تحميل رواية «مرارة الحب» PDF
بقلم بنين الزبيدي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
نرجع شويه بل زمن 7سنين من جنت طالبه بلمدرسه ومن بعدها نكمل الاحداث ام عباس..لجج بنين امي كعدي تأخرتي يوم بنين..ماداوم اليوم ماما ام عباس..شو كعدي صارلج اسبوع غايبه كل ما اجي اسئلج تكولين مابيه شي بنين امي بيج شي بنين..درت وجهي عن امي لا مابيه شي بس ماريد اداوم ام عباس..لا راح اداومين ويله كومي غسلي وبدلي بنين..نزلت امي رجعت راسي وره شكد كرهت المدرسه بسببك كمت غسلت وبدلت لبست صدريتي جنت هستوني صف رابع علمي مشط شعري وسويته ضفيره ونزلت شفتهم كاعدين يتريكون صبحت عليهم ورحت لبست حذائي وطلعت صاحوني بس...
مرارة الحب الفصل الحادي والعشرون 21 - بقلم بنين الزبيدي
ضُملي حَضنّه وضُملي شَبگة
ضُملي شوفه بداعتي
ولّه أگلك؟
ضُملي كُلك لأن كُلك مالتي
آني ذاكّه الروحّة عِندك
اللي يموت روحّة بعدك
بداعّة امك ارد اشهدك مِنو يسوي سوايتي ؟
شلونْ أعوفك لك حَبيبي وإنتَ ابن الروح؟
لأن كِل جروحي مِنك صرت أحب الجروح
مِن إديك تعوف إديه
حتى إديه تعوف إديه
صُبح ما يطلع عليّه
حيل تصعب حالتي .
♢♢♢♢♢♢♢♢♢
شاهين..عوف هل سؤال للوكت
بنين..كام غسل واني كمت اخذت الصينه غسلت الاماعين وصعدت نمت مرت الايام وصارلنه 4اشهر مزوجين بهاي لاربع اشهر عباره عن ساعه مصافين وساعه لا متعاركين بده شاهين يتغير ويايه من عصبي الى شخص حنون شاهين شخص عباره عن عصبيه حنيه كلهن ينجمعن بي بس اني بعدني ثابته نفس مكاني اتقدم خطوه واخاف ارجع وخاله اخذتي للكاضم وطلع تفسير الحلم نفس مالتها صح هم دعيت ابدي حياة جديده الايام حلوه وموحلوه ساعه نضحك ونسولف وساعه لا نتعارك وتكب للضالين بينه اهل شاهين حيل حبابين ويايه بغض النضر عن كرايبه البنات يكرهوني مدري شمسويه الهم واني اصلا ممهتمه لهم البيت الخميس والجمعه متروس خواته واخوانه يجون هما وبناتهم بس بعادي الايام لا بس العميد عامر وعائلته وخاله ام عامر وعمو سلمان واني وشاهين المهم اليوم جان اربعاء كعدت لصبح رفعت راسي شفته نايم وخال ايده على خصري باوعت عليه جانت حواجبه مطبوكه شواربه على شفته وبياضه باوعت عضلاته كلبي حركني حيل لزمت كلبي و هزيت راسي انفض هل افكار وكمت اخذت بدلتي العسكريه ودخلت سبحت وبدلت وطلعت مشطت شعري ورحت بصفه ندسته شاهين شاهين يله اكعد ساعه 7محسيت غير جرني جوا وضل يدغدغ بيه هههههه لاا عليك الله ولنبي اغارر هههه ابتسم وكام مرات يصير حباب ويايه ومرات لا من يريد يتقرب مني امنعه مااكدر لحد هسه علاقتنه الزوجيه هيه هيه ممتغير بيها شي مصاير بينه تقارب ابد من امنعه يعوفني ويطلع واكعد ابجي اهلي كم مره يزورني وازورهم عادي المهم حضرتله البدله العسكريه مالته دخل يسبح وطلع مبدل ولبس البيريه اجه وكف كبالي لبسني البيريده ولزمني من ايدي ونزلنه من شافتنه خاله ام عامر ابتسمت صبحنه عليهم وكعدنه نتريك ولكل يضحك ويسولفون وطيبه عينها بتلفون حسيت عدها شي بس تغلس المهم خلصنه ريوك وطلعنه للدوام الطريق كله اني وشاهين نسولف اليوم يختلف عن كل يوم وصلنه للدائره وهم دخلنه لازمني من ايدي والموضفين كلها تباوع علينه كل مرا اني بحد وهوا بحد شفت مرتضى واكف من شافنه احسه تخبل راح المكتبه واني المكتبي ضلينه نشتغل جانت عدنه قيود لازم نوديها لدائره الجناسي خلصتهن اني وقعت وختمت اخذتهن للعميد عامر ختمهن وقع ونزلت على العقيد شاهين هم وقعهن واخذهن سيدي اني اخذهن
شاهين..ضلي اني راح اخذهن عندي شغل هناك
بنين..من ديطلع لزمته من ايده دير بالك على نفسك هوا ابتسم وطلع رجعت للمكتب مالتي ابتسم لابتسامته وراها حوالي بنص ساعه وصار انفجار الدائره مالتنه اهتزت شكد ما قوي الجام تكسر غرفتي بيها شرفه الجام مال شرفه كله تكسر اطشر عليه مهتميت بس شاهين شاهين مصارله نص ساعه من طلع طلعت اشوف لموضفين والعميد عامر وطيبه كلهم واكفي نزلت راكض اسمع طييه تصيح ورايه بس مهتميت
طيبه..بنينننن وينن لججج
بنين..وصلت الباب الدائره حسيت احد جرني باوعت جان مرتضى
مرتضى..وين طالعه
بنين..وخررر عفيه شاهين طلع
مرتضى..تعالي رجعي انتي متخافين على نفسج
بنين..وخرررر شاهين برا دفعت ايده حيل وطلعت اشوف السيارات محتركه العالم كلها بلكاع وكلها دمايه ضليت ادور بين السيارات احس عمري راح بهاي الدقايق لكيت سياره شاهين هيه مضلله مااكدر حتى اشوف فتحت الباب جان راسه عباره عن دم لزمت ايده اريد انزله بس مااكدر ماعندي اي قدره وهوا ثكيل ضربته على وجهه مرتين شاهين شاهين اصحه فتح عيونه شويه لزمني من ايدي ورجع غمض عيونه رجعت للدائره ركض چان اشوف العميد عامر واكف اباب الدائره شافني كلي دم اجه يمي لزمته من ايده شا شاهين شاهين اباوع عليه ملامحه تغيرت اخذ ويا كم ضابط وراح اني وطيبه ورانيه رحنه وراهم كوه كدرو يطلعون شاهين من سيارته باوعت عليه بطنه جانت تنزفز هوايه شكيت البدله مالته باوعت جان اكو ثقب طلقه خليت ايدي على بطنه وضغط حيل حتى يوكف النزيف دموعي على خدي واحس كلبي راح يوكف من الخوف عليه احجي ويا عبالك يسمعني شاهين شاهين اصحه حبيبي لتعوفني جنت احجي واني فاصله عن العالم كله احس بس اني ويا اجتي سياره الاسعاف واخذو صعدت ويا لزمت ايده وابوس بيها وابجي احس بعد ماشوفه وصلنه للمستشفى ورأسا اخذ للعمليات بعد مالي قدره اوكف رجلي كامت متعيني كعدت بلكاع وطبكت رجلي الصدري وخليت راسي بين رجلي وضليت ابجي لاا لا يارب فدوه لتخاذه مني والله ادري هوايه تأخرت يله فتهمت النعمه الي انت نطيتها الي يارب اخذ حياتي بس هو لا يارب لتعاقبني بعد والله تعبت من الاختبارات يارب حسيت احد خله ايده فوك راسي باوعت العميد عامر
العميد عامر..بنين بنيتي
بنين..محسيت على نفسي غير حضنته وكمت ابجي عمو عامر حباب سوي اي شي بس خلي يطلعلي شاهين عايش فدوه
العميد عامر..والله يابويه انتي مو اخويه ابني جوه والله يا بنين اشوف اخويه بين الموت والحياة ومااكدر اسويله شي بس شاهين قوي يطلعلج من جوه عايش شاهين يحبج ويطلعلج
بنين..عمو اني اني صوج اني لازم اخذهن بس هوا مقبل جانت المستشفى عباره عن المصابين بلنفجار اول مدخلنه للمستشفى جانت الطوارئ عباره عن مصابين ودم بكل مكان شويه والمستشفى نترست اهلي واهله واخوانه الشاهين وخواته وازوجهن وطيبه ورانيه وسلام ومرتضى وكم ضابط موجود وجماعته اجوي جنت اصلا مو بحال احد اريده بس يطلعلي من جوا بخير عمليته طولت واني قدمت صبري طلعت الممرضه لزمتها من ايدها انتووو ليششش متحجووون شبييي زوجييي جوا ليش لي اسئله مينطيني جوااابببب كمت اصيح فقدت وهيه الممرضه صافنه عليه جرتني طيبه نتجيت على الحايط تعبت يارب اخذ حياتي لي ونطيها اله يارب الشخص نايم جوا معجزه اجاني منك يارب لتحرمني منه بعد محبيته يارب جنت احجي بصوت عالي حضنتني رانيه وطيبه كعدت بلزاويه ايدي وركبتي وملابسي كلها دم مالته جانت طلع الدكتور كمت عليه ركض
طيبه..اشوف بنين تفرفح على شاهين ومن كالت حبيته فرحت رغم خوفي وحزني على عمي عمي يحبها وهيه هسه تحبه باوعت عليها نتهت جانت ايدها وخدها وركبتها وملابسها كلها دم مال شاهين طلع الدكتور كامت هيه اول وحده ركضت عليه هيه
بنين..دكتور زوجي
الدكتور..طلعنه الطلقه بل اضافه الى عنده نزيف داخلي من شده الانفجار وايده مكسوره بعده تحت مرحله لخطره راح نخلي تحت المراقبه 48ساعه ادعيله بنتي متصير مضاعفات عليه العافيه
بنين..كعدت على ركبي نهد حيلي اجتي امي يمي حضنتها وضليت ابجي بحـضنها ماما حيروح منيي
ام عباس..اسم الله ابويه انتي حبيبتي بنين امي ادعيله
خاله ام عامر..اويلييي عليكك يمههه ولييدددييي يايمه سوده بوجهي عليك ياريت اني ولا انت شاهين ابويه
بنين.. كلها جانت تبجي وخاله ام عامر كم مرا تخربطت اخر شي خلو الها مغذي ونامت بغرفه لحد ليل اخذتني طيبه بس سبحت لين كلي دم بدلت ورجعت للمستشفى جان الدكتور هسه طالع من عنده رحت يمها دكتور فدوه خليني ادخل يمه بس شويه
الدكتور..بنتي والله ميصير
بنين..والله ماطول بس دقيقتين حباب حجه ويا العميد عامر قبل شويه واطلع اخذتني لممرضه لبستني لبس مال عمليات وكمامه وجيس مال عمليات براسي وحتى جيس برجلي ودخلت يمه شفته نايم باوعت صدره كله عباره عن بلكات نزلت دموعي قبل كم يوم جان يجرني واني نايمه ينيمني على صدره وهسه هيج ايده بيها كانونات ثنين وحده دم وحده مغذي رحت كعدت يمه على ركبي ولزمت ايده كمت احجي ويا اكرهك جنت اكرهك اني بسبب اسلوبك ويايه بس تضربني وتصيح عليه واصلا كلبي مجان الي يوم ورا يوم كمت احبك واني محاسه بهذا الشي اي هسه اعترف اني احبك شاهين كافي اكعد شتاقيتلك حبيبي والله تندمت لين حرمتك وحرمن نفسي من انو نعيش ايام عرسنه يله وكضتها وياك معارك بسبب شخص حيوان وحقير مثل مرتضى شاهين والله هسه محد ماخذ كلبي غيرك اكعد بعد شتاقيتلك هوايه تقربت بسته من شفته نزلت دموعي على خده وطلعت ذبيت الملابس الي جانو ملبسيها الي كعدت برا على الكرسي ليل كله نوم مشفته وبس دموع تجري مجنت متوقعه اذا صار بي شي هلكد راح ابجي وهيج راح اخاف عليه زين شوكت صار هذا الشي شوكت هيج كمت اخاف عليه وابجي مرن هاي الـ48ساعه بلموت فتح عيونه شاهين دخل الدكتور عاينه ونقلو الغرفه خاصه اله دخلنه يمه كلهم خواته واخوانه وكرايبه واصدقائه باوعت عليه رغم تعبان ومريض بس بعده بهيبته وشخصيته كلها تحمدت اله بلسلامه واني واكفه بلزاويه بل اخير خاله ام عامر تبوس بي وهوا يبوس براسها نزلت دموعي واني احمدالله انو مابي شي عاد شويه وكلهم طلعو بقينه بس اني ويا بلغرفه مدلي ايده رحت كعدت يمه لزمت ايده ونزلت دموعي شاهين
شاهين..لاا لااا وينها ملازمي القوي الميبجي ولا ينزل دمعه وينها ست بنين ام الكبرياء
بنين..ضحكت من بين دموعي ليش هيج تريد تعوفنه مفكرت بخاله بعمو وبلعميد بيه اني
شاهين..شبيج انتي
بنين..مفكرت بيه شاهين مكلت وين اعوفها
شاهين..كافي دموع ولج تعبان لزيدين تعبي تعالي
بنين..حضني اول مره يحضني بيها واني صاحيه كل مرا اني نايمه اكعد لصبح الكه نفسي بحضنه باسني من راسي ومن خدي
شاهين..مابيه شي ملازمي لبطل
بنين..لزمت ايده توعدني بعد متعوفني خله ايده بأيدي وعدني صحه شاهين الحمدالله مابي شي بغض النضر عن ايد وراسه وبطنه شاهين الطلقه مين جتك
شاهين..قصه طويله وحق كل دمعه نزلت منج اله اشربهم من دمهم
بنين..يومين مـضايكه النوم تعبانه وهلكانه هم بجي وهم نعس فتحلي ايده وحجه
شاهين..كل مره انتي ونايمه تجين على متني تنامين هل مره اني داطلب منج
بنين..نمت بصفه وخليت راسي على متنه صرت قريبه على ركبته وشويه غفيت كعدت لكيت اصوات بلغرفه فتحت عيوني شفت خاله ام عامر وعمو سلمان وامي وابويه ولدنيا كلها بلغرفه فزيت كبل كمت كلهم ضحكو وحتى شاهين
خاله ام عامر..اسم الله الرحمن يمه شبيج سوده عليه صارلها يومين مضايكه النوم
بنين..نداريت على شاهين شفته يباوع عليهم ويبتسم كتله يوجعك شي
شاهين..لا ارتاحي انتي
بنين..ضليت واكفه وميته نعس المهم طلعنه شاهين للبيت خلو بغرفه تصير جوا مأثثه واسبوع خطار رايح وخطار جاي تخيلو كلها منايمه بليل اسهر اخاف يصير بي شي وبلنهار اشتغل واساعد طيبه رجلي صارت خيوط من التعب اجوي اهل الانبار وهم تحمدو اله بسلامه بيومها اني وطيبه ولبنات من ساعه 4ونص كاعدات نضفنه البيت والوكت يمشي وكبل بدينه بلغده لحد ليل سويت عشه الشاهين واخذته اله للغرفه كعدت كباله
شاهين..اسبوع اني مشايفها تشتغل متكعد وبليل اكعد من النوم اشوفها كاعده ولازمه ايدي اجتي كعدت كبالي شكلها تعبان وجهه اصفر جوه عيونها اسود مبين عليها لتعب والسهر
بنين..جنت مسويه شعري كعكه وكلته بأيدي ميقبل بس ضليت الح يله قبل صافن عليه شبيك مجاوب ضل ساكت ابتسم واكل خلص عشه طلعت غسلت الاماعين وطيبه والبنات حضرو الغرفه للضيوف دخلت نطيته دوا اخذت ملابس ودخلت اسبح متت من الحر والتعب سبحت وبدلت وطلعت جيت كبل حتى بدون ما مشط شعري تقربت نمت على صدره قبل كم شهر جنت ابجي على مرتضى واريده وهسه سبحان الخله حبه بكلبي ينمحي وينخلق حب شاهين خله ايده على ضهري وحجه
شاهين..تعبانه
بنين..هوايه حجيت هل كلمه بتقطع ومحسيت غير غفيت
شاهين..باوعت عليها نامت تغيرت تصرفاتها هل فتره تنام بحضني بعد مجانت تخلي بينه حاجز ضليت صافن بملامحها سبحان من سواها لشفايف كزر وصغار والبياض والخدود والشعر صاير بطولها دنكت بستها من راسها ونمت
بنين..بليل فزيت واسمع حس ونين فتحت عيوني شفت شاهين عركان ومصخن كمت جبت طاسه خليت بيها شويه مي وصله كعدت يم راسه واسويله كمادات لحد ساعه 8لصبح يله فكته الصخونه كمت بوجهي سويتله ريوك ودخلت شفته كاعده ابتسمت صباح الخير
شاهين..صباح النور
بنين..كعدت بصفه وهوا بده ياكل خليت ايدي على راسي يأذيني
شاهين..اطلعين الاكل وترجعين للغرفه
بنين..لا دانضف ويا البنات
شاهين..اني شكلت نفذي يله
بنين..طلعت الصينيه غلست الاماعين شفت طيبه هسه كاعده
طيبه..صباح الخير سندريلا
بنين..صباح النور طيبه راح اروح يم شاهين وانتي والبنات اشتغلن البارحه خطيه ليل كله مصخن
طيبه..وانتي سهرتي يمه ومنمتي ولج بنتي نامي نامي راح توكعين ترا
بنين..بستها دخلت يمه نمت ضليت صافنع على السكف والله اخاف انام خاف يصخن مثل البارحه حسيته خله ايده على خصري
شاهين..نامي ملازمتي مابيه شي وداعتج
بنين..خليت ايدي فوك ايده وغفيت من التعب
طيبه..دنضف اني والبنات جان تنط عمتي الي بل انبار جايه هيه وكل كرايبنه الي هناك
عمتي ام ناهده..وينها جنتكم شو مختفيه اليوم
خاله ام عامر..يمه لبنيه تعبانه صارلها كم يوم بدون نوم
عمتي ام ناهده..يمه انتي ضلي ضلي هيج دللي بجناينج لحد بعد ولا وحده منهن تحترم وتسمع كلام
طيبه..ماله داعي هل حجي بنين تعبانه والبارحه ضل يم شاهين لين تخربط وصخن واليوم كعدت سوتله ريوك وهوا رادها يمه
عمتي ام ناهده..اي مثل امج شلون ما ابويه جابلنه امج جابلنه بنين ضلن خدم يم بنين خانم وهيه نايمه
طيبه..شمرت المكناسه بلكاع وشبيها امي قابل. دايره على حل شعرها وانتي لفيتيتها ترا امي بنت عز وحسب وبنين هم تعبت كدامج تكرب وترجع ليوره وهيه منا منايمه ليل كله كاعده يم شاهين والصبح تنضف كافي ماكو داعي هيج تحجين عمه بعدين احنه كاعد انضف وهاي بناتج كاعدات ميسون شي
عمتي ام ناهده..وشنو عيني بناتي خدامات جايات يشوفن عمهن
طيبه..اي هله بيكم خطار وعلى راسنه بس لتبسمرين جرتني بيبيتي للمطبخ
خاله ام عامر..يمه عوفيها هاي سفيها وتريدلها مشكله من جوا الكاع هيه بس اليوم وباجر وتروح لبيتها حبيبه عوفيها
طيبه..الخاطر بيبي سكتت كملنه تتضف وسوينه غده وهيه وبناتها كاعدات ويتشاورن خلصنه دخلت الغرفتي سبحت وبدلت وطلعت مشطت شعري جيت تمددت على الچربايه وفتحت تلفوني جان يدك جاوبت الو
عباس..وين جنتي
طيبه..جنت انضف حبيبي
عباس..الله يساعدج بنيتي
طيبه..يروحي انت شلونك
عباس..تهت والعافيه عيونج
طيبه..عباس
عباس..روحه
طيبه..احبك
عباس..اموت على ربج حضري نفسج ورا عرس سلام اجي اخطبج
طيبه..اخاف والله عباس
عباس..باعي نهايتي وياج لو نصر لو شهاده ويله كدامي روحي نامي ورتاحي
طيبه..احبك
عباس..حبيبي
طيبه..سديت الجهاز ونفتح باب غرفتي
لكل حكايا بقايا.........
شوفو اليوم كعدت كتبت ونشرت شفتو شكد احبكم شفتو
مرارة الحب الفصل الثاني والعشرون 22 - بقلم بنين الزبيدي
من بالي طلعتك ترى
متهمني والله وداعتك
حسبالي بغيابك اظل
مكسور ونحيل وثمل
بس گلبي ودالي حچي
هذا الشخص مو مالتك
وهمزين ربك ما گطع
بعدك عشگني آستاذك ..
