تحميل رواية «مرارة الحب» PDF

الــصــبــر خــضــر جــرح

والــصدر بالــهــم ضــاگ

مــا مــســمــوح اعــاتــب

وانــــه امـــوت فـــــراگ

(ღ˘⌣˘ღ)

بنين..طلعت صورته وضليت احجي ويا لصوره وابجي لحد ما غفيت الصبح كعدت على صوت المنبه كمت سبحت ولبست لبسي العسكري جبت النطاق ولبسته واخذت السلاح والهويه العسكريه مالتي ونزلت الكيتهم كاعدين صباح الخير

لكل..صباح النور

حسين..سيدي صباحك عسل نشالله

بنين..تسلم ابني تسلم

محمد..هههههه بنين اذا صرتي لواء غير شيلو بعد

بنين..هههههه

عباس..ها ابويه بنو مكمله داخذج

بنين..كمت اخذت تحيه العباس مكمله سيدي

عباس..ههههه عفيه ابني يله

بنين..ههه طلعنه اني وعباس وصلني للدائره جانت طيبه ورانيه منتضراتني هناك دخلنه ويانه عباس يمشي كدامنه واحنه ورا بس شنو الموضفين كلها تباوع علينه دخلنه لغرفه العميد عامر واخذنه تحيه

عباس..سيدي جبت العساكر الجدد

العميد عامر..مشكور ابو فضل تكر تروح للمركز

بنين..راح عباس واحنه وكفنه كدام العميد

العميد عامر..طيبه اني هنا مو ابوج من تصيحيلي مو بابا لا اني هنا تصيحيلي سيدي وبس تمام

طيبه..حاضر سيدي

بنين..طلع العميد واحنه ورا شوفنه مكتبنه ودخلنه غرفه لاجتماعات جانو كلهم هناك ولسوء حضي الخايس جان مرتضى وندى ويانه يدامون

العميد عامر..العساكر الجدد بنين رياض احمد ورانيه حسن حبيب وطيبه عامر سلمان اليوم اجوي افضل طالبات جانن بل كليه علاماتهن جيده جداً والي اشرف على تدريبهن رائد اسلام والنقيب مرتضى واني شخصيا جنت رايدهن ويانه لين جنديات كفوئات المقدم عزير تفضل

المقدم عزيز..اهلا وسهلا بيكم ويانه

بنين&طيبه&رانيه..تسلم سيدي

المقدم عزيز..شفتو المكتب مالتكم كل وحده بيكم الها مكتب بس هسه لازم اطبقن هنا يعني المقصد من حجيي مثلا الملازمة بنين اطبق تحت اشراف النقيب مرتضى

بنين..لا يارب فدوه نشالله بس مثال مو صدك

المقدم عزيز..مفهووم

طيبه&بنين&رانيه..مفهوم سيدي

المقدم عزيز..وهسه بنين انتي ويا النقيب مرتضى طيبه ويا النقيب علي وعدنه رانيه ويا النقيب هاني اكو عتراض

بنين..غمضت عيوني عبالي خلصت منه بل كليه تالي هنا لاحكني لازم اعترض سيدي اني عندي عتراض

المقدم عزيز..ليش ملازم بنين

بنين..سيدي النقيب مرتضى جان مشرف على تدريبنه بل كليه وجان دائما مستقصدني ودائما يعاقبني

المقدم عزيز..وهسه احنه خلصنه مرحله الكليه واذا صار هذا الشي تكدرين تقدمين عريضه للعميد عامر

بنين..سكتت عاد خلص لاجتماع وكلنه رحنه على مكاتبنه كاعده على المكتب وفرحانه لين وصلت الحلمي جان مكتوب على القطعه الي على الميز الملازم بنين رياض غمضت عيوني واذكر مرتضى جان يشجعني اوصل لحلمي ومن كتله اريد اصير ضابطه ضل دائمه يشجعني تالي طلع كله حجيه وغرامه الي كله كذب فزيت من صفنتي على فتحت الباب باوعت جان هوا مرتضى

مرتضى..خير شو كاعده

بنين..اول يوم لي هنا ماعرف شسوي

مرتضى..تبقين ورايه ورايه لين. انتي المطبقه مالتي

بنين..مرتضى اترجاك التستقصدني كافي بسببك اني خسرت اربع سنين من عمري بجي ونوح وكرهه نفسي واهلي شرايد مني بعد انتحر حتى تخلص انت عفتني ورحت حبيت شتريد مني شتريد

مرتضى..اولا اسمي النقيببب مرتضى مووو مرتضى ثانيه اني هنا مداحجي عن حب وهل خرابيط مال مراهقين زين بابا انتي بشغل واني رأيسج هنا

بنين..لعد ندى مو مراهقه الله كريم هسه شتريد سيدي

مرتضى..هاج هاي اوراق دققيهن زين وجيبيهن للمكتب مالتي حتى اوقعهن

بنين..بس التدقيق من مسؤليتك الك مو الي

مزتضى..واني طالع ويا ندى هسه يله دققيهن بسرعه

بنين..طلع من الغرفه ورحت اني ادقق الملفات ودموعي تجري ندك الباب ودخلت طيبه

طيبه..عززززااا ولججج شهللل ملفات

بنين..جاوبتها واني ابجي النقيب مرتضى طلع ويا ست ندى وبنين اكلتها

طيبه..تمام هسه اجي

بنين..راحت حتى مالي خلك اسئلها وين ضليت ادقق بيهم لحد مخلصتهن كمت شلتهن ورحت للمكتب مالته فتحت الباب عبالي طالع دخلت واني امسح بدموعي خليت الملفات على المكتب داطلع ونفتح الباب مال غرفته ودخل حجيت ويا واني مدنكه ماريد اشوفه المفات كملتهن باقي بس توقعهن

مرتضى..رفعي راسج

بنين..عن اذنك سيدي داطلع جرني من ايدي وطبكني على الحايط ضليت مدنكه راسي وكلبي يدك سريع رفع وجهي بأصبعه صارت عيوني بعيونه

مرتضى..بعدج تحبيني

بنين..لا

مرتضى..لعد وهاي دكات كلبج

بنين..سيدي اريد اطلع اتقرب ديريد يبوسني درت وجهي عنه وكتله اني مو رخصيه حتى هيج تسوي ويايه ذيج ندى كلشي تنطيك اما اني لا لزمني من حنجي قوي

مرتـضى..احترمي نفسج واحجي عليهاا زينن افتهمتي لو لا

بنين..وخرت عنه وصلت للباب نداريت وحجيت صدكني هيه محبتك لشخصيتك حبتك بس علمود رتبتك وفلوسك مراح احجي بعدين تحق الحقيقه وكلشي تعرف فتحت الباب وطلعت رحت للمكتب مالتي كعدت على الميز وضليت ابجي لحد ما هديت شويه بنين هاهيه لتبجين مسحت دموعي وكضيت اليوم كله شغل ضليت الهي نفسي حتى ماابجي دنطلع صارو كبالي هوا مرتضى وندى لازمها من ايدها ويضحكون عصرت ايدي قوي وغمضت عيوني احس كلبي مو حمل شي على دقيقه اوكع يمكن راح تكولون دتبالغين بس لا اني حبيت مرتضى حب طفولي من جنت بل متوسطه حبيته حيل وهيه ندى صارت ادخله بكلبي جنت اشوف كل لبنات يحبن لرتبه وشخصيه بس اني حبيته كشخص مو رتبته ولا شخصيته حبيته من كل كلبي حبه ويايه من المتوسطه يكبر بداخلي المهم مرت الايام وصار شهر اداوم بس شهر ضيم ويا يطلع ويعوف الشغل عليه ومن يجي بس يوقع ويطلع وياها كمت اشوف الحب الندى بعينه بس وياها يضحك ويسولف كلها الي بل دائره عرفت بعلاقه ندى ومرتضى واجه اتعس يوم بحياتي يوم الي ادمرت حيل اليوم الي انتهت بي حياتي جنت هستوني دخلت للدارئره بملابس مو عسكريه يعني مدني لين الشهر هذا ماعنده تفتيش بس لبست لبيريه رحت للمكتب كبل لين ادري خالي كومه ملفات كعدت ادققهن لحد الضهر على كعده وحده بس ادقق بيهن واتابعهن هلكت لحد مخلصتهن رحت للمكتب مالته ملكتيه اخذتهن ونزلت ادور عليه جانت هوسه ولكل واكف ويضحكون مادري شكو حتى العميد عامر واكف سويت مجال وفتت وياريت مفايته ولا نازله جان مرتضى راكع بل كاع كبال ندى وبيده خاتم وهيه فرحانه هذا كله واني صافنه وعيوني غوركت بل دمع

مرتضى..ندى تقبلين تزوجيني

ندى..هههه ايي اكيدد

بنين..غمضت عيوني ونزلت دموعي رجعت للمكتب واسمع صوت الضحك مالتهم والتصفك مال موجودين هاهيه بنين انتهى كلشي احلامج وامالج يرجعلج انتهت الج الله ضليت بل مكتب ابجي مسحت دموعي وطلعت وديت الملفات للمكتب مالته جان بعده مموجود رحت الغرفه العميد عامر دكيت الباب سمحلي ادخل جان كاعد وبيده اوراق ديوقع سيدي رفع راسه اليه

عميد عامر..نعم ملازم بنين

بنين..سيدي الملفات الي نطاهن النقيب مرتضى حتى ادققهن خلصتهن تسمحلي اطلع لين احس راح اوكع

عميد عامر..بيج شي بنيتي

بنين..لا سيدي بس شويه تعبانه

عميد عامر..تكدرين اطلعين

بنين..طلعت اخذت غراضي وطلعت من الدائره جانت شته وبارده حيل والجو مغيم ضليت امشي بل شارع وابجي رحت للشط كعدت على المسطبه يارب تعبت والله تعبت ساعدني يارب هوايه الي ديصير ويايه يارب تعبت مالي قدره اتحمل بعد فدوه الاسمك يارب خلصني من هل عذاب اخذ روحي وخلصني من الدنيا ضليت كاعده شويه ورجعت للبيت دخلت جانت امي بل مطبخ بدون ماحجي شي كبل صعدت لغرفتي شمرت نفسي الجربايه وضليت ابجي لحد لعصر عباس ومحمد وحسين وابويه وامي كلهم اجوي عليه بس جنت قافله باب غرفتي راسي كام يوجعني رحت اخذت حبايه مال وجع راس وشفت حبوب هوايه ماعندي غير هذا الحل حتى اخلص من هل عذاب شربتهن كلهن وشربت مي كعدت بل كاع شويه وكمت احس كلبي يدك سريع كمت مااكدر اتنفس صارت الدنيا تفتر بيه وخشمي طك دم تصدكون اذا كلت متت احس روحي طلعت من جسدي غمضت عيوني وكعت بس فتحت عيوني شفت نفسي بمكان ابيض مابي احد بس جنت نايمه بين الحشيش مال زرع وجان المكان حلو حيل شفت عباس اخويه مدلي ايده باوعت عليه وابتسمت

عباس..لا بنين بعد

بنين..عباس هذا المكان حلو ماريد ارجع

عباس..بنين لا تعالي ويايه نرجع

بنين..تعال انت ويايه نروح هنا حلو هناك محلو يله عباس تعال

عباس..لا فدوه العمرج لا

بنين..عفته ومشيت مادري وين بس مشيت الطريق كله زرع وحيل حلو صرت اشوف عباس وين ماروح يريد يجي ياخذني بس كل ميتقرب يمي اني ابتعد عنه لحد ما بعد ماعرف شصار لين وكعت

عباس..خابرني العميد عامر وحجالي بنين مريضه رجعت للبيت بليل داشوفها شفت امي كاعده وخاله ايدها على خدها خير يمه

ام عباس..يايمه اختك صارلها من الضهر بغرفتها مطلعت وخايفه عليها ومحمد وحسين وابوك راحولها بس متفتح الباب

عباس..خابرني عميد عامر كال بنين مريضه يمه صدك كذب مكدرو حسين ومحمد يكسرون الباب خاف بيها شي

ام عباس..يايمه اسم الله اني عبالي تعبانه معبالي مريضه يمه فدواتك عباس شوفها

عباس..صعدت فوك شفت محمد وحسين وابويه فوك واكفين كبال الغرفه مال بنين

محمد..زين جيت عباس بنين من الصبح ليهسه بغرفتها

عباس..اكسر الباب

حسين..شنو

عباس..اكسر الباب دوخر هيج كسرت الباب اني ومحمد ودخلنه جانت بنين واكعه بل كاع وخشمها ينزف دم وزركه صايره دخلت ركض لزمت ايدها ارفعها ترجع توكع للكاع شلتها ونزلت ركض مادري شصار ورايه اخذتها للمستشفى خليتها على السدي نخبصت اشوف الدكاتره التمو عليها سمعت صوت محمد نداريت شفتهم كلهم جايين

حسين..عباس بنين ماتت مو

عباس..مجاوبته ماعرف شكله ضليت ساكت واشوفهم زرفو ايدها بل ابر 5دقايق والمستشفى نترست عالم عميد عامر وبنته وزوجته ورانيه واهلها من برا اشوفهم سوو غسل معده الها ودخلو مثل الحديده بحلكها ينطوها اوكسجين جتى ترجع تتنفس بس ماكو اي رد فعل لا بنين. لتستسلمين وتعوفينه حبيبتي لا

محمد..اباوع على بنين جوا جسمها صار كله ابر جسمها مديستجاب ولا دينطي اي رد فعل سمعت صوت الابره الي ضربوهيا بنص كلبهاا ابره ادرينالين وصارو يستخدمون وياها صدمات كهربائيه درت وجهي ماتت مابيه روح هاهيه راحت بنين ام ضحكة الحلوه اختي وحيدتي راحت

حسين..لااا لاا يارب لا لتاخذ روحها اخذ روحي الي اني بس هيه لا يارب بعدها مشايفه شي من دنيتها يارب فدوه لا يارب

محمد..مادري شصار جوا بس وخرو عنها باوعت جهاز مال لنبض رجع كعدت بل كاع على ركبي مضل بيه حيل اجه حسين كومني

حسين..عايشه محمد والله عايشه

عباس..طلع الدكتور رحت عليه دكتور شبيها

الدكتور..انتو اهلها

عباس..اي اختي

الدكتور..اختكم ماتت ورجعت للحياة البنيه منتحره شاربة دوه وهذا الدوه اله نسبه فعاله على القلب رجعت للحياة بفضل لادرينالين خلينه الها اوكسجين حتى تتنفس ضلت مده بدون تنفس وسبب الها ضيق بلرئه راح تضل بل عنايه اليوم باجر انطلعها عليها العافيه

محمد..بنين منتحره

عباس..ليل كله ضلت بل عنايه وخطيه عميد عامر وعائلته بقو يمنه ثاني يوم الصبح طلعوها بغرفه بحدها وفتحت عيونها

بنين..فتحت عيوني صارو كلهم كبالي وخرت الاوكسجين وحجيت شصار بيه وين اني

ام عباس..يمة انتي هنا حبيبتي ليش هيج سويتي بيه امي والله راح عمر من عمري ابويه انتي

بنين..سكتت ورجعت الاوكسجين ضليت بل مستشفى اسبوع كامل ماداوم عباس اخذلي اجازه واصلا العميد عامر يوميه خطيه هوا وطيبه ورانيه يجوني عباس ميحجي ويايه محمد وحسين دائما يمي ميعوفوني بحدي يوكلوني ويهتمون بيه وياهم امي ابويه هم ميحجي ويايه زعلانين عليه اليوم تخرجت من المستشفى رحت للبيت صعدوني الغرفتي تمددت على الچربايه باوعت على محمد وحجيت اريد عباس

محمد..بنو عباس مو بل بيت بلشغل

بنين..محمد صيحلي عباس ادري هوا هنا بس ميريد يجي ويحجي ويايه نزل محمد ورا نص ساعه صعد عباس دخل بدون ميحجي وكف كبالي نزلت راسي عباس اني اسف بعدني ممكلمه ضربني راشدي انجمعت الدمعه بعيني اني استاهل الراشدي هذا لين مفكرت بأحد من اهلي من نتحرت مفكرت بسمعة اخواني رفعت راسي عليه كتله اني استاهل

عباس..لج ردتييي تروحيييينننننن تعرفييينن شنو ترووووحين هااااا علموددد شنو ولجج علمودد شنو تريدين تعووووفينهههههه هاااا مفكرتييي بسمعتنه شيكولون ليش اختكم انتحرتتتتتتتت

بنين..خله ايده على كلبه وكعد نطاني ضهره

عباس..ليش بنين اسبوع اني عمر من عمري راح ليش انتي بنيتي انتي اختي الصغيره مكلتي اخواني شلون اعوفهم ليش

بنين..خليت راسي على ضهره وبجيت اني اسفه عباس والله اسفه لين هيج سويت سامحني خويه ندار عليه وحضني وضليت ابجي بحضنه

عباس..اشش كافي ابويه كافي

بنين..باسني من راسي واني نمت بحضنه فزيت على صوت تلفوني يدك عباس مجان موجود اخذت التلفون جاوبت بدون ماقرا الاسم الو

مرتضى..كالو منتحره

لكل حكايا بقايا

شكد ماحبكم نزلت الكم اليوم بارت هديه بعد اتفاعلو اخوان سووالي واهس خرب حضي☹️😭

كلها منك

شوغتي الرافكت ليلي !

وحسرتي وصفگة اديه

والدموع التچوي خدي

وطيحتي بالمغربيه

وانعزالي الاذه اهلي

وظلمة الغرفه التغثهم

من يشوفوني ضگت طعم الاذيه

وزادي الينصبو وارفضه

ياذيي امي ، المادرت شنهي القضيه

واصدقائي المني ملو ..

من كثر ما ضال اورث بالجگاير

من نجي نكعد سويه

ياحنين ذني منك

فرد لمة اتلملمن كلهن عليه 🖤"

⊙﹏⊙

بنين..حنيها الايدك

مرتضى..هههههه مو هسه احنيها مبقه شي على عرسي واحنيها واخليج الج تحنيني

بنين..رجاءا اني تعبانه شرايد

مرتضى..سلامتج جيت اطمئن عليج

بنين..رحم الله والديك عن اذنك سديت التلفون ورجعت نمت جاي تشمت بيه اخخ يا بنين الى متى تضلين تحبي دشوفي ممهتم الج ولا الج ذره حب بكلبه عوفي بيومها تعاهدت وتواعدت ويا نفسي بعد ادوس على كلبي وامشي وماهتم اني بنين جديده بنين ولدت اليوم مثل ما هوا عاش حياته وممهتم اليه واني هم ماهتم اله بعد هاهيه انتهينه بعد لا اهتم ولا يهتم لا احن ولا هوا يحن مرن الايام وشويه صرت زينه وصالحت ابويه ورجعت اداوم كعدت الصبح لبست العسكري مالتي والبيريه والسلاح ونزلت صباح الخير

الكل..صباح النور

بنين..كعدت اتريك واسولف عباس توصلني

عباس..ادللي

بنين..ضليت اكل شويه وكمت لبست حذائي وطلعت انتضره بل سياره شويه واجه هم لابس العسكري مالته صعد الطريق كله نسولف لحد موصلت بسته بخده ونزلت دخلت للدائره وجان مرتضى واكف يم ندى ويضحكون دخلت واني ابتسم دخلت واني بكامل قوتي صبحت على الموجودين ودخلت للمكتب مالتي هم جان خالي كومه ملفات ضليت اتابعهن اخذتهن ورحت للمكتب مالته دكيت الباب ودخلت لكيته كاعد وبيده قلم ديوقع احم سيدي الملفات خلصتهن رفع راسه وشافني وضل يباوع بعيوني واني اسوي نفسي ممهتمه خليتهن على الميز ودرت وجهي داطلع صاحني

مرتضى..انتضري

بنين..نعم سيدي

مرتضى..تعالي وقعيهن انتي الج حق التوقيع والختم

بنين..تمام داخذهن لزمني من ايدي

مرتضى..وقعيهن هنا

بنين..كعدت على الكرسي وخليتهن كدامي على الطبله وقعتهن بتوقيعي وبختمي خلصتهن رفعت راسي شفته يباوع عليه خلصتهن

مرتضى..امشي ويايه للعميد عامر

بنين..طلعنه للعميد عامر دك الباب ودخلنه

العميد عامر..هله بنين الحمدالله على سلامتج بنيتي

بنين..تسلم سيدي

مرتضى..سيدي هاي الاوراق وقعتهن الملازم بنين وختمتهن وصار لها حق التوقيع والختم

العميد عامر..هاهيه تسلم مرتضى

بنين..طلعنه بدون مااحجي ويا رحت لمتكبي وكعدت جان اكو اوراق مال حضور ومال جناسي ضليت اقرا بيهن لحد ماخلص الدوام بس فد تعب نزلت شفتهم سويه طلعت كبل بدون مالتفت واشوفهم

رانيه..بنو اوكفي ولج

بنين..ها حب

رانيه..شبيج ولج تهفين

بنين..ههههههههههه اخ بطني هههه

رانيه..هههه والله دنتضريني

بنين..ههههههه دانتضرج هنا حبي

رانيه..خلي نتمشى بعد وكت

بنين..لا باعي شلابسين خيه

رانيه..سياره موجوده يحضي امشي نروح نتغده وهاي طيبه ويانه

بنين..يله صعدت بسياره وجانت تسوق رانيه واني بصفها وطيبه ورا وحنه للمطعم نزلنه ولعالم كلها تباوع علينه ماادري شبيهم عاد جان المطعم بل منصور كعدنه نتغده المطعم الي جنه كاعدين بي جان بي مثل المسبح بس هيج كمنضر بل جهه الثانيه شفت ندى ومرتضى كاعدين باوعت على مرتضى صارت عيني بعينه درت وجهي

رانيه..يله شنطلب

بنين..اني اطلبلكم اشرت للنادل يجي رانيه طلبت بيتزا واني صاج وطيبه بركر وضلينه نسولف

