تحميل رواية انثنى غيم نجد لخد الحجاز النرجسيه بقلم شُروق pdf

بهاج وقف على حيله وناظره سلطان:حصان حصان

فهد:اذكر الله لا تطرحه الحين

ابتسم بهاج ومشى قبلهم:بغوني اقعد يومين ؟ مهبول انا

فهد:ايه ما يناسبك الترف والفطور يجي لين عندك ، تبي الشيبه يصبح عليك بتفله

ضحك بهاج والتفت له:ياولد انت مصروع ؟

فهد:وانا صادق ما امسيت الا يوم

سلطان:خله يرجع امه تبيه

بهاج التفت:ما قالت بتجيني ؟

سلطان:لا

بهاج مارد وركب السياره قدام وجنبه سلطان اللي قفل الباب وشغل السياره

فتح المرايه بهاج يناظر الشاش على راسه وقفلها ورجع ظهره لورا

لحد ما وصلوا للمزرعه ودخلوا بالسياره وهمس سلطان:يرحبون فيك

انتبه بهاج لعمانه وجده اللي عند البوابه واخذ نفس

وقف سلطان ونزل بهاج والتفت لهم وهز راسه عبدالله ورفع صوته:أجر وسلامه

هز راسه بهاج وناظر رَده اللي يراقبه والتفت لفهد واخذ منه الشنطه

فهد:هاتها اوديها لك

بهاج:بشوف امي

مشى للملحق تاركهم ودق الباب وفتحت له ريوف

:حمدلله على السلامه بهاج

ابتسم بهاج:الله يسلمك ، امي داخل ؟

هزت راسها ريوف:بغرفتها ما شفناها

بهاج دخل وناظر عمر اللي بالصاله:سلام

عمر هز راسه ومشى بهاج مع ريوف اللي ابتسمت:بهاج رجع

خرجت نورا وهي ماسكه طرف خصله وبيدها السيراميك وابتسمت:حمدلله على السلامه بهاج

ابتسم:الله يسلمكم

طلعت أنهار من المطبخ:بهاج !

بهاج ضحك:طيب بشوف امي واجيكم

مشى ودق الباب ودخل وناظرها بجلالها قفل الباب خلفه وهمس:ما تنزلين الجلال عنك حتى ببيتك؟

حليمه:حمدلله على السلامه

مشى بهاج لين عندها وحط شنطته وجلس امامها

:انتي ما تنزلين جلالك ؟

حليمه رفعت يدها لشعره:كم قالوا لك تخلي العصبه عليك؟

بهاج مسك يدينها ونزلهم وباسها الثنتين وناظرها

:منشغل بالك علي وما تزوريني ؟

حليمه:قالي سلطان انك طيب

بهاج:وما تسوين لي من يدك شي ؟

حليمه:ماكنت ادري بجيّتك

بهاج:احد قايل لك شي مزعلك ؟

حليمه:زعلانه عليك

بهاج تنهد:انا رجال اشيل نفسي لا تخافيني

حليمه سكتت من جملته وبهاج هز يدينه:المهم انتي

حليمه:كان ريحت وانا جيتك

بهاج ناظرها توقف والتفت لها:ما بتنزلين جلال صلاتك؟

حليمه:اريح لي

بهاج:انتي من كثر نفورك منه تلبسين الجلال ولا تنزلينه

حليمه التفتت تناظره ووقف بهاج:انتي في بيتك ماهو بيته

حليمه:اقطع الشر

سكت بهاج وخرجت حليمه ومشت للمطبخ دخلت وناظرت البنات بالمطبخ ومشغلين اغاني بجوال من جوالاتهم

طلّ بهاج عليهم بفضول وناظرهم مشغولين ومعطينه ظهرهم ونورا شعرها ممكر بمكر

وقفت حليمه تراقبهم ولفت لبهاج اللي واقف

مشى ووقف جنبهم والتفتوا له ناظر الكيكه اللي قدامهم يزينونها بجوكلت وحبات فستق

قفلت الاغاني نورا:قلت لكم بيشوفها غبااء

أنهار لفت له:طيب قول حاجه قبل تدخل ، كويس كذا خربت المفاجأه

بهاج:مفاجأه ؟ لمن ؟

ريوف ابتسمت:كيكة سلامتك

ابتسم بهاج والتفت لأمه اللي واقفه وضحك ولف لهم

أنهار وهي تحط الكريمه بكيس وتشق طرفه:ما اعرف اذا استوت او لا قلت لريوف تنتبه لها

ريوف:وانا فاشله اكثر منها

ضحك بهاج:عطيني

بعدت أنهار ووقف بينهم وهم يناظرون الكيكه وعصر الكريمه يكتب عليها:حمدلله على السلامه

ابتسموا ولفت ريوف لجوالها وهي تصور الكيكه

تحت أنظار المهزوزه خلفهم تسمع صوت الاغنيه المنخفض وضحكهم وتعليقاتهم ووقوف بهاج بينهم

كان واضح تقديرهم لبهاج ومحاولاتهم لإسعاده وبأقل من ثواني بهاج صار مبسوط بينهم

خرجت من المطبخ بدون صوت ولف بهاج:ان طلعتوها اكلها فهد ما بقى منها شي

ريوف:شليويح قصدك

ضحك بهاج ولف لأنهار وهي تحطها بالثلاجه:ناكلها بارده احلى

نورا:كيف جرحك ؟ باقي يعورك ؟

هز راسه بالنفي وكملت أنهار:طيب قابلت احد ؟

بهاج:لا ، انا بطلع ابوك بالصاله وحده

نورا:سو !

ريوف:احنا متهاوشين ما نطلع له

بهاج ناظرهم واخذ نفس:طيب انا بطلع

مشى ولحقته أنهار:لا تنام عشان ناكلها سوا

التفت بهاج وابتسم وكملت:هنا

هز راسه وانحنى بياخذ الشنطه وسبقته تشيلها واول ما شالتها رفعت حاجبينها:ريحتها ورد !

بهاج سحبها من بين يدينها:لان فيها ورد

أنهار ميلت راسها:حاط الورد بالشنطه ؟ يذبل

بهاج هز راسه بالنفي وكملت أنهار:خبيته عشان محد يشوفه ويسألك من مين صح ؟

بهاج:حطيته عشاني ابيه بالشنطه مو عشان شي

التفت وكررت كلامها:لا تنام

هز راسه لها وهو خارج وخرج مارّ من الصاله اللي كانت فارغه

،

مشت بالكيكه ووقفت وهي تعطيهم ظهرها:صوريني كذا بيني شعري ولبسي

أنهار صورتها:مدري ليش كل ذا التعب ومحد بيشوفها الا بندر

نورا:صوري ما يخصك

لفت أنهار من انفتح الباب خلفهم وهمست:كان ناقصنا

نورا لفت واخذت الجوال ومدت لأنهار الكيكه

ريوف:الجده

خرجت جمعه بعكازتها وناظرتهم عند الدكه

:حطيها هنا ياشموخ

مشت شموخ بالقهوه وحطتها بالدكه اللي عند الباب وجلست ورفعت انظارها لجمعه:وش تسوون هنا؟

نورا:ولاشي نتمشى

جمعه:تتمشون ؟ وش معكم ؟

أنهار:كيكه لبهاج

نزلت انظارها شموخ للقهوه وجمعه:وكيكه عشان وش ؟

ريوف همست:لو يهمك عرفتي

نورا ابتسمت:توقعت تعرفين !

جمعه:ما صار له شي وش له كيكه ؟

أنهار:اوكيه بس ترا غرزوه ٩ غرز

جمعه:وانتم وش عليكم منه ؟لا هو اخوكم ولاهو يمكم

نورا اخذت نفس:نستأذن ارتاحي اشربي قهوتك قبل تغرب الشمس

مشت تاركتها ولحقوها البنات للجهه الثانيه من المزرعه

لفت جمعه لشموخ اللي جالسه وجلست عندها

:نادي امك وعمتك يتقهوون

وقفت شموخ:سَمي

،

دقت الباب ريوف:يمكن نام

أنهار:قلت له لا ينام

لفت نورا وهي تشوف سلطان جايهم:بنات

لفت أنهار ومن ناظرت فهد يمشي ورا سلطان:ما بيلحق ياكلها لو ما فتح الباب الحين

سلطان:مسيرين ؟ عبالكم مستشفى انتم ؟

فهد:وش ذا ؟

ريوف:هذا مجسم جماد غير صالح للأكل

مد اصبعه ولحسه وبققوا عيونهم من سرعته

مص اصبعه وناظرهم:شوكليطه ؟

نورا:حموت بنات

أنهار:يامقرف ليش تمد اصبعك

فهد:علامكم اصبعي نظيف

ريوف:وخر شليويح وخر وخر ابعد تكفى

سلطان:مافتح بهاج ؟

أنهار:لا ، تكفى سلطان شوفه خل ندخل قبل يلتهمنا الوحش هذا

فهد ابتسم لسلطان:وحش يقولون عني

سلطان ضحك وفتح الباب ودخل ودخلوا خلفه

جلسوا بالصاله ومشى سلطان للغرفه وناظره نايم

دفه برجله:ولد بهاج قوم

ماتحرك ورجع يهزه:بهاج

التفت وناظره:اخرج

سلطان:قوم كل كيكتك اخلص

بهاج رفع راسه وعقد حاجبيه:وش كيكته ؟

سلطان:كيكة بنات عمر

رفع جسمه يناظر جلوسهم بالصاله من مكانه وتثاوب:طيب اخرج بلبس واطلع

سلطان:نستناك

خرج سلطان وناظروه:صحيته

نورا:حرام كان خليته ينام

ريوف:هذا لاحسها البكتيريا بتاكل الكيكه ما صحى ياكله مسكين

ضحكت أنهار:اوميقاد تقرفتي ؟

ريوف لفت لفهد:شوفي اصبعه تكفين

رفع يدينه فهد وناظرهم:وشفيهم ؟

سلطان:روح جيب القهوه من عند الشيبه خل نتقهوى مع بنات عمر هنا ، الا على طاري عمر يدري انكم هنا ؟

هزوا روسهم بالنفي وناظرهم سلطان:مو مهتمين ؟

رفعوا روسهم بالنفي وهز راسه سلطان:فهمت

فهد:اذا تبي قهوه روح جيبها انت انا وصاني الشيبه بشغله ما سويتها من الصبح مالي خلق ينشب لي

سلطان:ياخي قوم اخلص

خرج بهاج وناظرهم وحك جبينه وهو يقفل ازرار ثوبه:ياصباح الخير

فهد:صرنا المغرب يالحبيب

بهاج:اخس ، تتهاوشون من الشروق للمغيب

التفت للبنات:ليش تدخلون ؟ اطلعوا انا اجيكم

نورا:وي بهاج اشبك عادي وبعدين هناك جالسه امك مع ابونا ما نبغى ياكلون معانا

سلطان:يعاقبونك يمنعونك من الاكل ! ، حلو اسلوب بساس

فهد:ياخي انتم غريبين يعني ابوكم ميت على الكيكه ذي اللي كأنها يسـ

ريوف:لا تغلط ترا لاحسها بأصبعك عساه الكسر

ضحك فهد:شادتها !

لفت نورا:جيب لنا حاجه نقطع فيها

سلطان:قوموا اطلعوا

أنهار ناظرته:وي اشبه ذا ؟

سلطان:اطلعوا ناكلها برا نكشت بقعده ونتقهوى نتنفس

بهاج:صادق اخرجوا محنا ناقصين

وقفوا وخرجوا ولف سلطان لبهاج:الحقنا

هز راسه ودخل الغرفه وخرجوا يمشون مع سلطان وفهد

نورا:وين رايحين ؟ مخبأ سري ؟

فهد:تخيلوا تنخطفون ، ترا المزرعه كبيره والله تضيعون ما تدرون وينكم

سلطان:ليتك تفكنا من سوالفك وتسكت

أنهار:ياليت تسمع كلمة سلطان اكثر واحد يقول كلام صح فيكم

جلسوا على الفرش الأحمر وناظروا القهوه اللي تطبخ على الجمر اللي مزروع على الرمل بدون حواجز

ريوف:ريحة القهوه يمي

سلطان جلس وهو يحرك الجمر ورفع الملقاط:جيب لنا فناجين وملاعق

فهد مشى وهو يطلع من الشنطه الكبيره فناجين وملاعق ومدها لهم

ريوف:نظيفه ؟

فهد:اي ماكلين فيها ٧١ مره بس

ناظرته بصدمه ومد الملعقه:خذي نمزح معاك

اخذت الملعقه ريوف وجلس قدامهم:كلها ٣٢ مره

رمت الملعقه عليه:شليويح !

فهد:وشو شليويح تراني استهبل اسمي فهد

التفوا من وصل بهاج وجلس جنب سلطان:صب لي

صب لهم وحطوا الكيكه بالنص وابتسمت نورا:امانه لحظه بصور

فهد جلس جنب سلطان وبهاج:صوروينا قولي هذولا عيال عمي جايين من الديره

ضحكت وهي ترفع جوالها تصورهم مع الكيكه ولفت الجوال على خواتها اللي ابتسموا وعدلوا شعورهم

ونطق بهاج:ابو سعود وش تصورين ؟

ناظرت الفيديو:احنا

لفت لريوف:رنيم صاحبتك عندي عادي تشوف ؟

ريوف:لا بليز قايله لها ماعندي نت بالطياره

ذاقت الكيكه أنهار:يممي

نورا نزلت جوالها:والله ؟ بذوق

مدوا ملاعقهم فهد وسلطان وبهاج سوا واختفت نص الكيكه تحت انظار البنات

اكلوا وهم يتلذوون ورمشت ريوف تناظر الكيكه:بيغمى علي

ضحك فهد واللقمه بفمه وحطت ملعقتها:مو قادره ماخليتوا حاجه

سلطان اشر بملعقته:لو تلاحظين اللي باقي من الكيكه هو اللي لحسها فهد باصبعه

صرخوا وهم يضحكون وغطت عيونها ريوف:يعع خلاص

ضحك فهد وسحب الكيكه لجهته:يازين طعم اصبعي

مسح فمه وشرب من القهوه وتكى بظهره على المركى

سلطان ناظرهم:الحين انتم ما تدخلون لجدتي جمعه ؟

نورا:لا

سلطان:ولا تقعدون مع البنات

أنهار:مين البنات اصلاً ؟ ما اعرف احد من يوم جينا

سلطان:اختي شموخ وخوات فهد

نورا:لا

فهد التفت:انت منجدك تبيهم يقعدون مع خواتي ؟ بتصير لعبة الفروق الخمسميه

التفت بهاج يناظر فنجانه اللي بجانب فنجانها ورفع انظاره عليها يناظرها تسمعهم وشعرها يداعب وجهها من الهبوب ولوهله تبتسم لثواني وتصد لخواتها

اخذ نفس وصد عكس مكانها يناظر مكانهم والمزرعه والنخل اللي يغطي اسوار المزرعه والعشب الطري اللي حوالين المكان هو يسمع كلامهم لكنه ساهي غصب عنه مابقى شي ما سهى فيه لين حس فيها تنبهه

أنهار:قهوتك بردت

التفت لهم وناظر فنجانه اللي بيده من أول وكب القهوه خلفه ومدها لسلطان اللي صب له

أنهار:تعورك حاجه بهاج؟

بهاج هز راسه بالنفي وهو ياخذ فنجانه:لا حمدلله

رفع راسه لها وابتسم وابتسمت له لفت لريوف اللي على جوالها

ولفت لسلطان اللي مخبي ضحكته وصاد وعقدت حاجبينه:اشبك انت كمان ؟

سلطان التفت وضحك:ولاشي

نورا لفت لبهاج اللي ناظر خلفهم وضحك:مهبول

لفوا يناظرون فهد اللي يركض من بعيد وعقدوا حاجبينهم

ريوف:اشبه ذا يركض زي كذا ؟

نورا:معاه شي بيده

أنهار:كيس شكله

تعالت ضحكات سلطان وبهاج اللي ميزّوا اللي بيد فهد وجمدت ملامحهم من انتبهوا انه قرب منهم واللي بيده دجاجه وشايلها بجنحانها

صرخت ريوف وقامت تركض عكس اتجاهه وصرخوا معاها يركضون

لفوا سلطان وبهاج يناظرونهم يركضون وفهد يركض خلفهم بالدجاجه وميت ضحك

كانوا يدورون بالمكان ويصرخون بخوف لين استنجدت بصوتها أنهار:بهاج

ابتسم سلطان والتفت لبهاج اللي فزّ:ابشري بي

وقف وهو حافي وطلع بالرمل ورفع ثوبه يركض ورا فهد

ووقفوا البنات قدام فهد من شافوا بهاج ولف فهد لبهاج اللي يلحقه وحاول يهرب لكن بهاج مسكه وبطحه على بطنه وشال الدجاجه بذراع وذراع ماسك فهد ورفع راسه للبنات:ارجعوا اقعدوا

نزل انظاره لفهد:بمسيك مع الغنم اليوم

ضحك فهد:بلعتني التراب قوم انت فيك حيل تركض لا اله الا الله

قام بهاج وفلت الدجاجه من يدينه وهربت الدجاج ونفض يدينه ورجع لهم

نورا وقفت جنبه قبل يجلس:شوف صورتكم بموت ضحك

تقدموا يناظرون الجوال مع بهاج اللي ضحك

ريوف:شلت الدجاجه

ضحكت أنهار وحضنت ريوف من الجنب

ناظرهم وجلس ومشى فهد وجلس معاهم

نورا:عادي اقول حاجه صح ؟

ناظروها وابتسمت وناظرت يدينها:غريب صح بس مدري انا احس كذا ، احس انتوا اطيّب من اخواتكم والباقين

فهد:والله صدقتي انا احسن واحد بينهم

سلطان التفت:انت ليه ما تسكت؟

أنهار ضحكت:بصيح نفس شعوري ، انا صراحه ما اعرف اش شعور الاخوان بس حسيتكم اخواني

والتفتت لبهاج وابتسمت:خصوصاً بهاج

ابتسم بهدوء بهاج وهمس سلطان وهو يتجاهلهم:يعوضك الله

التفت بهاج لسلطان اللي ناظره وغمز والتفت لهم

ريوف:بلا كذب ما حسينا بالاخوه الا مع بهاج والا في اخ يلحقنا بدجاجه

فهد:طيب والله اني اموت ضحك على دجاجه هذي ، تذكرون اول ماجيتم ؟ تركضون عبالنا وراكم ثور هايج طلع دجاجه

ريوف:اسمها دجاجه على فكره

فهد:ابشري

نورا:حتى ما نعرف ان بابا تقبل ام بهاج او لا

نزل انظاره بهاج وسكت

وكملت نورا:صح زعلانين منه ومبعدين عنه وما نتكلم معاه وعلاقتنا كل مالها وتصير اسوأ ! بس نعرف انه ما يفكر غير في ماما

سلطان:ماهو غلط عشرة عمر الله يرحمها ، بس لها حق ام بهاج بعد

نورا:انت ماتعرف ماما مستحيل اي احد يعرفها ينساها او يلاقي احسن منها

لفت ريوف لنورا وناظرتها نورا ولفت لبهاج:سوري بهاج بس باقي مانعرف امك

فهد:كل ام بعيون عيالها مافي احسن منها

سلطان ناظره:هذا احسن شي قلته من يوم قعدت تدري ؟

فهد:ماتقصر

أنهار ميلت اكتافها:بس ستيل ماما كانت قويه مع بابا وطلعته من اشياء صعبه كثيره واحتوتنا احنا كثير

تنهدت ريوف وهمست:ما اعرف ليش تتكلمون

سكتوا من سمعوا صوت الاذان وكشافات المزرعه اشتغلت

وقف بهاج ولموا الاغراض البنات راجعين

التفت بهاج وناظر سلطان اللي قاعد:وش قصدك ؟

سلطان ابتسم ووقف قدام بهاج:على قولتك، مسكين مسكين من قد بلي بالغرام

مارد بهاج والتفت سلطان يلم الاغراض وناظره بهدوء بهاج ونطق:ترا بيجونها خطاب

ناظرهم فهد والتفت سلطان:متأكد انها هي ؟

هز راسه بهاج وسلطان ابتسم:شفت انك تميّز ، كلنا ما عرفنا اساميهم لكنك ميّزت ، مسكين مسكين من قد بلي بالغرام

بهاج:انكتم

فهد:لا تعلي توقعاته يشوفونه اخوهم

بهاج:انتم الحين قررتوا وشفتوا الموضوع من عندكم؟

فهد:انا ماشفت بس قلت اشارك سلطان الظنون ، تعرف عيال عم واخوان

بهاج:ونعم

ابتسم فهد وصد عنهم بهاج

دخل عليها وهي تنقي الرز ورفعت انظارها له وهي تحط الجلال على راسها

عقد حاجبينه:البنات وينهم؟

حليمه:خرجوا عمتي تقول انهم راحوا لبهاج

عمر اخذ نفس:كثران المسايّر

حليمه:تبي تاكل شي ؟ اسوي لك شي ؟

عمر هز راسه بالنفي:بس بغيت اقولك خذي راحتك

سكتت حليمه وكمل عمر:الجلال للصلاه وانتي ما انتي غريبه والبيت محد فيه غريب

ماردت ونزلت انظارها للرز ومشى عمر خرج على دخول البنات للمطبخ

وقف عند الباب وهو يشوفهم يدخلون بالاغراض والملاعق : وينكم من عصر ؟

ريوف لفت لهم ساكتين وناظرته:جلسنا ناكل الكيكه  حقتنا

عمر:ماهي لبهاج ؟

ريوف:الا

عمر:يعني ماهي حقتكم

رفعت انظارها حليمه وتقدم لهم عمر:وش تبون عنده؟ زياره ورحتم غصب عني وسكت ، سالفة انكم تتجاهلون بالكلام معقوله ، لكن ما تتجاهلون اني ابوكم هنا ولي كلمه وحشيمه تستأذنون وان قلنا عن شي لا يصير لا

لفوا عليه وناظرهم عمر:لا عاد تختلطون مع احد

أنهار:غريب مو انت ترجيتنا نتقبل المكان ونتقبل اهلك ويوم صرنا متعايشين لو شوي صار غلط ! مو عارفين موقفك ؟

عمر:لا توقفين بوجهي ، كل هذا عشان ما وقفت قدامه يوم ضربك ؟

أنهار:عشان كل شي كل شي انت مو ملاحظه

مشت تاركتهم وناظرته نورا:صار ضروري تعرف ان بيجون الناس يخطبوني بس انت متجاهل اتصالهم

عمر همس:مو وقته

نورا:ليش مو وقته ؟

عمر ناظرها:لانه مو وقته نورا خلاص ما تشوفين الوضع ؟

نورا:عشاني اشوفه ابغى تستقبلهم

عمر سكت وناظرها:تنحاشين عنا يعني ؟

نورا همست:عنك

عضت شفايفها ريوف وهي تناظر عمر اللي سكت وكملت بهدوء نورا:ياليت ترد عليهم

مشت وتركته وناظر ريوف اللي قدامه ولحقتهم

بلع ريقه وشد على يده والتفت لحليمه اللي صدت من انتبه عليها وخرج من المطبخ

دخل الغرفه وفتح جواله وناظر الاتصالات والرسايل اللي لها فتره بدون جواب منه

وجلس واخذ نفس وحط الجوال على اذنه:ياهلا بأبو بندر

،

جلست وهي تناظر الجوال:بنات الحقوني

لفوا عليها وهمست أنهار:جالسه اسوي جدول بهاج مو فاضين حياتي

نورا ضحكت:بنات بندر ارسلي بيجون بكره !

شهقت ريوف ولفت بسرعه أنهار:امانه

نورا:والله والله قال ان بابا كلمهم قبل شوي وبيمشوا من ينبع لهنا بالليل

أنهار:مو كأنه مستعجل ؟

نورا:ترا من اول محضرين نفسهم بس انتظروا بابا يرد عليهم

ريوف:اكيد مامته بتجي معاه

أنهار:مامته وبس ؟ حياتي نوران كمان تجي ما تخلي بندر

نورا:ارسلت لي اصلاً قالت ياعروسه بس مارديت عليها

ريوف:وي ، تمون مره

أنهار:بس كويس رد عليهم

نورا:كنت خايفه يعاندني

ريوف:لا حمدلله ان شاء الله ربي يسهلها

نورا ابتسمت:طيب اش البس بنات متوتره مررره

وقفت وهي تفتح شنطها:البس فاتح والا غامق ؟

قالوا سوا يأكدون كلامهم:فاتح

فتحت الايسكريم بيدها وهي تناظر اللابتوب بحضنها:نورا بكره تجهزي حياتي

نورا:تستهبلين اكيد ما يمدي !

