تحميل رواية انثنى غيم نجد لخد الحجاز النرجسيه بقلم شُروق pdf

خرج للبلكونه واخذ جواله يناظره دق وهو يناظر البيت والحديقه الفارغه ونطق:الو

نورا:ليش محد يرد علينا ؟

بهاج:انا انشغلت

نورا:وأنهار فينها ماترد ؟

بهاج؛أنهار ! أنهار ماتقدر تتكلم

نورا:طيب ترد واتس اب ، اش قال الدكتور ؟

بهاج:مالقينا الصبح دكتور عطونا موعد الساعه ٢ الظهر وبنروح بعد شوي

نورا:اوف وباقي يعورها ؟

بهاج؛اي واجد ان شاء الله يخف

نورا:ان شاء الله ، يعني العصر بتجون ؟

بهاج تذكر اللي بيجون يمترّون المطبخ:لا وشو العصر

نورا:اجل !

بهاج:يعني عالمغرب او العشاء

نورا:ليش ؟

بهاج:مواعد واحد معاي بالجامعه ابيه يعدل لي جدولي وبنتكلم مع الدكتور يشوف اوراق ريوف

نورا:طيب بس لا تطولون

بهاج:احد سأل علينا؟

نورا:محد لاحظ الى الان

بهاج:امي ما مرت عليكم؟

نورا:لا

بهاج:طيب زين ، تبون شي ؟

نورا:سلامتكم

قفل منها ودخل يده بجيبه يطلع دخانه ويتكي يشغل سيقارته ويناظر البيت

ما يعرف كيف بينتقل لهنا وكيف وكم بياخذ وقت عشان يقول انه بيعيش هنا ومعه أنهار وبيستقر وبيختارها زوجه له وبيحلّ موضوع امه وابوها اللي يعقد كل شي ويشابك كل شي

اخذ نفس يحاول ما يخاف يحاول ما يشيل هم يتذكر فرحتها وبس يتذكر انها تبي نفس ماهو يبي وهذا اللي يطمنه هذا اللي يفرحه

هو قاعد يعيش يوم واحد معها ووده يطول وده يعيش عمره كله نفس هاليوم ، تشاركه مشاويره تختار لبيتهم أثاث تصرف من جيبه مصاريف ، تدلل عليه وتزور جيرانهم معاه تزوره بشغله

تنهد وغمض عيونه ينفث زيقارته

،

ابتسمت وهي تشوف شكلها بالمرايه اللي قدام الحمام واخذت نفس تعدل شكلها ، تعدل شكلها عشانه عشان تبغاه يشوفها تبغى ينبهر فيها زي عادته

ناظرت فستانها الملون بالأورنج بلون نادر يزهى عليها بلونها وملامحها وشعرها المموج كل شي يناسبها تعرف تختار اللي يبرز جمالها ويخليها مختلفه

انحنت تلبس كعبها ورفعت راسها تتعطر وتقرب عطرها من عنقها وتبخه لانها تدري انه يحب عطرها ويحب ريحتها

عدلت روجها وشدت على يدينها بربكه وخرجت تمشي وشافته بالبلكونه معطيها ظهره ويدخن وتاكي

ابتسمت ومشت تدق بكعبها بالأرض تلفت انتباهه والتفت من سمع صوت كعبها واعتدل بوقوفه من شافها جايه له

ابتسمت تخفي توترها:ماراح تدخن كثير هنا

بلعت ريقها تلف تناظر نظراته وتمنت لو انها ما تسرّعت ما بادرت وجات له لانه يناظرها بنظرات تربكها تحرقها توترها وابتسمت تناظر سكونه

وعض شفته يرفع حاجبينه بذهول:ياسَعدي ، حظه اللي ربي كاتب له العمر كله معك

ابتسمت تشوفه يتقدم لها ومد ذراعه يحاوط خصرها ويقربها منه ويلم كفوفه ببعضها خلف خصرها ونزل انظاره لعنقها اللي بان عليه بلع ريقها من ربكتها

وتكلم يكشف هيامها بنبرة صوته:وتسرفين ، تسرفين بالجيّه وبالمشيه وبدّقة خطواتك لي ، تسرفين ولا لي قوه ، تقولين انت يابهاج مندفع واقولك من يلوم المهتوي ؟ ولا انا ادري ، لا ذبحني ظماك ولاني رويتك

تنهدت ترفع يدينها على صدره وتناظر نظراته اللي تشكلت بالخوف والضيق والتمنّع والعشق

وكمل بإستسلام:انتي تقتليني على مهلك ، صابر وعذري بالصبر شماتة أصحاب الشوارب والّحى

ترددت بهمس مسموع:أخاف

هز راسه يكمل ترددها بلسانه:تخافين ينتهي عمرك تتوسدين جرحك ما تتوسدين حضني ؟ يمين بالله واللي زرع فيني هالشارب اني لأشقي على دربك ولا اقول اخ

كانت تحس بالخوف لانها عاشت معه كل اللي تبيه ، عاشت هذا اليوم وودها تعيشه كل أيامها لكنها تخاف ترجع ولا تقدر تعيده وهزت راسها بالنفي:بيردونك كثير عني

بهاج هز راسه:داري ، لكن ما دامني حيّ حطيني بوجه الظروف

ظلت تناظر عيونه وما قوَى وقف عند اللحظه اللي المفروض ما يوقف عندها لكنه فلت ذراعينه عن خصرها يبتعد عنها خطوتين وعينه عليها

يبتعد للخلف وينكوي بكل خطوه ولكنه ابتسم عشان خوفها عشان فوضى صدرها ورعبها من اندفاعه وما اندفع

خرج من البلكونه ومشى يدخل الغرفه الفارغه واخذ نفس يفتح زرار ثوبه ويشد على فكه

سمع صوت كعبها وغمض عيونه يهدي دقات قلبه والتفت من دخلت وابتسمت:بلبس عبايتي ونطلع

هز راسه والتفت للمرايه اللي بالحمام وهو يعدل شماغه ولفت تناظره وبتردد مسكت جوالها ومشت خلفه توقف وترفع جوالها وتغطي بوجهها الجوال وتصور انعكاسهم سوا وناظرها وهو يعدل شماغه وابتسم

والتفت يمد يده لخصرها يقدمها لمستواه وجنبه وابتسمت تستند على جسمه وتصور ونزل انظاره يناظر جوالها وصورهم فيه وناظر ابتسامتها وتلاشت ابتسامته كل خوفه بخط الرجعه ، كل خوفه يختفي كل ذا يرجع من جديد يحاول يرحع من جديد لصوت المشاكل

نزلت انظارها لجوالها:تجنن لون فستاني خيال

رفعت راسها له تناظر سرحانه:صح؟

هز راسه:خل نمشي

خرجت تلبس عبايتها ومشى قبلها يخرج وياخذ نفس بضيق والتفت من خرجت ومشوا مشي لين بيت ابراهيم

دخلت البيت ولفت للخدامه اللي فتحت لها والتفتت من سمعت:ياهلا ياهلا

ابتسمت وتقدمت تسلم عليها:كيفك؟

أريج:حمدلله انتي كيفك ؟ نورتي

ابتسمت لها أنهار:حمدلله ، تسلمين

أريج:تفضلي خذي راحتك

دخلت للمدخل وحطت شنطتها وفصخت عبايتها تمدها للخدامه وعدلت شكلها ولفت تدخل المجلس

ابتسمت أريج:اخيراً ! ، ازعجني ابراهيم

ضحكت أنهار وجلست:لا تزعلين بس كنت خايفه اجيك

أريج:ليش ؟

أنهار:خفت تكونين كبيره

ضحكت أريج ولفت أنهار تاخذ القهوه وابتسمت أريج:بناتي من الصباح متحمسين ياماما متى تجي صاحبتك

ابتسمت أنهار:فينهم ؟

أريج:فوق قلت يجلسون شوي لا يزعجوني ، ومهنّا عند ابوه

أنهار:ماشاء الله مو باين انك جايبه ثلاثه

أريج:تزوجت وانا صغيره ترا

رفعت حاجبينها أنهار:كيف وافقتي؟

ضحكت أريج:احبه ، قلت لو اعيش في كوخ عادي

ابتسمت أنهار وكملت أريج:وشدّ حيله ابراهيم وحمدلله بيتنا هذا ملك

أنهار:ماشاء الله تبارك الله

أريج:كيفك مع البيت الجديد ؟

ابتسمت أنهار واخذت نفس:صراحه انا ما أفهم كثير بالأثاث بلاقي صعوبه لين أخلص كل شي

أريج:عندي رقم مصممه سوت لي الحديقه الخارجيه ومجلس الرجال ، شغلها حلو تبين رقمها؟

هزت راسها أنهار:اكيد

أريج:تمام ارسله عليك ان شاء الله ، شغلها سريع ماشاء الله ، انتم ما بتجلسون هنا ؟

أنهار:حالياً لا بالمزرعه جالسين

أريج:مع امك وابوك ؟

ابتسمت أنهار:ماما الله يرحمها مع ابويه وزوجته وخواتي واهل بهاج كمان

أريج:الله يرحمها ، زوجة ابوك تعرفونها ؟

ضحكت أنهار:أم بهاج

رفعت حاجبينها بدهشه:اوه ام بهاج ماخذه ابوك ؟ يعني علاقتكم قويه سوا اكيد طلعاتكم سوا معاهم

ضحكت أنهار:اوف نحب بعض مره

ابتسمت أريج:حمدلله

اخذت نفس أنهار ولفت من دخلوا بنتين وابتسمت:اهلين

أريج:سلموا على خاله أنهار

تقدموا يسلمون وابتسمت:كيفكم ؟

هزت راسها لين:حمدلله

أنهار:أي صف انتي ؟

لين:ثالث ابتدائي

أنهار: ماشاء الله عليك سنه ثالث صعبه شدي حيلك

لين هزت راسها ولفت للثانيه:وانتي ؟

ليان:أولى

ابتسمت أنهار:وشطوره بالحروف ؟

هزت راسها ليان وكملت أنهار:بجي المره الجايه واخليك تقولين لي الحروف وتكتبينها واذا ما غلطتي بوديك مشوار حلو

ليان:البحر ؟

ضحكت أريج:يحبون البحر ونادر نروح للشرقيه عشان البحر

ابتسمت أنهار ولفت عليهم:انا كنت في جِده كنت كل يوم أروح البحر بيتنا كان قريب منه

لين:تسبحين ؟

هزت راسها بالإيجاب أنهار

لين:انا بابا قال نروح في الاجازه اول ماما وبابا راحوا لندن وخلونا

ضحكت بإحراج أريج وابتسمت أنهار ولفت عليها

:كيف لندن ؟

أريج:خيال احبها مو اول مره ازورها بس زرتها مع ابراهيم اول مره

أنهار:لندن بالشتويه روعه

أريج:اي رحنا قبل اجيب مهنّا كان حلو الجو

أنهار ضحكت:اخر سفره سافرتها كانت لندن

أريج:اي سنه ؟

أنهار:يمكن ثلاث سنين

أريج:تصدقين نفس السنه !

ضحكت أنهار:يعني مو مره نتقابل اكيد تقابلنا ومو حاسين

أريج ضحكت ولفت للين وليان:روحوا عند بابتكم سلموا على عمو بهاج وجيبوا مهنّا معاكم

خرجوا ولفت أنهار وابتسمت:الله يخليهم لك

أريج:امين عقبال يلعب معاهم سعود

ضحكت أنهار:سعود الكل اختار اسمه الا انا

أريج:انا ما اعرف ابراهيم ينادي زوجك أبو سعود

أنهار:على إسم ابوه الله يرحمه

أريج:الله يرحمه

،

بهاج:صادق ؟

ابراهيم:والله الترم الثاني تداوم على طول

بهاج:ماتقصر

ابراهيم:باقي اخر سنه محلوله ان شاء الله تاخذ ترم ثاني وصيفي وامورها زينه

بهاج:ان شاء الله

ابراهيم:هي اخت زوجتك ؟

بهاج هز راسه؛واختي ساكنين عندي وتحت عيني

ابراهيم ابتسم:الله يخليكم لبعض

لف بهاج لمهنّا اللي بحضنه:والشيخ ابو ابراهيم؟

ضحك ابراهيم يناظر ولده الصغير اللي لابس ثوب على طوله وبحضن بهاج ياكل:لا تعدم ثوب عمك

بهاج ابتسم:خله ياكل

ابراهيم:عقبال تشيل ولدك ان شاء الله ، عاد لا تبطون خلوه يلحق يكبر مع مهنّا

ابتسم بهاج:الله يجيب كل خير

دخلوا البنات ولف ابراهيم:ياهلا ياهلا

دخلت لين تناظر بهاج وابتسم ابراهيم:سلموا

تقدموا يسلمون عليه وجلسوا جنب ابراهيم

لين:ماما تبغى مهنّا

بهاج:لا مهنّا بيجي معاي خلاص باخذه بيتي

ليان:لا مهنّا اخونا

بهاج ضحك:شوفيه جالس بحضني يحبني

لين:عادي يروح معاك واحنا نروح مع خاله أنهار

رفع حاجبه بهاج؛تروحون وين ؟

لين:بتودينا البحر

ضحك ابراهيم:نقطة ضعفهم

ابتسم بهاج:خلاص انتوا تروحون مع خاله أنهار وانا مهنّا معاي ، اتفقنا ؟

هزت راسها لين ونزل مهنّا من حضنه يتركه يمشي ومشكت ذراعه ليان تمشي معاه للخارج

.

كانت تتغدا مع أريج وبناتها وتضحك وتسولف بكل أريحيه شربت الشاهي بعدها وجوّلتها بالبيت ورتها قطع شرتها من برا وشنطها اللي عارضتها بغرفة ملابستها كانوا يتكلمون بكل المواضيع اللي تحبها أنهار وابتسمت أنهار:ريوف اختي تعشق هاللون

ابتسمت أريج:المره الجايه تعالي مع خواتك ودي اشوفهم

اخذت نفس أنهار وهزت راسها

دخلت لين:خاله أنهار عمو بهاج يقول يالله

أريج:ما طولتوا ؟

أنهار:بيأذن للمغرب وإحنا عندكم !

ضحكت أريج:بس والله مره استانست

أنهار مشت تاخذ عبايتها من يد الخدامه:وانا اكثر ، المره الجايه ببيتي ان شاء الله اذا خلصته

أريج:اكيد ، صح ذكرتيني كنت بقولك لو احتجتي وحده من خداماتي تنظف معاك تساعدك كلميني ارسلها لك

أنهار:تسلمين

اخذت شنطتها وهي تحط طرحتها على راسها وتسلم على أريج

باست البنات وخرجت ابتسمت من خرجت من الحديقه وشافته واقف عند الباب

لف عليها وابتسم:لو ماقلت مشينا نمتي عندهم؟

أنهار ضحكت تمشي معاه لبيتهم:مو لهالدرجه بس استحيت اتكلم عندها

بهاج:انبسطتي ؟

فتح الباب ودخلت:مره مره تجنن تخيل ورتني شنطها اللي شاريتها من البحرين خيال وعطتني رقم مصممه عشان الحديقه الخارجيه ، وحتى قالت اذا احتاج شغل بالبيت بترسل لي خدامتها اف عسل

ابتسم يقفل الباب خلفه وتدخل تفصخ عبايتها وتجلس على الكنبه:بس انهلكت نوم بهاج

رجعت راسها لورا بتعب ورفعت عيونها عليه:مانعست ؟

بهاج:والله الا

رفعت رجلينها تفصخ كعبها وترميه وترفع رجلينها على الكنبه:نعسانه ودي انام هنا

بهاج؛بعد صلاة المغرب بيجون يمترون المطبخ وبعدها نمشي

أنهار:يعني ما يصير تنامين يا أنهار

بهاج:تبين تنامين ؟ نامي بس بخليك هنا وامشي لوحدي

أنهار جلست بإعتدال:ماتسويها

وقفت تاخذ كعبها بيدها:بغير ملابسي واجي

مشت تاركته مكانه يناظرها حافيه تمشي بفستانها وشعرها واخذ نفس يصد ويجلس

فرك عيونه بتعب من السهر وانتظرها لين تخلص

دق جواله وطلعه ورد:هلا ، طيب

وقف ورفع صوته:أنهار

ماردت عليه وتقدم يناديها:أنهار

تقدم للباب اللي مفتوح نصه وتقدم بيدخل على ردّها:بلبس ثواني

وقف مكانه من شافها تعطيه ظهرها وتحاول تفتح فستانها اللي فتحت نصه ولفت من تقدم يسألها:من اول تحاولين فيه ؟

بلعت ريقها وصدت عنه:مافيني قوه افتحه والا انا اللي قفلته

بهاج:وماتناديني ؟

أنهار سكتت وماردت وتقدم بهاج يناظر شعرها ورفع ذراعه يزيحه عن شعرها ورجفت من لمس ظهرها هي كانت تخاف تناديه عشان هالموقف

رفع نظره لعنقها وكتوفها ونزل نظره يفك لها الفستان اللي لمته بيدينها الثنتين وابتعدت ترتبك:شكراً

رجع خطوه لورا من لفت عليه تنتظر يخرج وتكلم بهدوء:هم برا بفتح لهم

هزت راسها ومشى يخرج وقفل الباب خلفه واخذت نفس تشد فستانها عليها

غيرت ملابسها ومسحت مكياجها وخرجت مشت للصاله تسمعهم تحت بالمطبخ وانسدحت على الكنبه بتعب

كانت تحاول تقاوم ما تنام لكنها تعجز صاحيه اكثر من ٢٤ ساعه بسبب حماسها وسعادتها والحين طفت من نعاسها وغمضت عيونها تنام على الكنبه

،

قفل الباب خلفهم وهو يسمع أذان المغرب ودخل يدورها

عقد حاجبه يفتح الغرف ونادها والتفت من شاف رجلينها من على ذراع الكنبه وتقدم لين شافها نايمه

كانت لابسه تيشيرت وبنطلون وناثره شعرها ونايمه

تقدم وهو أكثر منها نعاس وجلس على الارض قدام كنبتها ورفع يده يلمس وجهها وشعرها

كان مغلوب عند هالة الحسن ، مترفة الدلال ، نرجسية الحجاز ، يناظر وجهها تعب يبوس الصور يبي يبوسها بدون قيود بدون خوف بدون توقف

رفع كفه يمسك كفها ويهمس:أنهار

ماردت عليه من فرط تعبها وسهرها واخذ نفس يوقف

اخذ عبايتها بيده وتقدم لها يشيلها بذراعينه كان يشيلها وبنفس الوقت يحضنها ويشدها لحضنه يمشي معها ويفتح الباب بصعوبه ويشم ريحة عطرها مع كل خطوه ويشوفها تعقد حجاجها وتتمسك فيه بكل خفه

ركبها بالسياره ونزل لها مقعدتها للخلف وحط عبايتها بحضنها وقفل بابها

لف يناظر البيت خلفه ومشى يركب جنبها

شغل سيارته يمشي لطريق الرجعه قلبه مقبوض يخاف الرجعه

لف يناظرها نايمه وكمل طريقه اللي تلون بالظلمه واخذ نفس بتعب يحاول ما ينام ما ينعس

فتح اللمبه اللي بينهم يحاول يفتح عيونه ولف من فتحت عيونها هي بإنزعاج وتلفتت بتعب

همس:ازعجتك ؟

جلست ولفت عليه:ماحسيت

بهاج:تعبانه واجد ؟

أنهار ناظرت عبايتها وشنطتها بحضنها:خليت فستاني ومكياجي بالبيت بهاج

بهاج؛عادي تاخذينه بعدين

سحبت عبايتها تلبسها وتنهدت:نعسانه بهاج

بهاج:ارجعي نامي

رجعت شنطتها للخلف وتقدمت لذراعه وتحط براسها على صدره ، رفع ذراعه يشدها لصدره ويسوق بيد وحده

نزل انظاره لكفها اللي ماسكه فيها ثوبه ونزل راسه يشم ريحة عطرها بشعرها وغمض عيونه ثواني ورجع رفع راسه يناظر الطريق

-

دخل بسيارته واخذ نفس من اشتدت ضيقة صدره وناظر أنوار الدكه من بعيد ووقف بالمواقف وفزت من طفى السياره والتفت عليها:اسم الله عليك

ناظرت حوالينها بنعاس وتعب وهمس:انتظري اساعدك

نزل من السياره يناظر الدكه من بعيد ومشى يفتح بابها مد ذراعه لها ومسكته تستند عليه وشدها من كتفها لحضنه وهو يقفل السياره ويمشي للبيت

شدت على ثوبه بخوف من شافت البيت قدامهم

كانت تحس انه بيختفي كل هذا التقارب بينهم وتخاف يختفي تخاف تنحرم

فتح الباب ودخلت معاه ووقفت من شافت حليمه جالسه بالصاله وبلع ريقه بهاج يناظرها

ابتسمت ريوف:حمدلله على السلامه

اخذت نفس أنهار تبعد عن ذراعه ومشت تصد عنهم ووقفت من نادتها حليمه:أنهار

لفت أنهار عليها ورفع كفها:يرحم أهلك تعبانه مابقدر اتكلم ، اتركيها لبكره

حليمه:كل اللي بغيت اقوله سلامات

لفت أنهار تناظر بهاج اللي حط مفتاحه بجيبه وهزت راسها ودخلت الغرفه

وقفت نورا:كيف اسنانها شقال الدكتور ؟

هز راسه بهاج يناظر حليمه اللي تناظره ومشت نورا تدخل لأنهار

اخذ نفس بهاج:تعبان بدخل انام

حليمه:قالت لي شموخ جيت ودورتني لكن يوم جيتك مالقيتك

بهاج هز راسه:اي بتكلم معك لاصحيت

ريوف:كلكم تعبانين كأنكم رحتوا جِده وجيتوا

بهاج التفت لريوف:كنت مواصل عشان كذا

ابتسم لريوف اللي تناظره وغمضت عيونها تطمنه والتفت لأمه:تصبحون على خير

دخل الغرفه وانسدح بتعب يغمض عيونه كان من فرط تعبه يخيّل له انه بحضنها انه ببيتهم يسمع صوتها وصوت ضحكتها وحتى يشتم ريحتها من فرط تعبه لكنه كان يحلم يحلم بعمق

،

صحت وفتحت عيونها تناظر السقف كان عندها أمل صغير انها بتصحى ببيتها ، ببيتها اللي حلمت فيه طول الليل كل شي عاشته مع بهاج حلمت فيه كل شي قالته وتخيلته حلمت فيه وصحت بالمكان اللي تتعور فيه اللي يخليها بين حيره ومخاوف كثيره

اخذت نفس وقامت من فراشها واخذت روبها معها وخرجت ولقت حليمه بالصاله ورفعت حاجبينها وتقدمت وضحكت بسخريه:انتي شكلك مانمتي من امس تنتظريني

حليمه ابتسمت:قبل شوي جيت

هزت راسها أنهار ولفت نورا:كيف ضرسك ؟

أنهار:حمدلله أحسن،باخذ شاور واجي

حليمه: بس البسي بالحمام لا تطلعين بروبك ماهي حلوه قدام اخوك

ظلت تناظر الفراغ قدامها أنهار ولفت تناظر حليمه اللي صدت وماردت تدخل الحمام

قفلت الباب واخذت نفس تهدي نفسها

ولفت حليمه من فتح باب غرفته بهاج:اخيراً

خرج وعقد حاجبه وتقدم لهم:سلام

حليمه:صباح الخير يانظر عيني ، نمت زين ؟

هز راسه بهاج:انتي من امس هنا ؟

ضحكت ريوف بصوت عالي:نفس كلام أنهار

لفت حليمه تناظرها بحده ورفعت كتفها ريوف

بهاج لف على ريوف:أنهار صحت؟

نورا:بالحمام

حليمه:تعال اجلس خل نسمع وش سويتوا امس ؟

بهاج:وش سوينا ؟ عالجنا ضرسها ورجعنا

حليمه:لكن ابطيتوا ! كل هذا ضرس !

بهاج:كان عندي شغل غيره

حليمه:ما ادري ان عندك شغل بالرياض ، من متى ؟

نورا لفت عليها:بهاج رجال كبير

حليمه التفتت عليها:ياليت محد يدخل بيني وبين ولدي

ريوف:قبل شوي تقولين بالصريح لأنهار انه اخوها ، والحين مالنا شغل فيه !

صد بهاج من كلام ريوف والتفت لأمه:امشي نخرج

حليمه:ليه نجلس سوا ونسولف ونسمع سوالف أنهار بعد

بهاج:أمي

ناظرته واقف ينتظرها واخذت نفس:طيب أمر وقت ثاني عليها

خرجت وخرج خلفها وقفل الباب ولفت عليه

تقدم لها:انشحنتي بغيابنا والحين جيتي تطلعين كل شي ؟ وش فيك ؟

حليمه:شعندك بالرياض معها ؟

بهاج:مابعيد كلامي مو شغلي اذا ماصدقتي

حليمه مسكته من ذراعه:بهاج ! لا تلعب بالنار زواج أمك مهدد

بهاج:مهدد من من ؟ مو من رجالك ؟

حليمه:لانه ما يبيك لبنته خلاص تقبل رغبة ابوها ما يبيك بهاج ، وماتلوق عليها ولاهي تلوق عليك

بهاج:قولي هالكلام لي ما يحتاج تطلعين وتدخلين تغثينهم

حليمه رفعت حاجبها:زعلنا الدلوعه ؟

بهاج:امي !

حليمه:بهاج هالزواج ما بيتم صدقني وما بتطول مع هالبنت ، وبتتزوج شموخ قريب

بهاج:بتزوجيني غصب وانا هذا كبري ؟ علامك ؟

حليمه:ما انت تزوجت أنهار غصب وغصبوك ؟

بهاج:محد غصبني انا وقفت قدامهم وقلت بتزوجها ولو مابغيتها ما كان تزوجتها

حليمه:هالزواج ماراح يتم ، ابوها بيوقف بطريقها وانا بوقف بطريقك وحطها براسك العنيد ذا

مشت بتمشي ولحقها:امي

لفت عليه بحده وناظرها:لا تحديني

حليمه:بتنهي زواج امك ؟

بهاج:على الأقل لا تخرجيني عن طوري دام ساكت وبالع موس ، لا تزودينها

حليمه ناظرته وماردت ومشت تاركته وعض شفته يغمض عيونه ويصبر نفسه ويستغفر بالهمس

رجع يدخل البيت ورفع انظاره لأنهار اللي واقفه تسألهم لفت عليه وناظرته ودخلت الغرفه

جففت شعرها وهي تسمعهم

نورا:مافطرت بهاج

جلس:مالي نفس

نورا:قالت لك شي زعلك؟

هز راسه بالنفي وهو يحس بالإختناق ورفع راسه لريوف:ريوف قبلوك مشوا امورك وان شاء الله الاسبوع الجاي تداومين

ريوف جلست بإعتدال:منجد ؟

هز راسه وابتسم بهدوء:قلت لك بتدرسين

نورا:طيب مين بيروح معاها ؟ والا بتداوم من هنا كل يوم ؟

بهاج لف وناظر ريوف:انا قلت لك الحل وانا لو مكانك ما قعدت هنا دقيقه ، كنت اخذت كل عفشي وهجيت من يقعد عندهم هذول بالله ؟

لفت وهي تسمعه وخرجت من الغرفه تناظره

وبكل الخوف نطقت ريوف:بهاج !

بهاج:لا تستصعبينها ، ماني معطيك لواحد بالشارع فهد رابي معي عشرته ماهي عسره ، روحي ريوف روحي ادرسي بعيد عنهم كلهم ارتاحي بعيد عنهم

بلعت ريقها وهي تشوفه وحاسه فيه هي تحس ان اليوم اللي عاشته بعيد عنهم كانت مرتاحه وودها تهرب الان من هالمكان

نورا:بهاج والله صعبه ، ماراح يرضون

بهاج:ان قالت ريوف اي وقال فهد ابي محد بيوقف بطريقهم

تنهدت نورا تلف تناظر ريوف ولف بهاج لريوف:شقلتي ؟

ريوف بلعت ريقها ونطقت أنهار من باب الغرفه:روحي ريوف

لف عليها يناظرها وكملت أنهار:روحي تكفين

ريوف:وانتوا ؟

نورا:نجيك ريوف وتجينا انتي كمان مو بعيدين عن بعض وبنكلم بعض كل يوم

ريوف ناظرتهم وناظرت بهاج:تجيبهم لي ؟

هز راسه بهاج واخذت نفس ريوف تناظره وهزت راسها:طيب

بهاج وقف وخرج من البيت بدون كلمه وفتح زرار ثوبه بضيق ومشى لمكان سلطان وفهد

التفت سلطان من لمحه:وصل

فهد ضحك:حيّه معد شفناك

وقف قدامهم وناظر فهد وتنهد:تبي تهج ؟

لف سلطان يناظر فهد اللي عقد حاجبه:وش العلم؟

بهاج:تبي تهج من عندهم والا لا ؟ اخلص

سلطان:وش جاك انت ؟

بهاج:احس بالضيقه مابي القعده هنا وما ابي احد يقعد

فهد:بسم الله الرحمن الرحيم

بهاج ناظر فهد:بتاخذ ريوف وتروحون للرياض هي تدرس وانت تشتغل ووظيفتك عندي

فهد ناظره بصدمه:مجنون انت ؟

سلطان:بهاج علامك انت ؟

بهاج:يا أوادم لحد يجنني أكثر ، فهد بتتزوج ريوف وتروحون للرياض وش اللي ماتفهمه !

فهد:على كيفك هو ؟

بهاج:تبي تقعد هنا يالثور ؟

سلطان:بهاج ! علامك ؟

بهاج:فهد

فهد ناظره بصدمه:وليه انا ؟ ليه مو سلطان ؟ تنشبها فيني

بهاج:سلطان يهوجس بوحده ماهو يمّ ريوف

لف سلطان يناظره وجمد وجهه ورفع حاجبه لبهاج اللي صاد عنه

ولف فهد عليه:وش العلم؟

بهاج:اتركنا ، توقف قدامهم وتصير رجال وتقول ابيها وتاخذها تخلي البنت تكمل دراستها والا لا ؟

فهد:بهاج ما انت صاحي

بهاج:صاحي صاحي لان الحمار اللي جابهم على هالدنيا ماهو قدّ الشي ، لان الحمار قاعد مع امي بملحق وموقف قدام بناته الف باب ، خذ البنت خلها تكمل دراستها فهد ، وروح انت ابتعد روح عيش بالرياض

فهد؛ماتبيني بهاج

بهاج؛قالت تبيك

فهد:عشان دراستها ماهو عشاني كيف بعيش معها ؟ والا تدرس واطلقها ؟ والا وش بتدبسني فيه يابهاج

بهاج:تتوالفون تجي بينكم موده وتصير ماودك تفارقها ، الغربه تلمكم ، وان ماتوالفتم تطلق

فهد سكت ولف سلطان يناظر بهاج ولف فهد على سلطان:بيجيك الدور وبيدبسك بالبنت الثالثه

بهاج:ماظنتي يتدبس ظنتي يطلب

لف سلطان يناظره ورفع حاجبه بهاج له وسكت سلطان

فهد:بتبلشني مع الشايب ومع ابوهم ليه يابهاج؟

بهاج ضرب كتفه:لانك رجال تدخل وتتكلم وانا معك ماني مخليك ، البنت بتخرج من عندي ماهو من احد

سلطان:بتصير مصايب بهاج بنفرع بينكم من جديد

بهاج:يبي ينثر الدم أنثر الدم ونفتك

فهد:والله ما انت بعقلك

بهاج؛فهد !

اخذ نفس فهد:وامي وخواتي ؟

بهاج:ابوك ماهو ميت

فهد سكت ولف يناطرهم وشد على كتفه بهاج وتكلم بهدوء:وانا اجيك بعدها وأهج من هنا

فهد:تترك أمك ؟

بهاج:هي ودها ، لكن ماني رايح لحالي

فهد سكت وتنهد بهاج:تكلم الليله فهد

فهد:ماني جاهز

بهاج؛انا بظهرك فهد بس خلصنا تكفى البنت الاسبوع الجاي بتداوم

فهد:ياليل يابهاج ياليل ياليل

بهاج:تكفى

مسك دقنه وسحب كفه فهد:لا ترجاني

اخذ نفس:طيب الله يستر

مشى راجع البيت منزل راسه يفكر ووقف من سمعها تناديه والتفت

تقدمت له تناظره وعقد حاجبه:هلا

شموخ:بغيت اتكلم معاك بموضوع

بهاج:بيني وبينك مواضيع ؟

شموخ:اسمعني

بهاج:طيب وش العلم ؟

شموخ:خلنا نبعد عن هنا طيب ماودي يشوفني سلطان

عقد حاجبه بهاج؛ليه ؟

شموخ:بعدين اقولك

التفت بهاج يبتعد ووقفت:من هنا

ناظر ممر النوير قدامه ومشى مبتعد عنه ودخل يده بجيبه يطلع دخانه

وناظرته شموخ:يمكن خالتي قالت لك الموضوع بس ترا بهاج انا مالي شغل

بهاج نفث دخانه:اي موضوع ؟ امي عندها مواضيع كثيره

شموخ:موضوع يخصني انا

بهاج رفع راسه:طيب ؟

شموخ:ماودي تفهمني غلط هي حطتني قدام الأمر الواقع انا ماطالبت بشي

بهاج:داري لو ماتكلمتي كنت فهمت بعد

شموخ:لو حصل شي او سمعت شي لا تصدقه ، خالتي كان ودها ويوم تزوجت أنهار يمكن زعلت بس انا مالي ذنب

بهاج:فاهم ماعليك

مشى بيتركها ومشت خلفه

دقت الباب حليمه وفتحت الباب ريوف وابتسمت حليمه:نادي انهار

ريوف:ادخلي هي داخل

حليمه:لا ناديها عند الباب ابيها خليها تخرج لي

رفعت حاجبها ريوف ودخلت:أنهار

أنهار وقفت من سمعتها وتأففت ومشت تفتح الباب ووقفت قدام حليمه:نعم ؟

حليمه:ماقدرنا نتكلم تعالي نسولف سوا

أنهار:ماعندي سواليف بيني وبيـ

سكتت من رفعت راسها تشوفه جاي من ممر النوير وشموخ خلفه وجمد وجهها

ابتسمت حليمه ولفت:اوه بهاج هنا ؟ هاه شموخ تكلمتوا بالموضوع ؟

تقدم بهاج يناظر أنهار وحليمه ولف يناظر شموخ من فهم اللعبه والمقصد وناظرته شموخ:فهمني بهاج على طول

حليمه:تفاهمون انتم سوا من انتم صغار

ناظرتهم أنهار ورفعت نظرها له ودخلت

تقدم بهاج لحليمه يناظرها مبتسمه ودخل وقفل الباب خلفه

تقدم يناديها:أنهار

فتح باب الغرفه تحت نظرات ريوف ونورا ودخل وناظرها:أنهار بنت اكلمك انا

لفت عليه ناظرته وناظرها:امي قصدها يصير كذا

أنهار؛ايش يعني امك قالت لك خذها ممر النوير تمشوا سوا وتفاهموا ؟ اكيد تفاهمتوا على الزواج متى حددتوه ؟

بهاج:بلا جنان علامك انتي ؟

أنهار:انا مجنونه يعني ؟

بهاج:اقولك امي قاصدتها امي تبي هالمشاكل

أنهار:وامك ماتدري بعد اني ساكته عشانك ؟ بهاج انا الى الان ما نطقت بحرف لها وهي يومياً تحاول تستفزني وانا ساكته

بهاج؛ادري بها

أنهار؛دامك تدري ليش تسمع كلامها ؟ تمشي شموخ بممر النوير تتفاهمون سوا ، عن ايش تتفاهمون انتوا اصلاً ؟

بهاج:ماعندها سالفه قلت لك

سكتت أنهار تناظره وصدت من دخلت نورا:شعندكم ؟

بهاج:امي زودتها شوي

نورا:بهاج ترا امك مزودتها مره مو شوي !

