تحميل رواية «مرارة الحب» PDF

شنو نفع الاغاني

الگاعد اسمعها قبل لا انام

اذا حتى بخيالي غابت عيونك

من شَمسين

الى كل الاماكن ، و يا حَمد و الريل

و چذاب و سلامات و توصيني

و غنى يا ليل

ولحد هسه بحلم ما شايف عيونك ..

//////////////////////////////////////////

صابرين..نزلت دموعي هاهيه بعد كمنه طلعنه من الشيخ عفته ومشيت ودموعي تجري احس نضراته ضلت ورايه هاي اني صابرين چبيره امي وابويه هيج تعذبت من كبرت جانو اذا شافو دموعي يتخبلون هسه دموع وهم وقهر وضيم وكلشي هسه صار بيه بعد ماكو شي اسمه حسام وصابرين علاقتنه من البدايه غلط واني الي تحملت هل غلط بحدي اني ضليت امشي اذا ارجع للبيت اموت كعدت بحديقه وضلت دموعي تجري رفعت راسي للسما يارب ساعدني اطلعه من حياتي واخلص منه يارب مالي غيرك يساعدني اخلص روحي من حبه رجعت البيتنه دخلت شفت ابويه وامي ينتضروني دخلت بست ابويه من راسه وامي هم كعدت كبالهم اني جبت الكم الهم واني زعلتكم مني بس اليوم جايه اكلكم اني خلصت من حسام اليوم رحنه للشيخ وانتهى كلشي بينه بفضل شاهين وعباس وسلام حجو ويا وكلشي انتهى اني اسفه خاف زعلتكم وقهرتكم كمت بدون ماسمع ردهم صعدت الغرفتي سبحت وبدلت وتمددت وكملت مسيرتي ويا دموعي صابرين تنسي ادري بيج سباعيه تنسي بس رجعي قويه رجعي دمعتج غاليه مينزلها ياهو الجان رجعي اترجاج ضليت اشجع نفسي واحجي بس كل ماذكر عيونه بح وكأنو مكايله شي

حسام..طلكتها وطلعت ضلت عيني عليها لحد ما ختفت وراحت اعترف اني موبس احبها الصابرين اني عاشكها عشك تمنيت هيه اول وحده ماخدها ومجاي واصل السهاد رجعت للبيت مطايق روحي ومطايق احد دخلت للصاله شمرت السويج وكعدت ايدي على راسي وتجي بالي عيونها المدمعه ورتباكها صارت حياتي مو بس بنيه عرفتها البيت هوسه وهاي نايمه طلعت من الغرفه باوعت عليها

سهاد..كل متجق مكضيها تصفن اذا هيج عاجبتك ست الحسن تكدر تروح تعيش يمها

حسام..انتي ملاحضه اني مطلكج مرتين هل مره اذا اطلكج بعد لو تصيرين نبي مارجعج

سهاد..اووووييي وانييي شمحصله غير ضرب واهانات منك حتى طلعات مطلعني وانيي قبلت تخطب وتزوجج حتى تعيش يمها وتخليني براحتي

حسام..حلو ست سهاد تريد راحتها كمت نزعت الحزام ودك نهيتها عفتها وطلعت وين اروح تاهت بدون صابرين النفس الاخذه هيه رغم سهاد فضحتها بأسعد يوم بحياتها الحد مطلكتها مجايبه طاريها بشر ايي ياحسام احصد غلطت امك احصدها جتي وجبستك بسهاد لا خلقه ولا اخلاق ضليت افتر بلشارع الحد 3لفجر رجعت للبيت جانت مهموده جانت جمانه بنتي كاعده اخذتها وطلعت للصاله ضليت وياها وبوجهه اشوف صابرين عيوني ماخذت نوم ضليت كاعد دكيت عليها

صابرين..الفجر كاعده اصلي وادعي اخلص من حبه دكت تلفوني مهتمت خلصت صلاتي وكمت باوعت حسام يدك نزلت دموعي جاوبته الو

حسام..اول مره احس بنفسي ضايع

صابرين..نشالله تلكه نفسك وروحك ويا شريكة حياتك

حسام..ورب العزه وحق لا اله الا الله ماحبها صابرين اريدج

صابرين..بعديش حسام متكوبلنه هيج عندك طفله منها حبها زوجتك وام بنتك الله يهدي سركم

حسام..مقتنعه بهل حجي

صابرين..لتصعبها حسام مااكدر اتقبلك بحياتي مره ثانيه من رخصتك سديت الجهاز وضليت ابجي هاي خلص هاهيه انتهى صابرين انتي تدعين تخلصين منه هوا يذكرج بنفسه غصب ضليت كاعده ثاني يوم مداومت شداوم واني عيوني وارمه وجهي وارم حتى اهلي منزلت يمهم مااكدر مع الاسف اني صابرين القويه هيج ضعفت من حبيت الحب ضعف يهدم الحيل حبيت وتورطت لو باقيه ماعرف حسام ولا شايفته اخ يارب انسا

بنين..مر شهر ثاني بغياب شاهين واني ميته عليه وعلى شوفته اريده مااكدر بعد تعبت حيل احس طاقه ماعندي اتحمل بعد غديت عضام اكل مااكل هوايه نفسيتي تعبانه حيل حتى النفس الاخذه احسه يخنكني من التحق الحد هسه مكالماتي ويا ينعدن لين ماعنده شبكه هناك اذا ادك عليه وميجاوب اتخيل والف فكره تجي ابالي الحد ما يجاوب عليه اني ميته الف موته مرتضى رجع يداوم ويانه والي عرفته طلك ندى وسحب بنته منها وهوا كسب الحضانه بلمحكمه ورجع المضايقاته الي واني ممهتمه اله ومشايفته اصلاً بالي وفكري وروحي كلها يم شاهين اليوم كاعده بلمكتب داقره ملفات والف مره عدتهن بالي ابدي مو بيهن نفتح الباب ودخل مرتضى نعم سيدي

مرتضى.. نشالله باجر تخلصين الملفات

بنين..خلصتهن بس اوقع

مرتضى..هيج بالج يم حبيب الروح

بنين..بس بالي وروحي وعقلي وكياني كله هناك

مرتضى..ههههههه يرجعلج لتخافين الاقوه منها طلع ورجع

بنين..مجاوبته وقعت ونطيتها اله خلصتهن

مرتضى..مشكور تريدين كتاب شكر وتقدير

بنين..لا رايده اخلص منك وماشوفك بعد خزرني وطلع اني حيل صرت حساسه من غاب شاهين بحيث بسرعه ابجي وبسرعه انغث وكلمه شبيج بس اسمعها تبدي الدموع تجري رجعت للبيت صعدت الغرفتي لزمت صورتنه وحجيت ويا ارجع بعد هوايه طولت شاهين ارجع لتعذب روحي سبحت وتمددت على الچربايه واذكر سوالفه ويايه وشلون جان يحجيلي اشعار ويتغازل بيه شايفين طفل صغيره واهلها غابو عنه يحس بغربه ودائما الغصه بداخله هاي اني هيج احس ثاني يوم داومت ونفس الشي مر اسبوع ومرتضى يذب حجي ويقهر بيه اخر شي طكت روحي كتله اذا اسمع كلمه ثانيه اشتكي عليك يم العميد عامر وتعرف شيسوي

مرتضى..شيسوي اذا رجلج عايفج وملتهي بحربه

بنين..لين رجال وعنده غيره اما الباقي شافوهم ماعدهم غيره كافيه فا مدزو عليهم هوا من كتله هيج عيونه صارت بكصته

مرتضى..القصد

بنين..واضح يحتاج اوضح اكثر

مرتضى..طالعه عينج وصايره تجاوزين بت رياض

بنين..اي ماطول اسم شاهين بضهر جنسيج ماخاف من اكبر واحد ولعنده حجي يحجي

مرتضى..لج اذا اكتب عليج كتاب واحد اطيرج فوك الشمس بيمن تشجعين وحبيب الروح ماكو

بنين..بس اني موجوده ولكل يعرف بيه اني شنو وزوجه منو ومنو حمايه ومنو عائله زوجي ومنو اخواني ومنو ابويه ميحتاج احجي واكول

مرتضى..تتحديني لج

بنين..اي اتحداك اذا تحجي ويايه وتجيب طاري شاهين وحق الله اكلبها كلاب

مرتضى..عود دسوين نفسج سباعيه لج بتي متلوكلج هاي الحركات

بنين..ولا الك تلوكلك هل حركات

مرتضى..ههههه لا وداعتج تلوك الواك هم

بنين..صدك متلوك

مرتضى..انتي يرادلج تربيه من جديد شاهين افندي ناطيج عين زياده خلاج تعاركين ذبان وجهج

بنين..لا منطاني عين زياده نطاني ثقه نطاني حب نطاني قوه نطاني اهتمام نطاني حنيه نطاني شجاعه خلاني احب نفسي واحب اسمي لين اسمه صار مرتبط ويا اسمي صارلي وطن بعد ما جنت مجرده من كلشي صارلي ام واب واخ وحبيبي وسند وروح وامان ومأمن وكلشي هذا حبيب عيوني وابن روحي وشيخ كلبي وسند نفسي مموجود معناها ماكو رجال يسد مكانه هذا حبيبي الي محد يجي ويصير مثله والعدهم نقص بنفسهم يحجون عليه بضهره ابن امه اليفك حلكه كدامه كافي عليه هيبته من اشوف الكل يحبه وذاك من ذاك الناكرين المعروف الي يكرهه ويحجي عليه من رخصتك سيدي

مرتضى..والله وطالعلج السان اني الج

بنين..اليوم اكثر تاريخ هدم حياتي اليوم راجعه من الدوام بعد مشاكل وعراك ويا مرتضى بعده يلح ويايه جنت كاعد بغرفتي من يروح واني معتكفه بغرفه انزل بس من اطلع ومن يصيحوني ساعه 7:30المغربيه نزلت جوه اريد ضرغام ياخذني البيت اهلي من راح الحد اليوم مواصله لهم وصلت يم الباب مال صاله وسمعت العميد عامر يحجي ويا عمو سلمان

العميد عامر..استشهد يابه استشهد راح عضيدي

بنين..احس الكلمه ضلت ترن بأذني استشهد البيت نخبص صريخ النسوان والرياجيل والبجي دخلت وكفت كبال العميد عامر ضحكت هههههههههه عمو عامر شنو استشهد شاهين يرجع وعدني رفع راسه عليه ونزلت دمعته

العميد عامر..الاتصال بي وبمجموعته نكطع صارله اسبوعين

بنين..لااااا مرااااح مرااااح شاهين يرجعلي هوا وعدني وحلف يرجعلي

العميد عامر..مجموعتين طلعو وملكو اي اثر الهم والبيت الجان بي مهدوم للكاع صار اسبوع اثر مالهم اليوم الفرقه الطالعه عليهم لاكين 30جثه ومثلين بيهم ودققنه بيهم همه

عمو سلمان..شلون عرفته هوه بويه

العميد عامر..بويه كلاده الشهاده شاهين ميذبها من ركبته صارله فوك الـ20سنه لابسها ومستعز بيها وشاهين اخوي عنده اثر بصدره ونفس الاثر لكيته على جثه التابعه اله

بنين..اريد اصيح اريد اعيط ادك الطم بس مااكدر احس نار بصدري تسعر صدري من جهه كلبي يحركني حيل احس مي مغلي ويصب عليه كعدت بلكاع اشوفهم يبجون ويصرخون واني مااكدر لا اصيح ولا اعيط ولا ادك والطم مااكدر صوتي نمحه ختنكت شعوري مااكدر اوصفه عتفهم وصعدت الغرفتي قفلت الباب ورحت كعدت على الكرسي اخذت صورته اله بلبسه العسكري وبهيبته وطوله وجماله صرت اتلمس صورته واحجي شاهين حبيبي ادري بيك عايش وادري ترجعلي ادري هما يحجون بكيفهم انت متت بس لااا لااا مستحيل تعوفني انتي وعدتني واعرفك من توعد توفي انت كلت ارجعلج فا مستحيل تعوفني مستحيل لحد ثاني يوم الصبح الصياح والعياط جوه واني بغرفتي كاعده مطلعت لحد ما ندكت الباب صحت بصوت متعوب منو

ضرغام..بنين اجه شاهين

بنين..كمت ركض فتحت الباب وينه اجه جنت ادري ادري مميت انتو تفاولتو عليه والله هسه من يسمع يزعل حيل اخذت حجاب ونزلت ركض والابتسامه على وجهي كاعدين بلصاله بس البنات وبره الصياح وطلعت شفت كلهم ملتمين على تابوت والتابوت مغفلي تغلف بعلم العراق رحت كعدت يمهم انتو ليش جايبي هنا هذا مو شاهين اني ادري مو مو هوا شاهين وعدني يرجع حلف يرجعلي نطاني وعد وهوا من يوعد يوفي مو شاهين لتبجون لتتفاولون على رجلي لتتفاولون

خاله ام عامر..ولكككك يمه شاهين كوم شوف مريتك ممصدكه انت رحت ولك يمه اكعد ابوس ايدك اكعد ولك يمه ربيت وتعبت وتالي هيج اجازه ولك يمه تعوفني واني رايدتك بيدك تدفني وتنزلني الحفرتيي ولكككك يمه تاليها اني الادفنك ولك ياشمعت الشبان ياخيره شباب الدنيا ولك يوم اكعد شاهين اكعد

بيبي سعاده..سوده بوجهي عليك يمه شاهين وليدي رحت بعز شبابك يبوووو رحت مشبعان من الدنيااااا يومممم شاهين ياضوه عيوني انت يمه

بنين..رحت كعدت يم خاله ام عامر ولزمت ايدها خاله هذا مو شاهين مو شاهين مستحيل شاهين ينشال بتابوت لا رجلي سبع ميجيني بتابوت لا لا

بيبي سعاده..لج اويلي عليج يا مكروده يا بنين راح منج يمه راح راح شاهينج راح المدللج راح لج راح الجان من الهوه يخاف عليج

بنين..خليت ايدي على التابوت وصرخت كتلكككك لترووووووححححح شااااااهيييينننننننن وينننن عفتني لكككك وين وين المن انطييي وجهي اني لك شاهين كوم اني اني ترافتك شلون تخليني وحدي اكعد انت وعدتني ترجع بسسس مكلت ارجععععع شهيددد شاهينننن كمت ادك والطم احس روحي راحت مني نسلبت مني روحي صرت احجي ويا التابوت واعاتبه ومحاسه بنفسي وعدتني ترجع مو كتلكككك ماسامحك اذاااا رجعت وكتلي ارجعلج ترافتي ولككك كوم ارجعلي كوم لتروح وين اروح اني وين اني لك شهرين ميته بغيابك وهسههههههه ماشوفككك عمري كله كوم اكعد وشوف حالي لك كوم حبيبي اكعد لكككك شاههههههيييييننننننن حضنت تابوته وبعد مادري شصار ويايه

طيبه..جنت كاعده بلحديقه وانتضر عباس لين كال اليوم انزل انتضرته لحد ما اجه بس اجه وجاب ويا خبر كسر ضهري وهوا خبر استشهاد عمي لبست بسرعه وكلنه رحنه لبيت اهلي بليل اشوفهم كلهم يتباجون وبيبي كطعت نفسها وكل شويه متخربطه وبنين اخ بنين ماهيه سئلت كالو بغرفتها دكيت عليها الباب بس مجاوب ضليت كاعده انتضرها يم الباب ليل كله واعاتب عمي ليش هيج عمو تروح وتعوفنه ليش هاي ترافتك هيج تعوفها شلون هانت عليك تعوفها وانت بلموت رجعتها اخر مره شلون ضليت ابجي الحد الصبح جابو تابوته ولكل كعدو يمه يصارخون ويبجون واني كعدت يم رجله وخليت راسي على التابوت وابجي مااكدرت كلشي احجي بس ابجي باوعت بنين اجتي كعدت يم راس التابوت وضلت تحجي ويا ممصدكه هوا ميت اخر شي كامت تحجي ويا وتضرب على رجلها وعلى صدرها وجهه حجيها يقهر الصخر تعاتبه كأنو موجود واكف كبالها مو تابوت لكل بجو عليها وجهه بدقيقه نكلب من ابيض الى اصفر شفتها صارت زركه صرخت بأسم شاهين وحضنت تابوته واغمه عليها رانيه وصبا وصابرين وخروها من التابوت غسلنه الها بلمي ماكو وجهه اصفر والشفه زركه كابلتها وكعدت ادك والطم ماتتت بنين مااااتتتتت لججج بنين كعدييي بنيننن لك عمي راحت ترافتك راحتتت بنينننن اجه عباس شالها وصابرين وصبا واني وامها رحنه وياها عباس عينه على الطريق وعين على اخته الي جانت ميته بيدينه وصلنه للمستشفى نزل اخذها ودخل كبل للطوارئ يصرخ

عباس..دكتوررررررررر الدكتورررررررر

طيبه..اجوي اخلوها بسديه واخذوها للانعاش كبل اباوع على الدكاتره التمت فوك راسها شكو قميصها من يم صدرها وبدو يسون الها صدمات كهربائيه بعد عناء رجع النبض الها طلع الدكتور وحجه

الدكتور..لبنيه متأثره بصدمه قويه الهذا السبب متعرضه الذبحه صدريه وجلطه حالياً مااكدر احجي شي غير هذا بل اضافه الى لازم دكتورع نسائيه تفحصها

طيبه..نطانه الدكتور اسم دكتوره نسائيه ورحنه عليها واجتي فحصتها وطلعت حجت ياريت محجت

الدكتوره..لمريضه متزوجه

صابرين..اي دكتوره

الدكتوره..مع لاسف جانت حامل وحملها مبين ضعيف طرحت العوض بالله

طيبه..كعدت بلكاع وصرت ابجي هاي عمي هم انت وهم ابنك تروحون منها فرد روحه ثنينكم ولكم ثنينكم تروحون ضليت ابجي وبنين اخذوها للعنايه ودخل يمها دكتور اخصائي واحنه روحنه تفرفح عليها مثل الطير وعباس وامها انتهو خاله خطيه ادك وتلطم على بنتها الي الزمن كسرها هم بأبنها وهم برجلها طلع الدكتور وحجه

الدكتور..لمريضه دخلت بحالة غيبوبه ناجمه عن الذبحة الصدريه والجلطه الي ضربتها

عباس..شوكت تصحه دكتور

الدكتور..ممعلوم بيد رب العالمين ممكن يوم ممكن ثنين وممكن اسبوع واكثر وممكن سنه واكثر بس املنه برب العالمين بس اقصى حد الها سنتين اكثر من سنتين نعتبرها توفت سريرياً بس ادعولها تصحه عليها العافيه…………….

للحكايا بقاياا……………..

بارت بي طن حزن بس لتزعلون احبكم💋

انتَ لو شِفت السَواد الجوه عينيّ

ما مشيَّت

لو دريت شگالت الوادِم عليّ

مِن فاركتني چا بچيَّت

شگد كِلتلك..

انه لو ما انتَ اضيّع ،

وچي كِلتلك هَلعفتني ،

شگد بُقيت مچلِب بمُكفاك؟

لحَدما ضل قميصك بيّن اِديه وماردتني

انه ذَنبي تعُودت وانتَ ذنبَك تيَّهتني .

