تحميل رواية «مرارة الحب» PDF

من گتلي خل نبتعد

والكاتبه الله يصير

يمكن ردتني اظل

بس خانك التعبير .

من گتلي تبعِد قررت

شكيت بية ، شقصرت ؟

وكون الله ليشوفك وجع

واحد يشُك بنفسة .

//////////////////////////////

صابرين..بعد ما نسجن جاسر بتهمه هوا ممسويها رحت الحسام للمكتب دكيت الباب ودخلت جان يخابر ويضحك باوع عليه ومهتم ضل يحجي بتلفون الحد ما خلص انتجه على الكرسي وحجه

حسام..خير ياطير شجابك الدربنه

صابرين..اني وياك مشكلتنه جاسر ماله دخل بيها طلعه

حسام..ايبااااا ماله دخل بيها ست صابرين چا من اجاوز احدوده واخذ شي مو مالته ماحجيتي هل حجي

صابرين..انت حتئ لو تسجنه منا الـ 1000سنه هوا يبقى خطيبي وانت طلعت من حياتي اني كتله هيج كام وصار كبالي وصار يتقدم واني ارجع الحد ما الزكت بلحايط باوعت عليه نزل همس يم اذني

حسام..اذا ما ك………… واخلي نسله يطشر اني مو حسام

صابرين..فتحت عيوني على وسعهن وكمت امتمت من المستحه

حسام..احجي يا صبر ايامي انتي

صابرين..اني اكرهك

حسام..ههههههه احجيها الجاسر بلسجن

صابرين..حسام لتصير ضالم هوا ابن عمي وماله دخل بلي بينه اتركه

حسام..نجوم السمه اقربلج حبيبي

صابرين..ماكدر ابدي وياك من جديد هاهيه افهم اني وياك انتهينه

حسام..بلعكس احنه هسه ابتدينه وابتدت قصتنه

صابرين..غلطان احنه انتهينه انتهينه واذا سجنته الجاسر انتضره عمري كله ماحس اله خله ايده على ركبتي خنكني وطبك شفايفه على شفايفي اني جمدت ماعرف شسوي هوا مندمج يبوس اختنكت دفعته من صدره بس ماكو احس حموت دفعته قوي وخر

حسام..مو شفايف عسل

صابرين..اكرهك انيي اكرهككك وعمري كله مانسه الي سويته بيه انت ومرتك

حسام..صارلي اشهر اكل ن……… واحجي يابه اعوضج صابرين اعوضج شكد محجيت شيبت لج شيبتيني لج وحق الله بنتي مجاي افكر بكد مافكر بيج لج حسي بيه كلبي خلص صبره ومليت من نفسي بس منج ممليت لج صابرين عمري ماتوقعتج شايله هل كلب الحجر العندج

صابرين..انت هيج سويت بيه انت هيج خليتني حتى بنفسي مااهتم هيه كلمتين جيت اكولها الك ياحسام بديت حياتي ويا جاسر وانتهينه اني وياك

حسام..وهيه كلمتين واكولها الج يصابرين كل عمرج تضلين الي وهسه ابتدينه ولتنسين نفسج انتي وين وكبال منو واكفه ودتحجين هل حجي الاكبر منج زين سبعتي يله طلعي بره عندي شغل وهاي اخر مره تجين وتحجين هل حجي وانتي بدوام رسمي

صابرين..ضربت رجلي بلكاع بسأم اكرهكككك

حسام..هههههههه هاهيه عمي كرهيني بليله عرسنه انشوف شكد تكرهيني

صابرين..باوعت عليه احس راح اوكع من طولي عفته وطلعت المكتبي اريد طريقه اطلع جاسر بيها ماكو اخر شي حجيت ويا العميد عامر وشاهين وبالف يا علي كدرت اطلع جاسر واسطات يله طلع بيوم الي طلع لكل فرح وهوا جان هم فرحان بس مو ذيج فرحته الحيته طولانه ومبين عليه التعب باوع عليه وحجه

جاسر..مشكور ضابطنه

صابرين..ادلل دكتور اعذرنه من التقصير

جاسر..هههههه لا يمعود عقيد حسام محشوم من القصور

صابرين..حسيته تقصد هيج يحجي مهتميت عفتهم فراحانين بأبنهم واني صعدت الغرفتي اخذت ملابس ودخلت سبحت وبدلت طلعت من الحمام لابسه بدي كيمونه لين حاره اخترعت من شفت جاسر بغرفتي ضليت امتمت واني لابسه هيج شدخلك هنا جنت احجي وهوا صافن عليه جريت الحاف من الچربايه وخليته فوكايه جاسررررر

جاسر..نفسه

صابرين..شجابككك هنا

جاسر..دكيت الباب جنت بلحمام

صابرين..عفيه دور وجهك باوعت عليه دار وجهه اخذت قميص من الكنتور وبدلت خلصت اكو شي

جاسر.. كعدي احجي وياج

صابرين..كعدت على الكرسي هوا وكف كبالي وحجه

جاسر..الاول مره راح اخيرج يا صابرين تكملين حياتج وياي لو

صابرين..قاطعته لا جاسر اكمل حياتي وياك

جاسر..باعيني بنيتي اني حبيتج ماانكر ولا اكذب زحمه انتي بنت عمي وعزيزه عليه وفرحتج من فرحتي فا الي تريدي كليلي شنو

صابرين..نزلت دمعتي باوع جاسر اني قبل مااعرفك تعرف نخطبت اله و مكدرت اكمل خليت ايدي على حلكي وبجيت بحركه هوا اجه كعد كبالي وجر ايدي باس باطنها

جاسر..احجيلي يبعد طوايف كلبي

صابرين..شهكت وكملت الي صار كله ويايه جاسر اني تعذبت ويا وهسه يا ابن عمي اني اختاريتك اكمل حياتي وياك وبكامل اراتي بعد السمعته والعرفته تقبل انت

جاسر..ليش انتي تشوفين نفسج غلطانه وتشوفين نفسج ضعيفه وينها صابرين الضابط القوي الي محد يكدر يكسرج انتي شرف الي انتي قبل ما تكونين خطيبتي انتي بنت عمي شرفي

صابرين..كام وكف ودنك باسني من راسي ونزل كعدت ابجي واشهك جاسر شكد ماراح اوصفه من حب وحنيه وصديق ابد مراح اوفي حقه ضل ويايه بفتره اني مجنت طايقه بيها نفسي اعتزلت عن الدنيا كلها شغلي كمت ماروح لحد ما اجاني كتاب انذار باوعت خاتم وموقع حسام عديت الايام الي غبت بيهن ميطلعن هوايه وممجاوز على عدد الايام حتى يدزلي كتاب انذار ثاني يوم نزلت الصبح مبدله اكلت شويه وكمت هستوني فتحت الباب صار كبالي جاسر من شافني ابتسم صباح الخير

جاسر..صباح الورد ضابطنه

صابرين..ابتسمت اجه باسني من راسي صعدت بسيارته الطريق كله يسولف ويايه واني اجاوب ويا لازم ابدي حياة جديده ويا وصلنه للدائره شكرا جاسر

جاسر..ادللي بنيتي

صابرين..ابتسمت ابتسامه خفيفه نزلت مشيت خطوتين صاحني نداريت عليه ورجعت خطوتين ها

جاسر..من اطلعين خابريني

صابرين..ماشي بس انت اليوم عندك شي

جاسر..شنهي ضابطنه بس انت عندك دوام بويه عمليات واشعات ومغناطيسات محمد صلوات

صابرين..اني بحزني بس ضحكني هههههه ها عندك عمليات اليوم اذا مشغول ارجع ويا صبا

جاسر..افااااا اشتعل ابو العمليات على الي اخترع المستشفى لو بنص الموت اجي واخذج

صابرين..شكرا والله داتعبك ويايه

جاسر..نصكعي ويله روحي لشغلج باعيني ديري بالج على نفسج ابويه

صابرين..ماشي وانت هم دخلت جوا صار كبالي حسام واكف يدخن من شافني صغر عيونه

حسام..اكسرلجياه فديوم يله ترتاحين اني اعرفج

صابرين..اشرتله على الحلقه بلشرع هوا زوجي ابتسمت وعفته ورحت هوا ورايه شكد مصار عصبي عيونه نكلبت حمر دخلت المكتبي بده الدوام الرسمي دز عليه رحتله اخذت تحيه نعم سيدي

حسام..كتاب فصلج يمي تدرين

صابرين..متكدر تفصلني

حسام..لا مشاالله واضح عليج القوه

صابرين..اني مجاوزت عدد الايام الي محدد النه وشغلي اني مجتهده بي ولكل يشهد بهذا الشي اما اذا الاغراض شخصيه تريد تفصلني تفضل نطيته قلم خليته كدامه وقع داطلع

حسام..دخل اكوم وتعالي كعدي بمكاني مناقص بس زعطوطه مثلج تعلمني شغلي

صابرين..اكو مثل اني هسه عرفته من خلال كلامك هذا المثل يكول احتمال الزعطوط الي معاجبك يكون متفهم اكثر من الي ينقص بقيمته سيدي

حسام..لج شو صايره تجازوين وعينج طالعه ضاعت تربيتي بيج

صابرين..دتحسني انت ابويه ياريت تفهم اني وياك خلص نتهينه لا انت يحقلك هيج تحجي ويايه ولا تحاسبني غير بمنضور الشغل وبس

حسام..تعالي ابويه لتعبين نفسج تعالي هاج سلاح ضربيني طلقه وخلصي

صابرين..لا بعد ورايه عرس وتجهيزات ماريد ادخل سجن وتحقيق ودوخه من هيج حجيت ويا تخبل استخدمت ويا حسام اسلوب البرود وحرك الاعصاب انتچه على الكرسي وحجه

حسام..ودين محمد وحق علي ياصابرين اذا خليت غيري ي………… وياج اله اطلع كلب ابن كلب

صابرين..حرامم هيج تحجي ويايه اني مزوجه هسه

حسام..نشالله تترملين على ايدي بأذن الله

صابرين..حسام كافي تعبت منك اني مزوجه هاهيه

حسام..هسه شكتلتيني مزوجه ومزوجه ليسمعج ماخذه المالكي هو واحد مكرطف فرحان دكتور

صابرين..اقلها مكذب عليه ولا عيشني بوهم سنه كامله ولا من احجي ويا يجاوب برود ولا ينتز ويعيط بيه ولا من ادك عليه يرفض لو بنص شغله ومثبور يجاوب عليه جاسر بوقت اني نعزلت بي عن العالم جان هوا الوحيد الي ويايه ومعافني ويعرف الي بيه بدون مااحجي حسام جاسر عوضني عن كلشي سويته ويايه انت جنت وياك تحجي ويايه لله في الله مطايق كلمه مني وكلمه احبج سمعته منك بعد ما اني بطل واهسي تجاهك تدري لو لا وجاسر الي مصارلي هوايه اعرفه بليوم يمكن يسمعني فوك الـ 1000كلمه تطلعني من يومي الكئيب كافي اني اختاريت حياتي بعيد عنك واذا راح تشد ويايه بشغلي اني من هسه اكتب استقال واطلع

حسام..مشالله شهل محبه الي نخلقت فجئه للاستاذ جاسر مو هوا نفسه الموحضاري والمعقد نفتحت الجبسه

صابرين..لا حبيته اني كتله هيج وهذا كام من مكانه وضربني شكد ماقوي الراشدي وكعت بلكاع دنك لزمني من حنجي قوي احس حنجي نكسر بأيده وحجه

جاسر..هاي الكلمه تنطقيها من تشوفين حسام بتابوت مو كدامي ودين محمد اجنزج اجنزجججج

صابرين..نزلت دمعتي كمت وطلعت من مكتبه هذا اسلوبه ويايه اول مره اقارن بين حسام وجاسر وشفت شغلات بجاسر مشايفتها بحسام رغم اني اعرف جاسر بس من كم شهر مسحت دموعي باوعت للساعه بعد وكت كملت شغلي الحد ساعه 12:30خابرت على جاسر اول مدك دكتين جاوب الو

جاسر..ها بنيتي

صابرين..اني خلص شغل تكدر تجي لو ارجع ويا صبا

جاسر..افا 5دقايق ويمج

صابرين.. ختمت ويا وحضرت غراضي وفعلا مطول واجه نزلت باوعته واكف ومنتجي على باب سيارته من شافني نزع المناضر وصارت الشمس على عيونه صار لونها اطوخ بلشمس ابتسم وكفت كباله ها الله يساعدك

جاسر..ويساعدج بنيتي

صابرين..والله اعرف داتعبك ويايه

جاسر..التعب الوحيد الي ارتاح بي

صابرين..بدون وعي ابتسمت صعدت بسياره وهوا صعد وطلعنه مأخذني للبيت رأسا رحنه للمطعم باوعت عليه جاسر خاف عندك. شغل

جاسر..انعل لشته للشغل اكو اهم من صابريني

صابرين..نزلنه لزمني من ايدي وجانت اول مره ماوخر ايده من ايدي لزمت ايده هوا قوه لزمته الي دخلنه للمطعم تغدينه وهوا يسولف ويايه يفتح مواضيع واني اجاوبه باوعت للحلقه ودعيت يارب اكدر اسعده بحياته لين هذا الشخص ابد مأذاني قدملي كل لخير ودائما من يشوفني حزينه يسوي المستحيل في سبيل بس ابتسم عكس حسام الي من عرفته واني دمعتي منشفت كمنه طلعنه رجعني للبيت نداريت عليه قبل ماحجي هوا حجه

جاسر..ماريد تشكريني انتي زوجتي من حقي اوديج واردج بأيدي

صابرين..داحس اعطلك عن شغلك

جاسر..طز بشغلي ابويه انتي لتهتمين العصريه ارجع من الشغل ارتاح شوي واخذج اطلعج

صابرين..هزيت راسي تقرب ديبوسني من خدي اني بدون ماانتبه صارت البوسه بشفتي صرت صنم ماعرف شسوي باسني من شفتي اختتكت وخر اني احس راح يغمى عليه من الخجل عفته ونزلت ركض حتى بدون ماحجي شي دخلت البيتنه اهفي لوجهي نزلت دموعي اذكرت من باسني حسام لا لا صابرين لتسوين هيج انتي اذا تفكرين بحسام بعتبار تخونين جاسر وميستاهل منج هذا كله انتي قويه وتنسي شوفي بنين بدت حياتها ويا شاهين ونست مرتضى تكدرين والله تكدرين بس قوي نفسج جاسر خوش ولد ميساهل هيج تسوين بي مسحت دموعي دخلت سلمت على امي ولكيت مرت عمي يمنه سلمت عليها وبوستها بيت عمي حبابين ويايه ويحبوني ترخصت منها وصعدت سبحت وبدلت ونزلت جوا يم امي اساعدها ورا ساعه دخل ابويه وعمي وجدي وجاسر وياسر من شفت جاسر غمزلي وابتسم احس من خدي يطلع نار دنكت راسي دخلت للمطبخ وكفت على السنك احس كلبي يدك يعني حتى لو ماكنله كل مشاعر بس من يصادف هيج موقف الواحد يستحي حتى يباوع بوجهه المقابيله خلصنه الغده جبت صينيه وخليت بيها المواعين ونقلتهن للسفره خلصت وكعدنه كلنه اني كاعده بصف امي شو امي كامت وراحت كعدت يم مرت عمي هيه جانت الفاصل بيتي وبين جاسر عدل كعدته وصار بصفي احس الكمه كوه تنبلع

ياسر..اييي بهاي الحاله كلها عرست وبقه بس ياسر مكرود

جدو حكيم.. اي بويه اكبر بعد وندورلك على بنيه مثل صابرينه

ياسر..جدي بدينك هسه بعد شكبرني هاي الحيه وموجوده

عمو حاكم..چا بويه عبالك الكبر بلحيه يلفطير استجن

صابرين..عمو حاكم فشل ياسر ضحكت حسيت ايد صارت على ضهري صرت صنم ثبتت ماتحركت بعد درت وجهي على جاسر وخزرته ايدك جاسر

جاسر..منو يمج انتي

صابرين..جاسر عليك الله كافي

جاسر..هههههه هاهيه بويه اكلي

صابرين..شبعانه اني مو تغدينه

جاسر..دكلي بويه

صابرين..والله شبعانه اكل انت اجيبلك شي

جاسر..اريد جاي من ايدج لحلوات

صابرين..هزيت راسي كمت سويتله جاي وجبتله

ياسر..اييي عمي ليش لا كلها واسطات وجايات اله ياسر من يوم يومه مكرود مي محد يجيبله

جدي حكيم..دهجع اهجع عوفهم لاتضربهم عين ماصدكنه صفو بدون مشاكل

ياسر..لا جدي الامور تمام من هسه حددو موعد العرس كافي نريد نركص

عمي حاكم..الراي الاول ولاخير راي صابرين وجاسر مو خويه ابو صابرين

ابو صابرين.. اي خويه الراي رايهم

جاسر..قبل العرس بويه رايد اخذ صابرين للبصره

جدي حكيم..اي شكو بيها شتكولين جدي صابرين

صابرين..بكيفكم جدو التهو يسولفون تقرب جاسر وهمس بأذني

جاسر..تروحين بنيتي

صابرين..اي بس ماعرف اذا نطوني اجازه لو لا

جاسر..ينطوج ابويه حضري امورج الخميس الجاي اخذج

صابرين..هزيت راسي بأي خلصو غده لمينه السفره وسويت الجاي وقدمت الهم ورحت غسلت الاماعين ورجعت كعدت يمهم داحاول اتعايش ويا وضعي الجديد سنه اني متحطمه كافي ضلو يسولفون اني نعسانه ترخصت منهم وصعدت تمددت على الچربايه ونمت ماكعدت غير المغربيه ضليت صافنه بلسكف كمت توضيت وصليت ونزلت ملكيت اهلي عرفت طالعين دك جهازي باوعت جاسر جاوبت واني انعس الووو

جاسر..صح النوم ضابطنه

صابرين..اني ماعرف ارد من احد هيج يكلي الله يصح ايامك جاوبني وهوا يضحك

جاسر..ههههههههههه مشكورر عمي الله يصح ايامج ويا ايامي

صابرين..جاسرر لتعيب عليه والله ماعرف ارد من تحجي ويايه هيج

جاسر..مامعيب وداعت خالج

صابرين..شبي خالي

جاسر..يسلم عليج يله بنيتي بدلي داجي اخذج

صابرين..اي ماشي بس وين

جاسر..وين متردين

صابرين..تاخذني للكاضم

جاسر..صار

صابرين..كمت بدلت ولبست حجاب ولبست حذائي واخذت عباتي ونزلت فتحت الباب لكيت جاسر بسيارته ينتضرني صعدت سلام

جاسر..وعليكم السلام والرحمه هله ضابطنه

صابرين..ابتسمت طلعنه للكاضم طبك سيارته ونزلنه مشه كدامي واني ورا وصلنه كبال الكبه من بعيد شفت حسام شايل بنته الصغيره ويا امه ديطلعون صارت عيني بعينه………………

للحكايا بقايا

ها سلام عليكم اخوان كل خميس انزل الكم بارت حياة صابرين مو هوايه مطوله راح اختصر قدر الامكان سامحوني مححح💋

سلام اخوان مصارلي شوي من نشرت البارت وهسه اريد اسئلكم شنو استفاديتو من قصه بنين وشاهين وهيه من القصه اجمعها يعني ويا الابطال كلهم شنو جنتو متوقعين النهايه وهسه بلربع يلربع اريد تحجولي شنو استفاديتو وشنو اخذتو عبره اني الي حبيته بلقصه الصداقه الحلوه والحب بعد تعب ومعاناة والعوض وانتو يله شو ابوسكم 💋💋💋

قُل للمليحةِ إنّ ثغركِ فاتنٌ

‏ذابَ الفؤادُ مِن مبسمٍ مُتكلّمِ

‏الوجهُ بدرٌ والعيونُ كأنَّها

‏سَهمٌ يُداوي موضِعَ المُتألمِ.

