تحميل رواية «مرارة الحب» PDF

نرجع شويه بل زمن 7سنين من جنت طالبه بلمدرسه ومن بعدها نكمل الاحداث

ام عباس..لجج بنين امي كعدي تأخرتي يوم

بنين..ماداوم اليوم ماما

ام عباس..شو كعدي صارلج اسبوع غايبه كل ما اجي اسئلج تكولين مابيه شي بنين امي بيج شي

بنين..درت وجهي عن امي لا مابيه شي بس ماريد اداوم

ام عباس..لا راح اداومين ويله كومي غسلي وبدلي

بنين..نزلت امي رجعت راسي وره شكد كرهت المدرسه بسببك كمت غسلت وبدلت لبست صدريتي جنت هستوني صف رابع علمي مشط شعري وسويته ضفيره ونزلت شفتهم كاعدين يتريكون صبحت عليهم ورحت لبست حذائي وطلعت صاحوني بس مالي خلك اجاوب وصلت للمدرسه دخلت واني راسي بل كتاب داقره مقاريه شي نطخيت بشي احس راسي عنجر رفعت راسي جان هوا واكف وبيده تلفونه والسويج مال سياره شفته يباوع على عيوني ويباوعلي من فوك ليجوه عفته ورحت جان عدنه اصطفاف وطبعا لازم اكل حصتي من الرزاله لين اسبوع غايبه بدون عذر انجمعت الدمعه بعيني بنص الساحه اكلت الرزاله دموعي ترست عيوني ودخت احس الدنيا ضلمه صارت كبال لمديره جان اوكع بعد محسيت بشي بس فتحت عيوني اني بغرفة المديره ويمي المدرسات كمت

المديره..بنين بيج شي ليش اسبوع غايبه

بنين..لا ست مابيه شي وباجر نشالله يجي اخويه

لمديره..ماشي روحي لصفج هسه

بنين..طلعت غسلت وجهي ونزلت دموعي غسلت ورحت للصف دكيت الباب

المدرسه..تفضلي بنين ماما

بنين..دخلت كعدت بل صف ولمدرسه تشرح اندارت عليه ندى صديقتي

ندى..بنين لتضعفين وتعوفي شبيج ابقي ويا

بنين..هيه تحجي واني صافنه على المدرسه

رانيه..ندى عوفيها بعد شكد تريديها تنذل له انسان سرسري وعينه زايغه كافي

ندى..انتي لتدخلين هيه تحبه وباعي من ورا شصار بحالتها

بنين..دك الجرس طلعت المدرسه كمت ندى انتي عرفتيني عليه بسببج هذا الي ديصير بيه انتي كتيلي صديق حبيبي ورايدج ويحبج خليتيني بوهم 6اشهر اني عايشه بدوامه كذب واني الغبيه صدكت وحالي حال لبنات نعجبت بي وحبيته وطلع ميستاهل ذره من الحب

ندى..اني مغصبتج عليه انتي بأراتج قبلتي تحبي بنين هوا يحبج بس عنده كبرياء

رانيه..لا بنين ميحبج والله ويريد منج بس مصلحته ويعوفج

ندى..انتيي نجبي

رانيه..انتي لي تنجبين وعوفي صديقتي بحالها

بنين..كافي كافي تتعاركن اني روحي طالعه عفتهن وطلعت بل ساحة كعدت اباوع على البنات يلعبن ويسولفن واكول بداخلي معقوله بس اني هيج مهمومه نار بكلبي شكد ماريد كلبي يبطل يحركني ماكو رحت للمرشده التربويه دكيت لباب ودخلت

المرشده..نعم ماما

بنين..ست عادي ادك على اخويه يجي ياخذني

المرشده..ليش شبيج

بنين..مداكدر اكمل الدوام ست

المرشده..شنو هل حجي بنتي

بنين..والله ست كلبي يوجعني احس راح اوكع

المرشده..تفضلي

بنين..دكيت على عباس دك مرتين وجاوب

عباس..الوو

بنين.. الو عباس

عباس..بنين

بنين..اي تكدر تجي للمدرسه تاخذني كلبي ديوجعني احس راح اوكع

عباس..دقايق وجايج

بنين..طلعت من الغرفه مال مرشده ورحت للساحه كعدت وطبكت رجلي الصدري واباوع على البنات اجه عباس شافني كاعده اجه عليه

عباس..شبيج بنين

بنين..اخذني للبيت راح اوكع

عباس..ماشي جيبي الجنطه خل احجي ويا المديره

بنين..جان جاي بملابسه العسكريه ولكل يباوع عليه اخذت جنطي وانتضرته شويه واجه لزمني من ايدي وطلعنه فتحلي باب السياره وصعدت صعد هوا

عباس..بنين شبيج حبيبتي صارلج اسبوع مو على بعضج حابسه نفسج بل غرفه واليوم متخربطه

بنين..مابيه شي عباس بس اختنكت

عباس..اكو احد بحياتج جان

بنين..باوعت عليه لا

عباس..بنين

بنين..عباس لا مجان اكو بس اني اختنكت مادري شبيه

عباس..هاهيه حبيبي

بنين..سكتنه وصلني للبيت ونزل ويايه فتح الباب دخلت جانت امي دسوي غده

ام عباس..ها يوم شبيكم شو راجعين

بنين..محجيت شي صعدت كبل للغرفتي

عباس..يمة متعرفتي شبيها بنتج اليوم بل مدرسه واكعه ومتخربطه وخابرتني تكول كلبي يوجعني شبيها

ام عباس..والله يا يمه مادري البنيه مثل الورد جانت

عباس..شوفي شبيها يمة اخذتلها اجازه يومين انتي حاولي تعرفين شبيها

ام عباس..صار امي

بنين..بدلت ملابسي ونمت على جربايتي واذكرت من جان دائما يصيحلي بنون لو بنانه علاقتنه جانت حلوه اذكرت اول مدخل للمدرسه جانت لبنات كلها تباوع عليه ويحبنه وينعجبن بي واني حالي حال لبنات حبيته بسبب ندى ونكها عليه نزلت دموعي ضليت ابجي حسيت الباب نفتح ضليت نايمه اجتي امي كعدت كبالي

ام عباس..احنه مو صديقات اني وياج يا امي احجيلي شبيج

بنين..مابيه شي ماما والله بس تعبانه

ام عباس..من شنو حبيبي

بنين..من كلشي والله ماما عوفيني ارتاح

ام عباس..دتحبين بنين

بنين..هزيت راسي بـ لا

ام عباس..هاهيه يوم ارتاحي

بنين..طلعت امي فتحت فوني دخلت على صفحته جان ناشر صورته مصارله دقايق من ناشرها جان واكف ويا ولد ويضحك وجواها كاتب

اضحك عالوكت لو حزنك تمادة

ابتسمت بس لمجرد شفته بلصوره يضحك دخلت للتعليقات جانت اغلبها بنات وحده منهن كاتبه مشتاقتلك حبيبي شوكت تخلص دوامك وتنزل عاد

قريتها النار الي بداخلي تزيد اني والله مو حمل كل هذا العذاب الي اني بي شجابني لهذا الدرب اني جنت اضحك على البنات وهسه حالي حالهن سديت التلفون ونمت مرت هاي السنه بتعب وقهر بس نجحت ومشت لسنين واني ميته من الداخل بس جسد باقيه مابيه روح صرت انعزاليه كلش تعقدت اهلي هوايه حاولو يعرفون شبيه بس محجيت ضليت ساكته صرت احب الضلمه احسها نجاتي الوحيده بلصاله اذا اكعد واشوف ضوه اطفي تصير ضلمه يله اكعد من اسوي هيج اشوف امي تمسح دموعها ابويه مقهور عليه اخواني نفس الشي محد يعرف شبيه المهم خلصت عداديه اختاريت كليه الضباط مع انو معدلي عالي من ردت اختار الكليه صارت عركه بل بيت

عباس..وهيههه بكيفججج اداوميننن لج تعوفينن شنو كليه ضباط تعرفيييننننن

بنين..ميهمني اهمشي احبها

محمد..بنين للولد هاي الكليه مو للبنات اصحي

بنين..محد اله دخل احبها وطفي الضوه ماريد الضوه

حسين..بنينننن اصحي اصحييي على نفسج صارلج 3سنين محد يدري شبيج كل منسئلج تكولين مابيه شي مابيه شي اكو وحده بعمرج هيج وجهه تعبانه وجوه عيونها اسود اكو وحده بعمرج متحبببب الضووووه لججج بس جاوبيني شبيجج ولج كل عمرج انتي 18سنهه غرفتج ضلمه كل روح مابيهاااا شبيج بنين امي وابويه شكددد حاولو وياج يعرفون شبيج وانتي ماكو بس جسد يمشي حتى متحجينننن وين بنين الي جانت تهوس وتركص وتلعب والي جانتتت روح لبيت وينننننها وينننن

بنين..لتحاولون تصححون غلطكم انتو السبب لي ديصير بيه كل واحد مهتم بنفسه بهذا البيت محد كال شويه اهتم بأختي لو ابنتي ابويه حاير بأخوانه الي ليل ونهار يتعاركون وامي امي حايره ابنات اختها وخواتها واخواني عندي اخويه لرائد عباس محتار بشغله ومحتار بشخصيته الي لازم يكون بيها صارم وياا لكل حتى ويا اخته لوحيده واني ادري كلش زين الي يصير بل تلفون مالته ومحمد محتار بلشركات الي يتنافس وياهن واهمشي يطلع يفوز على الكل ومحتار بشخصيته وشلون يطلع هوا وبس وانت حسين مكلفت نفسك وكلت شبيج حاير بل بنات مفكرتو اني شنو مفكرتو بأختكم لين محد يهتم بيها اني ختاريت هاي الكليه وراح اداوم بيها وابني حياتي على حساب الكل مثل ما انتو بنيتو حياتكم وكيانكم على حسابي

ابو عباس..صح الغلط منه الغلط مني لين مجنت اهتم بيج مثل باقي الناس جنت اريدكم احسن الناس ماريد يجون يمكم وغلط امج مهتمت بيج وصح حايره ابنات اختها وخواتها واخوانج كل واحد بنفسه صح بنين الي حجيتي كله صح

بنين..اني مغلطت بأي حجايه الي بعمري يحلالهم الجو والدنيا اله اني كرهت نفسي صرت اتمنى اموت واخلص اتمنى امنيتي تتحقق اني راح اداوم بلكليه

عباس..مداومين

بنين..اداوم

عباس..كله ولد تعرفين شنو ولد وتدريب

بنين..اي اعرف اني رايده خلوني اختار مره وحده ختيار انتو كلشي ختاريتو بحياتي عوفوني اني هل مره اختار عفتهم وصعدت للغرفه لحد لعصر وصعدو يمي بيدهم الفلاش مال تلفوناتهم لين اني شلت الضوايات

محمد..وينج بنو

بنين..نعم

حسين..نزلي جوه شويه نحجي وياج

بنين..نزلت وياهم جوا نعم

عباس..تعالي بنين تعالي حبيبي

بنين..رحت وكفت كباله

عباس..اني ماريدج اداومين بهاي الكليه لين راح اتعبين وادري بيج مو كد التعب

بنين..لا صارلي 3سنوات تعبانه اتحمل

عباس..بنين انتي اختي وحبيبتي احجيلي شبيج

بنين..مابيه شي عباس مجرد تعبانه

عباس..بس فهميني صارلج 3سنين محد يعرف شبيج كاعده بل ضلمه وجوا عيونج اسود ومابيج روح عكس ذيج بنين الجانت تحب الضوايات متكعد بمكان اذا مو كله ضوا صرتي قاسيه مو بنين ام كلب الطيب

بنين..اي احسن هيج لين طيبت كلبي مجابتلي غير بس المصايب عباس اني تعبانه واني صادقه بهاي الكلمه صدك تعبانه واني مختاره هاي الكليه بكامل أراتي

عباس..براحتج

للحكايا بقايا♥️

يا حسـافه

أنباعت العشـرة بدراهـم

الچان وِجه لوجهي يرهـم

هسـه صـار لكُلشـي راهـم.

♤♤♤

بنين..عفتهم وصعدت الغرفتي ضلمه صرت اندل كل مكان بيها بل ضلمه رحت كعدت على الچربايه ورجعت ونمت فتحت تلفوني رأسا جانت موجوده صفحته لحد هسه اتابع اخباره لحد هسه احبه لحد هسه احن اله ولحجيه والشقا ويايه اريد ابجي بس ماعندي دموع صرت انسانه قاسيه احس ماعندي كلب نسد غمضت عيوني ونمت

ابو عباس..ام عباس باجر احجي ويا اختج على موضوع السيد اخذي لبنيه وروحي

ام عباس..والله يا ابو عباس خايفه عليها سوده عليه عين الماصلت على محمد عليها مثل الورد جانت

عباس..راح تخليها اداوم بلكليه الي هيه تريدهل

ابو عباس..عباس يابه اختيارها هذا هيه تحبها

عباس..يابه كلها ولد وهيه بنيه

ابو عباس..قابل بس بنين هناك اداوم يا ابويه وياها بنات اكيد

محمد..مالها مستقبل معدلها عالي مال صيدله يابه

ابو عباس..موضوع نسد اختكم رايده لكليه هاي

بنين..كعدت الصبح كمت غسلت شفت وجهي بل مرايه شصاير بيه جوه عيوني اسود وجهي تعبان باوعت على عيوني جانت يكول من تضحكين تصير حلوه ابتسمت جانت يحب يضحكني وهسه بسببه بس لبجي عندي هه رحت كعدت بل بلكونه اباوع ع الشارع كدام بيتنه حديقه حلوه داباوع ندك لباب ودخلت امي

ام عباس..صباح الخير امي

بنين..صباح النور

ام عباس..يله بدلي حبيبي دنروح

بنين..وين

ام عباس..لبيت خالتج

بنين..ماريد

ام عباس..كومي يا ماما ويايه صارلج هوايه مطالعه

بنين..ماريد اطلع

ام عباس..فدوه العمرج امي امشي ويايه يا حبيبتي

بنين..اهووو يله نزلت امي واني بدلت ملابسي لبست كله اسود ونزلت لكيتها مكمله رحنه لبيت خالتي هيه هم جانت مبدله اخذوني لبيت مادري مال منو دخلت جان كله رياجيل شياب ولابسين ابيض وغتره خضره كعدت وصارت امي تحجيله عن الصار ويايه باوعت عليها عبالهم تخبلت ضل يقرالي شغلات مادري شننه ضربني بل عوده كتله انت مخبل شدسوي وخر هيج اني مو مخبله ولا بيه جني عفتهم وطلعت جان محمد ماخذنه صعدت بل سياره وسكتت وراها بشويه صعدت امي وخالتي

ام عباس..يمه هاي شسويتي غير علمودج يا حبيبتي خاف حاسديج لو بيج شي

بنين..مابيه شي مابيه شييي بس عوفوني بحالي سكتو كلهم وصلنه للبيت صعدت كبل لغرفتي لحد لعصر وكبت العيطه باوعت من البلكونه عمومتي جايين هما5وخمستهم جايين وياهم عماتي ولدهم الاصوات لحد وين صارت نزلت جوا جان الاستقبال متروس باوعت عليهم وهزيت ايدي كل هاي العركه علمود ابن عمي يريد يزوج بت عمتي اجه ابن عمي ونهه عليها صعدت لغرفتي خليت سماعات بأذاني وضليت اسمع قرأن غفيت ومادري شصار بعركتهم جوا مرت لايام يوم اسوء من يوم يوميه قبل مانام اباوع عليه وعلى صوره احبه مو بيدي يكولون مشاعر المراهقه كذبه فتره وتعدي بس كذب مو فتره وتعدي داومت كليه مال ضباط وتدريب وتعب بس مجنت اهتم لين اصلا تعودت على التعب صرت احب اتعب حتى بليل انام مافكر بشي اول مرحله خلصتها جانت ويايه ندى ورانيه والسوء حضي مادري لحسن حضي مرحلة الثانيه جان هوا يدربنه وهوا ويانه لازم دندرب عاف كلهن واجه عليه

مرتضى..السلاح هيج تخليي بـ الكرب مو راخي زين انسه بنين

بنين..هزيت راسي واني الدمعه بطرف عيني خلصنه تدريب راحن لبنات يرتاحن داروح شربت مي عطشت

مرتضى..بنين

بنين..نعم سيدي

مرتضى..عندج تدريب ركض 40دقيقه يله

بنين..بس سيدي هاي الاستراحه مالتنه

مرتضى..منوووووو اعله رتبه اهنا انيي لو انتييي

بنين..انته سيدي

مرتضى..الموضوع منتهي يله

بنين..اتحملت رحت ركضت 40دقيقه خلصتهن وكعدت بنص الساحه تعبت اجه وكف فوك راسي نطاني مي وكدامي خابره بنيه مادري منيه بس مبين يحبها درت وجهي للجهه الثانيه تعبت واني اتحمل وانقهر والله تعبت نزلت دموعي مسحتهن وكمت تمشيت دخلت بدلت ملابسي واخذت الجنطه وطلعت لكيت رانيه وندى ينتضرني

رانيه..وين صرتي بنو

بنين..جيت يله امشي صعدنه سياره للبيت اول مدخلت امي شافتني تعبانه اجتني كبل

ام عباس..شبيج يمه

بنين..مابيه شي

ام عباس..يمه الى متى تضلين هيج وين بنين بنيتي وينها

بنين.. انتهى زمنها اني صاعده انام صعدت لغرفتي نفس الضلمه سبحت وبدلت وجيت تمددت بل فراش اذكرت شلون يخابر ويبتسم ويكولها حبيبي هه واني محطمه نفسي نيالها لي خلته يحبها نزلت دموعي وضليت ابجي تعبت من البجي بس ماعندي غير حل نمت واني دموعي على خدي

عباس..وين بنين

محمد..ليش

عباس..وينهاااا

ابو عباس..شكو تصيح بويه بنين نايمه بغرفتها

عباس..خوش لعد

بنين..نايمه ماحس اله ندفر الباب كعدت شفت عباس صاير بركان من العصبيه كتله خير

عباس..من اكلج بهاي الكليه لداومين تكولييييننن احبهااااااا واريدهاا لجججج اليوووووم سجلج المدنيييي كله يمي وعرفو بيج اختي

بنين..اي وذا اني ممسويه شي غلط ترا

عباس..بنين انتييي راح تموتيني

بنين..من اسوي شي غلط احجي اني هسه ممسويه شي سد لباب وراك دانام

عباس..عاجبتج الكليه مو سجلج يمي وراح اشطب اسمج من الكليه كلها

بنين..اوك يالله اطلع ركع لباب وطلع يصيح ويعيط

محمد..يابه فهمنه شكو

عباس..هوايه نطيتوها عين لحد ما راح تنزل روسنه كلنه

ابو عباس..عباس احجي شكو

عباس..اليوم جابو سجلات مال الطلاب لحدث الي راح يتخرجون وسجل بنتك اول واحد ومبقه احد بل مركز مسئلني الانسه بنين تقربلك بشي واني اكلهم اي اي اي اخر شي اجه العميد كال سجلات الضباط الحدث اريدهن دزيتهن ودز عليه كال بنين رياض احمد اختك ضليت صافن بوجهه مادريي شكول فشلتني بلمركز كله

