا رؤيا وفتحت الباب طلعتلهم  لحكتها ماما؛  ركضت بسرعة صرت ورا الباب حتى لا يشوفني ذباح اباوع لرؤيا وكفت كدامهم وصاحت وانتم بكيفكم تقررون

دسار - ابوج مطلوب لاكثر من واحد ومو هيج واحد سهل لااا كافرر لربه يعني اذا وكعت وحدة بيجن بين اديه يسويها ستلاف وصله  هيه وعايشة بس حتى يصور بيجن مقطع صغير ويوصله اله

-واحنا نعرف نحمي نفسنا

-شتحمييين رؤيااا مافيااات مافياات وبتاووين لو الجيش بكبره يوكف وراج مايكدر يخلصج منهم

-رجعة  لهناك ماارجع

- تعالن وياي بيتي كمل

- ولا وياك

- بوجهج على جهنم ماضل غير مكان بنتي انتي جاي تفتهمين شنو احجي

- وانت هم تفتهم شنو احجي

- رؤيا طلباتج

- تعرف شنو طلبي ولاتراويني وجهج طول ماهو بالسجن واذا صارله شي جوه السجن مال هاي سوالفكم صار بي كأبه وانتحر ؛اتعرض لسعة عكرب ومات ؛اتعارك ويه واحد جاب عرضه بالباطل وكتله وكتها لا ترد نهائياً لان دمك راح يكون مكانه انت وصاحبك

- بت ابو عگرب منين اطلبيها

- الضاهر عرفت نفسك موكدها لهيج تكول ابو عگرب مو عمي

- كلتي مهري براءته ؟؟

- واني بعدني على كلمتي وبنفس اليوم اليطلع ادخل بيتك

-ومهرج يوصلج كامل من غير شروطج وطلباتج كلها تتنفذ مواني الي اثمن خرزتي بمقايضة  ومحد يزفج ويسلمج بيدي غير ابوج

-صدگ دسار

-بس بداعت هالخرز ياتخففين وزنج يااتقنعين ابوج يقلل من الذهب وعلي ماعندي  وافلوس البيت نصهن دين

ضحكت ضحك على ضحكتها واجه سحبها لحضنه دنگ باس راسها وكاللها لازم طلعون مناا

- نروح بس لانگعد ابيته ولا يذب دينار على ماما واختي

- طلعة وشغل ماكو رؤيا جاي تشوفين الوضع الصار بعد رجعت ابوج 

ماما - اني اشتغل ونگعد يم هجامة لبين ما الله يفرجها ونشوفلنا بيت على كدنا نستقر بي عسى ما غرفة وحمام وغير هذا الحجي ماعندي يعجبكم اجينا وياكم مايعجبكم اخذ بناتي واروح ادورلي مكان ولااردهن للذل

ذباح - ماعاش اليذلكم حرمة عمي اذا هلى گصروا وياكم مسحيها بوجهي

- لايمه ماعليكم قصور بس عضم ابن ادم ثكيل واحنا  هواي وكلنا نكدر نعين نفسنا ليش بعد حتى نثكل عليكم

- شتثگلين بيه غير انتي بحسبة اخيتي وذني عرضي

- طلبتك بوكتها ومارديتني وكفتلي وكفت الاخ الاخته كفيت وفيت والنعم من اصلك وهسه صار اخذ امانتي

- الحين  انتي تعبانة وتوج طالعة مشي وياي ارتاحي كم يوم اذا تنوعتي روحج متضايگة  لو سمعتي چلمة وحدة كدرت خاطرج الج كل الحگ وانه بيدي اشريلج بيت وانقلج بي

-واني مااريد اكلفك كافي الخساير والتعب الخليتك بي

-يبه  كولي ياالله وتهدي خلينه نحدر ويصير خير

- ذباح كلت العندي لاتاخرنا يمه

- الج الرايدته  على امرج اخذكم يم هجامة  ولاتكولييين لااا ولاالله بسمااا اخذجن غصب لنص بيتي  واريد ابن ابوو يكف بوجهي

رؤيا - لاتصيح

- انتي انكتميي نصل لو مانصل وكتها هين الحساب

اندارت على دسار ضربته على صدره وصاحت اانت مدتسمععع

لزم صدره وفتح عيونه اشر شكو

- ديگلي راح اكتلج

-غبيي واحد مشتهي ينهان وينكتل ليش حتى امنعه

-شقصدك

- ماقصدي يروحي بس استعجلوا حتى لانصير بخبر كان

- والله فشلة بحال ضابط وهذا ابن عشاير وشايلين كل واحد طن اسلحه تالي هيج تتراجفون ولكم يدخل ويطلع حتى سلاح ماشايل بيده وموكف المنطقة على تك رجل

- هه الي يوكف مراكز برتبها تصعب عليه منطقة ماكاسر خاطري غير بزرتي

- اي والله واحد لفو خاين بلده مثلك يصير ابوهم

رفع حاجبه وذباح دنگ يحك خشمه كوه كاتم ضحكته

دخلت ماما باوعتلي  كالت ها يمه رايه شو واكفه هنا

- ماما ماارجع ويه ذباح ولااريد اشوف وجهه

- ليش صاير شي بينكم

- لا بس مااريد ارد لذيج المنطقة

نزلت دموعها وهمست مارادين هنه كم يوم بس اشوفلنا مكان زين أمن اخليجن بي حتى اروح لرئال والله هادة حيلي وماخذه روحي  بنيتي سودة بوجهي على ذيج الساعة الي طلعت بيها للمستشفى وخليتهم وراي؛ راح غزوان ورند مني بداعت الكسر گلبي ورد لمجن لاتجبريني وتخليني اضيعها هيه هم

- كل ليله جانت تسأل عنج وتكلي سولفيلي تكول تريد تعوض ايامها الخلصتهن بدونه

- اووف يبعد امج ييمه شگال كلبج من دخلتي للعملية بوحدج شنو حالج من خسرتي امومتج وانتي بهالعمر

- ماگلتلي ماما بدل ماتشكيلي جانت تكعد تسمعني وتشاركني حزني حتى تشيل عني

- صدگ بعد هالغياب كله تالي احضنها بدون لااحجي وياها تكول غريبة

- راح تجي بعد ماتعوفنا  ادري بيها كلبها ماينطيها تبعد بعد ماردت لحضنا وشاركتنا حلمنا من جديد

- لهيج لازم نرجع ايدي وايد نشتغل ولم كم فلس حتى نشوفلنا بيت نستقر بي ونردها بينا اخيتج انكسرت يرايه تعرفين شنو احساس البنية من تعرف نفسها ماراح تكون ام

-حتى مالحكت اواسيها ومن سمعت منها بدل مااكوم اخذها لحضني وكفت بوجها وباوعتلها بنظرة عتب

- وهسه منتظرتج تأمنيلها مكان حتى ترد لحضنج مثل قبل رئال ماحاسبتج اختها تره ادري بيها تحبج اكثر مني

- لهيج ضميت وجع غزوان داخلي ونتظرتها تجيني وطلعته كله شمرته بصدرها

- وجه وقتها تشمر حزنها بصدرج

هزيت راسي اي ونزلت دموعي

جرت راسي  باسته ؛  مسحت عيوني حضتها حيل  وهمست ولو متأخر وما اعرف اشلون اكولها بس الحمدالله على سلامتج ماما

- يبعد امج اعرف سنو الي بكلبجن وعاذرتجن يله خلي انلحگ على اختج قبل لا تكتل رجلها وتبلينا مخبله هاي

- ههههه والزاد خبالها وشجعها بابا خلاها طفر وتحجي بزود

- وهذا الخايفة منه

- لاتخافين دسار ماراح يخليها تقرب لهيج سالفة تره مفتحلها اربعة وعشرين ساعة لاتشوفي ساكت هذا مسايرها  لحد ماتصير بيته ويضبها ضبه تسوه راسها

- رادلها بخت وتستقر رؤيا ماصدگ يجي هاليوم

- يجي ونستقر وترد رئال تقرانا قصص ورؤيا تجيبلج اطفال وترد الضحكة الفقدناها من زمان

-الله كريم  يله يبعد امج خلينا نروح

اشرت اي سحب بس الشال خليته على راسي اشلون مجان حتى تراكي ماغيرته لان بعد مايهمني

طلعنا صار ذباح كدامي باوعلي بنظره حرت شفسرها  ماعرفتها شوگ لو عتاب لو اسف

درت وجهي بسرعة كارهه شوفته هو هم دنگ اخذ حسرة وطلع كدامنا بيده سلاحه طلعنا ورا واسمع صوت ضربة ودسار صاح ااااخ

درنا وجهنا لكينا خال ايده جوه عينه وصافن مبين مكتول ورؤيا شفتها حمره تمسح بيها و تباوعله بغضب ؛ رغم الخنگة الي اني بيها گوه لزمت روحي لااضحك منظرهم يجبرك تضحك

اجت دفعتي وصاحت حيوان لفو مايصير بشرر ابد؛ كملت طريقي كوه مسيطره لان ادري بيها تفتر عليه وتسحلني

وصلنا بره يم البركة باوعتها ونزلت دموعي همست رؤيا اشلون حال بابا هسه

- اكيد ديسولف بينا بينه وبين نفسه

-اشتاقيت لدرع

-ولدغه رئال وهيه تصيح بابا صيح بغؤيا

-راح نرجع للذكريات

-تذكرين شنو كلتي

-كافي نذلينه وتعبنا هواي صار الوقت نعيش

-لعد يله امشي

لزمت ايدها مشينا وحنا عيونه تودع كل ذكرى النا بهذا البيت ويا بابا الي ماندري راح نشوفه بعد لو يصير ذكرى ويا ذكرياتنا الباقية

طلعنا لكينه ذباح منتظر يم السياره بيده جكارته منطينه ظهره واكف وعيونه عالمنطقة  عرفت اكو شي خايفين منه وميردون يگلونه  ؛احنا هم صعدنا بدون لانحجي

دقايق  وطلع دسار ؛ دنک اخذ نفس من جکارته شمرها وصعد خله سلاحه بصفه عدل المرايا شغل السياره واشر لدسار خليك وراي؛ هز راسه دسار اي وشغل دراجته

طلع بينا  ودسار ورانا بالدراجة ملثم اباوع لذباح على طول مايمشي عيونه بين الشارع والمرايا عاگد حاجبه والشر مبين على وجهه تحسه بس يريد احد يطلع بوجهه حتى يطلع غضبه بي

مر شريطه گدامي هو جابرني على حضنه ويتنقل بين شفايفي وركبني ؛هزيت راسي بسرعة ودرت وجهي العن بي وباليوم الخلاني اصير اله لحد  ماعبرنا بغداد دگ هورن دسار  سلم  ولاف بالشارع الثاني شحط الدراجة طار طيور بلحظة اختفى

همست ماما لا امنت على رؤيا

رؤيا - شقصدج يا مرت الدغش

ابتسمت ودنگت

-صح الصار بينكم مايهمني بس ترا بعده عيونه وراج ومافد يوم هددني بعقوبة اذا ماحلف بيج

ماما -لعد ليش هيج سوة بيه

-شنو السوا وخلاج هيج خلا متأكد ماراح تسامحي طول عمرج فوگ ماانتي الغدرتي

دتحجي واحس الدنيا ظلمت غمضت

ماما- شبيج يبعد امج

-  راسي دايخ وروحي دتنسحب

- اخاف مريضة

- لا يمكن لان ماكلت وهاي ريحة الجكاير دتخنگني

- يممه ذباح طفي جكارتك وخفف السرعة هاي رايه ماعرف شبيها

لزمت ايدها  عود اريد اسكتها انوب هذا  طفه جكارته واندار شافني لازمه ايدها باوعلي بقلق وكال شمالج يبه

درت وجهي

- دگايگ ونصل  للمستشفى

ماما - لامايعتاز  يمكن لان ماكلت شي

- الحين  اودگم مطعم

- لايمه بس افتح الجام  وصلنا هناك تاكل شي وهم ترتاح

اشر اي فتح الجام وطلع بينا بس اندار عن الشارع مشينا مسافة وكف يم صيدلية  خفر نزل دخل يمها دقايق وطلع اجه فتح الباب مالتنا دنگ كال نزلي اكو دكتور خلي تتنوع شصابج

-كلتلك مابيه شي

-يبه عليش تعاندين اخاف ضغطج هابط

-ماانزل ذباح لاتلح

-استغفر الله رايه يبه دگايگ  ما تأخرج

درت وجهي دنگ لزم ايدي راد ينزلني سحبتها ضغط عليها اكثر باوعتله وهمست اترك ايدي ذباح لاتخليني اسمعك كلام يهين رجولتك

-حدري

- ماانزل وايدي اتركها ولا كلام الله هسه انزل وبعد

ماتشوفون وجهيي

هز راسه وفتح ايد عالكيف سحبت ايدي بسرعة وجريت الباب سديتها بقوة وهو هم دنگ اخذ نفس اندار للجهه الثانية ساكت  مثل الي يريد يهدأ نفسه اخذله ثواني  ورد صعد  شغل السيارة

مجرد مااشتميت ريحه عطره احس معدتي كلبت كوه سيطرت خليت راسي على متن ماما وغمضت احاول ابعد العطر لحد مارحت بالنوم بدون لاحس

كعدت على لمسات خفيفة وريحه جكاير قوية فتحت عيوني لكيته روحي بس اني ضالة بالسيارة وهو مدنگ عليه من الباب بيده جكارته وايده الثانية على شعري دفعته عدل وكفته نزلت داروح لزم ايدي انداريت اشرت شكوو

- هدي يبه

-اكو حمار گلك اني مخبله

- لخاطر اطر راسه بالنص واحرگه بنص ديرته

- شيل ايدك ذباح

- اريد احجي وياج

- مااتصور اكو حجي بينا

-لااكوو

-اي صدك اكو عقد بينا صار بالغلط لازم نصلحه

-اعرف العملته حيوان مايعلمه بس وعزة الله  ماجنت بوعي

-وهيج تكولها بسهوله تعرف شكسرت بداخلي

-الجسر الصدگ من روحك تحضن شخص كارهك لاتكدر تقنعها تركه ولاانت تگدر تكمل بدونها

- انت منتبه شتدتحجي

- عمري ماوكفت هالوكفة ولا مر بخاطري يبوم اعملها  بس هاي انه جدامج شني اعمل لخاطر تسامحيني

- اطلگني

-طلبي اي شي وكلام الله انفذه  ان كان ركبتي ماردج  بس لاتكولين هالجلمة

-انت ليش لابس اسود

مارد دنگ

-هههه ماتكدر تكول تعرف ليش لان ماخليتله شي شيل ايدك  وخلي شوية هيبة لاتخلي صورتك تنزل بعيوني اكثر ماهيه نازله

باوعلي بتعب

-طلگني ذباح

-عطيني فرصة

-على شنو فرصة انت ليش ماتحس ترا اني  ماشوفك غير اخ تعرف شنووو اخ  ويمكن اذا تغير احساسي مستقبلاً  فاللكره غير شي لاتتوقع مني

هز راسه

-لعد خلي عندك كرامة وطلكني

- اشر اي

دفعت ايده وخرتها عني عفته ودخلت لبيت هجامة   لكيتهن كاعدات بين سلام وبين عتاب  شافتني فتحت ايديها وكالت ولو زعلانه بس تمونين يبعد روحيتي تعالي ليه يجده

رحت دنكت سلمت عليها كعدتني يمها باوعتلي وهمست هيج تعملين بينا عليش يجده گصرنا وياج بشي

-لا

-جا شمالج رحتي وتركتي زلمتج وهو بمصيبة؛  الحرمة الحوك تكف بظهر زلمتها موش تروح وتسودنه وراها

-وعلي سنو تسودن وين رحت هو لبيت ابوي

-غير يقنع شعمل لاخله واحد ماطگه ولا احد ماتخارب ويا الزلمه يردون يكضوا مايكدرون بعد لاليل يهود والانهار يركد يفتر مثل المسودن تكول مضيع رويحته كلت صار العگله شي الزلمه وعلي مايطلع منها صاحي

ماما - الصوج مني اني خليته ينطيني كلمة خاف اطلع وهو بعد مالاكيها

-يله الحمد الله من رديتوا بالسلامة وعلي شتاقينالكم تكول مفارجه هلي

-وهاي احنا راح نضل يمج لمن اطردينا

-ياااع عسى لساني بالگص يمه ماصدگ نفس وياي بالبيت موش انوب ريحه الحبايب

دنكت افرك براسي وهنه مستمرات بالحجي انتقلن من العتاب والترحيب لايام السجن وانوب بجت وهيه تشكيلها على كسرة گلبها  برئال  اقل من نص ساعة دخلت عمتي فجر

اباوعلها  وجهه مگلوب  اندارت باست ماما ورؤيا وعافتني اني هم مالي خلگ الدنيا تفتر لحد ماصاحت ولك ذباااح ماتجي تجسرلي راسها لهالعوجه هلبت يبرد نار افادي

-شبيج عمه

-وعمه اليعمج ونوب تحجيي ام حلك الفاهي شحاجيه ويه ابن البدوية ودزته ثاگب

- ماسألتي

- فوگ شنها كوات عينها ولج الزلمه غادي بارود عازل روحه حدر المزرعة ويدخن عيونه حمر وروحه مشتعله شحجي ويااا وعلي يخلي جيله براسي وهو ماحاس

-راح نطلگ

-غده الشرر عليش يمه شنيي الصابج

-عمه رحمه لموتاج سكتي احس روحي تريد تطلع

هجامه  - شمالج يجده  من خشيتي انتبهت لوجهج باهت

- مااعرف يمكن لان بجيت هواي لو  لان الطريق بعيد تعبت هسه اكوم انام اصير زينة

- دنطري خليني اتنوع بعيونج اخاف عندج فقر دم لخاطر اعطيج خاشوكة عسل بالاعشاب تروح الدوخة بساعتها عليش تضلين دايخة

باوعتلها جرت عيني ليجوه مثل الي انصدمت ردت سحبت عيني الثانية  وكالت صلي على محمد البشارره يفجر

فجر- وعلي الج يمي ناگة  اكودها لحد دارج

-جا كومي بشريهم وجيبها البت حبلة  …

***رئال***

سحبني هيذام من حضن ماما لو سحب روحي امشي ويا وعيوني تنتقل بينها الي صار اشهر اتمنى هالحضن  وبين الي تركتهن وراي مهضومات يباوعلي بأسف

صارت عيوني بعيون رايه تزلت دموعها غمضت اتمنيت اركض انضم بحضنها واكلها مو اني الي غدرت بيجن

طلعني بره فتح السيارة صعدني وصعد يمي سد الباب حركت السياره شهكت واني اودع احلى حلم جنت عايشة داخله

جرني هيذام لحضنه دنگ باسني وضم راسي بصدره عصرت كتابي بحضني وبجيت بصوت تمنيته يحجي لو يسكتني حتى اطلع شكو بگلبي 

شهكت على صوت درع بجه وصاح بتوسل لابابا رجعنا هسه جدو يجي واذا ماشافنا يبجي علينه ورؤيا تضل وحدها محد يلعب وياها

هو يتوسل واني احس الدنيا افترت براسي وعيوني غوشت شي مثل الظلام حاوطني رحت بعد ماحس بي

يومين واني بفراشي عازلة نفسي حاضنه كتابي تكول روحي صارت بي ماكو بعيوني بس ايامنا  تنعاد كل ثانية يصير الصبح اتخيل صوت راية تگعدنا للريوگ بيدها صنية الاكل والضحكة تارسة وجها.

عيوني تتنقل بين بابا يتشاقة ويانه وبين رؤيا الي تتحركش بي حتى تملي داخلها بحنية صوته العاشت تتمنى

كل مايجي الالم براسي اغمض اتمنى ارجع انسى كلشي وابدي من جديد بضياع ادورهن واني ارسم حياة جديدة بمخيلتي

كاعده بمكتبي هدوء نفس ماكو بالبيت خاله راسي عالميز وامشي ايدي عالكتاب ودموعي تنزل انفتحت الباب سمعت احد يدخل عرفته من صوت دبجة الگاع هيذام  غمضت وصل يمي خله ايده على شعري و كعد گدامي نص كعده همس بصوت خشن موكافي

فتحت عيوني بتعب وشهكت

- شنو الرايدته احجي رأل

- اتندمت ياغيتني ماسامعة كلامك وغايحة وياهم حتى لو يكتلونا بالطغيق المهم ماعفتهم

-اردج الهن

-مايغدني  كالن لاتوصلين مانعغفج بعد

-تعبتي عيونج طفن راح يصير بيج شي

-وينهن

-اخذهن ذباح

-اتمنى ماملتقية  بيهم اتمنى متت وماشفتك ولاغجعتلك من جديد

سكت باوع بعيوني مد ايده وخر شعري عن وجهي  همست اشتاقتلهم هواي

مسح دموعي بطرف اصابعه اباوعله  رغم صلابته والرعب الناشره بس اكو نظرة تعب وقلق بعيونه مااعرفها شنو

رجعت غمضت اخذ نفس وكام وراح ؛رديت ايدي  عالكتاب صار منظر بابا كدامي من ابتسم ويسحبني لحضنه تكول جان متأكد راح اغدر بي

سحبت ايدي عضيتها بگد الندم الياكل بروحي؛ دخل هيذام خله شي كدامي دنگ باس راسي وكال  - ماعاش اليخلي دمعتج تنزل يله  كومي غسلي وجهج

فتحت عيوني اباوع اوراق يمي اشرت ذني شنو

- اوراق براءة رافد الدغش 

- دعوة عمو الجنت تجمع بيها طول هالسنين

اشر اي

- بس هذا تعبك وحقك اليمه

- واني انطيت كلمة عهد للخلقج اذا ردج لحضني  ماخلي دمعة حزن تمر بعيونج

-غاح تتنازل عن حقك علمود

-ههه مبين المظلوم جانت دعوته نابعة من داخله

ضحكت ابتسمت وخربط شعري

- خسغتك كلشي موو

- نومتج على صدري  وشوفت ضحكتج عوضتني عن كل خسارة يله كومي وخليج نبه لاتسلميهن اله اذا ماتشوفين ابوج كدامج

هزيت راسي وضحكت بلحظه احس رجعلي كل امل كعدت مسحت دموعي بسرعة؛  دنگ باس راسي وراح طلع عرفته ضايج لان ضيع اخر امل ياخذ بي حقه  بس  ماكدرت ارفض واني اتخيل دموع خواتي گدامي

جريت فوني فتحته من كد التوتر مااعرف بعد اشلون افتح الكام

سحبت الملف اخذت صوره الهن وكمت وكفت اتلفت محتارة وين اضمهن صار كدامي بيت حمام الجلب ركضت سديت الباب قفلته رحت للبيت فتحت القطعة الجوه خليت الاورق رجعت سديته وخليته مكانه

كمت ركضت للفون طلعت اسم عمي دزيتله اوك وراها الملف

خليت الفون عالميز وخليت ايدي على كلبي اخذت نفس مامصدگة ثواني ورن الفون شلته لكيت عمي يتصل رديت واجاني صوته ويين انتي