/////////////////////////////////

صابرين..لزمت ايده قوي هوا قوه قبضه ايده على ايدي دنمشي صارو كباالنه كلش حتى جاسر شافهم من جاسر شاف حسام خله ايده على جتفي وسوالي مكان اعبر بحيث ماشوفه حسيته مثل الي يخاف عليه منه كملت ويا جاسر ودخلنه نزور اول مره ادخل للكاضم وماابجي ضليت ادعي انسعد بحياتي ويا جاسر واسعده لين مقصر ويايه بشي من كلشي يخاف عليه حتى من حسام الي جنت مستعده انطي روحي الي بجسدي ومااحجي شي خلصت زياره وطلعت لكيته ينتضرني برا تقدمت عليه وكفت كباله ها

جاسر..زياره مقبوله ابويه

صابرين..الك هم زياره مقبوله ابتسم يمشي كدامي رحنه للمطعم تعشينه وطلعنه طلعنه صعدت بلسياره وهوا صعد وطلعنه الطريق كله ساكته بس مكدرت حجيت واني مدنكه مجنت ادري هوا هنا

جاسر..منو هوه

صابرين..غمضت عيوني حسام

جاسر..ادري ابويه لتهتمين

صابرين..جاسر اني ماعرف شلون راح اجازيك على تعبك ويايه

جاسر..تعبج لوحيد الارتاح بي بنيتي باعيني صابرين ابويه ادري تعبتي بهل سنه واقسمت ونفسج اعوضج عن كل اذيه سببها الج

صابرين..ابتسمت جر ايدي وباسها نزلت راسي ستحيت منه ماخذني لبيتنه ضلينه نفتر ورحنه للمول وراها رحنه للكراده للفقمه اكلنه ايسكريم ورجعنه وكفنه يم باب بيتنه ندار عليه وحجه

جاسر..تونستي اميرة كلبي

صابرين..هزيت راسي بـ اي جاسر

جاسر..نفسه

صابرين..من شوكت حبيتني

جاسر..من يوم الي حجيت وياج وطلع المجتمع فاشل

صابرين..ضحكت جاسرررر ترا هاي حقيقه

جاسر..ههههه چا هسه اني شكايل حقيقه

صابرين..احسك تريد تحجي شي

جاسر..راح اروح اسبوعين للبصره

صابرين..شوكت

جاسر..باجر عندي عمليه المريض هناك

صابرين..ماشي موفق نشالله

جاسر..مشكور ضابطنه الورد

صابرين..نزلت لبيتنه دخلت شفت اهلي سلمت عليهم يدرون جنت ويا جاسر عفتهم وصعدت الغرفتي سبحت وبدلت وجيت نطرحت صارت صورت حسام ابالي هزيت راسي لا لا صابرين لا غمضت عيوني ونمت كعدت ثاني يوم جان جاسر ماهوا لين من الفجر طالع للبصره تعودت يوميه الصبح اشوفه يله عادي رحت للدوام وجان حسام هم مجاي ارتاحيت لين مجاي كملت شغلي عادي اول يوم مشفت اكو فرق بس بعدها بلايام لا كمت استفقد جاسر يوميه الصبح جان يطلعني والعصر هم يطلعني من غير كلامه ويايه وحنيته عليه هذني كلهن استفقدتهن من راح للبصره مر اول اسبوع وهوا مدك عليه اني هم مدكيت عليه لين اكيد مشغول عفته براحته بس ثاني سبوع مكدرت بليل لزمت تلفوني وترددت ادك لو ماادك اخر شي دكيت بس مجاوب عفته تنمدت لين دكيت سديت جهازي ونزلت جوا اهلي جانو يتحضرون حيرحون البيت عمي حاكم رحت وياهم وهناك ياسر عباره عن كتله مال تحشيش بس جاسر مكانه خالي رجعنه تقريبا بـ 1:30لبيتنه صعدت لغرفتي تلفوني جان يدك من دخلت نست رحت شفته باوعت جان جاسر باوعت عدد المكالمات الي داك عليه بيهن نصدمت فوك ال 30دكيت عليه هستوه دك شاله

جاسر..بعد لو خالتها الصبح راده

صابرين..جنت بيت اهلك

جاسر..بيها الخير بيت اهلي وجاسر مشتعل يدك عليج مو

صابرين..جاسر التصيح

جاسر..لتكفريين صابرينن حجيتي قبل مطلعين

صابرين..مو صوجك صوجي اني الكاتلني الغباء الاشتاقيتلك ودكيت عليك وانت اسبوع كامل بلكذب مشلت تلفوني وسئلت عليه انت حالك من حاله ثنينكم نفس الاذيه سديت الخط وقفلت جهازي كعدت ابجي اذكرت من حسام صيح عليه لين دكيت عليه عبالي جاسر احسن طلع نفس الشي نمت واني دموعي على خدي الصبح كعدت سبحت وبدلت ونزلت جوا اكلت زيتونه وطلعت فتحت الباب شفته كبالي جان منتچي على باب السياره ومكتف ايده الصدره باوعت عليه وعفته ومشيت خطوتين ماحس اله نرفعت من الكاع باوعت جان جاسر شايلني صرت قريبه عليه حيل نزلني

جاسر..تحلم ضابطنه الورد

صابرين..صعدني للسياره وصعد لزم ايدي جريتها وخر عني

جاسر..هيج بنيتي زعلانه مني

صابرين..اني مو بنيه احد واريد اروح بحدي ماريدك توصلني روح ارجع للبصره

جاسر..ههههههههههه صابرين

صابرين..لتحجي شي اول شي اني مو زعطوطه اني ضابط بكد الدنيا ومن امشي لكل تحسبلي الف احساب مو انت تجي تصيح عليه مو لين سمعت كلامك ونفذته معناتها دوس عليه وعلى كرامتي لا كرامتي فوك كلشي حتى فوك حياتي بعدين اني من طلعت ويا امي وابويه مالها داعي اجي واخابر واكلك اني رايحه الفلان مكان اني جبير واعيه واعرف لي داسوي ماحتاج اي نصيحه من اي احد كأن من يكن باوع عليه وحجه

جاسر..هاهيه مشكور بويه متقصرين

صابرين..سكتنه مشه واني ساكته وصلني للدائره نزلت وركعت الباب ودخلت حتى نفسي محاملتها دخلت المكتبي وضليت اروح وارجع بلغرفه ودموعي تجري كافي كافي عاد مو عيون عندي نافوره اقل حجايه ابجي ليش هيج دمعتج رخصيه صابرين ليشش بده الدوام وبديت اشتغل واكيد اليوم مينتهي اذا مو حسام منرفزني جان عدنه ملفات لازم ادققهن دققتهن كلهن بس بعد الختم والتوقيع ختمت وقعت بسرعه ورحتله للغرفه دكيت الباب وفتت اخذت تحيه باوع عليه من فوك ليجوه وحجه

حسام..والله زين متذكره عندج ملفات يرادلهن تدقق ست صابرين

صابرين..لا سيدي دققتهن بس تأخرت بلختم والتوقيع

حسام..بعد بشنو تخالفين ست صابرين كلهن ديسجلن مبقه شي وافصلج

صابرين..اول غلطه الي هاي اني لا مخالفه ولا شي ملفات هوايه خليتهن على الميز واخذت تحيه وطلعت انتهى لدوام اني عبالي مراح اشوفه بس لكيته ينتضرني صعدت بدون لا سلام ولا كلام وهوا هم محجه الشي الي نرفزني هل فتره حيل علاقتنه بردت بعد العركه الي صارت بسياره ومن حجيت هل حجي جاسر حيل اختلفت معاملته ويايه مكام يكولي كلام حلو ولا يحسسني بحبه مثل قبل اختلف كلش جان يوم جمعه كعدت صفنت اني غلطت بكلامي ويا لو لا جيت صفطت حجي اني غلطانه بس شلون راح اروح واحجي ويا دافكر فزيت من صفنتي على صوت امي تصيحني جاوبتها هااا

ام صابرين..يله يمه بيت عمج عازمينه اليون ابويه

صابرين..جيت لبست جبتي وحجابي ونزلت رحنه لبيت عمي جانو بس الكبار وياسر كاعدين جاسر مموجود ضلين احوص اريد احجي ويا اجه ياسر كعد يمي وحجه

ياسر..ضلعي جاسر بغرفته فوك صعدي احجي ويا صارله اسبوع مطايق احد ولكل منتبه عليكم متعاركين

صابرين..اسكت ياسر ماعرف اني جفصت لو هوا يستاهل

ياسر..باعي صابرين مو لين جاسر اخوي راح احجي هل حجي بلعكس ودين محمد اني اعزج اكثر منه باعيني خويه جاسر جان عنده بنات كومه بكد شعر راسه بس اجته فتره تاب من هل سوالف وهيه الفتره الي جينه بيها البغداد وتعرف عليه نسه سوالفه القديمه وبده بلجديد وياج صابرين بعين جاسر كام يبين حبه الج صدكي ورب العباد جاسر يحبج وعاشكج اكثر من عمي الي هوا ابوج صعدي خويه صعدي راضي رجلج اعرفج ماتقبلين بلعيبه

صابرين..دتحسسني اني ضاربته طلقه ياعيبه ولك

ياسر..دصعدي ولج ماطول ملتهين لاتخافين جاسر يقهر نفسه بس مايقهرج

صابرين.. هزيت راسي تسحبت شوي شوي وصعدت لغرفته ترددت ادك الباب تالي دكيتها مسعت صوت عبالي نامي كلت نايم فتحت الباب على كيف ودخلت جان واكف بدون بدي كبال الكنتور يطلع ملابس نصدمت من شفت ضهره عباره عن زراك واثار حمر مثل مال واير مربوط عليه يعني حجيت بصوت ناصي جاسر نداري عليه وعادي مهتم اخذ بدي ولبسه سد باب الكنتور وراح كبار ميز تواليت يمشط شعره رحت لزمت ايده جرها الدمعه صارت تلمع بعيني حجيت بصوت همست جيت اعتذر منك بس الضاهر جيت بوقت غلط عن اذنك عفته ومشيت وصلت للباب جرني من ايدي لطخت بصدره هوا هيج سوا واني بديت ابجي واشهك وهوا يطبطب على ضهري

جاسر..احترك جاسر كون كافي ابويه

صابرين..شهكت وحجيت انت انت ليش تقهرني

جاسر..تقهرني الدنيا كلها وماجي واقهرج بنيتي

صابرين..كعدت على الچربايه وكعد بصفي جاسر اني جيت اعتذر منك اني اسفه لين هيج حجيت بلسياره اعرف غلطت بس انت الصوج منك لو ممصيح عليه مجان اني هيج حجيت

جاسر..اني بكت خزينه البنك بويه كله اني انتي ملاك هاهيه

صابرين..لتضحك عليههه

جاسر..هههههههه اني مزعلان منج صابرين ايامي انتي حقج تنقهرين لين صيحت عليج وحقج فوك راسي بس ترضيها تطلعين بدون ماتكليلي

صابرين..والله دكيت عليك لين لين داكلك ستحيت اكله شتاقيتلك بس انت مجاوبت كلت مشغول وبعدين بيتكم لزك ويت بيتنه نفس الحايط يعني مرايحه المكان بعيد

جاسر..حتى لو ومحمد اسبوع مشتاك لعيونج واهون نفسي بصورج واجيج من البصره لبغداد بذيج ليليه وانتي عود كبريائج سر انوثتج درتي وجهي وفتي من يمي واني جد جدي مشتعل

صابرين..ضحكت ونزلت راسي رفعت راسي باصبع ايده وصارت عيونه بعيوني همست بهدوء

جاسر..هل عيون الجتاله يبجن علمودي اويلي ربي رحمتك واسعه

صابرين..ابتسمت ودنكت احلف بعد ماتصيح عليه ولا تبجيني ولا تقهرن……. داكمل باسني من شفتي وجانت ثاني مره يبوسني ماعرف احساسي مختلف هاي المره مادري حسيت احساس حلو ضغطت على ايده وخر وباسني من راسي وهمس بأذني وهوا صوته خشن ومن يهمس يطلع صوته احله

جاسر..سبع فدوات اروح الجرت عيونج واروحن فدوه وره فدوه

صابرين..كمت واني ميته خجل ماعرف شسوي داطلع جرني من ايدي وكعت على صدره جاسر فدوه كافي اريد انزل

جاسر..ضلي شويه خدج صاير نار واحمر عبالهم مسويلج شي هههههههههه

صابرين..هزيت راسي ضلين كاعده شويه ونزلت رحت بوجهي للحمام دخلت وقفلت الباب باوعت على نفسي بلمرايه خدي احمر ركبتي حمره شفتي طالع منها دم خدي احمر عزا همزين مدخلت غسلت وجهي وعدلت حجابي واخذت نفس وطلعت دخلت للصاله جان هوا كاعد بصف ياسر وياسر ابد ميحب يصجم ويحشش وكعدت يحشش

ياسر..اي عمي الله يفجرها عليك يا مظلوم يا ياسر الله يسر حالك مثل اسمك يا ياسر يا ابن ام ياسر امين يا حق

جدي حكيم..شبيك بويه نهبلت يمهبول

ياسر..لا جدي شتاكيت لبصرتي

عمي حاكم..هيج تحبها بويه

ياسر..بويه احنه ناس عدنه اهمشي حب الله والوطن بدونهن نضيع

صابرين..باوعت على جاسر باوع عليه وغمز والله راح اوكع من طولي من الخجل ضلو يشاقون ويا ياسر واني كاعده غاد وصافنه عليهم وابتسم استحي اشارك بلحديث هذا طبعي استحي من كلشي مرات ابويه يهز ايده ويكول شلون صرتي ضابط مادري بس من صرت ضابط مو معناها اودع الخجل والمستحه يعني مهما يكون اني بنيه حساسه كمت اساعدهم بلمطبخ وكل شويه اذكر حجي جاسر وابتسم صح الحد هسه مداكدر ابين شي اله بس كمت احب اهتمامه بيه صفنت ويا نفسي اني احبه اله لو احب اهتمامه بيه شسوي يارب ساعدني خلصنه كلشي نقلت الاماعين للسفره جانو مسوين انواع الاكل ومن ضمن الاكل باجه اني ماحبه ولااحب ريحتها صبيتلي حشوه مال برياتي وكعدت غاد اكل وكل ماباع للباجه تنسد نفسي

عمي حاكم..ها بويه نزلي ويانه

صابرين..ها لا عمو ماحب الباجه ولا احب ريحتها

ياسر..ههههههههههه جاسر مرتك بزر نستله

جاسر..نجب لك مرتي ضابط معدل من تمشي يحسبولها الف احساب

صابرين..باوعت عليه شكد خبيث عود يذبلي حجي درت وجهي اي طبعا يحسبولي الف حساب النجمه جبتها بتعب مو شلون مجان

ياسر..كفووو كومو علكولنه شيلات اماراتيه نركص

صابرين..ضحكنه كلنه معدتي كامت تكلب من شفت الباجه كمت رحت للحمام تقيئت هفف هسه اله باجه طلعت من الحمام صار كبالي جاسر خله ايده على خدي وحجه

جاسر..شبيج ابويه

صابرين..ماحب ريحة الباجه وكدامي اكلوها

جاسر..كومي ابويه بدلي داخذج اغديج بره

صابرين..لا ماريد اكلت هنا حشوه مال تمن

جاسر..يله بنيتي جهزي نفسج

صابرين..جاسر والله ماله داعي

جاسر..صابرين لتعبيني يله حبيبي

صابرين..رحت استأذنت من ابويه قبل رحت البيتنه بدلت وكملت وهستوني طلعت شفته ينتضرني ابتسمت صعدت شنو متضوج من تنتضرني

جاسر..كتلج عمري كله انتضر بدون لا اضوج ولا امل

صابرين..ابتسمت رحنه تغدينه وضلينه شويه نفتر ونسولف وتعشينه هم برا و رجعنه بليل باوعت عليه جاسر اطلب منك طلب

جاسر..عيوني الج

صابرين..عادي عرسنه شويه يتأخر

جاسر..ليش

صابرين..باوع اني هسه مجاهزه كلشي اسوي ولا حتى ابدي علاقه جديده بس حباب يتأخر شوي

جاسر..براحتج بنيتي

صابرين..وبعد شغله

جاسر..وهي

صابرين..الاثار الي بضهرك من ورا تعذيب حسام مو

جاسر..لا ابويه لتهتمين

صابرين..جاسر حباب احجي

جاسر..صابرين بنيتي عوفي هل موضوع

صابرين..بكيفك تقرب باسني من راسي ونزلت اشترله بيدي بيباي ودخلت لبيتنه صعدت الغرفتي كبل تلفوني مجنت جايبه باقي بغرفتي باوعت عليه جان حسام يدك جاوبته نعم

حسام..صابرين لتختبرين صبري احسلج اطبين وطلعين ويا ترا وعلي داحي الباب اخذه واشمره الج ورا الشمس

صابرين..هوا ابن عمي وخطيبي وانت مالك دخل بيه شسوي اسوي مالك اي حق تحاسبني زين سياده العقيد روح البيتك والعائلتك واملك بأني ارجعلك امحي لين مستحيل ارجع

حسام..لا بويه ترجعين بأذن الله من تصيرين ارمله طلقه براسه واخلص منه

صابرين..مراح تكدر لين بروحي راح افدي اقلها مأذاني ولا جرحني وبعد لتتصل بيه سديت التلفون وشمرته رحت اخذت ملابس سبحت وبدلت وطلعت تمددت دك تلفوني باوعت جاسر جاوبت الو

جاسر..شتاقيتلج

صابرين..مصار نص ساعه من تعاوفنه

جاسر..حيلل هواي

صابرين..جاسرر نص ساعه هوايه

جاسر..اي هوايه ينفس جاسر انتي

صابرين..انت شدسوي

جاسر..والله يادوبك كاعد كبال غرفتج

صابرين..ياغرفه

جاسر..غرفتج

صابرين..طفرت فتحت الباب شفته صدك كاعد كبال غرفتي صفنت عليه والتلفون على اذاني هوا ابتسم كام دخل لغرفتي وقفل الباب عزااا شجابك هنا

جاسر..جيت اشوف خطيبتي عيب لو حرام

صابرين..جاسر هسه اذا اجوي عزااا بعيني حباب ارجع البيتكم

جاسر..الفجر اطلع

صابرين..نزع حذائه وتمدد على چربايتي واني صافنه عليه

جاسر..اخ الله حتى النومه بفراشها تريح

صابرين..واني وين انام عيني

جاسر..تعالي هنا

صابرين..جاسرر حباب روح البيتكم دانام جرني من ايدي بصفه وحضني

جاسر.. صابريني نامي هنا لتخافين ماسويلج شي بس اشم عطرج

صابرين..ضليت كاعده اخاف انام وهوا يمي

جاسر..ولج والله ماسويلج شي صابرين متثقين بيه

صابرين..اثق

جاسر.. لعد نامي ابويه

صابرين..نمت فزيت من نومتي على دكة الباب صحت منو

ام صابرين..اني يمه

صابرين..باوعت بس اني نايمه ماهوا جاسر هففف اكيد جنت احلم كمت فتحت الباب ها يمه

ام صابرين..يوم تأخرتي عن دوامج وجاسر خطيه صارله ساعه ينتضرج برا

صابرين..باوعت للساعه بـ7:30طفرت ركض طلعت ملابس ورحت سبحت وطلعت بدلت لفيت حجابي واخذت سلاحي وهويتي ونزلت ركض اخذت تفاحه وطلعت ركض شفته واكف رحت كباله صباح الخير

جاسر..صباح العافيه

صابرين..صعدنه بسياره بلطريق سئلته جاسر انت البارحه ساعه بيش نمت

جاسر..بـ 1:30

صابرين..اجيت البارحه الغرفتي……..

للحكايا بقايا…………

سلام صارلي يومين اكتبلكم بارت وكتابي بصفي واني صافنه عليه وهوا صافن عليه المهم الخمس هم انزل الكم بارت احبكم💋

ما چذبت من گلت ماراح اتعبها

تغلط وما انفعل ،

مداريها مثل الطفل

اضحك واحاسبها

واي سالفة تحبها ،

ماگول ما مقتنع

حتى الشكل والطبع

سويت كلشي مثل

ما هي عاجبها .

////////////////////////////

جاسر..لا بنيتي دتحلمين

صابرين..لا متأكده مو حلم لين من داسوي شالي لكيت هاي طلعت الساعه من جطتي هوا باوع عليها وابتسم

جاسر..ويعني جاي شراح تسوين

صابرين..عزا بعيني جاسر لو جايين وشايفيك بغرفتي جان صارت فضيحه

جاسر..تره يكلون انتي مرتي عاقد عليج ما نهبج

صابرين..والله اعرف مرتك بس لو جاي ابويه لو امي جان صارت مصيبه

جاسر..صابرين بنيتي تدرين بعد كم شهر الفج بحـضني وامشط شعرج بأيدي و

صابرين..كافي عيب

جاسر..خرب حضك المصخم يجاسر

صابرين..ترا وصلنه

جاسر..ادري يبعد هاي وهاي

صابرين..شنيه هاي وهاي

جاسر.. عيوني اليسره واليمنه وفوكاهن كلبي

صابرين..لزمت ايده انت احسن شخص بلدنيا

جاسر..وانتي روحي من الدنيه

صابرين..ابتسمت يله راح انزل

جاسر..ديري بالج على نفسج يروح جاسر

صابرين..انت هم نزلت دخلت للدائره صعدت المكتبي هستوني فتحت الباب شفت حسام كاعد على الكرسي مالتي نعم

حسام..ست صابرين من احجي وياج صايره ذيبه بعد مجنتي بزونه تخاف حتى من خيالها

صابرين..اي هاي البزونه تعلمت منك هل قساوه وبدة حياة جديده

حسام..ويامن ويا هذه

صابرين..كام من كرسيه وشمر عليه صور دنكت على الصور باوعت عليهن جان جاسر ويا بنيه والمصيبه جانو بملابس عرس هيه لابسه بدله عرس بيضه وهوا قاط عدهم عدة صور كعدت على ركبي احس رجليه نشلت اخذت الصور وايدي ترجف شلت الصور وكمت اشوفهن صورهم من ياخذها من بيت اهلها وبنص القاعه من يركصون احسن كلبي راح يوكف ويا الصور جان اكو فلاشه باوعت على حسام جان كاعد ويباوع عليه

حسام..مرات الانسان يثق بشخص ويطلع هذا الشخص مو كدها تلاحضين سالفته مثل سالفتي بس الي صار اني الحد هسه رايدج ومستعد اعوضج والاخ جاسر يروح للبصره ليش حتى يشوف بنته وانيي الي من يوم رحتي وممهتم بأم الدنيا كلها لج حتى بنتي القطعه من روحي ماكمت اعرف شبيها مابيها حاير شلون اردج

صابرين..شهكت من عرفت عنده بنيه ثنينكم ثنينكم عليه والدنيا كمت اخذت الصور ممكن تطلع اريد اكمل شغلي

حسام..ادللي اربي الج وماشوف دموعج

صابرين..طلع رحت كعدت على الكرسي كملت شغلي وطلعت شفته واكف صعدت بدون لا كلام ولا سلام الطريق كله يسولف ويايه واني بس اهز براسي وصلنه البيتنه نداريت عليه الله يحفضها الك

جاسر..منو

صابرين..هاي فتحت ايده وخليت الصور بيده وخليت الحلقه فوكاهن اني مسامحتك لين كذبت عليه بس بعد ماريد اشوف وجهك عفته ونزلت دخلت البيتنه واني اتچه على الحايط شافتني امي اجتي يمي

ام صابرين..الف اسم الله يمه شبيج

صابرين..مرتين مرتين هيج يصير بيه

ام صابرين..بس فهميني شبيج يمه

صابرين..عفته وصعدت الغرفتي قفلت الغرفه وكعدت وراها ابجي شكد بجيت وصيحت وكسرت الغراض بس كلبي بعده يأذيني كعدت على الچربايه ابجي وادعي اموت اخلص مرتين هيج يصير بيه ولكممم مرتين الدنيا تكسرني ليش ليش من داعي عليه اني هيج يصير بيه كمت طلعت ملابس دخلت سبحت وطلعت صليت كمت مرتين كسروني ومرتين نضلمت بهل دنيا بعد شراح اشوف منها ضليت ادعي اموت وارتاح بهل دنيا ودموعي ابد موكفت تمددت واني رماد اني الجنت اتباها بي كدام حسام كسرني اني الي ختاريت طريقي ويا عل وعسه ينسيني بس هوا شسوه فوك كسرتي كسرني جنت اكول بس جاسر اجاني هديه يعوضني وتاليي شسوه جاسر كسرني فوك الكسر كسرتين عيوني ماخذت نوم ضليت كاعده وبس دموع تجري احس كلبي على دقيقه يوكف من الصار ويايه الحد العصريه ندك باب غرفتي وسمعت صوت اختي نارين

نارين..صابرين حبيبتي ممكن تفتحين بس احجي وياج

صابرين..مجانت الي قدره ارد عفتها على الباب تحجي وضليت بغرفتي مطلعت شكد اجوي وحتى ابويه اجه بس ماطلعت وصلت مرحله فكرت انتحر لين ماشفت شي من دنيتي كسره فوك كسره حيل صعب ثاني يوم الصبح كمت باوعت غرفتي هوسه كزاز اخذت ملابسي وبدلت غسلت وجهي ولفيت شالي ونزلت شافتني امي اجتي عليه قبل متجي طلعت من البيت جان واكف كبال بابنه بس طلعت اجه عليه

جاسر..صابرين

صابرين..عفته ومشيت طلعت على الشارع العام اخذت تكسي ورحت للدائره وصلت ونزلت دخلت مارست شغلي واني بعز نهياري اخذت شغل بنين لين مجازه حامل وشاهين يمدد اجازتها طلبت منه اخذ شغلها اني واني استلمت صار فوك شغلي شغلين تعبت نفسي حتى ارجع انام ومافكر خلص دوامي واني ماشفت حسام ولا جاسر غير بس الصبح طلعت البيتنه دخلت جانو يمنه دخلت للمطبخ شربت مي وطلعت داصعد الغرفتي صاحتني امي