حسين..عباس هيه مفشلتك بلعكس المفروض تفتخر اختك راح تصير ضابط وبعدين اليوم اني جنت بل كليه يمها بدون متنتبه عليه مو بس هيه بنيه وياها تقريبا 30بنيه

عباس..انت تدري شكاتبين بل ملف مالتها احسن طالبه وناجحه بل الاختبارات بدرجه ممتاز جداً العميدر يريدها بس تتخرج ويسحبها ويانه اداوم بل مركز شلوووون اداوووم انييي واختي بنفس المركز الي يدخلون بي عصابجيه وساقطين

ام عباس..حقك امي والله حقك بس هاي بنين هيج صارت شنسويلها

عباس..لا اله الا الله استغفرك ربي يابه احجي وياها خلي تحول

ابو عباس..بنين اختارت هاي الكليه واكو هدف براسها

عباس..تأثر على مهنتي خو خلي هيه تصير ضابط بدالي واني البس دشداشه كدري مال نسوان واكعد بل بيت

بنين..واني ماحول مامستعده اروح غير كليه علمودك انت بنيت حياتك على حسابي وهسه اجه دوري

عباس..لججججج انتيييي زعطوطه تعرفين شنو يعنييي زعطوطه متعرفييين الصححح من الغلط

بنين..هاييي حياااتي واني حرهه بيهااا محد اله دخل واذا تشوف مهنتك بخطر بسببي تكدر تنقل شغلك للأماكن الخطره احسن الك

ام عباس..بنيييييين شتحجييييين تخبلتييي

بنين..ماحوللل علمود ابنج زين مثل ما انتو بنيتو حياتكم هيج ممهتمين الي اني هم مراح اهتم الكم زيننن محد اله دخل بيه اني حره اني بسن القانوني اكدر كلشي اسوي براحتي محد يجبرنييي

عباس..ادبسززززززز ترفعين صوتج بوجهه لاكبر منجج

بنين..ضربني راشدي باوعت عليه كتله مراح احجي وياك لين عبالك المراجل بضرب البنات اني كتله هيج هوا تخبل عيونه صارت بكصته اجه جرني من شعري

عباس..شنووو شنووو

بنين..ضليت ساكته وهوا يصيح ويعيط ولازم شعري كتله خلصت وخر داروح انام

حسين..بنين انتي بيج شي وحق الله وكتابه ورسله بيج شي مو بنين الي ترفع صوتها كدامنه كلنه

بنين..اني مابيه شي بس بنين الفقيره والفطيره خلصت انتهت انتهتتت افتهمو راح اكولها لاخر مره لتحاولون تكفرون عن اغلاطكم خليتوني بحدي بوكت جنت محتاجتكم حيل نسيتو بنين وكل واحد اهتم بحياتي وهسه اجه دوري دفعت ايد عباس وانت هاي اخر مره تمد ايدك عليه فتهمت لو لا وحق كل حرف بل قران اشتكي عليك

عباس..ههههههه تشتكين عليه ولج انتيي كلج بكد ايدي ماكدر اربيج من جديد

بنين..واني ممسويه شي غلط حتى تربيني اني متربايه احسن تربيه كعدت بل كاع بجيت اني تعبت صارلي 3سنوات تعبت واني اكول مابيه شي بس تعبانه افتهمو تعبانه كلبي يوجعني وين جنتو لمن لمن جنت محتاجه حنان منكم جنت محتاجه اهتمام انتو محد منكم كلف نفسه وسئلني بيج شمحتاجه كل واحد مهتم بنفسه عوفوني بحالي حرام عليكم

محمد..كومي ابويه كومي والله بعد محد اله دخل بيج

بنين..كومني محمد عباس ركع لباب وطلع صعدت الغرفتي خليت راسي على المخده وبجيت اريد ادعي عليه بس كلبي مينطيني ليش دمرتني مرتضى ليش خليتني احبك وعفتني ليش نمت بيومها محد صعد الي ثاني يوم الصبح كعدت متأخره بدلت ركض ورحت للكليه بدلت ملابسي مال تدريب ورحت ركض لكيتهم هستوهم ديطلعون يدربون شافتني رانيه

رانيه..ولج جيناج كالت خاله مداومين

بنين..لا جيت اخذتني نومه طلعنه وكفنه سراوات اني اول وحده جنت واكف يعني كباله شكد احاول ماباوع عليه بس مااكدر

مرتضى..يله المنطقه الرمي بسرعه

بنين..رحنه لمنطقه الرمي اخذنه سلاح وضلينه ندرب جنت اصوب وكلهن صح اجيبهن اجه وكف كبالي

مرتضى..مقتنعه بهذا تدريبج

بنين..اي مابي غلط لين كلهن صبتهن صح

مرتضى..السلااااح موو هيج ينلزم بالله هسه اني جايبيلي زعطوطه ادربها

بنين..اني مو زعطوطه زين بعدين شلون ينلزم السلاح انت هيج علمتنه

مرتضى..وليش اجاوبين هاااا امشي روحي مالج تدريب اسلاح اليوم انتي معاقبه روحي ركضي هذيج الساحه 50مره يله

بنين..عفته ورحت ركضت خلصن ال 50مره ورحت اله جان كاعد رجل على رجل بعيد عن البنات ويشوف شلون يرمن خلصت سيدي

مرتضى..مبين مشتاقتلي ست بنين عيونج مورمه معقوله يوميه تبجين عليه

بنين..صفنت عليه هوا حجاها بستهزاء بس صدك اني يوميه ابجي عليه يوميه اشتاقله نزلت راسي

مرتضى..روحي يله اشوف شلون ترمين

للحكايا بقايا♥️🖤

ضايعين

لا فَرح يندل دربنا

ولا حِزن فك ياخه عَنه .

♤♤♤

بنين..وكفت بمنطقه الرمي وبديت ادرب بفيت بحدي لبنات خلصن تدريب وراحن استراحه دادرب حسيت احد ورايه نداريت شفته هوا كتله نعم

مرتضى..السلاح مو هيج ينلزم باباتي افتهمي مو هيج

بنين..صفنت صارلي 3سنوات مسامعه كلمه باباتي منه عيوني غوركت دموع درت وجهي حتى ليشوف دموعي بس غصب عني نزلت

مرتضى..شبيج بنين

بنين..مكدرت ماسئله بديت تحب من جديد

مرتضى..ليش هل سؤال

بنين..ذاك اليوم سمعتك تحجي ويا بنيه

مرتضى..اي جنت احجي ويا بنيتي صح بنين بديت احب ولي احبها صديقتج ندى

بنين..صفنت على حجيه ندى احس بس كلمه بديت احب صديقتج ندى هيه بالي بقت ترن كتلت ليش حبيتها شنو لي لكيته بيها وملكيته بيه

مرتضى..لي مكدرتي تنطي انتي الي بدافع عيب وحرام اخذته منها وراح اخطبها عن قريب بس تخلص كليتها

بنين..كافي مرتضى حراااام عليك كافي 3سنوات اني منعزله عن العالم كله 3سنوات اني عايشه بضلمه ويوميه ابجي عليك واطلع صورتك كافي اهلي بسببك كامو يكرهوني لين صرت عدوانيه حرمتني من اهلي وهسه صديقتيي حرررام عليك عفته ومشيت خطوتين حسيت كلبي وكف كمت مااكدر اتنفس كعدت على ركبي وصيحت بكل صوتي كأنو ماكو اي احد بس اني صيحت صيحت لحد ما تعبت من الصياح ضليت ابجي بقوة لحد ما هدئت صار خاله فوك راسي نطاني مي اخذته منه شربت شويه كعد كبالي وحجه وحجيه جان سجينه بكلبي

مرتضى..فتره وتنسيني اني مااحبج هسه افتهمي انتي معقده كلشي الي اريده منج تخافين تسوي ندى عكسج من كلها اريد اخابرج الكاها هيه مخابرتني وانتي اذا كتلج اريد اخابرج اشتاقيتلج كبل تكولين اخاف اهلي يسمعوني ندى صورها بتلفوني وانتي من اكلج شتاقيتلج اريد صوره منج تكولين لا عيب ندى اكثر من مره طلعت وياها حتى الشقه رحنه وانتي من كتلج كلتي حرام ومااكدر اسويها بل مختصر ندى احسن منج

بنين..لا ندى مو احسن مني بشي بس اكو اختلاف اني شريفه واخاف على نفسي وندى عدها طز بل دنيا تدري ليش لين بكل بساطه ندى عدها علاقات قبل متعرفك اصلا واني مجنت ناويه احبك جنت اشوفك انسان عادي هيه خلتني احبك وهمتني بشي مموجود وهمتني بحبك طلعت هيه تريدك هيه مو محبته بيك كشخص هيه حبتك علمود رتبتك اذا صار وياك تصغر موقف تعوفك وتروح لغيرك جانت تكولي اموت على الضباط وبسبب غبائي وهبلي خلتني احبك مبروك عليك اخذها عفته وكمت رحت بدلت وطلعت لكيت ندى ورانيه ينتضروني باوعت على ندى تباوع عليه كتلها مبروك

ندى..ع شنو بنو

بنين..على مرتضى تتهنين بي

ندى..بنين بس افهمج

بنين..لا افهمج ولا تفهميني ذاك مرتضى وروحي ويا اني بعد مالي كلام وياج بس صدكيني مراح تتهنين ويا تدرين ليش لين الي يدور شغلات بل حرام مراح يفيد ويا حلال صعدت بل سياره ورانيه صعدت وهيه محجت شي بلعكس بعينها الصلفه راحتله حسبي الله ونعم الوكيل بس هاي كلمتي لي جنت اكولها الطريق كله مخنوكه وصلت للبيت وتلكاني عباس ويا ثنين رياجيل واحد جبير والثاني شاب متوسط لابسين عسكري مهتميت دخلت للبيت نزع حذائي ودخلت غسلت وجهي وشربت مي وصاحني عباس

عباس..امشي عييني عميد عامر يريدج

بنين..رحت ويا وكفت كبال لعميد واخذت تحيه

عميد عامر..ايي بنين شلونج

بنين..بخير سيدي

عميد عامر..انتي تدرين ليش اني جايج اليوم

بنين..اعتذر سيدي بس اني هسه جيت من الكليه فا مادري

عميد عامر..هههه سباعيه باعي بنيتي كعدي كبالي

بنين..كعدت كباله وجان ابويه واخواني كلهم موجودين

عميد عامر..انتي بكل الاختبارات ناجحه وبأمتياز هم اني رايدج ويايه

بنين..وين سيدي

عميد عامر..باعي اني راح يجي امر نقلي لدئره حكوميه فا اريدج ويايه ادري انتي بلمركز متكدرين تشتغلين خصوصا اكو رتبه اعله من رتبتج بل بيت ولي هوا رائد عباس

بنين..يشرفني هذا شي سيدي ونشالله بس اتخرج اكدر ابدي وياك

عميد عامر..انتي اصلا ناجحه ومن هسه ضامنج يعني باقي بس حفله التخرج وشد الرتبه لج

بنين..ماشي سيدي

عميد عامر..بارك الله بيج بنيتي تدرين بنتي بكدج ونقبلت كليه عسكريه وهسه وياج راح تتخرج

بنين..الله يحفضها الك تعرفت عليها طيبه وحبابه

عميد عامر..كالتلي صرتن صديقات

بنين..اي سيدي ضليت كاعده شويه وراها العميد راد يروح بس عباس اصر هوا وابويه تغدينه سويه بس اني مخنوكه حيل وصافنه اصلا مكلت شي

عميد عامر..ايي بنين اكو احد مضوجج بل كليه

بنين..لا سيدي محد

عميد عامر..بس طيبه بنتي كالت غير هل حجي

بنين..شكالت الك سيدي

عميد عامر..نقيب مرتضى شاد وياج وانتي تتدربين صح وهو يكلج غلط

بنين..سيدي بقالي اقل من السنه واتخرج فا اني يعني دانفذ اوامره لين اعله مني رتبه بلكليه

عميد عامر..خوش بنتي الله يحفضج ويخلج

بنين..تسلم سيدي ضل يمنه شويه شربو جاي وراح صعدت كبل للغرفه سبحت وبدلت وجكبل نمت على الجربايه صافنه بحجيه ميحبني واني معقده ويحب ندى ندى الي جانت مصادقه فوك ال10هيج حبها زين واني ليش علقني بي معقوله صدك اني معقده ضليت كاعده منايمه وافكر بيهم هسه ديضحكون ويصيحلها بنيتي واكيد هيه مكيفه حسبي الله ونعم الوكيل ربي اني ماعندي اي حيله غير بس الدعاء الك اريد انقذ نفسي من هل حطام الي اني بي ربي لو تريح كلبي لو تاخذني يمك تعبت اني والله تعبت كل هذا التعب على وحده كل عمرها هسه صار 21سنه استغفرالله ربي يارب انقذني من حطام نفسي يارب ضليت ادعي كمت توضيت وصليت وراها نزلت جوا كعدت يمهم ديشربون جاي صبيت الي واحد وياهم وكعدت بنصهم واحد ضل يباوع بوجهه الثاني ابويه يباوع عليه هوا وامي وحسين ومحمد وعباس واحد يباوع على الثاني كتلهم شبيكم

ابو عباس..بيج شي بابا شو اليوم يمنه

بنين..اذا تريدون اصعد خليت لستكان على الطبله داكوم ابويه لزمني وكعدني باسني من راسي

ابو عباس..لا ابويه ضلي هنا يمنه والله يا بويه ممصدك انتي نازله يمنه

بنين..وراح اتعشى وياكم

ابوعباس..ام عباس سوي الاكل الي تحبه بنو كل الاكل

ام عباس..تشلع عيوني ثنينهن بنين يايمه الف الحمدالله والشكر

بنين..باوعت عليهم شكد لعد اني متعبتهم وشكد متحمليني جانو بسبب وهم جنت عايشه بي اخخ ياغلطه عمري كلفتني هوايه صحتي واهلي ضليت يمهم واشوفهم نخبصو كل الي احبه جابوليا ومحمد وحسين نخبصو اشكال اشترولي وعباس يباوع عليه ويبتسم صح اني ويا منتحاجه بس داشوف الفرحه بعينه وامي مخلت شي مسوته وابويه كاعد ويحضن ويبوس بيه شكد نقهرت عليهم مرت لايام واني حسنت علاقتي بيأهلي بس ويا عباس ماحجي اعرف اني غلطانه وجاوزت عليه بس اعرف شوكت اصالحه الصبح بل كليه شكد انقهر من اشوفهم سويه يضحكون ويشاقون ومره شفته حضنها وباسها من شفتها اني من شفتها موقف درت وجهي وايدي ضلت ترجف وكلبي يوجعني وبعده شاد ويايه كل مره لازم يعاقبني فديوم جنت دارمي بمنطقه الرمي واجه وكف بصفي

مرتضى..غلططط غلطططط مو هيجججج يلزم السلاااح

بنين..لعد شلون السلاح هيج ينلزم وهيج يتفكك فككت السلاح كدامه وركبته من جديد ورميت بي هيج يصير انت وجان الرائد اسلام علمنه هيج

مرتضى..وانتي ليش تردين هااا كم مره كتلج بدون ردد من احجي اريدد تنفيذذذ اومر امشي روحي ركضي 50مره

بنين..سيدي مااركض

مرتضى..شنو شنووو

بنين..داحجي وجان اسمع صوت عالي صاح بأسمه

عميد عامر..نقيبببببب مرتضى

بنين..انتبهنه كلنه على مصدر الصوت ندارينه وجان يصير عميد عامر كبالنه

مرتضى..احترامي سيدي

عميد عامر..اذا اسلاح مو هيج ينلزم لعد شلون بله علمنه

مرتضى..سيدي تخالف الاومر الي نطيتها الها

عميد عامر..هيه مغلطت حتى تتعاقب اني من الصبح داراقب تصرفاتك تعوف كل الفريق وتجي عليها تعاقبها مو هيج

بنين..باوع عليه ومرتضى خزرني رفعت تك حاجب وسكت

عميد عامر..ارمي بنين

بنين..وكفت بمنطقه الرمي ورميت وكلها بل هدف

عميد عامر..زين وين المشكله سيادة النقيب يمكن احنه عمينه وانت نضرك احسن منه

مرتضى..استغفرالله سيدي بس

عميد عامر..لااا بس ولا هم يحزنون تكدر توضحلي سبب عداوتك وياها

مرتضى..سيدي ماعندي عداوه هيه طالبه مثل باقي الطالبات

عميد عامر..اي خوش يله بنين روحي بدلي خلص الدوام

بنين..اخذت تحيه ورحت بدلت وطلعنه اني وطيبه ورانيه سويه صعدنه لسياره اني ورانيه طيبه راحت ويا ابوها خطيه راد يوصلنه بس ستحينه اني ورانيه مقبلنه وصلت للبيت شفت امي ويمها هوسه عمامي وعماتي بعدهم يتعاركون بسبب الفلوس شمرت جنطي بلمطبخ ودخلت للصاله جانت هوسه لكل يحجي ويصيح وابويه وعباس ومحمد وحسين كاعدين وصافنين عليهم خيرررررر خيرررر صحت الكل سكت

عمي مصطفى..انتي لتدخلين زين

بنين..احترم نفسك واحجي شبيكم تتعاركون

عمتي نجلاء..اريد فلوسي عمج مصطفى باكني

بنين..زين ليش دتتعاركون ابيتنه

عمتي نجلاء.. هذا بيت اخويه

بنين..زين انتي كتيله لاخوج من داينتي المصطفى لا اذا ً گلكم دسمعون تندلون لباب لو اوصلكم

عمي مصطفى..دطردينه انتي احنه كاعدين ابيت اخويه

عباس..تكعد ابيت اخوووك تحترم نفسك مو تضل تكركر وتفشر وتغلط احنه مفاتحين ملهى ولا عدنه كح…. زين ويله اخذ جماعتك وطلعو من لبيت

عمتي رشا..متحجي رياض لو مالك اي دور بهل بيت

ابو عباس..تخسين اني ابو ابيت هذا وانتي سمعتي عباس وبنين شحجو روحو حلو مشاكلكم بينكم مو اداينون بدون علمي بعدين تجون تريدولكم حل يله برا

بنين..طلعو كلهم يدردمون ويصيحون مدري شنو ركعت الباب وراهم ودخلت بست امي من راسها وابويه من ايده

محمد..شلونج بنو

بنين..بخير محمد تعبت ليوم حاره

ابو عباس..الله يساعدج ابويه بنو بنيتي اريد احجي وياج

بنين..ياستار يارب خير يابه

ابو عباس..بنيتي انتي هسه كبرتي وصرتي تاخذين قراراتج بحدج انتي متأكده من قرارج بلعسكريه

بنين..راح اتخرج مبقه شي واني متأكده من قراري

ابو عباس..هاهيه يابه براحتج

بنين..يله اني صاعده اسبح صعدت سبحت وبدلت لزمت لتلفون وضليت اتصفح بي

لكل حكايا بقايا💗💗

بإمكان الجميع سماع صوتي

بإمكانهم رؤيتي..