♧♧♧♧♧♧♧♧♧
طيبه..نفتح الباب باوعت جانت بنين كعدت كبالي
بنين..يله احجيلي
طيبه..شحجي
بنين..هل فتره مو على بعض ليل ونهار عينج بجهازج ومرات تبتسمين بحدج يله احجي
طيبه..بصراحه
بنين..لعد الكذب
طيبه..ههه بنين حبيت
بنين..صلوات منو
طيبه..اكول بس توعديني متزعلين
بنين..نجبي شزعل على شنو
طيبه..احب عباس اخوج
بنين..ضليت صافنه بوجهه تحب عباس اخويه فرحت طيبه خوش بنيه وحبابه وعباس نفس الشي تعالي تعالي احجيلي شلون شوكت ليش وين
طيبه..بلمهر مالتكم انتي وشاهين طلعت داشرب مي هوا جرني للغرفه وباسني من شفتي اني دفعته وطلعت ركض وراها بفتره دزلي رساله وصرنه اصدقاء وبعرسكم جنت داعدل مكياجي بل استراحه وشفته دخل وسد الباب وكف ورايه صرنه رقم10ههههه دنك باسني من متني وهمس بأذني
عباس..احبج ياخبلتي
طيبه..اول شي نصدمت دكات كلبي كمت مااكدر اتحكم بيهن احس يدك الف بلدقيقه ابتسمت ونداريت عليه كتله واني هم احبك باسني من خدي وطلع وبدت علاقتنه ساعه مشاكل وساعه لازينين وبصراحه اني الي اسويها وهوا منا يغار عليه وانتي ستلمي
بنين..اباوع عليها تحجي وتضحك كمت بوستها وحضنتها ربي يتمم فرحتج حبيبتي
طيبه..وفرحتج هم بنوني والله انتي وشاهين تستاهلون كل الخير بعدين تعالي شوكت هيج حبيتي
بنين..والله مادري من صار الانفجار حسيت راح اضيع فد شي جبير بحياتي شاهين اخر فتره تغير ويايه حيل من مشاكل وضرب الى فد شخص حنين وحباب ومن صار الانفجار حسيت راح مني هذا الشخص بوكتها ايقنت انو اني احبه الشاهين بعدين البارحه خطيه صخن بليل راد يوكف كلبي بلنبي
طيبه..يمه باع الحب يربي
بنين..نجبييي وخر خلي انزل لا تجي عمتج تذب حجي بلقران اسحلها بس غير ساكته الها الخاطر خاله
طيبه..اليوم شسويت بيها رزلتها رزاله تسوه عمرها
بنين..ههه تستاهل يله ارتاحي انتي
طيبه..ماشي حبيبي
بنين..طلعت نزلت جوا تلكتني هيه عمة طيبه ام ناهده
عمه ام ناهده..هسه كعدتي يا مسعده من النوم دنيا عصر
بنين..نزلت مجاوبتها دخلت للغرفه شفته نايم رحت سويتله عصير برتقال وماعون فواكهه ودخلت يمه كعد صرت كباله شاهين
شاهين..دنيته
بنين..دتحس بشي يوجعك ايدك راسك بطنك
شاهين..كلشي مابيه بنتي
بنين..لزمته من ايده الله يحفضك الي ابتسم مر شهر واني قايمه بكل واجبي ويا شاهين ويا البيت الحمدالله شويه تحسن راح فتح خياط بطنه وصب ايده وراسه بس اني خايفه عليه ماخلي هوايه يتحرك رجعنه للدوام وكل يوم ندخل سويه وطلع سويه ولازمني من ايدي مزتضى مالي دخل بي اهلي يجوني واروحلهم المهم صارلنه ويا اليوم 6اشهر مزوجين لحد هسه ماكو اي علاقه بس صداقه جنه كاعدين بلصاله وندك الباب راحت الخدامه تفتحه ودخلت رانيه سلمت علينه وهاي وحجت
رانيه.. ليوم جيتكم بطلب اريد بنين وطيبه يمي هل ايام عرسي مبقاله شي واريدهن يجن يمي
بنين..شو مندري عرسج شوكت احنه خاينه
رانيه..خيه چا انتي نسيتينه حتى البيتنه مكمتي تجين
بنين..لاا رانيه والله العضيم اجي الاهلي بس ساعتين وارجع
خاله ام عامر..لا يمه رانيه بنين حبيبه منكدر بدونه والله تعلمنه عليها وعلى سوالفها بس لو يفرحوني ويترسون حضي بطفل
بنين..وجهي كام ينطي الوان من الخجل باوعت على شاهين شفته ضاج غلست على السالفه المهم شاهين مقبل اروح ابات لا اني ولا طيبه ضلينه نساعد رانيه الصبح يمها بلبيت ومن نرجع نشتغل بلبيت من التعب كبل انام اليوم الحنه مالتها رحنه وياها للصالون هيه خايفه على فرحانه لبست بدلتها الحمره ومكياجها وتسريحتها كلها طلعت تخبل اجينه اني وطيبه لبست فستان ماروني يصير من فوك صلوخ والردن مالته تنزل على الجتف حلو ومن جوا كلوش بس مو هوايه مكياج ماروني وشعري شلت نص بقت نص وسوته فيونكه وطيبه نفسي ونفس تسريحتي بس فستانها زيتوني ومكياجها زيتوني لبست اسمي واسم شاهين والمحبس والبتوت ملاتي كعدت بصف رانيه خايفه لزمت ايدها رانيه اليوم حنتج من حبيب كلبج لتضيعين هيج فرحه بلخوف سلام يحبج وانتي تحبي حبيبتي صوني وحافضي على زواجكم مبروك عليج يابعد نضر عيوني
رانيه..الله يحفضج الي يا اختي الصغيره وامي الچبيره
بنين..لبستها البرنص الجان مكتوب عليه عروسه سلام ونزلته على راسها واحنه لبسنه جبه وشال وطلعنه جان سلام جاي ياخذنه ساعدتها تصعد وصعدنه ليوره والطريق كله سلام لازم ايدها ويركصون سويه شكلهم حلو وصلنه للبيتهم وساعدتها تنزل دخلنه للبيت والچگليت فشخنه بي كعدتها واخذت البرنص مالتها ونزعت الجبه ولحجاب لبيت جان كله نسوان وعالم خابرت على شاهين دك مرتين وجاوب الو شاهين
شاهين..دنيته
بنين..ابتسمت شوكت تجي خاله
شاهين..هياتها خالتج دخلت للبيت
بنين..ماشي دير بالك على نفسك
شاهين..ديري بالج على نفسج تصوير متصوير ماكو فتهمتي ماكو
بنين..حاضر سيدي ضحك وراح دخلت جان خاله ام عامر جايه وياها لكل دخلت يمها هيه من شافتني ضلت تقرا ايات وتصلي على محمد ضلت رانيه لازمتني من ايدي شويه كدرت اوخر الخوف منها وضليت اسولف واشاقه وياها فكت الحد ساعه 4ونص اجوي الملالي وضلن يسون سوالف الحنه والركص مال بنات كالو اجه سلام يحنيها رحت لبست جبه وشال ودخلت جان المزيقه من راس الفرع ادك دخل يركص وفرحان حناها بأيدها وباسها من راسها وهيه خجلانه خدها احمر صاير ابتسمت عليها والله شكلهم حلو اذكرت حنتنه اني وشاهين لا تهنيت بعرس ولا بحنه ولا بأيشي بسبب مرتضى لحد ليل فض كلشي صعدت رانيه تبدل واني وطيبه دنضف بس خالتي مقبلت اجه شاهين علينه لبست جبتي وحجابي بوست امي ورانيه وخالتي وطلعنه اني وطيبه صعدت خاله كدام واني وطيبه ورا الطريق كله عين عليه وعين على الشارع لحد موصلنه دخل السياره داخل لبيت ونزلنه صعدت الغرفتي نزعت الجبه والحجاب نفتح الباب ودخل ضل صافن عليه باوعني من فوك اليجوه تفحص كلشي بيه
شاهين..هيج جنتي بلحنه
بنين..اي حلوه مو ماحس اله جرني من ايدي لزكت بصدره رفعت راسي عليه صارت عيني بعينه دنك همس يم اذني
شاهين..بنين كافي
بنين..شنو
شاهين..تعبت واني خالج على راحتج اريدج
بنين..شتريد مني
شاهين..اريد كلشي بيج
بنين..شالني وخلاني على الچربايه ونزع چاكيته وصار فوكايه همس بأذني مرا ثانيه
شاهين..افتهمي يا مرا احبج
بنين..غمضت عيوني وبده يبوس براسي وبخدي وبشفتي ويا كل بوسه يطبعها يهمس بأذني احبج اموت عليج تأذيت ونزلت دموعي بديت صفحه جديده ويا شخص رب العالمين اختاره الي باسني من عيني ومن راسي همس بأذني
شاهين..احبج حرم شاهين سلمان
بنين..نام بصفي وجرني لحضنه وكل شويه بايسني من راسي رفعت راسي عليه شاهين اوعدني بشغله
شاهين..وهي
بنين..متخوني ولا تروح لهبه
شاهين..بهل يوم بهل دقيقه حرمت عليه كل مرا بعدج
بنين..باسني من خشمي ابتسمت وخجلت حيل كل مااذكر الصار اخجل كمت لفيت نفسي بلحاف واخذت ملابس وهوا يباوع عليه نضراته تخلي لواحد سيتحي حيل دخلت سبحت وبدلت وطلعت دخل هوا يسبح نزلت جوا سويت فواكهه واخذت جبس وكاكاو وصعدت شفته دينشف شعره عدلت الفراش وخليت الصينيه صرت كباله خلي اني انشف شعرك ابتسم ونطاني المنشفه ضليت انشفث شعره خلصت باوع عليه وحجه
شاهين..6اشهر معذبتني
بنين..ابتسمت يله خلي ناكل جعت
شاهين..اكلي زين مرتي المصون وراج شوط ثاني
بنين..فتحت عيوني على وسعهن عليه ضحك كرصني من خشمي رحنه ناكل خلصنه وفعلاً نفذ كلامه ومعافني لحد لصبح ساعه بـ 7:30الصبح نعست حيل حضنته ونمت مكعدت غير الضهريه فتحت عيوني شفته كاعد ويباوع عليه ابتسمت وغطيت وجهي بلحاف وخر الغطه وخر خصلات شعري لي جانت نازله على وجهي وتقرب باسني من شفتي
شاهين..احله صباح يمر
بنين..شاهين والله استحي لتسوي هيج ضحك وكام دخل للحمام يسبح باوعت الساعه جانت ب12ا لضهر طفرت ركض عزلت الغرفه كلها وبدلت الفراشات حضرتله ملابس طلع دخلت اني اسبح خلصت بدلت وطلعت جففت شعري وباوعت عليه شاهين تأخرت على رانيه هسه الكاها كالبه لدنيا بل بجي
شاهين..سلام يعرس وشاهين محروم
بنين..محروميش عيني البارحه شسويت انتبهت اني شحجيت عضيت الساني غبيه غبيه بنين
شاهين..هههههههه اكو علبه بلكنتور شوفيها
بنين..عافني ونزل رحت كبل للكنتور طلعت العلبه جان فستلن اسود الردن مالته طويله وكلوش بس مو كلش بي حزام اسود وبلحزام ورده حمره متت عليه يخبل حيل حلو وهوا ذوقه حيل حلو ضميته ونزلت جوا شفته خاله من الدرج من شافتني ابتسمت ابتسمت الها دخلت للمطبخ ساعدتها طيبه نايمه خلصنه سوت هيه غده نضفت المطبخ خلصت وطلعت صعدت كعدت طيبه سحل باوعت تلفوني محترك حرك يمكن بـ 1000مره داكه عليه رانيه دكيت عليها كبل جاوبت تبجي
رانيه..الو بنين وين عايفتني هنا تعاليي ولج حموت من الخوف
بنين..اسم الله الرحمن رانيه حبيبي اهدي جايتج والله
رانيه..يله منتضرتكم بلصالون اني بسرعه بسرعه
بنين..ههههه خوش سديته جان شاهين بلصاله كاعدين كلهم رحت كعدت بصفه شاهين توديني للصالون
شاهين..شعندج
بنين..رانيه دتبجي والله وتريدني يمها
شاهين..صعدي كدامي جاي وراج
بنين..صعدت للغرفه حضرت الفستان والحذاء دخل هوا
شاهين..طيبه تروح انتي ضلي
بنين..رحت يمه حبيبي حبيبي اروح
شاهين..انسي
بنين..ليش
شاهين..عجبني
بنين..شااهين حباب شبيك اريد اروح هذا عرس بنت خالتي
شاهين..ادري متروحين للصالون
بنين..ليش
شاهين..تروحين ويكعدن يخلن الاحمر ولاخضر واني اخذج استعرض بيج بلقاعه مو
بنين..ماخلي شي والله
شاهين..لتلحين
بنين..شكد ردت حاولت ماقبل ومقبل خابرت رانيه وكلت الها زعلت مني هيه بعرسي وبحنتي مفاركتني واني مكدرت اوكف يمها بعرسها راحت طيبه واني ضليت بلبيت حتى هوا طلع شكد ضجت ونقهرت ساعه بـ3صعدت حضرت نفسي لبست الفستان وسويت شعري نص شلته ذيل حصان والباقي مفتوح سويت بف ونزلت خصل خليت حمره حمره وكحل ورسمت عيني بل ايلاينر ومكساره دخل هوا ضل يباوع عليه دارني عليه
شاهين..هيج تروحين
بنين..شاهين وخر مخاله شي
شاهين..ابد وجهج متروس
بنين..عرس هذا عرس وكلها تخلي
شاهين..شعليه بكلها عليه بيج مسحي هلخرابيط
بنين..مامسح جر كلينس ومسح الحمره نزلت دموعي ماروح
شاهين..بعد احسن
بنين..طنكرت ماروح شفته كاعد ولا هامه اصلا واني هم عاندت اله اروح حضرت المكاج خليته بجنطه صغيره وكتله خلصت
شاهين..شخلصتي
بنين..تبديل وجهزت للعرس
شاهين..مو علساس متروحين
بنين..لا اروح كام سبح وبدل لزمني من ايدي اني زعلانه داسحب ايدي منه لزمها قوي اخذت لبيت اهل رانيه كبل دخلت خليت حمره وعدلت مكياجي وضفت فوكا هم وطلعت جانت رانيه جايه ويمها طيبه رحت يمها عود هيه زعلانه حضنتها وبيت الله شاهين مخلاني سئلي طيبه ضليت اتوسل بي
رانيه..بنين عفتيني بهل يوم
بنين..هاي يمج اني يعمر بنين انتي شويه هديتها لحد مجتي الزفه هنا كامت تعرش رانيه اقري الايه المفتوحه بين ايدج هيه قرت دخل سلام لابس قاط ابيض وقميص ابيض دخل كعد يمها لزم ايد رانيه دقايق وكام بلباب ابو رانيه حجه ويا
ابو رانيه..سلام راح تاخذ جوهرت بيتي وصديقتي اخذت بنتي وامي الصغيره اوصيك بيها وليدي هيه جنه وانت اخذت هسه جنتي
سلام..بعيني اخليها الك عمي
بنين..رانيه حضنت ابوها وصارت تبجي وهوا يبجي عباس ومحمد وحسين وكل ولد خالاتي سلموها الرانيه الرجلها صعدو بلسياره صعدت اني وطيبه بسياره شاهين باوع عليه وندار
شاهين..انتي جسمج يحكج له تنكتلين اخذتي على هذا الطبع
بنين..ممسويه شي اني
شاهين..خير نشالله
بنين..وصلنه للقاعه مالتهم دخلو هما العرسان واحنه وراهم طيبه كدامنه واني لزمت عكس ايده الشاهين
شاهين..الحمره هاي وهل خرابيط كلها تنمسح
بنين..دخلنه رحت للحمام مسحتهن بس طنكرت عليه حيل طلعت تمشيت خطوتين شفته واكف لزمني من ايدي ودخلنه للقاعه جانو كلهم موجودين العميد عامر وام طيبه وخاله ام عامر وعمو سلمان ومرتضى وندى باوعت على مرتضى من شافنه اني وشاهين عيونه صارت بكصته ابتسمت اييه اييه دنيا كعدنه على الميز والولد يركصون والعالم هوسه كلها جايه كامو يركصون سلو اول شي رانيه وسلام وراها للكل طيبه اخذها العميد عامر وراحو يركصون باوعت كلهم كامو صافنه عليهم ماحس اله ايد سحبتني من مكاني باوعت شاهين اخذني لنص القاعه ولزمني من خصري وصرنه نركص سلو باوعت عليه وحجيت واحنه نركص ليش تقهرني
شاهين..حتى تسمعين كلام
بنين..بس اني مسويت شي
شاهين..انتي صرتي تخصين شاهين وبس اسمج حرم العقيد شاهين سلمان الدليمي وانتي فكري بيها زين
بنين..اي بس كلها خاله ليش اني حرمت عليه
شاهين..لوبيدي هسه وحق رب العباد احبسج بقفص ومحد يشوفج
بنين..تملك؟
شاهين..بعدين تعرفيها
بنين..شاهين اني جبيره واعرف كل هل حجي
شاهين..اي افتهمي ليش ماكو هل سوالف
بنين..اني هم من حقي اخلي هيج شغلات حالي حال البنات
شاهين..اي غرفتج موجوده خلي مثل هل شغلات وداعتج يوميه معرسلج مثل البارحه شلون……..
بنين..ادنه همس بأذني كلام عيب خلاني ادخل بهدومي من الخجل والمستحه خزرته هوا ضحك درت وجهي وبتسمت الاغنيه خلصت واحنه جنه نركص هيج والعالم كلها تباوع علينه شاهين لاغنيه خلصت من انتبهنه النفسنه العالم كلها صفكت وضلو يصوفرون ويضحكون كعدت بصف طيبه وضميت راسي بجتفها
طيبه..هههههههه اويليي يمه الحب يمه
بنين..لا طيبه لتسوين هيج
طيبه..ههههه هيج لحب حلو
بنين..هههه سكتنه من بعيد باوعت على مرتضى جان جاي للميز مالتنه…
لكل حكايا بقايا……….
فا شنو هاي نشرت الكم بارت التنزيل يصير بيت يوم ويوم احبكم وايد وايد
مرارة الحب الفصل الثالث والعشرون 23 - بقلم بنين الزبيدي
يگــلها: -
أبوسن شامتج
والليل ياخذني
وأعآين رگبتچ والگمر يندهني
وانزل للگمر بالضوگ
وأغفى هناك
وأحسن بالذنب
وبليس اليردني.
☆☆☆☆☆☆☆
بنين..اجه بصف شاهين سلم عليه باوع عليه وسلم من بعيد جاوبته واني ادير وجهي عنه رح كعد شاهين لزمته من ايده كرهت مرتضى كرهه العمه كأنو الحب لي بكلبي تحول من مرتضى الشاهين صرت اشوف شاهين كلشي بحياتي خليت راسي على متنه شاهين
شاهين..دنيته
بنين..سويلي عرس ثاني
شاهين..ادللي
بنين..خلص العرس ودنزف العرسان للبيت وكفت ورا رانيه شلت بدلتها اني وطيبه نزلنها وطلعت من القاعه وكفت برا بصف السياره
رانيه..صعدو ويايه
طيبه..هسه قابل وياج حتى بلغرفه نجي يا عيني
رانيه..خبيثه حقيره
بنين..ههههه حبيبي صعدي واحنه وراكم والله ماعوفج
رانيه..كولي ولحسين
بنين..والله ماعوفج صعدي قنعتها كوه صعدتها ورحت الشاهين صعدت يمه وطيبه ورا شاهين بداعت كل عزيز عندك اروح وياها للبيت والله كلبي يأذيني عليها
شاهين..صعدي
بنين..صعدت وفعلا وصلتها للبيت واخذتها الغرفتها هديتها باعي صلي قبل ميصير اي شي ماشي حتى رب العالمين يبارك بيكم وبعرسكم
رانيه..سالفتج انتي وشاهين فضت مو
بنين..شعليجج
رانيه..حبابه
بنين..اي فضت فهمتي هسه شكلج
رانيه..اي بنين متكدرين تبقين يمي تباتين
بنين..حتى شاهين يصعد يسحلني من يمج بعدين امي هذا سلام اليحبج يأذي نفسه وميأذيج صلي على محمد وابدي حياة جديده ويا الي اختاره كلبج
رانيه..اي اي يارب
بنين..بوستها وطلعت من الغرفه نزلت صعدت بسياره بلطريق هم وكفته نزلت اني ويا اخذت كيكه حلو بدون ميدري شكتبت عليها اخذتها ورحنه للبيت طيبه جانت نايمه ورا واني كدام خليت ايدي على ايده
شاهين..تعبانه
بنين..فدوه الك تعبي
شاهين..دنيته الشاهين انتي
بنين..ابتسمت وصلنه للبيت ساعه بـ11:30اخذت كم شغله من جوا وصعدت ركض رتبت الميز وسويته وجان اكو نفاخ تصدكون مادري شلون نفختهن من الستعجال وخليت بلكيكه كم شمعه نفتح الباب ودخل هوا شمر المفاتيح على الميز تواليت وندار عليه حضني وراسه صار على ركبتي باسني وسوالي اثر منها
شاهين..قزمتي
بنين..هههه نداريت عليه شاهين
شاهين..دنيته
بنين..احبك تقرب باسني من شفتي خليت ايدي على ركبته وبادلته بقله خبره هوا عكسي خبره بيهن مشالله اختنكت وخر ضلينه هوا حاضني من ورا واني ايدي على ايده كصينه الكيكه واكلنه شويه والباقي ضميته بلثلاجه الي بلغرفه متروسه اكل وحلويات رحت للكنتور طلعت واحد من هذني المشخلعات ودخلت للحملم سبحت وبدلت جان قصير فوك الركبه بأصبع صلوخ لبس فوكا الروب نيالي عود يستر فتحت الباب وطلعت على كيف ماحس اله نجريت فزيت يمه
شاهين..هاي شلابسه خرب………
بنين..عيبب هههه جرني للچربايه وصار فوكايه عيني بعينه وايده تمشي على كل تفاصيل جسمي دنك همس بأذني
شاهين..اشاهدي حبيبي
بنين..لااا شاهين عليك النبي هههه لا حياة لمن تنادي كضينه اليل كله رومانسيه وسوالف شاهين غناني عن كل العالم معجزتي من الله خلاني هيج اكرهه مرتضى واحبه اله ايدي متشابكه بـ ايده وراسي على صدره واهوا ايده على ضهري سؤال
شاهين..جواب
بنين..هم يجي وتكرهني
شاهين..نامي حبيبي بديتي تهلوسين
بنين..رفعت نفسي عليه لاا شاهين كاعده احجي صدك
شاهين..ملازمتي نامي وعوفي هل سالفه يله سباعيه وراج دوام الصبح
بنين..هفف رجعنه للدوام بسته بخده احبك شاهيني
شاهين..دنيته انتي
بنين..ابتسمت نمت
شاهين..باوعت عليها من نامت شكلها شكل الجهال بس السانها عام عليها ترادد وتعاند تقربت بستها من شفتها حضنتها ونمت
في مكان اخر…..
عباس..شهل لبس لي جنتي لابسته اليوم؟
طيبه..شبي
عباس..جم مره مانعج من هل لبس هااا انتي ليش تعاندين
طيبه..ممعانده راويته الك قبل ما البسه
عباس..صايره تكذبين هوايه
طيبه..عباس هوا عرس شصار
عباس..اربيج من جديد وحق الله اله اربيج لج جايتلي بهل لبس ايدج طالعه وصدرج نصه طالع
طيبه..عباس ناقص بس تكول لبس الي لابسته يلبسنه بنات لملاهي بعدين ابويه وعمي جانو ويايه
عباس..اني اعلمج باجر ويصير خير
طيبه..داحجي سده بوجهي كعدت اليل كله ابجي لبسي زين بس هوا يريد حجه يحجي عليه ويتعارك وباجر يجي يرزلني ويصيح ويضرب ويروح هذا الحضي الزفت اعرفه خرب حضي خرب بي صار الصبح كمت بدلت لبس بدلتي العسكريه ليوم عدنه تفتيش بلدائره باوعت عيوني وارمه خليت شويه كحل يخفي الورم اذا اني الغبيه اليل كله ابجي من ورا استاذ عباس نزلت شفت بنين وشاهين كاعدين صبحت عليهم وكمت اساعد بنين بلريوك صرت بصفها لزك شفت الاثار بركبتها همس بأذنها بنين اضاهر البارحه جانت الحرب عنيفه
بنين..كعدت الصبح شفت شاهين نايم كمت حضرت الحمام وجيت اكعد شاهين حبيبي ماحس اله جرني وصرت جوا دغدغني ههههه شاااهينن لاا صارت عيني بعينه تقرب باسني من شفتي وتقربلي ورا ساعه باسني من راسي ومن خدي ومن شفتي وكام يسبح كمت جريت القميص مال شاهين من الكاع ولبسته وعزلت الغرفه شلت المخاد الواكعه بلكاع وحضرت طلع من الحمام ينشف بشعره دخلت ورا كبل سبحت وبدلت مشطت شعري وشلته اجه لبسني البيريه
شاهين..ملازمي البطل خلصت
بنين..اخذته تحيه اي سيدي هوا ضحك نزلنه هوا كدامي واني ورا صبحت على العميد عامر وعلى عمو سلمان وخاله ام عامر وكفت اساعد ام طيبه دتسوي ريوك نزلت طيبه وكفت بصفي وهمست بأذني على علامات ركبتي فتحت عيوني على وسعهن من الخجل وهيه تضحك الخبيثه ترخصت منهم وصعدت وكفت كدام المرايه جانت وحده مبينه خليت الها خافي واساس ماكو مبينات جريت لفاف اسود مثل الشال يصير لفيته على ركبتي بنص الحر هاي سوالف شاهين نزلت باوعت على طيبه هيه غمزتلي رحت بصفه لزكت بيها وضلينه وحده تهمس للثانيه كرصتها من ايدها
طيبه..صايره خبيثه ام نمر
بنين..نمر منو هذا
طيبه..ابن شاهين
بنين..شنو فاتحين حديقه حيوانات نمر سكتي طيبه بعدين اعلمج
طييه..اخوج البارحه ليل كله ابجي من ورا
بنين..هههه ليش
طيبه..لج عيني لين لابسه هذا الفستان طلع بي الف عيب ناقص بس يكول جنه مال بنات لملاهي تعاركنه وسده التلفون بوجهي وتحلف اليوم يجي
بنين..لتخافين ماعوفج بعدين رانيه من البارحه لا حس ولا خبر
طيبه..معقوله البارحه سلام……… يسويها مخبل
بنين..ادبسززز طالعه عينج
طيبه..مثل ما انتي شاهينج مطلع عينج البارحه اسمعج تصحين شاهيني احبك
بنين..طيبهههههه تأدبي بنتي
طيبه..ترا اني اكبر منج هههههه يله شعليه اني انت مزوجين اني حبيبي لبارحه عافني وحيده اه قلبي
بنين..هههههه حضرنه السفره وكعدنه نتريك مشيت رجلي على رجل شاهين هوا باوع عليه وابتسم. هيج ابتسامه الصغيره ابتسمت
عمو سلمان..اي بويه بنين شلونه شاهين وياج
بنين..من الخجل كوه بلعت الزيتونه وجاوبت زين عمو
العميد عامر..خو مديضربج لو يصيح عليج
بنين..باوعت عليه وابتسمت ابتسامه خفيفه لا سيدي زين ويايه
خاله ام عامر..الله يحفضكم يمه يفرحكم بذريه
بنين..ابتسمت تخيلت اني وشاهين وبنتنه شكد حلو نصير خلصنه ريوك اني ويا شاهين صعدت بسيارته وطيبه راحت ويا العميد عامر وصلنه للدائره وكل واحد راح المكتبه بديت اشتغل عندي ملف الضباط الحدث لازم يتوقع وقعته اني واخذته الغرفه شاهين دكيت الباب ودخلت باوعت جانت هبه كاعده ولابسه بنطرون حصر عليها اسود وقميص نص ردن بيجي ونص صدرها مبين وشعرها ومكياجها الاوفر باوعت عليه دمعت عيوني قدمت اله الملف وكوه حجيت سيدي ملف ضباط الحدث بس وقعه الي جر القلم وقع ونطانيا باوعت بعينه جان يباوع عليه اخذت الملف وطلعت صعدت للعميد عامر وقع ونزلت ادور على ملازم ياسر واني احس راح اوكع من شفتهم سويه كلبي اذاني حيل وجسمي يرجف بعده وياها واني شنو شفت ملازم ياسر جان واكف يشرب جاي وكفت كباله ياسر هذا الملف مال ضباط الحدث
ياسر..شبيج بنين ترجفين
بنين..ردت اوكع لزمني ياسر من ايدي وكعدني على الكرسي ونطاني مي
ياسر..هاج مي شربي شويه واهدي شبيج بس فهميني
بنين..شربت شويه مي شكرا ياسر
ياسر..العفو بنون ملازمتنه الشاطره كومي ويايه نروح لكليه الضباط هم نسلم القيود وهم شويه ترتاحين
بنين..وافقت طلعنه اني ويا لكليه لضباط الحدث الطريق كله شاهين يدك واني ماجاوب خلي وياها وهسه اذكر بنين وصلنه للكليه نزلنه رحنه للعميد سلمنه عليه وسلمنا القيود رحت اشرفت على التدريب وكمت اسجل اسماء الطلاب وعمارهم ومكان سكنهم اخذت السجل وقعه عميد الكليه واخذته للدائره مالتنه دخلنه بلباب مال دائره ياسر حجه
ياسر..بنين شفتي ندى شلون صايره
بنين..لا والله شبيها
ياسر..شايفه عادل امام من يحول عينه صايره بلضبط هيه ومنا هيه حلوه وتخيلي
بنين..هوا حجه رغم اني ضايجه واريد ابجي بس فعلاً ضحكني خرب يومك ياسر شهل تشبيه
ياسر..وعلي بعرس سلام ورانيه شفتها الفستان لابسته تخيلته يصيح نقذوني ياعالم
بنين..هههههه محسيت غير شاهين فوك راسي واكف وعينه حمره وعنده وريد بكصته من يصير عصبي يبين وشرايين ركبته مبينه اخذني من ايدي لغرفته دخلنه وقفل الباب باوعت عليه اجه بدون ميحجي اي شي ضربني راشدي شكد مقوي وكعت بلكاع اذاني صوفرت واحس شي حار نزل من خشمي رفعت راسي عليه وحجيت هاهيه ضربت ارتاحيت؟
شاهين..انتيييي نااااااووووييييييه على جنازتجججج
بنين..مجاوبته كمت جريت كلينس من لميز مالته ومسحت الدم وجرني من ايدي فتح الباب وطلعني من الباب الثانيه مال دائره صارنه كبال سيارته دفعني السيارته وصعد هوا وصلنه لبيتهم مجان بي احد كلها ابيتها وخاله ام عامر وام طيبه بلسوك جرني للغرفه وفتح الباب ودفعني باوعت عليه نزع النطاق مالته وضربني من الضرب مالته جسمي خدر من غير الغلط والسب ضربني على اصابيع ايدي احسهن نكصن من الوجع رفعتهن كامن يصبن دم وصارن زرك ديضربني بعد لزمت ايده كافييي كافيييي اني لازم هيج اسويييييي انيييي هيججج معتبرنييي رخيصهه الي الصبحححح جنت ويايه والضهر وياهاااااا وينه وعدك الييييي وينه خنتني وياهااا من صيحت تخبل شلون رفعت صوتي عليه ضربني على حلكي بضهر ايده شفتي نشكت كعد على الچربايه وجرني من شعري
شاهين..شعندج ويه ياسرررر
بنين..ماعندي شي ويا وديت ملف للكليه مال ضباط والملف موجود بغرفتك وخر شعري كطعته
شاهين..شعندددددججج ويااااا ساقط…..
