تحميل رواية «مرارة الحب» PDF
بقلم بنين الزبيدي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
نرجع شويه بل زمن 7سنين من جنت طالبه بلمدرسه ومن بعدها نكمل الاحداث ام عباس..لجج بنين امي كعدي تأخرتي يوم بنين..ماداوم اليوم ماما ام عباس..شو كعدي صارلج اسبوع غايبه كل ما اجي اسئلج تكولين مابيه شي بنين امي بيج شي بنين..درت وجهي عن امي لا مابيه شي بس ماريد اداوم ام عباس..لا راح اداومين ويله كومي غسلي وبدلي بنين..نزلت امي رجعت راسي وره شكد كرهت المدرسه بسببك كمت غسلت وبدلت لبست صدريتي جنت هستوني صف رابع علمي مشط شعري وسويته ضفيره ونزلت شفتهم كاعدين يتريكون صبحت عليهم ورحت لبست حذائي وطلعت صاحوني بس...
مرارة الحب الفصل الثاني وأربعون 42 - بقلم بنين الزبيدي
انتي اسباب
الترافة
وهيبتي وكل
نرجسيتي
وچنت اضمن صورتج
وسط المحافظ
وجهچ
افرض من
هويتي .
┬──┬┬──┬┬──┬┬─
بنين..ضليت كاعده وعيوني تصب دموع دخل هوا بيده كومه علاكات وشغلات خلاهن على الميز وطلع مستعجل كمت شفت شنو جايب جان مسوك شغلات كومه غسلت المخضر والفواكه وكله رتبته بلثلاجه مع انو الثلاجه متروسه جايب عشه جاهز هم وبصراحه اني جوعانه بس كبريائي منعني اكل ورا نص ساعه اجه فرحان دخل وقفل الباب باوع عليه وحجه
شاهين..البزونه تنهزم قفلت الها الباب حتى اتوب ادوره نكلبت قرد
بنين..باوعت عليه ودرت وجهي
شاهين..ايييه ايييه باركيلي خطبت
بنين..باوعت عليه اي الف مبروك نشالله تحبها وتستانس وياها وهسه بما انو خطبت رجعني الهلي وحرامات اسميهم اهل
شاهين..ضبطي السانج بنتي
بنين..داحجي عافني ودخل بس كلبي يحركني صدك خطب والمن اي اكيد خطب غاده خانم اجه جرني من ايدي
شاهين..انطمري هنا ويله اكلي
بنين..كعدت اكل وهوا كعد كبالي ياكل ويايه مجان اكلت يم خطيبتك مو خطبت ابتسم بطرف شفته وحجه
شاهين..ماريد اتعبها من هسه وراها ايام وليالي ودلال
بنين..ايي حلو لعد استعجل بمعامله الطلاق حتى اني هم اشوف دربي واحب وانحب وازوج واكون اسره
شاهين..ههههههههههه اله عقله ب……… الي ياخذج مني
بنين..اكرهك
شاهين..ميخالف المهم راح اشوفيني اعرس كدامج
بنين..دفعت الكرسي وكمت انت شخص نمحه حبه من كلبي من يوم. سئلتني مين هذا الي بطنج عفته وصعدت اسمع جوا صوت التكسير والصياح مالته خليت راسي على المخده ونمت والله يا شاهين الاربيلك كلب ممدشن نمت بليل فزيت على صوت صياح بلبيت كمت غسلت وجهي ونزلت دخلت للصاله شفت غاده وابوها وبيبي سعاده ومن الجهه الثانيه شقت رجال يطلع عمره بل اربعينات ويا نسوان ثنين ورجال جبير بلعمر باوعت شاهين كاعد على الكرسي وصافن عليهم من دخلت اني رفع راسه عليه خزرني ابتسمت اله بستفزاز وكعدت صفنت شنو الي ديصير مادري بس الهوسه تكب بين الطرفين وبعدين يهدون الي فهمته رجل غاده يريد يرجعها وغاده متقبل لاتريده ولا تريد ابنها عقجت حاجبي غير كلب عدها اني ابني مشايفته واحس اخذ كلبي ويا شاهين صافن بعدين عاط ولكل سكتو
شاهين..شرايددد فريد
فريد..رايد مرتي صارلها فوك السنتين هيه منفصله واكول يله فريد خلي ترتاح بس كافي بعد
شاهين..متريدك
فريد..شنو ذنب هذا الطفل
غاده..ذنبه انت ابو
شاهين..انتيييييي نطميييييييي
بيبي سعاده..انت دمرتها فريد
فريد..ودمرت نفسي وياها ودمرت العالم كله حجيه
شاهين..فريد رايدها
فريد.. بعدها على ذمتي شاهين
شاهين..انطيها اسبوعين وترجعلك
ابو غاده..بس شاهين متريده
شاهين..واحنه نمشي برايها وبشورها شكو قبلت تنطم وتزوج وشكو هسه هيج دسوي
ابو غاده..ماكلت غير الصحيح يعمي نفضحنه بين الوادم
شاهين..هاهيه حبيبي فريد اعتبرها راجعتلك
غاده..بس اني ماريده احرك نفسي ومارجعله
شاهين..جداحه ونفط بيت الحجيه بلترك تكدرين تحركين نفسج بويه
بنين..باوعت على رجلها الغاده واهله اشكرو من شاهين وطلعو وغاده كعدت ادك وتلطم
غاده..ليششش ليششش رجعتني اله
شاهين..صارله سنتين اهل اهله انبشو وهو يركض وره حضرتج تقبلين ترجعيله غاده اصحي على نفسج وكافييي لعب جهال صار عمرج33سنه وبعدج طايشه
غاده..ماحبه اني
ابو غاده..احد كلج قبليييي بيييي جيت وكتلج غاده هذا زواج مو لعبه لج غاده فكري زين وانتي لازكه تحملي نتائجها هسه
بنين..ابو غاده ضربها على ايدها وهيه تبجي وشاهين كاعد وبيده جكاره ويدخن وبيبي سعاده تهدي بيها عاد ندارت بيبي سعاده عليه وحجت
بيبي سعاده..وانتي يمصخمه بعدج كالبتها مناحه
بنين..داجاوب شاهين جاوب بمكاني وهوا يضحك بستهزاء
شاهين بستهزاء.. لا حجيه مشالله مغركتني باشهر العسل داحسد نفسي على هل عيشه
بنين..باوعت عليه يضحك بستهزاء حجيت بيبي الي يجي من ايده الله يزيده
شاهين..باعي هذا السانج الي عام عليج اكصلجيا يله ترتاحين اعرفج
بنين..بيبي حرام اذا بشر مطايق بشر ليش اجمعوهم تحت سقف واحد
بيبي سعاده..يمه غاده ثوله ومن ايدها محد جبرها تزوج هيه رادته
غاده..وهسه ماريده رحموني ولترجعوني اله
شاهين..العندي كلته ترجعيله ورجلج فوك راسج سنتين يركض وراج
بنين..عافها وصعد كامو ترخصو وطلعو اني وين اروح كعدت انضف من الضوجه بعدين اذكرت الباب مفتوح ايي والله طلعت برا بلكراج داتمشى للباب صار هوا كبالي
شاهين..خير
بنين..مين تطلع انت مو صعددت تنام
شاهين..من جوع الكاع اطلعلج ادخلي جوه يله
بنين..رجعني بعد
شاهين..انسي حبابه
بنين..شنو عيشتي وياك اني هسه لا اني داحاول ابدي وياك حياة جديده ولا انت دترجعني
شاهين..تبدين تبدين يله هسه دخلي
بنين..دخلت واني اسب والعن بحضي المهم مر اسبوع واني ويا توم جيري اهلي وصديقاتي ولكل زعلت عليهم زعل بس الله يدري بي اني انام بغرفه وهوا بغرفه مالي دخل بي حتى ماشوفه الصبح هوا يطلع اني انضف البيت واسوي غده من يرجع بس على الاكل اشوفه اغسل مواعين واصعد بلغرفه مانزل بعد بس وقت العشا اهلي ماعرف عنهم شي لين مشالله استاذ شاهين مخله اي جهاز بلبيت اليوم خميس كعدت مالي خلك واحس نفسي فلاونزه لين الجو برد صار بارده ومطر مالي خلك ودايخه كوه اوكف على رجلي ضليت بلفراش كلشي مسويت انام وافز حسيت شي بارد صار على خدي فزيت باوعت شفته هوا وخر عفيه
شاهين..كتلج السبحين البارحه بسسس جيببب التسمع كلام
بنين..مالي خلك اجادل ويا غمضت عيوني شاهين مريضه ومالي خلك حتى النفسي عوفني واطلع
شاهين..احترك…… لابو حتى الي…….
بنين..حاره
شاهين..اذا انتي مصخنه شلون تريدين الجو ست بنين
خليت ايدي على خدها نار نزلت اخذت طاسه ومي قطعه قماش صغيره صعدت خليت الها كمادات اباوع عليها وجهه اصفر اويلي انتي راح تموتيني كامت تحجي وتهلوس بكيفها
بنين..لو خال ابني هسه جان اني حامل ومبقه شي ويجيي للدنيا بس شكول معقد وخبيث وكلامك وافعالك طاغيه
شاهين..رحم الله والديج
بنين..حاره
شاهين..اي مصخنه
بنين..اريد سبلت بارد
شاهين..اي عفيه بنص الشته اشغلج سبلت بارد تعالي شلتها من فراشها واخذتها للحمام شغلت المي صار عليه وعليها
بنين..اشهههه
شاهين..اباوع عليها خدها احمر من الصخونه خشمها كذالك مغمضه عيونها شلون ماعشق واحب هيج بنيه شاهين اتحمل نتائج اغلاطك وياها طلعت كعدتها على الكرسي طلعت الها ملابس لزمت التيشيرت مالتها دابدل الها لزمت ايدي
بنين..ترا اكدر ابدل بحدي
شاهين..لا اله الا الله يله بدلي عفتها وطلعت بدلت ورجعت الها لكيتها نايمه ممبدله خرب كو…….. كلهم
رحت بدلت الها وشلتها نيمتها على الچربايه ونزلت سويت الها شوربه كعدتها تاكل
بنين..فتحت عيوني باوعت عليه كبالي كاعد باوعت بعيونه وحجيت شعجب مسئلتني مين هاي الفلاونزه الي بجسمج باوعت محجه شي استغفر وكعد يوكلني
شاهين..انتي ليش هيج راسج يابس
بنين..لين اني نجرحت بهاي الدنيا لحد ما ملت روحي من كلشي حتى خلك النفسي مالي
شاهين..وراح تضل هيج علاقتنه
بنين..انت هيج سويت بينه اني جنت مستعده انطيك مو بس كلبي الك بحدك لا هاي الروح الي بجسدي لو تطلبها ولا لحضه اتردد وانطيها الك ياخي انت حتى بعيد زواجي مخليتني افرح لي فرحته شهر زمان وكمت مطيق تباوع عليه
شاهين..هيج مأذيج
بنين..اذيتني بكد ما جنت خايف عليك وحابك) بس هاي اكولها وانت فسرها بعد ماريد نعست
شاهين..شجاوبها واني بكد ما حبتني اذيتها حتى فرحتها بطفل سلبتها منها بس هيه مالتي لو اعرف اسوي لمستحيل وارجعها
بنين..نطاني دوه وضل يهتم بيه كل يوم على مدار اسبوعين لحد مصرت زينه ورجعلي حيلي جان يوم احد بدايه اسبوع كمت سبحت وبدلت ونزلت سويتله ريوك نزل مبدل لابس العسكري مالتي وكعد صبيتله جاي وضليت اغسل اماعين ضليت الهي نفسي هوا اجه باسني من راسي وراح شكد مديسوي ويحاول يرجعني بس مداكدر انسه ولا اسامح كلبي يوجعني واذكر كلشي جان يسوي ويايه ضليت انضف البيت وجان مطر داسوي غده احس احد ورايه نداريت ماكو احد خلصت الغده داطلع من الصاله وجان الباب تندك شويه وراح الصوت وراها البيبان مال بيت كلها صارت تندك والصوت يخوف خليت ايدي على كلبي صار يأذيتي حيل كوه طلعت من المطبخ دخلت للصاله والبيبان مال فوك ومال شارع مستمره تندك والبيت مابي احد بس اني جان اكو قرأن على الميز رحت اخذته وكعدت بلزاويه بصف الميز مال تلفزيون اباوع الباب مال صاله اريد اكوم اقفلها اخاف مرت ساعات على هذا الصوت يجي ويروح اني جسمي كله رخه احس كلبي وكف من الخوف نفتح الباب غمضت عيوني قوي حسيت احد خله ايده على متني فزيت وصرخت فتحت عيوني باوعت شاهين بدون وعي حضنته بسرعه
شاهين..شبيج بس فهميني
بنين..شش شاه شاهين ههذا ههذا البيت بي شي والله بي شي
شاهين..شبي
بنين..جان جسمي كله يرجف من الخوف حتى مااكدر احجي كومني من الكاع وكعدني على القفنه جابليي مي وكعد كبالي
شاهين..شبيج بنين
بنين..انت شاهين لو الجني
شاهين..استغفرك ربي ياجني هاي عود انتي ضابط
بنين..البيت هذا هذا بي بي شي والله بباوع باوع من رحت اني ضليت اسوي غده وانضف حسيت احد ورايه بس مجان اكو احد وراها البيبان مال بيت كلها تندك حتى حتى مال شارع والله والله
شاهين..بنين بنتي البيت مابي شي كولي انتي تريدين ترجعين الاهلج ولكيتي خوش سالفه
بنين..والله لا شاهين والله البيت هذا بي شي
شاهين..مابي شي صارله فوك الـ20سنه هذا البيت
بنين..عافني وصعد يبدل هسه اني شلون اقنعه مداكذب حتى ارجع الاهلي نزل باوع عليه
شاهين..بنين تصدكين بهل خرافات بابا مابي شي والله
بنين..كمت بدون ماحجي صبيت غده بس اني جسمي يرجف كعدت بصفه وكل شويه اباوع يمنه ويسره وهوا يضحك عليه العصر هوا طلع اني شغلت قران وصليت مصار شي سويت عشه اجه تعشينه سويه بس محد يبنه يحجي غسلت لاماعين صعدت واني اقرا ايات بداخلي دخلت سبحت وبدلت وجففت شعري وطلعت انام بيومها مطر قوي ورعد وطفت الكهرباء بقه بس الضوه مال قمر صار على باب الشرفه لمحت خيال فات من الشرفه باوعت اليده مال باب تنفتح بس مقفول صارت ايد على باب الشرفه كلها دم يمكن تخبلت رسمي كمت ركض رحت للغرفه مال شاهين فتحت الباب كبل ماشوف شي ضلمه ششاهين ششاههين دم دم ضليت اتلمس فراشه ماهوا حسيت ايد صارت على متني واجتي الكهرباء بلحضتها شفته هوا كعدت على الچربايه ابجي شاهين وحق الله بيتك بي جني
شاهين..ياجججججنيييي بابا لتخبليييني
بنين..تعال تعال اخذته للغرفه داراوي الدم شوف شوف الدم على الباب
شاهين..وين
بنين..نداريت على الباب ماكو شي كعدت بلكاع شاهين لتخبلني هاي انت هيج دسوي حتى اخاف وارجعلك مو
شاهين..بنين بنتي باباتي شديصير وياج
بنين..دداشوف داشوف شغلات تخوف هنا
شاهين..تعالي بابا
بنين..حضني بيومها نمت يمه بحضنه لازكه بي ماريد اعوفه من الخوف كلبي يأذيني وجسمي يرجف رجع مثل قبل يطبطب على ضهري ويهديني
شاهين..كافي بنتي حبيبي باعيني انتي ضابط وسبع ومتخافين من احد هاي خرفات بابا
بنين..بس بس والله لبيت بي جني وحق الله
شاهين..اي بي جني صغير عصفور ديرجف بحضني
بنين..هففف ترا بعدني ممسامحتك
شاهين..لسامحيني يابه هسه انتي وين بحضني
بنين..غير الجني وازاني ونمت هنا
شاهين.. هههه يابويه تدرين عيونج مسويتلي واهس حتى اعيش
بنين..تصبح على خير نطيته ضهري ونمت بس شنو الخوفه بعدها بيه مرت ساعات احس ديأذن داكوم اصلي نداريت فتحت عيوني شفت شاهين كله دم حتى عيونه دم فزيت اصرخ
شاهين..اسم الله اسم الله
بنين..باوعت عليه مابي شي لزمت ايده بداعت كل لحضه حلوه عشتها وياك طلعني منا اخذني الاي مكان قابله بس طلعني من هل بيت
شاهين..تعالي
بنين..حضني واني كل جسمي يرجف هاي ليش هيج يصير ويايه كمت توضيت وصليت ورجعت شكد حاولت انام بس مكدرت مع انو اني نعسانه حيل بس خاف عيوني صارن يلزكن ويحركني بس اخاف انام الصبح نزلت واني اقره ايات سويلته ريوك داصعد لكيته نازل ابتسم وباسني من راسي كعد يتريك واني كعدت وكل شويه اغفه واني كاعده وافز
شاهين..اليوم من ارجع من الشغل اخذج مابقيج هنا
بنين..اي باسني من بطن ايدي وطلع احس اخر حبل للامان راح وبقيت بنص الخوف ضليت انضف وشغلت القران ورفعت الصوت وكعدت اشتغل رادد بل ايات خلصت تنضيف شويه لهيت نفسي ومرت الساعات بسرعه سويت غده وكفت على الطباخ خلصت الغده نداريت داطلع شفت غاده ورايه وتباوع عليه وعيونها جواهن اسود والكحل سايل والشعر منفوش وصاير هوسه يعني مكفوش انتي انتي شجابج. هنا
غاده..كله كله من وراج ومن تحت راسج صار هيج بييه
بنين..شسويت اني
غاده..هذاا هذاااا البييييتتت المفرووض الي والشاهين حبيبي وابن عمي والجهالنه انتي جيتي جيتي خربتي كل هذا
بنين..اني مسويت شي
غاده..تعالي
بنين..اخذتني من ايدي للكراج برا شفت صور مطشره بلكاع كلها مالتها ومال شاهين وعوائلهم
غاده..باعييييي باعييييي شكد جان يحبنه ابن عمي وكل شهر يمنه اكحل عيني بشوفته من ازوجج كام ميجي لججج هذذذااا حبيبي الي باعي جنتتت اخذله صورررر بدون مينتبه واضمهن ليش لين احبه
بنين..غاده اني مالي دخل بلي صار وياج ماحس اله هجمت عليه صرنه اني وياها ندافع بلكراج
غاده..الججججح اللللههه لايوفقججج
بنين..جان اكو صخره بلكراج دفعتني عليها وكعت وبعد ماعرف شصار………
للحكايا بقايا……..
يمه يمه اليوم خميس فا معقوله اعوف بناتي بدون بارن اليوم افا افا عليه المهم احبكم هوايه هواي مححح
مرارة الحب الفصل الثالث وأربعون 43 - بقلم بنين الزبيدي
هسه المهم عوفي العتب
خافن يمر بيج التعب
بالحلم طارش ودي
تلگاني واگفلج حرز
يم شعرج المتبدي
✺✺✺✺✺✺✺✺✺
شاهين..طلعت للشغل وبالي يمها الي دسوي صدك لو فلم منها حتى ارجعها البيت اهلها بلدوام بالي يمها بنص هوستي والاجتماعات والحجي كله بالي هناك بلانبار جانت بلدائره اكو اجتماعات وتنقلات فه صايره هوسه حجت صبا وسئلت عن بنين
صبا..سيدي شلونها بنين
شاهين..بخير كملو شغل طالع اني
صبا..امرك سيدي
شاهين..طلعت ادك عليها مجاوب فوك ال1000مكالمه ماهيه طلعت من الدائره كبل للانبار الطريق صار شطوله عليه بالف يا علي وصلت نزلت اباب البيت اسمع صوت القران مشتغل بلبيت فتحت الباب ودخلت للكراج احس نص حيلي نهد من شفتها نايمه بنص الكراج والدم يصب من راسها باوعت الصور بلكاع كعدت يمها جريت ايدها بنين باباتي يله حبيبي فتحي عيونج ابويه شلتها وطلعت بيها للمستشفى اخذوها مني الدكاتره شويه والمستشفى نترست كلها اجتي الحجيه سعاده والولد احس دماغي وكف ماعرف شصرف كلشي ولا هيه
بيبي سعاده..يمه تعالي استهدي بلرحمان واكعد
شاهين..حجيه هاي بنين هاي مو اي احد هاي ترافتي
ضرغام..عمي شصاير من دريت جيت ركض شسالفه
بيبي سعاده..والله احنه هم مندري شصاير بس اجه هذا ابن عمتك الصغير كال عمي شاهين شايل بنين وراسها وملابسه كلها دم جينه نتراكض
ضرغام..اباوع على شاهين يروح ويرجع بلممر وايده على راسه
شاهين..دخيلك يا علي رايدها منك اول مره بحياتي اخاف هلكد على شخص وهذا الشخص مو اي شخص عادي هاي ترافتي هاي طفلتي وزوجتي بلعمليات احس الوقت ميمشي طولت عمليتها وطلع الدكتور
الدكتور..المريضه انتو كلكم اهلها
شاهين..اتوقع هذا مو اختصاصك الي يخصك تشرح وضعها النه شلونها
الدكتور..عمليتها مرت سليمه الحمدالله مصار عدها اي مضاعفات بس دم هوايه فقدت بعدها مااكدر اكلكم عبرت مرحله الخطر الخطر الحقيقي من تصحه ونشوف الضربه مأثره عليها او لا كمبدء اولي خايفين تكون الضربه مأثره على عينها او اعصابها مثل هيج ضربه قويه تسبب الها عمه او فقدان الاعصاب او مثل منكول تنشل بس احنه بلعمليه سويه الي علينه الباقي بيد الله ادعو ماكو اي اعراض من هذني عليها العافيه
ضرغام.. شاهين عمي صافن ميعرف شيكول حسيته فصل عن الدنيا كلها خله ايده على رجله وكعد بيبي سعاده كعدت تبجي اتوقع الكل ميعرفوها بس نقهرو رحت يمه عمي كول يالله بنين قويه تتعداها
شاهين..من ايدي صار هيج بيها من ايدي اخخ شاهين
ضرغام..عمي صدكني تعبرها ياما مصايب عبرتها قويه مو هاي لبوتك وترافتك هاي ضابطك السبع كل مره هيج تصيحها
شاهين..طلعوها من غرفه العمليات للعنايه ضليت واكف استعداد لحد مصار اليل وطلعوها غرفه خاصه الها دخلت يمها جانت نايمه كعدت يم راسها ترافه سنيني بنتي متلوكلج هل نومه وحق كل ذره حب الج بكلبي كومي لج شسويتي بيه شيبتيني ادري تعبتج واذيتج وادري كرهتيني اني كرهت نفسي اذيتج كومي بنتي اول مره احس ماعرف اسوي شي ومربط بستها من راسها ضلت بنين نايمه لحد ثاني يوم فتحت عيونها تفتح وتسد بيهن
بنين..فتحت عيوني جانت الرؤيا مغوشه ماشوف شويه شويه وضحت الصوره باوعت شاهين يمي ولكل راسي يأذيني الوجع جان قاتل حجيت رراسي
شاهين..ضرغام بسرعه دكتور
ضرغام..صار رحت صحت الدكتور واجه يفحصها
الدكتور..بنين عمو ركزي ويايه شوي هاي رجلج تحسين بيها
بنين..كام يمشي مثل الحديده على رجلي ايي احس
الدكتور..هاي الثانيه
بنين..اي شبيه
الدكتور..نضرج زين اعصابج
بنين..اي بس راسي شويه جان يوجعني
الدكتور..تصدكون اذا كلت هاي معجزه وكعه مثل وكعتها وممسببه الها اي ضرر اول حاله تجينه والحمدالله اي ضرر مابيها هسه انطيج علاج بس تضلين بلمستشفى هل اسبوع
بنين..هزيت راسي طلع الدكتور باوعت شاهين واكف بصفي اجتي بيبي سعاده باستني راسي
بيبي سعاده..مابيج غير العافيه ابويه انتي
بنين..الله يعافيج بيبي اشكرج
ضرغام..ضابطنه السبع مابيك غير العافيه
بنين..الله يعافيك ضرغام
شاهين..بنين شوكعج على الصخره
بنين..نزلت راسي زلكت من دانضف
شاهين..بنين
بنين..شاهين متوجعه عفيه سكتنه محد حجه اني نمت لين بعدني تعبانه
شاهين..حجيت ويه الحجيه سعاده تروح كلها راحت بقيت اني يمها اباوع عليها من تنام واحجي بداخلي رب العالمين واهل البيت طلعوها الي من الموت لازم اعرف منو وكعها سئلتها تكول زلكت الكاع جانت ناشفه من شلتها المهم مر هل اسبوع بخير الحمدالله مصار وياها اي مضاعفات طلعتها من المستشفى
بنين..اسبوع شاهين يهتم بيه قايم بكلشي اكلي وشربي وكلشي سئلني اكثر من مره منو وكعني بس ردي جان زلكت واني انضف اليوم اخر يوم الي بلمستشفى طلعني لازمني من ايدي وشويه شويه يمشيني صعدني بلسياره وطلع خليت ايدي على راسي
شاهين..متوجعه
بنين..لا بس نعسانه وصلنه بس مو نفسه البيه لا غيره جان حتى بغير فرع تصميمه يختلف عن ذاك صغير ذاك جان قلعه نزلنه دخلت للبيت جان مرتب وحلو حتى يفتح النفس عكس هذاك البيت شكد ما جبير بس يقبض الروح كعدت على القنفه وتمددت
شاهين..لتنامين عندج دوه
بنين..شالني من القفنه ودخلني للغرفه جانت حلوه كلها بياض ونازكه حيل خلاني على الچربايه وطلع ورا نص ساعه اجه جايب اكل وكعد يوكلني حسيته خله ايده على خدي
شاهين..دنيه بلا عيونج ماتسوه بيها اعيش
بنين..باوعت عليه وحجيت نعسانه
شاهين..انطيج دوه ونامي ابويه
بنين..طلع ورجع نطاني دوا وعدلي المخاد ونمت غطاني
شاهين..اباوع عليها عيونها الذبلانه وشفتها الترجف نهتني نهي نمت بصفها وحضنتها
بنين..ليش هيج سويت بينه
شاهين..ارتاحي هسه وعوفي هل موضوع الوكته يله نامي
بنين..اريد اعرف
شاهين..سنتين تدرين بروحج ميصير عندج طفل افتريتي دكاتره الدنيا كلها وكلها تنطيج نفس الحجي مردت اخطبج واورطج ويايه ومن صارت واخذتج بنفس اليله دموعي نزلت واني العمري كله منزلت دمعه من عيني شكد حاولت اكلج والج حريه الاختيار تقبلين تعيشين ويه انسان ضعيف ومقادر ينطيج جزء من حلمج بأنو تصيرين ام لو تروحين بس مكدرت بنين فكره ابعدج عني ولو يوم واحد اتخبل صرتي النفس الي اخذه تصدكين وحق كل حرف بكتاب الله انتي زعلانه وبيت اهلج النوم مضايكه ماعرف شي اسمه نوم غيرتي عليج وخوفي من انو افقدج خلاني اخسرج ادري اذيتج وادري بجيتج هواي وادري ماستحق تسامحيني علي سويته وياج بس هذا شاهين وهذا طبعه
بنين..شاهين انت هوايه اذيتني حبيتك وجنت كلي خراب مالي واهس حتى اخذ نفس اني ماستحق كلشي سويته ويايه ضربتني بيوم سبعه عرسي وضربتني قبلها هوايه تحملت جان حلمي اعيش اني وياك وبنتنه بيت صغير دافي وحلو بس حتى الحلم ممنوع عليه تصبح على خير درت ضهري ونمت
شاهين..لازم ارجعها لازم لو اعرف اسوي المستحيل في سبيل ترجع بنين القديمه
طيبه..من يوم الي ازوجنه بي اني وعباس يعني بنفس اليله تعاركنه بسبب الخلاف الي صار بين بنين وشاهين اني جفصت وهوا ضربني عفته دخلت سبحت وبدلت وطلعت فرشت فراش بلكاع ونمت حتى متقربلي عفته ودرت وجهي ودموعي تصب علاقه بنين وشاهين اثرت حيل على علاقتي اني وعباس مع انو بنين حجت ويا بس يبقى اخ ومقهور على اخته هم محضره عرسه وهم ميدري بيها زينه لو لا يوم ورا يوم اني وعباس يوميه بليل لازم لازم نتعارك اني مالي دخل والله هوا يطلع المشاكل من جوا الكاع اخر شي بزعت باوعت عليه شكووووو ازوجتنييي عباس ليش هيج دسوي بيه انييي مالي دخل مالي دخل ادري الي دسوي علمود بنين والله اني مالي دخل كافي هل عذاب الي عشت بي كافي طلكني ورجعني الهلي باوع عليه وطلع حتى محجه ويايه كعدت ادك والطم وابجي هذا حب حياتي الي جنت مستعده اتخله عن كل العالم الاجل عينه هيج يسوي بيه تعبت حيل احس مالي قابليه بعد جيت للفراش تمددت ودموعي تجري عباس عمره محبني والدليل تصرفاته هسه ويايه واني بأحله فتره اذكرت بنين وشاهين من يوميه هيج يتعاركون بأول فتره بزواجهم بس شاهين عمي اعرفه يحبها وغركان بحبها زين ليش عباس محبني هيج مثله يارب الفرج منك خليتها على الله ونمت دموعي على خدي
بنين..كعدت بليل شفته ماكو يمي كعدت اذكرت كل شغله سواها بيه تريدين اتسامحي بنين شنو الزين السوا الج حتى تريدين تسامحي اذكري من كلج هذا مين الي بطنج حيل تحز بنفسي كلشي سوا بيه نزلت دموعي المن اروح اهلي الي مرادوني ورادو يرجعوني اله طلعت من الغرفه شفته ماكو بس جان سلاحه على الميز باوعت اخذت سلاحه وطلعت للباب شفته مفتوح ركضت بسرعه لبست تكرمون نعال لين ماعندي حذاء وطلعت ركض من البيت والسلاح بيدي بما انو اني ادربت على السلاح امنته وخليته بخصري طلعت على الشارع العام اريد سياره مجان هامني اي شي بس ماشوفه كل ماشوفه اذكر الي سوا بيه وكفت سياره صغيره بيها مره جبيره ورجال جبير وكفولي نزلو يمي يحجون
الحجيه..شبيج عمه
بنين..خاله اترجاج خلصيني
الحجي..بويه غير نعرف شبيج
بنين..عمو اكو شخص خاطفني ونهزمت منه
الحجيه..عمه احنه هم نخاف
بنين..خاله اني ضابط ملازم بس وصلوني الاطراف بغداد واني اعرف بعد وين اروح
الحجي..صعدي عمي
بنين..هستوني داصعد وبداخلي امل ماحس اله نجرت ايدي نداريت شفته شاهين ماعرف شلون اوصفه الكم العيون حمرررر من العصبيه والشرايين كلها بارزه سحبني بضهر وكف يحجي وياهم
الحجي..شديصير عمي
شاهين..اعذرنه حجي هاي مرتي
بنين..كذبب عمو مو مرته اني
الحجيه..يمه عوفها بغيرتك
شاهين..يمه هاي مرتي جاي نحل خلاف توكلو انتو
بنين..صعدو بسيارتهم وراحو ندار عليه
شاهين..اعلمج خلي نوصل اذا مكسرت رجلج هاي شواربي مو عليه ومانحسب ابن سلمان
بنين..دفعني بلسياره وصعد الطريق كله ساكت بس وجهه يشرح شراح يسوي الوجهه مطعون احمر العيون حمر وريد كصته ناط وشرايين ركبته بارزه وصلنه للبيت نزل واجه نزلني وجرني ورا دخلني وشمرني بلصاله وضل يكسر بلبيت واجه وكف كدامي وجرني من شعري
شاهين.. تطلعييييننن بحدجججج وهيججج وتصعدينننن ويه الغربببب بت الكلببببب
بنين..وخررررر لتغلط ايي انهزم اريد اخلص ماريدددك
شاهين..متريدينيييي كلببهههههه
بنين..ضربني شكد مضربني احس مالي قدره اتحرك اشكال الحجي والغلط ويكسر بلغراض لي بلبيت ويرجع يضرب بيه اخر شي لزم صدره وكعد
شاهين..لج حتموتيني تنهزمين اخخخ الله تنهزميننن منيي لج منيي
بنين..ماريدك قاتل
شاهين..لجججج خربببب ر...... لابو حتى......