طيبه..هههههه عليكم الله تذكرون من جنه بل كليه ندرب

بنين..هههههههه تذكرين من دنركض وكعتي

طيبه..بنينننن

بنين..ههههههه جان شكلج يضحك

رانيه..هههه

طيبه..هسه عوفج مني اني باعي تذكرين رانيه من نصبت ع الرائد سلام وتصيح احبه

بنين..هههههه لج لذكريني

طيبه..هههههههه

رانيه..والله جنت احبه شبيكم جان حلو

بنين..ههههههه الله يطيح حضج رانيه

طيبه..صدوك ولج مصارت بينكم علاقه عزا

رانيه..مزوج ولج حتى ستحيت احجي ويا كتمت الحب بداخلي وكعدت

طيبه..هاي مو النقيب مرتضى وندى

رانيه..وهاي لكيك والشموع شنو عيد ميلاد ندى اليوم

بنين..اي اليوم عيد ميلادها

رانيه..يااا متستاهل واحد يعايدها والله

طيبه..ااايه اييييه دنيا خلت المكفخه مال مدرستكم تزوج نقيب

بنين..اجه الاكل وضلينه ناكل ونسولف لحد مخلصنه وكمنه دنطلع وجان ندى تصيحنه

ندى..رانيه طيبه بنين

بنين..سويت نفسي ماسمعها اخذت المفاتيح من رانيه وطلعت كعدت بل سياره

رانيه..نعم

ندى..انتو هم زعلانين مني

طيبه..الي تكسر خاطر صديقتها علمود رجال هاي عمرها متصير صديقه النه احنه مالنه دخل بيكم عن اذنج

بنين..طلعن رانيه وطيبه وصعدن والطريق كله يقشبن واني راسي يوجعني وصلت لبيتنه يله باي

رانيه&وطيبه..بايي بنو

بنين..دخلت للبيت وجانت هم هوسه عمومتي وعماتي يمنه دخات للصاله شفتهم كاعدين خير

عمتي الجبيره..بنين انتي معليج احنه جايين على اخويه

بنين..استغفرالله باعو ابويه تعبان وحنه ممستعدين نخسره علمودكم انتو علمود الفلوس حلو مشاكلكم بحدكم

عمي..انتي شنو مالج جببر يوكفج عد حدج

بنين..اني جببرة نفسي برا

عمتي الجبيره..هذا بيت ابويه متكدرين اطلعينه منه

بنين..وانتو اخذتو فلوس سديتو عينكم بيها وتنازلتو البويه عن البيت وصار بسمه يعني انتو هسه ابيتي واني ماريد اشوفكم

عمي..بويه تعالي انتي حلي السالفه مالتنه خلي افهمج وبلكت انت تحليها الي

بنين..لا اله الا الله كعدت خير

عمي..اني داينت عمج الصغير فلوس وعمج اخدها ونهزم مادري بي وين قمت عليه دعوه اجني عماتج يريدن اتنازل

بنين..وانت ليش متعب نفسك هوا مو عنده بيت بل منصور روح اكعد بي مقابل فلوسك واكبر من بيتك واحسن. من بيتك هم واذا بعته يجيبلك 100مليون

عمتي الجبيره..وانتي ليش هيج دتحجين ها

بنين..اكلج انتي تريدين تتعاركين روح عمو اكعد بي واذا تريد تبيعه واني اسهلك امر هم ورجع فلوسك ولي يحجي وياك اعرف شصرف ويا

عمتي الجبيره..انتي لعبالج صرتي ضابط تكدرين تحجين ويانه معلك ترا احنه عماتج

بنين..وانييي مااعرفكم قبللل يعني انتي والشارع ويلللله براااا طلعن كلهم وعمي هم تشكر مني وطلع رحت الامي جانت كاعده ودموعها بعينها بستها من راسها شبيج امي

ام عباس..يمة داسوي غده العماتج حبيبتي

بنين..ليش تبجين يوم

ام عباس..اذكرت ضيمي وضلايمي وياهن ابوج اخذني عن حب وجنت صغيره 14سنه ولج يمة الكراب الكربنه عليه جنت بس اخلص شغل اريد بس ارتاح وهنه يطلعن ويفترن ويرجعن وهسه جايات يصيحن بيت ابونه

بنين..معليج يمة بعد ميجن يمج حبيبتي طردتهن يروحلج فدوا بستها من خدودها وضحكتها شويه وصعدت للغرفه سبحت وبدلت ونمت تعبانه جان ماعندي ماعندي حل غير بس النوم كعدت على صوت امي تصيحني كمت غسلت ونزلت لكيتهم كلهم كاعدين سلام

لكل..وعليكم السلام

بنين..كعدت اكل ونسولف

محمد..يمة اليوم احله يوم بل دنيا ربحت سفقه قيمتها ملايين

ام عباس..صلاوات يمة بل عافيه

ابو عباس..اي محمد اثبت جدارته بل شركة بنو حبيبي بابا شلونج

بنين..بخير بابا مبروك

ابو عباس..يبعد روحه لابوج بنيتي

عباس..العميد عامر هوايه يحمد بيج بنين صارلج صلاحيه توقيع وختم حبيبتي مبروك

بنين..تسلم خويه حبيبي كمت بسته بخده ورجعت اكل خلصت كامو كلهم غسلت لاماعين وامي سوت جاي صبيت وقدمته الهم كعدنه بل صاله بابا اليوم اجوي

ابو عباس..ادري يابه سولفتلي امج عاشت ايدج

بنين..يابه احسن حل هذا بس يكعد ابيته ويفض السالفه

ابو عباس..والله يايابه شيبو راسي يله تنازلولي عن البيت وهسه بكل مشكله جاييني

بنين..بعد محد يعتب دارك ابو عباس باسني ابويه من راسي عاد داصعد مخلوني ضليت يمهم لحد ليل وطلعنه نتعشى برا رحنه للمطعم

عباس..يابه راح اوصي

ابو عباس..وصي بويه

عباس..نجي لبنو شتاكلين حبيبي

بنين..لزانيه

عباس..خوش يمه

ام عباس..مثل ابوك يوم

عباس..خوش محمد وحسين وصو لنفسكم

محمد&حسين..هههههههه

بنين..طلبنه تعشينه برا ورجعنه للبيت صعدت سبحت ونمت وثاني يوم كعدت بدلت ورحت للدوام دخلت للمكتب جان اكو ضرف على الميز مالتي كعدت على الكرسي وفتحت الضرف جانت دعوة زفاف مرتضى وندى قريت لتاريخ جان نفس تاريخ تعارفنه 8/20نزلت دموعي شكد ماريد ابين اني قويه بس مااكدر كل خبر يجيني منه اقوه من الثاني اني مسويتله شي حتى هيج يعاقبني نفتح الباب ودخل هوا مسحت دموعي رأسا مبروك

مرتضى..الله يبارك بيج اريدج تجين

بنين..طبعا اجي وباركلك واكل كيك وببسي واطلع

مرتضى..ممهتمه

بنين..وليش اهتم انت صرت ماضي بل نسبه الي روح عيش حياتك ويا مستقبلك لي ختاريته ويا الايام شوف

مرتضى..اني احبه الندى واريدها لين نطتني كلشي مو مثلج لئيمه

بنين..بل عكس اني شريفه مو لئيمه

مرتضى..شقصدج

بنين..مقصدي شي مبروك سيدي عن اذنك اروح اودي لاوراق للعميد عامر عفته وطلعت رحت للعميد عامر ونطيته الاوراق موقعتهن وخاتمتهن المهم مرت الايام ويا الدوام ويا عذاب مرنضى المهم اليوم عرسهم اليوم نهايتي كلبي ديتكطع واني اعلن قوتي للعالم بس بداخلي والله نهيار احس بركان من القهر بكلبي خليت ايدي على كلبي بس بس كافي خلي نصير اقوياء يكلبي لبست فستان زيتوني طويل ردانه طويله شعري شلته من الاطراف وعفته مالي واهس كلشي اسوي جانت رانيه يمي بل غرفه هيه تدري اني احب مرتضى من شافت عيوني ورامه من البجي ومخاله شي بوجهي حجت

رانيه..حتروحين هيج

بنين..رانيه ميهلي اسوي شي

رانيه..بنين مرتضى راح هاهيه اليوم عرسه وانتي قويه لازم يشوفوج انتي قويه

بنين..مااعندي قوه بعد رانيه احس راح اوكع واموت من القهر والله مدااكدر

رانيه..والله راح تنسي وتكرهي من تشوفي هيج سوه بيج

بنين..سكتت خلتلي حمره وكحله ومسكاره لبست الحذاء وكفت كبال المرايه بنين انتي قويه انتي قويه زين مااكو بجي بعد ماكو نزلت جان عباس متحضر ولابس قاطه يمه هيبتي لزمته من عكس ايده محد من اهلي راد يروح بس اني وعباس رانيه راحت ويا اهلها واني ويا عباس بسيارته دخلنه للقاعه والعميد عامر اشرلنه رحنه كعدنه يمهم جانو بعدهم مموجودين ضلو يسولفون واني الغصه كاتلتني شربت مي كوه نبلعت شويه ودخلو هما العرسان باوعت عليه جان لابس قاط اسود وقميص ابيض وهيه جانت لابسه بدلتها البيضه وممسويه تسريحه حاله شعرها بس خاله تاج ولابتسامة مالتها لحد اذانها وهوا نفس الحالة جانت اكو فرقه عراقيه يعني سوولهم دخوليه باوعت عليها تركص ويا عيوني غوركت بل دمع نزلت دموعي مسحت رأسا بدون محد ينتبه كعدو على الكوشه باوعت عليه يدور بعيونه مادري عليمن من شافني ركز عيونه عليه درت وجهي ماهتم لازم بعد مااهتم بنين خلص انتهى اقتنعي خلصت قصتكم مر الوكت وصار لازم يركصون سلو كامو اشوفهم يركصون ويضحكون ويسولفون وهيه عود خجلانه كام العميد عامر مد ايده الطيبه وكام عباس ومدلي ايده

عباس..عادي

بنين..ابتسمت واني بأنهياري وخليت ايدي بأيد اخويه وكمت صرنه نركص سلو وعباس يسولف ويايه ويضحكني

عباس..تدرين انتي بيوم عرسج اخطفج وانهزم

بنين..ليش

عباس..اني اخلي واحد ياخذ بنيتي مني

بنين..ههههه اني مااريد ازوج خويه خليني يمكم اشوف جهالكم

عباس..ههه صرت شايب اني منو تقبل تاخذ شايب

بنين..لا عيني انت شيخ الشباب حبيبي ضلينه نسولف وعباس شويه خفف عليه بس بعدها النار بكلبي كصو الكيك وباسها من شفايفها درت وجهي كتله عباس اريد اطلع اختنكت هنا

عباس..ليش حبيبي

بنين..مادري ختنك

عباس..يله كومي

بنين..ترخصنه من العميد عامر وكمنه رحنه للكوشه صرت كباله كام هوا على عباس سلم عليه وعباس باركله مديت ايدي اني مبروك سيدي خله ايده بأيدي وعصرها

مرتضى..الله يبارك بيج

بنين..نشالله يوم الولد الصالح

مرتضى..نشالله

بنين..جانت كلماته والله تحفر بكلبي رحت الندى من بعيد كتلها مبروك والزمت عباس من عكسه وطلعنه

لكل حكايا بقايا💔

شلعو بل تصويتات ابوسكمم

هدومِـي تخنگني مِن اشوفن

وآححِـد يداري بـ حلآلي💔.

(￣ε￣＠)

بنين..طلعنه من القاعه احس حموت مدااكدر بعد صعدت بلسياره مال عباس الطريق كله ساكته وعباس يسولف ويايه خطيه يريد يعرف شبيه اني بس اصفن واسكت شكله اليوم عرس الي جان يصيحلي بنيتي لو اكله اليوم عافيتي راحت لو اكله الي جنت احلم بي صار نصيب غيري شكله فتنه يم جسر كتله اوكف هنا

عباس..شنو

بنين..اريد انزل هنا اختنكت وكف نزلت من السياره ونزلت ضليت واكفه على الجسر بس اجر حسرات كعدت على الرصيف وعباس ويايه خطيه لحد ساعه3اني على الجسر كاعده كل ميكول عباس نروح اكله لا اريد ابقه من صارت ساعه بـ10وعرفت زفوهم للفندق احس روحي صدك طلعت ضليت بس اجر حسرات مااكدر ابجي ساعه 3ونص يله رجعت للبيت وصلت للبيت صعدت كبل لغرفتي دخلت الغرفتي وقفلت الباب ونزلت دموعي تجوي خدي والله دمعي يجوي خدي وحركت كلبي العدوي مااتمناها ضليت ابجي لحد الصبح منمت مكدرت انام افكر هسه يضحكون ويسولفون واني ابجي والله احبه مدااكدر اكرهه يارب اخذ روحي وخلصني لين تعبت والله متلوكله والله هيه متسهر وتضل تباوع بصورته بكدي والله متخاف عليه بكدي كل مااصلي ادعيله وانسه نفسي اي امام اروح ادعليه وانسه نفسي ليش يارب ليش ضليت للصبح مغمضتلي عين ثاني يوم جان جمعه ضليت بغرفتي منزلت اجوي عليه اكثر من مرا بس مجنت اجاوب عبالهم نايمه صارت دنيا عصر كمت سبحت وبدلت وطلعت باوعت وجهي وارم من البجي ماادري شسوي بس فتحت الباب ونزلت شفتهن بابا وماما كاعدين والولد ماهما بست ابويه وامي

ام عباس..هسه كعدتي من النوم يمه

بنين..اي ماما

ام عباس..اسويلج اكل امي

بنين..لا مااشتهي ضليت كاعده شويه يمهم وكمت طلعت للحديقه كعدت وضليت اذكر البارحه من جانو سويه نزلت دموعي مسحت عيوني مر اليوم ثاني يوم الصبح داومت جانو ممداومين اخذو اجازه اسبوع بهل اسبوع اني اموت الف موته يوميه اشوفه صارلي سبوع مشايفته صح جنت اختنك من اشوفهم سويه بس يكفي على الاقل اشوفه ورا هل اسبوع داومو والضحك مالتهم ولكل يبارك الهم جانت اكو اوراق يخصنه اله للنقيب مرتضى رحت الغرفتة دكيت الباب ودخلت معبالي هيه موجوده يمه جانت حاضنته وهوا ديبوسها حجيت احم سيدي فزو ثنينهم

ندى..اكو باب ادكي ترا

بنين..جانت تتنعوص من تحجي واني روحي طالعه منها كتلها انتي جنتي ملتهيه عيوني المهم اني مجايه اتعارك عندي شغل سيدي هاي الاوراق تخصك بل نسبه الي بل اسبوع الي جنت مجاز بي خلصت كل الملفات تقدمت خليتهن على الميز ودرت ضهري وطلعت رحت للمكتب مالتي وكفت كبال لميز مالتي ضليت اباوع على اسمي بنين رياض اني قويه بعد مااهتم بنين هاهيه لتهتمين هاهيه اكو الله اني قويه بعد مااهتم ولا ابجي هاهيه ضليت اتابع شغلي جنت يوم عن يوم اتفوق بشغلي والعميد عامر جان دائما يحمد بيه ويشجعني الي والطيبه والرانيه وحتى ندى بتشجيعات العميد عامر ودعم اهلي الي صرت مااهتم لا المرتضى ولا الندى صرت اشوفهم اضحك واسولف المهم صار سنه اني اداوم وستقريت بل دوام بيوم جانت شتاء والدنيا مطر بس مو قوي تنكط نزلت مبدله عسكري لابسه داروح للدوام جنت متأخره طلعت ركض من البيت داعبر الشارع فاتت من يمي سياره لي يفصلنه شعرايه بس وكعت على الرصيف نضربت براسي وبأيدي نجرحت يم كصتي خليت ايدي على راسي حسيت احد كعد كبالي رفعت راسي جان رجال حجه جان صوته خشن

الرجال..تأذيتي

بنين..راسي

الرجال..خلي اخذج للمستشفى

بنين..لا تأخرت عن دوامي

الرجال..ميصير خلي اخذج كصتج دتنزف

بنين..وافقت لين جنت انزف كومني واخذني لسيارته جانت عاليه وسوده ومضلله صعدني وصعد خله كلينس على راسي والطريق كله خال ايده على الكلينس ويسوق بل ثانيه وصلنه للمستشفى نزلني واخذني للطوارئ وهوا واكف يمي الرجال ماعرفه حتى مشفته زين اجتي الممرضه بنجت راسي وخيطته وسولي اشعه لايدي جانت مكسوره وايدي اليمنه لي اشتغل بيها انطوني مسكن الم ودوا مال التهاب خلصت طلعني كدرت اشوفه باوعت عليه جان طويله معضل عنده شوارب ماعنده لحيه ابيضاني عيونه صفر وشعره اشكر جان خال سلاح بخصره من شفت سلاحه اذكرت اسلاحي خليت ايدي على خصري مموجود بل كرب سلاحي سلاحي وين

الرجال..بل سياره موجود

بنين..شلون جان بل كرب

الرجال..مجنتي منتبهه لين جنتي تنزفين

بنين..صعدني بل سياره والطريق كله ساكتين عاد حجه هوا

الرجال..وين اداومين

بنين..نعم

الرجال..لابسه بيريه وعندج سلاح وين اداومين

بنين..وليش حتى اكلك ضحك بصوت خشن

الرجال..ماكو غير بس دائره…….ادومين بيها مو

بنين..شمدريك

الرجال..عرفت

بنين..انت وين اداوم مدلي ايده

الرجال.. شاهين ماداوم بمكان

بنين..باوعت على ايده وصافحته العفو

شاهين..شسمج

بنين.. بنين

شاهين..ديوجعج راسج

بنين..لا سكتنه اثنينه ضليت ادلي وين بيتنه لحد موصلني اشكرت منه ونزلت دكيت الباب وطلعت امي هيه شافت ايدي مجبريها وراسي مخيط ضربت على صدرها

ام عباس..صخام الصخمني يمه شبيج بنين يمه

بنين..بالف يا علي يله كدرت اهديه وشرحتلها لي صار

ام عباس..وشبي اعمه ميشوف يمه جان راحت بنيتي هاي عين عماتج

بنين..يمة مابيه شي والله حبيبتي اني راح اصعد انام لين ناطيني مسكن الالم

ام عباس..صعدي امي صعدي

بنين..صعدت للغرفه مادري شلون راح اسبح دخلت للحمام سبحت شلون مجان غسلت الدم مال كصت عن وجهي وبدلت وطلعت شعري عفته هيج وتمدتت على الچربايه بس منمت ضليت شويه كاعده وراها نمت

محمد..دخلت للبيت جانت امي دتطبخ وتحجي ويا نفسها رحت من ورا حضنتها شبيها ملكة بيتنه

ام عباس..يمة محمد حبيبي خرعتني يوم

محمد..شبيج امي تحجين

ام عباس..اختك

عباس وحسين وابويه..شبيها اخته

ام عباس..همزين اجيتو يمه اليوم جان راحت اختكم

عباس..شلون يعني

ام عباس..يمه طالعه من البيت دتعبر الشارع اجتها سياره بيها وبين السياره شعرايه وهوا جان يسوق سريع اختكم نشمرت على الرصيف وهسه ايدها مكسوره وراسها مخيط سوده عليه

عباس..وينها هسه

ام عباس..بغرفتها

محمد..صعدنه كلنه ركض فتحنه الباب مال غرفه بنين جانت نايمه وراسها ملفوف وايدها مجبريها رحت يمها بستها من راسها وعباس باسها من ايدها ووحسين وابويه من خدها

بنين..فتحت عيوني شفتهم يمي بسم الله شكو

ابو عباس..ابويه انتي شلونج بنين

بنين..مابيه شي بابا حبيبي

عباس..معرفتي منو الي دعمج

بنين..لا الرجال اخذني للمستشفى وجبرو ايدي وخيطو راسي يعني معافني بل شارع

حسين..هيه العايزه يعوفج بل شارع

بنين..حجيت وياهم وطمنتهم اني زينه ضلو يمي بس بابا نزل هوا وحسين بقه عباس ومحمد حضنوني ثنينهم وصرت بنصهم

عباس..بنو شتريدين تاكلين اجيبلج من برا

بنين..حبيبي تسلم بس الدكتور يكول لازم سوائل يعني بس شوربه هفف

محمد..ههههه وانتي شكد تحبيها اللشوربه

بنين..هههه شنسوي نزلو يسوولي شوربه واني جنت صافنه باجر لازم اروح اخذ اجازه وزين عندي تقرير طبي جابولي شوربه وكلني عباس ومحمد يشربني المي ابتسمت اليل مر عليه بل كوه وجع براسي مينحمل شربت مسكن الم شويه وبديت انعس نمت ثاني يوم الصبح بدلت ونزلت شفتهم ديتريكون كعدت صباح الخير

لكل..صباح النور

ام عباس..امي ليش نزلتي حبيبتي هسه داصعدلج الريوك

بنين..لا امي حروح اخذ اجازه عباس وصلني

عباس..ماكو داعي بنو اني هسه جنت داكله الابويه اخذلج اجازه

بنين..لا اني اروح حتى اخذ كم شغله عندي بل مكتب

عباس..ماشي تريكي واخذي دوا ونروح

بنين..تريكت واخذت دوا وطلعنه رحنه للدائره دخلت ولكل يتحمدلي بل سلامه مجنت منتبه مرتضى موجود لو لا دخلت للغرفه مال عميد عامر ويايه عباس سمحلنه ندخل ودخلنه اخذت تحيه سيدي

العميد عامر..الحمدالله على سلامتج بنيتي بنين اليوم رايد اجيج

بنين..تسلم سيدي وميه هله بيك

العميد عامر..ناطيج اجازه اسبوع

بنين..اي سيدي هاي تقريري الطبي اجيت علمود الاجازه

العميد عامر..ويكولون ليش تحب بنين وتفضلها علينه بنيتي ناطيج جازه اني

بنين..تسلم سيدي تسمحلي اطلع اخذ كم غرض من مكتبي

العميد عامر..اخذي راحتج اني هم عندي موضوع ويا عباس

بنين..كمت اخذت تحيه وطلعت رحت للمكتب مالتي واكفه داخذ كم ملف حتى اخلصهن بل بيت نفتح الباب عبالي عباس اخويه حجيت واني دايره ضهري عباس انتضرني بس دقيتين اشوف هذني الملفات ونرجع مجاوب استغربت انداريت شفته مرتضى واكف ومربع ايده الصدره ويباوع عليه اهلا سيدي

مرتضى..مسويه حادث

بنين..اي وجيت اخذ اجازه تقدم عليه وكف كبالي

مرتضى..بعدج تحبيني

بنين..نعم

مرتضى..مشتاقلج

بنين..سيدي رجاءا اني كرست حياتي للشغل وبس عن اذنك اخذت الملفات وطلعت صح نسيته بس كل ماشوفه اشتاق السوالفه والحجيه بس لا هاهيه طلعت جانت ندى واكفه كبال المكتب مالتي صغرت عينها وفتحت باب المكتب درت ضهري ورحت لغرفه العميد دكيت الباب ودخلت سيدي تسمحلي اخذ كم ملف اخلصهن بل بيت