- بمكتبي شكو صايغ شي

- رئال وداعت ولدي احرگج

- نفس الوقت الغاح تكون تحت المشنقة

-وين هيذاااام

- شغلك يمي مو يم هيذام

- تنزلين لو اصعدلج

-ليش ؟؟

-حتى نتفاهم شنو طلباتج 

-تغيد الصدگ لسه مامفكغه شنو اغيد

- رئال بابا نزلي خلينه نحجي براحتنا واي شي رايدته اني حاضر 

- اووف كالوا الدنيا دواغه بس بهالسغعه ماتوقعت

- تره رگبة ابوج بيدي

- وركبتك بيدي

- رئااال

- بابا يطلع تستلم الملف ينحكم تغوح يمه  تسلي

- وشنو اليضمني ماترديهن لهيذام

- ماكو ضمان بس كلمتي تحب تصدگ خوش ماعندك ثقه بغاحتك

- انعل ابوج لابو اللفج لابو الجابج دخلج بينا

ضحكت وسديت الفون نفخت براحة بثانية تغير كل مزاجي احس الدنيا ردت تضحكلي يعني راح يطلع ويرد ليمنا وهالمرة كدام العالم كلها نتباهه بي ماكو شي يجبرنا نختل

رد اتصل عمي رفضته شمرت الفون وطلع رحت لغرفتي دخل لكيت هيذام بعده بملابسه العسكرية اديه بجيوبه واكف يباوع من الشباج  كسر كلبي اشكد يضحي لخاطري واني مااعامله غير على شكل عدوي

سديت الباب رحت حضنته من ورا دار وجهه عليه رفعت راسي همست مشتاقتلك

رفع حاجبه

- يااخي انت ثكيل وشخصيتك جامده حتى اغيد احجي وياك اشيل هم شوكت تتعلم تتغزل مثل الشباب وتحجي وياي شي يخليني احس اني زوجتك مو متهمة عندك

-متهمه ؟؟

سكتت عرفت روحي جفصت بسرعة كلتله اي انت شايف غوحك اشلون تعاملني حتى مااذكغ اخغ مغه كلتي احبج اشوكت صدگ اول مغه اعتغفتلي شوكت ووين

ضحك سحبني من ورا خلاني كدامه  وخر شعري عن وجهي باوعلي اخذله ثواني ساكت وهمس مااعترفتلج لان ماحبيتج اني

-لعد ليش اخذتني

-لان ظلمت وعذبت ومشيت بالباطل هواي

-قصدك اني دعوة العالم عليك

-مم تقريبا

-هيذذذذام

-عيونه

-صدك ماتحبني

-انتي شتكولين

-مغات احس بيك تحبني ومغات لااا  بس تعصب وتتأمغ وتصيغ مزعج خو شخصيتك يع يععع

-شخصيتي؟؟

-اي والله شوف هسه واكف استعداد تكول عندك مهمة تباوعلي بجمد عوزك بس تهفني غاجدي وتكول اعتغفييي

- وبدل ماتعترفين تركضين تختلين بحضني وتتوسلين احميج وتخليني مكان مااكمل القضية احتار بدكات كلبي اشلون احميها منج

-مافهمت

-اشوكت دخلتي كلبي اشلون خليتني احبج هلكد

-مم كالت غاية مغة لزمتني بالشاغع وغدت تكتلني

-فلتي من ايدي ورميت وراج حتى اللگفج بس طفرتي صعدت السيارة واني اضحك على شكلج اشلون ترمشين بخوف وتتوسلين بلدغة

- هاي الي يخاف تضحك عليه بدل ماتاخذه لحضنك تأمنه

- تردين الصدگ اشتهيت اخذج لحضني خلصت المهمة وشكلج مايرضه يروح عن فكري ماصدگ صار الصبح حتى ارد لنفس المكان

-لكيتني

-اي وتمنيت تعانديني حتى اخذج للمركز واكل خدودج بس غلبتيني بتوسلج ودموعج

-بدل ماتساعدني تغيد تبليني حتى تاكلني لعد اشكد انت باطل

-وكلام الله مامسويها قبل بس مااعرف شصارلي من شفتج دخيل الله شحسيت بوكتها واني اسمع لدغتج

عضيت شفتي

-رأل

-احبك

كلتها ورفعت روحي وكفت على طراف اصابعي بسته بشفته

اخذ نفس صافن عليه مثل المامصدگ  رمشت براءة وهمست والله احبك

لزم وجهه دنگ سحب شفتي حسيت بلهفته اخذله شوية وبدأ يتعمق دفعته ضغط اكثر ضربته جرها حيل حسيتها ملخها دااصرخ مالحگت دنگ شالني وشمرني بخفة ايده اجيت ترس على وجهي عدل بالفرشه

بعدني ماكايمة بس فتح الدكمة الاولى سحب قميصه شمره واجه كمزت حتى مالحكت انزل ولكفني لزم وجهي رجعني للفرشة ورد دنگ سحب شفتي…

سحبت روحي واني ادردم  انعل بالساعة الفكرت الغي بيها داانزل لزمني ردني لحضنه  كال وين تردين

- هيذااام وداعت امي اكتل نفسي وابليك وخغ عنيي

- هاي شبيها شفتج

- واحد مهتلف ماشايف سوة بيها هيج

عگد حاجبه وفتح عيونه اشر شنو

عرفت روحي راح انكتل بسرعة ضميت وجهي بصدره

-طلعي رأل

-هذاا دسااغ علمنيي

وخر راسي باوع بوجهي همست بعد مااعيدها توبة

-متأكدة

-جغب وشوف

-حلوو يعني نتحاسب

-على شنوو اني ماسويت شي

-لاااا ابد

- انت هم حققت ويه بابا ؟؟

-شتكولين انتي

-اخاف كلك غدت اغجعها وهيه ماقبلت تغه هذا يغيد ينتقم مني لان سلمته

-اهاااا

-اي اصلاً كم مغه غدت انهزم بس هو جان يحبسني بالغغفه مايطلعنا بس للحمام

-حلوو وسفرة دجلة

-جنت تحت تهديد السلاح

-وصوتج وهوستج بالخيسة مالت اختج وانتي تسحلين بأسمي المستنقع

- هاي جان يعذبني حتى اكله اشوكت تطلع وين تغوح بس اني ابدد ماعتغفت عليك بس حتى تعغف اشكد اني زوجه صالحة

-وللاسف اني مااعترف بالحجي اذا ماتأكد بنفسي

-لاااااهيذام والله تعبت

-شيلي ايدج

-بس داكلك شغله اسمع

لزم اديه رفعهن استوه يدنگ وندكت الباب حيل وصوت دررع يصيح لك هيذااام  رئال اكلها براررري

سد حلكي اشر اشش

رد دفر الباب وصرخ لك حيوووان افتح البااااب ولك مهتلففف رئول ماهييية

باوعلي كوه كتمت الضحكة كام مسح صدره ومتونه من خراميشي  واني لبست تيشيرتي بسرعة

راح فتح الباب دخل  يركض فحطان ديحجي و شافني كدامه  ضحك اجه يركض صعد الجرباية حضني كال ياحبيبتي حسبالي اكلج الجلب

اجه هيذام جره مني - منو حيوان ولك

-انت

-لاوتكولها بثقة

- وجدو جرو وبيبي عنفوصة

-منو علمك هالطياح الحظ

-رؤيا الجملية الانيقه الحبابة

-كلش واضح بعد شعلمتك

-اسبح بالمسبح وطفر على سيارة جدو وهااا صدك بابا هيه ماتخليني العب بالمرجوحة لمن اكول لجدو يكوم يصرخ عليها وهو يكعدني مكانها ويمرجحني

-ومن يطلع تسحل ابوك

-لا بس تبوس بخدودي هووواي راية تصيح عليها تكلها راح يضعف من وراج خلي ياكل  وجدوو يجيبلي نساتل جبس ونكعد نباوع اني ويا نيلزز وناكل ؛ بابا خليني نروح اله

- اتحبه

- اي احبه حتى هو يشيلني ونلعب ويشتريلي اللعاب شكد صار عندي لعبات كومه

-بليل تنام يم رأل

-رئول بس تتعارك ويه رؤيا وماترضه تكوم بليل من يصير عندي بوله اني انام يم جدو هو يوديني للحمام ويجيبلي مي من اعطش حتى كلتله جدو الوحش يجي بلحلم كال اني يمك اذا اجه اذبحه كام يخاف بعد مايجيني

-يعني بعد مامعتازني

-لااحبك بس هو خطية منو يلعب ويا ضل وحده خليني اروح اضل يمه حباااب

اندارلي نزلت دموعي كال رب الكائنات شمسويلكم الي هيج تبجون عليه

- اشلونه هم سألك عني

- بعدني ماحققت ويا

- هيذام اذا تحبني صدگ  لاتأذي لان وكتها يكون اذيتني

- هذا الخايفة عليه موكف زلم واحدهم يسكت محافظة بكبرها على تگ رجل وخاله يتلفت مثل الجهال المضيع امه

- تغه هو حباب

-كلشش فوك ماتتصورين وهاي اختج الصغيرة مرت دسار نسخة الطبقة الاصل منه

-لاتحجي على اهلي

-اشلون اهل همه خليط بين المافيا واليهود بس شوفتهم دخلك جهنم سحل من ذيل ابوك

-اذا هيج ماعاجبيك ليش مبقيني عندك

-بس اكمل قضيتي وارد الرتبة شوف الزمال ابن الزمال اليخليج انت وهذا ابن السطل اذا ماحطيتكم بجيس زبل وشمرتكم بخلقته مااطلع ابن النظام

-صدگ اغيد طفل

-بيج حظ دربي العددج اخذتي كم يوم رجعتي يشتم ويتفل سووه

-ماعدنا هيج هو اصلاً متعلم الهمجيه منكم

- درع كوم حبيبي انزل العب بالحديقة شويه وجاين وراك

- شنو هيذام

مارد خزر درع بلحظة تحول شكله كام درع طلع يركض راح ورا  سد الباب واجه اباوع لنظرته  ووضعه صارن يعصرن الگلب زحفت ليورا 

سحب باكيت الجكاير طلع وحده دنگ ورثها اخذ نفس نفخه ورفع حاجبه اشر وين

-هيذام فدوه لاتسوي هيج والنبي اخاف منك

-ليش مأذيج قبل

سكتت

اجه دنگ عليه - ليش سكتي

نزلت دموعي

ضحك كعد يمي جرني لحضنه  شهكت ضمني حيل وگال تخافين مني رأل

- انت تعصب بعد ماتعغف شنو تسوي

-امأذيج قبل

-مااعغف بس من تباوعلي هيج اخاف

-مااگلج اني خوش ادمي لاكلب ابن كلب وماعندي اي عدل بحياتي اسحگ واظلم واسوي اي شغلة تخطر بعقلج بس مستحيل أأذيج لا انتي ولا درع لان انتوا الطلعت بيكم من هالقذاره العايش بيها

مارديت رفع راسي مسح دموعي وخر شعري عن وجهي - يمكن مااعرف اتغزل بيج ولا اعرف اشلون اوصلج شحس من اشوفج بس وكلام الله يرئال احبج اكثر من ابني

-لعد لاتعصب كدامي لان والله اتخيلك حيوان ماعنده انسانية

- حيوان ؟وماعنده انسانيه ؟؟

-هاا

-ردي نامي يروحي

كالها وباسني من راسي وكام خله الجكاره بحلكه فتح الكنتور طلع ملابسه وراح للحمام

صفنت اني شنو حجيت اجاني صوته من جوه صاح رأل حبيبي لاتفكرين زايد وكومي اخذي علاجج

مارديت حضنت مخدتي ونمت شوية وطلع بيده المنشفة نشف شعره وشمرها اجه يمي دنگ باسني من خدي باوعتله رد باسني من شفتي ردت وجهي

-للعلم عندي قضية قتل واشلون بنيه اطگ  بالكاع والليل طويل والجو بي بروده

-اي هيذام وشنوو

-لابس كلت اخبرج اخاف تكولين رجلي مايشاركني يومه

-اي حبيبي واشلون غاح تحقق وياها

-اثبتها هيج والزم اديها ارفعهن على راسها انزل ايدي الثانية هنا وهمس بأذنها اشلون كتلتي

-واذا كالت مواني شتسوي

مارد دنگ سحب شفتي جريت اديه ماكدرت رفست ودرت وجهي رد  لزمه ايديه ثبتهن  ديدنگ صحت اني كتلتله اني كتلته

رفع راسه باوع بعيوني اخذله ثواني ساكت بعدين ضحك وجر راسي لحضنه عصرني حيل

غمضت شعور مااعرف اوصفه بس رجعني هواي لايام بديت انساها باسني وكال يله كومي سبحي

وخرت عنه سويت روحي كلشي مااذكر كمت اخذت ملابسي ودخلت للحمام

سديت الباب سبحت عالسريع طلعت لكيته واكف ساد جهة باب الكنتور يعرض متونه مدنگ يعدل بسلاحه ؛ اباوعله صدگ هذا نفسه الي ركضت بين الشوارع ابجي من الخوف بس اريد اخلص نفسي منه اضل للصبح كاعده بالزنزانه من رعب صوته

اندارلي ابتسم واشرلي تعالي رحت يمه لمني بحضنه كال تعبتج موو

-ماتغجع بليل

-اي عندي خفر ليش

-ميصيغ يعني تحول دوامك بس صبح

- لا لان اكثر طلعاتنا بليل بالاخص اذا اجتنا اخباريه لو جابوا شخصيات كبار

-هيذام لاتحقق ويه بنات حباب

دنگ رافع حاجبه اشر ليش

-ماكو ليش بس لاتحقق بس ويه الغياجيل

-عادي اكو تعويض مكان هالشي لو بس تگطعين رحمة الله علينه

دااحجي ورن الفون باسني وراح شاله وكفت امشط واتسنطله بثواني تغيرت شخصية صار شخص ثاني يحجي بصوت ولهجة مابيها  اي انسانية

مااسمع ذاك شنو كله رد هو لاتخلي يرتاح انطي كلاص مي ورد علگه … مايموت بس لاتكثر مي  اول ماتشوف الكهرباء استولت على جسمه سلمه للولد يطلعوها … عفيه ابني … سبعع يله ماتأخر ساعه واكون يمكم

سده دنگ يلبس بالسطال

- سمعتك كلت انطوا مي منين نزلت هالحنية عليك

- حبيبي  الجسم من يتعرض للتعذيب تكثر الشحنة الكهربائيه اذا دخلت گطرة مي لحلگه تنعل ابو الخلفوا وانتي حسبي اذا كلاص شراح تسوي بي

-انت من جنت طفل امك ترضعك حليب مثلنا

-لا جانت توكلني باجة نية 

وكف شال والواقية وفونه اجه سحب راسي باسه  وراح فتح الباب وطلع

هزيت ايدي لميت شعري سويته كباية ورحت ورا نزلت ماكو احد عرفتهم كالعادة بالحديقة منتظرين هيذام يطلع من البيت حتى يستحلوا ويبلشون بالدواعي  مثل كل يوم

طلعت لكيت  درع يلعب ويه امجد الي وجهه صاير نصه ازرگ والجلب یمهم يكمز ؛ ومن الجهة الثانية  العائلة  كلهم ملتمين يشربون جاي

صار كدامي اسماعيل كاعد يم ابو  بيده سجينا يحرگ بيها عالميز ويباوعلي ويبتسم بطريقة ترعب حسيت احد يجرني درت وجهي لكيت ضي ردت احجي اشرت اشش

اخذتني وياها مسافة عنهم كعدتني وكعدت كالت لاتضلين صافنة عليه ديري وجهج الي

-منو طلعه من المشتمل  هذا

-رجلج

-ليش

-شعرفني سألي وبعدين المفروض مااحجي وياج ولج صار يومين اتوسل اشوفج وانتي ولاكأنما تعرفيني

-حقج ماحاسة من تسلمين ابوج بيدج وخواتج يطلبن منج تنسيهن لان بعد مايغدن يشوفن وجهج

- والله حاسة بيج واصلاً تعاركت ويه هيذام كلتله راح تزعل مني ليش خليتي اجذب عليها واكلها ماعندج اهل

- هذا الشي بعدين نتحاسب عليه

- مااتصور نلحگ نتحاسب دشوفي اشلون ابراهيم يباوعلج

- ابن الزنا  انطى امغ بكتلنا

- هاي فكرت هبة

- شدراج

- سمعت ازر يهدد بيهم يكلهم اذا صار برئال شي  وداعت ابني يدفنكم وانتوا عدلين ولاحسبالكم مغلس على السالفة السويتوها لابس جاي يحضر شغله تلوكلكم وديروا بالكم على نفسكم 

- وهاي الشغلة صاغت بيدي

- شنوو ؟؟

- هيذام انطاني ملف عمي الزبالة

- مستحيل هيذام يسوي هيج هذا الشي الوحيد الي حامي منه كل هالسنين وخال ركبته بيده

- واني لبالي لان ابن اخو ويعزه هيج ساكت عن تصغفاته وصابغ على فغعنته ( فرعنته)

-رئال هذا الملف ينهي هيذام لاتسويها فدوه اروحلج

دااحجي واشوف امجد جاي ضحكت وصل يمنا كال منو ولج انتي

خلي اعغفك بالاول وانوب اگلك منو اني

- جا رادلج اقل شي شهر حنية رجلج جانت اوفر شوية

-عاقبك

-لابس طبطب عليه وعلمني اشلون احمي اصبعي الصغير من ضربة الباب

-تستاهل انت منو الشغلك بالحماية

-وحده جاي اسأل عنها منو هيه

-اختك شمس

-رافد الدغش رئيس اكبر مقر بالماڤيات يصير ابوج

- وامي بالسجن بقضية قتل

- عليج العباس

- والعباسسس

- ابوي يسلم عليج ويكول امشي عليج الحمزة ابو احزامين  ماعندي بس هالولد الي هو اني

-المشكله اني سنية

-سنية

- اي وابوي شيعي وامي يهودية

- العب موته تعليب" شموسه تذكرين من جنت اجيبلج لفات بليل

- لااا اذكغ بس من اختك جانت تخليني اغسل ملابس زوجها العفن خو مانسيته

- قبل لاتستشهد رجولته ويدخل موسوعة الجنس الثالث ويصير مدمغه جوه ايد ابو الغاز

- حييل كام يبع غاز

- وبليل فراش بعيادة طبية

- ليش ماتساعده غاتبك هواي

- انطي مررض هو اني كوه جايبها من الراس للراس جاي الم اريدلي تكسي اخلص من هالرگله مال الكراوي

-لعد اخذها بالتقصيد

-منو يكفلني بهالزلگ

-اني احجي ويا هيذام اخلي يكفلك

-لاميعتاز يكفلني لان بتلفون واحد منه ينطوني حتى المعرض

-هاي هيه اعتبغ السياغه اجتك بعد شتغيد

جر قميصه من يم رگبته صفح ورفع راسه للسما كال تحفظها من شر المعكربة والمفلفلة ولهاجت الفال وتسلمها من ريج ام الگلگ وتجعل جهرتها مهلية بوجه زلمتها روحي يارئال بت

باوعلي كال بت منو ولج

-البتاوين

- يرئال بت البتاوين بعده يندعي واجه عمي جره من قميصه دفعه وصاح شكوو واكف هنااا

وكف امجد جامد لازمته الرجفة قبل لا يجاوب  كلتله اني طلبته

ابراهيم - وانتي منو أذنلج تنزلين للحديقة

- اتصوغ هذا بيت زوجي لواني غلطانة

- من تحجييين وياي تكوميين توكفين

- مابيه حيل

- رئااال

- شكووو صايغ شيي لوهيج ضايج وجاي اطلع ضوجتك بغاسنااا

- وين الاوراق ولج

-موهنا

-شنووو مو هنااا شوكت طلعتيهن

-اصلاً  مادخلتهن ولادخلت البيت اذا ماصاغن بيدي وأمنتهن يم عالم

- منو ذوله ولج واشلوووون تخلين مثل هيج اوراق بيدهم

- شسوي الدنيا كد مالاعبتني كمت مافكغ بعد

- سمعي لج بت البتاوووين

- بت غافد الدغشش ومااسمع اني اشوف تسلمني قضية بابا تستلم ملفك

ضغط على سنونه عصر جف ايده اباوع لعيونه صارت دم اجه راد يجرني كامت ضي جرتني وامجد ركض صاروا كدامي

صرخت عمتي ابراهيييم الحكنااا

اندار  وانشوف اسماعيل بيده سجينة ويدفع بيهم  وازر وعمتي لازمي گوه  عافنا وركضله كمشه كله  اهدأ بابا هسه انطيك العلاج

صراخ ماااريد عوفوني اذبحهااا

عمتي - يبووو يبوو ابراهيم اخذه بسرعة قبل لايرد هيذااام

اسماعيل - ولكم وخررروا عنييي ولكم خلوني اكتلهاااااااا ولج رئااااااال

ابراهيم - ازر لزمه حيييل وانتي ركضي اخذي رئال  منااااا

اسماعيل - لاااا عوفوني ولج رئاااال

جره عمي وازر وهو اتخبل كام يصيح اكتلكم والله اذبحكم مكانها تركوني اموتهاااااا

اشر عمي للحرس التموا شالوا شيول خذوا وهو يرفس ويبجي بعلو صوته يكلهم بس عوفوني غمضت اتخيل صرخت راية من شالوا كدامها تابوت غزوان

لزمت ايدي ضي باوعتلها ونزلت دموعي كالت لاتخافين والله مايخلوا يوصلج يدرون بهيذام يحركهم

اشرت اي

امجد  - هو ليش طلعه من الشقة

ضي- حتى يعيشهم بهذا الرعب ويخليهم يتلفتون خايفين اي ساعة يغافلهم ويسوي كارثه تخليهم كلهم جوه التراب

-بس ابو مبين مقهور

-مقهور شنووو غير راح يموت من الحرگة كل يوم يطلع من الشقة وهو نص حيله مهدود عليه ديشوف ابنه يموت كدامه عالبطيء بسبب قذارت اعماله وانتي يله كعدي يمعود ماصدكنا ترجع صحتج

كعدت مسحت دموعي ودرت وجهي لامجد باوعتله بضوجه

امجد- تره فاهمة القضية غلط هو يريد يكتلج مواني

- اشلون توكف بوجه عمي هيج وانت تدغي غاح يأذيك

- خفت تموتين قبل لاتكفليني

- انت تغيد كفالة للگبغ لو تشتغي سياغة

- غغ غغ غغ شفتهمت هسه اني صدگ كولي رئال رافد

- الدغش يكول اليوصل يم وحده من بناتي اكل احشائه هو وعايش مو انوب  يضوجها  وانت اتخيل الباقي

- الجلب يصيحلي اظن محصور بوله

مشه وهو يتلفت كل شوية ودار وجهه فاتح حلكه  يباوعلي بصدمة

ضحكت خليت راسي على متن ضي ردوا  بس الحركة مبينه على وجوهم عرفتهم انطوا مهدأ

اتلكاهم ابن ازر يركض دنگ عمي شاله حطه عالميز كدامه وكعد يسولف ويا شاركته عمتي وهبه بلحظه نسوا اسماعيل رد ضحكهم وحجيهم عكس ازر الي منتجي عالكرسي  مجتف وصافن بتعب تحسه بغير عالم

اباوع لدرع اشلون كاعد يم الجلب يباوعلهم عيونه تلمع من بعيد يخاف يتقرب يعرف نفسه مكروه محد يحبه كل مايشاقه عمي ويه ابن ازر  درع يضحك لاارداي وحده احسه ياخذ گلبي

اتحسرت دخلت سيارة هيذام كامت هبة راحت طايره نزل من سيارته ضحكت ولزمته من ايده مااسمع شنو همستله بس هو عگد حاجبه اخذله ثواني مثل اليفكر واشر اي 

ضحكت حضنته من زنده وباسته بمتنه ؛اجه يمشي وهيه ويا لازمه ايده وصلوا يمهم دمغ ازر فززه من صفنته وسحب الكرسي شمر سلاحه وكعد  ركضت كعدت يمه من الجهة الثانية  احس نار شتعلت بصدري لزمتني ضي كالت بس اعصابج

