تحميل رواية «مرارة الحب» PDF
بقلم بنين الزبيدي
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
نرجع شويه بل زمن 7سنين من جنت طالبه بلمدرسه ومن بعدها نكمل الاحداث ام عباس..لجج بنين امي كعدي تأخرتي يوم بنين..ماداوم اليوم ماما ام عباس..شو كعدي صارلج اسبوع غايبه كل ما اجي اسئلج تكولين مابيه شي بنين امي بيج شي بنين..درت وجهي عن امي لا مابيه شي بس ماريد اداوم ام عباس..لا راح اداومين ويله كومي غسلي وبدلي بنين..نزلت امي رجعت راسي وره شكد كرهت المدرسه بسببك كمت غسلت وبدلت لبست صدريتي جنت هستوني صف رابع علمي مشط شعري وسويته ضفيره ونزلت شفتهم كاعدين يتريكون صبحت عليهم ورحت لبست حذائي وطلعت صاحوني بس...
مرارة الحب الفصل الحادي وثلاثون 31 - بقلم بنين الزبيدي
الشوگ : من يضيع صوتك
يحچي بس صوت الصور
البرد : من تعيش بس عايز بشر
الوحدة : من تزيد ربعك
الظلم : لو گلبك غلط وتعض اصبيعك ندم
الحيرة : من تدور أعذار لدمعتك
وانت تعرف بي سببها
الرجفة : لو شفت اليشبها
الحسرة : لو شفت المچان
البي چنت وياه تگعد
الصفنة : من تتمنى موعد
انكسارك : من تظل تدز رسايل
طيحتك : من ما يرد من عنده زاجل .
♢♢♢♢♢♢♢♢♢♢♢♢♢
بنين..فزيت يمه وين راحت لبنيه كمت ادور عليها ماهيه فتحت الباب ورحت الطيبه دخلت الغرفتها طيبه دخيلج عشق ماهيه
طيبه..اهدي اهدي هياتها يمي شبيج
بنين..كعدت بلكاع كمت ماحس برجلي من الهبطه على الطفله نزلت دموعي
طيبه..بنين على شنو تبجين ابويه
بنين..طيبه اني تعبانه والله تعبانه طبكت رجلي الصدري وصرت ابجي
طيبه..والله لو ادري مماخذتها بس سمعتها تبجي وانتي نايمه والله
بنين..حضنتها وهيه حضنتني
طيبه..اهدي وتعوذي من الشيطان امي
بنين..سمعت صوت الاذان كمت توضيت وصليت والصلاة كلها ابجي دموعي ابد موكفت كعدت على السجاده رب العالمين دخيلك ربي نمت على السجاده واشهك مادري على شنو ابجي بس بجيت لحد مرتاحين كمت لميت السجاده ودخلت غسلت وطلعت تمددت على الچربايه مال طيبه وغفيت بس مادري شلون نمت بين النايمه والكاعده شفت شاهين كاعد كبالي وطيبه تحجي ويا
طيبه..ضليت اباوع على بنين تشهك بنومها تقريبا ساعه بـ6ندك باب غرفتي كمت فتحت الباب شفته شاهين واكف ومبين بعيونه القلق حجيت بهمس ها شاهين
شاهين..بنين يمج
طيبه..اي تعال ادخل دخل باوع عليها نايمه خله ايده على شعرها وكعد على الكرسي الي بغرفتي
شاهين..شبيها
طيبه..شاهين عادي احجي وياك والله بنين خطيه هيه تحبك باوعني عمي بنين تغار عليك وصل حبها الك حد الجنون انت مشفتها قبل ساعه نامت على السجاده تبجي وماعدها كلام بس تشهك عمو تصرفات غاده مصختها هوايه ادري غاده تحبك وتريدك وعلى امل انت تاخذها حتى لو ثانيه عمو بنين هسه لو بيدها تكطع غاده والله وترجع البغداد هيه مو انت تكول بنتي اكو اب يكسر خاطر بنته كام كعد يم راس بنين تكدر تضل هنا اني طالعه لغرفتكم اضل طلعت رحت الغرفتهم تمددت وادعي الله يحفضهم
بنين..فتحت عيوني شفته متمدد بصفي وحاضني تحركت شويه مالي خلك تعبانه باوعت عليه جان كاعد وصافن عليه شاه بعدني ممكمله باسني من شفتي جرني عليه اكثر اختتكت دفعته من صدره على كيف باسني من راسي
شاهين..حضري نفسج اليوم راجعين البغداد
بنين..شنو
شاهين..اي ترافتي اليوم راجعين عندي شغل
بنين..شاهين اني احبك
شاهين..اويلي يارافه شاهين شسويتي بيه
بنين..خليت راسي قريب على ركبته وبسته هوا عضني من ركبتي ضلينه بس ساكتين منحجي شي تقريبا ساعه بـ8ونص باسني من راسي وحجه
شاهين..يله بنتي كومي
بنين..كمت للغرفه شفت طيبه نايمه بديت حضر الغراض خلصتهن ضليت ادور على الهديه الي نطتها اله غاده بس ملكيتها وين راحت المهم لميت حفوضات عشق وحليب والمميه وبدلت نفس البسي الي جيت بي بست طيبه من خدها وطلعت رحت نطيته ملابس دخل سبح وبدل وطلع اخذت عشق باسني من شفتي وباسها من راسها
شاهين..خلصتي
بنين..اي حبيبي كرصني من خدي ونزلنه جانو كلهم كاعدين دخل شاهين كدامي واني ورا
بيبي سعاده..خير يمه وين رايدين
شاهين..راجعين حجيه
بيبي سعاده..يا يمه بعدنه البارحه وصلنه ابويه
غاده..ضل ابن عمي ماشبعنه منكم
بنين..باوعت عليها موجهه الكلام اله هوا الزم ايدي وحجه
شاهين..حجيه عندي شغل ولازم ارجع
بنين..طلعنه ودعناهم دنصعد بلسياره اجه اخو غاده وحجه ويا
اكرم..شاهين خويه مشكور على الهديه
شاهين..ادلل اكرم
بنين..طلعنه الطريق كله ساكتين بس مكدرت لازم اسئل وين الهديه الي نطتها الك غاده
شاهين..شعليج
بنين..شاهين حباب
شاهين..ههههه راحت بنتي
بنين..زين ليش هيج فجئه قررت نرجع
شاهين..عندي شغل
بنين..لزمت ايده هوا سحبها وباسها المهم وصلنه للبيت دخلنه صعدت كبل للغرفه رتبت الملابس سبحت باوعت مجايابه ملابس ويايه خرب حضي الفيت المنشفه على جسمي وطلعت شفته واكف كبال المرايه خترعت وفد ستحيت دارجع للحمام بس جرني من ايدي
شاهين..تعاي تعاي وين
بنين..ااا نسيت اخذ ملابس وو باوع عليه وابتسم لزم المنشفه خليت ايدي فوك ايده شاهيننن دنك وهمس بأذني بصوت هادئ
شاهين..دنيته
بنين..شالني وخلاني على الچربايه باسني من ركبتي وعضني منها تقربلي وكل ثانيه يهمس بأذني كلمات تخلي حبي وعشقي اله مالها حدود باسني من راسي ونام بصفي جرني وحضني
شاهين..ليش الفجر بجيتي
بنين..مادري والله بجيت بس ماعرف على شنو
شاهين..انتي لو تكذبين على العالم كله كدامي متكدرين احجي
بنين..شاهين اني من بيبي سعاده اغار مو تجيني غاده خانم تباوع وتاكلك بعيونها ولنبي لو مو عيب جان كتلتها
شاهين..هههههه
بنين..اوو لتضحك ترا والله صدك مو كذب
شاهين..ادري يابه ادري
بنين..تستهزء بيه وبرطمت هوا جر شفتي بأيده وباسها
شاهين..انعل الشتها الغاده لابو صفحتها لابو عشيرتها نفر نفر
بنين..ههههههههه بسته بخده كمت سبحت وبدلت ونزلت سويت اكل الي واله وصعدت الصينيه جان طالع من الحمام وبيده جهازه ويتصفح بي خليت الصينيه على الطبله وكعدنه ناكل اني ويا المهم مر اليوم حلو حيل مابي بجي ولا شي ثاني يوم اجوي بيت اهل شاهين يعني عمو سلمان وخاله ام عامر واالعميد عامر وعائلته مرت الايام والاشهر حلوه يوم عن يوم يزيد تعلقي وحبي بشاهين عشق يمنه ياخذها ابوها الخميس وتضل يمهم الجمعه الصبح يجيبها لين تبجي ندى مشفتها بعد حتى بلدوام ماهيه المهم اليوم كاعده بلمكتب مالتي داقره ملفات ندك الباب ادخل رفعت راسي شفتها طيبه ها طيبو
طيبه..بنانو عيني باجر
بنين..قبل متكمل ذكرى زواجنه اني وشاهين صارلنه سنه مزوجين
طيبه..هههههه شنيه ترتيباتج وتجهيزاتج الباجر
بنين..باعي اريد احجز قاعه مال اعراس
طيبه..بدينج
بنين..والله بدله حجزت وصالون حجزت كله بمساعده رانيه وسلام بقت بس لقاعه واليوم سلام راح يحجز
طيبه..هلهههه هههههه
بنين..ههههههه باجر اني مجازه ترا وانتي ورانيه كذالك لبيت كله يدري بس انتي لا
طيبه..يا خاينه ليش ولج
بنين..خيه انتي تفضحينه متنضم يمج حجايه
طيبه..ياحقيره وهاي عود اني خطيبة اخوج
بنين..واني زوجة عمج هههههه
طيبه..هههههههه
بنين..نفتح الباب ودخلت رانيه بطنها كبران شويه هسه دخلت بشهر الخامس من تمشي بطريق عبالك هههه هله بطريقي الحلو
رانيه..بنيننننننن ترا اني مو بطريق اسمي رانيه
طيبه..والله عاشت لاسامي واحنه بنين وطيبه ههههههه
رانيه..والله حقيرات هسه تحبلن واني اعيب عليجن
بنين..طلعيني من هل كلمه خيه هسه طيبه تحمل ونضحك عليها بعد
طيبه..خبيثه بعدين اني بيه شويه طول انتي من تحملين وكصيره اللله يطلع شكلج دبه مال طرشي
بنين..امشيي طلعي براا
رانيه طيبه..هههههههههههه
بنين..احم انتضروني هنا اروح اوقع هذني من شاهين والعميد عامر واجيجن
رانيه..اويلي لازم تشوفه ولو شويه
بنين..ادبسز شغل بنتي شغل ضحكنه طلعت دكيت الباب على لعقيد شاهين سمحلي ادخل دخلت شفت مرتضى يمه وديحجون اخذت تحيه سيدي وقع على ملفات الشعبه 5 اخذهن وقع عليهن شكرا سيدي طالع صاحني
شاهين..ملازم بنين انتضري اريد. احجي وياج
مرتضى..سيدي اني اترخص
بنين..طلع مرتضى وكعدت اني نعم سيدي
شاهين..مرتضى راح يجي اليوم ياخذ بنته رجعها الندى
بنين..تمام سيدي من ارجع احضرها وياخذوها
شاهين..بنين طلعيهن هل دموع
بنين..ابتسمت عشق تروح لاهلها واني يم اهلي بحضنك ديرتي وحياتي وطني واماني وكلشي مابجي ماطول انت يمي كمت كعدت بحضنه وحضنته حيل هوا حضني
شاهين..اخ يا ترافه شاهين
بنين..باسني من راسي كمت اخذت تحيه وقت الشغل سيدي هوا ابتسم طلعت صعدت للعميد عامر هم وقعلي ونزلت سلمتهن لملازم ياسر وصعدت الغرفتي دخلت جانن طيبه ورانيه يسجلون بدفتر شدسون
رانيه..قائمه الناس الي منعزمهم
بنين..هههه باوعت على القائمه مترئسيها مرتضى وندى وجواهم غاده وباقي عالم ماعرفهن زين باله هذوله اول ثلاثه ماريدهم ذوله الجواهن شعندي وياهم
رانيه..هذني عيونهن ليزر خيه بس يباعن عليكم كبل تنحسدون والله
طيبه..وخيه بعد مانريد شاهين يكرهه بنين وبنين مطيق اسم شاهين مو شاهين
بنين..ضحكت المهم خلص الدوام ورجعنه للبيت قبل منرجع رحنه للمطعم اني وشاهين بحدنه كعدنه نتغده نفس المطعم الي رحناله اول مره من تعاركنه يم النهر الزمت ايده انت احسن شي صار بحياتي
شاهين..وانتي اطيب شخص بدنيتي
بنين..تغدينه وخلصنه ورجعنه للبيت صعدت سبحت وبدلت وحضرت الحمام اله وملابس وطلعت هوا دخل ورايه يسبح نزلت من الدرج شفت خاله ام عامر حضنتها هيه ضحكت وحضنتني
خاله ام عامر..ههههههه جان عندي طيبه بحدها مخبله لبيت كله هسه صار عندي ثنين طيبه وبنين
بنين..ههه بستها بخدها نزل شاهين ابتسم وكعدت على التخم بلصاله وطيبه بيدها تلفونها تراسل عباس
ام طيبه..فد يوم تعمين من شكد متلزمين الجهاز
بنين..ههههه خاله ام طيبه دخلت بشهر السادس بينها وبين رانيه شهر بطنها كبارن وبيها ولد ومن يتحرك ابطنها ويلعب اول وحده اروح اني اخل ايدي وطيبه هم تجي وهيه تضحك علينه شويه الطفل كام يتحرك باوعت على طيبه وكمنه ركض خلينه ايدينه على بطنها
طيبه..هههههه حبيب اختك اطلع بعد ترا اريد العب وياك
بنين..لا خلي تولي طييه اني العب وياك
خاله ام عامر..هههههههه يمه مخبلات انتن
بنين..خاله قريت شغله انو الطفل اذا ابطن امه واحد يعني ابو اخته حتى امه يحجي ويا من يجي للدنيا ميستغرب من يسمع صوتهم يضحك
طيبه..يمه كجي كجييي اطلع بعد والله محلو البيت بدون صوت طفل
ام طيبه..مخبله انتي تخبلي للطفل اخلي يم بنين امان
خاله ام عامر..لا يمه بنين هم مخبله نفس طيبه ههههه
بنين..هههههه خاله والله حبابه اني باوعت على شاهين خال ايده على خده وصافن عليه ويبتسم ابتسمت سوينه غده وتغدينه كلنه العصر رحنه كلنه البيت اهلي دخلنه كعدت عباس وين ماما
عباس..هياتني بناتي
بنين..نداريت شفته واكف ومكتف ايده الصدره كمت حضنته مشتاقتلك يا تاج اختك
عباس..اورحلج فدوه بنونتي شلونج ابويه
بنين..اذا انت بخير اني بخير حبيبي كعدنه باوعت على طيبه تباوع على عباس ابتسمت وشاهين روحه طلعت من حضنت عباس كمت للمطبخ اشرب مي اجتي طيبه بصفي
طيبه..شاهين يريدج برا ابو الشباب
بنين..حفضتهن الي راح يكولهن خيه طلعت برا شفته واكف يدخن وكفت كباله وحجيت جم مره كايلج لتحضنينننن احدد هوا ابتسم وجرني الحضنه
شاهين..بنتي ليش اتعبيني
بنين..سوده عليه حبيبي والله اهلي مشتاقتلهم وداعتك
شاهين..من هذا الهوى اغار عليج
بنين..اوي اروح فدوه لليغار عليه بسته بخده احبك
شاهين..عاشكج
بنين..جان منتجي على الشجره الي بحديقة بيتنه ويدخن ضهري صاير على صدره وايده على خصري نداريت عليه يله حبيبي خلي ندخل دخلنه وضلينه نسولف ورجعنه لبيتنه البيت فارغ مابي صوت عشق من تبجي يله الحمدالله نمت بحضن شاهين ليل كله نسولف لحد منعست ونمت ثاني يوم كعدني هوا باوعت الساعه جانت بـ8:00
شاهين..ملازمي مداوم اليوم
بنين..شاهين مريضه مالي خلك
شاهين..شبيج بنتي
بنين..بطني تأذيني وضهري وكلشي
شاهين..ليش
بنين..عندي عذر تقرب باسني من راسي
شاهين..بنتي اخذج للمستشفى كومي
بنين..ميحتاج حبيبي خلي اكوم احضرلك الحمام وملابس
شاهين..اشش نامي ارتاحي انتي
بنين..باوعت عليه كام اخذ ملابس ودخل عزا يروحي شلون خايف عليه سويت نفسي مريضه صدك طلع مبدل عدلت كعدتي انتچيت على تاج الچربايه لبس البيريه وباسني من راسي ونزل كمت اهز جتف بنص الغرفه هههه اول خطوه نجحت كمت للشرفه مالتي شفته طلع يمشي بتجاه السياره ولابس العسكري والمناضر والبيريه ابتسمت دخلت سبحت وبدلت ورتبت الچربايه ونزلت جوا شفت طيبه كاعده وخاله ام عامر وخاله ام طيبه صباااح الخيرر
لكل..ههههه صباح النور
خاله ام عامر..يمه عيد زواج مبارك عليكم ابويه انتي
بنين..يمه فدوه العمرج خالتي هم يله نلحك يله يله طيبه نضفنه البيت كله صعدت لغرفتي رتبتها فرشت فرشه بيضه وطشيت عليها ورد احمر طلعت تخبل باوعت الساعه بـ11 اخذت البدله جنت ضامتها يم طيبه وطلعنه كلنه للصالون اني وطيبه وخاله ام عامر وام طيبه هناك التقينه برانيه دخلنه وبدو بيه اول وحده جان الكادر مال صالون بنات فا لبست برنص قصير شويه جوا الركبه وبضهره مكتوب عرسة العقيد كعدت على لكرسي وبدو يسولي مكياج غمضت عيوني اذكرت من اجيت للصالون بلعرس واني كارهه نفسي وكارهه شاهين والدنيا كلها وتفكيري بمرتضى واليوم اني جايه وكلي حب وعشق وادمان الشاهين هذا زوجي الي رب العالمين اختارلي حياتي وقسمتي ونصيبي ويا خلصت مكياج باوعت جان حلو كله والحمره ماروني شعري شالته كله ونزلت خصل من كذله ونزلت من الصفح خلصت وكعدت انتضرهم يخلصون بيومها حتى امي جانت موجوده المهم خلصنه كلنه واجه السايق صعدت اني وخاله ام عامر وامي وطيبه ورانيه وخاله ام طيبه اجوي ورانه بسياره محمد اخويه وصلنه للقاعه دخلنه الغرفه التبديل ولاستراحه الي بل قاعه كعدت رانيه يله خابري
رانيه..اكلج شو سلام مشغول
بنين..وعلي هسه انتحر تعبت وتالي سلام ينشغل
رانيه..ههههه جاوب جاوب الو حبيبي
سلام..روحه الحبيبج
رانيه..يله جيت شاهين
سلام..خوش حضري نفسج وراهم عيد زواجنه حبيبي
رانيه..انت تدلل عليه يروح رانيه راح سلام واحنه كاعدين نص ساعه وسمعنه صوت شاهين برا
شاهين..سلام عندي شغل كل عقلك تحجي
سلام..فدوه الكلبك سيدي عندي الك شغله
بنين..باوعت عليه جانت القاعه ضلمه بيها بس ضوه واحد وخافت لونه ابيض ومسلطي على شاهين تمشيت على كيف واني احجي كان يا مكان وجودك بحياتي بحدت ذاته امان ندار عليه وكفت كباله صارت عيوني بعيونه لمعت عيونه من شافني وابتسم حياتي بوجودك ويايه زارتها السعاده احمد ربي واشكره الف مره كتبك من نصيبي كل سنه انت حبيبي وزوجي تقربت همست يم اذنه وحياتي كلها
شاهين..تعالي يدنيته شاهين انتي
بنين..حضنته وشتغلت لاغاني دخلو كل المعازيم مجنت عازمه احد بس خواته وبيبي سعاده طبعا اجتي ويا ست غاده واحنه مموصلين الها دعوه ومو بس هيه حتى مرتضى وندى جايين يعني عازمين نفسهم بنفسهم واكفين اني وشاهين بنص القاعه واجتي بيبي سعاده كبالنه
بيبي سعاده..الله يحفـضها الك يمه الترافه طلعت خوش مسويتلك مفاجئه
بنين..باسها من راسها واني بستها من خدها وراحت كعدت لزمني من ايدي وكعدنه على الكوشه همس بأذني
شاهين..علساس عذر ومريضه
بنين..حبيبي المفاجئه ميصير تنكال ابتسم تصدكون اذا كلت مر احله يوم عليه هوا عيد زواجي اني وشاهين بحيث تونست حيل صح مخلاني اتحرك من الكوشه غير بس من ركصنه سلو بس تونس من شفته متونس كصينه الكيكه وباسني من راسي
شاهين..ربي يحفضج الي يا دنيته الشاهين
بنين..ويخليك الي يا معجزتي من ربي صارت هوسه وكلها تركص وشاهين يركص جوبي ويا كرايبه وطبعا مخلاني انزع الوشاح بقيت لابسته مغطيه شعري لين ميقبل تقيدت بلوشاح باوعت عليه اجمل واحد تشوفه عيوني مادري اني لين احبه اشوفه احله الناس كلها رانيه وسلام يركصون سلو وكل شويه سلام مدنك يبوس بطن رانيه طيبه كاعده بمكانها تهز لين شاهين ميقبل تكوم العميد عامر وعمو سلمان يركصون جوبي جان يوم حلو عدا نضرات غاده اكلها حقد وحسد وغيره ونضرات مرتضى الي ماعرف شوصفها بس اني فرحانه سعيده بعد كل المصايب الي صارت ويايه اليوم بعد مرور سنه من التعذيب داحتفل ويا حبيب روحي وبدون مشاكل اخذنه صور بلتسوديو صار عندي 4البومات مال عقد ومال حنه ومال زفه وهسه مال عيد زواجنه جنت صورنه عكس زواجنه الفرحه واضحه بعيوني ولابتسامه خلصنه ورجعنه للبيت وجان سلام مفاجئنه وجايب مزيقه وصارت عبالك زفه شاهين بلبسه العسكري طالع غير يجنن وصلنه للبيت وضلو الشباب يركصون يم باب البيت اني عفتهم شلت البدله مالتي وصعدت للغرفه باوعت على نفسي بلمرايه وابتسمت اخذت نفس فتحت الكنتور واخذت من هذني الشمخلعات سمعت صوت الباب نفتح تبسمرت بمكاني صح يعني صارلنه سنه مزوجين بس بعدني استحي واخجل منه نداريت صارت عيوني بعيونه اتقرب عليه وصار كبالي دنكت راسي وابتسمت رفعت راسي بأصبعه وباسني من راسي
شاهين..انتي دائما تكولين انت معجزتي بس لا انتي معجزتي رب العالمين دزها الي وعاني وصحاني على دنياي انتي غيرتي شاهين العصبي الماعنده رحمه قاسي ويا لكل حتى ويه نفسه دخلتي الحياتي غيرتيهن هل شغلات اي هسه اني اعترف شاهين على ايدج صار شخص جان الكل يحلم يتغير بس انتي غيرتيني احبج يا احله واقع بحياتي
بنين..باسني من ايدي نزلت دموعي على كلامه انت احله واقع بحياتي انت معجزتي رب العالمين دزك الي خليتني افرق بين الصح والغلط خليتني اتعلم الحب الحقيقي على ايدك احبك باسني من شفتي ومسح دموعي
شاهين..لتبجين بنتي ماحب اشوف دموعج
بنين..داروح للحمام جرني من ايدي طبكني بصدره البدله بيها قياطين كام يفتح بيهن خليت ايدي على صدر البدله خاف توكع دفعته من صدره على كيف ومشيت للحمام …………..
للحكايا بقايا
مرارة الحب الفصل الثاني وثلاثون 32 - بقلم بنين الزبيدي
انتهينه ..
وانتهى الما ينتهي وخلَّص حَچينه
انتهينه
وبگت گطرات الوفه المَذبوح تتناثر
عَلينه
وكون ندري بِـ العتّاب يفيد بيهُم
چا عاتبينه
وكون يسوون البَچي
چا بِـ اثنعش ناظر بچينه
غافلّونه
وباگوا العِشره غَفلّ مِن بين ادينه !