العميد عامر..اكيد اخذ بنيتي

عباس..يله سيدي نترخص

بنين..اخذنه تحيه وطلعنه لزمت عباس من عكس ايده جانت ندى ومرتضى واكفين يجادلون شفتهم مهتميت وطلعت رجعني للبيت وراح عباس للمركز دخلت بست ماما من خدها وصعدت الغرفتي خليت لملفات على الميز تواليت وبدلت ملابسي وضليت كاعده اتصفح بل تلفون عجبني ادخل على صفحه ندى دخلت جانت ناشره صورها واكو صوره من الصور جان مرتضى حاضنها من ضهرها وهيه لابسه فستان احمر دخلت على صفحته جان اخر صوره ناشره من يوم عرسه بل غلط دست اعجاب بل صوره وخرت الاعجاب بسرعه ماكو وراها بـ5دقايق دزلي رساله جان كاتب بيها

مرتضى..بنين جاوبيني

بنين..قريتها ومجاوبت ضليت اتصفح ضجت نزلت يم امي شفتها كاعده تلف دولمه كعدت يمها

ام عباس..ايهه ايهه يمه بنين شوكت اشوفج ابيت رجلج وتلفين دولمه

بنين..رحم الله والديج ماما لا اريد ازوج ولا الف دولمه

ام عباس..ولج يمه ابن خالتج خوش ولد ودكتور دقبلي بي

بنين..يمه ماريد اصلا ماطيق اسمه مو شكله بعدين اني مازوج امي شايله هاي الفكره من راسي

ام عباس..اوف اوف يايمه هم اريد اشوف جهالج

بنين..خلي نشوف جهال اخواني عود الله كريم

ام عباس..اوف يا عنوديه شوكت ناويه تخلصين من هل عناد ولج

بنين..ههه يمه رانيه بت خالتي شوكت تزوج مو علساس اكو واحد رايدها

ام عباس..ذيج نفس عقلج متقبل تزوج والله يايمه مدري شبيجن

بنين..نزلت راسي مابينه شي امي دك تلفوني باوعت طيبه جاوبت الو

طيبه..يا خاينه ولج تجين للدائره ومتمرين علينه

بنين..والله مجان الي خلك

طيبه..سوده عليه والله من عرفنه البارحه متنه خوف عليج

بنين..منو گلكم

طيبه..هاا رانيه كالت

بنين..ها اي والله هاي شنسوي الحمدالله

طيبه..حبيبي بنو خو مدتحسين بشي

بنين..لا مابيه طيبه حياتي

طيبه..حياتي اليوم احنه نجيكم

بنين..هله بيكم ختمت ويا طيبه وطلعت للحديقه مالتنه الجو حلو بارد كعدت على المرجوحه يسئل بعدني احبه هه جايني بعد ممات كلبي مستحيل اتنازل وارجعله بنين نسيتي شسوه بيج بعدين هوا مزوج صديقتج حتى لو اخذته منج بعد صار الها ميصير هيج يصير ضليت كاعده افكر المهم العصر اجوي اهل طيبه وتحمدولي بل سلامه ومر الاسبوع ايدي بعدها مموخره التجبر مالتها وحتى راسي بعده مخيط بس وخرت الفاف منها مر اسبوع ثاني وخرت التجبر مال ايدي بس راسي بعده مخيط رجعت اداوم طبيعي بيوم داقره بلملفات وندفعت الباب رفعت راسي شفتها ندى صايره عصبيه خير

ندى..تريدين تاخذين مرتضى مني هاا لج مو اني صديقتج هيج تسوين بيه لج ليش بنين ليش

بنين..باعي اني ماعندي سوالف خايسه مثلج اني ماخذ رجال يحب مرته ومزوج زين واذكري زين انتي اخذتي مني وعمي الف عافيه عليج وغلطانه روحي شوفي منو تريد تاخذه

ندى..لج ينفرني من وراج لج راد يضربني لين حجيت عليج شسويتله هاااا سحرتيي

بنين..لا اله الا الله شساحرته يمعوده طلعي عندي شغل روحي احجي ويا اني بل نسبه الي رجلج انتهى يمي تصدكين اذا كتلج كمت اكرهه كرهه العمه ويله طلعي برا

ندى..اني الج يا بنين اني الج

بنين..طلعت كمت وراها رحت المرتضى دكيت الباب ودخلت سيدي اني احترمك لين انت اعله رتبه مني بس ربيها المرتك اني متايهه الها تجي تدفر الباب وتدخل تحجي وعلى ساحرته الرجلي اني مالي دخل بيكم انتو بل نسبه الي ماضي وانتهى واني اعرف شصرف وياها رجعت للمكتب مالتي وكتبت تقرير على ندى وكمت اقدمها للعميد عامر فتحت الباب وصار كبالي

لكل حكايا بقايا.💋♥️

صباح الخير اخوان عذروني البارحه جنت مشغوله حيلللل بحيث مكدرت الزم الفون😴😴

كولولهم

وداعة سواد كلوبهم

مـاحـن بعـد لـوجـوهـم💔

(〜￣△￣)〜

بنين..داطلع واني عصبيه صار العميد عامر وندى كبالي ضليت صافنه وهيه ورا دخل العميد عامر كعد على الميز مالتي واني كعدت على الكرسي وهيه كبالي صارت حجه العميد

العميد عامر..بنين شنو هل حجي الي سمعته

بنين..يا حجي سيدي

العميد عامر..شنو تريدين تاخدين مرتضى من ندى شنو صايره بينكم علاقه وشنو المراسلات

بنين..سيدي انت تعرفني كلش زين اني ماعندي هيج سوالف والنقيب مرتضى مثل اخويه ورأيسي بل شغل ماسويها سيدي هاي تقرير بلي سوته ويايه ملازم ندى اليوم داحجي نفتح الباب ودخل مرتضى ورانيه وطيبه

ندى..سيدي هاي حتى مرتضى هم هنا وسئله

العميد عامر..مرتضى صدك بنين ادزلك رسايل وصاير بينكم علاقه

مرتضى..سيدي ماكو هيج حجي يا علاقه تصير وملازم بنين اليوم داومت

ندى..كذب والله كذب هوا يحبها وهيه تحبه

رانيه..سيدي والله ندى كذابه وتحب تسوي مشاكل

بنين..سيدي نقيب مرتضى اخويه وماعندي شي ويا وحتى ترتاح ندى راح اكتب استقالتي ونشالله اليوم تلكاها على مكتبك

العميد عامر..ميحتاج بنين اني ادري بلي صار وياج اليوم لين طيبه حجتلي ندى الي تريدي من بنين شنو

ندى..اذب استقالتها وتطلع من الدائره

طيبه..ليش اضاهر الدائره مسجله بأسمج واحنه مندري سيدي صدكني والله العضيم ندى هيه الي تتحارش ابنين ودائما تسمعها كلام على تريدين تاخذين زوجي مني وهيه بنين ممهمته اله

بنين..حجت طيبه رفعت راسي عليها خزرتها وهيه غمزتلي باوعت على مرتضى باوع عليه وخزرني درت وجهي سيدي اني ماعندي شي وياهم

العميد عامر..ندى بعد مالج دخل ابنين مفهوم واذا سمعت خبر مسمعتها حجايه صدكيني افصلج واكبر واسطه مترجعج عندي زينننننن ويله گلكم برا

بنين..طلعو كلهم كمت داطلع بس صاحني العميد

العميد عامر..بنين بنيتي اني عندي ثقه بيج واجيت وياها حتى اشوف شتريد منج واذا تريدين تستقيلين راح ارفض استقالتج انتي موضفه مجتهده وممتازه لتخليها تأثر عليج وبلنسبه للتقرير راح اخلي لحد هسه صار تقارير ثنين عليها يصيرن بعد ثنين افصلها زين بنيتي

بنين..صار سيدي كام ديطلع مشكور سيدي

العميد عامر..ادللي بنيتي

بنين..شكد حباب يربي احسن عميد بل دنيا والله يعاملنه مثل بناته ويحبنه حيل وعادل ميقبل بل غلط كعدت على المكتب مالتي وكملت شغلي جانت دااقره قيود تابعه لدائرة الجوازات خلصت نص وقعتهن وبقن نص خلص الدوام وتعبت حيل طلعت من الدائره جانت رانيه تنتضرني صعدت وياها وطيبه جانت ويانه

رانيه..شفتي هاي ندى الحقيره تريدج اذبين استقاله مو انتي تشتغلين بدائره ابوها الخايس الي مرباها

بنين..يمعوده عبري اهمشي العميد عامر عنده ثقه بيه

رانيه..حبيبتي شلون صار راسج

بنين..بليل من اريد انام يصير راسي يوجعني بس هسه لا وجع خفيف

رانيه..شوكت تفتحين الخياط

بنين..بعد اسبوعين

رانيه..سوده عليه

بنين..خلي نتغده بل منصور نفس المطعم

رانيه..يله

بنين..رحنه للمنصور تفس المطعم الي شفنه بي ندى ومرتضى دخلنه كعدنه وصينه اكل ورانيه مستمره تحجي على ندى

رانيه..شلون فورت دمي ولنبي ردت اكتلها لو ما عيب من العميد عامر

طيبه..دخلي تولي هاي لمكفخه

بنين..هههه لج بتي والله انسيها صارلي كم سنه عايشه بعذاب بسببها تعودت على خبالها

رانيه..بس مو هيج تسوي بمكان شغلنه لج هاي جانت تريد تسويلج فضيحه

بنين..عدكم ثقه بيه شسوي خلي تسوي مو كافي حطمتني شتريد مني بعد سكتنه اجه الاكل اكلنه من بعيد المحت مرتضى ويا ثنين ولد جايين النفس المطعم اذكرت من جابها وجه وشلون سوالها عيد ميلاد درت وجهي وضليت اكل واسولف ويا رانيه

رانيه..بنو باجر اذا خلصتي القيود مااتج ناخذه للجوازات اني وياج وطيبه لين اني وطيبه هم عدنه قيود تابعه الهم

بنين..ماشي باعي بس العميد عامر ميقبل نروح ابحده راح يدز رائد سلام ويانه

رانيه..هله حبيب كلبي راح يجي يمه

بنين..رانيه اذا تحبي ليش متعترفين اله وتجربين حضج

رانيه..لج مزوج يحضي

بنين..شمدريج مزوج ها شمدريج

رانيه.. لابس حلقه الي لابس حلقه شنو مو مزوج

طيبه..جوز هيج لابسها

بنين..باعي جربي وشوفي حضج باجر روحي انتي ويا واني وطيبه نجي وياكم من نوصل ناخذ القيود وانتي ابقي

طيبه.. اي اي خوش فكره

رانيه..لا اخاف

بنين..باعي جربي ولازم تقوين كلبج وتجربين

طيبه..باعي هسه كلنه عدنه تجارب بحياتنه انتي جربي هاي المره والرائد سلام خوش رجال وحباب كلش عكس مرتضى واحمد جانو يطلبون منه شغلات محلو بس احنه حافضنه على نفسنه وحضرناهم

رانيه..واذا كال اني مزوج واحب مرتي

طيبه..كوليله الله يسعدك وعوفي ورجعي يمنه

رانيه..ماشي بس يارب ماتفشل

بنين..خلصنه اكل دفعنه الحساب وطلعنه للبيت رحنه سلمت جانو موجوين الكل صعدت بدلت ونمت ودعيت الرانيه من كل كلبي خطيه تحبه يارب خلي قدرها احله من قدرنه اني وطيبه وخلي لي تحبه يبادلها نفس الشعور بيومها نمت من التعب مكعدت غير ثاني يوم بدلت لبست العسكري مالتي الشتوي يعني ويا قمصله من ضمن البدله العسكريه وسويت شعري ضفيره وولبست البيريه الحمره والبست الكرب مال سلاح وخليت السلاح بي ونزلت صباح الخير

ابو عباس..يا هله بهيبتي صباح النور يابه

بنين..ههه بست بابا من ايده وراسه وكعدت اتريك

عباس..اليوم رايحه للجوازات بنو

بنين..بس لو اعرف مين تعوف هاي الاخبار جان رتاحيت

عباس..هههههه

محمد..عنده استخبارات بنو

حسين..مراقب لوضعيه عباس

بنين..هههه اي عباس حروح للجوازات اليوم والعميد عامر ميقبل نروح بحدنه راح يدز ويانه رائد سلام

عباس..والله العميد عامر مدللكم ويخاف عليكم

بنين..ترا العميد عامر يحب كل لي يتشغلون ويا انسان عادل ميحب الضلم ودائما الي والرنيه وطيبه يصيحلنه بناتي نحبه

عباس..خوش عميد والله

بنين..اي والله المهم هسه اني خلصت راح اطلع عباس اذا خلصت شغل اليوم عازمتك اني

عباس..بمناسبه شنو

بنين..هيج ماكو مناسبه اخت وعزمت اخوها بيها شي

عباس..هههه لا مابيه

بنين..ادزلك اسم المطعم وتعال ماشي حبيبي

عباس..ماشي بنو يله اوصلج

ابو عباس..يردلج سياره بنو

بنين..خلي من راتبي اشتري سياره بابا بوستهم وطلعت وصلني عباس للدائره دخلت جان العميد عامر مسوي اجتماع واني متأخره ثواني دخلت بسرعه للغرفه مال اجتماعات شفتهم كلهم كاعدين كعدت بين رانيه وطيبه واني الهث من التعب باوعت جان كبالي مرتضى وندى استغفرالله نداريت على رانيه شفتها خاله حمره وردي شويه فاتح ومسكاره وكحله طالعه تخبل شهل جمال يحلو

رانيه..هههههه ترا استحي لج

بنين..هههه دخل العميد عامر باوع عليه وابتسم

العميد عامر..متأخره ثواني ملازم بنين

بنين..سيدي جان الطريق ازدحام كوه وصلت عباس وصلني

العميد عامر..ادري ازدحام داشاقه وياج

بنين..ابتسمت يربي والله محبوب هل عميد

العميد عامر..يالله صباح الخير

لكل..صباح النور

العميد عامر..اليوم سوينه هذا الاجتماع اريد اوضح بي كم نقطه مهمه بعض الضباط نسوها عدنه النقطه الاولى احنه هنا بمجال عمل مو بمجال مشاعر ورومانسيه النقطه الثاني بعض الضابطات من البنات تتهجم على زميلتها وتتهمها بشغلات غير لائق وهذا لاصار قبل ولا راح اسمح يصير هسه بنين وطيبه ورانيه المكتبكم خلصو القيود ونزلو رائد سلام ياخذكم

طيبه ورانيه وبنين..امرك سيدي طلعنه احنه ورحنه للمكتب مالتنه والعميد باقي يحجي وياهم

بنين..تقريبا ساعه ونص خلصت القيود كلهن وقعتهن وختمتهن اخذتهن للعميد عامر بغرفه لاجمتاعات لين عنده شغل وياهم واني جنت مستعجله ولازم يتوقعن منه سيدي بس وقعهن

العميد عامر..هههههه جيبيهن قبل شويه سبقنج رانيه وطيبه ونزلن

بنين..مو سيدي اكو ملف من الملفات ويا القيود من ملفات للضباط الحدث خربطت بيهن ورجعت عدتهن وهسه خلصت

العميد عامر..اي صح بنين انتي بس سلمي لقيود للدائره ورجعي لين انتي ونقيب مرتضى عدكم روحه للكليه حتى اتابعون الضباط الحدث

بنين..باوعت على النقيب مرتضى ماريد اروح وكرهت الروحه كلها بس مااكدر احجي امرك سيدي وقعلي لقيود ونزلت ركض لكيتهم ينتضرونه صعدنه كله بسياره الرائد سلام وطلعنه كعدنه رانيه ليكدام وهيه ميته خجل واني وطيبه خربانين ضحك عليها عاد الطريق كله نسولف ويا الرائد سلام خوش انسان وصلنه للدائر اخذت القيود من رانيه انتي ابقي هنا اني اسلهمن واجيج ولتصيرين فاهيه

رانيه..بنين ماريد بطلت

طيبه..نجبي ويله تشجعي شويه

بنين..دتحجي عفناها ومشينه دخلنه لدائرة الجوازات وجانت كتل العالم دطلع جوازاتها رحنه الغرفه المدير جان كاعد مفوض يم الباب راويته الباج مالتي

المفوض..سيدي دقايق وتفوتون للعقيد

بنين..تمام ضلينه شويه كاعدين ودخلنه للعقيد اخذنه تحيه اني وطيبه

العقيد..هله ابنات العميد عامر

بنين..ابتسمنه اني وطيبه سيدي القيود التابعه الكم جاهزه

العقيد..ماشي ملازم بنين شكد ميحجي بيج عامر صار فضول اشوفج احسنتي اني احب الموضف المجتهد واريد احجي ويا عامر وانقلج يمنه

بنين..ابتسمت تسلم سيدي

العقيد..وطبعا طيبه هم مجتهده وشاطره بوضيفتها نيال عامر عليكم

طيبه..تسلم سيدي

بنين..ضلينه شويه وطلعنه

طيبه..يارب رانيه الفاهيه صار براسها خير وعترفت

بنين..بلكت البارحه ليل كله ادعيلها

طيبه..بنين باعي هذا مو احمد(حبيبها)

بنين..انداريت شفته اي هوا احمد

طيبه..ويععع شكد كرهته اني وين عقلي من حبيته جنه قرد يبوووو باعي خشمه

بنين..ههههه هاي لين كرهتي هيج تحجين باعي طلعنه من بعيد شفت الرائد سلام يبتسم ويباوع على رانيه وهيه خجلانه لجج طيبه باعي عزااا ياربب بلكت ضبطت

طيبه..باعي خلي نتأخر خطيه

بنين..ماشي رجعنه بحجه نريد مي اشترينه مي وشربنه وضلينه نسولف لحد مأجه الرائد سلام ورانيه لازمها من ايدها وهيه فرحانه شفناهم اني ورانيه ابتسمنه

رائد سلام..احم اني رايح للعقيد رانيه يمكم هاي بصمه السيارة اكعدن بيها

بنين..حضار سيدي طلعنه كعدنه بل سياره

طيبه..رانيه رانيه احجي

بنين..دحجيي

رانيه..ولجن طلع ممزوج هيج لابسها باعن مو رحتن انتن اني ضليت ساكته شويه وميته خجل كتله سيدي سؤال

الرائد سلام..جواب

رانيه بهمس..انت مزوج

رائد سلام..عيد شنو مسمعت

رانيه..انت مزوج

رائد سلام..هههههههههه لا ممزوج

رانيه..لعد ليش لابس حلقه

رائد سلام..دانتضرج تحنين عليه

رانيه..ضليت صافنه عليه بب ب بس يعني شنو

رائد سلام..اني هم احبج رانيه

رانيه..ها يعني هوا منو كلك

رائد سلام..هههه باعي من جنتي بل كليه اعرف بيج تحبيني مرا سمعتج تكولين لبنين احبه بس هوا مزوج ومن ذاك اليوم لحد هل ليوم انتضرج تحجين

رانيه..واذا تعرف اني احبك ليش مجيت واعترفتلي

رائد سلام..سئلت ندى كالت نخطبت رأسا سحبت نفسي منج

رانيه..نزلت دموعي لا والله منخطبت اني احبك من جنت بل كليه واخاف اعترفلك لين ندى كالت مزوج

رائد سلام..لا ممزوج بس راح ازوج

رانيه..ها تزوج

رائد سلام..اي هاهيه بعد صرت شايب

رانيه..خنكتني العبره وحجيت مبروك نزلت راسي حسيت ايده صارت على خدي رفعت راسي عليه واني عيوني متروسه دمع

رائد سلام..تزوجيني

رانيه..ها

رائد سلام..تزوجيني باعي فكري اليوم وباجر اجي للدائره اسمع الجواب منج والجمعه اجيب اهلي ورا الخطوبه عود نبدي اعرفج وتعرفيني زين

رانيه..ااا يعني اي خوش

رائد سلام..اروح اشوف ذني الشيطانات وين صارن

رانيه..هههههه لا والله حبابات هنه شجعني احجي

رائد سلام..الهن هديه مني

رانيه..وجيناكم وهذا الصار

طيبه..ياااايييي حبيبتي رانيه مبرررروك يروحي

بنين..عمرييي انتي مبروك

رانيه..حبيباتي الله يبارك بيجن وهاي ندى اني اعلمها

بنين..اجه الرائد سلام صعد واحنه فد خجلانين منه رجعنه للدائره والطريق كله الازم ايد رانيه نزلت اشكرنه منه ودخلنه للدائره ورحنه الغرفه العميد عامر سيدي سلمنه القيود

العميد عامر..خابرني العقيد حسن بنين بنيتي النقيب مرتضى ينتضرج برا حتى تروحون للكليه مال ضباط الحدث وطيبه انتي ورانيه رجعن لمكتبكم

بنين..عن اذنك سيدي طلعت ونزلت لكيته ينتضرني صعدت بل سياره وطلعنه بل طريق خابرت عباس الو حبيبي

عباس..هله بكمر ال رياض

بنين..هههه عمري باوع ترا راح اتأخر شويه عن الموعد مالتنه

عباس..واني هم طالع حروح للكليه مال لضباط الحدث

بنين..ايي حبيبي واني رايحه هناك لعد نلتقي حتى نروح جر من ايد التلفون وخلا على اذانه ومادري عباس شحجه وهذا عيونه صارت بكصته جريت منه لتلفون جان عباس ساده باوعت عليه صدك تحجي

مرتضى..صاير غيري يصيحلج بنيتي

بنين..شعليك انت مو ازوجت اني هم عشت حياتي مالك دخل

مرتضى..هيج بسرعه نسيتي ايامنه

بنين..مثل ما انت نسيتهن اني نسيتهن وصارن ماضي بس ماضي تعيس

مرتضى..لهل درجه كرهتيني

بنين..واكثر ضليت كاعده وهوا عصبي وصلنه للكليه طبك سيارته بل كاراج وحصرني ورا الكراج سيدي ممكن تبعد عني

مرتضى..شتاقيت لكل يوم من ايامنه شتاقيت الضحكتج والسوالفج ولكلشي بيج بنين

بنين..كرهت كل يوم من ايامنه دفعتة من صدره داروح جرني من ايدي

لكل حكايا بقايا💋🙂

احبكم💋

يجي يوم وترد تجمع

شكو مكتوب شگيته

وترد تندم على كل ثوب

عفته وما أشتميته

وتبچي ومَحـد يشوفك

وحتى چفوفك تعوفك

وترد ندمان بس بعديش ؟

باب عيوني سديته .

