تحميل رواية «شيء من رصيف الدم» PDF

شيء من رصيف الدم

بقلمي: leo Alfatlawi

بارت الحادي عشر

***رايه.****

تعبت من كوني سند دائماً لانني انا ايضا اريد من استند عليه …

فتحت عيوني على كبرهن واني اشوف غزوان واكف كدامي ورا ذباح ؛ باوعلي بتعب عيونه حمر واثار التعذيب مشوه وجهه

نزلت دموعي بلحظه اختفى كلش ما ذكرت غير ضيعت خواتي ردت حضن اذب وجع گلبي بي 

ابتسم بكسره و فتح اديه بدون شعور ركضت اله اخذني لحضنه  ضميت راسي بصدره كمشته  وبجيت بصوت عالي

نسيت وين احنا ولا شنو الدااسوي  تكول الكل اختفوا ماضل بس اني ويا بالدنيا ؛ لمني بقوه حسيته  يريد يدخلني بروحه  دنگ اخذ نفس طويل مني وهمس اوووف ياوجع گلبي ولهفته

شلت راسي دااحجي ماحسيت غير  انسحبت من شعري انداريت لكيت ابو طبر وراي جرني شمرني ودفع غزوان بكل قوته من صدره عثر قبل لايوگع سنده ذباح

صاح  ايدك تمدها عليها مرة ثانية اكسرها الك يله ولي منا لا اخلي العالم تسحلك

اباوع لغزوان وكف عكد حاجبه اشرله شنو

-مثل ماسمعت تاخذ الخنيث الجايبه وياك وتطلع من المنطقة اذا شفتك بس معتب الدربونه تعرف شنو اسوي

-ياهو اليطلع وعلى منو انت دتغلط

-عليك انت والدثو الجايبه تستسبع بي واذا ماوليتوا هسه اسحگ روسكم واردكم لنفس الخيسه الطلعتوا منها

- واني اريدك تردني للخيسة

كالها وارح لابو طبر كمشه  من ياخته راد يدفع ايده ماشوف غير غزوان هفه بوكس من يمي غمضت قبل لا يفكر يحجي سحله دفعه داخل البيت

ركض بابا صار بوجهه الباب فتح ادية  راد يمنعه يدخل خنگه من رگبته دفعه ورا بكل حيله من قوة الدفعه انشمر على ظهره قبل لايفتح حلگه طلع غزوان سلاح من ظهره سحب اقسام  ودخل وراهم اشر اششش

صاح بابا اكيد تخبلت

-وروح الراحت وهيه ماشبعانه خبز اترس روسكم رصاص  بس اسمع نفس

-شرايد لك

-روحك النكسه

- منووو انت وتاخذ روحه مصدگ نفسك كلك زعطوط ابن زنه خريج سجون

-عفيه ركز على خريج سجون وهااا طالع من حلگ الموت يعني عشت الظلمة بجزعها بعد ماتهمني كرصت الخوف

-تره ذني بناتي وبكيفي عسى مااذبحهن

-وخواتي الخلصت عمري واني اواصل ليل ويه النهار لخاطر اوكلهن  يجي واحد نكس مثلك يضيعهن بهالرخص شنو جان بعقلك حسبالك مالوح روحك القذرة

-ابيعهن اشمرهن اذبحهن كلمة ماتكدر تحجي

-واني مااحجي انفذ

كالها وصاح ذبااااح الباب سده

اباوعله تقدم ليكدام  بيده السلاح يفر بالكاتم  ويباوعله بحرگة وبابا يزحف ليورا عرفته ناوي يموته ويرد يضيع نفسه  ركضت ردت الزمه  لكفني  ذباح بسرعة جرني  وخله سلاح براسي اشر ولانفس

ردت احجي خزرني شكله مبين مجرم يلعب بالموت وخرت ايده ورجعت ليورا انضربت بالحايط كعدت خانسه ؛ اندار سد الباب وكف عيونه على غزوان الي مستمر يفر بالكاتم ويتقدم مثل الفاقد عقله

وصل يم بابا دفره بصدره رده على ظهره سحگ عليه وگله بس حتى تعرفني اني احسن منك راح اخليك تتشاهد

-ماسويت شي والله وحده شردت ويه صاحبها جبروني اعقدها  والثانية سحلوني حتى اوافق على زواجها

-وبنيتي الصغيرة

-الكتلها منتهي بالمستشفى وروح ابوي مالي شغل اني وحتى ماادري من دخل عليها حتى اسأل غيمة

-بيش بعتهن ؟؟

-مابعت مابعت وراس امي حتى افلوس مهرهن تلكيهن يمك بالاستقبال  اخذهننن

-ههه ورند شاخذ مكانها

-مو اني سبب مو تتها والله كالها وبجه بصوت

ضحك غزوان وشال رجله خلاها على حلگه سحگه گله حذرتك هواي

صاحت غيمة على شنو حذرررته  ؟؟ حتى تضيع روحك على بنات ماتسووواا تره محد غصبهن هنه نهزمن وتزوجن غصباً عن عمييي

شال السلاح وجهه عليها صرخت  اي اكتلنييي لعد مو سويتها قبل تكتل اخيتك بس لان جانت تتوسل حتى دافع عن نفسها وماصرخت لان خافت من الموت

-والموت اكبر ستر للمثل نوعج

حجت بكسره ليش مو اني اخيتك الي وصوك اهلي عليه وروح ابوي خفت كال اذبحج بس يطلع صوتج غزوان وروح امي  خفت

-طمعة وقذرة تمنيت عندي وقت واخذ روحج عالبطيء بس حرمات حتى الوقت بيج

-لالاااا بروح امنااا كافي السويته بيه صار اشكد اعاني بالمستشفيات بسبب غلطة اني مالي ذنب بيهااا

-رخيصة كالها ديضغط عالسلاح 

همست اني مو رخيصة لو جنت رخيصة جان سويت مثل راية  بعت نفسي وتزوجت لخاطر كم دينار

عگد حاجبه اندارلي متفاجأه باوعلي نزلت دموعي بكسرة بلحظه وضعه كله تغير ايده رخت ونظرته تحولت من غضب لصدمة

عيونه بعيوني متانيني اگله جذب بعدني على وعدي مارجعت بي منتظرتك ؛دنكت وشهكت بألم

-ههه ليش تبجين

مارديت غمضت اتمنى ماافتح عيوني واشوف نظرة الخذلان

صار هدوء احس النفس كتم صدري ثواني اسمع خطواته يمشي عالكيف كأنما يريد يطول المسافة بلگي يتغير السمعه ؛ عصرت روحي واني اشوف خياله صار كدامي؛ دنگ رفع راسي احس ايده ترجف باوعتله عيونه تلمع همس بتوسل ما تسويها اعرفج اني

-والله غصباً عني

-شنو غصباً عنج  تزوجتي رايه؟؟

-ماما اخر امل ضلي مجان عندي غير هالحل

-تتزوجين

-وروح رند على وعدي وياك

سكت يباوعلي نظرته اختصرت شكو عتاب بالدنيا

همست بيأس سامحني

هز راسه اي  وكام اندار  قبل لايتحرك كمت ركضت صرت بوجه-  لا تروح

-من البداية ماجان الي مكان بينكم بس جنت اغلط نفسي

-هم راح تعوفني

-عمري ما فكرت اعوفج  انطيتج روحي قبل گلبي

-غزوان ماعندي غيرك

-بعدي  رايه

-وروح رند جنت ناويه اذبح روحي بس اكمل علاج ماما وانتظرك هناك

-اي كالها وخرني عن وجهه

ذباح دنگ مسح وجهه وهو توجه للباب حتى اخته نساها عرفت انتهى كلشي وهاي اخر نظره بينه 

انداريت لبابا احس نار الاخرى كلها مشتعلة بكلبي لكيته يباوع لابو طبر ويبتسم  بشماته بسرعة طلعت السجينه من جوه رداني خليتها على ركبتي وصحت بعلو صوتي غزززوان

وكف بدون لايندار

-ديربالك على ماما واذا صحت وسألت عليه  امانة لاتكللها على السويته بس كللها ماقصرت غير بحق نفسها وخلي تسامحني لان ماكدرت احميهن

مارد كمل طريقة

-ادري جرحتك هواي ومااستاهل بس بداعت كل لحظه صدگ بينا ادفني يم رند

اندار عيونه مليانه دموع يبتسم باستهزاء گطعت ضحكته السجينة وهيه نابته بركبتي

همست خواتي منتظراتك لاتاخذهن بذنبي ماعدهن غيرك

-رايه السجينه

-ماحبيت ولا فكرت بيوم اصير بغير حضنك بس مااگدرت اشوف ماما وهيه تموت كدامي

-راااايه

-ماما بأمانت انكسرت هواي لا تكمل كسرها بيك

-وعلي اتركهن ومااسأل حتى عن گبر رند وين

-گول لرئال خلي تزورني حتى لو بالسنه مره بس لاتنساني  راح انتظرها  كل يوم بس حتى اسمع لدغتها وهيه تقرالي كتابها

- لااا رايه لاتكسريني مرتين

-سامحني

كلتها وغمضت  استوني اسحبها واحس دفرة اجتني من ابو طبر بظهري طگته  بالنص گعدت بالگاع گاطعة النفس بعدني ماشاهگه الهوا  ورد دفرني بطني وصاح تتمعشگين گدامي بت الكلببب

غمضت مختنگة دنگ شالني  من شعري مالحگ يرفع ايده وركض غزوان صاگ على سنونه وجره من ملابسه شاله ورگعه بالگاع

كام بسرعة بابا راد يسحبه وماحس غير ذباح بلمح البصر ضربة  بنهاية السلاح براسه كعده مكانه

رجعت ليورا اسحب بالنفس گوه واني اشوف غزوان  اشلون كامش ابو طبره من راسه بثنين اديه يرفعه ويرگعه بالكاع بكل وحشية

اول مره اشوف غزوان هيج  ماعنده رحمه عرفته اتغير مو نفسه غزوان القديم ؛الظلم  و صحبة ذباح خلقت منه شخص مايقبل غير بالموت

ابأوع لابو طبر الدم تارس وجهه  يريد يخلص نفسه مايگدر  وغزوان مستمر يضرب بدون وعي لمن بده يفقد رفع راسها ليفوگ وضربه بكل قوته غمض وزاع دم

صاح ذباح بسسسك يبااا چتلت الزلمه

تفل بوجهه وگام اجه ناحيتي يباوعلي بغضب ايده كلها دم رجعت ليورا نزلت دموعي بخوف وصل يمي دنگ ضميت وجهي بسرعة احمي نفسي  شال السجينه من يمي  وندار

اباوع لابو طبر فتح عيونه گوه شافه راجعله  بيده السجينة  راد يصرخ مالحگ ركض غزوان جر من شعره كتمه بيها حجه من بين اسنونه حركة وحده انحرك

همس دخل الله ودخلك والله بعد ما اضربها

-وين رؤيا

-ما ادري مااادري

-روياااا ويين وهذا اخر سؤال راح تسمعه

-والله ماادري انهزمت ويه صاحبها وجاسم عقدهم على الموبايل

-منو هو

-مااعرفه ولا شايفه اختها تعرفه والله  حتى اسألها 

-عقد شيخ لو من وساختكم وشنو عنوان الولد

-لاشيخ شيخ وجماعته ماخلونا نعرف عنه اي شي غير اسمه دسار لان همه الشهود

-ياشيخ عقدتوا يمه

-شيخ رشيد الي يگعد بگهوه رزاق وحتى العقد هناك صار

-بيت رجل رئال وين

-مااعرفه وروح ابوي  حتى زوجها ماشفنا  اجت سيارة مضلله جتفونا واخذونا  نزلوا بس جاسم اني ضليت بالسياره ومن رجعونا شمرونا بنص الشارع حتى ماحجوا ويانه

-الكتل رند وين صار

-بالمستشفى حالته خطرة فاقد الوعي

-يعني جاسم الناقص اتنازل عنه

-اي بس ماطلعوا لان اكو واحد واكف ضده مانعرفه  كلما نروح ونسوي تنازل يختفي ويشدون عليه بالتعذيب  محد يدري ليش

-افلوس النكس وين ضامهن

-بالاستقبال جوه الكاشيه

-غيممممه روحي جيبيهن وانت طلگ

-هاا

-سمعت شنو حجيت

- خلي يرجعولي افلوسي واطلگ

مارد رفع راسه اكثر و ضغط على رگبته  ديسحب السجينه صاح لالااااا طالگ طالگ

دفعه وگام دفره دفرة  گلت انشگت بطنه من قوتها انطوه يعصر بنفسه اندار خله السجينه بنطلونه  اجت غيمه تركض انتطه الفلوس طلع السلاح وجهه عليهن ضربهن طلقة بالنص وشمرهن على بابا ورد دفره بكل قوته براسه رده لوعيه فتح عيونه بتعب

تركه وراح يم الشجره زاح برميل النفط طلع جيس من جوا خلاه بجيبه واجه اخذ من يمي علاگة الفلوس  شمرهن على ابو طبر  دنگ لزمني گومني وندار لبابا گله  اسمع لك رايح ماطول ساعات وارجع  اريد اشوف رؤيا كدامي نصيحة تروح تجيبها لان وروح الراحوا مااطلع منا فارغ لو رؤيا لو روحك بيدي

-منين اجيبها تزوجت

-لعد لاتضل  وهم لو اطير للسما اللگفك واخذ حگهن من عيونك الافضل رجعها بلكي يقلل شوية من الناوي اسوي بيك

-انت مالك حق بيهن ذني بناتي  الك  بس رايه اخذها وروح لا ترجع بعد

-حظرلي  نفسك  وسلملي على صاحبك گله بدل دم رند دمه هو وعائلته بكبرها

ذباح- غزوان طلع  البت غادي

-لااا لاتكتله بعدني ماخلصت شغلي ويا

-الجتل لمثل هيج ازلمة تصغير وانه مااحب هالچلمة مثل ماامنت اخياتك يم  هلي وماطلعوا كفو وحموهن الك يمي حگهن واعتذار الي يرضي خاطرك

بابا-  وراس ابوي اذا خدشتني اشتكي عليك واردك للسجن

-صار ساعة واجف اتنوع للمهزله ومنكتم  مناطر وين تصل وياك بس الضاهر طلعت موش بس ناگص غيره ومضيع عرضك لاتافهه وتتلاوه ويه الجهال

-شنو يعني

-يعني تعال لخاطر اعلمك شغل الاكبارية  اشلون يصير

كالها وراح دنگ شاله من شعره  رجع راسه ليورا ورگعه كله كعده بالكاع اندار  باوع لغزوان اشرله طلعها منااا

جرني غزوان فتح الباب طلعني اجت غيمه تركض راد يمنعها اشرله ذباح طلعها سكت طلعت جر الباب استوه يسد الباب واسمع عطيت بابا بكتمة كلتله لاغزواان فدوه اروحلك لاتخلي يموته

-امشي رايه

-لالاااا غزوان خواتي محد يندل مكانهن غيره والله يرحن لاتوجع كلبي اكثر ماهو موجوع

-راح اردهن وداعت عيونج

-ماراح يردن  ضيعتهن بيدي

-اني الضيعتجن بحيونتي من تركتجن بيد واحد نگس  ورحت بدون لا فكر بس وروح اخوي لاخذ حق كل وحده بيجن مضاعف مااروح اذا ما أمن عليجن بحضن امجن

-يعني هم تعوفنا

-ماطول وجودي وعدمه واحد يمج مايفرق بعد الحجي

-كلتلي مؤبد ضليت بروحي شايله حملهن ماعرفت شسوي

-وهاي طلعت

-ماراح تسامحني مو

مارد باوعلي عيونه حمر الكسر والخذلان واضحات بيهن

نزلت دموعي دار وجهه شهكت بصوت غمض واخذ نفس بحرگة گلب

ابتعدت عنه واني اشوفه اشلون وخر ايديه عنه وراح وكف على صفحة اتجتف يباوع للجهه الثانية عرفت بعد مالي وجود بحياته

وكفت مسافة اباوعلة بس دموعي تنزل حتى صوت شهكتي مختفي گد ماصدري مختنگ

مرت دقايق واحنا على وضعنا ماكو نفس غير دموعي التنزل بكتمة ؛مسح وجهه  اندار صارت عينه عليه  دنگت ماگدرت اباوعله

اخذ حسره واجه كمش وجهي بين اديه رفع راسي  مسح دموعي بأصابيعه همس ماكو واحد يزعل من روحه

-بس رجعت بالوعد وياك

-مارجعتي لوما جنتي متأكده راح تسرعين جمعتنا سوه لان تعرفين بنفس اللحظه اليوصلي خبرج اللحگج

-اوعدني ماراح تعوفني بعد

-راح اردلج خواتج وامنج بيت يعوضج عن ايام التعبتي بيها

- غزوان لا تتركني

راد يحجي وفتح الباب طلع ذباح خله السلاح وره ظهره شمرله السلاح الثاني لكفه غزوان اشر يله وراح كدامنا يفتح برداناته يمشي بثگل ولاتكول جان يكتل بعالم حتى نفسه طبيعي اثر للتعب ماكو

اباوع لغزوان عيونه تلمع ويه لون الگمر مبين عليه الهم  ابتسم بتعب لزم ايدي رفعها باسها وخلاها على گلبه همس وحق نبضج بگلبي اردهن الج

-وتخليك دوم وياي  لان اموت بدونك

-مايفرقنا بس الموت

-حتى الموت مايفرقنا بساعة الي يوصل خبر واحد يلحگه الثاني بدون تفكير

-هههه ونترك ام لدغه وحدها

-هيه ماراح تتركنا متأكده راح تجي كل خميس تكعد بين كبرنا وتقرانا كتابها الي مانفتهم منه شي بسبب لدغتها

ابتسم ودنگ خله السلاح جوه بلوزه وسحبني ورحنا ورا ذباح الي عيونه عالمنطقة تحسه يمشي على اعصابه بس يريد واحد يشمرله كلمة حتى يطلع غضبه بي

ذكرني برؤيا اشگد تحب هيج اجرام عكس غيمة الي تمشي ورانا بلا صوت  الخوف والجبن كاتلها ؛

دخلنا  الشارع الثاني صارت كدامنا نفس السياره مالت اخو صعدنا ؛ صعد شغلها وگال يالله نتوكل

غزوان-. بشر شنو عرفت

-مامش بس عطيته مهلة لفجر ربه  اذا ماردهن نرد روحه لراعيها

-اطلعنا للمركز

-ابشر بس خلنا نرد  البنوات لامهن ومناك نعر للمركز

-عمتي اذا شافتها وحدهن راح تروح بيها مااگدر اردها وحدهن واني منطيها كلمة ضامهن بمكان امن

-محگوگلك وعلي وجهي مسود منك يبن عمي  بس ثق بالله العظيم تكاونت وتخاربت ويه خويي من ساعة الطلعت بيها لاهلي عرفت رادين بدونهن حاولت جثير لخاطر اوصلك واخذ عنوانهن بس ماگدرت  ضليت مناطر الزياره  وهاي انت سبگتني بالمخابره  تنشد  عنهن

اخذ حسره طويله ودنگ خله راسه بين اديه

-افاا تتحسر بحيره وانه اخوك لا يغزوان ماهگيتها منك

-يخوي بعدهن صغار يخافن يحجن مو يدافعن عن روحهن

-هذا شاربي ماهو عليه اذا ماجيبلك خبرهن الليلة بس يخوي خلينه نرد البنوات  لامهن ماراهمه ندخلها مراكز ويانه

مسح دموعه واشر اي

-وشغلة ثانية ادري ماهي وكتها بس مانگدر نتحرج اذا مانعملها

-شنو

-نعقدلكم لخاطر  تصير بعهدتك لان ابوها مبين كواك وكلب ابن كلب ناگص مرجلة ماهي بعيده يروح يردها لرفيجه بالختله ويضيعه لخاطر يكضنه من ايدينا

-اشلون اعقدها وهيه ماعدها هويه

-افاا حسبالك ماقريته وعرفت شني براسه وشناوي اول مانطلع يعمل  هاي الهويه عندي بس البت قاصر لولا

-لامو قاصر

-بيها الخير نگول يالله

اشر اي دگدگ على متنه وحرك السياره مشينا واني عيني بغزوان الي على طول الطريق دمعته تنزل ويمسحها اعرفه على رند لان شاف لعبه مشكله بالسيارة تشبه لعبتها وراح يعقدني واحنا  حتى مالحگنه واحد يواسي الثاني عليها ونحزن 

ابجي على بجيته بدون صوت بس مااعرف عليمن

صدگ على رند لو خواتي لو ماما الي نامت صحت لكت بناتها كلهن ضايعات

ذباح يسوق عيونه ليكدام  وبيده الجگارة كل نفس ياخذن بحرگه كوه متمالك نفسه محمل روحه المسؤولية  مرتين اتصلوا بي اهله رفضه

وصلنا لبيت الشيخ نزلوا راحوا دگوا الباب دقايق  وانفتحت سلموا وكفوا يحجون ويا مااسمع شنو بس شويه واشوف ذباح شاله من ملابسه صاگ على سنونه يحجي بعصبيه وغزوان راح كعد على جهه كامش راسه مدنگ

هنا تأكدت رؤيا انتهى امرها لزمت  الكشن الكدامي وخليت راسي عليه بجيت بصوت طلعت شكو وجع بكلبي كاتمته لمن حسيت روحي بهتت وباب السياره انفتحت شلت راسي لكيته غزوان اشر نزلي

-راحت رؤيا هم مو 

-لاما بيها شي

-لا تجذب كول ماعدت تفرق  خليني بجي عليهن سوه بلكي ارتاح 

-وداعت عيونج مابيها شي بس تزوجت واحد  مطلوب للدولة وماخذها ورايح غير محافظة محد يعرفها منو

-يعني هاي هيه هاي الاخيره راحت

-ماتروح اكو واحد يگول الشيخ من اجوي اخذوني حتى اعقدلها جان كاعد من رحت ورجعت كال شوداك ويه هيج ناس من سائله ليش ردا ذوله قتله مأجوره

-عزه بعيني وهسه اشلون

-ذباح گال  اتركها وراي اني اعرف  اشلون اوصلهم بس خلي نعقد حتى نخلص من شغلة عمي يله نزلي

مسحت دموعي ونزلت بسرعة كمش ايدي  تركنا غيمه خانسة رحت ويا للبيت دفع ذباح الشيخ صاح يالله بصوت عالي ودخل دخلنا ورا

وصلنا يم غرفة صغيره تعبانه كال تفضلوا دخلنا

كعدنا بالبدايه عالقنفة وذباح كعد مقابيلنه مدنگ

راح الشيخ دقايق ودخل بيده اوراق  اباوع لشكله مخربط وسخ گعد وره المكتب فتح سجل

- الهوياتكم  ومنو الوكيل عن البنيه

كام ذباح انطاه هويتي وگله انه الوكيل عنها والشاهد بنفس الوقت

-اشلون صايره هاي

-مثل ماصارت وملجت طفلة مخطوفة لمجرم املچ وانكتم نص چلمه افشگ راسك بالنص

-تمام شتعود للبنيه

-البنت رضيعتي وهيه بالغة ماهي صغيره لخاطر تحتاج وكيل استعجل يله لاتضل تهذي جثير

-اسمها وسنها

رد غزوان ضل يسأل وهو يرد اخذ الهويات سجل كل المعلومات وسألني اذا موافقه رديت بلش يعقد  ذباح يباوع للشيخ ويباوع لغزوان اشلون يمسح دموعه قبل لاتنزل حتى لاينتبهون اخذ نفس ومسح وجهه

حسيته صدگ اخوه وخايف عليه كمل عقد باركلنا الشيخ اجه ذباح حضن غزوان گله بالمبارك يخوي وهدية عرسك ردت اخياتنا لحضن امهن

-خليك مساندني

-افااا تغديلك روحي فدوه لحدر رجليج

- وحده يم ضابط والثانية يم مجرم

-عسى مابنص الموت وعلي ودفگهم تفگ واردهن وفوكاهن حگ النخوة الهدرت بغفلة

-راح نرجعهن

-وعملك عرس ماصاير بالديره بكبرها ما انه ابن البدوية ان ماگضيت الليل بطوله رمي ماكفي اذا مااتنوع ضوه ربك طر  

-مااريد كلشي والله بس اريد المهن يمي

-بس انه رايد؛  اصدگ اذا كلتلك من گالوا افراج اكتضيت تگول بلغوني بأعدامي موش بمفارگتك هسه بعد مارديت لرفجتي وملچتك بيدي ماتريدني افرح بعرسك

-مكان العرس ساعدني ارد خواتي واخذ حق الصغيره حتى اكدر اروح ابجي يم گبرها والله كلبي بعد مايحمل يكتم اكثر 

-ابشر وانه اخوك

دگدگ على متنه واندارلي كمت اجه خله ايده على ضهري طلعنا رحنا وكفنه يم السياره بين مايحاسب الشيخ على افلوس العقد

عيوني على غزوان الي واكف وخال اديه عالقمارة  مدنگ ضام وجهه بيهن مهدود حيله منو اليصدگ زواجنا الچنه نحلم بي هيج يصير وبدل الفرحة الجنه نتخيلها تنگلبت حزن فاقدين اي احساس جمعتنا

طلعت النظارات حركت ايدي على ضهره شال راسه باوعلي همست هاي نظارتك

-وين جانن

-على گلبي خالتهن حتى من اموت اكو شي منك وياي

-لو تعرفين معزتج شنو بگلبي جان تأكدتي راح تلكيني هناك قبلج واكف انتظرج

-خفت حسيت روحي ضعيفة وحدي بمكان ظلمة ماكو غير ضوه بعيد صح بي اذيتي واعرف اذا وصلتله راح اموت بس المهم اعيش الباقين بنوره

-واني شنو مافكرتي بيه

-انت وعدتني ماتاخذ غيري وهالشي جان كافي عندي اروح  انتظرتك هناك لحد ما يجي يومك ونرجع نلتقي

ضحك وسحبني لحضنه دنگ همس يم اذني صح مااكدر اباركلج لان صعبة عليه اكثر ماهيه عليج بس من حقج اسمعيها

-ماريد اسمعها كافي اني هسه بحضنك وبأسمك صرت

-احبج يااجمل عوض ربي الجنت منتظره

-اوعدني ترجعلي خواتي وماما

-وعد وهالمرة بيتنا الخاص وراح يصير عدنا اطفال واول بنت انسمها رئال حتى تطلع حلو عليها

-بس ان شاء الله ماتطلع لدغة مثلها

-هههههه لدغة عليها ولا رعنة على الثانية

-اووف اشكد مشتاقتلهن

-مو بكد مامشتاقلج وحق الخلق الكون نايم وگاعد احلم بيج

رفعت راسي دنگ باس راسي وهمس اعشگج ونور محمد

-واني احبك

احنا نحجي ونسمع احمم ورانا بسرعة سحبت روحي من حضنه  انداريت لكيت ذباح  مدنگ يحك بكصته كله غزوان تأخرت

-بيها الخير واذا تأخرت يبه تحصر البت بالشارع  اشمالك انت خبببل

-لاتعلي صوتك لك لااجي افلش وجهك

-استلم  تعلمه الطگ اول مايجرب بيك اصعد لاحرام اربطك بالبدي حالك حال الحلال

-ذباح وروح اخوي واصلتلي للستار لاتجبرني اخربط ملامحك اكثر ماهيه مخربطة احجي ليش تأخرت

-هذا اثر السجن عالزعاطيط

-اهووو اشلون يخليني اعدل فجه بكله ماتحجي لك

-يبه رايه صعدي للسيارة هذا زلمتج باينه جلده واچله على طگة وفشلة ادوفه چدامج

-اندليت مكانهن

-وحده منهن 

-عهد عليه اناسبك بيها

-هههههه اتشرف بيكم وعلي اخليها على راسي  اصعد يخوي خلنا نتوكل

ركضت للسياره صعدت ماصدكت الي اسمعه صعدوا شغل السياره وتصل تحركت اجه صوت واحد عرفته صهيب گله هلا بأبن البدوية

-هلابيك ابو صگر  چايك بطلب

-ابشر تاخذه من هالشارب

-لكيت مچان  واحد يوصلني لرضيعة غزوان بس المجان چايد معتاز كم ازلمه وسلاح

-مسافة الطريج اسبع ازلام الديره واحسن سلاح يصيرن يمك

-ماتگصر يخوي

-ذباح اچيك

-افاا يخوي ذوله جهال مگدورلهم انت بس فضني من البدوية  لان حرگت النقال كد ماتتصل وارفضه

-وعلي ماخلت واحد ماتكاونت ويا كلما تتنوعلي وگالت اعرف  ذباح زات روحه بمصيبة وانت تستر عليه

-يمكن ارد للحجز افضل

-وسبع الدجيل  اذا تريد تضل تشم الهوا كضلك واحد بالطريج  طگه  وبوجهك للمركز

ضحك وكله ربي يحفظها النا ضل يحجون منو راح يدز وشلون يجفتهم حتى ماينطي مجال يسيطرون علي رغم حجيهم خطر ومبين بي اذيه وموت بس ماحسيت اكو ذره خوف باصواتهم وكل شويه يرد يتعذر من غزوان ماحمانه بعد ماامنه يمه

وصلنا للمستشفى نزلنا اني وغيمه وهمه راحوا دخلنا تركت غيمة يم ترمز المي تشرب واني رحت اركض وصلت للمصعد   لكيت احد صاعد  ماكدرت اتاني  بس اريد اوصل اخذ ماما لحضني وابشرها

صعدت الدرج الوقت متأخر ماكو احد صنته وصلت للغرفة ماصدگت

ابتسمت وحدي دفعت الباب داادخل بلحظة تلاشت الضحكه واني اباوع …

***رؤيا. ***

صوت غيمة  رجع شكو امل جنت فاقدته هيه تحجي واني احس ديه رخت حتى الباب اريد افتحه بعد مااعرف

اتلمست السلقي سحبته فتحت الباب واجه صوتها بأذني وقفني بمكاني وهيه تكول عمتي صحت وناوي يردها للبيت فدوه اروحلج اريد شي كون يخلي يكره يسمع اسمها مو يشوفها

-نعلها بمرض نخليها تنجن وتسكن الشارع 

-واريد عمل ثاني لبنته كون يخرسها ويخليها ترضى بصاحبه قبل  لايطلع غزوان

ردت عمتي يااا راح يطلع

-اي  هاي رئال ماخذه ضابط  جبير بالدولة مااعرف اشلون لفلفوا الشغله وافرجوا عنه هالايام يطلع بس هيه ماتعرف اريدها كون تعقد قبل لايجي

-وذيج وين راحت الصغيره

-اخذها واحد سگط سكير مثل ابو طبر يمكن هم يبع مخدرات  يكول مايطول كم يوم لو يلزمو لو يكتلوا وترجع وين تولي

-ياابو طبر  بعده يبيع ممنوعات ماتاب وره السجن

-وداعتج رد انكس هسه لازملج المنطقة بكبرها حتى بنات يطلع يكلج يكرف افلوس وانوب الشرطة مصاحبي يجون يسهرون يمه انسند اكثر صار الكل بالكل

-اذا ردت العمية شغلوها عنده خوش تجيب افلوس حلوه

-خلي ترد وهاي تاخذ ابو طبر وشوفي شنسوي بس خلي نخلص من سالفة ابو  الولد الي انسجن

-موتنازلتوا عنه  بعد شنو

-وين غير الولد حالته تعبانه موات ويوميه ابو هاد علينه بلكي هاي العميه ترد ونعقدها اله كم شهر نسد حلگه

-يع  منو يكول ترضى بي هالصلفة لاانطوها لابو طبر ذاك يحبسها وشغلها غصباً عنها ولج اتجيبلكم ذهب حرمات بهالشايب

- مو بكيفها حتى ماترضى العمية والله  يكسر ظهرها وينطيها بس اندعي ترجعلنه قبل لايموت مكسور الرگبه ونبتلي انوب يهججنا من بيتنا

-اشكد حجيت وياج ماسمعتي مني موگلتلج من البدايه شمروا غزوان بتهمه وزوجوهن لجماعته جان هسه انتوا فوگ الفوگ بدل هاي بهذلتكم

-هو انيي غير هو يبس راسه اتخبل عليه كل مااحجي وگال لا احصل اكثر بيهن ذوله مايدفعون هواي وخليهن يشتغلن فايداتنا هاي راحن كلشي ماحصلنا بيهن بس المشاكل

-الله يعوضكم

-ماريد بس خلي اخلص من امهن اني بخير اريد اخذ راحتي واسوي البيت بمزاجي لحدمن اضل هيج عايشه بفگر  وقلق

ردت المشعوذه. سهله شغلتها بس اتكلفج

-اشكد تردين حاضره والج فوكاها الي يسر خاطرج

دااطلع اسحلها وماحسيت غير واحد يكتم نفسي ويسحبني ليجوه دخل وسد الباب عرفته دسار

صرخت ونبتت اضافيري بأديه لمن حسيت الدم صار بيهن  انداريت ضربته بكل قوتي ضغط اكثر

كمت اكمز واصرخ سحبني لحضنه طوق حركتي وكتم نفسي بالزايد اشكد حاولت يتركني ماكدرت لمن سمعتها طلعت دفعني صرخت حيووووان واحس اجتني دفعه  لطشني بالحايط

كعدت بالكاع لميت رجليه  وشهگت دفر الباب دفرة رج الغرفة بيها ضميت وجهي ابجي بصوت ناصي  صار هدوء 

نزلت دموعي بحرگة كارهه روحي وعجزي العايشة بي؛ الوجع احسه يطلع من نص كلبي دقايق واجه كعد يمي انتظرته يحجي حتى اطلع شكو قهر من عيونه

مر وقت وهو ماكو منه نفس بس صوت الجداحة وريحه الجكاير  غمضت يائسه واحس ايده صارت على شعري رفعت راسي دفعتها حيل صرخت حيوووان انت حيوووان قذررر تعرف شنووو حيوووان

اخذ نفس مارد

-تدري ليششش ضجت وماترد لان تعرف روحك انت هيييج وانكسسس لفو خاين حتى الكلب افضل منك

-تأذيتي  

ضغطت على سنوني ونداريت ضربته بكل قوتي اجت بمتنه رجعت ضربته اقوى كمش ايدي وجرني لحضنه دفعته عصرني حيل گال وجعتج مو؟؟

بجيت بصوت عالي

-لو احد لامح ضلج هنا جان رحتي بيها

-راح دمر ماما وتضيع اختي

-الي تجي تنتخي بمشعوذة هاي اسخط خلق الله ماتكدر تأذي حشره مو بشر

-دتسويلها سحر حتى تمرض ماما وتزوج رايه

-لو صدگ الشعوذة بيها نتيجة ماضلت صاحبتها مشموره بيت حتى الحيوان مايسكنه واهااا اذا كلتي مو هاي انت ساكنه افلش حلگج

-رجعني

-وحزام الحمزه اردج بس كلتلج انطيني مجال شوية

-لشوكتتت انت تفتهم شنو دااحجي لولا

-اني لوافتهم ماخليتج بأسمي وتورطت بيج كل هالفترة

-محد جبرك تسوي هيج

-من تحس  تعب عمرك يضيع  گدامك تنجبر؛ من تعرف كلمة وحده راح اطير راسج تنجبر؛ من تشوف طفلة مالها ذنب وگعت بالغلط بمكان مابي بس وحوش وتدري بس دير وجهك ينهشوها هنا موبس تنجبر لا تتخلى عن كلشي وتنطي روحك

-وشنو السويته موهياتي جبتني وحبستني يمك

-حبستج لخاطر احميج لبين مااخلص منهم واردج لاهلج

-جذاب تحمي نفسك لان انت جبان وتخاف افتن عليك

-مو مشكلة انعبرها

-لاااا لاتعبرهااا رررد

-امج رجعت لوعيها ؟؟

-واختي تزوجت ضابط

-اووف ضابط مرة وحدة

-تره هيه جانت اصلاً مخطوبة لابن خالي هم ضابط وراح بحادث

-امبينه نيتها نظيفة

-قصدك اني نيتي وسخة

-لااني الوسخ ابن وسخ واستاهل كل الجاي يصيرلي وانعل ابو ابوي اذا اعترضت

-وليش تعترض عالاساس انت موهيج

-جنت اسأل من الله يغضب عالبشر ويريد يطيح حظه اشلون هسه افتهم المهم هذا الضابط اختج وين حصلته

- نفسه الي جان يحقق ويانه

-شعرفج هو ؟؟

-متأكده هو لان جان على طول الوقت تارك التحقيق بالجريمة ويسألني على علاقتها بمحمود اشلون جانت مع العلم جان صوته صارم ومبين متوحش من طريقة تعذيبه بس والله بطله اللدغة جابت راسه

-والخرزه شناوية تسوي

-هواي اشياء

-والي منهن

سكتت

-شنو هيج امنياتج صعبة

-لا بس توجع كلتها ونزلت دموعي

لمني بحضنه ضمني بقوه دنگ باس راسي وهمس بعدج صغيره لاتخلين الحقد يدمر حياتج

-هو دمرني

-الوقت كله گدامج كلشي يتعوض بس العمر مايتعوض لاتفرطين بي بلحظه غضب

-راح اعمي عيونه مثل ماسوه بيه واسود حياته مثل ماضيع رند  واحرگه بكد ماظلمنا

-اشكد صار فاقده البصر

-من يوم الحادث اعتازيت عملية بسيطه براسي مارضه مع العلم اهل الولد  الضربنه عوضنا بفلوس بس الحيوان حب يعاقبني

-اكيد لان لسانج الحلو جان يكتب بي شعر ويتغزل بنور وجهه

ابتسمت ضحك عصر خدودي وخرت ايده وسحبت روحي من حضنه داامسح عيوني واسمع صوت الفون  رن اخذ نفس ورد بشر

ضبع -الاخبار مو زينة

-شصايرر

-فلتوا من ادينه

-لك انتم زمااايل ماصار عشر دقايق من تركتكم

-اكو حركة بالبتاوين خفت عالولد ماگدرت اجازف بيهم

-حركة ؟؟ حلوو يعني وصل خبر للواء 

-الضاهر واشترى راسك بدون حتى لايعرف منو انت كلتلك لاتدخل زايد هيه مهمة انخلصها ونطلع

-ههه وعساها ماخلصت وهلا بالموت انتبه لجهازك وخليك مستعد ماطول دخلوا للمنطقة يعني التسليم هالاسبوع

-انطيني ساعتين واجيبلك  المعلومات الكاملة

-كفوو بلغت الجماعة

-اي والباشا دز كم واحد يراقبون المقر اظن اشتم الريحة اويلي اذا لگفوك يدسار اله يسوون عظامك قفص للطيور ويشمرون الخرزة تكمل باقي حياتها بي

-الي يطلع بيدهم لا يقصرون بمناسبة الخرزه شسويت بسالفه اهلها

-ماكو هدوء بيتهم بس عرفت عدها اخو راح يطلع لو اليوم لو باجر بالاكثر

-دز واحد يراقب بيتهم واذا حصل اختها وشاف مجال ياخذها بمكان أمن ويتصل بيه

-تأمر بعد

- فتح عدل اذا حسيت مجرد احساس مكاني انكشف بلغني بساعتها  قبل حتى لا تتأكد

-الولد ابو المنشأة شنو سالفته

-ماعنده سالفة حب يخفف دمه خففتله وزنه

-حيييل يله معتاز اجيبلك شي وياي

-رايد حبل ولاصق تجيبهن قبل الفجر يله توكل

- ابو الليل حبيبي

غلق الفون وگام طلع بره قفل الباب ورا  عرفت بعد مايأمن بيه بس رغم هالشي احس روحي مرتاحة من عرفت رئال مستقره وغزوان راح يطلع  ويرد رايه وماما لحضنه راح ترد لمتهم وضحكتهم بالبيت

خليت ايدي على كلبي لارؤيا لاتشتاقين راح دمرينهم برجعتج

رئال ضحت بحب عمرها حتى اتخلص غزوان ورايه ضحت بت گلبها وتحملت موتتها بحضنها بس حتى اتخلصني

صار الوقت الي تردين اتخلصينهم من الحيوان حتى يعيشون براحة وتردين لمكانج الصحيح عمرج ماجان مكانج بينهم

خليت راسي بحضني غمضت مااعرف شنو ضامتلي الدنيا

مر يومين وصدگ دسار كام ما يروح اذا مايربط اديه ويسد حلگي حتى الباب يقفله بالاخص من عرف راسه انطلب زاد خوفه عليه مايصدگ اشلون يأمنلي المكان حتى يرجعني لاهلي

يطلع من الفجر مايرد غير الغروب واني اضل هذا الوكت كله منتجيه عالحايط اتسنط  للعالم التدخل للمشعوذه صاروا تسلايتي الوحيده رغم حجيهم جان يخليك تتخيل ماكو حساب ولا اخرى على گد بشاعة الاعمال اليطلبوها

الي تطلب عمل مرض لطفل ابو السنتين حتى تأذي اهله والي تخرب زواج والي تخبل شاب بداية عمره والي اكثر من هذا تنشر مرض بالعائلة وتفلش بيت كامل

اشياء مايستوعبها العقل جان بالي كله مو وياهم ضاله اترقب صوت غيمة بلكي تجي واعرف اخبار اهلي منها حتى حزني على رند اتلاشي بگد ماقلقي على الباقين

صار الغروب وهم  ماسمعت صوتها غمضت رفعت راسي عالحايط يائسه اكثر من ساعتين واني على وضعي جسمي مشنج وروحي بهتت جوع على عطش على تعب وملل احس الدنيا ظلمة بعيني اكثر ماهيه مظلمة

انفتحت الباب دخل دسار عدلت راسي سد الباب واجه يمي فتح اديه وخر اللاصق كال تأخرت عليج مو

-ما تفرق

-هسه اجيبلج الاكل

-مو جوعانه وخر عني داريد انام

-بعد وقت تره استوها غربت

-واااانت شنووو دتعيرني لان ماشوووف ترره اني موحيوانننه ليششش هيج تعاملنييي

-يابه والله ماقصدت على كيفج

-كلكم نفس الشي الله ياخذكم ويسود حياتكم مثل مداتسوون بيه

سحبت الغطة نمت غطيت راسي وضميت وجهي بالمخده احس الغصة بلعومي مختنگه اريد بس ابجي اسمعه كام طلع دقايق ورجع كعد يمي سحب الغطه انداريت دااصرخ سد حلگي گال كافيي

نزلت دموعي

كومني جرني لحضنه شهكت

-وداعت امي ارجعج بس انطيني صبر

-مختنگة

-ضربيني راح ترتاحين

-ايدي تكوم توجعني

- لعد اكلي حتى اطلعج 

-وين ؟؟

-اخذج مكان راح يغير نفسيتج كلها

-مو تكول خطره اطلع

-افااا اتخافين واني وياج لعد بعدج ماعرفتيني

-ولااريد اعرف لفو مثلك

-رؤيا والحمزه عيونج حلوة بنيتي ليش تخليني احرمج منهن

-عود ميخالف  يلاا گوم وديني للحمام

سكت شوية وكام اسمعه  يهمس ربي گلت تقلب الامور بس مو هيج من رتبة على الروس الكبار لأيد طفلة تكومك وتگعدك بأمر الك بيها اراده

-مدااسمعك احجي بصوت عالي

-لاتچذبين

همست والامير

-اي حلفي جذب بصوت ناصي عالاساس ربج ماراح يسمعج گومي رؤياااا 

عضيت شفتي وكمت وداني للحمام خلصت وغسلت عالسريع طلعت رجعت للغرفة كعدت اكلت واني الفرحه ماسايعتني  تكول موراح يطلعني تكول راح يوديني لطريق الجنة

خلصت عالسريع كمت كلتله يله خلصت ضحك وكام اجه يمي دار شي عليه عرفتها قمصلة لبستها سد السحاب كمش ايدي مشينا وصلنا يم شي وكف اتلمستها عرفتها دراجة

وخر شعري عن وجهي لبسني خوذه ورفعني من خصري صعدني وهو صعد  گدامي كمش اديه دارهن على ضهره كال كمشي عدل تره توگعين

هزيت راسي اي شغلها كمشته حيل وهو داس بكل سرعته حسيتها اطير بينه ماتمشي عالگاع  شعور مااعرف اوصفه بس اول مره احس بروحي فرحانه من جواي  احس نفسي طايره ويه الهوا فلتت ايدي ضليت مكمشه بس بوحده

نزعت الخوذه شمرتها ورجعت كمشت رافعه راسي مغمضه صح ماشوف بس اتخيل وين ندخل وين نطلع

اكثر من ساعه واحنا نفتر لمن وكف يم مكان نزل ركن الدراجة و  نزلني گال وين الخوذه

فلتت من راسي

-رؤياااا

-شنوو قابل اجذب عليك وهم لاتهتم من ترجعني لاهلي انطيك افلوسها

-عندج افلوس يم اهلج

-لاابوگ من بابا هههههه

سكت مارد حسيته  يباوعلي نفسه قريب

درت وجهي :- احنا وين ليش وكفت هنا

-ياخرزتي الجميلة نحن امام اجمل منظر بالكون

-وين داحس هوا بارد وصوت مي

-نهر دجلة

-ليش جبتني هنا

-مااعرف يمكن لان اني احب هذا المكان حسيتج راح تحبي تعالي نگعد هناك

لزم ايدي وايده الثانيه  دارها على خصري كمشني حيل عبرني عثرات هواي لمن وصلني يم حجر كعدني وكعد ؛  هدوء  برودة المي ويه الجو تضرب بالوجه غمضت اتحسس صوت المي ويه صوت الصراصير  غير عالم من صدگ راحه نفسية

اسمع جداحه همست اشلون لون المي

سكت شويه ورد شبيه بلون عيونج صافي ويلمع مثل  الخرزة

-متزوج؟؟

-امم

-اشلونها زوجتك حلوه

-سبحان الصورها گمر ضاوي بهيئة ملاك  تحس ربي خالقها من ورد الجنة وضايفلها لمعة يعجز الانسان عن وصفها

-هيج حلوة

-امفلتره اعلى دقة اچ دي 

-تحبها

مارد

-هههههه تخجل تكول احبها

-لا بس مااعرف او بالاصح مااريد اتورط

-من شنو

-هواي امور غلط بحياتي ومن ضمنهن هيه قربها نهايتي وبعدها يوجع تعلقت بيها بفتره قصيره ماجنت حاسب حساب راح يرف كلبي الها بس بتمردها ولسانها دخلت بدون استأذان احتلت مكان غلط توصله

-مو تكول زوجتي

-مم

-لعد ليش هيج دتحجي عليها

-حتى  ابعدها عن طريقي

-ماتحبها

-يمكن 

-اتحبها

-احتمال

-ههههههه هذا المشروب الماخذه مغشوش

-وين اكو بنيه تحجي هيج

-اشبي  اللفو المخلصها اطفر بالبتاوين

-يله عالاساس انتي من البياع

-هههههه والجمعنا بيت اليهودي

ضحك ورجع طگ الجداحة عرفته ورث جكاره اتعده الوقت واحنا كاعدين بس كلمن بعالمه الخاص صافن لمن فززني گال بالمناسبة هذا شعرج اشوكت تمشطي

-من ترجعني لامي

-بقيتي شهر اشلون بالله

-لو سنه مشط مااراح اخلي على راسي  وبعدين انت ليش مهتم

-الله راحمج وماحي حاسة البصر ومخلصج من شكلج الي ماينوكل  يمه خبزه العالم الباقية شذنبها تصبح وتمسي بهالكفشه

-مادام دتقلد هسه تطلع مرعبل  وشكلك مايتباوع بي

-هذا اليجبرك اتخرسها وبعدين اني رجال والرجال مايعيبه شكله الدور على الحاسبة روحه بنية وهيه رادلها طن تجميل  يالله توصل بس حرف الباء

-الله عليك انت من امك جابتك هم فرحت اجاها ولد

-والله على حد علمي اي

-ارجع كللها رؤيا اتسلم عليج وتكول دوشيش

-انتي متأكده من صنف النساء

-قبل لاعيش وياك اي بس هسه لاليش الجذب لان القارب الرحال مايحمل اكثر من تشبيه

-هسه المفروض اعبر التجاوز  ومارد

-والله على حد علمي اي لان احنا بالشارع واكدر اصرخ واگول خاطفني وشنو دتشتغل وافضحك

-وضيفي معلومة لذكائج ماكو واحد يدخل هالشغل اذا مايكون نسبه نباهته اكثر من ستين  بالمية عن الانسان العادي

-مرات الاربعين بالمية تغدر

-ماكو غدر بدون دراسه مسبقة

صفنت حسيت على كلامه كمت بسرعة همست احنا وين

-بمكان حتى الشيطان مايفكر يوصله

-والله ماجنت ناويه انهزم

-حذرتج لولا

-ردت بس اعرف خبر عن اهلي وانت عاقبتني

حسيته اتقدم رجعت ليورا عثرت بشي اجيت اوكع بسرعه كمشني نزلت دموعي 

-ليش خايفة؟؟

-ماعيدها بعد

-تذكرين شنو كلتلج اول مره

سكتت

-شنوو

اريد احجي الكلمه ماتطلع وياي دنگ يم اذني حسيت نفاسه بركبتي  همس الغلط مايأذي غير صاحبه

همست بترجي دسار اخاف من المي

-واني ماشايل سلاح

جريت  ايدي ردت اشرد بحركه سريعه سحبني اله ودنگ رفعني من بطني كمشت بقمصلته وصرخت لج مامااااا

ماحسيت غير نزلني  واخذني لحظنه من كثر الرعب بدون وعي ضميت راسي بصدره دموعي نزلت برجفه ضمني حيل وگال هذا الجان صارلج لو طالعة من البيت بس الفرق بدل ماحضن   يحميج نكس ينهش بحلمج

حجيت بشهگه ماردت اشرد والله

-الي بعقلج شيلي الجنص يجي مره والمكان الطلعتي منه الف وحده مثلج اندفنن بي

- ماراح يخليهم يعيشون براحة

-والقذر  مايگدرله غير القذر  مثله رؤيا مو كل وقت راح اكون وياج ولا كل مره راح اتحصلين  ضابط يوكفلج؛ عقلج شغلي حصرا بحماية نفسج محد يعيش حياة الثاني راح تكونين غبار تتلاشين ويه والزمن

-اني ضيعتهن

-وراح تنهيهن اذا ضليتي مصرة بنفس التفكير

- ماانهي احد غيره

-شنو حسيتي من قربتي من الموت

رفعت راسي

-خفتي وتراجعتي الف خطوة عن فكرته تدرين ليش مولان ضعيفه

-لعد

-لان طفلة وعقلج مايگدر يستوعب فكرته؛ زلم صلبة  الدهر ماكل من روحهم اعوام مجرد ماينذكر اسم  الموت كدامهم ينرعبون مو طفلة بدايه عمرها

-ماراح يخلينه نعيش مثل البشر

-ولاراح تعيشون اصلا اذا ماتبعدون ؛يروح ابوج يجي مكانه عشره الغلط مو بي الغلط بأمج

-ماما تخاف علينه

-لوجانت تخاف عليكم ماجان محت شكو اثر الكم بالواقع  وسلمتكم بيده

-مافهمت

- ولاراح تفتهمين اذا مااخذتي الميداليه وساومتيها

-قصدك عدها ماضي وبابا ديعذبنا حتى يغيضها لان ماتحبه

-يمكن ويمكن لااا  استعملي ذكائج

-راح استعمله واني اعمي واحرگه بطريقة ماتترك اثر اللزم بي

-محد راح يحترگ غيرج 

مارديت لان ادري بي متخيل كل هالكره بس لانو اخذ نظري  مايدري كل يوم يمر اضم روحي بالساعات بس حتى احمي نفسي من تحرشه واني اصبر روحي بالف يمين راح اطلعهن من روحه

-وين صافنة

-بردانة

-لاتگولين باردة كولي ماقتنعت

سكتت

-ماراح اضغط عليج بالكلام لان الدنيا بعدها طويلة گدامج واشياء هواي راح تفر طريقة تفكيرج يله امشينا

هزيت راسي مسحت عيوني خله ايده ورا ضهري رحنا للدراجه صعدني رجعنا للبيت دخلت واسمع صوت رجال يهدد وصوت بنيه مبينة صغيرة تتوسل وياها وحده تحجي

سد حلگي وجرني للغرفة دخلني سد الباب دفعته

-تره اگدر اصرخ واني داخل الغرفة موشي صعب

-وهذا ابسط شي يسوي المتلبس بجني

-اگلهم خاطفني

-خاطفج واشتغل ضد اسماء مالهم وجود وحابسج هنا حتى اضيعج منهم واهلج منا كم شارع وابوج ملقب جاسم الكرن وبعد شنو ناسي ذكريني

-عالاساس ما تخاف

-ليش الجذب لااا  بس انتخيلج بواحد بي حظ مو جايب عرضه يم مشعوذه يسوي بيهن اعمال قذره وهاا لابفكرج سديت حلگج خوف من صوتج الي تكول صوت صرصر ارعن لا بس حتى لااخليهم ينتبهون لخلقتج الي تخلي حتى الشيطان ينهزم من عمله

-تجرررب

-بدون لا جرب صرخي اشكد ماتكدرين قابل شيسوي المتلبس ومحبوس داخل غرفة يم وحده مغسول حظها غير يكمز

-حيووان لفو

-رؤيا روحي نامي افضل ماانيمج نومه ابدية

-وانت يله اطلع مناا

-هاي عالاساس اني  بيت ابوج

-اني غبية ماخليتهم يشلعون راسك

-قسمتي الگشره حتى اضل مگابل هيج مغثة

-يسولف عالمغثة هو بي طن تنمر

-لو عندي شكلج  ماافتح حلگي مو ارد

-دساااار لاتحربك حتى لاامسح بكرامتك الكاااع

-احربك ؟؟ والگاع؟؟

سكتت عرفت روحي جفصت حسيته تقرب بسرعة رفعت اديه احمي وجهي همست تره بس الماعده رجوله يستسلع على  مره

كمش اديه نزلهن - قصدج قردة مرعبلة

-شوف تعيل وتكول ليش اطولين لسانج

-روحي بنيتي حرمات حتى الراچدي بيج 

كالها ودفعني مارديت رحت اتلمس وصلت لفراشي نزعت القمصلة شمرتها على صوت جداحته صاح ااخ عرفتها اجت بوجهه

بسرعة دخلت بفراشي اسمعه استغفر  صار هدوء حسيته يباوعلي خنست اخذله شويه وداس دكمة الضوه واجه تمدد عكس اتجاهي صارت صنته مرت دقايق ماكو اي نفس استوني اغمض واسمع صرخت البنيه تكول لاحباب واحد صاح اثبتييي لاوالزهره اكتلج

همست شنو ديسوولها ليش هيج دتبجي وتتوسل

-جاي يقرالها قصة وصل مشهد ماعجبها

-دتضحك بدل ماتكوم اتخلصها شنو انت ح--

-اذا گلتي حيوان وحزام الحمزه  اخليج بصفها واسوي الانكس منها رؤيااا انطمري  احسلج

انطيته ضهري غمضت ادعي عليه  بگلبي

-للعلم الدعاء يفتر ويرد على صاحبه

-الي اضوج منه ادفره ماادعي عليه

-يالقوية

-تصنف حضرتك

-لاعلى شنو قابل اكو طفله جانت بين اديه من دقايق تتوسل خايفة لو وحده ماتنام اذا مااخلي راسي قريب منها وايدي بشعرها

-هذا ما يتسمى خوف

-صح والله اني وياج شيجيب ظلام الليل والهدوء يم مصباح بكفشه وجهه كد ماوسخ صاير لوحة فنية بالرعب

انداريت مديت ايدي كمشها گال شكو

-لاتخاف ماضربك  شيل ايدك

-لعد  شرايده تحكيلي تره مابيه جرب مثلج اغسل كل يوم

-هم لفو وهم تافه شيل ايدك بس اتلمس خلقتك اشلون صايره الي هيج ماخذ راحتك بالحجي

-وعلي اخبل بس حظ ماعندي وگعت بوحده تكول قرقوز

-والله ماكو وحده مظلومه مثل زوجتك بس اريد اعرف اشلون رضت بيك

-غير كتلت روحها ماخلت امام مانخته كل شباج تكمشه ماتهده اله وماتشلع وصلة خو النذورات مااحجيلج عنها

-هاي وانت اسمك دسار

-دسار ولارؤيا بربج مقتنعه باسمج

-عندك جهال

-مم بنية خبلة

-الي هيه ليل مو

-لاهذا لقب

-هاا لقبوك باابو الليل لان متام بليل

-شهالمعلومة العظيمه وشدراج ماانام بليل

-للعلم اني عمية مومااحس

-همزين نبهتيني

دااحجي واسمع ضربه قويه وياها صرخه البنيه كعدت جرني رجعني لفراشي غطاني وگال نامي

-مداتسمع راح يموتوها كوم خلصها خطية

-بصفتي شنو اخلصها وياها اهلها وزوجها

-عزه اهلها وزوجها ديسوولها السحر

-سحر من نوع اخر

-شلون يعني مدتسمع اتعيط وهو ديضربها لولان رجال هذا من صنفكم لازم توكفون بجانبه

-ولو هو حجي مال كبار المفروض الزعاطيط مايسمعوا بس حتى تفكين عني هذا التكولين عليه رجال هب بياض وهاي الخوثه التصرخ  زوجته

-مافهمت يعني ليش جايبها لهنا

اتقرب اكثر همس يعني مثل اني هسه اشلون متزوج وحده وضال بس اباوع هو كذلك بس الفرق هو مسويله عمل شيطاني  واني الشيطان نفسه نايم وياي المهم مثل هذا يجيب مرته ويجي للمشعوذه تساعده يحل مشكلته ويتزوج

-هم مافهمت

-تعالي واني افهمج اشلون وشرط بثواني بدون مشعوذه وداعت هالعيون الجنهن خرز

كالها وتقرب عرفت نيته بسرعة ضربته اجت بصدره كمش ايدي عصرها ضميت وجهي بسرعة همس هالمره سويتها الثانيه اللبسها بركبتج

دفع ايدي سحبت الغطه غطيت حتى راسي لان نبرت صوته  اتغيرت مثل المختل  ساعة يكول ضربيني وساعة يعصب اذا مديت ايدي

غمضت وصوت البينه تبجي بتوسل مستمر لتالي وقت مااعرف  اشصار وياها لان رحت بالنوم بدون لاحس

مرن يومين تعودت كل مايطلع نفس الحالة  جان المصبرني ماضل هواي لرجعتي بالاخص من سمعته اتفق وياهم على يوم  التسليم وجانت هاي اخر مهمة وتعهدلي يردني 

كمت احسب بالدقايق اشوكت يجي الخميس اكثر الوقت اخلصه ورا الباب واني اتسنط للعالم غصباً عني عيوني تغمض ترجعني لايد امي وهيه تمشط شعري وصوت رئال  تعاركني حتى تاخذ سراي

احس بخنگة بسرعة اهز راسي وغير الفكره من اللهفة لتفكير اشلون احرگ بابا بدون لااترك اثر وراي

ماصدگت صار الخميس كعدت من الفجر على صوت دسار يحضر غراضه حتى يطلع يتمم المهمة

گمت كلي لهفه حسته قرب دااحجي سكتني وهو يسحبني لحضنه ضمني بقوة بدون لا يحجي اخذله دقايق دنگ باس راسي وهمس بصوت هادئ  حضري نفسج ساعتين ويجيج ضبع

رد دنگ باسني وراح طلع حتى ماودعني ؛ مااعرف شصار بيه بس شي بداخلي انعصر رحت اتلمس سلقيت الباب خليت ايدي على كلبي وگعدت ورا

مر وقت واني صافنة ماادري شنو الشعور الداحس بي بس احس دگات كلبي تأذيني

اخذت نفس على صوت بالبيت مسحت وجهي واسمع وحده دخلت من عياطها عرفتها عمتي تركض وتصيح مروتج  لحگيني انهد بيتييي

دااكوم واسمع المشعوذه تكلها  شكو يالمصخمة عياطج وين واصل

-كولي شنو الماكو خيه راح اتهجول جاسم طالبين راسه ومهدديني يكتلون جهالي اذا ماسلم نفسه

-ليش شمسوي الگرن

-كلشي ماكوو بس حضي الاعوج اتخبل علينه ابو الولد دز خبر من المستشفى اذا ماراح سلم نفسه اليوم للمركز واعترف هو الكاتل بذبحنا كلنا

-لعد مايولي وين خاتل

- خيه يمي اني ضميته يمه ترديني اخلي يروح يسلم نفسه ويروح بيها سوده بوجهي ابوس ايدج سوي التگدرين عليه واي شي اطلبي اني حاضره

-المن اسوي

-لغزوان موته يحل هالهوسه كلهااا

-شنو تردين  مرض لو خرب لو اسودنه گبل

-كلشي يطلع بيدج اهم شي تخلصيني منه والام تنجن لو اگلج سوي اعمال نگسة بيه اني راضية بس مرضي غزوان ورديلي العمية حتى اطبگها هيه ورايه انطيهن لابو الولد واخو بلكي يفكون عنه

-ليش تنطوهم بنات مو طلبوا افلوس همه

-هاي قبل لايوصلهم خبر ابنهم غير ماتحمل ومات بالتعذيب

هيه تحجي  واني دمعتي نزلت رفعت راسي ليفوگ اتخيلت صوت ضحكت رند من تجي تعاند وياي وادفعها  همست رد حق دمج  صار الولد يمج كمشي واشكي لربج گليله هذا الكتلني ردلي حق طفولتي منه

دنكت امسح دموعي بمتني اضحك وابجي سوه احس ربي رجعلنا حقنا  راح نرد نلتم سوه راح ارد لحضن ماما اشتمها وگلها التوبة بعد ماصرخ بوجهج

رفعت راسي  احمد ربي واحسب الدقايق لدسار اشوكت يرد واكله خلصت من بابا بعد لاتخاف عليه

غمضت واني اعاهد نفسي بعد ماتعارك ويه خواتي ولاتجاوز على غزوان  وهي مستمره تشكي متخبلة ماتعرف شنو تسوي والمشعوذه تهدأ بيها كالتها وين اروح دبريني حتى الفلوس ماعندي

-عندي عمل يلعب بعقلهن وينهي غزوان بمرض مايفكه لحد ماينتحر بس غالي شوية

-ميخالف ميخالف اداين  بس كون مضبوط صدگ وهيج واسد حلگ الناقص عن اخوي

-العمل اسود من هسه اگلج مويجيني بعد كم يوم اخوج يكول ليش خبلتوا بناتي

-يمتى بناته منيله بنات هيه طرگ وحدة

-موكلتي عنده اربع بنات

-يااا خيه هاي حتى نسد حلوگ العالم عنه

-يااع لعد منين جبتوهن

-راح اگلج  بس بينه الحجي  بروح ابيج مايطلع ونظر عيني يموتني

هيه تحجي واني فاتحة عيوني على كبرهن وكفت احس كلبي يريد يطلع  اسمعها تكول -----

لاتنسوا التصويت ❤️

الي طلبوا صور اشباه دسار وازر دقايق وانزلهن

شيء من رصيف الدم

البارت الثاني عشر

بقلمي: leo Alfatlawi

***رئال****

ستضل يتيماً في غياب من تحب

حتى لو احتضنك العالم بأسره…

شمرني عالباب بكل حيله وصاح اخذوهااا؛

من قوة الدفعة ماسيطرت وگعت على وجهي احس خشمي صار نصين وشي حار نزل؛رفعت راسي گوه واشوف عمتي ام هيذام ويمها اثنين حراس شكلهم يخوف

بثواني مر شريطها من وكفت تهددني بمصح الامراض النفسية ؛ شفتهم تقدموا بدون شعور گمت ركضت لعمي لزمت ايده باوعتله بخوف وهمست والله ماسويت شي دخيلك

ضغط على سنونه جر ايده مني وكمشني من شعري شالني شيل منه حسيت روحي شاطت لاارادي صرخت ماحسيت غير الراجدي سطر راسي رفعت اديه احمي نفسي واجتني الدفره بنص بطني  گعدتني بمكاني

غمضت باهته شال رجله دفعني للگاع بقوه انگلب خلاها على رگبتي وحجه من بين سنونه كم مره حذررررج

اريد اعدل نفسي لواحجي مااگدر حذائه كاتمة النفس ؛صرخ موياااج ورد دفرني بوجهي سديت عيوني حيل وانطويت

صاح اسماعيل واني بعد مااريدها هيه طالق

- تعالوا شيلوهاااا

هو صاح وعمتي ركضت دنگت گومتني خلتني وراها وگالت بس اهدأ خلي نفتهم

ابرهيم - وخرري عنها خلي ياخذوها لاوداعت ولدي اخليهم ياخذوج انتي وياها يدفنوجن سوه

- خلي يدفنوها يطبها مررض بس خلي نعرف منو الي انطاها موبايل وويامن تحجي

-راح تعرررفين خلي اسلمهاا واخليهم يسحگون على راس اهلهااا  وتعرفين النكس منوو وخررري عنهمم

-بس اهدأ منو يكول حجي هالة صدگ انطيها مجال تحجي خلي نفتهم

-شتفتهمين هذااا الجهازز بيدي شوفييي مكالمة ست ساعاااات وسمعتها بأذني تسولف اشلون تنهزم

-افتح الجهاز وشوف ويامن جانت تتفق اذا صدگ جانت ناويتها موبس حجي  ماامنعك اخذهاا وضيع خبرها نهائياً 

وكف شال الجهاز ايده ترجف اتصل خلاه على اذنه كمشت كلبية عمتي من ظهرها اول مره اشوفه هيج متوحش

ثواني وشمر الجهاز بكل قوته فلشه بالحايط وصاح  اخذوهااااااا

همه اجوا و عمتي لطمت على وجهه احس رجليه بعد ماتعيني گعدت بالگاع وصلوا يمي دنگ واحد راد يلزمني دفعت ايده ورجعت ليورا بسرعة  وباوعت لعمي بتوسل همست دخيلك عمي

-انعل لابووو لابووو عمج  شيلوهااا ولكممم

-والله اختي والنبيي اختي

-يااختج بت الزنااا اني تالي عمري وحده مثلج اتسود سمعتييي

-والله والله ماسويت شي حتى افتح الفون وشوف الغسائل والحجي بينا وغوح اختي مااجذب

-واختج هيج تجين  تتختلين هنا تحجين وياهااا

-ماتختلت والنبي  حتى سأله هو گلي ضلي بهاي الغغفه هذا يمك وداعت ماما هو گلييي

- خوش حجي نگول هو گلج وهاي اختج ليش ماترد

- عايشه يم ناس بالجنوب اصدقاء غزوان وتتصل بسكوت لان ميقبلون عد ابنية جهاز والله عمي اتصلي بيها بليل غاح تسمعين صوتها

-منو انطاج جهاز؟؟

-محد اني لكيته على الميز واخذته لان اشتاقيت لماما والله ما غلطت بس اسولف وياها شويه أمن وسده حتى  اسأل اسماعيل اذا قصغت ويا لو شاف عليه شي

-صار اشكد عندج

-كم يوم يعني مو هواي ماعغف اشكد شوفوا المكالمات

-كل يوم تتصلين بيها

- بس بليل شوية

-واذا اتصلت وعرفت غير هالشي

-وغوح اختي مداجذب واذا مجذبه صدگ ادفني

-بالنهار هم تتصل

-لاااا والله الوكت كله ويا مااعوفه ولا لحظة

اندار لاسماعيل اشرت شنو

اسماعيل - اي وياي حتى بليل بس مرات اضوج من وجودها بالغرفه اكللها تطلع تنام بالثانية

-وبالنهار هم تختل هنا

-لالا ابد لو تنظف لو يمي ماتختلي بروحها ابد عوفوها مالكم شغل اني راح اردها لذمتي

-تردها لذمتك شنوو  اثوول انتتت

-لا تسرعت وطلكتها غلطت واني اربيها  على ضمت الموبايل واذا صدگ طلع عدها شي اخذها اشمرها بالمصح لحد ماتموت يطبها مرض

- خوش حجي ام هيذام سحليها حبسيها بالحمام لليل اذا ماخابرت اختها وسمعت صوتها اعرف اشلون اسحگ راسها وامحيها هيه واهلهاااا

اشرت اي  اندارتلي دنگت سندتني كمت وياها ؛ عيوني بأسماعيل اريده يوكفلي لويعترض ماكو هيه جرتني وهو دار وجهه عرفته موبس مريض نفسي لا جبان واي رجوله ماعنده

اخذتني تسحل بيه تكول حيوانه فتحت باب الحمام  مجرد شوفته وهو اظلم والرطوبة الجايه منه تعصر الروح

دااگلها فتحي الضوه مانطتني مجال دفعتني وسدت الباب قفلته وگفت  اتلفت هندس ماشوف كلشي

تلمست الباب لميت نفسي گعدت وراها حسيت بروده الگاع ثلجت جسمي مسحت خشمي بضهر ايدي نزلت رداناتي سحبت رجليه لحضني خليت راسي عليهن وحضنتهن صافنة اني شسويت بروحي

مر الوقت ماكو اي نفس اذني يم الباب روحي باهته منتظرة مصيري المتعلق بأتصال راية ؛البيت هادئ مابي غير الحرس بالباب عرفت الدنيا متوقفة يمي مالي اي وجود  حتى لو اموت محد راح يلاحظ

صار الليل واني على وضعي خاله راسي بزاوية  الباب وفاتحة عيوني اباوع لصورتي المعكوسه والدم اشلون يابس بوجهي؛ فزيت على دفره صارت  ظهري مو بالباب

انفتح القفل والضوه سوه ردت اگوم مالحگت  اندفعت الباب بقوة انحشگت بالحايط دخل عمي ويا مرته وگف باوعلي بغل رجعت ليورا اريد اتبلعم مااكدر

كمزني وهو يصيح سمعييي لج راح  اسألج اخر مره قبل لااتصل حتى لا اجرم بيج

سكتت

-موياااج احجييي

-وداعت بابا اختيي

-اختج خوش حجي راح اتصل وكون الله اطلع بسواد الوجه تعرفين شسووي مااگلج اشمرج بالمصح واتركج لااا وداعت ولدي اخليج تتمنين المووت امنية

هزيت راسي اي

-تمام وانتي جيبي الجهاز وطلعي مناا

ام هيذام -يااا  شناوي تسوي

-كلتلج طلعييييي

رادت تحجي جرها دفعها بره وسد الباب فتح الجهاز اتصل واني عيوني عليه ولساني يردد يارب كون ترد

اخذله ثواني و دنگ خله الفون على اذاني اسمعه يرن ويه كل دگه كلبي ينبض بخفوت اخذت نفس  واني اسمع الخط انفتح وماكو صوت عرفت رحت بيها غمضت نزلت دموعي همست برجفة رايه  لحكيني

والراجدي  اجاني دگ راسي بالمرمر من قوة الضربه رج الحمام بي؛ غمضت دالزمه واجتني الدفره بنص بطني گطعت النفس انطويت عاصره روحي

اندار يفتر بالحمام مثل المخبل يدور على شي يكتلني بي غمضت حيل واني اشوفه جر التعلاگة الحديد من الحايط واجه كاز على سنونه

وصل يمي شال ايده استوى يريد يضربني واسمع صوت هوسه صارت بالمشتمل والحرس يدگون الباب بقوة ويصيحون الحكناااا سيدددي

جرها الباب فتحها وصرخ شكووو اولاد الكلببب

-الحگنااا  سيددي وصلتنااا اخبارية الضابط ازر تعرض لاغتيااال 

-شنوو اغتيال ابني وييين

-مانعرف سيدي مجرد تلفون وصل من مجهول كال سلمولي على اللواء وكله هذا حصتي بالمقابل

-شنو مجهول شنو مقابل انتوا اشتحجووون وينه ازررر اتصلتوا بهيذااام

-مايررد سيدي ماايرد

شمر التعلاگه وطلع يركض مخبوص ورا مرته ردت اشيل راسي من الگاع ماگدرت الدنيا ظلمت؛جسمي خدران شي ينسحب من روحي غمضت دقايق وماحسيت بعدها

صحيت على هوسة وصياح فتحت عيوني غواش الصورة مو واضحة رجعت غمضت ثواني وطفرت على صوت صرخة هزت المشتمل

فتحت عيوني  واشوف هيذام حاصر اسماعيل شكله يخوف الحرگة زايده رعب رفعه من شعره ومبلش  بي راچديات من گد ضخامته مامبين من اسماعيل شي غير صوته

كعدت اريد افتهم شكو واشوف الراچدي اجاه من قوته سطر راسه بالحايط وكعد بالكاع شبه الفاقد

رد دنگ رفعه من رگبته وگفه؛ عمتي تلطم وتصرخ لحگوني وعمي يضرب بضهره يريده يتركه

زحفت لورا لازمة اللحاف حيل اباوعله اشلون خنگه بدون رحمه واسماعيل يرفس بين اديه صرخت  عمتي مات ابنك يابررراهيييم

هيه تصرخ وعمي طلع سلاحه وضرب هيذام بنهاية راسه ؛ لزم مكان وندارله ؛باوعله بنظرة من يمي خنست

شمر اسماعيل وضغط على سنونه رجع عمي بسرعة ليوره وجه سلاحه عليه وصاح وداعت ولدي بس تتحرك  ارميها

-تتحامه بطفلة لا زلمه عجبتني

-وكلام الله يهيذام اخليها الك جثة وعود روح دورلك على وحده غيرها ترد رتبتك بيها

-كون صدگ گد كلمتك وتجرب حضك  تذكر اشلون حرگت ابنك گدام عيونك هالمره اربط عائلتك بكبرها واغطها بتيزاب

-شبييك تسودنتتت شرررايد

-روحك انت ولدك

-شتلغيي انت

-تارك اللغوة الك اني انفذ حذرتك قضيتي اذا صار بيها  خدش اخدش  روحكم مثل مااخذتوها من الحجز مابيها اثر ترجعوها لخاطر  افتح قضيتها بدل ماافتح  قضية اخرتكم

- شغلة شيلها من راسك طلعة منا ماراح تطلع غير للگبر صارت مرت اخوك رضيت او لااااا

-هذا الشي تضحك بي على امثالك ماصارت ولاراح تصير غير المتهمة مالتي واردها هيه ورتبتي  غصباً على راس اكبر واحد ان جان هسه لو بعد الف سنة

-يعنيي شنوو

-يعني نصيحة عينكم بيها  منا لمن اردها اذا ردت تضل تشم هوى 

- تاخذ ابنك وتولي من بيتييي بسرررعة

- وطلعة مناا مااطلع غير محمل بعد ما اسطر بزرتك  جوه رجلية مثل الغنم ساحگ روسهم گدامك

- هيذام  لاتجبرنيي انهي حياتك وانت تعرف كل زين اسويها بساطة

-سوي التگدرله

-اطلع يلاااااا

-طالع بس خليك متذكر هذا ثاني تحذير الثالث انت اعرف بي قضيتي مقابيل روحك

كالها ودنگ شال سلاحه من الگاع  رفع راسه باوعلي بنظرة ماعرفت افسرها خوف لو لهفة لو غضب

نزلت دموعي خله سلاحه بضهره وطلع.؛ اندار عمي على اسماعيل دنگ راد يسنده دفعه وگام وحده  اجاني يسحل بنفسه عرفته راح يكتلني بسرعة رفعت اديه احمي وجهي صارت بوجهه عمتي رحمة دفعته من صدره صاحت وييين تريد

-وخررر  عمممه

-اي اوخر وبعدهاا شنو تضربهاا موو؟؟

-وانعل ابوها كله منهاا العاهره اذا ماربيتهاا من جديد وكسرت راسها ما تسمى عالزلم

-بعده هيذام  ماطالع من البيت ودعت نظر عيني اذا فكرت تلزم شعره منها اروح اصيحله وانت تعرف الباقي

ام هيذام - تهددينا بالسگط مالتتتج

-ماهدد بس عتقوها ماتت شوفيها شضال بيها كوه اجر النفسس

ابراهيم -. يطبها مرررض تحمد ربها لحد الان خالها عايشة بعد هالمصايب الصارتلي بسببها

- خاف ربك وانت حاج بيت الله ترضاها على بناتك هيج  وهيه ماغلطت بس اشتاقت لاهلها حقها طفلة بعدها تحن الهم ليش تكسرها فوگ ماتهمتها بشرفها

-ياشرف تحجين بي واني جايبها من نص البتاوين بس الغلط مني وهسه اصلحه

-اي يخوي زينة العقل رجعهاا  للمركز  ماطول طلگها اسماعيل  هم تخلص من المشاكل وهم وهيذام يرد لمركزه بدل هوسته وخباله الي مانعرفله اول من تالي

