تحميل رواية «زياد ونور» PDF

رواية زياد ونور – الفصل الحادي والسبعون

الفصل الحادي والسبعون

الفصل الحادي والسبعون

الحلقة الحادية والسبعون :

في منزل عبد الرحمن فوزي ،،،

أحضرت هدى المشروبات وبعض الحلوى للضيوف المتواجدين بمنزلها و…

-هدى: منورين يا جماعة ، اتفضلوا

-فاروق: الله يكرمك

-سامح: توشكري يا مرات عمي

-ابراهيم: شكراً يا هانم

-معتز: شكراً يا طنط

-نجلاء: ميرسي

ثم بدأ معتز يطلب من أبيه أن يتحدث و…

-معتز هامساً : يالا آحـــاج

-ابراهيم: عاوز ايه

-معتز: هو ايه اللي عاوز ايه ؟ مش ناوي تتكلم

-ابراهيم: مش لما أشرب الأول وأكل الجاتوه

-معتز: والله هاجيبلك أنا تورتة بحالها أحليلك بها بؤك، بس أبوس ايدك اتكلم بقى ، شكلنا بقى وحش بقالنا فوق النص ساعة أعدين

-ابراهيم: طيب

-ابراهيم: احنا النهاردة جايين كده باذن الله عشان نخطب الآنسة نايا فوزي لابني الغالي الرائد معتز

-هدى: والله آآآآ…

-فاروق مقاطعاً: مممم… تخطبها

-معتز: آيوه أحــاج ، عند حضرتك مانع

-فاروق: لأ مافيش ، بس محدش جالي

-معتز: ما أنا لسه بقول أهوو

-فاروق: أها

-ابراهيم: طبعاً حضراتكو عارفين ابني معتز ، طيب وفي حاله وابن حلال ويقدر يفتح بيت

-فاروق: ابن أصول يعني

-معتز في نفسه : لأ جاي م الشارع

-ابراهيم: ايوه ، ده ابني الوحيد ومعزش عليه أي حاجة

-فاروق : إيوه ، ايوه

-هدى: بسم الله ماشاء الله ، ربنا يباركلك فيه ، بس انت عارف يا أستاذ ابراهيم لازم ناخد رأي عروستنا الأول

-ابراهيم: أكيد طبعا

-هدى: نائل ، خش انده لأختك تيجي تقعد معانا

-نائل: حاضر يا ماما

ثم دلف نائل للداخل لكي يحضر أخته و…

-نائل: يالا يا نوئة ، الجماعة عاوزينك بره عشان ياخدوا رأيك

-نايا: ياااااه ، انتو لسه بتفتكروا ، ده أنا خللت من الأعدة هنا

-نائل: هههههههههههههههه ، طب يالا

-نايا: ماشي ، قدامي يا سبع الرجال

حضرت نايا وطلبت هدى رأيها و…

-هدى: نايا يا بنتي ، الرائد معتز طالب آآآآ…

-فاروق مقاطعاً: هنك انتي يا ست هدى

-هدى: هـــه

-فاروق مكملاً: يا بت الغالي أخوي الله يرحمه ، في شاب متجدملك ، وابن ناس اكويسين ، جولتي ايه

-نايا بخجل: مممم… اللي تشوفوه

-فاروق: يعني اموافجة ولا لع

-نايا وقد احمرت وجنتيها : …………

-هدى: هههههههههههه ، يبقى السكوت علامة الرضا ولا ايه رأيك يا حاج فاروق

-فاروق: إيوه

-ابراهيم: اللهم اجعلها فاتحة خير عليهم يا رب

-معتز: الله اكبررررر ، ايوه بقى أنا مستني البؤ ده من زمان

-ابراهيم: اعقل يا بني بدل ما يغيروا رأيهم فيك

-معتز: وهو أنا بقى فيا عقل

-فاروق: على بركة الله ، يبجى نجروا الفاتحة

-الجميع: بسم الله الرحمن الرحيم ، الحمدلله رب العالمين …………

وما أن انتهوا من قراءة الفاتحة حتى قامت هدى باطلاق الزغاريط ..،،

-هدى: لووولووووولي

-ابراهيم: الف مبروك يا جماعة ، وربنا يتمم بخير

-معتز: الله يبارك فيك يا بوخليل

-فاروق: الله يبارك فيك يا سي الأوستاذ ، وان شاء الله الفرح يبجى اقريب وحدانا

-معتز: أبداً وربنا مايحصل ، الفرح هنا ، وع الساكت كمان

-فاروق: ايهييه ، وده برضوه كلام

-معتز: ايوه هو كده ، ولا عندك رأي تاني يا حماتي

-هدى: اللي يتفق عليه العرايس

-معتز في نفسه : أل حداه في البلد أل ، هو أنا ناقص الجوازة تبوظ

رن هاتف سامح برقم ما فاستأذن ليجيب بعيداً عن الحضور ..،

-سامح: عن اذنيكو يا جماعة هرد ع التلافون

-هدى: خد راحتك يا سامح يا بني

مالت نجلاء على هدى لتخبرها بشيء ما و…

-نجلاء: انطي ممكن اروح التويلت بعد اذنك

-هدى: أه وماله يا حبيبتي ، روحي يا نايا وريها السكة

-نايا: أوك

……………..

عودة إلى زياد ونور ..،،،

قرر زياد ألا يتحدث مع نور إلا قليلاً خاصة بعد أن اعترف بحبه لها ، واصرارها على أنه يكذب ، فجلس على الأريكة ليشاهد التلفاز و …

-نور: انت ساكت ليه؟

-زياد: ………….

-نور: الله مش أنا بكلمك ؟

-زياد: عاوزة ايه الوقتي ؟؟

-نور: هاتلي المسلسل الهندي أتفرج عليه

-زياد: ليه هو أنا ناقص فقع مرارة

-نور: الله مش أنا بتابعه

-زياد: ابقي شوفيه ع النت ولا في الاعادة

-نور: يوووه ، أنا عاوزة أعرف اللي هيحصل بينهم

-زياد: معروفة يا بنتي البطل هيطلع ميتين أم البطلة وهيطلعوا اخوات في الأخر وراضعين على بعض كمان

-نور: لالالالا مش كده خالص ، انت ايش عرفك في الهندي

-زياد: نفس أم القصص الحمضانة من أيام أميتاب باتشان

-نور: ياباي ، قفلتني من المسلسل

-زياد: خلاص هخليكي تشوفيه

-نور: ميرسي

-زياد: قوليلي بقى

-نور: ايه

-زياد: على كده المسلسل ده يعني فاضله كتير ويخلص

-نور: احنا في الـ season التاني في الحلقة 249

-زياد: يا دين النبي ، ولسه فاضل كتير

-نور: اها ، هو المسلسل ع بعضه بتاع 470 حلقة

-زياد: ياااااااااه ده يدوب يخلص والواحد طالع ع المعاش صح

-نور : هه هه هه ، بطل بقى

-زياد : طب قومي شوفيلي حاجة أكلها

-نور: قوم أنت

-زياد: خلاص هاقلب ع المسلسل

-نور: طيب خلاص ، قايمة ، بس اوعى تقلب

-زياد بخبث: عيب عليكي

-نور: ماشي ، أما أشوف

وما إن قامت نور حتى أدار زياد على القناة ، فجاءت نور من خلفه ووضعت يدها على كتفه و…

-نور وهي تضع يدها على كتفه بقوة : اهووو ، مصدقت أقوم عشان تقلب ع القناة

-زياد: انتي أد الحركة دي ؟

-نور: أه أدها ، يعني هتعمل ايه ، وبعدين هات القناة بقى

-زياد: لأ ، وتعاليلي بقى

قام زياد بجذب نور بشدة من يدها لتسقط كلياً فوقه على الأريكة و..

-نور: آآآآآآآآآه

-زياد: أما أنتي مش أدي بتأوحي ليه معايا

-نور: سبيني بقى

-زياد: لأ

-نور وهي تقاومه : يووووه بقى

-زياد وقد أحكم قبضته عليها : رفسي للصبح برضوه مش سايبك

-نور: انت مش بتزهأ أبداً

-زياد: وحد يزهأ من القمر وهو معاه

ثم تركها زياد و…

-زياد: عشان تعرفي ان أنا سايبك بمزاجي

-نور وقد أخذت الريموت من أمامه: أنا هاخد الريموت

-زياد: وماله ، ال يعني مش هاعرف أخده منك

-نور وقد ابتعدت عنه وهي تبتسم: متقدرش

-زياد : ما احنا بنعرف نضحك أهوو

-نور : مش هرد عليك

-زياد: كفاية الضحكة دي هي اللي ترد

توجهت نور ناحية الثلاجة لترى ما بها من طعام ، وفجـــأة انقطعت الكهرباء و…

-نور بفزع: عاااااااااا .. النور قطع

-زياد: اثبتي مكانك

-نور: الدنيا ضلمة أنا مش شايفة حاجة

-زياد: استني هاجيب الكشاف

-نور: أنا خايفة

-زياد: متخافيش

-نور: العفاريت بتطلع في الضلمة

-زياد وقد اصطدمت قدمه بطرف الكرسي : عفاريت ايه وزفت ايه ، استني بس ، آآآآآآآآي

-نور: في ايه ؟؟

-زياد متآلماً : صوباااعي الصغير ، آآآآه

-نور: مش قولتلك في عفاريت

صمت زياد ولم يتحدث فشعرت نور بالرهبة و…

-نور: زيااااااااااد ، زياااااااااد .. انت سكت ليييه ؟؟ زياااااد رد عليا كده أنا… أنا خايفة ، زياااااااااد

وفجأة وجدت من يضمها إليه فصرخت و…

-نور: عااااااااااا

-زياد: هدي متخافيش انا جمبك أهوو

-نور وهي تحتضنه: زياد ماتسبنيش ، أنا مش بحب الضلمة

-زياد: لأ أنا بقيت الصراحة بحبها من دلوقتي

-نور: ده الدنيا خرمز ع الأخر

-زياد: نعم ؟؟ ايه خرمز دي كمان ؟؟

-نور: يعني مافيش فيها أي نور

-زياد: وهو في حد هيحتاج النور ومعاه نــــــــــور نفسها

-نور: بطل

-زياد: اييييه ، ده انتي حتى اسم ع مسمى

ثم عادت الكهرباء مرة أخرى ، وكانت نور بين أحضان زياد وهي تحتضنه و…

-زياد: يا سلاااااااااام ، والله قطع الكهربا جه مصلحة

-نور وقد ابتعدت: انت مابتصدق

-زياد: ده أنا لازم أخلي سيادة اللواء يكلم وزير الداخلية يخليه يبعت جواب شكر وتقدير لوزير الكهربا على مجهوداته في قطع النور

-نور: يا سلاااام

-زياد: أومال ايه ، ده الراجل بيحاول يلم شمل الأسرة

-نور: طب حاسب بقى

-زياد: آآآآآآخ ..

……………..

في منزل عبد الرحمن فوزي ،،،،

خرجت نجلاء من الحمام لتتفاجيء بوجود سامح في الخارج يتحدث في الهاتف وهو موليها ظهره و..

-نجلاء في نفسها: ماله واقف كده ليه سادد السكة ، هعدي أنا ازاي دلوقتي ؟؟؟

-سامح هاتفياً: بأمر الله يا حاج نعيم ، البضاعة هتبجى عندك ، اطمن

-نجلاء : لو سمحت

-سامح هاتفياً: إيوه طبعاً

-نجلاء: ممكن توعى شوية عشان مش عارفة أعدي

-سامح هاتفياً : لع ..!!

-نجلاء: هو ايه اللي لأ ، أنا بقولك اتاخر عشان أعرف أعدي

-سامح هاتفياً : بتجول ايه؟؟ الصوت بيجطع

-نجلاء: هو ايه اللي صوت بيقطع؟؟ هو أنا بكلمك ع مراحل ، ده أنا واقفة وراك ولا انطرشت ؟؟؟

-سامح: ماشي ، ع بركة الله سلام

التفت سامح ليجد نجلاء تقف خلفه وعلى وجهها الغضب ..

-سامح: لا مؤاخذة في حاجة

-نجلاء: بقالي ساعة عمالة أقولك حاسب عشان أعدي ، وانت مش سامعني

-سامح: الله مش كنت بتحدت في التلافون

-نجلاء وقد شعرت بالخجل : هــه

-سامح وهو يتفحصها بنظراته : لو عاوزة تعدي اتفضلي ، طريجك زراعي

-نجلاء: شكراً

ارتبكت نجلاء من نظرات سامح لها فتعثرت في مشيتها وكادت أن تسقط فسندها سامح و…

-سامح: مش كل مرة هلحجك

-نجلاء: احم.. سوري ، أنا ..

-سامح: خلاص خلاص متجوليش حاجة ، حصل خير

-نجلاء بارتباك : آآآ.. شكراً

-سامح: اتفضلي

-نجلاء: طيب

-نجلاء في نفسها: غريبة أوي ، معرفش ايه اللي بيحصل لما بشوف الجدع ده ، ببقى نفسي أخنقه وفي نفس الوقت هو بيكون شهم معايا

-سامح في نفسه: البت دي ع طول بلاجيها اكده في طريجي ، صحيح هي واخدة في نفسها جلم ، بس الواحد مينكرش ان شكلها جدع ومليحة برضيك ، ربنا يعمل اللي فيه الخير

عاد الجميع إلى داخل غرفة الصالون ليكملوا الاتفاق على ترتيبات الخطوبة و…

-معتز: لأ انا عاوز كتب كتاب ع طول

-هدى: اصبر بس أكون آآآآز…

-معتز: أنا عاوز نايا بشنطة هدومها ، ولو من غيرها يبقى أحسن برضوه

-ابراهيم: يا بني أصبر

-معتز: لأ مش هاصبر ، وبعدين أنا الحمدلله جاهز ومش هستنى كتير عشان أكون نفسي

-فاروق: وماله يا بني ، طالما جادر تتزوج ، فخير البر عاجله

-معتز بصوت منخفض : أول مرة تقول حاجة عليها الطلاة يا حاج

-فاروق: بتجول ايه ؟

-معتز: بقول الله يباركلك

……….

عودة مرة أخرى لزياد ونور ،،،

انتهى كلاً من زياد ونور من تناول وجبة خفيفة ، ذهب زياد ليستريح قليلاً ، بينما قررت نور أن تذهب لتستحم قبل أن تنام

-زياد: انا داخل أريح شوية ، مش ناوية تيجي ؟؟

-نور: لأ

-زياد: براحتك ، انتي الخسرانة

-نور: وماله

-نور في نفسها: مممم.. أنا حاسة ان ريحتي مش حلوة ، أنا محتاجة فعلاً أخد شاور عشان أفوق لسه السهرة قصادنا طويلة

أخذت نور تبحث في حقيبتها عن شيء ترتديه من ملابس زياد الموجودة بالداخل ، فلم تجد إلا بيجاما خاصة به ، فأخذتها وتوجهت ناحية الحمام ، ثم بدأت تستحم ،

وبينما هي تضع الشامبو في شعرها ، انقطعت المياه فجأة و….

-نور بضيق : اييييه ده، المياه فين ؟؟ لأ بقى الناس دول أكيد مستقصديني !! طب أعمل أنا ايه الوقتي ؟؟؟ الصابون في عيني وأنا مش شايفة حاجة ، يوووه ، آآآآه يا عيني اوووف …

قررت نور أن تستعين بزياد ليحضر لها زجاجة مياه لكي تستخدمها في غسل وجهها من الصابون و…

-نور وهو تحاول ازاحة قطرات الشامبو بعيدًاعن عينيها: هاضطر اني اطلب منه يجيبلي مياه ، ما أنا مش هافضل كده كتير، و عيني حرقاني ع الأخر

-نور بصوت مرتفع : يا زياااااااااااااااد ، زيااااااااااااد .. سامعني

-زياد من داخل الغرفة: اييييه

-نور: معلش الله يكرمك ناولني ازازة مياه

-زياد: لييييه ؟؟ اتكسحتي ؟؟

-نور متآلمة من أثر الشامبو : مش وقتك الصراحة ، آآآآآه

-زياد: انتي فين أصلا

-نور: في الحمام

-زياد: طب ما تخرجي تجبيها

-نور: أخرج ازاي أصلاً وأنا مش عارفة أفتح عيني من الصابون اللي دخل فيها

-زياد باستغراب : صابون ؟؟

-نور: أيوه المياه اتقطعت وانا بغسل دماغي ومش عارفة أخرج اجيب مياه

-زياد: اها

-نور: هاتلي بقى ازازة بسرعة

-زياد: وهاجيبهالك كده ببلاش

-نور: تقصد ايه ؟

-زياد بخبث: مافيش كده مقابل ، ولا انتي شغالة بنظام السفلأة

-نور: ايه الكلام الغريب اللي بتقوله ده !! قول عاوز ايه وخلصني

-زياد: مممم.. تنامي جمبي

-نور: نعم ؟؟

-زياد: خلاص خليكي كده للصبح

-نور : يووووه

-زياد: تصبحي ع خير ، وابقي استني المياه أما تيجي

-نور : لألألألأ .. خلاص بس متقربش مني

-زياد بصوت منخفض: موعدكيش الصراحة

-نور: ها قولت ايه

-زياد: ربنا يسهل

بالفعل أحضر زياد زجاجة مياه من الثلاجة لنور و…………

……………………

رواية زياد ونور – الفصل الثاني والسبعون

الفصل الثاني والسبعون

الفصل الثاني والسبعون

الحلقة الثانية والسبعون:

أحضر زياد زجاجة مياه لنور وطرق الباب عليها لتفتح و…

-زياد: (طق…طق…طق) يا نووور ، افتحي

-نور من الداخل: سيب الازازة برا قصاد الباب وامشي

-زياد: نعم

-نور: اللي سمعته

-زياد: طيب

-نور : ها مشيت

-زياد من بعيد: أيوه

وقف زياد على مقربة من الحمام وانتظر أن تفتح نور الباب ، اطمأنت نور من صوت زياد ، وأدركت أنه قد ابتعد عن باب الحمام فقررت أن تفتح فتحة صغيرة ، ثم مالت قليلاً بجسدها وظلت تتحس الأرض من أسفلها وهي مغمضة العينين لتمسك بالزجاجة ، ولكنها تفاجئت بيد تمسكها و…

-نور: اييييه ده ، انت مامشتش

-زياد: لأ طبعاً ، وهو حد يلاقي القمر واقف قصاده ويمشي ، ده حتى يبقى أهبل

-نور وهي تسند الباب بجسدها : آآآ… طب أوعى

-زياد: أوعى ايه بس الوقتي ، هو في كده ؟

-نور: انت بتتشطر عليا عشان أنا مش قادرة أشوفك

-زياد: كفاية أنا شايفك بقلبي قبل عيني

-نور: ناولني الازازة لو سمحت

-زياد: طب افتحي الباب شوية

-نور: لأ مايصحش

-زياد: لالالا ده يصح أوي

-نور: اديني الازازة

-زياد: طيب مدي ايدك

-نور: الله ما أنا مداها وانت ماسكها

-زياد بخبث: لأ ايدك التانية

-نور: ليه يعني ؟

-زياد: أصل الأولى اتصادرت خلاص

-نور: يا رب صبرني

-زياد: انجزي عشان تخلصي

-نور بضيق: ماشي ، اتفضل ايدي اهي

فتحت نور الباب ومدت يدا الاخرى لتمسك بالزجاجة و…

-زياد بحب: ايييه الجمال ده كله

-نور: ابتدينا نعاكس

-زياد: أنا بتكلم عن الفوطة على فكرة

-نور: يا سلام ؟؟

-زياد: أه طبعا ، دي قطن مصري ؟؟

-نور: معرفش !!

-زياد: طب هاتي كده أما اجربها وأشوف ان كانت بتنشف كويس ولا لأ

-نور وهي تحاول الابتعاد عنه بقلق : لألألألألألألألألألألأ

-زياد بلؤم : يا ستي متخافيش ، ده أنا ستر وغطى عليكي

-نور: حرام عليك بقى ، أنا عيني مش قادرة منها وانت فايق

-زياد: طب خلاص ، عشان خاطر عيونك الحلوة دول ، تعالي معايا

سحب زياد نور داخل الحمام وهو ملاصق لها حتى وصلوا إلى المرحاض …

-نور بضيق: ما تبعد شوية انت لازق فيا كده ليه

-زياد: لأحسن اتزحلق

-نور: يا شيخ

-زياد: ايوه طبعا

-نور: أل يعني أنا اللي هاحوشك وما تزحلقش

-زياد: طبعاً ، طول ما الفوطة موجودة أنا مطمن

-نور في نفسها: استر يا رب ، ومايتهورش أكتر من كده

فتح زياد زجاجة المياه وبدأ يصب الماء على يديه ويمسح به وجه نور وتعلو شفتيه ابتسامة عريضة

-زياد: يا سلااااااااام

-نور: في ايه تاني ؟

-زياد: الصراحة الواحد مش عارف يقول لسيادة اللواء ايه تاني

-نور: في ايه يعني ؟

-زياد: أصلي هوصيه يخلي وزير الداخلية يبعت برقية شكر وتقدير لوزير الموارد المائية لجهوده المضنية في قطع المياه

-نور: ليه ان شاء الله ؟

-زياد: الراجل بصراحة خدمني ، ده أنا مش مصدق نفسي والله

-نور: كل ده عشان النور والمياه قطعوا

-زياد: يا سلام بقى لو الوزاء كلهم يجتمعوا عشان يلموا شملنا ، ياااااااااه ، ياااااااااااه !!

-نور: مصلحجي

-زياد: طبعاااااا

-نور: خلاص شكراً ، عنيا راح منها الصابون

-زياد: طب هاتي الفوطة بقى أنشف ايدي

-نور وهي متمسكة بها: ده بعينك

-زياد: لالالا ، ده انا لازم أشوف جودة خامات القطن بنفسي ، يمكن نبعت جواب شكر لوزير الصناعة

-نور: مش بقولك انت فاضي

تركت نور زياد بعد ان انتهت من إزالة آثار الشامبو عن عينيها وابتعدت عنه ، ولكنها كادت أن تسقط بسبب الصابون المتواجد على الأرض ، فلحق بها زياد وأمسكها وسقطا سوياً ….

-نور: اوعى

-زياد: استني بس

-نور وقد فقدت توازنها: آآآآآآآآآآآآه

-زياد: حاسبي يا نور

-زياد: انتي كويسة

-نور: اه

-زياد: مش قولتلك تخلي بالك

-نور: ما الشبشب هو اللي بيزحلق

-زياد: حلاوته وهو بيقرب المسافات بينا ، لازم أبعت جواب شكر لــ…

-نور مقاطعة: كفااااااااااااااااااية

…………..