بنين.. طلكني تقرب لزم حنجي بيده وعصره
شاهين..تحلممممييييينننن
بنين..عافني وطلع لميت رجلي الصدري وكمت ابجي تصدكون حتى على اهلي دعيت على نفسي وعلى صديقاتي وعلى الكل كلها خانتني نمت بمكاني هذا طبعي من جنت صغيره ابجي ابجي وانام اذكر امي جانت تكول يعني من جنت صغيره العب واوكع ابجي وانام تكلي اخاف تنامين ومن الاذيه الي بكلبج بعد متكعدين متخليني انام هسه اتمنى صدك انام بعد مااكعد
شاهين..طلعت للبيت القديم مركب كامرات بلكراج طلعت التصوير مال يوم الحادثه وتأكدت غاده هيه الي مسويتها رجعت للبيت داشوفها لكيت الباب مردود دخلت لا السلاح ولا هيه صعدت السياره فريتها وطلعت ورحت البيت الحجيه سعاده ماهيه طلعت للشارع شفتها واكفه يم مره ورجال تحجي وياها جريتها واخذتها للبيت اذا اذبحها ميبرد كلبي مني تنهزم مخافت على نفسه تصعد وياهم طلعت من البيت رحت لغاده دفعت الباب مال حجيه سعاده دخلت لجججججج غاددددددهههههه
غاده..بيبي والله ممسويه شي بيبي
شاهين..سحلتها من ضهر الحجيه واخذتها للصاله الثاني دفعت وقفلت الباب
غاده..ولنبي ممسويه شي والله كلبي حيوكف من الخوف شاهين
شاهين..اليوم اكفر بيج ساقطه
غاده..نزع الحزام معناتها هاهيه اخرتي بيده
شاهين..لزمتها جنزتها مخليت مكان بجمسها صاحي كل مااكول خطيه كافي تجي ابالي شلون دفعتها وارجع عليها من جديد لج تكليها تريدين بتتتت الكلبببب
غاده..كذابه والله مسويت الها شي عوفني شاهين بداعت امك
شاهين..دفرتها اليوم ترجعين الفريد انعل لشته ولشت اهله الي يبقيج دقيقه وحده
غاده..اني عندي ولي امر لتدخل بيه
شاهين..ولي امرج عايفج تستكو..... اليوم ترجعين الفريد وان....... خالته اليفتح حلكه بحجايه عفتها وطلعت كوه اجر نفس كعدت ايدي على راسي
بيبي سعاده..الله اليوفقجن شسويتن بلرجال انتي وذيج الثانيه يمه بهيدي عليك وليدي
شاهين..حيموتني ذيج الكلبه تنهزم وهاي الساقطه تريد تكتلها اني اعلمجن اربيجن من جديد
بيبي سعاده..يمه صلي على النبي كول يالله بس بهيدي كلبك مصارلك هواي من مسوي العمليه
شاهين..من ميت عساني كون حجيه عفتها وطلعت رجعت الذيج الي بلبيت لكيتها نايمه بمكانها وراسها ينزف استغفرك ربي داويت راسها وشلتها للغرفه خليتها تنام وضليت كاعد للفجر وطلعت قفلت الباب هل مره اذا نهزم بيدي للنجف ادزها طلعت الابو غاده وخابرت فريد اجه اخذها ورجعت البغداد للشغل
بنين..فتحت عيوني اني بلغرفه بسم الله منو جابني باوعت ملابسه على الكرسي هوا كمت راسي يأذيني
طلعت باوعت الصاله كلها كزاز كعدت انضف خلصت دخلت سبحت احس المي ملح ويصب على جروح جسمي بدلت وطلعت سويت غده ودخلت نمت ودموعي تجري هل عين عمرها معرفت طعم الراحه من يوم ماولدت للدنيا لحد هسه جبتها بجي كرهت نفسي وكرهت ضعفي واهلي شلت عليهم حقد اني مسوي الهم شي حتى يرجعوني اله وابويه الي كالي مارجعج اله ورجعني لو امي لو اخواني ضلت دموعي تجري لحد ماسمعت صوت الباب نفتح غمضت عيوني حسيت عليه تقرب عليه خله ايده على كصتي وباسني من راسي ودخل يسبح فتحت عيوني وضليت صافنه طلع باوع عليه محجه شي بس لازم اني احجي شوكت ترجعني
شاهين..وين
بنين..اريد ارجع الدوامي اني عندي التزامات
شاهين..التزاماتج اخذتهن صبا لحد متعقلين ويرجع دماغج الراسج عود الله كريم
بنين..اني مو سجينه هنا تحبسني
شاهين..انتي كلتيها اذا مو سجينه ست بنين شكو نهزمتي البارحه ناوي ارجعج بس من نهزمني طارت الفرصه منج
بنين..انت ماعندك رحمه
شاهين..وانتي السانج يرادله كص
بنين..اكرهك
شاهين..ماشي
بنين..رجعني شاهين
شاهين..شيليها من بالج سالفه الرجعه
بنين..الى متى تحبسني هنا مداكدر اسامحك شي مو بيدي
شاهين..مااكدر ارجعج شي مو بيدي………
للحكايا بقايا………
احبكم💋♥️
مرارة الحب الفصل الرابع وأربعون 44 - بقلم بنين الزبيدي
انه مشكلتي أحبك
و الأيام البينّا تشهد عليّه
مره لمن گتلي راح أمشي
گلتلك،
روح لكن أبقى بيّه
أنت شريان إيدي الأكبر
و البياض بدونك إيتعب إديه
✺✺✺✺✺✺✺✺✺✺✺✺
بنين..تعوذت من الشيطان مالي خلك اتعارك ويا راسي يأذيني باوعت عليه شفته يباوع عليه بقلق حجيت وايدي على راسي..انت ناوي تموتني يله ترتاح
شاهين..على شنو اموتج مرتي ودارجعها
بنين..اسامحك بس بشرط
شاهين..وهو
بنين..اطلكني
شاهين..هههههههه نامي بابا نامي بديتي تهلوسين
بنين..عافني وطلع يارب يارب خلصني من هل سجن صفنت ويا نفسي اني صدك بطلت احبه لو حجي اقنع نفسي بي اكو حاجز قوي يخليني ماسامحه اولها ابني الراح واني مشايفته والضرب وكلشي بمقابل هذني اذكرت ايامي الحلوه ويا وصرت بين نارين نار اسامح ونار اضل مصممه على رأيي
طيبه..رجعت اليوم من الدوام تعبانه بوست خالتي وصعدت سبحت وبدلت ونزلت اساعدها اجوي كلهم مديت السفره وبديت انقل الصحون كعدو كلهم كعدت بصفه كلهم زينين ويايه ويحبوني عدا هوا الي كدامهم يحبني بس بلغرفه عايشه ويا وحش من اشوفه هيج والله كلبي يتكطع زين ليش يعاقبني الي اني كل السويته دحاول ارجعهم البعض خلصنه غده نقلت الاماعين غسلتهن وسويت جاي وكفت كبال القوري وبدت دموعي تجري وسرحانه بأيام خطوبتنه شكد جانت حلوه وشكد جان حنين ويايه هسه ايده والضرب فزيت على ايد على متني نداريت شفتها خاله ام بنين
ام عباس..شبيج يمه تبجين اسم الله الرحمن
طيبه..كلمه شبيج بجتني حيل حضنتها وبجيت بحضنها وهيه خطيه تهدي بيه مسحت دموعي وباستني من راسي
ام عباس..ابويه كافي تبجين امي انتي عباس مضوجج مو هسه اكسره الج بس دموعج غاليه انتي بمقام بنين بنتي
طيبه..لا يوم بس اني شويه تعبانه عباس ماله دخل خطيه
ام عباس..صعدي يوم ارتاحي واني هنا
طيبه..لا يوم من الصبح انتي تشتغلين ارتاحي انتي هسه اصب جاي واجي باستني من راسي ودخلت غسلت وجهي واخذت نفسي وصبت جاي وقدمته للكل وكعدت صافنه
حسين..خير ابو الشباب شو صافنه
محمد..صفنات العاشقه ابو علاوي
طيبه..لاا محمد بس اليوم بلدوام صارت شغله محلوه
حسين..وهي
طيبه..عمو شاهين عين صبا بمكان بنين مؤقت بين ما تنحل سالفتهم وترجع بس دائره الجوازات دزت بنيه وصارت هيه بمكان بنين وعلساس تستقر وبنين تنزل للعقيد حسام وصابرين تنقل لدائره الجوازات علمود هاي صافنه
محمد..وليش هل تغييرات
طيبه..بين فتره وفتره تصير هل تغييرات بس الموضوع مجان يمنه هسه لا الدئره كلها معتمده على بنين لين شغلها ينربط بكليه الضباط الحدث ولوزاره وهيه شاطره بي ومحد يكدر على هذا الشغل غيرها اما هسه ماهيه استغلو هاي السالفه
حسين..زين ليش مترجع بنين
طيبه..مادري والله بس عمو كال من اسبوع الجاي ترجع ومحد ينقل ولبنيه الجتي ترجع
حسين..طيبه بنين شلونها
طيبه..عمو شاهين يكون زينه بس بعدها معانده ويا وصايرين توم جيري بنين متريد ترجع وشاهين ديحاول
محمد..متأكده زينه
طيبه..ولله زينه
حسين..بس اكيد كارهتنه وحاقده علينه هسه
طيبه..لا ماعتقد بنين تحبكم واني اعرف ومتأكده تحب شاهين بس متكدر تنسه السوا واني وياها بهذا الشي تعذبه وترجعله
محمد..لو نفترض انتي بمكان بنين شتسوين
طيبه..ابتسمت وعيوني غوركت دموع اني حالي حال بنين اول بدايتها ويا شاهين كوه بلعت الغصه وجاوبت اكيد ماسامح لين اني شخص قدمت اله كل الحب الي بداخلي وسلمته كلبي ويجازيني ضرب وصياح وتغير ورا الزواج صعبه وتحز بلنفس
محمد..وشكو دتبجين
طيبه..عن اذنكم تعبانه شويه اليوم ترخصت منهم وصعدت تمددت وبدت دموعي تجري صعبه عليه حيل اشوفه كدامي ممهتم بيه ولا ناطيني قدر من اهتمامه بيه هذا حبيبي العمري كله حلمت اعيش اني ويا تحت سقف واحد هيج يعاملني بكل برود وكرهه السويته اني شنو الذنب الي ارتكبته شنو اريد اعرفه سمعت صوت الباب نفتح ونسد متحركت من مكاني حسيت ايد على شعري وخر ايده واخذ ملابسه ودخل سبح طلع نام على القنفه الي بلغرفه هاي حياتي ويا عايفني واحنه شهر ممكملين زواج وينام على القنفه تعبت حيل من البجي ماحسيت بنفسي غير نمت
رانيه..اليوم جان هوسه وكله شغل ويوسف يلعب دانضف البيت ماحس اله يوسف صرخ عفن البيدي ورحت ركض اشوف شبي اباوع عليه خده مطعون احمر والطفل صاير ازرك من البجي شلته اسم الله اسم الله يوم حبيبي شويه سمعت صوت سياره سلام ودخل يركض
سلام..شبي يوسف
رانيه..جانت بنت خالته كاعده بلصاله يمه هاي الكلبه هنده ضربته اجتي عمتي ام سلام وعلى بجيه يوسف هيه تبجي
ام سلام..شبي ولج يمه ليش يبجي
سلام..هنده اذا تدخل لهل بيت انعل اهل اهلها
ام سلام..هنده شعليها بيوسف
رانيه..يوم جنت دانضف وخاله يوسف هنا وهيه يمه هيه ضربته
ام سلام..لا يا كلبه يا هنده كافي ابويه
رانيه..اخذته اليوسف مني وراحت للصاله الثانيه تلعب ويا وسلام طلع مادري وين راح شويه ودخل بيده هنده تبجي
سلام..ليش ضربتي
هنده..والله مضربته
رانيه..لتكذبين انتي جنتي يمه وماكو احد بلبيت والطفل من بجه انتي نهزمتي
هنده..اكرهجج واكرهه نشالله يموت
رانيه..احترك كلبي واني اشوفها تدعي على ابني كدامي هجمت عليها كطعتها وفوك ضربتي سلام ضربها وطردها صعد للغرفه صعدت ورا حضرتله الحمام ونزلت كملت الشغل كله وصبيتله غده وكعدنه بلصاله اباوع عليه من ياكل صح كلبي مقهور لين هاي الكلبه دعت على ابني يوسف يوم عن يوم ديصير كله سلام باوع عليه وحجه
سلام..خير بويه هيج حلو وصافنه بيه
رانيه..اذا ماصفن بيك منو اليسوه واصفن بي
سلام..اويلي كلبي
رانيه..الف اسم الله على كلبك يبعد كلبي انت
سلام..رانيه
رانيه..يعيون رانيه
سلام..اليوم بلدوام بنص التعب والهوسه اجتي صوره عيونج كبالي تدرين
رانيه..ايي وشسويت
سلام..اجه ابالي بيت شعر حلو
يالمعوضتني كِل تعبي شجازي عيونج الحلوه !
شجازي الكبل لا أعثر ، تكُلي أندارلك فدوة
رانيه..اويلي يمه اروحلك فدوه
سلام..بنت الاوادم دنيا ضهر وين اولي بهل ضهريه وانتي كاعده تتموعين كدامي
رانيه..سلام عيب عيب
سلام..باعي انتي تفكيرج شكد منحرف اني وين احجي وانتي وين تحجين
رانيه..وين شلون يعني
سلام..شكد احب غبائج
رانيه..انيي غبيه
سلام..واحله غبيه الله بلاني بيها
رانيه..وخري ولنبي زعلت اني غبيه داكوم ماحس اله جرني بحضنه يمه
سلام..وين رايحه رانيتي
رانيه..كلبي ذاب من كالها بكل هدوء ورجوله وحب وكلشي هذا الرجال اخذ كلبي كله حبه احله شي صارلي بهل دنيا جاوبته واني صافنه بعيونه داروح
سلام..وين ياهدوئي بنص هوستي
رانيه..سلام كافي حيوكف كلبي ولنبي
سلام..من شنو
رانيه..مادري من تتغزل بيه كلبي ماعرف شيصير بي يكوم يدك سريع واتمنى احضنك قوي وماعوفك ابد
سلام..اويلي الله هيج تحبني
رانيه..الدنيا هاي كلها بكف وانت بكف ثاني
سلام..تعالي
رانيه..الاموعين سلام
سلام..ا...... هسه تره تعالي
رانيه..عيبب شالني وصعدني للغرفه وعيب بعد باسني من راسي وحجه
سلام..احبج ام عيون جتاله
رانيه..حضنته قوي احبك سلام
سلام..اويلي بويه
بنين..ضليت صافنه على الباب ودموعي تجري شويه وسمعت صوته صاح قوي مسحت دموعي وكمت اشوف شبي شفته واكف وايده تنزف بدون وعي ركضت على ايده لزمتها شلون بشنو نجرحت جنت احجي ويا رفعت راسي عليه شفته صافن عليه
شاهين..مشاء الله مبين كرهج الي
بنين..وخرت ايدي من ايده ورجعت وره خطوتين
شاهين..ليش تعاندين هذا
بنين..اشر على كلبي درت وجهي عنه رحت جبت علبه لاسعاف وكعدت على الميز طلعتله شاش وباندج وخليتهن كدامه كعد يسوي بيهن بس ميسيطر لين ايد وحده اخذتهن من ايده ولفيتهن اله وكمت صبيتله غده ورجعت للغرفه ربي ساعدني يارب اريد اسامحه وابدي من جديد بس والله مو هين الي سوا بيه من كلشي حرمني راسي صار يأذيني من الالم والبجي نمت مر وقت طويل حسيت ايد على خصري فتحت عيوني نداريت شفته حاضني وخرت ايده من خصري وكمت طلعت للصاله بارده شغلت الصوبه وكعدت اهلي هسه شنو ديسوون ارتاحو مني ندك الباب البرا بس مااكدر اطلع لين قافل الباب يعني هنا بابين باب خارجي وكراج والباب مال دخله لداخل البيت رحت كعدته ندسته مرتين كعد
شاهين..خير
بنين..الباب ديندك ومااكدر اشوف منو انت ساجني
شاهين..اي احسن السجن الج راحه
بنين..درت وجهي عنه كام طلع فتح الباب ودخلو عالم ماعرفهم مبينين اصدقائه جانو 4جايين كعدو بلصاله اني رحت للمطبخ حضرت مي وصحته اجه اخذ المي ورفع راسه عليه وحجه
شاهين..جاي
بنين..هزيت راسي بـ اي رحت سويت جاي وحضرت الستكانات وضليت انتضر يصير الحد مصار صبيت وتقدمت شويه يم الباب وصحته طلع اخذ الجاي دامشي سمعت واحد كله بشر شصار بسالفتك وشاهين اخذ حسره وحجه
شاهين..هيثم معانده وراسها قافل تريد تطلك
هيثم..لا اله الا الله خويه حقها
كرار..الحق حق شاهين خويه والصار قضاء وقدر رب العالمين يسامح احنه منو حتى منسامح الصار كل الاطراف تتحمل مسؤاليته لتزعل شاهين من خطبت ليش مصارحتها الحجيه والحجي ليش مكالو الها
شاهين..عفيه انت زيدها فوك ماهيه واصله حدها
كرار..لا خويه اني وياك مو عليك انت عضيدي
هيثم..شاهين تعرفني اني وياك بكلشي بس بهاي السالفه اني ضدك انت انسان واعي مثقف وهاي هيه حب حياتك لو نسيت من جنت تتربصلها يم الدئره لا ساعه ولا ثنين تنتضرها تطلع لو لولد الي عفنته بلسجن لين بس بس باوع عليها من ضحكت خويه اني شاهد على هذني كلهن ليش تغيرت من ازوجتها
شاهين..هيثمممم رحمههه الانبيائك البيه كافيني
كرار..هاهيه خويه براحتك الي تسوي احنه وياك
هيثم..زين ليش مطلكها وتخليها ترتاح كم شهر
شاهين..ههههههه اربع اشهر بيت اهلها لابده مرتاحت
كرار..والله خويه الي فقدته ضنه شنو تريدها بسهوله تسامح
شاهين..لتسامح اني وياها وهذا الزمن شكبره
هيثم..الله وكيلك مخابيل
كرار..ههههههه شاهين بعد اخوك ماوصيك اذا رجعت مرت اخونه بشرفك سويلنه عرس
هيثم..ونجي ندبك بعرسك
شاهين..من....... شعندي مسوي عرس
هيثم..نقيم بلواجب خوي
كرار..كله هيج نركص
شاهين..كواد متصيرلك كل جاره
كرار..شهاده اعتز بيها
شاهين..هههههههه
بنين..ضلو يضحكون عفتهم ورحت للغرفه سديت الباب وكعدت على الكرسي بصف الشباك والجو مغيم وهوا بارد وضليت افكر بكلامهم يعني جان يحبني قبل لا اني احبه ويراقبني ويجي للدائره زين ليش يضربني وليش وصلنه لهل مرحله ليش خلاني اخاف اثق بي من جديد زين انطي فرصه اخيره وكرامتي وكبريائي اذا سامحته راح يرجع يضربني من جديد اخذت نفس وخليت الشباك مفتوح يدخل هوا للغرفه ورحت تمددت بنفس المكان الي جان نايم بي المخده بيها عطره وغمضت عيوني مرت الايام اني وشاهين نفس الحاله اني بغرفه وهوا بغرفه اقيم بكل واجبه من ناحيه اكل ملابس حجي ابد مااحجي ويا يريد مني شغله اكتفي بهز راسي لاغير ويا اليوم مر شهر على جيتي هنا خياط راسي شلته اليوم كعدت الصبح نضفت وخلص تنضيف وسويت غده وكعدت اتفرج تلفزيون غفيت مر وقت طويل ماحسيت بلوقت فزيت باوعت على الساعه بـ5:30العصر وشاهين مجاي ضليت انتضره ماكو ضلمت الدنيا ادوره حتى تلفون ماعندي ادك عليه بصراحه خفت عليه وخصوصا الانبار خطره جانت ضليت افتره بلبيت ساعه تمشي وهوا ماكو بـ1:00بليل وهسه يجي وشويه لخ يجي لحد ساعه 5الفجر ايست كعدت ابجي وين راح خاف بي شي اليل مر عليه بالف يا علي عيوني مضاكت النوم خايفه عليه حتى الصبح منضفت شي ايدي متاخذ شغل ثاني يوم نفس الشي احس مالي قدره اتحمل بعد اختنكت احس حوكع من التعب يومين منايمه وتعبانه خليت راسي على المخده وضليت ابجي ابجي لحد مغفيت مكعدت غير الصبح فتحت عيوني وكمت يارب بلكت جنت احلم كمت دورت البيت كله ماهوا خليت ايدي على راسي وينك شاهين وين صرت يلمتعب كلبي وياك ساعه تقريبا 3الضهر نفتح الباب ودخل رحت ركض كباله هوا باوع عليه حجيت و و وين جنت بس هاي الجمله كلتها وكعت حسيت مي صار على وجهي فتحت عيوني
شاهين..صدك كذب بنين باباتي شبيج
بنين..كمت وين جنت
شاهين..عندي خفر
بنين..واني شنو خالني هنا قرد تعوفني بحدي وتروح مكلت خطيه هاي بحدها خاف يصير بيها شي حتى تلفون ماعندي اني شنو ذنبي يومين انتضرك و1000فكره اجتي براسي يومين مافتهمت راسي من رجلي لا اكل ولا شرب الى متى هاي معاناتي ياخ داكمل حجايتي ماحسيت غير طبك شفايفه على شفايفي وبده يبوس بيهن بدون وعي حاوطت ركبته بيدي وبادلته اختنكت دفعته باوع عليه وابستم وحجه
شاهين..يابويه لو ادري هيج ضابطي لسبع يخاف عليه اضل شهر بلشارع مارجع
بنين..شاهين حرام عليك هيج تسوي بيه
شاهين..لا ابويه تعال ملازمي
بنين..حضني خليت راسي بصدره سامحتك باسني من راسي
شاهين..اوعدج يا اغله بشر بلكون وحق كل دمعه نزلت من عيونج اعوضج وطول ما رب العالمين ناطيني هل نفس اسعدج كل عمري لحد ماياخذ امانته
بنين..خليت ايدي على حلكه صح اذيتني وصح فقدت اعز شي صارلي بس سامحتك رب العالمين يسامح اني منو ماسامحك بس شاهين اذا زعلتني هل مره وحق كل ذره حب بكلبي الك عمري كله مارجعلك
شاهين..بويه لتهديد
بنين..ابتسمت اني جوعانه
شاهين..مخربه ام الحضات
بنين..اني شعليه انت عايفني يومين من خوفتي عليك مأكلت
شاهين..اويلي الله ربع ساعه وجايج
بنين..هزيت راسي بـ اي طلع شاهين ربع ساعه ورجع جايب كومه شغلات واكل من برا باوعت عليه حيلل هاي المن
شاهين..ترافتي يومين مماكله اويلي ربي
بنين..ابتسمت حضرت السفره وكعدنه اني ويا ناكل خلصنه لملمت السفره وسويت جاي نطيته ورحت كعدت جان مطلع اخبار ومركز بيهن اريد ارجع
شاهين..وين
بنين..البغداد
شاهين..شسوين بيها
بنين..ارجع الديرتي
شاهين..هههههههه ارجعج الديرتج باجر
بنين..و
شاهين..طلعيها للدره
بنين..وارجع الدوامي
شاهين..وترجعين الدوامج بعد
بنين..وهاهيه
شاهين..شاهين المسكين ماله حصه بوسه حضنه ايشي
بنين..ها
شاهين..اي عفيه فالحه بس بها
بنين..لا ماله ايشي لحد اا
شاهين..اي لحد شنو
بنين..جان خال ايده على اليمين واليسار واني بلنص يعني حصرني لحد ما يكوم يحبني صدك.........