- شوفتي اشلون دحست روحها يمه وهو مكيف وساكت 

- اموت على ربه من يشتغل صح

-شنوو

-ها لاداكلج  هاي هم مرته ليش معصبة

- من هيج يگلي عندي خفغ حتى اضل خامدة بمكاني ويغوحلها

- تردين الصدگ تسوه الواحد يجذب علموها دشوفيها اشلون ناعمة وتباوعله بكياته زين منه مصبر لحد الان ماعضها كدامهم

اباوعلها صدگ حلوه وانوب كاتله نفسها كامشه زنده كل شوية يدفع ايدها  وترد

دنگ ورث جكارته اخذ نفس ونفخ بوجها  عضيت شفتي كوه اكتم الغضب عدل راسه انتجه وباوعلي غمز درت وجهي انعل بي

ضي- خدودج صارن حمر

- كون هسه  اكوم اسحب السلاح اخلصه بغوسهم سوه اخليهم يكملون يشقاهم بالسما

- ليش تكتلي واحد كاعد يم مرته قابل شنو مسوي لعد لودخلين وياهم للغرفة وتشوفي اشلون ينيمها على صدره ويبوس بخدودها شتسوين

- كافيي ضي والنبي غاح امووت

- ههههه والله لابحالها ولايمها دشوفي اشلون كاعد ساحكم وحمدي ربج اقلها تعرفين كل هالسولف  لخاطر ياخذ حقج وبس انتي بكلبه وتالي الليل محد تصير بحضنه غيرج

-كلج اطلكها

-وطلكها شنوو يعني محى الايام الجان ينيمها بحضنه لو مسح من عقله هو ويشاركها يومه

-اشلون يوم كله مداهمات وغمي وسحل

- رئال انتي بس شفتيها لزمت ايده روحج احتركت شايفة من دخلين صدفة وتلكي طالع من غرفتها سابح  وتعرفين جان وياها شنو شعورج

-حقج والله

-وحقي هم ارد السوا بيه كلها اشهر واخلي كاعد هاي كعدتي وبدل مايحرك بروحها اخلي يبجي ندم

-مافهمت

-ماضل شي واتخرج ورد الموافقه لصديق هيذام ونعل ابو كلبي اذا منعني شنو الخلقه ماخلق غيره   اني هم اريد استقر  بيت واطفال

-بس حجي ماغاح تتزوجين ولاهو يعوفج صدگ وين شغيجتج شو ماكو

-اجت عليها اختها وسابن سوه

-وعمتي غجمه

-راحت تشوف اخوها ابو حسن

-حسن من زمان مااجه هو وزوجته

-يخاف من هيذام قبل يومين كبت عركه للستار عمي يكول اريد اشوف بتي لحدمن اضل هيج محروم منها  وهيذام كله منو المانعها ماتجي وانوب يحجيها برود خلاه يشيل روحه ويركعها بالكاع

-هيذام ناويها دم هالمغه

-عرفته من سلمج الاوراق مالت ابرهيم معناتها وصلنا للنهاية بس الله اليستر لايكون دمه ويه دمهم ويضل هذا البيت على ذكرى اسمه

-يمه اسم الله على كلبه

-اوووف لو بس تعرفين شنو الهم الشايلته يله كومي  جعت خلي ناكل شي

درت وجهي لكيت هيذام  كايم رايح كاعد بالكاع يم درع يسولف ويا ودرع لازم ايده يلعب بساعته

كمنا للمطبخ طلعنا بيض وطماطة من الثلاجة وكفت ضي تسوي البصل واني اثرم طماطة للمخلمة

مر وقت بين ماكملنا ثرم وحمسناهن خليت ضي يم الطاوه ورحت اترس القوري مي  صار شباج الحديقه  كدامي واشوف هاله راجعة واكفه ويه بنيه بنهاية الحديقه وهبه يمهن بس شكلها مو طبيعي تتلفت مثل الخايفة

ثواني و اشوف طلعن شي من الجنطة خلنه بيد هبة وهيه راح تركض دخلت لشقة اسماعيل

عفتهن سديت البوري خليت الجاي عالنار وكعدت عالميز منتظرة يفور دخل درع يركض صاح ماما  جوعان

-وين ابوك

-راح ويه عمو ازر كال ادخل يم رئول هيه تنطيك اكل

-دقايق بس يسوي وسويلك لفة

- اليوم انام وياااج بابا ماجي

بعدني مامجاوبه ودخلن هبة وهالة كالت حبيبي منا وجاي راح تشبع منها لان ابوك قرر يسويلك اخو

هبة  - ماكلتلج غير شرطت عليه اني اسمي هالمره وهو وكال ميخالف بس سويلي

هالة - هههه اني شمااشوف الطفل حجه يريد يردج بس مايعرف اشلون

-حتى عمتي تكول  زعلج وتورط وبعد ماعنده صبر يتحمل

-اني منح اشرط غرفة جديده و شهر عسل جديد وعوضه عن القذاره الجان نايم بيها

- ههههه بدون لااشرط اصلا هو كال مشتهي اخذج وابعد بمكان مابي بس اني وياج

ضي - الله عالرومانسيه بس ويه  هيذام كلش مداتخليها 

هبه - شقصدج

- قصدي حضني مخدتج زين وتعلمي لاتتگلبين زياده مو بعيد وحدة من فزاته يخلي طلقه براسج

هاله - اي مو هيه بت شوراع وخدم مثلجن حتى هيج يعاملها بس دااعرف اشلون اخذ رئال

ضي - سووله سحر مال طياح حظ لان شافوا انسان ناجح فوكع برئال

- ماكو غيرها وانت درع يله اخذ الجلب ودي للحديقة بعد ممنوع اشوفه هنا

درع - انتي انجبي

-شنوو ولك  على منو دتغلك

-عليك انتي حيوانه وبت حيوان تف عليج وعلى ابوج القذر

-يااا شبي هذا الولد اتخبل

-محد مخبل بس انتي يالقذرة تف عليج

- لاانت الضاهر ماشايف ترباية شو تعاااال

بعدها مامتحركه جريته بسرعه خليته وراي وضي صاحت كون صدگ تضربي

- وانتي منووو وتوكفين بوجهي 

- هسه اكلج بس انتظري دااتصل بهيذام حتى اعرف اتفاهم وياج عدل

هبه - كافيي مشاكل عوفي لاتتصلين بي وانتي هاله امشي عود بعدين من تشوفي وحده لزمي وكتلي

باوعتله بكره و غمته سحبتها هبه  راحن جوه

ضي- الغسل بدل مادافع عن ابنها تكلها بعدين كتلي وانت شنو هالغلط والتفال

درع - رؤيا كالتلي الي يصرخ بوجك اتفل عليه

-والي يحاجيك

-افشخه بالطابوكة

- ماشاء الله هواي تعبانه على نفسها هالبنية ديله تعال خلي اغسلك وجهك بين مارئال تسويلك لفة

ركضلها رحت سويت لفه فتحت الثلاجة طلعت عصير لان اعرفه راح يحسبه عشه

اتلمست العصير بارد كلش خفت يمرضه رحت خليته جوه البوري ودنگ انطيته اللفه بسته من خدوده همست اكل هاي بين  مايدفه العصير

- لااخذ براري واطلع ناكل اني ويا بالحديقة

- تمام واني اجيبلك العصر بس موتروح بعيد خليك قريب

- اليوم مانام بابا ماهو نلعب اني وياج للصبح

هزيت راسي اي لزم خدودي باسني وطلع يركض ضحكت وكمت صبينه كعدنا ناكل وضي كالبه خلقتها - شكوو على شنو غضبانه

-رئال كم مره خاتمه فن اللامبالاة 

-هواي ليش

-لان مو طبيعية هيه تهوس وتحجي بس تريد تستفزج حتى تنفذ خطتها وانتي ولاهنا

- انتي كلتيها تغيد تنفذ خطة ولو تموت هيذام مايگلبها ولايسوي طفل غيغ دغع لان يعغف حياته كلها غلط  مو مال اكثغ من طفل

- ادري بس كلامها داس بكلبي خو هاي بت عمها اااخ امنيتي اكوم امرعطها واصلخ هذا جلدها المعفن الجان بحضن ازر

-ماتجين نطلكهن

-دكومي ودي عصير درع هسه تلكي كمل عصيره

كمت اخذت العصير وطلعت اباوع بالحديقة  ماكو عرفته مغافلني و رايح للثانية

رحت ورا واني اتهدد بس الزمه اكتله وصلت للحديقة الجوة انداريت دااحجي وسكتت واني اشوف لفته بيده  واكع عالحشيش فاتح عيونه وشي ابيض طالع من حلگه…

لاتنسون التصويت ❤️

شيء من رصيف الدم

بقلمي: leo Alfatlawi

بارت التاسع والثلاثون

***رايه***

هيه تحجي واني عيوني صارت على ماما كمزت فجر من فرحتها ماسيطرت توكف وكعت رجعت كامت من جديد طلعت تركض تبجي وتضحك سوه

دنگت ماما ورؤيا دارت وجها مغمضة

ضحكت وهمست على شنو دتسون هيج ترا اني موحامل اعرف نفسي وشلون صار هو اصلاً مايخلف

هجامة - عطاة ربج جثيرة وهالجبر بخاطره بعد هالسنين

- شنو جبر بخاطره دااكلج موحااااامل

- عليش يمه تصارخين ومغتاضة دهدي وكولي يالله ان زعلانة من ابن البدوية ماطلعي بولدج هذا عوضج من الخالقج بدل الراحوا شكري ورفعي ايدج لخاطر يحمي ويكر عينج بشوفته

- منو كلج اريد اشوفه وانتن ليششش ساكتات داكلكم موحامممل مالكم شغل بيهااااا هاي وحدها تحجي

كامت رؤيا اجت كعدت يمي لزمت اديه وكالت اهدي

- هههه شنو اهدأ انتوا مصدكيين ولج اني اشلون احمل من غير غزوان

- وغزوان مات

- حتى لومات اني وعدته مااصير لغيره انتي دتفتهمين شنو دتحجين

- والله قسملج يصير عندج من غيره ويعوضنه مكانه بواحد ثاني هذا حكم الله وعلينه جاري لازم نتقبله

-شنو يعني

-يعني الف مبروك يروحي هذا الراح يرد ضحكتج ويملي حضنج بمكانهم

همست بكسره رؤيا لاتحجين هيج غزوان ديباوعلي

نزلت دموعها وجرتني لحضنها بجت ونسمع صوت الطلق والهلاهل  ترسن المنطقة كامت هجامة طلعت بره تهلهل وياهم

وخرت رؤيا رجعت للحايط  لزمت مناظر غزوان ولميت رجليه اتسنط للضرب مامستوعبة شديصير احس روحي بحلم

دنكت رؤيا حظنت رجليها تباوعلي ودموعها تنزل بدون صوت  ادري بيها دتودع اخر ذكريات من غزوان ؛ وماما عيونها عليه ما تعرف تسأل اشوكت صار لو تلوم نفسها لان حست وين وصلتني

مر وقت الهوسة والضرب  بره وين واصل عكس الهدوء الي بداخلي صافنة حتى دمعتي ماترضه  تنزل

دخلت فجر سانده بيبي ومرت صهيب تهلهل كعدت يمي گلبها فاحط ماتكدر تحجي عيونها حمر وشفايفها بيض تنفت فتحت اديها شالت راسها ليفوگ همست شلون اشكرك

فجر ضمت وجها بالشيلة تبجي وهيه جرتني لحضنها وشهكت بصوت عالي غمضت وصوت مرت صهيب بأذني تهلهل وتبجي على بجيتهن سحبت روحي من بيبي باوعتلي قبل لاتحجي همست مستحيل اخلي

جرت ايدي رادت ادنگ عليها سحبتها بسرعة صاحت لادخل الله ودخلج يجده

-راح انزله

-يمه دخيل ربج عليش يجده هيج تجتلين فرحتنا ولج اجيت اجلع وتعثر مامصدگة اشوكت اصل واشم ريحة ولده بحضني تكليلي اجتله

- اي لان اني ماعايشة اصلا

-لايجده احب على ايدج ولج تركتهم وراي يذبحون بالحلال وخوية يرمي ويبجي جنه حرمة وانتي هيج تزتين الجلمة بلا وجع كلب

-بلكي اجوي كلبج مثل ماسويتي بيه تذكرين اشكد توسلت بيج واشلون دنكت على اديج ابوسهن وابجي حتى تعتقيني وتخلي يروح لاختي  شنو جان ردج تذكري لواكلج

-حگي ييمه عبرة موت الناويلها واذا گربلها حتى اسم مايضل بعده  ؛ موش حاسة بلجمة الكلب انتي هالراح منج زلمتج مانه ابنج ؛ وذباح شماته جثيرة بس يردون يدفنوا ويدثرون اسمه

- واني مالي دخل بكل هالحجي وماكو واحد يكدر يجبرني اخلي

بهتت روحها ردت جرت ايدي رادت ادنگ سحبتها ورجعت ليورا فتحت اديها وهمست دخلت عندج طلابة وانه بت رسول الله  لاترديني يبعد جدتج

درت وجهي

- شني الطالبته مارايده تعاوديله حگري وخليج بحضن اميمتج رايده دار وحدج الج دار بأسمج راديه حلال وحگ الرفع السما شني عندي حلال اخلي بأسمج شكو حريم عدنا يصيرن خدم حدر رجليج تدللي وطلبي گبل لاتغمض عينج يتم واذا گصرنا الج حگ تعملين الرايدته بس ييمه لاتجسرين ضهرنا بولده تراه مايصير عنده هاي معجزه ربج جبر خاطرنا بيها

مارديت

دخلت هيام عباتها عوجة ودموعها تنزل عالسريع الصدمه مبينه بوجها اجت تسحل بروحها كعدت يمي اشر اشلون

- روحي سألي رجلج كليله وين امانة صديقك اشلون كدرت تدنه نفسك على وحده امنت روحها يمك وحسبتك اخوها

هيام - انتي عطيتيني جلمه وخليتني اثق بيج

- ليششس كلكم محمليني المسؤوليييه والله ماغدرت بأحددد  وولا اذيت بشررر روحوااا اله سألووووا ليش هيج سوه بيييه ليش رد بكلمته وياااي

فجر - هدي ييمه دخل الله ودخلج

- لااا ماهدي والطفل راح انززله

هيام - لااا لاا رايه ابوس رجلج اني هيج الغث وحدي مسودنة مالج شغل بيه تعرفيني هبشه ماعرف اشلون ابارك

- على شنو تباركين هيام ماكو شي تباركين عليه

- مارايدته عطينيا اني اربي وعلي اخلي بروحي واصيرله خدامة طول عمري حالي ومحتالي اخليهن تحت امره  بس لاتحجين هيج  ربي التفتله وعطا لاتحرمي انتي

بيبي - ماكلج من اجيتي وطلبتينا ماگصرت وياج لان عيبة بحگنا واحنا هاي عادتنا نكف للغريب موش للاهل ولاكلج زتيت ولدي بالموت لخاطر يردون دم غزوان ولاعطيت ذهباتي لخاطر يردون نظر اخيتج ولا حلال ذباح الزته بربع السعر لخاطر يخفف الحكم عن اميمتج ذني كلهن وسخ دنيا يرحن ويردن بس  اريدج تذكرين من وكف بوجهي وجسر جلمتي وتحمل غضب ربه حتى لايجسر خاطرج ترانه اعرف جذب عليه وطلع بدون رضاتي بس سكتت لخاطر دمعتج 

همست وكسر خاطري بيبي

- ماجسره ربج مهل الكلوب بينكم حتى يعوضكم  ويگر عينكم بضنه يخفف الحزن عن كلوبكم

-غدرنا بغزوان

-لخاطر يجي غزوان ثاني ومايضيع اسمه وينتسى ذكرى

-مااكدر والله

- تكدرين يجده وعلي وراح تذكرين هذا الحچي من تخلي بحضنج ويدر حليبج عليه من تتنوعين بعيونه وهو ينده عليج يمه لخاطر تضمي ويشم محنتج

- شنو اكله من اشوفه اكله غدرت بيك لو ماصبرت وراك

- كليله اشتاگيتلك اضم شي من ذكره حلمنا بحضني  وحنيت اسمع يندهون بأسمك جدامي

- والله غصباً عني صار

- موش غصب ربج راد يجبر خاطرج ويعوض جسر كلبج بي كولي يالله يجده وارضي وحمدي بماعطاج

ماما -  كد ماصعبة ماكدرت اباوع بعيونج مو احجي وياج بس من كلتي رئال ربي حرمها من الامومة عصرتي كلبي ونهيتي كل عوض متأملة بي لان رؤيا منو يكول يصير عدها بعد الحادث

- يعني شنو

- هذا اني اريده اذا ماتردي جيبي واني اربي  أملي بي مكان رند العافته خالي واصيح اسم غزوان الراح وخلا حسره بكله اكوله

- دتعرفين انتي شنو دتطلبين مني

-اي واذا تحبين غزوان صدگ رديلنا اسمه وسندي اخياتج بي

-راح يزعل مني

- مايزعل لان ماصار بأرادتج يزعل اذا نسيتي مو جبتي طفل تلتهين ويا وماتردين بوعدج اله وتصيرين لغيره

دنكت محتارة اولا كمية الصدمة خلتني حتى مااعرف افكر  ردت دنكت بيبي باستني وعمتي كعدت يمي لزمت ايدي تباوعلي بتوسل؛ كلها ساكته حتى لهفتهم وفرحتهم اتلاشت خايفين 

مر الوقت اي صوت ماكو لحد مانسمع صوت صهيب صاح يالله يابه اهل البيت تستگبلون ضيوف

كامت مرته تلكته دخل يضحك  سلم شافني صافنة حتى ماكمت اجه دنگ باس راسي وكال بالمبارك يحرمة سند الديرة

سكتت

- ولو الوكت متأخر وموش خوش زيارة بس فرحتنا ماخلتني اصبر للفجر واچيكم ربي يعطيج ويسر خاطرج بگد ماجبرتي بخاطرنا وفرحتينا

هزيت راسي لا

- امبين تعبانة يبه حگج بس هلةً هلا بوليدنا ولو مارادلها وصية لان انتي بت اصل وراح تحافظين عليه بس هذا يتسمى جاهل المعزه اجه بعد صبر جثير

فجر - ربي يگر عيونك بشوفته وفرح گلبك بحمله بين ايديكم

- امين يارب بس هااا يبعد عمج تهدي موش تتنوعين لابن البدوية جثير مامعوزين خبل ثاني نريده عليج هادي تكفينا مصايب ابو البزعتنا بعيشتنا

بيبي - وهالجايكم ابن ذباح الراح يوكف ديرتك على تگ رجل ويخليك ماتلحگ تفصل بين طلايبه وطلايب ابو

- ههههه يامحلات طلايبهم هو وابو  حلالي وجاهي يغدي تراب حدر رجليهم بس خليهم طيبين

هجامة - وين ناگتي يبو صگر

- ابشرري من هالشارب باجر قبل طر الفجر تلكيها حدر دارج وانتوا يله كومونا لاتعبون البت بچثر الحجي تركوها ترتاح بس وحده منجن تضل كربها تشوف طلباتها

بيبي- وين خويك

-ماعرف ولاتنوعته من اهد ماجت فجر باركت اختفى هسه اخبره 

- تركه ييمه حدر لصويحبه

- يله كومونا ماضل شي للفجر هم يالله تلحگون تهيرون حالكم الديرة باجر كلها زادها يمنا اوفي نذر عليه من اسنين واني مناطرة يجبرني بي

- روحوا انتم انه اضل يم حفيدي اليوم

-جا خلي يمج فجر وانت يله يبه هيام كومينا ويه اخياتج تستگبلين اهلنا وتاخذين البشارة منهن بعوض ربج

اشرت هيام اي وكامت هيه زوجته   جر راسي دنگ باسني منه وكال الف رحمه على روحه الطيبة وربي يعوضج مجانة باليسر خاطرج مثل ماسريتي خاطرنا وبچيتينا بهيج عطية

دنكت كلم سلم اخذهن وراح ضحكت بستهزاء اباوع الكل عيونه عليه درت وجهي سحبت مخدتي وكمت عزلت نفسي خليتها وتمددت ؛ كامت رؤيا شالت الغطة واجت يمي  غطتني وكعدت خلت ايدها على راسي تلعب بشعري ساكته ماتعرف شنو تكول؛  غمضت احس راسي فارغ ومشاعري باردة

لاذان الصبح ولاواحد نايم صح اسمعهن يبجن والفون ماسكت كل شوية واحد يتصل يتأكد من الخبر مامصدگين  بس  بالي مو يمهن بالي ابطني المااعرف اشلون اخلص منه

اذان كاموا صلوا الي سجدت شكر والي تشهگ  والي تندعي صعدت الغطه ودرت وجهي للجهة الثانية لميت روحي مااريد اسمع احد احس هوسة بروحي حتى صلاة ماكمت اصلي

كملوا صلاتهم بين التعب عليهم كامت هجامة  فرشتلهم اتمددوا  بس فجر ضلت كاعدة عين بيه وعين بالفون تباوعله بقلق  تتصل وماكو جواب لوجه  الصبح واسمعها تهمس بروح اصويحبك لاتغلق النقال … وينك يبعد اخيتك … ياااع تبجي يذباح شمالك يخوي…

مااسمع شنو رد بس نزلت دموعها ونغلق الجهاز؛  غطيت وجهي مااعرف منين اريد اضم نفسي

مر كم يوم واني على وضعي من كد مانفسيتي مصفرة حتى رئال ماتجي على بالي بعد ولافكرت بيها وين صفى بيها الدهر ؛

ذباح لاشفته ولاسمعت صوته عكس اهله  كل يوم صبح وعصر يجون مايخلون شي مايجيبوا وياهم مع العلم يشوفوني مااكل شي لان الاعراض بدت تضهر عليه  ؛من غير مرت صهيب الثانية مگابلتي بس تريد تخدمني حتى المي قبل لااكوله يصير كدامي

اشكد تجيني اوقات  اريد امد ايدي على بطني اتلمسها مااكدر احس روحي مامتقبلته 

حاضنه مخدتي وصافنة على ماما خاله رؤيا بحضنها وتسولف ويه هجامة على شغل وذيج معترضة لحد ماكالتلها تره اخذ بناتي واروح

هجامة- على شني خية تهاجسين اذا مضايگج الزاد الي يجيبوا بيت البدويه نكلهم بسكم واذاعلى لگمة الخبزة الراح تاچليها بداري  اشو اخبزها بتنوري والطماطة والمخظر نحشهن من الكاع بعد شمالج

- ميخالف احنا شغلتنا مطولة لازم اشتغل خومو تضلين ملتزمة بينه وانتي يادوب مدبره لكمتج

- كولي يالله اشو من خشيتوا لسه الخير اجه وياكم هالحلال بالوهاد  والمواجيل تارسة الدار

- واني ذني بعد مااريدهن ولاتاخذين منهم شي وهسه من تجي فجر اكلها كافي لان ماقصروا ويانه والنعم منهم بس بناتي عدهن من اليصرف عليهن

- جا خيه تركج من شغل البره اعلمج على درگ الاعشاب لان ادياتي يرجفن وبعد مانه كادره اعمل شي والخبزه عليج وحش المخضر عليه وهاي انه وياج وحده تسلي الثانية ونتكاسم اللكمة بينه ومشيه عليج الكفل زينب لاتعترضين لان الحين استانست وكمت اتحجه ويه بشر  بعد ماجنت اتصفن بحدي

- هم اعتاز كم دينار بيدي اريد اروح اشوف بنيتي ذيج اسأل عنها

- جاهمي ايدج بالدرگ وانه اخذ الاعشاب ابيعها على حريم الديره وربي يبعث رزگه

رؤيا - ماما حسبي حسابج على شغلتين اول وحده اخلي محامي لبابا والثانية  ارجع للمدرسة