ام صابرين..تعالي يمه جدج وعمج يريدوج

صابرين..عفوا اني من يمته عندي عم وجد خطيه غلطانين بعنوان البيت ذيج البصره اذا طلعو هسه يوصلون بليل عدهم جنه وعدهم حفيد يمي مالهم كلشي واذا تصيحوني بعد واجمعوني ويا جاسر بمكان واحد احرك نفسي داصعد ماحس اله ابويه صاحني بصوت عالي رجعت نزلت ودخلت جانو كلهم كاعدين عمي وجدي وياسر وجاسر ومرت عمي نعم

ابو صابرين..اكعد دنحجي وياج

صابرين..واني ماعندي شي احجي بي وياكم

ابو صابرين..صابرررررررين لتخليني امد ايد عليج

صابرين..اجه يوم من الايام دخلت الغرفتك اتوسل بيك متقبل تذكر شكتلي كتلي تريدين ارجعج الحسام الي ضم عليج زواجه وبنته وهسه نفس الموقف صار جاسر ابن اخوك ضم عليه زواجه وبنته

ابو صابرين..صابرين بابا اكعدي يفهموج

صابرين..لا اريد يفهموني ولا افهمهم الي عندي كلته اني ماعندي كلشي وياهم ومسامحتهم لين كذبو عليه ومسامحه جاسر وماحلل وموهوب بس ماريد اشوفه بعد وسامحته حتى حتى عند رب العالمين ميصير النه لقاء سويه

جدي حكيم..بويه ستهدي برحمانج وكعدي نحجي وياج هنه كلمتين نكولهن ونروح

صابرين..شتفهمني وشراح تكلي هااا اسفين لين ضمينه عليج زواجه انتو محد بيكم يستحق حتى بعيني اشوفه اني بنت ابنك هيج تسوي بيه لو عمي الي اصير بنت اخو من لحمه ودمه وهيج سويتو بيه زين اني بشنو اذيتكم حتى ماعرفكم قبل ياسر الي دائما يطلع اخو ملاك لو اجي على جاسر ههه جاسر الي فضلته على الدنيا كلها وبديت ويا حياتي الجديده اجيتتتتت شسويتتتتت فوووووك كسري كسرتني جنت اتباها بيك وتالي شصار بعد مجنت ماخذنييييي السابع سما بلحضه هدمتني السابع ارض زين اني شسووويت الكم لا اعرفكم ولا شايفتكم قبل بشارع اذا اشوفكم ماعرفكم ليش هيج سويتو بيه ماذيت احد منكم اني مشيت وياكم بكلشي بعز نهياري وجنت امشي حياتي ويا ابنكم وتالييييي يطلعععع مزوج وعنده طفله زين اني طبني الف مرض استاهل من ايدي وايد اهلي الي صرت عله عليهم وبأي طريقه رادو يخلصون مني زينننن المكروده الي بلبصره كسرتو بختها ونزلتو عليها ضره كسرتو بختها الذيج بيه اني اني اني داحجي احس كلبي راح يوكف عيوني غوشت داوكع حسيت احد سندني باوعت ياسر دفعت ايده اني ماريد شي منكم بس ابنكم ماريد اشوفه بحياتي بعد وبلنسبه الك يا ابويه اذا متريدني يمك وتعتبرني عله اروح اعيش يم صبا لو يم بنين واخلصكم مني داحجي تقدم ابويه عليه وضربني راشدي صار كبالي جاسر يحاميني

جاسر..عمي لتضربها

ابو صابرين..بدل متفهم السالفه اجتي وضلت تحجي حجي اكبر من عمرها كبالللل اهلها

جاسر..اني احجي وياها مشكلتنه اني وياها نحلها لا تضربها

صابرين..اخذني من ايدي واني ادفع بي اخذني للسياره صعدني وصعد باوعت عليه نعم

جاسر..كافي

صابرين..اني وياك ماكو اي مشكله نحلها انت بطريقك واني بطريقي حل عني

جاسر..كافيييييي

صابرين..من صاح سكتت شخط السياره وطلع ماعرف وين اخذني بس وكفنه يم مكان مهجور مثل الساحه جبيره مابيها احد طفه سيارته وجان عباره عن بارود واني اكثر منه

جاسر..سمعيني وبدون حجي زايد

صابرين..ههه فوك ما لغلط راكبك من راسك الساسك هيج تحجي رجعني جاسر اني وياك مالنه عيشه سويه وروحلها للبنيه

جاسر..ماتتت ماتتتتتتت

صابرين..نداريت عليه وسكتت محجيت شي انتضرته يكمل حجيه

جاسر..ماكو بنيه اروحلها هيه جانت زينب وماتتت

صابرين..رجعني

جاسر..قبل 8سنين جانت احله ليله بحياتي زواجي من حب حياتي اليي انتضرت حياتي كلها حتى انجمع اني وياها بغرفه وحده جانت طالبه ويايه جنت اشوفها ثكيله وملتزمه وماعدها لا زايده ولا ناقصه جانت احله وحده تشوفها عيوني حبيتها وعشقتها وتعذبت يله حصلت عليها وتعاركت وتمالخت ويا الدنيه كلها حتى اخذها واخذتها وازوجتها وعشت وياها ملكت سنتين ونص سنتين جنت اشوفها زوجاتي الاربعه حبيبتي وزوجتي وملكتي وكوني هيه جانت النفس الاخذه لو ينطوني الدنيا ولابيها بكف وينطوني زينب بكف اختار زينب بكل رحابه صدر الحد ما حبلت بتبارك بنتي الصغيره ماشت حملها وضمت عليه خطورة الحمل عليها ماكلتلي الدكتوره ناطيتها حياتها لو حياث الطفل وهيه مختاره الطفل جابت تبارك وبنفس الحضتها ماتت عافتني وراحت سنه اني يم كبرها انام واكعد واكل واشرب سنه اني مشايف تبارك وكارهه بسببها زينب عافتني وراحت كرهت نفسي لين مكدرت انقذها وكرهت حياتي لين ماكو بحياتي هيه زينب جانت صديقتي وحبيبتي وام روحي ونفسي اسراري مانطيها الاخوي كلهن الها جانت تعاملني معامله ماكدر اوصفها حب حنيه حبيتها بكلشي بيها ماكدر اكلج بيها سيئات ماشفت منها بس الطيب والخير بس وينها راحت وعافتني وراها بعد ملاحات اهلي ارجع واشوف تبارك رجعت للبيت وشفتها ونفرتها ماردتها ويا الايام كمت اشوف ملامح زينب بيها بليل طلعت اخذتها من غرفة امي لغرفتي وضليت صافن عليه ومثل الطفل ابچي ويريد امه هاي حالتي لااكلج قاومت لا جنت اضعف من الضعيف مابقالي امل بدنياي غير تبارك الاتذكرني بزينب فديوم جنت كاعد ودز عليه جدي وحجالي عليج وصيحت وعيطت وكسرت ورفضت اجي واشوفج بس مااكدر اكسر كلمته هذا الشيخ حكيم ماتنرد كلمته جيت وشفتج رغم حزنج بس جنتي نسخه منها جرت عيونج وشفايفج وخدودج وطول شعرج حتى لونه سواد اليل مثل لون شعرها اي صابرين انتي نسخه من زينب خطبتج لين اتشبهيها كل ماباوع بعيوتج اذكرها كل ماتبتسمين تجي ابالي بسمتهل وضحكتها مو بس انتي العشتي العذاب بهل دنيا اكو الف القصص بعد متنعرف صابرين خطبتج لين تشبهين زينب معبالي راح احبج وتصيرلي دنيه ثانيه حبيتج وحق محمد بعد ماعرفتج حبيتج الشخصج مو لين تشبهين احد حبيت برائتج حبيتج الفطارتج حبيتج وردت اعوضج عن السوا بيج حسام واعوض نفسي على الصار بيه كل القصه سمعتيها مني وانتي حكمي

صابرين..جانت دموعي تجري واني اسمع الشخص الي حنين عليه ويخاف عليه من اهلي الجان يضحكني بوقت حزني جاسر شفت بي الحنيه وشفت بي الحنان عوضني عن كلشي سوا بيت حسام تخيلو حالي واني اسمع حجيه وهوا يحجيلي عن حب حياته الي خسره غمضت عيوني وحجيت رجعني للبيت ماريد اسمع شي بعد محجه ضل واكف ومتحرك الحد اليل واحنه ساكتين جاسر رجاءا رجعني

جاسر..صابرين مااكدر اعيش بدونج

صابرين..رجعني

جاسر..مارجعج

صابرين..شغل السياره وطلعنه ماعرف وين بس هوايه مشينه اني من التعب نمت الصبح فزيت على ايده وهوا يكعدني باوعت عليه جان موكفني يم بيت جبير وحديث باوعت عليه وين جبتني

جاسر..نزلي

صابرين..وديني البيتنه

جاسر..هذا بيتج نزلي

صابرين..ضليت كاعده منزلت اجه من جهتي فتح الباب وشالني فتح الباب ودخلنه للبيت جان بي مره جبيره وثنين بنات شابات دخلني يمهم وكف بصفي والمره الجبيره كامت وحجت

الحجيه..مني هاي يمه

جاسر..هاي صابرين حجيه

الحجيه..يمه هله بصابرينه شلون حبوبه

صابرين..مجاوبت ماعرفها

جاسر..جاوبي هاي بيبتج

صابرين..رجعني لبيتنه

الحجيه..يمه هذا هم بيتج حبيبه

صابرين..واكفين طلعت طفله صغيره تركض حضنته من رجله هوا شالها وباسها قوي

جاسر..شلونج ينفس ابوج

تبارك..زينه بابا

جاسر..اروحلج فدوه

صابرين..عفيه رجعني ماريد ابقه هنا

تبارك..انتي ماما صابرين

صابرين..ضليت صافنه عليه جرني من ايدي وصعدني فوك واني اجر ايدي اريده يعوفني ماكو لازمني قوي دخلني الغرفه ودخل وقفل الباب رجعنييييييييي الاهلييييي

جاسر..تنسسسسسين اني اهلج

صابرين..انتتتت كلشييي متصير مني رجعني جاسر ترا اني مو حمل كلشي بعد رجعنيي

جاسر..ولا اني حمل شي بعد صابرين كافي

صابرين..كعدت بلكاع وانتچيت على الكنتور وطبكت رجلي الصدره ودموعي تجري انت ازوجتني حتى اصير داده البنتك كعد كبالي وحجه

جاسر..ونفسج عندي ودين محمد ازوجتج لين حبيتج صابرين حبيتج واني 6سنين كلبي مافاتحه الاي وحده

صابرين..واني ماحبك افتهممم ماحبككك روح ازوج غيري وخلي تصير هيه داده البنتك اني ماربيها ولا اصير الها ام باوع عليه وكام طلع وقفل الباب كعدت ابجي الى متى اضل هيج ابجي شكد ابجي بعد شكد اول شي حسام وبعدها اهلي وهسه جاسر شتحمل بعد ضليت كاعده وصورتها للطفله ابالي من صاحتني ماما ضليت يومين بهل بيت الچبير ماشفت احد غير بس جاسر يجيبلي اكل حتى ماكل يبقى نفسه ثالث يوم نفتح الباب دخلت الحجيه الجبيره وياها الطفله لازمتها من ايدها جنت نايمه بلكاع من شفتها عدلت كعدتي اجتي كعدت يمي وتربعت لزمتني من ايدي وحجت

الحجيه..حقج يمه ماتقبلين تربين طفله مو من لحمج ودمج

صابرين..نزلت راسي خجلانه منها اني موقصدي هيج

الحجيه..لا يمه حقج محد تقبل تربي طفله مو منها بس تدرين يصابرين هل طفله متأذي احد انطيها تلفزيون كارتون واكل وتنام ومابقالها كم شهر وتبدي مدارس ونسجلها مدرسه متأذيج يايمه واذا ربيتيها عند ربج ماتضيع يمه هاي يتيمه ورب العالمين يكول اما اليتيم فلا تقهر لا تعذبين نفسج وتعذبين هل مكرود جاسر وياج صارله تلث ايام لا نوم نايم ولا مرتاح صابرين يمه جاسر وره ما توفت المرحومه لاحب ولا تقرب للحب بس من خطبج وراها اجانه صدكي يايمه بعيونه شفت الحب الج شفت امل جديد بعيونه يمه هاي الايام لتضيعيها منج ترا الدنيا غداره يايمه كولي يالله وابدي هل حياة ويا واذا ماتريدها التبارك اني اربيها اخذها يمي واتعهدلج ما تشوفيها اني مريضه وصعدتلج يايمه انتي بنت ابني ومعزتج تصير اكثر من معزته وبعد انتي بكيفج يايمه

صابرين..ضلت كاعده واني دموعي تجري اباوع على تبارك تباوع عليه وتبتسم حسيت على نفسي اني شكد حقيره صرت من كتله ماربيها وماصير الها ام بس والله اني تعبت والله مالي قدره اتحمل حتى نفسي السنه هاي هوايه تعذبت بيها صدمه اقوه من صدمه فتحت ايدي الها اجتي حضنتني حضنتها وبجيت وهيه تبجي ويايه يعني تبارك يطلع عمرها 5سنين بيضه عيونها مثل عيونه خضر شعرها اسود طويل رفعت راسها ومسحت دموعي

تبارك..لتبجين موزين بيبي تكول

صابرين..مسحت دموعي وباستني من خدي

تبارك..اني اصير حبابه وماوكح بعد

صابرين..انتي حبابه اصلا

تبارك..عادي اصيحلج ماما مو

صابرين..هزيت راسي اي عادي فتح الباب دخل جاسر باوع علينه وابتسم درت وجهي عنه لين كذب عليه

جاسر..حجيه راجع البغداد اني

الحجيه..روح يمه رب السلامه ودير بالك على نفسك

صابرين..اريد ارجع

جاسر..حجيه جوه اني ليريد يرجع خلي ينزل

صابرين..فوك شينه كوة عينه كمت مسحت دموعي وعدلت شالي وملابسي دطلع حضنتني تبارك

تبارك..اجي وياج

صابرين..امشي

الحجيه..لا يمه خاف تضوجكم

صابرين..لا هيه حبابه راحت ركض صاحت وحده من البنات تحضر ملابسها كامت الحجيه وكفت كبالي حجت

الحجيه..يمه عند ربج مايضيع شي تسوي لهل يتيمه حتى السان ماعدها الله يرضى عليج

صابرين..لزمت ايدها اني اسفه لين هيج سويت وكلت ماريده

الحجيه..لا يمه مسامحه دنيا واخره ابويه

صابرين..اجتي تبارك تسحل بجنطتها وفرحانه راح اخذها ويايه لزمتني من ايدي واخذت الجنطه من ايدها ونزلنه خليت الجنطه بسياره وهيه صعدت ركض صعدت اني وصعد جاسر باوع عليه وحجه

جاسر..خير بابا وين

تبارك..اروح ويا ماما صابرين

جاسر..نزلي بابا باجر اجيج

تبارك..ما ما اجي احجي ويا ماما

صابرين.. خليها اني اريدها محجه طلع الطريق طويل هيه نامت ورا اذكرت بنت حسام اصغر منها وابويه ماقبل بس قبل بجاسر لين ابن اخو ثاني يوم الفجر وصلنه لبيتنه نزلت هوا شال تبارك واخذ جنطتها وفتح باب بيتهم ودخل وطلع جرني من ايدي ودخلني للبيت دفعت ايده من ايدي وخري ماسمحلك هيج تلزمني

جاسر..نسيت انتي ضابط من تمشين ينحسبلج الف حساب

صابرين..اي نسحبلي الف حساب واذا تريد امشي للدائره وشوف درت وجهي عنه ودخلت للصاله كعدت مانمت انتضرت تطلع الشمس تقريبا ساعه بـ 10طلعت البيتنه دكيت الباب مرتين فتحها ابويه باوعت عليه وعيوني غوركت دمع……….……………

للحكايا بقايا……….

ترا مالها دعي هل حجي عليه ترا مجان عندي نت وهذا البارت من الخميس كاتبته بس طلعنه لبيت خالتي وماعدهم نت جان فا شكرا وبس

من اصابيعچ على زلوفچ اغار

من التراچي ، والمَحابس ، والسوار

//////////////////////////////////////////

صابرين..فتت لبيتنه داصعد فوك بس صاحني نداريت عليه نعم

ابو صابرين..اريد احجي وياج

صابرين..دخلت للصاله وكعدت كعد كبالي وحجه

ابو صابرين..ادري غلطت من ماكتلج على موضوع جاسر انو هو مزوج وادري انتي كلتي شنو الفرق حسام مزوج وجاسر مزوج حسام عنده طفله وجاسر هم عنده طفله باعيني ابويه حسام ماحبج مثل ما جاسر حبج جاسر مو اول ماكتيله طلكني استسلم مثل حسام حسام مزوج ومرته عايشه بس جاسر توفت حسام بنته عدها ام بس هاي الطفله يتيمه مالها ام صابرين بويه لتفكرين فديوم انتي حمل عليه لو على امج ابد لا والله احنه. نطلع وانتي تبقين معززه مكرمة بيت اهلج بس صابرين بابا انتي شفتيها للطفله وشفتيهم كلهم ماذوج ولا سمعوج حجايه لين يعزوج اكثر من جاسر انتي اول فرحتي انتي الي كلمة بابا سمعتها اول مره منج القرار قرارج بعد وصدكيني وياج راح اوكف بهل قرار صابرين وداعتج وانتي اول فرحتي تمنيت ايدي تنكسر ولا امدها عليج

صابرين..كام باسني من راسي وطلع كمت صعدت الغرفتي اخذت ملابس دخلت سبحت وبدلت وطلعت كعدت ابجي ضلي ابجي يصابرين مالج بس هل حل شنو فرقه عن حسام حسام كذب وهذا كذب حسام ضم عليه زواجه وجاسر هم عضم الفرق بنت حسام عدها ام وبنت جاسر ماعدها هذا الفرق بس زين اني شنو موقعي من بيناتهم والمن اختار جاسر لو حسام واني المن اريد جاسر الي بحبه وحنيته خلاني احب نفسي لو حسام الي من جنت اول حب الي نمت وعفتها على الله كعدت على صوت بغرفتي فتحت عيوني شفت تبارك كاعده تباوع عليه وتبتسم ابتسمت باستني بخدي وحجت

تبارك..صحي النوم ماما

صابرين..صح بدنج حبيبتي شعندج هنا

تبارك..خاله يعني امج كالت صعدي كعديها لين حتصير دنيا غروب موزين

صابرين..هه موزين شيصيبني بعد الصار بيه يله حبيبتي امشي ننزل كمت غسلت وبدلت ملابسي ولزمتها من ايدها ونزلنه جانو كلهم كاعدين دخلت بدون ماحجي شي خليت تبارك يمهم وطلعت للمطبخ احس بطني تتكطع من الوجع اخذت اكل وكعدت اكل بس مااكدر اكلت شويه وكفيت عزلت مكاني ورجعت للصاله كعدت جانو كلهم موجودين جدي وعمي وابويه وجاسر وياسر ولكل ندار عليه جدي وحجه

جدي حكيم..شلونج صابرين بويه

صابرين..بخير عايشه لحمدالله

جدي حكيم..الحمدالله بعدج زعلانه

صابرين..لا مزعلانه من احد اني

عمو حاكم.. يابويه صابرين فتهمتي السالفه من جاسر ليش زعلانه منه تره انتي بنت اخوي العزيزيه المدالله ومعزتج اكثر من معزت ولدي الله شاهد

صابرين..شكرا ضليت ساكته وهما يحجون وجاسر عينه عليه ويخزر عباله اخاف رديتله الخزره وهوا تخبل دك تلفوني باوعت ملازم حسين والله خوش وكت دكيت يا حسين جاوبت الو ها ملازم حسين من هيج حجيت رفعت راسي على جاسر خزرني وضل يحوص

ملازم حسين..وينج صارلج يومين مختفيه صابرين الدنيا نكلبت عليج

صابرين..ليش شصار

ملازم حسين..ههه العقيد حسام تقريبا تقريبا نجلط من وراج

صابرين..فعلاً ضحكني من كال هيج فهمني شكو وليش العقيد حسام تخبل من ورايه شسوين

ملازم حسين..اكو ملفات جانت بغرفتج يريدهن وانتي ماكو فتح الباب ودخل اخذهن وقعهم وختمهم بس صابرين الله ليشوفج حالته جان بارود

صابرين..حجه عليه مو

ملازم حسين..شتكولين انتي

صابرين..اكيد كال اجاوزت الحد مالتها وتغيب بكيفها ومباقي شي وافصلها مو

ملازم حسين..هههههه حافضته لا امانة الله كال صابرين يرادلها تعداد عسكري من جديد كامت تخربط بشغلها وتغيب بكيفها وداوم شوكت متحب وتعطل شوكت متحب عبالك الدائره مسجله بأسمها

صابرين..يمعود هذا الحجي يوميه الصبح يحجي صار بلنسبه الي عادي لا يقدم ولا يأخر شي ملفاتنه كل اسبوع تصعد للعميد عامر ويشوف شكد نغيب وشكد نداوم واني جبتها قبل كلها داوم وهسه صارتلي ضروف غبت بيهم

ملازم حسين..ادري جيت لبيتكم اول بارحه وحجالي الوالد انتي بلبصره هسه

صابرين..لا رجعت البغداد نشالله باجر اداوم

ملازم حسين..بس لازم تحضرين نفسج لين عندج رزاله

صابرين..لا لتخاف باجر العقيد حسام مموجود عنده اجتماع بلوزارة هوا والعقيد شاهين والعميد عامر فا مراح يشوفني ولا يحجي شي بس اذا وراها اي يحجي واكيد يرزل وحقه

ملازم حسين..يرزل بحدود بس مو يحجي بكيفه دافعتلج اني تره

صابرين..والله يا حسين ماعرف شلون اجازيك دافعتلي كدامه المهم اكلك باجر من اجي كملي شسوا بعد

ملازم حسين..تدلل ضلعتي باعي باجر جيبي وياج ريوك عليج الله اريد من ايدج بورك

صابرين..ساعه بيش هسه بـ7:30هسه راح اكوم اسوي واجيبلك بس من اجي تحجيلي كلشي

ملازم حسين..خو متنعد رشوه هاي

صابرين..استغفرالله اني ارشيك حسين

ملازم حسين..لا يابه الحمدالله

صابرين..يله حروح من هسه اشتغل بي حتى باجر ماعندي شي واريد منك شغله عادي

ملازم حسين..كولي ضلعتي

صابرين..الملفات الي نطيتها الك ذاك الاسبوع تكدر اجيبهن الي

ملازم حسين.. ليش

صابرين..باجر لازم يكونن موجودات بغرفه العقيد حسام واني الحد هسه ممشتغله ولا ملف

ملازم حسين..كملت نصهن بقالج بس اربع ملفات ملحكت اسويهن لين جان عندي تعداد لضباط الحدث

صابرين..حسين انقذتني تدري شكرا

ملازم حسين..ادللي ضلعتي

صابرين..يله رايحه اسويلك الرشوه اااقصد الاكل

ملازم حسين..ههههه محتاجه شي

صابرين..سلامتك بس الملفات

ملازم حسين..ادللي بس ارجع اجيبهم الج

صابرين..مشكور يله سلملي على خاله

ملازم حسين.. يوصل وانتي هم سلملي على الحجي

صابرين..يوصل ختمت ويا حسين وكمت باوعت على ابويه وحجيت حسين يسلم عليك عفته ورحت للمطبخ طلعن الحم والعجين مال بورك وانتضرت شويه يفتح داشتغل حسيت احد ورايه نداريت شفته جاسر مهتميت كملت شغلي محسيت غير جرني من ايدي عليه وخزرني