وقفت وبيدها الايسكريم وشايله اللابتوب:شوي واجي دقايق

مشت من عندهم وخرجت مرت الصاله وناظر عمر وتجاهلته وطلعت

لبست شوزها ومشت وهي تذوق الايسكريم

ودقت الباب وخرج وهو يحك شعره ومن ناظرها وقف

أنهار:اشبك خفت ؟

بهاج رفع حاجبينه بهدوء:لا بس توقعتك أمي

دخلت بشوزها:شوف سويت جدولك ما اعرف يناسبك او لا

ناظرها تدخل بشوزها الصاله وتجلس على الكنب

والتفت يناظر الباب وتركه مفتوح ومشى وجلس قدامها:جدول ؟

ناظرته وهي تاكل الايسكريم وهزت راسها

ناظر الاسكريم:بعد السكر اللي بالكيكه تاكلين سكر بعد ؟

ابتسمت وغمضت عيونها:انا سكر اصلاً

ابتسم بهدوء وحطت اللابتوب بحضنه:سألت البنات وقالوا افضل اخليه مسائي يصير تصحى الصباح تفطر وعلى الظهر تبدأ محاضراتك ، اش رايك؟

بهاج:اللي تشوفينه

ابتسمت:تعرف ان بابا رد على الناس اللي بيخطبون وبيجون بكره ؟

بهاج مارد واخذت نفس:خايفه مره مو مستعده نفترق احنا وخواتي خلاص

بهاج مارد ونزل راسه:نصيب

هزت راسها:بترك اللابتوب عندك شوف موادك

بهاج:لا فكيني منه ما اعرف له

أنهار:اعلمك ؟

بهاج وقف وقفل اللابتوب:لا وقت ثاني الحين ارجعي

ناظرته ووقفت واخذت اللابتوب:بتنام ؟

بهاج حك جبينه:يمكن

مدت جوالها:طيب اعطيني سنابك ارسل لك كل حاجه عليه

بهاج سكت ثواني يناظرها وهمس:ماعندي

أنهار:والله ؟

هز راسه وابتسمت:عادي احمله لك ؟ لان ما احب الواتس اب الصراحه

بهاج:خليه وقت ثاني

أنهار:والله ما ياخذ مني وقت بهاج عندي ايميل اوردي

بهاج مد جواله وجلست وابتسمت ومشى للباب وخرج وناظر حوالين البيت لحد ما خلصت بعد دقايق:بهاج

التفت وناظرته:تعال شوف

مشى ووقف عندها ورفعت راسها:قرب

ميل جسمه لها وقربت منه وهي جالسه وبدت تشرح له

تناثر من حشاه شرارات لهيب من هبت عليه نفس الريحه اللي ماصدق يتخطاها ويتخلص منها

غمض عيونها وعقد حاجبينه بقوه وشد على قبضة يده فتح عيونه وهو يناظر شعرها اللي قريب منه وشد من قبضة يده وبداخله سؤال واحد

من سرق هبّ النسيم وعلق النسمه بشعرك ؟

كل اللي يبي يقوله لها:ارفقي

بس ماقدر نشوة عطرها فجّرت صدره وجمّدت حاله ووضعه ماقدر يبعد ولا قدر يتقدم أكثر

كل اللي يحس فيه ان كل ما اخذ نفس اكثر كل ما ضاع وتاه وغرق اكثر

اخذ نفس طويل وغمض عيونه وغرق هو فعلاً غرق بدون يحس هي بدون تعب وجهد تشقي قلبه ، قلبه اللي ماتعود على حال نفس حالها

دلال وغنج وسؤال وإهتمام وجمال ! جمال قادر يمصّع من صدره قلبه بدون تفكير

وعى وفتح عيونه وتراجع من نطقت:اشرح لبهاج

رفع راسه وناظر امه اللي امامهم ومن شاف نظراتها له وقف بإعتدال مسح يدينه اللي تعرقت بثوبه وتراجع بإرتباك

هي انتبهت اكيد انتبهت عض شفايفه يوم وقفت تسأله:فهمت ؟ برسل لك سنابات اذا رجعت وشوف اذا فهمت او لا

هز راسه ولفت تناظر حليمه واخذت لابتوبها ومشت طالعه

رفض يرفع راسه لامه ابداً وهمس:انا طيب

ماردت حليمه وتعدته ومشت لغرفته ناظرها تاخذ ملابسه اللي طايحه وتلمها

شد على شفايفه وجلس وحط يدينه على ركبته وهو يراقبها من بعيد

كيف قدر يسمح لنفسه يغرق وهي قالت قبل دقايق ان بكره بيخطبون فيها ، وانها مستحيل تكون الا لشخص غيره

هز راسه وهمس:كيف بسلى وإنتي أقرب من زهابي ؟ وين ما قفّت بي الخطوه لقيت الدرب يمك ؟

اخذ نفس يتصبّر ويتجاهل مشاعره اللي يحسها هي فتره وبتبتعد عن هنا وبيقدر ينسى ويسلى

خرجت حليمه ووقف وهو يناظرها متجاهلته بالثياب وخارجه

حك حاجبه:يمه

لفت وناظرته بهدوء وسكت ثواني ينتظرها تتكلم ولا تكلمت

وحرك راسه بإرتباك:تعشي عندي

حليمه:العشا على النار كانك جيعان بجيب لك

بهاج:لا ماكل

حليمه هزت راسها وفتحت الباب وخرجت وتنهد بهاج وجلس على الكنبه ولف لجواله واخذه

فتح سناب ولقي منها رساله ابتسم قبل يفتحها هي ماعطته وقت يقول انه يعرف لسناب لكنه ماهو اهتمامه ظلت تعلمه وقت طويل بجهد منها

ابتسم وفتح سنابتها ومن شاف شكلها وهي رافعه اصبعها بـ -أوكيه-

وظل يناظر السنابه ومبتسم لين اختفت من قدامه

ضحك وهو يفتح كاميرته ويحطها قدام وجهه ويرفع اصبعه يرد عليها بإنه عرف له وضبط معاه

ارسل السناب لها وفتحتها وابتسمت وارسلت له

:شاطر تتعلم بسرعه يعني بتتخرج بسرعه

فتح رسالتها ورجع ظهره لورا وشافها تخرج من المحادثه واخذ نفس وقفل جواله وتلاشت ابتسامته من رفع راسه للسقف يتذكر كلامها عن الخطبه بكره

،

خرجت وهي توقف قدامهم:قولوا حلو

قفلت روجها وبققت عيونها بإبتسامه:قممر

ابتسمت نورا وعضت شفتها:تتوقعون يطلب يشوفني ؟

ريوف:اكيد ما بيخلي الجيّه لهنا عبث

نورا:بموت بنات توتر بالغصب نمت واشوف رسايله وحماسه مو مصدقه مررره

أنهار:اش قالك اخر شي ؟

نورا اخذت جوالها:هو ما ارسل لي جالس يسوق نوران قالت انهم حركوا من الفندق جايين هنا نص ساعه على الاقل ويوصلون

أنهار وقفت:طيب قومي ريوف نشوف اش ناقص هناك

مشت وخرجت وهي تاخذ عبايتها وتلبسها وتمشي لبيت جمعه وتدخل وريوف معاها

سمعت صوت تجهيزاتهم للضيوف هم ما يقصرون مع الضيف بضيافه وإستقبال طبعهم هذا حتى لو كانوا ما يعرفونهم

وقفت وهي تناظر البنات:اساعدكم بحاجه ؟

ناظروها واقفه مع ريوف بكامل زينتهم ووقفت عذاري:لا كل شي جاهز

أنهار:كويس يعطيكم العافيه

عزه:والله مامن الكلام فايده

أنهار اخذت نفس ومسكت يدها ريوف وهمست:مو وقته

صدت أنهار ومشت خرجت من البيت ناظرت أنوار المزرعه تشتغل وهمست:مو كأنه بدري ؟

ريوف:صح

مشت أنهار ودخلت تاركه ريوف عند الباب والتفتت من ناظرت العيال يخرجون من خلف الملحق

ابتسمت من شافتهم بثيابهم وأشمغتهم:وصلوا ؟

سلطان:وش مطلعك انتي ؟ ادخلوا بمكان

ريوف:بسم الله ترا ما بيجوا من هنا

سلطان:حتى ولو ادخلي

ريوف ابتسمت:بهاج بليز صور لنا العريس عشان العروسه تشوفه

بهاج حط يدينه بجيبه وهز راسه

فهد:لاحقه العروس تشوفه

ريوف:نورا شبعت من بندر وهو ما يشبع منها

سلطان:ابو زيد يعرفها ؟

ريوف هزت راسها:تستهبل ؟ يحبون بعض من قبل ينقل من جده لينبع مع اهله

بهاج سكت وهو يناظرها وابتسمت ريوف:بيتزوجون عن حب

فهد:والله ماهي سلوم رياجيل

ريوف:انا بدخل اشوف نورا بليز احد يصور لنا العريس اذا وصل

دخلت وقفلت الباب ومشى بهاج قبلهم بخطوات هاديه للمجلس

فصخ شوزه عند الباب ودخل وجلس

هو من فتره ماشاف جده وعمانه كان متجاهلهم ومبتعد عنهم ويوم دخل المجلس نطق رَده

:قلت هج أكيد

وعى على وجودهم وناظرهم وناظر عمر اللي بجانبه ساهي ولارد

ظل يناظر عمر وحاله المنقلب والتفت رَده وضغط على كتف عمر اللي انتبه له واخذ نفس

ابتسم رَده:بسيطه بسيطه

رفع راسه عمر لبهاج اللي يناظره والتفت من دخل سلطان:وصلوا

وقفوا كلهم وخرجوا من المجلس وهم يشوفون سياراتهم تدخل مع البوابه للمجلس

وتقدم رَده بعكازه:حياهم الله حياهم الله

وقف بهاج واخذ نفس ووقف خلفهم وهو يناظر الرجال اللي من بينهم يشع من ابتسامته المتسعه وأتضح له من شكله انه العريس

انقبض صدره وشد على قبضة يده وهو يناظرهم بدووا يدخلون ويسلمون

ومن صافح اول واحد حس ان غليانه يتبخر من كفه ماقدر يكف أنظاره عنه لحد ما وصل له وابتسم بندر:كيف الحال ؟

مارد بهاج وابتسم بندر ودخل وجلس بجانب اهله

وقف بهاج معطيهم ظهره وفتح ياقة ثوبه ياخذ نفس

لين سمع رَده يناديه:القهوه يابهاج

التفت لسلطان وفهد اللي عند الدلال ومشى لهم يعاونهم

،

حضنتها بقوه من توترها وضحكت نوران:بنت صوت قلبك عالي اشبك !

نورا بعدت ومسكت يدينها:متوتره

نوران:شكلك يجنن يابنت ، وربي مسكين بندر ما حيقدر يخليك بيرجعك معانا ينبع

ضحكت نورا وعضت شفتها وجلست جنب نوران وهي تسمع امها تتكلم مع جمعه وتسأل عن الحال

لفت نوران وفتحت جوالها:بسبق اهلك وبوريك شكل عريسك

نورا:لا توتريني اكثر

نوران ضحكت:شوفي امانه

اخذت الجوال نورا وضحكت من شافت شكل بندر بالثوب والشماغ ومبتسم للكاميرا

شدت على فستانها بيدها الثانيه وهي تتأمله وابتسمت نوران:الله يتمم لكم على خير ياروحي

همست وهي تمد الجوال:يارب

،

أبو بندر:تعرف سبب جيتنا ياعمر

عمر هز راسه:اكيد وانت صديق وجار وغالي

ابو بندر:تسلم ياحبيبي ، ونبغى نسبك وأول بناتك

ابتسم رَده والتفت لعمر اللي يناظر ابو بندر

سكت عمر دقايق لين التفتوا عليه كل اللي بالمجلس من طول سكوته وتوتر بندر وهو يناظره

عمر عدل جلسته:والله يا أبو بندر يشرفني بس بنتي خطبها ولد عمها بهاج وهي وافقت عليه من فتره

جمدت ملامح بهاج ولفوا عليه العيال بصدمه

التفت رَده لبهاج اللي انقلب حاله من كلام عمر

تغير وجه ابو بندر وعقد حاجبينه والتفت لبندر اللي نطق:مستحيل !

عمر:ليه مستحيل ؟ بنتي ما يعيبها شي وولد عمها أولى وهذا هو بهاج اسألوه

بهاج مارد والتفت عمر يناظره وشد على اسنانه وهو يناظر تشتته وصدمته

بندر ناظرهم والتفت لابوه ورجع ناظر بهاج:نورا مو موافقه عليه حتى لو تقدم لها

رَده عقد حاجبينه:تقول اسم بنت ولدي بين الرياجيل ؟ وانت وش يعرفك وافقت والا ما وافقت؟

بندر:انا ياعمي اعرف نورا من زمان وناوي اتقدم لها احنا نبغى بعض

رَده:تعقب بنت ولدي محترمه أصيله ما تعرفك ولا تعرف اشكالك وهي لبهاج حفيدي

التفت لبهاج ورفع عصاته:صحيح يابهاج ؟

سكت وناظرهم يلفون عليه ينتظرون منه إجابه ناظر رَده اللي مبتسم له هو يعرف ان رَده للحين ما اخذ حقه ولا انتقم وحطه قدام رجال بهالموقف لانه يدري بإنه ما يحسن التصرف ولا بيعرف يجاوب لكنه ماقدر

ناظر بندر اللي ينتظر جوابه وبلع ريقه وده يقول اي ويتخلص منه ومن اهله بثانيتين بس وجهها وهي تبشره بجيّتهم بباله

من عرف انها تبيه ماقدر يوقف ويتركه يخرج وهو يدري انها تبكي ، تبكي ودموعها سهله

طال سكوت بهاج بحيره هو يا يقول اي يا يقول لا والجوابين مصيبه بنظرهم

اخذ نفس وهو يناظر عمر الساكن محله حس انه وده يخنقه بهاللحظه ويتفل بوجهه كيف قدر يفرط بفرحة بنته !

رفع راسه لبندر ونطق يصدم كل الموجودين بجوابه

:لا مو صحيح

جمدت ملامح الموجودين وأولهم رَده اللي ماتوقع رَده توقع منه السكوت او حتى يقول اي ويرضخ للموقف اللي حطوه فيه

ابو بندر:تستهبل علينا ياعمر ؟

عمر التفت عليهم وسكت ووقف رَده يتدارك الوضع:هذا اللي عندنا والبنت مردها بتصير لولد عمها مانعطي بناتنا لأغراب

وقف أبو بندر:صرنا أغراب ياعمر ؟

رَده:اتركك من عمر الكلام مني انا وانا رجال المكان هذا

رفع انظاره بهاج لبندر اللي ما زال جالس ويناظره

بلع ريقه ووقف بهاج يغادر المجلس مشى بخطوات بطئيه وثقيله ونزل عقاله وشماغه وهو يفكر ويناظر الأرض وقف عند الملحق و

مسك شماغه بيده وعقاله والتفت من سمع صوت يناديه

ووقف مكانه والتفت مشى له عمر بخطوات هاديه ووقف قدامه:ما بتاخذ وحده من بناتي كل ذا من ابوي عشان يصرفهم عن الخطبه

بهاج بهدوء سأل:ليه ؟

عمر:ماودي وحده من بناتي تصير لك

بهاج هز راسه:انت لو تشيل هم بناتك ما كان فرطت في نصيبها قبل شوي

عمر:انت بتعلمني كيف اربي بناتي ؟

بهاج تقدم وناظره بحده:اعلمك ، اذا وصلت فيك توقف بنصيب بنتك وتقطع بطريقها وتنزّل دمعتها توصل اعلمك

عمر عقد حاجبينه بعصبيه:انت تحسب اني بسمح لك تعبي براس بناتي ؟ انا من يوم شفتهم قريبين منك عرفت ان مامنك رجا

بهاج:ما قربت احد لي يكون بعلمك بناتك مالقوا رجال قدامهم والتجوا فيني

دفعه بقوه وأسكته غصب من طاح بهاج وعقد حاجبينه وغمض عيونه من ألم راسه اللي صقع بالارض

رفع راسه عمر من انفتح باب البيت وخرجت بفستانها تركض لهم وعض شفته وصرخ:ارجعي

تقدمت وهي تبكي ودفعته من صدره:ليش تسوي كذا ؟ ليش تغيرت علينا ليش ؟

عمر مسك يدينها بقوه:ارجعي قلت ارجعي

وقف على حيله من شافها تبكي قدام عمر وشال شماغه بيده واخذ نفس بسرعه ناظر ظهرها وشعرها وفستانها وهي تضرب صدر عمر

بكت بصدمه وهي تناظر عمر:ما تحس فينا ؟ ما صرت تشوفنا بناتك ؟ بعت أمانة ماما ؟

عمر:ادخلي قلت ادخلي نتكلم

بكت وهي ترجف بصدمه وهزت راسها بالنفي ولفت لبهاج ورمشت وبلعت ريقها من شافت مجرى الدم ينزل من راسه على اذنه وعلى ثوبه والتفتت على عمر بصدمه:ضربته ؟

بهاج ناظر عمر اللي يناظر راسه وتقدم:ادخلي

أنهار ناظرت عمر برعب:ضربته ونزلت من راسه دم ؟ انت صرت تشبه اللي داخل ، صرت تضرب وتمنع وترفض وتصرخ ، انت بطلت تصير ابونا

صرخ عمر من كلام أنهار ووجود بهاج بينهم وشكلها قدامه:

أنهار ادخلي

جمدت ملامح بهاج وبدّل أنظاره لأنهار اللي وجهها مبللته الدموع وتناظر عمر

رمش بدون إستيعاب منه ولفت أنهار لبهاج اللي يناظرها كان مذهول من إسمها هو كان يظن إنها نورا

تقدم عمر ومسكها من ذراعها وهو يسمع صوت رَده من بعيد يناديه همس في اذنها:ادخلي

ماردت عليه ومشى عمر راجع بخطواته للخلف لحد ما التفت يعطيهم ظهره

بكت أنهار وهي تراقب راس بهاج وهمست:ما سمعت صراخ نورا ؟

بهاج مارد وأنهار رفعت يدها على راسه تمسح الدم عن جبينه:عورك ؟

بهاج سكت وهو يحس بيدها البارده على جبينه المتألم ورفع طرف اصابعه يمسح دموعها وابتسم بشبه ابتسامه بارده بدون ما يكشف عن اسنانه حتى

أنهار:روح الطبيب بهاج راسك ينزف ينزف

بهاج نزل يدينه عن وجهها وهمس:ادخلي لنورا لا توقفين هنا

أنهار هزت راسها بالنفي:لا ، هو عورك بسببنا شسويت داخل ؟ وقفت قدامهم صح ؟ منعتهم بس ما سمعوا منك ؟ كانوا يبغون نورا تبكي وبس ؟

بهاج اخذ نفس وهو يحس بالثقل براسه:ادخلي وانا اجيك

أنهار هزت راسها بالنفي:بنروح الطبيب

بهاج:انا اروح ادخلي انتي ادخلي انتي حتى بدون عبايتك

أنهار:راسك ينزف بهاج !

بهاج هز راسه ومسكها من ذراعها العاري:ادخلي انا بشوف راسي بس ادخلي تكفين

وقفها عند الباب والتفتت تناظره وهي تبكي:ما اقدر

بهاج:ادخلي لاختك لا تخلينها لوحدها ، بجيكم

أنهار:تكفى بهاج لا تخلينا بطلت احس بأمان هنا

بهاج هز راسه والتفتت بتدخل البيت لكن شافت حليمه خارجه من سمعت صوت بهاج وقفت بوجهها بخوف انها تشوف راس بهاج:بهاج رايح

حليمه:وين ؟

صد بسرعه بهاج من سمع صوتها وربط شماغه على راسه ولفّه عمامه عشوائيه وعطاهم ظهره وخرجت حليمه:بهاج وش صار ؟

بهاج مارد ومشى يبتعد عنهم

عقدت حاجبينها حليمه ولفت لأنهار اللي بلعت ريقها ومشت لداخل لفت حليمه تناظر مكان بهاج واخر شي قالته أنهار له وقفلت الباب ودخلت

ركب السياره وهو يتذكر كلام عمر ونظراته وقسوته ويتذكر كيف نطق إسمها وكسر كل توقعاته وصدم كل شي داخله كان متأكد من انها نورا

كيف اليوم تبدل كل شي صارت بإسم ثاني ، إسم يحلف انه ما سمعه بحياته أبد ولا فكر فيه ،

أنهار ، هي حتى بإسمها كثيره من كثرتها بالدنيا تسمّت بالجمع ما تسّمت بمفرد

حلف يمين انها صارت أحلى بإسمها ، تنهد من تذكر بكاها وصدمتها بوجه ابوها وبالدم اللي ينزف من راسه هو جاهل كيف كان عمر معهم بعيد لكنه متأكد ان رَده ضغط عليه وبدل حاله عنهم لاسوأ حال ممكن يذوقونه منه يدري انهم مدللين من كلامهم واهتمامهم ودموعهم هو يشوف فيهم الدلال والغنح والدلع وعمر ما يظهر منه الا القسوه والخشونه ومتأكد انهم يتعورون

وصل فيه التفكير لدرجة انه نزل من سيارته ودخل المستشفى وجلس على السرير يغيرون الشاش على راسه وينظفون جرحه وهو لا زال غارق بتفكيره

،

جلست بمكانها وهي ضامه يدينها وتناظرها وسط الظلمه التفتت حوالينها بخوف من مكانها لكنها تمنع نفسها من انها تكون مع نورا او أمام عمر

تحس انها مخنوقه من التغير اللي صار بحياتهم ماتقدر تساعد نفسها عشان تساعد نورا بهاللحظه كل اللي تحسه انها تبغى تكون بعيده وخلاص حاولت ما تبكي من حست بالغصه تاكل حنجرتها والتفتت لآخر الممر وهي تشوف المستودع اللي تعدل وضعه سهت وهي تراقبه وتتذكر لحظتها

لحظة ما شدّها من يدها يجبرها تتمرد وتحرقه بيدها معاه والزيقاره اللي كان يثبتها بين شفايفه ينتظر منها تقوي نفسها وتشعل النيران بالمكان

تذكرت وقتها يوم نصحها نصيحه وسط همس صوته المميز : دموعك مايقدرها اللي تعود عليها

مسحت دمعتها اللي نزلت وعقدت حاجبينها من استوعبت جملته هي تحلف انها تبكي يومياً من وصلوا لهنا وتبكي قدام عمر وقدام خواتها ولا تستحي انها تبكي

بس دموعها ما غيرت شي هي لا زالت تعاني ولا زال عمر يتلبس القسوه لبسه الدايم معاهم

سمعت صوت البوابه والتفتت ووقفت من محلها تناظر سيارته تدخل المزرعه ويبتعد عن مكانها للمواقف شدت على جوالها وهي تنتظر تلمحه نزلت انظارها ودقت عليه

،

بهاج وقف سيارته والتفت يناظر راسه واخذ كيس الادويه من يمينه ونزل راسه من دق جواله اللي بحضنه وعقد حاجبينه وهو يشوفها مكالمه من نوع ثاني مكالمة سناب ومن أنهار

رد وهو يناظر أمامه:هلا

أنهار:تقدر تجيني ؟

بهاج عقد حاجبينه:وينك ؟

أنهار:بالمكان

بهاج التفت يساره وهمس:ممر النوير ؟

أنهار:انت تسميه كذا ؟

بهاج فتح الباب ونزل:بجيك

ماردت وقفلت جوالها وهي تناظر محله من بعيد لين بان بمدى أنظارها وهو جاي للممر

اخذت نفس وجلست وناظرته يدخل الممر اللي يعجّ بصوت حركة الشجر والنخل من الهبوب

مشى بخطوات هاديه وهو يلمح ظلها ونطق وهو يقرب منها:فيك شي ؟

رفعت راسها له وهزت راسها بالنفي وقف محله وهو يناظرها جالسه واخذ نفس طويل وجلس جنبها

أنهار نزلت راسها وهمست:راسك يعورك ؟

بهاج هز راسه بالنفي ولف لها يناظر صدودها:انتي في شي يعورك ؟

لفت له أنهار وناظرت سكوته ونظراته لها وهزت راسها:قلبي يعورني

بهاج رفع حاجبينه والتفت:حسافه لو جرح سطحي كان ساعدتك بأدويتي

ابتسمت من مزحه بوقت غير مناسب:بهاج !