في صباح اليوم التالي ،،،

في شركة ايهاب الملاح ،،،

كان ايهاب الملاح يتحدث مع أحد الأشخاص حول صفقة السلاح الجديدة ، حيث تم تحديد ميعاد الاستلام و…

-ايهاب هاتفياً: أنا جاهز وعملت التحويل

-المتصل : …………………

-ايهاب: تمام ، والمعاد امتى ؟؟

-المتصل: …………………..

-ايهاب: يبقى أنا هجهز الرجالة في المكان اياه ع أخر الاسبوع

-المتصل: …………………..

-ايهاب: اطمن ، انا هاكون قبلها مخلص عليها

-المتصل : …………………………

-ايهاب: لالا .. كله هيتم زي ما خططت ، هي الدليل الوحيد ع اني بقوم بعمليات غسيل الأموال

-المتصل: ……………………

-ايهاب: اطمن ، هتقرى النعي قريب

-المتصل: ……………….

-ايهاب: اوك ، زي ما اتفقنا ، و ع اتصال لو في جديد ، سلام

كانت هويدا بالخارج تحاول أن تسترق السمع لما يقوله ايهاب في مكالمته الهاتفية ، ثم توجهت إلى الحمام الخاص بالسيدات في الشركة لتجري مكالمة هامة و…

-هويدا هاتفياً: الووو ، ايوه

-اللواء سامي: ها في جديد عندك يا هويدا ؟

-هويدا: ايوه يا باشا ، المعاد أخر الاسبوع ، في المكان القديم

-اللواء سامي : عظيم أوي ، محددتش الساعة

-هويدا: لأ

-اللواء سامي : لازم تحاولي تعرفي بأي شكل ، وانا من جهتي هكثف المراقبة عليه

-هويدا: اه يا باشا نسيت أقولك هو ناوي يخلص ع حد ، بس معرفش مين

-اللواء سامي : ايييه ؟؟

-هويدا: أنا معرفش مين تحديداً ، بس أكيد حد بيدور وراه

-اللواء سامي: تمام ، خلي بالك انتي من نفسك ، ولو في أي جديد عرفيني ع طول

-هويدا: حاضر ، سلام !!!

………………

في الادارة ،،،،

كانت المعلومات قد وردت للواء اسماعيل من اللواء سامي بصحة ما قالته هويدا عن قيام ايهاب الملاح بتنفيذ صفقته نهاية الاسبوع الجاري ، بالاضافة إلى عقده العزم على قتل من يبحث ورائه وخاصة نور …

-اللواء سامي : عاوز توفير حماية لنور

-اللواء اسماعيل : حضرتك متأكد يا فندم

-اللواء سامي : أيوه ، نور مستهدفة من ايهاب ، ووجودها في مكان معروف وبدون حماية هيعرض حياتها للخطر

-اللواء اسماعيل : بس هي الوقتي اتجوزت من الرائد زياد وهما اخدين اجازة يومين وبيقضوا شهر عسل و…

-اللواء سامي مقاطعاً : لازم يرجعوا فوراً ، وجودهم لوحدهم بدون حماية بيزود فرص ايهاب في انه يستهدفهم

-اللواء اسماعيل : تمام يا فندم

-اللواء سامي : كل الاجازات تتلغى الفترة الجاية ، عاوز الكل يكون متأهب للاشتباك في أي وقت

-اللواء اسماعيل : تمام

-اللواء سامي : احنا قربنا خلاص ، مش عاوزين نضيع فرصة اصطياد المجرم ده

-اللواء اسماعيل: اطمن يا فندم ، نهايته هتكون ع ايد رجالتنا ان شاء الله

-اللواء سامي : بأمر الله

………

خرج اللواء اسماعيل من مكتب اللواء سامي ثم قام باستدعاء جميع أعضاء فرقة أسود الليل من اجل اجتماع عاجل و…

-اللواء اسماعيل : أنا مجتمع بيكم جميعاً عشان أبلغكم بإن النهاية قربت للمجرم ايهاب الملاح

-حسام: عظييييييييم اوي يا باشا

-وليد: ايوووه بقى هو ده الكلام

-معتز: اخبار عظييييمة

-اللواء اسماعيل : وهو أنا جايبكم هنا عشان تقولولي دي أخبارة حلوة لأ عظيمة ، انا جايبكم عشان أبلغكم ان مطلوب منكم وع وجه السرعة التعاون مع زملائكم والمخبرين التابعين للادارة عشان تجمعوا أكبر قدر من المعلومات عن صفقة ايهاب الأخيرة وتكثيف المراقبة عليه وع الرجالة بتوعه ، انتو عارفين ان تليفونه متراقب وجاتلي معلومات بتقول ان الصفقة هتم أخر الاسبوع ع الساعة 12 بالليل

-معتز: حلو أوي ، يعني ناقصنا نمسكه متلبس

-وليد: بالظبط

-حسام: تمام ، ده مقدور عليه يا باشا

-وليد: احنا مش هنسيبه

-معتز: هنخلص منه القديم والجديد

-اللواء اسماعيل: وتبلغوا زياد ونور يرجعوا فوراً

-معتز: دول لسه عرسان جداد وملحقوش

-حسام: أيوه و…

-اللواء اسماعيل مقاطعاً : يرجعوا فوراً ، ونور هيتعين لها حراسة لأنها مستهدفة

-معتز: اييييه ؟؟؟

-وليد: مستهدفة !!!

-اللواء اسماعيل: أيوه ، وأنا خلاص كلفت اللي هيتولى مهمة حمايتها لحد ما تنتهوا من القضية

-معتز: مين فينا يا باشا اللي هيحميها

-حسام: اكيد زياد مش محتاجة فقاقة يعني ، هو جوزها وأولى بيها

-وليد: اه طبعاً

-اللواء اسماعيل : لأ مش زياد لأني هحتاجه معاكو

-معتز: اومال مين اللي هيكون حراسة ليها

-اللواء اسماعيل : الرائد عمر زميلكم !!!

-الجميع بدهشة : اييييييييه

-معتز: مييييييييييين ؟؟

-حسام : عمــــــــــــر .. !!

وهنا فتح باب غرفة الاجتماعات الرائد عمر ودلف للداخل و………………………………… !!!

…………………………….

رواية زياد ونور – الفصل الثالث والسبعون

الفصل الثالث والسبعون

الفصل الثالث والسبعون

الحلقة الثالثة والسبعون :

فتح الرائد عمر باب غرفة الاجتماعات ودلف للداخل و …

-عمر: صباح الخير عليكو ، أسف يا باشا ع التأخير

-اللواء اسماعيل: اتفضل يا عمر ، مافتكش كتير ، أنا كنت ببلغ زمايلك بمهمتك الجديدة في حماية نور

-عمر: تمام يا فندم

-اللواء اسماعيل : انت هتكون المسؤل قصادي عن حمايتها

-عمر: أوامرك يا باشا

-معتز بصوت هامس : يادي النصيبة

-حسام: أه لو زياد عرف

-وليد: يعني مافيش في الادارة دي كلها إلا عمر !!!

-معتز: تخيل انت !!

-حسام: ربنا يستر

-معتز: أهو المهمة كلها كوم ، وتعيين عمر بودي جارد لنور كوم تاني خاااااااالص

-وليد: انت هتقولي

-حسام: ربنا يستر من ردة فعل زياد

-معتز: احنا لازم نبلغه انه يرجع

-حسام: ايوه

-وليد: ده زمانته هيعكنن على نور أما يعرف بموضوع عمر

-معتز: نور بس !! قول احنا كلنا معاها

-وليد: انت بتقول فيها

-اللواء اسماعيل : عاوز التنسيق الكامل بينكم خلال المرحلة الجاية ، لأنها أهم مرحلة في القضية كلها ، القبض ع المجرم وحماية نور على مدار الـ 24 ساعة .. مفهوم ؟؟

-الجميع: تمام يا فندم

-اللواء اسماعيل : على بركة الله ، اتفضلوا على مكاتبكم

-معتز: اوك

-حسام: عُلم

-عمر: تمام يا فندم

-وليد: حاضر يا باشا

وما إن خرجوا من المكتب حتى بدأ النقاش بينهم حول ….

-معتز: طبعاً زمانتك مزأطط لما عرفت دورك في المهمة آعمـــر

-عمر: يعني مش أوي

-معتز: ياااا شيخ

-عمر: انتو عارفين أنا بنفذ المطلوب مني ع أكمل وجه

-حسام: أه طبعاً و خصوصا لو ده جاي ع المزاج

-عمر: يعني

-وليد: خد بالك من زياد ، انت عارفه

-عمر: وهو أنا هاجي جمبه ؟؟؟

-معتز: يا ريتك كنت تيجي جمبه ، ده انت جاي جمب مراته

-عمر : نور !! ماهي دي مهمتي

-معتز: قول ابتلاء ، قول نصيبة ، أي حاجة إلا مهمة

-عمر: ماتهولش الدنيا يا معتز

-معتز: أهول !! ده أنا بهون عليك من اللي هيحصلك

-حسام: ربنا يسترها علينا كلنا ، أنا هاطلب زياد وأبلغه باللي حصل

-معتز: اوك

-وليد: بلاش تقوله ع حكاية عمر إلا لما يرجع

-حسام: اكيييييد طبعا

قام حسام بالاتصال هاتفياً بزياد لكي يخبره بآخر التطورات وضرورة العودة للقاهرة ولعمله فوراً ….

-حسام هاتفيا: ألوووو ، ازيك يا عريس

-زياد: صباحك فل آحس

-حسام: ايه الأخبار

-زياد: في نعمة الحمدلله

-حسام: يستاهل الحمد ، بقولك ؟

-زياد: خير ؟

-حسام: اللوا اسماعيل لغى كل الأجازات الفترة الجاية ، وطلب انك ترجع انت ونور تاني

-زياد: طب ليه كده ؟

-حسام: جاتلنا معلومات جديدة عن القضية اللي شغالين عليها ولازم الكل يرجع

-زياد: أها

-حسام: معلش يا عريس ، ملحقتش تتهنى مع العروسة

-زياد بضيق: معلش بقى ، مضطرين ننزل ، وبعد كده نبقى نعوضها ان شاء الله

-حسام: اكيييد طبعاً

-زياد: خلاص احنا هنلم حاجاتنا وراجعين ع طول

-حسام: بأمر الله ، ومتنساش انت ونور تيجوا ع الادارة

-زياد: اكيييد يعني ، مش هسيبها تيجي لوحدها

-حسام: تمام .. يالا نشوفك ع خير ان شاء الله

-زياد: ان شاء الله ، سلام ..

-حسام: سلام !

أنهى حسام الاتصال مع زياد و…

-معتز: كويس انك مقولتلوش حاجة

-حسام: هو أنا مجنون ، بدل ما يتعصب وهو جاي ع طريق سفر

-عمر: هو ايه بس اللي مخليكوا قلقانين من زياد ، دي مهمة يعني مش حاجة صعب للدرجة

-معتز: ده انت غلبان أوي ، بكرة تعرف احنا خايفين ليه

-وليد: أيوه ويا خبر بفلوس ، كمان شوية يبقى ببلاش

………

عودة إلى زياد ونور ،،،

كانت نور مستلقية في الخارج على الأريكة تشاهد التلفاز أو هكذا ظن زياد ، فنادى عليها و…

-زياد من الداخل : يالا يا نور ، احنا راجعين القاهرة الوقتي ، قومي اجهزي بسرعة

-نور: …………….

-زياد: يا نووووووووور ، أنا مش بنده عليكي

-نور: …………………..

-زياد: انتي يا بنتي ، مش شمعاني ولا يه

-نور وقد انتبهت للصوت : هــه

-زياد: للدرجادي مش طايقة تسمعي صوتي أو حتى تعبريني

-نور: في ايه ؟

-زياد: بقولك قومي اجهزي احنا راجعين القاهرة حالاً ، اللوا اسماعيل عاوزنا

-نور بعدم تركيز : أهـــا

-زياد : مالك مش على بعضك ليه

-نور: عادي

-زياد: طب يالا

-نور: اسبقني وأنا هحصلك

-زياد في نفسه : مالها دي !!

كانت نور تعاني من البرد ، فكانت تشعر بالخمول وما نسميه بآلام في العظام ، ولكنها فضلت أن تصمت وإلا تشتكي لزياد حتى لا تطلب منه المساعدة ، لذا أجبرت نفسها على الصمت والنهوض من مكانها وتحمل الآلام …

-نور في نفسها: آآآآآه ياني ، مش قادرة خالص ، عضمي كله مكسر ، وحاسة اني همدانة ، أكييييد خدت برد امبارح ، آآآآه ، مش هقدر أقول لزياد ، ده ماهيصدق ويسوق فيها ع الاخر ، هستحمل وأمري لله

جهزت نور جميع متعلقاتهم الشخصية ، ثم أعطى زياد الحقائب للبواب ليضعها بجوار السيارة ، بينما نزلت نور على الدرج بهدوء وهي تحاول أن تبدو طبيعية أمامه

-البواب: عنك يا باشا

-زياد وهو يناوله الحقائب : خد يا جادالله الشنط دي ونزلها تحت

-البواب: حاضر يا باشا

-زياد: يالا يا نور

-نور: طيب ، ثواني

-زياد: براحتك ، أنا هسبقك على تحت

-نور: اوك

-نور: آآآه ، مش قادرة ع الأخر ، بس لازم اكون قدامه شكل عادي ، ع الاقل لد م نوصل وأقوله عاوزة أروح أقعد عند مامي يومين أكون خفيت

ركبت نور السيارة بجوار زياد وظلت معظم الوقت صامتة مما أثار الشك لدى زياد و…

-زياد: مش بعوايدك يعني

-نور: هـــه ! في ايه ؟؟؟

-زياد: مالك ساكتة كده ليه ؟؟ زي ما تكوني واكلة سد الحنك

-نور: ايه سد الحنك دي كمان

-زياد: دي بتاعة بتتعمل من السمنة عشان تلكمك وماتفتحيش بؤك وتقولي جعانة

-نور: اها ، قولتلي بقى ، عادي يعني ماليش مزاج أتكلم

-زياد: ممم.. ولا تلاقيكي بتفكري في مصيبة جديدة

-نور: بلاش ظن السوء بتاعك ده

-زياد: أصل مش واخد ع هدوءك ده ، حاسس انه السكون اللي قبل العاصفة

-نور: لا عاصة ولا دياوله

-زياد: ماشي ماشي، أما نشوف أخرتها ايه معاكي

واصل زياد قيادة السيارة حتى وصل إلى القاهرة و…

-زياد: بقولك احنا هنروح ع الشقة نغير هدومنا وبعدين نطلع ع الادارة

-نور: طيب

-زياد: أنا هاجيب أكل جاهز ، عاوزة حاجة معينة ؟؟؟

-نور: لأ ، شكراً

-زياد: براحتك ، اهوو اللي بياكل ع ضرسه بينفع نفسه

-نور: أنا لو عوزت حاجة هبقى أقول

-زياد: هو انتي من امتى بتقولي أي حاجة

-نور: الله يكرمك مش ناقصة مناهدة

-زياد: مالك ؟؟ في ايه ؟؟؟؟؟

-نور بضيق: قولتلك مافيش الله !!!

-زياد: طب بالراحة على نفسك شوية بدل ما يطقلك عرق ولا حاجة

-نور: اوووف

………

في الادارة ،،،،

-حسام: زياد وصل الحمدلله القاهرة

-معتز: والله ، طب خير

-وليد: وانت عرفت ازاي ؟

-حسام: لسه قافل معايا من شوية

-معتز: اهــا

-وليد: ها وقالك ايه ؟

-حسام: هيغير هدومه هو ونور ويجوا ع طووول هنا

-معتز: تمام أوي

-حسام: ربنا يستر بقى

-وليد: يا رب ..

………..

قام زياد بتبديل ملابسه في غرفة النوم ، بينما بدلت نور ملابسها بداخل غرفة الضيوف واستعد كلاهما للذهاب إلى الادارة و..

-زياد بصوت مرتفع : أنا جهزت ، يالا

-نور من ادخل غرفة الضيوف : ثواني

-زياد: انجزي ، مش حفلة هي

-نور: طيب

-نور في نفسها : آآآآه ياني يا جسمي ، مش قادرة من الوجع، انا حاسة اني جسمي دفيان ، اوووف ، أنا محتاجة أرتاح فعلاً ، والبيه برا شغال عليا ، أهااااا ، يا رب يا معين

خرجت نور من الغرفة لتجد زياد مستعدًا وفي انتظارها ، حاول أن يصطنع شجار معها ولكن ……

-زياد بضيق: ساعة عشان تلبسي

-نور: سوري ، ده العادي بتاعي

-زياد: من هنا ورايح تعملي حسابك تنجزي بدري ، أنا مش ناقص أسمع كلمتين في جنابي بسببك

-نور: ربنا يسهل

-زياد في نفسه : الله !! مالها دي مش بعوايدها يعني ماتخدش وتدي معايا وتناقرني ، لأ في حاجة مش مظبوطة فيها ، وأنا لازم أعرف ايه هي

انطلق زياد بسيارته إلى الادارة حيث استقبله الجميع هو ونور بالتهنئات وتمني الذرية الصالحة لهم ..

-أحد الأشخاص : مبروك يا زياد باشا ، مبروك يا مدام نور

-زياد: الله يبارك فيك

-نور: شكراً

-شخص أخر: زياد بيه ، مبروووك

-زياد: تسلم

-شخص ثالث: الف الف مبروووك ، مبروك يا أستاذة نور

-زياد: الله يبارك فيك ، شكراً

-نور: الله يبارك فيك

-شخص رابع: الف مبروك ، والله فرحنالكم ، عقبال يا رب ما نبارك للبيه الصغير

-زياد: ان شاء الله

-نور: شكراً

-زياد لنور: يالا بينا بسرعة ، احنا مش هنخلص كده

-نور: طيب

صعد زياد ونور إلى المكتب الخاص بالفرقة واستقبلهم باقي الأصدقاء بالتهنئات و…

-معتز: مبروك عليكي عرسك الخفة يا عروووسة ، حبيب قلبي يا زيزوو

-زياد: ازيك يا معتز

-معتز: الله يسلمك آعريس ، أخبارك ايه ؟ مبروك يا عروسة

-نور: الله يبارك فيك

-معتز: طبعاً انتي عرفتي اننا هنبقى نسايب قريب

-نور باستغراب : نسايب ؟؟

-معتز: ايه ده انتي لسه متعرفيش ؟

-نور: أعرف ايه ؟

-زياد: في ايه ؟

-معتز: أصل انا ناويت اتأهل وقريت الفاتحة ع اختك نايا امبارح

-نور: بجد ؟؟ والله ما أعرف ، أنا أصلاً موبايلي فاصل بقاله يومين ومعرفش أي حاجة

-زياد: والله معندناش علم ، مبروك يا ميزووو

-معتز: الله يبارك فيكو

-نور: مبروووك ، ألف مبرووووك ، ده انا هموت نايا عشان مقالتليش ، أبقى اختها وأكون أخر من يعلم !!

-معتز: يالا بقى معلش ، ما انتي لسه عروسة وهي معذورة برضوه

-نور: كله إلا كده ، حتى مامي مابلغتنيش

-معتز: المسامح كبير بقى ، ما تكلم يا زياد

-زياد: خلاص بقى يا نور ، الكل عارف اننا مع بعض بنقضي يومين عسل ، ماتعمليهاش قضية بقى

-نور: طيب

-حسام: زيااااااد ، مبروك يا عريس وحشنا والله

-زياد وهو يحتضن حسام: وانت اكتر

-حسام: سامحنا قطعنا عليكو شهر العسل

-زياد: كده كده كان لازم ننزل

-حسام: الشغل

-زياد: اكيد

-وليد: ايه ده العريس عندنا ، حمدلله ع السلامة ، مبروك يا نور

-زياد: حبيبي آوليد

-نور: ميرسي

-معتز: أنا هطلبلكم شربات بمناسبة قراية فاتحتي

-حسام: طب ما تبحبح ايدك شوية

-معتز: أنا راجل داخل ع جواز ومحتاج كل مليم

-حسام: بقى كده

-وليد مقاطعاً : نركز بقى الوقتي يا جماعة ، ونخلي الأكل والشرب بعدين

-زياد: خير ، ايه الجديد ؟

-حسام: الجديد يا سيدي ، ان في معلومات شبه مؤكدة عن ان صفقة السلاح هتم أخر الاسبوع ع نص الليل

-زياد: طب كويس أوي

-وليد: واللوا اسماعيل مكلفنا ومكلف زمايل تانيين بتكثيف المراقبة ع ايهاب والتصرف لو جد جديد

-زياد: محدش يستبعد ان المعاد ممكن يتغير

-حسام: بالظبط ، ده اللي كنا لسه بنتكلم فيه من شوية قبل ما تيجي انت ونور

-وليد: احم .. بمناسبة نور كنا عاوزين نقولك آآآآ…

-زياد: ايه ؟

-نور مستفهمة: في ايه ؟؟

-وليد: يعني ان العين عليها وكده و..

-زياد: عين ايه مش فاهم ؟؟؟

-حسام: هو قاصده يعني بما ان نور كانت السبب في كشف حسابات ايهاب المزيفة فبالتالي هي هدف محتمل لايهاب

-نور: ده معناه برضوه ايه ؟

-حسام: معناه انه ممكن في أي وقت يقرب منك

-زياد: طب يفكر بس وهايكون أخر يوم في عمره

-حسام: احنا عاملين حسابنا لكل حاجة

-زياد: تمام ، فين بقى المشكلة

-حسام: احم.. آآآآ… يعني هو اللوا اسماعيل طلب توفير حماية لنور على مدار الـ 24 ساعة

-زياد: كويس أوي ، وطبعاً أكيد هاكون أنا المسؤل عنها ؟؟

-حسام: للأسف لأ

-زياد: أفندم ؟؟؟؟

-وليد: أصل اللوا اسماعيل طالبك تكون معانا ، وعين حد تاني لحماية نور

-معتز: بالظبط

-زياد: طب ليه يعني ؟؟

-معتز: ممم.. اسأله

تردد الجميع في اخبار زياد بشخصية المسئول عن حماية نور ، فقرر حسام الانسحاب وترك المهمة لمعتز لأنه الأقرب إلى زياد

-حسام لوليد : بقولك ايه يا وليد أنا هخلع قبل ما زياد يعرف وينفجر

-وليد: ع رأيك

-حسام وهو يتجه لخارج المكتب : عن اذنكم ثواني هشوف التليفون

-وليد منورائه : استناني آحس كنت عاوز أعرف منك آآآآ…

-معتز في نفسه: آه يا ولاد الـ …. ، سبتوني معاه لوحدي

-زياد: قولي مين اللي هيتولى حماية نور ؟

-نور: مممم.. يا ترى اللوا اختارلي مين ؟؟

-معتز بتردد : بص يازياد من غير نرفزة وعصبية ، اللوا اسماعيل قرر ان آآآ…

-زياد بضيق : ماتقول في ايه ؟؟؟

-عمر وقد دلف للمكتب : مبروك يا عريس

-زياد: أهلا عمر ، الله يبارك فيك

-عمر: مبروك يا نور ، بجد فرحتلك من قلبي

-نور: شكراً

-زياد: متشكرين يا عمر ، اتفضل شوف اللي وراك

-عمر: أنا مواريش إلا نور

-زياد: نعم يا خويا ؟؟؟؟؟

-عمر: ايه ده انت متعرفش ؟؟؟

-زياد: أعرف ايه ؟؟

-عمر بفرحة : مش أنا بقت مهمتي الجديدة حماية نور

-نور: اييييه؟؟؟

-زياد: لا والله

-عمر: اه والله ، أنا بتكلم بجد ، اللوا اسماعيل عيني مخصوص عشان خاطر نور

-نور: ممم.. كويس والله

-زياد: في ايه انتي التانية ؟؟

-نور: هو أنا قولت حاجة

-زياد: عاوزة تقولي ايه ، ماهو الليلة جاية ع مزاجك

-نور: تقصد ايه ؟؟

-معتز: اهدوا يا جماعة ، مافيش حاجة لكل ده ، شغل عادي زيه زي أي شغل

-عمر: بالظبط

-نور: صح ، انت مضايق ليه ؟

-زياد: أنا كده

-عمر: يالا يا نور ، أنا جاهز

-زياد: لم نفسك انت التاني

-عمر: هو أنا قولت حاجة غلط ، شغلي وعاوز أقوم بيه ، وانت معطلني

-زياد: معطلك !!!