للحكايا بقايا.........
حبيباتي احنه متفقين ان التنزيل بين يوم ويوم لين والله عندي وعدكم دروس ياعمري وهاي بارت اليوم هديه وباجر ماكو عكبه اكو بين ماكتب البارت والاحداث وشسمه هذا صدكون شكد مداحاول اختصر القصه بس مداكدر هوايه احداث واذا اختصرتها راح تخرب جماليتها فا تحملوني هل فتره غبت عنكم هوايه وهاي هسه جيتكم احبكمممم كومههه💋
مرارة الحب الفصل الخامس وأربعون 45 - بقلم بنين الزبيدي
واشتميت عطرچ
بعد ما چان
ثلثين الهوى الأشتمه
دخان
↺↺↺↺↺↺↺
شاهين..صارلي 5اشهر صابر ومتحمل واتوسل واريد تحنين ماكو روحي طالعه بدونج عايشه بس بدون بدون روح اشوفج كدامي مااكدر حتى احجي وياج وناطيج العذر اني غلطت بحقج هوايه بس مو كافي
بنين..جان يحجي ويباوع بعيوني ماحس اله شالني من القنفه حجيت وين
شاهين..راح اخذج من الدنيا
بنين..وين
شاهين..هسه تعرفين
بنين..تقربلي ودعنه الزعل وبديت صفحه جديده ويا جنه نسابق نضهر شوقنه وحبه وعشقنه البعض نام بصفي وجرني الحضنه وجر الحاف غطانه بي باسني من راسي
شاهين..احبج
بنين..واني هم
شاهين..وانتي هم شنو
بنين..رفعت راسي عليه اموت عليك وخر خصل شعري من عيوني وحجه
شاهين..عيونج الديره الصغيره العايش بسدها وطن
بنين..ابتسمت تقربت باسني من عيوني بعد لتضربني
شاهين..تنكسر كون ولا مادها عليج
بنين..لا اسم الله
شاهين..بنين
بنين..باوعت بعيونه عرفت شيريد ماسامحهم
شاهين..الي سوو اني حجيت وياهم وبالف يا علي قنعو
بنين..بس هما باعوني وبسرعه رجعوني الك
شاهين..رحمه الربج اربع اشهر سلفه سلفاي مشتعل
بنين..اي حتى بعد متضربني ومتشك بيه
شاهين..بنين
بنين..شاهين اذا تحبني صدك وتريد تعوضني طاري اهلي بعد لتجيبه كدامي مستحيل اسامحهم سكتت وضليت صافنه لا من سابع المستحيلات اسامح اهلي تعبت من التفكير نمت على صدره مكعدت غير نص اليل فزيت ملكيته بلغرفه اخذت ملابسي بدلت ونزلت ادور عليه بلبيت كله ماهوا جانت الضوايات مطفيه بس ضوه خفيف مشتغل وخرت البرده من الشباك شفته واكف برا بلكراج ويخابر عقجت حاجبي ويامن يحجي فتحت الباب على كيف وطلعت تقدمت شويه شويه سمعته يحجي ومن صيغه كلامه يحجي ويا بنيه
شاهين..روحي شوفي منو ضاحك عليج ون……. وحبلانه منه بلنسبه الي صارلي سنه مشايف جهره خلقتج
بنين..فتحت عيوني على وسعهن منو هاي حجيت بصوت يرجف ندار عليه وسد الجهاز واجه لزم ايدي
شاهين..افهمج لتكلبيها مناحه رحمه للقاسم
بنين..اخذني للصاله وكعدني واني ارجف هم من البرد وهم من كلامه الي يريد يكوله
شاهين..هاي هبه
بنين..نزلت دموعي وكمت داصعد بس لزمني من ايدي ورجع كعدني
شاهين..كعدي خلي احجي
بنين..شتحجي روح كمل حياتك وياها وعوفني اترجاك
شاهين..انتي لو مخبله لو ثوله هيه وحده من الثنين صارلي سنه مواصل يمها ومشايف خلقتها مو ادوره تحبل مني
بنين..ليش اجتي عليك وتريد تلزك بيك الطفل انت مسوي شي غلط وياها وخايني هاي من ضليت يومين يمها موو كعدت ابجي حراااممم عليك شاااهين حرام طلكني بعد فدوه راح اموتتت وحققققق هوا اللله
شاهين..هسه انتي على شنو تبجين صارلي شكد مزوجج سنه و5اشهر زين سنه اني وياج عايش ملك وبهل 5اشهر انتي زعلانه وضيمي الراسي وين الحك اشوف خلقتها اذا اطلع منا بـ7واوصل بـ8ويادوبك الحك ارجع بـ3الضهر وين الحك اروح و………
بنين..فوك ما خايني السانك منحرف وبسرعه تكعد ت……… ..
شاهين..هههههههه ملازمي طالعه عيونه
بنين..شاهين عليك الحسين مين هذا الطفل
شاهين..من شيب الخلفوني هو هذا هم حضي
بنين..ليشش دكت عليك وليش برا تحجي وياها
شاهين..دكت عليه صايره لوتيه تريد تلزك هل طفل بيه وليش احجي وياها بره حتى متكعدين وتسوين هل مناحه الي سويتيها قبل شويه
بنين..انت خايني وياها مو احجي بصراحه
شاهين..خرب ك………… اهله الي يخون ترافه مثلج رب الحلو هل بجي عليمن ملازمي حبيبي شوكت ناوي تصدك محد غيرك سكن هنا
بنين..اشر على كلبه واجه مسح دموعي وحضني
شاهين..وحق علي ابو الحسنين ماحد غيرج سكن هلروح بعدين رحمه الدينج انفتحت الجبسه وكمت احبل ياهي التجي
بنين..مادري بعده كلبي يلعب
شاهين..دتعالي خلي العب ويا كلبج
بنين..شالني وصعد فوك للغرفه وهيج كضه هذا اليوم ثاني يوم الصبح كعدت جسمي متكسر تكسر وشاهين نايم وحاضني حيل باوعت على الساعه جانت بـ8:30فزيت شاهين شاهين بـ8:30شنو مداوم اليوم
شاهين..ملازمي هو انتي شبقيتي بيه كسرتيني تكسر البارحه
بنين..انييي شعليه
شاهين..ابد بس البارحه اجه جدي يتنعوص عليه بنص اليل واني رجال 5اشهر كاضيها بلضيم
بنين..عييبب
شاهين..نامي بويه نامي
بنين..رجعت نمت ماكعدت غير العصريه فتحت عيوني شفته كاعد ويباوع عليه مطيت نفسي بلفراش وابتسمت صباح الخير مادري مساء الخير
شاهين..يابعد كلبي وحنين البيت لاهله
انت روحي وقبل روحي
وكلشي غير عيونج الحلوات وله
مو ركن بيتي الدافي لا
انتي البيت كله
بنين..اممم كمت بسته بخده احبك
شاهين..عاشكج
بنين..ساعه بيش
شاهين..ساعه 4:10
بنين..عزااا شكد نمنه
شاهين..اييي فازة عيوني الثكيله انتي ايي
بنين..شو صاير شاعر اليوم
شاهين..مو صوجج صوجي اني
بنين..هههههه لااا تعاللل حبيبي لتزعل شو هذا صار فوكايه وحجه
شاهين..والله يا ترافتي تدللين
بنين..وخر وخر منحرف ضحك وباسني بخدي وخر كمت لفيت الحاف على نفسي واخذت ملابس ودخلت للحمام اسبح طلعت ودخل هوا رتبت الغرفه تثاوبت طلع شاهين من الحمام باوع عليه وحجه
شاهين..اليوم اخذج للحجيه ونطلع البغداد
بنين..اي ماشي نزلت سويت اكل واكلنه البيت نضيف بس هم نضفته من جديد خلصت وكفت اباب الصاله شاهين اني شراح البس من نرجع بله هسه هنا ملابسك موجوده من نرجع شلون
شاهين..جبتلج عباه
بنين..خوش صعدت سبحت مره ثانيه وطلعت للكنتور شفت جايبلي نفنوف وحجاب وشغلات ثانيات لبستهن ولبست عبايه ونزلت هاي شوكت جبتهن
شاهين..البارحه ترافتي
بنين..اممم طلعنه قفل الباب هوا وطلعنه للحجيه سعاده سلمنه عليها وطلعنه البغداد بلطريق نعست خليت راسي على الجامه ونمت لحد ماحسيت عليه يكعدني فتحت عيوني جنه داخل لبيت مالتهم نزلت سلمنه ودخلنه لازم ايدي من شافونه الكل فرح سلمنه عليهم وصعدت للغرفه دخلت باوعت عليها مغير كل الاثاث والصبغ صايره احله من قبل ابتسمت ذبيت العبايه والحجاب جنت مخليه ملابس الي اشتروها الي يعني بمهري كلها بيت اعيالي فا عندي ملابس اخذتهن دخلت سبحت وبدلت وطلعت نمت كبل
طيبه..سمعت من بيت اهلي بنين وشاهين اصافو ورجعو البغداد نزلت كلت البيت عيالي وفرحو خطيه هم تعبو بسبب هاي السالفه واني فرحتي تختلف عن كلهم صعدت للغرفه اني بنص حزني وقهري على نفسي بس فرحت لبست دشداشه مصريه مخصره على الجسم وبيها چاكات لحد الفخذ وعجبني اشغل اغاني واركص شغلت وضليت اركص واغني ويا الاغنيه ومندمجه ماحس اله نجريت من خصري فزيت يمه بسم الله
عباس..خير يا طير شو فرحان
طيبه..ايي فرحانه لين شاهين وبنين رجعو البعض
عباس..بيها الخير بله وست طيبه شوكت احنه نرجع
طيبه..لا احنه منرجع لين انت الي تخليت عني مو اني ضليت متمسكه بيك لحد ما بترت اصابعي كلهن ماخليت خط رجعه
عباس..المعنى من هل خرابيط
طيبه..طلكني بعد كلشي مصاير بينه احسن ما بعدين يصير عدنه طفل وحرام علينه نعيشه بهيج اجواء
عباس..ههههههههه اطلكج انتي كل عقلج تحجين
طيبه..ليش مو كل عقلي اني وياك بعد مالنه عيشه سويه
عباس..بنتي عوفي هل خرابيط الي عايشه بيها انتي
طيبه..اني معايشه بخرابيط اني بعد تعبت من هل زواج الكدام الغرب ناجح بس بلغرفه افشل منه ماكو عباس انت عذبتني هوايه شكد ماحجي مراح اكتفي عيشتني اميره طول فتره الخطوبه ومن ازوجتني عاملتني معامله اليهودي تغيرت ورا زواجنه ياخي انتي خليت اليوم الي كل بنيه تحلم بي اتعس يوم بلنسبه الي
عباس..طيبه الي صار مو بأراتي
طيبه..ليش مو براتك عباس مترهم حياتنه بعد
عباس..الحجي مو بكيفج
طيبه..مثل ما انت نفرتني بلبدايه ومرايدني هسه اني مرايدتك حجيت هاي الحجايه ماحس اله دفعني للچربايه وصار فوكايه صارت عيوني بعيونه وايده تمشي على كل معالم جسمي حجيت بصوت يرجف وخر عني
عباس..احبج
طيبه..باسني من شفتي بدون وعي ومادري شلون تجاوبت ويا وبادلته لحد محسيت على نفسي اني شنو الي داسوي دفعته لا عباس وخر
عباس..طيبه
طيبه..لتصور اني راح ارجع طيبه القديمه انت تدري شسويت بيه انت وبكل برود عاقبتني بفعلت عمي وتصرفت ويايه بكل حقد وكرهه
عباس..اول شي اني معاقبتج بفعلت عمج لو اريد اعاقبج اكرهج بعيشتج
طيبه..وهوا هذا السويته
عباس..دتعالي
طيبه..ضليت ادافع اني ويا باوع بعيوني وحجه
عباس..وحق كل حرف بلقران احبج ومنفرتج
طيبه..بليله عرسي ضربتني وبجيتني وراها كمت تعاملني بكرهه
عباس..اكو واحد يكرهه نجمته
طيبه..وخر عباس اني مو لعبه يمك ترجعني وتحبني شوكت متريد وتكرهني ومتريدني شوكت متريد اني بشر عندي احساس ومشاعر واهم من هذني كلهن عندي كرامه
عباس..بعدين نتفاهم بهل موضوع هسه اني مشغول
طيبه..كمت ادافع اني ويا اخر شي لزم ايدي الثنين بأيد وحده وبده يبوس براسي وبخدي وبشفتي وبحنجي نزل الركبتي نسيت كلشي خدرت بلمساته وكلماته الي جان يكولها الي كل بوسه يطبعها ويا كلمه تنسيني ام الزعل الحد متقربلي بهدوء ورومانسيه نساني كلشي وبديت صفحه جديده ويا مكدرت حتى امنعه لين احبه كمل ونام بصفي جرني لحضنه وغطانه
عباس..أنتِ روحي وراحتي وآخر ندى الـ عالورد ينزل
أنتِ ليلي ولالتي وتفاحتي الجمعت حلاة الشمس والظل
يلّي رمشچ يجمع خيوط الفجر بتّ ويَ بتّ وبيها يغزل
طيبه..عباس بعدني زعلانه ترا
عباس..يله مو مشكله اني اليوم عريس وشكد ماريد اشواط بكيفي
طيبه..انت تكرهني
عباس..وحق علي داحي الباب عاشكج
طيبه..ليش هيج سويت بيه
عباس..يرادلج كعده واحجيلج
طيبه..خليتني اكرهه نفسي
عباس..كرهي نفسج انتي مو مشكله اني احبها
طيبه..ضل قشمر بيه ضل واني مثل الثوله اصدك بيك
عباس..هههههههههه احلى ثوله اشوفها
طيبه..يعني قصدك اني ثوله
عباس..لا ابويه مو انتي الثوله حضي الاثول
طيبه..وخر اريد اكوم
عباس..انسي اليوم ماهدج
طيبه..وفعلا مهدني من ساعه 6العصر الحد ثاني يوم الفجر عباس جعتت
عباس..شتريدين اكل
طيبه..وخر بس هسه اني اكوم اسوي
عباس..كومي كومي من خرب بي الحضي شمستفاد اني منج غير الها
طيبه..هاااا خطيه من البارحه لليوم وتصيح شمسفاد منج وخر عباس متت جوع بطني تصيح وص وص
عباس..هههههههههههههه شكد احب هبلج وغبائج
طيبه..انييي مووو غبيه ماحس اله باسني من شفتي ابتسمت عباسس كافي اروح اكل
عباس..كومي سويلنه اكل جعت هديتي حيلي
طيبه..والله اني الي حيلي نهد ههههه كمت سبحت باوعت جسمي بلمرايه مشوهه تشوه بسبب استاذ عباس مخله مكان بجسمي صاحي كله اثار ملكيته بدلت وطلعت شفته نايم وعضلاته مغطيه وجهه وكفت كبال الميز تواليت مشططت واني ادردم عليه بله هسه استاذ عباس شوه جسمي تشوه هفه هسه شيكولون اذا شافو جسمي من يامعركه طالعه خربب حضي عباس اني داحجي ماحس اله طاكها ضحكه نداريت شفته وجهه احمر من الضحك مجرد شفت ضحكته ابتسمت تقبل هيج جسمي
عباس..بعد انتي ملك عباس
طيبه..هففف ابتسمت ونزلت سويت اكل الي واله وصعدت فوك هوا بلحمام طلع وكعدنه ناكل وكل شويه كارصني من خدي وموكلني مر هيج اليله احله ليله بحياتي ثاني يوم دوام كمت الصبح حضرت ملابسه وملابسي ودخلت سبحت وبدلت وطلعت كعدت على الحافه مال چربايه عباس حبيبي اكعد ساعه بـ7ونص
عباس..نعسان نجمتي
طيبه..اكعد يروح نجمتك اليوم دوام وعدنه تفتيش وديني للدائره داحجي ماحس اله جرني عليه وباسني من شفتي اختنكت دفعته على كيف يله حبيبي ملابسك حضرتهم راح انزل يم خاله
عباس..خوش
طيبه..نزلت يم خاله ساعدتها بلريوك ونزل عباس تريكنه وصلني للدائره ودخل ويايه بعدني بلممر مال دائره شفت بنين واكفه وبيدها سجلات دتراجهن عباس وصل يمها هيه رفعت راسها علينه شافتنه وعيونها غرغرت دموع وعافتنه وصعدت خليت ايدي على جتف عباس هيه هسه مقهوره منه لتنقهر عباس
عباس..من ايدي هيج تسوي وياي يله صعدي انتي ديري بالج على نفسج
طيبه..وانت هم حبيبي باوعت عليه طلع واني راحت ستلمت شغلي
بنين..اول يوم اداوم بعد غياب شهر جنت واكفه اراجع الملفات الي متراكمه صار خيال فوك راسي باوعت شفت عباس وطيبه عيوني غرغرت دمع واذكرت عباس من كال مارجعج اله وتالي اول واحد ساهم بهل خطه ورجعني ومن دك عليه غالق تلفونه عفتهم وصعدت لغرفه شاهين جان واكف ومنتجي على شباك الشرفه دخلت وقفلت الباب وكفت كباله واني دموعي تجري باوع عليه وعدل وكفته
شاهين..شبيج بنين
بنين..حضنته واني ابجي وهوا يطبطب على ضهري يريد يعرف شبيه بس اني جنت ابجي واشهك
شاهين..بس فهميني منو وياج بنتي
بنين..ششش شاهين اني اني اكرهه اهلي
شاهين..اششش شهل حجي ملازمي شنو تكرهين اهلج
بنين..اي اكرهم لين لين باعوني وغلقو اجهزتهم ورجعوني الك
شاهين..وعلي يومين اقنع بيهن اخذج وقافلين لحد ما اخذتج غصب
بنين..اي ماريدهم باعوني اني هسه بلدنيا مبقالي بس انت
شاهين..بنين بابا بنتي سامحيهم
بنين..ماسامحهم هوايه اذوني
شاهين..وتضلين كل عمرج زعلانه منهم
بنين..اي لحد ما اموت
شاهين..اششششش كافي لتبجين
بنين..مسح دموعي وباسني من عيوني ومن خدي واني بحضنه اشهك هديت شويه باوعت عليه يله كافي ارجع للدوام
شاهين..ههههههه بنتي ابويه اذا تعبانه اخذج للبيت ارتاحي
بنين.. لا مابيه شي رجعت لغرفتي ومر اسبوع اني اداوم ويا صديقاتي كاطعه علاقتي بيهن واهلي كذالك اليوم خميس رجعنه من الدوام سبحت وبدلت وحضرت ملابس الشاهين ونزلت ساعدت خاله بلغده والتمينه كلنه كعدنه على السفره شاهين بصفي ولازم ايدي من جوا الميز باوعت عليه وهمست ممكن ايدي
شاهين..لا موممكن
بنين..ابتسمت شاهين عيب
شاهين.. اكلي بنتي اليوم خميس
بنين..وشختلف كل يوم عندك خميس
شاهين..لا بس الخميس الحقيقي اله طعم خاص
بنين..خزرته وهوا ضحك خلصنه غده غلست الاماعين وسويت جاي وقدمت وترخصت منهم صعدت للغرفه تمددت اجتي ابالي عشق بنت مرتضى صارلي شكد مشايفتها من اخذتها امها الحد اليوم نفتح الباب نداريت شفته شاهين ابتسمت خير ياطير
شاهين..جاي اشوف بنتي شدسوي
بنين..شاهين طلعني
شاهين..وين تريدين
بنين..تقدم للچربايه وتمدد وحضني امم اريد اروح للمول
شاهين..المغربيه اخذج
بنين..اكلك شخبار عشق بنت مرتضى
شاهين..سافرو
بنين..شنو
شاهين..مرتضى اخذ كتاب نقل اله والندى للبصره وسافرو
بنين..ياا شوكت
شاهين..بهل شهر الي اخذتج بي للانبار
بنين..ليش
شاهين..ثنينهن مزعطه بنتي ولواكع بيه هاي اطفله الصغيره
بنين..خطيه
شاهين..واني هم خطيه
بنين..لااا شاهيينن
شاهين..هههههههههه اششش فضحتينه خرب كو……
بنين..هههههه عيب
شاهين..ملازمي السبع
بنين..العقيد حسام وصابرين شصار بيهم
شاهين..العقيد حسام خطب صابرين
بنين..واو كلها صايره واني جنت منعزله عن العالم
شاهين..غير راسج يابس وبالف يا علي رجعتي
بنين..اي حتى داحجي طبك شفايفه على شفايفي
شاهين..اشش
بنين..و……
شاهين..اويلييي ادبسز
بنين..هههههههه قابل بس انت تس……. واني هم
شاهين..هههههههه خرب حضي
بنين..ضلينه نسولف لحد منمنه كعدنه المغرب سبحت وبدلت لبست نفنوف اسود وبي ورد احمر وابيض مطشر عليه وحجاب ابيض وجنطه بيضه وحذاء شويه كعب ابيض يعني شويه صرت انثى ونسيت دور الملازم خليت مكساره وكحله وحمره ماروني باوعت على نفسي بلمرايه حلو خلصت شاهين طلع من الحمام بدل لبس بنطرون اسود وقميص ابيض هوا حلو ولابس ابيض بويه باوع عليه ورفع تك حاجب
شاهين..خير ياطير شو ضارب الاحمر صاروخ
بنين..لحمره حلوا ومو هلكد لونها قوي تقدم عليه واني ارجع لحد مطخيت بل حايط جر الكلنس وقربه على شفتي
شاهين..تنمسح
بنين..شاهين
شاهين.. تنمسح وخلص بدون كلام
بنين..اخذت من ايده الكلينس ومسحتها وخليت وحده اضرب منها احمر شافني اجه هوا مسحها
شاهين..شكد تعاندين يلكعبه
بنين..اوييي لعد شخلي
شاهين..هيج احله هاهيه
بنين..هفففف شاهين ليش هيج تسوي
شاهين..كايلها قبل انتي ملك وممكله وملاكه الشاهين وبس
بنين..ابتسمت خليت وحده ورديه خفيفه متبين ونزلنه شافونه وخاله ام طيبه وخاله ام عامر يصلون على النبي وينشرن ويقرن ايات ضحكت طلعنه صعدت بلسياره والطريق كله شاهين لازم ايدي وجانت طالعه اغنيه قلب قلب مال محمد السالم شاهين لو اغيب عنك يومين شسوي
شاهين..ههههههه اجيبج سحل مرمرتي كلبي كل زعله الج ادمريني بيه
بنين.. اوي سوده عليه حبيبي
شاهين..خرب م……… لا ك……… الي يزعلج بعد
بنين..عزااااا هوا طكها بضحكه وصلنه للمول صف السياره ونزلنه وضلينه نفتر واخذنه شغلات الغيث ابن العميد عامر باوعت جانت اكو شغلات مال بنات صغار يخبلن متت عليهن جان اكو فستان ماروني مثل البداله وبيها فيونكه بل راس تصير متت عليهن اخذتهن شاهين شافهن ابتسم اخذنه الغراض وطلعنه……
للحكايا بقايا…….
