رواية ما بعد العداوة بقلم زينب محروس | كاملة

كان وقت صلاة الظهر، فقربت من المسجد وفي إيدها طفل عنده حوالي تمن سنين، وطلبت منه يدخل الجامع. الطفل بدأ يعيط وهي كانت بعدت عن المسجد شوية، لكنها وقفت لما سمعت صوت جهوري بينادي عليها: – اقفي مكانك يا ست. التفتت وهي بتشاور على نفسها باستغراب: – بتكلمني أنا! شاور على الطفل اللي في إيده وقال: – مش سامعة صوت ابنك اللي بيعيط!!! حركت ايدها ب "لأ" وقالت باستنكار: – لأ مش ابني، والله معرفوش. عروق رقبته وجبهته برزت، وبشرته البيضا احمرت، وقال بغضب: – من حظه السيء إنك أمه، اللي زيك متستاهلش كلمة أم أصلاً. رهف بغيظ: – حيلك حيلك يا أستاذ، بالراحة على عضلاتك شوية، قولتلك مش ابني، فلو قولت كلمة زيادة هتزعل مني، وأنا أحب أوي أزعل مني الناس اللي معرفهمش. سويلم ابتسم بسخرية وقال باستهزاء: – أنا يعني مستني إيه من واحدة، جاية ترمي ابنها وتمشي، حسبي الله ونعم الوكيل! اتكلمت بصدمة: – يا لهوي! هو...