رواية لا تثقي بالرجال "لا تقولي لأ الجزء الثالث " بقلم زينب سمير | كاملة
قيّم الرواية:
لا توجد تقييمات بعد
من أحداث الرواية
مش دي كاميليا وادي؟ نطقت ست في التلاتينات باين عليها الأناقة لأصحابها في النادي، قاعدين على تربيزة وعيونهم كلهم اتركزت على تربيزة قريب منهم، قاعدة عليها كاميليا. - هي.. اللي مجننة ابن الواد؟ نطقت وحدة بإستهزاء. - وهي لو مجنناه هيبقى دا حالها؟ مش شيفاها بقالها ساعة ماسكة الفون وبترن ومش معبرها؟ - يمكن مش بترن عليه هو! - أومال على مين ياحبيبتي، هي تعرف غيره ولا ليها غيره؟ ما كلنا عارفين أن حياتها كلها مقتصرة عليه وعلى عيالهم. أهو ابنها على سيرته ظهر. طفل أربع سنين قرب من كاميليا بيجري بحماس. - مامي.. فتحتله دراعتها تاخده في حضنها قبل ما تقعده على كرسي جنبها تلبسه البرنس. - انبسطت في التدريب؟ ضم شفايفه بعبوس. - كنت عايزك تتفرجي عليا. - معلش كنت مصدعة شوية ومحتاجة قهوة. - طيب.. بص حواليه. - فين بابي؟ لسة مجاش؟ مش هيجي؟ زفرت ولسة هترد، هللت ملامح سيف بفرح. - بابي! جرى على كاران اللي...