ماما -اي موابوج داخل السجن على باكيت جكاير ومنتظر محاميج حتى يطلع و يامدرررسة ماتشوفين وين كاعدين وشلون حالتنا

- راح يطلع بمحامي اولااا هالشغله لاتشغلين عقلج هواي وتعبين روحج بالتفكير بيها وبالنسبة للمدرسة  اكو وحدة  بنهاية القرية واني اشتغل عصريات وبالنهار اروحلها

-وشنو تشتغلين يمه

-وحده جميلة وكيوت  مثلي شنو تشتغل اكيد ابيع ورد مثل جمالي

- انعل ابو جمالج الماشفت منه بس الطياح الحظ وماكو هنا مدرسة بنات بس وحده  يعني مختلطة

- عزززة ويشوفني ولد ؟؟ومو هيج لااامراهق شايل على وجه سرب نمل واني وحدي بدون محررم ؟ وفوگ هذا عندي ارهاب اجتماعي من الاختلاط؛ لقد ادخلتني في صدمة ياماه

-تصدمين بلد يبت الدغش والمدرسة شيليها من راسج لان بعيده وماكو خطوط هنا

- وليش خطوط واحنا عدنا بعير

- بت الكلب رايحة للمدرسة لو لمكة

- لاتصرخين عوفي الناگة اخذ حصان ذباح وأذهب  لاطلب العلم كل صباح

- لاليش حصان اكو مطي شفته مادري المن روحي استأجري منهم

-والله فكرة

-يبوووو يبووو كومييي من يمييي

دفعتها دخلت فجر تضحك كالت شمالج وياها

- خيه خبلتني راح انجلط

رؤيا - عمه بس لان كلتلها اريد ادرس رئال انطتها لرجلها وهاي صار عدها طفل بعد ماتكدر تحاجيها واني ولا تكول بتها مو بعيده بعد كم يوم تبيع اعضائي

ماما - مواني ابوج يبت رافد الدغش

- وشبي الدغش فوگ مانفگج وكال خطية بارت يم اهلها هذا اليدور ثواب هالايام يشبع مسبة

-غلطت عمري

-امراية اليغلط مره مو يسطر ثلاثة دبريلج غيرها

تفلت عليها عفست وجها رؤيا كامت اجت يمي كالت لاتباوعيلها هواي لاسامح الله تالي ابنج يطلع عليها كومي نطلع بره

همست مابيه حيل

- لج كومي عصرية الجو بارد خلي نشم هوا شوية راح تعفنين هنا

فجر - كومي ييمه عرن  للبستان مابي احد تاخذن راحتجن بي وصدگ هالنسيت اسألج علاجج بعدج تاخذي

اشرت لا

-عليش يعمه هلبت من تولدين بالسلامة نعمل العملية ماطول كلشي طلع مطابق والتحاليل كلها كملت

- مااسوي شي ووفروا افلوس العملية وانطوا المتبرع حقه خلي يروح يدورله على مشتري ثاني

-بس هدي لاتعصبين كلشي رايدته يجرالج يله كومي ويه اخيتج حدري لغاد وعلي ريحة الزرع ترد الروح و تشيل  الهم من الكلب

باوعت لرؤيا اشر اي حسيت صدگ عوزي اطلع اخذ نفس حتى اعرف افكر كعدت لميت شعري اشلون مجان كمت طلعت وياها دخلنا للمزرعة ظلام الليل ويه بروده الجو وهدوء المكان صدگ راحه نفسية

رحنا نتمشه صنته ماكو احد نفس ماكو غير صوت الضفادع جاية من يم البحيره كعدنا يم الشجرة كعدت يمي خليت راسي على متنها وغمضت همست شوفي ذاك منو كدامنا

فتحت عيوني اباوع بره المزرعة يم السياج ذباح كاعد يم سيارته منتجي عليه بيده جكارته ومدنگ بغير عالم

- كومي نرجع

رؤيا- مايشوفنا بعيد هسه يروح خلينا كاعدين هنا راسي طبل من سوالف امج وهجامة

اخذت نفس وغمضت اخذتلها شويه وهمست

تره يحبج

-رؤيااا

- شنو رؤيا دنحجي الحقيقة ذباح يحبج ومو بس يحبج لاعاشگج وخايف يعترف حتى لنفسه

-اشلون كدر

-ماكو واحد دگ كلبه لاحد بأرادته وبعدين حتى لودگ تره ذباح علاقته بغزوان محدوده تعرف عليه بالسجن معرفه ايام ونخاه وهو لان  ابن عرب  مارده ونجي للصدگ  وكف وكف اخ ويانه ابد ماقصر

- شقصدج رؤيا

- قصدي غزوان معزته بروحي مايضاهيها احد بس انتي من حقج تعيشين تره عمرج بعد ماصار حتى ١٩ مامعقولة دفنين احلى سنين عمرج بالحزن والقهر

- اي ادفنهن لان هذا غزوان

- وغزوان مايرضاها راييه منو الج رئال راحت واني هم اروح وماما مادايمتلج يعني تضلين وحدج بدون سندد تعرفين شنو؛  ضايعة بدون سندد بهيج دنيا

- تعوفيني رؤيا

- محد ضامن عمره ولاواحد يعرف شمكتوبله بس دااشوفج تنتهين كدامي يوم عن يوم حزنج يكبر عمرج ينگص لاتشوفينا نسولف ونضحك احنا بدونج لاشيء والله مانكدر انعيش

- والله كارهه الطفل مدااتقبله

- راح تتقبلي مااكلج حبي ذباح لااا بس هذا الطفل لازم يضل لان محد الج بهالدنيا غيره وماراح تحصلين سند كد سنده اني لومااحبج والله مااحجي وياج هيج

- يعني شنو

- ذباح ماراح يجبرج على شي بس احنا تعبنا هواي   ومبينة الدنيا ماترضه تنصفنا ولاتذكرنا بغير وقت الذل والقهر

- اني منتظره انهي روايتي مو اعيد كتابتها من البداية

- واني ماكلتلج عيديها ولارجعيله بس ردت ابنج يربه بينا ونحس اكو شي عايشين لخاطره تره ماما الحجته صدگ رئال انحرمت واني مستحيل بعد الحادث يصير عندي ومشتهين نفس بينا نبني ويا احلام جديده

- تعرفين شنو بداخلي شنو داحس

- ادري والله وحاسة بيج مثل ماحاسة بذباح لان حتى فرحه ماكدر يفرح ؛ يعرف بيج كارهته مثل مامتقبله ابنه بداخلج

-كرهته رؤيا والله كرهته

-وهو متأكد من هالشي والندم دينهش بي بس صار بعد لازم تتقبلون هالشي ثنينكم لان الطفل ماله ذنب

مارديت غمضت رجعت راسي على متنها لان ادري شمااشرح ماراح تحس بالنار العايشة بيها  صار هدوء دقايق  و رن الفون فتحت كام واسمع صوت دسار كال جوعان

رؤيا - ومنو لازمك ماتروح تاكل

- وعلي مشتهي اكل بيت ولج

- وين امك ماتكللها اتسويلك

- غير طردتني وضال متلطلط بالشوارع يوم رئال تحن عليه بلفه يوم ازر يحن عليه بسفري؛  اعرف وصل بيه الحال انتظر ضبع يسويلي مخلمة وانتي قيسي وين وصلت بيه

-وين انت

دار الكام ونشوف مسافة حدود العشر طوابق جوا رد الكام على وجه كال ان شاء الله تأكدتي مسموط جدي ونعول والديه وحدي

-وعالاساس ماكو هيج جمال وغار عليك وضل افكر اخاف تروح يمها ابني اصحى تره ملامح وجهك مال ركبه وبعدين شكو كاعد هنا

-طلعت مهمة ونحصرت فوك ردت انزل منا شفت الشغلة مومال رجولة احترمت نفسي كعدت منتظر الزمال رجل اختج يدزلي دعم

-الله شكد اتمنى اني يمك

-حتى دفعيني وجه الجوب مو

-بابا اشلونه

-يم هيذام اخباره واوراق براءته يم اللدغة

-حصلت  اوراق براءته؟؟

-وضمتهن بحمام الجلب بت الاثول شفت ثول مثل ثول اختج مامر عليه

-لعد  ماتروح تاخذهن

-شاخذهن وبيتها منخول حرس ولج هاي اذا ردت احجي وياها امر بالف لجنة تفتيش ؛ واذا طلعت يحاوطوها مثل خليت النحل حول الملكة  تكول رئيس كوريا  مو بت الدغش

-هاي رئال النعواصة  دتحجي عليها

-هاي النعواصة الماتعجبج جوه ايدها املاك وحرس ابوي برتبته ماعده ربع عددهم  وعدها سيارات من تسلبين عشيرتج بكبرها ماتجيبن تاير وحده منهن الج اكلج سعر جلبها اغله من سعر بيتج

-تستاهل عبنها عرفت تختار زلمه صدگ

-احبج وانتي اجيبيها من الاخير

-وشناوية ست رئال

-خلفت ابو عگرب محد يعرف شكو براسها

-صدگ راح ارجع للدراسة مو كلتلك لان اريد استأذن لاااا بس دبلغك

- شتردين تكملين

-ماكمل اروح للجيش وشرط اشد رتبة واعلمكم منو اسياد الشغل

-مااتركين الدراسة وتاخذيني وانطيج وحدة من رتبي

-هذا الحجي تحجي  من اشوف بابا كاعد بينا وانت جايب اهلك وكاعد كدامه ومنفذ كل شروطه يله روحي لك

-بس لحظة

-شكو

-شكد نسبة الماء عالارض

-يمكن سبعين بالمية

-جا ماتغسلين وجهج

غلقت الفون وهيه ادردم كوه كتمت  ضحكتي خزرتني ضايجة سكتت بسرعة واسمع حركة قريبة شلت راسي لكيت ذباح جاي اتجاهنا اديه بجيوبه يمشي مدنگ التعب واضح على ملامحه اباوعله گد مامهدود حيله وجهه تعبان وجوه عيونه صاير اسود 

وصل يمنا  كمت ردت اروح لزمني من ايدي وهمس وروح الدفنته بيدي ما أأخرج بس جلمة وحده موش اكثر

- ماكو حجي بينا

اندار باوع لرؤيا هزت راسها  وراحت؛  وخرت ايده ردت الحكها صار كدامي بسرعة سد الطريق بوكفته  رفعت راسي اشرت شكو

- اذا اگلج ندمت تصدگيني

-لاا

- يبه سبحان المايلغط وحگج اي شي تعملي بس وعلي فگتج

- شرايد ذباح اذا على ابنك امن قررت اخلي واول مايصير انطي الك واروح لان ماشوف بي غير الحقد وكرهي الك

- اذا كربه بعدج مارايده

- ماتريده ليش موهذا الكسرتني علموده مو هذا حلمك

- ماعدت احلم  صارت النومة حسرة وكلام الله كمت احسج مرض وينهش بيه روحي ماتهود اذا ماخش غرفتج وتنوع لفرشتج وتخيلج لسه كاعدة وتتحجين وياي

نزلت دموعي وهمست انت دمرت كل هذا؛  جنت اشوفك السند ليش خليتي احسك عدوي

دنگ مارد

- فرحت مو

شال راسه عيونه حمر يباوعلي بندم

- ليش ساكت رحت لغزوان كلتله راح يجيني طفل من حبيبتك الامنتها يمي

غمض

ضغط على سنوني ضربته بصدره و صحت ليشش ساكتتت احجيي كول اشلون كدرت توكف كدامه واشلون كدرت تنطقها

دنگ خله اديه ورا راسه رجعت ضربته بكل حيلي لزم ايدي  باوعلي عيونه متروسة دموع همس بسج رحميني دخيل ربج

- وانت ليش مارحمتني

- عطيت روحي الج  وكفت بوجه الكل الخاطرج   ماخليت شي ماعملته  بس حتى ارضيج شعمل بعددد كولي تردين اجتل روحي وداعت ابني البعد ماشايف الضوه اعملها اذا هذا يريحج

حجيت بشهكه كلبي يوجعني ذباح

جرني لحضنه بجيت بصوت عصرني بقوة دنگ باس راسي  وهمس لاتبجين ورب العباد مانه حمل اسمع صوت شهكتج بسبتي

-وجعتني وخليتني اتمنى ميته ولاجايه اطلب منك تردلي خواتي

-هيج كارهتني

-بكد وجع كلبي على غزوان

- خلص لاتبجين الج الرايدته

- اطلكني

- هاي هيه

- ماتوكف بوجهي ولاالك شغلة بيه وماتراويني وجهك منا لمن اولد

- مثل ماتردين

- اول ماجيب  تاخذ ابنك وتروح وهنا نكون متصافين بكد ماوكفتلي رجعتهن الك بي  نرد اغراب مثل اول يوم التقينا بي

اشر اي

رفعت راسي اباوع بعيونه نظرة ماعرفت شنو بس حسيت خوف و لهفة الدنيا بيهن

وخرته عني استوني اتحرك افتر المكان بيه فقدت توازني غمضت لزمني بسرعة ردت ابعد ايده ضغط عليه وكال بس خليني اوصلج لاتعثيرين وتتأذين

دفعته  وكملت طريقي تركته واكف وراي يباوعلي  بطريقة تكسر شكو عهد اخذته ويا؛ نزلت دموعي لان حسيت بي شكد يحبني وهذا الشعور الموتني

مرت الايام وصدگ  ماشفت وجهه صح اسمع صوته بالباب يسولف ويا رؤيا ويسألها عليه بصوت ناصي حتى لااحد ينتبه ويجيب شكو شي نعتازه بس ماتعده حدوده

اكثر الاوقات اختنگ  مااكدر انام اطلع للبستان اشوف جمرة جكارته وكعدته يم البحيرة ؛ اوكف دقايق اباوعلة اشلون صافن وتذكر من جان هيج وقت يلزم شعري وينام بدون شعور من كد ماتعبان اختنگ بلزايد ورجع

كلياتي زاد تعبهن بعد حتى بالنهار مااكدر انام لاعلاج اكدر اخذ ولااعشاب؛  عمتي وبيبي مكابلاتني ليل ونهار  يسولفن اشلون راح يجهزن  وشنو صهيب ديحضر من غير كل يوم ذباح داز بيدهم شغلة ياممة مال طفل ياملحف ثوب صغير 

مرات اضحك على لهفته وفرحته لطفله ومرات اضوج لان ماراح اتواجد ويا بتربيته

كلما تمر ايام تزيد حالتي لحد ما بعد مااكدر اتنفس يمر الليل ويصير الصبح واني عيني ماتغمض اتگلب من الالم احس شي طابگ على ضهري حتى  رؤيا محتارة بيه

…لازمة ايد رؤيا وضامة راسي بالمخدة احاول اكتم الالم احس روحي تطلع مو اجر النفس دخلت  ماما  بيدها علاگة كالت كومي شوفي ابن البدوية شنو محضر الابنه

عدلت راسي على المخدة بهتانه كعدت يمي فتحت العلاكة طلعت عگال وجماغ ودشداشه صغيرة  ابتسمت ونزلت دموعي كالت اسم الله عليج ماما شكو

- بعد مااتحمل ماما  وين ذباح

- هياته هجامة ديحجي ويا على ابن اخوها مسوي طلابة وتريده يروح ويا يحلوها 

- صحي  راح اموت

- يااا رايه شبيج ماما

مارديت لان رجع الالم لزمت المخده عضيتها وكتمت النفس حيل  صرخت  ذباااح ولك يعمة الحكناااا راحت بنيتييي

على صوتها اجه يركض  دفر الباب ودخل بسرعة شاف حالتي وكف متصنم  كال شمالهااا

ماما- مااعرف  صار كم يوم تلوج بس شو هسه زادت ولك الحكها لاتروح منييي

دنگ عليه وخر شعري عن وجهي باوعلي فتحت عيوني بتعب وهمست راح اموت

كام بسرعة جر الجرجف دنگ لفني بي ضمني بصدره وشالني بدون ماايحجي ؛ طلع يركض حتى ماما مالحكت تلبس عباتها بس رؤيا صعدت السيارة ويانه خلاني بحضنها وصعد شغلها شحطها بكل سرعته

عصرت راسي بحضنها وغمضت من كد الالم حتى مااسمع شنو يحجون ولا اكدر ارد لحد ماوصلنا للمستشفى نزلني ودخل يركض بيه حولوني عالطوارئ بسرعة بس جيكوا حالتي انطوني مهدأ رحت بالنوم

كعدت على لمسات اصابع فتحت عيوني لكيت الليل صاير انتبهت الغرفه خالية ماكو غير ذباح يمي ؛ بحلگه جكارته اباوع لايده ترجف كوه لازم جكارته وعيونه دم ويباوعلي بخوف بسرعة لم جف ايده سحبها  وعدل وكفته ودار وجهه للجهة الثانية  همست ليش ماكو احد

- غادي بالاستراحة يتعشون

- ليش عيونك حمر ذباح صاير شي

- ههه لايبه قابل شصاير هاي من گلة النوم

-اشوكت نطلع

رد باوعلي -عليش يبه  مستعجلة

- داحس روحي زينه بعد مااعتاز وايدي توجعني من الابر

- ماضل شي كلها كم يوم بعون الله وتگضي

سكتت هو هم ماحجه اخذله شويه وكال هم تحسين بحركته

-شنو ؟؟

-الجاهل

-لابعده صغير

-اذا اگلج رايد اتلمسه ترديني

-الطفل بي شي

-لا بعيد الشر عنه بس ضل بنفسي اتحسس مجانة يمكن يحس بيه ويرف

-لااا

دنگ ماحجه رد اندار ويدخن

انفتحت دخلوا دكاتره ثنين وياهم مساعدات واحد وكف يمه يشلع السيروم والثاني يقره بالملف شوية وسده كال كله تمام مستعده بابا

-لشنو

ذباح  - ماكو شي يبه لاتخافين عملية بسيطة ماراح تحسين بيها

- لاذباح لاتموته خطيه هذا ابنك

- وانه مارايده

- اني اريده ذبااح ابني ماانززززله

اشر للدكتور ردت اكوم لزموني بعدني حتى ماصارخة وحده منهن ضربتني ابره رجعت راسي للمخده اباوعله بتوسل ودموعي تنزل عرفت بعد مااكدر اخلص نفسي

همست وروح غزوان عمري ماراح اسامحك

دار وجهه للجهة الثانية غمضت ثواني وبعد ماحسيت بشي

بين صاحية وبين نايمة حركة يمي وايد لازمة ايدي احد يلعب بشعري دقايق ورجعت دخلت بغير عالم

مر كم يوم واني على وضعي تعبانه ماينطوني مجال حتى اصحى لواحجي  مخلصتها بين مهدأت وسونارات  جسمي احسه تهشم من گد الابر والتحاليل اغيب عن الوعي وارجع اصحى ؛ اسمع صوت بجيهن واحس ينقلوني  من مكان لمكان بس مااكدر افتح عيوني

… ظلام محاوطني من كل مكان اصوات هوسة قريبة ؛ صوت ماما تبجي ورؤيا تهدأ بيها ؛راسي يفتر وبطني توجعني  رديت دخلت بالظلام دقايق وردت الطگطگة   فتحت عيوني غواش قوي نايمة وداخل واقية وأجهزة هواي عليه واسمع صوت رؤيا جاي من ادخل جهاز صاحت واخيييرا صحت

درت وجهي واشوفها واكفه ورا جامة استغربت ليش هيج معزولة  حتى مااذكر اشوكت غيروا المستشفى

هزت ايدها تضحك وماما كالت الحمد الله على سلامتج يبعد امج

عيوني صارت على رؤيا بلعومي يحركني اشرتلها راح ابني مو

- هههه موكلتلك الدنيا خالتنه براسها تنطينا الشي تعودنا عليه وبم تاخذه

همست اذا جنت كارهته هسه اتمنى يموت

- وهو هم راح يحقق امنيتج

غمضت اريد احرك ايدي مابيه حيل كوة مديتها وصلتها لبطني  صار باندج ملفوف واكو صوندة قريبة عليه فتحت عيوني درت وجهي الهن

رؤيا- شبيج تباوعيلنا  عندج ثنين كليات واحنا بيت ماعدنا اشلون قابل  نضل هيج ملطلطين بالشوارع ؛بعت وحده

هيه تحجي وصارت هوسة واصوات زلم تركض لطمت  ماما على وجها وصاحت يمه سودة بوجهي راح الولد

باوعت لرؤيا دنكت

همست بتعب ذباح الي تبرعلي  بكليته …

***رئال***

اريد اتحرك اوصله مااكدر احس رجلية انشلت درت وجهي لامجد واكف يسولف ويه الحرس اخذت نفس احاول اصرخ شي كابس على نفسي كعدت بالكاع انتبهلي واحد من الحرس دفع امجد من كدامه واجه يركض كعد كدامي كال شبيج خوية

درت وجهي لدرع ونزلت دموعي اندار على المكان الي اباوعله وفتح عيونه على كبرهن من كد شدهته كام وعثر رد كام ركض شمر روحه يمه دنگ شاله باوع بوجهه ورد باوعلي اشرت لاااا

ضمه لصدره وصاح لايبوووية

خطفت الدنيا  بعد ماحسيت

شي ينغز بأيدي؛  ايد تمشي على وجهي فتحت عيوني ضي كاعده يمي تبجي وازر واكف مجتف يباوعلي بقلق خليت ايدي على كلبي همست بتوسل لاتكولون مات

اخذ نفس ازر براحة وعدل وكفته وضي لزمت ايدي وبجت

- يمه ابنيي غاااح

ضي - لااسم الله على كلبه من عمري على عمره

-كتلوا ضي غاح دغع

ازر - والله مابي شي صح تعبان بس الحمد الله حالته استقرت

- لعد ليش تبجون لاتجذبون عليه

ضي - عليج لان ردت حالتج تعبت صار ساعتين فاقدة مانعرف عنج شي  والدكتور كال احتمال جبير تصحى ماتذكركم

- كوميني ضي وديني اله

ازر - وين تردين هيذام والاهل يمه خليج مكانج لاتردين توگعين

وخرت الغطة شلعت السيروم دانزل ودخلت هاله وراها هبة؛  ركض ازر لزمها صاحت عوفنييي وداعت ابني اموتهاا اليوم

ازر - كافي لج طلعي يله

هبة- شنوو اطلع ولك هاااي رادت تموت ابنييي وانتي شنووو من بشررر هااا اشلون انطاج كلبج تسممين طفل

هالة - موكلتلج بعدي ابنج هاي موعاقلة والحقد عاميها تريد الكل مثلها ماعنده بزر

- ليشش هاي كلها بس لان سمعتي هيذام رجعني ويرد طفل تكومين تكتلييي لج شنو هالحقد والسم ولج  حتى الحيوان ماسوه سوايتج

هالة - شنو حيوان واحنا اشلون نضل هيج لحد ماتموت جهالنا ماكوو شوفولنا صرفة وياها اني بعد مااضل بهذا البيت من جهة اسماعيل ومن جهة هيه شنوو بيت غابة

- وداعت درع اذا ماطلعت  حق حركة كلبي على ابني من عيونج فلا اكون هبة اذا ماخليت بابا يشمرج بنفس الزنزانة الخايسة الجابج منها ويخليج تتمنين ماواصله يم ماكون امه

- وين هيذام خلي يجي وانتي ضي كومي روحي  كليله صحت الرادت تموت ابنك خلي انشوف شيسويلها لو بس خبص المستشفى على روسنا وخله الكل واكف على تك رجل خايفين يموت ابنه ويحركهم 