اسماعيل- لا رجعتها لذمتي والله العظيم اذا فكرتوا تاخذوها منا ادير بنزين واحرك روحي

ابراهيم - بابا هذا تسودن وخلاها براسه وتعرفه خبل تالي يسويلنا مصيبة

-خلي يولي يمسلت وحده  هاي مرتي ماياخذها لو يدگ راسه بالحايط واذا عليها ماسوت شي غلط رادت تخابر اهلها واسمعها كل يوم تخابر ومتأكد اختها

-لعد وين جنت هسه ياله حجيتتت

-ماحجيت مولان شاك بيها بس حتى تتربى وما تسوي شي بسكوت عنه الي تتختل بشغلة صغيرة تسوي الاكبر منها هيج بعد تابت ماتعيدها

-استغفر الله هذا اشتحجي ويااا ولك لو خالهم ياخذوها لهناك اشلون بالله

-امنعكم ماخليكم  وهيه منا وجاي دوم اضل وياي ملازمتني من هسه اگلك غيرها مااخذ لو الدنياا تنگلب وحق ربي ما اتزوج لو تذبحونيي سمعتوووا

-خوش حجي تريدها تضل وياك تجيبها وتگعد يمنا بالبيت الجبير اني مااضل تارك شغلي ومگابلك اربعة وعشرين ساعة لخاطر احميك من هذا الباطل  لاطخ براسه على غفلة ويدخل يكتلك

-مااطلع من شقتي واقفل الباب عليه محد يگدر يوصلني بعد

-بس كم يوم يوم لبين ما شوفلي صرفة ويا اذا ما الله اخذه وخلصني منه اني  اسلم راسه بيدي افتك من مصايبه

رحمه- . لايخوي هذا وصيت اخيك لاتخلي الغضب والشيطان يعمي عيونك عنه

- ياوصيييه ايده طالت وتفكيره واجرامه بعد محد يحمله لاخال صاحب رتبة لاخال  متهم ؛مااگعد دقيقة اذا مااجتني شكوه عليه محد يعرفه شيريدد

اسماعيل - هواي سمعناها منك وكلشي ماسويت

ابراهيم -جنت حاسب خاطر لعمتك بس  الضاهر جنت غلطان انطيته مجال يتمادى ويتفرعن وانتي رحمة حضري البنيه وجيبيها لهناك وهذا المشتمل ينسد نهائيا

رحمه.- حاضر يخوي بس خابرت الطبيب يجي يشوفها اخاف بيها كسر لو تعتاز مستشفى 

راد يحجي ورن فونه طلعه باوع بي عگد حاجبه رد گال الو واشوف وجهه  اتغير اخذله ثواني يتسنط وطلع بسرعة وهو يكلهم طلعوا الولد قبلي جاااي بالطريق

صاحت ام هيذام ؛ هيذااام  والله ماكو غيره يمه  تعالي ليه راح يسودنلي الرجاال

رحمه- كافيي كل شغلة عوجه وشمرتوها براس الولد ماكفاكم خسر رتبته وشمر نفسه بمكان مابي بس الموت

-منو جبره هااا اشبي هيج اتخبل اول قضيه يخسرهاا  لو هيه اعناد لان شاف اخو استقر كتله الحقد وانتي كافي ادافعين عنه محد ترس راسه بالسم   ولاخبله غيرج

-استغفر الله ربي روحي خيه الله يهديكم

-مخابييل والله يهدينا شو انتي ماتعرفين تحجيين

يمه نذرر عليه بس اخلص منه اذبح ذبيحة لوجه الله

-صح ولد اخوي عزاز على گلبي ومااگدر انطقها بس عينج بزرتج لايتذبحون قبل الذبيحة

-ومنو گلج راح انتظر لذاك الوكت

-وينطيج گلبج  تضيعين شباب اوليدج وتشوفين  تابوته داخل عليج

-ابجيلي يومين واسكت افضل ماابجي عمري كله على عائلتي  هيج خايفة عليه اخذي روحي فكيني متنازله عن تعبي بس خلصيني من شره

هزت راسها بقهر وهيه جرت اسماعيل وطلعت اندارت عمتي رحمه باوعتلي عيونها كلهن دموع اجت يمي عدلت الغطة وگعدت ضامه وجهه محتاره شسوي

دقايق ودخلت ضي تركض صاحت لحگي يعمة هيذام مااعرف شمسوي البيت انگلب

لطمت على وجهه وطلعت تركض اجت ضي كعدت يمي لزمت ايدي وعيونها عالشباج عاضة شفتها  حتى مابية اسأل شكو  لحد مادخل الدكتور ويا وحده  جيكوا وضعي كال مابيها شي بس رادلها راحه يومين ماتتحرك

كتب علاج وضربني ابره مهدئ صدگ ثواني واختفى شكو الم رحت بالنوم

مر يومين الكل مخبوص مااعرف شصاير واني اصلا مااريد اعرف بعد السمعته والصارلي عرفت  ماراح اكدر اخلص روحي منهم اذا ماانهزم؛ ضي ملازمتني بالنهار وعمتي بليل صارت حالتي احسن كمت اكدر اكوم واكل وحدي

گاعده على فرشتي لامة رجلية لحظني اتسنط لضي تقرا يمي وعقلي بغير عالم افكر  اشلون اكدر اطلع منا وين انظم  فززتني وهيه تكول ويين شارده ام لدغة

شلت راسي باوعتلها واشرت ماكو شي

-احجي رئول اسمع لاتضلين هيج صافنة

-ماكو شي تعبانه شوية

-مم خوش بس تره اكو ناس زرعت وراج بدل العين الف عين بالاخص من رجع تراهن عليج وهالمرة بروحه

-لعد خلي يستعد للموت

-تردين الصدگ اني وياج انهزمي لاتضلين هنا بس وين ترحين اذا مفكره لاهلج فأكلج راح دمرينهم

-ماغاح اوصل لاهلي استوهم عاشوا مثل الناس

-لعد وين واشلون تعيشين

-نص حياتي خلصتها بالشاغع لاتخافين عليها اعغف اشلون اعيش واشتغل بس ساعديني اطلع منا

-والله اساعدج بس بالاول  لازم ندرس الموضوع زين رئال لاتستهينين انتي عايشة بنص عائلهم اقل رتبه بيهم عدها عيون بكد عمرج مرتين يطلعوج من جوه الگاع

- اعغف لهيج غاح اغوح مكان لو بنطي عمغه هيذام  مايحصلني

-تمام بس صبري خلي تصفى الحرب الي مسويها  ويرجع  لان لو اخليج  بطاقية اخفاء هم راح يلكفنا وساعتها جيبي اليخلصنا من ايده

-موگالوا بس يومين ويغوح

-ههه يايومين غير انتي ماتدرين شكو بالدنيا نايمة هنا دروحي استمتعي بمنظر ابراهيم  النكس اشلون يفتر مثل المسودن  لايعرف يحمي شغله لو ولده

-ليش شنو صايغ

-ههههههه كلشي ماكو بس ابن النظام مشتغلهم لعب عالبارد گومي شوفي اشلون كاعد بالحديقة خال رجل على رجل يحرك بيهم بهدوء كل شغلة يسويها  اسوء من القبلها خالهم يترادمون مثل المخبل الشارد من مصح

-موگال عمي غاح اسلم غاسه واضيعه

-يسلم  منو ابو درع  ههههه ضحكتيني خلي يلحگ يردد الشعار وانوب يضيعه ولج اخاف مستاهنه بهيذام  لان سكت عنج بنتي هذا يتزاود ويه ابليس عالشر

-ماساكت عني لان متأكد غاح يغجعني للحجز ويفتح القضية من جديد وبعدها ياخذ حقه مضاعف مني 

-والله تردين الصدگ ماخاشه براسي 

-اشلون يعني

-اكو شي صاير  حتى بابا يكول هيذام  مو نفسه القديم الي يمشي ويسحگ مايهمه احد هسه مثل الي عنده شغلة خايف عليه مكابل الحديقة حتى نوم ماينام بس يدخن ويتصفن  والي ميريد نفسه يروح يمه والله الي يلكفه مايخلصه من غير عزرائيل

-يجوز مدخل نفسه بمصيبة ومحتاغ اشلون يطلع منها

-موجديدة على احمد راضي  كومي خلي نطلع بره لان اليوم اخر يوم الج هنا عمج گال كافي بعد خلي تجي يمنا  وسدوا المشتمل

-بدون لايدز عليه اني غايحه

-شناوية رئال؟؟

-سويتها قبل وندمت من طلعت من بيت بابا بدون لااخذ حقي وبعد العشته والوجع الحسيت بي خلاني اقسم مااعيدها

-يعني ؟؟

-يعني مااطلع منا اذا اخذ كل حق الي بهذا البيت بعدها اغجع لمكاني الي اخذ غوحه والي انطي غوجي

-تاخذين روح ابوج وتنطين روحج لهيذام حتى يرد منصبه موو

باوعلتها وضحكت اشرت شنوو

-اغيد اكوم اسبح داحس وسخة

-اي واعيد ترتيب وجهج واذا كلتي لااهفج كله  لان وراج خطة اي غلطة بيها ننشمر وره الشمس

- لهيج نويت ادوس على نفسي لان وصلت للنهاية يااسحگ ياانسحگ بس اني انسحكت هواي وصلي الدوغ

-مافهمت

ـ اتوسلت  وبجيت وتغجيته بدل مايخلصني هددني اذا طلعت منا ينهيني بس حتى يشوفني مذلوله بسبب غلطة هو الاساس بيها

-تره هو يريد يرجعج للحجز حتى يرد رتبته

-من بعد مايندمني ويخليني اتمنى الموت بعيشتي على السويته وكتها عود يفكغ يسحلني للتحقيق حتى يكمل البلش بي بس الما حاسب حسابه غاح اگلب الطاوله بي واني الغاح اخلي يحس بكل هذا وانهيها ويا بشغله اخلي يتمنى من اول كلمه كلتها اله بتوسل مغجعني

-شنو يعني ؟؟

-يعني مو غاد يعاقبني باسماعيل واسماعيل زوجي حبيبي مااقبل يحجي ويا كلمة مو يفكغ يبعدني عنه

-هله والله  اشتغل كيد النساء امووت على الي تشتغل بعقل بدون مشاعر

-لهيج كمت انام من وكت

-لان بعد منتصف الليل العقل يسلم المهمة للقلب مم هذا الحجي مو غريب عليه سامعته من قبل

-اغبى المخلوقات من يعطي النصائح قبل ان يوجهه لنفسه

-ياخوفي الغبي جاي يلعبج  عالخفيف لحد مايوگعج بمصيدته وكتها لا نصائح ولاذكاء ينفع ويا

-ماطول الگلب مبني بالحقد والعقل متغسخ بالانتقام ما تفيد لا مصيده ولا صاحبها

-اووف احبببج كالتها وعصرت خدودي ضحكت وخرت اديها وكمت للحمام سحبت عالسريع واني ارتب بالافكار اشلون ابلش واول خطوة شنو اسويها 

طلعت لكيتها محضرتلي الأغراض كعدت بدون اعتراض سلمتها نفسي ما خلت شي ماسوته من شعر لوجهه الاظافر اكثر من ساعتين كالت يله كومي شوفي

كمت باوعت وجهي و ابتسمت على التغير اتمنيت محمود موجود ويشوفني اشلون كبرت وصرت مثل ماجان يتمنى غمضت حسيته قريب مني يباوعلي  همست ماضل شي جايتك

ندستني ضي فتحت عيوني اشرت يله

شلت شعري لفيته ربطته بالكتر بس نزلت اديه تناثر غمضت محترگ گلبي همست جايتج استعد للراح اسوي بيك

شلت المشمر طلعنا دخلنا للحديقة صار كدامنا ازر جوه عينه ازرگ وگاعد نص كعد يم ابنه يسويله البايسكل ويمه درع شال راسه باوعلنا اشر هلوو

خجلت مارد رحت يمه  همست الحمد الله على سلامتك ان شاء الله ماتنعاد

-عفيه طيرتي تنذكر بثانية المهم هالشي راجعلج والله سلامة وجهي بسلامة وجهج

ضي.-  صدگ كالوا تعرضت للاغتيال

-صدگ والله

-امم

اشر اي ودنگ يكمل يشد التاير

ضي- عرفتهم منو ؟؟

-على شنو تحجين

-الي رادوا يغتالوك

-نفسهم الي راحوا يغتالوج اذا جربتي بس تأييدها  على اوهامها

-شنو دتقتصد مافهمت

كام شال البايسكل انطاه لابنه اشرلهم  روحوا اخذوا وراحوا وهو اندارلها باوعلها رافع حاجبه

-ازر اكثر شي اكرهه هو اعاده السؤال وانت تعرف هالشي

-ابتعدي عن قضيته

-قضيته هناك بالمركز هنااا هيه مرت اخو ومايكدر كلشي يسوي

-رب الي طير ملامحي وجان مستعد ينهيني بس حتى يشغلهم لان حس بيها بخطر واني من دمه   مستعد  يطير اسمج من سجل الحياة بكبرها اذا حس بيج مشجعتها مو مساعدتها ؛ وانتي مرت اخوي اشلونج

اشرت زينة

-اي بداعت امج حاولي تحافظين على وجهج بس كم يوم لبين مااستعيد شكلي

-ليش دتحجي كله بالالغاز

-اللغز يمج مرت اخوي مو يمي يااخي احسج مستقصدتني بويه تعرفيني من قبل

-اي انت واخوك الي شمغتوا البنزين بالشاغع وخليتوني انكتل

-اشتعلت ذيج الساعة الكشره على يوم الفكرت  اطلع بيها من المركز يول رتبتي وجهي شناويه اطيرين بعد  بدل بطل البنزين 

-اخوك

-الله ويدج ياريت والله هيج وتخلصينه كون هيج شمر ورا  القارات صدگ كولي ورا القارات

ابتسمت ضحك گال الحمد الله على سلامتج خويه

-الله يسلمك

-ليش طلعتي وانتي بعدج مريضه

-لاصغت زينه اللواء ابغاهيم يغيد يقفل المشتمل لان  دنغجع للبيت الجبيغ

-ضي ترجمي

ضي -يوعد ويخلف ويكسر ويسوي روحه بعيد عن الوجع

-ويمثل السعاده وهو ماشام ريحتها

-عساك ماعشتها ولاتمر بطاريها

مارد هز راسه اي ودنگ دفعتني مشيت انداريت لكيته يباوع لايده انتبهت لاصبعه بي الحلقة رجعت باوعتلها عيونها حمر اخذت نفس حسيت بألمها وعرفت ليش دتساعدني 

وصلنا للبيت مسحت وجها ابتسمت دنكت ضربتني على ضهري كالت يله يابطله اجه دورج راويني شطارتج بالشطرنج

-حسبي حساب اسبوع  مو اكثغ وتشوفين كدامج اشلون اغلق اللعبه واني اكول كش ملك

-كل ماتضوجين تلكيني گاعده على نفس الميز

-حاولي تتعودين على غيابي

-تعودت ادمن بالاشخاص ونجرح بفراقهم

-جان كلتلج تعالي وياي بس الامان بحضن ابوج يسوه دفو الدنيا بكبغها

-روحي رئال وخففي اللعب ويه هيذام حتى لاتنوجعين هواي

-هه من گد مانوجعت  بعد ماحس بي

-روحي واني بظهرج لو اعرف انطيج روحي مو  اوكفلج بس تخلصين من هالعائلة القذره

ابتسمت دكدكت على متني رحت دخلت وهنا بدايه اول خطوه بمكان ماجان المفروض افكر ادخله مو اجازف احارب بي

فتت  صارت بوجهي عمتي رحمه واكفه يم المساعده تحضر عصير شافتني  ضحكت گالت هله بيج يبعد عمتج تعالي نورتي بيتج

رحت حضنتني وسحبتني تمشي بيه فرحانة دخلتني للصالة الي تگول قلعة تذكرت صالتنا الي ماادري اشلون ضالة مقاومة واكفه على رجليها

كملنا طريقنا  للاستقبال دخلت جانوا كلهم كاعدين ام هيذام تسولف ويه هاله باوعلي بقرف من غير هبه مرت هيذام منتجية على ابوها گالت هاي شجابها هنا

عصرها وگال هلا بابا تعالي كعدي يم زوجج اريد احجي وياج

اشرت اي رحت گعدت يم اسماعيل الي على طول ماجنت واكفة يباوعلي بخوف متوقع راح اتغير عليه بعد الصار تفاجئ  من باوعتله مبتسمه همس بعدج مريضه

-شتكول انت

-والله تعاركت ويا بابا وكال بعد مااضربها

-وهيج هامتك تغه صاغ يومين  حتى ما سألت عليه

-مااكدر اكوم تعبان

-شبيك

-مابيه شي بس انتي لاتعوفيني خليج وياي

-لو اغيد اعوفك مجان دخلت لهذا البيت

ضحك ولزم ايدي غمضت لان ادري هالشي حرام وعقدنا باطل بس جان لازم مو بس ادوس على كلبي لا حتى عالضمير لخاطر  اعرف اكمل  صح

انتجه مامصدگ خله ايده وره ضهري ويباوع لزواج امل وابو عود اني هم صار عندي مره وحالي حالكم  رغم هوسه ناس تتناقش والجهال تكمز هبه مركزه وياي تباوعلي من فوگ ليجوه وترد تباوع الهالة وگوه كاتمات ضحكتهن

اني هم ماهتميت لتفاهتهن بكد مابالي بجمالها واشلون هيذام تاركها وهيه شايلة كل هالترافة

فززني عمي وهو حمحم صارت صنته عرفته الي اجه من ضربة بسطالة الي تكتم النفس

انداريت صار گدامي من جهه الباب نازل من فوگ يعدل بسلاحه لابس تيشيرت نص ردن اسود وبنطلون عسكري بسرعة اسماعيل سحب ايده من وراي خلاهن بحضنه وعدل كعدته

وصل يمنه خلا السلاح عالميز و كعد عالتخم اصلا ماباوعلي شال رجله خلاها عالطبلة الكدامة گاله عمي عاشت ايدك على هالثقافة

رفع حاجبه وطلع باكيت الجكاير سحب وحده خلاها بحلگه

-اشوكت تولي لوحدتك

مارد ورثها اخذ نفس نفخه وابتسم باستهزاء

-المتهم اشلون مات ؟؟

-التحقيق يمك اني ضابط مستقيل

-هيذام الولد البارحة جان بالمستشفى وحالته متحسنه وحتى اهل المجني عليها متنازلين صبح التنازل مسحوب والولد ميييت اشلوون

-ماعندي علم هذا شغل عزرائيل تگدر توجه السؤال اله

-اخر مره اسألك اشلون مات ؟؟

-ردد الشعار ولحگ ربعه

-انت صاحيييي شنو المووت هيج سهل عنددك لك هاااي اروواح بشررر انت حيييوان

-عفية حيوان

-راح افتح التحقيق بموته واشوف شنو سبب الوفاة

-يعجبني ضميرك من يتحرك بطريقك افتح كبور اهل الصعقات الكهربايئه حتى توفر وقت على نفسك هيه قضيه قضيه العبها صح

-خوش حجي نتواجه

-ياريت تستعجل مثل ماتعرف اكره الانتظار بالاخص اذا طلع هوبعه يابه بعلي اشكد انغث

اخذ نفس بحرگه وهيذام انتجه اشر الابنه تعال

اجه يركض شاله خلاه بحضنه ندسني اسماعيل رفعت راسي دنگ همس يم اذني كومي صعد للسويت

-بس اغوح اجيب حاجاتي تكوم تجي وياي

-لاترحين هسه اكول الهن يلمن غراضج ويجيبنهن

-لاا غاح يكتشفون كلمن بمكان جان نايم

-لعد مابيه حيل اكوم وياج اخذي هاله

-عيع مالكيت غيغ المعفنة

ابتسم دمغني كمشت ايده وضحكت  درت وجهي  لكيت هيذام  صافن علينه دنگ بسرعه سوه روحه مو يمنه ورث جكاره لخ

اذني يم اسماعيل  يسولف فرحان اجاوب ويا وعين بهيذام  الي حاله انگلب مدنگ يحك بگصته ويسحب كل نفس من جكارته يطير نصها اتحسه گاعد على نار روحه تلوب كملها اسماعيل وهو يهمس لج مو احجي وياااج

باوعتله رمشت براءة وبرطمت 

-اشلون تخليني اكلها

-تغه صوتك عالي

-دخيل اللدغه اني

كالها وكرص خدي ضحكت ودنگت عود خجلانه

قاطعنه  عمي وهو يكوم يريد يطلع وصل  يم هيذام شمر مفتاح كله هذا مفتاح المكتب اتصل الرائد همام ويكول اريد ملفات المتهم ابو المنشأت يم ابو درع اتصل بي ميرد عليه

شال راسه باوعله بنظره من يمي نرعبت  سحب نفس من جگارته ودنگ طفاها عالميز كام دفعه بخفة ايده وعبره ؛عثر عمي كوه سيطره ماوگع وهيذام  اصلا مامهتم كمل طريقه وصعد الدرج

وكف عمي يباوعله بيأس  هز ايده

ام هيذام - تركه بداعتي

-شتركه الملفات يمه العالم تريد تشتغل اشلون يعني هالولد متراهن يسودني وياا 

-قابل شنو يسوي بيهن

-ماتعرفيين شنو براسه على ساعة يسويله كارثه يخليك ماتندل دربك والله العظيم بزعت روحي صار يومين النوم ماشايفه  ماخليت واحد ماخابرته وترجيته على السالفة السواها كوه گدرت اسدها

-راح يرد  بعد شهرين ماراح اتشوف وجهه لخاطري اتحمله بس هالايام

-واني ماضل عندي صبر اكثر وصار الوقت اتوبه

اتحسرت ضايجه

-كوم بابا اسماعيل  اخذ مرتك وصعد غرفتك ارتاح حتى للاكل بعد لاتنزل همه يصعدون الكم

اشر اي وكام كمت ويا طلع كدامي صعد كوه يتحرك كل كم بايه يوكف ينفت  من اثر الضرب ويرجع يكمل لحد ماوصلنا اخر بايه صار كدامنا هيذام مدنگ على مغسلة يغسل براسه على صوتنا رفع راسه باوعلنه انتبهت لعيونه صايرات دم كد ماحمر

جرني اسماعيل بسرعة  فتح بابا الغرفه دفعني ودخل وراي  قفلها وكفت عاضه شفتي واني اسمعه صاح من بين سنونه ودفر المغسلة بحرگه گلب

اشكد توسلت بيك رجعني ماقبلت ناوي تعذبني مو حضرتك لعد خليك مستعد للراح اسوي

باوعت لاسماعيل راح كعد على الجربايه وهو يضحك ويحك بركبته  شكله مكروه طويل ورفيع ولحيته نصها وسخ مدموجه ويه الحرگ انوب فرحان انجمع وياي بغرفة وحده

اكبر غلط  عاملته مثل البشر بس بعدها بأولها اذا ماطلعت شكو ذل من عيونكم ماطلع بت البتاوين

اشرلي تعالي كعدي بصفي

-اكو فغاش لو انزل اجيب من جوه

-ليش ماتنامين يمي

همست اسماعيل كلمة والثانية واصغخ وعليه وعلى اعدائي  وعاد هيذام مايصدگ بالاخص هسه غاح ينجلط لباله صدك علاقتنا كاملة

-لالا هاي هيه بس فرشيلي جوه  لان العلاج قوي اخاف مالحگ حتى ماانفضح

-ماغاح اخلي احد ينتبه لاتهتم

-رئال لاتعبيني فرشي وتأكدي الباب مقفول عدل  اخاف احد يدخل

-حتى لودخلوا مالهم شي يمنه هذا مكانه وبكيفنا ليش هيج متغدد

-ههههه متغدد حلو من تحجين

-ممم تعيب وعلي صوتك بعد حتى يوصل اوضح

-احبججج

-متأكد

-رئال اسف والله بعد ماضربج ولااخلي احد يوصلج وعد بس سامحيني وخليج يمي

-شنو الي خلاك هيج تتبدل  فجأه

-لان والله  احبج

-من اشوكت

-وراس ابوي صار يومين مانايم لان بعيده عني حسيت فاقد روحي اتندمت اشلون مادافعت عنج بس والله مااگدرت لان كسرتيني عرفت نفسي مامالي عينج لان مريض وخنتيني لهيج شي

-ماخنتك والله هاي اختي ليش مدتصدگ تغيد هسه اتصل بيها كدامك واحجي وياها

-مااريد اتصل ولااريدج تتواصلين ويه احد غيري اريدج بس الي انسيهم خليج يمي واني اسوي اي شي تردي والله حلمي وكولي واني انفذ واذا قصرت وياج بشي الج حق تعوفيني

-تمام وين علاجك وجهك بهت لونه

-رئال اذا ترديني اتعالج ماراح اعترض حتى تجميل اسوي  ميخالف اتحمل وجع العمليه حتى اكونلج زوج مثل ماتحلمين بي

-تغيدني اضل وياك ومااعوفك لاتحجي بهيج شي لان  اتقبلتك مثل ماانت واني مايهمني الشكل بكد ماتكون غجال اعتمد عليه

-ماراح يجي يوم تحنين للطفل

-لا مااحب الاطفال واذا كلش حنينه انجيب بزونه عادي بس هااا اني اسميها

باوعلي وضحك ابتسمت

-يله وين علاجك دنطيكك  حتى اطلع اجيب ملابسي

هز راسه عالميز راحت جبته انطيته شربهن وتمدد غطيته غمض وجهه باهت ماعرفت شبي ولاهو يقبل يكول لاحد

طفيت الضوه فتحت الباب طلعت لكيت هيذام  بعد عالمغسلة مدنگ منتجي عليها بثنين اديه ومغمض المي ينزل من راسه عالسريع  عرفته جان يتسنط بس وضعه تعبان

عدل وكفته بدون لايباوعلي  مسح وجهه وراح دخل للغرفه المقابيل غرفتنا سد الباب برجله

نزلت لميت غراضي رجعت لغرفتي الجديده رتبتهن اسماعيل  اصر ينام بالكاع اني هم بعد ماعاندت ماصدكت يطلب هذا الشي بنفسه 

مر كم يوم واسماعيل  معاملته اتغيرت تماماً صار مايرفضلي طلب

هواي اشوفه يحاول يقربني ويحببني بي حتى علاجه صار ياخذه بأنتظام  راد يشفى بأي طريقة في سبيل يرضيني

افكاري بدت تتضارب من جهة افكر اشلون اعلي صوتي بالضحك والشقى  بالاخص من اسمع هيذام صعد غرفته  تبدي كل فعالياتي وصدگ احسب ثواني واسمعه ينزل وتبلش الهوسة محد يعرف شبي البيت يحترگ بعد مايكمل تفليش البيت يطلع ماتمر دقايق واسمع عمي يخابر ويطلع يركض مخبوص وعمتي تضل تلطم ورا

ومن جهة الخوف بده يسيطر عليه بسبب نظرات الحب الي اشوفهن بعيون  اسماعيل  لان تعلقه بيه صار اكثر من اللازم خايفة يفكر بالعلاج قبل لاانهزم وقتها صدگ اكون عميت على نفسي

الليل يخلص عالسريع انام براحه عكس هيذام الي كلما افتح البرده اشوفه يفتر بالحديقة بيده جكارته وبالنهار البيت يصير صنته لان وكت نومته بس صوت درع يكمز والي مايريد روحه يصيح بي قبل لاتنزل دمعته  البيت ينرج بصوت ابو تكول بركان ينفجر اتحسه بس يريد حجه حتى يطلع الغضب الي بداخله

قللت اطفر لان اسماعيل بلش يتعب  مااعرف شبي بالاخص التدرر بعد مايسيطر عليه حتى هو وكاعد

اني هم  كمت انطي علاجه واروح  للشباج  وهذا هدفي الثاني اراقب الجو حتى اختمها بعبوة تسحگ روسهم واعلمهم مو كل فقير ينوكل لحمه

واكفة ساحبة اثر من البردة اباوع للحرس اشلون يتركون مكاناتهم وكت الاكل ابتسمت

بثواني ضاعت واني اشوف هيذام   گدامي واكف منتجي عالسياره يدخن مصغر عيونه يباوع للشباج شكيت بي منتبهلي

دارجع ليورا اتأكد اخذ نفس من جگارته نفخه وشال ايده اشرلي شيليها من راسج واندار راح  بسرعة رديت البرده خليت ايدي على كلبي  عزه بعينه اشلون شافني من كل هالمسافة

بس لا يمكن موالي البرده سادة وعتم لونها مامبينه

انتي حماره لعد المن اشر

والله لو اعرف موتي على ايدك هم انهزم وبدل رتبتك اخليك تزين شاربك على هذا القرف المتحملته من اخوك  اذا ماخليت العالم كلها تسولف بالضابط الي سحلته بت البتاوين ما تسمى رئال

گطع تفكيري دكت الباب وصوت عمي وهو يصيح رئاااال

ركضت رتبت فرشتي ودنكت گعدت اسماعيل  وخربطت غطاه  رد اندك حيل نكثت شعري و رحت فتحته لكيته هو وزوجته واگفين عگد حاجبه گال ليش تأخرتي بفتح الباب شنو جنتي تسوين

-جنت نايمة عمو

-اشلونه  اسماعيل

-زين هياته كاعد  اتفضل

دخلوا راد يكوم اسماعيل گله لاخليك بابا مكانك ليش نايم بالگاع

-الجربايه بيها صوت مزعج وماترهم هيذام  غرفه قريبه بالگاع   افضل واريح

-جان گلتلي اغيرلك الجرباية اذا هيج زاعجك صوتها

-گلتلك هيج مرتاح ليش صعدت جان گلتلي اني انزلك

-لا ردت اشوفك واحجي وياك بخصوص السفره شقررت تجي لولا لان ماضل وقت كون اليوم نطلع ويه الفجر

-اي اجي بس كون مانطول لان اني تعبان مابيه اضل بعيد عن مكاني

-لامانتأخر كلها يومين والثالث نرجع ورئال وصيت عليها ابو ضي وضيونه يضلون يمها

-ليش يضلون يمها شنو ماتروح ويانه

عمتي -ومن يشوفوها ويسألون شنو انكللهم

-كولي مرت ابني شتكولين مثلا

-يامرت ابني انت مقتنع مثل هاي تصير من ضمن چنايني دشوفها اشلون مخربطة تريد تفشلنه وبعدين يردن يجن هبه وامل ويانه

-هااا هيج كولي اخاف ينزعجن 

- الصراحه اي شنو يكون منظري من يوصل الحجي لباقي اهلنا ويعرفون وحده من البتاوين تبيع بالشوارع صارت راسها براس هبة وهاله

-ياهاله نفسها الساحگها ازر وخالها بس للخدمة لو هبه الشامرها هيذام يم امها حالها حال الحيوان

-كله بسببك انت الخربت حياتنا ودولبتنا بسالفتك العوجة

- اني لو انتي البدون كرامة عاديتي حتى اهلج واجيتي تركضين ورا ابوي بحجت مااكدر لابني خلصني هديتي بيتنا وسلمتي ارگابنه للخبل وخليتي يتفرعن علينه

- اااخ الصوج مني وكفت بوجه ماخليته يذبحك بذاك اليوم

-على شنو يذبحني انتي ضميتها وماخليتيهم ياخذوها للمستشفى لحد ماماتت

ابراهيم -كافي بابااا اشبيكم

اسماعيل - دتسمع انت لولااا

-ميخالف بابا لاتعيدون السالفة  شغله اندثرت لايسمع غضب الله وهو مايصدگ بس يريد شي حتى يطلع حيونته وهمجيته الباطلة

- احنا نضل هيج خايفين اشوكت تخلصناااا منننه

-ماضل شي هانت

-خلينه نشوف يله طلعوا

-يعني ماتجي

-لاا وراح اضل طول عمري خاتل محد يعرف اني متزوج حتى ترضه زوجتك

-لا ليش خاتل بس منتظر تتحسن حالتك اكثر ازوجك وحده تكون من مقامنه وهاي اذا تريد تخليها هم ماعندي مانع خليها تخدمك بس مثل ماهيه ماتنزل من الغرفة

- تمام يله طلعوا تعبت اريد ارنام

- بيك شي بابا نلغي السفره خلي تولي

-لامابيه شي بس اريد ارتاح شوية من الهوسة وهذا شوكت يولي لجهنم

- ويه الاذان دز غراضه شويه ويلحگهن

-هاي هيه روحوا  مابيه اروح ويه عائلة وهوسه عود من ترجعون اخذ رئال واروح للمزرعة

-براحتك راح اخابر الدكتور يجي يضل هنا يم ابو ضي مانتأخر يومين ونرجع واذا اعتازيت شي گبل خابرني اجيك

-ماعتاز شي بس انطوني جهازي

اشر اي طلع الجهاز انطانيا دااخذه گال ابو ضي راح يجي يگعد هنا والخدم موجوده اي شي تعتازي ادكين الباب يجوج ممنوع تعتبين الباب ابد

-ماغاح اطلع

-الجهاز يضل يمه اخاف حسبالج تلعبين بكيفج لو تتواصلين ويه اهلج تره مربوط على اجهزتنا اي غلطه تعرفين شنو يصيرلج

هزيت راسي اي

-لبسه اكله علاجه كله بوقته هذا الباب راح ينقفل تعتازين شي دكي همه يفتحوا وينطوج  اذا سمعت  مسمتعه كلمه لو غاثته اعيد ترباتج  راسج لاترفعي حتى لااكسره الج سمعتيي

سكتت مارديت  انطاني الجهاز وراح يسلم عليه كل عقله خفت وسكتت راضيه  مايدري  صار اشكد اخطط لهاي اللحظه ولو مو يقفلوا للباب لو يبنون باب ثاني هم انهزم و اعلمه منو العبده الي جابها فار تجارب الابنه

سلموا وطلعوا قفلوا الباب انداريت لاسماعيل باوعتله كام اجه يمي گال ليش ضايجة

-ههه لاعلى شنو اصلا مو متفاجئة حتى طلعوا جايبيني بس حتى تتعالج بيه

-مالج شغل بيهم اني احبج الج ومااخذ غيرج شوفي اخذت الجهاز حتى تتصلين بأهلج

-اسماعيل بيك شي ولك قفلوا حتى الباب معناتها حبسونه ممنوع نطلع حتى الاكل يدخلوا من جوه

-لا بس يطلعون اتصل بالحارس اخلي يفتحه وتنزلين بالحديقة اشكد ماتردين

هزيت راسي

لزم ايدي همس كرهتيني مو

-لا زاد حقدي على هيذام لان هو سبب كل الي اني بي

-وحتى اني اكرهه تعرفين شنو سوه بيه

-هذا التشوه هو سوا

-ربطني وحركني بالتيزاب

-ليشش

اباوعله مثل الي اتذكر شي عصر نفسه خايف كمشت ايده بسرعه رجعته للفراش ركضت انطيته العلاج لان اعرف اذا وصل لهاي المرحلة معناتها تحضري راح افقد واكتلج

ابتعدت عنه اترقبه واندعي خايفه احس قصه جبيره وراهم الي خبلت اسماعيل وحولت هيذام لحيوان ما صدگت هدأ باوعلي بتعب واشر تعالي كوه فاتح عيونه

ماردت اكوم بس تذكرت هاي اخر ساعات ويا لازم اتحمل وكملها  بدون مشاكل

كمت كعدت يمه لزم ايدي همس اني غلطت بس والله تبت وهو عاقبني بعد مااعيدها راح احجيلج بس  لاتعوفيني و مستعد حتى اهلي اتركهم علمودج

-ماغاح اعوفك ومااغيد اسمع عن حياتك القديمة شي ولااغيدك تطلع من اهلك لان ماغاح تحصل احد يحبك كدهم

-مارايد محبتهم اريدج انتي تحبيني حتى لماتحبيني بس ضلي يمي

-لومااحبك مااضل وياك كل هالفتغه

-ههههه لدغتج حلوه

ضحكت عصر ايدي وباوعلي بكسره تكول كلبه حاسه بالراح اسوي ماگدرت اباوعله احس كلبي وجعني عليه

كمت تمددت عالجربايه رد سحب ايدي ماعاندت  غمضت وهو ضل يلعب بأصابيعي

مر الوقت  حسيت ايده رخت عرفته نام سحبتها عالكيف طبگتها جوه راسي عيني بي شراح يصير بيك اذا تركتك

بس هو عنده سند خواتي الماعدهن اذا رف كلبي  معناتها رايه ماراح تتزوج غزوان ؛ ورؤيا ماراح ترجع تشوف وماما ترجع للذل

اخذت نفس انگلبت اباوع للسكف بيدي الفون راح ادوس على جبروت ابراهيم واخذ حق كل ضعيف استغل وضعه

خليت ايدي على كلبي همست رئال كلها منتظرتج ديربالج اضعفين

مسحت عيوني حضنت مخدتي غمضت افكر اشلون اطلع وشنو اول شي اسوي ؛ مااعرف اشكد مر وقت بس رحت بالنوم بدون لاحس ماگعدت اله على صوت شهگة نفس قويه فزعتني كمت بسرعة واشوف اسماعيل يتشاهد من شدهتي عثرت بالغطه كوه سيطرت ماوكعت وخرته ونزلت يمه لزمت ايده وصحت شبيييك

همست بتعب مختنگ

-هسه اجيبلك علاجك اتحمل ثواني

- راح اموت

-لالااا ما تموت ماتمووت هسه انطيك علاجك

-صيحي لابوي

ردت احجي شهگ وفتح عيونه على كبرهن تركت ايده وكمت ركضت ادگيت بالباب بكل حيلي وصرخت فتحوااااا

رجعت انداريت اباوعله منتهي

رديت دكيت بثنين اديه واصرخ واكم ماااات ولك هيذااام الحكنيييي

رد شهگ تركت الباب وركضت اله دنگت لزمت ايده دمسح وجهه واسمع هيذام دفر الباب صاح رأأأأل فتحييي

-ماعندي مفتاااح الحكني  ولك غاااح يمووت

-وخرري عن البااااب كالها ودفره رج الباب رجع دفره دفره ثانيه طگ القفل دخل يركض دفعني واخذه مني شال راسه ضرب على وجهه وصاح لك ااااصحى

فتح عيونه گوه  همس راح اموت يخويه

-ماتموووت ماتمووت بس خليك صاحي وياااي

-رئال ديربالك عليها لاتخلي احد يأذيها

-لك لاتصيررر حيووان لج رئااااال مفتاح سيارتي عالميز جيبي بسرررعة

-خايف  لاتعوفني وحدي

-اكل تبن وكوووم مابيك شييي لاتخليني اشيلك ودكك بالگاع

باوعله ابتسم بتعب غمض عيونه

همس بتوسل لايخوي كوم وعلي بعد ماضربك 

ماسمعنا غير صوت الشهگة وايده وگعت عرفته راح

بدون شعور  شاله هيذام وطلع نزل يركض واني ورا حافيه اتلكونه الحرس صاح السياررره  هو ويركض

طلعوا كدامه فتحوها صعده واني ركضت للباب  الثانيه فتحتها وصعدت شلت راسه خليته بحضني

شغل هيذام ورجع بكل سرعته حتى ماانتظر يفتحون الباب  طكه بالنص وشحطها طلع طاير

راس اسماعيل  بحضني اباوعله بلا نفس تذكرت اشلون جان يتوسل خايف  لااعوفه تالي هو سبقني 

نزلت دموعي صاح هيذام  رفعي راسسه لاتخلي يفقد

همست بقهر  ماات  وشهكت

-لالاا مامات ضربييي  نكثييي حيييل

-هيذام  مايتنفسس والله

-لك حيوووان اصحى لك اسماعييل  وعلي اعدمهاا وراك لك كلبببب گوووم

دنكت باوعتله شفايفه بيض صار كدامي وجه محمود من شلت راسه نفس الهيئه جان؛  حضنته  وشهكت  بصوت عالي بدون لاحس

اني ابجي بصوت وهيذام  يسوق بسوادين ماخله سيطره ماضربها لمن دخلنا للمستشفى شحط السياره ونزل فتح الباب حيل وسحبه مني شاله دخل يركض 

نزلت ورا اريد امشي مااكدر نفس اللقطات تنعاد هذا محمود خذوا مني وهاي اني مااكدر امشي اباوعله بتوسل يرجعلي

كعدت بمكاني لازمتني الرجفهة بغير عالم شبه فاقده الشريط يندار بيه منتظره صديقه يطلع يجي يدنگ عليه يباوعلي ويكول بغصه جان امنيته انتي تلبسي الرتبة

لميت روحي خايفة اباوعله بتوسل مااريده يگلي مات دقايق وكفت سياره نزل ازر يركض شافني صاح  شيصااار اشبي وين اخوووي

-اني جبغته يجي عليه الحادث صاغ بسببي

-ياحادددث رئال وييينه

-كله لايموت اضيع بدونه

-لج  هيذااام صارله شييي

- غاح جوه هو ماغاح يموت موو يدغي بيه احبه ومااكدغ بدونه

مارد دنگ كومني ودخل يمشي بسرعة ونسمع صوت هيذام  راج المكان وهو يصيح  وحق الخلق الكون احركم كلكم مااخلي ابشررر بيكم صاحي اذا اخوي صارله شيي

عافني وراحله  يركضله كمشه گله اهدأ يمعوود

-ولك مااات اخوووي لك ازررر مااات اسماعيل

-مايمووت هسه يصحى

-ولك كتلته ازر كلتله اخذها منك واعرفه روحه بيها  ولك كتلت اخوي بيدي

-وييينه

-دخلوا لغرفه العمليات  ماراح يطلع منها راح اسماعيل يخوي

كالها وكعد مهدود دنگ كمش راسه وغمض

اباوع موهذا هيذام نفسه رغم شره وشكله الي مايوحي لبشر بس حسيته انهد بثواني  ؛ كعدت  من الجهة الثانية حضنت رجلية عيوني عليه گلبي مخنوگ

اكثر من نص ساعة واحنا مانعرف خبر عن اسماعيل لحد مااجوا طلبوا دم كام هيذام وياها لان  نفس الزمره شويه ورجع مرت نص ساعة ورجعوا طلبوا رد راح سحبوا منه  بالثالثه كام  ازر صاح كافي راح توگع

-مايصير بي قز القرط وخررر عن وجهي

-هيذااام  وجهك صار اسود

-من اگلك وخر توخر لااسحگ راس ابوك بسطاليي

-مامعتازين كلش  لاتضل اتلح اذا وگعت محد يكدر  يشيلك جنك مدرعة اني ارووح

-دوخررر كالها ودفعه شمره على صفحة وراح اباوعله عيونه مابيهن غير الغضب يمشي ويدج الگاع گد ثگله حتى الدكتور خاف بسرعة وخر عن طريقة خلا يعدي

عرفته يائس من حاله اسماعيل لميت رجليه لحضني برد على خوف على تأنيب ضمير اشلون عودته عليه وخوفته بالبعد ؛تنزل دموعي كارهه نفسي اخذلي شويه وارفع راسي اندعي ربي ينجي

ازر مو احسن من حالتي اقل الساعة وانگلبت المستشفى  كلها حرس وأصدقائهم

احس روحي بهتت ربع ردن وبرموده  من غير بروده الجو القلق استوني احضن رجليه اجه  الطبيب كمت بسرعه عكس هيذام الي يباوعله بتعب وكامش  راسه صاح  ارز بشرر

-الحمد الله على سلامة المريض

-نجحت العملية

-اي نجحت  بس هم  بعدنا مانگدر انقرر  النتيجة النهائية

-يعني حالته اشلونها بس فهمني زال الخطر لولا

-كلتلك نجحت العملية  بس لازم نضل مستعدين لاي مضاعفات تصير مثل ماتعرف المريض جاينه وحالته  متأخره

-ميخالف مضاعفات بس اهم شي   يصحى

-ان شاء الله بس ممنوع الزياره لحد مايصحى ونحدد حالته الصحية وشنو الإجراءات الي لازم نتخذها بمثل حالته

نفخ واندار لهيذام  ضحك دنگ مسح وجهه راح يمه ضربه على ضهره كله حتى تتأدب ماتضربه بعد

-كفيلك محمد بس يكوم اذا ماحطمت عظام وجه  ماانحسب عالزلم

-هههههه ولك غير خال وجهه عنده

-حضينة امه  كلب ابن كلبب وخنييث اذا ماسحلت الكيعان واعيد ترتيب رجولته اطلع امعتب

-يله بالله اكتلك وانعل ابو سلفاك  ولاتكول اخ ياخي الولد ما يريد يصير رجاال شنو اجبارري يابه متنازلين برجولتنا الك مكتفين بحيونتك بالبيت

باوعله وضحك كام حضنه عيونه تلمع اليشوف هيج خايف والفرحة بعيونه ما يكول نفسه الي يكتل بي

التموا جماعته كلمن يسلم عليه ويتحمدله بالسلامه  احس ضغطي انخفض تركتهم ورحت انداريت  للجهة الثانية يم الغرفة گعدت احس  الدنيا تفتر بيه دنگت افرك براسي واسمع صوت بنيه تحجي بترجي

شلت راسي لكيت وحده تقريبا بعمري ويمها ابوها يتوسل بيها حتى تدخل للغرفة اخذله بالربع ساعة لمن بجت سحبها لحضنه يبجي على بجيتها

نزلت دموعي  دنكت احس غصة بگلبي حسيت قمصلة على امتوني رفعت راسي  لكيت هيذام  عرفته جايبها من جماعته  رجعت  باوعت للگاع

كعد يمي عيونه عالكدامنا ثواني وهمس بصوت هادئ حلو منظرهم

مارديت

-اتمنيتي انتي بمكانها واكفة

-اتمنيت انضم بحضنه واشكيله من كل الدحس بي

-مافد يوم حضنج

-جان اكثغ وحده بخواتي اني يكتلني ولامغه  صاحلي بأسمي لو ام نص السان لو بت اليهودية

-ماجربتي مره تسألي ليش

-لان يعغف ماغاح اخضعله واتزوج من بعد محمود حتى لو يموتني

-متأكده هذا ابوج ؟؟

-مثل مامتأكده اشكد اتمنيت انت الي بالداخل مو اسماعيل وبدل ما تنزل دمعتي لان گال طلع بالسلامة اضحك بسماع خبغ موتك

-تحبي

-لا

-ليش مانهزمتي

-لان غمض عيونه وهو يوصي عليه ما تعودت اظلم احد وغاي

-ووعد محمود

-بسببك غجعت بي وخنت الكلمة الي تعاهدت بيها اله

-لو رجع بيج الزمن لاول لقاء بينه وبدل ماارعبج احجي وياج بهدوء شنو جان صار

-بدل ماانهزم اشكيلك من بابا والديسوي بينه وبدل مادعي عليك احتمي بيك

-تعرفين منو هذا الجوه

-ابن عمك بحسبت اخوك

-وانتي

-زوجته

-وهذا اكبر دعوه ربي جازاني بيها

-غاح انهزم

-اردج

-ماتحصلي مكان

-اللكفج لو اطيرين بالسماء

-ماتگدغ غاح اختفي ماتشوفني اله واني گدامك بالمكتب تساعدني اغجرع لمحمود

-الي يكسر حلفانه ينكسر  گلبه واني انكسرت كسره   لو الف سنه الف بيها ماراح تنجبر الي ضاگ الوجع مايعيدها رأل لاتجبريني  اخسر سنين عمري بأذيتج

-تعبت واني اتامل حلمه من بعيد

-اليحب من صدگ مايصبر على البعد ويضل يتأمل خياله ويحلم بدفوا حضنه

-احبه اكتغ من غوحي

-ماحبيتي شفتي بي الامان الي فاقدته عشتي بي براءه طفلة للضحكة وشغف مراهقة للمشاعر

-يعني شنو

-الامان يتبدل بالقوه البراءة بالصلابة والمشاعر بالنبض الي يلجم ويه كل دگة

-انت مغيض

اتجتف وانتجه يباوعلي رغم هيئته الترعب بس جانت نظراته تختلف

همست بعد مااخاف منك

مارد

-كل يوم غاح ادعي عليك

ابتسم 

-غاح تتعذب بحياتك ماغاح تنام ولا ليلة بهدوء كل ماتغمض عينك غاح اتشوف اشباح الظلمتهم يسودون حلمك

-شايفة حيوان يخاف من ظلمة لو سامعة جثه تحس بالوجع 

-غاح تحس وغاح تخاف مثل ماخليتني اختنگ كلما اشوف الظلمة 

سكت

-ضيعتني 

-ماضيعتج اني …

سكت ماكمل؛ همست تعغف ليش ماكملت لان تعغف نفسك باطل  الله يجوي كلبك يحسسك بالناغ الداحس بيها؛  كلتها ونزلت دموعي

مارد دنگ خله راسه بين اديه

شهكت بصوت  غمض وهمس  بروح اعز شي على كلبج لاتبجين والكفل زينب مااكدر احمل كل هالوجع

-تعغف اليوم شنوو

-عيد ميلادج

-جان محمود كل سنة يحققلي امنه ويگعد يحسب للسنة البعدها متاني ادخل السن القانوني حتى يحققلي اخغ امنيه الي جنه نحلم بيها

-بدل الامنية احققلج ثلاثة

سكتت

شال راسه باوعلي شر شنو

-صدگ دتحجي

-طلبي

-مداتضحك عليه

-ماعده طلعتج من البيت گولي رأل

-اشوف اهلي

-بعد

-اسواغي

-اخر امنية

-تبعد بابا عن خواتي

-كومي يله

-هيذام دتحجي صدگ

مارد كام ومد ايد مديت ايدي مامصدگه لزمها كومني عدل القمصلة سد السحاب وباوع لعيوني ساكت حسيته يتأملني مثل اليريد يحفظ ملامحي

دنگت نزل شعري على وجهي رفع ايده راد يوخره  وبلحظه اتراجع لم جفه واندار همس يله رأل

مشى  واني بعدني مامستوعيه الگاله اصلاً صارت مسافة بينه شفت ديعبر ركضت ورا  بسرعة اندارينا صار بوجهنا ازر گله وين

-ماتأخر عينك بحضينة امه

-الاهل راح يوصلون اذا مالگوها شگلهم

-گلتلك ماطول لاتلح ارجعها قبل لاالزمايل اهلك يردون

-لاتطلع بدون حماية

-ان جان على قضيتي لاتخاف احميها بروحي واذا عليه ماترك ابوك ونتقل لربك  اذا مااسحگ على فچه وتركله علامة بخلقته النگسه تذكره بيه طول ماهو عايش

مارد وهيذام اشريلي يله

رحت ويا طلعنا وصلنا للسياره ردت اگعد ورا جرني فتح باب الامامية دفعني بيها  وصاح بت المداس سايق بمافيا ابوج

طبگ الباب حيل وراح صعد شغل السياره طلع بينا اباوع من الجام وارد اباوعله فاتحة عيوني هذا هيذام  الي هددني بالشارع اذا لكفني بنفس المكان ينهيني نفسه هسه ماخذني حتى يحقق امنياتي

وارجع  اباوع للشوارع احس روحي بحلم لحد ما وصلنا يم ماركت ركن سيارته  نزل راح على جهه وگف يخابر اخذله دقايق  وغلقه ؛ دخل للماركت  شوية  وطلع بيده علاگة صعد انطانياها وسد الباب

اشرت شنو هاي

-محتفلة قبل بعيد ميلاد بدون كيكة؟؟

-اي كل سنة جنت احتفل بدون كيكة

-ليش

-لان جنت اطلب مكانها امنية

-جنتي يعني ماضي والحاضر يختلف بكلشي

-يعني شنو

-يعني ماكو امنيه بدون لاتنطفي شمعة الامنيات مو لواني غلطان

-بس اني ما احب هيج شي

-واني ما اشتغل شغل ناقص لو ابلش  بي من البداية وتممه للنهاية لو اصلا مااخلي  ايدي بي

فتحت العلاكه لكيت كيكة صغيرة طلعتها ؛  دنگ طلع الشمعة  خلاها بيها وجدحها اشتغلت  عدل گعدته

باوعتلها ورجعت باوعتله غصباً عني ابتسمت

-لوجان نبضه حقيقي  جان عرف شنو تحبين بدون لا اطلبي

-شي ماحاسه  ميصغ تحجي بي

-مااعرف شنو الاحساس ولا اريد ادخل بي بس الحب شي جبير مستحيل يختصر بكلمات اذا مو فعل  وتضحية تكون اوهام لا اكثر مو؟؟

-ليش هيج دتحجي

-يمكن اصحح غلط ارتكبته بلحظة حيونه او اريد اترك ذكره تحذف ولو شي بسط من التشوه الرسمة

-غاح تغوح

-مو هذا الرايدته

-لهيج دتحققلي امنياتي

راد يرد ورن فونه طلعه شافه فصله اشر يله

نفختها دنگ فتح الجگمجة سحب علبة فتحها  ديطلع منها السوار والمح مثل الشعر بيها بسرعة سدها انطاني السوار كال وهاي اول وحده

-بعد اثنين

-الثانية راح تشوفيهم من بعيد لان قربج منهم راح ياذيهم

-ليش

-غزوان شاب مراهق ومتسرع  اذا شافج بهاي الحالة ماراح يسكت يضل وراج لحد مايشمر نفسه بتهلكة

-زين يصيغ اشوفهم واخابغهم بس حتى أمنهم عليه لان غايه تضل قلقة اعغفها

-ولو كلشي مافتهمت بس ميخالف

درت وجهي تريدلك واحد شريف ماينصب عليك ماكو هو مهتلف جنه بول تيغي ويعيب

-سمعتج

-ماحجيت شي

-تدرين ليش المافيات يستعملون البول تيري بمهماتهم

باوعتله

-لان يسمع صوت الضحية عبر مسافات خيالية ويلكفهم حتى لو جانوا جوه الگاع والي يوگع بيده مايخلي اثر منه يمحي حتى جثثهم

-يعني شنو

-يعني الج كل امنية اطلبيها بس لاتحاولين تتشاطرين والي براسج شيلي

كالها وشغل السيارة دارها  للشارع الثاني طلع بي واني عيوني عليه صافنه  شعرفه بهالاسم والاكثر من هذا اريد انهزم

لحد مافززني كال وهاي الامنية الثانية درت وجهي اباوع قريبين عالجسر  راية وغزوان واگفين مثل المنتظرين احد من لهفتي  مديت ايدي ردت افتح  الباب ونزللهم ركض  كمشني باوعتله بترجي

-نزلي ماعندي مانع بس بدل هاي وكفتهم يم الجسر راح  تكون وره الحديد

-بس احضنها والله مشتاقتلها

-الاشتياق  اذا بي اذيه للنحبهم الافضل نكتمه ونبتعد

تركت الباب اباوعلهم اشلون يسولفون ويضحكون  غزوان بعده على حنيته يعدل بنظارته ويباوع لراية بلهفه اشلون تسولف تذكرت من انزعها اله بليل وهو شامر روحه من التعب بس حتى يجيب افلوس اكثر وماننكتل

نزلت دموعي دنگت امسحها انمدت ايد هيذام  بيها فون باوعلتها كال ردي

اخذته خليته على اذني واسمع صوت غزوان يگول نعم سيدي

رفعت راسي لكيته يخابر ويتلفت شهكت بصوت صاح رئااال وين انتي

ماكدرت ارد احس روحي مخنوكة رد صاح مووياااج لج رئاااال شصايرلج احجييي

مسحت دموعي همست مابيه شي بس مشتاقتلكم

-ويين انتي بس انطيني العنوان وروح اهلي لواعرف بيها نهايتي  هم مااخليج احجي وينننج

-والله مغتاحة وماعندي شي وهياتي دااحتفل بعيد ميلادي بس شفت مكانكم خالي احتنكت

-لاتوجعيين گلبي احجي بروح محمود والله ما تسمى اخوج اذا مااخذج منهم

-تاخذني من منو تغه اني بيت زوجي وعايشة احسن عيشة ماناقصني بس شوفتكم

- تجذبين والله

-تعغفني مااجذب  غزوان لاتزيد همي بداعت الخوه

-يأذوج مو؟؟

-اكو واحد يأذوا يسووله عيد ميلاد ويجيبوله هدايه وحققوله كل امنيه يتمناها وتغيد اثبتلك انت واكف هسه لابس اسود ولازم ايد غايه ومدنگ

-وينج يبعد اخوج

-مو بعيد عنكم دااشوفكم بس مااكدغ اجيكم لان زوجي مهدد بالاغتيال ولو ماناوين نسافغ ماجابني حتى اشوفكم

-راح تسافرين

-اي حجزنا هسه غايحين للمطاغ غزوان لاتخاف عليه  بيش احلفلك مغتاحه بحياتي

رايه-. هيج هنه عليج كالتها وبجت

دنكت عضيت ايدي اكتم صوتي غمضت  واني اسمع شهكتها ردت كالت :-ماراح ترجعين مو

-ماعغف

-لعد وين حجيج واني البسج بدلة العرس بيدي هيج تركتني كلجن هان عليجن واني واكفة وحدي بالعقد اتلفت ادور وعدجن الي

-تزوجتوا؟؟

-عقدنا جنت منتظرين  رجعوج حتى نتزوج

باوعت لهيذام بتوسل اتجتف وانتجه برطمت ابتسم و اشر اي

همست شنو اي

-راح تحضرين زواجهم بس خلي يبلغوني قبل وقت واني اجيبج

ضحكت وغزوان كال سيدي امانة الله يمك رئال

-ماعليها لاتخاف يله ابني اخذ راحتك عدنا شغل

-اذا ردنه نسمع صوتها عادي اتصل على نفس الرقم

-لاا هذا رقمي الشخصي راح احولك رقم خاص تكدر تتواصلون وياها

تشكر منه وسلم اخذ الفون مني غلقه وشغل السيارة مشى واني عيني برايه الي بعدها تبجي وغزوان مدنگ لازم وجها بين اديه يحاول يسكتها بس جذب كل دقيقة ويمسح دمعته بمتنه ويرد يسوالف وياها

باوعتله لهيذام  اشر شنو

-بابا ماغاح يخليهم يكملون زواجهم

-محلوله كم سنه تردين ابعده الج

-اشلون تبعده

مارد دنگ دك رقم بالشاشة مال السياره اول رنه اجه صوت واحد خشن گله حي الله ابو درع

-حي الله الشهامة طالبك بخدمة

-انت تأمر مو تطلب كول يخوي

-جاسم ال------- الي بالبتاوين والد الطفلة رند

-شبي ؟؟

-اريدك تستضيفه  وتكرمه بكد غلاته يمك

-الله جابه غير من زمان خاله براسي وادورلي واحد ادرب بي المستجدين

-كمل تدريب وشمره ويه الربع لحد ماتفرغله

-ابشررر  نص ساعة مو اكثر وعتبره غبار ونمحى بسحگت حذاء

-ما تقصر مردوده

-ابو درع الغالي ضاميك للكبار 

سلم وسد گال وهاي الثالثة

دنگت كمل طريقه وصل مسافة عن  المستشفى وكف انداريتله اشرت شنو

-نزلي هنا  الظاهر العائلة الكريمة وصلت واذا سألوج وين جنتي كليلهم كاعده بالحديقة

-تمام

-رأل

-همم

-ديري بالج على نفسج

-غاح تغوح

-من زمان المفروض اسويها بس الضاهر ربي راد يكسرني گد ما ظلمت عالم

-ابنك معتازك

-اكو من اليحمي رأل لاتعيدين الغلط لخاطر لاينوجع كلبج اكثر من هيج

-تنصحني بدل ماتاخذ حق منصبك مني

-اليخسر نبضه مايهتم لباقي احلامه

-بسببك دخلت هالبيت

-ولنفس السبب راح  اطلعين منه

-مافهمت

-هديتج خالها  على ميزي 

باوعتله  مد ايده وخر شعري خلا ورا اذني باوعلي وهمس لاتخلي يطول

-ليش

-يله نزلي

مافهمت كلشي فتحت باب السيارة داانزل  وماشوف غير سيارة سودة اجت بكل سرعتها  طبگت گدام سيارتنا كلهم ملثمين

صرخ هيذام دنگيييي  ومد ايده لزمني بعدني مامتحركة  سحبني حيل ضمني بحضنه وندگ وصوت واحد صاح ارمووووا…

لاتنسون التصويت …

شيء من رصيف الدم

البارت الثالث عشر

بقلمي: leo Alfatlawi

***رؤيا***

هيه تحجي واني وگفت احس گلبي يريد يطلع اسمعها تگول بس الصغيرة بنته ذنيج مو بناته بس استغلوا حاجته للفلوس جان مطلوب هواي وهو لابيت لامرة  يشتغل يم خالهن وينام بالمحل  عرض عليه يتزوج اخته ويسجل البنات بأسمه مقابل يسدد دينه ويخلي يعيش ويا نفس البيت

- لعد منين جابوهن

-شعرفني كلما اسئله يگول ماشفت واحد ولااجه احد سأل عنهن اول شوفة الهن جانت راية ورئال صغار كلش ورؤيا بالملف من دخلوا للمنطقة حتى محد يعرف منين جاين ضلوا حدود السنة خاتلين بالبيت حتى طلعة من الباب مايطلعون غير خالهم لحد مافتح اسواق من نفس البيت واشتغل يمه جاسم وره فترة حجه ويا  عاد وافق بسرعة ماصدگ واحد يدفع دينهه وينطي مره بلاش

-اخاف موبناتهم ؟؟

-اني هم شكيت بالبداية لان البنات يلمعن مومال هيج مكان واعمارهن متقاربة ولاتكول اكو فرق بينهن

-ماعدها عقد زواج ماكو جناسي

-ابد لااعقد ولاهويات ماتعرفيهم منين جابوهن بس الاخو جان مخبوص خسر كومة افلوس بس حتى جاسم  يقبل اشلون مجان راد يسد السالفة قبل لايكبرن ويطلعن للشارع يشوفهن

-البنات من كبرن ماسألن ماگالن منين احنا

-ميدرن وهذا عمر امهن عايشة جوه رجلين جاسم  متحملة الكتل والذل بس حتى لايگللهن وتردين الصدگ هو هم جان مستفاد ماگاللهن حتى يستفاد من شغلهن

-وشنو استفاد من شغلهن وينه هسه

-سوده بوجهي مو بذرتهن مو نظيفة ماصار بعينهن لاتعب ولا خسارة ضيعلي اخوي وكل وحده سفطتلي واحد جوه رجليها هو ولاغيره وانوب يردن يشمرن امهن على كلبه يمه غير ينتحرر هم المصيبة  وهم مصرفها دخل الله ودخلج دبريني

-اسويلج شي اخلصج من امهن واردلج البنات يزحفن جوه رجليكم

-الله وايدج اشكد تردين انطي بس كون صدگ تخلصي من المصيبة

تركتها تحجي ورحت امشي مامستوعبة السمعته  كعدت يم الحايط  لميت رجلية لحضني واني فاتحة عيوني على كبرهن رغم العتمة الي اني بيها بس استوني حسيت بالظلام العايشة بي

اذني يمها اسمعها مستمرة تنطي بالاسماء وعقلي بالكلام الكالته اعيد بالكلمات وارجع اهز راسي اجذب السمعته لمن كامت طلعت

غمضت عيني مااعرف حتى افكر او لامااريد افكر  لان حبهم بكلبي يرفض شكو شك اتجاههم

مر الوقت واني صافنة بغير عالم عقلي مشوش؛الشريط ياخذني لذاك اليوم الي وكف بابا بالباب يهدد ماما ياخذنا  منها وهيه تبجي جوه رجلي يخليها تجي ويانه

…هذا صوته يضرب برئال وصرخة غزوان يريد يبعده عنها

رايه تتوسل ورند تبجي بخوف

هاي اني ادفر باب الغرفة المحبوسة بيها  حتى اكسرها  واطلعله

ماما وين  ؟؟

ماسمعت صوتها تكول لاتضربهن  ولامرة شفتها وكفت بوجهه دوم جان اكو خوف بعيونها وتبجي بكتمة 

منو احنا ؟؟

احس  برد نزل بداخلي جمد كل جزء بيه لميت رجليه لحضني حيل جسمي يرجف

…رايه تضحك على غزل غزوان ؛ رند تكمز ؛رئال تصيح ماما وين كتابي

همست انتن خواتي اي داحس بيجن تنبضن ويه دگات كلبي

صدري اختنگ  صعدت راسي للسما اريد احجي ويه ربي مااگدر  شي بداخلي يمنعني

انفتحت الباب دخل واحد لبالي ضبع حضنت رجليه  ودنگت اسمع صوتها نسد صار هدوء مرت دقايق ماكو اي نفس غمضت حسيته اتقدم صار كدامي كعد عرفته من عطره دسار مد ايده مسح خدي وهمس شبيج

-ليش رجعت

-المكان خطر خفت ضبع مايدبرها

-خفت لو ماتثق بي

-رؤيا تركتهم واجيت لازم ارد ماعندي وقت

-نعسانة

-شنو نعسانة  بيج شي

همست وصلني لفراشي  مااگدر اگوم

-بنيتي  شصايرلج

سكتت حتاريت شنو اگله طلعوا ذولة مو اهلي لو  مااعرف نفسي اني  بت حلال او حرام 

دنگ لزم وجهي  :- اكو شي يوجعج احجي

-اشتاقيت لخواتي 

-دقايق وراح تكونين بحضنهن

هزيت راسي لا ونزلت دموعي

اخذ نفس و گعد يمي  سحبني  لحضنه خليت راسي بصدره ضغط عليه  واني  ماصدگت  احصل حضن  اشمر خنگتي بي  بجيت بحرگة طلعت شكو ليالي عشتها بخوف كارهه نفسي من التحرش لزمت بلوزه وعصرته بقوة صرخت رئال وهيه تتوسل لايصب الزيت عليها حضني حيل شهكت دموع رند على خبزتها

طلعت  شكو كتمة بصدري تكول دااودع اخر الم وذكرياتي وياهن

دنگ باس راسي وهمس ادري ضغطت عليج هواي  بس وداعت امي خفت لان اعرفه حيوان وخلاج براسه راح يأخذج بذنبي

مارديت ضميت راسي اكثر امنيتي اضم نفسي مااريد احد يشوف ضعفي

- كافي لاتبجين گومي غسلي وجهج حتى اوصلج

-دسار گلبي يوجعني

- لاتجبريني اخذج واختفي وانعل ابو المهمة لابو اهلج

-لاتعوفني وحدي

-اشصاير رؤيا

-ماكو شي بس لاتتركني  بعد

-منو اجه؟؟ سامعة شي

-لا بس اعرفك حيوان مثله وراح تشمرني عليه مثل ماسوه هو 

-استغفر الله مو تردين ترجعين  لاهلج

-هئ

-شنو الرايدته  احجي

-اضل وياك

-مااگدر اخذج حياتي صعبة راح اظلمج وياي

-لاگول لان عاجزة

-وحگ كلام الله اخليج بنص روحي واترك كلشي  اصيرلج السند قبل النظر بس انتي ماراح تتحملين الدرب الماشي بي  واني مااگدر اجبرج واذيج بعيشتي

- مااريد ارجع اريد ابقى يمك

-رؤيا جاي تفتهمين شنو احجي بنتي ماتتحملين حياتي

-اتحمل والله وانت دتكول راح احميج يعني محد راح يگدر يأذيني

-والبنا الگعبة اليفكر مجرد فكرة يباوعلج امحي مو يوصل يمج

-لعد اخذني وياك لاطلگني وترجعني للحيوان

سكت

-هم راح يبيعني

-لخاطر ادفنه هو وعايش

-دسار لاترجعني

-ماراح يجي يوم وتلوميني اشلون استغليت  صغر عمرج ومانصحتج تبتعدين عني ؟؟

- اني مو صغيرة واعرف شداسوي بس انطيني كلمة ما تتخلى عني

-اتخلى العمر  ومااتخلى عنج

-راح تتحملني بعجزي مايجي يوم وتتندم 

-من اصير جوة التراب وتركج وحدج ذاك الوكت   سألي

-كلهم كسروني لاتكسرني انت هم

-رؤيا متأكدة من التحجي

-هيه كلمة وحده اريد اسمعها منها حتى مااكمل باقي عمري ندم

-اخذج لامج

-لااا مااريد اشوفها

- مكاني بعيد وخطر اذا اگدر هسه اخذج بعدها ماراح اگدر

-ولا اني اريد اروح  وهاي اخر مره اطلب منك اسمع صوتها

- تمام. كالها وطلع فونه دقايق واسمع صوت ضبع يگله ابو الليل حبيبي

-وين وصلتوا

-حالياً يم ابو العز أمر

-تروح لمستشفى ال-- ومناك تخابرني

-لام الخرزة ؟؟

-اخذ وياك واحد من الولد وافتح عيونك عدل الطريق التدخل منه لا ترد بي

-لا يضل بالك اقل العشر دقايق  اكون هناك

سلم وغلقه  صارت صنته اني لامه رجلية لحضني وهو يمي ساكت اعرفه اكو هواي اسئلة يريد يسألني بيها بس اكتفه بالسكوت وهو يشوفني اشلون امسح دموعي قبل لاينزلن

مر وقت ورن فونه رد ها يول

-قريب من غرفة الوالده شنو المطلوب مني

-اكو احد يمها

-لا بس مريضة نايمه بالسرير المقابيلها

-روح يم امها وتفتح كام

-تمام خليك وياي

كمش  ايدي خله الفون بيها مد ايده مسح دموعي گال احجي كل الي بگلبج لاتضمين شي اني طالع عنج

-لا خليك يمي

-قبل لاتحجين وياها انسي كل الطلبتي مني شوفي انتي شنو يگلج عليه  كلبج اني حاضر تردين تضلين وياي اخليج بنص روحي تردين ترديلها اعتبري نفسج صرتي بحضنها

-هيه راح تحدد هالشي

-طالع بره حسبيني ماموجود اخذي قرارج براحتج مهما يكون راح تلكيني مساندج

اشرت اي  دنگ باس راسي وكام طلع كمشت الفون ايدي ترجف ودموعي تنزل غصباً عني امسحهن ويردن  اجاني صوتها تعبان وهيه تكول رؤيا راحت اخيتج

شهكت ضميت وجهي

-يمه ابنيتي هم نختني اخلصها  هم توسلت بي هم بجت خايفة

عضيت ايدي حيل 

-من ردتوا دافنوها هم شفتي دموعها  وهيه دورني بينكم

رفعت راسي اشر لااا

-راحت بنيتي واني مو يمهاا

-اسنين واني اتوسل بيج تخليني انزل اموته  خلصتي عمرج وانتي تضمين السجينة وتوصيهن عيونهن بيه ضيعتينا  راحن خواتي بسببج

-ااااخ يا نار گلبي ولج يمه تعالي ليه ولج يمه  اريد بنيتي

-راحت حالها حال رئال وراية ضيعتيها مثل ماضيعتيني اني وغزوان ليش ماما هيج سويتي بينه

-جنت احسب لغزوان يوم يوم يكبر وياخذجن  حتى اكتل ابوج  جنت اتحمل الوجع واكتم بداخلي حتى لايرف گلبي جنت اسد عيوني واني احسب عدد صرخاتجن لخاطر اطلعها من روحه

-وهو جان يبيع بينا لان مومن لحمه جان يكتلنه لان ماراديله جان يظلمنا  لان متأكد ماراح توكفين بوجهه تدرين ليشش

-انتن بناتي

-مااكدر اگلج ماما لان احسه تخنگني هالكلمة بس اريد اسمع كلمة وحده وبعدها ماراح تشوفين بوجهي عمرج كله

-گضيت عمري  واني احميجن بروحي عيني جانت ماتغمض اذا ماشفت كل وحده بيجن الضحكة تارسة وجها كبرتجن   وامنتجن بيد ابن احضني ورجعت انهي سنين تعبي بروحه حتى تكملن مرتاحات

همست بترجي گولي ذني خواتج ودمجن واحد

-دمجن حلال وروح  الراحت جوه التراب

-اخر مره اسألج ام رايه

ردت وهيه تبجي بتعب وتعيد بكلمات وجعت كلبي اكثر ماهو موجوع عرفت ماراح احصل منها اي جواب داغلقه واجاني صوت شهكت رايه حسيتها لجمة كلبي مسحت عيوني وابتسمت اسمعها كالت برجفة اشلونج لو تگول خمشت روحي

عصرت الفون خليته بحضني دخل دسار اخذه مني رد عليها واني ضميت وجهي بحضني اسمع صوتها وهيه تتوسل بي واني دموعي تنزل اضعاف الالم الي احس بي دقايق وغلق الفون دنگ كعد يمي  لمني بحضنه وهمس شنو التحسين بي

-احس روحي دتطلع

-و هالاحساس مايجي اذا مااكو صلة تقارب بين الارواح

-اتوسلت ردت بس احجاية ترحيني بيها

-هالشي ماتنطلب ينحس

-مداحس بشي غير الوجع

-وهذا اليثبت  الجنتي عايشته  صح وكل الي يدور بعقلج من الوهم

-ماحصلت  من ايام العشتها بينهم  غير الندم

-بس لحد الان ماعرفتي  من عيشتي شي

-مااريد اعرف شي تركت كلشي  وراي وثقيت بيك

وخر راسي مسح عيوني  :- رؤيا اخر مره راح اسألج

-ماراح ارجع عندي دين يم واحد اخذه واني بعيده واخلص باقي عمري وياك

-واهلج

-حتى لو ماجانن خواتي تضل معزتهن بكلبي الهن حق العشره واني راح ارده الهن بأكثر شي يتمننى 

-كومي وياي

-وين

-دقايق وتعرفين

كالها وكام  كومني ويا  جاب قمصلته لبسني وجرني طلع يمشي بسرعة وصلنا للدراجة  سحب الخوذه لبسنياها وصعدني صعد بس شغلها كمشت ضهره داس بكل سرعته

الجو بارد والهوا يگرص يمشي سريع خليت راسي بظهره غمضت  ماعندي اي مشاعر ؛ طاقتي خلصت بعد مااگدر افكر بكلشي ولااريد اعرف السويته صح لو غلط

وصلنا يم مكان عرفته من صوت المي نهر دجلة ركن الدراجة  نزل رفعني من خصري نزلني نزعني الخوذه بعد شعري عن وجهي  همست ليش جبتي هنا

-اريدج تهدئين

-هادئه واعرف شنو داطلب

- تدرين اشكد عمري

-مايهمني

- ٢٩ يعني بگد عمرج مرتين

سكتت

-شكلي وتصرفاتي ماتنطي للبشر صله فتحت عيوني على نظام واوامر  الي يفكر يتمرد  يكسرون ظهره والي يعترض ينهون حياته بدون رحمه حياة ظلمة مابيها غير الظلم ومايكمل بيها غير المثلهم

-راح احملك بكل حالاتك

-ماريد منج غير تكونين وياي صادقة

-ماراح اجذب عليك ابد مثل ماراح اخلي ثقتي بيك بس انت  لاتخذلني ماضل عندي غيرك

-اجذب  اذا اگلج  بعد ماعشت وياج وتعودت على وجودج بحياتي راح  اترگج بس يمكن اذا حسيت بقائج يمي بي اذيه الج وماگدرت اوفرلج الحياة الطالبتها اردج  واضل ارقبج من بعيد منتظر النصيب بلكي يحن ويردج لحضني

-لعد اشلون جنت توعدني ترجعني

-لان درستج وعرفتج اكثر من نفسج  متأكد رجعتج مو لخاطر اشتياقج لا لخاطر تردين حقج وماراح تكدرين تردي بدون سند وماطلبي غير من واحد تغمضين عيونج يمه وانتي واثقه بحمايته

-راح تساعدني اخذ حقي؟؟

- واحميج بروحي واعاملج مثل اب لبنته الوحيده بعد خبر عقمه

-راح اتعبك بعجزي

-اصيرلج الضوه الي يعوضج عن كل عتمه مرت بحياتج

-ماراح تمل  

-جان مليت واني اراقبج كل ليلة عيني بيج خايف تكمل المهمة وتجبريني اردج واني بعدني ماشبعان منج

-عشت حياة باهته  لاتنتظر مني شي

-بقائج وياي يختصر كلشي  اول مره شفتج  بيها حسيت گلبي طاير مثل نوارس دجلة

-لهيج جايبني هنا

سحبني صار وراي دار اديه عليه دخلني بحضنه عصرني و دنگ همس يم اذني لا حتى اگلج كلمة جنت خايف اعترف بيها لنفسي

-مااريد اسمعها لحد مااحس بيها

دنگ باسني عالكيف من ركبتي ورد همس حاولت اسيطر وابعدج عن تفكيري  بس كلبي غدرني  صار يزيد الدگات اضعاف خلاني افقد كل  عهد ماخذه على نفسي بكد مااريد اكتم مشاعري يمج بكد ماصرت مفضوح احس روحي عاجز تلاشت شكو قوه جنت حالف بيها