بنين..شاهينننن وخر مني اني اشرف من الشرف اشرف وخر روحلها هوا هاي انته عمرك متنعدل شعدهاا جايتك ها شعدها داحجي تقرب باسني من شفتي حيل احسه ينتقم مني اختنكت كمت ادفع بي وخر عني عافني وطلع لميت رجلي الصدري وضليت ابجي حيل كلبي تأذه منه بدون ماحس شكد مبجيت نمت نفس مكاني
شاهين..اجتي هبه تريد فلوس وكعدت تتوسل ارجعلها دخلت بنين باوعت عليها تباوع عليها وعليه عيونها نترست دموع وقعت الهل الكتاب وطلعت
هبه..شنو الشفته بيها ومشفته بيه لين ضابط وشويه حلوه
شاهين..شايفتها هاي تروحيلها فدوه للتراب التمشي عليه
هبه..هيج تحبها
شاهين..طلعت فلوس من المجر وشمرتهن الها على الميز يله اخذيهن وبعد لتشوفيني خلقتج اخذتهن وطلعت رحت المكتبها ماهيه ادك عليها مجاوب وين ولت باوعت من سياج جانت واكفه يم ياسر وتضحك نزلت جريتها من ايدها وضربتها بل مكتب واخذتها بلبيت وهم ضربتها احس كلبي ميبرد كل ماذكر شكلها تضحك ويا ازيد بلضرب عفتها وطلعت مرجعت غير بليل الصبح كله كضيته يم لشط اذا ارجع للبيت واشوفها وهيه متسكت ترادد اجنزها بمكانها رجعت بليل دخلت للغرفه شفتها نايمه بمكانها باوعت اصابيعها زرك صايره شفتها مجروحه شلتها من مكانها هيه فزت
بنين..فتحت عيوني شفته كبالي دفعت ايده كمت من. الچربايه رحت اخذت ملابس ودخلت للحمام سبحت احس المي الي ينزل على جسمي ملح يحرك جروحي باوعت بلمرايه جسمي جان كله مشطب نزلت دموعي بدلت باوعت على اصابيع ايدي زركات. صايره طلعت شفته كاعد على الچربايه وخال ايده على راسه من طلعت شافني درت وجهي ورحت للجهه الثانيه رفعت الحاف ونمت هوا اخذ ملابس ودخل يسبح وطلع نام بجهته اليل كله اون من الوجع مااكدر اندر جسمي كله يأذيني
شاهين..باوعت عليها ترجف وتون خليت ايدي على كصتها نار كمت استغفرالله ربي جبت طاسه وبيها وصله كعدت يم راسها باوعت خدها احمر وشفتها مجروحه سويت الها كمادات وهيه نفس رجفتها
بنين..برر برد بارده
طيبه..طلعت من غرفتي شفت شاهين بيده طاسه وبيها مي ترددت اسئله لين جان عصبي حيل بس سئلته خير شاهين بنين بيها شي
شاهين..مصخنه لبسيها شي على راسها داخذها للمستشفى
طيبه..دخلت للغرفه رحت يم بنين اسم الله يمه بنين حبيبتي شبيج جانت متحجي بس تون وخرت الغطه منها باوعت شفتها جانت مجروحه وارمه وخدها احمر باوعت ايدها كلها اثار ضرب باوعت على شاهين ودرت وجهي عليه بنين حبيبتي
بنين..ماما ببارده بارده
طيبه..نزلت دموعي عليها طلعت جبه لبستها بل كوه وحجاب ورحت لبست جبي وحجابي وشالها هوا نزلنه خلاها ليوره واني كعدت بصفها احس طار بلسياره طريق المستشفى مدري شكد سوا 5دقايق نزل شالها ونزلت ويا دخلها للطوارئ كبل اخذوها بقينه برا اني وشاهين اباوع عليه خايف عليها بس ميريد يبين هذا الشي عمي واعرفه حيموت عليها ليش ضربتها وهسه هيج خايف عليها
شاهين..لتدخلين انتي بنتي
طيبه..شنو ماادخل هيه اختي خاف اهلها مو يمها اني اهلها اني امها وابوها واخوها واختها وكلشي ضربتها وهيه ابيتهم جان محد يمد ايده عليها مدلله هيج يصير بحالها
شاهين..طيبهههههه
طيبه..سكتت وضليت انتضر شوكت يطلع منها لدكتور اخيرا طلع رحت كبل عليه ها دكتور شبيها
الدكتور..انتو شتقربون الها
طيبه..اهلها دكتور عفيه احجي
الدكتور..يعني انتو الي ضاربيها هل ضرب….
لكل حكايا بقايا……………
مرارة الحب الفصل الرابع والعشرون 24 - بقلم بنين الزبيدي
أطگن ورد من تجزي
وألف نمام يتحنّه
بترف جدميك أطيرن فوك
فوك الفوك
اكتن ؏ الورد مِزنه
من أشوفك أنذر النجمات
ترچيه لسوالفنه
♤♤♤♤♤♤♤
شاهين..شبيهاا
طيبه..شاهين عاط بلدكتور ضل يباوع علينه وحجه
الدكتور..فلاونزه بلعضم كسر عدها باصابع ايده الوسطى والسبابه بل اضافه على عدها جرح بضهرها خيطنا لين الدم ميوكف خلينه الها كانونه وابرتين اليوم وباجر اضل بلمستشفى وعكبه تكدر تطلع عليها العافيه
طيبه..باوعت عليه نقلوها الغرفه خاصه الها دخلت يمها لزمت اصابع ايدها جانت زركه حيل بستهن بنين حبيبي
بنين..ماما ششا شاهين ضربني واني اني ممسويه شي والله
طيبه..جانت بنومها تحجي هوا جان واكف ومربع ايده الصدره ويباوع عليها لحد الصبح صافنه عليها لحد مفتحت عيونها بستها من راسها شلون صرتي امي
بنين..ضهري يأذيني
طيبه..اجه الدكتور عاينها ونطاها مسكن الم
الدكتور..بنتي لازم هسه ارجعلج اصابيع ايدج
بنين..لا ماريد
الدكتور..ميصير بابا لازم
بنين..ماريد عفيه دكتور الدكتور لازم اصابيع ايدي بس شويه حركهن كمت ابجي واصيح يأذني مااكدر ماحس اله شاهين حضني وضم راسي ولزم ايدي حيل والدكتور طكهم احس روحي شاغت للسما ونزلت
طيبه..طك الدكتور اصابعها البنين وصرخت من الوجع احس صوتها راح شكد ما الصرخه مالتها قويه نزلت دموعي عليها وهيه مثل الطفل تفرفح وتشهك قوي نطاها مسكن الم ورجعت نامت بس تشهك للدوام مرحت بيت جدي يعني بيبي هديه وجدو سلمان وبابا وامي عرفو واجوي للمستشفى حجيت الهم كلشي بابا تعارك ويا شاهين وجدي كذالك وبيبي وامي يمها يبجن هيه بنين صارلها 6اشهر يمنه ولكل حبها عدا عمتي لي بل انبار مأذت احد وفطيره مثلنه وشاهين اجه هيج سوه بيها
بنين..فتحت عيوني شفت عمو سلمان يم راسي وخاله هديه لازمه اصابيعي لي مكسوره الفها الي الدكتور وطيبه كاعده بصف امها والعميد عامر واكف يم عمو سلمان وهوا واكف بنهايه الغرفه حجيت بوجع خاله
خاله ام عامر..ها يمه حبيبه
بنين..اريد امي
طيبه..حبيبي صيري زينه واخذج يمها
بنين..مي اريد مي
طيبه..صار
بنين..شربتني طيبه مي لزم ايدي عمو سلمان
عمو سلمان..بنين بويه مادري شكلج وافسرلج الي سوا ابنه وياج عمي سامحينه ومسحيها بهل شيبه انتي طيبه متستاهلين هيج يصير بيج
بنين..عمو اذا اطلب طلب اترجاك يسوي
عمو سلمان..طلبي عمي
بنين..خلي يطلكني ارجع الاهلي اني محد ضاربني ولا واحد مصيح عليه ولا واحد خايني وشاهين كلهن سواهن
شاهين..كطنه وشيليها من اذنج طلاك مطلاك ماكو فتهمتي ماكووو
بنين..عافني وطلع نزلت دموعي بكلهن مرتاحيت لا من جنت صغيره ولا هسه بيبان الحزن مناويه تنسد اسد باب ينفتحلي الف باب ضليت يومين بل مستشفى بيوم الثالث طلعت اخذتني طيبه الغرفتها نمت تعبانه مع انو كضيتها نوم بل مستشفى بس احس نفسي تعبانه حسيت احد حضني من ورا عبالي طيبه بس لا نداريت شفته هوا وخرت ايده من خصري
شاهين..نجبي وثبتي دانام تعبان
بنين..وخرر روح نام بغرفتك
شاهين..محلوه بدونج
بنين..انت مريض والله مريض
شاهين..كتلج ثبتي
بنين..ضل مقيدني بحركته واني نعسانه نمت مكعدت غير من حسيت يبوسني بشفتي درت وجهي غرز اصابيعه بخصري ودارني عليه فتحت عيوني وخر شاهين
شاهين..بنين
بنين..كل مره اسمعك واسامحك واني ماكله طن ضرب منك هل مرا لا وخر عني عافني وطلع حضنت المخده وبجيت اصابيع ايدي مااكدر احركهن خالين فوكاهن مثل لحديده وشاديها حتى يتعدلن مرت الايام تقريبا مر على المشكله20يوم اني بغرفه طيبه وهوا بغرفتنه ابد ماحجي ويا وحتى مالتقي بي واذا التقيت بس على الاكل خياط ضهر وخرته ولفاف راسي هم الاثار الي بجسمي خفت بس بعد اصابيع ايدي فتحتهن بس مااكدر احركهن هوايه رانيه علاقتها هيه وسلام تجنن طيور لحب يوميه نتراسل ونتخابر مر على عرسهم شهر ونص واحلا ثنين وطيبه هيه وعباس حالها من حالنه هم يتعاركون بس عباس ميكدر على زعلها المهم اليوم صدفت خميس وكلهم موجدين خميس وجمعه انام بنفس الغرفه اني ويا حتى ليكولون متعاركين ويشمتون جنت نازله من الدرج وبيدي تفاح داكل شفته جان راجع من الشغل من صارت العركه ماداوم لين مااكدر نطاني العميد عامر اجازه المهم شفته هوا شافني ضل يباوع عليه
شاهين..20يوم هيه مو بلغرفه وماشوفها مشتاقلها ومشتاق لشكلها وجهه عيونها شفايفها خبالها وحتى نكدها بس هوايه اذيتها بسبب غيرتي موبيدي احبها هيه شي صار بأسم شاهين هاهيه قفل بعد ومنا هيه السانها طويل وترادد جنت راجع من الدوام حتى الدوام محلو بدونها داصعد على الدرج شفتها نازله جانت لابسه نص ردن وملابسه حجاب عقل مبقه براسي جريتها من ايدها للغرفه دفعتها وقفلت الباب وهيه كعدت على الچربايه تاكل تفاح تستفز بتصرفاتها
بنين..جرني من ايدي واخذني للغرفه دفعن وقفل الباب كعدت على الچربايه رجل على رجل وداكل بتفاح وحجيت خير رايد تضرب بعد تعلمت عادي
شاهين..انتي شتريدين بلضبط
بنين..شريد اريد اطلع منا وسلامتك تقرب عليه اني عرفت شراح يسوي من نضرات عيونه وكف كبالي
شاهين..بنين ليش متمشين عدل
بنين..ممسويه شي اني اريد انزل اليوم راح يجون لكل ونحضر من هسه احسن ما يجين ويضل يحجن مسعده تنام للضهاري ولبيت يخدمها لو يشمتن بيه ههه اول مرا اشوف مسعده رجلها يضربها لزمني من حنجي قوي وصار فوكايه وباسني من شفتي اريد اوخره مااكدر ضليت ادافع اني ويا دفعته وخررر شاهينن وخر وباوع بعيوني
شاهين..هيج كارهتني
بنين..مكارهتك انت اذيتني وضربتني لحد هسه اصابعي مااكدر احركهن بسببك اذا تكرهني لهل درجه شكو ازوجتني خله ايده على حلكي
شاهين..اشششش كافي سمعيني
بنين..طبك كصته على كصتي وحجه
شاهين..قبلج حبيت حبيت وحده وردتها بس ابن عمها رادها ونهى عليها وعلاقتي بذيج طولت6سنين بس انتي تختلفين انتي حبيتج بدقيقه وحده اول مره شفتج بيها من دعمتج كلت اعوفها هيه ثوله مشافت الطريق كله سيارات بعدين كلت لا خطيه نزلت شفتج جان ممبين شي من وجهج من الدم غير عيونج وحق رب العباد عشكتهن من اول مره شفتج من اخذتج للمستشفى وغسلتي وطلعت ملامحج بنين عشكتج تعرفين شنو يعني عشكتج صرتي شي يمشي بدمي كمت يوميه اجي للدائره واشوفج من بره اشوف ضحكتج وشاقج ويه طيبه ضوجتج وشفت حتى دمعتج فديوم من بعيد واكف اشوفج جنتي طالعه من الدائره ودضحكين شفت واحد ساقط يباوع عليج احس عقل مبقه عندي لزمته جنزته وسجنته وانتي جنتي غريبه لا اعرفج ولا هم يحزنون وهسه انتي مرتي وطلعتي ويا ياسر بدون مادري ومن رجعتي تضحكين وتغثين الواحد بذاك اليوم وحق علي اذا اذبحج ميبرد دمي بنين انتي شي بأسمي هاهيه انتهى 6اشهر اشوفج كدامي وخالج على راحتج من ذاك اليوم عاشكج الحد هل دقيقه كافي متعذب بدونج وحق ربج
بنين..انت تضربني وتجرحني وتكرهني بليوم الي صرت الك
شاهين..انتي مدتفهمين بنتي انتي ملكي ملك شاهين وبس افتهمي ماريد احد يشوفج لو بيدي اخليج بقفص واضمج بصدري محد يشوفج غيري
بنين..خنتني
شاهين..شلون عرفتي بله ست بنين من جيتي وشفتيها كاعده مو
بنين..اي
شاهين..هههه انتي وحده مخبله راح تموتين من الغيره
بنين..وانت هم حتموت من الغيره
شاهين..انتي حقي
بنين..هذا مو حب تملك
شاهين..تملك متملك انتي الي وهاهيه
بنين..شعدها هبه جتك
شاهين..رادت فلوس
بنين..وهيه شنو تاخذ فلوس
شاهين..اذا جتج وحده مريضه وماعدها ولا فلس تساعديها لو تموت احسن
بنين..وحده مثلها تموت احسن وتخلص العالم من شرها وانت ليش هيج خايف عليها تحبها مو باسني من شفتي وحجه
شاهين..محبيت احد بكد محبيتج
بنين..ليش ماعندك تفاهم كل بلضرب
شاهين..شغله تجي يمج افصل عن العالم ميبقالي عقل اكعد اتفاهم
بنين..بس بعد اذا تضربني وحق الله ابد ماسامحك وبعد ماحجي وياك
شاهين..تهديد صارم
بنين..اي لعد شنو تضربني وتأذيني وحتى تكرهني بيك
شاهين..كرهتيني
بنين..هففف
شاهين..هههههههه
بنين..باسني من راسي تعبان اسبح وانزل تغده طلعت اله ملابس وحضرت الحمام دخل يسبح ونزلت حضرت الغده اني وطيبه جانو بعدهم محد جاي من خواته واخوانه صحناهم اجو كعدو عمو سلمان وخاله ام عامر والعميد عامر وزوجته وطيبه شويه ونزل شاهين باس امه من راسها وابو كذالك وكعد
عمو سلمان..ايي بنيتي شلون صرتي
بنين..بخير عمو شويه احسن بس مااكدر احرك هوايه اصابيع ايدي
خاله ام عامر..اي يمه حتى يرتاحون ذولاك العالم اول مره يضلمون احد
بنين..خاله جانت تبسمر الشاهين ابتسمت والله خوش تشمرهن اله باوعت عليه ابتسم
شاهين..هاا حجيه شو بسامير
خاله ام عامر..شاهين اني مربيتك هيج تسوي بأقرب شخص الك شاهين شكد متكبر لو تصير وزير ابقه اني امك الي ربتك وكبرتك نعكس الشغله اذا وحده من خواتك هيج زوجها ضربها جان شسويت نسيت لو اذكرك من ام ناهده رجلها ضربها شسويت بي كرهته بعيشته لحد ما اجه وعتذر وحتى ايدك راد يبوسها شاهين امي هاي مريتك وصغيره المفروض تحبها وتعلمها عليك وتخليها تدلل بجالك يمه اني وابوك اصغر منكم ازوجنه اني جان عمري 17وابوك 26سنه وادللني وميصيحني بأسم كله جان يكولي بنتي ولا فد مره سمعته كايل اسمي شاهين دللها هيه صغيره تحسك ابوها من ادللها يمه اني هسه من داحجي لصالحكم الله شاهد لتكثرون زعل وانت لتضل ايدك والضرب والاهانات ميصير يوم
بنين..جان كلام خاله حيل حلو كعدنه نتغده بس اني ماشتهي اكلت شويه وكفيت خلصو كلهم غسله الاماعين وسوينه جاي لحد العصر اجوي كلهم الاخوان والاخوات وبده الحش والنميمه من يجن اتمنى انهزم يضلن بس يسئلن هوا طلع وبدن خوات شاهين وحده تنطي للثاني وصارن ثنينهن عليه
عمه ام طه..اي بنين نشاالله مرتاحه
عمه ام ثامر..وليش ممرتاحه اذا هيه تكعد ساعه1الضهر
بنين..لا خاله مرتاح والحمدالله بعدين ليش مااكعد بـ1الضهر البيت نضيف انصف من اليل حتى الصبح ماعدنه شي
عمه ام طه..وراح تكملين دوام عيني مناويه تبطلين وتكعدين اشو اني ازوجت منا وكعدني منا
بنين..وليش ابطل اني تعبت بدراستي يله وصلت وبدايه كلشي اني ماخذه كلمه من شاهين ميبطلني
عمه ام ثامر..ايي حضوض يمه جناينه مرتاحت وبناتنه متعلعلات
بنين..عفتها تحجي واني ساكته لحد الليل هنه يحجن وكاعدات واني وطيبه نشتغل ضهر دمرني من التعب اني بيتنه مو هيج شغل سوينه عشه وكعدن ياكلن وكل شويه حاجيات لو يعيبن على الاكل وهيه طيبه سوته خطيه تعبت بي
طيبه..عمه اذا ميعجبج الاكل طلبي من برا
عمه ام طه..انتي هم صاير الج السان الخوينسه جنتي بوجهنه تخافين تباعين
طيبه..لا عمه محد ياخف من احد
بنين..لزمت طيبه سكتت وهيه هم سكتت ضلت تاكل هيه تعب ونص الاكل طار خلصن وكامن بلكذب وحده منهن كالت خلي بناتي تساعدجن رحن غسلت الاماعين اني وطيبه سوت جاي خلصت وكعدت على الكراسي الي بل مطبخ طيبه ضهري حموت
طيبه..سوده عليه امي ادري والله هسه اكلها لبيبي تشوفلنه حل لو بعد ليجن والله دنتعب وهنه ولا وحده بيهن تساعد
بنين..اخذت طيبه الجاي قدمته واني كعدت تقريبا جانت ساعه 11:30بليل شاهين وينه دزيتله رساله وهنا رجعن للقشب ولنميمه واني وطيبه صافنات عليهن نفتح الباب دخل شاهين والعميد عامر اجه شاهين وخله بحضني بوكي ورد ازرق وابيض ابتسمت باوعت عليه غمزلي جان العميد عامر هم بيده ورد نطا الزوجته
العميد عامر..عجل بس شاهين يدلل زوجته هاي الزوجتي
ام طيبه..اوي حبيبي شكرا
بنين..ابتسمت شكرا
شاهين..دللي
بنين..ماحجيلكم وجهه خواته شلون صار صعد شاهين واني صعدت ورا اول مدخلت حضني وراسه صار بركبتي
شاهين..عجبج لورد
بنين..حلو مثلك اسويلك عشه شي
شاهين..لا حبيبي تعشينه تعالي احجي وياج
بنين..جرني من ايدي للچربايه تربعت والاضويه جانت مطفيه باقي بس ضوه التلفزيون حتى لتيبلام مطفي اجه نام على رجلي خليت ايدي على راسه وضلينه نتفرج جان طالع فلم اجنبي حلوه كله اكشن وقتال وهل سوالف جر ايدي وباس بطنها شاهين
شاهين..دنيته
بنين..شكد تحبني
شاهين..هلكد بكد الشعرايه
بنين..وااللله
شاهين..هههههههه
بنين..شكد تحبنيي جرني وصرت فوكا شعري صارله على وجهه همس يم اذني
شاهين..اموت على ربج الخلقج
بنين..ابتسمت نيمني بصفه وحضني عبالك بنته اني ناعمه وهوا ضخم ونايمين دنتفرج الفلم نفتح الباب باوعت جانت اخته الچبيره حتى بدون مدك الباب عدلت كعدتي باوعت على شاهين ضاج وحجه وياها
شاهين..خير ام سامي
عمه ام سامي..شاهين جايتك بطلب خويه لتردني
شاهين..امري
عمه ام سامي..خويه تعرف بت حماتي هاي الردت اخطبها الك بمصارت البنيه لحليوه تريد تجي كم يوم ادرسها رياضيات خويه صف سادس خطيه وانت زين بلدراسه
شاهين..والله يا ام سامي جان بعيوني بس اني هذا الشهر ماخذ اجازه وحاجز الانطاليا ومناك نطلع روسيا
بنين..باوعت عليه وفتحت عيوني شوكت حجز وشوكت اخذ. اجازه بس زين اذا اجتي ذيج الي تحجي هيه عليها يمكن اشنقها
عمه ام سامي..يا والله يابختج بنين بنتي من ازوجت لحد هسه جيه مجايبها النه وانتي حيسفرج
بنين..خاله اني مكايله اله يسفرني وين ميكون موجود شاهين هذا المكان بلنسبه الي جنه اما بنتج فهاي مشكلتها هيه وزوجها يمكن ميتحمل فراكها ميدزها الج بعدين اذا جابها الج يوميه راح يمل منها ويزوج غيرها هيه هنا من حجيت بدلت كبل
عمه ام سامي..اي يمه هم صح فدوه الحلكج يحجي درر
بنين..اي شعبالج لعد ضلت شويه وطلعت باوعت عليه شفته يباوع عليه وجهه احمر وحابس الضحكه
شاهين..ههههههههه انتي شنو
بنين..هههههه شاهين مادري شبيهن خواتك ويايه كاعدات ويذبن حجي اليه
شاهين..انتي حبيبتي وبنتي وقزمتي وملازمتي البطله مابيهن شي وياج بس هنه هيج يحب يداهرن باعي هنه اكبر منج اريدج تحترميهن بنيتي
بنين..لعد اني اسمع الحجي وساكته غير احترام بعدين شوكت حجزت
شاهين..البارحه وبعدلج يومين تحضرين غراضج
بنين..هاا وكم يوم نضل
شاهين..شهر
بنين..وهم نتعارك
شاهين..عجل شكو ماخذج للعراك
بنين..يمه فديت العجل ومجل وكل الدجل كام يركض ورايه بلغرفه اخر شي لزمني شمرني على الچربايه
شاهين..وكت عقابج ست بنين
بنين..ها لا حباب دانهزم جان يجرني من خصري وهمس يم اذتي شغله خلتني اجمد وهيه اصلا عيب شاهييينن
شاهين..دنيته
بنين..عيببب
شاهين..عقابج قاسي ملازمتي البطله
بنين..لااا ههههه فعلا نفذ كلامه ومعافني لحد لفجر نايمه على صدره وهوا ايده على ضهري شاهين
شاهين..دنيته
بنين..اذا صار عدنه نونو شراح تسمي من سئلته سكت مجاوب طبكت حواجبي وخليت الحاف على صدري وكمت عدلت كعدتي ليش تكرهه طاري الاطفال
شاهين..ليش تريدين طفل انتي
بنين..ماكو احد ميحب الاطفال ولكل تتمنى يصير عدها
شاهين..الله كريم بنتي تعالي نامي
بنين..رجعت نمت غفيت بحضنه كعدت ثاني يوم جمعه طبعا وين نكدر انام وخواته بلبيت يجين يدكن الباب خصوصا باب غرفتي ندكت الباب فتحت عيني نعسانه مااكدر هوا اني بسبب شاهين افندي نايمه ساعه بـ6:30كمت اخذت قميصه من الكاع لبسته وكمت فتحت الباب شفته هيه اخته الصغيره هاي اسم وحده بين كلهن نعم
عمه ام سرور..متكعدين عيني ساعه بـ10
بنين..اي كعدت راحت ادردم طبكت الباب قوي وقفلته ورجعت نمت وكل شويه داكين الباب والله مكمت لحد مشبعت نوم فتحت عيوني تقريبا بيها بـ12:30الضهر مطيت جسمي وكمت شاهين مموجود بلغرفه سمعت صوت الدوش بلحمام ضليت صافنه بلسكف طلع من الحمام ينشف شعره شافني كاعده اجه باسني من شفتي وعضني اخخ شاهين
شاهين..كعدي كسلانه ساعه 1
بنين..اكو واحد مخلاني انام بليل
شاهين..اي صح هههههه كومي حبيبي
بنين..هههه كمت سبحت وبدلت طلعته شفته ماكو نازل قبلي رتبت الغرفه جنت اريد اطلع جرجف جديد من المحلق مال كنتور جان يوكعن عليه اوراق كعدت بلكاع اشوف شنو هذني……..