ازر - هذا هيذام وراج ميعتاز تصيحي

درنا وجهنا لكينا جاي ملامحه وهيئته وحدها تخليك تعرف كمية الغضب الشايلة ؛ رادت تحجي هالة  اشر اشش يله بره

دخل اجه يمشي گوة مبينه الحرگة والتعب على وجهة وصل يمي خله ايده على راسي دنگ باسني وكعد يمي دنگ لازم راسه همست بي شي موو

اخذ نفس مسح وجهه ورفع راسه باوعلي

-كول مابي شي فدوه

مد ايده مسح دموعي شهكت جرني لحضنه ضغط عليه يحرك بشعري

هبة - يعني شفت تربية شوارع بس مثلج لااابد على شنوو تبجين لان ما مات لو تردين تقنعينه مو انتي ورا السالفة

هالة - شنوو موهيه ليش منو سواله اللفة ومنو اوصل يمه غيرها تره الكل شاهد هيذام شوفلنا صرفة هالمرة ابنك طلع منها منو يكول مره ثانية تلحگ عليه

هبة - واني ما اضل لمرة ثانية هو بس هذا عندي مااضيعه يم وحدة مثل هاي تريد اطلع انتقامها من هيذام بي شنو ذنبي انحرمة من الامومة؛  اني شكو حتى تموت ابني اخذه وارجع لماما اذا مااخذلي حقي منها لو طلعها من البيت ماارجع

- اني هم كمت اخاف على ابني راح ارجع لاهلي لحد ماازر يشتريلي بيت وحدي الي تكدر تكتل ابن زوجها مو بعيدة تكمل عالباقين اشو هيه عقلها ضارب حتى ماتحس ولاتذكر التسوي

وخرت راسي من حضن هيذام باوعلي همست والله العظيم مو اني اذيته لاتصدگ اسوي هيج بدغع

مارد دنگ

هالة - الحمدالله الخدم موجودين والكامرات هم موجودة كلها تشهد جان هم شمرها هيذام براسنا

باوعت لهيذام على كعدته مدنگ منتجيي على رجلي وعيونه عالگاع بدون صوت

لميت نفسي ورجعت ليورا اجت هبة كعدت يمه خلت راسها على متنه وتبجي وهالة كعدت شوية عني وتباوعلي بحقد

مر وقت الكل ساكت نفس ماكو عيونهم على هيذام الي مارفع راسه محد يعرف شيفكر بس كل شوية يفرك راسه يباوع بساعته ويرد عيونه بالگاع  لاذان الصبح وانفتحت الباب

درت وجهي واشوف دخلوا عمتي رحمة و دسار شايل درع على متنه كوه فاتح عيونه من لهفتي نسيت حتى المشكلة وخرت ضي نزلت من السديه ركضت اخذته منه حضنته حيل وغمضت دموعي تنزل مامصدگه بعد عدل

وخرته  مسحت وجهة رمش بتعب و همس رئول بطني توجعني

رجعته لحضني وشهكت بصوت

- ضربوني ابر هواي واني بجيت ليش عفتيني

- بعد ماعوفك ولادقيقة اتوبة

- خلي نروح لجدو ذولة بعد مانحبهم فوتوا صونده بحلگي وجعوني خلوني اصرخ

- هسه جدوا يكتلهم لان اذوك

- بعد لاتخلين بابا ياخذنه منهم نضل يم رايه بعد مانرجع

هزيت راسي اي وبجيت

هبة - عززه اشلون مالية عقل الطفل سم 

دسار- موبس عقل  الطفل حتى عقل ابو

رفع راسه هيذام گله كملت الاوراق

دسار- اي وصلن هسه

- ازر اخذ رئال ودرع انتظروني بره

ازر - هيذام اهدأ بعدنا مامتأكدين

- ازررررر

رحمة - ييمه الحمدالله ذولة ثنينهم مابيهم شي كول ياالله

صك على سنونه وخزر ازر ؛ بسرعة خله ايده وره ضهري وجر مرته سحلها  كامت هبة اجت تركض ورانا

استونا دنطلع وكام هيذام جره هبة من شعرها اندارت قبل لاتحجي شمرها داخل الغرفة من قوة الدفعة ماسيطرت وكعت على وجها؛   عدلت روحها باوعت لهيذام وكف مدنگ على رداناته يطبگ بيهم

رجعت ليورا وهمست بخوف والله مواني اسماعيل السواها

بسرعة عمتي دفعت ازر رادت ترجع لكفها دسار جرها شمرها علينه وسد الباب فقلها

لطمت على وجها وهالة صاحت  شراح يسوون بيها

ازر -كلها دقايق وتعرفين شكو

- تره اني مالي شغل لادخلوني بمصايبكم

ضحك بستهزاء وندار راح طلع برة الجناح

ركضت ورا تحلف مالها ايد وعمتي كعدت مكانها  لازمه راسها محتارة  شتسوي همست ضي وعلي اليوم يخلي الموته تكعد على صوت صريخهم تردد الشعار

- اشلون انطاها كلبها تكتل ابنها

- الي قنعت ابوها يكتلكم كلكم بيوم اليهربكم الدغش يصعب عليها طفل

- ميخالف احنا بعاد عنها مو هذا من گلبها

- حبت تضرب عصفورين بحجر ان مات وقتها هيذام يردها غصباً عنه حتى يصير عنده غيره وان عاش انتي تنقلعين وتظل الساحه فارغتلها وترد لحضنه

-عزه شنو من كلب عدها

-ولاحسبالج جانت ناوية بس تموت ابنهاا لااحبيبتي متفقة هيه وهالة من ياخذون درع للمستشفى  ويخله البيت ادخل عليج اسماعيل بس ماجت عدله وكعتي وامجد ركض بيج للمستشفى بعد عركة شكبرها ويه ام هيذام لان ماقبلت ياخذج

- يمه شنو ذولة العائلة

- نفسهم ذولة الي ضموا طفلة هيه وتنزف لحد ماماتت بس حتى يطمون السالفة ابنهم ونفسهم الي كم مره رادوا يكتلون هيذام بس حتى ياخذون راحتهم بالعب الاعوج بأعمار العالم

- ونفسهم استغلوا طفلة وحاغبوها بأهلها علمود تخدم ابنهم ومن حاولت توكف بوجهم سلموا اخوها للموت وضيعوا الباقين حتى يكسغون ضهرها

- مثل ماراح يكسر ظهرهم هيذام ويخليهم يزحفون ويتختلون جوه القنادر بس حتى يخلصون من ايده

دااحجي ونفتحت الباب طلع بيده ورقه يطبگ بيها ورا دسار مدنگ يحك بخشمه  صارت عيني على هبه خانسة يم الحايط لامه رجليها لحضنها صافنة ترجف و دموعها تنزل بكتمة

اجه يمي جر راسي باسه واخذ مني درع شاله ؛  خله ايده وره ظهري سحبني رحنا تركنا عمتي كامت تركض تريد تلحگ عليها

طلعنا بره  اتلكانه امجد فتح باب السياره صعدنا رجعنا للبيت على طول الطريق خال ابنه على كلبه عيونه بوجها اشلون نايم بتعب وشفايفه بيض

وصلنا للبيت نزلنا دخلنا جوه لكينا الكل ملتم  عمي بيده الفون  يخابر بصوت عالي وعمتي شايله ابن ازر واكفه يمه تهدأ بي

من دخلنا سد الفون وصاح انت شحاسب نفسك هااا مالاكي واحد يكسر راسك لو حسبالك العالم صدك خايفين منك

مارد اندار انطاني درع وكال روحي صعدي

- وييين تصعد درع تركه هنااا وتطلع برره مثل هاي ماتدخل بتي بعد

هز راسه طلع باكيته سحب جكارة دنگ ورثها اخذ نفس رفع راسه نفخها واشر كمل

- شكمل بس اريد افتهم انت شناوي وبيا حق اتخلي بنتي تتنازل عن ابنها واملاكها وفوكاها تعترف هيه الحاولت قتله

- شنو املاكها وياابنها هذا من منوو

- هيذام  التنازل والاعتراف هذا ينلغي وهسه درع يرد الامه وهاي طلعها لاورح ابوي تعرف شنو ضام عليك وشنو  اكدر اسوي بيك

- واني اريدك اطلعهن وتسوي كل اليطلع بيدك بس ياريت تستعجل لان ماعندي وقت انتظر ولااحب الانتظار

- شقصدك لك

-  كدامك اربعة وعشرين ساعة دقيقه ماغيرهن قضية رافد الدغش تنسد وقضية رأل تتحول بمكتبي واوراق املاكك  تصير بيد ازر وستقالتك تكون على مكتب ال…

- لاانت تخبلت

- عفية

- اسماعيل انت جبته وكلت ممنوع واحد يحبسه وتعرف عقله موتمام بعد ليش محملنا المسؤولية

-فرعنة

-وين تريد توصل فهمني

-لغرفتي اناملي ساعتين مو اكثر الي عنده نفس بعد بالدنيا يختفي منا واريد كلب ابن كلب  يجي يكول انت موخوش ادمي وتشتغل بدون تنبيه

عمتي - اووكف يمه  خلينه نحجي

- يمه ههه تدرين نسيت هالكلمة اي يمه تردين تكتلين ابني ؟؟

- منو كلك

- منو كلي هذا الهامج؟؟ ليش يمه تموتين وليدي وانتي تدرين روحي بي

-  ماردت اموته ردتك بس تحس بمعزة البزر واشلون حارمني من ابنيتي وخال عيوني خضر على الباقين ردتك تحس اشكد انت باطل وكد ماخليت الكل يكرهك يأذون طفل ماله ذنب بسببك

-والج بالمثل

-لاهيذام لايبعد امك ماتسويها وتأذي اخوتك

مارد خله ايده وره ضهري جرني دنصعد ودخلت عمتي ورحمة وهبة تركض شمرت روحها بحضن ابوها تصيح دخيلك بابا خلي الحگني

كملنا طريقنا خلينا ورانا يهدأ بيها ويتعهد يرده ابنها الها وصلنا لغرفتنا فتحنا بابها اتفاجأنه بوضعها منبوشه نبش بسرعة اجت براسي اوراق براءة بابا خليت درع عالجربايه وطلعت اركض دخلت للمكتب اخر نفس ومثل ماتوقعت لاضال كتاب بمكانه ولا ميز مامطشرين أغراضه

خليت ايدي على كلبي اخذت نفس واني اشوف بيت الجلب مامتحرك من مكانه

دخل وراي هيذام كال ها يبت الدغش ضيعتي  الاوراق

- لا الحمد الله ماواصليهن خليتهن بمكان لو يضل عمغه كله يشتغل بالمخابغات مايندلهن

- مم دروحي جيبيهن لا المنظفة تشمرهن ويه الفضلات وتصير براءة ابوج بالحاوية

- عزه شعرفك هناك ضامتهن

- مثل ماعرفت مستعده دفعين نص عمرج لخاطر تعرفين على شنو وقعت هبة

- اذا سألتك غاح تكلي

- جيبي الاوراق وتعالي يله تعبتي لايصيرلج شي

دخلت طلعت الاوراق خليتهن على كلبي ونفخت ضحك

-تغه ذني الشي الوحيد الي يشفعلي يم بابا وخواتي

-تتمنين ترديلهم رأل

-لو يگلولي تردين لذيج الايام الي تتقاسمين بالخبزه بليل وياهم واطلعين من الصبح للشغل اقبل مو انوب اعيش الدلال الجنت بي ويه خواتي وبابا

- ماضل شي هانت

-شنو غاح اتخليني اغجع اعيش وياهم

-ردت اوصيج على درع بس الشفته جان كافي يخليني أمنكم بيد اكبر اعدائي وروح واني مأمن

-وتعوفنا هيذام

-للاسف خلص العقد بيني وبين عزرائيل وصار الوقت اسلمها

همست بسببي غاح تغوح مو

- ههه لامو بسببج واكيد  ماننكر جان الج ايد بتعجيل الشغلة بس تهون الروح وراعيها لدغتج

- لاهيذام والله مااكدغ اعيش بدونك

ابتسم ومد ايده رحتله ركض اخذني لحضنه ضمني اله  دنگ باسني وهمس ترد ذاكرتج وبعد مامر على بالج اصلاً مو تذكريني اني مو اعز من الراحوا حتى تتوقف الدنيا عليه

-لهيج جنت تتمنى ماتغجعلي الذاكغه

-مثل ماتمنيت تنحرمين  من الاطفال حتى محد ياخذج مني ولا اشوف بعيونج اي الم مااكدر ابعده عنج

-بس وجع الحغمان اكثغ من الحمل والولاده

- درع صار الج كدام الاهل قبل القانون

رفعت راسي - خليتها تتنازل عن ابنها الي

- اقل عقوبة ممكن اتخذها بحقها ودرع حقج من ساعه الخلوج تفقدين امومتج ماضل الج يمي غير حقج من التعرضتيله وبعدها كلمن يروح بدربه موو

- ماغيد اغوح بغيغ دغب

-شنو بابا

برطمت ضحك وردني لحضنه عصرني حيل باس راسي وجرني ويا رجعنا للغرفة اخذ الاوراق مني خلاهن عالميز وكف ينزع بسلاحه

-غاح يسوي كل الكلتله عليه

-اذا حاب يعيش بعد

-اذا مانفذ الطلبته شنو غاح اتسويله تكتله

-اكو واحد كايلج اني رافد الدغش

-تغه بابا حباب وكلبه طيب كلش

-رضي الله عنه رأل خليلي ملابسي بالحمام بسررعة

هزيت راسي طلعت ملابسه خليتهن اله غسلت وجهي طلعت هو دخل ؛ وكفت غيرت ملابسي لان احس مابيه اتحرك مواسبح

رحت تمددت يم درع مشيت ايدي على وجهه مجرد ما اتخليته يخلوا بتابوت حسيت روحي اختنگت جريته لحضني ضميته وغمضت يمه من عمري على عمره ياربي دخيلك كلشي ممكن اتحمل بس لاتختبر صبري بي

وخرت عنه خليت  ايدي على شعرة وهمست  تدغي اني اكثغ وحده بخواتي جنت اخلي غنوده بحضني ابوس بيها واسولف وياها لان احب الاطفال وادغي محغومة من هالنعمة

من فقدت الامومة صح حسيت انتهى شكو حلم بداخلي بس من شفتك مااعغف شنو حسيت حسيتك ابني صدگ مع العلم جان ابوك عدوي

طلع هيذام يمسح براسه شمر المنشفة سحب باكيت الجكاير خله وحده بحلكه ورثها اخذ نفس باوعلي ونفخه كال منو عدو منوو

- انت عدوي منا لحد ماتاخذنا ونغوح منا وتبطل عن كل الدتفكغ تسوي لان مانگدغ نعيش بدونك

-تحبين درع

-تأذه بسببي لو موكلته بيدي جان ماصاغ بي هيج اني صح  مااستحق طفل مثله بس والله احبه اكثغ من غوحي

-ديري بالج عليه رأل

-اضمه بغوحي اتوبة بعد اخلي وحده  يمه شفته واكع اتمنيت الدنيا توكف عزه ولاحاسه هيج ماخذ معزة بداخلي

- هههه جنت احقق ويه الدغش واتصلوا بيه طلعت اركض وهو يصيح اذا صارله شي لاترد  دمك مايكفيني

-  حاسبة حفيده مو ابن عدوه

- هو راح نسوي تبادل انطي ابني واخد بنته و نحل النزاع الازلي

- يكيف والله هو امنيته يصيغ عنده ولد

اجه دنگ باس راسه و تمدد  صار درع بينا لزم ايدي باسها

- على منو خفت اكثغ اني لو دغع الله عليك كول والله مااضوج

- ماعندي غيركم بهالدنيا خسرت كلشي ضال عايش بيكم

-انت لو بس اتبطل هالعنف والظلم والله انت خوش  غجال

-هاي نصيحة  لو تجدي

- شتحس من تعذب العالم

- والعالم يكتون براءه غير كلاب ولد كلاب اذا هو يجيك شابع كرستال ومغتصب اطفال اعمارهم ماتتجاوز السته وسبع سنوات شتسويله بهالحالة  تكيت عليه و تعزمه على مندي

- تصلخ جلده

- لاانتزاع الجلد صارت قديمة اكو امور مستجدة هواي هم تنمي عقلك بمعرفة شكد مدة تحمل اعضاء الانسان تحت الضغط قبل القلع وهم تكتشف اساليب حديثه تفيد ولدنا بالمستقبل

-هم عدكم مشاعغ  مثلنا

- لوعندي مشاعر واحس ماخليتج نايمة هالنومة وتلدغين براحتج نامي رأل

-اسمي غئال 

-بت رافد نامي

-هيذام مو تعذبه بالتحقيق

-تكلفج الشغلة

-مو يطلع واكله

-خلي اخذ مالاتي وسهل الباقي

-شنوو يعني

-مكان الراجدي بوسة  والدفره حضنه خو الفلقه معروفه مارادلها ذكاء وانتي حسبي على مدار اربع ساعات تحقيق

- خوش والله  هو يكتل بالعالم وانت تاخذ غاتب عالتحقيق اني دخلوني بنصكم شكوو حلو مشاكلكم بعيد عني

اشر تمام  وغمض

-هيذام

- همم

-ماغاح تعذبه مو

مارد

-والله تعبانه

-نامي

- زين اليوم بس غاجديات ودفغات يصيغ

ضحك كمت عدلت نومة درع ورحت يمه فتح اديه دخلت جوه الغطة ضمني بحضنه باسني ضمني بقوة وهمس دخيل الله شمعزتج

خليت راسي على صدره وغمضت من التعب رحت بالنوم بسرعة

كعدت على صوت ضي تضرب على وجهي فتحت كالت صح النوم عيني تره صارت الخمسة العصر

-لعد ليش ماگعدتوني

-والله هو رجلج صار ساعتين لازم الصاعقه وصافن محتار بيمن يجربها 

-عززه وين دغع

-يم عمتي رحمه نزله هيذام كاعدين بالحديقة

-شنو الاوضاع جوه

-الي يحبه كلبج كومي تفوتج الاجواء نزلي شوفي الطياح الحظ الي مسويته ام هيذام النكسه

-شنو

-عدها اخو بالمخابرات مخابرته وعارضه عليه مبلغ بالمقابل يدز جماعة يعوقون هيذام

-منو كاللكم

- واحد اسمه رماح صح هو عدو هيذام بس الضاهر اكو شغلة مشتركة بينهم اجه هو ودسار من شوية اخذوا وطلعوا بس تره محد يدري بالشغله لاتفلتيها كاعدين بالحديقة كل واحد شاگ حلكه من الاذن للاذن وفونه بيده منتظر يوصلهم خبره

- عزه شنو من ام هاي

- لو يكللها ابراهيم الجلب كتلي بزرتج كلها ماتكله لااهم شي ترضي حتى من طلع هيذام كال لازر ترد اسماعيل للمصح خلته بس طلع كامت وكفت بوجهه ازر كالت اسماعيل بعد ممنوع يطلع من البيت حالته استقرت مو حضرة هيذام كلما يشوفه هدأ يرد يسودنه

- لعد همه موخايفين من وجودة ويردون يخلصون منه

- هاي قبل من جانوا مشغولين بتخطيطهم اشلون يخلصون من هيذام موهسه بعد مادزوا جماعة ورا وتأكدوا هالمرة مايطلع منها غير بشلل ؛ والله اعلم شناوين بعدها الي هيج جلبوا بأسماعيل  ويله دگومي ماأمن على درع بينهم اخاف عمتي وامجد يغفلون  عنه

كمت بسرعة غسلت وجهي  غيرت ملابسي لميت شعري شلون مجان نزلنا سويت لفه عالسريع وطلعنا شفنا درع بيد امجد كاعدين يم الحرس يلعبون ويا

أمنه عفناهم  رحنا للحديقة لكينا عمي كاعد كالعادة بحضنه ابن ازر وهبة يمه خالة راسها على متنه عيونها حمر 

ومن الجهة الثانية عمتي بحضنها ابن حسن وبتها جاية كاعده يم هالة

سلمت عليهم محد رد السلام اني هم دنكت بست عمتي رحمة وكعدت همست اشلونج يعمه

-الحمدالله

-خواتج اشلونهن

-والله مااعغف شي عنهن متانية دساغ يجي وسأله

-ماطول امج يمهن ماعليهن لاتخافين

-ان شاء الله اندعي بس يطلع بابا ياخذهم ويبعد حتى أمن صدگ

-وتكدرين بدونهن

-احسب نفسي ماشفتهن وماعندي بس هيذام مثل ماكلتولي

-والله يعمه هيذام الي منعنا نكلج

-يله بعد صاغت المهم شبي عمي يباوعلي  هيج

اتحسرت ودارت وجها خليت اللفة بحلكي صارت عيوني على هالة وامل يتهامسن ويباوعلي بكره وعمتي ماعوزها بس تتفل بوجهي

عضت اللفة ودرت وجهي لعمي كال من اكول بت شوارع وماتنزل يمنا رحمة تعترض

رحمة - خير يخوي شصار

- اكو اكثر من  مستوى الانحطاط الي صرنا بي شمتنظره يصير هسه من يدخل واحد علينه ويشوفها بهالمنظر القذر شنو موقفنا

هالة - والله يعمي رادن يجن صديقاتي اعتذرت كلتلهن ماموجوده بسببها خفت تنزل وقتها انفضح واصير سالفة بينهن

ام هيذام - هذا  حضنه غير جبناها من التجدي لخاطر تخدم كام اخذها وسواها شغلة تحدي ويانه اخاف معوزين شلعان كلب يزودها

هالة - عمه شوفولكم حل والله لعبة روحي

- هو منو المالعبانه روحه اني المحرومة من بنتي كل كم شهر يالله اشوفها لو هاي سودة عليه كسر ضهرها  بتهمة مالها ايد بيها واخذ بأبنها خله دمعتها تنزل 

ابراهيم - مو بكيفه غصباً عنه راح  يشگگ الورقة ويمحي التهمة ويرد افلوسها وابنها وهو الممنون 

- واشرط عليه لاتتنازل عن قضية الدغش اذا مااخذ هاي وطلع منا نريد نرتاح جبنا عمرنا وياا ركض كرهنا بعيشتنا

هبة - كله من وراك بابا انت جبت هاي الحثالة النا وخليتها تخرب حياتنا

ابراهيم - كلها مسألة ساعات وكلشي يرد مثل ماهو لاتبجين يروح ابوج مثل هاي بت عاهرة ينتفل بوجها مو ينحجي بيها

هالة - عمي وابو ضي هم كبر بعد مابي فايده ولايشتغل عدل شكو خاله

- حجيت ويا كال بس انطيني كم يوم اجرلي مشتمل واطلع

- خوش واني ادفع اجار كم شهر من عندي خطية ماعده هم اكسب ثواب بيهم

ام هيذام -  وانتي عمه ضي اكو كم حاجه بالمخزن ليش ضالات احسن مانذبهن كومي طلعهين غسليهن  يفيدنكم بالبيت

هبة - على شنو تنطهن تره اكو ناس افقر

- لاثواب خطية ماعدهم وابوها رجال جبير يادوب يشتغل يدبر لكمته وهنه ماييسون كاونتر قديم وطباخ نص عمر

- عاد كون يصير بعينهم ويعرفون شنو  مستواهم

- يصير لولا هو منو مسولف بيهم هيج عالم غير للخدمة ماينفعون ولايفكرون حتى لاينكسر راسهم

اباوع لضي غمضت لزمت ايدها دفعتني وكامت راحت للمشتمل ردت اكوم لزمت ايدي عمتي رحمة اشرت عوفيها