وانتهينه
وشگگو مكتوبنه وبلا خجل ذبو علينه
☆☆☆☆☆☆☆☆☆☆☆☆☆
دخلت مسحت المكياج وسبحت وطلعت مرت اليله عبالك هسه مزوجين لمساته وحبه وخوفه عليه وكلامه ويايه رجعتني عروسه واليوم عبالك ازوجت نمت بحضنه ومرت هل ايام حلوه حيل كمت احسد نفسي على السعاده الي عيشني بيها شاهين كأن يعوضني لين مصار عدنه طفل صح اسوي نفسي متناسيه السالفه بس احن كل ماشوف طفل ابجي واتمنى رب العالمين يرزقني مر تقريبا شهرين حياتي من السعاده الى سعاده جنت احب شاهين هسه صرت اعشقه دوامنه نفسه نداوم اني مملكتي جانت سايده عليها السعاده حياتي ويا شاهين جانت سعيده الحد مااكدر اوصفها بس كل مملكه تزورها المشاكل والحزن مر شهر وشاهين حيل تغير ويايه مو نفسه اتفهمت وضعه لين الشغل هوايه زاد علينه كام يجي يسبح ويبدل وينام حتى ميحجي ويايه واني متفهمه لين مثل ما هوا تعبان اني تعبانه من الشغل اليوم بلمكتب مالتي داكتب بلملفات واملي الاستمارات الي عدنه ودخل ملازم ياسر اخذت تحيه ابتسمت هله ياسر
ملازم ياسر..يمعوده بنين تعالي ساعديني
بنين..ياستار شكو
ملازم ياسر..صار عندي غلط بهذا الاسم وصارت هوسه سجلته مرتين وبسمتارتين ودخت
بنين..هههههه جيبه بله نطاني الاستمارتين باوع هاي اتلفها لين انت مسجله لو بيضها
ملازم ياسر..تبين
بنين..لا داحجي نفتح الباب ودخل شاهين باوع علينه جان ياسر شويه قريب عليه يعني بصف الكرسي مالتي وخال ايده على الميز كمت اخذت تحيه
شاهين..انتضرج بلسياره
بنين..بلعت ريكي اويلي يمه والله حنكتل احم اخذت غراضي ياسر بيضتها الك ترا متبين
ملازم ياسر..تمام مشكور بنو
بنين..ادلل نزلت الدرج كله احس كلبي صار بين ايدي من الخوف وصلت الباب الدائره وصفنت ماريد اطلع حسيت احد جرني من ايدي باوعت شاهين شاهين بس اسمعني جان ميسمع مني صعدني للسياره وصعد الطريق كله ابرر اله واشرحله بس ميفيد وصلنه للبيت ونزل جرني من ايدي جانت خاله ام طيبه بلبيت وخاله ام عامر وغاده وبيبي سعاده من شافو هيج يجر بيه خاله ام عامر تصيح وبيبي سعاده ولكل اخذني الغرفتنه ودفعني وسد الباب وكعدت بلكاع طبكت رجلي الصدر وكمت ابجي شاهين احلف الك بكل الاديان وحق القران ماعندي شي ويا جان ميسمع باوعت عليه سحب النطاق وضربني من يضرب احد ميرحم عبالك يضرب مجرم جان مو شاهين حبيبي الي حبيته الجان مستعد يأذي نفسه بس ميأذيني شفت انسان ثاني نضراته كلها كرهه وشك جان وحش ماعرفه منو هذا مو شاهين حبيبي جان يضربني ويكسر بلغرفه كمت ماتحمل الضرب مالته اذني حيل من غير الحجي والغلط والفشار عليه ضربني على متني احسه متني نخلع مجان الي قدره احجي شي لزمت رجله وكوه حجيت شا… شاهين….. كاف كافي ابو...ابوس ايدك .كافي دفرني نضرب راسي بلطبله اغمى عليه مادري شكد مر وقت بس فتحت عيوني شفته كاعد بلكاع وثاني رجله وصافن عليه اسمع برا حتى العميد عامر سمعت صوته كام فتح الباب وطلع
شاهين..لتفوت ضرغام [ابن اخو شاهين يصير ابن عم طيبه]
طيبه..جنت بغرفتي داملي الاستمارات الي وزعتها النه الوزاره داكتب ندك تلفوني باوعت بيبيتي جاوبت الو ها بيبي
خاله ام عامر..ولججج يمه لحكي يمه شاهين راح يموت بنين
طيبه..بس فهميني شكو بيبي يا بنين يا شاهين جوا بلدائره
خاله ام عامر..ولج يمه فدوه بسرعه البنيه انتهت بيده
طيبه..طلعت ركض الغرفه بابا جان جدو يمه بلدائره جاي زياره فتحت الباب كبل بدون حتى مادكها بابا الحك شاهين راح يموت بنين
العميد عامر..طيبه بابا شتحجين
طيبه..والله بابا هسه خابرت بيبي فدوه بسرعه نزلت ركض وابويه وجدو ورايه طلعنه نركض من الدائره حتى الموضفين عبالهم اكو شي الطريق كله كلبي يوجعني على بنين ادري عمي من يتعصب بعد ميتفاهم حتى يكوم ميمسع المقابله ويكصي بلضرب مالته وصلنه للبيت دخلت ركض شفت غاده كاعده على التخم تاكل تفاح وتتمضحك صعدت ركض للغرفه اسمع شاهين يصيح بس بنين مالها صوت دكيت الباب قوي شاااااهيييييننن كافيي كافييي خلي عندك رحمه الله ليوفقك افتحححح البابببب شاهيننن فقدت كمت ماعرف شحجي فتح الباب جان ضرغام ابن عمي واكف ويريد يكسر الباب هوا فتحها وحجه ويا ضرغام دخلت باوعت على بنين الدمايه ماخذتها ملابسها مشككه من يم صدرها القميص مشكوك وراسها ينزف دم وحلكها وخشمها وكل مكان بجسمها جان ينزف دم كعدت يمها بنين حبيبتي بنين عبالي ماتت لين شكلها جان مال موت كمت اضرب على رجلي وادعي على شاهين الللللله ليوفقك شاهيننن موتتها الله اليوفقك لجج بنين دفعني ابويه وشالها ونزلنه نتراكض وراها خلاها ابويه بلسياره حتى منتضر احد بينه كبل اخذها للمستشفى رحنه وصلنه للمستشفى لكيت ابويه واكف يم الباب مال طوارئ وملابسه كلها دم دخلت شفت الدكاتره ملتمين على بنين ويحجون عفيه دكتور ابوس ايدك بس انقذها كلشي انطيك والله بس لتموت جنت اكمز واحجي وابجي الممرضات طلعني بنين مو بس صديقتي لو جنتنه لا بنين اكثر من هيج هيه اختي الي مولدتها امي ملاك ورب العالمين نطاها الي جلنت صديقتي من عندي سر واريد احجي بيت اسراري وتاخذ دور الام من اريد ابجي والصديقه من افرح الوحيده الي اثق بيها ثقه عمياء امشي وراها مغمضه وماخاف هيه اختي وامي وصديقتي وكلشي بلنسبه الي طلعني الممرضات برا كعدت بلكاع ابجي يا مكسوره الحظ يا بنين كل العالم مرتاحه وانتي رب العالمين بلاج بواحد مريض نفسي ميرحم ماعنده رحمه كلبه قاسي دخلوها للعمليات واشوف الممرضات يتراكضن اجتي ممرضه وكفت كبال ابويه وحجت
الممرضه..استاذ المريضه فقد دم هوايه وماعدنه زمرة دمها احد منكم دمكم يطابق ويا دمها
العميد عامر..اي اني بنتي
عمو سلمان..واني هم بنتي
طيبه..اي واني هم يله رحنه نتبرع بلدم الها طلعن جيسين ونص اخذوهن الوقت ميمر كام بلكوه مرت ساعه طلع الدكتور كمت من الكاع دكتور شلونها اختي
الدكتور..خيطنه الها جرح راسها وبعض جروح جسمها بما انو انت عميد استاذ شنو صاير للبنيه
العميد عامر..حادث
طيبه..باوعت على ابويه منطه بشاهين نزلت دموعي اكثر
الدكتور..كدمات وضربات جسمها مو مال حادث على كلهن البنيه راح نطلعها بغرفه خاصه الها باجر تكدر تطلع بس لازم تنتبهون عليها اكثر لين عدها جرح قديم نفتح وخيطنا وعدها جرح راسها وقفنه النزم الي بجسمها عليها العافيه
طيبه..راح الدكتور طلعو بنين بغرفه ودخلنه يمها باوعت على ابويه ليش دافعت اله
العميد عامر..طيبه اسكتي بنتي
طيبه..لا ماسكت احنه مماخذيها حتى اخوك لو ابنك لو ابنج يضربها هاي روح هاي بنين صديقتي واختي هيج يصير بيها هاي الي بيتهم وحق هذا الله محد ماد ايده عليها هيج يسوي بيها ابنكم زين ليشش شنو الجريمه الي هيه سوتها حرام عليكم لو توكفون ويا الحق لو اصلا التدخلون كله من وراج بيبي اخذتيها الشاهين قبل هل مرا ضربها وحتى خانهاااا خانهااا وهيه تحبه وغراكانه بعشقه وهيج جازاها هيجج جانت ورده مفتحه وهسههه هسه هذا حالها ابنج مريض نفسي يشوف نفسه عنده سوالف مكسره عباله الكل مثله حجيت هل حجايه وابويه ضربني راشدي شكد مقوي وكعت بلكاع وكمت ابجي حيل توجعت على بنين طلع ابويه برا اعرفه منقهر على بنين بس هم مينطي بأخو كمت لزمت ايد بنين اني اسفه بلي سوو اهلي وياج سامحيني عليج الله بنين سامحيني مكدرت اسوي شي ضلينه يمها لحد ليل يله فتحت عيونها
بنين..فتحت عيوني بلعت ريكي ناشف باوعت طيبه كاعد بصفي ومن الجهه الثاني خاله ام عامر وخاله ام طيبه حجيت بصوت همس طيبه
طيبه..رفعت راسي عليها شفتها كاعده ها يعيون طيبه انتي
بنين..مي اريد مي
طيبه..نطيتها مي باوعت عليها شربت ورجعت راسها على المخده نفتح الباب ودخل ابويه وجدي
عمو سلمان..بنين بويه بعد مالج عيشه ويا شاهين
بنين..مجرد سمعت اسمه كلبي اذاني حيل واختنكت من الغصه نزلت دموعي
العميد عامر..سامحينه بنيتي مكدرت اسويلج شي والله مادري بي هيج سوه
بنين..هزيت راسي جان مالي قدره احجي رجعت نمت ثاني يوم الصبح كعدت ساعدتني طيبه اكوم ماكدر امشي الجرح الي ضهري القديم نفتح ومخيطي مرا ثانيه دخلت للحمام جان اكو مرايه صغيره باوعت وجهي بيها شفتي مجروحه عيوني حواليها احمر ونص صاير ازرك باوعت خالين بلاستر على خشمي يوكفون النزم خدي صاير ازرك نزلت دموعي شنو السويته حتى استحق كل هذا منه طلعوني من المستشفى ورجعوني للبيت كله يهون عندي بس نضرات غاده الشامته مو بس موتتني لا حركتني واني حيه باوعت على الغرفه مالتي مفتوح الباب مالها والخدامات دينضفن دخلتني طيبه الغرفتها وسدت الباب ماريد اشوفه نهائيا هل مره صدك ماريده اشوفه نعزلت صرت حتى اكل بغرفه طيبه وهيه صارت تعالجني يوميه تدهن الجروح
بـ دهن حتى يطيبن بس جروح كلبي شراح يطيبهن كمت بس جرح ضهري وراسي بعده مرات اصفن بلمرايه اني من داعي عليه هيج حتى من كلشي خسرت منو جروح وجهي خف اثرهن والزراك راح بهل شهر طيبه شكد ماحجي ماوفيها جانت متنام اذا متشوفني نايمه متاكل اذا متوكلني وتنطيني دوايه جنت انام لين الدوه بي نسبه مال منوم مر شهر وشلت الخياط مال ضهري بس راسي بعده من يوم الصار واني مطالعه من غرفه طيبه صارت مهربي من الكل ماريد اطلع حتى ماشوفه وماشوف نضرات غاده الي تموتني نضراتها فرح شماته وكلشي ملابس ماعندي كلهن بلغرفه مالتي القديمه طيبه ماهيه واريد اسبح رحت فتحت باب الغرفه وترددت ادخل باوعت عليها وتذكرت كلشي صار بهل غرفه باوعت على المكان الي ضربني بي ونزلت دموعي رحت وكفت كبال لكنتور طلعت ملابس داطلع شفته دخل باوعت عليه مر شهر واني مشايفته متغير شعره طولان ولحيته هم طولانه داطلع جرني من ايدي عفيه وخر
شاهين..تحلمين قبل ماخذ حقوقي الشرعيه
بنين..شمرني على الچربايه واخذ اليريده ماعندي قدره كلشي اسوي انسانه ضعيفه كدام وحش عافني وكام
شاهين..سدي الباب وراج
بنين..دخل للحمام كمت لبست ملابسي ورجعت الغرفه طيبه دخلت للحمام وكعدت جوا الدوش ابجي بدلت وطلعت كعدت على الچربايه وطبكت رجلي الصدري واحس كلبي على دقيقه يوكف نفتح الباب ودخلت طيبه من شافتني ابجي اجتي يمي
طيبه..يمه الف اسم الله عليج ابويه بنين شبيج امي
بنين..حضنتها وبجيت بحضنها طيبه اني وحده ضعيفه ماعندي قدره بعد اريد اهلي
طيبه..سوده عليه يروحي انتي كافي امي كافي
بنين..نمت على المخده ودموعي تجري وهيه تمسد على شعري ودموعها تجري ويايه نمت
طيبه..باوعت عليها نامت وهيه تشهك شلون انقذج من عرين شاهين الضالم شلون كل الصار ومكدرتي تكرهي نمت بصفها
بنين..كعدت بليل سمعت صوت صياح جوا ماعرف شكو طيبه هم فزت ونزلت تشوف شكو ضليت كاعده وصافنه من بين كل الاصوات جان صوته الوحيد عالي
طيبه..نزلت اشوف شكو الصياح شفت ابويه وجدي وشاهين ابويه كايل الشاهين بنين ترجع البيت اهلها واعتقها من عذابك وشاهين مقابل
شاهين..متطلع من هل بيت اله وهيه جثه دخلت اله بعد تطلع
العميد عامر..شاهيييينننننن شنووو ذنب البنيه هيج نايمهههههه فوك جانت ولا يوم ناطيها اجازه بل دائره من يوم صارت زوجتك سجل لاجازات مالتها بسببك نترسسسس نترسس بسبب عذابككك الها
شاهين..عامر عدها شي ويا الكلب ابن الكلب ياسر
عمو سلمان..لهناااااا وماسمحلككككك هاييي مرتككك شلون هيج تشك بيها هاي الي قبل شهرين جانت تحتفل بذكرى زواجكم هاييي الي نست اهلها وبقت يمك الي اخذتها من بيتهم معززه مكرمه وتالي هيج سويت بيها اعتقدهاااا
شاهين..ماطلككك طلاك خلي تشيلها من اذنها ماطلللكهاا وحق هو الخلقنه
طيبه..باوعت عليه طلع شخط سيارته وراح مرت شهر ثاني وبيتنه مثبور شاهين وابويه وجدي يوميه متعاركين لين شاهين رافض رفض قاطع يخلي بنين تروح الهلها وينفصلون احنه كلنه ويا بنين تحملت الي محد تحمله ام مينزل للبيت من شاهين مينزل كامت شويه بنين تطلع وتنزل انزلها غصب عنها اختنكت بل غرفه من تطلع بنين غصبا ما على غاده تنحبس بلغرفه اعرفها بس تشوفك بنين تعيرها لو تشمت بيها فا اخليها بل غرفه شويه استعادت قوتها كامت تسولف وتشتغل ويايه بلمطبخ كمت اشوفها من تمشي تلزم خاصرتها اليوم جنت واكفه داسوي بيض البيبي باوعت عليها دخلت ركض للحمام تقيئت رحت وراها طلعت بنين شبيج حبيبي
بنين..خاصرتي تأذيني واريد اريد اتقيئ معدتي
طيبه..اليوم نروح للدكتور حبيبتي
بنين..اي دخلت للصاله جانت خاله ام عامر وبيبي سعاده يحجون سمعتها بيبي سعاده تحجي
بيبي سعاده..يمه شوكت ينزل عاد كليبي طاك عليه
خاله ام عامر..يمه اليوم ينزل بلتواسيل يله قبل
بنين..دخلت سكتو كعدت على التخم وايدي على بطني طيبه جابت البيض شفته درت وجهي مع انو اني احب البيض العصريه اخذتني طيبه وامها للدكتور بلمستشفى طلبو منه تحاليل حللت وكعدت انتضراجه سرانه اخذت التحاليل ورحنه للدكتوره جانت خاله ام طيبه تحجي
ام طيبه..ها دكتوره بشري شبيها بنتنه
الدكتوره..هههه بيها كل الخير ماما انتي حامل
بنين..جانت كلماتها ترن بأذني حامل خليت ايدي على بطني ودموعي بدت تنزل جنت مستعده ادفع نص حياتي في سبيل هاي الحضه كمت ابجي قوي دكتوره شلون حامل اني زوجي ميصير عنده اطفال
طيبه..شنو
الدكتوره..ماما احنه نسمي هاي معجزه من رب العالمين ميكطع بعبده حبيبتي لازم تنتبهين على صحتج وتاكلين زين ماشي
بنين..جنت ماسمع شتحجي ايدي على بطني وابجي من فرحتي ربي رزقني وعوضني طلعنه من المستشفى وكمت احجي ويا السما الحمداللهه ربيي الحمدالله رزقتني ومنسيتني الف الحمدالله يارب رجعنه للبيت شكد مفرحانه سجدت بلكاع من الفرح وابجي دخلت للصاله شفته موجود حتى مباوعت عليه كبل صعدت فوك ماريد اشوفه سديت الباب وكعدت ربي الحمدالله الحمدالله مرن يومين هوا موجود اني مانزل طيبه تصعد الاكل الحد يمي محد كله اني حامل اني بهل يومين اخلي ايدي على بطني وانام فرحتي متنوصف شكد مراح احجي ماوصفها ثالث يوم الضهر عرف شاهين اني حامل جنت نايمه واتصفح بلجهاز مالتي شغلات الاطفال دفر الباب فزيت باوعت عليه اجه جرني من شعري وسحلني من الچربايه اااخخخخ وخرررر وعنيي كطعت شعري حرام عليك
شاهين..مينننننن
بنين..جان شكله يخوف وجهه احمر شرايين ركبته بارزه وريد كصته بارز شنووو مين
شاهين..مييييين هذا الي ابطنج
بنين..باوعت عليه جان كلشي عادي بس تهمني بشرفي لا وخر هذا ابنك
شاهين..ابني ههههه حبلان بنغللللل وجاييييههه تلبسييي براسييييي
بنين..دفعني للكاع صارت كبالي خاله ام عامر وطيبه يمنعنه يضربني ولازمه جان ضرغام ابن عمها وهوا يصيح يريد يضربني صافنه بلكاع وخايفه يسوي شي لابني ماحس اله دفره بخاصرتي وكعت على الكاع دفرني مره ثانيه على ضهري وعلى بطني احس النفس نكطع عندي جره ضرغام مني وطلعه ساعدتني خاله ام عامر اكوم هيه تحجي على شاهين مشيت خطوتين احس شي حار على رجلي باوعت شفت دم………
لكل حكايا بقايا…………..