احبكمممم
مرارة الحب الفصل السادس وأربعون 46 - بقلم بنين الزبيدي
خِذني من الناس يمك
جرني بحبال الگُرب جرة غِريج
خذني واعي ، منتشي ، خِذني حريج
كل تفاصيلك احبها
حتى احب گزاز دربك
گلبي حافي ، مدمه
بس هاوي الطريج
مرني عيد
ارد ارسمك بالشعر جرة هلال
يالـ ايديك مبين اعليها الدلال
✺✺✺✺✺✺✺✺✺✺✺✺
بنين..طلعنه من الموال وضلينه نفتر خلصنه وتعشينه ورجعنه نطيت الغراض الخاله ام طيبه مال غيث وصعدت الغرفتي شاهين جوا يم العميد عامر وعمو سلمان فتحت الكنتور وصفنت اخذت واحد من المشخلعات لونه زيتوني وصلوخ وقصير فوك الركبه ب4اصابع دخلت للحمام سبحت وطلعت مشطت شعري خليت كحله وحمره ماروني باوعت على نفسي والله حلوه شكد مفتريت جعت رحت فتحت الثلاجه جان بيها نستله كلكسي واخذت ببسي وشغلت التلفزيون وجان طالع فلم تايتنك واكفه اتفرج ماحس اله حضني من ورا فزيت يمه
شاهين.. اوف اوف يافزة عيوني الثكيله شكد احبج ت
بنين..ابتسمت نداريت عليه شكد
شاهين..شايفه هاي الدنيا بكبرها متسوه شي وانتي مو يمي
بنين..شاهيني
شاهين..دنيته بنتي
بنين..احبك هوايه
شاهين..ههههههه واني احب طفولتج مادري شلون صرتي ملازم
بنين..وخرت من حضنه وتخوصرت ليش عيني شبيه جرني من خصري عليه لطخت بصدره
شاهين..وشدعوة هلگد خُصرّج يهد الحيل
بنين..حتى اهد حيلك حبيبي
شاهين..ههههه شنو هاي عمي شطالع يابه
بنين..ابتسمت حلوه
شاهين..شليتي حالي بجمالج يبت كلبي
بنين..تقربت عليه وكفت على اصابع رجلي حاوطت ركبته بيدي همست يم اذنه احبك
شاهين..لااا هيج هوايه دتعالي من شتعلت عشيره شاهين
بنين..هههه جرني للچربايه
صابرين..خطبني حسام من اهلي بس بعدنه مرادين اله جواب كلبي يأذيني واحس راح يصير شي مادري بلدوام حسام نضراته تجاهي تخوفني واكثر من مرا راد يضربني بس اني احبه وراضيه بي بكل الاحوال اليوم صاحني ابويه نزلت سلمت وكعدت ها بابا
ابو صابرين..بنيتي انتي تعرفين بلخطابه الي اجوي فا يا ابويه شتكولين
صابرين..بكيفك بابا
ابو صابرين..لا بنيتي انتي راح تعيشين ويا والزواج يابويه دهر مو يوم لو يومين شتكولين انتي احنه اني وامج وياج
صابرين..خجلت نزلت راسي وهمست موافقه عليهم بابا
ابو صابرين..على بركه الله لعد شايفه كل الخير ابويه
صابرين..كمت بسته من ايده ومن راسه وصعدت الغرفتي مادري شسوي دكيت على رانيه وطيبه وصبا حتى على بنين دكيت بس مجاوبت عليه وادري بيها هيه زعلانه علينه كلنه حجيت الهن للبنات القرار
رانيه..صابرين اذا رايته هاهيه بعد
صابرين..خايفه رانيه
طيبه..من شن خايقه كوليلنه
صابرين..احس حسام اله تصرفات تخوف مرات يصفن بيه ومرات يخزرني واني ممسويه شي مره من المرات ضربني لين واكفه كباله
صبا..مو تحبي وكتلتي نفسج عليه ولج
صابرين..اني مكايله شي احبه وهسه وبعد احبه واريده اي بس المستقبل خايفه منه
طيبه..واني هم جنت خايفه بس بعدين الحمدالله كلشي تمام
رانيه..واني تعرفون العذاب العشته وتاليها كضت حياتي بخير ويا سلام صابرين امي صلي ركعتين الوجهه الله وصلي على النبي وابدي هل طريق وبعد عليج انتي مخيره مو مسيره
صبا..عندج ابسط مثال بنين والعقيد شاهين توم جيري مشاكل ليوين يله فضت وكامو يحبون بعض وهسه شوفي اليوم العقيد شاهين لازمها من ايدها ونزل للدائره ليشوفهم يكول بنين كل انتصاراته
طيبه..عجل كذب شاهين عنده اكبر انتصار بنين يحبها حب مال خبال عمي واعرفه
رانيه..طيبه محاولتي تحجين ويا بنين وعلي حموت من القهر اليوم شفتها وعبالك اصلا مو يمها
طيبه..من شافتني دارت وجهه وصعدت رانيه حقها هيه عبالها احنه بعناها معبالها احنه سوينه المستحيل حتى شاهين يرجعها
رانيه..وهسه شلون بنت خالتي وعلي صعبه عليه اشوفها كدامي وهيه تشوفني وتفوت من يمي ومتحجي ويايه حتى حاولت احجي وياها عافتني وطلعت
صبا..والله يا رانيه اني هم عافتني وطلعت تقريبا تكضي اغلب وقتها بلشغل وبغرفه شاهين
صابرين..هههههه طبعا عيني هذا شاهين عشقها
طيبه..خمسه وخميس لتحسديهن بدنيج
صابرين..هههههه نجبي ماحسد اني عيوني مو زرك
طيبه..بنات عباس اجه حروح اشوف شيريد
صابرين..مبينه شيريد اليوم خميس حب
طيبه..مستهترهههه
صابرين..ههههههههه يله رانيه انتي هم توكلي
رانيه..بدون ماحجي خيه يله باي
صابرين صبا..باي
صبا..اي بقينه بس اني وياك ابو الشباب باجر عكبه انت هم تزوج واسنكل بحدي
صابرين..حضنه خيه
صبا..انتي راح تزوجين تبقى صبا المسكينه
صابرين..اكلج حسام عنده اخ هستوت صار نقيب شتكولين
صبا..نجبي لج ولي روحي احجي ويا حسومي وتغازلو
صابرين..ماهوا مغلق جهازه
صبا..وين راح
صابرين..مادري والله خايفه عليه
صبا..صابرين بنين هسه تسامحنه لو لا
صابرين..مادري والله بس نشالله تسامحنه لين احنه الي سوينا علمودها هيه تحبه وتعبانه بدونه
صبا..بس هيه عبالها احنه بعناها
صابرين..هذا تفكيرها بس احنه ندري بنفسه شسوينه واكيد العقيد شاهين راح يوضح الها وتسامحنه بنين طيبه
صبا..لعد ليش داحجي اني ادري بيها طيبه بس شايله بكلبها علينه
صابرين..نشالله تسامحنه
صبا..يله روحي شوفي حسام اجوي بيت عمي يمنه حنطلع الكربلاء
صابرين..بسلامه حبي
صبا..عمري باي
صابرين..الله وياج راح صبا وبقيت بحدي ادك على حسام الساعه بـ12:ونص بليل شنو السالفه وينه هذا دكيت اخر مره طلعلي شاب عبالي حسام وينك حسام صارلي ساعتين ادك عليك
الولد..اني مو حسام
صابرين..لعد منو وينه حسام بي شي
الولد..مابي شي مابي شي بس عنده شغل
صابرين..ليش ميرد هوا عليه عليك الله بي شي
الولد..هههه والله مابي شي بس لازم شغل مهم حيل
صابرين..خوش لعد من يخلص شغله كوله دكيت عليه
الولد..الله كريم
صابرين..سديته منه شنو الشغل وليش مجاوبني هوا هفف ربي هسه اني محبيت غير هل شخص خلص كلبي
بنين..نايمه على صدره وصافنه بصوره عرسنه الي بكل ركن من الغرفه مكبر صوره الصوره الي صايره كبالنه جنت واكفه وحاضني من ورا ومدنك يبوس متني واني ابتسم رفعت راسي عليه ليش اني احبك
شاهين..ههههههه ليش احبج
بنين..شاهينن لتسويها سؤال بسؤال حباب
شاهين..بنتي هاي السالفه متعرفيها ليش احبج هواي اسباب
بنين..مثل
شاهين..مثل طفولتج من يطلع كارتون بلتلفزيون تضلين تباعين وعينج تلمع
بنين..وبعد
شاهين..ومن اتغزل بيج وتستحين بدل مجاوبين تكولين ها بس بهاي فالحه
بنين..هههههه وبعد
شاهين..ومن ا............ خدج يصير احمر من الخجل
بنين..شاهييينننن
شاهين..دنيتتتته
بنين..عيب منحرف عيب
شاهين..هههههه اكو فقره من هل فقرات مهمه
بنين..ياهيه
شاهين..قبل يومين جنتي عصبيه لملفات مالتج بيها خربطه الدائره هوسه وتفتيش واجتماعات واني بالي وفكري ونضري كله عليج انتي فدشي مااكدر اوصفه
بنين..زين ليش تقهرني ومتخليني اخلي شي
شاهين..انتي اسجلتي بأسمي موضوع منتهي منه تزوكي وتحمري وتخضري بغرفتج الي غيري محد يشوف
بنين..بس انت متملك بحبك
شاهين..عريان عنده بيت شعري حلو يكول بي
{واحسك تمشي وي دمي ونبض يسري بشراينيي}
بنين..حلو فراكي مسويك شاعر
شاهين..بس شاعر بس الحش بلچكاير بس الذنب وشتاقي الج شلعبتي بيه
بنين..يعني تعترف اني انتصرت عليك بحبي
شاهين..بنين
بنين..باوعت بعينه وكتله عيونها
شاهين..شفت بعيونج احلام عمري كلها
بنين..واني شفتك اب وحبيب وزوج
شاهين..تعبتي كلبي وياج
بنين..وانت تعبت روحي وياك
شاهين..بكلبي وطن صغير بس انتي بي
بنين..وانت وطن روحي وحضنك مهربي من لدنيا باسني من راسي
شاهين..ليوم اجاني عباس
بنين..شاهين
شاهين..سمعي بنتي
بنين..سكتت نتضرته يكمل
شاهين..بنين باباتي سامحيهم ابويه اهلج خطيه
بنين..شاهين ماسامحهم
شاهين..يعني تضلين عمرج كله زعلانه منهم ميصير بنتي
بنين..اي اكضي عمري كله زعلانه منهم كمت اخذت ملابس ودخلت سبحت كعدت جوا الدوش ابجي هم باعوني بسرعه بعد مجانو هما سندي وحمايتي صح اني وشاهين تصالحنه بس بعدها تحز بنفسي من ادك عليهم كلهم غلقو اجهزتهم عباس وحسين ومحمد واله ابويه وصديقاتي كلهم مكالو خطيه ويعرفون بذاك الوكت بحاله اشبه بلموت مخلصت بدلت وطلعت مشطت شعري ونمت ودرت ضهري ودموعي تجري حضني ودارني عليه
شاهين..ملازمي السبع على شنو البجي ابويه
بنين..شاهين اني جانت حالتي صعبه اني راح مني شي عزيز حيل واهلي جانو الوحيدين الي اثق بيهم بس كلهم خانو ثقتي بيهم وكلهم غلقو اجهزتهم والله اني تعبانه وكلبي يوجعني
شاهين..اويلي ربي كافي ابويه انتي كافي
بنين..مسح دموعي وباسني من راسي وضل يمسح الى راسي لحد منمت ثاني يوم جان جمعه فتحت عيوني شاهين ماموجود باوعت الساعه جانت بـ11:30فزيت من الفراش كمت سبحت وبدلت ونزلت ركض مجان احد كاعد بعدهم نايمين تثاوبت ورحت للمطبخ وبلشت اسوي الريوك ويايه الخدامات انطيهم ويرتبن السفره داشتغل حسيت احد حضني من ورا باوعت شاهين ابتسمت صباح الخير
شاهين..صباح النور بنتي
بنين..وين جنت حبيبي
شاهين..جان اكو عصفور البارحه يريد كاهي وكيمر جبلته وجيت
بنين..كول والله
شاهين..ههههه وداعتج بنتي
بنين..باوعن جايب كومه كاهي وكيمر احم شكد تحب ملازمك سيدي
شاهين..ملازمي ابو دميعه عاشكه
بنين..هههه كرصني من خدي تقرب ديبوسني فزينه ثنينه على صوت بيبي سعاده
بيبي سعاده..احممم يالله يارب جمعه مباركه يمه
بنين..باوعت على شاهين وابتسمت صباح الخير بيبي
بيبي سعاده..صباح النور ترافه شاهين خير شاهين وليدي شو هنا
شاهين..حجيه كعدي كعدي اكلي كاهي وكيمر
بنين..ختنكت من الضحكه اريد اضحك بس مااكدر باوعت عليه جان يحجي بكل جديه
بيبي سعاده..اي يمه شكد حلو هيج مصباح شاهين وترافته متراضين الف الحمدالله
شاهين..والله حجيه جيتي بلدقيقه 90
بنين..بعد مكدرت طكيتها ضحكه اريد اسكت مااكدر وشاهين يباوع عليه وبتسم وبيبي سعاده تضحك ويايه بس متعرف شنو السالفه
بيبي سعاده..شبيج ولج تضحكين
بنين..مابيه شي بيبي راح اشوف الجاي الطباخ الكاونتر جان بي مرايه باوعت ركبتي جانت كلها اثار والمصيبه وحده بنص بلاعيمي حتى مااكدر اخفيها شكد عيب عزاا شافتني بيبي سعاده هيج صعدت ركض للغرفه وكفت كبال الميز خليت خافي مفاد اخر شي لفيت شال على ركبتي واني ادردم على شاهين ونزلت شفته كاعد ياكل من شافني ابتسم صبيت الجاي وكعدنه تلاثتنه ناكل الباقي كلهم نايمين دست على رجل شاهين من جوا السفره وهمست هاي شمسوي بركبتي شاهين
شاهين..اكلي وتغذي زين ملازمي السبع
بنين..شاهين اريد ركبتي وجسمي يطيبن من الاثار ماكو
شاهين..انتي بيج حساسيه بنتي
بيبي سعاده..شبيكم تكركرون بصوت ناصي
شاهين..جنتج تحبني حجيه
بنين..غصيت بلجاي وشاهين يضحك ويطبط على ضهري وبيبي سعاده تحجي عليه
بيبي سعاده..ولك شسويت الها ازهره يمه اشربي مي
بنين..شربت مي باوعت على شاهين ياكل عادي واني خجلني صوجي بعد مااحجي خلصنه ريوك وغسلت الاماعين ورحت للصاله جانت بس بيبي سعاده كاعده تسمع قرأن صعدت لغرفتي شفته يدور بلكنتور شدور حبيبي
شاهين..باجي بنتي
بنين..هياتي طلعته من المجر ونطيته اله شكو بس
شاهين..اجتماع بلوزاره
بنين..حبيبي اليوم جمعه
شاهين..احنه ماعدنه جمعه ملازمي السبع
بنين..يعني ترجع انشالله مو
شاهين..نشالله ابويه شبيج حتبجين
بنين..ماريدك تروح اليوم جمعه ويومي الي شنو ياخذوك مني
شاهين..ههههههه اويلي ساعتين وراجعلج ماوصيج عود تنعوصي عليه
بنين..شاهينن اني ماتنعوص والله
شاهين.. هههههه يله ديري بالج على نفسج ترافتي
بنين..وانت هم شاهيني نزلنه سويه طلع واني بديت انضف ويايه ماري وسمار الخدامات لبيت كله من فوك الحد الكراج اغسل وهنه يمسحن كعدو الكل سويت الهم ريوك وخطيه خاله ام طيبه ويايه تساعدني تريك واني اخذت غيوثي لين بس يبجي مريضه ومتنحس خلصنه كل الشغل ساعه بـ2:30خاله ام عامر سوت غده واني وغيوثي بلحديقه ندك الباب اجتي ماري فتحتها ودخلو اهلي وصديقاتي باوعت عليهم وعيوني نترست دموع هما شافوني عفتهم تقدمت خطوتين ابويه صاحني
ابو عباس..اوكفي بابا بنين
بنين..كملت طريقي ونطيت غيث الخاله وصعدت ركض الغرفتي دخلت وقفلت الباب مستحيل انسى الي سوو بيه جرحهم بعده ضليت ابجي ندك الباب منو
شاهين..فتحي بنين
بنين..مسحت دموعي وكمت فتحت الباب دخل وسد الباب وجرني من ايدي عليه
شاهين..انتي خبله اكو وحده هيج تسوي ويه اهلهاااا
بنين..اي اكو اني
شاهين..بنين تخبلتي هذول اهلج
بنين..مو اهلي
شاهين..بنينننن
بنين..لتصيح عليه شاهين ماريد احجي وياهم
شاهين..السوو علمووودج
بنين..لااا مو علمودي علمود يخلصون مني وحتى لتجيهم كلمه اختهم مطلكه لين المقدم عباسسس اهمشي عنده رتبته ومكانته والمدير محمد اهمشي سمعته بين الشركات اما الاستاذ حسين هذا الدكتور عنده زحمه تجي كلمه وامي وابويه الي تكول عنهم باعوني بأول مشكله وكعت بيها كافي شاهين
شاهين..نزلي يمهم
بنين..مانزل
شاهين..لتكفريني دنيا ضهر نزلي
بنين..مانزل مانزل داطلع من الغرفه جرني من ايدي عليه
شاهين..وحق موسى الكاضم اذا منزلتي اخبزج
بنين..كلشي تحملت منك اني مانزل همه اهلي ماريدهم
جرني من ايدي ونزلني غصب جانو كاعدين كلهم وكف ولازم ايدي قوي
شاهين..حجي ابو عباس اعذرني وامسحه بوجهي بلسوته بنين قبل شويه
ابو عباس..لا بويه حقها تزعل وتشيل بخاطرها منه
شاهين..لا حجي هيه بنتك وهاي كدامك جتي تسلم عليكم
بنين..باوعت علي باوع عليه وخزرني تريدوني ااخذكم بل احضان وانتو هيج سويتو ويايه هااا تعرفون اني الصار ويايه اذاني حيل وصلت مرحله لانتحار وانتو بس ردتو تخلصون مني لو نسيتو ماعندي بنيه تطلك وتكعد لو انتي ام عباس اهمشي عندج خالاتي وخوالي وهو هو المقدم عباس سيدي الي الكل تاخذله تحيه بعد مجان سندي بلدنيا هههههه حتى هاي الكلمه حرامات اكولها اله لين معناها چبير حيل وذاك من ذاك اليصير سند الاخته اني سندي يغلق الجهاز ومحمد باشا الي شركات العالم تحسبله الف حساب بغيرته ونخوته وكفاته وياهم ويا اخته موكف سد الباب بوجهه وغلق جهازه حاله حال اخو الچبير والدكتور حسين هذا بعد مااكدر اوصف كرمه الي جان يصيح شاهين يبقى اخر واحد بلدنيا مارجعج اله حاله حال اخوانه وصديقاتي طيبه الي جانت اكثر من اختي ورانيه بت خالتي وصبا وصابرين الي يعرفن الي عشته ساهمن اكبر مساهمه بهل خطه اني هسه اكلگم اني هسه وحيده وبس شاهين موجود بحياتي وهم اذا ميريدني وتريد ترجعني الهم طلكني واني اعرف اصرف على نفسي حجيت هيج وماحس اله نضربت راشدي……..
للحكايا بقايا…….
ايلابيو😜💋
مرارة الحب الفصل السابع وأربعون 47 - بقلم بنين الزبيدي
تكسرني و اجيك ملاگة ريح و باب
ولا چن منجرح منك
انه بـ عز تعب روحي اذا گالولي ما مرتاح
اجي بمعاتب لـ حزنك ..