- اذا طلعت ضي منا اني مااضل

هالة - وانتي منو التاركج هنا مصدگة نفسج هه اصحي تره جبناج من التقاطع حدج اتجدين مو تكعدين بينا

رحمة - هذا الحجي اجلي من يوصل هيذام 

- ويوصل شنو مخوفنا بصوته تره ملينااا عمي اذا ماشافلنا حل ويا اني اخذ ابني واروح ومارد لو تطلع هاي منا لو يعزلي ازر

ابراهيم -شكو هيج منفعلة شنو گلت اني وخليها براسج لو مو تتعاركين ويه ازر لو توصل بينكم للانفصال حفيدي دقيقة مايطلع من بيتي مو يروح لاهلج

- عمي دتشوف حالنا انت

- اي وماضل شي كلها ساعات يبعد عمج الضاهر جنت غلطان من سكتت كل هالوكت المفروض انهي السالفة من زمان بس اااخ من ام هيذام

ام هيذام - ندمتت هاي اصابعي وعضيتهااا حسبالي يستعدل ويصير ادمييي اثاري مثل ابو مايعدله غير التراب

رحمة - يمه اسم الله على كلبه

-هيج ميته عليه هاي راح يرد عود اخذي هو وعاهاته وطلعيي فكينااا من شوفة وجهه وشرره

استغفرت عمتي ودنكت  واني عيوني بضي حسيت بكسرت كلبها  حتى مااسمعهن شنو يحجون امنيني اكوم اتفل بوجهم واروح وراها انطيها عنوان اهلي تروح تعيش يمهن وتعوض الذل العايشه بي

دقايق واسمع عمي يحجي بطريقة صدمة - هذا  شرجعه

درت وجهي واشوف هيذام وازر داخلين

اجوي ازر سلم شمر سلاحه ودنگ شال المي يشرب؛ و هيذام سحب الكرسي اليمي گعد بدون لا يحجي اتنجه شال رجله خلاها عالميز وطلع جكارته دنگ يورثها صاح عمي هاي هم معتبرها كعده مال بشر

اخذن نفس نفخ واشر شنو

- نزل رجلك

-البسطال مضايقني رادله تغير

-اشلون رجعت

-بسيارتي ليش

-قصدي وين جنتت

عگد حاجبه اندار لازر اشرله وين

تحمم ازر ودنگ يحك بخشمه

عمي -مو وياااك احجي وين جنت

هيذام -اندور على جواميس قررنا نترك وضايفنا ونشتغل بالحلال

-درع ترده بأسم امه

اخذ نفس من جكارته نفخه واشر بعد

- تصير ادمي وتمشي عدل وهاي طلگها وترد تكمل قضيتها وترد رتبتك وترجع للمكتبك ومركز السابق

رد الجكارة بحلكه

- تحسم امر هبة تريدها ماعندي مانع ارد ايدي بيدك وتردها الك ماتريدها طلكها خليها تشوف مستقبلها

عدل كعدته وانتجه رفع راسه غمض طگ ركبته من الجهتين

-مويااك احجي انيييي

-كم ساعة بقى عن الوقت المتبقي بس ذكرني

صك على سنونه عمي طلع ورق من جيبه شمرها على الميز كدام هيذام اباوع صورة غزوان  بيها ردت اسحبها بسرعة جرها هيذام همست بس اشوفها

طبگها راد يخلها بجيبه لزمت ايده باوعتله بتوسل تركها اخذتها منه فتحتها اباوع صورته بالمناظر على اوراق القضية خليتها  على كلبي وغمضت مااعرف شنو احس بس اكو صرخة مكتومة بصدري تخنگ دنيا بكبرها

فتحت عيوني على صوت عمي وهو يكول ها بابا  اسماعيل شجابك هنا

درت وجهي لكيته واكف يم ازر مبهذل شعره وقذارته وين واصلة  باوعلي بغضب رجعت دنكت باوعت لصورة غزوان

معقوله المثلك يموت وتنتهي احلام بناها وتعب عليها سنين لخاطر مثل هذا يعيش

عدل كعدته هيذام وسحبني لحضنه همست كل حلمه جان يشوف  غايه بالبدله البيضه

-الله يرحمه

-مات وهو عيونه وغاي خايف تغمض عينه قبل لايودعني

-كافي بابا

-غاح غزوان ماشاف من الدنيا بس التعب والكتل  علمود يحمينا

عصرني حيل وصوت ازر صرخ  لاااااا 

بعدني مارافعة  راسي دفعني هيذام ليجوا صار عليه وعمي طفر صرخ ازر  لزززمه

كلها لحظات صوت الرمي مخلوط بأصوات صراخم هوسه ويه وركضت الحرس  عصرني هيذام حيل وضم راسي بصدره محاوطني من كل مكان

لزمت ملابسه غمضت دقايق وصار هدوء المكان تحول من ضوضاء وصريخ لصنته بدون نفس  وخر هيذام فتحت عيوني

ازر وكف صافن على اسماعيل الي مجتفي الحرس يباوعلنا بغضب 

عمي بيده سلاحه  عيونه على ابن ازر بالگاع صدره مزرف بالرصاص وعمتي ام هيذام بصفه فاتحة عيونها وراسها متهشم

هبة واكعه عالميز الدم تارس ملابسها وهالة بغير عالم عيونها على ابنها و تبتسم

رفع عمي سلاحه عليه سحبني هيذام بسرعة خلاني ورا ظهره ؛ دار السلاح على  اسماعيل باوعله بكسرة نزلت دموعه ورمى  …

لاتنسون التصويت❤️

شيء من رصيف الدم

بقلمي : leo Alfatlawi

بارت الاربعين

***رئال***

ثارت الطلقة من سلاح عمي اجت بصدر اسماعيل شهگ النفس بصدمة عيونه على ابو

غمض عمي على منظر وكعته بالگاع ؛صارت صنته

اجه امجد يركض سحبني خلاني ورا ظهره  فتح اديه يحميني وهيذام اتقدم يمشي عالكيف وصل يم ابن ازر دنگ شاله يباوعله بدون نفس

راح ورا ازر گعد يمه  راد ياخذه منه دفعه وضمه بصدره رفع راسه ازر لابو همس بكسره سويت ابني درع حميت روحك بي من الرصاص ؟؟

شمر السلاح عمي وكعد لازم راسه

-  ههه تدري كم مرة هيذام كلي ابعد ابنك عن ابوك  ماجنت فاهم ليش بس هسه من شفت ابنه اشلون الحرس ناموا عليه وحموا وابني يرافس بيدك يريد ينهزم وانت رافعه بوجهك حتى تحتمي بي؛ فهمت

شال راسه باوعله وبجه بصوت

ضحك واندار لاهيذام لزم ايده وهمس بتوسل بس اشوف وجهه

مارد عليه دنگ حضنه حيل وغمض

-هيذام على كيفك ويه اوليدي لاتخنگه

ابتسمت هالة ونزلت من الكرسي رادت تگوم ماگدرت دنكت تزحف وصلت  لهيذام لزمته من ضهره مدت ايدها استوها تخليها على ابنها وخرها  هيذام بسرعة وكام ضامه عنهم بحضنه صاح للحرس وينكممممم

اجوا كلهم يركضون كام ازر كمشه يريد ياخذه منه  دفعه حيل ونطه الطفل لواحد من الحرس وصاح روح منااااا

اباوعله للحارس هو ركض وازر اتخبل دفع هيذام بقوته واندار ديركض مالحگ كمشه هيذام ؛ صك على سنونه دفعه ماگدرله رد لم جف ايده وضربة بكل حيله

جفته هيذام وسحبه شل حركته  فتح عيونه على كبرهن وصرخ صرخة طلعت من كلبه

راح الحارس بكل سرعة يركض وهو يتماطل ويصرخ  بدون شعور يريد بس يخلص نفسه لحد ماشافه عبر الباب وصوت سيارة شحطت

مثل الي انهد حيله هدأ وگعد على ركبته ؛ كعد يمه هيذام شال راسه باوعله بتعب ونزلت دموعه همس راح اوليدي يخوي

جره لحضنه ؛ التموا الحرس درت وجهي اباوع مجزرة صايرة اجت ضي تركض دنگت على عمتي رحمة استوني يالله انتبهتلها متصوبة

وكفت متبنجة  مااعرف عيوني على منو تروح كلمن واكع بجهة  والدم مالي ملابسه

صارت هوسة الي يشيلوا والي يصيح اسعااااف والي يحاول يبعد الباقين حتى يعرف منو البعده عايش و يلحگ عليه

حسيت ايد تجر بملابسي دنگت لكيت درع يمي راسه كله دم لازمني وعيونه على ابو اشلون حاضن ازر بقوة ويرجف على صوت بجيته

دنكت بسرعة شلته ضميت وجهه ورجعت للبيت امشي سريع بدون وعي دخلت جوه اتلكني المساعدات وكفت احس روحي مااگدر بعد احجي ركضت المساعدة اخذته مني والمساعدة الثانية سندتني اخذتني للميز كعدتني

عيوني على درع الي صافن شفايفه بيض وهنه يغسلن بوجهه واذني يم الصراخ بره وصوت السيارات تنگل

مرات تمر على الانسان لحظات شبه الخيال تحس نفس الاحداث تنعاد گدامك غمضت هذا موهيذام حاضن اخو لا غزوان حاضني ورؤيا التصرخ ورند الخانسة

الدم نفسه والخوف والصرخات  ؛ غمضت  حيل عيوني على غزوان منتظرته يعبر اندارلي صارت عيونه بعيواني مدلي ايده ابتسمت دالزمها وفززني درع هو يكول رئول راح يكتوني

فتحت عيوني كمت اخذته من المساعدة حضنته حيل ودنگت همست يم اذنه ماغاح اضيعك مثل ماضيعتها  غاح اضمك بغوحي مااخلي احد يوصلك

دخلوا هالة يجرون بيها وهيه تضحك؛اتكمز وتصيح سجلته بالمدرسة  ابني كبر ازر جابله  جنطة وملابس ههههه يكول اريده يصير ضابط ويسند درع مثلنا اني وهيذام

شافتني حاضنه درع وكفت صافنه عگدت حاجبها وهمست لعد ليش خلاهم يكتلوا

ضميت درع بصدري ونزلت دموعي 

صرخت يمة اوليدي وين خذوااا ؛ غمضت عيوني ماگدرت اباوعلها واني اشوفها دنگت تتوسل وتبوس  بأيدين المساعدات حتى يخلنها تلحگه

رحت صعدت لغرفتي سديت الباب وكعدت بنهايتها حاضنه درع اريد ابعد صوتها عن اذني

مرت الايام واني بمكاني ماعندي گلب حتى انزل وشاركهم بحزنهم  بالاخص من جابوا تابوت عمتي والطفل للبيت وصوت صراخ ازر وتماطله وياهم حتى يخلوا يحضنه ياخذ الروح

كلما اغمض اتخيل لوماتاركه درع يم الحرس يلعب وماخذته ينعصر كلبي

…اسبوع والوضع من اسوء لاسوء ؛ عمي ماتحرك من مكانه حاضن رجلي مگابل دمهم وصافن

مرت ازر حابسيها بالغرفة لاليل تنام ولانهار تهدأ حاضنة ملابس ابنها وتون

ازر راسه بحضن هيذام لازم ايده ودموعه تنزل  بكسره بدون صوت

جانت فاجعة يقشعر البدن الها  ؛البيت وحشة بعد ماجان هوسة وسوالف وضحك صار هدوء مميت وظلمة

صوت عمتي وهوستها كل يوم اختفت ماضل منها بس مكانها الفارغ ؛ولعب ابن ازر وضحكه ماضل منه بس العابه المطشرة

…گاعدة عالجرباية  لافه درع بالغطة خالته على صدري واهمسله بقصة الاميرة والوحش ؛ نفتحت الباب دخلت ضي لابسة اسود عيونها حمر سدت الباب واجت يمي كعدت خلت ايدها على راس درع وحجت بصوت مبحوح عمتي رحمة جابوها

- ازغ اشلونه

- اشلونه بعد استوى جابوا هيذام ودسار من المگبرة حالته ماتتسولف

-ليش خلوا يغوح

-كتل نفسه الصبح من شاف بايسكلة بالحديقة تالي هيذام ودسار خذوا كالوا بلكي يرتاح

-وعمتي خحمة  اشلونها

-مكابله اخوها وتبجي على حالته

-على شنو تبجي عليه ليش منو سبب كل هذا حس شاف موت الاهل  اشلون صعب

-هو هم ربج خوش عاقبة اخذ اعز اثنين على كلبه وهاا بيده موتهم

-اسماعيل شنو اخباغة

-صل كلشي مابي فاق والعملية نجحت بس يگوم يمشي على رجلي ينقلوا للمصح النفسي وهبة هم حالتها صارت زينه جابوها من ساعة علمود ابوها متأملين يرد لوعيه ويتحسن بشوفتها

- بس اغيد اعغف هبة اشلون طلعت منها وهيه كاعدة بصف ابوها

- صايره وره ام هيذام مالايحتها غير رصاصة بنهاية متنها

- كلهم نفس القذاغه سبحان الله مابيهم شغيف

- لادنزلي وشوفي جوه ولا تكول صار كم ساعة من دخلوها كاعده بالصالة وتتامر عالمساعدات عود خذت مكان عمتها  لاخلت ستارة مابدلتها لاخلت ديكور ماغيرته

- هو البيت ضل الها بعد

- لا ومرت ازر هم صحت من شافتها دخلت طلعت من غرفتها گعدت بصفها  تكول المات مو ابنها وهذا بيت عمتها الجانت ساندتها ؛ رجعت لأستجلابها حتى امل ضاجت اخذت رجلها وردت لبيتها كالت بيت صار بيد الجناين ماادخله بعد

-غاحت العالم

-من زمان كومي خلي ننزل جوه شوية الولد راح يصير بي توحد

- لاخطية ازغ مااغيد يشوفه حتى لايذكغ ابنه

باوعتلي بكسرة ونزلت دموعها

- ضي تغه معتازج لاتصفين عليه انتي والدنيا

- اشلون اشيل عنه الوجع والله من اشوف دموعه هو ويباوع لالعاب ابنه اموت

- كعدي ويا سولفي لزمي ايده وحسسي الدنيا بعدها بدايتها وماكو وجع اذا ماجان بعده عوض يمحي شكو الم بداخله

- هه تدرين الحلم السولف عليه وماكمله شنو جان

- لزم ايدج وعاف ابنه ادغي لان من سولفه صاغت عيونه على ابنه وجانت نظغته بيها خوف

- بس هذا بالحلم

- والحلم هو الحقيقة الوحيده مابي غش ولا مجاملة شنو بكلبك تسوي بدون لاتفكغ كومي ضي اوكفي ويا لان معتازج هسه اكتغ من اي شخص

-هيذام ودسار يمه

هزيت راسي دنكت دزيت رساله لهيذام ثواني وشفت تم المشاهدة

رجعت الفون وشلت درع خليته بفراشةنايم غطيته رجعت كعدت وحده تباوع للثانية ونتسنط لصوت هبة تعيط جوه على شغلة ماخلوها عدل  هزيت ايدي؛  ضحكت ضي

شوية وصارت سنطة وصوت دبجة  عالدرج عرفته اجه هيذام كامت ضي فتحت الباب صار بوجها راح منا راحت ويا رجع للجهة الثانية ردت ويا صاح وكلام الله راح اسحگج وادخل

ضي - اذا انت غالق الباب بعرضك منين اطلع

- بت السطل ماخذ من عافية اهلج بعددي عن وجهي

-ارجع خلي اطلع

-شو تعالي

كالها وجرها من ياختها دفعها بره ودخل سد الباب صاحت لعد من كالوا الدنيا حظوظ جذبوا رب الطلقة توصل يمك وتطفر شيسمونها

فتح الباب كمزت اندارت نزلت تركض ضحك وسد الباب شمر سلاحه  دنگ نزع بسطاله اخذ منشفه ودخل للحمام

كمت رحت وكفت يم الشباج اباوع للحديقة صار كدامي عمي گاعد وحده بيده جكارته وصافن  مثل كل يوم هيج  وقت مرته يمه وحفيده يلعب كدامه

رفعت راسي للسما - والله مو شماته بس هذا حالي جان نفسه لاوالله اسوء وهو يباوعلي من بعيد ويضحك

سمعت باب الحمام انفتح درت وجهي طلع هيذام نشف راسه شمر المنشفة واجه يم درع دنگ باسه وصفن عاگد حاجبه كال شنو هذا الشگ براسه

-الحغس دفعوا عالكاع وصاغوا عليه بيوم الحادث

- الف مره كلتله ياخوية سلاحك امنه سلاحك لاتشمره اذا ماتشيل المخزن خليك نبه الغفلة بعمر

- شنو وضع ابو من يشوف ابنه حاضن ملاعيب اوليده ويبجي

- هه من تهيء الرصاصة لعدوك وتخطيها بدل ماتخليها براسه تصير بصدرك

-عزه يعني هو الجان مخطط لكل هذا زين ليشش مو ذوله عائلته

-ومنو كلج جان ناويها عليهم بس ماحسب حساب ازر يشمر نفسه ويبعده عنا

-وانت شدغاك

-مثل ماادري منتظره العصر يصير وتنزلين تساومي بالاوراق

-حقي هذا لوجانت الطلقة واگعة بي جان بابا انتهى امغه

هز راسه وانكلب على ضهره رحت اخذت ملابسي ودخلت للحمام علگتهن سديت الباب شمرت ملابسي دخلت جوه الدوش سمعته فتح الباب عرفته نزل درع يم عمتي

سبحت عالسريع وكفت دالبس وتذكرت كلامه يعني جانت تريد تموتني واني لابسه اسود وحزنانة عليها صدگ الجلب لو تسبحه بزمزم يضل نكس لاوابنها گالب خلقته لان ماعزيته بيها

مو سهلة داشوف اشلون راح اخلي ابنج يكمل حزنه عليج خومانسيتي من كلتلج اختي استوها ميته وكلتلي يطبها مرض لبسي اللوان ودخلي لرجلج واني الراح اسويها هسه على امرج

شمرت الاسود لبست بس الداخليات الوان لفيت المنشفة على جسمي طلعت لكيته نايم خال ايده على راسه

رحت يمه وخرت ايده فتح عيونه حمر باوعلي بتعب دنكت بسته بشفته بعد راسه كال تعبان والله

-تغه مشتاقتلك

-رأل

-اهاا تمام وخغ

ردا يلزمني دفعته وكمت اخذت كتابي وتمددت شوية عنه مد ايده دفعتها وصحت شيل ايددك لاالبسها بغاسك

دنگ حك خشمه درت وجهي فتحت كتابي اقره بي عدل مخدته انكلب صفح اتجتف  يباوعلي اخذله شوية وكال تره الجو بارد

-هيج مغتاحه

-تمام

-لوسمحت صوتك داقغه لاتقاطعني

-تأمرين بس عدلي كتابج بالمكلوب

انتبهت للكتاب صدگ مگلوبي درت وجهي باوعتله بغضب رفع حاجبه اشر شكو

-تغه ادغي بالمگلوب واني احب اقغه هيج

-اهاا اوك

رجعت اباوع للكتاب واسب بنفسي على هذا الغباء احاول اسيطر لاابجي من الفشلة

-رأل

-اسمي غئال و لاتقاطعني كل شوية

-حلو

-هيذذاااام

- شبيج بنتي على شنو معصبة

-هيج وحدي مخبلة ولاحسبالك ميته عليك لو كاتله نفسي على حضنك اني لو بحال هالسوالف اخلي سجينة بنص وجهك واغوح للمغكز وهناك مايقصغون بالاخص واني جايتهم هيج خو انت تعغف ميحتاج اكلك

حك گصته گوة كاتم ضحكته

رجعت درت وجهي ادردم - لاومحسوده ماخذتلج واحد جنه مدغعة خلي يجون يشوفوا حاله حال المخده لا ويشتغل بمكافحة الاغهاب دغوح اشتغل على مكافحة عجزك

سكت اني هم سكتت اخذتلي شوية وهمست عالم صيت وسمعه مصدكين دبجت بسطاله يكلك ماكو هيج مايدغون هاي كل قوته ومن تاخذيلج واحد مهتلف لاشغل ولاعمل يجي حماغ ابن حماغ يگلج ليش تحجين

اتحمحم

-على شنوو تحمحم بس لاماعاجبك وجودي  كوول وعلى شنوو ماعاجبك انت شايف نفسك كووم باوع بالمغايه جنك غول متلبس لعنة

عض شفته وجرني ضربته بالكتاب جر الكتاب شمره ولزم وجهي عصره حجه من بين سنونه شبيج لج 

-وخغ هيذام لاوداعت بابا اطيغ مستقبلك

-وهاي انتي جنج هامستر حاشر بدگمة كهرباء

رفعت رجلي بسرعه سد رجليه ولزمني دنك عض شفتي صرخت كتم صرختي بسحب شفايفي دفعت ماكدرت ضربته كمش اديه رفسته شال راسه ينفت

-كملت وخغ يله

مارد مد ايده مسح شفتي درت وجهي دنك باسني وهمس يم اذني من تجيني بلهفة الاشتياق انطيج روحي بس من تجيني بلهفة الانتقام ماتحصلين مني غير الزعل لان انتي عندي اخلى من هالشي

-شقصدك اني ماحبك مستعملتك اله انتقم من خلالها

-متأكد

-لاتحجي هيج لو ماجنت احبك والله مااخليك تلمس شعغه مني مو خليك تنام بحضني للصبح

-مومن گلبج

-لومومن كلبي ماعفت اهلي واجيتك

-لومحصله غير مكان مجان رجعتي

-غجعتلك بالوقتين وماغمضت بغيغ بحضنك ولو ادخل بذاكغه ثالثة هم  احبك واظل اغدد بأسمك لحد ماتجيني وتضمني بحضنك

- ماارايدج تحبيني بس لاتغدريني

- اني مااغدغك لو ماشوف كدامي بس  الموت والتفت الك واشوف حبي بكلبك غاح يشفعلي

- لارأل لاتركيني سوي التردي بيه بس لاتبعدين لان وكلام الله ماعيش بدونج

-عفتك وعشت

-دخيل محمد لاتذكريني مااعرف شنو الصبرني وخلاني مااكتل روحي  شايفة السكران من يفتر داير مداير روحي مايعرف شيريد اني هيج عشت وراج

-شنو تشوفني هيذام

-قضيتي ورتبتي وتعب عمري العايش بي

-واني احبك

كلتها لزمت وجهه رفعت راسي بسته من شفته…

حاضنه مخدتي جوة الديباج الدفو وحده يجبرك عالراحة والنوم بعمق ؛ فزيت على بوسات خفيفة بخدي بعدته ودرت وجهي ثواني ورد عضني  استغفر وخرته ونداريت للجهة الثانيه مامرت دقيقه ورد يوزع بوسات دفعته صحت وبعدين اشلووون

صار هدوء فتحت عيوني لكيته سابح وبملابسه العسكريه مدنگ حاجزني بين اديه من الجهتين اشرت شكو

-راح اطلع عندي واجب ماكو تصبيره منا منا لباجر

-حبيبي اني مو اغهابي عندك اني زوجتك اغحمنيي

-عدنا مداهمة يمكن ماارد

- لاامن تغد وابصملك على هالشي

- وصلتنا اخبارية القاعدة الراح نجفتها بيها ارهابيات

-اي وشنو

-الليل طويل والجو بارد والنفس ادبسزية اقلها كسري عيني بوسة

- لااني غاح اعمي عينك هيذااام وخغ عنييي

- ديله فد مندلة انتي وتتعززين

- عفية يله عوفني غوح كمل لبسك

عصر وجهي دنگ باسني حيل دفعته ماوخر ضربته ضغط اكثر صرخت دفعني وعدل وكفته اخذ نفس براحة