ابتسم من نبرة عتابها ولف لها:بكيتي صح ؟

هزت راسها بالنفي وبهاج كمل:ما اصدقك

أنهار:كنت ببكي بس تذكرتك

بهاج:تذكرتيني ؟ وش صار ؟

أنهار:انت قلت لي لا تبكين

بهاج:اكثر شي سمعتيه من يوم وصلتي هنا

أنهار نزلت راسها وضمت يدينها وميلت راسها ونزل انظاره من شم ريحة عطرها من جديد والتفت يناظرها

ناظرته أنهار:لا تقول

مارد بهاج وكملت أنهار:ماقدرت اخذت شاور من زعلي وخرجت هنا على طول

بهاج عقد حاجبينه ورفعت كتوفها أنهار:ماقدرت انتظر لين شعري ينشف

بهاج:ابو سعود انتي خارجه وشعرك غرقان ؟

أنهار:كشفت نفسي ؟

بهاج وقف:ادخلي الله يصلحك ادخلي

أنهار وقفت وناظرته:خايف امرض ؟ عادي ادويتك بتعالجني

ابتسم بضحكه ومشى قبلها:تعالي

مشت جنبه:ما ابغى ادخل

بهاج:بتخلين اختك ؟

أنهار:انا بساعد نورا بس مين يساعدني انا ؟

وقف بهاج بمنتصف الممر وهمس:ادويتي

ابتسمت أنهار وهي تناظره لين ضحكت وابتسم من ضحكتها

تقدمت له واخذت نفس مدت ذراعها لناحيته وحاوطت ذراعه واسندت راسها على كتفه وهي تشد ذراعه لناحيتها وهمست:صارت بخاطري

صد للجهه الثانيه وغمض عيونه من حس ان جسمه يغلي من قربها ومن ريحتها اللي صارت تخالط انفاسه تملي رئته وتفرغها بريحتها

هو ماتعود ولا تخيل ان بينشد ذراعه لذراع بنت

ولها بالذات

رفعت راسها ومن شافته صاد ومغمض عيونه لانت ملامحها وبلعت ريقها من حسّت بنفوره

فلتت يدها عن ذراعه وهي تناظره صاد وعضت شفايفها ومشت قبله

رمش بسرعه من حس انها مشت والتفت يناظرها تمشي لناحية الملحق

ماقدر يلحقها بقى واقف محله هو يعرف انها عفويتها وطبعها تحب القرب تحب الاحتواء بس هي تعذبه بطبعها

دخلت الملحق وقفلت الباب بضيق رمت جاكيتها يمينها وهي تجلس بيجامتها عارية الاكتاف

هي حتى يوم جربت تكون بعفويتها رفضها بهاج بطريقه زعلتها

كل اللي حسته انها تبغى احد يحتويها ومو اي احد بهاج بالذات بس عرفت انها اندفعت وهو ما وده وباين عليه ماوده

مشى بخطوات هاديه للملحق ودق الباب اللي انفتح وتقدم يفتحه ويدخل بحذر

التفتت من شافته يدخل ورجع بخطوه لورا وهو يرفع يده:شفته مفتوح

رفعت كتفها بهدوء:جاي عشان نورا ؟

هز راسه وهو يصد بأنظاره بخوف ان عمر يطلع له بأي لحظه هو وده يلف عليها يقولها تلبس شي لكنها ساهيه تناظره بدون ما تنتبه

لف لها يناظرها تناظره ولا فهم من نظراتها شي هو كل تركيزها انها قدامه وتحتاج للحشمه

همس وهو يأشر على كتوفها:البسي ودليني

التفتت تناظر الجاكيت يمينها ووقفت وهي تلبسه وتضم جسمها وتمشي له

تعدته تمشي لغرفتهم ودقت الباب ودخلت

رفعت راسها ريوف:كويس جيتي كلميها

لفت أنهار لنورا اللي متغطيه بفراشها وهمست:بهاج بيكلمها

ريوف جلست ودخل بهاج يناظرهم والتفت يناظر فراش نورا

تنهد وهو يناظرها متخبيه بفراشها وناظرريوف اللي ميلت شفايفها بزعل

مد كيس ادويته لأنهار وعينه على نورا اخذته من بين كفه ووقفت عند الباب تناظرهم

مشى بهاج وجلس قدامها:نورا قومي بتكلم معاك

ماردت عليه وبهاج نطق يرفع صوته:بتقومين وبتطالعين فيني قومي نتكلم

ريوف:نورا بليز

نورا همست ببحة بكاء واضحه:ما ابغى خلوني لحالي

رفع راسه بهاج يناظر أنهار اللي واقفه وعقد حاجبينه:انتم تلازمون البكاء ملازمة ظلالكم ؟

ماردت أنهار ولف لنورا:ما بتبكين قومي اتكلم معك قبل يجي ابوك

جلست ومسحت وجهها وهي تبعد شعرها هي لا زالت بفستانها ومكياجها

ناظر دموعها وانهيارها:ليه تبكين ؟

ناظرته نورا بضيق:كل هذا وتسأل ؟

بهاج:تبكين عشانه ؟ كانه يبيك بيرجع لك ليه تبكين؟

نورا:ما يرد علي من اول اتصل عليه ما يرد زعل لانهم طردوه

بهاج:ما طردوه ، واكيد ما بيرد الحين هو معصب واهله يضغطون عليه لاختلى بنفسه بيرد عليك

نورا ناظرته بضيق وهمست بخوف:واذا مارد ؟

رفع حاجبينه بهاج:باللعنه

ماردت وهي تناظره وكمل بهاج:لا تبين اللي ما يبيك ، دام باعك من اول مصيبه لا تدورين عليه ، وان كانه يبيك ورجال والله ليجيك ولو ردوه مليون مره

نورا:مو بس ابكي عشانه ابكي لان بابا وقف بوجه فرحتي سمع كلام العجوز ووقف بنصيبي وفرحتي

صدت أنهار بضيق من طاري عمر

واخذ نفس بهاج:مدري وش ارقع لابوك بس مرده يرجع لعقله انتم بناته ما بيخليكم

ريوف:ما بيخلينا وما بيخلينا نكون مبسوطين اصلاً

بهاج التفت وناظرها وطاح شماغه من على كتفه

نورا ناظرت الدم اللي على ياقة ثوبه وهمست:تعورت ؟

أنهار ناظرته من التفت وتقدمت لهم:بابا ضاربه

نورا لفت بصدمه:والله بهاج ؟

بهاج:ما صار شي جرحي ما التأم بس

أنهار:ليش ما تقول ؟ يعني ما بتخلينا نكرهه كذا ؟ ضربه لان بهاج وقف بوجههم كلهم يوم غلطوا

ريوف:بابا ما يمد يده !

نورا:هذا مو ابونا اصلاً ابونا تركناه بجده وجينا هنا ، مستحيل اصدق انه هو مستحيل

أنهار لفت من شافت عمر يتقدم لغرفتهم ورفع راسه بهاج وبلع ريقه وهو يشوف حليمه تمشي معاه

دخل الغرفه وعقد حاجبينه:عسى ماشر !

وقف وهو ياخذ شماغه وناظره:جيت اطمن بس

عمر تقدم له:تطمن على من ؟

بهاج:البنات

عمر:بأي صفه ؟ داخل البيت وداخل الغرفه وجالس وسط مفارش نومهم ؟

بهاج رفع حاجبه من تلميحه وهمس:حسبة خواتي ياعمي !

عمر تقدم له:تعقب

جمدت ملامح بهاج وناظره عمر:لاهم خواتك ولا لك شغل فيهم فكنا منك واذلف لا تتدخل بيني وبين بناتي

أنهار:كويس باقي بناتك !

عمر:أنهار ! فكينا من لسانك

تقدمت برعب وهي تدخل بينهم خوفاً من التوتر اللي يشحن الغرفه وهمست:ما بيتدخل ان شاء الله

التفت لامه اللي نطقت والتفت عمر لها:ياليت تعلمينه يا أم بهاج كود ربي يهديه منك

حليمه مسكت ذراع بهاج وناظرها وهمس:ماغلطت !

عمر:اسمع من امك واطلع

حليمه بلعت ريقها وهي تسحب ذراعه وسحب نفسه ووقف قدامها بصدمه:يطردني ؟

حليمه:بهاج اطلع

بهاج ارتفعت حرارة جسمه من وقوف امه خلف عمر اللي امامه

يناظرها وشاد على يده وهمس:ما بتحرمني من امي

عمر:محد اخذ امك عنك انا اتكلم عن بناتي

بهاج تلفت اعصابه من وجود امه خلف عمر ونطق بحده يناظر عمر:محد بيرعاك لا طحت بشيخوختك الا بناتك بس ما ظنتي بعد ما بكيتهم الليله

عمر تقدم له وهمس بغضب:لا تحرضهم

بهاج:تهقى انا بكلمتين بحرضهم ! قبل تدخل يتعازمون من يكرهك اكثر ، امش وراهم خل تربيتك كلها تروح بسبة أشناب أشباه الرجال

عمر رفع سبابته بتحذير:تراهم جدك وعمامك امسك لسانك لا اعورك

بهاج لاحظ عصبية عمر وانه نجح ينرفزه وابتسم بهدوء ورفع يدينه:اضرب

حليمه مسكت ذراع عمر برجفه وخوف:تكفى

بهاج ابتسم بضحكه:وقفوا بوجه ابوك عشان يحاموني ما بيحموني من ذراعك ؟

سكت عمر وهو يراقب ابتسامة بهاج هو يحس بغليان دمه والتفت من وقفت نورا خلف بهاج تأكد كلام بهاج

وابتسم بهاج يناظر عمر ورفع حاجبينه

عمر همس:امك طالق ان دخلت هالبيت مره ثانيه

جمدت ملامح بهاج وتلاشت ابتسامته وناظر امه اللي نشف دمها برعب وخوف

بلع ريقه بهاج وهو يناظر امه ولفت حليمه لبهاج بعدم صبر:اطلع بهاج اطلع

بهاج:مو ما تبينه ؟ مو تمشين ببيته بجلالك ؟ هو حتى ما لاحظ وجودك هنا ، ليه خايفه يطلقك؟

عمر التفت لحليمه ونطقت بخوف:بهاج !

بهاج:انتي مغصوبه عليه !!

حليمه:بهاج

بهاج ناظر عمر اللي بلحظه ابتسم لحليمه اللي تتخبى خلف ظهره والتفت لبهاج يناظره

مشى بعصبيه وخرج من الغرفه ولفوا يناظرون عمر اللي لف ذراعه حوالين كتف حليمه:اتركيه يعرف غلطه

لف لنورا اللي واقفه بفستانها امامه وصد بأنظاره بسرعه وسحب حليمه بذراعه يخرجون تحت انظارهم

نزلت انظارها لكيس الادويه اللي بيدها وسمعت بعد ما دخلوا غرفتهم بكاء نورا بحرقه

ونطقت ريوف بصدمه:ليش يسوي كذا ببهاج ؟ ليش ما يبغاه يساعدنا ؟

رفعت راسها تناظرهم ولمت نفسها وخرجت من عندهم خرجت من الملحق تمشي لعنده

دخل وقفل الباب بقوه رمى شماغه بغضب ودف الطاوله اللي أمامه شد على راسه وهو يتنفس بغضب هو يتعبه ضعف امه بس اللي جننه انها توقف قدامه وهي مالها متزوجه الا فتره

يدري انه يتجاهلها ولا يحس بوجودها ومع ذلك وقفت قدامه عشانه عشان تهدي اعصابه هو ما فكرت في ولدها حتى ، مخاوفها من الكل وتجاهلها لمشاعر بهاج تبني داخل بهاج مشاعر ما يهدها شي النيران تحرقه لانه يحس بالوحده في حين انها تقدر تكون له سند عنهم ، هو من مات ابوه وانسلب كل شي منه مالقي من امه شي مالقي منها الا الخوف

وقف بعد ماحاول يجلس ويهدي اعصابه لكنه ماقدر سحب الكنب بقوه يبعثر المكان بغضب وفك بكف وحده ازرار ثوبه كلها وتناثرت ازراره على الارض

التفت وهو يتنفس بسرعه من دق الباب بهدوء ولا نطق بحرف

جلس ومسك جبينه بألم وهو يتجاهل الباب رجع يندق ورفع راسه يناظره وهمس:مو ناقص احد

نزل انظاره لكفوفه من شدة عقدة حاجبينه يحس ان راسه بينفصل لشقين

رجع يرفع راسه ويوقف ماشي بسرعه للباب بعصبيه وفتحه بقوه

التفتت تناظر فوضوية المكان ودخلت تناظر المكان عن قرب لفت له تناظره ماسك الباب وعينه عليها

انتبهت لثوبه وازراره المقطعه وجبينه المتعرق والشاش اللي على راسه تزيد فيه بقعة الدم دليل ضغطه على نفسه وجهده

خافت من منظره وكأنه خارج من معركه حتى يوم فتح الباب كانت تنتظر تشوفه عشان تبكي من مشاعرها لكنها خافت من شكله وعقدة حجاجه

همس وهو يراقب نظراتها له:ليش جيت ؟

أنهار مدت كيس الادويه وناظره وسحبه من بين كفوفها وصد بأنظاره هو ماكان ينقصه وجودها ونظراتها وخوفها منه

هو يحترق هو يشم ريحة رماده هو مبعثر من غير

ماقدرت تمنع نفسها وتقدمت:بهاج !

التفت من نطقت بإسمه وناظرها تتقدم له رفعت اصابعها على راسه وبدلت انظاره لعيونه اللي تناظرها

فهم انه ينزف راسه بدون جدوى للغرز اللي تملي راسه وهمس وانظاره عليها:بتطيب

كانت تحس بحرارة جسمه من مكانها وتسمع صوت انفاسه وسرعتها من مكانها ، هو يحترق قدامها

شدت عضلات صدره كلها وهو يراقبها تناظره بتمعن وساكته وهاديه بملامحها ونظراتها

من شدة احاسيسه ماقدر يتمالك نفسه اكثر ونطق:اطلعي

ماتحركت من مكانها ورفع راسه لها وكرر كلامه:اطلعي

أنهار مشت للباب وغمض عيونه وشد على قبضة يده وهو يسمع الباب ينقفل ونزل راسه وهو مغمض عيونه بقوه ورفع يده على راسه يتحسسه

لكنه جمد محله من سبقته بيدها وفتح عينه يشوفها واقفه قدامه وتتفقد راسه هي قفلت الباب وظلت موجوده عنده

لمست جرحه اللي يتفجر من شدة اعصابه ورفعت كفوفها لراسه تنزله للاسفل وتفتح شاش راسه كله

نزل راسه وانظاره وبلع ريقه وهو يحس انها تحاوط راسه بذراعينها وتفك شاشه

كل اللي فكر فيه هاللحظه انه يكتم انفاسه لانه مو مستعد يشم ريحة عطرها

لكنه ماقدر ومن اول نفس اخذه اختلط عطرها وعقد حاجبينه بضعف وقل حيله وهمس:ليه مارحتي؟

أنهار فكت شاش راسه وهي تناظر راسه:راسك ينزف بهاج

رفع راسه من ابتعدت عنه والشاش بيدها:انت تغرق بدمك ومو حاس !

مارد ومشت وهي تلم الفوضى والتفتت له:اجلس بشوفه

ظل واقف محله وجلست على ذراع الكنبه:تعال

مشى وجلس على الكنبه وهي على يمينه ومسحت راسه بقطعة الشاش اللي بيدها ونزلت انظارها لرجوله اللي يهزها بسرعه وبتوتر وهمست:ما بيلتأم جرحك وانت شاد اعصابك كذا !

مارد بهاج ونزلت كفوفها وهي تراقبه:كلنا نحترق مو بس انت

نزل راسه وهو ساكت وكملت أنهار:لا تحسب انك وحيد بمشاعرك هذي وبقهرك ، انا من قهري اقدر اشب بالمستودع مره ثانيه بدون ولاعه

اخذت نفس:بهاج انا اغلي من داخلي ومحد حاس

لف لها يناظرها وبلعت غصتها:احنا مو واقف معانا احد وانت مو واقف معاك احد

بهاج اخذ نفس والتفت لقدام:مو عتبان على ابوك

أنهار:على امك ادري

لف عليها وهزت راسها:حاسه فيك بهاج

بهاج رجع ظهره لورا بقل حيله وكملت أنهار:يوم ضربني العجوز على وجهي وانتظرت ابويه يوقف بوجهه ويدافع عني وياخذ حقي وسكت ! كنت اشتعل نفس ما تشتعل انت الحين

سكتت ثواني وكملت:وزدت بغض وعصبيه من بعد ماشفت كيف نورا الحين بعد ماكانت تنتظر خطبتها وهي مبسوطه ، عورنا كلنا مو بس نورا كنت انتظر يدخل بيننا الفرح لو ساعه وبخل علينا فيها

بلع ريقه بهاج وهو صاد بأنظاره ونزلت انظارها للشاش وهمست:الفرق بيننا انا اقدر اعبر واتكلم بس انت ساكت

بهاج التفت لها:من كثر ماعشت الليالي لحالي

رفعت انظارها عليه من التفت وكمل يناظرها:كن مالي عوين غير ثوبي

بكت بإنكسار وتأفف:تبكين ؟

رفعت كفها وهي تبكي:مو قادره بهاج اففف

بهاج:تكفين

كانت تبكي وتمسح دموعها بيدها وهو ما يقدر ، مايقدر على فرحتها وابتسامتها كيف يقدر على حزنها ودموعها ، هي تأثر فيه بكل مشاعرها أمامه

رفع ذراعه على ظهرها:تكفين لا تبكين ما ينقصني هالليله الا انك تبكين !

رفعت عيونها عليه وتقدم لها وهي جالسه يمينه وذراعه خلف ظهرها وناظر دموعها على خدها وعيونها تغرق فيها ورفع اصابعه يمسحها عن وجهها البدري اللي من لمسه شك ان لمس وجه القمر شد على ظهرها يقربها له وهمس بنفس النبره اللي سمعتها منه عند المستودع النبره الخشنه المبحوحه منه اللي مانسيتها من أول مره وكررها من قال:الله خلق لدموع غيرك مناديل والله خلق لدموعك أنتي يديني

لانت ملامحها من لمست الحنيّه بهاللحظه

من ذراعه خلف ظهرها اللي تشدها له ومن اصابعه اللي تلمس خدينها ومن نظراته ، نظراته اللي تتوّهه إتجاه تفكيرها ونبرة صوته وعذب منطوقه

كل اللي كانت تتمناه انها تلاقي حفاوة الحنيّه منه ، الدلال اللي تعودت عليه والحنيّه اللي كبرت عليها

ضاع من شافها تهدأ وتركز بأنظارها عليه حس إنها ترتخي بجانبه حس براحتها حس ان ذراعه اللي على ظهرها بدأ يعانق خصرها هو من لمس خصرها بذراع وحده شك ان لو يعانقها الحين بيسمع صرير اضلاعها ، تخدر فكره وجسمه وذاب بداخله عظمه من التصقت بجانبه تترك مكانها وتقترب اكثر منه بحاجه

نزل اصابعه عن خدها ومسكت كفه ترجعه لخدها تلمس كفه الخشن وتقربه من خدها هي ماودها تترك اللحظه هذي تختفي ابداً

من وين جات من أقصى الحجاز لأقصى نجد وسكنت بالمكان اللي ترعرع فيه وزلزلت مافي داخله ضلع ضلع ! هو يضيع اكثر من برائتها وعفويتها وتمسكها بحنيّته اللي هو يحسها رجوله وشهامه فيه ، هو ما يقوى يشوف دموع بنت ولا يحب ينقال لجنس حواء كلمه تخدشهم كيف لو كانت هي !

كان يسترجع اسمها اللي عذبه أكثر من عذوبته ويحرك شفايفه يحاول ينطقه ناظرت شفايفه تترقب كلامه لحد ماهمس لها بوضوح:أنهار

ماردت عليه وهي تتمسك بكفه بخوف ان هذا كله ينتهي تبعد عنه وتستوعب انه مو دائمه هالحنيه ، خايفه تنحرم منها بعد ما عرفت ان ابوها اللي تعودت على حنيّته اختفت حنيّته بلحظه

بلع ريقه وهو يتحسس خدها الناعم هو لمس فيها عذوبه من اسمها وطبعها وكلامها هو لمح فيها ثقه ونرجسيه وغرور لكن تشكل كل كلام الصحارى والبدو بقافية لسانه الآن ومالقي أعذب من منطوق قاله لها بصوت مسموع:انثنى غيم نجد لخد الحجاز النرجسيه

ابتسمت بوسع مبسمها من انبهرت بكلامه المرتب هي تعودت تبعثر كلامها الكثير بإهمال وعجز بالترتيب لكنه يبهرها بصفصفة كلامه وفصاحته هي ماحست هاللحظه الا انها مبسوطه

نزل انظاره لمبسمها يراقبه لكنها فزت برعب جنبه من دق الباب

نزل ذراعينه والتفت للباب وعقد حاجبينه يدري لو كان عمر اللي داق الباب انه ما بينام الا بقبره الليله لكنه سمع صوت سلطان:ولد باقي مانمت ؟

ابتعدت عنه وهي تسحب نفسها ووقف ماشي للباب وفتحه ناظره سلطان:شفيك ؟

عض شفته من تعدته خارجه وابتسمت:كيفك سلطان؟

سلطان ناظر بهاج ورجع ناظر ابتسامتها باستغراب وصدمه هي اليوم خطبتها لكنها مبتسمه وخارجه من عند بهاج:انتم اللي وش صار معكم؟

استوعبت سؤاله عن نورا وابتسمت بهدوء:محلوله ان شاء الله، تصبح على خير

مشت تاركتهم ورفع راسه سلطان لبهاج:اشوف راسك طاب

دخل سلطان وقفل الباب بهاج والتفت سلطان عليه:وش مسوي بالبيت انت ؟ ووش جابها عندك ذي؟

بهاج:وش اقول بالله

جلس والتفت سلطان:قول اللي صار وش فيه عمك حطها فيك ومنع نصيب بنته ؟ مع انها خارجه تضحك بس كانت تبيه !

بهاج:الخطاب مو لها

سلطان:اجل ؟

بهاج:لنورا

سلطان:وذي مو نورا ؟

بهاج هز راسه بالنفي وابتسم سلطان ورفع راسه:اها والله تطمنت يا ابو سعود

بهاج صد عنه وكمل سلطان:والراس طاب والشاش مختفي ، فهمنا والله البنت تجرح وتداوي

بهاج:تهاوشت مع ابوها طردني وحرّم ادخل الملحق

جلس سلطان بصدمه جنبه:احلف !

بهاج:كل ذا عشان قربت من بناته حس اني احرضهم عليه

سلطان:عمك ذا انهبل من يوم جا هنا

بهاج:كسر بخاطر بناته عشان يرضي الشيبه اللي ما يرضيه شي اصلاً ، بكره يطلع لنا بمصيبه جديده تنكد علينا كلنا

سلطان:وذي ليش جاتك ؟

بهاج:تشكي من ابوها

سلطان:لوحدها !

التفت بهاج وهمس سلطان:والباب مقفول والبيت خالي والشياطين مبسوطه

بلع ريقه بهاج لانه فعلاً قبل يندق الباب كان بهاج غارق محله

سلطان:طول السنين تغني مسكين مسكين من قد بلي بالغرام ، وشكلك بتبلى

بهاج همس:ببلى ياسلطان والله محد يطلعني من البلوه

سلطان ابتسم وتكى بيده:خلنا ياشيخ ، نعيش شي بمزرعة الشيبه ينعنشنا تحب بنت عمك اللي كاسر راسك وتحبك بنت الحجاز ونقعد نصلح طول السنين

بهاج:والله انك رايق

سلطان ضحك:في الحب جنه وفي البعاد نار وهيام ، مسكين مسكين من قد بلي بالغرام

ضحك بهاج ونزل راسه يتحسسه وهو يسمع سلطان يدندن بأغنية بهاج اللي تعودوا يسمعونها منه دايم

اخذ نفس طويل وهو يتذكر وجودها قبل لحظه جنبه ونظراتها له كأنها تناظر نجاتها مهربها وملجأها هي متمسكه فيه وواضح عليها وهذا اللي شب صدره نيران مايبي يخذلها

ابتسم من تذكر نيران صدره اللي كانت تاكله قبل تجيه وبين سعة صدره اللي يحسها بعد ماراحت عنه

فتح عيونه والتفت يناظر الشمس اللي دخلت على المكان وتثاوب بتعب والتفت بتعب يحاول يقوم

وجلس على حيله واخذ كيس ادويته وناظر الكيس وهو يتثاوب واخذه ووقف مشى للمطبخ وصب لنفسه كاس مويه واخذ دواه وشرب المويه ومشى للحمام فصخ فانيلته ووقف قدام المرايه يغطي جرحه بالمرهم الموجود ويطهر جرحه بنفسه

غسل يدينه ووجهه ونشف يدينه ولبس ثوبه وخرج من الحمام متجه برا البيت اللي سكنه لحاله وتوسطت الوحده مكانه

خرج ووقف من شافهم جالسين عند الباب:علامكم ؟

فهد:نستناك ياطويل العمر

قفل الباب بهاج والتفت يساره ورجع ناظرهم:بالله علامكم ؟

سلطان:والله قلنا ناخذك نفطر سوا

بهاج:عشان ما اقابله يعني ؟ مردي بشوفه

سلطان:انت امش وكب ذي السواليف

مشى بهاج:وين ؟

فهد:قالطين عند النياق

بهاج مشى معهم للطرف الثاني من المزرعه وناظر قعدتهم والجمر وريحة القهوه اللي تفوح بالمكان وجلس

سلطان مشى للجمر وهو يتفقده والتفت فهد له:وش بيسوون ؟

لف له بهاج:منهم ؟

فهد اشر براسه للجهه الثانيه من المزرعه وصد بهاج وتنهد:مدري

سلطان شال الدله بيده وهو يناظرها:ماتعودوا ينقال لهم لا بيتعبوون

فهد:ماهي نهاية العالم عاد من زينه عقاله اكبر من راسه

ضحك بهاج والتفت سلطان من ضحك:لا انت شوف كيف يقلده وتفهم

لف بهاج من وقف فهد وحط شماغه على راسه وقلّد بندر وتعالت ضحكاتهم بالمكان والتفت بهاج لسلطان يناظره وهو يضحك ويضرب كفه بكف سلطان بضحك عالي

وجلس فهد وهو يضحك:والله اني صادق تقول اسعد عمر قلي اللي بطاش ماطاش

بهاج عض شفته:لا يسمعونك تراها تبيه وتبكي عليه

فهد:مامن عقل يا ابو سعود اجل مخليني انا ورايحين ورا ذا ؟

سلطان:بغيت اناديهم بس قلت اسألك

بهاج:تسألني ليه ؟

سلطان ابتسم:قالوا عنك كلام زوين والله قلت نستشيرك دامهم يعتبرونك اخوهم

بهاج:وش علي فيك تبي تناديهم الملحق هناك

سلطان:فهد روح بالله

فهد:فهد صبي عندك تتأمر عليه ؟

سلطان:فهد بكسر راسه والله

فهد:رايح لاني ناسي جوالي بالبيت والا والله تعقب

وقف ومشى رايح والتفت بهاج لسلطان:ما بيجون دام فهد رايح

سلطان ابتسم:وانت تبيهم يجون ؟

بهاج:ابتسامتك تستفزني تدري ؟

سلطان ابتسم وهز راسه وناظره بهاج:بتشتاق لسنونك ان طولتها

ضحك سلطان ووقف ورفع راسه بهاج ونطق سلطان:بجيبهم لك ابشر ياطويل العمر تك انت هنا انا بروح مع فهد

بهاج:شعلي فيك

مشى سلطان ورا فهد والتفت بهاج يصب له قهوه وتكى بظهره وهو يناظر النياق قدامه ورفع ذراعه خلف راسه

،

دق الباب فهد وهو ينتظر احد يفكه وفتحت الباب حليمه وناظرتهم وهمست:وين بهاج؟

سلطان:جايين يم البنات زيحي شوي ياعمه

حليمه:وين داخلين ؟ عمك يرجع ويلقاكم

طلت ريوف بكوبها ومن ناظرتهم وناظروها اشر فهد:تعالي بت

ريوف وقفت خلف حليمه:خير يالله صباح خير ؟

سلطان:ازهمي خواتك وامشوا معي

ريوف:على وين ؟

فهد:انتي ورا اسئلتك واجد ؟

ريوف تعدت حليمه ووقفت عند الباب:محنا ناقصينك شلويح اذلف

جات بتقفل الباب ودخل سلطان وحطت يدها على فمها حليمه ودخلوا بالصاله

تلفت سلطان:مامنك رجاء ، يانورا

ريوف:تو ماتش !