/////////////////////////////////////////////

طيبه..وضلت بنين نايمه بلعنايه والبيتين تنهدم بيت اهل بنين وبيت اهلي المصايب من نزلت نزلت فرد نزله حرت عليمن اروح البيت اهلي وادك والطم على عمي لو اضل يم صديقتي الي فقدت حبيبها ورجلها وفوك الضيم الدنيا دتكملها وياها حتى ابنها فقدته اباوع عباس ذاك الجبل على وضع اخته نهد حتى على شاهين نقهر من كالي لدمعه بعينه بيبيتي صارت تتخربط ابويه صعد لانبار علمود شاهين ورا بأسبوع عباس وسلام هم صعدو بيبي مقرها صار المستشفى يم بنين من عرفت بيها طرحت تخبلت كامت ادك وتلطم بيبي سعاده نفس الحالة الكل انتهى والله من المصايب الي صارت بينه هل فتره احس كلبي على دقيقه يسكت انتهى شي اسمه بنين وشاهين شاهين استشهد وبنين هاي حالتها منا السنتين اذا مصحت معناها هاهيه ماتت الدوام كمنه منداوم لين غيابات غيابات واجنه كتاب انذار اخذته وطلعت للوزاره شرحت الوضع وتقبلو رجعت البنين خاله ام بنين وعمو واخوانها انتهو استقرو بلمستشفى بلتواسيل اخليهم يروحون يرتاحون نص ساعه ويرجعون شكد مراح اوصف وراح احجي عن حالتنه بذيج الفتره بس مراح اجيبها بلضبط عشنه حاله العدوي ماتمناها ابد نسيت نفسي ونسيت كلشي وضليت اهتم بنين فقدت احله شي بحياتها ابنها وزوجها شتتحمل مين تتلكاها وفوك هذا كله هيه هسه بغيبوبه ضلينه على هاي الحاله 4اشهر بيبي استقرت بلمستشفى يم بنين وخاله ام بنين نفس الحاله اذا ترجع للبيت ترتاح نص ساعه غيرها ماكو بنين عايشه على المغذيات والاجهزه انتهت عباس وابويه وسلام ماكو اي خبر منهم وشاهين مندري بي عايش لو مستشهد جدو سلمان كل شويه ضغطه مرتفع وجايبي للمستشفى من سمع بنين طرحت علك ضغطه 22وصابته جلطه خفيفه رانيه صارت ايد على ابنها وايد على بنين وامها وصبا يوميه يمنه حتى صارت تبات ويانه وصابرين اوف صابرين عايشه بضيمها وبلي سوا بيها حسام بس تجي يم بنين تكعد تبجي وتشكي تكول بنين تسمعني ولوحيده الي جانت تنطيني نصايح وشسوي بس بنين جانت نايمه للأسف الدكتور يوميه يكشف عليها واي تقدم بحالتها ماكو والشي الي خبلنه من كال نستعد الاسوء احتمالات هنا مضل بيه عقل ضليت ابجي بيبي تضرب على راسها وتصيح نحسدنه راح مني ابني وابن ابني وهسه امانته امانته وبنتي حيروحون مني وخاله ام بنين تخربطت واخذها محمد للطوارئ رانيه كعدت بلكاع تبجي وصبا بصفها وصابرين لزمت ايد بنين وتحجي وياها

صابرين..لا لا بنين انتي تحبيني اكثر من لكل ودائما تكولين اضل وياج طول العمر لتعوفيني هسه لتعوفيني بنين لج اني صابرين كعدي والله شاهين عايش والله شاهين عايش بس اكعد لتعوفيني بنين حسام عافني انتي لا والله اضيع بدونج اكعد ابوس ايدج متلوكلج هاي النومه كعدي بنين حبابه كعدي

رانيه..جانت صابرين تحجي وتبجي فعلا انسكرنه كلنه بوكعه بنين رفعت راسي للسما ربي اخذ روحي ونطيها الها مر شهر ثاني صار على نومة بنين وغياب شاهين 5اشهر تمام بصراحه ايست من انو هيه تعيش بعد مستحيل ولكل ايس عايشين على بصيص امل صغير بيوم جنت كاعده يم بنين ولازمه ايدها واحجي وياها حسيت بيها تحركت فتحت عيوني على وسعهن باوعت عليها فتحت عيونها بثقل وضلت تباوع للسكف بلعت ريكها وندارت عليه لزمت ايدها بنين حبيبي كعدتي ضلت ركض بنص المرمر احجي بنين كعدت ولعباس بنين صحت ولكم صحت

محمد..شتحجين طيبه

طيبه..ولنبي كعدت محمد بنين فتحت عيونها اكمز واحجي ودموعي تجري دخلو كلهم يم بنين واني ركضت صحت الدكتور اجه وفحصه

الدكتور..الحمدالله على سلامتج يا بطله

بنين..شاهين

رانيه..كلنه سكتنه منعرف شنكلها

الدكتور..تحسين بشي

بنين..هزيت راسي بـ لا شاهين وين رجع مو

رانيه..بنين حبيبتي صدكي عايش ويرجع بس صيري زينه

بنين..درت وجهي للناحيه الثانيه ونزلت دموعي عافني مستحيل اسامحه عمري كله

الدكتور..بنيتي لتكولين هيج رب العالمين يختبر حبنه الشخص بهيج حالات يمكن عايش بس ميكدر يتواصل وياكم ويمكن استشهد لا اسامح الله خلي املج برب العالمين قوي النبي يعقوب عليه السلام انتضر وصبر وتحمل فراق ابنه يوسف اربعين سنه اصبري ان الله يحب الصابرين وصدكيني واني ماعرفج ولا انتي تعرفيني مجرد دكتور ومريضه بس اخذيها مني زوجج عايش بأذن الله ورب العالمين ناصره مادام يدافع عن وطنه وشعبه وارضه ينصره رب العالمين اين ما كان بس اصبري

بنين..مجاوبته شي طلع ضليت بلمستشفى اسبوع استقرت حالتي وطلعت رحت البيت اهلي ماعندي شي بعد شاهين وراح مني وفترت الايام ورجعت بنين المنعزله الي متطلع من غرفتها ابد رغم محاولات محمد وحسين وصديقاتي ابد مطلعت نفسيتي جوه،الصفر مو صفر تعبت حيل بحيث قدره مالي ارفع ايدي دموعي نحبست بعيوني بجيت واحس بعد اريد ابجي بس مااكدر مر شهرين ضبط والي عرفته من طيبه اني بغيبويه 5اشهر وهسه شهرين 7اشهر بعتبار سنه شاهين ماكو يمي بيوم كاعده وبيدي صورتنه اني ويا جنه ماخذيها بلبسنه العسكري واكف ورايه وايده على خصري واني ايدي جانت على خده وهوا مبتسم واني اضحك ضليت احجي ويا الصوره شتاقيتلك شاهين وينك بعد ارجع اني اعترف اني هوايه غلطت بحقك واولهم من زعلت وطولت بيت اهلي واعترف غلطت من اول ايام عرسنه كضيتها وياك مشاكل بس والله والخلق سبع سموات حبيتك شاهين وينك حبيب روحي معقوله؟ انت بطولك وهيبتك وجمالك تنشال بتابوت وتصير جوا الكاع والله مداصدك انت حبيب عيوني وكلشي الي اني ترافتك شلون هيج تعوفني مو كتلك ماسامحك اذا مرجعتلي واي شاهين ماسامحك لين عفتني وحرمتني منك ماسامحك حضنت الصوره ماعرف اوصف شعوري واحساسي اني اريد ابجي اريد اصرخ اريد الطم بس مداكدر كاعده بلغرفه وندك الباب مجاوبت نفتح رفعت راسي شفت عمو سلمان شحجي وشكول عليه لحيته طولاته وكلها ابيض وعيونه جواهن اسود وضعفان هوايه وبعيونه شفت انكسار حزن فقدان اجه كعد كبالي وحجه

عمو سلمان..والله ماعرف شكلج بويه شحجيلج وبشنو اقنعج واني الحد هسه ممقتنع ابني السبع الكل تهابه يصير جوه الكاع شحجيلج وانتي حزنج وهمج وانكسارج اقوه من عدنه كلنه انتي الي فقدتي روحج بروحه شاهينج بويه بنين اني فقدت مو بس ابني لا صاحبي وابني واخويه وسبعي وهيبتي كلها راحت مني بروحته بويه شاهين وصاني عليج اذا صار عليه شي متبجين ورفعين راسج ماعرف بشنو راح اصبرج واني الصبر مل مني بس شاهين كتبلج هاي الرساله

بنين..نطاني عمو الرساله اخذتها منه باسني من راسي وكعد جان خال الرساله بضرف فتحت الرساله وكعدت اقره

شاهين..ها ترافتي تقرين هاي الرساله بعد ما ستشهدت وانتهت حياتي وادري بيج دتبجين وادري مراح تسامحيني بس هاي حياتي الهنا وخلصت مابيدي شي اسوي ترافتي وملازمي البطل اريدج تكملين حياتج بدوني رجعي بنين القويه رجعتي الي متبجي على اكبر واحد ترافتي عيونج ماريدهن ينزلن دمعه وحده رفعي راسج زوجج شهيد استشهد بشرف وعاش بشرف واسمه يهز جبال بنيني ملازمتي قبل ماستشهد بحرب العراق اني استشهد بحبج وبحب عيونج وطولج وروحج ادري مو سهله عليج بس رجعي مارسي شغلج وحياتج وقوتج وصيت عامر بيج وادري بي كد هاي المسؤليه اذكري دائما شاهينج العاشك عيونج عشك الشاف الويل منج بس منقص حبج بكلبه ابد شاهينج المرمرتي كلبه بس معافج بنتي لتبجين رفعي راسي وادري بيج كد هل كلمه انتي جنتي وبقيتي وراح تبقين حرم العقيد شاهين سلمان الدليمي اريد منج هل طلب ملازمي اهلي ديري بالج عليهم امي انتي الوحيده الي تصبريها بيج ريحه شاهين ترافتي اليوم والاخر مره راح اكلج احبج يا احله واقع عشته بحياتي شاهين مات وانتهت حياته بس قصه عشك شاهين الترافته منتهت اول مره راح اعتذرج على كل اذيه سببتها الج والدمع الي نزل من عيونج وقهرج ودموعج اعتذر القساوتي وياج ياريت عمري بس تكمله جان كفرت بي عن كل غلطه غلطتها وياج احبج ترافه شاهين

بنين..قريتها وكل حرف من الرساله جان ينحفر بكلبي باوعت على عمو سلمان اذا اطلب منك شي تسوي عمو

عمو سلمان..طلبي بويه

بنين..اخذني الكبره اريد اشوفه صارلي هوايه مشايفته

عمو سلمان..امشي بويه امشي

بنين..طلع كمت مادري شلون كمت كل روح مابيه لبست حجاب شلون مجان وعبايه نزلت جانو اهلي كاعدين طلعت ويا عمو سلمان وطلعنه الطريق كله ساكته وايدي على كلبي احس راح يوكف اخيرا وصلنه للنجف اخذني عمو للقبر مالته وكف السياره براس الشاره ونزلنه يمشي كدامي واني ورا ااتعثر بخطواتي داوصل الحبيب روحي وصلت كف بعيد عني جان مكتوب اسمه على المرمره ومثل الدجه وانزل دانزل عثرت وكعت كمت كعدت يم المرمره مالته وصفنت مشيت ايدي على اسمه شاهين حبيبي انت هنا نايم وعايفني صرت احجي ويا كمت اصرخ واحجي الحد مانزلت دموعي وضليت ابجي شاهينن كوم كوم انت متنام هيج هذا مو مكانككك اكعددد ولك اكعد ولك تكتبلي رساله تدري بنفسك مترجع المن عفتني ليش رحت التراب بارد كمت اشيل التراب واخلي على كلبي ولك حبيبي الكاع بارده شلون نايم هنا شاهين عفتني واني بعدني مشبعانه منك كوم ارجع ويايه بعدني اريدك ليش عفتني ليش هيج تعاقبني ضليت كاعده احجي ويا واضرب على صدري الحد متعبت مضل بيه قدره خليت راسي على المرمره واشهك واحجي من روحتك عرفت بعد ماشوفك ومانام بحضنك وماصبح يوميه بوجهك ومابوسك ولا اشمك حبيب روحي وابن كلبي ونضر عيني وحبيبي وسندي وقوتي وابويه وكلشي الي شاهين بعدك اني يتيمه صرت يتيمه اجه عمو سلمان وقره الفاتحه وكعد يبجي ويحجي ويا شاهين الحد ما خله ايده على راسي

عمو سلمان..كومي بويه كومي الله يصبرج ويصبرنه وياج راح واعافنه كلنه

بنين..بست المرمره كومني عمو سلمان وطلعني الحد مطلعنه اني عيني على القبر مالته رحنه زرنه وكفت كبال الامام علي عليه السلام يابوووو الحسنننن بجوارك نام شاهين نام بأرضك يا علييي ماضلي احد ورا بحقك عند رب العالمين الحكه ماضلي عمر بعده صليت ودموعي تجري طلعت ورجعني عمو للبيت صعد كبل الغرفتي دخلت واخذت صورته وحضنتها ونمت واني اشهك

طيبه.. جدو بنين شلون بيها

عمو سلمان..بويه مادري شاهين مبقه بينه حيل اواسيها لو اواسي نفسي لو اواسي بيبيتج لو بالي يم ابوج ماضلي حيل على دقيقه اوكع واموت

طيبه..اسم الله جدو لتكول هيج فدوه راح للبيت لين بيبي تخربطت نزلت دموعي ربي اختبارك صعب حيل صعب ثاني يوم والي سوته بنين صفنت الكل نزلت مبدله لابسه البداله العسكريه مالتها ولابسه حجاب وفوكا البيريه وبدون متحجي ويا احد طلعت باوعت على عباس ابتسم شبيك

عباس..وره هاي الحاله راح ترجع بنين وهسه تشوفين

بنين..رحت للدائره بالشت بدوامي نفذت وصيته الي بس هل مره تختلف كل مره اني الي اتضرر هل مره لا صرت حيل صارمه بقراراتي مثله احب الالتزام كلشي جان يسوي صرت اني اسوي شاهين عايش ومستحيل يروح ويعوفني جنت اكذب على نفسي من هيج احجي الموضيفن الي اقل مني رتبه اتعامل وياهم تعامل يختلف عن قبل جنت حيل طيبه واساهل بس اختلف كلشي روحه شاهين حيل غيرت بيه يوم بعد يوم ازيد بقساوتي ويا الكل مرتضى بعده شاد ويايه كاعده اكتب بمكتبي ندك الباب ادخل رفعت راسي شفت عريف سماهر نعم

سماهر..سيدي ملفات الدعم الي………

بنين..تمام عوفيهن وطلعي عافتهن وكفت كبالي عطت بيها خيرر

سماهر..سسي سيدي اريد اجازه يومين

بنين..السبب

سماهر..عندي حنه بنت خالتي

بنين..سماهر طلعي برا اجايز ماكو قفل

سماهر..سيدي اترجاج ضروري

بنين..عطت بيها براااااا طلعت كملت الملفات وقعت وختمت ورحت للعقيد حسام وقعلي وصعدت للنقيب مرتضى دكيت الباب دخلت اخذت تحيه سيدي الملفات ممكن توقعهن

مرتضى..كعدي ليش واكفه يبعد طولي

بنين..استغفرت ربي عن اذنك سيدي

مرتضى..اوكفي بنين

بنين..نعم سيدي

مرتضى..بما انو المرحوم صارله فتره مرتبه ميت راح اجي اخطبج الجمعه

بنين..ديررررر بالككك تفكرر مجرد تفكير بس اذاااااا توصل لبيتنه وحق علي ولعباس اصعد للزوير اشتكي عليك

مرتضى..وشتكليله بله جاي واريد اخطبج شكو بيها

بنين..محد ملكني غير شاهين جنت وبقيت وراح ابقه زوجه شاهين وملكه مستحيل يجي احد ياخذ مكانه واني عندي امل عايش وادري بي ميعوفني وراح يرجعلي

مرتضى..واضح وفائج اله الي حتى عده ملزمتي من مات

بنين..اي ملزمت لين ادري بي عايش وراح يرجعلي عندي امل بعدين سيدي بدل متجي وتكولي الي هل حجي روح الزوجتك الي منطلكتها حتى عده ملزمت وكضتها طلعات وطبات عبالك خلصت من الجحيم وهاي المره سكتت بس سكتت الخاطر شاهين مره الثاني وداعته وغلاته ونفس شاهين اشتكي عليك وين متوصل خلي توصل عفته وطلعت جمعت المفوضين الجدد الي راح يشتغلون تحت امرتي تقريبا بيهم 33عريف وعريفه ومفوضين والاقل رتب واجتمعت بيهم عندي وياهم اجتماع اخذت الاوراق الي اتابعها وياهم ودخلت واكفين كعدت كعدو فتحت الملف ونفتح الباب باوعت عريف احسان اطلع برا

عريف احسان..سيدي تأخرت جان عندي عمل ويا النقيب مرتضى

بنين..جيد اطلع كمل عملك ويا اذاً الاجتماع بده من دخلت اني

عريف حسان..سيدي

بنين..برا طلع وكمت وكفت القواعد المهمه حتى تشتغلون ويايه الالتزام بلوقت اول قاعده هاي اذا مثل حضره العريف احسان من ابلغ اجتماع ولكل يحضره وحضره جنابه عنده عمل هيج يصير ويا ينطرد وميحضر الاجتماع اول شغله هاي الالتزام بلزي الرسمي يعني ست سماهر هذا البسج اليوم اخر يوم تلبسي انتي بدوام رسمي وبدائره حكوميه واجب عليج الالتزام واضح كلامي نبدي الدوام الرسمي يبدي ساعه 8:00بيوم العندي اجتماع وياكم الكاكم قبلي حاضرين اجايز بس لاحالات الضروريه تنطي الالتزام عندي واجب الملفات تدقق زين وتجيني الاربعاء عدنه اجتماع بلوزاره الملفات التابعه الكم راح تناقشوهن كل تلاثه يعني سماهر وحسان ومهيمن سويه تناقشون ملفاتكم مواضيعكم باوعت جان كاعد رجل شويه كبير بلعمر يعني يطلع بلربعينات شنو اسمك

زيد..زيد سيدي

بنين..زيد انت رئيسهم بليوم الي ماكون بي متواجده ضلينه اناقش امور الدوام خلصنه انتهى الاجتماع عفتهم وطلعت اني نفسي مصدومه من تعاملي وياهم اني الجنت انقهر عليهم تغيرت جذريا كعدت على مكتبي جنت خاله صورتي وصوره شاهين بلعسكري اخذتها ومشيت ايدي على وجهه يافزة عيوني الثكيله وينك ارجعلي تعبت بلياك صرت بنين ثانيه تختلف عن بنين الي تعرفها بست الصوره ورجعتها خلص الدوام طلعت شفته كبالي درت وجهي كملت طريقي ماحس اله جرني نداريت نعم

مرتضى..حضري نفسج اليوم

بنين..مرتضى حل عني اي حب الكل بكلبب ماكووو ماكوووووو

مرتضى..وحبج الي قبل كم سنه انتي مالتي مو مالته

بنين..جنت غبيه جنت ماعندي عقل افكر بي ثوله اني مو ماله احد خلص رجاءاً حل عنييي

مرتضى..احبج لج حسي بين

بنين..واني اكرهك واكرهه اليوم الي شفتك بي نترت ايدي من ايده ونزلت مرجعت البيتنه رحت البيت عيالي وكفت كبال الباب والدموع عشره عشره صارت تنزل دكيت الباب فتحتلي ماري الخدامه دخلت جوا البيت عام عليه الحزن والسواد جان بوجود شاهين يضوي هسه هيج باوعت جانت خاله ام عامر نايمه ولافه راسها بشيلتها وبصفها صوره شاهين رحت اخذت الصوره وكعد يمها واني ابجي هيه تبجي حضنتها شلونج خاله

خاله ام عامر..شلوني يمه شمعت بيتي طفت شاهين راح تفرقو يوم

بنين..خاله عافني وراح وجان يكول عمر كله ماعوفج عافني

خاله ام عامر..اويلي عليج يمه اويلي

بنين..قررت اضل يمهم وخابرت امي كلتلها صعدت الغرفتي اني وشاهين دخلت باوعت بكل ركن بهل غرفه عندي بيها ذكرى ويا هنا باسني وهنا حضني وهنا اشاقه ويايه سديت الباب وكعدت ورا ابجي كلها صارت ذكريات حبي وحنيني وكلشي حتى هوا صار ذكرى من الذكريات والله وحق الله لو يكولون شاهين يرجع بس مقابل تضحين بنفسج اسويها رحت طلعت قميص من قمصانه وشمت عطره تمددت على الچربايه وحاضنه قميصه وصورته وابجي هاهيه شاهين راح استسلمت للأمر الواقع عافني ضليت ابجي لحد ماحسيت بنفسي نمت………… ..

للحكايا بقايا………..

ونفذت وعدي احبكم💋

مو قصدي اذكرك بالجرح

وابدي العتب مو قصدي ..

بس انت تدري من اختنك

غير الدمع ما عندي !

مو قصدي ارد اقره الرسايل وافتح سنين القهر

ومو قصدي اتذكر ضحكتك ويَ روجات النهر

من طيفك اشرد للسهر ..

والگاك تالي انت السهر!

وهالليلة طفيت الضوة ، وبينت لمعة بخدي

وانخاك من ليل الجفى

لا شتا يكزبر جلدي ..

علمني ما احن ..

لو شفت ورد الربيع بلونك

مو قصدي امون اعله الزعل

وارجع واگول شلونك

والمشكلة بروحي زعل ..

