رواية نجمة الليل بقلم سلمى عاطف | كاملة

أشرقت شمس يوم جديد على مملكة الريان. كان الجميع مجتمعين على المائدة، وكانت نسمة تكلم ريان في أمر ما، ولكن لم يرد عليها. نسمة: ريان، ريان. نظر لها ريان بانتباه وقال: ها، أيوه يا حبيبتي، بتقولي حاجة؟ نسمة: لا، ده أنت مش معايا خالص. نظرت له بتعجب من شروده، ولكن لم يكن وحده، نظرت بجانبه ووجدت إياد، ابنها، أيضًا شاردًا. نسمة: لا، فيه حاجة مالكم انتو الاتنين؟ بتفكروا في إيه؟ إيه اللي واخد عقلكم كده؟ نظر لها ريان وأمسك يديها وقال: مفيش حاجة يا حبيبتي، متشغليش بالك. نسمة: لا، أنا مش مطمنة. فيه إيه يا إياد؟ علم ريان أنها لن تهدأ حتى تعرف ما يشغل بالهم، فتنهد وقال: اهدي، هقولك. أنا وابنك عندنا قضية كبيرة ومش سهلة. فيه مجرم دولي كبير سرق ماسة من المتحف والدنيا مقلوبة. بس دي مش أول مرة، بقالنا فترة كبيرة بنحاول نوصل له، محدش يعرف شكله لأنه بيتكنر، بس بيسيب أول حرف من اسمه بعد...