-يعني تحبني

-مااعرف شنو الحب لان نظام عيشتنا جبرتنا نمحي شكو مشاعر جوانا حتى نگدر نسحگ بدون ضمير  بس الي اعرفه مااگدر اتقبل بعدج عني اذا افكر اطلع شوية احس روحي ضايع ومخنوگ حتى شغلي هملته مااصدگ اشوكت ارد ومن ارجع صرت ادور الحجج حتى اضغط عليج وتتجاوزين لخاطر بس اصرخ بوجهج وارد اخذج لحضني وطفي شكو لهفة حسيت بيها 

-مداحس بأي شي

- بس اني  حسيتج من اول ضربة وانتي ادافعين عن نفسج وتترجيني اتركج حسيت هيج  لازمه گلبي تضغطين عليه وتجبري يرفلج

-انت تزوجيتني لان سمعتك

-غلطة كلفتني سنين هواي وعوضتني بيج

-ماكو مشاعر  بهالسرعة

-بيوم الضربتج بالدراجة رجعت للمقر اريد انام اول ماغمضت اجيتي بعيوني ضحكت بدون لاحس ثاني يوم لا ارادي رجلي خذتني لنفس المكان  اتمنيت اشوفج حتى لومن بعيد  ليش ماادري ولاتسأليني

-من دخلت لبيت اليهودي جنت تدري

-لا ومن شفتج خفت لان حسيت واحد منتبهلي واني اراقب المكان ودزج وراي  مر الليل واني اراقب حركاتج ونظرات اختج

-واشلون تأكدت محد دازنه

-لمعة عيونج ودموعج التنزل ويه كل رمشه جانن كافيات يلعبن بعمري ويخلني بدل ماادور وراج على معلومة اقنع گلبي لايتورط

-لهيج خدرتني وحلفت بس تنقل الاغراض تتركنا

-رحت وصدگ جنت ناوي اترگجن لان منين ماجبتها مارهمت  تركت جمال يراقب المكان بين مادز ولد يشيلون الاغراض

-امم شنو الرجعك

-شعور مراهقة متأخره بداخلي  ماگدرت اسيطر عليه گلت بس هالمرة اشوفها وبعدها ابتعد كلمن يروح بدربه

-لعد ليش رجعت بكلامك

-لان گلبي ناقص دگ لطفلة وبوقت كلش غلط

-يعني اتندمت

-لااتندمت  بعد ماشفت دموعج على اختج وانتن جنتن بطريقي ماعرفت احميجن

-اشلون تحمينا وانت الحكومة ملاحقتك

-هيه الحكومة فتحت على حضي صار ماعدهم غيري كل دقيقتين ودزت دورية وراي طالبيني  تگول  ابو بكر البغدادي مو دسار

-صدگ هذا اسمك الحقيقي

-شبي موحلو

-لابس داسأل معقولة داخل بهيج شغل باسمك الحقيقي

-ليش منو اني حتى اخاف لاينكشف  اسمي ؟؟

-انت زوجي  وراح اكمل عمري وياك ولازم اعرف كلشي عنك

-مثل شنو

-كلتلي قبل انت متزوج

-امم وزوجتي  شلعت گلبي بكد ماهيه حلوه بكد مارعنه وصلفة خو لسانها ينگط عسل وايدها خفيفة لاتعرفها خبلة لاتعرفها واعيه كل ثانية داخله بشخصية وماتركك اذا ماتسحل بعشيرتك الكاع

-عندك اهل

- ترگج من اهلي شعرج اكو امل تمشطي

-من تگلي ليش اجيت لبغداد ودخلت هيج مهمة

-انجبرت

-اذا تركته شنو راح يصيرلك

-يعاقبوني ويشمروني بمكان الشيطان مايوصله يخلوني اردد الشعار الوطني حتى بالحلم

-واذا كشفوك ذولة الدتشتغل وياهم

-يصلخون جلدي وبعدها يفلعون راسي يسوه عبرة لليفكر يوصلهم 

-يعني من الجهتين راح تعوفني وحدي

-ما قررت اعترفلج حتى اعوفج خلص كلشي ماضل بس انفذ واسلم القضية واخذج وروح لاهلي اعرفهم على مكافئه تعبي

-راح تصيرلك مشاكل بسببي وتتحيون عليه

-لسانج اكبر مشكلة بحياتي

ابتسمت عصرني ودخل راسه بركبتي اخذ نفس طويل وخرت راسي

-اريد اطلب طلب منك

-بدون لاطلبين الج كل الوقت ما المس شعره منج اذا ما انت تسمحيلي

-اسمحلك بعد ما ترجعلي نظري

-اول شغلة اسويها بعد ماتمم المهمة

-تساعدني اعرف منو اهلي الحقيقين

-اطلعهم الج من جوه الگاع 

-قبل زواجنا تاخذني ازور گبر رند

-واجيبلج اختج تلبسج البدلة بيدها اخوج يسلمج الي بيده

كمشت ايده دنگ باسني من ركبتي  وحضني حيل همس ليش جاي ترجفين

-بارده

-حضنتي مضوجتج لو خايفة مني

-مااعرف

-اوعدج بعد كم سنة اجيبج بهذا المكان  ويانه جهالنا بس الفرق  انتي الي راح تعترفيلي بمشاعرج

-واكلهم ابوكم خطفني

-وعلي اكلهم جذب هيه الدخلت عليه البيت وفكست بالمهمة السرية بكبرها ومن كد رعونتها  دفرتني بطني

-اكلهم جان يربطني ويسد حلكي ويتركني بالساعات مثل المخبلة اطفر وحدي

-ولاتنسين تذكريهم بالكفشة الي صارت اكثر من شهر مامشطه

-ماعندي مشط

-خرزة البتاووين

-حقك والله ماتحس بالالم شايف من اتخلي المشط وتسحبه وراسك يتمرمط ويا  شنو الشعور

-عوفي شعرج وجهج هذا ماناوية تغسلي 

-الصبح غسلته وبعدين المي باررد شنو ماتحس

-تمام ماضل شي للصيف هم تركي لسانج الي ينگط عسل اشوكت تغيري

-من تبطل تتحرش وتصير خوش رجال

-گلتي خوش رجال

غمضت وهزيت راسي اي

عصرني حيل صرخت دنگ باسني وكال يله  قبل لاتتحول نيه الاعتراف الى شمر

-دسار

-عيونه

-تنطيني وعد

- ماطولني عايش الدمعة ماراح تنزل من عيونج

-لاتعلقني بيك وتعوفني

-طلبي هالشي من ربي لان بس الموت يبعدني عنج

-لعد لاتخليني اتعلق بيك

ضحك وسحبني اله باس راسي لبسني الخوذه همس لاتشمريها بروح اخيتج استوني مشتريها

اشرت اي رفعني من خصري  صعدني عالدراجة وصعد جر اديه دنگ باسهن ودارهن عليه شغل الدراجة كمشته حيل مشى 

شوية وحسيت الخوذه خنكتني نزعتها بسكوت شمرتها وخليت راسي على ضهره غمضت صلابة ظهره والحنية بخشونة صوته هو يحاجيني تحسسني صدك راح اقوى وانسد بي شكد مااجيت مهمومة رجعت واني گلبي يرف

بلحظة تغير كل تفكيري وبدل ماجنت افكر اشلون احرگه هسه ارد كل الم  حسيته بضعف وهو يخلي ايده القذره على جسمي واخذ حق الظلمة العيشني بيها سنين و دموع خواتي الي مافد يوم نامن اذا ما شافها على خدودهن وهنه يترجنه 

وصلنا للبيت سمعنا صوت  عالم جوه نزل ونزلني قبل لايخلي ايده ويسد حلكي كمشتها اشرت لا

جر ايدي باسها همس تندلين الطريق لو اوصلج

-ليش وين تريد

-تركت شغلي واجيتج لازم ارد للولد  الاكل خاله  الج يم افراشج و الغرفة عدل گدامج

-تريد تعودني لو تختبرني

-بنيتي الذكاء مالازم نتسعمله بكل وقت مرات يكون عثره بطريقنا

-ومرات استعداد

-هههههه لو طيرين لكوكب ثاني اجيبج بعد مايفيدج هالحجي

-ليش هاي بس لان اعترفتلي

-لا لان دخلتج مكان جنت حالف مااخلي بشر يقترب يمه

-تكدر اطلعني بسهولة

-لواگدر ماجان شفتيني لسه مجازف و واكف گدامج  اتلفت خايف بأي لحظة يطير راسي

-يجوز يكتلوني مكانك مو شرط انت

-حتى احرگهم  برتبهم وبنفس المقر وعلي مااخلي حتى ذكر الهم اسويهم رماد

-وانت معرض روحك للخطر من الجهتين لخاطر وحده عمية

-مشكلة موبس عمية رعنه وجنها جنية

ضربته بصدره ودرت وجهي مشيت  اسمع ضحكته كملت طريقي عالكيف اتحسس المكان الاطلع منه لمن وصلت للغرفة دفعت الباب دخلت  سلقيتها وراي نزعت القمصلة شمرتها

رحت اتلمس كعدت بمكاني اسمع خطواته قريبة على باله مااعرفه مراقبني بكل خطوه خايف اروح مايدري بعد الصار  لو يشمروني باب اهلي هم راح ارجعلهم

سحبت الغطة دا اتغطة واسمع صوت علاكة قريبة تذكرت اني بدون ريوگ  لحد الان

مديت ايدي انضربت بيها جريتها يمي فتحتها طلعت المي شربت منه ورجعته طلعت اللفه استوني اكل واحس بطني عصرتني غمضت عرفت وقتها حتى نفسيتي انسد عن الاكل

اخذت نفس  خليت اللفه ردت اكوم اطلع احجي ويه العجوز واسمع دخلوا عالم بطلت رجعت گعدت   سحبت الغطه ولميت رجليه لحضني محتاره شسوي

مرت اكثر من ساعتين واني اتسنط بلكي يطلعون لمن  انفتحت الباب دخل دسار سدها  اسمعه شمر اللثام والسلاح اجه يمي دنگ  نزع جفه وخر شعري  عن وجهي گال ليش مانايمة لحد الان

-ماجايني نوم  صار الليل لوبعده

-لابعده  بردانة اشغلج الصوبة

-لا بس تگدر اتصيحلي للعجوز

-ليش شعدج بس لا تردين اتسويلي  سحر

-على شنو اسويلك انت بكد بابا وخاين الدولة قبل المجرمين اشكد عندك ثقه بروحك

-وعلي حلو

-صدكتك من هيج خايف اسوي عملية حتى لاشوفك وابطل

-وليش ماتكولين خايف تشوفين وجهج و بدل العمى يصير بيج توحد من الصدمة

-جان انصدمت من خشونه صوتك الي تكول وحش يصارع الانقراض

-وحش ولا جنيه گصيبتها اطول منها 

-الجنية من الملائكة بس الحوش شنو فنك

-اللاصق وين خليته

-عود اذا سديت حلكي راح تثبت انت رجال

-والله تردين الصدگ لا بس اكو غير طريقه تحبين تجربين

-هاي كل قوتك  تره حتى الحيوان يكدر يسوي هالشي

-ويگلك ليش مجتفها وكاتم صوتها طول الوقت بابا اشوكت تعدلين الفاضج

-من تعدل نيتك وتبطل تشمر حجي

-الي يسمعج يكول صاحبتي بنتي تراج مسجلة بأسمي 

دارد وحسيت بطني وجعتني عصرت روحي بسرعة دنگ عليه كال شبيج

-صيحلي العجوز فدوة

-يمها عالم حتى طفرت من السطح ماگدرت ادخل من الباب احجي شنو يوجعج

-اشوكت يطلعون

-والله  شفت مسودن بره وصخلة يعني شغلتهم مطولة رؤيا احجي بنيتي شصايرلج

سكتت ودنگت واحس روحي فرد مره صرت حتى فراشي راح  اتمنيت الگاع تبلعني على وضعي والعجز الي اني بي  رفع راسي همس شكو بابا فهميني

كوه لزمت دمعتي

-اخذج للمستشفى

هزيت راسي لا

-اجيبلج الصوبة اخاف الالم بسبب البرد

-اي اريد اسبح

-تمام دقايق بس اشوفلج الدرب

-لااني اعرف بس اريد --

-شنو تردي اجيبلج ملابس

-مم وشي بعد

-شنو هو رؤياااا احجي لاتشلعين كلبي

-روح للصيدلية وهو يعرف

-نعم؟؟

-دساررر

-شنو دسار بنتي غير افتهم اروح للصيدلية شنو اكله

-شي مال بنات وهو راح يعرف

-اهاا شي مال بنات كولي مبرد وفضيها

دمعت ضحك وخربط شعري سحب الغطة لفني  عدل كمش وجهي و همس صح الخجل زادج جمال  بس ماريد اشوفه بعد انتي زوجتي تعرفين شنو يعني

دنكت

-العالم شي وحضني شي ثاني الج ؛ صح اني مااعرف بهيج سوالف لان شغلي جبرني ابتعد عن الجنس المغاير بس اشكد مااكدر راح احاول اتعلم لخاطرج

هزيت راسي اي

- هالمره حقج ماحجيتي بس مره ثانية اذا طلبتي من  غيري شغلة راده بينه راح يكون غير كلام وياج

-مااطلب شي من احد اني اعرف اشلون اعتني بنفسي

-يالقويه لعد  كومي بطريقج عدل عالصيدلية

-انت هم عندك غيره روح زين شواربك افضل

-ااف بويه اللسان الي يوم اگطعه واربطج بي

-هاي بس كلتلك ماعندك غيره

-خليتي بيها غيره بربج من اطلع مجازف براسي واحتمال جبير اللگف شكلهم من يسالوني ليش طالع هيج وقت وشنو هذا بيدك

-دساااار كوم روح

-اني الجبتها لنفسي من انت صاحب رتبة وروس كبار تحسب حساب الاسمك   اتورط نفسك بهيج سالفه  ليشش

-محد ضربك على ايدك

-لوعلى ضربة الايد سهلة تنبتر المصيبة بضربة غير مكان

-يعني شنو

-يعني خليج مكانج بين ماشوفلج الدرب واجيب  الصوبة

گام راح طلع واني  بسرعة اتملست الفراش حمدت ربي مابي شي جان كرهت نفسي اكثر مااني كارهتها

دخل الصوبة وصلني للحمام دخلت سبحت وغطيت ملابسي بالمي فركتهن عالسريع  بين ماجابلي ملابس صح اتاخر وحسيت روحي جمدت بس حمدت ربي بوجوده يمي

مر كم يوم  وهو يتصرف وياي تكول طفلة گدامة مايخليني اتحرك من مكاني كل عقله الشهرية شي مؤذي  واني ماافتهم كلشي مايطلع اذا مايلفني بالبطانية وكل مايرد يجيبلي حليب ويجبرني اشربه

شعري خلصت منه مرة وحدة مشطته شافني نزلت دموعي بطل ظفرته اشلون مجان وتركته

رغم جنت خايفة من طريقة عيشته بالاخص من  اسمعه يخابر يسولف بالقتل والتعذيب بكل راحه ولاتكول هاي ارواح بين اديهم بس بديت اتقبل حياته واحسب الدقايق اشوكت يخلص المهمة وياخذني ويا اسوي العملية حتى ارجع اسوي الي براسي

نايمه واحس اصابيعه  يمشيهن على بطني كمشت ايده فتحت عيوني همس دخيل البتاوين واهلها

-كلش مالايكلك تتغزل لاتخرب صوتك بهيج اشياء

-ديله اشلونج انتي جنج قرده نايلون بوجه وسخ  روحي بابا غسلي وجهج بلكي تبين ملامحج

-قرده نايلون ولالفو خاين

-رؤيا خدودج ترفه ليش تخليني اخربطهن الج

-عود شنو هسه المفروض اخاف

-لاوالله واني الي انجب واسكت گومي جبتلج حليب شربي قبل لااطلع

-تره صرت زينة بعد مايعتاز وما صار ساعة من نمت حتى مالحكت اغفة

-بنيتي سمعتي شنو حجيت عندي شغل كومي اكلي حتى اولي واني مأمن ماتوصلين للصوبة

-تره اعرف وين تريد تروح

-رؤيا شغلي ابتعدي عنه حتى لاتكرهيني اكثر ماانتي كارهتني

-ليش هيج دتحس صح ماعندي مشاعر اتجاهك بس مااكرهك

-واني ماريد تحبيني مكتفي بهالشي يله حبابه ماعندي وقت وذني الجواريب اذا شفتج مره ثانية نازعتهن اشلع اذانج

-اني موطفلة دسار تره بديت امل لاطلعين تبردين؛ اكلي زين وجهج  اصفر؛ لاتتقربين للصوبة تنجوين الجواريب والكلاو لاتنزعيهن وو

-اي كملي ليش سكتي لو الاخيره ماعجبتج

-اي بعد لاتحضني مااحب هالشي

-تره انتي زوجتي

-بعدني ماصرت زوجتك من اللبس البدلة البيضة وادخل بيتك ذاك الوقت الك حق حالياً مخطوفة وبيت المشعوذه

-اهاا كلتي ادخل بيتك

-مم

-والي يرد بكلامه شنكول عليه

-طفل

-وشنو الجديد

-هم رد كال طفلة دساااار

-هههههه كومي يخرزة البتاوين  ماضل شي كلها كم ساعة ونشوف الحجي اشلون يجي

-شنو كم ساعة تره الشغلة تأجلت بعد يومين  دسار شناوي تسوي

-لايضل بالج تركج من هالسالفه ؛ رؤيا اذا نفذتلج طلب راح تنفذيلي بالمقابل

-مثل شنو

-بكيفج اي شي يخطر على بالج

-شنو التغير وخلاك تطلب هالشي

-ماكو شي هيج خطر على بالي بما انو ماضل بس كم ساعة على حياة اللفو  والخرزه كلت نختمها بذكرى حلوه

-شنو اطلب اتنفذ

-جربي

-تاخذني لاهلي  قبل لانروح اودعهم حتى لو من بعيد بس اسمع صوتهن اذا خطر عليك

-تم

-واذا اجه يوم ومليت من عجزي لاتسمعني كلام يكسر كلبي تعال وكول راح اتفهمك وابتعد من وحدي قسماً بدون لااعاتبك ابد

-ماعاش اليوصل يم گلبج

-اذا غثيتك بكلمة لو تجاوزت عليك بدون لاحس   عاقبني  بزعلك احجي عليه بس لاتضربني مثل ماجان يسوي وياي

-ماكو اب يعاقب بنته على كلامها مهما كان جارح لان عمره ينقص ويه كل دمعة تنزل منها

-مايجي يوم وتستعر مني وتاخذني بذنب بابا ومنطقتنا

-هاي المنطقة نفسها الي خلت دگات كلبي تتخربط  واحس اني  بشر ومن حقي اعيش بعد ماجنت رجل ألي يحركون بي الجهتين بمزاجهم

-اذا مانجحت العملية ماراح اكدر اشوف اطفالك ولااعتني بيهم 

-راح اضمهم بداخلي همه وامهم عيوني تكون طريقهم  قبل روحي  هسه صار وقت طلبي

-شنو طلبك

-تنامين بحضني حتى لو خمس دقايق كافي بداعت  لايام الكضيناها سوه  لاتخليها بنفسي وعلي خايف تغمض عيني واني احلم بيها

-لاتحجي هيج وعدتني راح تخلصني من حياتي موتكسرني بكسر ينهيني

تمدد يمي سحبني لحضنه باس خدي وخله راسي على صدره حضني حيل وهمس مالگيتج حتى اعوفج بس ادري بيج ماراح تجيني اذا ماحجيت هيج

-لاتعيدها دسار والله كلبي كام يوجعني

-رؤيا هم يجي يوم وتحبيني

-مااعرف 

-شنو اتحسين وانتي بحضني

-اغمض براحة لان ادري اكو من اليحميني

-ومن تسمعين صوتي

-شي بداخلي مثل الامان

-اذا طلعت

-اضل منتظرتك احسب الثواني اشوكت ترجعلي

-اشلون تتخيلن شكلي

رفعت راسي مديت ايدي اتلمست وجهه من حواجبه اكو طبر بنهاية واحد ومنهن  نزلت على عيونه غمض مشيت ايدي وصلت لحيته

شلت ايدي خليتها على صدره حركتها صح عريض بس صلب كمش ايدي گال هااا

-شنو لون بشرتك

-تقريبا مايله للسمار

-اكو وشم بجسمك

-اي

-مو عالاساس ممنوع الوشم بالسلك العسكري

-وشعرفج اني بالسلك العسكري يجوز مجرم صدگ

-ميهمني لو حيوان هم راح اضل يمك

-حي الله الشوارب والرتب  اي حبيبي كملي

-داتخيلك تشبه القراصنه حاجب مطبور ورموش طول وضخم جسمك كله مطبر ووشوم

-يله قرصان ولاغير شي

- راح اتسلم ضبع وياهم

-انتي والضبع  مكافأت سنين الخطر الي جازفت بنفسي بيها

-اشلون راح تخلصه

-مااعرف محتار احس روحي بدوامة

-كم سنه ينحكم اذا لزموا

-مواقل من عشرين سنة

-وانت اذا خسرت القضية

-رگبتي

-زين كله خلي ينهزم ميصير

-اسمه مسجل يمهم مثل ما اسمي اتسجل يم الباشا

-يعني شنو

-يعني لازم واحد منه يطير راسه اليوم حتى يكمل الثاني

-دسااار

-ههههه يخرزة البتاوين اريد نام ساعة لازم اكون مفتحلهم زين

ردت اوخر بس من ذكرت كلامه شي بداخلي يمنعني  دخلت زايد لمني بحضنه دنگ اخذ نفس طويل وباسني خله راسه على راسي اغمض اعرفه جذاب مانايم وخايف بس ماراد يشغلني ويا

دخلت راسي بصدره امنيتي ادخل بداخله واروح ويا مااعرف بشنو احس  بس شعور مااعرف اوصفه ؛خايفة من الوحدة بعد  ماحسيت بالامان

مر الوقت وهو صافن  يلعب بشعري لمن رن فونه جر كصيبتي باسها سحب ايده عالكيف من جوه راسي وكام رد اجه صوت الضبع  ابو الليل حبيبي

-وين وصلتوا

-كلشي كمل والباشا دز الشباب لبيت حسن بلعة وهو ودوهان  طلعوا يم ابو الحديد  بس جاي اشتم حركة موطبيعية

-گلت للباشا هالحجي

-اي گال لاتخاف دارسين المكان عدل وبلغ الشباب يستعدون ويخلون عيونهم مفتوحة بس من نظرته حسيته شاك بيه

-وهذا المطلوب اشكد ماتگدر شغله اقل العشر دقايق وتلكيني سابقكم لبيت اليهودي

-عليها

-ضبع اي حركة تحس بيها اطفر لاتباوع وراك اني اعرف اشلون اخلص نفسي

-لايضل بالك صدگ الخرزتك اشلونها

-انجب ونتبه للطريق راح اطلع

كالها وسد الجهاز  رد دز فويز سيدي خبر الولد ربع ساعه ونلتقي بنفس المكان

قفله ودنگ باسني راد يگوم لزمته سحب ايدي باسها كال كومي تحظري اقل الساعتين واجي عليج

-ماراح تغدر بيهم

-مااگدر اخسر صاحب عمري

-راح يأذوك

-مايلحكون اسلمهم الروس الكبار من بعيد ارد بنفس اللحظه الگاج بالباب اخذج وابعد بكد مالله خالق بعد

-منتظرتك

-رؤيا اخر مره اسألك مستعده تعيشين وياي تره هاي حياتي

هزيت راسي اي

-يله كومي شربي حليبج وتريكي  لان طريقنا طويل احتمال مانحصل اكل ولبسي قمصلتج اول مادگ هورن طلعين

-راح اوكف وره الباب

-اندعيلي

گالها ودنگ اخذ نفس طويل باسني وكام لبس اخذ سلاحه وطلع كمت بسرعة  اتلمست وصلت للصوبة لكيت على طرفها قوري اتلمست يمها كوب صبيت حتى نفس للاكل ماعندي قلق وخوف حياة جديده  ومصير  مجهول  مااعرف الداسوي صح لونابع من غضب وراح اتندم

ماادري اشلون شربته عالسريع وكمت لبست قمصلتي وكفت احسب الدقايق واحلم كل عقلي الحياة صدگ ضحكتلي ورجع نظري  الي مرت اسنين واني ابجي بكتمه ماريد اراوي احد كسرتي

مرت الساعة والثانية وهو ماكو  بده القلق يتسلل الگلبي  كمت اروح اجي اكثر من نص ساعة صوت مااسمعت   تعبت رجليه كعدت يم الباب الهدوء يكتل اكثر من دگات كلبي الي بدت تتسارع

الوقت يمشي عالسريع  والنهار بده  يطلع من صوت الناس الي بلشت تدخل للبيت

ماكدرت اكعد بعد كمت وكفت خليت راسي عالباب اتسنط  استوني  اندعي واسمع صوت دراجة وباب الطارمة  انفتحت ماصدگت  فتحت باب عالسريع  دااطلع وصار بوجهي گلتله ليش تأخرت متت خوف

رد ضبع بس صوته مختنگ گال وهاي اجيت

-ضبع شتسوي هنا وشبي صوتك

-امشي وياي بسرعة اهلج منتظريج

-شنو امشي وياك  وين دساار

-ماكوو وقت دخيل ربج رؤيااا امشيي راح يجون بعد مااكدر اخلصج

-ويين دسااار

-راااح دساررر ررراح وهو يوصينييي بيج ---

***رايه***

وكفت  واني اشوف واحد ملثم يم ماما وهيه بيدها فون اتسولف ويه الشاشة وتبجي رحت امشي عالكيف وصلت يمها واشوف رؤيا كدامي باوعت لماما الي دموعها تنزل بكتمه رجعت باوعت لرؤيا وهيه تكلها عمري كله ماراح اسامحج اتبري مني حتى لااضل ادعي عليج

من همشت روحي نسيت حتى ماما استوها راده لوعيها جريت الفون همست رؤيا صفنت شويه ونزلت دموعها  نسحب الفون من ايدها اباوع واحد مبين من شكله مجرم عرفته من طبرة اليم حاجبه دسار گلتله بترجي دخيلك رجع الجهاز  بس اسمع صوتها

-مووكتها تعبانه  اختج

-من بعيد ابوس ايدك والله راح اموت بعد ماتحمل بس اسألها اشلونها مروتك خويه

-عايشه بخير وصحتها زينه يله عندي شغل روحي

-لالااا انتظر  گللها والله مانسيتها ولالحظه

ادري مابيه خير وماعرفت احافظ عليهن  بس وكلام الله  سويت كل الاكدر عليه  حبسني وعذبني حرمني حتى من الاكل بس حتى ماجيب طاري اسمها

-ولاتجيبين طاري اسمها  نهائيا رؤيا تنسوها  اعتبروها ماتت روحي خويه عينج بالي يمج هيه بعهدتي ماعليها

-مثل ماخذتها مني غزوان طلع وراح يرجعها منك غصبآ عنك

ضحك وسد الفون  بسرعة سحبه الولد مني راح ردت اللحگه  كمشت ماما ايدي انداريت  همست بتعب راحن اخياتج

نزلت دموعي جرتني لحضنها وبجيت بصوت عالي عصرتها همست بوجع يمه راحت رنوده هيه وتبجي من الجوع

-راحن اخياتج يرايه صفيتي وحدج

- يمه كلبي يوجعني

-دورن حضني نشد عن العافتهن بروحهن ولج رايه رنوده  هم دورتني قبل لاتغمض عينها

-ماتت وهيه تون من المرض ماتت وهيه تگلي وين ماما 

-دفيتها عدل قبل لادفنوها

-ماشفتها دفنها بدوني مالحكت اخذها بحضني وأمنها بعدني يمها

-ررربي  متگلي اشوكت تگلبهاااا

-راحت رئال وهيه خايفة تباوعلنا وراها ورؤيا خذوها  من حضني غصباً عني

عصرتني بحضنها  وشهكت بقهر  حسيت رخت حضنتها شلت راسي لكيت راسها عالسدية مغمضة كمزت كمشت وجهه اضرب عليه ماحسيت نفس انخبصت شسوي طلعت اركض بره صارت بوجهي دكتور  صحت الحكنييي  ماما راحت منييي

اجه  يركض رجعت للغرفه لكيتها على وضعها ركضتلها كمشت راسها اهز بي وابجي بتوسل  ترجعلي وصل الدكتور وخرني دنگ فتح عيونها باوع بيهن رد كمش ايدها يقيس النبض

هو يتفحصها واني وكفه متصنمة جسمي يرجف اباوع لوجها بدون لون  حتى مالحكت اشكي كل همي ولا اسمعتها تهدي بيه  احس رجليه بعد متعيني

رجعت ليورا كعدت بمكاني وعيني ويه ايده  تتنقل لساني عاجز حتى عن الدعاء

اكثر من نص ساعة يحاولون وياها  واني حتى حيل ماضل عندي دنگت حضنت رجليه  استعد لفقدانها غمضت واسمع الدكتور گال فاقت كافي تركوهاا

نزلت دموعي وضحكت

اندارلي گال انتي وياها

هزيت راسي اي

-تعتاز ابره راح اكتبها ترحين تجيبيها من جوه لان مامتواجده بالمستشفى 

كمت اجيت يمه لزمت ايدها وهو دنگ يكتب  مسحت وجها  مد ايده انطاني الورقة و گال اذا تجيبين اثنين يكون افضل

-هسه كلها معزله تتحمل للصبح

-والله وضعها مايبشر بخير من الافضل هسه تاخذها لان حالتها تعبانة كلبها لاسامح الله  على ساعه يسكت

-لالا اسم الله عليها گلي وين اروح

-اكو صيدليات خفر بعد ساعة عن المستشفى

-تمام هسه انزل اجيب منها

اتحمد عالسلامه وطلع  باوعت داير مدايري اريد احد اطلب منه افلوس لو انخاه ماكو بس وحده جبيره نايمة

دنگت بستها من راسها  كعدت يمها  همست يم اذنها ام رايه لخاطري كومي گليلي شسوي لاتخليني هيج محتاره

صفيت بيج لاتكسريني اكثر مااني مكسوره والله مااغلي روحي عليج بس عجزت وين اروح منو ينطيني افلوس

رفعت راسي خليت ايدي على راسها امسح على شعرها وترجه ربي ينطيها القوة لحد مايرجع غزوان

مر الوقت واني اراقب نبضها  واقرا ايات قرآنية خايفة افقدها بأي دقيقة  استحقرت فقرنا وعوزنا اتمنيت اغمض عيني ماافتحها شي بداخلي ينعصر ويه كل شهگه منها

لحد ماارد الممرض رجال جبير  گمت كال جبتيها للابره

دنگت العبره لازمتني

-سويلي مجال خلي اقيس ضغطها

وخرت وهو وكف قاس ضغطها والسكر  همست بس شويه لبين مايجي زوجي

-الحمدلله استقرت حالتها واذا استمرت على هذا الوضع راح تتحمل للصبح بس هم لازم تجيبوها

-والله اجيبها بس يجي زوجي

-ان شاء الله خير هيه شوية وتصحى تبعدها عن اي توتر لان حالتها النفسيه جدا تعبانة واستوها صاحية من غيبوبة خطر عليها اي انفعال

-ماراح اخليها تذكر كلشي

-اول ماتصحى حاولي بأي طريقة اتوكلها بالبداية سائل دافي وبعده اشياء خفيفة وتاخذيها تغسليلها حتى تتنشط الدوره الدموية عدها

-تمام

اتحمد عالسلامه وراح حسيت براحه موتكول كال حالتها استقرت تكول  انطاني امل جديد بست ايدها  ورجعت گعدت كدامها  لازمتها حيل احس راسي يفتر من الهبطة  خليته  على السديه عيني بالساعة منتظره رجعت غزوان اكثر من ساعه ونص وهو ماكو 

غمضت بتعب اجت بعيوني رؤيا ليش هيج جانت تحجي وياها بقساوة  وشعرفها صحت معقولة مراقبتها من بعيد

رئال شنو حالج هسه هم بعدج تذكرني لو هم كلبج قسه مثل اختج

اخذت نفس فززتني ماما وهيه تهمس  رايه رفعت راسي ابتسمت بوجهه

-اريد مي

-هسه انطيج بس بعد لاتحجين وياي زعلانة منج ماما

-تعبانه يبعد امج

-تعرفين شنو سويتي بيه من غبتي عن الوعي اجيت اموت بحال راح غزوان يجيبهن لاسامح الله اذا صارلج شي شنو اكللهن

-بعد مايجن

-لاراح يجن بس جانن منتظراتج تصحين لان البيت بدونج ماينراد ولالبالج رؤيا سمعت هيج حجي وصدگتي شنو ماتعرفين ام لسان تريد بس اتعزز روحها

-راح يأذون اوليدي

-محد يأذي غزوان اتغير موذاك الطري السجن سواه انسان ثاني وانوب صاحبله واحد من العرب جنه ثور هايج من ذوله اهل العرض اول كلمة گله افاا وانه اخوك  ذني عرضي قبل لايكونن عرضك تاخذهن من هالشارب

ابتسمت

دنكت بستها :- اووف تدرين اشكد اشتاقيت لهاي الضحكة واشتاقيت لمكانج بينه

نزلت دمعتها مهضومة غمضت لزمت مداليتها وهمست بحرگة راحن بنياتي بسببك 

-والله راح يرجعن

-ولك ربي عاقبني بشر اعمالك ولك تعال ردلياهن

-فدوه اروحلج كافي

-ولج گلبي يسعر نارر ولج رايه بنيتي عفتها تلعب

-دخيلج لاتذكريها لخاطر الباقيات ماما والله اتبهذلنه بدونج محد رحمنا تعرفين رئال فاهيه وجبانة  ورؤيا عرمة تشمر روحه بتهلكة بدون لاتحس لاتضيعيهن مثل الراحت اتحملي علمودهن

-رئال غصوبها عالزواج

-تعرفين رئال تموت ولاتخلي واحد يغصبها بس سوت هيج حتى اتخلص رؤيا وغزوان وتاخذ حق رند

-تكول مرتاحه  بس كلبي وجعني عليها حسيتها  اجذب

-اتصلت بيج

-اي حمدتلي بعيشتها  وگالت زوجي بس عالورق   وكالت لغزوان اني ادزلك افلوس بس طلعهن

-هاي شوفي عرفتها رئال ماتنغصب على شي يعني متزوجه بقناعة وهسه اجه الوقت الي نرجعها ورؤيا هم اندلوا مكانها راحوا يجيبوها

-متجذبين عليه

-لاااه يبا انه هيج على گوله ذباح

-هه منين هذا ذباح

-صديق غزوان الي ناوي  يناسبا بوحده منهن والله رؤيا تجي ويا عدل نفس السوادين لولاا رئال هيه جبانة وهو مبين مايتفاهم راح يكون اكشن  

-وليش مو انتي

-ام راايه لاتخليني ابلش لو لا مارد عليج هسه يجي زوجي هو الي يرد

-تزوجتي؟؟

-مم من شوية عقدنا اتمنيتج وياي بس يله اريدج تعوضيها بعرسنا

-ربي يسعدكم ويرد خواتج بحضنج تاخذيهم وترحن تكملن حياتجن براحة

-الامان اذا مو بحضنج مانريده گومي فدوه اروحلج رجعي لمينه مثل قبل والله تعبت وحتى دموع ماضلت بعيوني ادري وجعج جبير بس احنا مالنا ذنب

سكتت

-اتحبينا لو ناوية تخليني هيج مطشرين تره اني هاي كدامج مااكدر المهن اشما اسوي اضل ضعيفة مومثل قوة الام وحنانها على بزرها

باوعتلي اشرتلها  اي ودنكت بستها صح ادري حزن كلبها جبير وادري كل الحجيته يمكن مايتحقق بس ردت اردلها الامل واخليها تتمسك بالحياة اشلون مجان

شوية وجابوا وجبه العشه شوربة سندتها گوه كعدتها  وكعدت يمها اوكل بيها واسمح دمعها قبل لاتنزل اكثر من ساعة ونص اني اقنع راح يرجعوهن ولازم تقوين نفسج لمن شفتها صدگ بدت اتفك

كمت دااشيل السفري حتى ارد انيمها ودخلوا ذباح وغزوان عيونه تلمع باوع لماما وابتسم  اجه بسرعة دنگ باسها و گاللها البشارة عمة

-فرح گلبي

-اخذنا حق رند النكس اخذوا للمغتسل

فتحت عيوني على كبرهن درت وجهي لذباح  بسرعة ودنگ يحك بحاجبه

ماما -واخياتك

- رئال اندليت مكانها مااگلج مااردها بس رادلها وقت لان عاشية يم عالم كلهم ضباط

-ورؤيا

-مكانها محد يندله الولد الي يوصلنا مكانها غيره وعمي من رجعنا للبيت لكيناه منهزم لان اهل النكس هاجمين عالبيت  طالبين دمه

-انهزم بعد ماضيع بنيتي

-مامهزوم خاتل بنفس المنطقة خلينه جماعة ذباح هناك مراقبين المكان مايفلت يلكفوا ناخذ العنوان ونسلمه لهل النكس مكان ابنهم

-غزوان يمه  اخذ رايه وروح منا

-لاراح ادزجن انتي ورايه لاهل ذباح تضلن هناك  لحد ماجيب خواتي واجيبكم

-روحي مو اعز من روحك ماتحرك اذا مااخذك وياي ترجعني لبيتي انتظرهن هناك ردهن لحضني ساعتها كول يله نروح منا

-ماراح تتحملين مكانهن الخالي

-انطيني كلمة ترجعن الي واني ادوس على كسر گلبي مو بس اتحمل فكد الراحت

-انطيج روحي موبس كلمة

-روحك الك يبعد عمتك غزوان لاتوجع كلبي بيك

ذباح.- يبا عسى گلبج طيب غزوان بأمانتي وحريماتج اخياتي  تاخذيهم من هالشارب بس انتي كوميلنه بالسلامة

- الله يحفظك لشبابك ويرزقك بنت الحلال

غزوان. - عمه عنده ثنين

ذباح-  يباا عليش تگطع حلال ربك وهاي جنت ناوي اناسبك برضيعتي

اتجتفت باوعتله رفع حاجيه رد كمل بس يله شنكول للنصيب

غزوان. - يمعود استوني عقدت كلش موقتها

-هههههه تتهنى يبوي يله اسند عمتك لخاطر ازتها يم الاهل واردلك

غزوان باوع لماما اشرت لا اتوسل هو وذباح رادوا منها شافوها تعبت بطلوا ضلينه للصبح جابولها الابره اخذتها حالتها استقرت طلعنا رجعنا للبيت جنت متوقعه راح تبجي وتنهار بس تفاجأت  من دخلت للغرفه دنگت شالت اللعبة  وراحت كعدت بمكانها حاضنتها ردت اخذها خزرتني بطلت

غزوان راح ويه ذباح  وغيمة اصلا ماصعدت معزولة حتى حجي ماتحجي ؛ ضليت اني  ايد بالغرفة انظف عالسريع وعين بماما خايفة يصيرلها شي

گوه لازمة دمعتي احس العبرة جارحة بلعومي بالاخص من اشوفها لازمة مداليتها عينها تتنقل بين مكاناتهن وصافنه بغير عالم

اشكد حاولت اكمش روحي بس كل شغلة اشيلها ترجعني لذكره لمن وصلت لكتاب رئال ذكرت ضحكتها من دخلت تأشرلي مشتريته وضاعت ضحكتها بركضت رند وهي تتلكاها لبالها شي الها

ماتحملت گعدت حضنته وبجيت بصوت عالي طلعت شكو قهر واشتايق الهن لمن سمعت صوت ماما انداريت لكيتها عاصره لعبة رند وتون بدون وعي

مسحت دموعي وكمت بسرعة اخذت الابره رحت يمها سحبت ايدها ضربتها جريت راسها  لحضني لحد مااخذ مفعول العلاج ونامت خليتها بفراشها غطيتها 

مر كم يوم وغزوان مايرد غير تالي الليل  عيونه تعبانة كوه يمشي اديه كلها شخوط حتى دم طالع منهن اعرفه بالنهار يدور وبليل يشتغل يحمل سكراب شفت مسائي لان كثرت عليه المسؤولية فوگ البيت وخواتي علاج ماما

…كاعده عالدرج عيني بالبيت ظلمة وصنتة مابي بس غيمة وخانسة بغرفة بابا بعد ماجان هيج وكت ماتكدر تگعد من صوت من جهة جماعة بابا ومن جهة خواتي وهوستهن  

باوعت گدامي باب البيت ابتسمت مر شريط رئال من تكمش ايدي اتشجعني ندخل وهيه ميته خوف

شلت راسي رؤيا وهيه تتلاوه وياي تريد تطلع تكتل بابا ضحكت وين صفى بيجن الوكت اشلون حالجن هسه

اخذت نفس كمت اتمشيت للسطح  وكفت جتفت اديه انتجيت عالحايط اباوع للگمر مر وقت واني اتأمل بي حسيت اندارن اديه عليه انحضنت من وراي حسيت بدفوا وتعب متونه من لزمته دنگ همس بصوت هادئ

صغير جنت وانت صغيرون  حب عرفنا بنظرات العيون گالوا تره ذولة يحبون من الصغر لمن يكبرون

ابتسمت

باسني عالكيف :- ليش بت روحي كاعده لسه

-دااذكر واحد جان هنا يكعد بالساعات بدون ملل وهو ينتظرني بلكي يحن گلبي واجي يمه

-مم وينه هالواحد

-شالع گلبي صرت ماشوفه غير دقايق هو ونايم  بعد ماجان يركض وراي بس يريدني احجي ويا

رد دندن مثل النهر ماتغيرنا حبنا كبر واحنا كبرنا محله الحب الي جمعنا مثل الطيور احنا طرنا

-ههه جانت اغنيتها المفضلة  تنتظر الصبح حتى تطلع وتسمعك تغنيها بالطريق

- الوحيده الشاهدة على العذاب والعشنا واحنا نحلم يجمعنا حضن بالحلال

-وهاي انجمعنا بس هيه راحت

-ماراحت راح اردهن واخذجن واروح بعيد اخذلجن بيت اعوضجن عن كل الشفتنه بحياتجن

-خايفة

-من شنو

-خايفه افقدك مثل مافقدتهن وكتها مااكدر الحگك لان ماما وراي ولااكدر اكمل بدونك

-شنو مخبل اموت وعوفج بعد مادخلتج بحضني الي خلصت عمري احلم بهالشي وحتى هنه راح اردهن واواصل ليل ونهار حتى الم مهرج واسويلج عرس تحلم بي كل بنيه

-ماريد غيرك

-اني ماريد اخلي شي بنفسج ادري مقصر وياج بس وروح اهلي مااكدر اسوي اكثر من هيج بليل احس امتوني متعيني واني احمل الحديد من التعب والنهار حيلي مهدود من الهم واني ادورهن بكل مكان مثل المسودن خايف تنزل دمعة وحده منهن واني بعيد عنهن

-بابا ماحصلته

-ماكو اختفى ماخليت مكان ورا ماخايف على رئال بكد رؤيا احسها تنهش بروحي كل ماغمض عيني تجي لمعة عيونها العاجزه بعيوني

-مهري وحفلة  زواجي مكانهن عملية الها

-واسم اول بنيه  انسميها رئال

-هههههه واذا ولد محمود لخاطر تحرمناحتى من شوفته تكابله ليل ونهار تلدغ ويا

-متنازل عن كلشي ماريد غير افتح عيوني الصبح اشوفج بحضني نايمة اخذ نفس واحمد ربي على عوضه

-بس هااا من هسه مااروح لديره هذا صاحبك نشوفلنا بيت بغير محافظة

-ليش تره  كفو وصاحب مواقف وهاا انطيته كلمة اناسبه بوحده منهن بعد وكفته الي اخ مايوكفها

-هو الي ساعدك تدخل المستشفى تكتل الولد لو زوج رئال ؟؟

-تعرفي منو ومن يردن خواتج بحضنج نطلع منا ونستقر بالبادية

-شنسوي بالبادية

-اشتغل ويه ذباح بالنوگ هناك هدوء وامان راح اگدر احافظ عليجن احسن من هالمكان الي دخلته  وحدها تخليك تكره نفسك كد القذارة

-اهم شي كون اكو مدارس قريبة  خطيه رئال ضل بنفسها تكمل

-وانتي

-اني انتظرك كل يوم ترجع من الشغل اتلگاك بالباب اشمر روحي بحضنك ازيد فوگ تعبك تعب اخليك تنعل ذيج الايام الجنت تحلم بيهن بيه

-احلى تعب ربي لايحرمني منه

انداريت باوعتله  لمعة عيونه واضحة من وره المناظر  وجهه تعبان

ابتسمت خله اديه على خدودي خشونتهن مبينه گد الشغل حس راد يوخرهن كمشتهن

اتحسر نظراته تتنقل بين عيوني صافن تحس روحه تعبانة اكثر من جسمه اخذ نفس وهمس وكلام الله احبج

مااعرف شصارلي واني اسمع الكلمة واشوف لهفته وهو يحرگ ايده بهدوء على بشرتي غمضت حسيت انفاسه قريبة لزمت ايده عصر اصابيعي  ودنگ على شفتي طبع بوسه

روحي رفرفت كمشته حيل وهو سحب شفتي شعور مااعرف اوصفه واني بين اديه اتبنج كل جزء بيه  گلبي ماحس بدگاته 

طفرنا على صوت تكسير بطل كزاز وصوت واحد يغني بثكل واحد باوع للثاني هو ضحك واني دنكت خجلانة

جرني گعد يم الحايط وكعدني يمه سحبني لحضنه خليت راسي على صدره ريحة التراب والحديد بملابسه وحدهن يخلني احس شكد تعبة وخوفة علينه 

غمضت حضني حيل دنگ باسني ورفع راسه للسما يشكر ربه ؛ مو تكول على السطح والجو بارد حسينه روحنا  بالجنه  خله راسه على راسي مامصدگين كاعدين سوه

ضلينه للصبح هو يسولف  شنو ناوي يشتغل حتى يسيطر على المصرف اكثر واني لامه روحي  راسي على صدره اباوع للكمر وابتسم مثل الي اكله شوف هاي امنيتنا  اتحققت

ماجنت ادري الدنيا اشلون راح ترجع تجبرنا واحد يترك الثاني ونظل نباوع لحلمنا من بعيد بكسرة

مرت الايام ويوم اصعب من يوم اهل الولد اتخبلوا بس يردون يلوحون بابا الي اختفى نهائيآ

غيمة  دائماً الزمها تسولف ويه عمتي بالباب وبعدها بدقايق ترش مي بالاخص من شافت ذباح وصلابته صارت غير شي اني هم مالي شغل بيها محتارة بماما الي حالتها كلما جايها تزود

واكفه بالمطبخ اسوي الغده وماما گاعده  تباوع لغيمة بنظرات تخوف استغفرت ودنكت دااثرم وانفتح الباب دخل غزوان وراه ذباح صاح ياالله

طلعت  لكيتهم داخلين  ذباح بلبسه الاسود مطبگ ردانات قمصلته بيده سلاحه وغزوان يمه يعدل بنظارته ؛ اختلاف شاسع بين الترافة والشر

باوعلي غزوان وابتسم همست الله يساعدكم

غزوان-  ويساعدج حبيبي كملتي الغدة

-اي دقايق اخذ ابو في للحمام حظرتلكم مي دافي بين ماتغسلون  راح يكون الاكل حاضر

اشر اي اني دخلت للمطبخ وهو اخذ ذباح  للحمام دقايق واجه يمي حضني من وراي باسني بركبتي دفعته حجيت بصوت ناصي صدگ دتحجي وخر ساعة واجه صاحبك

-حبيبي تره يعرف هالشي متزوج اثنين

-اي وانت ليش مركز عالاثنين بس لاقنعك تاخذ اخته

-مم واذا اخذتها شراح تسوين

-اصلا عادي مااهتم تلكيها تشبهله الي هيج ضاله على گلبه لسه محد ماخذها

-حمم

-مامصدك روح شوفها  اذا ماطلعت محترگة  مثله؛ وجها تكول جينكوه مزنجره مثل وجهه تعال عتبني

باوع وراي كوه كتم ضحكته انداريت لكيته وراي رافع حاجبه دنكت  احس الخجل كام يطلع من عيوني وغزوان طكها ضحكة بصوت عالي

همست اسفه

مارد دنگ حك خشمه

-والله ماقصدي  هو استفزني

-لايبا ماصار شي ومچان هالچلمة زواجكم عليه بس سجبيلنه الزاد 

غزوان- هههههه ياغده والك نيه  تاكل بعد

-الله يغسل حضك

-اكثر من هالغسل حرام بس لاوالله ذباح التشبه قاتل ههههههههه

-استغفر الله اشلون يخليني اجرب اسمي بي

ديرد  وندگت الباب حيل وصوت واحد يصيح بعلو صوته غزززوان

طلع يركض واحنا ورا فتح الباب احس الدم جمد بكل جسمي …

لاتنسون التصويت ❤️

شيء من رصيف الدم

بقلمي:leo Alfatlawi

بارت الرابع عشر

***رؤيا***

هو يصرخ ررراح واني الدنيا بكبرها دارت بيه من ساعة الي سمعت صوته وهو يتوعدلي ؛ لحضنته وضحكته يجاكرني بيها

خليت ايدي على گلبي همست بتوسل لا دسار وعدني مايعوفني

ضبع. رااح خذوا دساار وهو يتجراني اضمج عنهم

-كال راجعلج انتظريني

صرخ بعلو صوته ررراح  اگلج لكفوووا الجلاب  راح صديق عمررري فگدته فگدته

غمضت اسمعه گعد بالگاع همس بغصة ضليت وحدي هيج يخوي هين عليك تتركني جا  وين حجيك مو تكول يانعيش سوه  يا نموت فد موته  ماصارت بعينك كعداتنا ضحكتنا هيج طلعت رخيص عندك مو تدري مامخاوي  غيرك 

رجعت ليورا انضربت بالحايط گعدت لميت رجلية اتلمس الجواريب اي ذني موجودات هو لبسنايهن يعني ماجنت احلم جان موجود يمي

لميت جف ايدي صافنة كام ضبع اجه يمي دنگ كمش اديه حجه بتوسل گومي دخيلج انطيته كلمة راح وهو مأمن گدها  لاتكسرين ضهري بيها

-ليش هيج استعجل حتى شكله مالحكت اشوفه

-غدروا بس وكلام الله وحگ كل لگمة جمعتنا لاخذ ثاره مربع من ارواحهم لخليهم يشهكون الموت ويه النفس

-لالا  تكول هيج بعده عايش هسه يرد اعرفه يدري بيه استوني بديت احس بالامان  يعرف گلبي بده يدگله وعيوني تغمض براحة مامعقولة استكثرهن عليه

-گومي رؤيا

-ماكووم هسه يرجعلييي هو انطاني گلمة كال لبسي راجعلج

-رؤياا راح يجووون ولج  مااگدررر احميج منهم هووواي

-يعني شنو هاي هيه مات دسار انتهى بعد محد يحميني

-احميج بروحي وروح الراح مغدور اليفكر يوصلج امحي لو اعرف اموت

ضحكت ردت احجي واحس ظلام خمش روحي  غمضت خدر احتل كل حواسي النفس ضاگ واديه بردت كمشني ضبع بين اسمعه يصيح رؤيا وبين اشياء تروح وتجي بعد ماحسيت بشي

**رايه***

لزمت الحايط واني اشوف رؤيا گدامي بالگاع فاقدة الوعي وسيارة شحطت من يمها

غزوان دنگ عليها وذباح رد بسرعة اخذ سلاحه وطلع يركض صعد سيارته وداس بكل سرعته وراهم

رفع راسها غزوان خلاه على صدره  وشالها دخل جوه يمشي گوه اباوعله حيله مهدود وصل نص البيت گعد اخذها لحضنه ضمها بقوة ودنگ ؛رحت يمه كمشت ايده شال راسه عيونه حمر متروسات دموع وحسرة اريد اسأله بيها روح بس شفايفي يبست ملت راسي بتوسل واشوفها بدت تفتح عيونها

ضحكت وبجيت سوه ؛ صارت عيونها على غزوان رمشت بتعب وهمست وين اني

- يمي يبعد اخوج

-غزوان مختنگة مااگدر اتنفس

-شبيج يروح غزوان

-خذوا مني عافي وحدي

-اني يمج ماراح يبعدني عنج غير الموت

-بس هو مات

كالتها وشهكت رجعها لحضنه بجت بصوت عالي وهو دموعه تنزل ويه شهكتها

اجت ماما تركض دنكت كالتله جيبها  بعدت راسها من حضنه وخرته ضاغطة على سنونها  اندارت لماما دفعتها بكل حيلها  وصرخت وخررري منااا مااريد اسمع صوتج كومي وخررري عنييي

غزوان - اهدي

-طلعهااا منااا كله بسببها هيه  الضيعتنااا هيه السويت بينا كل هذا هيه  الخلتنا  نتمنى الموووت

-ميخالف بس اهدي

-عمرري ماراح اسامحهاا عمري كله راح اضل كارهتها وحاقدة عليهاا اذا جنت اريد انتقم من النكس رجلها هسه اثنينهمم

-كافي بنيتي تعب گلبج 

-واااانت اانت  ليششش عفتنااا هاااا ليشش ماكتلتنيي مكانه تدري ليش لان انت جبااان واحد جباااان

-ادري جبان ومابيه نخوة

- كلكم  جذابيننن كلكم حيواناااات مابيكم شررريف

-لج كلبج راح يوكففف 

-لك راح  وعافني ولك گلي ماراح اخذلج خلاني اثق بي وجذب عليه  مثلك ولك  عافنيييي دساااار

راد يكمشها مااگدر ضغطت على اسنونها وكامت تضربه بكل قوتها على صدره اشكد راد يهديها  ماكدر ؛ تركها لان عرفها مختنة ماكو شي طلعة بي غير هالطريقة

يباوعلها ساكت بس  دموعه تنزل  وهي مستمره تضرب فاقدة حالتها تكسر الكلب لمن بهتت وبطلت من وحدها باوعتله بكسرة سحبها لحضنه خلت راسها بصدره همست مات دسااار وبجت

ضغط عليها دنگ شالها وصعد للغرفة دخل خلاها بفراشها وكعد يمها لازمها محتار اشلون يسكتها  تبجي بحرگة وهو يمسح على راسها حاضنها وصافن ؛ لليل واحنا على وكفتنا نباوعلها ونبجي بدون صوت محد يگدر يسألها شصاير وياج لحد ماتعب گلبها وغمضت روحها رايحه خلاها غزوان بفراشها غطاها لزم ايدها واشرلي طلعي

هزيت راسي  مسحت دموعي وطلعت صارت كدامي ماما كاعده عالدرج لازمة مداليتها وتبجي بهدوء ؛رحت يمها خليت ايدي على متنها رفعت راسها همست لو مامسويه  هيج جان كتلوجن

-لاتشيلين بخاطرج  محترك كلبها ماتعرف شنو تحجي

-هاي حالتي جانت لاااا جنت وحدي ماحصلت حضن اذب حملي بي عين بيجن محتاره وين اضمجن وعين بالباب منتظرته يردلي

-منوو

-گلتله راح ياخذوهن مني كلتله راح يضيعن كله بسببه عمري ماراح اسامحه

-ماما كافي فدوه اروحلج

-ماجان بيدي شي سويت كل الي اگدر عليه خفت  يعرفون بعدجن عايشات ويردولجن

-منو همه؟؟

-ردت بس احميجن

-جان المفروض ننهزمن من زمان وما نخضع لبابا

-هددني النكس اذا تحركت يفتن؛ ردتج بس تكبرين حتى اعقدج على غزوان وأمن خواتج عدكم تاخذوهن وترحون واني اكتله واخلصكم من شره

-وتعوفينا ام رايه هيج ينطيج گلبج

-لخاطر تعيشن

-راح نعيش وخواتي راح يردن ونطلع منا ويصير عدنا بيت صغير دافي مثل ماجنه نحلم بي  بس نزعي هاي الميدالية لان داحس كلما تلزميها روحج تنعصر

باوعتلي بكسره عيونها حسره الدنيا بيهن اتمنيت تحجي بس من شفتها كمشتها ودنكت عرفت غلاتها يمها تخنگها حتى بالكلام

اني هم سكتت مر يومين ورؤيا على وضعها من تسمع صوت ماما تسد اذانها والاكل ماتتقربله ؛اذا فكر واحد يحجي وياها ترد تبجي دخلت بحالة انهيار 

ذباح بعد مارد بنفس الليله حجه ويه غزوان عالكيف حتى مااعرف على شنو بس شفته من خليه بيده مخزن طلق وراح

تمر الايام واني محتاره بيمن اهتم احس الحمل كلما جايه يزيد  بالاخص على غزوان خايفة عليه من بابا لا يغدر بي الشغلة الوحيده الحلوه الي صارت هو اتصال رئال احس رجعتلي شكو امل جنت فاقدته 

نايمه واشتم ريحة چاي تارسة المكان والدفوا مالي الغرفة راحه نفسية ؛

ابتسمت واني اسمع غزوان  يفتر ويدندن مثل النهر ماتغيرنا حبنا كبر واحنا كبرنا محلى حب الي جمعنا مثل الطيور احنا طرنااا

رفعت راسي باوعلي وكمل مثل نجمة والگمر كبر حبنا وزدهر بعيونك حبيبي نبتدي دروب السفر 

ضحكت دزلي بوسه بالهوا صاحت ماما ولك عمه غزوان شنو دتسوي

-ريوك عمه كومي اشلون ريوك ويه خبر راح يخليج طيرين

-خير يبعد عمتك كول

-خلي تكوم ام لسانين بالاول لان اكو خبر ثاني الهاا

باوعتله عفست وجهي ضحك

-وانتي الج اهم خبر بحياتي

ماما -  يالله خير يمه احجي والله كلبنا خلص من الحزن

-دكومي خلي خلي اجيب الريوگ  ناكل ويه دفو حضنج المشتاگله بگد رحمة اهلي وبعدين الاخبار

-غزوان روحي طالعه احجي يروح عمتك

-هذا الجمال كله وروحج طالعة الناس تكبر من الهم عمتي تصغير تردين الصدگ والله اخجل اكول عمتي گدام العالم كلش ماراهمه

-يااا ولك احجي

-بداعت هالخدود التكول تفاحه متأكده انتي ام وذني بناتج  يابه منين مااجيبها ماراهمه

-شوف الولد اني وين وهو وين

قرب الصوبة يمها وراح جاب صنيه الريوگ خلاها كدامها كعد  كالها  كولي موخوش نسيب عندي

-احجي ولك لاتفت گلبي

-عمي علگ طاارر

-شنوو طار شنو لكواا

-غير طلع خاتل يم اخته  ودخلوا عليه عالم ملثمة  سحلوا وصار يومين ماكو اي خبر  محد يعرفه وين

-منو ذولة واشلون اندلوا مكانه ولك بس لا هذا صاحبك

-لا هذا لعب بتج ام نص لسان لان بنفس الليلة من خابرتنا خذوا وبالنسبة لصاحبييي تسمعون ياذولاك الناااااس

باوعت لرؤيا دارت وجها

-عالعموم لاتردون بس صاحبي يكول الرعنة الي هرجت المچان بصوتها وطلع زلمتها بس مفقود خلي تنكسح وتنكتم احسن مااروح اهطر راسه وبدل ماترعد بصوتها التكول زيطه جاتلها البرد اخلها تهلس شعفتها الناثرتها جنه چله چدي

رؤيا-  بي حظ خلي يوصله موبس يلغي لو يخاف يفصخه نصين

-والخبر الثالث استأجرت محل دراجات اندعولي الله يرزقني بي

ماما- موكلت ننتقل منا

-بس صبروا عليه هالفتره بين ما اجمع كم دينار  حتى اكدر اخذلكم بيت صغير غرفة الكم وغرفة نتزوج بيها

-يبعد عمتك والله تدبر بس خلينه نروح منا وأمن عليكم

-مانطول اذا كلش شهر بس اندعيلي الله يرزقني بگد مامنطيج جمال

-ربي من عالي سما يرزقك ويترس حضنك مال وجهال

-هاي الدعوه الحلوه من الصبح  صدگ اخت جاسم  جابت بطل حليب اذا تردن حتى رايه تحمي الجن

رؤيا-  بس لاشربت منه

-لاليش

رؤيا- ماكو شي  رايه گومي سوي محلبي ودي الها وكليلها هذا من البارحة عدنا حتى ماتشك بي من نفس الحليب واطفحه 

عضيت شفتي كمشتني الضحكة  وغزوان رفع حاجبه يباوعلها ابتسمت ماما گالتها . رؤيا ماعوزنا مشاكل بطلي سوالفج

-مااتصور حجيت وياج

-اشوف رجعتي لشيطنتج ولسانج الباذر

-منو كلج جنت خانسة وبعد  لاتحجين وياي حتى لااسمعج كلام يغثج

-اكثر من مغثت وجهج من الصبح مااتصور

-المصبرني عليج شغلة وحده بس اوصللها واتاكد منها وانعل ابوها التكابلج

-والي هيه رؤيا كولي

-ميحتاج اسألج اني اعرف اشلون اطلعها اذا تردين صدگ تريحيني كولي المشعوذه على منو اشرت   بكسره الكلب امانه لاتجذبين خلي اذكرلج شي حلو بحياتي

عيني صارت بماما بسرعة باوعتلي وردت باوعتلها

رؤيا -تره بعد مايهمني انوجع كلبي مااتصور انكسر اكثر من هيج كولي

-ماگالت بس عينها ماخطت رئال

-ولاخطت راية واكثر وحده كمشت ايدها اني

-لاشافت بيش راح تمرين وجانت تقصد محمود لان النصيب يجي مرة وحدة

هزت راسها اعرفها ماصدكت ولا ماما حجت الصدك  كمت رحت يمها ردت اكومها دفعتني وكامت وحدها  راحت  تتلمس للحمام  عفتها انداريت لماما  اخذتها غسلت وجهه رجعنا كعدنا  يم الصوبة صبت جاي شفت رجفه ايدها ابتسمت ذكرت رئال من تجيب المشط وتكللها مشطيلي حتى ازيدج قوة مثل ربانزل من تزيد الشريره

غزوان يشيل ويخلي كدام رؤيا بالبسكوت حتى ماتتعثر بالاكل ديخلي الجبن وضربته حيل صاح اخخ

-حتى اتبطل ماتعيدهاا

-وروح اخوي احسج تشوفين ومشتغلتنه

-النظر مو كلشي هاي انت اتشوف شنو الفرق

-قصدج الاحساس اهم واني ماعندي احساس وحبيت اختج  موو سمعتي رايه خو ماحجيت اني

-غزوان اتقي شري حتى لابزز عيونك واخليك مثل بوفيه العجايز  لانفع ولامنفعة

-وهاي انتي جنج زيطه

- جرب

مد ايده ديشيل المربى لكفتها دنكت عضتها  كمشها من شعرها زادت ضغطت اكثر هو يصيح بطلت وماما تعيط واني اجر ماتركته لمن نبتت اسنونها وخرت مسحت حلكها فرك ايده همس جلبه يكرم الله

ردت كمشته ضحك سحبها  راسها لحضنه عصره وباسه :- اشوكت تكبرين متگليلي

-من تجيبلي العكازه الوعدتني بيها تذكرها غزوان

-ورئال بالكتاب ورند بالثوب

-اتمنيت اني الرايحه مكانها

-هيج جان مدللج

-اتحملني بأسوء حالاتي ماحسسيني بعجزي شاركني وجعي وضحك لضحكتي ضحى بتعبه وخان جماعته بس حتى يحميني اختارني بأغلاطي عاملني على انو بنته مو زوجته جان يخاف عليه حتى من نفسه  عمره مافكر يلمسني لمسه غلط بكد ماجان يزرع بداخلي الامان وسد كل نقص جنت احسه

-گلج احبج

-وعدني يرجعلي ويعوضني عن كل المريت بي

-لعد راح يخلص نفسه ويردلج

-اشوكت

-من يطگ گلبه راح  يحفر الصخر ويسحگ  شكو عارض يصير بطريقة  يتلاوه ويه الموت ويعبر كل عثره تنزرع كدامه لان صبره يخلص وهو خايف ينسي ويعرف روحه ماتحمل فراكهم

-حتى لومارجع   هم راح اضل انتظره لاخر لحظة بعمري

-ام لدغه اتسلم عليج

-مشتاقتلها

-واني مشتاق لايامنا القديمة وصوت عركاتجن انتي وياها

-طشرنه الوكت ورد لمنه مبين الله كاتبلنا نعيش ونموت بنفس المكان

-كومي تعالي وياي للمحل

-اخذ زوجتك افتتحوا سوه واني اجي غير يوم صح ماراح اشوف بس اكيد راح  احس باول خطوه لحياتنا الجديده

مارد لزم ايدها رفعها باسها  ابتسمت وردت دنكت تاكل اباوعها موبس  طريقة اكلها متغيرة حتى  كلامها زايدة شراسة وقوة

الدنيا ماسايعتني حسيت تخطت حزنها وردت لطبيعتها صح مو كلش بس صارت تتجاوب

ماما رادت تحاجي غزوان على غيمة تصعد يمنا سكتها هيه هم مالحت

كملنا الريوك  اشرلي يله وكام ؛ ماصدگت كمت بسرعة بين مالبست وتلثمت نزلت اركض لكيته يم الباب واكف صافن عالشارع كمشت ايده اندار باوعلي عدل مناظره وابتسم رفع ايدي اخذ نفس منها طويل باسها وخلاها على كلبه

سديت الباب سحبني راحنا نمشي الجو تقريبا بده يكسر رغم  هوسة وعالم هواي بس طريقة الكلام بينهم ومنظر البيوت المهجورة تخليك غصباً عنك تدخل برعب ماعونت ونخلص الشارع وصلنا يم محل  تعبان  ترك ايدي طلع مفتاح من جيبه فتح باب اشر دخلي

دخلت دخل وراي  وخرت اللثام اباوع مكان صغير  كله حدايد ودراجتين محطمات وعلى جهة عود

حضني من وراي همس صح تعبان على كد افلوسي بس راح اشتغل ليل ونهار بس حتى احقق كل احلامج وماخليج معتازة شي

-ماضل عندي حلم غير نتزوج حتى اشوف رئال ومااعتاز غير وجودك يمي

-بس صبري عليه فتره الم كم دينار والله لسويلج عرس تحلم بي كل ابنية وبالنسبة لوجودي حبيبي اني وياج سمج بمي بس ابتعد اموت

-يدي ويدك راح نخلي المكان جنه

-ايدج ماتنمد عالشغل والتعب مادامني اشم هوا

-هذا مشروعنا الاول لازم نتعاون حتى ينجح

-تردي ينجح حضنيني كل شوية وخليني اشم عطرج والله  اشتغلج مكان اربع زلم

-مم صدك شنو هذا العود

-هذا العود  اشتريته لحبيبتي اكعد وكت الضهر انتظرها من اتجيبلي الغده حتى  اغنيلها بلكي يرف كلبها وتخليني ابوسها

-غزوان راح تستقر هنا مو

-ماأگدر اروح مكان بعيد ورئال موياي خايف تعتازني ترد بأي لحظه  ماتلگاني

-عرفتك اجذب على ماما من كلت راح ننتقل بس كيفت لان اني هم مااريد اروح يم صاحبك بالاخص هسه اعرف رؤيا ماتسكت  وهمه عرب راح تصير من الروس

-ناخذ غرفة ابوج ارتبها انزل عمتي بيها  واحنا ناخذ الفوگ

-وغيمة

-سالفه ذباح تنكسح مجانها لحد ماتموت

-واذا رد بابا

-مايكدر يحجي نص كلمة البيت ايجار واني راح ادفعه  وامج راح ارفعلها قضية طلاق البنات طلعن من عهدته بعد مايكدر يتنفس مو يطالب بشي

-واخير راح نعيش براحتنا ماكو خوف ولاتعب

-احبج

-راح نغير شكل البيت ويصير خاص بينه بدل الطرب راح نشغل قران وبدل مكان الشرب يصير مكان للصلاة

-سمعتي شنو كلت؟؟ اااحبج

-راح اطبخلكم كل يوم شكل واسويلكم  كعده بالصاله اترسها سندانات ورد

-ولج ااااحبببج

-شكوو غزوان شكووو

-انتي ماتسمعين لو احساسج لاغيته

-اثنينهن وخرر عني

ردت ادفعه لزمني دراني درت وجهي كمشه حيل عصره ودنگ على شفتي دادفعه باوعلي بتوسل وهمس بس وحده دخيلج

-ماضل شي لزواجنا

-ليش هيج نحسه وياي والله احبج

-وخر غززوان

باوعلي بترجي عيونه تملع اشرت لا

-احبج بكل رفضج وتعاملج وياي اعيش واموت بيج

غصبا عني ابتسمت  مسح خدودي عالكيف عيونه تتنقل من شفتي لخدي  لهفته فاضحته احس لمساته خدرت روحي  غمضت دنگ استوه يخلي شفته على شفتي بعده مابايسني فززنا واحد يدگ عالباب طفرنا اثنينه 

مسحت وجهي وهو وكف متخصر  وهذا مستمر يدگ ضحكت هز ايده راح فتح الباب گله اتفضل

-انت ابو المحل الجديد

-اي اني امر خدمة

تركته يسولف ويا رحت افتر عالاغراض حاولت ارتب بي شوية بس كلها ثكيله سويت الي اكدر علي لمن دخل گال حبيبي اجاني زيون خلي اوصلج حتى اكمل شغله

-لااني اروح وحدي خليك هو هياته بيتنا بس اخلص الشارع

-تمام اوكفلج بالباب بس استعجلي  والغده جيبي لهنا لان مااكدر اعزل الساعه ١٢ عدل حتى اتلكاج

هزيت راسي باسني بالهوا ضحكت لفيت اللثام طلعت صدگ وكفلي واني مشيت سريع بس خلصت الشارع لفت صار بيتنا كدامي ركضت داادگ الباب ونفتحت بسرعة دخلت لكيت رؤيا واكفه  سديتها واني صافنه قبل لااحجي همست هم حسيتي حركة بيت اليهودي

-لا

-هم يجي يوم ويرجع

-بعد رجعتكم بحضني كمت أمن بالمعجزات

-هو سبع ماراح يگدروله راح يخلص نفسه

-الي حافظ عليج كل هالمدة وخلاج هيج  تثقين بي  راح يرجعلج

اشرت اي مسحت عيونها ردات تمشي وكفت گالت عدنا خل

-اي ليش

-خلطي ويا ملح قسم خلي بشيشه وعلكي بالباب وقسم غسلي بي البيت بسرعة بدون لاتخلين غيمه تنتبه

-شصاير

-ماصاير شي بس حتى امج ماتتخبل

-هسه اسوي صدك ماما وين

-مرتين تعاركت وياها وهسه عود مسوية روحها زعلانه گاعده بالمطبخ

-رؤيا ادري بيج تعبانه بس ماما ماتستاهل اطلعين وجع بيها

-اذا انتي زززماله لااحشى  الزمال الي اشبهه بيج غراض رنود ليش ماضامتهن ماجان عندي طريقه اشغلها بيها عنهن غير العركه وصدك جابت نتيجة عافتهن وراحت بالمطبخ حتى لاتشوف وجهي

-صدگ تحجين

-اي لان انتم عائلة مخها مشكل بالمگلوب وهذا الباب گولي لغزوان خلي يغير قفله وعينه بغيمة

-ميخالف   يله امشينا جوه حتى اغسل البيت واسوي غده

-مشتهيه كباب طاوه

-واني مشتهيه اتمشطين شعرج  لان الصراحة احنا عرسان ماعوزنه  خرعات تالي ننجبس

اندارت اتخصرت اشرت شنو

-موياج دااجذب اشبيج

-كلتلي اجذبين

-اي

هزت راسها وبحركه سريعه لزمتني من شعري صرخت ماماااا

جرتني اكثر اني اصرخ وهيه تسحب تريد تلوح وجهي  على صوتنا اجت ماما تركض جرتني منها گالت صدگ تحجن

رؤيا -اتعييب عليه ماسمعتيهااا

-جذابه ماما هيه مخبلة شوفي اشلون كتلتني

-رايه لمي حلكج حتى لاافركه الج

-بيج حظ بس لسان

-لعد خليج مكانج كالتها واجت

دفعت ماما عيها وصرت وراها كمشتها عني وكالتلها  خليج انتي العاقلة عوفيها هاي ماتفتهم

رؤيا -لعد خلي اتبوس ايدي

-ياااا رؤيااا اشبيج  ماما

-لعد اكتلهااا وخررري

- امشطلج شعرج بس عوفيها

سكتت ورفعت راسها

-عفيه بتي العاقلة

-بس اني تمشطيلي  لاتمشطيلها

-ميخالف

-وخلي تسويلي كباب طاوه

-من عيوني اني اسويلج بس اخليج هيج هادئه

-شقصدج امراية

-امرايه امم ميخالف ماقصدي شي يروحي انتي بير العقل بس همه من غلهم يتحرشون بيج

-بس حتى تعرفين شكد متحملتهم وساكته

اباوع لماما ماسيطرت ضحكت ورؤيا ضحكت على ضحكتها احسهن موضحكن الدنيا بكبرها اتلونت بعيوني

دفعتها  كدامنا دخلنا راحت جابت طاسه مي ومشط كعدت عالدرج وكعدتها بالكاع اتمشطلها واني سويت مثل ماكالتلي غسلت البيت وخليت بالباب الخل والملح وغيمه على وضعها ماتطلع من الغرفه تخاف من غزوان

تمر الايام يوم احلى  من يوم صح بعد رئال ومكان رند ماخذ من روحنا بس بدينه نتعايش ويه الوضع ونحمد ربي جمعنا من جديد

غزوان رزقه انفتح مثل ماكثر التعب والحمل عليه مايرد اله وهو هلكان  بس من اشوفه يگعد يحسب افلوسه وينطيهن احس تعبه يتلاشه ويه ضحكتها

كل يوم اروح اوديله الغده الكي منتظر يم الباب بيده العود ولازم يعزفلي اغنيته المفضله اضحك اشرله من بعيد ماكو اخلي الاكل وارد ركض اسمع ضحكته وراي

رؤيا لاتمل ولاتهدأ كل ماارجع لازم نفس السؤال هم حسيتي شي بيت اليهود وارد لا تعوفني وتروح اطلع حركتها بغيمة تدخل للغرفة تجرها من كفشتها  تسحل بيها البيت بكبره مانخلصها من ايدها اله وهيه اخر نفس دمها بطولها لمن غزوان سوه قفل بالباب فكينه من الهوسة

بدينه نجهز للعرس اكثر الاغراض يجيبهن مستعملة هواي اشوف الخجل بعيونه لان امكانيته ماتسمح  رغم هذا جانت الفرحة ماسايعته وهو يباوعلي بتأمل

واكفه اسوي العشه واسمع الباب تندگ انتظرت واحد يفتحها ماكو ردت اندكت غسلت اديه طلعت لكيت ماما استوها فاتحتها

اباوع عمتي واكفة داسلم  واستوقفني حجيها وهيه تصيح وين صرتوا ليش ماتفتحون الباب

ماما- ماسمعنا وبعدين شكو جاية

-دزني الشفية يكول اذا ماودت الفلوس هسه اجي احجي كلشي ضامه وخلي اشوف اشلون راح تم الزواج …

***رئال***

اصواتهم بره طوقوا السيارة وصوت واحد يصيح ارموووا

لزمت وغمضت حيل مستعدين للموت عصرني بحضنه  ومانحس غير الباب تنفتح واجانه صوت خشن صاح ابن النظااام اي حرررركة نسويكم رماااد 

ضمني بقوة وصررخ اولادد الزنااا شغلكم ويااااي

-ارفع اديك وانزل بسررررعة

-اسلم نفسييي بس خلوهاااا تروح

-انزززل لككككك

اشر اي  سحب روحه عني جرني بخفة خلاني ورا حاوطني بأيده  ورفع الثانية يأمنهم

نزل عيونه بيهم ضامني بضهره ؛ وجهوا السلاح براسه واشروله عالسيارة بدون صوت

هز راسه سحبني تحركنا اول خطوة الثاني ماحسيت غير اندفعت بقوة ليورا واندار  بحركة سريعة ضرب الولد بوجهه واخذ السلاح خلاه براسه وصاااح صعدي بسرررعة

استوني اندار بعدني ماراكضه وانجريت من شعري السلاح صار براسي غمضت اشاهد  مااسمع غير صوت هيذام يصيح بعلو صوته اولاد الكلببب  تركوهااااا