✯✯✯✯✯✯✯✯✯✯
بنين..رفعت راسي عليه والصدمه جانت عباس اخويه الي ضربني صار شاهين كبالي واني بضهره وتعارك ويا عباس اني عفتهم وصعدت حتى لغرفتي مدخلت دخلت لغرفه طيبه وقفلت الباب وكعدت وراها ابجي فوك ما هوا غلطان يضربني جوا صارت هوسه وعياط مادري شكو بعد وقت طويل صار هدوء وندك الباب
شاهين..بنين بنتي فحتي بابا
بنين..من سمعت صوته بجيت اكثر ضليت ابجي لحد مهلكت بدون ماحس نمت بمكاني من كثره البچي
شاهين..منوووووو نطاااك الصلاحيه تضربها
عباس..هيه اختي نزلها اكسرها تكسر
شاهين..ليشش يابه احدددد كلك يتيمه لووووووو ماعدهاااا احد
عباس..الصار بينه كله بسببك مجنه رايدين نرجعها الك واول مرجعت باعتنههه
شاهين..نزلتها تحجون وياها مو تجي حضره جنابك تضربها هل مره عديتها لين جفصت مره الثاني عباس وحق علي حتى شغلك احرمك منه لكككككك تجييييي وتضربها بيا حققق يااااا حققققققق
عباس..بياااا حق هيه اختيي
شاهين..اختك تضربها مرتي هاي ايدها اكسره الي يمدها عليها بعد
ابو عباس..بويه شاهين الحجته بنين كله صح احنه غلطنه وهيه عبالها احنه بعناها نزلها احجي وياها
شاهين..اعذرني حجي مااكدر انزلها ولا اخلي احد بيكم يتقربلها هسه خليها تهده وتنسه السوا ابنك استاذ عباس وبعدين الله كريم
سلام..شاهين ذوله اهلها خويه
شاهين..واني رجلها ولعنده شي ويايه يحجي مو وياها
عباس..نزلها شاهين اريد احجي وياها
شاهين..عفته وصعدت للغرفه ادور عليها ماهيه الغرف كلهن ماهيه اخر غرفه غرفه طييه فتحت الباب مقفول بنين بابا فتحي الباب ضليت احجي وياها ماكو نامت اعرفها من تبجي تنام اخخ اخخ يشاهين اكلها نزلتها غصب عنها استغفرك ربي لا اله الا الله رحت للغرفه بارده محلوه بدونها اكو مفتاح ثاني للغرفه اخذتها وفتحت الباب مال طيبه دخلت شفتها نايمه بمكانها رحت شلتها ورجعتها للغرفه خليتها على الچربايه وضليت صافن عليها اوف اوف ترافتي صوجي نزلتج حضنتها ونمت
بنين..كعدت الصبح شفت شاهين حاضني ونايم وخرت من حضنه وكمت راسي يأذيني كعدت على التخم وخليت ايدي على راسي حسيت ايده صارت على خدي رفعت راسي صارت عيونه بعيوني ليش نزلتني
شاهين..بنين بنتي عباس صح غلط بس يبقى اخوج
بنين..تبقى ادافع الهم بعد مضربوني
شاهين..اكسرها للايد التنمد عليج ملازمي حبيبي ادري غلطت من نزلتج وانتي ضايجه منهم بس ابوج يريد يحجي وياج
بنين..شاهين اني تعبانه اريد انهزم من العالم كلها تعبت
شاهين..تعالي ابويه
بنين..حـضني تعبت من الدنيا صدك شاهين قبل وهسه اهلي شوكت ارتاح
شاهين..كومي بدلي داخذج المكان حلو
بنين..مالي خلك
شاهين..كومي بابا من تشوفي صدكي ترتاحين
بنين..هزيت راسي كمت سبحت وبدلت ولفيت الشال لكيته مبدل ينتضرني نزلنه مجان احد كاعد بعدهم نايمين صعدت بلسياره وطلعنه الطريق كله ساكتين محد بينه حجه باوعت الافته مكتوب الانبار ترحب بكم رغم اني مخنوكه ابتسمت نداريت عليه سويناها باب الشرجي للانبار
شاهين..ملازمي السبع هاي المحافضه شاهده على حبي الج
بنين..ابتسمت اخذني المكان حلو كله حشيش اخضر ومثل البحيره ماكو احد بيها اصلا بعيده عن الدنيا كلها وكف السياره نزل واجه فتح الباب من ناحيتي ونزلني باوعت على المنضر اشبه بلجنه يخبل شكد ماوصفه مراح اكتفي الرزع لي مغطي المنطقه والبحيره المي مالتها ثلج والشمس خفيفه نداريت عليه مين تندل هذا المكان
شاهين..اجي هنا احش بلجكاير وتمر صورتج وضحكتج على بالي
بنين..ركضت حضنته اني اريدك بس انت
شاهين..واني اريدج بس انتي
بنين..لتقهرني بعد شاهين مال غيرك
شاهين..اشتعلت عشيره شاهين نفر نفر وانعل الشته وصفحته اليقهرج
بنين..ضلينه بهل مكان جتى التلفونات غلقناهن وخليناها بلسياره هوا كلشي محضر حتى اكل مادري مين جاب واكو مثل الحصيره مفروشه كاعده عليها وصافنه على المي شكد حلو تقربت خليت راسي على متنه شاهين
شاهين..دنيته
بنين..اذا اطلع منك طلب تنفذه
شاهين..امري
بنين..اريد نبتعد اني وياك عن الدنيا كلها اريد نضل هنا منرجع
شاهين..ههههههه متخافين
بنين..اني وياك ماخاف من شي
شاهين..اويلي عليج ترافتي
بنين..هسه نضل
شاهين..هاهيه نضل
بنين..بس وين انام
شاهين..تعالي
بنين..كومني ويا مشينه مسافه جان اكو مثل الكرفان مرتب ومفروش نداريت عليه انت جنت اجيب احد هنا مو
شاهين..ههههههه مخبله
بنين..جنت اجيب مو
شاهين..لا بنتي بسبب عشكج سويت هل مكان
بنين..محد يندله
شاهين..ابد
بنين..ابتسمت يعني هسه اني وياك اختفينه
شاهين..اختفينه
بنين..طلعنه من الكرفان وضل شاهين يسولفلي عن هل مكان لحد ما صارت دنيا عصريه الدنيا شويه صارت تخوف صفنت بلسما
شاهين..مخايفه
بنين..لا اول شي اني وياك وثاني شي اني ضابط ماخاف من شي
شاهين..عاش ملازمي السبع ههههه
بنين..ابتسمت رحت كعدت بحضنه حبيبي
شاهين..عشكه
بنين..اني مزعلانه منك
شاهين..ابويه اريد احجي وياج بس اسمعيني
بنين..هزيت راسي بـ اي
شاهين..ابوج
بنين..رغم اني ضايجه منهم كلهم بس من جاب طاري ابويه كعدت عدل وسئلته بخوف.. شبي ابويه
شاهين..عنده عمليه اليوم ساعه 11ونص بليل
بنين..كمت على حيلي واحس كلبي حيوكف مممال شنو
شاهين..قسطره
بنين..شاهين اخذني اخذني اريد اشوفه
شاهين..بنين
بنين..شاهين اخذني اريد ابويه اخذني الطريق كله دموعي تصب وهوا يهدي بيه
شاهين..اني صوجي كتلج لج بابا مابي شي بنتي
بنين..اني زعلته بي والله هما قهروني حيل سوده عليه بابا هسه شصاير بيك
شاهين..مصاير بي شي بنين بنتي باعيني وحق علي مابي شي
بنين..ضليت ابجي لحد موصلنه مو لبيتنه للمستشفى دخلت ركض اريد ابويه جرني من ايدي للغرفه الي هوا بيها جانو اخواني وامي وطيبه وعمامي وبيت اهل شاهين كلهم موجودين كلهم عفتهم وفتحت الباب دخلت على ابويه شفته نايم رحت كعدت على ركبي بلكاع بابا اني اسفه عليك الله سامحني ادري هوايه اني غلطت من هيج حجيت بس بس والله جنت مقهوره سوده عليه يا نور عيوني بسببي انت هسه هنا احس خله ايده على راسي رفعت راسي شفته كاعد وعيونه مدمعه بسته من ايده سامحني بداعت بنين
ابو عباس..سامحتج بويه بنيتي انتي سامحيني هاي هوايه خيبت ضنج
بنين..لا لا انت رفعت راسي بابا اطلع سالم من العمليه اريدك اني بعدني احتاجك يمي
ابو عباس..اذا الله راد بنيتي بس حالليني واهبيني مادري شيصير ويايه اني راح ادخل جوز ماطلع
بنين..اسم الله الف اسم الله عليك من عمري على عمرك كون
ابو عباس..اطلب منج طلب بويه واعتبري الاخير
بنين..يابه لتحجي هيج ابوس ايدك والله اسامحهم كلهم ومازعل من احد منهم
ابو عباس..تعال ولك عباس بوس راس اختك
بنين..كاعده ولازمه ايد ابويه اجه عباس باسني رفعت راسي عليه نسيت كلشي وحجيت ويا عباس احجي ويا يطلعلي سالم
عباس..يطلع والله يطلع ابوي تحمل الاكبر منها
بنين..دنكت بست ايده ضليت يمه كاعد مرت الساعات واني صافنه بي واحجي ويا عبالك مراح اشوفه بعد اجه موعد العمليه ولبسو ملابس تخص العمليات اني من شفته بهل منضر تهسترت اني اشوف ابويه الجيب الي يسندنه اشوفه فد شي جبير مااكدر اوصفه هوا حبيبي وقوتي وكل دنيتي اذكرت طفولتي ويا من جان يطلعني للمراجيح ومن يصيحلي بنانتي احس نفسي راح اوكع اخذو للعمليات واني لازمه ايده عليك الله بابا اطلع عليك الله لتعوفني وحدي راح انتضرك هنا ماروح لحد متطلعي
ابو عباس..سامحيني ابويه انتي
بنين..دخل للعمليات كعدت على الكرسي باوعت شاهين صار كدامي واني بضهره لزمت ايده شاهين
شاهين..والله وعلي داحي الباب يطلعلج سالم بنتي كافي ادعيله بدل متبجين ابويه
بنين..ضليت ادعي احس الوقت ميمشي باوعت اخواني يباعون عليه حجيت اني نطيت وعد الابويه اسامحكم گلكم وسامحتكم
عباس..تنشل ايدي نشالله وممادها عليج
بنين..اسم الله تبقى اخويه واني واعده ابويه خاف يسمع وهوا بل عمليات ويضوج ضليت ادعي لحد ماطلع الدكتور جانت الدنيا فجر كمت ركض على الدكتور ابويه
الدكتور..العمليه نجحت الحمدالله على سلامته
بنين..نداريت على شاهين وحضنته نسيت الكل صرت شايفته بس اله شاهين شاهين بابا راح يطلع
شاهين..هههههه بنتي فضحتينه
بنين..وخرت اسفه دكتور شوكت اكدر اشوفه
الدكتور..بعد بنتي هسه راح يدخل عنايه مركزه وتمر على حالته 48ساعه نكدر نخرجه بغرفه خاصه اله
بنين..راح الدكتور احس الدنيا تفتر بيه والدنيا صارت سوده باوعت على شاهين وكعت بحضنه مادري شصار ورايه بس فتحت عيوني شفت نفسي نايمه بسديه وبأيدي كانونه وشاهين يمي مديتله ايدي لزمني وباسني من باطنها
شاهين..ملازمي ناوي يموتني
بنين..شاهين ابويه بخير مو
شاهين..بنتي ابوج بخير ومابي شي ادعيله تمر هل ساعات بخير ابويه انتي كافي بجي عيونج راحت
بنين..ليش اني ممكتوبلي افرح ولو كم دقيقه
شاهين..لا ابويه تفرحين باجر عكبه يجي الاكبر
بنين..منو الاكبر
شاهين..يجي وكته وتعرفي منو الاكبر
بنين..باسني من راسي ضليت نايمه لحد ماخلص المغذي شاهين وخر الكانونه من ايدي اذتني غمضت عيوني وخرها وباسني من ايدي
شاهين..ريت الوجع بيه ولا بيج بنتي
بنين..اسم الله كمت لزمني من ايدي ورجعنه للعنايه اجه محمد وعباس وحسين باسوني من راسي
محمد..الحمدالله على السلامه بنو
بنين..الله يسلمك
عباس..ريت بيه ولا بيج ابويه
بنين..اسم الله ابويه شلونه
عباس..بعد حبيبي بعد
بنين..كعدت على الكرسي بصفي خاله ام عامر خليت راسي على متنها وهيه لزمت ايدي
خاله ام عامر..سوده عليه يوم خلي شاهين ياخذج للبيت ارتاحي شويه
بنين..لا خاله هذا ابويه
خاله ام عامر..بحق شريفه بنت الحسن يطلع سالم غانم
بنين..نشالله يالله باوعت على امي تباوع عليه لين خاله راسي على متن خاله ام عامر حسيتها نزعجت من سويت هيج اجتي كعدت بصفي من الناحيه الثانيه خلت ايدها على راسي
ام عباس..سوده عليه امي
بنين..يمه من شوكت ابويه هيج تعبان
ام عباس..من اخذج شاهين للانبار يمه
بنين..وليش محد بيكم كلي
ام عباس..يمه جينه دنكلج الجمعه وصارت هل مشكله
بنين..سكتت محجيت شي شاهين مادري وين راح عيوني ضلت ادور عليه ماهوا من بعيد شفته جاي وبيده اكل وكف كبالي
شاهين..اكلي بنتي
بنين..ماريد مالي نفس
شاهين..اكلي ابويه راح توكعين مره ثانيه
ام عباس..اكلي يمه والله كلبي راح عليج من وكعتي
بنين..اخذت من ايده الاكل اكلت شويه وشربت عصير شاهين وعباس ميتحاجون واحد واكف بعيد عن الثاني من يوم ضربني عباس بعد عناء وخوف وقلق خلصت الـ 48ساعه وطلعو ابويه بغرفه خاصه اله دخلت يمه بسته من راسه بابا حبيبي الحمدالله طلعتلي سالم ضل ابويه ساعه اضافيه نايم يله كعد
ابو عباس..بنين بابا
بنين..نضر عيونها البنين بابا حبيبي الحمدالله على سلامتك
ابو عباس..الله يسلمج بنيتي
عباس..الحمدالله على سلامتك ياخيمتي
ابو عباس..الله يسلمك
بنين..ضلو يتحمدون بسلامه الابويه اخر شي شاهين اجه صار كبال ابويه
شاهين..الحمدالله على سلامتك حجي
ابو عباس..الله يسلمك وليدي شاهين اشكرك لين جبت بنين
شاهين..لا حجي استغفرالله مسويت غير واجبي
بنين..الحمدالله ابويه سالم مابي شي ضلينه 4ايام بل مستشفى وراها طلعو للبيت شاهين اخذني للبيت لين مرتين وكعت مالي بعد قدره اوكف دخلت للغرفه سبحت وبدلت وطلعت لكيته متمدد ويده على راسه مشطت شعري ورحت دخلت بحضنه
شاهين..اباوع عليها بلمستشفى تبجي اخ دموعها تحركني حرك مرتين وكعت بعد مابيها مجال اخذتها للبيت دخلت للحمام تمددت وكبالي صارت صوره عيد زواجنه صفنت بيها شلون مبتسمه ومبين عليها الفرح شلون كدرت هل بنيه تاخذ كلبي كله اي بنيه بعيني بعدها محلوه باوعت عليها طلعت من الحمام الشعر ينكط مي والوجه احمر مشطت واجتي بحـضني ها يترافتي ها
بنين..امم دخلت راسي بركبته احبك
شاهين..واني عاشكج يا ترافتي
بنين..احجيلي شعر دانام
شاهين..شلج بيها هاي
بنين..حباب
شاهين..اريد اوصف جمالك حاير منين من شعر السرح لو من الايدين يالعطرك ورد ومكحل العينين يل كلك ترافه وناعم الخدين يا ابيض كطن يل حاجبك سيفين ربك من عسل سواك مو من طين سحرة الناس كله معدل الزين ما اظنك بشر جاوبني انت منين جمع بيك الإله الوصف مال اثنين شمس بالكون وحده وانت شمسين
بنين..أخآف عليك من كُلشي
وأخآف عليه من دونك
حيل اَخاف
شاهين..على شنو تخافين
بنين..اخاف بدونك والله لتعوفني ابد
شاهين..انعل لشته الي يعوفج
بنين..باسني من راسي انت بعد ابويه تصير بحياتي
شاهين..شبيج بنتي
بنين..حبي الك ديزيد يوم بعد يوم
شاهين..زين ليش ما………
بنين.. ليش تبقى منحرف
شاهين..لين احبج
بنين..هههه باسني من شفتي صارت عيوني بعيونه عيونها بيها كلشي حب امان حنيه كلشي حضنته باسني من راسي
شاهين..ابويه ارتاحي صارلي يومين منايمه
بنين..نمت بحضنه لحد العصر كعدت شفت شاهين كاعد وصافن عليه شبيك
شاهين..انتي ليش هيج حلوه
بنين..مطيت نفسي بلفراش وبتسمت مادري
شاهين..اويلي عليك رياض تخلف وشاهين يبتلي
بنين..ليش عيني تبتلي
شاهين..هو العنده مثلج شلون ميبتلي على هل طفوله العندج
بنين..ابتسمت يله شاهين كوم نروح البيت اهلي
شاهين..خرب……. لابو ال……
بنين..عزا عيب عيب شنو من السان عندك
شاهين.……… خالج
بنين.. شاهينن والنبي عيببب
شاهين..هههه كومي كومي خرب حضي
بنين..داكوم جرني عليه
شاهين..تعالي اشاورج
بنين..شاهين اكعد راحه
شاهين..دتعالي من اشتعلت صفحة عشيره شاهين
بنين..تقربلي وكل شويه يهمس بأذني كلمات حب زاد حبي اله فوك القاط قاطين صار الحب والعشق صارن شي قليل اني وصلت ويا شاهين مرحلة الادمان جرني الحضنه وغطانه وباسني من راسي
شاهين..اعشكج
بنين..ابتسمت ترا تأخرنه شاهين واني مشتاقه الابويه
شاهين..صارلج يومين يمه وهسه شتاقيتي اله كومي يله
بنين..تعال لتزعل تقربت بسته من شفته احبك
شاهين..عاشكج
بنين..يله صالحتك بعد هههه
شاهين..هههههه ملازمي الشبع صاير لوتي
بنين..هههه كمت سبحت وبدلت وطلعت مشطعت شعري ولبست جبتي وحجابي واخذت ملابس الي هناك وطلع شاهين شاف الجنطه داحضر بيها
شاهين..شكد راح اضلين بنين
بنين..اسبوع
شاهين..حجي يفيدج اليوم ثنين الاربعاء انتي هنا
بنين..لاشاهين اريد اضل يم ابويه حباب
شاهين..ماكو الاربعاء انتي بلغرفه
بنين..سكتت محجيت شي اخذني لبيت اهلي نزلت بابا بغرفته نايم وجان يمنه خطار ماعرفهم ولا شايفتهم دخلت تلكتني طيبه من الباب
طيبه..عادي احجي وياج
بنين..باوعو عليها خير
طييه..ادري انتي زعلانه مني وادري مابودج تصالحينه بس والله وحق رب لعالمين وداعت ابويه وداعت عمو رياض الي سويته علمودج وعلمود شاهين مثل ما انتي متعذبه بغيابه هوا اكثر والله العضيم علمودج ادري بيج تحبي كافي بنين سامحينه والله احنه متعذبين بغيابج
بنين..انتو بعتوني
طيبه..وحق رب العالمين مبعناج والله العضيم الي سوينا المصلحتج بنين انتي مو بس صديقتنه انتي اختنه كافي سامحينه
رانيه..وداعت يوسف بنين شاهين متعذب بغيابج وانتي اكثر هسه سامحتي شاهين سامحينه النه هم
صبا..كافي بنين خلي كلبج جبير وسامحينه انتي مو تكولين انتو خواتي اكو اخت هيج تزعل من خواتها
صابرين..بنين اني الوحيده الي محتاجتج هسه متحاجه نصايح وحبج اليه سامحينه بدعت شاهين
بنين..فتحت ايدي واجني اربعتهن حضنوني وصرنه نبجي سامحتجن حقيرات
سلام..يبوووو فلم خالتي نوسه شوكت يخلص
عباس..هههه ليل ونهار يبجن شكو
شاهين..ملازمي السبع طلعت معذب العالم وراك
بنين..ههههه دخلنه جوا كلنه جانو نسوان هوايه ورياجيل ماعرف منو هما وشباب دخلت امي جرتني من ايدي شبيج يوم
ام عباس..يمه تعالي اعرفج على كرايبنه
بنين..دخلت وياها وكعدت تعرفني على العالم
ام عباس..بنت خاله ابوج وهاي الحجيه تصير خالته
بنين..اهلا وسهلا
بيبي ام فاهم..تعالي حبوبه احبنج
بنين..ابتسمت رحت بوستها
بيبي ام فاهم..شلونج حبيبه
بنين..بخير بيبي انتي شلونج
بيبي ام فاهم..كبرانه ولج وحليان يله اخطبج الابن ساهره
بنين..نداريت على شاهين جان عصبي حيل وجهه احمر وشراينه بارزه من كالت راح اخطبج ابتسمت بيبي اني مزوجه
بيبي ام فاهم..فلك ام عباس ماتكولين تزوجت
ام عباس..حجيه صارت ملازم وتزوجت
بنين..تقدمت على شاهين ولزمته من عكس ايده هذا زوجي بيبي
بيبي ام فاهم..الف قل اعوذ برب الفلق عليكم بيبي الله يخلي ويحفضه الج يمه شنو يشتغل رجلج
بنين..عقيد بلجيش واحله عقيد تشوفه عيوني وكلبي وروحي
بيبي ام فاهم..الله يحرسك يبعد هلي دير بالك عليها ترا هاي الحبيبه
شاهين..الله يخليج حجيه بعيوني اخليها
بنين..وكفت على اصابع رجلي وهمست بأذنه واني بكبلي خالتك انت شيخ روحي وعقيد كلبي………
للحكايا بقايا……..
بنوتاتي الحبيبات اخواني الابطال يبعد الروح اليوم اذا بيه حيل بعد اكتب بارت ثاني مو اليوم خميس وكل خميس لكم هديه احبكم كومه😘
مرارة الحب الفصل الثامن وأربعون 48 - بقلم بنين الزبيدي
يا حلاتك من تجيني ،
نورس إيحط إعلة ماي ..
إتسافر ألضحكة إعلة وجـهـي ،
و'يندفـن حـزنـي بـــ'گفــاي ..
\\\\\\\\\\\\\\\\\\\\\\\\\\\\\\\\\\\
شاهين..ترافتي اكعدي راحه
بنين..ابتسمت احبك
شاهين..عاشكج يله بنتي رايح
بنين..بعد وكت حبيبي
شاهين..عندي شغل بلمركز بنتي هذا الاسبوع اجازه الج نطيتج
بنين..يصير اضمك بكلبي ماخليك تروح المكان
شاهين..دمشي للبيت من احتركت عشيرتج
بنين..لااا اجي اسبوع الجاي
شاهين..انسي بنتي الاربعاء من الفجر اجي عليج هاي شغله شغله الثانيه الحجاب مينذب من راسج ابد
بنين..اي ماذب الحجاب وصلته للباب قبل ميطلع تقرب باسني من شفتي حضنته حيل وهمست بأذنه بليل بعد هم تعال
شاهين..صدك كذب تدلل ترافتي
بنين..حجه وغمزلي والله يبقى بالك وتفكيرك منحرف طكها ضحكه وراح ضليت اباوع عليه وعلى طوله وجماله وادعي ربي يحفضه الي صعد بلسياره واشرلي ادخل دخلت للبيت رحت لغرفه ابويه بسته من راسه شلون صرت حبيبي
ابو عباس..تحت رحمته بويه
بنين..ضليت يم ابويه كل شويه وبايسه ايده وراسه واحمد الله انو طلعلي بخير طلعت برا صعدت الغرفتي بدلت وعلكت الجبه باوعت ركبتي كلها اثار اوف اوف شاهين حتى من يم صدري اكو اثار وبنص بلاعيمي وحده بارزه حتى بجسمي اكو لبست الحجاب زين ونزلت كعدت بلصاله بلزاويه وفتحت تلفوني شفته مراسلني دخلت على المحادثه كاتب
شاهين.. تره شتاقيتلج
بنين..ههه وين لحكت تشتاق مصار ربع ساعه من عفتني
شاهين..انتي مو صوجج صوجي اني اتغاز بيج
بنين..هههه اكلك هاي ليش هيج سويت بركبتي وحتى……… تقبل
شاهين..هههههههه ملازمي ضب السانك وليدي
بنين..والله تقبل اسوي اني هيج
شاهين..ا…….. غير
بنين..ضل نحرف ضل دركز بطريقك عيني
شاهين..والله قديمه انتي عيني وصلت للمركز بنتي
بنين..مشالله شبسرعه شنو تسوق 200
شاهين..لابسه الحجاب
بنين..اي وداعتك اي
شاهين..عفيه ترافتي
بنين..موتنسى اليوم تجي بليل
شاهين..الله كريم
بنين..راح وضليت كاعده شويه وجتي صابرين يمي كعدت وخلت راسها على متني شبيج
صابرين..خطوبتي اني وحسام اسبوع الجاي
بنين..اي المفروض تفرحين ولج
صابرين..بنين حسام معقد
بنين..شلون يعني
صابرين..مادري عنده حركات تخوفني
بنين..صابرين ماكو احد بس اني وانتي والاكبار ديحجون مو يمنه احجيلي شبي حسام وياج
صابرين..ذاك اليوم خابرته طلعلي واد غريب يكول حسام مشغول وعنده شغل اهم ميكدر يرد ومن كتله كال اي جنت اشتغل خو ماعوف شغلي واكعد اخابر وياج وكل ماكله ماريد اكمل بعلاقته يكعد يكول احنه مو صغار واني اريدج وتفهمي وضعي بس اني خايفه
بنين..باعيني انتي اذا خايفه من هل طريق لتمشين بي
صابرين..بس اني احبه بنين
بنين..خلص لعد طاوعي كلبج واخذي صابرين الحب مو بحده كافي اهمشي تحسين ويا لي تحبي بالامان انتي تحسين هيج ويا حسام
صابرين..باعي مرات احس اني بنص الامان ويا ومرات لا
بنين..والله مادري خاف اكلج عوفي ويطلع زين وخاف اكلج ابقي ويا ويطلع موزين بس باعيني توكلي على الله وشوفي بلخطبه
صابرين..اني هم هيج كلت بلخطبه اعرفه اكثر
بنين..اي عفيه بس هم ديري بالج
صابرين..اي
بنين..راحو رانيه بليل كلش اخذها سلام وراحو واخذو وصبا وصابرين اجوي عليهن واخذوهن وراحو ساعه تقريبا بـ 11ونص بيبي ام فاهم دخلت للغرفه نامت وياها بناتها ولدهم محمد وعلي اخذوهم فوك للغرف طيبه بقت يمي وعباس صعد
طيبه..شلونه شاهين وياج
بنين..زين وانتي
طيبه..عبيسان زين خيه
بنين..اي الحمدالله اكلج صعد يم عباس خاف يريدج
طيبه..لا انتي جيتي وصارلج هوايه زعلانه
بنين.. هههه عندج باجر وعكبه وعكبه بس هسه خاف يريدج منج شي خطيه
طيبه..هله راح اضلين يمنه
بنين..اي
طيبه..هله هله راح اصعد وباجر الفجر انزل
بنين..خوش ههههه صعدت طيبه واني ضليت كاعده بلصاله بحدي انتضر شاهين ولحد الـ 2ونص ماهوا عرفت مراح يجي كمت واني مقهوره منه حيل صعدت لغرفتي ضليت اتصفح بلنت دخلت على صفحته جان نشط عقجت حاجبي نشط ويامن ديحجي ضليت كاعده انتضر ماكو اخر شي طلعت سديت النت ونمت سهله كعدت ثاني يوم الصبح البيت هوسه ديشتغلون دخلت سبحت وبدلت مشطت شعري ولبست حجاب ونزلت صباح الخير
لكل..صباح النور
بنين..رحت للمطبخ اكلت وشربت مي وطلعت ساعدتهم بلتنضيف شويه وعباس طلع ابويه من الغرفه يمشي بس على كيفه رحت سندته من ايده الثانيه ودخلته للصاله وجبتله مي خلصنه تنضيف وكلنه التمينه يم ابويه كاعدين وسوالف وضحك الولد واني كاعده مال واهس شي وضايجه
محمد..بنو العصر حنروح للكاضم تجين
بنين..منو ومن يروح
محمد..اني وخالتي ام حسنين وحسنين
بنين..اي اجي الضهريه تغدينه وسوينه جاي اني وطيبه وزعنه ورحنه غسلنه الامواعين وخلصنه العصر صعدت سبحت وبدلت دكيت على شاهين داكله بس مشغول تندمت دكيت عليه لو باقيه مداكه ومستأذنه احسن
نزلت طلعنه ويا محمد رحنه للكاضم زرت وصلنه اني وخاله ام حسنين وطلعنه لكينه محمد وحسنين ينتضرونه طلعنه تعشينه ورجعنه دخلنه لبيتنه جانو اهل شاهين يمنه وشاهين وياهم كاعد ومبين عصبي من دخلت رفع راسه عليه وخزرني باوعت عليه عادي صعدت سبحت وبدلت مشطت شعري وخليت حجاب ونزلت كعدت بصف طيبه
طيبه..تونستي بناتي
بنين..اي وندعتيلج
حسنين..بنين اريد اسئلج سؤال
بنين..حسنين كضيت الطريق كله تسئل
حسنين..هههههه فضول
بنين..ههه اسئل
حسنين..شنو العجبج بكليه الضباط
محمد..يمعود حسنين عراك ويانه صارت
حسنين..بشرفك ههههه
محمد..وعلي هههه
بنين..باوع اني معدلي جان عالي ومعدلي مال صيدله بس اني حبيت هاي الكليه من جنت صغيره البس ملابس عباس واوكف كدام المرايه وابتسم طموحي كبر ويايه لحد ما نفذته هاي لكليه حلمي دخلت لكليه وقبلوني والعميد عامر جان يتابع ملفاتنه لين احنه جنه ضباط حدث اذا عندك سؤال احسن شي تسأله للعميد عامر
حسنين..سيدي العلم
العميد عامر..ههههههه. اشكرك وابني
حسنين..شلون جانت بنت خالي
العميد عامر..بنين ورده من جانت بلتدريب لحد هل دقيقه هاي
حسنين..زين هنا بنات شلون مواجهن صعوبه بلتدريب
العميد عامر..لا واجهن جان عدنه نقيب اسمه مرتضى جان شاد ويه بنين تدريب صح يكلها غلط ويخليها تركض الساحه تعرف الساحه مال تدريب جبيره وبيها صبات وحدايد ويخليها كلهن تسويهن جنت اراقبهن لين بنتي طيبه وياهم بنين ملازم ممتاز ولكل يتمنى تشتغل وياهم ملتزمه بدوامها وتحب شغلها افضل ضابط عند شاهين مو ابو الشباب
شاهين..اي افضل ضابط
بنين..باوعت عليه جان قابض ايده قوي وصايره حمره كام طلع دك تلفون طيبه وطلعت عرفت راح يصيحني شويه وجتي طيبه كعدت بصفي
طيبه..شاهين يريدج برا
بنين..كمت طلعت جان واكف رحت كباله نعم