(ღ˘⌣˘ღ)

مرتضى..انتي بعدجج تحبيني ومستحيل يجي يوم واشوفج تحبين غيري

بنين..عن اذنك عفته ومشيت وصلت للكليه العسكريه اجه هوا دخلنه للعميد جان عباس كاعد اخذت تحيه

عميد الكليه..يا هله بلملازم بنين

بنين..هله بيك سيدي

عباس..سيدي هاي اخر العنكود

عميد الكليه..اشطر طالبه جانت عندي

بنين..تسلم سيدي

عباس..اي سياده الملازم امشي نطلع نشوف التدريب

بنين..اخذت تحيه واني ابتسم امرك سيدي

عباس..ههههه

بنين..طلعنه اني وعباس ومرتضى كعدت اكتب تقارير حتى اسلمها للعميد عامر تقريبا اني ساعده اكتب تقارير عنهم لحد مخلصت عباس ومرتضى جانو مشرفين على التدريب مالتهم خلصنه دنطلع عباس اجي وياك

عباس..يله حبيبي

بنين..صعدت ويا عباس حتى منتبهت على مرتضى طلعنه للدائره وهوا قبلنه جان واصل صعدنه تلاثتنه للعميد عامر سلمته التقارير سيدي لتقارير جاهزه

العميد عامر..احسنتي بنين

بنين..اخذت تحيه وطلعت بقه عباس ومرتضى هم العميد اخذت شغلاتي من المكتب وطلعت ويا طلعتي طلع عباس لزمته من عكس ايده يله عيني نروح لعزومتي

عباس..هههه يله

بنين..طلعنه للمطعم نفسه مالتنه لي دائما ناكل بي كعدنه اني وعباس وصينه اكل عباس اني ادفع

عباس..خوش

بنين..لاا حباب اني ادفع

عباس..هههه مره الثانيه انتي

بنين..لا مره الثانيه انت ادفع ضلينه نسولف اجه الاكل وضلينه ناكل

عباس..ايي بنين كلهم يتمنون تشتغلين وياهم

بنين..ايي لين اني مواضبه ههه

عباس..هههههه لا لج والله كلها تريدج واعيه وتفتهمين اكثر من الكل

بنين..اي ادري والله باوع خليتك تفتخر بيه

عباس..اي فخور بيج بنو بس مجنت رايدج تكملين هاي الكليه لين مال ولد

بنين..بس صرت بيها وكسبت ثقه الكل

عباس..عفيه عليج

بنين..ابتسمت خلصنه اكل وبل كوه اني دفعت طلعنه من المطعم ورحنه للبيت دخلت سلمت وصعدت لغرفتي لين تعبانه حيل

رانيه..رجعت للبيت جنت تعبانه ونعسانه اريد انام دخلت لغرفتي سبحت وبدلت هستوني جيت انام دك تلفوني جاوبت بدون ما باوع لين اعرف هيج وكت بس طيبه لو بنين يخابرني الو طيبه لو بنين

رائد سلام.. لا سندس عيوني

رانيه..وخرت الجهاز من اذاني وقريت الاسم غميت كصتي اللله يطيححح حضج رانيه الى متى تبقين ثولههه حجيت بصوت

رائد سلام..هيووو ماسمحلج تحجين على الثوله مالتي

رانيه..ها يعني اني ثوله

رائد سلام..لا بويه حضي خرا رنو

رانيه..عيونها

رائد سلام..شلونج

رانيه..اذا انت بخير اني بخير

رائد سلام..احم جيت احجي وياج

رانيه..ها عيوني

رائد سلام..الجمعه خطوبتي

رانيه..شنو

رائد سلام..شنو شنو الجمعه خطوبتي معزومه

رانيه..واني

رائد سلام..ماكو قسمه بينه الجمعه ساعه 4حبيت اكلج

رانيه..سده حتى بدون مااكمل كعدت بل كاع واني بيدي التلفون وكلامه يرن براسي خطوبتي الجمعه زين واني مو احبه زين اذا ماكو قسمه بينه ليش نطاني امل ليش عيشني بكذبه مااعرف شسوي بس ضليت ابجي احس حيلي نهد مالي قدره ع شي يعني بس اتخيل سلام يكعد ويضحك ويشاقه ويتغزل مو وويا غيري لاا لاا يارب نشاالله حلم يارب يارب حلم والله مااتحمل يعوفني عليمن ادك بنين ماعندي غيرها بس هيه

بنين..نايمه ودك تلفوني باوعت رانيه مااكدر حتى افتح عيوني عفته يدوك بس من ضلت تلح جاوبت الو ها رنو

رانيه..لج بنين لحكيلي

بنين..كمت من الفراش شكو

رانيه..مدااكدر احجي سس سسلام

بنين..رانيه مدافهم شي باعي كافي بجي وفهميني شكو

رانيه..سس سلام لجج سلام خطوبته الجمعه

بنين..ايي مبروك يختي على شنو دتبجين خطوبتكم وراح تصير الجمعه شكو مكعدتني من نومي

رانيه..لج بنين اصحي ويايه خرب بي الحضي لججج سلاممم راح يخطب غيري لج امده حضي لج والله حبيته ليش هيج يسوي بيه ليش

بنين..سكتت جايتج رانيه جايتي سديته كمت بدلت ملابسي وخليت محمد يوصلني وصلت لبيت خالتي ونزلت دكيت الباب وطلعتلي خالتي سلمت عليها ودخلت كبل صعدت الرانيه دكيت الباب مرتين يله فتحته اول مفتحت الباب جان وجهه مخرمش واحمر شعرها مخربط مبين داكه ولاطمه دخلت يمها هيه كبل حضنتني وضلت تبجي رانيه حبيبي كافي

رانيه..بنين راح يعيش ويا غيري راح ياكل ويشرب ويا غيري راح يكعد وينام ويا غيري راح يضحك ويشاقه ويا غيري لج هذا حبيبي هذا كل دنيتي ليش يروح مني ها اريده بنين والله مستعده اتوسل بي ليل ونهار بس ليعوفني والله اموت بدونه بنين والله اموت

بنين..نزلت دموعي عليها قبل سنه والله جنت اتعس من حالتها اخذت ملابسها ونزلتها جانو اهلها ملتهين بل سوالف ويا محمد كعدتها بل سياره ودخلت يم خالتي خاله راح اخذ رانيه يمي

خاله ام رانيه..ليش يمه

بنين..خاله مو عدنه تدريبات وتقارير مشتركه اني ورانيه ولازم نخلصها لين هوايه

خاله ام رانيه..ماشي يوم

بنين..يله محمد طلعنه محمد بل طريق سئل رانيه

محمد..رانيه شبيج

رانيه..مابيه محمد تعبانه

محمد..هاي منو هيج مخرمش وجهج وليش تبجين

بنين..مابيها شي محمد شويه نفسيتها تعبانه باوعت عليه مقتنع ديحجي اشرتله بعدين وصلنه لبيتنه وصعدت كبل لغرفتي

ام عباس..شبيها رانيه يمه

بنين..بل شغل صارتلها مشكله ماما

ام عباس..يا ستار يوم

بنين..اني صاعده يمها ماما صعدت يمها شفتها نايمه وحاضنه رجلها لصدرها وتبجي كعدت يمها تدرين رانيه اني قبل سنه هيج جانت حالتي من مرتضى خطب ندى بس اني وحيده وحبي اله من الثاني متوسط يعني صارله حب مرتضى ويايه 10سنين 10سنين واني بعذاب من اشوفه وياها من اشوفه يضحك ويشاقه واكول هوا الي مالتي مو مالتها بس بل حقيقه هوا مالتها زوجها وابو بيتها دائما اباوع عليه واكول اني حضي هيج بس رانيه هوا متمسك بيه باعني وراحلها حبها الها نطاها الي مكدرت اني اخذه منه نطاها كلبه نطاها حياته وكمل وياها نص دينه عفته وكملت حياتي مثل ما هوا كمل حياته باعيني صدكي بالله رانيه راح تكرهي من تشوفي ويا غيرج لين متمسك بيج ولا حارب علمودج ولا رادج ادري صعبه وحيل صعبه هم شخص تحبي وتنطي كلبج وبسهوله يكسره بس هاي حضنه يبت خالتي حضنه هيج والله كاتبلنه هيج نعيش

رانيه..والله بنين جنت مستعده اعيش ويا على المره قبل الحلوه لين احبه بنين ليش هيج سوه ويايه يعني شسويت اله اني قدملته حبي ونطيته كلبي ليش كدام نفسي حسيت نفسي رخيصه عافني وراح خطب ومن كتله واني يكول مالنه قسمه سويه بنين شسوي نار والله نار بكلبي حرام هذا يصير مالتي حبيبي وكل دنيتي ليش يعيش ويا غيري اريده بنين مااكدر بدونه اذا ماشوفه يوميه احس اموت مالتي حلالي والله حلالي يخطب غيري ليش

بنين..سوده عليه يبت خالتي والله ادري جنت بمكانج اني قبل سنه كرهت حتى الدنيا بس هاي شسوي كملت حياتي مراح اكدر ارجعه الي ولا نفسي تتقبله بعد معافني وازوج صديقتي ضليت يمها لحد منامت وهيه تشهك حسيت بذنب لين اني خليتها تعترفله اني بسببي صارلها امل انو هيه وسلام يعيشون سويه ضليت يمها حتى منزلت اكلت ثاني يوم الصبح شفتها كاعده وصافنه على السكف صباح الخير رنو

رانيه..صباح النور

بنين..رجعي نامي اليوم اخذلج اجازه

رانيه..شسوي ابقه بل بيت بنين اموت اذا اضل خلي اروح للدوام احس

بنين..ماشي كمت سبحت وبدلت لبست العسكري ورانيه بدلت لبست البيريه ونزلت هيه قبلي نزلت صبحت عليهم وكعدت اكل شويه اباوع رانيه بس ساكته

عباس..شبيج رانيه

بنين..باوعت على رانيه عيونها دمعت ونزلت راسها مثلي جنت من اقل احجايه اتحسس وابجي عباس باوع عليه

عباس..شبيها بنين

بنين..مابيها شي عباس بس شويه تعبانه

عباس..ماشي كملتن حتى اوصلجن

بنين..اي يله رنو طلعنه اني ورانيه وصلنه للدائره نزلت هيه

عباس..اوكفي بنين شبيها

بنين..حالتها النفسيه حيل تعبانه واني جبتها يمنه لين هناك خاف تسوي بنفسها شي

عباس..خوش باعي حبيبي من تخلصين شغل تلكيني واكفلج هنا ماشي

بنين..ماشي حبيبي نزلت ورا رانيه ركض دخلت للدائره صارت طيبه كبالي

طيبه..بنين شبيها رانيه

بنين..لج طيبه اني وياج شسوينه

طيبه..بس فهميني شكو

بنين..سلام راح يخطب الجمعه راح يخطب غير رانيه ومن البارحه لليوم دك ولطم وبجي جبتها لبيتنه خاف تسوي بنفسها شي وتروح مني بت خالتي تدرين والله احس الذنب موتني عليها طيبه شلون

طيبه..دقيقه اكو انه بل موضوع شلون راح يزوج عليها وهوا طلب ايدها للزواج بل سياره

بنين..مو كلتله كلها ماكو قسمه بينه

طيبه..مادري والله يا بنين صدك حسيت بذنب

بنين..باعي خلي نروح هسه وكل شويه نمر عليها خاف تسوي شي بنفسها

طيبه..لا رانيه واعيه متسوي شي بنفسها وخصوصا هنا مكان شغلها

بنين..حتى لو كلشي يصير

طيبه..اوك تماك

بنين..رحت للمكتب مالتي دخلت كعدت واني دايخه بسالفه رانيه شلون يزوج غيرها وهوا طلب ايدها بس هوا كلها ماكو قسمه بنيه هفف يارب ضليت بل مكتب مالتي اشتغل على اوراق ندك الباب ادخل جنت مدنكه داوقع رفعت راسي شفته رائد سلام كمت اخذت تحيه

رائد سلام..بنين جايج بسالفه

بنين..سيدي من رخصتك ماكو كل سالفه بينه رانيه بسببك البارحه دكت والطمت وبجت ودعت على نفسها ونامت ليش سيدي مو هيه سلمتك كلبها

رائد سلام..دسمعي باعي الجمعه راح اجي الاهل رانيه واخطبها منهم وكتلها غيرج اريدها مفاجئه الها انتي بهاي الايام ابقي يمها

بنين..شش شنو تخطبها مو علساس تريد تخطب غيرها

رائد سلام..شلون اخطب غيرها واني احبها وكايللها مااخذ غيرج ولا غيرج تصير ام بيتي وجهالي

بنين..ههههه سيدي والله اني وطيبه ردنه حتى ندعي عليك

رائد سلام..هههه بنين شلونها بنيتي

بنين..اذكرت مرتضى من يصيحلي بنيتي نزلت راسي سيدي شويه تعبانه وتبجي بس اني يمها

رائد سلام..لتخليها تبجي

بنين..تدلل سيدي

رائد سلام..يله اني رايح عينج عليها امانه يمج

بنين..بعيني اخليها هيه غير بنت خالتي طلع الرائد سلام واني انتجيت على ضهري وضليت ابتسم يارب اجبر بخت رانيه لين والله هيه تستاهل كل الخير نفتح الباب ودخل مرتضى

مرتضى..اريد تقرير عن الجناسي وينهن

بنين..يم ملازم ندى سيدي اني سلمتهن للنقيب علي

مرتضى..امشي ويايه نروحلها التقارير مهمه

بنين..طلعنه اني ويا رحنه الغرفه ندى هوا فتح الباب ودخل من دخلنه جان اكو شخص غريب يمها وديضحكون ولازم ايدها بس دخلنه فزو ثنينهم ضليت صافنه عليها

ندى..احم م مرر مرتضى

مرتضى..شنو الي شفته قبل شويه

ندى..شنو اشفت

مرتضى..منو هذا

ندى..كك كرايبنه

مرتضى..ندددى

بنين..سيدي عن اذنك دخلت اخذت التقارير ونطيتها اله اني شغلي خلص عن اذنك عفته وطلعت مالي دخل بمشاكلهم العائليه رحت الرانيه شفتها صافنه كعدت يمها رانيه حبيبي

رانيه..بنين تعبانه

بنين..سوده عليه يروحي انتي

رانيه..اريد اروح السلام احجي ويا

بنين..سلام ماخذ اجازه اسبوع مموجود

رانيه..شمدريج

بنين..طيبه كالت

رانيه..ديجهز لخطبته بهذا الاسبوع اوف يمه

بنين..عوفي بعد رانيه تتعودين والله هذا مرتضى حتى مداطيق كلمه منه بعد مجنت ميته بي حبيبتي

رانيه..حلو الحجي بس الفعل صعب ياريت اني صدك مثلج قويه بنين انتي اجاوزتي حبج

بنين..بس بعديش راحت 10سنين من عمري متوسطه واعداديه وكليه وهسه بل دائره اني شوكت بديت اكرهه مرتضى قبل سنه بديت اكرهه رانيه الانسان من كثر الخذلان كلبه يتحطم فا اني من كثر الخذلان كلبي انتهى باعي خلي عندج امل 1%

رانيه..مادري والله مادري ااوووف ربي لتختبرني هيج اختبار فدوه يارب

بنين..ضليت يم رانيه واجتي طيبه هم وضلينه نحجي وياها ونواسيها دنحجي ودخل السكرتير مال العميد عامر

السكرتير..سيدي العميد عامر يريدج

طيبه..اني لو بنين

السكرتير..لا الملازم بنين

بنين..كمت وغمزت الطيبه طلعت لغرفه العميد عامر جان مرتضى وندى موجودين اخذت تحيه نعم سيدي

العميد عامر..تعالي بنين

بنين..تقدمت اشرلي اكعد كعدت

العميد عامر..احجيلي الي شفتي بغرفه ندى

بنين..سيدي ممكن احجي اني مالي دخل بمشاكلهم العائليه عدهم بيت واهل يحلون مشاكلهم

العميد عامر..ادري عدهم بيت بس اريد اعرف الي شفتي يعني اريد اخذ افاتج

بنين..مشفت شي بس جان يمها شخص ماعرفه وديضحكون

العميد عامر..وليش رحتي

بنين..النقيب مرتضى جان يريد التقارير التابعه للجناسي واني سلمتها للنقيب علي وسلمها الندى كتله يم ندى كال تعالي ويايه لين تقارير مهمه واريدها رحت ويا بدون ميدك الباب النقيب مرتضى دخل وهذا الصار

العميد عامر..هاهيه بنيتي تكدرين تروحين

بنيت..كمت اخذت تحيه وطلعت هسه اني شوكت اخلص من مرتضى وندى شوكت احسن شي اكتب استقالتي واطلع تعبت منهم رحت للمكتب مال رانيه واخذت ورقه بيضه وكتبت استقالتي ورحت الغرفه العميد عامر دكيت الباب ودخلت جانو بعدهم موجودين خليت الورقه كدام العميد

لكل حكايا بقايا🤝♥️

اخوان بدينكم ادعولي انجح ترا النفسيه زفتيشن

‏طاحن اعشوش العمر

شيفيد غصنك بعد

ماتن عصافيري

(¬_¬)

العميد عامر..شنو هاي بنين

بنين..سيدي استقالتي

العميد عامر..بنين بنيتي انتي مالج دخل بهاي السالفه

بنين..سيدي ندى تريدني استقيل حتى تكف مشاكلها ويايه واني صدك تعبت من المشاكل مالتها

العميد عامر..بنين استقالتج مرفوضه وانتي هنا ويايه بل دائره موضفه وكل الدوائر تتمنه وحده مثلج مستحيل افرط بيج

بنين..بس سيدي

العميد عامر..بعدين عندي حجي وياج انتي وطيبه

بنين..امرك سيدي طلعت رحت لمكتبتي وكعدت هففف هسه لو اقلها انقل منا خلص الدوام وطلعنه اني ورانيه وطيبه والعميد عامر جان عباس ينتضرنه بل سياره بل شارع

العميد عامر..امشو للمطعم عندي سالفه وياكم

عباس..ماشي سيدي

بنين..صعدنه اني ورانيه ويا عباس وطيبه ويا العميد عامر وطلعنه للمطعم نزلنه كعدنه والعالم صافنه علينه لين كلنه لابسين عسكري كعدنه على ميز رانيه راحت تغسل

العميد عامر..سمعوني الرائد سلام الجمعه راح يخطب رانيه بس ميريدها تعرف وحجالي اليه لين ابو مستشهد الله يرحمه اني اروح اخطبله

طيبه..يسس ههه يارببب يتممها على خيرر

بنين..ههه يارب اتم على خير ويجبر بختها

عباس..سلام خوش سلام ورانيه فقيره وفطيره

العميد عامر..لعد ليش اني فرحان الهم لين اثنينهم فقره ويستاهلون كل الخير

طيبه..اي بابا هسه عادي اهنا اصيحلك بابا

العميد عامر..ههههه عادي ابويه

طيبه..هسه انت صرت من طرف العريس بس اني من طرف العروسه ترا

العميد عامر..هههه مخبله

بنين..ايي طيبه انتي ويانه من طرفنه حتى نصير متساوين ههههه اجتي رانيه وكلنه سكتنه طلبنه اكل وضلينه نسولف

العميد عامر..اي بنين هسه نجص السالفه ندى ومرتضى

بنين..اي سيدي

العميد عامر..مرتضى يحجيلي كلشي ويعتبرني ابو الثاني انتو گلكم تحجولي شيصير وياكم وكل ورطه اني اطلعكم منها تذكر عباس هههه

عباس..هههههه اي سيدي هيه تنسي

العميد عامر..اي بنين هما هل فتره بينهم مشاكل وعلاقتهم خطيه متأزمه يعني تحمليهم

بنين..كلت بداخلي صارلي 10سنين متحمله احم هاهيه سيدي اتحملهم خلصنه اكل وطلعنه رجعنه لبيتنه رانيه صعدت كبل فوك داصعد لزمني عباس مني ايدي

عباس..بنين رانيه علمود سلام هيج حالتها

بنين..بصراحه اي هيه والرائد سلام عدهم علاقه بس والله علاقتهم شريفه ومصار بينهم شي مصارلها اسبوع وهسه خطبها

عباس..بيها الخير

بنين..صعدت يمها شفتها نايمه بستها من راسها ودخلت سبحت وبدلت وطلعت اني هم نمت مكعدت غير نص اليل نزلت سويت عشه الي والرانيه كعدتها واكلت شويه ونامت باوعت عليها تخلص من حزنها بل نوم هاي عادة رانيه من جنه صغار شكو واحد يقهرها ويبجيها تخلصها نوم نزلت غسلت اماعين وصعدت فتحت نت وضليت اتصفح اجتني رساله على الماسنجر باوعت جانت من مرتضى

مرتضى..بنين

بنين..نعم سيدي

مرتضى..احجيلي على ندى

بنين..هيه زوجتك سيدي ونشالله تحلون مشاكلكم وترجعون مثل قبل

مرتضى..قبل فتره كلتي تحق لحقيقه وتعرف وحقت لحقيقه هسه

بنين..الله يهدي سركم سيدي عن اذنك سديت النت هه هسه حقت الحقيقه بعديش كرهت حتى اسمك صفنت شويه اني صدك كرهته لو داحاول اكذب على نفسي بهل حجي لا لا كرهته حاولت انام بس مكدرت لين كضيتها نوم ساعه 4الفجر توضيت وصليت خلصت شويه اجاني نعس نمت ساعتين وكعدت كعدت رانيه غسلنه وجهنه حاولت اضحكها وفعلا ضحكت شويه بدلنه وكفت كدام المرايه عدلت البيريه مالتي باوعت على النجمه الي بجتفي وابتسمت نزلت ونزلت رانيه ورايه صبحت عليهم وكعدنه نتريك

ام عباس..امي رانيه البارحه الضهريه امج خابرتني وحجت ويايه يوم جاين عليج خطابه والولد حالته زينه وامج مكيفه عليه

رانيه..لا خاله ماريد ازوج

ام عباس..بس يمه العمر ديمشي وانتن كبرتن يا امي لازم تزوجين وتكونين اسره

بنين.. رانيه ساكته حجيت ويا امي ماما اني احجي ويا رانيه حبيبتي

ام عباس..ماشي امي

بنين..خلصنه ورحنه للدائره رانيه راحت المكتبها واني المكتبي كعدت على الكرسي جان اكو ضرف مال رساله على مكتبي فتحته قريته من مرتضى بس قريت اسمه سديت الضرف وتابعت شغلي مكاتبنه احنه فوك بل طابق الثالث نزلت جوا للطابق الارضي بيدي ملفات داسلمهن للملازم معتز دامشي نجريت باوعت رائد سلام خير سيدي