بهاج اخذ نفس يناظر أنهار وهز راسه لف لنورا:داري

خرج من عندهم وتقدمت نورا لها:قالك انها خطبت امه شموخ ؟

لفت أنهار تناظرها وعقدت حاجبينها

نورا:تخيلي بدون ما يعرف بهاج كلمت اهل شموخ تقول بيتزوج ، هي ودها يتزوج ويتركنا لحالنا

أنهار؛ماتدري انه متزوج اصلاً ؟ والا لازم نذكرها زي ماتذكرني انه اخوي كل شوي

نورا:بالله أنهار احد حاط زواجك من بهاج بعين الإعتبار اصلاً ، مصخره محد مقتنع

تغيرت ملامحها أنهار تناظر نورا وصدت عنها تخفي رجفتها ونزلت انظارها تمنع دموعها

وخرجت نورا: بهاج لازم يعرف

غمضت عيونها بقوه أنهار ورفعت كفها على جبينها تستجمع نفسها

جلست على الارض تناظر حوالينها هي بتخسر ، بتخسر كل هذا ، اذا حليمه قدرت وبتقدر بتخسر بهاج مابتقدر تفصح عن مشاعرها مابتقدر توقف بوجه احد ، هي بتخسر

هزت راسها بالنفي بتكرار تمنع بكاها وتتذكر شكل شموخ خلف بهاج من كانت تبتسم لها من بعيد

ومسكت راسها بقوه واخذت نفس طويل

رفع راسه بهاج يناظر فهد اللي متوتر والتفت يناظر عمر اللي عينه عليه ونطق:فهد بيعطيكم خبر

رفع راسه فهد له وبلع ريقه

وعقد حاجبه زيد:وش عندك؟

فهد:اء انا ودي يعني

سكت بتردد ورفع راسه لبهاج وبهاج التفت عليهم

:فهد طالب ريوف على سنة الله ورسوله يبيها وهي تبيه

لف عمر يناظره:انا ماقلت تعقب !

بلع ريقه فهد ولف بهاج لعمر:الشور ماهو شورك

رَده:البنت بنته

بهاج:اذا كان يدري عنها تصير بنته ، لكنه ما يدري عن احد

عمر:لو مخلي بناتي عندي !

بهاج:كان ماتوا من الهمّ

رَده:بهاج لا تتدخل عمر يعطي

بهاج:عمر يدري ان امس بنته بالمستشفى ؟ يدري عن وجعها ؟

رَده لف لعمر اللي استغرب:من هي ؟

رَده:ماتعرف ؟ بهاج خرج قبل الصبح بزوجته

عمر لف يناظر رَده ورجع يناظر بهاج وبلع ريقه

تنهد رَده يلف لبهاج اللي نطق:الاثنين يبون بعض بالحلال ونيتهم زينه ليه نوقف بطريقهم ؟

زيد:انطق انت

فهد التفت عليه:نفس ماقال بهاج

زيد:ليه ماتقول من قبل ؟

فهد:هذاني الحين

زيد لف لعمر:عمر !

عمر لف يناظر زيد اللي ينتظر منه جواب وسكت

رَده:بيعطي دامها لولد اخوه والا ياعمر ؟

عمر رفع راسه لبهاج:وش ناوي عليه انت ؟

بهاج:انا مانويت شي ، اثنينهم نووا وعلموني وانا جيت اعطي خبر

عمر:وان رديته ؟

بهاج رفت كتوفه:هذا ولد اخوك واخوك جنبك وعمي زيد اللي بينرد ماهو انا

لف زيد على عمر وتلونت وجيه الباقي

ولف عبدالله يمسح على شنبه يناظر زيد اللي ساكت

رَده:بيعطي

عمر لف لابوه وهز راسه رَده:مابترد ولد اخوك

لف عمر يناظر بهاج اللي مبتسم وشد على قبضة يده والتفت لزيد:ان شاء الله خير

رَده:عطيت ؟

لف عمر يناظرهم ولف فهد يناظر سلطان وبهاج اللي جالسين جنبه ورجع ناظر عمر اللي هز راسه:عطيت

ابتسم بهاج يناظر وجه عمر اللي تلون بالغضب ولف لفهد:مبروك

ناظره فهد بحده وابتسم بهاج يسلم عليه

رَده:وشكله ما بيتزوج فهد لوحده بيجينا زواج جديد

بهاج رجع ظهره لورا يناظرهم وابتسم عمر يلف على عبدالله؛زين ما اختار والله

ضحك عبدالله ولف رَده عليه:متى بغيت تقول ؟

عقد حاجبينه وهو يشوفهم يناظرونه:اقول وش ؟

رَده:انك تبي بنت عبدالله

جمد وجهه وناظر عبدالله اللي مبتسم:ولدي يابهاج خير ما نختار

لف سلطان يناظر بهاج اللي مصدوم ولف لابوه:وش العلم؟

عبدالله:مع انها خرجت من حريم لكن دام تكلمنا عن فهد بنقولها سوا ، بهاج يبي اختك شموخ

لف بهاج يناظر عمر بصدمه والتفتوا عليه يناظرون صدمته وسكوته

ابتسم زيد:يصير الزواج زواجين

ضحك عبدالله:الله الله

لف بهاج لسلطان يناظره بصدمه وبلع ريقه سلطان من تحول الحوار لخطبه ماقدر يرفض وينكر مايقدر ينطق بحرف من صدمته من ابتسامة عمر من الضغط اللي حسّه من كلام امه

هو كل اللي شافه بين عيونه أنهار ماتوقع بيقدرون يفرقونهم ماتوقع بيقدر أحد يغيّر كل اللي رسمه

ماتوقع ان هذا بيصير كل شي يصير من دون شوره من دون ما ينطق

ورفع راسه لعمر اللي ابتسم:بهاج كان من البدايه يبي بنت عمه اللي ربت معه وربى معها لكن تعقدت الامور والحين هو جاهز

نشف الدم فيه من شاف عبدالله يهز راسه لعمر ويبتسم وكان بيقوم لكن شدّه سلطان من ذراعه

جلس ولف لسلطان اللي همس:اقعد

،

لبست عبايتها واخذت جوالها وخرجت تلبس شوزها لفت ريوف:وين ؟

رفعت راسها:بمشي شوي

فتحت الباب وخرجت مشت تاخذ نفس متجهه لملحق ابوها وزوجة ابوها اللي وقفت قدامها لدرجة صابتها بالضغط النفسي وصار الوقت تواجهها

دخلت الملحق وسمعت صوت بالمطبخ ومشت تدخل لفت حليمه ووقفت محلها ثواني وابتسمت

:شعندك ؟

أنهار:جيت اتكلم معاك

حليمه تقدمت لها؛بيننا كلام ؟

أنهار اخذت نفس بهدوء:وقفي اللي قاعده تسوينه لانه بيغير ولدك عليك ، لا تخلينه بحركاتك هذي يهجرك ويستقر بعيد عنك

ضحكت حليمه؛ولدي ما يبتعد عني ، انتي وش يهمك فيه؟

أنهار رفعت حاجبها وابتسمت حليمه:اخوك وتهتمين له يعني ؟

أنهار؛زوجي وكاتبين عقد نكاح اذا ناسيه

حليمه تكتفت:عشان خواتك وعشانكم سوا كخواته وبس

تنهدت حليمه:تدرين أنهار انك كاسره خاطري لان هذا الدرب ماهو نفس ما تتخيلينه ، اي يمكن يعجبك بهاج ومن ما يعجبها بهاج ؟ شيخ الرجال كلهم لكن ما تلوقون ولا بتلوقون على بعض

ابتسمت بهدوء:وببارك على الخطوبه من بدري

أنهار:لا تجربين تتدخلين بفهد وريوف وخطبتهم كمان !

عقدت حاجبينها حليمه:فهد وريوف ؟ اي خطبه ؟

سكتت أنهار ثواني:مين تقصدين أجل ؟

دخل عمر ووقف من شاف أنهار بالمطبخ وابتسمت حليمه:بهاج خطب شموخ بنت عمه قبل شوي بالمجلس مع الرجال ، هذا ابوك وراك اسأليه

جمدت ملامحها تناظر حليمه اللي مبتسمه ولفت تناظر ابوها اللي واقف

ناظرته ولمعت عيونها من دموعها من شافته

كان يختلف صار هزيل عاقد حجاجه طول الوقت مسوّد وجهه ولا كأنه أبوها اللي تعرفه

بلعت ريقها تخفي دموعها ومشت تخرج من الملحق وقفلت الباب خلفه بقوه ومشت للبيت تمشي بسرعه

وقف عند باب الملحق يناظرها تمشي والتفت لسلطان وبهاج اللي جايين له وهمس:أنهار كانت داخل

التفت بهاج:وين ؟

فهد:عند امك

غمض عيونه يمسك اعصابه ودق الباب بقوه ومسكه سلطان:اهدأ

بهاج:وش الخطبه هذي اللي تصير وانا مدري ؟ وش قصدها تحطني بهالموقف مع عمي ؟

سلطان:انا اتكلم مع ابوي خلاص

خرج عمر وناظرهم:خير ؟

بهاج:ناد أمي

عمر:مشغوله

بهاج تقدم له ومسكه فهد يمنعه وناظره بهاج:نادها عشان لا أدخل انا

ابتسم عمر:تبيها من الله يعني ؟

بهاج مارد عليه ينادي امه بصوته وخرجت:بهاج عشاي على النار ياعيوني تعال وقت ثاني

ماتركت له مجال يتكلم ودخلت وناظر عمر اللي واقف وابتسم وقفل الباب

لف فهد يناظر بهاج اللي جامد محله يتمالك اعصابه وهز راسه بتكرار

سلطان:محلوله يارجال محد بيزوجك غصب المهم اني انا فاهم وبتكلم مع اهلي

بهاج مارد ومشى تاركهم يدخل البيت

دخل وناظرهم:وين أنهار ؟

نورا:فيها شي ؟

هز راسه بالنفي ومشى للغرفه دق الباب وفتحه ولفت عليه تناظره وعقدت حاجبينها بخوف

تقدم ودخلت خلفه نورا ناظرها:ليش رحتي لها؟

أنهار:وش صار غير خطبة ريوف ؟

بهاج:لا تسألين انتي تعرفين وعلمتك صح ؟ داري انها بتسوي كذا وتعقد الأمور

ناظرتهم نورا:احد يفهمني

أنهار اخذت نفس:بهاج ماشاء الله خطبوا له شموخ اخت سلطان

نورا لفت تناظر بهاج ودخلت ريوف:منجد؟

نورا لفت لأنهار:طيب عادي

لف بهاج يناظر نورا اللي رفعت كتوفها:اكيد ما بنوقف بطريق بهاج وبيتزوج اللي يبغاها مستحيل يعيش معانا لوحده طول عمره

لف على أنهار اللي هزت راسها بتكرار تصد عندهم

بهاج:لا انا ماودي امي سوت كل شي بدون علمي

ريوف:ماعلمتك ؟

هز راسه بالنفي:لكن بقولهم اني ماودي

لفت عليه أنهار:باقي ماقلت لا ؟

سكت يناظرها واخذت تفس تصد عنهم وترفع شعرها تخفي توترها

نورا:ليش ماتبغاها ؟ احس لايقه عليك وتعرفون بعض

غمضت عيونها أنهار وهي صاده عنهم ولف بهاج:ما تلوق ولا ودي بها

ريوف:ولا انا ودي بشليويح هذا اللي بتلصقوني فيه

اخذ نفس بهاج:ترا وافقوا وبتروحين نهاية الاسبوع معه للرياض

ريوف تأففت وضحكت نورا:مو لايق

لفت عليهم أنهار تناظرهم والتفت عليها من لفت:كنتي بتتمشين برا ؟

أنهار هزت راسها ورجع للخلف:تعالي طيب

اخذت نفس وخرجت تدري انه يبي يتكلم معها ولف بهاج عليهم:اذا مليتوا اطلعوا

نورا:ماعليك شوي واجي انا بس بسوي لي قهوه

هز راسه وخرج يمشي خلفها من مشت لممر النوير وتكتفت وهمست:كرهته

رفع حاجبه ومشى جنبها:وشهو ؟

أنهار:الممر هذا

لف يناظره وبعد تفكير وهم يمشون التفت عليها وابتسم:تغارين ؟

وقفت ولف عليها وناظرت ابتسامته:مبسوط ؟

بهاج:ان كانت غيره منك اي مبسوط

أنهار:امك ماراح ترتاح لين تدخل بيننا الشرّ وبداية الشرّ تدخل بنت بيننا

بهاج اخذ نفس وكملت أنهار:بتوقف بطريقنا كثير

بهاج؛محد بيجبرني على شي مابيه ، ان قلت لا فهو لا

أنهار ماردت تصد عنه وكمل يبتسم:بالله وشهي هذي غيره صدق ؟

لفت تناظر ابتسامته:مع الأسف ، عندك غاليين كثير على قلبك لدرجة ما أقدر ارتاح

عقد حاجبه بإبتسامه:منهم ؟

أنهار تكتفت ترفع حاجبينها:نسيت حبيبتك ؟

زاد من استغرابه وكملت:اللي تحبها أكثر مني ، النايفه

اتسع مبسمه بوسعه من كانت جادّه بكلامها وبقى كلامهم عن النايفه بقلبها وصدقت ان ناقه تشاركها بقلبه وناظرته مبتسم يناظرها:لا تضحك ، تحبها اكثر مني ادري

تقدم يمسكها من ذراعها وهو مبتسم:زين تدرين اني أحبك

رجف قلبها من نطقها بالصريح وجمدت ملامحها بصدمه وظلت تناظره مبتسم وماسكها من ذراعها بقوه كانت بتهرب لوهله لكن كان ماسكها يدري فيها

ظلت تناظره بإرتباك وبلعت ريقها لانها كانت تحس فيها تحس بأحبك بكل أفعاله معها وكل كلامه معها لكن نطقها بالصريح دمّرها تركها تغرق وتشتت قدامه تتلون بالإحمرار

وشافها تمطر وترعد وتتشكل بالفصول الأربعه قدامه لمده طويله وابتسم يكمل:بس أحبك أكثر من النايفه وأكثر من أي احد ، ميتٍ فيك أنا وحيّ ما أشوف غيرك ، ووالله مافيهم من لونك لازين أوصاف ولا مذهب إنتي اغلى وإنتي أحلى منهم وإنتي أعذب ، ضمى سنيني رويتيه غيرك مارواه

اخذت نفس تهدي نفسها من كلامه اللي ماسمعت أعذب منه يزجل كأنه يكتب شعر وهي تحب ، تحب تنحب بهالطريقه الكثيفه ينهمر عليها بغزل ماسمعته من قبل ولاقدرت ماتبتسم وهي تناظر عيونه اللي تتأملها وابتسم من ابتسامتها

توترت من فرط اعجابها به هي تنجذب له هي تنغمر بكل هذي الخشونه والرجوله والقوه والفصاحه بكل نظراته لها وتأمله هي تعجب فيه

رفع حاجبيه ينتظرها تتكلم:ما بتقولين شي ؟

بلعت ريقها تناظره:ما اعرف اقول زيك

ابتسم لها:لا تقولين كثير الكلام

سحبت ذراعها من كفه بربكه وصدت بعيونها:مو وقته

ناظرها ترجع بخطواتها للخلف وهي تناظره وتبتسم وصدت تعطيه ظهرها وترجع

ابتسم يناظرها تمشي عضت شفتها من لفت عنه ترفع كفها لصدرها تمسك قلبها وغمضت عيونها بقوه تضحك

ضحكت تتمنى لو قدرت تسجل كل كلامه وترجع تسمعه عشان تصدق ، تصدق ان كل هذا الحب لها

اما عنه هو فعقد حاجبه يمشي لحوض النياق ووقف من شاف النايفه من بينهم وضحك يتأملها ويطلع من جيبه سيقاره يثبتها بثغره

،

دخلت وشافتها تبكي بحضن أنهار واخذت نفس:ريوف لا تصعبين الموضوع هذا عشانك

أنهار:اتركيها على راحتها

نورا:لا طبعاً تبكي كأنها رايحه للموت ، مو أول وحده تزوجت غصب عنها وعشان مصلحتها حتى انتي اخذتي بهاج غصب عنك وعنه عشان ايش ؟ عشان مصلحتنا كلنا

نزلت انظارها أنهار وبعدت عنها ريوف:لو انتي تزوجتي غصب ما بتقولين كذا ، انا بعيش معاه ببيت انتي متخيله !

نورا تنهدت:ادرسي ريوف مالك شغل فيه ادرسي ومتى ما مليتي تجينا مو بعيدين عنك

ريوف تنهدت تناظرهم ومسكت كفوفها أنهار:وانا اجيك متى ما بغيتي كمان

ريوف:كل ماطلعتي مع بهاج جاتنا مصيبه مو ناقصين

نورا:الحين كيف وافقوا ؟

أنهار:بهاج يقول انحط تحت الأمر الواقع ماقدر يرفض

نورا:ولا بيقدر كنت هالمره انا بسوي فضيحه

لفت ريوف:شقال لك كمان بهاج؟

جمدت ملامحها تناظر ريوف وبربكه نطقت:ايش ؟

ريوف:متى كتب الكتاب وكل شي

اخذت نفس:اها ، ما اعرف اسأليه

نورا:اذا خلصنا من موضوع ريوف بنشوف شقاعد يصير ياست أنهار

لفت عليها:شصاير ؟

نورا:ما اعرف تروحين بدون ماتعطيني خبر وتشوفين ام بهاج ، شعليك منها ؟

أنهار صدت ولاردت

وناظرتها ريوف:اذا نشبت لك نورا اهربي انتي وبهاج

ضحكت أنهار وهزت راسها نورا:اضحكوا ياستات اضحكوا

خرجت تاركتهم ولفت من سمعت نورا:بهاج جيت؟

صدت تناظر ريوف اللي قامت تاخذ عبايتها وتخرج من الغرفه والتفت بهاج:بكره ريوف

ريوف:بسم الله اش يعني بكره ؟ بهاج ! تصرفوني انتوا ؟

بهاج:اذا دوامك الاحد متى تبين نخلص الموضوع ؟

ريوف:بس مو بكره بهاج

بهاج:لنا اسبوع فاتحين الموضوع تقبليه

نورا لفت عليه:احنا لنا اسبوع ما شفناك فينك مختفي ؟

بهاج:مع العيال دبرت شغل لفهد وقاعد اشوف وش يحتاج بعد

نورا:نشبت مع ريوف وفهد كمان !

بهاج:مانشبت ولاشي

نورا:من فين لك كل هذي المصاريف ؟

بهاج:ساعدت فهد بشوي لين يستقر ويدبر اموره بنفسه

ريوف:بهاج اذا ازعجني شليويح بتصل عليك تجيني ماراح تقول لا

بهاج ابتسم:طيب

ريوف:وتجي مع أنهار

لف يناظر نورا اللي تكتفت:ليش حياتي مصدقه انهم متزوجين ؟ رجلي على رجلهم

صد يناظر الغرفه بهاج من شاف الباب مفتوح هو له أيام ما التقى فيها ولا تكلموا بعد ممر النوير وانشغل ومع انه مشغول اشتاق لها يبي يشوفها لكن دق جواله يخرجه ويرد:هلا سلطان

خرج تاركهم وعقد حاجبيه:جايك جايك بس حدّها زين ماهو عندهم حدّها بعيد عنها

سلطان:تعال اخلص لا تنشبني انا

بهاج:بكلم فهد وجايك

قفل ومشى للدكه وناظر فهد قاعد يقهويهم:فهد قوم عاوني

رفع راسه رَده:وش عندكم ؟

بهاج:بذكي صدقه عن أبوي لبكره ان شاء الله

عبدالله:ودها المصلخ

بهاج:لا انا والعيال نتعاون

زيد:وش تبي تبلش عمرك ؟

رَده:خلهم وش عليك ؟ رجال يذكونها بعشر دقايق ، رح مع بهاج انت

وقف فهد وخرج بهاج مشى فهد:يعني عريس شتبي تبلشني مع ذبايحك ؟

لف عليه بهاج وضحك:امش يالعريس

ضحك فهد ولف من شاف سلطان يحدّ السكاكين وتقدم بهاج:ماقلت لا تحدها عند الحوض ياخي حرام

سلطان:ماني عندهم

بهاج:بالله ؟ لا تحدها تخرعها

سلطان رفع راسه وهو مشمر أكمامه:اي وحده ؟

بهاج لف يناظر الحوض وابتسم:النايفه

سلطان:ياليل اخلص بهاج انكسر ظهري من الحين

بهاج:علامك ؟ قلت لك النايفه

سكتوا يناظرونه وضحك:اخلصوا

فهد:بتذكي النايفه ؟

هز راسه بهاج:اي مشتهي اكل لحمها مقلقل

سلطان:اعوذ بالله من قسوة القلب هذي كنت تنام عند رجلينها

بهاج عقد حاجبينه:تعقب

فهد:بالله منجدك ؟

بهاج:ياخي اقسم بالله ابي أذكيها شعليكم

سلطان:مالنا شغل بس انت تعزها وش جاك

بهاج:عشان اعزها بذكيها قبل يذكيها احد

رفع ثوبه يربطه على خصره وشمّر أكمامه وفصخ شوزه ودخل يسحب النايفه معه

فهد:عزتي عنك يالنايفه تمشي معك ماتدري ان موتها على يدك

ضحك بهاج وهو يمسح عليها ومن ابتعدوا وجهها للقبله وسمى بالله ونحرها بمساعدة سلطان وفهد

،

ريوف:بصير من بنات الرياض بتعرف على بنات جدد بجيكم ماتعرفوني

أنهار:اذا تخلصتي من الرهاب الاجتماعي اللي جاك من الوحده هنا ، على خير ان شاء الله

ضحكت ريوف:كلبه

نورا:اش قاعدين يسوون هذولا

رفعت راسها أنهار تناظرها واقفه عند الشباك:مين ؟

نورا:بهاج وفهد وسلطان

مشت أنهار توقف جنبها وتناظرهم يشيلون قدور ويدخلونها لبيت جمعه وملابسهم معدومه دم

ريوف:شكلهم بيذبحون شليويح ويخلصوني منه حمدلله

ضحكت نورا ولفت أنهار تناظرها:شوفيه معاهم مالك خلاص منه

نورا مشت تاخذ عبايتها وناظرتها أنهار:وين؟

نورا:بشوف اش عندهم

ريوف:ملقوفه

مشت تلبس معاها عبايتها وضحكت ريوف:وانا زيك

أنهار:طيب لا تخلوني

خرجت نورا وفتحت الباب وخرجت معها ريوف ناظرتهم خارجين ونطقت نورا:مين ذابحين انتوا ؟

ابتسم بهاج من خرجت معاهم

فهد:افا العروس طالعه ؟ يقولون مو زين تشوفين العريس قبلها بليله يجلب الشؤم

كشرت ريوف:الشؤم اني اخترتك والله

ضحك بهاج وضرب كتفه سلطان:يعوضك الله محد يبيه حتى امه وابوه مبسوطين انه بيبتعد عنهم

فهد:اوريك ياسلطان

نورا ناظرت بهاج:اش تسوون بهاج ؟

بهاج ناظر يدينه اللي معدومه دم:نجهز ذبايح بكره ، ذبايح عرس فهد وريوف

ضحك فهد:لا تغثها

ريوف:بهاج !

بهاج:والله صادق ، ادخلوا عاونوهم داخل

نورا:تعالوا نتفرج

ريوف:نتفرج ؟ انتي شايفه من قبل لحم اصلاً ؟

ابتسمت تناظره عينه عليها وصدت تخبي وجهها عنه وتمنع ابتسامتها ولفت من مشوا:وين ؟

نورا:بنشوف تعالي

مشت خلفهم ولف يناظرها تمشي:أنهار

لفت عليه بربكه ورجفت من مشوا البنات وناظرته

بهاج عقد حاجبه وابتسم:ماشفتك من فتره

أنهار:انت مشغول

بهاج هز راسه:طيب انتظريني بجيب لك شي وجاي

أنهار:شي ايش ؟

بهاج؛انتظري عندك

مشى عنها وعضت شفتها تناظر حوالينها لفت خلفها تشوف انعكاسها بالشباك وعدلت شعرها ولفت تنتظره

مشى وبيده صحن وسكين وعقدت حاجبينها تناظره جاي

شافته يتقدم لها وهمست:اش هذا ؟

جلس على رجلينه بالارض وحط الصحن عنده:كبده

كشرت تناظره يقطع من الكبده جزء بسيط ويمدها لها:تستهبل !

بهاج:ليه ؟ ترا ياكلونها نيّه ، هاك ذوقيها

أنهار:يع بهاج تكفى

بهاج قرب بياكلها هو ومسكت كفه وصرخت:يع

ضحك يبعد يدها:معدتي انا ! شعليك

أنهار:لا تاكلها نيّه

بهاج:اجلسي طيب

اشر لها بالسكين وجلست:بعد السكين اخاف تنحط كبدتي جنب كبدة الغنمه الحين

ضحك بهاج:ماهي غنمه

رفعت عيونها:اجل !

بهاج:ناقه

نزلت انظارها للكبده ورفعت راسها تناظر سكوته وابتسامته وظلت تناظره مبتسم لين جمدت ملامحها وابتسمت:قول والله ؟

ضحك لانها فهمت عليه:وشو والله ؟

أنهار:بهاج قول والله انها كبدة النايفه هذي

ضحك بصوت عالي ومسكته من طرف ثوبه بذراعه:بهاج

بهاج ناظرها:هي والله انها النايفه

أنهار ابتسمت:لا تكذب ترا اعرف شكلها

بهاج:طيب ذوقي كبدتها يمكن تعرفينها بعد

ضحكت أنهار:والله النايفه ؟

هز راسه:والله النايفه ، وش بكذب عليك انا يوم اني اقولك ماهي أغلى منك عندي ؟ افا انا احب ناقه اكثر منك ؟

ابتسمت تناظره ولف بهاج يناظر سلطان وفهد جايين بقدر:اخر واحد ؟

هز راسه سلطان ودخلوا البيت ولف بهاج يناظرها تناظره وابتسم:بلعتي لسانك ؟ عادي نبدله لك بلسان النايفه

ضحكت ولفت تناظر البيت خلفهم ورجعت تلف عليه وتحضنه وجلس من حضنته ورفع يدينه عنها:بعدمك

ماردت عليه وهي تحاوط رقبته ورجع يدينه على الارض للخلف يتماسك وابتسم من سمعها تضحك

كانت تضحك وهي حاضنته ومن فرط حبها له ومن ضحى بأكثر ناقه يحبها عشانها

بهاج نطق:طيب بعدي لا اعدمك والله ثوبي معدوم

غمضت عيونها بقوه:بهاج

ضحك يحاول يعتدل بجلسته:بنت فكيني طيب

ماردت وابتسمت:بهاج أحُبَك مره

ارتخى وتلاشت ابتسامته يحاول يستوعب ورجعت على وراها وناظرته وهي مبتسمه:أحُبَك مره

اعتدل يناظرها بذهول ويتأمل ابتسامتها واتسع مبسمه بوسع ثغره وقرب يشدها بكفه:عيدي اسمعها

ضحكت تناظر كفه:بتعدمني !

هزها عشان تناظره:أنهار عيديها

صدت عنه تضحك وقرب يناظرها:والله ما أفكك

رجعت للخلف تناظره وضحكت:قلت مرتين

هز راسه:اي ابي الثالثه

لفت من خرجوا فهد وسلطان ومسكت كفه:فكني بهاج

بهاج:اخلصي عيديها

ناظرته بصدمه وهي تضحك وفلت يدها يناظرها توقف وتدخل ولف لسلطان وفهد وابتسم:باقي الكبده

فهد:دخلها جدتي تبيك تقسمها بعد

بهاج وقف وناظرهم:كان واحد قسمها فيكم

سلطان؛عاد عاوناك بقي التقسيم قسمها انت صدقتنا والا صدقتك ؟

بهاج هز راسه وشال الكبده بيده والسكينه ودخل يتنحنح

عضت شفتها من عرفت انه هو ووقفت جنب ريوف ونورا اللي واقفين بالمطبخ وحوالينهم كل الحريم

لفت جمعه:تعال

دخل بهاج يناظر اللحم بالقدور بالأرض

جمعه:تقسمها على صحنين العشاء ؟ والا وش بتسوي ؟

بهاج:ماهي اثنين ثلاثه عندنا واثنين عندكم

جمعه:هي هاتي ياشموخ من وراك الصحون عاوني بهاج

بهاج نزل انظاره من سمع اسمها ولف يناظرهم واقفين:نورا تعالي

تقدمت له تدخل بينه وبين شموخ وتجلس جنبه

لف للحم يناظره:حطي الصحن قريب مني

رفعت راسها شموخ تناظر حليمه اللي واقفه ومشت توقف جنبها

حط اللحم تحت أنظار أنهار اللي مو قادره تخبي ابتسامتها ومد يده يقطع من الكبده وحطها بالصحن ورفع راسه يدورها بعيونه وابتسم من شافها:بتاكلينها بكره وقولي لا !