لكل حكايا بقايا….....
وهاي نزلت بارت المفروض باجر انزل بس اليوم عندي حماس كتبت الكم احبكم يلربع💋
مرارة الحب الفصل الخامس والعشرون 25 - بقلم بنين الزبيدي
خذنـيّ يمَك
بعَد ما ظل كُل عِذر
لا تعتذِر
ليّل عُمري وعُمرك مخَلص
بعَد ما بيّ صبّر
خل نلمّ احلامنَا ونحفُظ صوَرهن
گبل لا ياخذهِن بدِربه الفَجر
وخل نلمّ الباقيّات
سنيّني وسنينَك ..
نسويهِن عُمر
وهنّ ميكفَن عُمر
ونبدِي من جِد وجديّد
بـ واهس سنيّن الصغُر
وَلو وازانّه الكبر .
♡♡♡♡♡♡
_________________
بنين..قريتهن واحس عقلي مديستوعب الي داقرا عدتهن اكثر من مرا واحس دموعي شلال على خدي يارب حلم اكعدي بنين كعدي عوفي هل حلم محلو حقيقه قريتهن واحس بداخلي شي نكسر شاهين ميصير عنده اطفال وجان لازم اختار بين حياة الامومه الي اني جنت منتضرتها بفارغ الصبر لو حبي وحياتي ويا شاهين امسح دمعه تنزل عشره هسه عرفت ليش ميريد اجيب طاري الاطفال طلعت اجرحه بدون ماادري شلتهن ضميتهن نفس مكانهن ودخلت للحمام غسلت وجهي وطلعت صارت كبالي صوره عرسنه معليكها فوك الچربايه ومكبريها نزلت دموعي مسحتهن مااكدر انزل اذا انزل معناتها اذا وحده من خواته حجت ويايه ابجي رحت وخرت الحاف وتمددت وتغطين ودموعي من وحدهن ينزلن جنت اقهره من اكوله اريد طفل وكل ماصف يجي ابالي من كتله يصير عدنه بنيه شلون عيونه لمعت ابد منقص من قدره بنضري نفتح الباب مادري منو دخل حسيت ايد صار على متني باوعت طيبه
طيبه..بسم الله امي شبيج هم ضاربج شاهين
بنين..طيبه تكدرين تعوفيني بحدي
طيبه..عفتج قبل حتى اعوفج هسه شبيج امي
بنين..احس كلمه شبيج توجع كمت ابجي وهيه دموعها ويايه بدون متعرف شبيه
طيبه..بس فهميني سوالج شي شاهين
بنين..هزيت راسي بـ لا
طيبه..لعد شبيج
بنين..مشتاقه الاهلي صارلي هوايه مرايحه
طيبه..شاهين دزني عليج تبدلين ياخذج الهم
بنين..هيه حجت منا ونفتح الباب ودخل هوا منا من شافني ابجي اجه يمي ولزم ايدي
شاهين..شبيج ملازمتي
بنين..كمت حضنته وبجيت شاهين
شاهين..بنين شبيج
بنين..احبك كمت اشهك بل بجي مالتي وهوا يفرك ضهري ويطبط عليه
شاهين..بنين بنتي شبيج عفتج مابيج شي
بنين..مشتاقه الاهلي
شاهين..يله بدلي داخذج
بنين..طيبه طلعت واني كمت بدلت حتى ملبست ملابس طلعه كل مره من اروح احير شلبس هل مره لبست جبه وشال ونزلت شافتني اخته وهزت ايدها وضلت وحده تشاور ويا الثانيه مالي خلكهن طلعت شفته منتضرني بلسياره صعدت الطريق كله ساكته عكس من اروح لو من نطلع كل مره اثبره بل سوالف والحجي وصلنه البيت اهلي وكف كدام الباب متنزل ويايه
شاهين..عندي شغل بنتي
بنين..انزل بس شويه وارجع للبيت ماضل
شاهين..بنين حبيبي بيج شي كل مره من اجيبج الاهلج تثبريني شبيج وليش تبجين
بنين..مابيه شي تقربت وهاي اول مره اسويها بسته من شفته ونزلت دموعي هوا خله ايده على ضهري وقربني عليه وبادلني لبوسه وخرت كوه عنه باسني من راسي طلعلي فلوس من الجكمجه ونطاني عندي شاهين
شاهين..خليهن يمج ساعتين واجي اخذج
بنين..هزيت راسي نزل ويايه دكيت الباب وطلع عباس باسني من راسي
عباس..هله بناتي شلونج ابويه
بنين..حضنته ونزلت دموعي بحضنه مشتاقتلك عباس
عباس..اويلي الله شاهين شهر مجيبها ليش خويه اليوم احنه دنجيكم وناخذها
شاهين..هاي جبتها الكم
بنين..باوعت عليه شاهين من يغار كبل عيونه تصير حمره دخل عباس كدامنه ولزمت شاهين من ايده هذا اخويه شاهين
شاهين..عسا ما ابوج هم متحضني وتكليله مشتاقتلك
بنين..بسته بخده حبيبي حضني من خصري ودخله للصاله وشفت اهلي كاعدين امي شافتني وكامت تقربت حضنتها وبوستها وضلينه شويه نسولف وشاهين طلع طلعت ورا وصلته للباب ندار باسني بخدي
شاهين..ديري بالج على نفسج
بنين..ماشي حبيبي وانت هم راح ودخلت جوا داخل وندك الباب رجعت فتحت شفتها رانيه حضنتني قوي
رانيه..بنانييي
بنين..رنوشه حبيبي دخلنه جوه وصار هوسه بيت خالتي اجوي هم ولكل التم واني بالي يم شاهين والله ابد ما نضرت اله بنضره شفقه بل عكس كمت الوم نفسي لين جنت اجرحه صعدت الغرفتي وكعدت بيها ودنيا ضلمه ودموعي بدت تنزل من وحدها اختار شاهين الي فتحلي باب الحياة من جديد وبأيده لو اختار حلمي بطفل جنت بين صراع قوي احس شي حار نزل من خشمي شغلت الضوه من يمي باوعت دم كمت غسلت وخليت كلينس رجعت رفعت راسي لحد موكف الدم دخلت سبحت وبدلت وصليت وضليت على السجاده ابجي وختاريت حياتي ويا شاهين صح شفتها صعبه انو اتخله عن الامومه خصوصا هيه شغله لكل يتمناها بس حبي الشاهين جان اقوه خلصت شلت السجاده وضليت اقره قران سوره يوسف لحد ما شويه رتاحيت ونزلت وهم سوالف وضحك واني ابتسم خلصت جيتي البيت اهلي بس ابتسم واجاوب على كد السؤال شعجب خلاني هل مره اطول وقت من ساعه بـ3لضهر الحد ساعه 11:30بليل يله اجه عليه اخذني بوست اهلي وصعدت وهوا سلم وصعد لزمت ايده بلطريق الله يحفضك الي
شاهين..ويخليج الي
بنين..فتنه يم جسر شاهين توكف هنا شويه
شاهين.. ليش
بنين..مختنكه شويه وكف نزل الجامه باوعت جانو هوايه اكو عالم وجهال يلعبون وياخذون صور ابتسمت شكد حلو يلعبون رفعت راسي للسما وعيوني مغروكه دموع ربي اني قبلت بحكم عليه واحمدك واشكرك نطيت شاهين الي خليت راسي على متنه وضليت اتنفس الهوا رجعنه للبيت مخليته يحس بشي عادي بليل هم اشاقينه وضحكنه ونمت بحضنه من ذاك اليوم واني متعلقه بشاهين وهوا تصرفاته ويايه خلاني احبه اكثر واكثر رجعت الدوامي واليوم خامس يوم اداوم ها سفرتنه اجلناها سبوع الجاي لين مجان الي خلك المهم لبست عسكري مالتي والبيريه ونزلت هوا سابقني جوا نزلت صبحت عليهم وساعدت طيبه وامها بلريوك
طيبه..ها ابو البنانات شلونج
بنين..هله ابو الطيابات بخير وانتي
طيبه..ههههه بخير
بنين..ههه كعدنه نتريك وخلصنه وطلعنه للشغل وصلنه للدائره ونزلنه جانت ندى مداومه خلصت اجازتها شاهين راح المكتبه واني المكتبي جانت ملفات هوايه موجوده لين 20يوم اني مموجوده ضليت ادقق بيهن على كعدة الوحده خلصتهن كلهن ختمتهن وقعت داطلع دخل مرتضى جنت حيل كارهته ومطايقه حتى شكله رجعت كعدت على الكرسي ونتچيت وحجيت نعم
مرتضى..بنين اريد احجي وياج
بنين..اي اكيد تفضل كعد على الكرسي وصافن عليه واخذ نفس وحجه
مرتضى..تحبي
بنين..اتنفسه
مرتضى..جنتي تكولين ندى تحب الرتب طلعتي انتي لي تحبيها اذا اجاج اعله من شاهين هم تحبي
بنين..غلطان كلبي سكنه شخص واحد شاهين بحبه عليه واهتمامه بيه صح تصير بينه مشاكل بس حبي له اقوه
مرتضى..محبيتيني بحياتج
بنين..شاهين حبيبي الاول وابويه واخويه وابني وكلشي بحياتي صار غناني عنك وعن ضلمك ويايه
مرتضى..كتلج فسخي واني اخذج
بنين..الشخص الي حبه ميشاركني بي احد عن اذنك كمت اخذت الملفات داطلع جرني عليه
مرتضى..انتي الي
بنين..وخر عني واني مو الك وعمري مراح اصير لك عفته وطلعت صعدت للعميد عامر وقعلي الملفات
العميد عامر..هسه الدائره نورت
بنين..بنورك منوره سيدي
العميد عامر..اشطر وحده بلقسم مال شاهين ويمي وبكل الدوائر
بنين..ابتسمت شكرا سيدي اخذت تحيه ونزلت على شاهين هم حتى يوقعها دكيت الباب دخلت اخذت تحيه بلشغل علاقتنه تختلف بس شغل سيدي هاي الملفات بس وقعها الي
شاهين..جيبي
بنين..اشرلي اكعد على الكرسي كعدت فتحت ملفين كدامه والباقي خليته على الميز كبالي وقع الي يمه ونطيته الباقي وهم وقعهن لميتهن شكرا سيدي
شاهين..شوكت خلصتي كل هذني
بنين..قبل شويه سيدي
شاهين..بنين متوديها انتي لدائره لاحوال
بنين..سيدي كل مره اني اوديها
شاهين..بعد ماكو
بنين..ندك الباب ودخل مرتضى نداريت على شاهين
شاهين..مرتضى ودي ذني الملفات لدائره الاحوال
مرتضى..سيدي هذا شغل ملازم بنين
شاهين..هذا امر حبيبي مجاي اتناقش وياك
بنين..اخذ الملفات وطلع نقهرت عليه سيدي هاي من اختصاصي هيه الملفات يمي
شاهين..يله انتي هم المكتبج خلصي الشغل لبيدج
بنين..شكد يصير قاسي بلشغل اوامره حيل صارمه خلصت الشغل وطلعنه للساحه عدنه تدريب وكفت اني ورانيه وطيبه وندى وكم بنيه ويانه اما الولد بعيد علينه شويه جان المشرف على تدريبنه العميد عامر وللولد العقيد شاهين والرائد سلام بدينه ندرب نركض الساحه كلها 15مره روحه ورده والشمس حاره باوعت على رانيه تركض ضحكت رانيه صايره سريعه
طيبه..اي سلام علمها تركض هههه
بنين..هههههههه
رانيه..نجبننن حقيرات علساس انتن معلمجن شاهين وعبوسي
بنين وطيبه..نجبي ههههه
رانيه..اه يمه تعبت مااكدر بعد حسدوني
بنين..وكفت بنص الساحه وخليت ايدي على ضهري صار يأذيني يمه طيبه سوي نفسج تخربطتي دننهزم من التدريبات
العميد عامر..يا ملعونات تريدن تنزهمن
بنين..جان العميد عامر ورانه من حجيت ضحكنه وركضنه اخر مره ركضن وبعد مكدرت اتحرك خطوه وحده كعدت بنص الساحه ويمي رانيه وطيبه وصبا وصابرين
صابرين..اويلي ربي شايفين فلم امير البحار من يكول ياشمس اغربي بئه ضلمي يضلمه
صبا..هههههههههههه اويلي بويه بنين انتي واسطج قويه احجي ويا شاهين مندرب بشرفج ترا حتى………
بنين..يا مستهتره عيببب بنتي عيب ههههههه طيبه واسطتها اضرب خيه
طيبه..اي ادللن هسه اروح اصيح بنص الساحه ياااابهههه تعال لدربنه بعد تعبنه احنه بزر نستله
بنين رانيه صبا صابرين..الله يطيح حضج هههههههه
بنين..كاعدين بأمان الله دنضحك ماحس اله مي صار فوك راسنه باوعت شاهين والعميد عامر كمنه ركض رحنه وكفنه كبال الصبات نرمي ماخذني الواهس والسلاح بيدي وهاي ماسمع شي لين لابسين مثل الهتوف يمنع الصوت خلصنه وخرت السماعه باوعت رانيه داخت لزمتها من ايدها رانيه بيج شي دتحجي جان توكع بحضني اجه سلام شالها وطلعنه اني وطيبه وشاهين والعميد عامر للمستشفى وياهم دخلنه للطوارئ واخذو تحليل دم الها وخلو الها مغذي فتحت عيونها
رانيه..سلام
سلام..ها يبعد عيون سلام انتي
رانيه..شبيه
سلام..والله يا فراشتي مادري بس اكيد فقر دم يابه رانيه هذا اكل دكلي لا ماريد وتتنعوص عليه
بنين..متحملت شكله وهوا يقلد عليها ضحكت ورانيه شمرت عليه المخده
رانيه..حقيره بدل مدافعين البنت خالتج
بنين..ههههه لااا هههه سلام ماس ماسمحلك ههههه
رانيه..نجبي هههههههه
بنين..دخلت الدكتوره يمها خليت المخده جوا راسها وبستها من راسها حبيبي انتي
رانيه..الله يخليج الي
بنين..ويخليج الي
الدكتوره..شكد عمر مريضتنه
رانيه..23راح ادخل 24
الدكتوره..مزوجه انتي حبيبتي
رانيه..اي دكتوره اكو شي
الدكتوره..كل الخير عمري مبروك انتي حامل
بنين..باوعت على رانيه ناقص بس تكوم وتركص ضلت تضحك وتبجي نزلت دموعي جنت اتمنى اني هم هيج يله الحمدالله
الدكتوره..ههههه ماما سمعيني خلي اكمل صارلج 3اسابيع الجنين بخير وصحته زينه الحمدالله بس انتي يرادلج اكل وفيتامينات تقللين من الحركه بفتره الحمل زين
رانيه..نشالله دكتوره شكرا
بنين..كلها باركت السلام والرانيه وفرحانين الزمتها من ايدها مبروك بنوتي
رانيه..يعمري انتي بناتي الله يبارك بيج يوم الالج نشالله يارب
بنين..ابتسمت نسحبت وكفت بصف شاهين ولزمت ايده هوا شفته ضاج احسه يريد يحجيلي بس ميكدر هاي شاهين وهذا طبعه ميحجي همس يم اذني
شاهين..شبيج
بنين..مابيه حبيبي تعبت ومشتاقتلك
شاهين..بنين احجيلي شبيج بنتي
بنين..والله مابيه شي طلعنه رانيه من المستشفى واخذها سلام وراحو واحنه رجعنه للبيت دخلنه اني وطيبه بوسنه خاله ام عامر وصعدت الغرفتي اخذت ملابس وسبحت وبدلت وطلعت شفت شاهين كاعد وخال ايده على راسه رحت كعدت بصفه شبيك حبيبي حضني من خصري وحجه
شاهين..تعبان
بنين.. شاهين شبيك احسك مهموم
شاهين..مابيه شي بنتي
بنين..حضنته وهمست بأذنه تقربلي وجانت اول مره اني الي اطلب منه يتقربلي نمت على صدره وهوا ايده صارت على ضهري باوعت عليه صافن بلسكف ادري بي يحس بذنب نزلت دمعتي اني ممكتوبلي افرح غير كم شهر وتالي تطلعي سالفه صفح تخرب عليه كل حياتي هسه اني تخليت عن حلمي بطفل بس اليوم حنيت مااكدر ومااكدر اعوف شاهين كل حياتي صار رفعت راسي عليه وبسته من خده
شاهين..بنين
بنين..نضر عيونها
شاهين..كومي يله حضري الغراض لعصر نسافر
بنين..شاهين مو علساس اسبوع الجاي
شاهين..لا العصر يله كومي حبيبي
بنين..كمت سبحت وبدلت وطلعت رتبت الجنط ثنين وثنينهن بيهن ملابسنه لين راح نضل شهر هناك خلصتهن باوعت عليه نام كمت كعدت يمه وخليت ايدي على خده ونزلت دموعي مادري شحجي كمت نزلت جوا سويت غده اله وحضرت الصينيه وصعدتها فوك كعدته سويت نفسي كدامه عادي مابيه شي اكل واسولف حاولت اضحكه بكل الطريق اخر شي بس ابتسم ابتسمت ايي حبيبي حنسافر ونصير توم جيري ونتعارك وجيبو لي يفاككنه ههههه
شاهين..انتي سمعي كلامي ماتعارك وياج
بنين..حاضر سيدي شاهين حبيبي
شاهين..ها بنتي
بنين..ليش بلشغل تصير اوامرك صارمه حيل
شاهين..اذا انطيكم مجال غير تكلبون الدائره محل ملاعيب مال جهال بنين خليني ساكت بابا
بنين..يااا ليش هيه بس ذاك اليوم جابولي طيبه ورانيه لعابات واني هم جبتلهم
شاهين..غرفتج عباره عن لعبات حتى فوك الرف عندج هاي المداليه وهم بيها لعابه
بنين..هههههه ترا عادي هيه هدايه وبعدين مكتبي محد يدخله اله عيوني
شاهين..بعد يوميه اني اجيج لمكتبج
بنين..يمه كل خطوه هله ضحك وكرصني من خشمي كمت حضرتله الحمام والملابس ودخل يسبح عزلت الچربايه ورتبتها طلع بدلت نزلنه الجنط والجوازات ونزلنه شافتنه خاله وكفت
خاله ام عامر..ها يمه طالعين
بنين..اي خاله
خاله ام عامر..سفره سعيده امي انتو تونسو يوم شاهين فدوه العمرك اوصيك بيها ترا صغيرونتنه هاي
شاهين..بعيني اخليها حجيه شعندي غيرها
بنين..ودعناهم وطلعنه عبالي كبل للمطار بس اخذني البيت اهلي وكفني يم الباب ابتسمت باوعت عليه تدري شكد احبك
شاهين..ادري بنتي نزلي ودعي اهلج دنطلع
بنين..بسته بخده ونزلنه اني ويا سلمنه على اهلي ودعناهم وطلعنه للمطار مشالله بمعارف شاهين اول ناس احنه خلصنه وضلينه شويه بصاله الانتضار وتالي صعدنه للطياره كعدت يم الجامه ولزمت ايده تحركت الطياره دطير لزمت ايده قوي هوا ضغط على ايدي وغمضت عيوني هوا يهديني عادي وراها ساعتين وصلنه لانطاليا جانت ساعه 9بليل من وصلنه نزلنه بلمطار اخذنه الجنط ورحنه للبيت الي اجره شاهين كبل سبحت ونمت من التعب حسيت عليه حضني نداريت عليه ودخلت بحضنه وهوا ضل يطبط على ضهري ورا وقت طويل حسيت عليه يكعدني فتحت عيوني شفته كاعد ويريد يكعدني نعسانه حباب عوفني شويه انام
شاهين..ههه دكومي بنتي يله ساعه 12بليل
بنين..فتحت عيوني مطيت نفسي بلفراش باوعت عليه يباوع عليه ويبتسم اممم شاهين نعسانه
شاهين..اي نامي بنتي بس اكلي صارلج من الصبح لحد هسه مماكله
بنين..كمت لميت شعري نزلت داسوي عشه شفته جايب بس رتبت الاكل وكعدنه بلكاع ناكل خلصنه غسلنه وسويتله جاي وكعدت بحضنه جنت اجيب احد من تجي هنا
شاهين..انتي اول وحده تجي
بنين..احبك هوايه ابتسم وتقرب باسني من شفتي وهمس بأذني
شاهين..واني اعشكج
بنين..شاهين احجيلي عن حياتك حباب
شاهين..شسوين بيها
بنين..عاجبني اسمع قصه حياة زوجي
شاهين..ههههه عوفيها بنتي وتعالي احجيلج غير شي
بنين..شالني وصعدني فوك شمرني على الچربايه وطفه الضوه وبعد عيب المهم كضينه السفره مال انطاليا حلوه هوايه تونست قوة علاقتي بشاهين اكثر اليوم كاعده بصفه دنتفرج تلفزيون ودك تلفوني باوعت مرتضى من قريت الاسم ضليت اباوع عليه وعلى التلفون هوا انتبه عليه……….