شاهين..راح احسبلج للـ 5تصعدين تلبسين عباه وتنزلين
بنين..بس ليش رص على سنونه وحجه
شاهين..يلههه
بنين..هفف استغفرالله صعدت لبست جبه وحجابه عدلته ونزلت ماما هسه اجي
ام عباس..وين يمه
بنين..شاهين يريد ياخذني نشتري كم شغله
ام عباس..روحي يوم
بنين..طلعت هوا لزمني من ايدي وصعدني بلسياره وصعد الطريق كله عصبي وميتحاجه وصلنه البيتهم دخل السياره جوه فتحت الباب ونزلت دخلت للصاله مجان اكو احد حتى الخدم ابيتنه دخل هوا وكف كبالي طلع سلاحه من خصره وخلا على الميز وباوع عليه
شاهين..انتي على يا اساس اطلعين بدون متكليلي
بنين..وانت على يا اساس البارحه توعدني تجي وليل كله نشط بلكذب مدزيتلي رساله
شاهين..التردينننن على سؤاللييييي بسؤاللللللل
بنين..لتصيح شاهين اني طلعت ويا اخويه ومرحت الاي مكان رحت للكاضم
شاهين..انتي صاحيه شاربه شي؟
بنين..بأيده اشر على راسي اخ راسي
شاهين..يله ست بنين جاوبي على السؤال
بنين..جاوب انت البارحه بليل نشط ولحد الفجر ويامن جنت احجي
شاهين..جنت اكو……… ويه الواء
بنين..اي صح الواء للفجر كاعد شنو من لواء هذا ماعنده بيت مره
شاهين..بنين لتختبرين صبري
بنين..مكتلك لين انت مجيت البارحه وبليل نشط ومراسلتني جنت تحجي ويا هبه موو
شاهين..نعالات شدخلها بلنص
بنين..كعدت على لقنفه ودموعي بده تصب رجعني البيت اهلي
شاهين..لا اله الا الله لج بابا انتي صاحيه
بنين..شاهين اني طلعت ويا اخويه ورحت زرت واذا على حسنين مثل اخويه وماعندي شي ويا
شاهين..نعالين يحجي مثل اليعرفج من سنيننننن
بنين..ماعرفه اني محمد كال تجي كتله اي ومكتلك لين انت جنت مشغول ويا ست هبه كل مادك عليك يطلع مشغول
شاهين..بنين لتكذبين
بنين..افتح تلفونك وشوف شكد دكيت عليك وانت مشغول جنت ابجي واشهك طلع تلفونه من جيبه وطلع غالق جهازه باوع عليه كمت رجعني البيت اهلي
شاهين..بنين
بنين..شاهين اترجاك اني هسه بحالة مستمحلي احجي اي شي وانت كذالك فا رجعني وخلي يمر هل يوم بسلام كام اخذ سلاحه وطلع طلعت ورا صعدت بلسياره مالي خلك كلشي احجي وصلني للبيت نزلت بدون مااحجي شي ودخلت حتى مدخلت للصاله كبل فوك الغرفتي نزعت الجبه وكعدت على الچربايه يمر يوم يومين زين لازم ثالث يوم نتعارك ونصير مكافش نمت ودموعي على خدي
في مـكان اخـر……
صابرين..جنت داشتري غراض من السوبر ماركت ويايه اخويه الصغير داحاسب يم الكاشير جان ازدحام نداريت على اليمين جان شخص يشبه حسام طبق الاصل واكف وبيده مميه وحفاضات مال صغار باوعت عليه بس مكدرت اشوفه زين لين راح السره الكدامي خلص فزيت على صوت الكاشير وهوا يصيحني تقدمت حاسبت وطلعت بس ضل الموضوع براسي بلطريق دكيت عليه جاوب رأسا الو حسام
حسام..هله صابرين
صابرين..انت وين
حسام..ليش
صابرين..هيج داسئل
حسام..بلمركز عندي واجب بيج شي حبيبي
صابرين..لا بس شتاقيتلك
حسام..واني ميت عليج صابريني هانت مبقه شي دافكر نسوي خطوبتنه الجمعه
صابرين..بس احنه اتفقنه اسبوع الجاي
حسام..واذا ممتحمل غيابج عني شلون
صابرين..ابتسمت هاهيه حبيبي
حسام..حضري نفسج باجر جاين نسوان يتفقون
صابرين..خوش
حسام..يله داكمل شغلي
صابرين..باي باعي غبائج صابرين بلمركز وانتي عبالج بلسوبر ماركت وصلت البيتنه دخلت وديت اخويه وصعدت الغرفتي سبحت وبدلت ونمت واني ابتسم شكد حلو من يصير حباب ويايه الله يخلي الي ثاني يوم فعلا اجوي النسوان واتفقنه الجمعه الخطوبه يعني بعد يومين وبلشنه بلتحضيرات ويايه صبا ورانيه وطيبه وبنين وكدرنه نخلص كلشي قبل الجمعه الصالون حجزنا والبدله وكلشي خلصت الكوشه بيوم الخطبه ينصبوها اليوم خميس كاعده اتفرج على التلفزيون جان طالع فلم اجنبي اكشن وكله هوسه بنص هاي الهوسه وبالي يمه دكت عليه رانيه جاوبتها الو
رانيه..شدسوي عروستي الحلوا
صابرين..دتباوع فلم اكشن يكطع
رانيه..ثول اكو وحده باجر خطبتها تباوع فلم اكشن
صابرين..اني هههههه
رانيه..فرحانه صابرينو
صابرين..اي فرحانه رانيه بعد عناء وهوسه وبجي باجر راح نصير البعض هاهيه
رانيه..يافرحتي بيكم يعمري انتي ربي يحفضكم البعض
صابرين..شدسوين انتي
رانيه..داوكل يوسف كلت ادك عليج
صابرين..يعمري انتي شخبار البنات
رانيه..صبا وطيبه زينات بس بنين صار يومين مو على بعضها ضايجه ودمعتها بعينها الي يحجي وياها تبجي
صابرين..عزا بعيني اسم الله شبيها
رانيه..يمكن متعاركه هيه وشاهين لين البارحه اجوي خطيه يسئلون على عمو رياض وجان وياهم هيه منزلت صعدت الها لكيتها كاعده من كلت الها كالت كولي نايمه مالي خلك انزل
صابرين..سوده عليه انتي وين يمها لو بيتج
رانيه..وبرأيج سلام يخليني اضل يوميه بـ12يجي من المركز ياخذني سوده عليه
صابرين..شلونه وياج
رانيه..شكلج صابرين سلام ملاك تعرفين شنو ملاك اشكر ربي لين رزقني بي ويارب يطلع حسام مثل سلام من يكول كلمه يوفي بيها من اخذني من بيت اهلي ابويه وصا بيه كله دير بالك عليها سلام كله بعيوني اخليها وفعلا بعيونه خلاني اذا شافني ابجي يتخبل اذا اضحك يرتاح صابرين سلام عشقي واداماني وكل حياتي صار
صابرين..عمري انتي ربي يحفضه ويخلي لج يروحي انتي رانيه تدرين بنين وشاهين حبهم مال خبال
رانيه..اي اني وسلام قبل شويه دنحجي شاهين يحب بنين ويغار عليها حيل من شافها تحجي ويا حسنين تخبل وهيه تحبه حب طفوله صابرين بنين من تحب شخص تحبه بطفوله بحيث بسرعه تتعلق وهاي السالفه الوحيده الي موتتني بـ بنين
صابرين..يارب تعيش بسعاده وهنه دائما خيه شعجب سلام خالج تخابرين كل ماه 5دقايق ويصيحج
رانيه..هههههههه كاعد بصفي خيه
صابرين..ايييي هنا الحجييي
رانيه..هههههههه
صابرين..روحي حبيبي روحي يم رجلج
رانيه..ديله كلبي باي
صابرين..باي
رانيه..سلام كافي تركص بخدي
سلام..آخ يا شوفَه خّدودج چنها كَعدة مغربيةهَ بباب حضرة
رانيه..بعد روحها الرانيه تروحلك فدوه هيه وخدودها
سلام..بنيتي يوسف مو كبر شويه
رانيه..سلام اذا ميصير عمر يوسف سنتين ماسوي طفل
سلام..مو هيه بكيفج يروحي
رانيه..اممم حبيبي اني ادري بيك تحبني بس والله اذا صارو ثنين مااكدر عليهم
سلام..شيبتي راسي رناوتي
رانيه..يبعد روح رناوتك بس انتضر
سلام..نيمي يوسف اليوم من وكت رانيتي
رانيه..هههههه سلام عيب
سلام..هسه شمسوي ا……… لو…… بخالج
رانيه..هههههههه عيبب
سلام..هههههه طالع اني بليل اوجعلك يا عسل
رانيه..اممم خوش انتضرك مو تتأخر
سلام..مو يدلل ضابطي الفاهي
رانيه..ههههه اني مو فاهيه
سلام..هههه ابد عمي احنه فاهين
رانيه..راح سلام وضليت ويا يوسف اشاقه والعب لحد منعس ونام نزلت سويت كيكه بارده وصعدتها بلفريز الي بغرفتي دخلت سبحت وبدلت لبست سيت اسود صلوخ قصير الضهر مالته كله حفر لبست الروب فوكا مشطت شعري وخليت كحله وحمره ومسكاره ضليت انتضر سلام تأخر يله اجه من دخلت كمت تخوصرت بعد عيني لو بايت برا
سلام..شهل عسل الينتضرني
رانيه..سلااام لتغير الموضوع
سلام..وداعتك ضابطي ساعه بـ 1ونص وين متأخر
رانيه..ها يعني ممتأخر مو
سلام..ابد بل ميعاد
رانيه..صوجي اني ضليت انتضرك رايحه انام
سلام..تعاي تعاي وين
رانيه.. حضني من خصري وباسني من ركبتي
سلام..دواعتج جنت يم شاهين
رانيه..شبي
سلام..مابي شي تعبان
رانيه..متعارك ويا بنين مو
سلام..ميحجي رانيه شاهين كتوم فد مره ميحجي
رانيه..ترا بعدني زعلانه
سلام..سهله هسه اصالح رانيتي
رانيه..شالني من خصري
سلام..خصرج يهد الحيل
رانيه..اممم تحبني
سلام..ميت عليج
رانيه..باسني من شفتي وكافي بعد عيب باسني من راسي
سلام..وهاي اصالحت رانيتي
رانيه..بعد متتأحر والله خفت عليك
سلام..اويلي ربي
رانيه..حضنته قوي ونمت باسني من راسي وهمس يم اذني
سلام..الف الحمدالله والشكر اخذتج ورب العالمين كتبج من نصيبي وهديتيني احله هديه
رانيه..لزمت ايده ونمت
صابرين..ثاني يوم من الصبح كعدت خابرت بنين اول وحده تجي ابالي هيه بكلشي من زعلت منه احس شي من روحي ضاع مني دكيت جاوبت الو بنين
بنين..ها صابرين صباح الخير
صابرين..انتي بيت اهلج بعدج مو
بنين..بيت اهلي ليش
صابرين..تعالي ويايه للصالون عليج النبي
بنين..صابرين مالي خلك والله تعبانه
صابرين..عليج الرسول والله اخاف
بنين..ماشي يله لعد حضري نفسج لعد حتى نجي عليج اني وحسين
صابرين..رحتلج فدوه يعمري انتي
بنين..كمت صارله يومين يجي لبيت اهلي ماانزل وحتى ماشوفه تلفوني بهل يومين غلقته لين حيل تأذيت بسبب شاهين ونقهرت اعرف اذا انزل واشوفه ويشوفني نتعارك وتطور السالفه خلي هيج احسن دائما هوا غلطان ويصيح ويضرب بيه ميتغير ابد كمت سبحت وبدلت ونزلت حتى مالي واهس بس خطيه صابرين ماعدها احد لكيت حسين كاعد حسين اخذني الصابرين ومناك ناخذها للصالون
حسين..صار يله انتي متحضره
بنين..اي
طيبه..بنو هاي فستانج سوي مكياج هناك
بنين..مالي خلك طيبه ماريد
طيبه..والله صابرين تنقهر من تشوفج هيج يله امي كولي يا الله
بنين..اخذت الفستان وطلعنه رحنه الصابرين خايفه وترجف وصلنه للصالون كافي ترجفين صابرين كولي يا الله
صابرين..يالله يارب
بنين..رحنه جبنه الغراض الفستان والمسكه والحذاء ودخلنه للصالون بدلت هيه وكعدت على الكرسي وبدو يخلون مكياج وتسريحه واني كاعده هيه وكفت البنيه الي تشتغل وندارت عليه
صابرين..كومي عيني بنين سوي مكياج حاجزه الي والج
بنين..كمت دخلت للحمام بدلت جان الفستان لونه ذهبي وفوكت تول اسوب حلو طويل وردنه كيبور لحد العكس مال ايد والدلعه مالته شويه جبيره الضهر مالته كله مفتوح ومشبج كعدت على الكرسي وبدو يسون مكياج جان الميكاج ذهبي بلون الفستان ولحمره حمره وشعري خليته مفتوح مردت تسريحه خلصت قبل صابرين وكعدت انتضره مالي واهس بكلشي باوعت على الحلقه مالتي وجريت حسره ساعه بـ3:3دقايق خلصت صابرين لبستها البرنص المكتوب عليه مريت حسام ولزمت ايدها طلعنه جان حسام ينتضرنه برا صعدتها وصعدت كاعده لطريق كله حسام لازم ايد صابرين ويركص ابتسمت وصلنه البيتهم نزلت صابرين ودخلنه جان فستانها مو هوسه حيل لونه بنفسجي فاتح لونه هادئ وردنه نص وبي حزام خفيف بنفسجي ومسكتها ورد وردي نزعتها البرنص وكعدت على الكوشه جانو كلهم موجودين بيت عيالي وبيت اهلي وصبا ورانيه وبيت عيالها واهلها كلهم جايين دخلت للغرفه مال صابرين كعدت وصفنت بلمرايه شكد حلو شكلي بس الغصه الي بداخلي موتتني نزلت دموعي مسحتهن نفتح الباب ودخلت طيبه
طيبه..شبيج بنانو تبجين
بنين..مابيه شي تعبانه
طيبه..سوده عليه امي خلي اعدل لمكياج بنص الحفله نرجع اني وياج للبيت
بنين..عدلت مكياجي وطلعت علبه من جنطتها جان ذهبي باوعت عليها طيبه
طيبه..بيبي جابته كالت خلي تلبسه وتطلع شاهين وصه
بنين..لبستني كلايدي ومحبسين والبتوت ملاتي وتراجي هاهيه بعد ماريد خلي الباقي يمج
طيبه..صار
بنين..طلعنه يم صابرين رحت كعدت بصف خاله ام عامر هيه لزمت ايدي وحجت
خاله ام عامر..اويلي يطلابه شاهين وغيرته الي متخلص يمه لتزعلين منه
بنين..ابتسمت لا خاله مزعلانه بستها من خدها وضلو الناس تجي وتبارك والهلاهل تسطر الحد ما كالو اجوي اهل حسام هنا صابرين صفرت شبيج صابرين
صابرين..ماريد بطلت
طيبه..هههههه باع هاي بيوم العقد مالتي اني ردت اعقد النفسي من الاستعجال والفرحه
صابرين..نجبيي انتي بنين اخاف
بنين..اسم الله حبيبي لتخافين كولي يالله سمي بسم الله ومهنايه نشالله
صابرين..يارب ساعدني راح ادخل حياة جديده يارب وفقني بيها يا الله اخذتني بنين وطيبه وصبا ورانيه للغرفه الثانيه حتى يعقدولنه خلو رجلي بمي ورد وبنين فتحت سوره الفتح بحضني وخلت بين ايدي هيل فرحه وخوف وكلشي انجمع بهل دقيقه كام الشيخ يحجي داكول قبلت بس بنين لزمتني من ايدي
بنين..عمو احنه لازم خمس مرات يله تجاوب
الشيخ..ماشي بنيتي
صابرين..عادها عليه خمس مرات وكتله قبلت انت وكيلي تعالت الهلاهل والمباركات سمعت موافقه حسام كوموني واخذو المي طلعوني كعدت بصفه وخر البرنص من عن وجهي وباسني براسي ابتسمت باوعت صديقاتي واكفت اربعتهم ويبتسمت مجان اكو ولد اصلا لبسني الحلقه ساده والثاني بلعلبه بقت لبسته اني الحلقه بس ايدي ترجف من الارتباك ولبسني كلايد ثنين ومحبين وتراجي وبتوت بكل ايد 6 باسني من راسي وكلته كيك وكلني هوا هم كاعدين العالم تبارك وتهوس اجتي بنيه ضعيفه طويله لابسه فستان اسود وشعرها اصفر ومكياجها بلون الفستان وكفت بنص الصاله وحجت
سهاد..احم ممكن تنتبهون عليه
صابرين..كلنه باوعنه عليها هيه هاي نفسها الي كلي عليها كرايبه من البدايه كلبي يلعب منها
سهاد..اليوم خطوبة الغالي حبيبي وزوجي وابو بنتي من الملازم الي اداوم ويا وشغلها نفس شغل حسام وبلكت هيه اجيبله الولد لين اني واسم الله عليها ميصير بعد عندي الغايه في نفس يعقوب مبروك حبيبي
صابرين..صفنت على كلامها حبيبها وزجها احس راح اوكع العالم كلهم سكتت وبقه صوتها بأذني يرن نداريت على حسام جان خازرها وجهه احمر وشرايينه بارزه كلهم ندار عليه وصارت عيوني بعيونه اني مكمت اشوف شي عيوني نترست دمع كمت نزعت الحلقه من ايدي والذهب الي البسه الي كله وشمرته عليه ورحت ركض الغرفتي دخلت وقفلت الباب وكعدت وراها وصافنه مسويت اي شي حتى دموعي منزلن مثل الجمدن بعيوني من الصدمه احس كلبي حيوكف جنت حاسه والله جنت حاسه……..
للحكايا بقايا…………
طبعا بنات والله ماعرف شلون اعتذر منكم منشرت يوم الخميس البارت الثاني لين اسم الله عليكم خالتي سوت حادث وطلعنه كلنه لها التهيت بيها ومنا عندي متحانات جتي يعني سامحوني زين عمري
القصه مثل مابيها فرح بيها حزن واول مره استلم قصه هيج بيها حزن وكل وحده من البنات بنين وطيبه وصابرين الها قصه مختلفه جمعتهم بقصه وحده وكل وحده داحجي ضيمها ومشاكلها فا يعني ياريت متضوجون احبكم😘
مرارة الحب الفصل التاسع وأربعون 49 - بقلم بنين الزبيدي
واعتنيك وانه ماعندي مجال
وماتجيني انت ولا حتى بحلم
عند الك شوگ ومحبة وذكريات
كلشي عندي وانت ماعندي علم
///////////////////////////////////////
بنين..فتحت عيوني هاي شدتحجي شنو ميصير عدها جهال شنو غايه نداريت على العقيد حسام مع الاسف عليك طلعت واحد متستحي وماعندك ذره خجل الله ياخذ حوبه هل بنيه من عندك واذكر زين الحوبه تبطي وماتخطي اطلع برا يله برااا طلعو كلهم والذهب اطشر بلكاع لمته صبا وخلته على الميز رحت دكيت الباب على صابرين صابرين حبيبتي اطلعي احجي وياج جان ماكو جواب ام صابرين وكل كرايبها تخبلو وابوها شكد قهرني كعد خله ايده على كلبه وكع اخذو للمستشفى وامها حارت على ابو بيتها الي اخذو للمستشفى لو بنتها الي نكسر بختها ضلت ادك وتلطم ورانيه وطيبه يمها واني وصبا نحاول ويا صابرين بس ماكو فايده مادري شلون اعوفها صابرين امي افتحيلي الباب والله راح اوكع من طولي عليج ابويه افتحي صابرين شكد حاولت ماكو عيالي راحو وعيال رانيه كذالك حتى اهلي راحو بقينه بس احنه يمها الحد اليل دخلو جايبين ابوها الصابرين جنت كاعده يم خاله ام صابرين وهيه تبجي وادك وتلطم
رانيه..ها جابو العمو مابي شي الحمدالله
بنين..رفعت راسي صار شاهين وسلام وعباس ساندي الابو صابرين وهوا خطيه مبين عليه مكسور كعد وايده على راسه وشاهين واكف كبالي ويخزو درت وجهي عنه رحنه اني وطيبه يمه كعدنه عمو
ابو صابرين..نكسر بختها اختجن وصديقتج انكسر بختها يابه
بنين..لا عمو لتكول هيج
ابو صابرين..نهجم بيتك ناضم نهجم بيتك اول فرحتك هيج صار بيها
طيبه..عمو كول يالله
شاهين..حجي هسه انت شرايد من حسام يطلك لو تبقيها
ابو صابرين..لا يابه مانطيها على ضره الله لينطني الصحه والعافيه وليدي اكون ممنون منك واصيرلك خدام بس خلص هل مسكينه هاي
شاهين..استغفرالله حجي وداعتك اخلصك منه
بنين..ضلينه شويه تالي شاهين كال يله كمنه ضليت اباوع على غرفة صابرين لحد مطلعن وضليت اوصي امها عليها وابوها الله ليوفقه الحسام دمرهم طلعنه داصعد ويا عباس اخويه بس شاهين جرني وصعدني بسيارته واجه صعد الطريق كله ساكته محجيت شي باوعت الطريق مو طريق بيتنه نداريت عليه وين ماخذني
شاهين..دنحل مشاكلنه
بنين..ماعدنه اي مشكله نحلها مجاوبني وكف كبال الشط وندار عليه
شاهين..مكافي
بنين..شاهين عفيه رجعني للبيت
شاهين..تحلمين قبل ما نحل هل مشكله
بنين..اني ماعندي اي شي انت ضربتني واني سكتت كل عاده
شاهين..بنين تعبت غيرتي عليج تعبتي
بنين..واني هم غيرتي عليك تعبتني بس ما ضربتك
شاهين..ههههههههه شضربين دصيري بطولي بل اول
بنين..اني دكيت عليك انت جنت مغلق
شاهين..اني غلطان
بنين..ويامن جنت سهران للفجر
شاهين..ودينج وايمانج وحق السلام وحق علي داحي الباب والخلق سبع سماوات جنت داحجي ويا الواء
بنين..والواء سهران
شاهين..جان عدنه عمليه على وكر مخدرات وكبسله
بنين..والضرب
شاهين..تنكسر ومامدها عليج
بنين..انت متفهم كبل تضربني وتصيح عليه ليش ماعندك تفاهم
شاهين..ليصير كلبج حجر كافي
بنين..سامحتك
شاهين..بعد شيبي شو هم خالتلي الاحمر والبرتقالي والبنزرقي
بنين..جانت خطوبه بس خطوبه سوده عليها خطيه
شاهين..ابن الكلب اني اربي
بنين..اصلا انت جنت تدري بي مزوج
شاهين..وغلاتج عندي مادري بي مزوج لين ماعندي اي كلام ويا
بنين..خطيه صابرين تحبه
شاهين..واني هم احبج
بنين..باوعت بعيونه وابتسمت هم يومين زين وهم يومين اكلب عليه
شاهين..ههههههه ترافتي تعبتي كلبي
بنين..وانت تعبت روحي
شاهين..اويلي ربي امشي للبيت صارلج من الاثنين ابيت اهلج وخوش تعاقبين ست بنين من اجي متنزلين
بنين..لين ادري من اشوفك وتشوفني تصير مشكله وتطور كلت خلي اهده
شاهين..جيد كافي ابيت اهلج
بنين..لا خليني بس اليوم
شاهين..بس اليوم
بنين..تعال ابات يمي
شاهين..مو بله
بنين..والله يعني اني مو اجي وانام عدكم تعال انت مره ونام عدنه
شاهين..لا اله الا الله من اكلج احب غبائج تتنعوصين وتكولين اني مو غبيه
بنين..والله اني مو غبيه يعني اني مو اجي ابات يمكم
شاهين..كافي بنتي هههههههه
بنين..ضحك هسه راح نضل هنا
شاهين..لا بويه منضل داريد اخذج لمطعم بس بهذا لبسج وهذا الاحمر تنسين انتضريني هنا دقايق واجيج
بنين..هزيت راسي نزل وقفل باب السياره احنه جنه واكفين كبال مطعم يعني وكدامنه ناس كاعده بس هما ميشوفوني لين السياره مال شاهين مضلله بس اني اشوفهم شويه وصعد شاهين وجايب كومه اكل ويا هاي
شاهين..لجدي ملازمي السبع
بنين..هههههههه كعدنه ناكل وشاهين يباوع عليه شاهيين لتباوع راح اغص
شاهين..اسم الله يابه اكلي
بنين..خلصنه وطلعت اغنيه مال سعدون جابر خيو بنت الديره وشاهين كضه الطريق كله يغنيلي
شاهين..خيو بنت الديره خيو حلوه زغيره خيو يامشيتها يامشيتها خيو مثل الطيره
بنين..لزم ايدي وباسها واباوع عليه من يغني مندمج وعين عليه وعين على الطريق
شاهين..خيو عدها كصيبه خيو شكره طويله خيو ليره وتلهث خيو حدر الشيله
بنين..شاهين شكد تحبني
شاهين..بكد العراق
بنين..ابتسمت وشكد تحب العراق
شاهين..بدمي يمشي
بنين..امم كمل الاغنيه حلوه
شاهين.. خيو وركات الخس خيو جفوف الترفه خيو دورت محبس خيو رسم الشفه اويلي ربي شكد مشتاقلها
بنين..عيببب
شاهين..هههههه سمعي لتكمله حلوه اغنيه مفصله عليج ترافتي
بنين..بصوتك احله غنيها الي
شاهين..خيو ياضحكتها خيو مي وجوري خيو ياركبتها خيو جن فرفوري خيو بنت الديره خيو حلوه زغيره
بنين..هوا صوته خشن ويغني ومندمج رسمياً اني ذايبه بحب هل رجال اباوع عليه باوع عليه ابتسم
شاهين..وحق علي داحي الباب عاشكج وعاشك عيونج وشعرج وطولج وكلشي بيج
بنين..ليش تبجيني اذا تحبني
شاهين..باعي انتي تعاندين اكلج يابه سوي هيج تسوين العكس بويه عوفي هل سالفه انتي تسويها واخر عركه اعترف اني غلطت وحقج عليه
بنين..واني مسامحتك بس سجل مسامحتك راح يخلص ها
شاهين..تهايديد شديده
بنين..شعبالك لعد هاي الاغنيه شسمها حلوه
شاهين..مال سعدون جابر هاي بنتي
بنين..امم وصلني البيتنه وكف كبال بابنه وباوع عليه
شاهين..شعندج بيت اهلج
بنين..علمود ابويه والحجاب البسه وماذبه من راسي وماضحك ويا احد ومااحجي ويا احد بس ويا البنات حفضتهن تعليماتك
شاهين..هذا ملازمي السبع حضري نفسج اليوم ياجر انتي بغرفتج
بنين..امم افكر
شاهين..حجي يفيدج
بنين..هههه متنزل
شاهين..لا ابويه عندي شغل
بنين..بس شويه
شاهين..ديله حتى اشوف الحجي شلون صار
بنين..نزل واجه فتح الباب من جهتي ونزلني لزمته من عكس ايده ودكيت الباب فتحها حسنين سلم على شاهين بس شاهين مطتيقه مادري ليش
حسنين..هله بشاهين شلونك ابو النسب
شاهين..يا هله بيك
بنين..وخر حسنين ودخلنه لبيتنه دخلنه اني ويا يم ابويه حبيبي سوده عليه جان كاعد باسه شاهين من راسه
شاهين..شلونك حجي
ابو عباس..هله بيك وليدي بخير اذا انت وبنيتي بخير
بنين..ضلو بابا وشاهين يسولفون شويه وكام
شاهين..يله حجي محتاج شي
ابو عباس..رايد سلامتك وليدي
بنين..طلع طلعت ورا بات يمنه حباب
شاهين..ههههههه عوفي هل سالفه ترافتي
بنين..زين منسيت شي تقرب عليه وخله كصته على كصتي
شاهين..معقوله انسه هيج شغله
بنين..تقرب باسني من شفتي وعضني من شفتي الجوا اممم
شاهين..ضلي تنعوصي علي بهل ليل
بنين..هههه والله مداتنعوص شاهينن
شاهين..عشكه
بنين..احبك
شاهين..دمشي للبيت سالفة حياة او موت
بنين..هههههه والله متصيرلك جاره تضل تنحرف
شاهين..ههههه يله ترافتي فوتي كدامي وكبل لغرفتج واذا نزلتي متحجين وي احد والحجاب مينذب خوش
بنين..اخذت تحيه امرك سيدي
شاهين..عفيه وليدي السبع يله كدامي
بنين..هههه تقدمت بسته بخده ودخلت للبيت هوا راح صعدت سبحت وبدلت ونزلت امي وكل النسوان جانو بـ الصاله الثانيه دخلت يمهم سلام
الكل..وعليكم السلام
بيبي ام فاهم..اي يمه عساها دوم هل محبه بينج وبين رجلج
بنين..الله يسلمج ويخليج بيبي
طيبه..تصالحتو مو
بنين..مجنه متعاركين اصلا
طيبه..هيه علينه مو ملينه بنانو
بنين..نجبي ههههه
ام عباس..يمه والله رجلج خوش رجال وخلوق بس انتي عنوديه والسان
بنين..ها يمه شو وكفني ويا بعدين اني ويا ممعتاركين مجرد صار سوء فهم
ام حسنين..من اجيتي ويانه مو يمه
بنين..لا خاله قبلها
ام حسنين..بس يوم رجلج كل لبنات تتمنا عقيد وهيبه جمال وشخصيه وحشمه
بنين..شعندي غيره خاله غير هوا الروح والريه
لكل..ههههههه
بيبي ام فاهم..ستحي ولج
بنين..هههههه
طيبه..وعلي بيبي بنين بس يمكم هيج يم شاهين حيل تخجل
بنين..نجبي طيبه ههههه
ام حسنين..ماعندج صور عرسج بنو
بنين..لا والله خاله ماعندي
طيبه..اني عندي خاله مال عقد وحنه وعرس واخر شي عيد زواجهم
ام حسنين..دراوينه يمه
طيبه..كمت ركبت التلفون على التلفزيون وشاشه وچبيره كعدنه نتفرج وكل شويه يطلع مقطع اخر شي وصلنه العيد زواجهم وخلص التصوير
بيبي ام فاهم..صلوات على النبي يمه بكلهن طالعه تخبلين
ام حسنين..بس الفرحه اكثر شي بعيد زواجكم ربي يحفضكم ويخليكم البعض
بنين..الله يسلمج خالتي الكبار ضلو يسولفون واني وطيبه نحاول ويا صابرين الي جانت متجاوب علينه
طيبه..بنين ميته خوف عليها والله
بنين..والله اني هم ماعرف الي سوينا صح عفناهم بحدهم لو غلط
طيبه..الله اليوفقه نشالله الحسام الله لينطي الصحه والعافيه كسر بختها وعيشها بوهم الحب
بنين..اخخ بس لو اني اعله منه رتبه والله ابزعه بس شاهين راح يحجي ويا اذا مأجه بلعيني والاغاتي يصرف ويا
طيبه..والله شاهين يسويها حتى عباس هيج كال وسلام كلهم راح يروحوله فرد روحه