رائد سلام..تعالي بنين رايد منج شغله

بنين..بس دقيقه سيدي اسلم الملفات اخذ الملفات من ايدي وسلمها للملازم وجرني للمكتب مالتي خير سيدي

رائد سلام..باعي قنعي رانيه توافق على الخطابه الجاييها حجيت ويا ابوها وكال نسمع قرار لبنيه ونردلك خبر وشكلها رانيه معانده قنعيها

بنين..سيدي والله هاي المهمه اصعب من كلهن

رائد سلام..تصعب عليج يا بنين

بنين..احاول سيدي ما اضمن الك نتيجه بس احاول

رائد سلام..باعي اليوم العصر اريد منج نتيجه ماشي

بنين..سيدي على الاقل انتضر كم يوم

رائد سلام..ولج مبقه شي للجمعه اليوم ثنين

بنين..سيدي اني وطيبه راح نحول وياها

رائد سلام..يله سباعيه

بنين..راح الرائد سلام وطلعت ورا رحت الطيبه وحجيتلها احم جهزنه حجي كومه ورحنه الرانيه دخلنه الها جانت صافنه

بنين..ها رنو

طيبه..شلونج حبيبي

رانيه..اكذب اذا كلت بخير

بنين..رانيه فكري بلي حجته امي الصبح

رانيه..بنين شلون اعيش ويا واحد غير سلام

بنين..باعي هوا سلام راح يعيش ويا غيرج

طيبه..لازم تبينين انتي قويه رانيه قبلي بلي متقدملج وبيني اله انتي قويه

بنين..هسه رانيه صدكي اذا قبلتي بي راح يتوضح اله انو هوا خسرج ويرجعلج

رانيه..واني صرت الغيره شلون يرجعلي

بنين..هسه لكل حادثاً حديث منا الوكتها قبلي بلي جايلج رانيه

طيبه..رانيه اجالج نصيبج ارضي بي ولي كاتبه الله يصير

رانيه..خلي افكر

بنين..يله لين الولد شاريج ومرتين راح على اهلج

رانيه..الله كريم

بنين..طلعنه من مكتب رانيه وهم بدون جدوا لين قافله رحت المكتبي كعدت هسه شلون شلون نقنع رانيه ضليت افكر خلص الدوام وطلعنه وهم حجينه وياها رجعنه للبيت سبحت وبدلت ونزلت ويا امي اساعدها

ام عباس..يمة شوكت خالتج هم حجت ويايه علمود

بنين..قبل متكمل امي قاطعتها ماما حبيبي اني ماطيقه والله فا ماريده

ام عباس..هاهيه يمه

بنين..ضليت اساعدها ونزلت رانيه يمنه العصريه كاعدين كلنه دك فوني رساله قريتها من الرائد سلام قريتها

الرائد سلام..ها بشري

بنين..سيدي قافله بعد

الرائد سلام..بنين دخيل ربج قنعيها الجمعه بعدلها بس اربع ايام

بنين..سيدي والله راح ارجع احجي وياها راح الرائد سلام وضليت الح على رانيه توافق بحيث اليوم كضيته كله اقنع بيها تقبل اخر شي كدرت ثاني يوم امها خابرتها وكلتلها انو هيه موافقه الحجي الصبح من دنروح للدائره طلعنه من البيت ورحنه للدائره وصلنه وجانت طيبه كبالي حجيتلها

طيبه..ياااربب اجبر بخت رانيه والله تستاهل كل الخير

بنين..ايي يارب رحنه المكتبنه نفس اليوم اجانه الرائد سلام جنه اني وطيبه نسولف ودخل

الرائد سلام..ها بشرن

بنين..سيدي متقبل رفضت

طيبه..حتى امها كلتلها ماريد ازوج

بنين..باوعت على الرائد سلام جان مصغر عينه ويباوع النه كأنو يعرف احنه دنكذب ضحكنه اني وطيبه مبرروك سيدي قبلت

رائد سلام..ههذذذا الحجيي الزين باعن اريد محبس على ايد رانيه لو لا اعرف قياس ايدها بنين طيبه هاي فلوس جهزن رانيه

بنين..تمام سيدي طلع واني وطيبه رحنه للعميد عامر اخذنه اذن ورحنه الرانيه اخذناها والطريق كله ساكته متحجي شي رحنه للصالون اختارينه الها فستان حلو مال خطوبه يصير نازك ولونه وردي وبي تطريز سمائي مرتب واخذنه ويا وشاح مال عقد مكتوب عليه اسمها واسم رائد هيه الثوله منتبهت على الاسم لين جانت فاصله مو ويانه بل صالون جان اكو يرتبون كوشات مال مهر اتفقنه وياهم اني وطيبه نطانه كتلوك عن الكوشات رحنه لرانيه تختار

رانيه..اختارن انتن اني ماريد شي

بنين..لا رانيه حبيبي هاي خطوبتج اختاري بل كوه قنعناها واختارت كوشه نازكه وبسيطه ولونها بيجي تجنن وكدامها ميز كامل كلش حلو المهم نطيناهم العنوان مال بيتنه لين اتفقنه ابيتنه يصير العقد طلعنه ورجعنه للبيت جانت خالتي يمنه اول مدخلنه وجان تهلهل واطش جكليت وفرحانه

خالتي ام رانيه..امباااارررك عرسج يل هيبه

بنين..هههه دخلنه كعدنه

خالتي ام رانيه..مبين العريس مستعجل جاب اهله وشيوخ وساده واتفقو على كلشي والمهر الجمعه ام عباس عيوني راح نتعبكم وراح نسويها ابيتكم

ام عباس..صدك تحجين خيتي رانيه بنتي الثانيه وفرحانه ومكيفه الها الله شاهد ويوم الطيبه والبنين

بنين..لا اني ماريد

طيبه..الي بي الخير رب العالمين يقدمه خاله

بنين..خالتي ضلت يمنه وطيبه اجه عليها السايق واخذها اني ورانيه صعدنه نمنه وافكر لو ممزوج وخطبني والله جان حضرت كل التحضيرات بس يالله شنسوي الحمدالله ربي والمرادني ربح ماريده خساره ضليت كاعده منمت دك تلفوني باوعت مرتضى ماريد اجاوبه سديته ورجع دك سويته كتم وضليت اتصفح دخلت على صفحة رائد سلام جان ناشر شعر وكاتب جوا{لسويلج حجي الماجان اجيبن كمر بل نيشان واخلي ولايتي متنام واسوي الحنه ست ايام}قريتها وابتسمت والله رانيه تستاهل سويتله اعجاب وطلعت ضليت اتصفح رجع دك عليه سديت الجهاز هسه راجعلي بعد مدمر حياتي واخذ سنين عمري المهم مرت الايام سريعه واليوم خميس باجر خطوبة رانيه كاعده وصافنه ودموعها بخدها جيت يمها شبيج ابويه

رانيه..باجر اني راح اصير بذمة شخص غير سلام وسلام يصير بحياتة وحده غيري باجر راح اصير مخطوبه بس لغير سلام باجر احسه يوم موتي بنين مدااكدر

بنين..رانيه والله العضيم تكدرين وهسه اشوفين وبعدين بلكت الحظ يسويها وياج ويطلع سلام العريس اني تقصدت هيج احجي بلكت تحس بس وين لا حياة لمن تنادي ههه

رانيه..حلم بعد ننجمع اني ويا خلص بعد خطب وده عالم وناس بس ليش اني شسويتله حتى هيج يعاملني

بنين..اهدي حبيبي اهدي باجر خطوبتج ولازم تفكرين بل مستقبل وبلكت تحبي للولد لي خطبج يا روحي انتي

رانيه..مادري صعدت لغرفه بنين لزكت التلفون مادري شسوي دكيت عليه مرتين وجاوب

رائد سلام..يا هله

رانيه..جان اكو بيت شعر يوصف حالتي

أغفى ودمَعتي بَوجنتي تَبات !

يَا شَوغتي وأغلى الخَسارات

يَـ العلمَتني أعله الحَرامات

شَسويتلك يَگليبي گَلي ..؟

يَـ الـ كَلك يَلوگ أعلة كلّي

خَليتني مِن دَون حَلي..

الزَم صَفاحي يَلا أصلي !

رائد سلام..شرايده رانيه

رانيه..مع سلامه سديته وكعدت ابجي من كل كلبي احس دموعي خلصت من البجي حتى كلبي ديأذيني كعدت بلكاع ورفعت ايدي ادعي يارب خلصني من الدنيا الدنيا من دونه سوده والله ربي خلصني

بنين..ثاني يوم من ساعه 10رحهه للصالون ورانيه جوا عيونها اسود من السهر والبجي وجهه تعبان بحيث مرتين عادت المكياج لين بس تبجي سوت الها مكياج خلصت مكياج وسوتلها تسريحه تخبل وتاج لبست الفستان مالتها والمسكه البستها الوشاح مال عقد يصير مثل البرنص ولبست الحذاء خلصت رانيه اني سويت مكياج هادئ ولبست فستان لونه ذهبي طويل ردانه طويله حلو مرتب بي حزام مرصع لولو وشعري بقه مفتوح لبست الحذاء وكعدت يم رانيه وكل شويه اهدي بيها وهيه تريد تبجي عيونها مغوركه دموع طيبه نفسي لبست اني وياها شترينه نفس الفستان ونفس المكياج اجه حسين اخذنه من الصالون لبيتنه الطريق كله اني وطيبه نصفك وحسين يركص شوصلنه لبيتنه جانو الجوارين والكرايب كلها موجوده دخلنه من الباب امي وخالاتي سطرونه بلهلاهل والچكليت

خاله ام رانيه..كللللللووووشششش وخدها طماطه ولاتكول محمره كللللووووششش

النسوان كلها..كلللللوووشششش

طيبه..اييييي وهاي الرادها وهاي التمناها بنت الشيخ لابن الشيخ جبناها كلللووششش

بنين..ههههه كعدت رانيه على الكوشه بس شنو عبالك عدها عزا والنبي خطيه داحجي الها جان اسمع صوت المزيقه عرفت سلام اجه كامت رانيه راحت للغرفه الثانيه رحت اني وطيبه وراها خلينه الها كرسي ورا الباب وطشت بي مي ومي ورد فتحت قران بأيدها وهيل بين اصابعها وهيه. نزلت دموعها مسحت دموعها رانيه حبيبي اليوم فرحج كافي

رانيه..اريد سلام حموت والعباس

طيبه..هسه اشوفين سلام

بنين..ههههه عاد الشيخ كال نعقد الهم وكفنه اني وطيبه وهيه رانيه كاعده تبجي حجه الشيخ

الشيخ..بسم الله الرحمن الرحيم اللهم صلي على محمد وال محمد رانيه بنتي تسمعيني

رانيه..ا اي

الشيخ..بنتي رانيه سامي تقبلين بـ سلام سماعيل زوجاً الكي على مقدم 10مليون دينار عراقي ومأجل30مليون دينار عراقي اذا قبلتي قولي نعم انت وكيلي

رانيه..باوعت على بنين واسمه سلام بنين اسمه سلام

الشيخ..شنو بنتي

بنين..ضلت رانيه ساكته مجاوبت الشيخ عادها اكثر من مره بس هم مجاوبت طيبه كرصتها

طيبه..احجي يحضي

الشيخ..بنتي مغصوبه انتي

رانيه..قبلت انت وكيلي

بنين..سمعنه الهلاهل والچكليت الصار علينه ماله والي عاد سلام هم قبل وبدت المزيقه ادك كومنه رانيه واخذناها للكوشه بس بعده ال الوشاح مغطي وجهه كعدت بصف سلام اندار عليها وخر الوشاح وباسها من راسها وهيه منزله راسها

رانيه..عطر سلام اشتميته بهذا الي صار خطيبي نزلت دموعي وباسني من راسي مثل ميسوي سلام يارب ليش هيج ديصير ويايه اني صرت على ذمة غيره وبالي يمه وهسه شديسوي باسها حضنها لو شسوا رفع راسي بأصبع ايده

سلام..عروستي مناويه تباعين عليه

رانيه..صوت سلام والله صوته رفعت راسي وشفته هوا ضليت صافنه وفاتحه عيوني على وسعها سسسس سلام

بنين..اغمه على رانيه وسلام تخبل عباله بيها شي اجيت خليت مي على وجهه شويه صحت وضلت تبجي

سلام..ولج كافي

رانيه..ليش هيج سويت بيه سلام ليش

سلام..يروح سلام انتي مو كايلج ولا وحده تصيرلي مره وبنيه غيرج

بنين..احم سيدي العوائل الكريمه كلها هنا

سلام..وكلها خلي تدري والعالم يحضر الغايب رانيه حبيبتي وصارت مرتي وام جهالي وتسجلت بأسم سلام حبيبته وكل حياته

لكل حكايا بقايا🤤♥️

هاڪ اخذني

وين ماتبرد ازنودڪ

اشعل ضلوعي ڪواغد

(♡μ_μ)

رانيه..نزلت راسي واني ميته خجل وفرحانه وممصدكه ماعرف شنو اوصف شعوري احس اني طايره بل سما مثل الطيور عمري كله مفرحانه هيج باوعت على بنين وطيبه وحده واكفه بصف الثانيه ويباعن علينه ويضحكن اصلا هوا بعد محجه سلام البيت كله كام يضحك باوعت على سلام ولحد هسه ممصدكه لازم ايدي وكدام الكل كاعد يمي بل حلال نزلت دموعي واني احمد الله

بنين..شفت رانيه نزلت دموعها رحت يمها ها رانيه هسه سلام ويمج على شنو تبجين

رانيه..احمد الله الف مره عندي صديقات مثلجن واحمده الف مره لين جمعني بي

بنين..بستها من راسها انتي اختي ولج لتحجين هيج ابويه

رانيه..لبسني سلام الحلقه والذهب لزمت ايده ولبسته الحلقه والهلاهل والچكليت علينه باسني من راسي ومن خدي

بنين..دخلو العميد عامر ومرتضى وندى وعباس ومحمد وحسين اخواني رانيه ماعدها اخوان بس خوات ثنين المهم اجه عباس صار كبال سلام وكدام الكل حجه

عباس..سلام اني ناطيك اختي انت هسه صرت خطيبها ونشالله اذا الله راد زوجها بل مستقبل اريد عينك عليها ولتزعلها ترا رانيه فطيره حيل واذا صدك بالله اذا قهرتها راح تلكاني اني بوجهك

سلام..تهديد يخوي بنيتي هاي

عباس..مبروك عليك خويه مبروك رانيه يروح اخوج

رانيه..عباس اخويه الجبير تسلم يوم الالك

محمد..يله لتكلبيها حزن شو وين المزيقه

بنين..اجوي المزيقه وضلو يدكون ومحمد وحسين وسلام يركصون طلعت من الصاله للمطبخ المطبخ مالتنه يطل على الحديقه المحت شخص ديخابر جني اعرفه بس ماعرف وين داطلع بس ملحكت من طلعت جان مموجود جوز اني داتخيل او متوهمه دادخل صار مرتضى ورايه داعوفه وامشي محسيت غير جرني من ايدي رجعت كباله نعم سيدي

مرتضى..ليش من ادك عليج مجاوبين

بنين..عفوا ليش انت داك عليه

مرتضى..بنيننن لسوين نفسج ثوله

بنين..رجااءاً سيدي ايدي

مرتضى..ليش مجاوبين

بنين..بكيفي تلفوني واني حره بي ومحد يحق اله يدخل زين لو لا بعدين ماضن اكو شغل يخليك بـ3بليل ادك عليه وياريت لو تمسح رقمي من جهازك وزوجتك جوا اتمنى تحل عني لين اني مو بحالك لا انت ولا هيه عفته ودخلت جوا ضايجه كعدت بعد متحركت اشوف رانيه وسلام يركصون سويه ساعه سلو وساعه هوسه خربت ضحك عليهم شويه غيرو مودي لحد المغرب لكل راح بقت بس رانيه وطيبه والعميد عامر وعائلته يمنه

طيبه..بما انو ماكو ولد هسه الديجي لو سمحتو

بنين..شغلت الديجي وهيه رانيه ركصو ركص مال مخابيل ورانيه تصيح هاي الرادها وهاي التمناها الملازم رانيه للرائد سلام جناها هيه تهوس النفسها الثوله خربنه ضحك

طيبه..يله بنين

بنين..اني مشكوره ماعرف لا اركص ولا شي

رانيه..افااا ازعل عليج والله يله ويايه

بنين..لي يشوف حالتج هسه ميكول هاي نفسها الي جانت تعوي اسبوع كامل😂

طيبه..عذريها يختي مقلب لحبيب بلكلب يدك😂

رانيه..اني بعدين اعلمجن الجن😒

بنين..ههههه المهم خلصت الهوسه كلها ونضفنه البيت رانيه وطيبه باتن يمي خلص اليوم وباجر سبت يعني عدنه دوام تعشينه ونمنه كبل لين تعبانين كعدنه ثاني يوم الصبح بدلنه ونزلنه صبحنه عليهم وكعدنه نتريك

رانيه..اي بل دائره نتحاسب بنين وطيبه

طيبه..على شنو يختي اشو الحبيب وضمنتي على شنو نتحاسب

بنين..احمم احممم طيبه شوكت ناويه تضبين السانج

طيبه..ادري جايبلي المشاكل وداعتج موزين ضابته بل دائره ماصيح لابويه بابا غير نتخزه

بنين..ههههه يله يله امشن عباس طلع قبلنه طلعنه صعدنه بل سياره والطريق كله رانيه تحاسبنه اخر شي عباس حجه

عباس..ايباااا ست رانيه ولا جنج جنتي مسويتها النجف والعيون مورمه من البجي ذكرتيني بحالة هاي لاخت اليمج كل ماسئلها تكول نفسيتي تعبانه شوكت ترتاح هل نفسيه مادري

بنين..ههههه عباس حبيبي اني موضوعي وحد وهيه وحد اني جنت صدك نفسيتي تعبانه هاي كلاوات

رانيه..اخخ كلبي جرحتيني

طيبه..جرحتها للهانم رانيه سكتي خيه

بنين..هههه وصلنه للدائره بخير وسلامه دخلنه وكبل لغرفه الاجتماعات صعدنه نركض متأخرين فتحنه لباب وجان العميد عامر جوا ولكل كاعد وكفنه تلاثتنه نلهث من التعب

طيبه..بابا ااااقصد سيدي اسفين والله الطريق ازدحام

العميد عامر..دخلن بعد متنعاد

بنين..كعدنه الحمدالله جان مرتضى وندى مجاين كلت اي غايبين بس من حجه العميد عامر صفنت

العميد عامر..بنين العقيد حسن يريدج ويريد النقيب مرتضى مرتضى جوا ينتضرج نزل

بنين..امرك سيدي نزلت واني اسب بحضي ادور عليه ماهوا اييي بعد احسن داصعد جان يصير كبالي

مرتضى..والله هذا العميد عامر هوا والعقيد حسن مال هيج احضنهم حضنه على الديسوو ويايه ياخي شكد حلو من اطلع وياج

بنين..سيدي ياريت متنسى احنه بنطاق عمل غيرها ماعندي شي تجاهك عفته نزلت هوا ورايه صعدنه بل سياره والطريق كله ساكتين لحد محجه هوا

مرتضى..بنين ليش هيج دسوين

بنين..عفوا سيدي

مرتضى..ليش مدتفهمين اني اريدج اريد ارجعج

بنين..هه درت وجهي للجامه حسيت ايده صارت فوك ايدي سحبتها رأسا سيدي رجاءاً انت مزوج وبصراحه لو مو العميد عامر طلب مني اروح وياك جان مجيت ياريت هل شي يكون واضح

مرتضى..تعبت منج كافي حسي بيه تعبتت

بنين..متحملت طكيتها بوجهه واني اصيح ومحاسه على نفسي ليششش انتتتت حسيتتتت بيههه هااااا حسيتتتتت لك 10سنين راحت من عمري اني بس ابجي وادك والطم حسسسيييت تذكرررر من جنت اتوسل بيك تبقى ويايه ومتعوفني تذكر من كتلي بنين اني ماحبج وتنسيني وانتي لئيمه واني احب ندى هيه بنيتي تذكرررر لك اني 10سنين اهلي معذبتهم منعزله بغرفتي صرت عدوانيه كمت اكرهه لحب بسببكك اذكرهننن كلهن هذني اذا نسيت انت اني حجايه مناسيه من كل حجيك نسيتت من خليتلي بطاقه دعوه عرسك على الميزز مالتي نسيت من جنت تعوف الشغل عليه وتطلع وياها نسيت من كتلي هيه حبيبتي نسيتتتت من كتلي لتحجين عليها نسيت من دكيت عليك اتوسل بيك ترجعلي جااااااان جوابك اني مااحبج لو شسوين اني مراح ارجعلج لككك حتى انتحرت بسببكك تخيللللل اني شكددد ججنت غبيه وشكد جنت احبك تذكر من كتلي انتي تحنين ايدي تذكر من كتلي تنسيني تذكر من جنتتت اشوفني بتك عين لو لمن جنت تصيحلي ام مشاعر المراهقه لو التعب لي تعبته بسببك 10سنين راحت مني على شنو اسامح هااا على شنو هاااا تذكرررهن هذني كلها انت سويتهن بيه خاف انت ناسي هذني اني لا واليوم اني اكلك تنساني ومااحبك لو شمسوي بعد لا احبك ولا اريدك باوعت عليه جان صافن عليه كعدت عدل واني امسح دموعي عدلت وجهي اني من اليوم بنين جديده بنين لي تعرفها قبل انتهت وراحت ام مشاعر المراهقه بعد متكدر تلعب بمشاعرها لين اصلا كامت تكرهك وتشوفك مجرد شخص اعله منها رتبه سكتت وهوا محجه شي وصلنه للجوازات ونزلنه جان العقيد حسن يريدنه علمود القيود مالتي ومالته صايره بيها خربطه كعدن بمكتب اني ويا عدلناهن واخذنه قيود تابعه النه للدائره مالتنه وطلعنه لدائرتنه ختمناهن واقعناهن ورجعنه فد تعبت ومنا اني مصيحه صوتي مطبك رجعنه للدائره اول مدخلت عفته ورحت للمكتب مالتي كعدت واني راسي يوجعني والله وحق الله كرهته وكرهت نفسي لين حبيته بس هسه كرهته ماعندي ذرة حب تجاهه الي بداخلي تجاهه بس كراهيه خلص الدوام وطلعنه رانيه طبعا متجي ويانه ويا سلام كبل بدون نقاش