مسحت وجهي بضوجه وهمست ومن اكول بول تيغي مهتلف مايقبل

شفته راد يرد لفيت روحي بالديباج  وطفرت ركض للحمام دخل صاح خليج جوه لاطلعين

شمرت الديباج سبحت عالسريع خلصت وكفت ورا الباب اتسنط ماله صوت فتحت الباب عالكيف  الغرفة خاليه

طلعت ركض قفلت الباب غيرت ملابسي شلت شعري سمعت صوته يسولف جوه فتحت الباب طلعت لكيت هبة عالدرج دتصعد اباوعلها متنها مضبر وجها منفوخ  تذكرت بيوم الحادث من لازمة ايده وتضحك حتى تحرگني

عضيت شفتي والله واجه وكتج

سديت الباب  ركضت نزلت وصلت يمها باوعتلي بكره دفعتني كملت صعدتها نزلت بسرعة واشوف هيذام كدامي كاعد بحلگة الجكارة  ومدنگ يكلب بفونه وكفت كباله متخصره  رفع راسه اخذ نفس من جكارته واشر شكو

- مغتك دفعتني

- صعدي دفعيها

ركضت صعدت لكيتها استوها دتدخل للغرفة دفعتها بكل قوتي لطشتها بالباب

اندارت جرتني من شعري صرخت هيذام جغتني من شعغييي

- جريهاااا من شعرهااا

بعده ماكملها جريتها بثنين اديه للگاع ودفرتها  بكل قوتي دفعتها داركض مالحكت احس اجتني الضربه بظهري

-هيذاااام ضغبتنييي

هيذام -اكمل جكارتي اذا لكيتج ماكاتلتها اصعد ادگج اجتاف و ارفعج فلقة 

هو كالها واني ماصدكت هفيتها راجدي سفطت وجها ويه الباب

صرخت بعلو صوتها  عرفت الضربة اجت قوية وماراح اخلص من ابوها

رجعت ليورا اندارت ونزلت طايره صار هيذام  بوجهي ماسيطرت اوكف اجيت بصدره عدل حسيت وجهي اتفلش  ؛ لزمني عدل وكفتي  باوعلي اشر شسويتي

- لو شامغتني من الدغج ولاهاي اللطمة ؛ صدغ لو شفل عطلانة

نفخ الدخان بوجهي دمغني وجرني ويا طلعنا بره لكيناهم  بالحديقة عمي مجتف وصافن وعمتي رحمة بحضنها درع 

هاله من الجهة الثانية عيونها على ضي تباوعلها بحقد

باسني ودفعني لجهتهم راح كمل طريقه طلع برة دخلت للحديقة رحت يمهم سلمت وكعدت يم ضي شال راسه عمي كال وين هيذام

- طلع مااعغف وين

- بت القذر شبيج تردين من ورا خشمج

- لان بابا طول واني مااحب اتاني هواي

- شقصدج بت الكلببب تهدديني

- لاتكول بت الكلب وماهدد دااحجي وياك بهدوء

- انتي ثولة لو كد السحگ على راسج صرتي ماتفتهمين جاي تشوفين حالتناااا لولااا ومنو انتي وتحجين وياي وعلى منو على حثالة خايس بالسجننن

-وهذا الدتحجي عليه كمل محكوميته وطلع واخله ايده بأيد الدولة وسلمهم عالم لو الف مخبغ وضابط يدزون مايجيبهم بس الضاهغ جان مسبب قلق على ناس الي هيج لبسوا تهمة من جديد وغجعوا

-شقصدج بت القندرررة

-ماقصدي بس دااگلك  اذا نسحبت قضية الزوغ الي تلفقت عليه و ماطلع خلال هالايام اغجع الملف لهيذام وهاي حالتك ماتصوع اسوء من حالتي من اجيت وسحلتني الابنك واني فاقدة ثنين ومضيعة الباقي

- لااا انتي الضاهر تعاليتي هواااي وصرتي ماتميزين منو اسيادج واشلون تردين عليهم

هالة - حقها عمي تتعالى غير صارت ام البيت من بعد عمتي سودة عليه

- تاكل تبننن ام بيت  كلها عاهرة لميتها من الشارع وجبتها تخدم نفس واحد اردها جوه والكاع امحي خبرهاا حتى جثه ماخليلهااا لاهيه ولاخواتهااا

باوعتله صاح  نزلي عينججج لجج

- خواتي كل وحده بذمة زوجها محد بعد يكدغ يوصللهن

- منو ازواجهن ابن البدو دعوة من مجهول صغيرة اضيعه هو واهله لو دسار ورقة من اوراق خيانته لبلده تودي جوه الكاع خو امج بعدها على اسم جاسم يعني تردله مااضل بالشارع

سكتت عرفته ساومني بهن

عمي - الملف واريده على مكتبي 

-مو يمي

-تمام الج ساعتين مو اكثر اذا ماشفته كدامي ميحتاج بعد احجي صار كلشي واضح كدامج

رحمة - ملف شنو خوية

- مال ابوها الارهابي الي حاسبته علينه بشر وهو ماخال نجاسة ماداخل بيهااا

اتجتفت اكل بشفتي

هالة- صدگ ضي اشوكت ترحون منا موشكلكم طولتوا

ابراهيم - بس اجيب حدقجي جديد انتظري كم يوم واصرفهم منا

- موسمعتك مره كلت يرحون غير محافظة

- لاخليهم همه صاروا يعرفون حدودهم

رادت ترد ضي عصرت جف ايدها سكتت لان اعرفه نكس ويشمر ابوها بتهمة ويضيعها حتى لاينبشون اسرارهم

ضحكت هالة بستهزاء وعمي دنگ ورث جكارته اعصابه تريد تنفجر مايعرف بيمن يطلع غضبه عيونه كلما تجي على كرسي عمتي الخالي وجهه يصر دم

دخلوا هيذام وازر الي كوة يمشي  اجوا كعدوا يمنا شال راسه عمي كله ها بابا ازر شصار بقضية سلاحك

باوعله بغضب مارد

- وانت هيذام ان شاء الله خلص الحقد الي بگلبك بعد ماهديت البيت على روسنا

رفع حاجبه وخله الجكارة بلحگه

- شرايد بعد فهمني

دنگ ورث جكارته اخذ نفس نفخه وكال سلامتك عمي

- خوش حجي كومي ضي صيحي لهبة خلينه نعرف وين توصل

كامت ضي وهو انتجه ؛  عدل كعدته ازر فرگ راسه واشر لهيذام اشمرلي الجگاير

شمرله باكيت الجكاير اخذ وحده ورثها نزل درع من حضن عمتي ركضله دنگ شاله باسه وخلاه بحضنه

شوية واجت ضي وهبة خدها احمر تباوعلي بكره اعرفها تخاف تحجي وهيذام موجود  كالت ها بابا داز عليه

- كعدي خلي نوصل لحل

-على شنو

-شناوين انتي وهيذام ودرع شنو سالفته

-عادي اذا يريد يسجله بأسم رئال ماعندي مانع بس شرط اسوي غيره واني اربي موهم ياخذه هو وبعدين يزرع الكراهية بينا مثل ماسوه بدرع

-يعني ماتردي

-لا يضل ابني بس اريد واحد اني اربي على ايدي احسه ابني صدك هذا نهائياً ماحسه ابني ولادتقبله

هيذام - ام هيذام موجوده بكل زمان

ابراهيم - شقصدك

-المطلوب

ابراهيم - سمعت المطلوب ولو اني مارايدك بس ماطول هاي رغبتها براحتها بس خليها براسك ياهيذام اذا لمحتك بيوم مزعلها لو معلي صوتك عليها ادمررك تعرف شنو ادمرك

-لاه انت  تگلي

-تستهزء حضرتك

-قضية رافد الدغش ليش بعدها معلگه

-ماراح اتنازل عنها وصار علم عد رئال

-حلو واوراق التنازل عن منصبك شنو الاخرهن لحد الان ماوصلن لمكتب…

-انت شتلغي كل عقلك اتنازل عن منصبيي

-تذكر شنو كلتلك من خليت رتبتي بيدك

-ماكلت شي ولاراح تكول

-قضيتي مقابيل عائلتك ورتبتي مقابل رتبتك

-شنو يعني ؟؟

بعده مامجاوب وسيارات النجدة خبصت الشارع كام عمي كله شسويت

انتجه  خله رجل على رجل ورفع جكارته مبتسم …

***رايه ***

اخذت نفس رؤيا ماردت

همست ليش خليتي يتبرعلي

رؤيا - ضحك عليه كال راح ناخذ منج وجنت منتظره يحولنا على مستشفى خاصة فاجأنه  من وصانه عليج ودخل وياج  للعملية

-شنو يعني راح ذباح

-لااسم الله ذباح سبع مايموت بشي تافه مثل هذا بس هو عنده ضغط والدكتور حذره بس هو حربك محد يتبرعلج غيره تكول جكارة مو الكلى واكف يتزاود

- روحي رؤيا شوفي

اشرت اي رجعت البردة عالجام العزل بينا وراحت ؛  مشيت ايدي على خاصرتي -ردت اتصافه وياك موارجع انطلبلك هيج روحك رخيصة وماهمتك

رديت ايدي على بطني  غمضت تذكرت من اتوسل بيه حتى اخلي يتحسسه بس ماكلي راح اضحي بي علموج

اخذته وخليتي مكانه شي ثاني يعني لازم تخلي بداخلي قطعة منك ليش ذباح هيج تعذبني والله مااكدر احبك ولك حتى لومتت ماكدر ازورك مو اتقبلك بحياتي

درت وجهي على صوت فتحت الباب  واشوف رؤيا داخله لابسه كمامة ولبس طبي كامل  عيونها وراها تتلفت عرفتها مغافلتهم وداخلة

سدت الباب واجت بسرعة وخرت الواقية دنگت باست راسي ورجعتها وكفت بعيد باوعتلي عيونها تلمع  ضحكت وگالت واخيراً راح انام بدون لااهم بيج

-اشلونه ذباح

- لالحمد الله سمطوا بأبرة صحت ابو بكبره

-متأذي مو ؟؟

-اي والله ضغطة مديستقر وجسمة ثكيل متحرك حضرته يمكن طاك الخياط وجلده تكول جلد حولي لايتخيط ولايتلزگ ضالين محتارين بي

-جان خله الطفل ليش موته

-خطر عليج بسببه كثر التلف بالكلية لومتأخرين شوية جان مالحكنا عليج

-يعني شنو بعد مااخلف

-وليش مهتمة  من جمال عيشتنا واملاكنا المتلتلة تردين انجيب اطفال اصلاً حمدي ربج كطع نسلنا

دخلت الدكتورة صاحت هاي شنوو انتي ستسوين هنا منو سمحلج ادخلينن  هسه تلوثين الجرح

رؤيا - ليش شايفتني قرد كدامج اشو حتى وجهي غسلته

- ماما عمليتها مو سهلة هذا زرع  حتى النفس ميصير يمها مو توكفين بهالقرب و تسولفين وياها

-لاتخافين سبحت بالتعقيم والغرفة هم معقمة وبعيده عنها داحجي وياها من ورا العازل المهم  اشوكت يبن جسمها اتقبل الكلى لولا

- بعد بس الحمد الله لحد الان وضعها مستقر يله بلا زحمه عليج بلكي تتفضلين بره

- شنو حالاحترام والاتكيت هاي الفلوس هيج تخليكم كيوت الله يرحم من جنت اتفارس بالحكومي ويه الدكتورة على كبسول التهابات ؛ اني اشبع مسبة وهيه تشبع كلات ونصفى اني بالشارع وهيه بالجروح الخطرة

ضحكت الدكتورة ؛ ردت رؤيا اندارتلي  ابتسمت وهمست الحمدالله على سلامتج يبعد اختج

اشرتلها وغمضت لان مابية ارد بعد ؛راحت طلعت والدكتوره جيكت الوضع

مرت الايام اتحسنت شوية طلعوني بغرفة خاصة مقسومة قسمين بالجام العازل بين مكان السرير ومكان خاص بالزيارة صح منعوا اي احد يوصل يمي بس رؤيا جانت تنتظر اي غفلة تدخل بين تغمني لو تقلد وتطلع

ذباح بعد العملية بأسبوعين  طلع مارضه يكمل بالمستشفى اشكد حجوا وتعاركوا ويا محد گدرله  سالفة رؤيا حربك

خلص الشهر والثاني واني بمكاني لان ماعدنا مكان  ثاني نضيف اطلع اله ؛ صحتي صارت زينة  بديت اكدر امشي وحالتي استقرت عمتي وصگر ماتوكوني ولادقيقة من غير  صهيب هو ونسوانة  كل يوم يجون يأمنون علينا

كاعده خاله ايدي على خاصرتي ورؤيا يمي تكول مومياء هلكد ما مغلفيها ومعقميها بيدها ماعونها توكلني شوربة اجت ماما وخرت البرده عن الجام العازل بينا صاحت  كافي بعد لاتنطيها

رؤيا - لاتخافين عليها شايلة كلية ذباح لوتنطيها بواري حديد هم تكرطهن

-الكلى تختلف عن المعدة يبعد امج

- شوف هذا بسبب الجهل مواكلج خلي ارد للمدرسة ماترضين لوخالتني جان هسه اني مسوتلكم العملية بدل هالخساره والفلوس المالها داعي

- وكم سنه تضل منتظرتج لبين مايشتغل عقلج المحجر ودخلين كلية طب

- ومنو ضاحك عليج كايلج بس الي يدخل كليه طب يسوي عملية من شنو يشكي اليوتيوب بس انتوا شعب يقلل من قدرات  الفرد ويقتل المواهب

- دغسلي وجهج بالبداية وبعدين تعالي سولفي بالعمليات ام الوسخ ولج ستوتة مزنجرة  ماسلمها بيدج مو بشر

- بس انتظريني وشوفي قدراتي اذا ماخليتج ترگضين وتهلهلين بالشارع من گد الفخر ماكون مرت الحيوان اللفو 

-يا حمار يسلم نفسه بيدج

-ذباح راح اقلع گلبه واخلي مكانه نعال لان باع اخر ناگة عنده لخاطر هالثولة ماتطلع من المستشفى لحد ماتمشي على رجليها

- يااا موكلتله صارت زينة وحتى الدكتور كال بعد ماله لازم بقائها هنا تكدرون اطلعون

-من طلع ونام بالبيت يكمل علاجه حتى لايقصر بعلاجها ويدبر اجور هيج مستشفى للسنيورة غسلت ايدي منه مو بعيده منا وجاي يشتغل قاتل مأجور حتى يوفرلها طلباتها العوجة المثل وجها

- يله بالله هذا شتحجي ويا وبعدين مو كالتله امه افتح الصندوگ واخذ الفلوس منه وبعدين خلوا مكانهن على كيفكم

- يكول ذني مالات الموكب والاربعين ماضل شي عن وفاة الكاظم بعد مالحگ اجمع مكانهن بين قوسين حربك ابن البدوية

-صدگ رجلج وين ولج

-ماادري بس صفحته ماعليها حداد ولا اكو نعي يعني  عايش بس تلگي بمهمة شامره رجل بتج المهتلف

-يعني عرفت رئال اختها سوت عملية لعد ليش ماسألت

ماردت دنگ تلم بالاغراض ادري بيها ماتقبل واحد يجيب طاريها رغم شايلة بكلبها عليها بسبب السوته بس تضل شايله همها وخايفة عليها اكثر

انفتحت الباب الرئيسية دخلت فجر وهيام وغيمة  تلكتهم ماما كالتلهم ليش زحمتوا روحكم ياعيني مو خابرتوا وكلتلكم زينة اليوم لاتجون

فجر - لادزني ذباح اكعد يمكم بين مايروح صكر يساعدهم بنصب المواكب وذني جلبن كالن نجي نستانس شوية

-بعد وكت شعجب من هسه تنصبون موكبكم

غيمة - طبعا تكولين بعد وكت اذا انتي صارلكم قرن بالمستشفى تكول مامصدكات ولاتكول اكو واحد وراكم محتار يدفع منين غير وفاة الكاظم  بعد كم يوم

فجر - بسج لج حلگ الجفن جا هنه ضالات هون للونسة غير البت مريضة ولاخيه ام راية المشاية من وكت تعر على درب الكاظمية لازم يتهيرون من وكت

- تفضلوا داده هلابيكم كعدوا داجيبلكم شي تشربوا

اجن سلمن هيام سألت عن صحتي  بدون لاتباوع بوجهي وغيمة  اصلاً ماسلمت كعدن تربعت رؤيا يمي كالت اي رايه وين جنه نسولف

باوعتلها مستغربه مامفتهمة

- اهااا انواع الكوبرات اي اكو منهن سام ظاهري واكو منهن سم مكبوت وهذا اخطر نواع من انوع التسس

هيام - لومااحبها مااجي ولااكعد من الفجر احضر هدمتها وزهب اچلها حتى الحگ ادزهن بيد صگر

- ومنو جايب طاريج جنج ابو العريف بكلشي نابص روحه انتي خليج بمصيبة رجلج ضل لاخلاق  ولا اعضاء

غيمة- اذا قصدج عليه وفري كلامج لان مااسمعج

- واني أأكدلج ماتسمعين لان ماكو بشر عنده كل هالطاقة ويتحمل هالمذلة والطياح الحظ ويغلس حتى لوجانت عندج نعال مو كرامة مجان هلكد انلبستي

- محد لابسني عايشة يم رجلي مدللني وخالني على راسه مومثل بعض العالم راحوا ردوا كالوا حامل وخلوا يتخبل مايعرف اشلون يخلص منه ويلم السالفة

- اهااا حلوو انتي من هذا النوع

- شقصدج تره الكل يلحف بشرفي اتحده من وصلت لحد الان واحد حجه بيه لو شاف ضلي

- واني ابصملج بالعشرة بس على تشاريف السطح وختلات مكان البعران خوو سالفة كمرية وصاحبها الي ظهر فجأه بالبيت لاهنا نسكت

- رؤيا انطميي ونلصمي حتى لاخلي يشمرجن بنفس المكان اللمجن منه

-بعتبارج زوجته وكذا واحنا اللفو موو

فجر - ومرررض الي لف غيمة وكتمج على هذا لسانجن الزفررر ولجن انتن اشلون وياجن ماتكللي اشوكت تتصافن

رؤيا - اني صافية بدون فلتر جف مي اكوم ابرگ برگ ؛بس ذولاك الناس وروح اخيي لواتغسلي بمي زمزم تضل قذارته تقرأ الف

غيمة - من هيج رجلج خلص كم يوم يلعب  ومن شبع وصلت للزواج طفر

- موكل طفرة طفرة اكو طفرات تجيب الغنايم

ماما - انتن اذا ماتبطلن تلغن اخابر ذباح يجي  يسحل بيجن الكاع

رؤيا - مو بنات الدغش الي ينسحلن

- لاو تكول اسمه بفخر خرزة البتاوين

- طبعا اكول اسمه بفخر وارفع راسي من احجي هذا ابو عكرب الي موكف زلم بشواربهم على تك رجل وخالهم يتلفتون مثل الخرفان بشوفة الگصاب

غيمه - ههههه من هيج سلمتنه للحكومة وشمرتنا تأبيد

-وانتي شدراج سلمنا ؟؟

-هاا وشعرفني غير ذباح كال

فجر - يااع اشوكت كال ذباح

- هااا يجوز متوهمة موهو يمكن صگر لو صهيب مااذكر وعوفوا السالفة صدگ من تطلع رايه ويطلكها ذباح ترجعون لبغداد مو

فجر - يمه اسم الله غدي وعليش يطلكها

- شنو ليش موهو وراية متفقين عالاساس اول ماتولد تطلگ وهذا راح الطفل وبعدين وين اكو رجال يقبلها على نفسه ينيم وحده بحضنه وهيه تتخيله غير واحد

فجر - وعلي مال اكوم اسحگ حلگج على هاي النجاسة التطلع منها

ماما - عوفيها دادة واحنا صدگ ثكلنا عليكم  من كد جمايلكم مااعرف اشلون اشكركم والله استحي حتى رفع راسي وباوعلكم

- يااع صدج تحجين غير ذني بنياتنا

-ماقصرتوا والنعم منكم وربي وجازيكم على هذا تعبكم ويانا وبس نطلع اخذهن وارد لبغداد هم قريبة على بنيتي وهم احنا تعودنا هناك عيشتا مانكدر نضل هنا

دترد وانفتحت الباب فتحنا عيونه على كبرها واحنا نشوف جاسم وابو طبر دخلوا كامت ماما لطمت على وجها وصاحت شجابك

جاسم - شنو شجابني جاي اشوف بنتي لو هم ممنوع

- بتك منوو كل عقلك ااانت وين جنت خاتل  كل هالاشهر يالجبان يالنكس يالماعندك مروة

- لاطالعلج لسان وصايرة تحجين واي نكس وابن نكس وهاي بنتي اني ربيتها وهم ومسجلة بالهوية بأسمي بعد شتردين اثبات اكثر من هذا تحبين اروح للمركز واگلهم هيه واختها الجانوا ويه امهم يردون يكتلوني لو اكلهم ماخذه بناتي ومنهزمة بيهم ويامكثر الشهود

- انت عرفت ابوهن طلع لولااا

- هههه بس لا هذا الجريدي الي جان حاشر روحه بيت مهدوم يم بناته قبل لايسلمنا للحكومة ويشمرنا تأبيده

فجر - انه كايمة اخابر ذباح لبين ماتكملون كلامكم

جاسم - كعدددي هيه دقيقة وحده السيارة منتظرتني اشوفها واروح لو فوگ مازوجتوها  بالختلة بدون اذني تحرموني حتى من شوفتها

فجر - انت هم حاسب روحك ازلمة واكف تتحجه

- غصباً عنج زلمة واگدر اخذهن من نص عيونكم وارد امهن تخدم جوه رجلية وبالقانوون

ماما - شرايد جاسم

- امن على بنيتي كالوا راح تطلگ واختها رجلها شمرها اجت امن عليهن واشوف حالتهن وهم اشوف ليش مارجعتي لبيتج بعد ماطلعتي من السجن

- كلت بيت هاا اي يابيت هذا

- بيتج شنو نسيتي لوحلتلج الفرفرة بالشوارع والتجدي بناتج موكافي فضحتني لحدمن اضل متحمل حجي الناس وخال راسي بالطين بسببجن

-اااخ يرافد شخليتي اسوي بروحي اطلع جاسم منا لاومحمد اتعناله للسجن ونعل ابو الخوف الكامشني عنه طول هالسنين وتعرف كلش زين اذا شافني كدامه واكفة وشكيتله  شنو يسوي بيك

- ههههه لاوالنوب تحلف  هو انتي مرة يهودية شجابج لمحمد دوخري خلي اشوف بناتي واروح

وخرها واجه وكف ورا الجام باوعلي اخذله ثواني صافن و همس والله صايره كتكوته تموتين

اندار لرؤيا صفر وكال لاانتي من الله خلقج تشلين الواحد

تفلت رؤيا عليه ضحك وصاح ماضل شي هانت يالرعنة بس اووف اشلون صايره الشفايف وحدهن سالفة

رادت تكوم لزمتها بسرعة وعصرت ايدها لان عرفته يريد يستفزها حتى يلزم عليها حجة وياخذها ويا ويا مستغل غياب الكل وبعد مسافة المستشفى عنهم

رجعت كعدت عيونها عليه تباوعله بغل اجت ماما دفعته وصاحت اطلع بررة قبل لااتصل بأبن البدوية واكله يباوع لمرتك وروح اوليدي يذباح  ياكلك وانت عايش