لكن لا أحد يستطيع

لمسَ قلبي..

(≧◡≦)

بنين..ضليت ابالي من يحضنها لو من يضحك وياها لو من يصيحلها بنيتي اذكرت كلهن جان يسويهن ويايه معقوله اني جنت معقده معقوله عافني لين جنت اخاف اخابره خاف انزل راس اهلي لو ادز صور اخاف اختنكت حيل نزل لكيت بس محمد حسين وعباس طالعين وامي وابويه هم طالعين محمد اطلعني اختنكت

محمد..يله بدلي ولحكيني للسياره

بنين..صعدت بدلت ونزلت طلعني خطيه ضل يفر بيه بس النار بعدها بكلبي اريد شي اريد ابرد كلبي مداكدر دخلنه بنفق مابي احد نزلت الجامه وصيحت بنص النفق احس طلعت خنكتي كلها نزلت دموعي

محمد..بنو اني وياج مو اصدقاء

بنين..اي

محمد..احجيلي شبيج حبيبي

بنين..محمد مجرب شعور من انت بسابع سما وفرحان وبلحضه هيج برمشه عيني صرت بـ الكاع

محمد..اي من راحت رهف

بنين..اني هيج داحس

محمد..جان اكو احد بحياتج بنين

بنين..لا مجان اكو محمد سد السالفه هاي

محمد..براحتج اني موجود شوكت متريدين تحجين اني موجود بنين تعرفين اني احبج

بنين..واني هم احبك حمودي رحنه تعشينه وطلعنه رجعت للبيت واني اضحك اريد اتحدى نفسي اني قويه بنين انتي قويه دوسي على كلبج لتبجين بعد بنين لتبجين ماكو بجي ماكو دخلت والابتسامه مالتي وصلت لاذني كبل سلمت وصعدت فوك سبحت ونمت ثاني يوم كعدت دوام وصلني عباس اني وبا منتحاجه بس شيسوي خطيه وصلني المهم دخلت للكليه جانو ديعلمونه شلون نتعامل ويا الاصابات بل طلق شلون نشد الكانونه وشلون تنضرب الابره وجانت كدامنه بيتنجان ندرب عليه يوم ورا يوم تعلمنه بهاي الفتره مرتضى حتى بوجهي ميباوع وكاضيها ويا ندى وهيه طايره بل جو صفنت عليها هيه هلي صديقتي هيه هاي بنين الي جنتي ادافعيلها لمن جانو يضربوها بل مدرسه المهم خلصت الكليه بسلامه واجه يوم التخرج طلعنه نأدي القسم بكربلاء لبسنه حجابات وفوكاها البيريه والنجمه نشدها هناك الحمره وطلعنه كوسترين ويانه سيارات خصوصيه مال عميد عامر ومال اهلي واهالي لبنات الي ويانه جات صاعد بل كوستر اليكدام مرتضى واني كاعده مباشرتاً ورا بس يندار يشوفني اجتي ندى وكفت كبالي

ندى..عفيه اني اريد اكعد يم مرتضى

بنين..وشعليه اني متروحين

ندى..كومي اني اكعد هنا ورحي الذاك الكوستر

بنين..ههه شبيج بابا انتي مطيه اخذي حبيبج وتوكلي الذاك الكوستر وخلي يجي يمنه رائد سلام

ندى..لتنسين مرتضى اعله رتبه منج

بنين..بس مو اعله رتبه من اخويه وتعرفين اذا حجيتله شيسوي بيج

مرتضى..ودتهددين انتي

بنين..درت ضهري وكعدت عدل كأنما مديحجي ويايه رانيه جانت بصفي

مرتضى..مو داحجي وياج

بنين..هم مجاوبته دك تلفوني جانت طيبه بت العميد عامر جاوبت الو

طيبه..بنين خو ماكو شي شبيها ندى ونقيب مرتضى

بنين..ماكو شي طيبه سوء فهم صار ونحل لا لا ماله داعي والله يله هناك نلتقي لعد سديته وكعدت طلعنه الطريق كله ساكتين بس كل مارفع راسي الكا يباوع عليه هه ضحكت بداخلي سبحان الله جنت انتضر بس يباوع عليه وهسه ماطيق حرف منه بس كلبي اخخ يا كلبي حركني وصلنه الكربلاء وأدينه القسم وجان تصوير والعالم كلها تباوع علينه خلصنه باوعت عباس عيونه مدمعه رحت يمه جان يباوع عليه لزمته من ايده دابوسها جان يحضني عباس هوا رباني من جنت صغيره واني غلطانه بحقه حضنته اني اسفه خويه سامحني اسفه والله اسفه

عباس..اشششش يابعد عيون اخوج ونضرها انتي مبروك تخرجج بنيتي

بنين..اريدك انت وابويه تشدولي النجمه

عباس&ابو عباس..ادللي

بنين..كعدت ركبه ونص وعباس وبابا بدو يشدولي النجمات ولتصوير وامي اطش جكليت شدولياهن وبستهم من ايدهم وباسوني من راسي

محمد..اريدج تلبسين روب التخرج وهذا المصور ياخذلج صور هنا

بنين..صار لبسني الروب والقبعه واخذولي صور وبكل صوره يسوولي حركات حتى اضحك وفعلا ضحكت لين اليوم تخرجي فرحانه حيل نسيت البجي والقهر وكلشي اليوم يختلف اليوم حققت حلمي اليوم صرت الضابط بنين رياض اخذت هوايه صور واكو وحده بيهم متت عليها اني شايله الروب والقبعه والشهاده وعباس وحسين ومحمد ورايه وامي وابويه بصفي وديبوسوني واني داضحك شكد ماحبها كبرتها وخليتها بغرفتي المهم خلص هذا اليوم وثاني يوم صارت حفله مال تخرج وكفنه كلنه ناخذ صور يم نصب الشهيد ولكل فرحان واني ورانيه العبنه جوله من الضحك والتصفك فرحانات حيل بتخرجنه وممصدكين حققنه حلمنه وخلصنه بعد ماكو حياة كليه ولا اكو قهر وضوج واستقصاد رجعت البيتنه بيومها نمت كتلهم لحد يكعدني وفعلا محد كعدني لحد ثاني يوم الصبح كعدت الكيت بيتنه خبصه خير

ام عباس..يمه راح يجون جماعه يم اخوج

بنين..ياهو منهم

ام عباس..عباس امي

بنين..بلكت قضيه منا منا دنسترزق وناخذ مصاري

ام عباس..هههه يايمه بعدج هسه تخرجتي

بنين..يا امي شنسوي غير نريد تنعين نريد كله اسمنه فوك فوك يا محلاها لمن يكولون الضابطه بنين رياض يبووووو داحجي جان اسمع صوت ورايه

عباس..ولنعمممم من اصلج ابو لبون

بنين..انداريت شفته عباس ويا العميد عامر وطيبه وثنين ولد واحد نقيب واحد ملازم كمت من الصدمه ضربت تحيه نو نو نووورت سسيدي

عميد عامر..هههههههههه بنورج بنيتي

بنين..دخلو للصاله واني دخلت وراهم كعدت بصف عباس اخويه وهما كعدو كبالي

العميد عامر..اي بنو شلونج

بنين..تسلم سيدي الحمدالله بخير اذا انت بخير

العميد عامر..خير نشالله

بنين..لحد العصر اجه ابويه وكلهم كعدنه كلنه وحجه العميد عامر

العميد عامر..ايي اليوم اجينه حتى نحجي بموضوع بنين شوفي بنيتي طيبه وانتي ورانيه صديقتكم راح تتوضفون بل دائر ولبس مدني تجون وبس بين شهر وشهر يعني شهر مدني وشهر عسكري لين يجونه تفتيش ولازم تدربون ولبسكم تعرفو انتو شكلتي بنيتي

بنين..هاهيه سيدي بابا شتكول

ابو عباس..هاهيه بويه اتفقنه

العميد عامر..باجر تكدرين تباشرين لين باجر دوامي وطيبه راح تجي وياج

بنين..انشالله سيدي تعشو يمنه وشربو جاي وراحو هما راحو منا واني طفرت على عباس منا

عباس..هههههه شبيج خبله

بنين..اجانههه تعيييييينننن حجييييي وخرو هيج بعد لحد يحجي ويايه صرت متعينه

ابو عباس..ههههههههه مبروك بنيتي

بنين..حبيب روحي الله يبارك بيك

ام عباس..مبروك امي

بنين..الله يبارك بيج يا ملكة بيتنه

حسين&محمد..مبرووك بنان

بنين..الله يبااارك بيكممم يحياتي المهم ضليت شويه وصعدت العالمي الكئيب الغرفه ضلمه نزلت عباس اريد ضوايات الغرفتي حباب اني حجيت هيج وهما واحد صفن بوجهه الثاني شبيكم

محمد..شتريدين

بنين..ضوايات الغرفتي

حسين..متأكده

بنين..ياااا شبيكم

ام عباس..كلللللللوووووشششششش يمه اللهم صلي على محمد وال محمد

بنين..ههههه ماما شبيج

عباس..يعني خلصتي من عالم الضلمه مالتج

بنين..نزلت راسي هسه اجيبون لو لا

محمد..انتضريني 5 دقايق اجيبلج واشدهن بغرفتج ماشي

بنين..ماشي صعد واني كعدت يمهم سئلت امي يوم اني صارلي شكد معذبتكم هيج

ام عباس..يمة اربع سنين يايمة والله اموت ميت مره من اشوفج تعاملينه بقساوه حتى صوتج كمتي تعلي علينه

بنين..وهاي كله اني بس جنت تعبانه بذيج السنين وانتو محد بيكم فهم لي بيه

عباس..شلون نفهم البيج وانتي قافله غرفتج

بنين..سكتت لين صح شريد اجاوب واني جنت اشوف اهلي اعداء الي بسبب حب مرتـضى الي دمرني المهم خلولي ضوايات الغرفتي بس واحد وخفيف اني جبت كلوبات ضوياتهم قويه ونطيتهن الحسين ومحمد هذني احسن

حسين..يا بركاتك يا عميد عامر لو ادري بنين هيج تتغير من تجينه والله جان خطبته الج😂😂

بنين..عميد عميددد مديري بل شغل يعني مثل ابويه

محمد..هاي خلصنه

بنين..باوعت على غرفتي هيج احله سبحان الله جنت ابجي ومنعزله عن اهلي وضلمه وهسه تحررت من الضلمه بس بعده الكسر بكلبي بعده حب مرتضى ياكل ويشرب ويايه مانام اذا ماشوف صورته احبه ماكدر اكذب على نفسي واكول ماحبه اول حب بحياتي

للحكايا بقايا🤝♥️

الــصــبــر خــضــر جــرح

والــصدر بالــهــم ضــاگ

مــا مــســمــوح اعــاتــب

وانــــه امـــوت فـــــراگ

(ღ˘⌣˘ღ)

بنين..طلعت صورته وضليت احجي ويا لصوره وابجي لحد ما غفيت الصبح كعدت على صوت المنبه كمت سبحت ولبست لبسي العسكري جبت النطاق ولبسته واخذت السلاح والهويه العسكريه مالتي ونزلت الكيتهم كاعدين صباح الخير

لكل..صباح النور

حسين..سيدي صباحك عسل نشالله

بنين..تسلم ابني تسلم

محمد..هههههه بنين اذا صرتي لواء غير شيلو بعد

بنين..هههههه

عباس..ها ابويه بنو مكمله داخذج

بنين..كمت اخذت تحيه العباس مكمله سيدي

عباس..ههههه عفيه ابني يله

بنين..ههه طلعنه اني وعباس وصلني للدائره جانت طيبه ورانيه منتضراتني هناك دخلنه ويانه عباس يمشي كدامنه واحنه ورا بس شنو الموضفين كلها تباوع علينه دخلنه لغرفه العميد عامر واخذنه تحيه

عباس..سيدي جبت العساكر الجدد

العميد عامر..مشكور ابو فضل تكر تروح للمركز

بنين..راح عباس واحنه وكفنه كدام العميد

العميد عامر..طيبه اني هنا مو ابوج من تصيحيلي مو بابا لا اني هنا تصيحيلي سيدي وبس تمام

طيبه..حاضر سيدي

بنين..طلع العميد واحنه ورا شوفنه مكتبنه ودخلنه غرفه لاجتماعات جانو كلهم هناك ولسوء حضي الخايس جان مرتضى وندى ويانه يدامون

العميد عامر..العساكر الجدد بنين رياض احمد ورانيه حسن حبيب وطيبه عامر سلمان اليوم اجوي افضل طالبات جانن بل كليه علاماتهن جيده جداً والي اشرف على تدريبهن رائد اسلام والنقيب مرتضى واني شخصيا جنت رايدهن ويانه لين جنديات كفوئات المقدم عزير تفضل

المقدم عزيز..اهلا وسهلا بيكم ويانه

بنين&طيبه&رانيه..تسلم سيدي

المقدم عزيز..شفتو المكتب مالتكم كل وحده بيكم الها مكتب بس هسه لازم اطبقن هنا يعني المقصد من حجيي مثلا الملازمة بنين اطبق تحت اشراف النقيب مرتضى

بنين..لا يارب فدوه نشالله بس مثال مو صدك

المقدم عزيز..مفهووم

طيبه&بنين&رانيه..مفهوم سيدي

المقدم عزيز..وهسه بنين انتي ويا النقيب مرتضى طيبه ويا النقيب علي وعدنه رانيه ويا النقيب هاني اكو عتراض

بنين..غمضت عيوني عبالي خلصت منه بل كليه تالي هنا لاحكني لازم اعترض سيدي اني عندي عتراض

المقدم عزيز..ليش ملازم بنين

بنين..سيدي النقيب مرتضى جان مشرف على تدريبنه بل كليه وجان دائما مستقصدني ودائما يعاقبني

المقدم عزيز..وهسه احنه خلصنه مرحله الكليه واذا صار هذا الشي تكدرين تقدمين عريضه للعميد عامر

بنين..سكتت عاد خلص لاجتماع وكلنه رحنه على مكاتبنه كاعده على المكتب وفرحانه لين وصلت الحلمي جان مكتوب على القطعه الي على الميز الملازم بنين رياض غمضت عيوني واذكر مرتضى جان يشجعني اوصل لحلمي ومن كتله اريد اصير ضابطه ضل دائمه يشجعني تالي طلع كله حجيه وغرامه الي كله كذب فزيت من صفنتي على فتحت الباب باوعت جان هوا مرتضى

مرتضى..خير شو كاعده

بنين..اول يوم لي هنا ماعرف شسوي

مرتضى..تبقين ورايه ورايه لين. انتي المطبقه مالتي

بنين..مرتضى اترجاك التستقصدني كافي بسببك اني خسرت اربع سنين من عمري بجي ونوح وكرهه نفسي واهلي شرايد مني بعد انتحر حتى تخلص انت عفتني ورحت حبيت شتريد مني شتريد

مرتضى..اولا اسمي النقيببب مرتضى مووو مرتضى ثانيه اني هنا مداحجي عن حب وهل خرابيط مال مراهقين زين بابا انتي بشغل واني رأيسج هنا

بنين..لعد ندى مو مراهقه الله كريم هسه شتريد سيدي

مرتضى..هاج هاي اوراق دققيهن زين وجيبيهن للمكتب مالتي حتى اوقعهن

بنين..بس التدقيق من مسؤليتك الك مو الي

مزتضى..واني طالع ويا ندى هسه يله دققيهن بسرعه

بنين..طلع من الغرفه ورحت اني ادقق الملفات ودموعي تجري ندك الباب ودخلت طيبه

طيبه..عززززااا ولججج شهللل ملفات

بنين..جاوبتها واني ابجي النقيب مرتضى طلع ويا ست ندى وبنين اكلتها

طيبه..تمام هسه اجي

بنين..راحت حتى مالي خلك اسئلها وين ضليت ادقق بيهم لحد مخلصتهن كمت شلتهن ورحت للمكتب مالته فتحت الباب عبالي طالع دخلت واني امسح بدموعي خليت الملفات على المكتب داطلع ونفتح الباب مال غرفته ودخل حجيت ويا واني مدنكه ماريد اشوفه المفات كملتهن باقي بس توقعهن

مرتضى..رفعي راسج

بنين..عن اذنك سيدي داطلع جرني من ايدي وطبكني على الحايط ضليت مدنكه راسي وكلبي يدك سريع رفع وجهي بأصبعه صارت عيوني بعيونه

مرتضى..بعدج تحبيني

بنين..لا

مرتضى..لعد وهاي دكات كلبج

بنين..سيدي اريد اطلع اتقرب ديريد يبوسني درت وجهي عنه وكتله اني مو رخصيه حتى هيج تسوي ويايه ذيج ندى كلشي تنطيك اما اني لا لزمني من حنجي قوي

مرتـضى..احترمي نفسج واحجي عليهاا زينن افتهمتي لو لا

بنين..وخرت عنه وصلت للباب نداريت وحجيت صدكني هيه محبتك لشخصيتك حبتك بس علمود رتبتك وفلوسك مراح احجي بعدين تحق الحقيقه وكلشي تعرف فتحت الباب وطلعت رحت للمكتب مالتي كعدت على الميز وضليت ابجي لحد ما هديت شويه بنين هاهيه لتبجين مسحت دموعي وكضيت اليوم كله شغل ضليت الهي نفسي حتى ماابجي دنطلع صارو كبالي هوا مرتضى وندى لازمها من ايدها ويضحكون عصرت ايدي قوي وغمضت عيوني احس كلبي مو حمل شي على دقيقه اوكع يمكن راح تكولون دتبالغين بس لا اني حبيت مرتضى حب طفولي من جنت بل متوسطه حبيته حيل وهيه ندى صارت ادخله بكلبي جنت اشوف كل لبنات يحبن لرتبه وشخصيه بس اني حبيته كشخص مو رتبته ولا شخصيته حبيته من كل كلبي حبه ويايه من المتوسطه يكبر بداخلي المهم مرت الايام وصار شهر اداوم بس شهر ضيم ويا يطلع ويعوف الشغل عليه ومن يجي بس يوقع ويطلع وياها كمت اشوف الحب الندى بعينه بس وياها يضحك ويسولف كلها الي بل دائره عرفت بعلاقه ندى ومرتضى واجه اتعس يوم بحياتي يوم الي ادمرت حيل اليوم الي انتهت بي حياتي جنت هستوني دخلت للدارئره بملابس مو عسكريه يعني مدني لين الشهر هذا ماعنده تفتيش بس لبست لبيريه رحت للمكتب كبل لين ادري خالي كومه ملفات كعدت ادققهن لحد الضهر على كعده وحده بس ادقق بيهن واتابعهن هلكت لحد مخلصتهن رحت للمكتب مالته ملكتيه اخذتهن ونزلت ادور عليه جانت هوسه ولكل واكف ويضحكون مادري شكو حتى العميد عامر واكف سويت مجال وفتت وياريت مفايته ولا نازله جان مرتضى راكع بل كاع كبال ندى وبيده خاتم وهيه فرحانه هذا كله واني صافنه وعيوني غوركت بل دمع