فهد:والله مدري وش ترطنين بس اسلمي

ريوف:سلطان اشبك ؟

سلطان:سلطان يبي تطلعون من البيت بدال كتمتكم ذي

ريوف:محد بيرضى يطلع كلنا مكتئبين لصالحكم ما نخرج

فهد:ياخي ادخلي ناديهم قبل يصيدنا عمي

ريوف:والله مو راضيين حتى محد افطر معايا

سلطان:شسمها هي ؟

ريوف:مين ؟

سلطان لف لفهد:شسمها ياورع ؟

فهد:منهي ؟

سلطان:اختك اختك الثانيه

ريوف:أنهار ؟

سلطان ابتسم:انهار اجل ، يا أنهار أنهار

ريوف مشت وفتحت باب الغرفه وطلت نورا:اشفيه؟

ريوف:العيال برا

أنهار وقفت ومشت وهي تلبس فوق بجامتها وتخرج لهم

سلطان:حيّ أنهار اقلطوا

أنهار ناظرت حليمه ورجعت ناظرتهم:اشبكم؟

فهد:انتم علامكم كأننا داخلين عليكم بسلاح

ريوف:اها يعني ما شفت كيف دقيتوا الباب ؟

سلطان:بهاج هناك يستناكم

أنهار:فين يستنانا ؟

سلطان:نادي اختك خل تطلع من جحرها وامشوا احنا برا

خرجوا ولفت حليمه للبنات ولفت أنهار لريوف ومشت داخل:نورا

نورا:سمعت وماراح اطلع خلوني مو ناقصه مجانين

أنهار:بتخرجي حياتي قومي

نورا:لا

ريوف:بنت نورا تراك بفستانك ماغيرتيه حتى خلاص قومي يابنتي

نورا:ما ابغى خلوني

،

ماسك فنجانه بيمينه وبيساره حاط ذراعه خلف راسه متكي على ظهره بالمركى ويناظر النياق وساهي كل ما يذكر انها ابتسمت له وقطعت المسافه بينهم وجلست جنبه يرتبك

هو ماغاب عن باله حالها امس جنبه وكيف انها بدون تخجل لمست كفه ونظراتها له بإعجاب من بعد مانطق جملته اللي خرجت بدون وعي منه

هو اصلاً ما يصير واعي جنبها هي تبعثر كلامه وحاله

نزل انظاره لفنجانه والتفت من سمع حسّهم ورفع حاجبينه من شافهم جميع جايينه سوا

سلطان:اقعدي ابكي بجحرك علامك يابنت ؟

ماردت نورا وهي متكتفه:يكفي جايبيني غصب لا تتكلمون معاي عن حاجه

رفعت انظارها أنهار لبهاج اللي جالس وجلسوا

فهد:صبوا للعروس

ريوف:اخ ياثقل الدم بس

التفتت لبهاج وسلطان:انا اقول خلوا النياق هذي وتاجروا بدم شليويح لانه نفط

ضحك فهد:تمونين

التفت بهاج لنورا اللي متكتفه وناظر ملامحها الشاحبه:فطرتي ؟

نورا هزت راسها بالإيجاب

وكمل بهاج بتساؤل:شفيك مصفره ؟

ريوف:مو حاطه كونسيلر عشان كذا

بهاج عقد حاجبينه:منهو ؟

ضحكت ريوف ودفتها نورا:نفس دم شليويح

عضت شفتها ريوف وهي تضحك ولفت لفهد:اهانوني

فهد:شبهوك في شيخ الرجال وشهي اهانه ؟

ريوف هزت راسها وهي تناظره:اها

سلطان:لا تقعدين تبكين هذي خيره ونصيب وابوك مرده بيزيين معكم

نورا:ما بكيت عشان احد بكيت لانه حتى ما راضاني وكلمني وعطاني اسبابه

رفع انظاره بهاج لها وهي جالسه ومنزله راسها وهاديه ونقل نظره لنورا

فهد:عاد كنت بقول لك لا تبكين على ذاك ما يستاهل وخفت تزعلين زين ما بكيت عشانه

نورا:ليش ما يستاهل ؟ جاني يخطبني مع اهله من اخر الحجاز

سلطان:اي ونعم بس والله ذوقك ماش

ضحك فهد وناظرتهم نورا ولف سلطان لفهد:بالله قوم ورهم

التفت بهاج لهم بحده:ولد !

فهد:ياخي نمزح

التفت لنورا:تزعلين لو قلدته؟

ريوف:بمووت امانه خليه يقلده

نورا:ريوف !

ضحكت ريوف:بليز احس يضحك

فهد:والله ما اردك

وقف وابتسم بضحكه بهاج وعض شفته من قام فهد يمثل لهم كيف مشية بندر وشكله بالشماغ

رفعت انظارها نورا بصدمه وهي تسمع ضحكاتهم وشكل فهد وابتسمت وهي تكبح ضحكتها:حرام !

ابتسمت أنهار ولفت لنورا اللي مانعه ضحكتها وضحكت

لفت عليها نورا:أنهار لا تضحكين !

التفت من نطقت بإسمها وناظر ضحكتها وابتسم

لف سلطان وحك شاربه وهو يناظر بهاج والتفت بهاج ومن لمحه يناظره رفع حاجبه:بكسرها لك

ضحك سلطان:بالله عطنا مسكين مسكين

بهاج:ياليل

فهد جلس:هو يقول غيرها اصلاً ؟

سلطان:بالله غنها خل يسمعون

بهاج ابتسم وهو يناظر سلطان اللي مصرّ على كلامه:صب قهوه واسكت

ريوف:بهاج يغني ؟

فهد:قصيد قصيد ماهي اغاني السرابيت اللي خبرك

ريوف:اش يعني يغني والا ما يغني ؟

سلطان دق رجل بهاج:سمعهم ياشيخ

بهاج اعتدل بقعدته:نورا وش ودها ؟

ابتسمت نورا من التفت لها وناظرته أنهار وابتسمت

نورا:بهاج ! مره كيوت انت

بهاج:تمدحيني ؟

فهد:مسبه مسبه يابهاج

نورا:لا والله بهاج انت مره لطيف

بهاج التفت لهم:لطيف اسمعوا

سلطان:اي على خير اقول قصد وفكنا

تقدمت أنهار؛وأنهار ماتسألها اش ودها ؟

التفت يناظرها ولانت ملامحه بإرتباك وبلع ريقه هو ماتوقع تتكلم وماتوقع يرتبك لو تكلمت

التفت بهاج وهو يخفي ابتسامته وهز راسه بهاج:وش ودك ؟

أنهار ابتسمت:تسمعنا

هو كيف يقولها انه ارتبك لدرجة ضيّع هو جرب يداعب نورا عشان تضحك وتنسى لكنها سدّت عليه طريق ضحكاته بسؤالها

والتفت ومن ناظر سلطان صاد عنه حك شاربه:تم

التفت سلطان وعدل جلسته:اسلم ، سمع أنهار ونورا

ناظره بهاج وبلل شفايفه من شافه يبتسم وتقدمت ريوف:خير وريوف كمان !

التفت سلطان لها:انتي اسمك ريوف ؟

هزت راسها ولف لفهد:وتناديك شليويح تخيل !

فهد:لو داري اسمك ريوف ماكنت زعلت على اسمي

ريوف:خير شفيه اسمي ؟

سلطان:وش اسامي الحضران ذي ؟

ضحكت نورا:وي ! عنصري

سلطان لف لبهاج:عطنا

اخذ نفس وشد على فنجانه وناظر سلطان وفهد وأنشد بصوته

:ياعاذلين الهوى ما يفيد الكلام مسكين مسكين من قد بلي بالغرام ، يامنية العاشقين احييني بإبتسام مسكين مسكين من قد بلي بالغرام ، في الحب جنه وفي البعد نار وهيام مسكين مسكين من قد بلي بالغرام

ابتسم من وقف وسمع اصواتهم جنبه

نورا:الله سو كرييتف بهاج

ابتسمت أنهار وهي تراقب خجله من كلامهم وضحكت:بهاج يخجل

التفت لها بصدمه:ابو سعود !

سلطان:والله يخجل صدقتي

ريوف:مين كاتب الكلمات ؟ مره حلوه

التفتت لأنهار:بارت الجنه والنار خيااال

ضحك سلطان والتفت لفهد من تعليقاتهم

وجاهم صوت من بين النياق:صح لسانك

اعتدل بجلوسه بهاج وناظر جده ماشي بعصاته لاتجاههم ومبتسم

ناظروه وهو جايهم وسكتوا ينتظرونه يتكلم

وقف عندهم على حوض النياق وناظر قعدتهم وابتسم:ونعم

ماردوا عليه وتكى بيدينه على العكاز:شاردين من خيّام اعمامكم عشان تقعدون مع بنات عمكم؟ ونعم

التفت سلطان لبهاج وصد عنه

وكمل رَده:وانتم ؟

ناظر البنات اللي يناظرونه بحده:تحسبونكم قاعدين على البحر الاحمر ؟ لموا نفسكم

ماتكلموا وهز راسه:قهوههم

ناظر بهاج اللي يناظره والفنجان بيده ورجع بخطواته يبتعد عنهم

التفتت نورا:ماكان ينقصني الا هذا العجوز الصراحه

سلطان همس:اششش

نورا:عارفه هذا يسمع اللي بالمزرعه كلهم

أنهار:مافهمت يعني شفيها لو جلسنا ؟ يعني يانجلس سوا عندهم ويرمون كلام علينا ياصرنا بالبحر الاحمر ؟

ريوف:هو ما يرتاح لو شافنا مبسوطين الحين بيروح يملي راس بابا

نورا لفت لها:باقي تنادينه بابا ؟

سكتت ريوف وصدت عنهم واخذ نفس بهاج هو متأكد ان رَده بيخرج بشي جديد من بعد جيّته لعندهم ، هو ما يترك ثقب يطلع منه راحه لو شوي

،

كان واقف مع سلطان ونظراته حاده ويسمع لكلام سلطان اللي يهمس له من قريب وشاده من ثوبه

عقدت حاجبينها تراقبهم من بعيد وتحاول تفهم حدة نظراته وتوترهم ولا استنتجت شي

اخذت نفس والتفت لفهد:بلحق البنات انا

فهد:اقعدي عادي

اخذت جوالها وابتسمت:لا ، باين عندكم موضوع بتركك تلحق عليهم

فهد:ماعندهم شي بهاج وسلطان دايم كذا

وقفت وابتسمت له والتفتت لهم تناظرهم والتفت بهاج تارك حواره مع سلطان من شافها وقفت رايحه

لف سلطان وابتعد عن بهاج ورجع لفهد يجلس عنده

مشت تاركتهم وهي تمشي بهدوء وتشيك على جوالها ورفعت انظارها بتفكير والتفتت وشافته يلحق خطواتها بهدوء ووقفت محلها تقدم لها:كملي

ناظرته من وقف جنبها:عبالي تبغاني

بهاج:راجع البيت

ناظرته ثواني وصدت وهي تمشي معاه:الاحد بيبدأ دوامك شكلك ناسي

بهاج اخذ نفس طويل:ناسي

أنهار:توقعت بس ماغفلت انا كنت بذكركك

بهاج ابتسم بهدوء ونزل راسه لخطواته

وهمست:فيك شي ؟

بهاج هز راسه بالنفي وكملت وهي تراقب صدوده:عشان امك ؟

بهاج التفت يناظرها وهو ساكت وبلعت ريقها من سكوته هي فهمت انه ما يبي يتكلم وهي قاعده تضغط عليه وهمست:اوكيه اسفه

مشت قبله لكنها وقفت وعقدت حاجبينها تناظر سيارة ابوها اللي وقفت والتفتت بهاج لنظراتها ووقف جنبها وعقد حاجبينه

ولانت ملامحها وهي تشوفه نازل ببوكيه ورد وكيس هديه كبيره وهمست:لنورا

عقد حاجبينه بهاج ومشى عمر وهو يناظرهم سوا عند باب الملحق

ترددت تسأله من وقف قدامهم وتفقدت بنظراتها الكرت وهي تحاول تقراه

لكن قطع الأمل اللي فيها من نطق لبهاج:نراضي امك

رفعت انظارها لعمر بصدمه وابتسم عمر:ما بتندم انها ما باعتني ، تطمن

ناظر أنهار ومشى ودخل الملحق وظلوا واقفين جنب بعض يناظرون الباب اللي انقفل

كانت تتوقع انه بيعتذر ويحس بغلطته زي دايم يقدّر ويهدي ويعطي الورد ويعتذر بس خابت آمالها هو كل اتجاهه على مكان ثاني من حياته

عقد حاجبينه وهو يراقب الباب هو ما يدري كان صادق انها لامه او لا لانه ما جرب الهدايا والورد وما جربت امه بالذات هالدلال هي فعلاً مرتاحه معاه وبهاج ما يدري !

التفت لأنهار اللي ساهيه محلها وهمس:ادخلي

بلعت ريقها من نطق وناظرته وهزت راسها ودخلت الملحق وقف قدام الباب يناظر الملحق وغيّر اتجاهه ومشى للبيت

،

عمر دخل عليها الغرفه وهي تطبق المفارش ولفت عليه واستغربت من شافت الورد والكيس ووقفت بإرتباك

ابتسم عمر وحط الكيس بالارض ومشى بالورد لها

:حليمه !

ارتبكت من نطق بإسمها ونزلت انظارها وزادت ابتسامة عمر:لا ترتبكين

حليمه ماردت عليه ومد الورد عمر:ياليت تقبلينه اعتذار

اخذت الورد وهي تناظره وكمل عمر:ماصار وقت بيننا عشان نتكلم سوا وحسيت ضايقتك امس لكن وقوفك معي قدام العيال خلاك تكبرين بعيني ، بيّن لي انك واعيه وفاهمه وحاطه زواجنا حقيقه ومصير ونصيب ماهو ضغط وإجبار

بلعت ريقها حليمه وتقم لها عمر:وزي ما عاملتيني زوجك قدام بناتي وولدك انا ودي نستمر سوا زوجين متفهمين نحل مشاكل عيالنا سوا نربيهم سوا تشورين علي واشور عليك ، وحتى تربين بناتي انتي بطريقتك بتفهمك بصبرك بعقليتك

رفعت انظارها له حليمه وابتسم عمر:وابي تتجولين ببيتك بحريّه تلبسين اللي ودك هالجلال تلبسينه لصلاتك بس

ماردت حليمه وتقدم عمر وهو يبعد عن شعرها الجلال وارتبكت وهي ترجع لورا

وناظر شعرها من نزل الجلال وابتسم لها:كذا أجمل

ماردت عليه وهي تشد على الورد بيدها وكمل عمر:لا تستحين مني

حليمه:ماتعودت !

عمر ناظر الورد:هذا شي قليل عليك

رفعت انظارها له وابتسم عمر لها هو فعلاً متقبلها من حيائها سكوتها واهتمامها بأكله وشربه وملابسه هي من أول ليله كانت له زوجه وفيّه ، وفعلاً هو ناوي يستقر معاها ويعتبرها زوجه له حسّ انها بتسانده بكثير اوقات من بعد وقوفها امس معاه

رفعت راسها وهمست:بهاج !

عمر اخذ نفس:بهاج بهاج

رفع حاجبينه:بهاج يكبر المشاكل بيني وبين بناتي مابعدته كرهاً فيه والا عشان احرمك منه وانتي فاهمه

حليمه:ترا شهامه ببهاج اللي يسويه ماهو تعالي على احد

عمر:ليته يوفرها افضل يبعدنا عن المشاكل

حليمه سكتت وكمل عمر:وبناتي لحالهم بينقدر على عنادهم

ابتسم لها:بتساعديني فيهم اكيد

هزت راسها وابتسمت له بحيا تخبيه على ملامحها

،

نورا اخذت عبايتها وهي تناظر البنات اللي ناموا واخذت جوالها وخرجت من الملحق مشت وهي تاخذ نفس طويل وتشد على يدينها بضيق التفتت تناظر بيت بهاج اللي مولعه لمباته ومشت له بتردد ودقت الباب بهدوء ورجعت لورا بتوتر

فتح بهاج وعقد حاجبينه:صاير شي ؟

نورا رفعت كتفها:متضايقه وشفت لمباتك وجيت ، بتنام ؟

بهاج هز راسه بالنفي:تعالي

مشت ودخلت وترك الباب بهاج ومشى وجلس قدامها

رفعت انظارها نورا وهمست بغصه:مارد علي

بهاج نزل انظاره بهدوء وكملت نورا:اخته تقول انه ماجاهم ولا شافوه بعد مارجعوا لينبع

رفع انظاره يناظر يدينها اللي ترجف وتفركها ببعض

نورا:بهاج ماقدرت اقول لخواتي حتى خايفه خايفه افكر وش بيصير خايفه تطلع هذي النهايه خلاص

بهاج اخذ نفس وكملت نورا وهي تحاول ماتبكي

:انتظره يقول بيحاول مره ثانيه وانتظر ابويه يعتذر ويحس بغلطه ويكلمهم ، انتظر اتخلص من المكان هذا وارجع لمكاني احس بالوحشه بهاج مو قادره

تنهد من شاف دموعها وهمس:طيب لا تبكين شوفيني اسمعك

نورا:مالقيت احد اتكلم معاه احسني مخنوقه

بهاج:تبين رايي ؟

هزت راسها واخذ نفس بهاج وتقدم لها وجلس قدامها:ادري صعب لكن ابدي تقبلي فكرة ان يمكن هذي النهايه ونصيب وانرفض ورديناه لانه خيره ، ولا تفكرين فيه يرجع ويحاول مره ثانيه والا لا ، فكري في نفسك انتي ماخسرتي شي انتي ماتزوجتيه حتى

نورا:بس بهاج هم رفضوه !

بهاج:ادري لكن كله تدبير ربي يمكن ربي مخليك تطولين مع خواتك لانهم يحتاجونك

سكتت نورا وكمل بهاج بهدوء:ترا خواتك يخفون عنك تراهم يشيلون همك وزعلانين عليك وزعلانين على ابوك لكنهم يحاولون عشانك

نورا رفعت اصابعها تمسح دموعها:حاسه فيهم

بهاج:عشانك يحاولون انتم مالكم الا بعض ونعمه انكم ثلاث خوات كل وحده تخيط جرح الثانيه

ناظرته بحزن من نطق بطريقه غير مباشره بوحدته واحتياجه لأحد يخيط جرحه

ونزل انظاره:اختك كانت عندي امس وبكت تشتكي من نفس شكواك

نورا:أنهار ؟

هز راسه بهاج:ليه ما تشكون لبعض وتقوون نفسكم ببعض اذا كل احد اخفى مشاعره عن الثاني وتصنع القوه ما بتقدرون تتخطون

نورا هزت راسها وبهاج رفع حاجبينه يذكرها

:واختك الصغيره للحين ما تدري كيف تكمل دراستها وسنتها الاخيره ، انتم تحتاجون تتكلمون سوا

نورا:ونحتاجك بهاج ترا

ابتسم بهدوء وكملت نورا:جد بهاج انا ارتاح لك وأنهار ترتاح لك أكثر

نزل راسه وكملت نورا:لا تخلي احد يبعدك عنا احنا هنا مو متقبلنا احد غيرك انت

بهاج:وسلطان وفهد موجودين

نورا هزت راسها بالنفي وناظرها بهاج وتكلمت بهدوء:ما اعرف مشاعر الاخوان بس احسك اخونا

ابتسم ورجع ظهره لورا:وانا اخوكم

ابتسمت نورا:وانت بهاج كمان تكلم معانا عادي انا اسمع لك وأنهار وريوف ، اي شي بخاطرك قوله لا يجلس الزعل بقلبك مو كويس

بهاج:لا ماعليك أدبر اموري انا

نورا:لا بتجينا وبنتكلم ، بليز بهاج

هز راسه لها ووقفت:برجع انا تصبح على خير

وقف ومشى خلفها:نايمين ؟

التفتت عليه وكمل:خواتك !

هزت راسها:ايوا الكل نايم

هز راسه وابتسمت له نورا وخرجت وقفل الباب خلفها اخذ نفس بضيق ومشى لغرفته ما يعرف كيف يوصف وحشته بالبيت لحاله بس يدري ان وجودهم عنده يحييه ويشغلونه بتفكيره عن التفكير اللي يتعبه

خرج من الحمام وناظرها جالسه على الكنب بالصاله ووقف ثواني وصد وهو يقفل باب الحمام ويتقدم للصاله ودخل غرفته

لحقته ووقفت بالغرفه تناظره ياخذ ثوبه:جيت اصبح عليك

هز راسه وهو يلبس ثوبه متجاهلها ونطقت بهدوء حليمه:عمك اعتذر مني لانه طردك

بهاج هز راسه وهو صاد:يعتذر منك انتي وانا المطرود

ضحك وهز راسه بأسف وتقدمت حليمه له:بهاج !

بهاج رفع راسه له:زي ماتعودتي على ولدك خليني اهدأ وانا اجيك ولا كأن صاير شي لكن الحين مابي اتكلم

حليمه:بنتكلم لاني ادري لو تقابلت مع عمك بتصير مشكله ثانيه

بهاج:ان نطق بحرف بحرقه

حليمه:بهاج تكفى خلاص

بهاج:خلاص وش ؟ خلاص اخلي امي مع واحد ما يحترمها ولا يشوفها زوجه ؟ انتي تشوفيني غلطان

حليمه:مو عني ، عن بناته

سكت ثواني وعقد حاجبينه بإرتباك:شسويت ؟

حليمه:وخر عن بناته

بهاج:هذا مو صاحي اقسم بالله مو صاحي ، سلب من بناته كل شي مره وحده وما يبيهم يلجأوون لأحد غيره ! انا رجال رجاال وما بسمح له يكسر في بناته ويهدمهم عشان من ؟ عشان الشيبه ورضى الشيبه باللعنه فيهم كلهم

قفل الدولاب بقوه وتكلمت بهدوء عكس انفعاله وعصبيته وحدة حجاجه

:لو جات من رجوله وشهامه ما بقولك شي ، بس انت تلعب بالنار

غمض عيونه من عرف انها بتتكلم وتذكره انها شافته مع أنهار

بلل شفايفه والتفت لها:مو اللي ببالك

حليمه:ماهو ببالي ، شفته بعيني

بهاج:غلطتي

حليمه:بهاج !