-نور: خلاص بقى يا زياد ، هو مقالش حاجة غلط

-زياد: أه ما الكلام جاي ع هواكي ، أنا الوقتي عرفت سبب انك مش على بعضك م الصبح

-نور: تقصد ايه ؟؟

-زياد: تلاقيكي كنتي عارفة

-نور: اعرف ايه بالظبط ؟؟

-زياد: عارفة يا هانم ان البيه عمر هيكون معاكي

-عمر: اها 24ع مدار ساعة

-زياد: اسكت خالص

-نور: وهعرف منين ان شاء الله ، كنت بنجم ولا بشم ع ضهر ايدي ؟؟؟

-زياد: شوفي انتي !!!

-نور: والله كده كتير

-زياد : قولي لنفسك

-نور : أحسن حاجة أعملها اني أمشي من قدامك السعادي

-زياد وقد أمسكها من ذراعها : استني هنا لما أكلمك

-عمر: بالراحة يا زياد

-زياد: مش أنا قولتلك ما تدخلش بيني وبين مراتي

-عمر: بس أنا مسئول عن حمايتها الوقتي

-زياد: طز فيك وفيها

-نور: يوووه ، اتكلم كويس

-زياد بعصبية : انتي هتعرفيني أتكلم ازاي

-عمر: خلاص يا زياد

-نور بنرفزة : طالما بتكلم غلط معايا يبقى لازم أعرفك الصح

-زياد: مين انتي عشان تعرفيني الصح

-نور: انت صعب التفاهم معاك

-عمر: يا عم زياد ده شغل ، ويومين وهيخلص مضايق ليه

كانت نور تشعر أن حالتها أصبحت أسوأ و………………………………….. !!!

………………………

رواية زياد ونور – الفصل الرابع والسبعون

الفصل الرابع والسبعون

الفصل الرابع والسبعون

الحلقة الرابعة والسبعون :

ظل زياد وعمر يتجادلان حول تولية عمر لمهمة حماية نور خلال الأيام المقبلة ، وكانت نور في تلك الأثناء تشعر بأن حالتها أصبحت أسوأ و…

-عمر: يا عم زيادة ده شغل ، ويومين وهيخلص ، مضايق ليه بقى ؟؟؟

-زياد: مضايق ليه ؟؟ عاوز تفهمني أن واحد هيبقى لازق لمراتي 24 ساعة وأنا عادي كده كوول مافيش أي حاجة

-عمر: ده شغل زيه زي أي حاجة

-زياد: ايوه ماهو جاي ع مزاجكم انتو الاتنين

-معتز: مش هنخلص ، منه له بقى اللي وقعنا في الورطة دي

-عمر: ما تقوله يا معتز

-نور : ز..ز..زيــاد

-زياد بنرفزة: عاوزة ايييه ؟؟؟

-نور: آآآ.. أنا..أنا

لم تكمل نور جملتها فقدت سقطت فاقدة للوعي ، فأسرع اليها زياد وعلى وجهه علامات القلق الواضحة و…

-زياد بخضة : نــــــــــور

-عمر: نور !!!

-زياد وهو يحاول افاقتها : نـــور ، سمعاني ، ردي عليا ، يا نوووور

-معتز: مالها ؟؟ ايه اللي حصل

-زياد: مش عارف

-عمر: أنا هاطلب الاسعاف بسرعة

-زياد: استنى أنا هحاول أفوقها

-معتز: خد المياه دي حطتها ع وشها

-زياد وهو يمسح بالمياه على وجهها : نـــور .. دي دفيانة

-معتز باستغراب: دفيانة !!

-عمر: من ايه ؟

-زياد: لأحسن تكون خدت دور برد

-معتز: أحسن حاجة الدكتور يقولنا

-عمر: انتو نسيتوا ان في دكتور في الادارة ، احنا ممكن نتصل بيه يجلنا هنا ولا آآآ…

-زياد مقاطعاً: أنا هوديها عنده

حمل زياد زوجته نور وتوجه بها ناحية العيادة الطبية الملحقة بالادارة ولحق به معتز وعمر و…

-زياد: يا دكتور ، الحقنا ، مراتي اغمى عليها

-الطبيب باسل: هاتها جوا ع سرير الكشف

-زياد: اوك

-عمر: والنبي يا دكتور باسل تطمنا عليها

-الطبيب باسل: حاضر يا سيادة الرائد

-معتز: اوعى تكون حامل

-زياد: يا شيخ اتلهي ، هتكون حامل ازاي واحنا مكملناش يومين مع بعض

-معتز: أه صحيح

وضع زياد نور على سرير الكشف ، ثم قام الطبيب باسل بالكشف عليها واطمأن على صحتهاا ثم أعطاها العلاج المناسب ، وخرج لزياد ليخبره بـ…

-زياد: خير مالها ؟؟

-الطبيب باسل: دور برد بس شديد شوية

-زياد باستغراب : برد ؟؟

-الطبيب باسل : عادي ، مافيش فيه خطورة ، هي محتاجة راحة وتاخد الأدوية دي ، وتتغذى كويس ، لأن مجموعة البرد قوية ومحتاجة أكل

-زياد: أها ، بس طالما هو برد عادي ليه أغمى عليها ؟؟؟

-الطبيب باسل : من الارهاق وقلة الأكل مع مناعتها الضعيفة ، فلازم تاخد بالها بعد كده من الأكل

-زياد: بأمر الله

-الطبيب باسل: انا اديتها دوا ومسكن قوي ، بس لازم الراحة ، تمام !!

-زياد: اوك ، شكرا يا دكتور

-الطبيب باسل : العفو

-معتز في الخارج : ها نقول مبروك ع النونو

-زياد: يا شيخ اتلهي ، أنا مش فايقلك

-معتز: ياعم بهزر معاك عشان تفك شوية

-زياد: أنا مش ناقص والله

-عمر: ايه الاخبار

-زياد: نعم ؟؟ جاي ليه ؟؟

-عمر: جاي لأني المسئول عن حماية نور ولا نسيت

-زياد: استغفر الله العظيم يا رب ، بص أحسن حاجة تعملها الوقتي انك تعتذر عن المهمة دي

-عمر: مش هيحصل ، أنا متعودتش أسيب حاجة كلفوني رؤسائي بيها

-زياد ساخراً : يا سلاااااااااااااام ع الالتزام

-معتز: ياااااه بتقول كلام يا عمر

-عمر: شكراااا شكراااا

-زياد: امشي يا عمر ،أما هنحتاجك هنطلبك

-عمر: لأ

-زياد: انت رزل

-عمر: أيوه عارف اني رزل وغتت بس طالما في شغلي ، فعادي

-زياد هامساً : بلوى !!!

-نور وقد استعادت وعيها : يا زياد آآآآ

-زياد وقد دلف للغرفة : متكلميش يا نور ، ارتاحي

-نور: أنا …

-زياد بلهفة : يعني انتي عيانة من بدري ومقولتيش ، طب ليه عملتي كده ؟

-نور: مش حابة اتعب حد معايا

-زياد : هو أنا أي حد ، ده انا جوزك

-نور: احم… آآآآ

-زياد: يالا بينا ع البيت عشان ترتاحي

-نور: أنا هاروح عند مامي و..

-زياد مقاطعاً: لا أمي ولا أمك ، احنا لينا بيت ترتاحي فيه وتاخدي راحتك ع الاخر جواه

-عمر متدخلاً : صح

-زياد: أنا بتكلم مع مراتي ، انت ايه اللي دخلك في الحوار ؟؟؟؟؟

-عمر: الله ! انت نسيت ، مش أنا جاي معاكو البيت

-معتز : اللهم صلي ع النبي ، دي هتولع كده ع الاخر

-زياد بضيق : نــــــــعم يا سي عمر ؟؟

-عمر: طبعاً زي ما سمعت ، ده انا هلازم نور لحد ما القضية تخلص

-زياد: خلصت روحك

-عمر: بتقول حاجة ؟؟

وهنا دخل عليهم العيادة الطبية اللواء اسماعيل بعد أن علم بما حدث لنور فانتبه الجميع له و…

-اللواء اسماعيل: ممكن أدخل ؟

-معتز: باشا

-عمر: تمام يا فندم

-زياد: تمام يا سيادة اللواء

-نور: أه طبعاً اتفضل

-اللواء اسماعيل: مال عروستنا الجميلة

-نور: مافيش ده آآآآ…

-زياد مقاطعاً: شوية برد يا فندم وان شاء الله هتبقى كويسة

-اللواء اسماعيل : ممم.. ألف لا بأس عليكي ان شاء الله

-نور: شكــ….

-زياد مقاطعاً: الله يسلمك يا سيادة اللوا

-اللواء اسماعيل: عاوزينك تشدي حيلك معانا اليومين الجايين

-نور: أه طبـــ…..

-زياد متدخلاً: أكييييييد يا فندم

-نور: سيبني أنا أرد

-زياد: أنا بحاول أريحك يا حبيبتي ومجهدكيش

-نور: حبيبتك !!!

-اللواء اسماعيل: هههههههههههه ، جميل جو الرومانسية اللي بينكم ده ، يا رب دايماً على طول كده

-زياد: الله يخليك يا فندم

-اللواء اسماعيل: طبعاً أكيد عرفتي يا نور ان الرائد عمر أنا كلفته بحمايتك خلال الفترة الجاية

-نور: أها

-زياد: يا فندم مافيش داعي لده ، أنا بفضل الله أقدر آآآ…

-اللواء اسماعيل: أنا عارف يا زياد انك تقدر وكل حاجة ، بس أنا عاوزك تركز في العملية الجاية لأنها مهمة جدااااا ، وفرصة ماتتعوضش عشان نمسك المجرم ايهاب متلبس

-زياد: طبعا يا فندم ، بس مافيش داعي لوجود الرائد عمــ….

-عمر مقاطعاً: متقولش كده يا حضرت الرائد زياد، أنا على استعداد تام للقيام بمهمتي

-زياد: كتر خيرك مش عاوزين

-اللواء اسماعيل: انتو هتتعازموا على بعض ، ده شغل مش كلام فاضي

-زياد: يا باشا أنا أقصد آآآآ….

-اللواء اسماعيل : أنا اللي قولته يتنفذ بالحرف الواحد ، واستعد يا زياد خلال اليومين الجايين ، مفهوم ؟

-زياد: حاضر يا فندم

-اللواء اسماعيل: ساكت ليه يا معتز ؟

-معتز: انا م المشاهدين يا سيادة اللوا

-اللواء اسماعيل: قولتلي ! ، طيب أنا همشي الوقتي ، وكويس اني اطمنت عليكي يا نور

-نور: شكراً يا فندم

-اللواء اسماعيل : اتجدعنوا كلكم ، وان شاء الله قريب هنرتاح كلنا

-زياد: يارب

-معتز: والله أنا نفسي من دلوقتي أرتاح

-عمر: يا مسهل يا رب

انصرف اللواء اسماعيل ، وظل زياد وعمر ينظران لبعضهما البعض بنظرات تحدي وغل وغضب و…

-معتز: هتفضلوا تبصوا لبعض كده كتير

-زياد: نعم يا معتز ؟

-معتز: مش يالا بينا

-عمر: ايوه خليني أبدأ شغلي

-زياد بضيق : استغفر الله العظيم

-نور: اوك يالا

-زياد في نفسه : اه طبعاً الصحة ردت فيكي الوقتي ، برضوه أنا لسه عن وعدي يا نور ، هخليكي تحبيني قبل ما الأسبوع يخلص ، حتى لو كانت الدنيا كلها متكركبة فوق راسي

-زياد: تعالي يا نور أوصلك عند أمك ، مش كنتي ناوية تروحي عندها يومين !

-معتز: ايييه ، أم مين ؟؟؟

-نور: أهـــا ، فعلا

-زياد: خلاص روحيلها ، أنا معنديش مانع

-نور: أها ، تمام

-عمر مستفهماً : يعني أنا المفروض كده اجي معاكي عند الست الوالدة ؟

-نور: أيوه ، وأهو بالمرة تتعرف ع نايا أختي ونائل و…

-معتز مقاطعاً : نعم ؟؟؟

-نور: في ايه يا معتز ، مش لازم يتعرف على عيلتي قبل ما يروح معايا هناك ؟؟

-معتز: ايييييه ؟؟؟

-زياد: لأ طبعاااااا ، انتي ليكي يا هانم بيت وجوز ، وبعدين لما يسألوكي ده مين هاتقوليهم ايه ، لأ وكمان رايحة تقعدي عندها بعد يومين من جوازك وداخلة عليهم براجل غريب

-معتز: اهو ده اللي أنا عاوز اتكلم فيه

-نور: ما انا هاقولهم ده حراسة

-زياد: ده على اعتبار ان سيادتك متعينة وزيرة واحنا منعرفش ، أكيد أمك هتفهم ان في حاجة غلط

-نور: لأ ما أنا مش هاقولها حاجة غير ان عمر ، آآآ..سوري الرائد عمر حراسة خاصة

-زياد: هُبل هما عشان يصدقوا كلامك العبيط ده ؟؟

-نور: وميصدقوش ليه ان شاء الله

-زياد: انتي هتجننيني

-معتز: بصي آنـــور انتي تخليكي في بيت جوزك أحسن

-نور: لأ أنا هاقعد عند مامي

-عمر: أنا شايف انه هيكون أريح

-زياد: مش أنا قولتلك تسكت شوية

-عمر: الله ! يعني انت لا عاجبك أقعد عندكو ولا عند بيت أمها ، أعمل ايه يعني ؟

-زياد: ولا حاجة يا سيدي !!

-عمر: بص أنا من وجهة نظري بيت أمها أفضل

-معتز: لا والله !!!!!!

-عمر: فيه ايه يا معتز انت كمان ؟؟

-معتز: يعني انت مش مكفيك نور ، كمان عاوز تتعرف بالعيلة كلها ، وبعدين انت مهمتك تركز مع نور مش مع عيلة نور ، فاهمني

-زياد: بص أنا رأيي يا عمر تستقيل من أم دي شغلانة خلينا نرتاح كلنا

-معتز: ياااا ريت

-عمر: لأ طبعاً مش هيحصل

-زياد: خلاص يبقى يروح مع نور عند أمها

-معتز:لأ مش موافق هو متعين لحماية نور وبس ، يبقى مالوش دعوة بأي حد تاني

-زياد: وهو أنا ناقصك انت كمان آمعتز

-معتز: ده اللي عندي

ظل الجميع يتجادل حول مكان الذي ستبقى فيه نور خلال الأيام القادمة، واستقر الحال على أن تنتقل للعيش في فيلا معتز و…

-معتز: أنا عندي حل حلو

-زياد: اشجيني يا سيدي

-نور: ايه هو

-عمر: قول

-معتز: تيجي انتي وزياد عندي في الفيلا ، وعمر كمان

-زياد: ده ع أساس انه فندق !!

-معتز: يا عم سيبني أكمل للأخر وانت هتعرف

-زياد: اتنيل كمل

-معتز: أنا أقصد يعني أن نور تقعد مع نجلاء وأمها في الفيلا ، وانت وعمر تيجوا معايا في الأعدة اللي احنا بنقعد فيها ع الـ roof ونبات هناك ، وطول ما عمر متواجد مع نور هيكون معاها الحاج أبوخليل ونجلاء وأمها ، يعني مش هتكون لوحدها ، وأما احنا نخلص شغل نحصلهم ع الفيلا

-زياد وقد أخذ يفكر فيما يقوله معتز : هــه…

-معتز مكملاً : وبعدين احسبها معايا ، لو عيلة نور عرفت ان حياتها في خطر ـ تفتكر هيتصرفوا ازاي ولا هيعملوا ايه ؟؟ مش هينوبنا غير القلق ووجع الدماغ ، فخليهم أحسن مفكرين أنها لسه في اسكندرية بتقضي يومين مع جوزها ، وانت كل شوية تكلمهم وتطمنهم …!

-عمر: مممم… كلام مش وحش

-زياد: والله

-معتز: مقدمناش إلا ده ، ع الأقل أهو أحسن الوحشين

-نور: أهــا

-معتز: انتي ايه رأيك يا نور ؟

-نور: والله كلامك مش بطال ،لأن مامي لو عرفت مش هتعديها بالساهل

-معتز: بالظبط كده ، وبعدين مافيش داعي نعكنن ع الجماعة وخصوصاً خطيبتي بأخبار زي دي

-نور: قولتلي بقى ، بتدور ع مصلحتك

-معتز: طبعاً

-زياد: أنا موافق ع اقتراحك أمعتز

-عمر: وانا كمان ، أنا شايف انه مناسب أوي

-زياد: طب هاتقول لأبوك ايه ؟؟؟

-معتز: سيب الحكاية دي عليا

-زياد: تمام

-نور: خلاص اتفقنا

-معتز: على بركة الله

-زياد لعمر: عـــارف لو استغليت فرصة غيابي وضايقت نور هاعمل فيك ايه ؟؟

-عمر: يا عم اطمن نور دي زي ….زي

-معتز: اختـــــــــــك ، هه !!

-عمر: أهاااا

-نور: يالا بقى ، أنا تعبانة وعاوزة أرتاح

-زياد: ماشي ، احنا بس هنروح ع البيت الأول ونجيب شوية هدوم وبعدين نطلع ع فيلا معتز

-نور : طيب

-معتز: أوك ، أكون أنا كلمت الحاج وظبطت معاه

-عمر: وأنا جاهز بحاجتي

-زياد وهو يدفعه للخارج : لأ لسه مجهزتش ، ما تروح توضب شنطتك وتبقى تحصلنا كمان يومين

-عمر: أنا بقولك أنا جاهز ، والشنطة في عربيتي تحت

-زياد هامساً : أم غلاستك وثقالتك ………………………………………….. !!!!

……………………………….

رواية زياد ونور – الفصل الخامس والسبعون

الفصل الخامس والسبعون- الأخير- الجزء الأول

الفصل الخامس والسبعون- الأخير- الجزء الأول

الحلقة الخامسة والسبعون :

الحلقة الأخيرة ( الجزء الأول ) :

خرج زياد ونور ومعتز وعمر من مبنى الإدارة وكانوا يتحدثون سوياً عما ينون فعله لاحقاً ، وكان هناك من يراقبهم خارج المبنى و…

-جابر بصوت منخفض : هما دول اللي قالي الباشا عليهم، أنا لازم أبلغه انهم خارجين من الادارة

أخرج جابر هاتفه المحمول ليتصل بالمحامي بهجت ويخبره بـ …

-جابر: ألووو، ايوه يا بهجت بيه

-بهجت: خير يا جابر

-جابر: الجماعة اياهم خرجوا من شغلهم

-بهجت: طب خليك وراهم واعرفلي رايحين ع فين

-جابر: أوامرك يا بيه

-بهجت: وفتح عينك كويس ، وبلغني بالجديد ع طول

-جابر: ماشي يا باشا

-جابر بعد أن أنهى المكالمة: وراكم والزمن طويل

توجه زياد بصحبة نور زوجته ولحق بهم عمر ومعتز إلى حيث شقتهم ليجمعوا بعضاً من متعلقاتهم الشخصية قبل أن يتوجهوا جميعاً إلى فيلا معتز …

-معتز: أنا هستناكو تحت

-زياد : ما تطلع يا عم انت مش غريب

-معتز: لأ أنا هكلم أبوخليل هظبط معاه الدنيا

-زياد: طيب

-عمر: أنا طالع معاك

-زياد: ماتخليك مرزوع تحت ، ايه اللي هيحصل فوق يعني

-عمر: أنا رجلي ع رجل نور مطرح ما تروح

-زياد: اوووف

-نور: يالا بقى ، مش ناقصين خناق

-زياد: انجري قدامي

-نور: مين دي ؟؟

-زياد: بقول لرجليا فيها حاجة دي كمان

-نور: اها ، ان كان كده ، فأنت حر

صعد زياد ونور وبصحبتهم عمر إلى الشقة ، بينما ظل معتز أسفل العقار ليطلب والده و…

-معتز: الووو ، ايوه يا حاج

-ابراهيم بصوت ناعس : مين معايا ؟؟

-معتز: هو مين ده اللي مين ؟؟؟ ده انا ابنك يا حاج ، هو في غيري بيتصل بيك

-ابراهيم : اها ، معلش يا بني أصلي كنت نايم

-معتز: طب صحصحلي كده آحـــاج ، وركز معايا

-ابراهيم: خير يا بني في حاجة ؟؟

-معتز: بص يا بابا زياد ومراته نور جايين يقعدوا عندنا يومين في الفيلا

-ابراهيم باستغراب: يقعدوا عندنا ، طب ليه ؟؟

-معتز: في مشاكل في الشقة عندهم ، المواسير ضربت ، والدنيا بايظة فمش هينفع يقعدوا هناك خالص ، وكمان عيلة زياد بيوضبوا شقتهم

-ابراهيم : هو كل الناس كده بتوضب بيوتها

-معتز: موسم بقى آحـــاج ، وبعدين ماهي نجلاء وأمها بقالهم اد كده راشقين عندنا ، اعتبرهم زيهم

-ابراهيم: يا واد البيت مفتوح لأي حد ، بس هي ممكن تروح تقعد عند أمها و..