مرتضى..ندى تقبلين تزوجيني

ندى..هههه ايي اكيدد

بنين..غمضت عيوني ونزلت دموعي رجعت للمكتب واسمع صوت الضحك مالتهم والتصفك مال موجودين هاهيه بنين انتهى كلشي احلامج وامالج يرجعلج انتهت الج الله ضليت بل مكتب ابجي مسحت دموعي وطلعت وديت الملفات للمكتب مالته جان بعده مموجود رحت الغرفه العميد عامر دكيت الباب سمحلي ادخل جان كاعد وبيده اوراق ديوقع سيدي رفع راسه اليه

عميد عامر..نعم ملازم بنين

بنين..سيدي الملفات الي نطاهن النقيب مرتضى حتى ادققهن خلصتهن تسمحلي اطلع لين احس راح اوكع

عميد عامر..بيج شي بنيتي

بنين..لا سيدي بس شويه تعبانه

عميد عامر..تكدرين اطلعين

بنين..طلعت اخذت غراضي وطلعت من الدائره جانت شته وبارده حيل والجو مغيم ضليت امشي بل شارع وابجي رحت للشط كعدت على المسطبه يارب تعبت والله تعبت ساعدني يارب هوايه الي ديصير ويايه يارب تعبت مالي قدره اتحمل بعد فدوه الاسمك يارب خلصني من هل عذاب اخذ روحي وخلصني من الدنيا ضليت كاعده شويه ورجعت للبيت دخلت جانت امي بل مطبخ بدون ماحجي شي كبل صعدت لغرفتي شمرت نفسي الجربايه وضليت ابجي لحد لعصر عباس ومحمد وحسين وابويه وامي كلهم اجوي عليه بس جنت قافله باب غرفتي راسي كام يوجعني رحت اخذت حبايه مال وجع راس وشفت حبوب هوايه ماعندي غير هذا الحل حتى اخلص من هل عذاب شربتهن كلهن وشربت مي كعدت بل كاع شويه وكمت احس كلبي يدك سريع كمت مااكدر اتنفس صارت الدنيا تفتر بيه وخشمي طك دم تصدكون اذا كلت متت احس روحي طلعت من جسدي غمضت عيوني وكعت بس فتحت عيوني شفت نفسي بمكان ابيض مابي احد بس جنت نايمه بين الحشيش مال زرع وجان المكان حلو حيل شفت عباس اخويه مدلي ايده باوعت عليه وابتسمت

عباس..لا بنين بعد

بنين..عباس هذا المكان حلو ماريد ارجع

عباس..بنين لا تعالي ويايه نرجع

بنين..تعال انت ويايه نروح هنا حلو هناك محلو يله عباس تعال

عباس..لا فدوه العمرج لا

بنين..عفته ومشيت مادري وين بس مشيت الطريق كله زرع وحيل حلو صرت اشوف عباس وين ماروح يريد يجي ياخذني بس كل ميتقرب يمي اني ابتعد عنه لحد ما بعد ماعرف شصار لين وكعت

عباس..خابرني العميد عامر وحجالي بنين مريضه رجعت للبيت بليل داشوفها شفت امي كاعده وخاله ايدها على خدها خير يمه

ام عباس..يايمه اختك صارلها من الضهر بغرفتها مطلعت وخايفه عليها ومحمد وحسين وابوك راحولها بس متفتح الباب

عباس..خابرني عميد عامر كال بنين مريضه يمه صدك كذب مكدرو حسين ومحمد يكسرون الباب خاف بيها شي

ام عباس..يايمه اسم الله اني عبالي تعبانه معبالي مريضه يمه فدواتك عباس شوفها

عباس..صعدت فوك شفت محمد وحسين وابويه فوك واكفين كبال الغرفه مال بنين

محمد..زين جيت عباس بنين من الصبح ليهسه بغرفتها

عباس..اكسر الباب

حسين..شنو

عباس..اكسر الباب دوخر هيج كسرت الباب اني ومحمد ودخلنه جانت بنين واكعه بل كاع وخشمها ينزف دم وزركه صايره دخلت ركض لزمت ايدها ارفعها ترجع توكع للكاع شلتها ونزلت ركض مادري شصار ورايه اخذتها للمستشفى خليتها على السدي نخبصت اشوف الدكاتره التمو عليها سمعت صوت محمد نداريت شفتهم كلهم جايين

حسين..عباس بنين ماتت مو

عباس..مجاوبته ماعرف شكله ضليت ساكت واشوفهم زرفو ايدها بل ابر 5دقايق والمستشفى نترست عالم عميد عامر وبنته وزوجته ورانيه واهلها من برا اشوفهم سوو غسل معده الها ودخلو مثل الحديده بحلكها ينطوها اوكسجين جتى ترجع تتنفس بس ماكو اي رد فعل لا بنين. لتستسلمين وتعوفينه حبيبتي لا

محمد..اباوع على بنين جوا جسمها صار كله ابر جسمها مديستجاب ولا دينطي اي رد فعل سمعت صوت الابره الي ضربوهيا بنص كلبهاا ابره ادرينالين وصارو يستخدمون وياها صدمات كهربائيه درت وجهي ماتت مابيه روح هاهيه راحت بنين ام ضحكة الحلوه اختي وحيدتي راحت

حسين..لااا لاا يارب لا لتاخذ روحها اخذ روحي الي اني بس هيه لا يارب بعدها مشايفه شي من دنيتها يارب فدوه لا يارب

محمد..مادري شصار جوا بس وخرو عنها باوعت جهاز مال لنبض رجع كعدت بل كاع على ركبي مضل بيه حيل اجه حسين كومني

حسين..عايشه محمد والله عايشه

عباس..طلع الدكتور رحت عليه دكتور شبيها

الدكتور..انتو اهلها

عباس..اي اختي

الدكتور..اختكم ماتت ورجعت للحياة البنيه منتحره شاربة دوه وهذا الدوه اله نسبه فعاله على القلب رجعت للحياة بفضل لادرينالين خلينه الها اوكسجين حتى تتنفس ضلت مده بدون تنفس وسبب الها ضيق بلرئه راح تضل بل عنايه اليوم باجر انطلعها عليها العافيه

محمد..بنين منتحره

عباس..ليل كله ضلت بل عنايه وخطيه عميد عامر وعائلته بقو يمنه ثاني يوم الصبح طلعوها بغرفه بحدها وفتحت عيونها

بنين..فتحت عيوني صارو كلهم كبالي وخرت الاوكسجين وحجيت شصار بيه وين اني

ام عباس..يمة انتي هنا حبيبتي ليش هيج سويتي بيه امي والله راح عمر من عمري ابويه انتي

بنين..سكتت ورجعت الاوكسجين ضليت بل مستشفى اسبوع كامل ماداوم عباس اخذلي اجازه واصلا العميد عامر يوميه خطيه هوا وطيبه ورانيه يجوني عباس ميحجي ويايه محمد وحسين دائما يمي ميعوفوني بحدي يوكلوني ويهتمون بيه وياهم امي ابويه هم ميحجي ويايه زعلانين عليه اليوم تخرجت من المستشفى رحت للبيت صعدوني الغرفتي تمددت على الچربايه باوعت على محمد وحجيت اريد عباس

محمد..بنو عباس مو بل بيت بلشغل

بنين..محمد صيحلي عباس ادري هوا هنا بس ميريد يجي ويحجي ويايه نزل محمد ورا نص ساعه صعد عباس دخل بدون ميحجي وكف كبالي نزلت راسي عباس اني اسف بعدني ممكلمه ضربني راشدي انجمعت الدمعه بعيني اني استاهل الراشدي هذا لين مفكرت بأحد من اهلي من نتحرت مفكرت بسمعة اخواني رفعت راسي عليه كتله اني استاهل

عباس..لج ردتييي تروحيييينننننن تعرفييينن شنو ترووووحين هااااا علموددد شنو ولجج علمودد شنو تريدين تعووووفينهههههه هاااا مفكرتييي بسمعتنه شيكولون ليش اختكم انتحرتتتتتتتت

بنين..خله ايده على كلبه وكعد نطاني ضهره

عباس..ليش بنين اسبوع اني عمر من عمري راح ليش انتي بنيتي انتي اختي الصغيره مكلتي اخواني شلون اعوفهم ليش

بنين..خليت راسي على ضهره وبجيت اني اسفه عباس والله اسفه لين هيج سويت سامحني خويه ندار عليه وحضني وضليت ابجي بحضنه

عباس..اشش كافي ابويه كافي

بنين..باسني من راسي واني نمت بحضنه فزيت على صوت تلفوني يدك عباس مجان موجود اخذت التلفون جاوبت بدون ماقرا الاسم الو

مرتضى..كالو منتحره

لكل حكايا بقايا

شكد ماحبكم نزلت الكم اليوم بارت هديه بعد اتفاعلو اخوان سووالي واهس خرب حضي☹️😭

كلها منك

شوغتي الرافكت ليلي !

وحسرتي وصفگة اديه

والدموع التچوي خدي

وطيحتي بالمغربيه

وانعزالي الاذه اهلي

وظلمة الغرفه التغثهم

من يشوفوني ضگت طعم الاذيه

وزادي الينصبو وارفضه

ياذيي امي ، المادرت شنهي القضيه

واصدقائي المني ملو ..

من كثر ما ضال اورث بالجگاير

من نجي نكعد سويه

ياحنين ذني منك

فرد لمة اتلملمن كلهن عليه 🖤"

⊙﹏⊙

بنين..حنيها الايدك

مرتضى..هههههه مو هسه احنيها مبقه شي على عرسي واحنيها واخليج الج تحنيني

بنين..رجاءا اني تعبانه شرايد

مرتضى..سلامتج جيت اطمئن عليج

بنين..رحم الله والديك عن اذنك سديت التلفون ورجعت نمت جاي تشمت بيه اخخ يا بنين الى متى تضلين تحبي دشوفي ممهتم الج ولا الج ذره حب بكلبه عوفي بيومها تعاهدت وتواعدت ويا نفسي بعد ادوس على كلبي وامشي وماهتم اني بنين جديده بنين ولدت اليوم مثل ما هوا عاش حياته وممهتم اليه واني هم ماهتم اله بعد هاهيه انتهينه بعد لا اهتم ولا يهتم لا احن ولا هوا يحن مرن الايام وشويه صرت زينه وصالحت ابويه ورجعت اداوم كعدت الصبح لبست العسكري مالتي والبيريه والسلاح ونزلت صباح الخير

الكل..صباح النور

بنين..كعدت اتريك واسولف عباس توصلني

عباس..ادللي

بنين..ضليت اكل شويه وكمت لبست حذائي وطلعت انتضره بل سياره شويه واجه هم لابس العسكري مالته صعد الطريق كله نسولف لحد موصلت بسته بخده ونزلت دخلت للدائره وجان مرتضى واكف يم ندى ويضحكون دخلت واني ابتسم دخلت واني بكامل قوتي صبحت على الموجودين ودخلت للمكتب مالتي هم جان خالي كومه ملفات ضليت اتابعهن اخذتهن ورحت للمكتب مالته دكيت الباب ودخلت لكيته كاعد وبيده قلم ديوقع احم سيدي الملفات خلصتهن رفع راسه وشافني وضل يباوع بعيوني واني اسوي نفسي ممهتمه خليتهن على الميز ودرت وجهي داطلع صاحني

مرتضى..انتضري

بنين..نعم سيدي

مرتضى..تعالي وقعيهن انتي الج حق التوقيع والختم

بنين..تمام داخذهن لزمني من ايدي

مرتضى..وقعيهن هنا

بنين..كعدت على الكرسي وخليتهن كدامي على الطبله وقعتهن بتوقيعي وبختمي خلصتهن رفعت راسي شفته يباوع عليه خلصتهن

مرتضى..امشي ويايه للعميد عامر

بنين..طلعنه للعميد عامر دك الباب ودخلنه

العميد عامر..هله بنين الحمدالله على سلامتج بنيتي

بنين..تسلم سيدي

مرتضى..سيدي هاي الاوراق وقعتهن الملازم بنين وختمتهن وصار لها حق التوقيع والختم

العميد عامر..هاهيه تسلم مرتضى

بنين..طلعنه بدون مااحجي ويا رحت لمتكبي وكعدت جان اكو اوراق مال حضور ومال جناسي ضليت اقرا بيهن لحد ماخلص الدوام بس فد تعب نزلت شفتهم سويه طلعت كبل بدون مالتفت واشوفهم

رانيه..بنو اوكفي ولج

بنين..ها حب

رانيه..شبيج ولج تهفين

بنين..ههههههههههه اخ بطني هههه

رانيه..هههه والله دنتضريني

بنين..ههههههه دانتضرج هنا حبي

رانيه..خلي نتمشى بعد وكت

بنين..لا باعي شلابسين خيه

رانيه..سياره موجوده يحضي امشي نروح نتغده وهاي طيبه ويانه

بنين..يله صعدت بسياره وجانت تسوق رانيه واني بصفها وطيبه ورا وحنه للمطعم نزلنه ولعالم كلها تباوع علينه ماادري شبيهم عاد جان المطعم بل منصور كعدنه نتغده المطعم الي جنه كاعدين بي جان بي مثل المسبح بس هيج كمنضر بل جهه الثانيه شفت ندى ومرتضى كاعدين باوعت على مرتضى صارت عيني بعينه درت وجهي

رانيه..يله شنطلب

بنين..اني اطلبلكم اشرت للنادل يجي رانيه طلبت بيتزا واني صاج وطيبه بركر وضلينه نسولف

طيبه..هههههه عليكم الله تذكرون من جنه بل كليه ندرب

بنين..هههههههه تذكرين من دنركض وكعتي

طيبه..بنينننن

بنين..ههههههه جان شكلج يضحك

رانيه..هههه

طيبه..هسه عوفج مني اني باعي تذكرين رانيه من نصبت ع الرائد سلام وتصيح احبه

بنين..هههههه لج لذكريني

طيبه..هههههههه

رانيه..والله جنت احبه شبيكم جان حلو

بنين..ههههههه الله يطيح حضج رانيه

طيبه..صدوك ولج مصارت بينكم علاقه عزا

رانيه..مزوج ولج حتى ستحيت احجي ويا كتمت الحب بداخلي وكعدت

طيبه..هاي مو النقيب مرتضى وندى

رانيه..وهاي لكيك والشموع شنو عيد ميلاد ندى اليوم

بنين..اي اليوم عيد ميلادها

رانيه..يااا متستاهل واحد يعايدها والله

طيبه..ااايه اييييه دنيا خلت المكفخه مال مدرستكم تزوج نقيب

بنين..اجه الاكل وضلينه ناكل ونسولف لحد مخلصنه وكمنه دنطلع وجان ندى تصيحنه

ندى..رانيه طيبه بنين

بنين..سويت نفسي ماسمعها اخذت المفاتيح من رانيه وطلعت كعدت بل سياره

رانيه..نعم

ندى..انتو هم زعلانين مني

طيبه..الي تكسر خاطر صديقتها علمود رجال هاي عمرها متصير صديقه النه احنه مالنه دخل بيكم عن اذنج

بنين..طلعن رانيه وطيبه وصعدن والطريق كله يقشبن واني راسي يوجعني وصلت لبيتنه يله باي

رانيه&وطيبه..بايي بنو

بنين..دخلت للبيت وجانت هم هوسه عمومتي وعماتي يمنه دخات للصاله شفتهم كاعدين خير

عمتي الجبيره..بنين انتي معليج احنه جايين على اخويه

بنين..استغفرالله باعو ابويه تعبان وحنه ممستعدين نخسره علمودكم انتو علمود الفلوس حلو مشاكلكم بحدكم

عمي..انتي شنو مالج جببر يوكفج عد حدج

بنين..اني جببرة نفسي برا

عمتي الجبيره..هذا بيت ابويه متكدرين اطلعينه منه

بنين..وانتو اخذتو فلوس سديتو عينكم بيها وتنازلتو البويه عن البيت وصار بسمه يعني انتو هسه ابيتي واني ماريد اشوفكم

عمي..بويه تعالي انتي حلي السالفه مالتنه خلي افهمج وبلكت انت تحليها الي

بنين..لا اله الا الله كعدت خير

عمي..اني داينت عمج الصغير فلوس وعمج اخدها ونهزم مادري بي وين قمت عليه دعوه اجني عماتج يريدن اتنازل

بنين..وانت ليش متعب نفسك هوا مو عنده بيت بل منصور روح اكعد بي مقابل فلوسك واكبر من بيتك واحسن. من بيتك هم واذا بعته يجيبلك 100مليون

عمتي الجبيره..وانتي ليش هيج دتحجين ها

بنين..اكلج انتي تريدين تتعاركين روح عمو اكعد بي واذا تريد تبيعه واني اسهلك امر هم ورجع فلوسك ولي يحجي وياك اعرف شصرف ويا

عمتي الجبيره..انتي لعبالج صرتي ضابط تكدرين تحجين ويانه معلك ترا احنه عماتج

بنين..وانييي مااعرفكم قبللل يعني انتي والشارع ويلللله براااا طلعن كلهم وعمي هم تشكر مني وطلع رحت الامي جانت كاعده ودموعها بعينها بستها من راسها شبيج امي

ام عباس..يمة داسوي غده العماتج حبيبتي

بنين..ليش تبجين يوم

ام عباس..اذكرت ضيمي وضلايمي وياهن ابوج اخذني عن حب وجنت صغيره 14سنه ولج يمة الكراب الكربنه عليه جنت بس اخلص شغل اريد بس ارتاح وهنه يطلعن ويفترن ويرجعن وهسه جايات يصيحن بيت ابونه

بنين..معليج يمة بعد ميجن يمج حبيبتي طردتهن يروحلج فدوا بستها من خدودها وضحكتها شويه وصعدت للغرفه سبحت وبدلت ونمت تعبانه جان ماعندي ماعندي حل غير بس النوم كعدت على صوت امي تصيحني كمت غسلت ونزلت لكيتهم كلهم كاعدين سلام

لكل..وعليكم السلام

بنين..كعدت اكل ونسولف

محمد..يمة اليوم احله يوم بل دنيا ربحت سفقه قيمتها ملايين

ام عباس..صلاوات يمة بل عافيه

ابو عباس..اي محمد اثبت جدارته بل شركة بنو حبيبي بابا شلونج

بنين..بخير بابا مبروك

ابو عباس..يبعد روحه لابوج بنيتي

عباس..العميد عامر هوايه يحمد بيج بنين صارلج صلاحيه توقيع وختم حبيبتي مبروك

بنين..تسلم خويه حبيبي كمت بسته بخده ورجعت اكل خلصت كامو كلهم غسلت لاماعين وامي سوت جاي صبيت وقدمته الهم كعدنه بل صاله بابا اليوم اجوي