بهاج:هذولا حسبة خواتي من يوم تزوجتي ابوهم وهم خواتي محد بيغير هالكلام تطمني

حليمه سكتت وبهاج مشى رايح والتفت لها:لا تفتحين معاي التلميحات ذي

حليمه لحقته وهمست:ياليت

مشى معها وفتح الباب وبلع ريقه من ناظرها

لفت حليمه عليه ورجعت ناظرتها:بغيتي شي ؟

أنهار:بهاج كويس صاحي

تجاهلت حليمه تماماً وسؤالها ومشت حليمه من جنبها والتفتت أنهار تناظرها رايحه ورجعت تناظر بهاج:عندك محاضرات

تقدمت له بهدوء:ارسلت لك سناب ومارديت توقعتك نايم جيت اصحيك

اخذ نفس بهاج:لا صاحي

دخلت وحطت اللابتوب بالصاله ولفت عليه:تعال

مشى وجلس بعيد عنها وتقدمت له وهي تشيل شعرها خلف ظهرها:بعلمك تشغل الكلاسات عشان ما اقروشك دايم

بهاج اخذ نفس وهمس:تكفين

ناظرته أنهار ورجعت لورا:امك ضايقتك بكلام صح ؟

بهاج مارد ورفعت حاجبينها أنهار:اكيد دام مزاجك كذا متعكر

نزلت انظارها وشغلت المحاضره ومدت له اللابتوب ووقفت:بعدين اعلمك

بهاج هز راسه والتفتت تناظر البيت ورجعت ناظرته من اندمج باللابتوب:يصير ادخل المطبخ عادي صح؟

بهاج:اكيد

مشت ودخلت وشد على يده وهو يحس بالضغط هو ماوده تجيه وتكركبه اكثر ماوده يرجع يحس بمشاعر قويه تحرقه من داخله ماوده تقرب ابد ولا يشم عطرها ابد

حك جبينه وهو يناظر اللابتوب ويسمع المحاضره التعريفيه بالمنهج

ورفع انظاره من مدت له كوب وناظر الكوب وناظرها واخذه من يدها وناظره

وهمست:شاي

هز راسه ومشت أنهار توقف عند شباك الصاله وتشرب من كوبها

لف يناظرها ورجع ناظر اللابتوب كانت تشغل نفسها بالنظر لبرا وتتجول بالبيت وتفتح جوالها مره لين يخلص محاضرته

لمحته مندمج ومشت لغرفته دخلت بخطوات هاديه لين دخلت

ابتسمت من ناظرت الغرفه تجولت فيها وهي تشوف فراشه وملابسه خلف الباب ودولابه ومرايته وقفت عند الدولاب وفتحته وماشافت فيه الا الثياب

الاسود والكحلي والكثير من البياض مافي غير اقمشه بالدولاب هو ماعنده تيشيرتات وبناطيل وشورتات

رفعت حاجب بإبتسامه وذهول وقفلت الدولاب التفتت تناظره من محلها جالس بالصاله ومنشغل تقدمت له وهي تسمع التحضير ورفع راسه يدورها ومشت وهي تحط كوبها:بفتح المايك

فتحته ونطق بموجود اول ما سمع اسمه قفل اللابتوب والتفت لها:بقعد ساعه يومياً ؟

أنهار:اكيد لا ! اكثر

بهاج:تقولينها صادقه ؟

أنهار:اشبك بهاج الحين هذا الوقت كله وهو بس تعريف بالمنهج اكيد اذا بديتوا بتاخذون وقت اطول

بهاج تأفف وتكلمت أنهار:وبعدين المفروض تكون متحمس ليش هذا التأفف ؟

بهاج:مو وقته

أنهار:وقته اشغل نفسك لان واضح عقلك يفكر في اشياء كثيره تخليك تصحى متوتر

بهاج رفع انظاره عليها وكملت أنهار:هذا اللي اشوفه

بهاج وقف ومشت قبله أنهار :برجع انا مافطرت حتى جيتك على طول اول ما صحيت

بهاج عقد حاجبينه:ماعليك مني نامي واشبعي نوم وافطري

أنهار:وتلقم حرمان

بهاج تنهد وميلت شفايفها أنهار:ودك تتمشى معاي؟

بهاج:ما بتفطرين ؟

أنهار:لاحقه تعال ممشى النوير

بهاج قفل الباب وتقدم معاها بخطوات هاديه وحط يدينه بجيوبه

مشت ولفت عليه تناظره بترقب ورجعت ناظرت قدامها:اذا ودك تقولي حاجه عادي اسمعك

بهاج مارد وهو يمشي وأنهار لفت له بضيق

:كله بسببنا صح ؟

بهاج التفت وعقد حجاجه وكملت أنهار:ماكنتوا كذا قبلنا ، انت وأمك

بهاج:وش بتلومين نفسك الحين ؟

أنهار:هذا الصدق بهاج احنا خسرنا بابا بجيتنا لهنا وانت خسرت امك

بهاج:انا من زمان خسران كل شي ، ابوي وامي والسند والدراسه والاستقرار والحريه مافزت بشي

بلع ريقه وهو يناظر قدامه:حتى ان خطيت خطوه ونويت افوز فيها خسرتها من البدايه ، تصكك البيبان بوجهي من يعرفون اني انا خلف البيبان

أنهار:ليش ماتركت كل شي ورحت بهاج ؟

بهاج:امي يمكن يهون عليها تخليني بس انا ما يهون علي اخليها

ظلت تناظره وهو يناظر الطريق ومبتعد بنظره عنها هي تحس بغضبه اللي بصدره وحزنه وضيقته لكنه قليل كلام وتعبير

أنهار: لو تتكلم معاي بترتاح بهاج

بهاج التفت لها ووقف ووقفت أنهار وميلت راسها

:يعني انت تسمع لي وتقولي كلام يريحني بس انت مين يسمع لك ؟

سكت وهو يراقب نظراتها له وناظرته بحزن أنهار:بهاج اذا انت موجود عشاننا احنا كمان موجودين عشانك ، وانا بالذات

مارد عليها وتنهدت:ما بتقول شي اكثر ؟

بهاج انقبض قلبه من نظراته لها ومن وعي امه بضعفه تجاهها هو انهزّ اكثر من انتبه ان في احد منتبه عليه وهو يغرق وماوده يغرق اكثر

لان الطريق مقفل وجهتها محكوم عليها تكون مقفله بوجهه ، هي حتى لو تشوفه بتشوفه أخ مستحيل تتنازل بنت الحجاز المدلّله والناعمه والرقيقه والبريئه للخشن اللي قدامها والجلف

كانت تراقب نظراته لها وساكته كانت تلمحه يعض شفايفه تترقبه ينطق بأي شي يريّحه بس ماكانت تدري انه يحترق اكثر بصمته وسكوته واصرارها واهتمامها ونظراتها وقربها

بهاج رمش بهدوء وهمس:ليه مهتمه ؟

أنهار:اكيد مهتمه بهاج انت مهتم فينا وسويت لنا اشياء كثيره !

بهاج:يعني عشاني مهتم فيك بتهتمين فيني ؟

أنهار عقدت حاجبينه من تغيرت نبرته:مو هذا الصح ؟

بهاج صد عنها وبلع ريقه واخذ نفس ورجع ناظرها:انا ما سويت هذا كله عشان احد يلتفت لي ولا ابي احد يهتم فيني

أنهار عقدت حاجبينها ومشى بيروح ونادته والتفت لها

أنهار:ما بنكمل نمشي سوا ؟

هز راسه بالنفي ورجع بخطواته للبيت ظلت تناظره لين اختفى عن انظارها وعقدت حاجبينها ليه فجأه نطق بالقسوه وصد عنها هي كل اللي سوته معروف ورد جميل له واهتمام وحزن على حاله

،

ريوف وهي تلبس شوزها:ناموا كلهم بنطلع الان نسهر

أنهار:مين قالك تعالي يمكن ما يبغونا ؟

نورا التفتت وعقدت حاجبينها:ليش ما يبغونا ؟ وبعدين بهاج ارسل لي

أنهار:ارسل لك فين ؟

نورا:واتس اب

أنهار سكتت وريوف ناظرتها:البسي وتعالي اشبك!

أنهار هزت راسها:بسوي لي قهوه واجي اسبقوني

خرجوا تاركينها ومشت للمطبخ وقفت وهي تسوي قهوتها وبالها كله في بهاج لو زعل منها مع انها متأكده ماغلطت ولا سوت شي يستدعي تجاهله وزعله

حركت قهوتها وشربت منها شوي وخرجت للغرفه حطت كوبها ولبست عبايتها واخذت جوالها وخرجت لهم

مشت بإتجاه جلستهم ومن قربت وبدت تسمع ضحكاتهم ابتسمت تقدمت لين وصلت لهم وناظرتهم يضحكون وهمست:هاي

لفت نورا اللي تضحك:الحقي بسرعه شوفيهم وهم يقلدون بعض

ابتسمت وجلست وناظرتهم

سلطان ضحك:انتم مالحقتم على بهاج وهو بالثانوي

بهاج:انكتم

فهد شرق بالقهوه وهو يضحك وتعالت ضحكاتهم من ضحكته

بهاج ضحك:الله ياخذك

سلطان:هيه اسمعوا ترا كان شعره حد اذنه تقول باكستاني

ضحكوا وعض شفته بهاج وهو يسمع سلطان يوصفه

فهد:يطقطق على شعر بهاج وهو ماطلع له شعر الا يوم دخل العشرين

سلطان التفت عليه وضحك بهاج:جات عالشعر هو ما طول الا بعد التخرج

ضحكوا والتفتت نورا:درستوا وين ؟

بهاج:قريب مدرسه مافيها الا احنا الثلاث وبساس الرياض كلها

ضحكت نورا:ياويلي منجد !

فهد:من النبذ بالمدرسه نسوي نفسنا مانعرف بعض ونتعرف على بعض من جديد

ضحك سلطان:مافي محتوى

ريوف:وليش ماكملتوا جامعه ؟

سلطان:انا ماودي ماني حق جامعه وذا زين احد يقبله

فهد:عن الغلط

سلطان:قدم ان قبلوك لك مني خمس الاف

بهاج ضحك:انت طلع خمسه ريال بالاول

ضحك فهد:كفو ياولد عمي كفو

ضحك سلطان والتفت لبهاج:شوف نفسك علينا ياعم بهاج لو ما قدمت لك الذيبه أنهار مادرست

لانت ملامح بهاج من طرى اسمها هو من يوم جلست كان يتجاهل وجودها لكن تقلب وجهه من طاريها وناظر سلطان اللي جمدت ملامحه والتفت لأنهار اللي نطقت:بهاج عندك بكره كلاس بعد الظهر بجي بعد الصلاه اوكيه؟

هز راسه وهو متجاهلها بنظراته لفت لها ريوف

:علميه وخلي اللاب عنده

أنهار:اي ان شاء الله اكيد

رفعت راسها لبهاج اللي صاد عنها ويسولف معهم كلهم وهي ولا كأنها موجوده

قام سلطان:بجيب جوالي والله مدري وين وطيته

ناظرت بهاج اللي جالس وقامت وهي تنادي سلطان:بهاج !

رفع راسه بإستغراب والتفت سلطان عليها وهمست:سوري كان قصدي سلطان

التفت بهاج لسلطان اللي واقف ويناظره ومشت أنهار له:ابغى اكلمك دقايق

هز راسه ومشى ومشت معاه عقد حاجبينه بهاج من بعدوا عنهم والتفت للبنات:شعندها ؟

نورا:ما اعرف

لف يناظرهم من بعيد وعاقد حاجبينه

وقف سلطان والتفت يناظرهم من بعيد وناظر أنهار:عسى ماشر ؟

أنهار:سلطان بهاج قال لك شي عني ؟ يعني شي زعله مني او متضايق مني ؟

سلطان:ليه ؟

أنهار:احسه زعلان علي انا كلمته عن امه وابوه كذا مره واحسه تضايق تتوقع تضايق مني ؟ اعتذر منه؟

سلطان التفت وناظر بهاج اللي يراقبهم من بعيد ورجع ناظرها:لو زعل بهاج قال انه زعلان ما يخفي زعله

أنهار:ليش طيب ما يكلمني ؟

سلطان:لا تتحسسين عادي يتكلم معكم كلكم

أنهار سكتت وسلطان كمل:مافيه شي

بلعت ريقها من كلمته بلا تتحسسين وحست انها فعلاً دراما وشكلها بايخ قدامه تمنت انها ما سألت ولا اهتمت ولا حست بشي

مشت تاركه سلطان وراجعه لهم انحنت اخذت جوالها وناظرتها ريوف:فين رايحه ؟

أنهار:البيت نعسانه

مشت تاركتهم ولفت نورا لريوف:اشبها ؟

بلع ريقه بهاج وهو يناظرها رايحه وده يلحقها لكنه مايقدر هو كل ما لحقها تعب اكثر ماوده يغرق اكثر من بداية الطريق وبداية الايام بينهم

هو ناوي يتجاهلها ويتجاهل مشاعره لين تختفي

صد عنهم ولمس شاربه وهو ساهي بشبة النار اللي وسطهم والتفت يناظر سلطان اللي جاي ووقف له

مشى وهو حافي لين ابتعد عنه وهمس:شقالت لك ؟

سلطان:علامك عالبنت ؟

بهاج مارد وكمل سلطان:تشكي منك

صد بهاج واخذ نفس وتقدم له سلطان:تعاملها معاملة الجدار وسط خواتها ليه ؟ تضحك لاختها وتلف عليها تتبدل ملامحك علامك انت ؟ البنت رقيقه كما النسمه انت ترعاهم عن قسوة ابوهم وتقسى عليهم بعد ؟

بهاج:ياخي تكويني ياسلطان تكويني اقسم بالله ، لاهي درب خضر ولاهي درب شوك ، تاخذني يمين وشمال اتشكل بألف حال وانا يمها

سلطان تنهد وكمل بهاج:اتجاهلها لين يختفي اللي احسه

سلطان:تهقى يختفي ؟

بهاج نطق بسرعه:غصب

سلطان مارد وبهاج ظل يناظره ومشى سلطان تاركه وتنهد بهاج التفت يناظر نورا وريوف ورفع راسه لمكان مشيتها

كان وده يتعذّر لها انه مالحقها ماجاها ويقول اعذريني كان ما اقدر اجيك ويبقى طيفي لو تخيلتي معاك

هو يقدر يقسم الان ان روحه سبقتها ومشت معها ولا خلتها وكانت مشيّة ظلالها لكنه سكت وظل محله واقف

جلس بينهم واخذ نفس ولف لريوف:تجين الظهر تفتحين لي محاضراتي ؟ وعلميني عليها مره وحده ماودي اشغلكم

نورا لفت له:أنهار موجوده

ريوف:عادي بهاج اجيك

ابتسمت له وهز راسه والتفت لسلطان وصد عنهم

سلطان لف للبنات:بدون طرده توكلوا لا يجي ابوكم يهد بنا

نورا:بكير !

سلطان:لاحقين

ريوف:نمل لحالنا تعرف ؟

فهد:واحنا وشو ماخذينا وناسه ؟ ترانا اوادم

ريوف:ياليت تسكت طول القعده لان منجد ماتعرف تسولف

فهد:تصبحين على خير

وقفت وهي تناظره والتفتت لبهاج:نام بدري بجي ازعجك

ضحك لها ومشت مع نورا ولفت نورا:اشبها أنهار ؟

ريوف:هرمونات يمكن

التفت سلطان لين بعدوا وناظر بهاج:فضفض ياولد عمي

رجع ظهره ورا سلطان واتكى على المركى وصب له من الدله قهوه

وناظرهم فهد:وش العلم ؟

سلطان:ما لاحظت عليه شي ؟

فهد:والله اني غبي لكن لاحظت شي مدري تقصدونه والا لا

بهاج ناظره وسلطان ابتسم ولف لبهاج:خليت الغبي يدرك السالفه

بهاج تنهد وصد وفهد ناظره:علامك على البنت ؟

ضحك سلطان والتفت بهاج:شسويت ؟

فهد ناظرهم:مدري ماكنت تعاملها كذا تلف لاختها تضحك بوجهها وان نطقت هي كشرت

بهاج:ما كشرت

سلطان:تقلبت ملامحك

بهاج مارد وسلطان ناظر فهد:يبي يتجاهل وجودها لين يتجاهل شعوره

ابتسم فهد:عاجبتك ؟

عض شفايفه سلطان وضحك:ابو زيد

بهاج تقدم لهم:بتضحكون وتقلبونها مصاخه قلبت قشكم عليكم ورحت ارقد

سلطان:نمزح ياولد

بهاج:لا تمزح

فهد:ما بنضحك خلاص

بهاج رجع ظهره لورا وناظرهم:امي جاتني هي ما تكلمت بالصريح بس كانت تحس فيني ، لمحت لي انهم بحسبة خواتي وما يجوز اظهر لهم غير كذا

سلطان صد ورفع حاجبينه

فهد:وش خلاها تقول كذا ؟

بهاج بلع ريقه:مدري يمكن حست بشي

سلطان:او يمكن شافتك

بهاج:شافتني وش اسوي ؟

سلطان:يتقلب حالك عند أنهار

بهاج نزل انظاره وسلطان كمل:يكفي تلاحظ وجهك ان نطقت بإسمها

فهد:بالله عاجبتك ؟

بهاج:مدري ياشيخ بس ماني راضي عن اللي يصير اقسم بالله ما اطيق نفسي

سلطان همس:تماسك

رفع انظاره بهاج والتفت سلطان بجديّه:ابوها كسر راسك والبنت شبعانه نظر شبعانه دلال ابوهم عطاهم من الاهتمام لين شبعوا

فهد:وعطبها الحين

سلطان ناظر فهد:ما يهم الحين بس البنات ما يشوفونا اكثر من كذا ، كلهم

بهاج ناظر سلطان ولف له سلطان:هذا رايي وشوف عيني

بهاج وقف تاركهم وناظره سلطان:اقعد

بهاج:ماودي

ناظره فهد:ضيقت على الرجال

سلطان رفع حاجبه ومشى بهاج رايح لبيته

سلطان:احسن ما يقعد يهوجس بوهم

فهد:نقصّت الرجال بعين البنت بالغت !

سلطان:اقص شنبي يافهد ياولد عمي ان التفتت البنت لبهاج

فهد صد عن سلطان ومدد رجوله وحط يدينه ورا راسه

،

حك راسه وهو ينتظر جيّة ريوف وتأخرت عليه سمع الباب يدق ومشى وفتحه وجمد محله

أنهار ابتسمت:جيت لا تخاف بتحضر كلاساتك

بهاج:لا ما بحضرها

ناظرته وعقدت حاجبينها:ليش ؟

بهاج:عندي شغل ما يمديني

أنهار:بهاج اشبك ترا ينحط لك غياب !

بهاج:واذا ؟ انا ادرى

سكتت وهي تناظر حدة ملامحه وبلعت ريقها ورجعت على ورا:بكيفك

مشت راجعه للملحق وهي عاقده حاجبينها بزعل انكمشت ملامحها من خشونة تعامله معاها ودخلت حطت اللابتوب بالصاله ومشت للغرفه ودخلت ناظرتهم لابسين عباياتهم:فين ؟

ريوف:عبالي رحتي لبهاج عطيني اللابتوب هو ينتظرني

أنهار:ينتظرك فين ؟

نورا:ارسل لي يسأل عن ريوف قلت بروح انا كمان الجو غيم خيال

سكتت وهي تناظر ريوف تلبس شوزها وتخرج وتاخذ اللابتوب معاها

نورا وقفت وناظرتها:بتجين ؟

أنهار هزت راسها بالنفي وصدت بعيونها:باخذ شاور

نورا:اوكيه

خرجت وتركتها بالغرفه وجلست أنهار وهي تناظر الارض بضياع كل اللي اكتشفته انها متجاهله من بهاج وبدون سبب حست انها ثقيله كرهت هذا الشعور اللي تحسه

مسكت نفسها ما تبكي لانها بتحس انها دلوعه وتبالغ بس من لفت وناظرت حليمه تخرج من الغرفه بدون جلال وبيدها صينية غداء ومبتسمه شدت على قبضة يدها بقوه

ناظرتها حليمه وتلاشت ابتسامتها ومشت لها

:تبين غداء ؟

هزت راسها بالنفي ومشت حليمه للمطبخ وخرج عمر من الغرفه يغسل يدينه ومشت وقفلت الباب وبكت خلفه هي تكره شعور انها مهمشه غير مرئيه تكره تشوف ابوها تعايش بسرعه ونسي وجودهم وحاجتهم له وتكره تشوف نفسها ثقيله وتتحسس من أدنى كلمه

،

بهاج عاقد حاجبينه ويكتب بتركيز متجاهل سوالفهم

سلطان:وانتي محد كلمك ؟

نورا:مين يكلمني ؟

سلطان:الورع هذاك

نورا تنهدت وهمست:لا

سلطان:بيّن النيه عليه

ريوف:ليش تنكد عليها اففف سلطان

سلطان:مانكدت بسم الله سألت سؤال عادي

ريوف:ماله داعي

سلطان عدل جلسته:زعلتك ؟

نورا:لا

لفت لريوف:اتصلي على أنهار تجيب جوالي معاها

التفت بهاج من جابوا اسمها

ريوف:قالت بتجي ؟

نورا:ايوا بتاخذ شاور

بهاج:لا تطلع يلفحها هواء ارجعوا انتم لها

لفوا عليه ونورا تاففت:الجو خيال كأنه بتمطر بيفوتها

رفع راسه بهاج وناظر الغيم وهمس سلطان:ولا كأنه ظهر سبحان الله

رحع نزل راسه للابتوب وسألته ريوف مباشره:أنهار رجعت باللابتوب من برا توقعتها جاتك

بهاج رد وعينه على اللابتوب :لا

ريوف:اي قلت لها اني باخذه عشانك

انصدم ولف لريوف:وش قلتي ؟

ريوف عقدت حاجبينها:انك تبغاني اعلمك عليه

ظل يناظرها جامد والتفت يناظر الملحق من بعيد هي ماجات لانها فهمت

هو لمحها تضايقت من جموده لكن حسّ انه بالغ عشان يبعدها عنه هو ما توقع انه لو بيتجاهلها وبيتجاهل شعوره بيعورها ! بيخلي داخلها مليون سؤال ومليون شعور

نورا رفعت راسها بذهول:ترشش

شال لابتوبه ووقف:بدخل عن الماء

مشى تاركهم ومرّ من على الملحق ووقف ثواني قدامه لين حس ان الارض بدأت تتبل ومشى بسرعه للبيت حط اللابتوب بنص الصاله ومشى للباب يناظر المطر اللي انهمر

ومسح وجهه بضيق ومشى للصاله وجلس

دخلوا الملحق بسرعه ودخلت الغرفه نورا وناظرت أنهار منسدحه وعقدت حاجبينها:ما أخذتي شاور ؟

دخلت خلفها ريوف وناظرتها:اشبك ؟

أنهار:ولا حاجه

نورا:هرموناتك متلخبطه من امس مو على بعضك !

تنهدت أنهار وناظرت ريوف:طيب فين شاحن اللابتوب ؟

عقدت حاجبينها أنهار وريوف رفعت جوالها:بهاج يبغاه

جلست بإعتدال:انا باخذه

وقفت بسرعه وسحبت الشاحن بقوه وخرجت من عندهم

مرت من عند حليمه اللي تمسح آثار الطين وخرجت ورفعت راسها حليمه وهي تشوفها رايحه لبيت بهاج

مشت بسرعه بدون ما تحس بالمطر اللي بللها ودخلت من الباب اللي كان فاتحه ووقفت عند الباب

رفع انظاره ومن شافها تبدلت ملامحه وصد عنها

مشت ورمت الشاحن جنبه ورفع انظاره عليها

أنهار؛ممكن افهم شصاير ؟

بهاج ناظر الشاحن وشبكه:شصاير ؟

أنهار:انا اللي اسأل

بهاج بلع ريقه وهو صاد:عن ؟

أنهار اخذت نفس بتعب من بروده واجوبته وعضت شفتها وهي تهز راسها وتراقب صدوده

:ما يهمني ، اللي يهمني خواتي

رفع راسه لها وناظرته بحده:اذا بتتقرب من ريوف لين تحس بحنيّتك اللي خسرناها ؟ وبتقلب عليها بعدين لا تقرب منها ولا من نورا تفهم !

مارد عليها وهو يناظر عصبيتها وكملت أنهار

:لا تقلب بوجهينك لخواتي نفس ما سويت لي ، اعرف من نورا انها قالت لك نفس الكلام اللي قلته لك انا وطلبتك تفضفض لها وذكرتك انها موجوده ان بغيتها لكن اللي اشوفه ما زعلت عليها ، زعلت مني انا

بهاج مارد وناظرته ساكت وصدت وهي متكتفه ولفت عليه تكتم بكيتها:لا تتكلم عن اي شي تحسه وموت قهر ماراح اسأل عليك ، الشرهه علي انا اكيد دايم مندفعه لين اطيح على وجهي واصحصح

مشت بتطلع ووقفت ولفت له وابتسمت وعيونها تلمع من دموعها اللي حابستها:على فكره امك مبسوطه تتمشى بالبيت براحه بدون جلال صلاه

لانت ملامحه اكثر لين عقد حاجبينه وكملت أنهار

:اذا حزنك على امك فإرتاح الحين

تنهد بتعب من مشت رايحه وهمس:أنهار !