دخل السلاح اكثر براسي وصرخ الك ثانية ماشمرت السلاح اترسلك راسها رصاااص

-وحگ الخلق الكون امحيكم من صغيركم لجبيركم مااخليلكم حتى غبارررر

-واحددد

-والي سماني هيذام اصلخ جلدكم بتيزاب

-اثنين

-بنفس اللحظه عشيرتك بكبرها احركهااا انت والدزك

ضغط السلاح عصرت نفسي اي شعور ماعندي جسمي بارد استوني اگول اشهد ان وقاطعني هيذام بصوت الرعد المكان وهو يصح عوفوهااااا

-اشمر السلاح

هز راسه اي دفع  الرجال

-السلااااح

شمر سلاحه

-ايديك وره راسك بسرررعة

-اتركهااا تروح

-ايديييك

شال اديه خلاهن وره راسه اجوا اثنين كمشوا رادوا ياخذوا تماطل وياهم  ضغط على اسنونه وصاح تركوهااا تررروح

دفعني الولد بكل حيله على السيارة كوه سيطرت ماوكعت لزمتها وكفت انداريت  باوعتله بهتانة لكيت عيونه عليه اشر روحي

همست بتوسل لاااا

-امشي  رأل

-لاا هيذام لاتعوفني كلتها ونزلت دموعي

ابتسم بكسرة وباوعلي بنظرة بيها عتب هواي

جتفوا اخذ نفس ودنگ جروا راح وياهم صعدوا  وصعدوا  بسرعة شحطت السياره انداريت اتوسل واحد يلحگ عليه ماكو الصبح بعده ماطالع  گعدت بالكاع عيني بالسيارة الي اختفت بلحظة مثل مااختفت نبضاتي  وياها

خليت ايدي على گلبي اريد ابجي لو اصرخ مااگدر

ليش ضحيت بنفسك لخاطر مو اني وجعت كلبك وخسرتك رتبتك هاي بدل ماتاخذ حقك مني

عصرت القمصلة ودنگت اباوعلها  مثل الصحتني

تلفتت هدوء وخنسه ماكو بشر بدون شعور گمت ركضت بكل سرعتي للمستشفى  ماشوف گدامي ماكو بعيوني بس شكله وهمه يدخلوا للسيارة

دموعي تنزل اركض مثل المخبلة صارت المستشفى  كدامي من گد شدهتي هوست بأديه ماحسيت غير رجلي جلبت وگعت على وجهي احس روحي شاطت

انتجيت عالگاع كمت رجعت اركض واصيح لحگونيي بس اريد واحد يميز صوتي بين دويت السيارات اشهگ واسحل بروحي ماصدگت وصلت  لزمت الحارس  ودنگت اندارلي عاگد حاجبه لزمني كال شبيج خويه

-اخذوااا وصلني لازغ ابوس ايدددك

-منو اخذوا شبيج انتي خبله وين تردديين

-اني زوجة ابن اللواء ولك وصلنييي خلي يلحكون عليييه غاااح يغوووح

-يالواء وياهو الراح بيج شي انتيي

-ولك اخذوا هيذام خذواااا غوح كول لاززغ خلي يلحگ عليييه

-منو خذه وين الحماااااية عنننه

-ماكو حمايه وحده جان

-شنوو وحده اشوكتت طلع؟؟؟

- بذاك ااالشاغع  سياغته وكفوا ملثمين خذواا وغاحوووا لحكه الله يخليك غوح بسااااع

وخر ايدي ويركض مخبوص يخابر بالاسنكي اريد اسحب النفس مااگدر  كعدت بالكاع دنگ الرجال راد يكومني  دفعته افرك بصدري دقايق وطلعوا الحرس  كلها تركض اجه وراهم ازر گعد گدمي رفعت راسي اشره  بترجي وينه

نزلت دموعي

-لارئال لاتكوليها 

همست خذواا

-لاهيذام سبع مايسلم نفسه هيج

-ماخلاهم ياخذوا بس هددوا بيه خلوا يسلم نفسه   غصباً عنه

-لاتكولين اخذوا كولي راح اخوك

-لا تخلي يموت لحگه الله يخليك

-ههه شلحگه انتهى هيذام

كالها وكام يضحك يباوع للشارع بكسره رفع ايده للجنود مثل اليريد يحجي ولازمته العبره

مشى خطوتين وگع التمت العالم عليه شالته غمضت احس نفسي داخل حلم صار كدام تابوت محمود خليت ايدي على گلبي  لااا هم ماجان هيج الاحساس شنو هذا الي داحس بي

حسيت ايد كمشت ايدي فتحت عيوني لكيت ضي كاعده نص گعده عيونها حمر حجيت برجفه خذوا غاح

-لاهسه يرجع هيذام ما يموت هيج موته سخيفه

-سلم نفسه للموت حتى يخلصني

-اشلون هيج  جازف وطلع  مو يعرف  مترصديله 

-اني جبغته سمعته حجي يكسغ الكلب دعيت عليه وحملته كل العشته بس والله ماغدته يموت بس جنت اغيد اذب همي على احد وهو جان يسمع وساكت ضي اني موته بيدي

-هيذام ما يعوف ابنه يدري بيهم يكرهوا على كرهه

-بس خلي يغجع والله جنت اجذب من اگله اتمنالك الموت والله كلمة  كلتها بدون لاحس ضي گلبي يوجعني

-كومي وياي

-غاح يغجع موو كولي اي فدوه كولي ما يموت والله بعد مااحمل اشوف تابوت ثاني كدامي لالاا اسم الله على كلبه

-كومييي رئال كوميييي

شهكت جرتني لحضنها وبجت بصوت عالي ضميت وجهي بجيت على بجيتها مااعرف ليش بس حسيت بألم وداع يخنگ

اريد اسحب النفس بعد مااگدر وخرت عنها فركت كلبي وهي صاحت للحارس اجوا يركضون دنگوا كوموني اخذوني للداخل كوه اتحرك وصلنا جوه  لكيت عمتي رحمه كاعده بالكاع  صافنه بغير عالم وام هيذام اتملخ بوجهه يمها اللواء يهدأ بيها شافتني دفعته و اجت تركض جرتني منهم صاحت ضيعتييي ولدي ارتاحيتي بت الفكررررر

سكتت مابيه حتى ارد

-والله اذا صار بواحد  منهم شخط صغير اعدم عائلتج كلهم گدامج

غمضت

-وداعتتت امي  مثل ماشمرتي رجلج بالمستشفى واخذتي اخو سلمتييي للموت راح اخليج تتمنين الموووت وداعتت ولدي الريحتيهم الي بنفس اليوم راح اخليج تبوسين رجليه بس حتى ارحم خواتج بالموت

ابراهيم- . كافيي اني اعرف وين اشمرها واشلون امحي اثر اهلها

-شنووو كافييي ولك ثلاثتهم ريحتهممم ولك منيننن جبتها ليييه راح ابنييي الجبير والثاني مااعرفه يعيش لولا وذاك اتخبل على اخو دخلوا فاقد

-راح اردهم الج كلهم بس اهدي وهاي اجه وقت تربيتها ماطلع ابن ابوي اذا ماخليتها تبوس قنادر بس حتى اذبحها وترتاح  تعال ابنييي اخذها منااا وخليك يمها ممنوع تتحرك لحد مااطلبهاااا

سحب ام هيذام مني ودفعني بكل قوته  عالحارس من قوة الدفعة ماسيطرت وكعت بالگاع تفل عليه وجرها اخذها راح جهة الاستراحه صار بوجهه درع لام روحه يبجي دفر دگ راسه بالحايط  صرخ رجع دفرها اقوى وخزره

اباوعله سد حلگه بثنين اديه خايف بس دموعه تنزل اشرله اشش وكمل طريقة

ركضت اله ضي واني دنگ عليه الحارس كومني  اخذني يسحل عرفت انتهى امرنا راح الجانوا يخافون منه

وصل للقسم الحاجزي فتح غرفة دفعني بيها وسد الباب اباوع للسديه بعيده وروحي ميته مااكدر اتحرك  ؛ رجعت للخلف انضربت بالحايط كعدت لميت رجليه لحضني جسمي كله يرجف غمضت همست خفت عليه من الموت ونطيت نفسك مكاني ليش موتعرف اهلك اسوء منه

دائماً جنت تكول ليش انتي واني اصفن مااعرف شنو تقصد  هسه عرفت

لبالك من ودعتني هيج عود شفيت جروحي اتجاهك لاااا هيذام ارجع وعيد الوداع وشوف اشلون راح اشمر نفسي بحضنك واتوسل بيك لاتعوفني

ضميت راسي بحضني وعضيت ايدي ندم على كل طلب طلبته منه اتمنيت اليوم ينعاد بيه وبعدني كاعده يمه يكلي كومي خلي نطلع واني ارفض

مر الوقت خاله راسي على رجلية عيوني عالباب  منتظره اسمع صوت ضربة بسطاله الي تخلي الكل مرعوب ومستعد لدخوله

حسيت عيوني جمرة استوني داغمض واسمع عالم دخلت تركض تصيح جابووا صرخة رجت المكان سديت اذاناتي حيل مااريد اصدگ

دقايق وانفتحت الباب رفعت راسي نزلت دموعي بتوسل واني اشوف ضي دخلت اخدودها حمرر من اللطم  وعيونها ماتكدر تفتحن اشرتلها  لااا 

-موهو والله

-لا تجذبين

-وداعت بابا موهو هذا  ابن مسؤول جابوا هم  عملية اغتيال

-بس عيونج مو هيج دتكول

-ازر تعبان كلشش لان واحد اتصل بي كله سلملي على ابوك گله اتصافينا

-يعني كتلوا

-ماادري ولج ماادريي عمتي رحمة منتهية وابنه مگابل الباب ويبجي راح يموت كد ما نحب على ابو تكول كلبه يكله بعد ماتشوفه ولج رئال خايفة مايتحمل ويموت اذا شاف جثة ابو كدامه لان متعلق بي كلش

-لالا اسم الله ربي يباوع لطفولته ويدغي غاح يضيع اذا غمضت عين ابو عنه

-ماراح يرجع هيذام انتهى راح مثل ماراح ينتهي درع ورا

دنكت رجعت حضنت رجليه ردت الباب واجت يمي تسحل بنفسها كعدت خلت راسها على متني وغمضت

همست شنو الشافه مني وخلا هيج يضحي بنفسه علمود يخلصني

-بيوم الجاب ضفيرتج ضل للصبح بالحديقة يدخن مانايم  اول مره اشوفه بهيج حالة من سألته شبيك باوعلي ومارد

-دعيت عليه من كل گلبي بس والله ماغته يموت

-مامات غدروا وابراهيم النكس الدزهم

-يعني بعده عايش ؟؟

-هيذام  غلط اي يمكن دگة گلب خلته يتصرف بدون لايحس بس مو غبي يفتر هيج بدون لايأمن روحه وهو يعرف ابراهيم طالب رگبته

-اشلون

- اكو اوراق خطره  يمه اذا اختفى اندثرن بس اذا مات يطير راس اللواء وربعه لان الكل متأكد واولهم ابراهيم انو هيذام مأمنهن يم احد ومبلغهم يتسلمن للامن  قبل دفنه

-يعني هو وغه السالفة

-متأكده هو لان جبان مايكدرله بالاخص هسه من شاف اسماعيل اتعلق بيج وهيذام يريد يردج للحجز حتى يرد رتبته خاف على ابنه اشلون مجان   راد يخلص منه

-بس جان يغيد يبتعد حتى عمي يدغي بهالشي

-مااعرف بس لاااا لان من وصلوا وشافوا وضع ابنهم ولگوكم اثنينكم ماكو سألوا ازر  ضل يتلكك وعرف ماوياكم حماية  مثل الشك متفقين طلع اخذله بالربع ساعة يخابر من رجع  وجهه محتقن كل دقيقة يتراسل وحتى الحماية سحبها من الشارع دخلهم كلهم جوه المستشفى عرفت ديحضر لمصيبة

-هيج گلبه اسود

-ونكسس وكلب ابن كلب روحي شوفي شديسوي بدرع كل مايمر من يمه ويلكي يبجي يشيله من اذاناته ينكثه ويصرخ  اذا ماسكتت ادفنك ويه ابوك بنفس الكبر

-لعد اني شنو حيسوي بيه

-ماراح يلحگ لان انتي قضية هيذام وماراح تصيرين غير هالشي ولا واحد يكدر يحاسبج غيره اذا هو راح وأمن الجبان من شره اني موجوده

-مافهمت

-راح اطلعج منا واخلي بدل هاي راحته وضحكته الديفتر بيها يتلفت داير مدايره مثل المخبل  بس سمعي شنو راح اكلج ونفذي بالحرف الواحد لحد ماشوف اشلون اهزمج

-قبل لااتحغك تتصلين بغزوان وتكليله ياخذ خواتي ويبعد حتى اگدغ اختفي واني مأمنه 

-منين احصل رقمه

-غقمه الجديد بفون هيذام ضل بالسياغة

-جابوا يم ازر  تمام سهله شغلته سمعيني هسه وفتحي عقلج وياي

اشرت اي

-راح اطلع اوكف بالباب وانتي اتخليج وراه اول ماادگ عليج طلعين تركضين بسرعة لغرفة اسماعيل  دخلين وتلزمين ايده تكليله اجيت اموت وراك لاتخليهم يطلعوني من يمك

-صحى

-اي صحى وابو يمه بس يطلع يروح لغرفته النكسه مرته يطمئن عليه طلعي انتي حتى اروح اخذ الفون من ازر لان ماعدنا غير هالوكت هذا بس يأمن  عليهم يرجعلج  واذا ابن اخو دفنه بالسكته انتي يشمرج للجلاب حتى يضيع اثرج ومايعرفن بعدج عايشة ويضيع مركزه

-اهلي امانه يمج

-لاتخافين اول ماطلعين قبل لادخلين للغرفة اعتبريهم طلعوا من البيت

اخذت نفس باوعتلها الغصة بعيوني مااعرف شرد رغم السويته بعدها واكفتلي

ابتسمت سحبتني لحضنها ضغطت عليه و همست قبل لااعتبرج اختي انتي امانة هيذام يمي

-وانتي بمعزة  خواتي والله

-لهيج اريدج دوم تذكريني لابد مافد يوم راح نرجع نتلاكه بس اتمنى مااشوفج نفس الضعف اريد اشوفج رئال الي توكف بوجه الكل

-وانتي اغيد اشوفج واكفه كدامي علامة اسمج اكبغ من مستواهم

-راح احقق هالشي ونفسه الي كسر كلبي من صدگهم راح يجي مدنگ مايگدر  يحجي وياي لان اني هالمره راح ارفضه بس لان مو من مستواي

-غاح تسويها

-وانتي انوجعتي هواي اتصور كافيات يوكفنج على رجليج مثل ماضحى هيذام حتى تعيشين اريدج ماتضيعين عمره بالبلاش وترجعين تخلين ايدج بأيدي ناخذ حق شبابه منهم

-ومن بابا الي وصلني اله وخلاني اضيعه من بعدما ضيعنا

وخرت عني كمشت وجهي :- كداها رئال

-كداها كافي هواي انوجعت صاغ الوقت اني الي اوجعهم

-الضاهر جان مراهن  عمره مكان قوتج

هزيت راسي

-رئال الحب مو كلمه تنگال

-متأخغ هالاحساس  اجه وضاع بنفس اللحظة

-حياتج غالية لاتتخلين عنها بسهولة

-لان الضحى علمودها اغلى منها مثل مامنحني هالشي غاح امنح نفس الشي  لابنه

مسحت دموعي وهمست يله

كامت رحت بدون لاتباوع وراها فتحت الباب وطلعت ؛كمت وراها سديت الباب وانداريت انتجيت عليها

دنكت صار السوار گدامي مااعرف شنو حسيت شعور مخربط بس دگات گلبي جانت غير  اخذت نفس وغمضت اكثر من نص ساعة واني على وكفتي واسمع الباب تندگ عالكيف انتظرت شوية و فتحتها  لكيتها واكفه يم الحارس اتسولف ويا اشرتلي بأيدها

اباوع للحارس منطيني ظهره ومنطلق وياها  يحجون عن هيذام ومنو ممكن اله ايد باختفائه

سميت بأسم الله لزمت الباب ضغطت على اسنوني سحبتها عالكيف وندعي كون ميحس لان اعرف راح انتهي اذا لكفني وبدل حبس الغرفه راح انشمر بمستشفى الامراض النفسيه مااطلع منها اله وذاكرتي كلها ممحية

شفت المجال كافي اطلع منه عين بي وعين برجلي الي قدمتها گطعت النفس وتقدمت امشي على اطراف اصابعي احس صوت ضربات كلبي اقوى من صوت حركت ضربة رجليه عالكاع

امشي واردد يارب ارحم ضعفي قوتي بعظمة جبروتك  احس حتى النفس خلص ماصدگت عبرت المرر التفت واشوفه على وكفته انداريت وركضت بكل سرعتي لغرفه اسماعيل جان حارس واكف قبل لايحجي دفعته وفتحت الباب دخلت دخل وراي كمشني نتبهلي اسماعيل ابتسم همس بتعب عوفهااا

-الضابط مانع واحد يدخل يمك

-دااگلك عوفهاا

-والله راح يحاسبني

-اتركها وروح صيحله اريد احجي ويا

اشر اي عافني طلع سديت الباب ركضت يمه كمشت ايده برطمت همس ليش زعلانه

-كل هذا السويته بيه وتكول ليش زعلانه صاغ كم ساعة متانية اشوكت تسأل عليه وتكلهم وين غئال

-سالت بابا كال رجعت للبيت

-لاا ماغجعت حجزني ومنعني اشوفك هددني اذا حجيت يعاقبني  هسه هم غاح يجي ويبعدني عنك غصباً عني

-لا اني احجي وياا

-شنو تحجي ويا اسماعيل اذا خليته ياخذني منك هسه والله بعد مااخليك تشوف وجهي ابد

-تردين اتضلين يمي

-اي اخاف اغوح وحدي هناك اسماعيل لاتخليهم يبعدوني عنك فدوه

-بعد محد يبعدج عني هاي نجحت العملية وراح اتعالج واخذج نروح نعيش وحدنا

-ماغاح تسويها وهسه يجي عمي يسحلني كدامك ويعيط عليك وانت حتى ماتفتح حلكك وتكله لا مو تاخذني ونعيش وحدنا  تعغف ليش لان ضعيف شخصية

-لا لا اني مو ضعيف ومحد ياخذج مني بس اكدر اكوم راح اوكف بوجه الكل واخليهم كلهم يعترفون بيج زوجتي واسويلج حتى عرس واشتريلج احلى بيت تعيشين بي مثل ماتردين

-واني غاح اكون وياك بكل لحظه واساعدك لمن تشفى وتكوم على غجليك  بس انت احميني منهم حتى احس صدك اني ماخذه غجال

سحب ايدي باسها  وهمس احبج

ابتسمت انفتحت الباب دخل عمي مثل الاعصار ردت اكوم عصر ايدي اسماعيل صاح ابو شعدج هنااا

اسماعيل-. اني گلتلهم يجيبوها اريدها يمي

-هيه ماتولي يمك بالغرفة الثانيه يله كومييي طلعي

-لاماتطلع اعتازها عوفها

-بابا شتعاز منها متشوفها كلها قذاره تالي تلوث جرحك وشنو تريد اني موجود يمك

-واني ماريد احد وياي غيرها

-اسماعيل اشبيك باباااا جاي تفتهم شحجيي

-تعبان مااكدر احجي رئال كعدي يمي لاطلعين منا

باوعت لعمي وجهه اسود عينه باسماعيل الي شفافه صارت بيض وعين بيه يتوعدلي ؛ دنگت مسح وجهه اخذ نفس بغضب واشرلي كعد يمه

بسرعة غطيته عدل وكعدت يمه كمشت ايده وعصرتها حتى يحس اذا سحبتها منه اخاف ينام ويطلعني

مر كم يوم واني  مكابلته  اربعة وعشرين ساعة اكله شربه ملابسه حتى حمامه كام يعتمد عليه بي صار مثل الطفل الي متعلق بأمه مرتين امه حجت ويا حتى هيه تقوم بواجبه كام يصيح وحالته انتكست خافوا تركوا ومنعوا عنه حتى الزياره بس ابو يدخل شوية يشوفه اشلون مستقره حالته ويسولف وياي براحه  يكوم يطلع

هيذام ماكو اي خبر منه وازر  مواصل ليل ونهار يدور ؛ عمتي رحمه حالتها تعبت كلش  عايشة عالمغذي عكس عمي الدنيا ماسايعته اتحسه صدك وره السالفة بالاخص من يخابر ازر ويسمع ماكو خبر منه كوه يلزم نفسه لاتطلع ضحكته

الجناح هادئ بس صوت ونت درع احسه ياكل كلبي من اسمعه يبجي بكتمه خايف يكتلوا

رجعت اسماعيل  لسريره اني والممرض غطتيه وهو شكله المغذي رد عقم الغرفة اخذ ملابسه والجراجف وطلع  كعدت يمه باوعلي گال مليتي مو

-لا بس صوت دغع دياكل بگلبي هاي كل مايغوح ابو هيج يضل يبجي

-لا ليل ونهار يتصل بي ومايتأخر عليه بس يمكن هالمره المكان الي داخل بي مابي شبكة

-ماتحبه مو

-اجذب عليج اذا اكلج لا لان حيوان اشكد اتمنيته يموت بس عنده حظ ولامره  لاحوا

-تعغف شنو سوه من جابك لهنا

-غصباً عنه هو السبب الي صرت بي وحسباله  راح ابريله الذمة اذا سوه هيج

-اذا مات غاح اتضوج

-يطبه مررض وان شاء الله ابنه يلحكه حتى نخلص من بذرته النكسه

-بس اني احب ابنه

-ليشش هااا شنو بينكم انتي وياا الي خلاج اتحبين ابنه موهذا الحيوان الي جان يعذبج ويريد يبعدج عنيي

-هذااا طفل ماله ذنب صدگ دتحجيي

-لاكولي اني حيوانه مااعرف اعيش عالدلال احب الي يسحكني اي جنت اشوفج اشلون تباوعيله وهو يجي يكلتني كدامج حتى يكلج شوفي هذا خنيث

-هذا مغض بداخلك ماله وجود واني مو حيوانه  ماكو شي يخلني اضل يمك اذا ماجنت اني ناوية اكمل حياتي وياك اسماعيل اذا عدت هالحجي اكوم اطلع وبعد مااغجع لو ابوك مو يسحلني لويخلي طلقه بغاسي

-شنوو الرايدته هااا

-كلشي ماغيدد كلتلك صوته  دياكل بكلبي حسيته صوت اختي تبجي بخوف

-نفسج بطفل اني بس اصير زين راح اسويلج واحد بس هذا لاتجيبين طاررري خلي يبجي بلكي ينجلط ونخلص منه 

درت وجهي اتجتفت راد يحجي شافني مانطيته مجال ضل يدعي على درع بكلمات تقشعر البدن

صدگ حرمات على الركضه  والدم التبرع بي  نكس مثل ابوك  اتمنيت موشغلتي يمه جان كمت  لبست الحديده براسه

اكثر من ساعتين ولامل نفس الاسطوانه دعاوي وحجي تكول عجوز كاتلها الحقد لمن دخل ابو كمت وهو سكت كال شصاير ليش صوتك طالع

اسماعيل -ملييت اريد اطلع مو صرت زيين اشوكت طلعوني

-ليش هيج منفعل بس هالقذرة مسوية شي

-القذره سوت شي اني  اسحك حلكها مالك شغل بيها بس اني تعبت من النوم

-ميخالف بابا الحمد الله حالتك استقرت  بس اصبر كم يوم بين مااتطلع نتيجة الزرع حتى نأمن فرد مره

-تره ماعيش وياكم ارد للمشتمل

-ليش بابا اشو انت ضايج من  هيذام  هو وله بعد مايرد بس ازر وهم راح ارده لشغله يعني صفة البيت بس الك

-وين راح هيذام

-لجهنم شعرفني سافر ماكال وين واني هم قدمت ملفه للمركز راح يفتحون قضية بي  حتى امنعه من دخول العراق نهائياً

-وابنه

-اذا زاعجك صوته مو اشكال اشمره على جدته وامك اني اقنعها وانت ان شاء الله تعوضنا مكانه بأحفاده يسون راسه هو وابو

-ارد بس اخذ غرفته

-الك غرفته هسه اخابر الولد يجهزوها الك وهم ضاملك خبر بعدال هذا مرتين بس اطلع بالسلامة حتى تكون بدل الفرحة فرحتين

-شنو هو

-مو انريدها مفاجأه

-اذا على اديان اني بعد ماريدها من هسه اكلك وماجيبلكم احفاد غير من رئال

-معقولة اسماعيل

-اي معقولة واذا مستعرين من رئال اني اعلمها وارتبها واخليها اتصير براسها 

-بعد وكت هالحجي اطلع وكوم امشي على رجليك وكلشي بوقته حلو

-اخذ هذا سكته صدعني ترره

-اهدأ حبيبي هسه اخلي امك تاخذه وتروح كلي اخذت علاجك

ضل يسولف ويا واني واكفه اباوعله واضحك جنت اظن بس بابا ينتمي لفصيلة  الحيوانات طلع اكو الانكس ؛ يخاف على نفسيته ابنه يكله اغتالوا  عالاساس كله حنيه

اتجتفت عيني بأسماعيل  يعني جنت تحب وماجابوها الك لان يتفشلون كدام جماعتهم بقرفك جابوني لان ماانحسب عالبشر وهسه صارت نيتهم يردولها

اخذت نفس انداريت صار درع كدامي كاعد بالكاع شويه عن الباب  صافن على ام هيذام  الي مو يمه اتسولف ويه وحده من اقربائهم

وعيونه حمر لام رجلي دمعته كل شوية تنزل ويمسحها يباوع للباب خايف يشوفه جده ويبسطه

صارت عينه بعيني  ابتسمتله نزلت دموعه عالسريع درت وجهي ماتحملت اشوفهن

شكلك ذولة كتالين ابوك گدامي لو اكلك اني سبب هاي دمعتك والظلم الدعيشه

مسحت دموعي على صوت عمي وهو يدنگ يبوس راس اسماعيل ويگله اخذ راحتك  اني راح  اطلع هاي  امك يمك واذا عتازيت شي خلي الولد يخابروني اجيك

-ازر وين ماشفته

-عوفه خلي يولي يدور ورا اخو مثل الخبل تكول طفل وضايع مو جحش اشكبره

-اشكد حيوان حتى الحمد الله على السلامة ماگلي خلي يولي اني هم مااريد اسمع صوته خلي يضل يدور نفس نوعه هو

-شنو بكيفه اخلي يدمر مستقبله لخاطر واحد نكس غصباً عنه من باجر اصدر امر بقطع اجازته حتى يرد لدوامه وانتي لج راح ادز ضي روحي وياها للبيت

-لابابا ماتروح اضل يمي

-ميخالف بابا العالم تريد تزورك كاموا يعتبون لان عرفوا اتحسنت حالتك شيكولون من يشوفوها

-مااريد اشوف احد هسه عود ارجع للبيت ويجون رئال ماتروح

-اسماعيل بابا تره زودتهاا

-واني اكوول ماتروووح وجماعتك مااريد اشوفهممم

مارد باوعلي بغضب كانما يوصلني رساله ماطول هالشغلة

رن فونه رد عليه هو وطالع گالب خلقته اخذ الباب بيده عرفته راح يتحمل وجودي لحد مايوكف اسماعيل على رجليه وبعدها يضيعني حالي حال هيذام ويطلعله سالفة ينسي بيها

رحت وكفت يم الشباج اباوع للحديقة فكري يروح ويجي شنو الي أخر ضي عني لحد الان

صاح اسماعيل  رئال مارديت عافني واني هم مالي خلك احجي لليل جابوا العشه كعدت يمه عشيته ومسحت اديه وحلگه غطيته ردت اكوم كمش ايدي كال اشبيج

-مابيه شي

-شنو مابيح شي حتى ماتعشيتي ضجتي لان عيطت عليج

-لا وليش حتى ازعل قابل منو اني

-انتي حبيبتي

-مم

-شنو تردين رئال

-ماغيد شي بس عوفني دااكوم نعسانه

-لاتنامين وانتي زعلانة شنو تردين كولي بس لاتعبسين هيج

-غاح تعصب وهم تسمعني كلام يسمني بس والله مدااكدغ بجيته تاكل بنفسي

-شنو تردي

-بس اجيبه يمي والله ضايجه وانت تنام اضل كاعده وحدي اقلها العب ويا شوية وهاااا لاتكول طفلة تغيد تلعب

-ههههه انتي طفلتي كومي لعبي ويا بره لان تعبت اريد انام ولاتتاخرين تعالي من وكت

هزيت راسي وكمت بسرعة غطيته طفيت الضوه طلعت لكيت ام هيذام كاعده كامشه راسها وضي كاعده يم درع تحجي على كيف وهو مبرطم انتبهتلي عمتي صاحت وجه الفكررر شكوو هناا

-اسماعيل كال طلعي شوية وتعالي لان يغيد ينام

-اتعشى

-اي ونطيته علاجه وبدلت ملابسه 

-ولي طلعي بره لاتكابليني بهذا  وجهج النحس

هزيت راسي  ردت كمشت راسها تون على ابنها رحت يم ضي گعدت نص كعده همست اشبي حبيبي الزعلان

دار وجهه

-اني جوعانه واخاف اطلع وحدي ومااندل منين يبيعون اكل تندل بس توصلني

درع- لاااا وخرري

-دااكلك شي بالبسكوت اخاف احجي هنا واحد يسمعني

-ماريد اسمع

-بكيفك بس واحد دزني گال مشتاق لابني

-بابااا

-اشش لاتحجي بصوت عالي يسمعونه هسه يغجعوني لمكاني

همس بكسره وينه

-اني اگلك  بس لاتبجي حتى نطلع منا بدون لايمنعونه هاا شكلت

-وديني اله حبابه والله بعد مالعب بأغراضه ولااضوجه

-كوم وياي يله

مسح دموعه بسرعة كام مامصدگ ضحكت كمنا اني وضي  شلته طلعنا للكافتريا هيه راحت تطلب اكل واني گعدت خليته بحضني باوعلي وكال انتي جذابه وينه بابا

-بابا من شويه اتصل بيه گال احجي ويه دغع بالبسكوت وكليله بابا يكول مو تكول لاحد اني اخذت بيت وخليت بي كومه ملاعيب وغاح اجي اخذه

-مااريد ملاعيب بس خلي يجي ياخذني

-غاح يحجي بس  مو تكول لواحد لان جدو يضمك وميخلي ياخذك صيغ حباب ولا تبجي واكل حتى يكول هذا حباب ويخلوك يمي اول مايجي ابوك يتصل بيه اني اوديك اله

-كليله جدو بسطه وعمه هاله عضته خلي يرجع بسرعة راح  يموتوني

-اني مااخلي واحد يوصلك واتصل بهيذام  يكمل  شغلة بساع ويجيك  بس توعدني تسمع الكلام وتصيغ غجال ماتبجي لان بس الطفل يبجي

-اي اني رجال بعد ماابجي بس بابا هم رجال   مره شفته بالحديقة دموع بعيونه من  عمو اسماعيل رجع لغرفته 

-ماجان يبجي بس دخل بعيونه صابون من غسل وجهه بابا جان بطل والكل يخاف منه انت اذا تحبه صيغ مثله

همس بكسره والله احبه بس عافني وراح

حضنته حيل :- الله يلعن ذيج الساعة الي حرمته بيها منك

دقايق واجت ضي جابت الاكل رفض ياكل اني احجي من جهة  وضي تخابر جذب عالاساس هو وياها كوه اكل لكمتين ورد يبجي  خليته على كلبي اهز بي وسطرله بالوعود الجذب لمن راح بالنوم والشهگه بكلبه  همست ضي  جيبي اودي لفراشه 

-لاخلي بحضني شويه صدگ شسويتي ويه اهلي

-حجيت ويه ازر كال لاتخاف ابوي ماخالهم براسه  مشكلته وياها مو ياهم 

-لازم اطلع هالايام لان اسماعيل بده يتحسن ولازگ بيه مايخليني دقيقة وحدي اذا طلعنا منا بعد مستحيل اكدغ اخلص نفسي

-الحرس تارس المكان اني ادخل واطلع كوه مااكدر اطلعج اذا مانرجع للبيت

-لعد اشلون اليوم خوفني كلام ابو حسيته ضاملي مصيبة وهذا اخوث  مصدگ بنفسه صايغ غجال   مايدغي متاني يكوم حتى يسحلني كدامه واذا بي حظ فك حلكه مو يحميني

- وليش يسحلج كدامه ويكره نفسه ياخذج بلختله  يشمرج بمكان مابي بس الموت ويكول انهزمت حتى يخلي يكرهج ومن الصبح يجيبله وحده براسج

-مستحيل يكون هذا بشغ

-لاتظلمين الحيوان بي هيج واحد زنديق

-اشلون اوصل لغزوان

-انتظري اخذ رقمه من فون هيذام اتصل بي  حتى يشرد اهلج لغير محافظة ويجي ياخذج ماتكدرون اتخلصون غير بهاي الطريقة

-وهذا الطفل اشلون

-ازر گال من نرجع اخذي يمج واني هم يمكم  لحد مااشوف وين اراضي ابو

-اشلون صاغ

-اشلونه لاينام ليل ولا يهدأ بالنهار  البارحة لكيته بالحديقة گاعد يبجي عود ردت اهدي گال ولج راح بدون لا يودعني اخيي حتى مالحگ يوصيني على ابنه

-ليش ماكلتيله ابو اله ايد

-كلتله يكول مستحيل يسويها وهو ديدور وياي مخبوص بس هيذام عنده اعداء هواي گلتله لاتطلع بدون حماية  كلتله يخوي يكتلوك والله  ماسمع مني هاي حتى جثه ماحصلتله

-عمتي غحمة تعغف اله ايد لان كم مغة بالغلط حجاها كدامها وهو يهدد

-وين عمتي رحمة ولج فاقده بالمستشفى محد يمها واني ضالة محتاره بينها وبين درع والله عقلي مخربط مااعرف شسوي ولج داحس روحي مختنگه مااكدر اشوف مكانه خالي وابنه يبجي وهمه مستلمي كتل بدون رحمة كره بابو

نزلت دموعي دنكت على درع اباوعله اشلون نايم براءة كل شوية ينز بشهگه تطلع من كلبه كد مابجه حضنته حيل اتمنيت اضمه بروحي 

خلص الاسبوع  اي خبر ماكو عن هيذام عمتي رحمه زادت حالتها سوء شبه فاقده عكس اسماعيل الي صار ماينطاق نظرته قذره والاقذر منها لمساته  كام حتى للحمام يطلبني ادخل اسبحه الف عذر وعذر بطلاع الروح يالله اخلص نفسي وماادخل

انوب اطلع تتلكاني امه اذا جانت ادعي هسه تتفل بنص وجهي كلما تشوفني من غير نظرات ابو التحسسني محضرلي مصيبة تخليني مو اعظ اصبعي ندم عالسويته لااكطع ايدي

المصبرني عنهم ضي دائما تأشر  لا تردين  ماضل شي اتحملي اغمض اكتم غضبي وازيد بالحقد والكره بداخلي اذا جنت مفكره انهزم هسه زادت افكاري للاسوء بالاخص من اشوف ظلمهم لدرع

واكفه يم الشباج اباوع الحرس تارس المكان و الكل مخبوص منتظرين اوراق تحاليل اسماعيل حتى نطلع

رديت البردة ودنگت ارتب الملابس بالجنطة وعيني بالباب اشوكت تدخل ضي وتكول استعدي

سديت السحاب شلتها استوني اخليها يم الحايط ودخلت عمتي وجها اسود كالت تعالي وياي

هزيت راسي تركت الجنطة ورحت بسرعة كل عقلي راح الم بعد غراض  دخلت للغرفة  اتفاجأت بأسماعيل  عيونه حمر وعمي لازم ايده على صوتنا  شال راسه شافني كال تعالي بابا هنا الدكتور طالبج

رحت يمهم  مامفتهمة شكو وكفت باوعلي الدكتور گال اشكد عمرج

-دخلت ال١٧

-تعانين من مرض معين

-لا بس ساعات اختنگ وعندي بخاخ

-تمام ترحين ويه ام هيذام للدكتوره تجيك وضعج اذا كله تمام حتى نبلش بالعملية ماعدنا وقت ------

لاتنسون التصويت…

شيء من رصيف الدم

بقلمي:leo Alfatlawi

بارت الخامس عشر

***رايه***

وكفت متفاجئة  من كلامها كمشت ايدها ماما دتحجي ودخلن نسوان لابسات عبي  اباوع وحدة بعمري عيونها وساع مكحلة والثانيه شوية اكبر مني بس بيضة دخلت وراهن فجر اخت ذباح  وصوت غزوان وهو يكول اتفضلوا الي خله ماما ترتبك وعمتي تنخبص ماتعرف شتسوي

دخل غزوان صارت بوجهه  عگد حاجبه  قبل لايحجي غشت وجها وطلعت بسرعة راد يلحكها  لزمته ماما  اشرتله  لااا دفع ايدها وراح وراها يركض  

شمرت الجفجير وركضت وراهم بعدني ماواصله للباب صارت ماما بوجهي صاحت رجعي

-شنو رجعي عمتي شرادت وليش غزوان لحكهاا

-واحد فقير يمهم كل فتره تجي تاخذ مبلغ اله  وتعرفين هو مايرضه  تدخل للبيت  يخاف عليجن

-لاجانت تحجي عن زواجنا

-اي لان مريض نفسي ويشور واذا مادزيتله يجي يشمر حجار واسم الله اسم الله يضل يدعي عليكم

داحجي وگالت فجر شني يمه تستگبلون خطاركم نرچع

باوعت  الماما شفافها بيض ترجف خايفة رجعت باوعت لفجر تبتسم خجلت من وكفتهم  تركت ماما  ورحت سلمت عليها حضنتني همست نورتونا عمة

-يبعد عمتج  وطوايفها اشلونج ييمة وعلي روحي تحوم عليج من ذاك اليوم لليوم عاد اليوم ماتحملت گلتله ودني وياك هم ازور وهم اسير عالبتوات

-والله غزوان گال بس افرغ اخذكم ونروح نزورهم

- هلا وجثير الهلا بيج وبغزوان يع وروح ابيي يبن البدوية مايصدچ غير صار اكبر حلم عنده رفيجه ينور ديرته

-ههههه عالاساس مشتاقله هو كل جمعة يمه

-سبحان الجمعهم وزع المحبة الرفچه بينهم.  اشلونج خيه ام رايه البگيه براسج ولو متأخر بس والرضا وچهي مسود مااگدر اچي اخذ من خاطرج واحنا سبت الصارلهن

ماما. -امر الله وجان لازم نشوفه

-و معزة خويي ابوهن طردنا من المستشفى اشگد چلع  ابو صگر بس راد يحصل خبر منهن ماكو تسون علينه زلمتج  كل چلمة يشمرها بحگه تسوى عمره وحگ شمس الله تحملنا جثير منه واخرها ختمها اشتكى علينا وگعنا بسالفة چايدة گوه خلصنا  منها

-الله ينتقم منه ولا يشوفه يوم واحد راحة بحياته كون عيونه ماتغمض وينصاب بوجع بگد ظلمة النا

-دعوة المظلوم ماتگع الگاع ربي ماگومج على ارچولج لو ماجان مسچلج تتنوعين حگج يردلج چدام عيونج 

-مارايده شي بطلت والله بس كون يفك عن بناتي ويخليهن يشوفن دربهن كافي

-لاتخافين ماطول ذباح خاوه غزوان ارتاحي اشحد اليگربلهن بعد وعلي يفصخه نصين

ردت ماما واني بالي مو يمهن يم غزوان الي مارد وشنو جانت تقصد عمتي من حجت هيج فززتني فجر وهي تكول هاي حرمة ذباح  وهاي گمرية اخيتنا الصغيرة

باوعت للبنية صدگ تشبه ذباح سمره و عيونها مكحلة ابتسمت بس ضاعت ابتسامتي من شفتها باوعتلي بطرف عينها  اني هم درت وجهي كلتلها تفضلي عمه جوه ليش واكفين بالباب

دخلنا للغرفة كعدت جبت مي قدمتلهن  وعيني بالباب  اشوكت يردون عكس گمرية عيونها بيه حتى المي بعدني مامقدمته وصاحت مشكوره ماني عطشانه

دخلت رؤيا كفشتها بطولها وعيونها تلمع طابگه تك بجامه والثانية نازله گوه لزمت ضحكتي سلمت قبل حتى لايكومن راحت تتلمس گعدت عالطبلة تربعت تكرط بجزره ضحكت فجر كالتها اشلونج يعمة

-هلا

-ماشاء الله عيوني باردة عليج بس ربي زايد بجمالج

-مم

-زلمتج ماعنه خبر

-يا زلمتي منو گلج اني تزوجت

-ابن البدوية

-يضحك عليج وين اكو واحد ياخذله عمية

-ياع  وشداعيله يجذب

-يمكن راد يحرگ كلب وحده ويصللها حتى العمية تزوجت وهيه محد مگلبها

-مم بس هذا شغل حريم

-گلج رجلها ضابط بالمخابرات

-شني مخابرات؟؟ چا موش تگولين مامعرسة

-اي مامتزوجة بس داشوف شنو مجذب عليكم

گمرية -  اخوي مايچذب كضي حدج ولو ماجنت دايسه عتبت دارج جان عرفت شرد

- شنو هالذبانة الزنت راية كم مره كلتلج رشي مبيد

-من هيج زلمتج زتج على هلج ونهزم

-وتگلك مايجذب بعد شنو گايللكم

-الجذب موش من شيمة العرب واخوي  ازلمه من صدر ديوان موش واحد كضوا مغير بالمهمة وخاين بلده لخاطر حرمة وزتوا حدر الگاع

-ههههه لازم اخوج عنده علاقة بديدان الارض الي هيج عنده معلومات خطيرة

- ثمني چلمتج  لج لا ابتره لسانج وموش اخوي الي يصغر بلغث وحده لو ماگشتها مانعرفت بت وروحي سألي هذا الزتج باب بيتكم هو عطاه اسم رفيجة الي بالدولة؛  مثل ماعرف وين زاتي  عرف ماراح يتنوع للضوه لحد مايسلمها لربه

اباوع لرؤيا اشرت اي ودنكت عيونها تلمع ثواني وكامت طلعت بره عرفتها جانت تستفزها حتى تعرف زوجها وين ؛ فجر گرصت رجل گمريه واني رحت لحكتها طلعت لكيتها كاعده عالدرج  مدنگه بيدها المشط تحرك اصبعها عليه بهدوء وساكته

رحت يمها  خليت ايدي على شعرها رفعت راسها ابتسمت وهمست عرفته مايرد بالعهد ويتركني

-راح يخلص نفسه ويرجعلج

-مو مهم اهم شي عايش بعده

-ماعنده اهل

-مااعرف جنت كل مااسأله مايرد اخر مره گال انتي كل اهلي

-لعد جان يقصدها

-اشلون اساعده واني حتى ماشوف

-بدل العرس اسويلج عملية

-حتى لو رجعلي النظر ماراح اگدر اخلصه

-تحبي

-مااعرف بداخلي شي رافض هالاعتراف بنفس الوقت الي مانع تقبل اكمل حياتي بعيد عنه

-اشلون جان يعاملج

-مثل الطفلة الصبح ياخذني للحمام يغسلي وجهي ويلبسني جواريبي يجيبلي الحليب ويوعدني الف وعد جذابي بس حتى اشربه  وبليل ينيمني على قصه خيالية

-هم يعاقبج من تضوجي

-تحملني  بكل تصرفاتي  بدل ما يعصب  يضحك على صراخي ومكان مايضربني ياخذني لحضنه ويعتذر على الحالة الوصلني الها 

-تذكرين الحلم رؤيا

-لاا مااذكره ولا تذكريني بي لان راح ارجع اشوف واطلع ادوره بكل مكان ومن اتعب اروح لنهر دجلة اگابل نوارسها واگعد منتظرته ادري بي راح يرف كلبه ويجيني

-وتردين تعوفينا

-عمري ماجنت وياكم

-لو تجذبين عالدنيا كلها ماتجذبين عليه

-هههههه يالذكيه تركج مني وعيونج على زوجج من الحيه الجوه وصديقه

-شقصدج

-ماقصدي بس انتبهي للعطر الخالته نفس عطر غزوان وهالشي محد تسوي اذا ماخاله صاحب النصيب براسها

-وشعرفها بعطر غزوان

-اكيد من المشخمط اخوها الي حاسب روحه زلمه صدگ اشلون شكله جان

-اسمر جسمه متروس طويل وعيونه مگحلة

-مو دروغو دااحجي على دسارر

-عزه بعينج  ولج صدگ ذباح يشبه دروغو

-ذكريني من يجي غزوان اتفل بوجه على ذوقه الغبي رايه گومي من يمي

- يوو شبيج هو اني شنو شفت من دسار حتى اوصفه  بس عيونه مسحوبه وحاجبه يمه طبره مبينه اثر ضربة ضخم كلش وايده بيها اثر خياطات وبنطلونه كابوي

-وحجم حذائه

-هاا

-ومرررض كوميي من يمي وخلي عيونج على رجلج قبل لايطير

-لاغزوان ما يسويها يحبني

-بس كاره ضعفه والمنطقة العايش بيها معتاز القوة والاهل الي عاش عمره يتأمل يوكف بسندهم وذني متوفرات بذباح

-والله اذا سواها اعوفه

-هو مايسويها بس اكو الي يخيره بالاعز من روحه

-يعني بالمقابل يرد رئال

-وينهي ابوج وينطي افلوس يسويلج العرس والبيت الجان يحلم يلمنا بي والحماية الي فقدها من ساعة الغمضت عيون اهله

-لافدوه رؤيا لاتحجين هيج والله اموت غزوان يحبني بس الي ومايحلم بغيري

-لعد روحي خلي ايدج على عيونه حتى لايفتح ويشوف الواقع شنو

دااحجي واسمع صوت الباب انفتح وغزوان يصيح يالله

درت وجهي على دخلتهم ؛ اباوع لغزوان عيونه الملونه مگلوبه  حمر والتعب ماخذ من حيل گوه يجر النفس  وذباح تكول ملك الموت وجهه محتقن  عاگد حاجبه عيونه تتنقل بيني وبين رؤيا مثل اليشوف بينه شي مايريد يصدگه ؛ اخذ نفس طويل استغفر ودنگ يعصر بسبحته  گال غزوان عمتي وين

-بالغرفة يم اهل ابو في رايدها بشي

-اي صيحيلها خلي تجي بالاستقبال عندي شغلة وياها

رؤيا.  -وشنو رايد منها

-هيج يبعد اخوج  شغلة مو يمجن

-گلت مو يمنا امم اسمع غزوان  الي يوصل يم ماما والي يسمعها احجايه وحده ممكن تكسر خاطرها بعد ماانخلق

-شبيج بنتي

-خلي ااكمممل  صح مااعرف شنو سمعت والصراحة ماهامني اصلا ولا اريد اعرفه بس يا تنسى وتعيش مثل ماانت يااا تاخذ صحابك وتروح تكمل حياتك بعيد عنه اترك الظل من عائلتي  لان ثق بدين محمد مستعده اكتل اي بشر كائن من يكون يفكر يلمس شعره منهن مو يخدش كلبهن

-يروحي شنو صايرلج

-نفس الصارلك بس الفرق اني عضيت ايدي طلعت شكو وجع من كلبي بأذيت نفسي ماوصلت يمهن تعرف ليشش لان عشت شعور الفرگة وعرفت الوجع  ماينحمل

-ابوج احتمال يطلع هالايام

-واحنا بعهدة اخونا

-راح ياخذج مني بسبب عمرج

-ههههه حماررر واحد يستعجل قدره بيده شسويله يطبه مررض

ذباح- حدري لمي شعفتج ونوب تحجي بالگدر

-لميتها قبل شوية بس مو كفشتي اختك

-شني يبااا

-ماكو شي سلامتك بس نصيحة اذا حبيت تحافظ على كلمتك ابتعد عن النسوان  واذا ردت دوم الصحبه ابتعد عن النسب

- خذوا الحكم من افواه المجانين

-ماارد لان مهما يكون دايس بساطي

-والنعم من بنت الاچاويد

-لابد مايطلع للدم اصل موو شتكول ؟؟

-ونعم من اصلكم يباا  حي الله الحضن الربتج

غزوان-. حي الله اصلك تفضل خويه تريد جوه بالاستقبال لو نگعد هنا بالممشه

-لاوالله ارخصني اندهولي رضيعتي هم يالله نتوكل

-والله ماتطلع اذا ماتتغده

-لاتحلف يخوي وعلي اريد اعر للبر

-اترك الشغل غير ماصدگت اجيت حتى نطلع نشتري غرفة النوم سوه

-بربك تحچي صدچ

-اي والله صار يومين محتار عندي هواي تحضيرات ومااكدر وحدي

-افااا انه اخوك تحير وانه حدك لاماهگيتها يبن العم

-لعد يله راويني مراجلك هاي بعدني بأولها

-ههههه مايعگب ضوة ربك واله وكلشي چاهز  والخميس بحيل الله الذبايح  وامور الزفة كلها تامة غادي اچي بس اخذكم واروح

-لا هنا اتزوج

-غزوان لا تهدرس وتخليني ارميك امكث مچانك وتحجه بشلاچه گلتلك زواجك عليه ماخلك تبطي غادي يومين واردك

راد يحجي غزوان رفع حاجبه اشر شكو بعد ضحك كله هاي هيه

دگدك على ضهره ورد بالمبارك يخوي

-الله يبارك بيك مااكدر اكلك يوم الالك لان الحكومة موجوده

-هههههه لادخيلك مارايد اكتفيت اندعيلي ربي يرزقني بجاهل اكوم ممنون منك

-انت بس انذر تسمي غزوان راح يجيك

-يابه وحگ علي اسمي غزوان بس خله يجي

-ان شاء الله اثنين طبگ  يله تعال اكعد وانت رايه عمري صبي الغده اذا كامل

اشرت اي رحت للمطبخ  واكفت اصب وعيني بيهم اباوع لغزوان اشلون طاير بي  فرشله حط مخده وراح للحمام يجلف عالسريع مهدود حيله من الشغل والعوز بس يخجل يگعد گدامه والدهن تارس ايديه وجهه

خلص كام نكث اديه نزع نظارته صارت عيونه عليه   ابتسم وجهه بهتان الارهاق ماخذ منه دهر اخذت نفس امنيتي اخلي بروحي  واشيل شكو تعب منه

دنگ مسح نضارته لبسها ورد باوعلي همس احبج ضحكت درت وجهي

صعد للغرفة جاب سلاحه ورد  گعد يم ذباح  حتى يعلمه عليه

اشتغل وعيوني على ذباح رغم شخصيته ماتنحمل وشكله مبين مايتفاهم  بس تصرفاته ويه غزوان جانت يثبت غير شي اسمعه اشلون يحجي ويا برزانة ويحاول يعلمه على كلشي حسيته يريد يصنع منه شخص ثاني تكون نسخة منه

دخلت زوجته كالت اساعدج بشي

-لا حبيبتي كملت ماعندي شي بس اسوي الخضره

-چا عطيني اني اعملها الج احسن ماچاعده غادي اتصفن لان دخلن بدرب الحسد والمكايد وانه اضوج من هالشي

-ههههه ماما كلش تأمن بهيج اشياء ماصدكت لكت وحده تشاركها

-اشكد عمرج انتي

-استوني دخلت  ال١٨

-مبينه اصغر ماشاء الله حلوه حتى اخيتج هاي تكول لعابة بس مبينه راعية مشاكل  ماهي مثلج هادئة

-هيه لسانها متبري منها لهيج احنا مبتعدين عنها عكس رئال ذيج صوتها مايطلع

-عدكم بعد اخت

-امم شنو ماحاجيلكم عليه ذباح

-هو ذباح شني يحجي لابعقلج  ذباح يچعد هالچعده حولنا مثل الحين ويشاركنا بسالفة وداعت نظر عيني مانسمع منه غير المكاون والاوامر  طبعه مرر مررر مايتعاشر

-لعد اشلون كمريه عرفت كل هالمعلومات عن زوج رؤيا

-تتسنط من يخش يم اميمته وابو صگر بس وروح ابوي اذا كضها اله يشلع اذانها لان كم مره حذرتها عمتي فجر بس هيه تربات حرمته الاولى مسمومة مثلها ماتركد 

-عايشات سوه انتي وزوجته

-اي بس انه فوگ وهيه چوه

-شعجب مااجت وياكم

-ضلت يم جدتي وانه جيت لخاطر انخى ابو الجوداين  لان ملينه من العلاجات اريده يرزقني بجاهل من يمه

- شنو تعانين من شي

- لاموش مني الصوج راح اكلج بس امانه بينه الحجي

-منه ؟؟

-اي نسبته جثير گليلة بسبب الطگه التعرضلها  اشكد عالج تصعد نسبته وترد تنزل حتى مايلحگ يصير الجاهل

-ذباح ابن البدوية مگتول

-هيه لخاطر هالجلمة جتل نص الديره وضيع ١٥ سنة من عمره بالسجن وهاي من طلع اكتشف حتى بزره منتهي

-سووا انانبيب

-ما يرضى يكول لو يجي وحده لو مارايد وهسه  جدتي تزن براسه تريد تاخذله بت اخوها الصغيره تكله تشيل بساع ماهي مثل ذني عمرهن كاضي وخايفة لايرخه

-هو يحبج لولا

-ذباح مايحب غير الطگ والمكاون اكو طلابة وجتل يگف اول واحد وللامانه مايظلم احد وعادل بينا بس انه احبه ومااگدر يمه مجرد اتخيل يخليها بحضنه تالي الليل ويضحك وياها اتخبل موش انوب تصير صدگ

-مادام مايظلم احد ويعرف هالشي يأذيج مايكسرج بمرة ثانية

-هاي يمكم ماهي يمنا احنا مايعتبروها جسر لااا حگ وهذا اخو ابو صكر گاضي شرع ربه  وابو مثلث ولد عمه وخواله كلها مثنيه ومثلثه  حتى اخواتي

-عززه شنو هاي وذولة هيج متمكنين يسطرون نسوان لو مثل بابا جان يجيبها ويشمرها ويانه نفس الغرفة

-لا مايثني اذا مايعرف راح يكفيها من جميعه ويعرف نفسه مايگصر على الگديمة وافريخاته صح نفس البيت يخليهن بس يعدل بينهن

-واكيد المشاكل واصله للستار

-اشحدها التفگ حلگها  لخاطر ينجسر ضهرها كلمن غرفتها ويومها وهو مايفرگ بينهن ومايخلي گصور على وحده وهنه غصباً عنهن يتخاون لان التنعوج منهن ينفصم راسها

-هاي لو اني مكانجن والنبي لو اضل طول عمري بدون زواج بس مااخذ واحد هيج عزه اگعد منتظره اشوكت يجي سراي وهو نايم بحضنها

-هذا الحچي ماهو يمنا يبت بغداد

-هههه بس لايسمعج احد ويصدگ يابغداد هاي

التحجين عنها

-صدگ اشو منطقتكم تخوف حتى ذباح مارضه يجيبنه لو ماعمتي فجر ضلت تلح وحتى من خشينه گال تغشن

-ماجنه هنا بس بابا الله ينتقم منه جبانه وخلانه نعيش غصباً عنه بيها

-چا ماخذاكم زلمتج وبعد بيكم

-الاجارات غالية وماما واني عدنا علاجات وغزوان بروحه مايكدر على كل المصاريف يادوب مصرفنا يوفره هاي من غير دنفكر انلم نسوي عملية لاختي هسه بطلنا راضين بعيشتنا بس اندعي كون مايطلع بابا

-عليش هيج خايفين منه

-ماخايفين منه بس خايفين على رؤيا لان قاصر وعقدها عالورق وحنا حتى نسخة من العقد ماعدنا يعني ياخذها منه بالقانون غصبا عنه وهذا مايعرف شنو حرام وحلال يطلكها يم شيخ وينطيها لواحد من جماعته لخاطر كم دينار 

-حرمات مثل هاي عد ابوج وكمريه عد ذباح سبحانك ربي يعطي الحسن والجمال لواحد مو كفو نعمة

-ههههه شبيها كمريه هيج مضوجتج

-سامعه عن سم العربيد هيه تنگط خبث وحقاره واخوها مدللها وهيه مامصدگة  تتبغدد بهذا وجها الي ماينوجل  خبزه يمه

-يله هسه يزوجها وتخلصين

-ياهو ناذر روحه للموت ويتورط ويه ابن البدويه غير اذا ردتله زعلانة يحرگ البيت بعياله ويعلگه بالنخله بس لخاطر يروح ويرد يطگ بي

-هههههههه شو مامبين عليه هيج متعصب

-والله حتى انه صافنه متعجبه الي يتنوعله هيج يسولف ويضحك ولايكول نفسه ذباح مبين يحب غزوان جثير وهيج مرتاح ناسي نفسه ويا يله خلصت الخضرة بعدي حتى اغسلها

غسلتها واني عدلت تراكي شمرت گصيبتي وره ضهري و شلت السفره طلعت كام  غزوان اخذها فرشها ونكل المواعين

اخذت اكلنا للغرفة تغدينا سويت الجاي شربوا طلعوا واحنا ضلينه كاعدين هنه يسولفن واني عيني بالباب احس گلبي يرف مامصدگة اشوكت يدخل غزوان وبيده غرفة زواجنا

اباوع للكتاب كل  شوية تنزل دمعتي وامسحها لاواحد ينتبه اتمنيت رئال وياي وتشاركني فرحتي ياما سهرنا واحنا نسولف ونحلم بهذا اليوم

اخذت نفس وانتجيت صارت گدامي رؤيا  متربعة تتسنط حتى اول  ماتسمع كمريه تحجي  تشمر كلمة تخليها اطفر ابتسمت مااعرف  ليش هالحقد الي صار بينهم على ساعة

عمتي فجر كوه تلزم ضحكتها ومرت ذباح اتحسها مي بارد ينزل على كلبها

تأخر الوقت صار وكت الصلاة وهمه ماكو كمت فرشت السجادات تركتهن يصلن واني والبنات طلعنا صعدنا للسطح فرشنا وگعدنا على ضوة الكمر استونا  بلشنا  نسوالف وجانه صوت غزوان جوه يصيح لحد يطلع وصوت اشياء تنزل

عدلن عبيهن اتلفلفن عدل عكس رؤيا فتحت كفشتها وانتجت ماهامها شي احسها تريد بس واحد يسمعها كلمة حتى تستلمه 

اقل الربع ساعة وصار هدوء من لهفتي  گمت بسرعة داانزل وصعد غزوان باوعلي عدل نظارته وابتسم عيونه تلمع نزلت دموعي ضحك وفتح اديه ركضت حضنته ضمني بقوة همس واخيراً راح تنزوج 

-مامصدگة

-صح الراحوا منا عزاز وتعبنا هواي بس ربي عوضنا 

-ماعوزنا بس رئول ترجع وكتها صدگ اگول عوضه جبير

-راح اردها  واشتري الفستان الوعدت رنود بي اخذه ونروح نزور كبرها

كالها وباس راسي لزم وجهي دنگ مسح دموعي همس ادري موجوعة لان داحسه نفسه بداخلي بس اطلب منج طلب بس اليوم لاتبجين لخاطر احس حتى لو بالجذب گدرت افرح گلبج بشغلة

اشرت اي

-راح اسويلج عرس تحلم بي كل بنية

-ههه مامعقولة احلى من الچويات والضربات الجنت تحصلهن من بابا علمودي

-اي وروح ابوي شبعت كتل ابن الناقص خلاني مخبل اشتغل مثل الساعة كل عقلي يمج لايأذيج عناد بيه فوگ الدگ يحرمني من الاكل  واني مخلصها صفنات مثل الزمال خايف ياخذج مني

-مم واذا اخذني  شنو تسوي

-والكعبة الشريفة اكتله واكتلج  وانتحر

-عزه لعد تكتلني ليش

-لعد اخليج عايشة واني ميت كل عقلج

-غزززوان وين الغرفة داشوفها

ضحك سحب ايدي باسها وجرني نزلني لكينه ذباح داخل بالاستقبال وماما وفجر بعدهن يصلن

وكفنا بالممر اباوع غرفة الاخشاب بيضه تلمع ويمها دوشك ضغط وجنطة بيها فرشة بيضة

اريد اسيطر على فرحتي مااگدر  حضني من وراي دنگ باسني عالكيف وحجة بصوت ناصي  احبج 

- بنفس المكان جان بابا كل يوم يضربنا ويحلف راح يفرقنا

-بس الفرق  وكفت رئول وهيه تأشرلي بتوسل ماارد

-وعدتني تحضر زواجنا

-مثل ماوعدتج اخذج غصباً عنه

- غزوان اليحب  يثبت

-شنو تردين طلبي الج من اول دگه بگلبي لاخر نفس اشهگه

- اريد تنطيني كلمة ماتتزوج عليه عمرك كله

-كل عقلج هيج تحجين

-اوعدني غزوان حتى اذا سويتها اتركك بدون لا اسمع تبريرك

-ماراح احلفلج لان ماكو شي اعز  من رفت  گلبي عليج وداعت كل يوم نمت واني احلم بيج وداعت ضحكتج الي اسرة گلبي  اسمي مايصير بعد عقد زواجنا غير بشهادة الوفاه

-اي موت ميخالف بس لاتتزوج عليه

-اشتعلووا

-ههههه صدگ ليش الغرفة بيضة

-لان اميرتي تحب هاللون

-مم واميرتك مقرره  اول ليله تكون بحضنك بغرفتها

-لا دخيلج وروح اخوي يذباح يسويني منصبة

-محد گلك وافق وكله اي تتحمل كلشي يصيرلك والله يا غزوان اذا فكرت بس تفكير تتقرب مني هناك اصرخ وافضحك

-هه عود سهلة

-غززوان

-يا حلم  غزوان الي خلص عمره يترجاه

-اوعدني

-اوعدج باول رفة گلب واخر دگة تكونين اجمل امنية الي راح احميها بروحي وحافظ عليها مثل عيوني ماراح ارفضلج طلب ولااخلي بيوم تنزل دمعتج

ردت احجي وتحمحم ذباح باسني  عالسريع وخر راح يمه رحت للمطبخ واسمع ضربه قويه وياها ضحكة خجلت عرفته شافنا

لكيت جايب كومه اكل حضرته  عالسريع  طلعت شايلة الصنية شافتني ماما صاحت غززوان يمه تعال لرايه هاي ثوله لاتوكعها

باوعتلها فاتحه عيوني

-وجع اي فاهيه لعد بيج حظ تصعدنها ليفوگ

-شكرا ماما

-على شنو تشكريني على فهاوتج لو عرامة اختج

-بعد على صوتج خلي يسمع دروغو حتى اخاف مفكر ينطي اخته  انوب يقرر

-بعد عمري ويطلعون جهاله عيونهم مكحلة وبيهن لون اووي فدوه

-روحي ماماااا صعدي

هزت ايدها وراحت صفنت هاي ذباح واهله نشروا الوباء بالبيت  نزل غزوان ا  اخذ مني الصنية صعد واني اخذت ترمز الجاي ولحكته لكيتهم كلهم كاعدين

البنات على جهه يم ذباح ورؤيا من الجهة الثانية منتجيه لامه شعرها صفح تلعب بي صافنة بغير عالم

گعدت يم غزوان  بلشوا ياكلون واني عيوني على گمرية الي ماشالت عينها عن غزوان ويمها غيمة تبسبس وياها ويبتسمن بخبث

درت وجهي اباوعله مدنگ  ياكل بترافة كل دقيقة وعدل نظارته ويبعد شعره

غزوان جماله مبالغ بي هواي يشبه رؤيا حتى لون عيونه من غير طريقة شغلة الي خلت جسمه مرتب الي يشوفه بسرعة يحكم عليه بلوگر ميصدگ عامل الدنيا لازمته تسحل بي

اخذت نفس رجعت عيني بيها باوعتلي بطرف عينها وندست غيمة الي هاي جانت مسبلة على ذباح امنيتها تكول تاكله

دارت وجها وعضت شفتها من حرگت روحي كرصته حيل بسرعة لزم ايدي متفاجأه همس شبيج حبيبي

-الاكل مرر

-شنو ؟؟

-مر ليش مدتحس بي

-لا يمكن خاله نومي على ماعونج هواي

- بدله ويه ماعونك

هز راسه غير المواعين  رد دنگ ياكل وهيه بعدها تفصل بي تفصال مو تباوعله كرصته حيل صاح شصايرلج بنيتي

-هذا هم مر

-حبيبي تره والله مابي شي اخاف عندج سخونة

-مو مريضه واصلا مااريد موجوعانه

-تركي هسه اخلص اكلي واطلع اجيبلج غير شي تاكلي

رؤيا - جيبلها سم لولااا جيب بطنج افضل

-شنوو؟؟

-الاكل يغث يااخي متگلي منين جايبه  لو صدگ كلمن على سعره وماكو ارخص من لحم الكنغر

غزوان باوع  لذباح مامفتهم شي وذاك  باوعلي رفع حاجبه درت وجهي ضايجة  رد باوع لرؤيا تارسه حلكها اكل كوه سادته تاكل هز راسه بيأس ضحك ورد ياكل

دنگ غزوان سوالي لفه مد ايده اخذتها بدون لااعتراض لان عيونها بيده  بسرعة اكلتها قبل لاكمل رد سوالي وحده اخذتها  ضحكت عمتي گالت هاا راحت المروره

رؤيا-  لاا زادت بس انتظري شوية وشوفي الزهر الراح تبثه

كمرية-  بس على كيفج لاتختنگين

-من اكل بيت ابوج عود احجي

فجر.-  ياااع  اشمالجن ييمه

رؤيا- ماكو شي بس اكو تسس دتنفخ اذا مابطلت اطبق اسم واحد  بيها

-يا ساتر  ترگج من هالسوالف اريد اسألج بس موتزعلين يمه

-هه عالاساس ملكة المشاعر كدامج انطيني صمونة ودوسي بالغميج

-گضي الصمونة وصارلج كم سنة ماتشوفين

-من يوم ابليس قرر يسبح بمي زمزم حتى ينظف

-شني گاللكم الدكتور

-گال انتي حلوه متأكده بت ذوله الناس؟؟ شو مايشبهوج

-فتحيهن خلي اتنوع

خلت اللكمه بحلكها  وفتحت عيونها على كبرهن تقربت يمها باوعت بيهن دخلت اصبعها قبل لاتبزها غمضت بسرعة ورجعت راسها  ليورا

-تشوفين ؟؟

-لااا

-چا شلون عرفتي قربت اصيعي

-حسيت خيال قريب

-الضربة براسج صارت

-اي وعمليتي سهلة بس الجلب من كد مااعضه انجلب عليه

-اكو حبوبة يمنه من تجين اخذج

كمريه- . ماتنفعها تگلج طافية عوزها عملية

رؤيا.- ومنو كلج رايحين علمود عيوني

-چا عليش رايحين تسهل بخت

-عفية تسهيل بخت لناس ضالة عالة على اهلها

-هاي وانتي ولاطگة

-ولاطگة  وخذتلي واحد بس اسمه يرجف اثخن شارب تاركة النظر الضالين بطرك الاسم

-كملتي

-اي بس حاولي لاتخلين شاربج يبين حتى لايخربطون بينكم

هيه كالتها وذباح غص دگ غزوان على ضهره كام يگح حيل نطاه مي اخذه من ايده مسح وجهه وباوع لرؤيا تاكل وتحرك براسها دندن ويه الاكل ماهامهه شي هز ايده وشرب مي كال الحمد الله والشكر سفره دايمه بيا

غزوان- . شكلت متكلي

-الي يشبعني سنه لچدام كوم يله خلي انشد الغرفة لخاطر نرد تأخرنا جثير

-وين ترد اليوم تبات هنا

-وعلي مااگدر سمعت كم مره اتصل ابو صگر عدنا مشية باجر ماترهم ما احضر

-العصر المشيه واني  اروح وياك اريد اشوف الاجواء وتعرف عليهم قبل العرس

- وراعي المسية  تنور ديرتنا بس هم لازم اعر اليوم وانه ادز الولد باجر لخاطر يجيبوك

-دكوم هسه زين اذا خلصنا للصبح شد

-لاان شاء الله مانبطي بس كض السلاح ضمه بمجان امن لان اكو عالم مخها ضارب ما تتأمن

ضحك عرفه يقصد على رؤيا  كاموا انطوني السلاح ونزلوا  اني هم خفت منه شكله مرعب اول مره الزم سلاح بيدي بسرعه انطيته لعمتي

ماما خذت عمتي للغرفه واحنا ضلينه لمينه السفره واسمع التكسر مال كزاز جاي من بره وصوت ضحك عالي  باوعتلي هيام مرت ذباح كالت شكو

-ماكو شي كومن ندخل للغرفة

كمرية- شني هرج اليمكم

رؤيا -. ويشربون يبيعون اعضاء شكو شي نكس يخطر بالج همه يسووا بس مايخلون عينهم على حلال غيرهم

-انتي شني قصتج وياي

-هو اني وين شايفتج حتى اسويلج قصة وبعدين لاتعيطين نبرت صوتج تجيب التايهه والعالم يعرفون ماعدنا غير غزوان

-شقصدج لج

هيام.- كولن يالله شمالجن  كمريه كفي تره اخوج گوه كاض روحه عنج وانتي خيه رؤيا فدوة اروحلج اتحملي لخاطري

سكتن اثنينهن وهيام غيرت الموضوع شنو نحضر للعرس وشنو نسوي وكمريه تاكل باضافرها وتحجي ويه غيمة شكيت يتفقن على شي؛ عفتها ماهتميت لان حسيتها صدگ حقوده عكس هيام تخليها بگلبك على هدوئها ولسانها الحلو

تأخر الوقت واحنا بعدنا نخطط ونسمع صوت ضحكتهم من جوه وين واصل  كمنا نزلنا لكيناهم تقريباً مخلصين ذباح كاعد عالجربايه بيده جكارته وغزوان يمه يسولف شافنا  گال اي الله جابكم سوولنه جاي

ذباح- كمريه يبا  روحي انتي عملي الجاي وانتن حدرن لچاي  كفن هالهوسه لخاطر نربط الكنتور

غزوان - لايمعود وينهن وين الهوسه ذني

-چا المن خاليهن  لمضارب التفگ بعد لك وانتن يله لاتفهننن

راحت كمريه للمطبخ وهيام ربطت عباتها دخلنا يمهم همه يناوشونا اغراض واحنا نطلع بكل حاجة لازم غزوان  يجرني من ضفيرتي لو ينتظر ذباح يدير وجهه حتى يكرصني من خدي

كوه افلت نفسي منه عوزي ابجي  مرتين لگفه زمخ بي وبالثالثة  اجه جره من يمي شمره بالغرفة گله خش چوه انت لاتركد ولاتخلي البت تشتغل

اخذله دقايق ورد يتحرش دمغه وضحك  من اسعد الساعات المرت بحياتي عين بي  اشلون فرحان ويضحك ويه ذباح وعين بغرفة احلامي الي ياما غمضت عيوني  واني اندعي يتحقق

ضلينه للفجر نشتغل قبل لاتطلع الشمس كملنا كلشي وكف غزوان مسح گصته بظهر ايده واتخصر يباوعلها اندار باوعلي يبتسم شفت لمعة بعينه محت شكو الم  مر بيه

نزلت دمعته دنگ يمسحها دگدك على ضهره ذباح گله صبرت وربك عطاك بالمبارك يخوي

-هه تدري لسه  مامصدگ

-لاتبجي يبا وعلي زحمة

-من حبل المشنقة لغرفة عرسي ويه التمناها گلبي

-تستاهل عبنك ازلمه اشچ وگفت بوچه الموت وجبتها بذراعك ماطخيت راسك

-خلصت عمري اتوسل بالنوم خايف ياخذوها مني خايف اغمض عيوني قبل لا شوف هذا اليوم

-الك طولت العمر وهاي تنوعته وحرمتك گربك والخميس الزفة وحگ الي چابك بطريجي وزرعك معزتك بروحي لعملك عرس يعوضك على تعب عشته

-هم يجي يوم واردلك وكفتك هاي

-افااا وانه اخوك انت بس اتشطر وجيبلي بنوته هيج ملونه مثلك اخذها لصگر نعدل النسل بيها وخلي وكفاتك  الك هم يالله تسند  طولك لان شكلك راح تهنتك گبل وكتك على هاي  لهفتك

-ههههههه لا تخاف عليه والبنيه غير لابنك مااتصير

-ان شاء الله يخوي اندعيلي ربي يرزگني بس واحد مارايد غيره وعلي

-رب الفر الدنيا وكفني هالوكفة مايرزقك بطفل يصير يخوي وطهوره عليه نذر بس انت كون تضل على كلمتك وتسمي غزوان

-يابه وحگ فحل الفحول لاسمي غزوان  بس سويلي جاي لان راسي طگ

ردت اتحرك دفعتني رؤيا لجهة غزوان  وجرت كمريه للمطبخ لحكتهن غيمة كوه كتمت ضحكتي عرفتها خلتها براسها

راحوا كعدوا بالممشه  واني شغلت الصوبه لان الجو الصبح بس لسعة  برد واحنا سكف ماكو رجعت لكيتهم متلفلفين بالبطانيات يسولفون  خليها بالنص ورحت يم غزوان دخلت ويا بنفس البطانية

اجن غيمه وگمريه گعدت تصب جاي وتوزع دقايق نزلت ماما وعمتي شافن الغرفة  هلهلت عمتي  اندارلي غزوان ضحكت كرص خدي دمغه ذباح كله اثكل يبا

-هههه خو انت كاعدلي عالزله

-يخوي ماضل جثير اصبرر

فجر.- وانتي لج گومي  تعالي يمي

غزوان.- وييين يابه تره والله مرتي

-مرتك من تجي تاخذها من ايد خويها مگبعة بعاته

-يعني شنو

-يعني هسه مالك مره عدنا بعد لغاد لك وانتي تعالي حدددي

كالتها واجت جرتني كمت وياها واني اضحك كعدت يمها لفتني بعباتها باوعلها غزوان شالت دبه الشكر گالته لاتتنوع هيج لاهفك على عيونك

-يله يابه كلها ساعتين اتحمل

-ياهو  كالك اروح وهاي على افادك للخميس ماتحرچ

ذباح - وهذا السلاح يمج اذا تنفس ترسي حلكه بارود

-شحده يتنفس دير وجهك لغادد لك وانتي ركدي لاتحوصين

حضنتني حيل وضمت راسي بعباتها ضحكت همست ثكلي لج

-مم

-وصيري مره حوك لاتموين حتى يحسبلج حساب

-اخاف يطير مني

-والله هو حليو والبنوات عيونهن بالفكس بس لايتلهوج الزلمه مايتركج خلج گويه  كضي  من اخوانيگه

-شتكولين يجيب نتيجة

-تجيب حتى راسه

ضحكت دنگت باستني وكالت ربي يهنيكم

مر الوقت بالسوالف والضحك صار الصبح مارضوا يتريكون طلعوا للامام صايمين واني صعدت كبل نمت من التعب

الايام تمر واحنا مشغولين بالتجهيزات صح غراض قليله وغرفتنا مستعملة بس جانت بنظري اغلى من كنوز الدنيا لان من تعبه

بالاخص من گام يشتغل شفتين بليل يطلعون عالحديد ينگلون وبالنهار بالمحل اروح اوديله الغده و اشوفه اشلون امدنگ على الدراجة يصلح بيها والدهن تارس ملابسه و حتى منظارته كد ماتنزل ويصعدها؛  اتمنى افتح كلبي واضمه بي مو اطلب منه اشياء مايكدرلها

على صوتي يرفع راسه يباوعلي يكوم وهو يضحك ويغنيلي اخلي الاكل بالگاع من بعيد وابتعد اشرله باصابيعي ماضل بس هلكد  يعبس يأشرلي سهلة اندار واني اضحك ارد للبيت من كثر السعادة مااگدر بعد اكتم فرحتي

تتلگاني رؤيا واكفه ورا الباب ولازم تسأل نفس السؤال مال كل يوم  سمعتي حركة بيت اليهودي من ارد لا دنگ وترد تصعد للسطح تگعد قريب لجهة بيت اليهودي تتسنط  هواي حجي بعيونها ادري بيها بعدها متاملة يرد وگلبي يتگطع عليها بس مابيدي شي اسوي

