رواية ضي العامر بقلم اسراء ابراهيم | كاملة

هتفضلي كده لحد امتى يا ضي؟ عدى أربع شهور وانتي مش بتخرجي ولا بتروحي في حتة، حتى الأكل يا بنتي مش بتاكلي كويس، أنا خايفة عليكي. ضي: متخافيش عليا يا ماما مش هموت يعني. وبعدين انتي عايزاني أنسى كده كل حاجة بسهولة؟ الأم: لا يا بنتي مش قصدي، أنا عارفة إن الموضوع صعب، بس ده ميستاهلش حتى تبكي عشانه أو تضيعي عمرك بسببه. ضي: متخافيش يا ماما، إن شاء الله هنسى مع الوقت. هنسى، معلش يا ماما هنام شوية عشان مصدعة. الأم: ربنا يريح قلبك يا بنتي يارب. وسابتها وخرجت. بطلة قصتنا اسمها ضي، عندها 26 سنة، جميلة جدًا، شعرها بني طويل لنص ضهرها وعينيها عسلي وقمحاوية، ومتوسطة الطول وقمر، وعايشة مع مامتها وباباها حاليًا، وعندها أخ اسمه أحمد وأخت اسمها عليا، هنتعرف عليهم بعدين. الأم خرجت وهي حزينة على بنتها وقعدت جنب الأب وهي بتعيط. الأب: هيا ضي عاملة إيه النهارده يا أم أحمد؟ الأم: زي ما هي، أنا...