ضحكت أنهار وابتسم بهاج يكمل يوزع ولفت ريوف على بهاج:محد ياكل منا لحم غنم بهاج

بهاج:ماهي غنمه هذي النايفه

لفت جمعه عليه:اسألك بالله ؟

هز راسه بهاج وهو يوزع اللحم وعقدت حاجبينها حليمه:ليه ؟

بهاج رفع راسه يناظرها:وليه لا ؟ عادي

حليمه:تعزها انت وكان يعزها ابوك

بهاج:ناقه مردها بالصحون

ابتسمت أنهار تناظر دهشتهم ورفعت حاجبينها

بهاج:خلاص الباقي حطوه بأكياس وتوازعوه

جمعه:خله البنات يكملونه الله يعافيك

وقف ياخذ نفس بتعب:ويعافيك

حليمه ناظرته يوقف وتوقف معه نورا:وين رايح؟

بهاج:بتروش واغير ملابسي

مشت وناظرتها أنهار ومشت مع ريوف خلفها

خرج يمشي معها ولفت عليه:ليه اخترت النايفه؟

بهاج:قايل داخل

حليمه:غريب وش غير كلامك ؟

بهاج:كل شي يتغير حتى انتي تغيرتي

سكتت حليمه وكمل بهاج:بنتكلم باللي سويتيه وباللي قررتيه من وراي ، هربتي مني كثير وتعذرتي لكن ما بيقعد معلق ، بجيك ونتكلم

حليمه:انا اجيك لا تجي

بهاج:لا بنتكلم لوحدنا

حليمه رفعت انظارها تناظر البنات يدخلون ومشى بهاج يدخل واخذ منشفته ودخل الحمام

خرجت من الغرفه بعد ما حطت عبايتها وابتسمت مشت للمطبخ وهي مبتسمه وحطت كوبها تسوي لها قهوه واخذت نفس طويل هي ماتوقعت انها بتصرّح له بالحب ولا بتقولها وبتخاف تصرّح له لكنها ماقدرت تناثر الحب من اطراف قلبها وطفح

غمضت عيونها لثواني تتذكر دهشته منها وضحكت تناظر كوبها ولفت وتلاشت ابتسامتها من دخلت نورا ونطقت:بسم الله تضحكين لحالك ؟

أنهار:تذكرت شي

نورا:طيب سوي لي قهوه تكفين أنهار تكفين انتي احسن قهوه بالعالم بس سوي لي ومستعده اسوي لك مساج لين تنامين

ابتسمت أنهار:طيب

نورا:والله ؟

هزت راسها تطلع كوب ثاني وناظرتها نورا:غريبه العاده نجلس نتفاوض عشان كوب

أنهار ابتسمت ولفت عليها ورجعت تسوي لها قهوه

-

-

( تفاصيل الروايه والتشبيهات موجوده بحسابي بالاستقرام r_55shog )

خرج وهو ينشف شعره وجلس بالصاله والمنشفه على رقبته ناظر ريوف اللي جالسه:صبي لي قهوه

مشت له ورفع انظارها لها:تبين شي انتي ؟ تتجهزين ناقصك شي ؟ قولي

ريوف:لا بهاج بس مو قادره اتقبل

بهاج:تهون بوصي فهد وما بيقصر

ريوف تنهدت تجلس على ذراع كنبته:طيب وبتجي معاي اذا مشينا للرياض ؟

شرب من قهوته ورفع حاجبينه:اكيد ماني مخليك وبشوف وظيفة فهد وبدله على الطريق

ابتسمت:ياليتك اخونا منجد بهاج نفسي احضنك

ضحك وعض شفته يناظر أنهار اللي خرجت وماسمعت كلام ريوف لانه يدري بغيرتها وشافها

ابتسمت أنهار تناظره وجلست قدامهم على الكنبه وفتحت جوالها تناظره وارسلت له

ونزل فنجانه ياخذ جواله ومن ناظر اسمها رجع ظهره للخلف وفتح رسالتها:كلمتني المصممه بيركبون جلسة الحديقه بكره

ناظرها تنتظره يرد وكتب لها:طيب عادي بعطي ابراهيم خبر ويدخلهم هو ، وش غيره ؟

أنهار:الغرفه اللي اخترناها مايردون المفروض وصلت

هز راسه وهو يكتب لها:طيب هم نفسهم اللي اخذنا من عندهم كنب للصاله والمجالس ؟

أنهار ردت عليه بالإيجاب وهز راسه ودخل جواله بجيبه ، ناظرها قدامه ورفع اصبعه على خشمه وابتسمت له

لف لريوف اللي جالسه:هي لا تطولين نامي ولا تفكرين بشي تسمعين ؟

هزت راسها من تركت جوالها ونطقت:بتنام؟

اخذ نفس يمشي لغرفته:ظهري يعورني برتاح

ابتسمت أنهار توقف:تبغى اسوي لك مساج لظهرك ؟ ترا اعرف

ريوف:وافق بسرعه ترا ما ترضى تسوي لأحد

ضحكت تناظر ريوف ومشت له وهي حاطه يدينها خلف ظهرها ودخلت الغرفه ووقفت عند الباب من لف لها ورفض يهز راسه

عقدت حجاجها:تخاف مني ؟ ترا أعرف

بهاج:اخاف مني انا

سكتت تناظر نظراته لها وبلعت ريقها تخفي ربكتها ورفعت كتفها:تصبح على خير طيب

قفلت الباب خلفها واخذ نفس ينسدح بتعب هو وده بحضنها بمساجها وبكلامها وكل شي منها لكنه يخاف يخاف يندفع

ابتسم من تذكر اعترافها له بالصريح ونطقها بكلمة أحُبك من ثغر حجازي نقيض لثغره اللي تعوّد على نجد ، كان يعشق منها كلمة الحُب لانها تأسره بنطقها المختلف وكان وقعها على قلبه بإعترافها له عميق

غمض عيونه يتذكرها كيف تتمسك فيه وتحضنه تبوسه وتتأمله وتضحك له وهو يتعذب ينهلك والمهتوي طبعه عذاب بعذاب وهو مهتوي بها ماله نفاذ عنها

لف ياخذ جواله يفتحه يقرأ رسايل ابراهيم ويفتح الاوراق اللي مرسلها عليه ويناظر التحويلات اللي توصله ، حك جبينه بطول تفكير بالشغل

،

كان كاشخ وواقف جنبهم يناظر الرجال ويناظر فهد ومبتسم

يسمع الطرب بحوش المزرعه وابتسم من لف له فهد:رقصت لك دورك ترقص لي

بهاج ناظره:لا تقمصت دور العريس بسرعه

ضحك فهد يشده من ذراعه عشان يرقص وشد على ذراع فهد بجانبه الأيمن وبذراعه الأيسر سلطان وبدووا يرقصون سوا وبجانب بعض ومد رَده سيفه لفهد اللي شاله يرقص فيه

ولف بهاج يناظر ابتسامة فهد وقرب ينطق:بتنتبه عليها كأنها أختي

لف عليه فهد وضحك:هي اختك اصلاً

ابتسم بهاج يناظرهم ورفع عيونه لعمر اللي يواجهه بالصف اللي قدامه وصد عنه من شاف نظراته

خرج من وسط الزحام يمشي مع سلطان ولف سلطان:كيف تيسرت لفهد ما ادري ، كانوا يرفضون انه يبتعد

بهاج:وقفت عند عمر ماقدر يقول شي

سلطان:ولين الحين يناشبونك انت

بهاج لف لسلطان:جَكر يعاندني لانه يدري اني ابي بنته وهي تبيني ماهو مرتاح

سلطان دخل يده بجيبه ولف بهاج عليه وصد يعدل غترته البيضاء:وانت وش اخبارك ؟

لف سلطان عليه وعقد حاجبينه ووقف بهاج ولف عليه وعقد حجاجه:اخباري ؟

بهاج:يوم انا اختلف حالي وقعدت اهوجس كنت اقعد معك اكثر من فهد حتى واقول وش احس به ووش احس فيه ولا ترددت لين اليوم اخبي عنك مشاعري لكن انت تخبي وتصد وادري ان به شي في صدرك

ظل يناظره سلطان واخذ نفس:حتى لو في شي نبيه يروح إحنا ليه أفصح عنه ومرده يختفي ؟

بهاج:ليه يختفي ؟ انت شفتها صح ؟ وانت انقهرت عليها صح ؟ وش يختفي بالله

سلطان:يكون سهل الدرب لو كان صدرها فارغ نفس زوجتك ، لكنها تحب وتبيه ويمكن هو يبيها بعد

بهاج:مايبيها

سلطان؛قالت لك ؟

بهاج:لا لكن ادري انا المروح هذاك ماهو رجال يرجع يخطبها من جديد

سلطان ناظر بهاج وتكلم بهدوء:بهاج انا قلت احلق شاربي لو خطبها لكني اخاف انه يجي

بهاج؛تغدا قبل يتعشا هو اجل ، اخطب

سلطان:صاحي انت ؟ اقول ماتبيني ماتشوفني شي هي حتى يوم خرجت لي بالغلط ما اهتز فيها عرق ماتشوفني بهاج

بهاج سكت وكمل سلطان:وانا ودي معد افتح الموضوع

بهاج:بتقدر تنسى ؟

سلطان هز راسه:ماصار شي اصلاً كلها هواجيس بدوي ما عاش الا حوالين نياق وفحول

بهاج هز راسه ومشى يدخل البيت تاركه برا تكى بظهره على الجدار ورفع راسه للسماء واخذ نفس

،

دخل بهاج ومشى للغرفه:نورا

جاه صوت نورا من داخل غرفتهم:دقيقه

رفع راسه يشوف باب غرفته مفتوح ومشى بهدوء يشوف انوارها مفتوحه وعقد حاجبه

وتقدم يدخل وناظرها منحنيه وظهرها مكشوف له وشعرها يتحرك بحركتها رفعت راسها تلبس أخراصها ولفت أنهار تناظره ومن شافته ابتسمت بربكه

وقفت تناظره بغترته البيضاء:ما حسيت فيك

اخذ نفس طويل يشم ريحة عطرها المنتشره بالغرفه وتأمل شكلها قدامه وكان بيتكلم بينطق لكنه نسى الكلام كانت تبادله بنظرات تجعله ينسى حصيلته اللغويه كلها

رفعت كتفها من طال السكوت:جيت أتجهز بغرفتك ، عادي صح ؟

مارد عليها وصدت ترفع شعرها وتبلل شفايفها بربكه وتاخذ اغراضها ومشت لين عنده:مابقيت شي ولا اخذت شي بس استخدمت عطري اللي عندك

كانت ترسم عيونها بطريقه ساحره وكانت تناظره بنظرات قتّاله لكنها ابتسمت بتخرج ومنعها من رفع ذراعه يقفل الباب بكل هدوء وعينه عليها

رفعت عيونها له تناظره ورجعت تناظر يده على الباب

تقدم يناظرها وهمس تحت تأثير عطرها:مو جايز لي عذابك أبي أموت فيك أكثر

رفعت راسها تناظره وتتأمل نظراته لها وباقي وجهه

بهاج نزل انظاره يناظرها:اني أنرد عنك هذا بحد ذاته يزيدني عذاب

ظلت تناطره بضعف وتتأمله هي ماترد الخطوه بينهم وحتى ودها تعدمها لكنها توقف بحذر قدامه

دق الباب وفزت دفعته على صدره لخلف الباب ومسك ذراعها وناظرته تهز راسها بالنفي

فتحت الباب وذراعها على صدره وناظرت نورا:نعم

نورا:اشبك ؟

أنهار:بلبس

نورا:والباب مقفل ؟ اول مره

أنهار:خلاص نورا اطلعوا انا بجي خذي ريوف واسبقوني

نورا:بهاج كان هنا شفيته ؟

أنهار:لا

نورا:طيب لا تتأخرين

أنهار:خلاص قلت طيب

قفلت الباب ولفت له وناظرها:ليه طيب ؟

أنهار:لان ما ابغى

بهاج:تنكرين عند خواتك عشان قالوا ما نلوق على بعض ؟ افصحي قولي يحبني واحبه

أنهار:مو وقته بهاج ، بطلع أول بعدين اطلع انت

ناظرها تاخذ جوالها بسرعه وتلف بشعرها تنثر شذى عطرها بالمكان وتخرج من الغرفه

غمض عيونه ثواني يسند ظهره على الجدار وتنهد يخرج من الغرفه

-

شدت ذراع نورا بقوه:خير انام ببيتهم ؟ صدقوا هذولا

نورا:بنت لا تسحبيني قدامهم كذا كلمي بهاج

رفعت شعرها أنهار ولفت من دخلت حليمه وناظرتها:حطي شي على جسمك

ناظرتها بهدوء:احد غير بهاج؟

حليمه ابتسمت بخفوت وصدت أنهار عنها

دخل بهاج وطاحت عينه على اللي تعطيه مقفاها وظهرها مكشوف عاري نطقت حليمه:ليه جيت ؟

تقدم بهاج لريوف:علامك ؟

ريوف:امه جاتني تقولي جهزنا غرفتكم ! بهاج لا تجنني وافقت عشان ادرس اش هالمصخره ؟

بهاج لف يناظر حليمه اللي واقفه تسمعهم ورجع ناظر ريوف:انتظري

لف وتقدم لأمه:شوي وجايك

حليمه رفعت حاجبينها:طرده ؟

بهاج:لا محشومه بس بتكلم مع البنت

حليمه:سمعت اللي ماتبون تسمعونه تلعبون لعبة الزواج هذي عشان مصالحكم مافهمت ليش تسوون كذا ؟

رفعت راسها تناظر نورا:وبكره نزوج الاخيره لسلطان عشان تبي تبتعد عن ابوها بعد !

لفت تناظر بهاج:بهاج شقاعد تسوي انت ؟ ليه ليه ؟ كلكم اخوان ما تلوقون على زواج مزيف

لفت أنهار تناظرها ولفت حليمه تناظرهم:ابوكم لازم يفهم اللي يصير

وقفت ريوف واخذ نفس بهاج:والله ما بيفيد بشي ريوف وقعت وصارت حَرم فهد من مبطي

حليمه:ما يعني انك توقع على عقد يعني مانقدر نبطله يابهاج

سكت بهاج من بدلت نظراتها لأنهار:ما يمنع

بهاج:اذا محد يبي يبطله محد بيقدر يبطله

ريوف:بطلي تسببين مشاكل لو سمحتي

حليمه:لا تطولين لسانك تفهمين !

ريوف:لا هذا مو شي انا محترمه بهاج بس اللي قدامك والا انتي مالك احترام

بهاج لف لريوف وناظرها بهدوء وسكتت ريوف تصد:يكفي المصخره اللي صارت

حليمه:بهاج !

بهاج:قلت لك انتظريني واجيك

خرجت تاركته ولف بهاج:لا تاخذون وتعطون مع امي

نورا:اصلاً محد يقدر يقول لها شي عشانك بهاج بس انت شايف كيف الضغط اللي تحطنا فيه بتسبب مشاكل بس

أنهار:وتخطب وتفصخ وتطلق كمان !

رفع انظاره لأنهار ولف لريوف:من وشو تخافين ؟ العصر بكره واحنا كلنا ماشين للرياض معك ماتقدرين تنامين ساعتين عندهم ؟

ريوف:ما يحبوني بهاج ما يحبوني ، خواته كارهيني باين من نظراتهم وامه تخوفني مو قادره ادخل بيتهم ولا انام كمان !

بهاج:دام الخوف ماهو لفهد فهيّن

ريوف:لا هذا كمان ينخاف منه

بهاج رفع حاجبه:ريوف !

أنهار تقدمت تناظره:بنروح كلنا للرياض ؟

بهاج:ان شاء الله

أنهار سكتت ولفت نورا:بسطيها بليز ريوف ودي اقول شي يضحك بس ماتزعلين مني !

ريوف:اوف نورا كأنه وقت ضحك

نورا ضحكت:اسفه بس يوم شفتك جنب فهد حسيتكم لايقين على بعض مرره عكس بهاج وأنهار

جمد وجه بهاج من لفت عليه تضحك وتكمل

:انتوا بالحلم ما تجتمعون صراحه

لف انظاره لأنهار اللي تغير وجهها ورجع ناظر نورا:وانتي تقيمين من يلوق من ما يلوق

نورا ناظرت جديّته:ليش زعلت ؟

بهاج صد لريوف:هيّا

وقفت ريوف ورفعت أنظارها لبهاج اللي خرج وخرجت خلفهم نورا وجلست مكان ريوف واخذت نفس غمضت عيونها ثواني تفكر بكلام نورا لثواني شكت بإنها فعلاً ما تلوق على بهاج وان الكل ينكر حبهم وجمعتهم سوا وان ممكن يكون زواجهم حقيقي ، هي تقبلت ريوف وفهد لكن عجزت تتقبل اللي تنفجر ما بينهم مشاعرهم ، كيف ورغم الحب بقلبها ما انتبهت لعيونها ما شافت قوة نظراتهم لبعض ماحست بالجاذبيه القويه بينهم ، ليه تستنكر شي بسيط رغم كبر الموضوع بينهم

'

ناظرت الغرفه بغضب وتكتفت ولفت لأم فهد جنبها:تصبحون على خير

فهد:وانتي من اهله

قفل الباب ولفت له تناظره ورفعت حاجبها:خير !

فهد:بسم الله ماقلت شي

ريوف:لا اشوفك ودك تقول شي ، شوف شليويح ترا تدربت في نادي ملاكمه تقرب خطوه والله اضيع حياتك اخليك تمشي برجل طول حياتك

فهد:انا لله وش سويت فيني يابهاج الله ينولك الخير بس ، شبي فيك شايفه وجهك انتي ؟ تقول نايم مع بومه

رفعت حاجبها:انا بومه ؟ ياوجه العنز الله يصبرني عليك روح دور لك مكان تنام فيه بس

مشت وناظرها:ترا غرفتي يالطيبه ان كان ماتبين تنامين اذلفي انتي انا تعبان وبنام

رمت عليه المخده من قرب ينسدح:قلت لك اطلع

فهد:انكتمي تصحين اهلي الحين يقولون وش جاها الجنيه

ريوف:الجنيه اللي تدخلك ان شاء الله وماتخلي فيك عقل

فهد:والله اعيش مع جنيه ولا اعيش معك

ريوف:لا تقرب اطلع نام برا

فهد:اقول تعقبين وتخسين

ريوف:شليويح والله ألم عليك أهلك اخرج ما ابغى تتنفس معاي بنفس المكان

تكتف فهد بصدمه:لا ياشيخه ! قولي والله اموت يعني عشان ترتاحين

ريوف مسكت راسها:ياربي لا تختبر صبري قول انه حلم

فهد:اقول ريحينا مسويه نفسك متضايقه وانتي مستانسه اني تزوجتك اي طبيعي من مايبي فهد

انسدح يتكي بثقه وناظرته بإشمئزاز ولف لها ورفع حاجبه بغرور

وهمست ريوف:الله يسامح اهلك سلكوا لك لين جاك جنون العظمه تحسب كل الناس يبغونك ترا محد يبغاك الا امك حتى اشك

فهد:بالله بالله يوم شفتيني ماقلتي ياليته حلالي خفيف دم وخفيف إسم

وكملت ريوف توقف:وخفيف عقل توكل اقول اطلع خلني انام

فهد:اقولك ماني طالع من الغرفه لو تتقلبين

ريوف ناظرته بحده:تتحداني ؟

فهد هز راسه وهو منسدح وتاكي بيده وهزت راسها ريوف

،

دخلت البيت ومشت تنزل فستانها وتغير ملابسها لبست بجامتها وجلست وهي تناظر وجهها بدت تمسح مكياجها بهدوء حطت اغراضها واخذت نفس وخرجت من الغرفه سحبت وشاحها من جنب الباب ورفعت راسها من انفتح باب البيت

اخذت نفس تصرف انظارها عنها ودخلت وهي تقفل باب البيت:على وين ؟

ماردت أنهار وهي تلبس وشاحها الطويل ومرت بتمشي ووقفتها حليمه:أنهار

لفت أنهار تناظرها واخذت نفس حليمه:مابقولك كلام كثير بس ما بيدوم زواجكم صدقيني

سكتت أنهار تناظره وكملت حليمه:راح اوقف قدام هذا الزواج لين انهيه

أنهار:ليش ؟ لا تقولين انك تبغين ولدك يكون مبسوط لانك بتكذبين وقتها

حليمه:لا لاني اعرف ان وقت ما يكون في رجعه انتي بترجعين بدونه وبتتركينه

عقدت حاجبينها أنهار وكملت حليمه:انتي ما تناسبين بهاج ومابتقدرين تعيشين معاه ، صدقيني لو ابوك ما قسى عليكم ما كان التفتي لبهاج اصلاً لكن ضعفتك هذي من ضعفة ابوك خلتك تركضين ورا بهاج ، ولو فتح يدينه لك ابوك بتركضين له

أنهار:ابوي وبهاج غير عن بعض ولا يجمعهم شي ، اذا انا بيوم رجعت بحضن ابوي ما يعني اني بنسى اللي سواه بهاج

حليمه:قلتيها اللي سواه كل اللي تعيشينه الحين هو انك تردين جميل بهاج ، يسلمه ربي لمكم وقبل يتزوجك عشان مالكم احد

سكتت تناظرها وكملت:مو بس انا اقول كذا حتى خواتك ما يشوفون اللي تبين تشوفينه انتي ، محد هنا يشوفكم سوا غير احلامك وبس

هزت راسها حليمه تكمل:وبهاج بيتزوج شموخ ، لا تتعلقين واجد

سحبت نفسها أنهار وخرجت من البيت اخذت نفس تتمالك وتبلع ريقها ورفعت راسها من شافته واقف ويناظرها بإستغراب غترته على كتفه وعقاله فوق راسه وهمس:وين رايحه؟

ظلت تناظره بدون ما تتكلم هي تخاف وتسمع لكلام الناس وتتردد وتتأثر وترتعب تخاف ان كل هذا ينتهي وينكره الكل ولا تقدر وقتها تتشافى

عقد حاجبه وهو يشوف نظراتها وعيونها اللي تلمع وتقدم لها بهدوء:أنهار

رفعت راسها له تبكي وتقدم اكثر يمسك وجهها بيدينه الثنتين:علامك ؟

مسكت كتوفه ونزلت راسها تبكي ورفع راسه من انفتح باب بيته وخرجت منه حليمه

وقفت عند الباب تناظرهم وشد على فكه من عرف انها قالت شي ونزل راسه لأنهار:تعالي معي

هزت راسها بالنفي تحاول تبتعد ومسكها من ذراعها:تعالي

مشت معاه ومشى فيها لين سيارته وفتح الباب ولف لها:اركبي

ناظرته:بهاج تكفى

بهاج:اركبي قلت اركبي

ناظرت حدته وغضبه وركبت وقفل الباب ومشى لين عند حليمه وعقدت حاجبينها:وين بتاخذها؟

بهاج:اذا بيوم هجرت هذا المكان ؟ واخترتها عليك وعلى زواجك ؟ لا تلوميني

مشى وتركها وظلت تناظره حليمه يركب السياره ويحرك خارج من المزرعه

لفت عليه تشوفه يسوق ونطقت:بهاج وين رايحين؟

تكلم بهدوء وهو عاقد حجاجه:للرياض

أنهار جمدت ملامحها ومسحت دموعها:وين ؟

بهاج التفت عليها:لبيتنا

أنهار:بهاج تكفى رجعنا

بهاج:محنا راجعين

أنهار:ارجع وبقولك كل شي بس خلنا نرجع انا ما اخذت جوالي حتى نورا بتفقدني

بهاج:وبتقولين لي كل شي بالرياض بعد

أنهار:لا تضغط علي

بهاج التفت عليها:كان قلتي لها هالكلام يوم انها ضغطت عليك كذا

صدت للطريق وهمست:مو ماخذه عبايتي حتى

بهاج لف يناظر بجامتها الكحليه الحرير والوشاح البني اللي يغطيها ورجع يناظر الطريق بدون مايرد

خرج جواله من جيبه ولفت عليه تشوف يسوق ويبدل انظاره على جواله وعلى الطريق

لفت تناظر طريقهم هو عكس المره الأولى هالمره مسرع ومستعجل بالوصول ، حالياً معصب والمره الاولى كان مرتاح مبسوط وسعيد ملهوف

نزلت راسها ترسم على وشاحها باصابعها وهي ساهيه وحط جواله بحضنه والتفت عليها يناظرها ساهيه ورفع اصبعه يشغل الراديو ولفت ترفع راسها للاغنيه اللي اشتغلت

اخذت نفس تسمع المقدمه الطويله وتناظر الطريق المظلم اللي يمشونه لوحدهم فيه

نزل انظاره للراديو من نطق طلال مداح:قصري بُعد المسافه لا تطول وإرحمي قلب يعذبه الحنين ، تعرف عيوني عيونك وش تقول أصدق الأقوال مصدرها العيون

تنهد وحست بتنهيدته ونزلت انظارها ليدينها من نطق:وماتبينه من عيوني بس قولي وش تبين كل غالي تطلبينه في موازيني يهون

ولفت تناظره ساهي للطريق وتكلمت

:تعرف اول مره شفتك ؟

التفت عليها يناظرها وميلت راسها للمقعده وهي تناظره ويدينها تلعب بوشاحها:قبل اشوفك اول مره بالفندق قال لي ابوي انزلي نادي بهاج ويجيك

ظل يناظرها وابتسمت بهدوء:وصرت بدون اناديك تجيني

اخذ نفس ولف للطريق يناظره وظلت تتأمله وهي مرخيه راسها للمقعده تناظر عيونه اللي تراقب الطريق وغترته اللي على كتفه وعقاله المايل اللي على راسه حست انه يغرق بأفكاره بعيد عنها تمنت لو تتقدم خطوه تبوس خده دقنه وحتى عنقه لكنها ماقدرت تبادر غير بكفها اللي لمس كفه والتفت لها

مسكت كفه بكفوفها الثنتين وهي تسمع قول طلال مداح:يانجمة سماء أوضحت دربي الغريب ، ياشفة ضما برّدت لفح اللهيب

ناظرها كيف تتأمله وما قوى يدري بها تضم كفه لكفوفها خوف انه يروح ويبتعد حتى لو بالنظر عنها

تنهد يشد على كفوفها بحرقه يتذكر لفح النيران اللي كلت صدره من ثغرها هو وده يقول اللي يقوله طلال مداح لكنه ما يقوى يقول ، تعذبه تكويه مره جليد ومره نار ولهيب

تنهد يهدي سرعته وعينه عليها وتكلم بهدوء:يوم حطيت الأوادم خلف ظهري ؟ ماقدرت أحطك الا في يميني

شد على كفوفها وهو يناظر راسها المايل وعيونها اللي تتأمله:لا تهجرين كفّي

تنهدت وهزت راسها وراقب عيونها لثواني ورجع يراقب طريقه ويرجع بسرعته الأولى يعدم بُعد مسافته عن الرياض وعن بيتهم سوا

ولفت تناظر الطريق من دخلوا الرياض اللي ما تنام ودخلوا الحيّ ووقف قدام البيت والتفتت عليه تشوفه يقفل السياره ولف عليها:انزلي

نزلت ومشى يفتح الباب ودخلت ناظرت الحديقه اللي كلها اغراض عمال وعقدت حاجبينها:يشتغلون ؟

اخذ نفس وهز راسه ومشى يدخل وابتسمت من شافت الصاله والكنب اللي وصل وتقدمت تناظره:خيال طلع مناسب للمساحه

قفل الباب يناظرها تتجول وتجرب تجلس على الكنب ولفت عليه:قلت لك بيطلع حلو هاللون

بهاج التفت يناظر الصاله ودخل بجيبه مفتاحه وهو هادي ولفت عليه:شفته من قبل ؟

هز راسه بالنفي:ماجيت بدونك

أنهار:ما تقول حاجه !

اخذ نفس ومشى يجلس جنبها:شقالت لك أمي

صدت عنه وكمل بهاج:انا جيت هنا عشان نتكلم واسمعك محد يجينا

أنهار لفت عليه:نفس دايم

بهاج:وتأثرتي نفس دايم

نزلت عيونها وكمل بهاج:ليه يا أبوي انتي

رفعت عيونها له وناظرته يعقد حجاجه بحنيّه ويتكلم بهدوء:يبكونك ؟ اي احد يبكيك ؟ سهله عندهم انتي مثل الهبوب ؟ ياخذونك ويردونك ؟

أنهار ماردت وكمل بهاج:انتي من تعرفين ؟ تعرفيني انا والا تعرفين امي ؟ من تحبين ؟ بمن تثقين ؟ مو فيني انا ؟

هزت راسها وكمل:صدقيني انا اجل ، كذبيهم وكذبي ظنونك حتى ان كان به ظن ، انا قلت ما بروح وصادق وقلت ما يقوون يبعدونا وصادق وقلت احبك وصادق ، ليه ما تصدقيني ؟

أنهار نطقت بتوتر:أصدقك بس هي تقدر

بهاج:محد يقدر علينا ان كانت كلمتنا وحده محد بيقدر انا أرد امي وانتي تردين أبوك من يقوى ؟

أنهار ناظرته وكمل بهاج:قلت لك انتي فمان الله وفي وجهي وشنبي ، وقلت مرد فهد لريوف وبتكمل دراستها وهذاهم وبقول وبفعل ، انتي ماتشوفيني رجال ؟

هزت راسها بتكرار:بهاج !

بهاج:اجل وش له تسمعين لهم وما تسمعيني وش اقول

أنهار:بس ردوك عني

سكت بهاج يناظرها وارتبكت:مو قصدي كذا بس اذكرك انهم سـ

سكتت تناظره واخذت نفس تصد بعيونها

بهاج:تبينا نرمي بزواجهم بالبحر وأقرّب بُعد المسافات ؟

لفت عليه بسرعه:مو قصدي كذا بهاج

ناظر حيّاها وإحراجها ونزل راسه لكفوفها يمسكها ورجع يرفع عيونه لها:اعرف انك تستحين واعرف انك تخجلين وما فتنّي غير هذا

ابتسمت لانها تذكرت الاغنيه اللي سمعوها طول الدرب وابتسم من ابتسامتها:انتي بين يديني مثل المستحيل ، انتي فيك شي فيك كل شي يخليني دايم في انتظارك يخليني دايم حيّ ، اذا بشوفك بنهاية طريقي بمشيه حتى لو انه طويل

ناظرها ترتخي له هي تذوب من كلامه يشعر عليها ولا يترك لها مجال للرد لكنه يشوف بعيونها ردّها ، هي تبيه نفس ماهو يبيها لكنه خايف تردّه خايف ترجع بخطواتها لورا من اندفاعه ظل يفكر وهو يتأمل عيونها وشد على كفوفها يقربها منه حسّ برجفة يدينها من نزل انظاره لثغرها وانتبهت عليه رفع انظاره من جديد لعيونها وهمس:لا ترديني

قرب منها يقصر بُعد المسافات ضاق فيه النفس من شم ريحة عطرها وانفاسها بلع ريقه يناظرها تغمض عيونها ترجف يدينها بين يدينه اللي يشدها بقوه خايف انها تبتعد

ماكانت تقدر تفتح عيونها بعد ماشافته يقرب لها ماقدرت تفك يدينها من يدينه هي تشتعل من نيرانه لكنها ثابته محلها ترجف من خوفها ، خوفها من كل خطوه يخطيها لها هي تتعلق وتزيد بتعلقها فيه

لمس ثغرها وفلتت يدينها لكنه كان أسرع يجذبها من وجهها له وتمسكت بذراعينه ترجع وراها

اسندت بظهرها على ذراع الكنبه وسحب غترته عن كتفه يبعدها عنه ومن انحنى لها طاح عقاله على الارض ، كانت ترتخي وتشد وكأنها توصف مشاعرها

كل ما قال بيتوب ماقدر يبتعد عنها كل ما ردّه صوت عقله قتله طموح العاطفه وما قوى يبتعد

نزل ذراعه يحاوط خصرها ويرسم بذراعه حجم خصرها ويشدها له وابتعد لوهله عنها يناظرها من قريب رفع بكفه شعرها:أبيك

كانت الكلمه تعمّ كل مشاعره أكوام وأكوام من المشاعر ، أبيك تختصر كثر الثرثره توصف حجم غرقه ورغباته بها

شاف بعيونها الخوف وهمس:لا أرعبك !

لمت كفوفها من على ذراعينه وهي تناظره وابتعد عنها يجلس وفتح زرار ثوبه ياخذ نفس وبلع ريقه

جلست بإعتدال تلم نفسها بوشاحها وتجلس جنبه كل منهم يناظر للفراغ هو خايف يبتعد عنها وتسرح بأفكارها لوحدها تصد عنه وما يقوى

لف عليها يحاوط كتوفها بذراعه ويرجع ظهره لورا تنسدح على صدره شدت على ثوبه من الخلف وغمضت عيونها بقوه

ظل على حاله ساكت ينتظر منها الكلام لكنها ظلت على حالها وقت طويل رفع ذراعه يمسح على شعرها ووعت من افكارها من حست بيده وعت على صوت قلبه اللي تسمعه ، كل اللي تبيه هو مع انها تسمع صدى كلامهم بإنهم ما يلوقون وما بيصيرون لكنها راضيه هي تبي الفرحه معاه لو هي دين وتبي الأمل لو نهايته سراب بس ما تقضي جلّ حياتها بالبين ، تبيه

رفعت ذراعينها الثنتين تحضنه وترفع راسها لدقنه وغمض عيونه بطمأنينه من حضنته وشد عليها

:اخ يا أنهار

لف سلطان وترك سيقارته:وش جابك انت؟

فهد:وشو صدقت اني عريس ؟ وين اللي دبسني بذي البنت

سلطان ضحك:مطرود ؟

فهد:ياخي مجنونه كسرتني هي واصابعها الطوال تقول معي جرو

جلس جنب سلطان اللي يضحك ولف عليه:وين بهاج ؟

سلطان:مدري عنه

فهد:ياخي هذا منجده يبيني اسكن مع ذي ببيت لوحدنا ؟ والله مايقدر عليها غير اللي جابها

سلطان صد وهو يضحك وناظر كفوفه اللي مخمشه من أظافر ريوف وعقد حاجبينه بألم ولف فهد من شافها من بعيد:من ذي ؟ لا يكون الجنيه تكفى سلطان

لف سلطان وعقد حاجبيه ووقف يرمي زيقارته ويلبس شوزه ويمشي

ناظرته من بعيد جاي لها ونطقت وهي تمشي:وين أنهار ؟

وقف قدامها:ماهي عندك؟

نورا:لا وين بهاج ؟

سلطان:ماهو موجود

عقدت حاجبينها:جوال أنهار هنا

سلطان دخل يده بجيبه ياخذ جواله وعقد حجاجه من قرأ رسالة بهاج وهمس:بالرياض

انصدمت ولفت له وقربت منه تقرأ الرساله:كيف يعني بالرياض ؟ مين ؟

ابتعد عنها بربكه يمد جواله وناظرها تقرأ ولفت عليه:ليش راحوا ؟ وليش أنهار مو ماخذه جوالها ؟

سلطان:مدري عنهم

نورا:اشبها ؟

ناظرته وهزت راسها:كيف يروحون الرياض الحين ويتركوني ؟

سلطان مارد وهو يناظرها وناظرته نورا:ما ادري ليش سألتك اصلاً

سلطان:عجيب ! انا الغلطان ؟ وش سويتي انتي يوم جا بهاج بغيتي تفتنين بيننا ؟

نورا:بهاج عاقل وفهم الموضوع وكلمني واعتذر ان الكلام المفروض ما ينقال لي مهما صار

سلطان:ماقصر بهاج هو اصلاً كل شي يسويه بهاج لمّاع بنظركم

نورا ابتسمت:اخذت من وقتي كثير

ومشت بتروح مشى خلفها بهدوء:تنامين لوحدك ؟

ماردت عليه تنزل راسها لجوالها وابتسمت وهي ترد تحت مسامعه:هلا حبيبي

وقف محله من سمعها ولفت عليه تناظر وقوفه وابتسمت:دقايق بدخل واكلمك لا تنام

ظل يناظرها تناظره مبتسمه وابتسم من رنّ جوالها بمنتصف تمثيلها اللي انكشف ونزلت جوالها تشوف اسم بهاج ورفعت راسها تشوف ضحكته وتقدم لها يمسك شاربه:عبالك يوم تحديت عليه ماهو غالي ؟ ادري به الخكري هذاك ماهو راجع

نورا:ترا كانـ

قاطعها من توترت وانحرجت تقفل جوالها:ليه تكذبين ؟ وش مستفيد انا ؟ ان كانه يبيك ماني راد شي عنك لكن اقول كذا لمصلحتك عشان موية وجهك بس وعشان كرامتك

ماردت تناظره وكمل سلطان:لا تقبلين باللي يقلّ منك اختاري اللي يزيدك ، إن خيروك بناطحين المواجيب صيري لنطاح الصعايب خطيبه

نزلت عيونها تشوف جوالها اللي رجع يدق ومشت تاركته واخذ نفس سلطان يرجع يضحك

هو لوهله جمد محله من سمعها تنادي بحبيبي لكنه ضحك ضحك من عمق صدره من عرف انه على قد ظنه

دخلت وردت:نعم بهاج نعم ؟

بهاج:وشفيك ؟

نورا:فينكم انتوا ؟

بهاج ناظر أنهار اللي جالسه جنبه:بالرياض

نورا:ليش رحتوا ؟ وليش أنهار مو ماخذه جوالها ؟

بهاج:نسته بنجلس وتجون سوا العصر بنستقبلكم

نورا:مافهمت ليش تروح مع أنهار وتتركوني بالبيت لحالي ؟

بهاج اخذ نفس:ما انتي لحالك

نورا:اوكيه

قفلت وعقد حاجبه يناظر جواله وهمست أنهار:زعلت

بهاج:مدري عنها

أنهار:ما اسألك نورا زعلت مني

بهاج:ان رجعنا تقولين لها عادي

أنهار:اش اقول ؟

بهاج عدل جلسته:كنت مع زوجي

صدت عنه وناظر صدودها بهاج:وش يعني هالصدّه ؟ تبين تقنعين امي تفكنا من كلامها وانتي حتى خواتك تخبين عليهم وش بيننا

أنهار:اخاف من ردة فعلهم

بهاج سكت وصد عنها لثواني يفكر ولفت عليه أنهار تناظره والتفت بهاج:ماني واقف بوجيههم لوحدي

ناظرته بترجي:أخاف

بهاج:سلاحك أنا وين بكون عنك ؟ بصدّ كل كلمه توجعك وبكون وراك لكن لا تقدميني لوحدي

تنهدت وكمل بهاج يناظرها وهمس:مابي أحب خوافه

رفعت كتفها بزعل:حبيت وخلصت تقدر تتراجع ؟

صدت عنه وفهم انها زعلت وتقدم لها ووقفت ولفت عليه ورفع راسه:قلت لك كذا عشان لا ياخذك المجرى تقوي فيني

أنهار:فين بتنام ؟

وقف وناظرها بتحدي:بحضنك

ماردت عليه وهي تناظره وابتسم بهاج:عليّ بالحرام انك تفتنين بالزعل والله إني أجرّ نسمي 

لفت عليه وكمل وهو يأشر على صدره:وصاحبك مهتوي ما يقوى

أنهار:تعرف اني ما فهمت صح ؟

بهاج ضحك بهدوء:إنتي حلوه

ابتسمت من أختصر زجل الشعر بمفهوم تفهمه وتقدم ينحني يبوس خدها:وريحتك تذبحني

ابتعد عنها يناظر عيونها:وبتنامين بحضني لأن عليّ بالحرام ان خليتك تنامين بمكان وانا بمكان وإحنا هِنا

ارتبكت ترجع لورا:ماشفت الغرفه

مشت عنه وهي تحط وشاحها على الكنبه وتمشي للغرفه فتحتها تشوف السرير وابتسمت:مين سواه؟

بهاج:ام مهنا ماقصرت تلقينها

لفت عليه:كلمت ابراهيم انت ؟

بهاج:كل ما وصل شي أشرف عليهم معاه نسخه

مشت تجلس على السرير وتتحسسه بيدها:خيال كل حاجه

فتح الغرفه اللي جنبها يناظر دواليب الملابس:خلصوها بدري كفو عليهم

أنهار مشت وخرج لها:باقي المطبخ بكلمهم ورانا حنيذ تسوينه

ضحكت وهزت راسها:اكيد اكيد

نزلت انظارها لكفوفه اللي تفتح ازارير ثوبه ونشف دمها ورفعت راسها عليه وناظرها:ليه سوّد وجهك؟

أنهار:اش تسوي ؟

بهاج:بنام ماني نايم بثوبي

اخذت نفس:بهاج !