وحالف عتب ما اودي

وصياد ياليل الشتا :

وما أعرف اطير لوحدي

/////////////////////////////

بنين..مر شهر كامل على غياب شاهين وصارله 8اشهر مموجود بحياتي اني بيت عيالي مرحت البيتنه ابد ارجع من الدوام بعد مضايقات مرتضى واكعد اكابل صور شاهين واشكي وابجي ماعندي غير حل مرات اكعد يم خاله ونضل اني ابجي وهيه تبجي لحد ما ابوسها براسها وانام بحضنها خاله ام عامر تدخل للكلب بسرعه اطيب واحن انسانه بهل دنيا مأمنه حيل صح اشوفها تبجي مهما يكون الفراق صعب وهيه ام يعني ثنين ولدها ماكو هم العميد عامر وهم شاهين شسويت بينه شاهين شسويت اليوم بلدوام صافنه نفتح الباب ودخل درت وجهي شلون ورطه هاي

مرتضى..لتعذبيني وياج بنين ارجعيلي وحق موسى الكاضم تعبان بدونج

بنين..مرتضى مو دتحس شويه زودتها اني هسه مزوجه وهذا دليل الحلقه بيدي وروحي وعقلي وكلشي بيه الشاهين مالك اي شي عندي حتى كلبي مسجل بأسمه رجاءاً لتخليني صدك اشتكي عليك

مرتضى..متشتكين عليه اني اعله منج رتبه

بنين..واذا اعله مني رتبه اكلك اذا انت رتبتك نقيب مو معناها تاكل العالم اكل

مرتضى..ههههههههههه وداعتج وايمانج عاشكتني عشك

بنين..مستحيل احلامك بعيده وشاهين عايش ويرجعلي ومن يرجع وهاي كدامك لو الك بكلبي ذره حب راح يبين بعيوني الي شاغل روحي وفكري كله الي بلانبار

مرتضى..تصدكين وتأمنين كرهته كرهه العمه الشاهين واتمنى من كلبي يطلع ميت وميرجع

بنين..اسم الله الف اسم الله انشالله للي يكرهه وميتمناله الخير ورجاءاً اطلع برا عافني وطلع انتهى الدام وطلعت للبيت دخلت شفت خاله ام عامر بيدها صوره العميد عامر وشاهين واكفين سويه والعميدد عامر ايده على جتف شاهين بستها من راسها شلون خاله

خاله ام عامر..باعيهم يمه بيتي جان منور بيهم وبطولهن وبضحكاتهم يمه بيتي نهدم بعدهم شاهين الي ماعرفه وين وعامر الضايع بدون اخو وحاير وين يلكا ولج يمه شكد كتيله لتروح مسمع

بنين..هذا شاهين خاله يحب يعذب كل شخص يمه وداير مدايره بس اني بداخلي متأكده منه عايش وعدني ومن يوعد يوفي صدكي خاله شاهين عايش ويرجع اني متأكده هوا وعدني واعرف بي من يوعد يوفي

خاله ام عامر..يمه كلبي يكلي عكس حجيج صارله 8اشهر ماكو ضيعت وليدي

بنين..لا خاله لتكولين هيج اني عندي امل يرجعلي واذا رجع اني الي احساب ويا

خاله ام عامر..انشالله يمه انشالله يرد سالم

بنين..صعدت الغرفتي بملابسي نمت ابجي شسوي تعبت روحي تعبت تيهت العافيه بيوم راح شاهين 4اشهر يلتحق وتالي 8اشهر ماشوفه كال ارجعلج ومارجع شسوي بروح اني ليش متهنيت بحياتي لا بعرسي ولا بحبي ولا تهنيت بشاهين يارب اني مو يعقوب واتحمل ربي صعب كلش صعب اخذ روحي بس لا تختبرني بشاهين هوا مو بس زوجي لا ابويه وسندي وحبيبي اريده مداتحمل فراكه عني احس على دقيقه اوكع واموت كرهت الحياة وصرت يوميه اتمنى اموت بيوم جمعه متمدده وحاضنه قميصه ندك الباب كمت عدل كعدتي ادخل دخلت بيبي سعاده من شفتها نزلت دمعتي هيه اجتي وكعدت كبالي

بيبي سعاده..يمه شاهين صارله 8اشهر غايب صارله قرابه السنه وكل الاشارت ادل انو هوا استشهد عمت عيني عليه وانتي يايمه حليوه وبعدج شابه

بنين..خاله شاهين عايش

بيبي سعاده..يمه لو عايش جان رد ولج يمه اني ضيعت مو بس حفيدي اني ضيعت سبعي ضيعت هيبتي وضعيت الاعز من ولدي يوم اني جايه اكلج كلمتين يوم شاهين استشهد وانتي عايشه هنا يمنه ومكانج بكلبنه الله شاهد واحنه منطي الغريب عامر بعدله اسبوع وينزل راح ينعقد عقد قران انتي ويا شاهين وصا بيج وعامر كد الوصيه

بنين..يمكن تخبلت كمت لاااا عايش شاهين عايش واني ادري بي عايش شلون خاله شلون ازوج غيره شلون نفسي تسمحلي اخون شاهين حتى بحلامي مافكر اخونه هذا حبيبي وضوه عيوني وسندي يرجعلي اني اعرفه يرجعلي بس انتضرو يرجع والله يرجع بهذا اليوم نهاريت كمت اصيح وابجي نطوني حبابي مهدء يله هديت ضليت اردد لا يرجع يرجع ميروح ويعوفني يرجعلي ثاني ويوم طلعت للوزاره وقدمت طلب للوزير اصعد للانبار بس نرفض بديت اتخبل ماضل عندي كل عقل افكر بي تعبت حيل بجي ودك ولطم على هل حال بقيت خاله ام عامر ضغطها صار يرتفع اكثر من قبل وبسبب هل شي نامت مستشفى واني ضليت يمها العميد عامر نزل من الانبار اول ما نزل باوع عليه ودنك راسه عيوني غوركت دمع ملكاه هوا طبطب على جتفي وحجه

العميد عامر..ارجعه الج ارجعه بنيتي

بنين..سيدي ماكو راح يصيرله سنه

العميد عامر..لتفقدين الامل بالله بويه الحد هسه الي تأكدت منه وصلتله شاهين مستحيل يستشهد

بنين..مسح دموعي وباسني من راسي خاله بعدهي نايمه كعدت بليل حضرت الها اكل وكعدت اوكلها لزمت ايدي وحجت

خاله ام عامر..يمه ماعرف بيش اجازيج صارلج 3ايام ويايه بلمستشفى تعبتج ويايه

بنين..لاا خاله لتكولين هيج استغفرالله انتي امي الثانيه وهذا واجبي وياج بستها من ايدها وهيه باستني من راسي

خاله ام عامر..الله يزرقج وينطيج على كد نيتج ويرجعلنه شاهين الي فت كلوبنه فت

بنين..انشالله يالله ضليت اليل كله يمها ويانه العميد عامر كعدمكدرت ماسئله عمو شلون عرفت شاهين عايش

العميد عامر..باعي بنيتي بليل اجاهم نداء يطلعون من البيت الي هما بي كاعدين شاهين وتعرفي من يسمع كبل يكول شنو احنه نخاف وباقي بلبيت ومخير جنوده يضلون لو يطلعون محد منهم راضي يطلع ثاني يوم الصبح تقريبا بيها بـ9:30اجاهم نداء ثاني شاهين طلع جنوده من ورا البيت وباقي بحده بلبيت علمود هذا

بنين..طلع العميد عامرمن جيبه حجاب زغير مالتي الي نطيته اله نزات دموعي

العميد عامر..دخلنه للبيت بس مجان اكو اي جثه بلبيت ورا البيت جانت اكو 20جثه بعد الكشف عليها مو همه بس مدنعرف وين موجدين وبيا مكان اويهم

بنين..كلام العميد عامر نطاني امل شاهين عايش اذا عايش ليش ميرجع

العميد عامر..بنين بنتي الانبار هسه نصها احتلت مين يرجع اذا انحصر وتعرفين اذا طلع يكتلو اكيد هسه موجودين ابيت حتى اسلحه ماعدهم مصيبه شاهين راح يموتني بعناده

بنين.. اني الي راح يموتني عمو

العميد عامر..بويه هوايه اذاج شاهين

بنين..عمو هذا كله ميهمني كله نسيته بس يرجع ويكحل عيني بشوفته بعد كلشي ماريد

العميد عامر..وداعتج يا عمي ارجعلجياه وعاقبي على راحتج وهل مره خلي عقابج قاسي ويا حتى ميعيدها

بنين..نزلت راسي وابتسمت نشالله يرجع ماريد شي حتى بعد مازعله مني

العميد عامر..نشالله بويه اذا الله راد

بنين..ضلينه بلمستشفى يم خاله ام عامر اسبوعين العميد عامر رجع صعد للانبار واني رجعت الدوامي موضوع العقد الي وللعميد عامر كثر ولكل كامتوت تحجي ويايه تصدكون حتى خاله ام طيبه حجت وكالت بس على الورق بس جنت رافضه الفكره رفض وكل ميفتحون للموضوع انهزم بيوم جنت داكتب تقاريري نفتح الباب بس محد دخل عقجت حاجبي كمت داشوف منو شفت عشق بنت مرتضى دتزحف رحت شلتها شعندج هنا انتي ها شعندج بستها من خدها واخذتها للمكتب كعدتها على الميز وكعدت على الكرسي كبالها وضليت اشكيلها وابجي وهيه صافنه عليه مسحت دموعي وشلتها وطلعت اخذها الابوها ضليت ادور عليه لحد مالكيتها بلكافتريه تقدمت عليه وكفت كباله سيدي بنتك

مرتضى..خليها يمج بعتبارج مرت ابوها المستقبليه

بنين..خليتها بحضنه وديها الأمها مرتك مو اني الحمدالله رجلي عايش ويرجعلي عفته ورحت دمي فار دخلت للمكتب ضليت اروح وارجع بلغرفه لحد ما هدئت رجعت اكتب بلتقارير خلصت اخذتها للعقيد حسام وقعت وديزيتهن بيد مفوض زيد يوقعهم التقيب مرتضى لين مطايقه اشوف شكله ضليت اشتغل الحد ما نتهى الدوام داطلع جرني المكتبه وسد الباب استغفرت ربي نعم

مرتضى..اخذي عشق وياج خليها يمج عندي شغل

بنين..واني هم عندي شغل واريد اطلع

مرتضى..بنين باباتي اخذيها وياج والصبح باجر اخذها

بنين..اعذرني مااكدر عفتهم وطلعت اني اصلا نفسي مشايلتها ومحاملتها ادوره اخذ طفله ويايه طلعت رحت للبيت دخلت شفت ام ناهده موجوده وبيبي سعاده دخلت سلمت داصعد صاحتني ام ناهده رجعت نعم

ام ناهده..شاهين وراح المن ضاله انتي هنا

بنين..مجاوبتها وسكتت بس ثاني جفصت حيل بطني

ام ناهده..خاف راسمه على عامر لو ضرغام ماكو اخذناج الشاهين عميتي عليه

بنين.. كمت نترت بوجهه وحجيت بصياح باعي صارلي سنه ساكته وماحجي ليشش ليننن انتي جبيره وبناتج بكدج وانتي بيبي وعندج احفاد بس انتي دجيبين الاهانه النفسج اني هنا كاعده ابيت رجلي غصبا ما عليج وعلى كل واحد يحجي تريدين انتي طلعي ذاك الباب يفوت جمل بعدين جان ستحيتي شيبج تارس راسج وتحجين هل حجي عمي رجلج يفتهم ازوج عليج وخلص من شرج شوفي اسماء هيه اسمها اسماء مصحتلها بأسم بنتها كبل اسماء وحق علي ونفس شاهين اذا اندكيتي ويايه بعد اله اشوفج شي مشايفته تريدين انتي امشي اطلعي بره اني هنا بيت رجلي الي راح يدافع عن بناتج وخلصهن من بين ايد الدواعش لتشدين ويايه ترا اهجج بليله ضلمه افتهمتي لو لا كامت بنتها وكفت كبالي عود دتضربني لزمت ايدها ولويتها الضهرها وهمست بأذنها مو بنين الي تجي وحده زعطوطه بكد فرده القن…… تمد ايدها عليه دفرتها وكعت بلكاع عفتها وصعدت الغرفتي دخلت وقفلت الباب ابجي وينك شاهين تعبت وينك مين اتلكاها من مرتضى الي شاد ويايه وكل ميشوفني يشمرله حجايه لو اختك الي تجي وتحجي هيج ويايه ولك وينككك شاهينن تكول مأمن عليج يم اهلي واهلج ولك مرتضى هيج يحجي ويايه ولك اني مرتك لي من جنت موجود محد منهم يسترجي يحجي لو يرفع علينه عليه تعالي شوف حالي بدونك وينككك ولك وين ضليت ابجي وكل عاده اتهرب من حزني بنومي العصريه كعدت راسي يأذيني من البجي كمت غسلت واخليت حجاب على راسي ونزلت يم خاله ام عامر بستها من ايدها وراسها واعتذرت منها

خاله ام عامر..يمه اني وياج مو عليج الله شاهد شاهين راح مبقالي من ريحته بس انتي وامنج يمي البيت هنا مالتج مو مالتنه يوم خوش تسوين بيها يطبها طوب مزعلانه منج ابويه كل كلمه كلتيها صح واني وبيبيتج سعاده مزعلانات منج وناطيج الحق

بنين..بستها من ايدها وطلعت لبيبي سعاده جانت تصلي خلصت بستها من راسها مقبوله بيبي

بيبي سعاده..مشكوره يمه

بنين..بيبي اني اس بعدني ممكمله قاطعتني

بيبي سعاده..لا يمه انتي مغلطانه وكلامج صح ابويه باعيني يوم رب العالمين يختبرنه بأشيائنه الي نحبها مثل غياب شاهين عنج وعنه راح احجيلج قصه فديوم جان اكو رجال مزوج نسوان ثنين من زوجته الاولى عنده 10ولد ومن الثانيه عنده 2 ولد جان هذا الرجال يحب ولده الثنين من زوجته الثانيه كلش لين يتامة امهم توفت فا يعزهم بمقابل ولده من زوجته الاولى جان يضوجون ويغارون ابو جان يدري بيهم يكرهون اخوانهم مم زوجته الثانيه ويخاف عليهم بس فديوم اجوي على اخوانهم من زوجة ابوهم الثانيه وكلولهم تعالو نلعب هما راحو يلعبون خلو اخوهم بنص البير وسدو الغطه عليه خلصت العبه ورجعو الولد الاهلهم بس هذا الولد مارجع ضل ابو يدور عليه مالكه يوميه صار يدور عليه بس ميلكاه يوميه رايح للمكان يدور وميلكاه ولده من زوحته الاولى ميكولوله بلبير ذبينا واختفى ابنه الهذا الرجال سنه وره سنه يدور عليه ميلكاه يدور وماكو الحد ما عمه وكام ميشوف بعيونه من البجي وابنه ماكو وره 40سنه صار عدهم الحنطه تقل وهما جانو هوايه عايشين بنفس المكان كامو يدورون حنطه بس ماكو منو سمع بهذا الشي عزيز مصر ودز عليهم حتى يساعدهم اول شي خافو يروحون هما فقره والي دز عليهم وزير تالي راحوله ومنو طلع طلع اخوهم الي ذبو بلبير قبل 40سنه اخذو وصار وزير رجعث الابوهم وهما جايبين بشاره وخبر من ابنه عايش وراح يشوفه ويكحل عينه بشوفته وره صبر نص عمر ابو راح وهوا يدعي يلتقي بابنه الي غاب عنه تدرين يمه هاي قصة منو

بنين..نزلت دموعي وهزيت راسي بـ اي قصه النبي يوسف (عليه السلام)

بيبي سعاده..يوم شكد ما النبي يعقوب (عليه السلام) يدعي ويبجي رب العالمين بيد الوحي دزله خبر كله (يايعقوب وعزتي وجلالي لو كان يوسف ميت لأحييته لكثره بكائك) العلامه من هاي القصه الصبر مفتاح الفرج يوم صدكيني شاهين عايش ويرجع عامر كال يرجعه معناتها هاهيه يرجعه رب العالمين بكل سوره من سور القرآن خلالنه بيها قصه مثل قصه يونس من صار ابطن الحوت هم صبر القران كله قصص بس منو بهذا الوكت يقره ملتهين بتلفونات ذاك من ذاك الي تلكي ملتزم بصلاته وقرانه من حجيتلج هاي القصه معناتها اصبري يمه ان الله مع الصابرين اني وياج الفراك صعب صح من انتي عايشه ويا شخص لا شهر ولا ثنين بغض النضر عن المشاكل الي بينج وبينه ويجيج خبر انو خلص هاهيه بعد متشوفي تحسين الدنيا تصغر بعينج وماتسوه تعيشين بيها بس الصبر ابويه الصبر

بنين..بستها من راسها وصعدت لغرفتي توضيت وفرشت السجاده ولبست الجادر مال صلاة ووصليت ودموعي ابد مو كفت اكو مقوله حلوا من يسجد في الارض يسمعه من في السماء خلصت وتوجهت احجي ويا رب العالمين واشكي احس رب العالمين يسمعني فتحت القرآن وضليت اقره وابجي لحد ما شويه احس بداخلي هدء كمت وجنت نعسانه حيل مع انو كعدت مصارلي هوايه نمت وجريتها نومه الحد ثاني يوم كعدت جان يوم خميس بدلت وطلعت للدوام وجان اليوم كله شغل وتفتيش من الوزاره وابد مشفت مرتضى بس باخر الدوام اجه وجان ضايج مهتميت شعليه رجعت للبيت وعلى هل حاله مر شهر ثاني وصارله 9اشهر غايب بهذا الشهر مصار شي بغض النضر عن مضايقاته الي جنت داشتغل وتعبانه ندك الباب ودخل مفوض احسان نعم

احسان..سيدي موجودين الكل للجتماع

بنين..وين زيد ليش مبلغني هوا

احسان..مفوض زيد موجود

بنين..كمت طلعت شفته كاعد ليش مبلغتني زيد

زيد..سيدي ممكن كلمه على انفراد

بنين..تفضل اخذته وطلعنه برا نعم زيد

زيد..سيدي مفوض احسان ديضايقني صارت عندي خربطه بل ملفات وهوا عدلهن وصار يعيرني بيهن واخذ دوري يبلغج بلاجتماعات وبلمواعيد كل ماريد اطلع يطلع قبلي وزحمه شنو صغار احنه اكعد اتعارك ويا

بنين..خوش تكدر تدخل

زيد..احترامي

بنين..دخلت وضلينه نراجع ملفات ونشتغل وندقق خلص الاجتماع وهسه اريد احجي واعيد الحجي مالتي احنه هنا بدائره حكوميه عسكريه فا سوالف الصغار هاي لازم نبطلها ونصحه على نفسنه شدنسوي مو هيج حسام

حسام..مفهمت سيدي

بنين..حلو افهمك اليي اكوله اني يمشي على گلكم ليششش لين انتو موضفين يمي وتحت اشرافي من اعين واحد مو تجي انت وتغير بكيفك بلدوار مفوض زيد يشرف عليكم من اني غايبه والي يغير مكانه بيدي اسوي كتاب فصله واصعده للوزاره صار علم

حسام..مفهوم سيدي

بنين..خلص عفتهم وطلعت لغرفتي حضرت الغراض ملاتي داطلع دخلت طيبه صارلي شكد مشايفتها اجتي كبالي حضنتني حضنتها طيبه

طيبه..بنين مشتاقتلج

بنين..واني هم والله طيبه تعبانه اني

طيبه..عمت عيوني عليج امي وابويه انتي وعلي يا بنين كل احنه بلبيت تعبانين عليج وعلى شاهين

بنين..طيبه مديرجعلي تعبت من الانتضار تعبت من كلشي

طيبه..يرجع امي والله يرجع كولي يالله تفائلي بلخير

بنين..مسحت دموعي وباستني من راسي

طيبه..كومي ويايه لبيت اهلج عمو يريد يشوفج

بنين..بي شي

طيبه..لا بس شتاقلج وانتي صارله شكد مجايتنه من يوم طلعتي ورحتي البيت اهلي كطعتي

بنين..كمت وياها لبيت اهلي……….

للحكايا بقايا………………

‏في

يوما" ما التقينا

هوَّ من العاصمة

وأَنا رزق من الله ،

تواعدنا في أرض الله الواسعة

لكن نظراتهُ أوسع

وهوَّ

يرجْفُ شوقا"

ويتعرق من الحُب أيضا"

تبادلنا الخَوف

وتقاسمنا الوقفة

قدمت لهُ عُمري

وقدمَ ليّ ( عطره )

حَتىٰ نفذ قَلْبيّ والوقت

ثم تحركنا كغريبان

هوَّ لي

وأَنا لهُ ...!