اين التفاعل يا عرب يا قوم يا فشلتي من العربان وينننن التفاعل اخوان سولي اذا هذا البارت شفت بي تفاعل بليل انشر بارت ثاني 😜
مرارة الحب الفصل الثالث وثلاثون 33 - بقلم بنين الزبيدي
مجبور من سكتت
مو مال ابررلة
البعينة احلف چنت
ما ادري شحلفلة
والمن اسولف على
العلمني اسولفلة ؟
♧♧♧♧♧♧♧
بنين..شفت دم تخبلت لزمت ايد خاله ام عامر خاله ابني ضليت ابجي ماعرف شسوي بس ابجي
طيبه..ضرغام خويه حضر سيارتك ناخذها للمستشفى
بنين..ساعدتني طيبه انزل واني اعصر بأيد طيبه مو من الوجع لا من خوفي على طفلي اخذوني للمستشفى جانت اهليه مقبلت خاله ام عامر نروح حكومي دخلت للدكتوره وطلبت سونر رحنه اخذت سونر اباوع على ملامح الدكتوره ساكته لزمت ايدها ابني بي شي
الدكتوره..نبض ماكو
بنين..نزلت دموعي ورجعت راسي على المخده الي على السديه خاله ام عامر لازمه ايدي وتحجي ويا الدكتوره
خاله ام عامر..يمه متكدرين تسوين شي فدوه العمرج
الدكتوره..والله خاله بعيوني بس الطفل ميت نبض ماكو بس لازم تدخل عمليات هسه اذا ضل الطفل ابطنها يسمم دمها
بنين..اخذوني للعمليات نطوني بنج بس موضعي بين النايمه والكاعده اسمع حجيهم مطولت هوايه العمليه طلعت بغرفه شفت طيبه واكفه يم راسي اني نمت من البچي تعبت ونمت
طيبه..باوعت على بنين قبل يومين بس جانت فرحانه تهوس واطلع شغلات مال اطفال بلتليفون وهسه دخلت للعمليات فقدت ابنها اريد اعرف شلون راح تسامح شاهين بعد شلون دننتضرها برا دك جهاز ضرغام باوعت عليه منو
ضرغام..عمي شاهين
طيبه..هه ديتأكد الطفل مات لو بعده
ضرغام..ها عمي
شاهين..حبي الها فاقد مراحل الحب صار ادمان صارت بنين بحياتي كلشي حبيبه زوجه طفله صديقه عمري محبيت شخص لهل درجه وحبي الها زاد ورا عيد زواجنه بفتره كامت توصلني راسايل تشككني بيها اخر رساله ندزت فديو جان البنين وياسر بكليه الضباط ياسر لازمها من ايدها رحت للمكتب مالتها واثبت هذا لشي شفته يمها بمكتبها اخذتها للبيت جنزتها اي الجنت حالف الها ماضربها مديت ايدي عليها وضربتها وبرا نثبرو يصيحون ماهتميت لاحد فتحت الباب وطلعت رجعت للدائره حولت ياسر مجلس تحقيق وطلعت ضليت بلشارع افتر ودايخ تعبان تخوني ويه ياسر الكلبه ضليت لحد ساعه 3 الفجر بلشارع رجعت للبيت شفت حجيه سعاده كاعده
حجيه سعاده..تعال يمه متروح تشوف مريتك وصلتها الموت
شاهين..طبها فوك المرض مرضين صعدت للغرفه جانت صوره عرسنه مكبريها وخاليها على الچربايه شلت النفاضه وركعتها بلصوره تفلشت صارت وصل ضليت كاعد وادخن جكاير ثاني يوم طلعوها شهر اني مشايفها متنزل باقيه بغرفه طيبه بليل اسمع حجيها ويا طيبه وبجيها بس شكي جان اكبر من حبي الها فديوم راجع من الشغل تعبان صعدت للغرفه شفتها داتاخذ ملابس دتطلع مخليتها اخذت الاريده منها اعرفها متحب هل سالفه الغصب وتحس كرامتها نجرح اني ردت اجرحها طلعت سبحت وطلعت تمددت العصر وتعاركت وياهم بلبيت وطلعت اخذت خفر بلمراكز كل مارجع يفتحون موضوع الطلاك وطلاك ماطلكها خابرتني الحجيه تبجي ونزلت لخاطرها كاعد بلصاله داشرب مي شفتها دخلت تبجي وفرحانه مفتهمت شبيها وطيبه وامها ميحجن يومين اني نازل مجاز هيه مطلعت من الغرفه مشفتها بعد احس نزلت من الغرفه دادخل للصاله وسمعت كلام طيبه ويا الحجيه
طيبه..والله بيبي وشكد حلو جانت تبجي لين عرفت نفسها حامل
خاله ام عامر..اي يمه الف الحمدالله رب العالمين طعمها هل فرحه
شاهين..دخلت سكت لزمت طيبه من ايدها منو الحامل
طيبه..محد
شاهين..طيبهههههههههههه
طيبه..بنين قبل يومين تخربطت واخذناها للميتشفى وحللت وطلعت حامل
شاهين..خاف جان اكو ذره عقل براسي بحجي طيبه طارت صعدت شفتها نايمه سحلتها من شعرها وضربتها واحس كلبي ميبرد من اضربها لو اذبحها بذك اليوم ميرفلي جفن وطلعت التلفون يدك ضرغام مجاوبت عليه وكفت على الشط شاهين هاي الجنت مأمن بيها هيج طلعت هايي الي عفت الدنيا علمودها صفنت بس خاف داضلمها لازم اتأكد طلعت للدكتور حللت اول دكتور النسبه ميته حللت يم ثنين وعرفت النسبه مرتفعه عندي وماعتد عقيم نهايتي هل حجي اني كتلت ابني بأيدي طلعت ماعرف وين اروح وشلون راح اخلي عيني بعينها بعد خابرت على ضرغام وعرفت دخلت عمليات شلون اروح اوكف يمها بشدتها واني اجرمت بيها
ايي يشاهين هاي نهايتك هسه حتى ابنك بيدك كتلته من شكك وعدم تفهمك الها لليل رجعت للبيت شفتهم هسه دخلوها للبيت
بنين..كعدت بليل سوولي ورقه خروج طلعت من المستشفى رجعت للبيت الطريق كله ابجي هذا اني حصلت من دنياي بس البچي حياتي كلها بجي دخلت للبيت شفته واكف يم الدرج رحت ركض ضربته على صدره الللللهه ليوفقككك نشاللله شاهيننن الله ياخذ حوبتي وحوبت ابني منك لكككك سنه و3اشهر سنهههه اني ساكته وماريدددد اجرحك لين اعرف ميصير منك واكول بنيننن انتي عايشه وياااا وتحبييي شسوين بجهال وصار عندييييي ومتهنيت بي حتى متهنيتتت بي الله ليوفقك نشالله الله لينطيك دمرتني الله ياخذ حوبت الطفل الي مشاف نور الدنيا بسبب افعال ابو وشكه لككك خطبتني وازوجتني وبلكذببببببب مكتلي اني ميصير عندي وعقيم محددد بيكم كليي واني قبلتت قبلتتت وتخليت عن امومتي ليشش الخاطر اعيش وياك وتاليي انت اجازينيييي هيج تتهمني بشرفي الله ليوفقك عفته وصعدت اجر ذيال حزني وفقدي لطفلي دخلت الغرفه طيبه كارهته حبي اله تحول كره انتضرت كم يوم اصير زينه وخاله ام عامر وطيبه وامها مقصرو ويايه خطيه ساعدوني اطلع من حزني ام طيبه ورانيه مبقه شي ويجيبن رحت الغرفتي اخذت جنطه ولميت ملابسي واني دموعي تجري كل عيشه بعد مالي وياك اخذت ملابسي ونزلت شافتني خاله ام عامر وام طيبه وبيبي سعاده وطيبه
بيبي سعاده..يمه ستهدي برحمانج حبيبه وين
بنين..نزلت دموعي بيبي انتو اخذتوني واني عندي اهل راجعه الهلي راجعه للمكان الي محد يتهمني بي ويضربني ويهيني
خاله ام عامر..يمه بنين فدوه الكلبج ابقي وتعوذي من الشيطان والله يمه يحبج
بنين..لاا ميحبني خاله من رختصكم وصلت للباب وفتحتها صار هوا كبالي
شاهين..بعد الصار ماعرف وين اروح ودهري وين ياخذني خسرتها بسبب غيرتي وشكي بيها كل مره مانطيها مجال تحجي وتبرر بس هل مره الغلط راكبني من راسي الساسي شلون راح ارجعها مره ثانيه شلون تكسبها بعد شاهين وانت دمرت كلشي بيها واخر المتمه بيدك كتلت ابنك اول مره دموعي تنزل اختنكت طلعت لكربلاء للحسين (عليه السلام) دخلت توضيت وصليت اريد ارفع ايدي للداعاء خجلان من رب العالمين كعدت على ركبي وبجيت يارب خجلان ارفع ايدي واني بحضرت اهل بيتك يااارب نطيتني هديه عمري كله احلم بيها رجعتها الك بأبشع الطرق رفست نعمة ملايين الناس تتمناها شكيت بمرتي وموتت ابني بأيدي ادرييي ربي ماستاهل تغفرلي ياللله ايد صارت على متوني و
الرجال..كوم وليدي كول يالله ما تتعسر اله وربك ايسرها وماتشتد اله وتفرج
شاهين..شيفرجها عليه حجي متكلي شيفرجها
الرجال..كول يالله وكوم خلي ايمانك قوي بأالله واهل لبيت ابني
شاهين..ونعم بالله رجعت للبيت الطريق كله افكر بيها وبنضراتها من طلعت من المستشفى وكلامها وصلت للباب دافتحها شفتها هيه واكف كبالها باوعت عليها وعلى الجنطه لي بيدها
بنين..صار كبالي وصارت عين عليه وعين على الجنطه لزمني من ايدي وسحبني ورا كمت ادفع بي واصيح واخرمش بيده وخرررررررر عنييي
شاهين..اشششش
خاله ام عامر..عوفها شاهين لبنيه ادمرت دمرتهاا انت دمرتها جبتها الك ورده مفتحه عوفها تعبانه
شاهين..وانييي متعبان يمه الوم كله عليهههه حسو بيه متأكد من ميه بلميه ميصير عندي وسمعتتت تخبلتت
بنين..وخررررر اكرهك اني شاهين اكرهككك وخررر جرني للغرفه دفعني وقفل الباب كعدت بلكاع وطبكت رجلي الصدري وهوا كعد على ركبه كدامي
شاهين..اهدي داتفاهم وياج
بنين..تتفاهم ويايه على شنو ها على شنو
شاهين..شتريدين حاضر اسويلج كلشي تريدي بس سامحيني
بنين..اسامحك يله رجعلي ابني الي موته بيدك وبدم بارد رجعلي كرامتي الي دسدتها برجلك رجعهن ذني واني اسامحك
شاهين..اموت بدونج بنين اموت تعرفين شنو اموت غيرتي وياج عميه الموضوع يوصل يمج ماشوف سامحيني وخلي نفتح صفحه جديده اني وياج وعد اتغير وتشوفين بعينج لتحرميني من شوفتج لدمريني فوك ما اني مدمر
بنين..هههههههه انت مدمر شنو الي ادمر بيك احد ضربك لو احد هانك وداس على كرامتك اكوو واحدد اتهمك اكو واحد قتل ابنك قبل ميجي ويشووووف نور الدنياا
هذااا الدمار هذا الي اني احس بيي
شاهين..نطيني فرصه اكفر عن ذنبي كتلج اتغيرر
بنين..عوفني ارجع لهلي تصدك وحق الله من اشوفك كرهي يزيد قاطات عليك شفته كعدت بلكاع وايده صارت على ركبته شرايين ايده وركبته كلها برزت وجهه صار احمر باوعت عليه يفتح بأزرار القميص ختنك وكع بلكاع باوعت عليه شي من ناحيته انطفى كمت مسحت دموعي وتقدمت بخطواتي للباب فتحتها وطلعت صحت اهله والعميد عامر يشوفه وطلعت اخذت جنطي وطلعت منا جيت حزينه وطلعت حزينه طلعت للشارع اخذت تكسي للبيت اهلي الطرق كله اني صافنه ودموعي على خدي تجري لحد مو صلنه فزيت على صوت الرجال ابو التكسي دفعت فلوس ونزلت وكفت كبال البيت شلون راح ادخل وشراح اكلهم دكيت الباب على كيف فتحتها امي من شفتها حضنتها وكمت ابجي هيه خترعت
ام عباس..يمههه الف صدد والف ردد شبيج ابويه
بنين..ماما
ام عباس.. شبيج ماما بنين
بنين..دخلت جوا جانو اخواني ماهمه وابويه هم بلشغل جانو كعدت على التخم ابجي وامي تريد تفتهم مني كتلها مابيه شي بس بعد ماريد شاهين واريد اطلك منه
ام عباس..شنو تطلكين بنتي صلي على محمد ارتاحي هسه ومن يجون اخوانج نحجي
بنين..اخذت جنطي وصعدت الغرفتي فتحت الباب ودخلت نمت على الچربايه ودموعي تجري ماشف راحه بحياتي افرحلي دقيقه ابجي عمر بدون ما حس نمت فتحت حسيت احد بلغرفه فتحت عيوني شفت عباس ومحمد وحسين
عباس..ها بناتي شبيج ابويه
بنين..نزلت دموعي عباس اجه حضني نزلنه تلاثتنه جوا جان ابويه كاعد دخلنه للصاله كعدت وابويه وعباس ومحمد وحسين كعدو كبالي عبالك تحقيق
ابو عباس..بنتي بنين هذا البيت بيتج وحق كل حرف بلقران اني واخوانج وامج نطلع وانتي اضلين بي معززه مكرمه بس فهميني شبيج
بنين..نزلت دموعي بابا ماريد شاهين بعد
ابو عباس..السبب
بنين..ماريده وهاهيه ابويه يريدني احجي بس اني ماريد اخر شي صاح
ابو عباس..ترجعيننن الرجلج ماطول متحجينن انتي الغلطانه
بنين..اني مغلطت داريته مثل الماي الي بلصينيه
ابو عباس..اني كلت العندي ترجعييين مامشيييي على مزاجج تريدي ومتريديي
بنين..ديطلع كمت وكفت شاهيييننننن قتللل ابنييي وبجيت من حجيت هيج امي شهك وضربت على صدرها حيل ابويه جان واصل لحد باب الصاله من حجيت نداري عليه وعباس ومحمد وحسين وكفو كبالي
عباس..شلون
بنين..بديت احجي الهم شلون ضربني وشلون قتل ابني وشك بيه احجي واحس كلبي يكطعني واشهك والله بابا قتل ابني هذا فرحة عمري متهنيت بيها خليت ايدي على وجهي وكمت ابجي قوي اجه ابويه حضني وعباس ومحمد وحسين يريدون يرحون لشاهين للبيت حلفتهم ميدخلون
ابو عباس..ليش مكتيلي من البدايه بابا
بنين..بابا جنت اكول هذا رجلي ومعيشني بسعاده هاهيه لحمدالله بس هيج سوه ويايه هيج ضليت بحضن ابويه ابجي مرت الايام اني ابيت اهلي ماعرف اخبار بيت عيالي ولا خباره اله لين حتى عن التلفون ابتعدت نفسيتي تعبت حيل رجعت لانعزالي بس هل مره اخواني مخلوني عباس ومحمد قفلو باب غرفتي
عباس..مترجعععين الحالتججج قبل تحلمين
بنين..عباس تعبانه اريد اضل بحدي ابوس ايدك
محمد..تنامين يم ابويه وامي غيرها تحلمين اخليج ترجعين تنعزلين كافي
بنين..كعدت يم الباب ابجي واملخ بروحي كطعت شعري واضرب على رجلي عوفونييييي اريدددد ادخل لغرفتييييي ماريدددد اضل هنا كعد عباس كبالي وجر راسي الحضنه
عباس..بنين بنتي هل مره اني مستعد ادفع نص عمري وحياتي بس ماخليج تنعزلين مرا ثانيه كافي حبيبتي
بنين..كمت من يمهم تحركت خطوتين وكعت مادري شصار بس فتحت عيوني لكيت نفسي بل مستشفى وبيدي كانونه وامي فوك راسي وابويه يحجي ويا الدكتور
ابو عباس..ها بابا يوجعج شي تحسين بشي
بنين..هزيت راسي بـ لا اريد اطلع طلعت من المستشفى دوام هملته صرت مادوام مالي خلك تعبانه اني نفسيتي وجسدي وروحي وكلشي بيه تعبان مباقيلي حيل حتى ارفع ايدي جان محرم يعني دخلنه بمحرم وخلصت بيوم العاشر ديطبخون اهلي وكلهم منجمعين ابيتنه بيت خالاتي ورانيه وعيالها وعماتي وبناتهن وجناينهن وكلهم يحجن كمت صعدت الغرفتي توضيت وضليت اقره قران وزيارات وابجي على مصيبه هل يوم خلصت نزلت كعدت على الدرج اسمع جانت خالتي جايبه ملايه تقرا كامت تقرا على رقيه (عليها السلام) من يضربوها ومن اخذو تجرياتها انرسمت صوره كبالي كمت ابجي يعني احنه منتقارن بيهم بس يعني البنات من واحد يصيح عليهن لو يضربهن ينهضمن ويروحون الابوهن يشكن السيده رقيه ابوها راح منها خلصت من السيده رقيه وكامت تقرا على عبدالله الرضيع كمت ابجي حيل اجتي رانيه يمي
رانيه..بنين حبيبتي اهدي
بنين..اريد اطلع ختنكت اخذوني الكربلاء
رانيه..والله اخذج بس يخلص الطبخ اني وسلام نجي وياج
بنين..لبست حجاب وطلعت كعدت بلكراج مجان اكو احد غريب كلهم كرايبنه موجودين باوعت على الجداري كلهم مشتغلات ومسطرات على طول الفرع احه عباس يمي
عباس..لبسي حجابج اي شي خلي على نفسج وتعالي
بنين..دخلت اخذت جبه لبستها وطلعت شفته منتضرني بلباب لزمني من ايدي وكفني كبال الجدر باوعت عليه
عباس..يله كل سنه من نطبخ تسبين الدنيا اله تطلعين ادرخين
بنين..نزلت دموعي درخت شويه وماكدرت بعد دادخب للبيت سمعت احد يصيح اسمي نداريت شفت طيبه جانت واكفه ودموعها على خدها دخلنه عباس للبيت اجتي ركضت حضنتني واني ابجي وهيه تبجي
طيبه..مشتاقتلج بنين البيت محلو بدونج والله
بنين..واني هم مشتاقتلج طيبه بعد البجي والطم دخلنه للصاله كعدنه اني وياها بلصاله بحدنه
طيبه..شلونج بنين
بنين..شوفت عينج هذا حالي تعبانه
طيبه..سوده عليه يعمري انتي والله شاهين هم تعبان
بنين..طيبه ماريد اسمع شي عنه
طيبه..بس بنين راح يسوي عمليه مال قسطره مال قلب
بنين..يمه غاده تقوم بلواجب خلي يزوجها ويطلكني
طيبه..طردها من البيت هسه اكلج ليش داخله الغرفتكم وباقي كم قطعه من ملابسج منزلتهن دتحركهن هوا شايفها كتلها وكلها بعد مالج جيه لهل بيت بس بنين والله عمي شاهين هوايه تعبان بدونج اني الحد هسه ماحجي ويا واشوفه مجرم لين قتل طفل صغير بس تعبان هوايه
بنين..التعب الي هوا بي ميتقارن شي بتعبي طيبه اني راح مني شي ميتعوض بكنوز الدنيا دنحجي وندك جهاز طيبه باوعت وراوتني جان شاهين ييدك عليها………
للحكايا بقايا………..
ومثل ما ودعتك احمبائي نزلت البارت احبكم هوايه يعمري بايي
مرارة الحب الفصل الرابع وثلاثون 34 - بقلم بنين الزبيدي
شباقي بية ؟
وانتَ كل شي الـ بية اخذته
منين ماباوعلي انتة
♢♢♢♢♢♢♢
بنين..باوعت على طيبه جاوبت كدامي وجهه نخطف لونه كامت طلعت كعدت عدل ورجعت راسي ورا اني شكد بعد راح اتعذب بحياتي اول شي مرتـضى وكرهني بلحب وبحياتي وبكلشي وهسه شاهين بس الي فرق مرتـضى اذيته وجعت كلبي اما شاهين شايفين هاي لروح الي رب العالمين نطاها النه اذاها حفر كلبي وقسمه نصين ابني الي مشايفته بكل بساطه حرمني منه انتضره هوايه صارلي سنه و3اشهر انتضره على احر من الجمر يوميه قبل ما انام ادعي يصير عندي كل امام اروحله ادعي وانذر يمه يصيرلي كل متتأخر كم يوم اضل متأمله وماكو كل مره انخذل ومن صار عندي نفس اليوم منمت كضيتها اصلي واتشكر من رب العالمين بس فرحتي متمت اخذه مني شاهين بلمح البصر بكل دم بارد قتل ابني فرحة عمري اخذها مني صح مشايفته بس كافي رب العالمين رزقني الحمدالله اجتي طيبه كعدت
طيبه..شاهين اليوم ساعه بـ 4الفجر يدخل عمليات
بنين..مجاوبتها باوعت على رانيه وجهه اصفر وتتلوه من الوجع رانيه شبيج بس كتلها هيج ورانيه صاحت
رانيه..ااااااخخخ لججج بنينننن لحكيلييي
بنين..اني ضليت صافنه عليها وهيه كدامي تتلوه من الوجع خالتي بسرعه صاحت سلام لبست جبتي وحجابي ولبست رانيه وطلعت وياها ساعدتها وخالتي راحت اجيب جنطه الطفل واني وسلام كبل رحنه للمستشفى
رانيه..ياااا اللللهههه يمه يارببب ساعدنيي ياربب
بنين..جانت عاصره ايدي قوي وتبجي وعركانه رانيه اهدي اهدي
رانيه..احلفج بكل عزيز على كلبج اذا صار عليه شي ابني انتي تربي
بنين..صحنه بيها اني وسلام نجبييي ميصير بيج شي كامت دموعي تجري عليها وصلنه للمستشفى اخذوها حضروها ودخلوها للعمليات اجتي خاله ام رانيه وابو رانيه واهل سلام ماكو ربع ساعه وخابرتني طيبه جاوبت الو
طيبه..بنين رانيه شلونها
بنين..بلعمليات طيبه شكو هل صياح يمج
طيبه..امي دجيب ونثبرت ماعرف شسوي
بنين..اهدي لبسيها اي شي وحضري غراض الطفل
طيبه..اي سويت وهسه بلطريق راح نجي للمستشفى
بنين..تمام سديته منها سلام خايف يروح ويرجع ويدعي تطلع رانيه سالمه مر الوقت ودكت عليه طيبه احنه بصاله العمليات الفوك وخاله ام طيبه مدخليها بصاله عمليات جوا من اكو
طيبه..والله بس اني وابويه وبيبي سعاده وبيبي ام امي عليج الله تعالي
بنين..تمام نزلت يمها جانت كاعده تبجي بلكاع سلمت على عمو سلمان وهوا باسني من راسي وسلمت على العميد عامر وسلمت على بيبي سعاده وخاله ام عامر وام خاله ان طيبه ورحت اطيبه كعدت بصفها حضنتها طيبه
طيبه..امي بنين
بنين..اشش اهدي باعي راح يجيج نونو تلعبين ويا وتهوسين وخاله تطلع سالمه اعرفها قويه
طيبه..انشالله انشالله يارب
بنين..صرت بين رانيه وبين طيبه وامها خطيه رانيه بعد عذاب من ساعه 12:30بليل لحد ساعه3يله جابت ولادتها حيل بيها تعسر ومكدرو يجيبوها طبيعي اله عمليه بعد تأخر وخوف الحمدالله جابت سمعت صوت الطفل نزلت دموعي وسلام شفت دموعه بعينه طلعو الطفل نطو السلام باسه من راسه وسئل على رانيه
سلام..رانيه شلونها
الدكتوره..ولادتها بيها تعسر بس الحمدالله بخير طلعناها بغرفها خاصه الها
سلام..الحمدالله
بنين..شالو كلهم واخذه منهم سلام وتقدم خلا بحضني
سلام..انتي خالته وعمته شلون متشيلي اول وحده
بنين..اخذته بحضني ونزلت دموعي على خده بسته من راسه جان الطفل حيل حلو ابيض وعيونه ملونه ربي يحفضك ويخلك الامك ولابوك سلام شراح تسمي
سلام..تكعد بنت روحي واني وياها نسمي
بنين..اخذته الممرضه للخدج واني رحت وياها بصراحه خفت عليه بدلت اله وخلصت وخلته بلخدج وطلعت صليت واكفه اتفرج عليه شلون نايم ودموعي تجري مسحتهن خابرتني طيبه تبجي وتضحك
طيبه..هههه لججج بنيننن صارر عنديي اخخخ يجننن
بنين..ههه حبيبي مبروك
طيبه..عليج القران تعالي شوفي بداعتي
بنين..ماشي مسحت دموعي ورحت الطيبه شفتها شايلته لاخوها وتضحك منتبهت منو جان موجود وكفت بصفها وخليت راسي على جتفها هيه ابتسمت
طيبه..باعي غيث شكد حلو
بنين..سميتي غيث
طيبه..اتفقنه اني وماما وبابا على هل اسم
بنين..الله يحفضه ويخلي الكم عمري
العميد عامر..اخته الصغيره متاخذي بحضنج
بنين..ابتسمت خلته طيبه بحضني حلو بس عيونه صفر مثل لون عيون طيبه وابيض ودبدوب ضليت اباوع عليه بسته من راسه طيبه من تاخذه الممرضه للخدج روحي ويا
طيبه..اي عمري
بنين..دانطي للعميد عامر صار كبالي شاهين ايدي رخت حيل عيوني غوركت دمع جسمي كله يرجف نطيته الهم وبسرعه رحت ماريد اشوفه ماريد حرمني من ابني وفرحتي رجعت للخدج يم ابن رانيه وضليت واكفه لحد الصبح كاعده يم الخدج خفت عليه لين حلو ودبدوب الصبح عاد طلعته الممرضه تاخذه الرانيه اخذته منها ونطيتها فلوس كهديه واخذته اتمشه واباوع عليه وصلت للغرفه ودخلت شفتها كاعده ولابسه روب ازرق وبراسها بوند ازرق وهسه صار عند رانيتي احله نونو بلدنيا جعله مولود خير وبركه الله يحفضه لامه ولابو
رانيه.. بنينننن
بنين..مدتلي ايدها خليت ابنها بحضنها وبستها من راسها مبروك عليج بنت خالتي واختي
رانيه..اروحلج فدوه
بنين..نجبي اسم الله اجه سلام باسها من راسها احنه طلعنه برا نص ساعه وصاحنه سلام دخلنه كلنه
خاله ام رانيه..شراح تسمون ابنكم يمه
رانيه..من رخصه الكل اني وحبيبي اتفقنه اول مولود النه بنين تسمي
بنين..جنت صافنه من حجت رانيه انصدمت لا لا رانيه انتو اهله امه وابو
رانيه..وانتي خالته وعمته وامه الثانيه
بنين..سلام خله الطفل بحضني شنو اسمي وهو مشالله ايه من الجمال النبي يوسف عليه السلام جان حلو كلش وابنكم مشالله حلو فا اسم يوسف يلوكله باوعت على رانيه وسلام ابتسمو
سلام..تدرين قبل مندري بي ولد جنت مقرر اسمي يوسف
بنين..ابتسمت بسته من راسه ونطيته لابو كبر بأذنه وسما يوسف للعصر وسوينه ورقه خروج الرانيه اخذناهاا لبيتنه هيه طلبت اخذناها وصلنه ونزلت بيدي ابنها سلام ساعدها تنزل ونزلت خليت يوسف بحضنها وكفت وراها عباس اخويه ومحمد جايبين ذبيحه حك سلامتها ذبحوها الها وخلو مثل بكصة يوسف شويه دخلنه رانيه للغرفه الي بصف غرفه امي وابويه نيمتها وعدلت المخده الي ورا ضهرها وبصف الچربايه كاروك