وقفت عند الباب وناظرته ولف لها كان شاد برجلينه على الارض وده جاذبية الارض تنتصر ولا يقدر يوقف على رجلينه ويمشي لها

خايف ، خايف من اي تصرف ممكن يطلع منه لها يندّمه

ظل يناظرها واقفه تنتظر منه ردة فعل لكنه ماقدر كل اللي يسمعه كلامهم ، هي زعلت على اخوها وبس

وبهاج ما بيقدر يعاملها بأخوه بدون ماتندمر مشاعره وينحرق صدره من مشاعره واندفاعه

صد بعيونه بسرعه يصرفها عنها وشدت على اسنانها من تجاهلها وخرجت بسرعه تبكي تخلط دموعها مع مطر ربي

دخلت بسرعه ومرت من الصاله اللي حليمه كانت فيها ودخلت الغرفه وهي تبكي ورمت نفسها على فراشها

نورا وقفت ومشت لها:بسم الله بنت اشبك

ماردت وهي تبكي ورفعت وجهها ريوف:أنهار اشبك ؟

أنهار:اكرههم كلهم اكرههم ما ابغى اجلس هنا خلاص

نورا:مين كلمك ؟ قولي لي والله لاروح اتهاوش الحين قولي

أنهار ما تكلمت وهي تبكي وحطت راسها بحضن ريوف:زعلانه من كل احد

نورا:احد كلمك ؟

هزت راسها بالنفي وريوف ناظرتها بحضنها:اجل اشبك ؟

أنهار:مشتاقه لبابا

رفعت انظارها نورا لريوف بضيق وتنهدت وصدت عنهم

شدت ريوف على أنهار بضيق أكثر وسكتوا بعد ما قالت اخر جمله عكست مشاعرها عليهم وحسوا بنفس مشاعر أنهار هم يفقدون وجوده من مده طويله ماجاهم ما كلمهم ما اعتذر مارجع لحالته ابد

،

عمر لف لرَده اللي وقف جنبه:حالك زاين

عمر هز راسه:حمدلله

رَده ابتسم:من يعاشر حليمه !

عمر حك دقنه وهو يناظر النياق قدامه:صدقت

رَده:واحوال بناتك ؟

عمر:ماعليهم

رَده:وانا اقول نفس كلامك مبسوطين كل يوم سهارى مع عيال عمهم

التفت عمر وناظر رَده:سهارى !

رَده اشر بيده:بعد حوض النياق يقعدون ويضحكون ويطربهم ولد اخوك بهاج ، تعايشوا

عمر عقد حاجبينه:ماعندي علم

رَده:دريت والا ما بتخلي بناتك يقعدون مع عيال عمهم يضحكون ويسهرون

عمر مارد وهو عاقد حاجبينه بعصبيه

رَده؛لكنك ما بتسمع مني لو نصحتك

عمر:افا !

رَده:تقول الحين لكن بعد كلامي بتغير رايك

عمر:وش العلم ؟

-

واقف عند الباب ويناظر المطر اللي مغرق الارض والشجر من حوالين المزرعه مبتل وريحة الطين تعجّ بالمكان اللي هو فيه

ضرب بيده الباب:الله ياخذك يابهاج

تنهد بعصبيه وهو يتذكر نظراتها وزعلها تضغط عليه بزعلها ودلالها ودموعها اللي تخبيها عنه وينضغط انه هو مندفع اكثر منها هو اللي تتلخبط كل حياته وكونه يتبعثر كل مازادات بقربها له

زعلها وضحكها وقربها منه يغرقه اكثر ولا يقدر يعصي مشاعره ويتجاهلها هو قاعد باللهيب والحريق لوحده ، لكنها تزعل ولا يهون عليه هو كذا كذا ما بيتخلص من مشاعره هو يحترق ولا يقدر يخبي ريحة رماده ودامها فيه فيه مابيسمح لها على الاقل تزعل

تشوفه اخو تشوفه ابو تشوفه اللي تشوفه المهم انها ما تزعل

خرج من البيت يبلّه المطر ووقف عند الملحق ودق الباب وفتحت ريوف وناظرته:خلصت ؟

بهاج:نادي أنهار

ريوف:أنهار تبكي ما بتطلع

بهاج:تبكي ؟

ريوف تنهدت وتقدمت له تتكلم بهدوء:تقول انها اشتاقت لبابا ، هي من بداية اليوم زعلانه اصلاً

بهاج تنهد:الله يحرمني ، ناديها

ريوف:بهاج والله ما بتطلع اعرفها

بهاج:ادخلي ياريوف والا انا بدخل واخلص امي من همها

ريوف:بطلت تشوفه هم ابشرك

بهاج عض شفته:ادخلي

ريوف مشت تاركه الباب وفتح الباب على وسعه يناظر الغرفه من بعيد

خرجت حليمه وناظرته واقف:بهاج !

بهاج ناظرها والتفت للغرفه وصرخ بصوت عالي بعصبيه:أنهار !

طلت من الغرفه نورا بإستغراب واشر بحده:ناديها تخرج يمين بالله لادخل !

حليمه ناظرته بصدمه:بهاج علامك ؟

بهاج:اخرجي لي

ريوف:وي اشبك البنت ما تبغى بهاج خلاص اتركها !

ضرب الباب بيده بقوه ووقفت حليمه قدامه:وش عندك ؟

بهاج ناظر امه:طلعيها لي

حليمه:شتبي فيها ؟ شفيك جاي بشرك ؟

بهاج ميل راسه يناظر الغرفه بعصبيه ولمحها توقف عند الباب تناظره وبعد عن امه وهو يراقبها

مشت لين عندهم وناظرته:نعم ؟

انحنى ورمى شوزها لعند رجلها ورفع راسه

حليمه ناظرته ولفت لأنهار اللي هزت راسها بالنفي

حليمه:وين بتودي البنت ؟

بهاج ناظر وجهها اللي غرق من دموعها اللي خبتها عنه ونزل انظاره للشوز:البسيه

حليمه:بهاج ! اعقل

بهاج ناظر امه ورفع كتوفه:اختي !

حليمه سكتت وبهاج لف لأنهار:امشي أنهار

أنهار لبست شوزها ومشت وتكتفت وغطت شعرها وخرجت

قفل الباب بقوه ولف لها وهمس:امشي

أنهار:ما ابغى

بهاج:تبين ، امشي معاي

أنهار التفتت له:تزعّل وتعصب ومالي حق ارفض ؟

بهاج:لاني ملعون

أنهار سكتت وناظرها بهاج وهز راسه:الله يلعني

عقدت حاجبينها وهمست:استغفر الله

بهاج:هي امشي

مشت وتكتفت ومشى جنبها لين دخلوا ممر النوير وخفّ المطر عنهم من الشجر اللي مغطي الممر

بهاج وقف وناظرها:اعقب ان زعلتك

صدت عنه ونزلت راسها ولا ردت

بهاج:ان كان يرضيك بقولك اني محروم ، محروم من امي ومحروم عن ابوي ومحروم اختار ومحروم اقرر ومحروم يكون لي راي ومحروم اطلب وارفض

رفعت راسها وكمل بهاج:حتى اللي احسه محروم اقوله ومحروم يصير اللي ابي ، يمكن انا حزين ويمكن انا معرف اتبع الايام محبوس بالظلمه مرغم انا ومجبر واللي احسه سكين

وسعت عيونها تناظره وهو عاقد حاجبينه ويتكلم بحرقه ويأشر على صدره

بهاج ناظر نظراتها له وهز راسه بالنفي:لا الليل يسعفني ولا النهار اخضر ، اهدم معاي بلاد والحي والعبّاد والمسجد يكبّر واصحى عليه ومعاي أمس والباقي من همي ، ما يتجدد شي فيني وامشي ولا ادري لوين المشوار مهدوم ، وانا هنا

رجف قلبها من كلامه وتعبيره عن حزنه وعقدة حاجبينه وصوته اللي يهمس بحروفه

بهاج:وادري عورتك

نزلت انظارها بزعل وكمل بهاج:ارمي علي عتابك كلها افديك بالافراح والضحكات بس اسف !

أنهار رفعت راسها:ليش انا ؟

بهاج سكت وكملت أنهار:ما تثاقلت ريوف ولا نورا انا اللي كنت ثقيله عليك ؟

بهاج تقدم لها:اعقب

أنهار:ليش انا طيب صرخت بوجهي وقفلت بابك بوجهي وتتجاهلني ؟

بهاج بلل شفايفه وهو يناظرها وكملت أنهار

:تقول لامك اكلم اختي وتقول لنورا انتوا خواتي بس انا ما احسني زي خواتك

بلع ريقه وكملت أنهار:تعامل نورا وريوف سوا وتعاملني انا لحالي

بهاج:والله لا معجم لغه ولا كتاب يوصف اللي فيني ، شعوري اكبر من رفوف المكتبه لكني اسف ما تكفيك ؟

أنهار هزت راسها وصدت:الا

بهاج ناظرها صاده:ربي سخط عليّ بكى الغيم كله مع عيونك

رفعت راسها وابتسم بهاج لها وأنهار نطقت

:مو يمكن انثنى غيم نجد لخد الحجاز النرجسيه ؟

اتسع مبسمه ورفع حاجبه بدهشه من تذكرت جملته وابتسمت أنهار ورفعت انظارها لشعره:تبللت

بهاج صد بانظاره لنهاية الممر:فدا

لف لها:ترجعين ؟

هزت راسها ومشى قبلها وهو يحط يده بشعره المبلول ويرفعه بيده تحت انظار أنهار اللي نزلت انظارها للارض بعد ما ابتسمت

مشت معاه وهي تراقبه يناظر الطريق لين وقفوا عند الملحق ولف لها:نادي امي لي

هزت راسها ومشت للباب وابتسمت فتحته ودخلت والتفتت تناظره واقف ينتظر ويناظرها

ابتسمت بوسع مبسمها ورد لها الابتسامه والتفتت لحليمه اللي شاهده علم وقوفهم من شباك الصاله ورفعت كتفها:يبغاك

ماردت حليمه ومشت أنهار وهي مبتسمه ودخلت الغرفه

رفعت راسها نورا:شصار ؟

أنهار قفلت الباب وفصخت عبايتها وتنهدت:ياخي بهاج ياخي

ريوف:دلعك اكيد زي مادلع نورا

لفت نورا لها وابتسمت:كلامه زي العسل صح ؟

أنهار هزت راسها:صح انه ناداني كأني ذبحت امه بس عسل

نورا:والله بهاج مافي منه اذا عرف ان في احذ زعلان مننا جانا كلنا يراضينا

ابتسمت أنهار وصدت بنظراتها:صح

،

بهاج حط زيقارته بفمه وهو مبتسم وشغلها ونفثها وهو صاد عن الباب ولف من طلعت له حليمه

تقدم لها وباس راسها ونزل عن العتبه:شلونك ؟

حليمه هزت راسها:زينه

بهاج:العلوم تقول انك مبسوطه

حليمه:يسرّك ؟

بهاج:اكيد يسرني ولو انه مو جايز لي بس المهم انتي

حليمه:كانت جيّتك للملحق عشاني الحين حرّم عمك وتجي ؟ وتنادي بصوتك كله كأنك بـ

بهاج قاطعها:اخوهم

سكتت حليمه ورفع حاجبه بهاج:معي علم وش بتقولين لكن هذا العلم ، ان بكت وحده من البنات اللي داخل هديت بهم الدنيا

حليمه هزت راسها وكمل بهاج:كلهم عندي بنفس المقدار خواتي وهم بوجهي

حليمه:زين

بهاج: تبين شي ؟

حليمه:جدتك تدور عليك تقول انك مختفي ماتمرها

بهاج:امرها ليه ؟

حليمه:تعرف اخبارها

بهاج:يجيبون لي عوار الراس وانا ماعاد فيني اتحمل

حليمه:ما تمر على اعمامك بعد

بهاج هز راسه بالنفي وكملت حليمه:لين متى ؟

بهاج ناظرها ورجع لورا:لين انا يصير ودي

رفع كفه يسلم وحط بيده الثانيه زقارته بفمه ومشى للبيت تحت انظارها

دخل البيت ورمى زيقارته عند الباب ودخل وفتح زرار ثوبه ومشى للمطبخ وقتح الثلاجه وسحب منها عصير وابتسم وفكه وهو يشرب منه

مشى للصاله وجلس براحه على الكنب وابتسم وهو يناظر السقف

يدري انه تمرد وطنش لهيب طريقه لها لكنه مبسوط ومستمتع يحس بلذه وتحدي ماذاقها بحياته ابد والسبب هي

دربها مجهول لكن الدروب لها تزهر بحفيف عطرها وتغرقه وهو مبسوط وهو غارق

رمش وهو يتذكر شكلها بكل لحظه مرت على ابصاره من خروجها بفستانها تبكي قدامه وقدام ابوها بخطوبة نورا ، واول مره مدت له جوالها تطلبه يشحنه ومره وسط الحريق ومره وقوفها قدامهم عشانه

غمض عيونه وعض شفته وهو مبتسم ولف ياخذ جواله ويشرب من عصيره ودخل يكتب لها

:ابي الكعك اللي من يدينك

رفع سبابته على شاربه ينتظر منها رد وردت بعد ثواني تخيّره:جوكلت والا برتقال ؟

ابتسم:مايفرق المهم من يدينك

رفعت حاجبينها ولفت للجهه الثانيه تنسدح:متى ؟

بهاج:قبل تغرب الشمس

ناظرت الساعه تطمن على مغيب الشمس وكتبت:تمام

قفلت جوالها وقامت:بسوي كيك لبهاج مين يساعدني ؟

ريوف:كيك ليش ؟

أنهار:مشتهيها !

نورا:عادي انا اساعدك بس جهزي المقادير

هزت راسها أنهار ومشت وهي ترفع شعرها وتربطه وتدخل المطبخ

،

بهاج فتح الباب وناظر سلطان:وينك ياورع ادق عليك ماترد ؟

بهاج عقد حاجبينه:شتبي ؟

سلطان:فهد بينجلد

بهاج:وش مسوي ؟

سلطان:ضيّع مفتاح شبك الغنم وطب مع الجدر يبي يجيب عامل يكسر القفل

بهاج:الله يسلط عليه الحمار

سحب شماغه وخرج من البيت مع سلطان:من وين بيدخل العامل ؟ مع خشمي ؟

سلطان مشى وراه بسرعه:وانا ليه مناديك نبي نصرف عبدلي عن البوابه

بهاج:عبدلي ؟ عبدلي وقبيلته تقصد

سلطان:قلت لفهد يعترف ويفكنا

بهاج:والله ليكسر ظهره عمك عبدالله ذا خامس مره يضيعه الغنم بتموت جوع بالشبك

سلطان:الغنم ماكله من صبح ما يمديها تموت ان دخلنا فهد

بهاج:غربت الشمس يمدي

وقف قريب من البوابه سلطان والتفت بهاج واخذ جواله من دق وناظرها تتصل عليه

سلطان:فهد ؟

بهاج هز راسه بالنفي ورد:هلا

أنهار:جيتك البيت ما حصلتك فينك ؟

بهاج:مشغول شوي واجيكم

أنهار:فين مشغول ريوف ونورا راحوا عند سلطان وفهد وما حصلوهم

بهاج:العيال عندي

أنهار:اشبكم في شي ؟

بهاج:لا لا شوي واكلمك اصبري

قفل منها وهو يدق على فهد:حمار يمين بالله

فهد:هاه

بهاج:أوى ياشيخ وينك ؟

فهد:بعيد رايح بدون سياره اكيد ما بجي بسرعه

بهاج:انت حمار رايح تجيب عامل يكسر قفل ؟ كان كسرته انت

فهد:نفس ما كسرته المره الاولى وانكسر باب الشبك وخلاني ارقد فيه يومين عمك

بهاج:ابلشتنا يمين بالله ان جيت لاعلق القفل باذنك

فهد: انت دخلني بالعامل وانا اعلق المفتاح باذني

بهاج:ياخي وين اصرفهم ؟ تستهبل !

فهد:تصرف يارجال اخلص بهاج لا اجي واقعد متورط من وين ازبن من برا

بهاج عقد حواجبه بحده وناظر سلطان اللي واقف وهمس:الله ياخذك ياشيخ ، سلطان امش

قفل من فهد وناظر سلطان:امش نصرفهم

سلطان:بيدرون يابهاج علامك انت ؟

تافف بهاج وصد يناظر البوابه من بعيد ولف لسلطان:بنادي البنات

سلطان:اي بنات ؟

بهاج:بنات عمر

مشى بهاج وسلطان مشى وراه:وش تبيهم يسوون

بهاج:اصبر يارجال

طلع جواله وهو ماشي للملحق:أنهار اطلعي لي

أنهار:خلصت شغل ؟

بهاج:لا اطلعي بكلمك

أنهار:اوكيه

وقفت واخذه الكيكه بيدينها الثنتين وابتسمت وطلعت للصاله:افتحي لي الباب ريوف

وقفت ريوف وناظرتها نورا:بناكلها وين ؟

أنهار رفعت كتفها وفتحت الباب وناظرت سلطان وبهاج عند الباب وابتسمت

ريوف:اكيد مو جايين تاكلونها هنا !

بهاج:اطلعوا بنروح نغطي عن فهد

ريوف:ليش ؟

بهاج:طلع من البيت ونبيه يرجع يدخل بدون محد يدري

أنهار:ليش يعني ممنوع من الطلعه ؟

سلطان:ياخي يابهاج وقته ؟

بهاج:اطلعوا انتم ونتكلم واحنا ماشين

نورا مشت معاهم:بجي معاكم انتظروني

خرجوا وأنهار شايله الكيكه ومشوا سوا وعقدت حاجبينها ولفت لبهاج:ماشفت الكيكه

بهاج مشى وهو معصب:بشوفها

،

دخل عمر على جمعه وناظر حليمه جالسه عندها:انا راجع الملحق

حليمه ناظرت عصبيته:اجيك ؟

عمر:خليك عند امي

خرج من البيت ولفت جمعه لحليمه:الحقي رجالك ماهو على بعضه

خرجت حليمه ومشت ورا عمر:عمر !

التفت لها ووقف ومشت له:علامك ؟

عمر:كالعاده ابوي بدأ يخرف

حليمه:شهالكلام ؟

عمر:لو تسمعين وش قال ما بتلوميني ، معد اتحمل

لف ودخل الملحق بغضب ومشت حليمه وراه:علمني وش قال ؟ تكلم ببناتك ؟

عمر التفت وناظرها:بالشينه وهالمره كثرها علي

حليمه تنهدت ومسكت ذراعه:ماعليه هو كذا دايم

عمر ناظرها وهز راسه بالنفي:هالمره ماقدرت

حليمه:تقولي طيب عشان افهم ؟

عمر صد وغمض عيونه بغضب وهو ياخذ نفس طويل

،

نورا ناظرتهم بصدمه:تو ماتش !

أنهار:وضيّع مفتاح اش بيسوي ابوه يعني مثلاً ؟

سلطان:ياخي مابنقعد نسولف عن الوضع فهد جاي

ريوف:طيب اش بنسوي الحين ؟

بهاج:بروح الهي عبدلي وانتم افتحوا له باب البوابه واركضوا للشبك قبل احد يلاحظ

أنهار:وليش انت ؟ تتوقع بتلهيهم يعني؟

بهاج:اجل من يلهيهم ؟

أنهار ابتسمت:انا بطيّر عقولهم بعد

تغيرت ملامحه وشد على أسنانه:تكلمي زين

نورا:بهاج منجد بروح مع أنهار انا كمان نعطيهم الكيك حقك

بهاج ناظر الكيك بيد أنهار وناظر أنهار وشد على كفه بعصبيه

سلطان:ذيبات اعجلوا علينا

أنهار لفت لنورا وابتسمت نورا ومشوا سوا للبوابه

ولف بهاج لسلطان:ترسلهم انت بعد ؟

سلطان:وهي صادقه ما بيهبل عقل عبدلي غير ريحة الحريم

التفت بهاج من دخلوا غرفة عبدلي بالكيك وابتسمت أنهار وهي تشوف العماله اللي موجودين بالغرفه ومن ناظروهم فزّوا

ابتسمت بوسع مبسمها:هاي

عبدلي هز راسه بتوتر وابتسمت نورا:كيفكم ؟

رفعت انظارها أنهار وهي مبتسمه وتناظر بهاج مع قزاز الغرفه فتح الباب وخرج سلطان يوقف برا

حطت الكيك قدامهم:هذا عشانكم

عبدلي:شكراً شكراً كثير

نورا:ان شاء الله يكون لذيذ

أنهار رفعت راسها لنورا اللي تناظر فهد يدخل ومعاه عامل وعدّته بيده

ولفت أنهار:بالعافيه

تشكروهم بسعاده وركضوا نورا وأنهار يلحقون ركضهم للشبك ومشوا لهم ووقفوا يناظرون العامل اللي يحاول يفتح القفل

لفت نورا لفهد:خليتنا نتبرع بالكيكه اللي جالسين نسويها لنا ساعتين

فهد:اسكتي لحد يجينا محنا ناقصين

بهاج:تراها كانت لي

أنهار لفت له وضيقت عيونها تضحك:من نصيب العمال

ناظرها بحده واخذ نفس وصد

سلطان:صديق اخلص علينا يرحم ابوك

ريوف:اسكتوا خلوه يركز كفايه ظلام

نورا:وي طيب احد يشغل فلاش للرجال

بهاج:انتم وش موقفكم اصلاً ادخلوا داخل

أنهار:ترا بنطلع العامل احنا !

بهاج:تعقبين ، ما ترجعون لهم

نورا:مين يطلعه يعني انت ؟

سلطان:انتم لو تسكتون بس وتفكونا

ريوف اخذت نفس وهي تراقب العامل يفك القفل وابتسمت:اوف اخيراً

وقف العامل وابتسم لهم بفخر بشغله:تمام؟

بهاج:تمام تمام كم يبغى ؟

العامل:١٥٠

سلطان:ابو زيد ١٥٠ ليه فاك خزنه انت ؟ كله شبك غنم

ريوف:انتوا على دخولكم المفروض تعطونه ٢٠٠ يعالج فيها اعصابه اللي تلفت من الركض

بهاج:صديق وشو ١٥٠ ؟ ٢٠ ريال بس

العامل عصب:لا مافي انا يجي الساعه ٧ مغرب مافي شغل وجيب معاي قفل جديد

فهد:والله جايبه مشي من اخر الدنيا عطوه يعالج رجلينه والله

بهاج:بنعالج راسك انت اللي جايب لنا المصايب

العامل:جيب ١٥٠

سلطان جا بيتكلم وفزوا بسرعه بخوف وتلخبطت خطاويهم وهم يسمعون زيد ينادي بإسم فهد ودخلوا شبك الغنم وسحبوا العده والعامل معهم

جلسوا بين الغنم

ووقف زيد عند الشبك:وين طس ذا عن ابوه ؟

لفت أنهار اللي بتبكي تناظر البنات اللي مغمضين عيونهم من الرعب اللي يحسونه وهم بين الغنم

ومشى زيد يبتعد ولفوا يناظرون بعض وطل سلطان يناظر ونزل انظاره للعامل اللي بعدته جالس وخايف من خوفهم وتوترهم والبنات اللي ناشف دمهم من الغنم وضحك بصوت عالي

وقف بهاج:لعنه اسكت لا تفضحنا

ماوقف ضحك سلطان وضحك فهد اللي يناظره:مو صاحي

سلطان اشر على العامل ولفوا يناظرونه وضحكوا

قاموا البنات يخرجون بسرعه وينفضون ملابسهم

نورا:بموت كان في غنمه تتنفس برقبتي ببكي

ريوف عقدت حاجبينها بإشمئزاز:ببكي انا كنت بين ثلاثه

بهاج خرج وناظر العامل ودخل يده بجيبه وعطاه الفلوس:خلاص خذ

مشوا مع العامل وحكت خشمها أنهار:احس ريحتي غنم

نورا:بنروح اش نقولهم الحين؟

بهاج:جيبوا كيكتي

سلطان:قدهم اكلوها

أنهار تأفتت ومشت للغرفه ودخلت وابتسمت تناظرهم ماكلين كل الكيكه وجالسين حوالينها:هاي

خرج العامل بسرعه يركض وقفلوا الباب وراه ومدت يدها أنهار للصحن:باخذ هذا اوكيه ؟

هز راسه عبدلي:شكراً شكراً

هزت راسها تسلك لهم وخرجت وكشرت

عقد حاجبينه وهو يشوفها جايه بالصحن فاضي:سُم ياعبدلي

نورا:حرام عليك ، نسوي غيره وي !