///////////////////

بنين..طلعنه رحنه البيت اهلي وصلنه ودخلت للبيت نزعت تكرمون بسطالي ودخلت شفت ابويه كاعد وامي يمه اول مدخلت ركضت الحضنه بجيت شكد بجيت حتى عيوني صارت تحركني حضنت امي ولبجيتي تبجي

ام عباس..سوده عليه يمه

بنين..اجوي محمد وحسين سلمت عليهم باسوني من راسي ضليت يمهم شويه وابويه كل شويه سائلني عن صحتي

ابو عباس..بويه شصاير بحالج ياعزيزتي انتي ياوحيدتي

بنين..بابا صارله 9اشهر ماكو يوميه ادعي يجي واكول هسه يجي اعرفه ميكدر على فراكي بس ماكو بابا شاهين ميحبني اول مره يسويها ويخلف بوعده ويايه

ابو عباس..لا بويه مامقبوله منج هاي شاهين كد حجايته وكد وعده وصدكيني يرجع يابه بس اصبري اصبري وشوفي ربج شلون يجازيج

بنين..الحمدالله مسحت دموعي وضليت يمهم للعصر خابتني خاله ام عامر عبالها بيه شي تأخرت بس كلت الها بيت اهلي محجت شي خطيه لحد اليل ومحمد اخويه رجعني للبيت دخلت سلمت وصعدت الغرفتي ثاني يوم جان جمعه وبقيت فوك منزلت لحد ما مر الاسبوع اروح للدوام وارجع اصعد واذا اكل نستله وعصيره على هذني عايشه الحد مال اليوم خميس اليوم كوه يمشي الدقيقه كوه تمر كعدت العصريه جوا بلصاله وكلهم ملتمين والجو بارد ودتمطر بس مو قوي وحانت اول مره انزل ولو ما هما يصيحوني ولا انزل ديسولفون بس الحزن حيل مبين عليهم عمو الي لحيته طولانه بعد مجان يوميه يزينها ماخذ الطبع العسكري لو خاله الي جوه عيونها صارت هالات سوده وضعفت حيل غدة عضام كلنه تأذينه بغيابه

عمو سلمان..يابه باجر نشالله نطلع الكربلاء ونجف الفجر

خاله ام عامر..بنين يمه ويانه انتي مو

بنين..صفنت لا خاله مااكدر تعبانه

عمو سلمان..ليش يابه امشي ويانه نزور وريحي كلبج

بنين..والله عمو تعبانه حيل

بيبي سعاده..يمه شلون تضلين بحدج

بنين..لا خاله مو بحدي هاي ماري وسمار ويايه يضلون

عمو سلمان..على راحتج عمي

بنين..ضلو يحضرون الروحتهم وخاله ام طيبه نطتني غيوثي بحضني ضليت احجي ويا واسولف وهوا يناغي حضرو كلشي بـ4الفجر يطلعون نطيت غيوثي الخاله وصعدت الغرفتي

صابرين..جنت كاعده انضف البيت اهلي طلعو يزوررن الكاضم واني مجان الي خلك اروح واذا اروح اضل ابجي وافضح نفسي كدامهم اني مسويه روحي قوي ميهمني بس بداخلي حطام حسام حطي شكو ذره بروحي كعدت اذكو من حضني اول مره وخطبتنه اليوم الي جنت احلم بي حسام خله احله يوم بعمري اسود يوم بحياتي فزيت من صفنتي على دكت الباب كمت مسحت دموعي وطلعت صحت منوو ماكو رد هاي اكيد واحد من اخواني الصغار فتحت الباب بلحضه وحده ندفعت وصرت جوه داخل البيت رفعت راسي داشوف منو حسامم

حسام..مو كافي حتى....... كفرتيني بي كافي صابرين

صابرين..انت الكافي مو اني حسام ليش تصعب الامور عليه اني دانساك اطلع من حياتي

حسام..تنسيني هيج سهل

صابرين..اذااا انت مزوج وعندك بنيه شتتوقع مني اقبل وانزل على ضره

حسام..كتلج بيتج وحدج

صابرين..وشنو الفايده بيتي وحدي ورجلي اني وياها بي اسمها بجنسيتك حسام مااكدر مااكدر عوفني بحالي عفته ودخلت عبالي يروح لحكني للصاله كعدت ابجي

حسام..صابرين تسمعيني

صابرين..هزيت راسي بـ لا

حسام..زين باعي جنت طالب كليه عسكريه من امي خطبتلي ماجنت رايدها بعدني ماشفت شي كضيت حياتي دراسه جنت اكعد من 3لل 3بليل ادرس بكل المراحل الاول على دفعاتي كلهن اخر مرحله كليه امي خطبتلي سهاد تعاركت كلت حجيت ميفيد وبعد ماتكدر ترجع بكلمتها خطبتها السهاد من العرب وعدهم عيب تنرد الكلمه تخرجت وسديت اول نجمه وراها بسبوع عرسي زوجتها وتقربت منها بس علمود النيشان وعفتها وطلعت ضليت ايام واشهر وليالي ماتقرب منها تخيلي جنت اروح اسكر الحد ما مل وانام ويا بنات والها ماتقربلها شي نفرض عليه ماكدرت اتقربلها شديت نجمه ثانيه وصرت ملازم اول تعرفين اني رجال احتاج الهيج شغلات واشوفها كدامي غريزتي جبرتني اتقربلها واستعمل وياها مانع ماريدها تحبل جنت اضربها ضرب الحد ما كرمها واطلع وجانت هيه تجي تتوسل وتعتذر اسامحها السنين تمر وسنه عن سنه حياتي جحيم وياها اشرب واسكر وانام وي بنات وهيه تبجي اني مني كارهه وكارهه الساعه الي اخذتها بيها اضربها واطلع الحد ما صرت عقيد حبلت بجمانه بيوم الي عرفت بيها حامل اخذتها تنزل الطفل وهيه تبجي وتتوسل ابقي دخلنه للدكتوره ورفضت لين طفل كامل 3اشهر رجعت ضربتها بلكت ينزل وماكو لحد ما جتي جمانه وبعدها الدكاتره كالو سهاد ميصير عدها بعد ليش اكذب فرحت ماجنت رايدها بوجهه مباوعت الحد مصار عمر 5اشهر جنت راجع من الشغل وشفته دتزحف تريب تطلع تصدكين جانت اول مره اشوفها بيها شلتها واخذتها للبيت جانت تنضف خليتها بلحجله وعفتها لحد ماشفتج صابرين غيرتي حياتي بكل الطرق رت اخذج غيرتي مجرى حياتي اليل ميمر عليه اذا ماتجي صورتج وانتي تضحكين لو من صحت عليج وبجيتي دمرتيني بطفولتج رحت لامي سولفت الها عليج واجتي خطبج مجنت مهتم هلكد السهاد قبلت او لا رايها لا يقدم ولا يأخر لحد مصار الي صار بلخطبه صابرين وحق علي ميت بدونج اول مره احس نفسي ضايع ماعرف شسوي وين اروح تهت كمت ادور بعيون جمانه بنتج عيونج اشوفج بلدوام ميت بدونج ماجنت ادري بيج هيج كلبج حجر

صابرين..كمت ابجي قوي حسام تعبت ماريد كلشي منك بس عوفني وروح العائلتك انتي عندك بنيه وعندك زوجه عوفني بحالي ابوس ايدك لتصعب الوضع عليه فوك ما هوا صعب

حسام..صابرين ماعوفج الغيري تنسين انتي تسجلتي بأسمي

صابرين..ومنو گلك اني اريد بعد السويته بيه حسام اني تعبت من كلشي صرت اتمنى اموت كافي كافي تقرب عليه حضني دفعته بس قوه حضنته كمت ابجي بحضنه لحد ما تعبت دفعته وخر حسام وروح بعد لتجي وانسه وحده اسمها صابرين روح اسغفر وكام طلع كعدت ادك والطم وابجي واعي على نفسي بلموت لحد ما تعبت صعدت الغرفتي كملت البجي مالتي لحد ما تعبت ونمت هاي حياتي هيج بجي ونوم غيرها ماكو لو ما الدوام بلدائره جان متت حيل حبيته الحسام بس هوا شقدملي حزن بجي الم احس كلبي يوكف اكو بيت شعري يمثل حالتي

‏من أول هّلا بملكَاك

‏لاخر شّوغة ب

الله وياك حبيتك .

مسحت دموعي وكمت توضيت وصليت ودموعي ابد موكفت الحد ما نعست بدون ماحس بنفسي نمت على السجاده

حسام..لو كل الدنيا يمي احس بدونها يتيم ماعرف شراح احجي وادري الغلط راكبني من راسي الساسي علاقتي بيها جم شهر مكلت الها كلمه حلوه انتر بوجهه اصيح عليها جانت متحجي بس تبجي بشنو زين وياها جنت حسام دسامحك كسرتها هنتها خليت اسعد يوم بحياتها اتعس يوم علمود شنو تريدها ترجعلك لبيت جحيم صارلي اختنك ادخل دخلت شفت سهاد كاعده تنك وتنضف كعدت على التخم وعيني على جمانه بنتي وهيه تلعب اجتي سهاد جرتها من ايدها وضربتها لين وكعت ملاعيبها كمت جنزتها امشي لج ساقطه انتي طالك انعل اهله واهل اهله وشرفه الي يبقيج دقيقه على ذمته صعدي اخذي ملابسي وطلعيي صعدت لمت ملابسها ونزلت اخذتها لبيت اهلها بس جمانه منطيتها الها ضليت افتر بلشارع ويايه الصغيره الحد الفجر رجعت خليت جمانه بصفي ونمت متروس هموم

بنين..طلعو لكربلاء ساعه بـ 4الفجر ودعتهم وصعدت الغرفتي دخلت تمددت بلفراش وكبالي صارت صورته غمضت عيوني يعني حالتي على الكافر تصعب رجلي حبيبي وسندي وعامودي ماعرف ميت لو عايش

ولك وينك يكسره

خاطري وياحيره ادموعي

يا أول وجع ترتاحلة ضلوعي

شهكت وغمضت عيوني ضليت اتذكر ايامي ويا مرن مثل شريط حياتي من اول ما التقينه ومشاكلنه وحبنه وغيرتنه على بعض اذكرت من غنالي بلسياره نمت من البجي والتعب مر وقت طويل فزيت من النوم الشمس بعيوني باوعت الساعه جانت بـ12الضهر كمت دخلت للحمام توضيت وطلعت صليت استغفرت ربي ونزلت بلمطبخ شفت ماريا وسمار ياكلن سويت جاي وطلعت اكو باب يفصل بين المطبخ والصاله تقدمت فتحت الباب دادخل للصاله فتحت الباب صار كبالي شاهين واكف اباب الصاله الرئيسيه ايدي رخت حيل جسمي كله صار يرجف وعيوني غوشت الستكان مال جاي وكع من ايدي وتكسر دخل ورا العميد عامر خله ايده على متن شاهين وحجه باوع عليه وابتسم

العميد عامر..وعدتج ارجعه ورجعته الج وفيت وكفيت بوعدي بنيتي

بنين..تقدمت واني دموعي تجري اباوع عليه واكف ومكتف ايده الصدره ولابس بس بدي نص ردن وشعره طولان ومخربط ولحيته طولانه وكصته مجروحه وكفت كباله رفعت ايدي الترجف على وجهه تلمست وجهه احس نفسي خرسيت مداكدر احجي كوه نطقت كلمه انت انت شاهين مو وحقيقه اني مداحلم مو مداحلم حاوط خدي بأيده وحجه

شاهين..مدتحلمين ترافتي مدتحلمين

بنين..بدون وعي صرخت بأسمه احس العالم كلها سمعتني حضنته حيل وابجي وصرت اعاتبه وين رحت عني وين عفتني مو كتلي 4اشهر وارجعلج مو كتلي ماطول ليش هيج سويت بيه ليش غبت عني هلكد ليش سنه انت عايفني شنو السويتهه لك شاهين ليش انت مو كلت مأمنج يم اهلج واهلي ولك والله حسيت نفسي غريبه بدونك جنت احجي ويا وابجي واشهك وخرت حاوطت وجهه بأيدي تقبلها ترافتك وبنتك هيج يصير بيه شاهين الدنيا محلوه بدونك والله جنت اتمنى يوم يوم رب العالمين ياخذني الك حبيبي حضنته حيل احس نفسي بحلم مداصدك عقلي فصل عن العالم كله

شاهين..بنتي ترافتي ابويه هيج تأذيتي بغيابي

بنين..احس رجلي بعد متعيني كعدت بلكاع وهوا ويايه حاضني واني ابجي بحـضنه كمت احجيله شصار بينه بغيابه احس نفسي بحلم حتى لو حلم بس ماريده يروح باسني من راسي

شاهين..بنيني حبيبي كافي ابويه انتي شصاير بيج

بنين..باسني من راسي واني بسته من راسه كام وكومني ويا كعد على القنفه والعميد عامر كعد كبالنه واني كعدت بصفه ولازمه ايده انت شاهين مو حلم مو اني مداحلم انت حبيب روحي وضوه عيوني رجعتلي مو

شاهين..رجعتلج ترافتي رجعت

بنين..مسح دموعي وباسني من باطن ايدي باوعت عليه ايده جانت مشدوه بشاش باوعت عليه شبيها ايدك

شاهين..مابيها شي ابويه لتهتمين

بنين..شبيها شاهين مصوب مو

شاهين..بسيطه لتخافين

بنين..العميد عامر عافنه بحدنه وصعد لغرفته لزمت ايده وبستها شاهين تعذبت بغيابك

شاهين..واني ميت بفراكج ترافتي بنص الموت واجت ضحكاتج كبالي

بنين..بعد لتعوفني هل مره اموت حضني

شاهين..اشششش اسم الله عليج ابويه ماعوفج بعد اخذج وياي

بنين..كوم للغرفه اسبح وارتاح

شاهين..انتي هنا وكعتي على الجرح للغرفه

بنين..حجه وغمزلي ابتسمت مداكدو استوعب من الفرحه رجعلي صعد للغرفه حضرتله الحمام وملابس دخل ميكدر ايده مكدرت ماساعده دخلت ساعدته وطلعت هوا يبدل ضليت اكرص بأيدي خاف داحلم لحد مطلع كعد على التخم وصافن على الغرفه وعلى غراضه الي جنت مطشرتهن على الچربايه عطره وقميصه وصورته كام وكف كبال الچربايه شلهن بيده وابتسم

شاهين..هلكد تحبيني

بنين..هوايه اذوني بغيابك شاهين هوايه رحت حضنته ونزلت دموعي بحضنه

شاهين..منو اذاج يفزة عيوني انتي بس كولي اكسرلج ضهره واحفر كبر جده السابع وادفنه فوكا

بنين..الدنيا كلها كلها

شاهين..اطيحلج حضها

بنين..رفعت نفسي عليه وبسته من شفته وهوا بعد مصدك تقربلي بكل حب ولهفه وشوق جنت ويا كل كلمه يكولها دموعي تنزل نام بصفي وحضني رفعت راسي عليه وبسته من نحره لتعوفني بعد

شاهين..ماعوفج بعد

بنين..وين جنت كل هل اشهر

شاهين..جنت بنص الموت ترافتي بس قاومت ورجعتلج ضليت اقاوم حتى ارجع واشوف عيونج واعدج وعد ارجعلج مو شاهين ليخل بوعده

بنين..شاهين كلها جانت تكول استشهد بس كلبي جان يكذب بعد وين متروح اروح وياك حتى اسم الله عليك للموت

شاهين..اشش ابويه كافي

بنين..تصدكون نام كدامي وحضنته وانفاسه جانت قريبه على ركبتي بس ممصدكه رجع ابو بيتي وحبيب روحي والله وحق الله جنت مستعده ادفع نص حياتي وروحي وكل دنيتي وعمري بس يرجع ويكحل عيوني بشوفته وجوده يمي امان نام شاهين واني كاعده اباوع عليه واحمد ربي الف مره الحد المغرب كمت دخلت سبحت وبدلت وطلعت صليت واني اصلي ادموعي تجري واشكر رب العالمين رجعه الي سالم غانم خلصت صلاتي نداريت شفته كاعد وصافن عليه ابتسمت نزعت الجادر وشلت المصلايه خليتها على صفحه ورحت يمه فتحلي ايده ودخلت بحضنه باسني من راسي

شاهين..وين البقيه بناتي

بنين..راحو لكربلاء ونجف

شاهين..شصار بيكم

بنين..شاهين تعذبنه حيل من جابو التابوت وكالو استشهد خاله صار بيتها النجف بين يوم ويوم تروح وتزور القبر ومترجع اله ثاني يوم عمو نفس الحاله الكل تعب وراك

شاهين..وانتي

بنين..اني راح اوصفلك حالي شايف اليتيم الي يروح المكان ويشوف الكل وياهم اهلهم اني هذا حالي امشي جسد بدون روح روحي يمك تمرضت وراك وتعبت فقدت صبر واملي بكلشي ماعرف عليمن احارب واجاوب بغيابك شاهين انت نفسي اليصعد وينزل ماكدر شوصفك اب اخ حبيب سند روح زوج كلشي ينجمع بيك انت حبيبي الي مااكدر اعيش بدونه دقيقه مستعده اضحي بكلشي عندي عمري ودنيتي وكلشي بس في سبيل اشوفك وانام بحضنك الصور ملت مني شكد ماحجي وياهن واصبر نفسي بيهن بعد ماخليك تروح الاي مكان اذا ماجي وياك

شاهين..اويلي وليدي هلكد تعذبت

بنين..واكثر والله اكثر شصار وياك

شاهين..التحق اول ايام الوضع هدوء مو هلكد رمي اول شهر هيج كضه شهر الثاني بدت المطحان الفوج مالتي بي 30جندي وضابطين جانت توصلنه امدادات وعتاد ليل منامه ضرب اخر شهر عتاد نكطع اكل ماكو صرت امر الفوج اني جنت اخليهم يحافضون على الطلقه اذا مو بلهدف يقل ونعرض نفسنه للخطر اكثر مي واكل ماكو انادي بلجهاز اريد اعالج ماكو بلمختصر (نباعينه بصوره محترمه)بقه بس طلق المسدس اجه نداء منهم نسلم نفسنه لو بصاروخ واحد يطيرون البيت بلي بي جان اكو باب ثاني يطل على البساتين الجوه بليل طلعتهم الجنودي بقيت بس اني وكم جندي الفجريه اشتغل الرمي طلعت باقي الجنود داطلع الدعاء وكع من صدري اخذته هستوني خطيت خطوه وحده هدمو البيت نزلت للبساتين ويايه جنودي بس تصدكين بمحمد بعيونهم مشفت واحد خايف من الموت بنص البستان طلعو 3شباب لابسين لبس عادي بس جانو كو……. منتمين الداعش ضربت واحد الثاني صوبني بأيدي متهميت النفسي جنودي امانه يمي منكدر نأمن بلعالم الي موجودين بهل بساتين ولا همه يكدرون يأمنون بينه بساعتها اجتي عيونج كبالي ضحكتج شقاج وصوتج وعطرج ودعتج واني بلانبار ايدي تنزف لحد الصبح احنه نمشي وكفنه كبال بستان جبير وكله حشيش خاطرت ورحت دكيت الباب فتحت الباب مره جبيره انباريه معدله ماكدر احجي اسبوع لا مي ولا اكل طاقتنه خلصت حجه ملازم سيف وياها أوتنه بيتها بديت افقد وعي هوايه نزفت بس صورتج كبالي مكمت اشوف شي الحد مافقد صحيت على الم اشبه بمنشار ويكص ايدي باوعت جان سيف يطلع الطلقه طلعها واجتي المره عقمت ايدي ولفتها وضلينه يمها الدواعش منتشرين بكل المنطقه جانو المره عدها سرداب من يجون تضمنه يضلون يفتشون مرت اشهر ايدي ماحس بيها وجانت المره تسوي علاج بلعشاب وتخلي الايدي بس مكدرنه نضل يمها 4اشهر يمها بقينه مقصرت ويانه اكل وشرب وعلاج بس اذا نضل اكثر نعرضها للخطر ويايه خصوصا صارو يترددون البيتها هواي بليل ساعه 3الفجر طلعنه نمشي بين الكصب الحد ماوصلنه البيت مهجور خليت الحنود بره ودخلت اني مجان بي شي ضلينه بي ايام واشهر محد يجي الهل بيت بليل ثنين يراقبون ولباقي يرتاحون والصبح كذالك فديوم كاعدين كلنه بنين بارده البرد يكص وكاعدين جان اكو جندي اسمه انور عليه سوالف يكعد من يبدي الخفر مال الجنود يضل يضحك جان شكله وروحه طفوليه بشكل للهوى يضحك ديسولف ويضحك كاعد غاد عنهم وصافن عليهم حسيت بفخر عندي هيج جنود بنص الموت لا سلاح ولا عتاد ويضحكون نص ساعه اشتغل الرمي علينه لا عدنه سلاح نرد ولا نفسي تقبل اسلم نفسي انور طلع وره ربع ساعه رجع بيده سلاحين ورمانات 3يابه منين جبتهم

انور..سيدي قبل ما نكعد بهل بيت دورت بي ولكيت هذني

شاهين..سبعي خلص الطلق ملازم سيف شمر رمانه رجعنه وصفينه بدون سلاح اسمعهم يتقدمون هستوه واحد فتح الباب وكع اجه عامر باخر لحضه وصارت مواجهه ومثل الجريديه نهزمو وهاي اني كدامج بفضله………..

للحكايا بقايا………..