حسين جابه الها بس يخبل الونه ابيض وبي تول ابيض من فوك وجبير بي ملاعيب خليت يوسف بي سوينه اكل الرانيه واكلت خلصت نطيتها حبايه مسكن الم لين تتوجع ونامت طلعت برا خليتها ترتاح جان البيت هوسه وباقي كم جدر ممغسولات كعدت غسلتهن اغسل بيهن والدموع تصب من عيني بس اريد كلبي يرتاح ماكو مداكدر خلصتهم وخليتهن بل مخزن مالتنه والطباخات هم والغراض مال طبخ كلهم ضميتهن صعدت الغرفتي سبحت وبدلت ونزلت مرا اسبوع خطار رايح وخطار جاي يشوفون رانيه وابنها هيه خطيه تنام بليل ليت تعبانه اني اضل سهرانه على يوسف اخليها تنام واخذه الغرفتي الحد الصبح يله ينام انزله الكاروكه وافرش بلكاع يمه طيبه امها تخرجت من المستشفى وراحت امي تشوفها مهما يكون هيه حبابه جانت ويايه حيل جنت داغسل ملابس يوسف والحضانات مالته ودخلت امي وجهه اصفر وخايفه سئلتها خير ماما
ام عباس..رجلج مسوي عمليه مال قسطره يمه
بنين..درت وجهي مهتميت شي بداخلي تجاهه اختفى حتى مجاوبتهان كملت الملابس وطلعت للكراج شريتهن على المندر سمعت صوت يوسف يبجي رحت شفت رانيه تريد تسكته متكدر وتبجي ويا رحت يمها رانيه شبيج حبيبي
رانيه..مديسكت يوسف وماعرف شسويله بنين وميريد يرضع من صدري مداعرف
بنين..كامت تبجي تمام اهدي اهدي هسه صحت امي اجتي يمها واني اخذت يوسف وطلعت انتضرت امي اجيب المميه جابتها
ام عباس..يمه هاي حليب من صدر امه لازم الطفل يرضع خطيه جوعان
بنين..اخذت المميه ودخلت الرانيه كعدت بصفها بلكاع وهيه نامت وتباوع عليه ودموعها تنزل رانيه حبيبتي شبيج
رانيه..ميحبني
بنين..هههه لا امي بعد صغيروني ميعرف بعدين امي وخالتي مو علمتج شلون ترضعي
رانيه..مداكدر بنين احس استعجلت بموضوع الطفل
بنين..رانيههه نجبي شنو استعجلتي هذا رزق من رب العالمين حمدي ربج وشكري
رانيه..الحمدالله ربي بنين عليج الله اذا رحت البيتي تعالي ويايه اني ماعرف اله
بنين..واني لعد اعرف باعي جسمي يرجف لين شايلته بحضني ميصير حبيبتي لازم تتعلمين
رانيه..لا لا تجين انتي تعلميني
بنين..نامي هسه انتي واني يم يوسف نامت هيه ويوسف شبع فركت ضهره وكمت افتر بي بلغرفه لحد منام خليته بل كاروك وعزلت غراضه وطلعت يم امي جانت هيه وابويه يحجون من دخلت سكتو اطلع تكملون حديثكم
ابو عباس..لا بابا بنو تعالي عندي حجي وياج
بنين..اي جيت كعدت ها بابا
ابو عباس..بنتي لازم تروحين تتحمدي الام طيبه بل سلامه ميصير مهما يصير هيه تضل مرت حماج وجانت خوش مرا وياج
بنين..بابا ماروح شوفه هناك وبعدين يوسف يبجي خطيه
ابو عباس..بنتي شاهين بل مستشفى مسوي العمليه وطيبه وامها بلبيت بحدهن ولكل يمه
بنين..هزيت راسي اي العصر اروح
ام عباس..امي العصر راح يجون بيت خالج وماعندي احد هسه مطولين هويه
بنين..تمام كمت بدلت ونزلت طلعت شفت محمد ينتضرني صعدت ويا الطريق كله ساكته والف فكره ابالي فزيت من صفنتي على ايد محمد وهوا يندسني ها
محمد..وصلنه حبيبي
بنين..تمام
محمد..بنو حبيبي حروح الصديقي هنا من تخلصين دكي عليه
بنين..ماشي نزلت وكف كبال البيت واخذت نفسي ودموعي تنزل مسحتهم وتقدمت بخطوات بطيئه ودكيت الباب طلع سماري الخدامه دخلت سئلتها على طيبه وامها كالت بلغرفه مشيت دخلت للصاله واذكرت من جان يكعد لو من يبتسم وهوا يباوع على امه من تحجي لو من نام بحضن بيبي سعاده لو من اجتي ندى وكعدت يمهم بلصاله وباسني بثواني خربت كل حياتي ويا شكه بيه جان اكبر من حبه الي مسحت دموعي يله هيه اني كلشي خسرت بقت عليه رحت الغرفه خاله ام طيبه ودكيت الباب وفتحتها تسمحولنه ندخل شويه طيبه ابتسمت وكامت ركض حضنتني بادرتها بل حضن رحت بست خاله ام طيبه مبروك خاله يتربى بعزج وبعز العميد عامر والحمدالله على سلامتج
خاله ام طيبه..الله يبارك بيج بنونتي بنتي الثانيه انتي الله شاهد
بنين..شلونه غيوثي كعدت على التخم الي بلغرفه مالتهم جتي طيبه وخلته بحضني
طيبه..وهاي اني هسه بحضن اختي الزغنونه
بنين..ابتسمت باوعت على الطفل كل ماشوف طفل كدامي كلبي يحترك شنو ذنبي اني يوسف وغيث الوحيدين الي من شفتهم بردو كلبي احسهم اطفالي الي يوسف قايمه بكل واجبه اني اغسل ملابسه ممياته حفوضاته ماخلي احد وغيث من احجي ويا طيبه كامره تشوفه الي واضل اناغي بسته من راسه غيوثي حبيبي
طيبه..شلونها رانيه يوسف شلونه
بنين..لا الحمدالله بس شويه تعبانه متعرف للطفل وتبجي عبالها ميريدها وصايره هوسه ههه
خاله ام طيبه..بنونتي يمه اني مثل امج عادي احجي وياج
بنين..خاله اذا على موضوعنه رجاءاً
خاله ام طيبه..يمه حبيبه يحبج حب جنون واحنه كلنه يا خاله جنه نعرف شاهين ميصير عنده ومن صار والله العضيم نصدمنه
بنين..يعني خاله انتو تدرون وبلكذب ولا حد بيكم كلي اني عشت ويا شاهين وهوا ماعنده اطفال ومن عرفت خيرت نفسي لو حياتي ويا بدون اطفال لو اختار امومتي اني تنازلت عن امومتي في سبيل اضل ويا وهوا شنو الي قدمه الي كل الخذلان ضرب اهانه وشك خاله شاهين شك بيه خلاني اكرهه نفسي واكرهه الي حواليه زين اني طبني طوب هذا ابنه بعده حتى نور الدنيا مشايفه قتله بكل دم بارد
خاله ام طيبه..يمه الخاطري رجعي والله تعبان بدونج
بنين..خاطرج عزيز عليه بس مستحيل يرجع كلشي مثل مجان جنت شايفته كلشي بدنيتي اما هسه اني شايفته قاتل اخذ مني فرحتي قبل ماشوفه وهسه تكولين مكبره الموضوع لا خاله هذا الطفل جان معجزه اليه بعد ضلمه وقطع امل اجاني حبل لامل واجاني بصيص ضوه حتى هاي حرمني منها بست غيث من راسه وبستها عذريني خاله جيتي على السريع بس يوسف نايم واذا كعد جوعان ورانيه اذا متشوفني تبجي
خاله ام طيبه..دضلي يمه الله عليج مشبعنه منج
بنين..نشالله اجي واشوفكم الج والغيوثي ترخصت منهم وطلعت طيبه وصلتني للكراج وكفت
طيبه..بنين مكانج خالي بل بيت محلو بدونج
بنين..اجاكم غيوثي وراح يثبركم ثبر حبيبي
طيبه..ميسد مكانج بنين ارجع الخاطري اني
بنين.. طيبه ليش تزعليني منج حبابه انتي لتدخلين بهذا الموضوع
طيبه..بنين عليج الله مهما يصير تبقين صديقتي واختي الصغيره
بنين..حضنتها وطلعت اتمشه خابرت محمد دك مرتين وجاوب
محمد..ها حبيبي
بنين..محمد اني طلعت ترا راح اكعد بلحديقه الي على الشارع انتضرك
محمد..دقايق واني يمج
بنين..انتضرته اجه صعدت بلسياره
محمد..خو مضوجوج بشي
بنين..اصلا مجان اكو احد بس ام طيبه وطيبه وغيوثي
محمد..خوش
بنين..رجعنه للبيت دخلت وكبل صعدت سبحت وبدلت وتمددت على الچربايه واذكر حجي خاله ام طيبه هه تعبان على شنو يتعب اني لتعبانه اني الي مرن يومين واجاني كتاب انذار لين صارلي هوايه ممداومه وصار لازم ادوام اليوم احد بدايه اسبوع كعدت ساعه 7:30الصبح سبحت وبدلت لبست البيريه ونزلت جان يوسف ثابر الدنيا بلبجي ورانيه متعرف شسويله وامي تعلمها ترضعه بس هوا ميريد اخذته منها وسويتله مميه رضعته بنص الرضاعه مالته وخرت المميه من حلكه وخليت بحضنه رضعي بله هسه رانيه رضعته بلبدايه مراد بس بعدين صار يرضع بستها من راسها يله ام يوسف انتي سباعيه ديري بالج عليه وعلى نفسج كم ساعه واجي
رانيه..اذا بجه اجيبه واجي للدائره اخليج تسكتي
بنين..نجبي ههه انتي امه يولي
رانيه..انتي خالته وعمته وامه الثانيه
بنين..بوستها وطلعت شفتهم يريكون صبحت عليهم وكعدت اكلت زيتونه وكمت منو يوصلني
عباس..اني بنانه
بنين..ماشي طلعت لبست البسطال مالتي وصعدت بلسياره انتضره لحد مطلع وصعد وصلني للدائره شكرا عباس بسته بخده وهوا باسني براسي نزلت فتت للدائره ولكل يباوع عليه مثل الي مسوي غلط ولكل تباوع عليه مهتميت عفتهم وصلت الغرفتي باوعت على غرفته ودرت وجهي دخلت جان جاينه عميد مؤقت بدل العميد عامر لين ويا اخو بل مستشفى وبدل العقيد شاهين هم جاينه عقيد مؤقت دخلت المكتبي جانن هوايه ملفات موجودات ضليت اشتغل ببيهن لحد مخلص اليوم الايام تمر عاديه اتعب واهلك نفسي بلشغل حتى من ارجع انام حتى يوسف تعلم على رانيه وراحت البيتها اجه سلام اخذهم البيت صار محلو جان صوت يوسف محلي من يبجي ويثبر الدنيا لين جوعان كمت اتعب الصبح حتى شغل مال غير موضيفن اني اخذه حتى من ارجع انام بين عليه التعب اليوم كاعده بل مكتب داكتب التقارير نفتح الباب………… ..
للحكايا بقايا…..
مرارة الحب الفصل السادس وثلاثون 36 - بقلم بنين الزبيدي
وطحت غفله
وتاه جدمي ودمعي طين
ولاني هاوي السندباد
ولاني راضي بياسمين
وغمضت والصوت يسأل
منهو شسمك ؟
گتله ذاك الخلصت وجهه السنين
گتله ذاك الصاح للحنظل يتين
گتله ذاك الباع روحه وما قبض غير الونين
گتله ذاك الماله خاطر
اليبچي لضلوع الگناطر
الحاب وادم ملتهين
گتله ذاك …. وگال لتكمل عرفتك
گوم موت ،
يموت كلما صار البنادم حنين .
◯◯◯◯◯◯◯◯◯◯
بنين..باوعت جانت طيبه جايه ابتسمت هله طيبه شو جايه
طيبه..جاني كتاب انذار لازم باجر ابلش اداوم
بنين..وخاله منو يمها
طيبه..هوا اني شايله هم عليها خطيه
بنين..تعالي كعدي شبيج
طيبه..لا اريد اروح بس اريد احجي وياج بموضوعنه اني وعباس
بنين..ياستار
طيبه..بنين عباس بعد ميريدني لين عمي هيج سوا بيج
بنين..شهل حجي هيو شنو ميريدج
طيبه..والله صارله شكد مسائل عليه واني اكول حقه حقه هاي اخته بس اني شنو ذنبي بس اريدج تنطين هاي الحلقه اله
بنين..نطتني الحلقه دتطلع اوكفي تعالي رجعي عليج بداعه صداقتنه رجعت كعدت طلعت جهازي وخابرت عباس الو عباس وينك
عباس..بلمركز حبيبي شكو
بنين..تعالي للمكتب محتاجتك ضروري
عباس..صاير شي وياج بنين
بنين..اي صاير تعال بسرعه سديته باوعت عليها جانت دموعها تجري كمت كعدت بصفها على شنو تبجين
طيبه..انتي تعرفين الي عانيته بسبب احمد وشكد تعذبت يله كدرت انسا والله بنين هل مرا اموت
بنين..طيبه عباس يحبج وسالفتي اني وعمج تختلف
طيبه..والله بنين عمي ديدفع ثمن اغلاطه ليل ميمر عليه وهوا غافي اروح وارد من يم باب غرفتكم اشوف الضوه مفتوح ادخل اشوفه مكابل صوره عرسكم وصافن لو يقرا قرأن كم مره شفته يدخن جكاير وهوا موزين عليه لين جديد مسوي عمليه بنين شاهين ديموت يوم بعد يوم هيه عمليته نجحت بس عايش بدون روح والله احنه كلنه تعبانين عليكم
بنين..نزلت دموعي مادري شحجي وشرد ندك الباب دخل عباس من شاف طيبه تبسمر بمكانه
عباس..ها بنين حبيبي
بنين..اني زعلانه منك عباس اني وشاهين سالفتنه وحد وانت وطيبه وحد شنو متسئل عليها وهيج هاملها هيه مرتك تفاهمو هسه واني راح اطلع ومن ارجع اريدك مراضيها طلعت وكفت على السياج اكدر اشوف الكل جوا ضليت افكر بكلام طيبه تعبان هوا هسه ديدفع ثمن اغلاطه ويايه ديدفع ثمن روح مالها اي ذنب بسبب تفكيره وشكه بيه اني قدمت كل الحب والاحترام اله ضليت حوالي بساعه واكفه لحد مفتح عباس الباب يبتسم صاحني رحت باسني من راسي وراح دخلت شفت طيبه تبتسم ها طيبو تصالحتو
طيبه..ايي احجيلج
بنين..يله
طيبه..مو دخل عباس وانتي طلعت كعد كبالي خله ايده على راسه وضل صافن عليه واني دموعي تجري
عباس..ليش تبجين ست طيبه
طيبه..عباس انت ماعندي رحمه اني احبك وميته بيك وهيج تسوي بيه والله اني مالي دخل بسالفه عمي واختك مكدرت اكمل سكتت وكمت ابجي قوي
عباس..طيبه ممدخلج بسالفة بنين وعمج اني عندي شغل
طيبه..لا عباس دخلتني حتى من جيت اشوف بنين مستقبلتني زين ليش اني شنو سويت عمي غلط واني وياكم ضده لين فعلا غلط بس انت عفتني هيج بنص الطريق اذا متريدني هسه نروح السيد وكلشي ينتهي بينه كمت داطلع محسيت غير جرني وكعت بحضنه باوعت عليه يباوع على وجهي وعلى شفايفي مسح دموعي وتقرب باسني من شفتي جمدت مسويت شي وخر وخله كصته على كصتي
عباس..احبج يا غبيه
طيبه..اني مو شهكه مو غبيه بس والله اني مالي ذنب تعاقبني بفعال بعدني ممكمله خله ايده على شفتي وحجه
عباس..ورا محرم نزوج بعد بنيتي
طيبه..ليش مجنت ترد عليه
عباس..وداعت عيونج العاشكهن جنت مشغول هوايه ارجع تعبان اناملي ساعه واكعد للمركز بنيتي راح اصعد لصلاح الدين
طيبه..شنوو
عباس..وداعتج وماعرف شلون اكلهم بلبيت وهمه يعرفون الاوضاع
طيبه..لا عباس لتروح وتعوفني
عباس..لا حبيبي لازم اروح شلون اعوف جنودي وحدهم
طيبه..لعد عندك عادي تعوفني
عباس..مأمن عليج يم اهلج انتي ابويه اما بناتنه وخواتنه هناك منو الهن
طيبه..اني يم اهلي صح بس ماعندي روح انت كم اسبوع متحجي ويايه عايشه روح بدون جسد عاد تروح للموت برجلك حبيبي لتروح
عباس..ولج نجمه عباس كافي تبجين
طيبه..هااا منو نجمه هاي لي حبيتها فوكي مووو
عباس..سبحانك ربي الي اعرف انتو كلكم اذكياء انتي عليمن طالعه غبيه
طيبه..اني مو غبيه منيه نجمه هاي منو
عباس..انتي باعي بابا خلي اشرحلج انتي صرتي بحياتي اول نجمه بهاي عيونج السحرتني وخدودج الموردات انتي نجمتي
طيبه..احلف متعرف وحده اسمها نجمه
عباس..طيح الله حضج كومي ولج مو صوجج صوجي اني داتغزل بيج
طيبه..انتي الي بحدي زين
عباس..ابويه صارله ساعه يبجي ويصيح طلكني
طيبه..هههههه لا هسه فهمت ضروفك عباس شوكت تروح
عباس..مالج دخل بجمتي من اروح اجيج للبيت ادعج واطلع
طيبه..حضنته وكمت ابجي لتروح عليك الله اتيه بلايك
عباس..اشش هسه انتي من هسه سويتيني شهيد ولج بعدني عايش نجمه
طيبه..اسميي طيبه
عباس..واطيب وحده رب العالمين رزقني بيها
طيبه..عباس اني احبك هوايه انت احسن شي صارلي بلدنيا
عباس..اويلي نجمتي شو ولج وين حلقتج
طيبه..برطمت نزعتها عبالي متريدني بعد
عباس..اويلي ربي وعلي خاف اخوج ماخذ من غبائج
طيبه..عبااسسس انييي مو غبيههه
عباس..هههه وينها لحلقه
طيبه..كمت من حضنه واخذتها من يم ميز بنين هياتها
عباس..تعالي
طيبه..وكف كبالي لبسني لحلقه مرا الثانيه وخله ايده على ركبتي وباسني من شفتي تقدمت ديطلع ندار عليه وحجه
عباس..احبج نجمتي
طيبه..اموت عليك حبيبي وطلع ودخلتي انتي وهاهيه بنين انتي احسن شخص عرفته بحياتي
بنين..الحمدالله رجعتكم البعض بس ماريد عباس يصعد لصلاح الدين لاوضاع هناك تخوف
طيبه..واني هم والله خايفه عليه
بنين..والله مادري طيبه كلبي يأذيني اكول شبي عباس هل كم يباوع علينه هوايه
طيبه..لتبجين عليج الله
بنين..لا نشالله يرد بسلامه ضلت طيبه يمي شويه وطلعت خلصت شغلي ورجعت للبيت شفت عباس كاعد وجامع الكل اشوف امي تبجي انتجيت على الباب يعني حتروح
عباس..انتي لوحيده الي لازم تقدرين هذا الشي بنين هذا واجبي تجاهه وطني وشعبي
بنين..انت تعرف شنو يعني موت هناك تشوف الموت عباس
عباس..هسه انتو موتني من هسه مو عايش يمكم حبيبتي بناتي ادعولي اروح وارد بسلامه
بنين..رحت حضنته وبجيت عباس ماتحمل احد يغيب عني بعد لتروح
عباس..هههه مو انتي كلتي انقل نفسك للاماكن الخطره وهاي رحت
بنين..لاااا والله مو هيج قصدي عباس وبعدين كلتها بساعه عصبيه
عباس..ههههه اشاقه وياج حبيبي يله خلي انام ساعه ورايه طريق طويل
بنين..باوعت عليه صعد يباوع علينه ويبتسم صعدت سبحت وبدلت ومنمت خاف انام ومالحك اودع عباس ضليت كاعده لليل بغرفتي ابجي ماريده يروح احنه كعساكر نعرف الوضعيه حيل حيل تعبانه تقريبا بيها بل 9:30نزلت شفتهم كاعدين داير مداير عباس اول مره احس اني هوايه غلطانه جنت بحق عباس اخويه والحجي الي حجيته بحقه جان كاعده على الكرويته كعدت يم رجله ولزمت ايده عباس لتروح وبدت دموعي تجري عشره عشره
عباس..ولج بنتييي لتبجين انتتتييي ملازم بلجيششش لازم كلبج يقسهههه شهل ليانه هاي بنين انتي تعرفين شكد محتاجينه هناك
بنين..واني محتاجتك يمي
عباس..انتي بكلبي بس وطني وشعبي اهم بنين بناتنه هناك بيد هل خياس والساق…. واني اكعد هنا بلبيت افاا والله ازين شاربي والبس دشداشه واكعد مثل النسوان
بنين..لا حشاك بس اني اخاف عليك
عباس..الي اريده منج الدعاء واذا لاسامح الله صارلي شي تواسين امي وابويه وطيبه بنين ديري بالج على نجمتي ترا ثوله
بنين..ضحكت من بين دموعي سوينه عشه اني وامي جان محد اله نفس بس عباس ياكل واحنه صافنين عليه وهوا يضحك علينه خلص واخذ جنطه وجان لابس لعسكري وكلنه طلعنه ويا جان صديقه ينتضره بل باب حضن امي وباسها من راسها وايدها
عباس..انتي امانتي يم رب العالمين ومن ثم يم ابوي وبنين
ام عباس..مودع بالله وليدي عباس دير بالك على نفسك عليك كل تعب سنين وياك
بنين..شفته ابتسم نزلت دموعي ودع الكل وكف كدامي وربع ايده الصدره
عباس..وتالي بدموعج هاي عمي من ارجع اني اعلمج على القساوه انتي اذا لزمتي ارهابي وكلج بداعت اهلج عوفيني تعوفي لازم تقوين كلبج انتي ملازم بنين رياض
بنين..عباس تدري انت شنو انت عامود الفقري انت سندي بدنيتي عليك الحسين ارجع سالم ودير بالك على نفسك
عباس..ادللي
بنين..صعد بلسياره ومشو امي طشت وراهم مي وراح عباس ضليت اباوع للسياره لحد مختف باوعت للسما ربي بأمانتك اخويه ولكل ضليت كاعده بلحديقه
عباس..صلاح حبيبي اوكف هنا هسه اجيك
صلاح..ودعها خويه تعرف رايحين للموت
عباس..دتفاول بلخير وجهه الجريدي
صلاح..هههههه دنزل انزل شوف نجمتك
عباس..نجب لك نزلت دكيت على نجمتي فتحت الباب وربعت ايدها الصدرها
طيبه..هسه حتروح
عباس..اي نجمتي
طيبه..عباس التروح
عباس..ساعه السوده بلي دربجن بنيتي نجمتي حبيبتي ديري بالج على نفسج
طيبه..تقدمت حضنته وبجيت اوعدني ترجع
عباس..طيبهههه
طيبه..اوعدني انت رجلي وحبيبي وكلشي بدنيتي تعرف يعني شنو كمت احسك الهوى الي يدخل ريتي هذا انتت وهسه راح تعوفني وتروح للموت برجلك
عباس..يابه لتبجين طيبه حبيبتي كافي يابه وعد ارجعلي مسحي دموعج اشتعلت عشيرتج
طيبه..باسني من راسي لفيت على ايده علك اخضر هذا بكل مصيبه جان ويويايه وجان بسرعه ينقذني وهسه هوا بيدك امانه الله ورسوله لتذبه ابد
عباس.. صار نجمتي ديري بالج على بنين وعلى نفسج زين ابويه
طيبه..هزيت راسي باسني من راسي وراح اباوع عليه تقدمت اربع خطوات وندار عليه وحجه
عباس..انتي نجمتي الي اخذتها من السما هديه اطيب خلق الله اخذت وحصلت خالج بأمنت الله شما يصير ويايه انتي تبقين بسم عباس وبس انتي مثل كلاده الشهاده متفاركيني نجمه بسماي اشوفج بأمانه الله نجمتي
طيبه..عافني وراح صعد بلسياره وطلع دخلت كعدت ورا الباب ابجي واشهك يارب لتحرمني منه هذا كلشي اليه ضليت كاعده يم الباب ابجي مر وقت طويل سمعت صوت غيث يبجي مسحت دموعي ورحت اشوفه على بجيته غيث بجيت شافتني امي فتحتلي ايدها اخذت غيث ورحت الحضنها
خاله ام طيبه..رايح يمه
طيبه..اي ماما راح
خاله ام طيبه..ادعيله يمه يرجعلج بسلامه ابويه انتي ميصلح تبجين
طيبه..مسحت دموعي امي رضعت غيث بدلت ملابسه كام يغفي ونام صعدت الغرفتي توضيت وصليت وادعي يرجعلي تقريبا ساعه بـ 3:00دكيت عليه مغلق بدينه من هسه شلون راح اتحمل شهر وحتمال اكثر ضليت احاول ماكو دكيت عليه اخر مره جاوب بس صوته يكطع الي سمعته وفهمته وصل بسلامه وهسه هوا بل مقر ونكطع اقلها اطمأنيت عليه وصل غفيت من البجي
بنين..ثاني يوم بدلت بملل وبالي كله يم عباس يادوبك اطمن عليه الفجر وراح نزلت شفت امي كاعده تصلي ودموعها تجري وابويه والولد كاعدين على السفره بس مالهم نفس بست راس امي وهيه ابتسمت اخذت زيتونه بدون مانتبه صحت عباس يله وصلني سكتت انتبهت هوا بلدوام نزلت راسي حسيت واحد طبط على متوني
محمد..اني اوصلج بنانه
بنين..هزيت راسي وصلني محمد للدائره دخلت كبل المكتبي وبده الدوام وجان هوسه حيل عدنه ملفات صايره جوا بلمخزن نزلت اني وطيبه وصبا وصابرين ندور عليهن طلعت ثنين واخذتهن دققتهن زين وضبطتهن وقعت وختمت عليهن وكمت طلعت وكفت كبال غرفه العقيد حسام الي هسه نفسها غرفه العقيد شاهين دكيت الباب سمحلي ادخل جنت مدنكه اقره بل ملفات سيدي هاي الملفات الي طلبتهن من المخزن دققتهن وو رفعت راسي شفته شاهين نصدمت رجعت ورا خطوتين هوا باوع عليه متغير حيل ضعفان الحيته طولانه تقدمت خليت الملفات على المكتب مالته داطلع جرني من ايدي كمت ارجف احس نفسي راح اوكع حجيت بصوت يرجف وخر اترجاك نزلت دموعي هوا صار كبالي رفع وجهي بأيده وخرت وجهي
شاهين..هلكد صرتي تكرهيني
بنين..اذا تحب الله توخر عني حل ايدي طلعت ركض من غرفته دخلت الغرفتي مادري شلون مر عليه اليوم خلصت دوام وطلعت جان العقيد الي بمكان شاهين الي هوا عقيد حسام صار جوانه واخذ صابرين ضابط ويا طلعنه كلنه اني ولبنات اني وطيبه بالنه يم عباس ادري بيها بالها يمه وهوا اليوم اول يوم وميتين خوف عليه طلعنه اجتي صابرين تحجي
صابرين..اكلكم شو هذا العقيد حسام يباوع عليه بنضرات مدري شلونها احسه يريد ياكلني
بنين..باوعةت عليها وطلعنه كل وحده راحت البيتها وصلت البيتنه دخلت ذبيت البسطال ودخلت وينج ماما
ام عباس..ها يمه هياتني دادك على اخوج ميجاوب
بنين..اويلي امي واختفه عنها عباس بعد شراح ينومها اليل امي عباس هسه يمه ماكو شبكه
ام عباس..يمه وليدي كلبي نار عليه جان كبالي يا محلا
بنين..ادعليه ام عباس عباس سبع صعدت سبحت وبدلت ونزلت لحد هسه جسمي يرجف من شفته شلون اكمل دوامي ويا واني من اشوفه اذكر الي سوا حتى ياسر المسكين مخلص منه ناقله لغير دائره كاعده وامي تلوب دكيت على عباس مغلق امي انتضري بليل بلكت اكو شبكه
ام عباس..يمه صارلي من 11:30لصبح لحد هسه ساعه 2الضهر مسامعه صوته
بنين..حيل غير مده طويله هههه ماما صارلي من الفجر الحد هسه مسامعه صوت عباس حبيبتي اهدي انتي ونشالله بليل لو المغرب ادك عليه
ام عباس..لو ادري رايحه ويا يمه هيج الحياة تعذيب
بنين..سكتت دخل ابويه والولد اني متمدده بلصاله شفت وراهم دخل العميد عامر وعمو سلمان…….