-معتز مقاطعاً: يا بابا هما أصلاً كانوا مسافرين يومين يغيروا جو ومش عايزين يقولوا لحماتي أنهم رجعوا من شهر العسل عشان الشقة فيها بلاوي سودة هتلاقيها زعلت واضايقت ، ده غير انها أصلا مش فاضية وراها خطوبة بتجهزلها ولا انت نسيت يا بوخليل ، وبعدين هما يومين وخلاص وأنا وعدتهم

-ابراهيم: ماشي ! اللي تشوفه يا بني ، واهلا وسهلا بيهم

-معتز: الله يكرمك أحـــاج

……

في شقة زياد ونور ،،،

-زياد وهو يفتح الباب : اتفضلي

-نور: شكراً

وما إن دلف زياد ونور إلى داخل الشقة حتى أغلق زياد الباب في وجه عمر الذي كان ينتظر في الخارج مما جعل عمر يُستشاط غضباً مما حدث ..

-ترررررررن .. ترررررررررررررن

-عمر من الخارج : افتح يا زياد

-نور : ايييه ده انت قفلت الباب ؟

-زياد: اووبس نسيت

فتح زياد الباب لعمر و…

-زياد: لا مؤاخذة مشوفتكش ، افتكرتك تحت

-عمر: ازاي يعني ماشوفتنيش ، وأنا طالع وراك

-زياد: العتب ع النظر بقى

-نور: 10 دقايق يا حضرت الرائد هاكون بس جهزت حاجتي المهمة

-عمر: خدي راحتك

-نور: زياد والنبي هاتله حاجة يشربها من المطبخ ، ده ضيف عندنا

-عمر: لا ماتتعبيش نفسك ، أنا مش غريب

-زياد: انتو هتتعازموا ع بعض وانا وافق !!!

-نور: عن اذنكو ، اعتبر البيت بيتك

-عمر: تسلمي يا رب

-زياد وهو يدفع عمر : اتنيل اترزع

-عمر ما بالراحة يا عم

-زياد: تحب تطفح ايه ؟

-عمر: اللي هتطفح منه حضرتك

-زياد: أجيبلك سم هاري

-عمر: طالما هيكون ساقع ومشبر مافيش مانع

-زياد: ثقيييييل

-عمر: من بعض ما عندك

تناول عمر المشروب ، وانتهت نور من تجهيز حقيبتي سفر صغيرتين و…

-نور: أنا خلصت

-عمر: عنك الشنطة

-زياد: ايييه ، مالهاش راجل

-عمر: أنا بقوم بشغلي

-زياد: لأ ياخويا ده مش شغل ، دي نحنحة

-نور: بلاش خناق ، كل واحد ياخد شنطة وخلاص

-عمر: هاتي شنطتك ؟

-زياد: نعم !!!

اخذ زياد الحقيبتين وأعطى لعمر حقيبته ليحملها بينما حمل هو حقيبة نور ، ثم توجه الجميع للأسفل و…

-معتز: كويس انكو خلصتوا ، ده انا قولت هتباتوا عندكو فوق للصبح

-زياد وهو يلقي حقيبة نور لمعتز: خد عين دي عندك

-معتز وهو يلقفها : آآآي ، بالراحة

-نور: الله ما تحاسب ع شنطتي

-زياد: ما أنا محاسب اهو

-نور: لأ انت حدفتها

-زياد: لأ هي اللي طارت لوحدها !!

-عمر: اومال محدش هياخد مني الشنطة

-زياد: هات

ركب الجميع السيارات وانطلقوا نحو فيلا معتز ، ولحق بهم جابر ليعرف وجهتهم النهائية …

-جابر هاتفياً : أيوه يا بهجت بيه ، أنا وراهم

-بهجت: خلي عينك عليهم ، اوعى يفلتوا منك

-جابر: حاضر يا بيه

-بهجت: اعرفلي هيروحوا فين وبلغني

-جابر: ماشي

…………..

في شركة ايهاب الملاح ،،،

كان ايهاب الملاح يوقع على بعض الأوراق الخاصة بعمله ، فدخلت إليه هويدا السكرتيرة و…

-هويدا : احلى نسكافيه لأجدع مدير شركة

-ايهاب بعصبية: جه في وقته ، حطيه عندك ، وخدي الورق ده وديه عند شئون العاملين

-هويدا وهي تضع يدها على كتفه : حاضر ،بس قولي مالك ؟؟

-ايهاب: ابعدي الوقتي يا هويدا ، أنا مش فايقلك وعندي شغل كتير عاوز أخلصه

-هويدا : انا قولت بس أريحك

-ايهاب: يوووه

ثم رن هاتف ايهاب برقم بهجت و…

-ايهاب هاتفياً : أيوه يا بهجت ، خير

-بهجت: البت وجوزها رجعوا الشغل تاني

-ايهاب: ايه

-بهجت:و تقريباً في حد بلغهم ان البت مستهدفة لأن الرجالة بلغوني ان في حد ملازمها وكمان شافوهم واخدين شنطهم ورايحين يقعدوا عند حد من قرايبهم

-ايهاب: أها

-بهجت: أنا هعرف هما رايحين فين وأبلغك

-ايهاب: تمام أوي ، أنا عاوز أنهي الموضوع ده في اسرع وقت

-بهجت: اطمن

-ايهاب: اوك ، سلام

-هويدا: خير يا حبيبي في حاجة

-ايهاب: لأ مافيش ، روحي شوفي وراكي ايه

-هويدا: طب لو محتاج مساعدة قولي

-ايهاب : يووووه

ثم رن هاتف ايهاب مرة أخرى برقم شخص ما فأجاب ايهاب بسرعة و…

-ايهاب: Alo .. Yes, that’s me

-المتصل : ……………………….

-ايهاب: ياريت لو بتعرف

-المتصل : ……………….

-ايهاب: اها حبيبي ، يعني هيبقى بدري

-المتصل: ……………………..

-ايهاب: اييه ؟؟ عرفوا !!

-المتصل: …………………….

-ايهاب: لأ طبعاً كده أحسن ، خلاص ابعتلي الـ details كلها ع الميل بتاعي

-المتصل : …………………

-ايهاب: تمام ، باي

-ايهاب لهويدا : انتي لسه عندك ، روحي خلصي اللي قولتلك عليه

-هويدا: طيب ، أنا بس كنت عاوزة أعرف هنتقابل بالليل ولا ؟

-ايهاب: لأ مش فاضي اليومين دول خالص

-هويدا: ايه اللي شغلك يا حبيبي ، ده أنت واحشني أوي ونفسي أقعد في حضنك و..

-ايهاب مقاطعاً: أنا مش فاضي لكل ده ، بعدين بعدين ، يالا بقى

-هويدا: طيب

خرجت هويدا خارج المكتب وما يدور في تفكيرها هو سر تلك المكالمات الغامضة ، هي لا تعرف أي تفاصيل محددة ولكن عليها أن تبلغ اللواء سامي بما عرفته

-هويدا هاتفياً: الووو ، ايوه يا سيادة اللوا

-اللواء سامي : خير يا هويدا ،عندك جديد ؟؟

-هويدا : هو أنا مش عارفة ان كان هينفع ولا لأ

-اللواء سامي : هاتي الاخبار اللي عندك ، وأنا هحدد وأشوف

-هويدا: طيب ، بهجت المحامي اتصل بيه من شوية وتقريباً بلغه بحاجة مهمة لأنه طلب منه ينهيها في أسرع وقت

-اللواء سامي: مممم.. وايه تاني

-هويدا: هو كان مقصر معاه في الكلام ومش عاوز يوضح بيقول ايه

-اللواء سامي : ها ..

-هويدا: وفي حد تاني اجنبي كلمه

-اللواء سامي مستفهماً : أجنبي !!!

-هويدا : ايوه ، كان باين من أول المكالمة

-اللواء سامي : أها

-هويدا: المهم هو بلغه ان في حاجة معادها اتقدم ، وهيبعتلوا التفاصيل بتاعتها ع الميل بتاعه

-اللواء سامي : أنا عاوزك تعرفيلي عن ايه ؟

-هويدا: هحاول

-اللواء سامي : لازم يا هويدا تعرفي تجيبي اللي ع ميله ده بأسرع ما يمكن

-هويدا: هشوف لأنه متغير معايا وعصبي اليومين دول

-اللواء سامي : معلش يا هويدا ، دي هتبقى أخر حاجة

-هويدا: ربنا يسهل ، هشوف

-اللواء سامي : ربنا معاكي

……..

في فيلا معتز ،،،،،

وصل معتز وبصحبته نور وزياد وعمر إلى الفيلا الخاصة به ، ولحق بهم جابر ، استقبل ابراهيم ونجلاء زياد ونور وعمر ، و…

-جابر هاتفياً : أيوه يا بهجت بيه ، الجماعة كلهم وصلوا عند فيلا واحد من اللي معاهم

-بهجـت: عرفت عنوانها ؟

-جابر: ايوه عنوانها (( …… ))

-بهجت: طب تمام ، خليك عندك واستنى مني الجديد

-جابر : ماشي يا بيه

…….

-معتز: تعالوا يا جماعة ، ده مافيش حد غريب ، اتفضلوا

-ابراهيم: منورين يا ولاد ، والف مبروك

-زياد وهو يصافح ابراهيم: الله يبارك فيك يا عمي ، انت اخبارك ايه ؟

-ابراهيم: الحمدلله يا زياد يا بني

-زياد: يستاهل الحمد

-ابراهيم: مبروك يا بنتي

-نور: الله يبارك فيك يا انكل

-ابراهيم: معلش يا بنتي ، ده بيحصل دايماً انك تلاقي حاجات في الشقة تبوظ كده

-نور باستغرباب: شقة ايه ؟

-ابراهيم: شقتك يا بنتي ، مش المواسير بايظة ولا أنا غلطان

-معتز متدخلاً: جرى ايه يا نور ، أبويا عارف بمواضيع المواسير البايظة ، متكسفيش عادي ، ولا انت رأيك ايه يا زياد

-زياد: آآآ…ايوه ، مظبوط

-نور: انا مش فاهمة حاجة

-معتز: أحسنلك ماتفهميش ولا تكلمي خالص

-ابراهيم مشيراً لعمر : مين ده ؟

-معتز: ده ..ده آآآ..

-عمر: أنا الر…..

-زياد مقاطعاً : ده ابن خالتي

-عمر: ابن خالتك !!!

-نور: هـــه !!

-ابراهيم: أهلا بيك يا بني ، انت هتقعد معانا برضوه

-زياد: معلش يا عمي ، بنتقل عليك

-ابراهيم: الفيلا بتاعتكم

-زياد: الله يكرمك يا رب

-معتز: متقلقش يا بوخليل احنا هنقعد في الـ roof بتاعنا ، ومش هنعمل اي ازعاج ليك

-ابراهيم: خدوا راحتكم ، أنا مش مضايق

-معتز مضيفاً: ونور هتقعد مع نجلاء ، هي صحيح فين ؟؟؟

-نجلاء: أنا أهووو يا مزاميزوو

-معتز: منورة آنجلاء

-عمر باستغراب : مزاميزووو !!!

-معتز: متركزش في أي حاجة بتسمعها هنا

-عمر: أها .. ماشي يا ..يا مزاميزووو

-معتز: خفيف !!

-معتز: تعالي يا نجلاء ، سلمي ع نور

-نجلاء : أهلا

-نور: ازيك يا نجلاء

-نجلاء: كويسة

-معتز: تعالي أنجلاء كده عاوزك

-نجلاء: أيوه يا مزاميزووو

-معتز: الأول بطلي تقوليلي مزاميزوو قصاد الضيوف ، وتاني حاجة بصي يا نوجة ، نور هتقعد معاكي في الاوضة يومين كده

-نجلاء: نعم في اوضتي ؟؟؟

-معتز: احنا هنسرح على بعض ، أوضة مين يا حاجة ، انتي ناسية ان ده بيتنا

-نجلاء: آآآ …مقصدش بس آآآ

-معتز: هما يومين وهتتوكل على الله مع جوزها ، متفقين

-نجلاء على مضض : طيب

-نجلاء هامسة : مين المز اللي هناك ده ؟

-معتز: ده عمر صاحبي

-نجلاء: الله ، هو انت كل صحابك مزز كده

-معتز وقد طرأت على باله فكرة : أه ، انا عندي كتير ، وعمر ده …

-نجلاء: الله ، وكمان اسمه عمر

-معتز: أيوه ، عمر ده طيب وكويس وابن ناس زيي بالظبط ، وبيدور على عروسة حلوة مدملكة

-نجلاء : أها وايه كمان

-معتز: وهايقعد عندنا يومين

-نجلاء بفرحة : بجد !!!

-معتز: طبعااااااا ، شوفتي بقى أنا بخدمك ازاي !!

-نجلاء: أها

-معتز: خلي بالك انتي من نور ، وضيفيها كويس ، وأنا هشوفك

-نجلاء : ماشي !

-زياد: احنا مش هنتقل على حضرتك ، يومين وهنمشي

-ابراهيم: متقولش كده يا زياد يا بني

-زياد: ربنا يخليك لينا

-ابراهيم: اطلعي يا نور مع نجلاء شوفي الأوضة بتاعتك

-زياد: انا هطلع ع الأعدة بتاعتنا اللي في الـ roof

-عمر: تمام ، وأنا طالع مع نور

-زياد: لأ انت جاي معايا ، رجلي ع رجلك

-عمر: أنا مسئول عــ…

-زياد مقاطعاً : والله عرفت ، بس احنا في البيت قدامي بقى

…………

في القرية ،،،

كان الحاج فاروق وابنه قد عادوا إلى القرية مرة أخرى وأكملوا الناقص من الأوراق الخاصة بالأرض من اجل توثيقها ونقل ملكيتها ثم …..

-يسري: كله كده تمام يا حاج فاروق

-فاروق: عظيم جوي

-يسري: ناجص بس التوثيق في الشهر العقاري

-فاروق: ماشي

-يسري: ولازم تجيب امعاك الست هدى عشان التوجيع

-فاروق: ايوه ايوه ، أني هاروحلها بكرة

-يسري: تمام يا حاج ، ع البركة ان شاء الله

-سامح: هو انت هتعاود مصر تاني يا بوي؟

-فاروق: ايوه يا ولدي

-سامح: ماشي أني جاي معاك

-فاروق: مالوش لازمة يا ولدي ، خليك انت جاعد اهنة ، وأني هدلى وأرجع بسرعة

-سامح: لالالا يا بوي ، عشان أساعدك

-فاروق: ربنا يباركلي فيك يا ولدي

-سامح: تسلم يا بوي

………..

في شركة ايهاب الملاح ،،،،

قام ايهاب الملاح بجمع أوراقه واستعد للانصراف من الشركة بينما ظلت هويدا بها لتنهي بعض الأعمال العالقة و…

-ايهاب وهو خارج من المكتب : مش ناوية تيجي

-هويدا: هخلص بس الكشفين دول وهمشي ع طول

-ايهاب: ماشي ، أنا رايح كام مشوار وبعدين طالع ع الفيلا ، حصليني ع هناك

-هويدا: بجد ؟ حاضر

-ايهاب: سلام

استغلت هويدا انصراف ايهاب من الشركة ودلفت إلى مكتبه ، ثم قامت بفتح حاسبه الشخصي وحاولت الولوج إلى الايميل الخاص به لتعرف أخر المعلومات و…

-هويدا: بسرررعة ، افتح بقى ، ايوووه ، كانت الباسورد ايه يا ترى ؟؟ ممم.. أها ، افتكرت ، اييييه ده ؟؟؟ ده ايميل بمعاد صفقة السلاح ، هاه ، ده مكتوب فيه ان المعاد بكرة الساعة واحدة !!! اووووبا ، لازم اللوا سامي يعرف بده فوراً

طلبت هويدا اللواء سامي لتخبره بما عرفت و…

-هويدا: أيوه يا باشا ، عرفت أخبار مهمة جدا

-اللواء سامي : ها ، قولي ؟

-هويدا: معاد صفقة السلاح بقى بكرة الساعة واحدة بالليل

-اللواء سامي : بتقولي ايه ؟

-هويدا: ده اللي مكتوب في الميل

-اللواء سامي : ابعتي نسخة م الميل ده ع الميل اللي هبعتولك على طول

-هويدا: اوك

…………..

في منزل عبد الرحمن فوزي ،،،

-نايا: نانووو واحشتنا أوي يا مامي ، الندلة ماتصلتش بينا لحد الوقتي

-هدى: ماهي مشغولة مع عريسها بقى

-نايا: ما احنا عاوزين نكلمها ونعرفها بموضوع قراية فاتحتي

-هدى: أها ، استني أما أحاول أكلم زياد واطمن عليهم

-نايا: ماشي يا مامي ، بسرعة أوام

-هدى: اوك …

قامت هدى بالاتصال على رقم زياد للاطمئنان منه على نور …،،

-هدى هاتفياً : الووو ، ازيك يا زياد يا بني

-زياد: ازيك يا طنط ، اخبارك ايه ؟

-هدى: احنا بخير ، عاوزين نطمن عليك انت ونور ، عاملين ايه ؟

-زياد: بخير الحمدلله

-هدى: يا رب دايماً ، واخبار شهر العسل ايه ؟؟؟

-زياد بسخرية : عظيم ، مالوش زي

-هدى: نور كويسة معاك ؟

-زياد: يااااااه مش قادر أقولك

-هدى ضاحكاً : هههههههههههه طب اديني نور أكلمها كده

-زياد بتوتر: هــه ..آآآ.. هي الوقتي ، أه في الحمام

-هدى: طيب لما تخرج يا بني خليها تكلمني

-زياد: آآآ.. حاضر

-هدى: يحضرلك الخير يا رب ، خلوا بالكم من بعض

-زياد: ان شاء الله

-هدى: مع السلامة يا بني

-زياد: الله يسلمك

-نايا : ها يا مامي ؟؟ نور عاملة ايه

-هدى: ههههههههههه عاملة عرسة ياختي

-نايا: مممم.. بقى كده ، ربنا يهنيها

-هدى: عقبالك يا قمر انت

-نايا: حبيبتي يا مامي

………………

في الادارة ،،،،

كان زياد ومعتز قد عادوا إلى الادارة مرة اخرى بعد أن تركوا نور بصحبة ابراهيم ونجلاء و.. عمر !!!

-معتز: حماتي اللي كانت بتكلمك

-زياد: ايوه بتسأل على نور

-معتز: اها

-زياد: هي لسه مفكرة اننا في شهر العسل

-معتز: كده أحسن ، بدل ما تقلق

-زياد: أيوه ، بس هي عاوزة تكلم نور

-معتز: أووبا ، يبقى لازم أما ترجع الفيلا تخليها تكلمها ، بس فهمها الأول يا زيزوو انكم لسه في اسكندرية

-زياد: اكيييد

-معتز: ههههههههههههههه زمانت نور هايصة مع نجلاء

-زياد قلقاً: مع نجلاء !! قول مع اللي ما يتسمى ، بقولك ايه انا هكلم نور اطمن عليها

-معتز: هو احنا لحقنا ، ده احنا لسه ماشيين

-زياد: مش مطمن

-معتز: متقلقش ، عمر مش هايكولها ، وبعدين أنا سلطت عليه نجلاء

-زياد باستغراب : نجلاء ؟؟؟

-معتز: طبعاً ، عشان تعرف بس

-زياد: ربنا يستر ، ويعدي الوقت ده ع خير

-حسام: تعالى يا زياد ، اللواء اسماعيل عامل اجتماع جديد

-زياد: طيب

-معتز: استرررر ياللي بتستر

-وليد: الاخبار المرة دي خطيرة

-زياد: أها ….

……

في مكتب اللواء اسماعيل ،،،

-اللواء اسماعيل : تعالوا يا رجالة ، في اخبار مهمة عرفناها ومعندناش ثانية واحدة نضيعها

-زياد: خير يا باشا

-حسام: تمام يا فندم

-وليد: أوامر معاليك

-معتز: حاضر يا فندم

-اللواء اسماعيل : الجديد ان صفقة السلاح هتم بكرة …!!

-الجميع بدهشة : اييييييييييه …………………… !!!!!!

……….

في فيلا ايهاب الملاح ،،،،

ذهبت هويدا إلى فيلا ايهاب الملاح كما اتفقوا سوياً عقب الانتهاء مما لديها من أعمال ، كانت الفيلا مظلمة من الداخل ، وما إن خطت بقدميها وأغلقت الباب حتى أضيئت الأنوار بالفيلا وتفاجئت هويدا بوجود ايهاب جالساً في الظلام و…

-ايهاب وهو يضيء المصابيح : أهلاااااا بالهانم

-هويدا بخضة: ايييه ده ، خضتني يا بيبي ، انت قاعد في الضلمة ليه كده

-ايهاب: مستني جنابك تشرفيني

-هويدا: اوووه ، سوري يا بيبي، كان ورايا شوية حاجات في الشغل بظبطتها ، ما أنت اكيد عارف

-ايهاب وقد قام من مكانه : طبعاااااااااااااا ، أنا عارف كل حاجة ، حتى دبة النملة عارفها

-هويدا بتوتر: أهــا

-ايهاب: وع أخر الزمن حتت نملة أفعصها برجلي بتجسس عليا

-هويدا: هه ، آآآ… تـ..تقصد ايه ؟؟

-ايهاب وقد جذبها من شعرها : بتخونيني يا هويدا؟؟؟

-هويدا متآلمة : آآآآآآآآآآه ، لألألألأ ، ماحصلش

-ايهاب وقد صفعها بقوة: اخرسي يا بنت الـ **** ، بتكدبي عليا ، فكراني مختوم على قفايا ومش هعرف !!

-هويدا: آآآآآآآه .. محصلش

-ايهاب: لأ حصل يا روح أمك .. حتى اسألي سيادة اللوا !!!

-هويدا: اييييه ؟؟

………

Flash Back ◘◘◘ لما حدث ،،،،

في شركة ايهاب الملاح ،،،

◘◘◘ كانت هويدا تحاول أن تسترق السمع لما يقوله ايهاب في مكالمته الهاتفية ، ثم توجهت إلى الحمام الخاص بالسيدات في الشركة لتجري مكالمة هامة و…

-هويدا هاتفياً: الووو ، ايوه

-اللواء سامي: ها في جديد عندك يا هويدا ؟

-هويدا: ايوه يا باشا ، المعاد أخر الاسبوع ، في المكان القديم

-اللواء سامي : عظيم أوي ، محددتش الساعة

-هويدا: لأ

-اللواء سامي : لازم تحاولي تعرفي بأي شكل ، وانا من جهتي هكثف المراقبة عليه

-هويدا: اه يا باشا نسيت أقولك هو ناوي يخلص ع حد ، بس معرفش مين

-اللواء سامي : ايييه ؟؟

-هويدا: أنا معرفش مين تحديداً ، بس أكيد حد بيدور وراه

-اللواء سامي: تمام ، خلي بالك انتي من نفسك ، ولو في أي جديد عرفيني ع طول

-هويدا: حاضر ، سلام !!!