فا شني ماوصيكم اريد الدموع 10 10تنزل كتلكم بارتين ضيم فا اليوم شنو اليوم ثنين انزل البارت الجمعه زين حبيباتي💋♥️

خمريه وعينچ مسحوبه

ونعسانه ومدري شتحچيلي

يلصوتچ نغمه ويالچنچ

لمن تحچين تغنيلي

ايدچ انعم من الريشه

ومن بيدي انحطت ياويلي

ماچن بس چف واحد چنها

ام تطبطب وتلوليلي

///////////////////////////

بنين..بس انت عذبتني

شاهين..اويلي يبعد شرايين كلبي

بنين..حضنته قوي ولحد هسه ممصدكه رجعت

شاهين..خوش تعالي

بنين..هههه كضيت اليوم بحضنه وكل شويه دموعي تنزل واشكر واحمد ربي رجعلي ثاني يوم الفجر اجوي اهل شاهين كمت سبحت وبدلت وحضرتله الحمام وملابس سبح وطلع نزلنه اني ويا سويه جانو كاعدين بلصاله يرتاحون دخلت يمهم واني ابتسامتي لحد اذني بوست خاله ام عامر وعمو سلمان ودخل شاهين ورايه خاله ام عامر من شافته كامت ركضت عليه وحضنته هوا شالها بأيد وحده ويضحك وهيه تبجي

خاله ام عامر..يمه ولك يمه شاهين بشحمه ولحمه كدامي يمه يبعد طولي انت وين رحت يبعد امك وروحها انت

شاهين..ها حجيه جيتج هياتني كبالج مابيه شي

خاله ام عامر..ولك شاهين ليش هيج سويت بينه يمه ليش مرمرتني ولك والله صبر مضل عندي مريتك تعذبت بعدك والدمع صار سولتنه ليش تعذب بينه انت اصغر ولدي انت العزيز المدالله وتغيب عني هلك ليش يمه

شاهين..هاي حجيه هياتني كبالج مابيه شي ماعوفج بعد

بنين..كلهم حضنو شاهين وفرحانين رجع اباوع البيت بكد مجنت شايفته اضلم ومحلو وكئيه بغيابه بس من رجع البيت نور بوجوده حياتي رجعت تزهر ورجعت الضحكه للبيت برجوع شاهين والعميد عامر ضلو كاعدين لحد ساعه 10ويا شاهين واني اريدهم يعوفو ماكو كل شويه واحد حاضنه وبنات عمه يباعن واني احس صرت بارود وهوا يباوع ويبتسم ابسامه خفيفه واخيرا عمو سلمان كله اصعد ارتاح انت مصوب يله مدلي ايده ابتسمت لزمتها وصعدنه دخلنه للغرفه وتخوصرتله بعد المن ناوي تحضن شاهين

شاهين..والله يا فزة عيوني ناوي احضنج

بنين..ابتسمت حضني واني حضنته قوي كعد وكعدني بحضنه قرب وجهه عليه وباسني من شفتي حاوطت ركبته بأيدي وبادلته مص شفتي الجوه وصعد عضني من شفتي الفوك نزل على ركبتي باسني منها وسوالي اثر شاهين

شاهين..دنيته

بنين..كافي بعد كلبي كام يأذيني

شاهين..هههههه شبيج ولج صرتي حمره

بنين..كمت من حضنه وصرت اهفي على وجهي من الخجل وهوا يضحك جرني للچربايه وحضني وجهي صار على صدره تدري شكد حلوه حياتي من انت بيها

شاهين..شكد

بنين..الدرجه كمت من تغيب عني احس حياتي كئيبه مابيه روح ومن انت موجود لا تزهر اصير احب كل الاشياء حتى الشغلات الي اكرهه احبها بوجودك شاهين ماريد اعوفك بعد حياتي كلها

شاهين..اويلي ترافتي اويلي غيابي مسويج شاعره

بنين..ههههههههه هاي مالتيي

شاهين..ههههه

بنين..حضنته قوي ونمت من البارحه منايمه مكعدت غير المغربيه باوعت شفته نايم ضليت اباوع عليه شواربه ورموشه الطويله وبياضه وعضلاته وحتى حواجبه المطبوكه حلوه كلشي حلو بي رفعت راسي واحمدت ربي رجع وخرت ايده من وجهه ودخلت الحضنه هوا ابتسم

شاهين..ها بنتي كعدتي

بنين..اممم بسته بخده يله حبيبي اكعد دننزل عيب

شاهين..ههههههه. يله يابه

بنين..كمت دخلت للحمام غسلت وجهي وتوضيت فرشت سجاده وصليت هوا فرش سجادته كدامي وصله خلصت وصليه صلاة العشاء ولميت سجادتي وكعدت انتضره خلص ورحت دالم السجاده مقبل هوا شالها باوعت من شوكت تصلي

شاهين..من اليوم بنيني

بنين..ابتسمت خليت شال على راسي ونزلنه جانو كلهم منجمعين كعدنه والبيت صار عباره عن هوسه كلها فرحانه برجعه شاهين وخاله كاعده بصفه وكل شويه تنزل دموعها محد بينه مستوعب ومصدك شاهين بينه هسه والله عشت ايام العدوي ماتمناها كرهت نفسي بغيابه الحمدالله من رجعلي ضلينه سهرانين لل2ونص وراها نمنه كعدنه الصبح جان يوم احد يعني دوام دخلت سبحت ولبست بدلتي العسكريه وكعدته سبح وبدل وكف على الميز وكفت كباله اعدل بلبيريه هوا عدلها الي بسته من باطن ايده خله عطر وخليت من عطره هوا ابتسم ونزلنه صبحنه عليهم جانو يحضرون راح يسوون عزيمه حك سلامت شاهين تريكنه وكبل طلعنه للدائره وصلنه وكفت كبال الباب الزمت ايده ودخلنه ولكل تتحمدالله على السلامه ودخلت المكتبي وهوا المكتبه وضلينه نشتغل اجني طيبه وصابرين وصبا للمكتب طيبه وصبا يهزن جتف وصابرين بس تبتسم كمت وكفت وابتسمت رجع

طيبه..كرت عينج برجعته بنانو

بنين..حبيبي طبطب

صابرين..مبروك رجعته بنو

بنين..حضنته الله يبارك بيج عمري بستها من راسها اريدج دائما هيج قويه هزت راسها وابتسمت

صبا..مبروك بنانوش

بنين..الله يبارك بيج صبوش ضلو شويه يمي وراها كل واحد راح الشغله جان يمي ملفات خلصتهن وكمت رحت الغرفه شاهين فتحت الباب شفت مرتضى كاعد كباله باوعت عليه ودرت وجهي على شاهين اخذت تحيه سيدي الملفات خلصتهن اخذهن وقعلي داطلع صاحني نداريت نعم سيدي

شاهين.. عشق بنت مرتضى راح يجيبها يمج

بنين..براحتك

شاهين..بنين بنتي

بنين..نضر عيونها

شاهين..راح يجيبها يمج كم شهر

بنين..هاهيه عيوني

شاهين..ديله بنتي حضري نفسج دنطلع

بنين..صار رحت المكتبي حضرت غراضي ورحت المكتبه حبيبي خلصت تعمدت هيج اكله حتى مرتضى يعرف انتهى من. حياتي كام شاهين وكام مرتضى طلعنه من مكتب شاهين لزمت ايده وطلعنه سويه من الدائره وكفنه كبال سيارته شاهين

شاهين..دنيته

بنين..قابل عشق تجي يمي مو

شاهين..اي بنتي

بنين..ترا اني ممقهوره على طفل وصدكني ماطول انت يمي ابد و داكمل قاطعني

شاهين..اششش بنين بنتي صدكي مو علمود طفل هذا الشي بيد الله بس ماعنده احد يهتم بيها امه بيت اخته وهيه بعدها طفله

بنين..هزيت راسي همست اشتاقيتلك

شاهين..اويلييي الله ملازمي اصعدي من احتركت عشيره شاهين

بنين..ههههههه صعدت والطريق كله لازم ايدي وصلنه للبيت وجان. هوسه عباره عن كرايب صعدنه اني وشاهين الغرفتنه حضرتلي ملابس ودخلت سبحت وبدلت وطلعت مشطت شعري والميته وانتضرته يكمل طلع وكفت خله عطر ومشط شعره وباوع عليه

شاهين..ملازمي السبع بليل مو تتنعوص عليه

بنين..شاهيننن لااا

شاهين..ههههههه نيالك يكلبي بس بهاي فالحه

بنين.. ههههههه لزمني من ايدي ونزلنه اهلي جانو موجودين اصدقائنه كلها موجوده على غده الزلم بلصاله الچبيره والنسوان بلصاله الثانيه نزلت يم البنات اساعدهم بلغده اني متأخره بس من اشتغلت تعبت الله يساعدهن والله حضرنه كلشي واجوي ولد عم طيبه نقلو الغده والمناسف للصاله واحنه رتبنه لسفره للنسوان وكعدنه ناكل اني كعدت بصف امي وكل شويه تبوس بيه وتباركلي ولنسوان تباركلي برجوع شاهين خلصو سوينه جاي وقدمنه واني وطيبه وصبا وصابرين استلمنه الاماعين لين البنات البقيه تعبو من الصبح يشتغلن خطيه يمكن ساعه كامله نغسل اماعين ضهري من الوكفه صار يأذيني لحد مخلصنه ورتبنه المطبخ ورجعنه كعدنه يم النسوان سولف وكلها تسولف فد هوسه صدك. حلوه تعرفت على زوجة هيثم صديق شاهين فد بنيه حبابه وطيبه بشكل وفطيره بس تضحك اسمها اروى كاعده بصفي وتحشش

اروى..متجينه انتي وشاهين شبيج

بنين..والله شوفة عينج البارحه رجعلي واليوم سوينه عزيمه نشالله بل ايام الجايه

اروى..اي عليج الله تعالي لين اني وهيثم بيتنه بحدنه وهوا وابنه خبلوني مخلو عندي عقل

بنين..هههههه حشاج ليش

اروى..لج الاب يتأمر والابن يتنعوص واني حايره بين الاب وابنه هيثم يريد ابنه شاهين يمشي والطفل بعده صغير خبلني

بنين..هههههههه كل شاهين عنودي مثل العندي

اروى..هههههه ايي لج عيني شاهين ابني من يشوفني اتصفح بتلفوني يضل يبجي لحد مانطي ومن احجي ويا يدير وجهه

بنين..عمري الله يحفضه الكم

اروى..فدوه الكلبج ويخليلج شاهين ويفرح كلبج بنونو صغير

بنين..ابتسمت خلصت العزيمه ولكل راح بقو بس عائله هيثم صديق شاهين واهلي التمينه كلنه بصاله وحده عباس وشاهين تصالحو لين واحد كاعد يسولف ويا الثاني هيثم نطا ابنه الاروى يشبه هيثم

اروى..وهذا شاهينو الصغنون

بنين..نطته الي وضليت العب ويا بس ولك لتصير عنودي مثل عمك شاهين صير حباب

هيثم..افااااا شاهين ههههههه

شاهين..ههههه جيبي جيبي دتخربين الولد خلي هيج رجال تسوي بنيه

بنين..اخذه وكف كبالي

شاهين..شوف ابويه ابوك لتحترمه اذا ضوجك انطيك سلاحي كتله وتعال اني اطلعك منها

بنين..عزاااا لا حبيبي لتسمع كلام عمك شاهين صير حباب

شاهين..لا عمي عوف هاي سوالف النسوان انت زلمه حوك مثل موصيتك

هيثم..جيب ابني ولك جيبه راح تسوي معيق للوالدين

بنين..ههههههههه

اروى..على بختك خويه ترا لتشوفه صغير كلشي يفهم

شاهين..اي خويه اني رايده يفهم

هيثم..بعرضي وداعت شاهين عهد عليه بس يصير عندك طفل يا شاهين اسبوع كامل مزيقه تركع يم بابك واعبي براس ابنك عليك

بنين..باوعت على شاهين ضحك شكد مضحك وجهه صار احمر الكل ضحكو بس اني خجل طيبه دغتني

طيبه..لتخجل حبيب

بنين..انتي نجبي هههه

طيبه..بما انو صارت مناسبه عن الاطفال ترا اني حامل

بنين..كولي والله

طيبه..والله

بنين..حضنتها كدام الكل هيه بس الي كلتلي ومن حضنتها كلهم انتبهو هيه خجلت ونزلت راسها

خاله ام طبيه.. شبيج يمه

بنين..احم خاله راح تصيرين تيته وامي تصير تيته وهنا شتغلت الهلاهل ولك تبارك العباس والطيبه تصدكون ابد مجان ابالي موضوع الاطفال ماطول شاهين يمي هاهيه عايشه بجنه وبنعيم هم المهم الكل راحو البيوتهم وبقيت بس اني لين حتى بنات عم شاهين راحو وبنات خواته اطافرن صار الشغل عليه وعلى ماري وسمار بدينه نشتغل من ساعه 7ونص الحد ساعه2بليل نشتغل يله خلصنه كلشي احس ضهري صار نصين من التعب دخلت الغرفتي كبل سبحت وبدلت وجيت نمت شويه ونفتح الباب ودخل شاهين كعد من ناحيتي وباسني من راسي وصفن بعيوني داحسه مقهور من شي بس مداعرف كمت عدلت كعدتي شبيك

شاهين..مابيه بنين

بنين..اول مره تصيحلي بأسمي كل مره تكولي لو ترافتي لو ملازمي شاهين بيك شي

شاهين..شتتحملين من وراي بعد

بنين..لزمت ايده وبست باطنها انت حبيبي وابويه وروحي لتحجي هيج

شاهين..انتي اطيب مخلوقه بهل كون

بنين..شاهين حبيبي اذا علمود الطفل صدكني والله العضيم وغلاتك عندي مضايجه ماطول انت يمي هاهيه كلشي ماريد من الدنيا باسني من راسي وكام اخذ ملابس ودخل يسبح بي شي مستحيل قبل ماصعد جان يسولف ويضحك ويا اهله طلع من الحمام اجه جرني الحضنه ونامي شاهين حبيبي بيك شي

شاهين..لا حبيبي

بنين..شاهين اني اعرفك كلش زين ضام عليه شي

شاهين..ماكو شي بنتي

بنين..رفعت راسي عليه جانت عيونه حمر ومدمعه تربعت والله بيك شي شاهين لتخبلني شبيك

شاهين..باعيني ملازمي اعرفج انتي قويه ومؤمنه بحكم رب العالمين

بنين..اهلي بيهم شي

شاهين..موضوع مو يم اهلج

بنين..شاهين والله كلبي حيوكف شبيك

شاهين..من تخربطتي ودخلتي غيبوبه جنتي

بنين..اي صارت عندي ذبحه وجلطه خفيفه ادري

شاهين..بنين جنتي حامل ومن الصدمه راح

بنين..عقلي فصل كمت ماسمع شي شاهين شدتحجي

شاهين..شتتحملين مني مرتين بسببي طرحتي

بنين..بداخلي نقهرت ومتت من القهر بس مردت ابين اله مسحت دموعي العوض بالله حبيبي لتكول هيج الحمدالله على كل حال اهمشي رجعتلي سالم

شاهين..تره اني شاهين لتحاولين تكذبين عليه

بنين..والله ممكذبه الحمدالله على كل حال حضنته اني ممقهوره رب العالمين اخذ مني طفلي بس رجعك الي حضني وباسني من راسي شكد حاولت مابجي بس عيوني تتمرد ودموعي تنزل الحد ما تعبت من البجي ونمت مكعدت غير ثاني يوم وشاهين كعدني فتحت عيوني شفته كاعد باسني من خدي

شاهين..صباح الخير ملازمي

بنين..صباح النور حبيبي مطيت نفسي بلفراش ساعه بيش

شاهين..7:30 بنتي

بنين..طفرت عزاااا الدوام كمت اخذت ملابسي سبحت بسرعه بدلت حضرتله الحمام وطلعت حضرتله ملابسه هوا يضحك عليه

شاهين..لج ترافتي حتى عامر بعده مطالع

بنين..لا مو اني عندي غيابات قديمه وهسه اتأخر وعندي اجتماع ويا المفوضين

شاهين..ههههه بلوتي

بنين..هههه دخل يسبح واني مشطت شعري ولبست حجاب والبيريه رتبت الفراش والغرفه كعدت ضهري حيل يأذيني من الشغل مال بارحه طلع هوا من شافني كاعده وايدي على ضهري رفع راسي بأيده وعلى وجهه علامات القلق

شاهين..شبيج ابويه

بنين..ضهري من الشغل مال بارحه يأذيني حبيبي

شاهين..ترتاحين اخذلج اجازه

بنين..لا اداوم بعدين اول مره اشوف مدير كل شويه ناطي اجازه الضابطه

شاهين..سهله منا وجاي ماكو اجازي حضري نفسج على هل اساس

بنين..لاااا لااا اشاقه اشاقه شبيك متتحمل شقه

شاهين..ديله يله امشي كدامي

بنين..بسته من شفته اريد اجازه اليوم

شاهين..انعل ك……… لابو حتى الدائره شكد تريدها الاجازه يوم يومين شهر سنه

بنين..ههههههههههه واضح بعد متنطيني اجازه عفته ونزلت اضحك واسمع ضحكاته دخلت للمطبخ لكيتهم كاعدين صبحت عليهم وساعدت خاله بلريوك خلصنه كلشي ونزل هوا كعد وكفت بصف صبيت جاي اله والي ورجعت القوري كعدت بصفه كرصني من خصري بدون وعي صرخت اااخ كلهم ضلو يباعون عليه وشاهين ابتسم بس بخفه

عمو سلمان..شبيج بنيتي

بنين..لا عمو شويه بطني اذتني محجو شي بس خاله ام عامر انتبهت على شاهين وضحكت شكد خجلت بودي اكوم واخنكه ضليت اكل واني مدنكه خلصت وهوا خلص باوع عليه وحجه

شاهين..ها يابه خلصتي

بنين..اي كام وكمت ورا لبسنه تكرمون بساطلينه قبل منصعد بلسياره شاهين هيج تكرصني

شاهين..مو بطنج اذتج تذبين تهايم مو عيب

بنين..عزاااا شاهين باوع باوع صارت حمره وهسه تصير زركه

شاهين..افه والله افه تهمين رياجيل العالم صعدي بابا

بنين..خلاني اكمز بنص الكراج وهوا يضحك عليه والله كرصتني

شاهين..هههههههه بويه عامر راح يطلع ويعاقبك ملازمي

بنين..افااا اكو احد يكدر يحجي ويايه واني حرم العقيد شاهين الدليمي الماخذ روحي وعقلي وكياني

شاهين..اني اكول نضرب الدوام واخذلج لل……….. وبعدين ا……… سالفة حياة وموت ضروريه

بنين..عزااا عزااا هاهيه حسكت بعد ماحجي ضحك صعدنه بلسياره وطلعنه للدائره وهل مره دخلت وايدي بأيده وجان مرتضى ولكل واكفين وصلت المكتبي مجان اكو احد باسني من خدي البوسه صارت بين شفتي وخدي وراح ابتسمت ودخلت للمكتب ضليت اشتغل ولابتسامه مفاركتني بنص الدوام صارت استراحه بس اني جان عندي ملفات هوايه نفتح الباب ودخل شاهين هو هو باع منو نورنه نورت سيدي

شاهين..اي سبعي اي شعندج هنا

بنين..حبيبي عندي ملفات ممكملتهن ومالحك بعد

شاهين..كومي

بنين..وين

شاهين..اخذج المكام مميز عندي

بنين..بس الدوام والملفات

شاهين..اني مديرج وداكلج كومي

بنين..ابتسمت كام وكف واجه كبالي دار الكرسي الجنت كاعده عليه وصار كباله خله ايده على يدات الكرسي وتقرب وحجه

شاهين..سلام الله عليهن لا يحسدونك

يهنيال الجمال الشالته عيونك

بنين..باسني من عيوني الاثنين ونزل وخر الشال وباسني من ركبتي وعضني وخر من ركبتي صعد باسني من شفتي وعضني من شفتي الجوه وخر وابتسم

شاهين..يله ملازمي يله لا اتهور واصخمج بنص المكتب

بنين..هاا

شاهين..ها يبعد الها واهلها

بنين..هههه لزمت ايده وطلعنه رحنه للمطعم الي يم الشط اول مره جابني اله كعدنه تغدينه وسولفنه شاهين مين تعرف هذا المطعم

شاهين..من تخرجت للكليه العسكريه وصرت ملازم

بنين..حيلللل امم بس جنت اجيب احد عليه مو

شاهين..اي

بنين..هبه لو غاده لو منو

شاهين..جنت اجيب وحده خبلتني بفهاوتها وسلبت عقلي بنص الشغل تجي بالي عيونها وبنص الهوسه تجي بس هيه ابالي بنتي الچبيره وبنتي الصغيره

بنين..تحبها اكثر مني

شاهين..اموت على ربها

بنين..دمعت عيوني اني خلصت اريد ارجع

شاهين..يله

بنين..كمنه دفع الحساب وطلعنه الطريق كله ملتزمه الصمت وساكته بس بداخلي ميته قهر………….

