رواية ملجأي بقلم نرمين محمد | كاملة

ايه هتخطب يا يوسف. بصلي ببرود. امممم أيوا، في حاجة. بصيت على مامته اللي كانت بتبصلي بحزن، وأخته اللي كانت بتبص له بعصبية. وبعدين بصت له، دمعت مع ضحكة وجع طالعة من قلبي اللي اتكسر، وقلت وأنا ببتسم بس جوايا وجع يهد جبال. ابتسمت بألم. ادااا حبيب قلبي هيخطب يا ناس، ومين بقا سعيدة الحظ اللي خطفت قلبك بنت ال... ديه. ضحكت في الآخر. لقيته بصلي شوية وفي عينيه نظرة غريبة مش عارفة أحددها. وقال: بنت عرفتها اسمها روان، أنا قولت لأمي وهنروح نتقدملها بكرة. فضلت ساكتة شوية بفكر. أنا لازم أفرح له، أنا مش أنانية عشان أزعل لفرحته. ده مهما كان يوسف، يوسف يا نرمين اللي بتحبيه من طفولتك، لازم تفرحي له. ابتسمت وقلت بضحكة. طب ممكن يا سمو الملك يا قمر أنت، أجي معاك أخطبلك البت القمر ديه؟ ما هي أكيد قمر طبعًا، مش يوسف حبيبي هو اللي اختارها. بصلي شوية وقال بلا مبالاة. براحتك، عايزة تيجي تعالي....