رواية خطة ضياع بقلم منصور سيد | كاملة

جواز إيه يا عم سيبكبس. أنا بحبها يا قاسم، وهي كمان بتحبني. ونهاية الحب ده مافيش غير الجواز. قاسم: يا ابني جواز إيه اللي عاوز تتجوزه؟ إنت اتجننت؟ في حد يقتل حريته بايده؟ وبعدين البنات اللي بنتعرف عليهم ونروح ونيجي معاهم دول ما ينفعوش للجواز. اسمع مني دي بتضحك عليك وتمثل عليك دور الحبيبة. مازن: لا يا قاسم، أكيد إنت غلطان. وبعدين أنا خلاص وعدتها إني هروح أخطبها، وهي حددت لي ميعاد مع والدها ولازم أروح. قاسم: طب كلمها واجل الميعاد شوية واصبر، وأنا هثبتلك إن قرارك غلط وإنها مش البنت اللي تفكر تتجوزها. وكمان جواز إيه اللي تنهي بيه حياة الحرية اللي إحنا فيها دي؟ ما إحنا كده كويسين، ما إحنا أهو لا عمرنا فكرنا في جواز ولا غيره. ولا إيه يا حاتم؟ ما تقول له يا عم. حاتم: بصراحة أنا مش فاهم الناس الغبية اللي تضحي بحريتها عشان جواز وأسرة وكلام فارغ. وبصراحة كده يا مازن أنا مع...