- راح اروح و الج منا لحد ماتطلع بتج من المستشفى واشوفج بيتي واذا تأخرتي يوم واحد تعرفين شسوي

- سوي اليطلع بيدك لو براسك خير وبيك حظ جان ظهرت من جان ابوهن موجود وجان اجيت من جان صگر واكف مو انتظرته لمن يروح ودخلت مثل الاجرب يخاف يلزموا

- اجي اشوكت مااريد وذني بناتي وعقدهن باطل هاي قاصر والثانية بدون علمي وفوگ هاي مااعرف منين حبلانه وهيه رجلها عقيم بعد شنو من عار تردون تلبسوني

فجر - جا خلك هون ساعة موش اكثر ويصل رجلها واحجي هالحجي جدامه

- ماعندي وقت انتظر الكرن بدل مايحافظ على بنتي راح انطاها لواحد حبلها حتى لايكولون عليه مو رجال احسن مامخلصها عركات وهوسة خلي يستفحل شوية و ينام ويه هاي الصارلها اشهر يمه وهيه بعدها بنية  تهي بهي عدها طلي عايب وجاية تسولف بي

فجر - وانت ياهو الكلك هالحجي

- ماكو خبر ينظم يله راح اروح وانتي متابع اخباركم يوم بيوم طلعين من المستشفى كبل لبيتج  قد اعذر من انذر تعالي برجليج وحترمي نفسج وستري بناتج يمج احسن مااردج غصب ويصير غير حجي وقتها

فجر - لاانت الضاهر صدگ مابيك حط شو دكف

رادت تطلع دفعها وجر ابو طبر راحوا ركضت هيام  سدت الباب كالت عمة خابري ذباح

غيمة - لااا اذا خابرتي راح يروح ورا يكتله ويدخل السجن وبعدين ليش انخابره ونكله تره مانحصل بس المشاكل هيه مو راح تطلك ويرحن غير محافظة بعد شنو ؟؟ هو اصلاً ماراح يندلهن وهم تفض هالسالفة

هيام  - وشعرفه رايه سوت عملية وانتي بعدج بت

- شعرفني شوفي منو گله يجوز گمرية

- وگمرية وين عرفت رقم نقاله

- جان رقمه بفون ذباح اكيد ماخذته من ذاك الوقت وهيه تريد بس تخلص من ذباح لهيج راح تضل توصله اخبار وتسوي مصايب لحد ماتعلگها

فجر - يمه دخيل الخالق  يذباح اذا عرف بكمرية چاي تتحجى براية وعلي  مايخلصها منه بس الموت

غيمة - وليشش حتى يكتل ونرجع للهوسة سالفة وفضت جان خالها علمود الطفل وراح وهنه راح يرحن وخلصنا بعد عليمن

- انطمي ويله ميلي عن وجهي وانتي هيام  بسج ولاتوصلين الحجي ولاتجيبين طاري هذا واحد خنيث ويدور ختلات مايكدر كلشي يعمل بس يطفر جنه بريعصي تافلين بحلكه

ماما - واني مااريد مشاكل بس نطلع منا ان شاء الله اخذهن واروح

- موش وكت هالحجي ام راية البت بعدها مريضة مايصير تتحرج من مجانها ويله سدوا السالفة

سكتن انتجت رؤيا يمي عيونها على غيمة الي راحت انعزلت بمكان وفتحت فونها اخذتلها شوية تكلب بس شافتهن التهن بالسوالف دنكت تراسل   همست رؤيا بلشت بنقل الاخبار

- شرايده هاي بالضبط

-بس  تبعدنا منا حتى تضمن ذباح مايعرف ماضيها

-تره اكدر اخلي يطلكها هسه وضيعها بالشارع

-وهذا الحجي الراح يصير بس مو هسة من انطيج اشارة ؛بنفس اللحظة تندارين على ذباح وتنفذين الي اگلج عليه بالحرف الواحد 

-ماراح تنسين رؤيا

- لاطبعاً شنو انسى موتت رند بحضني لو بدلتج على تابوت غزوان وصوت الهلاهل ورا

-هم يجي يوم ويبرد نارهم

-اي من تشوفين عوضهم بحضنج وسبب موتتهم كدامج متعذب 

غمضت خليت راسي على متنها

مرت الايام وضعي اتحسن كلش؛  بابا بعد ماشفنا ولاسمعنا صوته صدگ مثل ماكالت رؤيا خنيث ومتفق ويا غيمة استغل غيابهم راد يخوفنا لااكثر  حتى نبعد وهيه تاخذ راحتها واكيد راح تعوضه بالفلوس

صار وقت  طلعتنا اجوا من الصبح صهيب وفجر لمينا اغراضنا من غير الكمامة وتوصيات الدكاترة والعلاج اشكد رجعنا لبيت هجامة دخلنا لكيناها معقمة الغرفة  محضرة كلشي النا حتى عازلتلي مكان

اتلكتنا شاده عصابتها ولافة عباتها  تريد تطلع وياهم للموكب  كالتلها فجر ها كملتي

- اي خيه هيرت كلشي وعزلت الحجرة لراية  ماضل عندي غير المواجيل بره اخبر صكر يجي ياخذهن لخاطر اعر وياكم

- جا هاي الناگة عليش رابطتها بره

- لخاطر ناخذها ويانه

- هاا راح تعطيها للموكب

- يستاهل حفيد الرسول اعطي عيوني موش بس حلالي

-يله صهيب ناطرنا

رؤيا - وين ترحون

فجر - للموكب يعمه نخدم زورا الكاظم

- اخذونا وياكم

ماما - وين ترحين

- اخدم ولاتكولين غسلي وجهج فدوه اريد اروح واطلع من اجواء المستشفى شوية صار اشهر  محجوزة

فجر - مالج شغل بأمج روحي اتسبحي ورتاحوا؛   دگايگ وانه ادز صگر يجيبج حتى رايه هم جيبيها وياج غادي اكترلها مجان ومااخلي احد يكرب يمها

ماما- ماسمعتي الدكتورة شنو كالت

- لاتخافين ماعليها هذا موش ياهو الجان هذا حفيد الرسول ابو طلبة يشافي العليل من بعيد بس ينشدة مو انوب يخدم بموكبة وهيه ماتكرب يم العالم تضل بكمامتها وجفوفها وتعزل ارويحتها خلها تجي وعلي ماعليها

رؤيا- عادي ناخذ ويانه اليهودية نكسب بيها ثواب لو كتلنه يصير  بالجفاجير

فجر - لاهلبت  الله يهديها ولأنها داخله للاسلام واحنا ندخل الجنة

رؤيا - لاتشيلين هم ندخل الجنه بأسلامها وبدونه اول ماانوصل اني امدها وانتي خلي السجينة على رگبتها  نطقت الشهادة نتبرع بيها للمساكين  عاندت نطبرها  وهيج نضمن الجنة بدون تعب

- جا عليها هاي هيه روحي تهيري

ضحكت ماما وضربت رؤيا على راسها وخرتها عنها راحت وراهن تزتتهن

دخلنا للغرفة كعدت ورؤيا لزمت المعقم تبخ بالجو حظرت ملابسنا والشالات  جهزت الحمام عالسريع كومتني ساعدتني سبحت وطلعت لكيت ماما مغيرة كمامتها ومعقمة المكان مرة لخ صح اعرف الدااسوي غلط وممنوع اتقرب يم احد بس ادري هاي مقدرتهم وتعبوا مايكدرون يوفرولي اكثر من هيج شي

عدلت كمامتي رحت كعدت يمها مشطتلي بين ماغسلت رؤيا وطلعت هم مشطتلها  تمددنا نرتاح للعصر اجه علينا صكر طلعنا ويا وحدة تباوع للثانية ونضحك مامصدگين لان اول مرة بحياتنا ندخل موكب ونعيش هيج اجواء

السيارة تنمشي واني عيوني بالشارع اندعي بطريق المشاية يجمعنا بأخيتي وبابا ونرد نلتم حتى لو غرفة المهم خاص بينا نحسه ملكنا ونذب همنا بي بدون مذلة احد وترد ضحكتنا ولمتنا وحنا نتلكا بابا من الباب نركض ياهيه التنظيم بحضنه اول

سمعت شهكت رؤيا درت وجهي لكيتها تباوع ليكدام  صارت عيوني عالمكان التباوعله واشوف موكب جبير ذباح واكف يم گدر جبير  لاف جماغ على راسه ومطبگ ارداناته بيده جفجير يخوط بي

يمه شباب هواي كلهم نفس الزي اسود وجماغات كل واحد بيده شغله ؛ رفعت راسي صارت كدامي صورة غزوان معلگة على الباب ومكتوب عليه موكب عريس المنية

اباوعله واكف مجتف يضحك وعيونه تلمع واضحات من ورا المناظر 

ضحكت ونزلت دموعي  كال صگر الف رحمة على روحه الطيبة لاتبجين يخوي شهيد هذا

- كال لذباح السنة اخدم وياك

- وربج عطا على كد نيته خله روحه كرب سيد شباب الجنة واسمه بموكبة  كل اليتنوعله يهديله الفاتحة

- ماسوينه فاتحة اله ولالحكت ابجي عليه

- حدري داخل وكفي ويه البنوات بعزه ابو طلبة هسه تتنوعين خدمة الزوار والبجي على مصابه اشلون يريح كلبج

شهكت بحرگة استغفر وركن سيارته نزل فتح الباب  اشرلنا يله نزلوا

نزلنا اخذنا لداخل الموكب كومة عالم و البنات كلها موجوده اجن  رحبن بينا درت وجهي داروح لنهاية الموكب لزمتني هيام كالت وين تردين

بجيت بصوت

-المفروض تفرحين ياهو مايتمنى هيج موته شهيد واسمه يتعلگ على موكب العالم كلها تترحمله

-اشتاقيتله

-وهو مناطر منج ادزيله عمل يصبره على بعدج وترفعه درجة بالجنة موش تحرگين گلبه ويضل يتنوعلج بعجز 

-هيام مخنوكة

-دتعالي وياي وعلي هسه تنسين كلشي وهاي الدموع تتحول لضحكة تسر خاطره

مسحت دموعي واشرت اي نسيت حتى وضعي لان جان شي طابگ على صدري ؛ دنگت شالت عباتي من جوة فرتها ولفتها على خصري وفتحت شالي رتبته الي

ومرت صهيب الصغيرة سوت لرؤيا هم هيج كالن يله ويانه

ابتسمت  رحت وياهن صح ماينطني شي اشتغله  ولايخلني الزم حاجة بس من صدگ ارتاحيت وحسيت الهم راح

عمتي وهجامة  لافات عبيهن يتلكن الزوار وبيبي كاعدة يمهم نسوان صهيب على الخبز ورؤيا انطلقت ويه هيام بين تغسل مواعين وبين ياخذن من الولد اكل يدخلن للنسوان

كاعدة على جهة منطيني الخضرة انضفها كل شوية عيني تصير على صورة غزوان ارجع ويا لايام كعدتنا وسوالفنا وارجع للواقع على صوت ذباح الي يرج المكان هو ويصيح هلا بزوار الكاظم

اخذت نفس اباوعله مشله ارداناته يمسح الحرگ من گصته ويفتر بين الكدور كل كدر شكبره والشباب ملتمين كلها تركض بخفة تكول عدهم سباق كلمن يريد ينال اجر اله

منظر يخشع اله النظر عالم تمشي بكل الاعمار من الرجل المسن للطفل واصحاب المواكب تتغالب لخدمتهم ؛ اصوات الصلوات والردات الحسينة  تخليك عايش بغير عالم

لوجه الصبح وهمه على فد وكفة كمت شلت الخبزات دااخذهن بره وصار ذباح كدامي واكف على جهة مدنگ عاصر خاصرته مبين الالم على وجهه

صاح واحد ابو في شال راسه اشرله جايك  ضل ثواني على وضعه اخذ نفس عدل وكفته وراح يمشي گوة

خليت الخبز على الميز ورجعت يم بيبي كعدت كالت ها يجدة تعبتي

-لابيبي بس ارتاح شوية

- بسج ماكو كومه بعد عدلي كمامتج وغيري جفوفج و تمددي يله

- لاوالله مابيه شي اصلاً صار كم اسبوع اني زينة

- ميخالف نامي همه هم راح يفضون شغلهم ويجون ياخذولهم كم ساعة نوم لخاطر يصبحون بنشاطهم

-كم يوم يضلون على هيج

-لحد ماتفض الوادم ويفضه  الطريج

-شوما باتت ناس يمنا ليش

- بالخيمة الثانية هون بس النا لان طريجنا بعيد مانگدر نرد ونجي يله فجي عباتج واخذي علاجج حتى تاكلين شي وتريحين

-تره ذباح تعبان

-ماعليه عظمه گوي يتحمل يسحكها ويكوم اقوى من الحديد  خافي على نفسج روحج رايحة

-اسفه بيبي

-على شني يجده جاهل وربج ماگاسمه والي  ياخذ يعطي رحمة ربج جبيره وهاي خدمتكم ماتضيع انطري وتنوعي عطيته شلون راح تسر خاطركم  وتعوضكم بدل الراح عشرة

سكتت

لزمت ايدي - يجده  اليروح نترحم ورا موش نجتل وروحنا بعده ؛ وانتي بعدج صغيره وراعيج خوش راعي لاتضيعي من ايدج

-ادري افضاله هواي عليه ولو شمااسوي ماراح اكدر اوفي وحده من وكفاته بس والله مااكدر

-لاتكولين افضاله محد اله يمج  فضل غير الخالقج وبعده يجده جرحج اخضر حگج تكولين هيج بس عطي لنفسج فرصة وانطري شوية لاتنهين شي انتي ماخاله ايدج حده

-لان ادري بنفسي ماراح اتقبله وراح اظلمه وياي

-وهو راضي ابن حضني واعرفه  يجده الي يضحي بأبنه وهو يعرف چايه معجزه وماراح يحصل غيره وعطا للمنية بدون لايتردد بس لخاطر لاتتأذين هذا مانه عاشكج لااا عقله هايم بيج وخايف عليج حتى من كربه

ردت احجي شفت هيام ورؤيا اجن بطلت وصلن هيام كعدت يم بيبي ورؤيا شمرت نفسها يمي وصاحت والله عين كويه سلام الله عليك يكتلوك ويخدمون بعزاك

-على منو دتحجين

-على امج شوفيها اشلون مشجلة وتكمز تكول الشمر بليلة العاشر كل شغله وكالت اني اسويها موبعيده باجر من يذبحون تكض السجينة وتوكف بينهم هاي اذا ماالحماس شد حيله يمها وتتمدد وتكول ذبحوني

-انجبي وبعدين شنو هالصخام بوجهج

-الله راحه نفسية تغطين بالصخام وطلعين بدل مايحجون عليج يكلولج مأجورة

-لعد شيكلولج وانتي صايره فقمة سوده مامبين منج غير لون عيونج تلمع

-هاااا دتحجين على خدمتي بعد سيسوي بيج رب العالمين لاخلقة ولااخلاق وحظ بالحضيض وبعدين ماكو مي كله وزعنا للزوار

دخل صگر وذباح بيديهم مناشف يمسحون بوجوهم

هيام- يعني اكو مي

ذباح-  شني يبة

-اكو عالم يكولون ماكو مي انغسل بي

-هاا لاماكو هاي باگي كلاص غسلت بي وجهي

-ابو في جنت تخدم ميصير تساند بالجذب

-يبه شرايدين منها بت عاجبها تلعثم جهرتها الكم شي يمها

رؤيا - كللهم عالم يحشرون روحهم بخصوصياتك كوه

- دگومي حطيلي فراش خلي انام

رؤيا -تنام هنا

-هاا اذا بيها ازعاج عادي اطلع بره

-لايمعود وين طالع خليك هو بس انت مساندني ضد  هالنظام المتعسف صدگ نعالي منو اخذه 

- تركي باجر اجيبلج مجانه

- شنوو تجيبلي  خلي يطلعوو تره ماابري الذمة

- ياهو الحافي الدنت نفسه على اللاستيكة الجربة  مالتج وبعدين اشلون راح منج لايكون جنتي تتمشين حافية

- لا طبعا مو تكول يبوكون الكحله من العين اني باكو نعالي من رجلي عادي تصير

- اهاا دكومي حطيلي فراش

- ابربك مقتنع عندك ثلاث نسوان واني احطلك فراش هو لو بيه حض جان كمت شربت مي بدل ماكاعده اباوعله من بعيد واسبل

هز ايده راح للكارتونة دنگ طلع كلاص مي  شمره الها وسحب دوشگ شمره نزع الغترة وتمدد عليه فرش يمه صگر  وكعد يكلب بفونه

فرشنا كلنا سوه عكسهم من التعب كلها راحت بالنوم  اله رؤيا ضلت تحوص بين سوالف وبين تتحارش بغيمة لو تعيل بصگر تريد بس واحد يرد عليها حتى تصيح ذبااح غلطوا وتخلي يكوم ينزل عليهم

حضنت مخدتي ودرت وجهي مالي خلكها ادري عدها طاقة خبث مخزونه لازم اطلعها حتى ترتاح

غمضت تركتها طفر بعد مااعرف شوكت هدأت  كعدنا ويه اذان الفجر على اصواتهم يصلون على محمد

كمنا لفينا شالاتنا طلعنا لكيناهم متجمعين الي يغسل بالكدور والي يشغل النار

وصهيب وبصفه ذباح  مطبگ رداناته بيدة سحينة واكف يم ناگة مربوطة محتار اشلون يذبحها لان ترافس  ؛ويمهم دسار يكلهم يابه دخلوني اطگها جيلة

ذباح - دسار حرمتك للصبح اتكمز على راسي ماخلتني اهجع ساعة  بعد لابعلي امدك وانحرك  مجانها

- عبنك بيك حظ ماحجيت وياها لو هاي الشوارب بس اسم عالوجه

- لهيج مالص وجهك لخاطر تختصر السالفة

- الله يرحم ايام الفلقة ونزلوني اولاد الكلب هه خو مانسيتها

شمر المحد ودار السجينة كمشها عدل واتقدم ركض صهيب صار بنصهم صاح  والاسمه علي اجتلكم اثنيكم انطموا لاانعل ابو معرفتكم لابو النخاكم

دنگ دسار حك گصته  وذباح شمر السجينة گالب خلقته راح كعد

هز ايده صهيب رد وكف يم الناگة الي بس تعيط اتخصر مايعرف اشلون يحلها لان محد يعرف يذبح وذباح مايكدر وحده  بسبب جرحه

نزع دسار قمصلته اجه انطه سلاح لرؤيا ودنگ باس ايدها وكالها مروتج لاتلعبين بي

رؤيا -روح بأمان

- خدام الحسين  ذولة حتى جهنم ماتلفيني

- لاتخاف اعرف انشن

- العب رحت بيها وبعدين انتي شجابج هنا

- مسوين تشابيه وجابوني امثل دور حرملة

- دخيل رب العباد بس لااني راح اكون  بدور الي ابالي

غمضت واشرت اي

اندارلي باوعلي وهمس المنطقة متروسة بيوت حبكت عندج اله بيت اليهودي

- كلتلك عوفنا اشكد نصحتك بوكتها لطشت

-غبيي

رؤيا - اخاف معوز وتضيف بعد صفة خاين ولفو وغ

عصر وجها وصاح هوووب

ذباح - مطووول لك

- ولكلاكة جايك - كالها وعصر وجه رؤيا  حيل وراح يمه

دنگ عالناگة لزمها من جهة وذباح من جهة رفع راسها خله السجينة  على ركبتها وشال راسه صارت عينه بعيني التعب والهم واضح بيهن مااعرف شنو همس ودنگ سمه ونحرها

درت وجهي دخلت عرفته نذر ونخى الكاظم؛  مرت الايام التهيت وياهم جانت  لمتنا وسوالفنا ومشاركتنا بالشغل والخدمة الراحة بحد ذاتها حتى العمليه والوقاية نسيتها بلعكس صحتي صارت كلش زينة بالاخص العالم التجي وكل وحده قصتها شكل حسيت حزني لاشي كدام الباقين

ذباح جرحه التهب مع هيج جان مستمر رغم اشوفه كل شوية ياخذله مكان معزول يگعد لازم خاصرته متألم بس يحاول مايخلي احد ينتبهله

مرات كلبي يعصرني عليه  ومرات لا اضوج من تصرفاته بالاخص اذا شافني شايلة  شي يعوف كل شغله ويجي يسحبه من ايدي يخزرني ويأشر ردي  يم امي

احس تارك الدنيا بكبرها ومراقبني حسرة عليه اتحرك تكول راح اختفي  

خلصنا ايام الوفاة بالسلامة تركنا الولد يلمون بالاغراض حتى يرحون يزورون واحنا رجعنا للجنوب ويه ولد  اقربائهم ؛ كاعده بالسيارة وصافنه على غيمة الي خاله جماغ ذباح بحضنها ومدنگة  تراسل  ندستني هيام درت وجهي الها همست ديري بالج منها

- شتريد تسوي قابل

- ماعرف خيه بس تختلها ماهو خالي مرتين كضيتها تخابر ورا الموكب واسمع اسمج بالسالفة

- ذباح وتركته وبعد كم يوم نرد لبغداد شرايدة بعد

- ياهو يخلج ترحين كل عكلج وعلي يذباح مستعد يحرگ هلج كلهم ويتعنى لابوج يجتله ويخش السجن بس لخاطر مايضلج احد وتنجبرين تضلين يم هله

- صح ماتقبلين بس رجلج مريض نفسي

- موش بس مريض وخبل وماكو براسه بس الجتل والمشاكل بالاخص الحين من تبرعلج بكليته وعرف الكلى الثانية ماهي صالحة بيها رمل ذباح وعرف ماله جثير بالدنيا بعد جيبي اليكضه

- لااسم الله بعده صغير خطية

- ربج جبير وعطيته واسعة ماكو واحد يموت ناكص عمر بس اندعي خلي يبعد عنه شر هاي الي ناويه على مصيبة بس ربج يحمينا منها

- ماتكدر تسوي شي ماضيها كله يمي كلمة وحده مني اخلي ذباح يسحگ راسها ويشمرها بالشارع

-لهيج خايفة لاتعمل شي لخاطر تبعدج ويصفالها الجو وتقنع جدتي يدخل عليها ذباح لخاطر تسويله جاهل والحين جدتي ماتصدگ جاتله روحها بس تريد يصير عنده

-صح ناوية ارجع لبغداد بس الج دين يمي مااتحرك اذا مااخلي يطلكها لاتخافين

-من حلگج لباب السما

كالتها وتحسرت ردت اتباوعلها اشلون لازمه جماغة وعاضه شفتها عيونها بالفون تباوع بمكر

اخذت نفس ودرت وجهي اعرفها لاتنعدل ولاعدها كرامة اهم شي تريده يسويها مرته حتى لويكومها بدمغة  ويگعدها بدفره

وصلنا  الولد نزل البنات بيت بيبي واحنا جابنا لبيت هجامة نزلنا وراح 

دخلنا للبيت استونا دنگعد وندكت الباب حيل صاحت هجامة ياستارك يارب

طلعت هيه وماما يركضون فتحوا الباب ونشوف شرطة واكفين صاحت هجامة خيركم يمه

الشرطي -  المدعوة غادة حامد ال… هنا تسكن

ماما - اي سيدي اني

- عدنا امر محكمة بخصوصج تفضلي ويانه بسرعة

ماما -شكو شصاير

-زوجج رافع عليج  قضية هجرانه وبيع بناته بعقد باطل

-يعني شنو

-يعني تجون وياي بحكم انتي طالبج ابيت الطاعة وارجاع البنات تحت عهدته  …

لاتنسون التصويت ❤️