للحكايا بقايا……………

اخوان واللهي اتمنى تعذروني لين هل اسابيع كلها متحانات حتى مالحك اكتبلكم بارت والله اعذروني اعذروني كلش هوايه بس الاثنين والثلاثاء عطلتي عوضكم والله ادعولي انجح لين المواد تخنك الواحد احبكم هوايه وصدكوني القصه مبقالها شي واختمها بس بعد كم مصيبة وعركات وبوكسات على كم سجن على كم تنرفز واستقصاد واختنها احبكممم هواااايه💋

وإن فرقتنا دروب الاماني

‏فقد نلتقي صدفةً في قصيدة

‏وإذا كان بعدكَ عني اختياراً

‏فإن لقائنا وربي مشيئة

‏لقد كُنت في القربِ أغلى ذنوبي

‏وكنت في البُعدِ أجمل خطيئة

///////////////////////////////////

بنين..دخلت للبيت شفت خاله ام عامر وبيبي سعاده ديصلن بوستهن وصعدت الغرفتي اخذت ملابس ودخلت سبحت وبدلت وطلعت نشفت شعري ومشطت وصافنه كبال المرايه الحد هسه يحبها وشلون يوصف حبه الها كدامي زين واني شنو موقعي بحياته فزيت من صفنتي عليه وهوا يحضني

شاهين..شبيج بنتي

بنين..مابيه شي تعبانه وخرت من حضنه ورحت رفعت الحاف وتمددت وغطيت راسي ونزلت دموعي كافي تبجين عفيه عيونه لو بوري مالي خلك حتى ابجي راسي يأذيني نمت ماكعدت غير المغربيه وخرت االحاف من راسي دايخه لا مو كتها ابد تمرضت نفتح الباب ودخل فتح الضوه قوي وبعيني غمضت عيوني كحيت وحجيت طفي الضوه حباب

شاهين..كومي احجي وياج

بنين..شاهين عفيه مالي خلك

شاهين..شبيج بنتي

بنين..مالك دخل روح حب وتحب لتجي يمي

شاهين..هههههههه وعلمود هاي تمرضتي انتي شلون صرتي ملازم بس لو ادري نيالك يشاهين عندك ضابط بزر نستله

بنين..ماقارن نفسي بيها بس شنو الشفته بيها مشفته بيه

شاهين..بنين بنتي تدرين انتي مخبله

بنين..لين الي يغار على شخص يحبه صار مخبل جان العالم كلها مخابيل واولهم شخص ابالي

شاهين..شقصدج ولج

بنين..رفعت الحاف فوك راسي محد اريد انام شويه ورفع الحاف نام بصفي وايده صارت على خصري ااشش شاهين ايدك

شاهين..مصخنه

بنين..كام جاب طاسه بيها مي وصار يسويلي كمادات بس اني فصلت بعد صخونتي حيل تضوج واتنحس وابجي احس روحي تروح مني من اتمرض

شاهين..كومي للمستشفى حرارتج 39درجه وتصير اربعين كومي بنتي

بنين..مالي خلك

شاهين..بنين بنتي كومي لتعبيني

بنين..لبنسي جبتي ولفيت الحجاب شلون مجان مشيت خطوتين احس الدنيا تفتر بيه ردت اوكع بس لزمني

شاهين..تعالي يدينه شاهين انتي

بنين.. شالني ونزلني جوا جانو كلهم كاعدين جنت فاصله عنهم بس اسمع شيحجون

خاله ام عامر..خير ابويه شبيها البنيه

شاهين..حجيه جايبتلي ضابط بزر نستله مصخنه راح اخذها للمستشفى

خاله ام عامر..يمه اجي وياكم

شاهين..لا ماله داعي حجيه ماله داعي

بنين..صعدني بلسياره وخليت راسي على الجامه وهوا صعد بلطريق كمت ابجي

شاهين..هسه غير اعرف على شنو البجي يا ابويه

بنين..شاهين الفلاونزه موتتني

شاهين..اويلي عليك يشاهين ولج والله عنادج موتني تسبحين وتنامين بنص البرد

بنين..مجاوبته ضليت ساكته وصلنه للمستشفى نزل ونزلني رحنه للدكتور ودزنه على تحاليل شايفين الطفل الي اهله يحيرون بي هاي اني شاهين حار بيه دكتور يدزنه على دكتور حتى على دكتور لاطفال اخذوني وتالي شاهين حجزلي غرفه خاصه وشدولي كانونه وخلو مغذي ويا المغذي خبطو دوه رأسا نمت

شاهين..اباوع عليها نامت جاهل اوف يافزة عيوني انتي طولج تلترباع وهيج خابصه حياتي خبص طولج عيونج ضحكتج سلبت روحي مني يانضر عين شاهين فلاونزه هدة حيلها وهيه تحملت مصايب من وراك شاهين بدل متجي تعوضها جيت زيدتها عاشت ايدك متقصر ضليت كاعده للصبح اباوع عليها نايمه لحد الصبح كعدت بستها من راسها الحمدالله على سلامتج ترافتي

بنين..الله يسلمك شاهين اريد اطلع منا

شاهين..اجه الدكتور يعاينج واطلعج

بنين..الدكتور فحصني وحجه ويا شاهين

الدكتور..راح انطيها علاج تستمر عليه والمغذي تستمر عليه يومين لين فلاونزتها قويه والبنيه ماعدها مناعه انت ابوها

شاهين..زوجها

الدكتور..مثل متكلك ابني لازم تنتبه على صحتها زين

شاهين..انشاء الله

بنين..ساعدني اوكوم عدلي شويه حجابي وسندني وطلعني من المستشفى صعدني بسياره الطريق كله ساكته اتنحس حيل من اتمرض جنت صغير اتمرض اهلي يشيلون هم من اقل حجايه ابجي وصلنه للبيت نزلت من السياره ودخلت للبيت سلمت وصعدت وخرت الحاف ونمت ماكو 10دقايق ونفتح الباب باوعت شاهين اخذ ملابس ودخل يسبح طلع شعره مبلل ونازل على رموشه مشط واجه رفع الحاف وحضني

شاهين..وليدي تمرض من وراي

بنين..جنت تاخذها التفس المطعم مو

شاهين..والخلق سبع سموات الوحيده الي حبيتها وعشكتها انتي لا حبيت قبلج ولا حبيت بعدج

بنين..مو ذكرتها اليوم

شاهين.. من اكلج بلوه متصدكين بنتي اول عركه وين حليتها وياج

بنين..بنفس المطعم

شاهين..وره الخطبه وين اخذتج

بنين..النفس المطعم

شاهين..وره العرس

بنين..هم النفس المطعم

شاهين..عجل المن اخذ غير ملازمي البزر نستله فالح بس يتنعوص على شاهين

بنين..نداريت عليه شكد تحبني قرب راسه عليه وحجه

شاهين.. ‏و إنّني لمّا مِلْتُ إليكَ اتّزنت

‏و في ميلي إليكَ حُسْنَ اعتدالي.

بنين..باسني من شفتي وخر شاهين لتنعدي

شاهين..كلشي حلوه يجيني منج

بنين..يعني هسه بس اني تحبني

شاهين..عاشكج وعاشك خيالج يمن اندارلج فدوه الهذه جمالج

بنين..ابتسمت حضنته لتحب احد غيري

شاهين..محد يسوه اخلي بكلبي بكدج

بنين..بسته بخده ونمت

شاهين..نامي يالاعز من روحي اعزج

صابرين..من يوم افترقنه اني وحسام روحي رايحه مني امشي بدون روح روحي وعقلي وكلشي بيه يم حسام تعبت من كلشي تعبت شخص احبه مااكدر بدونه شخص حلمت بي من اول يوم شفته وتالي هيج يصير بيه اني شسويت بدنيتي ليش هيج اتعاقب اتمنى ارجع صغيره كل همي لعاباتي واهتمام اهلي بيه حياتي مالها معنى بدونه اني ضعيفه كلش ضعيفه حب حسام مبقه بيه حيل شكد اكول اني قويه وانسا بس من يجي اليل اويلي اتمنى اموت صرت اتمنى وكل مره اصلي ادعي ربي ياخذ روحي مالي قدره اتحمل بعده مكضيتها اروح للدوام ارجع انام اكعد اكل وشويه اشتغل واركع انام صرت انهزم بلنوم ماعندي غير حل نتهيت بهل حب الي مجابلي بس المضره وين جنت مفكره حياتي ويا وشلون صفيت شلون جنت احلم اعيش اني ويا بيت واحد وشلون تكون حياتنه وتالي كلشي انتهى بيني وبينه بلمح البصر غمضت وفتحت اني ويا انتهى كلشي بينه طلع مزوج ومكون اسره واني مثل الهبله جيت وحبيته كاعده بلمكتب وكدامي الملفات وصافنه عليهن كمت وصادفت بنين ممداومه سئلت شاهين كال مريضه المن اشكي واني صرت اخذ بنين مثلي الاعلى بلدنيا اول شي حب مرتضى الفاشل التعبها وراها كدام عينها خطب صديقاتها وراها خطبها شاهين وصارت بصراع بين حبها المرتضى وبين كرامتها وتالي وافقت على شاهين وبده معاناتها ويا واخيرا حبته وبعدين عرفت ميصير عدهم طفل وراها طرحت وبسبب شاهين وراها عاشت بمعانات ورجعتله وغياب شاهين وطرحها مره ثانيه تحملت ضيم ومعانات ورب العالمين عوضها هسه واني هم هيج راح انتضر عوض ربي احسن من الكل احجي واكول بس والله تعبت ومحمد تعبت الي عرفته طلك مرته يم السيد بعد الجلسه مال محكمه وينتهي بينهم كلشي بس بعديش فزيت من صفنتي على فتحت الباب رفعت راسي شفته حسام كمت احترام اله نعم سيدي

حسام..كومي وياي

صابرين..وين

حسام..مااكلج تره الحجيه تريدج

صابرين..اعذرني سيدي مااكدر عندي شغل واليوم هوايه عندي ملفات ادققهن

حسام..صابرين

صابرين..والله مااكدر اعذرني عن اذنك داطلع جرني مني ايدي وطبكني بلحايط وصار كبالي ننعم

حسام..صابرين داموت بدونج

صابرين..واني اريد انساك واطلعك من حياتي

حسام..كذابه عيونج تكول غير هذا الحجي

صابرين..اكره بعدني ممكمله باسني من شفتي احس روحي راح اوكع عضني من شفتي الفوك واخذ الجوه هم عضني منها دفعته وكعدت بلكاع ودموعي تجري

حسام..حسي بيه صابرين محتاجج

صابرين..حسام اني اريدد انساك اريد انساك اريد اطلعك من حياتي وانت تجي وهيج تسوي كافي حرام عليك حل عني تعبت اني تعبتت

حسام..چا واني ماتعبت لج صارلي 9اشهر اريدج تحنين عليه وتسامحين ماكو كافي لج كافي

صابرين..اريد حل انساك نطيني حل ماشوفك بعد ولا حتى بحلامي ماريدك

حسام..تزوجيني

صابرين..هذا مو حل مو حل كافي حرام عليك اسعد يوم بحياتي سويتو اتعس يوم كافي البنات يتمنن هذا اليوم اله اني صرت اكرهه نفسي شوف يا ابن الناس اني وياك مالنه رجعه سويه عوفني بحالي ترا راح اموت وحق العباس راح اموت عفته وطلعت ابجي ضليت امشي وابجي الحد ما نتبهت اني يم باب بيتنه باوعت جانن سيارات واكفه يم بابنه عبالي واحد من اهلي بي شي دخلت مفزوعه دخلت للصاله شفت ثنين رياجيل معكلين ورياجل ثالث لابس بس دشداشه وثنين شباب ونسوان تلاثه سلمت داصعد الغرفتي امي صاحتني نعم

ام صابرين..تعالي يمه اعرفج على جدج وعمومتج

صابرين..اخذتني من ايدي وصارت تعرفني عليهم

ام صابرين..يمه هذا جدج حكيم وهذا عمج حاكم وهذا عمج منير وذوله ولد عمج حاكم جاسر وياسر

صابرين..اي اهلا وسهلا بيكم اتشرفت بمعرفتكم بس اني هسه جايه من الدوام وتعبانه فا من رخصتكم عفتهم وصعدت الغرفتي اخذت ملابس اسبح وابجي جوا الدوش خلصت بدلت وطلعت مشطت شعري ونمت والدموع تجري على خدي مكعدت غير المغربيه فتحت عيوني راسي يأذيني كمت نزلت وشعري مفتوح عبالي راحو وصلت النص الدرج وطلع ولد من الغرفه باوع عليه ودنك راسه صعدت اخذت حجاب من الغرفه ونزلت للمطبخ اكل فاتت امي

ام صابرين..ولج شسويتي ليوم لابيه اسكت ولا بيه احجي مو عيب

صابرين..ليش عيب تعبانه وصعدت انام بعدين اني ماعرفهم ومالي خلك اكعد ويا عالم

ام صابرين..شلون راح تكضين يمهم حياتج لعد عيني

صابرين.. شنو يعني مفهمت

ام صابرين..جدج حكيم وعمج حاكم فتحو موضوع ويا ابوج راح ياخذوج الجاسر

صابرين..فصل عقلي من الي دتحجي امي شنو ياخذوني الجاسر لا ماريد ماريد ازوج وبعدين انتو غير تاخذون رأيي

ام صابرين..لعد اجاج واحد مزوج وعنده بنيه وقبلتي بي انتهى صابرين كلمة ابوج وكلمتي ثبتت انتي صرتي الجاسر وخلاص بعدين شبي اشو شاب ومرتب وحلو واصل بدراسه ودكتور واخو ياسر مهندس شتريدين بعد لو لازكتلي بحسام الي بهذل احوالج انسي صابرين رجال مزوج وعنده عائله

صابرين..نزلت دموعي ها يحسام هاي اهلي كامو يعيروني بيك شتحمل بعد بس اريد اعرف كلبي تعب وحق الله احس فديوم انام ماكعد بعد من كلهن اني ماعندي بخت كمت داصعد صاحني ابويه اني ماريد انجمع ووياهم يعني ناس ماعرفم من جان عمري 6سنين دخلت كعدت وهما يسولفون واني مكضيتها اصافنه مو يمهم فزيت على واحد يصيح اسمي نعم

جدي حكيم..شلونج بويه دوامج شلونه

صابرين..زينه ودوامي هم زين

عمي حاكم..بويه صابرين تحبين دوامج

صابرين..اي احبه حاربت الكل حتى ادخل هل مجال

جاسر..بس مو تشوفيها زحمه بنيه وضابط وبنص الضابط

صابرين..اذا انت تشوفها زحمه فا هاي مشكلتك احنه بلدائره كلنه اخوان وماعدنه هذا الشي

جاسر..الف اختصاص للبنات تكدرين تروحين لو اله ضابط احنه مجتمع شرقي نضرته للبنيه الي تدخل هل مجال مو هلكد

صابرين..واني مجتمعكم الشرقي اشوفه مجتمع فاشل على بنت النبي يحجون وهما منافقين يكعدون بناتهم من مدارسهم ويريدون يزوجون بنات واصلات بلدراسه وبنتهم يعتبروها غلطه عوره عيب تبدي رأيها وعيب تحجي وعيب تدخل لاختصاص لاتحبه مجمتع فاشل لايقدم ولا يأخر شي بحياتي اني راضيه عن نفسي واهلي راضين عليه نضرات العالم او المجتمع متهمني لين المجتمع هذا نفسه دمر نفسه بنفسه عدهم عيب الدراسه وعيب الطلعه وعيب الدخله وهما اذا شافو بنيه مثقفه واعيه يكتلون نفسهم عليها

جاسر..بس انتي هيج دتشوفين نفسج اعله من العالم يا ضابط يا مثقف

صابرين..الثقافه مالها دخل بهذا الشي الثقافه مو بس نعرف اسماء الادويه بـ الانكليزي ولا بس نعرف ادوات العمليات ولا الثقافه نعرف اسماء الامراض بـ الانكليزي لين هسه طالب صف خامس اعدادي تلكا لبلبان بـ لانكليزي انتي مفتهم الثقافه غلط يا اخ

جاسر..ليش الدكتور يم الضابط صار كل ثقافه ما اله

صابرين..بلعكس بس انت تكول ثقافه الثقافه من تحس بمعانات العالم كلهم صغير كان كبير مو بس اعالج العالم هاهيه

جاسر..انتي شكد عمرج

صابرين..23

جاسر..ههه بنتي لو مزوج بنتي هسه بكدج

صابرين..والله يا اخ هاي هم مشكلتك احد ضربك على ايدك متزوج لو مزوج جان تعرفنه علئ المحروسه

ابو صابرين..صابرين بنتي كافي

جدي حكيم..لا عوفها ابو صابرين عاشت ايدك على هل تربيه والله وطلعت رافعه راس يا صابرين

ياسر..يا يلدكتور شو لي بكد بنتك سكتت هههه

جاسر..ياسر حل عني تره ومحمد اكوم انهيك

ياسر..خويه اني ياسر مهندس والله وكيلج كل ثقافه ماعندي

صابرين..اهلا وسهلا بس اني ماقصد ماعندكم ثقافه ترا

ياسر..ادري خويه داشاقه وياج

صابرين..شكرا كامت امي تسوي عشه وكمت ساعدتها ويانه النسوان كضيتها ساكته واشتغل على الساكت اني عبالي موضوع الخطبه هيج موضوع نفتح وراح وماكو بس من خلصو عشه وشربو جاي كعد يتفقون ويتناقشون مكدرت بعد بابا اريد احجي وياك عادي طلعنه اني وابويه للغرفه مالتهم بابا عليك الله لتزوجني

ابو صابرين..بويه جاسر خوش جاسر شاب معدل وابن اخوي وموضوعج انتي ويا خلص عبالج اني مداشوف شديصير بيج يوميه اسمع البجي مالتج بغرفتج يوميه تكعدين عينج مورمه علمود شخص ميخاف من الله وهمج بشي وطلع نذل وعنده عائله صابرين تحلمين انطيج اله مره ثانيه

صابرين..ابوس ايدك والله العضيم اصيرلكم خدامه بس لتزوجني

ابو صابرين..موضوع منتهي

صابرين..عافني وطلع احصدي صابرين احصدي ثمن افعالج احصدي اهلج هيج كامو يحجون اهلج يعيروج بحسام اخ يا غلطه حياتي يا حسام اخ شنو السويته الك حتى هيج تسوي بيه شسويتلك ضليت ابجي بغرفه امي طلعت صعدت كبل الغرفتي كملت مسيرتي ويا دموعي ماعندي غير حل اني انسانه ضعيفه انيي اكرهه ضعفي اكرهه نفسي يارب اموت ضليت ادعي على نفسي اموت لحد ما نمت كعدت الصبح غسلت وصليت وبدلت عندي دوام نزلت شفتهم كاعدين صبحت عليهم واخذت زيتونه وشويه ملح لين ضغطي نازل داطلع صاحوني نعم

جدي حكيم..انتضري بويه جاسر يوصلج

صابرين..ماله داعي اني اخذ تكسي واروح

جاسر..وين عايشين بتكساس تروحين وحدج

صابرين..طلع واني ورا سيارته جانت يم بابنه بيضه وعاليه صعد وصعدت بس كتله امس الدائره هوا ندلها الطريق كله ساكته محجيت شي وصلنه للدائره انت مين تندلها

جاسر..بويه تره مو اول مره اجي البغداد

صابرين..شكرا لين وصلتني نزلت مشيت خطوتين صاحني نداريت عليه نعم

جاسر..ساعه بيش تطلعين

صابرين.. بـ12:30ينتهي الدوام الرسمي

جاسر..خوش ديري بالج على نفسج

صابرين..باوعت عليه اول مره اركز بملامحه شعره اشكر وسرح وعيونه الونهن مدموج بين لاخضر والحوزي حنطاوي فزيت من صفنتي عليه وهوا يحجي

جاسر..بويه هيج حلو وسرحتي بيه

صابرين..من رخصتك عفته ودخلت للدائره هستوني دخلت المكتبي دخل ورايه حسام نعم

حسام..منو الجان يحجي وياج

صابرين..شدخلك

حسام..صابررررررريييينننن منووووووو

صابرين..خطيبي

حسام..شنووو

صابرين..خطيبي شنو شنو

حسام..هههههه انتي مخبله اني اخلي احد ياخذج مني تحلمين

صابرين..بس اخذني منك وخطوبتنه الجمعه وانتهى الموضوع انت عندك حياة ومن حقي اني اسس حياة خاصه الي اني حجيت هيج هذا اجه ولزمني من ركبتي وطبكني بلحايط خنكني واني صافنه بعيونه شفت كومه حجي وندم

حسام..محد ياخذج مني انتي باسم حسام وبس

صابرين..وخر عني كمت اكح شربت شويه مي وهوا طلع كعدت على الكرسي نزلت دموعي مسحتهن وبديت دوامي جان عدنه اجتماع دخلت للقاعه مال جتماعات جانت بنين مداومه وهيه التحجي علمود المفوضين وشاهين كاعد ومرتضى وحسام وطيبه وصبا وحتى العميد عامر بدت بنين تناقش مراضيع ويا المفوضين خلص الاجتماع وكلنه طلعنه وبقت بنين وشاهين اخر شي بلقاعه

شاهين..رافعة راسي بنت ابوها

بنين..اممم حتى تعرف المن ماخذ

شاهين..انتي حرامات مسوج كبل لواء ركن

بنين..هههههههه سيدي احنه بدوام رسمي

شاهين..احم ملازم بنين حضر ملفاتك والحكني للغرفه اوقعلج

بنين..تدلل سيدي اخذتله تحيه اجه كرصني من حلكي وباسني وطلع طلعت ابتسم دخلت المكتبي حضرت الملفات داطلع دخل مرتضى

مرتضى..صايره علاقتج بي قويه

بنين..ههههههه تعرف يعني شنو هوا رجلي وحبيبي وروحي من الدنيا هذا هوا اطلع اني مو موضفه يمك

مرتضى..لعد يمن موضفه ست بنين

بنين..فتحت الباب وحجيت موضفه يم العقيد شاهين حبيب روحي عفته ودكيت باب مكتب شاهين سمحلي ادخل سيدي الملفات

شاهين..تعال ملازمي

بنين..نعم سيدي

شاهين.. لواء بنين رياض ههه

بنين.. ههههههه ضحكت هوا باوع عليه شو هذا كام من كرسيه وصار كباله رفع راسي عليه وتقرب باسني من شفتي بادلته نزل باسني من ركبتي واخذ نفس ورجع باسني من شفتي

شاهين..ماي زمزم شفتج ماينشبع منه

بنين..دنكت راسي شكد خجلت سسيدي الملفات

شاهين..ك……… خالة الملفات

بنين..فتحت عيوني بوسعهن عليه عزاا عيب شاهينن

شاهين..يايبعد شرايين كلبه الشاهين

بنين..احبك

شاهين..عاشكج

بنين.. حضنته قوي ندك الباب وكفت عدل عدلت ملابسي هوا ابتسم

شاهين..ادخل

بنين..نفتح الباب دخل مرتضى باوع عليه وعلى شاهين

مرتضى..سيدي ملفات الضباط ردتهن حتى توقع

شاهين..جيب

بنين..وقع مالاته الملفات وقع ملفاتي

شاهين..ملازم بنين راح تجين وياي الكليه ضباط الحدث

بنين..امرك سيدي اخذت تحيه وطلعت المكتبي واني الابستامه من اذني ليسار الحد اذاني اليمنى………

