رواية ماسه رابح بقلم زهرة الربيع | كاملة

الباشا ناوي يدفع نص ارنب مقابل بس انك تسيبهاله ليلتين تلاته ينبسط وبعد كده هيرجعه. بصلو بزهول وقال: "انت بتقول كام يابا؟ نص مليون؟" "يالهوي... طب... طب هيدفعهم امتى دول؟" "هيدفعهم اول ما ياخدها... ده عايزها قوي وهيموت عليها." "طب وهو الباشا شافها فين؟" "انا من اسبوع اخدتها معايا تساعدني في تنضيف المزرعه بتاعتو... يومها مشالش عينه من عليها... حتى هيه شكتلي انو بيبصلها كل سويه وانا قولتلها تسكت... يومها فعلا كان هياكلها بعنيه... وبعد كده عرض عليا ١٠٠ الف... وانا رفعت معاه لحد نص مليون... بس بقولك يا نصير هيه مش لازم تعرف." "لا طبعا فاهم... دي ممكن تبوظلنا كل حاجه... اصلا مش هترضى بحاجه زي دي ابدا انا عارفها... بس هنوديها ازاي من غير ما تعرف؟" "احنا ملناش دعوه احنا هناخدهالو وهو يقلها... لو قولنالها مش هترضى تروح... هو هناك هيعرف يتعامل معاها زي ما بيتعامل مع غيرها... هيه حليت في عينو وهيعرف يوقعها." نصير هز راسو بحسره...