للحكايا بقايا…..
مرارة الحب الفصل السابع وثلاثون 37 - بقلم بنين الزبيدي
لا اگدر أوصل الك ولا اگدر احچيلك
وما تدري كم الوجع من اگعد ادعيلك
وشگد صعب تنهدم وچفوفي مو يمك
وماا أخذك بـ الحضن من يحترگ دمك
يـل حاسبينك هوه وما نگدر نشمك
ولا نگدر امن الألم بـ رواحنا نضمك
ونبوس خدك بدل ما دمعك يبوسه
ونغطي اعله الألم بالضحك والهوسه
ونغني لكن سوه وامن الفرح نبچي
بس اليبچي شنو؟
أحنا كل واحد بلد هذا الحچي هچي
وادريك هسه تعبت ولوحدك تبچي
وبيض الرسايل لأن ما اعرف شأحچي
وعيب حتى اعتذر بس تدري بيه أنتَ
وما باقي بيدي بعد بس البچي السكته .
☆☆☆☆☆☆☆☆☆☆☆☆☆☆
بنين..عدلت كعدتي وكمت سلمت عليهم باسني عمو سلمان من راسي
عمو سلمان..بويه لبيت محلو بدونج بنانتنه
بنين..غيوثي يحلي عمو تفضلو كعدو طلعنه اني وامي باوعت عليها شفتها تباوع عليه مارجع يمه عفتها وصعدت الغرفتي ضليت كاعده احاول ادك على عباس بعد 100مره محاوله فاشله اخيرا جاوب كمت من الچربايه الو عباس وينك بيك شي
عباس..ههههه اهدي اهدي بناتي مابيه شي بس شبكه ضعيفه
بنين..جنت اسمع صوت الطلق يمه عباس امي ميته عليك تريد تحجي وياك
عباس..وينها بنوني
بنين..نزلت ركض ماماااا عباس جاوببب دخلت للصاله نطيتها التلفون وبدت امي ونعيها على عباس
عباس..حجيه رحمه لهلج هاي عود وصيتج متبجين وتدعيلي
ام عباس..يمه لبيت محلو بدونك نضر عيوني انت
عباس..هاي راح اول يوم مبقه شي حجيه
بنين..ضلت امي تحجي ويا عباس والعميد عامر وعمو سلمان يحجون ويا ابويه امي طلعت برا تحجي وبقينه بس احنه وجهو الحجي اليه
عمو سلمان..اليوم جاي اني لبنانته وعندي يمها طلع
بنين..طلبك على عيوني وراسي عمو بس اذا على موضوعنه اني وشاهين مااكدر
عمو سلمان..عجل عمي راح تضلون هيج هذاك بلبيت يدفع ثمن اغلاطه وليل ميمر عليه ومريته بعيده عليه
بنين..عمو فدوه الكلبك على شنو اسامحه وارجعله جان يضربني ضرب مال مجرمين وتحملت ليش لين احبه وهوا زوجي تحملت اهانات منه وضرب وشك وغيره واخر شي ختمها قتل ابني رجعولي ابني واني من باجر ارجع لشاهين
عمو سلمان..بويه حقج والله حقج وادري الغلط راكبه لشاهين من راسه الساسه بس بنيتي الى متى تضلون هيج
بنين..ضليت ساكته ابويه ومحمد حجو بدالي
ابو عباس..ابو عامر لبنيه هسه تعبان تصدك وتأمن بالله ليل متنامه تضل تفتر بلبيت اخر شي تكعد بلحديقه تبجي ابو عامر اني رب العالمين نطاني بس هل ورده خليها ترتاح يمي ويرجع اخوها ونشالله لكل حادث حديث
بنين..اسمحلي بابا سيدي موضوع عباس اخويه وطيبه ماله دخل بينه احنه تقرر ميصرنه هيج عباس وطيبه مالهم دخل بينه طيبه اختي المجابتها امي
العميد عامر..بويه ندري ماله دخل هسه احنه جينه علمودج وعلمود شاهين عباس وطيبه سالفتهم منتهيه
بنين..كمت ابجي واشهك عمو شاهين حرمني من احله شي صارلي بلدنيا مو بس هاي وشكه بيه عمو ابنك ذره ثقه ماعنده بيه مااكدر ارجعله والله كام حضني عمو سلمان وباسني من راسي
عمو سلمان..هاهيه بويه لترديله خلي يولي
بنين..ضحكت من بين دموعي سوينه غده اني وامي دنفرش السفره وعمو سلمان كام وين عمو
عمو سلمان..للبيت عمي
بنين..والله متتحركون خطوه وحده بداعتي عمي
عمو سلمان..هاهيه بويه
بنين..رتبت السفره وخلصت وكعدنه كلنه نتغده ونسولف عباس مكانه خالي خلصنه غسلت لاماعين وسويت جاي وقدمت وكعدت بصف محمد لزم ايدي
محمد..عباس مكانه خالي مو
بنين..حيل
محمد..ادعيله بنوني يرجع بسرعه
بنين..نشالله يارب ضلو يمنه شويه وراحو المهم مرت الايام يوم بعد يوم خوفنه على عباس يزيد ومينقص نحسبله يوم يوم يرجع امي من العصريله لحد ليل تكضيها دعاء العباس محمد وحسين يوميه بيدهم التلفونات ويدكون على عباس ويا اما يحصلو يا لا ابويه كذالك اني كمت اكرهه دوامي بسبب شاهين وين ماروح اشوفه ورايه ورايه احسه يراقبني كم مرا حاول يحجي ويايه بس جنت ارفض صابرين معاناتها نفسي عقيد حسام معقد اكثر من شاهين يحب الالتزام تريد ترجع ويا العميد عامر بس متكدر طيبه بيدها تلفونها وهم تحاول ادك على عباس وايامها كلها قلق وخوف وتوتر صبا الوحيده بينه هيه ترفع معنوياتنه رانيه بعدها مجازه علمود يوسف وشغلها تحول عليه اني اكمله كيفت لين حشغل نفسي اكثر مرتضى وندى مشاكلهم واصله للضالين ومرتضى يذب حجي واني اصلا ممهتمه اله الي بيه كافيني اليوم داشتغل ندك الباب ادخل نفتح الباب ودخل ياسر ابتسمت هله ياسر
ملازم ياسر..هله ملازم بنانه شلونج
بنين..بخير وانت شلونك
ملازم ياسر..اذا انتي بخير اني بخير
بنين..تفضل ليش واكف اجه كعد
ملازم ياسر..جايج توقعيلي هذني داخذهن للعقيد شاهين وللعميد عامر
بنين..ادلل وقعتهن ياسر عازمتك على جاي
ملازم ياسر..والله كفو انتي ياخيتي دزعميني على اكل شي
بنين..صدك كذب عازمتك على فلافل شنو رائيك
ملازم ياسر..لا هاهيه ربحنه عمي نتخزه بين الوادم
بنين..هههههه شبيها ولك الفلافل
ملازم ياسر..لا مابيها شي الغازات تفضح
بنين..عزاااا هههههههههه امشي امشييي جاي احسن
ملازم ياسر.. ههههههههه ماشي اكملهن واجيج
بنين..كل الهله خلصت الملفات الي بيدي واجه ياسر
ملازم ياسر..وين الجاي
بنين..امشي يله هههه نزلنه للكافتريه اخذنه جاي ومثل التوست وكعدنه ناكل ونسولف ياسر اكثر من اخويه من الكليه لحد هسه احنه اصدقاء امه تصير صديقه امي واكثر من الخوات
ملازم ياسر..عباس بعده منازل
بنين..لا بعده نزلت راسي
ملازم ياسر..سالفتج انتي وشاهين شلونها
بنين..داحجي شفته فوك راسي باوعت عليه جر الكرسي وكعد
شاهين..كملي بله ست بنين علاقتج بشاهين شلونها
بنين..داكوم الزمني من ايدي عوف ايدي رجاءاً
شاهين..اكعدي لا كسرج
بنين..كعدني غصب
ملازم ياسر..سيدي بنين اختي
شاهين..انت بعدين نتحاسب اي بله ست بنين مكتيلنه شلونها علاقتج
بنين..رفعت تك حاجب والله يا ياسر علاقتي نكطعت ويا اصلا تمر فتره ويرجع عباس وارفع عليه دعوه طلاك اني حجيت هيج شو هذا كام يضحك وجهه صار احمر من الضحك استفزني اكثر واكثر
شاهين..ههههههههه شايفه شمس الله شكد بعيد حجيج ابعد منها بقاطات
بنين..تحلم ارجع الك والضلمك والعرينك كافي قتلت ابني دفعت الكرسي وكمت صعدت المكتبي كلي ارجف من اعصابي شويه ونفتحت الباب قوي باوعت عليه رجاءاً سيدي مكان شغلي هذا جنت كاعده على الكرسي اجه خله ايده على يدات الكرسي ايده اليمن على اليده اليمين واليسار على اليده اليسره وكدامي هوا حصرني درت وجهي تقرب همس يم اذني
شاهين..انتي حقي بنتي
بنين..اني اكرهك
شاهين..انتي كذابه
بنين..صارت عيني بعينه عيونه حمر يخوفن وريد كصته بارز اخاف منه مو بيدي من اباوع عليه كلبي يرجف من الخوف ادعي اني قويه وماخاف بس بداخلي ميته خوف وخر شاهين
شاهين..بنين تعبان بدونج
بنين..بس اني مرتاحه بدونك
شاهين..وحق ربج تعبان
بنين..هاي حوبه ابني الي مشاف نور الدنيا وقتلته
شاهين..هذاااااا ابنييي هم ابنييي
بنين..لااا مو ابنك ابني ابحدي تذكر لو نسيت من كلتلي مين اذا نسيت جرحك بعده بكلبي وكل حجايه حجيتها تنعاد عليه بليل حتى يزيد كرهي الك تقرب لزمني من حنجي قوي وباسني من شفتي كمت ادفع بي واضرب بصدره وخر مني وهمس بأذني
شاهين..ردتلي روحي
بنين..عافني وطلع ضربت الميز قوي اكرهكككككككك كمت ابجي طلعت من الدوام حتى مكملته طلعت للبيت شفت امي كاعده بلحديقه سلمت عليها وصعدت لغرفتي نمت على الچربايه وابجي واشهك شويه ونفتح الباب ودخلت امي من شافتني ابجي اجتي كبالي
ام عباس..يمه شبيج حبيبتي
بنين..يمه بعد وين اروح واخلص من شاهين وين حتى دوامي كرهته بسببه اني ماريده ماريد ارجعله وتندمت لين ازوجته
ام عباس..بنين ماما الحجي هذا طالع من كلبج
بنين..سكتت وبس دموعي تجري
ام عباس.. شفتي يمه هاي لين جرحج وجرحج بعده اخضر هيج تحجين ومتريدي بس بداخلج غير شي يمه العلاقه بين المرا والرجال تختلف محد يكدر يدخل خالج من خطبنه اله جان يموت من زوجته وكم مرا سقطت بسببه بس هيه تحبه وصح زعلت وراحت الاهلها بهاي الاثناء جان اخويه يحبها وهيه مثلج قفلت بعد متريده لين ضربها وسقطت ابنها خطيه وكلنه وكفنه ضده الله شاهد بس اخوي والسانه رجعها اله وهسه شوفيهم واحد يموت على لثاني يمه كل علاقه تصير بيها مشاكل
بنين..اي تصير مشاكل بس مو ينقتل طفل مشايف الدنيا ماما انني هذا الطفل اجاني هديه من رب العالمين وشاهين ردها ماما كلي هذا مين الي ابطنج يعني ذرة ثقه ماعنده بيه واني بعد ماريده ماريده كمت ابجي اجتي امي حضنتني
ام عباس..يمه والله مرمرتو كلبي انتي واخوج هذاك راح للموت برجله وانتي هيج حالج شسويت بدنيتي حتى تتعاقبون هيج ربي عاقبني الي بس جهالي لا
بنين..ضلت تمسح على راسي بدون ماحس نمت
طيبه..جنت كاعده بل مكتب اقره ملفات وبالي وكلبي وتفكيري كله يم عباس كمت اعيد بل ملفات مره وثنين وتلاثه خاف غلطانه بيهن مشتاقتله حيل ويا اليوم صارله اسبوع ملتحق خلص الدوام وطلعت باوعت للبنات بنين ماهيه دكيت عليها طلعتلي خاله ام عباس وعرفت هيه طلعت للبيت اكيد من ورا شاهين لحد هسه مااحجي ويا وانضرله نضره مجرم قتل طفل بريئ بشكه وغيرته على بنين وصلت للبيت وشاهين هستوه نزل من سيارته عفته ودخلت للبيت صعدت سبحت وبدلت ونزلت شفت غيث كاعد يلعب اخذته وكعدت بلصاله وهوا صافن على السكف ويلعب بأيده وبرجله غيوثاتي حبيبي يروح اختك انت سمعت صوت خطوات ورايه نداريت شفته شاهين كعد كبالي داكوم جرني من ايدي رجاءا عمو اترك ايدي
شاهين..اريد احجي وياج
طيبه..ماكو بينه حجي انت عمي احبك واعزك وعلى راسي هم بس علاقتنه منتهيه
شاهين..طيبه ساعديني ارجعها
طيبه..ليش ترجعها للضرب والاهانات والشك والغيره عمو راح اكلك شغله مسامعها قبل من اخذنه بنين تحلل وعرفت حامل تدري تبجي وتضحك سويه وبلغرفه كضت اليل كله تصلي وتشكر رب العالمين رزقها هل طفل واجيت انت شسويت بح قتلته
شاهين..ابنيييي افتهمووووووو هذااااا ابنييييي بيديييي قتلته تعرفين شعور شخص سنتين عايشششش ويدري ميصير عنده وعقيمممممممم ومن عرفت بيها حاملل فصللللت عن الدنيا كلهاااا
طيبه..شفته ختنك وجهه صار احمر شرايننه كلها برزن وكوه كام ياخذ نفس مهما يصير هوا عمي رحت ركض جبتله مي غسل وجهه وشرب شويه باوعت عليه كاعد وكل علامات الندم بوجهه تقربت حضنته وبجيت بحضنه عمو جان هسه انت عايشين احسن عيشه وبنين يمك وابنكم وياكم
شاهين..غلطت غلطه عمري طيبه ارجعها ارجعها
طيبه..اساعدك بس بشرط توعدني متمد ايدك عليها لين بنين مدلله اهلها
شاهين..هيه ترجع والله كريم
بنين..كعدت على صوت طفل يبجي بلغرفه مالتي فتحت عيوني شفت يوسف ابن رانيه نايم بصفي ورانيه متخوصره فوك راسي بسم الله الرحمن الرحيم شبيج
رانيه..خاينه سئلي كولي بنت خالتي شلونها ملونها عايشه ميته شمسويه ويا ابنها الي خبلها
بنين..هههه شوفت عينج ست بنت خالتي عباس التحق ورجعت اداوم وداشغل نفسي بلشغل حتى من ارجع انام مافكر بشي
رانيه..ديله كعدي اليوم جيت ابات يمكم لين سلام خفر وبيت اهلي بكربلاء اهلي هم خونه عافوني
بنين..هههه بس اسبح واجيج اخذت رانيه ابنها ونزلت رجعت راسي على المخده باوعت للساعه جانت ساعه5:30العصر كمت اخذت ملابس سبحت وبدلت وطلعت سويت شعري ضفاير ثنين ونزلت جان البيت مهوس بيوسف فرحانه الجيته كابلته وكعدت وضلين العب ويا وابوس بي
رانيه..خابرت طيبه هم راح تجي
بنين..اي هله بيها خلي تجي
رانيه..ههههه اكلج شايفه بيبي الله يرحمها من جانت تسوي ضفاير ثنين طالعه تشبهيها
بنين..رانيهههه نجبييي وانتي جنج جدي من يلف الجراويه
رانيه..جدي صاك عيونه رزك جانت الله يرحمه
بنين..ديله يله سكتي شكد تلغين الله يساعد سلام عليك لكلكلك
رانيه..يموت على ديني اننن
بنين..ههههه عمري ربي يحفضكم وتخلفون اخت اليوسف واني اربيها
رانيه..حتى اشوفها رقاصه بين الدول يكولون الخاله تفسد الجهال
بنين..صدك كذب تصدكين اذا خلفتي بنيه اخليها تفرفر بل……… هههههههه اني ضحكت ورانيه شمرت عليه المخده
رانيه..ادبسززرر هههههه
بنين..هههههه امي وين اكلج شو البيت هدوء
رانيه..عمو وخاله طلعو يزورون الكاضم عليه السلام ومحمد وحسين بلشارع يفترون يعني اني وياج وشيخ الشباب يوسف بلبيت
بنين..خوش كمت سويت اكل اسرع اكله اسويها معكرونيه سويتها وكعدنه ناكل اني ورانيه لحد المغربيه شغلت ضوايات البيت البرا كلهن بحيث بيتنه صار يضوي وشغلت قران وبخور رانيه راحت تصلي ندك الباب جان يوسف يبجي اخذه ورحت اشوف منو ولككك يوسفيه تبجي ابو ليوسفات هههه فتحت الباب صارت طيبه كبالي هلهه بأخت غيوثي ههه هيه حضنتني قوي حضنتها
طيبه..ولججج شهل جمال انتي كيك وبيضه ولابسه اسود يبووو
بنين..نجبي هسه لي يسمعج يكول ملكه جمال فوتي
طيبه..ههههه خلي اجيب غيث من السياره واجي
بنين..باوعت للسياره الي كبال بيتنه جانت سياره شاهين كلبي نغزني جان منزل الجامه وخال ايده على خده ويباوع عليه طيبه راح ادخل عود انتي دخلي وسدي الباب عفتها ودخلت حتى بدون ماسمع جوابها كعدت ويوسف بحضني يلعب نزلت دموعي دمعتي صارت على خده هوا كام يبجي ضليت اسكت بي ميسكت اخذته مني رانيه رضعته سكت
طيبه..باوعت على شاهين يباوع عليها ويتحسر اييه اييه يشاهين اتحسر بعد اتحمل نتائج اغلاطك يعمي
شاهين..كليلها اذا تطلع هيج اكسرلها رجليها بعد
طيبه..هاي مرجعت وهيج لو ترجع شلون
شاهين..مشفتييييي شلون فتحتتت الباب ولابستلي برموده شافهااا احد شلوننننن
طيبه..صار عمي صار دخلت شفت بنين كاعده على الكرسي وصافنه رحت يمها بنين
بنين..ها
طيبه..زعلتي مني
بنين..ليش
طيبه..لين شفتي شاهين
بنين..لا مزعلانه حبيبي اي هسه شنو
رانيه..اني ضايجه
طيبه..اني جيت من بيتنه لين ضايجه خيه
رانيه..كومن نسوي كيك ونسولف وايشي نروح الضوجه
بنين..رحنه للمطبخ حضرت المواد وكعدنه نسوي كيكه ونسولف خلصنه وكعدنه بلحديقه ناكل اني صافنه مالي خلك كلشي كل ماشوف جسمي يرجف وكلبي يحركني صافنه لزمت التلفون دكيت على عباس مغلق ضليت احاول مغلق………
للحكايا بقايا………
مرارة الحب الفصل الثامن وثلاثون 38 - بقلم بنين الزبيدي
لهذا اليوم من يومه
عيوني مهجوَلة وتتحسر النومه
شگل للناس ؟
هذا اليحچي رسمي وياي
چنت البس من هدومه !
ذكرك بسمله وي الزاد
وانت الغصة والگومه
وتتلولح تريد تطيح
غصن حطت عليه بومه
اليحب ويروح يدري شظل ورا بالليل ؟
أُم ملوعَة وبيوت مهجومة
شوط من العمُر بس وجعِتة ستوة
شوكت ما اوصله أتلوة
حُبيش اليكلف هدوم سود هواي ؟
الـ إموت العمُر هوة
وشگد شوگي لاسنتَة
منو الظل من وراك انتة ؟
وآدير لگلبي خوب انتة
هاي شگد ثمر بالشجر عوف الگاع
وين البي مرض شلتة .