جاسر..مشاءالله ولا عبالك اكو كواد كاعد كبالج

صابرين..ممكن ايدي

جاسر..صابريننن ناويه تخلبيني انتي لو شنو شبيججج

صابرين..مابيه شي بيك شي انت هم لا عوف ايدي

جاسر..تدرين اني مخبل لو لا واذا اطك براسي هسه وبهل دقيقه وبهل مكان اخذج واصخمج والطمج ولا عرس ولا عزه اسود

صابرين..وخر عني كام يتقرب عليه لزكت بلطباخ وهوا مشتغل ايدي احترك صرخت من الوجع ضليت اكمز بنص المطبخ من الوجع يعني العين مال طباخ مشتغله واني خليت ايدي عليها جرني من ايدي دفعت بس رووووحححح ماريدددد منك شيي

جاسر..لتكفرينييي تعاليي

صابرين..جرني عليه واني ابجي من الوجع مادري دابجي من وجع روحي ماعرف من شنو دابجيي اجه جايب ويا علبه مال سعافات وكعد كبالي جر ايدي سحبتها رجع جرها وخلاها بحضنه ماعرف شدسوي بس ضل يمسح بيها بأدوات ماعرفهن وتالي خلالي مرهن ولفها باندج ودنك باسها وحجه

جاسر..الحرك بروحي مو بيدج صابريني

صابرين..درت وجهي عنه روح منا جاسر ماعندي اي شي اكوله الك

جاسر..مو قبل مافهم استاذ حسين شراد منج

صابرين..مجاوبته ضليت ساكته صحت نارين تكمل عني وكعدت تلفهن واني اعلمها الحد ماخلصت ندك الباب عرفته حسين لبست جبه وحجاب دافتح الباب جاسر دفعني للمطبخ وطلع هوا فتح الباب اخذت نفس باوعت على نارين ومحمد يانارين راح اضربه طلقه واخلص منه

نارين..ههههه انتو بكيزه وزغلول

صابرين..ضحكي انتي بس ضلي فاتحه حلكج للهوه عفتها وطلعت شفته ديحجي ويا حسين هله حسين

ملازم حسين..صابرين هذني الملفات كاملات بس بقن الاربعه الي كتلج عليهن

صابرين..ماشي تسلم تعبتك ويايه

ملازم حسين..لا صدك كذب تعبج راحه

صابرين..تعال تفضل يمنه

ملازم حسين.. لا مشكور عامر نشالله غير يوم امر

صابرين..دتعال حسين لكل جوا

ملازم حسين..لا والله ملازمنه الاينحسبله الف حساب متأخر وتعرفين خالتج تاكل راسي اذا نتأخر على بيت اختها

صابرين..ههه بلتوفيق لعد راح حسين واني دخلت خليت الملفات على الميز ودخلت للمطبخ جان فارغ باوعت نارين مكمله كلشي وحتى الاماعين غاسلتهن داطلع شفته كبالي وخر جاسر

جاسر..راح اكسرج واكعدج كبالي لا شغل ولا حسام ولا نعلان

صابرين..ليش تغار من حسام

جاسر.. عرفي شدتحجين بنيتي

صابرين..هه ثنينكم نفس النموذج تدري بس الفرق شي واحد بس ابويه كرهه حسام لين هيج سوا بيه بس حبك لين انت ابن اخو ويعرف بيك جنت مزوج بس هذا

جاسر..واكو فرق ثاني اني حبيتج وهو جان رايدج لين رايد شي ولازم يحصل عليه اني حبيتج الشخص هو ماحبج اصلا اني حبيتج البرائتج هو مجان شايفج حبيبه اصلا شافج شي حلو مر بحياته اني مستعد انتضرج العمر كله وهو اول ماكتيله ننفصل وافق فرقي زين بعد

صابرين..كتشفت شي واحد ثنينكم ربطتكم بي اني ثنينكم اكرهكم كرهه العمه

جاسر..تصدكين اول مره اشوف الحب بعيونج تجاهي

صابرين..اكرهك

جاسر..تموتين عليه

صابرين..اكرهككك

جاسر..تموتين عليه وهذه واضح بعيونج ولو تحجين وتحلفين منا الباجر الصبح مراح اصدك بيج ليش هاي عيونج تشرح كلشي

صابرين..عيونج اقلعهن هسه وماخليك تفرح لين اني لو احبك جان جيت وكتلك انت شي نفرض عليه

جاسر.. متأكده روحي بنيتي اوكفي كبال مرايتج وكولي اني احب جاسر وشوفي عيونج شلون تلمع نام زين وتغطي

صابرين..اموت منك

جاسر..احسن

صابرين..عفته داطلع جرني من ايدي وطبكني بصدره ودنك باسني من خدي

جاسر..عطرج يرد روحي يا بعد روحي انتي

صابرين..وخر جاسر ترا الي دسوي مجرد تنسه شخص بيه ومو اني الاقبل هيج

جاسر..مانسه بيج شي احبج الهذه خبالج الهذه عقلج الهاي برائتج الهاي عيونج الهذه ج……… كلشي بيج يخصني الي وبس

صابرين..وخر

جاسر..شوكت ناويه تفتهمين الموضوع صح صابرين

صابرين..ماريد افتهم شي عوفني ومالك اي دخل بيه بعد

جاسر..انتي تحلمين اعوفج بنيتي

صابرين..وخرت ايده من ايدي وطلعت للصاله كعدت وهوا اجه كعد تبارك اجتي كعدت بصفي ولزمت ايدي

تبارك..تجين ويايه

صابرين..وين

تبارك..نروح نشتري ملابس مدرسه

صابرين..لا حبيبتي اخذي خاله وروحي

تبارك..انتي مو امي تعالي ويايه صديقتي امها تروح وياها

صابرين..نقهرت عليه من هيج حجت شوكت نروح

تبارك هسه بابا كال

صابرين..يله امشي نبدل لعد

تبارك..يله

صابرين..صعدت الغرفتي بدلت واني مطايق الكل حتى اهلي ونفسي ولكل بدلت وصحت نارين تسويلي شالي ونزلت رحنه البيت عمي اخذتني من ايدي الغرفة جاسر هيه ويا ينامون بنفس الغرفه دخلت وراحت ركض للكنتور وتخوصرت ضلت تكلب بلملابس

تبارك..اريد نفسج البس

صابرين..تعالي طلعت الها بنطرون اسود مثل بنطروني وقميص ابيض وجاكيت اسود لبستها وسويت الها شعرها شلت نص وبقيت نص لبستها بوت اسود مثل مالتي ونزلنه لكيت جاسر ينتضره من شافنه ابتسم طلع وطلعنه ورا صعدت بسياره وصعدت تبارك والطريق كله مطلعه اغاني وتغني وتضحك هيه طفله تنحب بس ابوها مكروه رحنه للمول نزلنه هيه لزمت ايدي والزمت ايد جاسر وصارت بنصنه مشينه وياها فترينه المول كله ولكينه الها اشترالها اربع صداري واربع قمصان وكفنا يم محل مال جاكيتات دخلنه اني وياها اخذت الها اربع جاكيتات وكدرتهن وتطلع تراويهن اله وترجع خلصت دنكت عليه بستها من خدها بلعافيه حبيبتي

تبارك..احبج اني

صابرين..واني هم طلعنه اخذنه تعشينه اني ماكلت شويه وضليت صافنه وافكر بحياتي الي جايه شنيه وشراح يصير ويايه بلحضه صارت طفله بحياتي واني لازم اصيرلها ام واعوضها عن حنان امها دخت بحياتي الي مابيها معنى وصايره خربطه فزيت من صفنتي على ايد تندم على ايدي باوعت تبارك

تبارك..امشي نروح اني وياج وبابا نفتر بعد

صابرين..امشي بس بلبدايه نروح نغسل

تبارك..يله

صابرين..اخذتها غلست الها ومن طلعت اخذتها المحل اكسسوارت شتريت الها قراصات وكترات مال مدرسه شالتهن وفرحانه بيهن هاي هم خطيه نحرمت من امها ضلينه نفتر وهيه وتبارك فرحانه الحد ما تعبت ونعست نزلنه وطلعنه من المول مصعدت ورا خلت غراضها واجتي نامت بحضني الطريق كله اباوع عليه اختار اربيج واكمل حياتي وياج ويا ابوج لو ابتعد عنكم ضليت ساكته جانت الشوارع ازدحام خليت راسي على الجامه واني هم نمت محسيت غير بس يكعدني باوعت واكفين يم باب بيتنه فتحت الباب ونزلت فتحت باب بيتنه وحجيت تبارك اليوم تنام يمي عفته ودخلت اخذتها الغرفتي خليتها بفراشي ونزعتها تكرمون حذائها وملابسها وبقيتها بس بلنص ردن لين تختنك اخذت ملابس ودخلت سبحت وبدلت وطلعت مددت بصفها وضليت صافنه عليها شلون نايمه مثل نومته تخلي خدها على ايدها وتنام مثله يارب اختارلي ولا تخيرني يارب يالله ضليت كاعده الحد هستوني داغفه حسيت احد فتح الباب ودخل باوعت جان جاسر كمت من فراشي نعم

جاسر..نعم الله عليج

صابرين..خير

جاسر..خير الي يصيبج ويصيبنه

صابرين..هفف شتريد

جاسر..والله يا حبوبه بناتي ثنينهن هنا نايمات شعندي بحدي بلغرفه كلت اجي يمهن

صابرين..رجعت لفراشي جاسر اطلع برا لتخليني اصيح والمهم عليك هسه

جاسر..صيحي الله ويدج حتى غصبا ما عليج العرس يصير باجر

صابرين..نام من الصفحه الثانيه وبنص صارت تبارك كمت من يمهم وفرشت بلكاع ونمت جاسر

جاسر..كومي نامي هنا تتمرضين

صابرين..معليك بيه لو اكلك هم صح اتمرض كمت وكفت فتحت باب غرفتي ونداريت عليه تتهنى بيها عفته وطلعت رحت الغرفه نارين رفعت الحاف شفتها تخابر من شافتني وجهه صار احمر واصفر كام ينطي الوان خير ينارين المن تخابرين

نارين..ممم محد صديقتي

صابرين..جريت التلفون منها باوعت ياسر وجان الخط بعد مفتوح خليته على اذني وحجيت ياسر كدامك بس 5دقايق يا ابن عمي اذا مجيت احركه البيتكم على راسك سديته منه ورحت جريتها من شعرها شلوووووننننن هيجججج تسويننن

نارين..صابرين عليج الله بس افهمج

صابرين..اللللللهههه ياخذجججج وياخخخخذذذ صابرينننن وياج ادبسزززززز لج بعدج بكد فردت القن…… كلبههههه كومي كومي جوه جريتها من شعرها ونزلتها جوا صعدت على ذاك الثاني النايمه ندسته كعد كوم شوف خوك شمسوي الاختي عفته ونزلت ورايه بثواني دخل من الباب هوا وياسر ماعرف مين طلع ومين دخل لازم اعرف جانو نايمين كلهم فتحت كلوب الصاله وكعدت نارين تبجي كعد بصفها ياسر هوب هوب مجال مجال لتلزك بيها ادنه ضليت افتر اي هسه احجو

جاسر..ليش داحسج خاطفتهم وجاي تحققين وياهم صابرين الحجي مو هيج

صابرين..انت لتدخل ياسر من يمته وجاييي ولد العم اهل النخوه والمصداقيه يصادقون بنات عمهم اشو اني اسمع يخطبها يله يرفع عينه ويشوفها بشرع الله

ياسر..صابرين يبنت عمي بس افهمج

صابرين..شفتهم ولك ماتستحي على نفسك بنص اليالي تخابرها وهاي رحت كخفتها هاي الغبيه الثوله مكيفه لج هسه اذا اذبحج ميرفلي جفن

جاسر..هوببب لهنا وبسج يبت عمي الهنا وخلصصص اكعد وسمعي لاتمشين دورج العسكري علينه لا احنه صغار ولا ماعدنه لسان ونردج اذا تجين تحسبين فرق العمر بيج وبينه تلكينه هواي انتي نجرحتي بحياتج واحنه نجرحنه انتي خسرتتتي واحنه خسرررنننه بس مالل تعاقبين اختج بهل سالفه هاي لااا ياسر قاري الفاتحه وي ابوج وابوي وبحضور جدي وشيخ من يحجي وياها بشرع هيه محجوزه اله وصارت اله شباقي على القعد دينتضروج تفهمين السالفه وتصير حفله خطبتهم بس انتي مراضيه تفهمين فه هاييي براحتج يبنت عمي اسلوب الاسترجال بطلي ملايك ويا شخصيتج انتي ضابط على عيني وراسي والضابط ميمشي اوامره بلبيت هناك بشغله يصير الامر والناهي بطلي الانانيه الي عندج وهذا الغرور ولتكبر صابرين مرايده علاقتنه وحياتنه سويه اتم براحتج ماجبرج باجر اخذج للشيخ وانهي كلشي بينه بس مال تعاقبين ياسر ونارين لاااا فتهمتييي لاااا ساكت عليج صارلي هواي ليششش اكول جاسر تحبها انت جاسر خطيه جاسر راح تمشي عدل لتهتم وجاسر جاسر جاسرررر بسسسس كافييي انتي اي احترام للاكبر منج ماكو جدي اليحجي وياج متردي لو ابوي لو ابوج هاهيه يبنت عمي التريدي يجرالج يله خويه كومي ابويه نارين كومي نامي ولتخافين اني بضهرج واسندج وانتي ممسويه شي غلط شرع الله هذا وانتي محجوزه الياسر مسحي دموعج وصلي على نبيج ونامي وباجر احجي وي ابوي يخلص سالفه خطبتكم بسرعه وانتي مو تريدين ابتعد عنج وعن حياتج حددي يوم واخذج للشيخ وادللي وانت يله كدامي للبيت نارين خويه نزليلي تبارك بغرفه المحروسه اختج

صابرين..جنت بس صافنه عليه هذا كله ضامه بكلبه عليه كله هذا جان حابسه تجاهي اخذ بنته وراح ونارين صعدت الغرفتها كعدت على التخم وبديت ابجي كلش حلوه هيج حياتج صابرين كلش حلوه لا انتي المرتاحه على وجهه ولا انتي الطايح حضج على وجهه ضليت كاعد لحد الصبح كمت بدلت واخذت الملفات وطلعت كل يوم اشوفه حتى واني زعلانه جنت اشوفه يم باب بيتنه اليوم مموجود عفته وطلعت اخذت تكسي للدائره ودخلت الغرفه ملازم حسين خليت البورك على الميز ورحت الغرفه العقيد حسام خليت الملفات ورجعت الغرفتي بده الدوام الرسمي واني صافنه ومادري تلفوني دك باوعت امي جاوبتها نعم

ام صابرين..يمه وينج جدج وعمج يريدوج

صابرين..بلوزارة عند جتماع مااكدر هسه اجي

ام صابرين..صابرين يا وزراة هاي رجعي

صابرين..مااكدر ارجع عندي شغل ترخصت منها وكملت شغلي لحد ما خلص الدوام وطلعت اخذت سياره البيتنه نزلت دخلت جانو هما بيت عمي موجدين دخلت سلمت وكعدت جان جاسر مموجود ولا ياسر حجه جدي

جدي حكيم..بويه اليوم اني جاي على صابرين بنت ابني مو الملازم صابرين

صابرين..دنكت راسي نعم

جدي حكيم..باعي بويه سبوع اني احجي والح عليج بموضوعج انتي وجاسر بس يا بنيتي اذا مرايته للولد خو مو اجبرج يم ربنه حرام اليوم جيت وناطيج اخر فرصه تفكرين بحجيي يبنت ابني وحفيدتي والج حريه الاختيار محد راح يغصبج على شي وعندي موضوع ثاني نارين محجوزه لياسر انتي مجنتي موجوده من قرينه فاتحتهم

صابرين..شويه وندك الباب ودخل ياسر وجاسر وياهم سيد كعد جاسر ابد مارفع عينه عليه وياسر كاعد من من الصفحه الثانيه والشيخ كاعد بنصهم شويه وامي نزلت نارين لابسه فستان وردي وبي حزام اسود وفرحانه من شفتها عيوني دمعت عليه هاي الطفله الجنت العبها واخذها اشتريلها كبرت وصارت عروسه لبسوها جادر وكعدت بصف بابا باوعت عليه عيونه دمعت هيه لزمت ايده ونزلت دمعتها بده الشيخ يقره ايات وامي جابت طشت بي مي ورد وخلته ودموعها تجري خلص الشيخ وتم عقد نارين وياسر دعيت بكلبي تكون حياتها احسن من حياتي ومتواجهه مطبات الحياة القاسيه كمت داصعد هيه جرتني من ايدي

نارين..صابرين لتعوفيني هيج وتروحين اني اسفه والله

صابرين..نزلت دموعي واختنكت اريد ابجي وخرت ايدها من ايدي وصعدت الغرفتي قفلت الباب وكعدت ابجي واشهك ليش مادري بس بجيت هوايه بجيت لحد ما فرغت همومي كلهن بلبجي كمت اشهك من كثر الشهكات احس ختنكت فتحت باب البلكونه كمت اخذ هوا ودموعي تزيد الحد ما هديت شويه اخذت ملابس من كنتوري دخلت سبحت وطلعت صليت ودعيت النارين بحياة احسن وافضل من حياتي خلصت صلاة ورحت تمددت ماحسيت بنفسي غير نمت ماكعدت اله ثاني يوم ولو ما المنبه مااكعد لين نعسانه جنت كمت اخذت ملابسي العسكريه بدلت البارحه جنت لابسه عادي بس اليوم عدنه تفتيش لبستهن ولفيت الحجاب واخذت الكرب لبسته وخليت سلاحي اخذت هويتي ونزلت باوعت محد من اهلي كاعد كلهن نايمين رحت للطمبخ اخذت زيتونه اكلتها وطلعت باوعت على مكانه ليوكف بي مموجود واصلا سيارته ماهيه طلعت للشارع اخذت تكسي لدائره وصلت صعدت اسمع الكل تحجي بخطوبه بس مال منو ماعرف لحد ما اجه ملازم حسين لغرفتي جنت داملي لاستمارات مال وزارة ودخل حسين

ملازم حسين..ها ضلعتي الله يساعدج

صابرين..ويساعدج هله حسين

ملازم حسين..اول شي مشكور على الرشوه ااقصد البورك

صابرين..بلعافيه اكلك متعرف منو نخطب هنا كلها تحجي

ملازم حسين..ليش متدرين

صابرين..شكو

ملازم حسين..غير العقيد حسام والملجه مالته جانت البارحه………..

للحكايا بقايا……………….

عوضتكم ابارت الي صارلي من البارحه اكتب بي جمعت احداث بارتين ابارت واحد نشالله تكونو راضين بس اني رضيتكم بس زعلانه منكم

يصير احبك من جديد

ونخلق لـ حبنه بداية ،

وصدفة أشوفك مـن بعيد

وانعجب بيك واعجبك

وواحد يمُر آعلة الاخر ، بس غريب

يصير اصيرنلك حبيب ؟

يصير نزعل نخرب ،

نضوج ونفارك بس نعود

يصير ميمرنة برود ؟

يصير……

/////////////////////////

صابرين..متهمين لين من حسام شكو خيبة امل اجتني صارت مو جديده عليه اي مبروك يستاهل العقيد حسام

ملازم حسين..وانتي بلمصخمه شوكت تزوجين وتخلصينه

صابرين..ماعرف بعد انتضرك تزوج يله

ملازم حسين..شزوج والحجيه قافله لو بنت اختها لو ماكو

صابرين..متاخذ بنت خالتك شبيك

ملازم حسين..صدك تحجين صابرين صغيره كل عمرها هسه صار 18سنه

صابرين..جوز هاي الصغيره الي متعجبك احسن من الكبار الي يعجبنك خويه

ملازم حسين..والله يا خيتي ماعرف بعد داشوف شنو المميز بنت اختها وتريدها

صابرين..الله يفرح كلبكم كلكم نشالله

ملازم حسين..واهم من عدنه الله يفرح كلبج الج

صابرين..ابتسمت صاحني العقيد حسام كمت رحت الغرفته دكيت الباب سمحلي ادخل دخلت اخذت تحيه وكفت نعم سيدي

حسام..الملفات كملتيهن

صابرين..اي من البارحه خليتهن على مكتبك

حسام..مباركتيلي

صابرين..الف الف مبروك شايف كل الخير انت تستاهل

حسام..ماغرتي لو نقهرتي

صابرين..ليش انقهر اني بديت حياة جديده وانت من حقك يكون الك حياة ويا شريكه حياتك الي تشبهك

حسام..خوش بيها الخير ست صابرين

صابرين..محتاج شي بعد سيدي

حسام..لا تكدرين تطلعني

صابرين..اخدت تحيه وطلعت رحت المكتبي تفاجئت من نفسي لا بجيت ولا نقهرت يمه اخر ذره حب بكلبي تجاهه حسام انتهت كملت شغلي ورجعت البيتنه دخلت سلمت وصعدت الغرفتي سبحت وبدلت ونزلت ساعدت امي بلمطبخ بس لا كلام ولا شي نارين تشتغل وتباوع عليه نقلت المواعين للسفره وكعدنه نتغده خلصنه غسلت الماعين ونارين سوت جاي ترخصت من اهلي وصعدت نمت ماكعدت غير العصريات غسلت وجهي ونزلت لكيتهم مبدلين مسئلت بس امي حجت

ام صابرين..يله يمه بدلي وامشي ويانه البيت عمج

صابرين..مالي خلك روحو انتو

ابو صابرين..يله بابا صابرين

صابرين..ضلو يلحون عليه لبست جبتي وحجابي ورحنه البيت عمي سلمت وكعدت بلزاويه بعيد عنهم شويه ودخلو جاسر وياسر بضحكون باوعت على جاسر جام مبدل لابس قاط اسود وهوا طويل وجتفه عريض مبين عنده عضلات وعنده عضلات ومسوي شعره وعطره ترس الصاله ترس كعد كبالي صارت عيوني بعيونه رفع تك حاجب ودار وجهه درت وجهي واستغفرت ربي ياسر كام يشاقه ويا

ياسر..عمي خلي يصير عدكم عشه مال دكاتره كل اسبوع حتى تتأنق هيج وتروح للدكتوره امل

جاسر..نجب لك لدور ولباقي الك

ياسر..عمي اني ملجتي جانت البارحه الدور الك خويه سويها واخطب امل ترها دكتوره وتخبل الله يستر عليها

جاسر..خويه نارين ضبي لهل كلب هذا بعدين دكتوره امل وين شايفها

ياسر..مره حجتي تبارك عليها كالت لزمت بابا من ايده وضلت تمشي بلشارع

جاسر..لج تبارك

تبارك..ههههه شبيك بابا

جاسر..اخخ ملعونه

ياسر..سويها خويه وتوكل اني بضهرك امل الكل يحسب الها الفين حساب من تمشين

صابرين..باوعت عليه جان ممتهم الي يحجي ويضحك احس كلبي احترك من الغيره منو هاي امل وشن لازمه ايده وشديصير مداعرف بس ضليت ساكته وكأنو مداسمع شي