ماضل شي عن زواجنا  كاعده بليل ارتب بالملابس

سديت الجنطه سفطتها وكمت طلعت لكيت ماما كاعده عالدرج تمشط لرؤيا الي  بغير عالم وحتى هيه عينها بالحبل الجانت رند مسويته مرجيحة رحت يمها خليت ايدي على متنها همست طير بالجنطة

-ضلت غصة بكلبي مثل الراحت ونگطعت اخبارها

-والله زوجها كال راح اجيبها للزفه

-صدگ رايه اشوف اخيتج قبل لاموت

-اسم الله عليج راح تشوفيها وتزفيني بيدج وتشوفين رؤيا مفتحه وتعوضين شكو تعب شفتي قبل براحه

-الله كريم لميتي الاغراض

-كلشي نعتازه وخابر ابو في كال باجر يدز واحد ياخذهن وكال غزوان اذا اجت رئال وشفت وضعها زين احاجي ذباح يشوفلنا مشتمل صغير حتى نستقر هناك

-اي يبعد امج خلينا نطلع منا والله كلبي خلص من الخوف عليكم

-ماعلينا هانت ام رايه راح نروح ونگابل بيت البدويه ونصير بدو نرعى بالنوگ

-عسى ماخدم المهم نبعد روحي صعدي جيبي كتب اخيتج بلكي تجي حتى تنطيهيا ادري بيهن عزاز على كلبها

-عززه واني من اسألج تكولين ماادري وينهن

دنكت مسحت على ضهرها ضحكت داارد وشحطت سيارة يمنا ثواني  وندگت الباب حيل

كامت ماما  انطتني المشط وراحت بعدها ماواصله الباب اندفرت بقوة  طگت الطلاكه انفتحت على كبرها دخل بابا الي ماضال شي بوجهه صاحي ويا اثنين مخربطين الريحة طالعة منهم گد الشرب

باوع لماما تفل بوجهه وكال بلغتوا عليه يالنكسين حسبالكم  تخلصون مني

-مو احنا البلغنا وشعدك جاي البيت صار لغزوان يله اطلع

-انعل ابو البيت لابوج بت اليهودي مارد عليج جاي اخذ بنتي استرها بدل مشيها البطال يمج 

-تسترر منوو  يالي متخاف الله

مارد اندار على رؤيا اجه طاير جرها من شعرها شمرها عالرجال وصاح اخذها صعدهااااا ----

***رئال***

الطبيب يحجي واني فاتحة عيوني على كبرهن   قاطعته گلتله عملية شنو

-طفل انابيب العملية ان شاء الله سهلة مابيها خطورة

-وليش حتى اسوي طفل انابيب اني مابية شي وحتى هو حالته اتحسنت

-حالته اتحسنت صح بس العملية جان بيها اثار جانبية واحتمال جبير يضل فتره طويلة يالله يرد يمارس حياته طبيعي

-اي ويضل شنو يعني مامستعجلين

ابراهيم-  . لااحنا مستعجلين و نريد لابنه اطفال وهذا انسب وقت واتفقنا ويه الدكتور يسوي اكثر من واحد حتى هيه مره وحده اخاف ترجع حالته تنتكس

-بس اني عندي اختناق ومااكدغ ادخل عملية

-مو عمليه مجرد تلقيح وشغلة كلش بسيطه يله لاتضلين تجادلين روحي ويه عمتج بسرعة

-مااسوي شي غصباً عني

-شنو  بابا هالحجي شصايرلج اليوم تعرفين زوجج تعبانه حالته ماصدگنه  توصل لهيج مرحلة

ام هيذام -. عوفها اني احجي وياها على كيفي وافهمها هاي خايفة حسبالها صعبة السالفة

-يله اخذي راحتج اخذيها

ردت احجي ماخلتني جرتني طلعنا بره بس سدت الباب سحبتني  من شعري حسيت فروه راسي اجت بيدها  دااصرخ حجت من بين اسنونها اششش صوتج وداعت ابني المااعرف وينه عدل لوميت امحيج يرئال

-ليش بس لان كلتلكم مااسوي العملية

-شنوو متسويها بكيفج لاحسبالج ساكت عمج لسه نسى السويتي لااا بس منتظر اسماعيل يطلع حتى يصلخ جلدج

-اي خلي يصلخ جلدي بس طفل انابيب مااسوي

-سمعي لج من الاخير عمج كوه لازم روحه عنج وكلام الله اذا دخلت هسه وكلتله ماتقبل تدرين شنو يسوي بيج وداعت ابني الراح ابره وحده ماتكلفي يخليج عمرج كله تعيشين عاجزه وهااا موبس هيج الطفل ونسوي غصباً عنج واول مايصير ناخذه انشمرج بالمصح ماطلعين منه غير عالكبر

-موتوني ذبحوني سووا الي يجي بالكم العملية ماادخل وطفل مااسوي وحتى لو غصبتوني مااخلي يوم واحد بطني اموته بنفس الساعة

-حلو الدگلج صدر وخلاج تحجين بدون خوف ماگلج مثل ماجبناج انشمرج جوه الگاع انتي واخوج السگط ونجيب اختج اتسويلنه بدل الواحد خمسه

-انتي كلتيها اختج منتبهه شنو حجيتي

-اي وشنو هو عقد كلمة وحده يحللها عليه مكانج وهم افضل اله حلوه وهادئه  ماتتذمر شيكللها ترد تم وهيه ساكته

-انتوا شنو

-احنا الجبناج من الزبالة وسوينه براسج خير وحطيناج بمكان  تستحين تحلمين بي وصار الوقت تتربين واني اعرف اشلون اربيج اذا ماطلعت روحت ابني من عيونج مااطلع اني امه

-اخاف حسبالج اختي مثلي هيج تخاف وغاح تخضعلكم اخاف اني وكفت بوجه لابنج هيه حتى تشوهه وتفتغ عليكم واحد واحد تذبحكم

-ومنو كلج العمية واني ماريد وحده نكسه مثل اختها الي شمرت رجليها بالعمليات وطلعت ويه اخو سلمته للموت لااا اريد الجبيره

- هاي متزوجه

-المن متزوجه اذا على غزوان راح يرد للسجن هو واختج مثل ماراح نشمرج جوه الكاع وهيه انجيبها جوه رجلين اسماعيل موبس اتخلفله لا حتى تخدم حالها حال الحيوانه واذا سمعتها اتنفست اسحك حلكهااا

-هاي كلها بس لان كلتلج ماادخل عمليات اغيد طفل طبيعي

-واني مااريد ابني يتقرب لنكسه مثلج

سكتت صافنه على جبروتهم اشرت هاا

-يعني كلما ما اوافق على شي تهددوني بخواتي

-وانتي منو ونهددج لاكل عقلج راح انخليج مره لابنه لاعيوني ناخذ الطفل ونردج لمكانج تكملين المحكومية العليج تره اوراق البصمات لحد الان بمكتب ابراهيم  القضية مانغلقت اصلا يله ماعدنا وقت شكلتي

-تمام غاح اسوي

-ورحمة ابوي يرئال اذا طلعتي بلعبة وكسرتي كلب هالمسكين  اندمج اسطر عائلتج كدام عيونج امحيهم كلهم 

-ماغاح اسوي شي امني اني الدخلت نفسي بهالقصة واني اتحمل اغلاطي كلها مااذي احد ثاني

جرتني دفعتني فتحت الباب دخلنا جان الدكتور بعد يسولف ويه الضابط باوعت لاسماعيل  دار وجهه عرفته مابي خير  اندار الضابط كال ها بابا بشروا  وين وصلتوا

هزيت راسي اي

-بيها الخير ان شاء الله الذريه الصالحة اي دكتور شنو الاجراءات هسه وين يرحون واشوكت تبلشون بالعملية

الدكتور- . هسه احولكم على دكتوره اسنام من اشطر الدكتورات  عدنا وهيه تتكفل بكامل التحاليل وتحدد الموعد

راد يحجي عمي قاطعته بسرعه كلتله بس كون اليوم لان باجغ مااكدغ

الدكتور -وليش ماتكدرين شنو العارض

-هاا مو موعد ال--- يعني عادي  يصيغ لولا

-لاا اذا هيج نأجل كلشي وهسه اكتبلج كم شغلة تستمرين عليهن هالايام بدون انقطاع وتجوني بعدها انحدد موعد ثاني

عمي . وسماعيل

-لااسماعيل باجر اتجيبوا للمركز مثل اتفقنا ماطول حالته مستقره لخاطر الفحوصات

-زين ليش مو هسه ناخذهم ماطولنه هنا

رد واني احس رجلية نملن من الخوف اباوع لحلگه  عاصرة نفسي  خايفة يوافق وانكشف گطعت حتى النفس اراقب حركة شفايفه ديحجي ورن فون عمي طلعه من جيبه باوع بي عگد حاجبه

رد ها ابني خير -- شنوووو -- اشوكت انهززم ويين جنتوااا -- شنووو ماتدرون معسكر اشكبره متورس حرس  ماكدرتوا اسيطرون على واحد

مااريد اسمع نفسس  طلعوا من جوه الكاااع --- منوو ويااااا--مايلحكون ينهزمون طوقوا المكااان بسرعة واني جايكم بالطرريق --

ام هيذام. خير شصاير

-اخذي رئال وطلعوا كدامي عالسيارة بسررعة

-شنو اكو ازر بي شي

-لالا واحد من المتهمين منهزم

-اشلون ينهزم والسجن مطوق

-موبالسجن ذولة خونه شامريهم عالحدود  ضابط مخابرات خاين واحد مهتلف كلب ابن كلب صافين سوه ومنهزمين

-عززه بعينهم وهسه اشلون

-روحي بسرعة ودزيلي واحد من الولد ياخذ اسماعيل

-يله هسه بس على كيفك لاتوكع

-درع وووين

-وديته لام هبه من الصبح ليش

-خابررري الولد خلي يرحون يجيبواا بسرعة ويخلون عينهم عليه وحتى رحمة خلي يردوها للبيت اني راح ابلغ الحرس يطوقون المكان بس انتي من توصلين هم اكدي عليهم

-يمعود لاتخوفني شيجيبهم علينه

-هو مايجي بس احتمال  يدز جماعة يأذونه لو يشمرون شي بالبيت

-لعد خلي درع يم اهله احسن

-لاااا لازم يرجع حتى اسماعيل  ماارده للبيت اذا مادخل هوو سمعتييي

-غير اتفهمني ليشش قابل درع راح يحمينا

-من احجي الكلمة اتنفذيهااا بدون اسئلة زايده يله فضينيي اخذي رئااال وطلعي ودزيلي واحد من الولد يجيني بسرررعة

اشرت اي هو دنگ على ابنه مخبوص وهيه كمشتني من ايدي جرتني  تنمشي حيل  طلعنا بره واني مامفتهمة كلشي بس بنفس الوقت مامصدگة خلصت اتمنيت اكمش الي انهزم احضنه اشبعه بوس على هاي السالفة

وصلنا يم السياره لكينه الحرس مخبوصه اكثر منه مبين واصل الخبر لان قبل لاتحجي فتح باب السياره وثنين دخلوا يركضون

عمتي رجعت واني صعدت  بدون لاانتيه سد الباب  ايدي على كلبي دااخذ نفس فزيت على صوت ضي همست  سلامات

-عززه بعينج كمزتيني

-صار ساعتين منتظرتج بره ويين جنتي

-سكتي وكعت بمصيبة ماادغي اشلون خلصت منها وبعدني ماخالصه الصبح انلگف

-خير شنو الصار اشو على ساعة انخبصوا حتى اني صعدوني

-واحد  مجغم منهزم بس مبين يخوف  لان عمي اتخبل من سمع يكول واحد ضابط مخابغات خاين مساعده ومنهزمين سوه؛ اثنينهم عليهم عقوبة نفي يعني موت لان خطغين

-وانتي شكو بهالسالفهة

-لاا اني سالفتي انكس غاح يسوولي طفل انابيب واذا ما وافقت يجيبون وحده من خواتي

-اي مو العبيد مالت اهلهم يلعبون بكيفهم محد يردهم

- لازم انهزم اليوم وقبل لاانهزم لازم اخابغ غزوان ياخذ اهلي ويختفي من بغداد

-سهله رقم غزوان صار عندي اني اخابره بس انتي اشلون اخلصج بعد هالهوسة شوفي الحرس اشلون مطوقينه على سالفتج المنهزم مبين شراني الي هيج خايف منه الجبان

-بس خلصيلي اهلي ومالج شغل بالباقي عسى ماانام بالشاغع ماعليه بس مااطلع اذا ما اتأكد غزوان اخذهم وبعد

-بس اوصل اخابره وهاي فكرت طفل الانابيب من هبه الحيه والله عرفتها هيه قنعتهم بالاخص من عرفت العملية سكطته

-اشلون؟؟

-البارحة سمعت ابراهيم يحجي ويه ام هيذام يكلها لاتجيبين طاري كدام احد لان اشما ضميتي الخبر يوصل لاسماعيل وراح ترد تنتكس حالته واحنا ماصدكنه يوصل لهل مرحلة بلكي الله يرزقه بطفل

-يعني مايخلف لو مايگدر

-ماادري بس بيها وبلياها راح  يستغلوج  منو ترضى اتسويله اطفال بهالطريقة الي حتى الحيوان مايقبلها على نفسه

-اذا مالحكت انهزم غاح يكتشفون اني بنيه بعدني

-حتى يجرمون بيج لان الدكتور مأيسهم  حتى الاطفال گايللهم مااعرف اشلون راح اسحبهم من ضهره

-بس خلي اتأكد اهلي طلعوا وشوفي شنو غاح اسوي بيهم اذا ماخليتهم يلحكون هيذام بس حتى يتفلون بوجه لان ماعدمني من وكت  مااطلع بت البتاوين

-عجبتيني وهاا شكو افلوس الج اخذيهن ذني حقج وانتي تعتازين لان احتمال ماتوصلين لاهلج بسرعة

-غاح اخذ كلشي الي يمهم واخلي يطلكني غصباً عنه واطلع بدون لايحسون

-اشش اجوي

كعدت عدل وصلوا صعدوا شغل عمي السيارة وداس بكل سرعة اباوع داير مدايرنه سيارات للحراسه وعلى طول مااحنا نمشي جهازه ماسكت كل دقيقة يدزهم مكان ويوصيهم يضلون حذرين هاي كلها بجهة واصراره على درع يرد للبيت جانت العجيبة

وصلنا للبيت دخل السياره  لكينه العالم مخبوصة اندار كال لضي تاخذين رئال من الجهه الثانية تصعديها لغرفتها مااريد احد يلمحها هنا سمعتي

ضي- . اي عمو زين ليش مااخذها وياي للمشتمل بين ماتطلع العالم

-لااا مممنوع كلتلج لغرفتهااا اسماعيل معتاز من اليخدمه وانتييي سمعي قسما بالخلق الكون اذا سمعت بيج متنفسة مو متحركة من مكانج اصلخج

-هزيت راسي

-اسماعيل بس يشوفوا الاهل ساعة واصعده لغرفته اريدج جوه رجلي شيطلب تنفذييين افتمهتي شنوو اقصد  اذا سألته وشكالي منج مااكلج اردج نفس الزنزانه لااا ارد اختج واخليج بيدج اجلديهاا

-حاضغ

- يله نزليي ومننوع تعتبين باب الغرفه وكلام الله اندمج يرئال

-مااطلع

نزلت ضي نزلت وراها  وهو كمل دخل السيارة للداخل اكثر  رحنا  من الجهة الثانية لان اهلهم كلها جايه صعدنا للغرفة بعدنا عالدرج ونفتحت باب غرفة هيذام  طلعت هبة عيونها حمر امبينه باجيه شافتنا حتى مااسلمت دارت وجهه ونزلت اندارت ضي غمتها بثنين اديها وهمست من هيج شمرج هيذام

-تغه بعدها زوجته

-قصدج البلا كرامة الساحكها وهيه تبوس بحذائه بلكي يرضى عليها

-حلوه اشلون عايفها

-حلوه وساحله نفسها هم بس وداعتج ماعبرها  يكومها بهجه  ويكعدها بدمغه

-ماحصلوا شي عنه

-لاا لحد الان ازر يدور متخبل وذولة ولا تكول اهله ماهامهم واصلا يتمنون مايرد ولايسمعون خبر عنه يله امشي قبل لاواحد يشوفنا حضرتهم مستعرين من وجودنا

كملت الدرج فتحت باب الغرفه تذكرت هديه هيذام انداريت للغرفه همست هاا شكو

-اوكفي هنا هسه اجي

-وين رئال

-مااطول دقيقة بس  عينج بيهم اجيب شغلة واجي 

-رئال كلشي ولاغرفته وغراضه والله يطلع من جوه الكاع ويرفعج من شعرج

-لاهو گلي وحتى دلاني مكان الشغلة الضامهه بس اوكفي هسه اجي

قبل لا ترد  ركضت للغرفة  فتحتها اجه عطره بروحي مااعرف شنو حسيت بس شي خطف كلبي  خليت ايدي على صدري استغربت من هذا الشعور  اخذت نفس  دخلت سديت الباب وراي 

رحت للميز باوعت ماكو عليه بس ساعته  وصورته هو حاضن ابنه  درت وجهي ماكدرت اباوعله مااعرف ليش بس حسيت بخنگه

دنكت عالجراره فتحتها كلها اوراق ماكو شي سديتها وفتحت الثانية هم نفس الشي وكفت  استرجع كلماته متأكده كلي عالميز

صار كدامي ميز الجربايه مبعثره حتى محد مرتبها من اهد طلعته اباوع لسلاحه عالميز الصغير انتبهت بي جراره رحت بسرعة دنكت فتحتها لكيت  كتاب شلته فتحت عيوني على كبرهن هذا كتابي المفضل

فتحت مبين مستعمل من الفاصلة واصله قبل النهاية واكو خطوط بالقلم الرصاص مثل ماجنت اسوي

سديت  دنكت اشتميته بي عطره خليته على گلبي  انداريت ملابسه العسكريه معلگه لاارادي رحت يمهن مشيت ايدي عليهن ابتسمت واني اعيد شريط وكفته كدامي وهو ومدنگ عاصر خدودي يهددني اذا غلطت يندمني

لعد وينك اشكد غلطت بحقك شو ماشفت منك كلشي بس اذيتك لنفسك

هسه ارتاحيت من رحت كلتلك عوفنيي كلتلك خليني ارجع كلتلج  گلبي مو ملكي كلتلك راح ادعي عليك كل مااشوفك كدامي كلتلك راح اندمك

سكتت كمشت ردان قمصلته عصرته بيدي همست بس اني الندمت  مو بس ندمت لاكرهت نفسي 

تعرف ليشش لان داحس بمشاعر تخنگني داحس روحي اني خاينة

تذكر من كلتلي ليش انتي بالذات لان اني دعيت عليك بالموت دعيت گلبك يوجر  دعيت ماتغمض عيونك براحة بس ماصارلك شي اني الداحس بكل هذا

انفتحت الباب دخلت ضي باوعتلها نزلت دموعي كالت ليش دتبجين

-اني احب محمود

-اي وشنو

-ليش دحس گلبي يوجعني ليش هيج داحس نفسي مشتاقتله

-منو هذا

-هو خلاني اتعلق بي  والله اني مو خاينة

-رئال شبيج

شهكت جرتني لحضنه خليت راسي بمتنها وبجيت عصرتني همست رئال شصايرلج

-دامووت مخنوكة

-لارئال مو هيذام

-جذبت روحي  عاقبت نفسي سبيتها  عضيت اديه كلشي سويت بس ماكدغت داحسه بداخلي شي دينبض  كل مااغمض اشوفه بعيوني وولج كمت مااانام حتى مااشوفه بسس مااكدغت داحسه گدامي وصوت ضربة بسطالة  بأذنيي

-ومحمود

وخرت عنها اشرت ماادري

-شنو ماتدرين مو جانتي تحبي

-اي بس ماحسيت بهيج خنگه ولاحلمت بي

حتى كلماته جانت تختلف من يجن بخيالي  مايدگ كلبي هيج

-رئال تعرفين شدتحجين

-لااا وبكل مغه اجذب نفسي دعيت عليه بالموت كدام عيونه واتعاغكت ويا عالسواغ  بس حتى اثبت اشكد كاغهته  وخليته ينطي نفسه للموت بس حتى اشفي غليلي  بس بدل مااحس بغاحه حسيت بالخنكة

-ليش ماگلتيله هالحجي ليش خليتي بكل مره يشوف دمعتج نازله ياكل بروحه ليش خليتي يتنازل عن حياته بهالسهولة تعرفين شنو سوه علمودج واشكد تعذب

-غدت بس اطلع منا

-وين ترحين وتعرفين ماكو امان غير حضنه

-غلطت بدون وعي بس غجعت توسلت بي  هو الماسمعني داغ وجهه عني

-دار وجهه حتى يعرف اشلون يحميج ماسمعج لان صرتي مرت اخووو بعد ماوكف بوجه الكل علمود

-غاح قبل لاياخذ حقه مني

-لاراح وهو عيونه عليج  تدرين من تسدين باب  الغرفة عليكم انتي واسماعيل  شيصير بحاله

-غاح يسامحني

-لوجان شايل بكلبه عليج لابراهيم ولاعشيرته يمنعوا عنج بعدج ماعرفتي هيذام  ويله طلعي قبل لايجون لان همه وحدهم اشلون كارهيج مو انوب يعرفون بالسالفة

مسحت عيوني صارت قمصلته كدامي ابتسمت جرتني رجعنا للغرفه خليت الكتاب دخلت للحمام غسلت وجهي وطلعت لكيتها ماكو رايحه وخرت البرده اباوع الحرس تارس المكان عرفت نفسي مااراح اكدر اطلع اليوم

رجعت البرده شلت الكتاب ورحت للجربايه كعدت فتحته اول صفحة مكتوب بقلم رصاص قصة فشل 

كلبتها اباوع  مخطط على كل سطر يحجي عن الاحساس والمشاعر الي تنبعث من الداخل

غلقته خليته يم راسي حضنت المخده صار السوار كدامي شدتكول عليه هسه كلشي تكوله من حقك لان صدگ اني خاينه لهيج ربي عاقبني بفقدانه

انفتحت الباب دخل اسماعيل  سد الباب درت وجهي للجهه الثانية  راح للحمام اسمعه اتقيئ ضميت وجهي بالمخده شوية واجه وخر الغطه كعد يمي دنگ حسيت نفسه قريب رفعت راسي اباوع اثر مي باقي يم حلگه  كوه اتمالكت نفسي  ابتسم كال خو صرت زين بعد ماعندج حجه

-اسماعيل وحق كلام الله اكتل نفسي بعد عني

-شنوو بعد اريد حقي

- مااكدغ عندي عذغ

-خلي اشوف صدك لوجذب

-بيك شي انت

-ااييي اريد حقيي لحدمن اضل صابر عليج لاتستغلين حبي تره خلص صبررري وياج

-دكلك مايصيييغ

-جذااابه اعرفج كولي مااريدك اگلج اي

-استغفر الله اسماعيل  غاجعه تعبانه ونفسي ماطايقتها وداعت خواتي اشمغ نفسي من الشباج بس توصل يمي

-الضاهرر اني انطيتج مجال انتي صدك مال كتل بس راح اعديهاا الج اليوم واكول تعابنه باجر وراس ابوي ادوس راسج واخذ الاريده لو موعذر لوتموتين  سمعتييي

هزيت راسي جر اللحاف تغطه ونام ادنيت بنهاية الجربايه عوزي ما واحد يحجي وياي كلمة حتى انتحر

حياتي مخربطة من ظلام لظلام مااعرف وين تصفى وياي غمضت واني اهدأ بروحي ماضل شي اتحملي راح تطلعين منا  راح تصححين كل اخطائج وتعوضين شكو شي عشتي

مر اليوم الثاني الكل مخبوص ماادري  شكو بس عمي يدخل ويطلع يصارخ يا بالفون ياويه الحرس  حتى الخطار بس اول يوم استقبلوهم ومحد اجه البيت صار تحت حراسة مشدده

درع رجعوا هو وامه گعدوا ويه عمه بنفس الغرفة عالاساس تساعدها لان حالتها تعبانه كلش عايشه عالمغذي 

يوم بعد يوم يمر واني مراقبة الشباج بس اريد احصل مجال اطلع لان بده صبري يتلاشه بالاخص من اسماعيل  زاد علاجه وصار مو بس يوسخ فراشه بليل لاحتى يتقيء وباي مكان مايهمه بس يرتاح شوية يجي يطالبني بحقوقه لان خايف يسون العمليه وينكشف من يشوف رفضي واكله بالعذر  يطلع حركة مرضه بيه بعد مااعرف منين تجيني الدفرات مايتركني اذا مايشوف النفس انگطع

طاقتي بدت تخلص واعذار ماضلت عندي عيوني عالكتاب  مااعرف استنجد بصاحبه مااعرف خايفة اتعلق بالكلمات الي بداخله اكثر من ماداحس بيهن

…واكفه يم الشباج وكت الغروب احس خدودي يحركني من كثر الضرب والدمع الينزل عليهن محتارة شسوي وماضل عندي غير نهار  ولحد الان غزوان جهازه مغلق گلبي عاصرني عليه خايفة صايرله شي

صارت كدامي مرت هيذام بالحديقة تصرخ على  الحرس بصوت عالي وتتأمر بكد  ماحلوه بكد ماوكحه ومتكبره ولسانها مكروه

اتجتفت اباوع لعمتي اشلون تتوسل بيها تسكت واسماعيل  كاعد يم ابو يضحك تكول غول عكس درع الي لام روحه عيونه للباب كلما انفتحت طفر لباله ابو اجه يشوف واحد من الحرس دخل يرد يلم نفسه ويكعد يتأمل

اخذت نفس عيني بيهم مجموعة حيوانات بلا ضمير ؛انفتحت الباب دخلت ضي  سدت الباب واجت يمي حجت بصوت مبحوح بعدج تردين تنهزمين

-شنو الصايغ ليش باجيه

-النكس انطاهم امر بأطلاق النار على الضباط الي انهزموا يعني وين ميشوفوهم يكتلوهم بدون مقاومة عالاساس خونه ووجودهم خطر

-واحد منهم هيذام  مو؟؟

-يمه اسم الله عليه من عمرهم على عمره والله ابنه يموت ورا مايتحمل هو نگله سافر وعيونه مانشفت دموعها موانوب يشوف تابوته كدامه دخيل الله

-اذا ابنهم هيج سوو بي اني شنو غاح يسوولي

-مايلحگون لان اليوم راح اطلعين 

-غزوان جاوبج

-ماكو لحد الان مغلق جهازه ومااگدرت اروحله  ادري راح يتابعوني ماراح استفاد شي بس اضركم ولاتخافين تلكيهم مخبوصين بالتجهيز مال العرس

-اخاف هم اطلع واغجع اذيهم من جديد

- اطلعين منا بليل من ينامون وعدل على اهلج علما يكتشفون غيابج انتي واصله ومنهزمين مناك اصلا

-اشلون انهزم والحماية لازمه المكان

-سمعي راح انزل اتوسل بابا يوصلني لبيت عمي واتركلج المشتمل مالتنه مفتوح انتي طلعي منه عالباب الخارجية ماكو حماية مناك

-اذا كشفوكم غاح يتعاقب ابوج

-مو بكد اسماعيل  من يتخبل وراج من يسمع بيج عفتي كل شوية يسأل عمتي بعدلها كم ساعة بس يريد يربطج بي متسودن خايف  يجي يوم وتعوفي

-الصبح موتني كتل لان منعته

-اكيد وراح يضل يضرب بيج لمن ترضين  لان حس مامتقبلته وهو تعلق بيج اكلج ميت  يگلك ماكو غير الطفل يربطها بيه لان يعرف نفسه خيخه لاشخصيه ولاشكل وانتي كلما جاي تصيرين احلى

-وحق الله اكتل نفسي ولااخلي يلمس شعغه مني

-وليشش حتى تكتلين نفسج شوفي اشلون عايشين بدل ماتاخذين ثارج على السووا بيج تنهين حياتج

-غاح انهزم واخذ اهلي منا لمكان محد يوصلنا بي  صح زواجنا باطل بس هم  اغوح لشيخ يطلگني منه وبعدها  ارد اسوي الي لازم اسوي من زمان وادوس على شكو حيوان مثلهم

-هسه اكول صدك بديتي تفكرين ولو متأخره بس بعدها بأولها حسبالهم الدنيا انخلقت بس الهم

- غاح اشتاقلج

-واني راح اشوفج بيهم وهمه يبجون على ابنهم السگط متلوع وراج كون بدل كل كف حصلتي وكل دمعه نزلت من عيون درع يطلعن من روحه وهو يعظ اديه من الحرگه

-امنيتي اخذ دغع وياي وماخلي يم هاي  المعفنه مغت المهتلف

-منو معفنه هبة

-موبس معفنة حتى تلعب النفس  صح عيونها ملونه وبيضه بس مزعجه وشايفة نفسها

-كل هالصفات وموحلوه

-اي موحلوه اصلا ماعغف اشلون اخذها هو وين وهيه ويين

-يجوز يحبها

-لو جان يحبها ماعافها وتغه الجمال مو كلشي سمعي صوتها اشلون يلعلع تعيط على الحماية

-اسمهم حرس 

-اي حغس  حغسس اغتاحي وبعدين وين اكو انثى اتعيط على غجال لو ماهيه مثله

-وليش ماتكولين فرسه وتعرف وراها واحد يكسر راس اليحجي وياها

-انتي اشبببيج هااا اشبيج تغه تلعب النفس انتي مو تگولين  اهله غصبوا

-اعصابج بنيتي خلي تولي على شنو محتره هيج

-مامحتغه ولا مهتمة ومدااشوفها كدامي ومتاكده بس يغجع يشمغها يم امها

-او يمكن ياخذها لحضنه ويكلها مشتاقلج وين اكو واحد غاصبي اهلها على وحده يخلف منها

مارديت اكلت شفتي

- اشم ريحه عطاب

-على شنو لاحسبالج اغاغ منها

-لاواضح كلش وعلى شنو  تغارين قابل جانت نايمه بحضن شخص مرلج بطيف

سكتت شويه وهمست اشتميت عطغه بالحلم

-شحسيتي من گعدتي

-غصه بگلبي حسستني  اني اشكد حيوانه وخاينه

-انتي مو خاينة انتي جنتي عايشه بحلم مراهقة بدون مشاعر 

-داحس غوحي ضايعة

-وهو راح ماضل منه لا روحه ولاحتى عطره خسر كلشي لخاطر دگة كلب غلط روحي رئال ردي لنفس المكان  كملي طريقج منه

-غاح اكمل بس مو نفس الحلم

-راح تنسي ويصير ذكرى حاله حال الذكريات الباقيه

-گلبي ديوجعني

نزلت دموعها رحت حضنتها وشهكت مااعرف عليها لان ماراح اشوفها بعد لو على وداع مكانه الي دخل بروحي فجأه

سمعنا صوت عالدرج وخرت بسرعه مسحنه عيونه طلعت افلوس جهاز عادي  من جيبها كمشت ايدي خلتهن بيها وهمست ديري بالج تضعفين

-غاح اتذكغ كل دقيقه مغت بينا

-تركي كتابه هنا حتى تعرفين تعيشين صح

-وانتي عينج بأبنه بعدي عنهم

-راح اخذه يمي اصيرله الام والاب واعوضه كل كلشي وراح اتمر السنين ويكبر وانطي الكتاب اگله بسبب صاحبة هذا الكتاب ابوك ضحى بنفسه

-وكليله بكد مادعت عليه انوجع كلبها

ابتسمت وهزت راسها رديت حضنتها شبكتني حيل ودارت وجهه بدون لا تسلم اعرفها ماتكدر صح فترة قليلة بس حسيتها وحده من خواتي

رحت للحمام غسلت وجهي ضميت الفلوس والجهاز بصدري ورجعت كمشت الكتاب وكفت يم الشباج اباوعلهم واقرا بي كلما اوصل يم كلمات مخطط جواها  اغمض  وابتسم كانما جان يوصلي مسج بيها

تأخر الوقت الكل دخل واني بعدني واكفه الكتاب بيدي ومنتظره رنه من ضي مرت الساعة والثانية لا اسماعيل  صعد ولاضي رنت تعبت رجعت كعدت عالجربايةخليت الكتاب وتمددت اقل الربع ساعة واسمع صوته يصعد عالدرج

سحبت الغطة بسرعة وغمضت انفتحت الباب دخل سدها ورا اجه يمي گعد  همس وخيراً خلصت منه صار فطيسة معفنة

مارديت

-بس الليلة تنامين وحدج باجر تنامين بحضني

غمضت حيل

-ماضل بس ابنه كلها كم يوم واخلي ابوي يخلصنا منه مثل ماخلصني من قذارة ابو ونعيش مرتاحين

عصرت جف ايدي

دنگ راد يبوسني اجت ريحة مكروهة گوه اتمالكت نفسي لا اتقيء استوني ادفعه مااحس غير الدمغة اجت براسي  تفل عليه وكام ضايج

عضيت شفتي حيل اهدأ نفسي ماضل شي اتحملي

نزل تمدد بفراشه وهو يتحلف مالي بس اليوم اخذت نفس لزمت الجهاز اندعي ربي يصبرني ؛اكثر من ساعة وهو يتوعد اشراح يسوي بية لحد مااختفى صوته

وخرت الغطة شهكت النفس بقلة صبر انعل بروحي على السويته بيها ؛ باوعت للساعة عابر نص الليل شلت الفون لكيت اربع مكالمات فائته من فرحتي نزلت دموعي وضحكت سوة

رفعت راسي عالكيف باوعتله رايح بالنوم فاك حلكه

كمت عالكيف صار الكتاب گدامي تذكرت من حذرني اذا طلعت منا راح يخليني اكل روحي ندم

درت وجهي اذا وگفت بوجهك قبل هسه مستعدة احاربك وهم اطلع

نزلت رجلية كمت مشيت على عالخفيف وعيني بي اخاف يگعد  وصلت للباب كمشت اليده صكيت على سنوني فتحته درت وجهي بعد على نومته  رديت عصرت نفسي وسحبته عالكيف سويت مجال قليل طلعت منه ردت اسده خفت يگعد عفته مفتوح

البيت هدوء وظلمة  اتلفتت اي بشر ماكو شلت رجلي نزلت الدرج امشي على اطراف اصابيعي  اذا جنت خايفة من ابراهيم رعبي من جماعة هيذام اضعاف لان اعرفه موصيهم يلگفوني

ايدي على گلبي امشي وعيوني تتجول گاطعة حتى النفس  ماصدگت خلصت الدرج دااعبر الصالة ولمض الفون رديت بسرعة خليته على اذني وهمست نزلت راح اطلع من البيت

بعدني احجي واسمع صوت عمي رج البيت رج وهو يصيح رئااااال

احس الدم جمد برجلية بعدني مامندارتله وفتحت عيوني على كبرهن واني اشوف باب المطبخ انفتحت بدفرة  ودخل هيذام  …

لاتنسوا التصويت…

شيء من رصيف الدم

بقلمي: leo Alfatlawi

بارت السادس عشر

***رئال***

اختفى صوت  عمي بشوفة هيذام وهو يدخل بزي عسكري اسود مسلح بيده واحد من الحرس يسحل بي وجهه كله دماية وصل يمه  شمره جوه رجلي وگله كم مرة نبهتك عالحماية يااخي اختار زلم بيها حظ

عمي -شرجعك

رفع حاجبه اشر شنوو؟؟

-يعني قصدي وين اختفيت كل هالمدة ماضل مكان مادورته  وراك

-لاه ماتقصر

-اخوك بالمركز حتى ليلة ماينامه واني ماخليت مركز  ولامسؤول بالدولة مابلغته عن اغتيالك

-ومنو گلك اغتالوني

-الحرس كالوا ياابني تعرف مستهدفيك اشلون جازفت وطلعت وحدك

-جنت ضايج ردت اتسلى بس اشلون تسلية مكانك خالي يله ملحوگة

-عرفتهم منو ذولة وشنو جانوا رايدين منك

-عالم فارغة تجبرك تعجل اخرتها لاتخلي بالك دزيتلهم واحد يلعب وياهم بين ماافرغلهم و جدد العقد ويه عزرائيل

-منو دزيت ؟؟ كافي بابا ماطول رجعت بالسلامة اتركهم لخاطر ابنك لايتأذه

-شعره من راس ابني مقابيل اصلك بكبره  كفيلك محمد من اصغر طفل لشيخ عشيرتك كلها امحيها ماارحم بشر منهم

-شقصدك لاحسبالك الي ايد بالصار تره انت حالك حال ابني لاتخلي الحقد يسود عقلك ولك حتى النوم مامر على عيوني وراك  

ضحك بستهزاء دگدك على متنه وهمس بصوت يكتم النفس - حظاً اوفر

اندار باوعلي احس كلبي من كثر النبض صار واضح اعرف غلط بس اتمنيت اركض انضم بحضنه واشكيله عن كل السووا والحسيت بي بغيابه

عگد حاجبه نزلت دموعي ابتسم  واشر على ادية بوضعية كلبجات عرفته يقصد ماتركج اذا ماردهن بيدج

شهكت وضحكت سوه ؛ ضحك ورفع راسه ليفوك صاح درررع

مسحت دموعي صارت عيني بعمي الي واكف وجهه باهت ايده ترجف يباوع للحارس الي ماضال منه شي صاحي ويرد يباوع لهيذام بخوف رد ليورا على نبرة صوت هيذام الي رجت البيت وهو يصيح لك دررررع

انفتحت الباب طلع درع يركض ورا عمتي رحمة تسحل بروحها  وگفت لزمت الحايط  ؛ دنگ شال ابنه حضنه بقوة اشتمه وباوعلها  همست عساك بوجع كلبي

-دخيلج عمه ادعي بكلشي بس گلبي لاتوصلي مامعوز

-ليش  هيج هديت حيلي ولك ليش هيج تسوي بيه

-شفتج ضايجة كلت خلي اشاقيها شوية

-تشاقيني بالموت والك هيج هنت عليك تعوفني  عيوني وراك لااكدر ادعي بالموت خايفة تغمض عيني وابنك يضل وحده ولااكدر  اصبر واشوف مكانك خالي

-حتى تكثر محنتج وتبطلين كل شوية  هاينتني  وطاردتني

-انعل ابو حنيتي  لابو گلبي التعلق وره واحد مابي خير مثلك رد منين ماجيت مارايدين شوفتك

رفع حاجبه بجت ضحك باس ابنه وراح سحبها لحضنه

على صوتهم الكل طلع ؛ ام هيذام لزمت الدرج وكفت متفاجأه وازر الي نزل بخطوات ثگيلة يباوعله مامصدک بشوفته

اسماعيل بالباب متبنج وعيونه على ابو بعلامة  سؤال والابو صافن  يباوع للحارس المشمور يم رجلي ويرد عيونه على هيذام الي واكف بصلابة  تكول ملك الموت

الكل مخبوص عرفت ماراح احصل فرصة اخلص نفسي اكثر من هاي

رجعت ليورا عالكيف دخلت للمطبخ انداريت ركضت بسرعة فتحت باب المطلة عالطارمة اباوع  الحرس ملتمين يم الباب يم واحد مصاب

رجعت باوعت وراي  محد منتبهلي صوت هوستهم وهلاهل عمتي وين واصلة ؛همست بسم الله وكتمت النفس

سحبت نفسي بهدوء مشيت على طراف اصابيعي عين بالحرس وأذني وراي اتحرك بدون وعي اي مشاعر ماعندي من كثر الخوف حتى اطرافي ماحس بيها

وصلت مسافة واحس روحي اختنگت گد ماكاتمة النفس وعيوني جمدن من الرعب عصرت جف ايدي وگمت اسحل بروحي سحل ماكو بعيوني غير الجحيم الراح اضيع بي روحي اذا انلگفت

صار باب مدخل الحديقة كدامي تكول باب الجنة من گد شدهتي بدون لاحس ركضت دخلت بيها هيه دخلها وهيه ركضة بكل سرعتي للمشتمل دفعت الباب ودخلت سديته وراي وگفت ايدي على كلبي اشهگ النفس

لمض الفون رفعته لكيت ضي تتصل فصلته داضمه وانتبهت گدامي افلوس عالميز ابتسمت عرفتها خالتهن الي

رحت شلتهن واتجهت  للشباج من الجهه الثانية فتحته اباوع الشارع خالي هدوء ماكو بس صوت السيارات جاية من بعيد  ردت اتصلت غلقته وضميته بصدري لان عرفتها درت برجعة هيذام وتريد تمنعني 

خليت اديه على الشباج همست ياالله ورفعت نفسي طفرت منه وكفت اتلفت محتارة منين اروح  ظلمة هندس ماكو اي بشر انداريت دااسحب الشباج واسمع صوت واحد  جاي من جوه رديته  بسرعة وركضت بدون لااندار 

خلصت الشارع صار واحد ثاني بوجهي  دااندار واشوف سيارة جاية وكفت بسرعة وكمت اهوس بأدية   وصل قريب فرحت لبالي راح يوكف عبرني من حرگة كلبي صگيت على سنوني دنگت شلت حجاره دااشمرها عليه واشوف سياره ثانية اجت ركضت صرت بوجها ورفعت اديه شحط الرجال وگف انداريتله لزمت الجامة وصحت دخيلك عموو اخذني منااا

عگد حاجبه متفاجاه

نزلت دموعي همست بتوسل بابا  اتصل بيه غاح يموت وماكو سياغة تاخذني اله

-شنو اتصل  شعدج طالعة بهيج وقت وين اهلج

-داگلك بابا غاح يموت  ماكو احد يمه ابوس ايدك وخذني بسااع خلي الحگ عليه

-وين هو وشعدج  هنا

-اني اشتغل مساعدة يم وحدة عجوز هنا وهو اتصل  بيه حالته تعبانه كلش فدوه عمو دخيلك غاح يغوح منييي

-وهاي الي تشتغلين عدها ماعدها ابن اخ

-لا بس هيه بالبيت واني خاليني يمها اساعدها  بداعت اطفالك بس وصلني مغوتك

- صعدي بوبه الله يستر عليج

بعد يحجي فتحت الباب صعدت سديت الباب اتحرك واني شهكت مامستوعبه  خلصت  استغفر وباوع للطريق

درت وجهي للشارع احس جنت بكابوس وكعدت منه؛  السياره تمشي ودموعي تنزل مااعرف لان گدرت اطلع لو لان بعد ماراح اسمع صوته

تعدينا المنطقة اخذت نفس  مسحت دموعي  وانتجيت عيوني بالشارع شنو راح يسوي من يعرف انهزمت

غمضت عدلت راسي واني ماهامني عسى ماتنتحر  راح اروح منا اشمر راسي بحضن راية ابجي اخر دمعاتي واحملها امانة الباقين حتى ادير وجهي عنهم واني مطمئنه ماعندي غير حق طفولتنا الضاعت 

وصلنا قريب عالمركز  اتحاسبت ويا ونزلت ؛ وكفت اباوع الوقت متأخر بعده الفجر ماطالع  ماكو عالم بس صوت جلاب والجو بي بروده

صار گدامي الطريق الچنه نرد منه اني ورايه نتلفت مرعوبين  ضحكت لان احس اي رفة للخوف ماعندي كأنما صرت انسانة ثانيه فاقد الاحساس

اخذت نفس ودخلت بي مو تكول بيوت محطمة وشارع يخوف تگول جنه بعيوني بعد العشته

امشي اباوع للاماكن وابتسم اتخيل من نمشي ونعد افلوسنا برچفة اخاف ماكاملات وننكتل وبنفس الوقت نتلفت لايطلع واحد ويلكفنا

دخلت الشارع الثاني ضحكت هنا كعدت من انهزمت من هيذام ورايه واگفه ترزل بيه

دااخذ حسره وكتمتها  على صوت سيارة الشرطة انداريت لكيتها استوها تدخل للشارع

اتبنجت بمكاني بعد مااعرف شسوي حسيت  احلامي تلاشت بلحظه ؛ اتلفت محتارة وين اروح ماشفت غير بعد عني مسافة ستوته ويمها مرة مشيلة شمرت كونية بيها ودخلت للبيت

بلا تفكير ركضت بسرعة دفعت الباب ودخلت داحجي وتفاجأة بالمنظر مكان شبه مهجور كله حطب وسكراب وعلى جهه ثانية مثل الحديقة متروكة  فززتي صوت المرة وهيه تفتح الباب الجوه

انداريت لسيارة الشرطه صوتها قرب رجعت باوعتلها مدنگة تسحل بكونية ثانية شمرتها بالطارمة وردت دخلت

ركضت للحديقة  صار كدامي مثل المنور مغلق برميل اباوع  مكان ضيگ اظلم  مليان حطب وبنهايته گن دجاج ؛صفحت روحي فتت امشي عالكيف حتى ماشوف وين اسحگ عيوني وراي  لحد ماانضربت بالگن واسمع السياره تعدت  غمضت براحه داحمد ربي اجت وحده لخ

طفرته بسرعة صرت ورا  لميت روحي ردت اگعد ماكفاني المكان جعصت نفسي وحيل وحشكتها گوه احس النفس ضاگ  رفعت راسي للسما استوني اهمس يارب سمعتها وگفت وصوت شرطة نزلوا غمضت وخليت راسي بحضني

صوت سحلت الكونية طلعت من البيت وصوت المره وهيه تكول خيرر ياطيرر اليوم شكوو يامهجوب مسويله مكسوره من صباحية الله

رد صوت واحد خشن كالها  وحده وحده مو واحد حجية

-يعع عوذذه بت منوو هاي المصخمة وشنو مسوية

-ارهابيه منهزمة سوي مجال خلي يدخلون يفتشون البيت وانتممم  طوقوا الشارع بسررعة

-ولك شنو عندي وتفتشون  مره گاعده بحدي وهالتشوفني اريد اطلع على باب الله

-لاطوليهااا حجيه وخرري خلي الولد يدخلون وانتم يلاااا كدامي

-ياااع ولك ماعندي شي لاتكسرون غريضاتييي

-انعل ابوج لابو غراضج وخررري

اسمع دخلوا وهيه وراهم ادعي وتصيح يبوو لحگوني هجموا بيتي

كتمت النفس غمضت صارت بعيوني ماما وهيه تودعنا للشغل ابتسمت بوجهي نزلت دموعي همست مافد يوم شكيتلج لان مااريد ازيدها عليج بس ماما بعد ماتحمل اندعيلي لان عذبوني هواي ؛كسروا خاطري وجعوا كلبي اكثر ماهو موجوع

حسيتهم صارا قريبين عضيت ايدي اكتم شهكتي عصرت نفسي حيل وسمع العجوز  صرخت ولكم مكسورين الرگبة هججتوا دجاجاتيييي ولكم يبووو لحكونيي ياعالمم

صاح واحد منهم من اشتعل ابو ابوج على هذا الصووت

-عسى ابهاتكم كلها اشتعلت ولكم مهجوب كله فضلات حيوانات شعدكم داخليينه ادورون على بت لو صخلة مثل اوجوهكم

-تفوو عليج وعلي الدخل وينكم  طلعوووا انعل ابو هيج صباح بهيج اوجوه

غصباً عني طلعت صوت الشهگة واني اسمعهم طلعوا وهيه مستمره ادعي سدت الباب حيل وردت دخلت جوة

رفعت راسي مااعرف اشلون اشكره باوعت للسما ابتسمت مسحت دموعي الي ماترضه تبطل

مر وقت وصوتهم بالمنطقة من مكان لمكان واني عيوني بالضوه اخاف تطلع ويردون يدخلون يفتشون تذكرت غزوان هسه اكيد وصلولهم وضل خايف عليه

طلعت  الفون فتحته لكيت كومه مكالمات  من ضي اول ماتصلت اجاني صوتها وينج يالغضببب

-عوفج مني ضي بداعت الصداقة اتصلي  بغزوان كليله لايقلق اني بمكان امن 

- عوفج منه رئاال عرفوا بيج انهزمتي وطلعوا دوريات وراج راح يحصلوج ماتكدرين تخلصين نفسج احجي وين انتي لاتخافين هيذام رجع بعد محد يگدر يأذيج 

-ضي اتصلي بغزوان

-رئاااااال لاتخبلينييي احجي وينج ولج اذا لزموج مايرحمووج

-مايلزموني وحتى لو لزموني عادي خلي يكتلوني بس مااغجع لاسماعيل

-رئااال رئااال بس سمعيني والله هيذام كال

-هيذااام هيذااام هو سبب كل الصاغلي هو خلاني اشمغ نفسي بهيج قذاغه  اذا اكو واحد لازم انعله  هو هيذام

-رئال وين انتي

-بمكان انظف من الجنت بي بألف مغه

-راح يحصلوج والله وكتها محد يكدر يخلصج لان ياخذوج لمكان محد يعرفه غيرهم

-خلي ياخذوني وين مايغدون ضي اهلي امانة الله يمج اخاف انلزم لاتكليلهم شي گولي  سافغت ويه زوجها وضلي أمنيهم عليه اشكد ماالله ينطيهم عمغ

همست بترجي رئال

-غوحي ضي وكتابي ضل فوگ اخذي غجعي  لهيذام كليله كلماته الجانت  تشوفهن بداخله مو نفسهن اختلفن مثل احلامها وتفكيغها

-وين راح ترحين

-للمكان الجان لازم اغوحله من اول قغغت اخذ حق غند 

-شراح تسوين

-مااسوي همه الغاح يسون واني ماغاح امنعهم لان ماضل عندي غير حقنا يمه اخذه واتوكل

سكتت شويه واسمع صوت شهكتها ضحكت وسديت الفون خليته يمي وعدلت گعدتي منتظره اشوكت تطلع المره ويردولي

صار الصبح احس عظامي كلها تكسرت وهمه بعدهم كل دقيقة يضوي الفون وافصله ماينطيني كلبي اغلقه واقلقها اكثر انتظرت يا يلگفوني وانهي روحي يااني اخذ روحه واروحلهم ينهوني اقلها اكون مسويتلي شي قبل لا اموت

طلعت الدجاجات من الكن  ضحكت على شكلها ام وفروخها وراها  خليت راسي على رجليه عيني بيها اشلون تحفر وهنه داير مدايرها ياكلن اخذت نفس مر شريط ماما من نگعد داير مدايرها هيج وكت الي تسويلها لفه والي تمشطلها

رفعت راسي لفوگ اجه بالي صوت  غزوان من يغني صغيره جنت واني صغيرون ضحكت 

تزوجتوا  لااا ؛ بعدكم تفكرن تسمون بتكم على اسمي لو نسيتوني اصلا

رجعت راسي عالحايط اباوعلهن وعقلي يعيد شريط ذكرياتي من طلعتي الصبح اطفر بين غزوان ورايه لضربة سياره هيذام. لحياتي الجابتني تسحل بيه لهاي گعدتي

مر الوقت والشمس نزلت اسمع الباب اندگ عدلت گعدتي دقايق و المره فتحتها مااسمع شنو حجت بس طلعت وسدت الباب  وصوت الستوته اشتغلت

شلت راسي اتسنط ماكو صوت للشرطة سكت شوية اسمع الناس بدت تطلع  اتلفتت هدوء احس الفرحه ملت روحي باوعت لجهة البيت اكو شباج مكسور جامته . رفعت راسي للسطح موعالي كلش يعني اكدر اطفر منه للشارع الورا

خليت ايدي بالگاع ردت اكوم ماكدرت حاشگة رجعت حاولت سحبت روحي حيل هم ماكدرت استغفرت وهمست  عزا بعينج غئال اشلون حشغتي نفسج هسه منو يطلعج هسه

غيغ موته نكسه بحال اني واني بس اطلع افلش واكتل تالي حشغتي بكن دجاج امداج

لزمت الكن سحلت روحي حشرت ازيد صحت الله يشعلك يالبول تيغي لج ماما تعالي ليه بتج انجعصت 

صفنت اشلون راح اخلص غمضت اخذت نفس اهدأ نفسي ورجعت كررت السالفه سحبت روحي حيل لمن حسيت ضهري انصلخ بالحايط كمت واني اردد اشتعلت غوحك يالمهتلف 

دنكت شلت فوني خليته بجيبي شلت شعري لفيته 

اخذت نفس بعدني مامتحركة  واسمع صوت طفرة وراي

استوني ادير وجهي مالحگت بحركة سريعة انسد حلگي وانرفعت من الكاع  -----

***رايه***

وكفت جامدة واني اشوف الرجال دنگ عليها يريد يلزمها دااصرخ وسكتتني هيه وتتفل بوجه ودفعه بكل حيلها

رجع ليورا كامت راد يحجي رجعت تفلت بوجه صك على سنونه مسحها ورفع ايده رگضنا اني ماما هيه صارت بوجهه دفعته واني سحبتها لحضني

ماحسيت غير ضفيرتي انجرت بقوة درت وجهي لكيت بابا وراي عرفته يريد ياخذها مني حضنتها حيل ودنگت بعدني ماگايلتلها لزميني واجتني الدفره بخاصرتي من قوتها گعدت مغمضة

عصرت رؤيا  حيل مستعده للضربة الثانية واسمع  صوت رج البيت ويا سحبت اقسام سلاح

شلت راسي واشوف غزوان خانگ ابو طبر خال السلاح براسه ويباوع لبابا بحرگة حچه من بين سنونه  اثاري النكسس يضل نكس لو تسبحه بزمزم

بابا- ليش نكس هاي بس لان اجيت اخذ بنتي

-هاي ياااابت لككك

- شنوو يابت غزوان سوالف السجون ماطبقهن عليه بنتي اخذها برضاتك لو غصباً عليك

- ورؤيا ماتطلع  اله واني جو التراب

-يعني شنو؟؟

-مثل ماسمعت تلم جلابك وتطلع هالمرة اجيت الثانية اذا لمحت ضلك قريب من البيت مو داخله وكلام الله  افلش مخك بالرصاص

-ياعااالم بنتي شنو هيه خاووه 

-عفيه خاوه ومالك بنيه يمي والك ثانيتين اذا مااختفيت منا اخفيك من الحياة بكبرها

-اطلع منا اروح للمركز واخذها منك غصباً عن راسك

-اذا انت زلمه روح الك كل الأمان بس بعدها ضم  نفسك زين

-ليشش الدنيا سايبة بكيفك تهددد هاي بنتييي عرضييي لو تموت مااخليها يمك وراس ابوس اخذها بالمحاكم وكدام عينننك

-واني اريدك تروح لدرب المحاكم وثبت هاي بنتك  لخاطر اروحله والباقي مايحتاج احجي تعرفه كلش زين

-شقصدك لك

-قصدي واضح جاسم اخذ اولاد الزنه واطلع كلمة ثانية وروح الراحت وهيه بحسره اللعبة دقايق وسمك يكون بحضنه وكلام الله اخلي يطلع سنين حرمانه منهن من روحك وروح اخوي ينيمك جوه التراب بخياسك

بالي بكلام غزوان وعيني على بابا الي وجهه وجسمه مشوه من التعذيب اشر لااا وهو يباوعله بخوف 

اتحرك يجر برجله كوة ؛ ابتسمت ماصدگت نوصل لهيج يوم واشوفه مذلول خايف من غير ابو طبر جوه ايد غزوان يرجف مايگدر يحجي

طلع بابا شمر ورا ابو طبر راح يركض اول ماعبر العتبة غزوان دفر  الباب سدها وندار لماما خزرها وصاح  ليشش فتحتي الباااب انتي وين تردين توصلين بالضبط فهمينييي

ماما-  والله يعمة مافتحته  اني بيدي قفلته مااعرف منو فتحه وراي

-ماتدرين  شنووو لاتخبلونييي كلتلكم اطلع اخذوا حذركمم تعوفون الباب مفتوح انتم شنوو عقل ماكووو تعرفين لو ماملحگ عليه  وين ياخذهااا لو مو ادورها لو اطلع ابوي من گبره مااگدر اردها بعد

-بدل ما تصرخ اركضلي دورلي الشيخ حتى اتجيبلي العقد قبل لا يروح للمركز  ويجي ياخذها مني

-ياشيخ هذا هو اني وين اعرفه واجيب العقد وين رجلها حتى اسم لو هوية مااعرفله عمه انتي ماتردين تستوعبين الورطة الوگعنا بيها

-شتريد اسووي غززوان وين اولي و منو يصدگني  ولك يحرموني منهننن ولك يرحن بناتييي

-كله بسببج

-لااا بسبب ابوك هو البلاوني  هو الخلاني اوافق عليه دگلي صدر كال بناتج بأمانتي كال اني احميهن مااسمح لبشر  يوصلهن كال راح اعوضهن مكانه ماراح اخليهن يحسن على غيابه روووح گله وين وعدك روح عاتبه اله لا تجينييي

-عوفج من ابوي اني الراح احميهن وكلام الله حتى رئال اردها لو اعرف نهايتي بيها بس كليلي وينه

-مااعرررف مااعرف ولااااريد اعرررف كل الصارلنا من ورا هو الدمرني كلتله خلينا نبعدد كلتله راح ياخذوهن مني كلتله ماراح تگدرلهم ماسمع لحد ماضيعنا

- ابوس ايدج  اذا ذني گدرت احميهن ذيج لااا والله تنتهي گدام عيوني واني مااكدر حتى احجي

اشرت لااا ورجعت ليورا  كعدت يم الحايط خلت راسها بين اديها 

ضغط على سنونه دفر الحايط وراح صعد فوك كمت رحت يمها كمشت راسها باوعتلي ونزلت دموعها بعجز  اشرتلها شنو الصاير

همست تحبي

-غزوان شنو جان يقصد

-اخذي وروحوا منا جاسم ماراح يخليكم

-منو هذا الجان يحجي عنه وخالي ليش هيج وعدج

-جان يعرف ابوج مابي خير ردت اطلك بس هو مارضه كال انتي يمي محد يكدر يأذيج بي راح وتركني بين اديه مكسور ظهري بيجن

-منو هذا الي يريد عنوانه غزوان ماماااا جنتوا تحجون عن شخص منو هووو

-واحد جان يشم الهوا بيجن واحد جان يواصل ليل ونهار شغل حتى لايقصر عليجن واحد جان ماينام الليل اذا مايشوف ضحكتجن بعيونه

-منو هو  وين راح

- مثل مااجاني بدون لا اعرف عنه شي راح بعد ماكسر گلبي وسلم روحنا للموت دورت عليه هواي ماخليت احد ولا مكان بس ردت احصله واگله ليش هيج سويت بينا

-جاسم  مو ابونا؟؟

-لااا مو ابوجن ابوجن راح وعافني محتارة بيجن بعد ما خلاني اعض اصابعي ندم اشلون حبيته ووثقت بي ابوجن الشيطان براسه

-هه شدتحجين انتي

-الشي الي تحملت بسببه الاهاين والقذارة طول هالسنين بس حتى احميجن

-ياحماية هاي ماما انتي واعية للدتگولي  لو انتي هم مو امنا

-لالااااني امكم لاتحجين هيج راية

-لو صدگ جنتي امنه جان حافظتي علينه  وما جان خليتنا انشوف كل هالظلم ونعيش بهيج قذاره  واحنا نترجاج تبعدينا عنه

-ماكدرت والله  هددني بيجن والله گال بس تتنفسين اروح اگلهم بعدهن عايشات خفت يردولجن واني ماصدگت اضمجن عنهم بس ردت تكبرن حتى امن عليجن بيد غزوان واكتله 

-تأمنين  منووو وينهنن هنه رند الي سكنت التراب لو رئال الي مااعرفها وينها

رؤيااا هاي گدامج  عاجزة حتى عن النوم من كثر ماداخلة بالظلام  لو اني الي عين بغزوان وعين بخواتي الي ضاعن من حضني مااعرف اشلون ارد المهن

-راية

خليت ايدي على حلكها  همست بكسرة بس كلمة وحده ماريده غيرها احنا خوات لولا 

جرتني رؤيا رفعت راسي گالت حتى لو مو دمنه واحد اضل هاي امنا وذنيج خواتنا

-يعني شنو؟؟

-يعني جنه عايشين بجذبة يعجبج تكملين هلا بيج ماتردين كومي اخذي رجلج ولي منااا

كمت كل ذره بيه تنكر السمعته  دفعتني وتلمست كعدت يم ماما الي تباوعلي ودموعها تنزل بتوسل  خذت راسها لحضنها وماما شهكت بصوت

رجعت ليورا مامصدكة اريد واحد يكول جذب اريد واحد يگلي انتي بحلم وكل هذا وهم هسه تگعدين

عثرت كوه سيطرت مااوكع لزمت المحجر  صعدت الدرج احس رجليه خدرانه مااكدر احركهن وصلت اخر باية لكيت غزوان كاعد يم الحايط مدنگ خال راسه بين اديه على صوتي رفع راسه ابتسمت واشرت شنو

مسح وجهه وكام اجه راد يسحبني وخرت ايده جرني لصدره دفعته ضغط حيل گال وكلام الله عقدها  بالحلال و ابوجن جان زلمة ينحلف بأسمه

-يعني جنت تدري

-مثل ماادري انتي حبيبة كلبي ومستعد اموت ولااخلي دمعه تنزل من عيونج

-ليش ضميتوا علينه ليش وهمتونا كل هالسنين بواحد حيوان مثل هذا

-ابوي الجبرها راد يضمنجن تضلن يمه مثل ماراد اخته ترد للحياة بعد ماتمرضت وفقدت الامل من كد ماخايفة  لاياخذوجن منها

-وينه

-ماادري  كل الي اعرفه ابوج  جان سايق يوصل عمتي للمدرسة ماعنده حتى اهل وحداني بس الكل ياهبه اخو خيته  بهالفتره كام يحب عمتي اتقدملها جدي رفضه ضل اكثر من سنة هو يحارب ماخله شي ماسوا بس راده يقبل تعب هواي اخر شي كام يهدد اذا انطيتوها لغيري اذبحكم

-انهزم بماما ؟؟

-صح طلب منها هالشي بس هيه رفضت رد يحاول من جديد ماترك واحد ماجابه لخاطر يقنع جدي حتى البيت اليمهم اشترى الها وجهزه وكلهم هاي گدام عيونكم تضل وكلشي تردوا اني جاهز بس انطونياها من شافه هيج متمسك بيها وعمتي تمرضت عليه وافق

-اشلون ماسأل عنه

-سأل الكل يمدح بأخلاقه لهيج أمن وصدگ حب عمتي حب ودللها دلال مامر على بشر  والزاد عشگه  الها من صرتن كام يشوف الدنيا بعيونجن صار همه الوحيد اشلون يسعدجن جان مستعد ينطي نفسه للموت ولايشوف وحده بيجن نازلة دمعتها عيشجن عيشت ملوك  لحد ماصارت سالفة دمرت  هذا كله

-شنو السالفة وين راح

-مااعرف شنو الصار الي خله عمتي هيج كارهته وابوي يغير هويتجن يسجلجن بأسم جاسم ويغير عنوانه حتى يضيع اثرجن

-معقولة مادور علينه

-مااعرف ولاواحد يدري بي عايش لوميت

-زين ماما اشلون انطاها كلبها تخلينا هيج نعاني ويه جاسم  ليش مابعدتنا

-جاسم استقوى بعد  موتت اهلي كام يهددها اذا تنفست يشمرها بتهمة وياخذجن يبيعجن واذا تحركت لوفكرت تنهزم يروح يفتن بعدجن عايشات وهيه ماصدگت تضمجن

- بس جان كالتلنا وهيه تشوف نظرة الموت بعيونه واحنا كارهين نفسنا من نظرته الوسخة وهيه تتنقل بينا 

-لان هو وسخ وبس تعرفن راح يأذيجن بالزايد كم مره ردت اكتله وهيه منعتني هددتني اذا سويتها  تنطيج لاول  واحد يدگ الباب حتى لوجان نكس مثله

-وانت ليش ماكلتلي

-خفت تفلت منج كلمة گدام رؤيا وادري بيها متهوره وهو حيوان صرت احسب الدقايق لعمرج حتى اخذجن وانهزم بس مااجت عدلة بيدي بدل مااخلصجن خسرت ثنين خذن روحي وياهن

- راح ياخذ الثالثة منه

-وروح اخوي  اذبحه واخذ اعدام  بي ولا اخلي يوصل لوحده منجن

-يعني هم راح تعوفني

كمش وجهي رفعه باوعلي عيونه تلمع من وره المناظر همس صدگ تحبيني راية

-واموت اذا صارلك شي

-دخل الله ياهالكلمة التمحي تعب العمر كله 

-غزوان خلي نروح منا فدوه ماضل عندي غيرها

- والله راح ابعدكم بس خلي اصفي كلشي لان مااكدر ارد بعد ادري بي خنيث وراح يتبعني وياخذها مني بالقانون

-شنو راح تسوي ويا هسه

-اطمعه بكم دينار لان هسه متوازي ادري بي وخاتل مايكدر يطلع لو مامتأكد ابو الولد بالمستشفى ما يتجرأ ويدخل المنطقة لبين ما ابيع كلشي واخذكم واختفي

-يعني جان جاي  حتى ياخذها ينطيها مكان دم الولد

-حيوان وناقص يريد بس يخلص نفسه بأي وسيلة بس سهله اذا ,مافريتها بي وسلمته بيدهم تسليم اهالي مااطلع ابن ابوي

سكتت

-رايه لاتقسين على عمتي وكلام الله من كثر حبها وخوفها عليكم هيج سوت تره هيه اكثر وحده تحملت وجع لا تزيدي

-جانت تشوف الكسرة بعيونه وسكتت

-لان كلمة وحده منها تنحرم منجن ادري مو سهلة بس خطية كافي عليها بتها اندفنت بدون لاتودعها

-بالعكس والله حسيت  هم ونزاح من عرفت دمنا مومن نكاسة دمه بس خفت بنفس الوكت

-ماطول يمج مااريد اسمع هيج تحجين

-هم يجي يوم ونرتاح

-ونتزوج ويصير عدنا  بيت واطفال وارجع من الشغل تتلكوني ادفر الجهال واخذج لحضني اطلع  تعب وطياح حظ الشغل  من عيونج

-واضح

-ولج احبج والله  ليشش ماتصدگييين

-احلف بأعز شي عندك

-وحگ الرزقني بيج اموت بطاري اسمج مو  شوفة عيونج

-اوعدني مايجي يوم وتمل وتتركني بسبب مشاكلنا

-روحي فدوه الج ولمشاكلج  اذا انتي نبض گلبي هنه الروح العايش بيهن مايبعدني عنج بس الموت

-لاتجيب طاري الموت على لسانك والله مااتحمل اسمع هالكلمة مو احسها

-ههههه بداعت ام لدغه اذا متت شتسوين

-اموت وراك دنيا مابيها هواك مااريدها

-يعني تحبيني

- مو كلش

رفع حاجبه ضحكت سحبني لحضنه حضني حيل ودنگ اخذ نفس طويل همس دخيل الخلقج اشكد احبج

-بس نتزوج اكتب قصتنا حتى من يكبرون جهالنا يشوفون اشكد تعذبنا حتى نتزوج ونجيبهم للدنيا

-منين تبلشين بيها

-من اول تاريخ اختاريته حتى تعترفلي بي  ١١/١١ الساعة ١١ بليل ويه موعد اول كلمة احبج لاحلامنا وحنا بطريق المدرسة لسهراتنا جو الگمر بالختلة  لكلامنا بالهمس والاغنيتنا المفضلة  لبعدنا ايام السجن وانهيها بهاي وكفتنا ولبستي للبدلة

-مااوصيح طفري حدث العود الي اشتريته بدم گلبي وكفته بالساعات منتظرج  حتى تجيني واغنيلج بلكي ترضين حضرتج وتنطيني بوسة وانتي تضربيني بوري واضل مثل الزمال بس اباوع وراج مكسور الخاطر

-علم النفس يگول الحضن والبوسة  قبل الزواج يقلل الحب

-بروح اخيتج

غمضت وهزيت راسي عصرني حيل ضحكت ضحك على ضحكتي  باسني عالكيف همس بس يمي تزيد النار بروحي

-مم صح يله وخر خلي انزل يم ماما احس كلبي وجعني عليها سمعتها كلام يوجع

-يمها رؤيا ام گلب الطيب هسه تلكيها هافتها كله وخالتها تطفر بالطارمة گد مامرضية تعالي نكعد هنا   شوية تعبان والله

اتسنطت صدگ ماكو صوت جوه جرني من ايدي رحنا كعدنا سحبني لحضنه ضميت راسي بصدره حضني بقوة وخله راسه على راسي همس زعلانه مو

-الي مثل  وضعي وتسمع بهيج خبر المفروض تنصدم لو تبجي على الاقل بس اني ولاحسيت تكول جنت متوقعه هالشي لان ولا مره اعتبرته ابونا بكد ماجنت متمنيه موته

-احبج

سكتت

-بعد ماتحبيني مو

-هو اني اصلا ماحبك

-هم صدگ بس انطيني نفس شويه لان خنكتيني

-اسكت غزوان

-يعيون غزوان الروح وراعيها فدوه الج

كالها ودنگ باسني عدل راسي على صدره حضني حيل وانتجه عيونه بالگمر

مر الوقت ثنينه ساكتين نباوع للگمر تكول نريد نشهده على قصتنا وتعبنا ؛  بدت النجوم تختفي والصبح يطلع حتى الجو برد ضمني بقوه اخذ نفس طويل باسني ورجع  راسه على راسي غمض  همست غزوان

-روحه

-اذا طلبت منك طلب راح تردني

-لوطلبين عمري وحگ الرفع السما ماعزها عليج

-اريد اسمع صوت رئال قبل زواجنا لان تواعدنا تكون اول وحده تباركلنه هيه

-من يوم السمعت طلع ابوج  لحد دخلتي اليوم للبيت واني ادور على احد يوصلني لزوجها گلبي يگلي  صايرلها شي لان متأكد ضحت بروحلها لخاطر تحمينا  وروح اخوي  محتار وين اروح والمن اسأل

-يعني راح نروح بدون لانعرف وينها

-كل عقلج لج هاي ام لدغه اخيتي الصغيرة وحق كلام الله مااتحرك اذا مااحصلها وتحلفلي بروح الراحت بحسره الثوب مرتاحة يالله اطلع منا

-ويلوموني ليش احبك هلكد

-مم بس الحب موكلمة تنگال الحب اثبات

-غزوان ماضل هواي على زواجنا اصبر

-بس انيمج بحضني وداعت عيونج كلشي مااسوي والله صارت حسره بگلبي انام على عطرج وبعد مااكدر اتحمل اكثر

-لااا

-كلها ساعتين ويصير الصبح  اول مره اطلب منج بروح خالج  لاتفشليني

-لاتخرب حلمي وانت تعرف امنيتي ادخل حضنك باول ليله النا حتى تكون ذكرى حلوه 

-تمام خليج هنا لاتتحركين هسه جاي

كالها باسني وسحب ايده كام راح للغرفة كعدت منتظره شراح يسوي  دقايق وطلع بيده مخده وبطانيه ضحكت

اجه يمي  شمر المخده  وفتح البطانية كعد سحبني لحضنه لفني وانتجة عالمخده عصرني حيل ضربته على صدره  همست راح اختنگ

-اگطع النفس قبلج واكتب وصية يدفنوج بكبري وقتها ماكو مفر راح تنامين غصباً عنج

-وهاي تنهي حياتك حتى انام بحضنك

-حقج لو تدرين شنو داحس هسه  ماحجيتي هيج

-ضهرك راح يوجعك من الحايط

-لعد شسوي اذا بت كلبي ردتني بلكي اكسر خاطرها وتكلي كوم الجو بارد وراك شغل

-صدگ بردان

-لاوروح ابوي  الحماوة مفولة يمي بس لاتتحركين لان الشياطين بدت تقره براسي وكلام الله  ياذباح مايقتنع لو تحلفله بالكتب السماويه كلهم حرام  يرميني بصباحية العرس

-هههههه لعد صير حباب

-تره اني حباب من زمان بس جيب اليثمن

-مم غزوان

-الروح والنبض العايش بي غزوان

-احبك

صك على سنونه وعصر خدودي دنگ باسني عالسريع وگال ورحمة ابوي  كلمه ثانيه انعل ابو العرس لابو ذباح

برطمت رد دنگ باسني وضحك رجع راسي على صدره دخل ايده بشعري حضني حيل ورفع راسه للسما اسمعه يحمد ربي بهمس

اكثر من ساعتين واحنا بغير عالم انحس روحنا بحلم يمشي ايده على ضفيرتي ويرد يطبع بوسة خفيفة على راسي ويحضني حيل لمن اجاني صوت رؤيا من جوه تصيح تره صاار الصبح ياعالمم اكو ناس جوعانة

ضحك باسني وخر الغطة كمنا نزلنا  لكيناهه واكفه باب المطبخ وماما عالسجادة كاعدة تسبح  صبحت ورحت للمطبخ بدون لا احجي  دخلت جريت القوري ترسته مي خليته عالنار وكفت غسلت وجهي اجت يمي رؤيا ضربتني بظهري گالت انعدلي لج لااعدلج

-من اشوكت تعرفين

-من قرن لو البارحة شنو اليفرق تره كله واحد حثاله حرمات حتى انكس لسانه بي

-بس جان من حقنا نعرف ليش خلتنا كل هالسنين عايشين بظلام خايفين لاوحده تعترف للثانية اشلون ابونا يتحرش بينه  ونكره روحنا بالزايد

-اذا مو ابونا ابو اختنا وجان لازم نتحمل لخاطرها لان تعرفين بس تتنفسين مو تفكرين طلعين منا راح ياخذها ويبيعها كدامج واذا انتي مره احجي

-اشلون تزوجت ماما واكو احتمال ابونا عايش

-ماما تعرف الحلال والحرام اكثر من شيخ الجامع واكو لغز يمها محد يعرفة والصراحة مااريد اعرفه ولاهامني

-رئال تدري جاسم مو ابونا

-رئال ماتعرف حتى زواجها باطل راحت ضحية بيد ناس انكس من جاسم الحيوان  لاحسبالج الضابط  ادمي تره واحد كلب ابن كلب طالع من حظيرة خنازير مايعاشره غير المثله

-بس هيه كالت غير هالشي

- لعد  شنو ترديها تكول تكلج اغتصبني بعد ماعذبني وجبرني اضل ويا مقابيل يفرج عن اختي ورجلج  لو تكلج اذا فكرت  اعترض راح يشمرني بالحجز ويردهم وياي

-هيج ماعنده رحمة

-مايعرف غير الحيونه من كثر قذارته ماكو واحد ينطق اسمه اذا مايكول الله يلعنه

-ودسار

-ما يفرق عنه بشي من جنت اسمع مكالماته احس نفسي عايشه بغابة كل كلامه دم وقتل وغدر بس جان الامان الي ماحسيت بأي خوف واني بحضنه لان ما اذني بكد ماجان يأذي نفسه وهو يحاول يحميني

-لعد راح يرجع ماطول بابا رد

-راح انتظره لاخر دقيقة بعمري بس حتى يشجعني بالطرق الي راح اعذب بيها الحيوان  قبل لاارحمه بالحرگ ويله روحي احجي ويه ماما تره للصبح مانامت وانتي مخلصتها بحضن الشفية

-رؤيا

-ادري راح نروح منا كافي ضيعتكم مرتين لاتفكرون بيه ربي يسعدكم ويعوضكم عن كل المريتوا بي

-اذا يحبج صدگ راح يندلج

ابتسمت وهزت راسها اباوع لعيونها تلمع رحت يمها اخذتها لحضني دفعتني وصاحت اشبييج

-وجع حسبالي عندج مشاعر وكلت اواسيج

-واسي نفسج راح تاخذين واحد عنده اربع عيون وتعيشين ويه البهايم

هيه تحجي واجانه صوت غزوان من بره ماكو بهيمة غيرج

-غزوان الماسكه ويييين

-شتسوين بيها وانتي تندلين اكثر مني بالبيت

-ومنو كلك اتلمس بيها

-راحت مرتي رايه حبيبي تعالي اخذي الريوك

خليت الجاي بالصنيه طلعنا نضحك لكيته حاط الريوك يم ماما وكاعد خال راسه على متنها وهيه تقره عليه ؛

رحنا يمهم حطيت الصنيه وكعدت يمها كلتلها شنو هااي ام راية  تره اغارر

ضحكت وجرت راسي لحضنها باستني دفعتني رؤيا وكعدت مكاني همست ماعليج بيهم حبيني اني ذوله مايستاهلون

ماما-  كلكم نفس المعزه اذا غزوان النفس انتن النظر ؛عايشة بيكم اني

-قسمي ماراح تحبين جهال غزوان اكثر منه

-صدگ وهيج اشوفهم يمي يلعبون بالبيت وانتم كدامي ملمومين الضحكة بوجوهكم

-من اشوكت كلتلج خلي اشمر الحيوان بالمجري واكول انتحر جان هسه بعدها ام لدغه تعيط من الصبح على كتابها وغزوان يركض وره جهاله احسن ماضال يركض وره رايه على بوسه وهيه لابسته ووو…لو يله كلشي قسمة