بنين..طيبه الاهم من هذا كله هيه صابرين شلون راح تتحمل والله كلبي مثل لنار عليها
طيبه..اي والله وباجر لازم نداوم
بنين..اسويلها كتاب اجازتها واصعدها يمنه وانزل اي موضفه غيرها
طيبه..وحسام ميستحي على نفسه اذا يبقى ويانه نفس الدائره بعد السوا بصابرين
بنين..صلف يبقى وداعتج بعدين هوا مخاف على بنته عده بنيه وهيج سوه ابنت العالم
طيبه..الله يصبرها على ما بلاها
بنين..امين ضلينه نسولف على صابرين وشلون نخلصها من حسام لحد منعسنه وكلنه نمنه بلصاله الثانيه ثاني يوم كعدنه ساعه بـ 7:30ركض بدلنه وعباس وصلنه للدوام دخلنه للدائره هستوني دخلت جان اسمع وحده تصيح اسمي نداريت شفتها صابرين ضليت صافنه عليها دخلت للدائره رافعه راسها وتمشي بكل ثقه ولموضفين يباعون عليها واكو منهم يتشاورن ابد متهمت الهم
صابرين..دنتضروني شبيجن
طيبه..بيج شي صابرين
صابرين..بيه كل الخير عمري
طيبه..رجعي لبيتكم راح نسويلج كتاب اجازه
صابرين..على شنو ارجع اني مابيه شي وقويه ومحد راح يأثر عليه
بنين..عفيه صابرينو
صابرين..صعدن البنات المكاتبهن واني دخلت المكتبي يصير كبال مكتبه جان مكتبي عباره عن ملفات تدقيق وختم دققتهن وختمتهن وطلعت اخذتهن اله دكيت الباب سمحلي ادخل باوعت بعينه وحجيت سيدي ملفات التدقيق كملتهن وختمتهن وقعهن الي داصعدهم للعميد
حسام..كعدي اريد احجي وياج
صابرين..كعدت كباله وعيوني ابد منزلتهن من عينه اريد ابجي اصيح ادك الطم بس مداكدر اكو شي مقيدني الدمعه بعيوني مدتنزل شنو السويته حتى هيج يسوي ويايه حبيته ورته تالي يطلع مزوج واني زوجة ثانيه باوع بعيني وحجه
حسام..الي حيصير بلمستقبل شنو؟
صابرين..ميصير شي طلكني وارجع المرتك وبنتك واني ارجع الحياتي
حسام..اطلكج؟
صابرين..اي اطلكني
حسام..انتي واعيه شدتحجين صابرين
صابرين..شفتك بلسوبر ماركت وشايل حفضات ومميه وكلت لا داشبهه بي معاملتك الي جافه وكرهتني بنفسي بس مكرهتك كل يوم حبك يزيد بكلبي الى ان فضحتني مرتك البارحه اني ماحجي شي بس حسبي الله ونعم الوكيل وبعد حوبتي يم رب العالمين واتمنى تبتعد عني اني هسه اشوفك مجرد مديري بلشغل وراح اقدم طلب نقل علمود ماشوفك بعد
حسام..ههههه انتي اسجلتي بأسمي بابا
صابرين..لا مسجلت بأسمك اني ماريدك بعد ومالي نفس بيك مو صابرين تاخذ رجال ومزوج وعنده بنيه اذكر دائما عندك بنيه وهاي دنيا متدري شوكت ادور ويجي السره الك والبنتك عن اذنك سيدي عفته وطلعت دخلت المكتبي اريد ابجي احس حموت اذا مابجي مداكدر دموعي يبسن بعيوني كلبي يحركني ضليت اشتغل الهي نفسي بشغلي لحد ماخلص الدوام دنطلع اني والبنات شفته جاي عليه ولزمني من ايدي
حسام..امشي
بنين..عوفها
حسام..بنين انتي لتدخلين اني ومرتي
طيبه..مرتك؟ والله مادري شلون الك عين وتكول مرتي
حسام..غصبا ما على اليرضه والي ميرضه هيه مرتي
صابرين..لاااا اني مو مرتك اني موضفه عندك لا غير روح البيتك والمرتك الي كتلي عليها كرايبك روح حسام وعوفني ماريدك بعد
حسام..احد كلج هيه السالفه على كيفج
صابرين..اي على كيفي اني الانضلمت واني الي نضحك عليه اني الي حبتك واني الي قبلت بيك رغم كلبها جان خايف واني الي مرتك كالت غايه في نفس يعقوب واني الي هسه وبهاي الدقيقه كرهتك وراح اضل عمري كله اكرهك تنرت ايده من ايدي وعفته ومشيت اخذنه شاهين مرجعنه للبيت رحنه السيد وافتهمنه منه منكدر كلشي نسوي اله يجي وهوا يرمي اليمين يعني روحي صارت بأيده رجعوني البيتنه ونزلن بنين وطيبه ويايه
بنين..دخلنه سلمنه على ام صابرين خطيه دمعتها منشفت من البارحه لحد اليوم ابوها ماهوا مطولنه هواي شويه وطلعنه الطريق كله اني وطيبه نسب وندعي على حسام وشاهين صافن وصلنه البيتنه نزلت طيبه ايي شكرا حبيبي دانزل جرني من ايدي
شاهين..وين ابو الشباب
بنين..البيتنه وين يعني
شاهين..انتضرج هنا ربع ساعه حضري غراضج داخذج للبيت كافي صارلج هواي بيت اهلج
بنين..عزا شاهين مصارلي هوايه ثنين وثلاثاء واربعاء وخميس وجمعه واليوم سبت خليني بعد اسبوع حك خده وحجه
شاهين..كتيلي اسبوع ثاني اخليج مو يابه
بنين..اي
شاهين..واني كاتلني الضيم حتى الغرفه مادخللها انتي مو بيها وتريديني اخليج اسبوع ثاني باع ملازم السبع هسه راح اخليج للعصر اجي اخذج اخر مهله
بنين..لا باجر حباب
شاهين..بنين بيج شي بنتي
بنين..ها لا بس بابا
شاهين..يوميه اجيبح لضهر واخذج العصر
بنين..خوش حبيبي بسته بخده ونزلت دخلت البيتنه سلمت وصعدت الغرفتي سبحت وبدلت وكعدت احضر غراضي خلصتهن واخذت ملابسي الي بيت اهلي هم بقيت كم قطعه حضرتهن وخليتهن بلغرفه ونزلت جان يتغدون كعدت اكل ماما اليوم ارجع شاهين راح يجي ياخذني العصر
طيبه..والله مادري شاهين شلون تحمل بعدج عنه هلكد اليوم كاعده تحجي انتي بلسياره صافن عليج
بنين..باوعت عليها وابتسمت ولكل ضحك
ام عباس..يمه بعد وكت احجي ويا يخليج
بنين..والله ماما قافل حجيت ويا راد ياخذني هسه بس علمود الغراض بقاني للعصر
ام عباس..يمه مو باجر راح نسوي عزيمه وثواب الام البنين (عليها السلام) حك سلامت ابوج
بنين..اجيكم باجر الضهريه والله يوم لو بيدي ابقه بس ميقبل وانتي هم احجي ويا من يجي بلكت يقنع
ام عباس..يمه طيبه شتكولين يقنع
طيبه..باوعت علئ خاله وابتسمت لا خالتي ميقنع مدري كم شهر زعلانه منه ومصدك يرجعها وهاي غابت عليه 6 ايام ياخذها ياخذها عمي واعرفه
ام عباس..هههههههههه
بيبي ام فاهم..ههههههههههه يمه شنو عاشكج
طيبه..اي بيبي عاشكها فديوم اخلي شاهين وبنين كبالج وخلي بنين تندمج تحجي وتبتسم وشوفي شاهين شلون يباوع عليها وهيه كذالك وازيد
بنين..حافضتنه حفظ خيه بيبي عباس وطيبه واحد يحب الثاني وزواجهم عن حب وعباس مسطور بطيبه وميت عليها ومو صارلي كم يوم هنا اباوع عليه من طيبه تبتسم يبتسم ومن تضحك يبتسم وصافن بيها وسرحان
طيبه..نفضحنه ولج ههههه
بنين..هههههه
ام حسنين..ياريت الكه مثلجن الولدي حسنين وعلي
بنين..نشالله تلكين احسن منه خاله
طيبه..وتفرحين بيهم خالتي
ام حسنين..بنين ازوجتي عن حب مو
بنين..ابتسمت لا
ام حسنين..كل هل حجي ومو حب مزوجه
بنين..مزوجت عن حب خاله سكتو كلهم ضلينه نحجي سالفه صابرين لحد مخلصو غسلنه الاماعين وسوينه جاي وصبينه وقدمنه الحد العصريه دخلت يم بابا بسته من ايده شلون حبيبي
ابو عباس..بخير بويه انتي شلونج
بنين..بخير بابا يوجعك شي كلبك شي
ابو عباس..كلشي مابيه ابويه
بنين..الحمدالله ضليت يم ابويه اني ويا نسولف وهوا يضحك علئ سوالفي من اشوف ضحكته احمد الله الف مره طلعه الي من الموت سالم غام الحد العصريه واجه عليه شاهين كعد يم ابويه واني صعدت نزلت الغراض ساعدني محمد ودخلت يم بابا بسته من ايده وراسه رايحه اني يابه
ابو عباس..لتكطعها بويه شاهين جيبها اشوفها
شاهين..بعيوني عمي
بنين..بوستهم وطلعت صعد ويا والطريق كله ساكتين……… ..
للحكايا بقايا………………
وشلون مفاجئه حلوا هاي حبيتوها مو ادري اني احب افرحكم ياخي ابوسني شكد لطيفه احبكم عمري 💋
مرارة الحب الفصل الخمسون 50 - بقلم بنين الزبيدي
تمشي نص الليل وحدك
مستعز بآخر جگارة
تمشي و الظلمة جسر يعبر عليك
و ياخذك لأبعد مغارة
تضحك من الخوف وحدك
تبچي كلش سكته خاف تموت وحدك
كافر بّين ذرعان المنارة
و تلتفت ..
مامش منارة
ولا مغارة
و لا جگارة
و تمشي للمامش انتَ
غير چم واحد يشبهك
بين ذولاك السكارة .
////////////////////////////
بنين..وصلنه للبيت نزلنه جانو مموجودين صفنت عليه وينهم
شاهين..بكربلاء ترافتيي
بنين..امم صعدت لغرفتي ورتبت غراضي وشاهين كاعد رجل على رجل و يدخن وبيده جهازه ويتصفح كمت تخوصرت كباله هوا رفع راسه ابتسم
شاهين..خير بويه
بنين..شنو جبتني هنا عايفني وملتهي بتلفونك
شاهين..انعل حتى التلفون تعالي
بنين..رحت كعدت بصفه وحضني عطر قميصه مندمجه بريحه الجكاير صايره تخبل اخذت نفس ورفعت راسي عليه هوا دنك باسني من خشمي
شاهين..مشتاقلج يلمعذبتني
بنين..ابتسمت وحجيت بدلع ومنو مانعك
شاهين..هااا هيج صار الحجي
بنين..هههه لااا شاهييننن شالني وخلاني على الچربايه وتقربلي بحب وشتياق ويهمس بأذني وكلبي بلثانيه يدك يمكن 6000 نام بصفي وجرني لحضنه باسني من خدي حضنته وشابكت ايدي ويا ايده احبك
شاهين..عاشكج
بنين..حجيتله الي صار اليوم ويا صابرين
شاهين..اليوم التهيت بلتفتيش باجر اني اله
بنين..شاهين اريد اسئلك سؤال عادي
شاهين..سئلي يبعد شرايين كلبي
بنين..فديوم اكو بنيه حبت بمراهقتها بس الحبته طلع مو خوش وضلت فتره ورا متعذبه وبجي ونوح وراها رب العالمين رزقها بحب حياتها الحقيقي شنو نضرتك الها
شاهين..ليش هل سؤال بلضبط
بنين..لين الولد دائما يحبون بنيه ويزوجون غير بنيه وعادي عدهم ماضي بس هل مره تختلف
شاهين..مو كل بنيه حبت قبل الزواج معناتها مو خوش بنيه ووهاهيه انتهى موضوعها اكو بنات يحبن بس اليحبنه يطلع ساقط الذنب مو ذنبها هيه مراهقه
بنين..اممم خوش وجهة نضر
شاهين..اييه اييه ترافة كلبي
بنين..شاهين من جنت زعلانه وبيت اهلي شجنت تسوي
شاهين..جنت اكل بروحي اكل اليل ميمر عليه اضل كاعد واحش بهل جكاير جسد بدون روح امشي وين ماروح اتخليج بلبيت بلشغل وين ماروح وياي وياي
بنين..اطلب منك طلب
شاهين..انتي تأمرين ترافتي
بنين..اريد نسافر اني وياك ونصير بعيد عن العالم بس اني وياك
شاهين..صار
بنين..بسته بركبته هاهيه
شاهين..اريد احجي وياج
بنين..هزيت راسي بـ شنو
شاهين..انتي تعرفين الاوضاع تأزمت هاي الفتره بلانبار مو
بنين..شاهين
شاهين..سمعيني واحجي
بنين..سكتت ونتضرتت يكمل حجيه
شاهين..عباس الاثنين التحاقه الصلاح الدين واجه كتاب التحاقي للانبار لاثنين بليل الثلاثاء الصبح هناك و
بنين..تخبلت مجرد ما سمعته شاهين متروح
شاهين..بنين بنتي شلون ماروح واجبي هذا
بنين..واني مو واجبك اهلك مو واجبك شاهين لتعوفني وتروح برجلك للموت
شاهين..عجل اذا اني ماروح وغيري ميروح خو يحتلونه وي……… ابناتنه واحنه صافنين
بنين..اجي وياك اني هم ضابط وهم الي حقوق تجاه وطني
شاهين..ههههههه وين تروحين
بنين..للانبار وياك
شاهين..سكتي ترافتي وين تجين مو هيه لعب
بنين..متروح شاهين متروح وتعوفني كمت دخلت سبحت ودموعي تجري بلحمام خلصت بدلت وطلعت امشط ودموعي تجري مايروح مستحيل اخلي يروح دخل سبح وطلع حضني من ورا وراسه بركبتي
شاهين..هسه على شنو البجي بنتي
بنين..متروح للموت برجلك
شاهين..بنين لمفروض انتي تفهمين هل وضع انتي ملازم وتعرفين كلشي ديصير بلعراق
بنين..اي اعرف بس هم متروح وتعوفني وحدي رجلي على رجلك وين متروح اروح
شاهين..استغفرالله لجججج بابا افتهمييي كتاب التحاقي توقععع وصعد للوزارهه
بنين..عافني وراح يطلع ملابس نداريت عليه اذا تروح تطلكني توقف عن الحركه ونداري عليه وخزرني اجه يمشي بتجاهي وكف كبالي
شاهين..هاي الكلمه حتى بلشقه ماريد تكوليها
بنين..كعدت بلكاع ابجي حرام عليك هيج تسوي بيه تريد تروح واني ادري الوضع هناك شلونه الموت بفلس تريد تخليني وحدي اتعذب هنا اني كلت العندي تروح تطلكني وروح
شاهين..هههههه انتي مخبله
بنين..لتضحك داحجي صدك شاهين تروح ينتهي كلشي بينه
شاهين..زين رحت واني ناهي كلشي من استشهد مراح تبجين
بنين..هنا رسميا تخبلت كمت ودكيت رجل ميروح لو اعرف احرك نفسي بس ميروح نزلت كعدت بلمطبخ ودموعي تجري واجتي بالي من صار الانفجار وهوا تصوب وشلون عشت ايام لعدوي ماتمناها نزل كعد كبالي
شاهين..يابه لتبجين بنتي حبيبي وداعتج ميصير بيه شي ماطول انتي تدعيلي
بنين..متروح انت تصوبت بلانفجار عشت ايام لعدوي ماتمناها والحمدالله رب العالمين نجاك من الموت تريد هسه اخليك تروح وللانبار وبنص الموت مستحيل
شاهين..عجل شكو صرت عقيد جنودي هناك بنين سيارتين طلعت وبعد سيارتين السبت اعوفهم واكابلج واكعد
بنين..ماعرف بس متروح واذا رحت اجي وياك لو اعرف اقدم كتاب التحاق واجي وياك
شاهين..دسويها داكسرج واكعدج
بنين..باوعت عليه وكمت وكفت هيه وحده ومراح اغيرها شاهين اذا تروح تطلكني وكفت على الطباخ اسوي اكل اله ودموعي تجري يعني مو سهله اخلي يروح مو شهر ولا ثنين وانما 4اشهر ماشوفه ولا حتى احجي ويا ويريد اقبل واذا قبلت اروح ويا اقدم كتاب التحاق للوزاره غيرها ماخلي يروح لو تنكلب الدنيا خلصت الاكل ورخت قدمته اله داصعد جرني من ايدي وكعت بحضنه
شاهين..وين رايحه
بنين..اصعد اذا اضل كاعده نتعارك اريد اوخر ايده داكوم بس جان لازمني
شاهين..كعدي
بنين..ضل ياكل واني بحضنه وحاضني بأيد وحده خلص وحجيت اريد اغسل الاماعين ممكن
شاهين..لا
بنين..شاهين وخر اترجاك
شاهين..ملازمي لتسويها مصايب
بنين..يعني روحتك للموت وبرضاتك ومو يوم ولا ثنين اربع شهور
شاهين..وداعتج مو هينه عليه اعوفج 4شهور يومين مااكدر اعوفج مو شهور بس لازم اروح واقدم واجبي
بنين..اي اروح وياك واني هم لازم اروح اقدم واجبي
شاهين..بنين لتخبليني
بنين..ليش اخبلك يعني شبيها اذا رحت وياك
شاهين..لا اله الا الله صعدي فوك بنتي صعدي شيبتيني
بنين..كمت غسلت الامواعين وصعدت تمددت وطبكت رجلي الصدري وحاضنه الحاف وابجي دكت عليه طيبه مجان الي حيل اجاوب بس لحت جاوبتها الو
طيبه..وينجج صارلي ساعه ادك
بنين..طيبه مالي خلك
طيبه..لج اني هم عباس راح يلتحق وميته خوف
بنين..طيبه شاهين يريد يتلحق للانبار وماريده يروح ونطلقت بعنان البجي مالتي وهيه تبجي ويايه
طيبه..والله اني هم ماريد عباس يروح بس قافل
بنين..باجر اجي لبيت اهلي بعد مارجعله لشاهين
طيبه..واني اجي البيت اهلي مارجع العباس
بنين..ولي طيبه جايه تقلدين واني روحي طالعه
طيبه..لا ولعباس بنين صارلي ساعه اتعارك ويا ماريده يروح تالي عافني وطلع
بنين..ضليت احجي ويا طيبه ونبجي الى ان ختمت المكالمه وياها ومن البجي نعست نمت مر وقت طويل فزيت على حركه بلغرفه فتحت عيوني شفته شاهين واكف ومحضر جنطه ضليت اباوع عليه وهوا يحضر غراضه كمت دفعت الغطه ونزلت جنطه وصرت بصفه احضر غراضي وهوا صافن عليه
شاهين..خير ابو الشباب
بنين..بما انو انت كاعد تحضر تلتحق اني داحضر اروح البيت اهلي وانتضرك من ترجع تطلكني
شاهين..هههههههههه كافي خبال بابا
بنين..مجاوبته ضليت اخلي ملابسي بلجنطه وهوا يطلعهم ويعلكهن اخر شي جرني من ايدي عليه
شاهين..كلت كافي
بنين..باجر اقدم كتاب التحاق الي هم واجي وياك
شاهين..باجر مداوم ملازمي السبع
بنين..يعني لو تلتحق وتروح واني اضل هنا ميته خوف عليك لو ابقه ماداوم
شاهين..لج بابا ماتأخر كلها 4اشهر
بنين..انت هيج تشوفهن
شاهين..بنين بنتي تقبليها بنات صغار كبار بيد الدواعش انتي ملازم وقسمت تحمي وطنج وشعبج شلون تريديني ابقه هنا واهلي هناك بيد هل انجاس
بنين..واني منو الي هنا منووو
شاهين..مأمن عليج هنا اهلج يمج واهلي هناك محد الهم
بنين..اني يمي العالم كلها بس اريدك الك شسوي بيهم
شاهين..وغلاتج وغلات هل روح واجب ولازم اقدمه اقسمت ادافع عن شعبي وارضي
بنين..حضنته وبجيت شاهين حرام عليك هيج تسوي بيه والله كلبي يأذيني والله احس على دقيقه اوكع واموت
شاهين..اويلي ابويه اسم الله عليج وحق علي داحي الباب ارجعلج
بنين..خلي اجي وياك شبيها
شاهين..وين اخذج وياي بنين بابا وداعتج خطره كافي بجي حتى عيونج راحن
بنين..مسح دموعي وباسني من راسي وشلون راح اتحمل اربع شهور ماشوفك
شاهين..عليه هم صعبه اربع شهور ماشوفج و………
بنين..حتى هسه تنحرف متصيرلك كل جاره
شاهين..هههههههه ورب العباد بس وياج ينحرف ابويه كافي وعلي دموعج تحرك روحي
بنين..بهل يوم مفاركته ابد كضيت اليوم كله بحضنه ماريد افاركه وكلبي يحركني ماريده يروح اهله اجوي بس مطلعنه من الغرفه لحد الفجر هوا نام واني كاعده وصافنه عليه ماريد اغمض عيوني اليوم يعني بس النهار عندي ويا بليل يلتحق نمت واني صافنه عليه الصبح حسيت عليه حضني وباسني من راسي
شاهين..ترافه شاهينها نايمه والله من احترك داعش على الساعه لدخل بيها اربع اشهر راح فارك ترافتي والله اعلم ارد لو ما ارد
بنين..انت حلفت ونطيتني وعد ترجعلي شاهين وحق الله وكتابه ورسله اذا مترجعلي اموت وراك والله
شاهين..اششش ترافتي
بنين..فتحت عيوني ونداريت عليه صار راسي على صدره وحجيت بعدني مقابله تروح
شاهين..هههههه زين ادعيلي ارجع بسلامه
بنين..ادعيلك ليل ونهار بس هم مقابله هوا ضحك وباسني من راسي كمت سبحت وبدلت حضرة الحمام اله ودخل يسبح اني رتبت الفراش والغرفه وكمت كبال المرايه عيوني حمر وارمات من البجي راسي يأذيني كعدت على التخم وصفنت محسيت غير كرصني من خدي
شاهين..وليدي استغل فرصة هل ساعات بعد متشوفني
بنين..اي زيدها انت زيدها خاف اني مخايفه خوفني بل اكثر
شاهين..هههههههههه لا ابويه كافي
بنين..وكف كبالي ومدلي ايده لزمت ايده جر شال وخلا على راسي ونزلنه جانو كاعدين كلهم يتريكون وجانت بيبي ام سعاده موجوده هيه وبناتها وجناينها ولدهم مموجودين لين الانبار كلها احتلوها الدواعش المهم كعد شاهين واني صبيتله چاي وصبيت الي وكعدت بصفه هوا ياكل واني يادوبك اكلت زيتونه وشربت جاي لين راسي يأذيني رفعت راسي شفت خاله ام عامر تباوع عليه ابتسمت هيه ابتسمت
خاله ام عامر..اويلي عليج يمه هذا شاهين شيبج وشيبني ويا
شاهين..شسويتلجن حجيه
خاله ام عامر..يمه شعندك بلانبار يمه متعرف الوضعيه هناك
شاهين..بلضبط انتي كلتيها حجيه لو مااعرف لوضع كلش زين هناك مالتحق
خاله ام عامر..يمه اني ادري بيك سبع واخو خيتك مينخاف عليك
بيبي سعاده..يمه دير بالك على نفسك بداعتها البنين عندك
بنين..شاهين محجه شي بس ابتسم بطرف شفته الوكت كام يركض ركض واني مكابلته وكاعده ماريد لحضه وحده اعوفه لحد ساعه بـ 8:00شاهين صعد يحضر نفسه ترخصت منهم وصعدت بنص الدرج دموعي نزلت دخلت الغرفتي جان يسبح كعدت على الچربايه انتضره اباوع على جنطه محضرها باوعت لبسه العسكري محضره طلع من شافني اجه وكف كبالي ودنك باسني من راسي كمل تبديل وكف كبال المرايه يعدل قميصه رحت وكفت كباله وكفت على اصابع رجلي ودكمت قميصه وسويتله البيريه كرصني من خدي
شاهين..لتبجين بنتي
بنين..بس كال هيج بدون ماحس دموعي عشره عشره ينزل حضني حضنته حيل شاهين لتعوفني
شاهين..اويلي يابه وداعتج ارجع وغلاتج عندي ارجعلج
بنين..دنك على ركبتي اخذ نفس وباسني منها
شاهين..ديري بالج على نفسج ماوصيج بعد
بنين..هزيت راسي بـ اي اخذ الجنطه ولزمني من ايدي نزلت ويا جانو كلهم كاعدين بلصاله ينتضرو من شافو اول وحده بجت هيه خاله ام عامر راح باسها من راسها وهيه حضنته اني واكفه بعيد ودموعي بدون ماحس بيهن يجرن ودع الكل واجه وكف كبالي باسني من راسي وحجه
شاهين..انتي ملازمي السبع لمينخاف عليه اريدج تبقين قويه ومتخافين من اي شي بهل دنيا ماطول اسم شاهين بضهر جنسيتج واريدج وتمارسين مهنتج كلشي يصيرو بهل دنيا زين اني مخايف عليج ادري بيج بغيابي 10زلم تصيرين ويمي ترافه كلشي يصير وياي تبقين انتي مسجله بأسم شاهين خالج بأمانة الله ومن ثم بأمانة عامر لتبجين بويه عيونج صارن دكم
بنين..حضنته كدام الكل عليك الله لتروح لو اخذني وياك بداعتي عندك
شاهين..كافي ابويه باعيني ديري بالج على نفسج وادعيلي
بنين..هزيت راسي بأي وصل للباب صحته ندار عليه وابتسم شاهين اذا مترجع ماسامحك عمري كله
شاهين..بويه تهديدج هل مره يختلف ملازمي دلل
بنين..لتروح اوكف تقدمت يمه وجان عندي دعاء صغير دائما اشيله بركبتي امي سوته الي من جنت صغيره نزعته من ركبتي ونطيته اله عليك كل حرف بهذا الدعاء ابد لتنزعه ابد
شاهين..يدلل ملازمي السبع
بنين..راح نداريت جانت خاله ام عامر ورايه فتحتلي ايده حضنتها وصرنه اني وياها نبجي
عمو سلمان..بويه لتبجن دعنله شاهين سبع ومينخاف عليه
بنين..عفتهم وصعدت الغرفتي دخلت وقفلت الباب رحت طلعت قميص اله واخذت صوره من صور عيد زواجنه وتمددت على الچربايه ودموعي تجري واحجي ويا صورته وحاضنه قميصه ايي يشاهين تعبتني وياك والله تعبتني والله تعبت يوميه شغله جديده وهاي هسه التحقت اربع اشهر ماشوفك شنو ذنبي اني والله لو اكدر اعوفك جان عفتك من زمان بس كلبي حقير يحبك ضليت ابجي واحجي محسيت بنفسي غير نمت
صابرين..كاعده بغرفتي بشرفتي وصافنه على الحديقه الكدام بيتنه بيها اطفال صغار يلعبون اذكرت من جان ابويه ياخذني للحديقه يلعبني لحد ماامل ويرجعني ابد مجان يتعاجز او يمل تمنيت ارجع طفله ومااكبر ابد جبت هم النفسي والاهلي ابويه شكد مخجلانه منه ابد مانزل حتى امي مستحيه منها على الي صار ويايه بسبب حسام الاكل اختي الصغيره اصعده الي ومن تكول يريدوج جوا اكلها كولي الهم نايمه استحي حيل منهم تصدكون كدام الموضفين اني ماستحي لين مسويت شي غلط اله اهلي اتمنه رب العالمين ياخذ حياتي داخلصهم مني اذكرت حياتي قبل جانت حلوه مابيها حزن ابد بيتنه ليل ونهار يضحك ابويه ضحكته متفاركه ابد امي نفس الشي هسه كمت اشوف امي دموعها بعينها ابويه بلخطفات اشوفه صافن وايده على خده بسبب غبائي اني بهذلت عائلتي ويايه رفعت راسي للسما ربي اني عبده من عبادك بس تعبت ربي وحبيبك محمد تعبت متحانك صعب ربي مداكدر عليه اخذني وريحني من دنيتي يارب ادري اذا حبيت عبد من عبادك ابتليته بس تعبت خلصني من هل عذاب والهم الجبته النفسي والاهلي نزلت دموعي صافنه ماشوف اله سياره حسام صفت كبال بيتنه فتحت عيوني هوا نزل من سيارته وانتچه عليها رفع راسه للشرفه مالتي صارت عيوني بعيونه اول مره اشوف بعيونه ندم مسحت دموعي وكمت دخلت للغرفه سديت الباب ورحت للچربايه ابجي دك تلفوني شفته هوا حسام مجاوبته ضل يدك اخر شي دزلي رساله
حسام..ومحمد 5دقايق اذا متنزلين اسويلج مشكله بهل ليل
صابرين..داكتبله شسوي سوي بس اذكرت ابويه بعد ميتحمل صدمات بسببي كمت لبست جبه ولفيت الحجاب شلون مجان ونزلت جانو اهلي ابويه وامي بغرفتهم وخوات يدرسن طلعت وكفت كباله نعم
حسام..صعدي احجي وياج وارجعج
صابرين..حسام تصدك وحق هذا الله مطايقه اشوفك
حسام..الله كريم صعدي
صابرين..جرني من ايدي وصعدني وركع الباب وصعد وطلعنه يسوق سريع احس راح ننكلب تمنيت صدك تنكلب السياره بينه واموت واخلص منه واخلص اهلي من همي وكف بمكان مابي احد مثل الساحه چبيره وكف وحجه
حسام..اريدج
صابرين..واني ماريدك ابوس ايدك تطلكني
حسام..صعب وحق ربج مااكدر احبج صابرين
صابرين..شهكت وبدت دموعي تنزل احس مال سنه حابستهن شكد ماريد دموعي توكف متنزل غصب عني تنزل ابتسمت ودموعي تجري جنت رايده اسمعها منك قبل من جنت احبك بس شوف حضي وقدري من كرهتك بديت تحبني
حسام..انتي عمرج متكرهيني
صابرين..حسام اهلي تعبو بسببي ابويه تعب وامي هم واني مالي غيرهم اذا تحب رب العالمين طلكني ماعندي غير امي وابويه طلكني وارجع لزوجتك وبنتك وخليني ارجع الاهلي
حسام..صابرين اخذج وبيتج وحدج متلتقين بذيج عمرج كله وحق علي
صابرين..مااكدر صعب والله صعب عوفني حسام بعد السوته بيه مرتك مستحيل اني مادري بيك مزوج وعندك طفله والله لو ادري لو تصير نبي هم ماحبك وهسه امشي عليك زينب وسترها اطلكني
حسام..هاهيه يجرالج حددي يوم واخدج للشيخ وينتهي كلشي
صابرين..هزيت راسي واحس كلبي راح يوكف اني احبه ماانكر والله احبه حبيته بكلشي بيه بكلبي وبروحي وبكياني وكلشي وجنت احلم يوم يوم ننجمع اني ويا تحت سقف واحد بس هذا حبي المصخم هيج رجعني للبيت وراح دخلت البيتنه…………..