┬──┬┬──┬┬──┬┬──┬┬──┬
طيبه..مغلق مو
بنين..عباس راح يموتني والله كل ميطلع مغلق كلبي يوكف
طيبه..شوكت يرجع مادري والله كلبي راح يوكف من الخوف عليه
بنين..دنحجي هو دك عليه من فرحتي التلفون راد يوكع مني جاوبت وفتحت سبيكر الو عباس حبيبي شلونك انت بخير مو ما بيك شي
عباس..ههههه اهدي حبيبي مابيه شي انتي شلونج
بنين..عباس ارجع بعد محلو البيت بدونك احنه كلنه مشتاقيلك
عباس..اذا اكلج باجر راجع
بنين..كمت من الكرسي عليككككك العباسسس
عباس..والعباس
بنين..كمت اكمز مني فرحتي وطيبه تبجي كتله حبيبي عندي مفاجئه الك
عباس..وهي
بنين..نطيت التلفون الطيبه اخذته ودخلت للغرفه
طيبه..شلونك حبيبي
عباس..اويلييي حبيبه عباس انتي
طيبه..نزلت دموعي كافي تعذبني عباس ارجع مشتاقتلك
عباس..راجع يبعد هل روح راجعلج وراجع للسانج الي اطول منج
طيبه..والله لا اني حبابه واحبك والنبي
عباس..ههههه حبيبي بنين شلونها
طيبه..بنين تشغل نفسها بلشغل حتى متفكر بشي ترجع كبل تنام تكعد ثاني يوم عباس بنين تعبانه هوايه مو بنين الي تضحك وتشاقه وتسولف
عباس..راجع باجر حبيبي
طيبه..يارب كل خطوه علي وياك عمري
عباس..ايي ممحصل منج شي بلتلفون كل هل غزل ومن اجي يمج اويي عباس وخر
طيبه..ههههههه عباسسس
عباس..عيونه نجمتي
طيبه..انت بس تعال و......... قبل ما انت تحجي وداعتك
عباس..لججج ادبسززززز
طيبه..هههههه ترا اني حبابه انت منحرف
عباس..والله ماكو غيرج المنحرفه ولي يله باجر راجعلج واشوف شلون ا............ اذا مجرمت بيج اني
طيبه..منحرف عيب عيب يله دير بالك على نفسك يروح الروح احبك
عباس..عاشك عيونج
طيبه..ختمنه المكالمه خليت التلفون على كلبي من الفرح يمه ربي يحفضه الي طلعت برا اكمز راجعع باجرر ررراااجععع
بنين..ههههه الحمدالله ربي اجتي امي وابويه بشرناهم وخطيه امي فرحت وضلت تضحك وتبجي ابويه هم فرح كاعدين بلحديقه نسولف ونحجي دك تلفون طيبه جاوبت بس وجه تغيرت ملامحه وجهه صار اصفر لزمت ايدها طيبه شبيج
طيبه..بيا مستشفى هسه انتو
رانيه..ياستار دحجيي
طيبه..ختمت المكالمه وكامت بسرعه
بنين..يمعوده فهمينه شبيج
طيبه..ضرغام مسوي حادث وهسه بصاله العمليات
رانيه..عزااااا
بنين..خطيه ميستاهل
طيبه..بنين عليح الله خلي غيث يمج رايحه اني
بنين..هوب وين ابحدج اوكفي دخلت كلت البابا وخطيه محجه شي طلعو هوا وامي وراحو وياها للمستشفى وغيوثي نايم ويوسف ابن رانيه هم نايم تدرين رانيه
رانيه..شنو
بنين..ضرغام اخذني للمستشفى من ضربني وضرغام وكف ويايه من راح ابني جان نعم الاخ الي حتى جنت من اريد اشتري ياخذنه اني وطيبه وطبعا بعلمه نطلع نشتري
رانيه..لعد فشله متروحين تشوفي بنانه لازم تروحين
بنين..الله كريم خطيه نشالله يطلع سلامات ضلينه كاعدين لحد اليل سويت عشه اني ورانيه بس مالي واهس اكلت شويه وكمت رجعو محمد وحسين سويت الهم عشه وكعدو رانيه فرشت الي والها بالصاله كعدت يم محمد ودنكت
محمد..شبيج بنانه
بنين..خطيه ضرغام ابن عم طيبه مسوي حادث وهسه بل مستشفى
حسين..بس لا تريدين تروحيله
بنين..هوا هوايه ساعدني حسين خطيه جان ويايه ويايه من راح ابني
حسين..خرب بي الحضي لججج بنينن بنيتي هذا كلبج كون دك بل نع...... لج بنين هاي العائله كلها لازم تكطعين علاقتج بيها اذوج كلهم
بنين..لا حسين هما جانو حبابين ويايه ويحبوني والله
محمد..كلولج شاهييين عقيمممم من ازوجتي
بنين..محمد صاح سكتت ونجمعت الدمعه بعيني محمد هما مالهم دخل خوش ناس سنه اني يمهم معتبريني مثل بنتهم واكثر
حسين..صححح صححح بنتهم وهيج ابنهم مسوي بيج
بنين..كام حسين وخر البدي شويه من زندي جان ازرك مبين مال ضربه
محمد..هاي الي خوش ناس هيج يسوون
بنين..كمت كتلكم همااا مالهم دخل ابنهم جان هيج يسوي اني مدادافع الهم بس ترا والله خوش ناس هما ومحد يحجي ويا علمودي
حسين..اني حجيت ويا عباس مياخذ طيبه
محمد..وانتي ترفعين على شاهين دعوه طلاك وينتهي الموضوع
بنين..لااا هنا لاا صعدت على الكرسي حتى اصير بطولهم لا طيبه مالها دخل اصلا طيبه اكثر شخص تعذب علمودي وحق الله جانت تهتم بيه هوايه وبعدين اني احب طيبه واريدها ويانه محمد حسين اخواني اني احبكم اتركو موضوع عباس وطيبه اذا تحبوني حرام هيج نسوي رب العالمين يردها علينه اضعاف بعدين محمد تذكر رهف هم هيج صار وياكم وحرموك تزوجها والبنيه توفت حرام علينه
محمد..لعدددد عمهاااا هيج يسوي بيج واخوي يدلل بنت اخو
بنين..عفيههه محمدد عادات وتقاليد بيت عمك وعمي لطبقها هنا اترجااك خويه بنيه مالها ذنب وصديقتي واكثر من هيج هيه اختي
حسين..بنين شهل كلب العندج بس اريد اعرف
بنين..اذا تحبوني طيبه مالها دخل
محمد..بنين
بنين..حمودي حبيبي والله اطيب بنيه بلعالم طيبه وداعتكم عندي باوع بيت العميد عامر كلهم زينين ويايه
حسين..هاهيه يجرالج
بنين..بوستهم وهما باسوني من راسي غسلت المواعين ودخلت للصاله وسديت الباب علينه اني وطيبه باوعت غيث نايم ويوسف هم تمددت رانيه تراسل بسلام واني اتصفح بلجهاز وبل برامج ندزت الي رساله دخلت عليها مجرد ما قريت الاسم جسمي كله رجف كلبي حركني دخلت عليها وقريتها جان كاتب بلرساله
[غايب عليه وماكلت
يهلالي بيش اني اصبر
وتدريني مو مثل البشر
اتحسر بصوتك انه
وبشوفتك من افطر
مخلوق من حبي ولك
مو من تراب اتصور
لو مره من غيره فرت
مي انت لو طال الوكت
من غيرتك تتبخر
تصعد غيوم اعلى السما
وتنزل تفاصيلك مطر
وبعدد زخاته احس
حبي يفيض اعلى البر
لا تطول غيابك ترا
يتأخر بريتي النفس
ولا ردك اليتأخر]
بنين..جنت اقره ودموعي تجري طلعت مجاوبته رجع مرا ثانيه دزلي
[ياوطني بيج وبلياج اضيع]
شنسه منه كلهن ضده مو ويا جان يضربني ضرب مال يهود ايدي كسرها كصتي شكها ابني وراح مني جسمي كل علامات زركه مال ضربه شنو الي انسا اذا اذكر الايام الحلوه الي كضيتها ويا عيد زواجنه الي طلع عليه سم والسفره الي سفرها اليه درت ضهري وكامت دموعي تجري اني مكتوبلي بس العذاب ومراره الحب شاهين مرمرني بحبه سمعت بابنه ندك مسحت دموعي وكمت شفت حسين يم الباب وكفت ورا فتح الباب جانت خاله ام طيبه وطيبه جايات حسين سلم بس مو من كل كلبه دخلت رحت عليهم شلونج خاله
خاله ام طيبه..فدوه العمرج حبيبتي عذرينه ازعجناكم
بنين..استغفرالله خاله البيت بيتكم تفضلو جوا دخلت باوعت طيبه الدمعه بعينها بيج شي طيبه
طيبه..لج عيني شصاير بي سوده عليه بنين تدرين اني وضرغام اخوان بلرضاعه عمت عيني عليه ايده كلها مكسوره وعنده نزيف داخلي بعده بلعمليات جيت اخذ غيث ونروح
بنين..انتي غبيه جان بقيتي اني يم غيث ماما وبابا وين
طيبه..خطيه الله ينطيهم بلمستشفى يم بيبي وجدو
بنين..دخلنه خاله جانت كاعده وبيدها غيث سديت الباب مال صاله خاله رضعي خطيه خاف جوعان
خاله ام طيبه..بنانه شبعان انتي موكلته مديرضه حتى يرضع
بنين..اي خطيه سويتله حليب من حليب يوسف
رانيه..خالتي شلون صار ضرغام خطيه
خاله ام طيبه..يمه بعده بل عمليات خطيه امه وابو انتهو خواته كذالك الولد حالته خطره
بنين..خاله بعد شعندج رايحه انتي مصارلج هوايه من ولدتي راح افرشلج ونامي يمنه
خاله ام طيبه..لا يمه والله عمج عامر ينتضرني
بنين..خاله موزين تاخذين غيوثي للمستشفى كلها جراثيم
خاله ام طيبه..لعد شلون يوم اذا جاع غيث يبو مصيبه يثبركم
بنين..هههههه ابقي انتي يمنه وخلي طيبه تروح
طيبه..اي ماما اني اروح وانتي ابقي تعبتي
خاله ام طيبه..يمه زحمه عيب اخوانج هنا
بنين..متشوفيهم. خاله محمد من الصبح يطلع للشركه وحسين كذالك يروح للدوامه والباب مسدود علينه صفنت شويه وضلينه الح عليها يله قبلت فرشت الها بصفنه وهيه تمددت سمعت دك هورن طيبه كامت عدلت حجابها
طيبه..هذا بابا اجه ياخذني
بنين رانيه..نطلع نسلم عليه
بنين..طلعنه للكراج فتحنه الباب وسلمنه على العميد عامر اخذ طيبه وراح رجعت تمددت صفنت بلسكف شويه وغفيت مكعدت غير ثاني يوم ساعه 6الفجر تثاوبت باوعت خاله ام طيبه نايمه خطيه تعبانه ورانيه كاعده بعدها خرب صفحتج رانيه بعدج كاعده
رانيه..سلام افندي يزعل اذا انام
بنين..لا هاهيه استفادينه سلام يزعل اوي كزه
رانيه..هههههههههه نجبييي لج
بنين..ههههه كمت فتحت باب الصاله شفت محمد وحسين كاعدين صبحت عليهم وسويت ريوك وكعدنه نتريك خلصنه غسلت الاماعين وصعدت بدلت لبست العسكري مالتي واخذت الهويه ونزلت رانيه بلثلاجه اشكال والوان وانتي مو غريبه خيه من تكعد خاله ام طيبه اشكال سوي الها زين
رانيه..اييي خاله ام طيبه واسطتها قويه
بنين..يله رايحه اني طلعت بلباب مال بيتنه شفت حسين ينتضرني صعدت حسين اريد اشتري سياره
حسين..اي مالتي اخذيها واني اشتري جديده
بنين..لا اريد جديده
حسين..اشتريلج جديده بنو بس اول شي تعلمي بهاي حتى اذا تنضرب تولي بعد اما الجديده اذا ضربتيها تضربين نفسج بل صونده من القهر
بنين..ههههههه صدك ضحكني من حجه ولكك حسين هاهيه اخذ مالتك بس منو يعلمني
حسين..اني ومحمد واليوم يجي عباس نشالله اختاري اي واحد
بنين..الله كريم اريدكم تعلموني عدل حتى من اضربها اكون مرتاحه نفسياً
حسين..طيح الله حضج ههههههههه
بنين..وصلت للدائره بسته من خده ونزلت دخلت للدائره رحت المكتبي كعدت ماكو خمس دقايق ودك تلفوني باوعت العميد عامر جاوبت الو هله سيدي
العميد عامر..بنين اليوم اني وشاهين وطيبه اجازه اهتمي انتي بأمر اجازاتنه زين بنيتي
بنين..انشالله سيدي شلون صار ضرغام
العميد عامر..بلعنايه بنيتي تمر هل كم ساعه يتعده مرحله الخطر
بنين..نشالله ختمت المكالمه ويا العميد وسويت كتاب اجازاتهم وقعته وختمته خلصت نزلتهن للعقيد حسام وقع وختم ترخصت منه وطلعت صارت صابرين كبالي جانت تمسح دموعها شبيج؟
صابرين..بنين العقيد حسام رزلني
بنين..ليش؟
صابرين..لين نسيت البس كرب السلاح ومجايبته ويايه
بنين..ضربتها ضربه خفيفه براسها غبيه اكو وحده تنسه الكرب ثولللهه شكو ناطي الج لعد
صابرين..مسويت شي نفس الرزاله شبيكم ويايه
بنين..لا حبيبي تعالي حضنتها كافي تبجين ثوله
صابرين..بس الشي الايجابي من بجيت كدامه كام حضني
بنين..وخرتها من حضني شنو
صابرين..والله حضني
بنين..مبروك خيه ورا محرم الخطبه مو
صابرين..هوب يا خطبه هوا مثل اخويه بعدين هوا
بنين..مثل اخوج نهجم بيتج ميله اخوج بلرضاعه بل صدفه اخوج بل اسلام
صابرين..حقيره
بنين..ههههه عفتها ورجعت لمكتبي هاي اني بنين مكضيتها بلدوام ماخلي احد ينتبه عليه وعلى الخراب الي بداخلي جنت داكتب تقرير الجنه العليا وملتهيه ومشطره الملفات كدامي نفتح الباب رفعت راسي شفته شاهين ضليت اباوع عليه وجسمي كله رجف ننعم
شاهين..الاجازات وين
بنين..يم العقيد حسام سيدي
شاهين..كومي
بنين..كمت شو هذا باوع عليه من فوك اليجوه جرني من ايدي كدامه وهوا شال سلاحه من خصره وخلا على الميز وايده صارت على حنجه نعم سيدي اكو شي
شاهين..البدله العسكريه مالتج ضيكه
بنين..باوعت عليه هيه مجرد للشغل ومحد ينتبه عليها ورجاءا سيدي لتدخل بيه
شاهين..هاااا كتيلي مادخل بيج مو ست بنين
بنين..اي لتدخل اني مو صغيره اني حره بنفسي ومحد اله دخل بيه شو هذا كام وكف وتقدم بتجاهي اني رجعت لزكت بلحايط صارت عيني بعينه لزمني من خصري وجرني عليه
شاهين..ملابس ضيكه من يم صدرج و……… وانتي نازله
بنين..باوعت عليه وخزرته وخر عني اني وياك ميربطنه شي
شاهين..ست ميربطج شي هاي البدله اذا شفتج لابستها مره ثانيه اشكها عليج
بنين..ديطلع وحجيت اني مو موزينه وحبلت من غيرك وانت قتلته اني حجيت هيج هوا رجع عليه وضربني راشدي رفعت راسي عليه ودموعي الحقيره خانتني كدامه
شاهين..اذاااااا ماكصه اللسانججج الاطولللل منججج
بنين..اني حجيت الحقيقه مو انت هيج ماخذ عليه نضره اني موزينه وموشريفه لزمني من ركبثتي وطبكني بلميز مال مكتبي صارت انفاسنه سويه يباوع على شفتي دادير وجهي ماحس اله طبك شفايفه على شفايفي كمت ادفع بصدره وهوا محاس اصلا بغير عالم مص شفتي الجوا قوي وعضني من شفتي الفوك وخر مني
شاهين..ارجعج واربيج من جديد
بنين..اكرهككك شاهينن اكرهكككككك ابتسم وطلع كعدت بلكاع ابجي واشهك خليت ايدي على كلبي راح اموت والله كلبي تعبان حيل عمري كله كضيته ابجييي يمتههه افرححح اني يمته عمري خلص بجي عشريني خلصت نوح ربي كافي هل عذاب اخذني يمك وريحني من هل دنيا ياررررب كمت اشهك طبكت رجلي الصدري وضليت ابجي باوعت على الميز وقريت اسمي كمت بنين انتي قويه كومي كمت مسحت دموعي وطلعت للحمام غسلت ورجعت لشغلي لحد مخلص الدوام وطلعت صابرين وصبا ويايه يسولفن واني اصلا بغير عالم كل وحده راحت البيتها دخلت لبيتنه بلباب نزعت بسطالي ودخلت جانت امي موجوده راجعه من المستشفى وهيه وخاله ام طيبه يسولفن رانيه ماهيه سلام
ام عباس وام طيبه..عليكم هله حبيبتي
بنين..وين رانيه بابا
ام عباس..رانيه نايمه يمه بغرفتج ابوج بلغرفه نايم
بنين..اي زين عن اذنكم اصعد اسبح وانام تعبانه حيل
ام عباس..بنين عندي موضوع وياج يمه
بنين..تشلعين عيوني يمه بس هسه اني تعبانه ومالي خلك والله عفتها وصعدت فوك دخلت للغرفه اخذت ملابس سبحت وبدلت طلعت جان تلفوني يدك…..
للحكايا بقايا……….
مرارة الحب الفصل التاسع وثلاثون 39 - بقلم بنين الزبيدي
آول يوم بـ بعادك گلت انسى
ومر اليوم بالگوة
ثاني يوم ادور گلبي ماهوه
ثالث يوم مُر شفتة
رابع يوم مَر سكتة
وعدة اسبوع من بُعدك
ولگيت الناس كلها انتة
♢♢♢♢♢♢♢♢♢♢
بنين..جان تلفوني يدك باوعت بدون اسم رفعت الجهاز بيدي وفتحت خط الو ماكو رد الووو نسد الخط ومحد جاوب عقجت حاجبي المهم مشطت رحت نمت بغرفه عباس خطيه رانيه وابنها نايمين على چربايتي خاف اذي الطفل نمت من التعب
طيبه..كاعدين بل مستشفى ولكل حاير بضرغام الحمدالله تعده مرحله الخطر وطلعو غرفه خاصه اله دخلنه يمه هوا جان نايم مرت عمي تبوس بأيده وبراسه وعمي لازم ايده جان فعلا موقف يقهر شويه وضرغام فتح عيونه ضل يباوع علينه
ضرغام..اخ راسي
ام ضرغام..سوده عليه يمه بيه ولابيك يبعد روح امك
ضرغام..وين اني ومنو انتو
طيبه..كلنه صفنه عليه ضرغام خويه اني طيبه
ضرغام..يا طيبه
طيبه..باوعت على ضرغام وكلنه مصدومين منه باوع هوا علينه وضحك
ضرغام..ثول شبيج صوفرتي دلتزمي بلدور ههه
طيبه..يا خبيث مو عيب عليك وكفت كلبنه
ضرغام..اخ يابه راسي
ام ضرغام..اويلي عليك يمه ليش هيج سويت بيه شكم مره كايله الك لتمشي بسرعه
ضرغام..كافي تبجين ام روح الحنينه كافي
طيبه..باس ضرغام ايد امه وهيه باست راسه اجه الدكتور وعاينه الحمدالله مابي شي وكال باجر العصر نخرجه نطا مسكن الم ونام اني تعبت كلشي ونسيت صارلي من البارحه ممتصله على عباس طلعت برا دكيت على عباس دك دك مجاوب وينك عباس ارجع عاد والله كلبي راح يوكف والله كعدت على الكرسي وبديت ابجي من البارحه اني الدمعه بعيني وهسه عباس ميجاوب كعدت انحب دابجي حسيت احد مد ايده كبالي رفعت راسي شفته شاهين نزلت دموعي اكثر
شاهين..شبيج تنعين بعد عمج
طيبه..مابيه شي عمو
شاهين..اييه اييه يبعد عمج
طيبه..كعد بصفي بس صاير عصبي سئلته تعاركت وياها
شاهين.. شمحصل منها بس السان الطويل والمغثه
طيبه..ليش تعاركتو
شاهين.. كعد ضرغام
طيبه..اي دخل له اييه اييه عمي ولد رياض شلعو كلبنه اني وياك ضليت ادك على عباس جان مغلق مغلق وينه وهوا كال اني اليوم ارجع دكيت على بنين جاوبت الو بنو
بنين..هله طيوبه
طيبه..مرجع عباس
بنين..لا والله مرجع صارلي من الصبح انتضره وهوا كال اليوم ارجع بس ماكو كلبي ديوجعني عليه
طيبه..اني هم بنين عفيه خاف صار عليه شي
بنين..لا نشالله مصار داحجي ويا طيبه نفتح الباب ودخل عباس احس نفسي بحلم من فرحتي شمرت التلفون بلكاع ورحت ركض الحضنه عباااااسسس رحت حضنته حيل هوا شالني من الكاع يفتر بيه وين عفتني انت ويننن كمت ابجي بحضنه وهوا يضحك
عباس..هههه لااا ابويه لتبجين حبيبي
بنين..ليش جهازك مغلق
عباس..مابي شحن والله ومطفي
بنين..لزمت ايده بستها عباس احبك هوايه اني
عباس..واني اموت عليج ابويه وين الحجيه
بنين..راحت للمستشفى هيه وبابا علمود ضرغام ابن عم طيبه
عباس..شبي ليش
بنين..مسوي حادث يمعود صارله من البارحه
عباس..خلي اسبح وارتاح ونروح اني وياج الهم
بنين..هزيت راسي اليوم مناويه ارفض ولا طلب اله عباس اخويه فدشي جبير ماعرف اوصفه اخويه وصديقتي وحبيبي وكلشي الي من غاب هل فتره والله متت عليه سبح ورتاح صبيت غده اله وكعدنه اني ويا ونتغده
عباس..شلونه دوامج ست بنين
بنين..زين رانيه ويوسف بيتنه فوك بغرفتي
عباس..يا هله بيهم شعجب
بنين..سلام خفر واهلها بكربلاء اجتي يمنه ابتسم خلصت غسلت الاماعين سويتله جاي باوع عليه وحجه
عباس..يله بنو بدلي دنروح
بنين..اي صعدت الغرفتي كعدت رانيه وكتلها بدلت ونزلت طلعنه اني وعباس رحنه للمستشفى جانو كلهم هناك محمد وحسين اخذو غصب وبابا وامي وخاله ام طيبه ولكل دخلنه للمستشفى سئلنه عليه ودلونه غرفته ورحنه بل ممرات مال غرفه شفت طيبه كاعده وايدها على خدها وصافنه باوعت على عباس ابتسم
عباس..اي نجمتي نياله الماخذ عقلج
طيبه..رفعت راسي شفته هوا وكفت عباسسس حضنته الحمدالله الممر مجان بي احد فارغ كمت ابجي وين رحت عني
عباس..جنت العب دعبل نجمتي من خلصت جيتج بنت الوادم غير بلواجب
طيبه..عباسس حرام عليك والله وكفت كلبي من الخوف عليك
عباس..اويلي يخاف عليه سبعي
طيبه..ابتسمت باوعت وين بنين
عباس..دخلت يمكن
بنين..باوعت عباس وطيبه عدهم حديث مهم ههه عفتهم ودخلت جانت العائله الكريمه كلها موجوده سلمت عادي وتحمدت الضرغام بلسلامه
ضرغام..مرت العم الغاليه اليحرمنه منج
بنين..ابو الضراغم اسمي بنين
ضرغام..ههههه بويه خاف يجيني جلاق
بنين..ههه شد حيلك وكوم منها دنخطبلك
ضرغام..اي هنا الحجي هنا الكفو
بنين..احله بنيه نلكالك
ام ضرغام..اخذ من كرايب بنين كلها حلوات مشالله
بنين..ابتسمت تسلمين خاله
ضرغام..بس حجي وعلي محد يخطبلي اني مضلوم اعلامياً
بنين..كدامك سره مال خطابه
ضرغام..ههههههه بنين راح اكتب مطلقه جاده
حسين..اني يمك خويه اكو كروب الخوه الوصخه وتدلل انشر رقمك واكتب عليه ثلاثينيه جاده ودلل
ضرغام..تسويها خويه اعرفك من ادك الناقصه
حسين..ههههه افا شعندي غيرك كتلك تعال يضرغام ويانه تعال تتونس ضلت تهمبل ولا اضل يم جماعتي دكلها خوي
ضرغام..تشور بيه ولك كوم اطلع برا
حسين..كوه كوه جابوني وعلي
ضرغام..ههههههههه
بنين..سوالفهم حلوا يضحكون وكفت يم امي وحجيت ماما عندي مفاجئه الج
ام عباس..ياستار
بنين..عباس حبيب كلبج رجع
ام عباس..كولي ولعباس
بنين..ههه والله كامت امي من الكرسي
ام عباس..وينه يمه وينه
بنين..نفتح الباب دوخل عباس امي كبل راحت عليه وبوس وتحض بي وهوا يبوسها من راسها وامي تبجي وعباس يبتسم
عباس..حجيه هسه جابوني جثه مو هياتني دامشي ومابيه شي
ام عباس..يمه اني الله فرفح كلبي هم عليك وهم على اختك انت بنص الموت شمرت روحك ومشايفتك واختك تجي من الدوام تنام خلفله على رانيه تجي تخليها تنزل يمنه
بنين..انتبهت امي شحجيت هيه منتبهت لين تبجي جانت وجابتها باوعت على عباس يباوع عليه
عباس..اييه اييه يحجيه يرادلها تدريب كامل مرتضى الخايس ممدربهن لا هيه ولا ذيج الثانيه بس يتباجن
بنين..حبيبي اذا انت عفتني ورحت معقوله مابجي وكفت بصفه وهمست يمه وذيج الثانيه من نار الحب بجت يبعد اختك
عباس..ادبسزز
بنين..ههه بصراحه مشفت شاهين مدري اني تعمدت ماشوفه خلصنه زيارتنه الضرغام وطلعنه رجعنه للبيت بيومها نمت مرتاحه اخويه ورجع الحمدالله ثاني يوم جان دوام وتفتيش عدنه ولعبان نفس خلصنه كلشي ونزلت للكافتريه جوا اخذت جاي وكعدت شويه شويه وحده ورا الثاني اجني والتمينه وحجت صابرين
صابرين..احم عندي خبر
بنين..يا ستار ياربي
صابرين..العقيد حسام راح يخطبني ورا محرم
بنين..فتحت حلكي عاا بويه المي يمشي من جوانه واحنه مثل الهبلان
صبا..اخخ كلها تزوجت بس اني ضليت
بنين..لتخافين هسه تاخذين عميد
طيبه..ههههههههه طبعا الشي لحلو شلتنه متاخذ ملازم كلها مقدم وفوك جبناها من بنين ورانيه واني وهسه صابرين اعتقد صبا تزوج رئيس الوزراء
بنين..هههههه اني لتحسبين احسابي راح ارفع دعوه
طيبه..مال شنو
بنين..مال طلاك اريد اطلك من شاهين
طيبه..بنين الامور متنحل هيج حبيبتي اهدي شويه انطي فرصه يحجي وياج
صبا..بنين شاهين يحبج لتخسري
بنين..اني خسرت اعز شي صارلي بلدنيه بسببه صبا طيبه شاهين ماعنده ثقه بيه ادري اني ماعندي كرامه اضل يمه وبعدين اني بعد مخسرت ابني مستحيل اسامحه
صابرين..بس مهما يكون هذا زوجج بنين اذكري عشتو ايام حلوه
بنين..اي صح عيشني ايام حلوه بس شهر واحد وهوا من سافرنه مضربني ولا صيح عليه
صبا..بنين لتسويها كلش معقوله شاهين جان ميمر يوم ميضربج
