رواية عمارة حنان بقلم ميادة يوسف | كاملة
قيّم الرواية:
لا توجد تقييمات بعد
من أحداث الرواية
يالا هاتوا الكراسي دي كده. قوم يا أحمد، علق البالونات هنا. أحمد: انفخ البلالين يا نجاتي. حنان: لمض، عايزة أحلى عيد ميلاد للواد لؤي ده، حبيبي. أحمد: ماما راحت فين؟ حنان: تجيب حبة حاجات للعيد ميلاد ناقصة. هنزل تحت أشوف الأكل، الروف بقى حلو ولسه بالليل هيبقى حكاية. نزلت حنان شقتها تشوف الأكل على البوتاجاز، كانت مهدية النار عليه. دخلت اتوضت وصلت المغرب. حنان: الو يا مجدي. مجدي: عاملة إيه؟ واحشني قوي. حنان: مجدي، قولنا إيه يعني؟ أعملك بلوك ولا إيه؟ مجدي: حتى الاتصال هتحرميني منه؟ حنان: ما ينفعش الكلام، خلاص الوقت فات وكل واحد خد نصيبه. انسى، أنا مابقتش صغيرة. مجدي: لأ، لسه لنا عمر. السن مجرد رقم، ماليش علاقة بيه. حنان: سلام، عندي عيد ميلاد. مجدي: أنا جاي. حنان قفلت الفون وقعدت على طرف السرير وسندت ضهرها لورا وافتكرت. فلاش باك. حسن ومحسن وإسماعيل تلاتة أصدقاء اتعرفوا على بعض في الكويت وكانوا شغالين مع بعض في شركة واحدة...