للحكايا بقايا………

احبكم💋

بأذني صوتك غفى ،

واتقدم الـ ليورة

واوصل الحد السْكر

اطوطح بشوفتك

منعوك مني شعجب

شنهو انتة قابل خمر

//////////////////////////

بنين..اخذت غراضي وسلاحي وضليت اعزل مكتبي لحد ما دك عليه شاهين جاوبت الو

شاهين..يله ملازمي جاهز

بنين..جاهز سيدي

شاهين..عفيه سبعي يله

بنين.. طلعت وهوا بنفس الحضه طلع نزلنه سويه جان مرتضى ينتضرنه صعدت بسيارت شاهين ومرتضى بسيارته وصلنه للكليه ابتسمت شكد عندي ذكريات بيها نداريت على شاهين كرصني من خشمي تقربت بسته من خده

شاهين..بده التحرش

بنين..هههه نزلنه من السياره ودخلنه للعميد مال كليه

العميد..يااا هله بشاهين

شاهين..هله بيك سيدي

العميد..منو منورنه ومنور الكليه اليوم احسن وافضل طالبه جانت عندي وهسه زوجة احسن عقيد عدنه بلوزاره

بنين..اخذت تحيه الكليه منوره بيك سيدي

العميد..شلونك مرتضى

مرتضى..احترامي سيدي

العميد..حبيبي

بنين..شاهين والعميد مشو كدامني واني ومرتضى وراهم شاهين مكتف ايده وره ضهره ويمشي ابتسمت هيبتي بكل معنى الكلمه لزمت ايده هوا باوع عليه بطرف عينه وابتسم كرصته من ايده بس متأذه بلعكس لزم. ايدي وعصرها كرصته ماكو رخه ايده من ايدي جانو الطلاب يدربون وكفو سراوات وبده عميد الكليه يحجي

العميد..شلونكم يا ابطل

الطلاب..بخير سيدي

العميد..اليوم ويانه العقيد شاهين غني عن التعريف والنقيب مرتضى والملازم بنين راح يباشرون وياكم من باجر المدة شهر يتابعون تدريباتكم شاهين ماوصيك بيهم بعد

شاهين..صدك كذب حبايبنه ذول

العميد..هههههههه يله من رخصتكم شباب

بنين..وكف شاهين ينطيهم تعليمات ويحجي وياهم ومرتضى يخزر واني سرحانه بشاهين شلون يحجي شكد حلو مااعرف اني ماشوف احد حلو بكده هوالشي الي خلص وبدو كدامه يدربون الطلاب كعد على كرسي واني اكتب معلومات الطلاب ومرتضى اختفى اصلا سيدي الطلاب 36وهنا بطايق معلوماتهم بس30يعني بعد 6ماكو

شاهين..كوم ملازم شوفني شطارتك وشوف منو مجايب وها تعاقبه

بنين..خطيه جوز نسو

شاهين..هههههه امشي بنتي اخذي منهم وعاقبيهم حتى يطلعون ضباط حوك مو مثلج بزر نستله

بنين..اني مو بزر نستله

شاهين..واضح

بنين..هفف كمت عددتهن كدامي صارو سراوات وضليت اعدد اسماء الي مجايبي بطايق وطلعتهم انتو كملو تدريب وانتو امشو ورايه اخذتهم وقتت الساعه نص هاي الساحه تنكس وتتنضف ويا ركض ومن تخلصون عندي حجي ثاني وياكم واحد كام يباوع بوجهه الثاني والله نقهرت عليهم وشاهين يضحك راحو يكنسون ساحة التدريب رجعت كعدت اني مو بزر نستله

شاهين..ربي نطاني بزون مخبل

بنين..انن ههه خلصت النص ساعه واجوي وكفو كبالي وكبال شاهين كوه ياخذون نفس

شاهين..ليش مجايبين بطايق استاتذه

بنين..محد منهم حجه بس مدنكين

شاهين..هل مره هيج عقابكم مره الثاني ومحمد اشوفكم الويل يله رجعو

بنين.. اخذو تحيه وراحو شاهين خطيه

شاهين..والله ملازمي انتي الدربج بي انوثه اكثر منج فه كلشي عندج خطيه

بنين..جان قصده على مرتضى ضميت راسي بضهره وخربت ضحك

شاهين..ملازمي كلتها واعيدها الف مره ضحكتج تخمش كلبي

بنين..شاهين كافي ترا مااكدر

شاهين..جنج………. عليه

بنين..عزاااا لااا فضحتنه ابتسم ضلينه بكليه الضباط الحدث انتهى الدوام ورجعنه للبيت دخلت مجان اكو احد ماري وينهم

ماري..طلع راح يزور

بنين..تمام صعدت للغرفه اخذت ملابس ودخلت سبحت وبدلت وطلعت وكفت اجفف شعري باوعت عليه دخل للغرفه وسد الباب وقفله اجه حضني من ورا وخله راسه بركبتي

شاهين..اخ لو فرة ركبتج تشتهيني

الا اخلي الشمة قبله. ودورة الزنجيل ديني

بنين..ابتسمت شاهين انت مين اجيب هل كلمات

شاهين..من كلبي ترافتي

بنين..لعد ليش اني مااكدر اجيب منهن

شاهين..ههههه تكدرين سبعي ماكو شي ملازم شاهين البطل ميكدر عليه

بنين..حبيبي

شاهين..عشكه

بنين..اريد اكلك شغله

شاهين..حجي بويه

بنين..اريد نروح للكاضم اني وياك

شاهين..ادللي العصريه اخذج

بنين..بسته من خده ترا اني ميته بيك

شاهين..واني عاشكج

بنين..باسني من خدي ونزل الركبتي شالني للچربايه واخذني العالمه نام بصفي واخذني الحضنه باسني من راسي

شاهين..اي ترافتي اي

بنين..رفعت راسي عليه تروحلك فدوه ترافتك الطولك وهيبتك وجمالك وروحك

شاهين..اشتعلت العشيره

بنين..هههههه شاهيني

شاهين..دنيته

بنين..اذا فديوم صار عدنه طفله شراح تسميها

شاهين..عندي انتي طفلتي

بنين..لا والله اذا صار عدنه بنوته شسميها

شاهين..عندي شمس ولي هيه انتي شمسي واذا صار بنيه قمر

بنين..امم يعني يصيحولك ابو قمر

شاهين..اي ياشمس سنيني انتي

بنين..بسته من شفته ترا ميصير هيج والله يوميه داحبك اكثر

شاهين..بنتي خبلتيني بهل سوالف لزعطوطيه العندج

بنين..ههههه دخلت بحضنه وهوا حضني قوي ونمت

شاهين..اباوع عليها نايمه ملامحها الطفوليه سلبت عقلي بنص الدوام تمر ابالي ضحكتها ومن تبرطم مثل الجهال اصفن بيها معقوله هذا العصفور البحضني ضابط ويندكله تحيه وهيه اترف من الورده مااكدر اوصفها بكلمات هيه شي اكبر من هذا مرات اصفن اني اضلمها وياي اني ميصيرلي جهال هيه شذنبها تعيش هل حياة بس مااكدر ابعدها عني ماكو يوم مر اذا مشام عطرها وحاضنها عوضي بهل دنيه بس هيه بعدها كل نسوان الدنيا اختفن وبقت بس هيه حضنتها ودنكت الركبتها شميتها عطرها عطر الطفل بستها براسها بعد شراح تسوين بيه ترافتي

صابرين..خلص الدوام وطلعت من الدائره جان جاسر ينتضرني استغربت شعنده جاي عليه تقدمت عليه

جاسر..صعدي خاتون راح تضلين واكفه هنا

صابرين..داجاوب شفت حسام طالع ابتسمت وصعدت ويا ضل يباوع علينه وطلعنه بعدنه عن الدائره نداريت عليه شجابك

جاسر..جدي دزني عليج مو محبه بيج

صابرين..واني بعد ماريدك اتعب تفسك وتجي شكرا

جاسر..باعي لتخبرين صبري ترا ودين محمد روحي طالعه

صابرين..باوعت عليه ودرت وجهي وصلنه للبيت نزلت اشكرته ودخلت لبيتنه سلمت وبوجهي صعدت لغرفتي نمت

حسام..تنخطب بنت الكلب اني الها اي حسام ردتك وحبتك وشنطيتها خليت اسعد يوم بحياتها اتعس يوم كاعد وايدي على راسي وصافن بمصيبتي الي تحجي بكل برد اسغفرك ربي

ام حسام..ها يمه الله يساعدك

حسام..هله بيج حجيه

ام حسام..ولك يمه دخذني لبيتهم احجي وياها والله كلبي يأذيني عليك يا عزيزي رويحتي

حسام..شيفيد حجيه ذيجيه بنت القن…… نخطبت

ام حسام..يمه لعد رجع مريتك واغزي الشيطان عوف لبنيه شافت حياتها

حسام.. محددد مهجممم بيتي غيرها هستوني شديت النجمه دبستيني ادبس بسهاد ليش يمه حتى فرحة بتخرجي مفرحت كلبت حياتي جحيمممم ومن شفت صابرين لكيت راحتي لكيت راحت بالي لكيت حب عمري لج يمه شيبت واني معلعل ولج يمه احس نفسي طفل وضايع مداعرف حياتي تريدن ارجعها ليش خلت اسعد يوم بحياة البنيه اتعس يوم ولج يمه دمرتي حياتي بأيدج اخذتيلي سهاد ليش حتى بتخرجي مافرحت وهاي الطفله شذنبها تعيش مثل هل حياة كل عمرها سنه و6اشهر الله ياخذ حسام على اليوم الي اجيت بي لهل دنيا

ام حسام..اخخ يمه اخ وداعتك وانت عزيز رويحتي لو رجع بيه الزمن ماوصلها ولا اشوفها ولك يمه وحق علي داحي الباب اتمرمر من اشوفك هيج متعذب كدامي وماسويلك شي خليني اروح احجي وياها صابرين حبابه كلبها طيب

حسام..لا مترحين خليني هيج عل وعسه اموت ويرتاح العالم من حسام عشت حياتي تمرمر عفتها وطلعت ورحت اباب بيتهم ضل هذا مكاني مكابل باب بيهم وعيني على بلكونتها بلكت المحها بعد ساعات انتضار طلعت لابسه تراك عباره عن فرو وشعرها اسود بسواد اليل ومفتوح واكفه وتباوع على الحديقه واني ذايب بيها انتبهت على سيارتي وضلت تباوع ابتسمت نستني ونخطبت كل عقلها تنساني لو ااكدر اني الانساج

نزلت الجامه شافتني صارت عيني بعينها جانت طالعه اغنيه حسين نعمه تدري الوكت الاغنيه تشتغل كأنما تحفر كلماتها بكلبي اباوع عليها تبجي هاي اني حسام العشت حياتي العب لعب بلنسوان يم صابرين هيه لعبت بحالي علعلتها وياي واكفه وتباوع عليه والدمع عشره عشره سحبت جهازي ودكيت عليها مجاوبت اخر شي جاوبت

صابرين..الو

حسام..ماتوقعت فد يوم هيج كلبج حجر

صابرين..اني تعبت حسام كافي اذا تحب الله كافي ولك والله كلبي مايتحمل احس على ساعه اوكع واموت

حسام..كافي صابرين تعذبين بيه اني حسامج تعبان من الدنيه كلها وبس يمج راحتي وداعتج فراكج موتني

ايي يا صابريني المكسور

ما يرتاح بس للگاع

ايي والناس لاموني

ومتت شبساع

اجيتج رايد اتوسل

عفتيني سنابل وبحلگ منجل

ي بنيه اشتهيت انذل

ي بنيه المرض رافگني يمشي وياي

ارجعيلي بچيت هواي

صابرين..اني راح ابدي حياة جديده وانساك خلص حسام احنه من سابع المستحيلات ننجمع بعد

حسام..سمعيني انتي متصيرين الغير حسام لو السما تنطبك على الكاع تسجلتي بأسمي وانتهى الموضوع لو الدم يصير للرچاب اخذج ياصابرين اخذج لو مو ابوج يوكف بوجهي لو عشاير العراق كله توكف بوجهي اخذج اخذج غصبا ما عليج وعلى ابوج وعمج وجدج وهذا ابن عمج الصاير حريص وحق محمد اذا شفتج ويا مره ثانيه اجيج البيتكم اشمرج من البلكونه واصيري حبابه لحد مااجي واخذج

صابرين..سد التلفون بوجهي وشخط سيارته وطلع اكذب اذا اكول مابتسمت على كلامه هذا حبيبي مااكدر اعيش بدونه صح كذب عليه وصح اذاني بس مااكدر احبه لو احجي منا الباجر الصبح محد راح يفهم شعوري اكو مقوله حلوه تكول الجمره متحرك غير صاحبها وحسام جمره حركتني وحركت كلبي مااكدر اعوفه ولا اكدر اتخيل نفسي اعيش ويا غيره جنت ماسمع منه كلمه حلوه دائما ينتر ويصيح ويعيط عليه بس كلبي الحقير يحبه احس نفسي من كثره البچي كلبي راح يوكف منا ابويه واهله عايشين الدور ويخططون ويفكرون شلون العقد والعرس مفكرو بيه اني شريد بعد شراح تشوفيني يدنيتي بعد شراح اتحمل بس لا مستحيل احب احد مثل ما حب حسام اول حب بحياتي لا اني اكدر انسا ولا اني اكدر ابدي حياة جديده ويا غيره لبست جبتي وحجابي ونزلت شفت اختي الصغيره كاعده اختي صحتها نارين تعالي حبيبي

نارين..ها صابرين

صابرين..تطلعين للحديقه ويايه

نارين..اي يله بس البس جبتي

صابرين..يله انتضرتها تخلص ودخلت يم ابويه للصاله بابا اني ونارين راح نطلع للحديقه

ابو صابرين..لتطولين بابا

صابرين..هزيت راسي طلعت للحديقه كعدت على المصطبه وابجي بجيت بجيت بصوت مجان بيها احد فارغه ارتاحيت شويه واختي نارين تهدي بيه لحد ما صدك ارتاحيت ضليت كاعده ابجي واحجي الها عن حبي اله وشتياقي وكلشي ورا وقت طويل رجعت للبيت مجان الي خلك احجي ويا احد صعدت الغرفتي نمت بدون حتى اكل مرت الايام واني نفس وضعي بس الي تغير جاسر كام يوصلني ويرجعني مره تعاركو جاسر وحسام اباب الدائره وحسام جانت نهايه دوام داصعد ويا جاسر جرني حسام من ايدي نزل جاسر وجرني من ايدي الثانيه

جاسر..خير ابو الشباب خو ماكو شي

حسام..شوف ابني اني كوه داجرعك مو احجي وياك عوف ايدها وجفه شري بهل ضهريه

جاسر..لا بدينك دروحي حجي قبل ماتحجي هل حجي هيه خطيبتي وبنت عمي

صابرين..هوا جاسر نطق هل كلمه وهجم عليه حسام ضربه ورجع جاسر ضربه التمو العساكر يفاككون بين جاسر وحسام جريت جاسر من ايده كافي جاسر

جاسر..انتي امشي

حسام..ودين محمد اله اصكطك

صابرين..رجعت هجم حسام وعلى جاسر لحد ماطلع مرتضى وسلام فاككوهم سلام اخذ حسام مرتضى اخذ جاسر باوعت عليهم نفضحت بنص الدائره عفتهم وطلعت ركض ابجي وقلت البيتنه ومحجيت ويا احد صعدت الغرفتي العصريه سمعت صياح جوه مافتحت الباب لحد ما اجتي نارين عليه نزلت لكيتهم كاعدين

جدي حكيم..بويه خطبتج من ابن عمج هل خميس

صابرين..اني اسفه خاف ابنكم تضرر بسببي بس اني مااكدر ازوج ولا اكدر ابدي حياة جديده

عمي حاكم..بويه اخذنه كلمه من ابوج

صابرين..اذا تريدون ابدي حياة تعيسه ويا ابنكم اني قابله انطوني وقت بس ارتاح نفسيا محجو شي ترخصت وصعدت ابجي الى متى ابجي مو حتى عيوني شيبت من القهر والدمع

بنين..كعدنه العصريه سبحت وبدلت لبست نفنوف بيجي وبي حزام اسود وشال بيجي كعدت شاهين سبح وطلعتله ملابس بنطرون كابوي وبدي اسود وكفت كدامه خليت عطر دنك باسني من ركبتي

شاهين..عاشكج

بنين..واني ميته بيك ابتسم طلعنه للكاضم زرنه وتعشينه برا ورجعنه بلطريق خابر هيثم صديقه عليه جاوب شاهين

شاهين..ها ابو الثوم

هيثم..تعالو انت وام الاكبر يمنه ابو الشباب

شاهين..خو مابيكم شي

هيثم..لا يول تعالو مشتاقلك خويه

شاهين..ديله مسافة الطريق

بنين..مرحنه للبيت رحنه لبيت هيثم واروى جان هيثم واكف ينتضرنه بلباب باوعت عليه شاهين

شاهين..يله ترافتي

بنين..نزلنه لزمت ايده سلم واحد على الثاني

هيثم..شلونج خويه

بنين..هله بيك ابو شاهين

هيثم..متدخل شبيك دتحسسني تخجل تفوت

شاهين.. لا،والله ابو شاهين بس دانتضرك تحس

هيثم..ههههههه ادخل ادخل

بنين..دخلنه لبيتهم جان شاهين كاعد وداير مدايره ملاعيب من شاف شاهين كبل مدله،ايده عود شيلني دنك اخذه شاهين ويبوس بي ويشمه من ركبته

شاهين..يا شيخ الزلم بعد عمك

بنين..كعدنه وشاهين يلاعب الطفل

شاهين..اي عمي حاس بمعاناتك هذا ابوك الساقط يضربك كواد شحجي ويا

بنين..عزا بعيني شاهين ماخذه الواهس يحجي على هيثم وهيثم يضحك اخر شي هيثم شمر المخده على شاهين وضحكو طلعت اروى بوستني وسلمت على شاهين وكعدت كبالي

اروى..شلونج بنو

بنين.. بخير رورو وانتي

اروى.. والله مشتاقتلج وكلت لهيثم يدك على شاهين يجيبج

بنين..ههه ليش مجيتو انتو

اروى.. والله علساس نجيكم بس سبحت شاهين وخفت عليه يتمرض

بنين.. عمري هوا شطالع شاهين باندا

اروى.. ههههههه حلو اخذته من المول

بنين..اريد اخذ واحد الغيوثي

اروى..لا خيتي يوم تاخذ واحد الابنج

هيثم..شنو يابه ماكو جاي

اروى..يا اعذوني وعلي اخذتني السوالف ويا بنو هسه اسويلكم تجين بنين ويايه

بنين..كمت وياها للمطبخ هيه تسوي جاي واني اخلي ستكاين بلصينيه

اروى..بنو ليش متروحين دكتوره

بنين..ليش

اروى..دكتورتي خوش دكتوره اني هم مصار عندي بلبدايه راجعت يمها شهرين حبلت بشاهين

بنين..لا ماريد اراجع دكتورات الشغله بيد الله

اروى..ونعم بالله بنو بس هم راجعي باعي اجيبلج الكارت مالتها واجي

بنين..ضليت صافنه هيه شغله من رب العالمين اذا نطاني او لا نزلت نطتني كارت الدكتوره وضلينه نسولف وهيه سوالف عباره عن ضحك خلصت الجاي وكيك اخذته قدمت واني كعدت بصف شاهين جان خال الطفل بيده ونايم شكد حلو منضرهم ابتسمت

هيثم..ابني خايس صارلي ساعتين خاله بحضني والعبه وتالي اجه شاهين افندي نام بحضنه

شاهين..ههههه بسم الله اخذه

بنين..نطه ورجع كعد ضلينه يمهم نص ساعه وطلعنه جيه الثانيه عليكم

اروى..انشاء الله عليج الله ابقي شويه بعد وكت

بنين..حبيبي بيت العامر بس تعبانه والله

اروى..لعد جيه الثانيه اجيج اني وهم نص ساعه ماطول

بنين..نجبي تجين تضلين ساعات

اروى..هههههههه

بنين.. يله باي

اروى..بيباي

هيثم..دير بالك على نفسك خويه

شاهين..حبيبي

بنين..طلعنه من بيتهم ورجعنه البيتنه دخلت للغرفه سبحت وبدلت وطلعت ملابس لشاهين وتمددت دخل باسني من راسي ودخل سبح خلص وطلع تمدد بصفي وحضني

شاهين..شبيج حبيبي

بنين..مابيه شي حبيبي تعبانه

شاهين.. بنين ادري داضلمج

بنين..رفعت نفسي عليه وبسته من شفته وخرت صارت عيونه بعيوني ابد مدتضلمني اني حابه حياتي وياك اهمشي انت يمي وتتنفس كلشي ماريد من دنياي لا طفل ولا مال ولا اي شي اريدك بس انت اني كسبتك جنه الي باسني من راسي خليت راسى على صدره لتفكر فد يوم انت تضلمني انت حبيبي وروحي نمت بحضنه تعبانه حيل ضهري يأذيني ثاني يوم مكدرت حتى ارفع راسي حيل تعبانه مداومت وحتى شاهين مداوم ههه اخذنه اجازه وكضينه اليوم سويه ضحك وسولف ثاني يوم داومنه بلكليه وجانت تدريبات قويه للطلاب وشاهين ينسى شي اسمه ستراحه وتعب بحيث من يدرب يجرها ساعه كامله والطلاب خطيه يتعبون كاعده اكتب تقاريرهم بلمكتب الي بلكليه ادخل دخلو طلاب اخذو تحيه وحجو

وعد..سيدي ممكن تسمعينه

بنين..تفضل

وعد..سيدي تدريبات العقيد شاهين حيل متعبه احنه كطلاب مدنكدر انام ساعه 10بليل ونكعد لازة ساعه 5ونص مدنكدر على التدريبات

بنين..المطلوب مني شنو

اسراء..سيدي احجي ويا العقيد شاهين يتساهل ويانه

بنين..بس اني حالي حالكم هم ادرب وياكم واستراح وياكم وماعتقد راح يقبل

اسراء..سيدي فدوه احجي ويا اذا مسمع هاهيه

بنين..يصير خير احاول طلعو كمت رحت الغرفه شاهين دكيت الباب ودخلت اخذت تحيه احترامي سيدي

شاهين..هله بملازمي

بنين..هسه احنه استراحه ممكن احجي ويا زوجي بعيدا عن دور العقيد

شاهين..واني اسمعج بكل شوك

بنين..شاهين حبيبي اريدك تساهل ويا الطلاب

شاهين..سدي الموضوع بنتي

بنين..بس اسمعني شاهين هما طلاب خطيه هيج ديتأذون واني داتأذه انت دتخليني ادرب وياهم واني مداكدر اركض اتعب

شاهين..ههههههه حلوووووو عجل شلون تخرجتي

بنين..مااعرف اني اريد منك تساهل وياهم بداعتي عندك خطيه

شاهين..ننضر بقتراحج والله كريم…….