ابو عباس..ادري يابه سولفتلي امج عاشت ايدج

بنين..يابه احسن حل هذا بس يكعد ابيته ويفض السالفه

ابو عباس..والله يايابه شيبو راسي يله تنازلولي عن البيت وهسه بكل مشكله جاييني

بنين..بعد محد يعتب دارك ابو عباس باسني ابويه من راسي عاد داصعد مخلوني ضليت يمهم لحد ليل وطلعنه نتعشى برا رحنه للمطعم

عباس..يابه راح اوصي

ابو عباس..وصي بويه

عباس..نجي لبنو شتاكلين حبيبي

بنين..لزانيه

عباس..خوش يمه

ام عباس..مثل ابوك يوم

عباس..خوش محمد وحسين وصو لنفسكم

محمد&حسين..هههههههه

بنين..طلبنه تعشينه برا ورجعنه للبيت صعدت سبحت ونمت وثاني يوم كعدت بدلت ورحت للدوام دخلت للمكتب جان اكو ضرف على الميز مالتي كعدت على الكرسي وفتحت الضرف جانت دعوة زفاف مرتضى وندى قريت لتاريخ جان نفس تاريخ تعارفنه 8/20نزلت دموعي شكد ماريد ابين اني قويه بس مااكدر كل خبر يجيني منه اقوه من الثاني اني مسويتله شي حتى هيج يعاقبني نفتح الباب ودخل هوا مسحت دموعي رأسا مبروك

مرتضى..الله يبارك بيج اريدج تجين

بنين..طبعا اجي وباركلك واكل كيك وببسي واطلع

مرتضى..ممهتمه

بنين..وليش اهتم انت صرت ماضي بل نسبه الي روح عيش حياتك ويا مستقبلك لي ختاريته ويا الايام شوف

مرتضى..اني احبه الندى واريدها لين نطتني كلشي مو مثلج لئيمه

بنين..بل عكس اني شريفه مو لئيمه

مرتضى..شقصدج

بنين..مقصدي شي مبروك سيدي عن اذنك اروح اودي لاوراق للعميد عامر عفته وطلعت رحت للعميد عامر ونطيته الاوراق موقعتهن وخاتمتهن المهم مرت الايام ويا الدوام ويا عذاب مرنضى المهم اليوم عرسهم اليوم نهايتي كلبي ديتكطع واني اعلن قوتي للعالم بس بداخلي والله نهيار احس بركان من القهر بكلبي خليت ايدي على كلبي بس بس كافي خلي نصير اقوياء يكلبي لبست فستان زيتوني طويل ردانه طويله شعري شلته من الاطراف وعفته مالي واهس كلشي اسوي جانت رانيه يمي بل غرفه هيه تدري اني احب مرتضى من شافت عيوني ورامه من البجي ومخاله شي بوجهي حجت

رانيه..حتروحين هيج

بنين..رانيه ميهلي اسوي شي

رانيه..بنين مرتضى راح هاهيه اليوم عرسه وانتي قويه لازم يشوفوج انتي قويه

بنين..مااعندي قوه بعد رانيه احس راح اوكع واموت من القهر والله مدااكدر

رانيه..والله راح تنسي وتكرهي من تشوفي هيج سوه بيج

بنين..سكتت خلتلي حمره وكحله ومسكاره لبست الحذاء وكفت كبال المرايه بنين انتي قويه انتي قويه زين مااكو بجي بعد ماكو نزلت جان عباس متحضر ولابس قاطه يمه هيبتي لزمته من عكس ايده محد من اهلي راد يروح بس اني وعباس رانيه راحت ويا اهلها واني ويا عباس بسيارته دخلنه للقاعه والعميد عامر اشرلنه رحنه كعدنه يمهم جانو بعدهم مموجودين ضلو يسولفون واني الغصه كاتلتني شربت مي كوه نبلعت شويه ودخلو هما العرسان باوعت عليه جان لابس قاط اسود وقميص ابيض وهيه جانت لابسه بدلتها البيضه وممسويه تسريحه حاله شعرها بس خاله تاج ولابتسامة مالتها لحد اذانها وهوا نفس الحالة جانت اكو فرقه عراقيه يعني سوولهم دخوليه باوعت عليها تركص ويا عيوني غوركت بل دمع نزلت دموعي مسحت رأسا بدون محد ينتبه كعدو على الكوشه باوعت عليه يدور بعيونه مادري عليمن من شافني ركز عيونه عليه درت وجهي ماهتم لازم بعد مااهتم بنين خلص انتهى اقتنعي خلصت قصتكم مر الوكت وصار لازم يركصون سلو كامو اشوفهم يركصون ويضحكون ويسولفون وهيه عود خجلانه كام العميد عامر مد ايده الطيبه وكام عباس ومدلي ايده

عباس..عادي

بنين..ابتسمت واني بأنهياري وخليت ايدي بأيد اخويه وكمت صرنه نركص سلو وعباس يسولف ويايه ويضحكني

عباس..تدرين انتي بيوم عرسج اخطفج وانهزم

بنين..ليش

عباس..اني اخلي واحد ياخذ بنيتي مني

بنين..ههههه اني مااريد ازوج خويه خليني يمكم اشوف جهالكم

عباس..ههه صرت شايب اني منو تقبل تاخذ شايب

بنين..لا عيني انت شيخ الشباب حبيبي ضلينه نسولف وعباس شويه خفف عليه بس بعدها النار بكلبي كصو الكيك وباسها من شفايفها درت وجهي كتله عباس اريد اطلع اختنكت هنا

عباس..ليش حبيبي

بنين..مادري ختنك

عباس..يله كومي

بنين..ترخصنه من العميد عامر وكمنه رحنه للكوشه صرت كباله كام هوا على عباس سلم عليه وعباس باركله مديت ايدي اني مبروك سيدي خله ايده بأيدي وعصرها

مرتضى..الله يبارك بيج

بنين..نشالله يوم الولد الصالح

مرتضى..نشالله

بنين..جانت كلماته والله تحفر بكلبي رحت الندى من بعيد كتلها مبروك والزمت عباس من عكسه وطلعنه

لكل حكايا بقايا💔

شلعو بل تصويتات ابوسكمم

هدومِـي تخنگني مِن اشوفن

وآححِـد يداري بـ حلآلي💔.

(￣ε￣＠)

بنين..طلعنه من القاعه احس حموت مدااكدر بعد صعدت بلسياره مال عباس الطريق كله ساكته وعباس يسولف ويايه خطيه يريد يعرف شبيه اني بس اصفن واسكت شكله اليوم عرس الي جان يصيحلي بنيتي لو اكله اليوم عافيتي راحت لو اكله الي جنت احلم بي صار نصيب غيري شكله فتنه يم جسر كتله اوكف هنا

عباس..شنو

بنين..اريد انزل هنا اختنكت وكف نزلت من السياره ونزلت ضليت واكفه على الجسر بس اجر حسرات كعدت على الرصيف وعباس ويايه خطيه لحد ساعه3اني على الجسر كاعده كل ميكول عباس نروح اكله لا اريد ابقه من صارت ساعه بـ10وعرفت زفوهم للفندق احس روحي صدك طلعت ضليت بس اجر حسرات مااكدر ابجي ساعه 3ونص يله رجعت للبيت وصلت للبيت صعدت كبل لغرفتي دخلت الغرفتي وقفلت الباب ونزلت دموعي تجوي خدي والله دمعي يجوي خدي وحركت كلبي العدوي مااتمناها ضليت ابجي لحد الصبح منمت مكدرت انام افكر هسه يضحكون ويسولفون واني ابجي والله احبه مدااكدر اكرهه يارب اخذ روحي وخلصني لين تعبت والله متلوكله والله هيه متسهر وتضل تباوع بصورته بكدي والله متخاف عليه بكدي كل مااصلي ادعيله وانسه نفسي اي امام اروح ادعليه وانسه نفسي ليش يارب ليش ضليت للصبح مغمضتلي عين ثاني يوم جان جمعه ضليت بغرفتي منزلت اجوي عليه اكثر من مرا بس مجنت اجاوب عبالهم نايمه صارت دنيا عصر كمت سبحت وبدلت وطلعت باوعت وجهي وارم من البجي ماادري شسوي بس فتحت الباب ونزلت شفتهن بابا وماما كاعدين والولد ماهما بست ابويه وامي

ام عباس..هسه كعدتي من النوم يمه

بنين..اي ماما

ام عباس..اسويلج اكل امي

بنين..لا مااشتهي ضليت كاعده شويه يمهم وكمت طلعت للحديقه كعدت وضليت اذكر البارحه من جانو سويه نزلت دموعي مسحت عيوني مر اليوم ثاني يوم الصبح داومت جانو ممداومين اخذو اجازه اسبوع بهل اسبوع اني اموت الف موته يوميه اشوفه صارلي سبوع مشايفته صح جنت اختنك من اشوفهم سويه بس يكفي على الاقل اشوفه ورا هل اسبوع داومو والضحك مالتهم ولكل يبارك الهم جانت اكو اوراق يخصنه اله للنقيب مرتضى رحت الغرفتة دكيت الباب ودخلت معبالي هيه موجوده يمه جانت حاضنته وهوا ديبوسها حجيت احم سيدي فزو ثنينهم

ندى..اكو باب ادكي ترا

بنين..جانت تتنعوص من تحجي واني روحي طالعه منها كتلها انتي جنتي ملتهيه عيوني المهم اني مجايه اتعارك عندي شغل سيدي هاي الاوراق تخصك بل نسبه الي بل اسبوع الي جنت مجاز بي خلصت كل الملفات تقدمت خليتهن على الميز ودرت ضهري وطلعت رحت للمكتب مالتي وكفت كبال لميز مالتي ضليت اباوع على اسمي بنين رياض اني قويه بعد مااهتم بنين هاهيه لتهتمين هاهيه اكو الله اني قويه بعد مااهتم ولا ابجي هاهيه ضليت اتابع شغلي جنت يوم عن يوم اتفوق بشغلي والعميد عامر جان دائما يحمد بيه ويشجعني الي والطيبه والرانيه وحتى ندى بتشجيعات العميد عامر ودعم اهلي الي صرت مااهتم لا المرتضى ولا الندى صرت اشوفهم اضحك واسولف المهم صار سنه اني اداوم وستقريت بل دوام بيوم جانت شتاء والدنيا مطر بس مو قوي تنكط نزلت مبدله عسكري لابسه داروح للدوام جنت متأخره طلعت ركض من البيت داعبر الشارع فاتت من يمي سياره لي يفصلنه شعرايه بس وكعت على الرصيف نضربت براسي وبأيدي نجرحت يم كصتي خليت ايدي على راسي حسيت احد كعد كبالي رفعت راسي جان رجال حجه جان صوته خشن

الرجال..تأذيتي

بنين..راسي

الرجال..خلي اخذج للمستشفى

بنين..لا تأخرت عن دوامي

الرجال..ميصير خلي اخذج كصتج دتنزف

بنين..وافقت لين جنت انزف كومني واخذني لسيارته جانت عاليه وسوده ومضلله صعدني وصعد خله كلينس على راسي والطريق كله خال ايده على الكلينس ويسوق بل ثانيه وصلنه للمستشفى نزلني واخذني للطوارئ وهوا واكف يمي الرجال ماعرفه حتى مشفته زين اجتي الممرضه بنجت راسي وخيطته وسولي اشعه لايدي جانت مكسوره وايدي اليمنه لي اشتغل بيها انطوني مسكن الم ودوا مال التهاب خلصت طلعني كدرت اشوفه باوعت عليه جان طويله معضل عنده شوارب ماعنده لحيه ابيضاني عيونه صفر وشعره اشكر جان خال سلاح بخصره من شفت سلاحه اذكرت اسلاحي خليت ايدي على خصري مموجود بل كرب سلاحي سلاحي وين

الرجال..بل سياره موجود

بنين..شلون جان بل كرب

الرجال..مجنتي منتبهه لين جنتي تنزفين

بنين..صعدني بل سياره والطريق كله ساكتين عاد حجه هوا

الرجال..وين اداومين

بنين..نعم

الرجال..لابسه بيريه وعندج سلاح وين اداومين

بنين..وليش حتى اكلك ضحك بصوت خشن

الرجال..ماكو غير بس دائره…….ادومين بيها مو

بنين..شمدريك

الرجال..عرفت

بنين..انت وين اداوم مدلي ايده

الرجال.. شاهين ماداوم بمكان

بنين..باوعت على ايده وصافحته العفو

شاهين..شسمج

بنين.. بنين

شاهين..ديوجعج راسج

بنين..لا سكتنه اثنينه ضليت ادلي وين بيتنه لحد موصلني اشكرت منه ونزلت دكيت الباب وطلعت امي هيه شافت ايدي مجبريها وراسي مخيط ضربت على صدرها

ام عباس..صخام الصخمني يمه شبيج بنين يمه

بنين..بالف يا علي يله كدرت اهديه وشرحتلها لي صار

ام عباس..وشبي اعمه ميشوف يمه جان راحت بنيتي هاي عين عماتج

بنين..يمة مابيه شي والله حبيبتي اني راح اصعد انام لين ناطيني مسكن الالم

ام عباس..صعدي امي صعدي

بنين..صعدت للغرفه مادري شلون راح اسبح دخلت للحمام سبحت شلون مجان غسلت الدم مال كصت عن وجهي وبدلت وطلعت شعري عفته هيج وتمدتت على الچربايه بس منمت ضليت شويه كاعده وراها نمت

محمد..دخلت للبيت جانت امي دتطبخ وتحجي ويا نفسها رحت من ورا حضنتها شبيها ملكة بيتنه

ام عباس..يمة محمد حبيبي خرعتني يوم

محمد..شبيج امي تحجين

ام عباس..اختك

عباس وحسين وابويه..شبيها اخته

ام عباس..همزين اجيتو يمه اليوم جان راحت اختكم

عباس..شلون يعني

ام عباس..يمه طالعه من البيت دتعبر الشارع اجتها سياره بيها وبين السياره شعرايه وهوا جان يسوق سريع اختكم نشمرت على الرصيف وهسه ايدها مكسوره وراسها مخيط سوده عليه

عباس..وينها هسه

ام عباس..بغرفتها

محمد..صعدنه كلنه ركض فتحنه الباب مال غرفه بنين جانت نايمه وراسها ملفوف وايدها مجبريها رحت يمها بستها من راسها وعباس باسها من ايدها ووحسين وابويه من خدها

بنين..فتحت عيوني شفتهم يمي بسم الله شكو

ابو عباس..ابويه انتي شلونج بنين

بنين..مابيه شي بابا حبيبي

عباس..معرفتي منو الي دعمج

بنين..لا الرجال اخذني للمستشفى وجبرو ايدي وخيطو راسي يعني معافني بل شارع

حسين..هيه العايزه يعوفج بل شارع

بنين..حجيت وياهم وطمنتهم اني زينه ضلو يمي بس بابا نزل هوا وحسين بقه عباس ومحمد حضنوني ثنينهم وصرت بنصهم

عباس..بنو شتريدين تاكلين اجيبلج من برا

بنين..حبيبي تسلم بس الدكتور يكول لازم سوائل يعني بس شوربه هفف

محمد..ههههه وانتي شكد تحبيها اللشوربه

بنين..هههه شنسوي نزلو يسوولي شوربه واني جنت صافنه باجر لازم اروح اخذ اجازه وزين عندي تقرير طبي جابولي شوربه وكلني عباس ومحمد يشربني المي ابتسمت اليل مر عليه بل كوه وجع براسي مينحمل شربت مسكن الم شويه وبديت انعس نمت ثاني يوم الصبح بدلت ونزلت شفتهم ديتريكون كعدت صباح الخير

لكل..صباح النور

ام عباس..امي ليش نزلتي حبيبتي هسه داصعدلج الريوك

بنين..لا امي حروح اخذ اجازه عباس وصلني

عباس..ماكو داعي بنو اني هسه جنت داكله الابويه اخذلج اجازه

بنين..لا اني اروح حتى اخذ كم شغله عندي بل مكتب

عباس..ماشي تريكي واخذي دوا ونروح

بنين..تريكت واخذت دوا وطلعنه رحنه للدائره دخلت ولكل يتحمدلي بل سلامه مجنت منتبه مرتضى موجود لو لا دخلت للغرفه مال عميد عامر ويايه عباس سمحلنه ندخل ودخلنه اخذت تحيه سيدي

العميد عامر..الحمدالله على سلامتج بنيتي بنين اليوم رايد اجيج

بنين..تسلم سيدي وميه هله بيك

العميد عامر..ناطيج اجازه اسبوع

بنين..اي سيدي هاي تقريري الطبي اجيت علمود الاجازه

العميد عامر..ويكولون ليش تحب بنين وتفضلها علينه بنيتي ناطيج جازه اني

بنين..تسلم سيدي تسمحلي اطلع اخذ كم غرض من مكتبي

العميد عامر..اخذي راحتج اني هم عندي موضوع ويا عباس

بنين..كمت اخذت تحيه وطلعت رحت للمكتب مالتي واكفه داخذ كم ملف حتى اخلصهن بل بيت نفتح الباب عبالي عباس اخويه حجيت واني دايره ضهري عباس انتضرني بس دقيتين اشوف هذني الملفات ونرجع مجاوب استغربت انداريت شفته مرتضى واكف ومربع ايده الصدره ويباوع عليه اهلا سيدي

مرتضى..مسويه حادث

بنين..اي وجيت اخذ اجازه تقدم عليه وكف كبالي

مرتضى..بعدج تحبيني

بنين..نعم

مرتضى..مشتاقلج

بنين..سيدي رجاءا اني كرست حياتي للشغل وبس عن اذنك اخذت الملفات وطلعت صح نسيته بس كل ماشوفه اشتاق السوالفه والحجيه بس لا هاهيه طلعت جانت ندى واكفه كبال المكتب مالتي صغرت عينها وفتحت باب المكتب درت ضهري ورحت لغرفه العميد دكيت الباب ودخلت سيدي تسمحلي اخذ كم ملف اخلصهن بل بيت

العميد عامر..اكيد اخذ بنيتي

عباس..يله سيدي نترخص

بنين..اخذنه تحيه وطلعنه لزمت عباس من عكس ايده جانت ندى ومرتضى واكفين يجادلون شفتهم مهتميت وطلعت رجعني للبيت وراح عباس للمركز دخلت بست ماما من خدها وصعدت الغرفتي خليت لملفات على الميز تواليت وبدلت ملابسي وضليت كاعده اتصفح بل تلفون عجبني ادخل على صفحه ندى دخلت جانت ناشره صورها واكو صوره من الصور جان مرتضى حاضنها من ضهرها وهيه لابسه فستان احمر دخلت على صفحته جان اخر صوره ناشره من يوم عرسه بل غلط دست اعجاب بل صوره وخرت الاعجاب بسرعه ماكو وراها بـ5دقايق دزلي رساله جان كاتب بيها