جدي حكيم..بويه جاسر اذا البت خوش بت ونودي ونخطبها

جاسر..الله كريم جديد هسه خلي يفض هل عشه بخير

ياسر..جيبها للبيت هنا اني عازمها اليوم بمناسبه خطبتي

جاسر..ياسر حل عني خويه

ياسر..باع بنت الحل دنحجي عنها ودكت وباع شلون كاتب اسمها بكل حب وحنان دكتوره امل

جاسر..هههه صم حلكك الو ها دكتوره امل اي اي نشالله على موعدنه اليوم واني امر عليج اخذج ماشي هله ادللي الله وياج

ياسر..بويهه باع الخجل تبارك عمو روحي ويا ابوج مو ثقه

جاسر..نجب ساقط يله طالع اني رايدين شي

تبارك..اني اريد نستله وجيب خاله امل مشتاقتلها

جاسر..تدلل اميرتي

صابرين..طلع وهوا بكامل اناقته احس كلبي عطب من الغيره اني شديصير ويايه اختنكت كمت طلعت للطرمه اخذت نفس وجانت عدهم مغسله غسلت وضليت شويه واكفه اخذ نفس ودخلت كعدت ضلو يسولفون وياسر كاعد وعينه على نارين ويبتسم وهيه تبتسم بداخلي فرحت لين الله نطاها النارين هيج حب كامت اني ومرت عمي ونارين للمطبخ كمت ساعدتهم بس بدون كلام خلصو كلشي باوعت على الساعه جانت بـ10:00جاسر صارله من ساعه 7:30طالع صارله اربع ساعات تعبت واني ضامه بكلبي بس غرت اي غرت على جاسر شويه وسمعت صوت سياره وندك الباب طلع ياسر فتحها ودخلت بنيه طويله لابسه فستان طويل اسود وشعرها مفتوح ومكياج هادئ جانت حلوه وتبتسم ويا الكل دخلت سلمت على الكل دخل وراها جاسر مبين بعيونه فرحان دخلت سلمت على جدي وعمي وابويه فرشت السفره واني ونارين كمنه ننقل المواعين التمو كلهم كعدو ياكلون وجاسر ودكتوره امل ما نزلو لين متعشايين برا اني مأكلت رحت سويتلي جاي احس راسي راح ينفجر من الغيره كلهم يسولفون ويا امل ويضحكون وهيه تضحك من تضحك جاسر يبتسم عيوني غوركت دمع بس منعت دموعي تنزل لا لا صابرين لا مو هسه درت وجهي ومسحت دموعي وكمت اخذت المفاتيح مال بيتنه من امي وكفت اني رايحه انام تعبانه وباجر ورايه دوام

امل..ضلي شويه صابرين دنسولف

صابرين..مشكوره عيوني بس تعبانه وداعتج المهم نورتينه وتشرفت بمعرفتج ياريت تعديها لجيتج لين انت كلش محبوبه

امل..عمري الي الشرف بمعرفتج ونشالله اكيد نلتقي هوايه مو هيج جاسر

جاسر.. ادللي شوكت متحبين اجيبج

صابرين..باوعت عليه ومتحملت بعد اذا اضل معناتها راح اتربع بنص الصاله وابجي رحت البيتنه بشارع بجيت دخلت لبيتنه وصعدت الغرفتي ركض دخلت وقفلت الباب كافي بجي كافي كافي حتى عيوني عمن شكد مابجيت ربي رحمتك واسعه اوسع من كلشي بهل دنيا ضليت كاعده سمعت صوتهم كمت للبلكونه اشوفهم جانو ثنينهم يضحكون فتح الها الباب وهيه صعدت وهوا صعد وشخط سيارته وطلع هذا جاسر الي عبالج بعوضج هياته مكابل نسوانه واكعد وانتي ضلي بومه بس تبجين امداج صابرين امداج كلشي مشفتي من حياتج بس الضيم ضليت الوب اليل كله بس مانزل نفسي واروح ثاني يوم طلعت شفته صاعد بسيارته عفته ومشيت فات من يمي وكمل طريقه ابتسمت بداخلي على كميه غبائي صابرين عقلج عقل حيوانات اذا لا انتي دترحمي ولا تخلين رحمه الله تنزل عليه لا انتي القابله تعيشين ويا ولا انتي الخالته يعيش حياته بس كافي هاهيه خلي يعيش حياته احسن اني مافيده بشي رحت الدوامي خلص طلعت ضليت اتمشى شفت نفسي بنص شارع عباره عن عيادات قريت عياده الدكتور نفسي رجلي اخذتني اله حجزت ودخلت جان الدكتور رجال چبير بلعمر كعدت هوا باوع عليه وابتسم

الدكتور..شكد شايله هم بكلبج

صابرين..من كال هيج نزلت دموعي وضليت ابجي

الدكتور..اهدي بنتي واحجيلي

صابرين..بديت احجيله على الصار بيه اني محتاجه الهيج خطوه محتاجه دكتور نفسي لين اني تعبت كمت افكر انتحر واخلص حجيتله كلشي وهوا يسجل

الدكتور..هذه كله بهل السنه المصخمه

صابرين..من بين دموعي ضحكت وهزيت راسي اي

الدكتور..صابرين بابا راح تجيني كل اسبوع يومين احد وخميس صدكيني راح تشفين الي بيج مو مرض نفسي لا وحظ محلو لا بلعكس انتي حظ احله حظ بلدنيا فكري انتي خلصتي دراسه وحققتي حلمج وحبيتي صح مكتمل حبج بس هاي اشاره من ربنه انو الحبيتي مابي كل غيره وشرف باعيني بنتي راح اكتبلج هسه دوه اخذي مهدء فقط والخميس تعالي علمود نباشر بلجلسات

صابرين..لعد هسه شسوينه

الدكتور..هاي تعتبر جلسه تعريفيه اما باقي الجلسات راح نطرق الكل الصار وياج ويا الحلول ماشي

صابرين..هزيت راسي بأي مارست حياتي وكمت اروح للطبيب النفسي بدون مااحد يدري وجان دائما ينصحني ونصايحه جانت اجيب فايده ويايه نفسيتي تحسنت شويه جاسر بعده ممهتملي اصلاً وكاضيها ويا امل كل مااغار اخذ حبايه مهدء بيها نسبه مال منوم وانام اليوم رجعت من الدوام شفت بيتنه مخبوص سئلت شكو

ام صابرين..يمه علساس باجر الخطبه مال جاسر من امل

صابرين..جانت بيدي ملفات من سمعت وكعن من ايدي امي باستني من راسي وحجت

ام صابرين..عينج بعين ربج يمه ماينساج

صابرين..اخذت الملفات خليتهن على الميز وطلعت عبالي الكا بلبيت بس مموجود رحتله للمستشفى جنت لابسه ملابس عاديه مو زي رسمي رحت للمستشفى اليشتغل بيها واني دموعي على خدي تجري سئلت عليه ودلوني على غرفته دخلت بدون حتى ما دك الباب ملكيته ضليت كاعده انتضره لحد مدخل وهوا بيده التلفون ويضحك من شافني رأسا ترخص وسد جهازه كمت وكفت كباله وخليت علبة الادويه لكتبهن الي الدكتور النفسي باوع عليهن وقراهن عقج حاجبه وباوع عليه

جاسر..المعنى من هاي

صابرين..شهكت وحجيت اني اني الحد هسه ساكته واني اشوفك تدخل وتطلع وياها الحد هسه ساكته واني اشوفك توصلها وتضحك ودائما تكول الها الكلام الجنت تكوله الي ادللي وبراحتج وصار وتأمرين ذني كلهن جنت تكولهن الي الحد هسه كاتمه حبي بكبلي تجاهك ليش حتى اتأكد من نفسي احبك ومحد بكلبي غيرك لحد هسه اضم الشوق الي بعيوني تجاهك الحد هسه اضم غيرتي حتى ماخليك تفرح وتفوز عليه الحد هسه اتعالج يم دكتوررر نفسييي حتى ابدي وياك حياتي من جديد الحد هسههه اتعالج يم الدكتور حتى اعوضك عن السويته بيك بذيج الايام اني صابرين الي الوكت خلاني اتعالج يم دكتور نفسي حتى اسعدك بحياتك حتى احافظ عليك وعلى بنتك وانت شسويت باجر خطبتك من املل ليش بنيتلي امل وليش هيج هدمته ولك حسام خطب واني ذره مشاعر مالي تجاهه ولا حزنت ولا بجيت ليش لين كلبي كله الك حياتي كلها صارت الك انيي احبك بس انت شسوين باجر راح تخطب غيري روح جاسر الله يهنيك وياها اني الخسرت وهيه الربحت دومي اطلع خسرانه بكل حياتي داطلع جرني من ايدي وكفني رجعني المكاني ورفع راسي بأيده وباسني من راسي

جاسر..هاي عيونج وشهكاتج الشكت كلبي كلها عليه يابعد ايامي انتي

صابرين..حرام عليج هيج تسوي بيه والله رحت اتعالج حتى اعوضك واعوض نفسي وتالي تخطب

جاسر..تتعالجين يم دكتور نفسي واني عقلج يوزن بلد لج صابريني ابويه كافي بجي شخطب اذا خطبت امل انتي شنو موقعج من الاعراب

صابرين..احس كلبي راح يوكف شكد مابجيت كعدت على الكرسي هوا جابلي مي وكعد كبالي شربني واني جسمي كله يرجف من البجي لزم ايدي وباسهن

جاسر..تره هاي العبه حتى تحسين بيه

صابرين..وامي واجدي ومرت عمي كلهم جانو يضحكون عليه

جاسر..مع كل الاسف اي

صابرين..يعني متخطب امل

جاسر..هههه ولج امل مزوجه وعندها ولد

صابرين..وشلون جانت تجي لبيتكم ورجلها ميسئلها

جاسر..تدرين من اوصلها بس الراس الشارع رجلها ينتضرها هناك حجيتلهم شمسويه بيه وساعدوني ومساعدتهم جابت نتيجه

صابرين..ضربته على صدره يعني جنت مسويني لعبه

جاسر..احله بشر حضيت بي انتي نسيتي شكتلج عمري كله انتضرج انتضر صابرين ام كلب الطيب ام السان الطويل ام البرائه والفطاريه عمري كله انتضرج وماتنازل عنج

صابرين..حضنته جاسر اني احبك

جاسر..واني هايم بيج يابعد هاي وهاي

صابرين..شويه ونفتح الباب ودخلو ياسر ونارين يبتسمون

ياسر..واخيررررراً كالهاااا كال احبك كالهااا وانه كلبي كلبي نشل بعدها

نارين..دمرت ام الاغنيه ياسر

ياسر..اصيرلك اغنيه نار كلبي

نارين..بعدج زعلانه مني صابرين

صابرين..حضنتها لا ماازعل منج انتي اختي الصغيره فرحت عمري

ياسر..واني هم اكيد ما زعلانه مني لين انتي اليوم راضيه عن الكل

صابرين..انت ولي اني اعلمك بعدين

ياسر..هاي راسج ابوسه واسف واعتذر

صابرين..مسامحتك

جاسر..يله حسو على نفسك وطلعو

ياسر..افاات ضلعي يله امشي للمطعم اليوم گلكم عازمكم على غده

جاسر..راح يصير ياسر الكرميده

ياسر..افااااا وبعرسك اوزع ورق وحق محمد اله ورق اطش فوك راسك

جاسر..الحبيب مشكور

صابرين..لبس جاكيته الاسود ولزمني من ايدي تقرب همس بأذني

جاسر..احبج يا صبر ايامي انتي

صابرين..واني هم احبك باسني من ايدي وطلعنه اني وجاسر بسياره جاسر ونارين وياسر بسياره ياسر رحنه تغدينه وضلينه نسولف وصارت عركه بين جاسر وياسر من يدفع الحساب جاسر يكول اني ادفع وياسر يصيح اني ادفع

جاسر..لك ابني مره ثانيه انت ادفع

ياسر..ابد والله اله اني ادفع اليوم

جاسر..ياسر لا تلح كتلك حدفع

ياسر..بطلاككك اله اني ادفع

صابرين..ضحكت عليه كام دفع واجه طلعنه من المطعم ورجعنه للبيت لكيت جدي وعمي ولكل يمنه حتى الحجيه يعني بيبيتي يمنه سلمت وامي ومرت عمي يهلهن واني فد خجلانه كعدو كلهم بصالة صعدت سبحت وبدلت مشطت شعري ونزلت كعدت وصار كبالي جاسر ابتسملي ابتسمت تبارك جانت بحضن الحجيه تبارك تعالي حبيبتي

تبارك..ها خاله صابرين

صابرين..جريتها من ايدها منو كلج تصيحيلي خاله

تبارك..عمو ياسر كال انتي متحبين احد يكولج ماما

صابرين..باوعت على ياسر يبتسم مخبل لا حبيبتي انتي مو تكولين اني امج

تبارك..اي

صابرين..لعد بعد لتسمعين كلام عمو ياسر اعتبري يحجي بكيفه

تبارك..يعني اصيحلج هسه ماما عادي

صابرين..اي تعالي احجيلي بابا جان يطلع ويا بنات

تبارك..اي ويا خاله امل

صابرين..رفعت راسي على جاسر جان يبتسم ولكل يضحك وبعد ويامن

تبارك..ويا وحده حلو كلش عيونها زرك وشعرها طويل مال اميرات واسمها ياسمين

صابرين.. وبعد ماما ويامن

تبارك..بس هذني ياسمين جان دائما يكول الها حبيبتي

صابرين..اي جاسر منو هاي ياسمين ادوره

جاسر..ونفسج عندي لا ياسمين ولا سندباد هذا الساقط ياسر علمها

ياسر..اني رجال فقير شلي دخل

جاسر..تبارك بابا جم مره كتلج لا تصدكين بكلام ياسر

تبارك.. مو اذا مكلت هيج الماما صابرين مراح يجيبلي بعد نساتل

صابرين..جان يمي بطل مال مي شلته وضربت ياسر بي بعد لتعلم بنتي شي من هاي وسوالفك

ياسر..اوي داده

صابرين..كلنه ضحكنه على ياسر بليل نعست صعدت الغرفتي تبارك يمي تنام دانام ندك الباب منو محد جاوب كمت شفته جاسر باوعت عليه بس اريد اعرف مين تدخل

جاسر..عندي مكان سري

صابرين..دخل للغرفه وراح تمدد على چربايتي جاسر روح

جاسر..انسي اليوم انام هنا

صابرين..نام واني تعبانه مااكدر اجادل ويا تمددت وصارت تبارك بنص ندار عليه ولزم ايدي وباسها

جاسر..كم اسبوع رحتي للدكتور

صابرين..اربعه

جاسر..جيره بكصتك ياسر بنيت ابوها رايحه للدكتور ويمج دكتور اختصاص بكلشي

صابرين..غمزلي جاسر كافي

جاسر..لو ادري بيج تروحين دكتور نفسي ومحمد ماخليج

صابرين..صارت بعد عندي جلستين

جاسر..انسي ماتروحين

صابرين..حباب والله ارتاح من احجي

جاسر..احجيلي الي اصيرلج دكتور نفسي تره دارس طب عام كلشي اعرف

صابرين..همست بصوت ناصي احبك دكتوري ابتسم وحجه

جاسر..هايم بيج ضابطنه بس متروحين بعد

صابرين..جاسر هذا لدكتور من احجيله ارتاح ودائما ينصحني خليني اكمل هذني الجلستين حباب

جاسر..صابرين بنيتي انتي ميحتاجلج دكتور نفسي

صابرين..لا احتاج دكتور والله خليني هنه بس ثنين باجر احد والخميس وهاهيه

جاسر..الله كريم

صابرين..غمضت عيوني ونمت اول مره انام مرتاحه صارلي شكد منايمه هيج نومه فزيت لفجر علئ فتحت الباب مال غرفتي باوعت جاسر دنك باسني من راسي ومن شفتي

جاسر..رايح اني بنيتي

صابرين..هزيت راسي بـ اي راح اني رجعت نمت فزيت على المنبه مال تلفوني كمت ركض بدلت .البست حجاب ونزلت لكيت امي كاعده مسويتلي ريوك كعدت اكل خلصت طلعت شفته واكف ينتضرني ابتسمت نزل لزمني من ايدي وفتحلي الباب

جاسر..صعدي اميرتي

صابرين..شكرا دكتوري صعد هوا هم وطلعنه اخذني للدائره قبل مانزل نداريت عليه الخميس عندك شغل

جاسر..امري ابويه شرايده

صابرين..اريد نروح الكربلاء

جاسر..ادللي

صابرين..احبك

جاسر..هايم بيج ديري بالج على نفسج ابويه

صابرين..وانت هم دير بالك على نفسك ولتحجي ويا امل

جاسر..هههههه ادللي

صابرين..نزلت ابتسم دخلت للدائره وهم لكيت حسام بغرفتي خير سيدي

حسام..واضح عليكم الحب

صابرين..الحمدالله

حسام..بس مراح تتهين ويا

صابرين..بلعكس هسه ومحسسني اني اميره

حسام..ودين محمد ماخليج تتهنين ويا صابرين

صابرين..كام ديطلع باوعت بعيونه وحجيت بس اني احبه واني صادقه بهاي الكلمه

حسام..مستحيل

صابرين..صدكني احبه واعشقه واتنفسه

حسام..اسجنه

صابرين..لو الف سنه يزيد حبي وشتاقي اله

حسام..اندمج على كلامج وهسه تشوفين

صابرين..الله وياك سيدي ليت اشتغل جنت داكتب بلملفات دك تفوني باوعت جاسر ابتسمت الو

جاسر..اروح سبع فدوات فدوه وره فدوه لهل صوت

صابرين..شلونك جاسر

جاسر..تعبان من سمعت صوتج صرت رب العافيه

صابرين..اسم الله شبيك حبيبي

جاسر..شكلتي

صابرين..شبيك

جاسر..لا البعدها

صابرين..ابتسمت ودنكت راسي حبيبي

جاسر..راحلج فدوه حبيبج صابريني بعدلج ساعتين وتخلصين دوام

صابرين..وانت اليوم خفر عندك

جاسر.. عندج شغل لو لا

صابرين..اي عندي ملفات داكتب بيهن والله

جاسر..مشتاقلج

صابرين..واني هم والله بس ملفات عليه هوايه جان طلعت

جاسر..اشتغلي ابويه

صابرين..ماشي جاسر

جاسر..نفسه

صابرين..خو محجيت ويا امل

جاسر..ههههه لا محجيت ماهيه اليوم مجازه

صابرين..اي احسن ضليت اسولف ويا واشتغل بلملفات الحد ما كملتهن كلهن ترخصت منه كمت وديتهن للعقيد حسام خليتهن كباله وطلعت بدون ولا كلمه باوعت للساعه بـ 11:30 كمت اخذت شغلاتي ورحت للعميد عامر كتله راح اطلع وكتله خلصت كل شغلي محجه شي خطيه طلعت اخذت تكسي ورحتله للمستشفى الحمدالله من اندل غرفته دخلت الغرفته لكيته كاعد يشرب جاي احم دكتور اكو مريض هنا

جاسر..شهل مريض اليفتح النفس

صابرين..ضحكت اي دكتور جيتك اليوم واني كلي عطلات كلبي يأذيني راسي موتني وكلياتي وكبدي ومعتدي

جاسر..ولج مريه عجوز مابيها هل امراض هاي

صابرين.. ههههه خلصت شغلي واني جيتك

جاسر..كل الهله بيج ابويه

صابرين..دنحجي وندك الباب دخلت بنيه باوعت عليها وباوعت عليه وراها ندارت على جاسر وحجت ويا بس نضراتها جانت تضوج

جاسر..خير ريم

ريم..دكتور جيت اكلك راح اطلع خلص دوامي

جاسر..طلعي

ريم..ممكن اسئل منو انتي

صابرين..داجاوبها بس هوا حجه قبلي

جاسر..مرتي

صابرين..من سمعت فتحت عيونها على وسعها

ريم..مرتك

صابرين..وحبيبته

ريم..الله يحفضكم

صابرين..شكرا كلبي طلعت نداريت على جاسر جريت ايده شفته ملابس الحلقه وين حلقتك

جاسر..هياتها

صابرين..فتح ايده الثانيه ليش لابسها هنا

جاسر..عجبني

صابرين..جاسرر حلقتك مكانها بهذا الاصبع هسه مبينه محبس

جاسر..هاج لبسيها

صابرين..نزع حلقته ولبستها اله من جديد كتله هاي هنا مكانها

جاسر..امرك سيدي

صابرين..كمنه لزمني من ايدي ودنك باسني من خدي

جاسر..صابريني تغارين

صابرين..لا بس انت مو خطيبي شكو تباوع عليك

جاسر..هم صح وينها ريم اليوم انعل عشيرتها

صابرين..هههه طلعنه اني ويا رحنه للمطعم تغدينه وضلينه نسولف وطلعنه بطريقنه شفت محل العاب جاسر اوكف هنا

جاسر..ليش

صابرين..دوكف حباب وكف نزلت اخذت التبارك العابه وصعدت خليتها ورا باسني من ايدي رجعنه للبيت جانت كاعده تلعب هيه ونارين عود نارين عرست مكابله لعابات وتلعب باوعت على جاسر كتله شوف تلعب ملاعيب من اكلك صغيره تضحك

جاسر..هههههههه

صابرين..توته ندارت عليه واجتي ركض حضنتني

تبارك..ماماااا

صابرين..جبتلج شغله حلوه

تبارك..شنو هيه

صابرين..بلبدايه اريد بوسه وحضن قوياات باستني وحضنتني قويي

تبارك..يلهه ماما شنوو

صابرين..طلعت الها العابه من ورا ضهري اخذتها وضلت تكمز

تبارك..ياييييي سندريلاااا

صابرين..هههههه

نارين..والي ليش مجبتيلي

جاسر..خرب حضك ياسر

صابرين..ههههه نارين انتي جبيره شجيبلج لعابه

نارين..ايي اريد

صابرين..ياسر يجيبلج

نارين..انن يجيبلي ماريد منج شي

صابرين..ضحكت باوعت جاسر دنك وهمس بأذني

جاسر..امشي وياي

صابرين..وين

جاسر..امشي ومالج دخل

صابرين..طلعت ويا اخذني البيتهم لا جدي ولا عمي موجودين بي بيبي ومرت عمي سلمت عليهم بس جاسر منطاني فكه اخذني بسرعه جاسر فهمني وين فتح باب غرفته ودخلنه باوعت جان خال لعابه جبيره كلش ولابسه بدله بيضه كلش حلوه ابتسمت اخذتها وضليت اباوع عليها حـضني من ورا

جاسر..ها عروستي شكلتي

صابرين..ابتسمت جاسرر

جاسر.. كليبه

صابرين..وخر اريد اروح دارني عليه وخله ايده على ركبتي وتقرب باسني من شفتي اول مره ابادله البوسه ماعرف شلون وبدون ماحس دفعني للچربايه وصار فوكايه فزيت على دكت الباب دفعته باوعت القميص مالتي مرفوع الحد بطني والشال مفتوح عزاا هاي شوكت هيج صار باوعت عليه صاح

جاسر..منوووو

ياسر..ابو الشباب ليش مجايب المرتي لعابه انزل اليوم ادكك

جاسر..انعل كو………… ابن……... انزل جوه واليوم اني انعل سلفه سلفاك

ياسر..بويه نارين راح ننكتل

نارين..هههههههه

صابرين..كمت بسرعه عدلت ملابس عزا بعينك جاسر عزك بعينك جاسر

جاسر..مسويتلج شي انتي الثانيه جانت تصبيره للعرس

صابرين..كرصني من خدي وراح فتح الكنتور طلع ملابس

جاسر..هيه بوسه بس من وراها راح اسبح

صابرين..مافتهمت كتله واني هم حروح اسبح هوا طكها بضحكه

جاسر..مو اكلج احبج الفطاريتج

صابرين..دخل يسبح وهوا يضحك عدلت نفسي وحجابي ونزلت رحت البيتنه كبل دخلت الغرفتي سبحت وبدلت ومشطت شعري ونزلت يم امي جانت تسوي غده لين عازمين بيت جدي كعدت اساعدها اجه ابويه باسني من راسي ابتسمت الله يساعدك يابه

ابو صابرين..الله يرضى عليج بويه

صابرين..ويا ابويه دخلو عمي وجدي سلمت عليهم وجدي باسني براسي وعمي كذالك شويه ودخلو الباقي بس جاسر مو وياهم ضليت ادوره بعيوني همس بأذني من ورا

جاسر..هياتني حبيبي

صابرين..ابتسمت روح اكعد فضحتنه

جاسر.. مو بله

صابرين..ايي والله هههه

جاسر..صابريني اريد جاي

صابرين..صار دخل سويتله جاي نارين تنقل الامواعين واني صبيت جاي الجاسر ونطيته وساعدتها وكلنه التمينه وحجه جدي

جدي حكيم..بويه يمته العرس

صابرين..اني عبالي على ياسر ونارين ضليت ساكته وانتضرهم يردون وهما يباعون عليه واني اباوع عليهم

ياسر..نيالك جاسر خويه جدي قصده عليج صابرين

صابرين..هاااا بعد جدي مو هسه………

للحكايااا بقاياااا………….