اخذ نفس بهاج:قروشتنا ياخي

فهد:خلاص عاد شسوي

ريوف:بدخل اخذ شاور

نورا:ياويلك انا اول

ركضت ريوف وهي تضحك وسحبتها نورا بقوه من عبايتها تحاول تسبقها

لفت أنهار عليهم بالصحن:لو في مجال صدقوني باخذ الشاور بالغساله

ضحك سلطان وناظرها فهد:لازم ، تفوح منك ريحة غنم

كشرت أنهار:فهد !

بهاج التفت لها وناظرها مكشره وابتسم مشت بالصحن تلحق البنات ولف فهد لهم:ليه اشغلتوهم معنا ؟

سلطان ابتسم:عن عشر رجال خل عنك ما كان قدرت تدخل

بهاج ابتسم من كلام سلطان وضحك:ودخلوا بين الغنم وهم يهابون دجاجه

فهد:انت شفت العامل بالله عليك ؟

ضحكوا بشكل هستيري وانحنى بهاج يشد على ذراع سلطان من الضحك كل ما يتذكر مغامرتهم وفهد اللي يوصف لهم الموقف من جديد

،

التفت من خرجت بروبها من الحمام والمنشفه فوق راسها ناظرته وناظرت حليمه ولفت للغرفه:نورا خلصت ادخلي

خرجت نورا ولفت لعمر وحليمه وناظرت ريوف:المويه دافيه ؟

ريوف:اكيد ما يهمك ، المهم مويه وصابون

دخلت نورا ودخلت ريوف تناظر أنهار تمسح رجلينها بكريم:وين اخذتي شاور انتي ؟

أنهار:بالحمام الثاني

ريوف:عندهم ؟

أنهار هزت راسها:اكيد مو لهم الحمام بس

ريوف:طيب اشبهم جالسين كذا يراقبونا بالصاله ؟

أنهار:خلصت فقرة التعارف حقتهم

ريوف اخذت نفس وجلست جنبها وهي تسحب الكريم:محد فتح معاي موضوع اخر سنه بالجامعه

أنهار:احنا نعرف هو اللي ناسي الموضوع

ريوف:وعدني

أنهار ناظرتها:تتوقعين تهمه جامعتك بعد اللي سواه فيني وفي نورا !

ريوف:طيب خايفه أنهار خايفه منجد ما اقدر اكمل جامعتي

أنهار:قدمي اول ما يفتح التقديم ومحد بيقدر يتكلم

ريوف:طيب انا عارفه وين اقدم اصلاً ؟

أنهار:بالرياض هنا

ريوف:وكيف اروح الجامعه من هنا ؟

أنهار:نحلها بعد ما تنقبلين انتي

ريوف تنهدت بتعب وانسدحت

يلمس باصابعه شاربه ويناظر اللابتوب وقدامه أنهار وريوف اللي جالسين ينقون ملابس بالايباد ويهمسون بهدوء

تقدمت أنهار تاخذ كوبها وتشرب منه وتناظر الايباد

رفعت راسها من سمعت اصوات عاليه

عقدت حاجبينها وجلست بإعتدال ريوف ولف بهاج وفزّ بسرعه

خرج من البيت وطلوا ريوف وأنهار من عند الباب

عقد حاجبينه بهاج وهو يناظر التوتر اللي بينه وبين عمه عبدالله وزيد اللي يمشي بسرعه لهم من اعتلى صوت عمر:انت تسمع وش يقول ؟

عبدالله:ما يسوى تعصب اقعد ونتفاهم

عمر بعصبيه:عبدالله لا تجنني ، سكت وعديتها قلت يهذري لكن كل ماشافني عاد نفس مواله

تقدم لهم زيد:عمر ! علامك ؟ ما قال شي غلط !

عمر:لا تتدخل تفهم ؟

تقدم بهاج لمسافه بعيده عنهم بشوي بإستغراب

:عسى ماشر !

التفتوا له ورفع انظاره عمر لأنهار وريوف اللي يطلون من بيت بهاج ورجع ناظر بهاج وبلع ريقه

التفت زيد لعمر:طلع صادق

التفت عمر لزيد وشد على فكه بقوه وبغضب ودخل الملحق

عبدالله عقد حاجبينه: وش يسوون بنات عمك عندك؟

بهاج رفع حاجبينه وسكت

زيد:بنت انتي وهي ارجعوا بيتكم

التفت بهاج لهم وهز راسه ومشوا لين عندهم ودخلوا الملحق

زيد:فكنا من المشاكل

بهاج اخذ نفس:ما بتكلم شكل حيلكم بينكم

التفت تاركهم ودخل الملحق اخذ جواله وجلس قدام لابتوبه وهو يدق عليها

كانت واقفه عند غرفتهم تحاول تسمع ورفعت كتوفها نورا وهمست:دخل بيحرق البيت

ريوف:اش صار ؟

التفتت من دق جوال أنهار ومشت أنهار للغرفه وردت:ايوا بهاج

بهاج:علامه ابوك ؟

أنهار:ما اعرف دخل عند امك الحين وما نسمع حاجه

بهاج:يالله الله يشغلهم بأنفسهم

أنهار:تتوقع تهاوشوا وبنرجع ؟

بهاج سكت ثواني:ترجعون وين ؟

أنهار:جده !

بهاج رجع سهره لورا وهمس:لا

أنهار:ما اعرف بهاج بس احس فقدوا اعصابهم

بهاج بلع ريقه ونطقت أنهار:مو مشكله كمل كلاسك باي

قفلت منه وناظر محل جلوسهم واكوابهم والتفت للباب وعقد حاجبينه

فقد باله فكرة انه ممكن عمر يتهاوش مع اعمامه ويترك المكان ببناته وامه ويهج

همس بخوف:مستحيل

حك جبينه بتفكير وطلع دخانه وشغل زيقارته وهو يناظر اللابتوب بسرحان

خلص كلاساته بوقت طويل واخذ اللابتوب وهو يطلع من بيته ويمشي للمحلق ووقف عند الباب وفتحته أنهار:خلصت ؟

هز راسه ومد اللابتوب وناظرته:كان خليته

بهاج رفع راسه بلا واخذته من يدينه ودخل يده بجيبه يطلع دخانه:ماعرفتي شصاير ؟

هزت راسها بالنفي وحط زيقارته بفمه بتوتر وناظرته صاد بأنظاره:ما كنت مهتم !

هز راسه بهاج:ولا مهتم للحين

أنهار:مو باين

التفت لها وناظرته:بتروح لسلطان وفهد ؟

بهاج:لا بروح للنياق قبل تغيب الشمس

تركها ومشى ودخلت تحط اللابتوب وفتحت الدولاب

:بطلع امشي انا

نورا:لحالك ؟

هزت راسها وهي تطلع لها ملابس:اتوقع

ريوف:لا تطولي مسويه بيتزا بالفرن

اخذت ملابسها ومشت للحمام:اوكيه

غيرت ملابسها وناظرت شكلها بالمرايه وعدلت شعرها حطت ماسكرا ونفضت شعرها على كتوفها وخرجت

سحبت عبايتها وطرحتها ولبست شوزها وخرجت وجوالها بيدها

مشت وهي تناظر يمينها تراقب مكان أعمامها لكن مالقت أحد

مشت بخطواتها لين عند النياق برغبه كبيره انها تكون متواجده معاه لانها حست انه يهوجس ومتوتر ماعطاها ردة فعل زي عادته لان باله مشغول

لكن من وصلت ولمحته داخل حوض النياق وقفت محلها تلمحه

كان عاقد حاجبينه بشده وملامحه تحتد من افكاره وكفه تلمس ظهر الناقه وكف تنفث من ثغره دخانه اللي بيده

وقفت محلها تناظره من بعيد بثوبه وشماغه اللي على كتفه تحركاته بين النياق وباله ساهي

رمى زيقارته بتأفف وفتح زرار ثوبه بقوه يتنفس بغضب وابتعد عن الناقه والتفت ووقف من لمحها عند الحوض

اخذ نفس بسرعه من تسارعت نبضات قلبه هي تربكه تثير داخله احاسيس قويه ما يقدر يوصفها كان عقله يعج بالخوف من فكرة الزوال

يفقد امه وهي والوضع اللي مرتاح فيه حالياً ومن شافها تراقبه من بعيد بهدوء تلخبطت مشاعره أكثر مايفهم مشاعره غير انه يحترق

بلع ريقه من طالت نظراته لها من بعيد وقرر يتقدم لين عندها

نزل انظاره لخطواته لين وصل لها ووقفوا قدام بعض وبينهم حوض النياق

تكلم بهدوء:ما توقعتك تجين

أنهار:من أول واقفه بس ماحسيت علي

بهاج مارد وكملت أنهار:كنت ادري في بالك حاجه تفكر فيها والحين يوم شفتك مو منتبه عليّ تأكدت

تقدمت اكثر وحطت يدينها على حوض النياق:عرفت شي ؟

بهاج هز راسه بالنفي:على ابوك وعمامي ؟ لا

أنهار:اجل اشبك ؟

بهاج:قلتي لي يوم دقيت عليك تتوقع نرجع

أنهار عقدت حاجبينها وكمل بهاج:ظنيت مالكم مفرّ عن هنا بس يوم قلتي لي فكرت فيها

أنهار:تحس ممكن تصير ؟

بهاج:تصير لو ضاقت بينهم بس ماودي

أنهار:عشان ؟

بهاج رفع حاجبينه لثواني وناظرها:عشان امي

أنهار سكتت وبهاج كمل:مالي حق لو قلت ماتروح

أنهار:بهاج امك مو قريبه منك لهالدرجه ولا احسها حنونه عليك ليش باين عليك عكس اللي تعطيك اياه ؟

بهاج:انتصاري الوحيد بحياتي معد باقي لي عايله الا هي

أنهار سكتت وكمل كلامه بهاج:والواحد بدون عايله ولاشي

أنهار:بس تعرف !

سكت يناظرها وميلت كتفها لثواني:لو رجعنا ما بخليك

لانت ملامحه وابتسمت أنهار بهدوء:ما بننسى انك اخونا

تنهد بهاج وهو يشد على الحوض اللي يشارك كفوفهم وهو يراقب نظراتها له وابتسامتها يتنقل بأنظاره على عيونها وثغرها المبتسم وهو يحترق من داخله

ضحكت من شافت غضبه المجهول عندها:كنت بتشقق زرار ثوبك عشان خايف تروح امك ؟

بهاج رمش لثواني وتكلم بهدوء:من كثر فيض الكلام اللي على بالي والله ياثوبي يادوب أصك أزاريره

تلاشت ابتسامتها وتقدمت أكثر وهي ترفع كفها لكفه:بسم الله عليك

تكهرب جسمه من لمسته ونزل انظاره لكفها

أنهار:قولي اللي تحسه لا تتركه يعورك بصدرك

بهاج سحب كفه من كفها وتراجع لورا:مافي شي ارجعي قبل تظلم

ناظرت كفوفه اللي شدها ورجعت ناظرت ملامحه وصدوده وارتبكت

التفتت بدون ما تقول شي ومشت راجعه للملحق دخلت وفصخت شوزها ودخلت المطبخ تناظر نورا وريوف ياكلون

ريوف:ارسلت لك من اول ما تردين !

أنهار:ماشفت

جلست عندهم ولفت لها نورا:ما بتاكلين ؟

هزت راسها بالنفي:ما اشتهي باكل بعدين

مشت من عندهم للغرفه تاركتهم وقفلت الباب وفصخت عبايتها وجلست حطت اظافرها بين اسنانها وهي تفكر في ردود افعاله معاها ومن كل لحظه كانت فيها معاه وكيف يختلف حاله معاها

هي متأكده انها مميزه عند بهاج وفارقه عن بقية خواتها ولكن تداهمها مشاعر من داخلها وشكوك انها تفرق عن خواتها هي كثيره عند بهاج

بدت تسترجع كل شي مع بهاج وتسترجع بهاج مع خواتها تشكلّت براسها اسئله كثيره مافكرت فيها من قبل

رفعت راسها من دخلت ريوف تشرب مويه:بنسهر برا

أنهار:مين ؟

ريوف:سلطان وفهد وبهاج

أنهار:بهاج معاهم ؟

هزت راسها ريوف وهي تشرب مويه:باخذ بروجكتر نورا ونشغله نتابع فيلم

أنهار رفعت حاجبينها:اووه

ريوف ابتسمت:فكرتي حياتي

أنهار جلست:كفو والله

ريوف:قومي طيب جيبي مع نورا البوب كورن

وقفت أنهار ووقفت عند المرايه واخذت عطرها تبخ منه ورفعت شعرها وهي تسمع نورا تنادي:جايه

مشت واخذت معاها الصحون وخرجوا

نورا:مالهم حس صح ؟

ريوف:ما خرجوا من الغرفه اصلاً

أنهار:وين بنروح ؟

ريوف:المجلس

وقفت عند باب بيت الشعر وناظرت حذايينهم عند الباب ثلاثه ودخلت مع نورا وريوف وناظرته جالس ومتكي

رفع انظاره لهم وناظرها تناظره ونزل راسه لفنجانه

فهد:وش ذا ؟

نورا حطته عندهم:بوب كورن

التفت سلطان:من هو ؟

ريوف:اوف مو منجدك فشار فشار طوروا اللغه شوي عندكم

فهد:ليه نتعلم بنقالي يكفي عربي

ضحك بهاج ومد يده للفشار وناظرته ريوف تطنز:هههه

شغلته بالجدر وسلطان ابتسم:بنات عمر ذيبات جابوا سينما لين عندنا

وقفت وطفت النور وتَكوا بمستوى جلسة بعض وانظارهم للفيلم اللي اشتغل

التفتت نورا وهمست:نظيف الفيلم؟

ريوف:ما اعرف بتابعه معاكم

أنهار لفت لها:شطوره ورطينا

نورا ضحكت:ياويلك ياريوف مني

سلطان:اشش

نزل وجهه ثواني يحاول ياخذ نفس وهو عاقد حاجبينه هو يشم ريحة عطرها لكن من بعدها ما يميّز اذا صدق عطرها او لا

التفت ورفع انظاره عليها ورجع يناظر الفيلم

وبوسط الفيلم وهم متكيين وياكلون ويشربون شاهي تقربوا الأبطال من بعض وبتوتر نطقت نورا

:ريوف بليز

سلطان فز:ابو زيد

فهد ضحك:بالله خلوه

صرخت أنهار وضحكت نورا وهي تغطي راسها بطرحتها وركضت ريوف وهي تدف البروجكتر ويطيح

ضحكوا وضرب كفوفه ببعض فهد:قهر

بهاج ضحك وسحب الفشار من عندهم:حطوها براس ريوف

ريوف:دخت اقسم بالله

نورا:انقلعي قلت لك بتورطينا افتحي اللمبات

أنهار اكلت اخر حبة فشار بالصحن وهي تضحك ولفت لهم:بزيد اجيب من داخل واجي

وقفت ورفع انظارها لها يراقبها تلبس شوزها عند الباب

التفتت تناظره يناظرها وانتبه وصد ورفعت حاجبينها وابتسمت

مشت بالصحن للملحق وهي مبتسمه ودخلت وناظرت حليمه اللي واقفه عند الباب:انتم برا ؟

هزت راسها أنهار ومشت للمطبخ ومشت خلفها حليمه:سهرانين ؟

أنهار وهي تحط بالصحن الفشار:ايوا

حليمه:كنت انتظر شموخ ياحلوها تنقصت لي من الحلا اللي مسويته

ماردت أنهار وابتسمت حليمه وهي تراقب صدودها

:محظوظه ان شموخ بتصير زوجة ولدي

رفعت انظارها أنهار والتفتت لحليمه وعقدت حاجبينها

حليمه غمزت لها وضحكت:انصدمتي ؟ الكل يدري هنا شموخ لبهاج بس كنت انتظر بهاج يأمن مستقبله

أنهار بلعت ريقها ورفعت حاجبينها:ماشاء الله

التفتت للصحن وهي تشد عليه بإرتباك

وابتسمت حليمه:كويس انكم موجودين بنسوي العرس وانتم هنا حتى عمر بيساعدنا

التفتت وهي تاركه الفشار على الدولاب ودخلت الغرفه

مشت حليمه خلفها:صحنك !

أنهار ناظرتها عند الباب:مانسيته

قفلت الباب بوجهها واخذت نفس منقطع ورفعت شعرها وهي تمشي بالغرفه

حست بالحراره تسري بدمها من لمحت بكلام حليمه تلميح واضح

حليمه فهمت اللي تحاول تفهمه أنهار ولكن فتحت لها باب جديد ضيعها وشتتها وتاهت بأفكار جديده

استرجعت ذاكرتها بمين شموخ وأي وحده فيهم لكنها ما عرفت ولا تذكرت

خرجت من الغرفه ولا حصلت حليمه خرجت من الملحق ومشت وهي رايحه لهم بربكه وتوتر داخلها

ورفعت راسها ووقفت محلها من ناظرته ماشي بخطوات هاديه من بعيد لها ومن ناظرها أبتسم ابتسامه هاديه

شدت على كفها وهي تشوفه يقترب منها عقد حاجبينه وهو مبتسم:اكلتيه علينا ؟

عقدت حاجبينها ووقف بهاج قدامها:وين الصحن اللي رحتي عشانه ؟

أنهار:مالقيت

بهاج تلاشت ابتسامته من لاحظ حالها وهمس:بك شي ؟

هزت راسها بالنفي وصدت بأنظارها بتمشي وعقد حواجبه اكثر ومسكها من ذراعها يوقفها ولفت راسها له وناظرته يناظرها بإستغراب:بك شي متأكد

أنهار هزت راسها بالنفي وسحبت ذراعها ومشت تاركته

ظل يناظرها رايحه والتفت يناظر الملحق ثواني ولف يلحقها

دخلت وناظرتهم وجلست وبلعت ريقها من لفوا يسألونها وجاوبت:ما حصلت خلاص كلكم تسألون !

صدت عنهم ودخل بهاج ناظرها جالسه وجلس مكانه

نورا:اشبك ؟

أنهار ناظرتها:ولاشي

نورا:عرفتي شفيهم ؟

أنهار:لا

نورا:قابلتيه ؟ كلمك ؟

أنهار:نورا لا لا خلاص بطلي اسئله

سكتوا ولفت نورا تناظر ريوف وسكتت

رفعت راسها لسلطان بهدوء:وين خواتك ؟

عقد حاجبينه سلطان:اختي قصدك ؟

أنهار:ما اعرفهم بس اقصد البنات

سلطان:خوات فهد وشموخ اختي

أنهار سكتت ثواني:ليش ما يجون ؟

فهد:لا يعقبون ما يقعدون معنا

أنهار:ليش ؟

فهد:وانا ابو عبدالله تبينهم يقعدون مع بهاج وسلطان ؟

رفعت حاجبينها بذهول:بس إحنا جالسين !

لف سلطان لفهد ورفع انظاره بهاج لها من نطقت

:والا تشوف قعدتنا غلط ؟

لفت ريوف:أنهار اشبك ؟

أنهار لفت لهم:ما تشوفين اش يقول ؟ مدري قصده احنا فينا عيب جالسين معاهم عادي وخواته محترمات !

سلطان:محد قال

أنهار:لا تدافع عنه واضح كلامه ولا انت ترضى اختك تجلس مع عيال عمك لان اختك محترمه وبنت ناس ويحبونها الكل ومبسوطين فيها الكل

نورا:أنهار !

أنهار:ماني فاهمه احد هنا كلكم نفس النيه ونفس التلميحات اذا انتم عايشين في بيئه ضيقه خلتكم تشوفونا على غلط فهي مشكلتكم

عقد حاجبينه وهو يناظر اندفاعها وهمس:أنهار !

ناظرته أنهار وهمست:اخر شخص يتكلم

سكت بهاج ووقفت تاركتهم وخرجت

لفت نورا لهم:اشبها ؟

بهاج:احد كلمها اكيد

نورا وقفت:بشوفها ولو طلع ابويه بنتهاوش

ريوف:بس مو موجود بالملحق

نورا لفت:فينه ؟

ريوف:خرج برا من قبل نطلع سيارته مو موجوده

نورا عقدت حاجبينها وخرجوا ونزل راسه بهاج وهز راسه وهمس:أمي

لف سلطان عليه ولف فهد:شقلت انا ؟

بهاج اخذ نفس:امي رمت عليها كلام انا متأكد

سلطان:ما ظنتي امك ما تغلط على احد

بهاج:ما غلطت بس اكيد لمحت بشي مافهمت من كلامها انت ؟

سلطان:والله ما فهمت شي فجأه قبت فينا

بهاج وقف وخرج وهو يلبس حذيانه وطلع جواله وهو يرسل لريوف:اذا هدت ارسلي لي واذا عرفتي شي قولي لي

قفل جواله ومشى للبيت وجلس بالصاله واخذ جواله وهو يدق:امي !

حليمه:هلا

بهاج:وينك؟

حليمه:ببيت عمك عبدالله عند شموخ وجدتك

بهاج هز راسه:وانتي راجعه الملحق مريني بغيتك

حليمه؛طيب

قفل جواله واخذ نفس بغضب ياكل داخله

ماوده امه تحط اللوم على أنهار وكل المشاعر اللي تصير هي من طرفه لحاله بس

تضايق وهو يتذكر كيف كانت قبل تخرج من عندهم ويوم رجعت لهم

دقت الباب ولف يناظره ووقف ومشى وفتح الباب

ابتسمت حليمه:ابطيت ؟

دخلت وقفل الباب بهاج ومشى لين جلست وجلس قدامها

وناظرته حليمه:علامك ؟

بهاج:علامك انتي !

حليمه:شفيني ؟

بهاج:قايله شي لوحده من البنات ؟

حليمه سكتت ثواني وهزت راسها بالنفي:ما يودوني عشان اكلمهم

بهاج:لكنك تكلمت

تقدم لها يناظرها بحده:من عطاك الجرئه ذي ؟ عمر ووردتين ؟

تغيرت ملامح حليمه وهز راسه بهاج:خلاك تسمعين البنت كلام ما ودها تسمعه تكلمتي بتربيتهم واطباعهم وان بنات عمامهم احسن منهم وان اخوانهم ما يرضون عليهم !

عقدت حاجبينها:ماقلت

بهاج رجع ظهره:يعني تكلمتي

حليمه:انا تكلمت اي مع وحده منهم بس سولفت عادي ، شكت لك ؟

بهاج:لا ، وش قلتي ؟

حليمه:قلت ان ودي بشموخ لك وان اعمامك كلهم يدرون ان شموخ مردها لك

سكتت ثواني ورفعت حاجبينها:بس يمكن زعلها الكلام

عقد حاجبينه بهاج:ليه تقولين لها كذا ؟

حليمه:ليه وانا قلت شي غلط ؟

بهاج سكت وهو يناظرها بصدمه ونطقت حليمه وهي تناظر ملامحه:ان مافقت انت على الاقل تفوق هي طريق لبنات عمر مسدود

بهاج تقدم لها:بنات عمر خواتي

حليمه همست:ثنتين منهم

بهاج:لا يتهيأ لك شي

حليمه:ما تهيأ ! عيني شافت

بهاج تنهد ووقف بعصبيه ولف وعقد حاجبينه:ما كنتي كذا وش غيرك ؟ ماكنتي تقولين شي كيف صرتي كذا

حليمه ماردت وجلس جنبها بهاج:غيرك عمر ؟

حليمه لفت له:عمر نفس ما عطى بناته هالشخصيه بيعطيني اياها

بهاج:على ولدك

حليمه:ما قلت شي غلط !

بهاج:يكفي ما تصدقيني

حليمه:صدقت عيوني

بهاج:مو نفس اللي ببالك

حليمه هزت راسها:اتمنى ، بس فهمني كيف عرفت اني قلت شي يزعل البنت وليش زعلت ؟

بهاج سكت وكمل حليمه:مو هي اختك !