◘◘◘ لم تكن هويدا تعلم أن هناك فتاة ما في داخل الحمام استمعت إلى كل ما قالته هويدا و…

-سوسن في نفسها : يالهوي ، بقى انتي يا هويدا يطلع منك كل ده ، بتخوني سيدك اللي مأكلك لقمة عيشك ، طيب ، وقعتك سودة ، واهي فررررصة أخد حسنة منه ولا حاجة تنفعني !!!

◘◘◘ طلبت سوسن أن تقابل ايهاب الملاح لأمر طاريء و..

-سوسن: والنبي يا ست هويدا عاوز أقابل الباشا

-هويدا: ماينفعش ، قوليلي انتي عاوزاه في ايه وانا هبلغه

-سوسن: لأ الموضوع مهم أوي

-هويدا: قولتلك هو مش فاضي وعنده اجتماع مهم

-سوسن بصوت مرتفع : يا ست هويدا الموضوع ميتأجلش

-هويدا: ششش ، وطي صوتك ، احنا هنا مش في سويقة

-سوسن باصرار : يا ايهاااااااااااااب باااااااااشا ، ياااااا ايهاب باااااشا

-هويدا: مينفعش اللي انتي بتعمليه ده !!!

◘◘◘ خرج ايهاب من مكتبه على صوت سوسن العالي و..

-ايهاب بنرفزة: في ايه اللي بيحصل هنا ؟؟

-هويدا: سوري يا ايهاب باشا

-سوسن مسرعة بالحديث: الحقني يا ايهاب باشا ، أنا عاوزة أبلغك حاجة مهمة ، والست هويدا منعاني

-ايهاب: حاجة ايه دي

-سوسن وهي تنظر لهويدا : حاجة تخص شغل سعادتك

-ايهاب: خلاص خدي معاد وابقي قابليني بعدين

-هويدا: ما أنا بقولها كده وهي مصممة

-سوسن: لأ يا باشا مش هينفع ، لو ماسمعتنيش دلوقتي الشغل هيضيع

-ايهاب بضيق: قدامك خمس دقايق بس تقوليلي اللي عندك وبعد كده تمشي

-سوسن: وأنا مش عاوزة إلا كده

-ايهاب: خشي ، متدخليش حد علينا يا هويدا

-هويدا: طيب

◘◘◘ قصت سوسن على ايهاب الملاح ما سمعته من مكالمة هويدا الهاتفية و..

-ايهاب والغضب يعلو وجهه : انتي متأكدة من كلامك ده

-سوسن: ايوه يا باشا ، أنا سمعاها بوداني اللي هايكلها الدود دول

-ايهاب: ماشي ،امشي انتي الوقتي ، أه وعدي ع الحسابات أنا هخليهم يدوكي مكافأة

-سوسن: الله يخليك يا باشا ،الله يكرمك ويبعد عنك ولاد الحرام

-ايهاب: ماتجبيش سيرة بس باللي قولتيه ده لحد

-سوسن: اطمن يا باشا

-ايهاب في نفسه: بقى كده يا هويدا الـ *** ، يا ويلك لو الكلام اللي قالته البت دي طلع مظبوط وطلعتي بتبيعيني للبوليس ، نهايتك هتكون ع ايدي …. !!!

◘◘◘ طلب ايهاب بهجت هاتفياً ليطلب منه أن ….

-ايهاب هاتفياً : ألووو ، ايوه يا بهجت

-بهجت: خير يا ايهاب باشا

-ايهاب: عاوزك تجيبلي حد يراقب البت هويدا

-بهجت: الله !!! مش دي سكرتيرتك

-ايهاب: ايوه هي ، بس شاكك في حاجة كده

-بهجت: تمام … هاجيبلك خبرها

-ايهاب: اوك

◘◘◘ تأكد ايهاب من وجود صلة بين هويدا وأحد كبار رجال الداخلية و…

-بهجت: بقالها فترة قريبة بتتعامل مع حد مهم في الداخلية

-ايهاب والغضب يعتريه : أه يا بنت الـ …. ، تبقي في فرشتي بالليل، وتصبحي تبلغي أخباري للداخلية

-بهجت: تؤمر بايه معاها

-ايهاب: لأ دي حسابها معايا هيبقى الضعف ، بس أخلص من الصفقة دي وهتحصل الزفتة التانية

◘◘◘ وبالفعل تغيرت معاملة ايهاب مع هويدا في الفترة الأخيرة إلى أن علم بدخولها لمكتبه واطلاعها على الايميل الخاص به من خلال كاميرا المراقبة المثبتة في غرفة المكتب

-ايهاب : انتي اللي حفرتي قبرك بايدك يا بنت الـ ….. ، هيكون أخر يوم في عمرك النهاردة !!!!!!!!!!! ◘◘◘

………….

عودة للوقت الحالي ،،،،،

-ايهاب: كنتي مفكرة اني أهبل ومش هاعرف

-هويدا: ارحمني أبوس ايدك

-ايهاب وقد ضربها بشدة : أرحمك ، هع أصلك غبية ومتخلفة ،أوعي تكوني مفكرة أني هاسيبك بعد اللي عملتيه ، ده أنا هدفنك حية !!!

-هويدا: آآآآآآآآه

ثم جاء بهجت ومعه بعض الرجال إلى داخل الفيلا و…

-بهجت وقد دلف للفيلا: كله تمام يا ايهاب باشا

-ايهاب: خد بنت الـ ***** دي ووديها المخزن لحد ما أشوف هعمل ايه معاها

-بهجت: تمام يا باشا ، طيب واللي اسمها نور ؟؟

-ايهاب: عرفت هي فين دلوقتي ؟؟

-بهجت: أيوه ، ورجالتنا مراقبين المكان اللي هي فيه

-ايهاب: حلووو اوي ، بكرة الصبح تكون مشرفة مع الهبابة هويدا ، وانا بنفسي هخلص عليهم

-بهجت: عُلم ..

-ايهاب: خد الرجالة كلهم ، وأمن المكان كويس

-بهجت: حاضر

-ايهاب في نفسه: نهايتك يا نور هتكون ع ايدي بكرة ، وشوفي مين هينجدك من تحت ايدي …………………………………………… !!!

……………….

رواية زياد ونور – الفصل السادس والسبعون والأخير (النهاية)

في فيلا معتز ،،،،

عاد زياد ومعتز إلى الفيلا ليتفاجئوا بحفلة شواء مقامة في الحديقة الملحقة بالفيلا و…

-معتز: شامم اللي أنا شامه ده

-زياد: أيوه ، هو في ايه

-معتز: تعالى كده أما نشوف

-معتز بعد أن رأى المشويات: الله !! ده طلع عندنا احنا

-زياد: انتو بتعملوا ايه ؟؟؟

-نور: تعالوا يا جماعة حصلونا

-زياد: ايه ده ؟؟

-نور: دي حفلة باربكيو اقترح عمر قصدي الرائد عمر علينا نعملها

-زياد: اتشويتوا في جهنم يا بُعدة

-عمر من بعيد وهو يشوي اللحم : تعالى يا زيزووو ، اللحمة سخنة

-زياد: أنا هاجي أغزك بالسيخ اللي في ايدك ده

-نجلاء: تعالى دوق يا مزاميزووو ، اللحمة طعمها يجنن

-نور: أه والله

-معتز: لأ فكرة جامدة الصراحة

-نجلاء: ده طلع عمر صاحبك مصيبة ، أنا مكونتش أعرف انه كده

-عمر وهو يهوي بالمروحة على اللحم : تسلميلي يا نوجة ، دوقي الحتة دي

-نجلاء: الله ! تسلم ايدك

-معتز: نوجة !!! بالسرعة دي انتو لحقتوا

-عمر لنجلاء : ها ايه رأيك أنفع زي الشيف شيربيني ؟؟

-نجلاء ضاحكة : شيف شيربيني ايه بس ، يا خراااشي عليك ، هيههيههيه

-نور: هههههههههههههههههه

-زياد: ده مبقاش بيت ده بقى ماخور

-نور: واقف بعيد ليه يا زياد ، تعالى كُل واضحك معانا

-زياد في نفسه : ده أنا هولع فيكو كلكو !!!

دلف زياد إلى الداخل ليبدل ملابسه ثم لحق بهم في الخارج و…

-زياد: احم.. عملتوا ايه وأنا مش موجود

-عمر: قول ماعملناش ايه !

-زياد: يا شيخ

-عمر: الصراحة ابوك الحاج يا مزاميزووو

-معتز: ام دي كلمة عرفتها

-عمر: أبوك دمه زي العسل ، حكالنا ع ماضيك كله

-معتز: نعم !!!

-نجلاء: وانا جبتلهم ألبومات صورك وانت صغير

-معتز: بتقولي ايه ياختي ؟؟

-نور: كان شكلك رهيب ، أنا لازم أوريهم لنايا يمكن تغير رأيها

-معتز: نجلاء ، أنا هقتلك

-عمر: ماتشيلش في نفسك يا ..يا مزاميزووو

-معتز: الظاهر ان العزومة دي جت ع دماغ أهلي ، أهي دي أخرت المعروف ، الضرب بالكفوف

-زياد: تعالي يا نور عاوزك شوية

-نور: مش فاضية يا زياد

-زياد بقرف: معلش تعالي ع نفسك شوية

-نور: اوك

-نور: خير يا زياد

-زياد: وحشتيني

-نور: ع فكرة مايصحش الكلام اللي بتقوله ده

-زياد: ليه ان شاء الله ، ده انتي مراتي

-نور: قولنا ع الورق بس والقضية قربت تخلص و…

-زياد وقد أمسكها من ذراعها: كام مرة قولتلك ماتقوليش كده !!

-نور: آآآه ، ايدي ، انت مجنون

-عمر من بعيد: في حاجة يا جماعة

-زياد: أعوذو بالله منك ، في ايه ، واحد بيكلم مراته ، انت حاشر نفسك ليه ؟؟؟؟

-عمر: الله مش مهمتي اني أخد…..

-زياد: خدك ربنا يا شيخ

-ابراهيم وقد أحضر بعض الأطباق من الداخل : في ايه يا ولاد بتزعقوا ليه

-عمر: تعالى كده يا بوخليل شوف اللي بيحصل

-معتز بدهشة : أبو خليل !! ده انت ماسبتش حد في البيت إلا ما ظبطته ، الله يحرقك آعمــــر

توجه ابراهيم حيث يقف زياد ونور وتحدث معهما و…

-ابراهيم: في ايه ؟؟ مالك يا زياد

-زياد: عاوز أتكلم مع مراتي ، وهي مش عاجبها

-نور: خدها حجة بقي ، وبعدين يا أنكل ده بيزعقلي

-ابراهيم: ايه بيزعقلك ؟

-زياد: اتبلي عليا اتبلي

-نور: أنا بتبلى عليك ولا انت اللي بتستقوى عليا ، خد بالك أنا معايا حراسة الوقتي

-ابراهيم مستفهماً : حراسة ايه دي ؟؟

-زياد: شايف يا عمي ، طب احضرنا انت ، وقولنا رأيك

-نور: اه قول يا أنكل

-زياد مدعياً الحزن : والله حرام عليكي اللي بتعمليه فيا ده ، وأنا اللي عمال أقولك بحبك وحشتيني ، وأغنيلك للصبح

-نور: يا راجل

-زياد: أيوه ، وانتي مش عاوزة حتى تبلي ريقي بكلمة حلوة

-ابراهيم: بس .. اهدوا كده ، انت عاوز ايه يا زياد دلوقتي

-زياد بخبث: عاوز مراتي ، ما انت فاهمني يا عمي ولا عاوزني أمشي في طريق الحرام

-ابراهيم: صح عداك العيب

-نور: لالالالا ، ايه الكلام ده ، أنا..أنا ..آآآ

-زياد: أهوو كل ما أجي أكلمها تقولي لأ وتدلع عليا ، طب أتصرف أنا معاها ازاي

-نور: أنا ؟؟؟؟

-ابراهيم: روحي مع جوزك يا بنتي شوفيه عاوز ايه

-نور بتحدي : يا أنكل ، مافيش حاجة تستاهل ، وبعدين أنا أعدة مع نجلاء ، أما نخلص حفلة الباربكيو أبقى أشوف زياد عاوز ايه .

-ابراهيم: ايه رأيك في الكلام ده يا بني ؟

-زياد: طب أنا راضي ذمتك يا عمي ، مش برضوه في حاجات ماينفعش تستنى

-ابراهيم: اه عندك حق

-نور: خلاص بقى ، أنا قولتلك بعدين هبــ….

-زياد مقاطعاً : موت يا حمار

-ابراهيم: مممم.. طيب أنا عندي حل ، خشوا أعدوا جوا مع بعض شوية ، واحنا لما نخلص هنبقى نجهزلكم طبق وننادي عليكم

-زياد بفرحة: اهو ده الكلام

-نور: لأ أنا مش فاضية الوقتي

-ابراهيم: لالالا ، جوزك أولى بيكي

-زياد وقد سحبها من يدها : تعالي بقى هاقولك حاجة مهمة

-نور وهي تحاول التحرر من قبضته : اوعى سيبني

-زياد: لأ

جر زياد نور خلفه إلى داخل الفيلا ليتحدثوا سويا بعيداً عن أي أحد و..

-زياد: نفسي في مرة تسمعيني من غير ما نتخانق

-نور: طول ما أسلوبك معايا كده ، يبقى مش هيحصل

-زياد: خلاص أنا نويت والنية لله إني أتغير

-نور: ابقى قابلني

-زياد: فين ؟

-نور: يوووه ، خشلي قافية بقى

-زياد: بالحق أمك كانت بتسأل عليكي

-نور: اييه ، طب ماقولتش ليه من بدري

-زياد: كنت في الشغل هعمل ايه يعني ، وبعدين ما انتي مش مدياني فرصة أتكلم خالص

-نور: طب هات الفون أكلمها

-زياد: فون !! الله يرحم أما كان بيتقال عليه طلافووون

-نور: اووف بقى ، هاته

-زياد: طب قبل ما أديهولك لازم تعرفي كويس ان امك فاهمة اننا بنقضي يومين في اسكندرية ومرجعناش

-نور: أها

-زياد: اوعي تجيبي سيرة اننا رجعنا القاهرة ولا في حراسة متعينة عليكي ولا سيرة أي مشاكل حاصلة

-نور: طيب ، هاته بقى

-زياد وهو يعطيها هاتفه : اتفضلي

-نور وقد حاولت الامساك بالهاتف: الله ! انت هتهزر ، ماتجيبه !

أمسك زياد بيد نور وهي تحاول الامساك بهاتفه المحمول ثم قبلها فشعرت نور بالخجل والارتباك …

-نور: آآآآ… انت بتعمل ايه

-زياد وهو يقبل يدها: كفاية ان موبايلي يلمس ايدك الحلوة دي

-نور: من فضلك بلاش كده

-زياد: هو أنا لسه عملت حاجة ، ده التقيل جاي ورا

حاولت نور ألا تبدو مرتبكة أمام زياد وقامت بالاتصال على هاتف والدتها و…

-نور هاتفياً: ألووو ، مامي ازيك وحشتيني

-هدى: نور حبيبتي يا بنتي ، عاملة ايه يا عروسة

-نور: انا بخير

-نايا: والنبي يا مامي خليني اكلمها وأفرحها

-هدى: استني بس

-نور: مبروووك يا مامي لنايا فرحتلها أوي

-هدى: الله يبارك فيكي يا حبيبتي ، طب انتي عرفتي ازاي ؟

-نور: من معتز ، انتي ناسية انه صاحب زياد

-هدى: أيوه صحيح

-نايا: تعالي بقى يا نانووو عشان تظبطيني

-نور: أكيد طبعاً

استغل زياد انشغال نور بالحديث مع أمها ، فدار من حولها ثم أحاط بها من الخلف وأمسك بذراعيها وألصق وجهه بيدها الممسكة بالهاتف ، فأصبحت غير قادرة على التحرك أو الافلات منه و…

-نور: آآآي ، انت بتعمل ايه ، مش عارفة اتكلم

-زياد وهو يحيطها : ازيك يا طنط وحشاني

-هدى: الله يسلمك يا بني

-زياد: يرضيكي يا طنط ان نور مدوخاني معاها

-هدى: ليه بس ؟

-نور: طيب يا مامي هنبقى نتكلم بعدين

-زياد: سامعة يا طنط ، دايما كده كاسرة بخاطري

-هدى: اسمعي كلام جوزك يا حبيبتي

قام زياد بتقبيل نور على وجنتها ، حاولت أن تبعد وجهها لكنها فشلت …

-نور: يا مامي آآآ

-زياد وهو يقبلها على وجنتها : مووووه

-نور: بس بقى

-هدى: في ايه يا حبيبتي؟

-نور: آآآآ… مافيش

-هدى ضاحكة : أهـــا .. طيب أسيبكوا بقى يا عرسان تتهنوا مع بعض ، مع السلامة يا حبايبي

أنهت هدى المكالمة مع نور التي كادت أن تنفجر مما يفعله بها زياد ..

-نور: سيبني بقى ، انت ما بتصدق

-زياد: طبعااااا

-نور: انت راضي عن اللي بتعمله ده ؟؟؟

-زياد: أيوه ، مش مراتي حبيبتي

-نور: وده مبرر يعني عشان تبوسني

-زياد: لأ طبعا

-نور: كويس انك عارف ده

-زياد مضيفًا بخبث: ده مبرر اني أعمل أكتر من كده بكتيرررررررر

-نور وهي تبتعد عنه : انا طالعة بدل ما أتهور عليك

-زياد وقد وقف أمامها : ايه تتهوري على مين ؟؟ سمعيني كده تاني !!!

-عمر من الخارج : أنا جيييييت

-زياد بنرفزة: أمك ع المسا !!

-عمر: عملت أحلى طبق مشويات ، يالا قبل ما يبرد

-زياد: مافيش أبرد منك الصراحة

-نجلاء: تعالوا ناكل قصاد التلفزيون أحسن، هما كاتبين ع الفيس انهم هيجيبوا فيلم كوميدي انما ايييه حكاية

-عمر: فكرة

-معتز وقد دلف للداخل ومعه باقي الأطباق : منورين

-ابراهيم: نادي يا نجلاء على مامتك تيجي تاكل معانا

-نجلاء: ماما نامت من بدري ، ما انت عارف يا انكل ان مالهاش في جو السهر ده ، وبعدين كل يوم بتروح تتابع مع العمال توضيبات الشقة وبعده بتروح الشغل ، فمش بتقدر تسهر كتير

-ابراهيم: الله يعينها

-معتز: طب بسرعة جهزوا الأعدة قبل الأكل ما يبرد

-نور: اوك

-زياد: ماشي

-نجلاء: أنا هرص الأطباق هنا

جلس الجميع سوياً يتناولون الطعام المشوي ،ثم اقترح عمر أن يقضوا باقي الأمسية وهم يمارسون بعض الألعاب الترفيهية

-عمر: ماتيجي نلعب كوتشينة

-زياد: اصل انت فاضي مش وراك حاجة ، واحنا متنيلين عندنا شغل بكرة

-عمر: ياعم ماجتش من نصاية

-ابراهيم: العبوا براحتكوا يا ولاد ، أنا هاقوم بقى أريح شوية

-عمر: ما لسه بدري يا بوخليل

-معتز: سيب أبويا ع راحته ملكش دعوة بيه

-نور: الواحد هلكان وملحقش يرتاح

-زياد: بتقولي فيها !

-معتز: بقولكم ايه أنا هاقوم أنام ، لأحسن مش قادر

-نجلاء: أنا تعبانة وهاقوم برضوه

-نور: خديني معاكي يا نوجة

بالفعل قام الجميع ، بينما ظل زياد وعمر سوياً و…

-عمر: مافضلش إلا احنا

-زياد: أيوه

-عمر: طب أنا هاقوم اطمن ع نور و…

-زياد وقد امسكه من ذراعه: فكر بس تتحرك من مكانك وهاتشوف

-عمر: للدرجادي بتغيير عليها ؟

-زياد: ايوه ، مش مراتي

-عمر: ده انت بتحبها أوي

-زياد: من زمان ، وأي حد يفكر يجي جمبها هفرمه

-عمر : بس أنا واخد بالي انها يعني معاك آآآ…

-زياد: ميخصكش ، اللي بيني وبين نور يخصنا وبس

-عمر: انت فهمتني غلط ، أنا أقصد يعني آآ…

-زياد مقاطعاً : نور دي حياتي كلها ، دي دنيتي اللي بدأت يوم ما عرفتها ، نور هي قلبي ، هي الهوا اللي بتنفسه ، ورغم كل اللي بتعمله إلا إني عمري ماهسيبها ، اوعى تكون مفكر اني وافقت ع وجودك معانا إلاعشان خاطر اني أطمن عليها وأنا بعيد عنها ، غير كده مكونتش هاسمح بأنك تكون انت او غيرك موجودين في حياتها

-عمر: أنا..أنا مكونتش فاكر انك تقدر تحب

-زياد: انا ماحبتش حد إلا نور ، ومش هاحب حد إلا هي ، وماهما حصل بينا فأنا عمري ماهزعل منها ولا أسيبها

كانت نور تسترق السمع لكل كلمة قالها زياد عن حبه لها ، لأول مرة شعرت أنه صادق في حبه لها وليس يكذب كما كانت تظن ، ترقرقت عيناها بالدموع و…

-ابراهيم من خلفها : بتحبيه ؟

-نور : ايوه

-ابراهيم: طب ليه بتعاندي معاه

-نور: كنت مفكرة انه ..انه ..

-ابراهيم: أنا مش عاوز أعرف حاجة ، بس عاوز اقولك نصيحة يا بنتي ، زياد زي معتز ابني ، قلبه طيب ولما حبك حبك فعلاً من قلبه ، لو تشوفي عمل ايه عشانك مش هتصدقي ان ممكن في حد يحب حد الحب ده كله

-نور : هــه

-ابراهيم: معتز ابني كان بيحكيلي كل حاجة عنه وعن أصحابه

-نور: ايه ؟

-ابراهيم : ماتستغربيش ، معتز مش بس ابني ، لأ ده صاحبي ، ومن يوم ما المرحومة امه اتوفت وهو كل سره معايا وبيستشرني في كل حاجة تخصه أو تخص اللي بيحبه ، حتى حبه لأختك كان باين في عينيه ورغم ان كان نفسي معتز يتجوز نجلاء لكن مقدرش أشوف ابني وهو تعيس معاها ، وأنا عرفت الوقتي سبب تمسك زياد بيكي زي ما معتز ابني متمسك بنايا

-نور: ايه هو ؟؟

-ابراهيم: زياد مش شايف إلا انتي وبس ، انتي حب حياته ، ومهما حاولتي تنكري ده ، هو مش هيشوف إلا انتي وبس

-نور: أها

-ابراهيم: حاولي لو في أي خلاف بينك وبينه ارميه ورا ضهرك وابدأوا حياتك سوا من غير عناد وكره وشيل من بعض .. حرام تعذبوا بعض ببعدكم عن بعض وعنادكم !!!! خلوا الحب هو اللي يكون بينكم وبسسس

-نور وقد أخذت تفكر فيما يقول: حاضر يا أنكل

-ابراهيم: ربنا يهدي سركم ويكرمكم ، اطلعي نامي ، وبكرة ان شاء الله خير

وما إن انصرفت نور إلى غرفتها حتى تحدث ابراهيم مع زياد و..