الليلة ابوگك گوة منك

راح اشم شعرك وخدك

والگصايب ، والتراچي

////////////////////////////

جدي حكيم..شوكت بعد جدي

صابرين..ماعرف بس بعد كملنه غده جاسر حسيته شويه ضاج الميت المواعين ووكفت بلمطبخ اغسلهن وشويه دخل جاسر باوعت عليه ضجت مو

جاسر..تجين نحسب شكد طول الخطوبه

صابرين..اريع اشهر

جاسر..چا طلابه

صابرين..شكد بعد على راس السنه الجديده

جاسر..شهر و10ايام

صابرين..يعني عادي يصير عرسنه على السنه الجديده

جاسر..شتكولين لو نعرس هسه

صابرين..جاسرر

جاسر..ههههه رايح رايح

صابرين..خلصت الامواعين واني مكضيتها ابتسم دخلت يمهم كاعدين يسولفون جاسر حجه

جاسر..بويه العرس على راس السنه

عمو حاكم..ها صابرينتنه

صابرين..هزيت راسي ولكل كام يهلهل عزا شكد خجلت وستحيت مرت الايام عادي جلساتي رحتلهم وخلصتهن وعرفت جاسر على الدكتور وبديت صفحه جديده ويا جاسر ونسيت ايام حسام ورايه دوامي مستمره مره بيوم كاعده اقره بلملفات ودايخه احس راسي راح بنفجر كمت نزلت اخذت جاي ورجعت صعدت صادفت العقيد شاهين جان واكف على المحجر مال دائره وبيده كوب جاي وصافن رحت يمه اخذت تحيه

شاهين..هله صابرين

صابرين..شلونك سيدي نشالله بخير

شاهين..بنعمته عايشين بويه

صابرين..سيدي شلونها بنين والصغار

شاهين..الحمدالله جان عندي زعطوطه وحده هسه الله نطاني 2والثالث بلطريق

صابرين..ضحكت سيدي والله اريد اجي اشوفها بس دائما اكول خاف عيب لو مشغولين

شاهين..هاي ماحبيتها منج بنيتي شوكت ماتجين هله بيج

صابرين..يعني عادي اليوم العصر اجي

شاهين..صابرين بويه شاربه شي البيت بيتج عسا ما بـ12 بليل تجين كل الهله

صابرين..اخذت تحيه شكرا سيدي

شاهين..يله خلصت الزمنيه الماخذيها كدامي على شغلج

صابرين..ابتسمت رحت الشغلي احله ثنين بحياتي شاهين وبنين شاهين بشخصيته الحلوه وحبه وخوفه وحرصه على بنين ممبين عبالك زوجها ابوها وهيه مبينه بنته بسوالفها الطفوليه ومنا حامل ويم حسين جنت بوحدت وصرتي بثنين خلصت شغلي والعصريه اخذت تبارك ورحنه البنين دخلت جانت بغرفتها صعدت يمها كاعده وتلعب ويا عشق وعلي وهما يلعبون منضرهم يخرب ضحك ها بناتي شلونج باوعت عليه وابتسمت كوه كامت ساعدتها

بنين..يمه سنه يله اكوم وسنتين اكعد شلون صابرينو

صابرين..بخير اذا انتي بخير

بنين..بخير عمري هاي تبارك مو

تبارك..شلونج خاله

بنين..يمه فدوه العمرج يعيون خاله تعالي نطيني بوسه

صابرين..بوستها وراحت تبارك تلعب ويا عشق

بنين.. بشر يا عسل شلونها علاقتج بجاسر

صابرين..زينه الحمدالله بس لو حسام يفك ياخه عني

بنين..هههه هذا بعد القرد يكمز منا ويكمز منا خلص البنات راح على بنات خالته

صابرين..ههههههه اي عفيه انتي شلونج ويا شاهين

بنين..عايشين خيه هدوء شاهين يوميه مسويلي طلابه من ورا علي لين اسبحه ويايه

صابرين..ههههه حقه بنين تره شاهين غركان بحبج

بنين.. واني هم احبه صابرين بس مو لهل درجه

صابرين..يعني الله عليج من تشوفي يضحك ويشاقه ويا عشق تغارين لو لا

بنين..هاا

صابرين..مجاوبين

بنين..ايي اغار

صابرين..چا شلون تردي ميغار عليج وهوا من هاي ملابسج يغار

بنين..المهم شوكت عرسج اريد اجي اذب لحم

صابرين..داحجي نفتح الباب ودخل شاهين

شاهين..هله بويه صابرين

صابرين..هله بيك سيدي

شاهين..الغاليه وين ناويه تذبين لحم وانتي كوه تكومين

بنين..هففف غير من ورا ابنك كوه اكوم

شاهين..ههههه هسه صار ابني ابو الصوج مو

بنين..لتعيب عليه شاهين

شاهين..لا لا ابويه تعالي انعل لشته اليعيب عليج

صابرين..حضنها وباسها من راسها ونزل باوعت على بنين صايره بسرعه تبجين

بنين..باع منو ديحجي عن البجي سكتي ماما

صابرين..ههههههه العرس راح يصير براس السنه

بنين..المهم انتي مقتنعه

صابرين..بصراحه بنين اني احب جاسر

بنين..شلون عرفتي

صابرين..من بطل كام ميهتم بيه وكام يطلع ويا امل ومن خطب حسام ابد ما بجيت ولا زعلت اله على جاسر من سمعت بي خطب احس روحي تطلع مني واكتشفت اني احبه من كمت اشوفه وابتسم وافتقده من مالكا ومن راح للبصره اسبوعين جانت محلوه الدنيا بدونه وهيج عرفت اني حبيته

بنين..بعد عيوني انتي الله يتمم فرحتكم بجاهه هوا النبي

صابرين..بشري معرفتي شنو بنوته لو ولد

بنين..لا ماعرفت وشكلي هم ماريد اعرف

صابرين.. ةهههه وضلي جهزي مال بنات ومال ولد

بنين..ههههه انتي وشاهين مكوكين على هل حجايه

صابرين..ضليت اسولف ويا بنين الجانت رغم كلشي تنصحني واحب نصايحها تفيدني دك تلفوني باوعت جاسر جاوبت الو

جاسر..ها بنيتي اجي اخذج

صابرين..بكفيك حبيبي

جاسر..يله ربع ساعه وجاي

صابرين..تمام

بنين..مشبعت منج وين موليه

صابرين..ولج فوك الساعتين صارلي يمج وخطيه شاهين مرتاح

بنين..شاهين مموجود بلبيت اصلا

صابرين..شمدريج

بنين..من البارحه كالي يجي من الدوام يسبح ويبدل ويطلع الكربلاء

صابرين..ذاك الاسبوع رحت وجبتلج هذا العلك يحيمج ويحمي ابنج

بنين..يمه اروحلج فدوه صابرينو

صابرين..اسم الله امي وابويه انتي ضليت اسولف ويا بنين الحد ما اجه جاسر بوستها ونزلت وهيه الدرج كله تحلفني اجيها

بنين..صابرين اذا مجيتي اموتج

صابرين..اجي والله ديري بالج على نفسج وعلى عشق وعلي

بنين..وانتي ديري بالج على نفسج من توصلين خابريني

صابرين..صار نزلت شفتهم كاعدين سلمت عليهم وطلعت شفت جاسر واكف ابتسمت صعدت تبارك وصعدت سلام

جاسر..هله بناتي

تبارك..بابا هنا كلش حلو تونست ويا عشق وعلي هيج علاوي هكدوته

جاسر..انتضري بويه سنه ويجيج مثله

صابرين..ضربته على ايده جاسرر

جاسر..ينفسه

صابرين..عيب هيج تحجي كدام البنيه

جاسر..امرك سيدي

صابرين..ابتسمت اخذنه للمنصور ضلينه نفتر وشتريت التبارك بوتات ثنين وجاسر يصرف واني اختار هههه المهم رحنه تعشينه وطلعنه صعدنه بسياره توته بعد وين تريدين

تبارك..اريد اروح للملاعيب

جاسر..ساعه بـ 11:30بويه يا ملاعيب بهل ليل

صابرين..بعد وكت

جاسر..شرايجن انام بشارع اليوم

صابرين..ضحكنه اني وتبارك وهوا لزم ايدي وايدها بأيد وحده وباسهن

جاسر..اروح فدوه الهاي الضحكه بناتي

صابرين..تبارك ماما باجر تروحين ملاعيب

تبارك..ايي ماما قنعي بابا

جاسر..اخذج بس بشرط

تبارك..اي اقبل

جاسر..تقنعين امج تبوسني

صابرين..باوعت عليه عزا جاسر عيب

جاسر..وينها شو خنست

صابرين..طبعا تخنس اني اخذها ويا ياسر شتكولين توته

تبارك..اي ويا عمو ياسر مخبل يصعدني ملاعيب حلوه انت متقبل تكول توكعين

جاسر..چا تريديني اصير مبخل رحمه الله والديج بويه

صابرين..ههههه لا مو قصدها هيج

جاسر..انتي التهي بس كولي عيببب ولااا جاسرر

صابرين..خربت من الضحك وهوا يعيب عليه الحد موصلنه للبيت احنه نضحك

جاسر..الهنا وخلصت فلوسجن بويه يله كدامي للبيت

صابرين..نزلنه اني وتبارك تصبح على خير ابونه

تبارك..ولتجينه بليل تحصرنه

جاسر..يا ملعونه متحبين الخير لابوج ابد

صابرين..هههه عيب امي بعد لتكولين هيج الابوج

جاسر..هاي بنيتي لكلبها على كلب ابوها

صابرين..وهم لتجي ههه دخلنه نضحك وهوا دخل لبيتهم باوعت اهلي وبيت جدي يمنه سلمت

الحجيه..دومها ضحكتكم يومه

صابرين..شكرا بيبي الله يخليج شويه ودخل جاسر

جاسر..عبالي هاجرتو ولا بشر بلبيت

ياسر..اي ليش لا كله منصور ومولات وهل حركات

جاسر..ذيج سيارتك اخذ مرتك ولي اطلع

ياسر..چا واكفتلي صابرين مثل العكده بلمنشار متخلينه نطلع

صابرين..اي طبعا بعدكم ممسوين حفله خطوبه

ياسر..يكولون هيه مرتي

صابرين..ويكلون العالم هنا متدري هيه مرتك

جدي حكيم..صح بويه صابرين عندج حق

عمو حاكم.. بويه حددولنه يوم نسويلهم حفله خطبه

ياسر ونارين..ورا عرس جاسر وصابرين

صابرين..ااييي كلش زين منا لوكتها ياسر ماكو طلعه

ياسر..لا يابه نشاقه هل اسبوع

نارين..ورا عرس جاسر وصابرين

ياسر..هل اسبوع

نارين..ورا عرسهم

صابرين..تكافشو

جاسر..بويه نارين سوي هل اسبوع

نارين..لا جاسر هوا كال العرس اني احدده والخطبه والحنه انتي

ياسر..عجيب يا حجايه ردي المجانج

نارين..لا لترد هسه ورا عرسهم الخطبه

صابرين..ضحكنه كلنه عليهم

جدي حكيم..جدو تبارك شلونها صابرين

صابرين..باستني من خدي وحجت

تبارك..احسن ماما بلدنيا باجر راح تاخذني للملاعيب وتحبني اكثر من بابا ميقبل

ياسر..ههههههههه بعرضي تبارك وصابرين خوش تحالف سون ضدك خويه

تبارك..بس بعدين كال عمج ياخذكم لين مخبل

جاسر..ههههههههه راحت ابوج انتي

ياسر..باجر اخذ نارين للملاعيب وماخذج

صابرين..هههه توته كوليله اذا خليتك ماما صابرين تعدي باب البيت وياها

تبارك..اذا خلتك امي تعدي باب البيت

ياسر..انتي مثل ابوها الجوليت حارب الحب

صابرين..يله باجر حضر نفسك تاخذنه للملاعيب

ياسر..ماخذجن عندي دوام

جاسر..احم يالله ياصبر

ياسر..صدك كذب ادللن اذا السياره مشالتجن اخليجن على راسي

صابرين..ضحكنه كلنه صفنت على حياتي قبل كم يوم جنت ادك والطم ومنعزله عن اهلي وهسه اني بنصهم والفرحه مسايعتني الحمدالله والشكرب ربي الف الحمدالله بعد تعبت وبجي هيج ارتاحيت حسيت ايد على متني باوعت جدي ابتسمت

جدي حكيم..عوض ربج احله من اختيارات البشر بويت

صابرين..الحمدالله على كل حال جدو

جدي حكيم..بويه همتج ويانه اخذيلج اجاز دنروح للبصره

صابرين..انشالله جدو ضلينه كاعدين دك تلفوني باوعت ملازم حسين جاوبت الو ها حسين

ملازم حسين..انتي بيتكم صابرين

صابرين..اي ليش اكو شي

ملازم حسين..تذكرين النسوان الي كتلج عليهن

صابرين..اي اذكر

ملازم حسين..القنه القبض عليهن صبا ماهيه مجاوب بس انتي الكدرت احصلج تكدرين تجين

صابرين..انتو وين هسه

ملازم حسين..مركز شرطه………

صابرين..ماشي خلي اشوف اهلي

ملازم حسين..رديلي خبر

صابرين..تمام باوعن على ابويه احم بابا ممكن تجي شويه احجي وياك كمنه اني وابويه للطرمه بابا لازم اطلع

ابو صابرين..وين

صابرين..المركز شرطه عندي تحقيق

ابو صابرين..صابرين ساعه 1تدرين

صابرين..بس بابا لازم اروح هذا شغلي واني ملتزمه بي

ابو صابرين..ماكو غيرج

صابرين..بس صبا وتلفونها مشغول ماهيه

ابو صابرين..اني اثق بيج

صابرين..هزيت راسي باسني من راسي صعدت بدلت لبسي العسكري وحجابي واخذ سلاحي وهويتي صاحني جاسر

جاسر..انتضري

صابرين..وكفت اجه باسني من خدي وحجه اخر مره تدخلي مركز شرطه

صابرين..مجاوبته لين جنت مستعجله وصلني هوا لكيت ملازم حسين واكف اباب المركز من شافني اجه تجاهي

ملازم حسين..سويت عليج زحمه

صابرين..لا صدك كذب دخلت حققت وياهن بس مأجوي بلضرب يله كامن يحجن كملت التقرير وسلمته لملازم حسين وطلعت ركض شفت جاسر واكف ومبين روحه طالعه جيت صعدت وهوا صعد بلطريق لزمت ايده جاسر هذا شغلي

جاسر..شغلج بـ 1ادخلين مركز شرطه

صابرين..مو بس بـ1عسا ما بـ 4الفجر هذا شغلي وهيج ينص مو بيدي شي

جاسر..بس هاي اخر مره صابرين اني حرمتي تدخل مركز شرطه امداني

صابرين..اسم الله عليك ادري هاي اخر مره لين الضابط الخفر صارتله سالفه وطلع وصبا ماهيه بس اني

جاسر..بعد ماكو خليها ابالج

صابرين..سكتت مجاوبت شي اليوم جان كله حلو ماريد اخربه وصلنه والبيتنه تقربت وهمست احبك ونزلت بسرعه حتى بدون ماسمع رده دخلت البيتنه وصعدت الغرفتي اخذت ملابس ودخلت سبحت وبدلت وطلعت وكعدت على الطابوريه مشطت شعري وكمت رحت رفعت الحال وتمددت نفتح الباب ودخلت تبارك بدلت واجتي نامت بحضني حضنتها

تبارك..احجيلي قصه

صابرين..حجيتلها قصة ساندريلا وجان وحبة الفاصوليه ونامت بستها من راسها راح اعوضج عن فقدان امج ضليت كاعده واباوع للساعه وكل شويه اكول هسه يجي جاسر وتالي مأجه لفيت راسي ونمت فزيت الفجر على الوذان كمت توضيت وصليت خلصت كفيت السجاده ورحت نمت باوعت تبارك نايمه بس بنومها تشهك كعدتها شبيج امي حضنتني وبجت

تبارك..بابا وين خاف بي شي

صابرين..لا امي بابا نايم هناك بيتهم

تبارك..اريد اروح يمه اخاف

صابرين..اني يمج

تبارك..امشي نروح يمه عليج الله حبابه

صابرين..ضلت تبجي وتشهك كومتها مسحت دموعها وبستها لبست بدي وجبتي وحجاب ورحت الغرفة امي وابويه دكيت الباب ودخلت ابويه يكعد يصلي صلاة الفجر لكيت ديقرا قران كعدت كدامه استغفر وباوعني

ابو صابرين..خير ابويه

صابرين..يابه راح اودي تبارك الابوها لين دتبجي تريده

ابو صابرين..ليش شبيج جدو تبوكه

تبارك..اريد بابا

صابرين..بجت حضنتهل كافي امي هسه اخذج

ابو صابرين..روحي ابويه لتطولين

صابرين..صار كمت دكيت على جاسر ميجاوب دكيت على ياسر جاوب الو ياسر انزل افتح الباب مال بيتكم

ياسر..شكو ولج خو مابيج شي

صابرين..لا مابيه يله انزل بسرعه راح انتضر فتحت باب بيتنه ماكو ثانيه وياسر فتح باب بيتهم شاف تبارك تبجي دنك شالها

ياسر..شبيج توته

تبارك..بابا وين

ياسر..نايم بغرفته

تبارك..اريده

صابرين..يله اني رايحه ياسر امنتها يمك

تبارك..لا انتي هم تعالي احجيلي قصه

صابرين..تبارك امي دنيا فجر عيب دخلي نامي ضلت تكمز وتبجي ماعرف شجرالها للبنيه اخذتها من ابديها وصعدت الغرفة جاسر جانت ضلمه فتحت ضوه التبيلام جان نايم على بطنه وضهر مكشوف نيمتها وغطيته وغطيتها كعدت بلكاع على ركبي حجيت الها قصه بلهمس رحت بسد ابوها حضنته ونامت داكوم سمعت صوته

جاسر..لا ترحين

صابرين..ندار حضن تبارك وباسها من راسها باوعت عليه لا اريد اروح ابويه كاعد خطيه ضلت تبجي عليك

جاسر..زعلانه

صابرين..دنكت راسي كمل نومك جاسر عفته وطلعت رحت البيتنه نمت مادري ساعه بيش بس فزيت على دكت الباب منوو

نارين..صابرين ساعه بـ 2:30كعدي عاد

صابرين..نارين اذا متروحين هسه اطلع اشمرج من فوك ولي دانام

نارين..لج كومي دنولي

صابرين..ولو بحدكم ماجي اني تعبانه رفعت الغطه فوك راسي ونمت ماكو نص ساعه ونرفع الغطه من راسي فتحت عيوني جاسر جيب الغطه

جاسر..ساعه3:00شسالفه

صابرين..جاسر جيب الغطه تعبانه

جاسر..واني هم تعبان

صابرين..ليش اضاهر البارحه جنت تنتضر ست ريم ادك عليك

جاسر..لا ودينج منتضر وحده هطول طولها تحن وتجي تنام بحضن وماكو

صابرين..جريت الحاف من ايده وتغطيت اريد انام

جاسر..كعدي صابرين بنيتي

صابرين..كمت انتچيت على تاج الچربايه نعم

جاسر..هسه على شنو زعلانه غير افهم

صابرين..مزعلانه

جاسر..صابرين واكفه مال اشوفج كدامي تدخل مركز شرطه

صابرين..واني مسويت شي غلط هذا شغلي ولازم انفذه ومن دخلت جان العميد عامر موجود ويعتبرنه بناته واكثر

جاسر..مادخلين بعد

صابرين..مجاوبته ضليت ساكته اجه كعد ولزم ايدي

جاسر..باعيني بنيتي اني احسج بنتي الصغيره روحي من الدنيه شلون تريدين اشوفج ادخلين مركز واسكت صابرين ابويه المركز اشكال بي الساقط عسا ما وزير موجود هم مدخلين

صابرين..وعود تعاقبني مجيت نمت هنا

جاسر..هههههه ها ابو الشباب شكلك تعلمت

صابرين..اني اعرف نفسي من افتح حلكي اخربها احم لا مو تعلمت بس تبارك البارحه جانت تبجي تريدك

جاسر..مجان نمتي انتي يمي

صابرين..اي وابويه شكله والله نمت يم جاسر حتى كلامك ممقنع جاسر تقرب باسني من ركبتي

جاسر..حقج عليه بويه

صابرين..وين تبارك معرفت البارحه شبيها

جاسر..مثلج شلون انتي كالبتها مناحه لين مجيت هيه كذالك

صابرين..شتريدون كعدتوني

جاسر..ياسر ونارين وتبارك من الغبشه مبدلين وكاعدين ينتضروج تكعدين ديطلعون

صابرين..وين

جاسر..لعين حضي بويه

صابرين..ضحكت وانت متجي

جاسر..شتكولين

صابرين..اذا متجي اذبحك جاسر

جاسر..هيهي بويه يله كومي بنيتي غسلي وبدلي ونزلي لو تريدين اني ابدلج وداعتج متوفر دائما