بهاج:انا قلت عليّ بالحرام ماني نايم بعيد عنك

سكتت وفصخ ثوبه ومشى للسرير:انتي يساري وانا يمينك

مشى ينسدح وظلت واقفه محلها تستعصب انها تمشي له هي بعد ما عصف بقلبها قبل ساعه ماتقدر تجازف بباقي مشاعرها وترتبك وتستحي وهو يزيدها حياء من اندفاعه وصراحته ووضوحه

حط يده تحت راسه ينتظرها تجي وتبطل تفكير

وضحك من شكلها:مابيجي سعود بدري تعالي

أنهار تلون وجهها وبصعوبه نطقت:اوف بهاج

مشت وجلست وهي تعطيه ظهرها: انت تبغاني انام مرتاحه والا لا ؟

بهاج ناظرها من لفت عليه:مالك راحه دون حضني ريحينا من اللي كانت تنام بفراشي وقت مغيبي ؟

رفعت حواجبها:فراشك مو انت !

بهاج:اهتنى فراشي بك اسبوعين اقسم بالله حرام ان ما اهتنيت بليله

ماردت ومد كفه يشد ذراعها وعقدت حاجبينها بربكه وهمس:اقلطي وسط حضني

غمضت عيونها بقوه تعض شفتها من انسدحت تعطيه ظهرها وحاوطها لحضنه وغمض عيونه من دفن وجهه بشعرها وابتسم لأول مره يحقق مدى حلمه لأول مره بتنام بحضنه مو بعيده عنه

نزلت راسها تناظر يدينه اللي تحاوطها وابتسمت اخذت نفس طويل بربكه وغمضت عيونها بقوه تخفي ارتباكها وشعورها كان ولا زال أول امنياتها هذي النومه تنام بين ذراعينه وتصحى بينها

-

صحى قبلها يرفع ذراعه اللي تحتها وعقد حاجبينه من الألم وناظرها نايمه وابتسم يقسم بربه هاللحظه تسوى عمره اللي انقضى كله ضحك بخفوت ووقف ماشي للحمام ابتسم يغسل وجهه وياخذ جواله ويناظره اخذ ثوبه وعينه على جواله ولبسه وخرج تاركها نايمه مشى للصاله ورفع راسه من سمع العمال برا ومشى يناظرهم من الزجاج وابتسم وهو يشوف ابراهيم واقف يتكلم مع عامل خرج من البيت ورفع راسه ابراهيم بصدمه:هلا هلا

ابتسم بهاج ومشى له:ارحب ابو مهنا

ابراهيم:والله مادريت انك هنا والغشامه ما انتبهت على سيارتك جاي فيها انت ؟

سلم عليها بهاج:اي جيت بالليل

ابراهيم:اعذرني والله ما انتبهت والا ماكان دخلت

بهاج:البيت بيتك حيّاك افطر معنا

ابراهيم:تسلم بروح دوامي وانت شكلك ما انت لوحدك

بهاج ابتسم:ام سعود موجوده

ابراهيم:اجل بخليك مع عمالك وامشي لشغلي

بهاج:ماقصرت يا ابراهيم مردوده

ابراهيم:ماسوينا الا الواجب

بهاج:باخذ من وقتي واجيك

ابراهيم:حيّاك

خرج ابراهيم والتفت بهاج للعمال اللي يشتغلون ومشى للعامل:اشفيه ياصديق

العامل:هذا رسم عشان مسبح وجلسه

بهاج:من رسمه ؟

العامل:مصممه

بهاج هز راسه:طيب انت عندك شغل ؟

العامل:لا انتظر الجبس يجي

بهاج دخل يده بجيبه يطلع منها بوكه وفتحه ومد له فلوس:روح جيب فطور لكم وجيب فطور لي وللمدام

العامل ابتسم:شكراً بابا

بهاج ضحك:بابا الحين ؟ طيب جيب فول تميس معصوب

العامل هز راسه وخرج ومشى يدخل بهاج البيت

طلع فوق وفتح البلكونه وتكى يشغل سيقارته

ظل يناظرهم يشتغلون تحت هو شرى هالفيلا بسرعه ويبي يسكنها بنفس السرعه لكنه خايف كيف بيترك كل شي ويجي يستقر بالرياض وكيف بتتعدل الاوضاع وتجي معه أنهار

رفع انظاره وهو يدخن وعاقد حجاجه يفكر بشغله وبنورا وسلطان وبريوف وفهد بأمه وبعمه عمر هو شايل هم الجميع ويبي يحل كل شي ويرتاح

التفت من سمعها خلفه تتسائل:تفطر بدخان ؟

ابتسم ولف لها ورمى زيقارته:صادقه المفروض أفطر ببوسه

تقدم لها وابتسمت من حسته يبوس خدها وابتعد:وصيت لك بفطور وفطور بيعجبك

أنهار:ايش ؟

بهاج:معصوب

أنهار ضحكت:تعرفون المعصوب انتوا هنا ؟

بهاج:مو بس بالحجاز ياكلونه

ابتسمت:بس محد يعرف يسويه الا هناك

بهاج التفت يشوف العامل يدخل والتفت لها:انتي تفاهمتي مع المصممه هذي ؟

أنهار:ايوا تكلمني كل يوم وتوريني التصاميم

بهاج:زين

أنهار:كلمت البنات ؟ متى بيجون ؟ ابغى ريوف تجيب لي عبايتي وجوالي

بهاج:ارسلت على سلطان مارد يمكنه نايم

أنهار:كلم ريوف

بهاج:طيب بجيب الفطور وجايك

مشى من جنبها وطلت تناظر شغلهم تحت بالحديقه وابتسمت وخرجت من البلكونه تنزل تحت

طلت على شكلها بالمرايه وعدلت شعرها ومشت تجلس بالصاله تنتظره

اخذت نفس تتذكره تبتسم ولا تقدر تخفي ابتسامتها هي عاشت ليله وحده بس وحست انها عاشت افضل لياليها ، جربت بحياتها كل ابواب السعاده من سفر ودلال لكن ليله قضتها وسط حضنه عن عشر ليالي بعيد عنه

الدلال اللي ذاقته من كل البشر ما يضاهي دلال بهاج لها

حط الاكل قدامها وجلس جنبها:سَمي

ابتسمت وبدت تاكل من المعصوب والتفت:ماتبين تميس ؟

هزت راسها بالنفي وقطع منه وصله:جربي

لفت عليه:لا بهاج ما احبه

بهاج:من يدي !

ابتسمت وتقدم بكفه يأكلها وغمضت عيونها بقوه تاكل وناظرها:حلو لا تكذبين

هزت راسها وهي تاكل ورفع راسه بهاج يناظر الجدار قدامهم:ويبي لنا هنا تلفزيون واشغل فيه ياعاذلين الهوى

ضحكت أنهار وهي تناظر اكلها:مو حافظ حاجه الا هي

بهاج:حلوه ، سمعتيها ؟

هزت راسها ولفت عليه وعقد حاجبينه:متى سمعتيها؟

ابتسمت:بعد ماغنيتها هذاك اليوم

ابتسم يشوفها تصد:هذاك اليوم يوم رجعتي وسمعتي الشيله لاني قايلها عرفتي انك تحبيني ؟ والا فهمتي متأخر ؟

ضحكت تغطي فمها وضحك بهاج:بالله متى صدق اسألك

رفعت كتفها:ما اعرف متى بالضبط

بهاج:الا يوم تعشيتي كبدة النايفه

ضحكت بصوت عالي ترجع لورا وابتسم من ضحكتها يكمل ياكل وابتسمت تناظره ياكل ورجعت تضحك:بهاج !

لف عليها وهو ياكل ومبتسم وناظر ابتسامتها:توحبيني ؟

ضحكت بعلو صوتها من نطقه ومن تقليده لها ومسك ذراعها لانها تضحك وتنزل راسها وضحك معها:بالله قوليها

لفت عليه تشد على ذراعه من الضحك وظل يناظرها تضحك لين هدت وابتسمت:انت قول مره ثانيه كيف ؟

بهاج؛أحوبك

رجعت تضحك ونطق بهاج:ما تقولينها كذا يعني ؟

هزت راسها بالنفي وهي تضحك

بهاج:جربي سمعيني اشوف

ابتسمت وهي تشوفه يترقب نطقها:أحُبك

كانت تنتظره يضحك لكنه ابتسم يتأملها وقفت عن ضحكها من شافت نظراته لها كان يشعر ان توقف كل شي للحظه من نطقتها تلون بنظره كل شي رمادي ما يشوف غير لمعة عيونها من ضحكها وصدى نطقها بأحبك ، تشفي وتطيب وتنحط ضماد عن كل خدش فيه ترجع تحييه من جديد تعصف به فصوله الأربعه بثواني وهز راسه:لا تقطعينها عني

ابتسمت له واخذت كفه تمسكه بكفوفها الثنتين

:ما أخليك

شد على كفوفها وناظر الفطور:وجبت لك فطور صوريه يبقى في ذكرياتك

أنهار:صوره انت بيفوتني انا

خرج جواله من جيبه وابتسم يفتح الكاميرا ويصور الفطور واياديهم ببعض طرف بجامتها وطرف ثوبه وكنبتهم اللي جالسين عليها ومد لها الصوره تشوفها وابتسمت بعد الجوال يقلب الكاميرا عليهم وتقدمت لكتفه تستند وتبتسم للكاميرا

ضحك لانها تخبي نص وجهها خلف راسه وهي تاكيه بدقنها على كتفه ونطق:اطلعي

أنهار:مو مره حلو شكلي

بهاج:بعيونك انتي

ابتسم ينزل راسه يناظر الصور بجواله وهي على كتفه تناظر معاه وجاته رساله من ريوف:شوي ونحرك

بهاج:زين بيجون بدري

ابتعدت تناظره:ونرجع ؟

كان بسؤالها خوف نفس ما وصله هالخوف ، خوف فقدان اللحظه

هز راسه:نعيدها بس المره الجايه معك كل اغراضك لاننا بنستقر هنا

ابتسمت له ونزل انظاره لجواله وتقدمت له تبوس خده بخفه وغمض عيونه يعض على شفته ويبتسم لانها قامت بسرعه تبتعد عنه وتلم الفطور من قدامهم

رجع ظهره لورا ولف راسه يشوفها رايحه بعيد عنها وابتسم يرفع كفه لصدره

،

ركبت سيارته وحرك بهاج رايح لشقة فهد والتفت لها من قربوا:ارجعي ورا

تقدمت من بينهم ورجعت للخلف ووقف بهاج جنب سيارة فهد اللي واقفه عند الشقه ويمينه سلطان وخلفهم ريوف ونورا

سلطان:الله بالخير

ابتسم بهاج وطلع يده:هاتي اغراضها

ريوف فتحت الشباك:فينها ؟

بهاج اشر وراه واخذ الشنطه من يدها ورجعها للخلف وسألت ريوف:ليش متخبيه ؟

بهاج؛ما جو معك اهلك يافهد ؟

فهد:انا حرّمت عليهم ماله لزوم

سلطان؛كانت بتجي امك لكن مدري وش ردها

بهاج هز راسه ونزل من السياره ونزلوا معه مد المفتاح لفهد:اطلع الحين اجيك

مشى فهد وناظر سلطان بهاج:وش صار ؟

سلطان:محد نطق بشي

بهاج:الله يستر بس

لف يناظر نورا بالسياره ومشى يدق شباكها وابتسم

صدت ولا فتحت الشباك وفتح الباب:زعلانه علي ؟

نورا:شرايك ؟

ناظرهم سلطان ومشى يدخل الشقه ونزلت أنهار من السياره وهي لابسه عبايتها ورفع راسه بهاج:شوفي اختك عندك اسأليها انا مالي شغل

نورا:أنهار تجحدني سوتها كثير لدرجة تسافر بدوني بس انت اول مره بهاج !

بهاج ابتسم:اختك عدتني بالجحود

ريوف:انزلي محد فاضي يراضيك

بهاج:هاه يالعروس كيف المعنويات ؟

رمت شتيمه ونزلت من السياره وضحك بهاج

أنهار:جبتي كل حاجه ؟

هزت راسها ريوف:تعالي ساعديني

مشت أنهار دخلوا الشقه ولف فهد يناظرهم وسكت والتفت سلطان وهمست ريوف لأنهار:يحشوني

ابتسمت أنهار ودخلت معاها للغرف

جلست على السرير أنهار:وبتداومين بكره وانتي ما حطيتي شي ؟

ريوف:اهم شي اداوم لو بعبايتي هذي

دخلت نورا وابتسمت أنهار ووقفت تحضنها:لا تزعلين مني

نورا:اوف منك أنهار اوف ليش خليتيني ؟

ناظرتها أنهار:ياساتر كل هذا عشان خليتك ؟

نورا:ليش رحتي طيب ؟

أنهار رفعت كتفها:كنت زعلانه وبهاج كان بيغير نفسيتي

ريوف:قولي عشاني تزوجت وبسكن هنا عشان اصدق الكذبه

أنهار لفت عليها:ماتصدقين اني زعلانه انك بتخلينا ؟

ريوف:اصدق نورا انتي لا

ميلت شفايفها بزعل ونطقت نورا:متفشله ودي الارض تبلعني

ضحكت ريوف:حكيها

لفت أنهار:اش صار ؟

نورا:اخ أنهار مو قادره كل ما اتذكر اعرق من الفشله اوف

أنهار:ايش طيب حكيني

نورا:كنت امثل عند سلطان اني اكلم بندر ودق جوالي بنص التمثيل

ضحكت ريوف وعضت شفتها أنهار تناظرها وهزت راسها نورا:عارفه فشله

أنهار:ليش تسوين كذا نورا ؟ حطيتي نفسك بموقف بايخ

نورا:لا تزيدينها انتي كمان

أنهار:طيب اش كنتي متوقعه بالله وانتي تكذبين ان سلطان ينقهر يعني ؟

نورا:لا ما ابغى يتخيل انه انسحب علي وابغاه ينتف شنبه شعره شعره

أنهار:محد سحب عليك نورا هذا نصيب وخلصنا

نورا:ما ابغاه يرجع يشوف اني ارخصت نفسي

أنهار:لا تفكرين كذا بتتعبين نورا هذي مو انتي

نورا:لو اضطر اكلم بندر يجي يخطبني مره ثانيه بس ما اشوفه يطالعني كذا وكأنه انتصر

ريوف لفت:مجنونه انتي تثبتين كلامه يعني ؟

أنهار:مو صاحيه نورا

نورا اخذت نفس:مقهوره احس النيران تاكلني

أنهار:خلاص تلاقينه نسي اصلاً انسي

ريوف:يومين ونجيكم بزواج سلطان واخت شليويح محد مهتم لك

نورا:مين قال ؟

ريوف:بهاح قال بس اكيد يتزوج

أنهار:احسن تفتكين منه

سكتت نورا وأنهار لفت لريوف:افتح اي شنطه اول ؟

قضوا كل وقتهم بالاغراض مع ريوف وبهاج وسلطان وفهد بالمجلس لوحدهم

بهاج:التزم بدوامك لا تفشلني مع الرجال

فهد:ان شاء الله

سلطان:انت ليه جيت للرياض بنص الليل ؟

بهاج:امي زادتها شوي

فهد:شوي ؟ ماظنتي الشويه خلتك تمشي للرياض حتى زوجتك مامعها عبايه

بهاج:مادريت اني بروح للرياض جريتها وما شفتني الا لطريق الرياض

سلطان:ليه ماتبيها هي ؟

بهاج تنهد:زوجة عمر تتوقع من اللي يقنعها ؟

سلطان:عمر لو ما يبيك تكلم هو وما يقصر اصلاً لكن امك بنفسها ببالها شي

بهاج:بتنحل ان شاء الله وبنقل للرياض انا بعد قريب

فهد:تستهبل ؟

بهاج:صادق

سلطان سكت وكمل بهاج:أهج واجيهم زيارات واشوف شغلي هنا وش ابي هناك وانا حتى محرّم علي ادخل بيت امي ؟

فهد التفت لسلطان:وشو نخلي هذا لوحده ؟

سلطان:ماعلي خلاف ولي إسم ماني هذا

بهاج ناظر سلطان اللي صد بغضب:فتره ويتزوج ويهج هو بعد

سلطان رفع راسه لبهاج ورفع حاجبه بهاج:والا ؟

سلطان وقف:بجيب غداء احد يجي معي ؟

فهد:روح صد رد بسرعه

سلطان:ابشر طال عمرك

ضحك فهد ومشى خرج سلطان من الشقه

فهد:علامه ؟

بهاج وقف:مابه شي ، بشوفهم واجيك

فهد:جاي معك

دخل بهاج يتنحنح وناظر الغرفه اللي صارت لريوف رسمياً:على البركه

لفت ريوف عليه:الله يبارك فيك

تكى بكتفه فهد يناظر الغرفه:مبدئياً كذا انا مطرود من هنا

ابتسم بهاج وعض شفته يكتم ضحكته

ريوف:روح مع بهاج وسلطان يسوون لك اغراضك انا ماني فاضيه لك

فهد:زوجتي وشو ماني فاضيه لك !

ريوف ناظرته:ايش ايش ؟ عيد بالله ماسمعت !

فهد:سلامتك

ريوف:بهاج كمان بغيت شي منك قبل ترجعون

بهاج:وشنهو ؟

ريوف:ابغى سياره ايجار امشي فيها اموري وبعدها اشوف لي سياره

فهد:اخو بهاج من اللي يبي سياره ؟

بهاج:سياره ؟ انتي تسوقين ؟

لفت نورا عليهم بصدمه:تستهبل ؟

أنهار:كلنا عندنا رخصه

فهد:وتسوقون ؟

نورا:يابابا لفينا السعوديه ونسوق برا السعوديه كمان

بهاج:شتبين فيها ؟ فهد يوديك ويجيبك

ريوف:ما أثق فيه هذا يخليني بالشمس أنصهر لا شكراً ما ابغى اركب معاه

فهد:لا انتي تزوجتيني شكل بس بنت اعقلي حنا رجال ماحنا جدران

لف عليه بهاج:هدها يالطيب

ريوف:خلك ساكت بالله محد جاك

بهاج:سلطان بيجيب غداء تعالوا

لفت أنهار على نورا اللي نطقت:ما ابغى

بهاج:ناكل جميع تعالي

نورا:مو مشتهيه بهاج تكفى

أنهار:مو على كيفك تعالي معانا

نورا:أنهار !

ناظرتها أنهار بحده ومسكت يدها بقوه:اكيد ما بخليك تموتي جوع

خرجوا للصاله ولف بهاج على نورا:راضتك أنهار ؟

نورا؛لو تركز ترا انت اللي مزعلني مو أنهار

بهاج:افا !

نورا:يعني ايش مافهمت أنهار تزعل على ريوف تقوم توديها الرياض ؟ لا وبدون عبايه خايفين اشوفكم يعني ؟

سكت بهاج ثواني ولف يناظر أنهار اللي تناظرهم وتكلم بهدوء:هي قالت كذا ؟

نورا:حتى انا زعلانه ان ريوف بتروح بعيد عنا ما اشوف احد وداني الرياض

سكت بهاج وناظرته أنهار صد ونطقت ريوف:اللي يسمعكم يقول رحت اخر العالم ، كلها ٤٠ دقيقه وانتوا عندي

فهد:لا مافي كل شوي روحات بدون علمي

ريوف:تكفى شليويح اخر واحد ينطق انت

فهد:اي على خير قال بتسوقين قال

ريوف رفعت حاجبها:مين يردني ؟ لا يكون انت ؟

فهد لف لبهاج:بهاج انا بديت اخاف من هالادميه عادي تستفرد فيني تسممني تكفى لا تخليني عندها امي وخواتي يبوني

بهاج لف يناظرهم ووقف من دق الباب ومشى يفتح ودخل سلطان بالأكياس

ناظرته نورا ولف سلطان على بهاج اللي سأله:بكم

سلطان:عيب اقلط وانت ساكت

ضحك بهاج بهدوء ووقفت ريوف تفتح الاكياس:شاورما ؟

سلطان:اي في ثنتين على جنب لي

ريوف:ليش شفيها مختلفه ؟

سلطان:بدون كاتشاب

رفعت راسها نورا لهم ونطقت ريوف:كلها بكاتشاب ؟ نورا ما تحبه

لف عليها وناظرتهم :خير مين قال عطيني واسكتي

ريوف ناظرتها بصدمه:اكذب؟

فتح كيسه سلطان وحط شاورما قدامها ونطقت:ما ابغى

سلطان لف يناظرها ومشى يجلس جنب بهاج وبدووا ياكلون سوا

أنهار:ما ادري جوعانه والا منجد يمي !

فهد؛الا حلوه والله وين المحل قولي عشان اجيب لي لوحدي

ريوف:وقولي انا كمان سلطان عشان اجيب لي بسيارتي

فهد التفت عليها:تعقبين

ريوف؛قول انتف شنبي لو سقتي انت كمان

رفعت راسها نورا على ريوف وجمد وجهها وسكتوا من ناظرها سلطان ولف لنورا والتفت عليه بهاج يناظره

أنهار همست:ياليت ما تقولين كل شي يخطر ببالك انتي وفهد

فهد:شدخلني تجمعيني معها ؟

اكلت أنهار ولا ردت عليه لفوا من دق الجرس والتفت فهد على العيال يستغرب

وقام سلطان:بشوف

ريوف:يارب جيراني بالعماره ويكونون بنات صغار عشان يسلوني ونروح سوا بسيارتي كل مكان

فهد:ياليل البزر ذي

لف بهاج وجمد محله وسكتوا من دخلوا عليهم

وقف بهاج وناظر عمر اللي بجانبه حليمه

بلعت ريقها أنهار تغطي شاورمتها وتحطها قدامها بهدوء

حليمه:بالعافيه

ناظرهم سلطان ووقف فهد:حياكم

تقدمت حليمه ومسكت كتف بهاج:كيفك ؟

مارد عليها وهو يناظرها وابتسمت تدخل بينهم وتجلس

وقفت نورا تترك لهم الكنبه وجلست جنب ريوف قدامهم وجلس بهاج وهو يمسح فمه بمنديل

حليمه:عمر تعبان وما كنا بنجي والله بس قلنا نشوف شقة ريوف وفهد ونجلس بالرياض كم يوم نتمشى

محد رد عليها وهم يناظرون بعضهم ولفت حليمه لعمر:ما بتقول شي ؟

عمر رفع راسه يناظر بناته قدامه وحده وحده فيهم بلعت ريقها نورا من شافت نظراته وجهه اللي تعودته وصدت بأنظارها للأسفل تعدم التواصل البصري بينهم وعقدت حاجبينها أنهار تتأمل سكوته ونظراته لهم ونطق عمر:نويت ارجع جِده

تغيرت وجيه البنات من نبرة صوته ولفت حليمه عليه بإستغراب وكمل عمر:كانت غلطه اننا استقرينا هنا الكل تلخبط بأمور ما يبيها ، نرجع جِده انا وانتم

لف سلطان على بهاج وفهد اللي يناظرونهم

ورفعت راسها نورا تناظره بصدمه:مافهمت ! مين تقصد بأنتم ؟ اكيد ما تقصدنا إحنا

عمر:انتي وريوف وأنهار ، بناتي

نورا:بناتي ؟

عمر:اجل ريوف تتزوج واحد ما تدانيه عشان بس تكمل دراستها ؟ داري ان هالجيّه عشان تتخرج وليه العناء نرجع لجِده جميع

أنهار:ليش ماخذ الموضوع بسهوله وانت تقوله ؟ نروح ونرجع ونرجع ونروح بكل بساطه ؟

عمر:ما بتتركين شي بالرياض عليه حسوفه

ضحك بسخريه بهاج من فهم قصد عمر ولفت أنهار تناظر بهاج اللي منزل انظاره عنهم

ولفت حليمه:ماجبت لي طاري !

عمر:الحين جبت

ناظرته حليمه لثواني وصدت تناظر البنات

نورا:اذا تفكر ترجع جِده ارجع لوحدك

كانت ماسكه دموعها صاده عنهم ترجف يدينها من صوت ابوها وطاري جِده ، ذكرياتهم معاه خلتها ماتقدر تتكلم وتقول شي عكس أنهار ونورا اللي واجهوه

عمر:مابروح مكان بدون بناتي

نورا:محد يبغاك

عمر:ان رجعنا جِده كل شي بيرجع انا ماني بخير هنا

سكتوا يناظرون تغيّر صوته وصراحته بتعبه بالرياض

لفت ريوف تناظره بخوف عليه هي لاحظت ولمست الاختلاف فيه

شدت نورا على ذراعها بقوه تمنعها تمنعها تضعف وتنسى كل شي سواه لهم وبلعت ريقها ريوف تشد على كف نورا بقوه

أنهار:ليش مو بخير ؟

عمر:يصيبني شي ما ادري وش هو

نورا:يمكن شي اسمه حوبتنا ؟

حليمه:بنت !

نورا:اطلعي منها انتي

عمر لف يناظر ريوف اللي تناظره وهمس:ريوف كاس مويه

تثاقلت انها توقف على حيلها من نظراته هي تذكرت كل شي كيف كان يطلبها ويجلسها بحضنه وتحت ذراعه كيف كانت تشاركه مشاويره بالسياره ونزلت راسها من نزلت دموعها بدون صوت

عضت شفتها نورا من شافتها تبكي وسكتوا كلهم وصدت أنهار تاخذ نفس

رفعت ذراعها نورا تمنعه من وقف:لا تفكر تجي

عمر:محد رادني

وقفت نورا قدامه بغضب:لا تفكر تحضنها لا تفكر ماراح اخليك ، مادريت عنها انت خليتها توصل لهذي المرحله انت

لفت أنهار تشوف ريوف اللي تبكي ووقفت تجلس جنبها تحضنها وتناظر نورا وعمر

بعدها عمر ورجعت توقف قدامه نورا تناظره بحده:لا تحضنها

ارتعبت من وقوفه قدامهم وتغير صوتها من خنقتها عبرتها ووقفت حليمه:عمر خلهم

عمر ظل يناظر نورا اللي قدامه اللي تمنع دموعها من الفيضان تمنع دموعها تمطر

لف فهد يناظر سلطان وبهاج وهمس:محد بيسوي شي؟

هز راسه بالنفي بهاج وهو يناظرهم

صد عمر وتقدمت حليمه بتمسك ذراعه لكنه فلت نفسه عنها يبتعد وظلت تناظره حليمه

اخذ نفس عمر ولف يناظر ريوف:بجيك

رفعت راسها ريوف تناظره وهي تبكي وكمل عمر:بجيك مره ثانيه

حليمه:بنطلع ؟

عمر:اذا ماتبين ارجعي مع ولدك

عقدت حواجبها:عمر ؟

مشى خارج ولفت حليمه تناظر بهاج اللي يناظرها:بنتكلم

هز راسه لها ومشت تخرج ورا عمر واخذ نفس فهد يناظرهم قدامهم

وقفت ريوف ودخلت ورفعت راسها أنهار لنورا اللي لفت عليه بتساؤل:يتحول ؟ كيف كذا كل مره شكل كل مره كلام ؟ مين يغيره ؟ مين يبدله ؟

أنهار نزلت راسها:ما ادري

نورا:ماني فاهمه حاجه

جلست نورا جنبها وهي تفكر ولفت أنهار:تتوقعين يحتاج احد يتكلم معاه ؟

نورا لفت عليها:ما سمعنا عشان نسمعه

أنهار لانت ملامحها:نورا يمكن فيه شي يمكن تعبان يمكن إحنا مو حاسين بشي

سكتت نورا تناظرها ورفعت راسها تناظر بهاج وسلطان وفهد جالسين وبدلت نظراتها لأنهار:تعالي نشوف ريوف

وقفوا تاركين لهم الصاله ولف سلطان عليهم:وش جاه ؟

فهد:مدري عنه يمكن تهاوش مع الشيبه ؟

بهاج:ماهو طبيعي وينافخ على امي بعد

فهد:يمكنه تهاوش مع احد

بهاج:لو تهاوش كان امي عندها خبر هي مصدومه نفسها نفسنا

سلطان ناظر فهد:روح شوف زوجتك انت

فهد:صاحي انت ؟ صدقت الكذبه

بهاج نطق بلا:خلوهم لوحدهم

رجع ظهره لورا وهو يطلع دخانه من جيبه ويشغل زيقارته

أنهار صرخت بوجهها:مريض مريض ماشفتيه ؟

نورا:ونسامحه ؟ أنهار رحنا له بالمستشفى طردنا طردنا وهو مريض

أنهار:يمكن يحتاج يتكلم مع احد يمكن كان نفسه يتكلم مع ريوف لانه يرتاح لريوف ؟ ليش قلتي لا ليش وخرتيه ؟

نورا لفت لريوف اللي تبكي من أصوات هواشهم:بكيها اكثر شاطره

أنهار:ما اقول كذا عشان ابكي ريوف اقول كذا لاني حسيت انه تعبان فيه شي مخبيه علينا يبغى احد يسمعه انت ماشفيته كيف بعد عن حليمه ولا كأنه يعرفها كان يبغانا إحنا

جلست نورا وهي تحضن ريوف:محد بيتكلم معاه

أنهار هزت راسها وناظرت ريوف:ريوف انا برجع ياروحي لا تخوفيني عليك اوكيه ؟

ريوف ناظرتها وتقدمت تبوسها أنهار ولفت نورا:انا اجلس معاك

ريوف:لا خلاص مافيني شي روحوا

نورا:بجلس معاك ريوف ونخلص كل شغل الشقه وبعدين ارجع

ريوف لفت لنورا:مافيني شي بس كنت مكتومه وانفجرت والحين ارتحت خلاص روحوا

نورا:ما ابغى يجلس عقلي عندك

ريوف:بكره بداوم نورا ماعليك

نورا ناظرتها وتنهدت ووقفت وخرجت من الغرفه ابتسمت أنهار لريوف وهمست لها:بتكلم معاه

مسحت دموعها ريوف وهزت راسها لها وخرجت أنهار ورا نورا اللي وقفت قدام بهاج:بنرجع

بهاج وقف:وريوف ؟

نورا:مافيها شي كويسه

بهاج:بشوفها وجاي

نورا:لا بهاج خلاص خلها على راحتها غير انها فصخت عبايتها وغيرت ملابسها وبتنام

سكت بهاج يناظرهم ولف لسلطان اللي وقف ياخذ جواله وناظر فهد:ان بغيت شي كلمني

هز راسه فهد لهم وخرجوا

ركب سيارته بهاج ويمينه سلطان وخلفهم نورا وأنهار وحرك بهاج

تكى بيده يناظر الطريق ورفع راسه للمرايه يعدلها عليها وناظر انعكاسها بمرايته صاده للطريق عاقده حجاجها ساهيه

لف سلطان يناظره ورجع يناظر الطريق

نزلت راسها أنهار تفتح جواله ودخلت محادثته ناظرت اخر رسايلهم لبعض وعضت شفتها تمنع بكاها كان فويس منه وهي راده عليه:شكراً بابا

بلعت ريقها تحط جوالها على اذنها تسمع الفويس منه : بابا أنهاري حولت لك شيكي اذا وصلت وخلي ريوف تنزل لي اذا جهزت

نزلت راسها من بكت وتخلت ما يلاحظها احد ولفت نورا عليها وانتبهت انها تبكي وصدت نورا للطريق وبلعت ريقها تشد على كفوفها

نزلت من السياره اول وصولهم ودخلت البيت ومشى بهاج خلفهم

دخل البيت وناظر نورا اللي تدخل الحمام ومشى للغرفه ودخل ناظرها تفصخ عبايتها وصاده

لفت من شافته واقف وما تكلمت كان ودها تحضنه وتبكي بحضنه وتعيش كل حزنها زي كل مره بحضنه

بهاج:ليه كذبتي على نورا ؟

عقدت حاجبينها:كذبت بإيش ؟

بهاج تقدم لها يناظرها:قلتي اني ماخذك للرياض عشانك زعلانه على روحة ريوف ؟ ليه ماقلتي ان امي قالت لك بتفرّق بيننا وانتي تبيني وتحبيني وتضايقتي من كلامها واخذتك انا لبيتنا سوا بالرياض ؟

اخذت نفس بعدم تحمل وصدت بنظرها وهزت راسها بالنفي هي ماكان ينقصها شي اكثر من حزنها وضيقتها

بهاج:أنهار ! انا قلت ما بوقف قدام احد لوحدي

لفت عليه أنهار:لا توقف بهاج ولا ابغاك تقول شي تبغى تتزوج ؟ تزوج اخر همي ، تبغى تسمع لكلام امك اسمع سو اللي تبغاه بهاج ما ابغى شي ، اتركوني كلكم بحالي

سكت بهاج يناظرها وكملت أنهار:خنقتني بهاج وانا مخنوقه من نفسي ، ماراح اقول شي لاي احد تفهم؟

ظل يناظرها ثواني وهز راسه لها:افهم

انقبض قلبها من شافت ملامحه تغيرت ولف يعطيها ظهرها خارج وماقدرت تتحمل خروجه زياده وبكت هو لو لف كان انتبه انها اجهشت بالبكاء بس من زعله قفل الباب خلفه وخرج من البيت يقفل بابه بقوه