-ابراهيم: خلاص يا بني أنا كلمتها

-زياد: أنا مش عارف أقولك ايه يا عمي

-ابراهيم: ده انت ابني يا واد

-زياد: ربنا يخليك لينا

◘◘◘ Flash Back لما حدث قبل قليل ،،،،

◘◘◘ دلف زياد إلى داخل الفيلا ليبدل ملابسه ، فقابل ابراهيم فطلب منه أن يتحدثا معاً …

-ابراهيم: تعالى يا زياد عاوزك شوية

-زياد: ايوه يا عمي

-ابراهيم: في ايه اللي حاصل بينك وبين نور

-زياد: هــه ، مافيش

-ابراهيم: هو ايه اللي مافيش ، ده حتى عيب ع الشيبة اللي أنا فيها ، ولا تكون مفكرني مش واخد بالي

-زياد: احم… واخد بالك من ايه ؟

-ابراهيم: يعني في واحد لسه متجوز مبقالوش يومين جايب مراته عشان يقعد عند صاحبه لأ وينام كل واحد منهم في أوضة وكمان معاهم زميلهم التالت !!

-زياد: هــه ، آآآ…

-ابراهيم: قولي في ايه ؟؟

اضطر زياد أن يقص على ابراهيم ما حدث بينه وبين نور باختصار بالاضافة إلى تعرض حياتها للخطر و…

-ابراهيم: حمايتها ده أمر مفروغ منه ، بس انت فين من ده كله ؟

-زياد: أنا تعبان ، مش قادر أخليها تفهم اني بحبها

-ابراهيم: طب واللي يخليك تقدر تكلم من قلبك قصادها

-زياد: طب ازاي ده هيحصل ؟

-ابراهيم: ملكش دعوة أنا هتصرف

◘◘◘ طلب ابراهيم من عمر أن يتحدث معه قليلاً حينما كان زياد ونور بالداخل و….

-ابراهيم: عمر يا بني ، سيب اللي في ايدك ده وتعالى معايا ثواني

-عمر: كده اللحمة هتتحرق

-ابراهيم: معلش دقيقة بس

-عمر: طب لحظة ، نجلااااااء ، تعالي هوي ع الشواية عقبال ما أرجع

-نجلاء: طيب عشان ألحق أرص الأطباق

-معتز: أستني أنا هعملهم

-نجلاء: أوك

◘◘◘ -عمر: ايوه يا بوخليل

-ابراهيم: انا عاوز منك خدمة

-عمر: أؤمرني

-ابراهيم: الأمر لله وحده ، بص أنا عاوزك تتكلم مع زياد عن حبه لنور

-عمر: ايييه ؟؟

-ابراهيم: اللي سمعته يا بني

-عمر: أنا أسف مش هاقدر

-ابراهيم: حتى لو عرفت ان حياة الاتنين متوقفة ع ده

-عمر: قصدك ايه ؟

-ابراهيم: الاتنين هيطلقوا

-عمر: يا ساتر يارب

-ابراهيم: انت عارف ان خراب البيوت مش بالساهل ، وزياد هينهار لو نور بعدت عنه

-عمر: هــه

-ابراهيم: أنا عارف انه صعب انك تعمل ده ، بس انت الوحيد اللي تقدر تخلي زياد يتكلم من قلبه ونور تعرف بحبه الصادق ليها

-عمر: آآآ…

-ابراهيم: لو فعلا بتحب نور وزياد هتساعدهم

-عمر: آآآ… بحب نــ…نور !!!

-ابراهيم: فكرك أنا مش عارف ، ده معتز حكيلي كل حاجة

-عمر: ده انا هولع في معتز ، هو ايه مش بيستر

-ابراهيم: سيبك من معتز الوقتي ، وركز في اللي هتعمله عشان خاطر نور ، ده لو فعلا بتحبها ، اعتبرها زي اختك ، في حد يكره لأخته الخير !!!

-عمر: بس..آآآ…بس

-ابراهيم: محدش يقدر يتحكم في قلبه ويخليه يحب مين ولا يكره مين ، بس نور فعلا بتحب زياد ،ولو كان في فرصة انها تحبك كنت هتحس انت بده منها، لكن هي مش هتشوف غير زياد وبس

-عمر: آآآ…

-ابراهيم: بكرة ربنا هيعوض عليك بواحدة تحبها بجد ، يمكن حبك لنور لأنك مشوفتش اللي زيها لحد الوقتي

-عمر : …..

-ابراهيم: اسمع من راجل كبير في مكانة أبوك الكلام المفيد اللي يمكن في يوم تترحم عليه وتقول ، الله يرحمه قالي نصيحة لوجه الله

-عمر: ربنا يديك الصحة يابوخليل

-ابراهيم: ها ، قولت ايه ؟؟ هتساعدني

-عمر: حاضر !!

◘◘◘ -ابراهيم : نجلاااااااء ، تعالي يا نوووجة عاوزك

-نجلاء: أيوه يا انكل ، خير

-ابراهيم: بقولك ، عاوزك تعطلي نور لما تجي تستأذن عشان تنام

-نجلاء: طب ليه

-ابراهيم: يا ستي جوزها عاوز يديها هدية وكده

-نجلاء: الله جو رومانسية ، يا جمااااااله يا جماااااله

-ابراهيم: المهم انتي اعملي اللي قولتلك عليه

-نجلاء: اوك

◘◘◘ وبالفعل تم تنظيم السهرة أمام التلفاز ، وبعدها استأذن الجميع واحداً تلو الأخر وتوجهت نور خلف نجلاء لغرفتهما ، ولكن نجلاء طلبت منها أن ….

-نجلاء: معلش يا نور استنيني هنا خمساية ، اكون بس غيرت هدومي

-نور: آآآ… طب ما تغيريها في التويلت

-نجلاء: عشان هدومي مش تتبل

-نور: طيب

-نجلاء: دقيقتين وهناديكي تيجي

-نور: اوك

نفذ الجميع المطلوب منه ، وتم تهيئة الجو ليتحدث زياد بحرية عن حبه لنور التي استمعت لكل ما قاله وتأثرت به كثيراً ، بالاضافة لما نصحها به والد معتز الأستاذ ابراهيم ….. ◘◘◘

…………………..

عودة للوقت الحالي ،،،،

-زياد: ربنا ما يحرمنا منك يا بوخليل

-ابراهيم: تسلملي يا بني

-معتز: كلكو خدتوا ع أبويا ، في ايه يا جدعان

-عمر: يا عم انت مضايق ليه ، احنا كلنا اسرة مع بعضينا

-معتز: انت هتقولي ، من ساعة ما جيت عندنا وانت مش راحم

-الجميع : ههههههههههههههههه

ظلت نور تفكر طوال الليل فيما سمعته من زياد ، وفيما قاله ابراهيم لها ، قررت أن تعيد حساباتها بشأن زياد و…

-نور في نفسها : أنا مش عارفة الوقتي أعمل ايه ، انا فعلا بحبك ، أيوه بحبك بس خايفة ، خايفة من اللي جاي ، خايفة في لحظة تبيعني ، خايفة أكون بحلم ويطلع الحلم ده كابوس ، بس ..بس كلامك طالع من القلب ، أنا حسيت كل حرف فيه ، انا كان نفسي أخدك في حضني وأقولك أيوه أنا بعشقك من زمان يا حبيبي ، أيوه أنا فعلاً خسرت الرهـــــــــان ، بس كسبت حبك الصادق ليا ….!!

…………………….

في صباح اليوم التالي ،،

انصرف زياد ومعتز إلى الادارة ، وتركوا نور بصحبة نجلاء وابراهيم وعمر في الفيلا ، فاتصل جابر المرابط بالقرب من الفيلا ببهجت ليخبره بــ…

-جابر هاتفياً: الوو ، ايوه يا بهجت بيه، الجماعة خرجوا

-بهجت: عظيم أوي ، استنى الرجالة جاينلك

-جابر: حاضر

-بهجت: وخلي عينك ع الفيلا ، ولو جد جديد بلغني

-جابر: أوامرك يا بيه

…………..

في الادارة

-معتز متسائلاً : نور عرفت ان العملية النهاردة ؟

-زياد: لأ طبعاً ، هو أنا أهبل أقولها ده

-معتز: طب وعمر ؟

-زياد: لأ برضوه

-معتز: كنت نبه عليه يا زياد عشان ياخد باله

-زياد: ان شاء الله مش هيحصل حاجة

-حسام بصوت مرتفع : زياد ، معتز تعالوا بسرعة

-معتز: اوك جاي

-زياد: طيب

-اللواء اسماعيل: بسم الله الرحمن الرحيم ، أحسن حاجة نبدأ بيها هي كلام ربنا سبحانه وتعالى ، ربنا يوفقكم يا أسود الليل في اللي جاي ، احنا قدامنا أهم جزء من العملية الليلة !!

-زياد: ان شاء الله هنقبض ع المجرم ده

-وليد: طبعااااااااا

-معتز: هنفرتكه هو واللي معاه لو بس فكروا يهربوا

-اللواء اسماعيل: أنا مش عاوزكم تضيعوا الفرصة ، احنا تعبنا كتير عشان نقدر نوصله

-زياد: نهايته هتكون ع ادينا ان شاء الله

-اللواء اسماعيل : بأمر الله ، تعالوا نراجع الخطة والمطلوب من كل واحد

-الجميع: تمام يا فندم

……….

في فيلا معتز ،،،

-نجلاء : أنكل ابراهيم

-ابراهيم: في ايه يا نوجة

-نجلاء: ماما بتكلم حضرتك وانت مش بترد عليها

-ابراهيم: أصل الموبايل أنا حاطه في الشاحن ، فعشان كده مسمعتوش

-نجلاء: طب هي بتبلغك انها عاوزاك تجيلها البيت لأحسن العمال عاملين مشكلة هناك وهي مش عارفة تتعامل معاهم

-ابراهيم: طيب أنا هلبس واروحلها

-نجلاء : أوك

كانت نور تجلس أمام التلفاز تشاهد أحد البرامج ، بينما عمر يجلس في الخلف يقرأ أحد الكتب ، فجلست اليه نجلاء و…

-نجلاء: صباح الخير عليك

-عمر: صباح النور

-نجلاء: بتقرى ايه؟

-عمر: كتاب

-نجلاء: ما أنا عارفة أنه كتاب ، بس عن ايه ؟

-عمر: رعب

-نجلاء: لأ انا ماليش في جو الرعب ده ، ليك في الرومانسي وكده ؟

-عمر: لأ

-نجلاء: يا خسارة

-عمر: ولا خسارة ولا حاجة ، كل واحد بيحب يقرى اللي شايف انه مناسب ليه

-نجلاء: أها ، تمام

قررت نجلاء أن تجلس بجوار عمر وأخذت تتفحص مواقع التواصل الاجتماعي عبر هاتفها بعد أن وضعته ع الوضعية صامت حتى لا تزعجه بأصوات الشات ..

-ابراهيم من الخارج : انا خارج يا ولاد شوية وراجع

-نور: اوك يا انكل

-عمر: ماشي يا عمي

-نجلاء: ابقى طمني يا انكل

-ابراهيم: حاضر ، سلامو عليكو

-عمر: وعليكم السلام

ماهي إلا دقائق معدودة حتى رن جرس باب الفيلا ، فذهبت نجلاء لترى من بالباب ،،،

-نجلاء: ايه ده هو انكل ابراهيم رجع بسرعة كده

تررررررن ، تررررررررررن

-نجلاء: طيب جاية أهو

وضعت نجلاء هاتفها المحمول في جيبها ، ثم فتحت الباب لتتفاجيء ببضعة شباب ملثمين يهجم عليها ، كمم أحدهم فمها ، واقتحم الباقون الشقة و…

-نجلاء: انتو ميــ… ، مممممممم…ممممممم

-قائد العصابة : خشوا بسرعة من هنا ، وانتو روحوا من هناك ، هاتولي البت التانية بسرعة

-نور من الداخل: مين يا نوووجة

تفاجئت نور بوجود أشخاص ملثمين فصرخت على الفور و…

-نور: ايييه ده ، عاااااااااااااااااا

-عمر بفزع: في ايه

-أحد الأشخاص: هاتوا البت دي بسرعة

-عمر: اجري يا نور

هجم عمر على أحد الأشخاص وأبرحه ضرباً ، ثم هجم على أخر وكال له من اللكمات ما يستحقه لكن تكاثر عليه باقي الأشخاص الملثمين فتمكنوا منه ، حاولت نور أن تهرب ولكن أمسك بها اثنين فقيد أحدهما حركتها ، وكمم الأخر فمها

-شخص ما: خلاص يا باشا ، البت بقت في ايدينا

-نور: مممممم..مممممم

-شخص ثاني: والظابط كتفناه

-قائد العصابة : هاتوهم كلهم ، دي أوامر الباشا ايهاب ، ورجعوا كل حاجة زي ما كانت في مكانها

-شخص ما: حاضر يا باشا

-قائد العصابة: يالا بسرعة

بالفعل اخذ أفراد العصابة الملثمون نور وعمر ونجلاء معهم امتثالاً لأوامر ايهاب الملاح إلى مخزن مهجور ….

………..

عودة للإدارة مرة أخرى ،،،

-زياد:أنا هاروح أسلم على نور قبل ما نطلع العملية

-معتز: مش هينفع يا زياد ، انت عارف انه ممنوع ان حد فينا يمشي

-زياد: مش هاقدر

-معتز: صعب

-زياد: دي نور ، مقدرش ماشوفهاش مش يمكن تكون أخر مرة

-معتز: ايه يا عم الكلام ده

-حسام: بقولك ايه ، روح لمراتك سلم عليها ، واحنا هنستناك

-زياد: حبيبي آحــس

-حسام: متتأخرش ، احنا معانا ساعتين لحد ما نبدأ نتحرك

-زياد: تمام

-معتز: استنى أنا جاي معاك

-زياد: اوك

استقل زياد سيارته وجلس بجواره معتز ثم توجها ناحية فيلا معتز ، وحينما وصلوا للفيلا وجدوا شيئاً ما غامضاً …

-زياد: في حاجة غريبة

-معتز: انا حاسس برضوه كده

لمح زياد ابراهيم وهو يدلف للفيلا ….

-زياد وهو يشير إلى ابراهيم : مش ده ابوك اللي هناك ده !!

-معتز: أه هو تصدق ، بس بيعمل ايه السعادي بره الفيلا

-زياد: طب ما تسأله

-معتز بصوت مرتفع : يا بوووخليل ، يا حــــــاج

-ابراهيم: الله ، انتو جيتوا يا ولاد

-زياد: اه ، قولنا نسلم عليكو وكده

-ابراهيم: علينا ولا ع نور

-زياد: احم…

-معتز: طب يالا ندخل نلحق نسلم ع الجماعة عشان راجعين تاني

-ابراهيم: ماشي

دلف الجميع إلى داخل الفيلا ، وتفاجئوا بعدم وجود أحد ..

-زياد بضيق: راحت فين الهانم

-ابراهيم: يمكن راحت عند مامتها

-زياد: من غير ما تقولي ، وطبعاً ماصدقت تاخد البيه عمر معاها

-معتز:انت ناسي ان معهاش موبايل

-زياد: برضوه تعرفني هي رايحة فين ، ولا هي متجوزة جوز جزمة

-ابراهيم: خلاص يا بني ، اهدى

-معتز: بس غريبة ان نجلاء مش موجودة هي كمان

-زياد: أل كنت ناقص عطلة

ثم رن هاتف زياد رقم والدة نور …

-زياد: الله ، دي حماتي !! بتتصل ليه الوقتي

-معتز: يمكن بتعرفك ان نور عندها عشان متقلقش

-ابراهيم: رد عليا يا بني

……..

في نفس الوقت تقريباً في بيت عبد الرحمن فوزي ،،،

كانت هدى تشعر بالقلق على ابنتها نور ، فقررت أن تتصل بزياد لتطمئن عليها و…

-هدى لنفسها: معرفش ليه قلبي مقبوض كده ، حاسة ان بنتي فيها حاجة مش تمام ، أنا هطلب زياد أطمن عليها وخلاص حتى عشان أرتاح

-هدى هاتفيا: ألوو ، أيوه يا زياد يا بني

-زياد هاتفيا: ازيك يا طنط ، يعني انتي يرضيكي كده

-هدى بقلق: في ايه ؟

-زياد: أنا معنديش يا طنط أي مانع ان نور تجيلك بس تعرفني الأول

-هدى: نور !! هي أصلاً مجاتليش

-زياد: نعم ؟؟؟ اومال راحت فين ؟؟؟

-هدى : مش انتو لسه في اسكندرية

-زياد وهو يخبط جبهته بكف يده: أووبا

-هدى: في ايه يا زياد ؟؟ قولي مخبي عني ايه ؟؟؟ بنتي فين ؟؟؟

-زياد: آآآآ…

-هدى: ما تتكلم !!

-زياد بتردد : الحقيقة احنا آآآ…ر..رجعنا يا طنط ، وآآآ… نور نزلت من غير ما تقولي فافتكرت ان..انها عندك وكده

-هدى: لأ يا بني لسه مجاتليش

-زياد: تلاقيها جايلك في السكة ولا حاجة

-هدى : جايز برضوه

-زياد: بالله عليكي يا طنط ، لو جتلك تبلغيني

-هدى: حاضر يا بني

وبينما كانت هدى تتحدث مع زياد رن جرس الباب

تررررررررررن تررررررررررن

-هدى: الظاهر انها جت

-زياد: طب قوليلها يا طنط ماتمشيش أنا جايلك حالاً

-هدى: اوك ، سلام

انطلق زياد ومعتز إلى منزل السيدة هدى ، بينما توجهت هدى لترى من الطارق و…

-هدى بصدمة : الحاج فاروق !!!

-فاروق: ازيك يا مرات اخوي

-سامح: مالك يا مرات عمي ، وشك اتاخد اكده ليييه ؟؟؟

-هدى: هه ، مــ…مافيش

-سامح: لأ فيه ، جولي يا مرات عمي متخافيش

-هدى: أصل كنت مفكرة ان نور بنتي هي اللي بتخبط

-فاروق: أها .. تيجي بالسلامة ان شاء الله

…………

في تلك الأثناء في المخزن المهجور ،،،

أحضر أفراد العصابة نور وعمر ونجلاء إلى المخزن حيث يتواجد ايهاب ومعه بهجت المحامي …

-ايهاب: أهلااااا ، واخيرااااا اتقابلنا

-بهجت: كلهم تحت رجلين معاليك يا ايهاب باشا

-ايهاب وهو يربت ع كتف بهجت: عاش يا بهجت ، طول عمرك دراعي اليمين

-بهجت: تؤمرنا بايه يا باشا

-ايهاب وهو يشير لنور : فكلي الأمورة وهاتهالي

-بهجت: ماشي ، فك البت دي يا محروس

-محروس: حاضر يا بيه

-عمر: ابعد عندها يا كلب منك ليه

-بهجت: اخرس ياض انت

-عمر: فكني بس وهوريك الواد ده هيعمل فيك ايه

حل محروس وثاق نور وجذبها من ذراعها بشدة وألقاها بالقرب من ايهاب ..

-نور متآلمة: آآآه

-نجلاء: سيبوها حرام عليكو

-نور وهي تقاوم محروس : ابعد عني يا حيوان سيبني

-ايهاب: وأخيراً شوفتك

-نور: انت ..انت !!

-ايهاب: ايوه انا يا حلوة اللي بتدوري عليه وبتحاولي توقعيه

-نور: انت مجرم و…

-ايهاب وقد أمسكها من فكها بيده : شششششششش ، اخرسي خالص ، ده انتي طلعتي عين أهلي

-نور: ولسه لما يمسكك جوزي هـ…

-ايهاب وقد صفعها: مش هيلحق .. طرااااااااااااااخ

-نور: آآآه

-عمر: أه يا واطي ، وربنا هموتك

-نجلاء باكية : إهيء ..إهيء

-ايهاب: خدها يا بهجت ارميها جمب اللي ما تتسمى ، ووضبلي الظابط ده ، عاوز حفلة تشريفة مناسبة لسعادته ، وحط البت دي معاهم

تكالب أفراد العصابة على عمر ، وكالوا له الضربات حتى سقط منهاراً تماماً على الأرض

-بهجت: ظبطناه وكله تمام

-ايهاب: حلووو أوي

-بهجت: الجماعة مقالوش جايين امتى

-ايهاب: كمان شوية ، وهنتقابل قريب من هنا

-بهجت: تمام

-ايهاب: عاوز بعد ما الصفقة دي تتم تولعلي في المخزن باللي فيه

-بهجت: عينيا يا ايهاب باشا …………………………………….. !!!!!!

الفصل الخامس والسبعون- الأخير – الخاتمة

الحلقة الخامسة والسبعون:

الحلقة الأخيرة ( الجزء الثالث ) :

في منزل عبد الرحمن فوزي ،،،

كان الحاج فاروق يتحدث مع هدى حول اجراءات تسجيل الأرض و…

-فاروق: أني عارف اني بتجل عليكي يا مرات اخوي ، بس بعد اكده هنرتاح كلنا

-هدى: ولا يهمك

-فاروق: هانروح بكرة نسجلوا الورج في الشهر العجاري ان شاء الله

-هدى: بأمر الله

-سامح: ان شاءالله يا مرات عمي

وصل زياد بصحبة معتز إلى منزل السيدة هدى ، ثم طرق زياد باب المنزل ففتحت له هدى و…

-زياد: مساء الخير عليكي يا طنط

-هدى: مساء النور يا بني

-زياد وهو يبحث بعينيه عن نور: فين نور ؟؟

-هدى: آآآآ…

-معتز: ازيك يا حماتي

-هدى: الله يسلمك يا معتز ، اتفضلوا الأول جوا

-زياد: معلش عشان مستعجلين

-هدى: أصل آآآ.. آآآآ

-نايا من الداخل : الله ، معتز ! مش تقولي يا مامي انه هنا

-معتز برومانسية : ازيك يا قمر البنات

-نايا بخجل : الحمدلله

-معتز: هاااااااح

-زياد وهو يلكز معتز : مش وقت نحنحة ، معلش يا طنط عاوز أشوف نور

-هدى: أصل نور مجتش عندي

-زياد: اييييه ؟؟؟

-معتز: نعم !!

-زياد: اومال ليه قولتلي انها عندك ؟؟؟

-هدى : ده طلع الحاج فاروق وابنه سامح

-زياد متسائلاً : استغفر الله العظيم يا رب ، اومال هتكون راحت فين بس السعادي ؟؟؟؟؟

-سامح: سلامو عليكو

-معتز هامساً : ايه ده هو الرزل هنا !!