بنين..انتي معايشه ويايه وتعرفين شصار بيه زين لو لا وين اكو عروس بيوم سبعتها رجلها يضربها دفعت الكرسي وكمت محد عاش الي عشته فا محد يحس بلي بداخلي كمت شمرت الجاي بحاويه النفايات وصعدت الغرفتي دخلت شفت مرتضى كاعد ويهز برجله لا اله الا الله نعم
مرتضى..تصدكين احله خبر سمعته انفصلتي من شاهين
بنين..موضوع ميخصك هذا واطلع برا ترا اشتكي عليك
مرتضى..كتلج ميفيدج يبنت الناس عوفي عوفي بس مسمعتي كلام تاليها قتل ابنج وملحكتي تتهنين بي وبنفس اليوم راح الحبيبه كلبه هبه
بنين..باوعت عليه خلي يروح وين ميروح خلي يروح اطلع من الموضوع انت
مرتضى..طالع وداعتج مالي دخل بس باعي اني عشت بسلام وانتي ضليتي متهجوله بحب شخص عمره محبج الي ليل كله يكضي وياج وبلنهار يروح لصاحبته
بنين..وشمدريك يروح الها
مرتضى..هاج دليل
بنين..نطاني صور باوعت عليه فعلا هوا جان جان اكو تاريخ يصير ع اليسار الصور صغير ميبين قريته صور قديمه ورا زواجنه بشهر خليتها بأيدي مبروك عليه
مرتضى..اطلكي منه
بنين..عيوني مثل ما اني جنت عايشه سعيده وانت وندى جنتو متهجولين فا ماكو داعي هيج تحجي ويايه وبعدين صح اني ويا علاقتنه صارت شبه منتهيه بس مستحيل اخونه مخنته واني على ذمته ولا راح اخونه من نطلك
مرتضى..حلو كمتي تعيرين
بنين..حشا اني ماعندي هل سوالف سيدي من رخصتك عندي شغل عافني وطلع طلعت ورا الغرفه شاهين دكيت الباب سمحلي ادخل دخلت جان بيده ملفات وديوقع اريد اطلك اني حجيت هيج هوا رفع راسه عليه
شاهين..تطلكينن؟
بنين..اي تعبت
شاهين..واني متعبت
بنين..كام من الكرسي وجرني من ايدي هاي شدسوي
شاهين..داشوفج شكد اني تعبان
بنين..اخذني من ايدي ونزلنه بلدائره والموضفين تباوع علينه عفيه وخر كلها دتباوع جان ميجاوب صعدني بسيارته وصعد دازل قفل الباب شاهين اريد انزل
شاهين..تنجبين وتكعدين بمكانج
بنين..نزلنييي اكرهك اني اريد تعتقني من هل عذاب كمت اصيح واني محاسه بنفسي نزلنيييييي محسيت غير جرني من شعري عليه
شاهين..صوتجججج لا اذبحج هسه
بنين..حل شعري كمت ابجي حرام عليك كل الي طلبته تعتقني من هل عذاب الي اني داعيشه وياك خيانه قتلت احله شي صار بدنيتي احلامي بعثرتهن شتريد مني بعد جان ميجاوب اخذني المنطقه مابيها احد بس كم بيت دخلني جوا بحيث صرنه بعيدين عن البيوت جيت تكتلني وكف السياره ونزل واجه من جهتي فتح الباب وجرني جانت الكاع كلها طين ومي يعني منطقه مبينه على كد حالها دخلني البيت جوا من البرا مبين تعبان بس من جوا كلها مأثث ومرتب وكفني بنص الصاله نعم حجيت ضربني راشدي وكعت بلكاع رفعت راسي عليه بس هذا الي طلع وياك؟ دنك جرني من شعري عليه
شاهين..تطلكين موووو هسه اطلك
بنين..يله طلكني ماريدك بعد
شاهين..دللي
بنين..شو هذا نزع النطاق واجه جرني اخذي الغرفه مابيها شي صبغها كله اسود بأسود واكو فراش بلكاع نضيف شمرني عليه وصار فوكايه وكمت ادافع اني ويا وخررر
شاهين..اششش
بنين..چانت قبضة ايده على ايدي اقوه مني لزم ايدي بأيد وحده وايده الثانيه ثبت بيها راسي وخر كمت ابجي واصرخ احس شفتي تكطعت شكد مباسني منها قوي نزل الركبتي واني ادفع بي واتحرك جوا وخر ابوس ايدك وماريد اطلكني بس وخر جان ميسمعني ضليت صامده وادافع ويا وكف عن الحركه وصارت عينه بعيوني شفت بيها حب لهفه حزن تأنيب ضمير ندم كلشي شفت بعينه همست بصوت مبحوح وخر ابوس ايدك وخر مني وكعد على الكرسي الي بلغرفه واني كمت اعدل ملابسي وانتچيت على الحايط وطبكت رجلي الصدري وبس دموعي تجري هوا ورث جكاره وصافن عليه باوع عليه وحجه
شاهين..كافي
بنين..رجعني
شاهين..بنين تعبان بدونج
بنين..بس اني مرتاحه بدونك
شاهين..شنو من كلب شايله انتي
بنين..نفس كلبك صرت علمتني اصير قاسيه حتى ويا نفسي
شاهين..نمحت زيناتي وصار شاهين كله سيئات
بنين..زيناتك من سافرنه عيشتني احله شهر ومن رجعنه شصار ضرب اهانه شك ضرب وحرمتني من اعز شي
شاهين..الي صار مو بحدج دتحسين بي اني فقدت ابني وبأيدي قتلته
بنين..اني اني ماجرحتك مثل ما انت جرحتني ولا غثيتك بحجايه فد يوم جنت مستعده اذي نفسي ومأذيك مستعده روحي انطيها الك جنت شايفتك امي وابويه واخويه وحبيبي وزوجي اما هسه لا انت مجرد قاتل قتل احلامي قتل طفلي الي مشاف نور الدنيا قتل روحي خليتني روح بدون جسد بلسبعه مالتي ضربتني بدوامي ضربتني كافي اني بشر والله حالي حالكم تجون تقهرووون بيه ليش ليشش كمت اضرب على رجلي واحجي واللله واللله عمري هسه صار23سنه احس نفسي عمري 100سنه كلبي ميتحمل وجع بعد كافي شاهين اعتقني باوعت عليه جانت عيونه مدمعه مسح وجهه بأيده وكام ضمر الجكاره من ايده وداسها بحذائه وحجه
شاهين..دقايق الكاج جوه
بنين..نزل مسحت وجهي ونزلت ورا شفته واكف ينتضرني طلعت من البيت صعدت بسيارته الطريق كله ساكتين محد بينه حجه وصلني لبيتنه نزلت بدون ماحجي شي دخلت لبيتنه حتى محجيت ويا احد كبل صعدت الغرفتي قفلت الباب وكعدت وراها ابجي ربييي اخذني وخلصني من هل دنيا تعبت والله تعبت شمسويه اني اتعذب هيج يارب ياااارررببببب جنت حاضنه نفسي وابجي كمت احجي بهمس ربي اني مكسوره خاطر عمري كله جبته عذاب وبل ايام الي فرحت بيها هيج يصير بيه ربي خلصني دخيلك بمكاني نمت شكد مبجيت وتعبت احس عيوني كامت تلزك من البجي
شاهين..ها شاهين احصد الي سويته بيها باوع عليها وتحسر بدنياك شكيت بيها واني اعرف تربيتها شنو بس الشك مبقه عقل براسي تطلك تريد متعرف بدونها ماعيش يومي يمر بسنه وهيه مو يمي محاضنها ومشام عطرها اريد ارجعها اريد انسيها الي صار مداكدر هيه وحده عنيده حيل بدونها تعبان حيل ماكو احد يحس بيه اني الي شكيت بيها واني الي ضربتها وخسرت ابني وخسرتها اني الي محافضت عليها هاي الي لعبت بحالي لعب الي محد كدر ياخذ كلبي اخذته هيه بتصرفاتها بخبالها بعومتها بصوتها بكلشي بيها استوطنت كلبي اباوع عليها من تشتغل وتروح وترجع وبداخلي ميت عليها اشوفها كدامي تجي لغرفتي اوقعلها ملفات مترفع عينها من الكاع ادري خسرتها واريد ارجعها بكل الطرق لو اعرف اكضي عمري كله اعتذر الها وارجعها تعبت بدونها اني السبع الي لكل تحلف بي وحده طولها 155تعبتني وسهرتني ليالي وعذبت حالي بنت رياض ارجعج ارجعج………………
للحكايا بقايا……………
سلام حبيباتي اول شي القصه حقيقه يلربع ابد مو من وحي الخيال ماعندي قصه من الخيال كلهم الي استلمهن حقيقيات ++اريد تفاعل ع هل بارت حتئ الضهر باجر اذا الله راد انزل الكم بارت جديد ++والاهم اذا خلصت هاي القصه محضره الكم شلون قصه اويلي اطك بلكاع وانتو تخيلو بعد احبكم حيللل وتصبحون على خير💋💋🌹♥️
مرارة الحب الفصل الأربعون 40 - بقلم بنين الزبيدي
صوته والصنطة وغرفتي
ومن انام وارجع اسهر
من اغاني تجر اغاني
ومن شهر يطبك شهر
من اگوللهم نسيته
واضحك بعز القهر
من ادوره وماكو حسه
من اسولف والهي روحي
واصفن شديسوي هسه
هيج اسمعه بكل قصيدة
هيج روحي تنُگ تريده
☆☆☆☆☆☆☆☆☆
بنين..فتحت عيوني شفت نفسي بمكاني كمت دايخه راسي يوجعني دخلت سبحت وبدلت وطلعت وكفت كبال المرايه جانت ركبتي عباره عن زراك شفتي مورمه ومجروحه عيوني وارمه شكد مابجيت طلعت للشرفه مالتي اختتكت حيل باوعت للسما ربي وحق حبيبك تعبت من عذابي شوكت ناويه اخلص من هل عذاب اخذني وخلصني كمت غسلت وجهي ولبست حجاب وعباتي نزلت شفتهم كاعدين وكفت كبال حسين وحجيت ويا حسين اذا تحب الحسين اخذني للكاضم باوع عليه ومحجه اشرلي اطلع قبله طلعت كعدت بسياره دقايق وصعد الطريق كله ساكتين وصلنه هناك نزلت حتى بدون مانتضره مشيت بدرب الامام من باب المراد واني دموعي تجري دخلت للتفتيش خلصت دخلت للصحن اباب الكاضم وكعت ابجي واشكي حالي للكاضم ابو الرضااا جيتك واني بكلبي كومه همومم تعبوني يلكاضم حياتي تعبتني خلصني من هل حيات الي اني عايشتها مافرحت بيوم من حياتي جبتها بجي وهم بيوم الي فرح كلبي اخذه مني ابو الرضاااا تاهت عليه دنياي كلها صارت ضدي حياتي ضدي دنيتي ضدي حتى نفسي صارت ضدي ياربب همومي تعبني اني مو كد متحانك صعب ربي صعب وحق حبيبك محمد مداتحمل احس على ساعه اوكع واموت جنت فاصله عن الدنيا كلها مكابله الكبه واصرخ وابجي واحجي اسمع النسوان الي موجودات وحده تحجي ويا الثانيه خطيه فاكده عزيز عليها والثاني تكول الله ينطيها الي بالها كومتني مرا جبيره بلعمره من الكاع وحجت ويايه
الحجيه..كومي يمه كومي مكضيه انتي جايه يم قاضي الحاجات هذا ابو الجوادين
بنين..خاله تعبت والله
الحجيه..يمه هاي الدنيا وهاي مطباتها تكضي وداعتج وتصير سوالف دخلي يمه واشكيله حالج بنيتي
بنين..دخلت للداخل زرت وخلصت وصليت ركعتين وكعدت اشكي حالي للكاضم احس محد يسمع مني بس الأيمه خلصت طلعت احس كلبي ارتاح وطلعت مرتاحه نعسانه اريد بس انام طلعت ادور على علي جان واكفلي كبال الباب رحت يمه باسني من راسي وطلعنه اخذني للمطعم بس اني مكلت اريد بس انام اخذلي اكل سفري وطلعنه للبيت دخلت حتى مصعدت الغرفتي نمت بغرفه امي وابويه اول مره انام براحه بعد اشهر من البجي والعذاب ثاني يوم مداومت كعدت غسلت وجهي وطلعت يم امي جانت كاعده وايدها على خدها وصافنه بستها من خدها شبيج يمه
ام عباس..مابيه يمه بالي يمج
بنين..ههه اني تعبي ميخلص يمه هاي اني معلعله بدنياي من يوم يومي امي كامت تبجي لزمت ايدها يمه لتبجين فدوه
ام عباس..يمه اني مسويت شي بدنياتي كلها وحق كل دمعه نزلت من السيده زينب كل الخير قدمته للغريب قبل الكريب ليش هيج ضنايه متعلعل يمه اذا تحبي رجعيله ولج يمه مخله احد مدزه علينه شيوخ ساده معممين استقتل عليج ارجعيله ييمه
بنين..مارجع يمه مارجع وارضخ اله مره ثانيه كوه قنعتها تسكت متبجي كامت تسولفلي على بيت خالتي
ام عباس..يمه ورا محرم خطوبة بنت خالتج
بنين..الله يسعدها ماما شوكت عرس عباس وطيبه
ام عباس..اخوج يكول احل سالفه بنين وراها الله كريم
بنين..اني سالفتي متخلص يوم من يجي عباس احجي ويا
ام عباس..بنين اريد اسئلج سؤال بداعتي عندج
بنين..ماما
ام عباس..تحبي
بنين..درت وجهي يمه لتسئليني اني مادري الي بيه وبداخلي
ام عباس..يمه انتي كلبج كلها ماخذه شاهين الله يساعدج
بنين..كامت امي واني كعدت صافنه كمت ساعدت امي وخلصت اجوي اخواني وكعدنه نتغده عكس كل مره ساكته هل مرا اني افتح مواضيع وياهم اي عباس شوكت تزوج خويه
عباس..مازوج بناتي لحد ماحل سالفتج
بنين..عباس خويه اني سالفتي متنحل عندي قتراح حلو ورا محرم خطوبه بنت خالتي وراها بيومين حنتك شتكول صفنو كلهم وابويه وافقني الرأي
ابو عباس..خوش سالفه بويه اليوم نروح البيت اهل طيبه ونقترح عليهم هل شي
بنين..تمام اني اضل هنا
عباس..وحق علي ماتحرك خطوه وحده اذا مو رجلج على رجلي
بنين..عباس مااكدر ادخل هذاك البيت
عباس..خوش الغي الاقتراح
بنين..هفف هففف خوش خوش اجي غسلت الاماعين وسويت جاي وابويه اخذ موعد من اهل طيبه لعصر نروح التمينه كلنه بلصاله
ام عباس..بنين الي اخذها لسمر بنت خالتج ضابط
بنين..اي الله يهنيها بس كون تكعد عاقله وتبطل سوالفها الخايسه
ام عباس..والله يمه البنيه مأدبه انتي مادري شبيج وياها
بنين..يمه اكو شغلات انتي متعرفيها اني عرفتها
محمد..هههه ذاك اليوم عباس جنزها ابيتهم
حسين..وعلي كامت تصرخ عوفني عليك الحسين عوفني والله اني خوش بنيه
محمد..ههههههه واحله شي من شالها من شعرها يابويه جان شكله وحش وعلي ربها من جديد حتى حجاب لبست من الخوف
بنين..يا ليش هيج صار مفهمت
محمد..لتفهمين خيتي هههه
بنين..لو يسولفون العصريه بدلنه دنروح لبيت اهل طيبه تصدكون جنت مالي خلك حتى النفسي هسه لبست وهتميت بنفسي لبست بنطرون اسود وقيص ماروني وبي حزام اسود وحذاء ونزلت رحنه لبيتهم الطريق كله يسولفون وصلنه ونزلنه استقبلون هما باوعت طيبه عيونها تلمع من تشوف عباس دخلنه كعدنه باوعت على البيت كل مكان الي بي ذكرى شكل هنا من غرت عليه من ندى وهنا من ابتسم وهنا من حضني كلها الها ذكزى بداخلي تحاشيت فكري وبلشو يحجون بموضوع الزواج طيبه وعباس اقترحنه عليهم هذا القتراح
ام طيبه..بس ام عباس خيتي شراح نلحك
ام عباس..ام طيبه نلحك نشالله كدامنه كم يوم
بنين..خاله اني وصبا وصابرين نساعد طيبه بلغراض وبعد كومه ايام ورا محرم نبلش بيهن
خاله ام عامر..هاهيه يمه احتع كنسوان وافقنه
عمو سلمان..واحنه هم وافقنه على بركه الله بس بويه بنين ماغيرتي رأيج
بنين..رفعت راسي درت وجهي العمو سلمان وحجيت بخصوص شنو عمو
عمو سلمان..ترجعيلنه عمي البيت محلو بدونج
بنين..اعذرني عمو والله مااكدر
خاله ام عامر..والى متى يمه تضلين هيج بيت اهلج احنه هم النه حق عليج
بنين..سكتت ماعرف شنو اجاوبها ولكل سكت حجه ابويه
ابو عباس..ام عامر الي شافته بنين بنتي مو هين واني امانة الله اني اعزكم واحترمكم لين تناسبنه وطيبه بتنه وراح ناخذها بس بنين لا سالفتها تختلف ابيتنه واني ابوها وحق الحق ايدي ممادها عليها من جانت صغيره الحد هذا كبرها مضاربها ولا منزل دمعه من عيونها وهاي اخوانها محمد وعباس وحسين يحبوها اكثر من نفسهم عباس مره وحده ضربها طردته من البيت وهوا اكبر منها بس من اجتني للبيت وشفت اثار ضرب شاهين على ايدها وجهه وفوك هذا كله بشرفها طعنها شلون ارجعها اله مره ثانيه اله اني عقلي مال مخابيل
لكل..لا حشاك ابو عباس
عمو سلمان..والله يا ابو عباس شاهين يحبها احجيلك الي صار ويا ماطوله مموجود قبل سنتين ونص شاهين ابني تعرض الحادث والحادث جان مميت يعني اي امل بي ماكو جان يسوق سريع ونكلبت بي السياره كوه العالم ماخذي للمستشفى من عرفنه صرنه مقيمين بل مستشفى شاهين مستقبل احد منه ومقبل احد يدخل اله جوه الغرفته الدكاتره ايست من حالته وانو يشفه بس ربك اله الحمد والشكر رجع شاهين للحياة بفضل رب العالمين كشف عليه الدكتور اخر مره وكال انو اي طفل ميصير عنده عقيم شاهين متهم الين فكره الزواج شايلها من باله كله حياته شغل وانو الاول يصير على كل العالم حاولنه اني وامه نضغط عليه يتعالج مقبل امه حجت ويا تعالج يمكن اسبوعين وترك يابه ارجع يصيح على اتعالج واني زواج مازوج شايلها الفكره شائت الاقدار ونشوف بنونه وخطبناها اله على امل يتعالج ويصير عدهم طفل ادري هوايه عذبها ابنه وهوا بجت بسببه بس وحق محمد والي جمعنه هل جمعه شاهين يحبها ابو عباس اول مره اشوف ابني يبجي على شخص واول مره اشوفه يصلي من تركته بنين تعذب وراها جانت يمنه ضحكتهم متفارك وجههم والبيت كله مكيف بيها من راحت اختفت وكلنه عليهم تعبنه وهسه اني وشيباتي بويه جاي واكلج رجعيلنه للبيت
بنين..ستحيت ماعرف شحجي نزلت راسي ومجاوبت ابويه حجه بمكاني
ابو عباس..ابو عامر انشالله وره عرس طيبه وعباس نتفاهم بموضوعهم
بنين..كلهم سكتو احسهم ضاجو لين مجاوبت بس مدااكدر والله ضلينه نحجي شويه وكمنه طلعنه ويا طلعتنه دخل شاهين رفعت راسي صارت عيني بعينه خزرني درت وجهي سلم ولكل رد عليه السلام اخذ ابويه على صفحه وديسولفون رحت لزمت ايد عباس عباس علمني اسوق
عباس..هههه امشي
بنين..طلعت ويا كعدت بمكان السايق قدم الكش كدام الين كصيره متوصل رجلي كعد بصفي
عباس..باعي الي على ليمين بانزين والي على اليسار بريك
بنين..يعني هسه هذا بانزين اني جيت ودست السياره طلعت كدام
عباس..هوب هوببب
بنين..مادري شلون وكفهع باوع عليه وحجه
عباس..شنو ناويه تنتحرين
بنين..بطلت ماريد اتعلم
عباس..ههههه تعالي بعد اعلمج
بنين..كعد يعلمني على الكير وعلى البانزين والبريك تعلمتهن كتله اجرب شويه
عباس..باعي جربي منا الراس الفرع
بنين..خوش سقت على كيف ولفت على الفرع الثاني ورجعت البيت اهل طيبه وكفت ها شلون
عباس..زينه لعد رجعينه انتي للبيت
بنين..صفنت ها
عباس..وجعا شبيج ثوليتي
بنين..اخاف
عباس..اذا تخافين عمرج متصيرين سايق ترا
بنين..اي ابويه وين صار
عباس..شاهين ديحجي ويا بنين خيتي اريد اسولف وياج ماطول اني وياج بحدنه
بنين..هزيت راسي بـ اي
عباس..شوفي انتي اختي الصغيره واصغر وحده بعائلتنه وتعرفين خوفي عليج ومعزتلج بداخلي شكد صح لو لا
بنين..اي
عباس..تكدرين تنطي فرصه ثانيه الشاهين
بنين..نزلت راسي ودموعي نجمعت بعيني اذاني هوايه عباس
عباس..بنين هسه تاب عن اذيتج يحبج شوفي حاله تعبان عمري كله مشايف شاهين بهيج حاله لحيته الي جان يكره يطولها طولانه شعره طولان لو تركزين بي بعد عيونه تحجي مدى تعبه بغيابج
بنين..عباس خلاني اخسر ابني
عباس..وابنه هم اني لو ادري بنفسي عقيم واسمع بمرتي حامل اذبحها
بنين..مارجعله
عباس..براحتج حبيبتي بس فكري بكلامي
بنين..اي طلعو اهلي ورجعنه للبيت ومرت الايام وخلص محرم وكل هذا واني يوميه اشوف شاهين بس مالي علاقه بي حاول ويايه اكثر من مره بس جنت كل مره ارفض لو قبل ميحجي اطلع مااكدر لحد هسه صوت الدكتوره من تكول نبض ماكو كلبي يوجعني صارت الخطبه مال بنت خالتي ورحت وسمعت كومه حجي وليش نفصلتي ولي ميدري نفصلت يسئل وين حلقتج من غير الشماته الي شفتها بعين خالتي الي رادتني الابنها تندمت لين رحت بلشنه بلتجهيزات مال عرس عباس وطيبه وعباس وصه غرفه جديده واجوي شدوها وارتبت غراض طيبه بلكنتور وغرفته صارت تجنن يوميه نطلع نجهز كومه شغلات تعبت حيل بعرس عباس وطيبه بيوم الحنه رحنه للصالون طيبه لبست بدلتها البنفسجي وتحضرت واني والبنات لبنسه فساتين مارونيه وشعرنه مفتوح ومكياج ماروني حلو طلعنه سيت كامل الحنه صارت بقاعه بحيث معزمنه احد غريب كلها كرايب دخلت طيبه وهوسنه الها تقريبا بنص الحفله اجتي صبا كبالي
صبا..يله بنان المفاجئه نسويها راح تخلص الحنه واحنه بعدنه
بنين..هههه يله رحنه لبسنه هندي جنه متفقين ويا الديجي جانت بنيه ركصنه على اغنيه هنديه اسمه تقرع الطبول تركص عليها ديبيكا نفس ركصها ركصنه والعالم كلها صافنه علينه بنص الركصه نزلت طيبه بنصه وسوينه دائره عليها كامت تركص وتبتسم ربي يديمها عليها خلصنه رجعنه بدلنه وكعدنه حجت ام ناهده اخت شاهين
عمه ام ناهده..هيج حاليلج فراك شاهين
بنين..باوعت عليها وجاوبت هل مرع مسكتت بسببج انتي وافعالج اني ويا هيج صار بينه هيه ضلت تباوع
عمه ام ناهده..يطلكج يطلكج واخذله غاده
بنين..شسوين سوي وعلوا يطلكني داخلص منج ومن نكج عليه مسلمتج بيد ابو فاضل يطلع حوبتي منج عفتها وكمت جنت متحمله عليها وهوايه سكتت بس بعد كافي دخل عباس حنه طيبه وركصو شويه وطلع وهيه فرحانه دعيت من كل كلبي يدوم ربي عليها فرحتها خلصت الحنه وطلعنه من طلعنه حسين ومحمد وعباس تلفوناتهم مغلقه والباقي السيارات نترسن بقيت اني وامي باوعت طبكت يمنه سياره شاهين نزل الجامه وحجه ويا امي
شاهين..حجيه صعدي اوصلجن الولد مشغولين
ام عباس..لا يمه بلكت هسه يجي حسين محمد
شاهين..مااكدر اخليجن واكفات بشارع صعد
بنين..جنت واكفه بصف امي وعيني بجهازي اتحاشه اباوعله امي صعدت اني منتبهت عليها صعدت لحد معاطت بيه
ام عباس..يمه عيونج حولت ليل ونهار لازمه هل تلفون وتبتسمين صعدي يله واكفه بلشارع
بنين..خرعتيني يمه نزلي ماصعد
ام عباس..صعدي اخوانج ميجون
بنين..هففف صعدت امي كعدت كدام واني ورا عدل المرايه وصارت عليه صارت عيني بعينه خزرني اني نزلت راسي لموبايلي دكت عليه صبا جاوبتها الو
صبا..وينج ولج
بنين..دنرجع للبيت ليش
صبا..ولج العقيد حسام متعارك ويا صابرين وصابرين مجاوبته هوا ديضربها هيه منهزمه وتريد ترجع متكدر وهسه هيه واكفه يم التقاطع مال……… اني بعيد صار عليه تكدرين تروحين ازها
بنين..صبا انتي دتفهمين الي دتحجي شنو منهزمه شنو ديضربها
صبا..هذا لي فهمته منها هيه فدوه بنين روحي الها
بنين..تمام سديته منها شلون راح احجي ويا اريد اروح للتقاطع مال……… صابرين تنتضرني هناك حجيت هيج وهوا مجاوب بس اخذني دانزل عاط بيه ابقه بقيت نزل هوا شويه وصعدت صابرين باوعت عليها تبجي حضنتني صابرين قدمي عليه دعوه محد يحقله يمد ايده عليج
صابرين..بنين لين طلعت بدون حجاب
بنين..وانتي طايحه حظ حجاب وتخلي على راسج ليشش ملبستي
شاهين..چان كلتي النفسج مدام
بنين..رفعت راسي عليه بس اني محد يدخل بيه وبعدين جايه الحنه اخويه
شاهين..حنة اخوج لابستلي فستان دلعته مبينه ومخصر عليه وملابسه حجاب ومكويه عينج
بنين..انت متدخل بيه كافي حرمتني من ابني هسه جاي تحرمني من فرحتي محجه وصلنه للبيت قفل الباب من ناحيتي وامي نزلت وصابرين نزلت دافتح الباب قافلها نزل وقفل كل بيبان لسياره وحجه ويا امي وطلع ابويه هم حجه ويا واجه صعد شاهين اريد انزل مجاوبني بس شخط السياره وطلع
بنين..الطريق كله ساكته وكفني كبال بيتهم ونزل هم قفل باب السياره طول ثلث ساعه،وطلع جايب جنطه مادري مال شنو وصعد اريددد انزللللل
شاهين..صوتج
بنين..نزلنييي شاهينن نزلني…………
للحكايا بقايا……………..