طاحت بفراشها تبكي هي ما كان ينقصها الا قطره ويفيض الكأس وتبكي هالبكاء كله هي تركت ريوف لوحده تبكي وهي محتاره بأفكارها لابوها هي ياكلها الشوق لابوها وتذبحها الاسئله من تغيره وكان ينقصها ملامة بهاج لها وتندمر نفسيتها لهالدرجه

،

دق الباب وهو منزل راسه ولاردت فتح الباب ولقاه مقفول وهمس:ابلش

دقه من جديد:ريوف

ماردت عليه وكرر الدق:ريوف افتحي بكلمك

اخذ نفس يزيد بالطرق:لا تخرعيني افتحي لا اكسره

سمع صوت خطواتها وفتحت الباب له وناظرته

رجع لورا يناظرها بربكه:تبين اسكريم ؟

عقدت حاجبينها وحك جبينه فهد:جيت اسألك تبين اسكريم اشتهيته وبطلع اجيبه ، ماجيت اسأل عنك ادري فيك ما يهزك شي

سكتت تناظره يداريها وكمل فهد:شوكلاته والا فراوله ؟

همست:جوكلت

تقدم لها:منهو ؟

اخذت نفس؛جوكلت

هز راسه:طيب ابشري بس لا تقفلين الباب عليك

هزت راسها له ومشى فهد يخرج من الشقه ورفعت راسها تاخذ نفس من بكاها اللي طال لساعات طويله

،

كانت بالغرفه تاركه نورا بالصاله لوحدها تناظر جوالها والصور وتنتظر بس جيّته هي تنتظر جيّته لها يوم كامل ووقفت من سمعت صوت السياره وخرجت من الغرفه وناظرتها نورا:اشبك ؟

مشت تفتح الستاره تناظر سيارته ونزوله مع حليمه وتكلمت بهدوء نورا:كلي معايا

لفت أنهار عليها:مالي نفس

نورا:طيب عشان انا يصير لي نفس

أنهار:والله مصدعه نورا بسوي لي قهوه مو مشتهيه اكل

نورا؛حتى بهاج ما يبغى مع مين اكل ؟

لفت أنهار قبل تدخل المطبخ ونطقت:وينه بهاج؟

نورا:برا ارسلت له قال انه يدرس

ماردت أنهار ودخلت المطبخ تسوي لها قهوه

-

صحت الصباح ولفت للباب وهي تسوي شعرها:

تعال يامؤدب

دخل وناظرها:مؤدب عشاني دقيت الباب ؟

هزت راسها ريوف:ماتوقعتك تعرف آداب الدخول

فهد:خلي كثر الكلام خلصتي ؟ مستعجل انا

ريوف:ياليل القروشه

وقفت وهي تفك شعرها باصابعها وناظر لبسها ولفت عليه وهي تحط روجها:عشان كذا اقول ابغى سياره

فهد:تعقبين بس البسي اخلصي بلحق دوامي

مشت تاخذ عبايتها السماويه وطرحتها البيضاء اللي على رقبتها وشالت شنطتها ومشت معاه

خرجت واخذ نفس فهد:يعني خلصت الالوان ؟

لفت عليه بالدرج:الوان ايش ؟

فهد:عبايتك

ريوف:لا مره انسى تدخل بملابسي

فهد تأفف وتقدم قبلها ومشى لسيارته وركبت جنبه

لفت عليه:ابغى قهوه قبل اروح الجامعه

فهد التفت عليها:كان سويتي بالبيت

ناظرته:فهد ! ياليت تبطل تعطي رايك

فهد:اذا صرت سواق عندك اسكت تراني زوجك

ضحكت ريوف وناظرت عصبيته:اوكيه يازوجي مرّ اخذ لي قهوه

ناظرها بنص عين وحرك سيارته وطلعت ايبادها من شنطتها تناظر جدولها وهمست:متى تجيب السياره يازوجي ؟

فهد:مابجيب

لفت عليه:اوكيه بهاج بيجيب

فهد:شدخل بهاج ؟

ريوف؛اخوي

فهد:بالله ؟ صار لك تعرفينه نص سنه متى صار اخوك

ريوف:هو مستعد يجيب لي سياره انت شدخلك؟

فهد:لاني انا زوجك

ريوف:زوجك زوجك وما يبغى يجيب لي سياره

فهد:انكتمي خلاص بعدين نتفاهم

ريوف رفعت راسها للطريق:هذا وقف

فهد:وشنهو ؟

ريوف:ستاربكس فهد ركز

وقف عنده ولف عليها:شتبين ؟

ريوف؛انا بنزل انتظرني

فهد رفع حاجبه من فتحت الباب ولبست نظارتها الشمسيه ونزلت الكوفي

قفل سيارته وهمس:اللهم طولك ياروح

لحقها وناظرها واقفه باللاين ووقف جنبها ولفت عليه:خير ؟

فهد:عطيني طلبك انا اجيبه وهاك المفتاح اركبي

ريوف ماردت وتقدمت تطلب ولفت عليه:جبت لك صدقه تجرب عيشة الاوادم الطبيعين

فهد:اللي جرب حليب النياق ما بيجوز له شي

ريوف:تكفى اسكت لحد يسمعك

فهد ابتسم ياخذ الطلب وهمس لها:ومعلمتهم اسمك بعد

ريوف اخذت قهوه وخرجت وفتحت جوالها تصور:بصور لبهاج والبنات

تقدم فهد بسرعه وفتح بابها:عشان بهاج ما يسوي لي علوم

ضحكت وركبت تصوره جاي من الجهه الثانيه:كذاب قبل شوي نافخ علي قدام الناس

نزلت جوالها تفتح قهوتها وتشرب منها وحرك فهد سيارته

،

نورا ابتسمت تناظر السنابه ولفت لأنهار اللي تشرب قهوتها قدامها وساهيه:شفتي ريوف ؟ ياحياتي متحمسه للدوام

اخذت نفس أنهار وهزت راسها بالنفي:مافتحت جوالي

نورا رجعت تناظر جوالها:مو مصدقه ان لك كذا يوم كذا

أنهار:مو وقت كلامك نورا

حطت كوبها ووقفت ومشت للشباك تفتحه تناظر من بعيد سكون المزرعه ولفت لنورا:بتمشى شوي وراجعه

ماردت عليها واخذت عبايتها ولبست شوزها وخرجت من البيت مشت بهدوء لين اقتربت من حوض النياق وشافته مع سلطان جالسين ماقدرت تقرب اكثر خوفاً من انهم يلاحظونها

اخذت نفس ومشت للملحق ودقت الباب وبلعت ريقها من فتح الباب عمر وعقد حاجبه

همست بهدوء:اقدر ادخل ؟

عمر:وش صاير؟

أنهار:بتكلم معاك انت لحالك ؟

عمر:طالع

أنهار تقدمت له:دقايق بتكلم معاك

اخذ نفس ودخل وشدت على كفوفها برجفه أنهار ونطقت:من يوم رجعنا من عند ريوف افكر فيك

عقد حاجبه وكملت أنهار:كنت تقول انك مو مرتاح هنا وتبغانا نرجع جِده اول مره اشوفك كذا من يوم جينا هنا

عمر مارد وهو يناظرها وعضت شفتها من حست بدموعها وهي تناظره:فهمني ليش تغيرت علينا وبترك كل شي هِنا واروح معاك لجِده

عمر:كل شي ؟

أنهار تقدمت له ومسكت كفه ومن حست فيها بكت تترجاه:تكفى بس ارجع زي زمان ، ابغاك وحشتني وحشتنا كلنا ، ارجع زي زمان بابا تكفى

مسكت بكفوفها كفه وهي تبكي ونزلت راسها تغمض عيونها:ما اشتقت لنا ؟

رفعت راسها تواجهه:انا اشتقت لك مره تكفى ارجع لنا مو قادره اتحمل اللي صاير مو قادره اتحمل وجودك قدامنا ولا نقدر نشوف منك حنيّه وسؤال زي زمان وكأنك ميت ، قولي ليش تغيرت ؟

عمر رفع راسه من دخلت حليمه ولفت أنهار تناظرها ووقفت محلها حليمه وهي تشوفها تبكي

لفت أنهار على عمر ولفت وجهه بيدها:بابا

عمر:طيب نرجع جِده سوا بس بشرط

أنهار:ماكان عندك شروط يوم كنا عند ريوف ! ماكنت تكلمني كذا واحنا عند ريوف ليش تتغير هنا ؟ مين يغيرك ؟

تقدمت حليمه تناظرهم بإستغراب ونطق عمر

:اخذك انتي ونورا وريوف ونرجع لجِده تاركين كل شي هنا بس بشرط

سكتت تناظره وكمل عمر:نحضر زواج بهاج على شموخ قبلها

ظلت تناظره بصدمه ولفت بصدمه حليمه عليه ونطق عمر:نذر علي ان تزوج بهاج لأرجع فيكم جِده ولا اشوف شي وراي

بلعت ريقها وبكت وهي تناظره وهمست:ليش طيب؟

عمر:عاد هذا اللي عندي

صدت براسها تبكي بدون صوت ومسحت دموعها ولفت عليه وكمل عمر:ومعد تشوفون عمر هذا لو طلعنا من هنا

هزت راسها بتساؤل:ليش تتغير هنا طيب ؟ ليش مانقدر نظل هنا بدون ما تتحول شخص ثاني ، ليش تبعدني عن بهاج ؟

عمر:ماهو بيدي

أنهار:بيد مين بيد مين اقطعها ؟ مين اللي بعدك عنا بعد ماكنا اقرب شي لك ؟ دخلنا هنا وانت تقول بناتي بناتي والحين ؟

ميلت راسها:ليش ؟

عمر:أنهار قلت لك ولا تكثرين كلام نخرج من هنا لاتزوج بهاج

جلست حليمه وهي تناظرهم وظلت أنهار تناظر عيون ابوها اللي متشكله بالعاديّه ولا كأنها تبكي قدامه : ليش تختبر قوتي ؟

عمر:وعدتك وعد وما بخلفه بهاج يتزوج نرجع كلنا بنفس الليله

هزت راسها وهي تناظره بقل حيله كانت ترتجي تجيه وتسمع منه شي ثاني شي نفس الامل اللي حسته من جاهم ببيت ريوف لكن خابت ظنونه مشت تخرج من الملحق شهقت من خرجت وجلست خلف الملحق وهي تبكي غطت يدينها واجهشت بالبكاء تمنت لو شافت منه الضعف اللي شافته ببيت ريوف تمنت لو كلمها وقال لها اسبابه وتغيره لكنه كل اللي سواه حط قدامها شرط يدري انها ما بتتحمله يشوف في عيونها حبها ويبغى يعاقبها عليه

رفعت راسها من شهق ورفعت راسها:لا تتكلم بحرف

وقفت ومسحت دموعها:سلطان ! تقول شي اقص لسانك

سلطان:علامك تبكين ؟

أنهار:مالك شغل

مشت وهي تبكي وتخطته تدخل البيت وعقد حاجبه يناظر الملحق وهمس:اجل ما اقول !

مشى لمكانهم من جديد ولف بهاج:لقيت الدِلال ؟

تقدم سلطان وجلس جنبه:ماشفت

بهاج:اجل ليه رجعت ؟

سلطان:لقيت زوجتك تبكي

بهاج عقد حاجبه:وين ؟

سلطان:ورا الملحق شكلها كانت فيه

بهاج التفت من بعيد وهو عاقد حجاجه وكمل سلطان:شوفها اذا ودك

اخذ نفس بهاج:ردتني سلطان

سلطان:والله حالها يكسر الخاطر

بهاج ناظره ثواني ووقف وهو يهمس:لا حول ولا قوة الا بالله بس

لبس حذيانه ومشى للبيت دخل وناظر نورا:وين أنهار ؟

نورا:بالغرفه

تقدم وجرب يفتح الباب لقاه مقفل ودق الباب:أنهار افتحي

ماوصله رد ولفت نورا:اشبها ؟

رجع يدق الباب:بنت أنهار هذا انا بهاج افتحي

نطقت وسط بكاها:ما ابغى اشوف احد خلوني لحالي

عقد حاجبينه من ردته وشد على قبضة يده اللي على الباب واخذ نفس يهدي عصبيته وتقدمت نورا:تبكي ؟

مشى بهاج وخرج من البيت ولفت نورا للباب:بنت اشبك ؟

أنهار:خليني لحالي ماتفهمون ؟

تنهدت نورا ومشت تجلس بالصاله تاركتها

-

خرج من البيت وهو يهمس:انا إبن الكلب اللي سألت ردتك ياحمار ردتك

مشى وهو غضبان ولف له سلطان اللي شافه جاي معصب:يارب ما انكويت عشان ما تطلع حرتك فيني

بهاج:انطم

جلس جنبه وناظره سلطان:اح بالله ردتك ؟

بهاج مارد عليه وهو يناظر النياق قدامه

وثواني نطق:وش غيرها ؟

سلطان:والله البنت تأزمت نفسيتها من ابوها ماخذهم رايح جاي مو مخليهم يعيشون زين ، مره متغير كأنه عزرائيل ومره يقولهم مشينا جِده

بهاج التفت عليه يناظره وهو ساهي يفكر

ولف عليه سلطان:تتوقع صادق يوم قالها ؟ يردهم لجِده ؟

بهاج ميل شفايفه:مدري لكني قبل ساعه كنت واثق انه هَرج وحتى لو انقال لهم مشينا ما مشوا لكني الحين ماني واثق من مصيري والله اتخيل اني اندفن هنا وانسي

سلطان:لا يارجال !

التفت عليه بهاج يناظره:وليه لا ؟ لو خيرها ابوها بيني وبينه بتختاره ، ما بتعزني اكثر من ابوها ، اي تهجرني سلطان عشان ابوها

سكت سلطان وصد يتنهد وكمل بهاج:لكن ان صارت !

لف عليه سلطان وسهى بهاج لثواني بكل ذكرياته معها ورفع عيونه لسلطان:بموت حيّ

سلطان:اسم الله عليك يارجال لا تقول شي ماصار قلت لك هي ردتك الحين البنت تعبانه ولا تدري وش تسوي ومن سمعت طاري جِده تبدل حالها

هز راسه بهاج يجاريه بالكلام ولف للنياق يناظرها

هو ما تشافي باقي من بوساتها وابتساماتها ما تشافى من وعودها واحضانها

يحس بالنيران تاكله لمجرد فكرة انها ممكن تروح تحط هذا الحب والتضحيات بعرض الحايط وتتركه !

خايف يصدق كلام امه يوم تقوله انهم بنات مدللات يعيشون ورا سعادتهم ولو ما لقت سعادتها معاك هجرتك بدون تسأل

هو وصله هذا الشك من اختلافها وتغيرها وزاد الشك فيه لين اندفن ظن داخله

ولف على سلطان وهمس:مخنوق هنا بروح الرياض

سلطان:وش تبي بالرياض ؟

بهاج:لا تقول لفهد ماني مارّ عليه ابي اقعد لوحدي

سلطان:لين متى ؟ بتبطي ؟

بهاج هز راسه:مدري

سلطان:تبيني اجي معك ؟

هز راسه بالنفي ووقف بهاج وطلع من جيبه بَكت دخانه يطلع زيقاره ويولعها ويمشي لسيارته

شغلها واخذ نفس يناظر يمينه كانت جنبه اخر مره والحين وينها ؟

قفل باب سيارته وخرج ماشي لطريق الرياض كان حاط ذراعه على شباكه ويفكر وهو يلمس شاربه ودقنه رفع انظاره على مرايته يشوف دقنه

اللي ما تحبه عليه ولا تبي تشوفه الا بشارب بس هي ما قالت له وافصحت لكنه يدري من نظراتها انها تحب شاربه وما تداني دقنه

كمل يناظر الطريق لين وصل للرياض ونزل لبيته

دخل البيت وفتح انواره واجتاحته الضيقه بصدره يناظر مكانهم قدام عيونه

مكان ما قال لها قصرّي بُعد المسافه وقصرت مكان ما انتشى مكان ما تلونت شرايينه بحبها وانطبع على قلبه هواها مكان ما قسمت الاثاث بيدها واختارت الوانه هي اليوم غايبه مالها حس بالبيت

بالبيت اللي رفع انظاره يتأمله البيت اللي ما اشتراه الا عشانها وما تمنى يسكنه الا معاها هو يفكر لو راحت وش يسوي بكل هذا كل هذا اللي يسكن صدره ويسكن جوفه

غمض عيونه وهو يهمس:لا يارب تكفى

تقدم يجلس على الكنبه وفتح عيونها يناظر الفراغ

نزل يدينها ولمس بكفه وشاحها ونزل انظاره يناظر وشاحها اللي كانت تغطي نفسها فيه وشد عليه بكفه ورجع ظهره لورا

'

كانت تناظر الفراغ وتسمع كلامها اللي تقوله وتكرره من ساعة دخولها:اول مره اشوف عمر ناوي نيّه هالقد فعلاً حط براسه وقالي ان لو تزوج بهاج واستقر وتطمنت عليه باخذ البنات ونرجع جِده وكل وحده تشوف حياتها هناك وترجع اموركم تتعدل

لفت عليها أنهار:خلصتي ؟

حليمه:أنهار محد بيقنع بهاج غيرك ! ، جربي اطلبيه واذا عرف انه عشانك بيتزوج وبيقتنع

أنهار سكتت تناظر حليمه وكملت حليمه:صدقيني محد يفهم وضعكم قد ابوكم وانا اعرف مصلحة بهاج مع من ؟ وابيه يتزوج ويستقر هنا وانا اذا ابتعدت عنه بكون مرتاحه

أنهار:اطلعي

حليمه:ماخلصت أنهار خليني اكمل

أنهار:لك يومين تجيني تسمعيني نفس الكلام ما طفشتي ؟ خلاص اتركيني بحالي

حليمه:لان بهاج مختفي ومايرد علي ولو كلمتيه ورجع واقنعتيه يتزوج ما بزعجك بعدها

اخذت نفس أنهار:اتركيني لحالي

وقفت حليمه وخرجت من الغرفه وناظرت نورا:اقنعها تاكل الله يهديها تتغذى على القهوه

نورا:ايوا ماقصرتي

صدت عنها نورا وخرجت حليمه تاركتهم

،

اخذت نفس تحاول ما تبكي هي تعبت من التفكير تعبت تسمع كلام حليمه وعمر كل يوم وتشوف نورا اللي تجلس بملل ووحده لحالها وتعبت تفكر في بهاج كل ماتتذكرته ينعصر قلبها كيف تفرط فيه ؟ كيف بتقدر تقوله يتزوج غيرها ويشوف حياته بعيد عنها كيف بتتحمل ان ابوها ضحى بحبها عشان يرجع نفس ماكان قبل

مسكت قلبها من حست بوجع شوقها له وخوفها وحزنها وتعبها لها مده تفكر تحتار وتحط يمينها بهاج ويسارها ابوها وحياتها القديمه وخواتها وتحتار اكثر وتتعب اكثر

لفت لجوالها وفتحت رقمه تناظره غمضت عيونها تمسح دموعها واتصلت عليه

عضت شفتها تنتظر تسمع صوته اللي من فتره طويله ما سمعته

بلعت ريقها من رد:هلا

سكتت تميل شفايفها بتعب يكوي صدرها

واخذ نفس يكرر كلامه:هلا

أنهار:جالس ببيتنا ؟

رفع حاجبه يناظر حديقة البيت من بلكونته:بيتنا !

أنهار:متى بترجع ؟

بهاج:مالي نيّه

أنهار سكتت تناظر الفراغ ونطق بهاج بعد طول الصمت:وش اقنعوك هالمره ؟ قلت لك مابي احب خوافه

تنهدت تشوي قلبه من سمع تنهيدتها ورفعت ابصارها لا تنزل دموعها وكمل بهاج:ليه تسمعين لهم ؟ ليه اجيك وترديني ؟ ليه يا أنهار متى صرنا كذا ؟

أنهار:لو اطلبك شي عشاني أنا توافق ؟ حتى لو هذا الشي بيعورك وما بيرضيك ؟

بهاج عقد حاجبينه وكملت أنهار:انت كنت تقولي لا تقولين تكفى قبل تنوين يجيك اللي طلبتيه صح ؟

غمضت عيونها وكملت:تكفى بهاج تكفى اسمع لهم اسمع لأمك وتزوج

جمد وجهه ووقف وهو عاقد حجاجه:وش تقولين ؟

سكتت أنهار تبكي وكمل بتساؤل وصدمه:صاحيه انتي ؟ وش قالوا لك هذولا ؟ انتي ليه تسمعين لهم ليه ليه ليه كم مره اقولك لا تسمعين لا يأثرون بك وش اللي تقولينه انتي صاحيه ؟

همست بين تعبها وونّها:تعبانه بهاج

بهاج اخذ نفس يهدي نفسه:بجيك وبتفتحين بابك والا بكسره وبنتكلم لين ترجعين لعقلك

قفل جواله ما يترك لها رد واخذ اغراضه وقفل انوار بيته وخرج من البيت

حرك سيارته ومشى بالطريق راجع هو كان قبل أيام لوحده يصارع ذكرياته ويقاوم كبرائيه لا يدق عليها

لكنها قاعده تغرق لوحدها من تأثيرهم عليها لدرجة طلبته يتزوج هو ما يجهل الوضع اللي هي فيه شافها كيف تاخذها الكلمات للحضيض تدمرها ويتبدل حالها ياكلها الشك ويفتري فيها الخوف وصار لازم انه يرجع يرجع يخليها تفوق وتعرف وينها عنده وينها بقلبه

فتح جواله يرسل لها وعينه على الطريق:لا تنامين جايك

حط جواله بحضنه يكمل طريقه وقرتها

مسكت قلبها اللي تتسارع دقاته وحست بالهبوط اللي يخليها تشوف الدنيا بدوران هي ما تاكل وتشرب قهوه وتسد شهيتها أكثر والتوتر والضغط زادها

كانت تفكر بتعبها وخمولها لين سمعت صوت الباب وصوت نورا تنطق:بهاج !

فتحت له الباب نورا ودخل بهاج:كيف حالك نورا ؟

نورا:فينك انت ؟

بهاج جلس بالصاله:وين أنهار ؟

نورا:بالغرفه

بهاج:أنهار

انتظر منها رد وهو جالس ولفت نورا تناظر أنهار اللي خرجت وعقدت حاجبها:تعبانه ؟

رفع انظاره عليها يناظر وجهها المصفر وشفايفها اللي تلونت بالبياض وتقدمت لها نورا بخوف:أنهار

وقف بهاج من مالت على نورا وفقدت الوعي وركض لنورا يشيلها عن حضنها ويشيلها بيدينه:الحقيني

نورا جمدت محلها بخوف وفتح الباب بهاج خارج ونطق بحرقه:اخ أنهار اخ

خرجت من الملحق تناظرهم وعقدت حاجبها تمشي لهم بخوف:بهاج !

التفت على امه وقفل الباب على أنهار:جاي

خرجت نورا بسرعه ولفت حليمه:شصاير ؟

نورا:تعبانه أنهار

ركبت نورا جنب بهاج ولفت تناظر أنهار بالخلف

:مو ماكله شي اكيد بتطيح

بهاج ناظر طريقه وتنهد ياخذ نفس ولفت نورا:بسرعه بهاج تكفى

هز راسه يعدل جلسته ويسرع ويكشح بفلشر سيارته

التفت على نورا اللي جالسه:بجيب لها شي تاكله اذا صحت خليك عندها

هزت راسها نورا وكمل بهاج:تبين شي انتي ؟

نورا:لا

بهاج مشى وخرج وهو يسمع تنبيهات الدكتور بإنها تغذت على كافيين لفتره طويله وصابها هبوط وزياده بدقات القلب فقدت التغذيه الصحيحه وتحتاج إبر وغذاء وراحه

اخذ نفس يتنهد ويخرج من جيبه بوكه ويدفع لاغراضه ويمشي راجع ويفتح جواله يناظر رسايل سلطان : وش العلم ؟

جلس بالكرسي المطرّف ودق عليه ورد سلطان:وش السالفه انت جيت ورجعت ؟ والا هذي مهي سيارتك اللي لمحتها ؟

بهاج:الا رحت المستوصف

سلطان:عسى ماشر ؟

بهاج:أنهار طاحت ووديتها

سلطان:اعوذ بالله

بهاج تنهد:محد درى ؟

سلطان:ماشفت احد

بهاج:طيب زين

سلطان:بترجعون ؟

بهاج:ان شاء الله لا صحت

سلطان:ان بغيت شي كلمني

بهاج:ان شاء الله

قفل من سلطان وناظر بقية اشعارته وعقد حاجبه يقرأ رسالة امه من الخارج

:اذا طلبت منك تتزوج ترا ابوها وعدها بزواجك يرجعون لجِده تاركين كل شي هنا

عقد حاجبه يعيد يقرا رسالتها وحط الاكياس جنبه والعصيرات ورجع يقرا الرساله ويدخل محادثتها

رفع راسه وحط يده تحت دقنه يعيد رسالتها براسه كيف يعني ان تزوجت بيتركون كل شي هنا ؟ قصدها بكل شي انا ؟ قصدها ان أنهار فضّلت الرجعه بدونه ؟ هو راجع لها ومقصر المسافات عشان يفوّقها لمكانته وان القلب ما يخطي ولا يظن فيه الظن السوء ترده ؟ تصده ؟ هي ترسم روحتها مع ابوها وهو يرسم مستقبله معها ؟ يوم يتمنى وصالها صدت عنه ؟

تمكن الخوف بقلبه واكله ، تترك الأيام والذكرى ؟ ما تراعي كل همسه وكل لمسه بينهم ؟

رفع راسه يقوم وياخذ الاغراض ويدخل يشوف الدكتور اللي عندها وحط الاغراض يمينه وهو يناظرها

شبه نايمه من تعبها وعينها على الدكتور اللي يذكرها بصحتها وخطورة اهمالها

حط راسه على الجدار يناظرها ساهي وعقد حجاجه من اللي حسه من افكاره ولفت من خرج الدكتور تناظره واقف وراسه مايل على الجدار يناظرها

تقدمت نورا لها تمسك يدها:لا تخوفيني عليك أنهار وتعيدينها

صدت عنهم تلف للجهه الثانيه وتغمض عيونها

نورا:لا مافي تنامين بهاج جايب لك عصير وشي تاكليه قومي عشان تصحصحين شويه

أنهار هزت راسها بالنفي وهي صاده عنهم ولفت نورا:قول للعنيده هذي شي

بهاج مارد ولفت أنهار تناظر سكوته ونظراته مافهمت من نظراته شي هو يلومها هو يعاتبها هو خايف عليها هو مطمن عليها هو ولهان هو ندمان ولف بهاج لنورا:انا برا

خرج تاركهم ولفت أنهار لنورا:اشبه ؟

نورا:خوفتينا كلنا أنهار

سكتت أنهار وشدت على كفها نورا:بليز عشاني بس اشربي العصير على الاقل

مدت يدها اللي بداخلها المغذي واخذت العصير تشربه هي تحتاج تفوق فعلاً هي تحتاج تستصح

جالس برا وتاكي بيدينه على ركبتيه ويناظر الارض هو لوهله توقع ان امه ترمي حطب بالنار وتفتري وتمنى لو كانت امه تفتري ، لوهله قال لا تصدق يابهاج واسأل بالأول

رفع راسه من خرجت نورا:جيب كرسي بهاج بنرجع

هز راسه يوقف ويسمع صوت أذان الفجر بالخارج دخل بالكرسي عليهم وناظرها تجلس مع نورا

تردد بوقوفه قدامهم يناظرها تمد كفها لنورا اللي تساعدها وشد على كفه لا يمدها لها

رفعت نظرها له وهي واقفه تشوف بعده ونزلت انظارها ليده اللي توقعت يمدها يساعدها لكنه ما تقدم

جلست على الكرسي واخذت نفس نورا:اخيراً

تقدم يدف كرسيها ونورا بجانبه نزلت انظارها من حست بالبرود بعيونه بالصدود بأفعاله شدت على كفوفها تمنع دموعها لا تطيح ومن وقفت عند السياره غمضت عيونها بخوف انه يتركها ما يمد كفه لكنها رفعت راسها من حست بذراعه

ناظرها كانت عيونها تفيض بالدموع المحبوسه ورفعها يقربها لصدره ويبعد الكرسي ويفتح لها الباب

ركبت بالخلف وقفل الباب يناظرها وركب يسار نورا يشغل سيارته تكى بذراعه يناظرها بالمرايه ولف لنورا:اكلتي ؟

هزت راسها وابتسمت له:اكلت اللي جبته لي ثانكيو بهاج تعبناك معانا وشكلك مو نايم كمان

بهاج مارد يلف للطريق وكملت نورا:فين كنت ؟

بهاج لف عليها:ماسألتي سلطان ؟

نورا:لا ، ليش هو يعرف ؟

بهاج هز راسه:قلت بروح الرياض

نورا:عند ريوف ؟

بهاج:لا

نورا:مامريت عليها ؟

بهاج هز راسه بالنفي ورفعت عيونها تشوفه كانت تدري انه في بيتهم وكانت متوقعه

عضت شفتها تتذكر كلام حليمه لها نزلت راسها تناظر خلفية جوالها اللي كانت هم سوا ، بهاج وأنهار اللي محد يحط اساميهم سوا من فارقهم عن بعض من اختلافهم وشذوذهم بعيونهم لكنها حبته رغم ظنونهم عنهم وتعلقت فيه وتبيه

وبنفس الوقت رفعت راسها لنورا اللي قدامها ساهيه بتعب هي ما تشوف نورا كذا بجِده ولا تشوف دموع ريوف ولا قسوة عمر وتشعر انها تستحق تضحي ببهاج عشان خواتها عشان ابوها عشان عايلتها

لفت تناظر الطريق وتمسح دموعها بهدوء

رفعت راسها من وقف بهاج ونزلت نورا اللي تكلم:ماكنت بخوفك ريوف خصوصاً انه وراك دوام الصباح بس كويسه مافيها شي تعرفينها دلوعه

اخذت نفس تشوفه يطفي السياره وهمست:بتكلم معاك

رفع عيونه للمرايه وهز راسه:ارتاحي ، بعدها

أنهار:ما برتاح

سكت ونزلت من فتحت الباب نورا لها ورفعت كفها أنهار:كويسه انا

نورا:طيب الحمدلله

مشت أنهار تدخل البيت واخذ نفس بهاج ينزل من سيارته ومشى يتعدى الملحق تارك امه خلفه وتقدم يمشي بهدوء بممر النوير يرفع راسه يشوف اشعة الشمس المعكوسه بالنخل والشجر واخذ نفس

طلبت من نورا تشم هواء نظيف وتمشي لوحدها وخرجت تشد جاكيتها على جسمها من برودة الصبح ولفت تناظر حليمه اللي تقدمت بصينيه:طبتي ؟

هزت راسها أنهار وتقدمت حليمه لها:كنت جايه وجايبه لك مسلوق يدفيك

أنهار:ما ابغى شكراً

حليمه:بهاج داخل ؟

أنهار اخذت نفس:ما ادري

حليمه:ما كلمتيه ؟

أنهار ناظرتها ثواني وهمست:اتركيني لوحدي

حليمه:سلامتك

مشت وتخطتها أنهار تمشي لممر النوير ورفعت عيونها تشوفه بنهاية الممر قدام المستودع يدخن ولف عليها يشوفها تمشي له واخذ نفس من زيقارته ونزل راسه تقدمت له توقف قدامه ورفع راسه بعد مارمى زيقارته تحت رجله

ظلت ثواني ساكته لين سألها:وش سووا فيك ؟

بلعت ريقها وتكلمت بصوت مبحوح ياكله التعب

:بهاج

بهاج:اسمعك ، قلتي لي تزوج اخر شي صح ؟ ليه ؟

أنهار صدت عنه تستجمع كلامها بفمه وعقد حاجبينه بهاج من سكوتها:ما تراجعتي ؟

لفت عليه:خيرني

بهاج سكت وكملت أنهار:واخترته هو

بهاج رجع لورا خطوه:وخليتيني ؟

أنهار ميلت راسها تبدأ بالبكاء وتقدم لها بحده:لا تبكين اذا انتي قدّ الكلام لا تبكين

أنهار:ما اقدر اجلس هنا واترك نورا هنا وريوف هناك ، ما اقدر اعيش من دونه اكثر ابغى اي شي يرجعه لنا زي ماكان

سكت يناظرها تبكي وكملت أنهار:قالي يتزوج بهاج ونروح جِده وقلت يتزوج بهاج ويجي معاي جِده

بهاج رفع حاجبينه:واللي تزوجتها ؟

سكتت وجمد وجهها من خطرت ببالها وكمل بهاج

:صح ما اهتميتي لانك فكرتي بنفسك فكرتي ان بهاج بيترك كل شي ويجي معك جِده ، بيتزوج بنت عمه ويرميها ويخذلها وينهي حياتها بعقد ويمشي ورا دربك صح ؟ حشى ما سويتها وهي اخت اخوي سلطان

بلعت ريقها تناظره وكمل بهاج:اذا صدقتي ابوك وانه بيترك اهله وابوه وامه ويمشي ورا شورك فأنتي غبيه ياخذونك بالعجه ، كل اللي يسوونه عشاننا وللحين تسمعين لهم وفاتحه اذنك لهم

تقدمت له تناظره:كان بيحضن ريوف قدامك ، هو ما نسينا بس في شي يرده عنا هنا انا فهمت بهاج

هز راسه بالنفي يناظرها وعضت شفتها بخوف

:بهاج !

بهاج:تبين ابوك ؟ تبين تصدقينه ؟ يحق لك ابوك من يردك عنه ، لكني ان قلت بتزوج فأنا بتزوج صدق ولا بلعب ببنت عمي واخت سلطان عشان احد

أنهار:بهاج خيرني

ناظرها تبكي وهز راسه:لا تبكين ليه تبكين ؟ انتي تبين ابوك وهذاك هو قالك اقنعي بهاج ونهج ؟ انا الحين ادخل المجلس واطلب أعقد الجمعه هذي والجمعه الجايه بتكونين ببيت ابوك بجِده

أنهار نزلت راسها بتعب وتقدم لها بهاج واخذ نفس

:يبون يمنعونا ياغبيه افهمي

رفعت راسها له:واذا صادق ؟

بهاج:تجازفين فينا ؟

صدت بإتجاه المستودع تبكي وشهقت بتعب انرخى جسمها من ضعفها وتعبها وتقدم هو ما يقوى تبكي ولا هو قدّ دموعها ورفع ذراعينه بهدوء يحضنها رغم قهره رغم غضبه حضنها لصدره ونطق : انتي تخافين من صروف الأيام وتخافينهم لكن رياحهم ما تمسح خُطاك مني ، تبين تصدقين ابوك صدقيه لكن ان طلع يكذب مامن خط للرجعه يا أنهار

شدت على ظهره وهي تبكي تكره تفقده تكره تسمع منه اللي سمعته تكره انها تخيّرت تكره انها عرفته بصدوف الزمان هذي

واخذ نفس يتنهد بتعب:ويلي على حبنا وش تاليه

ابتعد عنها وناظرها:بترجعين لحضن ابوك ماني رادك عنه لكن ما نتشارك حياتك انا واياه

تقدمت تمسك كفه بقوه:ما اقدر بهاج تكفى اذا خليتك بموت

هز راسه بالنفي:ولا انا بقوى لكن عشانك

رجفت بخوف تشد على كفه بيدينها الثنتين وكمل بهاج:ادخلي ارتاحي

أنهار:بهاج !