مرتضى..بنين جاوبيني

بنين..قريتها ومجاوبت ضليت اتصفح ضجت نزلت يم امي شفتها كاعده تلف دولمه كعدت يمها

ام عباس..ايهه ايهه يمه بنين شوكت اشوفج ابيت رجلج وتلفين دولمه

بنين..رحم الله والديج ماما لا اريد ازوج ولا الف دولمه

ام عباس..ولج يمه ابن خالتج خوش ولد ودكتور دقبلي بي

بنين..يمه ماريد اصلا ماطيق اسمه مو شكله بعدين اني مازوج امي شايله هاي الفكره من راسي

ام عباس..اوف اوف يايمه هم اريد اشوف جهالج

بنين..خلي نشوف جهال اخواني عود الله كريم

ام عباس..اوف يا عنوديه شوكت ناويه تخلصين من هل عناد ولج

بنين..ههه يمه رانيه بت خالتي شوكت تزوج مو علساس اكو واحد رايدها

ام عباس..ذيج نفس عقلج متقبل تزوج والله يايمه مدري شبيجن

بنين..نزلت راسي مابينه شي امي دك تلفوني باوعت طيبه جاوبت الو

طيبه..يا خاينه ولج تجين للدائره ومتمرين علينه

بنين..والله مجان الي خلك

طيبه..سوده عليه والله من عرفنه البارحه متنه خوف عليج

بنين..منو گلكم

طيبه..هاا رانيه كالت

بنين..ها اي والله هاي شنسوي الحمدالله

طيبه..حبيبي بنو خو مدتحسين بشي

بنين..لا مابيه طيبه حياتي

طيبه..حياتي اليوم احنه نجيكم

بنين..هله بيكم ختمت ويا طيبه وطلعت للحديقه مالتنه الجو حلو بارد كعدت على المرجوحه يسئل بعدني احبه هه جايني بعد ممات كلبي مستحيل اتنازل وارجعله بنين نسيتي شسوه بيج بعدين هوا مزوج صديقتج حتى لو اخذته منج بعد صار الها ميصير هيج يصير ضليت كاعده افكر المهم العصر اجوي اهل طيبه وتحمدولي بل سلامه ومر الاسبوع ايدي بعدها مموخره التجبر مالتها وحتى راسي بعده مخيط بس وخرت الفاف منها مر اسبوع ثاني وخرت التجبر مال ايدي بس راسي بعده مخيط رجعت اداوم طبيعي بيوم داقره بلملفات وندفعت الباب رفعت راسي شفتها ندى صايره عصبيه خير

ندى..تريدين تاخذين مرتضى مني هاا لج مو اني صديقتج هيج تسوين بيه لج ليش بنين ليش

بنين..باعي اني ماعندي سوالف خايسه مثلج اني ماخذ رجال يحب مرته ومزوج زين واذكري زين انتي اخذتي مني وعمي الف عافيه عليج وغلطانه روحي شوفي منو تريد تاخذه

ندى..لج ينفرني من وراج لج راد يضربني لين حجيت عليج شسويتله هاااا سحرتيي

بنين..لا اله الا الله شساحرته يمعوده طلعي عندي شغل روحي احجي ويا اني بل نسبه الي رجلج انتهى يمي تصدكين اذا كتلج كمت اكرهه كرهه العمه ويله طلعي برا

ندى..اني الج يا بنين اني الج

بنين..طلعت كمت وراها رحت المرتضى دكيت الباب ودخلت سيدي اني احترمك لين انت اعله رتبه مني بس ربيها المرتك اني متايهه الها تجي تدفر الباب وتدخل تحجي وعلى ساحرته الرجلي اني مالي دخل بيكم انتو بل نسبه الي ماضي وانتهى واني اعرف شصرف وياها رجعت للمكتب مالتي وكتبت تقرير على ندى وكمت اقدمها للعميد عامر فتحت الباب وصار كبالي

لكل حكايا بقايا.💋♥️

صباح الخير اخوان عذروني البارحه جنت مشغوله حيلللل بحيث مكدرت الزم الفون😴😴

كولولهم

وداعة سواد كلوبهم

مـاحـن بعـد لـوجـوهـم💔

(〜￣△￣)〜

بنين..داطلع واني عصبيه صار العميد عامر وندى كبالي ضليت صافنه وهيه ورا دخل العميد عامر كعد على الميز مالتي واني كعدت على الكرسي وهيه كبالي صارت حجه العميد

العميد عامر..بنين شنو هل حجي الي سمعته

بنين..يا حجي سيدي

العميد عامر..شنو تريدين تاخدين مرتضى من ندى شنو صايره بينكم علاقه وشنو المراسلات

بنين..سيدي انت تعرفني كلش زين اني ماعندي هيج سوالف والنقيب مرتضى مثل اخويه ورأيسي بل شغل ماسويها سيدي هاي تقرير بلي سوته ويايه ملازم ندى اليوم داحجي نفتح الباب ودخل مرتضى ورانيه وطيبه

ندى..سيدي هاي حتى مرتضى هم هنا وسئله

العميد عامر..مرتضى صدك بنين ادزلك رسايل وصاير بينكم علاقه

مرتضى..سيدي ماكو هيج حجي يا علاقه تصير وملازم بنين اليوم داومت

ندى..كذب والله كذب هوا يحبها وهيه تحبه

رانيه..سيدي والله ندى كذابه وتحب تسوي مشاكل

بنين..سيدي نقيب مرتضى اخويه وماعندي شي ويا وحتى ترتاح ندى راح اكتب استقالتي ونشالله اليوم تلكاها على مكتبك

العميد عامر..ميحتاج بنين اني ادري بلي صار وياج اليوم لين طيبه حجتلي ندى الي تريدي من بنين شنو

ندى..اذب استقالتها وتطلع من الدائره

طيبه..ليش اضاهر الدائره مسجله بأسمج واحنه مندري سيدي صدكني والله العضيم ندى هيه الي تتحارش ابنين ودائما تسمعها كلام على تريدين تاخذين زوجي مني وهيه بنين ممهمته اله

بنين..حجت طيبه رفعت راسي عليها خزرتها وهيه غمزتلي باوعت على مرتضى باوع عليه وخزرني درت وجهي سيدي اني ماعندي شي وياهم

العميد عامر..ندى بعد مالج دخل ابنين مفهوم واذا سمعت خبر مسمعتها حجايه صدكيني افصلج واكبر واسطه مترجعج عندي زينننننن ويله گلكم برا

بنين..طلعو كلهم كمت داطلع بس صاحني العميد

العميد عامر..بنين بنيتي اني عندي ثقه بيج واجيت وياها حتى اشوف شتريد منج واذا تريدين تستقيلين راح ارفض استقالتج انتي موضفه مجتهده وممتازه لتخليها تأثر عليج وبلنسبه للتقرير راح اخلي لحد هسه صار تقارير ثنين عليها يصيرن بعد ثنين افصلها زين بنيتي

بنين..صار سيدي كام ديطلع مشكور سيدي

العميد عامر..ادللي بنيتي

بنين..شكد حباب يربي احسن عميد بل دنيا والله يعاملنه مثل بناته ويحبنه حيل وعادل ميقبل بل غلط كعدت على المكتب مالتي وكملت شغلي جانت دااقره قيود تابعه لدائرة الجوازات خلصت نص وقعتهن وبقن نص خلص الدوام وتعبت حيل طلعت من الدائره جانت رانيه تنتضرني صعدت وياها وطيبه جانت ويانه

رانيه..شفتي هاي ندى الحقيره تريدج اذبين استقاله مو انتي تشتغلين بدائره ابوها الخايس الي مرباها

بنين..يمعوده عبري اهمشي العميد عامر عنده ثقه بيه

رانيه..حبيبتي شلون صار راسج

بنين..بليل من اريد انام يصير راسي يوجعني بس هسه لا وجع خفيف

رانيه..شوكت تفتحين الخياط

بنين..بعد اسبوعين

رانيه..سوده عليه

بنين..خلي نتغده بل منصور نفس المطعم

رانيه..يله

بنين..رحنه للمنصور تفس المطعم الي شفنه بي ندى ومرتضى دخلنه كعدنه وصينه اكل ورانيه مستمره تحجي على ندى

رانيه..شلون فورت دمي ولنبي ردت اكتلها لو ما عيب من العميد عامر

طيبه..دخلي تولي هاي لمكفخه

بنين..هههه لج بتي والله انسيها صارلي كم سنه عايشه بعذاب بسببها تعودت على خبالها

رانيه..بس مو هيج تسوي بمكان شغلنه لج هاي جانت تريد تسويلج فضيحه

بنين..عدكم ثقه بيه شسوي خلي تسوي مو كافي حطمتني شتريد مني بعد سكتنه اجه الاكل اكلنه من بعيد المحت مرتضى ويا ثنين ولد جايين النفس المطعم اذكرت من جابها وجه وشلون سوالها عيد ميلاد درت وجهي وضليت اكل واسولف ويا رانيه

رانيه..بنو باجر اذا خلصتي القيود مااتج ناخذه للجوازات اني وياج وطيبه لين اني وطيبه هم عدنه قيود تابعه الهم

بنين..ماشي باعي بس العميد عامر ميقبل نروح ابحده راح يدز رائد سلام ويانه

رانيه..هله حبيب كلبي راح يجي يمه

بنين..رانيه اذا تحبي ليش متعترفين اله وتجربين حضج

رانيه..لج مزوج يحضي

بنين..شمدريج مزوج ها شمدريج

رانيه.. لابس حلقه الي لابس حلقه شنو مو مزوج

طيبه..جوز هيج لابسها

بنين..باعي جربي وشوفي حضج باجر روحي انتي ويا واني وطيبه نجي وياكم من نوصل ناخذ القيود وانتي ابقي

طيبه.. اي اي خوش فكره

رانيه..لا اخاف

بنين..باعي جربي ولازم تقوين كلبج وتجربين

طيبه..باعي هسه كلنه عدنه تجارب بحياتنه انتي جربي هاي المره والرائد سلام خوش رجال وحباب كلش عكس مرتضى واحمد جانو يطلبون منه شغلات محلو بس احنه حافضنه على نفسنه وحضرناهم

رانيه..واذا كال اني مزوج واحب مرتي

طيبه..كوليله الله يسعدك وعوفي ورجعي يمنه

رانيه..ماشي بس يارب ماتفشل

بنين..خلصنه اكل دفعنه الحساب وطلعنه للبيت رحنه سلمت جانو موجوين الكل صعدت بدلت ونمت ودعيت الرانيه من كل كلبي خطيه تحبه يارب خلي قدرها احله من قدرنه اني وطيبه وخلي لي تحبه يبادلها نفس الشعور بيومها نمت من التعب مكعدت غير ثاني يوم بدلت لبست العسكري مالتي الشتوي يعني ويا قمصله من ضمن البدله العسكريه وسويت شعري ضفيره وولبست البيريه الحمره والبست الكرب مال سلاح وخليت السلاح بي ونزلت صباح الخير

ابو عباس..يا هله بهيبتي صباح النور يابه

بنين..ههه بست بابا من ايده وراسه وكعدت اتريك

عباس..اليوم رايحه للجوازات بنو

بنين..بس لو اعرف مين تعوف هاي الاخبار جان رتاحيت

عباس..هههههه

محمد..عنده استخبارات بنو

حسين..مراقب لوضعيه عباس

بنين..هههه اي عباس حروح للجوازات اليوم والعميد عامر ميقبل نروح بحدنه راح يدز ويانه رائد سلام

عباس..والله العميد عامر مدللكم ويخاف عليكم

بنين..ترا العميد عامر يحب كل لي يتشغلون ويا انسان عادل ميحب الضلم ودائما الي والرنيه وطيبه يصيحلنه بناتي نحبه

عباس..خوش عميد والله

بنين..اي والله المهم هسه اني خلصت راح اطلع عباس اذا خلصت شغل اليوم عازمتك اني

عباس..بمناسبه شنو

بنين..هيج ماكو مناسبه اخت وعزمت اخوها بيها شي

عباس..هههه لا مابيه

بنين..ادزلك اسم المطعم وتعال ماشي حبيبي

عباس..ماشي بنو يله اوصلج

ابو عباس..يردلج سياره بنو

بنين..خلي من راتبي اشتري سياره بابا بوستهم وطلعت وصلني عباس للدائره دخلت جان العميد عامر مسوي اجتماع واني متأخره ثواني دخلت بسرعه للغرفه مال اجتماعات شفتهم كلهم كاعدين كعدت بين رانيه وطيبه واني الهث من التعب باوعت جان كبالي مرتضى وندى استغفرالله نداريت على رانيه شفتها خاله حمره وردي شويه فاتح ومسكاره وكحله طالعه تخبل شهل جمال يحلو

رانيه..هههههه ترا استحي لج

بنين..هههه دخل العميد عامر باوع عليه وابتسم

العميد عامر..متأخره ثواني ملازم بنين

بنين..سيدي جان الطريق ازدحام كوه وصلت عباس وصلني

العميد عامر..ادري ازدحام داشاقه وياج

بنين..ابتسمت يربي والله محبوب هل عميد

العميد عامر..يالله صباح الخير

لكل..صباح النور

العميد عامر..اليوم سوينه هذا الاجتماع اريد اوضح بي كم نقطه مهمه بعض الضباط نسوها عدنه النقطه الاولى احنه هنا بمجال عمل مو بمجال مشاعر ورومانسيه النقطه الثاني بعض الضابطات من البنات تتهجم على زميلتها وتتهمها بشغلات غير لائق وهذا لاصار قبل ولا راح اسمح يصير هسه بنين وطيبه ورانيه المكتبكم خلصو القيود ونزلو رائد سلام ياخذكم

طيبه ورانيه وبنين..امرك سيدي طلعنه احنه ورحنه للمكتب مالتنه والعميد باقي يحجي وياهم

بنين..تقريبا ساعه ونص خلصت القيود كلهن وقعتهن وختمتهن اخذتهن للعميد عامر بغرفه لاجمتاعات لين عنده شغل وياهم واني جنت مستعجله ولازم يتوقعن منه سيدي بس وقعهن

العميد عامر..هههههه جيبيهن قبل شويه سبقنج رانيه وطيبه ونزلن

بنين..مو سيدي اكو ملف من الملفات ويا القيود من ملفات للضباط الحدث خربطت بيهن ورجعت عدتهن وهسه خلصت

العميد عامر..اي صح بنين انتي بس سلمي لقيود للدائره ورجعي لين انتي ونقيب مرتضى عدكم روحه للكليه حتى اتابعون الضباط الحدث

بنين..باوعت على النقيب مرتضى ماريد اروح وكرهت الروحه كلها بس مااكدر احجي امرك سيدي وقعلي لقيود ونزلت ركض لكيتهم ينتضرونه صعدنه كله بسياره الرائد سلام وطلعنه كعدنه رانيه ليكدام وهيه ميته خجل واني وطيبه خربانين ضحك عليها عاد الطريق كله نسولف ويا الرائد سلام خوش انسان وصلنه للدائر اخذت القيود من رانيه انتي ابقي هنا اني اسلهمن واجيج ولتصيرين فاهيه

رانيه..بنين ماريد بطلت

طيبه..نجبي ويله تشجعي شويه

بنين..دتحجي عفناها ومشينه دخلنه لدائرة الجوازات وجانت كتل العالم دطلع جوازاتها رحنه الغرفه المدير جان كاعد مفوض يم الباب راويته الباج مالتي

المفوض..سيدي دقايق وتفوتون للعقيد

بنين..تمام ضلينه شويه كاعدين ودخلنه للعقيد اخذنه تحيه اني وطيبه

العقيد..هله ابنات العميد عامر

بنين..ابتسمنه اني وطيبه سيدي القيود التابعه الكم جاهزه

العقيد..ماشي ملازم بنين شكد ميحجي بيج عامر صار فضول اشوفج احسنتي اني احب الموضف المجتهد واريد احجي ويا عامر وانقلج يمنه

بنين..ابتسمت تسلم سيدي

العقيد..وطبعا طيبه هم مجتهده وشاطره بوضيفتها نيال عامر عليكم

طيبه..تسلم سيدي

بنين..ضلينه شويه وطلعنه

طيبه..يارب رانيه الفاهيه صار براسها خير وعترفت

بنين..بلكت البارحه ليل كله ادعيلها

طيبه..بنين باعي هذا مو احمد(حبيبها)

بنين..انداريت شفته اي هوا احمد

طيبه..ويععع شكد كرهته اني وين عقلي من حبيته جنه قرد يبوووو باعي خشمه

بنين..ههههه هاي لين كرهتي هيج تحجين باعي طلعنه من بعيد شفت الرائد سلام يبتسم ويباوع على رانيه وهيه خجلانه لجج طيبه باعي عزااا ياربب بلكت ضبطت

طيبه..باعي خلي نتأخر خطيه

بنين..ماشي رجعنه بحجه نريد مي اشترينه مي وشربنه وضلينه نسولف لحد مأجه الرائد سلام ورانيه لازمها من ايدها وهيه فرحانه شفناهم اني ورانيه ابتسمنه

رائد سلام..احم اني رايح للعقيد رانيه يمكم هاي بصمه السيارة اكعدن بيها

بنين..حضار سيدي طلعنه كعدنه بل سياره

طيبه..رانيه رانيه احجي

بنين..دحجيي

رانيه..ولجن طلع ممزوج هيج لابسها باعن مو رحتن انتن اني ضليت ساكته شويه وميته خجل كتله سيدي سؤال

الرائد سلام..جواب

رانيه بهمس..انت مزوج

رائد سلام..عيد شنو مسمعت

رانيه..انت مزوج

رائد سلام..هههههههههه لا ممزوج

رانيه..لعد ليش لابس حلقه

رائد سلام..دانتضرج تحنين عليه

رانيه..ضليت صافنه عليه بب ب بس يعني شنو

رائد سلام..اني هم احبج رانيه

رانيه..ها يعني هوا منو كلك

رائد سلام..هههه باعي من جنتي بل كليه اعرف بيج تحبيني مرا سمعتج تكولين لبنين احبه بس هوا مزوج ومن ذاك اليوم لحد هل ليوم انتضرج تحجين

رانيه..واذا تعرف اني احبك ليش مجيت واعترفتلي

رائد سلام..سئلت ندى كالت نخطبت رأسا سحبت نفسي منج

رانيه..نزلت دموعي لا والله منخطبت اني احبك من جنت بل كليه واخاف اعترفلك لين ندى كالت مزوج

رائد سلام..لا ممزوج بس راح ازوج

رانيه..ها تزوج

رائد سلام..اي هاهيه بعد صرت شايب

رانيه..خنكتني العبره وحجيت مبروك نزلت راسي حسيت ايده صارت على خدي رفعت راسي عليه واني عيوني متروسه دمع

رائد سلام..تزوجيني

رانيه..ها

رائد سلام..تزوجيني باعي فكري اليوم وباجر اجي للدائره اسمع الجواب منج والجمعه اجيب اهلي ورا الخطوبه عود نبدي اعرفج وتعرفيني زين

رانيه..ااا يعني اي خوش

رائد سلام..اروح اشوف ذني الشيطانات وين صارن

رانيه..هههههه لا والله حبابات هنه شجعني احجي

رائد سلام..الهن هديه مني

رانيه..وجيناكم وهذا الصار

طيبه..ياااايييي حبيبتي رانيه مبرررروك يروحي

بنين..عمرييي انتي مبروك

رانيه..حبيباتي الله يبارك بيجن وهاي ندى اني اعلمها

بنين..اجه الرائد سلام صعد واحنه فد خجلانين منه رجعنه للدائره والطريق كله الازم ايد رانيه نزلت اشكرنه منه ودخلنه للدائره ورحنه الغرفه العميد عامر سيدي سلمنه القيود

العميد عامر..خابرني العقيد حسن بنين بنيتي النقيب مرتضى ينتضرج برا حتى تروحون للكليه مال ضباط الحدث وطيبه انتي ورانيه رجعن لمكتبكم

بنين..عن اذنك سيدي طلعت ونزلت لكيته ينتضرني صعدت بل سياره وطلعنه بل طريق خابرت عباس الو حبيبي

عباس..هله بكمر ال رياض

بنين..هههه عمري باوع ترا راح اتأخر شويه عن الموعد مالتنه

عباس..واني هم طالع حروح للكليه مال لضباط الحدث

بنين..ايي حبيبي واني رايحه هناك لعد نلتقي حتى نروح جر من ايد التلفون وخلا على اذانه ومادري عباس شحجه وهذا عيونه صارت بكصته جريت منه لتلفون جان عباس ساده باوعت عليه صدك تحجي

مرتضى..صاير غيري يصيحلج بنيتي

بنين..شعليك انت مو ازوجت اني هم عشت حياتي مالك دخل

مرتضى..هيج بسرعه نسيتي ايامنه

بنين..مثل ما انت نسيتهن اني نسيتهن وصارن ماضي بس ماضي تعيس

مرتضى..لهل درجه كرهتيني

بنين..واكثر ضليت كاعده وهوا عصبي وصلنه للكليه طبك سيارته بل كاراج وحصرني ورا الكراج سيدي ممكن تبعد عني

مرتضى..شتاقيت لكل يوم من ايامنه شتاقيت الضحكتج والسوالفج ولكلشي بيج بنين

بنين..كرهت كل يوم من ايامنه دفعتة من صدره داروح جرني من ايدي

لكل حكايا بقايا💋🙂

احبكم💋

يجي يوم وترد تجمع

شكو مكتوب شگيته

وترد تندم على كل ثوب

عفته وما أشتميته

وتبچي ومَحـد يشوفك

وحتى چفوفك تعوفك

وترد ندمان بس بعديش ؟

باب عيوني سديته .

