رواية ضل راجل بقلم ناهد خالد | كاملة
قيّم الرواية:
لا توجد تقييمات بعد
من أحداث الرواية
صورة لقسيمة جواز عُرفي وصلتها على موبايلها، والقسيمة ما كانتش لحد غريب، ده لجوزها وست تانية عمرها ما سمعت اسمها، والحقيقة إن آخر شيء يهمها إنها تعرف هوية الست دي، النتيجة واحدة، اتجوز عليها، ودبحها بسكينة تلمة كعادته، ما كانتش المرة الأولى وهي عارفة إنها مش الأخيرة. حددت الرسالة بكل هدوء وعملت لها حذف، فجاءتها رسالة بعدها: "إيه رأيك في المفاجأة؟" بصت للرسالة شوية ودموعها متحجرة في عينيها وكأنها اتعودت، بس هل فعلًا الإنسان بيتعود على الوجع؟ بياخد مناعة ضد الخيانة؟ مع تكرارها بتقل الصدمة ويخف التأثير! ارتجفت صوابعها وهي بتكتب: "مش مفاجأة بالنسبالي، بس تفتكري هيحصل إيه لو عرف إنك بعتي لي حاجة زي دي؟" بتهدد؟ وكأنها في موضع قوة! رغم إنها في منتهى الضعف، لكن من تكرار المواقف المشابهة بقت عارفة كويس أوي تتعامل إزاي معاها، ابتسمت بسخرية لما لقت الطرف التاني عمل لها بلوك بعد ما شاف الرسالة، كانت متأكدة إن ده هيحصل، الحقيقة هي مش مضرورة...