كانت ترده عن الفراق وهي تطلبه لانها تحتار وتحترق مابينه ومابين كل شي ، خواتها وابوها وبيتهم وحياتهم قبلهم حريّتها وراحتها والدلال والرخاء ومابينه هو

بهاج فلت يده يصد:ادخلي

تركها ورجع هو فتح زرار ثوبه يعض شفته يدور اي شي يطفي نيران صدره لكنه ينكوي اكثر ينكوي وهو يدري بنية عمر يدري انها حطت آمالها على رجال ماهو كفو

اتجه لفراغ المزرعه وده يصرخ ويحرق المزرعه باللي فيها هي خلته وكذّب فكرة انه بينترك وبيجي يوم يتخير ويكون هو بالكفه الاضعف وينترك

خذت كل شي من يدينه خذت بهجة مبسمه معها وخلته ينربط لسانه ولا يقدر يتكلم هو يشوف بعيونها انه بالكفه الاضعف ومضطره ترخي كفها

،

نزلت على الارض تبكي من تركها وشهقت بتكرار وبصوت عالي تبكي تشد على الارض بيدينها وتبكي خايفه تندم خايفه ما يرجع شي نفس ماكان وتخسره خايفه يكون لغيرها وهي ماتقوى هي تحبه تغار عليه ويسكن صدرها ومستعمره بقوه

ظلت تبكي من تعبها ومن اللي سواه فيها ابوها وحطها فيه رماها بنيران ولهيب وهي لحالها

هي حتى ماتقدر تقول لأحد يساعدها هي لوحدها صفت هي اختارت وتخيرت لوحدها

مشت بخطوات ثقيله وكأنها خرجت من معركه خسرت فيها كل اجزاء جسمها تخدشت وتجرّحت وذاقت دم الجروح

فتحت باب البيت بيد راجفه ولفت تناظر نورا اللي وقفت:ادق عليك فينك ؟

ماردت وقفلت الباب وتقدمت نورا تشوفها وهمست بخوف:اشبك ؟

بكت وفلتت نفسها بحضنها وحضنتها نورا بخوف:أنهار لا تخوفيني ليش صاير فيك كذا ؟

ماردت أنهار وهي تبكي وشدت على نورا:اعوذ بالله من الشيطان الرجيم تعالي اجلسي وسمي بالله

جلست أنهار وناظرتها نورا:اشبك طيب علميني ؟ مشتاقه لريوف ؟ عشان بابا طيب ؟ احد كلمك؟

هزت راسها بالنفي أنهار:تعبانه نورا احس فيني نار تعورني نورا

عقدت حواجبها نورا:بسم الله عليك أنهار لا تخوفيني حكيني طيب

أنهار رفعت راسها وسط بكاها ونطقت:اخ

حضنتها نورا:بسم الله عليك بسم الله عليك

-

مشى للملحق ودق بابه وخرجت حليمه:بهاج !

بهاج:ناديه

حليمه:مين ؟

بهاج رفع راسه بحده:ادخلي ناديه والا دخلت انا

حليمه سكتت ثواني ولفت تناظر عمر اللي وقف وخرج

ناظره بهاج وهز راسه:طيب وسويت اللي براسك بدخل واخطب واتزوج ، وسويت اللي براسك وحرّمت علي جيّتي لامي هنا ، وسويت اللي براسك وقفت بيني وبين بنتك

تقدم لعمر ورفع سبابته:لكن يمين بالله لو ماتهج بعيالك وتتركني بحالي يمين بالله لأهد فيك هالملحق ، خذ بناتك وارجع من مكان ما جيت ، وخذ امي معك وان بغيتها اعرف اجيها بس هج يا آدمي

نفض ثوبه بهاج بعصبيه:هج وخلني بحالي

نطق عمر بهدوء:كنت ادري أنهار بتعرف من تختار

ضحك بسخريه بهاج وعض شفته وهو يناظره

وكمل عمر:نذرت اني بطلع من هنا بس اذا تبيها تتم لحد يدري غيرنا ، ما بيخلوني لميت اغراضنا لو بتشوف

بهاج ناظر الشنط اللي بالصاله وناظر امه ورجع يناظره وهمس

:يعني صادق ؟ ماكذبت عليها ؟

عمر هز راسه بالنفي وظل يناظر عيونه بهاج وهز راسه لهم ومشى

وقفت رجوله عند حوض النياق يناظر نياق ابوه وجدّه ومكان النايفه الخالي من بينهم

هو عشان يثبت حبه ضحى بأحب ناقه له ولأبوه عشانها

عقد حاجبينه يتذكر بكاها يدري انها بتتعب بتنهدّ يدري انه موتها ويبيها تبتعد تبتعد قبل تحترق ويحترق معها

شد بيده على الحوض يتذكر انها تخيّرت تدمرت عشان تختار بينهم وهذي مشكلتهم

هي روحه وعينه وهي قلبها بين يدينه لكن الأقدار ماكانت معاهم

يدري انها تموت لهفه بغيابه يدري انها يوم غاب عنها ماترددت تنام بفراشه وبغرفته

تنهد يتذكر البيت اللي رسمه معها ونطق بتأكيد انها بتسكنه المره الجايه

لف من حس بكتف سلطان:اناديك ليه ماترد ؟

ناظره بهاج وهز راسه بالنفي:ماسمعت

بهاج:فيك شي ؟

بهاج اخذ نفس ولف على سلطان:زواجي من البدايه كان واضح وردوني عنها لين معد لقيت لها منفذ

عقد حاجبينه سلطان:وش تقول انت ؟

بهاج:سلطان انا بتزوج

سكت بهاج يناظره وكمل بهاج:باخذ اختك

ضحك سلطان:وشو دبسوك فيها غصب ؟ ماقلنا حليتها انا مع اهلي وبفكك من سالفة امك

بهاج:محد غصبني غصبوني قيل لكن الحين زواجي منتهي وما بيستمر

سلطان:ليه وش صار ؟

بهاج:سلطان لا تزيدها علي بغيت يجيك العلم لو سمعت اني خطبت اختك بالمجلس

سلطان:ماني معطيك بهاج ماني رامي اختي حتى لو ابوي وافق وهي وافقت انا ماني معطيك

عقد حاجبه بهاج:ترميها ليه ؟ ماني رجال انا ماني كفو ؟

سلطان:وش هالكلام بهاج ؟ اعرفك ولاني اعرفك مابي اختي لك ادري انك تموت بخطى وحده ثانيه وما بتحبها ليه اعطيك ؟

تنهد وصد بهاج وكمل سلطان:ماني معطيك بهاج

التفت عليه بهاج:ما بيقعدون هنا

سكت ثواني:منهم ؟

بهاج:أنهار واهلها بيرجعون ويتركون كل شي هِنا وانا بترك كل شي هنا واروح الرياض ، تبي موتي ؟ خلني اروح لوحدي

سلطان:من قالك بيروحون ؟

بهاج:سلطان انا جيت وقدرتك وكلمتك قبل اكلم الشيبان بالمجلس لا تردني ان خطبت وانا ماني ظالم اختك ، ان قلت ابيها بكون قدّها

سلطان مارد وكمل بهاج:ان قلت تم ماعلي بأحد

تنهد سلطان يصد عنه وكمل بهاج:سلطان

سلطان التفت عليه:بشاورها اول لا تتكلم قبل ارد عليك لكن لنا كلام ثاني سوا يابهاج

هز راسه بهاج ومشى تارك سلطان محله

،

خرجت من البيت بعبايتها وجوالها ومشت بإتجاه جلوسهم المعتاد قدام حوض النياق وناظرت الجلسه خاليه وتقدمت توقف عندها وتشوف الغاز اللي يشتغل والدله فوقه ومحد موجود

عقدت حاجبها ومسكت جوالها تدور رقم بهاج وتقدم ومعه فناجين غاسلها وناظرها واقفه:من تبين ؟

لفت عليه واخذت نفس:بهاج وين ؟

سلطان ناظرها وجلس وحط الفناجين قدامه:مدري

نورا:مو بالبيت وسيارته موجوده توقعته هنا جالس

سلطان:كان جالس هنا بس مدري وين راح

نورا:بيرجع ؟

سلطان:مدري عنه

اخذت نفس وتلفتت تدوره ورفع راسه لها:وش تبين فيه ؟

ناظرته وجلست واخذت نفس:أنهار تعبانه ومو راضيه تقولي شي ابغاه يكلمها يسألها

سلطان عقد حاجبه:تعبانه عشانكم بتروحون ؟

نورا لفت عليه بإستغراب وتقدمت له:نروح وين ؟

صد سلطان وهمس:شكله كان مفروض ما اقول انا

تقدمت له:ايش فيه صاير شي ؟

سلطان التفت عليها:تبين قهوه ؟

ناظرت الدله تغلي قدامها ورجعت ناظرته هادي محله ونزلت راسها للفنجان:انا أصب لي

اخذت فنجان من بين يدينه وتقدمت تمسك الدله كان على وشك يحذرها من حرارتها لكنها انلسعت منها وفلتت الدله ولولا ذراعه اللي حطها على كفوفها كان تأذت من حرارة البُن المغلي

لكنها شهقت تشوف ذراعه يغطيها ويتلون ثوبه بالبني رفعت انظارها تناظره يناظرها بدون أدنى ألم وجمدت محلها

ناظرها بحذر:جاك شي ؟

هزت راسها بالنفي تبتعد عنه ونزل انظاره سلطان لذراعه وهمست:انحرقت ؟

رفع كمه عن ذراعه يشوف لونه ونطق بهدوء:لا

نورا ناظرت يده وعقدت حاجبينه:تعورت ؟ اكيد تعورت

رفعت نظرها من لف يناظرها وبلعت ريقها:غسلها بمويه بارده

هز راسه بالنفي:ماجاني شي

عضت شفتها تناظر الدله طايحه:كنت مشتهيتها لأول مره ريحتها حلوه

لف عليها وهو ينشف يده ولفت عليه:سلامتك ماتشوف شر

وقفت تاركته وابتعدت عنه ولف يناظر الدله اللي قدامه:وانا أخو بهاج

اعتدل بجلوسه واخذ الدله ووقف يمشي يغسلها ويرجع يلقمها ويحطها على الغاز الصغير ويشغل عليها تغلي قدامه يناظر غليان البُن وساهي بكلام بهاج:بيروحون بيرجعون ويتركون كل شي هِنا

شد على ذراعه اللي يشتعل من حرارة جلده وهو ساهي يتذكر شامة نحرّها اللي لمحها مرتين

يتذكر انه غلط انه تفجّر غضبه اللي يغطيه عن غيرته وزعلّها هي يمكن بيوم ماتكون له بس ماوده ينتهي كل شي هِنا ويغيبون تارك بقلبها ذرّة زعل

هم يمكن يروحون ينتهي طاريهم هِنا بس ما بيرجع شي نفس قبل ، بهاج بيغيب بهاج بينحرق بعيد ، وبيصفى هالمكان خالي ما تعجّ فيه الا رياح وأصوات ذكريات

بعد ماكانت هالجلسه تمتلي بالسوالف بالضحك بأول حكاياتهم بنشوة الحب الأولى بين بهاج وأنهار الاولى صارت خاليه بسلطان

قفل على الدله ووقف وشالها بكفه ومشى رايح للبيت وقف على الباب كان بيحطها ويدقه ويمشي لكن ماقدر دقّ الباب وهو واقف بالدله وانتظرها

فتحت الباب تناظره بإستغراب وعقدت حاجبها

وتقدم على عتبة الباب بالدله:سويت لك غيرها لا يقعد بخاطرك شيٍ تشتهينه

رفعت نظرها له وناظرته منزل عيونه للدله واخذ نفس:اسف ان قلت شي زعلك وأرد اللي قلته ما تستاهلين تسمعينه

رفع عيونه لها يناظر سكوتها وصد براسه يناظر حوالينه ورجع ناظرها:مدري لو انك تخطيتيه او لا لكني ودي اقولك ان ما كل الحبايب حبايب حتى لو انك تظنين بهم

سكتت تناظره وكمل يتردد بأنظاره عنها:اللي يبيك يجيك لو حوالينك قيود ويكسر على شانك خشوم الصعايب

بلعت ريقها ونزلت راسها للدله اللي شايله وكمل سلطان:والله مدري وش الغيب لكن ان حصل بيوم ورجعتم وافترق طريقنا تذكري اني وقفت قدامك وقلت لك هالكلام ، انا ما اشوفك الا ستيرة عَرب ومن راس قوم وبنت رِجال درّه مايقدرك الا اللي تكونين أكبر أحلامه لا تعلقين نفسك برخمه انتي مانتي له ، ولا تضعفين عنده عزّي نفسك

نزل الدله على العتبه ورفع شماغه على كتفه ووقف يرجع خطوه للخلف:حارّه جيبي وقايه لا تشيلينها

ماردت عليه ومشى يعكس طريقه تاركها محلها

نزلت نظرها للدله تناظرها تعيد براسها كل كلمه قالها

انحنت تلمس الدله الحاره وعقدت حاجبينها من حرارتها مسكتها بطرف كمّها ودخلت وحطتها بالصاله جلست وهي تناظر تصاعد دخان حرارتها ليه بدت تفهم تصرفات سلطان هذا الوقت ؟ متأخر شافت انه بكل مره كان يقدم شي ولا تفهمه واليوم فهمته ، فهمت غضبه وتسرعه يمد ذراعها لها وانه رجع يسوي لها دلّه ثانيه لانها بخاطرها ، بدت تشوفه بعد ما كانت الا تلمحه وبس

خرجت من الحمام أنهار تحت انظار نورا اللي بالصاله ووقفت قدام المرايه تنشف شعرها تناظر وجهها اللي ملوّن بالأحمر مر شدة بكاها ولفت من دق الباب وناظرت نورا اللي بالصاله:علميني مين لا تفتحين

وقفت وفتحت الستاره وعقدت حاجبها ولفت لأنهار:ابويه

لفت أنهار تاخذ نفس ومشت نورا وفتحت الباب وناظرته

تقدم يدخل وناظر أنهار قدامه واقفه وهز راسه لها:يسوى !

لفت نورا عليهم ولف عمر على نورا:رتبي كل شي تبين تاخذينه معك ، راجعين لمكان ماجينا

عقدت حاجبها ولفت لأنهار اللي واقفه وماتغير فيها شي ورجعت ناظرته:مين قال ؟

عمر:أنا أقول وأنهار تبي ترجع وريوف تبي ترجع

نورا لفت لأنهار ورجعت لفت لعمر:واذا رجعنا ؟ بيتغير شي ؟

عمر:يتغير كل شي بنمشي بدون محد يدري بعد ما يتم زواج بهاج

جمدت ملامح نورا:بهاج بيتزوج؟

عمر لف لأنهار:ماقلتي لها ؟

اخذت نفس أنهار تصد عنهم ولفت نورا عليه

لف عمر عليها:انا ابلغ ريوف اجهزوا

ماردت عليه ولف عمر يناظر أنهار ومشى خارج من عندهم لفت نورا لأنهار اللي ميلت شفايفها تنزل دموعها وتقدمت لها نورا:ليش ماتعلميني ؟ ليش ؟ كلمتيه لحالك صح ؟ عشان كذا !

أنهار ميلت راسها:خايفه ما يتغير شي اذا رجعها

نورا تنهدت وتقدمت تحضنها وهمست:مين يدري غيرك اننا بنروح ؟

أنهار بلعت غصتها:بهاج

نورا:عشان كذا مختفي ؟

ماردت أنهار وناظرت الدله بالصاله نورا وتذكرت كلام سلطان اللي فهمته وفهمت انه عرف ويدري وجاها كأنه موادع

جلس بالمجلس يسمع سعادة زيد:عقبال اللي عندك وأنا أخوك

ابتسم عبدالله:اللهم امين ، راح علينا رجال

ضحك زيد يلف على بهاج اللي يمينه وضرب فخذه:شرينا رجال

مارد بهاج وهو ماسك فنجانه ورفع راسه لسلطان اللي جالس قدامه ولقيه يناظره

كان يراقب عبوس سلطان وحدة ملامحه وتردده لكن سلطان سأل اخته وقالت ابيه لو انه نار تحرقني ابيه قالها ان قلب بهاج ماهو خالي وقالت له انها بتحارب عشان تسكنه وخرج من عندها ما يقدر يمنع مايقدر يوقف قدامهم ابوه راضي وامه راضيه واخته راضيه كان تاركها لبهاج اللي قدامه الحين يخطب قدامهم ولكن يدري بأخوه فيه مليون رغبه ينرّد ولا يقبل ويتزوج

نزل انظاره سلطان يصد عن بهاج ونطق عمر

:متى الملكه ؟

زيد لف على بهاج اللي ناظرهم ولف لعمر كان ما يحدد ملكته بس كان يحدد موعد هجران عُمر للرياض والتفت لزيد:اللي تشوفه

زيد:الجمعه وش رايك يا ابوي ؟

رَده:معكم معكم الله يوفقهم

ضحك عبدالله:بيتزوج مرتين ما سويناها وإحنا عمامك يابهاج

لف بهاج يناظره بجمود ورفع نظره عمر لبهاج ونزل انظاره يشرب قهوته بهدوء

حط فنجانه بهاج ووقف وناظره زيد:بيننا كلام يابهاج

هز راسه بهاج وخرج تاركهم وقف سلطان بيلحقه والتفت من تقدم عمر يوقف جنب بهاج وناظره بهاج ولف عمر عليه:بناتي عندي بالملحق

رفع حاجبينه بهاج بذهول وكمل عمر:ان بقي شي لهم ببيتك هاته لي

لف بهاج يناظره ولارد تاركه مشى رايح لبيته رفع انظاره للملحق ودّه ما يتعداه لكنه اضطر يقفي عنه ويمشي لبيته

رجع كل شي نفس ما كان وحتى البيت اللي دخله صار خالي ما يسكنه الا هو

دخل يناظر الغرفه اللي كانوا فيها يناظر جدرانها وفراغها واخذ نفس وقفل بابه والتفت من دخلت حليمه البيت وميل بجسمه على باب الغرفه وتقدمت له تناظره ونطق بهدوء:عساني طلعت بارّ الحين ؟ تتهنين بنومك ؟

تقدمت له حليمه وتنهدت ومسحت على صدره:

قلت لك بهاج وعلمتك بس انت مشيت هالدرب هذي نهايته بدّت ابوها عليك انت ظنيت انها بتختارك اصلاً ؟ انا يوم قلت لك ماهي لك كنت ادري انها ماهي لك ادري ابوها ما يبيك وادري انك طحت وطيحتك ماهي لصالحك بيضرونك بها

بهاج اعتدل بوقوفه وشال يدها:من خيّرها ؟ مو انتم ؟ تدرين انك عدمتي البنت ؟ موتِيّها

حليمه:لا تبالغ البنت مافيها شي وهي اللي جات بأختها للملحق عند ابوهم قايله انك بتتزوج وبتسكن لوحدك وما يحتاج يقعدون عندك

تأفف يبتعد عنها:خلاص عاد

حليمه:بهاج امك تعرف امور ما تعرفها انت بتشكرني بعدها صدقني ، صارت اشياء كثيره خلتني ابعدك عن أنهار بدون ما اخاف على مشاعرك

بهاج التفت عليها:تعبت أردد الموّال اتركيني صار اللي تبينه والحين اتركيني ، روحي رتبي حياتك الجايه مع رجالك

حليمه:واروح واخليك كذا ؟

بهاج:علميني ليه صار كذا ؟ ليه دخلتوا بيننا قولي عمر ما حبني وله اعذاره ، انتي ليه تأذيني بها وانتي تعرفين اني ابيها اموت على حسّها وطاريها ليه ؟ وش اللي تعرفينه وما تبين تقولينه ؟

حليمه سكتت وتنهد بهاج من سكوتهها:سوي لي معروف واتركيني لوحدي بس

صد عنها يدخل غرفته وقفل الباب خلفه وسمعها تخرج من البيت وتقدم بيفتح دولابه ومسك العطر اللي طاح من الرف قبل ينكسر

مسكه بكل قوته بكل خوف لا ينكسر وناظره:لو انكسرت الليله بتدمرني لو انكسرت الليله بتهلكني بتخليني اطلع بدون هدومي

ناظر عطرها بين كفوفه كان بلحظه قصيره بيزلزل كل ثباته لو تناثر بالغرفه لو رجع شمّ عطرها

غمض عيونه يهدي نفسه ويرجع العطر محله

'

ريوف نزلت من سيارة فهد وأكياس الأكل بحضنها ولفت تنتظره ومشى لها ومدت يدها:خد المفتاح افتح

مشى قبلها وفتح باب الشقه وحط العصيرات وحطت الاكياس وناظرته يجلس:غسل يدك طيب فهد اش ذا ؟

ناظرها وتنهد:ياليل

وقف ومشى للحمام وفصخت عبايتها ودخلت الغرفه رفعت شعرها ودخلت الحمام خرجت لقته ياكل:بسم الله انتظرني طيب

جلست واخذت اكلها وعصيرها وبدت تاكل ولف عليها وهو ياكل:ياخي بهاج طايح على واحد اقسم بالله ينحط عالجرح يبرى ، مدري كل ماشافني ابتسم بوجهي وقال ونعم يافهد والله يقويك وانا ادري انه يدري اني خرطي

ريوف ناظرته وهي تاكل:من فين عرفه بهاج غريبه مره

فهد:قالي يعرفه بالجامعه هذاك دكتور وصدم سيارة بهاج وتعرفوا على بعض

ريوف:واقولك جيب لي سياره يمكن بكره يصدمني دكتور انا كمان ويكون في نصيب

ناظرها فهد ووقف المضغ وضحكت:ايو قفل فمك طيب

فهد:تعشي لأعشيك

ريوف اخذت جوالها:محد كلمني مدري فينهم

فهد:خلاص طفشوا منك ماصدقوا تهجين وتخلينهم

ريوف لفت عليه تناظره بنص عين:قول لنفسك عندك اختين وأم وأب ولا احد فكر يكلمك

فهد:جرحتيني

ريوف صدت عنه لجوالها ولفت من دق الجرس ناظرته وابتسمت:تتوقع سووها وجوّ ؟

فهد حط الاكل واخذ عصيره معه:جاي

ابتسمت تترقب الجيّه وفتح الباب فهد وجمد وجهه وعقد حاجبه:صاير شي ؟

دخل ومن ناظرته وقفت وناظرهم:سلام عليكم

قفل الباب فهد ولف يناظر عمر اللي واقف ينتظر من ريوف الردّ ونطق فهد:وعليكم السلام حيّاك

دخل عمر وجلس وحط عصيره فهد وناظرها واقفه:ماوقفت سيارتي زين بوقفها واجي

مشى رايح ولحقته عند الباب ومسكت ذراعه ولف عليها وناظرته بربكه:تكفى لا تروح وتخليني معاه فهد

فهد:علامك ؟ ابوك عادي اقعدي معه

تمسكت فيه اكثر تسحبه:لا تكفى فهد لا تخليني وتروح اجلس معاي

فهد:علامك ؟ علامك ؟ فيك شي ؟

ريوف بلعت ريقها:خايفه أبكي

فهد:تبكين ليه ؟

ريوف:فهد !

تنهد وقفل الباب وناظر عمر وناظرها ودخل وجلس جلست جنبه ريوف وصدت تفرك يدينها ببعض

وناظرهم عمر:كيف الحال ؟

فهد:الحمدلله امورنا طيبه وريوف دراستها طيبه حمدلله يعني

سكت وهو يشوف نظرات عمر لريوف كان يدري انه غير مرغوب فيه من جهة عمر لكن أصرّت عليه ريوف وجلس

حك حاجبه وهو يناظرها صاده عنهم وناظرها عمر

:ريوف

رفعت نظرها له ونطق بهدوء:قلت بجيك ، وجيتك لوحدي

ماردت عليه وكمل عمر:يمكن ماعلموك نورا وأنهار لكن هم عندي بالملحق

عقدت حاجبينها ريوف:ليش ؟

عمر مسح جبينه المتعرق:لان هذا المكان اللي المفروض يكونون فيه

ريوف؛بس كانوا عند بهاج

عمر ناظر فهد:اي بهاج قريب بيعزمكم لعقد قرانه على شموخ اخت سلطان

لف فهد بصدمه:اسألك بالله !

عمر هز راسه:بهاج بيتزوج

بدل انظاره لريوف:وإحنا بنرجع جِده

لف فهد على ريوف اللي تغيرت ملامحها وكمل عمر:وأنهار تبي الرجعه ونورا تبيها ومتأكد ان ريوف تبي ترجع

ريوف رفعت كتفها:ويرجع كل شي زي قبل؟

عمر هز راسه:انا قلت لكم انا ماني بخير هناك يختلف حالي محد حاس فيني انا أتعب وأمرض ويصيبني شي ما احسه بمكان الا هناك ، انا من يوم دخلت عليكم الحين وانا ماني بخير 

سكتت ريوف تتأمله وكمل عمر:اقسم بالله اشتهي احضنك الحين

تبللت رموشها من طلبه ولف فهد يناظرها ونطق عمر:ريوف !

بكت وتنهد فهد يقوم من محله ويخرج وتقدم عمر لريوف يجلس محل فهد ويحضنها

شهقت بعلو صوتها من حست بحضنه بذراعينه تحتويها بريحته ماقدرت الا تتمسك فيه تبكي

كان ما يهجرها هالحضن وين ما لدّت تلاقيه يحتويها ومن بعد ما شافت جفاه وقسوته اشتاقت لحضنه اشتاقت تبكي بحضنه

مسح على شعرها وظهرها وهو حاضنها وباس راسها مدّ لها الإحتواء اللي تطلبه وتفقده ونطقت وهي حاضنته:وحشتني

غمض عيونه وتنهد:وانتم اكثر وانتم اكثر

بعدت عنه تناظره ومسكت وجهه:ليش تغيرت علينا ؟ ليش بعدتني عنك ؟ من ايش تعبان ؟ مين تعبك ؟

عمر اخذ نفس:انتي من قبل غير عن نورا وأنهار تسمعيني وتفهميني ماجربت أقول من خوفي من اللي بقوله

مسحت دموعها تنتظره يكمل ونطق عمر بخفوت

:انا اشك اني مسحور

ناظرته بذهول وكمل عمر:ريوف انا انا تجيني ضيقه تجيني عصبيه وغضب ونيران تحرقني انا تصيبني حراره بهذاك المكان احس ان الشياطين تتلقف مني الكلام والأفعال ، ما انام من كثر الكوابيس ان شفت احد هناك احس بالنيران تكويني

ريوف ناظرته بصدمه:اسم الله عليك اسم الله عليك لا تخوفني

عمر:لا تقولين لأحد ، انا بترك كل شي هناك ونرجع انا بطيب لو بعدت عنهم ، حليمه تدري وان رحنا سوا بطيب ببعد عن هذاك المكان واطيب

ريوف:مين طيب سوا فيك كذا ؟

عمر:مدري انا تعبان ريوف كنت اتنافض طول طريقي لهنا

شدت على كفوفه تناظرهم ورجعت ناظرته:كيف عرفت ؟

عمر:انا ما اشوفكم بعيوني الا بعيد عن هذاك المكان

شدت على ذراعينه بخوف:طيب انا معاك برجع معاك ماراح اخليك

عمر التفت يناظر الباب ورجع ناظرها:لا تنطقين بحرف لأي أحد بنرجع ريوف ، ان عرفوا ما بيخلونا

ريوف هزت راسها له ورفعت راسها لجبينه اللي يتعرق ومن نفضة يدينه وتوترت خافت بالأصح لأنه كان تعبان كان مهلوك من ساعة جيّته

مصدومه من الحال اللي يتحول له وصدقت انه فعلاً مسحور لان افعاله تنتكس ومالها أي سبب

'

لفت من دخلت حليمه:تعالوا بنات الله يسعدكم ضحكتوني والله

دخلوا ولفت نورا تناظرهم ودخلت معهم شموخ وناظرتهم ونزلت جوالها أنهار تناظرهم

وتقدمت حليمه:بغيت اجهز مع البنات لبكره قلت يجوني هنا نتساعد سوا عذاري وهتوف وشموخ

ماردت أنهار وناظرتهم يجلسون قدامها ورفعت حاجبها نورا:خذوا راحتكم

حليمه ابتسمت ولفت لهم:انا اقول ان زفينا بهاج وشموخ نزفهم من هِنا لبيت بهاج احسن من بيت جدتكم وأبعد نبيهم ينزفون قدام اعمامكم بعد

بلعت ريقها أنهار تناظر ابتسامة شموخ وحياها

ونطقت عذاري:من بيجي ياعمه عندك علم ؟

حليمه:اي جدتك ماخلت احد

هتوف:تتوقعون يكثرون ؟

حليمه؛اللي يمديه لبكره بيجي

شموخ؛توترت

ضحكت حليمه تمسك كفها وحست انها تشتعل كانت تحس ان الكنبه تحترق من حرارة غيرتها ومن نظراتها اللي تتلون باللهيب

شدت على كفها ولفت نورا عليها وهمست:اش بتلبسين ؟

لفت أنهار تناظرها وقامت من عندهم لبست شوزها قدام عيونهم واخذت عبايتها وخرجت تاركتهم

لفت من سمعت الباب ينفتح وناظرت شموخ اللي خارج ووقفت:شموخ

لفت عليها شموخ:مشغوله بروح اجيب اغـ

قاطعتها من تقدمت لها أنهار وناظرتها وسكتت شموخ

أنهار:كيف وافقتي على بهاج ؟

شموخ ابتسمت:ليش ما اوافق ؟

أنهار:لان بهاج مغصوب عليك وانتي تعرفين وكلنا نعرف ما اختارك هو

شموخ:بس انا اخترته وانا راضيه ، أنهار انتي وبهاج مستحيل تكونون لبعض من بداية هذا الزواج محد شايفكم سوا

أنهار:وبتكونين مبسوطه مع شخص ما يشوفك؟

شموخ:وش فيك زود عشان ما يشوفني شي بهاج ؟ اللي عندك عندي واللي ماعطيتيه بعطيه ، الرجال ينسون بسرعه يا أنهار مع الاسف

سكتت أنهار تناظرها وكملت شموخ:تقبلي من الليله لان بكره بيكون كل شي حقيقي قدام عينك عدتها تمشي وناظرت مكانها أنهار ورفعت راسها تاخذ نفس تهدي ببرودة الجو نار جوفها وحشاها

غمضت عيونها تمنع بكاها تمنع دموعها اللي عادي تنزل من فرط غيرتها وقهرها وخوفها

مسكت كفوفها تتحسسها هي تشعر بإنها مكبله تحس بريحة الحديد اللي يربط يدينها يمنعها عن كل شي عن قولة لا وما أقوى

لفت تناظر بيته وتجمعت دموعها هي يتهيأ لها الف ذراع يسابقها لباب بيته لكنها ثابته محلها

جامده رجلها ما قوّت تحركها غاب عن عينها من اخر لحظه بينهم ماشافته ما قابلته مازاد في عتابه تسمع اخباره من بعيد وتتعمد تتصدد عن اي درب يلاقيها به لكنها تعبت ياكلها الشوق والرغبه له

هي معه حبّت اشياء ما تستهويها جرّبت كل شي كانت بعيده عنه شافت أفعال كانت تكفي بالنسبه لها تدلل معنى أحبك

وسط نظراتها وأفكارها تفرك كفوفها وتمنع دموعها تنزل وعيونها تراقب بيته ! فتح بابه

بلعت ريقها بربكه وصحت من صوت بالها ورفع راسه ووقف محله من شافها عند بابه

لانت ملامحه وتخدر جسمه أكلّه الشوق وما صرّح أكله لين اكتفى ومن لقاها الحين تبعد عنه مسافه

انكوى لانها ما كانت بيوم بعيده هالقد ماكانت خطاويه لها صعبه عليه ليه اليوم ماقدر يخطي خطوه لها ماقدر يجيها ماقدرت تجيه ؟ ليه اليوم صار يشوف قدامها مليون خط أحمر ليه يعيش موانع وبحور وجسور وجدران بيوت وشوارب رجال تردّها عنه

كانت تنتظر جيّته لكنه ماتقدم كانت تناظر اقدامه اللي تخطي ويردّها حزّ بخاطرها وعضت شفتها تمنع شهقتها تطلع ومشت له

بلع ريقه من شافها جايه له وارتبك نبضه يشوفها جايه يقسم يمين انه عاش لهيب النار في عزّ الشتويه بلحظة ماشافها تخطي جايه له

هو من قبل ما ينطق بأحبك لها وقبل ما يصارح نفسه بمشاعره لها ما ارتبك قد ما ارتبك هاللحظه

قربت منه ومن شافته واقف وماسك بيده الباب بكت له وعليه وعشانه وعشانها ورفعت ذراعينها تتقدم له تحضنه رغماً عن جموده وصدوده تحضنه رغماً عن ظروف الزمان والأقدار تحضنه هي لان ودها بحضنه كانت ترتخي بحضنه وكأنها تمسكت بحبل الأمان

ما كان يقدر ولا يقوى يرّد ويبتعد هو سحبها بذراع للداخل وذراعه الثانيه قفل فيها بابه واستند بها على الباب وسمعها تبكي

ضاق صدره مثل ضيق الزمن وهمس:اهخ يا أنهار

ضمته تبكي وتنهد

:عيّا يتوب الحظ ، قصر فينا

نزلت يدينها ليدينه تناظره:ابغاك ما ابغى اخليك

سكت من شافها تبكي والتعب يملي وجهها وصوتها هي ما قالت كثر الحكي والكلام هي قالت تبيه

تمسكت فيه بقوه وهزت راسها بالنفي:ما اقدر ما اقدر بهاج ما اقدر

شهقت تبكي ومسك وجهها يردّها عن الدموع:تكفين لا تعذبيني ، هذا اللي تبينه واللي حدوك عليك خيروك واخترتي أبوك من يلومك ؟