طيبه..باعي اريد انخطب بعد مابيها مجال وعن حب بس ماريد ارتبط

بنين..يروحي هاي انتي صعد عندج هرمون الوحده هههه

طيبه..رانيه وسلام يسوون واهس والله باعيهم يروحي الله يكمل فرحتهم

بنين..امييين يله امشي نطلع احنه هم

طيبه..يله

بنين..مرن الايام هاي عاديه بس كمت ماشوف مرتضى واذا العميد عامر يدزني ويا اطلع اعذار اليوم كاعده بل مكتب مخنوكه حيل مادري ليش اريد ابجي احس تعبت نفتح الباب ودخلت طيبه كعدت كبالي وباوعت عليه وبجت كمت يمها شبيج طيبه جانت متحجي بس تبجي بس فهميني منو وياج طيبه الووو ولج احجي والله خوفتيني

طيبه..بنين تعبت من حياتي هاي لكل تنحب وتحب ليش اله احنه مالنه نصيب من الفرح بهاي الدنيا تدرين مرات اصفن اني ليش عايشه محد يحبني ولا احب احد تدرين البارحه ليل كله ابجي تعبت بنين اشوف العالم كلها حبت وتحبت لحد هاي ندى يوميه ويا واحد ولكل يحبها ليش احنه هيج

بنين..لج طيبه صدك تحجين تقارنين نفسج ويا ندى باعيني انتي غاليه طيبه انتي بنت العميد عامر رفعه راسه شنو حب شنو خرابيط باعيني احنه جربنه مره وحده وفشلنه حبيبتي لتبجين صدكيني والله العضيم راح تجي ايام تذكرين هاي الايام راح تجي ايام وتحبين وتنحبين ثوله مسحي مسحي دموعج

طيبه..انتي جنت تواسيني بس ممنتهبه على نفسج انتي هم دتبجين

بنين..لا لج اني مدابجي بس من اشوف احد كدامي عيونه بيها دمع من يمها عيوني ادمع يله مسحي دموعج ورجعي الشغلج لتنسين احنه هنا بداخل حلمنه بعد ورانه شغل هوايه يله طيبه حبيبي يله راحت طيبه واني كعدت اذكر مرتضى خله بداخلي فراغ جبير بس مستحيل ارجعله خلص الدوام وطلعنه للبيت من دخلت للبيت جانن خالاتي يمنه سلمت وطفرت لغرفتي ماريد التقي بيهن لين يضلن يلحن بموضوع لخطوبه من ابن خالتي واني ماحب هل موضوع بدلت ونمت لمهم هاي لايام مصار شي جديد بده شهر جديد ولازم نلبس عسكري لين عدنه زيارة لرئاسه الوزراء عدنه اجتماع ويانه العميد عامر وكل لبنات والضباط الي بل دائره المهم رحنه اني ورانيه وطيبه نمشي سويه وصافنين حلوه والطريق كله رائد ورانيه ساعه يتغزلون وساعه يتعاركون اخر شي صفو على راي يصالحون المهم دخلنه

العميد عامر..بنين انتي وندى والنقيب مرتضى راح تنقاشون مواضيعكم سويه

بنين..سيدي بس اني وندى والنقيب مرتضى ماعدنه موضوع سويه

العميد عامر..انتي مو مسويه موضوع فهمي مرتضى وندى عليهن وهما كذالك يله سباعيه

بنين..امرك سيدي رحنه وكفنه على صفحه وفهمتهم على موضوعي

ندى..بس لو اعرف ميلج وكت تسوين هل مواضيع وانتي ملتهيه تتمعشكين ويا رجلي

مرتضى..ندى احترمي نفسج وخليني متحملج ترا مطايق منج كلمه

ندى..حقك لعبت بعقلك شغيرك ها مو جنت تموت عليه

بنين..رجاءا اني هنا بشغل فا ماريد ادخل بمشاكلكم العائليه خلي نتحمل بعض بس هل ساعات وراها اشوفج النسوان شتجيب عفتها ورحت وكفت يم طيبه

طيبه..عمي جان هنا قبل شويه مادري وين راح

بنين..عندج عم

طيبه..هههههه اي عندي عمومه مو عم بس حقج ولا مره سائلتني على اهلي

بنين..هههه والله نصدمت عبالي العميد عامر وحيد

طيبه..لا ولج عندي 6عمومه وبس عمي الصغير بل جيش و6عمات وبيبي وجدو عايشين وابويه الجبير وكلها تجي يمنه وبيبي وجدو يمنه تخيلي بيتنه شكد حلو بل هوسه

بنين..ههههههه بل عافيه حبي انتضرنه شويه ودخلنه وبدينه اناقش مواضيعنه اني وندى والنقيب مرتضى خلصنه رجعنه كعدنه وخلصو مناقشاتهم واخذنه ملاحضات وتعليمات وطلعنه

طيبه..اليوم تجين ويانه للبيت اعرفج على اهلنه

بنين..لا ولج وين اجي عيب استحي

طيبه..والنبي ماعوفج لحد متجين ويانه للبيت سيدي قنع بنين

العميد عامر..يله بنين امشي انتي ورانيه غداكم يمنه هم

طيبه..بعدين احنه مو جينه يمكم تعالي يمنه

بنين..تمام يله بس والله استحي

العميد عامر..احنه اهلج بنيتي

بنين..تسلم سيدي والله رحنه اني ورانيه بل طريق دزيت رساله العباس وكتله معترض لين عنده ثقه بلعميد عامر وصلنه لبيتهم حلو جبير حيل اني ورانيه صفنه صح بيتنه جبير بس مو هلكد

طيبه..ههههه ولجن هذا لبيت بي حديقتين تخيلو بس لحدايق 3ساعات انضف بيهن يعني اني ونسوان عمومتي وبنات عمومتي ويانه خدم ثنين يله انضف

رانيه..الله يساعد جناينكم يختي يايمه همزين بيت اهل رائد مو جبير هلكد هوا هيج واني شايله هم شلون انضفه بل مستقبل

بنين..هههههه دخلنه لبيت العميد عامر جان لبيت حلو من جوا كله مرمر والحديقه جبيره وبيها مرجوحه حمره

طيبه..هاي مرجوحتي

بنين..ههههه طيبه شكد عمرج

طيبه..جبيره جبيره ههههههه

بنين..دخلنه للبيت نزعنه البساطيل مالتنه تكرمون جانو عائلتهم كلها موجوده

العميد عامر..تعالو بابا

بنين..دخلنه ويا العميد عامر وشفناهم اني ورانيه شكد ستحيت

العميد عامر..الله بل خير حجينه

ابو العميد عامر..هله بيك وليدي

العميد عامر..بويه تذكر الطالبه المجتهد الي جنت احجي بيها هياتها جبتها تشوفها

ابو العميد عامر..هله بيج بنيتي شكد عندي فضول اشوفج نورتي بيتنه المتواضع

ام العميد عامر..يايمه هله بسورها ونورها هله بيج بنيتي والله يمه حبيناج شكد ميحجي بيج عامر

بنين..شكرا خاله هله بيكم تسلم عمو البيت منور بأهله همست بأذني رانيه

رانيه..لبيت بكد بيتنه 7مرات ويكول متواضع اويلي شكد متواضع هل حجي

بنين..دغيتها بأيدها حتى تسكت فضحتنه

ابو العميد عامر..بنيتي اني اسمي سلمان صيحيلي جدو سلمان

ام العميد عامر..واني هديه يمه صيحيلي بيبي هديه

بنين..ماشي بيبي هديه استقبلونه ابيتهم واني ورانيه كاعدات وحده بصف الثانيه لحد محجت طيبه

طيبه..بنين رانيه شبيكم هيج كاعدات عاقلات ترا احنه هنا سبورتيين هسه يجون عمامي ونسوانهم وبناتهم ولدهم

رانيه..العشيره كلها راح تجي ههههه

بنين..كرصت رانيه فضحتنه الحقيره بس هما سبورتيه

بيبي هديه..ههههههه اي يمه يوميه يجونه واحنه نفرح بجيتهم

جدو سلمان..بويه هسه تكبرن ونشالله تنشأن اسره ويصير عدكم احفاد وتحسون شكد حلو لمتهم

بيبي هديه..يمه منهي بيكم لي نخطبت

رانيه..اني بيبي

بيبي هديه..صلوات يمه حيلوه مثل رائد ولايكين البعض يحفضكم الباري

رانيه..تسلمين بيبي ويحفضج ويخليج

بنين..كاعدين واجوي كلهم عمومه طيبه ونسوانهم وبناتهم ولدهم عرفونه عليهم

طيبه..بنين هذا عمي الي اجه ورا ابويه اسمه مهدي وعنده ثنين بنات وثنين ولد وهاي مرته

بنين..اهلا وسهلا عمو

مهدي..هله بيج عمي

طيبه..وهذا عمي الثالث اسمه نصير وهاي مرته مصارله شهرين من ازوج تعرفين الي جيتي بعرسه وهذا عمي الرابع اسمه هاني وهاي زوجته وعنده تلث ولد وبنيه وهذا عمي الخامس اسمه حسن وعنده بنيه ولد وهاي زوجته وبعد عمي السادس اسمه شاهين بس مراح تلكين مرته هنا لين هوا اصلا ممزوج وحرامات مموجود بل دوام الي كتلج جان يمي بعده بل دوام وهاي خلصنه

بنين..اهلا وسهلا بيكم اتشرفت بمعرفتكم

لكل..النه الشرف

طيبه..احم اخوان هاييي بنين الي نحجيلكم عنها اني وابويه

بنين..سلمو عليه بس بنت عمهم مهدي وبنت هاني مدري شبيهم يباعن علينه اني ورانيه ويتشاورن غلست عليهم المهم بيبي دتسولف ويانه ولباقي راحو يسون اكل

بيبي هديه..يمة بنين انتي بعدج ممخطوبه مو يوم

بنين..لا بيبي

بيبي هديه..شجرالجن يمه انتي وهاي بنت عامر قافلات متريدن تزوجن

لكل حكايا بقايا🤤🤝

اول شي صباح الخير ثاني شي عذروني لبارحه منشرت لين جنت رايحه للزياره زرت وندعيت الكم اخوان احبكم💋

الرسايل كلهن انكتبن عليك

وانت ذاك الماشفتهن

جم ضرف وديت وعيونك جزتهن !!

وانت ذاك الشككتني وشككتهن

〆(・∀・＠)

طيبه..بيبي بعدنه صغار

بيبي هديه..يمه هاي مو لبنيه بكدجن شكد حلو راح تأسس عائله وبيت

رانيه..اي والله بيبي داقنع بنين وطيبه بس قافلات

بنين..سكتنه عاد حضرو الغده ورحنه كلنه نتغده بس شنو فد مستحيه ورانيه تكول عبالك بيتها تسولف وتضحك وتاكل ويا الكل ياخي رانيه سبورتيه حيل

رانيه..اكلي بنين

بنين..همست الها والله اليشوفج يكول بيتج يبت خالتي

رانيه..مو مشكله هسه عدهم ولد عزابي

بنين..نجبي حقيره اكلي

بيبي هديه..يمه هاج اكلي كركير وهاي خضره

رانيه..عمت عيني عليج بيبي كل هل اكل وتاكلين خضره

بنين..جنت داشرب مي طلع المي من خشمي وطيبه ولكل يضحك رانيه اسممي وانتي ساكته

رانيه..بيبي هاج هاي الحمايه اكلي يبعد جبدي

بيبي هديه..يبعد كلهن يمه شكد طيبات هل بنيات

بنين..ابتسمت ورانيه كل شويه حاجيه حجايه تضحك لحد مخلصت اصلا اني مكلت شي لين استحي عكس رانيه مشالله كمت داغسل بس بيبي مقبلت

بيبي هديه..ابد والله متكمين يمه تعالي يمنه هينه

بنين..نعم بيبي كعدت يمها وهيه ضلت توكلني

بيبي هديه..يمه حبيبه ماكلتي شي وانتي وراج تعب تغذي زين

العميد عامر..ههههه بنين الحجيه حبتج ودخلتي كلبها

بنين..سيدي الحجيه محبوبه ربي يحفضها الك

العميد عامر..بنيتي ويخليج

جدو سلمان..بعدها ندى تضايقج جدو

طيبه..جدو لواء متقاعد فا كلشي نحجيله وهوا يلكه النه حل

بنين..ها جدو صح شويه تضايقني بس عايفتها مالي خلك اتعارك وياها بنص شغلنه

جدو عامر..مو كتلك بويه احسن بنيه بل دائره

جدو سلمان..ربي يحفضجن بويه

بنين..ويحفضك ويخليك النه جدو ضلينه للعصر واجه عباس علينه طلعنه للباب وجدو سلمان وبيبي هديه ويانه طلعو سلمت عليهم اشكرت منهم وصعدت ويا عباس اني ورانيه الطريق كله نسولف لعباس عن عائلتهم هوا عباس يعرف الحجي سلمان والحجيه هديه وصلنه رانيه البيتهم ورجعنه البيتنه سلمت على اهلي وكبل صعدت سبجت وبدلت وجيت نمت مكعدت غير ثاني يوم جان جمعه اجتي امي كعدتني فتحت عيوني وابتسمت مديت ايدي اجتي حضنتني وحجت

ام عباس..صباح الخير امي

بنين..صباح العافيه واهلها

ام عباس..كومي اليوم عدنه خطار

بنين..منو

ام عباس..عائلة العميد عامر وبيت خالتك وكم ولد وعائلتهم جماعة اخوج

بنين..ماشي امي نزلت كمت غسلت وبدلت ملابسي بيومها لبست تراك طويل وسويت شعري ضفيره ونزلت لكيتهم كلهم يمنه ابستمت صباح الخير

رانيه..صباح الضهر خيه

بنين..رحت حضنتها نجبيي ههه حضنت طيبه وسلمت على جدو سلمان وبيبي هديه ولعميد عامر ورائد سلام نداريت شفت مرتضى وامه وابو واخته وندئ سلمت عليهم وكعدت

عباس..سيدي وين لعد شاهين

العميد عامر..والله يا ابو فضل تعرف شاهين وشغله الهوايه فا بلدوام

عباس..هههه الله يساعده

بنين..كمنه اني وطيبه ورانيه واخت مرتضى اسمها اسينات ساعدنه امي ونقلنه الغده للسفره وكعدنه ناكل ولكل تسولف جانت امي مسويه دولمه مديت ايدي داخذ السلكايه جان مرتضى ياخذها من خاشوكتي وياكلها هوا باوعت عليه ودرت وجهي كمت جبتلي ماعون وصبتلي بل ماعون وكعدت اكل بحدي وهوا يخزر بيه

طيبه..صدك بنو عمي شاهين راح ينقل يمنه بل دائره غرفه يصير بطابق الرابع جوا جوا غرفه ابويه

رانيه..هههه بنين بصف غرفتج وغرفه طيبه

طيبه..يعني بعد محد يكدر يندك بينه

بنين..طيبه هوا صح محد يندك بينه بس مو معناها احنه نندك بلعالم يحضي ترا العميد يعاقبنه

طيبه..بابا تعاقبنه

العميد عامر..اي واذا اني مموجود شاهين يعاقبجن

رانيه..بهمس البنين شو اني بديت اشائم من العقيد شاهين مادري ليش

بنين..نجبي لج عيب سيدي صدك البارحه جنت داقق ملفات الضباط الحدث واكو كم ملف لازم توقعهن وتختمهن

العميد عامر..ماشي بنين وشغله الثانيه حاولي تغيرني توقيعج

بنين..ليش حجه العميد عامر وهو يباوع على ندى

العميد عامر..اكو محاولات لبعض الضابطات بلتزوير يريدن يزورت توقيعج

بنين..باوعت على ندى وحجيت اي سيدي تدلل اغيره

العميد عامر..ايي يالله شخباركم ندى ومرتضى

ندى..لا سيدي الحمدالله بخير وعدنه خبر نفرح الكل بي

العميد عامر.. ايي يالله وهو

ندى..اني حامل

بنين..مجرد ما سمعت الخبر وكع الماعون من ايدي صار طشار فزيت من صفنتي على صوت امي وهيه تسمي

ام عباس..بسم الله يمه شبيج

بنين..ازحلك من ايدي الماعون ماما

ام عباس..فدوه ابويه راح الشر خليج اجي اكنسه

بنين..لا لا اني اكنسه ردت بس اطلع نزلت دمعتي مسحتها واخذت مكناسه ودخلت لميت الكزاز من دالم نجرحت ااخ

ابو عباس..شبيج اليوم ابويه انتي

بنين..مابيه بابا هاي لميت الكزاز

عباس..تعالي رجعي اكلي

بنين..شبعت عمري كعدت على التخم ورجع يسولفون على موضوع حمل ندى

العميد عامر..التهينه بنين بويه مبروك عليكم

ندى..تسلم سيدي

مرتضى..من شوكت هل حجي ندى

ندى..حبيبي صار شهر من حللت يعني اليوم دخلت شهري الثاني

ام مرتضى..الف الحمدالله والشكر ربي الف الحمدالله مبروك عليكم وليدي

مرتضى..الله يبارك بيج يمه

بنين..لكل بارك الهم حجيت مبروك سيدي مبروك ندى

ندى..عمري الله يبارك بيج يوم الالج

بنين..تسلمين باوعت عليه صارت عيني بعينه كلبي حركني حيل يله بنين انتي شفتي بعرسه شفتي بكوشته يم مرته بقت على هاي الحمدالله ربي الحمدالله خلصو المينه الماعين وكفت بل مطبخ مابيه حيل اوكف على رجلي اجتي رانيه وطيبه يمي

طيبه..صعدي ابجي بنين صعدي لضلين هيج مخنوكه

بنين..صعدت ركض فوك دخلت الغرفتي بجيت خليت راسي على مخدتي اكتم صرخاتي صرت اصرخ من كل كلبي هوايه صارلي مباجيه صارلي سنه اكابر واكول اني قويه بس خبر يهد حيلي ليش ليش ضلت اشويه ابجي لحد مهدئت وكفت غسلت وجهي وخليت كحل لين عيني ورمت وصارت حمره نزلت جوا اخذت نفس ودخلت واني ابتسم كعدت بصف طيبه وهيه لزمتني من ايدي وعصرتها قوي كأنو تكول اني يمج انتي قويه ابتسمت الها ابتسمتلي سوينه جاي صبينه وصارت صينيتين وحده جاي وحده كيك وهل حبشكلات طيبه تمشي واني امشي وراها قدمنه للكل بقه بس مرتضى وصلت يمه باوع عليه درت عيني منه اخذ من ايدي ورحت كعدت ضلو يسولفون ويضحكون واني اتحاشا اباوع عليه وصرت اسولف وياهم واضحك وابين اني قويه ميهمني اي شي بس اني بداخلي بجي كومه خلصو هم وحجه العميد عامر

العميد عامر..ابو عباس خلي نسويلته روحه للنجف وكربلاء نزور

ابو عباس..والله يا ابو طيبه ياريت

العميد عامر..اي خويه حددو يوم ونروح

ابو عباس..االخميس على جمعه عطله كلنه عدنه

العميد عامر..هاهيه لعد على موعدنه

بنين..شويه وكلهم راحو ضلينه نسولف واخواني يشاقون ويايه يضحكوني شوكت اخلص من مرارة حبك مرتضى شوكتت مو ادمرت العصر ترخصت منهم وصعدت الغرفتي اول مدخل شمرت نفسي على الچربايه حاولت مابجي بس دمعتي غصب عليه نزلت دموعي مسحتهن وينزلن مرا ثانيه الى ان نمت هيه يومين الجمعه والسبت ازوهرت بيهن عطلتي مرتاحيت بيها احس نفسي تعبانه واني ممسويه شي لاحد كعدت سبحت وبدلت ملابسي عاديه بنطرون اسود وقميص جوزي وبي حزام اسود اخذت هويتي والسلاح ونزلت صبحت على الكل اكلت شويه وطلعت لبست البسطال تكرمون وانتضرت عباس يوصلني طلع صعدت ويا الطريق كله ساكتين اني ويا من دانزل بسته من خده ابتسم وباسني من راسي دخلت للدائره لاكاني ملازم ياسر

ملازم ياسر..ركضي بنين قبل ميبدي الاجتماع

بنين..بويه صعدته ركض اني وياسر لحكنه الحمدالله دخلت كعدت بنص بين رانيه وطيبه سلام شباب

طيبه..وعليكم ابو شهاب

رانيه..حبيب الورده

بنين..ههههههه ضحكت من كل كلبي على ردهن نفتح الباب دخل لعميد عامر وكلنه وكفنه وكف كدامنه واشرلنه نكعد كعدنه

العميد عامر..اليوم ويانه العقيد شاهين سلمان راح يباشر بدوامه ويانه يصير بين دائرتنه وبين رأسة الوزراء

بنين..كلنه نباوع وعدنه فضول وينه العقيد شاهين بس ماهوا العميد عامر ضحك وحجه

العميد عامر..هههههه خير شباب تريدون تتعرفون عليه بغرفته جوه ملازم بنين نزلي جوا راح اتابعين شغلج ويا العقيد شاهين بس مو معناها انتي خارج اطار فريقي انتي الاساس خوش

بنين..ابتسمت صار سيدي عن اذنك كمت نزلت جوا وكفت كبال غرفته اخذت نفس يارب يطلع مو غثه احم دكيت الباب وفتت بيدي ملفات الدائره حجيت واني عيني بيهن سيدي هاي ملفات الضباط الي بلدائره دققتهن مرتين وهسه جبتهن حتى اشوفهن انتضرت يجاوب ماكو رفعت راسي وشفت الرجال شكله مو غريب عليه احس شايفته بمكان بس مادري وين ضليت صافنه اذكرت الي دعمني والله هوا باوعت عليه جان لابس العسكري مالته ورتبته بجتفه ضليت صافنه عليه وهوا يكتب بملفات رفع راسه عليه وتفاجئ من شافني كلنه الكلمه سويه اني ويا انته