للحكايا بقايا………
بارت عباره عن حزن وبجي احبكم💋💔
مرارة الحب الفصل الحادي وخمسون 51 - بقلم بنين الزبيدي
تعال بصدري نام سنين
جيب وياك كل تعبك
و احشر تعبك بصدري
انا أهواك و اتحمل تعب گلبك
و لا فد يوم أمل منك ، أظن تدري !
و فرفح روحي هم أقبل
ما أگلك دكافي و عيب ،
أنت وليدي المدلل ..
//////////////////////////
صابرين..دخلت لبيتنه بدون مااحد يحس وصعدت الغرفتي ذبيت الجبه والشال وشمرت نفسي على الچربايه ابجي ياااااارب خلصني يارب تعبت تعبتت ضليت ابجي لحد مانمت
طيبه..يعني هاهيه حتروح وتعوفني عباس
عباس..وين رايح الجهنم قابل يا نجمتي مثل قبل ماطول وداعتج
طيبه..واني شيصبرني بغيابك عباس لتروح خلي غيرك يروحون عليك لحسين
عباس..مو بله غيري يروح واني اكابلج واكعد شاهين التحق اليوم طيبه نجمتي ابويه وداعتج ماطول مثل قبل
طيبه..اي بس هل مره خطره عباس لتروح لتروح
عباس..كافي نجمتي هسه كلبتيها عليه عزه متت خو مامتت بابا كضيتي اليوم عليه بجي وتعرفين اني رجال محروم وراح اتأخر وانزل
طيبه..ما عباس ماريدك تعوفني
عباس..وين عايفج اني حبيبي ارجعلج ورب العزه ارجعلج بس لتبجين
طيبه..والله حبك تعبني اريد ارجع الاهلي ايام عرسي كضيتها مشاكل اني وياك وهسه راح تلتحق مادري شوكت تنزل عباس ليش هيج دتعذبني ليش
عباس..تعالي يطركاعتي تعالي
طيبه..جرني حضني واني بحضنه كمت ابجي ماريده يروح هذا حبيبي وروحي ودنيتي وطني واماني ومأمني وكلشي هوا شلون اخلي يروح للموت هوا يطبطب على ضهري واني ابجي لتروح
عباس..وداعتج لو بيدي ماروح بس هذه وطني روحي فدا شلون ماروح بنيتي كافي بجي انتي درستي وتعرفين شنو الاوضاع
طيبه..اني ماريدك تروح لين ادري صلاح الدين موت المن عايفني وراك
عباس..موتيني ولج بعدني عايش
طيبه..يومي قبل يومك عباس والله ليروح ميرجع بعد ماريدك تروح صلاح الدين موت موت
عباس..شلون لعد فهميني ن......... وك......... الدواعش هناك واني اكابلج واكعد وهناك ينهشون بلحم العالم اذا اني ماروح چا شعدها العالم تثق بلجيش طيبه افتهمي هذا واجبي ولازم اروح
طيبه..بس اني هم واجبك
عباس..انتي روحي مو بس واجبي بس هذا العراق تعرفين شنو يعني العراق انتي ويا النفس الاخذه نجمتي لتسوين هيج وتعرقلين الروحه عليه ادعي ننتصر عليهم وارجعلج بنصر
طيبه..كمت وكفت كباله اني هم الي حقوق يمك واريدك متروح اني احجي ويا ابويه اخلي يلغي روحتك
عباس..لا اله الا الله ابوج مو رئيس وزراء ولا لواء ركن الكتاب الجاي من الوزارة والواء وقع عليه نلتحق انتهى الموضوع
طيبه..لعدد شلوننن شلونن
عباس..صوتج بنت الاوادم تعالي
طيبه..جرني من ايدي له كعدت بحضنه ودموعي تجري هوا صافن عليه وعينه على عيوني وعلى شفتي تقرب باسني من شفتي حاوطت ركبته بأيدي وبادلته بحب وقهر اختنكت دفعته من صدره بخفه هوا جان لابس العسكري مالته ومحضر كلشي حتى يلتحق صفنت على غراضه يعني كلبك ينطيك تعوفني
عباس..لا وحق محمد مينطيني......... اعوف هل كيك
طيبه..ضل قشمر بيه حتى............
عباس..ههههههههههه سبعي طالعه عيونه
طيبه..حضنته قوي عباس احبك
عباس..رويحته العباس ارجعلج ومحمد دعيلي
طيبه..ادعيلك ليل ونهار ترجعلي كام اخذ الجنطه ولزمتي ونزلنه جانو كلهم كاعدين ينتضرو خاله بس شافته كامت تبجي وهوا وكف كبالها
عباس..حجيه لمن هل بجي ادعيلي ارفع راسج
ام عباس..لا يمه اسم الله من عمري على عمرك وليدي عباس وصيتي الك يمه ترجع بخير مشيه عليك حليب الرضعته
عباس..ادللي حجيه بس ادعيلي
طيبه..ودعهم كلهم وكفت يم عمو وحجه
عباس..يابه مأمن طيبه وامي يم رب العالمين ومن ثم يمك طيبه فاهيه وتخاف من خيالها الله وكيلك دير بالك عليها امانتي هاي
ابو عباس..وليدي ارجع بسلامه المرتك واهلك
عباس..نشالله
طيبه..اجه باسني من راسي وحجه
عباس..نجمتي ادعيلي ارجع بخير ولتبجين كافي اني امنتج يم احسن شخص بلدنيا ابويه انتي
طيبه..بس انت وعدتني ترجع
عباس..نشالله بأذن الله
طيبه..نطيته قرأن صغير خلي وياك يحميك
عباس..نشالله يله في امان الله
طيبه..طلع عباس وخاله شمر ورا مي وراح دخلت للبيت صعدت الغرفتي كعدت ابجي شلون راح اصبر بين ميرجع عباس ابويه وحبيبي وسندي وروحي وكلشي شلون راح اتحمل فراكه يارب رجعه الي بسلامه دخيلك يارب ضليت بلغرفه مطلعت ثاني يوم داومت شفت بنين عيونها وارمه هاي هم خطيه والله هيه وشاهين هوايه تعذبو ومن عاشو بفرح طلعت سالفه التحاقه صفح وصابرين هم جانت عيونها مورمه مادري شصار النه ونزل هل حزن علينه رانيه بعدها مجازه عدها اجازه وصبا لوحيده لي احسن من حالنه الله يجعلها لزمت صابرين بله اني وبنين لين التحقو ازواجنه انتي شبيج
صابرين..مابيه شي طيبه
طيبه..احجي صابرين مو زين تضلين هيج كاتمه
صابرين..اليوم ينتهي كلشي بيني وبين حسام
طيبه..اييي يالله والله عباس وشاهين وسلام راحوله وحجو ويا البارحه قبل ميلتحقون
صابرين..ادري بس كتله نطلك معترض
طيبه..شبيج لعد هيج زعلانه
صابرين..طيبه شتريدين اركص الشخص الاحبه وميته بيي طللع مزوووج وعنده بنيه الشخصص الي حلمت اعيش ويا بنفس البيت وككلشي نشارك سويه طلع عنده بيت واسره واني مثل الهبله حبيته تعبت والله تعبت اريد اموت اخلص
طيبه..رحت حضنتها كافي امي انتي كافي
صابرين..تعبت طيبه مداتحمل والله احس على دقيقه اوكع واموت ليش بس اني مكتوبلي العذاب ليش
طيبه..انتي مأمنه كولي يالله عسا ان تحبو شيئا وهوا شرا لكم هذا قول رب العالمين حبيبتي
صابرين..الحمدالله ربي الف الحمدالله على كلشي
بنين..كعدت الصبح اباوع على فراشه بارد مموجود دمعت عيوني ونزلت دمعتي جريت تلفوني دكيت عليه مغلق ضليت ادك لحد ماحصلته وجاوب وينك بيك شي
شاهين..اويلي ربي مابيه شي ترافتي صباح الخير
بنين..يمي ماكو صباح ولا حتى خير وانت بعيد عني شاهين من هسه شتاقيتلك شراح يصبرني اربع اشهر
شاهين..ساعه السوده بداعش والي جاب داعش تحملي ابويه ورب العباد مشتاقلج
بنين..ميصير ترجع كافي صارلك هوايه
شاهين..هههههههه بنتي اول يوم
بنين..اول يوم يمك يمي سنين واشهر وايام يوميه هيج وكت اني بحضنك واكعدك نروح للدوام ليش رحت
شاهين..كافي تبجين ترافتي شكتلج البارحه ادعيلي ارجع بس هذا الاريده منج
بنين..بس اني مشتاقتلك واريدك
شاهين..اجيج ورب العباد اجيج تخلص الاربع اشهر السوده هاي والفلفج بحضني سنه واريد مره تصيح شاهين عيب
بنين..ضحكت جان يعيب عليه
شاهين.. وغلاتج ضحكتج من حلاتها تخمش گلبي
بنين..ارجعلي سالم شاهين كتلك اذا مرجعت عمري كله ماسامحك
شاهين..امرك سيدي اي اوامر ثانيه
بنين..انت سيدي وانت حبيبي وابويه واخويه وصاحبي ولفي ودنيتي ودنياي واماني ومأمني وطني ومسكني وروحي وحياتي ونفسي وكلبي وعيوني كلشي انت
شاهين..عجل بس من التحق اسمع هيج كلام من اني يمج تضلين تتنعوصين عليه وشاهين عيب
بنين..والله وداعتك بس ارجع اني............ و ا……… .. يوميه وداعتك
شاهين..هههههههه لج ادبسز طالعه عينج
بنين..ضحكت ضليت شويه اسولف ويا وختمت المكالمه وكمت اول يوم وهيج حياتي فارغه بدونه احس نفسي ضايعه ماعرف شسوي كمت سبحت وبدلت وكفت كبال الامرايه عدلت قميصي اذكرت جان دائما هوا يعدل البيريه مالتي باوعت عطره على الميز اخذته ورشيت منه صارت ريحته بكل الغرفه مع انو هوا رجالي بس ادماني اخذت سلاحي وهويتي ونزلت جانو كاعدين صبحت عليهم
خاله ام عامر..تعالي يمه انتي من البارحه مماكله شي وجهج اصفر
بنين..ماشتهي خاله
خاله ام عامر..يمه انتي امانة العزيز وبنيتي كعدي يله كدامي
بنين..كعدتني بصفها وصارت هيه توكلني خلصت كمت غسلت وطلعنه اني والعميد عامر رحنه للدائره بلشت بشغلي طيبه نفس حالتي وصابرين اوف صابرين صدمتها وحدها تكفي فعلا احس نفسي بدون شاهين ضايعه ماعرف شسوين وين اروح شتغل حتى شغلي نسيته وايدي مأخذت شغل ابد بس خلصت كم ملف وصعدت للعميد عامر وقعهن ودخلت للعقيد حسام وقعلياهن داطلع صاحني
حسام.. ملازم بنين دقايق رايدج
بنين..رجعت نعم سيدي
حسام..اليوم ينتهي كلسي بيني وبين صابرين بس رايد منج شغله
بنين..اذا اكدر عليها وبمجال عملي
حسام..راح اطلكها وانطيها كم يوم ترتاح واريد ارجعها بنين صابرين احبها
بنين..اعذرني سيدي انت مزوج وعندك طفله وصابرين واهلها من سابع المستحيلات تقبل بواحد مزوج وهيه تصير الثاني مااكدر اقدملك اي مساعده بهذا الوضع واترجاك سيدي ابتعد عن صابرين تعبت حيل بسبيك جانت تتمنى كلمه حلوه منك بس شحصلت غير الدمع والقهر عن اذنك عفته وطلعت خلصت الدوام ورجعت بلطريق سئلت العميد عامر على شاهين
العميد عامر..قبل نص ساعه جنت احجي ويا بلجهاز عدهم مواجهه بس الفتهمته هو بخير ومابي شي
بنين..لزمت كلبي سيدي عليك القران كو.... قاطعني وحجه
العميد عامر..وداعته وهوا مموجود بخير شاهين حجيت ويا مابي شي
بنين..هزيت راسي اول ايام بغياب شاهين موت على قيد الحياة بس ابجي وادك عليه بلموت يله احصله مرات اذا ماحصله انزل للعميد عامر احجي ويا بلجهاز تعبت حيل بغيابه لوقت ميمشي احس الساعه واكفه عباس اخويه نفس الحاله ادوره صار بالي على ثنينهم هم على عباس وهم على شاهين حتى اكل مااكل مثل قبل مالي نفس اكل شي والدوام مستمره بي غياب شاهين والله عذاب خوف والله كل ميندك الباب ايدي تصير على كلبي صرت اكابل العميد عامر حفضت كل معالم وجهه هاي المره تختلف عن كل المرات الي افترقنه بيها اني وشاهين صرت ليل ونهار اكابل الاخبار واكعد ارتباطي اكثر شي صار ويا الوزاره اخبار الجنود والقاده تجي اول بأول للوزاره وصيت ياسر هم يتابع الاخبار ويايه اليوم كاعده بمكتبي اقره تعليمات جديده تصدر نفتح الباب ودخل مرتضى رفعت راسي عليه متفاجئه نسيته ونسيت حتى شكله هوا ابتسم واجه كعد
مرتضى..ايي ايي شلونج يلعاشكه الولهانه
بنين..بخير سيدي بعدين عاشكه شخص يستاهل مو بس عشك يستاهل النفس الي اتتفسه
مرتضى..جيد سمعت بي التحق للانبار
بنين..اي سيدي رايد شي
مرتضى..جاي اشوف موضفه يمي جيده وجانت ميته عليه بس بغبائي ضيعتها وبلعافيه على الي اخذها
بنين..سيدي اني ماريد افتح دفاتر قديمه اني حركت كتاب الماضي كله وبديت ويا شاهين بجديد واتوقع كل واحد صار عنده حياة جديده وعايش
مرتضى..طلكتها الندى
بنين.. تفاجئت بس هوا اصلا من البدايه هاي المشاكل الله يهديكم سيدي ديحجي دك تلفوني باوعت ياسر جاوبته كبل الو ياسر
ملازم ياسر..اجه قرص عن الواء مال شاهين بنين تعالي للوزاره يريدوج
بنين..بداعت امك شاهين بي شي
ملازم ياسر..وداعت امي مادري بس الي كلفوني بي ابلغج تجين للوزاره
بنين..جايه سديته وكمت اخذت هويتي ولبست الكرب واخذت السلاح وحجيت سيدي من رخصتك بس لازم اروح
مرتضى..اوصلج
بنين..مشكور عفته وطلعت نزلت ركض اخذت تكسي للوزاره نزلت شفت ياسر واكف ينتضرني بلباب دخلنه سويه واني ايدي على كلبي احسه راح يوكف من الخوف دخلت وعرضو الفديو جان الفديو عباره عن طلق اريد اشوف شاهين مااكدر اخر شي شفته واكف وبيده سلاحه ولابس لبس كامل مال ساتر وبنص جنوده يحارب نزلت دموعي شوكت ترجع بعد شاهين مرمرتني شويه وفتحو اتصال وياهم هناك ومكبر مال صوت يعني الكل يسمع جان شاهين يحجي اعله رتبه شاهين جان موجود ضلو يسئلو عن الوضع يمهم وهوا يجاوب اخر شي نكطع الاتصال كمت حجيت ويا الوكيل سيدي يصير اقدم كتاب التحاق الانبار
الوكيل..حاليا لا
بنين..بس سيدي ثنين من الضابطات الي ويانه التحقو
الوكيل..ملازم بنين رياض اي تعليمات بخصوص التحاق العنصر النسوي مواصله واضح
بنين..بس اني اريد اروح
الوكيل..شنو
بنين..سيدي ثنين التحقن اريد اصير الثالثه
ياسر..ملازم بنين انتي مفتهمه الي دتحجي
بنين..اي سيدي اترجاك
الوكيل..بنتي الي التحقو صدكي نشالله يرجعون بسلامه اريدج تصيرين قويه انتي زوجه اهم واحسن ضابط وعقيد عدنه
بنين..هزيت راسي اخذت تحيه وطلعت ادري شاهين الي طلب منهم اذا حجيت بموضوع التحاقي ميقبلون طلعت امشي ماعرف وين اروح هيج تايهه بدونه استغفرت رجعت للدائره وجان العميد عامر مسوي اجتماع واني متأخره وطالعه بدون ماكله حـضرة نفسي الرزاله دكيت الباب دخلت هوا باوع عليه وحجه
العميد عامر..وين جنتي ملازم بنين
بنين..احم سيدي چنت بلوزاره استدعوني بخصوص الجنود والقاده الملتحقين
العميد عامر..دقايق اريد احجي وياج
بنين..طلعت وطلع العميد عامر وكف كبالي وحجه
العميد عامر..غير تكليلي وطلعين
بنين..سيدي والله عبالي شاهين بي شي ورحت ركض
العميد عامر..هههههه خبلج شاهين بنين بنتي صدكيني شاهين بخير ويرجع سالم اخوي واعرفه
بنين..هزيت راسي اسفه سيدي بعد متنعاد
العميد عامر..هاهيه بنتي مسحي دموعج شاهين لو شايفج تبجين جان كلب الدنيا
بنين..ابتسمت مسحت دموعي ودخلت كعدت على الكرسي وبده الاجتماع باوعت مرتضى جان كاعد بمكان شاهين كلبي حركني كوه خلص الاجتماع وطلعت رجعنه للبيت خلص مداكدر بعد دكيت عليه مرتين يله فتح جان نوعا ما هدوء شاهين تعبت
شاهين..وعلي ادري
بنين..مااكدر اتحمل هيج انت هناك مادري عنك شي وايدي على كلبي مداكدر ومحمد مداكدر ارجع
شاهين..بنين بنتي موبيدي وداعت عيونج راجع
بنين..ضل قشمر عليه راجع وصارلك شهر مموجود كافي مداعرف شداسوي مكانك خالي تايهه بدونك اني مداعرف شداسوي مداعرف
شاهين..كافي بجي ابويه كافي خرب صحفة........ الخلفهم
بنين..اني هسه ايقنت انت صدك متحبني
شاهين..اني ماحبج لج بنص الساتر والطلقات مطر وتجي ابالي ضحكتج عيونج اخ ربي عيونج هلكتني
بنين..متكدر ترجع عليك النبي
شاهين..ههههه لتبجي وليدي
بنين..انت حاجي ويا الوكيل اذا اريد التحق مينطيني موافقه
شاهين..لا
بنين..شاهين
شاهين..متلتحقين انتي ممنوع عليج الالتحاق
بنين..ضل هيج عذب بيه الحد ما اموت
شاهين..اسم الله ترافتي
بنين..ضليت احجي ويا شويه وراح لين سمعت طلقات يمه اخذت ملابس ودخلت سبحت وبدلت مشطت وطلعت تمددت على الچربايه ونمت وين انهزم من حزني بلنوم الطريقه الوحيده الي اخلص من حزني بيها انام
صابرين..خلص الدوام الرسمي ورحت المكتب حسام دكيت الباب سمحلي ادخل دخلت وكفت كباله هوا رفع راسه عليه ذب القلم من ايده وصارت عيوني بعيونه
حسام..هيج مسعجله تريدين تخلصين
صابرين..اريد اخلص اهلي من هم اني بيدي جبته الهم اريد اشوف امي وابويه مشايلين همي
حسام..واني
صابرين..انت عندك عائله عندك زوجه وعندك طفله واذا على زوجتك لين ميصير عدها بعد اطفال ازوج اي وحده بس اني مااكدر
حسام..وداعتج بيتج وحدج فكري زين صابرين
صابرين..فكرت زين واخذت قرار ينتهي كلشي محجه شي كام طلع وطلعت ورا اني اجي وراك بتكسي
حسام..صعدي صابرين للصبر حدود تره
صابرين..صعدت بسيارته جنت انفذ كل كلامه بس اخلص اهلي والطريق كله ساكتين محد حجه بينه وصلنه للسيد ودخلنه اني ويا وحجيت للسيد ضل لسيد ينصح بيه ويحجي بس جنت مصممه على قرار نطلك
السيد..الي عليه سويته اني وليدي بس لبنيه قافله
حسام..مشكور سيد
السيد..طلكها
صابرين..رفعت راسي عليه صارت عينه بعيوني عيونه مدمعه وحمر واني الدمعه غرغرت بعيني احس كلبي راح يوكف وافرك بأيدي من التوتر
حسام..انتي طالك.......
للحكايا بقايا..................
احبكم💋