أنهار ماقدرت من فرط دموعها وجلست وهي متمسكه بكفوفه ونزل لها؛أنهار تكفين طالبك

بكت تحط راسها على صدره:ما اقدر بهاج قاعده أموت حسّ فيني

مسك كتوفها يبعدها:وش اسوي انا ؟ وش اسوي ؟ خيروك واخترتي ما أقوى ولا انتي تقوين وش بيدي اسوي وما سويته ؟ علميني

ماقدرت تنطق بحرف ورفعت راسها له وهي تبكي

:بيزفونك معاها قدام عيوني قدام عيوني يحرقوني

شهقت تشد على ذراعينه وهي ترجف:قاعده أموت

رجع يحضنها يغلي من داخله يشوف انهيارها ويسمع بكاها هو شاف دموعها بكثره لكن هالمره كانت بنحيب ببحه بحزن بحرقه

وظل ساكت ساكت يحس برجفتها بحضنه ويسمع سكون انفاسها الهدوء اللي اجتاحها بعد دقايق طويله بحضنه وابتعد يناظرها ورفعت راسها له

وهمس:الله لا يوفقني وش سويت فيك

أنهار:بهاج لا تتركني تكفى ، انا ابغاك والله ابغاك

بهاج:والله مايردني عنك الا الموت لو حطوا بدربك منفاي لكن في يديني أغلال ماحطها لي غيرك

أنهار سكتت وهي تناظره وكمل بهاج

:برقبتي دين لسلطان وفي دربنا بنت مالها ذنب وفي غيبنا روحتك لديرتك

أنهار ميلت راسها تناظره وتقدم لها يشدها له

بهاج:فرضوه ، حرموك عليّ وبالخطوه اللي المفروض خطيتها من زمان ماقدرت ! حطوا كلمتهم عليّ نفس فرض الصلاه ان تجاهلتها ندمت وهذاني قاعد أندم ، ملّوا دربك بالشوك ومشيته يشهد الله لكن معاده شوك ، قطعوا درب أحلامي بالوقت اللي كنت فيه انتظر يزين الحال وأتعوض بسعود واغنيه واغنيك وادللك وادلـله حكموا علينا

أنهار:بهاج بهاج بهاج

كررت اسمه تترجاه يتوقف عن الكلام واخذت نفس من سكت:ماعشت من قبلك حاجه وحتى لو هذا اخر شي مستحيل اتعب افكر فيك حتى لو بعدوني عنك انت موجود بروحي، مستحيل اتخيل انك مع وحده غيري قاعده انحرق

عض شفته يتأملها وفتحت ذراعينه بيدينها هي كل ما ابتعد عنها قربت له اكثر ترتخي بكتفها على صدره وجلس بالارض بإعتدال وحضنها

غمضت عيونها تشد على ذراعه وتسمع بإذنها دقات قلبه وتحس بكفها صدره

كان وده يحطها بحشاه لكن ماهو قادر يرجع ولا يقدم انحط بأسوأ مسافات طريقها

مايدري وش نهاية طريقها مايدري هو انهزم والا كسب حُبها الحب اللي اجتمع الكل انه ما يلوق ومستحيل ما بينهم

لكنه يحس بالخساره خسارتها أعظم خساره

رفعت راسها تشوف دقنه ورفعت كفها تلمسه ونزل راسه لها يناظر عيونها اللي تعبت من كثر الدموع لكنها كانت تتأمله كأنه بيحرم عليها البصر بعده

تلمس دقنه وتتأمل وجهه وسانده راسها على صدره

رفعت اصابعها لعيونه وحجاجه المعقود ولمست كفه كانت تذكر هاللحظه بينهم تذكر انه بعد ما طال بهم السكوت نطق يعاتبها ويقول ضميني ياخوافه

تذكر انه تمنى نهاية تأمله تبوسه وتمنت هي هاللحظه لكنها تشوف فيه العجز والتردد والخوف كان يحذر انه ما يغرق ولكن كانت هي تحس باللامبالاه كل شي فيها يقول مافي شي أقوى من هذا كله

تقدمت له ورفعت راسها وباسته وغمض عيونه يشد على ذراعها ، ردّت له شعور البوسه ولكن منها هي بطريقتها بعذوبتها بسكونها ورقتها

كل شي داخله تثاقل وتحرك دمه من مكانه يسري بسرعة الريح كانت تكتب عليه هلاكه

مسكت دقنه بيدها تقبله بهدوء وابتعدت عنه لمسافه تناظره ونطقت بأخر كلامها وأكثره إختصار:أحُبك بهاج

تنهد بتعب وبلعت ريقها تبتعد وتوقف من محلها تاركته ، اخر شي ممكن يوصلون له واخر محطاتهم ماقدرت تبقى عنده لانها على وشك انها تموت محلها وشافت منه خوف وصدود أجبرها تقوم تتركه تعيش لوعة قراراها اللي اتخذته وأجبروها عليه

فتحت الباب وخرجت تقفله وتبكي وهي ماسكته

تركته جالس محله يدينه بحضنه بقل حيله يناظر الفراغ كان وده يحضنها قد ماحضنته وكان وده يرد لها البوسه مضعّفه لكنه حذر ، يعرف ان هالوقت صار كل شي فيه محسوب ما يمديه يخطي خطوه يندم عليها بعدين وتضرّه وتضرها

'

دخلت ريوف ووقفت نورا:ريوف ؟

تقدمت تحضنها وخرجت أنهار وناظرت عمر اللي شايل شنطة ريوف معه ورجعت ناظرته

ريوف ابتسمت لنورا:وحشتوني

لفت لأنهار ولانت ملامحها:اشبك ؟

أنهار هزت راسها بالنفي وحضنتها ريوف:بنرجع أنهار خلاص بنرجع بيتنا

بعدت عن أنهار وابتسمت ريوف لها تطمنها:بابا معانا بيرجع كل شي نفس ماكان وأحسن

لفت ريوف على عمر:بابا ادخل ارتاح

هز راسه بالنفي يمسك صدره وخرج ومشت وراه:بابا

دفع ذراعها عنه وخرج تاركها وبلعت ريقها تناظره ماشي لبعيد

مشى بسرعه وهو ماسك صدره ووقف واستند على نخله واستفرغ كل مافي معدته بتعب

شد بيده على النخله وتمسك فيها بتعب وتقدمت من عرفته وهمست:عمر

لف عليها وهو يكح ومسكت كتوفه:علامك؟

مارد وهو يكح ومسحت على ظهره حليمه بخوف:تعال معاي تعال

'

دخلت ريوف وناظرتها نورا:اش صار ؟

ريوف:بابا جاني بنات اخذني من يدي وقال اننا بنرجع جِده وحضني

نورا ناظرتها بذهول:انتي ؟

ريوف هزت راسها ولفت نورا لأنهار وضحكت بسخريه:واحنا ؟

تنهدت ريوف:نورا مو بيده صدقيني بس خلاص بكره راجعين وبيرجع كل شي زي اول ان شاء الله

نورا:مو مصدقه شي

ريوف:نورا !

نورا هزت راسها بالنفي:ولا كان ودي نسمع له ونرجع بس شوفي الوضع كيف تغير ، بهاج بيتزوج واحنا مالنا محل هنا

مشت تجلس ولفت ريوف على أنهار:أنهار اشبك تعبانه كذا ؟ كنتي تبكين ؟

نورا:كانت تبكي ؟ وتخيلي انه ولا كأنه شايفها ؟

ريوف لفت على أنهار اللي ساكته:بيتكلم معاك اكيد

أنهار لفت لريوف:اش يقول ؟

ريوف سكتت بقل حيله واخذت نفس أنهار:بدخل انام

ريوف:بتطلعين بكره لزواج بهاج ؟

عقدت حاجبينها أنهار ورفعت كفها على صدرها من حست فيه يعورها

ولفت ريوف لنورا اللي نطقت:اكيد كلنا بنودعه قبل نخرج من هنا

تركتهم ودخلت الغرفه وقفلت الباب وهي ماسكه قلبها تمنع بكاها ساده مجرى تنفسها كله عشان لا تشهق ويسمعونها

'

يوم الجُمعه - ٤:٣٠ م

خرج من سمع صوت فهد وناظره فهد:وينك ماترد؟

رفع راسه يناظر الانوار اللي تعلقت بالمزرعه والفرش الأحمر اللي انتثر بالمكان والمجلس اللي بأعلى نظره

والتفت فهد:سلطان هناك ماعليك

لف لبهاج وناظره وهمس:انت بخير ؟

هز راسه بالنفي بهاج ودخل وراه فهد:وش سويت انت ؟

بهاج اخذ نفس وجلس واخذ دخانه:مدري عني

فهد:ليه تاخد اخت سلطان وانت ماتبيها ؟

رفع راسه بهاج ونفث دخانه:عمر راجع جِده تدري ؟

هز راسه فهد:ادري

بهاج:تدري كيف وافق يرجع جِده ؟

هز راسه بالنفي فهد واخذ نفس بهاج:قال ان تزوج بهاج نذر بليلة زواجه نهج

جمد وجه فهد وجلس قدامه:قال لمن؟

بهاج:لبنته اللي اقنعتني

فهد:وتزوجت عشان كلمة عمر ؟

بهاج تقدم له بغضب:يعقب عشانها هي طلبتني

فهد سكت وهز راسه بهاج:العب بالنار صح ؟

فهد:سلطان ما يدري ؟

بهاج هز راسه بالنفي:لو يدري ما زوجني

فهد:وش ذنب البنت طيب ؟

بهاج:وش ذنبي انا ؟ خلك من الكل انا ليه الوحيد اللي خرجت بولاشي ؟ قول هي كسبت ابوها وخواتها انا وش كسبت ؟ حتى امي هاجه معهم

رجع ظهره لورا ومارد على فهد وناظر زيقارته وهو ساكت

واخذ نفس فهد وصد عنه:وش بيصير ياخي مستحيل كل شي يرجع نفس ماكان

رفع راسه فهد من انفتح الباب ودخلت حليمه وصد بهاج عنهم يدخن

وابتسمت حليمه:كويس فهد انك موجود تساعد العريس

ابتسم فهد يناظر بهاج ويناظر حليمه بربكه ومدت الشماغ لفهد اللي وقف ولفت لبهاج:مالبست ؟

تقدمت تمسك شعره:ولا تروشت حتى ؟ بهاج الناس على وصول

لف بهاج يناظرها وهو يدخن واخذت نفس:لا تعطلهم ولا تسوي شي يندّمنا كلنا تراها اخت سلطان وانت تعرف وش سلطان عندك

مارد بهاج يناظرها ولفت حليمه لفهد وابتسمت له بتوتر

جالسه وتناظرهم يلبسون ولفت ريوف:متأكده مابتجين ؟

هزت راسها بالنفي:تعبانه

نورا:اهم شي لا تشربين قهوه بغيابنا ياويلك

ماردت أنهار ودخل عمر وناظرهم جاهزين ولابسين فساتينهم ولف لأنهار اللي جالسه بفراشها:ليه ماتقومين ؟

لفت ريوف عليه:تعبانه بتجلس هنا

عمر:على كيفها ؟

لفت نورا على ريوف اللي مسكت ذراعه:تعبانه بابا

عمر ناظرها بحده وضرب الباب بيده:قومي البسي والحقي خواتك

فزت ريوف برعب وعقدت حاجبينها نورا

أنهار نطقت بهدوء:ماراح اقوم

عمر تقدم:قومي دامنا هاجين اتركي النفس طيبه

نورا:مو غصب البنت تعبانه لو ملاحظ

عمر لف لنورا:انكتمي

ريوف:بابا !

هزت راسها أنهار:صح دامنا هاجين على قولتك

وقفت وناظرته:جايه اسبقوني

لفت نورا عليها:اذا تعبانه اجلـ

لفت تقاطعها:اسبقوني

اخذت نفس نورا بغضب وخرجت مع ريوف وناظرها عمر ومشى يخرج

قفلت الباب خلفهم وجلست قدام المرايه هي مستحيل تكمل الليله هذي مستحيل تسمح لهم مستحيل تقدر تشوف بهاج يبتعد عنها وتوقف محلها لو وصل فيها انها تسوي فضيحه بتسوي لكن ماراح تنتظر كل شي يضيع من يدها

لبست وحطت مكياجها تسمع اصوات غطاريف النساء بالبيت اللي جنبها

لبست اخراصها وناظرت عطرها قدام عيونها

العطر اللي لولاه ما بانت شمس هالحب اخذت العطر وفتحته تشمه وغمضت عيونها تتذكره تتذكر انه سافر مع هالعطر دونها

تعطرت منه بإسراف تمنت لو تسكب كل الزجاجه على جسدها لكنها اكتفت واخذت عبايتها تلبسها على فستانها وخرجت ناظرت شنطهم بالصاله واغراضهم وفتحت الباب تخرج

رفعت راسها للأنوار اللي تزين مجلس الرجال والدكّه واصوات الرجال اللي تنافس صوت فرحة النساء واغانيهم وغطاريفهم

مشت بكل جمود ودخلت بيت جمعه تناظر فرحة النساء وجمعتهم وطاحت عينها على شموخ اللي جالسه تغمرها الفرحه

وقفت نورا واخذت عبايتها:كويس جيتي

ناظرتها أنهار وهزت راسها ومشت تجلس جنبهم تناظر النساء وتسمع اصواتهم واغانيهم وتشوف ابتساماتهم لفت تناظر زينة شموخ وجمالها وحُسنها وحياها وفرحتها وسطهم

تلّون الابيض اللي تلبسه بالاسود بعيون أنهار ماتشوف الا سواد امامها بكل الالوان اللي تغمر المكان ماتشوف الا سواد

ما تسمع الا صوت رماد قلبها وسطهم تراقب ابتساماتهم وهي بعالم آخر

كيف سلمت دربها يمشي لوحده بدون ما تختاره هي ؟ كيف بتقدر تضحي بنفسها وتشوف بهاج يجلس جنبها ؟

لفت لريوف وتمسكت بذراعها وهمست وسط ازعاجهم:مخنوقه

عقدت حاجبينها ريوف:ما اسمع

تقدمت أنهار لها:برجع

ناظرتها ريوف:انتي كويسه ؟ تبغيني اجي معاك؟

هزت راسها بالنفي ووقفت تخرج من عندهم واخذت عبايتها بيد راجفه هي كانت قبل تدخل ناويه تولع بالحفل وتسوي فضيحه لكنها ماقدرت

خافت وترددت وضعفت تجمعت الدموع بعيونها وهي ترجف وخرجت تقفل الباب وراها وتغطي فمها تمشي راجعه للملحق

وقفت عند الباب وارتخى جسمها عليه بتعب وغمضت عيونها تهمس:اخ ياربي

مشى قدام عينها شريط ذكرياتها معاه تردد صدى ضحكاتهم سوا اغانيهم وكلامه وغزله تحسست نفس لمساته وبوساته وهمساته وفتحت عينها تاخذ نفس لا تختنق ورفعت راسها تشهق من ضيقة صدرها ونزلت راسها تناظر ممر النوير اللي قدام عينها

وماهي الا ثواني واعتدلت وقفتها وجمد وجهها تناظر نهاية الممر

مشت بخطوات هاديه لين وصلت لبدايته تناظر المستودع الكبير اللي نهاية الممر تذكرت كيف حرقوه سوا أول مره وخرجوا من اللهيب سوا

لفت تناظر المجلس وأنواره من بعيد وسمعت صدى صوته وقت قالها قبل يحرقونه:اذا تبين توقفين شي احرقيه

بلعت ريقها ولفت لبيت بهاج تركض له وفتحت الباب تدخل مشت لغرفته وفكت الباب وناظرت الفراشين اللي جنب بعض جهزوها لهم ووقفت ثانيه تناظرهم وماترددت تفك ادراجه وتدور بين اغراضه لين لقتها لقت الولّاعه اللي بتشعل فيها الدنيا

خرجت من البيت ومشت تخرج وبيدها الولّاعه دخلت ممر النوير اللي تشكل فيه الظلام وعينها على المستودع تسابق خطواتها قبل يوقع بهاج قبل يضيع منها كل شي نتيجة خوفها وضعفها

'

وقف بهاج يناظر اللي دخلوا الدكه ويسلمون عليه وناظر سلطان اللي واقف وعينه على بهاج كان خايف ان بهاج يترك كل شي خايف ان بهاج يتردد وتضيع اخته بلحظه التفت يخرج من الدّكه وبيده فناجين القهوه ولف فهد لبهاج اللي جلس جنب الشيخ اللي يسولف ويشرب قهوته

لف الشيخ:نبدأ بسم الله

اخذ نفس بهاج يرفع نظره لعمر اللي قدامه والتفت يشوف زيد يمين الشيخ وبدأ الشيخ مراسمه

وبهاج عينه على الدفتر اللي بحضن الشيخ لف يناظر مكان سلطان الخالي ورجع يناظر الشيخ

فزّ من جانبه عمه عبدالله ونطق:اعوذ بالله

عقد حاجبه بهاج ورفع راسه يناظر انعكاس النيران بعيون عمه ولف من قاموا جميعهم يفزّون

وقف بذهول يناظر النيران تاكل المستودع من بعيد وناظرهم يعدّونه ويخرجون راكضين للمستودع

جمد محله من وقف رَده مصدوم لانه تعوّد ما يكون هذا الا من صُنع بهاج ولكن بهاج بينهم واقف

خرج وراهم وعقد حاجبينه بهاج ماقدر يخطي خطوه وراهم كل اللي براسه من اللي بيردّه ؟ من اللي حرق المستودع عشان لا يقدم بهاج

وقف دمه من تذكر سلطان وغيابه ومشى خارج وناظر الحريم اللي خرجوا من بيت جمعه ومشى لهم وعينه على المستودع يساره والنيران اللي تشتعل وتقدمت حليمه:بهاج ! وش صاير ؟

لف عليها:انحرق المستودع

حليمه:من حرقه ؟

بهاج:لا تناظريني كذا كنت بينهم

حليمه:بسم الله من حرقه ؟

التفت من حس بكفها على ذراعه وعقد حاجبينه ونطقت ريوف له:أنهار بالبيت بهاج لحالها

عقد حاجبه ورفع راسه لنورا ودورها بينهم وجمدت ملامحه ولف للمستودع يناظره بذهول

فزّ يركض ويفتح الملحق وناداها:أنهار !

دخل بين الغرف وفصخ شماغه وعقاله عن راسه يمسكه بيده وخرج وبلع ريقه يناظر النيران بخوف

والتفت يناظر باب بيته المفتوح وركض له يفتحه ومن فتح الباب ودخل ووقف محله

ناظرها ماسكه يدها تبكي وبيدها ولاعته وجالسه بالارض

انصدم منها وهز راسه بالنفي بعدم تصديق والتفت يناظر المستودع خلفه محروق بالنيران والرجال حوالينه ورجع ناظرها

دخل وقفل الباب وتقدم لها:وش سويتي ؟

هزت راسها بخوف وهي ماسكه يدها:بهاج

تقدم ومسك يدها يناظرها:تعورتي ؟

أنهار:خفت خفت بهاج النار كانت حواليني خفت تحرقني وانا محروقه أكثر

جمد وجهه من شافها تبكي وهو مازال بصدمته:ليه ؟

أنهار:ماقدرت

تناظره وبكل خوف تمّلك همست

:صارت لك ؟

هز راسه بالنفي ونزلت راسها تبكي كانت خايفه انها تتأخر رمت كل الديزل اللي بالمستودع بعشوائيه وهي ترجف وشغلت الولاعه بخوف لكن ما احترق شي ماكان ودها ترمي الولاعه ويلقونها ولاعة بهاج ومن انتشرت النيران طاحت من يدها وانحنت تاخذها من بين اللهيب اللي اشتعل بسرعه كبيره

رفعت راسه له:حرقته بهاج

ناظرها بعدم تصديق وضحك وناظرت ضحكته وسط بكاها كررت كلامها تقنعه بالتصديق:حرقته

حضنها وتنهد:اهخ يا أنهار

أنهار غمضت عيونها وهي تحس بحضنن:ماقدرت اخليها تصير لك ماقدرت اخلي كل شي ونروح ، ماقدرت اخليك

شد عليها:حِنا من يوم دخلنا الحُب سكرنا معه باب العقل ، اه لو يحبك طفل والله شاب وش يسوي دربك باللي يمشيه

أنهار:ما ابغى مكان بدونك

بهاج نطق:والله لو العايق رصاصك ما اخليك ، يابعد هَلي كلهم

ابتعد عنها:ابوي انتي وش انا دون ابوي ؟

مسكت كفها تناظره:اشم ريحتي ديزل ونيران خايفه يعرفوني

بهاج:ما أشم فيك الا عذابي ياعذابي بعد ما نفح عطرك على شماغي

تمسكت بذراعه ووقفها معه:ادخلي تروشي وهاتي جرحك ابوسه بيطيب

ابتسمت تناظره يمسك كفها هي كانت محمرّه خفيف الحمَار لكنها من خوفها بكت تخاف انها حرقت نفسها بنفسها

رفع راسه يناظر ابتسامتها وابتسم:احترقنا أنا وإياك

رفعت كتفها بقل حيله والتفت يناظرهم من الشباك ولف لها:جايك

تمسكت بثوبه:واذا عرفوا انه انا ؟

بهاج:ما بيعرفون

تنهدت بخوف وهز راسه يطمنها وخرج من البيت

خرج يناظرهم ومشى للدكّه ودخل ناظر رَده اللي منسدح وعند راسه زيد وعقد حاجبه:علامكم؟

زيد:الشيبه تعب نزل ضغطه

تنهد بهاج ولف من دخل فهد ومعه دواه

ومسك قلبه رَده:بنجلط

زيد:يا ابوي سمّ بالله

حك شنبه بهاج وخرج براسه يناظرهم طفوا الحريق ولف من نطق زيد:نوديك المستشفى ؟

رَده:ان قعدت متّ ادفنوني هِنا

تقدم بهاج:تعوذ من الشيطان ياجدي

انحنى ومسك ذراعه وساعده فهد وخرجوا به

واشر بهاج :بسيارتي

فتح الباب وجلسوه وركب زيد يمين بهاج وركب بهاج وحرك

التفت فهد ينادي سلطان بعلو صوته ومشى له سلطان وهو يتنفس بسرعه:وش صار ؟

فهد:الشيبه بنوديه المستشفى امش

سلطان:من وداه ؟

فهد:بهاج وعمي زيد

سلطان:بنادي عمي عبدالله واجيك اصبر

مشى سلطان ينادي عمه ورجع لقي جمعه ويمينها امه اللي تترجى فهد

فهد التفت لسلطان:اقعد عندهم اجل

سلطان:علامك ياجَده ؟

جمعه:ودوني اشوفه

سلطان:ياجَده ضغطه ارتفع بس ربع ساعه ويرد

جمعه:خذوني له

تقدم لهم عبدالله:يمه علامك؟

لفت جمعه:اخذوا ابوك المستشفى

عبدالله:ايه ايه تطمني مافيه الا العافيه بروح اشوفه وارد لك

جمعه:خذني معك

عبدالله:ماله لزوم برد واطمنك عليه ان شاء الله

تنهدت جمعه ولف عبدالله:امش

مشى فهد وركب سلطان معهم وحركوا ورا سيارة بهاج

ناظر مرايته بهاج ولف من نطق زيد يهمس له:من حرقه ؟

بلع ريقه بهاج:مالي علم

زيد:لو ماكنت موجود قلنا انت

بهاج مارد عليه وهو يناظر طريقه

'

كانت بالحمام تناظر فستانها اللي طايح بالحمام وعليها منشفه صغيره هي لاحظت ان بهاج نسيها بالحمام وتأففت ووقفت من سمعت باب البيت وفتحت باب الحمام تطلع راسها ونطقت:ريوف ؟

تقدمت لها ريوف:فينك انتي ؟ دورتك بكل مكان

أنهار:كويس جيتي جيبي لي روبي وعبايتي سريع مت برد

ريوف:ليش ؟

أنهار:اخذت شاور ناسيه ان اغراضنا بالملحق

ريوف عقدت حاجبينها:مو صاحيه !

أنهار:اوكيه صح عليك روحي اخلصي

ريوف:اوكيه

خرجت ريوف وجات تقفل باب البيت ووقفتها حليمه:وش عندك ؟

ريوف:جيت لأنهار

حليمه:وش تسوي هنا ؟

ماردت عليها ريوف وتخطتها رايحه للملحق ودخله حليمه وعقدت حاجبها من شافت الحمام مفتوح وفستان أنهار عنده وتقدمت وطلعت راسها أنهار ومن ناظرتها رجعت راسها وتأففت

حليمه:وش تسوين ؟

أنهار لفت عليها:زي ماتشوفين

حليمه عقدت حاجبينه بصدمه:ليه متروشه هنا؟

أنهار بلعت ريقها:استعجلت ولا لاحظت ان اغراضي بالملحق

حليمه:تستهبلين ؟ بنت

ناظرتها أنهار بربكه وتقدمت حليمه من وقف دمها بخوف:انطقي

أنهار بلعت ريقها:خير ؟ ادخلي الحمام كمان ؟

حليمه:أنهار يمين بالله ان مانطقتي واعترفتي لأهدّ فيك المكان

أنهار عضت شفتها من شافت نظراتها الحاده ورفعت راسها لريوف اللي مدت لها الروب وسحبته ودخلت وقفلت الباب

حليمه:بتخرجين ونتكلم تفهمين ؟

ريوف:اعصابك !

لفت حليمه عليها بحده وناظرتها ريوف وخرجت تاركتهم

شدت على روبها وخرجت وناظرت حليمه:خير ؟

حليمه مسكت ذراعها:اعترفي

أنهار:اعترف لأيش انتي صاحيه ؟ طلعي جنانك بعيد عني بالله مو ناقصه

حليمه:ليه متروشه بحمام بهاج ؟

أنهار:لا تتهميني ما كنت مختفيه كنت عندكم اصلاً !

حليمه رفعت حاجبها بذهول:انا وابوك زواجنا ماهو لعبه اعترفي وش صار بينك وبين بهاج هنا ، انطقي بموت مجلوطه

ناظرتها أنهار بصدمه وضحكت من لاحظت ان حليمه ماكانت تقصد الحريق ابد وكان قصدها بعيد ، بعيد لدرجة خلت انهار تضحك بصوت عالي

ونشف دم حليمه من شافتها تضحك وبللت شفايفها أنهار تشد روبها:اسألي ولدك يجاوبك هو

اخذت فستانها وتركتها وخرجت من البيت وهي تضحك من تذكرت نظرات الصدمه بعيونها

دخلت الملحق ومشت للغرفه وقفلت الباب خلفها مشت ولبست ملابسها وجلست وهي تاخذ جوالها ودخلت على محادثته وفتحت الفويس

:بهاج ! على الاقل لا تخليني وانا بالحمام لحالي ! كويس مامت برد

ارسلتها ورفعت راسها من سمعت عمر يتكلم بالجوال ووقفت تتقدم تسمعه من ورا الباب

عمر:يعني بيتنوم ؟ ، لا ياشيخ ، طيب طيب اجيكم ؟ ، من بيقعد عنده ، طيب استناك ان رجعت دق بابي ، سلام

عقدت حاجبينها وهمست:مين بيتنوم ؟

'

ناظر جَده اللي نايم قدامه ولف لسلطان اللي جالس

:للحظه توقعتك انت اللي حرقته قلت بتخلص اختك مني

رفع راسه سلطان عليه:ليه من طلع حرقه ؟

سكت بهاج وناظر جَده ورجع ناظر سلطان:وش فيك انت مو على حالك ! وين طلعت وخليتنا ؟

سلطان:اغسل فناجين بالمغاسل

بهاج رفع حاجبه:لا تكذب !

سلطان التفت عليه:شتبي انت الحين ؟

بهاج هز راسه؛اها ، طيب ما بنقول شي ارتاح

تركه وخرج من الغرفه ودخل يده بجيبه ياخذه وناظر رسالتها وابتسم من شافه فويس

التفت خلفه وتقدم ورفع جواله يحطه على اذنه وغمض عيونه واتسع مبسمه من اشتغل صوتها وتنهد ينزل جواله ويرجع يشغل صوتها ويحطه على اذنه

رجع ظهره لورا على الجدار وهو يكرره وابتسم ينزل جواله وسجل لها صوته:مرحبا يا أعذب الأصوات وأحلاها كل مره تقولين بهاج من شفاتك ودي أفديك بعمري ، انتي تآمريني وتنهيني

ابتسم يسكت ويرسله لها ويرجع يفتح جديد وهو يناظر المستشفى:مانسيتك لكن خرجت بالشيبه جاته آثار جلطه ونوموه بالمستشفى وانا وسلطان عنده ، من جاك بالبيت انتي ؟

ارسله وناظرها تدخل محادثته وابتسم

ابتعدت عنهم وهي تحط الجوال على اذنها واتسع ثغرها من صوته ومن تملكها الخجل وعضت شفتها

صدت تناظرهم خلفها بالصاله وهي تسمع صوته هي نست كل شي قبل وكيف كان حالهم وكيف ان الخطر ما زال بس كل اللي تسمعه هو صوته وترحيبه ودلاله

نزلت جوالها تكتب له:ريوف جاتني انقذتني ، يعني بتنام عنده ؟

كتب لها وهو واقف عند بابه:ماظنتي انام بس ماني راد البيت ، احد قالك شي ؟

ضحكت بخفوت من تذكرت امه:لا

بهاج:زين

أنهار اخذت نفس تنتظره يكتب لكن ماكتب وماخرج من المحادثه ولفت تناظرهم بالصاله ورجعت تناظر جوالها:لو مانمت ارسلي

بهاج:ليه ؟

أنهار:بكلمك

ابتسم ورجع ذراعه خلف راسه:سمّي

ابتسمت وقفلت جوالها

'

ناظرتهم خارجين ولفت من استعجلتها ريوف:استعجلي

لبست شوزها ورفعت راسها:طيب اوف !

مشت وهي تعدل شعرها وخرجت وناظرت عمر راكب السياره وجنبه حليمه وسيارة عمها زيد جنبه وسيارة عبدالله معه وهمست:ياساتر

مشت وركبت ورا مع نورا وريوف وحرك عمر

ولفت حليمه عليه:بيطلعونه اليوم ؟

عمر:مدري والله بنشوف الحين ان وصلنا له

حليمه:اعوذ بالله كيف تغير كل شي مره وحده

لفت لعمر:الله يستر محد يشوف شناطنا بالملحق

عمر:محد بيشوف المهم ابوي الحين

لفت نورا وناظرت أنهار اللي جنبها وهمست:كان ضروري ؟

أنهار:انا كمان ماكان ودي اروح بس يقولون ما بيبقى احد بالبيت

نورا اخذت نفس وناظرت الطريق بسكون وهمست لها أنهار:فيك حاجه انتي ؟

هزت راسها بالنفي نورا ولا لفت عليها ونزلت راسها أنهار لجوالها :لحالك ؟

اخذ جواله وهو يتثاوب:صح النوم يامسهرتني

ابتسمت ورفعت راسها تناظر الطريق ورجعت تكتب له:عندك احد ؟

بهاج:لا بس اعمامي جايين

أنهار:ايوا شفتهم خارجين قبل شوي

بهاج:من معهم ؟

أنهار:ما اعرف ما انتبهت

بهاج:ابوك جاي ؟

أنهار:ايوا ومعاه امك

بهاج رفع راسه لسلطان اللي نايم على الكرسي ووقف ومشى له:ولد سلطان

تحرك وطقت رقبة سلطان وكشر وضحك بهاج:اسلم

عقد حاجبينه ومسك راسه وغمض عيونه

بهاج:قوم جايين

سلطان اخذ نفس ووقف ومشى خارج من الغرفه وهو فاتح ازارير ثوبه العلويه ودخل الحمام غسل وجهه وخرج وطلب شاهي كوبين واخذهم راجع للغرفه

ناظر الاكواب اللي بيده ورفع راسه من الاصوات بآخر الممر وعقد حاجبينه من عرفهم ، اهله

ووقف عند الباب وتقدم له عبدالله:هاه وش العلم؟

سلطان:نايم

ناظر الحريم وعقد حاجبينه:وش جابهم كل ذولا

عبدالله ناظره بحده:يزورونه

سلطان؛حياهم الله

دخلوا والتفت من شافهم خلف عمر وجمد وجهه من شافها بينهم ومن ناظرته دخل بسرعه وحط الاكواب عند بهاج

ناظرها بهاج اللي وقف عشان يقعدون عمامه واخذ الشاهي حقه يشرب منه ورفع راسه من دخل عمر ووراه حليمه وشرب رشفه وانحرق لسانه من ناظرهم خلفه هي ماقالت له انهم بيجون وجمد وجهه من شافها تبتسم له ودخلت

ناظرهم متجمعين كلهم بالغرفه وتقدم يمشي لين عندهم وقف عندهم وهمس:وش جابكم؟

ريوف:ماخلونا لحالنا يقولون البيت فاضي

رفع راسه لأنهار:تكذبين ؟

ابتسمت وصدت عنه ولف لريوف:وفهد وينه؟

ريوف:بيجيب عمال للمستودع

هز راسه بهاج ولف وهو يشرب شاهي ويسمع دعاء جمعه:الله يقومه بالسلامه الله يجعل يومي يسبق يومه

زيد:تعوذي من الشيطان

جمعه ناظرت رَده:تكفى لا تخليني بعدك هذا هم عيالك عندك اللي كديت عشان يكونون حوالينك وهذا هو عمر اللي شيبت تدوره هذا هو عندك معد بيروح عنك وانا ادري عمر مستحيل يروح عنك

عقدت حاجبينها ريوف تناظر جمعه ولفت تناظر عمر اللي مختلف حاله ويمسح تعرق جبينه بيده

وكملت جمعه:مستحيل يغيبون عنك

عبدالله:ما بنخليه هذا ابونا مالنا غيره

زيد:بس قم لنا بالسلامه وخلنا نكمل اللي وقفنا عنده ونفرح بأحفادك بهاج وشموخ

لفت أنهار تناظر بهاج اللي التفت لها ورجعت انظارها للبنات اللي جالسين خلف اعمامهم وميّزت نظرات شموخ لبهاج

تنهد عبدالله:ماضاع حلالك يا ابوي يعوضك ربي ان شاء الله

زيد:والله ينتقم من اللي حرقه

بلعت ريقها أنهار وتقدم بهاج:تعوذا من الشيطان

زيد التفت عليه:ايه لو كان فعل فاعل الله يـ

بهاج:نصيب نصيب

عبدالله:مالقوا أثر ان كان احد قاصد ؟ عدوان ابوي واجد يمكن انه راعي المزرعه اللي جنبنا اذكره تهاوش مع ابوي قبل زواجكم بليله

سلطان:وليه يحرقنا ؟ ما يسويها

عبدالله:ما استبعد يخلي عياله الخمس يحرقونه عاد الحريق ماهو هيّن تلقاهم خمس اللي حرقوه بهاج لوحده وهو رجال ما قدر يحرقه هالقد

ضحكت بخفوت من شافت وجه بهاج ولفوا عليها خواتها وسكتت وجمدت محلها تتخبى

وبلعت ريقها من نظراتهم ولف بهاج عليهم

:خلوه يرتاح ياجماعه

رجع يغمض عيونه رَده ووقفوا يخرجون من عنده وخرج بهاج وسحبها من ذراعها من بينهم:تضحكين اجل ؟

ابتسمت:يقولون بهاج رجال ما سوا كذا ، يعني غلبتك

ناظر ابتسامتها وابتسم ولف من تقدمت لهم حليمه:بهاج !

