رواية قلوب من حجر بقلم جيجي | كاملة
قيّم الرواية:
لا توجد تقييمات بعد
من أحداث الرواية
حبة الدقايق دول ما قادراش تعجنيهم.. ما تشهلي شويه وتعمليلك همه.... حريم اخر زمن.. قالت كلامها لسمره بنت فى العشرين.. ببشره سمراء بس ملامح جميله جدا.... دى مرات ابنها.. فى شهرها التاسع... وكانت بتعجن على الطبليه.. سمره: انا تعبانه قوي يا حماتي... ما قدراش.. فهيمه: خلصى يا بت.. ايه النعنعه اللي انتم فيها دي... انا ولدت فى نص الطبيخ... خلصت ولاده وقمت حضرتلهم العشا.. سمره بضيق: هنقول ان ده حصل.. بس انا تعبانه جسمي مش زي جسمك.. فهيمه: هنقول انه حصل.... ليه.. انا هكدب عليكى اياك.. عاوزه تقولي انى كدابه... سمره: ما اقصدش.. فهيمه: ولا تقصدي... خلصى قطعي كل العيش ده... عشان تروحي تحمى الفرن... سمره بالم: اه.. فهيمه: مالك في ايه !! سمره: اه.. بولد يا حماتي... بولد... فهيمه: خلصى العجين الاول يا بت... سمره: بقولك بولد.. اه.. فهيمه: انا عارفه انك عايزه تهربي من العجين... سمره: يا وليه بقولك بولد.. بولد.. فهيمه: خلاص اسكتي... هروح اناديلك ام سعيد...