احمبائي اني وفيت بوعدي وهسه دخلت للبيت الله وكيلكم ونشرت الكم البارت العيونكم الحلوات اليخبلن وهسه اريد منكم تتفاعلون
ملاحضه:ولا قصه استلمتها الحد هسه خيال صح عندي اضافات فوكاهن بس مستلمت خيال لين بصراحه اشوف لخيال محلو يعني اكعد اخرط الكم كذب وماكو شي من الحجي صار فا احب اكتب قصص حقيقه فا يعني الي يكول خيال مشكلته والي يكول حقيقه احبكم😘
مرارة الحب الفصل الحادي وأربعون 41 - بقلم بنين الزبيدي
بچفوفگ شگد شِعر
اسراره ما تنحچي
ثوره وقصيده وعشگ
طاحن بتالي العمر
ومسودن انه من احب
لو أموت لو انتصر
┻━┻┻━┻┻━┻┻━┻
شاهين..باعي وحق الحق لو تصيحين منا الباجر الصبح لاحد راح يسمعج ولا اني راح اهتملج
بنين..شنو متهتملي نزلني ماعندي اي حجي وياك قراري مصممه عليه
شاهين..وشنو نوع القرار ست بنين
بنين..نطلك
شاهين..اي ادللي صدك كذب عجل هسه ماخذج للمحكمه نطلك
بنين..اي يعني هسه اكو محاكم مفتحه
شاهين..اي اكو محكمه لاخره نشالله هناك نطلك
بنين..طلكنييي كمت اني جنت كاعده ليوره فا اكو مجال بين كرسي السايق وبين لكرسي الي بصفه لزمت اليستيرن وضليت اني ويا ندافع والسياره تروح يمين ويسار وهوا عاط بيه ودفعني ورا وكف على اليمين وندار عليه
شاهين..انتييييييي غبيههههههه
بنين..نزلني وين ماخذني
شاهين..الجهنمممم اششششش ولا حرف وحق ربج هسه افرغ السلاح براسج
بنين..شاهين ماريد اضل اني وياك بمكان واحد انتتت قاتلل قاتللل
شاهين..قاتل ان…….… كله اني سدي حلكج خلي نوصل واعلمج
بنين..ضلت دموعي تجري باوعت تلفوني وكع بلكاعيه مال سياره دنكت شلته ودكيت على عباس وايدي ترجف جان مغلق ابويه ومحمد وحسين كلهم غالقين اجهزتهم دكيت على رانيه هم مجاوب صابرين صبا حتى طيبه دكيت عليها كلهم محد منهم يجاوب بقالي اخر احتمال امي دكيت عليها دك مرتين جاوبت حجيت بصوت عالي
بنين..هاييي كلكم بعتوني الشاهييييينننن هيج ضايجينننن مني اني شنو السويته الكم حتى تجمعونيييي ويا قاتل ابني ندار عليه سحب الجهاز مني سده سحب شريحه السيمكارت وشمر التلفون من الجامه مادري وين ماخذني بس السياره مشت هوايه بينه باوعت على الافتات الخضره الي تصير بلشارع جان مكتوب على الافته الانبار ترحب بكم رسميا اني هنا بديت اتخبل جايبني البيت بيبي سعاده واكابل غاده وكعد انت جايبني للانبار مجاوب ضلت تمشي السياره بينه لحد موكف كبال بيت بيبي سعاده طفه السياره ونزل نزلني لازمني من ايدي ويجر بيه ورا فتح الباب ودخل جانت بيبي سعاده كاعده بلصاله ويمها غاده وناس ماعرفهم وكفني ورا وحجه
شاهين..حجيه رايدج بلصاله الثانيه
بيبي سعاده..اويلي ياترافه شاهين شمسويه بحاله اويلي
بنين..مشه ولازم ايدي قوي دخلني للصاله الثانيه ودفعني للقنفه كعدت اكرهك وعمري كله محبيتك
شاهين..الله كريم
بنين..كعدت واني كالبه وجهي عليه دخلت بيبي سعاده وهوا وكف وهيه كباله وحجه
شاهين..راح امنها يمج بس اليله وراجع البغداد عندي شغله الصبح اخذها واطلع الباب ينقفل عليها مينفتح
بنين..كمت انييي مو سجينه عندك ولا متهمه تقرب عليه صارت عيونه بعيون وكصته على كصتي وحجه
شاهين..اذا مخليتج تبجين دم يا بنين الج حق
بنين..عليمن ابجي دم على شخص قتل احله شي بحياتي
بيبي سعاده..ستهدو بلرحمان يمه والله عين وصابتكم
بنين..لا بيبي مو عين وصابتنه ابنكم جان ذره ثقه بيه ماعندي هسه اييي صح اني حبلت من غيره شكو مجرجرني ورا من بغداد اللانبار حجيت هيج ماحس اله ضربني راشدي اذاني صوفرت وخدي احس يطلع منه نار نزلت دموعي عافني واخذ بيبي سعاده وطلع سمعت صوت طكت الباب قفلها عليه ضيلت كاعده بمكاني ابجي من اهلي لين باعوني من صديقاتي الي عافني بحدي من حضي ضليت كاعده ابجي الحد مغفيت
شاهين..اخذت بنين للانبار قبلها نزلت حجيت وي اهلها ابوها جان كاعد بلحديقه وكفت كباله حجي راح اخذها
ابو عباس..شاهين بداعتها عندك ديربالك عليها
شاهين..وداعتها اخليها بعيوني لتخافون عليها اريد ارجعها طلعت من البيت اخذتها للانبار المخبله رادت تكلبنه لو ما الله ستر اخذتها للانبار ودخلتها البيت الحجيه كامت تجفص بلحجي ضربتها وطلعت لبغداد حجيت وي عامر واخذتلها اجازه رجعت للانبار الصبح تلكتني الحجيه
بيبي سعاده..يمه شاهين بهيد وياها
شاهين..حجيه تجوت بلحجي مالتها
بيبي سعاده..عجل يمه الي سويته وياها مو قليل ضربتها وهنتها يايمه جيل هسه كلشي ولا كرامته
شاهين..اكص السانها دارتاح منه
بيبي سعاده..شكد متحجي يايمه بس هذا يحبها وهايم بيها
شاهين..اشرت على كلبي حجيه هذا كلب ابن كلب
بيبي سعاده..ههههه يشاهين هاي ترافتك اتعبلها
شاهين..شطيح حضي غير ترافتي كمت على حيل راح اخذها لبيتي
بيبي سعاده..ياهوا يمه اليمنه
شاهين..اي حجيه دخلت شفتها نايمه بمكانها شعرها بطولها الغضب نصه طالع من الفستان الابسته ساعة السوده بلي خترع هل فساتين ودلعهن تقربت يمها داشيلها هيه فزت
بنين..فتحت عيوني شفته فوك راسي عدلت كعدتي وحجيت ويا رجعني اليوم عرس اخويه
شاهين..لاعرس اخوج ولا عرس حضي كلها تعرس وشاهين كاتله الضيم
بنين..كمت وكفت كباله اخويه هذا تحرمني من عرسه
شاهين..مثل محرمتيني منج
بنين..لزمني من ايدي ورا اني كعدت بلكاع ماتحرك خطوه وحده
شاهين..سهلتي المهمه الله يسهل دربج
بنين..شالني من الكاع نزلنييي طلعني شافت بيبي سعاده كاعده ويمها غاده من شافتنه بيبي سعاده ضحكت بس غاده كالبه الچينكو بيبيي سعادههه اريددد يرجعني ماريد اضل اني ويا نفس المكان
بيبي سعاده..يمه يحبج شبيدي عليج الرجال هايم بيج
بنين..طلعني من البيت صعدني بلسياره وصعد مشينه مسافه مو بعيده براس الفرع وكف السياره وهم نزل شالني ودخلني البيت جان تصميمه من برا بي حديقه وكراج كبار فتح الباب ودخلني للصاله وجان مأثث كله وكفت كباله شاهين ماعيش وياك لو اعرف اكتل نفسي
شاهين..مجايبج تكتلين نفسج
بنين..نزلت دموعي شتريد مني
شاهين..مكافي 4اشهر
بنين..لا مكافي العمر كله ميبرد كلبي بلي سويته ويايه
شاهين..بنين الراح ابني هم
بنين..كمت اضرب على صدره واني ابجي ليشش لعد ليششش حرمتني منه ليششش تصيح مو ابني ليشش ليشش اخذت مني شغله انتضرتها هوايه حجيك كله براسي يرن حبلان بنغل وجايتني لو الغلط والفشار شنووو الشي السويته الك قدمتلك كل الحب الي بداخلي بعد مجان كلبي خراب ليش جبتها وياك سنه ونص شهر فرح والباقي كله ضرب اهانات تكفخ ليش شاهيييننن جان يباوع عليه وعيونه حمر وريد كصته وشراينه كلها نطت شهكت وحجيت اخذت مني حقوقك غصب حسستني اني وحده رخصيه بس هذا كله والله محيته من عرفت الشي الي انتضرته بفارغ الصبر راح ينورلي حياتي ولكك انييييي جنت ماحجي واقهرك واكلك اريد طفل يفرح كلبي من ازوجتني ومكتلي واني عرفت وتخليت عن امومتي الخاطرك الخاطر ماجرحك وانتتتت شسويت بكل بساطه خليتني اكرهه نفسي كافي تعذب بيه كافي حضني حيل كسر ضلوعي همس بأذني
شاهين..فراكج شيبني وحق ربج
بنين..دفعته لا يشاهين كلبي بعد النار بي
شاهين..انطيني فرصه اعوضج عن كل المضى
بنين..رجعني باوع عليه ونهض
شاهين..هذا مكانج بعد ماكو رجعه
بنين..عافني وراح ضليت كاعده بمكاني لامه رجلي الصدري وابجي ايي يابنين كضيتيها بجي شوكت تفرحين بس الله يدري كمت ادور عليه جان البيت مرتب الي طلع من الصاله تنطي على الفوك يعني البوب الفوك مال غرف كلها مبينه مطبخ يصير على اليسار شويه غاد من الدرج والحمام والتواليت تكرمون كبل صعدت ادور عليه فتحت بوب الغرف كلها مأثثه فتحت باب غرفه جان هوا بيها نايم ندسته بضهره رفع راسه عليه
شاهين..خير
بنين..رجعني
شاهين..ياطلابه رجعني شراح يفضها
بنين..ماعندي ملابس هنا
شاهين..اي ن……….. ماكو احد غريب
بنين..خزرته هوا ضحك
شاهين..فتحي باب الكنتور تلكين ملابس
بنين..شلت الفستان ورحت فتحت باب الكنتور كلها ملابس رجاليه مالته وتراكات باوعت عليه جان يباوع عليه هذني مال رياجيل
شاهين..داكلج ذبي للفستان انتي مدتضرين
بنين..هفففف اخذت تراك ونزلت دخلت للحمام سبحت وبدلت ملابسي وطلعت من الحمام ضميت فستاني ورحت للصاله اريد اي طريقه انهزم بيها منا باوعت الباب مقفول الشبابيك كذالك صعدت فوك بلكت مفتوحات الشبابيك الغرف كلهن قافل شبابيكهن وصلت اخر غرفه واني ادعي يارب مفتوح الشباك دخلت شباكها مقفول الشرفه مفتوح بابها اخيرا الحمدالله مفتوح فتحتها طلعت باوعت المسافه بين الجوا والشرفه مو هوايه يعني اكدر اطفر صعدت فوك السياج وطفرت رجلي راحت يله همشي خلصت من الجوه نداريت شفته ورايه فزيت
شاهين..قررررردددددد
بنين..اريد اطلع ماريد اضل هنا
شاهين..لا حبيبتي اضلين هنا
بنين..جرني من ايدي ودخلني للبيت للسجن مره ثانيه شاهين اني مووو سجينه عندك كعدت ابجي هوا كفت ايده الصدره وباوع عليه
شاهين..باعي اكدر هسه ارجعج البغداد الاهلج واخذج تحت قانون اسمه بيت طاعه هاي غصبا ما عليج ترجعين للبيت وانتي الممنونه بس لا جبتج داتفاهم وياج
بنين..تقرب عليه ورفع راسي بيده وخرت راسي عن ايده لتتقربلي بس اريد اسئلك سؤال لو واحده من خواتك رجلها هيج سوه بيها وهانها وقتل ابنها شنو راح تسويله
شاهين..ماسويله شي اذا سوه الي سويته و4 اشهر يركض وراها ويريد يردها وعلي بيدي اردها اله
بنين..باوعت عليه ونزلت دموعي كمت صعدت فوك للغرفه الي بيها شرفه ونمت بيها واني ابجي محسيت بنفسي غير نمت
صبا..اتفق ويانه شاهين يرجع بنين اني مجنت قابله بس مثل مداشوفه يتعذب بنين هم جاي تتعذب صديقتي واعرفها شكد متكول اكرهه كذب هيه تحبه وتعبانه بغيابه بس مجاي تنسى الي صار ياها المهم اليوم عرس طيبه الكل فرحان بس مكان بنين خالي حيل بلصالون باوعت على طيبه صافنه رحت يمها شبيها عروستي
طيبه..بنين مكانها خالي
رانيه..اني صوجي والله صوجي قبلت بتفاقكم
طيبه..رانيه عمي ديتعذب بفراكها
رانيه..عمج من خلاها تسقط والضرب والاهانات مفكر بيها هسههه يفكرررر باوعت عليها نزلت دموعها استغفرالله طيبه خلص لتبجين هاهيه
طيبه..اني اريدهم يرجعون سويه
رانيه..نشالله يرجعون سويه
صبا..خلصت طيبه واحنه كلنه خلصنه من الصالون واجه عباس دياخذها
رانيه..باوعت على عباس عيونه ادور على بنين ادري بي مو من كل كلبه خله شاهين ياخذ بنين لزم طيبه من ايدها وطلعو والمزيقه ادك جانت ولكل فرحان اله اني مكانها خالي هيه مو بس بنت خالتي لا هيه صديقتي واختي وكلشي اليه احس وحيده بدونها رغم كل الهوسه صعدت ويا سلام وصافنه عليهم من يهوسون العباس والركص حسيت سلام لزمني من ايدي
سلام..شبي ملاكي ضايج
رانيه..اريد بنين رغم هل هوسه بس اني بدونها وحيده
سلام..حبيبي بنين وشاهين ديحلون مشاكلهم خطيه كل واحد منهم بديره وكلوبهم ميته
رانيه..بس شاهين اذاها
سلام..ماكو احد معصوم من الغلط وشاهين غلط وعرف غلطه وهسه ديصلحه رانيه بنيتي صدكيني شاهين شخص عنودي الى درجه ميرجع اذا مينفذ كلامه وصدكي ميرجعون واله همه مصافين
رانيه..خاف يضربها لو يأذيها
سلام..لا ميضربها هو يريد يرجعها ادوره يزيد الطين بله
رانيه..كلام سلام ريحني نوعا ما هما رياجيل واحد يفهم الثاني واصدقاء وصلنه للقاعه مال عرس وكعدنه كلنه باوعت خاله ام عباس تبتسم بس عيونها متروسه دموع وعمو ابو عباس كذالك محمد وحسين ضايجين وكاعدين رحت يمهم بست خاله من راسها خالتي عليمن هل دموع
ام عباس..يمه حياتي كلها محلوه بدون بنين
رانيه..باعي خاله اني هم جنت ابجي بلسياره عليها بس لازم هيج يصير خلي يتفاهمون بيناتهم ويحلو هل مشكله لين ثنينهم متعذبين شاهين يحبها وهيه كذالك ادعيلهم
ام عباس..باعي حتى عباس ضايج
رانيه..اكيد يضوج هيه مو بس اخته وانما هيه كل حياته وماهيه بعرسه ضليت شويه يمهم وحجيت وياهم فكو شويه ركعت كعدت سلام روح احجي ويا عباس شويه يبتسم طيبه باقيلها شويه وتبجي
سلام..هههههههه خوش
رانيه..راح سلام اخذ عباس على صفحه وحجه ويا ورجعو يضحكون اجه سلام كعد
سلام..شسويتلج بعباس
رانيه..حجاها وضحك شسويت
سلام.. انتضر ربع ساعه وشوفي ياخذها ويشلع
رانيه..سلام شسويت عليك النبي حبيبي حباب
سلام.. خليتها………… ونطيته جكليته خطيه هسه هبط السكر عنده
رانيه..عزااااااااااا
سلام..اششش وجعا فضحتينه
رانيه..شكد شرير
سلام..چا بس اني بعرسي هيج سوو بيه
رانيه..ههههههه عيييبببببب المهم صارت ركصه سلو وركصو باوعت طيبه فد خجلانه وتبتسم وعباس يسولف وياها بدلو الحلقات واكلو كيك وببسي دنك عباس باسها من راسها
سلام..هههه باعي عباس عرك
رانيه..والله حرام عليك
سلام..هههههه
رانيه..فعلا عباس لزم ايد طيبه وهاهيه ديطلعون زفيناهم للبيت والدك والركص اخذنه طيبه للغرفه وكعدن يعلمنها خاله ام عباس وامي وزفو عباس احنه طلعنه وسدينه الباب طلعت جانت صارت دنيا ليل طلعت ويا سلام باوعلي وغمز
سلام..اييه اييه اليوم سلام هم عريس
رانيه..باوعتله وخجلت ها
سلام..يوسف نيمي زين وعلو تخلي يم الحجيه
رانيه..سلااام والله اخجل
سلام..بت الاوادم ترا صارلنه سنه مزوجين حتى……… حفضتهن
رانيه..سلاااامممم
سلام..هههههههههه
رانيه..وصلنه للبيت سلام كعد يسولف ويا عمي يعني ابو واني صعدت نيمت يوسف زين واخذت سيت لونه احمر ناري ودخلت للحمام سبحت والبسته جففت شعري وطلعت وكفت كبال لميز ومشطت دخل هوا باوع عليه ابتسم نزلت راسي لتباوع هيج
سلام..دتعالي من احترك الراح والاجه
رانيه..هههههه
بنين..حسيت ثكل صار على خصري فتحت عيوني شفته نايم يمي وايده على خصري فزيت كمت بسرعه هوا باوع عليه وحجه
شاهين..هيج اخوف صرت
بنين..مجاوبته كعدت عدل شعندك هنا
شاهين..منايم صارلي 4اشهر نومه بيها حظ بسبب وحده طولها متر هلكدها وهسه جيت انام
بنين..داكوم جرني صرت جوا باوع بعيني ودنك همس وهوا يباوع بعيوني
شاهين..هنيال اليكعد من نومه ويلكاج مغمضه اعله فراشه
بنين..باوعت عليه جان يحجي ويباوع الشفتي وخر عني باسني من خدي وكام كمت لتتقرب بعد عليه اكرهك اني حجيت هيج شو هذا طكها ضحكه بصوت عالي
شاهين..هههههههه من جرمنه صوت دكات كلبج واصله الذاك الصوب
بنين..كمت انت جايبني هنا شنو اريد اعرف لا معنا ولا تعنا رجعني لبغداد اني ملازم عندي دوام
شاهين..واني عقيد ومسؤليتي اكبر من مسؤليتج بس جاي الام راس اليابس
بنين..انت ليش مطلكني وتزوج غاده هيه تحبك مشالله تباوع عليك عبالك حلالها
شاهين..باع الغيره بويه رايح نص ساعه وراد
بنين..نزل نزلت ورا عل وعسه خال باب مفتوح ماكو قفلهن عليه دورت البيت كله اريد مبايل مابي حتى مبايله ماخذه كعدت بلصاله وصفنت بنين ليش مترجعيله هوا يحبج وديسوي المستحيل علمودج بعدين صفنت لا لا شبيج تخبلتي شترجعين هذا نفسه الي قتل طفلج وسلب فرحتج………
للحكايا بقايا………….