وقف بإعتدال وابتسمت أنهار لحليمه وبعدت عنه وتقدمت حليمه تهمس له:اعترف بسرعه وش مسوي

عقد حاجبينه:بسم الله وش مسوي بعد ؟

حليمه:لا تلعب علي لا تجلطني بهاج مو ناقصتك استفزتني هذي اللي وراك عشان تنطق وقالت اسألي ولدك ، وش مسوي اعترف

لف بهاج يناظر أنهار خلفهم وبلع ريقه ولف لها

:اعترف بوشو ؟

حليمه:أنهار ليه كانت تتروش بحمامك بعد الحريق؟

ارتبك وحك شاربه ورفع راسه يناظر اعمامه اللي بالممر يتكلمون ورجع ناظرها:لا تظنين هالشي بأنهار ، انا اسويها اي

حليمه ناظرته بصدمه:بهاج ! صاحي انت تبي تخرب زواجي من عمك ؟

عقد حاجبينه بهاج:لحظه عن وشو تتكلمين ؟

حليمه:لا تسوي نفسك ماتعرف قبل شوي تقول انك تسويها

جمد وجهه من استوعب تفكيرها:لا عاد !

حليمه ناظرته وضحك بهاج يناظرها بصدمه:هذا اللي فهمتيه ؟ اي زين خلك على فهمك ذا

حليمه مسكت ذراعه:تعال

بهاج ضحك؛يمه ارتاحي محد مفرقك عن عمي ارقدي وآمني

حليمه:اجل ليه تتروش بحمامك؟

بهاج ضحك:جازت لها حنفيتي يمكن

تركها ومشى رايح وتقدمت له أنهار:اش قالت لك؟

بهاج ضحك:ياخي امي

لف عليها:ماقالت شي

ناظرتهم خارجين سوا ومشت ورا بهاج ونطقت

:بروح مع بهاج

لف عمر قبل يركب سيارته وناظرتها حليمه:ليه ؟

لف بهاج على أنهار اللي ابتسمت لها:وين المشكله راجعه مع اخوي

شدت بنطقها الاخير وزادت بإبتسامتها وركبت يمين بهاج وناظر بهاج حليمه وركب سيارته

شغل سيارته ولف عليه وضحك:الحين صرت اخوك ؟

أنهار ناظرته:مو هي دايم تقولي كذا ؟ يالله اجل نقول زيها عشان تتركني بحالي

بهاج شغل سيارته وناظر سيارة عمر قبله وحرك خلفه ولفت عليه وابتسمت ورجعت تناظر الطريق

حسّ عليها والتفت يناظر ابتسامتها وصدودها ومد كفه لكفها يلمسه والتفتت عليه ونطق

:لعد تعيدين اللي صار ما انتي رايحه مكان بدوني

تنهدت من تذكرت اللي كان بيصير وكيف كان حالها وكيف تعبت واندمرت من حزنها وخوفها

وناظرته:اش بتسوي الحين طيب ؟

بهاج:في وشو ؟

أنهار:في البنت

بهاج ناظر طريقه وسكت وتقدمت له أنهار

:بتقول لا صح بهاج ؟

تنهد بهاج والتفت عليها:من وهقنا مو انتي ؟

أنهار عقدت حاجبينها بزعل:بهاج لا تجلس تلومني كل شويه !

بهاج:والله انك دمرتيني لين الحين مدري كيف بخرج منها

أنهار:قول ما ابغاها ما أحُبها مو صعبه

ابتسم والتفت عليها:ما ايش ؟

ابتسمت تفهم مقصده وناظرته:ما تحُبها

بهاج لف للطريق وضحك:ما أحوبها أحوبك انتي

ضحكت تشد كفه لها:عسول ياناس

ابتسم من كلامها ولهجتها يناظر طريقه وتقدمت له أنهار تلف بيدينها على ذراعه وهي ماسكه كفه وتنهدت تاخذ نفس مسموع:ابغى وين اروح القاك بهاج ما ابغى طريق بدونك ، ما ابغى مكان بدونك

رفعت راسها تناظره وتشد على ذراعه:حتى لو بتعب من كلامهم حتى لو بنكون بخلسه وسّر دايماً

نزل عيونه عليها وابتسمت له:دام انت الغايه اهخ ما احلى السبيل

ابتسم لها وتقدم يبوس جبينها:اهخ ما احلى هالريحه

اخذ نفس يبوس جبينها بتكرار:لا عدمني ربي هالشذى اللي يكركبني

ابتسمت تلف للطريق تناظره وشدت على كفه

وخفف سرعته:صوره لا تحرمينا اللحظه

ضحكت تاخذ جوالها وناظر طريقه اللي خفف سرعته فيه ورجع يناظر كاميرا جوالها وابتسم

صورتهم ورجع يمشي بالطريق وابتسمت تصور كفوفه ببعض ونزلت راسها تناظر جوالها

،

عقدت حاجبينها:وين راس أنهار ما اشوفه؟

ناظرتها ريوف:مو ناقده على نفسك بالله ؟

حليمه ماردت وهي تترقب بنظراتها للخلف وناظرتها نورا:خلاص طالعي قدامك وترتيني

حليمه لفت لعمر:عمر دق عليه انت خله يرتعب شوفه قاعد يخفف سرعته وهالبنت مو باينه

مارد عمر ولفت ريوف تناظره وهمست:بابا

ناظرته عاقد حاجبينه يتعرق من جهده وتقدمت له ولمست ذراعه وانتفض يبتعد عنها ولفت حليمه عليه:فيك شي ؟

عمر:اسكتوا

اعتدلت حليمه ولفت لقدام ورجعت محلها ريوف تناظره بترقب وخوف

رجعت تراقب من مرايتها لسيارة بهاج اللي خلفهم

كانت تجهل وضعهم اللي كانت تصوره أنهار وتضحك لفت عليه تناظره يغني مع الشيله:مسكين مسكين من قد بلي بالغرام

كان يغنيها لأنها هي طلبته طلبته هالشيله بالذات وابتسم يغني معها وهو يسوق ورجعت تحط براسها على كتفه وشعرها ينتثر

وبعد دقايق نطقت:تدري ان ريوف رجعت مع ابويه ؟

رفعت راسها وناظرها وعقد حاجبه وكملت أنهار

:جابها من الرياض بنفسه وبقولك شي يضحك

ابتسمت بخفوت:تقول حضنها

سكت بهاج يناظرها وبلعت ريقها أنهار:مع انه قبل يخرج لريوف شافني بالغرفه وكنت تعبانه وقتها ومهلوكه من تعبي وما قالي كلمه وحده ، ومع اني انا اكثر وحده تأذيت هنا عشانه بس ماجرب يحضني انا

تنهدت تناظر بهاج:حاز بخاطري مره بهاج مو قادره اقول عادي نفس ماتقول نورا ، انا رحت له وبكيت قدامه وترجيته يرجع زي قبل بس تدري وش قالي ؟ قال اقنعي بهاج يتزوج ونرجع سوا كلنا

تنهد بهاج وصد يناظر الطريق وكملت أنهار

:هو يشوفك بعيوني بهاج هو يدري إني أحُبك بس يبغى يبعدني عنك يدري اني بموت من بعدك ومع ذلك طلبني نبتعد

عقدت حاجبينها:ليش يسوي كذا ؟

بهاج:ان جاء الكلام لابوك معرف اقول شي

أنهار:غريب صح ؟ ماتقدر تدافع عنه حتى ، نورا الوحيده اللي عندها عادي ومن يوم رفض بندر وهي عايفته

بهاج التفت لها ورفعت كتفها:بس هذي الفتره نورا مو نورا هاجده وساكته وساهيه

بهاج التفت من خطر بباله سلطان وتكى بيده يفكر:تكلمت مع سلطان هي ؟

أنهار:ما اعرف ، ليه يكلمها ؟

بهاج لف لها:سلطان يهوجس بنورا

أنهار رفعت حاجبينها:نورا مستحيل تلتفت لسلطان

بهاج:ليه ؟

أنهار:مو منجدك بهاج ، نورا وسلطان ؟ مستحيل حتى بالحلم ما يركب

رفع حاجبه بحده لها وناظرته بذهول:بهاج !

بهاج:تذكري ان الكل يقول عنا كذا

أنهار:بس إحنا غير نورا تحب قبل ماتجي لهنا والى الان تحب بندر وتبيه

بهاج رفع راسه ينفي كلامها:نورا معد تبيه

أنهار:كيف عرفت ؟

بهاج:البنت ماتبي اللي يهملها

سكتت أنهار لثواني وكمل بهاج:توقعي كل شي

أنهار تنهدت ونزلت راسها والتفت بهاج:لو خواتك يدرون عنا ! كان ماشلت هم شي لانهم بيوقفون معنا

ناظرته أنهار:كيف اقولهم ؟

بهاج:صارحيهم مو صعبه

تنهدت وصدت تناظر الطريق ولف يناظرها بهاج ورجع يلف للطريق دخل المزرعه خلف سيارة عمر ووقف جات بتنزل ومسك كفها:أنهار

لفت عليه قبل تفتح الباب ورفع انظاره لحليمه اللي نزلت وناظرتهم ورجع ناظر أنهار

:ماكنتي كذا أول جيّتك لهنا ، انتي وقفتي بوجيههم كلهم بدون تخافين عشان أبوك

سكتت تناظره وكمل بهاج:ليه صرتي تخافين وانتي معاي ؟

ماردت عليه وعقد حاجبينه بهاج:هذا يتهيأ لي والا هذا اللي حاصل فيك ، تترددين توقفين قدام خواتك وهم خواتك وتقولين لهم عنّا ! ليه ؟ وقفتي قدام الشيبه ثلاث مرات عشان ما يتزوج أبوك

اخذت نفس وناظرت حليمه اللي ما زالت واقفه عند السياره تنتظرهم ولفت عليه

:لان هالمره فيها قلبي بهاج ، لو احد قال عنك شي او حاربنا او ووقف بطريقنا قلبي بيتعب وخايفه يتعب وأنهلك

هزت راسها بالنفي:كانت فكرة زواجك موتي البطئ انا عشت سكرات موتي قلبي كان يحترق ، خفت اتكلم ويزيدوني عذاب

ظل يناظرها بتمعّن ومدت كفها لكفه وهي تناظره

:انا مو خايفه وانا جنبك انا خايفه علينا

مارد عليها ولفت تفتح الباب ونزلت من سيارته ومشت لحليمه اللي واقفه وتعدتها تدخل الملحق

شاف امه جايه له قفل سيارته ونزل منها وناظرته حليمه:شتقولون ؟

بهاج ناظر امه وعقد حاجبه:وش غيرك ؟ ليه صرتي كذا ؟

حليمه تكتفت:دامني اشوفك ماشي على عماك بطريق مسدود اكيد بتغير ، تراك باقي معطي وعد لعمك زيد

بهاج مارد عليها وتخطاها يمشي لبيته

كانت جالسه بالغرفه جنب نورا اللي على جوالها ظلت تتأملها وهي تفكر كيف تتكلم معها كيف تفتح لها قلبها اخذت نفس ونطقت نورا وعينها على الجوال:ايوا قولي اسمعك

ابتسمت أنهار وتقدمت لها:تحسين فيني

لفت نورا عليها:اشبك ؟

اخذت نفس أنهار وتربعت تناظر نورا:الحين يعني تحسين ان فهد وريوف عادي يكملون حياتهم سوا ؟ اقصد يتعايشون بالزواج ويتقبلونه ؟

نورا ميلت شفايفها لثواني:يمكن بيني وبينك ريوف متقبلته من يوم جات هنا شكل الرياض عدلت علاقتهم صارت تناديه فهد مو شليويح

ضحكت نورا وابتسمت أنهار بربكه:وإحنا ؟

نورا:انا وانتي ؟

هزت راسها بالنفي:انا وبهاج يعني

عقدت حاجبينها نورا:انتي وبهاج ايش ؟

ارتبكت من شافت وجهها ونطقت:يعني تحسين اللي يشوفنا يقول متزوجين ؟

نورا:طبعاً لا ولا ربع بالميه منجدك !

أنهار:ليش ؟

نورا:مدري أنهار شي غريب كذا مو لايقين على بعض ولو تسألين الكل بيتفق بس الله يسامح اللي فكر هالفكره

بلعت ريقها أنهار وهي تناطر نورا:وسلطان ؟

لفت نورا عليها:شفيه ؟

أنهار:يلوق علي ؟

ناظرتها بصدمه نورا:شقاعده تخربطين أنهار تستهبلين صح ؟

أنهار:اشبك طيب نسولف بس

نورا:ماعجبتني سواليفك اتركيني بحالي

أنهار:فين طلعتي انتي بليلة الملكه ؟ قبل اخرج انا ماكنتي موجوده

نورا:ولا مكان

أنهار:نورا اش اللي مخبيته ؟

لفت نورا تناظرها:ولا حاجه

سكتت أنهار تناظرها واخذت جوالها وخرجت من الغرفه لبست شوزها تخرج وناظرت ريوف اللي راجعه:وين كنتي ؟

دخلت ريوف ولفت عليها:عند فهد

أنهار:بترجعين الرياض ؟

ريوف:دام هذا الوضع اكيد ماراح افوت دوامي

هزت راسها أنهار ومشت لبيت بهاج ولفت من سمعته خلفها:حيّ من زارنا

ابتسمت تشوفه جاي مع فهد من بعيد وتقدم لها:وش عندك ؟

أنهار ناظرت فهد خلفه:محد جلس عند الشيبه بالمستشفى ؟

فهد:جدتي وابوي

أنهار هزت راسها ولفت لبهاج اللي يفتح الباب

مشى فهد عنهم ودخلت أنهار البيت:تتوقع يطول بالمستشفى ؟

دخل بهاج وقفل الباب خلفه:والله مدري الله يستر

لفت عليه بخوف:اخاف يصير له شي وقتها ماراح اسامح نفسي

عقد حاجبينه وتقدم لها:وانتي وشدخلك ؟

أنهار:انا حرقت حلاله بالمستودع انا طيحته هذي الطيحه بهاج

رفع حاجبينه:اشش لا عاد تجيبين طاري

تنهدت وجلست على الكنبه ورفعت عيونها:مو مرتاحه حاسه بيحومون مره ثانيه ورا الموضوع ويعرفون انه انا اللي حرقته

بهاج جلس جنبها:لو قعدتي تجيبين الطاري كل شوي بيدرون ، يقولك ماشافوهم وهم يسرقون شافوهم وهم يتقاسمون

أنهار عقدت حاجبينها ولفت لقدام:كلمت نورا

ناظرها بصدمه:احلفي !

أنهار لفت عليه تناظر ذهوله:كنت بقولها بهاج بس صكتها بوجهي

بهاج:ليه ؟

أنهار اخذت نفس:هي ماتستبعد ريوف وفهد يكملون مع بعض وتشوفهم مناسبين بس انا وانت ؟ شهقت بوجهي كأنه شي مستحيل

بهاج مارد وكملت أنهار:بهاج ليه يشوفونا كذا ؟ ليه يحسسوني اني بعيده عنك ؟

بهاج:ما انتي بعيده شوفيك جنبي وبقلبي تسكنينه انا ضلوعي مسكنك انتي في حشاي حتى لو انهم ما يشوفونك

أنهار ناظرت عيونه كيف انه يثبت لها دايم منزلتها وابتسم من شاف نظراتها لعيونه ورفع ذراعه خلف كتوفها:انا كل ما طاحت عيونك بعيوني لمده قصيره يزيد عمري عُمرين

نزلت انظارها لكفه ولا ترددت تمسكه ورجعت تناظره وهي تحس بذراعه خلفها:متى بتكلمهم على الملكه هذي اللي ماراح تصير ؟

بهاج اخذ نفس:والله مدري بس اكيد ماهو وقته الحين اذا طلع الشيبه يصير خير

أنهار:كلم سلطان على الاقل يمهد لاهله ولاخته يقولهم بهاج بطل وما يبغى

بهاج:وين اودي وجهي بعدها اقسم بالله مستصيب

أنهار:ماراح تودي وجهك مكان بنروح سوا لبيتنا

التفت عليها وكملت أنهار وهي تشد على كفه

:بهاج بنروح الرياض ونستقر تعبت وانا هنا كل يوم مشكله جديده

بهاج ابتسم وتقدم لها:كلموني بعز ضيقتي انهم خلصوا الحديقه والمسبح اللي فيها ولارديت عليهم زادوها عليّ هم بعد كنتي بتضيعين مني وش اسوي بالمسبح وقتها ، ورث ابوي حطيته كله بالشغل وبالبيت

ضحكت:يعني روحتنا الجايه لبيتنا بنجلس بالحديقه حقتنا ؟

بهاج ابتسم:بيتنا وحقتنا انتي تجمعيني معك بكل شي وانا يشهد علي الله وتشهد نجد بحيّها وميّتها اني أنهلك

ابتسمت له بخجل وهي تشوف نظراته لها ونزلت نظرها لكفه:بهاج رجعنا هنا عندك

رفعت انظاره له:ما ابغى اجلس عند امك وابويه

بهاج هز راسه بالنفي وناظرته بذهول ورجع راسه:لا لو رجعتي هنا تعذرتي ونمتي بفراشي منين لين فراش بعدين

ضحكت:مانمت بفراشك وانت موجود لا تتهمني !

ابتسم لها ورجع ظهره لورا وناظر البيت:عز الله خلي فيني بعدكم

ناظرته بضيق وهو يشوف البيت مرجع ذراعينه لورا ذراع حولها وذراع على الكنبه

حزّت في نفسها نظراته للبيت:تحس انك وحيد؟

التفت عليها يشوف حزنها وبرائتها واخفى ابتسامته ورجع يناظر البيت:وحيد

عقدت حاجبينها:بهاج لا تسوي فيني كذا بقعد اشيل همك

بهاج:تبيني اكون صريح معك ؟ اي والله وحيد مامعي غير صداكم بالمكان محد معي

تقدمت له تبوس خده وعض شفته ونزل ذراعه والتفت لها من ابتعدت:انا وين رحت بهاج؟

التفت عليها يلف ذراعه الثانيه حول خصرها:انا بمسك نفسي وأعصابي وخصرك بس عيديها

ابتسمت وتلون وجهها من طلبه ورجعت بوجهها للخلف وناظرها:بتعيدينها بس مو هذي ، بتعيدين اللي بليله توادعنا فيها

عضت شفتها من شد على خصرها لانها تحاول تبعد عنه ورفع حاجبه لها:نسيتيها ؟ انا مانسيت

'

شدت على كفوفها وهي تشوفهم بالصاله قدام عينها تسمع حوارهم من بداية دخولهم لهاللحظه هي جات من فضول تدور في بيته عرفت انه مو موجود ودخلت البيت تجولت بغرفته وشافت دولابه واغراضه وفراشه ومن سمعت اصواتهم تخبت تناظرهم بالصاله ، ضغطت على نفسها من انكسارها وحزنها وضعفها وتقدمت تخرج من الغرفه

رفع نظره بهاج وجمد وجهه بصدمه ولفت أنهار بإستغراب وانصدمت وتبدلت ملامحها بصدمه

وقفت بصدمه تاركه حضن بهاج:من وين طلعتي انتي ؟

ناظرت غرفة بهاج خلفها ورجعت تناظر شموخ ونشف دمها وهمست:من متى وانتي هنا ؟

وقف بهاج يناظر شموخ ورفع ذراعه على راسه وناظرتهم شموخ:من يوم طلعتي تخافين على جدي اللي حرقتي حلاله

جمد وجهه أنهار وانربط لسانها وعض شفته بهاج وتقدم يناظر شموخ:تدرين انه بتصير مصيبه لو تكلمتي؟

شموخ تكتفت:ادري اني بسبقك بالكلام قبل تكلم اهلي وتكسر بخاطرهم وتبيعني ، بقول انك شاري بيت بورث ابوك ولك شغل بالرياض وبقول ان أنهار حرقت المستودع

مسك راسه بهاج وجلست على الكنبه شموخ تناظرهم وتقدم بهاج لشموخ:صلي على النبي يابنت الحلال

شموخ ناظرته بحده:تحسبني لعبه عندك ؟ مره شاري ومره بايع ؟

بهاج ناظر أنهار اللي جالسه وتناظرهم ورجع ناظر شموخ:يابنت الحلال خلينا نتفاهم بتهدين فينا هدّ

شموخ لفت لأنهار وناظرتها:وش بيصير لو ابوك عرف انك كنتي بحضنه وهو محرّمك عليه !

لفت لبهاج:وش باقي ؟ اخنثوا بطلاق ابوك وخلوه يطلق عمتي

أنهار:مافهمت ليش محسستنا قدامك كأننا غلطانين طيب الكل يدري اني لبهاج وبهاج ما اخذك الا عشان ظروف ماتعرفينها ، وجيت وقلت لك وقلتي الرجال ينسون والا ياشموخ!

بهاج لف لأنهار اللي تتحدى شموخ:أنهار

شموخ:طيب نشوف وش راي ابوك بالسالفه

بهاج:ما بتطلعين من هنا لين نتفاهم ، تسمعين ؟

شموخ ناظرته:انت تستاهل الفضيحه على اللي سويته فيني

بهاج ناظرها وهزت راسها شموخ وناظرت أنهار:ياليتك ماجيتي لا انتي ولا اهلك

مشت تخرج من البيت ومسك راسه بهاج ولف لأنهار اللي همست:انتهينا سمعت كل شي

بهاج عض شفته يدور بمحله:يارب سترك

أنهار:بهاج سمعت كل شي كل شي بتقولهم اني حرقته وقتها والله ما اجلس دقيقه هِنا بينفوني

بهاج:خلاص اسكتي اسكتي خليني افكر

أنهار لفت تناظر الباب مستصيبه تسترجع كل شي قالوه لبعض

ولف بهاج:ارجعي الملحق لا تخلينها تقابل امي تفهمين !

أنهار:تستهبل ؟ انا بمنعها يعني تتكلم ؟

بهاج:اي امنعيها لين ادبر حل

أنهار ناظرته:بهاج !

تقدم لها ومسك كتوفها:أنهار مو وقت دموع ونيّاح قومي امنعيها تفهمين

ناظرته بربكه وهزت راسها ووقفت تخرج من بيته ورجع بهاج يجلس ويمسك بيدينه راسه ويفكر

عاد كل كلامهم سوا ولقي ان شموخ كل اوراقها رابحه من بداية الورث اللي صرفه والبيت اللي شراه لحريق أنهار للمستودع والشديد القوي الحب اللي كانوا يخبونه ، الحب اللي لو عرفت امه او ابوها انهم واصلين لهالمرحله فرقوهم بدون طريق لقى واحد

هز راسه بالنفي يمنع افكاره اللي ممكن تصير هو يوم حرق المستودع عدموه ضربوه ودخلوه مستشفى لو عرفوا انها أنهار بيصير الأشد ، عمر ما بيسكت وعمامه ما بيسكتون دام الشيبه قرب ينجلط من اللي سوته

-

كانت جالسه وتناظر حليمه اللي تقهوي في عمر حاطه اصابعها بين اسنانها وتناظرها وتفكر

لفت حليمه وعقدت حاجبينها:عسى ماشر ؟

أنهار:ما اطالع !

حليمه:العاده ماتقعدين

أنهار:وحشتيني قلت اجلس عندك

حليمه صدت عنها وناظرت عمر:بطلع اشوف وش صار على الشيبه

أنهار قامت:بجي معاك

لفت حليمه:معي انا ؟

أنهار هزت راسها وهي تلبس عبايتها ولفت حليمه لعمر اللي يناظرهم ساكت وخرجت أنهار خلف حليمه مشت معها متجهين لبيت جمعه ولفت حليمه عليها:مو مرتاحه لك

هزت راسها أنهار وهمست:ولا أنا

دخلوا بيت جمعه ودخلت أنهار وراها وشافت شموخ من بينهم ورفعت عيونها شموخ لأنهار

دخلت تناظرهم وتكتفت تشوف حليمه تجلس

:احد جاه خبر ؟

عزه:ايوا يقولون بيطلع ان شاء الله بيجي

حليمه:حمدلله حمدلله

لفت عزه تناظر أنهار اللي واقفه متكتفه تناظرهم

:اقعدي

ناظرتهم أنهار وجلست وحطت رجل على رجل وهي متكتفه تناظر شموخ

شموخ:اقول عمه

لفت حليمه وابتسمت لها وجمد وجه أنهار تناظرهم الثنتين بترقب

ابتسمت شموخ:بهاج شسوى بورث ابوه ؟

لفت أنهار على حليمه اللي عقدت حاجبينها:ليه تسألين ؟

شموخ:ولاشي خطر ببالي

حليمه:سعود ترك نياقه مع ورثه بعد لكن ماظنتي بهاج سوا فيها شي ولا بيسوي لين ياخذ شوري وشور جده ، الشيبه عطاه كل شي بس قال لا تصرفه دون شوري

شموخ رفعت حاجبها ولفت أنهار تناظرهم

:رجال كبير يتصرف بحلال ابوه بكيفه

لفت حليمه عليها:ياخذ بشوري وشور جده حتى لو انه رجال

لفت حليمه لشموخ تكمل:اخذ منها مهر زواجه هذا اللي اعرفه

ابتسمت أنهار ولفت لشموخ:مهري أنا

ماردت عليها شموخ ولفت حليمه لأنهار:ما بترجعين؟

أنهار:مضايقتك ؟

عزه:ماقد جيتينا لا انتي ولا خواتك

أنهار:صح مقصرين

نزلت نظرها أنهار لجوالها تقرأ رسالة ريوف

:جالسين برا بتجين ؟

ناظرت شموخ ورجعت تكتب:مشغوله

ريوف:فينك انتي ؟

أنهار:بعدين ريوف بعدين

قفلت جوالها وتكتفت تناظر سوالفهم

'

بهاج ناظرهم جالسين وتقدم لفهد:وين سلطان؟

فهد:ماهو معك ؟

هز راسه بالنفي بهاج وسحب المركى وجلس وناطر ريوف ونورا:وين أنهار ؟

ريوف:بهاج انت جاي ضايع اشبك تدور الناس ؟

بهاج:بالله وينها ؟

ريوف:ما اعرف تقول مشغوله مدري فينها

بهاج عقد حاجبينه ونزل راسه لجواله وارسل لها

:وينك ؟

رفع راسه من مشى لهم سلطان وناظرهم جالسين وهمس:مبطي عنها هالقعده

لفت نورا عليه ومن طاحت عينه بعينها رجعت تصد لقدام

مشى وجلس جنب بهاج على نفس المركى والتفت بهاج عليه:دورت عليك وينك ؟

سلطان:ماني بعيد

نزل راسه بهاج لرسالتها:جايه

بهاج:انا بجيك وينك ؟

أنهار:عند بيت جدتي

عقد حاجبينه وقام:دقايق واجيكم

فزّ بسرعه رايح ولف فهد:وش جاه ذا بعد

ريوف؛يمكن أنهار مسويه مصيبه رايح يحلها

لف فهد على ريوف:نمشي متى ؟

نورا لفت:ايش بترجعون ؟

ريوف:شايفه الوضع مستحيل نرجع جِده وما بفرط بدوامي

فهد:ولا تفرط فيني

ناظرته ريوف يبتسم وضحكت:اييي انا اصلاً قلت ياخذني الموت ولا تاخذوني عن شليويح

فهد:عشان كذا متى تبين نرجع؟

ريوف:بالليل ما شبعت من البنات

فهد؛انا امشي بالليل وانتي تنامين بالدرب وانا اداوم بعين وحده صح ؟

ريوف:يالله فهد تحب تهاوشني

فهد لف لسلطان اللي نطق:الشيبه جاي لاتروح

فهد:بيطلعونه ؟

هز راسه سلطان وتكلم فهد:زين حمدلله

'

وقف بهاج عند البيت ينتظرها تطلع وعينه على جواله

فتحت الباب وخرجت وناظرته واقف صاد عنها لجواله حاط زيقارته بين شفايفه وعقد حاجبينه يولعها وينفث اول رشفه وعينه على جواله

كانت اول مره يلفتها شكل السيقاره بيد مدخن اول مره يكون اشعال السيقاره ساحر بنظرها كيف كان مشهد عادي جداً بنظرها مشهد يخليها تتنهد حتى عادته السيئه حبتها ، تحب ريحة جسده المخلوطه بالدخان دائماً

ميلت شفايفها من تفكيرها بالدخان اللي يلازمه وموجود بجانبه دايماً وبين ثغره طول اليوم

لف عليها شافها واقفه مميله راسها على الباب تناظره ورفع حاجبه:وش جاك ؟

ناظرته يكلمها ووقفت بإعتدال تمشي له:خوفتني كنت مسرحه

بهاج:بوش ؟

ناظرت زيقارته اللي بين اصابعه:ولاشي

بهاج:وش جابك هنا ؟

أنهار:امك كل شوي قالطه عندهم تعبتني الاحقها بكل مكان بس عشان الاخت شموخ ما تقول حاجه

بهاج:ياليل انا بتكلم معها اجل واتصرف

لفت عليه ورفعت حاجبها:نعم ؟

بهاج:بتكلم معها واتصرف

أنهار:بتتفقون في ممر النوير كمان ؟

عقد حاجبه بهاج مافهمها ولفت عليه:اقص لسانك بهاج اطلع منها

ضحك:لا حول ولا قوة الا بالله مو وقته والله

أنهار:لا وقته اصلاً اش كانت تسوي بغرفتك ؟ مسويه تمون ، تدري لو صدتها داخله البيت كان طلعت جناني عليها

بهاج:مدري عنها

أنهار:اذا بتتكلم معها بتناديني وتقولي الكلام وانا اقولها والا انا اتفاهم معاها مو ناقصني غير شموخ بس

بهاج رفع حاجبه من عصبيتها وابتسم وحط الزيقاره بفمه:والله؟

أنهار ناظرت ابتسامته ونظراته وهمست:لاتسوي هذي الحركات عشان تدوخني !

ضحك بعلو صوته لانها كانت عفويه منها وعضت شفتها من شافت ضحكته ورمى زيقارته تحت رجله ورفع ذراعه على كتوفها يمشي معها:افا يالخفيفه

أنهار ابتسمت:تعجبني ريحة التوباكو فيك

عقد حاجبه وناظرها:منهو

أنهار:الدخان

بهاج ناظرهم جالسين من بعيد:مافي شي يعجبني غير ريحتك ريحينا

ابتسمت تلف تناظرهم جالسين وبعد ذراعه بهاج يمشي ويرجع محله وجلست أنهار جنب نورا وناظرتهم:اجتماع والا ايش ؟

ريوف:فين كنتي ؟ بعدين اذا مشيت للرياض اجلسي ابكي علي

أنهار عقدت حاجبينها:بتروحين ؟

هزت راسها ريوف:مابترك جامعتي اكيد

نورا لفت عليها:واذا منجد بنروح جِده ؟

بهاج ناظرهم:اقول ريحوني بس ما انتم رايحين مكان ، ابوكم ماوراه الا الكلام

ابتسمت أنهار تناظر عصبيته وعضت شفتها تتأمله

ريوف:ليش مانروح؟

بهاج:مكانكم هنا وابوكم بيقعد هنا بعد ماهو مخلي ابوه وامه

ناظر أنهار اللي تناظره مبتسمه وهمس:وانا ماني مخليكم

نورا نزلت راسها تناظر كفوفها

وشال الدله سلطان بيده يصب له قهوه ورفع نظره عليها صاده بعيونها عنهم ومسك فنجان فاضي ونطق بهدوء:اصب لك ؟ انا مسويها

رفعت راسها من عرفت انه يتكلم معها ولفت أنهار على نورا ورجعت ناظرت سلطان اللي مد لها الفنجان وناظرت بهاج اللي يناظرهم ويشرب من قهوته

كانوا يتبادلون نظراتهم بهاج وأنهار لنورا وسلطان ولبعضهم

فهد:بشتاق لكم ياعيال بيكون اصعب اسبوع مع الادميه هذي

ريوف:على اساس انا رايحه ميته من اللهفه

فهد؛الصراحه واضح عليك اشتقتي للاسكريم اللي اجيبه لك

ريوف ضحكت لانها تذكرت اسكريماته وابتسم فهد

نزلت نظرها للفنجان نورا وحطته ووقفت:برجع انا

رفعت راسها ريوف:خذيني معاك

وقفت انهار وناظرت نورا:مو بدري ؟

هزت راسها بالنفي نورا:تبغين تجلسين اجلسي

جلست تربط شوزها ومشوا نورا وريوف

وناظرتها أنهار وهي ماشيه مع ريوف كانت ساهيه ساكته تذكرت كيف كان وضعها قبل مع بهاج

رفع نظره بهاج:أنهار

لفت له بسرعه من قطع حبل افكارها:عيوني

ابتسم وسكت ثواني ولف فهد عليه وضحك ونزل راسه سلطان لفنجانه يضحك بدون صوت

عض شفته لانهم بينهم ونزل عيونه:ولاشي روحي

أنهار ناظرتهم وعقدت حاجبينها:ايش امانه قول

ورفع جواله انه بيكلمها وهزت راسها:اوكيه

وقفت ومشت خلفهم وصد وهو مبتسم يدري انهم بيتسلمونه

فهد همس:يالخروف

التفت بهاج؛اعقب

سلطان ضحك:وقاعد بيننا بكل تواضع الحبيب

بهاج التفت عليهم كلهم:فكونا

سلطان التفت عليه:بالله تناديك بيبي وانتم وحدكم ؟

ضحك فهد بصوت عالي ورفع حاجبه وهو مبتسم بهاج وضحك سلطان من نظراته:افا يا ابو سعود

جا بيقوم ومسك ذراعه سلطان:اقعد اقعد بس

بهاج:هي فكونا من شركم

فهد:خايف بنحسده مايدري اننا منجد بنحسده

ضحك بهاج وكمل فهد:انا تناديني شليويح ياجماعه مافي أبشع من كذا