(ღ˘⌣˘ღ)

مرتضى..انتي بعدجج تحبيني ومستحيل يجي يوم واشوفج تحبين غيري

بنين..عن اذنك عفته ومشيت وصلت للكليه العسكريه اجه هوا دخلنه للعميد جان عباس كاعد اخذت تحيه

عميد الكليه..يا هله بلملازم بنين

بنين..هله بيك سيدي

عباس..سيدي هاي اخر العنكود

عميد الكليه..اشطر طالبه جانت عندي

بنين..تسلم سيدي

عباس..اي سياده الملازم امشي نطلع نشوف التدريب

بنين..اخذت تحيه واني ابتسم امرك سيدي

عباس..ههههه

بنين..طلعنه اني وعباس ومرتضى كعدت اكتب تقارير حتى اسلمها للعميد عامر تقريبا اني ساعده اكتب تقارير عنهم لحد مخلصت عباس ومرتضى جانو مشرفين على التدريب مالتهم خلصنه دنطلع عباس اجي وياك

عباس..يله حبيبي

بنين..صعدت ويا عباس حتى منتبهت على مرتضى طلعنه للدائره وهوا قبلنه جان واصل صعدنه تلاثتنه للعميد عامر سلمته التقارير سيدي لتقارير جاهزه

العميد عامر..احسنتي بنين

بنين..اخذت تحيه وطلعت بقه عباس ومرتضى هم العميد اخذت شغلاتي من المكتب وطلعت ويا طلعتي طلع عباس لزمته من عكس ايده يله عيني نروح لعزومتي

عباس..هههه يله

بنين..طلعنه للمطعم نفسه مالتنه لي دائما ناكل بي كعدنه اني وعباس وصينه اكل عباس اني ادفع

عباس..خوش

بنين..لاا حباب اني ادفع

عباس..هههه مره الثانيه انتي

بنين..لا مره الثانيه انت ادفع ضلينه نسولف اجه الاكل وضلينه ناكل

عباس..ايي بنين كلهم يتمنون تشتغلين وياهم

بنين..ايي لين اني مواضبه ههه

عباس..هههههه لا لج والله كلها تريدج واعيه وتفتهمين اكثر من الكل

بنين..اي ادري والله باوع خليتك تفتخر بيه

عباس..اي فخور بيج بنو بس مجنت رايدج تكملين هاي الكليه لين مال ولد

بنين..بس صرت بيها وكسبت ثقه الكل

عباس..عفيه عليج

بنين..ابتسمت خلصنه اكل وبل كوه اني دفعت طلعنه من المطعم ورحنه للبيت دخلت سلمت وصعدت لغرفتي لين تعبانه حيل

رانيه..رجعت للبيت جنت تعبانه ونعسانه اريد انام دخلت لغرفتي سبحت وبدلت هستوني جيت انام دك تلفوني جاوبت بدون ما باوع لين اعرف هيج وكت بس طيبه لو بنين يخابرني الو طيبه لو بنين

رائد سلام.. لا سندس عيوني

رانيه..وخرت الجهاز من اذاني وقريت الاسم غميت كصتي اللله يطيححح حضج رانيه الى متى تبقين ثولههه حجيت بصوت

رائد سلام..هيووو ماسمحلج تحجين على الثوله مالتي

رانيه..ها يعني اني ثوله

رائد سلام..لا بويه حضي خرا رنو

رانيه..عيونها

رائد سلام..شلونج

رانيه..اذا انت بخير اني بخير

رائد سلام..احم جيت احجي وياج

رانيه..ها عيوني

رائد سلام..الجمعه خطوبتي

رانيه..شنو

رائد سلام..شنو شنو الجمعه خطوبتي معزومه

رانيه..واني

رائد سلام..ماكو قسمه بينه الجمعه ساعه 4حبيت اكلج

رانيه..سده حتى بدون مااكمل كعدت بل كاع واني بيدي التلفون وكلامه يرن براسي خطوبتي الجمعه زين واني مو احبه زين اذا ماكو قسمه بينه ليش نطاني امل ليش عيشني بكذبه مااعرف شسوي بس ضليت ابجي احس حيلي نهد مالي قدره ع شي يعني بس اتخيل سلام يكعد ويضحك ويشاقه ويتغزل مو وويا غيري لاا لاا يارب نشاالله حلم يارب يارب حلم والله مااتحمل يعوفني عليمن ادك بنين ماعندي غيرها بس هيه

بنين..نايمه ودك تلفوني باوعت رانيه مااكدر حتى افتح عيوني عفته يدوك بس من ضلت تلح جاوبت الو ها رنو

رانيه..لج بنين لحكيلي

بنين..كمت من الفراش شكو

رانيه..مدااكدر احجي سس سسلام

بنين..رانيه مدافهم شي باعي كافي بجي وفهميني شكو

رانيه..سس سلام لجج سلام خطوبته الجمعه

بنين..ايي مبروك يختي على شنو دتبجين خطوبتكم وراح تصير الجمعه شكو مكعدتني من نومي

رانيه..لج بنين اصحي ويايه خرب بي الحضي لججج سلاممم راح يخطب غيري لج امده حضي لج والله حبيته ليش هيج يسوي بيه ليش

بنين..سكتت جايتج رانيه جايتي سديته كمت بدلت ملابسي وخليت محمد يوصلني وصلت لبيت خالتي ونزلت دكيت الباب وطلعتلي خالتي سلمت عليها ودخلت كبل صعدت الرانيه دكيت الباب مرتين يله فتحته اول مفتحت الباب جان وجهه مخرمش واحمر شعرها مخربط مبين داكه ولاطمه دخلت يمها هيه كبل حضنتني وضلت تبجي رانيه حبيبي كافي

رانيه..بنين راح يعيش ويا غيري راح ياكل ويشرب ويا غيري راح يكعد وينام ويا غيري راح يضحك ويشاقه ويا غيري لج هذا حبيبي هذا كل دنيتي ليش يروح مني ها اريده بنين والله مستعده اتوسل بي ليل ونهار بس ليعوفني والله اموت بدونه بنين والله اموت

بنين..نزلت دموعي عليها قبل سنه والله جنت اتعس من حالتها اخذت ملابسها ونزلتها جانو اهلها ملتهين بل سوالف ويا محمد كعدتها بل سياره ودخلت يم خالتي خاله راح اخذ رانيه يمي

خاله ام رانيه..ليش يمه

بنين..خاله مو عدنه تدريبات وتقارير مشتركه اني ورانيه ولازم نخلصها لين هوايه

خاله ام رانيه..ماشي يوم

بنين..يله محمد طلعنه محمد بل طريق سئل رانيه

محمد..رانيه شبيج

رانيه..مابيه محمد تعبانه

محمد..هاي منو هيج مخرمش وجهج وليش تبجين

بنين..مابيها شي محمد شويه نفسيتها تعبانه باوعت عليه مقتنع ديحجي اشرتله بعدين وصلنه لبيتنه وصعدت كبل لغرفتي

ام عباس..شبيها رانيه يمه

بنين..بل شغل صارتلها مشكله ماما

ام عباس..يا ستار يوم

بنين..اني صاعده يمها ماما صعدت يمها شفتها نايمه وحاضنه رجلها لصدرها وتبجي كعدت يمها تدرين رانيه اني قبل سنه هيج جانت حالتي من مرتضى خطب ندى بس اني وحيده وحبي اله من الثاني متوسط يعني صارله حب مرتضى ويايه 10سنين 10سنين واني بعذاب من اشوفه وياها من اشوفه يضحك ويشاقه واكول هوا الي مالتي مو مالتها بس بل حقيقه هوا مالتها زوجها وابو بيتها دائما اباوع عليه واكول اني حضي هيج بس رانيه هوا متمسك بيه باعني وراحلها حبها الها نطاها الي مكدرت اني اخذه منه نطاها كلبه نطاها حياته وكمل وياها نص دينه عفته وكملت حياتي مثل ما هوا كمل حياته باعيني صدكي بالله رانيه راح تكرهي من تشوفي ويا غيرج لين متمسك بيج ولا حارب علمودج ولا رادج ادري صعبه وحيل صعبه هم شخص تحبي وتنطي كلبج وبسهوله يكسره بس هاي حضنه يبت خالتي حضنه هيج والله كاتبلنه هيج نعيش

رانيه..والله بنين جنت مستعده اعيش ويا على المره قبل الحلوه لين احبه بنين ليش هيج سوه ويايه يعني شسويت اله اني قدملته حبي ونطيته كلبي ليش كدام نفسي حسيت نفسي رخيصه عافني وراح خطب ومن كتله واني يكول مالنه قسمه سويه بنين شسوي نار والله نار بكلبي حرام هذا يصير مالتي حبيبي وكل دنيتي ليش يعيش ويا غيري اريده بنين مااكدر بدونه اذا ماشوفه يوميه احس اموت مالتي حلالي والله حلالي يخطب غيري ليش

بنين..سوده عليه يبت خالتي والله ادري جنت بمكانج اني قبل سنه كرهت حتى الدنيا بس هاي شسوي كملت حياتي مراح اكدر ارجعه الي ولا نفسي تتقبله بعد معافني وازوج صديقتي ضليت يمها لحد منامت وهيه تشهك حسيت بذنب لين اني خليتها تعترفله اني بسببي صارلها امل انو هيه وسلام يعيشون سويه ضليت يمها حتى منزلت اكلت ثاني يوم الصبح شفتها كاعده وصافنه على السكف صباح الخير رنو

رانيه..صباح النور

بنين..رجعي نامي اليوم اخذلج اجازه

رانيه..شسوي ابقه بل بيت بنين اموت اذا اضل خلي اروح للدوام احس

بنين..ماشي كمت سبحت وبدلت لبست العسكري ورانيه بدلت لبست البيريه ونزلت هيه قبلي نزلت صبحت عليهم وكعدت اكل شويه اباوع رانيه بس ساكته

عباس..شبيج رانيه

بنين..باوعت على رانيه عيونها دمعت ونزلت راسها مثلي جنت من اقل احجايه اتحسس وابجي عباس باوع عليه

عباس..شبيها بنين

بنين..مابيها شي عباس بس شويه تعبانه

عباس..ماشي كملتن حتى اوصلجن

بنين..اي يله رنو طلعنه اني ورانيه وصلنه للدائره نزلت هيه

عباس..اوكفي بنين شبيها

بنين..حالتها النفسيه حيل تعبانه واني جبتها يمنه لين هناك خاف تسوي بنفسها شي

عباس..خوش باعي حبيبي من تخلصين شغل تلكيني واكفلج هنا ماشي

بنين..ماشي حبيبي نزلت ورا رانيه ركض دخلت للدائره صارت طيبه كبالي

طيبه..بنين شبيها رانيه

بنين..لج طيبه اني وياج شسوينه

طيبه..بس فهميني شكو

بنين..سلام راح يخطب الجمعه راح يخطب غير رانيه ومن البارحه لليوم دك ولطم وبجي جبتها لبيتنه خاف تسوي بنفسها شي وتروح مني بت خالتي تدرين والله احس الذنب موتني عليها طيبه شلون

طيبه..دقيقه اكو انه بل موضوع شلون راح يزوج عليها وهوا طلب ايدها للزواج بل سياره

بنين..مو كلتله كلها ماكو قسمه بينه

طيبه..مادري والله يا بنين صدك حسيت بذنب

بنين..باعي خلي نروح هسه وكل شويه نمر عليها خاف تسوي شي بنفسها

طيبه..لا رانيه واعيه متسوي شي بنفسها وخصوصا هنا مكان شغلها

بنين..حتى لو كلشي يصير

طيبه..اوك تماك

بنين..رحت للمكتب مالتي دخلت كعدت واني دايخه بسالفه رانيه شلون يزوج غيرها وهوا طلب ايدها بس هوا كلها ماكو قسمه بنيه هفف يارب ضليت بل مكتب مالتي اشتغل على اوراق ندك الباب ادخل جنت مدنكه داوقع رفعت راسي شفته رائد سلام كمت اخذت تحيه

رائد سلام..بنين جايج بسالفه

بنين..سيدي من رخصتك ماكو كل سالفه بينه رانيه بسببك البارحه دكت والطمت وبجت ودعت على نفسها ونامت ليش سيدي مو هيه سلمتك كلبها

رائد سلام..دسمعي باعي الجمعه راح اجي الاهل رانيه واخطبها منهم وكتلها غيرج اريدها مفاجئه الها انتي بهاي الايام ابقي يمها

بنين..شش شنو تخطبها مو علساس تريد تخطب غيرها

رائد سلام..شلون اخطب غيرها واني احبها وكايللها مااخذ غيرج ولا غيرج تصير ام بيتي وجهالي

بنين..ههههه سيدي والله اني وطيبه ردنه حتى ندعي عليك

رائد سلام..هههه بنين شلونها بنيتي

بنين..اذكرت مرتضى من يصيحلي بنيتي نزلت راسي سيدي شويه تعبانه وتبجي بس اني يمها

رائد سلام..لتخليها تبجي

بنين..تدلل سيدي

رائد سلام..يله اني رايح عينج عليها امانه يمج

بنين..بعيني اخليها هيه غير بنت خالتي طلع الرائد سلام واني انتجيت على ضهري وضليت ابتسم يارب اجبر بخت رانيه لين والله هيه تستاهل كل الخير نفتح الباب ودخل مرتضى

مرتضى..اريد تقرير عن الجناسي وينهن

بنين..يم ملازم ندى سيدي اني سلمتهن للنقيب علي

مرتضى..امشي ويايه نروحلها التقارير مهمه

بنين..طلعنه اني ويا رحنه الغرفه ندى هوا فتح الباب ودخل من دخلنه جان اكو شخص غريب يمها وديضحكون ولازم ايدها بس دخلنه فزو ثنينهم ضليت صافنه عليها

ندى..احم م مرر مرتضى

مرتضى..شنو الي شفته قبل شويه

ندى..شنو اشفت

مرتضى..منو هذا

ندى..كك كرايبنه

مرتضى..ندددى

بنين..سيدي عن اذنك دخلت اخذت التقارير ونطيتها اله اني شغلي خلص عن اذنك عفته وطلعت مالي دخل بمشاكلهم العائليه رحت الرانيه شفتها صافنه كعدت يمها رانيه حبيبي

رانيه..بنين تعبانه

بنين..سوده عليه يروحي انتي

رانيه..اريد اروح السلام احجي ويا

بنين..سلام ماخذ اجازه اسبوع مموجود

رانيه..شمدريج

بنين..طيبه كالت

رانيه..ديجهز لخطبته بهذا الاسبوع اوف يمه

بنين..عوفي بعد رانيه تتعودين والله هذا مرتضى حتى مداطيق كلمه منه بعد مجنت ميته بي حبيبتي

رانيه..حلو الحجي بس الفعل صعب ياريت اني صدك مثلج قويه بنين انتي اجاوزتي حبج

بنين..بس بعديش راحت 10سنين من عمري متوسطه واعداديه وكليه وهسه بل دائره اني شوكت بديت اكرهه مرتضى قبل سنه بديت اكرهه رانيه الانسان من كثر الخذلان كلبه يتحطم فا اني من كثر الخذلان كلبي انتهى باعي خلي عندج امل 1%

رانيه..مادري والله مادري ااوووف ربي لتختبرني هيج اختبار فدوه يارب

بنين..ضليت يم رانيه واجتي طيبه هم وضلينه نحجي وياها ونواسيها دنحجي ودخل السكرتير مال العميد عامر

السكرتير..سيدي العميد عامر يريدج

طيبه..اني لو بنين

السكرتير..لا الملازم بنين

بنين..كمت وغمزت الطيبه طلعت لغرفه العميد عامر جان مرتضى وندى موجودين اخذت تحيه نعم سيدي

العميد عامر..تعالي بنين

بنين..تقدمت اشرلي اكعد كعدت

العميد عامر..احجيلي الي شفتي بغرفه ندى

بنين..سيدي ممكن احجي اني مالي دخل بمشاكلهم العائليه عدهم بيت واهل يحلون مشاكلهم

العميد عامر..ادري عدهم بيت بس اريد اعرف الي شفتي يعني اريد اخذ افاتج

بنين..مشفت شي بس جان يمها شخص ماعرفه وديضحكون

العميد عامر..وليش رحتي

بنين..النقيب مرتضى جان يريد التقارير التابعه للجناسي واني سلمتها للنقيب علي وسلمها الندى كتله يم ندى كال تعالي ويايه لين تقارير مهمه واريدها رحت ويا بدون ميدك الباب النقيب مرتضى دخل وهذا الصار