العقيد شاهين..انتيي

بنين..شعندك هنا

العقيد شاهين..والله جيت العب دعبل يعني شعندي مدشوفين شغلي

بنين..مو علساس انت مداوم بمكان

العقيد شاهين..تفضلي كعدي بمكاني وحققي

بنين..حجيت بداخلي طلع غثه لاخ يبوو احم سيدي هاي الملفات

العقيد شاهين..خليهن هنا وطلعي

بنين..تقدمت خليتهن على الميز داطلع صاحني نداريت عليه نعم سيدي

العقيد شاهين..هذا البس ممنوع بعد تلبسين كله عسكري

بنين..بس هذا البس من اول مداومنه هيج نلبس ويا العميد عامر

العقيد شاهين..وهسه انتي ويامن ويايه معناها الي احجي يتنفذ وخلص بدون حجي

بنين..داحجي دك تلفونه اشرلي اطلع طلعت ضربت رجلي بلكاع خربب الحظ الخايس اريد ارجع ويا العميد عامر استمر شغلي ويا العقيد شاهين شهر بس شنو عذاب في عذاب روحتنه الكربلاء تأجلت لين اني تمرضت واني مريضه اداوم وادوخ وتعرفون فلاونزه تكرهه لواحد بعيشته المهم جنت دادقق ملفات العمال الي بلائره خلصتهن رحت دكيت الباب ودخلت سيدي هاي الملفات خلصتهن رفعت راسي شفته كاعد ويمه بنيه جانت مبينه مو راحه حيل لابسه تنوره قصيرت سوده وقميص دلع حيل لونه احمر ناري وخاله مكياج اوفر حيل ضليت صافنه عليها وهيه كذالك تقدمت خطوتين خليت الملفات وكافه انتضر اومره الثانيه من شافني واكفه صاح بيه

العقيد شاهين..مطلللللعيننن شعندجج واكفه

بنين..خترعت والدمعه صارت تلالي بعيني باوعت على البنيه الكاعده ضحكت درت وجهي وعفته وطلعت وعلي مابقه دقيقه ويا بعد رحت للمكتب مالتي فتحت المجر بعصبيه كتبت استقاله وسويتها ثنين بيد الملازم ياسر دزيتهن وحده للعميد عامر والثانيه للعقيد شاهين وطلعت من الدائره سنه ويا العميد عامر مسوه هيج حيل صارم ومتشدد بشغله يعني اشوف طيبه ورانيه وندى لابسات عادي واني عسكري لازم ابقه بي كل يوم ادوره صرت اشتغله سكرتيره جاي كهوه ماي واتلفونه يدوك ميعجبه يجاوب لازم اني اجاوب تعبت شهر واحد طلع راحة سنه من خشمي كمت ارجع للبيت كبل انام من التعب حتى مااكل طلعت من الدائره كلها اخذت تكسي البيتنه وصلت نطيته فلوس دخلت بست امي وهيه تفاجئت من شافتني

ام عباس..ها امي خير شو راجعه من وكت

بنين..ماكو شي امي ذبيت ستقاله وهاي يمج حضل حبيبتي

ام عباس..شنو ليش

بنين..احسن امي حبيبتي بستها من راسها اني راح اصعد انام تعبانه

ام عباس..بنين بعد عندي حجي ويا شنو اذبين استقاله نامي وكعدي وحجيلي

بنين..هزيت راسي وصعدت بدلت ملابسي شلت القميص مالتي شفته مكتوب اسمي عليه بنين رياض تلمسته ونزلت دمعتي بسته وعلكتهن بل كنتور نضيفات ملبستهن هوايه من ساعه 8الحد ساعه10ونص سوه هيج المهم نمت من ازعل لو انقهر انام اطلع حركتي بل نوم لحد العصر حسيت الباب يندك فتحت عيوني تعبانه وعيني تحركني جاوبت منو

حسين..اني بنين كعدي

بنين..فوت حسين دخل حسين

حسين..ولج هاي شمسويه اليوم

بنين..شسويت

حسين..مادوي العميد عامر ويا عقيد وطيبه ورانيه جوا يريدوج

بنين..كمت غسلت وجهي باوعت ملابسي جنت لابسه تراك اسود وبي رسم مال باندا ولابسه جواريب قدميه ومسويه شعري ضفيره شكلي يضحك نزلت من الدرج شفتهم كاعدين شربت مي ودخلت جان العميد عامر والعقيد شاهين وطيبه ورانيه كاعدين باوعت العميد عامر زعلان مني

العميد عامر..بنين هذا تصرفج اليوم شنو اعتبره

بنين..سيدي اني مسويت هذا التصرف من ذاتي اني احب مهنتي وتعاركت ويا الكل حتى ادخل كليه ضباط بس شغلي ويا العقيد شاهين تعبني ودمر حلمي

العقيد شاهين..حلووو هذا الحجي اني بلنسبه الي قبلت استقالتج وقعتلج عليها بس العميد عامر رفضها

بنين..شكد كرهته بذيج الحضه خوش لعد سيدي بما ان قبلت استقالتي وقعت عليها مقصرت ونشالله ادخل الدائرتك بلفراح كمت داروح بس وكفني صوت العميد عامر

العميد عامر..بنين انتي ويايه تشتغلين واني خليتج ويا شاهين انتي بكل مرحله نجحتي بمتياز وهو كذالك انتي تحبين العمل وهوا هم خليتكم سويه شهل عراك صغار انتو

بنين..سيدي سنه شتغلت وياك الله شاهد احله سنه مرت عليه والعقيد شاهين مجرد شهر شوفني نجوم الضهر جاي اجيبله كهوه احس نفسي مو ملازم عبالك جايجي اذا اجه يمه شخص لازم اني مي وجاي وكهوه غير هذا هيه ملابسنه بس بلتفتيش نلبس عسكري العقيد شاهين ميقبل لازم يوميه ويفشلني كم مره يجن بنات يمه ويفشلني كدامهم هسه اني معليه بلي يجي بس ليش يفشلني العميد عامر باوع على شاهين وباوع عليه

العميد شاهين..ادري بنيتي بس انتي ليش تسرعين وتقدمين ستقالتج لو جايتني ادزله طيبه وانتي ترجعين ويانه

بنين..هاهيه سيدي الحمدالله

العميد عامر..الحمدالله بس باجر اداومين ستقالتج شكيتها ماكو ستقالات بعد تدرين كم واحد ينتضرج وكم عقيد وعميد يريدوج تشتغلين وياهم

للحكاا بقايا😙💗

اخ كون اگـدر

افـرط روحي بيدي

وبيدي الگط کلشي

يوجع وانسـه وني

♤♤♤♤♤♤♤

بنين..سكتت اباوع شاهين يخزر بيه رفعت تك حاجب وضليت اباوع عليه وهو زادت خزراته درت وجهي اعتذرت من العميد عامر وامي سوت غده رادو يروحون بس ابويه وعباس اصرو عليهم يبقون ساعدت امي وطيبه ورانيه ويايه زعلانات حضنتهن هسه اني المفروض ازعل انتو شكو

طيبه..هيج عادي عندج تعوفينه وتروحين ولج شلون الج كلب

بنين..عمج كفه وفه خيتي ادوره كام يجيب نسوان للدائره استغفرالله ربي

رانيه..هسه شمدريج مو حبيبته خطيبته ياختي زوجته

بنين..شعليه اني يهين الواحد شسمه ولعباس ردت اضربه راشدي الفه لف بمكانه

طيبه..هههههه خرب يومج انتي شايفته اذا ضربج بوكس اله يزورك جسمج كله

بنين..هلاوووو خطيه مو اني حسكتله

طيبه..ولج اني بنت اخو ذاك اليوم بلشقه ضربني بأدي بوكس ضل شهرين توجعني

ام عباس..ديله يمه لو تشتغل ايدج بدل حلكجن جان هسه مخلصات

طيبه..ها خالتو شبيج ويانه دنتعاتب وعتاب الحبايب حلو

ام عباس..هههه فدوه الكلبج حبيبتي انتي

رانيه..طيبه خيتي تعالي هنا شلون صارت هاي عمج عقيد وعمره وشكله صغار

طيبه..مراسب ولا سنه بل اضافه الى متفوق بشغله حيل فا صار عقيد بسرعه بسرعه

رانيه..هاي بنين هيج هسه تصير عقيد بعد سنتين

بنين..قل اعوذ برب الفلق ههه نقلنه الاكل للسفره وكعدنه ناكل بصراحة اني جوعانه كعدت ركبه ونص اكل ورانيه تكرص بيه

ام عباس.. سوده عليه امي جوعانه

بنين..اي والله ماما كضيت اليوم مغثه اني حجيت شي وامي خزرتني ورانيه تكرص بيه سكتت طيبه والعميد عامر ضحكو

العميد عامر..والله خوش تبسمر بنين

طيبه..كلها بلهدف بابا هههه

بنين..باوعت للعقيد شاهين بيد الخاشوكة ويباوع عليه خزرني وخزرته ورجعت اكل والله يالله مدري شبي ويايه عبالك عنده ثار يمي عشتو خلصت اكل كمت اول وحده سويت جاي ونقلت كم ماعون ويايه غسلتهن وحضرت الاستكاين خليت بيهن شكر ودخلت كعدت

ام عباس..يوم سويتي جاي

بنين..اي امي سويت

العقيد شاهين..باجر تجين بل عسكري

بنين..صدك كذب مو تدلل سيدي باوعت على طيبه ورانيه يباوعن عليه ويبتسمن

العميد عامر..بنين تحملي شاهين يحب الالتزام ميحب احد يخلف رأيه

بنين..اي سيدي صح ضلو يمنه شربو جاي وسولفو وراحو داصعد جرني عباس من ايدي وحضني

عباس..هههههههه خرب يومج هاي شمسويه

بنين..والله عباس شسويله موتني ادوره كامن يجنه نسوان للمكتب ولبسهن مشخلع كله تنناير فوك الركبه وقمصان ناريه ولعهن اوفر والمكياج استغفرالله

عباس..شبقيتي انتي ولج هههههه

بنين..هههههههه دباع باجر شراح اسوي

محمد..بس بنين غثه حيل مبين

بنين..خويه الله وكيلك من يجنه البنات غير يايمه يحير شيدز مي جاي كهوه ببسي سم الهاري

حسين..ههههههههه

بنين..ضلينه نسولف لحد اليل سوينه عشه ولكل صعد الغرفته ينام خليت راسي على المخده واجتي صوت ندى كبالي من بطنها شويه شويه كبارن وجان مرتضى حاضنها غمضت عيوني يارب يارب يالله ضليت اردد واستغفر الى ان نمت كعدت ثاني يوم الصبح ساعه 7:30الصبح كمت سبحت وبدلت قميص سمائي وبنطرون اسود وبل قميص حزام اسود ولسلاح خليته بلكرب ونزلت صبحت عليهم وكعدت اكل

عباس..شكد عنوديه

بنين..اخيتك اني ابو فضل

عباس..ههههه حبيبي

بنين..خلصنه لبست البسطال الاسود وطلعنه الطريق كله نضحك اني وعباس وصلت بسته بخده ونزلت دخلت للدائره ولكل يباوع عليه لين العقيد شاهين مشدد ميقبل اله عسكري عادي رحت الغرفتي وضليت اراجع بل ملفات وادقق بيهن واراجع خلصتهن ختمت وقعت اخذت نفس وطلعت من الغرفه الغرفته تصير بصف غرفتي صرت كبالها اخذت نفس ودكست الباب سمعته يسمحلي ادخل دخلت يمه جان منتجي على الشباك مال بلكونه وبيده كوب كهوه حجيت سيدي الملفات جاهزه بس وقعها واختمها داخذها للعميد عامر

مجاوب رحت وكفت كباله يله نتبه عليه من شافني لابسه مو عسكري باوع عليه من فوك اليجوه

العقيد شاهين..شلابسه

بنين..ملابس شلابسه

العقيد شاهين..جممم مره كتلج عسكري

بنين..غلست عفته خليت الملفات على الميز داطلع جرني من ايدي ارتطمت بصدره عصر ايدي قوي وحجه

العقيد شاهين..عود دسويها عناد هااااا تلبسين هيجججج انتي مووو بحفله

بنين..ضليت ساكته وهوا يصيح عليه لين ملابسه عسكري سكت كتله وحق الله البس عسكري بس بل تفتيش ممضطره البسه يوميه سيدي اساس الدائره يمشي هيج

العقيد شاهين..انتييي وحدههههه صلفه

بنين..طكت روحي واني اشوفه يجاوز عليه كتله وانت واحد نسونجي بس هاي كلتها اله ماحس اله ضربني راشدي شكد مقوي اذاني صوفرت وخدي تطلع من نار باوعت عليه وطلعت الغرفتي سويت كتاب نقل من الدائره اخذته الدائره الجوازات قدمته للعقيد حسن كيف من عرف راح انقل يمهم وقعلي عليه اخذته ورجعت للدائره الطريق كله دموعي تجري وصلت بي يضربني وصلت للدائره نزلت دفعت فلوس مسحت دموعي ودخلت صعدت لغرفة العميد عامر جان صوته عالي وديتعارك دكيت الباب سمحلي ادخل دخلت يمه شفت العقيد شاهين كاعد يمه والعميد عامر صاير اعصاب وجهه احمر من شافني نضراته ختلفت مثل الي يتعذر على السوا اخو والعقيد شاهين صافن على الكتاب البيدي

العميد عامر..بنين بنيتي مادري شكلج وشحجي بلسوا اخويه

بنين..ماله داعي سيدي انت تحسبني بنتك اذا صدك تحسبني بنتك وتحبني وقعلي كتاب نقلي الدائره الجوازات يم العقيد حسن

العميد عامر..بنين انتي مو بس موضفه يمي وملازم لا انتي بنيتي والله ضلي ويانه

بنين..نزلت دموعي اخذت نفس وحجيت سيدي اني داومت بهاي الدائره سنه كامله تحت اشرافك وتشرفت اشتغل يمك بس بعد مااكدر بعد الصار اليوم باوع على العقيد شاهين ومدلي ايده ياخذ الكتاب مال نقل باوعت على شاهين جان مكور قبضه ايده حيل وجهه احمر من العصبيه ديوقع العميد عامر سحب القلم من ايده

العقيد شاهين..عامر شك الكتاب متنقل

بنين..باوع عليه وباوع عليه اني باوعت بنضرات رجاء انو يوقع سحب قلم ثاني وقع الكتاب اخذته منه وطلعت من الغرفه واسمع الصياح نزلت الغرفتي جانن طيبه ورانيه بكليه الضباط الحدث يشرفون على تدريبهم ويا عباس اخويه ورائد سلام المهم دخلت لغرفتي لميت شغلاتي كلهن خليتهن بعلب باوعت على الغرفه فرغت بقت بس الشغلان والملفات الي تخص الدائره صفنت عليها جيت هنا فرحانه بأسمي الحمدالله ربي الحمدالله كعدت على القنفه وخليت ايدي على وكمت ابجي نهضمت حيل ابجي واشهك لحد مهديت مسحت دموعي بس مبينه دابجي لين وجهي وارم وعيوني حمره وارمة طلعت من الدائره نقلت غراضي لدائره الجوازات وهناك العقيد حسن رحب بيه وسعيد انو نقلت يمهم عرفني على الموضفين وعرفهم عليه خلصت الهوسه رحت لغرفتي باوعت عليها مرتبيها الي واسمي نفسه تصير بصف العقيد حسن باوعت على اسمي تلمسته وكعدت على الكرسي مر اليوم عادي خلص الدوام طلعت من الدائره تمشيت واني اتحسر خلصت مني ندى واني خلصت من ندى ومرتضى وشاهين عبرت الشارع جان اكو حديقه الجو حلو بارد كعدت على المصطبه وضليت صافنه على العالم حسيت احد يراقبني نداريت مشفت احد ضليت كاعده شويه وكمت رجعت لبيتنه اول مدخلت شفت عباس والعميد عامر وطيبه ورانيه وحسين ومحمد وابويه كاعدين بلحديقه ابتسمت ودخلت

عباس..ها ليش تأخرتي

بنين..رحت حضنته اني احبك عباس

عباس..ادري لي صار بنين

بنين..نقلت لدائرة الجوازات

محمد..احسن

حسين..باعي من جنه نكول كليه العسكريه متفيدج جنتي تتعاركين اكليها هسه

بنين..عفتهم وصعدت الغرفتي قفلت الباب وكعدت وراها ابجي حيل تأثرة نفسيتي من ضربني العقيد شاهين بحيث يومين اني ماداوم وبس ابجي ثالث يوم كلت لا زحمة من العقيد حسن مصارلي يومين من نقلت كعدت الصبح بدلت عسكري لين تفتيش عدنه نزلت شفتهم كاعدين من شافوني اجوي عليه عباس حضني ومحمد لزم ايدي وحسين باسني من راسي ابتسمت بوستهم وبوست بابا اكلت زيتون شويه وجبن وصلني عباس للدائره دخلت رحت الغرفه العقيد حسن اعتذرت منه لين غبت يومين محجه شي خطيه الرجال رحت المكتبي ومارست شغلي عادي مر شهرين تأقلمت وياهم بس تبقى دائرتي القديمه احبها احن الها بحيث يوميه اذكر ايامي بيها وابجي المهم وصار عندي صديقتين صابرين وصفا مسوين كروب بلواتس وداخلين بي اني وصابرين وصفا وطيبه ورانيه صابرين وصفا نفس خبالنه ونفس رتبتنه وسوالفهن تضحك شغلي ممتازه بي والعقيد حسن فرحان لين اني متفوقه على الكل ودائما اخلص شغلي يوم بيومه عادي بيوم جان الدنيا مطر ودوام لبست بنطرون صحراوي وقميص اسود وبي حزام صحراوي والسلاح ونزلت ركض تريكت على السريع وصلني عباس ودخلت للدائره شفت صابرين وصفا منتضراتني بلباب مال دائره

صابرين..ولج صارت الشارع الكبال الدائره بحر وانتي بعدج مجايه

صفا..وين بيتكم بعرعر رحمه الالله

بنين..هههه مطر وزدحام ولجن يله بسرعه اليوم عدنه جتماع

صابرين..اي يله ركض ايدينه قبل رجلينه لين نترزل

بنين..هههه صعدنه ركض والحمدالله قبل العقيد دخلنه كعدنه وبده الاجتماع جان على الجوازات والقرارات الجديده

العقيد حسن..بنين قيود دائره……...خلصن اخذيهن خلي العميد عامر يوقعهن ورجعيهن

بنين..حاضر سيدي كمت اخذتهن القيود ثكال حيل رحت الدائره القديمه مالتي نزلت بل باب ابتسمت صارلي شهرين مجايه دخلت للدائره ولكل يسلم عليه واسلم عليهم رحت الغرفه العميد عامر من شافني ابتسم سلمت عليه

العميد عامر..خسرتج بنين وعلي خسرتج وربحج العقيد حسن

بنين..ابتسمت الحمدالله على كل حال سيدي بس جيتك علمود توقعلي لقيود

العميد عامر..هههه تريدين تروحين من عدنه بسرعه

بنين..ههه لا سيدي ستغفرالله ضل العميد عامو يسولف ويايه ويوقع القيود والله حاصرتني البجيه حيل مشتاقه لحديث العميد ابونه جان بلدائره خلص توقيع سلمت عليه بعد عندي العقيد شاهين لازم يوقع وصلت غرفته باوعت غرفتي مقفوله شكد نقهرت ودمعت عيوني احلامي ومصايبي وفرحي وخططنه اني والبنات كلها بيها نزلت دموعي مسحتهم ودكيت الباب سمحلي ادخل جانت يمه بنيه نفسها الي جانت يمه من زرلني وضحكت وهم نفس لبسها الخايس غضيت البصر عنها العقيد شاهين من شافني ضل فاتح عيونه عليه ويباوع عليه حجيت واني اقرا بل قيود سيدي اريدك توقعلي هذني القيود ارجعهن الدائرتي

العقيد شاهين..تكدرين تروحين هبه هسه عندي شغل

هبه..صار حبيبي مو تنسه اليوم تجيني

بنين..باوعت عليه وطلعت سابحه بشيشه العطر ايع طلعت وحجه ويايه العقيد شاهين

العقيد شاهين..نورتينه

بنين..اشكرك سيدي اشرلي اكعد بس كتله مشكور مرتاحه هيج بس وقعهن داروح

العقيد شاهين..اريد احجي وياج

بنين..سيدي رجاءا باوع عليه باوعت على ايده شكد مصار عصبي طك القلم بيده سحب قلم ثاني وقعهم الي اخذتهن وطلعت صادفتي ندى

ندى..اوف يمه تدرين شكد رتاحينه من رحتي

بنين..ههههههه ارتاحيتي ورجلج ليل ونهار يتوسل بيه ارجعله كلت هيج وهيه تخبلت شسويلها اضل هيه تتحارش واني اسكت اخذتلي مره على طيبه ورانيه سلمت عليهن وشتغلت لبوس والمحاضن

طيبه..يمه اكول ليش لدائره منوره بويه

رانيه..حبيبي الحلو اجانه اليوم نتغده امشي يله يله

طيبه..باع هاي حايره بكرشها

بنين..هههههه لا حبيبي داروح عندي شغل ضليت يمهن شويه وطلعت ورجعت للدائره وقعهن العقيد حسن واني وقعتهن ودزيناهن للوزارة خلص اليوم تعب بتعب بس طلعنه اني وصابرين وصفا مرت عليه طيبه ورانيه صعدنه بل سياره وصار تحشيش الرباعي المرح صرنه

طيبه..اييي اخبار الجوازات

صابرين..الجوازات جوازت بس الشوفات الي نشوفها يوميه بويه

صفا..احمد النقيب احمد صاير يجيب لمكتبه كله مشخلعات مو دائره تحسها محل حبجيات

رانيه..الحمدالله ربي محافضه على رجلي

طيبه..اي داده محافضه عليه لين ميشوف غيرج وانتي مكفيه وموفيه

بنين..ههههههههه رحنه تغدينه والضحك والسوالف رجعت للبيت بوست امس وصعدت سبحت وبدلت وكبل نمت ومكعدت غير بليل اتعب نفسي حتى بليل ماافكر بحد ولا الي خلك كعدت نزلت جانت ضلمه لين كعدت ساعه3:30كلها نايمه حميت الاكل واكلت خلصت غسلت ضليت كاعده اصفح بل نت لحد موذن صليت وتعوذت من الشيطان نمت ساعتين وكعدت سبحت وبدلت لبس بدلتي العسكريه وفوكاها القمصله مالتها الجوزيه بارده نزلت صبحت عليهم تريكت وسبقني عباس طلع للسياره اكلت خلصت وطلعت ورا لبست البسطال تكرمون الطريق كله عباس يسولفلي على العميد عامر شلون معاملته جافه ويا العقيد شاهين وطيبه زعلانه منه متحجي ويا من يوم الصار الحد هسه وصلنه بسته ونزلت دخلت للدائره وبده الدوام جانت بيدي ملفات كم شخص للجوازات خلصتهن وديتهن للعقيد حسن دكيت الباب ودخلت واني احجي سريع سيدي هاي الملفات خلصتهن وقعلي دانزلهن للنقيب احمد حتى يباشر بل تعليمات الجديده رفعت راسي شفت العقيد شاهين والعقيد حسن صافنين عليه تفاجئت من شفت العقيد شاهين اخذت الملفات وقعهن ترخصت وطلعت نزلت للنقيب احمد دكيت الباب ودخلت سيدي الملفات كملن

