رواية أنيسي بقلم شهد فرج | كاملة

انتِ بتطردي بنتك من بيتها وبيت وبباها عشان ابن جوزك النطع ده..!! كيان أنا ما طردتكيش، كل الحكاية إن الجيران كلت وشي بسبب وجودك انتِ ومراد في بيت واحد. ابتسمت بسخرية: ف تقوم طاردة صاحبة البيت عشان ابن المحروس جوزك.. شايفة آخرة دلعك في بنتك يا ثريا؟ اهي بقت تعلي صوتها عليكِ وتغلط فيا كمان. قرمت ماما من الكنبة اللي قاعد عليها فتحي جوزها وهي بتبصلي بعصبية: حقك عليا يا أخويا، هي صغيرة ومش فاهمة وهتعتذر منك دلوقتي. سكتت ووجهت أنظارها عليا وأنا واقفة أراقبهم في صمت. ف اتكلمت هي بأمر: اعتذري من أبوكي يا كيان. ضحكت وأنا مش مصدقة وصلت بيها تفكيرها لفين، بتطردني من بيتي وكمان عاوزاني أعتذر!! انتوا مستكترين عليا الفرفرة وأنتم دابحيني…!! إيه الدراما دي؟ كل ده عشان بقولك تروحي تسكني عند خالتك لأن مش هينفع وجودك انتِ ومراد في بيت واحد..؟! انتِ بجد مقتنعة إنك صح.. يعني ضميرك ده أو الإحساس الأمومي اللي بسمع عنه...