للحكايا بقايا….
مرارة الحب الفصل السادس والعشرون 26 - بقلم بنين الزبيدي
غنيلي بسوالف ليل ،
غنيلي العمر مو دوم
وبخلگ المناطر ريل
اسهرلك دهر مو يوم !
☆☆☆☆☆☆☆☆
شاهين..مجاوبين شبيج
بنين..ها اي توترت وخفت هم كمت صعدت فوك جاوبت نعم
مرتضى..الج مهله الحد مترجعين من السفر اطلبين الطلاك من شاهين واخذج اني اذا مقبلتي وحق كل حرف بلقران اراوي محادثاتج وتوسلاتج بيه
بنين..وين متمد ايدك مد رجلك سديته منه وحضرته كعدت على الچربايه ارجف هذا مخبل شلون اذا سواها صدك يارب ساعدني يارب دخلت غسلت ونزلت كعدت يمه
شاهين..منو
بنين..طيبه دكت عليه عدها حديث خاص ورحت للغرفه
شاهين..خير نشالله
بنين..استمرت سفرتنه ويوميه شاهين مطلعني المكان وكومه شغلات شترينه من المولات للعوائل الكريمه حجي مرتضى يدك بكلبي بحيث كل ميدك تلفون شاهين الزم كلبي عبالي هوا خلصت سفرتنه الانطاليا جانت 15يوم انطاليا و15يوم روسيا رحنه الروسيه جانت برد حيل وثلج ليل ونهار ثلج منضر الثلج حلو حيل كعدنه ابيت الشاهين هناك يصير بي حديقه من كثر الثلج صايره كلها بياض صورت الطيبه والرانيه والصبا والصابرين والباقي ودزيت الهم جنت واكف اتفرج على الثلج من شباك الشرفه مالتي حسيته حضني نداريت باسني من ركبتي
شاهين..عجبج
بنين..يخبل شاهين يجنن يجنن
شاهين..تلعبين بلثلج
بنين..اي يله حباب لبست شتوي وجفوف ونزلنه اني ويا البست بوت وصرت العب بلثلج جان كاعد وصافن عليه ويبتسم هههه تعال العب ويايه
شاهين..لعبي بابا تونسي وعوفي هل سالفه
بنين..برطمت حباب حبيبي مقبل شلت ثلج وشمرت عليه هوا كام يركض ورايه ويشمر عليه بلثلج تونست حيل وطلعنه افترينه بليل وتعشينه ورجعنه للبيت نمنه من التعب الصبح كعدت اني قبله جان حاضني قوي باوعت عليه يربي حلو شكله حلو كلشي بي حلو حواجبه شفته شعره شواربه وعضلاته وضخامته وخرت ايده من خصري ودنكت اخذت القميصه مالته من الكاع لبسته ونزلت سويت ريوك وكملت خليته بصينيه وصعدت فوك خليت الصينيه على الميز ورحت كعدته شاهييننييي حبيبييي يله اكعد تحرك شويه ابتسم وجرني عليه صارن عيوني بعيونه ابتسم باسني من خشمي وكعد
شاهين.. صباح الخير
بنين..صباح الورد صباح العسل يله خلي نتريك جوعانه
شاهين..حقج البارحه فقدتي طاقه
بنين..حجاها وغمزلي شاهيين عيب ضحك جبت الصينيه وتريكنه نزلت الماعين غسلتهن البيت حلو من الداخل كله خشب وبي مدفئه صعدت حضرت الحمام سبحت وبدلت وحضرت الحمام اله دخل يسبح واني رتبت الغرفه طلع وكفت كدامه على الميز خليت عطر شكلنه يضحك اوصله الصدره وشويه اكصر دنك باسني من ركبتي
شاهين..قزمتي
بنين..ابتسمت ترا طويله اني
شاهين..واضح بنتي
بنين..شاهينن
شاهين..ههه دنيته
بنين..حضنته اني حتى بطولي مميزه
شاهين..اي الحدر كلبي يوصل حدج
بنين..رفعت راسي عليه تذكر من جنه نتعارك شلون صرنه هيج واحد يحب لثاني دنك خله كصته على كصتي
شاهين..صرنه بعد بدلي يله دنطلع
بنين..امم وين تاخذني بله
شاهين..وين متريدين
بنين..شاهين اخذني للملاعيب
شاهين..بنتي انتي مو صغيره
بنين..حتى لو اريد اروح قنعته ياخذني للملاعيب يمه اجنن تونست حيل هوا الضحكتي يبتسم ومرات ميقبل اضحك وهم نتعارك بس بليل نصالح منام واحد زعلان من الثاني بهاي السفره حيل تونست وعلاقتي قوة بشاهين عرفت اطباعه كلها ومن صرنه وحدنه فهمته المهم اليوم رجعنه للعراق محبيت ادخل بتفاصيل السفره هوايه رجعنه للعراق واجوي استقبلونه بل مطار وخاله ام عامر وطيبه ورانيه وصبا وصابرين يبوسون بيه
طيبه..تونستي بناني
بنين..مكانكم خالي والله
طيبه..سفره الجايه اول وحده احجز وياكم واجي على التصوير الشفته وعلي كمت اكمز وابجي
بنين..هههههه عمري رانيه شلونج
رانيه..بخير حبيبي انتي شلونج نشالله تونستي
بنين..زينه تونست خليت ايدي على بطنها شلونك حبيب خالتك
رانيه..شمدريج ولد بعد مو هسه يبين بناني
بنين..احس بي ولد كلهم ضحكو عدا شاهين الي نضراته جانت الي قصور يعني لين مصار عدنه طفل لحد هسه واحنه مزوجين قبل رانيه وسلام لزمت ايده وطلعنه من المطار للبيت وزعنه الهدايه عليهم كلهم جانو بيت اهلي هم جايين كعدت بصف امي بستها حيل من خدها عبالك صارلي سنه مشايفتها
ام عباس..اوي يمه سوده عليه
بنين..ههه مشتاقتلج ماما
ام عباس..يمه والله اني هم مشتاقتلج ابويه انتي
بنين..ماما قنعي شاهين اجي ابات يمكم
ام عباس..كتله كال الخميس اجيبها تبات ويجي عليج الجمعه
بنين..امم احسن من الماكو ضحكنه اني وامي ضل يمنه لليل وخطيه امي ضلت تكرر على شاهين الخميس لحد محلف الها ياخذني صعدت لغرفتي سبحت وبدلت ونمت كبل من التعب حتى مالي خلك اكل وراها بوقت حسيت عليه حضني وباسني من راسي خليت ايدي فوك ايده ونمنه
رانيه..سلام ترا ميصير هيج خليني اتحرك والله تعبت من الكعده
سلام..لاا ماكو متتحركين خطوه وحده سمعتي شكالت الج
رانيه..كالت قللي الحركه بس مو اصير وحده مشلوله واكعد حباب وخر اصعد للسطح اشر الملابس
سلام..اي راح اخليج يله كدامي للغرفه نامي
رانيه..ربيي سلام موزين على الطفل اضل نايمه
سلام..شلون بله ست رانيه
رانيه..لازم اتحرك حتى يجي للدنيا وكح
سلام..اي صح وياكم دكتوره رانيه دمشي عيني ادوره كامت تنطي نصايح اليسمعها يكول ماجستير ودكتورا سويه عدها
رانيه..ترا درسونه طب
سلام..ايي صح بأمرات الابره الي كسرتيها بل بتنجانه الله يكون بعون الي اضربي ابره شراح يصير ب……
رانبه..من حجه هيج كوه كتمت ضحكتي لااا ترا اعرف اني اضرب ابر والبس كانونات هم
سلام..اي مشكوره خدمه سعيده نشالله يله كدامي لغرفه يله
رانيه..هففف صعدت للغرفه ادردم عليه وهوا طلع وين اروح خابرت على بنين دك مرتين يله جاوبت
بنين..الو
رانيه..وينج بناني دادك عليج
بنين..تثاوبت وجاوبتها نايمه رنو
رانيه..سوده عليه يعمري انتي رجعي نامي ابويه
بنين..لا حبيبي كعدت بعد خو مابيج شي
رانيه..ضايجه سلام ميخليني اتحرك لين الدكتوره كالت ميصير تخبل عليه حتى للحمام يجي يوكفلي يم الباب
بنين..ههههههه ساعه بيش هسه رنو
رانيه..تقريبا بيها ساعه8
بنين..حيللل شكد نمت
رانيه..بنين عليج الله اريد اسئلج سؤال بس جاوبي بصراحه والتعتبري غير شي
بنين..نجبي وسئلي يله
رانيه..انتي وشاهين مزوجين قبلنه شعجب لحد هسه مصار عندج حمل
بنين..صفنت شراح اجاوبت اخذت نفس وعيوني غرغرت دموع ماريد اطفال رانيه اني كوه حامله نفسي
رانيه..لا بنو لازم تحبلين حتى تقوه علاقتج بشاهين اكثر راجعي دكتوره حبيبي
بنين..لا اراجع دكتورات ولا هاي ماريد اني اصلا خليها بعد مو هسه
رانيه..بكيفج حبيبي يله هسه يجي ابني وخلي مقيم يمج
بنين..هههههه حبيب خالته هذا شوكت ميجي هله بي
رانيه..نباعيت من هسه ياناس اشهدو
بنين..ايي شسوي بيج انتي جيبيلي ابنج وتوكلي
رانيه..يا حقيره اكلج صدك سمعت مرتضى ضارب ندى وطاردها وماخذ البنيه منها
بنين..يااااا ليش مو ندى حبه لوحيد
رانيه..هههههه خيه هيه مخلت حسره بكلب واحد اني سمعت علساس شايفها ويا واحد بلمطعم
بنين..كبر هيه مزوجه وعدها عائله بعد شنو هل لعبان نفس هذا
رانيه..لج بنتها موتتني قهر دك على سلام اسمع صوت البنيه نطت من البجي وهوا ابحده بلبيت اخته ازوجت قبل شهر وامه يم بيت اختها وهل طفله صارت بنصهم شنو ذنبها خطيه
بنين..ذنبها هما ذوله اهلها امها وحده ادبسز ومتستحي وابوها انكس المهم اكلج شفتي الشغلات مال نونو الجبتها لابن اختي
رانيه..اييي خالتوو يجنن يجنن اني احبج
بنين.. واني اموت عليج حبيبي باعي قنعي سلام يجيبج يمنه
رانيه..اكلها للحمام يجي ويايه
بنين..ايي شصار بعدين يمنه ماكو شي يله قنع
رانيه..شلون اقنعه علميني
بنين..رانيه اني اعلمج شلون تقنعي لج رانيه لوتيه ولي قنعي يله
رانيه..ههههههههه صار
بنين..ختمت المكالمه ويا رانيه نداريت على شاهين شفته كاعد يباوع عليه كمت بسته بخده صح النوم
شاهين..قبل شهر جنتي تبجين تريدين طفل هسه شغير هل تفكير
بنين..لا مغير تفكيري بس هذا الشي بيد رب العالمين ينطينه بعدين اني بعدني عروس ابتسمت يله اكعد كافي هوايه نمنه
شاهين..حضريلي ملابس
بنين..صار دخل يسبح حضرتله ملابس طلع بدل ودخلت اني سبحت وبدلت وطلعت مشطت ونزلنه جانو كاعدين كلهم سلمنه وكعدنه باوعت طيبه ماهيه سئلت عليها خاله وين طيبه
ام طيبه..يمه اخذها عامر وراحو لبيت مرتضى
بنين..ها سكتنه كمت حضرت شراح اسوي عشه ولتهيت بلشغل داغسل اماعين محسيت اله طفل صار كدامي باوعت شفت طيبه مقربتها الي
طيبه..عمه بنين اني عشق اجيت يمج كم يوم بين ما امي الكلبه وابويه الحقير تنحل مشكلتهم
بنين..ههههه مسحت ايدي من المي واخذتها يمه هله بلبنيات يمه هله بوستها هيه الطفله كلها على بعضها حلوه كعدت على الكرسي بلمطبخ وخليتها على رجلي عشق حبيبي
طيبه..باوعت على بنين شلون جانت تضحك وتشاقه وياها دعيت من كل كلبي الله يرزقهم طفل حتى حبهم يكمل عشق جانت تضحك وهيه تغني الها وتبوس بيها خلصت العشه ونقلته اني وياها للسفره وكلنه كعدنه وهيه بحضنها لطفله وكبالها ماعون سريلاك حتى مأكلت ضلت توكل بيها
شاهين..بسفره عرفت بنين وعرفت اطباعها اكثر هيه فطيره بس السانها وخبالها جانت كل مره اجيب طاري طفل بس بأخر فتره كطعت كامت متسئل ادري اني غلطت لين ضميت عليها بس من حبي الها ماريد اخسرها علاقتي بيها زينه احس نفسي مقصر وياها اريد احجي اكلها اني ميصير عندي اطفال تختارين وكلمن يروح بطريقه فكرة بنين تبتعد عني ولو شويه موت على قيد الحياة حبي الها تعده مرحله الحب صارت النفس الي اتنفسه دخلت طيبه بيدها بنت مرتضى وراحت للمطبخ من بعيد اراقبها شلون تبوس وتحضن بيها نقهرت عليها حجيها يختلف عن تصرفاتها حتى بلعشا مأكلت توكل بلطفله وفرحانه وتناغيها
بنين..شاهين باوعها شكد جوعانه يعمري بسبس ولج جعانه انتي جعانه
ام طيبه..الله يرزقج يا بنين الذريه الصالحه شكد تحبين الجهال
بنين..خاله هما شي حلو شايفه من اكو حس طفل بلبيت وغراضه وحفوضاته ومميته وملابسه ومن يجوع يثبر الدنيا بل بجي يريد ياكل دانتضر رانيه بفارغ الصبر يصير عدها نونو اصير مقيمه عدها
طيبه..اقيم وياج هههه
بنين..هههههههه خلصنه اكل شلت السفره اني ورانيه غسلنه ماعين وسوينه جاي وقدمنه وكعدت جانت الطفله بيد خاله ام طيبه
ام طيبه.ههه هاي من اجتي طيبه للدنيا جنت اخاف اشيلها واخاف ارضعها واذا بجت ابجي وياها وعمتي تتخبل من تسمع طيبه تبجي تجي تتعارك ويايه واني ابجي تذكرين يمه
خاله ام عامر..هههههه يمه انتي جنتي فاهيه لتزعلين مني الطفله ميته بجي وهيه كاعده كبالها وتبجي وياها
بنين..ههههههه مرت الايام وعشق بنت مرتضى يمنه يجي يوميه يشوفها وضل يمها انقهرت عليها للطفله شن ذنبها بعيد عن امها وابوها خطيه من يروح اخذها تنام يمي بلغرفه علاقتي اني وشاهين هيه هيه ويوميه احبه اكثر مرات من اكعد من النوم اشوفه يباوع على عشق وهيه تلزم اصبعه يبتسم ابتسامه خفيفه يوميه قبل مانام ادعي يرزقني رب العالمين طفل هذا الشهر تأخرت يومين طرت من الفرح كلت باجر اروح احلل وتالي ثاني يوم اجتي وخابت كل امالي فديوم خاله ام طيبه وعمو عامر جانو برا اجتي خاله ام طيبه باوعت عليها احسها بيها شي شبيج خاله هيه كعدت كبالي ونزلت راسها وخلت التقرير يم طيبه وهيه خجلانه
ام طيبه..والله مادري شلون راح اكولها بس اني حامل
طيبه..كذبببببب كولي والله
بنين..فرحنه اني وطيبه حيل وخاله ام عامر تهلهل وعمو سلمان يبارك وهيه خطيه المره حيل مستحيه لزمت ايدها خاله هذا رزق من رب العالمين ماكو داعي تخجلين
ام طيبه..يمه بعد هذا العمر يصير عندي جاهل
بنين..بعد زينه الشباب انتي وعمو عامر والله
طيبه..يمه راح يصير عندي اخ يارب شكرا شكرا
بنين..ابتسمت اجه العميد عامر وطبط على جتف شاهين وشاهين باركله اخذه برا يحجي ويا واحنه كعدنه كلنه بلصاله
العميد عامر..تحس بذنب مو شاهين
شاهين..عامر هيه مالها ذنب تعيش بدون اطفال
العميد عامر..شاهين ليش هيج فاقد الامل يصير عندك طفل خويه الحادث الصارلك حيصيرله سنتين اني ربيتك واعرف شبيك هاي نضراتك الها مال ذنب والحب والهفه كلها اشوفها بعينك شاهين الله كاتب على كل شخص حياته قبل ميولد للدنيا خويه لتفقد الامل بربك ربك جبير ومينسه احد خلقنه كلنه وكلنه نطانه حقنه واحنه مقصرين باوعت عليه عيونه لمعت اعرفه اخويه الصغير بكد ما عنده كبرياء وميحب يحجي الاحد عنده الم بكلبه بكد الدنيا
بنين..دزلي رساله شاهين ايريدني برا كمت طلعت شفته كاعد على الكرسي فتحلي ايده كعدت على رجله وبيدي عشق ها حبيبي
شاهين..صعدي بدلي بنتي داخذج للكاضم
بنين..امم خلي طيبه تجي ويانه
شاهين..كليلها ويله منتضرج بلسياره
بنين..كمت كتلها الطيبه وقبلت اما الباقي ميكدرون صعدت بدلت لبست فستان اسود وبي حزام سمائي وحجاب سمائي وحذاء فلات اسود وجنطه سمائي بدلت العشق لبستها نفنوف سمائي نفس مالتي تمنيت اني صدك عندي طفله شكد راح ادللها وشكد راح احبها يله الحمدالله اخذت جادر مال صلاة ويايه ونزلت لكيت طيبه هم مكمله ودتنضرني طلعنه صعدت ليكدام وطيبه ورا
طيبه..نناتي عشقي وعلي متستاهل هذوله امها وابوها
بنين..شلتها بأيدي وطيبه شغلت اغنيه وصرت اركصها وهيه مكيفه وتضحك وتهز براسها عود تسوي شعر
طيبه..هله هله شعر شعر ههههه اتخيل اخويه لو اختي من راح يجون للدنيا شكد راح اتونس وياهم بنين وانتي هم نشالله يجيج وينكلب البيت روضه مال اطفال
بنين..كله بيد الله حبيبي بعدين اذا اجه اخوج او اختج هم يعتبرون اخويه واختي مو
طيبه..رب الصح
بنين..هههه لزمت ايد شاهين وهوا ضغط عليها ابتسمت وصلنه للكاضم دخلنه بسياره بهويه شاهين صرنه كبال الكاضم نزلنه اني وطيبه وشاهين خليت عشق بيد طيبه ولبست الجادر مال صلاة واخذت منها لطفله وهيه لبست دنمشي ماحس اله احد جرني من ايدي……
للحكايا بقايا……..
مرارة الحب الفصل السابع والعشرون 27 - بقلم بنين الزبيدي
من حَسنك تبدة الشوگ
يافجر وشَمس ونجوم
ياطين بسَمار گلوب،ماملچوم
غَنّيلي بسوالف ليل
غَنّيلي العمر مو دوم
وبخلگ المناطر ريل
اسّهرلك دَهر مو يوم
واضمك من نزيز الروح
ياكحل بجفن مرسوم
يَملوحه عراق
وياغِنه أم كلثوم
احضني العمر مو دوم !