النقيب احمد..مشكور بنين

بنين..العفو سيدي

النقيب احمد..عادي اسئلج على شخص لو لا

بنين..اكيد تفضل

النقيب احمد..شخبار طيبه حبت لا

بنين..بصراحة سيدي ماادري ومااكدر انطيك اي معلومه عليها

النقيب احمد..ليش

بنين..لين هوايه تعذبت يله نستك اعذرني ومن رخصتك عفته وطلعت صادفت عمو ياس الي يجيب الجاي وصيته يجيبلي جاي راسي كام يوجعني كعدت على الكرسي ورجعت راسي ليوره وخليت ايدي على عيوني والله يالله يجفصون ابطن الواحد وبعدين يسئلون على اخباره حبت لو لا شعليكم انتو وشعليكمممم جنت احجي ويا نفسي ندك الباب ادخل عبالي عمو ياس كتله عمو ياس انت الورده مال دائره تنقذنه بلجاي مالتك من غيرك نضيع نزلت راسي شفته العقيد شاهين كمت وكفت احترام اله كعد على الكرسي كبالي كعدت خير سيدي

العقيد شاهين..شنو مااجي ازور الموضفه مالتي

بنين..لا اني موضفه بدائرة الجوازاة وهسه اني متابعه لدائرتكم

العقيد شاهين..جاي احجي وياج واروح

بنين..ديحجي ندك الباب كلت داخل دخل عمو ياس بيده جاي نطاني ونطا واحد للعقيد شاهين

عمو ياس..سيدي العقيد حسن يريدج

بنين..عمو ياس كم مره كتلك اني اسمي بنين بدون سيدي بعدين انت مثل والدي

عمو ياس..يرضى عليج بنيتي

بنين..شيريد العقيد حسن

عمو ياس..والله يابويه مادري بس صاير اعصاب ويريد ملفات الاحوال

بنين..جاك الموت يا تارك الصلاة بعدني ممكملتهن كمت طلعتهن من الخانه مالتي وضليت ادقق بيهم حتى نسيت العقيد شاهين الحمدالله خلصهتن وقعتهن وختمتهن وكمت من رخصتك سيدي عندي شغل كام بدون ميحجي شي وراح كمت رحت للعقيد حسن دكيت الباب ودخلت خليت الملفات كدامه سيدي ملفات الاحوال

العقيد حسن..ماشي بنين عندي حجي وياج

بنين..اي سيدي تفضل

العقيد حسن..العقيد شاهين جان يمي

بنين..اي شفته سيدي

العقيد حسن..تعرفين ليش

بنين..لا والله تفاجئت بجيته طلع ملف من المجر مالته وخلا كبالي باوعت عليه يريدني ارجع للدائره باوعت عليه سيدي القرار قرارك اني موضفه يمك

العقيد حسن..حجالي السوا بنين العقيد شاهين صديقي صح اني اكبر منه بس ثنينه نفس الرتبه هوا يحب لانضباط ميحب احد يخالفه باعي بنيتي اجه يحمد بيج وبشغلج ويريد يرجعج للدائره لين انتي كفوئه بشغلج حتى العميد عامر مرتين دك عليه علمودج هسه ماريد جوابج فكري منا لباجر بنيتي حتى اذا قابله ترجعين اوقعلج الكتاب اني اكدر ارفض وابقيج يمي بس هذا الشي راجع الج

بنين..هزيت راسي بأي ترخصت منه وطلعت ههه جاي هسه يريد ارجع للدائره بعد مهاني والله يالله كملت شغلي وطلعنه اني وصابرين وصفا الحد الشارع هما اخذو سياره للبيت واني مردت اريد اتمشى ضليت اتمشى رحت للحديقه وصافنه ارجع لو لا واذا رجعت راح يرجع يهين بيه لا ابقه بدائرتي احسن ولا قال ولا قيل كمت عبرت الشارع داوكف سياره جان تصير سياره سوده مضلله وعاليه كبالي

لكل حكايا بقايا😍🙂

لا يا شريط العمر

يمرايتي تهدي

شيسوي هذا

الگطن اعله الليل متبدي

شيسوي هذا

الحزن شيريد من عندي

ايام ذاك الوكت

من اصفن عليهن

ابچي من اباوع صور

ضاحك چنت بيهن

♡♡♡♡♡♡♡♡

بنين..وكفت سياره كدامي باوعت نزل منها العقيد شاهين لزمني من ايدي ودفعني للسياره واني صافنه عليه هذا شبي مخبل صعد يمي هاي شبيك انت شتريد مني

العقيد شاهين..اولا اني مو صغير ولا انتي صغيره حتى من اجيج تتهزمين زين عندي حجي وياج وهاي احسن طريقه

بنين..سيدي نزلني هنا ماعندي اي حجي اني

العقيد شاهين..اني عندي كعدي وسمعيني

بنين..هفففف ضلينه ساكتين لحد موصلنه لمطعم على النهر نزل واجه فتحلي الباب

العقيد شاهين..نزلي

بنين..ما انزل اريد ارجع محسيت غير جرني من ايدي وقفل لسياره ولزمني من ايدي قوي دخلنه للمطعم مجان بي احد بس احنه كعدني على طاوله وكعد كبالي اجه نادل هوا وصه اكل واني صافنه عليه راح النادل وندار هوا عليه

العقيد شاهين..باعي اريد احجي وياج كلمتين

بنين..اني ساكته وصافنه عليه

العقيد شاهين..رجعي للدائره مالتنه انتي موضفه ممتزه وملازم ناجح بكل المراحل بدرجه امتياز اني اريدج ويايه ترجعين بس تلتزمين بلزي

بنين..وارجع حتى تشغلني يمك جايجي من يجن يمك النسوان وتصيح عليه كدامهم وتخليهن يضحكن عليه لو تضربني ماريد ارجع سيدي

العقيد شاهين..بنين

بنين..جان اول مره يصيحلي بأسمي كل مره يصيحلي ملازم او انسه كتله نعم

العقيد شاهين..لبنيه لي تجي للمكتب تصير

بنين..سكت باوعت عليه صارت عيني بعينه جر حسره وحجه

العقيد شاهين..وحده اكضي يمها كم ليله

بنين..فتحت عيوني على وسعهن من حجه شنو

العقيد شاهين..بنين الي تشوفيها تجي للمكتب وحده اكضي يمها كم ليله بفلوس صارلها سنه تجي تتوسل حتى ارجعلها

بنين..بس انت رحتلها هيه كالت تعالي ليوم

العقيد شاهين..لا مرحت باعيني اني رجال والي رغباتي

من جان عمري 20سنه من بدية حياتي العسكريه مشيت بهذا الدرب اني تعبت بحياتي يله وصلت هاي الرتبه احب شغلي احب اكون اول واحد بكلشي الشي لاريده اخذه لو تصير دموم المهم اخذه احب الالتزام احب التفوق بكلشي ادري من ضربتج غلطت انتي موضفه يمي مو اختي لو بنتي حتى امد ايدي عليج بس لو ترجعين للحقيقه انتي اجاوزتي

بنين..اني مجاوزت انت الي جاوزت عليه كتلي وحده صلفه واني مااكدر اسكت من اشوفك تهين بيه عيني عينك

العقيد شاهين..باعي عمري ممعتذر لاحد حياتي كلها وحق رب العباد ممعتذر لاحد بس من ضربتج وانتي انقلتي من عدنه اريد اي طريقه احجي وياج واعتذر منج بس مااكدر الى هاي الحضه انتي موضفه جيده ارجعي ويانه للدائره

بنين..سكتت محجيت شي اجه الاكل جان هوايه موصي اكل نترس الميز مالتنه سمك اشكال انواع السمك جايب صفنت عليه دياكل سئلت ليش متزوج وتعوف هاي الشغلات سيدي

العقيد شاهين..اكلي وعوفي هل سؤال

بنين..مأكلت ضليت انقش بل اكل وراها اكلت شويه شبعت صفنت على الشط حلو والجو بارد ينعس اذكرت مرتضى من جان يكولي اعتبريني ابنج وحضنيني لين بارده وكل مره جنت ابدل لموضوع واغلس عليه ابتسمت وعيوني دمعت

نجي نعرف البطل…..

شاهين..اني شاهين ابن الواء سلمان اخو العميد عامر كبرت وتربيت بحب الجيش والعسكر من صغري واني اشوف ابويه واخويه من يجون من الدوام بلعسكري اريد اكبر وادخل لكليه لعسكريه جان عندي طموح اوصلها ادرس ادرس لحد موصلت ولا سنه رسبت وبشغلي جنت متفوق على كل زملائي ودائما اخذ لاول صرت عقيد بعمر صغير عمري 34سنه بهل عمري اني عقيد ومرتبه لامتياز خطبت بنيه احبها مرتين مصارت حلفت مازوج وشلت فكرة الزواج من بالي فديوم دنيا شتا ومطر متأخر على الدوام داسوق سريع فتت كدامي بنيه بينها وبين سيارتي شعرايه وكعت ونضربت براسها وبأيدها وكفت هيه جانت عايزه نزلت يمها شفتها تنزف الدم مغطي وجهه اخذتها للمستشفى خيطو راسها وجبر ايدها غسلت وجهه من الدم بينت ملامحها ملاك ونازل لعيون زرك شهل بلون السما الخدود تفاح حمر من البرد وشفتها كرز حمره خشمها صغير واحمر بيضه ثلج وشعرها اشكر باوعت عليها وضلت ابالي عرفتها بنين لي يحجي بيها عامر مكتوب على البدله العسكريه مالتها ملازم بنين رياض وصلتها لبيتهم ورحت الدوامي خلص اليوم واني افكر بيها رجعت للبيت وحجيت العامر سويت وياها حادث العصر راحو لبيتها وكل شويه داك على طيبه اطمني عليها بحجه اني سويتلها حادث هيه متدري بيه اخو عامر مرت الايام والاشهر واني يوميه رجليه تاخذني للدائره مالتهم المحها وهيه طالعه ويا طيبه ضحكتها ورصعاتها وخدودها كلشي بيها حلو حتى طولها بيوم الي دعمتها توصلي البطني بحيث رافعه راسها وتحجي ويايه صرت كل شهر اشوفها مامر شهر اذا ماروح واشوفها صار كتاب نقلي للدائره مالتهم انقلت وهيه صارت الملازم مالتي هيه مملتزمه بلبسها اني ماحب البس العادي الدوام الرسمي يلبس بي رسمي وغيرها ماكو جان عندي علاقه قديمه بوحده اسمها هبه حبيتها وخطبتها مرتين ومنطو ازوجت ابن عمها ابتعدت عنها نهائيا من اطلكت كامت تجيني للمكتب بلبسها كمت اروحلها للبيت من كامت تجيني للمكتب كمت اشوف بنين اضوج منها ومره صيحت على بنين كدامها هيه ضحكت طلعت بنين منا طردت هبه منا بيوم جنت واكف على الشباك دخلت بنين ملابسي عسكري تلاغيت وياها وهيه اجاوزت ضربتها محجت شي طلعت من المكتب صعدت العامر وعرف وصارت مجادله بيني وبينه دخلت هيه بيدها كتاب نقلها وقعها عامر وراحت انقلت عرفت طيبه هم زعلت وعامر زعلان عليه وابويه وامي بلبيت هم شكد ميحجي عامر وطيبه بنين بلبيت لكل حبها خصوصا ابويه يحب هيج شخص ناجح بمتياز بكلشي وامي كذالك المهم مرت الايام عامر وطيبه زعلانين كمت احس بذنب لين ضربتها اريد اروح احجي وياها بس بعدين اتراجع واكول اني مغلطت هيه قللت ادب واخذت الي تستحقه اجتي للدائره مالتنه تريد اوقعلها قيود تابعه لهم وللحوال جانت هبه كاعده تلزك بلمكان اني ماانكر احن الايامها وحجيها بس ازوجت ابن عمها واطلكت جايتلي تريد ازوجها دخلت بنين صارلي شهرين مشايفها مباعت عليه عينها بلقيود وحجت طردت هبه اشرت الها تكعد مقبلت باوعت عليها مدنكه وتحجي وقعت الها القيود وراحت ثاني يوم رحتها للدائره مالتها حجيت ويا العقيد حسن وجبتله كتاب نقلها لدائرتنه ورحتلها داحجي وياها تتهزم مني عفتها وطلعت يا بنين اني الج ضليت انتضرها لحد مطلعت ضلت تتمشه لحد مرادت ترجع للبيت نزلت اخذتها من ايدها للمطعم حجيت وياها ورجعتها لبيتهم الطريق كله ساكته وصلتها ونزلت باوعت عليها من دخلت شنو شاهين حبيتها نسيت شصار بيك من حبيت جريت حسره ورجعت للبيت صعدت بدلت وضليت افكر بيها

بنين..رجعني للبيت دخلت چانو كلهم موجودين اني اخر وحده دخلت سلمت مسئلوني لين يعرفون اتأخر بل شغل حتى مكلت صعدت الغرفتي سبحت وبدلت ونمت افكر بحجي العقيد شاهين اجه ابالي مرتضى اوفف ربي خلصني منه وين اروح بعد وين وين كمت ابجي شوكت اخلص من مرتضى شوكت نسيت كل الحجي وضليت افكر بي حيصير عنده بنيه وفرحان بيها طبعا هوا من انقلت من الدائره ابد مبطل محاولاته يخابر ويراسل بس ماجاوب عليه واغلس اني افكر نمت بدون ماحس

جدو سلمان..بويه طيبه

طيبه..عيوني جدو

جدو سلمان..صيحيلي شاهين جدي

طيبه..جدو بس اني مااحجي ويا شاهين

جدو سلمان..بويه صعدي هوا عمج ترا

طيبه..دنكت صعدت دكيت الباب مرتين يله سمحلي ادخل دخلت لغرفته جان متمدد وصافن على السكف كتله جدو يريدك جوا

شاهين..جاي وراج

طيبه..نزلت كلنه منجمعين بيومها دخل شاهين وكعد عمي بطبعه عصبي حيل ومن يتعصب ميتفاهم ابد ايده والضرب يكرهه الكذب اذكر مره كذبت عليه ضربني بأيدي وكسرلياها عمري كله مشايفته يضحك غير بلصدف ومن صارت سالفه بنين زعلت عليه يعني هيه صديقتي واكثر من اختي ومد ايده عليها المهم حجه ويا جدي

جد سلمان..بويه حضر نفسك اليوم العصر نخطبلك

طيبه..كلنه نصدمنه من كلام جدي شكد جانو يصرون عليه بس هل مرا خلو كدام الامر الواقع والصدمه الكبرى من عرفنه منيه

العميد عامر..منيه بويه لي راح تخطبها اله

جدو سلمان..بنين

طيبه..هههههه ها جدو شكو وحده اسمها بنين تحبها منيه هاي يا بنين

جدو سلمان..شبيج بويه بنين صديقتج

طيبه..شنو

بيبي هديه..يمه شبيج هيج مصدومه بنين صديقتج

طيبه..بيبي جدو شلون رهمتوها بنين وشاهين مي ونار بعدين شاهين ضربها

شاهين..طيبه اني عمج لتنسين نفسج بنيتي

طيبه..سكتت محجيت شي وضليت استمع للحديث

شاهين..بويه ماريد ازوج ماريد اورط بنت العالم ويايه

جدو سلمان..بويه الحادث مالتك صارله سنين وهاي مابيك شي يامحلاك

بيبي هديه..يمه اني كبرت بعد اريد اشوفك مستقر ابويه انت

شاهين..يمه رحمه لاهلج سدي الموضوع ماريد ازوج

جدو سلمان..بويه هيه مو بكيفك اني نطيت خبر لأهل لابينه جايين نزورهم وانت سواء جيت او لا اني هيج هيج خاطبلك

شاهين..تريد تخليني كدام الامر الواقع مازووووج

عامر..شاهييييين

طيبه..لبيت صار هوسه بسبب شاهين ميريد يزوج وجدي يلعب بأعصابه ويحجي ابرود

عامر..بويه اني وياك بهذا القرار يزوج احسن ميجنه……… للمكتب

شاهين..عامررر

طيبه..كام جدي وحجه حجايتين وراح الغرفته

جدو سلمان..شاهين جيت لو لا كتلك اخطبلك بعدين وين تلكه هيج بنيه خلقه واخلاق وتربيه من احجي حجايه لكل يسمعها

طيبه..دخل جدي لغرفته جدو بي طبع حلو من يحجي حجايه ينفذها حتى لو محد قابل ولكل يسمع كلامه ورأيه لحد العصر رحنه اني وجدي وابويه وبيبي وامي وشاهين وصلنه لبيتهم خطيه خاله ام بنين استقبلتنه هيه وعمو دخلنه كعدنه بنين ماهيه سئلت خاله عليه خاله وين بنين لعد

ام عباس..يمه ذيج صديقتج تنبل مال نوم من جتي لحد هسه نايمه مدري شبيها حتى اكل مأكلت

طيبه..راح اصعد اكعدها

ام عباس..صعدي يوم

طيبه..صعدت اكعد بنين بنيننن اكعديي تنمل

بنين..ماما نعسانه

طيبه..كعدي يبعد امج كعدي

بنين..فتحت عيوني شفتها طيبه ضربتها بل مخده طيبههههه

طيبه..ههههههههه يله نزل ليوم احنه خطار يمكم

بنين..اغسل واجي انتضريني هنا

طيبه..ماشي

بنين..كعدت غسلت وجهي وعدلت شعري جنت مسويته ذيل حصان ولابسه جواريب قدميه وبيها رسمه باندا وتراك اسود شتوي يله طيبه مشينه

طيبه..ههههه كرصتها من خدودها ولج حتى شكلج طفولي

بنين..هههه نزلنه جانو كلهم كاعدين سلمت عليهم وبوست خاله ام طيبه وبيبي هديه وسلمت على العميد عامر وجدو سلمان من بعيد سلمت على شاهين وكعدت يم طيبه

ام عباس..يمه بنين شكبرج اصيرين وتلبسن لبس جهال يوم

بنين..مامااا والله لبسي زين

ام عباس..من هاي الجواريب مال جهال

طيبه..فدوا الها خالتي بكل الاحوال بنين حلوا بس باعي خدودها وباعي شكلها جنها جاهل

بنين..طيبهههه اني مو جاهل

لكل..هههههههههههه

شاهين..باوعت عليها جانت لابسه تراك اسود وبي رسمه مال باندا وجواريب نفس الشي وشعرها وخدها وكاعده بصف طيبه وساكته وصافنه كمت طلعت ورثت جكاره وصافن وصورتها ابالي شاهين انت متحبها مجرد اعجاب جان ونتهى شيقنع سلمان هسه يطلع وميخطب

ام عباس..يمه كومي سوي جاي

بنين..صار كمت سويت جاي حضرنه الصواني اني وطيبه صينيه جاي وصينيه الثانيه كعك وكيك اني كدام طيبه وصلت للباب سمعت جدو سلمان يحجي جمدت بمكاني

جدو سلمان..بويه ابو عباس احنه اليوم جايين وطالبين النسب منك بويه جاي ورايد المحروسه بنين الابني شاهين وشتطلبون احنه حاضرين من الالف للباء

بنين..مادري حسيت بس اني واكف ماكو احد ايدي كامت ترجف نص الجاي نجب مكمت اسيطر على الصينيه وكعت من ايدي وتكسرت الستكاين فزيت من صفنتي من طيبه جرتني للمطبخ وراحت تلم الكزاز كعدت بلكاع مادري لا بجيت ولا حجيت بس صافنه وارجف اريد اثبت ايدي مااكدر ترعش شفت امي اجتي يمي وضلت تحجي عليه بس اني ماسمع غير بس كلمه بنين الشاهين صبت امي جاي مره ثانيه وقدمت هيه وطيبه كعدت يمي

طيبه..بنين

بنين..لا لا مستحيل

طيبه..اششش تعالي حبيبتي

بنين..حضنتني وصارت دموعي تجري كلبي يحركني مستحيل اني بعدني احن المرتضى وايامه شلون ازوج شاهين

طيبه..بنين اذا تريدين تنسين مرتضى وتوافقين على شاهين

بنين..طيبه مااكدر اني احن الايامه تصدكين لحد اليوم الضهر ابجي عليه وشاهين شاهين اني ويا نعيش جوا سكف واحد وهوا عنده حبيبه شلون

طيبه..فكري بنين شاهين مو لين عمي وهيج ححجي ابد لا والله اني زعلانه منه من يوم الصار بس والله كلبه طيب حيل وحباب اني اكلج صح من يصير عصبي ميتفاهم ابد بس حباب وكلبه طيب وماعنده اي وحده بكلبه والله

بنين..سكتت محجيت شي غسلت ودخلت للصاله يمهم باوعت جان كاعد وعينه بجهازه اعتذرت منهم على الي صار وبيبي هديه جرتني من ايدي وكعدتني بصفها

بيبي هديه..يمه اخذن الشر وراحن ابويه حدري يمي

بنين..كعدت بصفها صرت بينها وبين جدو سلمان

بيبي هديه..يمه بنين الله شاهد احبج مثل طيبه وجيناج اليوم بهل طلب وانتي مخيره مو مسيره تقبلين لو ترفضين بلحالتين انتي بنيتنه وعزيزه علينه

جدو سلمان..كلام جدتج هديه صح بويه تبقين بنيتنه ومعزتج خاصه

بنين..هزيت راسي بـ اي وضليت مدنكه وساكته وبكلبي حجي هوايه ومن غير كلبي لي يحركني ضلو يمنه شويه وراحو وراهم صعدت فوك لين اعرف امي راح ترزلني لين كسرت الستكاين جست نمت على الچربايه وافكر بمرتضى وحبي اله وحجي شاهين عنده حبيبه ويكضي وياها وكت رافضه رفض تام فكره زواجي من شاهين

لكل حكايا بقايا

الي يقرون القصه 155شخص والي يتفاعل فقط 43شخص ليش بله 🙂والله تفاعل مابيها سوولي واهس تفاعلو شي