للحكايا بقايا………………

فا مثل كل نهايه بارت احبكم والله عليكم ادعولي خيه عندي متحان فيزيا وشهر الاول صخمت بيها اريد اعوضها بمتحان شهر الثاني فا الاربعاء راح امتحن الي اريده منكم تدعولي من كل كلبكم وتسامحوني اذا داتأخر عليكم صدكوني بلبارتات الجايه اعوضكم لين راح تفرحون مثل ماني افرح بشغلات من عرفهتن احبكم هوايه

الليله محد يدري بينة

ومحد يكول التقينة

الليله اريد بكيفي احبچ

الليله اعطشنچ واشربچ

/////////////////////////////

بنين..شاهين باوع هما طلاب لازم شويه شويه وياهم

شاهين..عجل شلون اسويهم زلم بنتي انتي طلعي من السالفه هاي من الها مالتج عرفتج فاهيه

بنين..اني مو فاهيه شاهين اني ضابط وهم اكدر ادربهم

شاهين..بس مو برتبتي يحلو

بنين..حجاها وغمزلي شكد نرفزني كمت بس اني مرتك

شاهين..هسه اني كايل شي انتي ترافه سنيني بس موضوع الطلاب لا

بنين..داكلك بداعتي عندك خطيه شنو ينامون بـ10 تكعدهم بـ3وفوك الضيم من شكد مدايخين عبالهم يكعدون ساعه بـ 5

شاهين..بنين الكليه هيج تدريباتها وهيج قوانينها خير من اللله جامعات يرحون مو اله عسكريه زين بنتي وانتي بعد متدربين لين يا حسرتي متكدرين تركضين

بنين..شكد يستفز الواحد بحجيه ضربت رجلي بلكاع هففف عفته وطلع واسمعه يضحك تلكوني الطلاب بلباب

اسراء..ها سيدي

بنين..گتلكم ميقبل العقيد شاهين صارم بقرارته وقوانين والكليه هيج تنص

وعد..بس سيدي والله مدنكدر

بنين..والله مابيدي شي عليكم اني هم حالي حالكم اكعد الفجر وانام بـ ال10 يله مبقه شي وتخلص هل سنه وتتخرجون

وعد..سيدي بس انتي هم رجعي فتحي ويا هل موضوع لو انتي ادربينه احسن

بنين..الله كريم طلعو طلعت للساحه مال كليه تمشيت شكد عندي بيها ذكريات وكفت بنفس المكان الي كلي مرتضى ماحبج واحب ندى بنفس المكان جان كلبي يخص مرتضى اما هسه لا شاهين وبس ابتسمت الدنيا شكد ادور وحلوه دوراتها ضليت اتمشى لحد ما تعبت رجعت اخذت غراضي داطلع انتهى الدوام واكفه خلي سلاح بلكرب دخل شاهين رفعت راسي عليه

شاهين..ها يا فزة عيوني خلصتي

بنين..هزيت راسي اي

شاهين..يله

بنين..طلعنه من الكليه للبيت دخلت جان غيوثي يزحف واصل يم باب الصاله دنكت شلته يمه يمه يمه ابو الغياثات حبيبي بوسته من خدوده وكصته وحتى من شفته بسته شهل ويلادات الحلوات هاي ها شنو هاي اني احجي وهوا يضحك ويناغي

شاهين..الله بلخير ست بنين

بنين..الله بلخير عليك

شاهين..هههههه هاي مشيتي خطوتين تعبتي

بنين..هف هف متعبت متعبت كمت خليت غيث بحضنه وصعدت مادري ليش صاير يستفزني اخذت ملابس ودخلت سبحت وبدلت وطلعت نمت حتى بدون ما اكل هستوني غفيت دكت عليه طيبه صايره بشهر الرابع متخبلين عليها بيت اهلي المهم حاوبتها الو

طيبه..هله بنانو

بنين.. هله طيبه

طيبه..شبيج ولج

بنين..مابيه شي عيوني

طيبه..نجبي شنو متعاركين

بنين..لا

طيبه..احجي لج

بنين..لا ممتعاركين بس شاهين ينرفزني صاير وميرحم احد

طيبه..هههههه ليش

بنين..هو احنه رايحين ندرب الطلاب بكليه اني شنو ذنبي يدربني وياهم والله مااكدر اركض اتعب

طيبه..يا ههههههههههه

بنين..ماكو شي يضحك ترا داحس نفسي صرت باندا من الاكل وصارلي سنتين مراكضه ولا مدربه

طيبه..اسئلج سؤال عادي

بنين..سئلي

طيبه..شاهين صارله شكد من رجع

بنين..صارله 3اشهر

طيبه..وشوكت اخر مره موعدها

بنين..موعدمن

طيبه..موعد حضي المصخم الـ………

بنين..هااا ليش تسئلين

طيبه..دحجي فتيتي كلبي

بنين..صار شهرين ماكو طبعا على النرفزه مال عمج

طيبه..هههههههه ككللللووووشششش بنين خاف حامل

بنين..لا يا حامل الحمل اله اعراض واني مصار شي من هل اعراض

طيبه..وعلي حامل تتراهنين

بنين..طيبه مو حامل لتلحين

طيبه..اليوم اجي لبيت اهل ونطلع نسوي تحليل

بنين..الله كريم اني حنام تعبانه

طيبه..نامي حبيبي نوم العافيه

بنين..سديته من طيبه ونمت كبل مفكرة بحمل وهل شغلات اني متأكده مو حامل مصارتلي اي اعراض نمت من التعب بعد وقت طويل كعدت على صوت هلاهل بغرفتي فتحت تك عين وشفت طيبه واكفه فوك راسي فزيت بسم الله الرحمن الرحيم اعوذ بالله من الشيطان

طيبه..ههههههه كومي حقيره اني شيطان

بنين..ههه ثول فززتيني

طيبه..يله يله بسرعه بدلي دنروح للدكتوره

بنين..طيبه تخبلتي عليه داكلج مو حامل

طيبه..هسه دريت مو حامل امشي ويايه شاهين كال صعدي كعديها داخذجن

بنين..مالي خلك مااجي مو اني اذا امشي خطوتين اتعب

طيبه..ههههههه حقج عليه خيه عمي يحبج وغركان بحبج

بنين..ضلت تلح كمت اخذت ملابس للحمام لبست بنطرون اسود وقميص اسود وفوكا مثل الصايه حمره وكفت على المرايه لبست شال دانزل نفتح الباب ودخل شاهين باوع عليه وابتسم طلعتله ملابس اخذهن ودخل للحمام يسبح واني عدلت الچربايه وكفت البست حذاء فلات طلع من الحمام مبدل لابس بنطرو اسود وقميص سمائي وكف كبال الامرايه عدل شعره ورش عطر اجه حضني من ورا

شاهين..زعلان وليدي

بنين..لا

شاهين..ليش بطوط

بنين..شاهينن اني مو بطه بس انت تدريبك قاسي

شاهين..انزول

بنين..ههههههههههه شنو يعني

شاهين..امشي بنتي امشي

بنين..جرني من ايدي لحضنه

شاهين..بعد مادربج وياهم

بنين..ابتسمت باسني من خدي ونزلنه اخذنه طيبه للدكتوره شاهين راح الصديقه واني وطيبه بلعياده منضر النسوان حلو كل وحده بطنها چبيره ابتسمت حلو هذا الشعور الحمدالله ربي على كل حال صار سره طيبه ودخلت تسوي سونر وفحوصات كامله

طيبه..دكتوره شلونه ابني

دكتوره..والله يا طيبه ابنج وكح من هسه الله يعينج

طيبه..ههههههه دكتوره بعد حتى ميرفس

دكتوره..هههه هسه دتكولين كالت ابنج يطلع محد يكحمه

بنين..لا دكتوره هذا ابن اخويه ههههههه

طيبه..دكتوره بنين حماتي الحلوه فاتتها صارلها شهرين

الدكتوره..اي

طيبه..ومدتكدر تتحرك هوايه وتتعب بسرعه شنو السبب

الدكتوره..سويلي تحاليل من المختبر الجوه

بنين..لا ماريد

طيبه..هسه نجي لعد دكتوره

بنين..جرتني طيبه من ايدي للمختبر طيبه ماريد اسوي تحليل وتالي كلشي ماكو

طيبه..بس اني عندي يقين انتي حامل هل مره

بنين..ضلت تلح سوينه تحاليل ونتضرنه تطلع واخذناها للدكتوره ضلينه ننتضر خمس دقايق ودخلنه نطيتها التحاليل وكعدت اني اعرف ماكو

الدكتوره..بس التحاليل تكول غير حجيج بنين

بنين..شلون يعني

الدكتوره..يعني انتي حامل

بنين..هاا ضليت اباوع عليها مبديت اي ردة فعل ممصدكه بس دموعي تجري وطيبه تهلهل نمت على السديه وسوتلي سونر اني الحد هسه ممصدكه كامت تأشرلي بشاشه السونر واني دموعي موكفت واحس نفسي بحلم وضليت ادعي اذا حلم مااكعد منه اخذت صور السونر وضميتهن طيبه لتحجين الشاهين

طيبه..ها بنين مثل ذيج المره

بنين..لا باعي خلي ننزل يم هذا المحل اخذ كم شغله

طيبه..يله بس بسرعه

بنين..نزلنه للمول اخذت احذيه ثنين مال بنيه ولد واوفر ابيض واني احضر ودموعي تجري واحمد الله عوضني عن كلشي خلصنه ودكيت على شاهين الو

شاهين..ها حبيبي

بنين..حبيبي خلصنه

شاهين..جاي

بنين..انتضرنه شويه واجه شاهين صعدنه ابد محجيت بس طيبه الطريق كله تهوس وصلنه للبيت سلمت وصعدت الغرفتي اخذت ملابس سبحت واتلمس بطني واحمد الله طلعت فرشت السجاده صليت وضليت اشكر ربي على نعمته محرمني من هذا الشعور شاهين مصعد بعد استغليت الفرصه رتبت الغرفه وزينتها وعلى الچربايه خليت الحذاٱ والصور مال سونار والتحليل والاوفر والحذاء وسديت الضوه ونزلت ابتسم جانو كلهم ملتمين كعدت بصف شاهين هوا خله ايده على متني ابتسمت

خاله ام عامر..ولج يمه شبي شاهين مضوجج

بنين..لا خاله مابي شي

عمو سلمان..بس كولي وداعتج عمي اخلي يبات بنص الحديقه بهل برد

بنين..لا عمو خطيه

شاهين..ههههههههه عامر بشرفك هاي شلون اقتنعت بتدريبها

العميد عامر..ههههههه لا لك وعلي احسن طالب جانت بيهم

شاهين..خويه خليه سكته ركض متكدر تركض

بنين..باوع عمو شلون يستفزني

عمو سلمان..ولك عوفها

بنين..كلهم ضحكو صعد شاهين يبدل واني كاعده بصف طيبه ماكو ثواني وصاحني

شاهين..بنينننننننن

بنين..هااا

شاهين..ثواني واشوفج كبالي

بنين..صعدت للغرفه دخلت نعم جان لازم الملابس والصور مال سونار والحذاء ويقرا التحليل رفع راسه عليه بعيونه سؤال واحد شفت صدك او كذب ابتسمت

شاهين.. حامل

بنين..هزيت راسي بأي كام تقدم تجاهي بصراحه وبدون كذب خفت خاف يسوي مثل ذيج المره بس بلعكس حضني وحسيت بدموعه على متني بجيت ويا بس هل مره دموعي دموع فرح وخر مني وباوع بعيوني

شاهين..متأكده

بنين..اي شالني وضل يفر بيه ويضحك واني اضحك وشويه وجوا سمعنه صوت هلاهل ولكل تهلهل عرفت طيبه كالت للكل حضنت شاهين حيل احبك

شاهين..عاشكج ترافتي

بنين..نزلنه جوا ولكل تباركلنه وخاله ام عامر حاضنتني وتبوس بيه وطيبه تهلهل طيبه اختصاص هلاهل وعمو سلمان باسني من راسي وباركلي ضلينه الحد اليل شاهين ميخليين اتحرك كل ماريد اكوم يلزمني من ايدي ويكعدني عاد لحد اليل تعشينه وصعدنه ..تدرون من الفرحه مال شاهين اليل كله يصلي ويحمد رب العالمين واني اباوع عليه وابتسم وايدي على بطني من هسه حسدت ابني لين عنده هيج اب خلص صلاته واجه تمدد بصفي وحضني

شاهين..فزة عيوني لو تريدين عيوني هسه انطيها الج

بنين..ها يعني لو مو حامل متنطيها الي

شاهين..مو اكلج مو صوجج صوجي اتغزل بيج نامي بنتي

بنين..هههههههه بسته من شفته هوا باسني وعضني من شفتي اخ شاهين شفتي

شاهين..ا………… يافزة عيوني انتي

بنين..هههههههه لا حبيبي اني الي ا…………

شاهين..ههههههه ادبسز طالعه عيونج

بنين..ايي مرت منو اني

شاهين..دتعالي اشوفج مرت منو

بنين..هههههه جرني الحضنه وتقربلي كضينه اليل كله سوالف وضحك نايمه بحضنه واذكرت شغله رفعت راسي عليه جان مغمض عيونه بس منايم شاهين

شاهين..دنيته

بنين..قبل سنتين و3 اشهر و 42دقيقه ساعه 11:30 وجان يوم جمعه من خابرتك هبه واني رديت عليها وانت اخذته مني وطلعت ومن ردت تتقربليو اني جنت ممستعده من زعلت وعفتي وطلعت رحتلها مو

شاهين..ايبااا هذه كله حافضته ومن اسئلج يابه وين فلان شغله كبل تصيحن نسيت وين خليتها

بنين..ضحكت لين من يعيب عليه بصراحه حلو لتبدل الموضوع عيني

شاهين..لا مرحتلها يفزة عيوني انتي

بنين..اممم كول احلف

شاهين.. باعي بنتي شغله تافهه متسوه احلفلج بس وغلاتج عندي وانتي ويه النفس مرحتلها

بنين..اممم هسه خلصت قصتنه هاهيه

شاهين..لا بنتي ماخلصت قصة عشكي الج جيل وره جيل راح يعرفوها راح اسولفها البنتي او ابني ومنهم الاحفادي ومن احفادي الاحفاد احفادي وتضل قصة عشك شاهين الترافته ويه الوقت تمشي ولكل يحجي بيها

بنين..تدري شراح اكلهم اني

شاهين..شتكليلهم

بنين..‏"حبي لك قائم دائمًا وأبدًا، لا تهدّه المسافات، ولا رياح العتب ولا الظروف، حتى لو كان دون أساسات معلقًا في الهواء سأطير إليه، أنت حلقتي اللامفرغة، المليئة بكل ما أريد، أدور وأدور وأعلم بأنني سأعود إليك كنقطة التقائي بذاتي"

بنين..المختصر من هذا الحجي راح اكلهم جدكم اجاني هديه من رب العالمين ومعجزه جدكم طلعني من حطامي خلاني احب الدنيا واحب نفسي واسمي وكلشي بيه لين صار كلشي بي مرتبط بيه خلاني احب دنيتي لين هوا بيها خلاني احب اسمي لين اسمه ارتبط باسمي معجزتي من رب العالمين صح عذبني شويه هل شويب هذا بس احبه

شاهين..هههههههههه تعالي يشايبتي تعالي

بنين..ههههه حضنته باسني من راسي ونمت بحضنه اوصفلكم احساسي من انام بحضنه لو بنص الحرب وانام بحضنه احس نفسي بنص الامان هذا حبيبي الي اجاني هديه من ربي هذا عوضي عن دنياي حبيته وعشكته وعشكت كل تفاصيله مرت ايامي ويا يوم احله من القبله بطني بده يكبر وخاله ام عامر يمكن فرحانه اكثر من عدنه وشاهين كذالك واني اني احساسي يختلف عنهم اني احس نفسي طايره بسما يمي اكثر شخص احبه وابني وعائلتي عايشه بسلامه صرت بشهر السادس بس ما ردت اعرف شنو بنيه لو لد لين اني ناذره بس احمل ما اشوف كلشي يجيني من ربي اني قابله بي وابوس ايدي وجهه وكفه شكلي يضحك من امشي كوه لين بطني كبر وخطوتين اتعب يعني اذا اريد اروح الشاهين للمكتب من ادخل المكتبه كلي او مكلي كعدي اكعد وهوا يضحك عليه طيبه بشهرها وهم اداوم وعباس ياخذها ويجيبها اليوم كاعده بلمكتب داكل نستله وبيدي ملفات اوقع نفتح الباب ودخل مرتضى باوعت عليه وكف كبالي عيونه مدمعه واول مره اشوفه تنزل دمعته خير سيدي

مرتضى..اذا اطلب منج طلب تنفذي اعتبري صدقه عليه

بنين..اكيد تفضل اكو شي

مرتضى..سامحيني

بنين..اني مسامحتك ومزعلانه منك ولا شايله بكلبي عليك

مرتضى..اريد اكلج انتي احسن شخص شفته بهل دنيا واني بغبائي ضيعتج من ايدي وشاهين يستاهلج اكثر مني حافط عليج ومتنازل عنج رغم كلشي صار

بنين..مرتضى اني اعتبرك اخويه احجي بيك شي

مرتضى..لا خيتي جيت اطلب منج تسامحيني وخجلتيني بكد شعر راسي

بنين..ماكو شي يستاهل ازعل منك علموده كل شخص عاش حياته وكل واحد رب العالمين عوضه عن تعبه واني صدكني نقهرت عليك وعلى ندى مهما يكون هيه تضل صديقتي

مرتضى..بنين

بنين..نعم

مرتضى..اذا فديوم صارلي شي عشق تربيها يمج

بنين..لا اسم الله عمرك طويل ونشالله تفرح بتخرجها

مرتضى..اني كتلج الي اريده منج عشق وامي بس هذني امانه يمج ويم شاهين

بنين..ابتسم تقدم خله على لميز مالتي قراصة شعري واسوار جان عباره عن ورد ضاعن مني قبل سنتين باوعت عليه هوا عينه عليهن وحجه

مرتضى..قبل سنتين وشهر جانن هذني تسلايتي بدنياي اذا اشتاقلج اضل صافن عيلهن بيهن عطرج تجي صورتج ابالي بدموعج بكسرتج من عفتج وبكلماتج الي جنتي تردديهن الحمدالله رب العالمين يعوضني من اجيتي العرسي ومن شفت بعيونج الكسره بس هسه اني داشوفج بنين شاهين مو بنين رياض الي اعرفها قبل كم سنه اطبعتي بطباعه وصدكي وداعت عشق ونضر عين امي ماحبيت احد بكد محبيتج ولا راح احب اذا بقالي عمر غيرج انتي احسن كنز نزلي من رب العالمين بس بغبائي ضيعته ولكا غيري ربي يحفضج ويكر عينج بأبنج وتشوفي برتبته ابو

بنين..عافني وطلع اني من حبلت الهرمونات حيل تغيرت عندي بحيث على اقل حجايه ابجي واضل اشهك مسحت دموعي وقعت بس كل ماصفن اذكر حجيه ابجي اخذت الملفات الشاهين دكيت الباب دخلت اخذت تحيه هوا جان ديوقع رفع راسه عليه كام من كرسيه لزم ايدي وحجه

شاهين..بيج شي بنين

بنين..كعدت على الكرسي ابجي واشهك وهوا اجه وكف كبالي ومبين عليه الخوف والقلق

شاهين..بس فهميني منو وياج بنين بنتي

بنين..شاهين مررتضى

شاهين..شبي؟…………

للحكايا بقايا………..

احبكممم💋