-ورند اطفر يمي وانتي اتمشطين كدام المرايه

غزوان-  رؤيا راح توكف كدام المراية ورئال راح ترد تعيط على كتابها ومكان رند راح يجون خمسة يترسون حضنج

-الله كريم بس ربي يفكنا من شر هذا السكط

-هذا شغلته سهلة يمي بس صبولي جاي لان تاخرت  وانتي راية لاطلعين بعد قفلوا الباب زين وصعدن بالغرفة الفوك لحد ماارد

صبيتله جاي اتريگ وگام گمت  للغرفة جبت القمصلة رحت ورا جان واكف يم المغسلة يمسح بمناظره لبسها واخذ القمصلة وباوع ورا رجع بحركة سريعة لزم خدودي عضني حيل صرخت صاحت ماما شكوو

عافني وطلع يركض  فركت خدي ضايجة  وصل للباب اندارلي باسني بالهوا هو ويضحك طلع سد الباب ورا

مرت الايام واحنا عايشين بخوف گمنا نحسب للوقت حساب اشوكت  نصفي غراضنا حتى نجمع كم دينار وننتقل بدون لايحس

بدل شغل المحل صار يشتغل عامل بالنهار وبليل بالحمل حتى يسرع بجمع الفلوس مايرد اله وجه الصبح اخر نفس اباوعله من يدخل اشلون ملابسه متربه واديه مدماية من كثر النقل احس روحي تنعصر يضحك وياخذني لحضنه يهمس تعب اليوم كله مايوصل واحد من نظرت عيونج 

احس هو اليهون عليه مواني اهون عليه التعب ؛رغم كل هذا القهر بس كله يتلاشه  من نلتم يم ماما تالي الليل ويصير الشقة والضحك بين غزوان ورؤيا على الماسكة الي كل يوم توصي وهو ويأجلها على اليوم البعده لان يعرفها المن تريدها

… نايمه واسمع صوت طگطگة فتحت عيوني الشمس بوجهي عرفت غزوان بعده مانايم ديلم غراضنا لان ماضل غير يوم واحد عن زواجنا

ابتسمت وكمت مامصدگة واخيرا راح ننتقل ونخلص طلعت من الغرفه لكيت الكل يفتر يلم بصفحة

نزلت صبحت عليهم كوه لازمه فرحتي رغم عيني بالباب منتظره رئال تدخل بس احس حلم عمري يتحقق كدامي واني اباوعله لغزوان اشلون يشيل بالجنط ويعيونه تلمع من وره المناظر هو ويباوعلي   

طلعنا غراضنا بالممر كملنا كل امورنا رجعنا كلمن گعد بجهه منتظرين ذباح يجي ياخذنا ؛ماما تمشط لرؤيا  وغيمة لازمة سرة

غزوان متمدد يلعب بضفيرتي واني مدنگة  اصبغ بأضافيري حستها انجرت درت وجهي باوعلته غمزلي وهمس احبج خزرته شمرها وكعد گال عمة بطلت ماريد بتج

ماما- يااا ليش ولك

-شوفي اشلون تعاملني شلت گلبي عمي بطلت ماايريد اتزوج

-لاليش ماتتزوج عوفها خلي اتولي واني اخطبلك احلى وحده بالدنيا

-يعني رجعتيلها يله شسوي اتحملها

رفعت حاجبي

-شبيج ولج شكو تباوعين هيج اكو واحد جايب طايرج

-مم المهم راح اروح للصالون ما تأخر قبل لايجي ذباح ارجع

-شعدج رايحه تره ماارضه تلعبين بشكلج

-ماالعب  بس اخصل شعري والله عاجبني

-لااا رايه اله شعرج وروح اهلي لساني مايخاطب لسانج اذا وصلتي يمه لو غيرتي لونه

-غير عرووس هاي وجهج لاتلعبين بي شعرج لاتغيرين لونه لعد عليمن متزوجة

-لا وتكولها بوجهي عمممه شمرضعتها هااي جلي لوحليب اشو اي احساس ماكوو

-اني ماعندي احساس لو انت مشاعرك صارت اكسباير گد ما تلح وهااا راح اروح للصالون اغير وجهي  وهم اسوي شعري دااشوف شنو تسوي

-سهلة الغرفة موجوده والزفة حاضره حتى مايحتاج اطلب قبل لافتح حلكي المره تجيني للحضن

-لعد روح اخذها من هسه يله بطلت ماتزوجك

-واهون عليج اصبح بوجه غيرج

-بس انزع نظارتك انت اصلا ماراح اتشوف

-سمعتييي عمه هي گدامج وتكولين انت تعيل بيها

-اااانت  بديت كلت راح اخذ غيررررج

-وانتي وين صدكتي اكو ثوله تقبل بيه غيرج

-غزززززوان

-هههه عيونه كومي يعمري اوصلج للصالون بس بروح اخيتج لا تلعبين بشعرج

درت وجهي ضايجة جرني من ضفيرتي دفعت ايده ضحك ورد جرها باسها وكام لان الباب اندكت طلع

شلت عدت الاظافر داخليهن على جهة واسمع صوت فجر اخت ذباح تهلهل بالبيت عرفتهم اجوي ؛ كامت ماما راحتلهم  واني لملمت عالسريع كترتها طلعنا اني والبنات بعدني مامسلمة  وهيه نثرت الجكليت وهلهلت ضحكت جرتني باستني وكالت بالمبارك يبعد عمتج يارب السعادة ماتفارچكم طول العمر

غزوان.-  الله يبارك بيج عمة يوم النفرح بأبن ذباح

-يارب يسمع من حلچك بچاه كلمن عنده چاه كون يرزگكم اثنينكم فد يوم لخاطر تخاوهم بالروح  وتكون رفجتهم بالدم مثل رفجتكم

-ان شاء الله بس خلصيني من هاي البلوه واخذيها للصالون  بلكي يتغير شكلها شوية حتى اگدر اباوع بوجهه

ذباح.- گدچلمتك يبا

-اااي طبعا لاحسبالك اخاف اخذيها خوية واذا گدرتي تبدلين وجها افضل

ذباح -انه اگول انكتم  افضل ماتنطگ وتصير مضحكة بين الخلگ

-افااا وانه ا

بعده مامكملها شلت ايدي داوخر شعري عن وجهي وهو طفر

اندارله ذباح رفع حاجبه عدل نظارته وكله شبيك لاحسبالك خفت

ذباح - لاه افاا ياهو يخاف دگف عدل لاتگع وبطل تعيل وانت مانك گدها

- شنو موكدها تره من طفرت مو خوف بس ردت اشوفك تحميني لو بس حچي

-اه صدچت يبن العم غربي يخوي فچر خذي البت للحلاقة بس لاتبطين جثير بروح اهلج العالم ناطرتنا غادي

فجر.-  بس املص  اذانات هذا الواراك واني ماابطي

-مايعتاز كلها كم ساعة وتكضه الي موش بس تملص اذانه لاحتى تچسر راسه وتمشي سيده يله يبعد اخيج كونج تردين گبل لا نكمل نگل باگي الاغراض لخاطر نرد على وكت

هيه ردت وغزوان اشرلي تعالي راح گدامي للاستقبال دخل دخلت ورا دنگ فتح الدولاب طلع افلوس كام مد ايده كال كمشي ذني وكلشي  يعجبج سوي لاتخلين بنفسج شي

-مااريد والله كافي العندي

-رايه لاتشلعين گلبي ادري ماگدرت اجيبلج كل الرايدته  بس ثقي بالله سويت كل الي اكدر عليه واوعدج اعوضج عن كل حلم ماكدرت احققه الج بس صبري عليه  شوية

-مارايده غيرك مكتفيه بوجودك يمي

ابتسم  خله الفلوس بيدي وكمش وجهي بين اديه باوعلي عيونه نترست دموع  راد يحجي وسكت عرفته مايگدر يحجيها ؛ همست احبك

-مامصدگ رايه واخيراً بعد هذا التعب واليأس راح نتزوج

-ماضل كم ساعة ونام بحضنك

-خايف گلبي يوگف واموت  قبل لاشم عطرج

-اسم الله غزوان والنبي راح ابجي

-ههههه صدكتي اموت واعوفج خلصت عمري احسب بالثواني لهذا اليوم اله مخبل يالله اسويها

-حتى وانت مخبل ماراح اسامح غزوان اوعدني ماتعوفني عمرك كله

-بدون لاوعدج الروح ماتفارك التحبها حتى بالموت لاتخلين بالج تركي كلشي لا تفكرين غير بالعرس اريدج اطلعين اليوم احلى عروسة وتعوضيني عن كل ليله انامها بحسرتج

-يعني أجر بدلة منا على ذوقي عادي

-كلتلج لاتخلين شي بخاطرج

-راح اخذ وياها برگع طويل كلشش حتى يكفي يغطينه سوه واحنا ناخذ صور

-هههه اخذي وسوي التردي خادم الج اني

-يله دااروح لاتاخرني

دنگ راد يبوسني دفعته وركضت بسرعة وصلت للباب انداريت لكيته متخصر شعره نازل على مناظره لمعة عيونه نبضت بروحي

بسته بالهوا وضحكت ضحك على ضحكتي وهز ايده كملت طريقي لكيت عمتي منتظره بالسياره هيه والبنات  صعدت اخذنا الولد لصالون قريب نزلنا لبالي يروح بس شفته ركن السيارة وكف عرفت ذباح موصي

دخلنا  لكينه هوسه عليها راحت عمتي اتفقت وياها واحنا رحنه يم البدلات اني اوصف لرؤيا وهيه تعترض ماعاجبها  لمن وصلنا السره  صاحتلي ام الصالون رحت كعدت كالت شسويلج تذكرت غزوان كلتلها بس سرحي شعري وترتيب بسيط

هيه بلشت بيه وعمتي ضلت تلح على رؤيا هم ترتب شوية كوه قنعت هم بلشت بيها المساعدة اكثر من ساعتين ونص اني مغمضة لحد ماكالت يله

فتحت عيوني كمت باوعت بالمراية وضحكت صلت على محمد فجر كالت يستاهل غزوان هالجمال

-هههه صدگ اتغير شكلي

-موش جثير انتي گمرية  من البداية

-عمه شوفي شعري شطوله من انسحب وبشرتي صارت تلمع

-ماشاء الله ولج بسج  لاتحسدين روحج لاتتنوعين للمرايه جثير

-خو هسه بعد عزوان مايگدر يحجي

-من البداية مانه گادر يتحچه  ويتنوعلج بروحه موش بعيونه ربي يسعدكم ييمه يله اختاري بدلة لخاطر نرد تأخرنا

رؤيا.-  وبالنسبه الي شنو مو من ضمن القبيلة

-والله ييمه لواعرف هيج راح اطلعين ماجان لحيت عليج اله الفج بعباتي ياله احفظج من العين

-لعد عوفوني هنا

-كميي نوعفها هنيه لخاطر ذباح يرد للسجن بيه

يله كومي روحي ويه اخيتج اخذن بدله بين ماادفع الحساب

كامت رؤيا ابتسمت على شكلها الشعر طگ بنص رجل البنطلون والمكياج ويه لون عيونها صار شي خيالي ربي حارمها من النظر منطيها  جمال يعادل نعمة الحواس كلها

كمشت ايدها  رحنا وكفت كلتلها هسه شنو اختار

-اي شي يعجبج

-منو هااي رؤيا

-اشلوني طالعة حلوه

-تلمعين من فوگ ليجوه

-ههه جان يگلي بس مشطي اتمنى اشوفج مره وحده مرتبه

-مم من هيج جان يسميج خرزة

-رئال شنو شعورها من تعرف تزوجتوا

-اتمنيتها وياي  اشكد تواعدنا وخططنا لهيج يوم بس ربي ماكتبلنه

-كلشي يتعوض العرس يصير غيره والغايب يحضر والخاطر ينجبر بس تعب غزوان وتضحياته النا الي ماتتعوض رايه انسي كلشي وسعدي يستاهل غزوان

-راح اسوي كل الي اگدر عليه يله راح اختار هاي الطويلة

ماردت اشرت اي وطلعت قبلي بين مااتفقت ويه ام الصالون وكلت لعمتي خليتها تتحاسب وطلعت لكيت رؤيا واكفه يم الحايط متجتفة ومنتجية عالباب  صافنه بغير عالم  عيونها تلمع  جنها لعابة

ضحكت رحت يمها استوني دااحجي وكمزتني شخطة دراجة انداريت واحد ملثم بأسود طلع طاير  بلحظة عبر الشارع

اجه السايق كال صعدن بسرعة جريت رؤيا صعدتها وصعدت  عيني بالشارع شكيت بي دسار رجع لان نفس الضخامة 

قطعت تفكيري عمتي وغيمة الي صاير عروس اكثر مني صعدن حرك السياره گالت هاا يعمه نعر  لغاد  جدامهم لو نرد  للبيت

-لاعمه فدوه خلي نرجع ناخذ ماما خطية تضل وحدها

-ماما لو ابن اخيها المهم نرد عليش ما نرد

همست رؤيا خزتينا الله يخزيج كلتلج داري مو سحلي روحج ورا

-ولي خطية دافع كومة افلوس اقلها خلي يشوفني اشلون طلعت قبل لااروح

-مو بليل راح تلطمين ويا بنفس الغرفة بس صدگ راح ينزع مناظره بعد مايشوف يخلصها اتلمس

-انجبي لاتعيبين عليه لاالطمج على حلكج

-يله من جماله اشلونه عاد وفوكاها اخذ وحده مثلج الله يكون بعين الخلفة اشلون راح تطلع يله بكلي تطلع عليه

-اسم الله يطلعون قروده ولاعليج

-اتخلي يطلع قرد عليج و لابس نظاره على ابو  ويلدغ على خالته

-رؤيا والنبي راح ادفرج

-جربي حتى اشمرج من الجامهة واكول لغزوان  مارادتك بس من كثر الثول بدل ماترفضك  انتحرت

-كملتي بايخة

-ابيخ منج مااتصور اكول انلصمي يله صوتج مزعج تكول ذبانه بيها جرب

-مارد عليج لان اليوم زواجي مااعكر  مزاجي ويه وحده مثلج

-يله اشلون زواج وحده ثوله والثاني اربع عيون

مارديت درت وجهي للجامة وهيه ضحكت ضحكت على ضحكتها وصلنا قريب عالبيت لكيت غزوان واكف يم ذباح يصعدون بالغراض ويضحكون  ركن السيارة نزلنا اشرت عمتي لذباح انتبهلها دنگ بسرعة واجه يمشي لجهتها

اندارلي غزوان وگف باوعلي هزيت راسي هاا اشلوني

رفع حاجبه واجتف عود ماعاجبته

برطمت ابتسم ومال راسه باوعت لعيونه شفت بيهن لمعة عمري ماراح انساهه دنكت خجلانة

ضحك استوه يريد يجيني ومانسمع غير صرخة بابا وهو جاي يركض بكل قوته ؛ كلها لحظات شريط مر اسرع من الخيال

بابا يوكف ورا غزوان وابو الولد يرمي

الطلقة وهي تخترق راس غزوان الي يحاول يشهگ اخر نفس قبل لايغمض عن اخر حلم ----

لاتنسون التصويت …

شيء من رصيف الدم

بقلمي:leo Alfatlawi

بارت السابع عشر

**رئال***

انرفعت من الگاع  درت راسي عصر وجهي  حيل وعدله دخلت اضافيري بأديه وگمت ارفس بس اريد اخلص نفسي

ضغط على بطني رفعني اكثر وتحرك واني بعد مااعرف شسوي اصرخ مايطلع صوتي اضرب بي مايهتم مستمر بالمشي  ؛ المكان ضيگ واني اهوس ماحسيت غير يدفر الگن سوا طشار

صفح نفسه صار وجهي عالحايط عصرني بصدره  راد يعبر حشرنه لمني لحضنه اكثر وفتح جف ايده مثل الراد يحمي  من الحايط احس روحي اختنگت سحبني حيل وطلع لو سحب روحي

انتبهت لباب البيت بي فتحة جبيرة فاصلته عن الحايط رفسته حيل وعضيت ايده بكل قوتي لبالي راح يتركني بس تكول انطيته طاقة مشه عالسريع

رجعت اديه ليورا اجه بيدي اللثام دخلت اصابيعي بوجهه سحبته هو واللثام وضربته برجلي حسيت روحي اضرب بحايط ولاويا صار كدامي باب المر عرفت راح يدخلني  رجعت دنكت عضيته بكل حيلي نكثني وضغط اكثر دفر الباب طگ القفل دخل بسرعة شمرني بقوة اجيت عدل على وجهي

انداريت داصرخ سكتت واني اشوفه يباوعلي ويباوع لاصابيعه  نزع اللثام مسح خده المدمة بضهر ايده وباوعلي بنظره كتمتني حتى عن نطق الشهادة

اريد اتبلعم مااكدر رجعت ليورا ابتسم بستهزاء ومد ايده وره ضهره گمت بسرعة ردت انهزم مالحگت بحركة سريعة لكفني من شعري لطشني بالحايط عصر وجهي ورفع السجينة خلاها يم عيوني غمضت ضغط اكثر حسيت وجهي طگ بين اديه نزلت دموعي عصره وحجه بنبره عصرت روحي وهو يگول فتحيهن

-والله كله بسببك

-وكله شخط واحد ينهي هالمهزلة بكبرها فتحييهن لج

-تغيد تشوهني بس حتى يضوج من شكلي ويشمغني

-واني ماانتظر احد يشمرج لو رايد اردج من اول دقيقة اسحلج انتي وياهم وانهيج مثل مااضيع اثرهم 

-انت جبغتني

-لااا اني حذرتج وانطيتج اكثر من جنص بس طلعت  صدگ ماافتهم وزمال ابن زمااال من سلمت راسي لخاطر حيوانه مثلج

فتحت عيوني همست مو حيوانة اني بشغ مو ذنبي وكعت ظلم بين ايدين امثالك

-امثالي الي نهوا حياتهم وسلموا روحهم لجنهم بس حتى يحمون حثالة مثلج

-لبالك اذا شوهتني غاح اغجعله وغوح محمود لو تدفني هم تگدرغ تجبغني اغد اعيش ويا

-ليش مو هذا الي تحديتيني حتى تاخذي لو الي سلمتي روحج اله بس حتى تمنعيني ابعدج عنه

اشرت لا

-راح ترديله وتكملين ويا غصباً عنج وهذا وجهج الي كاتل نفسه عليه راح انهي مثل ماراح ادخلج للجحيم واخليج تحلمين بالموت

نزلت دموعي

قرب السجينة لزمت ايده خزرني اباوع لنظرته ترعب گد الحرگة الشايلها عصرت ايديه حيل وشهكت ضغط على خدي غمضت وعصرت نفسي منتظرة يسحبها واسمع طفره بالبيت اندار بسرعة باوع للباب

صوت واحد ثاني يطفر باوعلي اشر اشش وسحب ايده عالكيف دنگ خله السجينة بالگاع وشال اللثام وگف عدل لبسه وطلع اسلاحه  قبل لايتحرك لزمته من ملابسه دار واجهه باوعلي

همست لاتخليهم ياخذوني

-تحتمين مني ؟ بيه ؟؟

-غاح يكتلونه موو

مارد سحبني خلاني وره ظهره تقدم قريب عالباب  وكف يم الحايط لم جف ايده وقربها من فتحت   الباب  اباوعله عينه بالصورة العاكسة بساعته ثواني وجر ايده بسرعة ورفع سلاحه  وايده الثانيه دارها عليه يحميني بيها لزمته حيل اسمع حركتهم وضحت ضغط عليه وهمس رأل سدي عيونج

ضميت راسي بظهره وغمضت صوت شي وگع ويه حركة رجله يفتح الباب ويسحب اقسام بعده مامتحرك وصاح واحد منهم كميييين وصوت طفرتهم  دفعني وطلع وراهم بسرعة

من الهبطة گعدت مكاني احس النفس ضاگ فركت صدري ودنگت ثواني ودخل هيذام بس شكله مخبوص سد الباب برجله  خله سلاحه وره ظهره وطلع فونه اتصل اول  رنه اجا صوت واحد خشن گله يول وينك صار ساعة مشتول من احرتگ كبر ابوك

-انحصرت بالبتاوين

-اشتعلوووا شوصلك للبتاوين لك هيذااام انت صاحييي

-اكل تبن واسمممع لك اريد سلاح وكاتم راح ادزلك الموقع انتبه للطريق ودز الولد خلي يأمنون المكان بسرررعة

-افاااا منو هذا الي يطلب نأمن المكان ابن النظام  لاوسفة

-تخسى انت وربع قبل لاترمش عيونهم امحيهم مثل مااضيع نجاسة ابهاتكم الخونة

-وصلتتت عينك بيها جايك يخوي

سد جهازه دز الموقع رجع يم الباب فتحه وكف  دنگ يراسل عين بالطارمة وعين بالجهاز اباوعله كل دقيقه يفتح ايده ويسدها عرفت مكان العظة يحرگه

اقل من خمس دقايق غلق فونه خلاه بجيبه ورفع راسه باوعلي دنكت

اخذ نفس وكال اشكد مريت بمصايب وشكد  ولعبت ويه الموت كل مهمة ادخلها اسباع ماتطلع منها اتخطى على حافة جهنم بس ولامرة حسيت بالجاي احسه هسه

-كله بسببك

-لو اخلي روحي مو انطي ربعي ماراح اكدر اطلعج منا صاحية

-انت الجبغتني اسوي هيج

-ليش انهزمتي

-لان يغيد طفل

-من حقه

-لاااا مو من حقه وانت تدغي كلش زين زواجنا باطل وحتى لو مو باطل انت واحد باااطل وحيوووان وماعندك اي احساس عايش بس حتى تأذي اليييمك

-عمري ماتمنيت يرد بيه الوقت مثل ماتمنيته بهاي اللحظة

-ليششش شنو الضل ماسويته هااا  تغه نهيتني مابقى شي حتى تكمل بي  كلت لاتتحديني غاح اندمج اي غلطت وتحديتك بس ندمت والله خليتني اتمنى الموتتتت خليتني احس غوحي حيوانه خاينننه خليتني انعل نفسي كل ثانية واني احس …

سكتت باوعلي  اشر كملي

-خليني اغوح منا واوعدك كلها ساعات وتشوفني كدامك بالحجز

-ماشمرت رتبتي اذا ماحلفت اشوف كدامي دموع الندم  تنهش بروحج وانتي تترجيني ارد الكلبجات بيدج

-ندمت والله

-لااا بعدج بالبداية كدامج هوااي

-ماغاح اغجع لاخوك غاح اطلك وغجع لاهلي واخذ حقنا من بابا واختفي واخليك تباوع لمنصبك بحسغة بگد ظلمك اضعاف

-هه

-تضحك لبالك مااسويها

-من تريد تاخذ قرار اول شي لازم تسحك كلبك صح تتألم ايام لو اشهر وحتى لو كان سنة بس قرار بعقل صح افضل الف مره ماتعيش حياتك بغلطة نبض ماله وجود

-يعني شنو

-ذيج السجينة گدامج وهاي اني كدامج والج كلمة ماراح امنعج اعتبري جنص  من اغلاطي المتكرره وياج لان بدون موتي ماتتحركين خطوة وحدة

باوعت للسجينه ورجعت باوعتله رفع راسه واتجتف اشر يله

دنكت عدل وكفته راح لناحية السجينه شالها واجه يمي دنگ كعد كدامي نص گعده سحب ايدي خلاها بيها ولزم وجهي رفعه گال وهاي اني جبتها الج واجيتج

-اشكد اتمنى اشوفك ميت كدامي

-وليش تتمنين ضربة وحده وتنهين كلشي

باوعتله صارت عيونه بعيوني مااعرف شنو شفت بس حسيت شي رف گلبي وعصره بنفس اللحظه اشر شنو

همست مااكدغ

-ليش

نزلت دموعي

-شنو الي يمنعج خوف لو شي ثاني

دنكت رجع رفع راسي همس احجي اذا خوف وكلام الله اني انهي نفسي

-اني احبه اله

-اي

-واكغهك

-ثبتي هالشي

-اني مومثلك

-رأل تدرين شنو ناوي اسوي بيج

-ماضل شي تسوي هيذام انت نهيتني

-لا اكو مكان بعدني ماوصلتله

-وماغاح اسمحلك توصله

-ماراح تگدرين تعرفين ليش

-لان اني احبه

- لان طفلة وضعيفة واحلامج وهمية ونبظات كلبج غدرنج

-لاااااا

مد ايده بعد شعري خلاه وره اذني دنكت نزلها  عالكيف بلمسه خفيفة وصل لشفتي مسحها بطراف اصابيعه شي بداخلي رف رفعت راسي  لكيت عيونه تترقب رد فعلي  همس بكلمة مافهمتها

احس خدرت حواسي كلها واني اشوفه يتقرب مني غمضت بدون شعور اتحسس انفاسه الصارت تضرب بركبتي هو ويسحب النفس مني بلهفة ؛ دااخلي ايدي على صدره وصارت صورة اسماعيل كدامي نزلت دموعي ودفعته وصحت ولك اني زوجة اخوووك

رجع ليورا مثل الوعى لنفسه باوعلي عيونه حمر شهكت عصر جف اديه وضغط على سنونه كام دفر الباب بكل حيله وصاح ليشششش ليشششش

ضميت وجهي بجيت بصوت فتح الباب وطلع لميت رجلية خليت راسي عليهن صار هدوء  حتى دموعي تنزل بكتمة  ندم على عتاب وعلى كره  مااعرف شنو الشعور الجواية بس احس بألم دقايق واسمع صوت جداحة

مسحت دموعي ورفعت راسي ديري بالج رئال هذا نفسه الي ضيعج وناوي يدمرج انتي تحبين محمود

خليت ايدي على گلبي لعد هذا شنو الدااحس بي

ليش ديدگ حيل ليش اتمنى اگوم اركض لحضنه احتمي بي واشكيله عن كل المريت بي

لالا هذا اكثر واحد ناوي يأذيج ماسمعتي شنو كلج المفروض اول واحد تنتقمين منه هو ؛ گومي كليله رجعني لزوجي وبدل ماتاخذين حقج بالكتل خلي مقابيل الطفل تهمة تضيع ابوج العمر كله

هزيت راسي اخذت نفس بعدني مامتحركة واسمع احد ينزل من الدرج صرخت هيذااام وكمزت طلعت اركض صار بوجهي  صرت ورا لزمته حيل بعده ماسأل شكو واجه صوت من جوه يول وينك

شمر جكارته سحكها جرني من ورا سحبني رجع جوه دخل اباوع فات علينه واحد من الداخل ملثم طويل جسمه مرتب لابس جفوف بيده اسلحة وكف نزع اللثام شكله حلو

شمر الاسلحة بالگاع باوعلي ورد باوع لهيذام گله بربك مقتنع انت

-هه غبي

-مااختلفنا مشهودتلك بس مو لهاي الدرجة

-هذا اليجبرك تحطم هيكل وجهه ودوس على راس ابو

-ابن الكلب بيك حظ اندار هفها راجدي سحلت بشاربك الگاع وختمتها بشمرتك بمنبع الخيسه 

-لا بشرف امك

-هيه امي لوعدها شرف جان عرفت واحد مهتلف مثلك المهم اكو جهاز يمكم مراقب بسببه انكشفت

اندارلي باوعتله اشرت شكو

اجه رجعت ليورا انضربت بالحايط دنگ گد ضخامته حجب الضوه عني ردت احجي لزم ايدي بحركه خفيفة دارني ليورا شل حركتي طلع الفون من جيبي ودفعني انشمرت مسافة كوه سيطرت ماوگعت

وگف على جهه فتحه گلب بي اخذله شوية وعگد حاجبه شال راسه باوع للولد ضغط على سنونه وهمس بصوت يخنگ الروح  لكفوهاا

-منو هيه

-ضييي

-والزمااال اخوك وينه

مارد شمر الفون بسرعة خله سلاح بضهره ودنگ شال اللثام ديطلع  ركض الولد صار بوجهه گله وين تريد وعلي بس تطلع يرمووك

-اخلص نفسي بس ديرباك على هاي  واذا ماگدرت اطلع منها اخذها منا واخفيها لاتخلي احد يوصلها

-وكلام الله ماتخلص ولك مطوقين المنطقة بس يردون يتأكدون من وجودك

- دسااار بعد عن طريقي لاتجبرني افلش راسك

- وداعت امي اني احلها  بس انطيني مجال

-مااانلحگ ياخذوهاااا

-افااا ياخذوها واحنا بظهرها بس مو كلشي عضلات  شتكول ابو درع

صفن بوجهه

-اضن اجه وقت تصفية الحساب وصار وقت يرددون الشعار

-اخاف قضيتي تروح مني  دسار مااكدر اجازف بيها

-انأمنها بمكان لوينبشون گبر الموته بكبرهم  مايوصلوا

-تعرف اذا صارلها شي شسوي بيك

-رب السحگ على راسي حتى يطفر من السياج  ويردلها مايضيع ملامحي ؟؟ ادري  لاتخاف  خليها وراي

سكت شوية ورد باوعلي وخر ايده عنه واجه يمي انحشرت يم الحايط   همست شنو

-مبينه الدنيا بدت اتساومني وتطلب مني اسدد هواي حسابات

-مااغجعله  لو مو تهددني لو تموتني

-لاتستعجلين الموت جايج بس اكو دين لازم نسدده مووو لو اني غلطان

-مالك شي يمي بس الكتاب وعفته لان جانت هدية غلط واني ماتعودت اخذ شغلة من العدو ماعده حقي واخذته

-بعد الج شي يمي صح حلفت مااخلي الكلبجات اذا ماحس ماخذ شكو غدر من عيونج بس روح ضي اغلى من هالشي

-غاح تساومني  بيها

-شتكولين انتي ؟؟

-تستاهل ضي

-بس انتي ماتستاهلين المكان الدخلتي بي واجه الوقت الي لازم اطلعين منه

-لان اني مو اله من  البداية

-راح اتصل بأسماعيل تردين عليه

-شنو اگله

-تنقلين الي راح اكتبه بالحرف الواحد ؛

دساااار جيب الجهاز وخبر الولد خلي يستعدون  راح نطلع

اجه الولد انطاه الجهاز  وراح اخذ سلاح وطلع بسرعة

شغل الجهاز  دگ الرقم  فتح الكام  سحب ايدي خلاه بيها وطلع جهازه دنگ يكتب

اباوع للجهاز يدگ وباوع لهيذام الي واكف تكول وحش بدون مشاعر مدنگ يكتب صح ادري بي گلبه اسود بس ماتصورت واصل لهيج مرحلة ولاتكول بشر كدامه راح ينهي حياتها كل همه اشلون يزيد بطغيانه

فززني صوت اسماعيل وهو يصيح  حيوانه وعاهرة وداعت ابوي اطلع من جوه الكاع وسحگ على راسج القذر

سكتت

-وييين انتييييي

رفع هيذام الفون كدامي واشر ردي باوعت الكتابة نزلت دموعي

- عاهررره بيت البتاويننن مو وياااج بت الكلبببب ويه اي كواد انهزمتييي حسبالج مانحصلج وراس ابوي اردج واعدم اهلج كلهم كدام عيونج

مسحت عيوني باوعتله تفل عالفون غمضت واسمعه يحجي من بين اسنونه كلها كم ساعة وراح يجيبوج جوه رجليه واعلمج اشلون تنهزمين

فتحت عيوني وهمست مانهزمت

-شنو مانهزمتي اضحكين عليه لج

-اني يمك مااگدغ اعوفك لان احبك بس انت  الجبغتني اسوي هيج

-شنو سويتلج اذا على الضرب بعد مااضربج بس كولي وين انتي

-اسماعيل زواجنا باطل وانت تغيد طفل

-مااريد ماااريد هسه انزل اكول لبابا بس رجعي

-واني اغيد اتمنى يصيغ طفل عندي منك

-لعد ليش عفتيني شنو التردي كولي والله مستعد كلشي اسوي رئال رجعيلي دخيلج  والله اموت من غيرج

-اغجع بس اوعدني تعقدني عقد صحيح حتى نكدغ انسوي طفل حلال

-وراس ابوي اعقدج وشيخ برضاتج وحتى مهر اخليلج بالتطلبي وهسه واذا جذبت الج حق تعوفيني

-واني ثاقه بيك واعغف انت تغيدني بالحلال مثل مااني اغيدك  بس ابوك ماغاح يقبل لان مايقبل اصيغ بأسمك كدام احد

-مو بكيفه هسه اتصل بالشيخ وانتظرج اول ماتجين نعقد وغصباً عنه

-لعد طلگني  وگله بحالة عصبية طلكتها حتى يقنع يعقدنا من جديد

-اي اي انتي طالق طالق طالق…

***رايه ***

انحنيت لاقبل جبينك قبلة الوداع

ثم انني لم استطيع الوقوف بعدها ابداّ…

لحظات مثل الحلم خطفت وگع بالگاع جثه بدون نفس؛  ميلت راسي اريد اتحرك مااگدر اباوعله دم ترس المكان  وذباح الي صوت صرخته رجت الشارع  وهو يركض دنگ عليه شال راسه نكثه حيل وصرخ لااا غزوان لالااا لا يخوييي تگفة  لا تغمض عينك لاااا يخوي دخل الله ودخلك فچ عيونككككك

كمش وجهه يباوعله بتوسل زاع دم حضنه حيل  وصرخ لك لااااااا

ضحكت ورفعت البرگع اريده ينتبهله بلكي يگوم  غمضت واني اشوفه فتح عيونه وايده وگعت   ظلمت الدنيا ماحسيت بعدها

بين مفتحة وبين مغمضة اسمع  عمتي فجر تبجي وتصيح ولك وصهيب الحگ خويك تسودن  --ولك اخذ السلاح وراح يجلع ماگدرت اكضه  --اي حمزه ويااا -- عجل يخوووي

هيه تحجي واني فتحت عيوني عالكيف لكيت رؤيا كاعده لامة رجليه بالزاوية مال الغرفة صافنة ويمها مرت ذباح ملثمة تبجي  وماما منتجية عالحايط  بس دموعها تنزل بدون صوت  شافتني عمتي غلقت الجهاز واجت يمي گعدت كمشت ايدي باوعتلها وبتسمت ضمت وجها بشيلتها وبجت بصوت عصرت ايدها وهمست  وينه

مسحت وجهه وردت بالمستشفى خذوا اخوته

-ليش تبجين تره عايش هسه يرد  مايعوفني وحدي انتي ماتعرفي اشكد يحبني

-ادري يمه  هسه هم امني عليه صهيب

-كولي لماما لاتبجي خلي تكوم  تستعد  اليوم زفتنا

-انه احضر كلشي  بس گومي غيري ملابسج لخاطر نروح لغادي

ردت اگعد خانتني قوتي سندتني عمتي گمت كعدت همست وين ملابسي

-يمه هيام عطيني هذا الثوب الاسود اليمج

-ليش اسود وين بدلتي

ضمت وجهه وبجت لزمتها وحجيت بترجي لاتبجين والله يرد

-لك يعممه غزززوان  لك تعااال ليه ولك مريتك مناطرتك بدلتهااا ولك يرد يبعد عمتك اخياتك واميمتك عينها وررراك

-لاتصرخين عمه موزين تفاولين عليه

-ولكم صغير بعده ولكم اوليدي عريسسسس  ولكم راح وعيونه بمريته مالحگ يتهنه ولج يمه تعالي ليييه

رجعت ليورا واني اشوفها فتحت شيلتها وشكت دشداشتها وگامت تلطم وصرخ بعلو صوتها

انضربت بالحايط لميت رجليه لحضني صافنة عليهن  احس نفسي داخل حلم  ومنتظره واحد يگعدني

فزيت على صوت واحد يصيح سووو مجااال وذباح  يصرخ  وعلي اليوصل يمه ادفنه ويااا ولكم وبعدووا عنييييي

كامت عمتي ركضت هيه وهيام طلعت وراهن ماما ثواني  وبده الصريخ واللطم ياخذ الكلب

اريد اكوم مااكدر حسيت بشلل  زحفت زحف وصلت للباب واشوف ماما نايمة على تابوت وعمتي يمه اتملخ بشعرها

وصهيب ضام راسه وذباح لازم التابوت بثنين اديه ويباوع لاخو بغضب حسيت ايد عليه شلت راسي لكيت رؤيا همست بتعب  سنديني

دنكت گومتني امشي عيوني بالتابوت  ويه كل خطوه اتامل اوصل واشوف البي موهو  كعدت يمه كمشت الغطه ردت ازيحه لزم ايدي ذباح اشر لاا

-بس اشوفه

-لاتتنوعيله ولاتبجين لحد ماچيب دمه

حجيت بتوسل خلي اوخر الغطة بلكي بعده عدل هو وعدني

-عدل يتنعولنا مناطرني ارد حگه وانتي تحللي من وعده

-وخر ايدك والله ماشوفه بس احجي ويا هو اذا سمعني راح يگعد

دفعني على رؤيا  وشال السلاح وطلع يركض   رجعتله  وخرت البطانية عنه لكيته ملفوف خليت راسي على صدره حضنته همست غزوان حضنك بارد  هاي اني راية حبيبتك شنو ماعرفتني 

موجنت تكول گلبي يشتعل من احضنج لعد وين اشو مداحس بشي كوم اليوم زفتنا خلص بعد ماكو شي يمنعنه  كوم سكتهم لاتخليهم يكسرون فرحتي  كلهم هاي الخلصت عمري احلم بيها مامعوفها لان ادري ماتعيش وراي

گوم غزوان لاتخليني اتوسل بيك ينطيك كلبك هيج تسمعني اتوسل وماترد مو جنت تگلي اسمعج لو بالتابوت  ومااخلي دمعتج تنزل وهاي انت صرت بالتابوت لعد ليش ماترد عليه

غزوان جنت تحسب لهذا اليوم بالثواني حتى تنام بحضني مو تنام بالكبر  كوم شوف اشلون سويتلك شعري وجبت البدلة الجنت اسولفلك عليها

جرتني عمتي دفعتها ورديت كمشته وصرخت ولك كوووم اشلون تريد تروح بدون لاتودعني ولك اشلون تخليني وحديييي ولك غززوان كوم لاتموتني ورراك

صوت رصاص علگ المكان مخلوط بصوت صياح العالم ثواني ودخل ذباح يركض صرخ ميلوها عنننه وشيلوووا ردينا دمناااا

لزمته حيل خليت راسي على صدره بسرعة وحضنته  بقوتي غمضت جرتني عمتي وهيام صرخت و دفعتهن سحبني حيل ضغطت على اسنوني وصرخت صرخة طلعت من نص روحي

اشوفهم اشلون غطوا بدلتي واجه ذباح ملابسه كلها دم يمشي گوه وصل يمه دنگ باس راسه واشرلهم يله

بهتت روحي كعدت اباوع بين واعية وبين لااا شالوا والمسيقى والگفلات ورا

عمتي تطش جكليت وتهلهل وماما تزحف بالكاع وراهم ؛ رؤيا لازمة نظاراته واكفة اتصفگ تضحك وتبجي سوه

باوعت للتابوت لافي بدلتي وهو طلع همست بوجع لاتعوفني غزوان وغمضت

**رؤيا.**

طلعوا اخر فرحة محملة من البيت واني على وكفتي صافنة دموعي تنزل والضحكه مرسومه على شفايفي عاصره مناظره اتسنط للهلاهل واصفگ بس اريد استوعب الديزفوا للكبر هذا غزوان نفسه

سمعت ضربة التابوب بالباب كأنما وعيت لنفسي احس النفس خنگني خليت ايدي على كلبي استوني  اركض ورا حتى اودعة وجاني صوت صرخه هيام وهيه اصيح رااااية

انداريت فاتحه عيوني على كبرهن واسمعها تصيح لحگوني راحت البت

بعد اريد حجي لو اصيح وينها ماأكدر لساني انعگد رفعت اديه امشي وهمش مثل المخبلة مااعرف وينها وصلت على الاصوات دفعتهم ودنكت اخذتها لحضني اتلمس وجها عيونها مفتوحة هزيتها حيل ماكو صوت اخذتها لحضني وصرخت ولج يمه اخيتي راحتتتت

ماحسيت غير انعتيت من وراي وصوت فجر تصرخ بعلو صوتها بعدني حتى ماناخيتها سحبتها من ايدي  شالتها وكامت ركضت للغرفة كمت وراها  رحت اسحل بروحي وكفت يم الباب لزمتها بهتانه  اخاف ادخل وتگلي صيحي على اختج 

عصرت نظارات غزوان حتى دموعي ماترضه تنزل غمضت شفايفي يابسة واسمعها كالت ابچي يعمة ورا يستاهل غزوان النووح

شهكت النفس بخنگه دخلت اتحسس وصلت يمها كعدت مديت ايدي اتلمس لكيتها وجها مبلل شلت راسها خليته بحضني لزمت ايدي وهمست بصوت گوه يطلع رؤيااا غزوان ماات ؛عصرتها حيل وشهكت 

…مرن يومين والثالث واني على صفنتي مامصدگة لو مااريد اصدگ اصلا غزوان راح بعد مااسمع صوته الصبح يغني لو بليل يجاكرني؛من كثر الحزن وصلت للجزع احس روحي بعد مااتحمل

راية راسها بحضني مامنهه صوت لازمه مناظر غزوان تغيب عن الوعي وترد تون

ماما حاضنه قمصلته  ومتمدده بغير عالم ؛  ماكو غير صوت هيام وعمتي بالبيت يفترن حتى فاتحة محد سوه لان ذباح انسجن واخو ضال بينا وبينه

متربعة خالة رايه على صدري حاضنتها حيل اتحسس نبضها كارهة عجزي  ؛ انفتحت الباب دخلت هيام كعدت يمي كالت بصوت مبحوح تگعديها هاي عملت شوربة هلبت تاجل اشوي

-لاعوفيها ماعونت تنام شوية

-الله يساعد گلبها موهينه حگها سوده عليه ماتهنوا اشلون جانوا فرحانين ويتنطرون هاليوم

-راح ارد حقها وحق كل يوم ظلمنه بي من روحه

-اخذ ثاركم ذباح

-الرجال  الكتله ذباح ماله ذنب الذنب يم الحيوان الي شمرنا واحد وره الثاني بالجحيم  مثل ماراح احرگه واخلي يتمنى الموت امنية

-خيه رؤيا حگكم يم رب العالمين تركي الثارات وتنوعي لميمتج وخيتج هالتشوفيهن لاحول ولاقوه ضالات بطرگ النفس ماعدهن غير الله وانتي

-مااتركهن اذا ما أمن عليهن

-وين تركيهن وبيدمن تأمنيهن لاحسبالج الغريب يحن عليهن ولاتضحيتج راح تريحهن ترا امج مواته  مچابلة عود غزوان تتنوعله تضحك ودموعها تصب عگلها زال 

-ياريت تموت وتلحكها رايه على شنو ضالات

-استغفر الله انتي من جهه وذاك من جهة متسودن ومسودن ورا خويه محتار بي لاياكل ولايشرب گاضيهه يبجي بالاخص من سمع الزلمة بعد بي نفس يكلهم بس طلعوني اچتله وعدموني

-هو الرجال مو انهزم اشلون حصله ذباح

-دز ورا ازلامنا لگفوا بيت ارفيجه جابوا لان حلف مايدفن اذا مايخذ حگ دمه وهذا لاهو الي اخذ حگه ولاهو الي ضل على روسنا ضيع نفسه بالخالي

-وهسه يخلون شرط مايتنازل عنه ويطلع اذا ماتنازلنه عن دم  غزوان

-وحگ دين محمد يبن البدوية  طلع يذبحنا كلنا مايخلي بينا واحد يشم هوا ؛ماعليه يطلع ابو صكر حطله محامي وراح لاهل حرمته هلبت يحلوها وياهم بفلوس

- كلها تنحل وكلها تعيش ماراح بيها غير غ--

ماكدرت اكمل احس بخنگه عصرت راس رايه بحضني الي بعد ماحس بي گد ماحاضنتها خلت ايدها على مانتني هيام وگال شمالها اخيتج ولج

همست مصخنة

-جا عليش هيج شفاها زرگ

سكتت

-رؤيااا خيه موش وياج احجيي

-لان ماراح تصحى ؛رايه ماراح طول وره غززوان

-شووو عطينياهااا

-تركيها بحضني خلي اشبع منها اخاف هم تروح مثل الباقين واضل بحسره حضنها

-شوو بعديي

كالتها وسحبتها مني  صاحت  يمه سودة بوجهييي ولج عمممه لحگي علي البت بلا نفسسس 

كامت واني رجعتها لحضن وخليت راسي على راسها  اتسنط  لنفسها بكسرة بداخلي غصة تخنگ الدنيا بكبرها

دخلت عمتي تركض اخذتها مني تضرب على وجها ضليت بمكاني حتى مارفعت راسي وندعيت احس بعد ماله فايدة

زحفت ليورا انضربت بالحايط ابتسمت واني اسمع الي تصرخ تريدها تصحى والي تغسل بوجهه وتبجي وصوت ماما تكلهن لابلكي بعدها عايشة

لميت رجليه لحظني اعرفها قررت نهايتها من نفس الدقيقة الراح بيها غزوان؛  بس جان عندي امل اكون مو اني الاخيره بالموت

اكثر من نص ساعة وهمه يحاولون وياها بديت استعد للصرخة الي اختم بيها كل وجع واسمع صوت ونتها وهيه تهمس  بغزوان

نزلت دموعي ودنيت اتلمس سحبتها منهن مسحت عن وجها المي حجت بتعب رئال  بردانة

صعدت  البطانية لفيتها عدل و ضميتها بصدري دنگت خليت راسي على راسها وغمضت مااعرف اشلون اواسيها

مر اليل وهيه تسولف بدون وعي ويه رئال وتشكيلها من غزوان مضوجها

صار الفجر وحنا محد نام عمتي لازمه السجادة وماما على وضعها بس صوت بجيتها اسمعه وهيام يمي كل شوية وغسلت وجها واديها لحد ماصاح الله واكبر خفت صخونتها احس حيلي انهد انطتني مخده هيام خليت راسي وهيه بحضني تغطيت بنفس البطانية وغمضت رحت بالنوم بدون لاحس

***رايه.***

كعدت  على صوت غزوان بأذني وهو يغني صغيرة جنت وانت صغيرون ابتسمت وفتحت عيوني على دگت الباب حيل ردت اكوم كمشتني رؤيا گالت وين

-اريد احجي صوتي مايطلع همست بصوت رايح افتح الباب اجه غزوان

-غززوان مااات

باوعت كدامي العود مالته عالحايط وماما يمه حاضنه رجليه تباوعله ودموعها تنزل

رؤيا.- رايه تسمعينيي

-كومي وديني اله

-مااندل مكانه

-رؤيا نعسانه اريد انام

-ماراح تشوفي بالحلم

خليت راسي عالمخده احس داخلي فارغ فاقدة كل شعور لكيت نظارته يم المخده سحبتها حضنتها وعيوني عليهم كلهم يباوعولي ويبحون مااعرف ليش

اندفرت الباب دخل بابا صاح بنات الكلببب تقفلون الباب عليه حسبالجن اتمنعني من بيتييي

عمتي- . اي انه القفلته لخاطر ماتفوت خلي عندك نخوه واخجل على شيباتك بيت كله حريم ماعركت گصتك وانت تفوته

-هذا الخجل جان شفته يمكم وانتوا محتلين بيتي فاتحة وخلصت شكوو بعد ماتولون شنوو ابتيلنا بيكممم

-انت شني ماتحس ماتتنوع لحالتهن اشلونهاا

-مرتي وبناتي اني اعرف اشلون اداريهن ياريت تاخذين بتج وتردون بيتكم افضل مااسحلج واشمرج بالشارع

-تشمر ياهو لك ؛ انت هم حاسب نفسك ازلمه واجف تتحجه ولك چلمة وحده مني حرام بالحرمة ياذباح يطلعلك من جو الكاع يمدك بحبل ويجسر فچك

-هههه ياذبااح بس لاهذا ابن البدوية الي شمرته  بالحجز حاله حال الفاره يبجي ويتوسل حتى اطلعه

-افاا موش ذباح اليبجي تارك البجي والتختل للخوثان  النجسة ؛اذا تنوعت بعيونه چسره فهاي لخاطر اخياته يخاف تغمض عينه وهو مامأمنهن  ويعرف راعيهن اعوج

-سمعي لج

-لج بعينك يالناگص  انكتممم لااكوم اسحك راسك واخلك عبره للزلم العوجة امثالك تفوو عليك وعلى البطن الشالت هيج نطفة قذرة

-راح اعبرها الج واكول مرة

-لاتجيب طاري المرة على لسانك حرمات تنجس اسمها بلحگ خايس مثل حلگك  ويله رد منين ماچيت لخاطراخليك تشم الهوا

-عالاساس اذا هددتي راح اخاف

-انه ماهدد انه اسحگ وانعل ابو اصلك وخاف زتيت واحد للموت انكرص گلبي وراح اكتفي لااا وروح الراح بحسرة العرس ازت الثاني والثالث بدون لاتنوع وراهم  ولااخليك توصل لوحده منهن

-لعد سمعي الج مناا للصبح وليتي خوش مارحتي اشمرج واروح للمركز اشتكي على اخوج هذا الينبح واگلهم مانعي ادخل للبيت حتى يتحرش بناتي هو وجماعته

-اتفوو روح زين شاربك افضل يالزبالة

-كلمتي يله لمي غراضج راح اسوي بأصلي واخليج للصبح هنا بس بعدها معذور بلي راح اسوي

كامت دفعته طلعته من الغرفة وسدت الباب اندارت لهيام كالتها بساعج اتصلي  بصهيب

رؤيا- لا عمه بابا واحد وسخ وصدك راح يشتكي متحرش بينه ومسؤول المركز انكس منه راح يضيع اخوج الثاني

-افديج بديرتي بكبرها موش بس بخوتي انتن وصية العزيز غلطت گبل وعضيت اصابعي ندم ماعاودها على كص ركبتي

-ماراح تگدرين تاخذينه  راح يحاربج بيه لان بعدني قاصر بدل ماتحافظين علينه اتهدمين بيتكم راح يصفي اخوتج مثل ماصفانه

-چا اشتردين الم اجويلاتي اعوفجن ورد ديرتي طلع ذباح ونشدني شني ارد  تركت اخياتك بأيدين هالنجس لان خفت على خويك

-لا ماراح تركينا راح تاخذيهن وياج بس بالبداية خلي يدخل يگعد وأمني وبعدها اخذيهن وانهزمي هو جبان حده هنا ينبح مايوصل لهناك

-شني اخذهن چا وانتي

-هاا اي قصدي اني وياكم بس سمعي مني حتى اتسوين مثل مااگلج لان ماراح نطلع منا اذا مايأمن

-شتهذين يعمه ماچاي افهم

-بس يصير الصبح ترحين تگليله جنت ضايجة وانفجرت بوجهك صدك ذولة عائلتك وانت اكثر واحد تخاف عليهم  اني راح ارد لديرتي بس قبل هاي اريد اخذ ام رايه للمستشفى بلكي ينطوها علاج يهدئها

-وترگجن يمه لاااع

-عمه ماعلينه حتى يأمن اخذيها وروحي اجري سياره خلي ماما وضلي متانية اتصال مني بين ماقنعه يطلع يجيبلنه مسواك اول مارن عليج تعالي اخذنا

-يالفسفورية گلبي گارصني منج من هاي عيونج التلمض احس وراهن مصيبة

-هه لاامني انكسر ضهري ورا بعد مابيه واكفة

-الف رحمة على رويحته لاتكولين هيج ييمه وعلي ذباح وصهيب موش بس يسندوج لا يكفون بوجه الوكت ويعطون روحهم للموت بس حتى يحموجن

-الله يحفظهم لاهلهم  اني اعرف اشلون  اسند نفسي اهم شي رايه وماما امانه الله يمج ذني

-ملتوحة واكو شي براسج بس ماهو وكته  خليني وراج لشوف وين توصلين يله يمه هيام طر الفجر كومي سويلج لگمه لخياتج

هيام- عمة اخاف اضهر لحالي  لان تنوعت ازلمه دخل للمضيف واسمع صوت طرب

-الله يلعن روحه كل ماتهل وتغيب  ااااخ  يبعد عمتك تروح انت وتظل اشباه الزلم ربي لاعتراض على حكمتك كومي يمه لاتخافين انه چايه وياج هم اجدد للصلاه ماضل عن الاذان جثير

كامن طلعن واني عيوني تتنقل من العود لماما الي تباوع لرؤيا وتعرف وراها سالفة

ابتسمت وغمضت لان احس عصرات گلبي تبلغني بأخر ساعاتي

صار منظره كدامي يباوعلي ويضحك حضنت نظارته  وسديت عيوني حيل اترجاه لايطلع من حلمي ردت بس اعتابه

حسيت ايد رؤيا على راسي  هزيت ابعدها خايفة عطرها يلغي عطره من روحي دنكت همست يم اذني كلها دقايق  وداعت دمعتج هاي راح اخلي يتمنى الموت ويدنگ على رجلج يبوسها بس حتى اترحمي وتكتلي

كمشت ايدها وعصرتها

-بس وعديني تاخذين ماما وترحين وياهم حاولي توكفين على رجليج لخاطر رئال ماعدها غيرج لاتتخلين عنها منتظرتج تردين  تخلصيها

مارديت عيوني على دموع ماما  اتمنى ابجي مثلها بلكي اگدر اطلع  الجواي

دخلت هيام عيونها حمر بيدها صنية الريوك خلته وكعدت تباوعلي ودموعها تنزل دقايق ودخلت عمتي خدودها ملخته باوعت لرؤيا و صاحت لج سمعي يالملتوحة راح اخذ امج وعر لغاد ساعة الج موش اكثر وارد ان خلصتي منه خوش لا اخش اخذجن وانعل ابو شارب

رؤيا - حجيتي ويا

-عمري ماعملتها بس ااخ منج فريتها بيه بس هينه ماضل جثير ويصل چسار راسه اذا ماخليته يبوس قنادر ماطلع انه اختك يذباح

-طلع الرجال الويا لو بعد

-طلع ماضل بس هو غاط لهامتة بالنجاسة

-لعد استعجلي اخذي ماما وهيام وغيمة وروحي ولاتبعدون هواي اجري تكسي خليهن بيها واول مااتصل تعالي بس انتي

-هيام تضل حدجن

-لااااا بس يشوفها وحدها راح يتحارش بيها ولو تصرخ لباجر محد يفزعلها ويخلصها منه اخذيها وياج واستعجلي لان هسه تجي عمتي وتصير صعبة طلعتنا

هزت راسها وراحت لماما دنگت كومتها ولبستها عباتها بين ماتلثمت هيام بالشيلة  كالت لرؤيا يله راح نطلع اخليهن بسيارة واكف عالچاده  اناطرج تتصلين

اشرت اي طلعن بس سدن باب البيت طلعت رؤيا تتلمس وراهن؛ ردت اغمض ماگدرت  احس جمر بعيوني رديت اباوع للباب وكت جيته ابتسمت متأمله يفتحها ويدخل مثل كل يوم 

ثواني وفاتت رؤيا تركض وتنردم  بيدها سجينة  اجت يمي شالت مخدتي خلتها جواها  بعدها ماگاعده دخل بابا يطوطح شافنه ضحك وكال هاا راح فطيسة  الجان ساندجن

رؤيا.- يكول رب العالمين بشر القاتل بالقتل ولو بعد حين بس للاسف ا اعتبر الموت رحمة واني ماحب هالكلمة

-انجبيي وهاي شنو اختج ميتة عدلة شو ماترد

-عوبة حسبالها البجي والمرض راح يطفي نارها ماتدري راح يضل ينهش بروحها لمن يقضي على اخر نفس بيها بدون فايده

-كافيي لغوة وسمعي عدل هاي تصحيها غصباً عنها لاتضل تتحجج بالصخام مات يطبة مررض ماعندي افلوس زايده اضل اصرف عليجن من باجر تاخذيها وطلعن للشغل والي اسمع منها نفس اكسر ضهرها

-عاد عندك شغل النا لو ناوي اطلعنا للجداوة

-وشبيها الجداوة  معيشة عوائل اقلها اطلع مصرفكم لحد ماحصل نغولة يسترون عليجن

-شخبار رئال هم تعرف عنها شي لو مو من ضمن بناتك

-تسوه راسجن لو ماعمها جان هسه بعدني بالسجن بسبب اليهودي الله يحرگة بكبره صدگ وين افلوس محله 

-يم ماما

-اشتعلت روحه هو وامج بيوم واحد خرب بغيرتها صل لايسكت كلبها ولاتنجلط ضالة على كلبي وين غيمة

-طلعت وياهم للمستشفى

-منو كلها تطلع بت المداس بدون اذني خلي ترد واني اعلمها العاهره اذا ماسحكت على راس اخوها بكبره

-منو يكول ترجع يجوز تروح ويه ام ذباح لان هيه ماتعود النه اصلا

-لخاطر اطگ ضهرها بالنص واسحلها اشمرها على انكس واحد بجماعتي اني ربيتها وغصباً على ابوها ترد وحالها حالجن منا وجاي تطلع للشغل  وانتي  يله كومي حطيلي فراش انام ومن ترد القذره گليلها خلي تفرش الغرفة ماخذ غرفتي النكس يريد يعرس براسي يلاااا لج

-ليش ماتجي تنام هنا  لحد ماتجي غيمة حتى تاخذ افلوس من ماما تروح تجيب افراش جديد لان القديم كله بعنا

-لايااولاد الكلب مصفين بيتي تفوو عليكم وعلى روحه النكسه وخررري اختج وطلعي بره  خلي اخمد

-لاتعال هنا مكاني نام  خلي امرغلك ضهرك حتى تنام مرتاح بين ماتصحصح راية حتى باجر نطلع للشغل مااكدر اطلع وحدي

تفل عليها ودخل دنگ دفعها وتمدد عالفراش اباوع لرؤيا غمضت تكتم غضبها  مسحت وجها اخذت نفس وابتسمت گالتله تريد امرغلك ضهرك لو اطلع اسويلك ريوك

-لاااا ماريد سم فركيلي اعظامي تحطمن من نومة الحجز ربي يحجز ارواحجن بجحيم

هزت راسها ودنت يمه انكلب على وجهه وهيه بدت تتلمس بضهره وتفرك عالكيف حسيتها دور على مكان يشله مو يموته بالطعن  كمزها بصوته وهو يصيح فرگي عددل

بدت تفرك وهو غمض اقل الدقايق بعده ماغافي اندفعت الباب ودخلت ماما تركض بيدها سجينة جبيرة وعمتي وراها تصرخ

ديندار مالحگ على سرعتها وهيه تدفع رؤيا وتغرزها بنص ظهره -----

لاتنسون التصويت❤️

شيء من رصيف الدم

بقلمي:leo Alfatlawi

بارت الثامن عشر

لم نودع بعضنا٠٠

كل منا يعلم انه اخذ الاخر معه …

***رايه***

ضربة ماما جانت كفيلة تنبهنا على المأساة الراح نكمل بيها

عصرت نظارات غزوان وبتسمت اباوع لدمه اشلون ينزل هو ويشهگ النفس يحاول يوخر السجينة

مد ايده رايد يسحبها غلبته ماما دنكت سحبتها وردت نبتتها بنهاية ظهره استوى يصرخ ورؤيا شمرت روحها عليه لزمت راسه دفنته بالمخدة ونامت عليه

لزمها من شعرها جرها حضنت راسه بكل قوتها وصاحت مامااااا ربطي ادييي

وكفت ماما تتلفت مثل المخبلة وهو كام يضرب برؤيا بكل حيله بس يريد يخلص نفسه ؛وصوت ونته المكتومة خبصت الغرفة وضرباته لرؤيا الي جبل مايتحملها

اباوعلها صاكة على سنونها وفاتحة عيونها بوسعهن لون لمعتهن تشرح شكو الم عشنا؛ غمضت وهيه تتحسس حركته الي بدت تقل فهت ضرباته استوه ينزل اديه

ضحكت واني اشوفها رفعت روحها خلته يشهگ الهوا

سمعته اخذ نفس قبل لايفكر يصرخ ردت المخدة وشمرت روحها وماما كعدت على ضهره تتماطل ويا تريد تسحب ايده تربطها وهو يجر بيها

صارت عيوني على مشمر غزوان بيدها ذكرت ضحكته وهو ينزعه حتى يلفه على ركبتي حسيت حسرة بداخلي تسكت الدنيا بكبرها

غمضت سحبت الغطة غطيت راسي حاضنه مناظره اهمس وياها هسه يدخل يضحك مثل كل مرة يسأل عنج بس اني ماراح انطيج حتى يضل يتوسل؛ تدرين ليش ؟؟ لان احب اسمع منه يكول رايتي والله تأخرت ولج انتي بگلبي وروح ابوي ماباوع لغيرج

هههه تدرين راح تنزوج وبدل مااحضنج هيج راح اخيلج بليل يم راسي حتى من يكعد الصبح امسحها وانطيهيا بيدي

بس لااا هو كال راح يجي يوم وهاي الذكره الوحيده الي تضل مني يمج امانة لاتنسيني كلما تشوفيها ذكرني

عصرتها حيل فتحت عيوني احس بخنگة ؛ دااوخر الغطة وانسحب حيل وصوت عمتي هيه ودنگ جرتني وصاحت ام رااايه اخذي بنتيج وجعلييي

اباوع بابا مربط حتى حلگه سادي بشيلة والدم من كل كتر ينزل شبه فاقد عيونه على ماما يباوعلها بتوسل دموعه تنزل بخوف

رادت دنگ عليه مااعرف شرادت تسوي لكفتها رؤيا جرتها دفعتها بره وصرخت يله عممممة

دنگت سندتني وجرتني طلعتني تسحل بيه خلتني عالدرج وطلعت تركض من البيت

خليت راسي عالحايط عيوني برؤيا سحبت الباب تتلمس سلقته وراحت فاتحه اديها تفتر من مكان لمكان بالبيت لمن وصلت للعود مال غزوان شالته واجت تتلمس وصلت يمي خلته بالگاع انتجت عليه كالت من هاللحظه صارت عكازتي الي راح اسند نفسي بيها وارد اخيتي مثل مااخذت حق دم الباقين

ردت احجي ماگدرت غمضت حسيت ايدها على راسي وهمست والله راح اردها الج واخليج تذبين حملج كله بصدرها

-ليش منعتي ماما تكتله

-تسمعين ونته هاي اكبر من الموت بنفسه اريد يشوف دمعت رند عالخبزة ويسمع صرخت رئال بالتعذيب ويحس بهلفة غزوان للعرس

-راح غزوان

دارت وجها

-جان يكلي اذا متت شنو تسوين وراي كلتله اموت لاتحجي هيج ضحك كال اتشاقه لعد ليش سواها صدك

ماردت رفعت راسها للسما

-تدرين جان يتوسل بيه يكلي بس احضنج خايف تغمض عيني واضل بحسرتج زين ليش استعجل مو جان متمني يشوفني بدلة العرس اشلون انطا كلبه ويتركني هيج ورا

غمض نزلن دموعها؛ همست رؤيا مخنوگة

شمرت العود واجت سحبت راسي لحضنها وبجت بحرگة اريد ابجي مثلها مااگدر اتمنى دمعة تنزل؛ راسي بحضنها وعيوني على العود مالته صوته وكلمات الاغنية بمخيلتي يرددن

دخلت عمتي تركض سحب رؤيا مني ثواني واجت ماما صاحت يله؛ شمرت عمتي رؤيا عليها ودنگت سندتني وكفت لفتني بعباتها وطلعت تركض بيها

لكيت تكسي واكف بي البنات فتحت الباب صعدتني وكالته دخيلك يخوي عالمستشفى بسرعة يمكن سگطت البت

السايق- شنو مستشفى شنو سقطت انتي مو كلتي زيارة ادخل للفرع بس اجيب بناتي

-دخل الله ودخلك تفارسن المصكوعات بيناتهن وحده طگت الثانية وموتت فرخهااا الحكني

-حجيه وراج بلوه انتي نزليها

-يابلووه دتنوع لوجه البت راح تموت وذيج الثانية تنزف ابوس ايدك بلكي نلحگ على فريخها وشكد تريد كروه عطيك

قبل لايرد طلعت ماما لافه رؤيا بعباتها سدت الباب واجت صعدتها كالته ييمة مروتك البنية تنزف عالسريع استعجل

-خاله شستعجل وسختوا السياره نزلوهن

عمتي- انه اعطيك افلوس الغسل وعطيك ضعف الطلبته ثلاثة بعد شتطلب

-استغفر الله يله فضني بس هاا اذبكم قريب عالمستشفى وارد مالي خلگ مشاكل

-هاي هيه ماتگصر يبعد عمتك وانتي ام راية عري يمي چعدي لخاطر لاتأذين البنوات بلكي الله ولنه ملحگين على فريخاتهن

اشرت ماما اي وفتحت باب الكدام صعدت ركضت عمتي صعدت يمها صح ماما ناعمة بس من الحصرة دخلت بالسايق كوه سدوا الباب نفخ بضوجة بسرعة كالتله عمتي والك بعد فوگهن فوگ اكرامية بس عجل بينه يبعد اخيتك

استغفر وحرك السيارة مشى ؛ خليت راسي عالجام اباوع للشارع صارت كدامي الدربونة النطلع منها بتسمت

منا جنه نطلع اني ورئال الصبح ملثمين نضحك على شكلنا

ومنا غزوان يباوعلنه يضحك على صوت ضحكتنا ويأشر يله امشن حيل

هاي اني بيدي بطالة البانزين ورئال بيدها ملمع الجام وتتوسل بغزوان يغني حتى اتخلي يسمي بنته على اسمها

ضحكت و درت وجهي لبيت اليهودي غمضت صوت غزوان وهو يكول افلتن لايتلبسجن جني واحنا مصدكين نركض بكل حيلنه

عصرت جف ايدي رؤيا همست يم اذني ماضل شي ونرد اخيتنا ونروح لكبره نگله اخذنا حقك وسوينا كل الجنت تتمنى

خليت راسي على متنها اباوع بضياع اريد حضن اشمر نفسي بي واطلع شكو خنگة بروحي تگول حست بيه خلت ايدها على راسي ضغطت على شعري بس ماحسيت هاي الايد المعتازتها

وصلنا قريب عالمستشفى وكف السايق گال لهنا بعد مااتقرب اكثر

نزلت اندارت فتحت الباب سحبتني نزلت اخذتني كعدتني على مسطبة سمنت وردت تتحاسب ويا

درت وجهي للمستشفى ذكرت كعدتي بحضني رند وعيوني بالاسعاف الي مرجعته للسجن

دنگت باوعت حضني خالي مثل كلبي كلتلك مودع بالله ماكلتك اخذ اخيتي وروح ليش غزوان

جان كلتلي لاتحبيني جان كلت اريد الحگ اهلي عشرتهم اعز من عشرتج

غمضت احس الدنيا فارغة مابيها بس اني انجريت حيل فتحت عيوني لكيت هيام تباوعلي ودموعها تنزل بكسره ؛ دنگت كومتني انتبهت للسياره واكفة والكل صاعد

سندتني اخذتني صعدتني وصعدت يمي سدت الباب حتى ماادري وين ماخذينه اكثر من ساعتين السيارة تمشي بينه لمن وصلنا مكان شبه معزول نزلنا

الدنيا الظهر والشمس عموديا سيارات ماكو رؤيا لازمتني وماما اخر نفس لاعلاج والفرگة ماخذه من روحه گوه واكفه لازمتها غيمة

عمتي عالشارع تروح وتجي منتظره سيارة مرت ساعة واحنا على وضعنا استوني داكول لرؤيا تگعدني واشوف سيارة صهيب جايه اتجاهنه تمشي بكل سرعتها شحطها يمنا وصاح صعدوا يبه بساعكم

صعدن البنات سحبتني رؤيا عالصوت تمشي صعدتني وصعدت سدت الباب داس يمشي حيل اندار باوع لماما صاح حي الله بأخت رجال حي الله بالاخذت حگها بيدها وماطخت راسها لشباه الزلم

ماما- مايفيد يخويه لابرد دمي ولاردولي الراحوا

-ان جان على الغابوا ذولة ردوا لراعيهم والدنيا فاينة ياخوي كلها ايام نعرها بلمح البصر ونلتگي بيهم وان جان على ابنيتنا ابشري اعتبرها بحضنج

-خايفه مالحگ اشوفها خايفة اروح قبل لاأمنهن وعيوني بحسرتها

-افااا وانه اخوج لاا ماهگيتها منج خايفة وانتي بحماية ولد البدوية وروح ابوي اليفكر يصل صوب وحده منكم موش يكربلها امحي مثل ما الله واحد

-اهله ماراح يسكتون واني اكتفيت من الدنيا بس ارد رئال لحضن اخياتها واخليهن بعهدتكم وارد اسلم نفسي

-بعد وكت هالحجي جرحنا جبير ولچمته اكبر منه جدامنا جثير يالله ينحچي بهيج سالفة المهم الحين كون محد سمعكم من خبرتوني

فجر- فريت الدنيا بيهم وتأكدت ماكو احد يراكبنا يالله خبرتك بس تراهم ماهم غشيمين يعرفون ذباح رفيجه واول مجان يدوروهن بي يمنا

-وانه راح اخليهن يم الهجامة مايعرن الدرب كلشي يعتازنه يصلهن لحد ماتندفن السالفة ويطلع ذباح لخاطر نعرف شنعمل

-شخباره ابن البدويه

-مامش خبر منه مثل ماتعنيتله رديت حتى ماگابلني سألت عليه دخل المركز يكولون مسودن لاينام ولايركد شامري بمجان معزول

-اهاا جا شمالك يخوي عليش تاركه هيج

-لاه اشلون تاركه بس حريم غزوان جانوا كاضيني وهسه هالاجوا أمنهم يم هجامة واخذ الازلام واعر بوجهي لبغداد ويصير خير

-الزلمه الطگه مات

-لا بي روح راكد بالمستشفى سألت عن اهله طلعوا عالم اعوذ بالله وبيهم كضه بلكي اكدر احلها وياهم بفلوس

اخذت حسره ونتجت تسولف ويا بهدوء اشلون يحل السالفة ويقنع ذباح يطلع حتى يسوي فاتحة لغزوان ويوكف ياخذ عزا

خليت راسي عالجام حتى ما اسمع شنو يحجون ولااشوف وين نمشي مكان عبارة عن صحراء مابيها اي امل للحياة غمضت حيل ابعد صوت عمتي عن اذني واجذبها بكل كلمة تكولها مااريد اصدگ راح مني وبدل اسوالفنه عن الزفة صارت على الفاتحة

مافتحتهن لمن وكفت السيارة وصوت صهيب يكول نورتوا ديرتكم الحمدالله على سلامتكم يبا

فتحت عيوني واشوف بيت من طين صغير تعبان يمه حيوانات مربوطة واكو مرة عجوز كلش بس ضخمة واكفه ترحب بينه نزلوا راحوا يسلمون عليها والبنات نزلن ماما سانداتها

خليت راسي على متن رؤيا رجعت غمضت همست يله خيه

-وين

-ننهي شكو شي بدينه بي

-مااريد اكمل

-بس عدنا اخت منتظرتنا تذكرين شنو كلتلج بعد موتت رند

-ناخذ حقنا ونرد رئال لحضن ماما ونلحگ رنود

-وهذا اخذنا حقنا ماضل بس نرد رئول لحضن ماما حتى نسلم روحنا تره تركت بصماتي على السجينة مثل ماتركت قراصتج هيه وشعرها بيده

-يعني راح اشوفه

-وراح تكملون زواجكم هناك وبيدي ازفج اله يله نزلي وصفيلي المكان الراح ندخل بي مثل مااريدج تشمرين وجعج وهمج بكلبي

مدت ايدها فتحت الباب دفعتني نزلت ردت اوكف ماكدرت احس حيلي انتهى دادنگ اكعد تكول حست عليه نزلت بسرعة لزمتني دارت ايدي على رگبتها سندتني وكالت ماطولني موجوده مااريدج تنحنين

-راح تملين مني

رؤيا -من تسمعين غمضت عيوني قبلج عرفي وكتها مليت منج

-ماراح اكلج وعديني لان الوعدني راح

-واني مااوعد اني انفذ امشي خيه ونتبهي للمكان لان الضاهر امج نوت تنطينا الهم وهمه قرروا يحبسونا واني ماناوي اموت قبل لااكمل طريقي للنهاية

مشيت بدون لاارد اشرتلي عمتي منا رحنا دخلنا ممر مابي مترين مكشوف داير مدايره غرف وحده مبينه مطبخ لان مطشره كدور بيها والثانية حمام بدون باب بردة ومرفوعة

باب الثالثه دخلنا بيها غرفه طين سكفها جذوع نخله مفروشه زوليه قديمه وبنهايتها ميز عليه فراش وبصفه صندوگ

ركضت عمتي خلت مخده وكالت گربي يعمة خلي اخيتج اهني

ودتني عالصوت كعدت كعدت يمي انتجيت عليها اتربعت وكالت نامي بحضني

-مااگدر انام

-راح تلكي منتظرج بالحلم

-مايجيني

-هسه يجيج لان اشتاقلج اول ماتغمضين راح تشوفي لازم رنود واكفلج

لزمت رجلها تمددت خليت راسي عليه دخلت ايدها بشعري تلعب بي واني ايدي على صدري حاضنه مناظره مالي كلب اطلعهن واشوفهن

صافنه اشكد حاولت انام ماگدرت دخلوا وياهم العجوز الجانت منتظرتنا باوعتلي وكالت صبرج جبيرر يچده وعوضج اكبر

اشرت مااريد

-تگسين وتچسرين وتطغين بس گلبه يحمل جثير

ردت اكلها راح ماكدرت نزلت دموعي

-بدل هالدموع ضحكة وبدل هالهضم جبر بس يالمهرة طريچچ طويل والاطول منه جساوتچ والساندج گليبه چلمود

همست مات الساندني

-راح وخذه گليبج ماترك لغيره غير المر والهم اليهد ازلام

غيمه- تعرفين تقرين البخت ؟؟

-بختج مايل مثل سواد گلبج وانتي تجلعين وراها لحد مايچسر فجج الحاميها

-شقصدج

-الحمام جريب انگلعي احميلهن مي واخذيهن سبحيهن وانتي هيام يچده اكو حليبه روحي احمي الهن وجيبي لخاطر ياجلن ويا خبيزه

رادت تحجي دخلت بنيه وجهه مدور عيونها وساع مكحلة بيها سمار سلمت من وره خشمها ونداريت لعمتي گالتها گالوا مطرشتلي بت صهيب خير

عمتي- خير يصيبج يحرمة ذباح وين الهدمة الوديت عليهن

-هسه تركت كمريه تلم بيهن وشصاير عليش هيج مدمايات

-ام رايه طكت عمليتها بالطريج ويله فارچينا روحي خبزيلنه خبزه حارة ولاتچين بعد صهيب محرم اي وحده تصل اهني حتى غريضاتهن انه اجيبهن

-يكون احسن بس خلي اتعرف عالبنوات الريحن زلمتي مني

-سناااء وكلام الله يذباح يمدج عالقبلة وينحرج مثل الخرفان بس يحس بيج متنوعة لوحده منهن موش مسمعتها جلمة

-هسه شني حجينه قابل كفرنا كلت خلي اتعرف عليهن ماطول راح يچاورنا عمر واكيد يتگاسمن الخبزه باينه السالفة كلها راح يتلبس بيها زلمتي

-من ياكلن من چد ابوج تحجي يالعايلة يبت الفكور تفوو عليج وعلى تربيتج وعينج الفارغة مايتعتب ابن البدوية من يغرب وينحدر يطگ بيج

اباوعلها مااهتمت باوعت لرؤيا الي تتسنط وتسحب النفس كوه على الكلام اليحسسك بالذل والعجز

ردت باوعتلي هزت ايدها وكالت موش زلمتج انگمع جا عليش مالابسة اسود لو ماهو يسوه

لزمت ايد رؤيا وسديت عيوني تركت عمتي تسحل بيها طلعتها بره وهيام تتعذر وتبجي

***رؤيا***

الايام تمر واحنا على وضعنا بس حالة رايه ساءت بعد ماجابوا ملابسنا وشافت قميص غزوان بينهن عرفت مقصوده يردن يخبلنها وهيه بالفعل اتخبلت بعد ماجانت تنام اربعة وعشرين ساعة صارت تتوسل بالنوم حاضنه القميص وصافنة