♤♤♤♤♤♤♤♤
بنين..نداريت شفت طيبه جرني شبيج ردت اوكع
طيبه..ولج انتضريني عفتيني ورحتي
بنين..ههه يله دخلنه سويه للتفتيش وطلعنه شفت شاهين من بعيد رحت يمه مشه كدامه واني وطيبه ورا دخلنه نزور دخلت زرت وبجيت ونذرت اذا صار عندي طفل وضليت ابجي صليت ركعتين وطلعت كعدت على صفحه وصرت احجي بصوت ناصي وابجي دخيلك يا ابو الرضا ارزقني بطفل حالي حال باقي البنات اريد تكمل فرحتيي يارب خلصت طيبه صلاة عشق كامت تبجي جاعت طلعنه برا للحضره كعدنه اني وطيبه سويت مميه الها وكعدت ارضعها من بعيد شفت شاهين جاي علينه جان لابس دشداشه نيلي طالعه عليه تجنن ضلت عيني عليه واصلي على محمد واحمد الله واشكره نطاني هيج شخص صح نتعارك ومرات اطول الساني عليه وصح يرزلني ومرات يضربني خفيف على ايدي مثل التهديد بس ولا مره نيمني زعلانه مرات احسه من يصيحني بنتي احسه ابويه صدك المهم وكف كدامي وابتسم ابتسمت اله
شاهين..ها بنتي خلصتو
بنين..اي حبيبي
طيبه..شددد كله حبيبي وبنتي وهل سوالف واني
بنين..انن هههه كمت وعشق بعدها ترضع طلعنه اخذنه الاحذيه تكرمون لبسنه وطلعنه برا جان تعشينه وخلصنه بلطريق عشق نامت خليت راسي على متن شاهين حمدت ربي على حياتي ناقصه صح بس الحمدالله وصلنه للبيت صعدت فوك بدلت للطفله ونيمتها دخلت سبحت وبدلت وطلعت شفته موجود كاعد ولازم ايد عشق ابتسمت ورحت يمه حضنته حلوا مو
شاهين..كل طفل حلو عندي
بنين..امم خليت ايدي على خده يعني انت تصيحلي بنتي يعني اني بنتك
شاهين..انتي بنتي وملازمتي وبطلتي وحبيبتي وزوجتي
بنين..تقربت بسته من خده وهاي بوسه مال صداقه الخددك يمه
شاهين..زين الاصدقاء هم……………
بنين..خزرته شاهينن عيب استحي جرني عليه وصارت عيوني بعيونه باسني من شفتي وصار فوكايه رجع مره ثانيه باسني من شفتي واخذني العالمه الخاص السماته وكلماته جانن كافيات انو يزيدن حبي وعشقي اله باسني من راسي وجرني الحضنه ايده صارت على زندي ويلعب بشعري
شاهين..اخذت عقلي وفكري كله شكد ماريد اذيها واقسى وياها كلبي مينطيني الطفله اخذتها من طيبه وضلت تنيمها بلغرفه اشوفه بليل بعز نومتها تكعد تسوي للطفله اكل وتضل تلعب وياها مااكدر اضلمها ويايه ومااكدر اعوفها مرات اصفن تروح لحال نصيبها بس مااكدر ابعدها عني ثانيه وحده جانت نايمه بحضني اباوع عليها تفتح وتسد بعينها ومبتسمه خليت ايدي على ضهرها هيه خلت ايدها على ركبتها شبيج
بنين..اكو واحد قبل شويه عضني من ركبتي توجعني
شاهين..هههههه دتعالي خلي هذا الواحد يسويلج غيرها
بنين..لااا شاهين عيب بعدين جاي محرم مضل شي عيب حبيبي
شاهين..ترا متعذب 6اشهر حصار حتى بوس ماكو
بنين..شفت عشق تحركت وصارت تبجي فزيت يمه بناتي اخذت ملابسي من الكاع ولبست كمت اشوفها شلتها بحضني شبيج حبيبي جانت ايدها على صدري تريد ترضع عيوني غرغرت دموع كمت سويت الها مميه وشربتها كعدت على الچربايه ودخلت لحـضن شاهين
شاهين..باوعت عليها شلون كامت نخبصت تريد تسكتها والطفله تبجي خلت ايدها على صدرها كامت سوت الها رضاعه اجتي بحضني
بنين..شاهين المن تنطي شبهه اكثر
شاهين..الج
بنين..هههههه حبيبي هسه قابل هيه بنتي قصدي من امها وابوها
شاهين..مادري بس سمارها سمار مرتضى
بنين..خشمها وعيونها على ندى بس اريد اعرف امها كلبها ميحركها عليها خطيه الطفله هاي شنو ذنبها
شاهين..بستها من راسها حضريلي ملابس
بنين..صار كام دخل يسبح حضرت اله ملابس طلع بدل خليت عشق عاى الچربايه ودخلت اسبح بسرعه بدلت وطلعت جانت نايمه بصف شاهين يربي منضرهم حيل حلو باوعت على صوره عرسنه صح جنت ضايجه وباجيه بس حلوه رحت كعدت بصفه شاهيني
شاهين..دنيته
بنين..احبك
شاهين..عاشكج
بنين..ابتسمت دنسولف جان اسمع صياح جوا عقجت حاجبي باوعت عليه كام نزل اخذت الطفله ونزلت ورا دخلت للصاله صرت بضهره الشاهين باوعت جانت ندى كاعده وتبجي ومرتضى واكف وصاير عصبي وجهه احمر وكل متحجي ندى يريد يكوم ويضربها ويهدي العميد عامر وعمو سلمان باوعت جانت طيبه وام طيبه وخاله ام عامر كاعدات كعدت يمهن هيه من شافت بنتها يمي تخبلت كامت تريد تاخذها صار كبالها هوا
مرتضى..رجعني المكانج الا اكسر رجلج تكسر رجعيييي
ندى..مرتضى هيه بنتييي بنتيي تريد تحرمني منها على اي اساس
مرتضى..نجبي لجججج ولج تريديني انطيج بنتي حتى تطلع عليج
ندى..والله انت مفتهم غلط والله يصير ابن خالتي والنبي مرتـضى ابوس ايدك نطيها الي
بنين..باوعت على شاهين اشرلي انطيها الها كمت دانطيها اخذها مني مرتضى ومنعني نطيها الامها رجعت كعدت وصافنه عليهم اذكرت من جان يكول هيه اختياري هيه حبي وكلشي نطتني ابد مشمتت بيهم والله هيج هيج طلعتهم من حياتي كام العميد عامر وحجه
العميد عامر..مرتضى ابني اسمع من زوجتك وفضو مشكلتكم ابني هاي الطفله شنو ذنبها
مرتضى..ذنبها ندى امها وابوها الغبي جان ممقدره نعمته الي رب العالمين نطاها اله هاي ذنبها سيدي
بنين..انتبهت على كلامه رفعت راسي عليه جان يباوع عليه درت وجهي همست بأذني طيبه
طيبه..عباس راح يجي يخطبي الجمعه
بنين..عليججج اللله
طيبه..ولنبي
بنين..فرحت تخيلو بنص العركه طيبه حجتلي هما يتعاركون واحنه نسولف بلخطبه لحد ما العميد عامر صاح اسمنه اني وطيبه
العميد عامر..بويه طيبه بنين اخذن الطفله خطيه اخترعت
ندى..محدد ياخذها هاي بنتي الي الي اني امها اني حملتها هيه مالتي
بنين..باوعت عليه وخزرتني رديت خزرتها عبالك اني سبب المشكله ضلت هيه تجادل ويا مرتضى وجانت امها وخواتها ثنين وياها ومرتضى وامه واخته وصايره هوسه الحد ما العميد عامر صاح بندى
العميد عامر..ندى دتفهمييييينننن الي دنحجيييي بنتج دتبجيييي
بنين..اخذها منها ونطاها الطيبه طيبه متعرف تسكتها نطتها الي اخذتها وستأذنت من خاله ام عامر ودخلت الغرفتها نيمت الطفله وخليت الباب مفتوح خاف تبجي وطلعت وبعدهم يسكتون شويه وراها تكب اني نعست باوعت للساعه 2:30وبعدهم يتعاركون شاهين جان واكف ويحجي ويا مرتضى ويهده وراها من تحجي ندى يريد يروح يضربها ويلزمو
عمو سلمان..وتاليي هسه مرتضى ابني رد مرتك البيتها وليدي دتحلف الك جان ابن خالتها
مرتضى..ماريدها بعد حجي ماريدها جم دوووب اسمع كذبها كل مره تكذب واسكت الها مو خوف وانما عيب عيب هيه ام بنتي بسسس توصلللل بيها المرحله تطلع ويا واحد سرسري وساقط اذبحهاااا بيدي وميرفلي جفن
عمو سلمان..عجل ردلها بنتها وتسد هاي السالفه
مرتضى..ورقه طلاكها توصلها هل اسبوع بس لبنيه متاخذها حجي خليها يمكم بس هل كم يوم واجي اخذها
ندى..لااا مرتضى ابوس ايدك لتحرمني منها والله ماعيش بدونها
مرتضى..ميصيرلج شي يوم يومين تنسيها وترجعين القذارتج
بنين..جانت ندى كاعده يم رجله وتبجي دسحب رجله وطلع العميد عامر وشاهين طلعو ورا رحت طيبه كومتها من مكانها
ندى..طيبه والله كرايبي الله ليوفق الي جان السبب وهيج فرقنه والله جان يموت عليه
بنين..تحجي وتباوع عليه عفتها تحجي بكيفها لين هيه هسه مجروحه ونحرمت من بنتها باوعت خاله ام عامر خلت ايدها على ايدي وطبطت عليها
خاله ام عامر..كومن يمه نامن حبيبه ام طيبه نامي انتي تعبانه وحامل موزين بنيتي روحي ارتاحي
ام طيبه..لا يمه عامر يضل وحده بالي يمه هسه وين راح
خاله ام عامر..برا يمه هوا وشاهين ديحجون ويا الولد بس انتي لازم ترتاحين ابويه
بنين..مقبلت خاله ام طيبه تدخل ترتاح اله يجي العميد عامر واني هم له يجي شاهين لحد ال3:30وبعدهم برا دخت حيل احس نفسي نمت واني كاعده اجتي طيبه وحجت
طيبه..بعد مااكدر اني اريد انام بس مااكدر اله يجي ابويه
بنين..دكيت على شاهين جان ينطيني رفض ندى وانها وخواتها كاعدات ويخزر ويباعن على البيت ويشاورن ابتسمت بداخلي طيبه جانت كاعده بعدها همست الها طيبه خوات ندى جيبي بنات عمج وياهن تصير حرب
ندى..هههه لا ولج حيايه يتراهمن
بنين..ههه نداريت على عمو سلمان شفته راسه يأذي عمو اسويلك شي
عمو سلمان..بنيتي اريد حبايه وجع راس وجاي
بنين..صار كمت خليت الجاي على النار وجبتله حبايه شرب خطيه تعب من الصياح رحت داصب نداريت داخذ شكر شفت ندى صافنه عليه
ندى..كله من وراج انتي كلبتي عليه
بنين..ندى حبي انتي هسه يمنه ماريد اهينج تدرين ليش لين الي جاي عليك حقه عليك فا اكعدي ولتخليني اهينج صدك
ندى..بكلشي محضوضه اخذتي عقيد ولكل تحلف بي وبشجاعته وصار يموت عليج البيت الي كاعده بي قصر شنو الفرق بيني بينج ها
بنين..الفرق اني مو مثلج كلبه فلوس ورتب اني غاليه وانتي رخيصه من يوم الي رحتي ويا مرتضى لبيته هيه احسها صار وجهه احمر على اصفر من العصبيه صبيت جاي وديت نطيت العمو والخاله ام عامر ام طيبه نطيتها عصير لين موزين عليها بليل جاي واني وطيبه هم جاي وزعت الباقي بقه بس مال شاهين والعميد عامر ومرتضى خليت الشال عدل و فتحت الباب شفته كاعد وبيده جكاره صحته باوع على الباب واجه حبيبي هذا الكم
شاهين..بنتي عبالي نمتي
بنين..لا انتضرك من تجي احسن كرصني من خدي ابتسمت راح من بعيد شفت مرتـضى يباوع علينه درت وجهي وفتت جوا كعدت شوكت تفض مادري تقريبا ورا نص ساعه دخلو
العميد عامر..بويه ماوصلنه الحل ويا مرتضى
عمو سلمان..بويه ثنينهن راسهم اسود ومصخم
العميد عامر..شلون هسه
ندى..سيدي اخذ بنتي واروح
مرتـضى..شايفه ابليس من يحلم يدخل الجنه مثل حلمج تاخذين عشق يله توكلي
بنين..طلعت ندى تعد وتصف على مرتضى كل ميريد يضربها يلزمه شاهين البيت صار هدوء طيبه صعدت نامت بقو بس الكبار كمت وكفت بصفه الشاهين حبيبي راح اصعد بعد
شاهين..صعدي بنتي نامي تعبتي
بنين..اخذت عشق وصعدت شكد حاولت ردت انام بس مكدرت باوعت الساعه 5:00وذن كمت صليت وخلصت دخل هوا للغرفه لميت السجاده ورحت تمددت هوا اجه حضني نداريت عليه وصار راسي قريب على ركبته شاهيني
شاهين..دنيته
بنين..احبك حجيت بتبعثر لين نعسانه كبل نمت بحضنه بس متهنيت بنومتي يمكن نمت بس ساعتين وهم اجتي ندى رفعت راسي شفت شاهين كاعد اممم ادري ندى ماعدها بيت تتعارك لو اله هنا
شاهين..نامي حبيبي انتي
بنين..رجعت نمت الحد ساعه 11مداومت اليل كله منايمه كمت طلعت ملابس سبحت وبدلت وطلعت سويت مميه العشق ورضعت رتبت الغرفه والچرجف واخذت عشق ونزلت شفتهم بعدهم موجودين البيت هوسه عمو سلمان مبين روحه طالعه وبيبي هديه يمكن نايمه خطيه وخاله ام طيبه كذالك طيبه كاعده بصف العميد عامر طلعت تفاح من الثلاجه واكعدت اكل اباوع عليهم يريدون يوصلون الحل بس ماكو مرتضى قافل
العميد عامر..ندى بويه رجلج معاند شسويله اضربه حتى يرجعج
ندى..ليرجعني بس اريد بنتي
العميد عامر.. مرتضى انطيها بنتها مثل ما انت ابوها هيه امها
مرتضى..سيدي مانطيها اني اربيها بحدي ماعدها ام هيه
عمو سلمان..وليدي ميصير تحرم ام من ضناها
مرتضى..حجي وميصير هيج بنيه تربه يم هيج ام
بنين..اجه يريد ياخذها اخذها مني شاهين ونطاها اله نقهرت راح ياخذها اخذها وطلع وندى طلعت ورا نزلت دموعي على الطفله مسحتهن
عمو سلمان..بويه بنانه اليوم اهلج يجونه المغربيه
بنين..هزيت راسي بـ اي عمو اخل ارتاح صارلك من البارحه منايم ابتسم ودخل ينام يله سيدي انت هم
العميد عامر..ايي والله هستوني غفيت اجوي يله بويه رايح
طيبه بنين..نوم العافيه
بنين..حبيبي وانت
شاهين..طالع بنتي
بنين..بس انت منايم من البارحه غير بس ساعتين
شاهين..عندي شغل ساعه وارجعلج
بنين..هزيت راسي دير بالك على نفسك تقرب باسني من راسي وراح نضفنه اني وطيبه البيت كله بصراحه لعبت نفسي من ندى وامها وخواتها وحتى مرتضى دخلو تكرمون بأحذيتهم فا البيت من فوك الحد الحديقه غسل ومسح والخدامات يمسحن طلعنه اني وطيبه على الحديقه رشيناها وغسلنه الكراج ومسحنا خلصنه كعدت على المرجوحه يمه ضهري
طيبه..يابويه اخ يايمه مفاصلي
بنين..هههههه بعد ورانه غده حوبي
طيبه..لجج لتذكريني بحوبي ههه
بنين..ارتاحينه شويه ودخلنه نسوي غده خلصنه باواعت صارت فوك الساعتين وشاهين مجاي خفت عليه دكيت مرتين نطاني رفض يعني جاي طيبه البيت محلو بدون عشق
طيبه..اي والله هيج وكت تبجي وتثبر البيت تريد مميه
بنين..حاولت مابجي بس مكدرت نزلت دموعي اجتي طيبه حضنتني
طيبه..بنانتي حبيبي والله هسه يوم يومين ويبجيبها ابوها لين ميعرف شلون يتعامل ويا طفل
بنين..مسحت دموعي وكمت صعدت الغرفتي سبحت وبدلت مشطت شعري ونزلت كعدت بلصاله كلشي خلصنه الحد 2الضهر ماهوا دادك عليه جان يدخل كمت بسرعه وين جنت كتلي ساعه صارلك 3ساعات جرني الحـضنه
شاهين..بنتي خايفه عليه
بنين..خايفه شنو كول ميته خوف انت منايم ودايخ من الهوسه وهسه تأخرت يمكن صار بيه سكر وقلب وضغط
شاهين..اويلي امشي كدامي فوك ارجعج طبيعيه
بنين..غمزلي كرصته من ايده شاهينن والله عيب ميصير
شاهين..ههههه صاعد انام مسكين اني
بنين..باوعت عليه صعد طيبه ضحكت واشرتلي اصعد ورا صعدت ورا جان نايم رحت تمددت بصفه فتحت ايده ودخلت بحضنه هوا ابتسم
شاهين..ها هسه منو يتحارش
بنين..امم اني ههههه باسني من خشمي ونام واني على واهسه نمت
طيبه..اليوم راح يجي عباس يخطبني خايفه متربكه متوتره وكلهن انجمعن بيه اليوم كله اسوي بروفات من يجون شسوي ماسوي لحد العصريه كلهم كعدو وبنين وشاهين ماهما ماكدر بعد الخوف والتوتر يمي يقرا الف رحت الغرفتي دكيت على بنين وين يله جاوبت كبل صحت بلتلفون
طيبه..بنيننننن كعدييي يمعوددده متدرييين اليوم شكو
بنين..ياستار شكو طيبه نعسانه
طيبه..دكعدييي بداعت شاهيين يله ولج حموت من الخوف
بنين..ضحكت كمت جايتج سديته وخرت ايد شاهين من خصري حبيبي شاهين
شاهين..بنتي تعبان
بنين..بسته بخده وكمت غسلت وجهي واخذت نستله وعصير من الثلاجه ورخت الغرفه طيبه جانت موجوده ومتعرف شسوي ضحكت دخلت كعدت ها ابو الطيابات شبيج
طيبه..بطلت ماريد انخطب ولج خايفه وعلي
بنين..افااااا هههههه لتخافين حبيبي ماكو شي اهدي اهدي
طيبه..سمعت صوت بلصاله اجوي اجوي والحسين اجوي
بنين..اي ادري انزلي طبيعي سلمي وهاي ماشي
طيبه..اي اي شكلي زين
بنين..ملكه اجتي باستني نزلنه سويه سلمت على اهلي حضنت عباس وهمست بأذنه مبروك ياتاج اختك هوا ابتسم وباسني
عباس..بناتي الغاليه
بنين..رحت على بابا وحـنضته قوي مشتاقتلك بابا
ابو عباس..ههههه عافيته وكل هله انتي
بنين..كعدت بصف ابويه وابويه حاضني ماريد اوخر من حضنه ضلو يسولفون ونزل شاهين سلمت وكعد وباوع عليه كاعد بصف ابويه وحاضني خزرني
ابو عباس..ايي حجي ابو عامر اليوم احنه جاييك بطلب
عمو سلمان..ونشالله ميردك غير السانك ابو عباس وليدي
ابو عباس..احنه اليوم جينه نطلب ايد طيبه الابنه عباس وشنو تشرطون احنه قابلين…….
للحكايا بقايا…..
واني مريضه كتبت الكم ليشش لينن احبكم يروحي انتو🥺😕فا لتزعلون اذا البارت قصير والله مصارلي سبوعين طبت من الفلاونزه ورجعتلي ودللو عليه بليل ينزل الكم بارت هديه ماشي عمري احبكم💗💋
مرارة الحب الفصل الثامن والعشرون 28 - بقلم بنين الزبيدي
إنتَ بَس لو ينفتحلَك
باب گلبي
تشُوف بي أُمَك وأبوك وديرتَك
وحروف أسمَك
والعيون التنذر الشوف
إعلة طولَك حَتى خوف الوادم
الرادت تضُمَك
ياهو أحَن مِني ويحبَك ؟
♤♤♤♤♤♤♤♤
عمو سلمان..والله نتشرف بيكم ابو عباس احنه اخذنه بنانتنه وخويه ونعم التربيه بس بويه الراي راي ابوها
العميد عامر..استغفرالله بويه ابو عباس خويه كبع وخذ مثل ما بنين بنتنه طيبه بنتكم
ابو عباس..يعني نقرا الفاتحه ونتفق بويه
العميد عامر..على بركة الله
بنين..قرينه فاتحة طيبه اباوع عليها من فتحو الموضوع هيه نهزمت اشرتلي من الدرج كمت من يم ابويه ورحت الها كامت تكمز من الفرحه وتهز جتف ضحكت ولج عيب ثكلي يول
طيبه..دنجبي قابل اضل مثلج من اجوي يخطبوني ضليتي ادكين وتلطمين خلينه شويه نردح
بنين..حقيرا ولي اني هسه حماتج
طيبه..ادري واني هم اصير بنت حماج اننن
بنين..هههه ديله جيبي العصير
طيبه..خوش ساعديني وجيبي الكيك عليج الله
بنين..يله اخذت طيبه الصينيه مال عصير واخذت نفسي ضحكت عليها واني وراها شايله صينيه الكيك قدمنه للكل وصلت يم شاهين نطيته ودست على رجله هوا ابتسم بطرف شفته طيبه كعدت بنص امها وابوها واني بنص امي وابويه المهم خلصو حديث الخطوبه واتفقو قبل محرم بلعيد يصير مهرهم وعقد قرانهم هم هوا مبقه شي للعيد غير اسبوع فا كمنه نجهز يوميه طالعين محضرين كومه شغلات بلتواسيل شاهين يخليني اطلع ويا طيبه لين خاله ام طيبه حامل فا اني وطيبه نتسوك شغلات المهر وهيه تكعد تنتضرنه بلسياره اشترينه وشاح وكلنه للبنيه تكتب عليه عروسه عباس وحجزنه صالون وشترينه فستان حتى الرانيه شتريت وحجزت الها بلصالون وحجزنه كوشه يسوها بيت عيالي خلصنه كلشي بهل اسبوع تعبت حيل من لتفرفر مال ست طيبه رجليناتي احس بيهن يموتني اليوم خميس اليوم العقد مالتهم كعدت الصبح شاهين ماهوا بلشغل واني كلعاده اجازه اني وطيبه ورانيه لين خطوبه ست طيبه دخلت سبحت وبدلت وطلعت نزلت شفتهم ديشتغلون بلكوشه وطيبه حايره كل شويه رايده شغله لزمتها من ايدها هيوو طيبه اهدي
طيبه.. اي اي هديت هف شهيق زفير منير خطير
بنين..ههههههههه منير خطير منو ولج
طيبه..اخوان شهيق وزفير
بنين..كبر يله صعدي اخذي غراضج دتولين للصالون
طيبه..ولحسين ماتحرك اذا متجين
بنين..والقياده شلون
طيبه..اي احجي ويا
بنين..دكت طيبه على شاهين وضلت تتوسل بي نطتني التلفون الو
شاهين..باعي تروحين احمر وخضر متخلين تروحين وياها تخلص وترجعين
بنين..ترا خطوبه اخويه شاهين شنو ماخلي شي بعدين محد يجي غريب بس اهلنه
شاهين..سوي الي كتلج عليه يله ولتلحين
بنين..سده بوجهي اني الك شاهين عفته صعدت اخذت فستاني وحذائي ونزلت شفت رانيه جتي نطيتها فستانها وطلعنه للصالون اني وطيبه ورانيه تلاثتنه كعدنه وبدو يمكيجون الطيبه جان مكياجها بلون لبست القفطان مالتها جان ابيض وبي تطريز ذهبي وحزام كله خرز وفصوص ذهبيه وشعرها نص شالته ونص خلته ومكياجها صار ذهبي لبست الوشاح المكتوب عليه عروسه عباس شديته الها من يم الركبه واخذت المسكه مال ورد و لبست الحذاء وكعدت ولبست اني فستاني جان لونه مالتي لونه سمائي والردن مالته كلها كيبور يعني مبينه ايدي ومال رانيه لونه نيلي مكياجي صار بلون الفستان وهادئ ورانيه مكياجها اطوخ شويه وشعري شلت نص سويته ذيل حصان ورفعته شويه وسوت بي مثل الكعكه حلو ورانيه نفسي خلصنه لبست جبه وطلعت اجه علينه ابن عمها الطيبه اخذنه وطلعنه للبيت وصلنه نزلنه دخلنه للبيت وتلكو طيبه بل هلاهل اخذت منها الوشاح ومكعدت جانو مشغلين اغاني وجانت اغنيه طالعه مال اريده اريده وضلت تركص عليها وتغني ضحكت على فرحاتها كعدت اخيرا شويه ارتاحت ورجعت تركص وخاله ام عامر تكعد بيها ومتكعد داسولف ويا رانيه اجتي خاله ام عامر يمي
خاله ام عامر..يمه تعالي اعرفج على ام عمج سلمان
بنين..اي خاله كمت وياها شفت مرا جبيره كاعده ولابسه دشداشه بيضه وبيها تطريز وردي وحجاب ابيض وعدها دكات بحنجها لونهن اخضر مال بيبات قبل وكفت كبالها باوعتني من فوك اليجوه
خاله ام عامر..يمه هاي مرت شاهين
بيبي سعاده..اهاا يمه هله بيج يحبيه انتي الي خليتي شاهين لا ليله ليل ولا نهاره نهار بعشكج
بنين..ابتسمت شلونج بيبي جرتني وضلت تبوس بخدي
بيبي سعاده..الله يفرح كلبج وكلب شاهينج يمه
بنين..الله يخليج ويحفضج بيبي كعدتني يمها شويه ودك عليه شاهين جاوبت الو كوه امسع من الصوت ها شاهين
شاهين..احسبلج للـ3والكاج فوك يله
بنين..اخذت جبتي وحجابي لبستهن وصعدت ركض فتحت الباب شفته كاعد على التخم رجل على رجل وبيده جكاره من شافني طفاها بلنفاضه واشرلي اجي يمه صرت كباله ها
شاهين..شو نزعي الجبه
بنين..اويلي احم ها لا مو ميصير ذاك اليوم مو ضربتني لين صعدت بدون جبه وحجاب
شاهين..نزعيهيننن داشوووفف شمصخمه وشلابسهه
بنين..بلعت ريكي نزعت الجبه والحجاب من شاف الفستان مخصر على جسمي وايدي مبينه وزندي هم فتح عيونه على وسعهن شاهين والله ماكو احد بس بنات
شاهين..عفيه عفيهههه كاعدتلي هيججج جنتي وزندج مبين وايدج وصدرج
بنين..ماكو احد والله حباب خليني انزل كام تنقدم عليه واني ارجع واحجي ويا لحد مطخيت بلچربايه وكعت صار فوكايه شاهي بعدني ممكمله محسيت غير اخذ شفايفي بين شفايفه حاوطت ركبته بأيدي وبادلته اختنكت حس بيه وخر وحجه
شاهين..بدلي متنزلين اذا متبدلي هذا الصخام الابسته
بنين..حبيبي والله ماكو احد غريب حباب
شاهين..مراح يجون هسه بنين بدلي ونزلي غيرها ماكو
بنين..هففف هسه هاي البنات كلهن لابست فضايح كله صلوخ وكصير واني طويل وزين مابي شي
شاهين..الفففف مره كتلج مالي دخل بل بنات لبسي غيرها ونزلي
بنين..كمت بدلت ملابسي لبست فستان طويل ولونه زيتوني ردنه طويله باوع عليه وحجه
شاهين..هسه يله نزلي
بنين..شاهين بعد مااحجي وياك لحد متبطل هذا شكك بيه حلفت الك الف امام ومصدكت بيه معناتها تشك بيه عفته نزلت كلهم باوعو عليه صعدت بلبس ونزلت بغير لبس كعدت رانيه حجت
رانيه..هههههه شاهين خلاج تبدلي مو
بنين..مادري شبي لفستان جان والله محتشم وماكو احد بس بنات
بيبي سعاده..يمه هذا شاهين حمدي ربج مبوشج وكعدج غير عاشكج عشك يمه جان يجي للانبار يحش بلجكاير ومن اسئله يكول مدوهنتني هل ترافه
بنين..رغم اني زعلانه ومقهوره منه بس كلام بيبي سعاده خلاني ابتسم ولكل يباوع عليه وطيبه اطك اصبعتين ولا عبالك اليوم خطبتهاا شويه وسمعت صوت مزيقه وهوسه عرفت اجوي
طيبه..اليوم خطوبتي من احله شخص بلكون من حبيبي وابويه واخويه وصديقي وكلشي بلنسبه الي فرحانه احس حتى ماحس بتصرفاتي الي اسويهن من فرحتي بلصالون دك عليه جاوبته الو حبيبي
عباس..وفيت بوعدي وياج يا اجمل شخص بلكون
طيبه..تروحلك فدوه طيبه الهل صوت هذا رجالي
عباس..بنيتي جاهزه تصيرين حرم المقدم عباس رياض