مارد بهاج ووقفت حليمه:لا جدك ولا اعمامك عاجبهم وضع التماشي هذي سوا ، ويكون بعلمك جدك نيته ماهي زينه لكم وكل المشاكل اللي صارت بين اعمامك سببها شي كلنا واقفين ضده

بهاج عقد حاجبينه:وش نيته ؟

حليمه:مو مهم تعرف لان عمر قفل الموضوع

بهاج وقف قدامها:علميني وش صاير ؟

حليمه:صار وانتهى بهاج لا تفتحه علينا من جديد ، عمر خرج مع عمك عبدالله والظاهر ان الموضوع انقفل وانتهى

بهاج زاد فضوله واخذت نفس حليمه:ما يتهيأ لي يابهاج شي انا رميت كلمه وفهمت اللي ابي افهمه

مشت لين الباب ولفت له:تصبح على خير

خرجت وقفلت الباب تاركه بهاج واقف محله

ظل يناظر محلها ويسترجع كلامها وصوتها براسه ويتذكر كلام أنهار عن خوات فهد واخت سلطان

هو فهم ان امه تكلمت عن اطباعهم لكن ردة فعلها كانت عليه هو لوحده

جلس على الكنبه وهو يتذكر نظراتها له وجيّتها لحوض النياق ومحاولاتها الكثيره تجاهه وانه يبعد صدوده عنها لانها تحس بالإنزعاج

نزل راسه بين كفوفه بتوتر يدري ان في شي قاعد يصير بين جده واعمامه يدور حوالينهم

يدري ان سكوت جده وراه نيه ما تطمن ، توتر من عرف ان في شي صار وهو يجهله وان عمر وانزعاجه وعصبيته ماهي الا على بناته

عض شفته بقوه واخذ جواله وهو يرسل لها

:اطلعي لي

ماردت عليه ودق عليها ينتظرها ترد

،

نورا ناظرتها منسدحه:طيب جوالك يدق

أنهار ماردت عليهم وناظرتها ريوف:بنخليك على راحتك بس بتتكلمين معانا بعد شوي

نورا لفت لجوالها اللي يدق:ردي على بهاج

أنهار اخذت جوالها بقوه منها:مالك شغل

نورا:شدخل بهاج تعصبين عليه ؟

أنهار:ممكن تخلوني لحالي ؟ لان لو ماتركتوني راح نتهاوش

رفعت راسها نورا لريوف وخرجوا من الغرفه

ناظرت جوالها والمكالمات ولا ردت عليه

قرت رسايله اللي مضمونها:عرفت انها امي ، اطلعي بتكلم معك

غمضت عيونها وتنهدت بغضب وردت عليه

:ما ابغى

هز رجله بعصبيه:تبين لاني ما اشاورك ان ما طلعتي بدخل الملحق وباللعنه

ماردت عليه وهي تناظر رسالته وارسل رساله اخيره

:ممر النوير

قفلت جوالها بنرفزه من أوامره ووقفت وهي تاخذ عبايتها لبستها وخرجت

لفوا عليها وناظرتها ريوف وضحكت:عرف لك بهاج !

ناظرتها أنهار بعصبيه ومشت وخرجت من البيت مشت لممر النوير بعصبيه وهي متكتفه ومن دخلت بالظلمه هدت خطواتها وهمست:بهاج

مشت بهدوء تحاول تلمحه لكنها وصلت للمستودع ولفت خلفها تدوره ونطقت:بهاج !

فتح باب المستودع والتفتت بخوف وخرج وهو يترك الباب مفتوح وبانت ملامحه من نور المستودع

مشى لين عندها واخذت نفس وهي توقف محلها

وقف قدامها وهو يناظرها وصدت بوجهها عنه

بهاج:ليه تضايقتي ؟

أنهار بلعت ريقها والتفتت له:عشانها لمحت عني بشي غلط

بهاج:يعني كل زعلك من امي ماهو من فهد !

أنهار:وفهد سمعت اللي يقوله ؟

تجاهل موضوع فهد ونطق :وش لمحت امي ؟

أنهار:امك توقف قدامي تقول ان ولدها عينه على بنت عمه شموخ وان شموخ مصيرها له تتوقع ليه ؟ تهمها فرحتي ؟

بهاج ميل شفايفه:يمكن

أنهار:امك تشوفني انا وخواتي خطر عليك وعلى سلطان وفهد ، سوري صراحه ما عرفت ان كل واحد فيكم بيتزوج من بنات عمه والا ما شكلنا خطر على شموخ وغيرها

بهاج:تدرين انها خرابيط بمخك بس صح ؟

أنهار:صح انا مخربطه أخ بهاج ، والا مو انت اخوي ؟

بهاج ظل يراقب انفعالها وكملت أنهار:ما يحتاج امك تذكرني كل دقيقه انك اخونا

بهاج:تحتاجين تتذكرين اني اخوك ؟

أنهار سكتت وراقبت نظراته لها وكمل بهاج

:ما تجيك لحظات تنسين !

أنهار:انت جايبني لهنا غصب عني عشان تقول ان اللي ببالي خرابيط بس ؟ اوكيه فهمت

مشت بتروح وسحبها بقوه يوقفها قدامه

ناظرت نظراته لها ومسكة ذراعها بقوه من كفه واحتدت ملامحها وهمست وعينها بعينه

:الأصح انت اللي تنسى دايم انا من اكون

لانت ملامحه وكملت وهي تناظره من قريب ونطقت بهدوء:ليش نظراتك لي غير عن خواتي ؟

فلت ذراعها ووقف بإعتدال ووقفت قدامه أنهار

:مو يمكن امك تقول كذا لانها شافت ولدها !

بهاج ما تحرك وهو يراقبها

وناظرت عيونه اللي تراقبها وهمست:ولا عمرك شفت نورا وريوف بهالنظرات

سكتت ثواني وهمست:اذا كان صدودك عني بهذيك الفتره عشان شموخ ما تتغير مكانتها فأنا اسفه اني مافهمتك

تقدم لها وعقد حاجبينها:من شموخ ومن هم ؟ انتي صاحيه ؟

أنهار:بتشككني بعقلي عشان قلت الصح !

بهاج:يمين بالله انها فكره بمخ أمي ما طرت على بهاج حتى

أنهار:صدقني ما يهمني

بهاج سكت وكملت أنهار:انا اندفعت مني الخطأ ، ما سمحت للحدود اللي بينك وبين خواتي تكون بيني وبينك ، بلزم حدودي من اليوم ورايح

بهاج انقبض صدره وهو يناظرها وتقدم لها ونطق بنفس نبرته اللي تعرفها وتميزها:قدني غرقت

سكتت وهي تناظره وتلمح بنبرة صوته الاستسلام

أنهار بلعت ريقها وهي تناظر نظراته لها وبخوف همست:تكفى

بهاج:واقف قدامك معترف بالهزيمه لا همني إنسي ولا جني

أنهار هزت راسها بالنفي بتكرار ومشت تاركته

رفع انظاره عليها وهي راجعه مع ممر النوير وانقبض قلبه وشد على كفه وبلع ريقه وهو يتذكر انه تجاهل كلام سلطان

يوم فرّق بسبعين فرق بينه وبينها وقال انها مستحيل تنتبه لك مستحيل تلاحظك وتفكر فيك نفس ما يفكر فيها ، هي من لبّ الحجاز وهو مطرّف بنجد

هي يسكنها الغرور بنفسها وتمتلكها النرجسيه وهو ما يسكنه غير الخوف والجبن

التفت وهو يشد على فكه ويناظر المستودع خلفه هو يحلف يمين ان لو كان بجيبه ولاعه بيحرق المكان كله ويخليه رماد لكن من حظ جده ان جيبه فارغ

،

مشت مع الممر تسابق خطواتها بخوف من الظلمه والرياح ومشاعرها اللي تلخبطت وتوترت

ركضت للملحق ودخلت وقفلت الباب خلفها واخذت نفس بربكه كيف تبدلت نظراته لها ونبرة صوته كل اللي يمر ببالها شكله بكل مره شافته

ابتساماته نظراته ولفتاته وجلوسها جنبه ببيته تجنبه لها وتميزها عنده بين خواتها

تذكرت انها هنا عشان تحارب موضوع ابوها وزواجه وعيشتهم هنا ، ورعبها لو تعيش شي يخليها هنا

عضت شفتها وهي تتذكر حليمه وكلامها وانها فاهمه وشايفه ولا ودها

هي الفكره براسها تنفر منها ولا ودها تصير حقيقه ابد

،

عاقد حاجبينه ومتكي بظهره في مكان خالي من أي احد نزل كفه لدخانه جنبه وشغل زيقاره ورجع كفه خلف راسه وهو يناظر السماء

التفت وهو يسمع فهد يناديه ومشى لين عنده فهد

:ياخي ليه ماترد على جوالك ؟ خليتني أفرّ المزرعه كلها

بهاج صد عنه وهو ينفث زيقارته:شتبي ؟

فهد:جدي يبينا كلنا على العشاء

بهاج:ماني جاي

فهد:والله بتسوي عنيد وما بتجي بيلعن سابع خيّر لك

بهاج رفع راسه:شيبي فينا ؟ اشتاق لهوشاته ؟

فهد:عنده موضوع يقول

بهاج سكت وهو يتذكر كلام امه عن نيّة جده واعمامه وهز راسه

فهد:اذا رايح للبيت مرّ الملحق قول للبنات ظني عمي قالهم بس ما بيجون

بهاج:لا يجون اذا ما يبون !

فهد:جدي يبيهم

بهاج وقف ورمى زيقارته:جدك وراه بلاء

فهد:والله كشرته لين اذنه مستانس

بهاج ناظر فهد ورفع حاجبينه فهد ومشى

مشى بهاج ورفع انظاره من قرب للملحق وزادت ضيقة صدره وعقد حاجبينه ونزل راسه لخطواته

اخذ نفس يستجمع نفسه ووقف عند الباب ودقه

صد للخلف وعض شفته من انفتح الباب

:هلا بهاج

التفت من سمع نبرة صوت ريوف وتنهد براحه من ناظرها تطل من الباب

بهاج:امي عندكم ؟

ريوف:لا

بهاج:زين ، بتجون للعشاء ؟

ريوف:محد بيجي اكيد

بهاج:لا بتجون قولي لخواتك لان بتصير مشكله لو ماجيتم ، كلها لقمتين وقوموا

ريوف:والله بهاج ما اتوقع حتى أنهار منفسه علينا ما اتوقع

سكت بهاج ثواني ورفع كفه:ضروري اقنعيهم

ريوف:بجرب اذا ما اقتنعوا بكلمك تجي تكلمهم

بهاج:لا فكيني انا انتي لا تقصرين

هزت راسها ريوف ومشى بهاج للبيت فتحه ودخل

،

عمر دخل عليهم وناظرهم جالسين:ما قلت اطلعوا ؟

نورا رفعت راسها:بناكل هنا

عمر:بناكل برا قايل من العصر ومعطيكم خبر

ريوف:بس احنا ما نبغى

عمر:ما اشاوركم ، البسوا والحقوني

تنهدت أنهار ولفت تناظره واقف ووقفت ومشت من جنبه للحمام

خرج عمر وانتظرهم عند الباب شد على كفه وهو يتذكر كلام عبدالله له وإقناعه

التفت من خرجوا ومشى ومشوا خلفه للدكه

دخلت وهي تناظرهم جالسين كلهم وناظرت فهد وسلطان اللي جالسين قدامهم ودورت بنظراتها عليه ومالقته

جلست جنب خواتها واخذت نفس بضيق وهي تسمع سواليف جمعه وحريم اعمامها هي ماتطيق القعده ابد معهم واليوم زايده ضيقتها عليها من يوم صحت

لفت نورا وهمست:بهاج جا

التفتت وناظرته جاي شماغه على راسه وعقاله ومتجهه لهم من بعيد

رفع انظاره وهو يلمحها قاعده على طرف الدكه مع خواتها مشى وهو يرفع شماغه على راسه ودخل

:سلام عليكم

نزلت انظارها من مرّ من عندهم يدخل ويجلس جنب سلطان وفهد

رَده:زين شفناك

بهاج مارد وهو يناظرهم متجمعين

جمعه:زين ما سوى جدك خلانا نشوفكم

نزل انظاره من صب له قهوه فهد واخذها من يمينه

وابتسم رَده:ما تجمعتم الا على خير

رفع انظاره من لف رَده يضرب فخذ عمر وهو مبتسم:عطنا العلم يا ابو سلطان

زيد ابتسم:انت الراس الكبير وصاحب الفكره ما نتقدم عليك

رَده التفت للعيال الثلاث اللي قدامه ورفع سبباته

: واحد اثنين ثلاث

عقدوا حاجبينهم من لف بنفس السبابه يغير اتجاهها للبنات ويكمل:لوحده وثنتين وثلاثه

تبدلت ملامحهم واعتدل بجلسته بهاج

ناظروا بعض بتكرار ينتظرون يفهمون اللي سواه رَده

وبلع ريقه عمر وهو يناظر بناته يناظرونه

رَده:دامكم متفاهمين وتقعدون سوا تسمرون قلنا نمنع الشيطان عنكم

ابتسم وهو يناظر العيال:نزوجكم لبنات عمكم عمر

رفعت راسها نورا بصدمه لعمر اللي يناظرهم وهمست:مستحيل

رَده:ما ناخذ براي البنات ابوكم قاعد وله كلمه عطاها لاعمامكم وقال تم

ريوف:صاحيين انتوا ؟

عمر نطق:ريوف !

نورا:ما راح يصير هالشي

رَده:ابوكم عطى كلمه وما انتم لأغراب لعيال عمكم

لف انظاره للعيال اللي يناظرونهم بصدمه واسئله كثيره بملامحهم

رَده كمل:وعيال عمكم موافقين

عقد حاجبينه بهاج ونطق:محد قال انه موافق !

لف عمر عليه وناظرهم بهاج بحده وصدمه

سلطان:صادق ، محد معكم

عبدالله:الكبار تشاوورا احنا ما نشاور احنا نبلغ

بهاج وقف:مصخره ذي !

رفع راسه عمر لبهاج وتكلمت جمعه:قصور ببنات عمر ؟

بهاج التفت عليهم:ماهو قصور بأحد لكن لا هم يبون ولا نحنا نبي

عمر حس برَده يمسكه من ذراعه ويهديه وناظر بهاج:دام ابوك ماهو حيّ انا ابوك اليوم واقول ان وحده من بنات عمك عمر بتزيّن وضعك

أنهار وقفت:تنقينا كأننا غنم من عندك ؟

رَده لف لها:والله استغربت انك ما تكلمتي للحين قلت يمكن ربي عقلّها

أنهار:انت اللي ربي حرمك من العقل

وقف عمر:أنهار اقعدي

أنهار ناظرته بحده:سكتّ وتحملت كل شي قاعد يصير ولا تكلمت ، وقفت بنصيب نورا اختي ومنعتها تتزوج رجال جا وخطبها وسكت ، تناسيت جامعة ريوف وسويت انك ما تشوف ولا تكلمت ، وقفت ورا ابوك يوم ضربني على وجهي ولا تكلمت ، لكن مستحيل اسمح لك الحين ولو يصير اللي يصير

ناظرها عمر بحده وهو يلمح غضبها وحدة نظراتها له

وقفت نورا:ولا انا راح اسكت ، خواتي ماهم دجاج مالهم كلمه

عمر:انا عطيت كلمه وبتتزوجون عيال عمكم وبتستقرون هنا معي ومع عمتكم حليمه

نورا:انت واثق فينا لدرجة تتوقع اننا بننادي زوجتك عمه ! او بنترك حريتنا ونسكن بين الغنم ؟ عشان وشو عشان كلمتك

عمر شد على اسنانه بغضب والتفت من تكلمت ريوف:طول الوقت وانا اللي أقول لخواتي لا وبنصبر وما بنسوي مشاكل بس الحين انا ماني قايله شي لانك بيّنت لنا احنا ايش بحياتك

أنهار ناظرت رَده اللي تكلم:ياعمر خلهم بيعقلون

أنهار:ياليت ما تتدخل

لفت لعمر وناظرته بتحدي:اذا فكرت انك بتجبرنا وبتقدر علينا فإنت غلطان ، نترك لك المكان باللي فيه ولا نلتفت بوجهك ولا نتذكر ان عندنا أب حيّ

مسكها من ذراعها بقوه يسحبها لناحيته بعصبيه

وتقدم بهاج وهو يمسك ذراع عمه يوخرها عن أنهار

لف عمر:لا تتدخل انت

بهاج:قبل شوي بتزوجني وحده من بناتك ليه ماصار لي دخل الحين ؟

عمر:تعقب

بهاج ابتسم من نزل عمر يده ونطق:ماتقدر

رَده:بتنحاشون نحشة الخدامات يعني ؟

لفت نورا عليه وناظرته بإشمئزاز وكمل رَده

:يتبرى منكم ابوكم ويشيل عنه العيبه

ريوف:احنا مو عيبه

سلطان:ياجماعه استهدوا بالله اللي قاعد يصير محد راضي عنه وما بيجيب الا المشاكل

رَده:انا بشوف وش مشاكل بنات عمر حفيدات رَده

أنهار:تحلم باللي قاعد تخطط له

رَده ابتسم وهز راسه:ماعاد هو حلم بيصير حقيقه

عمر:اقعدوا

نورا:بطل تأمرنا على الأقل !

جمعه:اقعدوا واسمعوا من ابوكم

أنهار التفتت لهم:ياليت الكل يكرمنا بسكوته سمعنا منكم لين فقدتوا عقلكم

عضت شفتها جمعه من كلامها وصدت أنهار لعمر

:اذا صرت معاشرهم وتفهم نيّتهم وتجاريهم ! فأنا بصير منهم وفيهم واقولك تعقب

تقدم رَده بسرعه يدخل بينها وبين عمر وسحب أنهار بهاج وسطهم وناظرها بعصبيه:إنتي في وجهي

ناظرته بخوف من عصبيته وصوته اللي اعتلى ولف بهاج لهم:ما تنمد يد على وحده فيهم

رَده:دامها في وجهك اعقد عليها زي الرجال

نشف دمها وهي تناظرهم وتناظر ذراع بهاج اللي ماسكتها بقوه ومخبيها خلف ظهره عنهم

بهاج ناظر عمر اللي تبدلت ملامحه لعدم الرضى وناظر رَده اللي يتحداه ولف للبنات اللي تجمعوا جنب أنهار خلفه

سمع نحيب ريوف خلف ظهره وفهم ان كل شي انتهى من أمامه وهز راسه:تصير حلالي

لفت بصدمه عليهم وتلاشت ابتسامة رَده وناظر عمر اللي انصدم

وكمل بهاج:وسلطان يعقد على نورا وريوف لفهد ومحد له كلمه

التفت سلطان عليه بصدمه وجمدت ملامحهم

ابتسم بهاج لعمر اللي يناظره وتبدلت نظرات بهاج لتحدي لعمر

لف يناظرهم وهمس:ارجعوا

ناظر صدمتها ونظراتها له وشد من ذراعها للخارج:ارجعوا جايكم ارجعوا

خرجوا ولف لسلطان وفهد واشر لهم يخرجون

لف يناظرهم لين طلعوا والتفت لعمر ومشى له

ربت على ذراعه وابتسم:العوض بسلامتك

خرج تاركهم ولف عمر لرَده:قلت لك قلت لك

رَده:قلت ما بيوافق

زيد:هذا هو وافق

جمعه:نيتكم تضغطونهم وما يوافقون ؟

رَده:لا انا قلت نزوجهم غصب ويتزوجون لكن ماتجي منهم

عمر:بيوقف بوجهي وبناتي عنده ، بناتي ورا ظهره عني انا

رَده:اسكت واقعد

قعد رّده وانعقد حجاجه بعصبيه وتفكير

وقبض كفه بقوه عمر وهو يتذكر ابتسامة بهاج ونظراته

،

دخل بيته وعقد حاجبينه وهو يشوفهم قاعدين

وناظرهم وقفل الباب:علامكم ؟

سلطان:وش قايل انت ؟

بهاج وقف وناظرهم:قلت اللي ما يبون يسمعونه

فهد:تستهبل ؟ هم قايلين يبون يزوجونا

بهاج التفت لريوف اللي تبكي وهمس:لا تبكين

ماردت وهي تبكي وتقدم لها:لا تبكين قلت ، تبكين ليه ؟

ريوف تكلمت وهي تلهث من دموعها:بيزوجنا غصب عنا !

بهاج:ويزوجكم وش المشكله ؟ تبكين ؟ انا ماني متكلم لين تسكتين

ريوف:بهاج ما اقدر

ناظر دموعها وهمس:امسحيها

نزلت راسها وهي تمسح دموعها والتفت يناظر نورا وأنهار اللي صادين ولف للعيال

:هم ودهم يغيرون اللي صار بيننا ماعجبتهم قعدتنا واختلاطنا قالوا نغير عليهم كل شي ، دروا ان البنات بيرفضون وهم ودهم يرفضون ويصير في علو صوت وضرب ومد أيادي ، رَده يتعاطى مشاكل ياجماعه

سلطان:تقوم تقول لهم سمّوا !

بهاج:انت شفت وجه عمك يوم وافقت ؟ هو كان متأكد ان ولا وحده من بناته بتوافق يبي يثير مشاكل ويبتعدون عني ، عمك ثار دمه وقالها بوجهي " تعقب " ما يبيني اخذ وحده من بناته لكن جارى جدك

فهد:والحين وش العلم ؟

بهاج اخذ نفس والتفت يناظر نورا وأنهار اللي يناظرونه وينتظرون منه جواب

ولف لفهد وسلطان:ما ودكم تفرون من هنا ؟

فهد:انا اول واحد وانت تعرف

بهاج لف يناظر البنات وحده وحده فيهم:وانتم تبون

بلل شفايفه وناظرهم كلهم ونطق:فهد بيطلع من هنا ويستقر بمكان هو يبيه بس مو لحاله

ناظره فهد وميل راسه يمنعه يكمل

وكمل بهاج وعينه على ريوف:مع ريوف اللي تكمل جامعتها وتعيش بعيد عن تسلط اي احد

لفت أنهار على ريوف اللي تفرك يدينها بتوتر ورجعت تناظر بهاج اللي ناظر سلطان

:وسلطان بيختار المكان اللي تختاره نورا

رفع انظاره سلطان لنورا اللي تناظره وكمل بهاج:وبعدها كل واحد يروح بطريقه ! عطوهم اللي يبونه لكن في نفس الوقت يخدمنا

لفت نورا لأنهار اللي تناظر بهاج وبلع ريقه بهاج من حسّ بنظراتها عليه

وناظر سلطان وفهد اللي واقفين قدامه ينتظرونه يكمل اخر جزء

لكنه ماقدر ينطق بحرف واستصعب يقولها هي امس تمنّعت من لمح بإنهزامه ومتأكد من رفضها له ولا قدر ينطق بحرف

ناظر أنهار سلطان ورجع ناظر بهاج اللي يناظرهم وساكت:وانت تختار اللي تبيه مع أنهار ؟

صد بهاج من نطق سلطان وابتعد عنهم مسافه يعطيهم ظهره

ناظرت صدوده ونزلت انظارها لرجلها اللي تهزها بتوتر

نورا:يعني كذا نحلها ؟

سلطان:نفس ماقال بهاج ان قعدنا انغبنا اكثر ما خلونا

ريوف:نشرد عنهم كلهم مو لازم نتزوج !

سلطان:تشردين لوحدك ؟ بدون ولي وبدون رجال ؟

سكتوا كلهم لدقايق وهم يتنقلون بأنظارهم ببعض

وهمس بهاج وعينه على شباكه:وانا ماعاد تفرق عندي أمي

لف لهم:تعيش مبسوطه معاه

ريوف:ما بيخلينا

بهاج عقد حاجبينه:ماله كلمه عليكم

اخذت نفس أنهار وبلعت ريقها وهي تسمعهم يتناقشون وتناظر بهاج اللي يتصدد عنها بشكل واضح

نزلت راسها وهي تتذكر جملته وسطهم وصرخته بوجهها يمنعها عنهم " إنتي في وجهي "

رفعت انظارها عليه وهو يتكلم معهم وشماغه على راسه

وقفوا البنات وناظرهم بهاج:لا تقعدون تبكون نورا ربحت سلطان صح ريوف تورطت بس شنسوي

ضحكت بين دموعها ريوف ولف بهاج وهو مبتسم يناظر فهد اللي نطق:العوض بسلامة أنهار بس

تلاشت ابتسامة بهاج ولف من وقفت جنب بهاج تناظر فهد

ناظرها تناظره وصد بعيونه مباشرة لبعيد

مشت مع البنات برا وتنهد من خرجوا وجلس على الكنبه

سلطان ناظره وهمس:استغليت الموقف !

بهاج:مو وقتك سلطان

سلطان:ماقلت الا اللي شفته ، وقفت قدامها تقول انتي بوجهي خايف واحد منا ياخذها ؟

بهاج رفع راسه لهم:ماتبيني

فهد ناظر سلطان اللي التفت له ورجع ناظر بهاج:كلهم ما يبونا ولا نحنا نبيهم

بهاج:ماتبيني من قبل هالليله

سلطان سكت وتقدم له وقعد قدامه:وش صار ؟

بهاج ناظره وفصخ شماغه عن راسه:انت قلت لي ، هي ماتشوفني

سلطان ماتكلم وبهاج رفع حاجبينه ونزل انظاره لشماغه:ماتبيني

فهد:لا تحسس ماتبيك ولا تبي احد فينا ولا خواتها يبونا ، واحنا محنا هينين ترانا مانبيهم

سلطان لف لفهد وفهد كمل:انا وسلطان اقصد

بهاج وقف:وانا مابغيتها حتى

ناظرهم ورفع شماغه يأشر على الباب:والحين خلوني ارقد

وقفوا وخرجوا تاركينه لحاله دخل الغرفه ورمى شماغه وانسدح بثوبه يتذكر غضبها ووقوفها قدامهم كلهم كلمة تعقب اللي سرقتها من فم بهاج بكل وضوح لان محد يقولها بكثره غيره

هو يشوف اهتمامها له ويفهمه ساعات لكن ساعات يقول انها فطرتها واهتمام من اطباعها ماهو تمييز وشي أكبر

تنهد وصورتها ما تروح عن باله ابد ، عقد حاجبينه بتعب من تفكيره كل ماغمض وكل مافتح وهي بباله مرسومه