صابرين..ضربته على ايده ابد فلا تصيرلك جاره انزل هسه انزل وراك

جاسر..ههههههه يله

صابرين..كام ورجع دنك وهمس بأذني

جاسر..الاسود يكتل عليج

صابرين..فتحت عيوني على وسعهن جاسررررر ضحك ونزل كمت اخذت ملابس ودخلت سبحت وبدلت مشطت شعري بيومها لبست بنطرون اسود وقميص جوزي وجاكيت اسود وبوت جوزي وشال جوزي نزلت لكيتهم ينتضروني اجتي تبارك ركض لحضني

تبارك..ماما ليش تأخرتي

صابرين..دنكت المستواها امي جنت نايمه تعبانه

تبارك..اني اسفه لين البارحه بجيت

صابرين..اشش حبيبي ولا يهمج بوستها من خدودها كعدت شويه اكلت وكمت طلعنه للملاعيب كعدت تبارك ورا يمي ويم نارين وياسر بصف جاسر كدام وياسر كضاها يحشش ويصنف اخر شي كعد يحشش على نفسه واحنه خربانين ضحك عليه

ياسر..من اگلكم اني غبي تصيحون لا حشاك سياره وعندي فلوس وخير من الله هسه شطلعني وياكم اخذ مريتي المصون بعيد عن عائلتكم الجنها هاي العائله التطلع بلكارتون كلها نزاكه

صابرين..قصدك تطلع بحدك احمد ربك جاسر قبل تطلع ويانه

ياسر..ليش خويه تره اني اخوك والشي الحلو ابويه نفسه ابوك وامك نفسها امي ليش هل تفرقه

جاسر..چا انجب واكعد لا تعم على نفسك

ياسر..حسو بيه يمعودين اني خاطب جديد بعد قصه حب معوقه اول يوم اخابرها بي تلزمها صابرين وسين وجيم وصاد واسئله وتمالخو صابرين وجاسر من ورانه يابه اطلعها من حقي مرتي تجيني صابرين ممنوع احسها من جماعة هلتر حتى بحلامي كمت اشوفها

صابرين..ضربته بجتفه بلشقه انزل انزل هنا صوجنه احنه اخذناك باوع جاسر

جاسر..لااا بنيتي حسبيها عليه زعطوط وغلط

نارين..هسه عليمن هيج صرتو ثنينكم عليه ترا خطيه

صابرين..ندار ياسر على نارين وابتسم

ياسر..اخ يا ناري اخ عذبونه ومرمرونه وتالي مثل الذج هيج كطونه

نارين..من اجيب شاعر من باب الشرجي ههههه

صابرين..كلنه ضحكنه حتى هوا ضحك وصلنه للملاعيب ونزلنه دخلنه تبارك اول ملعبت احصنه ونارين بصفي واكفه وياسر واكف ويباوع عليه والله نقهرت عليه يله ياسر اخذ نارين ولعبها

ياسر..حلفي

صابرين..ضحكت تاخذها لو ابدل رأيي

ياسر..يالله منك الفرج امشي ولج هتلر قبل

صابرين..اخذها وراح اجه جاسر وكف بصفي وحجه

جاسر..بنيتي خفي عليه خطيه

صابرين..هزيت راسي لزمني من ايدي

جاسر..بعدج زعلانه

صابرين..ابتسمت لا خلصت لعبتها توته واجتي اخذنها مخلينه لعبه ملعبناها بيها الحد اليل خليت جاسر يدك على ياسر

جاسر.. وين انت

ياسر..بلدوده

جاسر..دوده بـ……… 10دقايق والكاك كبالي

ياسر..ههههههههه شبيك افتهمت قصدي غلط والله بدوده هسه خلصت ونزلنه

جاسر..يله

صابرين..اجه ياسر لازم ايد نارين من وصلو يمنه اجتي وكفت بصفي تبتسم ابتسمت تونستي

نارين..اي هوايه لعبت

ياسر..ونستها لبنيتي

صابرين..نارين وياسر كدامنه واني وياسر وتبارك وراها صعدنه بسياره وياسر شغل اغاني وضل هوا وتبارك يركصون

ياسر..اي بعد عمج شعر شعر

تبارك..ههههه عمو انت مخبل

ياسر..بعد عمج شهاده اعتز بيها

صابرين..خربت ضحك عليهم واحد ينطي للثاني فجئه جاسر وكف على اليمنى وحجه

جاسر..ياسر انزل سوق بدالي ايدي خدرت

ياسر..خويه اكلك روح راجع عليها ماتقبل

جاسر..دنزل بدون حجي زايد

صابرين..لزمت التلفون وراستله شبيها ايدك

جاسر..خدرت بنيتي

صابرين..صارلها شكد تخدر

جاسر..شهرين

صابرين..صدك تحجي ولحد هسه ممراجع

جاسر..اكو دكتور يراجع يم دكتور

صابرين..ماكو هيج كلام باجر نروح اني وياك

جاسر..الله كريم ابويه

صابرين..رحنه للمطعم تعشينه بس بالي يم جاسر ليش ايده تخدر رجعنه وبليل اجه نام يمنه اني وتبارك ثاني يوم الصبح مداومت حلفته وضليت الح عليه نروح ناخذ تحاليل وفعلا رحنه هوا يم صديقه حجاله بس هما واحد صفن بوجهه الثاني

الدكتور..جاسر انتي تعرف شنو يعني هل اعراض

جاسر..ادري

الدكتور..ولهسه ساكت

جاسر..چا شسوي مالها جاره

الدكتور..لا الها لازم تدخل عمليات فوراً

جاسر..ابو طالب كول يالله يا عمليات

الدكتور..ماكو هيج حجي جاسر راح احضر الغرفه وانت جهز نفسك

صابرين..مثل الجبره الدكتور لازم يدخل عمليات ايده جاسر شبيك

جاسر..ليش البجي ابويه

صابرين..بس فهمني

جاسر..اول شي اهدي

صابرين..اني هاديه يله احجي

جاسر..قبل سنتين وجع صار بأيدي ومتهميت وضل تردد عليه الوجع بين فتره والثانيه اما هسه زاد والاعراض تشير الى السرطان والتحاليل اكدت هذا

صابرين..شهكت سرطان

جاسر..عمليتها سهله بنيتي

صابرين..كمت شنو سهله من سنتين ولحد هسه محاجي كمت ابجي واشهك جاسر تريد تخبلني

جاسر..كافي ابويه وداعتج سهله حتى مطول

صابرين..هداني بس بعدني خايفه عليه وكل شويه دمعتي تنزل خابرت ياسر ربع ساعه ولكل اجوي حجالهم جاسر واكيد حالتهم مو احسن من حالتي وضلو يلومون بي لين متعالج وقع جاسر على العمليه ودخل كال مطول بس صارله 5ساعات من دخل احس الساعه كوه تمشي لحد مطلع اني الف موته ميته من الخوف تحت تأثير البنج واشكال حجه

جاسر..صابرين بنيت ابوها

صابرين..لزمت ايده جاسر حبيبي

جاسر..من اكلج نعرس باجر تصيحن جاسر عيب تالي جاسر توكل شبابه

صابرين..كلهم ضحكو ابتسمت جاسر فضحتنه

جاسر..بنيتي صابريني يبعد هاي وهاي

صابرين..ضل جاسر يتغزل بيه ويحجي على ياسر ولكل يضحك طلعو كلهم كعدت يمه ولزمت ايده بستها وضليت احجي ويا يله حبيبي كوم متلوك العيونك هاي النومه نزلت دموعي عليه ابد مأذاني والله حتى حجايه تقهر مسمعني يسوي اي شي في سبيل يشوفني اضحك الحمدالله كعد وضل يومين بلمستشفى ثالث يوم تخرج نام بغرفته وتبارك بصفه طلعو وبقيت بس اني ويا جاسر

جاسر..نفسه

صابرين..احبك

جاسر..هايم بيج……………

للحكايا بقايا………….

وهيج بعدلنه بارت ونختم على خير وبركه احبكم💋

ياربي زفتنا شوكت

رايد ترد عافيتي

احلامي كلها تحققت

ناقصني بس ام بيتي

هيچ الله وتصيرين الي ؟

وبالبيت وحدنة نـنام

وبحجة حرورة شمس

ينزل البرد اعلة الجام

واغفى اعلة صدرچ للصبح

والحيل يگضي البيةه

والدنيا خل تحترك

انتي المهم شعلية

//////////////////////

صابرين..ضليت اني اداري الجاسر وقايمه بواجبه وهذا قليل بلسنبه للي سواليا طلعني من احزاني الحمدالله حتى كمت ابات ابيتهم بس طبعا انام جوه وهوا فوك وتبارك تضل يمي لحد متنعس وتصعد يمه تنام فديوم كاعده بلصاله الجو بارد وجان طالع فلم تايتنك كاعده اتفرج الناس تبجي اني اضحك حتى بهاي مشاعري مخربطه باوعت عليه نزل من الدرج واجه دخل للصاله باوع عليه وحجه

جاسر..دكولي هذا رجلي عزيز كلبي اصعد انام بحضنه بهل برد

صابرين..والله يا عزيز كلبي جدي حكيم كل ربع ساعه طالعه كاعد يمي ونسولف ويدخل

جاسر..افااا خاف الحجيه تسويله ليله رومانسيه

صابرين..جان يمي مخده ضربته بيها حتئ جدك وبيبيتك جاسر

جاسر..هههههه

صابرين..اجه كعد بصفي وحضني راسي صار على متنه شلون صارت ايدك

جاسر..زينه بويه لتهتمين

صابرين..جاسر لتكول لتهتمين

جاسر..اروح فدوه الهل عيون

صابرين..هسه اني دشوفني زينب لو صابرين باوع بعيوني وحجت

جاسر..صابرين بنيت ابوها

صابرين..بسته من خده احبك اني

جاسر..وهايم بيج اني

صابرين..ضلينه نتفرج ومندمجين ماحس اله جدي فوك راسه

جاسر..خير شيخنه شو هنا

جدي حكيم..ميل هيج ميل عن البت

جاسر..ههههه جدي مرتي

جدي حكيم..شلي دخل مرتك شلون يحجي وخر من تعرس عليها بذاك الوكت كول مرتي بنت عمك وبس هسه

صابرين..عزااا شكد خجلت عدلت كعدتي وخرت شويه من حضن جاسر

جدي حكيم..بويه خو مدايضوجج

صابرين..لا جدو خطيه ايده

جدي حكيم..بويه هذه ملعون لا تصدكين بي يكلج ايدي وايدي كذاب

جاسر..شهل سمعه جدي وروح خالي جاي تأذيني

صابرين..باوع جدو خطيه تأذي

جدي حكيم..ولج بويه انتي غير كلب رهيف عندج سئلي سئلي عنده خال هو

صابرين..اكيد عنده مو

جاسر..مع لاسف لا هههههههههه

صابرين..كمت من يمه وكعدت بصف جدي هاهيه جدي اني وياك

جدي حكيم..بويه داخل انام اني هذه الملعون لا تصدكين بي

صابرين..هزيت راسي راح جدي بس خله باب غرفته مفتوحه ابتسمت والله وطلع يخاف عليه

جاسر..جدي على الحضنه حسدني چا لو يدري قبل اسبوع شسويت وكل ليله وين ابات جان دك ولطم

صابرين..كافي عيبب باوع هنا غركت السفينه

جاسر..بس هذه مستفاد بحياته كل الفلم كضا بوس

صابرين..متروح انت تبوسها

جاسر..والكاعده بصفي خراعت خضره

صابرين..كول لنفسك دكتور

جاسر..احبج

صابرين..اموت عليك جاسر عفيه صدك ايدك جاي تأذيك

جاسر..لا ونفسج بس شتاقيتلج وانتي هل فتره كضيتيها عليه نايمه هنا لا حاضنج ولا شام عطرج ولا………

صابرين..خليت ايدي علئ حلكه ترا اصيح جدي عليك

جاسر..ههههههههه هيهي ضابط والنجمه جبتيها بزودج وتالي تصيحين جدي افه

صابرين..باوع اني ضابط صح بس بنفس لوقت بنيه تره بس اذا تريد عادي اكدر اسكتك

جاسر..شلون بله

صابرين..كمت اعوفك بحدك هنا وادخل يم جدي وبيبي

جاسر..ديطلع جدج يدك ويلطم عوفي للرجال حاضن مرته بهل برد المصخم اله اني معلعل جريتها من ايدها كعدتها بصفي كعدي

صابرين..رجعت كعدت خله راسه على جتفي وهمس

جاسر..مشتاقلج

صابرين..واني هم

جاسر..امشي فوك

صابرين..مشكور حبيبي هنا كلش زين كرصني من خصري اه جاسر

جاسر..ها يبعد هاي وهاي

صابرين.. وخر لتكرص ابتسم جر المخده ونام رفع الحاف وتغطه ونام

جاسر..نايم اني وانتي خليج ويه هذوله الكفره

صابرين..ضحكت باوعت عليه شكله يوحي الى نايم ضليت اتفرج لحد ما خلص الفلم نداريت عليه شفته نايم ملامحه حلوه تقربت بسته بخده وجبت دوشك ثاني ومخده والحاف بس شويه غاد عنه ونمت والحمدالله كعدت قبلهم لو كاعد ياسر وشايفنه هيج جان اسبوع ضل يصيح نيالكم ونيالكم غطيت جاسر زين وكمت غسلت وجهي لميت شعري سويت ريوك ولكل كعدو عدا هوا

جدي حكيم..خلي بويه خلي البارحه كاعد للفجر

صابرين..غصيت من جدي حجه ياسر نطاني مي شربت شويه

جدي حكيم..كوم صابرين جدي كليله جدي يكول اليوم عرسك كوم

صابرين..جدوو

جدي حكيم..هههههههه كومي ولج

صابرين..كمت كعدت يمه ونسدته جاسر جاسر

جاسر..نفسه

صابرين..جدو يكول اكعد اليوم عرسك

جاسر..ايي يالله تعالي

صابرين..جرني من ايدي وصرت جوا دنك باسني من خدي ومن ركبتي ومن شفتي جاسر وخر عيب هسه يجون

جاسر..مو كال اليوم عرس جاي اعرس

صابرين..عزااا بعيني حباي وخر بداعتي وخر يضحك كمت وهوا كام باسني من راسي

جاسر..دوره عيونج جزيره ،گلبي طير وتاه بيها

صابرين..ابتسمت باسني بخدي وطلع الميت فراشه ورجعت المكانه وطلعت صبيتله جاي وكعدت بصفه

جدي حكيم..اي بويه عجبتك النومه مو

جاسر..شني جدي غير اريح من الچربايه

جدي حكيم..خوش صابرين بويه صعدي انتي الغرفته وهو ينزل جوه

جاسر..شوف جدي ايدي يرادلها حنان دفه شعندك مصعد صابرين فوك اصعد انت وجده

جدي حكيم..نجب ولك

ياسر..احسها حوبتي شوف من مخليتوني اطلع وي خطيبتي وهيه مرتي

جاسر..بعدين اتفاهم وياك خويه ادلل

صابرين..خلصنه ريوك وكمنه اني ومرت عمي نضفنه وخلصنه سوت هيه غده واني صعدت بغرفة جاسر سبحت وبدلت وطلعت شفته كاعد على الچربايه وبحضنه تبارك اجتي باستني دنكت شلتها شلونها بنوتي

تبارك..كلش زينه ماما اليوم حيصير مدارس ومرحت للبصره اسجل

صابرين..بس انتي راح تضلين يمي يعني اداومين هنا

تبارك..واللله

صابرين..والله مو هيج ابونه

جاسر..يعيون ابوجن اي بابا تبارك

تبارك..يايي يعني راح نضل نعيش هنا

جاسر..اي

صابرين..كامت تكمز باستني واخذت ملابس ودخلت سبحت كعدت بصف جاسر خله ايده على ضهري وحجه

جاسر..صابرين صيري حبابه وقربي العرس

صابرين..لا جاسر حباب حبيبي احنه اتفقنه

جاسر..متت شلون

صابرين..اششش اسم الله ميصير بيك شي تقرب باسني من شفتي حاوطت ركبته وبادلته اول مره اسويها نزل على ركبتي باسني ورجع على شفتي دفعته على كيف كافي جاسر

جاسر..لحكي على نفسج صابرين ونزلي لا اصخمج والطمج هسه

صابرين..كمت ركض طلعت من غرفته رحت الغرفة عمي ومرته دخلت باوعت وجهي احمر باوعت ركبتي بيها اثر خرب يومك جاسرر اخذت شال لفيته على ركبتي ونزلت ورايه شويه ونزلو تبارك وهوا نطتني الشمط وكعدت يم رجلي مشطت الها واني احس نفسي راح اوكع وجاسر يباوع عليه جاسر لتباوع

جاسر..هههههههه راح اغمض

صابرين..ابتسمت شعر تبارك طويل شلت نص وخليت نص باستني من خدي

تبارك..شوكت نسجل مدرسه

صابرين..شوكت ابونه

جاسر..باجر بناتي

تبارك..بابا خلي نطلع

جاسر..وين ابويه

تبارك..اريد اروح ازور

صابرين..يمه بنيتي تريد تزور

جاسر..حضرو نفسكم العصر اخذجن

تبارك..اييي

صابرين..تبارك كعدت تتفرج تلفزيون وجاسر كاعد يباوع عليها وعليه شكو

جاسر..تدرين تبارك تشبهج

صابرين..شلون يعني

جاسر..عيونها عليه بس الباقي كله انتي بياضها عليج وشعرها اسود بسواد اليل وحركاتها كلها انتي

صابرين..هيه تشبهه المرحومه امها

جاسر..الله يرحمها بس لا بيها هوايه منج صابرين بياضها عليج

صابرين..هيه مو هسه بنتي فا اكيد تشبهني

جاسر..واخوها من يجي راح يطلع كله انتي

صابرين..ممكن شويه متنحرف يمنه طفله حبيبي

جاسر..اييه اييه ربي رحمتك حنن عبادك على عبدك جاسر المضلوم

صابرين..هااا هسه صرت مضلوم باوع شمسوي وخرت الشال من ركبتي

جاسر..تصدكين عبالي كيك ولو محاس على نفسي جان ا……… بس حمدي ربج

صابرين..كمت من يمه ضل يم تبارك واحجيلها قصص اذا اضل كاعده راح تضل تحجي بلانحراف داروح جرني من ايدي كعدني بحضنه عزا جاسر وخر

جاسر..تحلمين

صابرين..فدوه حباب هسه اجد يجي كافي

جاسر..تقربي واعوفج

صابرين..تقربت عليه باسني من ركبتي ومن خدي وحل ايدي كمت ركض طلعت يم مرت عمي بلمطبخ ساعدتها واني ساكته المهم مرت الايام جاسر تحسن الحمدالله وفتح خياط ايده بس ميحركها هوايه لين الدكتور منعه بس يفيد ويا طبعا لا يتشغل بيها ومره شالني بنفس ايده سجلنه تبارك بلمدرسه وفرحانه حيل حبيتها وتعلقت بيها عبالك بنتي صدك بدينه نجهز للعرس لين مبقه شي حضرنه كلشي وامي ومرت عمي يجهز الشغلات الثانيه اليوم طلعنه للسوك دخلنه المحل مال قمصان نوم شكد ستحيت وهنا ولا عبالك اشكال شترن بدل السيت ياخذن ثنين الحد ما خلصنه من هن بالف يا علي خلصنه هاي السوالف مال سيتات نوم وهل سوالف وجهزنه ملابس جاسر كل ما اكله كافي يكول بعد ترس الكنتو ملابس جديده بحيث وملابس الي يم اهلي اخذت بس كم قطعه منهم والباقي هوا نطاهن النارين شالهن ونزلهن الها واني احجي عليه جاسر ملابسي هذني

جاسر..شسوين بيهن بنيتي انطيهن النارين وشتريدين اني اخذلج

صابرين.. لا اكو ملابس اني ملابستهن حتئ اريدهن

جاسر..ابويه اخذتهن نارين وانتهى الموضوع بعد

صابرين..هفف باسني من خدي وحجه

جاسر..شهل سنه المصخمه شوكت تخلص غير اعرف

صابرين..ابتسمت نزلنه سويه تغدينه حتى الغرفه بدلها هيه مالتها جديده اشتراها قبل 5اشهر بدلها وجاب وحده جديده حتى ختياره حلو الغرفه عباره عن كلها بيضه والصبغ مال غرفه ابيض وبي المع حيل حلو خلصنه كلشي واليوم عقد المحكمه مالتنه جان يوم 29/12عقدنه محكمه فرحتي بعقد المحكمه عكس بعقد السيد ايدي مشابكه ايده من خلصنه عقد دست على رجله باوع عليه وابتسم طلعنه وجان ياسر اباب المحكمه وجايب مزيقه ويدك ويركص ويا كومه ولد وكلهم جماعته ودكاتره ومن البصره هم جايين وياسر جر جاسر وضلو يركصون ابتسمت رحت صعدت بسياره باوعت على حلقتي تلمع بأيدي باوعت عليه فرحان دعيت بكلبي الله يقدرني واكدر اسعدك بحياتك لين انت مقدمتلي بس الخير خلصت الهوسه واجه صعد لزمني من ايدي وباسها

جاسر..عاشكج يا صبر ايامي انتي

صابرين..ابتسمت طلعنه والطريق كله اصدقائه ثبرو الدنيا عبالك عرسنه مو بس عقدنه وصلنه البيتنه ونزلو وهم ركصو وطلع جدي وعمي حاكم وعمو منير وابويه وكفو بلباب فرحانين وامي وبيبي ومرت عمي يطشون چكليت رحت بست ايد ابويه باسني من راسي

ابو صابرين..مهنايه ابويه

صابرين..الله يخليك الي جدي وعمومتي باسوني من راسي وخلص بعد هاهيه دخلت البيتنه وصعدت سبحت وبدلت ونزلت جوا كلهم بيت عمي وبحدي بيتنه واكفه بلمطبخ داشرب مي عطشانه حسيت احد حضني من ورا نداريت شفته جاسر جاسر عليك الله مين تدخل انت

جاسر..مو كتلج عندي مكان سري للشيطان ميدري بي

صابرين..ابتسمت تقرب باسني من راسي

جاسر..الله يقدرني واكدر اسعدج ومانزل دمعه من عيونج واحافظ عليج واشيلج بعيوني لحد ما الله ياخذ امانته بس بساعته اكون وافي ويا بكل وعد وعدته الج الله يقدرني واعوضج عن كلشي بهل دنيه

صابرين..لزمته من ايده اني الله يقدرني واكدر اعوضك بكلشي الله يقدرني واحافظ عليك وعلى تبارك لين انتو عائلتي واحبكم اكثر من روحي تقرب باسني من شفتي بدلته باسني من راسي وحجه