اتسنط لماما اريدها تحجي وياها مااسمع غير ونتها وهيه مستمره تردد بنفس الكلمة لاموغزوان الراح اوليدي بعده زغير

ارفع راسي للسما اضغط على سنوني واهمس بحركة كلب هونهااااا

الزم راسي بالساعات محتارة مااعرف شسوي محبوسين ليل ونهار مانگدر نطلع اخاف واحد يشوفنا وينكشف مكانه حتى العالم من تجي تعالج يم المره تسد الباب عليه

اللكمة كمت احسها سم مااگدر اخليها بحلگي گد الذل والكلام الاسمعه من سناء وكمريه اشكد عضيت اديه على الخبزه الجنت اكلها بيتنا ومااحمد ربي عليها لو اعرف هيج راح يصير بينا جان سجدت سجدت الشكر وره كل لكمة من ايد تعب اخوتي

غيمة وجودها مثل عدمه صايره ضل كمرية النهار بطوله بيتهم ماترد غير بليل تاخذ كم ساعة كاعده بس تشوف الكل نام اسمعها تبلش تهمس شكيت عدها فون بس كلما اواجها تنكر وتصيح منيلي گلبي لعبني منها مااعرف ليش بس دائما احسها راح تشمرنا بمصيبة لان اعرفها طمعه ونكسة وسناء خلتنا براسها بعناد ذباح

كاعده يم العجوز بعد مايأست من رايه ماتقبل تاكل صافنه واهيأ نفسي لفقدانها وهيه تطحن بالاعشاب للعالم گالت شمالج يالضوية

- خرزة بيبي خرزة جان يسميني

-چا ماجذب يچده صدگ خرزه وتضوين اي ماگلتي شمالج

-كلشي مابية بس دافكر منو تموت اول راية لوماما حتى اودعها لان مليت ادفن بدون توديع

-جا ماطولج هيج خايفة من الفگد يالمثبوره عليش من يجي صهيب ويسأل شني معتازه تكفين بوجها وتردين بس رحمة ربي

-لان ماتعودت امد ايدي ولااسمع كلمة الشفقة من احد احنا بخير جذبتي المفضلة

-راح تعبين يالگوية

-تربينا عالتعب اصلا لحظات الراحة نحسها معجزه

-بعدج صغيرة

-وجنت اصغر من دخلتني الدنيا بمتاهتها واختبرتني بضلامها لبالها راح تگدرلي ماتردي اليوكع يجي يوم يگوم واذا كام ماراح يعاتبها لاا راح يعاملها معاملة اليهود

-كالوا متزوجة

-وهذا الثاني جان من ضمن اللعبة الي رادت تكسرني بوجوده خلتني اثق بي واشوف روحي بي ودخلتني بدوامه جبيره فرتني فر وشمرتني بنهاية العالم كسرت اخر جنح جنت استند عليه

-تحبي يچدة

-ماحب غير نفسي وراح اوكف وادور اختي واردها لوجانت بنص جهنم وبدل الذل اعيشهن احسن عيشه وبدل تشتتنا بين البيوت اخذلهن بيت حتى لوكان صغير وتعبان بس راح اسوي الهن جنه واعوضهن عن كلشي مرن بي

-بعدي عن الگريب وفتحي زين للعگرب خاطر تكونين مستعده

-جبناها لان نعرف بيها نكسة بس نتركها تنطي مكانه

-دمها مانو نظيف ودربها درب بليس راح تظلم اخيتج جثير

-ماتلحگ وماطول هيج مفتوح عنج الحجاب اريدج تساعديني

- وجع العلاج اضعاف ألم الظلمة

-اتحمل

-مستعده تجازفين اذا مافگدتي الذاكرة تنجنين لان جثير على عمرج

سكتت

-ها چني اتنوع الخوف بعيونج

-ماخاف غير على اهلي و

بعدني مامكملة اسمع رايه حجت بصوت تعبان رؤيا اريد مي

كمت اتلمس رحت للترمز ترست كلاص رجعت يمها كعدت خليته بيدها اخذته ولزمتني همست لاتجازفين ماضل عندي غيرج

-انذلينه هواي

-صبري يجوز اموت ويخف حملج

-واني مامستعده افقدج بكد مااريد ارد رئال لحضن ماما بلكي توعه لزمانها شوية

-المفروض اني الي اضحي واني اشيل همجن

-وبعدنا منتظريج تكوميلنا تسندينا وتلمينا يمج مثل قبل تشاركينا ضحكتنا وتوكفين بينه من تنعارك

همست بكسره رؤيا گلبي يوجعني

-مااكلج انسي لان كلشي نكدر ننسى بس الي نحاول نسيانه يضل مثل الجرح يلجم بالروح

-مايقبل يجيني بالحلم ليش

-لان يريدج تكومين على حيلج تردين اخيتج المنتظرتج وتسندين ماما الي بلشت اباول طريق للموت

ماردت

-رايه جربنا نعيش بدون ماما ماكدرنا لاتسمحيلها تروح منا

خلت راسها متني بست راسها دخلت عمتي فجر كالت شني اشو گاعدات ماتكومن تجن وياي

هجامة - وين يچن وياج

-لدارنا الحچيه تنشد عليهن تريد تشوفهن كد مالغثت هيام بيهن تريد تتنوع لذني السودنن ابن البدوية وخلنا بعد نحرم نصل يمه گد مايهدد

-جا حگه الزلمه؛ عبنكم مامنكم شده ضهر جبتوا البنوات وشمرتوهن حتى بدون اچل

-وعلي اشيل من لحمي واوچلهن واعطي من عمري لعمرهن وهاي جدامج نجيب بهالزاد ويردنه مايرضن بي جاشعمل

-لانهن بنوات عز ومايرضن بلگمة الذل

-وروح ابوي اذا على كلام سناء يصهيب شلع جلدها وزتها يم اهلها وطرش خبر لذباح كال تركوها ماضل جثير وطالع انه اعرف شني اعمل وخوات غزوان اخذوهن يمكم غصباً عنهن واذا مانعت العرمة سحلوها لان اذا طلعت ولكيتها ماهي بالدار اكمل العوق بيها بس صهيب كال احجي وياها بهدوء لان هذا خبل وهيه خبله وماواگع بيها غير الباگين

-ها يمه رؤيا ترحين غادي وياها

-اي يبعد عمتج تعالي وكلام الله الحجيه تخليكم على راسها والي يكرب صوبكم تمحي واذا هيستي نفس موش سمعتي جلمة اكون معتبه والج كل الحگ

لزمت ايدي رايه عرفتها ما تريد تروح ردت گالت ها يعمه شكلتي

-ماراح اجي لان من اليوم راح ابلش بالعلاج ويه جدتي هجامة ----

***رئال***

كلانا كالاعمى انا لااراه ٠

وهو لايرى غيري …

اول ماگال طالق فتحت عيوني وباوعت لهيذام اشر عالفون دنكت اقرأ صاح اسماعيل يله راح انزل لبابا اگله يخابر الشيخ لاتتأخرين

-اسماعيل ماراح ارجع

-شنوووو ؟؟

-السمعته - كلتها ونزلت الفون واني اسمع صرخته رجت المكان سحب هيذام الفون مني حضر رقمه ودنگ ضاف رقم داس اتصال دقايق واجه صوت ازر گال نعم منو وياي

رد بنبرة رجعت بيها ليورا واني اسمعه يكله شوف لككك تطلع بوجهك على الزماال ابوك تگله هاي گرصت اذن صغيرة اله خمس دقايق مو اكثر ضي اذا ماردت لحضن ابوها يحضر نفسه لحضن ابو ومااتسمى ابن النظام اذا مادفنته بنفس الكبررر

-شكو هيذام شصاير وين ااانت وضي شبيها

-اسأل الخنيث الي يتحامه بزعاطيط ازر اذا شعرة وحده تأذت من ضي كفيلك محمد احرگ البيت بيكممم مايفلت من ايدي ولاحيوان منكم وقد اعذر من انذرر

-شنو ابوي شنوو ضي انت شتحجيي وينهاااا ولك

-لو زلمة وبيك حظ جا عرفت وينها روح ردها بلكي تتعدل صورتك كدامها ولو هيه هواي على زمال مثلك ونكسين مثل اهلك بس لخاطر دگت كلبها الخسارة بيك

غلق الجهاز نهائياً وباوعلي همست طلكني

-شفتي اشكد سهلة

-خليني اغوح وداعت خواتي اغجعلك

-بس هاي الموسهلة

-هيذام

-اووف هيذام گبل

دنگت مد ايده وخر شعري عن وجهي رفع راسي وكال بس لاتغدريني

-ماضل مكان اغوحله اول وتالي غاجعتلك

-واني ماراح اخليج تبعدين انتي دعوة مظلوم صابت الظالم بنص روحه لايكدر يرد بالزمن و يعبر الغلط ولايگدر يكمل ويتخطاها

-صح بسبب غلطتي تأذيت هواي بس هم غاح اعيدها واتحمل كل اذيتك بس حتى اخذ حقنا منه

-هه تذكرين شنو كلتلج اول مره شفتج بغرفة التعذيب

-كلت اندعي يغتالوني والله اندعيت

-شنو دعيتي ؟؟

مارديت

رفع حاجبه رجعت دنكت حسيته تقرب شلت اديه ردت امنعه لزمهن وتقدم اكثر رجعت ليورا انحشكت بينه وبين الحايط زاد قربه درت راسي لان حسيت روحي صرت بنص حضنه

كمش وجهي رفعه صارت عيوني بعيونه اشر شنو

-دعيت عليك ومحيت شكو حلم مقابيل اشوف وجع گلبي بعيونك

-وشنو شفتي

-كلشي ماشفت بس الحيونة والظلم

-تعرفين شنو شغلي واشلون اعامل اليغلط وياي

هزيت راسي اي

-لااا

-تغه ماغلطت لوما انت جبغتني

-ماغلطتي اني الغلطت والف مرة مستعد اعيد الغلط بس حتى اعيش نفس الشعور انتي قضيتي وماتصيرين لغيري حتى واني جوه التراب

-مافد يوم ضوجت ماما لعد ليش هيج دعت عليه

-او يمكن دعوة امي

نزلت دموعي داحجي خله اصبعه على شفتي منعني سكتت سحبها عالكيف ودنگ اريد اسيطر على نبض گلبي مااگدر غمضت واني احس انفاسه على رگبتي همس بكلمة وقفت الزمن يمي؛ دافتح عيوني واحس طبع بوسة خفيفة دفعته رجع ليورا

وگف عيونه حمر يباوعلي بغضب رجعت ليورا وهمست تغه الدتسوي حغام

-ونحلله

-شنو يعني

راد يحجي وقاطعه دسار بدخلته ساحل العجوز ترجف وجها اصفر والسلاح براسها

شمرها وكعت يم رجلين هيذام گله وهاي جبتها الك كول مقصر

-بيع لو دثر

-الاثنين سوه وضيفلهن دفن وتهريب

-كفوو لابطلة

-لكفتها يم الربع تتحاسب على طفلة

-حلوو أمنت المكان

-من الشارع لاوالله بس نگدر اول ما تظلم نعبر من السطح عدل على عالعام

-ورأل اشلون

-سهلة هو موكلش عالي طابقين اني انزل وانت اشمرها الي اذا الها خبزة الگفها واذا لا مومشكلة المهم التجربة

فتحت عيوني صاح ومررض شكو هيج تباوعين

-تغه اني بشغ مو لعبة تجاغب

-احجي عربي

-مااطفغ تغدون انتم غوحوا اني غوحي موغخيصة

-غا غي غو وغلغالة التغلغل اضلوعج شفتهمت هسه

هيذام - اتركها واطلع اتأكد من مكاناتهم

-لا اكو طريقة اضبط اخذ ام نص السان اخليها بالباب اذا رموها معناتها بعدهم واذا ضلت صاحية تغاغي يعني بأمان

اشر اي ودنگ خله حذاءه عالعجوز دفعها وگعت سحگ على راسها اشر احجي

العجوز -وشرف امي مااعرفهم

-ماطول حلفتي بشرف امج صدگتي گومي وياي وانت اشمرلي اللثام وعيونك على رتبتي

اشر دسار على عيونه شمرله اللثام لگفه ودنگ لزم العجوز من شيلتها اخذها يسحل بيها دخل جوه عرفته راح يسد حلكها ويعذبها مارادني اشوف وصدگ مامر دقايق واسمع صوت ضرب رجت البيت مسحوبة بونة تاخذ الكلب

كعدت مكاني عصرت نفسي حسيته حيوان بدون ضمير كل ضربة اسمعها تجي من قوتها تطلع الصرخه مكتومة من روحها

اباوع لدسار مترجية بلكي عنده محنة ويروح يلزمه؛ سوه روحه مايشوفني دنگ يمسح بسلاحه كأنما مايسمع عرفته نفس النوع

اكثر من ربع ساعة وهو مستمر لمن اختفى صوتها اخذله شوية وطلع يمشي بثگل يفتح برداناته تكول غول مرعب ؛ عدل وكفته دسار و كله بشر

-بالحديقة جوه الحطب البضاعة

-بسس نبرة صوتك خففها يااخي اطفر الموته من كبروهم

-لهيج ناوي اطفر ابوك واتفل بوجه على هيج خلفة مخنثة

-الله يحفظك اخووي ابو درع الغالي المهم سلاح لو مخدرات

-مخدرات وفلوس مزوره

-حي الله النشامة وهسه شنو

-اول مانطلع تتصل بالمكافحة بس خلي أمن مكان لرتبتي

-موجود وطلعتها هم سهلة

-شوفلك غير الشمر هيه من غير شي نص الاحرف كامزه يمها

-حظر نفسك بس اخابر ضبع يجيب الازم لخاطر اني اعبر من فوك وهو يشغلهم بين ماتطفر بيها

-ولو ماتسوه الواحد يضحي بروحه بس يله نعتبرها قضيه فاشلة نخلصها ونشمر ملفها

-مبينه من الشخوط الي بوجهك

-هه لاابشرك وعضة

-اول مره اشوف جلب مهتلف ينعض

-مهتلف ولالفو خاين بلده اااخ بويه اتمنيتك واكع بيدي قبل المصيبة

-لوماهذا اللفو جان انت هسه بعدد الاموات

-ولو مااعبرك جان حتى اسم ماضل الك يالدثو

-اني دثو لو انت تكول فحل غوريلا الله ساخطة لاشكل لااحساس وين اكو زمال يرفع العازل الشوكي بضهره

-هذا شغل ازلام المزعطة لاتسولف بي

-المزعطة هاي سلمت خلية من اطلع ابوك ونظامه من كبروهم مايحصلون خيط منها

-من هيج نفوك بحفره الموت

-نفس النفاك شمرني لخاطر يدفن كم جثة طفحت ريحتها بس انطيني مجال شوية اذا ماخليته يردد الشعار الوطني حتى بصلاته مااستمى ابو الليل

-هسه ددبرني وطلع هالمصيبة منا بسلامة ونترايه بعدها يكون من حصة منو

-بس يوصل ماسح الذاكرة

-وعلى شنو ننتظر كلها ثواني وتعلگ ويه الملائكة

كالها واجه يمي رجعت ليورا مامفتهمة شيقصد انضربت بالحايط حتى مالحكت احجي هيه سحبة وهيه ضربة بنهاية راسي ماحسيت بعد

گعدت غواش راسي مصدع مكان دافئ رجعت غمضت فركت راسي فزيت على خشونة صوت هيذام وهو يكول ترسوا ماي وسووله احتباس نص ساعة ميطول بيدكم …

فتحت عيوني لكيته وكف يم الشباج بطرگ البنطلون عرض امتونه سادة الطلاگتين بكبرهن بيده جكارته والفون على اذنه

اباوع غرفة خالية مابيها غير فراش وبنهايتها صوبة رجعت عيوني بي فاتحتهن على كبرهن واني اسمعه يگله ربطة بين قالبين ثلج وشمره بالحديقه… اعترف تمام ؛ حب يطول خلگ اكطع الاوكسجين بجيس مثل وجهه …حلوو اتركنا منه انتبه للولد لاتخليهم يطلعون وحدهم المكان مزروع الغام …عفيه اتوكل وخليك على تواصل لاتتصرف من راسك …يله ابني منتظرك

غلق الجهاز اندارلي همست منو هذا الدتعذب بي

مارد خله الجكارة بحلگه اخذ نفس ودنگ ينكث بيها

-غزوااان ؟؟

-شتكولين انتي

كمت بسرعة ركضت لزمت ايده اشرت بخوف لااا

-ضربة الجنص تجي مرة وحدة

-لالااا والله موهو السبب اني طلعت وحدي لافدوه هيذام هاي اني كدامك اخذ حقك مني هو ماله ذنب

-انتي جاي دورج

-والله مغيض مايتحمل وخواتي ماعدهن احد عيونهن بي والنبي يضيعن دخيلك

-جرة اذن مواكثر

نزلت دموعي

-ليش تبجين

-انت طاغي وغاح يجي يوم وتتحاسب على هذا ظلمك

-لاه همزين كلتيلي ومسحي عيونج هذا مو غزوان واحد حب يتشاطر راد يلعب ويانه وتعرفين الدولة في خدمة الشعب ماحبينه نخليها بنفسه

-وهيج دتعذبه

-والله المفروض نعدمه بساعتها بس لا يفيدنا ندرب بي كم واحد جبان

- من اي طينه مخلوق انت شنو ماتخاف من يوم الحساب

-كل وقت اله اذانه

-وين احنا

-شبسرعة نسيتي ريحة منطقتج

-يعني ماطلعنا منها

-منتظرج تصحين ونقرر بعدها

عصرت ايده نزلت دمعتي بتوسل

-شرايده رأل ؟؟

-والله اشتاقيتلهم

-منو ذولة

- بس احجي ويه غاية لو اشوف غزوان حتى لومن بعيد

-ماتستاهلين

-ادغي والله لهيج خليني اشوفهم وشنو تغيد غاح اسوي

-واني مامنتظر منج شي ؛ امج وين ممكن انحصلها ؟؟

-شنو وين بالبيت

-غير البيت عدها مكان ثاني

-شصايغ هيذام ماما شبيها

-مابيها شي بس الضاهر متعاركة ويه ابوج ماخذة خواتج ومختفية

-كلش متأخغه لو مسويتها من زمان مجان وعشنا كل هذا ولاوصلنا لنها

-وين احتمال تضم

سكتت

-ترا نص ساعة ماطول بيدي اطلعها لوجانت جوه الگاع بس اني ماريد احد يندل مكانها

-لعد ليش تغيد تعغف

-لان عمرج تحت ال ١٨ ولازم هيه موجودة

-لشنو

اخذن نفس من الجكارة نفخه بوجهي غمضت بسرعة درت وجهي انفتحت الباب دخل دسار باوعلنه ودنگ ينزع بجفوفه بس شكله مكلوب اشر هيذام شكو

-الامة مگلوبة علينه المراكز والامن تارس الشوارع

-حلو يعني وصله الخبر

-ورگبته هو جماعته صارت عالمحگ كلها سحبة وحده ويصيرون طشارة

- لابعد وقته اريده يرتاح عالاخر ويأمن اشكد مايكدر حتى شغلته تكون بمتعة اكثر

-واني ماعندي وقت

-ماحصلتها ؟؟

-اختفت بت اليهودد

-تلكيها يم اهل ذباح

-صلخوا جلد ابو بالدگ ونبشوا بيت الخلفوا نبش ماكو

-صار كم ساعة مختفين

-البارحه بالليل موجودين تكول لبسوا طاقة الاخفاء

-اتركهم شوية خلي تبرد السالفة واني اردها الك

-بس اتأكد هيه بخير ماريد شي البت رعنة وماتكعد خايف تشمر روحها بمصيبة انكس وتتأذه

-ماطول كدرت تطلع منا بهالسرعة تكدر تخلص روحها بس انت ابتعد لان العيون عليك

-مايگدرون يلكفوني انت بس اسند ظهري من الغدر واني اعرف وين احلصها واشلون احميها

- بلغت الولد راح يتكتمون عالخبر ويراقبولي كل تحركاته قبل لايتنفس انسفه هو ولده

-كفو ابن النظام وشغلة ابن الباشا وين صارت

-اعترف على اغتيالنا ضلت شغلة الاطفال والسلاح سلمته لابو الموت مايطول لباجر يعترف حتى على اهله

-خوش حجي وانتي رتبة المهتلف يله عالمطبخ جبت الاكل طلعي حظري ابوي انسمط من الجوع

باوعتله مامفتهمة شنو يجي صاح موويااج

هيذام - ابن الجحش صووووتج لك

- دشوفها واكفة مثل الثولة صافنة بخلقتي

-دسار ليش تخليني اعيد ترتيب عظام وجهك

-نعتذر عيوني ام لدغة بلكي تتفضلين كدامي عالمطبخ

-البيت مأمن؟؟

-اي بت الهوش اخذت افلوس بكد شعوذتها مرتين اذا ماربطتها وطلعت شكو صخل دافنته من عيونها مااطلع اللفو الحيوان بس خلي تفض الشغلة

-بيك حظ روح دور الزيطة الطفرت من ايدك ونوب تعال استرجل عليها

-راح الكاها واملص اذانها بت الدغش

-عود باجر يله راويني عرض اجتافك وانتي لاتضلين صافنة روحي ويا شوفي شنو جايب طبخي اخلص المخابره واجي نص ساعة الج مو اكثر كون ماكامل حرام اتعشى بيج

همست مااعغف اطبخ بس اگلي اشياء خفيفة

دسار- استلم وهسه اشلون

هيذام - شنو جايب

-تمن وسمج كبار

-اخذها نظفوا السمج واني جاي

هز ايده شمر اللثام جرني طلع يسحل بيه ويدردم هم لدغة وهم غبية يول متكليلي شنو فايدتج

وخرت ايده باوعتله بضوجه شال ايده بسرعة ضميت وجهي دمغني ودفعني عالمطبخ دخلت جفي همست حقيغ

-لااااا لفو حيواان خاييين

-شنو

-بوجهج عالسمج اريده انظف من وجه امج

-بس لاتعيط افتهمت

-والله اشك

-تغه مااسمحلك

-لج لدغه وحزام الحمزه اگشرج بدل السمجة انطمي واشتغلي وانتي مكتومة

-اغيد اغوح للحمام اول

-استلم انوب تحجيها بوجهي بنتي اكو اخترااع اسمة خجل لو انتن الله غاسل حضجن لاوالله احنا المغسول حضنه واله وين اكو زمايل يتركون الي ينحلف بأسمهن ويركضون ورا ذوي احتياجات الخاصة

-للعلم اني مو معوقة وثانية جنت مخطوبة لواحد لوتموت ميخليك جندي يمه

-سولفولي على حظج بس ماكالوا غبية بنص لسان

-ماغاح اغد عليك

-لاغدي بغوح الغسول

درت وجهي جرني من شعري سحلني قبل لااصرخ دفعني حيل صار بوجي هيذام دايدخل اجيت ترس بحضنه لزمني كله شبيك لك

-تريد تدخل لحلگ ابوك

-هذا حلگك لاتستعمله هواي لخاطر لااغسل حظك وانتي ذاك الحمام روحي

رحت وهو دخل للمطبخ وصلت للحمام صارت كدامي غرفة اباوع ميز عليه مبخرة وتماثيل غريبة صاح هيذام رررأل عيونج

دخلت سديت الباب خلصت عالسريع وكفت عالمغسله اغسل وجهي وشدهتني قراصة تشبه قراصة رؤيا عالرف شلتها كلبتها لاهاي هيه

طلعت ركض دخلت للمطبخ لكيت بس دسار واكف يسوي بالسمجة رحت يمي خليت القراصه كدامه شال راسه اشر شكو

-غؤيا جانت هنا؟؟

-واشلون اكتشفتي هالشي بس لامن القراصة

-اي لان هذا الاستيك ماما اتخلي النا من يفلت شغيط قغاصاتنا

-عادي امي هم عدها نفس الاستيك وتستعمل نفس الطريقة وهاي منو رؤيا

-لعد شجابها هنا

-اني جان شعري طويل بس اتعاجز امشطه بترته جيبيها وتعالي كملي السمجة يله لج

اخذها وجرني خلاني كدام السمجة لزم ايدي خله السجينة بيها مسح اصبعه بالدم مال السمجة ورد مسحه بخدي گال خرسة عمية وحبابة لخاطر لايكون دمج مكانه

-جانت هنا؟؟

مارد فجأه اتغير شكله خله القراصه بجيبه وخزرني خفت دنگت بسرعة لزمت السمجه لان حسيته صار انسان ثاني

راح يم السنگ يغسل اديه اباوعله البلوزه ضاكة على ضهره؛ بنهاية رگبته وشم واحد ثاني على جف ايده

صح حلو بس شكله غريب مثل تصرفاته ساعاته هادئ وساعات ينجلب

كمل تغسيل سد البوري اندار نكثهن بوجهي وكال لاتركزين هواي

-اتمنيت غؤيا هنا جان شلون غدت عليك

-متاكده بس ترد

-لاوالله حتى تضغب ميهما غجال مغه الي تلزمه تسحل بي الگاع

-هاي الضربة الي يم عينج منها

-لا ماتكتلنا ابد صح تعيط علينه بس تحبنا حتى لو جنه غلطانين بحقها

-ابوج جان يعاقبها

-هواي لان من دونه توكف بوجه وتغلط عليه مغات حتى تكتله

-اشلون جان يضربها

-يحمي زيت ويديغ على جسمها مغات بالحزام مغات بالصوندة حسب مزاجه

-ليش ماتحمنها

-مايكتلها كدامنا من نطلع للشغل يطلب منها تنظف الاستقبال وهيه تعاند يعاقبها

-يعاقبها لان توكف بوجه لو تمنعه يتحرش بيها

دنگت

-هم يتعرضلجن لو بس هيه

-هيه اكتغ شي لان ماتشوف ويمه طول الوقت

-وغزوان وين عنجن؟؟

-اذا موجود مايخلي يشمغ نفسه كدامنا يحصل الكتل مكانه بس هو يشتغل شفتين دوم ماموجود بس حتى يجيب افلوس اكتغ ويمنعه عن اذيتنا

-شنو الجن غزوان

-اخونا والسند العشنا بظله انت ماشايفه لهيج ماغاح تحس بالغاح احجي بس يجي يوم ويجي ياخذني منكم وغاح اتشوف اشلون حنين وشهم

-منو كلج راح يجي

-وعدني وحتى لوماوعدني اعغفه مايعوفني الي جان يضل الليل كله وهو ينگل حديد على متونه حتى يجيبلنا خبزه الصبح ناكلها والي ينزع قمصلته ويضل بالبغد حتى يدفينا هذا مو بس يجازف بنفسه حتى يخلصني لا مستعد ينطي نفسه للموت

-الله يرأف بروحه

دنگت نزلت دموعي

-ليش تبجين ؟؟

-مشاقتله هواي اشلون ماحسه كلبه اني بنفس منطقته وهو جان يكول احس بيجن قبل لاتنزل دمعتجن

-يجوز موهنا لو مشغول

مسحت دموعي ابتسمت وهمست اي مشغول لان ديحضغ لزواجه

هز راسه اي

-هيذام وعدني ياخذني لزفته

ضحك بس ضحكته بيها كسرة اخذ نفس واسمع ضربة بسطال وراي دنكت بسرعة عاصرة نفسي بكد مامسببلي رعب هالصوت

همس دسار شنو هاي بس صوت بسطاله خلاج تنخرسين هيج

-حقك انت لو مجغب ايده ماحجيت خو اذا شالك من شعغك هذا احساس ثاني

-اني منه مو بس اشيلج من شعرج لاا امدج واروح وارد ادفرج على هاي فهاوتج لج بت الكلببب السمجة مرمطتي ابو ابوها من غير الدموع النغف التبلتيها بيها

-مو داانظف شبيك تعيط

-هيه سالكه ابوها وتكول انظف هاي شتحجي وياها

اجه هيذام طبگ اردانه اخذ السجينة وبعدني عنه وكف مكاني كله طلع گدر والطاوه خليهن عالطباخ بين ماانظفها

-سمعتييي لج شنو كاال

هزيت راسي رحت بسرعة دنگت اخذت كدر وطاوه من جوه السنگ غسلتهن شغلت الطباخ خليت الكدر انداريت داسأل اشوكت اخلي الطاوه لبالي يتاخر بالتنظيف فتحت حلكي واني اشوفه يخلي السجينة ويسحبها على طول السمجة بلمح البصر كملها وكطعها شمرها على دسار كله اغسلها

راح للسنك غسل اديه واجه يم الكدر كال وخري لاتنجوين روحي جيبي بصل ودهن

وكفت اتلفت اجه دسار جرني من ملابسي وداني يم الكاوتنر ورد للسنگ يغسل السمجة

طلعت بصل والدهن رحت انطيته وكفت على جهة اباوعلهم اشلون يشتغلون ويسولفون براحتهم تكول طباخين محترفين مو ضباط

اكو ميز قديم كلش وداير مدايره كراسي بنهاية المطبخ مشيت سحبت كرسي كعدت خليت اديه جوه وجهي وانتجيت عيوني تتنقل بينهم؛ وين رايه تعالي شوفي اختج وين گاعدة ومنو يطبخلها

اقل الساعة كملوا الطبخ صبوا بصنية جابوا خلوا عالميز استوهم يگعدون رن فون هيذام فصله وكعد قرب الصنيه واشر اگلي

دسار- جهازك يلمض

-الربع استفقدوني امبين وصلت الضربة الثانية

-حلو شخبارهم

-ضي ردت واسماعيل خذوا للمستشفى بي انهيار عصبي وابراهيم يتلفت مثل القنفذ الاملس

-اشلون خال اسماعيل عايش لسه

-الي يعيش رعب انتظار الموت مو مثل اليوكع بي

-قصرت ماحولته بعد سالفته

-لاهيج راح ينسى واني اريده يذكره بكل مره يشوفه و بدل ماينسى صرختها يزيدها بعجزه

-وين صفى الدهر بأمها

-مااعرف اختفت ناس كالوا انتحرت وناس كالوا تمرضت وماتت كل واحد يكول شكل

كالها وخله كدامي سمج مفلس رد دنگ ياكل ودسار يسولف على بيت طافرله اشلون لاگي بي بنيه مخطوفة والخاطفيها مستلميها تعذيب

وهيذام مستمر ياكل وكل شوية يفلس ويخلي كدامي بدون لايباوعلي لان شافني صافنة عرفني مااعرف انظفه عن العظام

خلصنه الاكل انتجه باوعلي كال الاكل واني سويته يعني شنو

-شنو؟؟

-تكومين وانتي حبابة تسوين جاي

-هاا

-تعالي رأل يمي

بسرعة رجعت اني وكرسي ليورا كمت ركض غسلت اديه سويت جاي بعد ماسمعت الف غبية من دسار حتى دوهني خلاني صدگ اثول بعد مااندل لاالشكر والچاي

صبيت الجاي انطيت لهيذام وانداريت لدسار قدمتله اخذ شرب شوية وعفس وجه كال شنو هذا حشى نعمة الله

-انت دواك غؤيا كون سامعتك جان صبت الجاي على غاسك وكالتلك حتى توب تطلب سنة ليكدام

-هيذااام من رخصتك خوية او شنو من رخصتك هيه عرضي قبل لاتصير رتبتك

هيذام -اترك الرتبة وطلع للولد راح يوصلون انطيهم عنوان ابو المنشأه خلي يراقبوا

-لايول ماحزرت منتظر الليل بالثواني حتى اطفر للبر

-اخذ الولد وياك لاتروح وحدك

-لاتخاف اعرف اشلون افلت وشنو سالفة ابو المنشأة

- راس ابراهيم يمه

-هيذام بروح ابوك اذا لكفنه عمك شيسوي بينا

-كل واحد طلقة ورأل تنحجز بالامراض النفسية

-ليش هالظلم شمسوين احنا وهيج نموت موته نكسة

-كلشي مامسوين هو كم راس جبير سلمناهم ويه كم قضية اغتلاس لرتب وغسيل اموال وشرب وسهر حق اليتيم لااا احنا اكلنا اليتيم بنفسه

-انعل ابو معرفتك لابو اليسألك يله بلكي هاي يعدلون اللدغة عدها

-دگوم ولاتنسى شغلت الشيخ هم اسأل اذا ترهم تكون وكيلها

-اويلي بعلي لعبتها شنو تنطيني

- مكان الباشا

-حي الله ابن النظام تضل بس اوارق ابراهيم وندخل باللعب النظيف

-وهاي يمي بس فضني كون اليوم نكمل كلشي حتى باجر نطلع للمركز

-دقايق بين مايجي ضبع حتى نطلع سوه

-خوش جيب وياك للريوگ معلبات و حليب

-من الاسواق

-لامن ديوس ضبع كوم دسار وانتي يله عالغرفة عدل اريد اطلع

هزيت راسي سحب سلاحة خلا بضهره كام واشريلي يله

استوني گمت بعدني مامتحركة ومانسمع غير سحبة اقسام وملثمين ترسوا المكان …

لاتنسون التصويت …

شيء من رصيف الدم

بقلمي: leo Alfatlawi

بارت التاسع عشر

عندما تزداد مبالغتي بحبي لك '

ذكرني بأنك لست لي "

****رئال***

بعدني مامتحركة ودخلوا ملثمين طوقوا المكان جمدت مكاني عرفتهم عليه ماحسيت غير هيذام سحبني خلاني ورا ورفع سلاحه بوجهم  لزمت ضهره وهمست برجفة لاتخليهم ياخذوني

دار وجهه باوعلي وگال مستعده تموتين

اريد ارد مااگدر احس شفايفي نشفت عصرت ملابسه حيل وهزيت راسي 

-سجليها بذاكرتج هاي ثالث مرة انطي روحي لخاطرج ماوصيج حتى هناك خذليني

نزلت دموعي

ابتسم واشر لدسار صار بصفه بسرعة سدوا عليه  ضميت وجهي بضهره واني اسمع صوت الملثم الي رج المكان  وهو يصرخ اررررمي سلاحك وسلم روحك

هيذام -سلاح الزلم يثور ماينرمي والروح ماتتسلم غير لراعيها

-ماعدنا شغل وياك عدنا امر بخصوص البنية سلمها بدون مقاومة لاتجبرني ارميك

-وهاي بالذات ماتاخذها غير على جثتي وحتى على جثتي هم ماراح تحصلهااا

-ترى ماتكلفني شاجور

-وهيه ماتكلفني طلقة؛  دساااار

بعده يحجي ودسار خله السلاح براسي وكله قبل لاترمش عينك اعتبرها يم الباري

الملثم - تتحدوني ؟؟

-ونسحگ ابهاتكم والسبع البيكم يفكر يباوعلها مو يوصلها كفيلك محمد اخلي طشاركم ماله والي 

رفع ايده الملثم وصاح  الك ثانية ماغيرها اسلمها ياتسلم روحكم  لجهنم

-هه الضاهر السرحك منطيك معلومات ناقصة اسمع لك ياتصير سبع وترمي يا  تاخذ ربعك وترد للزمال الدزك  تگله يسلم  عليك ابو درع ويگول من تريد تنجح بمهمتك اختار زلم تلزم شاربها مو خنث تتراجف بالحجي

-واني مااطلع بمهمة اذا مااحسب احساب روحي بيها ؛ابن النظااام اخر فرصة الك روحك معلگة بنزلت ايدي

-خليك كد الرتبة الابسها وسويها اقلها تكون مستحقها  ولو متأكد قاطبتاً مابيكم زلمة مثل المشغلكم

-راح تسلمها وبيدك وفوكاها شاربك يتزين بالحذاء على هذا كلامك

-تخسى دتقدم خطوة لخاطر اعلمك شارب منو الينسحگ وانعل ابوك لابو الساندك

-انطيتك فرصة

-الفرصة للمزعطة امثالك الفحولة تجيبها بيدها

-سلمهااا

-ارررمي

اباوعلة عيونه على هيذام الي واكف بصلابة تكول حجر لاهامه الموت ولا مبين عليه اثر خوف  موجه السلاح ضاغط عالزناد  عرفت هاي نهايتنا ماراح يسلمني

ضغطت على  قميصه ضميت راسي حسيت ايده لافها عليه بدون وعي  لزمتها وعصرها حيل   مثل الي يريد يسحب الخوف مني ويأمني بموته بدون الم صاح الملثم ابنك مقابيلها

-الطالع من ظهر ابو يخلي ابني براسه  مو يفكر يوصله كفيلك محمد عشيرتك بكبرها امحيها كدامك وشرط بيدك تحركهم

-كلمة الثانية انطي الامر بالرمي

-بطل بس قبل لاتنطي انزع اللثام حتى اتأكد زلمة لان تعرف بيه مااكتل نسوان

-ههههههه وعلي لو تمر الف سنه هم ماراح تتغير

رخت ايده فتحت عيوني لكيته يباوعله مثل الشاك بي رد گاله الملثم و ليش ماتجي تجرب خلي انشوف منو ينگال اسمه لخاطر يردد الشعار ويلحگ ربعه

ضحك هيذام سحب ايده ونزل سلاحه وذاك نزع اللثام اباوع ولد شاب اسمر وجهه كله شخوط يباوع لهيذام ويضحك فتح اديه و اتقدم

وخرني هيذام عنه وراح حضنه حيل عصره وهمس عرفت الدگة الناقصة ماتجي غير من الاعزاز

-الك وحشه ابو درع

-من تعرف روحك خنيث جان دزيتلي مسج اجيك تره زحمه جايب فوج وجاي

-هههههه وداعتك هذا عمك ماادري انت كالوا واحد مهتلف وتعرف مهتلفينه هواي ضعت بينكم

ضحك وخر عنه ضربة بمتنه 

-شوفلك غيرها لاعبيها سوه

-هههههه اول ماانذكر اسمك طفرت بس لخاطر اشوف شكلك وانت مذلول بين اديه تتوسل بس خرب بغيرت حيونتك جنك رفش انتحاري لاذمة ولاضمير

-صار هواي مو  ؟؟

-اووو عمر اشلونك يخوي

-هاي كدامك ضابط مستقيل منهزم من المعتقل منتظر الموت بأي لحظة

-وسفة والله ابو درع يوگع هالوگعة شنو السبب ؟؟ ومنو  هاي الي هيج مخبوصة الدنيا بيها وحضرت جنابك مقدم نفسك كبش فداء لخاطرها

-كبش وماكدرت تاخذها منه  يابه انزع الرتبه وعلي خزيتونا

-هههه اذا انتم تكول مدرعات حاصريها بينكم وين احصلها

كالها وندار لدسار كله يابه اشلونهم الخونة

دسار- خاين ولاجبان واكف يتراجف الغسل الك وللدزك بهيج مهمة فاكسة مثل وجهك

-استلم ولكم عندي امر اسلمكم جثث

-وشمنتظر راوينا مراجلك

-اشلون يخليني اربطهم واخذها كدام عيونهم سحل

-بس جرب لخاطر اعلمك الخونة الافين ديرتكم شتسوي باليوصل عرضه

-عرضك عرضي وانه اخوك الله يستر عليها ويحفظها الك

-لعد الزم لسانك حتى تضمن سلامة راسك

-يابه لاتمحي راسي ولااگرب يمها  زلمة  ماصار اسبوع من اجيت نقل وبعد هاي المهمة راح ارد لمكاني دفرات

هيذام- شوصلك مكانه

-اجتنا اخبارية عن طريق مجهول طلعنا

-حلوو يعني احترك المكان

مارد اندار لواحد من الحراس كله بابا تاخذ الولد وتطلع تنتظرني بره شوية وجاي وراكم اي واحد يتصل ماترد لحد مااجي وحذر الولد ياخذون حذرهم

هز راسه الولد انسحبوا طلعوا وهو اندار لدسار باوعله ودنگ حك حاجبه

بسرعة دسار كال تعالي وياي

اريد اتحرك من الهبطة احس رجليه نشلت لزمني   اخذني طلعني من المطبخ وداني  للغرفة كعدني بفراشي وطلع

خليت ايدي على كلبي غمضت شفايفي ترجف اريد اتبلعم بلعومي يابس مامصدگة بعدني عايشة  دخل دسار دنگ كعد كدامي رفع راسي ؛ بيده دبة مي گال هاج شربي وغسلي وجهج

اشرت مااريد

- بابا راح توگعين وجهج تغير لونه

-صدگ غدت تكتلني؟؟

-اكيد لان الموت ارحم من الراح يسووا بيج اذا لكفوج

-بس هيج غاح يكتلوك

-العرض اهم من الهوا صح راح اموت قبل لاانفذ وعدي الها وتضل حسرة بكلبي شوفتها  بس اهون من عيشة بقذارة

-مافهمت

-لاتفتهمين وتخلين براسج غير اشوكت ماحسيتي خايفة ومعتازة شي اذكري وراج من الي  يفديج بروحه

-ليش دتحجي هيج منو انت ؟؟

-اني اخوج يله شربي مي وخليج هنا لاتتحركين مانتأخر عليج

لزم ايدي خله الدبة بيها ابتسم خربط شعري وكام طلع

حطيت المي بصفي لزمت راسي صافنة احس نفسي بحلم وذولة ماموجودين اصلاً

صوتهم برة وصوت سيارة الشرطة الي اشتغل

شلت اديه يرجفن  يعني اني موجودة وكل هذا صدگ

اي اني الي جان ابوها  يستلذ يتعذيبها اركض انضم ورا غزوان صوت صرخة راية متوجعة تتوسل لايدير الزيت عليها وايد غزوان الي محتار يسحبها لو يحميني

هاي رند بحضني ورؤيا لازمتني تهمس بخوف رئال لاتخلي ينطيني الهم

عگدت حاجبي لعد ليش انضميت بظهر هيذام وخفت من الموت ؟؟

مسحت دموعي لاماخفت على نفسي خفت اتركهن وراي تحت رحمته ؛ جازفت وطلعت لان ادري بيهن  منتظراتني؛ غزوان وراية ضحوا  بسعادتهم لخاطرنا صار الوقت يرتاحون واني اصلا حياتي مخربطة متانية نهايتي بأي لحظة اقلها اسوي شي  يذكروني بي

شلت المي غسلت وجهي اجت صوت ضحكته العالية من بره رف كلبي ضربته حيل ورفعت ادية شلت شعري لفيته نزلت كم خصلة  على عيوني  داخليهن ورا اذني واسمع صوت ضربة بسطاله الي قوتها تنبهني لطريقي العثر الراح اواجهه ويا

عدلت شعري انفتحت الباب دخل بيده سلاحه مدنگ يطبگ بردانه  باوعلي خله سلاحه بظهره واشرلي يله

قبل لااسئله وين راح؛  كمت رحت ورا طلعت لكيته يسولف ويه دسار عالكيف البيت هادء  كلش مبين ماكو احد شافوني مشوا مشيت وراهم دخلنا بدولان ضيگ جانت بنهايته باب صغير تقريباً نص باب

وصلنا يمها شغل دسار الفون وفتح الباب نزل اندارلي هيذام كال يله

-شنو يله هذا گبغ

-اي وهذا المطلوب مو تردين تلحگين محمود  شنو الجديد

-هيذام تغه بعدها خوفة الصاغ بيه ماطلعت منها

-رأل نزلي افضل مااشمرج بدفرة

-المكان صغيغ ما يكفيك غاح تحشغ بي وتموتنا وياك

-اجريدي واحشر بت القندررة رئال كدامي عدددل

-ماانزل

-اووو اشلون شغلة هاي لج باباااا ماكو وقت لثولج اذا ردوا لو يجي الحر الرياحي مايخلصج منهم

-وانت شنو حتسوي هم غاح تدفني ماغوح غوح وحدك

-ليش منو وصلنا لهاي المرحلة رأل كفيلج محمد اهفج كله اعدل لسانج النعل ابو ابوي يله لجججج

هزيت راسي لا رجعت ليورا

سكت يباوعلي وياكل شفته اخذلة شوية وسحب نفس بيأس  اجه انداريت ردت اركض مالحكت لكفني من شعري لزمت ايده  باوعتله بتوسل وهمست والله هذا مكان مسكون

-لاتخافين ماكو جني يتلبس وحدة لدغة كلبها يلعب حتى عالبشر

-لبالك هذا مكان امن  تغه  غاح يلكونه

-سهلة من يجون عود غاغي تلقائي راح ينهزمون يله بنيتي

-اشكد اكغه هاي الكلمة بالاخص منك

-بكد كرهي لسماع صوتج امشييي يله

ردت احجي صاح دسار وينكم يمعوديننن

سحبني للسرداب دخلنا بي مكان ظلمة درج ضيگ  كله عناكب نزلت اول بايه حسيت اجه شي جوه رجلي رجعت صعدت رجلي  بسرعة انظربت بي خله ايده وره ضهري كال لاتخافين كملي طريقج

-والله حسيت شي

-اشيلج

-لا بس ضوي الگاع والزمني حيل حتى اذا اكو شي مااطفغ واوكع

-سهلة بس فضينه

-هيذام

-اشتعل ابو هيذااام

-لاصغخ يسمعوك الجن

-انعل ابو الجن لابو دسااار

دسار-  ابن الكلببب دسااار شكو مدخله بالنص لو هم صدگ وين اكو ناقص تارك عرضه بيد واحد مهتلف وانوب يوفرله اجواء

-عفيه الحگ حلله قبل لااسحگ بنص عرضك وصخم وجهج اكثر ماهو منعلول اصله

رفعت راسي باوعتله مامفتهمة شنو يحجون دار راسي ونزلني كل بايه ادوسها احسها طگطك كد ماقديم المكان

دسار مضوي من جوه وهيذام لازمني من فوگ واني كوه اتحرك عيوني تتجول بالمكان شي مرعب وخنگه قبل لانوصل رن فون دسار رفضه واشرلي كملي  

نزلت اخر باية طفه فونه وكال بس ضربة بسطالك بروح ابوك السرداب تايخ والكعبة يطلعونه من جوة الانقاذ مثل البريعصات مسحوكة تريلة

هيذام -اشوكت تولي

-وصل ضبع طالع ماتأخر بس أمن المكان انطيك رنه تطلعلي

- طالع تأمن المكان لو تطفر  لخرزتك

-لازم احصلها قبل لايوصلون للدغش

-شغلة الدغش يمي ربع ساعة وامحيلك كل الطرق التوصلهم اله

-حي الله ابن النظام لعد اني اجع للبر  بلكي الگف اثر الها

-قبل لاتروح شوفلك صرفة للمشعوذة وخلي الولد يراقبون المنطقة وانتبه لنفسك لاتثق بأحد اي حركة غلط تحس بيها انطيني اشارة

-افاا واني اخوك حسبالك مشت عليه سالفة صاحبك بس عبرتها بمزاجي الغشيم مايدري نص عمري خلصته بين السرابيت والنواقيص جايني تالي عمري يطگطگهن عليه

-دسار تعرف وين دخلنا وويامن جاي نلعب

-بطريق جهنم ويه ابليس نتزاود ويا عالكرسي

-عفيه البطل الغلطة بعزيز

-واليوصل يمها والخلق رب العز اطلع احشائه بسنوني لاتخاف على خرزتي اعرف اشلون احميها حتى لوجان قارات بينا عيونك برتبتك

-اتوكل يخوي وستعجلي بالشيخ لخاطر أمن عليها   واروح اشوف ابني قبل لااطلعلهم

اشر على عيونه طلع من جوه بلوزته لثام اسود وجفوف وكف اتلثم ولبس جفوفه خله سلاحه بظهره كال اندعولي

-گدهاا ابو الليل

-نبرة صوتك يمعود وعلي السگف گوة مجلب

-دطلع لاهفك دفرة الزگك بي

-اخاف اتأخر ويجفتوك عود لاتبجي بس كلهم اني صاحب دسار

-من يحصروك وتضبط نفسك ماتبلل بنطلونك ذاك الوكت عود استند بأسمك يالفو

-لفو ولامهتلف

-بول تيري مهتلف لو سمحت كالها وخله جكارته بحلگه باوعلي رافع حاجبه

رجعت ليورا همست والله مواني هاي غؤيا  لقبتك

دمغني دسار  وندار لهيذام اشرله عالطلق

دنگ هيذام رفع بنطلونه طلع مخزن رابطه برجله انطاه اخذه وصعد عالسريع

خله الفون هيذام على ميز محطم وصعد ورا  تركته يسد الباب وكفت اباوع للسرداب كله اشياء قديمة اكثرها تحفيات غريب شكلها

درت وجهي للجهة الثانية ابتسمت واني اشوف مجموعة مال كتب بس متروسات تراب وعناكب

اسمع صوت جداحة وراي درت وجهي لكيت هيذام مدنگ يورث جكارته اخذ نفس منها نفخه وباوعلي اشر شكو

-ذنيج كتب

-اهلا وسهلا واني هيذام

-دتصنف

-لابابا على شنو اصنف بس المطلوب شنو

-يصيغ تغوح تجيب واحد

- وليش تجازفين بيه ماترحين انتي

-تغه ماكو شي بس تغاب وحشغات صغيغونة

-وتغه ماعليج حضغ تكدغين تغحين

-هسه الله يشوغ بيك

-اكثر من هيج موعدل هذا ظلم

-هسه تغوح لولااااا

-لاا وصوتج لاتعلي حتى لاخليج تكملين حياتج بالاشاير

سكتت ماتلام بيك رؤيا من سمتك بول تيري صدك مجلوب

درت وجهي باوعتلهن كلبي مانطاني اتركهن احس روحي متعطشة للقراءة وشكلهن يجذب مبينات قديمات كلش

اخذت نفس قويت روحي رحت امشي عالكيف كل شوية انضرب بشغلة كد ماهوسة كل ثانية اندار اباوعله بلكي يكول تعالي ولاكأنما واكف ايد بيها جكاره والثانية بجيب بنطلون يباوعلي بعدم اهتمام  شايلين هرمون الاحساس منه نهائياً

دنكت اباوع للكاع متروسة غراض كمت اشيل رجلي اقدمها ادوس باطراف اصابعي اتحسس ماكو شي يالله اتحرك لمن وصلت وكفت   اباوع كتب اشكال دادنگ اخذ واحد كال تركي

درت وجهي اشرت ليش مارد شمر جكارته داسها واجه يمي وخرني دنگ شال واحد طلع شي مثل الحية ام سليمان من جوا يمشي سريع بدون وعي جريته حيل وصرخت ديغبااالك  

رجع ليورا صاح شبيج بابااا

-حية دخلت جو الكتب

-خرب ببليسج جفلتيني لو لادغتني ولاهاي الطفره

-تعال مااغيد عوفهن غاح تغجعلك

-وليش هيج خايفة عليه

-مااخاف عليك اصلا اتمنى تموت بس مو هسه اخاف اضل وحدي

رفع حاجبه

-لاتباوع هيج يله وخغ منا هسه تجي

-تجي لو تغجع

ابتسمت ضحك خربط شعري كال روحي اوكفي هناك جاي وراج

سحبت ايدي من قميصه جعت لمكاني وكفت وهو ضل يكلب بالكتب اخذلة دقايق وشال واحد نكثه من التراب اشرلي هذا

هزيت راسي رد دنگ طلع بعد واحد جابهن واجه انطانياهن

ندار لجهة جان بيها ميز شاله شمره على صفحة زاح كم شغلة بسطاله سوه مجال سحب خشبة خلاها بالگاع كال يله تعالي كعدي

رحت كعدت وهو رجع للدرج كعد مقابيلي طلع باكيت الجگاير دنگ يورث وحده لخ

فتحت الكتاب اوراقه قديمة صايرات صفر قريت الصفحة الاولى يحجي عن علم النفس اذكرت غزوان من جان يسألني شنو الطريقة التقرين بيها بلدغه لو عادي ابتسمت

غمضت صارت صورته كدامي وهو يفتح اديه ويهمس حتى لاتسمعه راية - بروح خالج هاي الشخوط مال نگل الحديد  هم تأثر على عقلي بالمستقبل لو لا

-اي بعلم النفس يكول التعب يسوي خلل بالدماغ

يعني غاح تصيغ مخبل وغاية تعوفك

-حلو زين وبخصوص لدغتج ماگايل شنو سببها

-يكول لان تصبحين بوجه واحد بأغبع عيون انتي بس اخذي اختج وابعدي عنه غاح تحجين عدل

-ولج ماصار ساعة من اكلت  كتله بسببج لعد اشكد انتي بذات

-القانون لايحمي المغفلين منو گلك تصيغ بوجه بابا

-خفت تموتين واني استوني مشتري كتاب كلت وين اوديه

-جيبلي بعد كتاب واني اخلي غايه تحبك مغتين

-كولي والله

-والله  وحتى اخليك اسمي بتك على اسمي

-كومي سويلي لفه خلي اولي للشغل احصل كم دينار افضل ماكابل وجهج

-مو صوجك صوجي اني عايفة كتاب مليان معلومات ومضيعة وقتي ويه واحد عيونه تكول لمبات سياغة عطلانة

ضحكت واني اتخيل اشلون شالني من شعري وكام اخذني سحل  للمطبخ شمرني وسد الباب

ردت نزلت دموعي واني اشوفه من بعيد يصعد  بعربانة الطابوگ التعب هاد حيله كوة يدفع بيها وصل نص الدرب وفلتت من ايده نگلبت عليه احس روحي  شاطت ويه صوت وگعته وهو يصيح اخ ياابوية

حسيت ايد تمسح دموعي فتحت عيوني لكيت هيذام كاعد كدامي نص گعده اشر شبيج

شهكت

لزم وجهي بين اديه مسح دموعي بطرف اصابيعه رفع راسي وگال وكلام الله بدل هاي الدموع لبجيهم دم

- اشتاقيتلهم

-بس انطيني كم يوم واجيبهم الج

-مااغيد اشوفهم

-رأل الي براسج انسي

- ماغاح اعوفه غاح اطلع شكو يوم نامت بي غاية وهيه  تشهگ من الالم غاح اعذبه مثل ماجان يعذب غزوان اخذ عيونه مثل ماسوه بغؤيا واختمها بموتت غند

-وانتي

-ضيعني بتهمة مالي ذنب بيها باعني بلاش خلاني اتمنى الموت بكل لحظة

-تعرفين ابوج منو ؟؟

-واحد جبان عايش بس حتى يظلمنا

- اكبر شيطان مايشوف بعيونه غير لون الدم لعبته المفضلة الموت اذا ضهر يحرگها بجثثها مايخلي ورا اثر ينذكر

-لااا حيوان مايستحق حتى يعيشش

-شنو الرايدته

-اشوفه مذلول  گدامي يتوسل الموت

-وبعد

-ماما تاخذ خواتي وتعيش بعيده عن الجحيم البي

-غيره

-اشوف غزوان حتى اشكغه على كلشي سوا علمودنا

-اعتبري كلشي تم

-ليش هيج دتسوي وياي وانت ماشايف مني بس الاذيه

-حتى ارد رتبتي  تذكريها

-وانت خو مانسيت شعغي

-عود شنو هيج تساوينا

-حتى لوماتساوينا تغه بعد مااخاف منك

-متأكدة ؟؟

-امم

-رأل شنو تشوفيني

-متناقض

-اشلون

-ساعات مثل الوحش بدون ضميغ تاكل حتى بشغ وساعات لاحباب

-تعرفين اشوكت اتحيون وانسى نفسي منتمي لفصيلة البشر

-امم من تشوف احد تضوج منه لو يغلط وياك

-شسويله

-تأذي بدون وعي

-اذيتج

-لااا

-هم سألتي نفسج ليش

-لان اني غتبتك منصبك  متعلق بحياتي  اذا تأذيت يضيع مستقبلك

باوعلي ساكت اخذله ثواني وخر شعري عن وجهي  خلا ورا اذني وهمس ليش انتي

-شنو اني ؟؟

مارد گام رجع لمكانه كعد طلع جكارة ورثها ودنگ انتجه على رجلي عيونه بالكاع اتحسه غير عالم 

همست غاح تغجعني للحجز

رفع راسه باوعلي بدون لايرد

-تغه وعدتني اغوح لزواج غزوان 

هز راسه اي

-صح  منعتني اغوح اكتل بابا  بس هم اول مااوصل للحجز قبل لااعتغف غاح اشتكي علي

-بعدج تحبي ؟؟

-وضاله على وعدي ويا

-من شفتي جثته شطلبتي منه

-يضل متانيني بنفس اللهفة  لحد مااجي

-لوجان صدگ داكله كلبج جان ماطلبتي منه غير مايتركج

-وعدته ماصيغ بحضن من بعده

-وصرتي

-لااا

-وبأكثر من مره كلما تحسين راح تفقدين حضني  تركضين بدون وعي؛ نفس الدموع بنفس الطلب

مارديت مسحت دموعي بضوجة لميت رجليه درت وجهي عنه كارهه نفسي لان كل الديكوله صدگ

صار هدوء مر وقت لاهو حجه بعد ولااني باوعتله؛ احس ضهري طگ والجو بارد  يصل من الرطوبة حضنت نفسي اكثر خليت راسي على رجليه دقايق واسمع ضربة بسطاله غمضت عيوني مااريد اشوفه 

وصل يمي احس شي داره عليه  شلت راسي لكيته نازع قميصه العسكري وضال بطرگ البنطلون ؛دااسحبه اوخره لزم ايدي خزرني وحجه بصوت يكتم النفس لاتعاندين الجو باررد

-لاتخاف ماموت

-ولاراح اسمحلج تموتين الي هواي يمج

-مالك يمي بس منصبك

-وتعب السنين الضيعتهن بالتحدي وسهري واني مگابك المشتمل

-لاااااا

-على شنو معصبة

نزلت دموعي

خله جكارته بلحگه ورفع حاجبه

همست الله ياخذك

ضحك بستهزاء ودنگ ورثها اخذ نفس نفخه بوجهي

-هسه تشوف اشلون غاح اندمك

- ليش  تبجين ؟؟

- لان اكغهك

-هاي هيه

-واتمنى ماشايفتك بذاك اليوم ولادعيت عليك

-دخيل ذاك اليوم وذيج الدقايق  وكلام الله مستعد ادفع نص عمري بس ترد لحظة منها

-هم ماغاح اشوفك غيغ عدوي

-واني ماشوفج غير قضيتي

-خليني اغوح

-ماراح تتحركين خطوة قبل لااخليج بأسمي واضمج بين ضلوعي  غصباً عنج

ردت احجي قاطعني رنت فونه لبالي دسار كمت  بسرعه لزمت اديه وصحت بس لالزموا

خله جكارته بحلكه  مسح دموعي لفني بقميصه عدل ورح ؛شال جهازه عيني بي خفت لكفوا ماعونت يجاوب اخذت نفس براحه واني اسمع صوت ضحكت درع وهو يصيح  بابااا

اخذت نفس ورديت مكاني اباوعله  كعد  عالدرج فتح كام ورد هلا يروح ابوك اشلونه ابني الذيب

-زين هواي

-هذا جهاز ضيونه شجابه يمك

-جدو ضربني كمت ابجي هواي ضيونة جابتني لبيتها حتى اسكت بس اني مااسكت لمن تجي وتعيط عليه

-جاي يبعد ابوك وداعتك لمده جوه رجليك مااطلع ابن ابوي اذا ماخليتك تسحك على راسه

-عمو اسماعيل صار مخبل كام يضرب راسه بالحايط والطبيب ضربه ابرة

-لاتوصل يمه خليك بيت ضيونة لاتطلع منه

-رئول راحت بعيد وعمة رحمة كامت تبجي وجدو كام يعيط كال للحرس روحوا طلعوها من جوه الگاع بابا راح يضربها خطية تعال لاتخلي يكتلها

-لاتخاف يروح ابوك مااخلي

هو يحجي واجه صوت ضي كالتله اشلونك هيذام

-هلا بالبطلة

-تره مو اني الهربتها

-ضي ردي لجهاز لدرع

-بس اسمع

-انطييي الجهاززز

-ماارده هيذام صح اعزك بس رئال مالها ذنب بالدتسوي عندك ثار وياهم لاتدخلها بالنص

-كملتي

-لااا واني هربتها لان عرفتك دتلعب بكلبها حتى تعلقها بيك ونتنقم  من خلالها بأسماعيل بنفس الطريقة السواها بسحر  …

***رايه***

مازال قبلي يرتجف حين اذكرك ؛

كشعور كفيف يقرأ بأصبعه رسالة حب "

رؤيا تحجي واني فتحت عيوني لزمت ايدها عصرت جف ايدي وگالت لاتعبين روحج وتحجين لان ماراح اسمع

همست بتعب ماعندي غيرج

-ولارئال عدها غيري لهيج لازم اجازف لان ماضل شي عندي اخسره لو هيه الصايبة ومخلصتجن لو هيه الخايبة وساكنة المصح هم اخلص من الهم وهم اخلصكم من عجزي اقلها يخف حملكم

-وهيج ينطيج گلبج تعوفيني

-حتى لو ماعفتج راية بعد ماترجعين انتي ماعايشة انتي ميته اقتنعي بهذا الشي ماراح تصحين ولاتوكفين بعد خليني اجرب ترا ماتفرق ظلام العايشته عن ظلام الكبر 

-وماما

-وينها امج تعرفين اشلونها اني عمية وعاجز ومامني فايده انتي هم فگدتها ترا ماما فاقده من ساعة الجابوا ملابس غزوان وحضنتهن

درت وجهي صدگ لكيتها حاضنه قمصلته ومغمضة

رؤيا -ورئال لاصدگتي اتزوجها ضابط وعايشة سعيدة اصحي وتذكري احنا اليهوديات  بنات البتاوين الي حتى نسب ماالنا من غير سمعة ابونا السابقتنا  واكيد هو يعرف كل هذا يترك مركزه ويجي ياخذ هيج وحده لوماجان عنده مصيبة براسه ينفذها بيها لان يدري محد يسأل عنها ولاواحد يگله وينها

رجعت غمضت مااعرف شجاوب الحيرة وبعده هدني هد  ضلت عمتي تسأل بهجامة شنو اضرارها واخاف يأثر عليها لان بعدها صغيرة ماتدري ماحدتنا شايلة هم والم يعادل عمر شايب  ماضي عليه دهر من الحجزن 

هيه تحجي وسكتتها سناء مرة ذباح  بدخلتها كامت عمتي صاحت شجابج   اهني ياهدامة  الدور موش حرم عليج صهيب انتي شني مالج رداد

سناء - انه هدامة الدور جا ذني شنييي انتي ماتخافين ربج مرة جبيرة اريولج تخط بالگبر جلعتي حلتي صهيب خليتي يدفگني لخاطرهن الما يسون دينار بسوگ الحريم

-ياهو المايسون دينار تنوعيلهن ذني مداسهن براسج انتي وهلج وانگلعي منا لاقسما برب العز اطلع بوجهي لذباح وتعرفينا انتي مايحتاج اگلج

-عليششش هاا  شعملتت هاي بس لخاطر  دافعت عن زلمتي وبيتي عاجبج رگدته  بالحجوز وياريت لشي يسوه

-عليش يمه اول مرة ذباح يخش الحجز ماهو گضه نص عمره بالسجن يمتى ذباح لفه داره وركد لخاطر تسودتني علينه

-زلمتي من حگي ادافع عنه ماصدگت طلع بعد هالعمر يجن مثل ذني يزتنه بالسجن والله اعلم اشوكت يطلع وانوب من مصايبهن حملهن ومصرفهن واحنا عالم على گد حالنا

-حمل ياهو شتلغثين يالناقصة تربية

-مانه ناگصة  انه بت عمج وابوي شيخ العرب صيته كاضه الديره واي حمل جا منيله زلمتي يصرف على اربع حريم

باوعتلها عمتي  ولطمت على وجها صاحت سناء على شني تلطمين  كلنا ماعدهن اهل لفن ديرتنا بس لاحوة ولاگعوة  موش يضلن يعلفن بروسنا هاي عمية والثانية خبلة ماعرفن تمثل هم انكتمنا اقلها امهن خلي تطرگ البزايز والسدور  وتعر للگاع ويانه لخاطر تحلل لكمتهن موش زتن زلمتي بحلگ الموت وكاسمنا حتى باللگمة

- يمه يمه وعلي يذباح اذا سمع ينحرج وكلام الله يطشر دمج

-شني مالي اهل ويتفگني خله يچيس شعره مني وتنوعي اخوتي شيعملون بي

-وروح عريس المنية  يخلي الدم للرچاب يخش داركم يسحلج من نص ازلامكم  يدوس فجج جدام عويناتهم والاشج من اخوتج يفچ حلگه ماهو يكف بويهة كفي الشر ونهجبي يبت عمي

-ماانه ناشده عنك ولاانه الرادة لبيت زلمتي اذا مايرد ويعر لدارنا  يشوفلي حل لمصايبه موش تالي عمري اشتغل ليل ونهار وانه بت الشيخ لخاطر اعلف بحلوگ بنوات منهزمات من ديرتهن محد يعرف مصيبتهن شني

هيه تحجي وعمتي سطرتها راجدي وجرتها من عباتها سحلتها تريد اطلعها وهيه انهدت مانعرف تصرخ لو تغلط وعمتي تسد بحلگها بس تريدها تسكت

گامت ماما كوه سانده روحها همست بتعب تركيها لاتتخاربن ويه اهلكم لخاطرنا

دفعت عمتي ودخلت هاده على ماما صاحت تنوعتي اشلون هديتن بيتي وضيعتن زلمتي الله يلعنجن منين اجيتن انتن

-حقج ييمه احنا خربنا حياتكم بدخلتنا وكلفناكم وثكلنه عليكم هواي 

-اي چا ماتاخذيهن وتولين لو تعودتوا على الچداوة عيشه براس العالم لاحسبالج مااعرفن شني براسج عليش هيج زاته نفسج بس لو تموتين مااخلي ذباح ياخذ وحدة من بناتج حدجن تخدمن جوه رجلينه موش تخلن راسجن براسنا

اباوع لماما دنگت بكسره نزلت دمعتها  لو شكت كلبي نسيت كل حزن مااعرف منين اجتني القوة وخرت رؤيا وكمت سحلت مرة ذباح  دفعتها على عمتي حيل وصرخت مو احنا الرخاص الي نشمر روحنا على واحد خبل مثل زوجج ولا احنا الي ضالين هنا حتى ناكل براس عالم مثلكم لو ماعمتي دتتوسل وذرعت طريق من الجنة بعيشتها الي حتى عيشة الحيوان ابونا افضل منها مااجينا

ولو ماالخبل رجلج يسوي روحه رجال براسنا ويدگ صدر مافكرنا نوصلكم ابد

-ذباح مانه زلمة

-اي لو زلمه صدگ ماخلى وحده ناقصة تربية مثلج بأسمه  وهاي اللگمه الي تعيرينا بيها مانريدها ماعاش الي يعير امنا بخبزه واحنا عايشات 

-ماطول هيج طلع عندج لسان وكرامه خذي هلج  ونكلعي من هون

-واني مايشرفني اكعد بمكان بي امثالج وامثال الي حاويج وراضي بطياح حظج وقلة تربيتج

انداريت لماما كلتلها يله كومي ركضت عمتي لزمت ايدي كالت دخل الله ودخلج يعمة امسحي بوجهي الصخمته بت الفكر وكلام الله يذباح يصلبنا على جذع النخلة ويرمينا بدون رحمة

-لاحقها عمه احنا هواي وثكلنا عليكم

-ثكلتي على ياهو وروح ابوي اشلع من لحمي واخلي جدامكم دخليج  ييمه وعلي خويي يروح بيها ولج يجتل حرمته ويضيع رويحته بدون عگل مسودن هذا

-مايكتلها من يرد كليله هنه راحن ورايه تكول  كفيت ووفيت ماقصرت سويت العليك واحنا نعرف ندبر نفسنا

-يبووو يبوو على حضج يافجر راح خويج ييمه احب على رجلج  لاا اجيب صهيب يدنگ على ايدج امج ويعتذر عن صخام هالعگربة الي ناويه  على الدم شني الرايدته اعمله بس لاترحين امشيه عليج رسول الله

مارديت وخرت ايدها ورحت كومت رؤيا ورجعت لماما دنگت اخذت قمصلة غزوان من ايدها مارضت تنطي عتيته عت شمرته على رؤيا ورديت امسح بدموعها والف بشيلتها

طلعت عمتي بره تركض عرفتها راح تصيح لصهيب ومرت ذباح وكفت تباوع بشماته اخذت دقايق شافتنا صدگ انلم بغراضنا كالت اي هيج من البداية اله تنهانون

مارديت

هزيت ايدها وطلعت كمت لميت شكو شي النا خليتهن بعلاليگ وصلت لقمصان غزوان غمضت شلتهن خليتهن بالعلاكة بدون لااباوع اتمنيته يمي واكوم اضربه لمن يبرد كلبي عالذل والكسرة الحسيتهن بغيابة

سديت العلاكة داكوم ماما واسمع صهيب صاح يالله يباا

ردت هجامة خش يبو صگر

دخل سلم رديت بهدوء واني مدنگ على ماما اعدل بعباتها

-اشلونج خويه ام رايه

هزيت راسها زينه

-دوم ان شاء الله وانتي يبوي رايه

-بخير عمو

-وعليش تكوليها بضيگ خاطر وشني هاي الهندام البيج  وعلى وين العزم ان شاء الله

-ارض الله واسعة ماكو بشر يضل محتار ورحمه ربه موجوده

-والنعم بالله دعنا من العتاب والزعل وكلام الحريم المالها رداد اسألج سؤال جاوبيني علي بروح عريس  المنية وبعدها وكلام الله عملي الرايدته واچسر ريول اليكف بويهج

-كول عمو

-لاتكولين عمي كولي يبا حالج حال بنواتي لان قسما برب العز ماحاسبجن ولاعزلتجن هون اذا ماحسيتجن بمعزة  بنواتي  المهم يبوي هم طلعت مني چلمه كدرت خاطرج فد يوم لو گصرت وياجن بدون لاحس لاتعرفين البشر خطاء وچل من لايسهو

-لاعمو حشاك والله ماقصرت ويانه ولو ماحسبتكم اهلي ماكعدت بينكم وغمضت عيوني كل هالفترة واني مأمنه على اهلي يمكم

-جا جذبتي يبا

-ليش

-البت التغتاض تجلع تشكي لابوها  وتعاتبه لخاطر يرد حگها موش تاخذ اغريضاتها وتهد ديرتها لخاطر چلمة من وحده ناگصة حشمه وزلام تچسر  فجها

-لاعمو مو علمود الصار بس هاي الحمد الله صارت حالة ماما زينة والشغلة راح وقتها نسونا يعني بعد ماله داعي نضل هنا هم ثگلنا عليكم

-وانه البت ماتطلع من داري غير لبيت زلمتها

باوعتله وهمست بكسره مات

-الله يرحم روحه الطاهر  وماضل عندج غير درب الكبر

-يعني شنو

-يعني تكفين هندامج وتچين بيت هلج يم الحجية چدام عيني حالج حال بناتنا الي اطگج طكيها والي ترفع صوتها جسري فجها والي تسمعج چلمة سحگي چهامتها  وكليلها انه بيت ابوي تحشمين نفسج لو اشكيج اله لخاطر يدفنج بهدمتج

-واني مااريد مشاكل التعب البية كافي ولا اريد منية احد اخذ امي واختي نأجر بيت عسى مالكمة خبز باليوم نحصلها من تعبنا تكفينا ونحمد ربنا

-زعلج چايد يبت الاجاويد

-موزعل بس هذا الصح خسرنا كلشي ماضلت غير كرامتنا اقلها من نموت اكو شي يشفع لعيشتنا المره الجنه متحمليها

-وانه دگيت صدر لذباح اسلمكم بيده مثل ماعطيته چلمة احميكم طول غيبته عنكم

-ماراح اضل

-خلي اتنوع طولج معتب الباب وانه اعلمج الزلم شتعمل ردي بيا  لمجانج وعينج بأهلج بين ماخلهم يحضرولج مجان لخاطر اخذج غادي بين العيال

ردت احجي صاح فجرر تبگين حدهن ماتعرن لغادي ثواني ويكون صگر حدر الباب  اي شي تعتازي خبريني

فجر -تأمر  يخوي بس ابوس ايدك اترك حرمة ذباح

-لاهاي حسابها يم زلمتها

-يبوو يبووو  لامروتك وعلي يجتلها انه احب على اديهن وطيب خاطرهن باليطلبنه بس لاطرشله الخبر  دخل الله ودخلك يخوي

مارد وخرها عن طريقة وطلع ضايج  طلعت ورا مااهتميت دنكت شلت العلاكة اجت هجامة لزمت ايدي گالت  يجده انطري

-مااضل ومحد يكدر يمنعني اروح

-هذا بيتي وانه سكتت وخليتها تزت سمها لخاطر تعرفين عدوج من رفيجج

-واني مااريد اعرف احد اخذ اهلي واسحگ على كسرت روحي أمنهن واروح ادور على اخيتي اردها لحضني لان ماضل عندي غيرهن

-محد يخليج تتحرجين سمعي الهواش بالوهاد بس لخاطر تمنعه يطرش خبر  لذباح تعرفين عليش يجده

-لان تخاف يضرب زوجته ويتخارب ويه ولد عمه

-لا لان مسودن خش للسجن وضيع من عمره ١٥ سنه لخاطر چلمة عطاها بالغلط  موش انتن دگ صدره بيج لرفيج دربه وروح ابوي يچده يحرگ الديره بأهلها  اذا رد ومالگاجن

-تره هو مو اجباري واني الوحيده مسؤولة عن عائلتي

-وتراج  بداري  وين تهونين  بيهن تراها الدنيا ماهي امان وانتن بزر هيه اميمتج صغيرة وراد واحد يحميها انوب تعبانة مابيها حتى دافع عن ارويحتها  وفوگ هالضيم اخيتج عاجزه من غير چسرة روحج لساتها ماحاسة بيها وانه تعودت عليكم اذا على اللكمه صح كليله بس نتكاسمها ونتعاون عليها لبين ما الله يفرجها

سكتت

-يجده وعلي تعودت عليجن بعد ماجنت بس اريدن الليل يجي لخاطر انام لان بحيدي هساع النومة ماتخطي  عيوني وانه اتفگدجن حدي فرحانه بيجن

-عضم بني ادم ثگيل

-ماهو عليه هذا دارج  وانه خطارج لان اهل ولاكريب وعمري ماضال بي جثير حسبيني جدتج وطلبتج يعطيج گلبج اتركيها بحيدها بهذا العمر والي يكرب يمج طردي لان صرتي راعية المجان

اجت رؤيا تتلمس لزمت ايدي همست واني معتازه اتعالج حتى اكدر اوكف بظهرج واسندج لخاطر نرد اخيتنا

باوعت لماما راجعه كاعده خاله راسها عالحايط مغمضه لاحول ولاقوه حسيت بروحي صدگ راح اضيعهن اذا طلعت منا

اخذت نفس

هجامة - ها يچده رضيتي

-اي بس اخت ذباح ماتضل ويانه ونقطع صلتنا بيهم نهائيا اذا على اللكمة اني اشتغل واساعدج بكلشي

دخلت عمتي كالت الحين صرت اخت ذباح يراية

-عمه موقليل السمعته ولاقليل العشه لالبالج واكفه وداحجي وياج واتجادل عناد  ترا وروح 

سكتت ماينطيني كلبي احلف بي نزلت دموعي اجت شبكتني وبجت بصوت

وخرتها ورجعت كعدت مكاني خليت ايدي على مناظره باوعت لقميصة بالعلاكة مر شريطه وهو داخل يضحك شايلة بيده ياشرلي بي واخيرا جاب قميص العرس

رفعت راسي للسما همست بقله صبر  ياااارب

…الايام اتمر بس يمي متوقفة احس النقص بروحي الدنيا بكبرها ماتمليها  كل يوم يمر يزيد شوكي اله اكثر واحس بعده عني وصلت مرحلة بعد ماتحمل اكوم بليل افتر وافرك بكلبي اتوسل بربي بس اريد اتنفس مااريد اصدگ تركني هاي هيه بعد ماشوفه واسمع صوته وهو يغنيلي ويضحك

بالنهار اخلصها اتصفن عين بماما الي مويمنا عايشة بغير عالم ماكو بلسانها غير يمه غزوان بسك شغل ولك تعبت ناملك ساعة

وعين برؤيا الي بلشت بالعلاج ويه هجامة اتخلي الاعشاب اول مايبلش بالالم تجي يمي تخلي راسها بحضني وتلزم ايدي تريد تستمد القوة مني ماتدري اني اضعف منها وماضل حتى طاقة عندي حتى اتحمل اشوف الم واحد منهم گدامي