-زياد: أهلا

-سامح: في ايه مالكو ؟

-زياد: مافيش

-هدى: طب خش يا بني شوية اشرب حاجة

-زياد: شكراً مش عاوز

-معتز: طب استنوا أنا هكلم نجلاء أعرف منها ان كانت مع نور ولا لأ

-زياد: ومعملتش كده ليه من بدري يا أخي ؟؟؟

-معتز: مجاش في بالي يا زياد

-زياد: طب انجز في يومك

-معتز: ماشي ، استنى بس أشوف النمرة

-زياد: طب أوام يالا

-معتز: أهي لاقيتها ، خلاص هطلبها …!!!

………………

في نفس الوقت في المخزن ،،،

كانت نجلاء تحتضن نور وتبكي بكاءاً هيسترياً خاصة بعد ما رأت ما فعلوه بعمر وهويدا الملقاة بجوارهم ….

-نجلاء باكية : إهيء .. اهيء ، دول ناس قادرين ، مش هيرحمونا ، أنا..أنا خايفة أوي ..اهيء

-نور: اهدي يا نجلاء

-نجلاء: انتي ماشوفتيش عملوا ايه في عمر وممكن يعملوا فينا ايه !!!

-نور: ربنا يستر ، اطمني

-نجلاء: طب أنا ذنبي ايه ، أنا..أنا ماليش دعوة بده كله

-نور: سبيني بس أفكر هنتصرف ازاي

سمعت نجلاء ونور صوت آنين يأتي من أحد الأركان

-هويدا :آآآآآآآآآ…آآآ….. آآآ

-نجلاء برعب: سامعة اللي أنا سمعاه ده

-نور: أيوه

-نجلاء: ده..ده أكيد حد بيطلع في الروح هنا

-نور: استني بس أما نشوف مين

-نور بصوت عالي : ميييين ؟؟؟ مين هناك

-هويدا: آآآآ…أنـ.. أنا

-نور وقد توجهت نحو مصدر الصوت: انتي مين ؟؟

-هويدا : أنـ…أنا هو..هويدا

-نور باستغراب : هويدا !

-هويدا: الحقيني …أنـ…أنا بموت

-نور وهي تتفحص هويدا: اهدي وهتبقي كويسة

-هويدا: معتقدش ، أنا..أنا عدموني العافية

-نور: متقلقيش ان شاء الله هنخرج من هنا كلنا

-نجلاء وقد شعرت باهتزاز في جنبها فجرت ناحية نور : هاااه ، في ايه ؟؟

-نور: مالك في ايه ؟؟ بالراحة

-نجلاء: مــ..مش عارفة ، فــ..في حاجة بتهز فيا

-نور: مافيش حاجة اهدي

-نجلاء وقد تكررت الهزة في جيبها : لأ دي …دي جاتلي تاني

-نور: هي ايه دي ؟؟

-نجلاء وقد انتبهت أنه هاتفها المحمول : ده..ده باينه الموبايل

-نور: انتي معاكي الموبايل بتاعك

-نجلاء: الظاهر كده

-نور: وساكتة من الصبح !! هاتيه بسرعة

-نجلاء: حــ….حاضر

أخرجت نجلاء الهاتف المحمول من جيبها ، وأعطته لنور و..

-نور: ده مقفول بباسورد

-نجلاء: أها

-نور: طب ايه هي ؟؟

-نجلاء: مش فاكرة

-نور: هو ايه اللي مش فاكرة ، لأ ركزي الله يكرمك

-نجلاء بتوتر شديد : مش فاكرة مش فاكرة

-نور محاولة تهدئتها : ششششششش ، طب وطي صوتك شوية

وهنا سمعوا صوت أقدام أشخاص تتجه نحوهم ، فألقت نور بالهاتف من يدها بعيداً عنها و…

-محروس: بتعملوا ايه ؟؟

-نجلاء بصريخ: عااااااااااااااااااااا

-نور: مــ…مافيش

-محروس وقد جذب نور من شعرها : اترمي هنا يا بت

-نور متآلمة : آآآآآآآآه .. سيب شعري

-محروس: ده انتي متوصي عليكي جامد

-هويدا بصوت ضعيف: ار…ارحمونا

-محروس: بس يا ولية ، اخرسي انتي التانية بدل ما أشقك !!!

-نجلاء: ابعد عننا ، سيبنا في حالنا

-محروس: هههههههههه أل أبعد أل ، ده أنتو هتتنفخوا

ثم اقترب محروس من نور التي حاولت أن تبتعد عنه ، فهجم عليها وحاول الاعتداء عليها و…

-نور بصريخ: ابعد عني يا جبان يا وســ*

-محروس: ده أنا هعلم عليكي النهاردة

-نور: لألألألألأ

حاولت نجلاء الدفاع عن نور وانقاذها من براثن محروس ولكنها فشلت …

-نجلاء: ابعد عنها يا حيوان

-نور وهي تدافع عن نفسها : آآآآه

-محروس وهو يدفع نجلاء بعيداً عنه: ابعدي يا بنت الـ *** ، دورك ليه مجاش

-نجلاء : آآآآآي

ثم رن هاتف نجلاء مرة أخرى فلمحته هويدا وهي ملقاة على الأرض ، فحاولت جاهدة أن تزحف إليه و…

-هويدا في نفسها: لازم أوصل للموبايل ده ، آآآآآه ، لازم أجي ع نفسي عشان انقذهم من المجرمين دول .. آآآه

-نور متآلمة وهي تدافع عن نفسها : انت قذر وجبان

-محروس: قولي اللي تقوليه للصبح ، برضوه مش سايبك

وصلت هويدا إلى الهاتف واستطاعت أن تضغط على زر الرد على الاتصال و…

-معتز هاتفيا: اييييه يا حاجة ساعة عشان تردي ، انتي فين؟

-هويدا بصوت منخفض : آلـ…الوووو

سمع معتز أصوات عالية وصرخات و..

-معتز: نجلااااااء في ايه عندك

-زياد: في ايه اللي بيحصل

-معتز: مش عارف ، أنا مش سامع غير أصوات صريخ

-زياد: ايييه ، هات الموبايل

أمسك زياد بالهاتف المحمول ووضعه على اذنه ليستمع إلى ما يُقال و…

-زياد: نجلاااااء ، في ايه بيحصل عندك ؟؟ الووووو ، الوووو

ثم سمع زياد صوت نور وهي تصرخ و..

-نور : جوزي مش هايسبكم يا كلاب ، هيموتكم كلكم

-محروس: مش هيعرف يجيبك ، وحتى لو عرف هتكوني فحمة

-زياد : نــ..نوووووور

-معتز: في ايه يا زياد ؟؟؟

-زياد: شششش ، اسكت عشان أسمع

-معتز: طب افتح الـ Speaker

فتح زياد السماعة الخارجية للهاتف المحمول ليستمع هو ومعتز لما يُقال و…

-نجلاء: حرام عليكو ، احنا معملناش حاجة ، ليه بتعملوا فينا كده

-محروس: انتي صح معملتيش حاجة ، بس حظك النحس اللي جابك مع البت دي هنا

-نور: وان شاء الله هطلع من هنا و…

-محروس وهو يضرب نور: اخرررررررررسي يا بنت الـ…..

-نور متآلمة: آآآآآآآه

-نجلاء بصريخ: سيبها

-هويدا بصوت ضعيف : إلـ..إلحقووونا

-زياد والغضب يعتريه: آه يا ولاد الـ **** ، اقسم بالله ماسايبكم

-معتز: ما احنا مش عارفين هما فين ؟؟

-هدى: حبيبتي يا بنتي ، هاتولي بنتي !!

-سامح: اهدي يا مرات عمي

-نايا: نوووووور !! ردي علينا يا نور

-معتز: شششش ، عاوزين نسمع يا جماعة

-زياد: الووو ، لو حد سامعني قولولي انتو فين ؟؟؟

-فاروق من الداخل : فيه ايه يا ولاد ، ايه اللي بيوحصل عنديكو ؟؟؟

-زياد: هدوء عشان أسمع

-معتز: شششش

سمع زياد أصوات أشخاص أخرين يتحدثون و…

-بهجت : بتعمل ايه عندك يا محروس

-محروس: آآآ… مافيش يا بيه

-بهجت: ايييه ما بتصدق تشوف واحدة وتريل عليها !

-محروس: طبع بقى يا بيه

-ايهاب: في ايه اللي بيحصل هنا

-بهجت: مافيش

-ايهاب: أنا عاوز الرجالة كلها تجهز ، احنا ورانا شغل مش فاضيين

-بهجت: حاضر يا ايهاب باشا

-زياد: ايهااااااااااااااااب !!!

-معتز: معناه ايه اللي احنا سامعينه ده

-هدى: بنتي !!

-زياد مشيراً لها بالصمت: شششش ، الكل يسكت عشان نسمع بيقولوا ايه

-ايهاب: الكل يجهز ، العملاء جايين كمان ساعة ، عاوزين نخلص الليلة كلها في ظرف ساعتين ومش عاوز أي أثر للكلاب دول

-بهجت: اطمن

-محروس: متقلقش يا باشا ، همحيهم من ع وش الدنيا

-هدى ببكاء هستري: بنتي هتروح مني ، بنتي بتضيع ، حد يلحقها ، انجدها يا زياد، هتسيب بنتي تروح كده

-نايا: حبيبتي يا نور

-زياد: ألووو .. في حد معايا ع الخط

-سامح: اهدي يا مرات عمي

-معتز: محدش بيرد

-زياد: ماهو لو الكل يسكت هنقدر نسمع

-هدى بانهيار : بنتي هاتلي بنتي ، رجعهالي في حضني ، آآآآه يا بنتي

ثم سقطت هدى مغشية عليها على الأرض

-معتز: حماتي

-نايا: ماااااااامي

-سامح: مرات عمي

-فاروق: حوش يا ولد مرات عمك

ابتعد زياد عن الجميع ليحاول أن يستدل على أي شيء يساعده في ايجاد نور و…

-زياد: لو حد سامعني اتكلم

-هويدا : آآآ… ألوو

-زياد: سمعاني ، انتو فين ؟؟؟

-هويدا: آآآآ…

-زياد: حاولي قولي أي حاجة عشان نقدر نوصلكم

-هويدا: احــ..احنا في المخزن القديم

-زياد: مخزن ايه ؟؟

-هويدا: مــ…مخزن ايــ…ايهاب

ثم فجأة سمع زياد صوت صريخ حـــاد و…

-هويدا بصريخ : آآآآآآآآآآآآآآآآآآآآآآآآآآآآه

أمسك محروس بهويدا وهي تتحدث في الهاتف ثم ألقاه أرضاً وحطمه بقدمه و ..،،

-محروس: بتعملي ايه عندك يا بنت الـ**** ، هاتي اللي معاكي ده

-هويدا: آآآآه ، سيبني ، آآآآه

-نور: ابعد عنها

-محروس: والله لأدفنك مطرح ما أنتي اعدة

أمر محروس أفراد العصابة بالاعتداء بالضرب على جميع الفتيات وسحلهن

-محروس: علموا بنات التيت دول الأدب

-نور متآلمة : آآآآه

-نجلاء: كفااااااية ، حرااام ، أأأأه

-هويدا: آآآ..آآآه ، هتروحوا من…من ربنا فــ…فين

………………

في منزل عبد الرحمن فوزي ،،،،

-زياد: احنا لازم نتحرك فورا يا معتز

-معتز: طب احنا منعرفش هما فين

-زياد: البت قبل ما الاتصال يقطع قالت انهم في مخزن ايهاب القديم

-معتز: وده مكانه فين ؟؟؟

-سامح: أني جاي معاكو

-زياد: هي حفلة

-سامح: أني مش هسيب بت عمي وأجف أتفرج عليها

وفجأة رن هاتف زياد برقم حســام و…

-زياد هاتفيا: أيوه

-حسام: انتو فين ، القائد بيسأل عليكو

-زياد: نور اتخطفت يا حسام !!

-حسام: بتقول ايه

-زياد: ابن الكلب ايهاب خدها عنده ، وهيموتها في ظرف ساعة زمن ، وأنا لازم ألحقها

-حسام: طيب استنى هبلغ اللوا اسماعيل بالكلام ده

-زياد: مافيش وقت ، لازم نتحرك

-حسام: طب انت عارف هي فين ؟؟

-زياد: في مخزن ايهاب القديم

-حسام: مخزن !!!

-زياد: ايوه ، ولازم اتصرف و اعرف مكانه فين المخزن الزفت ده؟؟

-معتز بصوت مرتفع: بلغ حسام يا زياد ان الصفقة هتم قريب من المخزن ده

-حسام: يا زياد معتز بيقول ايه جمبك ؟؟؟

-زياد: الصفقة هتم قريب من المخزن

-حسام: كمان !! انا هبلغ القيادة فوراً يا زياد

-زياد : أنا جايلكم في السكة ولو وصلتوا لحاجة بلغوني فوراً

أنهى زياد المكالمة مع حسام وانطلق نحو سيارته ولحق به معتز و… سامح !!

-زياد بنرفزة: جاي ليه ؟؟

-سامح: أني رجلي على رجليكم ، مش هاسيبكم واصل ، ولو مرضيتش تركبني معاك هاخد عربية مخصوص وأحصيلكم

-معتز: خليك انت يا عم سامح مع حماتي

-سامح: بوي موجود فوج امعاهم

-زياد: يوووه ، طب اركب وخلصنا

توجه زياد بسيارته نحو مقر العمليات ، بينما حاول معتز الحصول على أي معلومات تخص مخزن ايهاب القديم

………..

في موقع العمليات ،،،،

-حسام: سيادة اللوا اسماعيل في أمر طارئ حصل !!!

-اللواء اسماعيل : في ايه ؟؟

-حسام: نور اتخطفت

-اللواء اسماعيل : نعم !! بتقول ايه ؟؟؟ ازاي ، وده حصل امتى وازاي ؟؟؟ وكنتوا فين لما ده حصل ؟؟ وعمر كان فين !!!!!

-حسام: أنا معرفش حصل امتى ، بس زياد عرف ان نور اتخطفت من المجرم ايهاب

-اللواء اسماعيل : كمان

-حسام مضيفاً: والعملية هتم قريب من المكان اللي اتخطفت فيه نور

-اللواء اسماعيل: فين المكان ده ؟؟؟؟

-حسام: بيقولوا مخزن ايهاب القديم

-اللواء اسماعيل بصوت مرتفع : حد يجيبلي بسرعة عنوان مخزن ايهاب القديم

كان الجميع يعمل على قدم وساق من أجل الوصول إلى أي معلومة ترتبط بمكان المخزن القديم الخاص بايهاب الملاح ، فقد كان هذا المخزن مهجوراً لسنوات ، ولا يعلم عنه أحد أي شيء

-وليد مع نفسه : أنا فاكر ان ايهاب ده مكنش عنده مخزن ، ايوه أنا كذا مرة قريت ملف ايهاب ومكنش فيه معلومات عن مخزن خالص عنده ، افتكر يا وليد ركز يا وليد ، ايهاب ده كان عنده ايه ، ها ركز يا وليد ،ايوه كان عنده حاجة قديمة وخربانة كده وكان محتفظ بيها، ايوه ايوه افتكرت ، بيت عيلته القديم

-وليد بصوت مرتفع : أنا عرفت المكان فين

-حسام: فين ؟؟؟؟؟

-وليد: ايهاب الملاح مكنش عنده مخزن أصلاً تبعه ، بس هو كان عنده بيت عيلته

-حسام: ايه ؟؟

-اللواء اسماعيل: بيت عيلته !

-وليد: أيوه كان من ضمن المعلومات اللي عندنا عن ايهاب الملاح ان من أملاكه بيت قديم وواقع في حتة مقطوعة عند الـ ((….))

-حسام: جايز تكون هي

-اللواء اسماعيل : وجايز لأ

-حسام: طب هنعمل ايه يا فندم؟

-اللواء اسماعيل : جزء من القوات هيتحرك ع البيت المهجور ، والباقي هيتحرك ع المكان اللي المفروض هتم فيه الصفقة

-حسام: تمام يا فندم

وبالفعل تم تقسيم فرقة العمليات إلى مجموعتين ، أحدهما ستتجه نحو منزل ايهاب الملاح القديم ، والأخري ستتوجه نحو المنطقة التي من المفترض أن تتم بها صفقة السلاح ….

ذهب وليد وحسام مع المجموعة الأولى المتوجهة لبيت ايهاب الملاح القديم ، ثم قام حسام بالاتصال بزياد ليبلغه بما وصلوا إليه …

-حسام هاتفياً : الوو ، ايوه يا زياد ، انت فين دلوقتي

-زياد: أنا جاي عندكو ، ها عرفت حاجة ؟؟؟

-حسام: ايوه ، احنا شاكين ان نور تكون موجودة في بيت ايهاب الملاح القديم

-زياد: وده مكانه فيه ؟؟؟

-حسام : عند الـ ((…… )))

-زياد: أنا هسبقكم على هناك

-حسام: متتهوريش يا زياد استنا….. ، الوووو ، الوووو ، يا زيااااااااد

أغلق زياد الهاتف دون أن ينتظر أي رد من حسام وتوجه على الفور حيث عنوان منزل ايهاب الملاح القديم ….

-معتز: ها عرفت هما فين ؟؟

-زياد وهو يقود السيارة بسرعة جنونية : حسام بيقول عند بيت الزفت ده القديم

-معتز: تمام ، واحنا رايحين عنده ، صح ؟؟

-زياد: ايوه

-سامح: ربنا يستر ونلحجهم جبل ما حد يعمل فيهم حاجة إكده ولا إكده

-معتز: يا رب

…………..

عند المخزن القديم ،،،،،

كان ايهاب الملاح يتحدث مع بعض الأشخاص ذوي الوجوه الغريبة ويفحصون احد الحقائب السوداء الكبيرة و …

-ايهاب وهو يفحص محتويات الحقيبة : مممم، تمام

-مستر جوو: ها كله تمام ؟

-ايهاب: ايوه

-مستر جوو: بدنا نعرف هناخد المصاري امتى ؟؟؟

-ايهاب بصوت مرتفع : ثواني ، بهجــــــــــــــت !!

-بهجت: أوامرك يا ايهاب باشا

-ايهاب: هات شنطة الفلوس من عندك

-بهجت: حاضر

-مستر جوو: احنا مبسوطين اكتير بالتعامل معك مستر ايهاب ، وبدنا نكرر ده تاني

-ايهاب: أكيد ، بس خليكوا حنينين شوية لأحسن ايديكم حراقة اوي في الفلوس

-مستر جوو : بس بتاخد بضاعة مليحة ولا شو ؟

-ايهاب: الحق يتقال بضاعة نمبر 1

-مستر جوو: اييه

-ايهاب: طيب اتفضل معايا انت ورجالتك ع المخزن عشان تاخد بقية حسابك

-مستر جوو: وليش ما بناخده هنا خيي

-ايهاب: مش عاوز نعمل معاك الواجب ولا ايه يا مستر جوو

-مستر جوو: باللاه مافي داعي

-ايهاب: لا مايصحش ، اتفضلوا اتفضلوا

ثم تحدث ايهاب مع بهجت بصوت منخفض و…

-ايهاب: جهزت كل حاجة زي ما وصيتك

-بهجت: تمام يا باشا ، كله تحت السيطرة

-ايهاب : حلو أوي ، كده احنا هنبقى في السليم ، ومتنساش عاوز الحفلة تولع بكله

-بهجت وهو يشير على الجماعة الغريبة: كله كله !!!

-ايهاب: كله فاهمني ، عايزها نار حامية

-بهجت: اعتبرها ولعت

-ايهاب بخبث: عظيم أوي

كان ايهاب الملاح ينتوي التخلص من العملاء بالاضافة إلى نور ورفاقها في المخزن القديم حتى لا يكون هناك أي دليل على قيامه بأي عمليات تجارة سلاح

……..

في داخل المخزن ،،،

كان عمر يحاول أن يتحرر من وثاقه و…

-عمر في نفسه : آآآه ، والله ما هسيبكم يا ولاد الكلب ، اعرف بس افك نفسي وهولع فيكو كلكو

-أحد الأشخاص : الباشا باعت يقول نلم العميز على جمب عشان هنبدأ الحفلة

-شخص أخر: اشطااااا

-شخص ثالث: يالا أوام ، هاتوا الخروف اللي هناك ده

اقترب أحد الأشخاص من عمر الذي أدعى انه فاقد للوعي وما إن حل وثاقه حتى هجم عليه عمر وضربه ضرباً شديداً ، فهجم الشخصين الأخرين عليه محاولين تقييده ….

في تلك الأثناء كان زياد قد وصل للمكان و…

-زياد: أكييد هو ده المكان

-معتز: مش عارف

-زياد: قلبي بيقولي ان نور هنا

-سامح: احنا نطل ع اللي مكان ونشوفوه

-زياد: ما أنا هعمل كده

-معتز: طب هدي السرعة

-زياد: احنا أصلا هننزل هنا ، لأن لو حد من عصابة الكلب ده لمحونا ممكن يعملوا في نور واللي معاها حاجة

-معتز: تمام

-زياد: وانت يا سامح ، اوعى تعمل حس

-سامح: ماشي ، اطمنوا

ترجل زياد من السيارة بعد أن ركنها في مكان قريب من المخزن وتحرك بحذر ومعه معتز وسامح

-زياد: انا هنلف من هنا ، وانت يا معتز خد معاك سامح ولف من هناك

-معتز: طب ما تخد الرزل معاك

-زياد: ده وقتك

-معتز: طيب ماتتعصبش ، يالا يا عم سامح

تحرك الجميع بحذر تجاه المنزل القديم ، وبالفعل سمعوا أصوات لشخص ما يآن من الآلم و…

-عمر : آآآه ، انتو..آآآه… شوية أوســ**

-أحد الأشخاص: اضربه تاني ، ده لسه فيه نفس

-شخص ثاني : وماله … طراااااااااااااااخ

-محروس: بقولكم ايه أنا داخل جوا شوية ، وكملوا انتو

-شخص ما: هنياله

-محروس: انت عارفني أحب أدوق الحلويات

دلف محروس للغرفة الداخلية حيث توجد الفتيات وتحرك تجاه نور التي تراجعت للخلف خوفاً منه ، فأمسكها من شعر رأسها وجذبها بشدة إليه وحاول الاعتداء عليها و…

-محروس وهو يتجه ناحية نور : كويس انك لسه فايقة

-نور وهي تتراجع للخلف : انت…انت

-محروس: ده أنا جايلك مخصوص

-نور بفزع : ابعد عني

-محروس وقد جذبها من شعرها: أبعد ، ده انا مش هاسيبك إلا لما أخد منك اللي أنا عاوزه

-نور متآلمة : آآآآآآآآآآه ، سيبني ، آآآآآآآآآه الحقوووني

-محروس: صرخي للصبح ، محدش هينجدك هنا ، انتي في مكان مافهوش صريخ ابن يومين

-نور وهي تقاومه: آآآآآه ، ابعد يا حيوان

وما إن سمع زياد صوت صرخات نور حتى هجم على من بالداخل ، ولحق معتز وسامح به ، أمسك زياد بالشخص الذي يكيل لعمر الضربات وانهال عليه بجسده فطرحه أرضاً ، وتكفل معتز وسامح بالباقين ، ثم دخل زياد إلى الغرفة الجانبية وما إن رأى نور تحاول الافلات من براثن محروس حتى هجم عليه وفتك به

-زياد بعصبية : نووووووووووووووووور

-محروس وقد انتبه للصوت هـــه

-زياد: والله لأدفنك هنا .. طراااااااااخ ، بوووووم

……..