طيبه..جاهزه بس جاهزه وبقوه هم يبعد روحها الطيبه ضلينه شويه نسولف اجه ابن عمي اخذنه للبيت كاعدين كلنه وبنين صعدت تقريبا نص ساعه يله نزلت شفتها مبدله لبسها وضايجه عرفت شاهين مضوجها وخالها تبدل كعدت وحجت بيبي سعاده تصدكون اذا كلت خفت ينضربون عين لكل يحجي نيالها اخذته ونياله عنده هيج جمال باوعت على بنين وسئلتها وين كلاده مالتج
بنين..ياهيه
طيبه..اسمج واسم شاهين
بنين..طلعتها من جوا الفستان هياتها
طيبه..مطلعيها خيه خلي العالم كله يعرف انتي تخصين شاهين
بنين..ليش محد يعرف خيه دسكتي ورجعي دكي وركصي
طيبه..سمعت صوت مزيقه احس كلبي صارت دكاته الف بلثانيه خوف ارتباك فرحه وكلشي اخذوني الغرفه بيبي ام عامر وجانت اكو كرسي وطاسه ذهبيات كعدت لبستني بنين الوشاح ونزلته على راسي فتحت قران بيدي اجتي بيبي ام عامر وطبكت القران على راسي مرتين وخلولي هيل بأصابع ايدي رجلي بل مي فتح القران بيدي جانت سوره الفتح بصف الايه مرايه بيدي باوعت على شكلي حلو عيوني يلمعن من الفرح تصدكون اريد الشيخ يقرا بسرعه بنين خلي الشيخ يفضها شديسوي
بنين..هههههه الله يطيح حضج ولج فضحتينه
رانيه..ههههههه اويلي استغفرالله اجتني كلمه لحد الساني بس عيب
طيبه..بده الشيخ يقرا واحس جسمي كله يرجف وعيوني دمعت راح فزيت وكتله قبلت انت وكيلي اسمع صوت الهلاهل سمعت قبول عباس يمه ابوس صوته شكد حلو كله رجوله خشن هوا شنو البي محلو كله حلو طوله عضلاته عيونه رموشه وحلكه وخده وشعره وصوته وغمزته الي تصير بحنجه شي مميز عنده وعند شاهين غمازه بحنجهم عقدو النه طلعت كعدت على الكوشه جان كدامي صينيه البخت وبيها قفل ومفاتح ذهبيات جان اكو ستاند مكتوب عليه
{اميرته وام بيته وكل دنيته}
{وبلثاني مكتوب يا صايغين الذهب حبيت ادلعها شوفولي محبس حلو يستاهل اصبعها} باوعت على بنين تباوع على الاستاندات وتبتسم الين بعقدهم هم هيج جان كاتبين ابتسمت وخر عباس الوشاح من راسي وتقرب باسني من راسي
عباس..اميرتي وبنيتي اخذتج وفيت بوعدي
طيبه..راحتلك فدوه طيبه
عباس..اويلي ربي
طيبه..جانت كدامنه كيكه طابقين مكتوب عليها عقد قران عباس وطيبه بيها مثل الخواتم احس كلبي يركص من الفرح مادري شداسوي من فرحتي تخيلو شخص صار كل دنيتي بسنه اي بنين وشاهين راح يصيرلهم سنه مزوجين جابو الحلقات جانت وحده ساده والثانيه بيها فص وحده كلها لمع هم ثنين حلقات جايبلي لبسني ياهن وباس ايدي ابتسمت لبسته الحلقه وهمست احبك هوا ابتسم لبستني خاله ام عباس 6بتوت بأيدي اليمين و6بليسار وكلايد ثنين وحده اسمي واسمه والثانيه جانت ايه الكرسي بس جبيره لبسني ملاوين 4بكل ايد و3محابس يعني شنو جبنه البنين بخطوبتها جابولي ربي يحفضك الي
عباس..ويحفضج الي
بنين..باوعت عليهم واخذت الهم صور شكدد تالي لبسناها الوشاح وراحو ياخذون صور وطبعا بنات عمها وعماتها الطيبه طفرو كل واحد راح البيته بقه البيت هوسه بيبي سعاده ضلت تحجي عليهن
بيبي سعاده..الله يكصف عمرجن عجل تريدن تتمعرسن علينه وانت كاتلجن الوسخ
بنين..صعدت الغرفتي جان مموجود بدلت ملابسي ومسحت المكياج وشلت شعري كله كعكه ونزلت التنضيف صار عليه كله ويايه خدامات ثنين وحده اسمها ماري والثاني سماره ماري سماره عمو سلمان ولعميد عامر مموجودين اني راح اعزل وانتن حضرن الي الصونده تمام هزن راسهن دخلت للصاله شلت النفاخ الي بلكاع وكله وزعته للاطفال الموجودين وطلعو يلعبون بل حديقه الكوشه العمال شالوها باوعت على لصاله باقيلي شويه وابجي اتعب حيل كنستها اول شي واجني ماري وسماري جرينه التخم بس التخم يريداله 20ايدي شكد مثكيل مسحت من جوا ورجعنا وغسلت وغسلت النص مال صاله ورجعت مسحته ورحت للمطبخ وماري وسماري خليتهن ينضفن الحديقه والكراج لين جوا ماستنضف غسلت اماعين وغسلت المطبخ ومسحته وطلعت يعني بل مختصر حتى البردات غسلتهن لين الاطفال مسويهن دبك وكاكاو خليت غيرهن الحمدالله الطابق الفوك محد وصله جان منا الباجر اني بس اشتغل المهم خلصت كلشي احس ضهري موتني من التعب صعدت سبحت وبدلت ردت انام بس عيب نزلت يمهم كعدت وبيبي سعاده حجت
بيبي سعاده..ام عامر يمه وين لكيتيها هاي البنيه اكلته للبيت اكل بلتنضيف صلوات يمه عيني بارده عليج
بنين..اويلي شكرا بيبي
خاله ام عامر..والله يمه لكيتها بعد الحمدالله والشكر صارت نصيب شاهين
بنين..دنحجي دخل شاهين باوع عليه وابتسم جان جايب كومه غراض وعشه من برا خلاهن يمي وراح تمدد على رجل بيبي سعاده اول مره ينام على رجل مرا حتى خاله ام عامر مينام على رجلها بصراحه غرت رحت عزلت الغراض وخليت العشا على الميز ورجعت للصاله باوعت عليه جان يسولف ويا بيبي سعاده اول مره شاهين يسويها وينام بحضنها وهيه ايدها على راسه وتمسدله احس كلبي صار جمر من الغيره باوعت عليه يباوع عليه ويبتسم
شاهين..اييه اييه حجيه هاي الترافه لعبت بحال شاهينج لعب
بيبي سعاده..اويلي عليك يمه هيج لاعبه بحالك
شاهين..الله وكيلج ممحصل منها بس التنعوص والبجي
بنين..فتحت عيوني عليه عزاااا اني اتنعوص
شاهين..هاج شوفيها تتنعوص لو لا
بيبي سعاده..ولج يلترافه اني مسلمتج وليدي ليش هيج متعبته
بنين..لا والله بيبي هوا متعبني اني حبابه ويا حجيت هيج شو هذا طكها ضحكه وبيبي سعاده وخاله ام عامر وام طيبه ضحكو واني صافنه شحجيت حتى يضحكون شكو
ام طيبه..هههههههههه شاهين هيه حبابه وياك
شاهين..مشعوطه كلبي
بنين..شاهيننن والله اني حبابه
شاهين..اي حبابه يابه حيل
بنين..برطمت يعني اني هسه طلعت مو خوش
شاهين..لا بويه خوش ونص هم انعل الشته الي يكول عليج موخوش
بنين..ابتسمت هوا غمزلي شويه ودخلت طيبه فرحانه
طيبه..يمه تعبت باعو اسبح وابدل واجي جوعانه حيل وتعبانه
بنين..صعدت ركض
طيبه..طلعت شفته ينتضرني صعدت بلسياره وطلعنه ناخذ صور الطريق كله لازم ايدي ومشغل اغاني وصلنه للستوديو نزل واجه نزلني دخلنه جانت ابنيه تصور صورنه هوايه صور بس اكو صوره من الصور شكد ماحبيتها كتله يكبروها جانت هوا بضهري واكف ولازم ايدي يبوسها واني اباوع عليه بحيث قريبه عليه صرت والثانيه لازمني من خصري ومندك يبوس ركبتي يعني هيه تصوير بس استاذ عباس سواها صدك جان لابس قميص اسود وبنطرون اسود يعني هوا يخبل ولابس اسود سحل كلبي سحل من لاخير هههه رحنه تعشينه بلسياره وافتريه وشترالي ورد ورجعني للبيت دانزل من السياره جرني عليه ماحس له طبك شفته على شفتي ماعرف شسوي جمدت مص شفتي الجوا واخذ الفوك عضني منها وخر واني بعدني مغمضه فتحت عيوني شفته يبتسم باسني من راسي ابتسمت ونزلت ركض للبيت شفتهم كاعدين ويسولفون صعدت ركض سبحت وبدلت طلعت مشطت ونزلت خليت ايدي على شفتي وابتسم كعدت بصف بنين ها ابو البنانات شلونك ضلعي
بنين..ههههه طلعت اسمي الترافه يم عمج
طيبه..اويلي يا ترافه شاهين عمي اكلها عمي يحبج ويريدج تتنعوص وتكول ميحبني لو يحبني ميضربني
بنين..طيبههه اني ماتنعوص بعدني بيبي سعاده عليج الله شايفه شخص يحب يأذي الي يحبه
بيبي سعاده..يا ولك ليش تضربها خطيه يمه بنين صح ماكو احد يأذي لي يحبه شاهين طبعه صعب لازم تتحملي
بنين..همست شعندي غيره
طيبه..شددددد عمي تكول شعدها غيرككك
بنين..الكل ضحك ضميت راسي بجتف طيبه المهم حضرنه الاكل ندك الباب راحت الخدامه تفتحه ودخل ندى باوعت على شاهين وحجيت
ندى..سيدي اريد احجي وياك………..
للحكايا بقايا…….
مرارة الحب الفصل التاسع والعشرون 29 - بقلم بنين الزبيدي
بچفوفك شگد شِعر
اسرارة ماتنحچي
ثورة، وقصيدة، وعشگ
طاحن بتالي العمر
ومسودن انة من احب
لو أموت لو أنتصر ..
♤♤♤♤♤♤♤
بنين..باوعت على شاهين استغفر وكام للصاله احنه كاعدين بل مطبخ شنو هيه منا عدها سوالف مكسره ومنا بحدها هيه وشاهين اني عندي ثقه بي بس بيها ماعندي كمت وراهم رحت للصاله شفتها كاعده وتبجي دخلت كعدت باوع عليه
شاهين..بنين طلعي هسه عندي حجي ويا طيبه
بنين..اي اعتبرني مموجوده خزرني عادي اهمشي ماعوفها ويا بحدها
شاهين..هسه انتي الثانيه على شنو تبجين
ندى..بنتي اريدها سيدي فدوه العمرك والله اخذها واطلع بس خلي ينطيها الي
شاهين..مثل ما هيه بنتج بنته شلون اخذها منه غصب
ندى..لعد ياخذها مني غصب سيدي احجي ويا
شاهين..باجر احجي ويا
بنين..مسحت دموعها وترخصت وطلعت كمت وكفت كباله وتخوصرت هوا ربع ايده الصدره وباوع عليه
شاهين..خير
بنين..شنو تجيك وتريد تضل بحدها وياك ميصير انت الي وبس وبعدين حتى بيبي سعاده تنام على رجلها ترا انت مالتي جرني من خصري عليه وطبك شفايفه على شفايفي حاوطت ركبته بأيدي وبادلته دفعته على كيف هوا ابتسم مدنك عليه واني رافعه راسي عليه
شاهين..يلترافه اطوليلج ولو 10سم
بنين..اليريد يشم الورد ينحني اله حبيبي
شاهين..اويلي ربي زلمه مشورب وادنك خاطر اصير بطولها
بنين..ضحكت دخلنه للمطبخ وكعدنه نتعشا خلصنه غسلنه اماعين اني وطيبه وخلصنه سوت جاي وقدمت وكعدنه
طيبه..ماما وين جدو وبابا
ام طيبه..يمه ميجي اليوم عنده شغله هوا وجدج بلانبار
بنين..صعد شاهين فوك واني ماخذتني السوالف
بيبي سعاده..خايبه رجلج صعد روحي ورا
بنين..فزيت لين بعوجيتها دغتني كمت للمطبخ سويت ماعون فواكهه وصعدت دخلت للغرفه سمعت صوت الدوش ستغليت الفرصه لبست مشخلع لونه اسود وبي تطريز احمر وكصير فوك الركبه وصلوخ وكفت كبال المرايه مشطت شعري باوعت عليه طلع من الحمام ينشف شعره من شافني ضل صافن ميتحرك نداريت يله اني حنام مشيت خطوتين جان يجرني من ايدي عليه لزكت بصدره رفعت راسي عليه
شاهين..انتي شنو
بنين..شنو حجه وهوا يوخر خصلات شعري من وجهي
شاهين..ملاكي
بنين..شالني وخلاني على الچربايه باسني من شفتي اخذني العالمه كلامه ويايه اعشقه اكثر هوا كلشي بحياتي حبيبي وابويه وصديقي وكلشي خليت راسي على صدره وهوا ايده صارت على زندي صفنت شلون هيج نمحه حب شخص صارله اكثر من 10سنين بكلبي ونخلق حب شاهين بكلبي حبي اله تعده الحدود كل هل حب نخلق بس بكم شهر احس عايشه ويا واعرفه من سنين لزمت ايده لزمت اصابع ايده وكمت اعدد عليهن اني احبك نزلت اصبعه الاول ربي يحفضك الي نزلت الثاني انت كلشي بحياتي حبيبي وزوجي ودنيتي وامالي ومعجزتي نزلت الثالث من اني وياك احس روحي بمكان حلو يشبه الجنه نزلت اصبعه الرابع لزمت اصبعه الخامس لو مهما يصير بينه خلافات عمري كله مراح ابطل احبك باسني من راسي
شاهين..انتي معجزتي من الله ودنيتي وعمري كله مابطل احبج انتي نخلقتي الشاهين وبس حبيبه وطفله وزوجه
بنين..شابكت ايدي ويا ايده وغمضت عيوني ونمت
شاهين..نامت باوعت عليها ماكو وصف يوصفها ملاك معجزه من رب العالمين من دخلت الحياتي كزوجه وحق رب العباد بطلت شرب من تغلط اصبر نفسي عليها ماضربها شي حلو هيه كنز الله نطا الي اباوع عليها واحمد ربي عندي هيج ملاك مثلها باوعت عليها عصفور ونايمه بحضني حضنتها ضليت كاعد حفضت تفاصيل وجهه غمزتها الي بحنجها وشعرها الاشكر وخدها الاحمر لو شامتها الي موقعها فوك شفتها اويلي يا ترافت كلبي شلعبتي بكلبي لعب قويت حضنتي عليها ونمت
في مكـان اخر....
رانيه..نايمه بحضن سلام ودنتفرج فلم اجبني وطلع اعلان مال نستله كاكاو باوعت على سلام وحجيت سلامي
سلام..عيونه
رانيه..اريد نستله ام الكاكاو
سلام..ادللي باجر اجيبلج
رانيه..لا لا هسه اريد حباب
سلام..رانيه بنيتي مين اجيبلج هسه ساعه 1:30بليل ستهدي بلرحمان ونامي
رانيه..مو شنو موزين اشتهي شي ومجيبه الي يصير بلطفل شي باوعت عليه هوا صغر عيونه كأنو يعرف داكذب سلام والله والنبي اذا وجهي لو خدي يطلع بلطفل وحمه اريده باوعت عليه كام استغفر ولبس ملابسه
سلام..ربي بعدها موصلت شهر الرابع وبدت تشهالي ست رانيه الله يساعدني باعي اروح واجي وحق علي اذا حكيتي وجهج اعلكج بل بنكه
رانيه..ماشي تعال بسرعه عود علمود النستله
سلام..رحبنه الله يساعدك سلام يا مضلوم يا ابن لمضلوم هسه لو ادري هيج الوضع جان نصحت عباس اقلها يتلاحك النفسه
رانيه..باوعت عليه نزل يدردم ضحكت وكفت على الشرفه صعد السياره وراح يدور ضليت كاعده انتضره يمكن ساعه يله اجه نطاني كارتونتين مال نساتل كاكاو
سلام..ساعه افترلج على كاكاو هاج عيني اكلي
رانيه..اييي فتحت نستله واكلت يمه عبالك سنه مماكله
سلام..اباوع عليها كاعده والكارتونه بحضنها مال نساتل وتاكل وتغمض وتفتح بعينه وشعرها مفتوح وخرت شعرها من خدها وبستها من ركبتها بل عافيه يا امان سلام
رانيه..تمدد وخله راسه على حضني واني ثبرته اي اضربه خلي يولي هل كلب شلون باك الطفله
سلام..رانيهههه صوتج دنام
رانيه..ترخصت منه كمت غسلت وجيت نمت بحضنه خلص الفلم نعست حضنته ونمت
سلام..نامي يا هدوئي بنص هوستي نامي بسته بخدها وبشفتها باوعت عليها شلون نايمه جاهله حاضنتني قوي ونايمه ادري بيها تخاف تنام بليل تعبان من الصبح كاعد وهسه طلعت دورت على كاكاو الست رانيه عمري كله مسويتها وهسه سويتها نيالك سلام نيالك حضنتها ونمت
بنين..فتحت عيوني شفته نايم تقربت عليه بسته من خده شاهيني اكعد ساعه 12:00 عيب بيبي كاعده هسه
شاهين..نامي يروح بيبيتج نعسان بنتي
بنين..ههههههه حقك اذا البارحه نمت ساعه6الصبح داكوم جرني عليه
شاهين..وين
بنين..داسبح عيب هسه شتكول عليه بيبي سعاده
شاهين..متكول شي تعرفج ترافه والبارحه خميس
بنين..سحبني الحضنه ضهري صار على صدره فتحت التلفون وضليت اتصفح بي طلعلي مقطع مال اطفال ثتين تؤم بنيه ولد اطفال صغار البنيه لابسه تنوره ماروني وقميص ابيض وبوند ماروني بي فيونكه والولد لابس عود قاط والريباط ماروني يمه كلبي ضل يرفر عليهم صفنت لو اني عندي طفل العب بي جوله يوميه اسويله شغله بنيه كان او ولد ميفرق عندي اهمشي يصير عندي نداريت عليه شفته كاعد ويباوعو ويايه رأسا وخرت الصوره دخلت على اليوتيوب وطلعت مدرسه المشاغبين وضلينه نتفرج شبعت ضحك اني وشاهين مجرد يبتسم همس بأذني
شاهين..اهلنه قبل جانو يكولون من يشوفون شخص يضحك ضحكت خمشت كلبي وهسه اكلج ضحكتج خمشت كلبي يترافة كلبي انتي
بنين..رحت فدوه الكلبك حبيبي باسني من متني باوعت للساعه ساعه 1كافي شاهين هسه بس انزل اشوف خواتك جوا وكبل مسعده وتنام للضهاري
شاهين..كومي يله
بنين..كمت اخذت ملابس دوخلت سبحت بدلت وطلعت كعدت على الطابوريه كبال الميز مشطت شعري خلصت باوعت على ركبتي وشهكت هاي شنو شمسوي بيها طلع هوا من الحمام شافني اتلمس ركبتي اجه وكف ورايه
شاهين..حرب قويه جانت لو نصر لو موت
بنين..شاهينن هيج تسوي بركبتي
شاهين..حساسيه عندج صارت بنتي
بنين..استغفرالله اخذت شال لبست والفيته على ركبتي نزلنه ومن الدرج سمعت يحجن عليه خواته الحمدالله هوا سمعهن
ام طه..حجيه هاي بنين يوميه هيج وكت تكعد بـ1 وتتزل تلكه البيت نضيف والريوك حاضر صايرلها خذم وحشم الله وكيلج
ام ثامر..فوك كل هذا معاجبها خلت شاهين اخونه يتغير علينه توز براسه حجيه هاي كدامج طيبه المسكينه ليل ونهار تشتغل وذيج نايمه عبالك طيبه الجنه مو بنين
بنين..باوعت عليه لزمني من ايدي ودخلنه هنا من شافونه سكتن
شاهين..حلو عفيه احجن بعد ليش سكتن
بيبي سعاده..البارحه اخذتن بناتجن ونهزمتن والشغل وكع براس هاي المكروده وتجن هسه اذبن تهايم عيب يمه بعدين عسا ما تكعد بـ5العصر رجلها بغرفتها تضل يمه بدلن طبعجن هذا الله يفتحها بوجهجن
بنين..باوعت عليهن ضاجن من كلام شاهين وبيبي سعاده كعدن بس5 دقايق وراحن رحت سويت ريوك وصحت شاهين كعدنه ناكل خلص واني بعدني اكل زيتون كرصني من خشمي وباس راسي وطلع غسلت اماعين الريوك وطلعت شفت طيبه كاعده تتفرج تلفزيون البيت نضيف مابي شي كعدت بصفها جان طالع حريم السلطان وبيبي سعاده وخاله ام عامر وام طيبه كاعدات يتفرجن
بيبي سعاده..باع باع يمه الصلافه هسه هوا رايدج هي حيوانه هوا ريد همام
طيبه..هههههههه منو همام بيبي
بيبي سعاده..يمه هاي الروسيه الحليوه
بنين..هههه بيبي اسميها هيام وبلحقيقه هرم
بيبي سعاده..ساعه السوده عليها يبيبي خبصته السليمان صار اثول ميشوف من وراها
بنين..ههههههه بيبي يحبها يحبها
بيبي سعاده..والله يا بيبي خبصجن انت هذا الجيل الحب
طيبه..بيبي هاي سنه الحياة هسه انتي مو حبيبتي جدي وبعدين بيبي ام عامر ازوجت ابنج عن حب بس امي وابويه مو عن حب وبينهم مشاكل جانت واحد ميحب الثاني بس هسه ابويه يعشق امي وامي كذالك بنين وشاهين واحد جان ميطيق الثاني وهسه شوفت عينج العقيد شاهين صار يعشك وحده اسمها بنين
بيبي سعاده..دحكي عليه يطيبه انتي يرادلج كتله مترتبه بلجفجير سوالف حب هاي مينلج حيوانة
طيبه..اويلي ربي فديتكي وفديت الدحكي والجفجير يمه اريد اروح للرمادي
بيبي سعاده..ريحه بنين للانبار يمه
بنين..لا بيبي بس اسمع بيها حلوه
بيبي سعاده..خوش يمه وينه شاهين
بنين..يمكن بلمضيف
بيبي سعاده..يله رايحتله اني
بنين..طلعت بيبي اله واحنه ضلينه نتفرج سويت بيبي ام عامر غده وجان دولمه صبت ورتبنه الميز دخلو بيبي سعاده وشاهين باوعت عليه حاضنها ويضحكون كعدو على الميز كعدنه
شاهين..تحضرو باجر طالعين للانبار
طيبه..ياااا سلامممم
بنين..عادي مسويت شي ضليت صافنه بل اكل
بيبي سعاده..شبيج يلترافه متاكلين يمه
بنين..بيبي ماشتهي معدتي دتأذيني
بيبي سعاده..ليش يمه
بنين..مادري والله هسه اشرب شي دافي
شاهين..اخذج للمستشفى
بنين..لا ماله داعي كمت سويت حليب وشربت خلصو غده طيبه غسلت اماعين واني سويت جاي صبيت واخذته للصاله قدمت الهم وكعدت
بيبي سعاده..هديه خابري سلمان ليرجعون باجر احنه حنروح يمه
خاله ام عامر..صار يمه
بنين..ندك الباب راحت الخدامه تفتحه باوعت مرتضى جاي وبيده بنته عشق تبجي ميته من البجي
مرتضى..سيدي راخ تخبلني بس تبجي متريد احد
بنين..اخذها شاهين من مرتضى ونطاها الي بحضني سكتت ولزمت اصبعي خلته بحلكها جوعانه
مرتضى..ادري هوايه ثقلت عليكم سيدي تخليها يمكم كم يوم
شاهين..مستثقلها دولي لبيتك يله مرتضى هذا بيتك هم
مرتضى..الله يخليك
طيبه..بس احنه باجر حنروح للانبار عادي يعني
مرتضى..اخابر عليك سيدي احجي وياها عادي
شاهين..امن مرتضى هيه هسه يم احسن انسانه بلكون
بنين..رفعت راسي على شاهين وابتسمت راح مرتضى وضليت العب ويا عشق بسبس نيات يمه جعانات سويت الها مميه ورضعتها
بيبي سعاده..منيه هاي الطفله يمه وشنو موضوعها
خاله ام عامر..يمه هيه بنت هذا الولد الي اجه قبل شويه مرتيه هاي الي اجتي البارحه مدري خاينته مدري لا استغفرالله وصايره بينهم مشكله واصلين للطلاك وجاب الطفله كم يوم يمنه وتعلمت على بنين وهسه جابها وشوفت عينج سكتت
بيبي سعاده..يمه هاي جهال الغرب هيج تعلمو عليج لعد جهالكم شلون
بنين..ابتسمت بيد الله بيبي باوعت على شاهين يباوع عليه ابتسمت ابتسم بطرف شفته باوعت على عشق نامت اخذتها ونيمتها بغرفه خاله ام عامر من اصعد اصعدها طلعت كعدت فرحات من جتي المهم شاهين طلع وبقينه بس احنه ضلينه نسولف وطيبه تحشش وبيدها التلفون وتبتسم عرفتها تحجي ويا عباس كمت شفت عشق نايمه بعدها وبيبي سعاده وخاله ام عامر نايمات وحده بصف الثانيه ويسولفن خاله ام طيبه عدها مراجعه للدكتوره اليوم كل شهر تراجع
ام طيبه..بنانه حضري نفسج اخذج ويايه انتي وطيبه امي
بنين..بس شاهين
ام طيبه..كتله وبلموت يله قبل ههه يله صعدن بدلن حبيباتي
بنين..صعدت بدلت لبست بنطرون رصاصي وبي من الجوانب خطوط سوده وقميص اسود لبست حجاب رصاصي لين استاذ شاهين ميقبل اطلع اذا مو حجاب المهم لبست حذاء كعب وسط اسود وجنطه سوده نزلت مكمله نزلت طيبه وطلعنه رحنه للدكتور العميد عامر خال سايق خاص بلبيت صعدنه بلسياره الطريق كله اني وطيبه نسولف لحد موصلنه نزلنه ودخلنه للعياده جانت عباره عن نسوان حاملات باوعت عليهن وابتسمت والله حلو هذا الشعور خاله ام طيبه حاجزه من اسبوع كدامها ثنين ويجي سراها ضلينه ننتضر اباوع كل وحده وياها زوجها وفرحانين طيبه حلو
طيبه..الله يرزقج ويرزق كل محروم بحق عبدالله الرضيع
بنين..اجه سرانه دخلنه ام طيبه والدكتوره صديقات ضلن يسولفن عاد اجه وكت تفحصه وتشوف النونو نامت على السديه وفحصتها الدكتور تشرح على جهاز السونر الي كبالها
الدكتوره..باعي ام طيبه هياته الطفل صارلج شهرين حامل بعدلج كم شهر ونعرف جنسه بس اني اتوقع من هسه ولد
طيبه..اهمشي يجي بسلامه دكتوره
الدكتوره..امين طيوبه مو تغارين منه
ام طيبه..هههه دكتوره تريده اليوم قبل باجر يجي وتلعب ويا
الدكتوره..ههههه
بنين..باوعت على الطفل بجهاز السونر عيوني غرغرت دموع ترخصت منهم ونزلت من العياده وكفت برا خليت ايدي على كلبي ونزلت دموعي اخذت نفس وباوعت للسما ونزلت دموعي اكثر واكثر ربي اخذ كلشي عندي وارزقني بطفل تعبت واني اشوف لكل فرحان واني فرحتي ناقصه مسحت دموعي وجان اكو محل مال ملابس صغار دخلت اله اشتريت العشق نفنوف وجفت يصير لونه وردي وبي كرون مثل الارنب متت عليه اخذته الها داطلع صار كبالي مرتضى سد عليه مجال الطلعه اروح يمنه يصير يمنه اجي يسره يصير يسره نعم
مرتضى..شعندج عايشه ويا واحد عاجز
بنين..داعوفه واطلع رجع وكف بوجهي
مرتضى..اطلكي اخذج اني ويصير عندج طفل وعشق تربيهم ثنينهم
بنين..صدك انت انسان متستحي على نفسك
مرتضى..شعاجبج من هذا العاجز
بنين..رفعت اصبعي بوجهه تروحله فدوه من اصبعه الصغير الحد راسه رجال من يحجي يوفي بحجايته ولكل تحلف بي وبشجاعته ماطول هوا ويايه وعايشين اني ويا بسعاده طز بلاطفال اهمشي عايشه بسده واحبه
مرتضى..هههه تحبي انتي هيج هيج مطولين ويا لين ميصير عنده خلفه هاي رانيه ازوجت وراج بجم شهر وهسه حامل وانتي بعدج فا اطلكي بكرامتج احسن ما هوا يطلكج
بنين..اكولها واعيدها الك اني احبه ومستحيل يجي يوم وابطل حبي اله حبك الي بكلبي محا محا ونزرع حب شاهين بكلبي شفت ويا احله ايام حياتي حب حنان من يحجي كلمه يوفي بيها ولكل تحلف بي وبشجاعته وبحبه الي ولكل تحجي بكرمه ويستقبل الكل بس الي مثلك ملازم يتسقبله ابيته تدري ليش لين تعظ الايد الي تنمدلك دفعته وطلعت شفت ام طيبه وطيبه جايات النفس المحل الي واكفه بي…….
