رواية اوراق التوت بقلم ريتاج محمد | كاملة
قيّم الرواية:
لا توجد تقييمات بعد
من أحداث الرواية
كانت واقفة في البلكونة باصة للسما وكاتمة دموعها اللي بقالها كتير حبساها واللي مقدرتش تبوح بيه وقت العزا أو الدفنة حتى. فجأة غمضت عينيها وسابت دموعها تنزل وبدأت تشهق وقعدت عالأرض وهي بتتخيل هتعمل إيه من غير مامتها. هتعمل إيه بعد ما راحت، هتعيش إزاي؟ ومع مين؟ الوقت غلبها ومحستش بيه ونامت على نفسها من كتر العياط. بعد وقت دخلت ريم البلكونة وشافتها نايمة على نفسها. راحت لها وهي بتهزها براحة عشان تقومها تنيمها جوه. سلسبيل بخفوت ونوم: إيه يا ماما، حاضر هقوم شوية بس. ريم بصت لها بحزن ورجعت تهزها تاني وهي بتقول بصوت عالي: يا سلسبيل اصحي يا حبيبتي. سلسبيل صحت وبصت لها بنوم: ريم! عايزة إيه؟ ريم بحب: قومي معايا ندخل ننام جوه. سلسبيل بنوم: لا أنا مستنية مام... مكملتش جملتها وهي بتفتح عينيها بعد ما فوقت واستوعبت. بعدين قامت بهدوء ودخلت أوضة مامتها ونامت عالسرير وهي بتحضن مخدتها وبتنام ودمعتها على خدها. لقت ريم دخلت عليها...