وفي نفس الوقت تقريباً بالخارج ،،،

كانت المجموعة الأولى قد وصلت للمكان ، ولمح حسام سيارة زياد و..

-حسام: دي عربية زياد

-وليد: يبقى هو هنا ، الكل يجهز

-الجميع: تمام يا فندم

-حسام: القوات تنتشر وتتوزع ع حسب الخطة الموضوعة

-أحد أفراد القوة: تمام يا فندم

بالفعل أحاطت القوات بالمنطقة المحيطة بالمنزل القديم ، ولحسن الحظ كان يظهر أمامهم في مجال الرؤية بالنظرات المكبرة أفراد العصابة وهم يقتربون منهم

-حسام: الكل ياخد وضع الاستعداد

-أحد رجال الأمن وهو يشير للباقي : استعد

-وليد: احنا جاهزين للهجوم

-حسام: استنى لحد ما يدخلوا البيت ، وهنهجم عليهم من كل جهة

-وليد: تمام

وما إن وطأ أفراد العصابة لداخل المنزل القديم حتى أعطى حسام اشارة الهجوم للفرقة وبدأت عملية الاقتحام

……

في الداخل ،،،،

-زياد وهو يخنق محروس : يا كلب ، يا واطي بتتجرأ وتلمس مراتي

-محروس وهو يكاد يختنق : آآآآآه ، آآآآ…

-معتز وقد دلف للداخل: سيبوه يا زياد

-زياد: مش هسيبه إلا ميت

-معتز وقد خبط محروس على رأسه: متضيعش نفسك

-زياد: ده كلب مالوش دية

-معتز : هاته أنا هتعامل معاه ، وشوف انت نور

كانت نور تجلس على الأرض في حالة إعياء شديد ، أحاط زياد نور بذراعيه واحتضنها و…

-زياد : نووور حبيبتي ، نووور

-نور متآلمة : آآآه

-زياد: اطمني يا نور ، انتي في حضني الوقتي

-نور: كنت..كنت واثقة انك هتوصللي

-زياد: مافيش حاجة تقدر تبعدني عنك

-نور: الحق بس البنات جوا ، و…آآآ وعمر

-زياد: اطمني

-سامح: بت عمي انتي كويسة

-نور بدهشة : ايـ.. ايه ده ؟؟ سامح ؟؟

-سامح: انتي بخير ، فين واد الحرام ده اللي عمل فيكي اكده وأني أجطعه بسناني

-معتز: خلاص أنا كيفته

-سامح: لأ أني هخلص عليه

-معتز: استنى بس

-زياد: شوفوا البنات فين

-معتز: أه صح ، نجلاااااااااااااااء

-سامح باستغراب : نجلاء !! هي اهنه

-معتز: ايوه ، دور معايا عليها

بحث معتز وسامح عن نجلاء وهويدا ، وبالفعل وجدوهما في الداخل ملقتين على الأرض

-معتز بصوت مرتفع : نجلااااااااااااء

-نجلاء متآلمة : آآآآه ، الحقني يا معتز

-سامح: نجلاء ، انتي كويسة

-نجلاء بدهشة : بلديتنا !! انت بتعمل ايه هنا

-سامح: جولتلك جبل اكده أني اسمي سامح مش بلديتنا

-معتز: وده وقت تعارف ، خلونا نمشي من هنا

-نجلاء: شوف بس البنت اللي هناك دي

-معتز: فين

لمح معتز هويدا الراقدة على الأرض وهي في حالة يرثى لها و…

-معتز: اطمني كل حاجة هتبقى كويسة

-هويدا: آآآه ، أنا..أنا حاسة اني .. آآآآ

-معتز: متكلميش ، الاسعاف هيجي وهتبقي بخير

-هويدا: آآآه

………

-زياد وهو يحمل نور : اطمني يا نور ، ان شاء الله هتبقي كويسة

-نور: اها

حمل زياد نور وتوجه بها إلى خارج الغرفة فتفاجيء بوجود ايهاب الملاح وأفراد عصابته وبعض الأشخاص الغرباء و…

-ايهاب: أهلاااااااا بسعادت الرائد

-زياد: انت يا كلب

-ايهاب: كويس انك موجود عشان الليلة تكمل

-زياد: انت مفكر انك هتفلت باللي عملته ، يبقى انت متعرفش مين الرائد زياد

-ايهاب: ده انا هفلت وهسافر وهطلع من الحكاية دي كلها زي الشعرة من العجينة

-زياد: مش هتلحق

-ايهاب بصوت مرتفع : بهـــــــــــــــــجت

-بهجت: اوامرك

-ايهاب: عاوزين نحتفل بالضيوف

-بهجت: علم يا باشا

أمر بهجت أفراد العصابة بالامساك بالعملاء وطرحهم أرضاً وإلقاء البنزين فوقهم ، ثم هجم بعض الأفراد على زياد و…

-نور بفزع: حاسب يا زياااااد

-زياد: متخافيش

أنزل زياد نور ، وقام بالاشتباك مع أفراد العصابة الذين تكاثروا عليه وانهالوا عليه باللكمات والضربات

-نور : لألألألألأ ، سيبوه

-ايهاب بفرحة : يااااااااه ، كنت مستني اللحظة دي من زمان

في نفس الوقت لمح معتز وسامح ما يحدث في الخارج فأمر سامح بالاختباء هو ونجلاء وهويدا ، ثم أسرع معتز باخراج سلاحه وصوب تجاه أحد أفراد العصابة القريبين منه وقنصه

-معتز: خش جوا يا سامح ، وخلي بالك من البنات

-سامح: لأ أني هستنى معاك

-معتز: اعمل اللي قولتلك عليه ، ومتخليش حد يقرب من نجلاء أو البنت التانية

-سامح: ماشي

-معتز في نفسه وهو يصوب ناحية أحد الأشخاص: تعالالي يا حلو ، ده انت جيت في ملعبي .. ( بيووو )

وبدأ اطلاق النيران في الداخل ، وحينما سمع حسام بصوت اطلاقق النيران حتى أمر بالتدخل الفوري والتعامل المباشر مع المجرمين

استطاعت قوات العمليات الخاصة بكل مهارة أن تقتحم المنزل القديم الذي كان أشبه بمخزن فيه أشياء متهالكة كثيرة وقاموا بتحرير الجميع والقاء القبض على جميع أفراد العصابة

حضرت سيارات الاسعاف إلى المكان ونقلت كلاً من عمر وهويدا إلى المستشفى ، بينما تم اسعاف نور ونجلاء وزياد في نفس مكانهم ، ثم حضر اللواء اسماعيل للمكان ومعه المجموعة الثانية و…

-اللواء اسماعيل: حمدلله ع السلامة يا نور

-نور: الله يسلمك يا فندم

-اللواء اسماعيل: حمدلله ع سلامتك يا سيادة الرائد وعلى سلامة المدام

-زياد: الله يسلمك يا سيادة اللوا

-اللواء اسماعيل: أنا من الأول كان عندي حق اني اعتمد على رجالة يخلصولي المهام الصعبة ، وكان اختياري لنور في محله

-نور: شكراً يا فندم

-زياد: أنا معملتش غير الواجب يا باشا

-معتز: على فكرة أنا كنت معاهم والله

-اللواء اسماعيل : ههههههههه ، اطمن هعمل حسابك في المكافأة

-معتز: ان كان كده ، فأنا موافق يا فندم

-اللواء اسماعيل : طيب هسيبكوا وهشوف أنا باقي الاجراءات ، ومرة تانية حمدلله ع السلامة

-زياد: اتفضل يا فندم ، والله يسلمك يا رب

-نور: شكراً يا فندم ، اتفضل حضرتك

-معتز: حمدلله على سلامتك يا نور

-نور: شكراً يا معتز

-معتز: شدي حيلك بقى عشان ورانا لسه فرح

-نور: معتقدش انه هيتعمل دلوقتي

-معتز: لأ بقى ، ده أنا أفجرلكم المكان باللي فيه

-زياد: أصبر بس علينا نفوق م اللي احنا فيه

-معتز: طيب

-نور: اومال فين نجلاء والبنت التانية ؟؟؟

-معتز: نجلاء يا ستي أعدة مع الرزل

-نور: الرزل !!

-معتز: أقصد قريبكم اللي ما يتسمى

-نور بدهشة : سامح

-معتز: تخيلي !!!

-نور: لأ مش معقول

-معتز: ربك لما يريد بيدي العبيط

-نور : هههههههههههههههه

-زياد: ملكش حل ههههههههههههههه

-نور: طب والبنت التانية ؟؟

-معتز: اتنقلت ع المستشفى

-نور: طب وده ايه اللي جابها معانا

-حسام متدخلاً في الحوار: أصلها اللي كانت بتمد الادارة بمعلومات عن ايهاب الملاح

-نور : ايه ؟؟

-حسام: ايوه ، كانت متجوزة من ايهاب الملاح عرفي ولما رفض انه يتجوزها رسمي حبت تنتقم منه وتعاونت مع الادارة عندنا

-نور: هو في واحدة ممكن تعمل كده

-حسام: ماتستبعديش أي حاجة

-نور: جايز برضوه

-وليد من بعيد : الحمدلله يا جماعة ،عمر هيبقى كويس ، هو صحيح مافيش فيه حتة سليمة بس ان شاء الله هيبقى كويس

-نور: الحمدلله

-حسام: والله الواحد ما كان يتخيل ان عمر يطلع جدع كده

-نور: فعلاً ، ده كان هيموت نفسه عشاني

-زياد: خفي الله يكرمك

-نور: الله ، هو انا قولت حاجة غلط

-زياد: لأ ، بس ارحميني وراعيني شوية

-نور: ده أنا غلبانة وطيوبة

-زياد: يا شيخة ، اومال مين اللي مطلعة عيني وأنا ساكتلها دي ، تبقى أمي مثلاً ؟؟

-نور: أنا مش هتكلم معاك دلوقتي لأني مدشدشة ، استناني أما أفوقلك

-زياد: ياما نفسي تبلي ريقي بكلمة حلوة

-نور: مش هنا

-زياد: أومال فين ؟؟

-نور: أقولك ولا تزعلش !!!

-زياد: مممم.. بقى كده ، طيب !!! بصوا أنا أجازة ومحدش يكلمني لمدة يومين

-حسام: نعم

-معتز: براحتك

-نور: مابتصدق !

تحامل زياد على نفسه وقام من مكانه وحمل نور على كتفه و…

-زياد وهو يحمل نور: يا قوي يااااا رب

-نور: انت بتعمل ايه ، نزلني !!

-زياد: لأ

-نور: استنى بس ، اسمعني طيب

-زياد: لأ

توجه زياد بنور إلى سيارته ثم فتح لها الباب الأمامي وأنزلها ، وانطلق بالسيارة نحو منزلهم و…

-نور: انت رايح فين ، ميصحش كده

-زياد وهو يفتح لها الباب : ششششش

-نور: اسمع بس

-زياد: احنا حسابنا لوحدنا في بيتنا ، مش قصاد الناس

-نور: مينفعش اللي انت بتعمله ده

-زياد: لأ ينفع ونص وتلاتربع وكيلو بحـــــاله كمان

………….

كانت نجلاء تتلقى العلاج ويجلس بجوارها سامح لكي يطمئن عليها ….

-سامح: انتي كويسة دلوجيت

-نجلاء: ايوه

-سامح: في حاجة بتوجعك

-نجلاء: أه، جسمي كله

-سامح: سلامتك يا جمر ، يا عسلية

-نجلاء: ميرسي

-سامح: طيب مش عاوزة حاجة أعملهالك

-نجلاء: لأ

-سامح: متأكدة

-نجلاء : شوور

-سامح: بتجولي ايه ده ؟؟؟

-نجلاء: بقولك شوور يعني أيوه

-سامح: ما أني عارف بس بناكف فيكي

-نجلاء: اييييه

-سامح: بجولك أني ..أني …

-نجلاء: انت ايه ؟؟

-سامح: أني .. أني

-نجلاء: يووه انت علقت

-سامح: أني هاجيب أبوي الحاج ونجي نشربوا الشربات حداكو

-نجلاء : ليه ؟؟؟ معندكوش في بلدكم شربات ؟؟

-سامح: باين عليكي مخي اتخين

-نجلاء: لأ اقف عوج واتكلم عدل

-سامح: ده أني هاجول كلام انما اييييييه ، بس كله بحلال ربنا!

-نجلاء : هه

-سامح: ايه رأيك يا عروسة ؟؟

-نجلاء بخجل : ايه ده أنا عروسة

-سامح: وست العرايس كمان

ابتسمت نجلاء ببلاهة مما أثارت اعجاب سامح

-نجلاء في نفسها :عريس يا أماااااااااااااي !!

-سامح في نفسه : يا بووووووي ع الحلاوة

-معتز بصوت مرتفع: آنجلاااااااء ، يالا بقى ولا هنقضيها كده للصبح

-نجلاء: طيب جاية أهوو ، مستعجل على ايه

-معتز: هو أحنا أعدين في كارفور ، اومال لو مكوناش طالعين من أم خطف واشتباك

-نجلاء لسامح: احم.. عن اذنك

-سامح: اتفضلي يا لهطت الجشطة

-معتز بصوت هامس : ماهو العجل هد المصطبة خلاص !! أرزاااااق

……………

توجه معتز إلى منزل نايا ليطمئن على أحوال والدتها ويطمئنها على نور بعد أن أوصل نجلاء للفيلا ، ضرب معتز جرس الباب ثم فتحت له نايا و …

-معتز: حبيبة الحتة اللي في الشمال

-نايا بخوف: اختي نور جرالها ايييه ، اوعى تخبي عليا ، انطق قول

-معتز: طب مافيش حمدلله ع السلامة ، منور يا ميزوو

-نايا : انطق اختي فين ؟؟؟

-معتز : مش هاقول غير لما تضحكي الأول

-نايا: يووووه ، حرام عليك

وبدأت نايا في البكاء مما دفع معتز لـ…

-معتز: اهدي يا نايا ، نور بخير والله ومع زياد دلوقتي في بيتهم

-نايا وقد وضعت يديها على ذراعي معتز: انت بتكلم جد ؟؟

-معتز وهو ينظر لما فعل: ايييه اللي عملتيه ده ؟؟

-نايا بخجل بعد أن أبعدت يديها : أسفة والله ، أنا مقصدتش ، دي طلعت تلقائي

-معتز: لأ حطي ايدك تاني ، والنعمة ماهي راجعة

-نايا: بليز بقى

-معتز: طيب نديلي حماتي عشان اطمنها

-نايا: على طووووول

دخلت نايا لغرفة والدتها لتطمئنها هي ونائل على أختها نور ، بينما وقف معتز يغني وهو سعيد بما حدث و..

-معتز : حط ايده يا ، على كتفي ياااا ♫

-نايا: مامي ، يااااا مامي ، نور الحمدلله رجعت وبخير

-هدى: الف حمد وشكر ليك يااااا رب

-نائل: الله اكبر

-نايا: الحمدلله يا مامي ، معتز واقف بره وجاي يطمنا عليها

-هدى: طب هي فين ؟؟؟ أنا طالعة شوفها

-نايا: هي مع زياد دلوقتي في بيتهم

-هدى: الحمدلله يا رب الحمد لله ، أنا هطلبها أطمن عليها

-نايا: ماشي يا مامي

طلبت هدى رقم زياد للاطمئنان على نور ابنتها التي كانت في الطريق إلى منزلها مع زوجها زياد و…

-زياد: دي أمك بتتصل أهي ، أكيييييد معتز بلغها

-نور: طب هات الموبايل أرد عليها

-زياد بغمزة : تؤ

-نور: هاته بقى ماتبقاش بايخ

-زياد: مش قبل ما تبوسيني هنا ( وأشار إلى خده )

-نور: يوووه

-زياد: خلاص براحتك

-نور مستسلمة : طيب

اقتربت نور لتقبل زياد من وجنته ، فأدار وجهه وقبلها من شفتيها مما أخجلها بشدة و…

-نور بدهشة : ايه اللي عملته ده

-زياد بفرحة : وضحكت عليكي

-نور: ياباي بقى

-زياد: خدي الموبايل يا نور حياتي

تحدث نور مع والدتها وطمئنتها على أحوالها ، وما إن انتهت من المكالمة حتى وصل زياد بها إلى شقتهم و…

-زياد: يالا يا عروسة

-نور: يالا فين ؟؟؟

-زياد: عشان تنوري بيتنا

-نور: آآآآ…

-زياد: ها تحبي أشيلك ، بس أنا كده هيجلي غضروف

-نور: لأ انا لسه بصحتي ، أقدر أطلع لوحدي

-زياد: الحمدلله

صعد زياد مع زوجته إلى شقتهم ودلفوا إلى الداخل و…

-زياد وهو يخلع قميصه : واخيراااااااااااااا

-نور : ايييه .. آآآآآ… في ايه ؟؟؟؟

-زياد: يااااااه ، ده أنا طلع أيماني عشان أوصل للمرحلة دي

-نور بتردد : مـــ…مرحلة آآآ.. ايه

-زياد بخبث: مرحلة القميص

-نور: هـــه

-زياد وقد أخذ يقترب منها : مش ناوية بقى

-نور وهي تتراجع للخلف : هه ، ناوية على ايه ؟؟؟

-زياد وهو مستمر ف الاقتراب : نكتب برقية شكر للوزرا

-نور: نعم ؟؟

-زياد وقد حاصرها : ده أنا عاوز أشكر كل وزير على حدا

-نور: آآآ…

-زياد وقد بدأ في تقبيلها : أنا هشكره من هنا ، ومن هنا ، ومن هنا و..و….

-نور: لــ..لو ..سمحت آآآآ…

-زياد: لو سمحت ايه بس ، تعالي بقى جوا نشكر رئيس الوزرا براحتنا

ثم حملها بين ذراعيه ودلفا سوياً لداخل غرفة النوم ليبدئا سوياً حياتهما الزوجية وينعما بالسعادة التي كانت في انتظارهما و…

-زياد وهو يحملها : ودي أهم برقية لازم تتكتب بتأني شديد

-نور بدلع: ليه يعني

-زياد: أصلها هتتعرض على رئيس الجمهورية وهتاخد ختم النسر

-نور: يا سلام

-زياد بخبث : انتي حاطة الكلابشات والكاب فين ؟؟؟

-نور: هاااا !!!!

-زياد بلؤم : أنا بطمن بس عشان مش هنحتاجهم خااااااااااالص

……………….

بعد مرور عدة أيام ،،،،

في إحدى قاعات الأفراح الكبيرة الملحقة بأشهر الفنادق ، كانت هناك حفلتي عقد قران مقامتين في نفس المكان لكلاً من معتز ونايا ، وحسام وريم…

كان العريسين ينتظران نزول العروستين من غرفتيهما ليبدأ الحفل ..

-معتز : ايوه يا عم حسام ، ماصدقت أكتب كتابي عشان تلزق فيا

-حسام: حبيبي يا ميزووو ، أنا قولت برضوه ماينفعش اسيبك لوحدك في اليوم ده

-معتز: ولا تلاقيك قولت أما أوفر حق الفرح وأسلبط ع معتز

-حسام: متقولش كده يا ميزووو ، هو أنا برضوه بتاع الحاجات دي

-معتز: ده انت أبو كده وأم كده وعيلة كده كلها

-حسام: هههههههههههههههه

ثم علا صوت الزغاريط في أرجاء المكان ، ونزلت كلتا العروستين على الدرج بصحبة الحاج فاروق و الأستاذ وجدي ، ونزلت خلفهم نور ومعها والدتها وأخيها الصغير نائل …

-معتز: اللهم صلي ع النبي ، قمرررررر يا خواتي

-حسام: تبارك الخلاق

بينما وقفت نجلاء بجوار سامح يتحدثان سويا و…

-سامح: عجبالنا ان شاء الله

-نجلاء: ان شاء الله

-سامح: عن جريب ان شاء الله ، أني اتكلمت مع بوي الحاج ، وان شاء الله هناجي نجروا الفاتحة بعد يامين حداكم

-نجلاء بخجل : لالالا ، اتكلم في الحاجات دي مع انكل ابراهيم أو ماما

-سامح: أني بعرفك بس ، وزمانت أبوي بيفاتح عمك

-نجلاء بفرحة: بجد !!!!

-سامح: طبعاااااا

………

لمح زياد نور وهي تقف بالقرب من أختها وهي في قمة جمالها ، فذهب اليها و…

-زياد لنور برومانسية : حبيبة قلبي ، مافيش اجمل منك هنا

-نور: لأ طبعا ، العرايس زي القمر يا زياد ولا أنت مش شايفهم

-زياد : لأ أنا مش شايف حد إلا انتي ، هما جمبك صفر ع الشمال

-نور بخجل: بلاش بقى لأحسن أتغر في نفسي

-زياد: طب مش هتيجي

-نور : أجي فين ؟؟؟

-زياد: عشان نلعب

-نور: نلعب ايه ؟؟؟

-زياد ببراءة : عريس وعروسة

-نور وهي تلكزه في كتفه: عييييييب

-زياد: آآآآي ، ايدك بقت تقيلة أوي عليا ، وبعدين هو ايه بس اللي عيب ، دي لعبة ، ايش فهمك انتي بس !!!

-نور: يا سلام

-زياد بثقة : ااااااه، طبعااااا

-نور: تؤ

قرر زياد أن يأخذ زوجته نور وينسحب من الفرح دون أن يدري بهما أي أحد ويذهبا إلى ….

-زياد وهو يسحبها من يدها : تعالي بس ، عاوزين نأشر ع البرقية بالموافقة

-نور: يا زياد استنى بس ، مينفعش نسيب الفرح كده

-زياد: يا بنتي مش هنسيبوه ، احنا موجودين برضوه ، بس فوق

-نور: فوق فين ؟؟

-زياد: أنا حجزتلنا جناح في الفندق هنا

-نور باستغراب: جناح !!!

-زياد: طبعااااااا ، ده اجتماع مجلس وزراء ، يدووووب نلحق نكتب البرقيات كلها .. !!

تمت بحمد لله

اقرأ ايضا روايات كاملة من هنا