للحكايا بقايا…………….
مرارة الحب الفصل الثلاثون 30 - بقلم بنين الزبيدي
شنسه منك
حدة الصوت ،
بياضك
طولك ، ونبرة
ضحكتك
والحچايات
الحنينة
المنها صرت
اعشگ لهجتك
شنسه منك ؟
♧♧♧♧♧♧
بنين..طلعت رأسا اجتي طيبه كبالي
طيبه..وين جنتي بنين وكفتي كلبي
بنين..شتريت هذني العشق
ام طيبه..ههههه يله امي يله
بنين..ضلينه نتمشى واخذنه عشه للبيت ورجعنه دخلنه وجان صوت عشق ثابر الدنيا بلبجي دخلت ركض شفت ماري الخدامه شايلتها ومتعرف اسكتها اخذتها منها هيه شويه سكتت بس تشهك لا لا حبيبي باوعت بيبي سعاده شاده راسها بربطتها وخاله ام عامر كاعده يمها ترخصت منهم صعدت بدلت ملابسي وضميت غراضها ونزلت ورانه بساعه دخل شاهين باوعت عليه بودي اكوم اضمه بكلبي هوا حلو لابس اسود سحل كلبي من شافني اباوع عليه ابتسم وراح كعد يم بيبي سعاده
شاهين..خير حجيه
بيبي سعاده..يمه شنو من طفله هاي عجيز مو مثلها مبين امها هوايه تنك ماخذه هاي الوراثه منها يمه ماسكتت مشالله
بنين..هههه لا بيبي خطيه جوعانه
بيبي سعاده..اييه يلترافه ماجان سويتي الها مميه
بنين..سويت والله بيبي قبل ما اطلع سويت بس هيه تبجي لين مو اني نطيتها الها
بيبي سعاده..وليدي وين جنت
شاهين..بشغل حجيه
بيبي سعاده..يفتحها بوجهك يمه بحق علي الهادي
شاهين..الحمام بنتي
بنين..صار اخذت عشق وصعدت حضرت اله الحمام والملابس وكعدت على الچربايه ارضعها واشاقه وياها دخل هوا باسني من راسي ودخل يسبح طلع نشف شعره واجه كعد وخله ايده على ضهري
شاهين..شبيج باجيه
بنين..لا
شاهين..بنين بنتي احجي شبيج عيونج مورمه
بنين..والله مابيه شي حبيبي باوع على عشق وباسها من راسها وتقرب باسني من شفتي حبيبي كم يوم نضل بلانبار
شاهين..اسبوع بنتي
بنين..ماشي نامت عشق وكمت حضرت ملابس مال سبوع وخلصت نزلنه ورتبنه الميز اني وطيبه خلصنه وكعدنه ناكل يعني مصار شي ثاني يوم الصبح ساعه تقريبا6:00الصبح كعدت شفت شاهين كاعد وصافن عليه ابتسمت شبيك
شاهين..شدعوه هلكد حلوه انتي
بنين..خليت ايدي على خده اني مو بكد حلاتك من تصيحلي بنتي لو من تحضني لو من تلبس الاسود لو من تصير ويايه حباب
شاهين..اني العنيد الصرت حبابج
بنين..تقربت بسته من شفته يروحلك فدوه كل العالم باسني من راسي كمت سبحت وبدلت لبست نفنوف لونه سمائي ردنه طويله هوا طويل يعني الحد الحجل مال رجلي بي حزام اسود لبست حجاب سمائي وحذاء اسود فلات رياضي وجنطه خليت بيها شغلات عشق لي احتاجها بلطريق رشيت عطر رسمت عيوني بلكحل طلع من الحمام نشف شعره لبس دشداشه كريمي بيها تطريز اسود ولف الشماغ اخذ السويج مال سياره والجكاير لزمني من ايدي ونزلنه صعدنه بلسياره بيبي سعاده كدام وخاله ام عامر ورا وخاله ام طيبه بصفها اني بصف ام طيبه وطيبه بل اخير كعدت الطريق طويل عشق تنحست ضليت العب وياها لحد متعبت طيبه سوت الها مميه ونطتها الي رضعتها لحد منامت خليت راسي على الجامه شفته يباوعلي ابتسمت هوا غمزلي احس رب لعالمين حرمني من شي بس نطاني شي احسن الف مره حرمني من مرتضى ونطاني شاهين حبيبي وشاهيني وكلشي بدنيتي صار النفس الي اتنفسه اذا مانام على ايده وماشم عطره اختنك تعلقت بي حيل المهم وصلنه للانبار جانت حلوه هوايه دخلنه المنطقه راقيه كلها بيوت حديثه وجبيره وكفنه كبال بيت باوعت عليه جبير حيل بس الواجهه مالته يمكن 300متر باوعت على طيبه ضحكت
طيبه.. هذا اذا خلوني انضفه انش….. نصين
بنين..ادبسزز ههههه طلع عمو سلمان والعميد عامر 3رياجيل وشباب باسو بيبي سعاده وبيبي ام عامر هم ودخلنه للصاله جانن اكو نسوان وبنات هوايه سلمنه عليهم وسلمو علينه يعني هاي الرسميات كلها سويناها جان اكو ثنين بنات يباعن على شاهين ويتشاورن كلت عادي يمكن لين كرايبهم وزعو علينه الغرف حجت بنيه الي جانت تشاور وتباع عليه
غاده..دحكي عيوني هاذي غرفه شاهين من جان ينورنه هوني
بنين..شكرا عفتها دخلت جانت الغرفه حلوه حيل تصميمها اسود كلها سوده حتى الصبغ اسود والچربايه وغراضها والتخم الي موجود بيها اسود خليت عشق على الچربايه واخذت ملابس ودخلت سبحت بدلت وطلعت شفته موجود جنت لافه المنشفه على راسي كام يتقرب عليه وجر المنشفه من شعري تخوصرت شعندك تجي هوني سيد شاهين
شاهين..ههههههههه تعلمتي الهجه صلوات نيالك يكلبي
بنين..جان يضحك ضحكته اخذت كلبي شاهينن منيه هاي الي تباوع عليك وتتلوك وتتنعوص
شاهين..بنت عمي يول
بنين..ايي هنا الحجي بنت عمك اكول ناقص بس تاكلك بعيونها وتتنعوص من تحجي وتتلوك
شاهين..ميعجبني تنعوص احد غير تنعوصج ياترافه كلبي
بنين..ماريد احد يباوع عليك
شاهين..امري بنتي
بنين..انت تخصني الي بس اني يحقلي اباوع عليك واتغزل بيك وابوسك واحضنك و داكمل حجي جرني عليه لزكت بصدره
شاهين.. وشنو ملازمي البطل
بنين..حجاها وغمزلي ضربته على صدره بخفه وحبيبي يا منحرف طكها ضحكه
شاهين..ههههههههه طلعيلي ملابس ترافتي
بنين..دخل يسبح طلعت اله ملابس ونطيته اله وطلعت مشطت شعري طلع لبس التراك باوعت عليه جانت عضلاته بارزه وصدر وجتافه ربي وين اضمه كعد كبالي على التخم وخله رجل على رجل ودخن جكاره رحت كعدت بصفه خله ايده على جتفي
شاهين..احجي بنتي
بنين..امشي نرجع
شاهين..وين
بنين..البغداد
شاهين..اي مو بغداد بلفرع الورانه بنتي شبيج تخبلتي
بنين..شاهين متأكده هسه اذا نزلنه تباوع عليك داحجي ندك الباب
شاهين..ادخل
بنين..دخلت هيه البنيه نفسها وبيدها كوب وتباوع الشاهين احس كلبي دخن من الغيره يعني اول يوم وهيج الاسبوع كله حيطلع سم عليه هوا من شافها وخر ايده من جتفي عفته وكمت يم عشق كعدت
شاهين..ها غاده خير
غاده..هاي الكهو الي تحبها دحك هوني خليتها سويتها الك بيدي
شاهين..مشكور خيتي
بنين..طلعت باوعت عليه داحجي دك تلفوني باوعت عباس اخويه جاوبت الو
عباس..الو بناتي شلونج
بنين..عمرها البناتك انت حبيبي شلونك
عباس..مشتاقلج وعلي والبيت كله مشتاقلج
بنين..يمه واني ميته عليك وعلى البيت كله باوعت على شاهين احس عيونه صارت بكصته من الغيره وضل يشرب جكاير وحده ورا الثانيه من يخلص وحده يستغفر ويجر الثانيه واني احجي ويا عباس هوا كام وجر التلفون من ايدي
شاهين..ها ابو فضل شلونك
عباس..هله شاهين بخير وانت شلونك
شاهين..ماطول انت بخير اني بخير
عباس..دير بالك على بنين شاهين ترا هاي بس السان الله وكيلك ثوله وبسرعه تبجي
شاهين..ههههه بعيوني اخليها الك ابو فضل حبيبي
بنين..ضلو يحجون وختمو المكالمه شمر الجهاز على الچربايه واجه جرني من ايدي وكفني كباله تخوصرت نعم
شاهين..بناتك ومشتاقتلك وحبيبي خير خو ماكو شي
بنين..والله داحجي ويا اخويه مو انت جنت تحجي ويا بنت عمك
شاهين..انتي مخبله بنيننن لتختبرين صبري وياججج
بنين..روح ازوجها عادي ومشالله حتى من كلت اسمها غاده كلته بكل حب نزلت دموعي جرني حـضني
شاهين..يول من اشتعلت صفحت غاده شعل بنتي صدك تحجين
بنين..ايي صدك احجي شفت شلون غرت من حجيت ويا عباس وهوا اخويه هيج احس من احد يباوع عليك لو يحجي وياك
شاهين..هههه كافي حبيبي
بنين..تمدد على الچربايه وحضني من التعب نمت بحضنه كعدت بليل على ايد تلعب بخدي فتحت عيوني شفته هوا ابتسمت مطيت نفسي بلفراش اممم تقرب باسني من ركبتي
شاهين..كومي ترافتي
بنين..بسته بخده كمت غسلت وجهي كمت اخذت الحجاب وعشق دننزل باوعت كوب الكهوه نفسه مملعوب بي ابتسمت اخذت الكوب ونزل هوا كدامي واني ورا دخلت للمطبخ شفتها واكفه هيه هاي غاده فغت الكوب بلسنك هيه باوعت عليه
غاده..ليش
بنين..حبيبي ميحب احد يسويله اي شي غيري اني غسلت الكوب ودخلت للصاله شفته كاعد
بيبي سعاده..يمه صارلج جم يوم منايمه
بنين..ها ستحيت من بيبي سعاده حجت هيج باوعت على شاهين ابتسم بيبي الطريق طويل جان وتعبت
بيبي سعاده..الله يساعدج بيبي حبيبه
بنين..وين طيبه
طيبه..هياتني
بنين..باوعت عليها هسه كاعده من النوم
طيبه..والله شكول صباح الخير لو مساء الخير
بنين..كلنه ضحكنه عليها جتي كعدت بصفي باوعت جان شباب موجودين وام ناهده تباوع وتخزر وناتها يشاورن ويا غاده وطبعا ست غاده سرحانه بشاهين وهوا يسولف ويا عمومته طيبه نفس حالتي تباوع عليهن
طيبه..اكلج شو هاي راح تاكله الشاهين كبر شبيها
بنين..شمديني سئلي عمج الي ساحر كلبها
طيبه..عمو شاهين حباب ماطول بعد وكت خلي نطلع احنه اول مرا نجي للانبار
بيبي سعاده..اي يمه طلعن بعد وكت وهسه العالم كلها مفتحه يضلون للصبح تونسن
شاهين..كومن يله بدلن
غاده..عادي اجي اني وياكم
شاهين..امشي
بنين..صعدت بدلت وبدلت العشق ونزلت جنت لابسه بنطرون اسود وقميص جورزي وبي حزام اسود وحجاب جوزي وحذاء اسود وجنطه سوده وعشق لبستها نفنوف جوزي وبوند جوزي واخذتها ونزلت باوعت طيبه مخلصه قبلي باوعت عليه باوع عليه وصعد يبدل شويه وطلعت غاده لابسه نفنوف نيلي وحجاب وحذاء كعب وضاربه المكياج درت وجهي عنها ربي صبرني بس هل كم يوم الباقيات نزل هوا من فوك لابس بنطرون اسود وقميص نيلي اني شفته لابس نيلي وهيه نيلي تخبلت هيه ابتسمت
غاده..صدفه حلو انو انا وياك لابسين نفس الون
بنين..اخذت عشق وصعدت للغرفه دخلت وسديت الباب ماطلع احسن مراح استفاد شي بس حركان الكلب صعدت طيبه
طيبه..يله بنو صلي على النبي ولج
بنين..ماطلع وهسه ترجعوني البغداد
طيبه..بنين هسه على شنو راح تبجين
بنين..اكطع ايدي اذا مو غاده وعمج عدهم شي سويه بعد
طيبه..بنين ولنبي ماعنده شي وياها كومي عاد دنطلع
بنين..داحجي دخل شاهين باوع عليه
شاهين..شبيج
بنين..ماشالله نفس البس انت وياها طالعين خوش ثنين مرتبطين
شاهين..ههههه مخبله
بنين..لتضحك اني مداحجي شي يضحك انت جايبني هنا حتى تحرك كلبي وبس
شاهين..بنتي هسه انتي شكو تبجين
بنين..مسحت دموعي مابيه شي طلعت الغرفه طيبه خليت كحله ومسكاره وحمره ترابي قابل بس هيه حلال واني حرام نزلت شفتهم كلهم جوا هوا من شافني خاله مكياج بقاله شويه ويتخبل طلعنه صعدنه بلسياره اني كدام وطيبه وغاده ورا كاعدين مدلي كلينس
شاهين..مسحي
بنين..ليش امسح هاي العالم كلها خاله بقت عليه
شاهين..صار الف مره اكلج مالي دخل بلعالم عسا ما يطلعون مصاليخ عليه بيج انتي مسحي
بنين..اخذت منه الكلينس منه بس ممسحت ضليت العب ويا عشق بستها من حلكها عمه طيبه حلوه اني اليوم
طيبه..غير تخبلين يمه فدوه فدوه
بنين..ضليت اركص عشق شاهين جر الكلينس مسح الحمره
شاهين..هيج احله ترافه كلبي
بنين..باوعت عليه مسويت شي اخذنه للمول افترينه وشترينه كومه شغلات نوعا ما تونست لو بس غضب الله غاده مجايه ويانه
غاده..بس ادخل اشتري كم شغله
بنين..راحت المحل رجالي مدري شنو تشتري طلعت شايله بيدها علاكه ومدتها الشاهين
غاده..ياريت تقبل هاذا مني
بنين..اخذها منها باوعت عليه داحجي خزرني
طيبه..شنو هاي عبالك مرته
بنين..طيبه احجي ويا كوليله نرجع ضجت
طيبه..عمو شاهين بنين تعبت تريد ترجع
بنين..باوع عليه وابتسم درت وجهي عنه اخذنه المطعم تعشينه هيه نوعا ما الطلعه ويا شاهين حلوه بس لو مابيها نزلي راسج امشي عدل لتضحكين لتلتفتين وراج بل اضافه الي يخزر بكل العالم المهم دخلنه للمطعم وطلبنه اكل مالي نفس اكلي كلشي سدت نفسي غاده خانم بتصرفاتها غاده انتي ممزوجه
غاده..لا مزوجه بس منفصله
بنين..اها ليش
غاده..مجان زين ويايه وخلف الله على شاهين خلصني منه
بنين..انصحج نصيحه اذا ازوجتي ازوجي واحد مثل شاهين بس مراح تلكين هوا واحد واني اخذته بس بلكت يجيج شفتها ضاجت وروحها طلعت ابتسمت كمنه دنطلع لزمت ايده الشاهين صح اني ماحجي وياك بس اريد كنافه ابتسم
شاهين..امشي ترافتي امشي خبلتيني
بنين..شترالي كنافه وضلينه تنمشه اني ويا وطيبه بصفه من ذيج الصفحه وغاده كدامي تمشي
شاهين..بنتي راح تخبلين من الغيره على كيفج
بنين..مو بله اشوف وحده تتنعوص وتتلوك الزوجي واسكت
شاهين..لا يابه لسكتين كتليها
بنين..اي زين كتلي لعد من ارجع اكتلها
شاهين..اويلي ياترافه كلبي
بنين..ضلينه نفتر طيبه وكفت يم محل ملابس بصف محل الملابس جان اكو محل ذهب باوعت على الذهف جان اكو كلاده بيها نقشه فراشه حلوه ناعمه بس هوايه صار عندي رجعت يم طيبه جانت تقيس نفنوف خلصت طلعنه صعدنه بلسياره بلطريق عشق نامت تعبت من التفرفر مدلي شاهين علبه شنو هاي
شاهين..اخذيها يلترافه شوفيها
بنين..اخذتها من ايده فتحتها جانت نفسها لكلاده الفراشه ابتسمت يعني جبتها وجبتها
شاهين..عجبت فراشي لازم تصير الها
بنين..عمر فراشتك رجعنه للبيت ست غاده كبل دخلت الغرفتها ضايجه جانو بس الكبار كاعدين سلمت وصعدت كبل للغرفه خليت عشق على الچربايه دخلت سبحت بدلت وطلعت مشطت وتمددت بصف عشق خليت راسي بصف راسها دخل هوا شمر العلاكه الي جابتها هيه اله على التخم باوعت عليه اخذتها يعني باوع عليه واخذ ملابس دخل يسبح كتلني الفضول شبيها بس مكمت وشفت وضلت دموعي تجري طلعت تمدت ورايه وحضني وخر شاهين
شاهين..بنين
بنين..اكلك اغار واموت من اشوف احد بس يباوع عليك وانت عادي تاخذ منها هدايه وهيه تباوع عليك وباقي بس تاكلك بنضراتها ولابسين نفس البس ومن تمشي تتموع كدامك شنو قصدها بهاي الحركات اريد اعرف
شاهين..ولج بنتي والله ولا وحده تاخذ مكانج بعيني وبكلبي وبروحي لتبجين كافي ابويه
بنين..شاهين انت متحبني
شاهين..هذا الي طلع بيدج خلفله عليج عمي
بنين..وخر والله انت متحبني تقرب باسني وعضني من ركبتي
شاهين..عاشكج ترافه كلبي
بنين..داريت حضنته وضليت ابجي بحضنه عبالك صارلي سنه مباجيه وهو حضني حيل وضل يمسد على شعري لحد مغفيت
شاهين..نامت باوعت عليها بنومها تشهك شلون افهمها هيه كلشي بحياتي بنتي وحبيبتي وزوجتي اليوم والاول تبجي بسبب الغيره كل العالم عندي يروحن فدوه العيونها ضليت كاعد وصافن عليها تاليها نمت
بنين..فتحت عيوني باوعت للساعه بـ 4:30لفجر باوعت عشق ماهيه……………
للحكايا بقايا………..