العميد عامر..هاهيه بنيتي تكدرين تروحين

بنيت..كمت اخذت تحيه وطلعت هسه اني شوكت اخلص من مرتضى وندى شوكت احسن شي اكتب استقالتي واطلع تعبت منهم رحت للمكتب مال رانيه واخذت ورقه بيضه وكتبت استقالتي ورحت الغرفه العميد عامر دكيت الباب ودخلت جانو بعدهم موجودين خليت الورقه كدام العميد

لكل حكايا بقايا🤝♥️

اخوان بدينكم ادعولي انجح ترا النفسيه زفتيشن

‏طاحن اعشوش العمر

شيفيد غصنك بعد

ماتن عصافيري

(¬_¬)

العميد عامر..شنو هاي بنين

بنين..سيدي استقالتي

العميد عامر..بنين بنيتي انتي مالج دخل بهاي السالفه

بنين..سيدي ندى تريدني استقيل حتى تكف مشاكلها ويايه واني صدك تعبت من المشاكل مالتها

العميد عامر..بنين استقالتج مرفوضه وانتي هنا ويايه بل دائره موضفه وكل الدوائر تتمنه وحده مثلج مستحيل افرط بيج

بنين..بس سيدي

العميد عامر..بعدين عندي حجي وياج انتي وطيبه

بنين..امرك سيدي طلعت رحت لمكتبتي وكعدت هففف هسه لو اقلها انقل منا خلص الدوام وطلعنه اني ورانيه وطيبه والعميد عامر جان عباس ينتضرنه بل سياره بل شارع

العميد عامر..امشو للمطعم عندي سالفه وياكم

عباس..ماشي سيدي

بنين..صعدنه اني ورانيه ويا عباس وطيبه ويا العميد عامر وطلعنه للمطعم نزلنه كعدنه والعالم صافنه علينه لين كلنه لابسين عسكري كعدنه على ميز رانيه راحت تغسل

العميد عامر..سمعوني الرائد سلام الجمعه راح يخطب رانيه بس ميريدها تعرف وحجالي اليه لين ابو مستشهد الله يرحمه اني اروح اخطبله

طيبه..يسس ههه يارببب يتممها على خيرر

بنين..ههه يارب اتم على خير ويجبر بختها

عباس..سلام خوش سلام ورانيه فقيره وفطيره

العميد عامر..لعد ليش اني فرحان الهم لين اثنينهم فقره ويستاهلون كل الخير

طيبه..اي بابا هسه عادي اهنا اصيحلك بابا

العميد عامر..ههههه عادي ابويه

طيبه..هسه انت صرت من طرف العريس بس اني من طرف العروسه ترا

العميد عامر..هههه مخبله

بنين..ايي طيبه انتي ويانه من طرفنه حتى نصير متساوين ههههه اجتي رانيه وكلنه سكتنه طلبنه اكل وضلينه نسولف

العميد عامر..اي بنين هسه نجص السالفه ندى ومرتضى

بنين..اي سيدي

العميد عامر..مرتضى يحجيلي كلشي ويعتبرني ابو الثاني انتو گلكم تحجولي شيصير وياكم وكل ورطه اني اطلعكم منها تذكر عباس هههه

عباس..هههههه اي سيدي هيه تنسي

العميد عامر..اي بنين هما هل فتره بينهم مشاكل وعلاقتهم خطيه متأزمه يعني تحمليهم

بنين..كلت بداخلي صارلي 10سنين متحمله احم هاهيه سيدي اتحملهم خلصنه اكل وطلعنه رجعنه لبيتنه رانيه صعدت كبل فوك داصعد لزمني عباس مني ايدي

عباس..بنين رانيه علمود سلام هيج حالتها

بنين..بصراحه اي هيه والرائد سلام عدهم علاقه بس والله علاقتهم شريفه ومصار بينهم شي مصارلها اسبوع وهسه خطبها

عباس..بيها الخير

بنين..صعدت يمها شفتها نايمه بستها من راسها ودخلت سبحت وبدلت وطلعت اني هم نمت مكعدت غير نص اليل نزلت سويت عشه الي والرانيه كعدتها واكلت شويه ونامت باوعت عليها تخلص من حزنها بل نوم هاي عادة رانيه من جنه صغار شكو واحد يقهرها ويبجيها تخلصها نوم نزلت غسلت اماعين وصعدت فتحت نت وضليت اتصفح اجتني رساله على الماسنجر باوعت جانت من مرتضى

مرتضى..بنين

بنين..نعم سيدي

مرتضى..احجيلي على ندى

بنين..هيه زوجتك سيدي ونشالله تحلون مشاكلكم وترجعون مثل قبل

مرتضى..قبل فتره كلتي تحق لحقيقه وتعرف وحقت لحقيقه هسه

بنين..الله يهدي سركم سيدي عن اذنك سديت النت هه هسه حقت الحقيقه بعديش كرهت حتى اسمك صفنت شويه اني صدك كرهته لو داحاول اكذب على نفسي بهل حجي لا لا كرهته حاولت انام بس مكدرت لين كضيتها نوم ساعه 4الفجر توضيت وصليت خلصت شويه اجاني نعس نمت ساعتين وكعدت كعدت رانيه غسلنه وجهنه حاولت اضحكها وفعلا ضحكت شويه بدلنه وكفت كدام المرايه عدلت البيريه مالتي باوعت على النجمه الي بجتفي وابتسمت نزلت ونزلت رانيه ورايه صبحت عليهم وكعدنه نتريك

ام عباس..امي رانيه البارحه الضهريه امج خابرتني وحجت ويايه يوم جاين عليج خطابه والولد حالته زينه وامج مكيفه عليه

رانيه..لا خاله ماريد ازوج

ام عباس..بس يمه العمر ديمشي وانتن كبرتن يا امي لازم تزوجين وتكونين اسره

بنين.. رانيه ساكته حجيت ويا امي ماما اني احجي ويا رانيه حبيبتي

ام عباس..ماشي امي

بنين..خلصنه ورحنه للدائره رانيه راحت المكتبها واني المكتبي كعدت على الكرسي جان اكو ضرف مال رساله على مكتبي فتحته قريته من مرتضى بس قريت اسمه سديت الضرف وتابعت شغلي مكاتبنه احنه فوك بل طابق الثالث نزلت جوا للطابق الارضي بيدي ملفات داسلمهن للملازم معتز دامشي نجريت باوعت رائد سلام خير سيدي

رائد سلام..تعالي بنين رايد منج شغله

بنين..بس دقيقه سيدي اسلم الملفات اخذ الملفات من ايدي وسلمها للملازم وجرني للمكتب مالتي خير سيدي

رائد سلام..باعي قنعي رانيه توافق على الخطابه الجاييها حجيت ويا ابوها وكال نسمع قرار لبنيه ونردلك خبر وشكلها رانيه معانده قنعيها

بنين..سيدي والله هاي المهمه اصعب من كلهن

رائد سلام..تصعب عليج يا بنين

بنين..احاول سيدي ما اضمن الك نتيجه بس احاول

رائد سلام..باعي اليوم العصر اريد منج نتيجه ماشي

بنين..سيدي على الاقل انتضر كم يوم

رائد سلام..ولج مبقه شي للجمعه اليوم ثنين

بنين..سيدي اني وطيبه راح نحول وياها

رائد سلام..يله سباعيه

بنين..راح الرائد سلام وطلعت ورا رحت الطيبه وحجيتلها احم جهزنه حجي كومه ورحنه الرانيه دخلنه الها جانت صافنه

بنين..ها رنو

طيبه..شلونج حبيبي

رانيه..اكذب اذا كلت بخير

بنين..رانيه فكري بلي حجته امي الصبح

رانيه..بنين شلون اعيش ويا واحد غير سلام

بنين..باعي هوا سلام راح يعيش ويا غيرج

طيبه..لازم تبينين انتي قويه رانيه قبلي بلي متقدملج وبيني اله انتي قويه

بنين..هسه رانيه صدكي اذا قبلتي بي راح يتوضح اله انو هوا خسرج ويرجعلج

رانيه..واني صرت الغيره شلون يرجعلي

بنين..هسه لكل حادثاً حديث منا الوكتها قبلي بلي جايلج رانيه

طيبه..رانيه اجالج نصيبج ارضي بي ولي كاتبه الله يصير

رانيه..خلي افكر

بنين..يله لين الولد شاريج ومرتين راح على اهلج

رانيه..الله كريم

بنين..طلعنه من مكتب رانيه وهم بدون جدوا لين قافله رحت المكتبي كعدت هسه شلون شلون نقنع رانيه ضليت افكر خلص الدوام وطلعنه وهم حجينه وياها رجعنه للبيت سبحت وبدلت ونزلت ويا امي اساعدها

ام عباس..يمة شوكت خالتج هم حجت ويايه علمود

بنين..قبل متكمل امي قاطعتها ماما حبيبي اني ماطيقه والله فا ماريده

ام عباس..هاهيه يمه

بنين..ضليت اساعدها ونزلت رانيه يمنه العصريه كاعدين كلنه دك فوني رساله قريتها من الرائد سلام قريتها

الرائد سلام..ها بشري

بنين..سيدي قافله بعد

الرائد سلام..بنين دخيل ربج قنعيها الجمعه بعدلها بس اربع ايام

بنين..سيدي والله راح ارجع احجي وياها راح الرائد سلام وضليت الح على رانيه توافق بحيث اليوم كضيته كله اقنع بيها تقبل اخر شي كدرت ثاني يوم امها خابرتها وكلتلها انو هيه موافقه الحجي الصبح من دنروح للدائره طلعنه من البيت ورحنه للدائره وصلنه وجانت طيبه كبالي حجيتلها

طيبه..ياااربب اجبر بخت رانيه والله تستاهل كل الخير

بنين..ايي يارب رحنه المكتبنه نفس اليوم اجانه الرائد سلام جنه اني وطيبه نسولف ودخل

الرائد سلام..ها بشرن

بنين..سيدي متقبل رفضت

طيبه..حتى امها كلتلها ماريد ازوج

بنين..باوعت على الرائد سلام جان مصغر عينه ويباوع النه كأنو يعرف احنه دنكذب ضحكنه اني وطيبه مبرروك سيدي قبلت

رائد سلام..ههذذذا الحجيي الزين باعن اريد محبس على ايد رانيه لو لا اعرف قياس ايدها بنين طيبه هاي فلوس جهزن رانيه

بنين..تمام سيدي طلع واني وطيبه رحنه للعميد عامر اخذنه اذن ورحنه الرانيه اخذناها والطريق كله ساكته متحجي شي رحنه للصالون اختارينه الها فستان حلو مال خطوبه يصير نازك ولونه وردي وبي تطريز سمائي مرتب واخذنه ويا وشاح مال عقد مكتوب عليه اسمها واسم رائد هيه الثوله منتبهت على الاسم لين جانت فاصله مو ويانه بل صالون جان اكو يرتبون كوشات مال مهر اتفقنه وياهم اني وطيبه نطانه كتلوك عن الكوشات رحنه لرانيه تختار

رانيه..اختارن انتن اني ماريد شي

بنين..لا رانيه حبيبي هاي خطوبتج اختاري بل كوه قنعناها واختارت كوشه نازكه وبسيطه ولونها بيجي تجنن وكدامها ميز كامل كلش حلو المهم نطيناهم العنوان مال بيتنه لين اتفقنه ابيتنه يصير العقد طلعنه ورجعنه للبيت جانت خالتي يمنه اول مدخلنه وجان تهلهل واطش جكليت وفرحانه

خالتي ام رانيه..امباااارررك عرسج يل هيبه

بنين..هههه دخلنه كعدنه

خالتي ام رانيه..مبين العريس مستعجل جاب اهله وشيوخ وساده واتفقو على كلشي والمهر الجمعه ام عباس عيوني راح نتعبكم وراح نسويها ابيتكم

ام عباس..صدك تحجين خيتي رانيه بنتي الثانيه وفرحانه ومكيفه الها الله شاهد ويوم الطيبه والبنين

بنين..لا اني ماريد

طيبه..الي بي الخير رب العالمين يقدمه خاله

بنين..خالتي ضلت يمنه وطيبه اجه عليها السايق واخذها اني ورانيه صعدنه نمنه وافكر لو ممزوج وخطبني والله جان حضرت كل التحضيرات بس يالله شنسوي الحمدالله ربي والمرادني ربح ماريده خساره ضليت كاعده منمت دك تلفوني باوعت مرتضى ماريد اجاوبه سديته ورجع دك سويته كتم وضليت اتصفح دخلت على صفحة رائد سلام جان ناشر شعر وكاتب جوا{لسويلج حجي الماجان اجيبن كمر بل نيشان واخلي ولايتي متنام واسوي الحنه ست ايام}قريتها وابتسمت والله رانيه تستاهل سويتله اعجاب وطلعت ضليت اتصفح رجع دك عليه سديت الجهاز هسه راجعلي بعد مدمر حياتي واخذ سنين عمري المهم مرت الايام سريعه واليوم خميس باجر خطوبة رانيه كاعده وصافنه ودموعها بخدها جيت يمها شبيج ابويه

رانيه..باجر اني راح اصير بذمة شخص غير سلام وسلام يصير بحياتة وحده غيري باجر راح اصير مخطوبه بس لغير سلام باجر احسه يوم موتي بنين مدااكدر

بنين..رانيه والله العضيم تكدرين وهسه اشوفين وبعدين بلكت الحظ يسويها وياج ويطلع سلام العريس اني تقصدت هيج احجي بلكت تحس بس وين لا حياة لمن تنادي ههه

رانيه..حلم بعد ننجمع اني ويا خلص بعد خطب وده عالم وناس بس ليش اني شسويتله حتى هيج يعاملني

بنين..اهدي حبيبي اهدي باجر خطوبتج ولازم تفكرين بل مستقبل وبلكت تحبي للولد لي خطبج يا روحي انتي

رانيه..مادري صعدت لغرفه بنين لزكت التلفون مادري شسوي دكيت عليه مرتين وجاوب

رائد سلام..يا هله

رانيه..جان اكو بيت شعر يوصف حالتي

أغفى ودمَعتي بَوجنتي تَبات !

يَا شَوغتي وأغلى الخَسارات

يَـ العلمَتني أعله الحَرامات

شَسويتلك يَگليبي گَلي ..؟

يَـ الـ كَلك يَلوگ أعلة كلّي

خَليتني مِن دَون حَلي..

الزَم صَفاحي يَلا أصلي !

رائد سلام..شرايده رانيه

رانيه..مع سلامه سديته وكعدت ابجي من كل كلبي احس دموعي خلصت من البجي حتى كلبي ديأذيني كعدت بلكاع ورفعت ايدي ادعي يارب خلصني من الدنيا الدنيا من دونه سوده والله ربي خلصني

بنين..ثاني يوم من ساعه 10رحهه للصالون ورانيه جوا عيونها اسود من السهر والبجي وجهه تعبان بحيث مرتين عادت المكياج لين بس تبجي سوت الها مكياج خلصت مكياج وسوتلها تسريحه تخبل وتاج لبست الفستان مالتها والمسكه البستها الوشاح مال عقد يصير مثل البرنص ولبست الحذاء خلصت رانيه اني سويت مكياج هادئ ولبست فستان لونه ذهبي طويل ردانه طويله حلو مرتب بي حزام مرصع لولو وشعري بقه مفتوح لبست الحذاء وكعدت يم رانيه وكل شويه اهدي بيها وهيه تريد تبجي عيونها مغوركه دموع طيبه نفسي لبست اني وياها شترينه نفس الفستان ونفس المكياج اجه حسين اخذنه من الصالون لبيتنه الطريق كله اني وطيبه نصفك وحسين يركص شوصلنه لبيتنه جانو الجوارين والكرايب كلها موجوده دخلنه من الباب امي وخالاتي سطرونه بلهلاهل والچكليت

خاله ام رانيه..كللللللووووشششش وخدها طماطه ولاتكول محمره كللللووووششش

النسوان كلها..كلللللوووشششش

طيبه..اييييي وهاي الرادها وهاي التمناها بنت الشيخ لابن الشيخ جبناها كلللووششش

بنين..ههههه كعدت رانيه على الكوشه بس شنو عبالك عدها عزا والنبي خطيه داحجي الها جان اسمع صوت المزيقه عرفت سلام اجه كامت رانيه راحت للغرفه الثانيه رحت اني وطيبه وراها خلينه الها كرسي ورا الباب وطشت بي مي ومي ورد فتحت قران بأيدها وهيل بين اصابعها وهيه. نزلت دموعها مسحت دموعها رانيه حبيبي اليوم فرحج كافي

رانيه..اريد سلام حموت والعباس

طيبه..هسه اشوفين سلام

بنين..ههههه عاد الشيخ كال نعقد الهم وكفنه اني وطيبه وهيه رانيه كاعده تبجي حجه الشيخ

الشيخ..بسم الله الرحمن الرحيم اللهم صلي على محمد وال محمد رانيه بنتي تسمعيني

رانيه..ا اي

الشيخ..بنتي رانيه سامي تقبلين بـ سلام سماعيل زوجاً الكي على مقدم 10مليون دينار عراقي ومأجل30مليون دينار عراقي اذا قبلتي قولي نعم انت وكيلي

رانيه..باوعت على بنين واسمه سلام بنين اسمه سلام

الشيخ..شنو بنتي

بنين..ضلت رانيه ساكته مجاوبت الشيخ عادها اكثر من مره بس هم مجاوبت طيبه كرصتها

طيبه..احجي يحضي

الشيخ..بنتي مغصوبه انتي

رانيه..قبلت انت وكيلي

بنين..سمعنه الهلاهل والچكليت الصار علينه ماله والي عاد سلام هم قبل وبدت المزيقه ادك كومنه رانيه واخذناها للكوشه بس بعده ال الوشاح مغطي وجهه كعدت بصف سلام اندار عليها وخر الوشاح وباسها من راسها وهيه منزله راسها

رانيه..عطر سلام اشتميته بهذا الي صار خطيبي نزلت دموعي وباسني من راسي مثل ميسوي سلام يارب ليش هيج ديصير ويايه اني صرت على ذمة غيره وبالي يمه وهسه شديسوي باسها حضنها لو شسوا رفع راسي بأصبع ايده

سلام..عروستي مناويه تباعين عليه

رانيه..صوت سلام والله صوته رفعت راسي وشفته هوا ضليت صافنه وفاتحه عيوني على وسعها سسسس سلام

بنين..اغمه على رانيه وسلام تخبل عباله بيها شي اجيت خليت مي على وجهه شويه صحت وضلت تبجي

سلام..ولج كافي

رانيه..ليش هيج سويت بيه سلام ليش

سلام..يروح سلام انتي مو كايلج ولا وحده تصيرلي مره وبنيه غيرج

بنين..احم سيدي العوائل الكريمه كلها هنا

سلام..وكلها خلي تدري والعالم يحضر الغايب رانيه حبيبتي وصارت مرتي وام جهالي وتسجلت بأسم سلام حبيبته وكل حياته

لكل حكايا بقايا🤤♥️