جاسر..ليلتين بس واخذج بحضني وبنت امها وابوها التفتح حلكها وتكول جاسر عيبب

صابرين..ههههه جاسرر روح اصدقائك يريدوك

جاسر..رايح خليها ابالج بس ليلتين

صابرين..طلع يضحك واني ابتسم صعدت سبحت توضيت وصليت وحمدت ربي وشكرته بعد تعب ارتاحيت واجاني عوضه الصدك احسن من اختياري العصر دك عليه جاسر جاوبت الو

جاسر..حضري نفسج نص ساعه وجاي اخذج

صابرين..وين

جاسر..يله بنيتي بدلي ميصير اكلج

صابرين..تمام دخلت نارين تركض بيدها فستان زيتوني طويل وكلوش بس مو هوايه وبي حزام اسود

نارين..لبسي بسرعه

صابرين..تخبلتي نارين

نارين..ديله حبابه فدوه اروحلج

صابرين..اخذته ودخلت للحمام البسته والله حلو طلعت نطتني حجاب زيتوني البستها وهيه ماعرف شسوت بي بس طلع حلو حيل كعدتني على الكرسي وجابت علبه مكياج وكعدت تمكيج وكل شويه اكلها الاطوخين ولتخلين هوايه خلصت باوعت على روحي عبالك طالعه من صالون المكياج مسويته هادئ حلو باوعت عليها وكرصتها خدها عروستي الصغيره

نارين..اليل ونهار دعيت الله يعوضج ورب العالمين مردني خايبه الف مبروك صابرين روحي انتي

صابرين..نزلت دموعي وحضنتها وهيه عدلت مكياجي نطتني حذاء كعب اسود لبسته نزلت لكيت جاسر لابس قاط رصاصي واكف يحجي ويا جدي من نزلت ثنينهم باوعو عليه وكفت كبال جاسر باسني من راسي

جاسر..بنيت ابوها

جدي حكيم..مبروك بويه شايفين كل الخير

صابرين..شكرا جدو الله يبارك بيك كلهم باركولنه الزمني من ايدي وطلعنه صعدني بسياره شويه واجتي تبارك الابسه بدله نفس مالتي وصعدت تضحك والطريق كله تهوس وتركص وتصفك اخذنه جاسر المطعم مابي اي احد بس احنه باوعت عليه جانو مزيني كله احمر ورد بلكاع ابتسمت لزمني من ايدي واخذني للطاوله كعدت وكعدت تبارك وهوا كعد كبالي

جاسر..هسه كملت حياتي بيكم

صابرين..واني اكتملت حياتي بيكم جان اكو مرجوحه بلمطعم ضلت تلعب بيها وجاسر وعادته والسانه الينزل على الترابي فجئه لزمني من ايدي وكمنه نركص سلو اني عشت ليله بيوم عقدنه ويا جاسر بس بحلامي جنت اشوفها فعلاً عوضني عن كلشي رجعنه بـ12:30بليل دخلت للبيت وصارت كبالي نارين تبتسم بستها من خدها وصعدت الغرفتي اخذت ملابس ودخلت سبحت والابتسامه ممفاركتني طلعت اخذت تبارك سبحتها وبدلت الها ونمنه وهم اجه جاسر ونام يمنه الصبح صلينه سويه وراح واني رجعت نمت اخذت اجازه لين اليوم حنتي يوم 30كعدتني نارين من الصبح للصالو خابرت صبا واجتني بنين وطيبه ميكدرن لين طيبه غياث يمها وخاصبها وبنين حامل وعلي وعشق يمها هم متكدر رحنه اني ونارين وصبا كعدت شويه واجه سريه كمت لبست بدلتي الماروني من يم صدرها كله فصوص وصلوخ ودلع وضهرها كله طالع ومكياجي صار بلون البدله وحمره ماروني وشعري شالته كله ونزلت خصل لبست حذائي كعب عالي وماروني لبستني صبا البرنص الجان مكتوب عليه بنيه جاسر كعدت اتراسل ويا جاسر والابتسامه مفاركتني اذكرت من عقدنه اني ويا جاسر شلون جنت كارهه نفسي وكارهه جاسر اما هسه صرت اسعد انسانه بلدنيا وكلها بفضل جاسر خلصو نارين وصبا وطلعنه اجه ياسر علينه اخذنه من الصالون دخلنه للبيت بصاله اخذت مني نارين البرنص وكعدت على الكوشه وكلهم اجوي وبنين وطيبه واهلهم وعيالهن اجوي باوعت على بنين عينها بجهازها وتبتسم هاي قدوتي بحياتي الشبعت ضيم وقهر رب العالمين عوضها ومثل عوضها عوضني حمدت وشكرت ربي عشق وتبارك يلعبن وعلي بحضن ام بنين كامو البنات يركصن ويهوسن شويه دخلت ام حسام وجنتها اني عزمتها على القصدني اجتي ملايه وسوو جلوه مدري شنو وراها دخل جاسر باوع عليه وابتسم جان لابسه لبس مال عرب دشداشه بيضه وعباه سوده وشماغ قبل ميكعد نزع العباه وخلاها على متني و اجه كعد بصفي ومدنك راسه لزمت ايده عفيه حبيبي لتباوع على احد صارت عيونه بعيوني وحجه

جاسر..ليش اكو بنيه غيرج تحله بعيوني انتي شيخة كلبي

صابرين..ابتسمت ضلن الملالي يهوسن وجاسر كل شويه هامس كلمه تخليني اموت خجل حنالي ايدي واجتي صبا خلتلي ليره ذهب وخلت مثل ورده فوك الحنه وحنالي ايدي الثانيه وهوا جدي محنيله ايده بره وخاله ورقه عليها كام باسني من راسي وهمس بأذني

جاسر..بس هليله هاي شوكت تمر وباجر يوم لا ينفع لا مال ولا بنون

صابرين..هاا ضحك ابتسمت وراح ولكل تهلهل صارت عيني بعيون ام حسام ابتسمت ابتسمت اني عشت حياتي بحزنها وبفرحها واجاني عوضي من ربي باوعت على مرت حسام كاعده وتخزر ابتسمت بوجهه ودرت وجهي خلصت الحفله واجتني نارين

نارين..يله صابرينو جاسر برا يريدج

صابرين..ليش

نارين..يكول كولي البنيتي خلي تحضر نفسها

صابرين..كمت لبست فوك العباة مالته الكبوس وساعدني نارين وصبا وبنين وطيبه يهوسن ورايه ضحكت كافي ولجن

بنين..ومين دورها ولكاها فصوص روبه ويا كفاها

طيبه..وابن عمي واخذتنه وموتن يل تريدنه

صابرين..بوستهن وساعدني صعدت ويا بسيارته ورحنه اخذنه صور بس طبعا المصور بنيه اصلا عرفتنه لين صور العشيره كلها يمها عرست بنين وشاهين يمها طيبه وعباس يمها وهسه اني وجاسر دخلنه واخذنه صور اكو صوره من الصور شكد مراح احجي واكول احبها بس مراح يكفي ويا اروحي جنت واكفه كبال جاسر وهوا حاضني اني اوصله الصدره هوا مدنك عليه وعيوني بعيونه حجه حجايه خلتني اخرب من الضحك وهوا يبتسم وطلعت الصوره تجنن خلصنه وطلعنه وهم لحكونه اصدقائه ويدكون ويركصون والهورنات دخت جاسر الله يساعدك عليهم

جاسر..باعيهم ذول شكول دكاتره هتليه يموتون على الركص

صابرين..ضحكت وصلني البيتنه نزلت دخلني دخل باسني من راسي وتقرب باسني من ركبتي

جاسر..نامي زين جايتج ايام تودعين النوم

صابرين..ضربته بلمسكه مال ورد ضحك وراح دخلت ابتسم صعدت الغرفتي ضليت اخذ صور بلبدله حلوات تعبت وراسي صار يأذيني ذبيت البدله ومسحت المكياج واخذت ملابس ودخلت سبحت وبدلت وتمددت فرحانه وزعلانه بنفس الوقت فرحانه راح اعيش يم اجمل شخص بهل دنيا بحيته وخوفه عليه وحبه الي وزعلانه لين راح اعوف اهلي ابويه وامي ونارين الخبله واخويه الصغير ندك باب غرفتي ودخل ابويه عدلت كعدتي اجه كعد يمي وباسني من راسي بسته من ايده

ابو صابرين..من اختاريت الج جاسر واني ادري بي عنده طفله الاجل اشوف هاي الفرحه بعيونج صابرين اني ابوج عمري ماصرت عدوج انتي فرحتي قبل كم شهر اباوع بعيوني حزن حطام وكئابه من جنتي يم حسام واما هسه داشوف الفرحه بعيونج داشوف بعيونج الامان من تكونين يم جاسر عكس من جان حسام اني اختاريتلج جاسر وهسه اني لو يجي الموت اموت مرتاح مأمن عليج ادري بجاسر يأذي نفسه وميأذيج هسه فرحتي مانطيها الاحد ماطول انتي فرحانه ادعي ربي يديم عليج هاي فرحتج طول العمر يا فرحة ابوج انتي

صابرين..نزلت دموعي بسته من ايده اني اسفه بابا خاف فديوم رفعت صوتي عليك لو حجيت حجي واذاك اني اسفه باسني من راسي وحضني بيومها بابا نام يمي وجاسر مأجه لين بيبي كلتله ميصير يشوفني بليل ثاني يوم الصبح جان اكثر ارتباك خوف حب فرحه مشاعر مخربطه رحنه للصالون وهم اني ونارين وصبا دخلت بدلي البيضه جان ردنها طويل وهيه منفوشه وحلوه حيل كلها فراشات بلاطراف مالتها حيل حلوه كعدت وجنت كلي ارجف من الارتبارك مكياجي صار حلو هادئ بس الحمره طوخ ماروني بس فاتح ومو كلش فاتح وشعري شالت نص وبقه نص مفتوح اني ردته هيج البست حذائي ونارين لبستي التخم الي جابه الي جاسر كله يلمع وابيض مثل الماس من سئلته كال وصيته الج من تركيا صديقه جابه اله لبسته جان كلش حلو حتى حلقه وحده ساده وحدت بيها فص خلصت كلشي وكعدت دك جاسر عليه فرحان

جاسر..انتي دتصورين بعدلج كم ساعه وتصيرين بحضني

صابرين..وانت تصور راح اغلق جهازي حتى متحجي حجي نحراف

جاسر..اوي كزه

صابرين..هههههههه

جاسر..خلصتي بنيتي

صابرين..اي حبيبي خلصت

جاسر..راح ادز عليج ياسر ياخذكم اخ جده يومين خبصتني ميصير تشوفها وميصير تشوفها

صابرين..ههه ابوسها الجده على كلبي

جاسر..ليش ولج خبيثه

صابرين..انن احسن ضليت احجي ويا الحد ما اجه ياسر ختمت ويا واخذنه ياسر للبيت ساعدني انزل ودخلت البيتنه والهلاهل والچكليت اشتغل كعدت بس اني مخنوكه والغصه خانكتني باوعت على بيت اهلي شكد عندي ذكريات بي وهاي اخر يوم الي هنا راح اروح الحياة جديده وبيت جديد صح البيت الي راح اسكن بي بصف بيت اهلي وحايط على حايط بس يبقى بيت اهلي الارتاح بي اكثر واهلي الي تحملو كلشي من ورايه تحملو خبالي ودموعي فزيت من صفنتي على صوت طلقات ومزيقه وهوسه عرفت جاسر اجه دخل لابسه قاط اسود وقميص ابيض وهوا منا طويل طالع يخبل اجه كعد وباسني من راسي كعدنه شويه وكام وكومني ويا صار كبالي ابويه وبدت دموعي تجري وهوا مثلي جاسر باسه من راسه وابويه بوسه وحجه ويا

ابو صابرين..جاسر اني اختاريتك الها عوضها عنك كلشي صار وياها هاي صابرين تحملت كلشي بهل دنيا واني ادري بيك كد هاي المسؤاليه وليدي حافظ عليها والتزعل اذا حجت وتعارك تره فطيره ودمعتها بطرف عينها ناطيك قطعه من كلبي حافظ عليها مبروك عليك كنزي الربي رزقني بي

جاسر..اخليها بكلبي عمي صابرين كنز واني حصلت عليه التهتم ولتفكر انت نطيتها الشخص يأذي نفسه بس مايأذيها نام مرتاح

صابرين..حضنت ابويه وبجيت وامي ونارين وكلنه بجينه عاد جدي جر ابويه وطبطب على ضهره وجاسر همس بأذني

جاسر..كافي بنيتي ونفسج يوميه اجيبج يمهم وتكدرين اطفرين من السطح انتي ضابط وينحسبلج الف حساب

صابرين..ضحكت مسح دموعي وباسني من راسي وطلعنه للقاعه واصدقائه نفس البارحه بس الفرق اليوم حتى طلقات رمو وصلنه للقاعه وبدت الحفله جان عرسي من احلا العراس قبل منروح للقاعه رحنه اخذنه صور ورحنه للقاعه وكلها تركص وراها كالو لازم نركص سلو اشتغلت اغنيه الرقصه الاولى جنت حافضتها الهاي الاغنيه كمت اغني وياها وجاسر يباوع بعيوني اشتغلت شراره وصار دخان داير مدايرنه شالني وافتر بيه واني ضحكت نزلني ودنك باسني من راسي وراها اجتي الكيكه ماعرف كم طابق باوعت عليه جاسر شعدنه جايب هل كبر

جاسر..عرسي من صبر ايامي تريدين اجيبلج كيكه ام الربع شرعاً لا يجوز باباتي

صابرين..ضحكت كصينه الكيكه وراها كمنه نركص بلسيف واجه ياسر افندي وبيده ضبه مال ورق وطشر فوك راسنه والجهال داير مدايرنه ياخذون اجتي تبارك ولزمتني من ايدي

تبارك..عوفي بابا ركصي ويايه الي

صابرين..ههههه شالها جاسر وصرنه تلاثتنه نركص حيل فرحت بعرسي وراها كعدنه اني وتبارك على الكوشه واجوي ياخذو ويانه صور اكو صوره اني وصديقاتي بحدنه وكفنه بنين بصفي واكفه ومن الناحيه الثانيه صبا وبصفها رانيه وبصف بنين طيبه اخذنه صور هذني صديقاتي البلشده وكفن ويايه بحزني قبل فرحي هذني عوضي بهاي الدنيا خليت ايدي على بطن بنين ودنكت بست بطنها اني مادري دصور البنيه وطلعت الصوره تخبل

بنين..يوم الالج وترسين البيت جهال

صابرين..لا بنين بدينج شعندي روضه ضحكنه اربعتنه طلعت اغنيه عن الصديقات والدموع عشره عشره اني وصبا وطيبه وبنين انجمعت مشاعري بهل اغنيه هنه صدك احسن صديقات رزقتني بيهم الايام جاسر وياسر حاولو يغيرون جو وفعلا ضحكنه رانيه لزمتني من ايدي وحجت

رانيه..عسا ايامج كلها فرح ويا يا فرحتي بيج واني ازفج العريسج

صابرين..حضنتها احبج رانيه

رانيه..اموت عليج امي وابويه انتي كعدنه اني وجاسر على الكوشه وصديقاتي رجعن كل وحده الزوجها خلص العرس وديزفونه والهوسه يبو اريد ارجع بس انام صعدنه بسياره اني كدام وجاسر يسوق وراه صعدت تبارك السياره مال جاسر من فوك بيها جامه تنفتح فتحها وطلعت تبارك تهوس وفرحانه وياسر العب لعب واصدقائه صدك عرسي حلو وصلنه للبيت ذبحو جوا رجلي خروف شلت بدلتي ودخلت صعدوني الغرفتي وهنا بطني كامت تأذيني من الخوف والارتباك عمتي وامي وبيبي يعلموني واني بس اهز راسي تالي نزلن وراهن بشويه صارت هوسه يم باب الغرفه دخل جاسر يضحك بعد اباب الغرفه وندك الباب فتحها وصار ياسر كباله

ياسر..وين رايح ابو الشباب لازم تنطينه رشوه

صابرين..جاسر محجه شي ابتسم وطلع من جيبه شده بيها فلوس وناطها اله وطردهم وسد الباب ندار عليه اا اني رايحه اسبح وانام رحت يم الكنتور حسيته ورايه دارني عليه وباسني من راسي ودنك باسني من متني ايده صار على السحابه مال بدله حسيت بي فتح السحابه خليت ايدي على صدرها جاسر خلي نصلي رفع راسه باوع عليه وابتسم صلينه سويه واجه شالني وهمس بأذني

جاسر..مو كافي تعذبين بيه

صابرين..ها باسني من شفتي خلاني على الچربايه وباسني من خدي ومن شفت وركبتي وتقربلي وبديت حياة جديده ويا تأذيت غمضت عيوني قوي همس بأذني

جاسر..اوخر بنيتي

صابرين..هزيت راسي بـ لا كمل وباسني من راسي وصرت مرته اخذ النيشان وبدل ونزل كمت واني بطني موتتني دخلت سبحت وبدلت مشطت شعري واسمع جوا الهوسه والطلق شويه ودخل جاسر باسني من راسي

جاسر..عاشت ايد امج وابوج على الستر بنيت ابوها

صابرين..حضنته قوي وباسني من راسي واكيد جاسر مخلاني انام للفجر وتالي كتله انام يم بيبي وجدو يله حضني ونام وهاي حياتي ستمرت ويا حب حياتي ورا شهرين من زواجنه حسيت بأعراض الحمل وحللت وطلعت حامل ومن سمعت جاسر يومين يحتفل وفعلا من مكال الابويه عيشني ملكه ابد منزل دمعه من عيني الاريده قبل ما طلبه يجيبه الي تبارك صرت اعشقها هيه بنتي فعلا حسام ماسمعت اخباره بعد لين انقل من دائرتنه واني صعدت ويا العقيد شاهين اشتغل جاسر ميضوج من شغلي بس مادخل مركز شرطه ميقبل اليوم احد ودوام كمت اني من حبلت كمت احب النوم بحيث كضيتها نايمه باوعت الساعه بـ 6باوعت جاسر نايم وحاضني جاسر جاسر

جاسر..نفسه

صابرين..كوم حبيبي ساعه 6:30

جاسر..بعد وكت بنيتي

صابرين..كوم حبيبي كام باسني من شفتي وخله ايده على بطني

جاسر..صباح الخير على جهالي

صابرين..صباح النور ابونه ضحكنه كمت دخلت سبحت وبدلت وطلعت التبارك كعدتها وغسلت وفرشت سنونها حضرت ملابسها وطلعت بدلت مشطت شعرها ونزلنه سويت ريوك تريكنه وصلنه تبارك الدوامها بوستنه ونزلت وصلني الدوامي بسته من خده احبك

جاسر..هايم بيج يبعد هاي وهاي

صابرين..داومت واليوم عادي ومرتاحه من مضايقات حسام وفرحانه بنفس الوقت لين انقل خلصت واجه جاسر اخذني من الدائره وداني للبيت وراح يجب تبارك واكفه بلمطبخ داسوي غده دخلت تبارك تركض وتصيح

تبارك..ماااااامااااااااا

صابرين..يعيون امج

تبارك..طلعتتتت الاولى

صابرين..دنكت بستها من خدها عفيه بنيتي بنوتي دخل جاسر شالها وباسها من راسها وحضني

جاسر..الله اليحرمني من فرحتكم هاي

صابرين..ولايحرمنه منك حبيبي وهيج استمرت حياتي ويا اكثر شخص احبه اكثر شخص مأذاني قدملي كل الحب يأذي نفسه بس ميأذني هذا عوضني من دنيا وهاي هسه اني صابرين عايشه حياتي ويا حبيبي وابو ابني وتوته الي صارت ويا النفس مالتي هذوله عائلتي تكونت اسرتي منهم هذا حبيبي العنده ضحكتي تسوه الدنيا كلها وهاي بنوتي العوضتها عن حنان امها وابني الي بعدها 5اشهر ويجي للدنيا وينورلي حياتي وحياة ابو هاي قصتي صح طولت بس بيها عبره اني صبرت صبرت صبرت وتالي نلت بشي احسن من الاريده عوضني ربي بجاسر واحمد ربي واشكره لين دخل حياتي الحمدالله من عوضني بي اشكر كاتبتنه الحلو بنو الي رغم دراستها وتعبها بس كملت القصه واتمنى الها حياة سعيده والهنا واگلكم بيباي يا احله ناس عرفتها انتضرو يمكن من اولد نسويلكم اني وبنين وباقي صديقاتنه يوميات ادعولي اكوم بسلامه ويجي ابني بخير واخر شي احب اگلكم احبكم وربي يحفضكم

النهايه………………..

بنين..سلام متابعيني العزيزين والعزيزيات السيدات منكم والاناث اليوم ختمت وياكم قصه صابرين بحب ونهايه حلوه وخلصت القصه على خير وبركة الحمدالله كدرت اختم قبل السنه الجديده احب اكول الصابرين احبج بكد ما بلدنيا رحمه وناس طيبه الحمدالله ربي عوضج بجاسر احسن عوض الحمدالله اكتملت حياتج ويا احبكم كومه ونشالله تولدين بسلامه واكتب يومياتكم انتي والبنات وهسه راح اطلع من حياتكم وتاركيلي ذكريات جميله دمتم بأمان رب العالمين وهاي الاغنيه هديه مني الصابرين والجاسر لين تمثل حياتهم وبنهايه هاي القصه اختم مشواري الكتابي لين مداكدر اشرح واوصل حياة الابطال مثل ما انتو تريدون احب اشكركم وتشرفت بمعرفتكم كووومه ♥️♥️

https://www.youtube.com/watch?v=hslfo57ChY0

سنههههه سعيدددددههههه عليكمممم يابعد عيون بنين انتو يارب تحقق كل امانيكم هاي السنه سنه 2021ولت راحت بس الحمدالله رغم مصايبها بس بيها الصحه والعافيه الف الحمدالله كل سنه واني احبكم اكثر من القبلها انتو بختصار فرحتي من اشوف تعليقاتكم العباره عن امل وطاقه انسا ام الكئابه والحزن بغض النضر عن التعليقات السلبيه الله يسامحهم وارجع واكول تريدوني اضل بلواتباد مو يبعد هاي وهاي اموت بيكم انيي الله يحققلكم امنيه امنيه وتكون سنه 2022خير وبركه على الجميع احبكممم وايد وايد💋💋

سلام بنات شلونكم شلونكم بعد بخير مو😂😕لا كذب اشاقه شلونكم نشالله بخير مشتاقتلكممممم كوووومات😍مشتاقه نسولف اني وياكم بس خلصت القصه بعد انتضروني بقصه جديده بس بعطله الجبيره لين تعرفون بده كور ثاني وقهر وضيم وهل سوالف فا اني هسه حيل مشتاقه الكم المهم لتنسون بنان ترا احبكم بلربع اليوم ويانه احله كاتبات بدنيا فطم الموسوي قصتها الجديده حقيقه القصه حلوه حبيباتي تابعوها فضلاً وليس امراً هذا حسابها toma221

واختنه اسيل هم قصتها حلوه تابعوها اعرفكم متابعاتي كفو وبناتي حلوات مايقصرن هذا حساب اسيل rwhalhyat

المهم بناتي روح بنان انتو احبكم هوايه وانتضروني بقصه جديده خوش حجاحيجي💋♥️