متمدده عيوني بالشباج اباوع للكمر حسيت رؤيا عصرت جف ايدي عدلت راسي باوعتلها نايمة بعمق وجها اصفر  مو ذيج رؤيا الي كلها حيويه تعبانه شافيفها باهته بلا لون مشيت ضهر ايدي على خدها وخرت گدلتها عن وجها ودخلت اصابيعي بشعرها  ابتسمت

همست گاعده

رؤيا- جان يدخل اصابيعه بشعري حتى اعرف انو گاعد وانام واني مأمنه اكو منو اليحميني

-الراحه من نصيب اهلها احنا مالنا غير الوجع

-وراضيه بكل وجع الدنيا بس كون ارد اختي

-ودسار

-مااريد بس اسمع خبر عايش بعده كافي حتى لو ماشوفه بعد

-تحبي

-مااعرف بس الي اعرفه اريد اشوف بأسرع وقت حتى اروح ادوره واتفل بوجه على الوعد العيشني بي

-تندلين مكانه

-اندل مكان الي ينضم بي صديقه بيت المشعوذه وهذا المكان نفسه راح اخذكم اله اخليكم بي لان مكانه هنا خطر

-ليش

-غيمة وين؟؟

-كاعده بره كالت مااجاني نوم

-غيمة عدها جهاز ودتتواصل ويه عمي وعمتي واكو خطة دتسويها اذا مااجت بأيدها تنطي عنوانه

-مافهمت

-راسمه على ذباح تريد تاخذه  والي تشجعها كمرية

-من هيج لاطشة بيتهم نهار وليل تخدم وصايرة الفتاه المطيعة جوه رجلين امه

-لحد مايطلع تنطي عنوانه حتى يجون يطالبون بينا بنفس الوقت يسلمون ماما للحجز ؛ وبحجت هيه مومن عدنا وتضل بالشارع واكيد اخت غزوان اشلون ذباح يخليها وميصير تعيش بينهم هيج فتروح تطلب من امه يعقدها حتى تگدر تضل يمهم

-رؤيا شنو هالهدوء الدتحجين بي

-بعد السقوط نهوض وبعد النهوض معاملة اليهود

-شناويه

-كل خير راح ادللها دلال  من ساعة الولد الباعتني اله لضيعة رئال لموتت رند لمخابرتها الاخيره وهيه تسلمنا للحاسبين روحهم اهلنا

-جنت اشوفج ساكته لبالي نسيتي

-ساكته حتى انطيها الامان وهم وابعد غزوان عن شرها لحد ماارد نظري  وهذا غزوان راح والامان تحول طريق جهنم اي زله نحترك بنارها

-ورئال

-اجيبها من نص بيت الضباط بعد مااندمهم هلى شكو يوم استغلوا ضعفها بي

-لهيج اصريتي نضل هنا

-حتى اتعالج

-تره البارحه سمعتها وهيه تكلج بس نخلص علاج الاعشاب نبلش بالضربات بنهايه الراس

-واني مستعده

هيه تحجي ودخلت غيمه كالت لشنو مستعده اذا على على النظر شتسوين بي

رؤيا- متشوقه اشوف وجهج

-هههه عود اذا لحكتي صدگ دريتوا ذباح راح يطلع

-مم

-وابو مرته منتظره وحالف مايرجعله مرته اله بشرط يطلعكم من الديره

-وليش فرحانه تره انتي ويانه اطلعين

ماردت عضت شفتها واجت سحبت الغطه تمددت اخذت شوية وكالت خيعونهن نسوانه

-على شنو واحد خبل ساكن الحبوس

انتي طالعة برة وسامعة شنو يحجون عنه غير من نمر اني وكمريه كلها دنگ ودير وجها لعد اشكد يخافون منه

-لان يعرفوا عنده الشرف اهم شي ياااا بت خالي

-شقصدج المن تلمحين

-مالمح بس هيج مرت على بالي طكطكت المخزن

-هههههه تره اني بنيه شعرايه محد لامس مني وهذا حجيج جيبي اثبات عليه ياله تحجي لان ماكو عاقل يصدگ

-كلتي عاقل واحنا نحجي على خبل

-صدگ فجر شنو رادت منج العصر

-فجر حاف المهم شي مايخصج

-اذا تقنعج ماتوصلين خبر عن الصار ويه رايه  لذباح لاتسمعيلها خلي يربيها او لا شنو يربيها خلي يطلكها هالعاهره

-الله بعدنا مادخلنا فكرنا بالتصفية بس تردين الصدگ يسوه مبين من صوته هيبه

-حقج ماشايفته غير طوله وعرض امتونه تسد قرص الشمس خو كحل وجره عيونه ويه سماره يموتن هذا اذا باوع للوحده تخدر مو يسحبها بحضنه وتحس بخشونه ايده على خصرها

-هذا السقوط ورا احد لو مجهود شخصي

-انكتمي

-حبيت وصلنا مرحلة انكتمي يله ماضل شي وتحضنين غترته لان للاسف  مثل هذا حضنه مايسلمه لامثالج وهاي الحقيقة المره الي لازم تعرفيها

باوعت لرؤيا بغضب سحبت الغطة ودارت وجها للجهة الثانية ورؤيا غمضت براحه ابتسمت اشكد اكول الزمن كسرها وعقلها واكتشف نفسي غلطانه

لزمت ايدها اتقربت دخلت راسها بحضني خليت ايدي عليه حضنته حيل وغمضت احس هاي الامل الوحيد الظل خايفة افقدها

مر كم يوم وحالتها تعبت اكثر بالعلاج مافادها بكد ماضرها   اشكد بجيت واتوسلت تبطل ماقبلت مصرة تكمل عكس ماما الي بدت تستعيد صحتها على الاعشاب عمتي فجر مكابلتها اربعة وعشرين ساعة

اني ايد برؤيا وأيد ويه هجامة اساعدها بطحن الاعشاب صح كوه اتحرك وحتى من اشتغل بدون وفكر  بس من اشوف حالتها تعبانه واحنا حملنا هواي اكوم غصباً عني احس غزوان بعده عايش ومراقبني بكل خطوة يباوعلي ويشجعني وهذا الشي الي يخليني مقاومة واتحرك

كم مرة اجه صهيب حجه وياي حتى اروح اگعد يمهم من يشوف رفضي واصراري يتركني اعرف قربت طلعت ذباح وخايفين من ردت فعلة

واني هم تعودت على بيبي هجامه بكد ماطيبه تحسها نسمه تشيل الهم ادري بيها تثكل عليه بالشغل مو علمود لگمتنا لا تريد طلعني من الالم العايشه بي ماتدري  كمت ادوره عطره بكل شغله اشيلها واباوع بعيون ماما بلكي المح ظله

كاعده منتجه عالحايط  اباوع لهجامة تغزل صوف فرته ورفعت راسها باوعتلي ابتسمت واشرت تعالي

كمت رحت كعدت يمها خلت ايدها على راسي گالت شمالج يجده

-تعبانة

-بعد التعب ماتنوعتي منه شي طريجج طويل وعثر  يچدة

-انطيني شي يخليني انسا

-جاي الي يسندج بحزنج ويحمل عنج هموم جثيره

همست بكسره بيبي مشاتقتله

باوعتلي ونزلت دموعها

-محد يقبل يدليني بكبره

-اااخ يجده نارج ماراح تبرد ولاكلبج يهود

-مالحكت البس البدلة راح وهو بنفسه يشوفني بيها

-كربي خلي راسج بحضني

اتقربت خليت راسي بحضنها  ولميت رجلية غمضت حطت ايدها على شعري تحرك بي وتسولف اشلون الدنيا فانية واحنا عايشين بحلم على ساعة نگعد ونشوفهم كدامنا منتظرينا يتلكونا بضحكة ويسولفونه اشلون جانوا يراقبونه بكل خطوة

هيه تحجي واني اتخيله  كاعد كدامي نفس نظرته يعدل بمناظره يباوعلي بلهفه ويبتسم

استوني اشكيله على بعده شسوه بيه وگاطعتنا غيمه وهيه تكول جده تعرفين تسوين سحر

هجامة - غدي اعوذ بالله من شرج

-لعد هذا التسوي للنسوان شنو

-مااعمل شي وين راحت فجر شو تأخرت

-عدهم خطار والدنيا مخبوصة راح ابو صكر يجيب ذباح اي تركينا منها اذا اجيبلج ملابس احد تگدرين تسوين عمل محبة بينا

رؤيا- المحبه ماتفيد هم تنكشفين خلي تسويلج عمل ثول

-انتي انطمي او ليش تنطمين خليج عايشه نضحك على عجزج

-عاجزه وماخذتلي واحد بس اسمه يرجف عشيرتج  انتي والتتمني يباوعلج

-وينه شمرج وانهزم

-الي ينهزم يجي يوم ويرد بس الصار فطيسه  وترك عفونته بحضن ناس لو يغسلون بمي زمزم ماتروح وينكشفون

-شقصدج

-قصدي ابتعدي ولاتسعجلين اخرتج ترا مو جاسم الاجرب ؛ هذا ابن البدويه يتسلى بالموت ويلعب ويه الشياطين محيبس وشرط يغلبهم

-رؤيا احذرج وهاي اخر مره شيليني من راسج

-للاسف راسي مابي بس الاشياء القذرة نظفي روحج حتى تولين منه

ماردت عضت شفتها باوعتلها بحقد وكامت راحت للباب فتحته دتطلع واسمع وحده صوتها بي هيبه كالت يالله خطار چايكم تستگبلونه لاله

غيمة - هلا جده كالتها وسحبت ايدها دنكت باست

اباوع عجوز ضخمة مشيلة وجها نوراني بيدها عوجية وقرة وشكلها صارم

وخرتني هجامة وكامت كالتلها توى مانور المجان هلا بالبدوية هلا بأم صهيب

اكو اشخاص من تشوف وجهم ترفعك الدنيا لسابع سما واكو من الي تنزلك لسابع ارض  ودوسك اكثر ماالوكت كاسرك؛ وهاي الشوفتها الي راح تقلب حياتي مية وثمانين درجة وتخليني اعيش ايام مامرت على حلمي يوم

وكفت بهيبة مبتسمة باوعت لرؤيا وردت باوعتلي همست بسم الله ماشاء الله خطف الخضر

دنگت

-شني يچده ماتگومين تسلمين

غيمه- كومي ولج هاي جدتي ام ذباح  تعالي جده تفضلي هاي خوثه ضارب عقلها ماتعرف حتى تستقبل احد

-ماهي خوثه الي گدرت تكف على اريولها بعد جسرة ضهرها وتعين اهلها هاي بت بسبع ازلام

-يااا منين حتى سألي جدتي هجامة عايشة عالاعشاب المهدئة شالعة كلبنا كل شوية تريد تنتحر سوده عليه

-شني اسمج يچده رايه مو لو انه غلطانة

اشرت اي

-صح انه بت رسول الله بس هم الج حگ يمي  ماهو واحد لا اثنين واحد حگ صخام الوجه العملته حرمة ذباح  والثانية ماچيت اخذ من خاطرج بعريس المنية

غيمه- لاجده صدگ تحجين كافي وكفتكم ويانه وحمايتكم النا

-لا هاي حرمة رفيج عزيز كلبي وامانته تستاهل اتعناها لباب دارها واعرف گصرت ولهج مغتاضه مني بس وداحي باب خيبر جنت مانه طيبة يجده وماكدرت اصلج وهاي بس نهضت اجيتج

سكتت

-عنده بالعرب لو يحضر جتال ابوك بمضيفك تستگبله وترحب بي بأحسن ضيافة وتنطره من يغرب لاهله تتعناله وتطگه جيله بنص مظيفه والحين انه بضيافتج

استحيت من حجيها كمت  رحت يمها همست اسفه بيبي والله مابيه اكوم

ابتسمت وجرت راسي باسته وگالت البكيه براسج يبعد جدتج

اخذت حسره شكت كلبي صاحت غيمه تفضلي جده

هزت راسها وغيمة ركضت كدامها حطت مخده انداريت ام ذباح لماما راحت دنكت عليها سلمت  وكعدت قريب منها انتجت خلت عصتها كدامها گالت يالمدوهنه جده غيمة عري لصگر كليله چدتك تكول خله يرد انه اجي ويه ام رايه والبنوات

ماما - يابنات ذني

-بنياتنه يكفي تركناهن كل هالمدة هون راعيهن واليوم يعاود والحرمة الطولت لسانها انكص بعد شني حجتكم

-بيت العامر خيه بس اعتذر مااكدر اجي هاي گاعدين هنا والحمد الله مرتاحين

-بس احنا مامرتاحين وذني وصية بزر الاخرى وعلى كص اركابنا نفذها

- واني عمته واحلل وصيته

-عليش يمه اذا عالمچان هيرلكم صهيب مجان واسع ومكتر  واذا عالحماية ولدي حدر ارچولج  وحريمنا يخدمنكم بعويناتهن؛  وعلي اذا نگص عليكم شي نسد مضيفنا

-لاحشاكم من التقصير بس والله مانكدر

-فجر رادت تمنعني وهيه وصگر يجون يترجوكم بس انه وكفت بوجها وهاي اول مرة اعملها واطلع واجي لعالم وادخلهم طلابة وعلي لو ماعزاز على كلوبنا ماعملتها ولو ماواثقه ماراح ترودوني ماجيت

-اذا على ذباح من يجي اني احجي ويا وافهمه لاتشيلين هم

-وحگ يوم المعثر الي رزگني بخباله  يذباح اذا وصل ولكاكم ماكو يحركها بناسها لايحسب حساب صغير ولايهاب شيبه ترضيها  يضيع ارويحته گبل لاياخذ عزا خويه

-ام صهيب انتم والنعم منكم صيتكم سابقكم ناس عشاير وينحلف بيكم بس اني  عندي بنات صغار وانتم ماشاء بيت كله شباب ربي يحفضها الكم ماترهم  من غير شي حجي الدنسمعه  اشكد

-واحنا مانرضه بهالشي  مثل مانرضه بگيتكم هون والعالم مغربه ومنحدره  تجيب طاريهن وهنه بنوات حديثات وصيتهن راد لابن البدويه لهيج اجيت بعد ماطرشت خبر لذباح بالسالفة لخاطر اول مايصل نكتم الحجي والم لحمنا

-مافهمت

-الحرام يتحلل والوصية تتنفذ ودمنا يصير واحد

هيه تحجي وماما فتحت عيونها متفاجأه؛ شلت راسي صارت عيوني على غيمة عضت شفتها ودنگت مبتسمة

ردت گالت هاييمة شني گلتي …

لاتنسوا التصويت

شيء من رصيف الدم

بقلمي:leo Alfatlawi

بارت العشرون

***رئال***

لاطريق واضح ولاقلبي يدلني…

ضي تحجي  واني شلت راسي باوعت لهيذام الي يباوعلها بستهزاء رفع جكارته اخذ نفس باوعلي نفخه واشرلي سمعتي

دنكت لميت رجليه لحضني وهيه مستمرة بالحجي  ويا لحد ماگاللها مم كملتي

-هيذام كافي ترا شوهته وخبلته ومحيت مستقبله كله شرايد بعد او يطبه مرض عسى ماتكتله بس رئال لادخلها بانتقامك

-لعب المزعطة موشغلي الي حق يم احد اسحگ راسه وهاي التحجين عنها مالها شي يمي حقها يم امها الي امنتها يم هيج ناس نواقيص مثل هالمزبلة

-لوتضحك عالناس كلها عليه لاا؛ هيذام ادري سواد گلبك كله بسبب موتتها بس اخذت حقها وزيادة وهاي نهيته تعال شوفه اشلون متخبل اذا استمر على هاي حالته يرجعوا لجلسات الكهرباء؛ ويرجعوا يطبه مرض بس رئال ابعدها عن شرك

-عيونج على درع لاتخلي يوصلهم وانتي سهلة شغلتج نرد ونتحاسب 

-هيذام بس اسمعني

مارد غلق الفون حطه عالدرج ونتجه رفع رجله خلاها  على خشبة الگدامه وسحب نفس من جكارته  همست صنف حيوانات مابيكم شغيف

رفع حاجبه اشر شنو

-اشوكت تطلع منا

-منو مانعج گومي تندلين بيت اهلج خو مانسيتي مكانه

-ولاغاح انساه وهم غاح اغجعله لو يضل اخغ يوم بعمغي

-ولو مافتهمت كلشي من التغاغي  بس ليش اخر يوم عالاساس انتي فد شخصية مهمة ومانعيج

-والله لحد الان اي وبالاماغة ناس مخبوصة لازمة الشواغع وناس المغاكز وناس باب البيت وهاااا كلها غتب

-مصدگة روحج على شنو جمالج لو على لباقتج بالحجي لو اسمج الي حتى اعراب ماله

-وجه هالسؤال لحضغتك على شنو تاغك الدنيا وكاعد هالكعدة تغه مااشغد تكدغ تكعد بالكاع خطية غجليك تعبت

دنگ حك طرف خشمه

-وهاا لاتسوي هيج لان بعد مااخاف

-ثبتي

-اي اثبت لالبالك خايفة منك وضالة هنا لاا بس لان ليل والمنطقة مو زينة تاني للصبح وشوف التضل يمك

-والمنطقة عليه وابن ابو اليوصلج بس كونج صدگ بيج حظ وگد كلمتج

-عود شنو تتحداني

-لاه وهاي نزلت رجلي ويله كومي يراويني شجاعتج لاتضلين خاتلة تصوصين چنج زيطة مثلوم منكارها

سكتت اباوعله ساد الدرج بضخامته حسيت بي يريد يورطني  هذا كف واحد من ايده شهر بعد مااصحه

عرفت بروحي تحمست زايد 

اي واذا ضخم شنو يعني رئال خليج قوية حتى يكوم يحسبلج احساب ويعرف انتي صدگ بعد ماتخافين منه

رفع حاجبه اشر هااا

نزعت قميصه شمرته وگمت رفعت راسي ومشيت بثقة اباوعله مدنگ يحك بخشمه گوه كاتم ضحكته

ماهمني وصلت يمه صعدت اول درجتين بعدني دااخلي رجلي على الثالثة كام لاارادي رجعت ليورا عثرت راحت رجلي بالخالي  بخفة ايده لزمني عدل وكفتي وخرته عني  ردت انزل خله ايده عالحايط  منعني درت وجهي داصعد  خله ايده الثانية حاصرني من الجهتين  رفعت راسي صارت عيوني بعيونه رفع حاجبه

همست انت انطيتني كلمة

-ومنو گلج رديت بيها

-لعد وخغ عني

-منو  يمج

-تغه اكدغ ادفعك واغوح

-وشنو المانعج

كالها وتقدم انحشكت عالحايط رفعت ايدي خليتها على صدره ردت ادفعه لزمها عصرها ودنگ؛  بعدت  وجهي احس دخلت بحضنه انفاسه تضرب بخدي وعطره فات بداخلي بلحظة تخربطت كل مشاعري اريد احجي بعد مااعرف حجه بصوت خفيف يم اذني ليش ترجفين

-هيذام فدوة

-خايفة مني

-تغه غلط الدتسوي

-اغلط ويه الدنيا بكبرها بس وياج لااا ؛منين اجيتي وليش انتي بالذات

-مااجيت انت جبغتني عليك

-شنو اسوي بعد حتى تحسين

-كلشي لاتسوي لان كلبي  مو الك من البداية

-ولايصير لغيري انخلقتي قضيتي  وتضلين رتبتي الراح اضل وراها لحد مااجيب راسها واندمها على كل لحظه ركضتني وراها

-ماتگدغ كلشي تسوي

-تجربين

-اني ماجغب اني واثقة

-وهاي دگات الكلب نابعة من شنو

سكتت

-مو خوف لان الحضن التحتمي بي  ماتحس غير بالامان من قربه؛  ولاحب لان ماكو اي لمعة بعيونج

باوعتله همس حيرتيني وضيعتيني وياج

-تعغف اني ضايعة ليش تقغبت مني

لزم ايدي خلاه على كلبه وگال سألي

-يكول اكو مسافات طويلة  بينه

-اقربها

-همومي هواي

-اشاركج بيهن

-طريقنا مختلف

-اخلي واحد

-راح  تتعب

-تعب الدنيا مايجي لحظة وحدة ابعدج

-هالمغه اني اسألك ليش اني بالذات

-لان عصيت و طغيت وظلمت

-يعني دعوة المظلوم اني

سكت

- يجي يوم وهالدعوة تتبدل ومحد غاح يتأذى غيغي واني كلبي ماضل بي مكان للفگد

باوع لعيوني رفع ايدة وخر شعري عن وجهي مشه طراف اصابعه على خدي

-هيذام ماعندي حتى احد اشكيله لا توجعني

-مااسمحلج تشكين لغيري ولاراح اسمحلج تبجين بغير حضني بس انتي لاتخذليني

مارديت

-رأل الدنيا كلها معاديتني لاتشمتيها بيه

اشرت لا

احس اصابيعه صارت  قريبه على شفتي حركهن عالكيف نبض گلبي  حسيت نفسي راح اضعف لزمت ايده عصر جف ايدي  وباوعلي جانت بعيونه نظرت ترجي لاامعنه استوه يدنگ واندفعت باب السرداب بقوة ؛ بسرعة ابتعد عني

بعدني مامتحركة ونزل دسار شافنا وگف متفاجئ من گد الخجل صرت ورا هيذام رفع حاجبه؛  صاح هيذام شبيك لكككك 

-بعد اصعد اخذلك دفرة

-وليش اصعد تعال ابني 

- فوگاها ؟؟لا صدگ تربية النظام وهو مو صوجك صوج الجحش الي يأمن عرضه بيد مهتلف كلب ابن كلب مثلك

-اكل تبن لايسمعك زمال ويصدگ دايس على راسك ابوك

-وناعل ابو اصله عاد انت مثل الچاي اگابلك الف سنة ماتفور بس ادير وجهي تحرگ القوي

-لهيج هم ايدك قبل لا اصخم خلقتك اكثر ماهيه قذرة ووين تأخرت موكاتلك اريد اقندر على عشيرتك

-ماتگدر تطلع گوه دخلت للبيت المنطقة مطوقة على قضية عم المرحوم انتظر كم ساعة بس يأذن الصبح ونطلع سوه

-لكيتها؟؟

اشر لا

اباوعله بثواني حاله تغير اخذ نفس خله سلاحه بضهر ونزل وخرنا عن طريقه كمل الدرج  نزع اللثام والجفوف شمرهن وكعد انتجه عالحايط مبين عليه التعب

رجعت كعدت مكاني وهيذام رد گعد عالدرج طلع باكيت الجكاير اشرله دسار اشمرلي اخذ وحده وشمرله الباكيت دنگ ورثها اخذ نفس ورفع راسه نفخها وگله احتمال مو بيته

دسار- ماخليت احد من عشيرته مانبشته فريت المنطقة اكثر من عشر مرات اي اثر مالهن

-دافنهن

-ادري ومتأكد لان ماعدها احد غيره بس وين دافن خبرهن

-انطيني اربعة وعشرين ساعة وخبرها راح يكون يمك بس كملي شغلي

-اخاف مالحگ عليها يلكفوها قبلي

-ولكفوها شنو يعني  نجفتهم مثل ما الله واحد  وعلي اسحلك  اكبر راس بيهم واخلي جوه رجليك  العال يتحمل الطگ

دنگ لزم راسه

-كول ياالله ابو الليل

-گالت ماعندي غيرك دگيتلها صدر خليتها تزرع ثقتها بيه  وتركتها بنص الطريق

-البت ملعبه الي تگدر تسوي كل هذا وتختل هيج ختله هاي ماينخاف عليها

-تفكيرها اجرامي وتصرفاها مامدروسه طفله كارهه معني عمرها عقلها محصور بين الدم والظلمة

-الطبع غلاب والدم يحن  حتى لو تربن بعيد

-دخيل محمد لو تدري منو ابوها

-هههه جا ترست حلگك الاعوج باردو وسحلت ابوك بكبره

-اي وعلي

كالها واخذ حسره  تجه راسه عالحايط غمض وهيذام دنگ على رجليه جكارته بيده

صار هدوء مااعرف على منو يحجون وهيج مهمومين  عليها بالاخص دسار اتحسه جبل على  كلبه 

مر وقت واحنا على نفس الوضع  بردت بسبب الرطوبة اباوعلهم ولاكأنما يحسون واحد مصلخ والثاني نص ردن ومدد رجلي على الهوسة والحشرات تتعده من جوا  ولاتكول اكو شي الوضع طبيعي يمه صفنت ذولة شنو

اخذت نفس احس عظامي طگطكت الوقت تأخر  وعيوني بدت تغمض لميت رجليه لحضني خليت  راسي عليهن غمضت بين افكر بخواتي وبين اسمعهم ردوا يترايون على شخص اذا ضهر شنو ممكن يسوي بس مبين خطر لان دسار معترض مايريد هيذام يخطي هيج خطوة ويا

من كد التعب دقايق ورحت بالنوم شوية وحسيت واحد يلفني بشي عرفته هيذام عدلت راسي وكملت نومتي

تركتهم يسولفون مااعرف اشكد مر وقت بين نايمة وبين كاعدة هدوء ماكو صوت شي خفيف يتحرك على رجلي لبالي ردن القميص سحبته ودرت راسي للجهة الثانية

اخذله ثواني وهم حسيته اتحرك فتحت عيوني هيذام منتجي عالحايط مغمض ودسار خال سماعات بأذنه مجتف يباوع للسكف بغير عالم

دنكت داوخر القميص عن رجلي واشوف بريعصي  من كد الرعب هيه كمزه وهيه صرخة طفر ثنينهم على صوتي كلمن سلاحه بيده سحبوا اقسام مستعدين  للرمي

انتبهت للبريعصي بالگاع يمشي بكل سريعته   متجه لهيذام صرخت ديغبالك  بغيعصييي

باوعله ورد باوعلي باهت نزل سلاحه وغمض ؛دسار صفن بوجعي عرفت روحي زودتها خفت من نظرته رجعت ليورا

دسار -وروح ابوي لو موترجعين  لو طيرين للسماء اذا مانعلت ابو ابوج  مااطلع ابن ابوي

-تغه لكيته يمشي على غجلي لو ماگاعده جان اكلني

-وهذا المطلوب

كالها وخله سلاحه بظهر ودنگ نزع حذائه رفعه راح ورا بعده البريعصي  استوه يصعد للسكف وهفه بقوة وكعه بالكاع قبل لايفلت ركض دنگ ولزمه شاله يرفس بيده جعصه حيل واشرلي تعالي

-والنبي وغوح اختي يدساغ اذا وصلت يمي اصغخ وافضحكم

-دتعالي بالبداية خلي اطلع التجفيله من عيونج وسهلة الفضيحة

-لالا فدوه والنبي اموت حباااب اخغ مغه بعد مااصغخ توبة

-تعالييي احسلج وراس ابوي بس اجي اربطج انتي ويا هيج اشنگلكم اتشنگل اخليكم تحتفلون للصبح سوة

-هيذااام لاتخلي  لج ماماااا

-ومررض صوتج

هيذام - مرررض بنص راسك عوفها لك

-شنو عوفها لعد  هذا وين اودي

-اكله

-وليش اني اكله خو هيه تسممه بلكي يتعدل النقص الي بلسانها ؛ وانتي لجج شنو حجيت  تعالي يلااا  وفتحي حلگج هيج اريدج تسرطي سرط بدون علس حتى لاتروح فايته

بجيت بصوت صاح هيذام  دساار راسي مطبل رحمة لدينك وخرر  عنهاا

-اكيد راسك يطبك من هاي نبرت صوتك يااخي شنو نوع الجثث التاگلها متگلي

-جثث اهلك المعفنة اتركها ورد مكانك افضل ماردك لحضن امك مجتف

باوعلي برطمت هز ايده ورجع گعد ؛رد هيذام مكانه كعد مدنگ يفرك براسه اباوع للبريعصي  بيد دسار يكلب بي تگلب رفعه گال حتى مبتسم على شنو تخافن منه لو هيه عياره والسلام

هيذام- كملت بوسه وحطه على كلبك

-شبوس منه لازمته الرجيفة هابط سكره مخترع بسبب اللدغه مالتك

-صعده للمشعوذه خلي تقرأ عليه يشفه

-او لااا شو رطب يمكن سابح بمي بارد

-دفي بحضنك

-بربك كم واحد ماكل منه ايام التدريب

-هذا اكل المزعطة امثالك احنا وجبتنه جانت حياية وعكارب

-المزعطة الماعاجبيك لعبها كله روس كبار ومافيات

-وذولة نفسهم التلعب وياهم  من بعيد احنا نلعب  عليهم بطرق لو تعيش بعد  الف سنة ليكدام تخاف تباوعلهن مو تستخدمهن 

-بهذا بسطالك

-هذا بسطالي كل راس يسحگه يطشر مخه لو مجرب يتردد مرة وحده  مويخذلني ماضل لسه برجلي

-بروح غواليك مايرف گلبك من تعذبهم

-مر رف ااخ بويه اشكد استحقرت نفسي ونعلتها بوقتها ندمت ندم يمكن لو يضيفون عمر على عمري ماراح انسى ذاك الشعور الاستحقار الحسيت بي

-قبل لاتدخل لهذا المجال  لو بعده

-لاقبل چنه بعدنا بالتدريب شامرينا بصحراء كتل عطش وجوع من غير لسعات الضرب الي تسعر بجسمنا كل فتره يجيبون واحد يعذبوا كدامنا لحد مايموت ؛همه يگلونه هارب حتى يخوفونه بس جذب نعرفه مجرم وعليه اعدام المهم فد يوم جابوا شاب صغير ربطوا رجلي بنهاية السيارة وشغلوها انطلقت بي لاخلت مزابل ماسحلته بي لاخلت خياس مادخلته اخر شي طبت بمجموعة مال سكراب وحديد قديم ماردوا غير هو واخر نفس طبگوا بالمكلوب ربطوا اديه ورجلي من ضهره ورجعوا للسياره جان صوت صراخه يعل الكلب وهو صغير بالعمر كسر كلبي ماكدرت اتحمل لزمت ايد الضابط

-الزگه اتعاقبت مكانه

-لااني عاقبت نفسي لان الضابط اترجيت يبطل تعذيب و يرده للسجن يعدمه بهدوء اكتفينا   والضابط ماكال لا بس كلي كلمه لسه ترن براسي مستعد تشيل ذنب اعماله اشرت اي وياريتني ماسويتها ردوا للسجن بالمقابل انطاني جهاز بي فيديوات كل مقطع ادخل عليه اتخليني مواعظ اصابيعي ندم عالسويته لا اتمنيت اخلي طلقة براسي

-مافيا

-ماعرفته ارهابي لو مافيا بس ماخال شي لاطفل ولامرة ولاشايب اغتصاب قتل تعذيب بيومها ضليت للصبح كل انواع التعذيب جربته بنفسي من ساعتها حلفت الجثه التطول بيدي اكل لحمها

-واحنا نترخص

-انت تاكل تبن وتكوم تشوفلنا الوضع اشلون صار ماعدنا وقت

-هسه ادز مسج لضبع انتظر شوية حتى نطلع سوه

-ورأل

-مانكدر ناخذها اذا مانأمن المكان مانتأخر عليها اقل الساعة بين ماتشوف ابنك اني اجيب زمال يعقدك حتى بوجهنا عالمركز

-عليها

-بس وكلام الله ياهيذام اذا دگيت بيه الناقصة وحجزتني هناك يوم واحد مو اكثر انعل ابو اهلك

-هسه دسلم نفسك ودوگع بيديه خليني اجرب كم شغلة بيك وبعدها الله كريم

-شمااشوفك ناقص وكلب ابن كلب

-هه اشبي اللفو الخاين

ابتسم واخذ حسرة

-وداعتك اردها الك وهذا شاربي مو على وجهي اذا سحلتها وشمرتها بحضنك

اشر اي ودنگ وهيذام انتجه على رجليه يحرك بسطاله وعيونه بالگاع

اشكد نعسانة بس خفت ارد انام لامه رجليه وعيوني تتجول اخاف يجيني بعد شي لحد مارن فون دسار باوع بي واشر لهيذام يله وكام

هاي كلها بجهة والبريعصي الي خلاه بجيبه بجهة فتحت عيوني على كبرهن صاح شكو لج ومررض جا منين اجيبلكم هدية مباركة

-عز دساغ غاح ينجعص بجيبك

-لخاطر ابتسامة تعرض اكثر وعيونه تنفتح يصير احلى

-صدگ دتحجي

-اي والله لخاطر اذا سمعتك تكولين نسيبي قصر وياي اشگ حلكج وداعت غبائج  اخاويج ويا هيج اخليكم نفس الابتسامة

سكتت گله هيذام المشعوذه شخبارها

-يم كرايبها ماترد لليل

-انت شوصلك الها

-گلبي ؛جذبتني بوسخ رجليها سحلتني سحل وراها يااخي ماشفت هيج بشر علاقتها بالمي بس شرب

-دسار متأكد المكان مايوصلوا

-راح اخلي حسن بلعة قريب اي خلل يتصل واحنا مانتأخر

-خلي جهازك يمها لان جهازي احتمال مراقب

هز راسه ودنگ شال جفوفه واللثام راح صعد فوگ اجه هيذام يمي كمت انطيته قميصه اخذته ولزم ايدي گال رأل راح اثق بيج

-غاح اتانيك

-لاتخلين الشيطان يلعب بعقلج كفيلج محمد اذا لكفوج لااني اكدر احصلج بعد ولاهمه يرحموج

-مااطلع بس انت لاتتأخغ لان اخاف

-مااتاخر كلها دقايق واخليج من تذكرين كلمة الخوف تضحكين عليها

-تغه اني ماوفقت عالعقد بس ساكته دااشوف وين توصل وياك

-راح توافقين

-وليش هلكد واثق

-ماعندج خيار ثاني ياحضني يالقضية  وبالحالتين انتي الي

-واني اغيد القضية

-حتى القضيه ماتوصليها اذا ماتكونين بأسمي لان ياخذوج واذا وگعتي بيدهم  لو يطلع ابوي من كبره مايندلج بعد

-هيذام

-كولي

-ماغاح تغد  بكلامك كل الوعدتني بي تسوي

-وفوگ الوعد الج يمي حق كل دمعة نزلت من عيونج بالتطلبي

-تغجعني لاهلي

--تذكرين رتبتي

-تذكغ شعغي

ضحك وخربط شعري ضحكت  على ضحكتي عصر وجهي كز على سنونه وهمس اجلي ضحكتج لرجعتي

عبست

-دخيل محمد اشلون تخليني اسد الباب وانزل انعل عرض  دسار

صاح دسار هو شضااال بعرض دسار ساحگ بأبو امه دصعد فضني رحمه لحصان الحمزه ماطول المنطقة هادئة

سحب ايده من وجهي باسها راح دنگ شال سلاحه وصعد   برزانه اباوعله احس كلبي يريد يطلع ماامصدگه هذا هيذام نفسه الجنت جوه ايده اتوسل خايفة هسه هيج داحس بقربه

وكف عالدرج لبس قميصه دنگ يسد بدگمه صار منظر ضهره گدامي اشلون ضاب اللبس الجيشي عليه ابتسمت على اول مره شفته بيها وانرعب من شكله

كمل لبس صعد ؛باوعت داير مدايري انتبهت وحدي خفت ركضت صعدت وراهم وصلت للباب لكيتهم بعدهم واكفين بيديهم لثامات يعدلون بيهن على صوتي اندار هيذام طلع جهاز من جيبه وگال لزمي هذا الجهاز وخليج هنا اذا خفتي بس رمشي على اول رقم راح تلكينه على راسج

هزيت راسي

-الي تسمعين اصواتهم قريبن ذولة جماعتنا لاتخافين منهم

-لاتتأخغ

- رأل لاتحاولين

-انطيتك كلمة

-ثقيت وزامطت بيج بت الدغش لا تخليني اندم

اشرت اي

ابتسم ورفع مثل اللثام لفه على خشمه اشر بأيده راح

سديت الباب اباوع الدرج كد ماصعدوا ونزلوا صاير زين ينگعد عليه مسحت مكان وكعدت هدوء صوت ماكو

اخذت نفس الفرحه الي بكلبي ماتنوصف ماضل كلها دقايق وراح اشوف اهلي

غمضت اتخيل روحي دكيت الباب فتحته رايه نزلت دموعي ضحكت مثل عواديها وحضنتني  واسمع صوت غزوان يصيح رئوول

شلت راسي لكيته واكف يم الدرج عيونه تلمع من ورا المناظر فتح اديه  التعبانه من الشغل يأشرلي تعالي ركضت لحضنه خليت راسي على صدره وبجيت كد الشوگ واللهفة الحسيت بيها بعدهم

حضني وهمس لاتبجين بيعد اخوج

وخرت راسي دااشكيله وصارت كدامي رؤيا عالدرج بيدها ماسكتها صاحت كلبه  وعمرج ماتنعدلين وين جنتي لج حيواااانه

ضحكت وخليت ايدي على كلبي واني اسمع صوت ماما وهيه تشهگ على تعبها بظفيرتي وغزوان يكلها والله هيج احلى

اوكف اتلفت اباوع كل مكان يذكرني بصوت ضحكت رنود

شفت بطالة البنزين والشماغ الي نتلثم بي ضحكت وباوعت لرايه وغزوان

فتحت عيوني  رفعت راسي ليفوگ همست يارب عجل الوقت والله ماضل صبر كلبي احسه راح يوكف

مسحت دموعي اخذت نفس اهدأ نفسي اخاف اموت كد اللهفة قبل لااوصللهم

انتجيت عالحايط وعيوني عالباب اشوكت ينفتح اكثر من ساعة ونص وماكو اي صوت

بديت اقلق النهار طلع واصوات بالشارع بدت توضح وهمه ماكو فتحت الجهاز ماكو حتى ترميشه رجعت سديته خفت اتصل وعدهم شغل انوب اشغلهم بالزايد

رجعت انتجيت لميت رجليه بين اتصفن وبين اندعي اقل من ربع ساعة واسمع صوت مرة داخله ادعي عرفتها المشعوذة وياها وحدة ثانية  بس صوتها مو غريب كعدت عدل اتقدمت اكثر للباب خليت اذني فتحت عيوني على كبرهن واني  اسمع عمتي اتكلها جان خبرتي عليهم

المشعوذة - اي لخاطر يدزولي جماعة يدفوني واني عدلة بس عساها بختهم شمسوين بالبيت النگسين كل يوم جايبيلهم ساقطة وتعالي گطعي رزقج وعوفي البيت

-عاد ينطوج افلوس لو هيج ماخذيها خاوه

-يااع لخاطر افضحهم ماكو ليكدام اتفقت ويا كل وحده يجيبها قبل لايبيتها ينطيني بكد مامنطيها

-اي عفية لعد هو خراب وهجمان بيوت اووف مثل بيتي الي انهجم وراح اخيج

-لسة مالكيتوهن

-لعد عليمن اجيتج غير اريدج تشوفلي حل گلتلج خبليهن مو تخليهن يكتلن جاسم

-يااا طلعن هنه الكاتلاته

-اي لعد منو غيرهن اتخبلن من ساعة العرفن هو مو ابوهن وكملنها بكتلت غزوان  اتسودنت راية حملت جاسم مسؤولية موتت غزوان واخبال العمية ماتركته لمن خلت السجينة بضهره وانهزمت

هيه تحجي واني احس روحي انهبطت غمضت اريد استوعب التحجي  واسمعها تكلها من زينه ابن اليهود حتى موته نكسة مثله طلقة وحده نهته بيوم زفته

فتحت عيوني اريد اجر النفس بعد مااكدر خليت ايدي على صدري صار منظر غزوان كدامي هو ويعدل بمناظره ويبتسملي هزيت راسي لااا ؛كمت بدون شعور جريت الباب طلعت صارن گدامي واكفات باوعلي متفاجأت ردت احجي احس شفافي يبست شلت اديه فتحتهن اشر لعمتي بهتانة 

لطمت على صدرها اباوع لملابسه سود كأنما اگدتلي الحجي هزيت راسي لااا شمرت الفون وطلعت اركض بكل سرعتي فتحت باب البيت ورحت مثل المخبلة مشدوها اركض بس اريد اوصل للبيت اشوفهم وجذب كل السمعته

مااعرف اشلون عبرت الشارع صار بيتنا كدامي اباوع  كم شرطي گاعدين قريب منه  وبابنا مفتوح احس رجليه انشلت كوه احرك نفسي واردد لا رايه ماتخبلت وغزوان مامات هسه يطلع يتلگاني

وصلت كام واحد من الشرطة راد يمنعني همست دخيلك خليني هذا بيتنا والله وذولة اهلي

-منو انتي

مارديت وخرته وكفت كدام الباب اباوع البيت خالي ماكو بس دراجة غزوان القديمة

كعدت بالگاع نزلت دموعي وضحكت ؛اسمع شرطي يكله سيدي حصلنا  وحده من بناتهم …

***رايه ***

خذلتني الاشياء التي رفعت يدي توسلاً  لاجلها

هيه گالت هايمه شني گلتي ورؤيا همست بس تأكدي من طهارة الدم قبل لاتدمجي حتى لايتلوث دنسلكم

كالتها وكامت راحت تتلمس طلعت للحمام ابتسمت ام صهيب ودارت وجها لماما اشرت هااا

سكتت ماما عيونها عليه الدمعة تلالي بيهن عرفت جرح غزوان يمنعها تجر النفس مو ترد ابتسمت بكسرة ودنگت

اخذت نفس بعدها ماحاجيه وقاطعها صوت صرخة رؤيا الي رجت البيت درت وجهي للباب من همشت روحي بعد مااعرف اشلون اكوم احس رجلية خدرت دنكت عالكاع زحفت ؛ركضت كدامي هجامة  سحبت  الباب صار منظر رؤيا واكعه كدامي سابحة بدمها

كعدت صافنة جسمي ماحس بي اباوع لهجامة  انجفت عليها  شالت راسها نكثتها ؛ شهكت الهوا بترجي بس اريد شفايفي تتحرك واگلهم وصلوني الها

رخت روحي واني اشوفها اشلون اخذتها لحضنها وصرخت بصرخه موتت اخر امل عايشة لخاطره؛ سودت الدنيا ماحسيت بعدها

گعدت على صوت حجي يمي؛ راسي مصدع والدنيا تفتر ثواني ورجعت دخلت بغير عالم مااعرف شكد مر وقت واحس وحدة تضرب على وجهي وتكول موش بسج ركود

فتحت عيوني لكيت هيام مرت ذباح  ابتسمت بوجهي وكالت الحمدالله على سلامتج

كمزت صحت وين رؤيااااا

-هدي هدي بخير وداعت ذباح

-شنو بخير اختي ويننن

-مابيها شي واكعة صاير شك براسها خيطوا حدها  عمتي فچر وامج ولحگهم ذباح وابو صگر هسه اتصلوا كالوا مابيها شي راح نطلعها بس نكمل الاجراءات

-بداعت غواليج صدگ تحجين لو تردين تهدئيني كولي ترا عادي بعد ماحس

-يع يمه اسم الله على گليبها ام لسان ولج وعلي مابيها شي والحين  غلقت النقال ويه عمتي تضحك وتكول همه يخيطون وهيه تتماطل وياهم بس تريد ترد لخاطر اطگ  الدفشها

-منو دافعهااا

-مااعرف بس هيه مصرة وتتهدد عاملتها مكاون غادي والهواش واصل حدر الچادة

-ورؤيا ماجذب يعني صدگ مدفوعة

-والله شگلج بس  غيمه تكول انه يم الباب جنت وصارت چدامي من عثرت وطاحت

-لاماوگعت لان صرخت بالبداية وحتى لو وگعت ماينفتح راسها هيج

-حتى ذباح يگول بس ياهو اليعملها وانتم ماكو احد حدكم

-مرته

-عليش هيج تعمل وشچابها بذيج الساعة

-مااعرف بس ماعدنا احد يكرهنا ويريدنا نطلع منا غيرها ومااستبعد غيمة متفقة وياها

-يمه دخيل الله وعلي ذباح يرميها بدون لايسألها هو انتي حرمة صاحبه وگلبج ملچوم وهو يتهدد اذا كضج يگضي التوبة بيج اشلون تاركه اخيتج تروح وبحدها للحمام

-رؤيا تندل اكثر مني وهيه معتمدة على نفسها بكلشي واني بعد مستحيل اضل هنا

-ياع شمالج خيه

-حقج ماتدرين شنو حسيت من شفتها كدامي واكعه  هيام هاي اخر شي عايشه لخاطره  تعرفين شنو اخر امل هاي اخر ذكرى ضلتلي من جمعتنا

- ربي يعين كليبج

-لهيج لازم بعدها عن غيمة اخذها ونروح ندور اخيتنا الي ضلت حسره بكلبي شوفتها

-تندلين مچانها

-لابس وعدتني تحضر زواجنا وهسه منتظرتها تجي تعزيني

-الله يصبرج ويصبرها على فگدجن

نزلت دموعي همست اشكد متمنيه اخلي راسها بحضنها واشكيها وابجي شكو وجع بكلبي

-بسج خيه بروح اخيتج ولج حتى عوينات ماضلت عندج رحمي رويحتج اذا موش لخاطرج لخاطر اميمتج وعلي خذوها منا يچروها چر تچسر الگلب  تصيح كوم ليه يغزوان راحت اخيتك ولج تنتخي بميت جا شگد مفجوعة

غمضت مسحت دموعي ودنگت باست راسي كامت  وهيه دموعها تنزل دخلت غيمه كالتلها وين تردين موكالج ذباح تضلين يم السنيوره ام موعة

-استغفرالله بعدي خية عن طريجي اروحن اعمل شي تاكله وجها باهت ساعة وصار بيها شي

-صدگ دريتي

-شني بعد اكو مصيبة جديدة

-مو جدتي خطبتني لذباح

-شني

-ماكالت بالاسم بس خطبت من عمتي واكيد تقصدني  لان العمية معرسة وهاي لازمة عده واكيد ماتتزوج وره غزوان

-ربي لايكولها

-وليش ربي لايكولها لايكون غيرانه لان اصغر منج وبت بغداد واكيد راح اخذ دلاله كله ويميزني عليجن ويسويلي عرس يليق بيه

-استچني وخلي عندج ذره خچل ترا خويج تراباته خضر مانشفت ياعرس تتحجين بي حسافة الموت ماياخذ بس الزين

-انضبي حتى مااخلي شرطي طلاكج وتدرين كلش زين ينفذ شنو اريده لان اني اخت صاحبه ووصيته

ماردت دفعتها وطلعت عضت شفتها غيمة ودخلت باوعتلي وضحكت گالت كالوا الدنيا تفر بس بهالسرعة ماتوقعتها

مارديت

-رايه من الاخير اخذي اختج وولي منا هاي اذا ترديها تضل عايشة

-عرفت الج ايد بالسالفة

-واني شكوو مو جنت يمجن  لاتشمريها براسي شوفي اختج ويامن جانت متواعدة ومن دخل اتوزاه لان رد ذباح مالگه طريقة يطلع بيها غير يشغلنا بهيج سالفة

اخذت نفس وغمضت ردت تحجي شافتني ماارد ضلت تغلط وتردد بكلمات بذيئة حتى استحي اسمعها

شوية ودخلت هيام كعدت يمي خلت اكل اشكد اتوسلت اكوم اكل ماگدرت لان صدري ضايگ كلبي يم رؤيا الي تأخرت خفت يجذبون عليه كلما احلفها ترد مابيها شي

الساعات تمر وهمه اي خبر مامنهم بعد حتى گعده مااكدر اكعد كمت افتر اروح للباب اتسنط بلكي اجت السيارة مااحصل خبر ارجع ادخل احس گلبي يعصرني ارجع اطلع

تأخر الوقت الكل نام واني على وضعي عيوني بالسما اباوع لرب العالمين بدون لااحجي؛صار الفجر اسمع صاح الاذان احس روحي بهتت غمضت نزلت دموعي استوني اهمس ياااارب واسمع السيارة بالباب وگفت

كعدت روحي رايحة  انفتحت الباب  دخلت عمتي فجر وحدها اشرت وينها

-كرت عينج ييمه بسلامة اخيتج

-وين رؤيا؟؟

-بس هدي وداعت اخوتي بخير وفاقت صح الضربة چايده ومتأذايه جثير بس ربج خله سبب بيها عاد من دخلوها حجه ذباح ويه الطبيب بخصوص عيونها كال السبب من راسها عملولها مفراز وعرفوا علتها والحمد الله سوولها العملية وهاي جيتي منها طلعت بخير

-يمه سوده بوجهي دخلت للعملية وحدها واني ماادري بيها

-كولي ياالله جا احنه عليش ماكنالج لان نعرف سويلفاتج وهاي خلصت وطلعت بالسلامة

-اخذيني الها فدوه اروجلج

-جا گومي بساعج لبسي لخاطر ترحين ويه ذباح  ماطوله راد للمستشفى

ردت اگوم ماگدرت داكلها كوميني وطلعت على صوتنا هيام وغيمة كالت عمة اني هم اروح اريد اشوفها

-ميخالف بس استعجلن بين ماصهيب يجيب افلوس من دارنا ويرد تراه مايناطر احد يريد يسدد الحساب

دخلت تركض اخذت شالها ووكفت يم المرايه تلف بي واني باوعت لهيام كانما افتهمت شريد اجت بسرعة دنگت سندتني كومتني اخذتني جوة نزعت صايتها لبستني وعمتي جابت شال خلته على راسي

بين ماكملت لبسني الشحاطة طلعني لكيت ذباح كاعد برة على حديده شماغه على متنه مدنگ لازم راسه بين اديه ويمه غيمة واكفه

كالت عمتي يله خويه ابو في گضينا

شال راسه باوعلي عيونه حمر تعبان وهاي اول مرة اشوفه بعد الصار نزلت دموعي  رفع راسه للسما همست لاتعب نفسك  ماراح يرد عليك  تعبت واني واترجاه

رد باوعلي ابتسمت وحجيت بكسره شوفت اشلون غدر بيه وعافني وحدي

نزلت دموعه

-تذكر من جان يگلك هاي حلمي التعبت عليه ويكلك خلصت عمري واني اتوسل حتى ينطوها لعد ليش من صرت اله تركني ذباح شوف شنو لابسه عليه ؛ لابسه اسود تعرف شنو

دنگ لزم راسه

- راح غزوان كسرني وراح ماتركلي اي ذكرى غير هاي

كلتها وطلعت نظارته من صدري شال راسه اشرلته بيها وهمست بس هاي تذكره من جان لابسها

ضغط على سنونه وكام للحايط لزمه وركع راسه رگعة رجت البيت ركضن اخته ومرته رادن ليزمنه رد رگعه بقوة اكثر  تصارخن على صوت صياحن كعدت بدون وعي خليت راسي عالحايط  جرته فجر وصاحت ولك البت ماتت يذباح الحكهاااا

اندارلي عيونه دم وجهه باهت غمضت؛ كعد بمكانه لزم راسه وبجه بصوت كعدت يمه فجر ضمت وجها بشيلتها ونعت تبجي ويا هيه وهيام

اندفرت الباب دخل صهيب صاح وعلي من كال صگر صوت طگة كلت الخبل  صدگ تحجي انتتت

نزل راسه بين اديه  وبجه بصوت اعلى

-ولك شمالك على ابوك مابجبت هيج گول ياالله 

-عريس يخوي

-شهيد بالجنة عرسه

-اشهر وهو فرحان يتحجى بالزفة اشلون يعملها تالي زفيته بيدي للگبر

-لااعتراض على حكم الله هذا حد يومه اندعيله بالرحمة

-بعده زغير مثل احلامه كل امنيته جانت يلكي شغل لخاطر يوچل اخياته غمضت عينه وهو يتنوعلهن

-لايتنوعلك لان يعرف راح تصير سندهن من بعده كم يخوي بسج بجي لاتسمعك البدوية وعلي تحط چيله براسك تريد تبجي عر يم گبره وانحب اشكد ماتريد محد يكضك بس موش جدام الحريم يالخزي

مارد

-يباا تركنا الحريم مناطرينا غادي بطينه عليهن والوقت متأخر يله خوي استغفر ربك ونهض

مسح وجها وكام طلع ركضت ورا غيمه ؛اجيت عمتي كومتني اخذتني غسلت وجهي وطلعتني واهم لكينه صهيب يم السيارة يحسب افلوس وهو يمه

صعدتني بالسياره يم غيمة سدت الباب وراحت گعدت بالگدام دقايق وصعد هو بدون لايحجي شغل السيارة وطلع بينا

خليت راسي عالجام الطريق شبه مقطوع بيت عن بيت مسافة وهو يمشي بكل سرعته عمتي تستغفر لاتگدر تكله خفف تخاف يعيط بيها ولا تكدر تسكت تخاف ننگلب كد مادايس بدون احساس

اخذت نفس انتجيت صارت بوجهي غيمة عيونها عليه تباوعله وتبتسم تريد تاكله

رجعت درت وجهي لعبت روحي منها ؛ اقل النص ساعة وصلنا للمستشفى ركن سيارته من لهفتي حتى مانتظرت يطفي السيارة فتحت الباب ونزلت ركض

دخلت للمستشفى واشوف هجامة نازلة من درج عرفت غرفة رؤيا فوگ ركضت وخرتها عن طريقي وصعدت ماعونت اخلص الدرج  صار  مقابيلي ممر دخلت بي عبرت اول غرفة دعبر الثانية واشوف ماما كدامي گاعده على سجادتها وعلى السدية رؤيا لافين راسها وعيونها

نزلت دموعي دخلت امشي عالكيف حاقدة على  نفسي كلمن شالت وجعها وحدها ولاوحده كدرت اساندها واشيل وياها

وصلت يمها نايمة مثل الملاك جوه الاجهزه لاحول ولاقوة بس دكات كلبها تنسمع

دنكت بست راسها وهمست يم اذنها ادري اعتذار الدنيا كله ماراح يشفعلي يمج بس والله ماتحملت اشوفج كدامي واگعة ادري اني ضعيفة وادري مو كفوا اصير اختجن بس وروح غزوان اعزجن اكثر من روحي

تدرين حسيت روحي بدونج لاشيء مكسورة مااگدر حتى اوكف وحسيت روحي مرتبطة بروحج اشكد جذبوا عليه وكالوا مابيها شي  بس گلبي جان يغلي ماگدرت انام للصبح افتر روحي ترف من اجوي وكالوا طلعت من العملية احتقرت نفسي وعرفت روحي اشكد حقيرة وانانية وماجنت افكر غير بوجعي بس وعد وعد بس كومي  والله اسحگ على كلشي وكونلج مثل ضلح راح اساندج بكل التردينه راح اخلي ايدي بأيدج وناخذ حق رند وغزوان ونرد اخيتنا من نص عيونهم

مسحت دموعي باوعتلها شفايفها بيض عيونها مضبره ابتسمت

هسه شنو اتحمدلج عالسلامة لو اباركلج باول خطوة بطريق الجحيم

حسيت ايد على متني شلت راسي لكيت سناء مرت ذباح  ردت احجي همست اشش امج هون

-شكو هنا شتردين جايه لبالج مااعرف انتي وره الصار وروح اختي لكول لذباح

-وانه اريدج اجلعين وتزتين الخبر حده لخاطر هالمرة بدل الطگ؛ ازلمه يصبح نايم بحضنج سمعي لج ماعندي وقت جثير هيه جلمه ازتها واحدر خويي مناطرني بره

-لاتحجين ولااريد اسمعج واذا على روحتنا لاتخافين بس تصحى اختى اخذها واروح لان اني اصلا مااريد اعيش هنا

-ماطول طلع ذباح طلعتج من هون صارت على گص ركبته واذا هو رخه شوية جدتي راح تگف بوجهه مثل ماچت امس وطلبت حرمة منجن راح تمنعة يبعدجن لخاطر يضل جدام عينها وانه ماضل هيج اتنوع زلمتي يجيب وحده ثانية على راسي انكتم لخاطر ارضي جبروتها

-كل عقلج انتي منو تاخذه

-ولاراح تلحگ تاخذه تتنوعين لج ماجازفت وحبيت على ايد خويي لخاطر يجيبني لهون وانه ادري ذباح راح يهد عيشتي بس حتى انبهج وانطيج الامان لحد ماتاخذين اهلج وتنهزمين محد يعرفلج طريج  واله وراس ابوي الي ماحلفت بي جذب اخليج تبجين دم وراهن

سكتت اباوعلها  مااعرف شرد

-بعدي عن ذباح واذا انتي مرة روحي گليله اجت وهددتني لخاطر اعرف اشلون اندمج ولو موش ذباح يكف بوجهي لو الديره بكبره ماتحميكم من شري

هيه تحجي ودخلت عمتي شافتها لطمت على وجها صاحت صخام بوجهج ولج شجابج هون يالمالج رداد

-اخوي كال اريدن اتحمد لذباح بالسلامة  وجابني ويا لخاطر نأدي الواجب لاتنسين احنا ولد الشيخ

-والكفل زينب يذباح اذا كضج يرد بيج للسجن وهالمره اعدام لمي الشر ونكلعي من هون گبل لايصل تراه روحه مسلمه للدين

-رايحه يبت عمي

-عساج مارديتي يله لجج

باوعتلي وابتسمت مثل الوصلتلي  رسالة نزلت النقاب وطلعت انداريت لماما لكيتها بعدها على سجادتها مدنگه تسبح ولاتكول كل هذا سمعته

دنگت على رؤيا كلتلها لو اعرف انطي روحي مو اوكف بوجهم حتى احميجن

لزمت ضهري فجر  بست راس رؤيا وكمت وخرت ايدها طلعت اجت تركض وراي نزلت لكيت ذباح كاعد بالاستراحة بيده جكارته ومدنگ يفرك براسه

ردات تلزمني فجر دفعتها رحت يمه وكفت باوعلي بتعب عيونه دم خله الجكارة بحلكه شفايفه ترجف من الحرگة يريد يورثها مايگدر  ابتسم  وفتح اديه كأنما يكلي شوفي الحالة الوصلت الها

همست ليش هلكد تحبه

-هه اول ماتعرفت عليه جان كاعد نهاية الحجز لام رجلي محتار بزمانه شدني اله وكت الاذان من سمع صوته نزلت دموعه بخوف عرفته خايف من  السجناء كعدت يمه ردت اگوي لان جسر گلبي شاب بداية عمره مبين عليه التعب بس كلتله افاا ازلمه وتبجي تدري شگال

نزلت دموعي

-كال اخياتي بعدهن صغار ومايعرفن كلشي راح يضيعن

-ماگلك تركت وراي وحده اذا فكرت ابتعد عنها تموت

-جان  يبجي بكتمة ماعرفت خايف من الموت لومن وجع التعذيب لو فگد بنات گلبه يحجي ويرجف يگلي انه اعترفت مايأذوهن مو ورايه راح تگدر تنساني والله لو ادري راح اموت ماجان خليتها تحبني جان حبيتها من بعيد

حسيت حيلي انهد كعدت يمه همست اذا يعرف موته يكسرني لعد ليس استعجل

دنگ خله راسه بين اديه

-من دفنته هم حسيت بي يدورني

-مااگدرت اتنوع بوجه

-اشلون گدر يغمض عيونه ويعوف حمل الدنيا على متوني جان ردلي رئال  جان اخذني لكبر رند لو أمنلي اهلي بمكان وسندني بعجز اخيتي زين جان بس يعلمني اشلون اكدر اوكف بكل هالمصايب شنو جان شايفني وهيج تركني

-وگف يقيس قاط العرس تنوعلي وكال اكو غصة بگلبي  عليش هيج احس

-اشلون طلع بالقاط مالحكت اشوفه

سكت

همست اخذني لكبره

رفع راسه ليفوگ  -صبرك ياراعي الصبر

-ذباح  گلبي يوجعني

-وانه مانه جبل يبعد اخوج

-كوم وديني اله

-وشني اگله چتالك بعده يشم الهوا لو امانتك ماصنتها ضالة بدار الغرب واختك راكدة بالمستشفى

-راح اخذهن واروح

-لخاطر ادفنج يمه

-ماتكدر كلشي تسوي

-كونج مرة وتعمليها يرايه وروح الزفيته بيدي للمنية اطلعج من سابع گاع ودفنج بدون جفن

-واني ماضل عندي غيرهن بدل مااروح ارد الراحت  اخيتي  اضيع البيدي

-حگج يصلج بس صبري عليه بين ماتكوم بالسلامة واردها للدار هذا شاربي مانو علي ويهي اذا مامديتها هيه واهلها تحت اريولج وخليج تسحكين هاماتهم وتخليهم عبرة لليفكر يسمعج چلمة ماهو يكربلج

-هاي زوجتك

-انتي اخيتي وحرمة رفيج دربي ماكضيت شاربي  اذا ماجنت ناوي  روحي للموت لخاطرجن

-غزوان ماراح يقبل

-وانت الحين بظهري غزوان مالو شي يمي مثل ماهون نص الطريج وترگجن بيدي  مالو حگ يعتب بأي شي اعمله

-اضل بيت بيبي هجامة

-لحد مايصلج حگج وبعدها اذا هيست بيج متنفسة موش معترضة احطم وجهج

فتحت عيوني على كبرهن

-شكو ولج عليش هيج تتنوعين

-تريد تمد ايدك عليه

-اكص ايد التكربلج بس انتي انعدلي

-تره اني ساكتتلك لان حاسبتك اخوي الجبير

-غصباً عنج خويج والي يسمعج جلمة فتحي راسه بالنص لاتضلين هيج  مفهية والخوف ماريد اتنوعه بعيونج كبل لاتحسين بي تجين تزتي بصدري لخاطر اطگ جهامتج واطلعه من عيونج

-دتهدد لو تعلم

-شني تعتبريها اعتبريها بس ذكري ماعدتي بت اليهودية انتي راية اخت ذباح ابن البدوية الي يگرب حدها اذا ماطكته اچسر راسها

-شنو يعني اذا مااكدر اكتله انبسط

-هذا الموچود وغصباً عنج تتقبلي ونص جلمة مانه سامع 

اباوعلة شكلة معصب يعني يحجي جد شمر الجماغ وخله الجگارة بحلگه دنگ يورها حياته طبيعية ولاتكول جان يرزل بيه

همست خبل

شال راسه فاتح عيونه بغضب متفاجئ ؛ سحبتني عمتي بسرعة خلتني ورا ضهرها كام صاحت هوبك انت علت

-مااعمل شي بعدي عنها

-ذباح ترانا بالمستشفى يبعد اختك

-ماطول تعرفين احنا بجهنم عليش جايبتها مفرعة

-الحين الفها بعباتي بس هدي احب على ايدك

- واخذيها وردي فوگ لاتخليها تهوب هون لحد مارد

-وين رايح

-ماتأخر

-تره مايصير تروحله للاربعين ييمه تراه ينعل كلبه لان مامصبح بوجهه

هز راسه شال جماغه وطلع اندارتلي عمتي كالت لو طاكج ولج اشلون تحجين هيج

-هو استفزني

-ميخالف ييمه ميصير تتجاسرين  عليه اكو بت تغلط على خويها غير جاي يعلمج على طريچة عيشتنا لخاطر تكفين بوجهم بدون لاتخافين وانتي مستندة بالي يسحگ روسهم

-بس خلي يلزم زوجته اني بخير

-ااخ يحرمته نوتها خراب ودم  الله اليستر يله يمه ضمي شعرج و…

-وينه تره لافه الشال عدل مالج شغل بي تره هذا عقله ضارب

-يبوو كون يرد ويگضبج لخاطر يعلمج العگل اشلونه ووين عدل كصيبتج طالعة وراج متر دخشيها وتعالي اتريكي وجهج اصفر لاتكعين واخيتج راح تصحى تريدج تكفيلها موش تركدين حدها

ردت ارجع بس حسيت حجيها صح روحي تعبانه واخاف اوكع ورؤيا هسه اكثر وكت معتازتني اسندها بي

اباوع النسوان كلها حجابها كامل واكثرها منگبة عرفت صدگ شكلي نشاز صاية ضيكة وشعري طالع من دونهم

جريت كصيبتي خليتها جوه ملابسي وعدلت الشال رحت وياها للكافتريا تفاجات لكيت غيمة كاعدة تتريگ  هناك حتى نسيتها هاي اشوكت اجت ومنين جابت افلوس

راحت عمتي تجيب اكل واني رحت كعدت يمها شالت الجاي شربت منه وكالت شنو حجت وياج مرة ذباح

-وانتي شدراج جانت هنا

-شفتها هيه واخوها طالعين واجت هددتني كالت وصلي لبت عمتج تنوعي هذا اخوي وبعد تاركه خمسه وراي واني وحديتهم يردون مني بس اشارة

سكتت

-شنو شو سكتي هيج روح اختج رخيصة لو انتي بدون كرامة عالم ماتريدج يمهم تره انتم هواي من غير علاججن تدرين بيش علاج الكلى الجاي تاخذي وانتي ماحاسة وهسه كملتها اختج بعيونها همه عالم على كد حالهم عايشين عالرعي

-تره من اروح انتي تجين وياي

-وليش عيني شنو اعودلج ترا اني اخت صديقه ووصيته وبروحي حتى دااساعدهم بالبيت وامه ميته عليه طايره بيه طيور مو مثلج بس المشاكل وخالتهم مايشوفون  دربهم  خايفين على ابنهم لايتعارك ويه ولد عمه بسببج اشوكت تحسين انتي ثكيلة ومارايديج بينهم

-ميحتاج هذا الحجي بس تصحى رؤيا اروح

-لاتكولين كدام ذباح ماراح يخليج لان بعده بالصدمة ويشوفج مرة غزوان اني ادبرلج طريقة ترحين بيها وحتى افلوس انطيج دبرين روحج بيهن كم يوم هاي اذا غزر بيج تعبهم وخسارتهم وتردين اختج تعيش بشرفها

-وانتي منيلج افلوس

-هاا عندي من زمان لامتهن وافلوس غزوان مال العرس يم ذباح احسن مايوزعن بثوابه اكله راية تريدهن

هزيت راسي اجت عمتي بيدها لفات كالت تاكلن هون لو تجنا غادي يم هجامة واميمتج

كمت بدون لاارد هيه هم افتهمت رحنا صعدنا رجعنا للغرفة دخلنا لكيت ماما خاله راسها على متن هجامة وتباوع لرؤيا بتعب رحت يمها دنكت بست راسها كعدت كدامها ابتسمت

-اشلونج ماما

نزلت دموعها

-هه ليش تبجين هياتني كدامج مابيه شي شوفي دااحجي واضحك

-جذبتي يبت بطني

كالتها مشت ايدها على ملابسي تباوع لونهن همست راح ولبستي  اسود عليه

عضيت شفتي

-عيونج حمر جنتي تبجين حتى ياخذوج لكبره

هزيت راسي اي

-ترك حضنج وحضن التربان

باوعتلها بهضم سحبتني لحضنها خليت راسي بصدرها وشهكت عصرتني لوكالتي طلعي شكو بكلبج بجيت بكل حيلي طلعت كل حسرة والم كاتمته كل شهگه تطلع من نص كلبي ضمت راسي  وهمست لا تموتين وتعوفيني

-عافني ماما  عافني وراح

-اسم الله على كلبه ابني

-ولج ماما  نار بصدري ولج  اشتاقيت لصوته

-كلتله ييمه ماراح يعوفك يضحك يكلي مايصيرلي شي  على كلبج لاتخافين

-ماما گلبي يوجعني بعد ماتحمل والله خلص صبري واني اتوسل يرجعلي ماما راح بدون لايودعني

عصرتني وبجت بصوت بس اصواتنا طالعة وحدة تعزي الثانية وتواسيها بعزيز كلبها لمن جرتني عمتي كالت بسج راح تموت امج

وخرت لكيتها صدگ تعبانه تباوعلي گوة خفت عليها مسحت دموعها  بسرعة اخذت بطلت المي غسلت وجها 

ردت احجي لزمت عمتي ايدي اشرت كومي عرفت ماطول كدامها ماراح تبطل بجي لان تشوفه بيه

انطيتها بطل المي وكمت طلعت بره احس حيلي خلص مابيه اوصل للكراسي كعدت يم الحايط ثواني واجت  هجامة  بيدها اكل كعدت يمي كالت شتهجسين يجده

-كلشي ماكو داخلي فارغ

-صبر ربج وعوضه جبير 

اشرت اي

-اكلي يجده سندي طولج راح تگعد اخيتج لخاطر تسنديها للحمام تعليها وتوجليها

-مااشتهي

-لاع غصبي نفسج امج مناطرة مارضت تاجل عويناها عليج مسكينة يجده تچسر الافاد ضمي حيلج لاربعينه غادي ابجي لمن الله يكلج بس محد يكضج ولايمنعج

اخذت نفس لزمت ايدي خلت اللفة فتحت بطل المي غسلت وجهي اجت يمي غيمه كعدت كالت اووف لوادري هيج مااجيت

عوجت حلكها هجامة ابتسمت غصباً عني لزمت لفتي ردت اكل حسيت طعمها مر بطلت بس شربت مي وخليت راسي على متن هجامه غمضت

مر وقت واحنا على وضعنا رؤيا بعدها من كد التعب راحت عيني بالنوم بدون لاحس ماگعدت  غير على صوت غيمه وهيه تهمس دخيل محمد اجتاف لو جهنم

فتحت عيوني لكيت ذباح كاعد على بعد مسافة جماغة على متنه ومدنگ يدخن ردت همست شوفي اشلون القميص صاك على صدره هاي الي يحضنها شيسوي بيها

استغفرت ورجعت غمضت

-ادفع عمري كله فدوة بس ليلة وحده يخليني بحضنه وهيج كون على هاي عصبيته يجبرني على اذيته

-لاحول الله

-انوب عيونه حمر ومخططة بكحل خو ايده يمه ناطة الشراين بيها لعد اشكد حامي

كمت على صوت حركتي شال راسه اشر وين

مارديت دخلت للغرفة لكيت رؤيا تتحرك ركضت لزمت ايدها ودنگ بستها همست راية

-اي يعمري

-راسي يوجعني راح اموت

-اسم الله عليج من عمري على عمرج مابيج شي هسه ينطوج مسكن يروح الالم

-شنو صارلي

-هه سوالج ذباح عملية لعيونج

-منو كله ؟؟

دارد وسبقني كال مليت وانه اسمعج تتهددين من بعيد ماخذه النظر حچة  كلت ارده لخاطر اشوف صدگ بيج هده لو بس وطوطة

-انت گد هاي الكلمة

-افاا انه اخوج

-تمام ديربالك على نفسك

-هه الحمدالله على سلامتج يبا

-هاي تكولها من تشوفني طالعة لازمه خواتي كل وحده بأيد راده بيهن لبيتنا الي جبته من تعبنا

مارد سكت  بس مبين وجهه انطعن  لان حسسته انت مو كفو حماية ونظل يمك

دنگ فرگ راسه  وطلع وهيه ردت عصرت جف ايدي  متألمه كعدت يمها واجت ماما تبوس بيها ناسيه كل حزنها فرحانه برجعتها لحضنها

اباوعلها وابتسم اتمنيت رئال يمنا غمضت اشكد مشتاقتلها ومشتاقة اسمع لدغتها وهيه تصيح اسمي اخذت حسره اشكد بعد يگلبي تتحمل

مر كم يوم  بالمستشفى ماطلعونا لان رؤيا حالتها مامستقره بسبب الضربة بالاخص بليل ماتنام للصبح تون محد يعرف شبيها مايطلع الصبح اله وروحنا طالعة وتبلش بأمنياتها اشلون راح تشوف اوجوهنا واشلون تطلع تشتغل ودور على الي مضيعتها واني بس اسمع ودموعي تنزل لان الاطباء مابشرونا بخير

صار وقت طلعتنا كعدت عمتي من الصبح لمت غراضنا بس شكلها موطبيعي مثل الخايفة تريد تحجي وتبطل عرفتها على رجعتنا خايفة نرفض نرد بيتهم وذباح يسويله طلابة ماتدري لو موطلابة لو اشوفها دمايه مااجازف بأختي

اخذت رؤيا  غسلتلها وغيرت ملابسها بين مااجه الدكتور جيك وضعها انفتحت الباب دخل ذباح لابس اسود وحزام سلاح بمتونه اشر يله

رادت تحجي عمتي خزرها سكتت وشالت الجنطة واني لزمت رؤيا بس صارت عينه على ضفيرتي دنگ افتهمت ضميتها بسرعة  وضميت ضفيرة رؤيا شديت حجابها عدل وطلعت ورا لكينا مدخل السياره جوة صعدنا اول ماشغل السيارة استوى حرك رن فونه رد حي الله صگر الديرة

-حي الله بأبن البدوية  بشر وين وصلت

-بالطريج مانطول جثير ونصل شعملت

-كل خير طرشت خبر لبيت عمي ومناطرينا 

-خو ماوصلهم خبر عن السالفة

-افاا انه ابن عضيدك بس مجان هاي شني

-الك الصغير

-لاعمي ماتفگنا هيج الك اربعة وانه واحد والصغير والله ظلم اثنين بروح اخيك طلبتك

-ابشر مارديتك  بس خلك حذر لايصل خبر للبدوية

-مايصل راح اطلع جدامك انطرك يم دارهم

-اطلع وانه بظهرك

سد الفون وعمتي لطمت كالتله نويتها يبن امي

-حذرت

-ماتمل انت كلي شني نوعك ولك استوك طلعت من السجن ولك فتيت افادي شراضع متكلي

- حليب البدوية

-احب على ايدك يخوي طلبتك دخل الله ودخلك وعلي ضلت حسره بكلبي شوفتك بالبيت ييمه ماتفتهم شني اليرضيك اطكها انه اجيبها وطكها اشكد ماتريد

-طگ الحريم مامنه فايده اذا ماكو بيتها ازلام تكضها

-يعني شني اتربي ازلامهم لخاطر تتربى حريمهم مو يبووو يبووو راح اخيج يفجرر ابوس ايدك يخوي مروتك طلبتك لاتردني

مارد اباوعله متفاجأه ولاكأنما اخته تلطم وتتوسل عينه بالطريق دخل سلاحه بالحزام والثاني بصفه وهو مستعد لاف شماغه تذكرت من رحت اول مره للسجن وكال لغزوان شمالك هيج تتراجف اول واحد انت تكتل يابه  صفينه نص الديره وطلعنا منها

كمشت ايد رؤيا خايفة ابتسمت ام كلب الاسود همست اتمنيت اشوف شكله اشلون

-عزه بعيني راح يكتل ولد عمه مستحيل يكون هذا بشر مثلنا

عدل المراية باوعلي بيها بسرعة درت وجهي اتبلعم ماعنده مانع يهفني راجدي على خفة ايده

على طول الطريق عمتي تبجي وتترجاه وهو ساكت نفس ماطلع منه لبالي قنع لمن وصلنا لبيت هجامة نزلنا نزل ويانه دخل الجنطه ورد صعد شحط السيارة

طلعت عمتي تركض راحت لبيتهم كالت هجامة شصاير

-ذباح راح يكتل ولد عمه

-وشني الجديد خلص عمره ذباح يطلع من مصيبة يخش بالثانية اصلا هالمره تأخر جثير صارله كم يوم هادئ حسبالي طگته صدمة

-يعني هو هيج دوم معصب

-لا خبل انه اعيل اي لاحد يفج حلگه بس ابن ابو اليعيل بيه لو يكرب لشي راجعلي يچده جسر وماله واحد يكضبه

-راح ويا ابن اخو

-وهذا الثاني راح يطلع نسخته خشوا يمه لنشوف وين توصل ويه ابن البدوية

وديت رؤيا لفراشها نزعت شالي والصايه احس جسمي منهگ تمددت  خليت راسي بصف راس رؤيا لزمت ايدها وغمضت تركت ماما وهجامة يسولفن من التعب حتى مااسمع شنو يحجن لحد مارحت بالنوم ماگعد غير بليل على صوت هجامة استوها راده من بره اتلكتها ماما كالتها بشري شصار

-ماصار شي خاش هو وابن خويه على ولد عمه طاكيهم طگه معدله ومطلچ بتهم

-يمه طلگ مرته

-ولو ماملحگ صهيب عليه جان طگ حتى عمه وهاي خذوا هو وابن اخو للحجز

-سوده بوجهي استوه طلع الولد

-تراه مانو راعي مشاچل لا بس اشتاگ لرفجانوا صار اسبوع ماشايفهم راح يسير كم يوم بين مايمشي صهيب على عمه ويحل السالفة

-الله يساعد صهيب على هالولد اشلونها امه

-جاعده بمجانها وفجر راحت ويه صهيب لحد هسه ماردت يمكن عروا لبغداد يوكلون محامي الليلة يبيتون غادي

هيه تحجي ودخلت غيمة تركض بيدها الفون  وكفت تباوعلنا اشرت ماما شكو

-عمي جاسم عايش جايب الشرطة وجاي  …

لاتنسون التصويت ❤️